\id 2SA 2 SAMUEL, Hiri Motu Bible, PNG, 1989 (5/90 ml) rl 5/92 \h 2 SAMUELA \toc1 2 SAMUELA \toc2 2 SAMUELA \mt1 2 SAMUELA \c 1 \s1 Davida ese Saulo ia mase sivaraina ia kamonai \p \v 1 Saulo ia mase murinai, Davida be Amaleka taudia alaia dekena amo ia giroa mai. Vadaeni Sikilaga hanua dekenai ia noho dina rua. \v 2 Dina ihatoina dekenai tau ta be Saulo ena kamepa dekena amo ia mai, iena dabua be ia darea, bona kahu be iena kwarana ena latanai ia atoa. Ia be Davida dekenai ia ginidae, vadaeni ia tui diho Davida ena vairanai. \p \v 3 Davida ese ia nanadaia, ia gwau, “Edeseni oi mai?” Ia haere, ia gwau, “Lau be Israela tuari taudia edia kamepa dekena amo lau heau vadaeni.” \p \v 4 Davida ese ia nanadaia, ia gwau, “Dahaka ia vara? Lau dekenai oi hamaoroa.” \p Ia haere, ia gwau, “Iseda tuari taudia be tuari dekena amo idia heau, bona idia momo idia moru, idia mase. Saulo mai iena natuna Ionatana danu idia mase vadaeni.” \p \v 5 Davida ese inai eregabe tauna, unai hereva ia gwauraia tauna, ma ia nanadaia, ia gwau, “Edena bamona oi diba Saulo bona Ionatana idia mase vadaeni?” \p \v 6 Eregabe tauna ia gwau, “Lau be Gileboa Ororo dekenai lau loaloa kava. Saulo be unuseni, iena io dekenai ia tabekau, bona kariota bona hosi dekenai guia taudia be ia dekenai kahirakahira idia ginidae. \v 7 Saulo ese lau ia itaia neganai, lau dekenai ia boiboi. Lau haere, lau gwau, ‘Lohia e, lau inai.’ \p \v 8 “Lau dekenai ia nanadaia, ia gwau, ‘Oi be daika?’ \p “Lau haere, lau gwau, ‘Amaleka tauna.’ \p \v 9 “Lau dekenai ia gwau, ‘Oi mai, lau badibadinai oi gini, bona oi ese lau oi alaia mase, badina be lau bero dikadika vadaeni, bona kahirakahira lau mase.’ \p \v 10 “Unai dainai ia dekenai lau lao, lau alaia mase, badina be lau diba ia be do ia moru neganai, ia mauri diba lasi. Vadaeni iena kwarana dekena amo iena korona lau abia, bona iena toea, iena imana dekena amo lau kokia, lau abia mai inai. Lauegu lohia e, idia be oiemu.” \p \v 11 Vadaeni Davida ese sibona iena dabua ia abia, ia darea, bona ia danu idia noho taudia unai bamona idia karaia. \v 12 Idia lalohisihisi bona idia taitai, bona idia aniani lasi, ela bona dina ia diho. Inai bamona idia karaia, Saulo bona iena natuna Ionatana, bona Lohiabada ena tuari taudia, bona Israela ena bese taudia dainai. Badina be unai taudia be tuari kaia dekena amo idia mase. \p \v 13 Vadaeni Davida ese unai sivarai ia mailaia tauna ma ia nanadaia, ia gwau, “Oi be edeseni oi mai?” \p Ia haere, ia gwau, “Lau be Amaleka tauna, to oiemu tano dekenai lau noho.” \p \v 14 Davida ia nanadaia lou, ia gwau, “Badina dahaka oi gari lasi, to oi ese Lohiabada ia abia hidi tauna oi alaia mase, a?” \p \v 15 Vadaeni Davida ese iena tuari tauna ta ia boiria, ia gwau, “Oi alaia mase!” Vadaeni ia alaia mase. \v 16 Davida ese Amaleka tauna ia hamaoroa, ia gwau, “Oi mase, be oiemu kerere sibona. Badina be oi sibona oi gwau, ‘Lohiabada ia abia hidi tauna lau alaia vadaeni.’ ” \s1 Davida ese Saulo bona Ionatana totona ia taitai \p \v 17 Vadaeni Davida ese Saulo mai ena natuna Ionatana dainai ia tai, bona iena lalohisihisi ane be inai: \v 18 Davida ia oda, Iuda taudia dekenai inai ane do idia hadibaia. Inai ane be buka ladana Iasara lalonai ia torea vadaeni. Ia gwau: \b \q1 \v 19 “Israela taudia e, \q1 emui gunalaia taudia be emui ororo dekenai idia mase. \q1 Goada taudia madi, idia moru diho vadaeni. \b \q1 \v 20 “Gata dekenai do umui gwauraia lasi. \q1 Asakelona tano dekenai do umui herevalaia lasi, \q1 Pilistia hahine do idia moale garina. \q1 Dirava diba lasi hahine taudia, \q1 be do idia moale bada garina. \b \q1 \v 21 “Umui Gileboa ena ororo e, \q1 paripari o medu, be emui latanai do idia diho lasi, \q1 bona emui tano ese anina do ia havaraia lou lasi. \q1 Badina be unuseni goada tauna ena kesi ia miro vadaeni. \q1 Saulo ena kesi be oela dekena amo, \q1 do idia dahua lou lasi. \q1 \v 22 Ionatana ena diba be peva amo ia pidia mai goada, \q1 bona mai gari lasi danu. \q1 Saulo ena tuari kaia be, \q1 tuari totona ia gaukaralaia kava lasi. \q1 Idia ese siahu taudia momo idia alaia. \q1 Idia ese dagedage taudia momo herea idia hamasea. \b \q1 \v 23 “Saulo bona Ionatana, mai edia lalokau, \q1 bona mai edia sivarai namo. \q1 Mauri lalonai, bona mase lalonai danu idia noho hebou. \q1 Ugava manu ena haraga be idia hereaia, \q1 laiona ena goada be idia hereaia. \b \q1 \v 24 “Israela ena hahine taudia e, \q1 Saulo totona do umui tai. \q1 Ia ese dabua kakakaka namodia umui dekenai ia henia. \q1 Bona golo herahera dekenai, \q1 emui dabua ia heraheralaia. \b \q1 \v 25 “Goada taudia madi idia mase, \q1 tuari lalonai madi idia moru. \q1 Ionatana be emui ororo ena ataiai dekenai, \q1 madi idia hamasea. \q1 \v 26 Lauegu tadina Ionatana e, \q1 lauegu lalona ia hisihisi bada herea oi dainai. \q1 Oi ese lau dekenai oi laloa namo, \q1 oi ese lau oi lalokau henia bada. \q1 Oiemu lalokau lau dekenai, \q1 be hahine dekenai lalokau henia ia hereaia. \b \q1 \v 27 “Goada taudia be madi idia moru, \q1 bona edia tuari gaudia be idia makohia vadaeni.” \c 2 \s1 Davida be Iuda ena king idia halaoa \p \v 1 Unai murinai Davida ese Lohiabada ia nanadaia, ia gwau, “Iuda hanua ta do lau abia bona biagua, o lasi?” \p Lohiabada ese ia haere, ia gwau, “Oi lao, ta oi abia.” \p Davida ia nanadaia lou, “Edena hanua?” \p Lohiabada ia gwau, “Heberona.” \p \v 2 Unai dainai Davida be Heberona dekenai ia lao, mai iena adavana ruaosi danu: Ahinoama, Ieserele hahine, bona Abigaila, Nabala, Karamele tauna ena vabu. \v 3 Bona Davida ese iena orea taudia ia hakaudia lao, idia ibounai mai edia famili taudia idia lao. Vadaeni Heberona hanua dekenai idia noho. \v 4 Vadaeni Iuda taudia be idia lao Heberona dekenai. Unuseni idia ese Davida ena kwarana dekenai olive dehoro idia bubua, Iuda ena king idia halaoa. \p Unai neganai idia ese Davida idia hamaoroa, idia gwau, “Iabese Gileada taudia ese Saulo idia guria.” \v 5 Vadaeni Davida ese hesiai taudia Iabese Gileada dekenai ia siaia, bona Davida ena hereva idia gwauraia, Davida ia gwau, “Lohiabada ese umui do ia hanamoa, badina be umui emui abidadama be emui biaguna Saulo dekenai umui hedinaraia, vadaeni umui guria. \v 6 Lohiabada ese iena bogahisihisi, bona iena durua umui dekenai do ia henia. Bona lau danu umui do lau hanamoa, unai kara umui karaia dainai. \v 7 Do umui goada, do umui boga auka. Emui king Saulo be ia mase, bona Iuda taudia ese edia king be lau idia halaoa vadaeni.” \s1 Isiboseta be Israela ena king idia halaoa \p \v 8 Unai neganai, Abinere, Nere ena natuna, Saulo ena tuari biaguna, ese Saulo ena natuna Isiboseta ia abia, Mahanaimi dekenai ia abia lao. \v 9 Unuseni Abinere ese Isiboseta king ia halaoa, inai tanodia dekenai: Gileada, Asuru, Ieserele, Eparaima bona Beniamina, bona Israela kahana ibounai. \p \v 10 Isiboseta Saulo ena mauri lagani be 40, Israela besena ia gunalaia hamatamaia neganai. Ia be lagani rua sibona ia king. \p To Iuda iduhu ese Davida idia badinaia. \v 11 Davida ese lagani 7 bona hua 6 Iuda iduhu ia gunalaia, Heberona hanua dekenai. \s1 Israela bona Iuda idia tuari \p \v 12 Abinere Nere, Isiboseta Saulo ena hesiai taudia danu, be Mahanaimi idia rakatania, Gibeona dekenai idia lao. \v 13 Vadaeni Ioaba Seruia, Davida ena hesiai taudia danu, be idia raka lao, Gibeona ena gohu maragina ena isena dekenai idia danu idia hedavari. \p \v 14 Abinere ese Ioaba ia hamaoroa, ia gwau, “Uhau taudia be do idia toreisi, iseda vairana dekenai do idia heatu helulu, ani?” \p Ioaba ia haere, ia gwau, “Namo, idia toreisi.” \p \v 15 Vadaeni idia toreisi, Beniamina bona Isiboseta Saulo edia uhau 12, bona Davida ena hesiai uhau taudia danu 12, bona idia tuari helulu. \p \v 16 Idia tuari helulu neganai, tau ta ta ese ia tuari henia tauna ena kwarana ia dogoatao, ma nega tamona unai tau ena ohena be kaia dekena amo ia gwadaia. Vadaeni uhau ibounai 24 idia moru diho nega tamona, idia mase hebou. Unai dainai unai gabu ena ladana idia atoa, “Tuari Kaia Ena Tano.” \p \v 17 Unai dina dekenai tuari auka herea be unai orea ruaosi edia huanai ia vara, bona Davida ena taudia ese Abinere bona Israela taudia idia halusia. \s1 Abinere ese Asahele ia alaia mase \p \v 18 Seruia ena natuna tau toi be unuseni, Ioaba, Abisai bona Asahele. Inai Asahele be heau haraga tauna, iena heau be uda dia ena heau bamona. \v 19 Vadaeni Asahele ese Abinere ia lulua, bona ia heau maoromaoro, idiba o lauri kahana dekenai ia siri lasi. \v 20 Abinere ese iena murinai iena matana ia negea, ia gwau, “Asahele e, unai be oi, a?” \p Asahele ia haere, ia gwau, “Inai be lau.” \p \v 21 Abinere ia gwau, “Lau dekenai do oi lulua mai lasi. Do oi siri, tuari tauna ta do oi lulua, do oi dogoatao, iena tuari gaudia do oi abia.” To Asahele ese Abinere ia lulua noho, ia siri lasi. \p \v 22 Vadaeni Abinere ese Asahele ia hereva henia lou, ia gwau, “Oi heau siri! Oi ura lau ese oi do lau alaia mase, a? Bema oi lau alaia, lau be oiemu kakana Ioaba ena vairanai do lau hemarai.” \p \v 23 To Asahele ese Abinere ia lulua noho. Unai dainai Abinere ese iena io matana dekena amo Asahele ena bogana ia gwadaia dobu, bona io matana be iena doruna dekena amo ia hedinarai. Vadaeni Asahele ia mase. Bona Asahele ia mase gabuna dekenai idia ginidae taudia ibounai be unuseni idia gini, idia itaia. \p \v 24 To Ioaba bona Abisai ese Abinere idia lulua noho. Dina ia diho neganai, idia be Ama Ororo dekenai idia ginidae. Unai ororo be Gia ena vairanai, Gibeona tano kaukau dekenai ia lao dalana dekenai. \p \v 25 Beniamina taudia idia haboua, Abinere ena murinai, orea tamona idia hebou, bona ororo ta ena ataiai idia gini noho. \v 26 Vadaeni Abinere ese Ioaba ia boiria, ia gwau, “Edena bamona? Inai tuari be do ia doko diba lasi, a? Oi diba lasi inai heatu be mai anina lasi, bona dokonai ena mamina be dika? Ai be oiemu varavara taudia. Edena negai oiemu orea taudia do oi oda henia, ai do idia lulua lasi?” \p \v 27 Vadaeni Ioaba ia gwau, “Ia mauri noho Dirava ena ladana dekenai lau hereva momokani, bema unai bamona oi hereva lasi, egu tuari taudia ese umui do idia lulua lao ela bona daba rere.” \v 28 Unai neganai Ioaba ese iena kibi ia hiriria, vadaeni iena tuari taudia ibounai idia gini, Israela lulua totona kara idia hadokoa, bona idia tuari lou lasi. \p \v 29 Vadaeni unai hanuaboi lalonai Abinere mai iena orea taudia ese unai gabu idia rakatania, Arabaha tano idia raka hanaia, Ioridane Sinavai idia hanaia, ma idia raka, ela bona kerukeru dina tubua neganai Mahanaimi dekenai idia ginidae. \p \v 30 Ioaba be Abinere lulua dekena amo ia doko neganai, ia ese iena tuari taudia ibounai ia haboua, bona ia davaria Davida ena taudia 19 sibona be lasi, bona Asahele danu. \v 31 To Davida ena taudia ese Beniamina taudia, Abinere ena taudia ibounai 360 idia alaia mase. \p \v 32 Vadaeni idia ese Asahele idia abia, iena tamana ena guria gabuna dekenai idia guria, Betelehema dekenai. Unai murinai hanuaboi lalonai idia raka lao, bona daba rere neganai Heberona dekenai idia ginidae. \c 3 \p \v 1 Saulo ena orea, bona Davida ena orea edia huanai, tuari be idia karaia noho nega daudau. Davida be ia goada lao, to Saulo ena orea be ia manoka lao. \s1 Davida ena natuna tau \p \v 2 Davida ese iena natuna tau haida Heberona dekenai ia havaraia. Iena vara guna be Aminona. Ia be Ahinoama, Ieserele hahine, ena natuna. \v 3 Iharuana be Kilea, Abigaila ena natuna, unai Abigaila be Nabala, Karamele tauna ena vabu. Ihatoina be Abesaloma, Maka ena natuna, Maka be Talemai, Gesuru taudia edia king ena natuna hahine. \v 4 Davida ena natuna tau namba 4 be Adonaisa, iena sinana be Hagiti. Iena natuna tau namba 5 be Sepataia, Abitala ena natuna. \v 5 Iena natuna tau namba 6 be Itireama, bona ia be Davida ena adavana Egila ena natuna. Unai natuna tau ibounai be Davida ese ia havaraia Heberona dekenai. \s1 Abinere ese Davida danu ia maino karaia \p \v 6 Saulo ena orea taudia, bona Davida ena orea taudia idia tuari noho neganai, Abinere ese iena siahu ia habadaia, Saulo ena orea lalonai. \v 7 Saulo ena vabu ta, ena ladana be Risipa, Aia ena natuna. Vadaeni dina ta Isiboseta ese Abinere ia badu henia, ia samania, ia gwau, “Badina dahaka egu tamana ena vabu ta oi sihari henia?” \p \v 8 Vadaeni Abinere ia badu maragi lasi, Isiboseta ena hereva dainai, bona ia gwau, “Be, lau be oiemu sisia, oi laloa, a? Bona oi laloa lau ese Iuda ena kahana taudia lau durua noho, a? Lasi momokani! Oiemu tamana Saulo be king dagi ia abia negana, ia mai bona hari, lau ese ia, bona iena varavara, bona iena turana lau badinaia momokani. Bona lau ese oi lau naria namonamo, Davida ena imana dekenai oi lau atoa lasi. To inai hari oi ese lau oi samania, hahine ta danu lau kerere dainai! \v 9-10 Lohiabada ese Davida ia gwauhamata henia, ia ese basileia be Saulo bona iena bese taudia dekena amo do ia kokia, bona Davida be Israela bona Iuda ruaosi edia king do ia halaoa. Lohiabada ia gwau Davida be tano ibounai ena king, Dano dekena amo ela bona Bere Sieba. Bema lau ese inai gwauhamata do lau hamomokania lasi neganai, Dirava ese lau ia alaia mase be namo!” \v 11 Vadaeni Isiboseta ese Abinere dekenai hereva ta ia gwauraia lasi, badina be, ia dekenai ia gari bada. \p \v 12 Unai murinai Abinere ese hereva gwauraia taudia Davida dekenai ia siaia, Heberona dekenai. Ia gwau, “Inai tano be daika ese do ia gunalaia? Lau danu maino do ita karaia, bona lau ese oi do lau durua, Israela ena kahana ibounai be oi dekenai do lau veria hanai.” \p \v 13 Davida ese Abinere dekenai ia haere, ia gwau, “Namo, do ita maino karaia. To gau tamona, oi mai neganai, king Saulo ena natuna hahine, Mikala do oi hakaua mai guna. Bema lasi, lau dekenai do oi hedinarai lasi.” \p \v 14 Bona Davida ese danu hereva gwauraia taudia Isiboseta dekenai ia siaia, ia gwau, “Lau dekenai egu adavana Mikala do oi henia lou. Lau ese ia lau adavaia ena davana totona be Pilistia taudia 100 edia usi kopidia dekena amo lau karaia.” \p \v 15 Vadaeni Isiboseta ese hesiai taudia ia siaia, Mikala be iena adavana Palitiela Laisi dekena amo idia abia totona. \v 16 To iena adavana Palitiela ese Mikala ena murinai ia raka, mai tai danu, ela bona Bahurimi. Vadaeni Abinere ese ia hamaoroa, ia gwau, “Oi giroa lou.” Vadaeni ia lou lao. \p \v 17 Davida dekenai ia do lao lasi neganai, Abinere be Israela tau badadia danu idia hereva hebou, bona Abinere ia gwau, “Nega sisina daudau umui ura Davida be emui king. \v 18 Harihari umui karaia diba, badina be Lohiabada ese Davida ia gwauhamata henia vadaeni, ia gwau, ‘Egu hesiai tauna Davida ena imana dekena amo lau ese egu orea Israela be Pilistia taudia edia imana dekena amo, bona Israela idia tuari henia besedia ibounai dekena amo do lau hamauria.’ ” \p \v 19 Abinere ese Beniamina taudia danu unai bamona ia hereva henia. \p Vadaeni Abinere be Heberona dekenai ia lao, Israela besena, bona Beniamina iduhu ibounai edia laloa, bona edia ura, be Davida dekenai do ia hamaoroa totona. \p \v 20 Abinere, mai ena tau 20 danu, be Davida dekenai idia lao, Heberona dekenai. Unai neganai Davida ese aria ta ia karaia, Abinere bona iena tau 20 totona. \v 21 Abinere ese Davida ia hamaoroa, ia gwau, “Egu lohia bona egu king e, do lau toreisi, do lau lao, Israela taudia ibounai be oi totona do lau haboua. Idia ese oi danu maino do idia karaia, vadaeni oi ese oi ura henia taudia, bona gabudia ibounai, do oi biagua.” \p Vadaeni Davida ese iena orea taudia ia hamaoroa, idia ese Abinere do idia hadikaia lasi. Gabeai ia ese Abinere ia siaia lao. \s1 Ioaba ese Abinere ia alaia mase \p \v 22 Unai neganai Davida ena tuari taudia bona Ioaba be tuari dekena amo idia ginidae, bona tuari dekenai idia dadia kohu momo idia mailaia. To Abinere be Davida danu Heberona dekenai ia noho lasi, badina Davida ese ia siaia lao vadaeni, bona ia gwauhamata henia vadaeni tau ta ese Abinere do ia hadikaia lasi. \p \v 23 Ioaba mai ena tuari taudia ibounai danu idia ginidae neganai, tau haida ese idia hamaoroa, idia gwau, “Abinere Nere be king Davida dekenai ia mai, bona Davida ese mai maino danu ia siaia lao, bona ita ibounai ia taravatua, ita ta ese Abinere do ita hadikaia lasi ia gwau.” \p \v 24 Vadaeni Ioaba be king Davida dekenai ia lao, ia gwau, “Edena bamona oi karaia? Oi kamonai, Abinere be oi dekenai ia mai, badina be dahaka oi ese mai maino danu oi siaia lao? \v 25 Oi diba lasi Abinere Nere ena kara, a? Ia ese oi do ia koia totona ia mai. Ia mai be oiemu manoka gabuna, bona dahaka oi karaia noho, do ia itaia totona, bona gabeai oi do ia hadikaia.” \p \v 26 Ioaba be inai hereva ia gwauraia, vadaeni ia ese Davida ia rakatania, bona ia ese hesiai taudia ia siaia, Abinere do idia mailaia lou totona. Idia ese Sira ranu guri dekenai, Abinere idia davaria, bona unai gabu dekena amo idia hakaua lou mai. To unai kara be Davida ia diba lasi. \v 27 Vadaeni Abinere be Heberona dekenai ia lou mai neganai, Ioaba ese hanua magu ena iduara kahirakahira ia hakaua siri, hunia dekenai do ia hereva henia bamona. To idia ruaosi idia gini hebou neganai, Ioaba ese kaia kwadogina dekena amo Abinere ena bogana ia gwadaia. Vadaeni Abinere ia mase, iena mase be Ioaba ena tadina Asahele ena mase ena davana totona. \p \v 28 Gabeai, Davida ese unai sivarai ia kamonai neganai ia gwau, “Lohiabada ia diba vadaeni lau bona lauegu basileia taudia be Abinere ena mase totona ai be kerere lasi momokani. \v 29 Ioaba sibona ia kerere. Unai dainai unai kerere ena davana be Ioaba bona iena bese taudia edia latanai do ia ginidae. Lau ura Ioaba ena bese edia uru ibounai lalonai gonoria gorere, o lepera gorere, o hahine edia gaukara do idia karaia, o tuari kaia dekena amo do idia mase, o do idia hitolo.” \v 30 Badina be Ioaba bona iena tadina Abisai ese Abinere idia alaia mase, Abinere ese Gibeona tuari lalonai, idia edia tadina Asahele ia alaia mase ena davana. \s1 Abinere dainai idia tai \p \v 31 Vadaeni Davida ese Ioaba bona iena orea taudia ibounai ia hamaoroa, ia gwau, “Emui dabua do umui darea, puse dabua do umui karaia, bona Abinere dainai do umui tai.” King Davida be mase patana ena murinai ia raka. \p \v 32 Abinere be Heberona dekenai idia guria, bona king Davida ese iena gadona ia habadaia, bona Abinere ena guria gabuna badibadinai ia tai. Taunimanima ibounai danu idia taitai. \v 33 Davida ese inai bogahisihisi ane Abinere totona ia abia, ia gwau, \b \q1 “Abinere be kavakava tauna lasi. \q1 Badina dahaka unai bamona ia mase? \q1 \v 34 Idia ese iena imana bona aena idia guia lasi. \q1 Ia idia hamasea taudia idia koia, \q1 rasekolo taudia idia karaia bamona.” \b \p Davida ese inai ane ia abia, vadaeni taunimanima ese Abinere totona idia tai lou. \p \v 35 Unai dina dekenai taunimanima ibounai ese Davida idia noia, do ia aniani totona. To Davida be gwauhamata metauna ia gwauraia, ia gwau, “Lau ese aniani ta do lau ania lasi ela bona dina do ia diho. Bema dina do diho lasi neganai gau ta lau ania, Dirava ese lau do ia alaia mase be namo!” \p \v 36 Taunimanima ibounai ese inai Davida ena hereva idia kamonai, bona edia lalona idia namo. Bona inai kara sibona lasi, to Davida ena kara ibounai totona, taunimanima edia lalona idia moale. \v 37 Bona unai dainai, unai dina dekenai, taunimanima bona Israela taudia ibounai idia diba, Abinere Nere ena mase be Davida ena ura lasi. \p \v 38 King Davida ese iena hesiai taudia ia hamaoroa, ia gwau, “Kamonai! Hari dina be lohia tauna, bona Israela ena tau badana ta ia mase vadaeni. \v 39 Momokani, Dirava ese lau ia abia hidi, bona king dagi lau dekenai ia henia. To hari dina lau be manoka momokani, bona lau goada lasi inai Seruia ena natuna ruaosi edia kerere davana do lau karaia. Idia edia dagedage ese egu goada ia hanaia. To Lohiabada ese unai kara dika taudia edia kerere davana do ia henia, edia dika ena bada hegeregerena.” \c 4 \s1 Isiboseta Saulo idia alaia mase \p \v 1 Isiboseta, Saulo ena natuna ese sivarai ia kamonai Abinere ia mase neganai, ia gari bada herea. Bona Israela taudia ibounai danu idia hoa mai gari danu. \p \v 2 Isiboseta be mai ena tuari orea maragidia biagudia rua, edia ladana be Banaha bona Rekaba. Idia ruaosi be Rimono, Beroto tauna ena natuna. Inai Beroto hanua be Beniamina iduhu ena hanua ta. \v 3 Beroto taudia be guna idia heau, Gitaimi dekenai idia lao, bona unuseni idia noho ia mai bona hari. \p \v 4 Saulo ena tubuna ta danu be Ionatana ena natuna tau, Mepiboseta. Saulo bona Ionatana be tuari dekenai idia mase neganai, Mepiboseta ena mauri lagani be 5 sibona. Edia mase sivarai be Ieserele dekena amo ia ginidae neganai, Mepiboseta ia naria hahine ese Mepiboseta ia abia isi bona ia heau. To ia heau haraga dainai, ia ese mero ia hamorua, bona madi mero ena aena idia dika. \p \v 5 Vadaeni inai Banaha bona Rekaba, Beroto tauna, Rimono ena natuna ruaosi be Isiboseta ena ruma dekenai idia lao. Dina tubua dekenai, Isiboseta ese iena laga-ani ia abia neganai, iena ruma dekenai idia ginidae. \v 6 Iduara ia naria hahine ese uiti ia hagoevaia gaukara ia karaia dainai, iena matana idia metau, vadaeni ia mahuta. Unai dainai Rekaba bona iena tadina Banaha, be hunia dekenai ruma idia raka vareai. \p \v 7 Ruma lalonai idia itaia, Isiboseta be iena mahuta daiutu dekenai ia mahuta noho. Vadaeni idia ese Isiboseta idia gwadaia mase. Idia ese iena kwarana idia utua oho. Vadaeni iena kwarana idia abia, bona unai hanuaboi lalonai Arabaha tano idia raka hanaia. \p \v 8 Idia ese Isiboseta ena kwarana be Davida dekenai idia henia, Heberona hanua dekenai. Idia gwau, “Oi dekenai ia dagedage henia, bona oi ia alaia gwauraia tauna Saulo, ena natuna Isiboseta, ena kwarana be inai. King badana e, hari dina Lohiabada ese Saulo bona iena bese taudia edia kerere davana ia henia vadaeni.” \p \v 9 To Davida ese Rekaba bona iena tadina Banaha dekenai ia haere, ia gwau, “Ia mauri noho Lohiabada, dika ibounai dekena amo lau ia hamauria Dirava ena ladana dekenai lau hereva momokani inai: \v 10 Hereva gwauraia tauna ta be lau dekenai ia mai Sikilaga dekenai, bona ia laloa lau totona sivarai namona ia mailaia, ia gwau, ‘Saulo be ia mase vadaeni.’ To unai tau lau dogoatao, bona lau oda dainai, unai tau idia hamasea. Iena sivarai ena davana be unai bamona lau henia. \v 11 Bona hari umui ruaosi ese iena ruma dekenai tau ta ia mahuta neganai umui alaia mase! Umui be tau dikadia momokani, bona umui laloa emui kerere davana do lau henia lasi, a? Lasi momokani. Umui do lau alaia mase!” \p \v 12 Vadaeni Davida ese iena tuari taudia dekenai ia oda henia, bona idia ese Rekaba bona Banaha ruaosi idia alaia mase, bona edia imana bona aena idia utua oho. Edia tauanina be Heberona ena gohu maragina ena badibadinai idia taua dae. To Isiboseta ena kwarana idia abia, Abinere ena guria gabuna lalonai idia guria, Heberona dekenai. \c 5 \s1 Davida be Israela bona Iuda edia king dagi ia abia \p \v 1 Vadaeni Israela ena iduhu taudia ibounai be Davida dekenai idia lao, Heberona dekenai, idia gwau, “Ai be oiemu turiana bona oiemu rarana taudia. \v 2 Guna neganai, Saulo ese ai dekenai ia king neganai, oi ese ai Israela taudia tuari dekenai ai oi hakaua. Bona Lohiabada ese oi dekenai ia gwauhamata, ia gwau, ‘Oi ese lauegu bese Israela do oi gunalaia, bona edia king do oi lao.’ ” \p \v 3 Unai dainai, Israela gunalaia taudia ibounai be king Davida dekenai idia lao, Heberona dekenai. Bona king Davida ese idia danu ia gwauhamata, Heberona dekenai, Lohiabada ena vairanai. Vadaeni idia ese Davida ena kwarana dekenai olive dehoro idia bubua, bona Israela ena king idia halaoa. \p \v 4 Unai king dagi ia abia neganai, Davida ena mauri lagani be 30, bona king dagi be lagani 40 lalonai ia dogoatao. \v 5 Heberona dekenai Davida ese Iuda ia gunalaia lagani 7 hua 6, bona Ierusalema dekenai ia ese Israela ibounai, bona Iuda danu ia gunalaia lagani 33 lalonai. \p \v 6 King, mai iena tuari taudia danu Ierusalema dekenai idia lao, unai hanua taudia, Iebusu taudia do idia tuari henia totona. Iebusu taudia ese Davida idia hamaoroa, idia gwau, “Oi be iniseni oi daekau mai diba lasi, matakepulu bona aena dika taudia ese oi do idia koua diba.” Iebusu taudia idia laloa, Davida be Ierusalema dekenai ia kwalimu diba lasi. \v 7 To Davida ese Siona kohoro ia dogoatao, bona gabeai unai Siona kohoro ena ladana idia atoa, “Davida Ena Hanua.” \p \v 8 Ierusalema ia abia dina dekenai, Davida ese iena tuari taudia ia hamaoroa,ia gwau, “Daika be lau danu Iebusu taudia do ita alaia mase? Bema ita ura Ierusalema ita halusia, be hanua ena ranu paipa badana do ita vareai lao, bona paipa do ita badinaia lao, ela bona hanua henunai ita noho, vadaeni do ita daekau mai, hanua lalonai. Vadaeni ita ese unai aena dika bona matakepulu taudia, lau idia dagedage henia taudia do ita alaia mase.” Unai kara dekena amo, inai hereva gunana be ia vara, gauna inai: “Matakepulu taudia bona aena dika taudia be king ena ruma do idia vareai diba lasi.” \p \v 9 Vadaeni Davida be unai kohoro dekenai ia noho, iena ladana be, “Davida Ena Hanua.” Davida ese danu unai gabu dekenai hanua ma ia haginia hagegea, unai tano ena maka ena ladana Milo ena lalonai. \v 10 Vadaeni Davida be ia goada lao noho, badina be Siahu Ibounai Dirava, Lohiabada, be ia danu ia noho. \p \v 11 Hirama, Turo ena king, ese hesiai taudia Davida dekenai ia siaia, bona sida audia bona kamuta taudia, bona nadi koroa taudia danu. Vadaeni idia ese Davida ena ruma badana ta idia haginia. \v 12 Bona Davida ena lalona ia kehoa, ia diba Lohiabada ese Israela ena king dagi dekenai ia haginia vadaeni. Bona ia diba Lohiabada ese iena basileia ia hanamoa momokani, idia be iena orea taudia Israela dainai. \p \v 13 Davida ese hahine haida ma ia adavaia, Ierusalema dekenai, Heberona ia rakatania murinai. Bona iena natuna tau bona natuna hahine haida ma idia vara. \v 14 Iena natuna Ierusalema dekenai idia vara be inai: Samua, Sobaba, Natana, Solomona, \v 15 Ibihara, Elisua, Nepege, Iapia, \v 16 Elisama, Eliada, Elipelete. \s1 Davida ese Pilistia taudia ia halusia \p \v 17 Pilistia taudia idia kamonai Davida be idia hasiahua vadaeni, Israela ena king. Vadaeni Pilistia taudia ibounai idia toreisi, Davida idia tahua. To Davida be ia kamonai, vadaeni ia be iena kohoro dekenai ia lao. \v 18 Pilistia taudia idia mai, Repaima Koura ena kahana ibounai idia hahonua. \v 19 Davida ese Lohiabada ia nanadaia, ia gwau. “Do lau lao, Pilistia taudia do lau tuari henia, o? Oi ese kwalimu lau dekenai do oi henia, o?” \p Lohiabada ese Davida dekenai ia haere, ia gwau, “Oibe, oi lao, oi dekenai kwalimu do lau henia momokani.” \p \v 20 Unai dainai Davida be Bala Perasimi dekenai ia lao, unuseni ia ese Pilistia taudia ia halusia. Davida ia gwau, “Lohiabada ese lau dekenai idia dagedage taudia ia makohia momokani, abata ese gau momo ia hamakohia bamona.” Unai dainai unai gabu ena ladana idia atoa, “Bala Perasimi.” \v 21 Pilistia taudia idia heau neganai, edia kaivakuku be unai gabu dekenai idia rakatania, vadaeni Davida bona iena taudia ese idia haboua, idia huaia lao. \p \v 22 Pilistia taudia be idia mai lou, Repaima Koura idia hahonua lou. \v 23 To Davida ese Lohiabada ia nanadaia neganai, Lohiabada ese ia haere, ia gwau, “Unuseni do umui lao lasi, to idia do umui raka hagegea, bona edia murina kahana dekena amo do umui tuari henidia, mai edia susu audia kahirakahira. \v 24 Vadaeni, regerege ta unai susu audia edia ataiai do umui kamonai, tuari taudia idia raka hanaia ena regena bamona. Unai regerege ia vara neganai, do umui raka haraga bona Pilistia taudia do umui tuari henidia, badina lau be umui emui vairana dekenai do lau lao, Pilistia taudia do lau halusia momokani.” \v 25 Davida ese Lohiabada ena oda hegeregere ia karaia, vadaeni ia ese Pilistia taudia ia aladia mase, Geba dekena amo ela bona Gesere. \c 6 \s1 Davida ese Taravatu Maua Ierusalema dekenai ia mailaia \p \v 1 Davida ese Israela ena tuari taudia goada herea ibounai 30,000 ia haboua. \v 2 Vadaeni Davida ese idia ia gunalaia, idia lao Bala Iuda dekenai. Unai gabu dekena amo, Dirava ena Taravatu Maua, Ierusalema dekenai idia mailaia gwauraia, Siahu Ibounai Lohiabada ena ladana ia torea Mauana be unai. Lohiabada ena helai gabuna be unai Maua ena latanai,aneru bamona gaudia, ladana kerubi, edia huanai. \v 3 Vadaeni Dirava ena Taravatu Maua be treila matamata ena latanai idia atoa, bona Abinadaba ena ruma dekena amo idia abia. Unai ruma be ororo maragina ta ena ataiai dekenai. Abinadaba ena natuna ruaosi, Usa bona Ahio, ese inai treila matamata idia heaulaia. \v 4 Dirava ena Taravatu Maua be treila lalonai, bona Ahio be Taravatu Maua ena vairanai ia raka. \v 5 Davida bona Israela bese taudia ibounai idia moale bada herea. Idia mavaru mai ane danu, mai edia goada ibounai, Lohiabada idia hanamoa totona. Idia ese miusiki gaudia idauidau momo idia gadaralaia, gita idauidau, bona tareko, bona gaba, bona botaia auri gaudia danu. \p \v 6 Idia be Nakono ena iuti kwadia gabuna dekenai idia ginidae. Vadaeni boromakau, treila idia veria gaudia, idia hekwakwanai, bona Usa ese iena imana be Taravatu Maua latanai ia atoa, Maua ia dogoatao. \v 7 Nega tamona Lohiabada Dirava ese ia badu Usa dekenai, badina Usa ese Taravatu Maua ia matauraia lasi dainai. Vadaeni Lohiabada ese Usa ia alaia mase, unai gabu dekenai, Taravatu Maua ena badibadinai. \p \v 8 Bona Davida be ia badu, Lohiabada ese Usa ia alaia mase dainai. Unai gabu ena ladana be idia atoa, Perese Usa, ia mai bona hari, badina be unuseni Lohiabada ese mai badu danu, Usa ia hamasea dainai. \p \v 9 Unai neganai Davida be Lohiabada dekenai ia gari, ia gwau, “Lohiabada ena Taravatu Maua be edena bamona lau dekenai do idia mailaia?” \v 10 Gari dainai Davida be hegeregere lasi Taravatu Maua Ierusalema dekenai do ia atoa. Unai dainai Davida be dala dekena amo Maua ia abia lao siri, bona Maua be Obeda Edoma, Gata tauna, ena ruma dekenai ia atoa. \p \v 11 Hua toi lalonai, Taravatu Maua be unai gabu dekenai ia noho, bona Lohiabada ese, Obeda Edoma mai ena famili ibounai ia hanamoa. \p \v 12 King Davida be sivarai ia kamonai, Lohiabada ese Obeda Edoma mai ena famili bona iena kohu ibounai ia hanamoa, Taravatu Maua idia dekenai ia noho dainai. Unai dainai Davida be ia lao, Dirava ena Taravatu Maua Obeda Edoma ena ruma dekena amo ia abia, Ierusalema dekenai do ia abia daekau gwauraia,mai moale bada danu. \v 13 Lohiabada ena Taravatu Maua idia huaia taudia be daga 6 sibona idia raka, vadaeni Davida ese idia ia oda henia, idia gini. Vadaeni idia gini ena nega lalonai, Davida ese boromakau tau ta, bona boromakau natuna ta, namo hereana, idia ruaosi ia alaia mase, Lohiabada dekenai ia henia, iena boubou gauna. \v 14 Bona Davida be Lohiabada hanamoa totona ia mavaru, mai ena goada ibounai. Iena dabua be rami maragina sibona. \v 15 Inai bamona dala dekenai Davida bona Israela taudia ibounai ese Lohiabada ena Taravatu Maua Ierusalema dekenai idia abia daekau, mai boiboi, bona mai kibi edia regerege danu. \p \v 16 Taravatu Maua be Davida ena hanua lalonai idia abia vareai noho neganai, Saulo ena natuna hahine, Mikala be uindo dekena amo King Davida ia itaia. Davida be Lohiabada hanamoa totona ia mavaru noho, ma ia roho daekau, roho daekau noho, mai moale danu. Mikala ese ia itaia neganai, ia ese Davida dekenai ia badu, iena lalona sibona dekenai ia ura henia lasi. \p \v 17 Davida ese Palai Ruma ia abia hegaegae vadaeni, Lohiabada ena Taravatu Maua do ia koua namonamo totona. Vadaeni unai gabu lalonai Maua idia abia vareai, idia atoa namonamo. Bona Davida ese idia gabua boubou gaudia, bona maino karaia boubou gaudia Lohiabada dekenai ia henia. \v 18 Unai boubou gaudia ia henia ore neganai, Davida ese Israela taudia ia hanamoa, Siahu Ibounai Lohiabada ena ladana dainai. \v 19 Bona Davida ese Israela taudia ibounai dekenai aniani ia henia. Tatau ta ta, bona hahine ta ta ibounai dekenai beredi ta, vamu taina, bona vain huahua kaukaudia keke ta ia henia. Vadaeni taunimanima ibounai ese edia ruma ta ta dekenai idia giroa lou. \p \v 20 Gabeai Davida be ia giroa lou, iena famili do ia hanamoa gwauraia neganai, Mikala, Saulo ena natuna hahine be ia danu ia hedavari, ia gwau, “King Davida be hari dina ia sibona ia hanamoa bada, ani? Oi ese hesiai kekeni edia vairana dekenai oiemu dabua oi kokia, oi mavaru, kavakava tauna ia karaia bamona.” \p \v 21 Davida ese Mikala dekenai ia haere, ia gwau, “Lohiabada hanamoa totona lau mavaru. Ia ese lau ia abia hidi, Lohiabada ena taudia Israela do lau gunalaia, to oiemu tamana, o iena famili tauna ta ia abia hidi lasi. Bona lau be do lau mavaru noho, Lohiabada do lau hanamoa totona. \v 22 Bona lau ese hemarai karadia inai bamona do lau karaia noho, bona ma do lau habadaia danu. Oi ese lau do oi negea, to unai oi gwauraia kekeni ese lau do idia hanamoa.” \p \v 23 Unai Saulo ena natuna hahine Mikala ese natuna ia havaraia diba lasi ela bona ia mase. \c 7 \s1 Natana ese Dirava ena hereva Davida dekenai ia hamaoroa \p \v 1 King Davida be iena ruma badana dekenai ia noho, bona Lohiabada ese laga-ani ia henia, ia dekenai idia tuari taudia ibounai dekena amo. \v 2 Vadaeni king ese peroveta tauna Natana dekenai ia hereva, ia gwau, “Lau be sida ruma lalonai lau noho, to Dirava ena Taravatu Maua be Palai Ruma lalonai ia noho.” \p \v 3 Natana ese king dekenai ia haere, ia gwau, “Oi lao, oiemu ura do oi karaia, badina be Lohiabada be oi danu ia noho.” \p \v 4 To unai hanuaboi Lohiabada ena hereva be Natana dekenai ia mai, ia gwau: \p \v 5 “Oi lao, lauegu hesiai tauna Davida dekenai lauegu hereva do oi hamaoroa, oi gwau: Oi ese lauegu noho ruma do oi haginia lasi. \v 6 Israela taudia be Aigupito tano dekena amo lau hakaudia mai dinana ia mai bona hari, lau be ruma ta dekenai lau noho lasi. To lau be lau loaloa, Palai Ruma dekenai lau noho. \v 7 Israela taudia danu, lau loaloa gabudia ibounai dekenai be edia gunalaia taudia, lau abia hidi taudia, nega ta idia ta lau nanadaia lasi, inai bamona, ‘Badina dahaka sida ruma ta lau dekenai oi karaia lasi?’ \p \v 8 “Unai dainai lauegu hesiai tauna Davida do oi hamaoroa, Siahu Ibounai Lohiabada be inai bamona oi ia hamaoroa: ‘Rei gabuna dekena amo, mamoe naria gaukara dekena amo oi lau abia, lauegu bese Israela edia king do oi lao totona. \v 9 Bona lau ese oi dekenai lau noho, oiemu loaloa gabudia ibounai, bona oi dekenai idia tuari henia taudia be lau ese lau halusia oiemu vairana dekenai. Bona oiemu ladana do lau habadaia, tanobada edia king badadia, edia ladana hegeregere. \v 10 Bona lauegu bese Israela edia noho gabu do lau gwauraia, bona inai gabu be edia gabu korikori do lau halaoa, tau ta ese idia do ia kokia diba lasi. Dagedage taudia ese idia do idia hisihisi henidia lou lasi, guna idia karaia bamona. \v 11 Lau ese gunalaia taudia lau abia hidi negana dekena amo unai bamona hisihisi idia abia, to lau ese laga-ani oi dekenai do lau henia, unai dagedage dekena amo.’ \p “Bona Lohiabada ese danu oi dekenai ia gwauhamata, oiemu iduhu be Lohiabada ese do ia haginia, ia gwau: \v 12 ‘Oi be do oi mase, bona oiemu sene taudia danu do oi hekure neganai, lau ese oiemu natuna ta do lau haginia, king dagi do ia abia. Do lau haginia goada. \v 13 Ia ese ruma badana lauegu Ladana totona do ia haginia, bona lau ese iena basileia do lau haginia goada, unai basileia be do ia gini hanaihanai. \v 14 Lau be iena tamana do lau lao, ia be lauegu natuna. Do ia kara dika neganai, lau ese ia do lau panisia, taunimanima edia tamana ese edia natuna idia panisia bamona. \v 15 To lauegu bogahisihisi be do lau kokia lasi, Saulo dekena amo lau kokia hegeregere. Saulo be lau ese lau kokia, oi ese iena king dagi do oi abia totona. \v 16 Oiemu iduhu bona oiemu basileia be do ia gini ela bona hanaihanai, lau dainai. Bona oiemu king dagi do ia noho hanaihanai.’ ” \p \v 17 Natana ese inai hereva, Dirava ese ia hedinaraia gaudia ibounai, be Davida dekenai ia hamaoroa. \s1 Davida ese iena guriguri dekena amo Dirava ia tanikiu henia \p \v 18 Vadaeni Davida ese Lohiabada ena Palai Ruma ia raka vareai, ia helai diho, bona ia guriguri inai bamona: “Lohiabada Dirava e, lau bona lauegu famili be namo lasi, to oi ese lau oi hakaua namonamo ia mai bona hari. \p \v 19 “Bona hari, Lohiabada Dirava e, oi ese ma hanamoa haida lau dekenai oi henia noho. Oi ese gwauhamata momo lauegu tubuna taudia hanamoa totona oi gwauraia vadaeni. Inai be vaira lagani lalonai do idia vara gaudia. Lohiabada Dirava e, lau be taunimanima sibona, to oi ese inai gau badadia lau dekenai oi hedinaraia, lau hoa! \p \v 20 “Lau be oi dekenai dahaka lau hereva diba? Lohiabada Dirava e, lau be oiemu hesiai tauna, oi diba lau. \v 21 Oiemu gwauhamata dainai, bona oiemu ura dainai, inai kara badadia lau dekenai oi karaia vadaeni, bona unai dekena amo oiemu kara lau dekenai oi hadibaia noho. \p \v 22 “Momokani Lohiabada Dirava e, oi be bada herea! Ta ia noho lasi oi hegeregere. Ai be oiemu sivarai ai kamonai dainai, ai diba oi sibona be Dirava. \v 23 Bona edena bese be oiemu bese Israela hegeregere? Inai bese tamona be oi ese hesiai mai guia danu dekena amo oi hamauria, oiemu bese do idia lao totona. Oi ese kara badadia, bona hoa karadia, idia totona oi karaia gaudia, ena sivarai be tanobada ibounai idia kamonai. Oi ese oiemu bese taudia edia vairanai, bese idauidau, mai edia dirava danu, oi lulua siri. Aigupito dekena amo oiemu bese oi hamauria. \v 24 Oiemu bese Israela be oi ese oi haginia, oiemu bese korikori do ia lao hanaihanai. Bona oi, Lohiabada e, be edia Dirava oi lao vadaeni. \p \v 25 “Lohiabada Dirava e, oiemu gwauhamata lau bona lauegu tubuna taudia totona do oi hamomokania hanaihanai. Bona inai gwauhamata ena kara ibounai do oi karaia. \v 26 Vadaeni oiemu ladana be taunimanima ese do idia hanamoa hanaihanai, do idia gwau, ‘Siahu Ibounai Lohiabada be Israela ena Dirava.’ Bona lau, oiemu hesiai tauna Davida, egu basileia do ia gini goada oiemu vairana dekenai. \p \v 27 “Siahu Ibounai Lohiabada, Israela ena Dirava e, oi ese inai gaudia lau, oiemu hesiai tauna dekenai oi hedinaraia vadaeni, oi gwau, ‘Oiemu famili do lau haginia.’ Unai dainai goada lau davaria, inai bamona guriguri lau gwauraia totona. \p \v 28 “Siahu Ibounai Lohiabada, oi be Dirava, oi ese nega ibounai oiemu gwauhamata oi badinaia, bona oi ese inai gwauhamata namo herea lau dekenai oi henia vadaeni. \v 29 Unai dainai, mani emu kara, lauegu tubuna taudia do oi hanamoa, vadaeni oiemu hanamoa do idia davaria noho. Badina be, Siahu Ibounai Lohiabada e, oi ese inai bamona oi gwauhamata vadaeni, bona oiemu hanamoa be lauegu tubuna taudia edia latanai hanaihanai.” \c 8 \s1 Davida ese Israela kahirakahira idia noho besedia ia halusia \p \v 1 Unai murinai Davida ese Pilistia taudia ia tuari henia lou, ia halusidia, bona edia siahu Israela taudia edia latanai ia haorea. \v 2 Davida ese danu Moaba taudia ia halusia, bona ia ese ia oda henidia, tano dekenai idia hekure diho. Vadaeni hahetoho varo dekena amo, idia toi toi ibounai dekena amo rua rua dekenai maka ia atoa, bona maka abia taudia ia hamasea. Idia toi toi ibounai dekena amo tamona tamona sibona idia mauri. Vadaeni inai do mauri taudia be Davida ena siahu henunai idia noho, bona idia ese ia dekenai takisi idia henia. \p \v 3 Davida ese danu Hadadesa Rehoba, Soba ena king ia halusia. Unai neganai king Hadadesa bona iena tuari taudia be Euperate Sinavai ena tano abia lou totona idia raka mai. To Davida ena orea taudia ese unai orea idia tuari henia, bona idia halusia. \v 4 Davida ese hosi idia guia taudia 1700 bona aena dekenai raka taudia 20,000 Hadadesa dekena amo ia abia mauri. Davida ese danu kariota edia hosi ibounai edia mamuna varovaro ia utua, to iena kariota totona hosi ibounai 200 edia mamuna varovaro ia utua lasi. \p \v 5 Suria taudia ese king Hadadesa durua totona Damaseko dekena amo idia mai neganai, Davida ese Suria tuari taudia ibounai 22,000 ia alaia mase. \v 6 Vadaeni Davida ese iena tuari orea haida Suria taudia edia tano Damaseko kahana dekenai ia siaia, bona Suria taudia be Davida ena siahu henunai idia noho, bona ia dekenai takisi idia henia. Lohiabada ese Davida dekenai kwalimu ia henia ia lao gabudia ibounai dekenai. \p \v 7 Davida ese golo kesi gaudia, Hadadesa ena hesiai taudia idia huaia gaudia ia abia, Ierusalema dekenai ia abia lao. \v 8 Hadadesa ena hanua rua, Beta bona Berotai dekena amo, king Davida ese auri laboralabora momo herea ia abia. \p \v 9 King Toi, Hamata ena king, be sivarai ia kamonai Davida ese Hadadesa ena tuari orea ia halusia vadaeni. \v 10 Vadaeni Toi ese iena natuna Iorama be king Davida dekenai ia siaia lao, iena kwalimu dainai do ia hanamoa totona. Badina be unai Hadadesa be nega momo Toi danu idia tuari. Iorama ese Davida dekenai harihari gaudia ia henia, golo, siliva, bona auri laboralabora dekenai karaia gaudia. \p \v 11 King Davida ese inai gaudia ia hahelagaia, Lohiabada ena. Ma ia halusia vadaeni bese haida danu dekena amo ia abia golo bona siliva danu Lohiabada henia totona, be Davida ese ia hahelagaia. \v 12 Unai besedia be inai: Edoma, Moaba, Amono, Pilistia, Amaleka. Hadadesa Rehoba, Soba ena king, dekena amo ia abia kohu danu ia ese ia hahelagaia, Lohiabada ena. \p \v 13 Davida ese sibona ena ladana ma ia habadaia, badina be ia ese Edoma taudia 18,000 ia alaia mase Damena Koura dekenai. \v 14 Bona unai tuari dekena amo ia giroa mai neganai, iena tuari orea haida ma Edoma tano dekenai do idia noho totona ia siaia, bona Edoma taudia be Davida ena siahu henunai idia noho. Lohiabada ese Davida dekenai kwalimu ia henia, ia lao gabudia ibounai dekenai. \p \v 15 Unai dainai Davida ese Israela ena kahana ibounai ia biagua, bona taunimanima ibounai ia kota henidia mai maoromaoro bona mai momokani danu. \p \v 16 Ioaba Seruia be tuari taudia edia biaguna badana, bona Iehosapata Ahiluda ese Davida ena basileia ena buka torea gaukara ia naria. \p \v 17 Sadoka Ahitubu bona Ahimeleka Abiatara be hahelagaia taudia, bona Seraia be buka torea tauna. \p \v 18 Benaia Iehoiada be Kerete taudia bona Pelete taudia, Davida ena gima taudia, edia biaguna. Davida ena natuna tau be hahelagaia taudia idia halaoa. \c 9 \s1 Davida bona Mepiboseta \p \v 1 Davida ese ia henanadai, ia gwau, “Saulo ena famili tauna ta ia do noho, o lasi? Lau ura kara namona ia dekenai do lau karaia, Ionatana dainai.” \p \v 2 Hesiai tauna ta ia noho, Saulo ena famili dekena amo, iena ladana be Siba. Idia boiria, Davida dekenai do ia hedinarai. \p \v 3 Vadaeni Davida ese Siba ia nanadaia, ia gwau, “Saulo ena famili tauna ta ia noho, o? Lau ura be Dirava ena bogahisihisi ia dekenai do lau henia.” \p Siba ese king dekenai ia haere, ia gwau, “Ionatana ena natuna ta be do noho, ia be madi iena aena ruaosi idia dika.” \p \v 4 King Davida ia nanadaia, ia gwau, “Ia be edeseni?” Siba ia haere, ia gwau, “Ia be Makiri Amiele ena ruma dekenai ia noho, Lo Debara hanua dekenai.” \p \v 5 Vadaeni King Davida ese hereva ia siaia, vadaeni Lo Debara dekenai Makiri Amiele ena ruma dekena amo Mepiboseta idia hakaua mai. \p \v 6 Mepiboseta, Ionatana Saulo ena natuna, be Davida dekenai ia ginidae. Vadaeni ia tui diho, iena kwarana ia atoa diho, Davida ia matauraia. \p Davida ia gwau, “Mepiboseta.” Mepiboseta ia haere, ia gwau, “Lohia e, lau be oiemu hesiai tauna.” \p \v 7 Davida ese ia hamaoroa, ia gwau, “Oi gari lasi, oiemu tamana Ionatana dainai, kara namona oi dekenai do lau karaia. Oiemu tubuna Saulo ena tano ibounai be oi dekenai do lau henia, bona lauegu aniani patana dekenai do oi aniani nega ibounai.” \p \v 8 Mepiboseta be ma ia tui diho lou, ia gwau, “Lau, oiemu hesiai tauna, egu namo be dahaka? Lau be sisia ia mase bamona, lau dekenai oi laloa ena anina be dahaka?” \p \v 9 Vadaeni king ese Saulo ena hesiai tauna Siba ia boiria, ia hamaoroa, ia gwau, “Saulo mai ena famili taudia edia kohu ibounai be oiemu biaguna ena tubuna dekenai lau henia vadaeni. \v 10 Oi, bona oiemu natuna, bona oiemu hesiai taudia ese Saulo ena tano do umui birulaia, bona tano ena anina do umui haboua, Saulo iena famili edia aniani do oi henia totona. To oiemu biaguna ena tubuna Mepiboseta be lauegu aniani patana dekenai do ia aniani, nega ibounai.” \p Siba ena natuna tau be 15, bona iena hesiai taudia be 20. \p \v 11 Siba ese king dekenai ia hereva, ia gwau, “Lauegu king badana e, lau ese oiemu oda ibounai do lau karaia.” \p Unai dainai Mepiboseta be Davida ena pata dekenai ia aniani, king ena natuna ta bamona. \p \v 12 Mepiboseta be mai ena natuna maragina ta, iena ladana be Mika. Siba ena famili taudia ibounai be Mepiboseta ena hesiai taudia idia lao. \v 13 Unai dainai Mepiboseta be Ierusalema dekenai ia noho, badina be king ena pata dekenai ia aniani, nega ibounai. Ia be iena aena ruaosi idia dika. \c 10 \s1 Davida ese Amono taudia bona Suria taudia ia halusia \p \v 1 Unai murinai Amono taudia edia king, Nahasa, ia mase, bona iena natuna Hanunu ese iena gabu dekenai king dagi ia abia. \v 2 Vadaeni Davida ia gwau, “Hanunu Nahasa dekenai kara namona do lau karaia, badina iena tamana Nahasa be kara namona lau dekenai ia karaia.” \p Unai dainai Davida ese iena hesiai taudia haida ia siaia, Hanunu dekenai bogahisihisi hereva do idia gwauraia, iena tamana ia mase dainai. \p To inai hesiai taudia be Amono dekenai idia ginidae neganai, \v 3 Amono ena lohia taudia ese edia king, Hanunu idia hereva henia, idia gwau, “Oi laloa Davida ese oiemu tamana ia matauraia dainai inai hesiai taudia ia siaia, a? Davida ese inai hesiai taudia oi dekenai ia siaia ena badina korikori be, hanua do idia itaia namonamo totona, bona gabeai idia bona edia tuari taudia do idia mai, iseda hanua hadikaia totona!” \p \v 4 Vadaeni Hanunu ese Davida ena hesiai taudia ia dogoatao, edia auki huina kahana ia utua oho, bona edia dabua ia utua kwadogi, vadaeni taunimanima ese edia kununa idia itaia diba, bona ia ese idia ia siaia lou. \p \v 5 To inai hesiai taudia idia hemarai bada dainai, idia ura lasi edia gabu dekenai do idia giroa lou. Davida ese inai Hanunu ena kara ena sivarai ia kamonai, vadaeni ia ese tau haida ia siaia unai hesiai taudia dekenai, ia gwau, “Umui be Ierusalema dekenai do umui giroa mai haraga lasi, to Ieriko hanua dekenai do umui noho, ela bona emui auki huina be do ia tubu lou, vadaeni unai neganai do umui giroa mai.” \p \v 6 Amono taudia idia diba vadaeni, Davida ena lalona be ia dika noho idia dekenai. Vadaeni idia ese Suria taudia Bete Rehoba dekena amo, bona Soba dekena amo idia boiria. Inai hanua ruaosi dekena amo tuari taudia 20,000 be moni dekenai idia hoia, idia ese Amono taudia tuari lalonai do idia durua totona. Ma Amono taudia ese tuari taudia 12,000 be Tobo hanua dekena amo idia hoia, bona Maka ena king mai ena tuari taudia 1000 danu idia hoia. \p \v 7 Davida ia kamonai, vadaeni ia ese Ioaba mai ena tuari taudia ibounai danu ia siaia lao. \v 8 Vadaeni Amono taudia be tuari totona idia raka mai. Edia tuari gaudia idia dogoatao hegaegae, bona edia hanua Raba, ena magu iduara ena vairanai idia gini. To Suria taudia Soba bona Rehoba dekena amo, bona Tobo, bona Maka taudia, be idia sibona hanua ena murimurinai rei bona kurukuru tano dekenai idia gini. Idia ibounai be Israela taudia tuari henia totona idia gini hegaegae noho. \p \v 9 Ioaba ia itaia, unai tuari taudia ese vairana bona murina dekena amo Israela orea do idia tuari henia gwauraia. Vadaeni ia ese Israela edia goada taudia haida ia abia hidi, Suria taudia tuari henidia totona ia siaidia lao. \v 10 Bona Ioaba ese iena tuari taudia oredia be iena tadina Abisai dekenai ia henia, do ia biagudia, bona Amono taudia tuari henidia totona ia siaidia lao. \v 11 Ioaba ese Abisai ia hamaoroa, ia gwau, “Bema Suria taudia idia goada herea, lauegu orea do oi durua. To bema Amono taudia be umui dekenai idia goada herea, lau ese umui do lau durua. \v 12 Do umui gari lasi, do ita laloa goada, mai boga auka danu. Iseda bese dainai, bona iseda Dirava ena hanua ibounai dainai, do ita tuari auka momokani. Namona be Lohiabada ena ura do ia vara.” \p \v 13 Vadaeni Ioaba mai ena tuari taudia danu idia lao, Suria taudia idia tuari henia, bona Suria taudia be Ioaba ena orea edia vairanai idia heau. \v 14 Amono taudia idia itaia, Suria taudia be idia heau, vadaeni idia danu Abisai ena vairanai idia heau, hanua lalonai idia heau vareai. Vadaeni Ioaba be Amono taudia tuari henia dekena amo ia doko. Ia be Ierusalema dekenai ia giroa lao. \p \v 15 Suria taudia be idia diba vadaeni, Israela taudia ese idia halusidia vadaeni. Unai dainai idia ese edia tuari taudia idia haboua. \v 16 Vadaeni king Hadadesa ese hereva ia siaia, Suria taudia Euperate Sinavai ena dina daekau kahanai idia noho be ia boiria, bona idia mai, Helama dekenai idia ginidae. Sobaka, Hadadesa ena tuari biaguna ese idia ia biagua. \p \v 17 Davida idia hamaoroa neganai, ia ese Israela tuari taudia ia haboua, bona idia ese Ioridane Sinavai idia hanaia, bona Helama dekenai idia lao. Vadaeni Suria taudia ese Davida tuari henia totona idia raka vaira, bona tuari ia matamaia. \p \v 18 Israela taudia be idia kwalimu, bona idia ese Suria taudia idia lulua lao. Suria taudia edia kariota guia taudia 700, bona hosi guia taudia 40,000 be Davida ese ia alaia mase. Sobaka danu, edia tuari biaguna be idia haberoa, bona unuseni ia mase. \p \v 19 King haida be king Hadadesa ena henunai iena hesiai gaukara idia karaia. To idia itaia Israela taudia ese Hadadesa idia halusia. Vadaeni idia ese Israela taudia danu idia maino karaia, bona edia hesiai gaukara idia karaia. Bona unai negana ia lao, Suria taudia be Israela taudia dekenai idia gari dainai, idia ese Amono taudia idia durua lou lasi. \c 11 \s1 Davida bona Bataseba \p \v 1 Siahu negana be kahirakahira do ia ginidae, bona lagani ibounai, unai be king taudia tuari totona idia toreisi negana. Vadaeni unai neganai Davida ese Ioaba mai ena tuari biagudia bona Israela tuari taudia ibounai ia siaia lao. Bona idia ese Amono taudia idia halusia momokani, bona Raba hanua idia koua hagegea. To Davida be Ierusalema dekenai ia noho. \p \v 2 Adorahi ta, Davida be iena mahuta patana dekena amo ia toreisi, iena ruma badana ena guhi dekenai ia raka. Vadaeni guhi dekena amo Davida ese hahine ta ia itaia, ia digu noho. Ia be hahine namona, mai ena hairaina. \v 3 Davida ese hesiai tauna ia siaia, do ia davaria, unai hahine be daika. Ia davaria ia be Bataseba Elerama, Hiti tauna ladana Uria ena adavana. \v 4 Davida ese hesiai taudia ia siaia, idia ese hahine idia abia. Bona hahine be Davida dekenai ia mai, Davida ese ia sihari henia. Unai neganai hahine be iena hua gorere dekena amo ia goeva vadaeni. Unai murinai, hahine be iena ruma dekenai ia giroa lou. \p \v 5 Gabeai hahine ia davaria ia be rogorogo, vadaeni ia ese hereva ia siaia, Davida ia hamaoroa, ia gwau, “Lau be lau rogorogo vadaeni.” \p \v 6 Unai dainai Davida ese hereva ta ia siaia Ioaba dekenai, ia gwau, “Uria, Hiti tauna do oi siaia mai.” \v 7 Uria be ia dekenai ia ginidae neganai, Davida ese Ioaba bona iena tuari taudia be edena bamona, bona tuari ena sivarai be edena bamona ia nanadaia. \v 8 Vadaeni Davida ese Uria ia hamaoroa, ia gwau, “Oiemu ruma dekenai do oi lao, oiemu aena do oi huria.” Vadaeni Uria be king ena ruma dekena amo ia diho, bona king ese harihari gauna ta Uria dekenai ia siaia lao. \v 9 To Uria be king ena ruma ena iduara badinai ia mahuta, iena king ena hesiai taudia ibounai danu, ia be iena ruma korikori dekenai ia lao lasi. \p \v 10 Tau haida ese Davida idia hamaoroa, idia gwau, “Uria be iena ruma dekenai ia lao lasi.” Vadaeni Davida ese Uria ia nanadaia, ia gwau, “Badina dahaka oiemu ruma dekenai oi giroa lou lasi, oi be gabu daudau dekena amo oi giroa mai vadaeni?” \p \v 11 Uria ese Davida dekenai ia haere, ia gwau, “Israela tuari taudia be tuari gabuna dekenai idia tuari noho, bona Taravatu Maua be idia danu ia noho. Lauegu tuari biaguna Ioaba mai ena taudia be ruma lasi, tano dekenai idia kamepa noho. Lau be egu ruma dekenai do lau lao, do lau aniani, do lau inua, lauegu adavana danu do ai mahuta hebou, a? Lasi, Dirava ena vairanai lau gwauhamata, unai bamona do lau karaia lasi!” \p \v 12 Vadaeni Davida ia gwau, “Hari dina dekenai iniseni do oi noho, bona kerukeru oi do lau siaia lou.” Unai dainai, Uria be Ierusalema dekenai ia noho, unai dina bona kerukeru ela bona daba rere. \v 13 Davida ese aniani totona ia boiria, vadaeni Uria be king ena aniani patana dekenai ia aniani bona ia inua ela bona ia kekero. To unai hanuaboi, iena ruma korikori dekenai ia lao lasi, to iena geda dekenai ia mahuta, king ena hesiai taudia edia mahuta gabuna dekenai. \p \v 14 Daba neganai, Davida ese revareva ta ia torea Ioaba dekenai, bona Uria ena imana dekenai ia siaia. \p \v 15 Revareva lalonai Davida ese inai bamona ia torea, “Uria be tuari ia auka momokani gabuna dekenai do oi atoa, bona ia dekena amo do oi siri, do idia alaia mase totona.” \p \v 16 Vadaeni Ioaba ese hanua ia koua hagegea neganai, ia ese Uria dekenai gabu ta ia henia, ia diba unai be tuari diba momo taudia do idia mai gabuna. \v 17 Vadaeni unai hanua taudia idia raka mai, Ioaba ena tuari taudia dekenai idia tuari. Ioaba ena opesa taudia haida idia moru, bona Uria, Hiti tauna danu idia alaia mase. \p \v 18 Vadaeni Ioaba ese hereva ia siaia, tuari ena sivarai ibounai Davida dekenai ia hamaoroa. \v 19 Ioaba ese hereva siaia tauna ia hamaoroa, ia gwau, “Tuari sivarai king dekenai oi hamaoroa vadaeni neganai, \v 20 be sedira do ia badu, oi do ia gwau henia, do ia gwau, ‘Badina dahaka hanua kahirakahira umui tuari noho? Umui diba lasi, idia ese magu dekena amo diba idia pidia, a? \v 21 Abimeleka Ierubeseta be daika ese ia alaia mase? Hahine ta ese uiti moia nadi ta magu dekena amo ia negea diho ia latanai, bona Tebese hanua dekenai ia mase, ani? Badina dahaka magu dekenai umui lao?’ Unai bamona ia hereva neganai, oi ese inai bamona do oi gwau, ‘Oiemu hesiai tauna Uria, Hiti tauna, danu ia mase vadaeni.’ ” \p \v 22 Vadaeni hesiai tauna ia lao, bona ia ginidae neganai, ia ese Ioaba ia hadibaia hereva ibounai be Davida dekenai ia hamaoroa. \v 23 Hesiai tauna ese Davida ia hadibaia, ia gwau, “Idia ese hanua idia rakatania, idia ese ai idia halusia, to taunimanima noho lasi tano dekenai ai tuari goada, ai luludia lao, ela bona hanua ena ikoukou dekenai. \v 24 Unai neganai peva taudia ese magu dekena amo diba idia pidia ai dekenai, bona king ena tuari taudia haida be idia mase, oiemu hesiai tauna Uria, Hiti tauna danu ia mase.” \p \v 25 Davida ese hesiai tauna ia hamaoroa, ia gwau, “Ioaba be inai bamona do oi hamaoroa, oi gwau, ‘Inai sivarai dainai do oi laloa momo lasi, badina be tuari lalonai ita diba lasi daika bona daika do idia mase.’ Bona Ioaba do oi hamaoroa, oi gwau, ‘Unai hanua do umui tuari henia goadagoada, bona do umui halusia.’ Inai hereva dekena amo Ioaba ena lalona do oi hagoadaia.” \p \v 26 Uria ena adavana Bataseba ia kamonai iena adavana ia mase, vadaeni ia totona ia taitai. \v 27 Taitai dinadia be idia ore neganai, Davida ese hesiai tauna ia siaia, Bataseba ia hakaua mai iena ruma dekenai, vadaeni Davida ese Bataseba ia adavaia. Bataseba ese natuna tau Davida dekena amo ia havaraia. To Lohiabada ese Davida ena kara dainai ia badu. \c 12 \s1 Natana ese Davida ia gwau henia, bona Davida ese iena lalona ia giroa \p \v 1 Lohiabada ese Natana be Davida dekenai ia siaia lao. Ia be Davida dekenai ia ginidae, ia gwau, “Hanua ta lalonai tau rua idia noho, ta be kohu momo tauna, ma ta be ogogami tauna. \v 2 Kohu momo tauna ena mamoe bona nani be momo herea. \v 3 To ogogami tauna ena kohu be tamona sibona, mamoe natuna hahine ta, ia hoia gauna. Ogogami tauna ese mamoe ia ubua, iena natuna ia ubua bamona, sibona ena aniani dekenai ia ubua, bona sibona ena kapusi dekena amo mamoe ese ia inua, bona unai tau ena mamuna dekenai mamoe be ia hekure, iena natuna kekeni bamona. \v 4 Nega ta vadivadi tauna ese kohu momo tauna ena ruma dekenai ia ginidae. Kohu momo tauna ia ura lasi iena mamoe ta ia alaia, unai dainai, ogogami tauna ena mamoe natuna ia abia, ia nadua, iena vadivadi tauna dekenai ia henia.” \p \v 5 Vadaeni Davida be ia badu momokani unai kohu momo tauna dekenai, ia ese Natana dekenai ia hamaoroa, ia gwau, “Mauri Lohiabada dekenai lau gwauhamata, unai bamona ia karaia tauna harihari do ia mase be namo. \v 6 Ia ese mamoe natuna ena davana do ia henia nega 4, badina ia be bogahisihisi ia henia lasi dainai.” \p \v 7 Vadaeni Natana ese Davida dekenai ia hereva henia, ia gwau, “Unai kohu momo tauna be oi! Lohiabada, Israela ena Dirava be inai bamona ia hereva: ‘Lau ese oi lau abia hidi, Israela ena king oi lao, bona Saulo ena siahu dekena amo oi lau hamauria. \v 8 Oiemu biaguna ena ruma oi dekenai lau henia, oiemu biaguna ena adavana danu oi dekenai lau henia. Siahu oi dekenai lau henia, vadaeni Israela bona Iuda edia king oi lao. Unai oi dekenai lau henia gaudia, idia hegeregere lasi, a? Bema idia maragi neganai, lau ese idia lau habadaia diba nega rua, ani? \v 9 Badina dahaka Lohiabada ena hereva oi negea? Badina dahaka Lohiabada ena vairanai oi kara dika bada? Oi ese Uria, Hiti tauna, tuari kaia dekena amo oi alaia, bona iena adavana oi abia, oiemu adavana oi halaoa vadaeni. Uria oi alaia, Amono taudia edia tuari kaia dekena amo. \v 10 Unai oi karaia dainai, tuari kaia be oiemu natuna bona tubuna taudia dekena amo do lau abia siri lasi. Badina be oi ese lau oi negea, bona Uria, Hiti tauna ena adavana oi abia, oiemu adavana oi halaoa.’ \p \v 11 “Lohiabada be inai bamona ia gwauhamata, ia gwau, ‘Oi sibona oiemu famili lalona dekena amo, dika oi dekenai do lau havaraia. Oiemu adavana haida be do lau abia lao, oiemu varavara tauna dekenai idia do lau henia, bona ia ese dina ena diari lalonai idia do ia sihari henidia. \v 12 Badina be unai kara be hunia dekenai oi karaia, to lau ese unai kara do lau havaraia hedinarai, Israela taudia ibounai do idia itaia totona.’ ” \p \v 13 Vadaeni Davida ese Natana dekenai ia hamaoroa, ia gwau, “Lohiabada dekenai lau kara dika vadaeni.” \p Natana ese Davida ia hamaoroa, ia gwau, “Lohiabada ese oiemu dika ia gwauatao vadaeni, do oi mase lasi. \v 14 To, unai kara dekena amo oi ese Lohiabada oi negea momokani dainai, hari ia vara vadaeni merona be do ia mase.” \v 15 Vadaeni Natana be iena ruma dekenai ia giroa lou. \s1 Davida ena natuna merona ia mase. Solomona ia vara \p Vadaeni Lohiabada ese Davida ena natuna, Bataseba dekena amo ia havaraia merona, be ia hagorerea. \v 16 Davida ese Dirava ia noia, iena natuna dainai. Davida be ia aniani lasi, to ia be iena daiutu lalonai ia raka vareai, bona hanuaboi lalonai tano sibona dekenai ia hekure. \v 17 Davida ena hesiai tau badadia be Davida dekenai idia lao, tano dekena amo do idia hatorea isi totona, to ia be ura lasi. Aniani be idia danu ia aniani lasi. \p \v 18 Dina 7 idia ore neganai mero ia mase. Davida ena hesiai taudia be unai mase herevana idia ura lasi Davida idia hamaoroa, idia gari dainai. Idia gwau, “Mero ia mauri noho neganai ai hereva henia, to ai dekenai ia kamonai lasi. Vadaeni edena bamona unai mase herevana do ai hamaoroa diba? Sibona do ia alaia, a?” \p \v 19 Davida ese iena hesiai taudia ia itaia, idia hereva maragimaragi noho, vadaeni iena lalona ia kehoa, ia diba mero ia mase vadaeni. Davida ese iena hesiai taudia ia nanadaia, ia gwau, “Mero be ia mase, a?” \q1 Idia gwau, “Ia mase vadaeni.” \p \v 20 Vadaeni Davida be tano dekena amo ia toreisi, ia digu, iena tauanina be bonana namo dehoro dekenai ia dahua, dabua namodia ia karaia. Bona Lohiabada ena Dubu lalonai ia raka vareai, ia tomadiho. Unai murinai ia be iena ruma dekenai ia lao, aniani totona ia noinoi, bona idia ese aniani idia henia neganai, maoromaoro ia aniani. \p \v 21 Iena hesiai taudia ese Davida idia hereva henia, idia gwau, “Oiemu kara dekenai ai daradara, badina be mero ia mauri neganai, oi aniani lasi bona oi taitai, to mero ia mase murinai oi toreisi, oi aniani!” \p \v 22 Davida ia gwau, “Mero be do ia mauri noho neganai lau aniani lasi bona lau taitai, badina inai bamona lau laloa, lau gwau, ‘Daika ia diba, sedira Lohiabada ese lau dekenai do ia bogahisihisi, bona mero do ia mauri, o?’ \v 23 To harihari mero be ia mase vadaeni, bona do lau aniani lasi ena anina be dahaka? Do lau hamauria lou diba, a? Lau be ia dekenai lau lao diba, to ia be lau dekenai do ia giroa mai diba lasi.” \p \v 24 Vadaeni Davida ese iena adavana Bataseba ena lalona ia hagoadaia. Idia ruaosi idia mahuta hebou, bona Bataseba ese natuna merona ta ia havaraia. Mero be Davida ese iena ladana ia atoa, Solomona. Lohiabada ese mero ia lalokau henia. \v 25 Lohiabada ese peroveta tauna Natana ia oda henia, unai mero ena ladana do ia atoa, Iedidaia. \s1 Davida ese Raba hanua ia abia \p \v 26 Ioaba ese Raba, Amono taudia edia hanua ta, ia tuari henia, bona unai hanua ena king ia abia. \v 27 Vadaeni Ioaba ese hereva gwauraia taudia Davida dekenai ia siaia, ia gwau, “Raba be lau tuari henia vadaeni, bona Raba ena ranu gabuna lau abia vadaeni. \v 28 Unai dainai, oiemu tuari taudia oredia do oi haboua, Raba hanua do umui koua hagegea, do umui abia, lau sibona ese hanua do lau abia, bona egu ladana do lau habadaia garina.” \p \v 29 Vadaeni, Davida ese iena tuari taudia ia haboua, Raba dekenai ia lao, ia tuari henia ela bona ia abia. \v 30 Raba ena king ena kwara gauna be iena kwarana dekena amo ia kokia, unai kwara gauna ena golo ena metau be 35 kilogaram, bona unai golo ena lalonai be herahera nadi namo hereana ta. Vadaeni Davida ena kwarana dekenai idia atoa. Davida ese danu kohu momo herea Raba hanua dekena amo ia abia lao. \p \v 31 Davida ese danu Raba hanua taudia ia abia lao, gaukara idia dekenai ia henia, iri bona piki, bona auri iradia dekena amo do idia gaukara. Bona unai taudia ia siaia lao, raro dekena amo biriki do idia karaia. Amono hanua ibounai edia taudia dekenai unai bamona gaukara ia henidia. Vadaeni Davida be Ierusalema dekenai ia giroa lou. \c 13 \s1 Aminona ese Tamara ia hadikaia \p \v 1 Davida ena natuna Abesaloma be mai ena taihuna ta, ena ladana be Tamara. Ia be kekeni mai hairaina, bona Aminona, Davida ena natuna ta ese Tamara ia ura henia. \v 2 Aminona ese unai kekeni Tamara ia gahusia dainai gorere ia davaria. Badina ia be mai ena dala ta lasi unai kekeni do ia abia, Tamara be kekeni rami hebou dainai. Kekeni rami hebou be edia bese idia taravatua, tau dekena amo do idia noho siri. \p \v 3 To Aminona be mai ena turana ta, ena ladana be Ionadaba, Davida ena kakana Simea ena natuna. Inai Ionadaba be diba momo tauna. \v 4 Ia ese Aminona ia hereva henia, ia gwau, “King ena natuna e, badina dahaka dina ibounai oiemu toana be oi gorere bamona? Oiemu lalohisihisi ena badina be dahaka?” \p Aminona ese ia haere, ia gwau, “Lauegu tadina Abesaloma ena taihuna lau ura henia noho.” \p \v 5 Ionadaba ese Aminona ia hamaoroa, ia gwau, “Oiemu mahuta patana dekenai do oi hekure, do oi gorere koikoi. Vadaeni oiemu tamana ese oi ia itaia neganai, oi ese ia do oi hamaoroa, oi gwau, ‘Mani emu kara egu taihuna Tamara do ia mai, paraoa lau dekenai do ia henia, lau ania, bona aniani sisina egu vairana dekenai, do ia gabua, lau itaia, bona iena imana dekena amo do lau ania.’ ” \p \v 6 Vadaeni Aminona be ia hekure, ia gorere koikoi, bona king ia mai, ia itaia neganai, Aminona ese king ia noia, ia gwau, “Mani emu kara, egu taihuna Tamara do ia mai, keke rua egu vairana dekenai do ia gabua, bona iena imana dekena amo do lau ania.” \p \v 7 Vadaeni Davida ese hereva ia siaia Tamara dekenai, ia gwau, “Oiemu taihuna Aminona ena ruma dekenai do oi lao, iena aniani sisina do oi karaia hegaegae.” \v 8 Unai dainai Tamara be iena taihuna Aminona ena ruma dekenai ia lao, ia hekure gabuna dekenai ia raka vareai. Vadaeni Tamara ese paraoa ia hapariparia, ia giroagiroa, Aminona ena vairana dekenai keke rua ia karaia, bona idia ia gabua. \v 9 Vadaeni Tamara ese keke be paraipani dekena amo ia abia, Aminona dekenai ia henia, to ia ese keke ia ura lasi ania. \p Aminona ia gwau, “Taunimanima ibounai do oi siaia lao murimuri dekenai.” Ibounai ese inai hereva idia kamonai, ruma idia rakatania. \v 10 Vadaeni Aminona ese Tamara ia hamaoroa, ia gwau, “Keke be lau dekenai do oi abia mai, bona oi sibona lau dekenai do oi henia, do lau ania.” Tamara ese keke ia abia, bona Aminona ia hekure gabuna dekenai ia abia lao. \v 11 To Tamara ese keke ia henia neganai, Aminona ese Tamara ia dogoatao, ia rosia, ia gwau, “Egu taihuna e, oi mai, ita mahuta gabu tamona dekenai.” \p \v 12 Tamara ia haere, ia gwau, “Taihugu e, lasi, unai bamona lau dekenai do oi karaia lasi, badina be Israela dekenai unai bamona idia karaia lasi. Inai lebulebu kara do oi karaia lasi. \v 13 Egu hemarai be edena bamona do lau haorea diba, taunimanima edia vairana dekenai? Bona oi be Israela dekenai lebulebu tauna, oi do idia gwauraia. Unai dainai oi dekenai lau noinoi inai, king Davida do oi hereva henia guna, bona ia ese oi dekenai lau do ia henia, do ita headava.” \p \v 14 To Aminona ese Tamara ena hereva ia kamonai henia lasi. Aminona be goada herea, vadaeni ia ese ia veria diho, bona ia fosia, ia sihari henia. \p \v 15 Unai kara ia ore, vadaeni Aminona ese Tamara ia ura henia lasi momokani. Iena badu ia dekenai ese iena ura henia gunana ia hanaia momokani. Ia ese Tamara ia oda henia, ia gwau, “Oi lao, iniseni oi noho lasi!” \p \v 16 To Tamara ese ia haere, ia gwau, “Egu taihuna e, lasi. Hari oi ese lau dekenai oi karaia ena kerere be maragi, to oi ese lau oi lulua lao ena kerere be bada.” To Aminona ese ia dekenai ia kamonai henia lasi. \p \v 17 Aminona ese iena hesiai tauna ia boiria, ia gwau, “Inai hahine be lauegu vairana dekena amo do oi abia siri, bona iena murinai egu ruma ena iduara do oi koua bona lokaia momokani.” \v 18 Vadaeni hesiai tauna ese Tamara ia atoa murimurinai bona iduara ia lokaia. \p Tamara ena dabua be dabua latana, bona imana lata gauna, badina be unai dinadia neganai, king edia natuna ulato rami hebou be unai bamona dabua namo herea idia karaia. \v 19 To Aminona ese ia lulua lao neganai, Tamara ese lahi ena kahu be iena kwarana dekenai ia atoa, bona unai ia karaia noho dabua namona ia darea, ma iena imana be iena kwarana dekenai ia atoa, bona mai tai danu ia raka lao. Iena tai be mai boiboi bada danu. \p \v 20 Vadaeni iena taihuna Abesaloma ese Tamara ia hereva henia, ia gwau, “Oiemu taihuna ese oi danu umui siharisihari, a? Egu taihuna e, do oi tai lasi, badina ia be oiemu taihuna sibona. Do oi laloa bada lasi.” Vadaeni Tamara be Abesaloma ena ruma dekenai ia noho, to ia be mai ena laloa metau momokani. \p \v 21 King Davida ese unai kara ibounai ena sivarai ia kamonai, vadaeni ia badu momokani. \v 22 Bona Abesaloma ese Aminona ia badu henia momokani, iena taihuna Tamara ia hadikaia dainai. Unai dainai Abesaloma ese Aminona dekenai ia hereva henia lou lasi, lasi momokani. \s1 Abesaloma ese Aminona ia alaia mase \p \v 23 Lagani rua ia ore murinai, mamoe huina utua taudia ese Abesaloma ena mamoe edia huina idia utua Bala Hasoro dekenai, Eparaima kahirakahira. Vadaeni Abesaloma ese king Davida ena natuna tau ibounai ia boiria mai unuseni. \v 24 Abesaloma danu be king Davida dekenai ia lao, ia hereva henia, ia gwau, “Lohia e, lau ese egu mamoe edia huina lau utua noho. King e, mani emu kara oi bona oiemu hesiai taudia aria totona do umui mai, ani?” \p \v 25 Davida ese ia haere, ia gwau, “Egu natuna, lasi, ai ibounai do ai mai, be hekwarahi bada oi dekenai garina.” Abesaloma ese ia noia lou, noia lou, to king ia ura lasi, to iena hanamoa sibona ia henia. \p \v 26 To Abesaloma ia gwau, “Bema oi be do oi mai lasi, mani emu kara, Aminona dekenai maoro do oi henia, aria dekenai do ia mai.” \p King Davida ese Abesaloma ia nanadaia, ia gwau, “Badina dahaka oi ura Aminona be oi dekenai do ia lao?” \p \v 27 To Abesaloma ese king ia noia lou, noia lou, ela bona Davida ese Aminona, bona iena natuna tau ibounai ia ruhaia, Abesaloma danu idia lao. \p \v 28 Vadaeni Abesaloma ese iena hesiai taudia ia oda henia, ia gwau, “Aminona do umui itaia namonamo, ela bona uaina momo ia inua, bona ia kekero. Ia kekero momokani neganai, do lau gwau, ‘Aminona do umui alaia,’ bona unai neganai do umui alaia mase. Do umui gari lasi, badina lau ese umui lau oda henia, ani? Do umui boga auka, bona do umui laloa goada.” \p \v 29 Vadaeni Abesaloma ena hesiai taudia ese Abesaloma ena oda hegeregerena, Aminona idia alaia mase. Unai neganai, king Davida ena natuna tau ibounai idia toreisi, idia ta ta ibounai edia doniki idia guia, idia heau. \p \v 30 Idia be do dala dekenai idia noho neganai, tau haida ese inai sivarai Davida dekenai idia hadibaia, idia gwau, “Abesaloma ese king ena natuna tau ibounai ia alaia mase, ta ia mauri lasi.” \v 31 King Davida ia toreisi, iena dabua ia darea, bona tano dekenai iena vairana ia atoa diho. Iena hesiai taudia, unai gabu dekenai idia gini noho taudia danu ese edia dabua idia darea. \p \v 32 To Ionadaba, Davida ena tadina Simea ena natuna ia gwau, “Egu king e, idia ese oiemu natuna tau ibounai idia alaia lasi, to Aminona sibona ia mase vadaeni, Abesaloma ena oda dainai. Inai kara ena badina be inai: Abesaloma ena taihuna Tamara be Aminona ese ia hadikaia negana, ia mai bona hari, Abesaloma ia ura Aminona do ia alaia mase. \v 33 Unai dainai, egu lohia bona king e, do oi hamomokania lasi oiemu natuna tau ibounai idia mase. Lasi, to Aminona sibona ia mase.” \p \v 34 To Abesaloma be ia heau. Vadaeni unai neganai, tuari tauna ta, hanua ia gimaia noho tauna ese iena matana ia negea, taunimanima momo be Horonaimi dalana dekena amo idia mai noho, ororo kahana dekena amo. \p \v 35 Vadaeni Ionadaba ese king Davida ia hamaoroa, ia gwau, “Umui itaia, king ena natuna be idia mai noho vadaeni, lau, oiemu hesiai tauna lau gwauraia hegeregerena.” \p \v 36 Iena hereva ia doko neganai Davida ena natuna idia ginidae, vadaeni idia tai hamatamaia, mai boiboi bada danu. King Davida danu, mai iena hesiai taudia ibounai be idia tai bada herea. \p \v 37 Abesaloma be ia heau, Talemai Amihuda, Gesuru ena king dekenai ia lao. \p To Davida be dina ibounai iena natuna Aminona totona ia tai. \p \v 38 Abesaloma be ia heau murinai, Gesuru dekenai lagani toi lalonai ia noho. \v 39 Davida ena taitai Aminona totona ia ore neganai, ia ese Abesaloma dekenai ia laloa lou, bona ia ura bada Abesaloma be do ia giroa mai. \c 14 \s1 Ioaba ese Abesaloma ia hakaua lou \p \v 1 Ioaba Seruia ia diba vadaeni king Davida ia ura bada iena natuna Abesaloma do ia itaia lou. \v 2 Vadaeni Ioaba ese hereva ia siaia, aonega hahine ta Tekoa hanua dekena amo ia boiria mai. Hahine ia ginidae neganai, Ioaba ese ia hamaoroa, ia gwau, “Lau ura oi ese mase tauna totona oi taitai hahine bamona do oi karaia koikoi. Mase totona idia taitai taudia edia puse dabua do oi karaia, bona oiemu huina do oi duaria lasi. Lau ura oi be mase tauna ta totona oi taitai nega daudau ena hahine bamona do oi karaia koikoi, \v 3 vadaeni king Davida ena vairana dekenai do oi hedinarai, bona lau ese oi lau hamaoroa hereva, be king dekenai do oi gwauraia.” \p Bona Ioaba ese hahine be king dekenai do ia gwauraia hereva ia hamaoroa. \p \v 4 Vadaeni inai Tekoa hahine be king Davida ena vairana dekenai ia lao, bona tano dekenai iena vairana ia atoa, ia gwau, “King e, mani emu kara, lau do oi durua.” \p \v 5 Davida ese ia haere, ia gwau, “Oiemu hekwarahi be dahaka?” \p Hahine ia gwau, “Lau be vabu, egu tau ia mase vadaeni. \v 6 Lohia e, guna egu natuna tau be rua. Nega ta idia be uma gabuna dekenai idia heai, bona edia heatu koua totona tau ta be lasi dainai, egu natuna ta ese ta ia alaia mase. \v 7 Bona harihari egu iduhu taudia ibounai ese lau dekenai idia oda, lau ese egu natuna tamona idia dekenai do lau henia, do idia alaia totona, ia alaia tauna ena mauri davana. Bema unai bamona idia karaia, lau be natuna ta lasi momokani. Inai be hegeregere, egu lahi gida maragina, lau dekenai ia do noho gauna, be do idia habodoa bamona. Bona bema unai bamona idia karaia, egu adavana ena bese, bona iena ladana, do ia ore momokani.” \p \v 8 Davida ese hahine dekenai ia haere, ia gwau, “Oiemu ruma dekenai do oi giroa lou, bona oi laloa hekwarahi lasi, badina lau ese inai kerere do lau hamaoromaoroa.” \p \v 9 Tekoa hahine ese king ma ia hamaoroa, ia gwau, “Egu lohia bona egu king, lau bona lauegu tamana ena bese, aiemai latanai inai kerere ia noho. Egu king e, oi bona oiemu bese be mai emui kerere ta lasi.” \p \v 10 King ia gwau, “Bema tau ta ese oi hagaria totona hereva oi dekenai ia gwauraia, lau dekenai do oi mailaia, bona ia ese nega ta oi do ia hisihisi henia lou lasi.” \p \v 11 Ma hahine ese Davida ia noia lou, ia gwau, “Egu king e, mani emu kara oi ese Lohiabada oiemu Dirava do oi noia, vadaeni mase ena davana henia tauna ese mase ma ta do ia havaraia lasi, egu natuna tamona do ia alaia lasi.” \p Davida ese hahine dekenai ia haere, ia gwau, “Ia mauri noho Lohiabada ena ladanai lau gwauhamata inai, oiemu natuna be do idia hadikaia lasi momokani.” \p \v 12 Vadaeni hahine be ma ia gwau, “Mani emu kara, lau, oiemu hesiai hahine be hereva ta ma lau ura gwauraia.” \p Davida ia haere, ia gwau, “Namo, oi hereva.” \p \v 13 Hahine ese Davida ia hamaoroa, ia gwau, “Badina dahaka oi sibona ese inai bamona kara idauna Dirava ena taudia dekenai oi karaia noho? Oi ese oiemu natuna tau oi lulua vadaeni, bona iena lou mai dalana oi ese oi koua. Unai dainai, hari lau dekenai oi hereva gauna dekena amo, oi sibona oi gwauraia dika. \v 14 Ita ibounai do ita mase, ita be ranu, tano dekenai idia bubua bamona, bona tau ta ese inai ranu ia haboua lou diba lasi. To Dirava ese tau ena mauri ia haorea kava lasi. Lasi, to bema tau ta be ia dekena amo daudau herea ia noho, Dirava ese dala ta do ia karaia diba, unai tau do ia abia lou. \p \v 15 “Egu lohia bona egu king e, inai hereva oi dekenai hamaoroa totona lau mai, badina be taunimanima ese lau idia hagaria. Lau laloa bema oi dekenai lau noinoi neganai, sedira oi ese lau durua dalana do oi davaria. \v 16 Lau laloa, oi ese egu noinoi do oi kamonai, bona egu natuna bona lau ia alaia gwauraia tauna ena dala do oi koua. Badina bema unai tau ese egu natuna ia alaia neganai, ai ruaosi be Dirava ese iena bese ia henia tano dekena amo do ai boio. \p \v 17 “Lohia e, lau sibona lau laloa, bema lau durua totona oi gwauhamata neganai, oi ese lau do oi hamauria. Badina oi be Dirava ena aneru bamona, bona oi ese namo bona dika edia idau oi diba. Lohiabada, oiemu Dirava, be oi dekenai do ia noho!” \p \v 18 King Davida ia haere, ia gwau, “Oi dekenai lau noinoi, gau ta lau dekena amo do oi hunia lasi.” \p Hahine ia gwau, “Egu king e, gau ta lau dekenai do oi nanadaia, bona oi dekenai do lau hamaoroa.” \p \v 19 Vadaeni king ia gwau, “Lau laloa Ioaba ese oi ia siaia, inai hereva lau dekenai do oi hamaoroa totona, a?” \p Hahine ia haere, ia gwau, “Egu king e, oi be oi mauri noho momokani hegeregerena, lau diba oiemu henanadai dekena amo lau raka siri diba lasi, bona egu hereva lau hunia diba lasi. Io, momokani, oiemu hesiai tauna Ioaba ese lau ia oda henia, inai hereva ibounai be oi dekenai do lau gwauraia. \v 20 To ia ese unai bamona ia karaia, inai lalohisihisi Abesaloma totona do ia haorea totona. To egu lohia e, oi be Dirava ena aneru hegeregerena, bona tanobada dekenai idia vara gaudia ibounai be oi diba.” \s1 Davida ese maoro ia henia, vadaeni Abesaloma be Ierusalema dekenai ia giroa lou \p \v 21 Vadaeni king Davida ese Ioaba ia hamaoroa, ia gwau, “Oi kamonai, oi dekenai maoro lau henia, oi lao, eregabe tauna Abesaloma do oi hakaua lou mai.” \p \v 22 Ioaba be tano dekenai ia tui diho, iena kwarana tano dekenai ia atoa, Davida dekenai ia tomadiho, bona ia hanamoa. Ioaba ia gwau, “Lauegu lohia bona lauegu king, hari dina lau diba, oi ese lau dekenai oi laloa namo, badina be egu noinoi oi abia dae dainai.” \p \v 23 Vadaeni Ioaba ia toreisi, Gesuru dekenai ia lao, Abesaloma ia hakaua mai Ierusalema dekenai. \v 24 To king Davida ia oda, ia gwau Abesaloma be king ena ruma dekenai do ia noho lasi, ia be ia sibona ena ruma dekenai do ia noho siri. Davida ia gwau, “Lau ura lasi Abesaloma lau itaia.” Unai dainai Abesaloma be sibona ena ruma dekenai ia noho, king ena vairanai ia hedinarai lasi. \s1 Abesaloma bona Davida idia turana karaia lou \p \v 25 Abesaloma be toana namo tauna momokani, iena toana be mai ena sivarai bada. Bona tau ta ese ia hereaia lasi, Israela ena kahana ibounai dekenai. Iena aena dekena amo ela bona iena kwarana dekenai ia be maka dikana ta lasi. \v 26 Iena huina be bada herea, bona lagani ta ta ia utua, ia be metau herea, bona lata herea dainai. Lagani ta ena huina, ia utua gauna, ena metau, be 2 kilogaram mai kahana, king ena sikele metau tohoa gauna dekenai. \p \v 27 Abesaloma ena natuna tau be toi, bona iena natuna hahine be tamona, iena ladana be Tamara, hahine mai hairaina momokani. \p \v 28 Abesaloma be Ierusalema dekenai ia noho, to king dekenai ia hedinarai lasi, ela bona lagani rua idia ore. \v 29 Vadaeni Abesaloma ese hesiai tauna ta Ioaba dekenai ia siaia, ia gwau, “Mani emu kara, king dekenai do oi lao, lau totona do oi noinoi.” To Ioaba ia lao lasi. Nega iharuana Abesaloma ese hesiai tauna ia siaia, to Ioaba be ia kamonai lasi. \v 30 Vadaeni Abesaloma ese iena hesiai taudia ia hamaoroa, ia gwau, “Umui kamonai, Ioaba ena uma be lauegu uma badibadinai. Iena bali anina be unuseni. Unai lao, umui gabua ore.” Idia lao, Ioaba ena uma idia gabua. \p \v 31 Unai dainai Ioaba ia toreisi, Abesaloma dekenai ia lao, iena ruma dekenai. Ioaba ese ia nanadaia, ia gwau, “Badina dahaka oiemu hesiai taudia ese lauegu uma idia gabua?” \p \v 32 Abesaloma ese Ioaba dekenai ia haere, ia gwau, “Badina be guna, hesiai taudia be oi dekenai lau siaia, lau gwau, ‘Oi mai lau dekenai.’ To oi mai lasi. Lau ura egu hereva, be king dekenai oi hamaoroa. Lau gwau: Badina dahaka lau be Gesuru dekena amo lau mai? Namona be unuseni lau do noho. Lauegu noho unuseni be namo. Lau ura be king ena vairanai do lau hedinarai, bona bema ia laloa lau be mai egu kerere, king ese lau do ia alaia mase be namo.” \p \v 33 Vadaeni Ioaba be king dekenai ia lao, inai hereva ia hamaoroa. Bona Davida ese Abesaloma ia boiria. Abesaloma be king dekenai ia ginidae, vadaeni ia tui diho, iena vairana be tano dekenai ia atoa, king ena vairana dekenai. Bona king Davida ese Abesaloma dekenai ia kisi henia. \c 15 \s1 Abesaloma ese Israela ia hakaua kerere gwauraia \p \v 1 Unai murinai Abesaloma ese iena kariota ta ia abia, bona hosi, bona tatau 50, iena vairana dekenai do idia heau totona. \v 2 Abesaloma ena kara be daba maragi neganai ia toreisi, hanua ena ikoukou vareai dalana badibadinai ia gini noho. Vadaeni bema tau ta ia mai, king ese iena hepapahuahu do ia hamaoromaoroa totona, Abesaloma ese ia dekenai ia boiboi, ia gwau, “Oi be edena hanua dekena amo oi mai?” Unai tau do ia haere, bona Israela iduhu ta ena ladana ia gwauraia neganai, \v 3 Abesaloma ese do ia gwau, “Oi kamonai, oiemu hereva be namo bona maoro, to tau ta be king ese ia abia hidi lasi oiemu kota do ia tahua totona.” \p \v 4 Abesaloma ma do ia gwau, “Lau be inai tano dekenai kota biaguna ena gaukara lau karaia be namo. Unai neganai mai edia noinoi o mai edia daradara taudia ibounai be lau dekenai do idia mai, vadaeni mai maoromaoro danu idia do lau durua.” \p \v 5 Inai danu, bema tau ta be Abesaloma ena vairana dekenai ia tui diho neganai, Abesaloma ese unai tau do ia kisi henia. \v 6 Israela taudia be kota totona king dekenai idia mai gwauraia neganai, Abesaloma be unai bamona ia karaia. Unai dala dekenai Abesaloma ese Israela taudia edia lalona ia veria. \p \v 7 Lagani 4 idia ore murinai, Abesaloma ese king Davida ia hamaoroa, ia gwau, “Mani emu kara, maoro do oi henia, vadaeni lau be Heberona do lau lao. Unuseni lauegu gwauhamata, Lohiabada dekenai lau gwauraia gauna, ena anina do lau havaraia. \v 8 Badina lau be Gesuru Arama tano dekenai lau noho neganai, lau gwauhamata, lau gwau, ‘Bema Lohiabada ese lau ia hakaua lou Ierusalema dekenai, lau be Lohiabada do lau tomadiho henia Heberona dekenai.’ ” \p \v 9 Davida ese ia haere, ia gwau, “Mai maino danu do oi lao.” Vadaeni Abesaloma ia toreisi, Heberona dekenai ia lao. \p \v 10 To Abesaloma ese hesiai taudia hunia dekenai ia siaia, Israela iduhu ibounai dekenai idia lao, idia gwau, “Kibi edia regena umui kamonai neganai, inai bamona do umui boiboi, umui gwau, ‘Abesaloma ese king dagi ia abia, bona Heberona dekenai ia noho!’ ” \v 11 Ierusalema taudia 200, Abesaloma ese ia boiria taudia, be ia danu idia lao. To idia be mai laloa goevagoeva idia lao, idia diba lasi Abesaloma ena koikoi. \v 12 Abesaloma ese boubou karadia ia karaia koikoi neganai, ia ese hereva ia siaia, Davida ena sisiba henia tauna ta ladana Ahitopela, Gilo tauna, ia boiria mai. Vadaeni Ahitopela ese iena hanua Gilo ia rakatania, bona ia mai, Abesaloma durua totona. Vadaeni inai Abesaloma ena koikoi karana, be ia bada daekau noho, bona Abesaloma ena murina dekenai idia raka taudia edia hutuma idia bada daekau noho. \s1 Davida dekenai idia sisiba henia vadaeni ia heau \p \v 13 Vadaeni Davida ena hesiai tauna ta be Davida dekenai ia lao, ia gwau, “Israela taudia ese Abesaloma dekenai idia lalokau henia.” \p \v 14 Unai dainai Davida ese iena hesiai taudia ibounai Ierusalema dekenai ia hamaoroa, ia gwau, “Umui toreisi, ita heau haraga, bema lasi neganai, Abesaloma dekena amo ita heau mauri diba lasi. Karaharaga, ia ese ita do ia halusia, bona Ierusalema noho taudia ibounai do ia alaia mase garina.” \p \v 15 Vadaeni king Davida ena hesiai taudia ese ia dekenai idia haere, idia gwau, “Io, oi itaia, ai be ai hegaegae noho, oiemu ura hegeregere do ai karaia.” \p \v 16 Unai dainai, king be ia toreisi, ia lao, mai ena famili taudia bona hesiai taudia ibounai. To king ese iena adavana ibounai 10, hesiai gaukara idia karaia hahine, ia rakatania, iena ruma do idia naria totona. \v 17 Vadaeni king be hanua ia rakatania, bona iena orea taudia ibounai be iena murinai idia raka noho. Bona hanua ena dokona ruma dekenai idia ginidae. \v 18 Unai neganai Davida idia gimaia tuari taudia ibounai ese edia king danu idia gini noho. Idia be Kerete taudia, Pelete taudia, bona Gata taudia 600, Gata dekena amo Davida ena murinai idia raka taudia, ese Davida ena vairanai idia gini noho. \p \v 19 Davida ese Itai, Gata tauna, dekenai ia hereva, ia gwau, “Badina dahaka oi danu ai dekenai oi mai noho? Namo oi giroa lou, king Abesaloma dekenai oi noho, badina oi be bese idau tauna, oiemu tano korikori taudia ese madi oi idia doria mai iniseni. \v 20 Varani sibona oi mai, ma hari oi do lau hakaua loaloa, a? Lau be edena gabu do lau lao be lau diba lasi. Do oi giroa lou, bona oiemu tano taudia oi danu do oi abia lao, king Abesaloma do umui naria. Bona Lohiabada ese iena bogahisihisi bona iena durua umui dekenai do ia henia.” \p \v 21 To Itai ese king dekenai ia haere, ia gwau, “Lauegu lohia bona lauegu king e, Lohiabada ena ladana dekenai oi dekenai lau gwauhamata inai: Lau be oi dekenai do lau noho, bona oi lao gabuna do lau lao, mase dekenai, o mauri dekenai.” \p \v 22 Vadaeni Davida ese Itai ia hamaoroa, ia gwau, “Vadaeni, ia namo, umui raka lao.” Unai dainai Itai, Gata tauna mai iena orea taudia danu idia raka lao, edia natuna maragidia danu. \p \v 23 Davida bona iena orea taudia ese Ierusalema idia rakatania neganai, hanua ena taunimanima ibounai idia taitai bada, mai boiboi danu. King Davida ese Kiderona sinavai maragina ia raka hanaia, bona Davida ena orea taudia ibounai be taunimanima idia noho lasi tano ena dalana dekenai idia raka lao. \p \v 24 Sadoka, hahelagaia tauna, bona Levi taudia danu ese Dirava ena Taravatu Maua idia huaia noho. Idia ese Taravatu Maua idia atoa diho, bona Abiatara ese boubou helagadia ia henia noho, ela bona Davida ena orea ibounai be Ierusalema dekena amo idia raka siri vadaeni. \p \v 25 King Davida ese Sadoka dekenai ia hereva, ia gwau, “Taravatu Maua be Ierusalema dekenai do oi huaia lou. Bema Lohiabada ese lau dekenai ia laloa namo neganai, ia ese dina ta lau do ia hakaua lou, Taravatu Maua do lau itaia lou, iena noho gabuna danu do lau itaia lou. \v 26 To bema Lohiabada ese lau dekenai ia laloa namo lasi neganai, ia sibona ena ura dekenai lau dekenai do ia karaia.” \p \v 27 Bona king Davida ese ma Sadoka dekenai ia hereva, ia gwau, “Kamonai, oi be helaga tauna lasi, a? Ierusalema dekenai do oi giroa lou, oi bona Abiatara, bona emui natuna ruaosi, oiemu natuna Ahimasa, bona Abiatara ena natuna Ionatana danu. \v 28 Lau ese taunimanima noho lasi gabunai do lau lao, bona Ioridane Sinavai hanaia gabudia dekenai do lau naria noho, ela bona umui dekena amo hereva lau kamonai.” \p \v 29 Vadaeni, Sadoka bona Abiatara ese Dirava ena Taravatu Maua idia huaia lou Ierusalema dekenai, idia be unuseni idia noho. \p \v 30 Davida be Olive Ororo dekenai ia daekau lao, mai tai danu. Tamaka be lasi, iena aena dekenai, bona lalohisihisi dainai iena kwarana ia koua. \v 31 Haida ese Davida idia hamaoroa, idia gwau, “Ahitopela be Abesaloma ena orea ia vareai vadaeni.” Vadaeni Davida ia gwau, “Lohiabada e, oi dekenai lau noinoi, Ahitopela ena sisiba be hereva kavakava do oi halaoa.” \p \v 32 Davida be ororo ena ataiai dekenai ia ginidae, Dirava idia tomadiho gabuna ta dekenai. Unuseni Husai, Araki tauna, be Davida danu ia hedavari, iena dabua be idia darea, bona tano be iena kwarana latanai. \v 33 Davida ese ia dekenai ia hereva, ia gwau, “Bema lau danu oi mai neganai, oi ese lau oi durua diba lasi. \v 34 To Ierusalema dekenai do oi giroa lao, Abesaloma do oi hereva henia, oi gwau, ‘King e, lau ura be hari oiemu hesiai tauna do lau lao, guna oiemu tamana ena hesiai tauna lau lao hegeregerena.’ Unai dekena amo, oi ese Ahitopela ena sisiba hereva do oi utua, lau durua totona. \v 35 Hahelagaia taudia be unuseni do idia noho oi danu, ani? Unai dainai dahaka dahaka oi kamonai king ena ruma dekenai, unai hereva be Sadoka bona Abiatara dekenai do oi hadibaia. \v 36 Idia edia natuna ruaosi, Ahimasa Sadoka bona Ionatana Abiatara be unuseni danu. Oi kamonai hereva ibounai, be idia dekena amo, lau dekenai do oi siaia.” \p \v 37 Unai dainai Davida ena turana Husai be Ierusalema dekenai ia raka vareai, Abesaloma be Ierusalema dekenai ia daekau neganai. \c 16 \s1 Davida bona Siba \p \v 1 Davida ese ororo ataiai sisina ma ia raka hanaia, vadaeni ia be Siba, Mepiboseta ena hesiai tauna danu ia hedavari. Siba ese doniki rua ia hakaua, edia maduna be beredi 200, vain huahua kaukaudia kumia gaudia 200, au huahua idauidau 100, bona uaina kopina ta. \p \v 2 King Davida ese Siba ia nanadaia, ia gwau, “Badina dahaka inai aniani oi mailaia?” \p Siba ia haere, ia gwau, “Doniki be oiemu famili taudia do idia guia totona, beredi bona au huahua be oiemu orea taudia do idia ania totona, bona uaina be taunimanima noho lasi tano dekenai idia manori neganai do idia inua totona.” \p \v 3 King Davida ia gwau, “Mepiboseta, oiemu biaguna Saulo ena tubuna be edeseni?” \p Siba ia haere, ia gwau, “Mepiboseta be Ierusalema dekenai ia noho. Ia laloa Israela taudia ese iena tubuna Saulo ena basileia be do idia henia lou ia dekenai.” \p \v 4 King Davida ese Siba ia hamaoroa, ia gwau, “Oi kamonai, Mepiboseta ena gau ibounai harihari be oiemu.” \p Siba ia gwau, “Lau ese oi lau tomadiho henia, lauegu lohia bona king, lau dekenai do oi laloa namo hanaihanai.” \s1 Davida bona Simei \p \v 5 King Davida be Bahurimi dekenai ia ginidae, vadaeni Saulo ena varavara ta, Simei be unuseni. Ia be Davida dekenai ia raka mai. Ia raka noho neganai, ia ese Davida ia hereva dika henia. \v 6 Simei ese nadi dekena amo Davida ia hodoa, bona ia ese king Davida ena hesiai taudia danu ia hodoa. Hanua taudia ibounai bona Davida ena tuari taudia ese Davida idia hagegea, to Simei be unai bamona ia karaia noho. \v 7 Bona Simei ese Davida ia gwau henia noho, ia gwau, “Rara habubua tauna e, ala-ala tauna dikana, oi siri, oi siri! \v 8 Oi ese Saulo ena basileia oi abia neganai, Saulo ena varavara momo oi alaia mase. Inai dika dainai, Lohiabada ese oi ia panisia noho. Lohiabada ese Basileia oiemu natuna Abesaloma dekenai ia henia vadaeni. Kamonai, oiemu dika ese oi sibona ia hadikaia inai, badina be oi be rara habubua tauna.” \p \v 9 Vadaeni Abisai Seruia ese king Davida ia hereva henia, ia gwau, “Badina dahaka inai sisia masena ese lauegu lohia bona king ia hereva dika henia noho? Mani do lau lao, iena kwarana do lau utua oho.” \p \v 10 To king Davida ia gwau, “Lasi, inai be lauegu kerere totona, oi be lasi. Bema lau dekenai ia hereva dika henia, Lohiabada ese unai bamona ia hamaoroa dainai, daika ese iena kara ia koua diba?” \p \v 11 Bona Davida ese Abisai bona iena hesiai taudia ibounai ia hamaoroa, ia gwau, “Umui kamonai, lauegu natuna korikori ese lauegu mauri ia utua gwauraia noho. Vadaeni inai Beniamina tauna ese lau ia hadikaia gwauraia be umui hoa, a? Lohiabada ese ia hamaoroa, do ia hereva dika, unai dainai do ita koua lasi. \v 12 Sedira Lohiabada ese lauegu hisihisi do ia itaia, bona ia ese inai hereva dika, hari dina lau abia gauna, ena davana lau dekenai do ia henia.” \p \v 13 Vadaeni Davida mai ena orea taudia danu dala dekenai amo idia raka, to Simei be ororo kahana dekena amo ia raka lao, Davida dekenai ia hereva dika bona nadi bona kahu ia negea. \v 14 King mai ena taunimanima ibounai danu be Ioridane Sinavai dekenai idia ginidae, idia be manori. Unuseni Davida ia laga-ani. \s1 Abesaloma be Ierusalema dekenai \p \v 15 Abesaloma bona Israela taudia ibounai be Ierusalema dekenai idia ginidae. Ahitopela danu be Abesaloma danu. \v 16 Vadaeni Husai, Araki tauna, Davida ena turana, be Abesaloma dekenai ia lao. Vadaeni Husai ese Abesaloma ia hamaoroa, ia gwau, “King ena mauri do ia daudau! Oiemu mauri be daudau!” \p \v 17 Abesaloma ese Husai ia nanadaia, ia gwau, “Oiemu turana Davida be inai bamona oi lalokau henia, a? Badina dahaka ia danu oi lao lasi, a?” \p \v 18 Husai ese Abesaloma dekenai ia haere, ia gwau, “Lasi, Lohiabada ese ia abia hidi tauna, bona inai taunimanima bona Israela taudia ibounai ese idia abia hidi tauna be lau ese danu lau abia dae, bona ia dekenai do lau noho. \v 19 Bona inai danu, daika ena hesiai gaukara do lau karaia? Iena natuna, ani? Oiemu tamana ena hesiai gaukara lau karaia hegeregerena, oiemu hesiai gaukara danu do lau karaia.” \p \v 20 Vadaeni Abesaloma ese Ahitopela ia hamaoroa, ia gwau, “Oiemu laloa do oi gwauraia, edena bamona do ita karaia?” \p \v 21 Ahitopela ese Abesaloma dekenai ia haere, ia gwau, “Oiemu tamana ena adavana, king ruma naria totona Davida ese ia rakatania hahine taudia, do oi sihari henidia. Vadaeni Israela taudia ibounai do idia kamonai, oi ese oiemu tamana oi habadua momokani, bona ia ese oi dekenai ia dagedage henia. Unai neganai oiemu murinai idia raka taudia ibounai ese laloa goada do idia abia.” \v 22 Unai dainai idia ese palai ruma ta idia haginia, ruma ena guhi latanai, Abesaloma ena. Vadaeni Abesaloma ese Davida ena adavana, hesiai hahine taudia, ia sihari henidia, Israela taudia ibounai edia vairanai. \p \v 23 Ahitopela ena sisiba bona iena laloa unai dinadia neganai be Dirava ena hereva bamona. Unai dainai Davida bona Abesaloma danu ese Ahitopela ena laloa ibounai idia abia dae, Dirava ena hereva do idia abia dae bamona. \c 17 \p \v 1 Ahitopela ese Abesaloma ia hamaoroa, ia gwau, “Mani emu kara, tuari taudia 12,000 do lau abia hidi, bona do lau toreisi, hari hanuaboi Davida ena murinai do lau heau. \v 2 Lau ura be Davida ia manori bona laloa metau noho neganai ia do lau tuari henia, bona do lau hagaria. Unai neganai iena orea taudia ibounai do idia heau, bona King Davida sibona do lau alaia mase. \v 3 To iena orea taudia ibounai be oi dekenai do lau hakaua mai, headava matamata hahine ese iena adavana dekenai ia mai bamona. Tau tamona do lau hamasea, Israela taudia ibounai be maino do idia abia totona.” \v 4 Inai laloa be Abesaloma bona Israela edia gunalaia taudia ese idia ura henia. \p \v 5 Vadaeni Abesaloma ia gwau, “Husai, Araki tauna danu do umui boiria, iena hereva do ita kamonai.” \v 6 Husai be Abesaloma dekenai ia ginidae neganai, Abesaloma ese ia nanadaia, ia gwau, “Ahitopela be unai bamona ia gwau, iena laloa be do ita karaia, o? Bema lasi, oi ese do oi hereva.” \p \v 7 Husai ia haere, ia gwau, “Inai nega dekenai, Ahitopela ena laloa be namo lasi. \v 8 Oi diba oiemu tamana bona iena tuari taudia be goada herea, bona idia be badu maragi lasi, bea hahine bema haida ese iena natuna idia henaoa neganai. Oiemu tamana be tuari diba momo tauna. Ia be iena tuari taudia danu hanuaboi lalonai do idia mahuta lasi. \v 9 Do oi laloa, inai harihari ia be guri ta o nadi matuna dekenai ia hunia noho. Bema Davida ese oiemu tuari taudia do ia tuari henia guna, bona haida ia alaia haraga neganai, do idia kamonai taudia do idia gwau, ‘Abesaloma murinai idia raka taudia be idia mase ore.’ \v 10 Unai neganai tuari taudia goada herea, edia lalona be laiona ena lalona bamona taudia, be do idia gari dikadika. Badina be Israela taudia ibounai idia diba oiemu tamana be goada herea, bona ia dekenai idia noho taudia danu be goada herea. \p \v 11 “Unai dainai lauegu laloa be inai: Israela taudia ibounai Dano dekena amo ela bona Bere Sieba dekena amo, momo herea, kone miri bamona do oi haboua. Vadaeni oi ese inai tuari orea ibounai do oi gunalaia. \v 12 Unai neganai ita ese Davida ia noho gabuna dekenai do ita davaria, bona do ita tuari henia haraga, ia diba lasi neganai. Ia bona iena orea taudia ibounai do idia mase. \v 13 Bema Davida ese hanua ta dekenai do ia raka vareai, Israela taudia ibounai be kwanau do idia abia lao, unai hanua do idia veria diho ela bona koura lalonai. Nadi ena momoru ta be ororo ataiai do ia noho lasi.” \p \v 14 Vadaeni Abesaloma bona Israela taudia ibounai idia gwau, “Husai ena laloa ese Ahitopela ena laloa ia hereaia.” Lohiabada ese Ahitopela ena sisiba namona ia koua, badina be ia ura Abesaloma do ia hadikaia gwauraia. \s1 Davida dekenai idia sisiba henia, vadaeni ia heau mauri \p \v 15 Vadaeni Husai ese hahelagaia taudia Sadoka bona Abiatara ia hamaoroa, ia gwau, “Ahitopela ena laloa be inai bamona ia gwauraia Abesaloma bona Israela gunalaia taudia dekenai. To lauegu laloa be inai bamona lau gwauraia idia dekenai. \v 16 Unai dainai, hereva do umui siaia haraga, Davida dekenai do umui hamaoroa, umui gwau, ‘Hari inai hanuaboi, umui ese Ioridane Sinavai idia hanaia gabudia dekenai do umui naria noho lasi, to harihari sinavai do umui hanaia haragaharaga. Bema umui hanaia lasi, oi bona oiemu orea taudia ibounai be do idia dogoatao, bona hamasea.’ ” \p \v 17 Unai neganai Ionatana bona Ahimasa be Ene Rogele dekenai idia naria noho, Ierusalema ena murimurinai. Ierusalema lalonai idia vareai lasi, haida ese idia do idia itaia garina. Husai ena hesiai kekeni ta ena kara be, unai tau ruaosi dekenai ia lao, hereva idia dekenai ia gwauraia, vadaeni idia ese king Davida dekenai idia abia lao. \v 18 To unai dina dekenai, mero ta ese idia ia itaia, vadaeni ia ese Abesaloma ia hamaoroa. Unai dainai idia ruaosi be idia raka lao haraga, Bahurimi hanua dekenai idia lao, tau ta ena ruma dekenai idia ginidae. Unai tau be mai ena ranu guri ta, iena magu lalonai. Vadaeni ruaosi be ranu guri lalonai idia diho, idia hunia. \v 19 Bona unai ruma hahine ese ranu guri ia koua, bona ranu guri ena latanai uiti momo ia negea, negea kava. Unai kara be tau ta ese ia diba lasi. \p \v 20 Abesaloma ena hesiai taudia be unai ruma dekenai idia daekau, hahine idia nanadaia, idia gwau, “Ahimasa bona Ionatana be edeseni?” Hahine ia haere, ia gwau, “Sinavai maragina dekenai idia raka hanaia.” \p Vadaeni Abesaloma ena hesiai taudia ese Ahimasa bona Ionatana idia tahua, to idia davaria lasi. Unai dainai Ierusalema dekenai idia giroa lou. \p \v 21 Idia giroa lou, vadaeni Ahimasa bona Ionatana be ranu guri dekena amo idia daekau, maoromaoro idia lao, king Davida idia hamaoroa totona. Idia ese Davida idia hamaoroa, idia gwau, “Oi toreisi, sinavai do umui hanaia haraga, badina be Ahitopela ese palani ta ia gwauraia vadaeni, oi Davida do ia hadikaia totona, bema inai kahana umui noho neganai.” \v 22 Vadaeni Davida bona iena taudia ibounai idia toreisi haraga, Ioridane Sinavai idia hanaia. Daba neganai, ibounai be idia hanaia vadaeni, ta ia noho lasi. \p \v 23 Ahitopela ia kamonai iena laloa be king Abesaloma ia abia dae lasi, vadaeni iena doniki ia abia hegaegae, iena hanua korikori dekenai ia giroa lou. Iena kohu ibounai ia atoa namonamo, vadaeni ia sibona ia taua dae, ia mase. Vadaeni iena tamana ena guria gabuna dekenai idia guria. \p \v 24 Davida be Mahanaimi dekenai ia ginidae. Vadaeni Abesaloma ese Ioridane Sinavai ia hanaia, Israela tuari taudia ibounai danu. \v 25 Abesaloma ese Amasa ia abia hidi, iena tuari orea do ia biagua, Ioaba ena gabuna dekenai. Inai Amasa be Isamaela tauna ta, ladana Itira, ena natuna. Iena adavana be Abigaila Nahasa, Ioaba ena sinana Seruia ena tadina. \v 26 Israela tuari taudia bona Abesaloma be Gileada tanona dekenai idia kamepa. \p \v 27 Davida be Mahanaimi dekenai ia ginidae neganai, Sobi Nahasa, Amono tauna, Raba hanua dekena amo, bona Makiri Amiele, Lo Debara hanua dekena amo, bona Barasilai, Gileada tauna, Rogelima hanua dekena amo idia mai, \v 28 mahuta gaudia, bona uro, bona hodu idia mailaia, bona uiti, bali, paraoa, iuti idia gabua gaudia, bini idauidau, \v 29 hani, bata, mamoe, sisi, boromakau ena rata dekena amo idia karaia gaudia danu. Inai gaudia bona aniani ibounai be Davida bona iena taudia dekenai idia henia. Badina be idia gwau, “Madi king Davida mai ena orea taudia be taunimanima idia noho lasi tanona idia loaloa dainai idia manori, idia hitolo, bona idia ranu mase danu.” \c 18 \s1 Davida ena orea ese Abesaloma ia halusia, Abesaloma ia mase \p \v 1 Davida ese iena orea taudia ia haboua, bona gunalaia taudia ia abia hidi, 1000 ta ta edia biagudia, bona 100 ta ta edia biagudia. Bona unai totona siahu ia henidia. \v 2 Davida ese tuari orea ia haria, kahana toi, vadaeni ia siaidia lao. Kahana ta be Ioaba ia gunalaia, kahana ta be Abisai Seruia, Ioaba ena tadina ese ia gunalaia, bona kahana ta be Itai, Gata tauna ese ia gunalaia. Vadaeni Davida ese iena tuari taudia ia hamaoroa, ia gwau, “Lau be umui danu ita lao.” \p \v 3 To tuari taudia idia gwau, “Lasi, oi be do oi lao lasi, badina be bema idia goada, bona ai heau, bona aiemai orea kahana ia mase neganai, idia be ai dekenai do idia laloa lasi, oi sibona do idia tahua noho. Oiemu mauri be aiemai mauri 10,000 hegeregerena. Unai dainai namona be hanua dekenai oi noho, bona unai dekena amo durua do oi siaia diba ai dekenai.” \p \v 4 King Davida ia haere, ia gwau, “Edena dala umui laloa ia be dala namona, unai bamona do lau karaia.” Unai dainai king ese hanua ikoukou ena badibadinai ia gini, vadaeni tuari orea ibounai idia raka lao, 100 ta ta dekena amo, bona 1000 ta ta dekena amo. \v 5 Vadaeni king Davida ese Ioaba bona Abisai bona Itai ia oda henia, ia gwau, “Lau dainai eregabe tauna Abesaloma do umui bogahisihisi henia.” Iena tuari taudia ibounai ese Davida ena hereva idia kamonai, ia ese Abesaloma totona unai tuari biagudia ia oda henidia neganai. \p \v 6 Vadaeni Davida ena tuari taudia ese Israela taudia idia tuari henia Eparaima ena uda gabuna dekenai. \v 7 Unai gabu dekenai Davida ena taudia ese Israela taudia idia halusia. Unai tuari lalonai tuari taudia momo idia mase, dina tamona lalonai taunimanima 20,000 idia mase. \v 8 Tuari be tano kahana ibounai dekenai idia karaia noho, to uda kahana dekenai idia mase kava taudia be momo herea, bona tuari dekenai idia mase taudia be momo lasi. \p \v 9 Abesaloma be uda lalonai, doniki dekenai ia heau noho, vadaeni Davida ena taudia be idia hedinarai haraga. Abesaloma ena doniki be au badana ta ena rigi momo henunai ia heau vareai. Vadaeni Abesaloma ena kwarana be rigi ese ia dogoatao bamona, bona Abesaloma be rigi dekena amo ia taua dae. Doniki be Abesaloma ena henuna dekena amo ia heau lao. \p \v 10 To tau ta ese Abesaloma ia itaia, vadaeni ia ese Ioaba ia hamaoroa, ia gwau, “Kamonai, Abesaloma lau itaia, au badana ta dekenai ia taua dae.” \p \v 11 Ioaba ese unai hereva ia hamaoroa tauna ia gwau henia, ia gwau, “Be, oi itaia, a? Badina dahaka oi alaia lasi? Bema oi alaia mase neganai, lau ese oi dekenai siliva moni 10, bona gaba gauna ta do lau henia, mai moale danu.” \p \v 12 To unai tau ese Ioaba dekenai ia haere, ia gwau, “Bema oi ese siliva moni 10,000 lau dekenai oi henia neganai, lau ese king ena natuna do lau alaia lasi. Badina be king ena oda, oi bona Abisai bona Itai dekenai, be ai ibounai ai kamonai vadaeni, king ia gwau, ‘Lau dainai, eregabe tauna Abesaloma do umui hamauria.’ \v 13 Bona bema king lau kamonai henia lasi, bema Abesaloma lau alaia neganai, king be do ia diba, bona oi ese lau do oi durua lasi.” \p \v 14 Ioaba ia gwau, “Lau ese oi dekenai egu nega do lau haorea kava lasi.” Vadaeni Ioaba ese io toi ia abia, bona Abesaloma ena kudouna ia gwadaia, Abesaloma be au lalonai ia do mauri noho neganai. \v 15 Bona Ioaba ena tuari taudia 10 ese Abesaloma idia hagegea, idia alaia mase momokani. \p \v 16 Vadaeni Ioaba ese kibi ia hiriria, tuari do ia doko totona, bona iena tuari taudia ese Israela taudia lulua dekena amo idia doko vadaeni. \v 17 Vadaeni idia ese Abesaloma idia abia, guri badana ta lalonai idia negea diho, uda lalonai, bona nadi momo herea Abesaloma ena tauanina latanai idia haboua. Unai murinai Israela taudia ibounai idia heau, ta ta edia ruma ta ta dekenai idia lao. \p \v 18 Abesaloma ia mauri noho neganai, ia ese nadi laulauna ta king ena Koura dekenai ia haginia. Inai nadi be ia sibona hanamoa totona, badina Abesaloma be mai ena natuna tau ta lasi. Abesaloma ia gwau, “Lau be natuna tau ta lasi dainai, lauegu ladana be tau ta do ia laloatao lasi.” Unai dainai nadi be Abesaloma ena ladana hanamoa totona, bona iena ladana be “Abesaloma ena Nadi” ia mai bona hari dina. \s1 Abesaloma ia mase dainai Davida ia lalohisihisi \p \v 19 Vadaeni Sadoka ena natuna Ahimasa ia gwau, “Mani lau be do lau heau, tuari sivarai be king dekenai do lau hamaoroa, ia be Lohiabada ese ia hamauria vadaeni, ia idia hadikaia taudia dekena amo.” \p \v 20 Ioaba ia hamaoroa, ia gwau, “Hari dina dekenai hereva do oi abia lao lasi. Dina ta unai bamona do oi karaia, to hari dina be lasi, badina be king ena natuna ia mase vadaeni.” \p \v 21 Vadaeni Ioaba ese Kusu tauna ta ia oda, ia gwau, “Oi lao, oi itaia gaudia king dekenai do oi hamaoroa.” Kusu tauna be Ioaba ena vairana ia tui diho, vadaeni ia heau. \p \v 22 Ahimasa Sadoka ese Ioaba ma ia hamaoroa, ia gwau, “Dahaka do ia vara be lau laloa lasi, mani emu kara, lau danu Kusu tauna danu hereva do lau abia lao.” \p Ioaba ia gwau, “Lauegu natuna e, dahaka dainai do oi heau? Inai hereva abia lao totona davana do oi abia lasi.” \p \v 23 Ahimasa ia gwau, “Dahaka do ia vara be herevana, do lau heau.” \p Ioaba ia gwau, “Vadaeni, oi lao.” Vadaeni Ahimasa be Ioridane Koura ena dala dekenai ia heau lao, ia ese Kusu tauna ia hanaia. \p \v 24 Davida be hanua ena ikoukou ruaosi edia huanai ia helai noho. Vadaeni hanua gima tauna be magu ena ataiai dekenai ia daekau lao, unai dekena amo ia raka, ela bona ikoukou ena guhi dekenai ia gini. Iena matana ia negea lao, bona tau ta ia itaia, sibona ia heau noho. \p \v 25 Vadaeni gima tauna be ia boiboi diho, king ia hamaoroa. King Davida ia haere, ia gwau, “Bema ia sibona ia mai, ia be sivarai namona ia mailaia noho.” Unai tauna ia heau mai haraga noho, hanua kahirakahira. \p \v 26 Gima tauna ese iena matana ia negea lou, bona tau ta ma ia itaia, ia heau noho. Gima tauna ese ikoukou naria tauna dekenai ia boiboi diho, ia gwau, “Oi itaia! Tau ma ta ia heau mai noho.” \p King Davida ia haere, ia gwau, “Ia danu sivarai namona ia mailaia noho.” \p \v 27 Gima tauna ma ia gwau, “Lau itaia, tau ginigunana ena toana be Ahimasa hegeregere, bona ia heau noho.” \p Davida ia gwau, “Ahimasa be tau namona, sivarai namona ia mailaia noho.” \p \v 28 Ahimasa ese king Davida dekenai ia boiboi, ia gwau, “Sivarai namo herea lau mailaia.” Ia tui diho, bona king ena vairanai tano dekenai iena vairana ia atoa, ia gwau, “Lohiabada, oiemu Dirava ita hanamoa bada, badina be ia ese kwalimu oi dekenai ia henia vadaeni. Lohiabada ese lauegu lohia bona king idia tuari henia taudia ia halusia vadaeni.” \p \v 29 King Davida ese ia nanadaia, ia gwau, “Eregabe tauna Abesaloma be ia mauri noho, a?” \p Ahimasa ia haere, ia gwau, “Ioaba ese lau ia siaia neganai lau itaia, taunimanima momo idia herevahereva bada noho, to ena anina be lau diba lasi.” \p \v 30 King Davida ia gwau, “Oi raka siri, iniseni do oi gini.” Vadaeni Ahimasa ia raka siri, ia gini. \p \v 31 Vadaeni Kusu tauna be ia ginidae. Kusu tauna ia gwau, “Lauegu lohia bona king, sivarai namona lau abia mai! Lohiabada ese oi dekena idia tuari taudia ibounai dekena amo oi ia hamauria vadaeni.” \p \v 32 King Davida ese Kusu tauna ia nanadaia, ia gwau, “Eregabe tauna Abesaloma be ia mauri noho, a?” \p Kusu tauna ia haere, ia gwau, “Lohia e, lau ura oi hadikaia totona idia toreisi taudia ibounai be unai eregabe tauna hegeregere.” \p \v 33 King Davida be ia lalohisihisi bada herea. Ia be ikoukou ena ataiai daiutu ta dekenai ia daekau, unuseni ia tai. Bona ia daekau lao neganai danu ia tai noho, ia gwau, “Natugu Abesaloma o! Natugu Abesaloma o! Bema oiemu gabuna dekenai lau mase be namo! Abesaloma o, natugu, Abesaloma o!” \c 19 \s1 Ioaba ese Davida ia gwau henia \p \v 1 Tau haida ese Ioaba idia hamaoroa, idia gwau, “King be ia taitai noho, Abesaloma totona ia tai bada noho.” \v 2 Unai dainai unai dina dekenai tuari kwalimu ena moale be Davida ena tuari taudia ese idia abia lasi, badina be unai dina dekenai hereva idia kamonai, idia gwau, “King Davida be iena natuna dainai ia taitai noho.” \v 3 Bona unai dainai Davida ena tuari taudia be hanua lalonai idia raka vareai neganai, idia hereva badabada lasi, to mai regerege lasi, tuari idia lusi dainai idia hemarai taudia bamona, idia raka vareai. \v 4 King ese iena vairana ia koua, ia tai mai boiboi danu, ia gwau, “Natugu Abesaloma o, Abesaloma o, natugu o, natugu o!” \p \v 5 Vadaeni Ioaba be Davida ena ruma dekenai ia lao, king dekenai ia hereva, ia gwau, “Oiemu tuari taudia ese, oi, bona oiemu natuna, bona oiemu adavana badadia, bona adavana maragidia idia hamauria vadaeni, to hari dina, oi ese hemarai sibona idia dekenai oi havaraia. \v 6 Oi ese oi dekenai idia dagedage henia taudia oi ura henia, bona oi dekenai idia ura henia taudia be oi ura henia lasi. Hari dina oi hedinaraia vadaeni, oiemu tuari biagudia bona edia tuari taudia be oi laloa lasi momokani. Badina be hari lau itaia, bema Abesaloma be hari dina ia mauri noho, bona ai ibounai be ai mase noho neganai, oi be do oi moale. \v 7 Be, harihari oi toreisi, oi raka lao, oiemu tuari taudia dekenai hereva namodia do oi henia, badina be bema inai bamona oi karaia lasi neganai, kerukeru dabai idia ta be oi dekenai do idia noho lasi. Lohiabada ena ladana dainai inai sisiba oi dekenai lau henia noho. Badina bema oiemu taudia ibounai ese oi idia rakatania, inai be dika bada oi dekenai, unai dika ese oiemu mauri ena dika ibounai do ia hanaia momokani!” \p \v 8 Vadaeni king Davida ia toreisi, bona ikoukou dekenai ia helai diho. Tau haida ese idia itaia, vadaeni taunimanima ibounai idia hamaoroa. Unai neganai Davida ena tuari taudia ibounai be ia dekenai idia haboua mai. \s1 King Davida be Ierusalema dekenai ia giroa lou \p Unai neganai, Israela tuari taudia ibounai be gari dainai edia ruma ta ta dekenai idia heau lou. \v 9 Bona Israela taudia ibounai, Israela iduhu ibounai lalonai, idia hepapahuahu noho, idia gwau, “King Davida ese ita dekenai idia tuari taudia dekena amo ita ia hamauria, bona ia ese Pilistia taudia dekena amo ita ia hamauria. To harihari Abesaloma dekena amo ia heau, iseda tano ia rakatania. \v 10 Bona Abesaloma, iseda king ita halaoa tauna, be tuari dekenai idia alaia. Unai dainai namona be king Davida do ita abia mai lou, ani? Badina dahaka tau ta ese ia abia mai lou lasi?” \p \v 11 Unai Israela taudia idia herevalaia gaudia ena sivarai be king Davida ia kamonai. Unai dainai ia ese hahelagaia taudia Sadoka bona Abiatara ia siaia, idia ese Iuda gunalaia taudia idia nanadaia, idia gwau, “Badina be dahaka umui Iuda taudia ese king Davida be iena ruma dekenai umui abia mai lou haraga lasi? \v 12 Badina king Davida ia gwau: Umui be lauegu varavara, lauegu turiana, bona lauegu hidiona. Unai dainai, badina dahaka lau do umui hakaua lou lasi?” \v 13 Ma Davida ese iena hereva ia siaia Amasa dekenai, ia gwau, “Oi be lauegu turiana bona lauegu hidiona, ani? Harihari lau ese lauegu tuari biaguna oi do lau halaoa, Ioaba ena gabuna dekenai. Bema inai dagi oi dekenai lau henia lasi, Dirava ese lau ia alaia mase namo.” \p \v 14 Inai hereva dekenai Davida ese Iuda taudia edia lalona ia veria, vadaeni idia ibounai ese Davida idia ura henia. Unai dainai Davida dekenai hereva idia siaia, ia, bona iena hesiai taudia ibounai danu Ierusalema dekenai do idia giroa mai. \p \v 15 Vadaeni king Davida be ia giroa lou lao, bona Ioridane Sinavai dekenai ia ginidae. \p Iuda taudia be Gilegala dekenai idia lao vadaeni, king Davida danu do idia hedavari, bona Ioridane Sinavai dekenai do idia hakaua hanaia totona. \v 16 Vadaeni Simei Gera, Beniamina tauna, be Bahurimi dekena amo ia diho haraga, Iuda taudia danu Davida do ia hedavari totona. \v 17 Simei danu be Beniamina taudia 1000 idia lao. Siba, Saulo ena iduhu taudia edia hesiai tauna, mai ena natuna tau 15 bona iena hesiai taudia 20 danu be Simei danu idia mai. Idia ibounai be Ioridane Sinavai dekenai idia ginidae, king Davida be do ia ginidae lasi neganai. \v 18 Idia be hanaia gabuna dekenai sinavai idia hanaia hebou, king mai ena orea, do idia hakaua hanaia, bona king ena ura kara do idia karaia totona. \p Vadaeni king Davida ese Ioridane Sinavai do ia hanaia gwauraia neganai, Simei Gera be king ena vairana dekenai ia tui diho, \v 19 ia hereva, ia gwau, “Lauegu lohia e, mani emu kara, lauegu kerere do oi laloaboio. Oi ese Ierusalema oi rakatania dinana, dika bada lau havaraia, be mani do oi laloa lou lasi. \v 20 Badina, lohia e, lau diba lau kara dika. To hari dina oi itaia, lau be lau mai vadaeni, bona Iosepa ena iduhu taudia ibounai lau gunalaia, lauegu lohia bona lauegu king do ai hedavari totona.” \p \v 21 Vadaeni Abisai Seruia ia hereva, ia gwau, “Simei idia alaia mase be namo, ani? Badina be Lohiabada ese ia abia hidi tauna be ia ese ia hereva dika henia.” \p \v 22 To Davida ese Abisai bona iena kakana Ioaba ia hamaoroa, ia gwau, “Umui bona lau be dahaka ita karaia hebou diba? Umui ese lau do umui hakererea gwauraia, a? Hari dina dekenai tau ta do idia hamasea Israela dekenai, a? Umui laloa lau be lau diba lasi a, hari dina lau be Israela ena king?” \v 23 Vadaeni king Davida ese Simei ia hamaoroa, ia gwau, “Oi be do oi mase lasi, lau be gwauhamata metauna lau gwauraia inai.” \p \v 24 Unai murinai Mepiboseta, Saulo ena tubuna be danu Davida do ia hedavari totona ia mai. Iena aena ia hagoevaia lasi, iena aukina huina ia utua lasi. Bona iena dabua ia huria lasi, king ese Ierusalema ia rakatania dinana dekena amo ia mai bona king ia giroa mai, mai kwalimu danu. \p \v 25 Mepiboseta be Ierusalema dekena amo ia raka lao, king danu ia hedavari. Vadaeni king ese ia nanadaia, ia gwau, “Mepiboseta e, badina dahaka lau danu ita lao lasi?” \p \v 26 Mepiboseta ia haere, ia gwau, “King e, lauegu lohia, lauegu hesiai tauna ese lau ia koia, badina be lau ese ia lau hamaoroa, lau gwau, ‘Doniki ta do oi abia hegaegae, do lau guia, king Davida danu do lau lao.’ Badina be oi diba, egu lohia, lau be aena dika tauna. \v 27 Siba ese oi ia koia, lau ia samania koikoi oiemu vairana dekenai. To oi be Dirava ena aneru bamona, unai dainai oiemu ura sibona do oi karaia lau dekenai. \v 28 Lauegu tubuna Saulo ena varavara ibounai be oi ese do oi alaia mase be namo, to oi ese oiemu aniani patana dekenai lau oi atoa. Unai dainai lau be mai egu maoro lasi noinoi ma ta oi dekenai do lau gwauraia.” \p \v 29 Vadaeni king Davida ese ia hamaoroa, ia gwau, “Lau be oiemu noho totona do lau hereva lou lasi. Lau be lau laloa vadaeni, oi bona Siba ese Saulo ena tano do umui haria.” \p \v 30 Mepiboseta ese Davida dekenai ia haere, ia gwau, “Vadaeni, Siba ese tano ibounai do ia abia, be namo, badina be lauegu lalona ia namo, lauegu lohia bona king be mai mauri danu ia giroa mai dainai.” \p \v 31 Barasilai, Gileada tauna, be Rogelima dekena amo ia mai, Ioridane Sinavai dekenai Davida ia bamoa, sinavai do ia hakaua hanaia totona. \v 32 Barasilai be buruka herea, iena mauri lagani be 80. king Davida be Mahanaimi dekenai ia noho neganai Barasilai ese ia ubua, badina ia be kohu momo tauna. \v 33 King Davida ese Barasilai ia hamaoroa, ia gwau, “Namo, ita hanaia hebou, bona lau ese Ierusalema dekenai oi do lau naria.” \p \v 34 To Barasilai ese king dekenai ia haere, ia gwau, “Lau be lagani hida do lau mauri, vadaeni king danu Ierusalema dekenai do lau noho? \v 35 Lauegu mauri lagani be 80. Namo bona dika edia idau be lau gwauraia diba, a? Lau ese lau ania gaudia, bona lau inua gaudia lau mamia diba, a? Ane idia abia noho taudia bona hahinedia edia ane lau kamonai diba, a? Badina dahaka lau ese oi dekenai hekwarahi bona metau do lau havaraia? Oi be lauegu lohia bona lauegu king. \v 36 Lau, oiemu hesiai tauna ese oi do lau bamoa sisina, sinavai do ita hanaia, to king ese lau do ia hanamoa ena anina be dahaka? \v 37 Mani emu kara lau be do lau giroa lou, lauegu hanua korikori dekenai do lau mase, egu tamana bona sinana edia guria gabuna badibadinai. To lauegu natuna Kimuhamu be inai, ia ese lauegu lohia bona king danu sinavai do ia hanaia, oiemu hesiai tauna do ia lao, bona oiemu laloa hegeregerena ia dekenai do oi karaia.” \p \v 38 King Davida ia haere, ia gwau, “Kimuhamu be lau danu do ia hanaia, bona oiemu ura hegeregerena ia dekenai do lau karaia. Bona lau dekenai oi gwauraia gaudia ibounai be lau ese oi dekenai do lau henia.” \p \v 39 Vadaeni taunimanima ibounai ese Ioridane Sinavai idia hanaia, king ese danu ia hanaia. Vadaeni king ese Barasilai ia kisi henia, bona ia hanamoa. Unai murinai Barasilai ese iena hanua korikori dekenai ia giroa lou. \p \v 40 To king be Gilegala dekenai ia lao, bona inai Kimuhamu be ia danu idia lao. Iuda taudia ibounai, bona Israela besena kahana, be Davida danu idia lao. \p \v 41 Vadaeni Israela taudia ibounai be king dekenai idia mai, idia nanadaia, idia gwau, “Badina dahaka aiemai tadikakana Iuda taudia ese king idia henaoa bamona ai dekena amo? Idia ese Davida mai ena famili taudia ibounai, Ioridane Sinavai dekenai idia hakaua hanaia, bona Davida ena orea taudia ibounai danu.” \p \v 42 Iuda taudia ibounai ese Israela taudia dekenai idia haere, idia gwau, “Badina korikori be inai: King Davida be aiemai varavara tauna. Inai bamona ai karaia dainai, badina dahaka ai dekenai umui badu? Ai ese king ena aniani ai ania, a? O harihari gauna ta ia ese ai dekenai ia henia, a?” \p \v 43 Vadaeni Israela taudia ese Iuda taudia dekenai idia haere, idia gwau, “Aiemai iduhu be 10, to emui be tamona sibona. Unai dainai aiemai ahuna Davida dekenai be bada, emui ahuna be maragi. Bona ai ese king abia lou herevana ai herevalaia guna, ani? Unai dainai badina dahaka ai umui negea bamona?” \p To Iuda taudia edia hereva dagedage be bada, Israela taudia edia hereva dagedage be maragi. \c 20 \s1 Ioaba ese Amasa ia alaia \p \v 1 Unai neganai tau dikana ta, ena ladana Sieba Bikiri be Gilegala dekenai ia noho. Ia be Beniamina iduhu tauna. Ia ese iena kibi ia hiriria, bona ia boiboi, ia gwau, “Davida be namo lasi, ia be iseda iduhu lasi tauna. Israela taudia e, inai Iese ena natuna ena murinai do ita raka lasi, to iseda gabu Israela dekenai do ita giroa lao.” \p \v 2 Unai hereva dainai, Israela taudia ibounai ese Davida idia rakatania, Sieba Bikiri ena murinai idia raka lao. To Iuda taudia ese king Davida ena murinai idia raka, Ioridane Sinavai dekena amo ela bona Ierusalema. \p \v 3 Davida be iena ruma Ierusalema dekenai ia ginidae, vadaeni ia ese iena adavana 10, iena ruma naria totona Ierusalema dekenai ia rakatania, ia abidia, ruma ta dekenai ia koudia. Unai ruma naria totona Davida ese gima taudia ia atoa. Davida ese unai hahine dekenai edia aniani ia henia, to idia danu ia mahuta hebou lou lasi. Unai hahine be unai dina dekena amo ela bona idia mase unai ruma dekenai idia koua noho. Edia noho be vabu edia noho hegeregerena. \p \v 4 Vadaeni king Davida ese Amasa ia hamaoroa, ia gwau, “Iuda taudia do oi boiria hebou, dina toi do idia ore lasi idia be lau dekenai do idia haboua, bona oi danu do oi mai.” \v 5 Unai dainai Amasa be idia haboua totona ia lao, to ia giroa mai haraga lasi, king ia gwauraia nega ia hanaia. \p \v 6 Vadaeni Davida ese Abisai ia hamaoroa, ia gwau, “Abesaloma ese ita ia hadikaia maragi, to inai Sieba Bikiri ese ita do ia hadikaia bada. Egu tuari taudia haida do oi abia lao, Sieba ena murinai do umui lao, ia ese hanua mai magudia haida do ia abia, bona ita dekena amo do ia heau mauri garina.” \p \v 7 Vadaeni Ioaba bona Davida ena gima taudia, Kerete taudia bona Pelete taudia, bona Davida ena gima taudia mai goadadia, be Abisai ena murinai idia lao, Ierusalema dekena amo idia raka, Sieba Bikiri do idia lulua bona abia totona. \v 8 Nadi badana Gibeona dekenai idia ginidae neganai, Amasa be idia dekenai ia mai, idia danu ia hedavari. Ioaba ese tuari dabua ia karaia noho, tuari kaia danu be iena gaba gauna dekenai ia noho. Inai tuari kaia be iena udaia gauna dekenai ia noho, to Ioaba be Amasa kahirakahira ia lao neganai unai kaia be tano dekenai ia moru. \p \v 9 Vadaeni Ioaba ese Amasa ia hereva henia, ia gwau, “Egu tadina e, oi namo, a?” Vadaeni Ioaba ese iena imana idibana dekena amo Amasa ena auki huina ia abia, do ia kisi henia totona. \v 10 To Ioaba ese kaia maragina iena imana laurina dekenai ia dogoatao noho, bona Amasa ese ia itaia lasi. Ioaba ese Amasa ena bogana ia gwadaia, bona iena bogarauna be tano dekenai idia bubua. Amasa be maoromaoro ia mase, bona Ioaba ese ia gwadaia lou lasi. \p Unai neganai Ioaba bona iena tadina Abisai ese Sieba Bikiri ma idia lulua. \v 11 To Ioaba ena orea tauna ta ese Amasa ena tauanina ena badibadinai ia gini, ia gwau, “Umui daika ese Ioaba bona Davida umui ura henia, Ioaba ena murinai do umui raka.” \v 12 Amasa ena tauanina be rarana ese ia koua, bona ia be laolao dalana ena huanai ia hekure noho. Vadaeni Ioaba ena orea tauna ese ia itaia, tuari taudia ibounai idia raka mai, bona idia gini noho, tauanina itaia totona. Unai dainai ia ese unai tauanina ia abia, laolao dala dekena amo ia veria lao, rei ena lalonai ia atoa, bona dabua dekena amo ia koua. \v 13 Laolao dalana dekena amo Amasa ena tauanina idia kokia murinai, tuari taudia ibounai ese Ioaba ena murinai idia raka lao, Sieba Bikiri do idia dogoatao totona. \s1 Sieba Bikiri ia mase \p \v 14 Sieba be Israela iduhu ibounai edia huanai dekena amo Israela tano ia raka hanaia lao, ela bona Abela, Bete Maka kahana hanua ta dekenai. Vadaeni Bikiri ena iduhu taudia ibounai idia haboua, Sieba ena murinai, hanua lalonai idia raka vareai. \p \v 15 Ioaba ena tuari orea taudia idia kamonai Sieba be unai hanua dekenai ia noho. Vadaeni idia ese Abele hanua idia koua hagegea. Idia ese hanua ena magu kahirakahira tano momo idia haboua, hanua do idia tuari henia totona. Bona magu ena henunai guri idia geia, magu do idia hamorua totona. \v 16 To aonega hahine ta be unai hanua dekenai ia noho. Ia be Ioaba ena orea taudia dekenai ia boiboi, ia gwau, “Umui kamonai! Ioaba do umui hamaoroa, do ia raka mai, do lau hereva henia.” \p \v 17 Ioaba be ia dekenai ia raka kahirakahira lao, bona hahine ia hereva henia, ia gwau, “Oi be Ioaba, a?” \p Ioaba ia haere, ia gwau, “Lau inai.” \p Hahine ia gwau, “Lohia e, egu hereva do oi kamonai.” \p Ioaba ia gwau, “Lau kamonai noho.” \p \v 18 Hahine ia gwau, “Iseda sene neganai, inai hanua idia herevalaia, idia gwau ‘Abele dekenai do oi lao, bona oiemu laloa hekwarahi do oi hamaoromaoroa,’ bona momokani, Abele dekenai idia lao neganai, edia laloa hekwarahi idia ore. \p \v 19 “Aiemai hanua be Israela lalonai hanua namona ta, maino hanuana bona king Davida ia badinaia hanuana danu. To hari umui ura inai hanua do umui hadikaia ore. Badina dahaka Lohiabada ena gau namona ta do umui ura hadikaia?” \p \v 20 Ioaba ia haere, ia gwau, “Lau ura lasi oiemu hanua do lau hadikaia ore. \v 21 Lasi momokani! Ai be inai hanua ai mai ena badina be tamona, tau ta do ai dogoatao totona. Unai tau ena ladana be Sieba Bikiri, Eparaima Ororo ena tano dekena amo. Ia ese king Davida ia dagedage henia, bona ia tuari henia gwauraia. Unai tau sibona be ai dekenai do umui henia, vadaeni ai ese emui hanua do ai rakatania momokani.” \p Unai hahine ese Ioaba ia hamaoroa, ia gwau, “Vadaeni, Sieba ena kwarana be magu dekena amo do ai negea hanaia umui dekenai.” \p \v 22 Vadaeni hahine ese hanua taudia ibounai dekenai ia lao, bona mai aonega danu idia dekenai ia hereva henia. Vadaeni idia ese Sieba Bikiri ena kwarana idia utua oho, bona Ioaba dekenai idia negea lao. \p Unai dainai Ioaba ese kibi ia hiriria, bona iena tuari taudia be unai hanua dekena amo idia raka siri, ta ta edia hanua, edia hanua dekenai idia giroa lou. Vadaeni Ioaba be Ierusalema dekenai ia giroa lou, king Davida dekenai. \s1 Davida ena opesa taudia \p \v 23 Ioaba ese Israela tuari taudia ibounai ia gunalaia. Benaia Iehoiada ese king Davida ena gima taudia, Kerete bona Pelete taudia ia gunalaia. \p \v 24 Adorama ese king ena gaukara taudia ia biagua, bona Iehosapata Ahiluda be king Davida ena torea pepa naria tauna. \v 25 Seva be king ena kalaka tauna, bona Sadoka bona Abiatara be hahelagaia taudia. \v 26 Ira, Iairi hanua tauna, danu be Davida ena hahelagaia tauna. \c 21 \s1 Gibeona taudia ese king Saulo ena kerere davana idia henia \p \v 1 Davida be king neganai, hitolo ena nega ia vara, bona ia doko lasi ela bona lagani toi idia ore. Unai dainai Davida ese Lohiabada ia nanadaia, ia gwau, “Unai hitolo ena badina be dahaka.” Lohiabada ia gwau, “Kerere be Saulo bona Saulo ena iduhu taudia edia latanai, rara dainai, badina be ia ese Gibeona taudia ia alaia mase.” \p \v 2 Unai dainai, Davida ese Gibeona taudia ia boiria. Inai Gibeona taudia be Israela taudia lasi, idia be Amoro bese taudia. Amoro taudia oredia idia mase vadaeni, to inai Gibeona hanua orea maragina sibona do noho. Gunaguna Israela taudia ese idia gwauhamata Gibeona taudia do idia hamasea lasi, to Saulo ese idia ibounai ia alaia toho, badina ia ura Israela bona Iuda taudia sibona be Israela tano dekenai do idia noho. \p \v 3 Vadaeni Gibeona taudia be Davida dekenai idia hedinarai, bona Davida ese idia ia nanadaia, ia gwau, “Umui durua totona dahaka do lau karaia? Unai kerere umui dekenai idia karaia gauna lau ura hamaoromaoroa, bona unai neganai umui ese Lohiabada do umui noia, ia ese iena bese do ia hanamoa.” \p \v 4 Gibeona taudia ese Davida dekenai idia haere henia, idia gwau, “Aiemai hepapahuahu Saulo bona iena iduhu taudia danu be golo o siliva dekena amo ai hamaoromaoroa diba lasi, bona ai ura lasi Israela tauna ta do ai alaia.” \p Davida ma ia gwau, “Emui ura be dahaka lau karaia umui dekenai?” \p \v 5 Gibeona taudia idia haere, idia gwau, “Saulo ia ura ai ibounai do ia alaia ore momokani. Ia ese ai ibounai ia alaia toho, aiemai bese tauna ta be Israela dekenai do ia noho lasi totona. \v 6 Unai dainai iena natuna tau ibounai 7 be ai dekenai do oi henia. Vadaeni Saulo, Lohiabada ia abia hidi king ena hanua dekenai ai ese unai taudia do ai taua dae, Lohiabada ena vairanai.” \p King Davida ia haere, ia gwau, “Lau ese umui dekenai idia do lau henia.” \p \v 7 To Davida ese Ionatana dekenai gwauhamata helagana idia karaia dainai, Davida ese Ionatana ena natuna, Mepiboseta, Saulo ena tubuna, ia henia lasi Gibeona taudia dekenai. \v 8 To Risipa Aia ena natuna tau ruaosi, Saulo dekena amo ia havaraia taudia, edia ladana be Aramoni bona Mepiboseta, bona Meraba Saulo ena natuna tau 5, Aderieli Barasilai, Mehola hanua tauna, dekena amo ia havaraia taudia be king ese ia abia. \p \v 9 Unai taudia 7 be Davida ese Gibeona taudia dekenai ia henia. Vadaeni Gibeona taudia ese ororo ta dekenai unai tau 7 idia taua dae, Lohiabada ena vairanai. Idia 7 idia mase nega tamona. Idia mase dinana be uma ena anina idia haboua hamatamaia neganai, bali idia utua hamatamaia dinana dekenai. \p \v 10 Vadaeni Risipa Aia ese puse dabua ta ia abia, bona unai ororo maragina dekenai ia lao, nadi badana dekenai ia kwatua, bona unuseni palai ruma maragina ia karaia. Risipa be unai gabu dekenai ia noho hua haida, unai mase taudia edia tauanina ia naria. Unai tauanina 7 ia naridia noho, ela bona medu ia diho, bona unai medu ese edia turiana ia huria. Risipa ese dina lalonai, bona hanuaboi lalonai, unai mase taudia ia naria, ataiai manudia bona uda boroma ese edia tauanina idia hadikaia garina. \p \v 11 Gabeai Davida ese Risipa Aia, Saulo ena vabu, ena kara sivarai ia kamonai. \v 12 Vadaeni Davida ia lao, Saulo bona iena natuna Ionatana edia turiana be Iabese Gileada taudia dekena amo ia abia. Badina be Pilistia taudia ese Gileboa Ororo dekenai Saulo idia alaia mase dinana dekenai, idia ese Saulo bona Ionatana edia tauanina Betesana hanua ena ariara dekenai idia taua dae. To Iabese Gileada taudia ese Betesana dekenai idia lao, unai tauanina ruaosi idia henaoa, bona idia abia lao. \p \v 13 Unai dainai Davida ese Saulo bona iena natuna Ionatana edia turiana ia abia, bona unai mase taudia 7, Gibeona taudia ese idia taua dae taudia edia turiana danu ia haboua. \v 14 Vadaeni Saulo bona iena natuna Ionatana edia turiana be Sela hanua, Beniamina tano dekenai idia guria, edia tamana Kisa ena guria gabuna dekenai. Idia ese king Davida ena oda ibounai hegeregerena idia karaia. \p Bona unai murinai Dirava ese edia noinoi, tano do ia durua totona noinoi, ia kamonai henia. \s1 Abisai ese Davida ia hamauria \p \v 15 Pilistia taudia ese Israela taudia ma idia tuari henia. Vadaeni Davida mai iena tuari taudia danu idia diho lao, Pilistia taudia danu idia tuari, ela bona Davida be ia manoka lao. \v 16 Vadaeni Pilistia tauna ta, iena ladana be Isibibenopa ese Davida alaia totona ia mai kahirakahira. Unai tau be lata herea, Repaima bese tauna. Iena io be auri laboralabora gauna, ena metau be 3 kilogaram mai kahana, bona iena gabana dekenai be tuari kaia matamatana ia noho. \v 17 To Abisai Seruia be Davida durua totona ia mai, ia ese Pilistia tauna ia heatu henia, bona ia alaia mase. \p Unai kara murinai, Davida ena tuari taudia ese Davida dekenai idia hereva goada, idia gwau, “Oi be ai danu do ita tuari hebou lou lasi. Badina oi be Israela taudia edia lamepa bamona, bona ai ura oi mauri noho, inai lamepa ena diari do ia bodo garina.” \s1 Davida ena tuari taudia ese Pilistia tau latadia ma haida idia alaia mase \p \v 18 Unai murinai Israela taudia be Pilistia taudia danu ma idia tuari lou, Goba dekenai. Unai neganai Israela tauna ta, ladana Sibekai, Husata dekena amo, ese Sapa, tau lata herea, Repaima bese tauna, ia alaia mase. \p \v 19 Ma Goba dekenai Israela taudia bona Pilistia taudia idia tuari lou. Bona unai neganai Elehanana Iari, Betelehema hanua tauna, ese Goliata, Gata hanua tauna ia alaia mase. Unai Goliata ena io ena auauna ena bada be dabua hatua tauna ena au ena bada bamona. \p \v 20 Ma Gata dekenai idia tuari lou, bona unuseni be tau lata herea ia noho, iena imana ruaosi dekenai kwakikwaki 6 bona 6 idia noho, bona iena aena ruaosi dekenai danu be kwakikwaki 6 bona 6 idia noho. Iena kwakikwaki ibounai be 24. Ia danu be Repaima bese tauna, tau lata herea. \v 21 Unai tau ese Israela taudia ia kirikirilaia, mai hekokoroku danu, vadaeni Ionatana, Davida ena kakana Simei ena natuna ese ia alaia mase. \p \v 22 Unai tau 4 be Gata hanua dekenai idia noho tau latadia, Repaima bese taudia. To Davida bona iena tuari taudia ese inai taudia idia alaia mase. \c 22 \s1 Davida ia kwalimu dainai, ia ese ane dekenai, Dirava ia hanamoa \p \v 1 Lohiabada ese nega momo Davida ia hamauria, ia dekenai idia tuari taudia dekena amo, bona Saulo dekena amo danu. Unai dinadia dekenai, Davida ese inai ane Lohiabada dekena ia abia, \v 2 Ia gwau: \b \q1 “Lohiabada be lauegu nadi badana, \q1 lauegu kohoro, lauegu Hamauria Tauna. \q1 \v 3 Lauegu Dirava ese lau ia naria. \q1 Ia danu lau noho neganai, lau mauri. \q1 Kesi bamona Dirava ese lau ia gimaia. \q1 Ia be lauegu kohoro, \q1 bona lauegu heau mauri gabuna. \q1 Ia be lauegu Hamauria Tauna. \q1 Dagedage karadia dekena amo lau ia hamauria noho. \q1 \v 4 Lohiabada, idia hanamoa Diravana, \q1 dekenai lau taitai, \q1 bona lau dekenai idia tuari taudia dekena amo, \q1 ia ese lau ia hamauria. \b \q1 \v 5 “Mase ena hurehure ese lau idia hagegea momokani. \q1 Dika ena abata ese lau idia hagaria dikadika. \q1 \v 6 Mase gabuna ena varo dikadia ese lau idia guia. \q1 Bona guria gabuna ese, \q1 tarapu bamona lauegu vairanai ia noho. \q1 \v 7 Lauegu hisihisi lalonai, Lohiabada dekenai lau boiboi, \q1 lauegu Dirava dekenai lau taitai. \q1 Iena dubu dekenai lauegu gadona ia kamonai. \q1 Lauegu taitai be iena taiana dekenai ia ginidae. \b \q1 \v 8 “Unai neganai tanobada ia marere, ia heudeheude. \q1 Guba, bona ororo danu idia mareremarere, \q1 idia heudeheude, \q1 badina Dirava be ia badu noho. \q1 \v 9 Kwalahu be iena udubaubauna dekena amo ia daekau. \q1 Lahi ena siahu bona hururu, \q1 be iena uduna dekena amo ia mai. \q1 \v 10 Ia ese guba ia hapararaia, \q1 bona ia diho mai neganai, \q1 ori koremana be iena aena henunai. \q1 \v 11 Lohiabada ese kerubi aneru guba dekenai ia guia, \q1 ma ia roho lao noho. \q1 Lai ena hanina edia latanai ia roho haraga. \q1 \v 12 Dibura dekenai ia sibona ia koua. \q1 Medu ena ori ese ia idia hagegea. \q1 \v 13 Iena vairana ena diaridiari bada dekena amo, \q1 kevaru, mai lahi ena hururu ia hedinaraia. \q1 \v 14 Lohiabada ese guba ena boiboi dekena amo ia hereva, \q1 Siahu Ibounai Dirava ena gadona be idia kamonai. \q1 \v 15 Iena diba ia pidia, \q1 vadaeni ia dekenai idia tuari taudia ia lulua. \q1 Unai be, iena kevaru ia siaia diho, \q1 vadaeni idia heau boio. \q1 \v 16 Lohiabada ese ia dekenai idia tuari taudia, \q1 dekenai ia gwau henia. \q1 Bona iena badu dekena amo, \q1 ia boiboi dagedage neganai, \q1 davara ena dobu gabudia be idia hedinarai, \q1 bona tanobada ena badina nadidia, \q1 be ita itaia diba. \b \q1 \v 17 “Lohiabada ese ataiai dekena amo, \q1 iena imana ia atoa diho, lau ia hamauria. \q1 Abata dobu herea dekena amo, \q1 ia ese lau ia veria mauri. \q1 \v 18 Lau dekenai idia tuari henia taudia goada herea, \q1 dekena amo Lohiabada ese lau ia hamauria. \q1 Lau idia badu henia taudia edia goada ese, \q1 lauegu goada idia hereaia, \q1 to Lohiabada ese idia dekena amo lau ia hamauria. \q1 \v 19 Lau be mai hisihisi bada neganai, \q1 dagedage taudia ese lau idia heatu henia, \q1 to Lohiabada ese lau ia durua momokani. \q1 \v 20 Ia ese gari gabuna dekena amo, \q1 lau ia hakaua mai. \q1 Lohiabada ese lau ia hamauria, \q1 badina ia ese lau dekenai ia laloa namo. \q1 \v 21 Lohiabada ese ahuna namona, \q1 be lau dekenai ia henia vadaeni, \q1 badina be kara maoromaoro lau karaia dainai. \q1 Ia ese lau ia hanamoa, \q1 lauegu laloa goevagoeva hegeregerena, \q1 \v 22 badina be Lohiabada ena dala lau badinaia vadaeni. \q1 Iena kara maoromaoro dekena amo lau raka siri lasi. \q1 \v 23 Iena taravatu ibounai be lauegu vairanai idia noho, \q1 bona iena oda lau utua lasi. \q1 \v 24 Ia diba lau be kerere ta lasi. \q1 Kara dika dekena amo lau raka siri. \q1 \v 25 Unai dainai Lohiabada ese lau ia hanamoa vadaeni, \q1 lauegu kara maoromaoro dainai. \q1 Lauegu kara be goevagoeva dainai, lau ia hanamoa noho. \b \q1 \v 26 “Lohiabada e, oi dekenai idia abidadama henia taudia, \q1 be oi ese unai taudia oi durua noho. \q1 Bona kara maoromaoro taudia dekenai, \q1 oiemu kara maoromaoro oi hedinaraia. \q1 \v 27 Laloa goevagoeva taudia dekenai, \q1 oiemu kara goevagoeva oi hedinaraia. \q1 To dagedage taudia dekenai, \q1 oiemu dagedage oi hedinaraia. \q1 \v 28 Badina be manau taudia be oi ese oi hamauria, \q1 to hekokoroku taudia be oi ese oi itaia noho, \q1 do oi hamorua totona. \q1 \v 29 Lohiabada e, oi be lauegu lamepa, \q1 oi ese lauegu dibura oi hadiaria noho. \q1 \v 30 Oi ese goada lau dekenai oi henia neganai, \q1 lau ese lau idia tuari henia taudia, \q1 dekenai lau heatu henia. \q1 Edia magu lau roho hanaia diba, \q1 Dirava ena durua dainai. \b \q1 \v 31 “Dirava ena dala be maoromaoro. \q1 Iena hereva be momokani. \q1 Ia be ia dekenai idia abidadama henia taudia edia kesi. \q1 \v 32 Dirava korikori be daika? \q1 Lohiabada sibona. \q1 Mauri davaria nadina be daika? \q1 Iseda Dirava sibona mo. \q1 \v 33 Inai Dirava ese lau dekenai goada ia henia. \q1 Ia ese lauegu dala be mauri dalana ia halaoa. \q1 \v 34 Ia ese lauegu aena, \q1 be dia edia aena hegeregere ia halaoa. \q1 Ia ese ataiai gabudia dekenai lau ia haginia. \q1 \v 35 Ia ese tuari dalana be lau dekenai ia hadibaia. \q1 Vadaeni lauegu imana ia goada, \q1 bona lau ese peva, auri labora gauna, lau veria diba. \q1 \v 36 Lohiabada e, oi ese lau oi gimaia, \q1 bona lau oi hamauria, \q1 bona oi ese lau oi durua dainai, \q1 lau be tau badana lau lao. \q1 \v 37 Oi ese lau oi durua, \q1 vadaeni tuari taudia ese lau idia abia mauri lasi. \q1 Oi ese lauegu aena oi hagoadaia, \q1 idia dedi lasi. \b \q1 \v 38 “Lau dekenai idia tuari taudia, \q1 be lau ese lau lulua bona lau halusia momokani. \q1 Lau giroa mai lasi, \q1 ela bona lau ese idia lau alaia ore. \q1 \v 39 Lau ese idia lau hadikaia ore, lau gwadaia, \q1 vadaeni idia toreisi lou diba lasi. \q1 Lauegu aena henunai idia moru. \q1 \v 40 Lohiabada e, oi ese lau dekenai goada oi henia, \q1 do lau tuari totona. \q1 Lau dekenai idia tuari taudia dekena amo, \q1 oi ese kwalimu lau dekenai oi henia. \q1 \v 41 Oi ese lau dekenai idia tuari taudia oi hadikaia, \q1 vadaeni lau dekena amo idia heau. \q1 Lau dekenai idia badu taudia, \q1 be lau ese lau hadikaia ore. \q1 \v 42 Durua totona idia noinoi, \q1 to tau ta ese idia hamauria totona ia mai lasi. \q1 Lohiabada dekenai idia boiboi, \q1 to ia haere lasi. \q1 \v 43 Lau ese idia lau botaia neganai, \q1 kahu bamona idia lao. \q1 Idia lau moia diho, \q1 dala ena kopukopu bamona. \b \q1 \v 44 “Lauegu taunimanima ese, \q1 lau idia tuari henia neganai, \q1 oi ese lau oi hamauria. \q1 Oi ese lau oi durua dainai, bese idauidau, \q1 be lau ese lau gunalaia noho. \q1 Lau diba lasi taudia ese, \q1 lauegu hesiai gaukara idia karaia noho. \q1 \v 45 Idau bese taudia be, \q1 lauegu vairana dekenai idia tui diho. \q1 Lauegu hereva idia kamonai neganai, \q1 idia ese lau dekenai idia kamonai henia. \q1 \v 46 Idau bese taudia ese lau dekenai idia gari, \q1 bona edia hunia gabudia dekena amo idia raka, \q1 mai heudeheude danu. \b \q1 \v 47 “Lohiabada be ia mauri noho. \q1 Lauegu durua Tauna badana lau hanamoa noho! \q1 Umui ibounai e, lauegu Dirava goadana do umui hanamoa, \q1 badina ia ese lau ia hamauria noho! \q1 \v 48 Dirava ese lau dekenai idia tuari henia taudia, \q1 edia davana ia henia noho. \q1 Ia ese taunimanima lauegu henunai ia atoa noho. \q1 \v 49 Lau dekenai idia tuari henia taudia dekena amo, \q1 Lohiabada ese lau ia hamauria noho. \q1 Lohiabada e, idia dekena amo, \q1 lau dekenai kwalimu oi henia. \q1 Dagedage taudia dekena amo oi ese lau oi hamauria. \q1 \v 50 Inai dainai Lohiabada e, \q1 lau ese oi do lau hanamoa, \q1 bese ibounai edia huanai. \q1 Lauegu ane dekenai oiemu ladana do lau hanamoa. \q1 \v 51 Kwalimu badana be, \q1 ia ese iena king dekenai ia henia noho. \q1 Lohiabada ese ia abia hidi tauna, \q1 be ia bogahisihisi henia noho. \q1 Bona Lohiabada ese Davida bona iena tubuna taudia, \q1 do ia bogahisihisi henia, ela bona hanaihanai.” \c 23 \s1 Davida ena hereva dokodia \p \v 1 Davida, Iese ena natuna, be Dirava ese ia hanamoa, vadaeni dagi badana ia henia. Io, Iakobo ena Dirava ese Davida ia abia hidi, bona king ia halaoa. Bona Davida ese ane namodia Israela totona ia karaia. Davida ena hereva dokodia be inai: \b \q1 \v 2 “Lohiabada ena Lauma ese lau dekena amo ia hereva. \q1 Iena hereva be lauegu malana dekenai. \q1 \v 3 Israela ena Dirava be ia hereva vadaeni. \q1 Israela ia gimaia Diravana ese lau dekenai ia hereva, \q1 ia gwau: \q1 ‘Taunimanima ia biagua namonamo king tauna, \q1 bema ia ese taunimanima ia biagua mai maoromaoro danu, \q1 Dirava ena hereva hegeregere neganai, \q1 \v 4 ia be idia dekenai ia diaridiari noho, \q1 daba ia rere bamona, \q1 o daba ori be lasi neganai, \q1 dina ia tara bamona. \q1 Ia be idia edia latanai ia namo, medu bamona, \q1 medu ese rei ia hatubua bamona.’ \b \q1 \v 5 “Momokani, Dirava ese lauegu tubuna taudia, \q1 be do ia hanamoa unai bamona, ani? \q1 Badina be noho hanaihanai gwauhamata taravatuna, \q1 be lau dekenai ia henia vadaeni. \q1 Inai gwauhamata taravatuna be do ia makohia diba lasi. \q1 Inai gwauhamata be do ia utua lasi. \q1 Inai be lauegu ura, \q1 bona ia vara neganai, be kwalimu do lau abia momokani. \q1 Bona Dirava ese inai kara do ia havaraia. \q1 \v 6 To Dirava idia matauraia lasi taudia, \q1 be ginigini idia negea gaudia bamona, \q1 iseda imana dekenai ita dogoatao diba lasi gaudia. \q1 \v 7 To bema tau ta ia ura idia ia dogoatao neganai, \q1 ia be auri o io ena auauna do ia gaukaralaia, \q1 bona lahi ese idia do ia gabua ore momokani.” \s1 Davida ena goada taudia \p \v 8 Davida ena goada herea taudia edia ladana be inai: Ioseba Basebeta, Takemono tauna. Ia be “Tuari Lohia Taudia Toi” edia orea ena tau ginigunana. Ia ese tuari ta lalonai iena io dekena amo tau ibounai 800 ia alaia mase. \p \v 9 Inai “Tuari Lohia Toi” orea ena tau iharuana be Eleasara. Ia be Dodo Ahohi ena natuna. Pilistia taudia be tuari totona idia haboua, bona Israela taudia be gari dainai idia giroa lou, to Eleasara be Davida danu ia noho. \v 10 Eleasara be unai gabu dekenai ia gini, ia ese Pilistia taudia ia alaia mase noho, ela bona iena imana ese iena tuari kaia dekenai ia dogoatao auka dainai, iena imana dekenai ia kamokau momokani, ia kokia diba lasi. \p Unai dina dekenai Lohiabada ese kwalimu bada herea ia karaia. Bona tuari ia ore neganai, Israela taudia be Eleasara ia tuari gabuna dekenai idia lao, bona mase taudia dekena amo tuari dabua gaudia idia gogoa sibona. \p \v 11 Inai “Tuari Lohia Toi” orea ena tau ihatoina be Sama Age, Harara tauna. Pilistia taudia be Lehi dekenai idia haboua, bini idia vara uma gabuna kahirakahira. Israela taudia be Pilistia taudia dekena amo idia heau. \v 12 To Sama be uma gabuna ena huanai ia gini, bona ia ese Pilistia taudia ia alaia mase. Unai kara dainai, unai dina dekenai, Lohiabada ese kwalimu badana ia karaia. \p \v 13 Davida ena tuari taudia edia orea ta, ena ladana idia gwauraia be, “Tuari Taudia Goadadia 30”. Inai tau 30 edia huanai dekena amo tuari taudia toi be uma anina haboua neganai, Adulama kohua dekenai idia lao, badina Davida be unuseni ia noho. Unai neganai danu Pilistia taudia edia tuari orea ta be Repaima Koura dekenai idia kamepa. \v 14 Unai neganai Davida be unai gabu aukana ena hunia gabunai ia noho, to Pilistia tuari taudia be Betelehema hanua dekenai idia noho. \p \v 15 Vadaeni Davida ese Betelehema ena ranu namo herea ia laloa, bona ia gwau, “Lau madi o, bema tau ta ese Betelehema ena magu iduara ena badibadinai ia noho guri dekena amo ranu sisina lau dekenai do ia henia, lau be do lau inua.” \p \v 16 Vadaeni inai goada herea taudia toi ese inai hereva idia kamonai, bona idia ese Pilistia taudia idia tuari henia, bona edia kamepa lalonai idia raka hanaia, unai guri dekena amo ranu idia abia, Davida dekenai idia mailaia. To Davida ia ura lasi unai ranu do ia inua. Ia inua lasi, to ia ese unai ranu ia bubua ore, Lohiabada dekenai ia henia, boubou gauna totona. \p \v 17 Bona Davida ia hereva, ia gwau, “Lohiabada e, lau ese inai ranu lau inua diba lasi. Bema lau inua, unai be unai tau goadadia edia rarana do lau inua bamona, badina be unai ranu abia totona edia mauri idia negea bamona.” Vadaeni Davida ese unai ranu ia inua lasi momokani. \p Inai kara be unai goada herea taudia toi ese idia karaia. \p \v 18 Abisai Seruia, Ioaba ena tadina, ese unai “Tuari Taudia Goadadia 30” ia biagua noho, bona ia ese nega ta tau ibounai 300 be sibona ena io dekena amo ia alaia mase. Bona Abisai ena sivarai be bada, unai tau 30 edia sivarai hegeregerena. \v 19 Inai “Tuari Taudia Goadadia 30” edia huanai Abisai sibona ena sivarai be bada, bona ia be edia biaguna ia lao. To ia be unai “Tuari Lohia Toi” danu ia hegeregere lasi. \p \v 20 Benaia Iehoiada be boga auka tauna ta, Kabesela hanua dekena amo. Ia ese kara badadia momo ia karaia. Ia ese Ariele ena natuna ruaosi Moaba dekena amo ia alaia mase, bona dina ta, sinou ia diho neganai, Benaia ese guri lalonai laiona ta ia alaia mase. \p \v 21 Benaia ese danu, Aigupito tauna, tauanina bada tauna ia alaia mase. Unai Aigupito tauna ena imana dekenai be io ia noho, to Benaia ese au ta sibona ia abia, Aigupito tauna dekenai ia lao, io be iena imana dekena amo ia kokia, bona sibona ena io dekena amo ia gwadaia mase. \v 22 Inai karadia be Benaia Iehoiada ese ia karaia, bona ia be unai “Tuari Taudia Goadadia 30” edia orea tauna ta. \v 23 Benaia be “Tuari Taudia Goadadia 30” edia huanai tau badana ta, to iena sivarai be unai “Tuari Lohia Toi” edia sivarai hegeregerena lasi. Vadaeni Davida ese, ia idia gimaia orea ena biaguna, be Benaia ia halaoa. \p \v 24 Ioaba ena tadina Asahele be unai “Tuari Taudia Goadadia 30” orea ena tauna ta. Inai orea ena taudia ma haida be inai: \q1 Elehanana Dodo, Betelehema tauna. \q1 \v 25 Sama, Haroda tauna, Elika, Haroda tauna. \q1 \v 26 Helese, Pelete tauna, Ira Ikese, Tekoa tauna. \q1 \v 27 Abiesere, Anatoto tauna, Mebunai, Husata tauna. \q1 \v 28 Salamona, Ahohi tauna, Maharai, Netopa tauna. \q1 \v 29 Helebe Banaha, Netopa tauna, Itai Ribai, Gibea tauna, Beniamina iduhu tauna ta. \q1 \v 30 Benaia, Piratono tauna, Hidai, Gasa Koura dekena amo. \q1 \v 31 Abialabono, Araba tauna, Asamavete, Bahurimi tauna. \q1 \v 32 Eliaba, Salabono tauna, ia be Iasene ena natuna, bona Ionatana. \q1 \v 33 Sama, Harara tauna, Ahiama Sarara, Harara tauna. \q1 \v 34 Elipelete Ahasabai, Maka tauna, Eliama Ahitopela, Gilo tauna. \q1 \v 35 Hesero, Karamele tauna, Parai, Araba tauna. \q1 \v 36 Igala Natana, Soba tauna, Bani, Gado tauna. \q1 \v 37 Sekele, Amono tauna, Naharai, Beroto tauna. Ia be Ioaba Seruia ena kesi huaia tauna. \q1 \v 38 Ira, Itiri tauna, Gareba, Itiri tauna. \q1 \v 39 Bona Uria, Hiti tauna. Inai tuari taudia goadadia ibounai be 37. \c 24 \s1 Davida ese Israela bona Iuda taudia ia duahia \p \v 1 Lohiabada ena badu ma ia vara lou Israela taudia edia latanai. Vadaeni idia do ia hadikaia totona, Lohiabada ese Davida ia hamaoroa, ia gwau, “Oi lao, Israela taudia bona Iuda taudia do oi duahia.” \p \v 2 Unai dainai, king Davida ese Ioaba bona iena tuari biagudia ia hamaoroa, ia gwau, “Israela ena iduhu ibounai do umui raka hanaia, Dano dekena amo ela bona Bere Sieba, bona taunimanima ibounai do umui duahia, do lau diba iseda bese be hida.” \p \v 3 To Ioaba ese king ia hamaoroa, ia gwau, “Lohiabada, oiemu Dirava ese oiemu taunimanima be nega 100 dekena amo edia momo do ia habadaia, bona oi, egu lohia bona egu king ese oi do mauri noho neganai, inai do oi itaia be namo. To egu king e, badina dahaka oi ura inai duahia kara do oi karaia?” \p \v 4 To Davida ese Ioaba bona iena tuari biagudia edia hereva ia koua. Unai dainai, Ioaba bona tuari biagudia ese king ena vairana dekena amo idia raka lao, Israela taudia do idia duahia totona. \v 5 Idia ese Ioridane Sinavai idia hanaia, Aroere dekenai duahia gaukara idia hamatamaia. Inai hanua be koura ena huanai ia noho, Gado tano dekenai. Unai gabu dekena amo, mirigini kahanai idia lao, ela bona Iasa. \v 6 Ma Iasa dekena amo, Gileada bona Kadesi dekenai idia lao, Hiti taudia edia tano lalonai. \p Ma idia lao, ela bona Dano, bona Dano dekena amo dina diho kahanai idia lao, ela bona Sidono. \v 7 Sidono dekena amo, diho kahanai idia lao, ela bona Turo. Turo dekena amo, Hivi bona Kanana taudia edia hanua dekenai idia lao, bona duahia gaukara idia hadokoa Bere Sieba dekenai. \v 8 Tano ena kahana ibounai dekenai idia raka loaloa murinai, idia giroa lou Ierusalema dekenai. Edia laolao dinadia be hua 9 bona dina 20. \v 9 Vadaeni Ioaba ese taunimanima duahia gaukara ena ripoti king dekenai ia henia, ia gwau, “Israela be mai ena tuari diba taudia 800,000, bona Iuda tuari diba taudia be 500,000.” \p \v 10 To Davida ese inai duahia gaukara ia karaia murinai, iena lalona ese ia pidia, bona ia ese Lohiabada dekenai ia hereva, ia gwau, “Inai duahia gaukara dekena amo, kara dika bada herea lau karaia vadaeni! Lohiabada e, oi dekenai lau noinoi, egu kara dika do oi gwauatao, badina unai kara dekenai lau be kavakava momokani!” \p \v 11 Kerukeru dabai, Davida ese ia toreisi neganai, Lohiabada ena hereva be peroveta tauna Gadi dekenai ia mai. Gadi be Davida ena mata hanai tauna. Lohiabada ese Gadi ia hamaoroa, ia gwau, \v 12 “Oi lao, Davida do oi hamaoroa, oi gwau, ‘Lohiabada be inai bamona ia hereva: Gau toi be oiemu vairanai lau atoa, tamona do oi abia hidi, bona unai gauna be do lau havaraia.’ ” \p \v 13 Vadaeni Gadi be Davida dekenai ia lao, Lohiabada ena hereva gauna ia hamaoroa, bona ia gwau, “Inai gau toi be edena oi ura? Lagani toi lalonai, hitolo ese oiemu tano do ia hadikaia? O, hua toi lalonai, taunimanima ese oi do idia tuari henia, bona idia dekena amo do oi heau noho? O, dina toi lalonai hanaia gorere dikana oiemu tano ena taunimanima do ia hadikaia? Inai gau toi do oi laloa, bona idia ta do oi abia hidi, vadaeni Lohiabada dekenai do lau giroa lao, oiemu haere be ia dekenai do lau henia.” \p \v 14 Davida ese Gadi dekenai ia haere, ia gwau, “Lauegu lalona ia hisihisi bada herea momokani, to lau laloa Lohiabada ena bogahisihisi be bada. Unai dainai Lohiabada ese ita ia panisia be namo, to taunimanima ese lau idia panisia be dika.” \p \v 15 Unai dainai, Lohiabada ese Israela taudia edia latanai hanaia gorere ia siaia, unai daba dekena amo, ela bona ia gwauraia negana ia ore. Vadaeni Dano dekena amo ela bona Bere Sieba dekenai taunimanima ibounai 70,000 idia mase. \v 16 Ma unai neganai, Lohiabada ena aneru ese Ierusalema ia hadikaia ore gwauraia. To Lohiabada ese taunimanima panisia kara dekena amo iena lalona ia giroa, bona ia ese taunimanima ia alaia noho aneru ia hamaoroa, ia gwau, “Vadaeni, oiemu kara do oi hadokoa.” \p Unai neganai, unai Lohiabada ena aneru be uiti kwadia gabuna ena badibadinai ia gini noho. Unai uiti kwadia gabuna be Arauna, Iebusu tauna, ena. \p \v 17 Davida ese unai taunimanima alaia noho aneru ia itaia, bona ia ese Lohiabada ia hereva henia, ia gwau, “Lau sibona ese kara dika lau karaia. Lau sibona be lau kerere. To inai taunimanima be madi dahaka kerere idia karaia? Oi ese lau, bona lauegu bese sibona do oi panisia be namo.” \p \v 18 Unai dina dekenai Gadi be Davida dekenai ia lao, ia gwau, “Arauna ena uiti kwadia gabunai do oi lao, bona Lohiabada dekenai boubou patana do oi haginia.” \p \v 19 Davida ese Lohiabada ena oda ia kamonai henia, bona Gadi ena hereva gauna ia karaia. \v 20 Arauna ese iena matana ia negea, ia ese king Davida mai ena hesiai taudia ia itaia, ia dekenai idia mai noho. Vadaeni Arauna ia raka mai, tano dekenai iena vairana ia atoa, king ena vairanai ia tomadiho. \p \v 21 Bona Arauna ia gwau, “Egu lohia bona egu king e, oi bona oiemu hesiai taudia umui mai ena badina be dahaka?” \p Davida ia haere, ia gwau, “Oiemu uiti kwadia gabuna do lau hoia, bona Lohiabada ena boubou patana ta do lau haginia, hanaia gorere be taunimanima dekena amo do ia doko totona.” \p \v 22 Vadaeni Arauna ese Davida ia hamaoroa, ia gwau, “Egu lohia bona egu king, oiemu ura hegeregerena egu gabu do oi abia, davana lasi. Bona gau haida bema oi ura neganai, do oi abia. Boromakau tau idia noho inai, gabua boubou totona gaudia, bona uiti kokia audia bona boromakau pagadia dekenai atoa audia be lahi audia totona do oi abia. \v 23 King e, lau Arauna ese inai gau ibounai be oi dekenai lau henia inai.” Ma Arauna ese king Davida dekenai ia hereva henia, ia gwau, “Lau ura Lohiabada, oiemu Dirava ese oiemu boubou gauna do ia abia dae.” \p \v 24 To king Davida ese Arauna dekenai ia haere, ia gwau, “Lasi, oiemu gabu do lau hoia, ena davana oi dekenai do lau henia. Badina lau ura lasi lau dekenai ia mai kava gauna ta Lohiabada dekenai do lau henia boubou gauna totona.” \p Vadaeni Davida ese uiti kwadia gabuna bona boromakau tau ia hoia, edia davana ia henia, siliva moni 50 dekenai. \p \v 25 Vadaeni Davida ese boubou patana ta unuseni ia haginia, Lohiabada ena. Bona gabua bouboudia bona maino karaia bouboudia Lohiabada dekenai ia henia. Lohiabada ese Davida ena noinoi ia kamonai henia, bona Israela ena hanaia gorere ia doko.