\id MRK - Tuivang Holy Bible 
\h MARKA 
\toc1 Marka 
\toc2 Marka 
\toc3 Marka 
\mt1 Marka  
\c 1  
\s1 Baptisma Johan Ak Awi Kqawn  
\p
\v 1 Khawsa Capa, Jesu Khrih awithang leek ak kqannaak taw ve myihna awm hy.   
\p
\v 2 \x - \xo 1:2 \xt Mal. 3.1.\x*Tawngha Isaiah ing: “Ka ceityih ce na haiawh tyi law kawng nyngsaw, anih ing na lam ce qoek abah law kaw.   
\p
\v 3 \x - \xo 1:3 \xt Is. 40.3.\x*Ramkoh awh ak khy awi ing, 'Bawipa a lam ce qoek abah unawh, a lamkhqi ce dyng sak lah uh, a tice.   
\m
\v 4 Johan ce law nawh thawlh qeenkhaw ngainaak aham zutnaak baptisma akawng ce kqawn nawh qamkoh awh baptisma ce pehy.  
\v 5 Judah qam awhkaw thlangkhqi boeih ingkaw Jerusalem awhkaw thlangkhqi boeih ce anih a venna cet uhy. Ami thawlhnaakkhqi ce kqawn unawh, cekkhqi ce Johan ing Jordan long awh baptisma pek khqi hy.  
\v 6 \x - \xo 1:6 \xt 2 Kin. 1.8.\x*Johan ing kalauk myi hina bai nawh, ak cawi ce savyn ing zeen hy, khamkhawk ingkaw khawitui ce buh a an na ai hy.  
\v 7 Anih ing vemyihna kqawn hy: “Kai ahu na kai anglakawh ak bau khqoet thlang law hyn kaw, kai taw koep doena anih a khawmyk qui ak hlam peek aham awm am kawih nyng.  
\v 8 Kai ing nangmih ve tui ing baptisma ni pek khqi nyng, cehlai anih ingtaw Ciim Myihla ing baptisma ni pek khqi kaw,” tinawh kqawn hy.   
\s1 Jesu Baptisma A Huhnaak  
\p
\v 9 Cawh Jesu taw Kalili qam Nazareth khaw awhkawng law nawh Johan ing Jordan tui awh baptisma pehy.  
\v 10 Jesu tui awhkawng a hang law awh, khan ce awng qu nawh Myihla ce ak khan awh kqukkqu amyihna ak khan awh cuuk pehy.  
\v 11 \x - \xo 1:11 \xt Gen 22.2; Sam 2.7; Is. 42.1; Mat 3.17; 12.18; Marka 9.7; Luke 3.22.\x*”Khan nakaw ing: “Nang taw ka ni lungnaak ka Capa ni, nak khan awh zeel soeih nyng,” tinawh awi ce law hy.   
\s1 Jesu Ak Sykzoeknaak  
\p
\v 12 A khoeh phoeih awh Myihla ing anih ce qamkoh na tyi pahoei hy.  
\v 13 Qamkoh awh ce khawnghi sawmli awm nawh, Setan ing sykzoek hy. Qamsakhqi mi awm haih unawh khan ceityihkhqi ing anih ce cuncah uhy.   
\s1 Hubat Lammacyk Khynaak  
\p
\v 14 Johan ce thawng na amik thlak coengawh, Jesu taw Kalili qam na cet nawh, Khawsak awithang leek ce kqawn hy.  
\v 15 \x - \xo 1:15 \xt Mat 3.2.\x*”\wj A tym khoek hawh hy, Khawsa ram taw zoe hawh hy, zut unawh awithang leek ve cangna lah uh\wj*!” tinak khqi hy.   
\s1 Hubatkhqi Ak Khynaak  
\p
\v 16 Jesu ing Kalili tui keng na a ceh awh, Simon ingkaw ana Andrew lawk anik khawng ce hu qawi hy, cekqawi taw ngakhawikung na awm hy nih.  
\v 17 Cekqawi a venawh, \wj “Ka hu awh bat law lah nih, thlang ak tukung na ni tak qawi vang,”\wj* tina hy.  
\v 18 Cekkqawi ing lawkkhqi ce cehta nih nawh anih a hu awh bat pahoei hy nih.  
\v 19 Cawhkawng va cet kqoep saw, Zebadi a caqawi Jakop ingkaw ana Johan, lawng ak khuiawh lawk anik bu ce hu hy.  
\v 20 Cekkqawi ce khy saw, a ningnih ingawm a ni pa ingkaw anik thlang ceeikhqi ce lawng khuiawh cehta nih nawh anih a hu awh bat pehoei hy nih.   
\s1 Jesu Ing Qaiche A Hqeknaak  
\p
\v 21 Kaperanaum khaw na cet unawh, Sabbath nyn awh sinakawk khuina thlang cawngpyi hy.  
\v 22 \x - \xo 1:22 \xt Mat 7.28,29.\x*Anih ingtaw anaa awi cawngpyikungkhqi a cawngpyinaak a myihna a cawngpyi kaana saithainaak ak ta thlang a cawngpyinaak a myihna a cawngpyi a dawngawh a cawngpyinaak awh thlangkhqi ce a ming ngaih kyi hy.  
\v 23 Cawh sinakawk khuina qaih che ak ta thlang pynoet ing ak khy doena,  
\v 24 “Nazareth Jesu, kaimih ve ikaw ni ti nak khqi vang na ti? Kaimih hqe aham nak law nu? Nang ve Khawsa ak thlang ciim ni tice ni sim nyng!” tina hy.   
\p
\v 25 Cawh Jesu ing, “\wj Sit nawh! Thlang ak kawk khui awhkawng cawn lah\wj*,” tina hy.   
\p
\v 26 Qaaiche ing ce ak thlang ce khawteh na thyn sak nawh ak kawk khui awhkawng khy doena cawn hy.  
\v 27 Cawh ce cawhkaw ak awm thlangkhqi boeih boeih ce amik kawpoek kyi hy, “A u mih nu ve? Saithainaak ingkaw cawngpyinaak ak thaai vam haw ve! Qaaichekhqi awm awi pe saw ngai pe u tik maw ve,” ti uhy.   
\p
\v 28 Kawlkalh awh anih akawng ce Kalili ram pum awh thang khawnghak hy.   
\p
\v 29 Sinakawk ce ami cehtaak coengawh, Simon ingkaw Andrew a im awh Jakop ingkaw Johan ce ceh pyi hy.  
\v 30 Cawh Simon a senu ce a sa tlo nawh zaih hy, ce akawng ce Jesu a venawh kqawn pe uhy.  
\v 31 Jesu ing cet nawh a kut awh tu nawh thawh hy. Cawh anih ce a sa tlawh ing hlah pahoei nawh cekkhqi ce dodan hy.  
\v 32 Khawmy ben khaw angtlaak coengawh, tlawhnaak soepkep ak ta thlangkhqi ing qaai ing amtu thlangkhqi ce a venawh law pyi uhy,  
\v 33 chawmkeng awh vangpum na ngawi kyng uhy,  
\v 34 cawh tlawhnaak soepkep ak takhqi ce Jesu ing qoei sak hy. Qaaikhqi awm khawzah hqek hy, anih ce u nu ti ami sim a dawngawh, qaaikhqi ce awi khangoet awm ap kqawn sak khqi hy.   
\s1 Galilee Awh Awithangleek Ak Kqawnaak  
\p
\v 35 A ngawi mymcang hqiit khaw a dai hlanawh Jesu taw tho nawh, a dingypnaak a hun na cet nawh cykcah hy.  
\v 36 Simon ingkaw a pyikhqi ing anih ce sui uhy,  
\v 37 ami huh awhtaw, “Thlangkhqi ing nang ni sui uhy!” tina uhy.   
\p
\v 38 Jesu ing, “\wj Ak chang na khawceng khawcawi na cet hlah usih, cawh ni awi kak kqawn hly thai. Ve aham ni ka law,\wj*” tinak khqi hy.   
\p
\v 39 \x - \xo 1:39 \xt Mat 4.23; 9.35.\x*Cedawngawh Kalili ram pum awh cet nawh, sinakawkkhqi awh awi ce kqawn hy, qaaikhqi ce hqek hy.   
\p
\v 40 Mynrai ak neh thlang pynoet ce a venawh law nawh khuk sym doena qeennaak thoeh hy, “Na ngaih awhtaw ni qoei sak thai hyk ti,” tina hy.   
\p
\v 41 Anih ing am qeen soeih a dawngawh, a baan ce zyng nawh bi hy. “\wj Ngaih nyng ciimcaih hlah\wj*!” tina hy.  
\v 42 Kawlkalh phoeih awh mynqaai ce ciimcaih nawh qoei tlang hy.  
\v 43 Awi yn ceet ceet nawh tyi hy.   
\p
\v 44 \x - \xo 1:44 \xt Lev. 14.1-32.\x*”\wj U a venawh awm koeh kqawn qoe qoe. Cehlai cet nawh a mingmih a venawh dyihthing na na awmnaak aham khawsoeih a venawh namah ingkaw namah ce vam huh qu lah, nang silh qunaak aham Mosi ak awipeek myihna ik-oeih ce suum lah\wj*,” tina hy.   
\p
\v 45 Cehlai anih ing cet nawh kqawn lat hy, cedawngawh ce ak awi ce thang khawnghak hy. Cedawngawh Jesu taw khawk khuiawh ang dang pyng na am cet thai voel nawh khawcengkhqi awh thlang a sitnaak kqang ce awm hy. Cehlai hun chang chang nakawng thlangkhqi ce a venna law uhy.   
\c 2  
\s1 Thlak Tlo Qoei Saknaak  
\p
\v 1 Khawnghi iqyt nu a di coengawh Kaperanaum a pha law tlaih awh, imawh anih awm hy tice thlangkhqi ing za uhy.  
\v 2 Imawh chawmkeng dyna awmnaak amak hoengna be law khoep usaw, cawhce ami venawh awi kqawn pekkhqi hy.  
\v 3 Cawh thlang pupthli ing, ak khawn thlang pynoet ce lawpyi uhy.  
\v 4 Thlang a thet aih awh Jesu venna am law pyi thai usaw anih a awmnaak tawng awh iptih phen unawh thlang ak khawn ce amik kawhnaak hiphaih mahna nuk thla uhy.  
\v 5 Jesu ing amik cangnaak ce a huh awh, thlak tlo ak khawn a venna, \wj “Ka capa, na thawlh qeenna awm hawh hyk ti,”\wj* tina hy.   
\p
\v 6 Cawh cawngpyikungkhqi thlang vang awm cawhce ngawi lawt unawh amik kawk khuiawh,  
\v 7 “Ikawtih ve ak thlang ing vemyihna awi ak kqawn hy voei? Khawsa ni ak kqawnseet haw! Khawsa doeng kaa taw u ing nu thawlh am qeen thai?” ti uhy.  
\v 8 Amik kawlung awh cemyihna poek uhy ti Jesu ing sim nawh, ami venawh, “\wj Ikawtih cemyihna kaw namik poek?\wj*  
\v 9 Ak khawn a venawh, '\wj Na thawlhnaak qeenna awm hawh hy\wj*,' \wj ti aw, 'Na ihphak lo nawh na khaw ing cet hlah,' ti han nu kqawn ak zoei bet? \wj* 
\v 10 \wj Cehlai thlanghqing capa ing ve khawmdek awh thawlh qeennaak tathai hy tice nami sim naak ham\wj*, tinawh, ak khawn thlang venawh,   
\p
\v 11 “\wj Tho nawh, na ihphak lo nawh, na im na cet, ni tina nyng, \wj*”tina hy.   
\p
\v 12 Anih ce tho nawh, a ihphak ce lo nawh, thlang khawzah mik huh na cet saw; thlang boeih a ming ngaih a kyi doena, “Vemyih ve amni hu man hy,” ti unawh Khawsa ce kyihcah uhy.   
\s1 Mathai Ak Khynaak  
\p
\v 13 Jesu taw cawn nawh tuili kengna cet tlaih bai hy. Cawh thlang khawzah ing a ven pan usaw, cawngpyi khqi hy.  
\v 14 A ceh doena mangmu cawinaak hynawh ak awm Alphai capa, Levi ce hu nawh, a venawh, \wj “Ka hu awh bat lah,”\wj* tina hy. Tho nawh a hu awh bat pahoei hy.   
\p
\v 15 Jesu ing Levi a im awh buh vel unawh, mangmu ak cawi thlang khawzah ingkaw a hubatkhqi mi buh vel haih uhy. A hu ak batkhqi awm thlang khawzah ni.  
\v 16 Thlak thawlhkhqi ingkaw mangmu ak cawikhqi venawh buh a vel ce Farasikhqi ing ami huh awh, a hubatkhqi venawh, “Ikawtih mangmu ak cawikhqi ingkaw thlak thawlhkhqi venawh buh a vel?” tina uhy.   
\p
\v 17 Cek awi ce Jesu ing ang zaak awh, “\wj Sak dip thlang ing siboei am ngoe nawh thlak tlo ing ni siboei a ngoe. Thlak dyngkhqi khy ham am law nyng, thlak thawlhkhqi khy ham ni ka law,\wj*” tinak khqi hy.   
\p
\v 18 Johan a hubatkhqi ingkaw Farasikhqi ingtaw buh zeih uhy. Cedawngawh cet unawh Jesu venna, “Ikawtih Johan a hubatkhqi ingkaw Farasikhqi ingtaw buh zeih usaw na hubatkhqi ingtaw ama mi zeih,” tina uhy.   
\p
\v 19 Jesu ing, “\wj ikawmyihna zuk lokung a awm hyn awh zulawh poei ak pankhqi ing buh ami zeih kaw? Anih a awm khui awhtaw buh am zeih kawm uh. \wj* 
\v 20 \wj Cehlai zuk lokung ce a mingmih a ven awhkawng ak chang na khyn valhnaak a tym ce pha law kaw, cawh buh zeih dam bit kawm uh. \wj*   
\s1 Hi Ak Khqym Ingkaw Hi Ak Thai  
\p
\v 21 “\wj U ingawm hi ak kqym ce hi ak thai ing am bu man na. A bunaak mantaw, hi ak thai ing hi ak kqym ce dawk kawmsaw sek khqoet kaw. \wj* 
\v 22 \wj U ingawm misur tui ak thai ce cikthlyng ak kqym khuiawh am than khawi hy. A than mantaw misur tui ing cikthlyng ce seet kawmsaw misur tui ingkaw cikthlyng ce se haih kaw. Amni, misur tui ak thai taw cikthlyng ak thai awh ni ami than\wj*,” tinak khqi hy.   
\s1 Sabbath Bawipa  
\p
\v 23 \x - \xo 2:23 \xt Deut. 23.25.\x*Sabbath nyn khaw hypoet awh, Jesu taw lo awhkawng cet hy, a hubatkhqi ing ami ceh awh cang a vui ce dy uhy.  
\v 24 Farasikhqi ing a venawh, “Toek lah, kawtih Sabbath nyn awh sai aham amak thym ce na hubatkhqi ing ami sai?” tina uhy.   
\p
\v 25 Anih ing, “\wj David ing a pyikhqi mi amik phoen a cawih awh a ngoe dawngawh ik-oeih a sai ce am nami noet khawi nawh nu? \wj* 
\v 26 \x - \xo 2:26 \xt Lev. 24.9.\x*\x - \xo 2:26 \xt 1 Sam. 21.1-6.\x*\wj Abiathar khawsoeih boeikhyt na a awm awh, David ing Khawsa im khuina kun nawh, khawsoeihkhqi doeng ing ai aham ak tyng phaihpi ami nawn a ai ce ti. A pyikhqi awm pe sawkaw,\wj*” tinak khqi hy.   
\p
\v 27 Cekcoengawh a mingmih a venawh, “\wj Thlang aham ni Sabbath ve a sai, Sabbath aham thlang am sai hy. \wj* 
\v 28 \wj Cedawngawh thlanghqing Capa ve Sabbath a boei na awm awm hy\wj*,” tinak khqi hy.   
\c 3  
\s1 Jesu Ing Sabbath Nynawh Qoei Sak  
\p
\v 1 Sinakawk na ce cet bai nawh, cawhce a kut ak khem thlang pynoet a na awm hy.  
\v 2 Amah thawlh amik puknaak hamna Sabbath nyn awh thlang a qoei ingkaw ama qoei sak hly qym uhy.  
\v 3 Jesu ing kut khem venawh, “\wj Thlang boeih a haiawh dyi lah\wj*,” tina hy.   
\p
\v 4 A mingmih a venawh, “\wj Sabbath nyn awh them leek sai nu a leek, them amak leek sai nu, hqingnaak thaawng nu a leek, him nu?\wj*” tinak khqi hy. Cehlai a ming hqi phah uhy.  
\v 5 Amim thin a sah awh ak kaw am law nawh, kawso doena a mingmih ce toek khqi nawh, cawhkaw thlang a venawh, “\wj Na kut ce zyng lah\wj*,” tina hy. Anih ing a kut ce zyng saw, a kut ce leek pahoei hy.  
\v 6 Cawh Farasikhqi ce cawn unawh Jesu ce ikawmyihna ni him thai lah voei, ti unawh Herod ak thlangkhqi mi doet qu uhy.  
\v 7 Jesu taw a hubatkhqi mi tuili benna ce cet uhy, cawh Kalili ben nakaw thlang khawzah ing a hu hquut law uhy.  
\v 8 A them saikhqi boeih ce aming zaak awh Judah nakaw, Jerusalem nakaw, Idumea nakaw, Jordan long caqai benna kaw thlangkhqi, Tura ingkaw Sidon khaw keng awhkaw thlangkhqi ce a venna law uhy.  
\v 9 \x - \xo 3:9 \xt Marka 4.1; Luke 5.1-3.\x*Thlang doem aih nawh Amah ama mi netnaak hamna a hubatkhqi ce lawng pynoet taak pek ham tinak khqi hy.   
\p
\v 10 Thlang khawzah a qoei sak hawh a dawngawh, thlak tlokhqi ing Amah a mi bi ngaih awh den qu boeih uhy.  
\v 11 Qaihchekhqi ing anih ce ami huh awh a haaina koep unawh, “Nang ve Khawsa Capa ni,” tinawh khy uhy.  
\v 12 Cehlai anih u aw tice ama mik kqawn aham cekkkhqi ce awi pehy.   
\s1 Hubat Thlanghqa Hlaihih Ak Tyhnaak  
\p
\v 13 Jesu ing tlang na kaai nawh amah ing a ngaih thlangkhqi ce khy hy, cekkhqi ce a venna law uhy.  
\v 14 A venawh ami awmnaak thai ham ingkaw awi kqawn ham,  
\v 15 sungqaikhqi hqek hamna a tyih khqi hamna, pahqa hlaihih ce tyk khqi hy.  
\v 16 Cekkqhi taw: Simon (Piter tinawh ming sui);  
\v 17 Zebedi a caqawi Jakop ingkaw ana Johan (vekkqawi ve Boaneges tinawh ming sui, khawhuum capa qawi tinaak);  
\v 18 Andru, Philip, Bartholomu, Mathai, Thomas, Alphaeus capa Jakop, Thadaeus, Zealot ami ti Simon ingkaw  
\v 19 amah ak zawikung Judah Isakariot vetloek ve tyk hy.   
\p
\v 20 Cekcoengawh Jesu taw ipkhui na lut hy, cawh thlang khawzah cun law tlaih bai unawh, cedawngawh buh kangna awm am ai thai uhy.  
\v 21 A cakawkhqi ing ce ak awi aming zaak awh, “A cyih am awm voel hy,” ami tinaak dawngawh anih ce tu aham cet uhy.  
\v 22 \x - \xo 3:22 \xt Mat 9.34; 10.25.\x*Jerusalem nakawng a nuk law anaa awi cawngpyikungkhqi ing, “Beelzebub ta ti maw ve! Qaai sangpahrang capa ak caming ni qaaikhqi a hqek,” tina uhy.   
\p
\v 23 Cedawngawh Jesu ing cekkhqi ce khy nawh nyhtahnaak awi kqawn pehy: “\wj ikawmyihna Setan ing Setan ce a hqeknaak thai kaw? \wj* 
\v 24 \wj Qam awm aming pek qu mantaw am dyi thai tikaw. \wj* 
\v 25 \wj Ipkhuikaw awm aming pek qu awhtaw am dyi thai ti kawm uh. \wj* 
\v 26 \wj Setan awm amah ingkaw amah pek qu unawh aming tuk qu mantaw, am dyi thai ti kawm uh; plal hqoeng hawh kaw. \wj* 
\v 27 \wj U ingawm ip takung thak awm soeih ce ama pin lamma awhtaw, a ipkhui na kun nawh a ik-oeihkhqi ce am lawh pe thai tikaw. A pin coengawh ni a im ce a muk hly peek thai. \wj* 
\v 28 \wj Awitak ka nik kqawn peek khqi, thlangkhqi a thawlhnaak boeih ingkaw Khawsa thekhanaak awh ce qeenkhaw ngainaak awm kaw. \wj* 
\v 29 \x - \xo 3:29 \xt Luke 12.10.\x*\wj Cehlai u awm Ciim Myihla ce a thekhanaak awhtaw ityk awh awm qeenkhaw ngainaak am awm tikaw; kumqui thawlhnaak ce sai hawh hy\wj*,” tinak khqi hy.   
\p
\v 30 A mingmih ing, “Qaaiche tahy,” ami tinaak dawngawh ve ak awi ve kqawn pek khqi hy.   
\s1 Jesu A Cakaw  
\p
\v 31 Cawh Jesu anu ingkaw a koeinaakhqi ce law uhy. A leng na dyi unawh anih ce khy sak uhy.  
\v 32 Thlang kqeng ing ak chung khoep awh a venna, “Na nu ingkaw na koeinaakhqi ing a leng na ni sui uhy,” tina uhy.   
\p
\v 33 Jesu ing, “\wj Ka nu ingkaw ka koeinaakhqi ce a u nu?\wj*” tinak khqi hy.   
\p
\v 34 A venawh ak ngawi thlangkhqi ce toek nawh, “\wj Ka nu ingkaw ka koeinaakhqi taw vekkhqi hawh ni! \wj* 
\v 35 \wj U awm Khawsa ak kawngaih ak saikhqi taw kai a koeinu koeinaa ingkaw ka nu na awm hy,\wj*” tinak khqi hy.   
\c 4  
\s1 Camcing Saw Nyttahnaak  
\p
\v 1 \x - \xo 4:1 \xt Luke 5.1-3.\x*Cekcoengawh Jesu ing tuili kengawh thlang cawngpyi tlaih bai hy. A venawh ak cun thlang kqeng ce a kqeng soeih a dawngawh lawng khuina kun nawh ngawi hy, cawh thlangkqeng taw tuili kengawh awm uhy.  
\v 2 Nyhtahnaak awi ing cekkhqi ce ik-oeih khawzah cawngpyi khqi hy, a cawngpyinaak awh ce a mingmih a venawh:  
\v 3 \wj “Ngai lah uh! lo ak toenkung thlang pynoet taw camci ak saw na cet hy. \wj* 
\v 4 \wj Camci ce a saw awh a vang taw lam awh tla nawh phakhqi ing cung hloep uhy. \wj* 
\v 5 \wj A vang taw deklai khawzah ama awmnaak lung ak khan awh tla hy. Deklai a pam a dawngawh, kawlhkalh awh cawt tlang hy. \wj* 
\v 6 \wj Cehlai khaw a thoeng law awhtaw ak kqa ama cak a dawngawh khawkbe ing tau nawh reu hy. \wj* 
\v 7 \wj Camci a vang taw hling anglakawh tla nawh, hling a thing ce a bau law awhtaw cang ce zawl malh hy, cedawngawh am vui thai hy. \wj* 
\v 8 \wj Camci a vang taw deklai ak leek awh tla hy. Cawt law, taai law nawh, vui hy, a pyh thumkip, kqukkip, zakhat dyna ak thaih vui hy,”\wj* tinak khqi hy.   
\p
\v 9 Cekcoengawh Jesu ing, \wj “Zaaknaak haa ak ta ingtaw za seh nyng,” \wj*tinak khqi hy.   
\p
\v 10 Amah doeng a awm awh, thlanghqa hlaihih tloek ingkaw thlak changkhqi ce a venna law unawh nyhtahnaak awi ce doet uhy.   
\p
\v 11 A mingmih a venawh, \wj “Khawk khan nakaw awihyp ce nangmih a venawh ni pek khqi hawh hy. Cehlai a ceng na ak awmkhqi aham ik-oeih soepkep ce nyhtahnaak awi ing kqawn pe nyng, \wj* 
\v 12 \x - \xo 4:12 \xt Is. 6.9,10.\x*\wj cawh ni, “'hu taw hu hlai kawm uh, am toek thai ti kawm uh, za taw za hlai kawm uh, am zasim thai qoe kawm uh, cemih am mantaw hlat tlaih kawm usaw, qeenkhaw ngai na awm hau kawm uh!' a ti myihna,\wj*” tinak khqi hy.   
\s1 Nyttahnaak Awi Kqawncaihnaak  
\p
\v 13 Cekcoengawh Jesu ing a mingmih a venawh, \wj “Vawhkaw nyhtahnaak awi ve amna ming zasim nawh nu? Cawhtaw ikawmyihna nyhtahnaak awikhqi boeih ce naming zaak sim hly pai? \wj* 
\v 14 \wj Lo ak takung ing awi ce theh hy. \wj* 
\v 15 \wj Thlang vang taw awi ce ak theh awh, camci ang tlaaknaak lam amyihna awm uhy. Awi ce aming zaak awh Setan ce law nawh a mingmih ak khuiawh theh na ak awm awi ce lo valh hy. \wj* 
\v 16 \wj Ak changkhqi bai taw, lunghqawng awh ak tla camci amyihna awm bai hy, awi ce aming zaak awh zeel doena do pahoei uhy. \wj* 
\v 17 \wj Cehlai ak kqa ama cak a dawngawh, kawlhkalh ca doeng awm hy. Awi awh kyinaak ingkaw thekhanaakkhqi a law awh, ang tawnna tluk tlang uhy. \wj* 
\v 18 \wj Ak changkhqi bai taw hling anglakawhkaw ak tla camci ing myih uhy, awi ce za hy; \wj* 
\v 19 \wj cehlai ve khawmdek hqing khawsaknaak awh lynaakkhqi, boeinaak, qaai kqawnnaak khqi ingkaw ak chang ik-oeih ngaihnaakkhqi law nawh awi ce zawl malh uhy, cedawngawh a vui am qah thai hy. \wj* 
\v 20 \wj Ak chang bai taw, laitak awh ak tla camci ing myih hy, awi ce ang zaak awh, do hy, a vui qah nawh - a pyh thumkip, kqukkip ingkaw zakhat dyna ak thaih vui hy,”\wj* tinak khqi hy.   
\s1 Maiim Ingkaw Maihvang  
\p
\v 21 \x - \xo 4:21 \xt Mat 5.15; Luke 11.33.\x*A mingmih a venawh, \wj “Maiim ce dawn ing myk unawh, am awhtaw caboei ak kaina ta khawi unawh nu? Maiim amim hawihnaak khawi awh ni amim hawih ka ti my? \wj* 
\v 22 \x - \xo 4:22 \xt Mat 10.26; Luke 12.2.\x*\wj Cawh ni amak dangkhqi boeih awm dang kawmsaw ang hyp na ak awmkhqi awm aming dang hly boeih hy. \wj* 
\v 23 \wj Zaaknaak haa ak ta ingtaw za seh. \wj* 
\v 24 \x - \xo 4:24 \xt Mat 7.2; Luke 6.38.\x*\wj Na ming zaak ve ak leek na poek lah uh. Thlang aham na loeknaak awh ce nang aham awm loek law lawt kaw. \wj* 
\v 25 \x - \xo 4:25 \xt Mat 13.12; 25.29; Luke 19.26.\x*\wj U awm ak ta ce sap pek khqoet kawmsaw; u awm amak ta cetaw, a taak ang cang awm lawh pe kaw,” \wj*tinak khqi hy.   
\s1 Camcii Nyttahnaak  
\p
\v 26 A mingmih a venawh, \wj “Khawsa qam taw vemyihna awm hy. Thlang pynoet ing camci ce a lo awh theh hy. \wj* 
\v 27 \wj Khawmthan ingkaw khawkdai ip nawh hang tho law seiawm camci ce pawk nawh cawt law hy. Ikawmyihna a hang cawt law tice am sim hy. \wj* 
\v 28 \wj Amah poek awh deklai ing vui a qah sak hy - a kung hak cawt law hy, cekcoengawh vui nawh ak thaih qah law hy. \wj* 
\v 29 \x - \xo 4:29 \xt Joel 3.13.\x*\wj Cang ce a hin awhtaw, cang ah aham a khoek hawh a dawngawh, vin ce lo nawh aat hy,”\wj* tinak khqi hy.   
\s1 Antlam Cii Nyttahnaak  
\p
\v 30 Cawhtaw, \wj “Khawk khan qam ve kaw ing nu ka nyhtah lah voei, am awhtaw i ikawmyih nyhtahnaak awi nu ka hawnaak lah voei? \wj* 
\v 31 \wj Khan qam taw khawmdek awh ak zawi soeih antlam cii ing myih hy. \wj* 
\v 32 \wj Cehlai antlam cii ce cawt nawh a hang taai law awhtaw dum khui awhkaw a thing boeih boeih anglakawh bau khqoet hy, a baai ak bau na cawn nawh khan nakaw phakhqi ing a hlip awh cu uhy,” \wj*tinak khqi hy.   
\p
\v 33 A mingmih ing aming zaak simnaak thai aham, cemyih nyhtahnaak awikhqi ing awi kqawn pek khqi hy.  
\v 34 Nyhtahnaak awi hawnaak kaana ikawmyih awi awm ap kqawn pek khqi hy. Cehlai a hubatkhqi mi amah doeng ami awm awh, cawhkaw ik-oeihkhqi ce kqawncaih pek khqi hy.   
\s1 Jesu Ing Khawhlii Dym Sak Hy  
\p
\v 35 Amah ce nyn khawmy ben awh a hubatkhqi venawh, \wj “Vang ben caqai na cet usih,”\wj* tinak khqi hy.   
\p
\v 36 Thlang kqeng ce cehta unawh, anih ce lawng khuiawh a awmnaak man na ceh pyi pahoei uhy.  
\v 37 Cawh khaw hli khung nawh tuibak ce lawng khuina kun saw lawng ce cum hlo hlo hy.  
\v 38 Jesu taw lawng ang mai benna a lu doelh nawh ip hy. A hubatkhqi ing thawh unawh, a venawh, “Cawngpyikung kaimih tui awh ka ming cum hly ve kawna am nak poek nawh nu?” tina uhy.   
\p
\v 39 Tho nawh, khawhli ce, \wj “Sit nawh dym hlah!\wj*” tina hy. Cawh khawhli ce sit nawh a sitdik na awm boeih hy.  
\v 40 A hubatkhqi venawh, \wj “Ikawtih vemyihna namik kqih lawnha aih? Cangnaak am nami ta hlan nawh nu?” \wj*tinak khqi hy.  
\v 41 Cawh kqih unawh, “Ve ve a u nu ti ve? Khawhli ingkaw tuibak ingawm ak awi ngai pe zap hy!” ti uhy.   
\c 5  
\s1 Qaiche Am Tu Qoei Sak  
\p
\v 1 Cecoengawh, tuili caqai benna kaw Gerasin khawna ce cet uhy.  
\v 2 Lawng khui awhkawng Jesu ak cawn lawawh, ak kawk khuina qaai ak be thlang pynoet ing phyi nakawng anih ce hqum ham law hy.  
\v 3 Anih taw phyi awh awm nawh, u ingawm anih ce am pin thai qoe uhy. Thiqui ingawm am pin thai uhy.  
\v 4 A kut a khaw thiqui ing khit hlai uhy, thiquikhqi awm phu kyk kyk hy. U ingawm anih ce am noeng hy.  
\v 5 Khawmthan khawdai phyi ingkaw tlang kqang khy nawh amah ingkaw amah ce lung ing aat qu hy.   
\p
\v 6 Ak hla nakawng Jesu a huh awh, dawng nawh a haina khuk sym pehy.  
\v 7 Khawteh na khy nawh, “Kai ve ikaw ni tina vang na ti, Jesu sawsang soeih Khawsa Capa? Qeennaak ing kai ve kyinaak koeh ni huh sak mai!” tina hy.   
\p
\v 8 Jesu ing, \wj “Nang qaihche! Ve thlang ak kawk khui awhkawng cawn hlah,”\wj* ana tinaak hawh a dawngawh.   
\p
\v 9 \wj “Nang ming u nu?”\wj* tinawh Jesu ing doet hy. Anih ing, “Khawzah kami law a dawngawh, Legion ming na nyng,” tina hy.   
\p
\v 10 Ak hla soeih na cekkhqi ce ama tyihnaak aham Jesu a venawh anih ing qeennaak thoeh hy.  
\v 11 Ce a hun awhkawng a zoenaak baang kqoep awh vawk cahnaak awm hy.  
\v 12 Qaaikhqi ing Jesu a venawh, “Vawk a venna ni tyi khqi mai, vawk khqik khuina kun mai vang u nyng,” tinawh qeennaak thoeh uhy.   
\p
\v 13 Anih ing kun sak hy, cedawngawh qaaikhqi ce cawn unawh vawk ak kawk khuina kun uhy. Cawhkaw vawk taw thawnghih tluk law hy, vawkkhqi boeih ce tuili a awmnaak ben kqang cen unawh tui awh amik cawn coengawh thi boeh boeh uhy.  
\v 14 Vawk ak cahkhqi ce dawng unawh khawk bau ingkaw vangcakhqi awh cawhkaw ik-oeihkhqi ce kqawn uhy, cedawngawh cawhkaw ik-oeih ce ak toek na thlangkhqi ce cet uhy.  
\v 15 Jesu a ven ami pha law awh, qaai ing am tu ak thlang ce hu uhy, anih ce ak leek caana a nang ngawi hy; cawhkaw thlangkhqi ing ce kqih uhy.  
\v 16 Qaai ing am tu thlang ingkaw vawk ak khan awhkaw ik-oeih ak awm law ce ak hukhqi ing thlangkhqi venawh kqawn pe uhy.  
\v 17 Cedawngawh thlangkhqi ing ce a qam ce cehtaak aham Jesu a venawh qeennaak thoeh uhy.  
\v 18 Jesu ing lawng khuina kun vang a ti awh, qaai ing amtu a qoei sak thlang ing a hu awh bat lawt aham qeennaak thoeh hy.  
\v 19 Cehlai Jesu ing am bat sak hy, \wj “Na cakawkhqi venna im na cet nawh Bawipa ing nak khan awh kawmih dyna ik-oeih a sai law nawh qeennaak a taak law tice kqawn pek khqi,” \wj*tina hy.   
\p
\v 20 Cedawngawh ce ak thlang ing cet nawh Jesu ing ak khan awh ikawmyih ik-oeih a sai peek tice Dekapolis awh kqawn hy. Cedawngawh thlang boeih amik kawpoek kyi hy.   
\s1 Nu Pakkhih Qoei Hy  
\p
\v 21 Jesu taw tuili caqai na lawng ing cet nawh, tui kengawh a awm awh thlang kqeng khawzah ce a venna cun uhy.  
\v 22 Cawh sinakawk ukkung thlang pynoet, Jairu ak mingnaak ce law hy. Jesu ce a huh awh a khawkung awh koep doena qeennaak thoeh hy.  
\v 23 “Ka canu ca thi tawm hawh hy. Qeennaak ing law nawh ak khan awh na kut tloeng pe cang, cawhtaw qoei nawh hqing tlaih kaw,” tina hy.   
\p
\v 24 Cedawngawh Jesu taw anih a hu awh cet hy. Thlang kqeng khawzah ce a hu awh bat unawh ang net na net qu uhy.  
\v 25 Cawh kumhqa hlaihih a thi na ak tla nu pynoet ce awm lawt hy.  
\v 26 Siboei khawzah a venawh a ceh hawh a dawngawh tangka awm khawk hawh hy, cehlai am hawih khang nawh nauh khqoet khqoet hy.  
\v 27 Jesu a thang ce ang zaak awh thlang kqeng mi Jesu a hu awh bat lawt hy,  
\v 28 A hi mah ka bi man qoei ngai voei nyng, tinawh ak poek dawngawh a hi ce bi pehy.   
\p
\v 29 Cawh a thi ce dym nawh a pum awh a tlawhnaak qoei hawh hy tice sim pahoei hy.   
\p
\v 30 Cawh a pum awhkawng saithainaak cawn hy tice Jesu ing sim pahoei hy. Thlang kqeng benna ce mang nawh, \wj “U nu ka hi ak bi?” \wj*tinawh doet khqi hy.  
\v 31 A hubatkhqi ing, “Thlang kqeng ing ni net usaw na huh a loei awh, 'U ing a ni bi? ce nak ti nu,' tina uhy.   
\p
\v 32 Cehlai Jesu ing amah ak bikung benna mang nawh toek hy.  
\v 33 Cawh cawhkaw nu ing ak khan awh ik-oeih ak awm law ce a sim doena, a khawkung awh koep nawh kqih thyn doena ak thym caana kqawn pe boeih hy.  
\v 34 Jesu ing a venawh, \wj “Ka canu nak cangnaak ing ni qoei sak hawh hy. Ngaihding caana cet hlah, na tlawhnaak qoei hlah seh,”\wj* tina hy.  
\v 35 Ce myihna Jesu ing awi ak kqawn huiawh, sinakawk ukkung Jairu a im awhkawng thlang vang ce law uhy. “Na canu thi hawh hy, kaw hamna cawngpyikung ce na toeh na oeih khing kaw?” tina hy.   
\p
\v 36 A mingmih ak awih kqawn ce kawna awm am ngai nawh, sinakawk ukkung a venawh,\wj “ Koeh kqih, ak cang namah cangna lah,\wj*” tina hy.   
\p
\v 37 Piter, Jakob ingkaw Jakob a na Johan doeng ce khy nawh cet uhy.  
\v 38 Sinakawk ukkung a im ami pha awh ak khy ak kokhqi ingkaw ak kqangkhqi ce Jesu ing hu hy.  
\v 39 Ipkhui na cet nawh a mingmih a venawh, \wj “Kawtih ve myihna khy a ko unawh naming kqang aih? Naasen ve am thi hy, ak ip ni,” \wj*tinak khqi hy.   
\p
\v 40 Cawh a mingmih ing qaih na uhy. Cawhkaw ak awm thlangkhqi ce a leng na cawn sak khqi nawh naasen a nu a pa ingkaw a hubat a ven awhkaw ak awmkhqi ce naasen ami soeinaak na ceh pyi khqi hy.  
\v 41 Naasen ce a kut awh tu nawh, \wj “Talitha kumi!”\wj* tina hy, (cece, “Nulaa ca, ka nik kqawn peek, tho lah!” tinak ni).   
\p
\v 42 Cawh nuca ce tho pahoei nawh cet hyhy hy (cawhkaw nuca taw kumhqa hlaihih law hy). Cawh cawhkaw amik awm thlangkhqi boeih ce amik kawpoek kyi hy.  
\v 43 Cawhkaw ik-oeih ce u a venawh awm amak kqawn aham cekkhqi ce awi yn khqi ceet ceet hy, cekcoengawh nuca ce ai kawi pynoet oet peek aham kqawn pehy.   
\c 6  
\s1 Kyhcahna Amak Awm Tawngha  
\p
\v 1 Ce hun awhkawng Jesu taw cawn nawh amah a awmnaak khaw ce pha hy; a hubatkhqi ing a hu awh hquut uhy.  
\v 2 Sabbath nyn a pha awh, sinakawk khuiawh thlang cawngpyi hy, a cawngpyinaak ak zakhqi boeih ing aming ngaihna kyi sak uhy. “Ve ak thlang ing hana kaw nu ve ak awikhqi ve a huh hy voei? Hana kaw cyihnaak nu hu nawh vemyih kawpoek kyi ik-oeihkhqi a sai hy voei!  
\v 3 A nih ve Meri capa, Jakob, Joseph, Juda ingkaw Simon ak taipa, letama awm am nu?” ti uhy. Cedawngawh ak khan awh amik kaw am law hy.  
\v 4 \x - \xo 6:4 \xt Joh 4.44.\x*Jesu ing a mingmih a venawh, \wj “Tawngha taw amah a khaw, amah a cakawkhqi ingkaw amah a im awh kyihcahna am awm khawi na,” \wj*ti hy.   
\p
\v 5 Thlak tlo a khoeh ca doeng ak khanawh kut tloeng nawh a tloei sak ti kaana taw ce a hun awh kawpoek kyi ik-oeih am sai thai hy.  
\v 6 A mamik cangnaak a dawngawh ang ngaih kyi hy. Cekcoengawh Jesu ing cet nawh khaw pynoet coeng awh pynoet cawngpyi khqi hy.   
\s1 Thlanghqa Hlaihih A Tyihnaak  
\p
\v 7 Thlanghqa hlaihih tloek ce khy nawh, thlang pakhih pakhih awh a tyih coengawh qaaiche khqi ak khanawh saithainaak ce pek khqi hy.  
\v 8 Cecoengawh khawlawng nami ceh naak awh sawnghqawl doeng am kaa taw - phaihpi awm, sawngsa awm, taisawm awh tangka awm koeh kel hamna ti nak khqi hy.  
\v 9 Khawmyk taw myk sak khqi nawh,” angki pakkhih koeh khyn uh,” tinak khqi hy.   
\p
\v 10 Cekcoengawh ami venawh, \wj “Nami pahnaak im hawh taw cawhkawng namik cawn hla dy ak changna koeh cawn ta uh. \wj* 
\v 11 \x - \xo 6:11 \xt Cei 13.51.\x*\x - \xo 6:11 \xt Luke 10.4-11.\x*\wj Han a khaw ingawm nangmih ce am ni do khqi nawh namik awi awm ama ming ngai awhtaw, ce a khaw ce nami cehtaak awh ami simnaak aham nami khaw awhkaw dekvai ce khawk sih uh,”\wj* tinak khqi hy.   
\p
\v 12 Thlangkhqi ing thawlh aming zutnaak aham a mingmih ing cet unawh awi ce khypyi uhy.  
\v 13 \x - \xo 6:13 \xt Jak 5.14.\x*Qaaikhqi khawzah ami hqek coengawh thlak tlo khawzah ce situi hluk unawh qoei sak uhy.   
\s1 Johan A Thihnaak  
\p
\v 14 \x - \xo 6:14 \xt Mat 16.14; Marka 8.28; Luke 9.19.\x*Jesu ang ming ce thang hawh nawh, Herod sangpahrang ingawm awithang ce za hy. Thlang vang ing, “Baptisma ak pekung Johan ce thihnaak awhkawng tho tlaih hy, cawhni anih awh kawpoek kyi them saithainaakkhqi a awm hy,” ti uhy.   
\p
\v 15 Thlang vang ingtaw, “Elijah ni,” ti uhy. Thlang vang ingtaw, “Anih ce tawngha pynoet lawt ni, syn awhkaw tawngha pynoet myihna ni a awm lawt,” ti uhy.   
\p
\v 16 Cehlai Herod ing ang zaak awh, “Kai ing a haawng ka hlyng peek Johan ni thihnaak awhkawng a thawh tlaih hawh hy ce!” tihy.  
\v 17 \x - \xo 6:17 \xt Luke 3.19,20.\x*Herod amah ing Johan ce tu sak nawh ak khih coengawh thawngim na thla hy. A na Philip a zu Herodi a zunaak a dawngawh cemyihna ce sai hy.  
\v 18 Johan ing Herod na ce, “Na naa a zu na lawh ce am thym hy,” a tinaak a dawngawh.   
\p
\v 19 Cedawngawh Herodi ing Johan ce myihqyt na nawh him aham ngaih hy, cehlai am him thai hy.  
\v 20 Herod ing Johan ce thlak dyng thlak ciimcaih ni tice a sim a dawngawh kqih nawh hlip a dah hy. Herod ing Johan ak awi ang zaak awh ak kawpoekna kyi sak hy; cehlai zeel doena ak awi ce ngai pehy.  
\v 21 A hukhit nataw a tym leek ce pha law hy. Amah a thangnaak nyn awh Herod ing a boeikhqi, a qaal boeikhqi ing Kalili qam ukkungkhqi aham poei buh veelnaak sai pehy.  
\v 22 Cawh Herodi a canu ce law nawh laam hy, anih ing Herod ingkaw ak khinkhqi boeih ce amik kaw zeel sak hy. Sangpahrang ing nuca venawh, “Na ngaih boeih thoeh lah, ni pe vang nyng,” tina hy.   
\p
\v 23 Nuca venawh ce awi kam hy, “Na thoeh boeih ni pe vang nyng, ka qam ak keek vang dy awm” tina hy.  
\v 24 Cawh nuca ing a nu a venna cet nawh, “Ikaw nu ka thoeh kaw?” tina hy. A nu ing, “Baptisma ak pekung Johan a lu,” tina hy.   
\p
\v 25 Cawh nuca ce sangpahrang a venna ang tawnna dawng nawh, “Tuh Baptisma ak pekung Johan a lu ce beihdung awh nani peek aham ngaih nyng,” tina hy.  
\v 26 Cawhtaw sangpahrang ak kaw se hy, cehlai ak khinkhqi haiawh awi a kam hawh a dawngawh, nuca a thoehnaak ce am oelh pe voel hy.  
\v 27 Cedawngawh thlang ak himkung ce ang tawnna tyi nawh Johan a lu ce khyn peek aham awi pehy.  
\v 28 Ce ak thlang ing thawngim khuina cet nawh, Johan a hawng ce a hlyng coeng awh, a lu ce beihdung awh tloeng nawh pehy. Anih ing nuca venawh pehy, nuca ing a nu pe patoe hy.  
\v 29 Ce ak awi ce aming zaak awh Johan a hubatkhqi ce law unawh a pum ce lo unawh phyina thak uhy.   
\s1 Thlang Thawng Nga Am Cahnaak  
\p
\v 30 Ceityihkhqi ing Jesu vena cun law unawh ik-oeih ami saikhqi ingkaw thlang ami cawngpyinaak akawng khqi boeih ce kqawn pe uhy.  
\v 31 Thlang ak law ingkaw ak voeikhqi a kqeng aih a dawngawh buh a an awm am ai thai uhy, cedawngawh a hubatkhqi venawh, \wj “Na mimah doeng ka hu awh law unawh thlang a sitnaak hun awh dym cang uh,”\wj* tinak khqi hy.   
\p
\v 32 Cedawngawh thlang a sitnaak hunna lawng ing a mimah doeng cet uhy.  
\v 33 A mingmih a ceh ce thlangkhqi ing ami huh awh khaw boeih boeih awhkawng dawng unawh a mingmih a haina ana pha ma uhy.  
\v 34 \x - \xo 6:34 \xt Num. 27.17; 1 Kin. 22.17; 2 Chr. 18.16; Ezek. 34.5; Mat 9.36.\x*Jesu ing kawngceng a pha awh thlang kqeng khawzah ce hu hy, khoemkung amak awm tuukhqi myihna ami awm a dawngawh a mingmih ce qeen khqi hy. Cedawngawh a mingmih ce awi khawzah cawngpyi khqi hy.  
\v 35 Khaw a my hawh a dawngawh a hubatkhqi ce a venna law unawh, “Ve a hun ve kqawng na awm nawh, khaw awm my hawh hy.  
\v 36 Thlang kqeng ve ceh sak hlah, khawceng khaw cawi hqang cet u seitaw a mimah ing buh a ankhqi sui useh,” tina uhy.   
\p
\v 37 Cehlai a mingmih a venawh, \wj “Nangmih ing ai kawi pe uh,”\wj* tinak khqi hy. Cekkhqi ing, “A mingmih boeih a ai tat ham taw thlang pynoet a hlak kqeet thaphu man ni a khoek kaw! Tangka ce zah ing phaihpi thlai unawh a mingmih kami pe hly nawh nu?” tina uhy.   
\p
\v 38 Anih ing, \wj “Phaihpi izah nami taak? Cet unawh toek lah uh,”\wj* tina uhy.   
\p
\v 39 Cawh Jesu ing thlang kqeng ce taitin awh aming ngawih ham awi pek khqi uhy.  
\v 40 Cedawngawh thlang kqeng ce zakhat zakhat ingkaw hakip hakip na ngawih sak khqi hloep hloep hy.  
\v 41 Jesu ing phaihpi cun nga ingkaw nga lunghih ce lo nawh khan benna mang ing zoseennaak a pek coengawh phaihpi ce thek nawh, thlangkhqi haiawh toen peek ham a hubatkhqi venawh pek khqi hy. Nga lunghih awm a mingmih boeih a venawh qek sak khqi bai hy.  
\v 42 A micu boeih ing ai unawh phyi boeih uhy.  
\v 43 Phaihpi ingkaw nga ak ngenkhqi ce a hubatkhqi ing ami cawi awh vawh hqa hlaihih law hy.  
\v 44 Cawhkaw buh ak aikhqi ce pa thak awm hqoeng thongnga law hy.   
\s1 Jesu Tuili Khanawh Cet Hy  
\p
\v 45 Jesu ing a hubatkhqi ce lawng khuina kun sak khqi pahoei nawh Bethsaida khaw na tyi khqi hy.  
\v 46 A mingmih ce a cehtaak khqi coengawh cykcah aham tlang na cet hy.  
\v 47 Khaw a my law awh, lawng ce tui ang lung na awm nawh, amah doeng ce kawngceng na awm hy.  
\v 48 Khawhli ing lawng ce mam khoep nawh a hubatkhqi ing lawng ce kaih tloei uhy. Khawmthan khawnoek pali tluk awh a mingmih a venna Jesu taw tui ak khan awh cet nawh cekkhqi venna ceh aham cai hy,  
\v 49 cehlai tui ak khan awh a ceh ce ami huh awh, Myihla ni ti unawh poek uhy.  
\v 50 A mingmih ing ami huh awh kqih unawh khy uhy. Cawh a mingmih a venawh, \wj “Na ming ngaih qep sak uh! Kai ni koeh kqih uh,”\wj* tinak khqi hy.   
\p
\v 51 Cekcoengawh a mingmih a venna lawng awh ce hang kaai hy, cawhtaw khawhli ce dym hy. Cekkhqi amik kawpoekna kyi hy,  
\v 52 amik kaw a tiing soeih a dawngawh, phaihpi akawng awm am zasim qoe uhy.  
\v 53 Vang ben caqai sa na cet unawh, Genesaret ce pha unawh, cawh ce dym uhy.  
\v 54 Lawng khui awhkawng amik cawn awh, thlangkhqi ing Jesu ce hat uhy.  
\v 55 Ce a qam khui awhkaw thlangkhqi boeih ce dawng unawh phak awh thlak tlokhqi ce anih a awmnaak hun a hoei awh kawt law uhy.  
\v 56 Anih a cehnaak hoei awh vangca vangnu ingkaw lokhqi na awm, ik-oeih ami zawihnaak hunkhqi na awm thlak tlokhqi ce law pyi uhy. A himawng ca awm bi thainaak aham a venawh qeennaak thoeh uhy, ak bikhqi boeih ing qoeinaak hu uhy.   
\c 7  
\s1 Ak Ciim Ingkaw Amak Ciim  
\p
\v 1 Farasikhqi ingkaw Jerusalem awhkawng ak law caqeekung thlang pynoet ce Jesu a venawh cun uhy,  
\v 2 Cawh a hubatkhqi ing kut silh kaana buh ami ai ce hu uhy.  
\v 3 (Farasikhqi ingkaw Judahkhqi boeih ingtaw a mimah a phung amyihna kut a mami silh awhtaw buh am ai uhy. A hqamcakhqi ak awi ce tu khak uhy.  
\v 4 Ik-oeih ami zawihnaak hun awhkaw ik-oeihkhqi ce a mami silh ma awhtaw am ai uhy. Ak chang awi a mik pawm khawzah awm nawh boet silh khqi, um am silh khqi ingkaw qawhum silh khqi awm sai uhy.)  
\v 5 Cedawngawh Farasikhqi ingkaw anaa awi cawngpyikungkhqi ing doet uhy, “Kawtih na hubatkhqi ing a hqamcakhqi ak awi hquut kaana, kut 'myn' na buh ami ai uh?” tina uhy.   
\p
\v 6 \x - \xo 7:6 \xt Is. 29.13.\x*Jesu ing, \wj “Isaiah ing nangmih qaai kqawnkhqi akawng anak kqawn ce thym zawk hy ve: 'Ve ak thlangkhqi ing a mim kha ingtaw ni zoeksang hlai uhy, amik kawlung ing ni lak hla uhy. \wj* 
\v 7 \wj Phu amak tana ni bawk unawh; ami cawng pyinaak awm thlanghqing a cawng pyinaak mailai na awm hy,' tinawh anak kqawn ce. \wj* 
\v 8 \wj Khawsa awipeekkhqi ce qoek unawh thlanghqing ak awipekkhqi ce ak cak na tu lat uhyk ti,”\wj* tinak khqi hy.   
\p
\v 9 Cekcoengawh a mingmih a venawh: \wj Na mimah ak awipekkhqi nami sainaak thai ham Khawsak awipeek qoek unawh khaw sim khoem uhyk ti! \wj* 
\v 10 \x - \xo 7:10 \xt Ex. 20.12; Deut. 5.16; \xt Ex. 21.17; Lev. 20.9.\x*\wj Mosi ing, 'Na nu ingkaw na pa zoeksang lah, u awm a nu am awh a pa ham seet ak phoei sih taw thih sak aham awm hy; tinawh anak kqawn hy. \wj* 
\v 11 \wj Cehlai nangmih ingtaw, u ingawm a nu venawh am awhtaw a pa venawh; 'Kai a ven awhkawng ikawmyih bawmnaak awm na huh cetaw Korban ni'\wj* (cece 'Khawsa venawh pek,' tinaak ni), \wj tina uhy, \wj* 
\v 12 \wj a nu aham am awhtaw a pa ham bi am bi sak qoe uhyk ti. \wj* 
\v 13 \wj Cemyihna na mimah ak awipek ing Khawsa ak awi ce hqe uhyk ti. Vemih ik-oeih ak chang khawzah sai uhyk ti,” \wj*tinak khqi hy.   
\p
\v 14 Jesu ing thlang kqeng ce a venna khy nawh a mingmih a venawh, \wj “Nangmih boeih ing ngai unawh zasim lah uh. \wj* 
\v 15 \wj Thlang ak kawk khuina anuk lut ik-oeih ikawmyih aawk-ai ingawm thlang tuih am cuk sak hy. Cehlai thlang ak kawk khuina kawng ak cawn law ing ni thlang tuih ang cuk sak. \wj* 
\v 16 \wj U awm zaksimnaak haa ak ta ingtaw za seh nyng,”\wj* tinak khqi hy.   
\p
\v 17 Thlang kqeng ce a cehtaak coengawh ipkhui na lut nawh, cawh a hubatkhqi ing cawhkaw nyhtahnaak awi ce doet uhy.   
\p
\v 18 A mingmih a venawh, \wj “Nangmih ingawm am naming zasim nawh nu? A leng nakawng thlang ak kawk khuina ak lut ikawmyih awk-ai ingawm thlang 'tyih' am cuk sak hy, tice am nami sim nawh nu? \wj* 
\v 19 \wj Ce ik-oeih ce thlang ak kawlung khuina am lut nawh ak phoen khuina ni a luh, cawhkawng awh naat na cawn tlaih hy,\wj*” tinak khqi hy. (Ve ak awi ak kqawnnaak awh ve, awk-ai boeih ve “ciimcaih hy” tinawh Jesu ing kqawn hy.)   
\p
\v 20 Cekcoengawh, \wj “Thlang ak kawlung khui awhkawng ak cawn law ing ni thlang tuih ang cuk sak hy. \wj* 
\v 21 \wj Cehlai kawlung khui nakaw, thlanghqing kawlung nakawng poeknaak amak thymkhqi cawn hy; kawpoek sangnaak, quuknaak, thlang himnaak, \wj* 
\v 22 \wj samphaihnaak, yytnaak, thawlhnaak, thailatnaak, yy thawhnaak, nainaak, tengkamnaak, oequnaak ingkaw qawnaakkhqi ce law hy. \wj* 
\v 23 \wj Vawhkaw thawlhnaakkhqi boeih boeih ve thlang ak kawlung khui nakawng law nawh thlang ce tuih cuk sak hy,” \wj*tinak khqi hy.   
\s1 Khawlawng Nu Ak Cangnaak  
\p
\v 24 Jesu ing ce a hun ce cehta nawh Tura khaw benna cet hy. Thlang ing ni hu kaw a ti awh im pynoet ak khuina lut hy; cehlai am thuh qu thai hy.  
\v 25 Cawh a canu qaai ing am tu peek nu pynoet ing, anih law hy tice ang zaak awh, law nawh a haiawh khuk sym doena qeennaak thoeh hy.  
\v 26 Cawhkaw nu cetaw Syria Phonicia awh ak thang Greek nu na awm hy. A canu ak kawkhui awhkawng qaai hqek peek aham Jesu a venawh qeenaak thoeh hy.   
\p
\v 27 Cawh Jesuh ing, \wj “Naasenkhqi ing ak phyi na ai cang useh, naasenkhqi buh ce lawh penawh uikhqi ni peek peek am nep hy,”\wj* tina hy.   
\p
\v 28 Cawhkaw nu ing, “Oeih, Bawipa, thym hy, cehlai naasenkhqi a ai hawi caboei ak kaina ak baw ce uikhqi ingawm lym lawt u sawkaw,” tina hy.   
\p
\v 29 Cawh cawhkaw nu a venawh, \wj “Cemyihna kak awi na nim hlat a dawngawh, voei hlah, qaai ing na canu cawn ta hawh hy,”\wj* tina hy.  
\v 30 Im na ang voei awhtaw ihkhun awhkaw ak zaih a canu ce hu hy, qaai ing anih ce cawn ta hawh hy.   
\s1 Hakpang Ingkaw Awimyh Qoei Sak Hy  
\p
\v 31 Jesu ing Tura qam ce cehta nawh Sidon khaw awhkawng Kalili tuili ingkaw Dekapolis qam na ce nu cet hy.  
\v 32 Ce a hun awh ang ha pang nawh awi amak pau thai thlang pynoet ce law pyi uhy, ak khan awh kut tloeng peek aham qeennaak thoeh uhy.  
\v 33 Jesu ing anih ce thlang kqeng anglakawhkawng ak chang na a cehpyi coengawh, ang ha ce a kut ing pyih pehy. Cimtui a sa coengawh am lai ce bi pe bai hy.  
\v 34 Khan benna mang nawh a hyi coengawh, \wj “Ephphata!” \wj*(”Awng qu hlah” tinaak) tina hy.   
\p
\v 35 Cawh thlang ang ha ce khui nawh am lai awm zai hy, ak leek caana awi pau thai pahoei hy.  
\v 36 U a venawh awm amak kqawn aham cekkhqi ce awi yn khqi hy. Cehlai cekkhqi ing kqawn khqoet uhy.  
\v 37 Anih ing ik-oeih boeih ak leekna sai nawh, hakpangkhqi haa khui sak nawh, pau aakhqi awm pau sak khqi hy,” ti unawh, amik kawpoekna kyi sak uhy.   
\c 8  
\s1 Thlang Thawngli Am Cahnaak  
\p
\v 1 Ce khawnghi awh thlang khawzah cun law bai unawh ai kawi ikawawm ama mi taak awh bubatkhqi ce khy khqi nawh, a mi venawh,  
\v 2 \wj “Vawhkaw thlang kqengkhqi ve khaw thum voei ni venawh awm hawh unawh, buh ai hly ikawiawm am ta usaw qeen khqi hy nyng; \wj* 
\v 3 \wj buh hyh na imna a ming voei awhtaw lamna nawk kawm uh, thlang vang khqoet taw khawk hla nakawng a mik lawna awm bai nawh,”\wj* tinak khqi hy.   
\p
\v 4 A hubatkhqi ing, “Thlang ing vemyih kqawng lakna ami ai khoek buh ni huh thai kaw?” ti unawh amah awihlat uhy.  
\v 5 Jesu ing, \wj “Phaihpi izah nami taak?” \wj*tinawh doet khqi hy. A mingmih ing, “Cun khqih” tina uhy.   
\p
\v 6 Cawh anih ing thlang kqengkhqi ce dek awh ngawih ham awi pek khqi hy. Phaihpi cun khqih ce lo nawh zeel awi ak kqawn coengawh thek nawh thlangkhqi venawh tei peek ahamna a hubatkhqi pekkhqi hy, a hubatkhqi ing thlang kqengkhqi ce tei pek khqi uhy.  
\v 7 Nga a khoeh ca ami taak ce awm bai nawh, zeel awi ak kqawn coengawh, thlang kqeng a venawh tei aham a hubatkhqi venawh kqawn pehy.   
\p
\v 8 Thlangkhqi ing ami ai awh phyi boeih uhy. Ami ai ngenkhqi ce a hubatkhqi ing vawh khqih na kawi uhy.  
\v 9 Cawhkaw buh ak aikhqi taw pa thak awm hqoeng thlang thawngli law uhy. Thlang kqeng ce a ceh sak coengawh,  
\v 10 a hubatkhqi mi lawng khuina lut unawh Dalmanutha khaw benna ce cet uhy.   
\p
\v 11 \x - \xo 8:11 \xt Mat 12.38; Luke 11.16.\x*Farasikhqi law unawh Jesu ce awi doet uhy. Noek adak ham ngaih unawh khan ben nakaw hatnaak ce doet uhy.  
\v 12 \x - \xo 8:12 \xt Mat 12.39; Luke 11.29.\x*Cehlai ak kawlung ing ak tlona hyi nawh a mingmih a venawh, \wj “Kawtih vawhkaw cadilkhqi ing kawpoek kyi hatnaak ce ami sui hy voei? Awitak ka nik kqawn peek khqi, kawmih hatnaak awm peek na am awm kaw,” \wj*tinak khqi hy.  
\v 13 A mingmih ce cehta nawh lawng khuina a luh coengawh vang ben caqai na ce cet hy.  
\v 14 A hubatkhqi ing phaihpi khyn aham hilh uhy, phaihpi pynoet doeng ce lawng khuina ta uhy.   
\p
\v 15 \x - \xo 8:15 \xt Luke 12.1.\x*Jesu ing, \wj “Ralriing lah uh, Farasikhqi ingkaw Herod a venawh ce nami cyih ta uh,”\wj* tinak khqi hy.  
\v 16 A mimah ingtaw, “Phaihpi amni taak a dawngawh ni,” tina poek uhy.   
\p
\v 17 Cekkhqi ak awih kqawn ce Jesu ing za nawh doet khqi hy: \wj “Ikaw hamna phaihpi am nami taak akawng ce namik kqawn? Tuh dy namik kawlung awh am na ming zasim bak bak nawh nu? Namik kawlung na mi tiing sak hyn nawh nu? \wj* 
\v 18 \x - \xo 8:18 \xt Jer. 5.21; Ezek. 12.2; Marka 4.12.\x*\wj Mik ta loei unawh am na ming hu nawh nu? Haa ta loei unawh am na ming za nawh nu? Na mim hilh hawh nawh nu? \wj* 
\v 19 \wj Thlang thongnga aham phaihpi cun nga kang tei awh, ak ngen vawh izah nu nami kawih ce?\wj* tinak khqi hy. Cekkhqi ing, “Vawh hqa hlaihih,” tina uhy.   
\p
\v 20 Thlang thongli aham phaihpi cun khqih kang tei awh, ak ngen vawh izah nu nami kawih ce? tinak khqi bai hy. Cekkhqi ing, “Vawh khqih,” tina uhy.  
\v 21 A mingmih a venawh, “Am na ming zasim hlan bak bak nawh nu?” tinak khqi hy.   
\s1 Mikhyp Ing Khaw Hu Hy  
\p
\v 22 Bethsaida khaw ce ami pha awh thlang vang ing mikhyp pynoet ce lawpyi unawh, anih ce bi aham Jesu a venawh qeennaak thoeh uhy.  
\v 23 Mikhyp ce tu nawh khawceng na ceh pyi hy. Amik awh cimtui sa pe nawh ak khan awh a kut tloeng pehy, cekcoengawh, \wj “Nak hu thai hawh aw\wj*? tina hy.  
\v 24 Hang mang law nawh, “Thlangkhqi ce thingkhqi ak cet myihna hu nyng,” tina hy.   
\p
\v 25 Cekcoengawh ce ak thlang amik awh Jesu ing a kut tloeng pe tlaih bai hy. Cawh amik ce dai tlaih nawh ik-oeihkhqi ce ak caih pheng na hu hy.  
\v 26 \wj “Khawk khuina koeh cet moe,” \wj*tina nawh im na tyi hy.   
\s1 Petir Ing Khrih Anihnaak Kqawn hy  
\p
\v 27 Kaiserea Philipi khaw ceng khaw cawikhqi awh Jesu ingkaw a hubatkhqi taw cet uhy. Cawh lam awh a mingmih ce doet khqi hy, \wj “Kai ve thlangkhqi ing u nu ami ti?”\wj* tinak khqi hy.   
\p
\v 28 \x - \xo 8:28 \xt Marka 6.14,15; Luke 9.7,8.\x*A mingmih ing, “Thlang vang ing Baptisma ak pekung Johan; thlang vang ing Elijah; thlang vang bai ingtaw tawngha pynoet oet ni ti uhy,” tina uhy.   
\p
\v 29 \x - \xo 8:29 \xt Joh 6.68,69.\x*\wj “Nangmih ingtaw kai ve u nu nami ti?”\wj* tinak khqi hy. Cawh Piter ing, “Nang taw Khrih ni,” tina hy.  
\v 30 Jesu ing amah akawng ce u venawh awm amak kqawn aham cekkhqi ce yn khqi hy.   
\s1 Jesu Ing A Thihnaak Hly Kqawn Hy  
\p
\v 31 Thlanghqing Capa ing khuikha hu kawmsaw, a hqamcakhqi, khawsoeih boeikhqi ingkaw anaa awi cawngpyikungkhqi ing hoet kawm uh, anih ce him kawm usaw am thum nyn awh tho tlaih kaw, tinawh cekkhqi ce cawngpyi hy.  
\v 32 Ve akawng ve ak caih caana kqawn pehy, cedawngawh Piter ing ak changna khy nawh kaa na hy.  
\v 33 Cehlai Jesu ing a hubatkhqi benna mang nawh Piter ce zyi hy. \wj “Setan! Ka huna thoeih lah, Khawsa a kawnglam ak poek kaana, thlanghqing a kawnglam doeng ni nak poek hy,”\wj* tina hy.   
\s1 Na Thinglam Kawt  
\p
\v 34 \x - \xo 8:34 \xt Mat 10.38; Luke 14.27.\x*Cekcoengawh thlang kqeng ce a hubatkhqi mi a venna khy nawh: \wj “U ingawm ka hu awh bat law ham a ngaih awhtaw amah ingkaw amah ce hoet qu seh, amah a thinglam ce kawh doena ka hu awh bat seh. \wj* 
\v 35 \x - \xo 8:35 \xt Mat 10.39; Luke 17.33; Joh 12.25.\x*\wj U awm a hqingnaak thaawng ham ak ngaih ingtaw a hqingnaak ce hlawng kaw. \wj* 
\v 36 \wj Thlang ing khawmdek ve a pum boeih na ham mai seiawm, a hqingnaak a hlawng awhtaw anih ham ikaw phu ak taak? \wj* 
\v 37 \wj Thlang ing a hqingnaak lakawh ikaw a pek thai kaw? \wj* 
\v 38 \wj U ingawm ve samphaih ingkaw thawlh dung khuiawh kai ingkaw kak awi ak chahn pyi thlang taw, thlanghqing Capa ing Pa boeimangnaak ing ak khan ceityihkhqi mi a law awh anih ce chah pyi lawt kaw,” \wj*tina hy.   
\c 9  
\p
\v 1 Cekcoengawh a mingmih a venawh, \wj “Awitak ka nik kqawn peek khqi, thaawmnaak ing Khawsa qam a law ce ami huh hlandy vawh amik dyi thlang vangkhqi lakawh thihnaak amak tan hly kawi thlang awm hy,” \wj*tinak khqi hy.   
\s1 Jesu Myi Thawnaak  
\p
\v 2 \x - \xo 9:2 \xt 2Pe 1.17,18.\x*Ak kquk nyn coengawh Jesu ing Piter, Jakob ingkaw Johan ce khy nawh tlang sang na kaai pyi khqi hy, cawh ce a mimah doeng awm uhy. Cawh a mimah a haiawh a myi thaw pek khqi hy.  
\v 3 A hi ce a baawk phung na vang hy, khawmdek awh ce anglakawh ak baawk am awm hy ti tluk na baawk hy.  
\v 4 Cekkhqi haiawh Elijah ingkaw Mosi awm dang pe nawh Jesu mi awi kqawn uhy.  
\v 5 Piter ing Jesu a venawh, “Cawngpyikung vawh awm ve nep soeih hy. Buk pakthum awh chuh usih - pynoet ce nang aham, pynoet ce Mosi aham seitaw pynoet ce Elijah aham seh,” tina hy.   
\p
\v 6 (Amik kqih aih awh ikaw amik kqawn hly awm am sim lat uhy.)  
\v 7 \x - \xo 9:7 \xt Mat 3.17; Marka 1.11; Luke 3.22.\x*Cawh cingmai ing zawl khqi khoep nawh, khawk khan nakawng: “Vetaw ka lungnaak ka Capa ni. Ak awi ngaih pe uh,” tinawh awi ce law hy.   
\p
\v 8 Kawlhkalh awh, mang usaw Jesu doeng am taw ak chang u am hu qoe uhy.  
\v 9 Tlang nakawng ami nuk kqum awh, Thlanghqing Capa thihnaak awhkawng a thawh hlan dy cawhkaw ik-oeih ami huhkhqi ce u a venawh awm amak kqawn aham cekkhqi ce awi pek khqi hy.  
\v 10 Cawh a mimah ingkaw a mimah ce, “Thihnaak awhkawng thawh tlaihnaak” tive ikawmyih nu?” tinawh doet qu uhy.  
\v 11 \x - \xo 9:11 \xt Mal. 4.5; Mat 11.14.\x*”Kawtih anaa awi cawngpyikungkhqi ing Eliajah ve lamma na law kaw, ami ti bai hy voei?” tinawh doet uhy.   
\p
\v 12 Jesu ing, \wj “Elijah ve lamma na law tang hy, anih ing ik-oeihkhqi boeih qoek abah kaw. Cawhtaw kawtih thlanghqing Capa ing khuikha zaawk kawmsaw hoet kawm uh, tinawh a na qee hyt hy voei? \wj* 
\v 13 \wj Cehlai ka nik kqawn peek khqi, Elijah taw law hawh nawh akawnglam ami qee hawh a myihna ak khanawh ami ngaih ngaih amyihna sai hawh uhy,” \wj*tinak khqi hy.   
\p
\v 14 A hubatkhqi ven a nuk pha awh, thlang kqeng khawzah anglakawh anaa awi cawngpyikungkhqi mi ami nang oelh qu ce hu uhy.  
\v 15 Thlang kqengkhqi ing Jesu ami huh awh, amik kawpoekna kyi nawh anih ak do na ce dawng uhy.  
\v 16 Cawh anih ing a mi venawh, \wj “A mingmih mi ikaw nu naming oelh qu?,”\wj* tinawh doet khqi hy.   
\s1 Qaai Am Tu Qoei Saknaak  
\p
\v 17 Cawh thlang kqeng ak khui awhkaw thlang pynoet ing, “Cawngpyikung, ka capa, qaai ing am tu nawh awi amak pau thai law pyi nyng.  
\v 18 A pha pha awh dek na tlu hoeih hoeih hy. Am kha awh a cimtui pem nawh, a ha ak taak nawh ak thang ing dawk poepa hy. Na hubatkhqi venawh qaai ce hqek aham kqawn pek khqi hlai nyng, am sai thai uhy,” tina hy.  
\v 19 Jesu ing, \wj “Aw cangnaak amak ta cadil tloek, nangmih a venawh iqyt dy nu ka awm kaw? I qyt dy nu kang yh hly bak bak? Naasen ce ka venna law pyi lah uh,” \wj*tinak khqi hy.   
\p
\v 20 Naasen ce a venna law pyi uhy. Qaai ing Jesu ce a huh awh, cawhkaw naasen ce phep khqoet nawh am kha awh cimtui pem nawh dek awh zeet khoeng khoeng hy.  
\v 21 \wj “Ve myihna iqyt nu a awm hawh?”\wj* tinawh naasen a pa ce doet hy. Anih ing, “A naasen ca awhkawng hawh ni,” tina hy.   
\p
\v 22 “Mai awh awm tui awh awm a thihnaak aham buuk poepa hy. Nang ing na sai thai awhtaw nim qeen nawh nik pyi lah,” tina hy.  
\v 23 \wj “Na sai thai awhtaw e! ak cangnaak ham taw ik-oeih boeih boeih coeng thai hy,”\wj* tinawh Jesu ing tina hy.   
\p
\v 24 Cawh naasen a pa ing, “Cang na nyng, am kak cangnaak ka noengnaak ham nik pyi lah!” tina hy.  
\v 25 Cawhkaw ik-oeih ak toek na thlangkhqi amik law ce Jesu ing a huh awh, qaihche ce zyi nawh a venawh, \wj “Nang qaai pau aa ingkaw hak pang, awi ni pe nyng, ak khui awhkawng cawn nawh, koeh lut qoe voel,” \wj*tina hy.   
\p
\v 26 Cawh qaai ing cawhkaw naasen ce thyn sak nawh dek awh ang zeet sak tlyp tlyp coengawh khy nawh cawn hy. Cawhkaw naasen taw thlak thi amyihna awm hqoeng nawh thlangkhqi ingtaw, “Thi hawh hy,” ti uhy.  
\v 27 Cehlai Jesu ing anih ce a kut awh tu nawh thawh saw anih ce dyi pahoei hy.  
\v 28 Ipkhui na a lut awh a hubatkhqi ing, “Ikawtih kaimih ingtaw am kami hqek thai hy voei? ti unawh ang hyp na doet uhy.  
\v 29 Jesu ing, \wj “Vemih taw cykcahnaak doeng ing ni ak cawn thai,”\wj* tinak khqi hy.   
\s1 A Thihnaak Hly Kawng Kqawn Tlaih Bai Hy  
\p
\v 30 Ce a hun ce cehta unawh Kalili qam awhkawng cet phat unawh thlang ing a mi awmnaak a sim ham Jesu ing am ngaih hy.  
\v 31 A hubatkhqi ce a cawngpyi khqi a dawngawh, ami venawh, \wj “Thlanghqing Capa ve thlang a kut awh tu sakna awm kawm saw, himna awm kawm usaw, cawh a mi him am thum nyn awh tho tlaih kaw,\wj*” tinak khqi hy.  
\v 32 Cehlai ak awih kqawn a konglam ce am zaak pe sim thai qoe uhy, ami doet hly nu kqih koek uhy.   
\s1 U Aw Ak Bau Soeih?  
\p
\v 33 Kaperanuam khaw ce pha law uhy. Ipkhui na ami awm awh, a hubatkhqi ce doet hy. \wj “Lam awh kawmih akawng nu a ming oelh qu?\wj*” tinak khqi hy.   
\p
\v 34 \x - \xo 9:34 \xt Luke 22.24.\x*”U nu ak bau khyt,” tice lam awh a ming oelh qu a dawngawh a ming hqi phah uhy.  
\v 35 \x - \xo 9:35 \xt Mat 20.26,27; 23.11; Marka 10.43,44; Luke 22.26.\x*Nung ngawi nawh a hubat thlanghqa hlaihih tloek ce ak khy coengawh, \wj “U awm maa ham ak ngaih ingtaw thlang boeih a hukhit na awm seitaw thlang boeih a tyihzoeih na awm seh,”\wj* tinak khqi hy.   
\p
\v 36 Naasen pynoet ce lo nawh cekkhqi anglakawh dyih sak hy. Cawhkaw naasen ce pawm nawh, a mingmih a venawh,  
\v 37 \x - \xo 9:37 \xt Mat 10.40; Luke 10.16; Joh 13.20.\x*\wj “U awm vawhkaw naasen khqik khuiawh pynoet awm kang ming ing ak do thlang taw kai anik do na awm hy; U awm kai a nik do thlang taw kai amni do nawh kai anik tyikung ni a do,” \wj*tinak khqi hy.   
\p
\v 38 Johan ing, “Cawngpyikung, thlang pynoet ing nang ang ming ing qaai a hqek ce hu u nyngsaw, ningnih ak khui awhkaw thlang na ama awm a dawngawh kham pe u nyng,” tina uhy.   
\p
\v 39 Jesu ing, \wj “Koeh kham pe uh, kai ang ming ing kawpoek kyi ik-oeih ak sai ing kai a seetnaak ap kqawn tikaw, \wj* 
\v 40 \x - \xo 9:40 \xt Mat 12.30; Luke 11.23.\x*\wj ningnih ama nik oelh thlang taw ningnih ben thlang ni. \wj* 
\v 41 \x - \xo 9:41 \xt Mat 10.42.\x*\wj Awitak ka nik kqawn pek khqi, Khrih a koe na nami awm a dawngawh kai ang ming ing tui boet oet awm ak pe taw ityk awh awm kutdo ce am zyng tikaw. \wj*   
\s1 Thawlh Ham Ak Zoek  
\p
\v 42 \wj “U ingawm kai anik cangnaak ve naasen khqik khuiawh pynoet awm a thawlh sak mantaw, anih ce a hawng awh cang neetnaak lung ak bau ce awi sak nawh tui na nik khawng man anih aham nep bet hy. \wj* 
\v 43 \x - \xo 9:43 \xt Mat 5.30.\x*\wj Na kut ing a ni thawlh sak awhtaw tlyk boet mai. Na kut pakkhih ak soep na amak thi qoe hell mai khuina ang tlaak anglakawhtaw kut amak soep na hqingnaak khuiawh na lut ce nang ham nep bet hy. \wj* 
\v 44 \wj Cawhkaw hell mai khui awhtaw mehkqit awm am thi thai nawh mai awm am thi thai qoe hy. \wj* 
\v 45 \wj Na khaw ing a ni thawlh sak awhtaw, tlyk boet mai, khaw pakkhih ak soep na hell khuina nang tlaak anglakawhtaw khaw ngun na hqingnaak ak khuiawh na lut ce nang ham nep bet hy. \wj* 
\v 46 \wj Cawhkaw hell mai khuiawh taw mehkqit awm am thi thai nawh mai awm am thi thai qoe hy. \wj* 
\v 47 \x - \xo 9:47 \xt Mat 5.29.\x*\wj Na mik ing a ni thawlh sak awhtaw, koeih mai. Mik pakhih ak soep na hell khuina tlaak anglakawhtaw mik lang doeng ing Khawsa ram khuiawh a lut ce nep bet hy. \wj* 
\v 48 \x - \xo 9:48 \xt Is. 66.24.\x*\wj Cawhkaw hell khui awhtaw 'mehkqit awm am thi thai nawh mai awm am thi thai qoe hy'. \wj* 
\v 49 \wj Thlang boeih mai awh ci ing alna awm kaw. \wj* 
\v 50 \x - \xo 9:50 \xt Mat 5.13; Luke 14.34,35.\x*\wj ”Ci ve nep hy, cehlai a alnaak ve a paih mantaw, ikawmyihna na al sak thai tlaih kaw? Ci a myihna al unawh, thlang boeih mi qoep ang qui na awm lah uh,” \wj*tinak khqi hy.   
\c 10  
\s1 Chungvaa Kqeengnaak  
\p
\v 1 Cekcoengawh Jesu ing ce a hun ce cehta nawh Jordan long caqai Judah qam benna cet hy. Cawh thlang kqeng ing a ven pan law tlaih bai uhy, a sai khawi amyihna cekkhqi ce cawngpyi khqi hy.  
\v 2 Farasi thlang vangkhqi ce law unawh noek a dak naakna awi doet uhy, “Thlang ing zu ak thlak ham ak thym hly nu?” tina uhy.   
\p
\v 3 Anih ing, \wj “Mosi ing ikawk awi nu a na peek khqi?” \wj*tinawh doet khqi hy.  
\v 4 \x - \xo 10:4 \xt Deut. 24.1-4; Mat 5.31.\x*Cekkhqi ing, “Mosi ingtaw zu thlak thainaak caa qee nawh zu thlak thainaak pehy,” tina uhy.   
\p
\v 5 Jesu ing, \wj “Na mik kawlung a hqam soeih a dawngawh cemyihna anaa awi a na qee mai ni. \wj* 
\v 6 \x - \xo 10:6 \xt Gen 1.27; 5.2.\x*\wj Cehlai ak cyk caawh Khawsa ing pa ingkaw nu a na sai hy. \wj* 
\v 7 \x - \xo 10:7 \xt Gen 2.24.\x*\wj Ve akawngawh pa ing a nu ingkaw a pa ce cehta nawh a zu tu lawm saw; \wj* 
\v 8 \wj pakhih ce pum pynoet na awm kawm nih,' tina hy. Cedawngawh pakkhih na am awm voel nih nawh, pumoet na awm hawh hy nih. \wj* 
\v 9 \wj Cedawngawh Khawsa ing a tawm ce hawh taw thlanghqing ing koeh hqe seh,”\wj* tinak khqi hy.   
\p
\v 10 Ipkhui na ami awm awh, ve akawng ve a hubatkhqi ing doet tlaih bai uhy.  
\v 11 \x - \xo 10:11 \xt Mat 5.32; 1Kor 7.10,11.\x*A mingmih a venawh, \wj “U ingawm a zu ce thla nawh nuk chang ce a zu naak tlaih awhtaw a zu ak khanawh sam ak phaih ni. \wj* 
\v 12 \wj Nu ingawm a va ma nawh thlak chang a va naak awhtaw anih awm sam ak phaih ni,”\wj* tinak khqi hy.   
\s1 Nasen Koeh Maa  
\p
\v 13 Jesu ing a bi hamna naasen cakhqi ce law pyi khqi uhy, cehlai a hubatkhqi ing kaa nak khqi uhy.  
\v 14 Cehlai Jesu ing cece a huh awh, ak kaw am law nawh, a hubatkhqi venawh, \wj “Naasen cakhqi ce ka venna law pyi khqi lah unawh, koeh hqek khqi uh, kawtih khan qam taw vemyihna ak awm thlangkhqi aham na ni. \wj* 
\v 15 \x - \xo 10:15 \xt Mat 18.3.\x*\wj Awitak ka nik kqawn peek khqi, u awm Khawsa ram ce naasen ca myihna amak do taw ityk awh awm ak khuina am lut tikaw,”\wj* tinak khqi hy.  
\v 16 Naasenkhqi ce lo nawh ak pawn coengawh, a mingmih ak khan awh a kut tloeng nawh zoseennaak pek khqi hy.   
\s1 Boei Ingkaw Khawsa Qam  
\p
\v 17 Lam na a ceh awh, thlang pynoet ce a venna dawng law nawh a haiawh khuk sym doena, “Cawngpyikung leek, kumqui hqingnaak ka huhnaak thai ham ikaw ka sai hly?” tina hy.  
\v 18 Jesu ing, \wj “Ikawtih 'leek hy' tinawh na nik khy? Khawsa doeng tikaa taw u awm am leek hy. \wj* 
\v 19 \x - \xo 10:19 \xt Ex. 20.13; Deut. 5.17; \xt Ex. 20.14; Deut. 5.18; \xt Ex. 20.15; Deut. 5.19; \xt Ex. 20.16; Deut. 5.20; \xt Ex. 20.12; Deut. 5.16.\x*\wj Awipeekkhqi sim tik sawkaw: 'Thlang koeh him, koeh samphaih, koeh qu, amak thym dyihthing na koeh dyi, thlang koeh qaai na, na nu ingkaw na pa kqihchah lah,' a tice,” \wj*tina hy.   
\p
\v 20 Anih ing, “Cawngpyikung, vekkhqi boeih ve ka naasen awhkawng ni ka sai hawh hy,” tina hy.   
\p
\v 21 Jesu ing anih ce toek nawh lungna soeih nawh, \wj “Ik-oeih pynoet voet hyn hy,” \wj*tina hy. \wj “Cet nawh na kawhthemkhqi boeih ce zawi nawh khawdeng hahqahkhqi ce pe, cawhtaw khawk khanna qo ta kawp ti; cekcoengawh law nawh ka hu awh bat law,”\wj* tina hy.   
\p
\v 22 Cehlai a hai ta malh nawh, ik-oeih khawzah a taak a dawngawh kawseet doena valh tlaih hy.   
\p
\v 23 Jesu ing hawi ang mang nawh, a hubatkhqi venawh \wj “Bawikhqi ing Khawsa ram awh a luhnaak aham kyi soeih mah hy!”\wj* tina hy.   
\p
\v 24 Ak awih kqawnnaak awh a hubatkhqi taw aming ngaih na kyi hy. Cehlai Jesu ing, \wj “Naasenkhqi, boei ak ypnaak thlangkhqi ham Khawsa qam khuiawh lut ve kyi soeih mah hy. \wj* 
\v 25 \wj Bawi ak thlang ing Khawsa ram khuiawh a lut anglakawh Kalauk ing kqym ak khuiawh a lut zoei bet hy,”\wj* tinak khqi hy.   
\p
\v 26 A hubatkhqi ce amik kawpoek kyi khqoet nawh, “Cawhtaw u nu hul na ak awm hly hy voei?” ti uhy.   
\p
\v 27 Jesu ing a mingmih ce toek khqi nawh, “\wj Thlanghqing aham taw am coeng thai hy, cehlai Khawsa ham taw ik-oeih boeih boeih ve coeng thai hy,”\wj* tina hy.   
\p
\v 28 Piter ing, “Kaimih ing ik-oeih boeih boeih cehta unawh na hu ka ming bat law ve!” tinawh doet hy.   
\p
\v 29 Jesu ing, \wj “Awitak ka nik kqawn peek khqi, u ingawm kai ingkaw awithang leek ak caming a im a lo, a koeinaa, a koeinanu, a nu apa, a canaakhqi ingkaw a lokhqi a cehtaak awhtaw \wj* 
\v 30 \wj tuh a khuk qoe awh a pyh zakhat dyna (imkhqi, a koeinaakhqi, a koeinukhqi, a nu a pakhqi, a canaakhqi ingkaw a lokhqi - cekkhqi ingkaw thekhanaakkhqi) ingkaw ak law hly a khuk awh, kumqui hqingnaak ce hu kaw. \wj* 
\v 31 \x - \xo 10:31 \xt Mat 20.16; Luke 13.30.\x*\wj Cehlai ak maakhqi ce huu khyng kawm usaw huu ak khyngkhqi ce maa lat kawm uh,”\wj* tinak khqi hy.   
\s1 A Thihnaak Hly Kawng Kqawn Bai Hy  
\p
\v 32 Jerusalem benna ami hang ceh awh, Jesu taw a mingmih a haiawh lamma na cet hy, cawh a hubatkhqi taw amik kawpoek kyi hy. Thlanghqa hlaihih tloek ce ak chang na cehpyi nawh ak khan awh ik-oeih ak pha law hly ce kqawn pek khqi hy.  
\v 33 \wj “Tuh Jerusalem na ni hang cet kawm usaw, thlanghqing Capa ve khawsawih boeikhqi ingkaw anaa awi cawngpyikungkhqi kut awh peekna awm kaw. A mingmih ing thih hamna ak khanawh awi tluuk sak kawm usaw Gentelkhqi kut awh pe kawm uh, \wj* 
\v 34 \wj Cekkhqi ing anih ce the a kha na kawm usaw him kawm uh. Cehlai am thum nyn awh tho tlaih kaw,”\wj* tinak khqi hy.   
\s1 Jakob Ingkaw Johan A Thoehnaak  
\p
\v 35 Zebedi a caqawi, Jakob ingkaw Johan ce a venna law hy nih. Cekkqawi ing, “Cawngpyikung, ka ni thoeh law a hoei boeih ve na sai hamna ngaih hlai nih nyng,” tina hy nih.   
\p
\v 36 Anih ing, \wj “Ikaw sai sak ham nu nani ngaih?”\wj* tinak kqawi hy.   
\p
\v 37 Cekkqawi ing, “Na boeimangnaak khuina na awm awh pynoet tang benna pynoet cawng benna na ning ngawih sak qawi aham ngaih nih nyng,” tina hy nih.   
\p
\v 38 \x - \xo 10:38 \xt Luke 12.50.\x*Cawh Jesu ing, \wj “Ik-oeih nani thoeh ve am sim hy nik ti. Ka aawk hly kawi boet ve nami aw hly thai nawh nu? Baptisma ka huh hly kawi ve nani hu hly thai nawh nu?\wj*” tina qawi hy.   
\p
\v 39 Cekkqawi ing, “Oeih, hu thai lawt kawng nih nyng,” tina hy nih. Jesu ing, \wj “Kai ing ka aawk hly kawi boet ce aw thai kawm nih tiksaw ka huh hly kawi baptisma awm hu thai kawm nik ti, \wj* 
\v 40 \wj Cehlai kak tang ben ingkaw kak cawng benawh ngawih thainaak taw kai ak cam amni, a hoep peek ak thlangkhqi ham ni,” \wj*tina qawi hy.   
\p
\v 41 Ce ak awi ce thlanghqa tloek ing aming zaak awh Jakob ingkaw Johan ak khan awh amik kaw am law hy.  
\v 42 \x - \xo 10:42 \xt Luke 22.25,26.\x*Jesu ing a mingmih ce kutoet na khy khqi nawh, \wj “Gentel ukkungkhqi ing a mimah Gentelkhqi ak khan awh boeina ami awm ce sim u hyk ti, dyih hun ak sang na ak awmkhqi ing a mingmih ce a ngaihnaak a myihna uk uhy. \wj* 
\v 43 \x - \xo 10:43 \xt Mat 23.11; Marka 9.35; Luke 22.26.\x*\wj Cehlai nangmih taw cemyihna am awm kawm uk ti. Nangmih anglakawh u ingawm ak bau khyt na awm a ngaih awhtaw nangmih a tyihzoeih na awm seh. \wj* 
\v 44 \wj U awm lamma na awm ak ngaih ingtaw nangmih boeih a tamnaa na awm seh. \wj* 
\v 45 \wj Ikawtih thlanghqing Capa ing za thlang bibi sak aham am law nawh, thlang a bi ak bi ham ni a law, thlang khawzah hulnaak aham a hqingnaak ak pe aham nani a law,”\wj* tinak khqi hy.   
\s1 Bertimai A Mik Dainaak  
\p
\v 46 Cekcoengawh Jeriko khaw na ce pha uhy. Jesu ing a hubatkhqi, thlang kqeng mi khawk bau awhkawng ami ceh hui awh, mikhyp pynoet, Timai a capa, Bertimai ak mingnaak, taw lam keng awh ngawi nawh a kut dun hy.  
\v 47 Nazareth khaw awhkaw Jesu ni ak cet tice ang zaak awh, “David Capa, Jesu, kai nim qeen lah!” tinawh khy hy.   
\p
\v 48 Thlangkhqi ing awm dym aham zyi uhy, cehlai anih ing,, “David Capa kai nim qeen lah!” tinawh khy hy.   
\p
\v 49 Jesu ing dyi nawh, “\wj Anih ce khy lah uh,” \wj*tinak khqi hy. Cedawngawh cawhkaw mikhyp ce khy uhy, “Nang ngaih qep sak nawh dyi lah, nik khy nyng,” tina hy.   
\p
\v 50 Anih ing a hi ce khawng nawh ang peh doena Jesu a venna cet hy.   
\p
\v 51 Jesu ing, \wj “Nak khanawh ikaw sai pek ham na ngaih?” \wj*tina hy.  
\p Cawh, mikhyp ing a venawh, “Rabboni, huh thai ngaih hy nyng,” tina hy.   
\p
\v 52 Jesu ing a venawh, “\wj Cet hlah, nak cangnaak ing ni qoei sak hawh hy,”\wj* tina hy. Bawtbet awh amik ce dai nawh Jesu a hu awh bat pahoei hy.   
\c 11  
\s1 Boeimangnaak Ing A Lutnaak  
\p
\v 1 Jerusalem ce pha law tawm unawh Bethphage ingkaw Bethani khaw awhkaw Olive tlang ce ami pha law awh, a hubat thlang pakhih ce haina tyi nawh,  
\v 2 ani venawh, \wj “Nani haai awhkaw khaw ak awmna cet nih nawh khawk khuina nani lut awh, u ingawm a mang ngawihnaak hlan, laa ca amik pai ce hu kawm nik ti. Suut nih nawh sawi law nih. \wj* 
\v 3 \wj U ingawm, 'Ikaw hamna nani sai?' a ti awhtaw, 'Bawipa ing ngoe hy, thak law sak tlaih bit kaw,' tina nih,”\wj* tina qawi hy.   
\p
\v 4 Cekkqawi ce cet nih nawh vawng chawmkeng a venna, laa ca amik pai ce hu hy nih. Laa ca ce a ni hlan awh,  
\v 5 cawhkaw ak dyikhqi ing, “ikaw hamna laa ce nani hlam?” tina uhy.   
\p
\v 6 Jesu ing a yn amyihna kqawn pe nih nawh cekkhqi ing ceh sak uhy.  
\v 7 Laa ca ce Jesu venna sawi hy nih, cawh hikhqi ce laa ca ak khan awh phaih unawh, ak khanawh ngawi hy.  
\v 8 Thlangkhqi ing hi ce lam awh phaih pe uhy, thlang vang ing thingbupkhqi ce chawm unawh lam awh phaih pe uhy.  
\v 9 \x - \xo 11:9 \xt Sam 118.25,26.\x*Haina ak cetkhqi ingkaw hu benna ak lawkhqi ing, “Hosanna!” “Bawipang ming ing ak law taw a zoseen seh!”  
\v 10 “Ak law hly kawi ni pa David a qam taw zoeksang na awm seh!” “Sawsang soeih awh Hosanna!” tinawh khy uhy.  
\v 11 Jerusalem khawk khuina Jesu taw cet nawh bawkim ak khuina lut hy. Ik-oeihkhqi ce toek nawh khaw a my hawh a dawngawh, thlanghqa hlaihih tloek mi Bathani khaw na cet tlaih uhy.   
\s1 Thai Thing Zyi Hy  
\p
\v 12 A khawngawi awh Bathani khaw awhkawng ami law tlaih awh, Jesu taw ak phoen cawi hy.  
\v 13 Ak hla nakawng a hah hqoeng na ak awm thai thing ce hu hy, ak thaih ak awm hy voei nu tinawh a kung na pan hy. Cehlai a pha awh, thai a qahnaak tym na ama awm dawngawh a hah hqoeng ce hu hy.  
\v 14 Cawh thai thing na ce, \wj “Itykawm nak thaih ve u ingawm koeh ai voel seh,” \wj*tina hy. Ce ak awi ce a hubatkhqi ingawm za lawt uhy.   
\s1 Jerusalem Bawkim Ciimcaih Sak  
\p
\v 15 Jerusalem ami pha awh Jesu ing bawkim khuina lut nawh ik-oeih ak zawikhqi ingkaw ak thlaikhqi ce hqek khqi hy. Tangka ak thungkhqi a caboeikhqi ce khuphlet pe nawh kqukqu ak zawikhqi ang ngawihnaak khqi awm khuphlet pek khqi hy.  
\v 16 Ik-oeihkhqi ce bawkim khui awhkawng am khyn sak khqi hy.  
\v 17 \x - \xo 11:17 \xt Is. 56.7; \xt Jer. 7.11.\x*Ami venawh: '\wj Ka im ve pilnam thlangkhqi a cykcahnaak im na awm kaw,' tinawh qeena am awm nawh nu? Nangmih ingtaw quk-aikhqi ak khui ak kawk' na nami sai,”\wj* tinak khqi hy.  
\v 18 Khawsawih boeikhqi ingkaw anaa awi cawngpyikungkhqi ing ce akawng aming zaak awh amah ami himnaak thai ham lam ce sui uhy, anih a cawngpyinaak awh thlang kqeng ak kawpoek a kyi a dawngawh, anih ce kqih uhy.  
\v 19 Khaw a my law awhtaw khawk bau ce cehta uhy.   
\s1 Thai Thing Koh  
\p
\v 20 A khawngawi mymcang ami ceh tlaih awhtaw, thai thing ak kqa dyna a koh ce hu uhy.  
\v 21 Piter ing poek hqoet nawh Jesu a venawh, “Cawngpyikung, toek lah! thai thing nang ing na zyih ce thi hawh hy ce!” tina hy.   
\p
\v 22 Jesu ing, \wj “Khawsa awh ce cangnaak ta lah uh. \wj* 
\v 23 \wj Awitak ka nik kqawn peek khqi, u ingawm vawhkaw tlang na ce 'Thoeih nawh tuili na khawng qu lah' tinawh upvoetnaak taak kaana ak kqawn ce coeng ngai ngai kaw, tinawh ak cangnaak awhtaw, a ti amyihna awm pekaw. \wj* 
\v 24 \wj Cedawngawh ka nik kqawn peek khqi, nangmih ing cykcahnaak ing ik-oeih nami thoeh awh hu hawh nyng tinawh cangna uh, cawhtaw hu kawm uk ti. \wj* 
\v 25 \x - \xo 11:25 \xt Mat 6.14,15.\x*\wj Cykcah aham naming dyih awh nak khan awh ik-oeih ak sai thawlh a awm awhtaw qeen lamma cang uh, cawh ni khawk khan nakaw ak awm nangmih a Pa ing nangmih a thawlhnaakkhqi a nim qeen hly khqi lawt. \wj* 
\v 26 \wj Cehlai am namim qeen awhtaw khawk khan nakaw ak awm nami Pa ingawm nangmih a thawlhnaakkhqi ce am nim qeenkhqi lawt kaw,”\wj* tinak khqi hy.   
\s1 Jesu A Saithainaak Doet Uhy  
\p
\v 27 Jerusalem pha law unawh, Jesu ing bawkim khuina a ceh awh, khawsoeih boeikhqi, anaa awi cawngpyikungkhqi ingkaw a hqamcakhqi ce a venna law uhy.  
\v 28 “Hanakaw saithainaak ing vawhkaw ik-oeihkhqi ve na sai? U ing vemyih ik-oeihkhqi ve a ni sai sak?” tinawh doet uhy.  
\v 29 Jesu ing, \wj “Awi pynoet awh ni doet khqi cang vang. Nim hlat lah uh, cawh ni hanakaw saithainaak ing kai ing vawhkaw ik-oeihkhqi ka sai, tice kak kqawn hly lawt hy. \wj* 
\v 30 \wj Johan a Baptisma ve - khan benna kaw nu, am awhtaw thlanghqing benna kaw nu? Kqawn law lah uh!”\wj* tinak khqi hy.   
\p
\v 31 Cawh a mimah ingkaw a mimah ce doet qu uhy,” Khan benna kaw ni tinaak mantaw, 'Cawhtaw kawtih amna mik cangnaak? niti nak khqi kawh.  
\v 32 'Thlanghqing benna kaw ni,' ni tinaak bai mantaw,” ti uhy. Cehlai thlang kqeng ce kqih khqi bai uhy, thlang boeih ing Johan taw tawngha ni, ami ti a dawngawh.  
\v 33 Cedawngawh Jesu a venawh ce, “Am sim unyng,” tina uhy. Cawh Jesu ing, \wj “Cawhtaw hanakaw saithainaak ing kai ing vawhkaw ik-oeihkhqi ka sai, tice ap kqawn lawt kawng,”\wj* tinak khqi hy.   
\c 12  
\s1 Misur Dum Kungmah  
\p
\v 1 \x - \xo 12:1 \xt Is. 5.1,2.\x*A mingmih a venawh nyhtahnaak ing awi kqawn pek khqi tlaih bai hy:\wj “ Thlang pynoet ing misur dum ta hy. Vawng a sung boeih coengawh, misur suinaak aham dek co nawh a qehnaak im sa hy. Cekcoengawh misur dum khuiawh bi ak bi aham thlang vat nawh amah ce khawk hla na cet hy. \wj* 
\v 2 \wj Misur qah bih tym a pha awhtaw a dum khuiawh kaw misur qah bih aham a tamnaa thlang pynoet dum khuiawh kaw bibikungkhqi venna tyi hy. \wj* 
\v 3 \wj Cehlai cekkhqi ing tu unawh ami vyk coengawh kut hqawng na tyi uhy. \wj* 
\v 4 \wj Cekcoeng bai awh tamnaa ak chang pynoet ce cekkhqi venna tyi bai hy; anih ce a lu awh vyk unawh chahqai na sai uhy. \wj* 
\v 5 \wj Ak chang tamnaa ce tyi tlaih bai hy, cehlai cekkhqi ing anih ce him uhy. Cekcoengawh tamnaa khawzah tyi hlai hy, cekkhqi ing a vang ce vyk unawh a vang ce him uhy. \wj* 
\v 6 \wj Cawhtaw tyih aham a lungnaak soeih a capa pynoet doeng ni a awm hawh. A hukhit nataw a capa ce tyi hy, 'Ka capa taw kqihchah na kawm uh,' tinawh poek hy. \wj* 
\v 7 \wj Cehlai dum bibikungkhqi ing, 'Anih ce qo ak pangkung ni ve. Law uh, him unawh a qokhqi ce ningnih aham awm seh,' ti uhy. \wj* 
\v 8 \wj Cedawngawh anih ce tu unawh ami him coengawh vawng ak ceng na khawng uhy. \wj* 
\v 9 \wj “Cawhtaw misur dum ak takung ing cekkhqi ce ikawmyihna a tinaak khqi kaw? Law kawm usaw dum bibikungkhqi boeih ce a him coengawh misur dum ce thlak chang kut awh pe kaw. \wj* 
\v 10 \x - \xo 12:10 \xt Sam 118.22,23.\x*\wj Vawhkaw khaw cabu awi ve am nami noet nawh nu? “Im ak sakungkhqi ing ami qoeng lung ce, a kil awhkaw phu ak awm soeih na awm hawh hy; \wj* 
\v 11 \wj ve ve Bawipa ing a sai ni, nimik huh awh kawpoek kyi na awm hy, a tive\wj*,” tinak khqi hy.  
\v 12 A mingmih ni ak kqawn sih khqi tice ami sim awh amah ce tu thai aham a tym leek ce sui uhy. Cehlai thlang kqeng ce amik kqih a dawngawh anih ce cehta uhy.   
\s1 Khawsa A Them Ingkaw Kaisar A Them  
\p
\v 13 Cekcoengawh ak awih kqawn awh a thawlhnaak tu peek aham Farasikhqi ingkaw Herod ak thlang pynoet ce Jesu a venna tyi uhy.  
\v 14 Cekkhqi ing a venawh. “Cawngpyikung, nang ing ak thym ni nak kqawn tice ni sim unyng. U a haai awm am toek hyk ti, thlang pek a bonaak am na toek a dawngawh; Khawsa alam ce awitak na thlang cawngpyi hyk ti. Kaisar a venawh mangmu peek aham ak thum nu? amak thym nu?  
\v 15 Ka nik pe hly nu, am ka nik pe hly nu? tina uhy. Cehlai Jesu ing a mingmih a qaai kqawn ce sim hqet nawh, \wj “Ikaw hamna kai a thawlhnaak ce nami sui uh? Denari ce hawlaw lah uh, toek lah vang,” \wj*tinak khqi hy.  
\v 16 A mingmih ing Denari ce pe uhy, cawh, \wj “Vawhkaw myihlip ve u ang myihlip nu ve? U ang ming nu ve?” \wj*tinak khqi hy. Cekkhqi ing, “Kaisar,” tina uhy.  
\v 17 Jesu ing a mingmih a venawh, \wj “Kaisar a them ce Kaisar a venawh pe uh, Khawsa a them taw Khawsa venawh pe uh,”\wj* tinak khqi hy. Cawh anih ak khan awh amik kawpoek kyi soeih hy.   
\s1 Sadducee Ingkaw Thawhtlaihnaak  
\p
\v 18 \x - \xo 12:18 \xt Cei 23.8.\x*Cawh thawh tlaihnaak am awm hy, amik ti Sadusikhqi ing awi doet aham a venna law uhy.   
\p
\v 19 \x - \xo 12:19 \xt Deut. 25.5.\x*”Cawngpyikung, Mosi ingtaw, thlang ing a zu lo hlai hy, ca a taak kaana a thih taak awhtaw a naa ing a zu ce pang kawmsaw ak taipa aham ca taak pekaw, tinawh qee law hy.  
\v 20 Cingnahqui thlang khqih awm uhy. A hqamkhit ing a zu lo moe ca taak kaana a zu ce thih tahy,  
\v 21 A pakkhih naak ing cawhkaw nu ce pang hy, ca taak kaana thih ta bai hy. Ceamyihna a pakthum naak ingawm zu ce thih ta bai hy.  
\v 22 Cingnahqui thlang khqih tloek ing cawhkaw nu ce zu na boeih hlai uhy, ca taak kaana thih ta boeih uhy. A hukhit na taw nu ce awm thi lawt hy.  
\v 23 Thawh tlaihnaak khawnghi awh cawhkaw nu ce a u a zu na a awm kaw, thlang khqih ing zu na boeih bai usaw?” tina uhy.   
\p
\v 24 Jesu ing ami venawh, “\wj Ve ak caming ni ka ti naming poeknaak a hqee hy, Khawsa cauk ciim ingkaw Khawsa ak thaawmnaak am nami sim ak camawh? \wj* 
\v 25 \wj Thlak thikhqi ami thawh tlaih awhtaw nupa chungvaanaak am awm voel kawm saw, khan nakaw khan thlangkhqi amyihna awm hawh kawm uh. \wj* 
\v 26 \x - \xo 12:26 \xt Ex. 3.6.\x*\wj Thlak thi thawh tlaihnaak awh - Mosi ak cabu khuiawh, thingbup akawng caqee ce am nami noet khawi nawh nu? Khawsa ing Mosi a venawh, 'Kai taw Abraham Khawsa, Isak Khawsa ingkaw Jakob Khawsa na awm nyng,' a ti ce? \wj* 
\v 27 \wj Anih cetaw thlak thikhqi a Khawsa na am awm nawh, thlak hqingkhqi a Khawsa nani a awm. Nangmih ing poek thawlh soeih uhyk ti,”\wj* tinak khqi hy.   
\s1 Awipek Ak Tung Soeih  
\p
\v 28 Caqeekung thlang pynoet ce law nawh awi aming oelh qu ce hu hy. Jesu ing awi ak leek caana hlat pehy tice a huh awh, “Awipeek boeih boeih ak khuiawh han ak awipeek nu awihtung soeih? tinawh doet hy.   
\p
\v 29 \x - \xo 12:29 \xt Deut. 6.4,5.\x*Jesu ing, “\wj Awipeek awihtung soeih taw veni: 'Ngai lah uh, Aw Isaraelkhqi, ningnih a Bawipa Khawsa taw pynoet doeng ni. \wj* 
\v 30 \wj Bawipa na Khawsa ce nak kawlung boeih ing, na hqingnaak boeih ing, na myihla boeih ing, nak kawpoek boeih ing, nak thaawmnaak boeih ing lungna. \wj* 
\v 31 \x - \xo 12:31 \xt Lev. 19.18.\x*\wj A pakhih naak taw veni: 'Na imceng ce namah a pum myihna lungna lawt kawp ti, a tive. Vekkqawi anglakawh ak bau khqoet awipeek am awm voel hy,” \wj*tina hy.   
\p
\v 32 \x - \xo 12:32 \xt Deut. 4.35.\x*Ce ak thlang ing, “Cawngpyikung, nak kqawn ce nep hy. Khawsa pynoet doeng ni a awm, na tice thym hy.  
\v 33 \x - \xo 12:33 \xt Hos. 6.6.\x*Nak kawlung boeih, nang zaaksimnaak boeih ingkaw nak thaawmnaak boeih ing lungna nawh, imceng awm nimah a pum myihna lungnaak ve hyih phumnaak boeih ingkaw bulnaak sainaak boeih boeih anglakawh awm awihtung khqoet ni,” tina hy.   
\p
\v 34 \x - \xo 12:34 \xt Luke 10.25-28.\x*Anih ing cyihnaak ing awi hlat pehy tice Jesu ing a huh awh ce a venawh, \wj “Nang ve Khawsa ram ing hla hyk ti,” \wj*tina hy. Cawhkaw ingtaw u ingawm am doet hqa voel hawh hy.   
\s1 Messiah Kawng Doetnaak  
\p
\v 35 Bawkim khuiawh Jesu ing a cawngpyi awh, vemyihna awi doet hy, \wj “ikawmyihna anaa awi cawngpyikungkhqi ing Khrih ve David capa ami ti hy voei? \wj* 
\v 36 \x - \xo 12:36 \xt Sam 110.1.\x*\wj David amah ing Ciim Myihla ak caming: “Bawipa ing a boeipa a venawh: “Na qaalkhqi ce na khawk kaina ka taak hlan dy kak tang ben awh ngawi lah,” tina hy. \wj* 
\v 37 \wj David amah qoe ing, 'Bawipa' tinawh khy hy. Cawhtaw ikawmyihna a capa na a awmnaak bai hy voei?” \wj*tinawh doet khqi hy. Thlang kqeng khawzah ing ak awi ce zeel doena ngai pe uhy.   
\p
\v 38 A cawngpyinaak awh Jesu ing, \wj “Anaa awi cawngpyikungkhqi awh ce nami cyih ta lah uh. Amingmih ing hikdung a nawinawk na bai ngaih unawh ik-oeih zawihnaak hqang thlang ing kqihchahnaak a peek ce ngaih uhy. \wj* 
\v 39 \wj Sinakawk na ngawih hun ak nep nep awh aming ngawih ce lungna unawh buh veelnaak kung awh a qyp ak awm ngawihnaakkhqi awh aming ngawih ce lungna uhy. \wj* 
\v 40 \wj Nuhaikhqi a im ce qawt pe unawh thlang a huh awh ak dung soeih na cykcah uhy. Vemih ak thlangkhqi ve ak tlo soeih na toelnaak hu kawm uh,”\wj* tinak khqi hy.   
\p
\v 41 Tangka amik channaak bawm a haihkep awh Jesu ce ngawi nawh thlangkhqi ing bawkim tangka bawm khuiawh tangka amik chan ce toek hy. Boei thlang khawzah ing tangka khawzah zah chan uhy.  
\v 42 Cawh nuhai hahqah ca pynoet ce law nawh qawhum tangka pakkhih ce chan lawt hy, cetaw penny pynoet ing myih hy.  
\v 43 A hubatkhqi ce a venna khy nawh a mingmih a venawh, \wj “Awitak ka nik kqawn peek khqi, vawhkaw nuhai hahqah ca ing thlang boeih anglakawh bawkim awhkaw tangka bawm khuiawh khawzah khqoet chan hy. \wj* 
\v 44 \wj Cekkhqi ingtaw ami taak ngen ce pe uhy; cehlai anih ingtaw a haqahnaak ak khui awhkawng - a hqingnaak aham a taak dyyt ce pe boeih hy,”\wj* tinak khqi hy.   
\c 13  
\s1 Atym Boeih Hatnaak  
\p
\v 1 Bawkim awhkawng ak cawn awh, a hubat thlang pynoet ing a venna, “Cawngpyikung, toek lah! Lung ingkaw im a leek aih awm!” tina hy.  
\v 2 Jesu ing, “\wj Vawhkaw im ak bau soeih soeih khqi my? Cehlai vawhkaw lung ami khoengkhqi pynoet ca awm a sim kaana ak awm pynoet awm am awm kaw,” \wj*tina hy.   
\p
\v 3 Bawkim a dan awh Olive tlang awh ang ngawih awh, Piter, Jakob, Johan ingkaw Andru mihkhqi ing ang hyp na doet uhy,  
\v 4 “Vawhkaw ve ityk awh a awm kaw? Cekkhqi boeih a cup tawm awh ikawmyih hatnaakkhqi nu a awm kaw? tina uhy.  
\v 5 Jesu ing a mingmih a venawh: \wj “Thlang ing a mami thailatnaak khqi ham ngaih ta lah uh. \wj* 
\v 6 \wj Kai ang ming ing thlang khawzah law kawm usaw, 'Kai ve anih hawh ni,' tinawh thlang khawzah thailat na kawm uh. \wj* 
\v 7 \wj Qaal tuknaak ingkaw qaal tuknaak awithang na ming zaak awh, koeh cat uh. Cemyihkhqi ce ak awm hly kawi qoe ni, cehlai a dytnaak ce law hyn kaw. \wj* 
\v 8 \wj Peng ingkaw peng tuk qu kawm nih saw qam ingkaw qam tuk qu kawm nih. Hun ak chang chang kqang lipii tlai kaw, khaw se kaw. Vemyihkhqi ve naa awm tlawh ak kqannaak hyn ni. \wj* 
\v 9 \wj Cedawngawh ngaihta lah uh. Nangmih ce awih kqawnnaak a hun awh ni tukkhqi kawm usaw, sinakawk awh ni vyk nik paai khqi kaw. Kai a dawngawh qam ukkungkhqi ingkaw sangpahrangkhqi haiawh simpyikung na nami awmnaak thai aham dyi kawm uk ti. \wj* 
\v 10 \wj Awithang leek ve penglum thlang a venawh kqawn lamma na awm hyn kaw. \wj* 
\v 11 \wj Thlang ing nim tuk khqi nawh awidengnaak a ni khyn khqi awh, “Ikawnu kak kqawn hly? tinawh ngaih koeh kyi sak uh; cawh a ni sim sakkhqi ce kqawn kawm uk ti; ak kqawnkung taw nangmih am nawh, Ciim Myihla ni. \wj* 
\v 12 \wj “Him qu hamna a koeinaa pa ing a koeinaa pa nawn, a pa ing a ca nawn ce thlang a kut awh pe kawm uh, cakhqi ing ami nu ingkaw ami pakhqi ce qaal na kawm usaw thih sak aham thlang a kut awh pe kawm uh. \wj* 
\v 13 \x - \xo 13:13 \xt Mat 10.22.\x*\wj Kang ming ak camawh thlang boeih ing ni sawh nak khqi kaw, cehlai a dytnaak dy ak yh ing thaawngnaak hu kaw.\wj*   
\p
\v 14 “Amang dyihnaak man awh ak dyi, 'Tuih ak cu, thlang ak hqe,' ce nami huh awh - ca ak noetkung ing zasim seh - Judah awh ak awm thlangkhqi ce tlang na cen useh.  
\v 15 \x - \xo 13:15 \xt Luke 17.31.\x*Iptih na ak awm ing ipkhui nakaw ik-oeih lawh aham koeh nuk kqum seh.  
\v 16 Lo na ak awm ing hi ak lo na imna koeh hlat voel seh.  
\v 17 Ak phyihsukhqi ingkaw naaca ak takhqi ham ce a tym ce ikawmyihna nu a kyi hly hy voei!  
\v 18 Ce a tym ce chikca awh ama pha lawnaak aham cykcah lah uh,  
\v 19 Ikawtih cetloek awhkaw kyinaak ce ak cyk ca awhkawng tuhdy amak awm man kyinaak na awm kaw - cemyih ce ityk awh awm am awm hly voel qoe bai hy.  
\v 20 Bawipa ing ce a khawnghi ce ama tawi sak mantaw, u awm am loet tikaw. Cehlai ak tyhkhqi, amah ak tyhkhqi ak caming ce a khawnghi ce tawi sak hy.  
\v 21 Cawh u ingawm nangmih a venawh, 'Toek lah uh, vawh ni Khrih a awm hy!' am awhtaw, 'Toek lah cawh ni a awm hy ce!' a ni tinaak khqi awh ce koeh cangna uh.  
\v 22 Ikawtih Khrih-na ak sa qu ingkaw tawngha qawlkhqi ce awm kawmsaw kawpoek kyi ik-oeihkhqi ingkaw hatnaakkhqi ce sai kawm uh, ang coeng thai man, ak tyh thlangkhqi awm qaai na kawm uh.  
\v 23 Cedawngawh nami cyih ta lah uh; a soep a kep nik kqawn pek khqi oet oet hawh nyng.   
\p
\v 24 Cehlai cemyih kyinaakkhqi ce a law coengawh, “Khawmik ce than kawmsaw, pihla ingawm am vang voel kaw;  
\v 25 \x - \xo 13:25 \xt Is. 34.4; Awph 6.13; \xt Joel 2.10.\x*aihchikhqi ce khan nakawng tla kawm usaw, khan nakaw saithainaakkhqi ce tyyn kaw,”.  
\v 26 \x - \xo 13:26 \xt Dan. 7.13; Awph 1.7.\x*”Cawh thlanghqing Capa ing boeimang thaawmnaak ing myi ak khan awh a law ce thlangkhqi ing hu kawm uh.  
\v 27 Anih ing ak khan ceityihkhqi ce tyi kawmsaw khawmdek kili awhkaw ak tyh thlangkhqi ce khawmdek a dytnaak awhkawng khawk khan a dytnaak dyna cawi sak kaw.   
\s1 Thai Thing Awh Nyttahnaak  
\p
\v 28 \wj “Thai thing awhkaw nyhtahnaak ve cawng lah uh: a baai keh nawh a hahno ang cawn law awhtaw, khawhqai tym zoe hawh hy, tice sim uhyk ti. \wj* 
\v 29 \wj Cemyih lawtna, ve ik-oeihkhqi ve a awm law awh ce, anih a lawnaak taw zoe hawh nawh, chawmkeng awh dyi hawh hy tinawh sim uh. \wj* 
\v 30 \wj Awitak ka nik kqawn peek khqi, Vawhkaw ik-oeihkhqi a pha hlan dy taw, ve a khuk awhkaw thlangkhqi ve am khum tikaw. \wj* 
\v 31 \wj Khawk khan ingkaw khawmdek taw khum hly hlai hy, kak awi taw ityk awh awm am qeng tikaw.\wj*   
\p
\v 32 \x - \xo 13:32 \xt Mat 24.36.\x*\wj “Ce khawnghi ce u ingawm am sim hy, khawk khan nakaw khan ceityihkhqi ingawm, Capa ingawm am sim hy, Pa doeng ing ni a sim. \wj* 
\v 33 \wj A tym ce am nami sim a dawngawh, naming ngaih ta unawh a hylthyl na awm lah uh. \wj* 
\v 34 \wj Ce a tym taw thlang pynoet khaw lawng hla na ak cet ing myih kaw: Anih ing a im ce a tyihzawihkhqi venawh cehta nawh, thlang pynoet boeih a venawh ami sai hly kawi ce pek khqi qip qip hy, cekcoengawh chawmkeng ak qehkung a venawh ang ngaih ta nawh qeh phaat aham kqawn pehy. \wj* 
\v 35 \wj “Imkung ityk awh a law kaw, tice am nami sim a dawngawh ngaihtaak doena qeh lah uh - khawmy ben awh nu, thanlung awh nu, aaikhawng awh nu, khawdai tawm awh nu a law kaw, tice am sim uhyk ti. \wj* 
\v 36 \wj Anih ce a pha law awh, nangmih nami ih ce koeh hu seh. \wj* 
\v 37 \wj Nangmih a venawh kak kqawn law ve, thlang boeih a venawh kak kqawn hawh ni: 'ngaihtaak doena qeh lah uh,”\wj* tinak khqi hy.   
\c 14  
\s1 Jesu Him Ham Teng Uhy  
\p
\v 1 \x - \xo 14:1 \xt Ex. 12.1-27.\x*Ak law hly khawnghi a hihvoeinaak awh loentaak poei ingkaw hen amak boei phaihpi poei ce awm hly nawh, khawsoeih boeikhqi ingkaw anaa awi cawngpyikungkhqi ing Jesu ce tu unawh him aham a tym leek ce sui uhy.  
\v 2 Cehlai, “poei a awm khui awhtaw am seh, thlang kqeng awipungnaak awm hau kaw,” ti uhy.   
\s1 Bawktui Ing Syyp Hy  
\p
\v 3 \x - \xo 14:3 \xt Luke 7.37,38.\x*Bethani khaw awhkaw mynqai ak neh Simon a im awh buh ami ai awh, nu pynoet ing a phu ak tlo soeih bawktui ce a uum mahna lawpyi nawh law hy. A uum ce khoeng kqek nawh Jesu a lu ce syp pehy.  
\v 4 Cawhkaw ak awm thlangkhqi ing amik kaw ama law doena, 'Ikaw hamna bawktui cemyihna ak plak?  
\v 5 Tangka denari zathum na awm zawi nawh khawdeng hahqahkhqi pe mai thaw voei? ti uhy. Cawhkaw nu ak khan awh ce vung uhy.   
\p
\v 6 Cawh Jesu ing, “\wj Sai seh nyng. Ikaw hamna nami lawlh plak? Anih ing kai aham ik-oeih leek sai law saw. \wj* 
\v 7 \x - \xo 14:7 \xt Deut. 15.11.\x*\wj Khawdeng hahqahkhqi taw nangmih a venawh awm quiqah kawm uh, cedawngawh nami ngaihnaak awh a mingmih ce do a dan thai uhyk ti. \wj* 
\v 8 \wj Vawhkaw nu ing a sai thai ang cang ca ce sai hawh hy. Ka qawk a khoemnaak aham anih ing bawktui ing ni syp oepchoeh hawh hy. \wj* 
\v 9 \wj Awitak ka nik kqawn peek khqi, ve khawmdek awh awithang leek amik kqawnnaak a hoei awh anih a ik-oeih sai ve amah simpoenaak aham kqawn kawm uh,”\wj* tinak khqi hy.   
\p
\v 10 Cawh thlanghqa hlaihih ak khui awhkaw thlang pynoet, Juda Iskariot ce Jesu tu sak aham khawsoeih boeikhqi venna cet hy.  
\v 11 Anih ak awi ce khawsoeih boeikhqi ing aming zaak awh ym unawh tangka peek aham awi ta uhy. Cedawngawh anih ing tu sak thainaak aham a tym leek ce sui hy.   
\p
\v 12 Hen amak boei Phaihpi poei ak cyk nyn, loentaak poei tuuca nawnnaak khawnghi awh, a hubatkhqi ing a hu awh, “Loentaak poei buh veelnaak aham han a hun awh nu sai sak ham na ngaih?” tina uhy.   
\p
\v 13 Cedawngawh a hubat thlang pakkhih ce tyi hy, \wj “Khawk bau khuina cet nih nawh, tuiam awh tui ak doeng ce hu kawm nik ti. Anih a hu ce hquut nih. \wj* 
\v 14 \wj Ipkhui na a lut awh imkung a venawh, “Cawngpyikung ing, 'ka hubatkhqi mi loentaak poei buh veelnaak aham ka pahnaak hly im ce hana a awm? tihy,' tina nih. \wj* 
\v 15 \wj Anih ing ipkhan ak kau soeih, a qoek abah hqeet ce nim huh qawi bit kaw. Amah cawh mybuh ce sai kawm nik ti,”\wj* tina qawi hy.   
\p
\v 16 A hubat qawi ce khawk bau khuina cet nih nawh Jesu ing ak kqawn peek a myihna hu hy nih. Amah cawh loentaak poei buh veelnaak ce toen hy nih.   
\p
\v 17 Khaw a my law awhtaw a hubat thlanghqa hlaihih ingkaw Jesu ce law uhy.  
\v 18 \x - \xo 14:18 \xt Sam 41.9.\x*Caboei awh buh ami veel awh, a mingmih a venawh, “\wj Awitak ka nik kqawn peek khqi, nangmih ak khui awhkaw thlang pynoet, kai mi buh ak vel haih ing - kai ve ni zawi kaw,”\wj* tinak khqi hy.   
\p
\v 19 Cawh a mingmih ing kawseet doena pynoet coeng pynoet a venawh, “Kai amni my?” tina uhy.   
\p
\v 20 A mingmih a venawh, \wj “Thlanghqa hlaihih ak khui awhkaw thlang pynoet, kai ingqawi buh beei ak zoep haih ceni. \wj* 
\v 21 \wj Thlanghqing Capa ve amah akawng ami na qee hyt amyihna a awm aham awm hy. Cehlai thlanghqing Capa thlang a kut awh ak pekung ce khaw na map hy! Anih ce ama thang mantaw nep bet hlai voei, \wj*”tinak khqi hy.   
\s1 Bawipa Mybuh  
\p
\v 22 Buh ami vel huiawh Jesu ing phaihpi ce lo nawh, zeelnaak awi ak kqawn coengawh ek nawh, a hubatkhqi ce pehy, “\wj Lo lah uh, ve ve ka sa ni,”\wj* tinak khqi hy.   
\p
\v 23 Cekcoengawh boet ce lo bai nawh, zeelnaak awi ak kqawn coengawh a mingmih a venawh pekkhqi bai hy, a mingmih ing aw bai uhy.  
\v 24 \x - \xo 14:24 \xt Ex. 24.8; \xt Jer. 31.31-34.\x*A mingmih a venawh, “\wj Ve ve ka thi thlang khawzah aham ka hawk awikamnaak ni. \wj* 
\v 25 \wj Ka nik kqawn peek khqi, misur tui ve Khawsa ram khuiawh ak thai na nangmih mi ni aawk hlan dy taw am aw voel tikawng,” \wj*tinak khqi hy.   
\p
\v 26 Laa ami sak coengawh Olive tlang na cet uhy.   
\p
\v 27 \x - \xo 14:27 \xt Zech. 13.7.\x*Jesu ing a mingmih a venawh “'\wj Tuudoenkung ce vyk kawm usaw, tuukhqi ce kqeng sak zak zak kawm uh,' tinawh qee sut a myihna nangmih boeih tlu kawm uk ti. \wj* 
\v 28 \x - \xo 14:28 \xt Mat 28.16.\x*\wj Cehlai ka thawh tlaih coengawh nangmih a haiawh Kalili na ana cet kawng,”\wj* tinak khqi hy.   
\p
\v 29 Piter ing, “Thlangkhqi boeih ing tlu bai u seiawm, kai taw cemyihna am awm tikawng.  
\v 30 Jesu ing, \wj “Awitak ka nik kqawn peek khqi, tuhngawi awh, oeih, tuhngawi am than awh, aai hihvoei ang khawng hlanawh namah qoe qoe ing thumvoei nik khawng kawp ti,”\wj* tina hy.   
\p
\v 31 Cehlai Piter ing ak tlo khqoet na, “Nang ing thih haih aham awm nyng seiawm, am nik khawng qoe qoe tikawng,” tina hy. Ak changkhqi ingawm cemyihna tina lawt uhy.   
\s1 Gethsemane Dum Khui Ak Cykcahnaak  
\p
\v 32 Cekcoengawh Gethsemane ami ti a hun na ce cet uhy, cawh Jesu ing a hubatkhqi venawh, “\wj Kak cykcah huiawh vawh a nang ngawi uh,”\wj* tinak khqi hy.   
\p
\v 33 Piter, Jakob ingkaw Johan ce ceh pyi nawh, amah ce ly soeih nawh ngaih kyi doena awm hy.   
\p
\v 34 A mingmih a venawh, “\wj Kak kawlung ve thihnaak khoek dy awh kak kaw se soeih hy. Vawh awm unawh qalqing caana awm kawm uk ti,”\wj* tinak khqi hy.   
\p
\v 35 Ak hla bet awh va cet nawh, ang coeng thai awhtaw a tym ing ang khum taak naak thai aham dek awh koep doena cykcah hy.  
\v 36 “\wj Abba, Kapa, nang aham taw ik-oeih boeih boeih ve coeng thai hy. Vawhkaw boet ve ka venawh kawng khoe law lah. Cehlai kai ak kawngaih na koeh awm seitaw nang ak kawngaih myihna awm seh nyng,” \wj*tina hy.   
\p
\v 37 A hubatkhqi venna ang voei awh a mingmih ami na ih ce hu hy. Piter a venawh, \wj “Simon nami ip nawh nu? khawnoek pakhat khui kangna awm am nami qeh thai nawh nu? \wj* 
\v 38 \wj Syknaak ak khuiawh amna ming tluuknaak thai aham qeh unawh cykcah lah uh. Myihla ingtaw ngaih hlai hy, pumsa ingtaw zai hqoeng hy,”\wj* tinak khqi hy.   
\p
\v 39 Cekcoengawh cet tlaih bai nawh ak kqawn hawh amyihna cykcah tlaih bai hy.  
\v 40 Ang voei tlaih bai awhtaw mikuu ing a naa khqi a dawngawh, ami na ih tlaih ce huk khqi bai hy.  
\v 41 A thumvoei naak awh ang voei tlaih bai awhtaw, a mingmih a venawh, \wj “Tuhdy awh ip unawh naming dym hyn nawh nu? Khoek hawh hy! A tym pha law hawh hy. Toek lah uh, thlanghqing Capa taw thlak thawlhkhqi kut awh peek na awm hawh hy. \wj* 
\v 42 \wj Tho uh! Cet hlah usih! Thlang a kut awh kai anik pekung ve vawh awm hawh hy!,”\wj* tinak khqi hy.   
\s1 Judah Ing Mawk Hy  
\p
\v 43 Cemyihna awi ak kqawn huili awh, thlanghqa hlaihih ak khui awhkaw thlang pynoet, Juda ce law hy. Anih ing thingboeng ingkaw zawzi ak pawm thlang kqeng ce khawsoeih boeikhqi, anaa awi cawngpyikungkhqi ingkaw a hqamcakhqi venawh kawng law pyi hy.  
\v 44 Thlang a kut awh amah ak pekung ing cekkhqi venawh huh simnaak ce sai pehy: “Kai ing ka mawk thlang ce hawh ni; tu unawh ak leek caana khy uh,” tinak khqi hy.   
\p
\v 45 Cekcoengawh Jesu a venna cet pahoei nawh, “Cawngpyikung” a tinaak coengawh mawk hy.  
\v 46 Cawh thlangkhqi ing Jesu ce tu unawh khyn uhy.  
\v 47 A mingmih a venawh ak dyi thlang pynoet ing zawzi ce phlawng nawh, khawsoeih boei a tyihzawih ang haa ce zek pe hlak hy.  
\v 48 “\wj Kai ve quk-ai na ka awm nawh nu, zawzi ing thingboeng ing kai tu aham nami law? \wj* 
\v 49 \x - \xo 14:49 \xt Luke 19.47; 21.37.\x*\wj Myngawi nangmih a venawh awm nawh, tempul khuiawh ka ni cawngpyi khqi awh, am na mim tu. Cehlai Ca ciim awi ve a soep aham awm hy,”\wj* tinak khqi hy.   
\p
\v 50 Cawh a hubatkhqi ing hlah hyt unawh cehta boeh boeh uhy.  
\v 51 Hi doeng ak bai cadawng pynoet ing Jesu ce a huhu awh qym hy. Anih ce tu uhy,  
\v 52 Cehlai a hi bang nawh, ak pum kawlawng na cen valh hy.   
\s1 Sanhedrin Haiawh  
\p
\v 53 Jesu ce khawsoeih boei khyt a venna khyn uhy, cawh khawsoeih boei khyt, a hqamcakhqi ingkaw anaa awi cawngpyikungkhqi boeih boeih ce kutoet na cun kyng uhy.  
\v 54 Piter ing ak hla nakawng khawsoeih boei khyt a vawng dyna qym hy. Cawh im ak qehkhqi mi ngawi haih lawt nawh mai awm lawt hy.  
\v 55 Khawsoih boeikhqi ingkaw Sanhedrin awi kqawnkung khqi boeih ing Jesu ce ami thih sak naak thai aham a thawlhnaak ce sui pe uhy, cehlai ikaw awm am huh pe uhy.  
\v 56 Thlang khawzah ing amak thym na thawlh puk uhy, cehlai thawlh amik puknaak awm am myih qu hy.  
\v 57 Cawh thlang pynoet ing dyi unawh vawhkaw amak thym sausi ce deng uhy:   
\p
\v 58 \x - \xo 14:58 \xt Joh 2.19.\x*”Thlang a kut ing a sak vawhkaw tempul ve hqe nyng khaw thumvoei khuiawh kut ing ama sak ak chang tempul sa tlaih kawng nyng, tinawh kqawn hy,” tina uhy.  
\v 59 Cehlai a mimah a dyihthing awm am myih qu hy.  
\v 60 Cawh a mimah boeih a haiawh khawsoeih boei khyt ce dyi nawh Jesu ce doet hy, “A mingmih ak kqawn ve am nam hlat hly nawh nu? Vekkhqi ing nang thawlh amik puk ve ikaw myihna a awmnaak?” tina hy.   
\p
\v 61 Cehlai Jesu ing awm taak dym nawh kaw awm ap kqawn hy. Cawh khawsoeih boei khyt ing, “Nang ve Khrih, Zoseennaak Capa nu?” tinawh doet tlaih bai hy.  
\v 62 \x - \xo 14:62 \xt Dan. 7.13.\x*Jesu ing, “\wj Oeih, thlanghqing Capa ing Bawimang thak awm tang ben awh ngawi nawh khan myi ak khan awh a law awh hu bit kawp ti,” \wj*tina hy.   
\p
\v 63 Cawh khawsoeih boei khyt ing a hi ce phleuh nawh, “Ikaw hamna dyihthing ak chang ni ngoe hly qee?  
\v 64 \x - \xo 14:64 \xt Lev. 24.16.\x*Khawsa ak thekhanaak awi za hawh u tiksaw kaw:  
\p Kawmyihna namik poek? tinak khqi hy. Cekkhqi ing thih aham tyng na thawlh sak boeih uhy.  
\v 65 Cawh thlang vang ing sawh uhy; amik ce zeen pe unawh, ami kuthlym ing thawng uhy, “Kqawn lah!” tina uhy. Qaltoengkhqi ing sawi unawh vyk uhy.   
\s1 Piter Ing Jesu khawng Hy  
\p
\v 66 Piter ce ipkai kawngma na a awm awh, khawsoeih boei khyt a tyihzawih nuca pynoet ce law hy.  
\v 67 Piter mai ak awm ce hu nawh, toek ceet hy. “Nang awm Nazareth Jesu ing awm haih lawt hy nihk ti,” tina hy.   
\p
\v 68 Cehlai anih ing ciim hy. “Na ti ce am sim nyng ang zaak na awm am zasim nyng” a tinaak coengawh chawmkeng benna ce cet hy.  
\v 69 Anih ce tyihzoeih nu ing amah cawh hu tlaih bai nawh, cawhkaw ak dyikhqi venawh, “Anih ve awm a mingmih khqing lak awh paa lawt hy,” tinak khqi hy.   
\p
\v 70 Cawh Piter ing hoet tlaih bai hy. A khoeh a awm coengawh, cawhkaw ak dyikhqi ing Piter a venawh, “Nang ve a mingmih ak khui awhkaw thlang qoe qoe lawt ni Kalili thlang na awm awm bai hyk ti,” tina uhy.   
\p
\v 71 Amah ing amah seet lo nawh, a mingmih a venawh, “Ve ak thlang namik kqawn ve am sim qoe qoe nyng,” tinak khqi hy.  
\v 72 Cawh aai ce a hihvoeinaak khawng hy. Cawh Piter ing, Jesu ing a venawh, “\wj Ai hihvoei ang khawng hlanawh thumvoei nik khawng kawp ti,”\wj* a tinaak awi ce sim hqoet hy. Cedawngawh ak ak kaw se nawh kqang hy.   
\c 15  
\s1 Pilat Haai Awh  
\p
\v 1 A ngawi mymcang hqit awh, khawsoeih boeikhqi, a hqamcakhqi, anaa awi qeekungkhqi ingkaw Sanhedrin awi ak kqawnkungkhqi boeih ing awi ce tlyk uhy. Jesuh ce pin unawh, Pilat a venna khyn uhy.  
\v 2 Pilat ing, “Nang ve Judakhqi a sangpahrang aw?” tinawh doet hy. Jesu ing, \wj Oeih, nak kqawn a myihna awm hy,”\wj* tina hy.   
\p
\v 3 Khawsoih boeikhqi ing thawlh khawzah puk uhy.  
\v 4 Cedawngawh Pilat ing doet tlaih hy, “Am nam hlat hly nawh nu? Ve zah thawlh ami nik puk ve toek lah,” tina hy.  
\v 5 Cehlai Jesu ing awi am am hlat hy, cedawngawh Pilat taw ak kawpoekna kyi hy.   
\s1 Barabbas Loet Hy  
\p
\v 6 Poei a awm hoei awh thawk tla pynoet ce ana hlah man uhy.  
\v 7 Cawh quk-ai thlang ak him Barabbas ak mingnaak thlang pynoet ce thawngim na awm hy.  
\v 8 Thlang kqeng ing Pilat a venawh a sai khawi amyihna sai peek aham thoeh uhy.  
\v 9 Pilat ing, “Juda sangpahrang ve hlah namik ngaih nu?” tinawh doet khqi hy.   
\p
\v 10 Khawsoih boeikhqi ing ami yyt a dawngawh a venna law pyi uhy tice anih ing sim hy.  
\v 11 Cehlai Pilat ing Barabbas ce a hlah thainaak aham khawsoeih boeikhqi ing thlang kqeng ce syk uhy.  
\v 12 “Cawhtaw Judah sangpahrang, ami ti vetaw ikawmyihna ka sai kaw?” tinawh Pilat ing doet khqi hy.   
\p
\v 13 Cekkhqi ing, “Thinglam awh taai!” tinawh khy uhy.  
\v 14 Pilat ing, “Kawti nawh nu? Ikaw thawlhnaak a sai awh nu? tinawh doet khqi hy. Cehlai cekkhqi ing khawteh khqoet na, “Thinglam awh taai!,” tinawh khy bai uhy.  
\v 15 Thlang kqeng kawzeel sak a ngaih awh, Pilat ing Barabbas ce hlah pek khqi hy. Jesu taw a vyk coengawh, thinglam awh taai aham cekkhqi kut awh pehy.   
\p
\v 16 Qalkapkhqi ing Jesu ce praetorium ami ti boei a ipkhui na sawi uhy; qaalkapkhqi boeih ce kutoet na khy uhy.  
\v 17 Hik thim ce bai sak uhy, hling ce lumyk na sai pe unawh myk sak uhy.  
\v 18 Cekcoengawh, “Juda sangpahrang a hqinglu kyi seh!” tina uhy.  
\v 19 A lu awh sawnghqawl ing vyk unawh sawh a phih uhy. A haiawh khuk sym doena koep pe unawh bawk uhy.  
\v 20 Ami thekhanaak coengawh, hik thim ce suh pe unawh amah a hi ce bai sak tlaih uhy. Cekcoengawh thinglam awh taai aham cehpyi uhy.   
\s1 Thlak Thawlh Qawi Laklung Awh  
\p
\v 21 \x - \xo 15:21 \xt Rom 16.13.\x*Cyqene khaw awhkaw thlang pynoet, Alexander ingkaw Rufus a pa Simon, kqawng nakaw ak law ce tu unawh, thinglam ce kawh sak ngah ngah uhy.  
\v 22 Jesu ce Golgotha ami ti hun benna ceh pyi uhy (cece “luquh hun,” tinaak ni).  
\v 23 Murra ing amik kqit misur tui ce pe uhy, cehlai am aw hy.  
\v 24 \x - \xo 15:24 \xt Sam 22.18.\x*Cekcoengawh thinglam awh taai uhy. Taicung zyk unawh a hi ce tei uhy.  
\v 25 Khawnoek pakthum awh thinglam awh taai uhy.  
\v 26 Thawlh amik puknaak ca ce: JUDA KHRIH SANGPAHRANG, tinawh qee pe uhy.  
\v 27 \x - \xo 15:27 \xt Is. 53.12.\x*Thlak thawlh qawi pakkhih awm thinglam awh pynoet ce ak tang ben awh pynoet ce ak cawng ben awh taai haih uhy.  
\v 28 Thlak thawlhkhqi ingqawi noet sih haih uhy,” ti ak awi ce soep hy.  
\v 29 \x - \xo 15:29 \xt Sam 22.7; 109.25; \xt Marka 14.58; Joh 2.19.\x*Cawhkaw ak thoek cawnkhqi ing ami lu khyp sih unawh, “Aw za! Nang tempul hqe nawh am thum nyn awh ak sa tlaih,  
\v 30 thinglam awhkawng kqum nawh namah ingkaw namah hul qu lah thaw voeih ti!” tina uhy.   
\p
\v 31 Cemyih lawtna khawsoeih boeikhqi ingkaw anaa awi cawngpyikung khqi ingawm a mimah ingkaw a mimah anglakawh anih ce, “Thlak chang taw thaawng hlai hy, amah ingkaw amah taw am thaawng qu thai hy!  
\v 32 Khrih Israelkhqi a sangpahrang, ti unawh kami nik cangnaak aham, tuh thinglam awhkawng nuk kqum law lah thoeih ti,” tina uhy. Amah ingqawi thinglam awh ami taai thlang pynoet ingawm anih ce the kha na hy.   
\s1 Jesu A Thihnaak  
\p
\v 33 Khawnoek paquk awhkawng pakow dy dek pum awh khaw than hy.  
\v 34 \x - \xo 15:34 \xt Sam 22.1.\x*Khawnoek pakow awh ce Jesu ing khawteh na, “\wj Eloi, Eloi, Lama sabachthani”\wj* tinawh khy hy, (cece “Ka Khawsa, ka Khawsa, kawtih nani cehtaak?” tinaak ni.)  
\v 35 Cawhkaw amik dyikhqi ing aming zaak awh, “Ngai lah uh, Elijah khy hy ce,” ti uhy.   
\p
\v 36 \x - \xo 15:36 \xt Sam 69.21.\x*Thlang pynoet ce dawng nawh hlapawt ce misur tui ak thui awh a hluk coengawh cungkui awh tlet nawh Jesu ce awk sak hy, “Toek poek poek lah usih nyng. Elijah law nawh ak lo law hly nu?” anih ing tihy.  
\v 37 Cawh Jesu taw khawteh na khy nawh kawn zip hy.  
\v 38 \x - \xo 15:38 \xt Ex. 26.31-33.\x*Tempul awhkaw hizan ce a saw nakawng ak kai dy pakkhih na teek hy.  
\v 39 Cawh Jesu a haiawh ak dyi, qalkap zakhat ak ukkung ing ak khy doena Jesu a thih ce a huh awh, “Ve ak thlang ve Khawsa Capa tak ni!” tinawh kqawn hy.  
\v 40 \x - \xo 15:40 \xt Luke 8.2,3.\x*Nukhqi ingawm ak hla nakawng qeh lawt uhy. Cawhkaw nukhqi taw Meri Magdalene, ang no Jakob ingkaw Joses anu Meri ingkaw Salome, vetloek ve.  
\v 41 Kalili qam na vawhkaw nukhqi ve a hu awh bat unawh a ngaihnaak awh ak dodankungkhqi na awm uhy. Amah ingqawi Jerusalem na amik law haih nukhqi awm khawzah awm uhy.   
\s1 Jesu Phyina  
\p
\v 42 Ce nyn taw coekqoeknaak nyn (Sabbath than khawnghi) na awm hy. Khawmy ben a pha awh,  
\v 43 Arimathai khaw awhkaw khawksimkung kqihchah kap thlang pynoet, Khawsa qam ak qeh Joseph ce Pilat a venna qaal leeknaak ing cet nawh, Jesu a qawk ce thoeh hy.  
\v 44 Anih thi hawh hy, tice Pilat ing ang zaak awh ak kawpoek na kyi hy. Qalkap zakhat ak ukkung ce khy nawh, Jesu ak thi hawh tang nu, tinawh doet hy.  
\v 45 Qalkap zakhat ukkung a ven awhkawng thi tang hawh hy tice ang zaak awh, Jesu a qawk ce Joseph a venawh pehy.  
\v 46 Joseph ing hi thlai nawh qawk ce lo hy, a zawl coengawh thel ak cawh hqeet phyi khuina pup hy. Cekcoengawh phyi chawmkeng ce lungpei ak bau soeih hlum nawh tleng hy.  
\v 47 Meri Magdalene ingkaw Joses a nu Meri ingawm ak pupnaak a hun ce sim lawt hy nih.   
\c 16  
\s1 Thawhtlaihnaak Cymcang  
\p
\v 1 Sabbath nyn a boeih coengawh, Meri Madalene, Jakob a nu Meri ingkaw Salome ing bawktui thlai nih nawh Jesu hluk hamna cet hy nih.  
\v 2 Khaw khqih nyn khui awhkaw khawnghi lamma cyk mymcang hqit khaw a law kqoeng awh, phyi na ce cet uhy,  
\v 3 cawh, “U ing nu lung a hlum law lah voei?” ti uhy.   
\p
\v 4 Cehlai ami toek awh, cawhkaw lung ak bau soeih ak thoeih quce na hu uhy.  
\v 5 Phyi ak khuina ce lut nawh, cawh cadawng pynoet hik bawk bai nawh tang ben awh ak ngawi ce hu unawh cat uhy.  
\v 6 Anih ing, “Koeh ly uh. Thinglam awh ami taai, Nazareth Jesu ni nami sui hy, tho tlaih hawh hy! Vawh am awm voel hy. Ami tloengnaak ve toek lah uh.  
\v 7 \x - \xo 16:7 \xt Mat 26.32; Marka 14.28.\x*Cehlai cet unawh a hubatkhqi ingkaw Piter a venawh kqawn pe uh, 'Nangmih a haina Kalili awh cet hawh hy. Amah ing ak kqawn a myihna amah cawh ce hu kawm uk ti,' tina uh,” tinak khqi hy.   
\p
\v 8 Thyn unawh kawpoek kyi doena, cawhkaw nukhqi ce phyi awhkawng dawng uhy. Amik kqih a dawngawh u a venawh awm ap kqawn uhy.   
\p
\v 9 Khaw khqih nyn khui awhkaw khawnghi lamma cyk awh Jesu ing a thawh coengawh, lamma cyk awh ak kawk khui awhkaw qaaikhqi a hqek peek Meri Madalene a venawh dang pehy.  
\v 10 Anih ce cet nawh Jesu ingqawi kutoet na amik awm khawikhqi ingkaw lungnat za nawh ak kqangkhqi venawh kqawn pehy.  
\v 11 Jesu taw hqing nawh Meri Madalene ing hu hawh hy tice a mingmih ing a ming zaak awh ap cangna uhy.  
\v 12 Cekcoengawh amingmih khuiawh thlang pakkhih ani khaw benna a ni ceh huiawh myime ak lawhana dang pe qawi hy.  
\v 13 Cekkqawi ing awm a hubat ak changkhqi venna kqawn pe hy nih, cehlai a ningnih ak awi awm ap cangna uhy.  
\v 14 Cekcoengawh thlanghqa hlaioet a venna buh ami ai huiawh dang pek khqi bai hy, a thawh tlaih coengawh amah ak hu khqik awi ce upvoet unawh ama mik cangnaak qoe qoe a dawngawh a mingmih ce zyi khqi hy.   
\s1 Tyih Awipek  
\p
\v 15 \x - \xo 16:15 \xt Cei 1.8.\x*A mingmih a venawh, \wj “Khawmdek penglum awh cet unawh a sai ik-oeih boeih a venawh awithang leek ve kqawn law lah uh. \wj* 
\v 16 \wj U ingawm cangna nawh Baptisma ak hu ingtaw thaawngnaak hu kaw, cehlai amak cangnaak ak thlang taw thawlh sak na awm kaw. \wj* 
\v 17 \wj Ak cangnaak thlangkhqi taw vawhkaw hatnaakkhqi ing hquut phaat kaw: kang ming ing qaaikhqi hqek kawm uh; awih thai ing pau kawm uh, \wj* 
\v 18 \wj ami kut ing khquikhqi ce tu kawm uh; thihnaak sykhqi ce aw mai useiawm, ikaw am tikaw; thlak tlo ak khan awh kut tloeng kawm usaw qoei kawm uh,”\wj* tinak khqi hy.   
\s1 Jeus Khanna A Kaainaak  
\p
\v 19 \x - \xo 16:19 \xt Cei 1.9-11.\x*Bawipa Jesu ing a mingmih a venawh awi ak kqawn coengawh, khawk khan na zoek qu hqui nawh Khawsa ak tang ben awh ce ngawi hy.  
\v 20 Cekcoengawh a hubatkhqi ce cet unawh penglum awh awithang leek ce kqawn uhy, Bawipa ing a mingmih hawnaak ing bibi nawh, ik-oeih saithainaakkhqi ing ak awi ce caksak hy.