\id 1CH 1 CHRONICLES, Hiri Motu Bible, PNG, 1993 \h 1 SIVARAI \toc1 ISRAELA BONA IUDA TAUDIA EDIA SIVARAI BUKA GINIGUNANA \toc2 1 SIVARAI \mt1 ISRAELA BONA IUDA TAUDIA EDIA SIVARAI BUKA GINIGUNANA \c 1 \s1 Adamu ena bese \p \v 1 Adamu be Seti ena tamana, Seti be Enosi ena tamana. Enosi be Kenana ena tamana. \v 2 Kenana be Mahalalela ena tamana, Mahalalela be Iareda ena tamana. \v 3 Iareda be Enoka ena tamana. Enoka be Metusela ena tamana, Metusela be Lameka ena tamana. \v 4 Lameka be Noa ena tamana. Noa be mai ena natuna toi, Sema, Hamo, bona Iapeta. \s1 Noa ena bese \p \v 5 Iapeta ena natuna be inai: Gomere, Magoga, Madai, Iavana, Tubala, Meseka, Tirasi. \v 6 Gomere ena natuna be inai: Asakena, Dipata, Togarama. \v 7 Iavana ena natuna be inai: Elisa, Tarasisi, Kitima, bona Rodanima. Idia be unai ladana bese taudia edia tamadia. \p \v 8 Hamo ena natuna be inai: Kusu, Aigupito, Puta, bona Kanana. Idia be unai ladana bese taudia edia tamadia. \v 9 Kusu ena natuna be Seba, Havila, Sabata, Rama bona Sabateka. Idia be unai ladana bese taudia edia tamadia. Rama ena natuna be Sieba bona Dedana, unai ladana bese edia tamadia. \v 10 Kusu ese danu Nimiroda ia havaraia. Nimiroda be tanobada ena tuari kwalimu bada tauna ginigunana. \p \v 11 Aigupito ese ia havaraia besedia be inai: Ludima, Anamima, Lehabima, Napatuhima, \v 12 Patarusima, Kasaluhima, Kapitorima. Pilistia taudia be Kasaluhima besena dekena amo idia vara. \p \v 13 Kanana ena natuna be inai: Sidono, vara guna natuna, bona Heti. Idia be unai ladana bese taudia edia tamadia. \v 14 Kanana ese danu ia havaraia bese taudia be inai: Iebusu, Amoro, Girigasa, \v 15 Hivi, Araka, Sini, \v 16 Aravada, Semara bona Hamata. \p \v 17 Sema ena natuna be inai: Elama, Asuru, Apasada, Ludi, Arama, Usu, Hulu, Getere, Meseka. Idia be unai ladana bese taudia edia tamadia. \v 18 Apasada ese Sela ia havaraia, bona Sela ese Ebere ia havaraia. \v 19 Ebere ena natuna tau be rua, ta ena ladana be Pelega, anina be “parara,” badina be iena nega lalonai tanobada ena bese be idia makohia. Iena tadina ena ladana be Iokatana. \p \v 20 Iokatana ena natuna tau be inai: Alamodada, Selepe, Hasaramaveta, Iera, \v 21 Hadorama, Usala, Dikila, \v 22 Ebala, Abimaela, Sieba, \v 23 Opiri, Havila, Iobaba. Idia be unai ladana bese taudia edia tamadia. \s1 Sema ena bese \p \v 24 Sema ena bese ela bona Aberamo be inai bamona: Sema, Apasada, Sela, \v 25 Ebere, Pelega, Reu, \v 26 Seruga, Nahoro, Tera, \v 27 Aberamo (ena ladana ta be Aberahamo). \s1 Isamaela bona Ketura edia bese \p \v 28 Aberahamo ese natuna tau rua ia havaraia, Isako bona Isamaela. \p \v 29 Isamaela ena natuna tau ese bese 12 edia tamadia idia lao. Edia ladana be inai: Nebaioto, Isamaela ena vara guna, bona Kedara, Adabele, Mibisama, \v 30 Misima, Duma, Masa, Hadada, Tema, \v 31 Ieturu, Napisi, bona Kedema. \p \v 32 Aberahamo ese hahine ma ta ia adavaia, ena ladana be Ketura. Ketura ese Aberahamo dekenai natuna tau 6 ia havaraia be inai: Simurana, Iokosana, Medana, Midiana, Isabaka, bona Sua. Iokosana ena natuna tau be rua, Sieba bona Dedana. \v 33 Midiana ena natuna tau be 5, Epa, Epere, Hanoka, Abida bona Eledaha. Inai taudia ibounai be Ketura ena tubuna. \s1 Esau ena bese taudia \p \v 34 Aberahamo ese Isako ia havaraia, Isako ena natuna tau be rua, Esau bona Iakobo. \v 35 Esau ena natuna tau be inai: Elipasa, Reuele, Ieusu, Ialama, Kora. \v 36 Elipasa ena natuna tau be inai: Temana, Omara, Sepi, Gatama, Kena, Timuna, bona Amaleka. \v 37 Reuele ena natuna tau be Nahata, Sera, Sama, bona Misa. Elipasa bona Reuele edia natudia ta ta ese edia ladana ta ta hegeregerena besedia idia haginia, bona edia tamadia idia lao. \s1 Edoma ena sene taudia korikori \p \v 38 Seiri ena natuna tau be inai: Lotana, Sobala, Sibeona, Ana, Disona, Esere, bona Disana. \p \v 39 Lotana ena natuna tau be inai: Hori bona Homama. Lotana ena taihuna be Timuna. \p \v 40 Sobala ena natuna tau be inai: Aliana, Manahata, Ebala, Sepi, bona Onama. Sibeona ena natuna tau be inai: Aia bona Ana. \p \v 41 Ana ena natuna tau be Disona. Disona ena natuna tau be inai: Hamarana, Esebana, Itirana, bona Kerana. \p \v 42 Esere ena natuna tau be inai: Biliha, Savana, Iakana. Disana ena natuna tau be Usu bona Arana. \s1 Edoma ena king taudia \p \v 43 Israela taudia be do mai edia king lasi neganai, Edoma tano dekenai idia king taudia be inai: Bela Beoro, ena hanua badana ena ladana be Dinihaba. \v 44 Bela ia mase, vadaeni Iobaba, Bosera hanua tauna Sera ena natuna ese king dagi ia abia. \p \v 45 Iobaba ia mase, vadaeni Husama, Temana tano tauna, ese king dagi ia abia. \v 46 Husama ia mase, vadaeni Hadada Bedada, Moaba tano dekenai Midiana taudia ia halusia tauna ese Edoma king dagi ia abia. Iena hanua badana ena ladana be Aviti. \p \v 47 Hadada ia mase, vadaeni Samula, Masareka hanua tauna ese Edoma king dagi ia abia. \v 48 Samula ia mase, vadaeni Saulo, Euperate Sinavai hanua ta, Rehoboto, tauna ta, ese king dagi ia abia. \p \v 49 Saulo ia mase, vadaeni Akaboro ena natuna tau, Bala Hanana ese Edoma ena king dagi ia abia. \v 50 Bala Hanana ia mase, vadaeni Hadada ese Edoma ena king dagi ia abia. Hadada ena hanua badana ena ladana be Pau. Hadada ena adavana ladana be Mehetabela. Ia be Matareda ena natuna hahine, bona Mesahaba ena tubuna. \p \v 51 Hadada ia mase murinai Edoma ena gunalaia taudia be inai: Timuna, Alia, Ietete, \v 52 Oholibama, Elaha, Pinona, \v 53 Kena, Temana, Mibisara, \v 54 Magudiele bona Irama. Inai be Edoma ena gunalaia taudia. \c 2 \s1 Israela ena natuna \p \v 1 Israela ena natuna be inai: Rubena, Simeona, Levi, Iuda, Isakara, Sebuluno, \v 2 Dano, Iosepa, Beniamina, Napatali, Gado, Asere. \s1 Iuda ena bese \p \v 3 Iuda ena natuna tau be inai: Iena adavana Batesua, Kanana hahine dekena amo, mero toi ia havaraia, Ere, Onana bona Sela. Ere, Iuda ena vara guna, be Lohiabada ena vairanai ia kara dika, vadaeni Lohiabada ese ia alaia mase. \v 4 Iuda ese ma iena ravana maragi hahine, Tamara dekena amo mero rua ia abia, edia ladana be Perese bona Sera. Iuda ena natuna tau ibounai be 5. \p \v 5 Perese ena natuna tau be Hesarona bona Hamulu. \v 6 Sera ena natuna tau be Simiri, Etana, Hemana, Kalakolo bona Dara, ibounai 5. \p \v 7 Sera ena bese tauna ta, Karami, ena natuna tau, ladana Akana, ese kerere bada Israela dekenai ia havaraia, badina ia ese Dirava ia taravatua kohuna ia abia kava. \v 8 Etana ena natuna tau be tamona, Asaraia. \s1 King Davida ena sene taudia \p \v 9 Hesarona ena natuna tau be inai: Ierahamele, Rama bona Kaleba. \v 10 Rama be Aminadaba ena tamana. Aminadaba be Nasona ena tamana. Unai Nasona be Iuda taudia edia gunalaia tauna ta. \p \v 11 Nasona be Salima ena tamana. Salima be Boasi ena tamana. \v 12 Boasi be Obeda ena tamana, bona Obeda be Iese ena tamana. \p \v 13 Iese ena natuna vara guna be Eliaba, iharuana be Abinadaba, ihatoina be Simea, \v 14 namba 4 be Netanele, namba 5 be Radai, \v 15 namba 6 be Oseme, namba 7 be Davida. \v 16 Iese ena natuna hahine be rua, Seruia bona Abigaila. \p Seruia ena natuna be inai: Abisai, Ioaba, Asahele, ibounai toi. \v 17 Abigaila ese Amasa ia havaraia. Amasa ena tamana be Ietere, Isamaela tauna \s1 Hesarona ena bese \p \v 18 Kaleba, Hesarona ena natuna, ese hahine ta ladana Asuba ia adavaia, bona Asuba ese kekeni ladana Ierioto ia havaraia. Ia ese memero toi ia havaraia, Iesere, Sobaba, bona Aradono. \v 19 Asuba ia mase murinai Kaleba ese Eparata ia adavaia. Eparata ese mero ladana Huru ia havaraia. \v 20 Huru be Uri ena tamana, bona Uri be Besalele ena tamana. \p \v 21 Hesarona ena mauri lagani be 60 neganai ia ese Makiri ena natuna hahine, Gileada ena taihuna, ia adavaia. Vadaeni unai hahine ese mero, ena ladana Segubu ia havaraia. \v 22 Segubu be Iairi ena tamana. Iairi ese hanua ibounai 23 Gileada tano dekenai ia biagua. \p \v 23 To Gesuru bona Arama taudia ese Iairi ena hanua ibounai bona Kenata hanua mai ena hanua maragidia ibounai idia halusia, bona idia abia, hanua ibounai be 60. Unuseni idia noho taudia ibounai be Makiri, Gileada ena tamana, ena bese taudia. \p \v 24 Hesarona ia mase murinai Kaleba ese iena tamana Hesarona ena vabu, iena ladana be Eparatara ia adavaia. Unai hahine ese mero ta, Asahuru ia havaraia. Asahuru be Tekoa ena tamana. \s1 Ierahamele ena bese \p \v 25 Ierahamele, Hesarona ena natuna vara guna, ena natuna tau be 5, Rama, vara guna, Buna, Orene, Oseme bona Ahaidia. \v 26 Ierahamele be mai ena adavana ma ta danu, iena ladana be Atara. Ia be Onama ena sinana. \v 27 Rama, Ierahamele ena natuna vara guna, ena natuna tau be inai: Masa, Iamina bona Ekere. \v 28 Onama ena natuna tau be Samai bona Iada. Samai ena natuna tau be Nadaba bona Abisuru. \p \v 29 Abisuru ena adavana ena ladana be Abihaili. Ia ese iena memero rua ia havaraia, edia ladana be Ahabana bona Molidi. \v 30 Abisuru ena kakana Nadaba ese natuna tau rua ia abia, Selede bona Apaimi. Selede ia mase, natuna ta lasi. \v 31 Apaimi ena natuna tau be Isi. Isi ena natuna tau be Sesana. Sesana ena natuna tau be Ahalai. \v 32 Iada, Samai ena tadina ena natuna tau be Ietere bona Ionatana. Ietere be ia mase, natuna ta lasi. \v 33 Ionatana ena natuna tau be Pelete bona Sasa. Una be Ierahamele ena bese taudia. \p \v 34 Sesana ena natuna be hahine sibona, natuna tau ta lasi. To Sesana be mai ena hesiai tauna ta, Aigupito tauna, ena ladana be Iaraha. \v 35 Vadaeni Sesana ese iena natuna hahine ta be Iaraha dekenai ia henia, do ia adavaia. Unai hahine ese iena mero Atai ia havaraia. \v 36 Atai be Natana ena tamana. Natana be Sabada ena tamana. \v 37 Sabada be Epelala ena tamana. Epelala be Obeda ena tamana. \v 38 Obeda be Iehu ena tamana. Iehu be Asaraia ena tamana. \v 39 Asaraia be Helese ena tamana. Helese be Eleasa ena tamana. \v 40 Eleasa be Sisimai ena tamana. Sisimai be Salumu ena tamana. \v 41 Salumu be Iekamaia ena tamana. Iekamaia be Elisama ena tamana. \s1 Kaleba ena bese ma haida \p \v 42 Kaleba, Ierahamele ena tadina, ena natuna tau, vara guna, be Mesa. Mesa be Sipi ena tamana. Sipi be Maresa ena tamana. Maresa be Heberona ena tamana. \v 43 Heberona ena natuna tau be 4, Kora, Tapua, Rekeme, bona Sema. \v 44 Sema be Rahama ena tamana. Rahama be Iorokeama ena tamana. Rekeme be Samai ena tamana. \v 45 Samai ena natuna tau be Maono. Maono be Bete Suru ena tamana. \p \v 46 Kaleba be mai ena adavana ta, ena ladana be Epa, bona Epa ese Kaleba ena natuna tau toi ma ia havaraia, edia ladana be Harana, Mosa bona Gasese. Harana danu be mai ena natuna tau ladana Gasese. \p \v 47 Iahadai ena natuna tau be inai: Regeme, Iotama, Gesana, Pelete, Epa, bona Sapa. \p \v 48 Kaleba be mai ena adavana ma ta, ena ladana be Maka. Maka ese Kaleba ena natuna tau rua ma ia havaraia, edia ladana be Sebere bona Tirihana. \v 49 Maka ese gabeai natuna tau rua ma ia havaraia, Sapa, ia ese Madamana hanua ia hamatamaia, bona Seva, ia ese Makabena bona Gibea hanuadia ia hamatamaia. \p Bona Kaleba be mai ena natuna hahine, ena ladana be Akisa. \p \v 50 Ma Kaleba dekena amo idia vara taudia haida be inai: \p Huru be Kaleba bona iena adavana Eparata edia natuna tau vara guna. Huru ena natuna tau Sobala ese Kiriata Iearimi hanua ia hamatamaia. \p \v 51 Kaleba ena natuna tau iharuana, Salima, ese Betelehema hanua ia hamatamaia, bona Kaleba ena natuna tau ihatoina Harepe ese Bete Gadere hanua ia hamatamaia. \p \v 52 Sobala, Kiriata Iearimi hanua ia hamatamaia tauna dekena amo inai bese taudia idia vara: Haroe, Manahata bese ena kahana. \v 53 Bona Kiriata Iearimi ena iduhu, edia ladana be Itiri bona Puti bona Sumata bona Misira. Inai iduhu edia taudia be Sorata hanua bona Esetaoli hanua dekenai idia noho. \p \v 54 Salima, Betelehema hanua ia hamatamaia tauna dekena amo inai bese taudia idia vara: Netopa, Ataroto Bete Ioaba, bona Manahata bese ena kahana, bona Soro besena danu. \p \v 55 Buka torea taudia, Iabese hanua dekenai idia noho taudia danu edia bese be inai: Tirata, bona Simeata bona Sukata besedia. Unai be Keni taudia, Hamata dekena amo idia vara. Bona unai Hamata be Rekaba iduhu ena tamana. \c 3 \s1 Davida ena bese \p \v 1 Davida ena natuna tau, Heberona dekenai ia noho neganai idia vara, be inai: \p Vara guna be Aminona, Ahinoama, Ieserele hahine ena bogana dekena amo. Iharuana be Daniela, Abigaila, Karamele hahine ena bogana dekena amo. \p \v 2 Ihatoina be Abesaloma, iena sinana be Maka, Talemai, Gesuru ena king, ena natuna hahine. Namba 4 be Adonaisa, iena sinana be Hagiti. \p \v 3 Namba 5 be Sepataia, iena sinana be Abitala. Namba 6 be Itireama, iena adavana Egila ena bogana dekena amo. \p \v 4 Inai natuna tau ibounai 6 be Heberona dekenai idia vara, bona Davida be lagani 7 bona hua 6 unuseni ia lohia karaia. \p Ma Davida be Ierusalema dekenai lagani 33 lalonai ia lohia karaia. \v 5 Bona unuseni iena natuna tau momo idia vara, edia ladana be inai: \p Davida ena adavana, Bataseba, Amiele ena natuna hahine ese natuna tau 4 ia havaraia: Simea, Sababa, Natana bona Solomona. \p \v 6 Davida ese danu iena natuna tau ma 9 ia havaraia: Ibihara, Elisua, Elipelete, \v 7 Noga, Nepege, Iapia, \v 8 Elisama, Eliada bona Elipelete. \v 9 Inai ibounai be Davida ena natuna tau. Ma haida danu be iena adavana, hesiai hahine, dekena amo ia havaraia. Davida danu be mai ena natuna hahine, ena ladana be Tamara. \s1 King Solomona ena bese (Iuda ena king) \p \v 10 Solomona ena natuna tau be Rehoboama. Rehoboama ena natuna tau be Abaisa. Abaisa ena natuna tau be Asa. Asa ena natuna tau be Iehosapata. Iehosapata ena natuna tau be Iehorama. \p \v 11 Iehorama ena natuna tau be Ahasaia. Ahasaia ena natuna tau be Ioasa. \p \v 12 Ioasa ena natuna tau be Amasaia. Amasaia ena natuna tau be Usaia. Usaia ena natuna tau be Iotama. Iotama ena natuna tau be Ahasa. \p \v 13 Ahasa ena natuna tau be Hesekaia. Hesekaia ena natuna tau be Manase. \p \v 14 Manase ena natuna tau be Amona. Amona ena natuna tau be Iosaia. \p \v 15 Iosaia ena natuna tau be 4: Vara guna be Iohanana, iharuana be Iehoiakimi, ihatoina be Sedekaia, namba 4 be Sulumu. \p \v 16 Iehoiakimi ena natuna tau be rua: Iehoiakini bona Sedekaia. \s1 King Iehoiakini ena bese (abia mauri murinai) \p \v 17 King Iehoiakini be Babulonia taudia ese idia guia, edia tano dekenai idia abia lao. Iehoiakini ena bese be inai: Iena natuna tau be ibounai 7: Sealetiele, \v 18 Malikirama, Pedaia, Senasara, Iekamaia, Hosama bona Nedabaia. \p \v 19 Pedaia ena natuna tau be Serubabele bona Simei. Serubabele ena natuna be Mesulama bona Hananaia, bona edia taihuna be Selomiti. \v 20 Serubabele ena natuna tau ma 5 idia noho: Hasuba, Ohele, Berekaia, Hasadaia, bona Iusaba Hesede. \p \v 21 Hananaia ena natuna tau be Pelataia bona Iesaia. Iesaia be Repaia ena tamana. Repaia be Aranana ena tamana. Anana be Obadaia ena tamana. Obadaia be Sekanaia ena tamana. \v 22 Sekanaia be mai ena natuna tau tamona, Semaia, bona mai ena tubuna tau ibounai 5: Hatusu, Igala, Baraia, Nearaia, bona Sapata. \p \v 23 Nearaia ena natuna tau be toi: Elioenai, Hesekaia, bona Asarikama. \v 24 Elioenai ena natuna tau be ibounai 7: Hodavaia, Eliasibi, Pelaia, Akubu, Iohanana, Delaia bona Anani. \c 4 \s1 Iuda ena bese ma haida \p \v 1 Iuda ena natuna be inai: Perese, Hesarona, Karami, Huru bona Sobala. \v 2 Sobala be Reaia ena tamana. Reaia be Iahata ena tamana. Iahata be Ahumai bona Lahada edia tamana. Unai be Sora hanua taudia edia sene taudia. \p \v 3 Etama ena natuna tau be inai: Ieserele, Isima, bona Idibasa. Edia taihuna ena ladana be Haseleleponi. \p \v 4 Huru ena natuna tau be toi, Etama, Penuela bona Esere. Penuela ese Gedoro hanua ia hamatamaia, bona Esere ese Husa hanua ia hamatamaia. Huru be Kaleba bona iena adavana Eparata edia natuna vara guna. \p Huru ese Betelehema hanua ia hamatamaia. \p \v 5 Asahuru ese Tekoa hanua ia hamatamaia. Asahuru ena adavana be rua, Hela bona Nara. \v 6 Nara ese Asahuru dekenai ia havaraia natuna tau be ibounai 4: Ahusama, Hepere, Temeni, bona Hahasatari. \v 7 Hela ese Asahuru dekenai ia havaraia natuna tau be ibounai toi: Serete, Isara, bona Etenana. \p \v 8 Koso be Anuba bona Sobeba edia tamana. Koso danu be Aharahele, Harumu ena natuna ena iduhu taudia edia sene tauna. \p \v 9 Tau ta, iena ladana be Iabese, be kara maoromaoro tauna momokani, ia ese iena tadikakana ibounai ia hereaia. Iena sinana ese iena ladana ia atoa Iabese, anina be “hisihisi,” badina be ia ese ia havaraia mai hisihisi bada danu. \v 10 To Iabese ese Israela ena Dirava dekenai ia noinoi, ia gwau, “Dirava e, mani emu kara, lau do oi hanamoa, lau dekenai tano momo do oi henia. Lau dekenai do oi noho, bona dika dekena amo lau do oi naria, vadaeni hisihisi do lau davaria lasi.” \p Bona Dirava ese Iabese ena guriguri ia kamonai, bona iena ura gauna ia henia. \s1 Bese ma haida \p \v 11 Kelubu, Suha ena tadina, be Mehiri ena tamana. Mehiri be Esetono ena tamana. \v 12 Esetono be Bete Rapa, Pasea bona Tehina edia tamana. Tehina be Irinahasa ena tamana. Unai be Reka hanua taudia edia sene taudia. \p \v 13 Kenasi ena natuna tau be Otoniele bona Seraia. Otoniele ena natuna tau be Hatata bona Meonotai. \v 14 Meonotai be Opera ena tamana. Seraia be Ioaba ena tamana. Ioaba be Geharasimi taudia edia sene tauna. Geharasimi ena anina be “gaukara taudia,” badina idia be imana gaukara diba momo taudia. \p \v 15 Kaleba Iepune ena natuna tau be inai: Iru, Elaha bona Nama. Elaha ena natuna be Kenasi. \p \v 16 Iehalelele ena natuna tau be inai: Sipi, Sipaha, Tiria, bona Asarele. \p \v 17 Esera ena natuna tau be inai: Ietere, Merede, Epere, bona Ialono. Merede ese Aigupito king ena natuna hahine ia adavaia, bona ia iese ena natuna kekeni, Miriama, bona iena natuna memero, Samai bona Isiba ia havaraia. Isiba ese Esetemoa hanua ia hamatamaia. \v 18 Ma Merede ese danu Iuda hahine ta ia adavaia, edia natuna tau be inai: Ierede, Hebere bona Iekutiele. Ierede ese Gedoro hanua ia hamatamaia. Hebere ese Soko hanua ia hamatamaia. Bona Iekutiele ese Sanoa hanua ia hamatamaia. \p \v 19 Hodaia ese Nahama ena taihuna ia adavaia. Edia natudia ese Gama iduhu taudia bona Makata iduhu taudia idia havaraia. Gama taudia be Keila hanua dekenai, bona Makata taudia be Esetemoa hanua dekenai idia noho. \p \v 20 Simono ena natuna tau be inai: Aminona, Rina, Benehanana, bona Tilono. \p Isi ena natuna tau be inai: Sohete bona Benesohete. \s1 Sela ena bese taudia \p \v 21 Sela be Iuda ena natuna tau ta. Sela ena natuna tau be inai: Ere, Leka hanua ia hamatamaia tauna, bona Lada, Maresa hanua ia hamatamaia tauna. Inai Lada ese ia havaraia iduhu taudia ese dabua aukadia hatua dalana idia diba, bona Bete Asabea hanua dekenai idia noho. \p \v 22 Sela ena bese haida be Iokimi, bona Koseba hanua dekenai idia noho taudia. Sela danu be inai tau rua edia sene tauna: Ioasa bona Sarapa. Idia ese Moaba hahine taudia idia adavaia, bona Betelehema hanua dekenai idia noho. (Inai sivarai be gunaguna momokani gauna.) \v 23 Unai Ioasa bona Sarapa idia havaraia bese taudia be uro karaia gaukara taudia idia lao, bona king dainai unai bamona gaukara idia karaia Netaimi hanua bona Gedera hanua dekenai. \s1 Simeona ena bese taudia \p \v 24 Simeona ena natuna tau be inai: Nemuele, Iamina, Iaribi, Sera, bona Saulo. \v 25 Saulo ena natuna tau be Salumu. Bona Salumu ena natuna tau be Mibisama. Mibisama ena natuna tau be Misima. \v 26 Misima ena natuna tau be Hamuele. Hamuele ena natuna tau be Sakuru. Sakuru ena natuna tau be Simei. \v 27 Simei be mai ena natuna tau ibounai 16, bona iena natuna hahine be 6. To Simei ena tadikakana edia natudia be momo lasi, bona Simeona iduhu be ia bada daekau momokani lasi, Iuda iduhu ese ia hanaia momokani. \p \v 28 Simeona taudia edia noho gabudia be Bere Sieba, Molada, Hasara Suala, \v 29 Bileha, Eseme, Tolada, \v 30 Betuela, Horoma, Sikilaga, \v 31 Bete Makaboto, Hasara Susimi, Bete Biri, bona Saraimi. Edia hanua badadia be unai, ela bona Davida ese king dagi ia abia negana. \p \v 32 Simeona taudia edia hanua maragidia be inai: Etama, Aina, Rimono, Tokene, Asana, hanua ibounai 5, \v 33 mai edia hanua maragidia haida danu, hanua badadia idia hagegea gaudia, ela bona Balata hanua. Simeona iduhu taudia edia noho gabudia be unai, bona idia ese edia sene taudia edia ladana, bona edia noho sivarai ibounai idia torea namonamo. \p \v 34 Simeona iduhu ena iduhu maragidia edia gunalaia taudia be inai: Mesobaba, Iamileka, Iosa Amasaia, \v 35 Ioela, Iehu Iosibaia, Seraia Asiele ena tubuna, \v 36 Elioenai, Iakoba, Iesohaia, Asaia, Adiele, Iesimiele, Benaia, \v 37 bona Sisi Sipi, ia be Alono Iedaia ena tubuna, bona inai Alono be Simiri Semaia ena tubuna. \v 38 Inai edia ladana idia torea taudia be edia iduhu edia lohia taudia, bona unai iduhu ta ta idia bada lao. \p \v 39 Simeona taudia be idia laolao dina ia diho kahanai, ela bona Gedoro kahirakahira, bona edia mamoe be unuseni rei gabudia idia tahua. \v 40 Unai gabu dekenai rei namo herea idia davaria, bona tano palaka gabu badana, maino bona regerege lasi gabuna. Unuseni idia noho guna taudia be Hamo besena taudia. \p \v 41 Unai ladana idia torea vadaeni Simeona iduhu lohia taudia ese Hesekaia, Iuda king ena nega lalonai idia toreisi, Gerara dekenai idia noho Hamo taudia, bona Meunimi taudia edia ruma, bona palai ruma idia hadikaia ore. Simeona taudia ese unai Hamo bona Meunimi taudia idia alaia ore momokani, bona ia mai bona hari be edia tano dekenai idia noho, badina be edia mamoe edia rei gabuna be unuseni. \p \v 42 Bona idia haida, Simeona iduhu taudia ibounai 500, be Seiri Ororo dekenai idia lao. Idia edia gunalaia taudia be Isi ena natuna 4, Pelataia, Nearaia, Repaia bona Usiele. \v 43 Unai gabu taudia, do mauri noho Amaleka taudia be unai Simeona taudia ese idia alaia ore. Bona Simeona taudia be unuseni idia noho ia mai bona hari dina. \c 5 \s1 Rubena ena bese taudia \p \v 1 Rubena, Israela ena natuna tau vara guna, ena natuna tau be inai: Rubena be vara guna, to ia ese iena tamana ena adavana ta ia sihari henia dainai, ia ese iena vara guna ena ahuna ia haboioa. Bona unai vara guna ahuna be Iosepa dekenai idia henia. \v 2 Momokani Iosepa ese vara guna ena ahuna ia davaria, to Iuda iduhu be ia goada daekau lao, bona Iuda ese iduhu ibounai edia huanai dekena amo, king badana ta ia havaraia. \v 3 Rubena, Israela ena natuna vara guna ena natuna tau be inai: Hanoka, Palu, Hesarona bona Karami. \p \v 4 Ioela ena natuna tau be Semaia. Semaia ena natuna tau be Goga, Goga ena natuna tau be Simei. \v 5 Simei ena natuna tau be Mika, bona Mika ena natuna tau be Reaia. Reaia ena natuna tau be Bala. \v 6 Bala ena natuna tau be Biraha. Biraha be Tigelata Pilesere, Asuria ena king ese ia abia mauri, badina Biraha be iduhu ena lohia ta. Tigelata ese Biraha ia guia, Asuria dekenai ia abia lao. \p \v 7 Rubena ena iduhu gunalaia taudia be inai, edia toretore taudia ese buka dekenai idia torea hegeregerena: Ieiele, lohia tauna, Sekaraia, \v 8 Bela Asasa, Sema Ioela ena tubuna. Inai Rubena iduhu taudia be Aroere hanua dekenai idia noho, bona edia tano be Aroere dekena amo, mirigini kahana ela bona Nebo bona Bala Meono. \p \v 9 Dina ia daekau kahana dekenai danu idia noho, ela bona tano kaukau raka vareai gabuna, Euperate Sinavai inai kahana dekenai, badina be edia boromakau momo be Gileada tano dekenai idia noho. \p \v 10 King Saulo ena nega lalonai Rubena taudia ese Hagara taudia idia tuari henia, bona idia halusia. Bona idia be Hagara taudia edia ruma edia lalonai idia noho, Gileada ena dina daekau kahana dekenai. \s1 Gado ena bese taudia \p \v 11 Gado taudia edia tano, Basana, be Rubena taudia edia tano badinai, Rubena edia mirigini kahana dekenai, bona Gado ena tano hetoana be dina daekau kahanai ia lao, ela bona Saleka. \v 12 Ioela be edia iduhu badana ena gunalaia tauna, iduhu iharuana ena gunalaia tauna be Sapama. Ianai bona Sapata ese danu edia iduhu idia gunalaia, Basana dekenai. \p \v 13 Edia varavara taudia, edia tamadia edia iduhu hegeregerena, be inai: Mikaela, Mesulama, Sieba, Iorai, Iakana, Sia, bona Ibere, bese be ibounai 7. \p \v 14 Unai be Abihaili, Huri ena natuna edia bese ta ta. Huri be Iaroa ena natuna, Iaroa be Gileada ena natuna, Gileada be Mikaela ena natuna, Mikaela be Iesisai ena natuna, Iesisai be Iado ena natuna, bona Iado be Busu ena natuna. \p \v 15 Ahi, Abediele Guni, be edia iduhu ena gunalaia tauna. \v 16 Edia noho gabudia be Gileada, Basana mai ena hanua ibounai danu, bona Sarona ena rei gabudia ibounai ela bona rei ia doko. \p \v 17 Inai ladadia bona inai kara ena sivarai ibounai be Iotama, Iuda ena king, bona Ieroboama, Israela ena king, edia nega lalonai toretore taudia ese buka lalonai idia torea. \s1 Dina daekau kahana iduhu edia tuari orea \p \v 18 Rubena bona Gado iduhu bona Manase ena iduhu kahana be mai edia tuari diba taudia ibounai 44,760. Idia ibounai ese kesi bona tuari kaia bona peva idia iusilaia diba, bona tuari totona idia hegaegae noho. \v 19 Idia ese Hagara taudia, bona Ieturu, bona Napisi, bona Nodaba taudia danu idia tuari henia. \v 20 Idia ese Dirava idia abidadama henia, bona Dirava idia noia, ia ese idia do ia durua, bona Dirava ese edia noinoi ia kamonai. Vadaeni idia ese Hagara taudia bona edia durua taudia idia halusia. \p \v 21 Vadaeni Rubena, Gado bona Manase iduhu kahana taudia ese ubua gaudia momo idia abia: Kamelo 50,000, mamoe 250,000, doniki 2000. Ma taunimanima ibounai 100,000 idia abia mauri. \v 22 Momo herea danu idia alaia mase, badina be unai tuari be Dirava ena ura. Vadaeni Rubena, Gado, bona Manase iduhu kahana taudia be unai tano dekenai idia noho ela bona Asuria taudia ese Asuria dekenai mai guia danu idia abidia lao. \s1 Manase ena iduhu kahana taudia \p \v 23 Manase ena iduhu kahana taudia be Basana tano lalonai, bona unuseni dekena amo mirigini kahana ela bona Bala Heremona, Seniri, bona Heremona Ororo. \v 24 Edia tamadia edia iduhu gunalaia taudia be inai: Epere, Isi, Eliele, Aseriele, Ieremia, Hodavaia, bona Iahadiele, tuari taudia mai edia goada bona mai edia sivarai danu. Idia be edia tamadia edia iduhu edia kwarana taudia. \s1 Dina daekau kahana iduhu be Asuria taudia ese idia guia, idia abia lao Asuria dekenai \p \v 25 To unai dina daekau kahana iduhu taudia ese edia tamadia edia Dirava ena vairanai idia kara dika, bona unai tano taudia edia dirava idia tomadiho henia. Dirava ese guna unai tano taudia be Israela taudia edia vairanai ia lulua ore. \p \v 26 Unai edia kara dika dainai, Israela ena Dirava ese Pulu, Asuria ena king, iena ladana ta be Tigelata Pilesere, ena lalona ia hatoreisia, vadaeni ia ese inai Rubena, Gado, bona Manase iduhu kahana taudia ia abia lao, Hala bona Haboro bona Hara, bona Gosana Sinavai ena badina dekenai ia atodia, bona unuseni idia noho, ia mai bona hari dina. \c 6 \s1 Levi besena (Hahelagaia Tau Badadia) \p \v 1 Levi ena natuna tau be inai: Geresone, Kohata bona Merari. \p \v 2 Kohata ena natuna tau be inai: Amarama, Isahara, Heberona bona Usiele. \p \v 3 Amarama ena natuna tau be inai: Arona bona Mose, bona natuna hahine ta, Miriama. \p Arona ena natuna tau be inai: Nadaba, Abihu, Eleasara, Itamara. \p \v 4 Eleasara ena bese, uru ta ta dekenai be inai: Eleasara be Pineha ena tamana. Pineha be Abisua ena tamana. \v 5 Abisua be Buki ena tamana. Buki be Usisi ena tamana. \v 6 Usisi be Serahaia ena tamana. Serahaia be Meraioto ena tamana. \v 7 Meraioto be Amaraia ena tamana. Amaraia be Ahitubu ena tamana. \v 8 Ahitubu be Sadoka ena tamana. Sadoka be Ahimasa ena tamana. \v 9 Ahimasa be Asaraia ena tamana. Asaraia be Iohanana ena tamana. \v 10 Iohanana be Asaraia ena tamana. (inai Asaraia ese hahelagaia tauna gaukara ia karaia, king Solomona ese Ierusalema dekenai ia haginia Dubu Helaga ena lalonai.) \v 11 Asaraia be Amaraia ena tamana. Amaraia be Ahitubu ena tamana. \v 12 Ahitubu be Sadoka ena tamana. Sadoka be Salumu ena tamana. \v 13 Salumu be Hilekaia ena tamana. Hilekaia be Asaraia ena tamana. \v 14 Asaraia be Seraia ena tamana. Seraia be Iehosadaka ena tamana. \v 15 Lohiabada ese Iuda bona Ierusalema taudia, be Nebukanesa ena goada dekena amo, idau gabu dekenai ia siaidia lao, unuseni idia noho neganai, inai Iehosadaka danu be idia danu ia lao. \s1 Levi ena bese ma haida \p \v 16 Levi ena natuna tau be inai: Geresone, Kohata bona Merari. \p \v 17 Geresone ena natuna tau be Libini bona Simei. \p \v 18 Kohata ena natuna tau be Amarama, Isahara, Heberona bona Usiele. \p \v 19 Merari ena natuna tau be Mali bona Musi. \p Levi taudia edia iduhu bona iduhu maragidia be inai, edia tamadia edia ladana hegeregerena. \p \v 20 Geresone: Iena natuna tau be Libini, Libini ena natuna tau be Iahata. Iahata ena natuna tau be Sima. \v 21 Sima ena natuna tau be Ioa, Ioa ena natuna tau be Ido. Ido ena natuna tau be Sera, Sera ena natuna tau be Ieaterai. \p \v 22 Kohata: Iena natuna tau be Aminadaba. Aminadaba ena natuna tau be Kora. Kora ena natuna tau be Asiri. \v 23 Asiri ena natuna tau be Elikana. Elikana ena natuna tau be Ebiasapa. Ebiasapa ena natuna tau be Asiri. \v 24 Asiri ena natuna tau be Tahata, Tahata ena natuna tau be Uriele. Uriele ena natuna tau be Usaia, Usaia ena natuna tau be Saulo. \p \v 25 Elikana: Iena natuna tau be Amasai bona Ahimoto. \v 26 Ahimoto ena natuna tau be Elikana. Elikana ena natuna tau be Sopai, Sopai ena natuna tau be Nahata. \v 27 Nahata ena natuna tau be Eliaba, Eliaba ena natuna tau be Ierohama. Ierohama ena natuna tau be Elikana, Elikana ena natuna tau be Samuela. \p \v 28 Samuela: Iena natuna tau vara guna be Ioela, bona iharuana be Abia. \p \v 29 Merari: Iena natuna tau be Mali. Mali ena natuna tau be Libini, Libini ena natuna tau be Simei. Simei ena natuna tau be Usa. \v 30 Usa ena natuna tau be Simea, Simea ena natuna tau be Hagaia. Hagaia ena natuna tau be Asaia. \s1 Ane abia taudia \p \v 31 Taravatu Maua be Davida ese Lohiabada ena tomadiho gabuna lalonai ia atoa murinai, Davida ese ane abia taudia danu be unuseni ia atoa, miusiki bona ane do idia gunalaia totona. \v 32 Idia be Lohiabada ena Palai Dubu ena vairanai tomadiho ane idia abia noho, ela bona Solomona ese Lohiabada ena Dubu Helaga Ierusalema dekenai ia haginia. Unai miusiki taudia, Palai Dubu ena vairanai ane idia abia, bona tomadiho karadia idia karaia, ta ta ena nega, ena nega dekenai. \p \v 33 Inai gaukara idia karaia taudia, mai edia natudia danu, edia ladana be inai: \p Kohata iduhu: Ane abia tauna, Hemana, Ioela ena natuna tau. Inai Ioela be Samuela ena natuna tau, \v 34 Samuela be Elikana ena natuna tau, Elikana be Ierohama ena natuna tau, Ierohama be Eliele ena natuna tau, Eliele be Toa ena natuna tau. \v 35 Toa be Supu ena natuna tau, Supu be Elikana ena natuna tau. Elikana be Mahata ena natuna tau. Mahata be Amasai ena natuna tau. \v 36 Amasai be Elikana ena natuna tau, Elikana be Ioela ena natuna tau. Ioela be Asaraia ena natuna tau, Asaraia be Sepanaia ena natuna tau. \v 37 Sepanaia be Tahata ena natuna tau, Tahata be Asiri ena natuna tau. Asiri be Ebiasapa ena natuna tau, Ebiasapa be Kora ena natuna tau. \v 38 Kora be Isahara ena natuna tau, Isahara be Kohata ena natuna tau. Kohata be Levi ena natuna tau, bona Levi be Israela ena natuna tau. \p \v 39 Ane abia orea iharuana ena gunalaia tauna be Asapa, Hemana ena tadina. Iena bese taudia edia ladana be inai: Asapa be Berekaia ena natuna tau. Berekaia be Simea ena natuna tau. \v 40 Simea be Mikaela ena natuna tau, Mikaela be Baseia ena natuna tau. Baseia be Malekaia ena natuna tau. \v 41 Malekaia be Eteni ena natuna tau, Eteni be Sera ena natuna tau. Sera be Adaia ena natuna tau. \v 42 Adaia be Etana ena natuna tau, Etana be Sima ena natuna tau. Sima be Simei ena natuna tau. \v 43 Simei be Iahata ena natuna tau, Iahata be Geresone ena natuna tau. Geresone be Levi ena natuna tau. \p \v 44 Ma ane abia orea ihatoina ena gunalaia tauna be Etana, Merari iduhu tauna. Iena bese taudia edia ladana be inai: Etana be Kisi ena natuna tau. Kisi be Abidi ena natuna tau, Abidi be Maluku ena natuna tau. \v 45 Maluku be Hasabaia ena natuna tau, Hasabaia be Amasaia ena natuna tau. Amasaia be Hilekaia ena natuna tau. \v 46 Hilekaia be Amasi ena natuna tau, Amasi be Bani ena natuna tau. Bani be Semere ena natuna tau. \v 47 Semere be Mali ena natuna tau, Mali be Musi ena natuna tau, Musi be Merari ena natuna tau. Merari be Levi ena natuna tau. \p \v 48 Inai ane abia taudia edia varavara Levi taudia be Lohiabada ena oda hegeregerena, Dirava ena tomadiho gabuna dekenai gaukara idauidau idia karaia. \s1 Arona ena bese taudia \p \v 49 To Arona, mai ena bese taudia danu ese boubou karadia idia karaia, gabua ore bouboudia, boubou patana ena latanai, bona muramura mai bonana namo idia gabua ena patana latanai danu. Idia ese danu Helaga Herea Gabuna ena lalonai tomadiho gaukara ibounai, bona Israela ena kara dika ena davana karaia totona boubou danu be Arona ena bese ese idia karaia. Inai boubou dainai, Dirava ese Israela taudia edia kara dika ia gwauatao. Inai gaukara helagadia ibounai idia karaia, Mose, Dirava ena hesiai tauna, ena oda ibounai hegeregerena. \p \v 50 Arona ena bese taudia edia ladana be inai: Iena natuna tau be Eleasara. Eleasara ena natuna tau be Pineha. Pineha ena natuna tau be Abisua. \v 51 Abisua ena natuna tau be Buki, Buki ena natuna tau be Usisi. Usisi ena natuna tau be Serahaia. \v 52 Serahaia ena natuna tau be Meraioto. Meraioto ena natuna tau be Amaraia, Amaraia ena natuna tau be Ahitubu. \v 53 Ahitubu ena natuna tau be Sadoka, Sadoka ena natuna tau be Ahimasa. \s1 Levi taudia edia hanua \p \v 54 Kohata ena iduhu tauna, Arona, ena bese taudia edia tano, laki dekena amo idia haria tano be inai: \p \v 55 Heberona, Iuda iduhu ena tano dekenai, mai ena rei gabudia. \v 56 To hanua badana, Heberona ena uma tano, bona iena hanua maragidia danu be Kaleba Iepune dekenai idia henia. \v 57 Bona Arona ena bese taudia dekenai heau mauri hanuadia idia henia be inai: Heberona, Iatiri, Libina, Esetemoa, \v 58 Hilene, Debiri, \v 59 Asana, Iuta, bona Bete Semese, mai edia rei gabudia danu. \v 60 Bona Beniamina iduhu ena tano dekena amo Levi hanuadia be inai: Gibeona, Geba, Alemete bona Anatoto mai edia rei gabudia danu. \p Inai hanua be ibounai 13, bona Kohata iduhu taudia edia huanai idia haria, unuseni idia noho. \p \v 61 Kohata ena bese taudia oredia be hanua 10, laki dekena amo idia henia, Manase iduhu kahana ena tano dekena amo. \p \v 62 Geresone ena bese taudia edia iduhu ta ta be laki dekenai hanua 13 idia gwauraia, bona idia dekenai idia henia, Isakara, Asere, Napatali, bona Manase, (Basana dekenai), edia iduhu dekena amo. \p \v 63 Merari ena bese taudia edia iduhu ta ta be laki dekena amo hanua 12 idia gwauraia, bona idia dekenai idia henia, Rubena, Gado bona Sebuluno edia iduhu dekena amo. \p \v 64 Vadaeni, Israela taudia ese Levi taudia dekenai hanua, mai edia rei gabudia danu, idia henia. \v 65 Iuda, Simeona, bona Beniamina iduhu edia tano dekena amo Levi taudia totona idia gwauraia hanua be laki dekena amo idia abia hidi. \p \v 66 Kohata taudia edia iduhu haida ese Eparaima taudia edia tano dekena amo edia noho hanuadia idia abia. \p \v 67 Eparaima taudia ese idia henia heau mauri hanuadia: Sekema, unai be Eparaima ena ororo tano dekenai, Gesere, \v 68 Iokomeama, Bete Horono, \v 69 Aialono, bona Gata Rimono, mai edia rei gabudia danu. \p \v 70 Manase ena iduhu kahana dekena amo Israela taudia ese hanua rua, Anere bona Bileama, mai edia rei gabudia danu Kohata taudia dekenai idia henia. \p \v 71 Geresone taudia dekenai be Manase iduhu kahana taudia ese inai hanua idia henia: Golana, Basana dekenai, bona Asataroto, mai edia rei gabudia danu. \v 72 Bona Isakara iduhu dekena amo: Kedesi, Dabera, \v 73 Ramoto bona Aneme, mai edia rei gabudia danu. \p \v 74 Bona Asere iduhu dekena amo: Masala, Abidona, \v 75 Hukoko, bona Rehoba, mai edia rei gabudia danu. \v 76 Bona Napatali iduhu dekena amo: Kedesi, Galilea dekenai, Hamono bona Kiriataimi, mai edia rei gabudia danu. \p \v 77 Merari taudia oredia dekenai Israela taudia ese inai Sebuluno hanua ruaosi, mai edia rei gabudia idia henia: Rimono bona Taboro. \v 78 Rubena tano, Ioridane Sinavai ena dina daekau kahana, Ieriko kahirakahira, be inai hanua Merari taudia dekenai idia henia: Besere, tano kaukau dekenai, Iahasaha, \v 79 Kedemoto, bona Mepata, mai edia rei gabudia danu. \p \v 80 Gado iduhu taudia ese danu edia tano dekena amo Merari taudia dekenai inai hanua idia henia: Ramoto, Gileada dekenai, Mahanaimi, \v 81 Hesebona, bona Iasere, mai edia rei gabudia danu. \c 7 \s1 Isakara ena bese taudia \p \v 1 Isakara ena natuna tau be inai: Tola, Pua, Iasuba bona Simarona. \p \v 2 Tola ena natuna tau be inai: Usisi, Repaia, Ieriele, Iahamai, Ibisama, bona Semuela. Idia be edia iduhu, Tola iduhu, ena gunalaia taudia. Idia be tuari taudia mai goadadia danu. Davida ena nega lalonai edia bese ena tuari diba taudia ibounai edia momo be 22,600. \p \v 3 Usisi ena natuna tau be Isirahaia. Isirahaia ena natuna tau be inai: Mikaela, Obadaia, Ioela, bona Isihaia, ibounai 4. Idia ibounai be lohia taudia. \v 4 Idia edia adavana bona natudia be momo herea dainai, idia edia huanai tuari diba taudia be ibounai 36,000. \p \v 5 Isakara iduhu ibounai lalonai be tuari diba taudia ibounai 87,000 idia noho. Israela toretore taudia ese unai tuari taudia ibounai edia ladana be buka lalonai idia torea vadaeni. \s1 Beniamina bona Dano edia bese taudia \p \v 6 Beniamina ena natuna tau be inai: Bela, Bekere bona Iediaele, ibounai toi. \p \v 7 Bela ena natuna tau be Esebona, Usisi, Usiele, Ierimoto bona Iri, ibounai 5. Idia ibounai be iduhu lohia taudia, bona tuari taudia mai edia goada danu. Edia bese ena tuari diba taudia ibounai be 22,034. \p \v 8 Bekere ena natuna tau be inai: Semira, Ioasa, Eliesere, Elioenai, Omeri, Ierimoto, Abaisa, Anatoto, bona Alemete, ibounai 9. \v 9 Inai ibounai be Bekere ena natuna tau, bona idia be edia iduhu edia lohia taudia, bona tuari diba taudia goadadia. Toretore taudia ese Bekere besena ena tuari diba taudia ibounai 20,200 edia ladana buka dekenai idia torea. \p \v 10 Iediaele ena natuna tau be Bilahana. Bilahana ena natuna tau be inai: Ieusu, Beniamina, Ehuda, Kenana, Setana, Tarasisi, bona Ahisahara, ibounai 7. \v 11 Unai ibounai be Iediaele ena bese taudia. Idia be edia iduhu edia lohia taudia, bona tuari taudia mai goadadia. Iediaele besena ena tuari diba taudia ibounai be 17,200. \p \v 12 Supima bona Hupima be Iri ena natuna tau. \p Dano ena natuna tau be tamona, Husima. \s1 Napatali ena bese taudia \p \v 13 Napatali ena natuna tau be inai: Iasiele, Guni, Iesere, bona Salumu. Edia tubuna be Bileha. \s1 Manase ena bese taudia \p \v 14 Manase ese iena adavana ta, Arama hahine ena bogana dekena amo natuna tau rua ia havaraia: Asariele bona Makiri. Makiri be Gileada ena tamana. \v 15 Makiri ese kekeni rua ia abia, ta Hupima ena, bona ta Supima ena, do idia headava totona. Makiri ena taihuna be Maka. Makiri ena natuna tau iharuana be Selopehada. Selopehada ese natuna hahine sibona ia havaraia, natuna tau ta lasi. \p \v 16 Maka, Makiri ena adavana, ese natuna tau rua ia havaraia, vara guna ena ladana be Perese, bona iena tadina be Serese. Perese ena natuna tau be Ulama bona Rekeme. \v 17 Ulama ena natuna tau be Bedana. \p Inai ibounai be Gileada ena bese taudia. Gileada be Makiri ena natuna tau. Makiri be Manase ena natuna tau. \p \v 18 Gileada ena taihuna Hamolekete ese natuna tau ia havaraia be inai: Isihoda, Abiesa, bona Mahala. \p \v 19 Semida ena natuna tau be inai: Ahiana, Sekema, Likihi, bona Aniama. \s1 Eparaima ena bese taudia \p \v 20 Eparaima ena bese taudia, uru ta, ela bona uru ta, be inai: Eparaima ena natuna tau be Sutela, Sutela ena natuna tau be Bereda. Bereda ena natuna tau be Tahata, Tahata ena natuna tau be Eleada, Eleada ena natuna tau be Tahata, \v 21 Tahata ena natuna tau be Sabada. Sabada ena natuna tau be Sutela. \p Eparaima ena natuna tau rua ma idia noho, edia ladana be Esere bona Eleada. Unai ruaosi ese Gata taudia edia boromakau do idia henaoa totona idia lao neganai, Gata taudia ese Esere bona Eleada idia alaia mase. \v 22 Edia tamana, Eparaima, be dina momo idia totona ia tai, bona iena tadikakana ese ia hagoadaia totona idia vadivadi henia. \v 23 Vadaeni Eparaima ese iena adavana ma ia sihari henia, ia rogorogo, bona mero ta ia havaraia, ena ladana ia atoa Beraia, anina be “dika,” badina dika be iena ruma dekenai ia vara vadaeni. \p \v 24 Eparaima ena natuna hahine be Sira. Unai hahine, Sira, ese Bete Horono hanua ruaosi, henunai bona ataiai hanuadia, bona Usene Sera hanua danu ia haginidia. \p \v 25 Sira ena natuna tau be Repaha. Repaha ena natuna tau be Resepe. Resepe ena natuna tau be Tela. Tela ena natuna tau be Tahana. \v 26 Tahana ena natuna tau be Ladana. Ladana ena natuna tau be Amihuda. Amihuda ena natuna tau be Elisama. \v 27 Elisama ena natuna tau be Nunu. Nunu ena natuna tau be Iosua. \p \v 28 Edia tano bona edia noho gabuna be Betele, mai ena hanua maragidia danu, bona edia dina daekau kahana hetoana be Narana, bona edia dina diho kahana hetoana be Gesere, mai edia hanua maragidia danu, bona Sekema, bona Aiaha, mai edia hanua maragidia danu. \p \v 29 Bona Manase taudia edia tano hetoana kahirakahira be inai hanua idia noho: Bete Seana, Tanaka, Megido bona Doro, mai edia hanua maragidia danu. \p Iosepa Israela ena bese taudia be unai hanua edia lalonai idia noho. \s1 Asere ena bese taudia \p \v 30 Asere ena natuna tau be inai: Imina, Isiva, Isivi, bona Beraia. Edia taihuna be Sera. \p \v 31 Beraia ena natuna tau be Hebere bona Malekiela. Malekiela ese Biri Saiti hanua ia hamatamaia. \p \v 32 Hebere ena natuna tau be inai: Iapelete, Soma, bona Hotama. Edia taihuna be Sua. \p \v 33 Iapelete ena natuna tau be inai: Pasaka, Bimihala bona Asavata. \p \v 34 Iapelete ena tadina, Soma, ena natuna tau be inai: Ahi, Roga, Iehuba, bona Arama. \p \v 35 Soma ena tadina, Hotama, ena natuna tau be inai: Sopa, Imina, Selese, bona Amala. \v 36 Sopa ena natuna tau be inai: Sua, Haranepere, Suala, Beri, Imira, \v 37 Besere, Hoda, Sama, Silisa, Itirana, bona Bira. \p \v 38 Ietere ena natuna tau be inai: Iepune, Pisipa, bona Ara. \v 39 Ula ena natuna tau be inai: Ara, Haniela, bona Risia. \p \v 40 Unai ibounai be Asere taudia. Idia be edia iduhu edia gunalaia taudia, bona tuari taudia mai goadadia. Idia be lohia taudia, mai edia sivarai. Asere ena bese lalonai tuari idia diba taudia ibounai 26,000 idia noho. \c 8 \s1 Beniamina ena bese taudia \p \v 1 Beniamina ena natuna tau be inai: Vara guna be Bela, iharuana be Asabela, ihatoina be Ahara, \v 2 namba 4 be Noha, bona namba 5 be Rapa. \p \v 3 Bela ena natuna tau be inai: Adara, Gera, Abihuda, \v 4 Abisua, Namana, Ahoa, \v 5 Gera, Sepupana, bona Hurama. \p \v 6-7 Ehuda ena natuna tau be inai: Namana, Ahaisa, bona Gera (iena ladana ta be Hegelama). Gera be Usa bona Ahihuda edia tamana. Idia be iduhu gunalaia taudia, Geba hanua dekenai. To orea ta ese unai Geba taudia idia guia, idia abia mauri, bona Manahata dekenai idia abidia lao, unuseni idia noho. Gera ese Geba taudia be unai laolao dekenai ia hakaudia lao. \p \v 8 Saharaimi ese iena adavana ruaosi, Husima bona Bara, ia negea. Unai murinai Moaba tano dekenai ia noho neganai, Saharaimi ese Hodese ia adavaia. \v 9 Hodese ese natuna tau 7 ia havaraia, edia ladana be inai: Iobaba, Sibaia, Mesa, Malikama, \v 10 Ieusu, Sakaia, bona Mirima. Saharaimi ena natuna tau be inai, idia be edia iduhu ena gunalaia taudia. \p \v 11 Saharaimi ena natuna tau ma rua Husima dekena amo ia abia, be Ahitubu bona Elepala. \p \v 12 Elepala ena natuna tau be inai: Ibere, Misama, bona Semeda. Semeda ese Ono hanua badana, bona Lodu hanua badana mai edia hanua maragidia danu ia haginia. \s1 Beniamina taudia, Gata bona Aialono dekenai idia noho \p \v 13 Beraia bona Sema be Aialono dekenai idia noho bese taudia edia gunalaia taudia, bona idia ese Gata hanua taudia idia halusia, bona idia lulua lao. \v 14 Beraia ena natuna tau be inai: Ahio, Sasaka, Ieremoto, \v 15 Sebadaia, Arada, Idere, \v 16 Mikaela, Isipa, bona Ioha. \s1 Beniamina taudia, Ierusalema dekenai idia noho \p \v 17 Elepala dekena amo idia vara natuna tau haida be inai: Sebadaia, Mesulama, Hisiki, Hibere, \v 18 Isimerai, Isilaia, bona Iobaba. \p \v 19 Simei ena natuna tau be inai: Iakimi, Sikiri, Sabidi, \v 20 Elienai, Sileta, bona Eliele, \v 21 Adaia, Beraia, bona Simirata. \p \v 22 Sasaka ena natuna tau be inai: Isipana, Ibere, Eliele, \v 23 Abidona, Sikiri, Hanana, \v 24 Hananaia, Ilama, Anetotaisa, \v 25 Ipideia, bona Penuela. \p \v 26 Ierohama ena natuna tau be inai: Samaserai, Seharaia, Atalaia, \v 27 Iaresaia, Elia bona Sikiri. \p \v 28 Unai taudia be iduhu gunalaia taudia, bona lohia taudia edia uru lalonai. Idia be Ierusalema dekenai idia noho. \s1 Beniamina taudia, Gibeona bona Ierusalema dekenai \p \v 29 Ieiele, Gibeona hanua ia hama-tamaia tauna, be Gibeona dekenai ia noho. Iena adavana ena ladana be Maka. \v 30 Iena natuna tau vara guna be Abidona, bona iena natuna tau haida be Suru, Kisa, Bala, Nere, Nadaba, \v 31 Gedoro, Ahio, Sekere, \v 32 bona Mikiloto. Mikiloto be Simea ena tamana. Idia be edia varavara taudia kahirakahira idia noho, Ierusalema dekenai. \s1 King Saulo ena bese taudia \p \v 33 Nere be Kisa ena tamana, bona Kisa be king Saulo ena tamana. Saulo ena natuna tau be 4: Ionatana, Malekisua, Abinadaba bona Esebala. \v 34 Ionatana be Meribala ena tamana. Meribala ena ladana ta be Mepiboseta. Ia be Mika ena tamana. \p \v 35 Mika ena natuna tau be inai: Pitono, Meleka, Tarea bona Ahasa. \v 36 Ahasa be Iehoada ena tamana. Iehoada be Alemete bona Asamavete bona Simiri edia tamana. Simiri be Mosa ena tamana. \v 37 Mosa be Binea ena tamana. Binea ena natuna tau be Rapa. Rapa ena natuna tau be Eleasa. Eleasa ena natuna tau be Asele. \p \v 38 Asele ena natuna tau be 6, edia ladana be inai: Asarikama, Bokeru, Isamaela, Searaia, Obadaia, bona Hanana. \v 39 Asele ena tadina Eseka ena natuna tau be inai: Vara guna be Ulama, iharuana be Ieusu, ihatoina be Elipelete. \p \v 40 Ulama ena natuna be tuari taudia mai edia goada danu, bona peva taudia. Ulama ena natuna bona tubuna be momo herea, ibounai 150. Unai edia ladana iniseni idia torea vadaeni taudia ibounai be Beniamina iduhu taudia. \c 9 \s1 Babulonia dekena amo idia giroa mai lou taudia \p \v 1 Israela taudia ibounai edia ladana be buka dekenai idia torea, edia uru ta ta lalonai. Inai buka be Israela Ena King Edia Sivarai Bukana. \p Iuda taudia ese idia kara dika dainai, idia be, tuari taudia ese Babulonia dekenai idia abidia lao, unuseni idia noho. \p \v 2 Iuda taudia ese edia hanua ta ta dekenai idia giroa mai hamatamaia neganai, dagi lasi Israela taudia, hahelagaia taudia, Levi taudia, bona Dubu Helaga ena hesiai gaukara taudia haida danu idia mai. \p \v 3 Iuda taudia, bona Beniamina, bona Eparaima bona Manase iduhu taudia haida danu be Ierusalema dekenai noho totona idia mai, taudia be inai: \p \v 4 Utai, Amihuda ena natuna tau. Amihuda be Omeri ena natuna tau. Omeri be Imiri ena natuna tau. Imiri be Bani ena natuna tau. Bani be Perese, Iuda dekena amo ia vara bese tauna ta. \p \v 5 Iuda ena natuna tau, Sela, ena bese: Edia gunalaia tauna, Asaia, mai ena natuna taudia danu. Asaia be iena bese ena vara guna. \p \v 6 Iuda ena natuna tau, Sera, ena bese: Edia gunalaia tauna, Ieuele, mai ena bese taudia, ibounai 690. \p \v 7 Beniamina taudia: Salu, ia be Mesulama ena natuna, Mesulama be Hodavaia ena natuna tau. Hodavaia be Hasenua ena natuna tau. \p \v 8 Ibineia Ierohama, bona Elaha, Elaha be Usisi ena natuna tau. Usisi be Mikiri ena natuna tau. \p Mesulama, ia be Sepataia ena natuna tau. Sepataia be Reuele ena natuna tau, bona Reuele be Ibinia ena natuna tau. \v 9 Inai taudia ibounai be edia bese ta ta edia kwarana taudia. Inai Beniamina iduhu taudia be ibounai 956. \s1 Hahelagaia taudia, Ierusalema dekenai idia giroa mai \p \v 10 Ierusalema dekenai idia mai, bona iniseni idia noho hahelagaia taudia be inai: \p Iedaia, Iehoiaribi bona Iakini. \p \v 11 Asaraia, ia be Hilekaia ena natuna tau. Hilekaia be Mesulama ena natuna tau. Mesulama be Sadoka ena natuna tau. Sadoka be Meraioto ena natuna tau. Meraioto be Ahitubu ena natuna tau. Ahitubu be Dirava ena Dubu Helaga naria tauna badana. \p \v 12 Adaia, ia be Ierohama ena natuna tau. Ierohama be Pasahuru ena natuna tau. Pasahuru be Malekaia ena natuna tau. Bona Masai, ia be Adiele ena natuna tau. Adiele be Iahasera ena natuna tau. Iahasera be Mesulama ena natuna tau. Mesulama be Mesilemiti ena natuna tau. Mesilemiti be Imere ena natuna tau. \p \v 13 Inai hahelagaia taudia be edia bese edia kwarana taudia, bona idia be ibounai 1,760. Idia be Dirava ena Dubu Helaga gaukara diba bada taudia. \s1 Levi taudia, Ierusalema dekenai idia giroa mai \p \v 14 Ierusalema dekenai idia mai, bona iniseni idia noho Levi taudia be inai: \p Semaia, ia be Hasuba ena natuna tau. Hasuba be Asarikama ena natuna tau. Asarikama be Hasabaia ena natuna tau. Idia be Merari iduhu taudia. \v 15 Bakabakara, bona Herese, bona Galala. \p Matanaia, ia be Mika ena natuna tau. Mika be Sikiri ena natuna tau, bona Sikiri be Asapa ena natuna tau. \p \v 16 Obadaia, ia be Semaia ena natuna tau. Semaia be Galala ena natuna tau, bona Galala be Iedutunu ena natuna tau. \p Berekaia, ia be Asa ena natuna tau. Asa be Elikana ena natuna tau. Inai Elikana be Netopa taudia edia hanua dekenai ia noho. \s1 Dubu Helaga idia gimaia taudia Ierusalema dekenai \p \v 17 Dubu Helaga idia gimaia taudia, Ierusalema dekenai idia noho be inai: \p Salumu, Akubu, Talimono, bona Ahimana, mai edia varavara taudia danu. Edia gunalaia tauna be Salumu. \v 18 Guna idia be King Ena Magu Iduara idia gimaia, dina ia daekau kahana dekenai. Bona guna idia be Levi taudia edia kamepa idia gimaia, bona unuseni idia noho danu. \p \v 19 Salumu be Kore ena natuna tau, Kore be Ebiasapa ena natuna tau. Ebiasapa be Kora ena natuna tau. Salumu bona iena iduhu taudia, Kora taudia ese Dirava ena Dubu ena gaukara idia naria, bona Dubu raka vareai gabuna danu idia gimaia, edia sene taudia ese Lohiabada ena Palai Dubu idia naria, bona ena raka vareai gabuna idia gimaia hegeregerena. \v 20 Unai nega gunadia lalonai, Pineha Eleasara ese idia ia biagua, bona Lohiabada be ia danu ia noho. \p \v 21 Sekaraia Meselemaia danu ese guna Dirava ena Palai Dubu ena raka vareai gabuna ia gimaia. \p \v 22 Dubu raka vareai gabudia gimaia gaukara totona idia abia hidi vadaeni taudia be ibounai 212. Edia ladana ibounai bona edia noho hanua be buka lalonai idia torea vadaeni. King Davida bona peroveta tauna Samuela ese unai taudia edia sene taudia dekenai inai gaukara idia henia. \v 23 Idia bona edia bese, gabeai idia vara taudia, ese Dubu Helaga ena iduara ibounai idia gimaia noho. \p \v 24 Dubu ena iduara be Dubu ena kahana 4 dekenai idia noho, mirigini kahanai, diho kahanai, dina daekau kahanai bona dina diho kahanai. Inai iduara ibounai dekenai gima tauna ta ia gini noho. \v 25 Inai gima taudia be edia varavara taudia, hanua dekenai noho taudia, ese idia durua. Dina 7, dina 7 dekena amo idia mai noho, edia nega, edia nega dekenai, gima gaukara idia karaia, edia varavara tauna durua totona. \p \v 26 Dubu raka vareai gabuna gimaia taudia badadia be Levi taudia. Idia ese Dirava ena Dubu Helaga ena daiutu bona ena kohu idia naria noho. \v 27 Idia edia mahuta gabudia ese Dubu Helaga idia hagegea, bona Dubu Helaga kahirakahira idia noho, badina be edia gaukara korikori be do idia gimaia, bona daba ibounai Dubu ena iduara do idia kehoa. \s1 Levi taudia haida edia gaukara \p \v 28 Levi taudia haida ese tomadiho dekenai idia gaukaralaia gau helagadia idia naria. Bona idia ese unai gau idia abia lao, o idia atoa vareai neganai idia duahia, haida idia boio garina. \v 29 Ma Levi taudia haida ese Dubu ena kohu, bona gau helagadia ibounai, bona paraoa, uaina, olive dehoro, bona muramura mai bonana namona, idia gabua gaudia, bona pauda muramura namodia idauidau danu idia naria. \v 30 To hahelagaia taudia sibona ese unai muramura idia mikisi karaia. \p \v 31 Matitaia, Levi tauna ta, Kora iduhu tauna, Salumu ena natuna vara guna, ese gabua boubou totona sikoni bona bisikesi ia gabua bona ia abia hegaegae. \p \v 32 Bona Kohata iduhu taudia, Levi edia varavara taudia ese Dubu Helaga ena paraoa helaga idia gabua, Sabati Dina ibounai totona idia atoa hegaegae. \p \v 33 Levi bese taudia haida edia gaukara be Dubu Helaga lalonai ena miusiki, bona ane abia. Inai bese edia kwarana taudia be Dubu Helaga ena daiutu lalonai idia noho, bona idia be gaukara idauna ta idia karaia lasi, badina be dina bona hanuaboi danu idia gaukara noho. \p \v 34 Unai edia ladana idia torea vadaeni taudia be Levi iduhu ena gunalaia taudia, bona edia bese edia lohia taudia, edia uru ta ta lalonai. Idia be Ierusalema dekenai idia noho. \s1 King Saulo ena tubuna taudia \p \v 35 Ieiele, Gibeona hanua ia hamatamaia tauna, be Gibeona dekenai ia noho. Iena adavana ena ladana be Maka. \v 36 Iena natuna tau vara guna be Abidona, bona iena natuna tau haida be Suru, Kisa, Bala, Nere, Nadaba, \v 37 Gedoro, Ahio, Sekaraia bona Mikiloto. \v 38 Mikiloto be Simea ena tamana. Idia be edia varavara taudia kahirakahira idia noho, Ierusalema dekenai. \p \v 39 Nere be Kisa ena tamana, bona Kisa be king Saulo ena tamana. Saulo ena natuna tau be 4: Ionatana, Malekisua, Abinadaba bona Esebala. \v 40 Ionatana be Meribala ena tamana, (Meribala ena ladana ta be Mepiboseta). Ia be Mika ena tamana. \p \v 41 Mika ena natuna tau be inai: Pitono, Meleka, Tarea, bona Ahasa. \v 42 Ahasa be Iara ena tamana. Iara be Alemete bona Asamavete bona Simiri edia tamana. Simiri be Mosa ena tamana. \v 43 Mosa be Binea ena tamana. Binea ena natuna tau be Rapa. Rapa ena natuna tau be Eleasa. Eleasa ena natuna tau be Asele. \p \v 44 Asele ena natuna tau be 6, edia ladana be inai: Asarikama, Bokeru, Isamaela, Searaia, Obadaia, bona Hanana. \c 10 \s1 King Saulo bona iena natuna idia mase \p \v 1 Pilistia taudia ese Israela taudia idia tuari henia, vadaeni Israela taudia be Pilistia taudia edia vairana dekena amo idia heau. Idia heau ela bona Gileboa Ororo, unuseni Pilistia taudia ese Israela taudia momo idia alaia mase. \v 2 Pilistia taudia ese Saulo mai ena natuna tau idia lulua lao, vadaeni Pilistia taudia ese Saulo ena natuna Ionatana bona Abinadaba bona Malekisua idia alaia mase. \v 3 Tuari be Saulo ia noho gabunai ia auka herea, vadaeni peva taudia idia davaria, bona edia diba dekenai idia haberoa dikadika. \p \v 4 Saulo ese iena kesi huaia tauna ia hamaoroa, ia gwau, “Oiemu tuari kaia dekena amo lau do oi gwadaia mase, inai Dirava idia diba lasi taudia ese lau do idia hadikaia garina.” To iena kesi huaia tauna be ia gari dainai ia karaia lasi. Unai dainai Saulo ese iena tuari kaia ena matana dekenai ia moru, sibona ia hamasea. \v 5 Iena kesi huaia tauna ia itaia, Saulo be ia mase vadaeni. Vadaeni ia danu ese iena tuari kaia ena matana dekenai ia moru, sibona ia hamasea, Saulo danu ia mase hebou. \p \v 6 Saulo be unai bamona ia mase, iena natuna tau toiosi danu. Idia ibounai idia mase hebou, bona Saulo ena basileia be ia ore vadaeni. \p \v 7 Israela taudia, Ieserele Koura kahana dekenai idia noho, idia kamonai Israela tuari taudia be idia heau, bona Saulo mai ena natuna tau danu idia mase vadaeni. Unai neganai edia hanua ibounai idia rakatania, idia heau. Vadaeni Pilistia taudia idia mai, unai hanua dekenai idia noho. \p \v 8 Daba maragi neganai Pilistia taudia be idia mai, mase taudia edia dabua do idia abia. Vadaeni Saulo mai iena natuna toiosi danu edia tauanina mase dekenai idia davaria, Gileboa Ororo dekenai. \v 9 Pilistia taudia ese Saulo ena kwarana idia utua oho, bona iena tuari dabua danu idia kokia. Bona idia ese hesiai taudia idia siaia loaloa, Pilistia tano ibounai dekenai, inai sivarai namona be edia kaivakuku dekenai bona edia taunimanima ibounai dekenai idia hadibaia. \v 10 Saulo ena tuari dabua be edia dubu ta dekenai idia atoa, bona Saulo ena kwarana be edia dirava Dagona ena dubu lalonai idia kokoa daekau. \p \v 11 To Iabese Gileada taudia be sivarai idia kamonai, Pilistia taudia ese unai bamona Saulo dekenai idia karaia. \v 12 Vadaeni edia goada taudia ibounai idia toreisi, idia raka lao, Saulo mai ena natuna edia tauanina idia abia. Vadaeni Iabese dekenai unai tauanina idia abidia lao, bona unuseni ouki auna henunai idia guria. Unai neganai dina 7 lalonai idia aniani lasi. \p \v 13 Vadaeni Saulo be ia mase. Ia be momokani lasi dainai ia mase. Ia be Lohiabada dekenai ia momokani lasi. Ia ese Lohiabada ena oda ia kamonai henia lasi. Bona ia ese mase taudia edia lauma dekena amo, edena kara do ia karaia ena dala ia tahua, \v 14 to ia ese do ia karaia ena dala be Lohiabada dekena amo ia tahua lasi. \p Unai dainai Lohiabada ese Saulo ia alaia mase, bona basileia be Davida Iese dekenai ia henia. \c 11 \s1 Davida be Israela bona Iuda edia king dagi ia abia \p \v 1 Vadaeni Israela taudia ibounai be Davida dekenai idia lao, Heberona dekenai, idia gwau, “Ai be oiemu turiana bona oiemu rarana taudia. \v 2 Guna neganai, Saulo ese ai dekenai ia king neganai, oi ese ai Israela taudia tuari dekenai ai oi gunalaia. Bona Lohiabada ese oi dekenai ia gwauhamata, ia gwau, ‘Oi ese lauegu bese Israela do oi gunalaia, bona edia king do oi lao.’ ” \p \v 3 Unai dainai, Israela gunalaia taudia ibounai be king Davida dekenai idia lao, Heberona dekenai. Bona king Davida ese idia danu ia gwauhamata, Heberona dekenai, Lohiabada ena vairanai. Vadaeni idia ese Davida ena kwarana dekenai olive dehoro idia bubua, bona Israela ena king idia halaoa. Inai be Lohiabada ena gwauhamata hegeregerena, Samuela ena uduna dekena amo. \p \v 4 King Davida, mai iena Israela tuari taudia danu be Ierusalema dekenai idia lao, unai hanua dekenai noho taudia do idia tuari henia totona. \v 5 Iebusu taudia ese Davida idia hamaoroa, idia gwau, “Oi be inai hanua do oi vareai diba lasi.” To Davida ese Siona ena kohoro ia halusia, bona ia abia. Bona unai murinai Siona kohoro ena ladana idia atoa, “Davida Ena Hanua.” \p \v 6 Davida ia gwau, “Edena tauna ese Iebusu tauna ta do ia alaia guna, ia be lohia bona tuari biaguna do lau halaoa.” \p Vadaeni Ioaba Seruia ese unai kara ia karaia guna. Unai dainai ia be tuari biaguna dagi ia abia. \p \v 7 Vadaeni Davida be unai kohoro dekenai ia noho. Unai dainai Siona Kohoro ena ladana idia atoa, “Davida Ena Hanua.” \p \v 8 Davida ese unai Siona gabu dekena amo hanua ma ia haginia hagegea. Ia haginia hamatamaia gabuna be tano ia daekau gabuna, ladana Milo. To Ioaba ese hanua orena ia haginia lou. \p \v 9 Vadaeni Davida be ia bada herea lao, badina Lohiabada, Siahu Ibounai Dirava, be ia danu ia noho. \s1 Davida ena goada taudia \p \v 10 Davida ena goada taudia edia lohia taudia edia ladana be inai: Idia ese, bona Israela taudia ibounai ese Davida idia durua, king siahu do ia abia totona, Lohiabada ese ia gwauhamata hegeregerena. Davida ena basileia idia hagoadaia noho taudia be inai: \p \v 11 Iasobeama, Hakamoni iduhu tauna. Ia be orea ta ladana, “Tuari Lohia Taudia Toi” edia gunalaia tauna. Nega ta dekenai, Iasobeama ese ia sibona ena io dekena amo tuari taudia 300 ia alaia mase. \p \v 12 Unai toiosi edia huanai, Iasobeama ena murinai be Eleasara. Ia be Dodo, Ahohi iduhu tauna, ena natuna. \v 13 Pilistia taudia be tuari totona Pasadamimi dekenai idia haboua neganai Eleasara be Davida danu ia noho unai gabu dekenai. Bali uma gabuna ta be unuseni, bona Israela taudia be Pilistia taudia edia vairanai idia heau hamatamaia. \v 14 To Eleasara be uma gabuna lalonai ia gini, ia gimaia, vadaeni ia bona iena tuari taudia ese Pilistia taudia idia alaia mase. Lohiabada ese Eleasara dekenai kwalimu bada ia henia. \p \v 15 Davida ena tuari taudia edia orea ta, ena ladana idia gwauraia be “Tuari Taudia Goadadia 30.” Inai tau 30 edia huanai dekena amo tuari taudia toi be nadi badana ta, Adulama Kohua kahirakahira, idia lao, badina unuseni Davida ia noho. Unai neganai danu Pilistia tuari orea ta be Repaima Koura dekenai idia kamepa noho. \v 16 Unai neganai Davida be unai gabu aukana ena hunia gabunai ia noho, to Pilistia tuari taudia be Betelehema hanua dekenai idia noho. \p \v 17 Vadaeni Davida ese Betelehema ena ranu namo herea ia laloa, bona ia gwau, “Lau madi o, bema tau ta ese Betelehema ena magu iduara ena badibadinai ia noho guri dekena amo ranu sisina lau dekenai do ia henia, lau be do lau inua.” \p \v 18 Inai goada herea taudia toi ese inai hereva idia kamonai, bona idia ese Pilistia taudia idia tuari henia, bona edia kamepa lalonai idia raka hanaia, unai guri dekena amo ranu idia abia, Davida dekenai idia mailaia. \p To Davida ia ura lasi unai ranu do ia inua. Ia inua lasi, to ia ese unai ranu ia bubua ore, Lohiabada dekenai ia henia, boubou gauna totona. \p \v 19 Bona Davida ia hereva, ia gwau, “Lohiabada e, lau ese inai ranu lau inua diba lasi. Bema lau inua, unai be unai tau goadadia edia rarana do lau inua bamona, badina be unai ranu abia totona, edia mauri idia negea bamona.” Vadaeni Davida ese unai ranu ia inua lasi momokani. \p Inai kara be goada herea taudia toiosi ese idia karaia. \p \v 20 Abisai Seruia, Ioaba ena tadina, ese unai “Tuari Taudia Goadadia 30” ia gunalaia noho. Ia ese nega ta tau ibounai 300 be ia sibona ena io dekena amo ia alaia mase. Abisai ena sivarai be ia bada, unai “Tuari Taudia Goadadia 30” edia huanai. \v 21 Unai “30” edia huanai, Abisai ena sivarai be hereadae, bona ia be edia gunalaia tauna. To ia be unai “Tuari Lohia Toiosi” danu ia hegeregere lasi. \p \v 22 Benaia Iehoiada be boga auka tauna ta. Ia be Kabesela hanua dekena amo. Ia ese kara badadia momo ia karaia. Ia ese Moaba taudia edia tuari taudia goadadia rua, tauanina bada taudia, ia alaia mase. Dina ta, sinou ia diho neganai Benaia ese guri lalonai laiona ta ia alaia mase. \p \v 23 Benaia ese danu, Aigupito tauna, tauanina bada tauna, bona iena lata be mita rua ia hanaia, ia alaia mase. Unai Aigupito tauna ena imana dekenai be io ia noho, to Benaia ese au ta sibona ia abia, Aigupito tauna dekenai ia lao, io be iena imana dekena amo ia kokia, bona sibona ena io dekenai ia gwadaia mase. \v 24 Inai karadia be Benaia Iehoiada ese ia karaia, bona ia be unai “Tuari Taudia Goadadia 30” edia orea tauna ta. \v 25 Benaia be unai “30” edia huanai tau badana ta, to iena sivarai be unai “Tuari Lohia Toiosi” edia sivarai hegeregerena lasi. \p Vadaeni Davida ese iena gimaia orea ena biaguna, Benaia ia halaoa. \p \v 26 Goada herea taudia ma haida tuari orea edia huanai edia ladana be inai: \q1 Asahele, Ioaba ena tadina. Elehanana Dodo, Betelehema tauna. \q1 \v 27 Samota, Haroda tauna. Helese, Pelono tauna. \q1 \v 28 Ira Ikese, Tekoa tauna. Abiesere, Anatoto tauna. \q1 \v 29 Sibekai, Husaka tauna. Ilai, Ahohi tauna. \q1 \v 30 Maharai, Netopa tauna. Helede Banaha, Netopa tauna. \q1 \v 31 Itai Ribai, Gibea tauna, Beniamina iduhu tauna. Benaia, Piratono tauna. \q1 \v 32 Hurai, Gasa Sinavai kahana dekena amo. Abiele, Arabaha tauna. \q1 \v 33 Asamavete, Baharumu tauna. Eliaba, Salabona tauna. \q1 \v 34 Haseme, Gisono tauna. Ionatana Sage, Harara tauna. \q1 \v 35 Ahiama Sakara, Harara tauna. Elipala Uru. \q1 \v 36 Hepere, Mekerata tauna. Ahaisa, Pelono tauna. \q1 \v 37 Hesero, Karamele tauna. Narai Esebai. \q1 \v 38 Ioela, Natana ena tadina. Mibihara Hagiri. \q1 \v 39 Seleke, Amono tauna. Naharai, Beroto tauna, (ia be Ioaba Seruia ena kesi huaia tauna). \q1 \v 40 Ira, Itiri tauna. Gareba, Itiri tauna. \q1 \v 41 Uria, Hiti tauna. Sabada Ahalai. \q1 \v 42 Adina Sisa, Rubena iduhu tauna, Rubena taudia edia lohia ta, bona tau ibounai 30 ia danu. \q1 \v 43 Hanana Maka. Iosapata, Mitini tauna. \q1 \v 44 Usaia, Asataroto tauna. Sama bona Ieiele, Hotama tauna Aroere, ena natuna tau ruaosi. \q1 \v 45 Iediaele Simiri, bona iena tadina Ioha, Tisi taudia. \q1 \v 46 Eliele, Mahava tauna. Ieribai bona Iosavaia, Elinama ena natuna tau ruaosi. Itima, Moaba tauna. \q1 \v 47 Eliele, Obeda, bona Iasiele, Mesoba taudia. \c 12 \s1 Beniamina taudia ese Davida idia durua \p \v 1 Davida be Saulo dekena amo ia heau neganai, ia be Sikilaga hanua dekenai ia noho. Unuseni ia noho neganai, goada herea taudia, tuari dekenai Davida idia durua taudia be Davida dekenai idia haboua. \p \v 2 Idia be Beniamina iduhu taudia, Saulo ena iduhu taudia. Idia be peva taudia, bona diba idia pidia, bona nadi be varo dekenai idia negea diba, imana idiba dekenai bona imana lauri dekenai danu. \p \v 3 Edia gunalaia taudia ruaosi be Ahiesere bona Ioasa, Sema, Gibea tauna ena natuna tau. Ahiesere bona Ioasa edia tuari taudia be inai: \q1 Iesiele bona Pelete, Asamavete ena natuna tau ruaosi. Beraka bona Iehu, Anatoto taudia. \q1 \v 4 Isimaia, Gibeona tauna, goada herea tauna ta, bona “Tuari Taudia Goadadia 30” edia gunalaia tauna ta. \q1 Ieremia, Iahasiele, Iohanana, bona Iosabada, Gedera taudia. \q1 \v 5 Elusai, Ierimoto, Bealaia, Semaraia, bona Sepataia, Harupa dekena amo taudia. \q1 \v 6 Elikana, Isisaia, Asarele, Ioesere, bona Iasobeama, Kora iduhu taudia. \q1 \v 7 Ioela bona Sebadaia, idia ruaosi be Ierohama, Gedoro tauna ena natuna tau. \s1 Gado taudia ese Davida idia durua \p \v 8 Goada herea, bona tuari diba momo taudia haida Gado iduhu dekena amo, ese Saulo idia rakatania, Davida dekenai idia hanaia. Davida be tano kaukau ena gabu aukana dekenai, vadaeni idia ese ia dekenai idia haboua. Idia be kesi bona io diba momo, bona edia vairana be laiona edia vairana bamona. Edia heau be uda dia ororo dekenai ia heau noho bamona. \p \v 9 Idia edia ladana be inai, dagi bada taudia edia ladana be guna: \q1 Esere, lohia. \q1 Obadaia, iharuana. \q1 Eliaba, ihatoina. \q1 \v 10 Misimana, \q1 Ieremia, \q1 \v 11 Atai, \q1 Eliele, \q1 \v 12 Iohanana, \q1 Elisabada, \q1 \v 13 Ieremia, \q1 Makabanai. \p \v 14 Inai Gado taudia be tuari lohia taudia, dagi maragi taudia ese tatau 100 idia biagua, bona dagi bada taudia ese tatau 1000 idia biagua. \v 15 Inai goada taudia ese Ioridane Sinavai idia hanaia, hua ginigunana lalonai, abata bada neganai, bona idia ese koura dekenai noho taudia ibounai, dina daekau, bona dina diho kahadia noho taudia idia lulua ore. \s1 Beniamina bona Iuda taudia ese Davida dekenai idia haboua \p \v 16 Beniamina bona Iuda iduhu taudia haida be Davida ena gabu aukana dekenai idia mai. \v 17 Davida be idia hedavari totona ia toreisi, ia lao. Ia hereva, ia gwau, “Bema umui be turana karaia totona, bona lau durua totona umui mai, lau ese umui lau abia dae, bona ai dekenai do umui haboua. Lau be mai egu kerere ta lasi, to bema lau idia dagedage henia taudia dekenai lau do umui hakaua gwauraia neganai, iseda sene taudia edia Dirava be do ia diba, bona ia ese emui kerere davana do ia henia.” \p \v 18 Vadaeni Dirava ena Lauma ese Amasai, tau goadadia 30 edia biaguna, ia abia, bona Amasai ia gwau, \q1 “Davida e, ai be oiemu, \q1 Iese ena natuna e, ai be oiemu orea durua totona ai mai inai! \q1 Oi bona oiemu orea taudia ese kwalimu do umui abia, \q1 badina be oiemu Dirava ese oi ia durua noho.” \m Vadaeni Davida ese idia ia abia dae, bona ia ese iena tuari biagudia dagi idia dekenai ia henia. \s1 Manase iduhu taudia be Davida durua totona idia mai \p \v 19 Davida ese guna Pilistia taudia danu idia haboua, king Saulo do idia tuari henia totona neganai, Manase taudia haida be idia hanaia, Davida ena kahana dekenai. To Davida ese Pilistia taudia ia durua lasi, badina be Pilistia tuari biagudia idia gari, Davida ese iena biaguna Saulo do ia durua, bona Pilistia taudia do ia hadikaia garina. Unai dainai idia ese Davida idia siaia lou, Sikilaga dekenai. \v 20 Davida ese Sikilaga dekenai ia giroa lao neganai Manase taudia ia danu idia lao be inai: Adina, Iosabada, Iediaele, Mikaela, Iosabada, Elihu, bona Siletai. Idia ta ta ibounai ese tuari taudia 1000 idia biagua vadaeni Manase dekenai. \v 21 Idia ese Davida idia durua, bona idia ese Davida ena orea tuari henia totona idia mai taudia idia koua. Badina be idia ibounai be goada herea taudia, bona tuari lohia taudia. \p \v 22 Dina ta ta be tuari taudia ma haida Davida dekenai idia mai noho, do idia durua totona, ia lao bona Davida ena tuari orea be bada herea momokani. \s1 Heberona dekenai Davida dekenai idia haboua taudia \p \v 23 Heberona dekenai ia noho neganai tuari diba taudia momo ese Davida dekenai idia haboua, ia ese Saulo ena king dagi do ia abia totona, Lohiabada ena gwauhamata hegeregerena. Inai iduhu tuari taudia, bona edia momo be inai: \q1 \v 24 Iuda iduhu: Tuari taudia 6800, mai edia kesi bona io. \q1 \v 25 Simeona iduhu: Tuari taudia 7100, tuari totona idia noho hegaegae. \q1 \v 26 Levi iduhu: Tuari taudia 4600 \q1 \v 27 Iehoiada, Arona ena bese tauna, ena tuari taudia be 3700. \q1 \v 28 Sadoka, eregabe tauna, goada herea tauna, ena tuari lohia taudia be 22. \q1 \v 29 Beniamina iduhu, Saulo ena varavara taudia: Tuari taudia 3000. (To Beniamina taudia momo be Saulo idia badinaia noho.) \q1 \v 30 Eparaima iduhu: Tuari taudia 20,800. Eparaima dekenai edia sivarai be bada. \q1 \v 31 Manase iduhu kahana: Tuari taudia 18,000. Inai tuari taudia be edia bese taudia ese idia boiria mai, Davida be king do idia halaoa totona. \q1 \v 32 Isakara iduhu: Tuari lohia taudia 200, mai edia tuari taudia danu. Inai lohia taudia ese Israela besena edena bamona do ia karaia dalana idia laloa karaia, bona karaia ena nega namona idia diba danu. \q1 \v 33 Sebuluno iduhu: Tuari taudia 50,000. Idia be tuari totona idia manada, bona edia tuari gaudia idauidau ibounai be edia imana dekenai idia noho hegaegae. Idia ibounai edia lalona be tamona, Davida do idia durua. \q1 \v 34 Napatali iduhu: Tuari lohia taudia 1000, mai edia tuari taudia 37,000. Ibounai be mai edia kesi bona io danu. \q1 \v 35 Dano iduhu: Tuari taudia 28,600, tuari dekenai manada taudia. \q1 \v 36 Asere iduhu: Tuari taudia 40,000, tuari totona idia noho hegaegae. \q1 \v 37 Rubena bona Gado bona Manase iduhu kahana, Ioridane Sinavai ena dina daekau kahanai: Tuari taudia 120,000, mai edia tuari gaudia idauidau ibounai danu. \p \v 38 Inai tuari taudia ibounai, tuari totona idia goada noho, be Heberona dekenai idia raka lao, bona idia ura momokani Davida be Israela ibounai edia king do idia halaoa. Israela taudia oredia danu edia ura tamona be unai bamona. \v 39 Dina toi lalonai Heberona dekenai, Davida danu idia noho. Unuseni idia aniani bona idia inuinu, badina be edia tadikakadia ese edia aniani idia abia hegaegae vadaeni. \p \v 40 Bona edia badibadinai noho iduhu, Isakara, Sebuluno bona Napatali taudia ese danu aniani idia mailaia, doniki, kamelo, hosi, bona boromakau edia doruna edia latanai. Paraoa, keke mai fig huahua danu, vain huahua, idia hakaukaua gaudia, uaina bona olive dehoro idia mailaia. Boromakau bona mamoe danu idia abia mai, do idia alaia bona ania totona. Inai bamona idia karaia, badina be Israela ena kahana ibounai dekenai moale be bada herea. \c 13 \s1 Davida be Taravatu Maua abia totona Kiriata Iearimi dekenai ia lao \p \v 1 Davida ese tuari taudia 1000 bona tuari taudia 100 idia gunalaia tuari biaguna taudia ia boiria mai, bona idia danu ia herevahereva. \v 2 Unai murinai Davida ese Israela taudia ibounai ia hamaoroa, ia gwau, “Bema umui dekenai ia namo, bona bema Lohiabada, iseda Dirava ia ura neganai, ita ese hereva do ita siaia, iseda varavara taudia Israela kahana ibounai dekenai, bona hahelagaia taudia, bona Levi taudia, edia hanua ta ta dekenai, bona idia ese iniseni ita danu do idia haboua mai. \v 3 Vadaeni Dirava ena Taravatu Maua do ita abia mai lou, badina be Saulo ena nega lalonai ita be Taravatu Maua ita laloa lasi.” \p \v 4 Israela taudia ibounai edia lalona be tamona, idia ura Taravatu Maua do idia mailaia, badina edia vairanai inai kara be maoro bona namo. \p \v 5 Unai dainai Davida ese Israela taudia ibounai ia haboua, Aigupito Sinavai ladana Sihoro dekena amo, ela bona Hamata raka vareai gabunai, Dirava ena Taravatu Maua be Kiriata Iearimi dekena amo do idia mailaia totona. \v 6 Davida bona ia danu Israela taudia ibounai be Bala hanua (Kiriata Iearimi), Iuda tano lalonai idia lao, Dirava ena Taravatu Maua do idia abia totona. Unai Maua be taunimanima ese ena ladana idia gwauraia be, Lohiabada ena Taravatu Maua, badina Dirava ese Maua ena kerubi aneru ruaosi edia ataiai terona dekenai ia helai noho. \p \v 7 Vadaeni Dirava ena Taravatu Maua be treila matamata ena latanai idia atoa, bona Abinadaba ena ruma dekena amo idia abia mai. Usa bona Ahio ese treila idia haheaua. \p \v 8 Davida bona Israela taudia ibounai idia mavaru, mai edia goada ibounai, bona mai edia moale bada danu, Dirava do idia hanamoa totona. Ane idia abia, bona gita, gaba, tareko idia botaia, bona kibi idia hiriria. \p \v 9 Idia be Kidona ena uiti kwadia gabuna dekenai idia ginidae neganai boromakau, treila idia veria gaudia, be nadi dainai kahirakahira idia moru, bona Usa ese iena imana ia atoa lao, Taravatu Maua do ia dogoatao totona. \v 10 Vadaeni nega tamona Lohiabada be Usa dekenai ia badu, bona ia alaia mase, badina ia ese Taravatu Maua ia dogoatao dainai. Unuseni, Lohiabada ena vairana dekenai Usa ia mase. \v 11 Unai dainai unai gabu ena ladana idia gwauraia Perese Usa, anina be “Usa Ena Kerere Davana,” ia mai bona hari dina. Davida be ia badu momokani, badina Lohiabada ese mai badu danu Usa ia alaia mase. \p \v 12 Unai dina dekenai Davida be Dirava dekenai ia gari, bona ia gwau, “Dirava ena Taravatu Maua be edena bamona lau ese lau dekenai do lau abia mai?” \p \v 13 Unai dainai Davida ese Taravatu Maua be iena gabu, Davida ena Hanua, ia abia lao lasi. To ia haheaua siri, Obeda Edoma ena ruma dekenai ia atoa. Obeda be Gata hanua tauna. \p \v 14 Vadaeni Taravatu Maua be hua toi lalonai Obeda Edoma ena ruma dekenai ia noho, bona Lohiabada ese Obeda Edoma ena bese taudia, bona iena gau ibounai ia hanamoa. \c 14 \s1 Davida be Ierusalema dekenai ia noho \p \v 1 Hirama, Turo ena king, ese hesiai taudia Davida dekenai ia siaia, bona sida audia bona kamuta taudia, bona nadi koroa taudia danu. Vadaeni idia ese Davida ena ruma badana ta idia haginia. \v 2 Bona Davida ena lalona ia kehoa, ia diba Lohiabada ese Israela ena king dagi dekenai ia haginia vadaeni. Bona ia diba Lohiabada ese iena basileia ia hanamoa momokani, basileia taudia be iena bese taudia Israela dainai. \p \v 3 Vadaeni unuseni, Ierusalema dekenai, Davida ese hahine haida ma ia adavaia. Bona iena natuna tau bona natuna hahine haida ma idia vara. \v 4 Iena natuna, Ierusalema dekenai idia vara be inai: Samua, Sobada, Natana, Solomona. \v 5 Ibihara, Elisua, Elepelete, \v 6 Noga, Nepege, Iapia, \v 7 Elisama, Beliada, bona Elipelete. \s1 Davida ese Pilistia taudia ia halusia \p \v 8 Pilistia taudia idia kamonai Davida be idia hasiahua vadaeni, Israela ibounai ena king. Vadaeni Pilistia taudia ibounai idia toreisi, Davida idia tahua. To Davida be ia kamonai, vadaeni ia bona iena tuari taudia idia raka lao, Pilistia taudia do idia koua totona. \v 9 Pilistia taudia be Repaima Koura dekenai idia ginidae, bona unai gabu taudia dekenai idia tuari henia hamatamaia. \p \v 10 Davida ese Lohiabada ia nanadaia, ia gwau, “Do lau lao, Pilistia taudia do lau tuari henia, o lasi? Oi ese kwalimu lau dekenai do oi henia, o lasi?” \p Lohiabada ese Davida dekenai ia haere, ia gwau, “Oibe, oi lao, oi dekenai kwalimu do lau henia momokani.” \p \v 11 Unai dainai Davida be Bala Perasimi dekenai ia lao, bona unuseni ia ese Pilistia taudia ia halusia. Davida ia gwau, “Lohiabada ese lau dekenai idia dagedage taudia ia makohia momokani, abata ese gau momo ia hamakohia bamona.” Unai dainai unai gabu ena ladana idia atoa, “Bala Perasimi.” \v 12 Pilistia taudia idia heau neganai, edia kaivakuku be unai gabu dekenai idia rakatania, vadaeni Davida ese ia oda henidia, bona unai kaivakuku idia gabua ore. \p \v 13 Pilistia taudia be idia mai lou, Repaima Koura ma idia tuari henia lou. \v 14 To Davida ese Lohiabada ma ia nanadaia lou, bona Lohiabada ese ia haere, ia gwau, “Unuseni do umui lao lasi, to idia do umui raka hagegea, bona edia murina kahana dekena amo do umui tuari henidia, susu audia kahirakahira. \v 15 Vadaeni, regerege ta unai susu audia edia ataiai do umui kamonai, tuari taudia idia raka hanaia ena regena bamona. Unai regerege ia vara neganai do umui raka haraga bona Pilistia taudia do umui tuari henidia, badina lau be umui emui vairana dekenai do lau lao, Pilistia taudia do lau halusia momokani.” \p \v 16 Davida ese Lohiabada ena oda hegeregerena ia karaia, vadaeni ia ese Pilistia taudia ia alaia mase, Gibeona dekena amo ela bona Gesere. \p \v 17 Vadaeni Davida ena goada sivaraina be tano kahana ibounai dekenai idia gwauraia loaloa, bona Lohiabada ese Davida ia hasiahua, vadaeni bese ibounai be ia dekenai idia gari. \c 15 \s1 Taravatu Maua be Ierusalema dekenai idia mailaia \p \v 1 Davida ese ruma haida ia haginia ia sibona ena, Davida ena Hanua dekenai. Davida ese danu Dirava ena Taravatu Maua ena gabu ia karaia hegaegae, bona ena Palai Dubu danu ia haginia. \v 2 Bona Davida ia gwau, “Tau ta ese Dirava ena Taravatu Maua do ia huaia lasi, to Levi taudia sibona. Badina be Lohiabada ese Levi taudia ia abia hidi vadaeni, Lohiabada ena Taravatu Maua do idia huaia, bona iena hesiai gaukara do idia karaia ela bona nega ibounai.” \p \v 3 Vadaeni Davida ese Israela taudia ibounai ia haboua Ierusalema dekenai, Lohiabada ena Taravatu Maua be ena gabu, ia karaia hegaegae gabuna dekenai do idia atoa totona. \p \v 4 Davida ese Arona ena bese taudia bona Levi taudia ia haboua, inai bamona: \v 5 Kohata besena dekena amo: Uriele, lohia tauna, mai ena varavara taudia 120. \v 6 Merari besena dekena amo: Asaia, lohia tauna, mai ena varavara taudia 220. \v 7 Geresone besena dekena amo: Ioela, lohia tauna, mai ena varavara taudia 130. \v 8 Elisapana besena dekena amo: Semaia, lohia tauna, mai ena varavara taudia 200. \v 9 Heberona besena dekena amo: Eliele, lohia tauna, mai ena varavara taudia 80. \v 10 Usiele besena dekena amo: Aminadaba, lohia tauna, mai ena varavara taudia 112. \p \v 11 Ma Davida ese hahelagaia tauna Sadoka bona Abiatara, bona Levi taudia Uriele, Asaia, Ioela, Semaia, Eliele, bona Aminadaba ia boiria mai, \v 12 ia hamaoroa, ia gwau, “Umui be Levi taudia edia iduhu gunalaia taudia. Umui sibona do umui hagoevaia, umui bona emui varavara taudia do umui helaga, Lohiabada, Israela ena Dirava ena Taravatu Maua be idia karaia hegaegae gabuna dekenai do umui atoa totona. \v 13 Umui Levi taudia ese nega gunana dekenai Taravatu Maua umui huaia lasi dainai, Lohiabada iseda Dirava ese ita ia dagedage henia. Inai dika ita davaria badina Dirava ena ura dalana ita tahua guna lasi.” \p \v 14 Unai dainai hahelagaia taudia bona Levi taudia ese idia sibona idia hahelagaia, Lohiabada, Israela ena Dirava ena Taravatu Maua be Ierusalema dekenai do idia abia lao totona. \v 15 Vadaeni Levi taudia ese Dirava ena Taravatu Maua mai ena huaia audia be edia pagadia dekenai idia huaia, Mose ese Lohiabada ena hereva dekena amo ia gwauraia dalana hegeregerena. \p \v 16 Davida ese danu Levi lohia taudia ia oda henia, edia varavara haida do idia abia hidi, ane do idia abia, bona muisiki gaudia idauidau, gita maragidia bona badadia, bona auri laboralabora botaia gaudia do idia gadaralaia dekena amo moale bada ena regena do idia karaia. \v 17 Unai dainai Levi taudia ese Hemana Ioela idia abia hidi. Ma Hemana ena varavara taudia dekena amo Asapa Berekaia idia abia hidi. Ma edia varavara taudia Merari iduhu dekena amo Etana Kusaia danu idia abia hidi. \v 18 Bona idia danu be ma varavara haida idia abia hidi, orea iharuana totona, edia ladana be Sekaraia, Iasiele, Semiramoto, Iehiele, Uni, Eliaba, Benaia, Maseaia, Matitaia, Elipelehu, bona Mikineia, bona magu iduara gimaia taudia, Obeda Edoma bona Ieiele. \p \v 19 Ane abia taudia Hemana bona Asapa bona Etana ese auri laboralabora botaia gaudia do idia botaia. \v 20 Sekaraia, Iasiele, Semiramoto, Iehiele, Uni, Eliaba, Maseaia bona Benaia ese gita badadia do idia gadaralaia, alamota gadara dalana dekenai. \v 21 Bona Matitaia, Elipelehu, Mikineia, Obeda Edoma, Ieiele bona Asasaia ese gita maragidia do idia gadaralaia, seminiti gadara dalana dekenai. \p \v 22 Kenanaia, Levi taudia edia ane abia gunalaia tauna, ese ane do ia hakaua, badina be ane idauidau ia diba momo. \v 23 Berekaia bona Elikana ese Taravatu Maua gimaia gaukara do idia karaia. \p \v 24 Hahelagaia taudia Sebanaia, Iosepata, Netanele, Amasai, Sekaraia, Benaia, bona Eliesere ese kibi do idia hiriria, Dirava ena Taravatu Maua ena vairana dekenai. Obeda Edoma bona Iehaia danu be Taravatu Maua gimaia gaukara do idia karaia. \s1 Taravatu Maua be Ierusalema dekenai idia abia lao \p \v 25 Unai dainai Davida, bona Israela ena gunalaia taudia, bona ena tuari biagudia, be Obeda Edoma ena ruma dekenai idia lao, Lohiabada ena Taravatu Maua do idia abia totona, bona mai moale danu idia karaia. \p \v 26 Bona Dirava ese Levi taudia, iena Taravatu Maua idia huaia taudia ia durua dainai, idia ese boromakau tau 7 bona mamoe tau 7 idia abia, boubou gaudia idia halaoa. \p \v 27 Davida be dabua latana namo herea ia karaia, bona ane abia taudia, bona Kenanaia, ane abia gunalaia tauna, danu ese dabua unai bamona idia karaia. Davida danu be dabua aukana dekenai idia karaia epodi, dabua helagana, ia karaia. \v 28 Unai bamona, Israela taudia ibounai ese Lohiabada ena Taravatu Maua idia abia mailaia, mai moale ena boiboi, bona mai kibi idauidau, bona botaia gaudia edia regena danu, bona gita badadia bona maragidia edia regena namona danu. \p \v 29 Lohiabada ena Taravatu Maua be Davida ena Hanua dekenai ia ginidae neganai, Mikala, Saulo ena natuna hahine, be uindo dekena amo iena matana ia negea, bona ia ese king Davida ia itaia. Davida be ia mavaru noho, ma ia roho daekau, roho daekau noho, mai moale danu. Mikala ese ia itaia neganai, ia ese Davida dekenai ia badu, iena lalona sibona dekenai ia ura henia lasi. \c 16 \p \v 1 Davida ese Palai Dubu ta ia abia hegaegae vadaeni, Lohiabada ena Taravatu Maua koua totona. Vadaeni unai gabu lalonai Maua idia abia vareai, idia atoa namonamo. Bona Davida ese idia gabua boubou gaudia bona maino karaia boubou gaudia Lohiabada dekenai ia henia. \v 2 Unai boubou gaudia ia henia ore neganai, Davida ese Israela taudia ia hanamoa, Lohiabada ena ladana dainai. \v 3 Bona Davida ese Israela taudia ibounai dekenai aniani ia henia. Tatau ta ta bona hahine ta ta ibounai dekenai beredi ta, idia gabua vamu taina, bona vain huahua kaukaudia keke ta ia henia. \p \v 4 Davida ese Levi taudia haida ia abia hidi, Lohiabada ena Taravatu Maua ena vairana dekenai tomadiho karadia do idia karaia, Lohiabada, Israela ena Dirava, do idia guriguri henia, bona do idia hanamoa, mai ane abia danu. \v 5 Edia gunalaia tauna be Asapa, bona iena durua tauna be Sekaraia. Ieiele, Semiramoto, Iehiele, Matitaia, Eliaba, Benaia, Obeda Edoma bona Ieiele ese gita badadia bona maragidia do idia gadaralaia. Asapa ese auri laboralabora botaia gaudia do ia botaia. \v 6 Bona hahelagaia taudia Benaia bona Iahasiele ese edia nega, edia nega dekenai kibi be Taravatu Maua ena vairanai do idia hiriria. \p \v 7 Unai dina dekenai Davida ese Asapa, mai ena Levi varavara taudia danu ia abia hidi, Lohiabada hanamoa ane do idia abia totona, inai bamona: \s1 Davida ese Lohiabada ia hanamoa ena ane \q1 \v 8 Dirava do ita tanikiu henia, \q1 bona iena ladana badana do ita gwauraia hedinarai. \q1 Tanobada ena bese idauidau ibounai dekenai, \q1 Lohiabada ena kara badadia do ita hamaorolaia. \q1 \v 9 Ane do ita abia, \q1 bona Lohiabada ena ladana do ita abia isi. \q1 Iena kara badadia bona namodia, \q1 ia ese ia karaia gaudia do ita gwauraia hedinarai. \q1 \v 10 Ita be Lohiabada ena, \q1 unai dainai do ita moale bada noho. \q1 Lohiabada ena bese taudia ibounai e, \q1 ia dainai do ita moale be namo! \q1 \v 11 Durua totona Lohiabada dekenai ita lao be namo, \q1 bona Lohiabada kahirakahira do ita noho nega ibounai be namo. \q1 \v 12-13 Umui be Iakobo, Lohiabada ena hesiai tauna ena tubuna. \q1 Ma umui be Israela, \q1 Lohiabada ese ia abia hidi tauna ena tubuna danu. \q1 Dirava ese ia karaia kara badadia do umui laloa. \q1 Tau dikadia edia kerere davana karaia totona, \q1 Dirava ese ia karaia gaudia danu do umui laloa. \q1 \v 14 Lohiabada be iseda Dirava. \q1 Ia be inai tanobada taudia ibounai edia kota biaguna. \q1 \v 15 Lohiabada ese ia karaia gwauhamata taravatuna, \q1 be nega ibounai do ia badinaia noho. \q1 Unai gwauhamata taravatuna ena hereva be do ia noho, \q1 ela bona vaira neganai idia vara taunimanima, \q1 edia uru ibounai edia nega do ia ore. \q1 \v 16 Aberahamo danu Lohiabada ese ia karaia gwauhamata taravatuna, \q1 be ia ese do ia badinaia. \q1 Isako danu ia karaia gwauhamata danu, \q1 be Lohiabada ese do ia hamomokania. \q1 \v 17 Lohiabada ese Israela danu gwauhamata taravatuna ia karaia. \q1 Inai gwauhamata taravatuna be do ia noho hanaihanai. \q1 Lohiabada ese inai gwauhamata taravatuna, \q1 be Iakobo ena bese danu ia karaia, \q1 doko diba lasi gauna. \q1 \v 18 Lohiabada ese Iakobo dekenai ia hereva inai bamona, ia gwau, \q1 “Lau ese Kanana tano oi dekenai do lau henia, \q1 bona inai tano be oi bona oiemu tubuna taudia, \q1 ese do umui biagua.” \b \q1 \v 19 Gunaguna neganai Dirava ena bese taudia be momo lasi, \q1 bona idia be Kanana dekenai idia noho, idau taudia bamona. \q1 \v 20 Tano dekenai idia noho namonamo lasi, \q1 to tano ta dekena amo idia raka loaloa, raka loaloa, \q1 ela bona tano ma ta dekenai. \q1 King ta ena tano dekenai nega sisina idia noho, \q1 vadaeni ma idia toreisi, \q1 king ma ta ena tano dekenai idia lao. \q1 \v 21 To Lohiabada ese Israela besena ia naria, \q1 dagedage bona dika momokani dekena amo ia ese ia gimadia. \q1 Bona Lohiabada ese king haida ia gwau henidia, \q1 Israela taudia do idia hadikaia lasi totona. \q1 \v 22 Lohiabada ia gwau, “Lau ese lau abia hidi bese taudia, \q1 be do umui hisihisi henidia lasi. \q1 Lauegu peroveta taudia do umui hadikaia lasi.” \q1 \v 23 Tanobada dekenai noho taudia ibounai e, \q1 Lohiabada dekenai ane do umui abia. \q1 Ita ia hamauria sivarai namona, \q1 be dina ibounai taunimanima dekenai do ita gwauraia. \q1 \v 24 Lohiabada ena hairaina be tanobada ena bese idauidau ibounai, \q1 dekenai do umui gwauraia hedinarai. \q1 Iena kara badadia be taunimanima ibounai dekenai do umui hadibaia. \q1 \v 25 Lohiabada be mai ena ladana badana, \q1 inai ladana badana do ita abia isi noho be namo. \q1 Ita ese taunimanima edia dirava idauidau, \q1 be do ita gari henia lasi. \q1 Lohiabada sibona do ita gari henia, bona matauraia. \q1 \v 26 Badina be tanobada bese idauidau edia dirava, \q1 be dirava koikoi gaudia sibona. \q1 To Lohiabada ese guba bona guba dekenai noho gaudia ia karaia vadaeni. \q1 \v 27 Lohiabada be mai ena hairaina, \q1 bona ia be mai King Badana ena siahu danu. \q1 Iena Dubu Helaga lalonai, \q1 iena goada bona iena moale idia noho momokani. \q1 \v 28 Tanobada ena bese taudia ibounai e, \q1 Lohiabada do umui hanamoa. \q1 Iena hairaina bona iena goada badana do umui hanamoa. \q1 \v 29 Lohiabada ena ladana badana do umui abia isi, \q1 bona boubou gauna do umui mailaia, \q1 iena Dubu Helaga dekenai do umui henia. \q1 Umui ese mai dabua namodia danu, \q1 Lohiabada do umui tomadiho henia. \q1 \v 30 Tanobada taudia ibounai e, Lohiabada ena vairana dekenai, \q1 do umui tui diho, mai emui gari bada danu. \q1 Tanobada be ia gini goada noho, \q1 haida ese do idia hamarerea diba lasi, ela bona nega ibounai. \q1 \v 31 Guba bona tanobada e, do umui moale! \q1 Bese idauidau dekenai inai bamona do umui hereva, \q1 do umui gwau, “Lohiabada be King momokani.” \q1 \v 32 Davara e, oi bona oi dekenai idia noho gaudia ibounai, \q1 ese do umui toreisi, do umui boiboi. \q1 Uma gabudia ibounai e, umui, bona umui dekenai idia noho gaudia, \q1 umui ibounai ese Lohiabada dainai do umui moale. \q1 \v 33 Lohiabada ena vairanai, uda dekenai idia noho audia ibounai, \q1 ese mai moale danu ane do idia abia, \q1 badina be, Lohiabada be do ia mai, \q1 bona tanobada taudia do ia kota henia. \q1 \v 34 Lohiabada do ita tanikiu henia! \q1 Lohiabada do ita hanamoa, badina iena kara be namo, \q1 bona iena lalokau be do ia noho hanaihanai, doko lasi. \q1 \v 35 Lohiabada e, aiemai Dirava, ai do oi hamauria! \q1 Bese idauidau edia huanai dekena amo ai do oi haboua, \q1 bona ai do oi hamauria! \q1 Unai neganai ai ese oi do ai tanikiu henia, \q1 bona oiemu ladana helagana do ai hanamoa, \q1 mai aiemai moale bada danu. \q1 \v 36 Lohiabada, Israela ena Dirava, do ita hanamoa bada noho, \q1 hari ia lao bona nega hanaihanai. \q1 Vadaeni taunimanima ibounai idia gwau, \q1 “Amen,” bona, “Lohiabada ita hanamoa inai!” \s1 Ierusalema dekenai bona Gibeona dekenai danu Lohiabada idia tomadiho henia \p \v 37 Unai dainai king Davida ese Asapa mai iena varavara Levi taudia be unuseni Ierusalema dekenai ia atodia, dina ibounai Lohiabada ena Taravatu Maua ena vairana dekenai tomadiho gaukara do idia naria noho. \v 38 Edia durua taudia be Obeda Edoma, Iedutunu ena natuna, bona iena varavara taudia 68 danu. Hosa bona Obeda Edoma ese iduara naria gaukara idia karaia. \p \v 39 Hahelagaia tauna Sadoka, mai ena varavara hahelagaia taudia danu be Lohiabada ena tomadiho gabuna Gibeona dekenai idia naria noho. \v 40 Unuseni gabua boubou gaudia be boubou patana ena latanai idia henia, daba ibounai, bona adorahi ibounai dekenai, Lohiabada ena taravatu, Israela dekenai ia henia, ia torea vadaeni gauna, ena hereva hegeregerena. \v 41 Idia danu be Hemana bona Iedutunu, bona haida danu, Davida ese ia abidia hidi, ane do idia abia totona taudia, do idia gwau, “Lohiabada do ita hanamoa, badina iena lalokau be do ia noho hanaihanai, doko lasi.” \p \v 42 Hemana bona Iedutunu be mai edia kibi bona mai edia botaia auri gaudia danu. Inai gaudia idia gadaralaia, edia Dirava hanamoa ane abia taudia durua totona. Iedutunu ena natuna tau be idia abia hidi, magu ena iduara do idia gimaia totona. \p \v 43 Vadaeni taunimanima ibounai be edia ruma ta ta dekenai idia giroa lou. Bona Davida danu be iena ruma dekenai ia lao, iena famili taudia hanamoa totona. \c 17 \s1 Natana ese Dirava ena hereva Davida dekenai ia hamaoroa \p \v 1 King Davida be iena ruma badana dekenai ia noho. Unai neganai Davida ese peroveta tauna Natana dekenai ia hereva, ia gwau, “Lau be sida ruma lalonai lau noho, to Dirava ena Taravatu Maua be Palai Dubu sibona lalonai ia noho.” \p \v 2 Natana ese king dekenai ia haere, ia gwau, “Oi lao, oiemu ura do oi karaia, badina Lohiabada be oi danu ia noho.” \p \v 3 To unai hanuaboi lalonai Lohiabada ena hereva be Natana dekenai ia mai, ia gwau, \p \v 4 “Oi lao, lauegu hesiai tauna Davida dekenai lauegu hereva do oi hamaoroa, oi gwau: Oi ese lauegu noho ruma do oi haginia lasi. \v 5 Israela taudia be Aigupito tano dekena amo lau hakaua mai dinana ia mai bona hari, lau be ruma ta dekenai lau noho lasi. To lau be gabu ta ta dekenai lau loaloa, Palai Dubu dekenai lau noho. \v 6 Israela taudia danu lau loaloa gabudia ibounai dekenai be edia gunalaia taudia, lau abia hidi taudia, nega ta lau nanadaia lasi, inai bamona, ‘Badina dahaka sida ruma ta lau dekenai do oi karaia lasi?’ \p \v 7 “Unai dainai lauegu hesiai tauna Davida do oi hamaoroa, Siahu Ibounai Lohiabada be inai bamona oi dekenai ia hamaoroa: ‘Rei gabuna dekena amo, mamoe naria gaukara dekena amo oi lau abia, lauegu bese Israela edia king do oi lao totona. \v 8 Bona lau ese oi dekenai lau noho, oiemu loaloa gabudia ibounai, bona oi dekenai idia tuari henia taudia be lau ese lau halusia oiemu vairana dekenai. Bona oiemu ladana do lau habadaia, tanobada edia king badadia edia ladana hegeregere. \v 9 Bona lauegu bese Israela edia noho gabu do lau gwauraia, bona edia gabu korikori do lau halaoa, tau ta ese idia do ia kokia diba lasi. Dagedage taudia ese idia do idia hisihisi henidia lou lasi, guna idia karaia bamona. \v 10 Lau ese gunalaia taudia lau abia hidi negana ia mai bona hari, unai bamona hisihisi idia davaria, to lau ese laga-ani oi dekenai do lau henia unai dagedage dekena amo. \p “ ‘Bona lau Lohiabada ese danu oi dekenai lau gwauhamata, oiemu iduhu be lau Lohiabada ese do lau haginia. \v 11 Oi be do oi mase, bona oiemu tubuna bona tamana danu oi idia guria neganai, lau ese oiemu natuna ta do lau haginia, king dagi do ia abia. Do lau haginia goada. \v 12 Ia ese ruma badana lauegu Ladana totona do ia haginia, bona lau ese iena basileia do lau haginia goada, unai basileia do ia gini hanaihanai. \v 13 Lau be iena tamana do lau lao, ia be lauegu natuna. Lau ese egu bogahisihisi be ia dekena amo do lau kokia lasi, Saulo dekena amo lau kokia hegeregere. Saulo be lau ese lau kokia, oi ese iena king dagi do oi abia totona. \v 14 To inai oiemu natuna be egu bese bona egu basileia ena gunalaia tauna do lau halaoa, bona inai egu basileia do ia noho ela bona hanaihanai. Oiemu natuna ena king dagi, be iena bese dekenai do ia noho nega ibounai, doko lasi.’ ” \p \v 15 Natana ese inai hereva, Dirava ese ia hedinaraia gaudia ibounai, be Davida dekenai ia hamaoroa. \s1 Davida ese iena guriguri dekena amo Dirava ia tanikiu henia \p \v 16 Vadaeni king Davida ese Lohiabada ena Palai Dubu ia raka vareai, ia helai diho, bona ia guriguri inai bamona: \p “Lohiabada Dirava e, lau bona lauegu bese be namo lasi, to oi ese lau oi hakaua namonamo, ia mai bona hari. \p \v 17 “To hari, Lohiabada Dirava e, oi ese ma hanamoa haida lau dekenai oi henia noho. Oi ese gwauhamata momo lauegu tubuna taudia hanamoa totona oi gwauraia vadaeni. Inai be vaira lagani edia lalonai do idia vara gaudia. Lohiabada Dirava e, oi ese tau badana ta lau oi halaoa noho, a? \p \v 18 “Lau be oi dekenai dahaka lau hereva diba? Lohiabada Dirava e, lau be oiemu hesiai tauna, oi diba lau, to oi ese lau oi hanamoa noho. \v 19 Lohiabada e, oiemu hesiai tauna dainai, bona oiemu ura dainai, inai kara badana lau dekenai oi karaia, bona inai oiemu gwauhamata badadia ibounai oi hedinaraia vadaeni. \p \v 20 “Lohiabada e, ta ia noho lasi oi hegeregere. Ai be oiemu sivarai ai kamonai dainai, ai diba oi sibona be Dirava. \v 21 Bona edena bese be oiemu bese Israela hegeregere? Inai bese tamona be oi ese hesiai mai guia danu dekena amo oi hamauria, oiemu bese do idia lao totona. Oi ese kara badadia, idia totona oi karaia gaudia, ena sivarai be tanobada ibounai ese idia kamonai. Oi ese oiemu bese taudia Aigupito dekena amo oi hamauria, bona oiemu bese taudia idia raka vaira neganai, oi ese idau bese taudia oi lulua ore. \v 22 Oiemu bese Israela be oi ese oi haginia vadaeni, oiemu bese korikori do ia lao hanaihanai. Bona Lohiabada e, oi be edia Dirava oi lao vadaeni. \p \v 23 “Lohiabada Dirava e, oiemu gwauhamata lau bona lauegu tubuna taudia totona do oi hamomokania hanaihanai. Bona inai gwauhamata ena kara ibounai do oi karaia. \v 24 Vadaeni oiemu ladana be taunimanima do idia hanamoa hanaihanai, do idia gwau, ‘Siahu Ibounai Lohiabada be Israela ena Dirava.’ Bona lau, oiemu hesiai tauna Davida, egu basileia do ia gini goada noho oiemu vairana dekenai, ela bona hanaihanai. \p \v 25 “Egu Dirava e, oi ese inai gaudia lau, oiemu hesiai tauna, dekenai oi hedinaraia vadaeni, oi gwau, ‘Oiemu bese be king taudia do lau haginia.’ Unai dainai goada lau davaria, inai bamona guriguri do lau gwauraia totona. \v 26 Lohiabada e, oi be Dirava, bona inai gwauhamata namona momokani lau dekenai oi gwauraia vadaeni. \v 27 Unai dainai, mani emu kara, lauegu tubuna taudia do oi hanamoa, vadaeni oiemu hanamoa do idia davaria noho. Badina be, Lohiabada e, oi ese oiemu hereva dekena amo oi hanamodia vadaeni, bona oiemu hanamoa be egu tubuna taudia edia latanai do ia noho ela bona hanaihanai.” \c 18 \s1 Davida ese tuari dekenai ia kwalimu \p \v 1 Unai murinai Davida ese Pilistia taudia ia tuari henia lou, bona ia halusidia. Ia ese Gata hanua, bona Gata ena hanua maragidia ibounai be Pilistia taudia edia imadia dekena amo ia abia. \v 2 Davida ese danu Moaba taudia ia halusia, vadaeni Moaba taudia be Davida ena hesiai taudia idia lao, bona idia ese takisi moni Davida dekenai idia henia. \p \v 3 Davida ese danu Hadadesa, Soba ena king ia tuari henia, Hamata kahana dekenai. Badina unai neganai king Hadadesa bona iena tuari taudia be Euperate Sinavai ena tano abia lou totona idia raka mai. \v 4 Vadaeni Davida ese Hadadesa ena kariota ibounai 1000 ia abia, bona hosi idia guia taudia 7000, bona aena dekenai raka tuari taudia ibounai 20,000 ia abia mauri. Davida ese danu kariota edia hosi ibounai edia mamuna varovaro ia utua, to sibona ena kariota totona, hosi ibounai 100 edia mamuna varovaro ia utua lasi. \p \v 5 Suria taudia ese king Hadadesa durua totona Damaseko dekena amo idia mai neganai, Davida ese Suria taudia ibounai 22,000 ia alaia mase. \v 6 Vadaeni Davida ese iena tuari orea haida Suria taudia edia tano Damaseko kahana dekenai ia siaia, bona Suria taudia be Davida ena siahu henunai idia noho, bona ia dekenai takisi idia henia. Lohiabada ese Davida dekenai kwalimu ia henia, ia lao gabudia ibounai dekenai. \v 7 Davida ese golo kesi gaudia, Hadadesa ena hesiai taudia idia huaia gaudia ia abia, Ierusalema dekenai ia abia lao. \v 8 Ma Hadadesa ena hanua rua, Tibihata bona Kunu dekena amo, king Davida ese auri laboralabora momo herea ia abia. Gabeai Solomona ese inai auri laboralabora dekena amo, Dubu Helaga ena ranu tanika badana, bona ena du ibounai, bona ena auri laboralabora kapusi, mereki bamona gaudia ia karaia. \p \v 9 King Toi, Hamata ena king, be sivarai ia kamonai Davida ese Hadadesa ena tuari orea ibounai ia halusia vadaeni. \v 10 Vadaeni Toi ese iena natuna Iorama be king Davida dekenai ia siaia lao, iena kwalimu dainai do ia hanamoa totona. Badina be unai Hadadesa be nega momo Toi danu idia tuari. Iorama ese Davida dekenai harihari gaudia ia henia, golo, siliva, bona auri laboralabora dekenai karaia gaudia. \p \v 11 King Davida ese inai gaudia ia hahelagaia, Lohiabada ena. Ma ia halusia vadaeni bese haida danu dekena amo ia abia golo bona siliva danu be Lohiabada henia totona Davida ese ia hahelagaia. Unai besedia be inai: Edoma, Moaba, Amono, Pilistia, bona Amaleka. \p \v 12 Abisai, Seruia ena natuna tau, ese Edoma taudia ia halusia. Idia ibounai 18,000 be Damena Koura dekenai ia alaia mase. \v 13 Abisai ese iena tuari taudia edia orea haida Edoma dekenai kamepa lalonai ia atodia, bona Edoma taudia ibounai be Davida ena hesiai taudia idia lao. Lohiabada ese Davida dekenai kwalimu ia henia, ia lao gabudia ibounai dekenai. \p \v 14 Unai dainai Davida ese Israela ena bese ibounai ia biagua, bona taunimanima ibounai ia kota henidia, mai maoromaoro bona mai momokani danu. \p \v 15 Ioaba Seruia be tuari taudia edia biaguna badana, bona Iehosapata Ahiluda ese Davida ena basileia ena buka torea gaukara ia naria. \p \v 16 Sadoka Ahitubu bona Ahimeleka Abiatara be hahelagaia taudia, bona Savasa be buka torea tauna. \p \v 17 Benaia Iehoiada be Kerete taudia bona Pelete taudia, Davida ena gima taudia, edia biaguna. Davida ena natuna tau, be king durua totona, dagi bada gaukara idia karaia. \c 19 \s1 Davida ese Amono taudia bona Suria taudia ia halusia \p \v 1 Unai murinai Amono taudia edia king, Nahasa, ia mase, bona iena natuna Hanunu ese iena gabu dekenai king dagi ia abia. \v 2 Vadaeni Davida ia gwau, “Hanunu Nahasa dekenai kara namona do lau karaia, badina iena tamana Nahasa be kara namona lau dekenai ia karaia.” \p Unai dainai Davida ese iena hesiai taudia haida ia siaia, Hanunu dekenai bogahisihisi hereva do idia gwauraia, iena tamana ia mase dainai. \p To inai hesiai taudia be Amono dekenai idia ginidae, bona king Hanunu dekenai idia lao neganai, \v 3 Amono lohia taudia ese edia king, Hanunu, idia hamaoroa, idia gwau, “Oi laloa Davida ese oiemu tamana ia matauraia dainai inai hesiai taudia ia siaia, a? Davida ese inai hesiai taudia oi dekenai ia siaia, ena badina korikori be hanua do idia itaia namonamo totona, bona gabeai idia bona edia tuari taudia do idia mai, iseda hanua hadikaia totona!” \p \v 4 Vadaeni Hanunu ese Davida ena hesiai taudia ia dogoatao, edia auki huina kahana ia utua oho, bona edia dabua ia utua kwadogi, vadaeni taunimanima ese edia kununa idia itaia diba, bona unai bamona Hanunu ese idia ia siaia lou. \p \v 5 To inai hesiai taudia idia hemarai bada dainai idia ura lasi edia gabu dekenai idia giroa lou. Davida ese inai Hanunu ena kara ena sivarai ia kamonai, vadaeni ia ese tau haida ia siaia unai hesiai taudia dekenai, ia gwau, “Umui be Ierusalema dekenai do umui giroa mai haraga lasi, to Ieriko hanua dekenai do umui noho, ela bona emui auki huina be do ia tubu lou, vadaeni unai neganai do umui giroa mai.” \p \v 6 King Hanunu bona Amono taudia idia diba vadaeni, Davida ena lalona be ia dika noho idia dekenai. Vadaeni Hanunu bona Amono taudia ese siliva ena metau 34,000 kilogaram idia siaia, kariota bona kariota guia taudia be Mesopotamia, bona Arama Maka bona Soba dekena amo idia hoia. \v 7 Kariota ibounai 32,000 mai edia hosi, bona kariota guia taudia idia hoia, ma Maka ena king, mai iena tuari orea ibounai danu idia hoia. Inai orea ruaosi idia mai, Mereba ena vairana dekenai idia kamepa. Amono taudia danu edia hanua ta ta dekena amo idia haboua, bona tuari totona idia raka mai. \p \v 8 Inai kara Davida ia kamonai neganai, ia ese Ioaba mai ena tuari taudia ibounai danu ia siaia lao. \v 9 Vadaeni Amono taudia be tuari totona idia raka mai. Edia tuari gaudia idia dogoatao hegaegae, bona edia hanua, Raba, ena magu iduara ena vairanai idia gini. To durua totona idia mai king taudia mai edia tuari taudia be rei bona kurukuru gabuna dekenai idia gini hegaegae noho. \p \v 10 Ioaba ia itaia, unai tuari taudia ese vairana bona murina dekena amo Israela orea do idia tuari henia gwauraia. Vadaeni ia ese Israela edia goada taudia haida ia abia hidi, Suria taudia tuari henia totona ia siaidia lao. \v 11 Bona Ioaba ese iena tuari taudia oredia be iena tadina Abisai dekenai ia henia, do ia biagudia, bona Amono taudia tuari henidia totona ia siaidia lao. \v 12 Ioaba ese Abisai ia hamaoroa, ia gwau, “Bema Suria taudia idia goada herea, lauegu orea do oi durua. To bema Amono taudia be umui dekenai idia goada herea, lau ese umui do lau durua. \v 13 Do umui gari lasi, do ita laloa goada, mai boga auka danu. Iseda bese dainai, bona iseda Dirava ena hanua ibounai dainai, do ita tuari auka momokani. Namona be Lohiabada ena ura do ia vara.” \p \v 14 Vadaeni Ioaba mai ena tuari taudia danu idia lao, Suria taudia idia tuari henia, bona Suria taudia be Ioaba ena orea edia vairanai idia heau. \v 15 Amono taudia ese idia itaia, Suria taudia be idia heau, vadaeni idia danu Abisai ena vairana dekenai idia heau, hanua lalonai idia heau vareai. Unai dainai Ioaba be Ierusalema dekenai ia giroa lou. \p \v 16 Suria taudia be idia diba vadaeni, Israela taudia ese idia halusidia vadaeni. Unai dainai idia ese hereva gwauraia taudia idia siaia lao, vadaeni Suria taudia Euperate Sinavai ena dina daekau kahana idia noho be durua totona idia raka mai. Sopaka, Suria king Hadadesa ena tuari biaguna ese idia ia biagua. \p \v 17 Davida ese inai kara sivarai ia kamonai neganai, ia ese Israela tuari taudia ia haboua, bona idia ese Ioridane Sinavai idia hanaia. Davida ese iena tuari taudia ia haginia hegaegae Suria taudia edia vairana dekenai, vadaeni tuari ia matamaia. \p \v 18 Israela taudia be idia kwalimu, bona idia ese Suria taudia idia lulua lao lou. Suria taudia edia kariota guia taudia 7000, bona aena dekenai raka tuari taudia 40,000 be Davida bona iena taudia ese idia alaia mase. Suria tuari biaguna, Sopaka danu idia alaia mase. \p \v 19 King haida be king Hadadesa ena henunai iena hesiai gaukara idia karaia. To idia itaia Israela taudia ese Hadadesa idia halusia. Vadaeni idia ese Israela taudia danu idia maino karaia, bona Davida ena hesiai gaukara idia karaia. \p Bona unai neganai ia lao, Suria taudia idia ura lasi Amono taudia do idia durua lou. \c 20 \s1 Davida ese Raba hanua ia halusia \p \v 1 Keru negana ia ore, to siahu neganai do ginidae lasi neganai, unai be king taudia tuari totona idia lao negana, Ioaba ese tuari orea ta ia hakaua, bona Amono taudia edia tano be tuari dekenai ia hadikaia. Vadaeni ma ia lao, Raba hanua ia koua hagegea. To Davida be Ierusalema dekenai ia noho. \p Vadaeni Ioaba ese Raba ia tuari henia, bona ia halusia. \v 2 Davida ese Amono ena king ena kwara gauna be iena kwarana dekena amo ia kokia, ia be golo ena metau 35 kilogaram bamona. Unai golo ena lalonai be herahera nadi namo hereana ta. Vadaeni Davida ena kwarana dekenai idia atoa. Davida ese danu kohu momo herea Raba hanua dekena amo ia abia lao. \p \v 3 Davida ese danu Raba hanua taudia ia abia lao, gaukara idia dekenai ia henia, iri bona auri piki bona ira dekena amo do idia gaukara. Amono hanua ibounai edia taudia dekenai unai bamona gaukara ia henidia. \p Vadaeni Davida bona iena tuari taudia be Ierusalema dekenai idia giroa lou. \s1 Davida ena orea taudia ese Pilistia tau latadia idia tuari henia \p \v 4 Unai murinai idia be Pilistia taudia danu idia tuari lou, Gesere dekenai. Vadaeni Davida ena orea tauna ta, ena ladana Sibekai, Husata hanua tauna ese Sipai, tau lata herea, ia alaia mase. Vadaeni Pilistia taudia be unai neganai tuari idia lusi. \p \v 5 Bona Pilistia taudia danu ma idia tuari lou. Unai neganai Elihanana Iairi ese Lahami, Gata tauna Goliata ena tadikakana, ia alaia mase. Unai Lahami ena io auauna ena bada, be dabua hatua tauna ena au, ena bada bamona. \p \v 6 Ma Gata hanua dekenai idia tuari lou, bona unuseni be tau lata herea, iena imana ruaosi dekenai kwakikwaki 6 bona 6 idia noho, bona iena aena ruaosi dekenai danu be kwakikwaki 6 bona 6 idia noho. Iena kwakikwaki ibounai be 24. Ia danu be Repaima bese tauna, tau lata herea. \v 7 Unai tau ese Israela taudia ia kirikirilaia, mai hekokoroku danu, vadaeni Ionatana, Davida ena kakana Simea ena natuna tau ese ia alaia mase. \p \v 8 Inai tau toiosi be Gata hanua dekenai idia noho tau latadia, Repaima bese taudia. To Davida bona iena tuari taudia ese inai taudia idia alaia mase. \c 21 \s1 Davida ese Israela bona Iuda taudia ia duahia \p \v 1 Satani ese Israela taudia hadikaia dalana ia tahua, vadaeni ia ese Davida ia koia, Israela taudia be hida, be Davida ese do ia duahia gwauraia. \v 2 Vadaeni Davida ese Ioaba bona iena tuari biagudia ia hamaoroa, ia gwau, “Israela ena kahana ibounai do umui lao, Dano dekena amo ela bona Bere Sieba, bona taunimanima ibounai do umui duahia, do lau diba iseda bese be hida.” \p \v 3 To Ioaba ese king ia hamaoroa, ia gwau, “Lohiabada ese iena bese be nega 100 dekena amo edia namba ia habadaia diba, bona inai be lau ura. To egu lohia bona egu king e, idia ibounai be oiemu hesiai taudia, ani? Badina dahaka oi ura inai kara do oi karaia? Egu lohia e, badina dahaka inai kara dekena amo Israela besena ibounai do oi hakererea?” \p \v 4 To king Davida ese Ioaba ena hereva ia koua. Unai dainai Ioaba ia toreisi, Israela ena tano ibounai ia raka hanaia, vadaeni Ierusalema dekenai ia giroa mai. \v 5 Vadaeni Ioaba ese taunimanima duahia gaukara ena ripoti be king Davida dekenai ia henia, gauna inai: Israela be mai edia tuari diba taudia 1,100,000, bona Iuda dekenai tuari diba taudia be 470,000. \p \v 6 To Ioaba ese Levi taudia bona Beniamina taudia ia duahia lasi, badina be king ena oda be Ioaba ia ura lasi. \p \v 7 Dirava ese inai duahia kara dekenai ia badu, vadaeni ia ese Israela ia hisihisi henia. \v 8 Vadaeni Davida ese Dirava ia hamaoroa, ia gwau, “Inai duahia gaukara dekena amo kara dika bada herea lau karaia vadaeni! Lohiabada e, oi dekenai lau noinoi, egu kara dika do oi gwauatao, badina unai kara dekenai lau be kavakava momokani.” \p \v 9 Vadaeni Lohiabada ese Gadi, Davida ena peroveta tauna ia hamaoroa, ia gwau, \v 10 “Oi lao, Davida do oi hamaoroa, oi gwau, ‘Lohiabada be inai bamona ia hereva: Gau toi be oiemu vairanai lau atoa, tamona do oi abia hidi, bona unai gauna be do lau havaraia.’ ” \p \v 11 Vadaeni Gadi be Davida dekenai ia lao, Lohiabada ena hereva gauna ia hamaoroa, bona ia gwau, “Inai gau toi be edena oi ura? \v 12 Lagani toi lalonai hitolo ese oiemu tano do ia hadikaia? O, hua toi lalonai taunimanima ese oi do idia tuari henia, bona idia dekena amo do oi heau noho? O, dina toi lalonai Lohiabada ena tuari kaia, unai anina be, hanaia gorere dikana, be oiemu tano ena taunimanima do ia hadikaia? Unai be Lohiabada ena aneru ese Israela tano ibounai lalonai mase do ia havaraia. Inai gau toi do oi laloa, bona idia ta do oi abia hidi, vadaeni Lohiabada dekenai oiemu haere do lau henia.” \p \v 13 Davida ese Gadi dekenai ia haere, ia gwau, “Lauegu lalona ia hisihisi bada herea momokani, to lau laloa Lohiabada ena bogahisihisi be bada. Unai dainai Lohiabada ese lau ia panisia be namo, to taunimanima ese lau idia panisia be dika.” \p \v 14 Unai dainai Lohiabada ese Israela taudia edia latanai hanaia gorere ia siaia, bona taunimanima ibounai 70,000 idia mase. \v 15 Vadaeni Dirava ese aneru ia siaia lao, Ierusalema do ia hadikaia ore totona, to aneru ese kahirakahira ia karaia neganai, Lohiabada ese iena lalona ia giroa, bona taunimanima alaia aneruna ia hamaoroa, ia gwau, “Vadaeni, oiemu kara oi hadokoa.” \p Unai neganai unai aneru be uiti kwadia gabuna ena badibadinai ia gini noho. Unai uiti kwadia gabuna be Arauna, Iebusu tauna, ena. \p \v 16 Davida ese iena matana ataiai dekenai ia negea, Lohiabada ena aneru ia itaia, tanobada bona guba edia huanai ia gini noho, iena imana dekenai tuari kaia be Ierusalema ena ataiai ia duduia. Vadaeni Davida bona hanua tau badadia ese puse dabua idia atoa, idia tui diho, bona tano dekenai edia vairadia idia atoa. \p \v 17 Davida ese ia guriguri, ia gwau, “Dirava e, lau sibona ese oda lau gwauraia, taunimanima be hida do idia duahia totona. Lau sibona ese kara dika lau karaia, bona lau sibona be lau kerere. To inai taunimanima be madi dahaka kerere idia karaia? Idia be mamoe sibona bamona. Lohiabada, egu Dirava e, oi ese lau, bona lauegu bese sibona do oi panisia be namo, to mani emu kara inai hanaia gorere be oiemu bese taudia dekena amo do oi hadokoa.” \p \v 18 Vadaeni Lohiabada ena aneru ese Gadi ia oda henia, ia ese Davida do ia hamaoroa, Davida be do ia lao, Lohiabada ena boubou patana ta Arauna ena uiti kwadia gabuna dekenai do ia haginia. \v 19 Unai dainai Davida ia lao, Lohiabada ena oda, Gadi ena hereva dekenai gauna hegeregerena. \p \v 20 Unai neganai Arauna be uiti ia kwadia noho. Vadaeni iena kwarana ia giroa neganai ia ese aneru ia itaia. Arauna ena natuna tau 4 ese aneru idia itaia neganai idia heau, bona gabu ta dekenai idia hunia. \p \v 21 Davida be Arauna dekenai ia lao neganai, Arauna ese iena matana ia negea, Davida ia itaia, vadaeni uiti kwadia gabuna dekena amo ia raka mai, tano dekenai iena vairana ia atoa, Davida ena vairana dekenai ia tomadiho. \v 22 Davida ese ia dekenai ia hereva, ia gwau, “Oiemu uiti kwadia gabuna lau dekenai mani do oi hoia, vadaeni lau ese Lohiabada ena boubou patana ta do lau haginia, hanaia gorere be taunimanima dekena amo do ia doko totona. Lau ese inai oiemu gabu totona ena davana korikori oi dekenai do lau henia.” \p \v 23 Vadaeni Arauna ese Davida ia haere henia, ia gwau, “Egu lohia bona egu king e, oi abia, bona do oi gaukaralaia oiemu ura hegeregerena. Boromakau tau idia noho inai, gabua boubou totona gaudia, bona uiti kokia audia be lahi audia totona do oi abia. Uiti danu ia noho, boubou totona do oi henia. King e, lau Arauna ese inai gau ibounai be oi dekenai lau henia inai, davana lasi.” \p \v 24 To king Davida ese Arauna dekenai ia haere, ia gwau, “Lasi, lau be do lau abia kava lasi, inai gabu be oiemu dainai, ena davana korikori oi dekenai do lau henia. Badina lau ura lasi lau dekenai ia mai kava gauna ta Lohiabada dekenai do lau henia, boubou gauna totona.” \p \v 25 Vadaeni Davida ese uiti kwadia gabuna bona boromakau tau ia hoia, edia davana ia henia, golo moni 600. \p \v 26 Davida ese boubou patana ta unuseni ia haginia, Lohiabada ena. Bona gabua bouboudia bona maino karaia bouboudia Lohiabada dekenai ia henia. Davida be ia guriguri, bona Lohiabada ese guba dekena amo lahi ia siaia, unai boubou ia gabua ore. Unai dekena amo Lohiabada ese Davida ena guriguri dekenai ia haere. \p \v 27 Vadaeni Lohiabada ese unai aneru ia oda henia, bona aneru ese iena tuari kaia be ena udaia gauna dekenai ma ia atoa vareai. \s1 Dubu Helaga ena tano \p \v 28 Unai neganai Davida ese ia itaia, Lohiabada ese iena guriguri ia haere henia vadaeni. Unai dainai Davida ese unai Iebusu tauna Arauna ena uiti kwadia gabuna dekenai, boubou patana dekenai, boubou gaudia ia henia. \v 29 Unai neganai Lohiabada ena Palai Dubu, Mose ese tano kaukau dekenai ia karaia gauna, bona boubou patana be ataiai gabuna, Gibeona dekenai idia noho. \v 30 To Davida be mai ena dala lasi Gibeona do ia lao, Lohiabada tomadiho henia totona, badina be ia ese Lohiabada ena aneru ena tuari kaia dekenai ia gari bada. \c 22 \p \v 1 Vadaeni Davida ia gwau, “Dirava Lohiabada ena Dubu Helaga be iniseni, Arauna ena uiti kwadia tano dekenai, do ia gini. Israela taudia edia boubou patana, ena latanai edia gabua bouboudia do idia henia, danu be iniseni do ia noho.” \s1 Davida ese Dubu Helaga haginia kohu ia abia hegaegae \p \v 2 King Davida ese oda ia gwauraia, idau bese taudia Israela dekenai idia noho, be do idia haboua mai. Vadaeni Davida ese gaukara ia henidia. Haida be Dubu Helaga haginia totona nadi idia utua hegaegae. \v 3 Davida ese danu auri momo ia haboua, raka vareai iduara edia ikoko, bona au hakapua totona auridia karaia totona. Bona auri laboralabora momo herea danu ia haboua, edia metau idia duahia diba lasi. \v 4 Sida audia danu momo herea be Davida ese ia haboua. Turo bona Sidono taudia ese inai audia Davida dekenai idia mailaia. \v 5 Badina be Davida ia gwau, “Egu natuna Solomona be eregabe tauna sibona, bona gaukara dekenai ia do manada lasi. To lau ura Solomona ese do ia haginia Dubu be mai hairaina, bona mai ena sivarai badana tanobada ena kahana ibounai dekenai. Unai dainai Solomona durua totona Dubu haginia kohu be do lau haboua hegaegae.” Unai dainai ia do mase lasi neganai, Davida ese Dubu haginia totona kohu momo herea ia abia hegaegae. \p \v 6 Unai neganai Davida ese iena natuna tau Solomona ia boiria mai, ia oda henia, Lohiabada, Israela ena Dirava, ena Dubu Helaga do ia haginia. \v 7 Davida ese Solomona ia hamaoroa, ia gwau, “Egu natuna e, guna egu ura bada be lau sibona ese Lohiabada egu Dirava ena Dubu do lau haginia, iena Ladana hanamoa totona. \v 8 To Lohiabada ese lau ia hamaoroa, lau ese taunimanima momo lau alaia vadaeni, bona lau tuari nega momo. Ma Lohiabada ese lau ia hamaoroa, unai taunimanima momo edia rarana lau habubua dainai, lau ese iena Dubu do lau haginia lasi. \v 9 To ia ese lau dekenai gwauhamata ia karaia, ia gwau, ‘Davida e, oi ese natuna tau ta do oi havaraia, bona ia be maino tauna do ia lao. Mai maino danu iena basileia do ia biagua, badina ia do idia tuari henia bese taudia dekena amo maino bona laga-ani do lau henia. Iena ladana do idia atoa Solomona, bona ia be king neganai, lau ese Israela dekenai maino bona laga-ani do lau henia. \p \v 10 “ ‘Solomona ese Dubu Helaga, lau Lohiabada totona do ia haginia. Ia be lauegu natuna do ia lao, bona lau be iena tamana do lau lao. Bona iena basileia ena king siahuna be Israela ena latanai do lau haginia ela bona hanaihanai.’ ” \p \v 11 Ma Davida ia gwau, “Egu natuna e, Lohiabada ese oi dekenai do ia noho, bona Lohiabada, oiemu Dirava ena Dubu Helaga do oi haginia haorea, ia ese ia gwauhamata do oi karaia hegeregerena. \v 12 Lau ura Lohiabada ese aonega bona lalona kehoa be oi dekenai do ia henia, vadaeni Israela ena king do oi lao neganai, Lohiabada oiemu Dirava ena Taravatu do oi badinaia momokani. \v 13 Bema Lohiabada ese Israela totona Mose dekenai ia henia taravatu ibounai oi kamonai henia neganai, oi be do oi kwalimu. Do oi goada, bona do oi boga auka. Do oi gari lasi, bona do oi manoka lasi. \p \v 14 “Mai egu hekwarahi bada danu Lohiabada ena Dubu Helaga haginia totona kohu momo lau abia hegaegae vadaeni, golo ena metau 3400 toni, siliva ena metau 34,000 toni, bona auri laboralabora bona auri, ena metau duahia diba lasi, ia momo herea dainai. Au bona nadi momo lau abia hegaegae vadaeni, to oi ese haida ma do oi haboua. \v 15 Oiemu gaukara taudia be momo herea: Nadi utua taudia, nadi haginia taudia, kamuta taudia, bona imana dekenai gaukara taudia idauidau momo herea. \v 16 Idia be golo bona siliva bona auri laboralabora bona auri dekenai idia gaukara diba namo herea. Vadaeni, harihari oi toreisi, oi gaukara! Bona Lohiabada ese oi dekenai do ia noho.” \p \v 17 Davida ese danu Israela lohia taudia ibounai ia oda henia, idia ese iena natuna tau Solomona do idia durua. Ia gwau, \v 18 “Lohiabada, emui Dirava, be umui dekenai ia noho, ani? Ia ese umui dekenai maino ia henia vadaeni kahana ibounai dekenai, ani? Badina Lohiabada ese lau ia durua, vadaeni inai tano dekenai guna idia noho taudia ibounai be lau ese lau halusia, bona hari idia be Lohiabada bona iena bese taudia emui siahu henunai. \v 19 Harihari mai emui kudouna bona mai emui laumana edia goada ibounai danu Lohiabada, emui Dirava do umui tahua. Do umui toreisi, Lohiabada Dirava ena Dubu Helaga do umui haginia hamatamaia. Unai murinai umui ese Lohiabada ena Taravatu Maua bona Dirava ena gau helagadia be Dubu Helaga lalonai do umui mailaia vareai. Unai Dubu Helaga be Lohiabada ena Ladana hanamoa totona do ia noho.” \c 23 \p \v 1 Davida ia buruka, bona iena mauri lagani be momo herea neganai, ia ese iena natuna tau Solomona be Israela ena king ia halaoa. \s1 Levi taudia edia gaukara \p \v 2 Davida ese Israela lohia taudia, bona hahelagaia taudia, bona Levi taudia, ibounai ia haboua. \v 3 Levi taudia, edia mauri lagani 30 idia hanaia taudia, be ia duahia, ibounai be 38,000. \v 4 Davida ia gwau, “Inai Levi taudia edia gaukara be inai: Idia 24,000 be Lohiabada ena Dubu Helaga naria gaukara do idia karaia. Idia 6000 be buka naria gaukara bona kota biaguna gaukara danu do idia karaia. \v 5 Idia 4000 ese Dubu Helaga gimaia gaukara do idia karaia, bona ma 4000 be gita bamona gaudia, bona miusiki gaudia, lau ese lau karaia gaudia, dekena amo Lohiabada do idia hanamoa.” \p \v 6 Davida ese Levi taudia be orea toi dekenai ia haridia, Geresone, Kohata, bona Merari, edia bese hegeregerena. \p \v 7 Geresone ena natuna tau be Ladana bona Simei. \v 8 Ladana ena natuna tau be toi, Iehiele, Setama bona Ioela. Iehiele be edia lohia. \v 9 Simei ena natuna tau be toi, Selomoto, Hasiele, bona Harana. Idia be Ladana ena iduhu edia lohia taudia. \v 10 Ma Simei ena natuna tau be 4, Iahata, Sina, Ieusu, bona Beraia. \v 11 Iahata be edia lohia tauna, bona iena iharuana be Sina. To Ieusu bona Beraia edia natudia tau be momo lasi. Unai dainai idia be iduhu tamona sibona idia gwauraia. \p \v 12 Kohata ena natuna tau be 4, Amarama, Isahara, Heberona bona Usiele. \v 13 Amarama ena natuna tau be Arona bona Mose. Arona bona iena bese taudia be Lohiabada ese ia abia hidi, idia ese Dubu ena helaga herea gaudia do idia hahelagaia, boubou gaudia Lohiabada dekenai do idia henia, bona muramura mai bonana namona Lohiabada ena vairanai do idia gabua, ela bona hanaihanai. Ma idia ese Lohiabada ena tomadiho gaukara do idia karaia, bona Lohiabada ena ladana dekenai taunimanima do idia hanamoa. \p \v 14 To Mose, Dirava ena tau, ena natuna tau be Levi orea taudia danu idia haboua. \v 15 Mose ena natuna tau be rua, Geresome bona Eliesere. \v 16 Geresome ena natuna tau edia lohia be Sebuele. \v 17 Eliesere ena natuna be tamona sibona, Rehabaia, to Rehabaia be mai ena natuna tau momo herea. \p \v 18 Kohata ena natuna iharuana, Isahara ena natuna tau be Selomiti, iduhu ena lohia tauna. \v 19 Kohata ena natuna ihatoina, Heberona ena natuna tau ibounai be 4, Ieraia, Amaraia, Iahasiele, bona Iekameama. \v 20 Kohata ena natuna namba 4, Usiele ena natuna tau be rua, Mika bona Isihaia. \p \v 21 Merari ena natuna tau be rua, Mali bona Musi. Mali danu ena natuna tau be rua, Eleasara bona Kisa. \v 22 Eleasara ia mase neganai ia be mai ena natuna tau lasi, to natuna hahine sibona. Vadaeni inai natuna hahine taudia ese idia edia varavara, Kisa ena natuna tau, idia adavaia. \v 23 Musi ena natuna tau be toi, Mali, Edere, bona Ieremoto. \p \v 24 Levi ena bese taudia be unai, edia iduhu ta ta dekenai. Idia be edia iduhu edia lohia taudia, bona idia ta ta, edia mauri lagani 20 idia hanaia vadaeni taudia be buka lalonai edia ladadia idia torea vadaeni, Lohiabada ena Dubu Helaga ena gaukara do idia karaia totona. \p \v 25 Badina be Davida ia gwau, “Lohiabada, Israela ena Dirava, ese iena bese taudia dekenai maino ia henia, bona ia, Dirava be Ierusalema dekenai do ia noho ela bona hanaihanai. \v 26 Unai dainai Levi taudia ese Palai Dubu, bona iena gaukara kohu, do idia huaia lou lasi.” \p \v 27 Davida do ia mase lasi neganai, iena hereva dokona ta be Levi taudia, edia mauri lagani 20 idia hanaia taudia ibounai be gaukara totona edia ladana do idia torea. \v 28 Edia gaukara be inai: Arona ena bese taudia do idia durua, Lohiabada ena Dubu Helaga ena tomadiho gaukara totona, Dubu ena ariara magu bona daiutu do idia naria, gau helagadia do idia hagoevaia, bona Dirava ena Dubu Helaga ena gaukara idauidau do idia karaia. \v 29 Bona paraoa helagana, bona boubou totona paraoa, bona idia hatubua lasi paraoa keke, bisikesi, bona olive dehoro dekenai idia mikisi paraoa boubouna, bona inai gau ibounai edia bada bona edia metau, be Levi taudia ese do idia karaia bona naria. \p \v 30 Daba ibounai bona adorahi ibounai, Levi taudia ese do idia gini, Lohiabada do idia hanamoa, bona iena ladana do idia abia isi. \v 31 Sabati Dinadia, Hua Matamata Aria neganai, o Dubu ena aria ta neganai, Levi taudia ese inai Lohiabada hanamoa gaukara do idia karaia. Taravatu ese ia gwauraia Levi taudia hida ese inai gaukara do idia karaia hegeregerena, do idia karaia. Levi taudia danu edia gaukara be Lohiabada do idia tomadiho henia noho nega ibounai. \p \v 32 Unai dainai Levi taudia ese Palai Dubu bona Helaga Gabuna naria gaukara do idia karaia noho, bona edia tadikakadia Arona ena bese taudia edia henunai, hesiai gaukara do idia karaia, Lohiabada ena Dubu Helaga lalonai. \c 24 \s1 Hahelagaia taudia edia gaukara \p \v 1 Arona ena bese ena orea be inai: Arona ena natuna be Nadaba, Abihu, Eleasara bona Itamara. \v 2 To edia tamana do mauri neganai, Nadaba bona Abihu idia mase, mai edia natudia tau ta lasi. Unai dainai Eleasara bona Itamara be hahelagaia taudia idia lao. \p \v 3 Vadaeni Eleasara ena bese tauna ta, ladana Sadoka, bona Itamara ena bese tauna ta, ladana Ahimeleka, ese Davida idia durua, bona Davida ese Arona besena be orea ta ta dekenai ia haridia, bona orea ta ta dekenai edia gaukara ia henia. \p \v 4 Eleasara ena bese lalonai lohia taudia be momo dainai, Eleasara ena orea ibounai be 16. To Itamara ena bese lalonai lohia taudia be momo lasi dainai, Itamara ena orea ibounai be 8 sibona. Orea ta ta be mai edia lohia tauna. \p \v 5 Eleasara besena bona Itamara besena ruaosi be mai edia Helaga Gabuna naria taudia, bona mai edia Dirava ena hereva hadibaia taudia. Unai dainai tau ta ta dekenai dagi henia dalana be laki gadara dekena amo. \v 6 Eleasara bese taudia bona Itamara bese taudia ese laki nadi idia gadaralaia hedava, bona laki ese ia gwauraia hegeregerena, unai lohia taudia edia ladadia be Semaia Netanele, Levi tauna ta ese buka dekenai ia torea. Inai kara ibounai idia itaia noho taudia be king, king ena opesa taudia, hahelagaia taudia Sadoka bona Ahimeleka Abiatara, bona hahelagaia taudia bona Levi taudia edia iduhu lohia taudia danu. \p \v 7-18 Unai orea 24 edia lohia taudia, laki ese ia abia hidi tauna ginigunana ela bona ia abia hidi tauna dokona, edia dagi do idia abia totona, be inai bamona: \tr \tc1 1. \tc2 Iehoiaribi \tc3 2. \tc4 Iedaia \tr \tc1 3. \tc2 Harimi \tc3 4. \tc4 Seorimi \tr \tc1 5. \tc2 Malekaia \tc3 6. \tc4 Miamini \tr \tc1 7. \tc2 Hakoso \tc3 8. \tc4 Abaisa \tr \tc1 9. \tc2 Iesua \tc3 10. \tc4 Sekanaia \tr \tc1 11. \tc2 Eliasibi \tc3 12. \tc4 Iakimi \tr \tc1 13. \tc2 Hupa \tc3 14. \tc4 Iesebeaba \tr \tc1 15. \tc2 Biliga \tc3 16. \tc4 Imere \tr \tc1 17. \tc2 Hesiri \tc3 18. \tc4 Hapisese \tr \tc1 19. \tc2 Petahaia \tc3 20. \tc4 Iehesekele \tr \tc1 21. \tc2 Iakini \tc3 22. \tc4 Gamulu \tr \tc1 23. \tc2 Delaia \tc3 24. \tc4 Masaia \p \v 19 Inai lohia taudia ta ta edia gaukara ena maka be unai bamona, bona Dubu Helaga idia raka vareai neganai, Lohiabada, Israela ena Dirava ese edia sene tauna Arona ia oda henia hegeregerena gaukara idia karaia. \s1 Levi bese taudia orena edia lisi \p \v 20 Levi besena orena edia lohia taudia be inai: \q1 Amarama ena natuna tau dekena amo: Subaele. \q1 Subaele ena natuna tau dekena amo: Iehedeia. \q1 \v 21 Rehabaia ena natuna tau dekena amo: Isihaia. \q1 \v 22 Isihara ena natuna tau dekena amo: Selemoto. Selemoto ena natuna tau dekena amo: Iahata. \q1 \v 23 Heberona ena natuna tau be inai: Ieraia, lohia tauna, iharuana be Amaraia, ihatoina be Iahasiele, bona namba 4 be Iekameama. \q1 \v 24 Usiele ena natuna tau: Mika. \q1 Mika ena natuna tau: Samiri. \q1 \v 25 Mika ena tadina be Isihaia, unai dainai \q1 Isihaia ena natuna tau dekena amo: Sekaraia. \q1 \v 26 Merari ena natuna tau be Mali bona Musi, ma Iasaia danu. \q1 Iasaia ena natuna tau be Beno. \q1 \v 27 Merari ena natuna tau, \q1 Iasaia dekena amo: \q1 Beno, Sohama, Sakuru, bona Ibiri. \q1 \v 28 Mali dekena amo: Eleasara, bona ia be natuna tau ta lasi. \q1 \v 29 Kisa ena natuna tau dekena amo: Ierahamele. \q1 \v 30 Musi ena natuna tau be Mali, Edere, Ierimoto. \p Unai be Levi bese taudia, edia iduhu ta ta dekenai. \p \v 31 Edia dagi do idia davaria totona, inai Levi taudia ese edia varavara Arona bese taudia edia kara hegeregerena idia karaia, laki gadara dekena amo. Idia ese unai laki idia karaia neganai king Davida, Sadoka, Ahimeleka, hahelagaia taudia, bona Levi taudia edia bese lohia taudia ese idia itaia noho. Bese ta ena vara guna tauna bona unai bese ena vara gabeai tauna, be maka tamona dekenai inai dagi abia hidi gaukara idia karaia. \c 25 \s1 Ane abia taudia edia orea \p \v 1 King Davida bona Levi gunalaia taudia ese Levi iduhu haida idia abia hidi, miusiki dekenai Dirava ena peroveta hereva do idia gwauraia hedinarai totona, gita badadia bona maragidia bona tareko dekena amo. Idia gwauraia iduhu be inai: Asapa, Hemana, bona Iedutunu. Inai bamona tomadiho gaukara totona idia abia hidi taudia edia ladana, bona edia gaukara be inai: \m \v 2 Asapa ena natuna tau dekena amo: \mi Sakuru, Iosepa, Netanaia bona Asarela. Idia be Asapa ena natuna, bona Asapa ese idia ia biagua. Asapa ese Dirava ena hereva ia gwauraia, king ese ia oda henia negadia ibounai. \m \v 3 Iedutunu ena natuna tau dekena amo: \mi Gedalaia, Seri, Iesaia, Simei, Hasabaia, bona Matitaia, ibounai be 6. Edia tamana ese idia ia gunalaia, bona idia ese Lohiabada hanamoa totona, Dirava ena hereva idia gwauraia hedinarai, mai ane abia, bona mai gita badadia edia regena namona danu. \m \v 4 Hemana ena natuna tau dekena amo: \mi Bukaia, Matanaia, Usiele, Sebuele, Ierimoto, Hananaia, Hanani, Eliata, Gidaloti, Romamati Esere, Iosobekasa, Maloti, Hotiri bona Mahasioto. \v 5 Unai ibounai be Hemana, king ena peroveta tauna, ena natuna. Dirava ese Hemana dekenai inai natuna tau 14 bona natuna kekeni 3 ia henia, iena gwauhamata hegeregerena, Hemana dekenai siahu do ia henia totona. \p \v 6 Inai tau ibounai be edia tamadia ese idia gunalaia, bona idia ese Lohiabada ena Dubu Helaga ena tomadiho totona miusiki idia karaia, gita badadia bona maragidia, bona tareko dekena amo. Inai gaukara be Asapa, Iedutunu bona Hemana ese idia karaia, king ena oda ibounai hegeregerena. \p \v 7 Inai tau ibounai 24 be miusiki diba momo taudia, bona edia varavara Levi taudia ibounai danu be Lohiabada ena ane abia dekenai idia manada vadaeni. Inai tau ibounai be 288. \p \v 8 Idia ibounai be laki idia gadara, ta ta edia gaukara, edia gaukara do idia abia totona. Maragidia bona badadia, diba tahua taudia bona hadibaia taudia, be maka tamona dekenai inai abia hidi gaukara idia karaia. \p \v 9-31 Inai tau ibounai 288 be edia bese hegeregerena orea 24 dekenai idia haridia. Orea ta ta be tau 12, bona inai orea ta ta be mai edia gunalaia tauna. Laki ese ia gwauraia edia orea ta ta gunalaia taudia, bona edia gaukara ena nega bona maka be inai: \q1 1. Iosepa, Asapa ena bese tauna. \q1 2. Gedalaia \q1 3. Sakuru \q1 4. Seri \q1 5. Netanaia \q1 6. Bukaia \q1 7. Iesarela \q1 8. Iesaia \q1 9. Matanaia \q1 10. Simei \q1 11. Asarele \q1 12. Hasabaia \q1 13. Subaele \q1 14. Matitaia \q1 15. Ieremoto \q1 16. Hananaia \q1 17. Iosobekasa \q1 18. Hanani \q1 19. Maloti \q1 20. Eliata \q1 21. Hotiri \q1 22. Gidaloti \q1 23. Mahasioto \q1 24. Romamati Esere. \c 26 \s1 Dubu Helaga gimaia taudia \p \v 1 Levi taudia, Dubu Helaga do idia gimaia taudia edia orea be inai: \q1 Kora iduhu dekena amo: \q1 Meselemaia Kore, Asapa ena natuna tau ta. \q1 \v 2 Meselemaia ena natuna tau be 7, bona vara guna ela bona vara gabeai, edia ladana be inai: Sekaraia, Iediaele, Sebadaia, Iataniele, \v 3 Elama, Iehohanana, bona Eliahoenai. \q1 \v 4 Obeda Edoma be Dirava ese ia hanamoa dainai, iena natuna tau be 8, bona vara guna ela bona vara gabeai, edia ladana be inai: Semaia, Iehosabada, Ioa, Sakara, Netanele, \v 5 Amiele, Isakara bona Peuletai. \q1 \v 6 Obeda Edoma ena vara guna natuna Semaia ena natuna tau be 6, bona idia be mai edia diba momo dainai, idia be edia iduhu kwarana taudia. \v 7 Semaia ena natuna tau be Otini, Repaele, Obeda, Elisabada, Elihu bona Semakaia. Inai Elihu bona Semakaia be mai edia diba bada herea. \v 8 Obeda Edoma ena bese dekena amo diba momo bona goada taudia ibounai 62 ese inai gimaia gaukara idia karaia. \q1 \v 9 Meselemaia ena bese dekena amo danu be goada taudia 18 ese inai gaukara idia karaia. \q1 \v 10 Merari iduhu dekena amo, tau ta ladana Hosa danu ena natuna tau be 4: Simiri (ia be vara guna lasi, to iena tamana ese lohia tauna ia halaoa), \v 11 Hilekaia, Tebalaia, bona Sekaraia. Hosa ena bese dekena amo tau ibounai 13 ese Dubu Helaga gaukara idia karaia. \p \v 12 Dubu Helaga gimaia taudia be edia bese hegeregerena, orea haida idia gwauraia, bona inai orea ta ta dekenai Dubu Helaga ena gaukara idia henia, Levi taudia haida dekenai edia gaukara idia henia bamona. \v 13 Bese ta ta ibounai, badadia o maragidia, ese laki idia gadara, bona inai laki ese ia hedinaraia edena iduara, edena iduara do idia gimaia. \p \v 14 Selemaia ese laki dekena amo dina daekau kahana iduara ia abia, bona iena natuna tau Sekaraia ese laki dekena amo mirigini kahana iduara ia abia. Inai Sekaraia ese nega ibounai sisiba namona dekena amo taunimanima ia hagoadaia noho. \v 15 Obeda Edoma be laki ese ia abia hidi, diho kahana iduara do ia gimaia, bona iena natuna tau be sitoa ruma idia gimaia. \v 16 Supima bona Hosa be dina diho kahana iduara bona Salekete iduara idia abia. Salekete iduara be ia daekau lao dala dekenai ia noho. Gima taudia ese edia nega, edia nega dekenai gimaia gaukara idia karaia. \p \v 17 Dina ia daekau kahana dekenai Levi taudia 6 be dina ta ta dekenai idia gini noho, mirigini kahanai be 4, dina ta ta dekenai, diho kahanai danu be 4, dina ta ta dekenai. Bona sitoa rumadia dekenai gima taudia 4 idia gini, sitoa ta rua, sitoa ta rua. \p \v 18 Dina ia diho kahana Dubu ena dehe kahirakahira ia noho dala dekenai be gima taudia 4, bona dehe dekenai be rua. \p \v 19 Dubu Helaga gimaia taudia edia orea be unai. Idia be Kora iduhu bona Merari iduhu dekena amo taudia. \s1 Dubu Helaga naria gaukara haida \p \v 20 Ahaisa, Levi iduhu tauna, ese Dirava ena Dubu kohu bona harihari gaudia helagadia haboua rumadia ia naria. \p \v 21 Ladana be Geresone ena natuna tau ta. Inai Ladana be bese haida edia sene tauna, iena natuna tau, Iehieli ena bese danu. \p \v 22 Iehieli ena natuna tau Setama bona Ioela ese Lohiabada ena Dubu Helaga ena moni haboua rumana bona sitoa naria gaukara idia karaia. \p \v 23 Inai bamona gaukara danu be Amarama, Isahara, Heberona, bona Usiele iduhu dekena amo taudia dekenai idia henia: \p \v 24 Sebuele, Mose ena natuna tau, Geresome ena iduhu tauna ta, ese Dubu Helaga ena moni haboua rumana ena biaguna dagi ia abia. \v 25 Sebuele be Selomiti ena varavara ta, Geresome ena tadina Eliesere dekena amo. Badina be inai: Eliesere be Rehabaia ena tamana. Rehabaia be Iesaia ena tamana. Iesaia be Iorama ena tamana. Iorama be Sikiri ena tamana, bona Sikiri be Selomiti ena tamana. \p \v 26 Selomiti bona iena tadikakana taudia ese Dirava dekenai henia harihari gaudia, be haboua rumana dekenai idia naria. Inai harihari gaudia be king Davida, bese lohia taudia, iduhu lohia taudia, bona tuari biagudia ese idia hahelagaia, Dirava ena. \v 27 Tuari dekenai idia abia kohu dekena amo, idia ese haida be harihari gaudia idia hahelagaia, bona Lohiabada ena Dubu Helaga lalonai idia atoa. \v 28 Bona peroveta tauna Samuela, bona Saulo Kisa, bona Abinere Nere, bona Ioaba Seruia ese idia hahelagaia gaudia danu. Unai harihari gaudia helagadia ibounai be Selomiti bona iena tadikakana danu ese idia naria. \s1 Levi taudia ma haida edia gaukara \p \v 29 Isahara iduhu dekena amo, Kenanaia bona iena natuna tau idia abia hidi, Dubu ena murimurinai gaukara do idia karaia. Buka torea gaukara, bona kota biaguna gaukara Israela taudia edia huanai idia karaia. \p \v 30 Heberona iduhu dekena amo, Hasabaia bona iena tadikakana danu, bona diba momo taudia ibounai 1700, ese Israela tano, Ioridane Sinavai ena dina diho kahanai do idia naria, Lohiabada ena gaukara ibounai totona, bona king ena gaukara totona. \p \v 31 Ieraia be Heberona iduhu ena lohia tauna. Davida ena king lagani namba 40 lalonai ia ese Heberona besena edia sivarai ia tahua, bona diba momo bona goada taudia Iasere, Gileada ena hanua ta dekenai ia davaria. \v 32 Vadaeni king Davida ese Ieraia bona iena varavara taudia danu, diba momo taudia 2700, iduhu kwarana taudia, ia abia hidi. Inai taudia be Davida ese ia siaidia lao, Rubena iduhu, bona Gado iduhu bona Manase iduhu kahana taudia, do idia biagua, Dirava ena gaukara ibounai totona, bona king ena gaukara totona danu. \c 27 \s1 Israela basileia idia naria taudia \p \v 1 Israela taudia edia iduhu lohia taudia bona tuari orea edia biagudia, bona king ena hesiai gaukara idia karaia opesa taudia edia ladadia be inai. Tuari orea be 12, bona lagani ibounai lalonai, hua ta ta dekenai, orea ma ta ese basileia naria gaukara idia karaia, edia nega, edia nega dekenai. Tuari orea ta ta edia tuari taudia be 24,000. \b \m \v 2 Orea ginigunana, hua ginigunana dekenai ia gaukara oreana ena biaguna be Iasobeama Sabidiele. Iena orea taudia be ibounai 24,000. \v 3 Ia be Perese ena bese tauna ta, bona ia ese tuari lohia ibounai ia biagua, hua ginigunana dekenai. \m \v 4 Hua iharuana dekenai ia gaukara orea ena biaguna be Dodai, Ahohi tauna. Mikiloto be iena iharuana. Dodai ena orea taudia be ibounai 24,000. \m \v 5 Hua ihatoina dekenai ia gaukara orea ena biaguna be Benaia, hahelagaia tauna Iehoiada ena natuna tau. Benaia ena orea taudia be ibounai 24,000. \v 6 Inai Benaia be goada herea tauna ta. Ia be Davida ena “Tuari Taudia Goadadia 30” edia memba ta. Bona ia ese unai “30” ia gunalaia. Benaia ena natuna tau Amisabada ese iena orea ia gunalaia. \m \v 7 Hua namba 4 dekenai ia gaukara orea ena biaguna be Asahele, Ioaba ena tadina. Asahele ena natuna tau, Sebadaia ese inai orea ia gunalaia, iena tamana ena gabu dekenai. Asahele ena orea taudia ibounai be 24,000. \m \v 8 Hua namba 5 dekenai ia gaukara orea ena biaguna be Samahutu, Isiraha tauna. Samahutu ena orea taudia ibounai be 24,000. \m \v 9 Hua namba 6 dekenai ia gaukara orea ena biaguna be Ira, Ikese, Tekoa tauna ena natuna. Ira ena orea taudia ibounai be 24,000. \m \v 10 Hua namba 7 dekenai ia gaukara orea ena biaguna be Helese, Pelono tauna, Eparaima tano dekena amo. Helese ena orea taudia ibounai be 24,000. \m \v 11 Hua namba 8 dekenai ia gaukara orea ena biaguna be Sibikai, Husata tauna. Ia be Sera iduhu dekena amo. Sibikai ena orea taudia ibounai be 24,000. \m \v 12 Hua namba 9 dekenai ia gaukara orea ena biaguna be Abiesere, Anatoto tauna, Beniamina iduhu tauna. Abiesere ena orea taudia ibounai be 24,000. \m \v 13 Hua namba 10 dekenai ia gaukara orea ena biaguna be Maharai, Netopa tauna. Ia be Sera iduhu tauna ta. Maharai ena orea taudia ibounai be 24,000. \m \v 14 Hua namba 11 dekenai ia gaukara orea ena biaguna be Benaia, Piratono tauna, Eparaima iduhu dekena amo. Benaia ena orea taudia ibounai be 24,000. \m \v 15 Hua namba 12 dekenai ia gaukara orea ena biaguna be Heledai, Netopa tauna. Ia be Otoniele ena bese tauna, Heledai ena orea taudia ibounai be 24,000. \s1 Israela ena iduhu naria taudia \p \v 16 Israela ena iduhu naria taudia be inai: \q1 Rubena iduhu: Eliesere Sikiri \q1 Simeona iduhu: Sepataia Maka \q1 \v 17 Levi iduhu: Hasabaia Kemuela \q1 Arona iduhu: Sadoka \q1 \v 18 Iuda iduhu: Elihu, Davida ena kakana ta. \q1 Isakara iduhu: Omeri Mikaela \q1 \v 19 Sebuluno iduhu: Isimaia Obadaia \q1 Napatali iduhu: Ieremoto Asariele \q1 \v 20 Eparaima iduhu: Hosea Asasaia \q1 Manase iduhu kahana: Ioela Pedaia \q1 \v 21 Manase iduhu kahana (Gileada): Ido Sekaraia \q1 Beniamina iduhu: Iasiele Abinere \q1 \v 22 Dano iduhu: Asarele Ierohama \m Israela ena iduhu lohia taudia be unai. \p \v 23 Davida ese edia mauri lagani 20 idia do abia lasi taudia ia duahia lasi, badina Lohiabada ese ia gwauhamata vadaeni, ia ese Israela taudia edia namba do ia habadaia, guba ena hisiu idia momo herea hegeregerena. \v 24 Ioaba Seruia ese taunimanima duahia gaukara ia hamatamaia, to ia haorea lasi. Inai taunimanima duahia gaukara dainai Dirava ese Israela ia badu henia. Unai dainai king Davida ena Sivarai Buka lalonai taunimanima edia namba idia torea lasi. \s1 King ena kohu naria taudia \p \v 25 King ena kohu naria taudia be inai: \p Asamavete Adiele ese king ena kohu haboua rumadia ia naria. \p Ionatana Usaia ese tano kahana ibounai dekenai, hanua badadia bona maragidia dekenai, bona kohoro dekenai noho kohu haboua rumadia ia naria. \p \v 26 Uma gabu bona biru taudia ia naria tauna be Esiri Kelubu. \p \v 27 Vain audia edia uma gabudia naria tauna be Simei, Ramata tauna. \p Vain huahua ena ranu idia haboua gabudia be Sabidi, Sipimi tauna ese ia naria. \p \v 28 Olive audia bona fig audia, dina diho kahana tano palaka dekenai idia vara, be Bala Hanana, Gedere tauna, ese ia naria. \p Bona olive huahua ena dehoro idia haboua gabudia be Ioasa ese ia naria. \p \v 29 Sitirai, Sarona tauna ese boromakau oreadia be Sarona tano palaka dekenai ia naria. Bona koura dekenai noho boromakau oreadia be Sapata, Adelai ena natuna ese ia naria. \p \v 30 Kamelo ia naridia tauna be Obili, Isamaela tauna ta, bona doniki ia naridia tauna be Iehedeia, Merenoto tauna. \p Mamoe bona nanigosi oreadia be Iasisi, Hagere tauna ese ia naria . \p \v 31 Inai taudia ibounai ese king Davida ena kohu idia naria. \s1 Davida dekenai sisiba idia henia taudia \p \v 32 Ionatana, Davida ena tamana maragi, be sisiba henia tauna mai aonega danu. Ionatana danu be taravatu hadibaia tauna ta. Ia bona Iehiele, Hakamoni ena natuna, ese king ena natuna idia hadibaia. \v 33 Ahitopela ese Davida ia sisiba henia, bona ia hagoadaia, bona Husai, Araki tauna be king Davida ena turana. \v 34 Ahitopela ena gabuna be Iehoiada Benaia bona Abiatara ese idia abia. \p Ioaba be king ena tuari orea ena biaguna. \c 28 \s1 Davida ese Solomona dekenai Dubu Helaga haginia dalana ia hadibaia \p \v 1 King Davida ese Israela ena lohia taudia ibounai ia oda henia, Ierusalema dekenai do idia haboua mai. Vadaeni iduhu ta ta edia lohia taudia, king ena tuari orea biagudia, tuari taudia 1000 bona tuari taudia 100 edia biagudia, king bona iena natuna edia kohu, bona iena boromakau ibounai naria taudia, bona king ena ruma naria taudia, king ena tuari goada herea taudia, bona tau badadia ibounai be Ierusalema dekenai idia haboua. \p \v 2 Davida ese idia edia vairanai ia gini, bona ia hereva, ia gwau, “Egu tadikakana bona egu basileia taudia e, egu hereva do umui kamonai. Guna egu kudouna lalonai lau ura Dubu ta do lau haginia, Lohiabada ena Taravatu Maua atoa gabuna, bona Lohiabada, iseda Dirava ena aena do ia atoa gabuna totona. Bona lau ese unai dubu haginia dalana lau karaia hegaegae. \v 3 To Dirava ese lau ia hamaoroa, ia gwau, ‘Lauegu Ladana hanamoa totona ena Dubu ta do oi haginia lasi, badina oi be tuari tauna, bona oi ese rara momo herea oi habubua vadaeni.’ \p \v 4 “To Lohiabada, Israela ena Dirava ese egu tamana ena bese taudia ibounai dekena amo lau ia abia hidi, Israela ena king do lau lao, ela bona hanaihanai. Lohiabada ese Iuda iduhu dekena amo gunalaia tauna ia abia hidi. Ia ese Iuda iduhu dekena amo egu tamana ena ruma ia abia hidi, bona egu tamana ena natuna edia huanai dekena amo lau dekenai ia laloa namo henia, Israela ibounai ena king do lau lao totona. \v 5 Lohiabada ese lau dekenai natuna tau momo ia henia, bona idia ibounai edia huanai dekena amo, ia ese Solomona ia abia hidi vadaeni, Israela ena king dagi do ia abia totona, bona Israela be Lohiabada ena basileia. \p \v 6 “Lohiabada ese lau ia hamaoroa, ia gwau, ‘Oiemu natuna, Solomona ese egu Dubu Helaga bona egu magu do ia haginia. Lau ese ia lau abia hidi vadaeni, ia be egu natuna do ia lao, bona lau be iena tamana do lau lao. \v 7 Bema Solomona ese egu oda bona egu Taravatu do ia kamonai henia nega ibounai, hari ia karaia noho hegeregerena, lau ese iena basileia do lau haginia ela bona hanaihanai.’ ” \p \v 8 Ma Davida ia gwau, “Unai dainai harihari Israela taudia ibounai, Lohiabada ena orea taudia edia vairanai, bona Dirava ena vairanai, Lohiabada, emui Dirava ena oda ibounai do umui badinaia, bona do umui tahua, vadaeni inai tano namona do umui abia noho, emui tano. Bona inai tano be emui natudia bona edia natudia danu, uru ibounai, do idia dogoatao noho, ela bona hanaihanai.” \p \v 9 Ma Davida ese Solomona ia hamaoroa, ia gwau, “Egu natuna e, oiemu tamana ena Dirava dekenai do oi manada momokani, bona iena hesiai gaukara do oi karaia mai oiemu kudouna ibounai, bona mai oiemu lalona tamona danu. Dirava ese iseda laloa ibounai bona iseda ura ibounai ia diba. Bema oi ese Lohiabada oi tahua, ia ese oi do ia abia dae, to bema ia dekena amo oi raka siri, ia ese oi do ia rakatania ela bona hanaihanai. \v 10 Harihari do oi laloa namonamo, Lohiabada ese oi ia abia hidi vadaeni, iena Dubu Helaga do oi haginia totona. Unai dainai hari inai gaukara do oi karaia, bona mai laloa goada danu do oi karaia.” \p \v 11 Davida ese Dubu Helaga ena ruma ibounai edia palani be Solomona dekenai ia henia. Dubu raka vareai gabuna bona rumadia, kohu haboua daiutudia, bona ataiai daiutudia, bona lalona daiutudia, bona Helaga Herea Gabuna, kara dika gwauatao gabuna, edia palani ibounai ia henia. \v 12 Ma inai palani, Lauma ese ia henia gauna, be Davida ese Solomona dekenai ia henia: Lohiabada ena Dubu Helaga ena magudia, bona Dubu haba toi idia hagegea daiutudia, bona Dirava ena Dubu ena helaga gaudia haboua daiutudia, bona Lohiabada dekenai henia harihari gaudia haboua daiutudia danu. \p \v 13 Davida ese danu Solomona dekenai hahelagaia taudia bona Levi taudia edena bamona Dubu Helaga ena gaukara do idia karaia dalana ia hadibaia. Dubu Helaga ena helaga gaudia naria dalana danu ia hadibaia. \p \v 14 Ma danu, Dubu ena helaga gaudia karaia totona edia lalonai golo ena metau hida, bona siliva ena metau hida, do idia gaukaralaia, be Davida ese Solomona dekenai ia gwauraia, gaudia be inai: \v 15 Lamepa bona lamepa dogoatao gauna edia golo o siliva ena metau, \v 16 paraoa helagadia edia patadia, siliva gaudia, bona golo gaudia, edia golo o siliva ena metau. \v 17 Foka, kapusi bona uro karaia totona, golo goeva momokani hida do idia gaukaralaia danu be Davida ese ia gwauraia. Golo hida bona siliva hida be mereki karaia totona danu ia gwauraia. \p \v 18 Mai bonana namona muramura idia gabua pata helagana karaia totona golo goeva momokani ena metau hida danu be Davida ese ia gwauraia. Bona Lohiabada ena Taravatu Maua ena ataiai idia noho aneru, edia hanina kehoa, edia golo be hida danu. Inai kerubi aneru edia laulau be Dirava ena kariota bamona. \v 19 King Davida ia gwau, “Inai gaukara daladia ibounai be pepa dekenai idia torea vadaeni, Lohiabada sibona ese lau dekenai ia hadibaia hegeregerena.” \p \v 20 Vadaeni Davida ese iena natuna Solomona ia hamaoroa, ia gwau, “Do oi goada, do oi boga auka. Inai gaukara do oi hamatamaia, bona do oi gari lasi, o laloa manoka lasi. Badina be Dirava Lohiabada, egu Dirava, be oi danu ia noho. Ia ese oi do ia laloaboio lasi, bona ia ese oi do ia rakatania lasi. To oi dekenai do ia noho, ela bona Lohiabada ena Dubu Helaga ena gaukara ibounai do idia ore. \p \v 21 “Hahelagaia taudia bona Levi taudia edia orea ta ta, be Dirava ena Dubu Helaga ena gaukara totona idia hegaegae vadaeni. Gaukara taudia mai edia diba bona mai edia aonega idauidau ibounai ese idia ura bada oi do idia durua, bona edia gunalaia taudia ibounai ese oiemu oda ibounai do idia kamonai henia momokani.” \c 29 \s1 Dubu Helaga haginia totona harihari gaudia \p \v 1 King Davida ese hebou taudia ibounai ia hamaoroa, ia gwau, “Egu natuna Solomona be Dirava ese ia abia hidi, to ia be do eregabe, bona gaukara dekenai ia manada lasi. Gaukara danu be bada herea, badina inai ruma badana be taunimanima totona lasi, to Dirava Lohiabada totona. \v 2 Unai dainai, egu Dirava ena Dubu haginia totona kohu lau abia hegaegae vadaeni, egu goada hegeregerena: golo, golo gaukara totona, siliva, siliva gaukara totona, auri laboralabora, auri laboralabora gaukara totona, auri, auri gaukara totona, au, au gaukara totona, onuku nadidia, bona herahera nadidia, toana idauidau nadidia, davana bada nadidia idauidau, bona nadi mai edia diaridiari. \v 3 Ma inai danu, egu Dirava ena Dubu lau lalokau henia noho dainai, inai Dubu totona lau haboua kohu edia latanai, be lau sibona egu kohu korikori, golo bona siliva, be egu Dirava ena Dubu dekenai lau henia inai: \v 4 Golo namo herea ena metau 100 toni, bona siliva goeva momokani, ena metau 240 toni, Dubu ena habana koua totona. \v 5 To diba momo gaukara taudia do idia karaia helaga gaudia, golo bona siliva gaudia totona, be daika ese, lau bamona, mai ena lalokau danu harihari gaudia Lohiabada dekenai do ia henia?” \p \v 6 Vadaeni bese ta ta edia lohia taudia, bona iduhu gunalaia taudia, bona tuari orea taudia 1000 bona 100 edia tuari biagudia, bona king ena gaukara idia naria taudia ese mai laloa namo danu harihari gaudia idia henia. \v 7 Idia ese Dirava ena Dubu Helaga ena gaukara totona inai kohu idia henia: Golo ena metau 170 toni, siliva ena metau 340 toni, auri laboralabora ena metau 620 toni, bona auri ena metau 3,400 toni mai kahana. \v 8 Mai edia davana bada nadidia taudia ese Dubu Helaga ena harihari gaudia haboua ruma dekenai idia henia. Iehiele, Geresone iduhu tauna ese inai kohu haboua ruma ia naria. \v 9 Unai taunimanima ese mai edia laloa namo danu unai harihari gaudia momo Lohiabada dekenai idia henia dainai, idia be mai moale bada danu. King Davida ese danu ia moale bada herea. \s1 Davida ese Dirava ia hanamoa \p \v 10 Unai dainai, Davida ese hebou taudia ibounai edia vairanai Lohiabada ia hanamoa, ia gwau, \q1 “Lohiabada e, aiemai sene taudia edia Dirava, \q1 ai ese oi do ai hanamoa ela bona hanaihanai. \q1 \v 11 Lohiabada e, goada bona siahu bona hairai bona kwalimu, \q1 bona King ena toana be oiemu. \q1 Guba bona tanobada dekenai idia noho gaudia ibounai be oiemu. \q1 Oi be King momokani, \q1 basileia ibounai be oi ese oi biagua noho. \q1 \v 12 Kohu momo bona mataurai bada, \q1 be oi dekena amo idia mai noho. \q1 Gau ibounai oi biagua noho. \q1 Oiemu imana dekenai be goada bona siahu idia noho. \q1 Unai dainai oi ese taunimanima oi hagoadaia noho, \q1 bona idia oi hasiahua diba danu. \q1 \v 13 Aiemai Dirava, harihari ai ese oi dekenai ai tanikiu henia, \q1 bona oiemu ladana namo herea momokani ai hanamoa noho.” \p \v 14 Davida ese Lohiabada ma ia hanamoa, ia gwau, “To lau be daika, bona egu orea taudia be daika, vadaeni ai ese inai harihari gaudia bada herea ai henia diba? Badina be gau ibounai be oi dekena amo idia mai noho, bona oi sibona oiemu gau, be ma ai henia lou vadaeni oi dekenai. \v 15 Badina be oiemu vairana dekenai ai be idau taudia, bona iniseni do ai noho daudau lasi, aiemai sene taudia edia kara bamona. Aiemai mauri dinadia tanobada dekenai be laulau sibona bamona, bona mase dekena amo ai heau siri diba lasi. \p \v 16 “Lohiabada e, aiemai Dirava, inai kohu momo ai abia hegaegae vadaeni, oiemu Ladana helagana hanamoa totona Dubu Helaga do ai haginia gwauraia. To inai kohu ibounai be oi dekena amo ia mai, bona ia be oiemu kohu. \v 17 Egu Dirava e, lau diba oi ese taunimanima edia kudouna oi tohoa noho, bona kara maoromaoro taudia dekenai oi moale noho. Lohiabada e, mai egu laloa maoromaoro bona laloa namo danu inai gau ibounai lau henia vadaeni. Bona harihari oiemu bese taudia, iniseni idia haboua noho, lau itaia vadaeni, idia ese mai moale danu, harihari gaudia oi dekenai idia mailaia vadaeni. \p \v 18 “Lohiabada e, aiemai sene taudia Aberahamo bona Isako bona Iakobo edia Dirava e, inai bamona ura namona bona laloa namona oiemu bese taudia edia kudoudia lalonai do oi atoa noho, bona mani do ia doko lasi, do oi havaraia noho. Bona do oi durudia, idia ese nega ibounai oi sibona do idia badinaia. \v 19 Egu natuna Solomona danu do oi durua, ia ese mai ena kudouna ibounai danu oiemu oda bona oiemu hadibaia hereva do ia kamonai henia, bona ia ese Dubu Helaga, ena kohu lau ese lau abia hegaegae vadaeni totona gauna, be ia ese do ia haginia.” \s1 Solomona ese Davida ena gabuna ia abia \p \v 20 Vadaeni Davida ese hebou taudia ibounai ia oda henia, ia gwau, “Lohiabada, emui Dirava, do umui hanamoa.” Vadaeni hebou taudia ibounai ese Lohiabada, edia sene taudia edia Dirava idia hanamoa, edia kwaradia tano dekenai idia atoa diho, Lohiabada idia tomadiho henia. King ena vairanai danu idia tomadiho. \p \v 21 Bona unai hebou taudia ese boubou gaudia idia hahelagaia, Lohiabada ena. Daba rere neganai gabua bouboudia Lohiabada dekenai idia henia: Boromakau tau 1000, mamoe tau 1000, bona mamoe natudia 1000, bona uaina bouboudia danu idia henia. Boubou gaudia haida ma idia henia. Israela taudia ibounai edia ladanai inai bouboudia idia karaia. \v 22 Unai dainai unai dina dekenai Lohiabada ena vairanai idia aniani bona idia inuinu, mai edia moale bada danu. \p Unai neganai, nega iharuana dekenai, idia ese Solomona, Davida ena natuna tau, be king idia halaoa. Lohiabada ena ladana dekenai, edia bese ena king idia abia hidi, bona Sadoka danu be edia hahelagaia tauna idia abia hidi. \p \v 23 Vadaeni Solomona be Lohiabada ena terona ena latanai ia helai, iena tamana Davida ena gabuna dekenai. Solomona ena kara be ia namo lao noho, bona Israela taudia ibounai ese ia dekenai idia kamonai henia. \v 24 Lohia taudia ibounai bona goada taudia ibounai, bona king Davida ena natuna tau ibounai ese edia gwauhamata be king Solomona dekenai idia henia. \p \v 25 Lohiabada ese Israela taudia ibounai edia vairana dekenai Solomona ena sivarai ia habadaia, bona king ena hairaina namo herea ia henia. Iena king siahuna ese ia idia gunalaia Israela king ibounai edia siahuna ia hereaia momokani. \s1 King Davida ia mase \p \v 26 Davida, Iese ena natuna be Israela taudia ibounai edia king. \v 27 Iena lohia lagani Israela dekenai be 40. Lagani 7 lalonai ia be Heberona dekenai ia king, bona lagani 33 lalonai ia be Ierusalema dekenai ia king. \v 28 Vadaeni ia be tau buruka neganai ia mase, iena mauri lagani be momo, iena kohu be momo, bona taunimanima ese ia dekenai idia matauraia bada. Bona iena natuna tau Solomona ese king dagi ia abia, iena tamana ena gabu dekenai. \p \v 29 King Davida ena kara edia sivarai ibounai, edia matamana dekena amo ela bona edia dokona, be peroveta taudia toiosi, Samuela, Natana, bona Gadi edia Sivarai Bukadia edia lalonai idia torea vadaeni. \p \v 30 Inai Sivarai ese Davida ena lohia karadia, iena siahu, bona ia dekenai, Israela dekenai, bona unai tano ena basileia ibounai dekenai idia vara gaudia danu idia torea vadaeni.