\id MAT - MATTHEW Tuivang Holy Bible 
\h Matthai 
\toc1 Matthai 
\toc2 Matthai 
\toc3 Mat 
\mt1 Matthai  
\c 1  
\s1 Khrih Ak Khui Thoepnaak  
\p
\v 1 Abraham capa David, David capa Jesu Khrih a lawnaak cadil thuihnaak cauk taw vemyihna awm hy.   
\s1 Abraham Awhkawng David  
\p
\v 2 Abraham ing Isaak ca na nawh; Isaak ing Jakob ca na hy; Jakob ing Judah cingnahqui ca na hy.  
\v 3 Judah ingkaw Tamar a ven awhkawng Perez ingkaw Zerah cana nawh; Perez ing Herezon cana hy, Herezon ing Qam cana hy.  
\v 4 Qam ing Amminadab ca na nawh, Aminadab ing Nahshon ca na hy; Nahshon ing Salmon ca na hy.  
\v 5 Salmon ingkaw Rahab a ven awhkawng Boaz ca na hy, Boaz ing Ruth a ven awhkawng Obed ca na hy; Obed ing Jesee ca na hy.   
\p
\v 6 \x - \xo 1:6 \xt 2 Kin. 24.14,15; 2 Chr. 36.10; Jer. 27.20.\x*Jesee ing David sangpahrang ca na nawh; David sangpahrang ing Uria a zu ven awhkawng solomon ca na hy;  
\v 7 Solomon ing Rehoboam ca na hy; Rehobam ing Abijah ca na hy; Abijah ing Asa ca na hy;  
\v 8 Asa ing Jehoshaphat ca na hy; Jehoshaphat ing Uzziah ca na hy;  
\v 9 Uzziah ing Jotham ca na hy; Jotham ing Ahaz ca na hy; Ahaz ing Hezekiah ca na hy;  
\v 10 Hezekiah ing Manasseh ca na hy; Manasseh ing Amon ca na hy; Amon ing Josiah ca na hy;  
\v 11 Babylon khaw awh tamnaa na ami khyn tloek awh, Josiah ing Jekoniah ingkaw a mik cingnakhqi ca na hy;   
\p
\v 12 Babylon awh tamnaa na ami khyn coengawh; Jekoniah ing shealtiel ca na hy; Shealtel ing Zerubbabel ca na hy;  
\v 13 Zerubbabel ing Abiud ca na hy; A biud ing Azor ca na hy;  
\v 14 Azor ing Zadok ca na hy; Akim ing Eliud ca na hy;  
\v 15 Eliud ing Eleazar ca na hy; Eleazar ing Matthan ca na hy;  
\v 16 Jakob ing Meri va Joseph ca na hy; cawhkawng khrih ami ti uh, Jesu ce thang hy.  
\v 17 Abraham awhkawng David dy khuk hlaihphli law hy; David awhkawng Babylon awh tamnaa na ami khyn dy khuk hlaihphli law hy; Babylon na ami khyn coeng awhkawng Khrih dy khuk hlaihphli law bai hy.   
\s1 Jesu Khrih A Thangnaak  
\p
\v 18 \x - \xo 1:18 \xt Luke 1.27.\x*Jesu Khrih a thangnaak taw ve myihna awm hy: anu Meri ce Joseph ing a zu na kang nawh, kut oet na ani awm haih hlanawh, Meri ing Ciim Myihla ak caming naasen syn hawh hy.  
\v 19 Ava Joseph taw thlak dyng na a awm dawngawh, thlang ing a sim hlanawh, ang hyp na nawn dym aham cai hy.  
\v 20 Cemyihna ak poek huili awh, Bawipa ak khan ceityih ce ang mang awh dang pe nawh, a venawh, “David capa Joseph na zu Meri ce lawh aham koeh kqih: a phyihsu taw Ciim Myihla ak caming ni tina hy.   
\p
\v 21 \x - \xo 1:21 \xt Luke 1.31.\x*Anih ing cakpa ta kawmsaw, ak thlangkhqi ce thawlhnaak khui awhkawng hul aham a awm dawngawh, ang ming taw JESU tinawh sui kawp ti, tina hy.  
\v 22 Bawipa ing a tawngha hawnaak ing anak kqawn ce a soepnaak aham ve myihkhqi boeih ve ana hang awm hy.  
\v 23 \x - \xo 1:23 \xt Is. 7.14.\x*Ngai lah, nulak cym ce phyihsu kawmsaw, cakpa ta kaw, ang ming taw Emmanuel tinawh khy kawm uh, ningnih a venawh Khawsa awm hy tinaak ni”.  
\v 24 Joseph ing ang hqyng law awh Bawipa a ceityih ing awi a peek amyihna, Meri ce zu na hy:  
\v 25 \x - \xo 1:25 \xt Luke 2.21.\x*a ca a cuun hlan dy taw am heei hy; cekcoengawh a cakcyk ce cuun nawh JESU tinawh ming sui hy.   
\c 2  
\s1 Khawlaw ThlakCyikhqi  
\p
\v 1 Herod ce sangpahrang na a awm awh Judah qam Bethlehem awh Jesu taw thang hy, cawh Khawlaw ben nakaw thlakcyikhqi ce Jerusalem na law uhy,  
\v 2 Judah thlangkhqi a sangpahrang ak thang ce hana a awm? Anih a aihchi ce khawlaw benna ka mi huh a dawngawh, anih bawk aham ka mik law ni” tina uhy.  
\v 3 Ce ak awi ce Herod sangpahrang ing ang zaak awh ak kawpoek kyi hy, Jerusalem awh amik awm thlangkhqi boeih awm amik kawpoek kyi hy.  
\v 4 Khawsoeih boeikhqi ingkaw ca qeekungkhqi boeih ce khy khqi nawh Khrih a thangnaak kawi hyn ce sui sak khqi hy.  
\v 5 Cekkhqi ing a venawh, “Judah qam Bethlehem khaw awh thang kaw: kawtih tawngha ing vemyihna ana qee hyt hawh hy;  
\v 6 Nang Bethlehem, Judah qam khuiawh Judah ukkungkhqi anglakawh ak zawi soeih na am awm hyk ti. Ikawtih nak khui awhkawng ukkung law kawmsaw, anih ing kak thlang Israelkhqi ce uk kaw, tinawh qee hy,” tina uhy.  
\v 7 Cekcoengawh Herod ing thlakcyikhqi ce ang hyp na khy nawh aihchi dang pehy tice ak nep caana doet hy.  
\v 8 Cekcoengawh cekkhqi ce Bethlehem na tyi khqi hy; “Cet unawh naasen ce ak nep na sui law uh; nami huh awhtaw ning zaak law sak uh, kai ingawm cet nyng saw anih bawk lawt vang.” tina khi hy.  
\v 9 Sangpahrang awi ce aming zaak coengawh cet uhy; cawh, khawlaw ben nakaw aihchi ce hu tlaih uhy, naasen a awmnaak hyn pha nawh ang dym hlan dy cekkhqi haiawh aihchi ce cet hy.  
\v 10 A mingmih ing aihchi ami huh awh zeel soeih uhy.  
\v 11 Ipkhui na lut unawh naasen ingkaw anu Meri ce ami huh awh koep unawh bawk uhy. Ami a khawhbawm ce awng unawh; sui, frankinsen bawktui ingkaw mura ce pe uhy.  
\v 12 Herod a venna a maming hlatnaak voel aham Khawsa ing a ming mang awh awi ak kqawn peek khqi a dawngawh ak chang lam ben nakawng voei uhy.   
\s1 Egypt-na Cen Pyi Hy  
\p
\v 13 A mingmih ami ceh coengawh Bawipa ak khan ceityih ing Joseph ang mang awh dang pe nawh, “Tho nawhtaw, naasen ingkaw anu ce Egypt qam na cen pyi hlah, awi kak kqawn law hlan dy taw cawh ana awm uh; Herod ing naasen ce him aham sui li hawh hy” tina hy.  
\v 14 Cawh anih ing tho nawh naasen ingkaw anu ce thawh nawh khawmthan awh Izip qam na cen pyi hy;  
\v 15 Herod a thih hlan dy taw cawh awm uhy: cetaw “Izip qam awhkawng ka capa ce khy nyng,” tinawh Bawipa ing a tawngha hawnaak ing ak kqawn ce a soepnaak aham ni.  
\v 16 Thlakcyikhqi ing ni qaai na hawh pai moe uh, tice Herod ing a sim awhtaw, ak kaw so soeih hy, thlang tyi nawh Bethlehem khaw awh ak awm naasen boeih boeih ingkaw a khawceng awhkaw ak awm naasenkhqi boeih thlakcyikhqi a doetnaak nyn dy awhkaw kum hih awhkawng ak kai boeih ce him sak hy.  
\v 17 Cawh ce Jeremiah ak awih kqawn soep hy.  
\v 18 Qamah khawk khuiawh lungnat zaaknaak, kqahnaak ingkaw khy ang kqangnaak ce awm hy, Rachel ing a cakhqi ce kqah hy, a cakhqi ama awm voel hawh a dawngawh, ang ngaihqepnaak am awm voel hy”.   
\s1 Nazareth-na Voei Law Tlaih Hy  
\p
\v 19 Cehlai Herod ce a thih coengawh Izip qam awh ak awm Joseph ang mang awh Bawipa ak khan ceityih ce dang pe nawh; a venawh,  
\v 20 Tho lah, naaca ce lo nawh Israel qam na cehpyi hlah: naaca him aham ak suikung ce thi hawh hy,” tina hy.  
\v 21 Tho nawh naaca ingkaw a nu ce a lawh coengawh, Israel qam na hlat pyi hy.  
\v 22 Cehlai Arkhelaus ing a pa Herod ang zyng na, Judah qam awh boei na awm hy tice ang zaak awh, ce benna ceh aham kqih hy, ang mang awh Khawsa ing qalqiingnaak awi ak kqawn peek amyihna, Kalili qam benna ce cet hy.  
\v 23 Nazareth ami ti khaw pynoet na ce cet nawh cawh ce awm hy. “Nazareth thlang tinawh khy kawm uh,” tinawh tawnghakhqi ing ami nak kqawn awi ce a soepnaak aham ce amyihna awm hy.   
\c 3  
\s1 Baptisma Ak Pekung Johan Ak Khy Awi  
\p
\v 1 Ce tloek awh Baptisma ak pekung Johan ce law nawh, Judah qamkoh awh awi kqawn hy,  
\v 2 \x - \xo 3:2 \xt Mat 4.17; Marka 1.15.\x*Zut lah uh khawk khan ram taw zoe hawh hy”, tinawh kqawn hy.  
\v 3 \x - \xo 3:3 \xt Is. 40.3.\x*Veni tawngha Isaiah ing anak kqawn paicai hy: “Ramkoh awh ak khy awi ing, 'Bawipa lam ce qoek abah unawh, a lamkhqi ce dyng sak lah uh', tinawh anak kqawn ce.  
\v 4 \x - \xo 3:4 \xt 2 Kin. 1.8.\x*Johan ing kala-uk myi hi ce bai nawh, ak cawi ce savyn taisawm ing zen nawh, khamkhawk ingkaw khawitui ce buh a an na ai hy.  
\v 5 Anih a venawh Jerusalem khawk thlangkhqi, Judah qam awhkaw thlangkhqi boeih ce cet uhy.  
\v 6 Ami thawlhnaakkhqi ce kqawn unawh, anih a baptisma ce hu uhy.   
\p
\v 7 \x - \xo 3:7 \xt Mat 12.34; 23.33.\x*Cehlai, baptisma a peeknaak kung awh Farasikhqi ingkaw Sadusikhqi thlang khawzah amik law ce a huh awh, ami venawh, “Aw khqui a cadilkhqi, kawsonaak ak law hly ce centaak aham u ing nu anik kqawn peek khqi?  
\v 8 Zut doena qah phaat lah uh.  
\v 9 \x - \xo 3:9 \xt Joh 8.33.\x*Ka mi pa Abaraham ta u nyng kaw, tinawh koeh poek uh; ka nik kqawn peek khqi, Khawsa ing vawhkaw lungkhqi ve Abaraham a cakhqi na coeng sak thai hy.  
\v 10 \x - \xo 3:10 \xt Mat 7.19.\x*Thingkung boeih awh hqaica toen hyt na awm hawh nawh; ak thaih leek amak qah thingkungkhqi boeih taw hlu kawmsaw, mai awh phum kaw.   
\p
\v 11 Kai ing tui ngawh zutnaak baptisma ce ni pek khqi nyng; cehlai kai a huawh ak law cetaw kai anglakawh bau khqoet hy, kai taw anih a khawmyk ak pawm peek aham za am tyng nyng; anih ingtaw Ciim Myihla ingkaw mai ing baptisma ce ni pek khqi kaw.  
\v 12 A kut awh cang zahnaak khqa ce pawm kawmsaw, caang ce ak caih cana zap kaw, ang tak ce tep khuiawh chan kawmsaw ang hi taw amak thi thai qoe mai awh phum kaw tina hy.   
\s1 Jesu Baptisma A Huhnaak  
\p
\v 13 Cawh Jesu taw Kalili qam awhkawng Johan a baptisma huh aham Jordan long na law hy.  
\v 14 Cehlai Johan ing tha na hy, “kai ing ni nang a baptisma huh aham ka ngaih hlai, kawtih kai a venna na law lat?” tina hy.   
\p
\v 15 Jesu ing a venawh, “\wj Tuh sai mai, cawh ni ningnih aham dyngnaak boeih boeih a cup hly\wj*”, tina hy.  
\v 16 Jesu ing Baptisma a huh coengawh, tui awhkawng cet hy. Cawh khawk khan ce anih aham awng qu nawh, Khawsa Myihla ce khqukkhqu amyihna ak khan awh ang cuk peek ce huhy.  
\v 17 \x - \xo 3:17 \xt Gen 22.2; Sam 2.7; Is. 42.1; Mat 12.18; 17.5; Marka 1.11; Luke 9.35.\x*Cawhtaw khan nakawng, “ve ve ka lungnaak ka Capa, ka ym soeih soeih ni”, tinawh awi ce law hy.   
\c 4  
\s1 Jesu Sykzoeknaak  
\p
\v 1 \x - \xo 4:1 \xt Heb 2.18; 4.15.\x*Cekcoengawh Jesu taw qaai a sykzoeknaak huh aham, Myihla ing qamkoh na hqui hy.  
\v 2 Dai phlikip ingkaw than phlikip buh ang hyh coengawh, ak phoen ce cawi hy.  
\v 3 Ak sykkung ce a venna law nawh, “Nang ve Khawsa Capa na na awm awhtaw, vawhkaw lungkhqi ve phaihpi na coeng sak lah”, tina hy.   
\p
\v 4 \x - \xo 4:4 \xt Deut. 8.3.\x*Cehlai, Jesu ing ve myihna hlat pehy, “\wj Thlang ve phaihpi doeng ing am hqing nawh, Khawsa am khak khui awhkawng ak cawn law saqui awi ing ni a hqing hy, tinawh qee ce na awm hy\wj*”, tina hy.   
\p
\v 5 Cekcoengawh qaai ing anih ce khawk bau ciim na ceh pyi nawh, bawkim iptih asaw cilin ca awh tahy.  
\v 6 \x - \xo 4:6 \xt Sam 91.11,12.\x*A venawh, “Khawsa Capa na na awm awhtaw, nuk cawn lah; kawtih, vemyihna qee na awm hy; “Ak khan ceityihkhqi ce awi pe kawmsaw, na khawkhqi lung awh am nak chuknaak aham, a kut ing nang ce ni dawm kaw”, tina hy.   
\p
\v 7 \x - \xo 4:7 \xt Deut. 6.16.\x*Jesu ing a venawh, “\wj Na Bawipa Khawsa ce koeh noek koeh dak tinawh qee na awm bai hy\wj*”, tina hy.  
\v 8 Cekcoengawh, qaai ing anih ce cung ak sang soeih na van pyi nawh, khawmdek awhkaw qamkhqi boeih boeih ingkaw a mangnaak khqi boeih ce huh hy.  
\v 9 A venawh, “koep nawh kai ve nani beek awhtaw vawhkaw ik-oeihkhqi boeih ve ni pe kawng”, tina hy.   
\p
\v 10 \x - \xo 4:10 \xt Deut. 6.13.\x*Jesu ing a venawh, “\wj Setan ak chang na cet, Bawipa na Khawsa doeng ce beek kawm tiksaw, anih a bi doeng ce bi tinawh qee na awm hy\wj*”, tina hy.  
\v 11 Cekcoengawh qaai ing anih ce cehta hy, cawh khan ceityihkhqi ce law unawh anih ce khut a hlep uhy.   
\s1 Galilee Awh Bibinaak  
\p
\v 12 \x - \xo 4:12 \xt Mat 14.3; Marka 6.17; Luke 3.19,20.\x*Johan thawngim awh thla uhy, tice Jesu ing ang zaak awh Kalili ram benna ce hlat hy.  
\v 13 \x - \xo 4:13 \xt Joh 2.12.\x*Nazareth khaw ce cehta nawh tuili keng Zebulun ingkaw Nophtali khawqi awh ak awm Kapernaum khaw na cet nawh cawh ce awm hy.  
\v 14 Tawngha Isaiah ing anak khypyi oepchoeh:   
\p
\v 15 \x - \xo 4:15 \xt Is. 9.1,2.\x*Zebulun ram ingkaw Naphtali ram tuili na cehnaak lam, Jordan long caqai, Gentelkhqi a Kalili;   
\p
\v 16 thannaak khuiawh ak ngawikhqi ing vangnaak ak bau soeih ce hu uhy; thihnaak hlip ak kaiawh ak ngawikhqi venawh vangnaak ce pha law hy”, tinawh anak khypyi ce a cupnaak aham ni.  
\v 17 \x - \xo 4:17 \xt Mat 3.2.\x*Cawhkawng awh Jesu ing awi kqawn cyk hy, “Zut lah uh, kawtih khan ram taw zoe hawh hy,” tinawh kqawn hy.   
\s1 Hubat Lammacyk  
\p
\v 18 Jesu ing Kalili tuili keng na a ceh awh cingna qawi thlang pakhih, Piter ami ti uh Simon ingkaw a naa Andrew, lawk ak khawng ce hu hy; cekqawi taw ngak hawikung na awm hy nih.  
\v 19 Cekkqawi a venawh “\wj Ka hu awh bat lah nih, thlang ak tukung na ni sai qawi vang\wj*”, tina hy.   
\p
\v 20 Cekkqawi ing lawk ce cehta nih nawh ahu awh bat hy nih.  
\v 21 Ce hyn awhkawng Jesu ce cet bai nawh, Zebdi a ca qawi Jacob ingkaw a naa Johan ce a nipa Zebedi mi lawng khuiawh lawk amik bu ce hu nawh khy hy.  
\v 22 Cekkqawi cingna ingawm ani pa ingkaw lawng ce cehta nih nawh, Jesu a hu awh ce bat pahoei hy nih.  
\v 23 \x - \xo 4:23 \xt Mat 9.35; Marka 1.39.\x*Jesu ing Kalili ram khui boeih awh cet nawh, sinakawk awh thlangkhqi ce cawngpyi hy, ram awithang leek ce khypyi hy, sa amak dip thlangkhqi ingkaw tlohnat soepkep ak ta thlangkhqi ce qoei sak hy.  
\v 24 Jesu akawng ce Syria qam pum awh thang hy: tlohnatnaak soepkep ingkaw khuikhanaak soepkep ak hu thlangkhqi, sa amak dip thlangkhqi, thlakqawkhqi, ak kawk khuiawh qaai ak bekhqi, ak khawnkhqi boeih ce a venna law pyi unawh, anih ing cekkhqi ce qoei sak khqi boeih hy.  
\v 25 A hu awh Kalili, Dekapoli, Jerusalem, Judah qam ingkaw Jordan long caqai nakaw thlang khawzah bat uhy.   
\c 5  
\s1 Tlang Cawngpyinaak  
\p
\v 1 Thlang kqeng ce a huh awh, tlang na kai nawh ngawi hy, cawh a hubatkhqi ce a venna law uhy.  
\v 2 Cekcoengawh a hubatkhqi ce vemyihna cawngpyi khqi hy:   
\s1 A Zoseen Thlangkhqi  
\p
\v 3 \wj Kawlung ak khawdeng thlangkhqi taw ami zoseen hy, kawtih khan qam taw a mingmih a koe ni. \wj* 
\v 4 \x - \xo 5:4 \xt Is. 61.2.\x*\wj Kawset ing ak kokhqi taw ami zoseen hy, kawtih a mingngaih qep kaw. \wj* 
\v 5 \x - \xo 5:5 \xt Sam 37.11.\x*\wj Kaw ak dungkhqi taw ami zoseen hy, kawtih khawmdek qo pang kawm uh. \wj* 
\v 6 \x - \xo 5:6 \xt Is. 55.1,2.\x*\wj Dyngnaak ce buh a myihna cawi nawh tui a myihna ak hoetkhqi taw ami zoseen hy, kawtih amik phoen phyi kaw. \wj* 
\v 7 \wj Thlang qeenkhaw ak ngaikhqi taw ami zoseen hy, kawtih qeennaak ce hu lawt kawm uh. \wj* 
\v 8 \x - \xo 5:8 \xt Sam 24.3,4.\x*\wj Kawlung ak ciimkhqi taw ami zoseen hy, kawtih Khawsa ce hu kawm uh. \wj* 
\v 9 \wj Qoepnaak ak saikhqi taw ami zoseen hy, kawtih Khawsa cakhqi tinawh khy kawm uh. \wj* 
\v 10 \x - \xo 5:10 \xt 1Pe 3.14.\x*\wj Dyngnaak awh thekhanaak ak zawkkhqi taw ami zoseen hy, kawtih khawk khan taw a mingmih a koe ni. \wj* 
\v 11 \x - \xo 5:11 \xt 1Pe 4.14.\x*\wj Thlangkhqi ing kai ak camawh ni phep khqi uhy, ni thekha nak khqi uhy, amak thym na awihche soepkep ing ani zyih khqi awh ce nami zoseen hy. \wj* 
\v 12 \x - \xo 5:12 \xt 2 Chr. 36.16; Cei 7.52.\x*\wj Ym u nawhtaw namik kawzeel sak uh, Ikawtih nangmih aham khawkkhan awh kutdo ak bau soeih awm hy, cemyihna ni nangmih nami awm hlan awhkaw tawnghakhqi awm a mina thekhanaak hawhy.\wj*   
\s1 Cii Ingkaw Maihvang  
\p
\v 13 \x - \xo 5:13 \xt Marka 9.50; Luke 14.34,35.\x*\wj Nangmih taw khawmdek ci na awm u hyk ti. Cehlai ci ing a paih hawh awhtaw ikawmyihna a alnaak voel kaw? khawng nawh thlang ngawh khaw ing leh aham doeng kaataw, kawna awm phu am ta voel hy. \wj* 
\v 14 \x - \xo 5:14 \xt Joh 8.12; 9.5.\x*\wj Nangmih taw khawmdek vangnaak na awm uhyk ti. Tlang awhkhaw ak awm taw ikaw ingawm am chungdah thai hy. \wj* 
\v 15 \x - \xo 5:15 \xt Marka 4.21; Luke 8.16; 11.33.\x*\wj Thlang ing mai a vang awh, dawn ing am myk nawh, maihvang ami taaknaak khawi awh ni ami taak, cawh ni ipkhui awhkaw ak awmkhqi boeih ce ak coei. \wj* 
\v 16 \x - \xo 5:16 \xt 1Pe 2.12.\x*\wj Cemih lawtna, nangmih a them leek sai ce thlang ing a huh awh khawkkhan nakaw ak awm nangmih a Pa ce ami kyihcahnaak thai kaw, nami vangnaak ce thlang amik huh awh vang lah seh.\wj*   
\s1 Tawnghak Awi Soep Sak  
\p
\v 17 \wj Anaa awi aw am awh tawnghakhqik awi hqe aham kai ve law hy tinawh koeh poek uh; hqe aham am law nyng ak soep sak hamna ni ka law. \wj* 
\v 18 \x - \xo 5:18 \xt Luke 16.17.\x*\wj Awitak ka nik kqawn peek khqi, khawmdek ingkaw khan ang khum hlan dy, anaa awi awhkaw a dek pynoet ca awm, calung pynoet ca awm ik-oeih soepkep a cup hlan dy taw am qeng tikaw. \wj* 
\v 19 \wj A u ingawm vawhkaw awipeek ak zawi cakhqi ak khui awhkaw pynoet ce eek nawh thlak chang awm eek lawt aham am cuuk awhtaw anih ce khawkkhan awh ak zawi soeih na awm kaw, cehlai a u ingawm vemyihkhqi boeih ve hquut nawh thlak chang awm a cawngpyi awhtaw anih ce khawk khan awh ak bau soeih na awm kaw. \wj* 
\v 20 \wj Ka nik kqawn peek khqi, nangmih ama dyngnaak ing Farasikhqi ingkaw caqeekungkhqi a dyngnaak ce ama poe voelh awhtaw khawkkhan awh am lut thai ti kawp uk ti. \wj*   
\s1 Thlang Him  
\p
\v 21 \x - \xo 5:21 \xt Ex. 20.13; Deut. 5.17.\x*\wj “Syn awh, thlang koeh him, u awm thlang ak him taw awidengnaak kqih awm ce hu kaw,” tinawh ami nak kqawn ce za hawh u hyk ti. \wj* 
\v 22 \wj Cehlai, ka nik kqawn peek khqi, a u awm a koeinaaa ak khan awh kaw ak so taw awidengnaak ce hu kaw. A u awm a koeinaa ce “Thlak zoe” ak tinaak taw Sanhedrin awh awidengna awm kaw. A u awm thlang ce, 'thlak qaw!' ak tinaak taw hell mai kqih awm ce zawk kaw. \wj* 
\v 23 \wj Cedawngawh bawkthang awh ik-oeih pek aham nami law pyi awh na koeinaa ing nak khan awh ak kaw am law hy tice na sim awhtaw, \wj* 
\v 24 \wj bawkthang a haiawh na themkhqi ce cehta nawh hlat cang. Na koeinaa ingqawi qoepnaak ce na sai coengawh cet nawhtaw na them ce pe kawp ti. \wj* 
\v 25 \wj Awidengnaak awh taza anik cawikung na qaal ingqawi lam nani ceh haih tloek awh ang tawnnna qoepnaak sai. Cemyih am awhtaw na qaal ing nang ce awidengnaak kung na a ni khyn coengawh awidengkung ing nang ce boei a venawh ni pe patoe kaw, anih ing nang ce thawngim na nik thla kaw. \wj* 
\v 26 \wj Awitak ka nik kqawn peek khqi, laiba a boeih dy na sah hlan khui taw thawngim awhkawng am loet kawp ti. \wj*   
\s1 Samphaihnaak  
\p
\v 27 \x - \xo 5:27 \xt Ex. 20.14; Deut. 5.18.\x*\wj “Na samphaih aham am awm hy”, tinawh amik kqawn awi ce za hawh uhyk ti. \wj* 
\v 28 \wj Cehlai, ka nik kqawn peek khqi, u ingawm nu pynoet ce hyynaak mik ing a toek awhtaw, ak kawlung khuiawh cawhkaw nu ak khan awh ce samphaih hawh hy. \wj* 
\v 29 \x - \xo 5:29 \xt Mat 18.9; Marka 9.47.\x*\wj Nak tang mik ing a ni thawlh sak awhtaw, koeih nawh khawng; na pum boeih ing hell khuina nang tlaak anglakawh na pum awh ik-oeih pynoet na taal ce nep bet hy. \wj* 
\v 30 \x - \xo 5:30 \xt Mat 18.8; Marka 9.43.\x*\wj Nak tangkut ing a ni thawlh sak awhtaw tlyk boet nawh khawng. Na pum awhkaw ik-oeih pynoet na taal ce nep bet hy. \wj*   
\s1 Zu Thlaknaak  
\p
\v 31 \x - \xo 5:31 \xt Deut. 24.1-4; Mat 19.7; Marka 10.4.\x*\wj “U ingawm a zu ce a ma awhtaw, zu manaak ca ce pe seh” tinawh amik kqawn awi ce a na awm hawh hy. \wj* 
\v 32 \x - \xo 5:32 \xt Mat 19.9; Marka 10.11,12; Luke 16.18; 1Kor 7.10,11.\x*\wj Cehlai ka nik kqawn peek khqi, a va ak khan awh a thawlh awh ti kaana, u ingawm a zu ce a ma awhtaw a zu ce samphaih sak hy, cekcoengawh u ingawm thlang a zu ma ak zu naak taw samphaih na awm hy. \wj*   
\s1 Awikam Cak Sak  
\p
\v 33 \x - \xo 5:33 \xt Lev. 19.12; \xt Num. 30.2; Deut. 23.21.\x*\wj Cekcoeng bai awh, 'nak awisa ce koeh hqe, Bawipa venawh nak awisa ce cup sak lah', tinawh syn awh ami nak kqawn awm za hawh u hyk ti. \wj* 
\v 34 \x - \xo 5:34 \xt Jak 5.12; \xt Is. 66.1; Mat 23.22.\x*\wj Cehlai, ka nik kqawn peek khqi, awi koeh sa qoe qoe uh: khawkkhan phoei nawh awi koeh sa, kawtih khawkkhan taw Khawsa a ngawihdoelh ni; \wj* 
\v 35 \x - \xo 5:35 \xt Is. 66.1; \xt Sam 48.2.\x*\wj khawmdek awm phoei unawh awi koeh sa uh, kawtih khawmdek awm a khaw a soengnaak ni; Jerusalem awm phoei unawh awi koeh sa uh, kawtih Jerusalem taw sangpahrang boei a khawk bau ni. \wj* 
\v 36 \wj Nami lu phoei unawh awi koeh sa uh, kawtih na lu awhkaw na lumsam pynoet ca awm am baawk, am lee sak thai hyk ti. \wj* 
\v 37 \wj Ak thym ce 'thym hy' ti unawh taw amak thym ce 'am thym hy' ti mai uh; ve ak khan awh awi ak law bai taw them amak leek hawh ni. \wj*   
\s1 Mik Zyngawh Mik  
\p
\v 38 \x - \xo 5:38 \xt Ex. 21.24; Lev. 24.20; Deut. 19.21.\x*\wj 'Mik ang zyng awh mik, haa ang zyng awh haa', tinawh awi amik nak kqawn awm za hawh u hyk ti. \wj* 
\v 39 \wj Cehlai ka nik kqawn peek khqi, thlakche ce koeh oelh uh. Nak tang ben na beeng awh thlang ing anik beih awhtaw ak chang ben na beeng ce awm dun pe. \wj* 
\v 40 \wj Thlang ing na angki ce lawh aham a ngaih a dawngawh awi a ni oelh awhtaw, hi awm peek sih mai. \wj* 
\v 41 \wj Thlang ing meng oet a ni qyt ngah ngah awhtaw meng hih dy awh thak. \wj* 
\v 42 \wj Thlang ing ik-oeih a thoeh awhtaw pe mai, na venawh ik-oeih pu aham ak law ce koeh hawi taak. \wj*   
\s1 Na Qaal Lungna  
\p
\v 43 \wj “Na imceng ce lungna nawhtaw na qaal cetaw sawh na,” tinawh qee hyt awi ak awm ce zahawh u hyk ti. \wj* 
\v 44 \wj Cehlai ka nik kqawn peek khqi, nami qaal ce lung law na uh, nangmih awihche ing anik zyi thlangkhqi ce zoseenaak pe law uh; nangmih anik sawhnaakkhqi aham them leek sai law pe uh, \wj* 
\v 45 \wj cawh ni khawk khan awh ak awm nangmih a Pa a cakhqi na nami awm hly. Anih ingtaw thlakche ingkaw thlakleek ak khan awh khaw ang myih na law sak nawh, thlakdyng ingkaw thlakthawlh ak khan awh awm khaw ang myih na aa sak hy. \wj* 
\v 46 \wj Nangmih anik lungnaakkhqi doeng nami lungnaak mantaw ikaw kutdo nu nami huh kaw? Mangmu ak cawikhqi ingza cemyihce am sai lawt uhy na ti nawh nu? \wj* 
\v 47 \wj Na koeinaa doeng na ym mantaw, thlak chang anglakawh na leeknaak bet ikaw a awm? Lukih thlangkhqi ingza cemyih ce am sai uhy na ti nawh nu? \wj* 
\v 48 \x - \xo 5:48 \xt Lev. 19.2; Deut. 18.13.\x*\wj Khawkkhan nakaw ak awm nangmih a Pa a soep lawt a myihna nangmih awm soep lawt lah uh. \wj*   
\c 6  
\s1 Kut Do Awh  
\p
\v 1 \wj Thlang ing a huhnaak aham, 'them leek sainaak' thlang a haiawh am nami sainaak aham ngaihta lah uh. Cemyihna nami sai mantaw, khawk khan na ak awm nangmih a Pa ven nakaw kutdo am hu kawm uk ti. \wj* 
\v 2 \wj Cedawngawh ak voet ak hlauh thlangkhqi ik-oeih na dodan awh thlang am kyihcah ngaih awh qaai kqawnkhqi ing sinakawk ingkaw lam suttungkhqi awh a mi sai amyihna uut yng nawh koeh kqawn qu uh. Awitak ka nik kqawn peek khqi, kutdo ce a mimah ing boet nawn hawh uhy. \wj* 
\v 3 \wj Cehlai, nangmih ingtaw thlang ik-oeih nami dodan awh nak tangkut ing a sai ce nak cawng ben kut ing koeh sim seh, \wj* 
\v 4 \wj cawh ni na kutdo ce ang hyp na a awm hly. Cawh ni ang hyp ik-oeih sai ak hukung nangmih a Pa ing samphang na kutdo ce a ni peek hly khqi hy. \wj*   
\s1 Cykcahnaak Awh  
\p
\v 5 \wj Na mik cykcah awh, thlak qaai kqawnkhqi amyihna koeh cykcah uh; a mingmih ingtaw thlang ing ni huh na seh a mi ti awh, sinakawk ingkaw lam suttungkhqi awh dyi unawh, amik cykcah ce lungna uhy. Awitak ka nik kqawn peek khqi, a mimah ing kutdo ce boet nawn hawh uhy. \wj* 
\v 6 \wj Cehlai, nangmih taw na mik cykcah awh nami ipkhui na lut unawh, chawh nami khaih coengawh, anghyp na ak awm nami Pa a venawh cykcah uh. Cawh ni ang hyp ik-oeih sai ak hukung nangmih a Pa ing samphang awh kutdo ce ni pek khqi kaw. \wj* 
\v 7 \wj Na mik cykcah awh lawkihkhqi cykcah amyihna awi koeh nawlh tlaih tlaih uh, a mingmih ingtaw awi khawzah nik kqawn awh ni ang zaak hly tinawh poek uhy. \wj* 
\v 8 \wj Cekkhqi amyihna koeh awm uh, kawtih nangmih ing nami thoeh hlanawh nami ngaih ik-oeihkhqi ce nami Pa ing sim oepchoeh hawh hy. \wj*   
\s1 Bawipa Cykcahnaak  
\p
\v 9 \wj “Cedawngawh vemyihna cykcah uh;\wj*  
\q1 \wj Khawkkhan nakaw ak awm kaimih a Pa,\wj*  
\q2 \wj nang ming kqihchahnaak awm seh,\wj*   
\q1 \wj  \wj*
\v 10 \wj Na qam pha law seh,\wj*  
\q1 \wj Khawkkhan awh nak kawngaih sai amyihna khawmdek awh nak kawngaihnaak saina awm seh.\wj*   
\q1 \wj  \wj*
\v 11 \wj Tuhngawi awh myngawi buh ni pek khqi lah.\wj*   
\q1 \wj  \wj*
\v 12 \wj Ik-oeih ak pukhqik khan awh qeenkhaw ka ming ngai amyihna, kaimih a ik-oeih pu ak khan awh qeenkhaw ngai law lah.\wj*   
\q1 \wj  \wj*
\v 13 \wj Sykzoeknaak awh koeh ni sawi khqi nawh, \wj*  
\q2 \wj thlakchekhqi anglakawhkawng ni hul khqi lah”\wj*   
\p
\v 14 \x - \xo 6:14 \xt Marka 11.25,26.\x*\wj Thlang ing nangmih ak khan awh ik-oeih a sai palh awh qeenkhaw na ming ngai awhtaw, khawk khan nakaw ak awm nangmih a Pa ingawm nangmih ak khan awh qeenkhaw ngai law lawt kaw. \wj* 
\v 15 \wj Cehlai, thlang a thawlhnaak ak khan awh qeenkhaw amna ming ngaih awhtaw, nangmih a Pa ingawm nangmih ak khan awh qeenkhaw am ngai tikaw. \wj*   
\s1 Buh Zeih Awh  
\p
\v 16 \wj Buh nami zeih awh, thlak qaaikqawnkhqi amyihna kawset myi koeh dang sak uh, cekkhqi ingtaw thlang ing buh zeih hy tina seh, ti unawh thlang a mik huh awh ami haai ce a muqu na ta uhy. Awitak ka nik kqawn peek khqi, a mi kutdo hly ce hu boeih hawh u hyk tice. \wj* 
\v 17 \wj Cehlai nangmih ingtaw buh nami zeih awh nami lusam thiik unawh, nami haai hla uh, \wj* 
\v 18 \wj thlanghqing a venawh buh zeih hy tice ang dang naak aham am nawh, mik huh am awh ak awm nami Pa venawh ni buh na zeih, tice ang dang naak aham ni; cawh ni ang hyp ik-oeih sai ak hukung nami Pa ing kutdo a ni peek hly khqi. \wj*   
\s1 Them Peek  
\p
\v 19 \x - \xo 6:19 \xt Jak 5.2,3.\x*\wj Laihqa ingkaw thieek ing ama ainaak thai, quk-aikhqi ing muk nawh a mam quuknaak thai, ve khawmdek awh nami them koeh cun law uh. \wj* 
\v 20 \wj Laihqa ingkaw thieek ing ama ainaak thai, khawk khan na nami them ce cun law lah uh. \wj* 
\v 21 \wj Ikawtih nami them a awmnaak awh na mik kawlung awm awm kaw.\wj*   
\s1 Pum A Maihvang  
\p
\v 22 \wj Mik taw pum a maivang na awm hy. Na mik a leek awhtaw, na pum ce vang boeih kaw. \wj* 
\v 23 \wj Cehlai na mik ama leek mantaw, na pum boeih boeih ce than kaw. Na pum awhkaw vangnaak ce a than mai mantaw, ikawpna na pum boeih ce a thannaak kaw! \wj* 
\v 24 \wj U ingawm boei pakkhih a bi ce am kqep thai hy. Pynoet ce sawh na kawmsaw pynoet taw lungna kaw, am awhtaw pynoet ce kqihchah na nawh pynoet taw husit kaw. Cemyih lawt na Khawsa ingkaw tangka bi am kqep thai hyk ti. \wj*   
\s1 Koeh Mawn  
\p
\v 25 \wj Cedawngawh ka nik kqawn peek khqi, kawnu ka ai nawh kawnu ka aawk kaw, tinawh nami hqingnaak aham koeh ly unawh; kawnu ka bai ka naak lah kaw, tinawh nami pum aham awm koeh ly uh. Aawk-ai anglakawh hqingnaak, suibai anglakawh pum ve awihtung bet am nu? \wj* 
\v 26 \wj Khan nakaw phakhqi ce toek lah uh; quk am saw uhy, caang awm am aat unawh, teep ak khui awh awm am thla uhy, cehlai khawk khan nakaw ak awm nangmih a Pa ing cekkhqi ce hqin hy. Cekkhqi anglakawh nangmih ve nami phu am tlo khqoet nawh nu? \wj* 
\v 27 \wj Nangmih ak khuiawh u ingawm a mawnnaak ak caming a hqingnaak khawnoek pynoet ca ing awm a sap bet thai? \wj* 
\v 28 \wj Ikawtih nami pum dahnaak awh nami ly? Lo awhkaw lili khqaipai ce toek lah uh. Bi am bi unawh, hla awm am bi uhy. \wj* 
\v 29 \wj Cehlai ka nik kqawn peek khqi, vawhkaw lili khqaipai amyihna, Solomon ing a boeimangnaak boeih ing thoeihcam na am awm hy. \wj* 
\v 30 \wj Ceamyihna lo awhkaw khuut, tuh-ngawi awh hqing thai moe a ngawi awhtaw qeu nawh mai awh phum aham ak awm za Khawsa ing ak chungdah awhtaw, Aw cangnaak ak zawikhqi, nangmih ak khqoet taw khawzah khqoet na am nik chungdah hlyk khqi nawh nu? \wj* 
\v 31 \wj Cedawngawh kawnu ka ai kaw? am awhtaw kawnu ka aawk kaw? Am awhtaw kawnu ka bai ka naak kaw? tinawh koeh ly uh. \wj* 
\v 32 \wj Lawkih thlangkhqi ing ni ve myihkhqi ve a mi sui hy, vemyih ik-oeihkhqi ve ngoe u hyk ti tice khawk khan nakaw nangmih a Pa ing sim hy. \wj* 
\v 33 \wj A qam ingkaw a dyngnaak ce sui lamma lah uh, cekcoengawh vawhkaw ik-oeihkhqi boeih ve awm ni peek sih khqi bit kaw. \wj* 
\v 34 \wj Cedawngawh khawngawi awhkaw aham koeh ly uh, khawngawi ing amah aham ik-oeih ce poek lawt bit kaw. Hypoet aham hypoet awhkaw kyinaak ce khoek hy. \wj*   
\c 7  
\s1 Thlang Awi Koeh Deng  
\p
\v 1 \wj Thlang awi koeh deng, namah awm awideng na awm lawt kawp ti. \wj* 
\v 2 \x - \xo 7:2 \xt Marka 4.24.\x*\wj Kawtih thlang awi na deng myihna nang awm awi dengnaak hu lawt kawp ti, thlang nyhtahnaak ing nang awm nyhtah na awm lawt kawp ti. \wj* 
\v 3 \wj Namah a mik awhkaw myn ak awm ce ak poek kaana, ikaw hamna na koeinaa a mik awhkaw myn veteh ca ak awm ce na toek? \wj* 
\v 4 \wj Namah a mik awhkaw myn a awm hyn awh, ikawmyihna na koeinaa a venawh, 'na mik awhkaw myn a dik ve tehca ce lo law vang nyng', na ti naak? \wj* 
\v 5 \wj Nang thlang qaai kqawn, namik awhkaw myn ce khoe cang, cawh ni na mik ce ak caih na dang nawh, na koeinaa a mik awhkaw myn tehca ce na lawh hly thai. \wj* 
\v 6 \wj Ak caih ik-oeihkhqi ce ui koeh pe uh; na pale lung awm vawkkhqi haiawh koeh khawng uh. Nak khawng mantaw a khaw ing a leh coengawh namah awm ning hawi sih nawh ni cui khup phlet kaw. \wj*   
\s1 Thoeh, Sui, Khoek Lah  
\p
\v 7 \wj Thoeh lah ni pe kaw; sui lah hu kawp ti; khoeng lah nim awng kaw. \wj* 
\v 8 \wj U awm ak thoeh ingtaw hu nawh; ak khoeng taw awng peek na awm kaw. \wj* 
\v 9 \wj Na ca ing phaihpi a thoeh awh lung ak pe nangmih ak khuiawh na mik awm nu? \wj* 
\v 10 \wj Nga a thoeh awh khqui ak pe hly na mik awm nu? \wj* 
\v 11 \wj Nangmih thlak thawlh khqi ing za nami cakhqi ik-oeih leek peek aham nami sim awhtaw, khawk khan na ak awm nangmih a Pa ing ak thoehkhqi venawh ik-oeih leek izah ak doem nu a peek khqoet kaw? \wj* 
\v 12 \x - \xo 7:12 \xt Luke 6.31.\x*\wj Thlang ing nak khan awh ik-oeih leek sai sak aham na ngaih lawt a myihna, thlang ak khan awh ik-oeih leek sai lawt lah, ve ing anaa awi ingkaw tawnghakhqik awi ce cun boeih hy. \wj*   
\s1 A Ram Khui Lut Naak  
\p
\v 13 \wj Chawmkeng ak ceek ca khuiawh lut lah uh; kawtih chawmkeng kau nawh lam ak kau taw seetnaak benna ak sawikung ni, ce benna ce thlang khawzah cet uhy. \wj* 
\v 14 \wj Cehlai chawmkeng ceek nawh lam ak ceek cetaw hqingnaak benna ak sawikung na awm nawh, ce ben ce thlang a khoeh ca doeng ing hu hy. \wj* 
\v 15 \wj Tawngha qaaikqawnkhqi ce qalqiing uh. Ak khan awh tuvyn bai hlai uhy, ak khuina taw thailatnaak ing ak be ngentang na awm uhy. \wj* 
\v 16 \wj A mingmih ce ak thaih awh hat bit kawm uk ti. U ing nu hling a thing awhkawng misur ak thaih bit khawi nawh, hling dum khui awhkawng thaih qah ak bih khawi? \wj* 
\v 17 \wj Thing ak leek awh-kawng thaih leek qah nawh, thing ak che awh-kawng ak thaih che qah lawt hy. \wj* 
\v 18 \wj Thing ak leek awhkawng thaih ak che am qah nawh, thing ak che awhkawng thaih leek am qah bai hy. \wj* 
\v 19 \x - \xo 7:19 \xt Mat 3.10; Luke 3.9.\x*\wj Thaih leek amak qah thing taw hlu unawh mai awh phum uhy. \wj* 
\v 20 \x - \xo 7:20 \xt Mat 12.33.\x*\wj Ce myihna ak thaih awhkawng a mingmih ce hat thai bit kawm uk ti.\wj*   
\p
\v 21 \wj Ka venawh Bawipa, Bawipa ak ti boeih ing khawk khan am pha kaw, cehlai khawk khan na ak awm ka Pa ak kawngaih ak saikhqi doeng ing ni a pha hly. \wj* 
\v 22 \wj Ce a khawnyn awhtaw thlang khawzah ing ka venawh, Bawipa, Bawipa nang ming ing awi kqawn unyng saw, nang ming ing qaaikhqi hqek unyng, kawpoek kyi ik-oeihkhqi am ka mi sai nawh nu? ti kawm uh. \wj* 
\v 23 \x - \xo 7:23 \xt Sam 6.8.\x*\wj Cawh kai ing cekkhqi venawh, 'Am ni sim khqi nyng. Thawlhnaak ak saikhqi, ka ven awhkawng ak chang na cet uh!' tinak khqi kawng. \wj*   
\s1 Ip Tung Pakkhih  
\p
\v 24 \wj Cedawngawh u ingawm vawhkaw kak awih kqawnkhqi ve za nawh a sai awhtaw anih taw lungnu awhkaw im ak sa thlakcyi ing myih hy. \wj* 
\v 25 \wj Khaw tlan nawh, tuinu tho, khaw hli nawh im ce buuk seiawm; lungnu awh tung ce ang ling a dawngawh, am tlu hy. \wj* 
\v 26 \wj Cehlai u ingawm vawhkaw kak awih kqawnkhqi ve za hlai hy amak sai thlang taw dizui awh im ak sa thlakhqaw ing myih hy. \wj* 
\v 27 \wj Khaw aa, tuinu tho nawh khawhli ing im ce a buuk awh, tlu qup hy,” \wj*tina hy.   
\p
\v 28 \x - \xo 7:28 \xt Marka 1.22; Luke 4.32.\x*Jesu ing ve ak awikhqi ak kqawn boeih coengawh, a cawngpyinaak awh ce thlang kqeng ing amik kawpoek kyi hy.  
\v 29 Caqeekung khqi a cawngpyinaak amyihna am cawngpyi nawh, saithainaak ak ta thlang ing a cawngpyi amyihna anih ingtaw cawngpyi hy.   
\c 8  
\s1 Kqe Ak Neh Qoei Hy  
\p
\v 1 Tlang awhkawng ak kqum awh, thlang kqeng khawzah ing a hu awh hquut uhy.  
\v 2 Cawh mynqaai ak tlo thlang pynoet law nawh a haiawh khuk sym doena, “Bawipa, na ngaih awhtaw ni qoei sak thai hyk ti,” tina hy.   
\p
\v 3 Jesu ing a kut a zyng coengawh anih ce bi hy. “\wj Ngaih nyng, ciimcaih hlah\wj*!” tina hy. Kawlhkalh awh a mynqaai ce qoei tlang hy.  
\v 4 \x - \xo 8:4 \xt Lev. 14.1-32.\x*Cawh Jesu ing a venawh, “\wj U a venna awm koeh kqawn moe, ami simnaak aham cet nawh khawsoeih a venawh na pum ce nam huh coengawh, Mosi ak awipeeknaak a myihna ik-oeih nawnnaak ce sai\wj*,” tina hy.   
\s1 Qaalboei Ak Cangnaak  
\p
\v 5 Jesu ing Kapernaum khawk khui na a lut awh, qaal boei pynoet ce a venna law nawh, qeennaak thoeh hy.  
\v 6 Bawipa, ka tyihzawih khawn nawh im awh zaih hy, a tlawh nauh hy,” tina hy.  
\v 7 Jesu ing, “\wj Law nawh qoei sak bit kawng\wj*,” tina hy.  
\v 8 Qaal boei ing a venawh, “Bawipa ka im awh law aham am tyng nyng. Awi doengmah kqawn nawhtaw, ka tyihzawih ce qoei bit kaw.  
\v 9 Kai awm uknaak ak kai awh awm lawt nyng. Cedawngawh pynoet na ce, 'Ceh,' ka tinaak awh cet nawh, thlang chang awm, 'Law,' ka tinaak awh law hy; ka tamnaa awm, 'Ve sai ka tinaak awh,' ka ti awh sai lawt hy,” tina hy.   
\p
\v 10 Cek awi ce Jesu ing ang zaak awh, ak kawpoek kyi nawh, ahu awh ak bangkhqi venawh, “\wj Awitak ka nik kqawn peek khqi, Israel khqing lak awh vemyihna cangnaak ak bau am hu nyng. \wj* 
\v 11 \x - \xo 8:11 \xt Luke 13.29.\x*\wj Ka nik kqawn peek khqi, khaw law khaw tlak ben nakawng thlang khawzah law kawm usaw, Abraham, Isak, Jacob mi khawk khan awh buh poei kung awh kutoet na ngawi haih kawm uk ti. \wj* 
\v 12 \x - \xo 8:12 \xt Mat 22.13; 25.30; Luke 13.28.\x*\wj Cehlai ram cakhqi taw kqangnaak ingkaw hatahnaak a awmnaak, a leng ben khawmthannaak awh khawng kawm uh,” \wj*tina khqi hy.   
\p
\v 13 Cekcoengawh Jesu ing qaal boei a venawh, “\wj Cet hlah! nak cangnaak amyihna na venawh saina awm seh\wj*,” tina hy. Ce a tym qoe awh ce a tyihzawih awm qoei tlang hy.   
\s1 Kapernaum Awh Tloh Qoei Sak  
\p
\v 14 Piter a im na Jesu a ceh awh, Piter a senu ce a sa tlo nawh zaih hy.  
\v 15 Jesu ing anih ce a kut awh tu hy, cawh anih ce a satlawh ing hlah pahoei hy, tho nawh a mingmih ce do a dan hy.  
\v 16 Khawmy benawh ak kawk khuiawh qaai ak bekhqi ce law pyi uhy, anih ing qaaikhqi ce hqek nawh thlak tlokhqi boeih ce qoei sak hy.  
\v 17 \x - \xo 8:17 \xt Is. 53.4.\x*Tawngha Isaiah ing: “\wj Amah ing ningnih tha amak awmkhqi ce lo law nawh, ningnih a tlawhnatnaakkhqi ce phyi law hy,\wj*” tinawh ak kqawn ce a cupnaak aham na ni.  
\v 18 A ven awhkaw thlang kqeng ce Jesu ing a huh awh, tuili caqai sa benna ceh aham awi pehy.  
\v 19 Cawh anaa awi cawngpyikung thlang pynoet ce a venawh law nawh, “Cawngpyikung na cehnaak hoei awh bat lawt vang nyng,” tina hy.   
\p
\v 20 Jesu ing a venawh, “\wj Ngentangkhqi ingawm ak khuikawk ta unawh, khan nakaw phakhqi ingawm bu ta uhy, cehlai thlanghqing Capa ingtaw a lutloengnaak awm am tahy,\wj*” tina hy.  
\v 21 Ahu awh ak bat thlak chang pynoet ing, “Bawipa cet nyngsaw ka pa pup cang vang nyng,” tina hy.   
\p
\v 22 Cehlai Jesu ing a venawh, “\wj Ka hu awh bat law mai, thlak thi ce thlak thi lawt ing pup mai seh\wj*,” tina hy.   
\s1 Khawhli Ingkaw Tuiphu Dym Sak  
\p
\v 23 Cekcoengawh lawng khuina ce lut nawh a hubatkhqi awm lut pahoei lawt uhy.  
\v 24 Cawh poek kaana khawhli khungdeng nawh tuibak ing lawng ce kup phlet hlo hlo hy. Cehlai Jesu taw ip dut dut hy.  
\v 25 A hubatkhqi ing thawh unawh, “Bawipa ni hul khqi lah! Tui awh cum hawh kawng u nyng! tina uhy.   
\p
\v 26 A mingmih a venawh, “\wj Cangnaak ak zawikhqi, kawtih namik kqih\wj*?” tinak khqi hy. Cekcoengawh tho nawh khawhli ingkaw tuiphu ce zyi saw, cawhtaw khawhli ingkaw tuiphu ce dym pahoei hy.  
\v 27 Cekkhqi ce amik kawpoek kyi nawh, “Kawmih ak thlang hy voei nu ve? khawhli ingkaw tuiphu ingawm ak awi ngai pe uhy! ti uhy.   
\s1 Qaaiche Hqek Hy  
\p
\v 28 Tui caqai ben awh ak awm Gadarin qam ce a pha awh, ak kawk khuiawh qaai ak be thlang pak khih ce phyi awhkawng a venna law hy nih. Cekkqawi ce a ni tlung soeih a dawngawh ce a lam awh u awm am cet thai hy.  
\v 29 Cekkqawi ing anik khy doena, “Khawsa Capa kainih ve ikaw ni ti nak kqawi vang na ti? A tym a khoek hlanawh kainih khuikha sak aham na law nawh nu? tina hy nih.   
\p
\v 30 Cekkhqi ami awmnaak hyn awhkawng a hlanaak bet awh ce vawk khawzah cah uhy.  
\v 31 Qaaikhqi ing a venawh, “kaimih ve nani hqek khqi awhtaw vawkkhqi ak kawk khuiawh ni ceh sak khqi mai,” tinawh qeennaak thoeh uhy.   
\p
\v 32 Jesu ing cekkhqi venawh, “\wj Cet uh\wj*!” tina hy. Cedawngawh cekkhqi ce cawn unawh vawkkhqi ak kawk khuina lut uhy, cawh vawkkhqi boeih ce tuili na hqang awhkawng cawn unawh thi boeih uhy.  
\v 33 Vawk ak khoem thlangkhqi ce khawk khuina dawng unawh cawhkaw ik-oeih ami huhkhqi ingkaw ak kawk khuiawh qaai ak be thlang pakkhih akawng ce thlangkhqi venna kqawn pe uhy.  
\v 34 Cawh khawk khui awhkaw thlangkhqi boeih ce Jesu huh aham cet uhy. Jesu ce ami huh awh, ce a qam ce cehtaak aham a venawh qeennaak thoeh uhy.   
\c 9  
\s1 Thlak Khawn Qoei Sak  
\p
\v 1 Jesu ing lawng ak khuina a lut coengawh, tui ce kat nawh amah a khaw nace cet hy.  
\v 2 Cawh ak khawn thlak tlo pynoet hiphaih awh kawt law uhy. Jesu ing a mingmih ak cangnaak ce a huh awh, ak khawn thlang a venawh, “Ka capa, nang ngaih qep sak, na thawlhnaakkhqi boeih ak khan awh qeenkhaw ngai na awm hawh hy, “tina hy.   
\p
\v 3 Cawh anaa awi ak qeekung thlang vang ing amik kawk khuiawh, “Ve ak thlang ing Khawsa thekha na hy ve!” ti uhy.   
\p
\v 4 Cekkhqi ak kawpoek ce Jesu ing sim nawh, \wj “kawtih namik kawlung khuiawh kawpoek amak leek namik poek? \wj* 
\v 5 \wj Hannu ak zoe bet: 'na thawlhnaakkhqi boeih ak khanawh qeenkhaw ngai na awm hawh hy ti,' tive nu? \wj* 
\v 6 \wj Cehlai thlanghqing capa ing thawlhnaakkhqi ak khan awh qeenkhaw ngainaak tahy tice nami sim thainaak aham,\wj* tina hy.   
\p
\v 7 Cawh anih ce tho nawh a im na cet hy.  
\v 8 Thlang kqeng ing cawhkaw ik-oeih ce ami huh awh amik kawpoek kyi nawh; thlanghqing a venawh vemyihna saithainaak ak pekung Khawsa ce kyihcah uhy.   
\s1 Mathai Ak Kynaak  
\p
\v 9 Ce a hyn awhkawng Jesu taw cet phaat nawh, mangmu cawinaak hyn awh ak ngawi, Mathai ak mingnaak thlang pynoet ce hu hy. A venawh, “\wj Ka hu awh bat law,\wj*” tina hy.  
\p Anih ce tho nawh ahu awh bat pahoei hy.  
\v 10 \x - \xo 9:10 \xt Luke 15.1,2.\x*Mathai a im awh Jesu ing buh a ai awh, mangmu ak cawi thlangkhqi ingkaw thlak thawlhkhqi khawzah ce law unawh a venawh a hubatkhqi mi kutoet na buh veel haih uhy.  
\v 11 Farasikhqi ing ami huh awh, a hubatkhqi venawh, “Kawtih nangmih a cawngpyikung ing mangmu ak cawikhqi, thlak thawlhkhqi mi buh kutoet na ami ai?” tina uhy.   
\p
\v 12 Ce ak awi ce Jesu ing ang zaak awh, “\wj Sakdip ing Siboei am ngoe nawh, thlak tlo ing ni siboei a ngoe hy. \wj* 
\v 13 \x - \xo 9:13 \xt Mat 12.7; \xt Hos. 6.6.\x*\wj Cehlai cet unawh, bulnaak kaana qeennaak ni ka ngaih, ti awi ve cawng law lah uh. Kawtih thlak dyng khy aham am law nyng, thlak thawlh khy aham nani ka law” \wj*tina hy.   
\p
\v 14 Cawh Johan a hubatkhqi ce a venawh law unawh, “Kawmyihna kaimih ingkaw Farasikhqi ingtaw buh zeih u nyngsaw, nang a hubatkhqi ingtaw buh a mami zeih?”   
\p
\v 15 Jesu ing a mingmih a venawh, “\wj Zuk lokung a awm khui awhtaw, zulawh ak ym pyikungkhqi ce amik kaw ak se hly nu? Cehlai cekkhqi ven awhkawng zuk lokung ak chang na ceh pyinaak khawnghyp ce pha law kaw, cawh ce zeih dam bit kawm uk ti. \wj* 
\v 16 \wj U ingawm angki khqym ce ak thai ing am bu khawi hy, ak bunaak mai mantaw hi ak thai ing ak khqym ce dawk kawmsaw sek khqoet kaw. \wj* 
\v 17 \wj Cemyih lawtna, u ingawm misur tui ak thai ce cikthlyng khqym awh am thun khawi hy. A thun mai mantaw, cikthlyng ce paawk kawmsaw misur tui ce zuut kaw, cikthlyng awm see pahoei kaw. Cedawngawh misur tui ak thai taw cikthlyng thai awh thun uhy, cawhtaw pakkhih bawk na ciimcaih hy\wj*,” tinak khqi hy.   
\s1 Thlak Tlo Qoei Sak  
\p
\v 18 Ve myihna awi ak kqawn huiawh, ukkung thlang pynoet ce a venna law nawh a haiawh khuk sym doena, “Ka canu tuhca phoeih awh thi hy. Cehlai law nawhtaw ak khan awh na kut tloeng pe cang lah, cawhtaw hqing tlaih kaw,” tina hy.   
\p
\v 19 Jesu ing tho nawh anih a hu awh cet pahoei hy, a hubatkhqi awm bat lawt uhy.  
\v 20 Cawh ce kum hqa hlai hih a thi ak tla nu pynoet ce a hu awh law nawh Jesu a hihawi ce bi pe hy.  
\v 21 “A hi mah ka bi mantaw qoei ngai voei nyng,” tinawh poek hy.   
\p
\v 22 Jesu ing hawi ket nawh nu ce toek hy. “\wj Ka canu, nang ngaih qep sak hlah, nak cangnaak ing ni qoei sak hawh hy\wj*,” tina hy. Cawh nu ce qoei pahoei hy.  
\v 23 Ukkung a ipkhui na Jesu ing a lut awh khqung ak tumkhqi ingkaw halum habee na ak awm thlang kqeng ce hu hy.   
\p
\v 24 A mingmih a venawh, “\wj Thoeih lah uh. Nuca ve am thi hy, ak ip ni,\wj*” tina hy. Cehlai cekkhqi ing qaih na uhy.  
\v 25 Thlang kqeng ce a leng na a ceh sak coengawh, ak khuina lut nawh nuca ce a kut awh tu hy, cawh nu ca ce tho hy.  
\v 26 Cawhkaw awithang ce rampum awh thang khawnghak hy.   
\p
\v 27 Ce a hyn awhkawng Jesu ce ak chang na a ceh awh, mikhyp thlang pakkhih ing, “David capa, kainih ve nim qeen lah,” tinawh khy doena a hu awh hquut hy nih.   
\p
\v 28 Ipkhui na a lut awh, mikhyp qawi ce a venawh law nih nawh, Jesu ing cekqawi a venawh, “\wj Kai ing ve ve sai thai kawng, tinawh nanik cangnaak aw?\wj*” tina hy.  
\p Cekkqawi ing, “Oeih, Bawipa,” tina hy nih.   
\p
\v 29 Cawh cekqawi a mik ce bi penawh, “\wj Na nik cangnaak a myihna na nik khan awh awm seh nyng\wj*,” tina hy.   
\p
\v 30 Cawh a ni mik ce dang pe qawi pahoei hy. Jesu ing, “\wj U a venawh awm koeh kqawn qoe qoe nih moe,\wj*” tinawh yn qawi hy.   
\p
\v 31 Cehlai cekqawi ing cet nih nawh anih akawng qam pum awh kqawn khawnghak hy nih.  
\v 32 A khoeh a va ceh awh, ak kawk khuiawh qaai be nawh awi amak pau thai thlang pynoet ce Jesu a venna law pyi uhy.   
\p
\v 33 Ak kawk khui awhkaw qaai ce Jesu ing a hqek peek coeng awhtaw, ce ak thlang ce awi pau thai tlaih hy. Cawhkaw ak awm thlang kqeng ce amik kawpoek kyi nawh, “Israel ram khuiawh ve mih ve am awm man hy,” ti uhy.   
\p
\v 34 \x - \xo 9:34 \xt Mat 10.25; 12.24; Marka 3.22; Luke 11.15.\x*Cehlai Farasikhqi ing, “Qaaikhqi boei ak caming ni qaaikhqi a hqek hy,” tina uhy.   
\s1 Bawipa Cangvyi  
\p
\v 35 \x - \xo 9:35 \xt Mat 4.23; Marka 1.39; Luke 4.44.\x*Khawk bau ingkaw vangcakhqi awh Jesu ing cet nawh Sinakawk awh thlangkhqi ce cawngpyi hy, ram awithang leek ce ak kqawn coengawh, tlawhnaak soepkep ingkaw sa amak dip thlangkhqi ce qoei sak hy.  
\v 36 \x - \xo 9:36 \xt Num. 27.17; 1 Kin. 22.17; 2 Chr. 18.16; Ezek. 34.5; Marka 6.34.\x*Thlang kqeng ce a huh awh, khoemkung amak awm, amah a ngaih ngaih na ak plam, tha amak awm tuukhqi myihna a mi awm a dawngawh qeen khqi hy.  
\v 37 \x - \xo 9:37 \xt Luke 10.2.\x*Cawh ve ak awi ve a hubatkhqi venawh, “\wj Cang ah aham khawzah awm hlai hy, bibikung zawi ca hy\wj*.  
\v 38 \wj Cedawngawh lo ak takung ing cang ak aat aham bibikung khawzah a lo khuiawh a tyihnaak aham thoeh lah uh\wj*,” tinak khqi hy.   
\c 10  
\s1 Hubat Thlanghqa Hlaihih Ak Tyknaak  
\p
\v 1 A venawh thlanghqa hlai hih tloek ce khy nawh qaih chekhqi hqek thainaak ingkaw tlawhnat soepkep qoei sak thainaak ce pehy.  
\v 2 Ceityih thlanghqa hlaihih tloek ang mingkhqi taw;  
\li1 Lamma cyk awh, (Piter tinawh amik khy) Simon ingkaw ana Andrew;  
\li1 Zebedi a caqawi Jakop ingkaw ana Johan;   
\li1
\v 3 Philip ingkaw Batholomu; Thomas ingkaw  
\li1 mangmu ak cawi Mathai; Alfai capa Jakob ingkaw Thaddai,   
\li1
\v 4 Zealot ami ti Simon ingkaw  
\li1 amah thlang a kut awh ak pekung Judah Isakariot vetloek ve khy hy.   
\m
\v 5 Vawhkaw thlanghqa hlaihih tloek ve Jesu ing tyi nawh vemyihna yn khqi hy: \wj Gentelkhqi venawh koeh cet unawh Samaria khaw khuiawh awm koeh lut uh. \wj* 
\v 6 \wj Tuu ak qeeng Isarelkhqi venawh cet uh. \wj* 
\v 7 \wj Nami ceh awh, khawkkhan taw zoe hawh hy, tinawh kqawn uh. \wj* 
\v 8 \wj Thlak tlokhqi qoei sak uh, thlak thikhqi thawh uh, mynqaaikhqi caih sak uh. A zoe na nami huh ce, a zoe na pe lawt uh. \wj* 
\v 9 \wj Sui awm tangka awm am awhtaw qawhum awm cawi zennaak awh koeh khyn uh; \wj* 
\v 10 \x - \xo 10:10 \xt 1Kor 9.14; 1Ti 5.18.\x*\wj Khin cehnaak aham sawngsa, angki pakkhih, khawmyk ingkaw sawnghqawl awm koeh khyn uh; kawtih bi ak bi ingtaw amah ang khuut qunaak ce huh aham tyng hy.\wj*   
\p
\v 11 \wj Khawk bau awh am awhtaw vangca awh aw nami kunnaak hoei awh, nami pahnaak aham ak tyng im ce sui unawh cawh ce pah uh, ak chang na nami ceh hlan khui awhtaw cawh ce awm poe uh. \wj* 
\v 12 \wj Ipkhui pynoet oet awh nami lut awh ce, awih leek ing voem law uh. \wj* 
\v 13 \wj Ce a im awh ngaihqepnaak a awm aham a tyng awhtaw ngaihqepnaak ce pe law uh; cehlai ama tyng awhtaw ngaihqepnaak ce lat tlaih uh. \wj* 
\v 14 \x - \xo 10:14 \xt Cei 13.51.\x*\wj U ingawm amni ym unawh namik awi awm ama ming ngai awhtaw, cawhkaw im am awhtaw ce a khaw ce nami cehtaak awh, thlak thawlh na awm unawh awidengnaak a mi huh aham awm hy tice huhsaknaak aham nami khaw awhkaw dekpli ce khqoek sih uh. \wj* 
\v 15 \x - \xo 10:15 \xt Mat 11.24; \xt Gen 19.24-28.\x*\x - \xo 10:15 \xt Luke 10.4-12.\x*\wj Awitak kak nik kqawn peek khqi, awidengnaak nyn awh Sodom ingkaw Gamorah khaw taw ce a khaw anglakawh ana boe bet kaw.\wj*   
\s1 Thekhanaak Ak Law Hly  
\p
\v 16 \x - \xo 10:16 \xt Luke 10.3.\x*\wj Ngentangkhqi anglakawh tuu myihna ni tyi khqi nyng. Cedawngawh khqui a myihna nami cyih ta unawh khqukkhqu a myihna awm moel moel uh.\wj*  
\v 17 \x - \xo 10:17 \xt Marka 13.9-11; Luke 12.11,12; 21.12-15.\x*Thlang awh ce naming ngaih ta uh; awidengnaak kung awh ni khyn khqi kawm usaw Sinakawk khqi awh ni vyk khqi kawm uh.  
\v 18 Kai a simpyikung na a mingmih ingkaw Gentelkhqi venawh ami awm naak thai aham qam ukkungkhqi ingkaw sangpahqang khqi venawh nangmih ce ni sawi khqi kaw.  
\v 19 Cehlai nangmih ce a mim tu khqi awh, kawk awi nu kqawn nawh ikawmyihna kak kqawnnaak kaw, tice koeh mawn uh. Namik kqawn hly kawi ce amah cawh qoe awh ni pek khqi bit kaw,  
\v 20 kawtih nangmih ing am kqawn kawm u tiksaw, nangmih a Pa ang Myihla ing ni nangmih awhkawng ak kqawn hly.   
\p
\v 21 \x - \xo 10:21 \xt Marka 13.12; Luke 21.16.\x*\wj Koeinaa ing a koeinaa, ami pakhqi ing a cakhqi thih sak aham thlang a kut awh pe kawm uh; cakhqi ing nu a pakhqi qaal na kawm usaw thih sak aham thlang a kut awh pe kawm uh. \wj* 
\v 22 \x - \xo 10:22 \xt Mat 24.9; Marka 13.13; Luke 21.17; \xt Mat 24.13; Marka 13.13.\x*\wj Kai a dawngawh thlang boeih ing ni sawh nak khqi kaw, cehlai a dytnak dy ak yh ak thlang taw hul na awm kaw. \wj* 
\v 23 \wj Hun pynoet awh a ni thekhanaak khqi awhtaw ak chang na centa patoe uh. Awitak ka nik kqawn peek khqi, thlanghqing Capa a law hlanawh Isarel khawk baukhqi am hqil boeih kawm uk ti. \wj* 
\v 24 \x - \xo 10:24 \xt Luke 6.40; \xt Joh 13.16; 15.20.\x*\wj Ak cawngkung ing cawngpyikung ak khan awh am awm hy, tyihzoeih awm a boei ak khan awh am awm hy. \wj* 
\v 25 \x - \xo 10:25 \xt Mat 9.34; 12.24; Marka 3.22; Luke 11.15.\x*\wj Ak cawngkung ing cawngpyikung myihna, tyihzoeih ing a boei myihna a awm ce khoek hy. Im ak takung za Belzabub tinawh amik khy awhtaw, a cakawkhqi khqoet ikawmyihna amik khy paikaw!\wj*   
\p
\v 26 \x - \xo 10:26 \xt Marka 4.22; Luke 8.17.\x*\wj Cedawngawh cekkhqi ve koeh kqih uh. Kawtih ikaw awm a mang dang naak aham dah khoep ingkaw ama sim naak aham thuh thai am awm kaw. \wj* 
\v 27 \wj Than awh ka nik kqawn peek khqi ve dai awh kqawn lah uh; nami haakung awh ang hyp na ka nik kqawn peek khqi ve, iptih nakawng kqawn uh. \wj* 
\v 28 \wj Pum taw him thai hlai uhy, Myihla amak him thai khqi ce koeh kqih uh. Cehlai Myihla ingkaw pum pakkhih na hell khuina ak qeeng sak thai ce kqih khqoet lah uh. \wj* 
\v 29 \wj Hqitca pakkhih ce qawhum tangka pekhat na zawi unawh nu? Cehlai khawk khan awhkaw nangmih a Pa kawngaih am awhtaw pynoet ca awm dek na am tla hy. \wj* 
\v 30 \wj Nangmih a lu awhkaw lusam awm noet boeih hy. \wj* 
\v 31 \wj Cedawngawh koeh kqih uh; nangmihtaw hqitca anglakawh nami phu tlo khqoet hy.\wj*   
\s1 Khrih Simnaak  
\p
\v 32 \wj Thlang a haiawh kai anik dyih pyi taw khawk khan na ka Pa haiawh dyih pyi lawt kawng. \wj* 
\v 33 \x - \xo 10:33 \xt 2Ti 2.12.\x*\wj Cehlai u awm thlang a haiawh anik qoeng taw, khawk khan na ka Pa haiawh qoeng lawt kawng. \wj* 
\v 34 \wj Khawmdek awh qoepnaak awm sak aham kai ve law hy, tinawh koeh poek uh. Qoepnaak am haw law nyng saw, cimca ni ka haw law. \wj* 
\v 35 \x - \xo 10:35 \xt Mic. 7.6.\x*\wj Kawtih kai a dawngawh “thlang ing a pa ce qaal nakaw, canu ing a nu ce qaal na nawh, langa ing a ci ce qaal nakaw- \wj* 
\v 36 \wj a ipkhui nawn awhkaw thlang ce amah a qaal na awm sak aham nani,” ka law. \wj* 
\v 37 \wj U awm kai anglakawh a pa aw a nu aw ak lungnaak ak thlang taw kai ak thlang na am kawih hy; u awm a canu aw a capa aw kai anglakawh ak lungnaak thlang taw kai ak thlang na am kawih hy; \wj* 
\v 38 \x - \xo 10:38 \xt Mat 16.24; Marka 8.34; Luke 9.23.\x*\wj u awm amah a thinglam kawh doena kai a hu awh amak bat ak thlang taw kai ak thlang na am kawih hy. \wj* 
\v 39 \x - \xo 10:39 \xt Mat 16.25; Marka 8.35; Luke 9.24; 17.33; Joh 12.25.\x*\wj U awm a hqingnaak ak hul ak thlang taw a hqingnaak ce hlawng kawmsaw, u awm kai a dawngawh a hqingnaak ce ak hlawng ak thlang ingtaw hu kaw. \wj*   
\s1 Tui Boengloeng Oet  
\p
\v 40 \x - \xo 10:40 \xt Luke 10.16; Joh 13.20; \xt Marka 9.37; Luke 9.48.\x*”\wj Nangmih anik do thlang taw kai a nik do thlang na awm nawh, kai anik do thlang taw kai anik tyikung ak do thlang na awm hy. \wj* 
\v 41 \wj U awm tawngha ce tawngha na a awm dawngawh ak do thlang taw tawngha a kutdo hu kaw. U awm thlak dyng ce thlak dyng na a awm dawngawh ak do ak thlang taw thlak dyng a kutdo ce hu lawt kaw. \wj* 
\v 42 \wj U ingawm vawhkaw thlak zawicakhqi khui awhkaw thlang pynoet a venawh kai a hubat na a awm dawngawh tuihding boet oet awm a peek awhtaw, awitak ka nik kqawn peek khqi, kutdo ce am myh tikaw,”\wj* tina hy.   
\c 11  
\s1 Jesu Ingkaw Baptisma Ak Pekung Johan  
\p
\v 1 Jesu ing a hubat thlanghqa hlaihih a venawh awi ak kqawn coengawh, ce a hyn awhkawng Kalili khawkhqi awh thlang cawngpyi aham ingkaw awi kqawn aham cet hy.  
\v 2 Johan ing Jesu a bibinaak ce thawngim nakawng ang zaak awh, a hubatkhqi ce tyi nawh doet sak hy.  
\v 3 “Nang ve ak law hly kawi a ming ngaih-u thlang ce hawh nu, am awhtaw thlak chang ka mik ngaih-u hly hyn nu?” tina uhy.   
\p
\v 4 Jesu ing, “\wj Voei unawh na ming zaak ingkaw nami huhkhqi ce Johan a venawh kqawn pe uh: \wj* 
\v 5 \x - \xo 11:5 \xt Is. 35.5,6; \xt Is. 61.1.\x*\wj Mikhypkhqi mik dai nawh, khawk khemkhqi cet uhy, mynqaaikhqi awm ciim nawh, hakpangkhqi haa khui hy, thlak thikhqi tho unawh, hahqahkhqi ing awithang leek ce za hawh uhy. \wj* 
\v 6 \wj U awm kai ak camawh amak tlu thlangkhqi taw ami zoseen hy\wj*,” tina hy.   
\p
\v 7 Johan a hubatkhqi ce ami ceh coengawh, Jesu ing thlang kqeng a venawh Johan akawng ce kqawn pehy; \wj “Ikaw huh nami ngaih awh nu qamkoh na nami ceh? Paipoeng zilh ing a zawn huh nami ngaih awh nu? \wj* 
\v 8 \wj Am awhtaw, ikaw huh nami ngaih awh nu nami ceh? Suibai ak nep nep ing ak thoeihcam qu thlang huh nami ngaih awh nu? Amni, suibai ak nep nep ing ak thoeihcam qu taw sangpahrang a im awh ni a awm. \wj* 
\v 9 \wj Cawhtaw ikaw huh nami ngaih awh nu nami ceh? Tawngha aw? Oeih, ka nik kqawn peek khqi, tawngha anglakawh tawngha khqoet ce ni. \wj* 
\v 10 \x - \xo 11:10 \xt Mal. 3.1.\x*\wj Anih akawng ce ve myihna ana qee hyt hawh hy: “Nangmih a haiawh ka dyihthing laipai ce tyi law kawng nyngsaw, anih ing a haiawh lam qoek abah law kaw,” tinawh qee hyt na awm hawh hy. \wj* 
\v 11 \wj Awitak ka nik kqawn peek khqi: nu ing a canaak thlang anglakawh Baptisma ak pekung Johan anglakawh ak bau khqoet thlang am awm hlan hy; cehlai khawk khan awh ak zawi khyt na ak awm ce Johan anglakawh bau khqoet hy. \wj* 
\v 12 \x - \xo 11:12 \xt Luke 16.16.\x*\wj Baptisma ak pekung Johan a awm awhkawng tuh dy awh, khawk khan ing thekhanaak ce ana hu hy, tha ak awm thlangkhqi ing a thama na hul uhy. \wj* 
\v 13 \wj Ikawtih tawnghakhqi boeih ingkaw anaa awi ing Johan dy ni awi ami nak kqawn. \wj* 
\v 14 \x - \xo 11:14 \xt Mal. 4.5; Mat 17.10-13; Marka 9.11-13.\x*\wj Do aham nami ngaih mai mantaw, anih cetaw ak law hly kawi Elijah hawh ni. \wj* 
\v 15 \wj U awm zaaknaak haa ak ta ingtaw za seh nyng.\wj*   
\p
\v 16 \wj Vawhkaw cadilkhqi ve ikaw ing nu ka nyhtah lah voei? Ik-oeih ami zawihnaak hyn awh ak ngawi naasenkhqi ing ak chang naasenkhqi venawh: \wj* 
\v 17 \wj “Kqung ka mi tum awh awm, am lam u hyk ti; kqahlung ka mik chat law awh awm, am ko am kqang u hyk ti,” tinawh amik khy ing myih hy. \wj* 
\v 18 \wj Johan ce law nawh am aw am ai hlai hy, “Qaai tahy,” tina uhy. \wj* 
\v 19 \wj Thlanghqing Capa law nawh nu a ai hy, cawh, aimaw aawk maw, misur tui ak sawk, mangmu ak cawikhqi ingkaw thlak thawlhkhqi a pyi, tina uhy. Cehlai cyihnaak ingtaw a sainaak awh dang sak hy,\wj* tina hy.   
\p
\v 20 \wj Cekcoengawh kawpoek kyi ik-oeih khawzah a sainaak khawkhqi ce a maming zut a dawngawh zyi khqi hy. \wj* 
\v 21 \x - \xo 11:21 \xt Is. 23.1-18; Ezek. 26.1—28.26; Joel 3.4-8; Amos 1.9,10; Zech. 9.2-4.\x*\wj Korazin khaw map hyk ti! Bethesaida khaw map hyk ti! Nangnih ak khuiawh sai na ak awm kawpoek kyi ik-oeihkhqi ve Tura ingkaw Sidon khaw awh sai na a awm mantaw, maa deng awh dipche byng unawh, vyt awh ang zeet doena zut hawh voei uh. \wj* 
\v 22 \wj Cehlai ka nik kqawn peek khqi, awidengnaak nyn awh Tura ingkaw Sidon khaw ce nangnih anglakawh ana boe bet kawm nih. \wj* 
\v 23 \x - \xo 11:23 \xt Is. 14.13-15; \xt Gen 19.24-28.\x*\wj Cekcoengawh nang, Kapernuam, khawnghi dyna nak zoek qu hly tang nu? Hell na man na nung tlaak kaw. Nak khuiawh saina ak awm kawpoek kyi ik-oeihkhqi ce Sodom khaw awh saina ana awm mantaw, tuhngawi dy awh ak awm hly awm ni hlai hy voei. \wj* 
\v 24 \x - \xo 11:24 \xt Mat 10.15; Luke 10.12.\x*\wj Cehlai ka nik kqawn peek khqi, awidengnaak nyn awh Sodom khaw ce nang anglakawh ana boe bet kaw tina hy. \wj*   
\s1 Phyihqih Ak Phyikhqi Ham Dymnaak  
\p
\v 25 Cekcoengawh Jesu ing, “\wj Aw ka pa, khan ingkaw khawmdek Bawipa, nang ce nim kyihcah nyng, nang ing ik-oeihkhqi ve thlak cyikhqi ingkaw thlak thoemkhqi a ven awhkawng thuh nawh naasenkhqi venawh dang sak hyk ti. \wj* 
\v 26 \wj Oeih, ka pa, ve ve nak kawngaih ik-oeih ni. \wj* 
\v 27 \x - \xo 11:27 \xt Joh 3.35; \xt Joh 1.18; 10.15.\x*\wj Ka pa ing ik-oeih boeih boeih ce ka venawh ni pe hawh hy. Pa am kaa taw u ingawm capa ce am sim nawh, Pa ce sim aham Capa ing ak tyh thlang am kaataw u ingawm Pa ce am sim hy. \wj* 
\v 28 \wj Nangmih phyihqih ak phyikhqi ingkaw ak khuikhakhqi aw, ka venna law lah uh, dymnaak ni pek khqi vang. \wj* 
\v 29 \x - \xo 11:29 \xt Jer. 6.16.\x*\wj Kai a phyih ve phyi unawh, ka venawh cawng law lah uh, kawdaw ingkaw kawdung thlang na ka awm dawngawh, nami lingbyi dymnaak ce hu kawm uk ti. \wj* 
\v 30 \wj Ikawtih ka phyih ve nep nawh ka phyihqih ve awm zang hy\wj*,” tina hy.   
\c 12  
\s1 Sabbath Bawipa  
\p
\v 1 \x - \xo 12:1 \xt Deut. 23.25.\x*Cawh Jesu taw Sabath nyn awh lo awhkawng cet hy. A hubatkhqi ing amik phoen cawi nawh caangvui ce dy unawh ai uhy.  
\v 2 Farasikhqi ing ami huh awh, a venawh “Toek lah, Sabath nyn awh sai aham amak ciim ce na hubatkhqi ing sai uhy,” tina uhy.   
\p
\v 3 \x - \xo 12:3 \xt 1 Sam. 21.1-6.\x*Cehlai, a mingmih a venawh, “\wj David ing a pyikhqi mi amik phoen a cawih awhkaw ik-oeih ami sai ce namik noet khawi nu? \wj* 
\v 4 \x - \xo 12:4 \xt Lev. 24.9.\x*\wj Anih ing Khawsa ipkhui na lut nawh, khawsoeihkhqi doeng ing ami ai khawi phaihpi ce, amah ingkaw a pyikhqi ing a mami ai hly kawi phaihpi ami ai ce? \wj* 
\v 5 \x - \xo 12:5 \xt Num. 28.9,10.\x*\wj Sabath nyn awh tempul khuiawh khawsoeihkhqi ing Sabath am zeih hlai uhy, coet akap kaana ami awm ce, anaa cabu khuiawh am nami noet khawi nawh nu? \wj* 
\v 6 \wj Ka nik kqawn peek khqi bawkim anglakawh ak bau khqoet ce vawh awm hy. \wj* 
\v 7 \x - \xo 12:7 \xt Mat 9.13; \xt Hos. 6.6.\x*\wj Bulnaak anglakawh qeennaak ni ka ngaih,' ti ak awi ve naming zaaksim mantaw, ak awm moel moel ak thlang ce am thawlh sak hlai voei uk ti. \wj* 
\v 8 \wj Kawtih thlanghqing Capa taw Sabath Bawi na awm hy,”\wj* tinak khqi hy.   
\p
\v 9 Ce a hyn ce cehta nawh, a mingmih a Sinakawk khuina ce cet hy,  
\v 10 cawh kut ak kheem thlang pynoet ce ana awm hy. Jesu ce thawlh amik puk thainaak aham, “Sabath nyn awh thlak tlo qoei sak ve ak caih nu?” tinawh doet uhy.   
\p
\v 11 \x - \xo 12:11 \xt Luke 14.5.\x*A mingmih venawh, “\wj Nangmih ak khuiawh thlang pynoet ing tuu pynoet ta mai lah seh, cawhkaw a tuu ce Sabath nyn awh lawkkhqawng na ang tlaak mantaw am na mik dawk hly aw? \wj* 
\v 12 \wj Cawhtaw thlanghqing ve tuu anglakawh izah nu a phu a awm khqoet! Cedawngawh Sabath nyn awh ik-oeih leek sai ve thym hy\wj*,” tina hy.   
\p
\v 13 Cawhkaw thlang venawh, “\wj Na baan ce zyng lah\wj*,” tina hy. Anih ing a baan ce a zyng awh a kut ce akut langben amyihna leek pahoei hy.  
\v 14 Cehlai Farasikhqi taw cawn unawh ikawmyihna nu amah ve ni him naak thai lah voei, tinawh doet qu uhy.   
\p
\v 15 Jesu ing ce ce a sim dym a dawngawh, ce a hyn ce cehta hy. Thlang kqeng khawzah ing ahu awh bat uhy, anih ing cekkhqi a tlawhnaakkhqi boeih ce qoei sak hy,  
\v 16 anih a u nu tice a mamik kqawnnaak aham yn khqi hy.   
\p
\v 17 Tawngha Isaiah ing anak kqawn awi ce a cupnaak thai aham vemyihna awm hy:  
\v 18 \x - \xo 12:18 \xt Is. 42.1-4.\x*Ve ve ka tyihzoeih thlak tyh, lungna nawh ka ym soeih ni; kang Myihla ce ak khan awh ta kawng nyngsaw, anih ing thymnaak ram tawm awh kqawn kaw.  
\v 19 Anih taw am tlaai kawmsaw khy awm am khy kaw; lam awh anih ak awi ce u ingawm am za kaw.  
\v 20 Anih ing thymnaak ing a noeng hlandy, paipoeng akawng ak pleep ce ap kqai poet kawmsaw, thut awhkaw maikhu awm am thi zip kaw.  
\v 21 Ang ming awh qam tawm thlang ing ngaih-unaak ta kawm uh, a ti ceni.   
\s1 Jesu Ingkaw Belzabub  
\p
\v 22 Cawh ak kawk khuiawh qaai be nawh mik ak hyp awi awm ak myh thlang pynoet ce, a venawh law pyi uhy, Jesu ing anih ce qoei sak nawh awi awm a pau thai pahoei coengawh amik awm dang pe pahoei hy.  
\v 23 Cawhkaw ak awm thlang kqeng ce a ming ngaih kyi nawh, “Ve ak thlang ve David a capa hy voei nu?” ti uhy.   
\p
\v 24 \x - \xo 12:24 \xt Mat 9.34; 10.25.\x*Cehlai Farasikhqi ing ce ak awi a ming zaak awh, “Ve ak thlang ing ve qaai boei Belzabub ak caming ni qaaikhqi a hqek,” tina uhy.   
\p
\v 25 A mingmih ak kawpoek ce Jesu ing sim nawh a mingmih a venawh, “\wj Kawmih a qam awm ak khuiawh a ming phekbo qu awhtaw am dyi thai hy. \wj* 
\v 26 \wj Setan ing Setan ce a hqek mantaw, amah ingkaw amah qaal qu nawn kawm nih saw ikawpna a qam ang dyih thai kaw? \wj* 
\v 27 \wj Kai ing Belzabub ak caming qaaikhqi ka hqek awhtaw, namik thlangkhqi ing u ak caming nu qaaikhqi ami hqek lawt? \wj* 
\v 28 \wj Kai ing Khawsa Myihla ing qaaikhqi ce ka hqek awhtaw Khawsa qam taw nangmih ak khan awh pha hawh hy. \wj* 
\v 29 \wj Ikawmyihna thlang ing ip takung thak awm soeih ce a pin hlan awh a im ce muk penawh a ik-oeihkhqi ce a lawh naak peek thai kaw? A pin coengawh man a im ce a muk peek thai kaw. \wj* 
\v 30 \x - \xo 12:30 \xt Marka 9.40.\x*\wj Kai ama nik bawng taw kai anik qaalnaak thlang na awm nawh, kai ama nik cawipyi taw ak thehkung na awm hy. \wj* 
\v 31 \wj Cedawngawh ka nik kqawn peek khqi, thawlhnaak soepkep ingkaw Khawsa ak kqawnseet thlangkhqik khan awh qeenkhaw ngainaak awm kaw, cehlai Ciim Myihla ak kqawnseet thlang ak khan awh qeenkhaw ngainaak am awm kaw. \wj* 
\v 32 \x - \xo 12:32 \xt Luke 12.10.\x*\wj U awm thlanghqing Capa ak kqawnseet taw qeenkhaw ngai na awm hlai moe, Ciim Myihla ak kqawnseet taw tuh awm, ak law hly kawi a tym awh awm qeenkhaw ngainaak am awm kaw.\wj*   
\s1 Thingkung Ingkaw Ak Thaih  
\p
\v 33 \x - \xo 12:33 \xt Mat 7.20; Luke 6.44.\x*”\wj Thing ak leek awhkawng thaih leek qah nawh, thing ak che awhkawng thaih che qah lawt hy, ak thaih awhkawng thing ce sim uhy. \wj* 
\v 34 \x - \xo 12:34 \xt Mat 3.7; 23.33; Luke 3.7; \xt Mat 15.18; Luke 6.45.\x*\wj Nangmih khqui a cadilkhqi, nangmih thlak chekhqi ing ikawmyihna ik-oeih leek namik kqawnnaak qoe kaw? Kawlung ak khui awhkaw ak awm ik-oeih ceni nim kha ingawm ak kqawn. \wj* 
\v 35 \wj Thlak leek ing a ik-oeih leek ak khui awhkawng a ik-oeih leek ce hawlaw nawh, thlak che ing a ik-oeih che ak khui awhkawng ik-oeih amak leek ce hawlaw lawt hy. \wj* 
\v 36 \wj Cehlai ka nik kqawn peek khqi, thlangkhqi ing awi ak poek ceet kaana amik kqawnnaak awh ce awidengnaak nyn awh kqawn caih sak tlaih na awm kaw. \wj* 
\v 37 \wj Nak awi ak caming cang kawm tiksaw nak awi ak caming dawk kawp ti\wj*,” tinak khqi hy.   
\s1 Jonah A Nyttahnaak  
\p
\v 38 \x - \xo 12:38 \xt Mat 16.1; Marka 8.11; Luke 11.16.\x*Cekcoengawh Farasikhqi ingkaw anaa awi ak qeekungkhqi ing a venawh, “Cawngpyikung, nang ak kawpoek kyi ik-oeih sai huh aham,” tina uhy.  
\v 39 \x - \xo 12:39 \xt Mat 16.4; Marka 8.12.\x*Cehlai a mingmih a venawh, “\wj Thlak leek am ingkaw samphaih cadilkhqi ingtaw kawpoek kyi hatnaakkhqi ce thoeh uhy! Tawngha Jonah ak kawpoek kyi hatnaak am taw ak chang hatnaak peek na am awm kaw. \wj* 
\v 40 \x - \xo 12:40 \xt Jonah 1.17.\x*\wj Kawtih Jonah taw ngak bau ak phoen khuiawh hyp thym ingkaw than thum awm hy, cemih lawtna thlanghqing Capa awm dek khuiawh awm lawt kaw. \wj* 
\v 41 \x - \xo 12:41 \xt Jonah 3.5.\x*\wj Nenivi khaw awhkaw thlangkhqi ce vawhkaw cadilkhqi mi awidengnaak khawnyn awh dyi haih kawm usaw cekkhqi ing dawk sak kawm uh; kawtih cekkhqi taw Jonah ak awih kqawnnaak awh zut uhy, ngai lah uh, Jonah anglakawh ak bau khqoet ce vawh awm hy. \wj* 
\v 42 \x - \xo 12:42 \xt 1 Kin. 10.1-10; 2 Chr. 9.1-12.\x*\wj Khan ben nakaw Sangpahrang nu ce ve canukhqi mi awidengnaak nyn awh dyi haih kawm usaw anih ing vekkhqi ve dawk sak khqi kaw; kawtih anih taw Solomon a cyihnaak awi ak ngai na khawmdek a dytnaak nakawng law hy; ngai lah uh, Solomon anglakawh ak bau khqoet ce vawh awm hy. \wj* 
\v 43 \wj “Thlang ak kawk khui awhkawng qaih che ce ak cawn coengawh, tui ama awmnaak hunkhqi na cet nawh dymnaak ce sui hy, cehlai am hu hy. \wj* 
\v 44 \wj Cedawngawh vemyihna tihy, 'ka cehtaak im na hlat tlaih vang nyng,' ti hy. Ang hlat tlaih awh im ak caihping ak hoeng ce hu hy. \wj* 
\v 45 \wj Amah anglakawh ak che khqoet qaaikhqi ce kun pyi nawh, cawh awm uhy. Cawhtaw ce ak thlang ce ak cyk awh kawng lak awh nauh khqoet hy. Cemyihna vawhkaw thlak che cadilkhqi venawh awm lawt kaw\wj*,” tinak khqi hy.   
\s1 Jesu A Cakawkhqi  
\p
\v 46 Jesu ing thlang kqeng a venawh awi ak kqawn huiawh a nu ingkaw a koeinaakhqi ce a venawh awi kqawn aham a leng na dyi uhy.  
\v 47 Thlang pynoet ing a venawh, “Na nu ingkaw na koeinaakhqi ing na venawh awi kqawn aham a leng na dyi uhy,” tina hy.   
\p
\v 48 Cehlai awi ak kqawn peekkung a venawh, “\wj Ka nu ingkaw ka koeinaakhqi ce ukhqi nu\wj*? tina hy.   
\p
\v 49 A hubatkhqi ce a kut ing khi nawh, “\wj Vekkhqi ve ka nu ingkaw ka koeinaakhqi hawh ni! \wj* 
\v 50 \wj U awm khawk khan awhkaw ka Pa ak kawngaih ak sai boeih taw ka koeinaakhqi ingkaw ka nu na awm hy\wj*,” tina hy.   
\c 13  
\s1 Caamci Theh Nyttahnaak  
\p
\v 1 Ce nyn awh Jesu taw im awhkawng cet nawh tuili kengawh ngawi hy.  
\v 2 \x - \xo 13:2 \xt Luke 5.1-3.\x*Cawh thlang khawzah a venawh cun uhy, cedawngawh lawng khuina cet nawh ngawi hy, thlang kqeng taw tuili kengawh dyi uhy.  
\v 3 A mingmih a venawh nyttahawi ing awi khawzah kqawn pek khqi hy; “\wj Lo toenkung pynoet taw camci ak theh na cet hy. \wj* 
\v 4 \wj Camci ce ak theh awh a vang taw lam awh tla nawh, phakhqi ing cung boeih uhy. \wj* 
\v 5 \wj A vang taw lungpeei ak khan awh tla hy; dek a pam a dawngawh cawt pahoei hy. \wj* 
\v 6 \wj Cehlai khawling a hlawk law awhtaw, ak kqa ama cak a dawngawh khawk hlawk ing a hut awh qeu pahoei hy. \wj* 
\v 7 \wj A vang taw hlik plup awh tla hy, hling ce saang law nawh caang ce eek hy. \wj* 
\v 8 \wj Camci a vang taw laitak awh tla nawh, vui hy - zakhat, khqukkip ingkaw thumkip dy na pung hy. \wj* 
\v 9 \wj Haa ak ta ingtaw za seh,\wj*” tinak khqi hy.   
\p
\v 10 A hubatkhqi venawh law unawh, “kawtih thlang kqeng a venawh nyttahawi ing awi nak kqawn peek khqi? tinawh doet uhy.  
\v 11 A mingmih a venawh, “\wj Khan qam awihyp sim thainaak cyihnaak ce nangmih a venawh peek na awm hawh hy, cehlai a mingmih a ven awhtaw am pe hy. \wj* 
\v 12 \wj U awm khan qam awihyp cyihnaak ak ta taw sap pe tanoel kawmsaw khawzah papa ta kaw. Cehlai u awm amak ta taw ataak chyn awm lawh pekawng. \wj* 
\v 13 \wj Cawhmaw a mingmih a venawh taw nyttahawi awi ing kak kqawn peek khqi: “Hu hlai uhy, am hat uhy; za hlai uhy, am za thai unawh ang zaak na awm am zasim uhy. \wj* 
\v 14 \x - \xo 13:14 \xt Is. 6.9,10.\x*\wj A mingmih a dawngawh tawngha Isaiah ing: “Ang zaak nataw za hlai voei uk ti, am zasim kawm uk ti; hu taw hu hlai voei uk ti, am hat kawm uk ti. \wj* 
\v 15 \wj Ikawtih ve ak thlangkhqi kawlung ve mawh hqoeng hy; a ming haakhqi ing za kaa hlai uhy, ami mik ce hiim uhy. Ce ap kaa mantaw ami mik ing hu kawm usaw, a ming haa ing za hau kawm uh, kawlung ing zasim kawm usaw huna a ming voei coengawh, qoei sak khqi hau kawng, tinawh anak kqawn ceni. \wj* 
\v 16 \x - \xo 13:16 \xt Luke 10.23,24.\x*\wj Cehlai nangmih a mik taw ami huh thai a dawngawh a zoseen hy. \wj* 
\v 17 \wj Awitak ka nik kqawn peek khqi, nangmih ing nami huh ve tawngha khawzah ingkaw thlak dyng khawzah ing huh aham ana ngaih hlai uhy, naming zaak ve zaak ana ngaih hlai uhy, am za uhy. \wj*   
\s1 Nyttahawi Kqawncaihnaak  
\p
\v 18 “\wj Cawhtaw camci theh nyttahawi ing ak kqawn ngaihnaak awi ve ngai lah uh: \wj* 
\v 19 \wj U ingawm khawk khan awithang ce za hlai uhy am zasim uhy, cawh ak kawlung khuiawh theh na ak awm awithang leek ce qaai ing qawt pe valh hy. Vetaw lam awh ak tla camci ing myih hy. \wj* 
\v 20 \wj Lungpeei awh ak tla camci taw, thlang ing awi ce ang zaak awh zeel doena do pahoei hy. \wj* 
\v 21 \wj Cehlai ak kqa ama taak a dawngawh, kawlhkalh ca doeng awm hy. Ce ak awi dawngawh kyinaak ingkaw thekhanaakkhqi a pha law awh ce tlu pahoei hy. \wj* 
\v 22 \wj Hlik plup awhkaw ak tla camci taw, awi ce za hlai hy, ve khawmdek khan hqingnaak awh mawn atang nawh qaai kqawnnaak ingkaw boei a mangnaak ing awi ce a eek a dawngawh thaih am qah thai hy. \wj* 
\v 23 \wj Laitak awhkaw ak tla camci taw awi ce ang zaak awhkawng ak zasim ak thlang na awm hy; ak thaih qah nawh a vang taw a let zakhat, a vang khqukkip, a vang taw thumkip dyna pung hy\wj*,” tina hy.   
\s1 Caangkung Ingkaw Beei  
\p
\v 24 \wj Jesu ing ak chang nyhtahnaak awi ce a mingmih a venawh kqawn bai hy: “Khawk khan taw thlang pynoet ing a lo awh camci a saw ing myih hy. \wj* 
\v 25 \wj Cehlai a mi ih tloek awh ami qaal ce law nawh cang anglakawh beei ak ui ce theh awh cehtaak hy. \wj* 
\v 26 \wj Caang ce cawt nawh a vui ak thaih law awhtaw, beei awm cawt law lawt hy. \wj* 
\v 27 \wj Cawh lokung a tyihzawihkhqi ce a venawh law unawh, 'Bawipa, ak leek ni na lo awh nak theh hlai. Hanakaw beeikhqi nu ak cawt hy voei?' tina uhy. \wj* 
\v 28 \wj “A mingmih a venawh, 'Qaal ing ni a sai hawh hy ce,' tina hy. A tyihzawihkhqi ing, 'cawhtaw cet unyng seitaw phu mai vang unyng aw? tina uhy. \wj* 
\v 29 \wj Cehlai lokung ing, “amni, beei ce nami phuk mantaw cang awm phuk sih hau kawm uk ti. \wj* 
\v 30 \wj Caang ah hlan dy taw cawt haih mai cang seh. Cang ah awhtaw cang aatkhqi venawh, 'Beeikhqi ce phu ma unawh, mai awh phum aham ak nep na tum uh, cang taw teep ak khuiawh chan uh, tina bit kawng,”\wj* tinak khqi hy.   
\s1 Antlam Cii Nyttahnaak  
\p
\v 31 Cekcoengawh a mingmih a venawh nyhtahnaak awi ak chang ce kqawn pek khqi bai hy: “\wj Khan qam taw antlam cii ce thlang ing lo nawh a lo awh ak theh ing myih hy. \wj* 
\v 32 \wj Ce antlam cii taw ak ui boeih boeih anglakawh ak zawi soeih na awm hlai hy, a cawt law awhtaw beei ak chang boeihkhqi anglakawh ak bau soeih na awm hy, khan nakaw phakhqi ce law unawh a paangkhqi awh cu uhy\wj*,” tinak khqi hy.   
\p
\v 33 A mingmih a venawh nyhtahnaak awi ak chang kqawn pe bai hy: “\wj Khan qam taw nu pynoet ing hen lo nawh vaidam dawn khui thum a zamnaak boeih aham vaidam awh a phul ing myih hy,\wj*” tinak khqi hy.  
\v 34 Vawhkaw ik-oeihkhqi boeih ve Jesu ing nyhtahnaak awi ing thlang kqeng a venawh kqawn pehy; nyhtahnaak awi kaana a mingmih a venawh ikaw pynoet awm ap kqawn pehy.  
\v 35 \x - \xo 13:35 \xt Sam 78.2.\x*Cedawngawh tawngha ing: “Nyhtahnaak awikhqi ing, khawmdek a syn cyk awhkawng thuh na ak awmkhqi ce kqawn kawng,” tinawh anak kqawn ce cup sak hy.   
\s1 Beei Nyttahawi Kqawncaihnaak  
\p
\v 36 Cekcoengawh thlang kqeng ce cehta nawh ipkhui na lut hy. Cawh a hubatkhqi ce a venna law unawh, “Lo awhkaw beei nyhtahnaak awi nak kqawn ce kaimih aham kqawn caih lah,” tina uhy.   
\p
\v 37 A mingmih a venawh, “\wj Camcik leek ak thehkung taw thlanghqing Capa ni. \wj* 
\v 38 \wj Lo taw ve khawmdek ni, camcik leek taw a qam cakhqi ak kqawnnaak ni. Beeikhqi taw thlak thawlh a cakhqi ni, \wj* 
\v 39 \wj a mingmih ak thehkung cetaw qaai ni. Cang ah cetaw khawmdek a dytnaak, cang ak aatkungkhqi cetaw khan ceityihkhqi ni. \wj* 
\v 40 \wj “Beeikhqi ce phu boeih nawh mai awh amik phum amyihna khawmdek a dyt awh ce amyihna ce awm lawt kaw. \wj* 
\v 41 \wj Thlanghqing Capa ing ak khan ceityihkhqi ce tyi kawmsaw, thawlhnaak ak saikhqi ingkaw ik-oeih amak leek ak saikhqi ce a qam khui awhkawng caawi kaw. \wj* 
\v 42 \wj Thii a tui na ami hloeinaak mai khuiawh a mingmih ce khaawng khqi kaw, cawh ce kqangnaak ingkaw hatahnaak ce awm kaw. \wj* 
\v 43 \wj Cekcoengawh thlak dyngkhqi taw a mi pa a qam awh khawmik amyihna vang hawh kawm uh. Haa ak takhqi ingtaw za seh nyng. \wj*   
\s1 Qo Thuh  
\p
\v 44 \wj Khan qam taw lo awhkaw qo thuh ing myih hy. Cawhkaw qo ce thlang pynoet ing a huh awh thuh tlaih nawh, cekcoengawh zeel doena cet nawh a taak ik-oeihkhqi boeih ce zawi nawh cawhkaw lo ce thlai hy. \wj* 
\v 45 \wj Cekcoeng baiawh, khan qam taw phuk tlo pale ak suikung them ak zaawi ing myih hy. \wj* 
\v 46 \wj Anih ing pale lung phu ak tlo soeih ce a huh awh, cet nawh a taakkhqi boeih ce zawi nawh thlai hy. \wj*   
\s1 Lawk Nyttahnaak  
\p
\v 47 “\wj Cek coeng bai awh, khan qam taw tuili awh lawk khawng nawh nga soepkep ak kaawi ing myih hy. \wj* 
\v 48 \wj Lawk awh nga a be awh ce peem awh chan unawh nga ak che taw khaawng uhy. \wj* 
\v 49 \wj Khawmdek a dyt awhtaw ce amyihna ce awm lawt kaw. Khan ceityihkhqi law kawm usaw thlak dyngkhqi anglakawhkawng thlak thawlhkhqi ce hoep khqi kaw; \wj* 
\v 50 \wj cekkhqi ce a tui hloeinaak maih khuina khaawng kaw, ce a hyn awh kqangnaak ingkaw haatahnaak ce awm kaw,\wj*” tina hy.   
\p
\v 51 Jesu ing a mingmih a venawh, “\wj Vawhkaw ik-oeihkhqi boeih ve namik zasim nu\wj*?” tinawh doet khqi hy.  
\p Cekkhqi ing, “Oeih, Bawipa,” tina uhy.   
\p
\v 52 A mingmih a venawh, “\wj Cedawngawh khan qam akawng kqawn peek na ak awm cawng saknaak awi ak qeekungkhqi boeih taw iptakung ing a ipkhui awhkawng a khawhthem ak khqym ak thai ak chet pheng ing myih hy\wj*,” tina hy.   
\s1 Soeksangna Amak Awm Tawngha  
\p
\v 53 Jesu ing vawhkaw nyhtahnaak awikhqi ak kqawn boeih coengawh, ce a hyn ce cehta hy.  
\v 54 Amah a khaw na ce law nawh Sinakawk awh ce thlang cawngpyi hy, cawh a mingmih ce a ming ngaih kyi hy.” Ve ak thlang ing hana kaw vemyih cyihnaak ingkaw kawpoek kyi ik-oeih saithainaakkhqi a taak hy voei?” ti uhy.  
\v 55 “Anih ve thing aatkung a capa am nu? Anu awm Meri am nu ve, a koeinaakhqi Jakop, Joseph, Simon ingkaw Juda am nu ve?  
\v 56 A koeinukhqi awm ningnih a venawh amik awm haih lawt am nu ve? Ve ak thlang ing vawhkaw ik-oeihkhqi hana kaw a huh hy voei?” ti uhy.   
\p
\v 57 \x - \xo 13:57 \xt Joh 4.44.\x*Ak khan awh amik kaw am zeel hy. Cehlai Jesu ing cekkhqi venawh, “\wj Tawngha taw amah a khaw ingkaw amah a im am awhtaw zoeksangna am awm man hy,\wj*” tina hy.  
\v 58 Cangnaak a mami taak a dawngawh ce a hyn awh kawpoek kyi ik-oeih khawzah am sai hy.   
\c 14  
\s1 Baptisma Ak Pekung Johan A Thihnaak  
\p
\v 1 Cawh Herod sangpahrang ing Jesu akawng ce za hy.  
\v 2 Cedawngawh a tyihzoeih a venawh, “Anih ce thihnaak awhkawng ak tho tlaih Baptisma ak pekung Johan hawh ni! Cawh ni kawpoek kyi ik-oeih saithainaakkhqi anih awh a awm hy,” tihy.   
\p
\v 3 \x - \xo 14:3 \xt Luke 3.19,20.\x*Herod ing a na Philip a zu Herodi akawng awh Johan ce tu nawh ak khih coengawh thawngim na thla hy,  
\v 4 \x - \xo 14:4 \xt Lev. 18.16; 20.21.\x*Johan ing “Na na a zu na zuna na lawh ce am thym hy,” a tinaak dawngawh ce myihna ce sai hy.   
\p
\v 5 Thlang kqeng ing Johan ce tawngha tinawh amik poek a dawngawh, Johan ce him aham ngaih hlai uhy, thlang kqeng ce kqih hy.  
\v 6 Cehlai Herod a thangnaak khawnyn a pha awh, Herod a canu ce a mingmih a haiawh lam sak nawh Herod ce ak kaw zeel sak hy,  
\v 7 Cedawngawh cawhkaw nuca ing a ngaih saqui ce peek aham awikamnaak tahy.  
\v 8 Nuca ing a nu a cuih amyihna, “Baptisma ak pekung Johan a lu ce beihdung awh ni pe,” tina hy.  
\v 9 Cawh taw sangpahrang ce ak kaw se hy, cehlai mybuh amik veel haih khinkhqi haiawh awi ana kam hawh a dawngawh nuca ing a ngaih amyihna peek aham awi pehy,  
\v 10 thlang tyi nawh thawngim khui awhkaw Johan a lu ce hlyng sak hy.  
\v 11 A lu ce beihdung awh hawlaw pe unawh nuca ce pe uhy.  
\v 12 Johan a hubatkhqi ce law unawh a qawk ce a mi khyn coengawh pup uhy. Cekcoengawh cet unawh Jesu a ven awh kqawn pe uhy.   
\s1 Thlang Thawnga Am Cahnaak  
\p
\v 13 Ce ak awi ce Jesu ing ang zaak awh, thlang a dingnaak na lawng ing cet valh hy. Thlangkhqi ing a ming zaak awh, khawk khui awhkawng khaw ing cet unawh hquut uhy.  
\v 14 Jesu ing kawngceng a pha awhtaw thlang kqeng ce hu hy, cawh a mingmih ce am qeen khqi soeih a dawngawh, thlak tlokhqi ce qoei sak hy.  
\v 15 Khaw a my law awhtaw, a hubatkhqi ce a venna law unawh, “Ve ve kqawng lak na awm nawh, khaw awm my hawh hy. Cedawngawh thlang kqeng ve ceh sak hlah, khawk khuina cet u seitaw a mimah ing buh a an awm thlai useh,” tina uhy.   
\p
\v 16 Cehlai Jesu ing, “\wj A mingmih a mi ceh am ngaih hy. Nangmih ing ai kawi pe uh\wj*,” tinak khqi hy.   
\p
\v 17 Cekkhqi ing a venawh, “Phaihpi cun nga ingkaw nga lunghih doeng ni ka mi taak,” tina uhy,   
\p
\v 18 Cekkhqi venawh, “\wj Ka venna hawlaw lah uh\wj*,” tina hy.   
\p
\v 19 Taaitin awh thlang kqeng ce ngawih sak aham awi pehy. Phaihpi cun nga ingkaw nga lunghih ce a lawh coengawh khan benna mang nawh, zeelnaak awi ak kqawn coengawh phaihpi ce ek hy. Cekcoengawh phaihpi ce a hubatkhqi venawh pehy, a hubatkhqi ing thlang kqeng a venawh teei patoeng uhy.  
\v 20 Cekkhqi ing ami ai awhtaw phyi boeih uhy, ami ai ngenkhqi ce a hubatkhqi ing ami kawih awh vawh hqa hlaihih law hy.  
\v 21 Cawhkaw ak aikhqi ce nu ingkaw naasen a noet kaana, pa hqoeng thawngnga law uhy.   
\s1 Tuiawh Jesu A Cehnaak  
\p
\v 22 Jesu ing thlang kqeng ce a tyih khqi huili awh, a hubatkhqi awm lawng awh luh sak khqi nawh caqai benna ana cet uh tinawh awi pek khqi hy.  
\v 23 Thlang kqeng ce a ceh sak coengawh, cykcah aham amah doeng tlang na kaai hy. Khaw a my law awhtaw, ce a hyn awh amah doeng awm hy,  
\v 24 Cehlai lawng taw caqai ing a hlanaak na tuibak ing mam khoep hy.  
\v 25 Than cinghy khawnoek pali awh, Jesu taw a mingmih a venna tui awh ce cet hy.  
\v 26 Tuili awh a ceh ce a hubatkhqi ing ami huh awh kqih uhy. “Ce ce myihla ni,” ti unawh amik kqih awh khyy uhy.   
\p
\v 27 Cehlai Jesu ing a mingmih a venawh: “\wj Koeh ly uh, kai ni, koeh kqih uh\wj*,” tinak khqi hy.   
\p
\v 28 Piter ing a venawh, “Bawipa, nang awhtaw na venna tui awh ce ni law sak lawt lah,” tina hy.   
\p
\v 29 Jesu ing, “Law,” tina hy. Cawh Piter ce lawng awhkawng kqum nawh, tui awh Jesu a venna ce va cet hy.  
\v 30 Cehlai khawhli ce a huh awh kqih nawh tuih khuina ce nung tla hy, “Bawipa, ni hul lah! tinawh khy hy.   
\p
\v 31 Jesu ing a kut soeng nawh tu hy, “\wj Cangnaak ak zawi aw, kawtih upvoetnaak na taak?\wj*,” tina hy.   
\p
\v 32 Lawng khuina a ni kaai coengawh, khawhli ce sit hy.  
\v 33 Lawng khui awhkaw ak awm thlangkhqi ing anih ce beek uhy, “Nang ve Khawsa Capa tang tang ni,” tina uhy.   
\p
\v 34 Caqai benna ce cet phat unawh Gennesaret qam ce pha uhy.  
\v 35 Ce a hyn awhkaw ak awm thlangkhqi ing anih ce ami sim awhkawng ami qam pum awh awi ce pha sak boeih uhy.  
\v 36 A venawh tlawhnaak ak takhqi boeih ce hawlaw unawh a himai awm ami binaak thai aham a venawh qeennaak thoeh uhy, ak bi thlangkhqi boeih taw qoei uhy.   
\c 15  
\s1 Ak Ciim Ingkaw Amak Ciim  
\p
\v 1 Cawh Jerusalem khaw awhkawng Farasi khqi ingkaw anaa awi cawngpyikung khqi thlang vang ce Jesu a venna law unawh doet uhy,  
\v 2 kawtih na hubatkhqi ing a hqamcakhqik awi qoe ce ami hqe? Buh ami ai law hly awh ami kut khaw am sil uhy!, tina uhy.   
\p
\v 3 Jesu ing a mingmih a venawh, “\wj Cawhtaw kawtih nangmih ing na mimah ak awi qoe ingkaw Khawsa ak awipeek ce nami hqe lawt? \wj* 
\v 4 \x - \xo 15:4 \xt Ex. 20.12; Deut. 5.16; \xt Ex. 21.17; Lev. 20.9.\x*\wj Khawsa ak awipeek ingtaw, na nu ingkaw na pa zoeksang lah, anu apa awih che ak hlah sih taw thih sak aham awm hy, tinawh ak kqawn ce. \wj* 
\v 5 \wj Cehlai nangmih ingtaw thlang ing anu apa venawh, 'kai a ven awhkawng na ngaih ik-oeih boeih boeih ce Khawsa venawh awm hawh hy,' a tinaak mantaw, \wj* 
\v 6 \wj 'anih ingtaw apa ce a zoeksang aham am awm hy,' ti u hyk ti. Cemyihna na mimah ak awi qoe ingkaw Khawsak awipeek ce kawna awm ap poek uhyk ti. \wj* 
\v 7 \wj Nangmih thlang qaai kqawnkhqi! Isaiah ing nangmih akawng anak kqawn hyt: \wj* 
\v 8 \x - \xo 15:8 \xt Is. 29.13.\x*\wj ”Ve ak thlangkhqi ing a mim kha hqawng ingtaw kai ve ni zoeksang kaa hlai uhy, amik kawlungkhqi taw ak chang na ta uhy; \wj* 
\v 9 \wj A hoeina ni kai ve ami ni beek hy; ami cawngpyinaak ce awm thlanghqing a cawngpyinaak mai ni, a tive thym hy,”\wj* tina hy.   
\p
\v 10 Jesu ing thlang kqeng ce a venna khy nawh, “\wj Ngai unawh zasim lah uh. \wj* 
\v 11 \wj Nim khak khuiawh anuk lut awk-ai ing thlang tuih am awm sak nawh, nim khak khui awhkawng ak cawn law awih che ing ni thlang tuih a awm sak\wj*,” tinak khqi hy.   
\p
\v 12 Cekcoengawh a hubatkhqi ce a venna law unawh doet uhy, “Farasikhqi ing ve ak awi ve aming zaak awh amik kaw am law hy, tice nak sim nu?” tina uhy.   
\p
\v 13 Cehlai anih ing, “\wj Khawk khan nakaw Pa ing a mang ling thingkungkhqi boeih taw ak kqa mah na phu kaw. \wj* 
\v 14 \x - \xo 15:14 \xt Luke 6.39.\x*\wj Awm taak dym uh; sawikung mikhypkhqi ni. Mikhyp ing mikhyp a sawi mantaw, lawkkhqawng na tla qen kawm nih\wj*,” tina hy.   
\p
\v 15 Piter ing a venawh, “Vawhkaw nyhtahnaak awi ve kaimih a venawh kqawn caih lah,” tina uhy.   
\p
\v 16 Jesu ing, “\wj Nangmih ingawm am nami zasim nawh nu? \wj* 
\v 17 \wj Nim khak khuiawh a nuk lut boeih boeih taw phoen ak khuina cet nawh cawh kawng ce naat na cawn hy, tice am nami sim nawh nu? \wj* 
\v 18 \x - \xo 15:18 \xt Mat 12.34.\x*\wj Cehlai nim kha awhkawng ahak cawn law boeih taw kawlung khui awhkawng ni a law, cekkhqi ing ce thlang tyih am leh kap sak uhy. \wj* 
\v 19 \wj Kawlung khui awhkawng ni kawpoek amak leekkhqi, thlang himnaak, samphaihnaak, nu pa thawlhnaak, quuknaak, amak thym dyihthing na dyihnaak, Khawsa thekhanaak khqi ce a law hy. \wj* 
\v 20 \wj Ve myihkhqi ing thlang tuih am leh kap sak hy; cehlai kut silh kaana buh ainaak ing thlang tuih am leh am kap sak hy\wj*,” tina hy.   
\s1 Kanaan Nu Ak Cangnaak  
\p
\v 21 Ce hyn awhkawng Jesu taw Tura ingkaw Sidon khaw khqang ce cet hy.  
\v 22 Cawh, Kanaan nu pynoet taw a qam khui awhkawng law nawh, a venawh, “Bawipa, David Capa, kai ve nim qeen lah! Ka canu qaai ing tu nawh khuikha soeih hy,” tina hy.  
\v 23 Cehlai awi khang oet awm am hlat pehy. Cedawngawh a hubatkhqi ce a venna law unawh, “Ak chang na ceh sak hlah, ni hu awh khy khing hy,” tina uhy.   
\p
\v 24 Jesu ing, “\wj Isarel tuu ak qengkhqi aham doeng nani ani tyih\wj*,” tina hy.   
\p
\v 25 Cawh nu ce law nawh, “a haiawh khuk sym doena, “Bawipa ni bawm lah!” tina hy.   
\p
\v 26 Anih ing, “\wj Cakhqi phaihpi ce lawh pe nawh uikhqi ni peek lat ce am thym hy,\wj*” tina hy.   
\p
\v 27 Cawhkaw nu ing, “Oeih, Bawipa, thym hy, cehlai ui ingawm a boeikhqi a caboei awhkaw buh baw ak tlakhqi ce lym lawt saw, tina uhy.   
\p
\v 28 Cawh Jesu ing a venawh, “\wj Nang nu nak cangnaak dung soeih hy! Na thoehnaak ce peek na awm hawh hy\wj*,” tina hy. Cawhkawng a canu ce qoei tlang hy.   
\s1 Thlang Thawngli Am Cahnaak  
\p
\v 29 Ce a hyn ce Jesu ing cehta nawh Kalili tuili benna cet hy. Cekcoengawh tlang na ce kaai nawh ngawi hy.  
\v 30 Cawh thlang kqeng khawzah ce a venna law uhy, khawk khem, mikhyp, awimyh, ak khawnkhqi ingkaw thlak tlokhqi ce a khawkung awh soei pe unawh; anih ing cekkhqi boeih ce qoei sak hy.  
\v 31 Awimyh ing pau thai nawh ak khawnkhqi ing leek hy, khaw ak khemkhqi ingawm cet thai unawh mikhypkhqi ing hu thai uhy; ce mihkhqi ce thlang boeih ing ami huh awh amik kawpoek kyi unawh, Isarel Khawsa ce kyihcah uhy.   
\p
\v 32 Cekcoengawh Jesu ing a hubatkhqi ce a venna khy nawh, “\wj Vawhkaw thlang kqeng ve qeen khqi soeih nyng, vekkhqi ve ka venawh ikaw awm a ai kaana khaw thum voei awm hawh uhy. Buh cawih doena ceh sak aham am ngaih nyng, ka ceh sak man lam lak awh lum hau kawm uh,\wj*” tina hy.   
\p
\v 33 A hubatkhqi ing a venawh, “Thlang ve zah a ai tat phaihpi ce ve kqawng khuiawh hana kaw ka mi huh kaw?” tina uhy.   
\p
\v 34 Jesu ing a mingmih a venawh, “\wj Phaihpi izah nu nami taak\wj*?” tinak khqi hy.  
\p A mingmih ing, “Phaihpi khqih ingkaw nga a khoeh ca taw awm hy,” tina uhy.   
\p
\v 35 Thlang kqeng ce dek awh ngawih sak aham kqawn pehy.  
\v 36 Phaihpi khqih ingkaw nga ce lo nawh zeelnaak awi ak kqawn coengawh thek nawh a hubatkhqi ce pehy. A hubatkhqi ing thlang kqeng a venawh tei pek khqi uhy.  
\v 37 A mingmih ing ak phyi na ai boeih uhy. Ami ai ngenkhqi ce a hubatkhqi ing ami cawi awh vawh khqih na kawi uhy.  
\v 38 Cawhkaw ak aikhqi boeih taw naasenkhqi ingkaw nukhqi ak kqawn kaana thlang thawngli law uhy.  
\v 39 Thlang kqeng ce a ceh sak coengawh, lawng khuina lut nawh Magadan khaw benna ce cet hy.   
\c 16  
\s1 Hatnaak Doet Uhy  
\p
\v 1 \x - \xo 16:1 \xt Mat 12.38; Luke 11.16.\x*Farasi ingkaw Sadusikhqi ce Jesu a venna law unawh, khan ben nakaw hatnaak dang sak aham noek adak uhy.  
\v 2 A mingmih a venawh, “\wj Khawmy ben awh cingmai a thiim awhtaw khaw seen kaw ti uhyk ti, \wj* 
\v 3 \wj mymcang ben awh, khawmai a sah awhtaw, “khaw am seen tikaw,” ti uhyk ti. Nangmih ingawm khaw taw nai a nawng thai hlai uhyk ti, a tym hatnaak taw am nainawng thai uhyk ti. \wj* 
\v 4 \x - \xo 16:4 \xt Mat 12.39; Luke 11.29.\x*\wj Thlak che ingkaw samphaih cadilkhqi ingtaw hatnaak sui uhy, tawngha Jonah a hatnaak doeng am kaa taw ikaw awm peekna am awm kaw\wj*,” tina hy.  
\p Cekcoengawh cekkhqi ce ak chang na cehta hy.  
\v 5 Tuili caqai benna ami haih kat awh a hubatkhqi ing phaihpi ami khyn hly ce hilh valh uhy.   
\p
\v 6 \x - \xo 16:6 \xt Luke 12.1.\x*Jesu ing a mingmih a venawh, “\wj Farasikhqi ingkaw Sadusikhqi venawh ce nami cyih ta unawh qalqiing lah uh\wj*,” tinak khqi hy.  
\v 7 “Phaihpi am ni taak awh va ni kaw,” ti unawh a mimah ingkaw a mimah ce doet qu uhy.   
\p
\v 8 Jesu ing cekkhqi ak awih kqawn ce zasim nawh, “\wj Cangnaak ak zawikhqi, kawtih phaihpi am nami taak akawng ce namik kqawn? \wj* 
\v 9 \x - \xo 16:9 \xt Mat 14.17-21.\x*\wj Am nami zasim hlan nawh nu? Thlang thawngnga ing phaihpi ingkaw nga ami ai ce namim hilh hawh nawh nu?, Vawh izah nami kawih ce? \wj* 
\v 10 \x - \xo 16:10 \xt Mat 15.34-38.\x*\wj Thlang thawngli ing phaihpi khqih a mi ai awh vawh izah nu ami kawih bai ce? \wj* 
\v 11 \wj Phaihpi akawng name venawh kak kqawn am ni tice ikawtih am naming zaaksim? Farasikhqi ingkaw sadusikhqi henawh ngaihthyn uh\wj*,” tinak khqi hy.   
\p
\v 12 Phaihpi awh ak awm hen akawng qalqiing aham am kqawn nawh Farasikhqi ingkaw Sadusikhqi a cawngpyinaak awh ngaihtaak aham ni ak kqawn hy tice zasim uhy.   
\s1 Piter Ing Khrih pho hy  
\p
\v 13 Jesu ing kaisary Philipi peng khuina a law awh a hubatkhqi ce doet hy, “\wj Thlangkhqi ing thlanghqing Capa ve u nu a mi ti?\wj* tina hy.   
\p
\v 14 \x - \xo 16:14 \xt Mat 14.1,2; Marka 6.14,15; Luke 9.7,8.\x*Cekkhqi ing, “Thlang vang ingtaw nang ve, Baptisma pekung Johan ni, ti uhy, thlang vang ing 'Elijah' ti uhy; thlang vang bai ingtaw, 'Jeremiah' am awhtaw tawngha pynoet oet,” tina uhy.   
\p
\v 15 Cawh a mingmih a venawh, “\wj Cawhtaw nangmih ingtaw kai ve u nu nami ti?\wj*” tinak khqi hy.   
\p
\v 16 \x - \xo 16:16 \xt Joh 6.68,69.\x*Simon Piter ing, “Nang taw Khrih, ak hqing Khawsa Capa ni,” tina hy.   
\p
\v 17 Jesu ing a venawh, “\wj Nang Jonah capa, na zoseen hy, kawtih thlanghqing ing amni sim sak nawh khawk khan nakaw ka Pa ing ni a ni sim sak. \wj* 
\v 18 \wj Na venawh ka nik kqawn peek, nang taw Piter ni, ve lungnu awh ka thlangboel dyih sak kawng; hell chawmkeng ing ce ce am noeng qoe tikaw. \wj* 
\v 19 \x - \xo 16:19 \xt Mat 18.18; Joh 20.23.\x*\wj Khan ram cabi ce na venawh ni pe kawng; khawmdek awh nang ing na pinkhqi boeih ce khawk khan na awm pin na awm lawt kaw, khawmdek awh nang ing na hlam boeih ce khawk khan na awm hlam na awm lawt kaw\wj*,” tina hy.  
\v 20 Amah ce Khrih ni tice a u venawh awm ama mik kqawn aham a hubatkhqi venawh awi pehy.   
\s1 Jesu Ing A Thih Ingkaw A Thawhtlaihnaak Hly Kqawn hy  
\p
\v 21 Amah cawhkawng taw Jesu ing Jerusalem na cet kawmsaw a hqamcakhqi khawsoeih boeikhqi ingkaw anaa awi cawngpyikungkhqi ing khuikhanaak a sim sak hly khqi ingkaw him na awm kawmsaw am thum nyn awh thawh tlaih na a awm hly khqi ce a hubatkhqi venawh kqawn caih pek khqi hy.  
\v 22 Piter ing amah ce ak chang na cehpyi nawh kaa na hy. “Bawipa, cemih ik-oeih nang ak khan awh koeh pha qoe seh, vemyihkhqi ve nang a venawh koeh awm seh,” tina hy.   
\p
\v 23 Cehlai Jesu ing Piter ce hawi sih nawh, “\wj Setan, ka huna thoeih lah! Nang ve kang tluuknaak ahamna awm hyk ti; Khawsa a ik-oeihkhqi ve poek kaana thlanghqing a ik-oeihkhqi ce poek hyk ti\wj*,” tina hy.   
\p
\v 24 \x - \xo 16:24 \xt Mat 10.38; Luke 14.27.\x*Cekcoengawh Jesu ing a hubatkhqi venawh, “\wj U ingawm kai a hu awh law aham a ngaih awhtaw, amah ingkaw amah ce hoet qu seitaw, amah a thinglam ak kawh doena ka hu awh bat seh. \wj* 
\v 25 \x - \xo 16:25 \xt Mat 10.39; Luke 17.33; Joh 12.25.\x*\wj U awm a hqingnaak ce thaawng aham ak ngaih ingtaw hlawng kaw. \wj* 
\v 26 \wj Thlang ing khawmdek pum ve ham mai seiawm a hqingnaak ce a hlawng awhtaw ikaw nu phu a tak? A hqingnaak ce ikaw ing nu ang thung thai kaw? \wj* 
\v 27 \x - \xo 16:27 \xt Mat 25.31; \xt Sam 62.12; Rom 2.6.\x*\wj Thlanghqing Capa ing Pa a boeimangnaak ingkaw ak khan ceityihkhqi mi law kaw, thlang boeih a venawh a mi them sainaak boeih ve myihna kutdo ce pek khqi boeih kaw. \wj* 
\v 28 \wj Awitak ka nik kqawn peek khqi, thlanghqing Capa ing a qam na a law ce a huh hlan khui awhtaw, vawhkaw thlang vang ak dyikhqi ak khuiawh thihnaak amak tan hly kawi thlang awm hy\wj*,” tina hy.   
\c 17  
\s1 Jesu A Myi Thaw Qunaak  
\p
\v 1 Khaw khquk nyn a awm coengawh Jesu ing Piter, Jakob ingkaw a na Johan ce khy nawh a mimah doeng tlang ak sang na ce kaai pyi hy.  
\v 2 Cawh ce a mingmih a haiawh a myi ce thaw pehy. A hai ce khawmik amyihna vang nawh, a hi awm khawkdai amyihna baawk hy.  
\v 3 Cawh cekkhqi a haiawh Mosi ingkaw Elijah ce dang pe nawh Jesu mi ce pau uhy.  
\v 4 Cawh Piter ing Jesu a venawh, “Bawipa, vawh awm aham nep soeih hy. Na ngaih awhtaw buk pakthum heen law vang - nang aham pynoet, Mosi aham pynoet, Elijah aham pynoet seh,” tina hy.   
\p
\v 5 \x - \xo 17:5 \xt Gen 22.2; Sam 2.7; Is. 42.1; Mat 3.17; 12.18; Marka 1.11; Luke 3.22; \xt Deut. 18.15.\x*\x - \xo 17:5 \xt 2Pe 1.17,18.\x*Awi ak kqawn huili awh, myi ak vang thlang ing a mingmih ce zawl khqi khoep nawh, myi ak khui awhkaw awi ing, “Vetaw ka lungnaak ka Capa ni; ak khan awh zeel soeih nyng; ak awi ngai pe uh!” tihy.  
\v 6 A hubatkhqi ing a ming zaak awh kqih soeih unawh a bukhup na koep uhy.  
\v 7 Cehlai Jesu ing law nawh cekkhqi ce bi hy, “\wj Koeh kqih uh, tho hlah uh\wj*,” tina hy.   
\p
\v 8 A mingmih ing ami toek awhtaw, Jesu doeng am kaana taw u awm ak chang am hu uhy.  
\v 9 Tlang nakawng ami nuk kqum awh, Jesu ing cekkhqi ce awi yn hy, “\wj Thlanghqing Capa ve thihnaak awhkawng a thawh hlan dy taw, vawhkaw ik-oeih nami huh ve u a venawh awm koeh kqawn uh\wj*,” tinak khqi hy.   
\p
\v 10 \x - \xo 17:10 \xt Mal. 4.5.\x*A hubatkhqi ing doet uhy, “kawtih anaa cawngpyikung khqi ing Elijah lamma na law kaw, a mi ti?” tina uhy.  
\v 11 Jesu ing cekkhqi venawh, “\wj Elijah ve lamma na law tak kawmsaw ik-oeihkhqi boeih ce ak nep na sai tlaih kaw. \wj* 
\v 12 \x - \xo 17:12 \xt Mat 11.14.\x*\wj Cehlai ka nik kqawn peek khqi, Elijah taw law hawh hlai hy, a mingmih ing am hat uhy, ami ngaih saqui ce ak khan awh sai pe uhy, cemih lawt na thlanghqing Capa ingawm a mingmih a kut awh khuikha kaw,”\wj* tina hy.  
\v 13 Baptisma ak pekung Johan akawng ni a mingmih a venawh ak kqawn peek, tice a hubatkhqi ing zasim uhy.   
\s1 Qaai Ing Am Tu Nasen Qoei Saknaak  
\p
\v 14 Thlang kqeng a venna a mi law awh, thlang pynoet ce a venawh law nawh ak khawkung awh khuk sym pehy.  
\v 15 “Bawipa ka capa ak khan awh qeennaak ta law cang lah, qaw nawh khuikha khing hawh hy. Mai awh tlu poepa hawh hy.  
\v 16 Na hubatkhqi venawh khyn hlai nyng, am qoei sak thai uhy,” tina hy.   
\p
\v 17 Cawh Jesu ing, “\wj Aw cangnaak amak ta thlangkhqi ingkaw kawlung ak hqamkhqi, nangmih ve iqyt nu ka ni awm pyi khqi kaw? Iqyt nu ka ning yh pyi khqi kaw? Ka venna hawlaw lah uh\wj*,” tinak khqi hy.   
\p
\v 18 Jesu ing qaai ce zyi nawh, qaai ing cawhkaw naasen ce cehta hy, cawh anih ce qoei tlang hy.  
\v 19 Cekcoengawh a hubatkhqi ing aha cana Jesu a venna law unawh, “kawtih kaimih ingtaw am ka mi hqek thai?” tina uhy.   
\p
\v 20 \x - \xo 17:20 \xt Mat 21.21; Marka 11.23; 1Kor 13.2.\x*Jesu ing a mingmih a venawh, “\wj Namik cangnaak a zawi a dawngawh ni. Awtak ka nik kqawn peek khqi, antlam ak ui teh mah cangnaak nami taak mantaw, vawhkaw tlang a venawh, 'vawhkawng cena thoeih lah,' nami tinaak awh thoeih kaw. Nangmih aham amak coeng thai ikaw awm am awm kaw. \wj* 
\v 21 \wj Cehlai vemih ve cykcahnaak ingkaw buh zeihnaak doeng am ingtaw am cet thai hy,” \wj*tina hy.   
\p
\v 22 Kalili qam na ami law awh, Jesu ing a mingmih a venawh, “\wj Thlanghqing Capa ve thlangkhqi kut awh pe kawm usaw tu sak kawm uh. \wj* 
\v 23 \wj Him kawm usaw, am thum nyn awh tho tlaih kaw,”\wj* tina hy. Ce ak awi ce a ming zaak awh a hubatkhqi taw amik kaw map hqoeng hy.   
\s1 Bawkim Awhkaw Mangmu  
\p
\v 24 \x - \xo 17:24 \xt Ex. 30.13; 38.26.\x*Kapernaum khaw ami pha law awh mangmu ak cawikhqi ce Piter a venna law unawh, “Nangmih a cawngpyikung ing pumim tangka am cawi nawh aw?” tinawh doet uhy.   
\p
\v 25 Anih ing, “Cawi hy,” tinawh hlat hy. Imna a mi luh awh Jesu ing khai nawh, “\wj Simon, ikawmyihna nak poek? Khawmdek sangpahrangkhqi ing u venna nu mangmu ami cawi? Ami cakhqi venna nu, thlak chang vena?\wj*” tinawh doet hy.   
\p
\v 26 Piter ing a venawh, “Thlak chang a venawh,” tina hy. Jesu ing, “\wj Cawhtaw a cakhqi taw loet timaw ce. \wj* 
\v 27 \wj Cehlai amik kaw a zeelnaak aham, tuili na cet nawh cikkoeih vak thla. Ngam nam tu ma ce lo nawh am kha ce phen pe, tangka hu kawp ti. Lo nawh kai ingkaw namimah hamna cawi\wj*,” tina hy.   
\c 18  
\s1 Khawkkhan Khawna Ak Bo Soeih  
\p
\v 1 Cawh a hubatkhqi ce Jesu a venna law unawh, “Khan qam awh u nu ak bau kaw?” tina uhy.  
\v 2 Jesu ing naasen ca ce lo nawh a ming lak lung awh dyih sak hy.  
\v 3 A mingmih a venawh: “\wj Awitak ka nik kqawn peek khqi, nangmih ing namik kaw am hloet unawh naasenkhqi amyihna am nami awm awhtaw, khan qam khuiawh ityk awh awm am lut ti kawm uk ti. \wj* 
\v 4 \wj Cedawngawh, u awm vawhkaw naasen amyihna thlang ak kai awh dungvoeng na ak awm taw khan qam awh ak bau soeih na awm kaw. \wj* 
\v 5 \wj “U awm vemyih naasen ca ce kai ang ming ing ak do ak thlang taw kai anik do thlang na awm hy. \wj* 
\v 6 \wj Cehlai u ingawm vawhkaw naasen, kai anik cangnaakkhqi ak khuiawh pynoet awm ang tluk sak awhtaw, cang neetnaak lung ak bau ce a hawng awh aawi sak nawh lidung ak khuina nik thlak man a hamna nep bet kaw. \wj* 
\v 7 \wj “Thlang thawlhnaak ak sai sak ik-oeihkhqi awh khawmdek ve khaw na bin hy! Ce mih ik-oeihkhqi ce ak law hly qoe ni, cehlai thawlhnaak ak law sakkung thlang ce khaw na bin hy! \wj* 
\v 8 \x - \xo 18:8 \xt Mat 5.30.\x*\wj Na kut am awhtaw na khaw ing a ni thawlh sak awhtaw tlyk boet nawh khawng. Kut pakhih ingkaw khaw pakhih ak soep na kumqui mai khuina nang tlaak anglakawh, pum amak soep doena hqingnaak ak khuiawh na lut ce nep bet hy. \wj* 
\v 9 \x - \xo 18:9 \xt Mat 5.29.\x*\wj Na mik ing a ni thawlh sak awhtaw koeih doek nawh khawng. Mik pakhih ing hell mai khuina nang tlaak anglakawh, miklang ing hqingnaak khuina na lut ce na hamna nep bet hy. \wj*   
\s1 Tuu Ak Qeeng Nyttahnaak  
\p
\v 10 “\wj Vawhkaw naasenkhqi ak khuiawh pynoet awm am nami hepnaak aham qalqiing lah uh. Ikawtih ka nik kqawn peek khqi, a mingmih ak khan ceityihkhqi ing khawk khan nakaw ka Pa a haai ce hu poepa uhy. \wj* 
\v 11 \wj Ak qengkhqi thaawng aham ni thlanghqing Capa ve a law. \wj* 
\v 12 \wj “Ikawmyihna namik poek? Thlang pynoet ing tuu zakhat ce ta hlai hy, pynoet ce ak chang na a ceh valh mai mantaw, sawmkow pakow tloek ce tlang na cehta nawh ak chang ak qeng tuu pynoet ce am sui hly nawh nu? \wj* 
\v 13 \wj Tuu ce a huh tlaih awhtaw, awitak ka nik kqawn peek khqi, ak chang na amak cet valh tuu sawm kow pakow anglakawh cawhkaw tuu ak cet valh ce ym bet hy. \wj* 
\v 14 \wj Cemyih lawtna khawk khan awh ak awm nangmih a Pa ing vawhkaw naasenkhqi ak khuiawh pynoet ca awm qeng aham am ngaih hy. \wj*   
\s1 Cingna Paca Them Ak Sai Thawlh  
\p
\v 15 \x - \xo 18:15 \xt Luke 17.3.\x*”\wj Na koeinaa ing nak khan awh, ik-oeih a sai thawlh awhtaw cet nawh a thawlhnaak ce na mimah anglak doeng awh kqawn pe. Nak awi ce ang ngai awhtaw anih ce na noeng na awm kaw. \wj* 
\v 16 \x - \xo 18:16 \xt Deut. 19.15.\x*\wj Cehlai a mang ngai awhtaw, thlang pakhih thum a simpyinaak awh awi ce a caknaak aham, thlang pynoet mai aw am awhtaw pakhih awh ceh pyi. \wj* 
\v 17 \wj Cekkhqi ak awi awm a mang ngai bai awhtaw thlangboel a venawh kqawn uh; thlangboel ak awi awm a mang ngai awhtaw, lawkih am awhtaw mangmu ak cawikung na ngai law uh. \wj* 
\v 18 \x - \xo 18:18 \xt Mat 16.19; Joh 20.23.\x*\wj Awitak ka nik kqawn peek khqi, khawmdek awh nami pinkhqi boeih ce khawk khan na awm pin na awm lawt kawmsaw, khawmdek awhkaw nami hlam khqi boeih ce khawk khan na awm hlam na awm lawt kaw. \wj* 
\v 19 \wj “Cekcoengawh nik kqawn pek khqi tlaih nyng, khawmdek awh thlang pakhih ing kawpoek pynoet na taak doena ik-oeih a ni thoeh awhtaw khawk khan nakaw ka Pa ing nangmih aham sai pekna awm kaw. \wj* 
\v 20 \wj Thlang pakhih awm pakthum awm kang ming ing a ming cunnaak awh, a mingmih a venawh kai awm nyng,\wj*” tina hy.   
\s1 Thlang Qeen Khaw Amak Ngai Tamnaa  
\p
\v 21 \x - \xo 18:21 \xt Luke 17.3,4.\x*Cekcoengawh Piter ing Jesu a venna law nawh doet hy, “Bawipa, ka koeinaa ing kak khan awh ik-oeih a sai thawlh awh, iqyt dy nu qeenkhaw kang ngai kaw? Ak khqih dy nu?” tina hy.   
\p
\v 22 \x - \xo 18:22 \xt Gen 4.24.\x*Jesu ing, “\wj Ka nik kqawn peek khqi, ak khqih dy doeng amni, ak khqih a pyh khqihkip dy ti nyng,” tina hy. \wj* 
\v 23 \wj Cedawngawh khan qam taw sangpahrang pynoet ing a tyihzawihkhqi venawh a tangka lai ak kqawn ing myih hy. \wj* 
\v 24 \wj Tangka ce a soep awh tangka thonghqa ak pu peek thlang ce law pyi uhy. \wj* 
\v 25 \wj Anih ing tangka ce ama peek thai voel hawh a dawngawh, a zuca ingkaw a toentaak khawhthemkhqi boeih ce zawi nawh a laiba ce sah aham awi pehy. \wj* 
\v 26 \wj Cawh ce cawhkaw tyihzawih thlang ing a haiawh khuk sym nawh qeennaak thoeh hy, 'Bawipa nim qeen mai cang, ni pe boeih lawt bit kawng,' tina hy. \wj* 
\v 27 \wj A boei ing anih ce qeen nawh a laiba boeih ce zoe pe sak hy. \wj* 
\v 28 \wj “Cehlai cawhkaw tyihzawih thlang ce cet hy, cawh tangka denari zakhat ak pu peek a pyi tyihzawih pynoet ce hu hy. Anih ce a hawng awh tu nawh khak hy, “Tangka nak pu ce ni pe hlah,” tina hy. \wj* 
\v 29 \wj Cawhkaw tyihzawih pyi ing a haiawh khuk sym doena qeennaak thoeh hy, 'Nim qeen cang, ni pe boeih lawt bit kawng,' tina hy. \wj* 
\v 30 \wj Cehlai anih ing am hlah hy. A tangka pu ce a ni sam boeih hlan dy anih ce thawngim na thla hy. \wj* 
\v 31 \wj Cawhkaw ik-oeih ce tyihzawih pyi ak changkhqi ing ami huh awh, amik kaw se hy, cet unawh cawhkaw ik-oeihkhqi boeih ce a pa a venawh kqawn pe uhy. \wj* 
\v 32 \wj Cawh a boei ing cawhkaw tyihzawih ce a venna khy hy. Nang tyihzawih thlak che, kai a venawh qeennaak na thoeh a dawngawh kai ing na laibakhqi boeih ce ni zoe pe sak nyng. \wj* 
\v 33 \wj Kai ing nak khan awh qeennaak ka taak lawt amyihna nang ingawm thlang ak khan awh qeennaak na taak aham awm lawt hy,' tina hy. \wj* 
\v 34 \wj Cawhkaw boei ce ak kaw so nawh laiba a sam boeih hlan dy cawhkaw tyihzawih ce phep aham thawng ak thlakungkhqi kut awh pehy. \wj* 
\v 35 \wj “Nangmih ingawm nami koeinaa khqik khan awh qeenkhaw amna ming ngai awhtaw, khawk khan nakaw Pa ing nangmih ak khan awh ce amyihna sai lawt kaw,\wj*” tinak khqi hy.   
\c 19  
\s1 Zu Thlaaknaak  
\p
\v 1 Jesu ing vawhkaw awikhqi ak kqawn boet coengawh, Kalili qam ce cehta nawh Judah qam Jordan long caqai benna ce cet hy.  
\v 2 Thlang kqeng khawzah ing a hu awh hquut uhy, anih ing cekkhqi ce qoei sak khqi hy.  
\v 3 Amah ce noek adak ham Farasi thlang a vang ce a venna law uhy. “Thlang ing ikaw mai awh awm a zu ak thlaak aham ak thym hly nu?” tina uhy.   
\p
\v 4 \x - \xo 19:4 \xt Gen 1.27; 5.2.\x*Anih ing, “\wj Ak cyk ca awh saikung ing pa ingkaw nu ce sai nawh, \wj* 
\v 5 \x - \xo 19:5 \xt Gen 2.24.\x*\wj ”Ve dawngawh pa ing a pa ingkaw a nu ce cehta nawh a zu ce tawm kaw, pakhih ce pynoet na awm hawh kawm nih,” a tice am nami noet khawi nawh nu? \wj* 
\v 6 \wj Cedawngawh cekqawi ce pakhih na am awm voel nawh, pynoet nani a awm hawh. Cedawngawh Khawsa ing pynoet na am khoep coeng hloeih taw thlanghqing ing koeh kqeng seh\wj*,” tina hy.   
\p
\v 7 \x - \xo 19:7 \xt Deut. 24.1-4; Mat 5.31.\x*A mingmih ing, “Cawhtaw kawtih Mosi ing zu thlaaknaak ca pe nawh zu ce ceh sak aham awi a peek bai hy voei?” tina uhy.   
\p
\v 8 Cawh Jesu ing, “\wj Na mim thin a sah soeih a dawngawh ni Mosi ing zu thlaaknaak ham anik kqawn peek khqi. \wj* 
\v 9 \x - \xo 19:9 \xt Mat 5.32; 1Kor 7.10,11.\x*\wj Ka nik kqawn peek khqi, a va ak khan awh a samphaih a dawngawh ti kaana, u ingawm a zu thla nawh nuk chang a zunaak awhtaw anih ce samphaih na awm hy\wj*,” tina hy.   
\p
\v 10 A hubatkhqi ing a venawh, “Zu lawh va taak naak awh ce myihna a awm mantaw, zu ama taak aham nep bet hy,” tina hy.   
\p
\v 11 Jesu ing, “\wj U ingawm vawhkaw awih kqawn ve am do thai ti kawm uh. \wj* 
\v 12 \wj Thlang pynoet taw a nu ak phoen khui awhkawng tiktleh cena thang nawh, thlang pynoet taw thlang ing tleh pehy; thlang a vang taw khan qam akawng awh zu amak ta thlang awm awm bai hy. Ak do thai saqui ing ve ve do seh,\wj*” tinak khqi hy.   
\s1 Nasenkhqi Zoseennaak Pe Hy  
\p
\v 13 Naasenkhqik khan awh kut tloeng nawh cykcah peek aham, naasenkhqi ce Jesu a venna law pyi uhy. Cawh a hubatkhqi ing ak law pyikungkhqi ce zyi hy.  
\v 14 Jesu ing, “\wj Naasenkhqi ce ka venawh law sak lah uh, koeh kham pe uh, kawtih khan qam taw vemyihna ak awm khqi aham nani\wj*,” tina hy.  
\v 15 Cekkhqi ak khan awh kut a tloeng coengawh, cawhkawng cet phaat hy.   
\s1 Kuiqang Cadawng  
\p
\v 16 Cawh thlang pynoet Jesu a venna law nawh, “cawngpyikung, kumqui hqingnaak ka huhnaak aham ikaw ka sai kaw?” tinawh doet hy.   
\p
\v 17 Jesu ing, “Ikaw hamna ik-oeih leek akawng ce nani doet? Ak leek pynoet doeng ni a awm. Hqingnaak ak khuiawh lut aham na ngaih awhtaw, awipeekkhqi ce sai thoeih ti,” tina hy.   
\p
\v 18 \x - \xo 19:18 \xt Ex. 20.13; Deut. 5.17; \xt Ex. 20.14; Deut. 5.18; \xt Ex. 20.15; Deut. 5.19; \xt Ex. 20.16; Deut. 5.20.\x*Cawhkaw cadawng ing, “Ikawmih awipeekkhqi?” tina hy. Jesu ing, “\wj Thlang koeh him, koeh samphaih, koeh qu, amak thym dyihthing na koeh awm, \wj* 
\v 19 \x - \xo 19:19 \xt Ex. 20.12; Deut. 5.16; \xt Lev. 19.18.\x*\wj Na nu ingkaw na pa zoeksang lah, na imceng ce namah na lung qunaak a myihna lungna lawt lah, a tice\wj*,” tina hy.   
\p
\v 20 Cawhkaw cadawng ing, “Vekkhqi boeih taw ka naasen awhkawng sai boeih hawh nyng. Ikaw ka voet hyn bai?” tina hy.   
\p
\v 21 Cawh Jesu ing, “\wj Thlak soep na awm aham na ngaih awhtaw, cet nawh na khawhthem khqi boeih na zawih coengawh hahqahkhqi ce pe law, cawhtaw khawk khan awh kawn them ta kawp ti. Cekcoengawh law nawh ka hu awh bat lah,\wj*” tina hy.   
\s1 Khawhthem Ingkaw Khawsa Qam  
\p
\v 22 Ce ak awi ce cadawng ing ang zaak awh, khawhthem khawzah a taak dawngawh kawseet doena cen valh hy.  
\v 23 Cekcoengawh Jesu ing a hubatkhqi venawh, “\wj Awitak ka nik kqawn peek khqi, boei ing khan qam na a lutnaak aham kyi soeih hy. \wj* 
\v 24 \wj Kqawn law tlaih bai vang, boei ing Khawsa ram khuiawh a lut anglakawh, kalauk ing kqym ak khuiawh a lut zoei bet hy\wj*,” tina hy.   
\p
\v 25 Ce ak awi ce a hubatkhqi ing a ming zaak awh amik kawpoek kyi nawh, “Cawhtaw u nu thaawng na ak awm hly?” tinawh doet uhy.   
\p
\v 26 Jesu ing a mingmih ce toek nawh, “\wj Ve ve thlanghqing a hamna taw am coeng thai hy, Khawsa a hamna taw ik-oeih boeih boeih ve coeng thai hy\wj*,” tina hy.   
\p
\v 27 Piter ing a venawh, “Toek lah, kaimih ingtaw ik-oeihkhqi boeih cehta u nyngsaw na hu awh bat u nyng! Cawhtaw ikaw ka mi huh kaw?” tina uhy.   
\p
\v 28 \x - \xo 19:28 \xt Mat 25.31; \xt Luke 22.30.\x*Jesu ing a mingmih a venawh, “\wj Awitak ka nik kqawn peek khqi, ik-oeih boeih ak thai na awm nawh, thlanghqing Capa ing a boeimang ngawihdoelh awh ang ngawih awh, nangmih awm ngawihdoelh pahqa hlaihih awh ngawi kawm u tiksaw, Isarel phyn pahqa hlaihih ce awi deng kawm uk ti. \wj* 
\v 29 \wj U awm kai ang ming awh, a imkhqi, a koeinaakhqi, a pa, a nu a cakhqi ingkaw a lokhqi ce ak cehtaakkhqi taw alet zakhat hlei leeknaak ingkaw kumqui hqingnaak ce pang kawm uh. \wj* 
\v 30 \x - \xo 19:30 \xt Mat 20.16; Luke 13.30.\x*\wj Cehlai ak maa ce hu kawmsaw ak hu ce maa lat kaw\wj*.” tinak khqi hy.   
\c 20  
\s1 Misur Dum Bibikungkhqi  
\p
\v 1 \wj Khan qam taw dum ak takung thlang pynoet ing a dum khuiawh bi ak bi aham thlang ak sui na mymcang hqit awh ak cet ing myih hy. \wj* 
\v 2 \wj Bibikungkhqi mi hypoet kutphu denari pynoet peek aham awi ta unawh, cekkhqi ce misur dum na tyi khqi hy. \wj* 
\v 3 \wj “Khawnoek pathum tluk awh cet nawh, ik-oeih ami zawihnaak hyn awh ikaw awm amak sai thlangkhqi ce hu hy. \wj* 
\v 4 \wj A mingmih a venawh, nangmih awm cet unawh kai a misur dum awh bibi lah uh, a ting a tawk taw ni pek khqi bit kawng, tinak khqi hy. \wj* 
\v 5 \wj Cedawngawh a mingmih ce cet uhy.” Cekcoengawh khawnoek paquk ingkaw pakow tluk awh cet tlaih bai nawh, ce amyihna tina tlaih bai hy. \wj* 
\v 6 \wj Khawnoek pahqa hlaioet tluk awh cet bai nawh, ak dyi mailai thlangkhqi ce hu bai hy. A mingmih a venawh, 'kawtih ikaw awm a sai kaana vawh khawnghi zung naming dyih?' tinak khqi hy. \wj* 
\v 7 \wj Cekkhqi ing a venawh, 'u ingawm kaimih ve amni ceei khqi nawh ni,' tina uhy. Anih ing cekkhqi venawh, 'Nangmih awm cet unawh kai a misur dum awh bibi law lah uh,' tinak khqi hy. \wj* 
\v 8 \x - \xo 20:8 \xt Lev. 19.13; Deut. 24.15.\x*\wj ”Khaw a my awhtaw, misur dum ak takung ing, tangka ak khoemkungkhqi venawh, 'A hu dyt awhkawng ak lamma dy awh bibikungkhqi ce khy nawh amik thaphu ce pe lah uh,' tinak khqi hy. \wj* 
\v 9 \wj Khawnoek hlaioet awhkawng bi ak bikhqi ce law unawh amik thaphu denari pynoet ce hu qip uhy. \wj* 
\v 10 \wj Lamma na bi ak bikhqi ce law unawh ak doem bet hu kawng unyng, tina poek uhy. Cehlai cekkhqi awm denari pynoet qip ni ami huh lawt hy. \wj* 
\v 11 \wj Tangka ami huh boeih coeng awhtaw, dum ak takung ak khan awh saai bi uhy. \wj* 
\v 12 \wj “Ahu na na law pyikhqi ing khawnoek pynoet khui doeng ni bi ami bi hy, hypoet khui khawk hlawk anglakawh bi ka mik bi kaimih mi ang amyihna na taak paqap,” tina uhy. \wj* 
\v 13 \wj Cehlai anih ing a mingmih ak khui awhkaw thlang pynoet a venawh, 'ka pyi, amak thym na nak khan awh ik-oeih am sai nyng, Denari pynoet nani awi ni taak ka ti my? \wj* 
\v 14 \wj Namah a bibi phu ce lo nawhtaw cet hlah. Nang a venawh ka ni peek lawt amyihna ahu na bi ak bi thlang a venawh awm pe lawt kawng nyng. \wj* 
\v 15 \wj Ka tangka ak khan awh ka ngaihnaak amyihna saithainaak am ka ta hly nawh nu? Kai ka khawboe a leek awh nang ing nani yt nawh nu? tina hy. \wj* 
\v 16 \x - \xo 20:16 \xt Mat 19.30; Marka 10.31; Luke 13.30.\x*\wj Cedawngawh ak hukhqi ce ma kawm usaw ak maakhqi ce hu kawm uh. Ak khy taw doem kawmsaw ak tyk taw zawi kaw\wj*,” tinak khqi hy.   
\s1 Jesu Ing A Thihnaak Hly Ak Kqawnnaak  
\p
\v 17 Jesu ing Jerusalem na a hang ceh awh, a hubat thlang pahqa hlaihih ce cehpyi nawh a mingmih a venawh,  
\v 18 “\wj Tuh Jerusalem na ni hang cet kawm uh, thlanghqing Capa taw khawsoeih boeikhqi ingkaw anaa awi cawngpyikungkhqi venawh pe kawm uh, a mingmih ing thih sak aham thawlh sak kawm uh, \wj* 
\v 19 \wj qaihnaak na sai aham Gentelkhqi kut awh pe kawm uh. Am thum nyn awh tho tlaih kaw\wj*,” tina hy.   
\p
\v 20 Cawh Zebedi a cakhqi a nu ing a ca qawi ce Jesu a venna law pyi nawh, khuk sym doena ak kawngaih pynoet sai sak aham qeennaak thoeh hy.   
\p
\v 21 Jesu ing a venawh, “\wj Ikaw na ngaih?\wj*” tina hy.  
\p Cawhkaw nu ing, “vawhkaw ka capa qawi pakhih ve na ram khuiawh pynoet ve nak tang ben awh pynoet ce nak cawng ben awh ngawih law sak lah,” tina hy.  
\v 22 Cehlai Jesu ing a venawh, “\wj Na thoeh ve am sim hy nik ti. Kai ing ka aawk hly kawi khuikha huhnaak boet ve na nik aw hly thai lawt nu? Baptisma ka huh hly kawi ve na nik hu hly thai lawt nu?\wj*” tina hy.   
\p
\v 23 Jesu ing cekqawi a venawh, “\wj Kai a khuikha huhnaak boet ve aw hly thai tang tang nih nawh Baptisma ka huh hly kawi ve awm hu thai kawm nik ti, cehlai kai ak tang ben awh ngawih sak thainaak ingkaw cawng ben awh ngawih sak thainaak taw, kai a peek kawi am ni. Ka pa ing a hoep peek ce thlangkhqi venawh pe kaw,\wj*” tina hy.   
\p
\v 24 Ce ak awi ce thlang pahqa tloek ing a ming zaak awh, cekqawi cingna ak khan awh amik kaw so hy.  
\v 25 \x - \xo 20:25 \xt Luke 22.25,26.\x*Cehlai Jesu ing cekkhqi ce a venna khy khqi boeih nawh, \wj “Gentelkhqi ingtaw a mimah khqik khan awh uknaak ce ta unawh, ukkungkhqi ing a mingmih ak khan awh uk thainaak ce ta uhy. \wj* 
\v 26 \x - \xo 20:26 \xt Mat 23.11; Marka 9.35; Luke 22.26.\x*\wj Cehlai nangmih anglakawhtaw ce myihna am awm kaw. Nangmih ak khuiawh ak bau soeih na awm ak ngaih ingtaw nangmih a bi ak bikung na awm seh, \wj* 
\v 27 \wj u awm nangmih anglakawh lamma cyk na awm ak ngaih taw nangmih a tamnaa na awm seh; \wj* 
\v 28 \wj Thlanghqing Capa ing thlang bibi sak aham am law nawh, thlang a bibi peek aham nani a law, thlang khawzah thaawngnaak aham a hqingnaak ak pe hamna ni a law,”\wj* tinak khqi hy.   
\s1 Mikhyp Thlang Pakkhih A Qoeinaak  
\p
\v 29 Jesu ingkaw a hubatkhqi ing Jeriko khaw ce ami cehtaak awh thlang kqeng ing ahu awh hquut uhy.  
\v 30 Cawh mikhyp thlang pakhih ce lam keng awh ngawi hy nih, Jesu a ceh awi ce a ning zaak awh, “Bawipa, David Capa, kainih ve nim qeen qawi lah!” tinawh khy hy nih.  
\v 31 Thlang kqeng ing cekqawi ce a ni awmnaak dym aham zyi uhy, cehlai cekqawi ing khawteh khqoet na, “Bawipa, David Capa, kainih ve nim qeen qawi lah!” tinawh khy khqoet hy nih.   
\p
\v 32 Cawh Jesu ce dyi nawh cekqawi ce khy hy. “\wj Ikaw sai sak aham nu nani ngaih?”\wj* tinawh doet qawi hy.   
\p
\v 33 Cekkqawi ing, “Bawipa, mik dai aham ngaih nih nyng,” tina hy nih.  
\v 34 Jesu ing cekqawi ce qeen nawh cekqawi a mik ce bi pehy. Cawh cekqawi ce ani mik dai pahoei nawh ahu awh bat pahoei hy nih.   
\c 21  
\s1 Boeimangnaak Ing Jerusalem A Luhnaak  
\p
\v 1 Jerusalem pha tawm unawh Olive tlang awhkaw Bethphage khaw ami pha awh, Jesu ing a hubat thlang pakhih ce haina tyi hy,  
\v 2 Cekkqawi a venawh, “\wj Nani haiawh ak awm khawk khuina cet nih nawhtaw meqang ca ingkaw a nu ami king ce hu kawm nik ti. A qui ce hlam nih nawh ka venna sawi law nih. \wj* 
\v 3 \wj U ingawm anik kaanaak qawi awhtaw, Bawipa ing ngoe hy, thak law tlaih bit kaw, tina nih\wj*,” tinak qawi hy.   
\p
\v 4 Vawhkaw ik-oeihkhqi boeih taw tawngha ing anak kqawn hyt ce a soepnaak a hamna ni:   
\p
\v 5 “Zion canu ce kqawn pe, 'Na sangpahrang kawdaw ing meqang awh, meqang noca awh ngawi kawmsaw law kaw,” a tice.  
\v 6 A hubat qawi ce cet nih nawh Jesu ing awi a peek qawi amyihna sai hy nih.  
\v 7 Cekkqawi ing meqang a nu ingkaw ak noca ce hawlaw hy nih, meqang ak khan awh hi phaih pe nih nawh, ak khan awh Jesu ce ngawih sak uhy.  
\v 8 Thlang kqeng khawzah ing hikhqi ce lam awh phaih pe uhy, thlang vang ing thingbupkhqi ce chawm unawh lam awh phaih pe uhy.  
\v 9 \x - \xo 21:9 \xt Sam 118.25,26.\x*Haina ak cetkhqi ingkaw hu nakaw ak law thlang kqeng ing, “David capa venawh Hosanna! Bawipang ming ing ak law taw a zoseen seh!” “Sawsang soeih awh Honsanna!” tinawh khy uhy.   
\p
\v 10 Jerusalem khawk khui na Jesu a lut awh, khawk bau ce tyn nawh, “Ve ak thlang ve u nu ti?” ti uhy.  
\v 11 Thlang kqeng ing, “Ve ak thlang taw Kalili qam Nazareth khaw awhkaw tawngha Jesu ni,” tina uhy.   
\s1 Bawkim Caih Saknaak  
\p
\v 12 Jesu ing bawkim khuina lut nawh bawkim khuiawh ik-oeih ak zawi ingkaw ak thlai thlangkhqi ce hqek hy. Tangka ak hlengkhqi a caboeikhqi awm khup phlet pek khqi hy.  
\v 13 \x - \xo 21:13 \xt Is. 56.7; Jer. 7.11.\x*A mingmih a venawh, “\wj Ka im ve cykcahnaak im ni, ti kawm uh,” tinawh a qee hyt awm hlai hy, nangmih ingtaw quk-aikhqi awmnaak hyn na sai u hyk ti\wj*,” tinak khqi hy.   
\p
\v 14 Mikhypkhqi ingkaw khawkhemkhqi ce a venawh bawkim na law unawh, anih ing cekkhqi ce qoei sak khqi hy.  
\v 15 Cehlai khawsoeih boeikhqi ingkaw anaa awi cawngpyikungkhqi ing kawpoek kyi ik-oeih a saikhqi ingkaw naasenkhqi ing bawkim a keng awh, “David capa venawh Hosanna,” tinawh amik khy ce ami huh awh amik kaw am law hy.  
\v 16 \x - \xo 21:16 \xt Sam 8.2.\x*”Naasenkhqi ing amik kqawn ce nak za nu?” tinawh Jesu ce doet uhy.  
\p Jesu ing, \wj “Oeih, 'Naasenkhqi ingkaw naasenkhqi am kha awhkawng zoeksangnaak ce ta hawh hyk ti,' a tice am nami noet khawi nawh nu?”\wj* tinak khqi hy.  
\v 17 A mingmih ce a cehtaak coengawh, Bethany khaw na cet nawh, cawh ce ip hy.   
\s1 Thai Thing Khawng Sak Hy  
\p
\v 18 A khawngawi mymcang hqit awh khawk bau na ang hlat tlaih awh ak phoen cawi hy.  
\v 19 Lam a keng awhkaw thai thing ce hu nawh, a hang ceh awh ahah doeng kaa taw ikaw awm am hu hy. Thai thing na ce, “\wj Koeh qah qoe voel\wj*,” tina hy. Cawh thai thing ce khawng pahoei hy.  
\v 20 A hubatkhqi ing ami huh awh amik kawpoek kyi hy, “Ikawmyihna thai thing ak khawng paqap hy voei?” ti uhy.  
\v 21 \x - \xo 21:21 \xt Mat 17.20; 1Kor 13.2.\x*Jesu ing a mingmih a venawh, “\wj Awitak ka nik kqawn peek khqi, ypvoetnaak a taak kaana cangnaak nami taak awhtaw, thai thing awhkaw sai na ak awm doeng ve am sai thai kawm uk tik saw, vawhkaw tlang a venawh awm, 'Cet nawh tuicunli na thoeih lah,' nami tinaak awhtaw thoeih kaw. \wj* 
\v 22 \wj Namik cangnaak awhtaw cykcahnaak ing nami thoeh ce hu kawm uk ti, “\wj*tinak khqi hy.   
\s1 Jesu A Saithainaak Doet Uhy  
\p
\v 23 Jesu ing bawkim khuina lut nawh thlang a cawngpyi huili awh, khawsoeih boeikhqi ingkaw a hqamcakhqi a venawh law unawh doet uhy, “Hanakaw saithainaak ing vawhkaw ik-oeihkhqi ve na sai? Vawhkaw saithainaakkhqi ve u ing ani peek?,” tina uhy.  
\v 24 Jesu ing, “\wj Awi pynoet ni doet khqi cang vang. Nami nim hlat awhtaw, hanakaw saithainaak ing vemyih ik-oeihkhqi ka sai tice nik kqawn pek khqi kawng. \wj* 
\v 25 \wj Johan a Baptisma ce hana kaw nu ce? Hana kawng a law, khawk khan nakaw nu am awhtaw thlang a ven awhkawng nu?”\wj* tinak khqi hy.  
\p Cawh a mimah ingkaw a mimah ce doet qu unawh, “Khawk khan benna kaw niti naak man, 'cawhtaw kawtih amna mik cangnaak,' niti nak khqi kaw.  
\v 26 Thlang a ven awhkawng ni, niti bai man thlang nik kqih koek bai, thlang kqeng ing Johan ce tawngha ni a mi ti a dawngawh,” ti uhy.   
\p
\v 27 Cedawngawh, “Am sim nyng,” tina uhy. Cawh Jesu ing, “\wj Cawhtaw hana kaw saithainaak ing vemyih ik-oeihkhqi ka sai, tice ap kqawn hly lawt nyng,\wj*” tinak khqi hy.   
\s1 Capa Pakkhih Nyttahnaak  
\p
\v 28 “\wj Ikawmyihna nangmih ing namik poek? Cakpa pakhih ak ta ak thlang pynoet awm hy. A capa a hqam a venawh cet nawh, 'Ka capa, tuhngawi awh misur dum na cet nawh bibi lah,' tina hy. \wj* 
\v 29 \wj Am cet tikawng,' tina hlai hy ahu na ak kaw hlat nawh cet tlaih hy. \wj* 
\v 30 \wj Cekcoengawh a pa ce a capa ak chang a venna cet bai nawh ce amyihna tina bai hy. Anih ingtaw, 'cet bit kawng,' tina hy, cehlai am cet hy. \wj* 
\v 31 \wj “Ce pakhih ak khuiawh u ing nu a pa ak kawngaih a sai?”\wj* tinak khqi hy.  
\p Cekkhqi ing, “Lamma awhkawng,” tina uhy.  
\p Jesu ing a mingmih a venawh, “\wj Awitak ka nik kqawn peek khqi, mangmu ak cawikungkhqi ingkaw pum ak zawikhqi ing nangmih ve Khawsa qam khuina ni cehtaak khqi kaw ve. \wj* 
\v 32 \wj Ikawtih Johan ce nangmih dyngnaak lam ak huh na law hy, cehlai nangmih ing am cangna uhyk ti, mangmu ak cawikhqi ingkaw a pum ak zawikhqi ing cangna uhy. Ve ve hu hawh utik seiawm, am zut utik saw anih ce am cangna u hyk ti. \wj*   
\s1 Misur Dum Ingkaw Lokung  
\p
\v 33 \x - \xo 21:33 \xt Is. 5.1,2.\x*\wj Nyhtahnaak awi ak chang pynoet ve ngai bai lah uh: Dum ak takung thlang pynoet awm nawh anih ing misur ce ling hy. Dum ce chung hqeet nawh, misur suinaak ce co nawh a qehnaak ipsang ce sa hy. Cekcoengawh loh phlo thlangkhqi ce dum awh bibi sak aham a ceei coengawh amah ce khawk hla na cet valh hy. \wj* 
\v 34 \wj Misur qah bih tym a pha awh, misur qah ak bit aham a tyihzawih thlangkhqi ce dum qehkungkhqi venna tyi hy. \wj* 
\v 35 \wj Dum awh bi ak bikhqi ing cawhkaw tyihzawihkhqi ce tu unawh pynoet ce vyk uhy, pynoet ce him uhy, pynoet bai ce lung ing khaawng uhy. \wj* 
\v 36 \wj Cawh dum ak takung ing lamma awhkawng lak awh tyihzawih ak chang khawzah ce tyi bai hy, cehlai dum awhkaw bi ak bikhqi ing ak cyk awhkaw amyihna sai tlaih bai hy. \wj* 
\v 37 \wj A hukhit nataw cekkhqi venawh amah a capa ce tyi hy. 'Ka capa taw kqihchah na bit kawm uh,' tina poek hy. \wj* 
\v 38 \wj Cehlai cekkhqi ing, 'Vetaw qo ak pangkung ni ve. Law lah uh, him unawh a qo lawh pe usih,' ti uhy. \wj* 
\v 39 \wj Anih ce tu unawh ami him coengawh vawng ak kep na khaawng uhy. \wj* 
\v 40 \wj Cedawngawh, misur dum ak takung ce law nawh, cawhkaw dum awh bi ak bikhqi ce ikawmyihna a sai kaw?\wj* tinak khqi hy.   
\p
\v 41 Cekkhqi ing, “Cawhkaw thlak thawlhkhqi ce ak tlo soeih na him kawmsaw, cawhkaw misur dum ce a qah tym a pha awh ak thaih ak pe hly thai kawi thlak chang a venawh ceei kaw,” tina uhy.   
\p
\v 42 \x - \xo 21:42 \xt Sam 118.22,23.\x*Jesu ing cekkhqi venawh: “\wj Im ak sakungkhqi ing ami qoeng lung ce, a kil awhkaw ak khoeng soeih na awm hawh hy; ve ve Bawipa ing sai nawh, ningnih amik huh awh kawpoek kyi na awm hy, 'tinawh Awihciim awh ak awm ce am nami noet khawi nawh nu?' \wj* 
\v 43 \wj Cedawngawh ka nik kqawn peek khqi, cemyih lawtna nangmih a ven awhkawng Khawsa qam ve lawh na awm kawmsaw ak thaih ak qah sakkungkhqi venawh pe kaw. \wj* 
\v 44 \wj Vawhkaw lung awh ak bahkhqi taw kqek kawm usaw, lung ing ang tluuk khqi ce a dik a huina neet kaw,'\wj* tinak khqi hy.  
\v 45 Khawsoih boeikhqi ingkaw Farasikhqi ing Jesu a nyhtahnaak awi ce a ming zaak awh cekkhqi akawng ni ak kqawn hy tice sim uhy.  
\v 46 Anih a mim tunaak thai aham lam ce sui uhy, cehlai thlang kqeng ing anih ce tawngha ni, a mi ti a dawngawh thlang kqeng ce kqih uhy.   
\c 22  
\s1 Zulawh Poei Buh Veel Nyttahnaak  
\p
\v 1 Jesu ing cekkhqi venawh nyhtahnaak awi kqawn pek khqi tlaih hy:  
\v 2 \wj “Khan qam taw sangpahrang pynoet ing a capa aham zulawh poeoi a sai ing myih hy. \wj* 
\v 3 \wj Zulawh poei awh buh veel aham a tyihzawihkhqi ce tyi nawh thlang khy sak hlai hy, u awm law aham am ngaih uhy: \wj* 
\v 4 \wj Cekcoengawh ak chang tyihzawihkhqi awm tyi tlaih bai nawh, 'ka ceei thlangkhqi venawh, buh veel aham qoek abah oepchoeh hawh nyng. Zulawh poei buh veel aham law uh tina uh, tinak khqi hy. \wj* 
\v 5 \wj Cehlai kawna awm am ngai pe unawh, a mimah a ngaih ngaih na cehta uhy. Pynoet ing lo na cehta nawh, pynoet ing ak chang bibinaak na cehta hy. \wj* 
\v 6 \wj Ak chang ak awm tloek ing cawhkaw tyihzawihkhqi ce tu unawh, thekhanaak ing chah phyih sak unawh him uhy. \wj* 
\v 7 \wj Sangpahrang ing ce ce ang zaak awh ak kaw so hy. A qalkapkhqi ce tyi nawh thlang ak himkhqi ce a him sak coengawh, cekkhqi a khaw ce mai ing dawi sak hy. \wj* 
\v 8 \wj Cekcoengawh a tyihzawihkhqi venawh, zulawh poei buh taw oepchoeh na awm hawh hy, cehlai ka ceei thlangkhqi ce buh veel aham am kawih uhy. \wj* 
\v 9 \wj Cedawngawh lamkilkhqi awh cet unawh thlang nami huh saqui ce buh veel aham ceei law uh, tina hy. \wj* 
\v 10 \wj Cedawngawh tyihzawihkhqi ce lam saqui awh cet unawh ami huh saqui thlangkhqi ce cawi uhy, thlak che awm thlak leek awm, zulawh poei buh ce ak behyp na veel uhy. \wj* 
\v 11 \wj Cehlai sangpahrang ing khinkhqi toek aham a law awh, zulawhnaak hi amak bai thlang pynoet ce hu hy. \wj* 
\v 12 \wj A venawh, 'ka pyi, ikawmyihna zulawhnaak hik kaana vawh na lut law?' tina hy. Cawh anih ce awi am pau qoe hy. \wj* 
\v 13 \wj Sangpahrang ing a tyihzawihkhqi venawh, vawhkaw thlang ve a kut a khaw pin pe unawh, kqangnaak ingkaw hatahnaak a awmnaak a leng ben khawmthannaak na ce khaawng uh, tinak khqi hy. \wj* 
\v 14 \wj Ikawtih khawzah khy hlai hy, ak tyh taw a khoehca ni\wj*, tina hy.   
\s1 Khawsa Them Ingkaw Kaisar Them  
\p
\v 15 Cawh Farasikhqi ce cet unawh anih ak awih kqawnnaak awh a thawlhnaak tu peek aham doet qu uhy.  
\v 16 A mimah a hubatkhqi ingkaw Herod a hubatkhqi ce Jesu a venna tyi uhy. Cekkhqi ing, 'Cawngpyi kung', nang taw ak thym kqawn nawh Khawsa lam ce awitak ing cawngpyi hyk ti tice sim unyng. Thlang ak kawngaih awm am qoei tiksaw, a u a haai awm am toek hyk ti.  
\v 17 Ikawmyihna nak poeknaak kqawn law lah? Kaisar a venawh mangmu peek ve ak thym nu? tina u hy.  
\v 18 Cehlai Jesu ing a mingmih ang cainaak amak leek ce sim nawh, “\wj Nangmih thlang qaai kqawnkhqi', kaw hamna kai a thawlhnaak tu aham nami sui? \wj* 
\v 19 \wj Mangmu na nami peek tangka ce nim huh lah uh,”, \wj*tinak khqi hy.  
\p A mingmih ing denari pynoet ce khyn pe uhy,  
\v 20 cawh anih ing, \wj “U ang myihlip nu ve? U ang ming nu a mi qee ve?”\wj* tinak khqi hy.  
\v 21 Cekkhqi ing, “Kaisar,” tina uhy. Cawh anih ing, \wj “Kaisar a them ce Kaisar a venawh pe unawh, Khawsa a them ce Khawsa venawh pe uh,\wj*” tinak khqi hy.  
\v 22 Ce ak awi ce a ming zaak awh, amik kawpoek kyi hy. Cedawngawh anih ce cehta unawh ak chang na cen uhy.   
\s1 Thawhtlaihnaak Ingkaw Sadduceekhqi  
\p
\v 23 \x - \xo 22:23 \xt Cei 23.8.\x*Ce nyn awh ce thlak thi thawh tlaihnaak am awm hy amik ti Sadusikhqi ce a venna law unawh awi doet uhy.  
\v 24 \x - \xo 22:24 \xt Deut. 25.5.\x*Cawngpyikung, thlang pynoet ing a ca ataak kaana a thih man a naa ing anih a zu ce zu na kawmsaw anih aham ca taak pekaw, tinawh Mosi ing nik kqawn pek khqi hy.  
\v 25 Kaimih anglakawh cingnahqui thlang khqih awm hy. Lamma cyk ing a zu lo moe ca taak kaana thih tahy, cedawngawh a zu ce a naa ing pang hy.  
\v 26 Cemyihna a voei hihnaak, am thumnaak ingkaw ak khqihnaak dyna awm hqui hy.  
\v 27 Ahu na taw cawhkaw nu ce awm thi lawt hy.  
\v 28 Cawhtaw thawh tlaih nyn awh cawhkaw nu ce khqih ak khuiawh a u a zu na nu a awm kaw, zu na boeih u saw? tina uhy.   
\p
\v 29 Jesu ing, \wj “Khawsa a cak ciim ingkaw Khawsa a saithainaak am nami sim a dawngawh, nangmih ing poek thawlh hawh u hyk ti. \wj* 
\v 30 \wj Thawh tlaihnaak nyn awh chungvanaak ingkaw zulawhnaak awm am awm voel kaw; khawk khan awhkaw khan ceityihkhqi amyihna va awm hawh kawm uh. \wj* 
\v 31 \wj Thlak thikhqi thawh tlaihnaak awh, Khawsa ing nangmih a venawh ak kqawn law ce am nami noet nawh nu. \wj* 
\v 32 \wj Kai taw Abraham Khawsa, Isaak Khawsa, Jakob Khawsa na awm nyng, a tice? Anih cetaw thlak thikhqi a Khawsa am nawh ak hqingkhqi a Khawsa ni,”\wj* tinak khqi hy.  
\v 33 Thlang kqeng ing anih ak awi ce a ming zaak awh a cawngpyinaak awh amik kawpoek kyi hy.   
\s1 Aanaa Awi Akung Soeih  
\p
\v 34 Jesu ing Sadusikhqi awi am pau sak khqi qoe hy, tice Farasikhqi ing a ming zaak awh, pynoet na cun uhy.  
\v 35 A mingmih ak khuiawh anaa awi ak thoem thlang pynoet ing anih ce noek adak nawh doet hy.  
\v 36 “Cawngpyikung, anaa awi ak khuiawh ikawmyih awipeek nu ak bau soeih?” tina uhy.  
\v 37 \x - \xo 22:37 \xt Deut. 6.5.\x*Jesu ing, “\wj Bawipa na Khawsa ce nak kawlung boeih, na hqingnaak boeih, na lingbyi boeih ing lungna kawp ti”. \wj* 
\v 38 \wj Ve ve awipeek lamma cyk ingkaw ak bau soeih na awm hy. \wj* 
\v 39 \wj A pakhihnaak taw vemyihna awm hy: 'Na imceng ce namah a pum amyihna lungna lawt kawp ti,' tive ni. \wj* 
\v 40 \x - \xo 22:40 \xt Luke 10.25-28.\x*\wj Anaa awi boeih ingkaw tawnghakhqi ak awi boeih vawhkaw awipeek pakhih awh cui boeih hawh hy,”\wj* tina hy.   
\s1 Khrih Ve U Capa Nu  
\p
\v 41 Farasikhqi ce pynoet na a ming cun awh, Jesu ing doet khqi hy,  
\v 42 “\wj Khrih akawng ve ikawmyihna namik poek?”\wj* tinak khqi hy.  
\p A mingmih ing, “David capa,” tina uhy.   
\p
\v 43 Jesu ing a mingmih a venawh, “\wj Cawhtaw ikawmyihna David ing, Myihla ak caming anih ce, “Bawipa,” a ti bai hy voei? Anih ing, \wj* 
\v 44 \x - \xo 22:44 \xt Sam 110.1.\x*\wj Bawipa ing ka Bawipa a venawh: Na qaalkhqi ce ka khawk kaina ka taak hlan dy, kak tang ben awh ngawi lah, a tice. \wj* 
\v 45 \wj David ing anih ce 'Bawipa' tinawh ak khy awhtaw, ikawmyihna anih ce a capa na a awm hly thai hy voei?\wj* tinak khqi hy.   
\p
\v 46 U ingawm anih a doetnaak ce khang oet awm am hlat pe thai uhy, ce nyn awhkawng taw u ingawm awi am doet hqa voel hy.   
\c 23  
\s1 Beeknaak Amak Thym  
\p
\v 1 Cekcoengawh Jesu ing thlang kqeng ingkaw a hubatkhqi venawh awi kqawn pehy.  
\v 2 \wj “Vemyihna tina hy, “Anaa awi cawngpyikungkhqi ingkaw Farasikhqi ing Mosi a ngawihdoelh awh ngawi uhy. \wj* 
\v 3 \wj Cedawngawh a mingmih ing amik kqawn saqui ce ngai pe kawm utik saw sai pe kawm uk ti. Cehlai a mingmih amyihna ik-oeih koeh sai law uh, a mingmih ingtaw a mimah ing amik kqawn ce am sai uhy. \wj* 
\v 4 \wj A mimah a phyihqih ak qih soeih ce thlang ak phleng awh tloeng pe uhy, cehlai a mimah ingtaw ami kutply kangnaa ingawm cawhkaw ik-oeihkhqi ce thoeih aham am ngaih uhy. \wj* 
\v 5 \wj Ik-oeih soepkep ami sai ce thlang a huh aham doeng ni ami sai hy: Ami talqi ingkaw ami baan awhkaw a bawm taw ak tla soeih na sai unawh ami hibai ce a vawkthawk na tlaak sak uhy; \wj* 
\v 6 \wj poei buhkungkhqi awh thlang a zoeksang ngaih unawh Sinakawk khqang awh ngawihnaak ak nep nep ingkaw; \wj* 
\v 7 \wj ik-oeih zawihnaak hyn awh thlang ing kqihchahnaak a peek khqi, 'Cawngpyikung' tinawh amik khykhqi ce lungna uhy. \wj* 
\v 8 \wj Nangmih taw Boei pynoet doeng ni nami taak hy, nangmih taw cingnahqui na awm u hyk ti, cedawngawh nangmih ce, 'Cawngpyikung' tinawh am nik khy khqi tikaw. \wj* 
\v 9 \wj Cekcoengawh khawmdek awh 'ka pa' tinawh koeh khy law uh, kawtih nangmih taw khawk khan na ak awm Pa pynoet doeng ni nami taak. \wj* 
\v 10 \wj 'Cawngpyikung' am ti kawm uk ti, cawngpyikung pynoet doeng ni nami taak, anih taw Khrih ni. \wj* 
\v 11 \wj Nangmih ak khuiawh ak bau soeih taw nangmih a tyihzawih na awm seh. \wj* 
\v 12 \x - \xo 23:12 \xt Luke 14.11; 18.14.\x*\wj U awm amah ingkaw amah ak zoeksang qu taw ak kaina thlaak na awm kawmsaw, u awm ak kaina ak awm taw zoeksang na awm kaw. \wj* 
\v 13 \wj Nangmih qaai kqawn Farasikhqi ingkaw anaa awi cawngpyikung khqi, khaw map uhyk ti! Nangmih ing thlang a haiawh khan qam ce khaih pe uhyk ti. Na mimah awm am kun uhyk ti. \wj* 
\v 14 \wj Nangmih qaai kqawn anaa awi cawngpyikungkhqi ingkaw Farasikhqi khaw map uhyk ti! Nuhai cakhqi imkhqi ce qawt pe unawh, thlang a huh awh ak dung soeih na cykcah uhyk ti. Cedawngawh nangmih ve khawzah khqoet thawlh kawm uk ti. \wj* 
\v 15 \wj Nangmih qaai kqawn anaa awi cawngpyikungkhqi ingkaw Farasikhqi khaw map uhyk ti! Thlang pynoet qung nami huhnaak thai aham tuicunli ingkaw khawmdekkhqi leh plep unawh cet uhyk ti, thlang ce nami huh awhtaw na mimah let hih hell aca na sai uhyk ti. \wj* 
\v 16 \wj Nangmih sawikung mikhyp tloek, khaw map uhyk ti! U ingawm bawkim ang ming phoei nawh awi a kam awhtaw ikawna awm am coeng lawk hy; cehlai u ingawm bawkim awhkaw sui ang ming phoei nawh awi a kam awhtaw, ak awi ngaan hy, ti uhyk ti. \wj* 
\v 17 \wj Nangmih mikhyp thlakhqawkhqi! Hannu ak bau khqoet: sui nu, am awhtaw sui ak ciimcaih sak bawkim nu? \wj* 
\v 18 \wj Bawkthang ang ming phoei nawh awi a kam awhtaw kawna am coeng hy; cehlai ce bawkthang ak khan awhkaw zoepeek ik-oeih ang ming phoei ing awi a kam awhtaw, ak awi ce ngaan hy ti bai uhyk ti. \wj* 
\v 19 \wj Nangmih mikhypkhqi! Hannu ak bau khqoet: Ak khan awhkaw zoepeek ik-oeih nu, am awhtaw ak khan awhkaw ak ciimcaih sak bawkthang ce nu? \wj* 
\v 20 \wj Cedawngawh, u ingawm bawkthang ang ming phoei nawh awi a kam awhtaw bawkthang ingkaw ak khan awhkaw ak awm them pek ang ming phoei ing awi kam haih hawh hy. \wj* 
\v 21 \wj U ingawm bawkim ang ming phoei nawh awi a kam awhtaw bawkim ingkaw ak khuiawh ak awm ingqawi ang ming phoei nawh awi kam haih hawh hy. \wj* 
\v 22 \x - \xo 23:22 \xt Is. 66.1; Mat 5.34.\x*\wj U awm khan ang ming phoei nawh awi a kam awhtaw Khawsa a ngawihdoelh ingkaw ak khan awhkaw ak ngawi ang ming phoei ing awi kam haih hawh hy. \wj* 
\v 23 \x - \xo 23:23 \xt Lev. 27.30.\x*\wj Nangmih qaai kqawnkhqi ingkaw anaa awi cawngpyikungkhqi ingkaw Farasikhqi, khaw map uhyk ti! Nangmih ing sawngsingkhqi, cynqykkhqi ingkaw paipoengkhqi dyna pahqa awh pynoet ce pe uhyk ti. Cehlai anaa awi awhkaw awihtung na ak awm - thymnaak, qeennaak ingkaw ypawmnaakkhqi ce kawna am ngai uhyk ti. Lamma awhkawk khqi ce dalqa naak kaana ahu awhkawk khqi ve awm nami sai aham awm hy. \wj* 
\v 24 \wj Nangmih sawikung mikhypkhqi! Pica taw ciit hlai uhyk ti kalauk ce daih lat hawh uhyk ti. \wj* 
\v 25 \wj Nangmih anaa awi cawngpyikungkhqi ingkaw Farasi thlak qaai kqawnkhqi khaw map uhyk ti! Caboei ingkaw beei ce ak khan ben taw sil hawh hlai uhyk ti, ak khui ben taw qaai kqawnnaak ingkaw a pyh ngaihnaak ing be uhyk ti. \wj* 
\v 26 \wj Farasi mikhypkhqi! Caboei ingkaw beei ak khui ben ce sil ma cang uh, cawhtaw ak khan ben ce awm ciimcaih kaw. \wj* 
\v 27 \x - \xo 23:27 \xt Cei 23.3.\x*\wj Nangmih anaa awi cawngpyikungkhqi ingkaw Farasi thlak qaai kqawnkhqi khaw map uhyk ti! Phyi, ak khan awh a baawk ing thuut nawh ak khan awh ni toek awhtaw nep soeih hlai hy, ak khui awhtaw thlak thi a quh ingkaw amak caih a soep a hoei ing ak be ing myih uhyk ti. \wj* 
\v 28 \wj Cemyih lawtna nangmih ve ak khan ben awhtaw thlak dyng amyihna awm hlai uhyk ti, ak khui ben awhtaw qaai kqawnnaak, thawlhnaak ing be uhyk ti. \wj* 
\v 29 \wj Nangmih anaa awi cawngpyikungkhqi ingkaw Farasi thlak qaai kqawnkhqi khaw map uhyk ti! Tawngha khqik phyi ce sa u tiksaw thlak dyngkhqik phyi taw thawi a cam uhyk ti. \wj* 
\v 30 \wj Nukdam pakdamkhqi khuk awh ana awm mai nyng seiawm, tawnghakhqi thisen lawng saknaak awh amna paa ti kawng, ti uhyk ti. \wj* 
\v 31 \wj Tawnghakhqi ak himkung a cadil na nami awmnaak ce na mimah ing dyih pyi nawn hawh uhyk ti. \wj* 
\v 32 \wj Nami pakdamkhqi thawlh ang lawngnaak ce be sak ngala hlah uh. \wj* 
\v 33 \wj Nangmih khquikhqi! Kqui a cadilkhqi! Ikawmyihna hell khui awhkawng nami loet pai kaw? \wj* 
\v 34 \wj Cedawngawh tawnghakhqi, thlak cyikhqi ingkaw cawngpyikungkhqi ce tyi law kawng. A vang ce him kawm u tiksaw thinglam awh taai kawm uk ti. \wj* 
\v 35 \wj Cedawngawh nangmih ak khan awh thlak dyng Abel awhkawng bawkim ingkaw bawkthang anglakawh nami him Berekiah a capa Zekariah dyna khawmdek awh ak lawng thlak dyngkhqi boeih a thi ce nangmih ak khan awh awm kaw. \wj* 
\v 36 \wj Awitak ka nik kqawn peek khqi, vemyihkhqi boeih ve vawhkaw cadilkhqik khan awh law kaw. \wj*   
\s1 Jesu Ing Jerusalem Ak Kqahnaak  
\p
\v 37 \wj Aw Jerusalem, Jerusalem, nang tawnghakhqi ak himkung ingkaw na venawh tyih na ak awmkhqi lung ing ak deepkung, aainu ing a cakhqi ang hlak khuiawh a khawl a cui amyihna, na cadil izah nu khawl a cui aham ang hlah ce, cehlai nang ingtaw am ngaih hyk ti. \wj* 
\v 38 \x - \xo 23:38 \xt Jer. 22.5.\x*\wj Toek lah na im ve a hqawng nani cehtaak hyt na a awm hawh hy. \wj* 
\v 39 \wj Ikawtih ka nik kqawn peek khqi, ‘Bawipa ming ing ak law taw a zoseen hy,’ tinawh nak kqawn hlan dy taw kai ve amni hu voel kawm uk ti,”\wj* tina hy.   
\c 24  
\s1 Atym Boeih Noeknaak  
\p
\v 1 Jesu ing bawkim ce cehta nawh ak chang na cet hy, cawh a hubatkhqi ing bawkim huh aham a venna law uhy.  
\v 2 Cekkhqi na ce, \wj “Vawhkaw ik-oeihkhqi boeih ve nak hu nu? Awitak ka nik kqawn peek khqi, vawhkaw lung ak phoeng qu ve pynoet awm am awm kaw, khaawng boeh boeh kawm uh,”\wj* tinak khqi hy.  
\v 3 Jesu ing Olive tlang awh ang ngawih awh, a hubatkhqi ce a venna law dym uhy. “Vawhkaw ik-oeih ce ityk awh nu a awm kaw, nang na lawnaak ingkaw tym a dyt hatnaak ce kawmyihna a awm kaw, kqawn law lah,” tinawh doet uhy.  
\v 4 Jesu ing, \wj “Thlang ing ama ni thainaak khqi aham nami cyih ta lah uh. \wj* 
\v 5 \wj Ikawtih kai ang ming ing thlang khawzah law kawm usaw, 'Kai ni Khrih,' ti kawm uh, thlang khawzah ce thai na kawm uh. \wj* 
\v 6 \wj Qaal tuknaak ingkaw cem a qaal awithang ce za hlai kawm uk ti koeh ly uh. Cemyih ik-oeihkhqi ce ak awm hly qoe ni, cehlai a dytnaak ce law hyn kaw. \wj* 
\v 7 \wj Thlang phyn ingkaw thlang phyn tuk qu kawm usaw, qam ingkaw qam awm tuk qu kawm uh. Penglum awh khaw se kawmsaw lipi tlaai kaw. \wj* 
\v 8 \wj Vemyihkhqi taw naa a awm hly awhkaw tlawh ak kqannaak hyn mai ni. \wj* 
\v 9 \x - \xo 24:9 \xt Mat 10.22.\x*\wj Thlangkhqi ing thekhanaak aham ingkaw thih sak aham thlang a kut awh ni pek khqi kawm uh, kai a dawngawh thlang phyn boeih ing nangmih ce ni sawh nak khqi kaw. \wj* 
\v 10 \wj Cawh thlang khawzah ing cangnaak ce a mi cehtaak coengawh a mimah ingkaw a mimah nawn ce thak qu kawm usaw sawh qu na kawm uh, \wj* 
\v 11 \wj tawngha qawl khawzah awm kawmsaw thlang khawzah ce thai na kawm uh. \wj* 
\v 12 \wj Thawlhnaak a pung hqui hawh a dawngawh, lungnaak awm sit hawh kaw, \wj* 
\v 13 \x - \xo 24:13 \xt Mat 10.22.\x*\wj cehlai ang dyt dyna ak dyi phat khqi taw thaawng na awm kawm uh. \wj* 
\v 14 \wj Ce qam awithang leek ve thlang phyn boeih a venawh simpyikung na a awmnaak thai aham, khawmdek penglum awh khypyi na awm kaw, cekcoengawh a dytnaak ce law kaw. \wj* 
\v 15 \wj Cedawngawh nangmih ing hyn caih khuiawh, Daniel ing anak kqawn amyihna - ak noetkung ing zasim seh - 'qam ak sit sak tuih ak awm ik-oeih,' ce nami huh awh, \wj* 
\v 16 \wj Judah qam khuiawh ak awmkhqi ce tlang na cen u seh. \wj* 
\v 17 \x - \xo 24:17 \xt Luke 17.31.\x*\wj Iptih na ak awmkhqi ing ik-oeih ak lo na koeh kqum voel seh. \wj* 
\v 18 \wj Lo na ak awm thlang ing a hi ak lo na koeh hlat qoe voel seh. \wj* 
\v 19 \wj Cawh ak phyihsukhqi ingkaw naa ak pawm nukhqi aham ikawmyih aih nanu a kyi kaw! \wj* 
\v 20 \wj Cawhkaw nangmih nami cennaak hly a tym ce chikca ingkaw sabath nyn awh ama pha law naak aham cykcah uh. \wj* 
\v 21 \wj Ikawtih khawmdek a awm cyk awhkawng amak awm man ingkaw ityk awh awm amak awm hly voel kyinaak ce am law kaw. \wj* 
\v 22 \wj Cawhkaw khawnyn ce ama tawi sak awhtaw, u awm am syng tikaw, cehlai ak tyh thlangkhqi ak caming a khawnyn ce tawi sak kaw. \wj* 
\v 23 \wj Cawh u ingawm, 'Vawh ni Khrih a awm,' am awhtaw 'cawh ni a awm,' ani tinaak khqi awhtaw koeh cangna uh. \wj* 
\v 24 \wj Khrih na ak sa qukhqi ingkaw tawngha qawl khqi awm kawmsaw, ang coeng thai mantaw ak tyh thlangkhqi za thainaak aham hatnaak ak bau soeihkhqi ingkaw kawpoek kyi ik-oeihkhqi ce sai kawm uh. \wj* 
\v 25 \wj Ngai lah uh, oepchoeh cana kqawn law hawh nyng ve. \wj* 
\v 26 \wj “Thlang ing, 'kqawng na ni, anih a awm,' ani tinaak khqi awhtaw, koeh cawn uh; cemyih am awhtaw, 'Ipkhui awh ni anih a awm,' ami ti awh awm koeh cangna uh. \wj* 
\v 27 \wj Khawlaw benna khaw a phla awh khawng tlaak dyna ni huh amyihna thlanghqing Capa a law awh ce amyihna awm lawt kaw. \wj* 
\v 28 \x - \xo 24:28 \xt Luke 17.37.\x*\wj Sa qaawk a awmnaak hoei awh, langtahkhqi ce awm kawm uh. \wj* 
\v 29 \x - \xo 24:29 \xt Is. 13.10; Joel 2.10,31; 3.15; Awph 6.12; \xt Is. 13.10; Ezek. 32.7; Joel 2.10; 3.15; \xt Is. 34.4; Awph 6.13.\x*\wj Kyinaak khawnynkhqi ce a awm coengawh, 'khawmik ce than kawmsaw khan sai thainaakkhqi ce thloek kaw'. \wj* 
\v 30 \x - \xo 24:30 \xt Dan. 7.13; Zech. 12.10-14; Awph 1.7.\x*\wj Cawh thlanghqing Capa a hatnaak ce khawk khan awh dang kaw, khawmdek awhkaw thlang phynkhqi boeih ce khy am kqang kawm uh. Thlanghqing Capa ing boeimang saithainaak ing khawk khan myi awhkawng a law ce hu kawm uh. \wj* 
\v 31 \wj Anih ing ak khan ceityihkhqi ce uut ak awi ing tyi kawmsaw, khawk khan pynoet ben a dytnaak awhkawng pynoet ben dyna, ak tyh thlangkhqi ce khawmdek kili awhkawng caawi kaw.\wj*   
\s1 Thai Thingawh Noeknaak  
\p
\v 32 \wj Thai thing awhkawng ve ve cawng lah uh: a paang awh keh nawh a hahno ak cawn awhtaw, khawhqai tym zoe hawh hy ti sim uhyk ti. \wj* 
\v 33 \wj Cemyih lawtna, nangmih ing vawhkaw ik-oeihkhqi boeih ve nami huh awh, anih taw zoe hawh hy, chawmkeng awh dyi hawh hy, tice sim uh. \wj* 
\v 34 \wj Awitak ka nik kqawn peek khqi, vawhkaw ik-oeihkhqi a awm hlan dy taw ve a khuk awhkaw thlangkhqi ve am khum kawm uh. \wj* 
\v 35 \wj Khawk khan ingkaw khawmdek taw khum hlai voei, kak awi taw am khum qoe qoe tikaw. \wj* 
\v 36 \wj Cawhkaw khawnyn ingkaw a tym ce u ingawm am sim hy, khawk khan nakaw khan ceityihkhqi ingawm, Capa ingawm am sim hy, Pa doeng ing ni a sim. \wj* 
\v 37 \wj Noah a khuk awhkaw amyihna, thlanghqing Capa a law awh awm lawt kaw. \wj* 
\v 38 \wj Tuiliu a law hlanawh thlangkhqi ing ai unawh aw uhy, chungva qu unawh zulawh poeikhqi sai uhy, Noah ing lawng khuina a lut dy ce amyihna awm uhy; \wj* 
\v 39 \x - \xo 24:39 \xt Gen 7.6-24.\x*\wj tuiliu a law hlan dy awhtaw ikaw ak law kaw, tice am sim uhy, cawh tuiliu ing a mingmih ce khyn khqi boeih hy. \wj* 
\v 40 \wj Thlang pakhih lo awh awm kawm nih; pynoet ce lo kawmsaw pynoet ce cehta kaw. \wj* 
\v 41 \wj Nu pakhih sum deeng kawm nih; pynoet ce lo kawmsaw pynoet ce cehta kaw. \wj* 
\v 42 \wj Cedawngawh ityk awh na Bawipa a law kaw tice am nami sim a dawngawh qalqiing ing awm lah uh. \wj* 
\v 43 \x - \xo 24:43 \xt Luke 12.39,40.\x*\wj Cehlai ve ve sim lah uh: ip takung ing ityk awh quk-ai a law kaw tice a sim oet oet mantaw, ak nep na ana qeh kawmsaw a im ce am muk sak kaw. \wj* 
\v 44 \wj Cedawngawh nangmih awm qalqiing na awm lah uh, nangmih ing am namik poek tym awh thlanghqing Capa ce law kaw. \wj* 
\v 45 \wj Cawhtaw tyihzawih ypawm thlak cyi, a boeipa ing a ipkhui awhkaw a tyihzawihkhqi boeih ak khan awh ukkung na ta nawh a tym a khoek awh a mingmih buh a an peek aham a taak thlang ce u hy voei nu ce? \wj* 
\v 46 \wj Cemyihna ik-oeih ak sai, boeipa ing ang voei awh a huh tyihzawih cetaw a zoseen kaw. \wj* 
\v 47 \wj Awitak ka nik kqawn peek khqi, a khawhthem ik-oeihkhqi boeih ak khan awh anih ce ukkung na ta kaw. \wj* 
\v 48 \wj Cehlai cawhkaw tyihzawih ce thlak che na awm nawh, 'Ka boeipa taw ak hla nani a awm,' \wj* 
\v 49 \wj tinawh tyihzawih ak changkhqi ce a vyk coengawh zukhqui thlangkhqi mi zu ce aw mai lah seh. \wj* 
\v 50 \wj A boeipa ce amak poek a khawnyn ingkaw ama sim a tym awh ce law plak kaw. \wj* 
\v 51 \wj A boeipa ing anih ce chawm kawmsaw thlang qaai kqawnkhqi a huh hly kawi ce huh sak lawt kaw, ce a hyn awh kqangnaak ingkaw haatahnaak ce awm kaw.\wj*   
\c 25  
\s1 Nula Thlang Qha Nyttahnaak  
\p
\v 1 \wj Cawh khan qam taw nulak cym thlang pahqa ing zuk lokung do aham mai-im pawm unawh ak cetkhqi ing myih qu kaw. \wj* 
\v 2 \wj Cekkhqi ak khuiawh pumha tloek taw qaw unawh pumha tloek taw cyi uhy. \wj* 
\v 3 \wj Ak qaw tloek ingtaw mai-im ce khyn lawt hlai uhy maitui am khyn uhy. \wj* 
\v 4 \wj Cehlai ak cyi tloek ingtaw maitui ingkaw a uum ce mai-im ingqawi khyn qen uhy. \wj* 
\v 5 \wj Zuk lokung ama law hqet a dawngawh, a mingmih boeih ce ami mik ku nawh ip uhy. \wj* 
\v 6 \wj Thanlung law awhtaw, zuk lokung law hawh hy,! Ak do na cet hlah uh! tinawh khy na awm hy. \wj* 
\v 7 \wj Cawh nulak cyikhqi boeih ce tho unawh mai-im ce dawi uhy. \wj* 
\v 8 \wj Nulak qaw tloek ing ak cyikhqi venna, maitui ni pe thoem lah uh, mai-im thi hawh kaw ve, tinak khqi uhy. \wj* 
\v 9 \wj Ak cyi tloek ing, 'Amni, nangmih ingkaw kaimih aham am khoek tikaw. Maitui ak zawikhqi venna cet unawh nami ham thlai cang uh,' tina uhy. \wj* 
\v 10 \wj Cehlai maitui ak thlai na ami ceh tloek awh, zuk lokung ce law hy. Oepchoeh na ak awm nulak cyikhqi taw zulawh poei khuina zuk lokung mi lut haih uhy. Cekcoengawh chawh ce khaai uhy. \wj* 
\v 11 \x - \xo 25:11 \xt Luke 13.25.\x*\wj Ahu na ak changkhqi ce law lawt uhy, 'Bawipa! Bawipa! kaimih chawh nim awng khqi lah! tina uhy. \wj* 
\v 12 \wj Cehlai anih ing, 'Awitak ka nik kqawn peek khqi, amni sim khqi nyng,' tinak khqi hy. \wj* 
\v 13 \wj Cedawngawh khawnghi ingkaw a tym ce am nami sim a dawngawh qalqiing na awm lah uh. \wj*   
\s1 Talen Nyttahnaak  
\p
\v 14 \wj Cek coeng bai awh khan qam taw thlang pynoet ing qam ak hla soeih na cet nawh, a tyihzawihkhqi ce ak khy coengawh cekkhqi venawh khawhthem a khoem sak ing myih hy. \wj* 
\v 15 \wj A mimah a saithainaak qip amyihna, thlang pynoet a venawh tangka talen pumha pehy, thlang pynoet a venawh tangka talen pakhih pe nawh ak chang pynoet a venawh talen pynoet pehy, cekcoengawh khawlawng na cet hy. \wj* 
\v 16 \wj Tangka talen pumha ak hu ing cet nawh cawhkaw tangka ing bi a binaak coengawh a meek pumha huh sih hy. \wj* 
\v 17 \wj Cemyih lawtna, tangka talen pakhih ak hu ingawm a meek pakhih huh sih bai hy. \wj* 
\v 18 \wj Cehlai tangka talen pynoet ak hu thlang ingtaw cet nawh, dek co nawh a boeipa a tangka ce thuh hy. \wj* 
\v 19 \wj Khawnghi khawqyt a di coeng awhtaw a mingmih a boeipa ce law nawh a tangka kawng ce kqawn hy. \wj* 
\v 20 \wj Cawh tangka talen pumha ak lo ing a meek pumha ce hawlaw nawh law hy. 'Bawipa talen pumha ni khoem sak hyk ti, toek lah a meek pumha huh sih nyng ve,'\wj* tina hy.  
\v 21 \wj 'A boeipa ing, nep hy, tyihzawih leek ingkaw ypawm! Ik-oeih a khoehca awh ypawm na na awm a dawngawh, ik-oeih khawzah ak khan awh ukkung na ni ta kawng. Na boeipa zeelnaak ak khuiawh kan lah! tina hy. \wj* 
\v 22 \wj Cekcoengawh tangka talen pakhih ak hu ce awm law nawh, 'Bawipa tangka talen pakhih ni khoem sak hyk ti; toek lah, a meek pakhih huh sih nyng ve!' tina hy. \wj* 
\v 23 \wj Bawipa ing, nep hy, tyihzawih leek ingkaw ypawm! Ik-oeih a khoehca awh ypawm na na awm a dawngawh, ik-oeih khawzah ak khan awh ukkung na ni ta kawng. Na boeipa zeelnaak ak khuiawh kan lah! tina hy. \wj* 
\v 24 \wj Cekcoengawh tangka talen pynoet doeng ak hu thlang ce law hy. 'Bawipa, nang taw thlak cyyp na awm hyk ti, am na sawnaak awh awm aat tiksaw, camci am nak thehnaak awh awm cawi hyk ti. \wj* 
\v 25 \wj Ka nik kqih dawngawh cet nyng saw nang a tangka ce dek khuina thuh nyng. Toek lah, na koe ve, tina hy. \wj* 
\v 26 \wj A boeipa ing, 'Nang thlak che tyihzawih thakdam! Kai ing am ka sawnaak awh aat nawh am kak thehnaak awh ka cawi ce sim zawk hyk ti my? \wj* 
\v 27 \wj Cawh man tangka ak thungkhqi kut awh ka tangka ve ta tiksaw ka law tlaih awh ka tangka ce a ca ingqawi ka huhnaak voei. \wj* 
\v 28 \wj A ven awhkaw talen ce lawh pe unawh talen pahqa ak ta a venawh pe uh. \wj* 
\v 29 \wj Ikawtih ak ta thlang a venawh sap pek khqoet kawmsaw khawzah ta kaw. Amak ta thlang cetaw, a taak ang cang awm lawh pe kaw. \wj* 
\v 30 \wj Kawna awm amak nyt tyihzawih thlang ce a leng ben thannaak na khawng uh, cawh ce kqangnaak ingkaw hatahnaak awm kaw, \wj*tina hy.   
\s1 Tuu Ingkaw Mee Pheknaak  
\p
\v 31 \x - \xo 25:31 \xt Mat 16.27; \xt Mat 19.28.\x*\wj “Thlanghqing Capa ing amah a boeimangnaak ingkaw khan ceityihkhqi boeih mi a law awh, khan boeimangnaak ngawihdoelh awh ngawi kaw. \wj* 
\v 32 \wj Thlang phynkhqi boeih a haaiawh cun kawm usaw, tuukhaikung ing mee ak khui awhkawng tuukhqi a hoep amyihna anih ing thlangkhqi ce pek a qee kaw. \wj* 
\v 33 \wj Tuukhqi ce ak tang benawh ta kawmsaw meekhqi ce ak cawng benawh ta kaw. \wj* 
\v 34 \wj Cekcoengawh sangpahrang ing ak tang ben awhkaw thlangkhqi venawh, 'Law lah uh, nangmih ka Pa ing zoseennaak a peek thlangkhqi, khawmdek a syn cyk awhkawng nangmih aham a sai cee qam ce pang lah uh. \wj* 
\v 35 \wj Kak phoen a cawih awh buh ni pe hyk ti, tui ka ngaih awh tui ni pe hyk ti, khin na ka awm awh ni pah sak hyk ti, \wj* 
\v 36 \wj hi ka ngaih awh hi ni bai sak hyk ti, ka tlawh awh ni hqip ni toek hyk ti, thawngim kang tlaak awh ni hqip hyk ti, tina kaw. \wj* 
\v 37 \wj Cawh thlak dyng ing a venawh, Bawipa, ityk awh nak phoen a cawih awh buh ka mi ni peek? Tui na ngaih awh tui ka mi ni peek? \wj* 
\v 38 \wj Ityk awh khin na awm nawh ka mi ni pah sak? Hik kaana na awm awh hi ka mi ni peek? \wj* 
\v 39 \wj Ityk awh na tlawh awh ka mi ni hqip? ti kawm uh. \wj* 
\v 40 \wj Cawh sangpahrang ing a mingmih a venawh, 'Awitak ka nik kqawn peek khqi, vawhkaw koeinaa ak zawi khytkhqi ak khuiawh pynoet a venawh ik-oeih nami saikhqi boeih ce kai a venawh nami sai hawh ni,' tinak khqi hy. \wj* 
\v 41 \wj Cekcoengawh ak cawng benawh ak awmkhqi venawh, nangmih khawsi ak hawikhqi ka ven awhkawng cet uh, qaai ingkaw ak khan ceityihkhqi aham a sai peek hyt kumqui mai khuina cet uh. \wj* 
\v 42 \wj Ikawtih kak phoen a cawih awh buh amni pe uhyk ti, tui ka ngaih awh tui amni pe uhyk ti, \wj* 
\v 43 \wj khin na ka awm awh am ni pah sak uhyk ti, hi ka ngaih awh hi amni pe uhyk ti, tlo nawh thawngim kang tlaak awh am ni hqip uhyk ti, tinak khqi kaw. \wj* 
\v 44 \wj Cawh cekkhqi ing, 'Bawipa, ityk awh nang nak phoen a cawih, tui na ngaih, khin na na awm, hi kaana na awm, na tlawh, thawngim tla nawh am ka mi bawm thai? tina kawm uh. \wj* 
\v 45 \wj Cawh anih ing, 'Awitak ka nik kqawn peek khqi, vawhkaw ak zawi khyt koeinakhqi aham am na sai ce kai aham am na sai hawh ni,' tinak khqi kaw. \wj* 
\v 46 \x - \xo 25:46 \xt Dan. 12.2.\x*\wj Cek coeng awhtaw a mingmih ce kumqui khuikhanaak a hyn na cet kawm usaw, thlak dyngkhqi taw kumqui hqingnaak ak khuina cet kawm uh,”\wj* tina hy.   
\c 26  
\s1 Jesu Him Ham Teng Uhy  
\p
\v 1 Jesu ing ve ak awikhqi ak kqawn coengawh, a hubatkhqi venawh,  
\v 2 \x - \xo 26:2 \xt Ex. 12.1-27.\x*”\wj Nami sim a myihna, Loentaak poei taw khaw hih voei doeng ni a ngaih hawh hy. Cawh thlanghqing Capa taw thinglam awh taai aham thlang a kut awh pe kawm uh,”\wj* tinak khqi hy.  
\v 3 Cawh khawsoeih boeikhqi ingkaw a hqamcakhqi ce khawsoeih boei soeih Kaiapha a im awh cun uhy.  
\v 4 Jesu ce zoek nawh am tu coengawh him aham kqawn uhy.  
\v 5 Cehlai poei khui awhtaw koeh sai usih, thlang kqeng anglakawh awipungnaak awm hau kaw, ti uhy.   
\s1 Bethany Khawawh Jesu Bawktui Ing A Syypnaak  
\p
\v 6 Jesu taw Bethany khaw awhkaw mynqai ak neh Simon a im na a awm awh,  
\v 7 \x - \xo 26:7 \xt Luke 7.37,38.\x*a venawh nu pynoet ing alabaster um awh bawktui a phu ak tlo soeih ce hawlaw nawh, caboei awh buh a veel huili awh syp na hy.  
\v 8 A hubatkhqi ing a mi huh awh, amik kaw so hy. Ikaw hamna vemyihna ak plak?  
\v 9 A phu khawzah na zawi nawh tangka ce hahqahkhqi pe thaw voei, ti uhy.   
\p
\v 10 Jesu ing ce amyihna a mi ti ce a sim awh, '\wj Ikaw hamna vawhkaw nu ve nami lawl plak? Anih ing them ak leek soeih ce kak khan awh sai hawh hy. \wj* 
\v 11 \x - \xo 26:11 \xt Deut. 15.11.\x*\wj Hahqahkhqi taw nangmih a venawh awm quiqah kawm uh, cehlai kai taw nangmih a venawh am awm phat tikawng. \wj* 
\v 12 \wj Vawhkaw nu ing bawktui ing ka pum a ni sypnaak vetaw ka qawk vyinaak aham a sai hawh ni. \wj* 
\v 13 \wj Awitak ka nik kqawn peek khqi, khawmdek pum awh vawhkaw awithang leek amik kqawnnaak hoei awh, anih ing kak khan awh a sai law ve amah simpoenaak aham kqawn kawm uh,”\wj* tina hy.   
\p
\v 14 Cawh a hubat thlanghqa hlaihih ak khui awhkaw thlang pynoet - Judah Iskariot ing, khawsoeih boei soeih a venna cet nawh  
\v 15 \x - \xo 26:15 \xt Zech. 11.12.\x*doet hy, nangmih a kut awh anih ce ka ni peek khqi awhtaw ikaw nami ni peek kaw? tina hy. Cekkhqi ing tangka sawmthum peek aham awi ta uhy.  
\v 16 Cekcoengawh Juda ing anih ce am tunaak thai aham a tym leek ce sui hy.   
\p
\v 17 Hen amak pa phaihpi poei a hyp oet naak nyn awh, a hubatkhqi ce Jesu a venna law unawh doet uhy, “Loentaak poei buh ainaak aham han awh nu sai sak aham na ngaih?” tina uhy.   
\p
\v 18 Anih ing, \wj “Khawk bau khui awhkaw thlang pynoet a venawh cet nawh cawngpyikung ing: ka tym taw zoeca hawh hy. Ka hubatkhqi mi loentaak poei buh na im na veel kawng u nyng, tihy tina,\wj*” tina hy.   
\p
\v 19 Cedawngawh Jesu ing ak kqawn peek amyihna a hubatkhqi ing loentaak poei ce sai pe uhy.  
\v 20 Khaw a my law awhtaw, a hubat thlanghqa hlaihih tloek mi buh veel uhy.  
\v 21 Buh a mi ai huili awh, a mingmih a venawh, \wj “Awitak ka nik kqawn peek khqi, nangmih ak khui awhkaw thlang pynoet ing kai ve thlang a kut awh ni thak kaw,”\wj* tinak khqi hy.   
\p
\v 22 Cawh a mingmih ce amik kaw se nawh a venawh, “Bawipa, kai aw?” tina uhy.   
\p
\v 23 \x - \xo 26:23 \xt Sam 41.9.\x*Jesu ing, \wj “Kai ingqawi beei ak zoep haih ing kai ve thlang nim tu sak kaw. \wj* 
\v 24 \wj Thlanghqing Capa taw amah akawng qee hyt na a awm hawh amyihna cet kaw. Cehlai thlanghqing Capa thlang a kut awh ak thakkung ce khaw na map hy! Anih ce ama thang mantaw nep bet hlai voei,”\wj* tina hy.  
\v 25 Cawh amah ce thlang a kut awh ak pe hly Juda ing, “Kai aw cawngpyikung?” tina hy. Jesu ing \wj “Oeih, nang hawh ni,” \wj*tina hy.   
\s1 Bawipa Mybuh  
\p
\v 26 Buh ami vel huili awh, Jesu ing phaihpi lo nawh, zeelawi ak kqawn coengawh thek hy, a hubatkhqi venawh pe nawh, \wj “Lo unawh, ai lah uh, ve ve ka sa ni,” \wj*tinak khqi hy.  
\v 27 Cekcoengawh boet awm lo bai nawh, zeelawi ak kqawn coengawh a mingmih a venawh pehy, “\wj Aw boeih lah uh; \wj* 
\v 28 \x - \xo 26:28 \xt Ex. 24.8; \xt Jer. 31.31-34.\x*\wj Vetaw awikamnaak ka thi, thlang khawzah a thawlh qeenkhaw ngainaak aham ka hawk ni. \wj* 
\v 29 \wj Ka nik kqawn peek khqi, ce nyn awh ka Pa qam awh ak thai na nangmih mi amni aawk hlan dy taw vawhkaw misur tui ve tuh awhkawng am aw voel tikawng nyng,”\wj* tinak khqi hy.  
\v 30 Laa pynoet ami sak coengawh, Olive tlang na cet uhy.   
\p
\v 31 \x - \xo 26:31 \xt Zech. 13.7.\x*Cawh Jesu ing a mingmih a venawh, “\wj Tawh than awh kai ak camawh nangmih boeih tlu kawm uk ti, “Tuukhaikung ve vyk kawng nyngsaw, tuukhqi boeih a mi ngaih ngaih naak na kqeng kang kawm uh,” tinawh a qee hyt hawh a myihna. \wj* 
\v 32 \x - \xo 26:32 \xt Mat 28.16.\x*\wj Cehlai ka thawh tlaih coengawh, nangmih a haaiawh Kalili na ana cet kawng,”\wj* tinak khqi hy.  
\v 33 Piter ing, “Nang ak camawh ak changkhqi boeih tlu u seiawm kai ingtaw am ning tluuk taak qoe qoe kawng nyng,” tina hy.  
\v 34 Jesu ing, “\wj Awitak ka nik kqawn peek khqi, tawh than qoe awh, ai ang khawng hlanawh thum voei nik khawng kawp ti,”\wj* tina hy.  
\v 35 Cehlai Piter ing, “Na thihnaak awh thih aham awm mai nyng seiawm, ityk awh awm am nik khawng qoe qoe tikawng,” tina hy. A hubatkhqi boeih ingawm ce amyihna ti lawt uhy.   
\s1 Gethsemane Dum Khui Ak Cykcahnaak  
\p
\v 36 Cekcoengawh Jesu taw Gethsemane a mi ti hyn na a hubatkhqi mi cet uhy; a hubatkhqi venawh, \wj “Cena cykcah aham cet hly nyng, vawh a nang ngawi uh,” \wj*tinak khqi hy.   
\p
\v 37 Piter ingkaw Zebedi a caqawi ce ceh pyi hy, ak kaw se nawh ang ngaih kyi soeih hy.   
\p
\v 38 A mingmih a venawh, \wj “Thihnaak khqawh kawseetnaak ing ka hqingnaak ni vui malh hawh hy. Vawh awm unawh ni qeh pyi lawt lah uh,”\wj* tinak khqi hy.   
\p
\v 39 A hlanaak benna va cet nawh dek awh a koep coengawh cykcah hy, \wj “Ka Pa, ang coeng thai awhtaw, vawhkaw boet ing ni qei seh nyng; cehlai kai ak kawngaih na koeh awm seitaw nang ak kawngaih myihna awm seh nyng,” \wj*tina hy.   
\p
\v 40 A hubatkhqi venna a law awh a mingmih ce ip boeh boeh uhy. Piter a venawh, \wj “Khawnoek pakhat khui kangna awm am nami qeh pyi thai nawh nu? \wj* 
\v 41 \wj Syknaak ak khuiawh am naming tluuknaak thai aham qeh unawh qalqiing doena cykcah lah uh. Myihla ingtaw ngaih hlai hy, pumsa ingtaw zai hqoeng hy,”\wj* tinak khqi hy.   
\p
\v 42 Ahih voeinaak cet nawh cykcah bai hy, \wj “Ka Pa, vawhkaw boet ing a ni qei ham am coeng thai voel nawh aawk aham a awm vik awhtaw namah ak cam seh,”\wj* tina hy.   
\p
\v 43 A law tlaih bai awhtaw, a mingmih ce mikku ing a noeng khqi a dawngawh ana ip tlaih bai uhy.  
\v 44 Cedawngawh a mingmih ce cehta nawh a thum voeinaak na ak cykcah khawi amyihna cykcah bai hy.  
\v 45 Cekcoengawh a hubatkhqi venna law nawh a mingmih a venawh, \wj “Ip unawh dym bak bak uhyk ti my? Toek lah uh, a tym khoek hawh hy, thlanghqing Capa taw tu sak aham thlak thawlhkhqi kut pe hawh uhy,\wj*” tinak khqi hy.  
\v 46 \wj “Tho uh, cet hlah usih! Kai thlang anik tu sakkung taw vawh awm hawh hy ve!”\wj* tinak khqi hy.   
\s1 Jesu Amim Tunaak  
\p
\v 47 Awi ak kqawn hui awh, thlanghqa hlaihih ak khui awhkaw thlang pynoet, Juda ce pha law hy. Khawsoih boeikhqi ingkaw a hqamcakhqi ven awhkaw tangboek cimca ingkaw thingboeng amik pawm thlang kqeng ce law pyi hy.  
\v 48 Thlang a kut awh ak thakkung ing huhsimnaak ce sai pe hy: “Kai ing ka mawk thlang cetaw anih hawh ni, anih ce tu uh,” tinak khqi hy.   
\p
\v 49 Jesu a venna cet pahoei nawh, Juda ing, “Cawngpyikung na sa dip seh!” a tinaak coengawh mawk hy.   
\p
\v 50 Jesu ing, \wj “Ka pyi, nani law sihnaak ce sai,”\wj* tina hy. Cawh thlangkhqi ce haina thoeih unawh, Jesu ce tu uhy.  
\v 51 Cawh Jesu ing anik awm haih thlang pynoet ing ak cimca ce phlawng nawh, khawsoeih boei a tyihzawih ang haa ce zek pe hlak hy.  
\v 52 Jesu ing a venawh, \wj “Nak cimca ce sapangkawp awh chan tlaih lah, u awm cimca ak phlawng taw cimca ing thi lawt kaw. \wj* 
\v 53 \wj Khan ceityih qalkap bu pahqa hlaihih ce tuh qoe awh tyih law aham, ka Pa a venawh am thoeh thai tikaw, tinawh namik poek nawh nu? \wj* 
\v 54 \wj Ce myihna a awm mantaw ikawmyihna Bible awi ing ak kqawn hyt ce a soepnaak kaw? \wj*tinak khqi hy.   
\p
\v 55 \x - \xo 26:55 \xt Luke 19.47; 21.37.\x*Cawh Jesu ing thlang kqeng a venawh, \wj “Nangmih ing kai ve quk-ai a myihna, cimca ingkaw thingboeng ing kai tu aham nami law nawh nu? Myngawi tempul khuiawh thlang cawngpyi nyng, cawh am nim tu uhyk ti. \wj* 
\v 56 \wj Cehlai tawnghakhqi ak caqee a soepnaak aham ve ik-oeih ve a awm aham awm hy,” \wj*tinak khqi hy. Cawh a hubatkhqi boeih ing amah ce ta hyt unawh cen ta uhy.   
\s1 Sanhedrin Haai Awh  
\p
\v 57 Amah ak tukhqi ing Jesu ce anaa awi cawngpyikungkhqi ingkaw a hqamcakhqi ang cunnaak, khawsoeih boei soeih Kaiapha im na khyn uhy.  
\v 58 Cawh Piter ing khawsoeih boei soeih a im dyna ak hla nakawng a huhu awh qym hy. Ikawmyihna nu a mi sai law kaw tice sim a ngaih a dawngawh ak khuina ce lut nawh cawhkaw im ak qehkungkhqi venna ngawi lawt hy.  
\v 59 Khawsoih boeikhqi ingkaw Sanhedrinkhqi ing Jesu a thawlhnaak ce tu pe nawh thih sak thainaak aham awi ce deng uhy.  
\v 60 Amak thym thawlh puknaakkhqi ce khawzah awm hlai hy, a thawlh ce am tu pe thai uhy.  
\v 61 \x - \xo 26:61 \xt Joh 2.19.\x*A hukhit na taw thlang pakhih ce haina law nih nawh ve ak thlang ing, 'Kai ing Khawsa a tempul ce hqe nyngsaw khaw thum voei khuiawh sa tlaih kawng nyng tinawh kqawn hy,' tina hy nih.  
\v 62 Cawh khawsoeih boei soeih ce hang dyi nawh Jesu a venawh, “Am nam hlat hly nawh nu? Vekkqawi ing nang thawlh anik puk ve ikawmyihna a awm?,” tina hy.   
\p
\v 63 Cehlai Jesu ing awmtaak dik dik hy. Khawsoih boei soeih ing, “Ak hqing Khawsa ming phoei doena ni doet nyng: Nang ve Khrih, Khawsa Capa tang nu?” tina hy.   
\p
\v 64 \x - \xo 26:64 \xt Dan. 7.13.\x*Jesu ing, \wj “Oeih, nak kqawn a myihna awm nyng, Nangmih boeih a venawh kqawn law nyng: Tuhkawng awh thlanghqing Capa ing boeimang soeih ak tang benawh ngawi kawmsaw khan myi awhkawng a law ce hu bit kawp ti,” \wj*tina hy.   
\p
\v 65 \x - \xo 26:65 \xt Lev. 24.16.\x*Cawh khawsoeih boei soeih ing a hibai ce theek nawh, “Khawsa the a kha na hawh saw kaw ve! Kaw hamna simpyikung ni ngoe hly bai? Khawsa a thekhanaak awi ning za hawh saw kaw.  
\v 66 Ikawmyihna na mik poek? tinak khqi hy. Cawh a mingmih ing, “A thih aham awm hy,”, tina uhy.  
\v 67 \x - \xo 26:67 \xt Is. 50.6.\x*A haiawh sawh unawh kuthlym ing thawng uhy. Thlang vang ing bei uhy.  
\v 68 “U nu anik bei, nang Khrih, kqawn lah?” tina uhy.   
\s1 Petir Ing Jesu Hoet Hy  
\p
\v 69 Piter ing kawngma awh ang ngawih awh tyihzawih nuca ce law nawh a venawh, “Nang awm Kalili thlang Jesu a venawh nak awm lawt ni,” tina hy.  
\v 70 Cehlai Piter ing cekkhqi boeih a haiawh oelh hy. “Nak kqawn ce am sim nyng,” tina hy.   
\p
\v 71 Vawng chawmkeng benna a ceh awh nu pynoet ing hu bai nawh, cawhkaw ak awmkhqi venawh, Ve ak thlang ve Nazareth Jesu ingqawi awm haih lawt hy nih,” tina bai hy.   
\p
\v 72 Cawh seet awi lawh doena: “Ve ak thlang ve am sim nyng,” tinak khqi bai hy.  
\v 73 Cawh a khoeh a awm coengawh a keng awhkaw ak dyikhqi ing, Piter a venna, “Nang awm amingmihkhqi lakawhkaw thlang lawt ni, nak awi pau awh sim hqa hawh hy,” tina uhy.  
\v 74 Anih ing, “Ce ak thlang am sim nyng.” tinawh seet awi am saa awhkawng ai khawng pahoei hy.  
\v 75 Cawh, Piter ing Jesu ak awikqawn, “\wj Ai ang khawng hlanawh nang ing thum voei nik khawng kawp ti,”\wj* a ti ak awi ce sim law hy. Cekcoengawh a lengna cet nawh kqang hlawp hlawp hy.   
\c 27  
\s1 Jesu Qam Ukkung Pilat Venna  
\p
\v 1 A khawngawi mymcang hqiit awh, khawsoeih boeikhqi boeih ingkaw a hqamcakhqi boeih ce law unawh Jesu ce him aham awi kqawn uhy.  
\v 2 Jesu ce ami pin coengawh sawi unawh, qam ukkung boei Pilat a venna khyn uhy.   
\s1 Juda Kaiaawk Hy  
\p
\v 3 \x - \xo 27:3 \xt Cei 1.18,19.\x*Amah thlang a kut awh ak thakkung, Juda ing Jesu a mi thawlh sak ce a huh awh, zut nawh tangka sawmthum ce khawsoeih boeikhqi ingkaw a hqamcakhqi venawh bal tlaih hy.  
\v 4 “Thawlh soeih hawh nyng, thawlhnaak amak ta a thi ce kai ing thlang a kut awh pe hau hawh nyng,” tinak khqi hy.  
\p Cekkhqi ing, “Kaimih ingtaw kaw ka mi tinaak hly nu? Namah ak cam hawh ni,” tina uhy.  
\v 5 Cedawngawh Juda ing tangka ce bawkim ak khuina khawng nawh cehta hy. Cekcoengawh cet nawh kaiaawk hy.  
\v 6 Khawsoih boeikhqi ing tangka ce lo unawh, “Ve a tangka taw thi phu na a awm a dawngawh, tangka bawm khuiawh chan aham am caih hy,” tina hy.   
\p
\v 7 Cedawngawh cawhkaw tangka ing khin ak thikhqi pupnaak aham am ak sepkung a lo ce thlaih na uhy.  
\v 8 Cedawngawh cawhkaw lo ce tuh dyna “Thi hyn” ti uhy.  
\v 9 \x - \xo 27:9 \xt Zech. 11.12,13.\x*Cedawngawh tawngha Jeremiah ing anak kqawn ce soep hawh hy: “Isarel thlangkhqi ing anih a phu ak ting na amik poek tangka sawmthum ce lo unawh,  
\v 10 Bawipa ing awi a ni peeknaak amyihna, a mingmih ing am ak sepkung a lo ce amik thlaihnaak aham haw na uhy,” a ti ce.   
\s1 Qam Ukkung Haiawh  
\p
\v 11 Qam ukkung boei a haaina Jesu ang dyih awh, qam ukkung ing doet hy, “Nang ve Judakhqi a sangpahrang aw?” tina hy. Jesu ing, \wj “Nak kqawn amyihna awm nyng,”\wj* tina hy.  
\v 12 Khawsoih boeikhqi ingkaw a hqamcakhqi ing thawlh amik puk awh, awi khangoet awm am hlat hy.  
\v 13 Cawh Pilat ing a venawh, “Nangawh thawlh ami nik puk am nang za nawh aw? tina hy.  
\v 14 Cehlai anih ing awi khangoet awm am hlat qoe qoe hy, cedawngawh qam ukkung taw ak kawpoek kyi hy.   
\s1 Barabbas Ami Hlahnaak  
\p
\v 15 Poei awh thlang kqeng ing ak tyh thawk tla thlang pynoet ce qam ukkung ing a hlah peek khawi na awm hy.  
\v 16 Cawh ang ming ak thang thawk tla thlang pynoet, Barabbas a mi tice thawngim khuiawh awm hy.  
\v 17 Thlang kqeng kutoet na aming cun awh, “U nu hlah sak aham nami ni ngaih: Barabbas nu, am awhtaw Khrih a mi ti Jesu ve nu?” tinawh Pilat ing doet khqi hy.   
\p
\v 18 Jesu ce ami yt a dawngawh ni a venna ami law pyi, tice a sim a dawngawh.  
\v 19 Pilat ce awidengnaak ngawihdoelh awh ang ngawih awh a zu ing vawhkaw awi ve a venawh pat pehy: “Cawhkaw thawlhnaak amak ta thlang ce kaw awm koeh ti law na, anih a dawngawh cimthan kang mang awh khuikha nyng,” tinawh awi cah hy.   
\p
\v 20 Cehlai khawsoeih boeikhqi ingkaw a hqamcakhqi ing, Barabbas ce hlah nawh Jesu ce him sak aham thlang kqeng ce zoek khqi uhy.  
\v 21 Ram ukkung boei ing, “Thlang pakhih ak khuiawh u nu ka ni hlah peek khqi kaw tinawh doet hy. A mingmih ing, “Barabbas,” tina uhy.   
\p
\v 22 “Cawhtaw Khrih a mi ti Jesu vetaw ikawmyihna ka tinaak kaw?” tinawh Pilat ing doet khqi hy. Cekkhqi boeih ing, “Thinglam awh taai!” tina uhy.  
\v 23 Pilat ing, “Kawtinawh nu? Ikaw thawlhnaak a sai a dawngawh nu?” tinawh doet khqi hy. Cehlai cekkhqi ing khawteh khqoet na, “Thinglam awh taai! Thinglam awh taai!” tinawh khy khqoet khqoet uhy.   
\p
\v 24 \x - \xo 27:24 \xt Deut. 21.6-9.\x*Kawmyihna awm saithainaak am awm voel hawh nawh, thlang kqeng ing saai hlyk khqoet khqoet uhy, tice Pilat ing a huh awh, tui lo nawh thlang kqeng a haaiawh a kut ce sil hy. “Ve thlak dyng a thi awhkawng kai taw caih nyng. Na mimah a hut hawh ni, nami ngaihnaak a myihna sai uh,” tinak khqi hy.   
\p
\v 25 Cawhkaw amik awm thlangkhqi boeih ing, “Anih a thi ce ka mimah ingkaw ka mi cakhqi ing hawi mai bit kawng unyng,” tina uhy.  
\v 26 Cedawngawh Barabbas ce hlah pek khqi hy. Cehlai Jesu taw a vyk coengawh, thinglam awh taai aham a mingmih a kut awh pehy.   
\s1 Qalkapkhqi Ing Jesu Thekha Na Uhy  
\p
\v 27 Cekcoengawh qam ukkungkhqi a qalkapkhqi ing Jesu boei a ipkhuina khyn uhy, cawh qalkapkhqi boeih boeih ce anih a venawh cun uhy.  
\v 28 Ahi ce suh pe unawh hik thim ce bai sak uhy,  
\v 29 hling ing ami tah lumyk ce a lu awh myk sak uhy. Sawnghqawl ce ak tang benawh amik pawm sak coengawh a haaiawh khuk sym pe unawh thekha na uhy. “Juda sangpahrang na hqinglung kyi seh!” tina uhy.   
\p
\v 30 Cimtui ing sawh, a sawnghqawl ce lawh pe unawh a lu awh vyk uhy.  
\v 31 A mi thekhanaak coengawh, hi ce suh pe tlaih bai unawh amah a hi ce bai sak tlaih bai uhy. Cekcoengawh thinglam awh taai aham cehpyi uhy.   
\s1 Qukai Qawi Laklung Awh  
\p
\v 32 A mi ceh awh, Cyqene khaw awhkaw Simon ak mingnaak thlang pynoet ce hu unawh, thinglam ce anaa na kawh sak uhy.  
\v 33 Golgotha a mi ti hyn ce pha uhy (luqawng hyn tinaak ni).  
\v 34 \x - \xo 27:34 \xt Sam 69.21.\x*Misur tui ak thui ce ik-oeih ak kha ing kqiit unawh aawk sak uhy; am tan coengawh aawk aham tha na hy.  
\v 35 \x - \xo 27:35 \xt Sam 22.18.\x*Thinglam awh ami taai coengawh a hi ce taicung zyk unawh tei uhy. Cetaw “Ka hi ce taicung zyk unawh qek kawm uh,” tinawh tawngha ing anak kqawn hyt awi ce a soepnaak aham ni.  
\v 36 Ngawi unawh anih ce qeh uhy.  
\v 37 A luk khan awh: VE TAW JUDA SANGPAHRANG JESU NI, tinawh thawlh amik puknaak ca ce qee unawh taai pe uhy.  
\v 38 Quk-ai pakhih awm, pynoet ce ak tang benawh pynoet ce ak cawng benawh anih ingqawi thinglam awh taai qen uhy.  
\v 39 \x - \xo 27:39 \xt Sam 22.7; 109.25.\x*Cawhkaw ak cetkhqi ing anih ce kaa na unawh the a kha na uhy, ami lu khyp sih unawh  
\v 40 \x - \xo 27:40 \xt Mat 26.61; Joh 2.19.\x*”Nang tempul hqe nawh khawnghi thum voei khuiawh ak sa tlaih, namah ingkaw namah ce hul qu lah thoeih ti! Khawsa Capa na na awm awhtaw thinglam awhkawng nuk kqum law lah thoeih ti!” tina uhy.   
\p
\v 41 Cemyih lawtna, khawsoeih boeikhqi anaa awi cawngpyikungkhqi ingkaw a hqamcakhqi ingawm the a kha na uhy.  
\v 42 “Thlak chang taw hul hlai hy, amah ingkaw amah taw am hul qu thai hy! Isarel sangpahrang na awm hlai hy! Tuh thinglam awhkawng nuk kqum law lah seh, cawhtaw anih ce cangna kawng unyng.  
\v 43 \x - \xo 27:43 \xt Sam 22.8.\x*Khawsa ce a ypnaak koenoek; Khawsa ing a ngaih awhtaw tuh hul lah seh nyng, 'Khawsa Capa na awm nyng,' a ti koenoek,” tina uhy.  
\v 44 Cemyih lawtna amah ingqawi thinglam awh a mi taai haih quk-ai qawi ingawm kaa na hy nih.   
\s1 Jesu A Thihnaak  
\p
\v 45 Khawnoek paquk awhkawng pakow dy dek awh khaw than hy.  
\v 46 \x - \xo 27:46 \xt Sam 22.1.\x*Khawnoek pakow tluk awh Jesu ing khawteh na, \wj “Eloi, Eloi, Lama sabachthani” \wj*tinawh khy hy. (Cetaw, “Ka Khawsa, ka Khawsa, kawtih nani cehtaak?” tinaak ni.)  
\v 47 Cawhkaw amik dyi thlang vangkhqi ing a ming zaak awh, “Elijah ni ak khy hy,” ti uhy.   
\p
\v 48 \x - \xo 27:48 \xt Sam 69.21.\x*A mingmih anglakawhkaw thlang pynoet ing tui ak dawp thai ik-oeih ce lo nawh misur tui ak thuui awh ce a nawk coengawh cungkui awh tlet nawh Jesu ce awk sak hy.  
\v 49 Cawhkaw amik awm thlangkhqi ing, “Amah poek awh awm na lah seh. Elijah law nawh ak hul hly nu, toek lah usih, tina uhy.   
\p
\v 50 Cawh Jesu ce khawteh na khy nawh kawn zip hy.  
\v 51 \x - \xo 27:51 \xt Ex. 26.31-33.\x*Amah cek phoeih awh ce tempul ak khuina kaw hizan ce a saw awhkawng ak kai dy pakhih na teek qu hy. Khawmdek tlai nawh lungkhqi ce kqek hy.  
\v 52 Phyikhqi awng qu nawh thlak ciim ak thikhqi pum awm khawzah tho hy.  
\v 53 Phyi khui awhkawng tho unawh, Jesu a thawh tlaih coengawh khawk bau ciim khuina ce lut unawh thlang khawzah a venawh dang pe uhy.  
\v 54 Qalkap zakhat ak ukkung ingkaw a venawh ak awm phyi ak qehkhqi ing liipi ang tlaai ingkaw cawhkaw ik-oeihkhqi boeih ce a mi huh awh kqih unawh, “Anih ve Khawsa Capa tang tang ni, ti uhy.   
\p
\v 55 \x - \xo 27:55 \xt Luke 8.2,3.\x*Cawh ce Kalili nakawng Jesu a hu awh bat nawh ak dodan nukhqi khawzah awm lawt uhy, khawsang nakawng anih ce qeh unawh dan uhy.  
\v 56 Cekkhqi taw Meri Magdalene, Jakob ingkaw Joses a nu Meri ingkaw Zebedi a cakhqi nu tloek ce awm uhy.   
\s1 Jesu A Qaawk Koemnaak  
\p
\v 57 Khawmy ben a pha awhtaw Arimathai khaw awhkaw thlang boei pynoet, Jesu a hubat pynoet na ak awm Joseph ce law hy.  
\v 58 Pilat a venna cet nawh, Jesu a qawk ce thoeh hy, Pilat ing Jesu a qawk ce peek aham awi pehy.  
\v 59 Joseph ing Jesu a qawk ce a lawh coengawh, hi ak caihca ing zawl hy,  
\v 60 a phyi ak thai, thel a suk hqeet ak khuiawh ce ta hy. Phyi chawmkeng ce lung ak bau soeih ing tleng nawh cehta hy.  
\v 61 Meri Magdalene ingkaw ak chang Meri ce phyi a haai benawh ngawi hy nih.   
\s1 Phyi Qeh Qalkap  
\p
\v 62 A khawngawi, coek qoeknaak khawnghi a boeih coeng, awh khawsoeih boeikhqi ingkaw Farasikhqi kutoet na Pilat a venna cet uhy.  
\v 63 \x - \xo 27:63 \xt Mat 16.21; 17.23; 20.19; Marka 8.31; 9.31; 10.33,34; Luke 9.22; 18.31-33.\x*”Bawipa amah a hqing tloek awh, thlang qaai kqawnkhqi ing, \wj 'Am thum nyn awh tho tlaih kawng,'\wj* a ti amik kqawn ce za u nyng.  
\v 64 Cedawngawh am thum nyn dy awh phyi ce ak leek na a mi qehnaak aham awi pe lah. Cemih am awhtaw, cimthan awh a hubatkhqi law unawh a qawk ce a mim quuk coengawh, thlangkhqi venna anih taw thihnaak awhkawng tho tlaih hawh hy, tinawh kqawn kawm uh. Cawhtaw ahu nakaw thainaak awi ce ak cyk awhkawng lak awh nauh khqoet kaw,” tina uhy.   
\p
\v 65 Pilat ing, “Ak qeh hly kawi qalkapkhqi ta u tiksaw kaw. Cet unawh phyi ce nami saithainaak khuiawh ak khoeng na qeh law sak khqi uh,” tinak khqi hy.  
\v 66 Cekkhqi ce cet unawh lung awh hatnaak a mi deeng coengawh, phyi ce ak khoeng na qalkapkhqi qeh sak uhy.   
\c 28  
\s1 A Thawhtlaihnaak Mymcang  
\p
\v 1 Sabath nyn boeih nawh, khaw khqih nyn ak khuiawh lamma cyk khaw a dai tawm ca awh, Meri Magdalene ingkaw ak chang Meri ce phyi ak toek na cet hy nih.  
\v 2 Cawh liipi khawteh na tlaai nawh, Bawipa khan ceityih pynoet ce khawk khan nakawng kqum law nawh, phyi na ce cet hy, lung ce thoeng nawh ak khan awh ce ngawi hy.  
\v 3 A myi taw khawkphlamyihna awm nawh, a hi taw vyl amyihna baawk hy.  
\v 4 Phyi ak qehkhqi ing a mik kqih aih awh thyn unawh thlak thi amyihna awm hqoeng uhy.  
\v 5 Khan ceityih ing nu qawi a venawh, “Koeh kqih nih, thinglam awhkaw ami taai, Jesu sui hy nihk ti tice sim nyng.  
\v 6 Vawh am awm voel hy; ak kqawn amyihna tho hawh hy. Law nih nawh ang zaihnaak a hyn ce toek lah nih.  
\v 7 Ang tawnna cet nih nawh a hubatkhqi venawh kqawn pe nih: 'thihnaak awhkawng anih taw tho hawh nawh nangmih a haaiawh Kalili na cet hawh hy. Cawh anih ce hu kawm uk ti,' tina nih. Nik kqawn pek kqawi hawh nyng,” tina qawi hy.   
\p
\v 8 Cawhkaw nu qawi ing anik kqih doena zeelnaak ing a hubatkhqi venawh kqawn peek aham dawng hy nih.   
\p
\v 9 Cawh Jesu ing cekqawi ce hqum qawi pahoei hy. \wj “Nani sa dip seh,\wj*” tina qawi hy. A venna cet nih nawh, a khaw awh a ni kaawp coengawh bawk hy nih.  
\v 10 Cekcoengawh Jesu ing cekqawi a venawh, \wj “Koeh kqih nih, ka koeinaakhqi ce Kalili awh ceh aham kqawn law pe nih; cawh ce kai ni hu kawm uh,” \wj*tina qawi hy.   
\s1 Phyi Ak Qehkhqi Ak Awikqawn  
\p
\v 11 Cawhkaw nu qawi ce a ni ceh hui tloek awh, phyi amik qeh thlang vang tloek ce khawk bau khuina cet unawh khawsoeih boeikhqi venawh cawhkaw ik-oeihkhqi ce kqawn pe uhy.  
\v 12 Khawsoih boeikhqi ing a hqamcakhqi mi kutoet na ngawi unawh doet qu uhy, cekcoengawh qalkapkhqi ce tangka khawzah pe uhy,  
\v 13 ““A hubatkhqi cimthan awh law unawh ka mi ih tloek awh a nam qu uhy, tinawh kqawn uh.  
\v 14 Ve ak awi ve qam ukkung ing ang zaak hau awhtaw, kaimih ing hloep kawng unyng saw nangmih ce loet bit kawm uk ti,” tinak khqi uhy.  
\v 15 Cedawngawh qalkapkhqi ing tangka ce do unawh cekkhqi ak awi yn amyihna kqawn uhy. Ce ak awi ce tuhdy awh Juda khqing lak awh kqawn uhy.   
\s1 Tyihnaak Awipek  
\p
\v 16 Cekcoengawh hubat thlanghqa hlaioet tloek ce Kalili qam awhkaw, Jesu ing ak kqawn peek khqi tlang na ce cet uhy.  
\v 17 Amah ce hu unawh bawk uhy; cehlai thlang vang ingtaw upvoet uhy.  
\v 18 Jesu ing a mingmih a venna cet nawh, \wj “Khawk khan ingkaw khawmdek awh saithainaak boeih boeih ce ka venawh peek na awm hawh hy. \wj* 
\v 19 \x - \xo 28:19 \xt Cei 1.8.\x*\wj Cedawngawh cet unawh thlang phyn boeih ce ka hubat na sai law unawh, Pa, Capa ingkaw Ciim Myihla ang ming awh Baptisma pe law uh. \wj* 
\v 20 \wj Kai ing awi ka ni peek khqi boeih ve a mi hquutnaak aham cawng law pyi uh. Ngai lah uh, khawmdek a dyt dyna, nangmih a venawh awm loet kawng nyng,” \wj*tinak khqi hy.