\id LUK - Tuivang Holy Bible 
\h Luke 
\toc1 Luke 
\toc2 Luke 
\toc3 Luke 
\mt1 Luke  
\c 1  
\s1 Theophilus Ham Capat  
\p
\v 1 Cawhkaw ik-oeih ningnih anglakawh ak soep ce thlang khawzah ing qee aham hlah hawh uhy,  
\v 2 ak cyk ca awhkaw ing dyihthing na awm nawh ce ak awi dawngawh bi ak bikhqi ing nangmih a venawh amik kqawn law patoe lawt amyihna.  
\v 3 Cedawngawh cawhkaw ik-oeih ce akung awhkawng kamah qoe ing ak nep na nym a nai nawh, ka qee law patoe mantaw nep voei tinawh poek nyng, ak leek soeih Theolophila,  
\v 4 cawh ni thlang ing a ni pyinaak awi ce ak nep caana nami sim hly thai.   
\s1 Johan A Thangnaak  
\p
\v 5 \x - \xo 1:5 \xt 1 Chr. 24.10.\x*Judea sangpahrang Herod chan awh, Abijiah cakaw khawsoeih pynoet, ang mingna Zekarih ce awm nawh Elizabeth ak mingnaak Aaron cahlah ce zu na hy.  
\v 6 Khawsa mik huh awh thlak dyng na awm nih nawh, Bawipa ak awipeekhqi ingkaw sai hly kawi boeih boeih ce coet amak kapna sai hy nih.  
\v 7 Cehlai Elizabeth taw ciing nawh ca am ta hy nih; ani kum awm pacawng hawh hy nih.   
\p
\v 8 Zekariah a poek ben ing Khawsa haiawh Khawsa bibinaak tym a pha a dawngawh,  
\v 9 anih ing khawsoeihkhqi a sai khawi amyihna, Bawipa a bawkim khuiawh bawktui phum aham a tym ing pha hy.  
\v 10 Bawktui phumnaak a tym a pha awh, Khawsa ak bawkkhqi boeih boeih ce a lengna cykcah uhy.  
\v 11 Cawh Bawipa ak khan ceityih ce bawktui phumnaak bawkthang tang benawh dyih pehy.  
\v 12 Zekariah ing a huh awh ang ngaih kyi nawh ak kqih na awm kqih hy.  
\v 13 Cehlai khan ceityih ing a venawh: “Zekariah, koeh kqih; nak cykcahnaak ce Khawsa ing za hawh hy. Na zu Elizabeth ing cakpa ni taak pe kawmsaw, Johan tinawh ang ming sui kawp ti.  
\v 14 Nang kaw anik zeel sak ingkaw a nik awmhly sak na awm kaw, anih a thang awh thlang khawzah zeel kawm uh,  
\v 15 \x - \xo 1:15 \xt Num. 6.3.\x*kawtih anih taw Bawipa a mik huh awh thlak bau na awm kaw. Misur tui, am awhtaw ak chang qui kawi ik-oeih qoe am aw kaw, a thang awhkawng anih taw Ciim Myihla ing be kaw.  
\v 16 Anih ing Israel thlang khawzah ce a mimah a Bawipa Khawsa venna sawi tlaih kaw.  
\v 17 \x - \xo 1:17 \xt Mal. 4.5,6.\x*Pakhqi ak kawlung ce cakhqi benna hawi sak ham, awi amak zakhqi ce thlak dyngkhqi cyihnaak benna mang sak ham, Bawipa ham lammana thlang ak toen hamna Elijah ang myihla ingkaw ak thaawmnaak taak ing Bawipa haiawh a na cet kaw,” tina hy.   
\p
\v 18 Zekariah ing khan ceityih a venawh, “Ve ve ikawmyihna ka simnaak kaw? Kamah awm pacawng nyng ka zu awm nucawng hawh hy,” tina hy.   
\p
\v 19 \x - \xo 1:19 \xt Dan. 8.16; 9.21.\x*Khan ceityih ing a venawh, “Kai ve Khawsa haiawh ak dyi Gabriel ni, nang a venawh awi kqawn aham ingkaw vawhkaw awithang leek kqawn aham tyihna kak awm ni.  
\v 20 Cehlai nang ing, a tym a khoek awh ak pha law hly kawi kak kqawn law ve am nak cangnaak a dawngawh, cawhkaw ik-oeih a pha hlan dy awimyh kawp ti,” tina hy.   
\p
\v 21 Cawh thlangkhqi ingtaw a leng nakawng Zekariah ce qeh uhy, kawtih bawkim khuiawh a awm khing hy voei, ti unawh a ming ngaih kyi hy.  
\v 22 Anih ce a law awhtaw, awi am pau thai voel hy. Awi ak kqawn kaana a kut ing a vaih a dawngawh, a mingmih ing bawkim ak khuina mik hatnaak hu pakaa hy ti uhy. Cedawngawh Zekariah ing amingmih venawh kut ing zavaih nawh awimyh na awm hy.  
\v 23 A bibinaak tym a boeih coengawh taw im na hlat hy.  
\v 24 Cekcoengawh taw a zu Elizabeth ce phyihsu nawh hla nga khui thlang a venawh am dang hy.  
\v 25 Elizabeth ing, “Thlang venna kang ming seetnaak thoeng hamna Bawipa ing thlang huh awh vemyihna ni sai pe hy,” tihy.   
\s1 Jesu A Thang Hly Kqawnnaak  
\p
\v 26 Elizabeth a pumqihnaak hlak kquk a law awh, Khawsa ing khan ceityih Gabriel ce, Kalili qam Nazareth khaw awhkaw,  
\v 27 \x - \xo 1:27 \xt Mat 1.18.\x*David cadil na ak awm, Josepth ak mingnaak ing zunaak aham am kang nulak cym a venna tyi hy. Cawhkaw nulak cym taw Meri ming na hy.  
\v 28 Khan ceityih ing a venawh, “Na zoseen hy, nang, Khawsak kaw ak tawng! Bawipa taw na venawh awm hy,” tina hy.   
\p
\v 29 Ce ak awi awh Meri taw ak ngaihna kyi nawh, “ikawmyih ak awi hy voei nu,” tinawh poek qu hy.  
\v 30 Cehlai, khan ceityih ing a venawh, “Meri, koeh kqih, Khawsa ak kawngaihnaak hu hawh hyk ti.  
\v 31 \x - \xo 1:31 \xt Mat 1.21.\x*Phyihsu kawm tiksaw cakpa ta kawp ti.  
\v 32 \x - \xo 1:32 \xt 2 Sam. 7.12,13,16; Is. 9.7.\x*Anih taw thlak bau na awm kawmsaw, Sawsang soeih Cakpa ti kawm uh; Bawipa Khawsa ing a pa David a ngawihdoelh ce pe kawmsaw,  
\v 33 Jakob cadil lakawh kumqui dyna boei loet kawsaw, a ram ing am dyt voel tikaw,” tina hy.   
\p
\v 34 Cawh Meri ing khan ceityih a venawh,” Cece ikawmyihna ang coeng naak thai kaw? Pa am ka taak ak kaa?” tina hy.   
\p
\v 35 Khan ceityih ing, “Ciim Myihla ce nak khan awh awm kawmsaw, sawsang soeih a saithainaak ing ni siing khoep kaw; cedawngawh thlak ciim ak thang law hly ce Khawsa Capa tinawh khy kawm uh.  
\v 36 Na cakaw Elizabeth awm a nucawng huna phyihsu nawh; tuhawh hlak kquk law hawh hy.  
\v 37 \x - \xo 1:37 \xt Gen 18.14.\x*Kawtih Khawsak awi ak cawn boeih ing them a saithai kaana am awm kaw,” tina hy.   
\p
\v 38 Cawh Meri ing, “Kai taw Bawipa a tamnaa ni, nak kqawn amyihna kak khan awh awm seh nyng,” tina hy.   
\s1 Elizabeth Venna Mari Cet Hy  
\p
\v 39 Cawh Meri ce tho nawh Judah qam tlang na ak awm khaw pynoet awh ce ang tawnna cet hy,  
\v 40 Zekariah a ipkhui na ce lut nawh Elizabeth ce voem hy.  
\v 41 Elizabeth ing Meri ak awi ce ang zaak awh, ak phoen khui nakaw naaca ce tat hy, cawh Elizah ce Ciim Myihla ing be hy.  
\v 42 Anih ing khawteh na: “Nang taw nukhqi boeih anglakawh thlang zoseen nu ni, nak khui awhkaw na ca awm a zoseen hy.  
\v 43 Ka Bawipa a nu, ka venna na law ve ikawmyihna hy voei?  
\v 44 Ngai lah, Nani voemnaak awi kang zaak awhkawng kak phoen khui nakaw naaca ve a zeel aih awh tat hy.  
\v 45 Cedawngawh a venawh Bawipa ing ak kqawn peek ce soep kaw, tinawh ak cangnaak nu taw a zoseen hy,” tina hy.   
\s1 Meri A Kyihcah Laa  
\p
\v 46 Meri ing:  
\q1 “Ka hqingnaak ing Bawipa kyihcah nawh,   
\q1
\v 47 kang myihla awm ak hulkung  
\q2 Khawsa venawh zeel soeih hy.   
\q1
\v 48 \x - \xo 1:48 \xt 1 Sam. 1.11.\x*A tamnaa nu a dungvoengnaak qeen nawh;  
\q2 Ngaih lah, tuhawhkawng cadil boeih ing  
\q2 thlang zoseen nu tinawh nik khy kawm uh.   
\q1
\v 49 Kawtih tha ak awm soeih ing kak khan awh  
\q2 ik-oeih ak bau soeih sai hawh hy,  
\q2 ang ming awm cimcaih soeih hy.   
\q2
\v 50 Amah ak kqihchahkhqi cetaw  
\q2 cadil dyna awm qeen khqi hy.   
\q1
\v 51 A baan ing ak thaawmnaak ce dang sak nawh,  
\q2 thlak oek qu khqi taw  
\q2 a mik poek qunaak ing theeh khqi hy.   
\q1
\v 52 \x - \xo 1:52 \xt Job 5.11; 12.19.\x*Ukkungkhqi ce a mi ngawihdoelh  
\q2 awhkawng kqum sak khqi nawh  
\q2 dungvoeng na ak awmkhqi ce zoeksang khqi hy.   
\q1
\v 53 Ak phoen ak cawi khqi ce  
\q2 them leek ing phyi sak khqi nawh,  
\q2 boeikhqi ce kut hqawng na tyi khqi hy.   
\q1
\v 54 A lungqeennaak ce poek khak nawh  
\q2 a tyihzoeih Israelkhqi ce bawm hamna,   
\q1
\v 55 \x - \xo 1:55 \xt Gen 17.7.\x*\x - \xo 1:55 \xt 1 Sam. 2.1-10.\x*Abraham ingkaw a cadil a venawh  
\q2 qeennaak ce ta poepa hy,” tihy.   
\m
\v 56 Meri ce Elizabeth a venawh hla thum tluk a awm coengawh a im na hlat hy.   
\s1 Johan A Thangnaak  
\p
\v 57 Naa a thangnaak tym a pha awh, Elizabeth ing cakpa ce ta hy.  
\v 58 A imcengkhqi ingkaw a cakaw paqengkhqi ing Bawipa ing anih ak khan awh qeennaak soep sak hy tice a ming sim awh, zeel pyi uhy.  
\v 59 \x - \xo 1:59 \xt Lev. 12.3.\x*Ak kqeet nyn awh chahhui qeet aham naaca ce khyn hy nih, cawh a pa ang ming Zekariah ce sui aham cai hlai uhy,  
\v 60 a nu ing, “Amni! Johan tinawh ni sui aham awm hy, tinak khqi hy.   
\p
\v 61 Cekkhqi ing, “Cemyih ang ming ce na cakaw paqeng ak khuiawh am awm man hy,” tina uhy.  
\v 62 Naa ang ming ce ikawmyihna nu a sui law kaw ti unawh, a pa a venawh a mi kut vaih unawh doet uhy.  
\v 63 Anih ing caa qeenaak aham calung ce thoeh nawh, “Ang ming taw Johan,” tinawh qee saw thlang boeih a mik kawpoek kyi hy.  
\v 64 Cawh am kha ce awng qu pahoei nawh am lai awm zai law pahoei hy, awi kqawn nawh Khawsa ce kyihcah hy.  
\v 65 A imcengkhqi taw amik kawpoek kyi hy. Judah qam khawmcung pum awh thlangkhqi ing cawhkaw ce kqawn uhy.  
\v 66 Bawipa a kut ce anih ak khan awh a awm a dawngawh, ce ak awi ak zakhqi boeih ing amik kawpoek kyi nawh, “Cawhtaw cawhkaw naasen ce ikawmyihna nu a awm law kaw?” ti uhy.   
\s1 Zekariah A Kyihcah Laa  
\p
\v 67 A pa Zekariah ce Ciim Myihla ing be nawh awi kqawn hy:  
\v 68 “Israelkhqi a Khawsa, Bawipa venawh thangleeknaak awm seh nyng, kawtih ak thlangkhqi ce hqip nawh tlan hawh hy.  
\v 69 A tyihzawih David a ipkhui awh, nangmih thaawngnaak kii pynoet cawn sak hawh hy.  
\v 70 (Syn awh amah a tawngha ciimkhqi venawh anak kqawn amyihna),  
\v 71 Qaalkhqi ven awhkawng thaawngnaak, ningnih anik sawhnaakkhqi qam ak khui awhkawng  
\v 72 pakdamkhqi venawh am qeennaak dang sak aham ingkaw amah a paipi ciim a sai ce sim poe aham,  
\v 73 ni pa Abraham a venawh awi a na kam ce:  
\v 74 Ni qaalkhqi kut khui awhkawng ni loet sak aham ingkaw kqih kaana amah a bi ce ni binaak thai aham  
\v 75 ni hqing khui amah a haiawh ni ciim ingkaw ni dyngnaak ham ni.  
\v 76 \x - \xo 1:76 \xt Mal. 3.1.\x*Ce, nang ka ca, sawsang soeih a tawngha pynoet tinawh nik khy kawm uh; kawtih Bawipa haiawh a lam qoek abah peek aham na ceh hly awh;  
\v 77 Ni Khawsa a thawlh qeennaak ak caming nak thlangkhqi venawh thaawngnaak sim sak aham,  
\v 78 kawtih nangmih a Khawsa am qeennaak ak caming, khawk khan nakawng ningnih a venawh,  
\v 79 \x - \xo 1:79 \xt Is. 9.2.\x*than khuiawh ak awmkhqi ingkaw thihnaak ak kaiawh ak ngawikhqi ceei aham, ningnih a khawkhqi ce qoepnaak lam benna hqui aham khawkdai ce law kaw,” tinawh laa ce sa hy.  
\v 80 Naasen ce bau law hqui nawh Myihla ben awh ak tha awm hqui hy; Israelkhqi venawh ang dang hlan dy kqawng na ce awm hy.   
\c 2  
\s1 Jesuh A Thangnaak  
\p
\v 1 Ce tloek awh Rom qam khui boeih boeih awhkaw thlanghqing thlangmi noet aham Kaisar Augustus ing awi pehy.  
\v 2 (Vetaw Siria qam awh Quirinius ce qam ukkung boei na a awm awh thlangmi noetnaak lamma cyk na awm hy.)  
\v 3 Cedawngawh thlang boeih ing ming cazin peek aham a mimah a khaw na cet boeih boeih uhy.  
\v 4 Cedawngawh Joseph awm David cahlah na a awm a dawngawh, Kalili qam Nazareth awhkawng Judah qam David a khaw Bethlehem na cet hy.  
\v 5 Ming cazin pek a hamna a zu am kang, phyihsu nawh naa ak awm tawm Meri ingqawi cet hy nih.  
\v 6 Cawh a ni awm awh, naa a thangnaak hly khawnghi ce nawh,  
\v 7 Cehlai a cakcyk pa ca ce ta nawh, khin pahnaak im ama hoeng a dawngawh hi ing zawl nawh vaitaw aihkawng awh soei hy.   
\p
\v 8 Cawh a qam khuiawh tuu ak khaikhqi ce kqawng na awm unawh, khawmthan awh tuukhqi ce qeh uhy.  
\v 9 Bawipa ak khan ceityih phynoet ce a mingmih a venawh dang pe nawh, Bawipa a boeimangnaak ing a mingmih a kengsam ce coei qungtheng saw, cedawngawh a mingmih ing kqih uhy.  
\v 10 Cehlai khan ceityih ing a mingmih a venawh, “Koeh kqih uh. Nangmih a venawh thlang boeih aham ym ak awm soeih awithang leek ka kqawn law ni.  
\v 11 Tuhngawi David a khawk khuiawh thawngkung ce nangmih aham thang hawh hy; anih cetaw Khrih Bawipa ni.  
\v 12 Ve ve nangmih aham hatnaak na awm kaw: Naasen hi ing zawl unawh aihkawng awh ami soei ce hu kawm uk ti,” tinak khqi hy.   
\p
\v 13 Kawlhkalh ca awh khan benna kaw thlang kqeng ce khan ceityihkhqi mi dang law unawh, Khawsa ce kyihcah uhy,  
\v 14 “Sawsang soeih awh Khawsa boeimang seitaw, khawmdek awh amah kaw ak tawng khqik khan awh qoepnaak awm seh,” tinawh kyihcah uhy.   
\p
\v 15 Khan ceityihkhqi ing a mingmih ce cehta khqi nawh khawk khan na a mi ceh coengawh, tuukhaikhqi ing, “Bethlehem na cet unawh Bawipa ing ak kqawn law ce toek lah usih,” ti uhy.  
\v 16 Cedawngawh ang tawnna cet unawh, Meri, Joseph ingkaw aihkawng awhkaw ami soei naaca ce hu uhy.  
\v 17 Naaca ce a mi huh awh, ve naaca akawng cekkhqi venawh kqawn peek na ak awm ce thlangkhqi venawh kqawn pe uhy,  
\v 18 tuukhaikhqi ing amik kqawn peek awi ak zakhqi boeih ing amik kawpoek kyi hy.  
\v 19 Cehlai Meri ingtaw cawhkaw ik-oeihkhqi boeih ce ak kawlung khuiawh khoem nawh poek hy.  
\v 20 A mingmih a venawh ak kqawn peek amyihna ik-oeihkhqi boeih ce hu unawh a ming zaak a dawngawh Khawsa ang ming zoeksang nawh kyihcah doena tuukhaikhqi ce voei uhy.   
\s1 Jesu Bawkim Na  
\p
\v 21 Ak kqeet nyn, chahhui qeetnaak tym a pha awh, a nu ing a phyihsu hlanawh khan ceityih ing ak kqawn peek amyihna Jesu tinawh ang ming sui hy.  
\v 22 Mosi a anaa awi amyihna ciimcaih sak naak khawnghi ce a pha awh, Joseph ingkaw Meri ing Jesu ce Bawipa venawh suum aham Jerusalem na ceh pyi hy nih,  
\v 23 \x - \xo 2:23 \xt Ex. 13.2,12.\x*(Bawipa a anaa awi awh, “Ak cykcah capa taw Bawipa aham hoep a hamna awm hy,” tinawh qee na a awm a dawngawh),  
\v 24 Bawipa a anaa awi awh ak kqawn amyihna: kqawng kqukkqu phqek hih am awhtaw im kqukkqu phqek hih ce bulnaak sainaak aham khyn hy nih.   
\s1 Simeon Ak Awikhqawn  
\p
\v 25 Cawh Jerusalem khawk khuiawh Simon ak mingnaak thlang pynoet ce awm hy, anih cetaw thlak dyng ingkaw Khawsa ak kqihchah thlang na awm hy. Anih ing Israel thlangkhqi ngaihding sakkung ce a na qeh nawh, Ciim Myihla ing awm pyi hy.  
\v 26 Bawipa a Khrih ce a huh hlan dy am thi kawp ti, tinawh Ciim Myihla ing a na sim sak hawh hy.  
\v 27 Ciim Myihla a hqui sawinaak ak caming bawkim khuina ce cet hy. Anaa awi ing a ngoe amyihna naaca Jesu ak khan awh sai hly kawi sai sak aham a nu ingkaw a pa ing a ni law pyi awh,  
\v 28 Simon ing lo nawh a kut awh ak pawm coengawh Khawsa ce kyihcah hy:  
\v 29 “Boeimang Bawipa, nak awitaak amyihna, na tyihzawih ve ngaihqep na ceh sak hawh kawp ti.  
\v 30 Ikawtih na hulnaak awi ce ka mik ing hu hawh nyng,  
\v 31 thlang boeih a mik huh awh nang ing nang dang sak ce,  
\v 32 \x - \xo 2:32 \xt Is. 42.6; 49.6; 52.10.\x*Gentelkhqi venawh vangnaak ak dang hly kawi ingkaw nak thlang Israelkhqi boeimangnaak hly kawi ce,” tinawh kqawn hy.  
\v 33 Naasen awh anih ing cemyihna awi ak kqawn ce a nu ingkaw a pa ing a ning zaak awh a ning ngaih na kyi hy.  
\v 34 Cekcoengawh cekkhqi ce Simeon ing zoseennaak a peek coengawh a nu Meri a venawh: “Vawhkaw naasen ve Israel khqik khuiawh thlang khawzah ang tluuknaak ingkaw a thawhnaak na awm kaw, thlang ing amak nep na ak kqawnnaak aham hatnaak ingkaw,  
\v 35 thlang khawzah a lingbyi poeknaak ce ang dang thainaak hamna awm kaw. Na lingbyi awm zawzi ing sun law poelh hyn kawm uh,” tina hy.   
\s1 Anna A Khawboe  
\p
\v 36 Cawh Asher pilnam ak khui awhkaw Phanuel a canu Anna ak mingnaak nu tawngha pynoet ce awm lawt hy. Anih cetaw nucawng hawh hy; a va ingqawi kum khqih doeng ni anik chungvaa,  
\v 37 cekcoengawh a kum kqeetkip hlaihphli dy nuhai na awm hy. Bawkim ce a cehtaak kaa qoe na buh zeih cykcahnaak ing khawthan khawdai Khawsa ce bawk hy.  
\v 38 Cawh anih ce cekkhqi venna cet nawh, Khawsa venawh zeelnaak awi ak kqawn coengawh Jerusalem hulnaak ak ngaih-ukhqi boeih a venawh cawhkaw naasen akawng ce kqawn pek khqi hy.   
\s1 Nazareth Na Voei hy  
\p
\v 39 Bawipa a anaa awi ing a kykkhqi boeih ce Joseph ingkaw Meri ing a ni sai boeih coengawh, Kalili qam awhkaw a nimah a khaw Nazareth na ce voei hy nih.  
\v 40 Naasen ce bau law hqui nawh ak tha awm law hy; cyihnaak ing be law nawh, Khawsa am qeennaak ce ak khan awh awm hy.   
\s1 Apa Im Awh  
\p
\v 41 \x - \xo 2:41 \xt Ex. 12.1-27; Deut. 16.1-8.\x*Loentaak poei pan aham Jerusalem na a nu ingkaw a pa taw kum qoek awh cet poepa hy nih.  
\v 42 A kum hlaihih a law awh, a mi ceh khawi amyihna, cawhkaw poei ak pan na cet uhy.  
\v 43 Poei ang poeng coeng khawna a ming voei awh naasen Jesu taw awm hyt saw a nu ingkaw a pa ing am sim hy nih.  
\v 44 Thlang ak voeikhqi anglakawh awm lawt hy voei tinawh poek nih nawh, khawnghi hypoet a ni ceh coengawh, ami cakawkhqi ingkaw ami pyikhqi venawh sui hy nih.  
\v 45 A mani huh law voel awhtaw, anih ak sui na Jerusalem na hlat tlaih hy nih.  
\v 46 Khaw thum voei a ni sui coengawh bawkim khuina hu hy nih, cawngpyikung khqing lak awh ngawi nawh a mingmih ak awih kqawnkhqi ce ngai nawh awikhqi a na doet khqi hui awh hu hy nih.  
\v 47 Anih a simnaak ingkaw am hlatnaak awi ak zakhqi boeih ce amik kawpoek kyi hy.  
\v 48 A nu ingkaw a pa ing a ni huh awh, a nik kawpoek kyi hy. A nu ing, “Ka capa, kawtih vemyihna nani sai hy? Na pa ingkaw kai ingtaw ly doena ni sui nih nyng,” tina hy.  
\v 49 Anih ing, “\wj Ikaw hamna nani sui nih? Ka pa im awh awm kaw ti amna ni sim nawh nu?\wj*” tina qawi hy.   
\p
\v 50 Cehlai a ningnih a venawh ak kqawn peek awi ce am zasim hy nih.  
\v 51 A ningnih a hu awh Nazareth khaw na cet nawh anik awi ce ngaih pe qawi hy. Cehlai a nu ingtaw cawhkaw ik-oeihkhqi boeih ce ak kawlung khuiawh koem hy.  
\v 52 \x - \xo 2:52 \xt 1 Sam. 2.26; Awicyih 3.4.\x*Jesu taw cyihnaak ing taai khqoet khqoet nawh, Khawsa ingkaw thlanghqing a mik cuuk kawtlaak na awm khqoet khqoet hy.   
\c 3  
\s1 Johan Ak Awikqawn  
\p
\v 1 Tiberius Kaisar a boeinaak kum hlainga a law awh (Pontius Pilat taw Judah qam ukkung boei na awm hy, a na Philip ce Iturea ingkaw Tracinitis qam ukkung na awm nawh, Lysinias taw Abilene qam ukkung na awm hy.  
\v 2 Anna ingkaw Kaiapha khawsoeih boei khyt na a ni awm awh,) kqawng na ak awm Zekariah capa Johan a venawh Khawsak awi ce law hy.  
\v 3 Anih ing ce Jordan long keng qam boeih awh cet nawh thawlh qeennaak ham zutnaak baptisma awi ce kqawn hy.  
\v 4 \x - \xo 3:4 \xt Is. 40.3-5.\x*Tawngha Isaiah ak awi cabu awh a na qee hyt myihna: “Ramkoh awhkaw ak khy awi ing, 'Bawipa a lam ce qoek a bah unawh, a lamkhqi ce qui sak lah uh,   
\p
\v 5 Lawk-kqawngkhqi ce be kawm usaw, tlangkhqi ce neem sak kawm uh; Lam ak kawikhqi ce dyng kawm usaw, lam ak kawkkhqi ce qui sakna awm kaw.   
\p
\v 6 Cawhtaw thlang boeih ing Khawsa a hulnaak ce hu kawm uh' tinawh,” kqawn hy.   
\p
\v 7 \x - \xo 3:7 \xt Mat 12.34; 23.33.\x*A venawh baptisma huh aham ak law thlang kqeng a venawh, “Nangmih khqui a cadilkhqi! Ak law hly kawi kawsonaak ce cehtaak aham u ing a nik kqawn peek khqi?  
\v 8 \x - \xo 3:8 \xt Joh 8.33.\x*Zutnaak ing ak tingna thaih qah lah uh. Na mimah ingkaw na mimah, “Abraham cahlah ni,” koeh ti uh. Ka nik kqawn peek khqi, vawhkaw lungkhqi za Khawsa ing Abraham a cakhqi na dyih sak thai hy.  
\v 9 \x - \xo 3:9 \xt Mat 7.19.\x*Tuhkawng taw thing kung boeih awh hqaica toen na awm hawh hy, thing ikawmih awm ak thaih leek amak qah taw hlu unawh mai awh phum khawi uhy,” tinak khqi hy.   
\p
\v 10 Cawh thlang kqeng ing, “Cawhtaw ikaw ka mi sai kaw?” tinawh doet uhy.   
\p
\v 11 Johan ing, “Angki zunghih ak ta ing amak ta ce pe seitaw, awk-ai ak ta ing amak ta a venawh cemyihna sai lawt seh,” tinak khqi hy.   
\p
\v 12 \x - \xo 3:12 \xt Luke 7.29.\x*Mangmu ak cawikungkhqi awm baptisma huh aham law lawt unawh a venawh, “Cawngpyikung ikaw ka mi sai kaw?” tinawh doet uhy.  
\v 13 Cek khqi venawh, “A ngoe anglakawh ak doem na koeh cawi law uh,” tinak khqi hy.  
\v 14 Qalkap a vangkhqi ce law unawh a venawh, “Kaimih taw ikaw ka mi sai kaw?” tina uhy.  
\p A mingmih a venawh, “Amak thym na tangka koeh lo unawh, amak thym na thlang thawlh koeh puk uh; nami huh namik thaphu ing naming ngaih qep sak uh,” tinak khqi hy.   
\p
\v 15 Thlangkhqi ing amik kawlung na Johan ve Khrih hawh mai hy voei aw? tinawh poek uhy.  
\v 16 Cehlai Johan ing cekkhqi boeih a venawh, “Kai ingtaw tui ing baptisma ni pek khqi nyng. Cehlai kai anglakawh ak bau khqoet thlang law hyn kaw, kai taw anih a khawmyk qui ak suh peek aham naza am kawih nyng.  
\v 17 Cang zahnaak ce a kut awh pawm nawh cangtakkhqi ce tep ak khuina thlak aham zaap kaw, cehlai ang hi cetaw amak thi thai qoe maih khuina phum kaw,” tinak khqi hy.   
\p
\v 18 Awih chang khawzah ing cekkhqi ce a yn coengawh awithang leek ce kqawn pek khqi hy.  
\v 19 \x - \xo 3:19 \xt Mat 14.3,4; Marka 6.17,18.\x*Cehlai ram ukkung boei Herod ing ik-oeih che a saikhqi boeih ingkaw, a na a zu Herodi ce a zunaak a dawngawh, Johan ing ak kaanaak awh,  
\v 20 Herod ing ce mihkhqi boeih ce cun nawh: Johan ce am tu coengawh thawng khuina thla hy.   
\s1 Khrih Baptisma A Huhnaak  
\p
\v 21 Cawhce, vemyihna awm hy, thlangkhqi boeih baptisma a mi huh awh, Jesu awm hu lawt hy. Ak cykcah huiawh, khan ce awng qu nawh  
\v 22 \x - \xo 3:22 \xt Gen 22.2; Sam 2.7; Is. 42.1; Mat 3.17; Marka 1.11; Luke 9.35.\x*Ciim Myihla ce kqukkqu myihna ak khan awh cuuk hy. Khawk khan nakawng awi ing: Nang taw ka lungnaak ka Capa ni; nak khan awh zeel soeih soeih nyng,” tina hy.   
\p
\v 23 Jesu ing bibinaak ak kqawn awh a kum sawmthum tluk law hawh hy. Thlanghqing ak poeknaak awhtaw anih ce Joseph a capa na awm hy, Joseph taw Heli a capa,  
\v 24 Heli taw Matthat a capa, Matthat taw Levi a capa, Levi taw Melki a capa, Melki taw Jannai a capa, Jannai taw Joseph a capa,  
\v 25 Joseph taw Mattathias a capa, Mattathias taw Amos a capa, Amos taw Nahum a capa, Nahum taw taw Esli a capa, Esli taw Naggai a capa,  
\v 26 Naggai taw Maath a capa, Maath taw Mattathias a capa, Mattathias taw Semein a capa, Semein taw Joseeh a capa, Joseeh taw Joda a capa,  
\v 27 Joda taw Joanan a capa, Joanan taw Rhesa a capa, Rhesa taw Zerubbabel a capa, Zerubbabel taw Shealtiel a capa, Shealtiel taw Neri a capa,  
\v 28 Neri taw Melki a capa, Melki taw Addi a capa, Addi taw Kosam a capa, Kosam taw Elmadam a capa, Elmadam taw Er a capa,  
\v 29 Er taw Josua a capa, Josua taw Eliezer a capa, Eliezer taw Jorim a capa, Jorim taw Maathat a capa, Matthat taw Levi a capa,  
\v 30 Levi taw Simeon a capa, Simeon taw Judah a capa, Judah taw Joseph a capa, Joseph taw Jonam a capa, Jonam taw Eliakim a capa,  
\v 31 Eliakim taw Melea a capa, Melea taw Menna a capa, Menna taw Mattatha a capa, Mattatha taw Nathan a capa, Nathan taw David a capa,  
\v 32 David taw Jesse a capa, Jesse taw Obed a capa, Obed taw Boaz a capa, Boaz taw Salmon a capa, Salmon taw Nahshon a capa.  
\v 33 Nahshon taw Amminadab a capa, Amminadab taw Qam a capa, Qam taw Hezqon a capa, Hezqon taw Perez a capa, Perez taw Judah a capa,  
\v 34 Judah taw Jakob a capa, Jakob taw Isaak a capa, Isaak taw Abraham a capa, Abraham taw Terah a capa, Terah taw Nahor a capa,  
\v 35 Nahor taw Serug a capa, Serug taw Reu a capa, Reu taw Peleg a capa, Peleg taw Eber capa, Eber taw Shelah a capa,  
\v 36 Shelah taw Kainan a capa, Kainan taw Arphaxad a capa, Arphaxad taw Shem a capa, Shem taw Noah a capa, Noah taw Lamech a capa,  
\v 37 Lamech taw taw Methuselah a capa, Methuselah taw Enoch a capa, Enoch taw Jared a capa, Jared taw Mahalalel a capa, Mahalalel taw Kenan a capa,  
\v 38 Kenan taw Enosh a capa, Enosh taw Seth a capa, Seth taw Adam a capa, Adam taw Khawsa capa na awm hy.   
\c 4  
\s1 Jesu A Sykzoeknaak  
\p
\v 1 Jesu taw Ciim Myihla ing be doena, Jordan awhkawng hlat law nawh sykzoeknaak huh aham Myihla ing qamkoh na hqui hy,  
\v 2 Ce a hun awh khawnghi phlikip khuiawh qaai ing sykzoek hy. Ce a khawnghi khuiawh ikaw ca awm am ai hy, cedawngawh a hukhit na taw ak phoen cawi hy.  
\v 3 Qaai ing a venawh, “Khawsa Capa na na awm awhtaw, vawhkaw lung ve phaihpi na coeng sak lah,” tina hy.   
\p
\v 4 \x - \xo 4:4 \xt Deut. 8.3.\x*Jesu ing, “\wj Thlang ve phaihpi doeng ing ak hqing am ni, tinawh qee na awm hy\wj*,” tina hy.  
\v 5 Qaai ing hun a sangnaak na ceh pyi nawh khawmdek awhkaw qam boeih boeih ce huh hy.  
\v 6 Cekcoengawh a venawh, “Vawhkaw saithainaak ingkaw boeimangnaak boeih boeih ve ni pe vang nyng, vekkhqi boeih ve ka venawh peekna ak awm ni, kai ing ka ngaih ak thlang venawh pe thai nyng.  
\v 7 Kai ve ni beek nawh, a cu boeih ve nang aham seh nyng,” tina hy.   
\p
\v 8 \x - \xo 4:8 \xt Deut. 6.13.\x*Jesu ing, “\wj Bawipa na Khawsa doeng ce beek nawh anih a bi doeng ce bi lah, tinawh qeena ak awm ni\wj*,” tina hy.   
\p
\v 9 Qaai ing Jerusalem na ceh pyi nawh bawkim iptih a sangnaak awh dyih sak hy. “Khawsa Capa na na awm awhtaw vawhkawng nuk cawn lah.  
\v 10 \x - \xo 4:10 \xt Sam 91.11,12.\x*Kawtih ve myihna qeena a awm myihna: “Nang anik khoem ham ak khan ceityihkhqi ce awi pe kawmsaw;   
\p
\v 11 a mingmih ing nang ce ami kut ing ni dawm kawm uh, lung awh am nak khoeng qunaak aham,” tina hy.   
\p
\v 12 \x - \xo 4:12 \xt Deut. 6.16.\x*Jesu ing, “\wj Bawipa na Khawsa ce koeh noek koeh dak\wj*,” tinawh ak awm ni,” tina hy.  
\v 13 Qaai ing a sykzoek coengawh, a tym leek a awm hlan dy cehta hy.   
\s1 Galilee Awh Jesu A Bibinaak  
\p
\v 14 Jesu taw Myihla thaawmnaak ing Kalili na hlat hy, cawh anih ak awithang ce ce a qam ak khuiawh thang boeih hy.  
\v 15 Sinakawk kqang cawngpyi poe nawh, thlang boeih ing kyihcah uhy.   
\s1 Nazareth Awh Jesu Hqek Uhy  
\p
\v 16 A baunaak khaw Nazareth ce pha nawh, Sabbath nyn awh a ceh khawi amyihna sinakawk na ce cet nawh, cawh cauk noet a hamna dyi hy.  
\v 17 Tawngha Isaiah ak cazawl ce pe uhy. Hlam nawh vemyihna a qee ce hu hy:  
\v 18 \x - \xo 4:18 \xt Is. 61.1,2.\x*”\wj Khawsa ang Myihla taw kak khan awh awm nawh, khawdengkhqi venawh awithang leek kqawn aham kai ve ni caksak hawh hy. Thawng ak tlakhqi venawh loetnaak awi ingkaw mikhypkhqi venawh mik dainaak awi khypyi aham, phep qeena ak awmkhqi loet sak ham ingkaw, \wj* 
\v 19 \wj Bawi awmhly kum awi kqawn aham kai ve ni tyi hy\wj*,” a ti ce.   
\p
\v 20 Cekcoengawh cazawl ce zawl tlaih nawh cawhkaw bibikung a venawh a peek coengawh ngawi hy. Sinakawk khuiawh amik awm thlangkhqi boeih a mik ce anih awh cun boeih hy,  
\v 21 cawh a mingmih a venawh, “\wj Tuhngawi nangmih ang zaak awh ve cabu awi ve soep hawh hy\wj*,” tinak khqi hy.   
\p
\v 22 Am kha awhkawng ak cawn law am qeennaak awi awh thlang boeih ing anih ce kyihcah uhy. “Anih ce Joseph a capa am nu ve? ti uhy.   
\p
\v 23 Jesu ing a mingmih a venawh, “\wj Vawhkaw Awicyih awi ve kqawn hlai hy voei uk ti: 'Siboei, namah ingkaw namah qoei qu sak lah! Kaperanuam khaw awh na sai ka ming zaak ce namah a khaw vawh awm sai lawt lah,' a mi tice,” tinak khqi hy. \wj* 
\v 24 \x - \xo 4:24 \xt Joh 4.44.\x*\wj Awitak ka nik kqawn peek khqi, tawngha a u awm amah a khaw awh am do khawi uhy. \wj* 
\v 25 \x - \xo 4:25 \xt 1 Kin. 17.1.\x*\wj Elijah chan awh Israel ram khuiawh nuhai khawzah awm hy, kum thum coengawh hla quk khui khan chawmkeng khaih na a awm awh ram pum awh khaw se hy. \wj* 
\v 26 \x - \xo 4:26 \xt 1 Kin. 17.8-16.\x*\wj Cehlai Sidon ram khuiawh ak awm Zarephath khaw awhkaw nuhai a ven doeng awh am awhtaw Elijah ce u a venawh awm tyih na am awm hy. \wj* 
\v 27 \x - \xo 4:27 \xt 2 Kin. 5.1-14.\x*\wj Tawngha Elisha chan awh Israel ram khuiawh mynqai ak neh thlang khawzah awm hlai hy, Siria phyn Naman doeng am awhtaw u awm am qoei hy\wj*,” tinak khqi hy.   
\p
\v 28 Sinakawk khuiawh ak awm boeihkhqi ing ce ak awi ce a ming zaak awh amik kaw so hy.  
\v 29 Dyi unawh, khawk khuiawh kawng anih ce khawceng na ceh pyi unawh, hqeng na buk hoek aham qyt uhy, cawhkaw khaw taw minpoeng ak chei ca awh awm hy.  
\v 30 Cehlai thlang kqeng anglakawhkawng kit qu pluk nawh cen valh hy.   
\s1 Myihlak Che Hqek Hy  
\p
\v 31 Cekcoengawh Kalili qam Kaperanuam khaw na nu cet nawh, Sabbath nyn awh thlang cawngpyi hy.  
\v 32 \x - \xo 4:32 \xt Mat 7.28,29.\x*Ak awih kqawnnaak awh saithainaak a awm a dawngawh, a cawngpyinaak awh amik kawpoek kyi hy.  
\v 33 Sinakawk khuiawh qaaiche ak ta thlang pynoet awm hy. Anih ing khawteh na khy nawh,  
\v 34 “A! Nazareth Jesu, kaimih ingqawi ikaw ning laknaak a awm? Anik hqe khqi hamna nak law nanawh nu? Nang ve Khawsa ak thlang ciim ni tice ni sim nyng,” tina hy.   
\p
\v 35 Jesu ing, “\wj Awm poek! Anih ak khuiawh kawng cawn hlah,\wj*” tinawh zyi hy. Cawh qaai ing a mingmih a haiawh dek na ang tluuk sak coengawh ikaw awm myn a maa a peek kaana anih a pum khui awhkawng cawn hy.  
\v 36 Thlang boeih amik kawpoek kyi nawh, “Kawmih cawngpyinaak hy voei aw? Saithainaak thaawmnaak ing qaih chekhqi awi pe nawh ak cawn sak hy voei!” ti uhy.  
\v 37 Anih ak awithang ce a kengsam qam kqang thang khawnghak hy.   
\s1 Jesu Thlang Khawzah Qoei Sak  
\p
\v 38 Jesu ing sinakawk ce a cehtaak coengawh, Simon a im na ce cet hy. Cawh Simon a senu ce a sa tlo nawh, cedawngawh Jesu a venna qeennaak thoeh pehy.  
\v 39 Cawh a kengawh dyi nawh satlawhnaak ce zyi hy, cawh a satlawh ce qoei tlang hy. Cawhkaw nu ce tho nawh a mingmih ce do a dan khqi hy.  
\v 40 Khaw a my law awhtaw, tlawh a nat soepkep ak takhqi ce Jesu a venna law pyi usaw, a mingmih ak khan awh a kut tloeng pe nawh, cekkhqi ce qoei sak khqi hy.  
\v 41 Qaaikhqi ce thlang ak kawk khui awhkawng cawn unawh, “Nang ve Khawsa Capa ni!” tinawh khy uhy. Cekkhqi ce zyi khqi saw, Khrih ni tice a mi sim a dawngawh am pau uhy.   
\p
\v 42 Khaw a dai law awhtaw, a dingsyknaak hun cet pan hy. Thlangkhqi ing anih ce sui uawnh, a mi huh awhtaw a mingmih a ven awhkawng ama ceh naak aham tu ham cai uhy.  
\v 43 Cehlai a mingmih a venawh, “\wj Khawsa awithang leek ve khawk chang kqang awm kak kqawn aham awm hy, ve aham nani tyih na ka awm hy,\wj*” tinak khqi hy.  
\v 44 Cedawngawh Judah awh awm nawh Sinakawk awh awithang leek kqawn hy.   
\c 5  
\s1 Hubat Lammacyk Ak Khynaak  
\p
\v 1 \x - \xo 5:1 \xt Mat 13.1,2; Marka 3.9,10; 4.1.\x*Hypoet taw Bawipa Jesu ce thlang kqeng mi Genesaret tuili keng awh dyi hy, cawh thlang kqeng ing Khawsak awi ce ngai uhy,  
\v 2 tui keng awh ngak hawikhqi ing a mi taak hyt lawng pakkhih ce hu hy, ngak hawikhqi taw a mi lawk chuk uhy.  
\v 3 Lawng pynoet ak khuiawh ce lut hy, cawhkaw lawng cetaw Simon a lawng na awm hy. Lawng ce tui benna tun bet aham Simon ce kqawn pehy. Cekcoengawh lawng awh ce ngawi nawh thlangkhqi ce cawngpyi hy.  
\v 4 Awi ak kqawn boeih coengawh, Simon venawh, “\wj Tuili dung na thoeih nawh lawk ce khawng lah\wj*,” tina hy.   
\p
\v 5 \x - \xo 5:5 \xt Joh 21.3.\x*Simon ing, “Bawipa than oet pyt khawng hawh hlai u nyng ikawawm am hu u nyng. Cehlai nak awi awh khawng lah vang nyng,” tina hy.   
\p
\v 6 \x - \xo 5:6 \xt Joh 21.6.\x*Lawk ce amik khawng awhtaw, nga khawzah tu unawh lawk ce teek pit pit hy.  
\v 7 Cedawngawh lawng ak chang nakaw a mi pyikhqi ce ak bawm aham a mi kut ing vaih uhy, cekkhqi ce law unawh lawng ang cum pit pit dyna nga ce ak be na tu uhy.  
\v 8 Simon Piter ing a huh awh, Jesu a khawkung awh khuk sym doena, “Bawipa, ni cehtaak mai, thlak thawlh na awm nyng,” tina hy.   
\p
\v 9 Nga a mim tu awh Piter ingkaw a pyikhqi ce a mik kawpoek kyi hy,  
\v 10 Simon a pyi, Zebedee a caqawi Jakob ingkaw Johan awm anik kawpoek kyi hy. Cekcoengawh Jesu ing Simon a venawh, “\wj Koeh kqih; tuh awhkawng thlang ak tukung na awm hawh kawp ti\wj*,” tina hy.  
\v 11 Lawng ce kawngceng na amik dawh coengawh, ik-oeih boeih ce cehta unawh a hu awh bat uhy.   
\s1 Mynqai Caih Sak  
\p
\v 12 Khaw pynoet awh a awm awh, mynqai ak neh thlang pynoet ce law hy. Jesu ce a huh awh, dek na koep nawh qeennaak thoeh hy, “Bawipa, na ngaih awhtaw ni ciimcaih sak lah,” tina hy.  
\v 13 Jesu ing a kut zyng nawh bi hy. “\wj Ngaih nyng, qoei hlah\wj*!” tina hy.  
\p Cawh a mynqai ce caih pahoei hy.  
\v 14 \x - \xo 5:14 \xt Lev. 14.1-32.\x*Jesu ing a venawh, “\wj U a venawh awm koeh kqawn, cet nawh khawsoeih a venna na pum ce nam huh coengawh, na qoeinaak a dawngawh Mosi ak awipeek a myihna, a mingmih ing a mi simnaak aham bulnaak ce sai lah\wj*,” tina hy.  
\v 15 Cehlai anih akawng ce thang khqoet hy, cedawngawh ak awi ngai ham ingkaw tlawhnaak qoei sak aham thlangkhqi ce law uhy.  
\v 16 Cehlai Jesu taw a dingnaak na amah doeng cet poepa nawh cykcah hy.   
\p
\v 17 Hypoet taw thlang a cawngpyi awh, Kalili qam, Judah qam ingkaw Jerusalem khaw awhkaw Farasikhqi ingkaw anaa awi cawngpyikungkhqi ce amah cawh ngawi uhy. Cawh thlak tlo qoei sak aham Bawipa ak thaawmnaak ce a venawh awm hy.  
\v 18 Thlang vang ing ak khawn thlang pynoet ce a hiphaih awh kawt law uhy, ipkhui na khyn phaat unawh a haiawh tloeng peek aham ngaih uhy.  
\v 19 Cehlai thlang a be aih a dawngawh ipkhui na am khyn thai uhy, cedawngawh iptih na kaai unawh qui ing thlang anglak li awh, Jesu a haiawh hiphaih mah na nuk thlaak pe uhy.  
\v 20 A mingmih ak cangnaak ce Jesu ing a huh awh, “\wj Thlang pa aw, na thawlhnaak ce qeenna awm hawh hy\wj*,” tina hy.   
\p
\v 21 Cawh Farasikhqi ingkaw anaa awi cawngpyikungkhqi ing, “U nu Khawsa ak the ak khanaak ve? Khawsa doeng am awhtaw u ing nu thawlh qeenkhaw ang ngai thai?” ti uhy.   
\p
\v 22 A mingmih ak kawpoek ce Jesu ing sim pe khqi nawh, “\wj Ikawtih cemyihna namik kawlung khuiawh namik poek uh? \wj* 
\v 23 \wj Han nu ak zoei bet: 'Na thawlh qeenna awm hawh hy,' tive nu, am awhtaw 'Tho nawh cet hlah,' tive nu? \wj* 
\v 24 \wj Cehlai thlanghqing Capa ing khawmdek awh thawlh qeennaak tahy, tice nami simnaak aham\wj*,” tinak khqi hy. Ak khawn na ce, “\wj Ka nik kqawn peek, tho, na hiphaih ce lo nawh imna voei hlah,\wj*” tina hy.   
\p
\v 25 A mingmih haiawh ce dyi pahoei nawh, a hiphaih ce a lawh coengawh Khawsa kyihcah doena im na ce cet hy.  
\v 26 Thlang boeih a mik kawpoek kyi nawh Khawsa ce kyihcah uhy. Ngaih kyi doena, “Tuhngawi awh kawpoek kyi ik-oeih ni hu uhy,” ti uhy.   
\s1 Levi Ak Khynaak  
\p
\v 27 Cekcoengawh Jesu ce cet nawh mangmu cawinaak awh ak ngawi mangmu ak cawikung Levi ak mingnaak thlang pynoet ce hu hy. A venawh, “\wj Ka hu awh bat lah,\wj*” tina hy.  
\v 28 Levi ce tho nawh ik-oeihkhqi ce a cehtaak coengawh a hu awh bat hy.   
\p
\v 29 Cekcoengawh Levi ing amah a im awh Jesu aham buh veelnaak poei ak bau soeih sai pehy. Mangmu ak cawikungkhqi ingkaw thlak changkhqi thlang khawzah ce Jesu mi buh ai haih hy.  
\v 30 \x - \xo 5:30 \xt Luke 15.1,2.\x*Cehlai Farasikhqi ingkaw anaa awi cawngpyikungkhqi ing a mi huh awh ce a hubatkhqi venawh saai bi uhy, “Kawtih mangmu ak cawikung 'Thlak thawlhkhqi' mi buh a mi ai haih?” tinak khqi uhy.   
\p
\v 31 Jesu ing, “\wj Sakdip thlang ing siboei am ngoe hy, cehlai thlak tlo ing ni a ngoe. \wj* 
\v 32 \wj Thlak dyng khy aham am law nyng, thlak thawlh a zutnaak aham ni ka law,\wj*” tinak khqi hy.   
\p
\v 33 A mingmih ing a venawh, “Johan a hubatkhqi ingtaw buh zeih poepa unawh cykcah uhy, Farasikhqi a hubatkhqi ingawm, cehlai nang a hubatkhqi ingtaw aw a ai uhy,” tina uhy.  
\v 34 Jesu ing, “\wj Zuk lokung a awm khuiawh ak khinkhqi buh namik zeih hly sak nu? \wj* 
\v 35 \wj Cehlai zuk lokung lawh peek valhnaak a tym ce pha kaw; cawh buh zeih bit kawm uh\wj*,” tinak khqi hy.   
\s1 Hi, Misur Nyttahnaak  
\p
\v 36 A mingmih a venawh vawhkaw nyhtahnaak awi ve kqawn pehy: “\wj U ingawm hi ak thai ce teek nawh hi ak kqym ap bu na khawi hy. Ak bunaak man, hi ak thai ce awm teek kaw, cekcoengawh hi ak kqym ingawm am qoep laklaw kaw. \wj* 
\v 37 \wj U ingawm misur tui ak thai ce cikthlyng ak kqym awh am thun khawi hy. A thun mai mantaw, misur tui ak thai ing cikthlyng ak kqym ce hqe kawmsaw, misur tui ingkaw cikthlyng ce plawci bawk kaw. \wj* 
\v 38 \wj Cedawngawh misur tui ak thai taw cikthlyng ak thai awh thun aham awm hy. \wj* 
\v 39 \wj Misur tui ak kqym ce tui khqoet hy a mi ti a dawngawh, u ingawm misur tui ak kqym a awk coengawh misur tui ak thai ce am ngaih khawi hy\wj*,” tinak khqi hy.   
\c 6  
\s1 Sabbbath Bawipa  
\p
\v 1 \x - \xo 6:1 \xt Deut. 23.25.\x*Sabbath nyn awh Jesu taw lo lamawh cet hy, cawh a hubatkhqi ing cangvui ce dy unawh, a mi kut ing a mi nawi coengawh ak cang ce baai uhy.  
\v 2 Cedawngawh Farasi thlang vangkhqi ing doet uhy, “Kawtih Sabbath nyn awh sai aham amak ciim nami sai?” tina uhy.   
\p
\v 3 Jesu ing a mingmih a venawh, “\wj David ing a pyikhqi mi amik phoen a cawi awh a sai ce am nami noet khawi nawh nu? \wj* 
\v 4 \x - \xo 6:4 \xt Lev. 24.9.\x*\x - \xo 6:4 \xt 1 Sam. 21.1-6.\x*\wj Khawsa ipkhui na lut nawh, khawsoeihkhqi doeng ing ai aham ak caih phaihpi a mi hoel ce lo nawh ai nawh a pyikhqi awm a pek khqi ak awi ce,\wj*” tinak khqi hy.   
\p
\v 5 Cekcoengawh Jesu ing a mingmih a venawh, “\wj Thlanghqing Capa ve Sabbath boei na awm hy\wj*,” tinak khqi hy.   
\s1 Kut Khoem Qoei Sak  
\p
\v 6 Ak chang sabbath nyn bai awh sinakawk khuina cet nawh thlang cawngpyi hy, cawh a kut tang ben ak khem thlang pynoet ce awm hy.  
\v 7 Farasikhqi ingkaw anaa awi cawngpyikungkhqi ing Jesu thawlh amik puknaak lam ce sui uhy, cedawngawh sabbath nyn awh thlang ak qoei law hly sak nu ti unawh qym uhy.  
\v 8 Cehlai Jesu ing cekkhqi ak kawpoek ce sim nawh a kut ak khem a venawh, “\wj Tho nawh thlang boeih a haiawh dyi lah\wj*,” tina hy. Cedawngawh ce ak thlang ce tho nawh dyi hy.   
\p
\v 9 Cekcoengawh Jesu ing cekkhqi venawh, “\wj Ni doet khqi lah vang nyng, Sabbath nyn awh kawmih nu sai aham ak thym: them leek sai aw, am awhtaw them che sai aw; hqingnaak thaawng aw, am awhtaw him aw?\wj*” tinak khqi hy.   
\p
\v 10 Cekkhqi ce toek khqi nawh, cawhkaw thlang a venawh, “\wj Na kut ce zyng lah\wj*,” tina hy. Anih ing a kut ce zyng saw, cawh a kut ce leek pahoei hy.  
\v 11 Cehlai cekkhqi taw amik kaw so nawh, Jesu ce ikawmyihna ni sai lah voei, ti unawh doet qu uhy.   
\s1 Hubat Thlanghqa Hlaihih  
\p
\v 12 Khaw hypoet awh Jesu taw cykcah aham tlang na cet hy, than oet pyt Khawsa venawh cykcah hy.  
\v 13 A khawngawi mymcang awhtaw a hubatkhqi ce a venna khy khqi nawh thlanghqa hlaihih tloek ce tyk hy, a mingmih a venawh ceityih a bibi ce pek khqi hy.  
\v 14 Simon (Piter tinawh ming sui); anih a na Andru, Jakob, Johan, Philip, Bartholomu,  
\v 15 Mathai, Thomas, Alphaeus capa Jakob, Zealot a mik khy Simon  
\v 16 Jakob a capa Judas ingkaw amah ak zawikung Judah Isakariot vetloek ve tyk hy.   
\p
\v 17 A mingmih mi tlang nakawng nuk kqum law unawh a hun a zawinaak awh ce dyi hy. A hu awh amik bat thlang khawzah ingkaw Judah qam awhkaw, Jerusalem khaw awhkaw, Tura ingkaw Sidon tui keng awhkaw thlangkhqi ce,  
\v 18 ak awi ngai aham ingkaw tlawhnaak qoei sak aham law uhy. Qaaiche ing a thekhanaak thlangkhqi awm qoei sak khqi hy,  
\v 19 a venawh kawng saithainaak ce cawn nawh thlang boeih ce a qoei sak a dawngawh thlangkhqi boeih ing amah ce bi aham ngaih uhy.   
\s1 Zoseen Awi  
\p
\v 20 A hubatkhqi ce a toek coengawh cekkhqi venawh: “\wj Nangmih hahqah ak thlangkhqi taw nami zoseen hy, Khawsa qam taw nangmih a koe ni. \wj* 
\v 21 \wj Nangmih tuh phoen ak cawikhqi nami zoseen hy, namik phoen phyi kaw. Nangmih tuh ak kqangkhqi nami zoseen hy, qaai ngai kawm uk ti. \wj* 
\v 22 \x - \xo 6:22 \xt 1Pe 4.14.\x*\wj Thlanghqing Capa ak camawh nangmih ce thlang ing ni sawh nak khqi, a ni hoet khqi, a ni zyih khqi, naming ming ce ak che na anik kqawn khqi awh nami zoseen hy. \wj* 
\v 23 \x - \xo 6:23 \xt 2 Chr. 36.16; Cei 7.52.\x*\wj Cemyihna a ni tinaak khqi awh zeel unawh lam uh, nangmih aham khawk khan na kutdo ak bau soeih awm hy. Cemyihna ni nami pakhqi ingawm tawnghakhqi ce a mina sai hawh hy.\wj*   
\p
\v 24 \wj “Cehlai nangmih boeikhqi khaw map u hyk ti, na mimah a ngaihdingnaak ce hu hawh u hyk ti. \wj* 
\v 25 \wj Tuh nangmih phoen ak phyikhqi, khaw map u hyk ti, namik phoen cawi kaw. Nangmih tuh ak qaaikhqi, khaw map u hyk ti, lungnat za kawm u tiksaw kqang kawm uk ti. \wj* 
\v 26 \wj Thlang boeih ing am kyih nangmih, khaw map u hyk ti, cemyihna maw a mi pakhqi ing tawnghakhqi ce a mim kyih lawt hy. \wj*   
\s1 Na Qal Lungna  
\p
\v 27 “\wj Cehlai kak awi ak ngai nangmih a venawh ka nik kqawn peek khqi: nami qaalkhqi ce lungna uh, nangmih a nik sawhnaak thlangkhqi ce lungna uh, nangmih a nik sawhnaak thlangkhqi ham them leek sai pe uh, \wj* 
\v 28 \wj seet anih loh pekkhqi ham zoseennaak pe unawh, a nik the khanaak khqi ce cykcah pe uh. \wj* 
\v 29 \wj Thlang ing na beeng lang benawh a nik beih awhtaw, ak chang ben ce duun pe bai; na hi a ni lawh peek venawh angki awm koeh hlawh na. \wj* 
\v 30 \wj Ak thoehkhqi venawh ce pe, thlang ing na them a ni lawh peek awh koeh lat pe voel. \wj* 
\v 31 \x - \xo 6:31 \xt Mat 7.12.\x*\wj Thlang ing nak khanawh sai sak ham na ngaih lawt a myihna thlang ak khan awh awm sai lawt. \wj* 
\v 32 \wj “Nangmih a nik lungnaak khqi doeng nami lungnaak man, nami ham ikaw hoeihkhangnaak a awm kaw? 'Thlak thawlhkhqi ing za amah ak lungnaak taw lungna lawt uhy. \wj* 
\v 33 \wj Nak khan awh them leek a saikhqi doeng a venawh them leek nami sai awhtaw, ikawnu hoeihkhangnaak a awm kaw? 'Thlak thawlhkhqi ing za cemyih ce sai lawt u saw. \wj* 
\v 34 \wj Ak sah thai hly thlang a ven doengawh them namik pu awhtaw, ikaw hoeihkhangnaak a awm kaw? 'Thlak thawlhkhqi ingawm thlak thawlhkhqi venawh pu sak lawt u saw. \wj* 
\v 35 \wj Cehlai nangmih ingtaw nami qaalkhqi ce lungna uh, them leek sai pe uh, huh hly tlaih kawi ngaih-u voel kaana pu law uh. Cawhtaw nangmih aham kutdo ak bau soeih awm kaw, sawsang soeih a cakhqi na awm kawm uk ti, anih ingtaw zeelnaak awi amak kqawn thaikhqi ingkaw thlak thawlhkhqi za qeen uhy. \wj* 
\v 36 \wj Nangmih a Pa thlang qeenkhaw ak ngai na a awm lawt amyihna nangmih awm thlang qeenkhaw ngai lawt lah uh. \wj*   
\s1 Thlang Awi Koeh Deng  
\p
\v 37 “\wj Awideng na amna awmnaak aham, thlang awi koeh deng. Thlang thawlh koeh puk, cawhtaw thawlh puk na am awm lawt kawp ti. Qeen lah, cawhtaw qeenna awm lawt kawp ti. \wj* 
\v 38 \wj Pe lah, cawhtaw peek na awm lawt kawp ti. Ak bena loeng nawh, det nawh, ak be poeng na, na phai awh ni hawk sih kaw. Nang ing na loengnaak awh ce nang aham awm loeng lawt na awm kaw\wj*,” tinak khqi hy.   
\p
\v 39 \x - \xo 6:39 \xt Mat 15.14.\x*Ami venawh nyhtahawi awm kqawn pek khqi bai nawh, “\wj Mikhyp ing myikhyp ak hqui hly thai nu? A ni pakhih na lawk-kqawng khuina am tla hly nih nawh nu? \wj* 
\v 40 \x - \xo 6:40 \xt Mat 10.24,25; Joh 13.16; 15.20.\x*\wj Sengcamoe ing cawngpyikung ak khan awh am awm hy, cehlai u awm cawng sak hqeet na ak awm taw cawngpyikung a myihna awm lawt kaw. \wj* 
\v 41 \wj “Namah a mik awhkaw myn ce ak poek kaana, ikaw hamna na koeinaa a mik awhkaw myn a dik ce na toek? \wj* 
\v 42 \wj Namah a mik awhkaw myn za amna huh awhtaw ikaw hamna na koeinaa a venawh, 'koeinaa nang, na mik awhkaw myn a dik ce lo law vang nyng,' na tinaak thai kaw? Nang thlang qaai kqawn, namah a mik awhkaw myn ce lo cang, cawh ni na mik ce ak caih na dang kawmsaw, na koeinaa a mik awhkaw myn dik ce na lawh hly peek thai. \wj*   
\s1 Thing Ingkaw Ak Thaih  
\p
\v 43 “\wj Thing ak leek awh thikthaih ak che am qah khawi nawh, thik che awh thikthaih leek am qah bai hy. \wj* 
\v 44 \x - \xo 6:44 \xt Mat 12.33.\x*\wj Thing boeih taw ak thaih awh hat thai na awm hy. Hling a thing awhkawng thlang ing thai ak thaih am bit khawi nawh, hling dum awhkawng u ing misur thaih am bit khawi hy. \wj* 
\v 45 \x - \xo 6:45 \xt Mat 12.34.\x*\wj Thlang leek ing ak kawlung khui awhkaw them leek ce cawn sak nawh, thlang amak leek ingawm ak kawlung khui awhkawng them amak leek ce cawn sak lawt hy. Kawlung khuiawh ak be ngen ni kha ing ak kqawn hy. \wj*   
\s1 Im Sak Pakkhih  
\p
\v 46 “\wj Nangmih ikaw hamna kak awi kqawn ve a sai kaana, 'Bawipa, Bawipa,' nami ni tinaak? \wj* 
\v 47 \wj Ka venawh law nawh kak awi ngai nawh ak sai ak thlang taw ikawmyihna a awm tice nim huh khqi vang nyng. \wj* 
\v 48 \wj Anih taw tung ak dungna co nawh, lung ak khanawh ak ling ing myih hy, tuiliu law nawh, tuih tha ing deng seiawm ap tat hy. Tung ang ling ce a cak a dawngawh im ce am tlu thai hy. \wj* 
\v 49 \wj Kak awi ve za hlai moe amak sai thlang taw dek amak cak awh iptung ak ling ing myih hy. Tuih tung ing im ce a buuk awh tlu pahoei nawh qeeng boeih hy. \wj*   
\c 7  
\s1 Qalkap Boei Ak Cangnaak  
\p
\v 1 Thlangkhqi ang zaak na ve ak awi ve Jesu ing ak kqawn boeih coengawh. Kaperanuam khaw na cet hy.  
\v 2 Qalkap zakhat ak ukkung thlang pynoet a tyihzawih, a boeipa ing a lungnaak soeih ce, tlo nawh thi tawm hy.  
\v 3 Cawhkaw qalkap zakhat ak ukkung ing Jesu akawng ce ang zaak awh Juda a hqamca thlang vang ce tyi nawh, a tyihzawih ce qoei sak ham doet sak hy.  
\v 4 Jesu a ven a mi pha awh qeennaak thoeh uhy, “Ve ak thlang vetaw a ni ngoenaak ce na sai peek aham tyng hy,  
\v 5 anih ing ka mi ram a lungnaak awh sinakawk pynoet ni sak pek khqi hy,” tina uhy.   
\p
\v 6 Cedawngawh Jesu a mi huawh ce nawh, im ami pha tawm ca awh qalkap zakhat ak ukkung ing a pyikhqi ce tyi nawh, “Bawipa, kyi kaa, ka ipkhui awh na law aham am kawih nyng.  
\v 7 Ceamyihna awmsaw na venna law ham awm am tyng nyng ti nyng, awi doeng mah kqawn nawh, ka tyihzawih qoei bit kaw.  
\v 8 Kai awm ukknaak ak kai awh ak awm thlang pynoet na awm hlai nyng, kak kaiawh qalkap khawzah awm lawt hy. Thlang pynoet a venawh, 'Cet' ka tinaak awhtaw cet nawh; ak chang pynoet a venawh, 'Law', ka tinaak awhtaw law nawh, 'Ve sai,' ka tinaak awhtaw sai hy,” tina hy.   
\p
\v 9 Jesu ing anih ak awi ce ang zaak awh ak kawpoek na kyi nawh, a hu awh ak bat thlangkhqi benna hawi nawh, “\wj Ka nik kqawn peek khqi, Israelkhqi chung lakawh vemyihna cangnaak ak bau am hu nyng\wj*,” tinak khqi hy.  
\v 10 Thlang a tyihkhqi ce im na hlat uhy, cawh tyihzoeih thlang ce sadip caana ana awm tlaih hy.   
\p
\v 11 Cekcoengawh Jesu taw Nain a mi ti khaw na cet hy, a hubatkhqi mi thlang khawzah a hu awh bat uhy.  
\v 12 Khaw awhkaw vawng chawmkeng a mi pha tawm awh, nuhai ca ing a taak chyn a capa ce thih pe nawh a qawk ce kawt law uhy. Thlang khawzah nuhai a venawh awm uhy.  
\v 13 Bawipa ing cawhkaw nuhai ce a huh awh, qeen soeih nawh a venawh, “\wj Koeh kqang\wj*,” tina hy.   
\p
\v 14 Cekcoengawh cet nawh qeep ce bi nawh, cawh qeep ak kawtkhqi awm dyi uhy. “\wj Cadawng, ka nik kqawn peek, tho lah\wj*,” tina hy.   
\p
\v 15 Cawh ak thi ce tho nawh awi pau hy. Jesu ing a nu venawh pe tlaih hy.  
\v 16 Cawhkaw amik awmkhqi boeih ing kqih unawh Khawsa ce kyihcah unawh, “Ni venna tawngha ak boeimang soeih dang law hawh pai hy,” ti unawh, “Khawsa ing ak thlangkhqi hqip lawk khqi hy,” ti bai uhy.  
\v 17 Jesu akawng taw Judah qam ingkaw a kengsam qam boeih awh thang khawnghak hy.   
\s1 Johan Kyihcah hy  
\p
\v 18 Johan a hubatkhqi ing vawhkaw ik-oeihkhqi boeih ve a venawh kqawn pe uhy. A hubat thlang pakhih ce khy nawh,  
\v 19 Bawipa ce doet aham tyi hy, “Nang ve ak law hly kawi ce hawh nu, am awhtaw thlak chang kamik qeh hly hyn nu? tinawh doet sak hy.   
\p
\v 20 Cawhkaw thlangkhqi ce Jesu a venna cet unawh, “Baptisma ak pekung Johan ing nang a venawh awi doet aham kaimih ve ni tyi khqi hy, 'Nang ve ak law hly kawi ce hawh nu, am awhtaw thlak chang kamik qeh hly hyn nu? tinawh ni doet sak khqi hy,” tina uhy.   
\p
\v 21 Cawh Jesu ing tlawhnat soepkep ak takhqi, thlak tlokhqi ce qoei sak nawh, qaaichekhqi ce hqek hy, mikhypkhqi ce mik dang sak hy.  
\v 22 \x - \xo 7:22 \xt Is. 35.5,6; \xt Is. 61.1.\x*Cedawngawh ami venawh, “\wj Johan a venna hlat tlaih unawh nami huhkhqi ingkaw naming zaakkhqi ce kqawn pe uh: Mikhyp ing khaw hu thai hawh nawh, khawkkhem ing cet thai hawh hy, mynqaikhqi ing ciimcaih hawh unawh, hakpangkhqi ing a mingha khui hawh hy, thlak thikhqi ing tho unawh, hahqahkhqi ing awithang leek za hawh uhy. \wj* 
\v 23 \wj U awm kai ak camawh amak tlu taw a zoseen hy\wj*,” tinak khqi hy.   
\p
\v 24 Johan ak thlang tyihkhqi a ming hlat coengawh, thlang kqeng a venawh Jesu ing Johan akawng kqawn pek khqi hy: “\wj Ikaw huh aham nami ngaih awh nu kqawng na nami ceh? Paipoeng zilh ing a zawn toek nami ngaih awh nu? \wj* 
\v 25 \wj Am awhtaw, ikaw huh nami ngaih awh nami ceh? Angki hinaak ak nep nep ing ak thoeihcam qukhqi toek nami ngaih awh nu? Amni, angki hinaak a phu ak tlo tlo ing thoeihcam qu nawh awk-ai ak tui tui ak aikhqi taw boeikhqi im awh ni a mi awm hy. \wj* 
\v 26 \wj Cawhtaw ikaw huh ngaih awh nami ceh ce? Tawngha huh nami ngaih awh nu, Oeih, ka nik kqawn peek khqi, tawngha anglakawh tawngha khqoet ceni. \wj* 
\v 27 \x - \xo 7:27 \xt Mal. 3.1.\x*\wj Anih akawng vemyihna a na qee hawh uhy: “'Na haiawh ka dyihthing tyi law kawng nyngsaw, anih ing na haai awhkaw lam ce qoek abah law kaw,' a ti ce. \wj* 
\v 28 \wj Ka nik kqawn peek khqi, nu ing a taak ak khui awhtaw Johan anglakawh ak bau khqoet awm hlan hy; cehlai Khawsa ram khuiawh ak zawi soeih na ak awm ce anih anglakawh bau khqoet hy\wj*,” tinak khqi hy.   
\p
\v 29 \x - \xo 7:29 \xt Mat 21.32; Luke 3.12.\x*(Thlang boeih ingkaw mangmu ak cawikungkhqi ing za Jesu ak awi ce a ming zaak awh, a mingmih ce Johan ing baptisma a na peek khqi hawh a dawngawh, Khawsa lam taw dyng hy tice dyih pyi uhy.  
\v 30 Cehlai Farasikhqi ingkaw anaa awi ak simkhqi ingtaw a mimah ak poek awh Khawsa ang cainaak ce oelh uhy, Johan a baptisma awm am hu uhy.)   
\p
\v 31 Jesu ing, “\wj Cawhtaw ve a chan awhkaw thlangkhqi ve ikaw ing nu ka nyhtah lah voei? Ikaw ing nu vekkhqi ve a ming lawh qu? \wj* 
\v 32 \wj Vekkhqi ve ik-oeih a mi zawihnaak hun awh amik ngawi naasenkhqi ing a mi pyikhqi a mik khy ing myih uhy: 'Khqung tum law hlai unyng, am lam uhyk ti; kqahlung ka mi sauh law awh awm, am kqang phoeih bai uhyk ti,” a ti ing myih hy. \wj* 
\v 33 \wj Johan law nawh buh awm am ai hy, misur tui awm am aw hy, 'Qaai tahy,' tina uhyk ti. \wj* 
\v 34 \wj Thlang Capa law nawh aw ai hy, 'Ai maw, aawk maw, misur tui ak sawk, mangmu ak cawikungkhqi ingkaw thlak thawlhkhqi pyi,' tina uhyk ti. \wj* 
\v 35 \wj Cehlai cyihnaak taw a cakhqi boeih ak caming dang sak na awm hy\wj*,” tinak khqi hy.   
\s1 Thawlh Qeennaak Ingkaw Lungnaak  
\p
\v 36 Farasi thlang pynoet ing Jesu ce buh veel pyi aham khy hy, cedawngawh cawhkaw Farasi a im na cet nawh my buh veel pyi hy.  
\v 37 \x - \xo 7:37 \xt Mat 26.7; Marka 14.3; Joh 12.3.\x*Ce a khawk khui awhkaw ak awm thlak thawlh nu pynoet ing Farasi a im awh Jesu ing buh pan hy tice ang zaak awh, alabaster bawktui pynoet ce haw law nawh law hy.  
\v 38 Jesu a hu benna a khawkung awh ce dyi nawh kqang hy, a mikphli tui ing a khaw sui nawh, a lusam ing huih hy, a khaw ce mawk nawh, bawktui ing syp bai hy.  
\v 39 Buh ai na ak khykung Farasi thlang ing a huh awh, “Ve ak thlang ve tawngha mantaw, anih ak bikung ce a u nu, tice sim hlai voei, anih ve thlak thawlh hlai ni,” tinawh ak kawlung khuiawh poek hy.  
\v 40 Jesu ing a venawh, “\wj Simon, awi kqawn law lah vang nyng,” tina hy. Anih ing, “Kqawn law lah thaw, cawngpyikung,\wj*” tina hy.   
\p
\v 41 Cawh Jesu ing, “\wj Thlang pakkhih ing tangka ak pu sakkung a venawh tangka pu haih hy nih. Pynoet ing tangka denari zanga pu nawh, pynoet ingtaw tangka denari hakip pu hy. \wj* 
\v 42 \wj A ni pakkhih na tangka pu ce am thung thai hy nih, cedawngawh tangka ak pu sakkung ing zoe sak kqawi haih hy. Cawhtaw han ak thlang ing nu anih ce a lungnaak khqoet kaw?\wj*” tina hy.   
\p
\v 43 Simon ing, “Tangka khawzah bet ak pu peek thlang ing lungna khqoet kaw, tinawh poek nyng,” tina hy.  
\p Jesu ing, “\wj Ak thym ni nak kqawn phek hy\wj*,” tina hy.   
\p
\v 44 Cekcoengawh nu benna ce mang nawh Simon a venawh, “\wj Vawhkaw thlang ve nak hu nu? Na im na ka law awh, ka khaw silh tui amni pe hyk ti. Cehlai anih ingtaw a mikphli tui ing ka khaw sui nawh a lusam ing huih hy. \wj* 
\v 45 \wj Nang ingtaw amni mawk man hyk ti, cehlai ve nu ingtaw ka lut law cyk awhkawng ka khaw ve ang dym kaana mawk hy. \wj* 
\v 46 \wj Nang ingtaw ka lu awh situi am ni syyp man hyk ti, cehlai anih ingtaw ka khaw awh bawktui ing ni syyp hy. \wj* 
\v 47 \wj Cedawngawh ka nik kqawn peek, a thawlhnaak khawzah ce qeenna awm hawh hy; anih ingawm a lungnaak bau soeih hy; cehlai qeennaak ak zawi ing, a lungnaak zawi khawi hy\wj*,” tina hy.   
\p
\v 48 Cekcoengawh Jesu ing nu a venawh, “\wj Na thawlhnaak qeenna awm hawh hy\wj*,” tina hy.   
\p
\v 49 Cawh buh ak vel pyikhqi ing, “Thlang a thawlh qeenkhaw ak ngai ve u nu?” ti uhy.   
\p
\v 50 Jesu ing nu a venawh, “\wj Nak cangnaak ing ni thaawng hawh hy, ngaihqep cana cet hlah\wj*,” tina hy.   
\c 8  
\s1 Camci Nyttahnaak  
\p
\v 1 Cekcoengawh Jesu taw khawk bau ingkaw vangcakhqi awh cet nawh, khawsa qam awithang leek ce kqawn hy. A hubat thlanghqa hlaihih tloek awm a venawh awm uhy,  
\v 2 \x - \xo 8:2 \xt Mat 27.55,56; Marka 15.40,41; Luke 23.49.\x*cekcoengawh amah ing qaihche ingkaw tlawhnatnaak awhkawng a qoei sak nu thlang vang tloek awm a venawh awm lawt uhy: ak kawk khui awhkawng qaaikhqi ak cawn Meri (Magdalene ak mingnaak);  
\v 3 Herod a ipkhui ak khoemkung Chuza a zu Joanna; Susanna ingkaw ak chang nukhqi khawzah awm uhy. Vawhkaw nukhqi ing a mimah a ik-oeih ing Jesu ingkaw a hubatkhqi ce do a dan uhy.   
\p
\v 4 Cawh thlang khawzah cun law unawh, khaw hoei awhkaw thlang boeih awm a venna law usaw, nyttahnaak awi hawnak ing awi kqawn pek khqi hy.  
\v 5 \wj “Lo ak toenkung thlang pynoet taw camci ak theh na cet hy. Camci ce ak theh awh, camci a vang taw lam awh tla nawh; thlang ing leh nawh phakhqi ing cung hloep uhy. \wj* 
\v 6 \wj A vang taw lung awh tla nawh, hang cawt law hlai hy, ak kqa am cak nawh qeu pahoei hy. \wj* 
\v 7 \wj Camci a vang taw hling anglak na tla nawh, hling ing zawi khoep saw qeen zip hy. \wj* 
\v 8 \wj Camci a vang taw ang laih leek awh tla hy, cawt nawh vui thaih hy, a pyh zakhat dyna ak thaih thawt hy\wj*,” tinak khqi hy.  
\p Vawhkaw nyhtahnaak awi ak kqawn coengawh, “\wj Zaaknaak haa ak ta ingtaw za seh nyng,\wj*” tinak khqi hy.   
\p
\v 9 A hubatkhqi ing cawhkaw nyhtahnaak awi ak kqawn ngaihnaak ce doet uhy.  
\v 10 \x - \xo 8:10 \xt Is. 6.9.\x*A mingmih a venawh, “\wj Khawsa ram simnaak awihyp ce nangmih a venawh taw peek na awm hawh hy, cehlai thlak chang a venawh taw nyhtahnaak awi ing kqawn pe nyng, “Hu hlai kawm uh, a mami hatnaak aham ingkaw za hlai kawm uh, a maming zaksimnaak aham\wj*,' tinak khqi hy.   
\s1 Nyttahnaak Kqawncaihnaak  
\p
\v 11 \wj Nyhtahnaak awi ing ak kqawn ngaihnaak taw vemyihna awm hy: Camci cetaw Khawsak awi ni. \wj* 
\v 12 \wj Lam awh ak tla camci taw thlang ing awithang leek ce za hlai hy; qaai ing law nawh, ap cangna unawh, thaawngna ama mi awm naak ham amik kawlung khui awhkaw ce loh pek khqi hy. \wj* 
\v 13 \wj Lung awh ak tla camci cetaw awi ce ang zaak awh zeelnaak ing do pahoei hy, cehlai ak kqa am awm hy. Kawlhkalh awhkaw ham doeng cangna unawh, sykzoeknaak a law awhtaw nawng taak uhy. \wj* 
\v 14 \wj Hling lakawh ak tla camci cetaw awi ce za nawh do hy, cehlai ce ak awi ce khawmdek khawsaknaak awh lylapnaakkhqi, boeinaak ingkaw awmhlynaakkhqi ing a zawl khoep adawngawh am taai thai hy. \wj* 
\v 15 \wj Cehlai ang laih leek awh ak tla camci cetaw: kawlung dyngnaak ingkaw leeknaak ing awi za unawh, kym unawh, thaih qui qah uhy. \wj*   
\s1 Maivang  
\p
\v 16 \x - \xo 8:16 \xt Mat 5.15; Luke 11.33.\x*\wj U ingawm mai a vang awh dawn ing am myk unawh, ihkhun ak kaina am tahy; ipkhui awh ak awm thlangkhqi ing vangnaak ce a mi huh thainaak ham, maihvang a mim hawihnaak awh ni a mim hawih. \wj* 
\v 17 \x - \xo 8:17 \xt Mat 10.26; Luke 12.2.\x*\wj Kawtih a mang dangnaak thai ham thuh ak phah khawi pynoet ca awm am awm kaw, amak dang hly kawi ang hyp na ak awm ik-oeih pynoet ca awm am awm kaw. \wj* 
\v 18 \x - \xo 8:18 \xt Mat 25.29; Luke 19.26.\x*\wj Cedawngawh ikawmyihna awi naming ngai tice ak nep cana poek uh. U awm ak ta cetaw sap pek khqoet kawm usaw; cehlai u awm amak ta cetaw, a taak chyn lawh pekna awm kaw\wj*,” tinak khqi hy.   
\s1 Jesu A Koeinaakhi  
\p
\v 19 Jesu a nu ingkaw a naakhqi ce a venna law uhy, cehlai thlang a kqeng aih awh a venna am cet thai uhy.  
\v 20 Cedawngawh, “Na nu ingkaw na koeinaakhqi ce a leng na dyi unawh, nang ni huh ham ngaih uhy,” tina uhy.  
\v 21 Cawh anih ing, “\wj Ve Khawsak awi za nawh ak saikhqi taw ka nu ingkaw ka koeinaakhqi n\wj*i,” tinak khqi hy.   
\s1 Jesu Ing Khawhli Ding Sak Hy  
\p
\v 22 Hypoet awh Jesu ing a hubatkhqi venawh, “\wj Tuiqal na cet usih\wj*,” tinak khqi hy. Cedawngawh lawng khuina lut unawh cet uhy.  
\v 23 A mi ceh huili awh anih taw ip hy. Tuiawh ce khaw hli lawnawh lawng ce tui be khoep saw ly unawh awm uhy.  
\v 24 A venna cet unawh thawh uhy, a venawh, “Bawipa, Bawipa, kaimih tui awh cum hly hawh u nyng ve!” tina uhy. Cawh anih ce tho lawnawh khawhli ingkaw tuiphu ce zyi hy; cawh khawhli ce dym nawh a sitdik na awm tlaih hy.   
\p
\v 25 Cekcoengawh amingmih ce, “\wj Hana namik cangnaak?\wj*” tinak khqi hy. Cekkhqi ing kqih ingkaw kawpoek kyi doena, “Ve ve u nu ve? Khawhli ingkaw tui ce awi pe saw ak awi aming ngai pek hy,” ti qu uhy.   
\s1 Qaai Ing Am Tuk Thlang Qoei Sak Hy  
\p
\v 26 Galili caqai ben nakaw Gerasenes ben ce pha uhy.  
\v 27 Ce hun ami pha awh, ce a khawk khuiawh ak awm qaai ing am tu thlang pynoet ing pan law hy. Ce ak thlang taw khawqyt khuiawh angki hinaak a bai kaana im awh awm am awm nawh, phyi khqang awm poepa hy.  
\v 28 Anih ing Jesu ce a huh awh, khy nawh a khawkung awh khukzym pehy, ak tha yy nawh, “Jesu, sawsang soeih Khawsa Capa, ikaw ni tina vang na ti? Koeh ni khuikha sak mai, qeennaak ni thoeh nyng,” tina hy.   
\p
\v 29 Jesu ing qaihche a venawh thlang ak kawk khui awhkawng cawn aham awi a na pe khawi hawh hy, a kut a khaw ce thiqui ing pin unawh thlang awm qeh sak hlai uhy, thiquikhqi phu kyk kyk nawh qaai ing anih ce kqawk chyp na sawi poepa hy.   
\p
\v 30 Jesu ing “\wj U nu nang ming naak\wj*?” tina hy. Anih ing, “Legion,” ni, (ak kawk khuiawh qaai khawzah a awm a dawngawh) tina hy.   
\p
\v 31 Lawk-kqawng ak dung soeih awh a mingmih ce amak thlaak naak aham a venawh qeennaak thoeh uhy.  
\v 32 Cawh tlang awh vawk sawng khawzah awm usaw, vawkkhqi ak kawk khuiawh mah lut sak khqi aham qeennaak thoeh uhy, ce a dawngawh anih ing lut sak khqi hy.  
\v 33 Qaaikhqi taw thlang ak kawk khui awhkawng cawn unawh, vawk ak kawk khuina ce lut uhy; cawh vawkkhqi ce hqeeng nakawng tuili na cawn unawh thi boeih uhy.  
\v 34 Cemyihna ik-oeih ak awm ce vawk ak cahkhqi ing a mi huh awh dawng unawh khawk bau ingkaw vangcakhqi na ce kqawn usaw,  
\v 35 cedawngawh cawhkaw ik-oeih ce ak toek aham thlangkhqi ce cet uhy. Jesu a ven a mi pha awh, ak kawk khuiawh kawng qaai ak cawn thlang, hi bai nawh sangthingna Jesu a khawkung awh ak ngawi ce hu unawh kqih uhy.  
\v 36 Ak hukhqi boeih ing qaai ing am tu thlang ikawmyihna a qoeinaak tice thlangkhqi venawh kqawn pe uhy.  
\v 37 Cedawngawh Gerasenes qam khuiawh ak awm thlangkhqi boeih ing a mik kqih soeih a dawngawh cekkhqi ce cehtaak aham qeennaak thoeh uhy. Cedawngawh lawng khuina ce lut tlaih unawh cet hy.  
\v 38 Ak kawk khuiawh kawng qaai ak cawn thlang ing a hu awh bat lawt aham qeennaak thoeh hy, cehlai Jesu ing voei sak tlaih hy.  
\v 39 Na im na voei nawhtaw Khawsa ing ikawmyihna nak khan awh ik-oeih a sai tice vak kqawn” tina hy. Cedawngawh ce ak thlang ing cet nawh Jesu ing ikawmyihna ik-oeih a sai peek tice khawk khuina kqawn hy.   
\s1 Nula Ca Ak Thi Ingkaw Nu Ak Tlo  
\p
\v 40 Jesu ce ang voei tlaih awh, thlang boeih ing anih ce a ming ngaih-u a dawngawh thlangkhqi ing ym uhy.  
\v 41 Cawh Jairu ak mingnaak, Sinakawk ukkung thlang pynoet ce law nawh Jesu a khawkung awh khuksym nawh a im na ceh aham qeennaak thoeh hy.  
\v 42 Canu a taak dyn, kum hqa hlaihih ak law ce tlo nawh thi hlo hlo hy. Lam a ceh huiawh, thlang kqeng ing anih ce nen uhy.  
\v 43 Cawh kum hqa hlaihih a thi na ak kqam nu pynoet ce awm hy, a u ingawm anih ce am qoei sak thai hy.  
\v 44 Anih ce a hu awh cet nawh a hidawng ca ce bi pehy, cawh a thi ce dym hy.  
\v 45 Jesu ing, “\wj U nu kai anik bi\wj*?” tinak khqi hy. Thlang boeih ing, “Am sim nyng,” a mi tinaak awh Piter ing, “Bawipa, thlang a doem aih awh ni nen unawh ni,” tina hy.   
\p
\v 46 Cehlai Jesu ing, “\wj Thlang pynoet oet ing ni bi hy; saithainaak ka venawh kawng cawn hy ti sim nyng,\wj*” tinak khqi hy.   
\p
\v 47 Cawhkaw nu ing thuh thai na am awm voel hy ti a sim awh, thyn doena a venna cet nawh a khawkung awh koep pehy. Thlang boeih a haiawh kawtih bi nawh ikawmyihna a qoei tlang tice kqawn pehy.  
\v 48 Cekcoengawh cawhkaw nu a venawh, “\wj Ka canu, nak cangnaak ing ni qoei sak hawh hy. Ngaihding caana cet hlah\wj*” tina hy.  
\v 49 Jesu ing cemyihna awi ak kqawn huiawh, Sinakawk ukkung Jairu a im nakawng thlang pynoet ce law hy.  
\p Anih ing, “Na canu ce thi hawh hy, cawngpyikung ce koeh lawn voel,” tina hy.   
\p
\v 50 Jesu ing ce ak awi ang zaak awh Jairu a venawh, “\wj Koeh ly; cang mah cangna lah, na canu ce qoei tlaih bit kaw\wj*,” tina hy.  
\v 51 Jairu a im ce a mi pha awh, Piter, Johan, Jakob ingkaw a nu a pa doeng ce ip khuina ceh pyi hy.   
\p
\v 52 Cawh thlangkhqi boeih taw ko ang kqang uhy. Jesu ing, “\wj Koeh kqang voel uh, ak thi am ni, ak ip ni\wj*,” tinak khqi hy.  
\v 53 Cawh cekkhqi ing nuca taw thi hawh hy tice a mi sim a dawngawh qaih na uhy.  
\v 54 Nuca ce a kut awh am tu coengawh, “\wj Ka ca tho hlah\wj*,” tina hy.  
\v 55 Cawh ang Myihla ce voei tlaih nawh, tho pahoei hy. Jesu ing ai kawi pynoet oet peek aham kqawn pehy.  
\v 56 A nu ingkaw a pa taw a ning ngaih kyi soeih hy, cehlai cawhkaw ik-oeih ce u a venawh awm amak kqawn aham awi pehy.   
\c 9  
\s1 Hubat Thlanghqa Hlaihih Tyihnaak  
\p
\v 1 A hubat thlanghqa hlaihih ce ak khy coengawh, qaaikhqi hqek thainak ingkaw thlak tlo qoei sak thainaak ce pek khqi nawh,  
\v 2 Khawsa awithang leek kqawn aham ingkaw thlak tlokhqi qoei sak aham tyi khqi hy.  
\v 3 A mingmih a venawh: “\wj Lam awhkaw aham ikaw awm koeh khyn uh - sawnghqawl, sawngsa, phaihpi, tangka ingkaw angki zunghih koeh khyn uh. \wj* 
\v 4 \wj Nami pahnaak im a hoei awh, ce a khaw ce nami cehtaak hlan dy awm poe uh. \wj* 
\v 5 \x - \xo 9:5 \xt Cei 13.51.\x*\x - \xo 9:5 \xt Luke 10.4-11.\x*\wj Thlang ing a ma ni do khqi awhtaw, ce a khaw ce nami cehtaak awh nami khawpha awhkaw dekvai ce khawk sih uh\wj*,” tinak khqi hy.  
\v 6 Cedawngawh, cet unawh khaw pynoet coeng pynoet awh awithang leek kqawn unawh thlak tlokhqi ce qoei sak uhy.   
\s1 Hero Ing Jesu Huh Ngaih Hy  
\p
\v 7 \x - \xo 9:7 \xt Mat 16.14; Marka 8.28; Luke 9.19.\x*Herod boei ing cawhkaw awithang ce za hy. Thlang vang ing, “Johan ce tho tlaih nawh ni,” ti uhy,  
\v 8 thlang vang ingtaw, “Elijah dang law tlaih nawh ni,” ti bai uhy, thlang vang bai ingtaw, “Syn awhkaw tawngha pynoet oet hqing tlaih nawh ni,” tinawh kqawn uhy.  
\v 9 Cehlai Herod ingtaw, “Johan ce a hawng tlyk hawh hlai nyng; vawhkaw awithang kang zaak ve a u bai hy voei nu?” ti hy. Cedawngawh anih ce huh aham ngaih hy.   
\s1 Thlang Thawng Nga Am Cahnaak  
\p
\v 10 Ceityihkhqi a ming voei tlaih coengawh, ik-oeih a mi saikhqi ce Jesu a venawh kqawn pe uhy. Cekkhqi ce Bethsaida a mi ti khaw na ce ceh pyi khqi hy.  
\v 11 Cehlai thlang kqeng ing sim nawh a hu awh hquut uhy. Cekkhqi ce ym nawh a mingmih a venawh Khawsa qam akawng ce kqawn pek khqi nawh, cekcoengawh thlak tlokhqi awm qoei sak khqi hy.  
\v 12 Khaw a nung keeng awhtaw thlanghqa hlaihih tloek ce a venna law unawh, “vawhkaw thlang kqeng ve khaw ceng khaw cawi awh tyi khqi hlah, buh a an ingkaw ih a awmnaak sui na u seh, ningnih ce kqawng lakna nik awm uni,” tina uhy.   
\p
\v 13 Anih ing, “\wj Nangmih ing ai kawi ce pe uh\wj*,” tinak khqi hy. A mingmih ing, thlang vezah aham buh a an am nik thlaih peek mantaw - phaihpi cun nga ingkaw nga pakkhih doeng ni a awm hy,” tina uhy.  
\v 14 (Vawh thlang thongnga awm uhy.) Cehlai a hubatkhqi na ce, “\wj Thlang hakip hakip awh ngawih sak hloep hloep uh\wj*,” tinak khqi hy.   
\p
\v 15 A hubatkhqi ing thlang kqeng ce ngawih sak khqi hy.  
\v 16 Phaihpi cun nga ingkaw nga pakkhih ce lo nawh khan benna hang mang nawh, zeel awi ak kqawn coengawh ek hy. Thlang kqeng a haiawh toen peek aham a hubatkhqi venawh pehy.  
\v 17 A mingmih ing ai unawh a mi phyi coengawh ak ngen ce vawh hqa hlaihih na kawi uhy.   
\s1 Piter Ing Messiah Amih Kqawn Hy  
\p
\v 18 Hypoet taw Jesu ing amah doeng ak cykcah awh, a hubatkhqi ce a venawh awm usaw doet khqi hy, “\wj Thlangkhqi ing kai ve u nu a mi ti?”\wj* tinak khqi hy.   
\p
\v 19 \x - \xo 9:19 \xt Mat 14.1,2; Marka 6.14,15; Luke 9.7,8.\x*Cekkhqi ing, “Thlang vang ing 'Baptisma ak pekung Johan,' ti unawh, thlang vang ing, 'Elijah,' ti uhy, thlang vang bai ingtaw, 'Syn awhkaw tawngha pynoet oet ak tho tlaih ni,' ti uhy,” tina uhy.  
\v 20 \x - \xo 9:20 \xt Joh 6.68,69.\x*Cawhtaw, ami venawh, “\wj Nangmih ingtaw kai ve u nu nami ti?\wj*” tinak khqi hy.  
\p Piter ing, “Nang taw Khawsa a Khrih ni,” tina hy.  
\v 21 Ce akawng ce u aven awh awm amamik kqawn aham cekkhqi ce yn khqi hy.  
\v 22 \wj Thlanghqing Capa ing khuikhanaak hu kawmsaw a hqamcakhqi, khawsoeih boeikhqi ingkaw anaa awi cawngpyikungkhqi ing hoet kawm uh, him kawm usaw am thum nyn awh tho tlaih kaw\wj*,” tinak khqi hy.   
\s1 Na Thinglam Ce Kawt  
\p
\v 23 \x - \xo 9:23 \xt Mat 10.38; Luke 14.27.\x*Cekcoengawh a mingmih boeih a venawh, “\wj U ingawm ka hu awh bat ham a ngaih awhtaw, amah ingkaw amah ce hoet qu seitaw, myngawi na amah a thinglam ce kawh doena ka hu awh bat law seh. \wj* 
\v 24 \x - \xo 9:24 \xt Mat 10.39; Luke 17.33; Joh 12.25.\x*\wj Ikawtih, u awm a hqingnaak hul ham ak ngaih ingtaw hlawng seitaw, u awm kai ak camawh a hqingnaak ak hlawng ingtaw a hqingnaak ce hul kaw. \wj* 
\v 25 \wj Thlang ing khawmdek pum ve ham mai seiawm a hqingnaak a hlawng awhtaw anih ham ikaw phu a taak? \wj* 
\v 26 \wj U awm kai ingkaw kak awi ak chah pyi taw, Thlanghqing Capa ing amah a boeimangnaak, a Pa a boeimangnaak ingkaw khan ceityih ciimcaihkhqi a boeimangnaak ing ami law awh anih ce chah pyi lawt kaw. \wj* 
\v 27 \wj Awitak ka nik kqawn peek khqi, vawh ak dyi thlang vangkhqi ing Khawsa qam a huh hlan dy thihnaak amak tan hly awm uhy\wj*,” tinak khqi hy.   
\s1 Jesu Myi Ing Zawl Hy  
\p
\v 28 Ve ak awi ak kqawn coeng ak kqeet nyn awh, Jesu ing Piter, Johan ingkaw Jakob ce khy nawh tlang na cykcah aham van pyi khqi hy.  
\v 29 Ak cykcah awh a hai ce thaw qu nawh, a hi ce khawkphlamyihna vang hy.  
\v 30 Cawh thlang pakkhih Mosi ingkaw Elijah,  
\v 31 ce boeimang soeih na dang nih nawh Jesu ingqawi awi pau uhy. Jesu a lam ceh Jerusalem awh a soep naak hly ce kqawn uhy.  
\v 32 Piter ingkaw a pyi qawi taw ip uhy, a ming hqyng law awhtaw a boeimangnaak ing a venawh thlang pakkhih ak dyi ce hu uhy.  
\v 33 Cawhkaw thlang qawi ing Jesu ceh taak hlah sih a ni ti awh, Piter ing, “Bawipa, vawh awmnaak ham hyn leek soeih hy, buk pakthum awh heen sih - pynoet ce nang aham seh, pynoet ce Mosi aham seitaw pynoet bai ce Elijah aham seh,” tina hy. (Kaw ak kqawn ti awm am sim hy.)  
\v 34 Awi ak kqawn huili awh, myi than law nawh a mingmih ce zawl khqi khoep hy, myi ak khuina a mi lut awh kqih uhy.  
\v 35 \x - \xo 9:35 \xt Is. 42.1; Mat 3.17; 12.18; Marka 1.11; Luke 3.22.\x*\x - \xo 9:35 \xt 2Pe 1.17,18.\x*Myi ak khuiawh kawng awi law nawh, “Vetaw ka Capa kak tyh ni; ak awi ngai pe uh,” tihy.   
\p
\v 36 Cawhkaw awi ce a sit coengawh, Jesu amah doeng caa ce hu uhy. A hubatkhqi ing cawhkaw ik-oeih ce khoem dym unawh a mi huh ik-oeih ce a u a venawh awm ap kqawn pe uhy.   
\p
\v 37 A khawngawi awh tlang nakawng a mi kqum lawawh, thlang khawzah ing amih ce do uhy.  
\v 38 Thlang kqeng ak khuiawh kaw thlang pynoet ing, “Cawngpyi kung, ka capa na toek law ham ni ngaih na nyng, ka capa ka taak dyn na awm nawh.  
\v 39 Ngai lah, qaai ing tu nawh, khy hoeih hoeih hy, a cimtui ang tlaak doena dek awh tluuk sak nawh a phep qee coengawh ceh taak hoeih hoeih hy.  
\v 40 Na hubatkhqi venawh hqek pek a hamna thoeh hlai nyng, am hqek thai uhy,” tina hy.   
\p
\v 41 Jesu ing, “\wj Aw cangnaak amak takhqi ingkaw amthin amak cak cadil tloek, iqyt nu ka ni awm pyi khqi nawh ka ning yh pyi khqi kaw? Na capa ce vena law pyi lah\wj*,” tina hy.  
\v 42 Naasen ce a law pyi hui awh qaai ing dek awh tluuk sak nawh ak tlo na phep qee hy. Cehlai Jesu ing qaai ce zyi nawh, naasen ce a qoei sak coengawh a pa a venawh pe tlaih hy.   
\s1 A Thihnaak Hly Kqawn Hy  
\p
\v 43 Thlang boeih ing Khawsa a boeimangnaak ce kawpoek na kyi sak uhy. Jesu a them saithainaak awh a mik kawpoek a kyi hui awh, Jesu ing a hubatkhqi venawh,  
\v 44 Awi kqawn law vang nyng, ak nep na ngai lah uh: \wj Thlanghqing Capa ve thlang a kut awh tu sak kawm uh\wj*,” tinak khqi hy.   
\p
\v 45 Cehlai ak kqawn ngaihnaak ce am zaksim pe uhy. A mingmih ang zaksim kawi na a ma awm a dawngawh, am khoem thai uhy, amah ce doet aham awm kqih koek uhy.   
\p
\v 46 \x - \xo 9:46 \xt Luke 22.24.\x*A mingmih ak khuiawh u nu ak bau soeih na ak awm kaw, tinawh a hubatkhqi ak khuiawh oelh qu uhy.  
\v 47 Jesu ing a mingmih ak kawpoek ce a sim a dawngawh naasen ce lo nawh a venawh dyih sak hy.  
\v 48 \x - \xo 9:48 \xt Mat 10.40; Luke 10.16; Joh 13.20.\x*Cekcoengawh a mingmih a venawh, “\wj U awm vawhkaw naasen ve kai ang ming ing ak ym taw kai a nik tyikung ce ak ym na awm hy. Nangmih boeih ak khuiawh ak zawi soeih na ak awm ce ak bau soeih na awm hy\wj*,” tinak khqi hy.   
\p
\v 49 Johan ing, “Bawipa, thlang pynoet ngawh nang ang ming ing qaai a hqek ce hu u nyngsaw kham pe u nyng, kaimih ak khuiawh kaw thlang na a ma awm a dawngawh,” tina uhy.   
\p
\v 50 Jesu ing, “\wj Koeh kham pe uh, nangmih a ma nik oelh thlang cetaw nangmih ben thlang ni\wj*,” tinak khqi hy.   
\s1 Jerusalem Lawmna  
\p
\v 51 Khawk khan na amah ceh pyi aham a tym a zoe law awh, Jesu taw Jerusalem na cet hy.  
\v 52 Laipaikhqi ce haina tyi hy, ik-oeihkhqi qoek a bah aham a mingmih ce Samari khawk khui pynoet awh cet uhy;  
\v 53 cehlai Jerusalem khaw na ceh phaat aham ang cai a dawngawh cawhkaw a mik awm thlangkhqi ing anih ce am do uhy.  
\v 54 \x - \xo 9:54 \xt 2 Kin. 1.9-16.\x*A hubat qawi Jakob ingkaw Johan ing cemyihna a mi awm ce a ni huh awh, “Bawipa, a mingmih ve hqe aham khawk khan nakaw mai (Elijah ing ak khy myihna) khy sih aw?” tina hy nih.  
\v 55 Cehlai Jesu ing cekqawi ce hawi sih nawh zyi qawi hy. (Kawmih ak kawpoek nu nani taak tice am sim hy nik ti).  
\v 56 (Thlanghqing Capa ve thlang a hqingnaak hqe aham am law nawh, hqingnaak hul aham nani a law, tina qawi hy.) Cekcoengawh khawk chang na cet pahoei uhy.   
\s1 Jesu Hu Ak Hquut  
\p
\v 57 Lam na a mi ceh awh thlang pynoet ing a venawh, “Na cehnaak a hoei awh bat lawt vang nyng,” tina hy.   
\p
\v 58 Jesu ing a venawh, “\wj Ngentangkhqi ing a mik kawk ta unawh phakhqi ingawm a ming bu ta uhy, cehlai Thlanghqing Capa ingtaw a lu a tloengnaak hun kangna awm am ta hy\wj*,” tina hy.   
\p
\v 59 Thlak chang a venawh, “\wj Ka hu awh bat law\wj*,” tina hy.  
\p Cehlai cawhkaw thlang ing, “Ka pa a qawk khoem cang vang,” tina hy.   
\p
\v 60 Cehlai Jesu ing a venawh, “T\wj hlak thi cetaw ak thi khqi ing khoem ngoen seh, nang taw cet nawh Khawsa ram ce kqawn lah\wj*,” tina hy.   
\p
\v 61 \x - \xo 9:61 \xt 1 Kin. 19.20.\x*Thlak chang pynoet bai ing, “Na hu awh bat bit kawng nyng, cehlai ka cakaw paqengkhqi phih a qaa cang vang nyng,” tina hy.   
\p
\v 62 Jesu ing a venawh, “\wj U awm laikawk thawlnaak awh a kut ta nawh hu benna ak mang taw Khawsa qam thlang nih am tlaak hy,\wj*” tina hy.   
\c 10  
\s1 Hubat Khqeetkip Tyih  
\p
\v 1 Cekcoengawh Bawipa ing ak chang thlang khqihkip coengawh pakkhih ce caksak nawh amah a cehnaak hly kawi khaw boeih awh lamma na tyi khqi hy.  
\v 2 \x - \xo 10:2 \xt Mat 9.37,38.\x*A mingmih a venawh, “\wj Caang ah ham taw khawzah hlai, bibikung taw zawica hy. Lo khuiawh ce bibikung thlang khawzah a tyihnaak aham, loh toenkung Bawi a venawh thoeh lah uh. \wj* 
\v 3 \x - \xo 10:3 \xt Mat 10.16.\x*\wj Cet lah uh! Ngentang anglakawh tuu myihna ni tyih khqi nyng. \wj* 
\v 4 \wj Tangka bawm awm sawngsa awm khawmyk awm koeh khyn uh; lam awh thlang nami huh awh awm koeh voem uh. \wj* 
\v 5 \wj Ipkhui na nami lut awh, lamma cyk awh, 'Ve ipkhui awh ngaihdingnaak awm seh,' tina uh. \wj* 
\v 6 \wj Ngaihding capa a awm awhtaw naming ngaihdingnaak awi ak khanawh awm poe kaw; a ma awm awhtaw nangmih a venna voei law tlaih kaw. \wj* 
\v 7 \x - \xo 10:7 \xt 1Kor 9.14; 1Ti 5.18.\x*\wj Ce a ipkhui awh awm unawh taw, a mingmih ing ami peek saqui ce aw a ai uh, kawtih bibikung taw a bibi phu ce a huh ham tyng hy. Nami im pahnaak koeh chawt uh. \wj* 
\v 8 \wj Khaw pynoet ak khuiawh nami lut awh nangmih ce a ni do khqi awhtaw, nangmih a haiawh ami toen law saqui ce ai uh. \wj* 
\v 9 \wj Cawh ak awm thlak tlokhqi ce qoei law sak unawh taw 'Khawsa qam taw nangmih a venawh zoe law hawh hy,' tina uh. \wj* 
\v 10 \x - \xo 10:10 \xt Cei 13.51.\x*\wj Cehlai khaw pynoet ak khuina nami lut awh a mani do khqi awhtaw, lam hqang cet unawh taw, \wj* 
\v 11 \x - \xo 10:11 \xt Mat 10.7-14; Marka 6.8-11; Luke 9.3-5.\x*\wj 'Nami khaw awhkaw dekvai ka khawpha awh ak kap awm namik khanawh nik khawk sih khqi nyng; cehlai Khawsa ram nami venawh pha law hawh hy tice sim kawm uk ti,' tikawm uk ti. \wj* 
\v 12 \x - \xo 10:12 \xt Gen 19.24-28; Mat 11.24; \xt Mat 10.15.\x*\wj Ka nik kqawn peek khqi, ce a khawnghi awh Sodom khaw taw ce a khaw anglakawh ana hawih khang bet kaw. \wj*   
\s1 Thin Ak Sah Khawkhqi  
\p
\v 13 \x - \xo 10:13 \xt Is. 23.1-18; Ezek. 26.1—28.26; Joel 3.4-8; Amos 1.9,10; Zech. 9.2-4.\x*\wj Korazin nang, khaw map hyk ti! Bethsaida nang, khaw map hyk ti! Kawtih nangmih ak khuiawh sai na ak awm kawpoek kyinaak ik-oeihkhqi ce Tura ingkaw Sidon khaw awh sai na ana awm mantaw, tlamhi byng doena vyt ak khan awh ngawi unawh syn deng awh ni a mi nang zut hly hawh hlai hy. \wj* 
\v 14 \wj Awidengnaak khawnghi awh Tura ingkaw Sidon khaw ce nangmih anglakawh ana hawih khang bet kaw. \wj* 
\v 15 \x - \xo 10:15 \xt Is. 14.13-15.\x*\wj Ce, nang Kaperanuam, khan na na hak zoek qu hly tang nu? Kaw ce, hell na man na nung tlaak kaw. \wj* 
\v 16 \x - \xo 10:16 \xt Mat 10.40; Marka 9.37; Luke 9.48; Joh 13.20.\x*\wj U awm nangmih ak awi ak ngai taw kai ak awi ak ngai na awm hy; u awm nangmih a nik hoet khqi taw kai a nik hoet na awm hy; u awm kai a nik hoet cetaw kai a nik tyikung ce ak hoet na awm hy\wj*,” tinak khqi hy.   
\s1 Khqihkip Coengawh Pakkhih Voeinaak  
\p
\v 17 Thlang khqihkip coengawh pakkhih taw zeel doena voei law unawh, “Bawipa, qaaikhqi ingawm nang ming ak caming kaimih ak awi ngai uhy,” tina uhy.  
\v 18 Anih ing, “\wj Khawphlamyihna khan nakawng Setan a nuk tla law ce hu nyng. \wj* 
\v 19 \x - \xo 10:19 \xt Sam 91.13.\x*\wj Nangmih a venawh khqui ingkaw cengta-ai leh thainaak ingkaw qaal ak thaawmnaak noeng thainaak ce ni pek khqi hawh nyng; ikaw ingawm nangmih ce amni tlawh sak khqi thai kaw. \wj* 
\v 20 \wj Cehlai qaaikhqi ing nangmih ak awi ang ngai a dawngawh koeh zeel uh, khawk khan na nangmih ang ming qee na a awm hawh a dawngawh zeel bet uh\wj*,” tinak khqi hy.   
\p
\v 21 Cawh Jesu taw Ciim Myihla ak caming zeelnaak ing be nawh, “\wj Ka Pa khawk khan ingkaw khawmdek Bawipa, thlakcyi ingkaw thlakthoemkhqi venawh vawhkaw ik-oeih ve phah pe nawh, naasenkhqi venawh nang dang sak a dawngawh nang ming nim kyih nyng. Oeih, ka Pa ve ve nang a koe ak leek zeelnaak na awm hy. \wj* 
\v 22 \x - \xo 10:22 \xt Joh 3.35; \xt Joh 10.15.\x*\wj Ik-oeih boeih ve ka Pa ing ka venawh ni pe hawh hy. Pa am kaa taw u ingawm Capa ce am sim hy, ang dang naak aham Capa ing ak tyk thlangkhqi doeng ingkaw Capa am kaa taw u ingawm Pa ce am sim hy\wj*,” tinak khqi hy.   
\p
\v 23 Cekcoengawh a hubatkhqi benna mang nawh, “\wj Nangmih ing nami huh ak hu taw a zoseen hy! \wj* 
\v 24 \wj Ikawtih ka nik kqawn peek khqi, tawngha khawzah ingkaw sangpahrang khawzah ngawh nangmih ing nami huh ve huh aham ngaih hlai uhy, amna hu uhy, nangmih ing naming zaak ve zaak aham ngaih hlai uhy, am za uhy\wj*,” tinak khqi hy.   
\s1 Samari Thlak Leek  
\p
\v 25 \x - \xo 10:25 \xt Mat 22.35-40; Marka 12.28-34.\x*Cawh anaa awi ak thoem thlang pynoet ing Jesu noek adak aham dyi nawh doet hy. “Cawngpyikung kumqui hqingnaak ka taaknaak aham ikaw ka sai kaw?” tina hy.   
\p
\v 26 Jesu ing, “\wj Anaa awi awh ikaw a qee? ikawmyihna na noet naak\wj*?” tina hy.   
\p
\v 27 \x - \xo 10:27 \xt Deut. 6.5; \xt Lev. 19.18.\x*Anih ing ve myihna hlat pehy, 'Bawipa na Khawsa ce nak kawlung boeih, na hqingnaak boeih, nak thaawmnaak boeih, nak kawpoek boeih ing lungna kawp ti,' 'cekcoengawh, 'Na imceng ce namah a pum a myihna lungna lawt kawp ti' tihy,” tina hy.   
\p
\v 28 \x - \xo 10:28 \xt Lev. 18.5.\x*Jesu ing, “\wj Ak thymna nim hlat hyk ti ce; vemihkhqi ve sai lah, cawhtaw hqing kawp ti\wj*,” tina hy.   
\p
\v 29 Cehlai cawhkaw thlang ing ak cang a ngaih a dawngawh Jesu ce doet hy, “Ka imceng ce a u nu?” tina hy.   
\p
\v 30 Jesu ing ak awi am hlatnaak aham vemyihna tina hy; “\wj Thlang pynoet taw Jerusalem awhkawng Jeriko khaw na a nu ceh awh lam awh thlak chekhqi mi hqum qu uhy. A angki hinaak suh pe unawh ak thi tawna vyk unawh cehta uhy. \wj* 
\v 31 \wj Cawh khawsoeih pynoet ce cawhkaw lam awh nu cet lawt hy, cawhkaw thlang ce a huh awh, ak cheng benna qei nawh cehta hy. \wj* 
\v 32 \wj Cemyih bai lawtna, Levi thlang pynoet cawhkaw lam awh ce law bai hy, ce a hun ce pha law nawh thlang ce a huh awh qei nawh cehta bai hy. \wj* 
\v 33 \x - \xo 10:33 \xt 2 Chr. 28.15.\x*\wj Cehlai Samari thlang pynoet ce, ce ak thlang a awmnaak hun pha law hy, ce ak thlang a huh awh qeen nawh, \wj* 
\v 34 \wj a venna cet nawh, a mynmakhqi ce misur tui ingkaw situi ing a hluk peek coengawh zeen pehy. Cekcoengawh cawhkaw thlang ce amah a meqang awh ngawih sak nawh, ak nep caana a khut a hlep thainaak aham khin pahnaak im na cehpyi hy. \wj* 
\v 35 \wj A khawngawi awhtaw amah a tangka denari pakkhih ce lo nawh khin pahnaak im ak qehkung a venawh pehy. 'Ak nep na ana toek cang, kang voei law tlaih awh, tangka na hawnaak boeih ce ni thung tlaih bit kawng,” tina hy. \wj* 
\v 36 \wj Cawhtaw vawhkaw thlang pakthum ak khuiawh a u amih ak thlang nu ami vyyk a imceng na ak awm kaw\wj*,” tina hy.   
\p
\v 37 Cawhkaw anaa awi ak thoem thlang ing, “Ak khan awh qeennaak ak ta thlang ce,” tina hy.  
\p Jesu ing, “\wj Cet nawh cemyihna ce sai lawt,\wj*” tina hy.   
\s1 Marta Ingkaw Meri  
\p
\v 38 \x - \xo 10:38 \xt Joh 11.1.\x*Lam ami ceh huili awh, vangca pynoet ce pha uhy, ce a khawk khuiawh kaw ak awm Marta ing anih ce a im awh pah sak hy.  
\v 39 Marta ing Meri ak mingnaak a na pynoet tahy, anih ingtaw Bawipa ak awih kqawn ce ngai aham a khawkung awh ngawih pehy.  
\v 40 Cehlai Marta taw buh an ang thaawng awh am hoeng hy. Cedawngawh Jesu a venna law nawh, “Bawipa, ka na ing kamah doeng bibi aham a ni hlah phlam ve kawna awm am nak poek hly nawh nu? Kai ani bawm aham kqawn pe lah,” tina hy.   
\p
\v 41 Bawipa ing, “\wj Marta, Marta ik-oeih khawzah nak poek aih awh ngaihsa hyk ti. \wj* 
\v 42 \wj Ik-oeih pynoet doeng ni a ngoe, Meri ingtaw ak nep khqoet ce tyk hawh hy, cece u ingawm am qawt pe thai hy\wj*,” tina hy.   
\c 11  
\s1 Cykcah Cawngpyinaak  
\p
\v 1 Hypoet taw Bawipa Jesu amah doeng hun oet awh cykcah hy. Ak cykcah coengawh, a hubat pynoet ing a venawh, “Bawipa, Johan ing a hubatkhqi cykcahnaak a cawngpyi a myihna cykcahnaak ni cawngpyi lawt lah,” tina hy.   
\p
\v 2 Cedawngawh a mingmih a venawh, \wj “Namik cykcah awh vemyihna cykcah uh,\wj*  
\q1 “\wj Kaimih a Pa, nang ming kqihchahnaak awm seh\wj*,   
\q1
\v 3 \wj Myngawi ai tat buh ni pek khqi lah\wj*.   
\q1
\v 4 T\wj hlakthawlh ak khan awh qeenkhaw ka ming ngai a myihna,\wj*  
\q2 \wj kaimih a thawlhnaak awh qeenkhaw ngai law lah.\wj*  
\q2 \wj Sykzoeknaak awh koeh ni sawi khqi\wj*,” tinak khqi hy.   
\s1 Thoeh, Khoek Naw Sui  
\p
\v 5 Cekcoengawh a mingmih a venawh, “\wj Nangmih ak khuiawh thlang pynoet ing pyi pynoet ta mai lah seh, thanlung awh cawhkaw a pyi pynoet a venawh cet nawh, ‘Ka pyi, phaihpi cun thum awh nik pu cang lah, \wj* 
\v 6 \wj khawlawng nakaw ka pyi law nawh, ka toen peek ham ikaw am ta nyng,' tina hy. \wj* 
\v 7 \wj Cawh ipkhui na ak awm thlang ing, ‘koeh ni ngeu koeh ni lawn; chawh khai hawh nyng, ka cakhqi awm ip boeih hawh uhy, tho nawh am ni pe hly thai voel nyng,’ tina hy. \wj* 
\v 8 \wj Ka nik kqawn peek khqi, anih ce am tho nawh phaihpi ce am pe thai hy, thoeh khak saw a pyi na a awm a dawngawh tho kawmsaw a ngaih zah pe kaw. \wj* 
\v 9 \wj Cedawngawh ka nik kqawn peek khqi: Thoeh lah ni pe kaw; sui lah hu kawp ti; khoek lah nang aham awngna awm kaw. \wj* 
\v 10 \wj Ak thoeh ingtaw dang nawh; ak sui ingtaw hu hy; ak khoek thlang aham chawh ce awng pe kaw. \wj* 
\v 11 \wj Nangmih pa na namik awmkhqi ak khuiawh, na ca ing phaihpi a thoeh mantaw lung ak pe namik awm hly nu? Nga a thoeh awh khqui namik pe hly nu? \wj* 
\v 12 \wj Aihtui a thoeh mantaw ceita-ai namik pe hly nu? \wj* 
\v 13 \wj Nangmih thlak leek am khqi ing za, nami cakhqi aham ik-oeih leek peek aham nami sim awhtaw, khawk khan nakaw ak awm pa ing ak thoehkhqi venawh Ciim Myihla ce izah nu a peek khqoet kaw\wj*!” tinak khqi hy.   
\s1 Jesu Ingkaw Beelzebub  
\p
\v 14 Jesu ing awi amak pau thai thlang ak kawk khui awhkawng qaai ce hqek pehy. Qaai ing anih ce a cehtaak coengawh, awi ak myh thlang ce pau hy, cedawngawh thlang kqeng amik kawpoek kyi hy.  
\v 15 \x - \xo 11:15 \xt Mat 9.34; 10.25.\x*Cehlai thlang kqeng ingtaw, “Beelzebub” qaaikhqi ak caming ni qaai a hqek,” tina uhy.   
\p
\v 16 \x - \xo 11:16 \xt Mat 12.38; 16.1; Marka 8.11.\x*Ak chang tloek bai ingtaw, khan benna kaw hatnaak huh sak aham noek a dak uhy.  
\v 17 Jesu ing a mingmih ak kawpoek ce a sim dawngawh a mingmih a venawh: “\wj Qam awm a ming phek bo qu awhtaw qeeng kaw; ipkhui awm aming phek bo qu awhtaw tlu kaw. \wj* 
\v 18 \wj Setan awm a ming phek bo qu mantaw, ikawmyihna a qam ang dyih thai kaw? Kai ing Beelzebub ak caming qaaikhqi hqek hy namiti a dawngawh ve ak awi ka nik kqawn peek khqi. \wj* 
\v 19 \wj Kai ing qaaikhqi ce Beelzebub ak caming ka hqek khqi awhtaw u ak caming nu nangmih a hubatkhqi ing qaaikhqi ami hqek lawt? Cawhtaw a mingmih ce nangmih awi anik dengkungkhqi na awm hawh kawm uh ce. \wj* 
\v 20 \wj Cehlai qaaikhqi ce Khawsa kutply ing ka hqek awhtaw, Khawsa qam taw nangmih a venawh pha hawh hy. \wj* 
\v 21 \wj Ak thamah thlang ing, ak cimsum pala toen nawh a im ce a qeh awhtaw a khawhkhamkhqi ce syng hy.” \wj* 
\v 22 \wj Cehlai ak thamah khqoet thlang ing anih ce tu nawh a noeng awhtaw, anih ing a ypnaak cimsum pala ce a lawh peek coengawh a khawhkhamkhqi ce plam pe kaw. \wj* 
\v 23 \x - \xo 11:23 \xt Marka 9.40.\x*\wj U awm kai ama nik dyih pyi taw kai anik qaalnaak na awm nawh, u awm kai ama nik cawi pyi taw ak theh thlang na awm hy. \wj* 
\v 24 \wj Qaaiche pynoet ce thlang ak kawk khuiawh kawng ak cawn coengawh, cet hyhy nawh dymnaak ce sui hlai hy am hu hy. Cekcoengawh taw, ‘ka cehtaak im na ce cet tlaih mai vang nyng,’ tihy. \wj* 
\v 25 \wj Voei tlaih nawh a toek awh, im nawt qu hqeet nawh ak cimcaih na ak awm ce hu hy. \wj* 
\v 26 \wj Cawhtaw amah anglakawh ak se khqoet qaai khqih ce law pyi nawh ami lut coengawh awm uhy. Cawh cawhkaw thlang ce ak cyk awhkawng lakawh nauh khqoet hy\wj*,” tinak khqi hy.   
\p
\v 27 Ve ak awi ve Jesu ing ak kqawn awh, thlang kqeng ak khuiawh kaw nu pynoet ing, “Nang anik takung ingkaw suk anik awk sakkung nu taw a zoseen soeih hy,” tina hy.   
\p
\v 28 Jesu ing, “\wj Khawsa ak awi za nawh ak ngaikhqi ce ami zoseen khqoet hy\wj*,” tina hy.   
\s1 Jonah A Hatnaak  
\p
\v 29 \x - \xo 11:29 \xt Mat 16.4; Marka 8.12.\x*Thlang a doem law khqoet khqoet awh, Jesu ing, “\wj Tuhawhkaw cadilkhqi ve cadil chekhqi ni. Kawpoek kyi hatnaak ce sui hlai uhy, Jonah a hatnaak doeng am awhtaw ak chang hatnaak am hu kawm uh. \wj* 
\v 30 \x - \xo 11:30 \xt Jonah 3.4.\x*\wj Jonah taw Nenivi thlangkhqi hatnaak na a awm myihna, Thlanghqing Capa awm tuhawhkaw cadilkhqi hamna hatnaak na awm lawt kaw. \wj* 
\v 31 \x - \xo 11:31 \xt 1 Kin. 10.1-10; 2 Chr. 9.1-12.\x*\wj Awi dengnaak khawnghi awh kham benna kaw Sangphrang nu taw ve a cadil awhkaw thlangkhqi mi dyi haih kawmsaw a mingmih ce thawlh sak kaw; kawtih anih cetaw Solomon a cyihnaak ak ngai na law hy, tuh Solomon anglakawh ak bau khqoet awm hy. \wj* 
\v 32 \x - \xo 11:32 \xt Jonah 3.5.\x*\wj Nenivi awhkaw thlangkhqi ce awidengnaak nyn awh ve a cadil awhkaw thlangkhqi ing boe hly sak uhy; kawtih a mingmih cetaw Jonah ak awih kqawnnaak awh zut uhy, Jonah anglakawh ak bau khqoet ce vawh awm hy. \wj*   
\s1 Pum Ham Maihvang  
\p
\v 33 \x - \xo 11:33 \xt Mat 5.15; Marka 4.21; Luke 8.16.\x*\wj U ingawm mai a vang awh ik-oeih ing a hlipnaak awh am ta khawi hy, dawn ingawm am myk khawi hy. Ipkhui awh amik law thlangkhqi ing vangnaak ce ami huh thainaak aham, maih vang a mim hawihnaak awh ni a mim hawih hy. \wj* 
\v 34 \wj Mik taw pum a maivang na awm hy. Na mik a leek mantaw na pum boeih ce dang hy. \wj* 
\v 35 \wj Na pum awhkaw maihvang ak awm ce amam thannaak aham ngaih ta lah uh. \wj* 
\v 36 \wj Cedawngawh, na pum boeih ce dang nawh, am thannaak ve tehca awm ama awm awhtaw, na pum ce maivang ing ak coei amyihna dang boeih kaw\wj*,” tinaak khqi hy.   
\s1 Khawmapnaak Khquk  
\p
\v 37 Ve ak awikhqi ak kqawn boeih coengawh, Farasi thlang pynoet ing a im awh buh ak pan na Jesu ce khy hy; cedawngawh anih a im na buh ak pan na cet hy.  
\v 38 Cehlai Jesu ing kut a silh kaana buh a ai ce Farasi thlang ing a huh awh ang ngaih na kyi hy.  
\v 39 Cawh Bawipa ing a venawh, “\wj Nangmih Farasikhqi ing boet awm, beei awm a leng ben taw sil pai hlai uhyk ti, ak khui benna taw ak pyh ngaihnaak ingkaw thawlhnaak ing be uhy. \wj* 
\v 40 \wj Nangmih thlakqawkhqi! Ak khan ben ak silkung ing ak khui ben awm am sil nawh nu? \wj* 
\v 41 \wj Beei ak khuiawh ak awmkhqi ce hahqahkhqi venawh pe lah uh, cawhtaw nangmih aham ik-oeihkhqi boeih ce caih kaw. \wj* 
\v 42 \x - \xo 11:42 \xt Lev. 27.30.\x*\wj Nangmih Farasi tloek, khaw map uhyk ti, nangmih ing sawngsing paiboeng ingkaw tawi a an soepkep dyt awh pahqa pynoet pe pai hlai uhyk ti, dyngnaak ingkaw Khawsa a lungnaak ce dalqa na uhyk ti. A hu awh kawk khqi ve a hlah phlam kaana lamma awhkawk khqi ce awm nami sai aham awm hy. \wj* 
\v 43 \wj Nangmih Farasi tloek, khaw map uhyk ti, sinakawk awh ngawihnaak ak leek leek awh na ming ngawih lungna unawh ik-oeih zawihnaak hun awh thlang ing kqihchahnaak ani peekkhqi ce ngaih uhyk ti. \wj* 
\v 44 \wj Nangmih khaw map uhyk ti, nangmih taw mik hatnaak amak awm phyi, thlang ing a leh mailai ing myih uhyk ti,\wj*” tinak khqi hy.   
\p
\v 45 Anaa awi ak lah ing Jesu ak awi ce hlat pehy, “Cawngpyikung, ve a ik-oeihkhqi ve nak kqawn awh kaimih awm ni zyi khqi pahoei hawh hyk ti,” tina hy.   
\p
\v 46 Jesu ing, “\wj Nangmih anaa awi ak sim tloek, khaw map uhyk ti, thlang ing a noeng tloei phyih ce phyih sak uhyk ti, cehlai na mimah ingtaw nami kutply pynoet ca ingawm bi aham am ngaih uhyk ti. \wj* 
\v 47 \wj Nangmih khaw map uhyk ti, nami pakhqi ing ami na him tawnghakhqi ak phyi imkhqi ce sak pe uhyk ti. \wj* 
\v 48 \wj Cedawngawh nami pakhqi ing ami na sai ce nangmih ing caksak hawh uhyk ti; nami pakhqi ing tawnghakhqi ce ana him uhy, nangmih ing tawnghakhqi ak phyi im ce sak pe uhyk ti. \wj* 
\v 49 \wj Ve a dawngawh, Khawsa ing a cyihnaak ing, ‘Tawnghakhqi ingkaw ceityihkhqi ce a mingmih a venawh tyih pe kawng nyng saw, thlang vang ce a mingmih ing him kawm uh, thlang vang ce the a kha na kawm uh,’ tina hy. \wj* 
\v 50 \wj Cedawngawh khawmdek a syn cyk awhkawng tawnghakhqi boeih a thi ak lawng ce ve a khuk awhkaw thlangkhqi a hut na awm hawh hy. \wj* 
\v 51 \x - \xo 11:51 \xt Gen 4.8; \xt 2 Chr. 24.20,21.\x*\wj A bel a thi awhkawng bawkthang ingkaw beeknaak a hun anglak law awh ami him Zekariah a thi dyna. Oeih, ka nik kqawn peek khqi, vemyihkhqi boeih ve ve a khuk awhkaw thlangkhqi hut na awm kaw. \wj* 
\v 52 \wj Anaa awi ak sim nangmih tloek, khaw map uhyk ti, nangmih ing cyihnaak cabi ce ak chang na ta valh uhyk ti. Na mimah awm am kun uhyk ti, kun aham ak ngaih thlangkhqi aham awm kham pe lak law uhyk ti\wj*,” tinak khqi hy.   
\p
\v 53 Jesu ing ce a hun ce a cehtaak coengawh, Farasikhqi ingkaw anaa awi cawngpyikungkhqi ing anih ak khanawh amik kaw am law nawh awi khawzah doet uhy,  
\v 54 awi ak kqawnnaak awh a thawlhnaak tu peek aham doen uhy.   
\c 12  
\s1 Ngaihtaaknaak Ingkaw Thapek Awi  
\p
\v 1 \x - \xo 12:1 \xt Mat 16.6; Marka 8.15.\x*Thlang kqeng cun unawh, pynoet ingkaw pynoet a ming leh qu nawk nawk awh, Jesu ing a hubatkhqi venawh: “\wj Thailatnaak ing amik awm Farasikhqi awh ce naming ngaih ta lah uh. \wj* 
\v 2 \x - \xo 12:2 \xt Marka 4.22; Luke 8.17.\x*\wj Amang dangnaak aham ikaw awm thuh am awm kawmsaw, amni sim kawi ang hyp ikawawm am awm kaw. \wj* 
\v 3 \wj Thannaak awh na mik kqawn ce khawkdai awh thlang ing za kaw, ipkhui awh a khoeh cana thlang ang haa keng awh na mik kqawn ce iptih nakawng khypyi kawm uh. \wj* 
\v 4 \wj Ka pyikhqi, ka nik kqawn peek khqi, 'pum him thai unawh, cekcoengawh ikawawm amak sai thai qoe voelkhqi ce koeh kqih uh. \wj* 
\v 5 \wj Cehlai na mik kqih hly kawi ce nim huh khqi vang nyng: A him coengawh hell khuina thlaknaak thai ak ta ce kqih uh. Oeih, ka nik kqawn peek khqi, anih ce kqih uh. \wj* 
\v 6 \wj Hqit ca pumha ce tangka pia pakkhih na zawi u hy? Cehlai Khawsa ing cekkhqi khuiawh pynoet ca awm am hilh hy. \wj* 
\v 7 \wj Na lu awhkaw lusam za noet boeihna ak awm ni. Cedawngawh koeh kqih uh; nangmih taw hqit anglakawh nami phu awm khqoet hy. \wj* 
\v 8 \wj Ka nik kqawn peek khqi, thlang a haiawh kai anik dyihpyi taw Khawsa ak khan ceityihkhqi a haiawh Thlanghqing Capa ing anih ce dyihpyi lawt kaw. \wj* 
\v 9 \wj Cehlai u awm thlang a haiawh kai anik hoet taw Khawsa ak khan ceityihkhqi haiawh anih ce hoet lawt kawng nyng. \wj* 
\v 10 \x - \xo 12:10 \xt Mat 12.32; Marka 3.29.\x*\wj U awm Thlanghqing Capa ing ak kalh na awi ak kqawn taw qeenkhaw ngainaak hu kaw, cehlai u awm Ciim Myihla ak kqawn seet ak thlang taw qeenkhaw ngainaak am hu voel kaw. \wj* 
\v 11 \x - \xo 12:11 \xt Mat 10.19,20; Marka 13.11; Luke 21.14,15.\x*\wj Sinakawk, ukkung khqi ingkaw boeikhqi haiawh a ni khyn khqi awh, cangnaak hulnaak hly kawi ingkaw awi nak kqawnnaak hly kawi awh koeh ngaih sa uh, \wj* 
\v 12 \wj Cawh nak kqawn hly kawi ce Ciim Myihla ing ni cawngpyi khqi bit kaw\wj*,” tinak khqi hy.   
\s1 Boei Ak Qaw Nyttahnaak  
\p
\v 13 Thlang kqeng ak khui awhkaw thlang pynoet oet ing, “Cawngpyikung, ka naa ing qo aning paa pyi aham kqawn pe lah,” tina hy.   
\p
\v 14 Jesu ing a venawh, “\wj U ing nangnih anglak law awh awidengkung am awhtaw lai ak kqawnkungna ani taak\wj*?” tina hy.  
\v 15 Thlangkhqi venawh, “\wj Ngaih ta lah uh! Ak kamvaanaak awh ce naming ngaih ta uh; thlanghqing a hqingnaak ve qo khawzah taaknaak awhkawng sai na am awm hy\wj*,” tina hy.   
\p
\v 16 Cekcoengawh vawhkaw nyhtahnaak awi ve kqawn pehy: “\wj Thlang boei pynoet a lo taw cang daw soeih hy. \wj* 
\v 17 \wj Cedawngawh vemyihna ak kaw poek hy, ‘ikaw ka sai lah voei? Cang ka taaknaak aham khai am khoek voel hy,’ tihy. \wj* 
\v 18 \wj Cekcoengawh vemyihna tihy, ‘Vemyihna sai vang nyng. Khaikhqi ve hqe nyng saw ak bau khqoet na sa vang nyng, cawh ce cang ingkaw ka themkhqi boeih ta vang nyng. \wj* 
\v 19 \wj Cekcoengawh kamah ingkaw kamah ce, ‘kum khawqyt awh na hawnaak aham khawh khawzah ta hawh hyk ti. Ai nawhtaw, aw nawh ngaihding hlah,’ ti vang nyng,” tihy. \wj* 
\v 20 \wj Cehlai Khawsa ing a venawh, ‘Nang thlakqaw pa, tawh than qoe awh na hqinglu ce ni lawh pe kaw; tuhawhkaw na khawhthemkhqi boeih ve u ing nu a pang kaw?’ tina hy. \wj* 
\v 21 \wj U awm amah ham doeng khawh cun nawh Khawsa benawh ak khawdeng taw, vemyihna awm uhy\wj*,” tinak khqi hy.   
\s1 Koeh Ngaisa  
\p
\v 22 Cekcoengawh Jesu ing a hubatkhqi venawh: “\wj Cedawngawh ka nik kqawn peek khqi, 'Ikaw ka ai kaw?' 'Ikaw ka bai ka naak kaw?' tinawh nami hqingnaak awh koeh ngaisa uh. \wj* 
\v 23 \wj Awk ai anglakawh hqingnaak ce awipyi bet hy, suibai anglakawh pum ve awipyi bet hy. \wj* 
\v 24 \wj Vangaakkhqi ce poek lah uh: quk am saw uhy, cang awm am aat uhy, khai awm am ta unawh tep awm am ta hlai uhy; cehlai Khawsa ing a mingmih ce cah khqi hy. Nangmih taw pha khqing lakawh nami phu tlo khqoet saw kaw! \wj* 
\v 25 \wj U ing nu a ngaisaknaak ak caming a hqingnaak khawnoek pynoet kangna awm a cawng thai? \wj* 
\v 26 \wj Vemih ik-oeih ak zawica zani am nami sai thai awh, ikaw ham ak changkhqi awh ce naming ngaisak? \wj* 
\v 27 \x - \xo 12:27 \xt 1 Kin. 10.4-7; 2 Chr. 9.3-6.\x*\wj Lili khqai ve ikawmyihna a taainaak tice poek lah uh. Bi am bi unawh hla awm am bi uhy. Cehlai ka nik kqawn peek khqi, Solomon ing zani a boeimangnaak boeih ing ang thoei cam qu awh vawhkaw lili khqai pynoet ca kangna awm am pha hy. \wj* 
\v 28 \wj Khawsa ing lo awhkaw lili khqai, tuhngawi awh awm hlai hy a khawngawi awh mai awh phum a aham ak awm zani cemyih dyna a thawi a cam awhtaw, Aw cangnaak ak zawikhqi, nangmih ak khqoet taw ikawmyih dyna nu ani thawi ani cam khqi kaw! \wj* 
\v 29 \wj Awk ai awh namik kawlung koeh ta law uh; ve a dawngawh koeh ngaisa uh. \wj* 
\v 30 \wj Ikawtih Khawsa amak sim lukihkhqi ing ni vemyih ik-oeih amik poek hy, vemyihkhqi ngoe uhyk ti tice nami Pa ing sim hy. \wj* 
\v 31 \wj A qam ce sui cang uh, vemyihkhqi boeih awm ni sap law sih khqi bit kaw. \wj* 
\v 32 \wj Tuu a khoehca khqi aw, koeh kqih uh, kawtih nami Pa ing nangmih a venawh qam peek aham ngaih hy. \wj* 
\v 33 \wj Nami khawhthemkhqi ce zawi unawh taw hahqahkhqi venawh pe lah uh. Quk-ai ama ceh thainaak ingkaw laihqa ing ama hqawk thainaak, amak boeih thai khawh a awmnaak khawk khan awh, khawh ce nami mah aham cun lah uh. \wj* 
\v 34 \wj Ikawtih nami khawh a awmnaak awh, namik kawlung awm awm lawt kaw\wj*.   
\s1 Qeh Uh  
\p
\v 35 \x - \xo 12:35 \xt Mat 25.1-13.\x*\wj A coekqoek na thoeih ang cam qu unawh taw nami mai-imkhqi ce a oepchoeh cana dawi uh, \wj* 
\v 36 \x - \xo 12:36 \xt Marka 13.34-36.\x*\wj zu lawh poei nakawng ak voei law hly Bawipa ce a na qeh unawh chawh ak khoek law awh a mim awng peek aham ami qeh amyihna qeh lah uh. \wj* 
\v 37 \wj Ami Bawipa a law awh ih kaa na amik qeh tyihzawihkhqi ham nep kaw. Awitak ka nik kqawn peek khqi, anih ing thoeii ang cam qu kawmsaw, cekkhqi ce caboei awh buh a veel sak khqi coengawh, a mingmih ce qeh kaw. \wj* 
\v 38 \wj Khawmthan khawnoek pakkhih awh nu pakthum awh nu, a Bawipa a law awh oepchoeh na ak awm tyihzawihkhqi aham nep kaw. \wj* 
\v 39 \x - \xo 12:39 \xt Mat 24.43,44.\x*\wj Cehlai ve ve sim uh: imkung ing ityk awh nu quk-ai a law kaw, tice a sim mantaw, ityk awh awm quk-ai ce a ipkhui na am luh sak kaw. \wj* 
\v 40 \wj Cemyih lawtna nangmih awm a ngaihtaak ing awm uh, am namik poeknaak a tym awh thlanghqing Capa ce law kaw\wj*,” tinak khqi hy.  
\v 41 Piter ing, “Bawipa, vawhkaw nyhtahnaak awi ve kaimih aham nu nak kqawn, thlakchang aham nu nak kqawn peek?” tina hy.   
\p
\v 42 Bawipa ing, “\wj Khawh ak khoemkung ypawm, ak cyi, a boei ing a tym a khoeh awh buh an ak qekna imkhui awh ukkungna ak tyh hly ce a u nu? \wj* 
\v 43 \wj A pa ang voei tlaih awh cemyihna bi ak bi tyihzawih aham nep kaw. \wj* 
\v 44 \wj Awitak ka nik kqawn peek khqi, cemyih ak thlang ce a khawhthem boeih ak khan awh ak khawng kungna ta kaw. \wj* 
\v 45 \wj Cehlai cawhkaw thlang ing, ‘ka Bawipa ve am law tang,’ tinawh tyihzawih Pa ingkaw nukhqi ce a vyk ak pai coengawh zuk qui ing awm mai lah seh. \wj* 
\v 46 \wj Amak poek a khawnghi ingkaw ama sim a khawnghi awh a Bawipa ce pha law plak kaw. Anih ce ak tlyh poet poet coengawh, amak cangnaak thlangkhqi ang dyih hun ce anih ing pang lawt kaw. \wj* 
\v 47 \wj A Bawipa ak kawngaih ce sim hlai hy a hylthyl na amak awm, am awhtaw a Bawipa ing sai sak aham a ngaih ce amak sai tyihzawih cetaw vyk plak cal kaw. \wj* 
\v 48 \wj Cehlai ama sim dawngawh ik-oeih amak sai ingkaw coet kawi na ik-oeih ak sai cetaw a vyk boe bet kaw. Khawzah a peek thlang a venawh, khawzah ngoe kawmsaw khawzah a khoem sak thlang a venawh khawzah thoeh lawt kaw.\wj*   
\s1 Qoepnaak Am Nawh Phekbonaak  
\p
\v 49 \wj Khawmdek awh ve mai ni ka haw law hy, tuh awm ui hlah mai thaw voei! \wj* 
\v 50 \x - \xo 12:50 \xt Marka 10.38.\x*\wj Cehlai baptisma ka huh hly kawi ce awm hyn hy, ce a soep hlan dy taw khuikha mah nyng! \wj* 
\v 51 \wj Khawmdek awh qoepnaak awm sak aham law hy, tinawh namik poek nawh nu? Amni, ka nik kqawn peek khqi, pek ang bonaak ni ka haw law hy. \wj* 
\v 52 \wj Tuh kawng kai a dawngawh, ipkhuikaw pynoet awh hlang pumha a awm mai mantaw, pek qu kawn usaw pakthum ingkaw pakkhih ce qaal qu kawm uh, pakkhih ingkaw pakthum ce awm qaal qu kawm uh. \wj* 
\v 53 \x - \xo 12:53 \xt Mic. 7.6.\x*\wj Pa ingkaw Capa, Capa ingkaw a pa pek qu kawm uh, a nu ingkaw a canu, a canu ingkaw a nu pek qu kawm uh, a cii ingkaw a langa, a langa ingkaw a cii pek qu kawm uh\wj*,” tinak khqi hy.   
\s1 A Tym Noeknaak  
\p
\v 54 Cekcoeng thlang kqeng a venawh, “\wj Khaw tlaaknaak benna myi ang zam law awhtaw, ‘khaw aa kaw,’ ti uhyk ti, khaw awm aa tangak hy. \wj* 
\v 55 \wj Thlung benna kaw zilh a law awhtaw, ‘khaw ling kaw,’ ti uhyk ti, khaw ling tangak hy. \wj* 
\v 56 \wj Thlak thaikhqi! Khaw ingkaw khawmdek taw hat thai zawk hlai uhyk ti ce. Ikawmyihna tuh awhkaw a tym vetaw am nami hat thai? \wj* 
\v 57 \wj “Ikawtih ik-oeih ak thym ce am nami hqimhqa thai? \wj* 
\v 58 \wj Na qaal mi awidengnaak hyn na lam awh nani ceh hui awh, qoepnaak ce sai uh, cemyih am awhtaw na qaal ing awidengkung a venna ni sawi kaw, cekcoengawh awidengkung ing boei a venna ni khyn kaw, boei ing nang ce thawngim khui na nik thla kaw. \wj* 
\v 59 \wj Ka nik kqawn peek khqi, laiba na ki hlan dy taw am loet kawp ti\wj*,” tina hy.   
\c 13  
\s1 Zutnaak Ingkaw Plamnaak  
\p
\v 1 Cawh, ce nyn awh thlang vang law unawh, cekkhqi ing Galili qam thlang, Pilat ing thi, ami Khawsa bawknaak awh khqin himnaak awh a pa sak khqi awithang ce Jesu theen uhy.  
\v 2 Jesu ing, “\wj Cawhkaw Kalili thlangkhqi ce ak chang Kalili thlang khqi anglakawh ami thawlh bet dawngawh ni cemyihna ami zawk hy, tinawh namik poek nawh nu? \wj* 
\v 3 \wj Ka nik kqawn peek khqi, cekkhqi ce am thawlh bet uhy! Cehlai nangmih awm am naming zut awhtaw, plawci lawt kawm uk ti. \wj* 
\v 4 \wj Am awhtaw, Siloam ip sang ang tluk awh thlang hlaihkqet a kyih qen ce, Jerusalem awhkaw thlang khqing lak awh ami thawlh bet dawngawh vani hy voei tinawh namik poek nawh nu? \wj* 
\v 5 \wj Ka nik kqawn peek khqi, cekkhqi ce am thawlh bet uhy! Cehlai nangmih awm am naming zut awhtaw plawci lawt kawm uk ti\wj*,” tinak khqi hy.   
\s1 Thai Ang Huk  
\p
\v 6 Cekcoengawh vawhkaw nyhtahnaak awi ve kqawn pehy: “\wj Thlang pynoet ing a misur dum khuiawh thai thing ce ling hy. Hypoet awhtaw thai ak thaih ce bit aham cet moe seinu, ak thaih pynoet ca awm am hu hy. \wj* 
\v 7 \wj Cedawngawh misur dum ak qehkung a venawh cet nawh, ‘kup thum khuiawh thai qah bih aham law hawh hlai nyng ak thaih pynoet awm am hu nyng. Hlu mai hlah! Dek ak kang qung,’ tina hy. \wj* 
\v 8 \wj Misur dum ak qehkung ing, “Bawipa, kum oet taw ta mai cang, a kengsamkhqi cawh pe nyng seitaw, dek ak leek ing vyih cang vang nyng. \wj* 
\v 9 \wj Cawhkawng a kum voel awh a qah awhtaw nep bit kaw! Cehlai ama qah bai vik awhtaw hlu dam bit kawp ti,’ tina hy\wj*,” tinak khqi hy.   
\s1 Sabbath Hyn Awh Ak Khawn Nu Qoei Sak Hy  
\p
\v 10 Sabbath nyn hypoet awh Jesu ing sinakawk pynoet ak khuiawh thlang cawngpyi hy,  
\v 11 cawh kum hlaihkhqet ak khawn nu pynoet ce cawh awm hy. Am ting khun qapsat nawh am dyng na am dyi thai hy.  
\v 12 Jesu ing cawhkaw nu ce a huh awh, hai na khy nawh, “\wj Nang nu, thawlhnaak awhkawng loet hawh hyk ti\wj*,” tina hy.   
\p
\v 13 Ak khan awh a kut tloeng pehy, cawh cawhkaw nu ce am dyng na dyi pahoei nawh Khawsa ce kyihcah hy.  
\v 14 \x - \xo 13:14 \xt Ex. 20.9,10; Deut. 5.13,14.\x*Sabbath nyn awh Jesu ing thlak tlo a qoei sak dawngawh, sinakawk ukkung ce kawso doena thlang kqeng a venawh, “Bibinaak aham khaw kquk nyn awm hy. Cawh law unawh taw nami tlawhnaakkhqi ce qoei sak uh, Sabbath nyn awhtaw koeh qoei sak uh,” tina hy.   
\p
\v 15 Bawipa ing cawhkaw sinakawk ukkung a venawh, “\wj Nangmih thlak thaikhqi! Nangmih ing Sabbath nyn awh nami vaitaw mai aw, am awhtaw meqang mai aw a qui hlam pe unawh tui am nami awk sak nawh nu? \wj* 
\v 16 \wj Cawhtaw vawhkaw nu, Abraham a canu pynoet na ak awm, qaai ing khaw kum hqa hlaihkhqet khuiawh a pin ce Sabbath nyn awh amni hlam pe hly unawh nu\wj*? tinak khqi hy.  
\v 17 Ve ak awi ak kqawn awh, a qaalkhqi boeih taw chak uhy, cehlai anih a ik-oeih sainaak awh ce thlangkhqi taw zeel uhy.   
\s1 Antlam Cii Nyttahnaak  
\p
\v 18 Jesu ing vemyihna doet hy, “\wj Khawsa qam ve ikaw ing nu a ning myih hy voei? Ikawng nu ka nyhtah lah voei? \wj* 
\v 19 \wj Khawsa qam taw thlang ing antlam cii lo nawh dum khuiawh ak theh ing myih hy. Cawhkaw antlam cii ce cawt nawh a thing na dyi law hy, khan nakaw phakhqi law unawh a pang awh ce ngawi uhy\wj*,” tinak khqi hy.  
\v 20 Cekcoengawh vemyihna doet tlaih bai hy, “\wj Ikawng nu Khawsa qam ve ka nyhtah lah voei? \wj* 
\v 21 \wj Khawsa qam taw nu ing vaidam dawn khuih thum ak khuiawh hen a zamnaak boeih aham a phul ing myih hy\wj*,” tinak khqi hy.   
\s1 Lam Ak Ceek  
\p
\v 22 Cekcoengawh Jesu ing Jerusalem na a ceh awh khawk bau ingkaw vangcakhqi awh ce thlang cawngpyi noe noe hy.  
\v 23 Thlang pynoet ing “Bawipa, thlang a khoehca doeng ing nu thawngnaak a huh kaw?” tinawh doet hy.  
\v 24 Cekkhqi venawh, “\wj Chawmkeng ak ceek khuiawh kun ngah ngah lah uh, kawtih thlang khawzah ing kun aham tha lo hly hlai uhy am kun thai kawm uh. \wj* 
\v 25 \wj Imkung ing tho nawh chawh ce a khaih coengawh taw, a leng na dyi kawm utik saw chawh ce khoek kawm uk ti, ‘Bawipa chawh awng law lah,’ tina kawm uk ti. “Cehlai anih ing, ‘Amni sim khqi nyng, hana kawng nu nami law hy,’ ni tinak khqi kaw. \wj* 
\v 26 \wj Cawh nangmih ing, “Nang ing buh a an ni aw ni ai haih saw kaw, lam awh awm ni cawngpyi tik saw kaw,” tina kawm uk ti. \wj* 
\v 27 \x - \xo 13:27 \xt Sam 6.8.\x*\wj Cehlai anih ing, ‘Amni sim khqi nyng, hana kawng nu nami law hy. Nangmih thawlhnaak ak saikhqi, ak chang na cet uh!’ ni tinak khqi kaw. \wj* 
\v 28 \wj Abraham, Isaak, Jakob ingkaw tawnghakhqi boeih Khawsa qam khuiawh ami awm ce nami huh awh, nangmih taw a leng na kqangnaak ingkaw hatahnaak a hun awh awm kawm uk ti. \wj* 
\v 29 \wj Khaw law khawtlak, a sip a hawt benna kawng thlangkhqi law kawm usaw, Khawsa qam khuiawh buh veelnaak kung awh ngawi kawm uh. \wj* 
\v 30 \x - \xo 13:30 \xt Mat 19.30; 20.16; Marka 10.31.\x*\wj Hu ak khyngkhqi ce ma kawm usaw, ak makhqi ce hu khyng lat kawm uh\wj*,” tinak khqi hy.   
\s1 Jesu Ingkaw Herod Antipas  
\p
\v 31 Cawh Farasi thlang a vangkhqi ce Jesu a venna law unawh a venawh, “Ve a hun ve cehta nawh ak chang na cet hlah. Herod ing nang him aham ngaih hy,” tina uhy.   
\p
\v 32 Jesu ing, “\wj Cet unawh taw ak thai ngentang ce kqawn pe uh, “Tuhngawi awh awm khawngawi awh awm qaaikhqi hqek kawng nyng saw thlak tlokhqi qoei sak kawng, am thum nyn awh kang cainaak ce coeng kawg nyng’ tihy tina uh. \wj* 
\v 33 \wj Kawmih awh awm, tuhngawi, khawngawi ingkaw tiktuh dy ka ceh qoe qoe aham awm hy, tawngha ikawmyih awm Jerusalem khawceng awh am thi thai hy! \wj* 
\v 34 \wj Aw Jerusalem, Jerusalem, tawnghakhqi ak himkung ingkaw na venawh a tyih lawkhqi lung ing ak khawngkung, ai nu ing a cakhqi ang hlak khui awh ang koep sih amyihna, na cakhqi izah nu hqui sawi aham, ka ngaih ce, nang ingtaw am ngaih hyk ti! \wj* 
\v 35 \x - \xo 13:35 \xt Sam 118.26.\x*\wj Toek lah, na im ve a sit qak nani ami cehtaak hyt hawh hy. Ka nik kqawn peek, ‘Bawipa ming ing ak law taw a zoseen hy,’ tinawh nak kqawn hlan dy taw kai ve amni hu qoe voel kawp ti\wj*,” tina hy.   
\c 14  
\s1 Sabbath Bawipa  
\p
\v 1 Sabbath nyn hypoet awh, Jesu taw Farasi a hqamca thlang pynoet a im awh buh ai na cet hy, cawh Jesu ce ngaihtaak doena doen uhy.  
\v 2 Ce a hun awh a haiawh ak phoen tawng nawh ak hling thlang pynoet ce awm hy.  
\v 3 Jesu ing Farasikhqi ingkaw anaa awi ak sim thlangkhqi ce doet khqi hy, “\wj Sabbath nyn awh thlak tlo qoei sak ve ak ciim nu, amak ciim nu\wj*?” tinak khqi hy.   
\m
\v 4 Cehlai cekkhqi ing ikaw awm ap kqawn pe uhy. Cedawngawh Jesu ing cawhkaw thlak tlo ce tu nawh a qoei sak coengawh tyi hy.  
\v 5 \x - \xo 14:5 \xt Mat 12.11.\x*Cekcoengawh cekkhqi venawh, “\wj Nangmih ak khuiawh kaw thlang pynoet oet a ca aw, vaitaw mai aw Sabbath nyn awh lawk-kqawng khuina ang tlaak mantaw, am namik dawk hly nawh nu\wj*?” tinak khqi hy.  
\v 6 Cawh ikaw awm ap kqawn uhy.  
\v 7 Buh veelnaak kungawh thlangkhqi ing ngawihdoelh ak sang sang amik tyk ce a huh awh, vawhkaw nyhtahnaak awi ve kqawn pehy:  
\v 8 \x - \xo 14:8 \xt Awicyih 25.6,7.\x*\wj Thlang ing buh ai na anik khy khqi awh, ngawihdoelh sang ce koeh tyk uh, nangmih anglakawh thlang qypawm ngai ce buh ai na khy hly mai hy. \wj* 
\v 9 \wj Cemyihna a awm mai mantaw, imkung na venawh, ‘Nang ngawihnaak awh ve ak thlang ve ngawih sak’ ni tina kaw. Cawhtaw chah doena ngawihnaak ak nem awh ngawi zawk ka kawp ti. \wj* 
\v 10 \wj Cedawngawh thlang ing buh ai na anik khy awh, ngawihnaak ak nem soeih awh ngawi mai, cawh ni imkung ce a law awh na venawh, “Ka pyi ngawihnaak ak leek awh ngawi,” a haiawh kqihchahnaak ce na huh hly. Cawh buh ai na ak lawkhqi boeih a haiawh kqihchahnaak ce na huh hly. \wj* 
\v 11 \x - \xo 14:11 \xt Mat 23.12; Luke 18.14.\x*\wj U awm amah ingkaw amah ak zoeksang qu taw ak kaina nung tla kaw, cehlai ak kaina ak awmkhqi ing zoeksangnaak ce hu kawm uh,” tinak khqi hy. \wj* 
\v 12 \wj Jesu ing imkung a venawh, “Khawnghyp awh aw, am awhtaw khawmy ben awh aw thlang buh ai na nak khy awhtaw, na pyikhqi, na naakhqi ingkaw na cakaw paqengkhqi koeh khy; nak khy mantaw, cekkhqi ingawm buh ai na nik khy lawt kawm usaw ni thung hlyk tlang uhy. \wj* 
\v 13 \wj Cedawngawh thlang buh ai na nak khy awh, hahqahkhqi, khawk khem khqi, khawkzui khqi ingkaw mikhypkhqi ce khy kawp ti, \wj* 
\v 14 \wj cawhtaw zoseennak hu kawm uk ti. A mingmih ing amni thung lawk khqi qoe seiawm, thlakdyngkhqi thawh tlaihnaak khawnghi awh ni thung law tlaih kaw,\wj*” tina hy.   
\s1 Buhvel Nyttahnaak  
\p
\v 15 Cawhkaw awi ce amah cawh amah ing anik ngawi haih thlang pynoet ing ang zaak awh Jesu a venawh, “Khawsa qam khuiawh poei buh veelnaak kung awh ak pa kawi thlang taw a zoseen hy,” tina hy.  
\v 16 Jesu ing, “\wj Thlang pynoet ing poei ak bau soeih sai nawh buh ak ai na thlang khawzah ce khy hy. \wj* 
\v 17 \wj buh ainaak tym a pha awh imkung ing buh ai na ak khy thlangkhqi venawh a tyihzawih thlang ce tyi nawh khy sak hy, ‘law lah uh, ik-oeihkhqi coeng boeih hawh hy,’ tinak khqi hy. \wj* 
\v 18 \wj Cehlai cekkhqi boeih ing ami peelnaak lam ce sui boeih uhy. Lamma cyk thlang ing, ‘lo thlai thai nyng saw, toek lah vang nyng. Ni hlah mai cang,’ tina hy. \wj* 
\v 19 \wj Ak chang pynoet bai ing, ‘Vaitaw bawh nga thlai nyng saw, noek a dak lah vang nyng. Ni hlah mai cang,’ tina bai hy. \wj* 
\v 20 \wj Pynoet bai ing, ‘kai zu lo thai nyng saw, am law hly thai nyng,’ tina hy. \wj* 
\v 21 \wj A tyihzawih ce law nawh a boeipa a venawh ce mihkhqi boeih ce kqawn pehy. Cawh imkung ce ak kaw so nawh a tyihzawih a venawh ‘Khawmdek khuina kaw lampyi ingkaw lamkel awh ang tawnna cet nawhtaw khawdeng hahqahkhqi, khawk khemkhqi, mikhyp khqi ingkaw khawkzui khqi ce law pyi,’ tina hy. \wj* 
\v 22 \wj A tyihzawih ing, ‘Bawipa, awi nani peek amyihna sai hawh hlai nyng, a hun hoeng toeng toeng hyn hy,’ tina hy. \wj* 
\v 23 \wj Cawh Bawipa ing a tyihzawih a venawh, ‘lampyi ak bau ingkaw lam ak cawng ak kekhqi na ce cet nawhtaw na huh a saqui ce lawpyi kawp ti, cawh ni ka im awh a be hly hy. \wj* 
\v 24 \wj Ka nik kqawn peek, kak thlang ceikhqi ak khuiawh kaw thlang pynoet ca ingawm ka poei buh ve am tan kaw\wj*,’ tina hy.   
\s1 Hubatna Awmnaak Phu  
\p
\v 25 Thlang khawzah Jesu a hu awh bat unawh khin na cet haih uhy, cekkhqi venawh Jesu ing:  
\v 26 \x - \xo 14:26 \xt Mat 10.37.\x*\wj U awm ka venawh law nawh a nu ingkaw a Pa, a zucakhqi, a koeinu koeinaakhqi boeih, amah a hqingnaak ha awm – a mak sawhnaak thlang taw kai a hubat na am awm thai kaw. \wj* 
\v 27 \x - \xo 14:27 \xt Mat 10.38; 16.24; Marka 8.34; Luke 9.23.\x*\wj U awm amah a thinglam ce kawt nawh kai a hu awh amak bat taw kai a hubat na am coeng thai hy. \wj* 
\v 28 \wj Nangmih ak khuiawh thlang pynoet ing ip sang sak aham ngaih lah seh. Anih ing ngawi lamma cang nawh a saknaak khoek tangka a taak ingkaw ama taak am nym am nai hly ma nawh nu? \wj* 
\v 29 \wj Ak poek ma kaana tung ce ling sawhqat bai seiawm im ce amak coeng lawk awhtaw, ak hu saqui ing qaih na kawm uh, \wj* 
\v 30 \wj ‘Ve ak thlang ing im taw sa mylyk lawt nawh, ak coeng na awm ap coeng lak law hy,’ tina kawm uh. \wj* 
\v 31 \wj Kqawnnaak mai awh sangpahrang pynoet taw a qaal sangpahrang ing tuk qu aham cai lah seh. Ngawi lamma cang nawh, a qaal ben awhkaw thlang thongkul amah ben awhkaw thlang thonghqa ing a tuk thai hly ingkaw ama tuk thai hly ce poek lamma kaana awm kawm nu? \wj* 
\v 32 \wj Ama tuk thai hly mantaw, a qaalkhqi lam na ami law hui awh, dyihthing tyi nawh qoepnaak ce sai kaw. \wj* 
\v 33 \wj Cemyih lawtna, u awm ik-oeih soepkep amak cehtaak thai taw kai a hubat na am kawih hy. \wj* 
\v 34 \wj Ci taw leek hy, cehlai alnaak ce a paih mantaw ikawmyihna nu a alnaak thai tlaih kaw? \wj* 
\v 35 \wj Dek leek na awm am awm nawh, vaitaw pana a ek anglakawh za am leek kaw; khawng aham doeng na ni a awm hawh hy. U awm zaaknaak haa ak ta ingtaw za seh\wj*,” tinak khqi hy.   
\c 15  
\s1 Tuu Ak Qeng Nyttahnaak  
\p
\v 1 \x - \xo 15:1 \xt Luke 5.29,30.\x*Mangmu ak cawikungkhqi ingkaw thlakthawlhkhqi ing ak awi ak ngaina a venawh law uhy.  
\v 2 Cehlai Farasikhqi ingkaw anaa awi cawngpyikungkhqi taw sai bi uhy, Ve ak thlang ing thlak thawlhkhqi ym nawh buh ai pyi khqi haih hy, ti uhy.   
\p
\v 3 Cawh Jesu ing vawhkaw nyhtahnaak awi ve kqawn pek khqi hy:  
\v 4 \wj nangmih ak khuiawh thlang pynoet ing tuu zakhat a taak ak khuiawh pynoet ce qeng lah seh, sawmkow pakow ce a cehtaak coengawh ak qeng pynoet ce a huh hlan dy taw am sui kawm nu? \wj* 
\v 5 \wj A huh tlaih awhtaw, ak phleng awh kawt nawh, \wj* 
\v 6 \wj im na ceh pyi hy. A imcengkhqi ingkaw a pyikhqi ce ak khy coengawh, Ni zeel pyi lawt lah uh; tuu ak qeng ce hu tlaih hawh nyng,’ tinak khqi hy. \wj* 
\v 7 \wj Ka nik kqawn peek khqi, cemyih lawtna zut aham amak ngoe thlakdyng sawmkow pakow anglakawh thlakthawlh pynoet ang zutnaak awh ce khawk khan awh zeelnaak doem khqoet kaw\wj*.   
\s1 Tangka Qeng Nyttahnaak  
\p
\v 8 \wj Nu pynoet ing tangka phoeksa pahqa ta hlai hy pynoet ce qeng sak valh hy. Mai vang nawh, im ce ak leek na a nawt coengawh a huh hlan dy taw phoeksa ak qeeng ce am sui kawm nu? \wj* 
\v 9 \wj A huh tlaih awhtaw, a pyikhqi ingkaw a imceng locengkhqi ce khy nawh, Ni zeel pyi khqi hy. \wj* 
\v 10 \wj Cemyih lawtna, ka nik kqawn peek khqi, thlakthawlh pynoet ang zutnaak awh Khawsa ak khan ceityihkhqi haiawh zeelnaak ce awm kaw,”\wj* tinak khqi hy.   
\s1 Capa Ak Qeng Nyttahnaak  
\p
\v 11 Jesu ing nyhtahnaak awi kqawn pe tlaih bai hy: \wj Thlang pynoet ing cakpa pakkhih tahy. \wj* 
\v 12 \wj A capa ang no ing a pa venawh, ka pa ka huh hly kawi qo ce ni pe hlah,’ tina hy. Cedawngawh a pa ing qo ce bo pehy. \wj* 
\v 13 \wj Cekcoengawh taw, a capa ang no ing amah a ik-oeihkhqi boeih ce lo nawh khawk hla soeih na cet hy, ce a qam awh a khawhthemkhqi ce plak boeh boeh hy. \wj* 
\v 14 \wj A khawhthemkhqi ce ak plak boeih coengawh, cawhkaw a awmnaak qam awh ce khawseet khawkhanaak pha law hy, cawh anih ce voet a hlauh law hy. \wj* 
\v 15 \wj Cedawngawh ce a qam awhkaw thlang pynoet a bi ce bi pehy, cawhkaw thlang ing anih ce lo awh vawk ak cah aham na tyi hy. \wj* 
\v 16 \wj Ak phoen cawi aih nawh vawk ing a ai lyian kawikhqi ce ai aham nai hy, cehlai u ingawm ai aham ikaw awm am pehy. \wj* 
\v 17 \wj Cawh poek qu nawh, ‘Ka pa ak thlangvatkhqi ing zani awk lek ai naa na awk ai ta hlai uhy, kai taw vawh lum tawm hawh nyng! \wj* 
\v 18 \wj Tho nawh ka pa venna hlat tlaih mai vang nyng, a venawh: Ka pa, khan ingkaw nang a haiawh thawlh hawh nyng. \wj* 
\v 19 \wj Na ca na awm khy aham am kawih voel nyng; nak thlangvat pynoet na awm ni ta lawt mai, tina vang nyng,’ tihy. \wj* 
\v 20 \wj Cedawngawh tho nawh a pa venna cet hy. Ak hla na a law awh, a pa ing hu hqoet nawh qeen hy; a capa venna dawng nawh kawp hqoet nawh mawk hy. \wj* 
\v 21 \wj A capa ing a pa venawh, ‘Ka pa, khan ingkaw nang a haiawh thawlh hawh nyng. Na ca na khy aham am kawih voel nyng,’ tina hy. \wj* 
\v 22 \wj Cehlai a pa ing a tyihzawihkhqi venawh, ‘Ang tawnna! Angki ak leek soeih ce haw law unawh taw bai sak uh. A kut awh kutcabyn byn sak unawh, a khaw awh khawmyk myk law sak uh. \wj* 
\v 23 \wj Vaitaw ak tha soeih ce haw law unawh taw him uh. Awmhly zeelnaak ing buh veelnaak sai lah u sih. \wj* 
\v 24 \wj Vawhkaw ka capa ve thi hawh hlai hy hqing tlaih hawh hy, qeng hawh hlai hy hu tlaih hawh nyng,’ tinak khqi hy. Cedawngawh buh veelnaak ce sai uhy. \wj* 
\v 25 \wj Cedawngawh a capa a hqam taw lo na awm hy. Im a pha law tawm awh ce, laa sak awi ingkaw lamnaak awi ce zahy. \wj* 
\v 26 \wj Cedawngawh tyihzawih pynoet ce khy nawh doet hy. \wj* 
\v 27 \wj Anih ing, ‘Na naa ce hlat law tlaih nawh, sadip cana im a pha law tlaih dawngawh, na pa ing vaitaw ak tha soeih ce him pehy,’ tina hy. \wj* 
\v 28 \wj Cedawngawh a hqamca ce ak kaw so nawh ipkhui na a kun ham awm am ngaih voel hy. Cedawngawh a pa ce cet nawh a capa a hqam ce hloep hy. \wj* 
\v 29 \wj Cehlai anih ing a pa venawh, ‘Toek lah! Kum veqyt nang a tamnaa na awm nyng saw nak awi awm am eek khawi nyng. Cehlai ka pyikhqi mi zeelnaak aham me ca pynoet kangna awm am ni pe hyk ti. \wj* 
\v 30 \wj Vawhkaw na capa, a pum ak zawikhqi mi ik-oeih ak poeih ak lak thlang ce a law awh, vaitaw ak tha soeih him pe hyk ti!’ tina hy. \wj* 
\v 31 \wj A pa ing a venawh, ‘Ka capa, nang taw ka venawh awm poepa hyk ti, kai ing ka taak boeih boeih ve nang a koe nani a awm hy. \wj* 
\v 32 \wj Buh veelnaak ni sai nawh ni zeel aham awm hy, vawhkaw na naa ve thi hawh hlai hy, hqing law tlaih hawh hy; anih taw qeng hawh hlai hy ni hu tlaih hawh hy,’ tina hy\wj*,” tinak khqi hy.   
\c 16  
\s1 Tangkak Khoem Amak Ypawm  
\p
\v 1 Jesu ing a hubatkhqi venawh: “\wj Thlang boei pynoet awm nawh anih a tangka ak khoemkung ing tangka poeih pe kang hy tinawh amik kqawn ce zahy. \wj* 
\v 2 \wj Cedawngawh a boei ing khy nawh doet hy, ‘Na kawng kang zaak ve ikawmyihna a awmnaak? Tangka na khoem ce nim huh lah, ka tangka ak koemkung na am awm hly voel hyk ti,’ tina hy. \wj* 
\v 3 \wj Cedawngawh tangka ak khoemkung ing ‘ikawmyihna nu ka ti lah kaw? Ka boeipa ing ka bibi awm ni qoek hly sak hawh hy. Dek deng aham awm kak tha am awm koek, thlang a venawh kut dun aham awm chak koek bai nyng. \wj* 
\v 4 \wj Ka sai hly taw sim hawh nyng, cawh ni bibi ani phawh awhtaw thlangkhqi ing kai ve ami im awh ami ni do hly hy,’ tihy. \wj* 
\v 5 \wj Cedawngawh a boeipa a ik-oeih ak pukhqi ce khy hy. Lamma cyk awhkaw thlang ce khy nawh, ‘Ka boeipa a koe ik-oeih izah nu nak pu peek? tina hy. \wj* 
\v 6 \wj Anih ing, ‘Olive situi boet zaqeet,’ tina hy. Law lah, ang tawnna ngawi nawhtaw zali na sai mai,’ tina hy. \wj* 
\v 7 \wj Cekcoengawh a pak khihnaak awhkaw thlang ce doet tlaih bai hy, ‘Nang law izah nak pu? tina hy. “Anih ing, ‘Canghum sum thongkhat,’ tina hy. Tangka ak pukung ing, ‘Nak punaak cahawn ce lo nawhtaw sum zaqeet na sai mai,’ tina hy. \wj* 
\v 8 \wj Amak thym na bi ak bi tangka ak khoemkung ing cyihnaak ing bi a bi dawngawh a boeipa ing kyih am cah hy. Ve khawmdek thlangkhqi ing a mimah a ik-oeih ami sai awhtaw vangnaak khuiawh ak awmkhqi anglakawh awm cyi ngai uhy. \wj* 
\v 9 \wj Nangmih a venawh ka nik kqawn peek khqi, pyi sainaak aham khawmdek boeinaak ce hawna lah uh, cawh ni ce mihkhqi boeih a boeih coengawh, a mingmih ing kumqui awmnaak hun awh nangmih ce ani do hly khqi hy. \wj* 
\v 10 \wj U awm ik-oeih a khoehca awh ypawm na ak awm taw ik-oeih khawzah awh awm ypawm na awm hy, cehlai ik-oeih a khoehca awh ypawm na amak awm taw ik-oeih khawzah awh awm upvoet na awm hy. \wj* 
\v 11 \wj Khawmdek boeinaak awh zani ama ypawm awhtaw, u ing nu boeimangnaak tang tang ce ani khoem sak kaw? \wj* 
\v 12 \wj Thlang a ik-oeih awh ypvoet na na awm coengawh taw, u ing nu nang ce ik-oeih a ni peek kaw? \wj* 
\v 13 \x - \xo 16:13 \xt Mat 6.24.\x*\wj Tyihzoeih thlang pynoet ing boei pakkhih a bi pakkhih am bawk thai hy. Pynoet ce sawh na kawmsaw pynoet ce lungna kaw, am awhtaw pynoet ce ypna kawmsaw pynoet taw hep kaw. Khawsa bi ingkaw tangka bi am bawk hly thai qen hyk ti\wj*,’ tinak khqi hy.   
\p
\v 14 Tangka amik thintlawhnaak Farasikhqi ing ce ak awi ce a ming zaak awh Jesu ce qaih na uhy.  
\v 15 Jesu ing a mingmih a venawh, “\wj Thlang amik huh awh nangmih ing thlakdyng na sa qu uhyk ti, cehlai Khawsa ing nangmih ak kawlung ce sim hy. Thlang ing a phu ak tlo soeih na a taak ce Khawsa mik huh awhtaw tyih cu hy. \wj* 
\v 16 \x - \xo 16:16 \xt Mat 11.12,13.\x*\wj Johan a khuk dy ni anaa awi ingkaw tangkakhqi ca qee ce amik khypyi hy. Cekcoengawh kawng Khawsa ram awithang ce khypyi hawh uhy, thlang boeih ing ce ak khuiawh kun aham tha lo uhy. \wj* 
\v 17 \x - \xo 16:17 \xt Mat 5.18.\x*\wj Anaa awi awhkaw a dek zet ce ang qeng anglakawhtaw khawk khan ingkaw khawmdek ang qeng zoei bet kaw. \wj* 
\v 18 \x - \xo 16:18 \xt Mat 5.32; 1Kor 7.10,11.\x*\wj U ingawm a zu thla nawh nuk chang a lawh awhtaw samphaih hy, thlang a zuk thlak ak zunaak awm samphaih toeng toeng hy. \wj*   
\s1 Kuiqang Ingkaw Lazaru  
\p
\v 19 \wj Kuiqang thlang pynoet awm nawh hik thim ingkaw hi ak leek leek ing myngawi ang thoeihcam qu coengawh awm hly poepa hy. \wj* 
\v 20 \wj Ak chawmkeng a keng awh Lazaru ak mingnaak kut ak dun thlang pynoet ce awm hy, a pum boeih na phoei ing bawm nawh, \wj* 
\v 21 \wj kuiqang a caboei awhkaw ak tla awkdik aidik ce ai aham ngaih hy. Uikhqi ing ak phoei ce leek pe uhy. \wj* 
\v 22 \wj Cawhkaw kut ak dun thlang ce thi nawh khan ceityihkhqi ing Abraham a venna khyn uhy. Kuiqang thlang awm thi lawt nawh pup uhy. \wj* 
\v 23 \wj Hell khuina khuikha a sim cilh cilh awh ak hla nakawng Abraham ingkaw a venawh Lazaru ak awm ce hu hy. \wj* 
\v 24 \wj Ak khy doe na, ‘Ka pa Abraham, qeennaak ing Lazaru ce tyi nawhtaw tui awh a kutply pui seitaw kam lai ve ci law sak lah seh, vawhkaw mai awh ve khuikha cip cip hawh nyng ve,’ tina hy. \wj* 
\v 25 \wj Cehlai Abraham ing, ‘Ka capa, na hqing khui pyt awh ik-oeih ak leek leek hu tiksaw, Lazaru taw ik-oeih che a huh ce poek lah, cehlai tuh awhtaw anih ing ngaihdingnaak hu nawh nang taw khuikha hyk ti. \wj* 
\v 26 \wj Vekkhqi boeih coengawh, nang ingkaw kaimih anglakawh lawk-kqawng ak dung soeih awm hy, cedawngawh vawhkawng nang a venna u awm am cet thai hy, nang a venna kawng vena u awm am law thai bai hy,’ tina hy. \wj* 
\v 27 \wj Cawh anih ing, ‘cawhtaw ka pa Abraham, qeennaak thoeh law nyng, Lazaru ce Ka pa im na tyi cang lah, \wj* 
\v 28 \wj Ka naa thlang pumha awm hyn hy. Vawhkaw khuikha simnaak a hun awh a mami lawnaak thai aham anih ing kqawn law pe cang lah seh nyng,’ tina hy. \wj* 
\v 29 \wj Abraham ing, ‘Mosi ingkaw tawnghakhqi ta hawh usaw ti a; cekkhqi ak awi ce ngai mai u seh,’ tina hy. \wj* 
\v 30 \wj Anih ing, ‘Amni, ka pa Abraham, thlak thi ak khuiawh kawng thlang pynoet oet a mingmih a venna a ceh mantaw thawlh zut kawm uh,’ tina hy. \wj* 
\v 31 \wj Abraham ing a venawh, ‘Mosi ingkaw tawnghakhqi ak awi ce a maming ngai awhtaw, thihnaak ak khuiawh kawng thlang tho nawh kqawn pe bai seiawm am ngai hly uhy,’ tina hy\wj*,” tinak khqi hy.   
\c 17  
\s1 Jesu A Nyttahnaak  
\p
\v 1 Jesu ing a hubatkhqi venawh: “\wj Thlang ak thawlh sak ik-oeih taw awm hly ngai ngai hy, cehlai thawlhnaak aham ce a ik-oeih ak awm sakkungkhqi ce khaw na map uhy. \wj* 
\v 2 \wj Vawhkaw naasenkhqi thawlh sak anglakawhtaw cawhkaw thlang ce a hawng awh cang neetnaak lung awi sak nawh tuilik khuina nik khawng man anih aham leek hly bet hy. \wj* 
\v 3 \x - \xo 17:3 \xt Mat 18.15.\x*\wj Cedawngawh ak leek na qalqing uh. Na koeinaa a thawlh awhtaw, anih ce toel lah, ang zut awhtaw, ak khan awh qeenkhaw ngai law. \wj* 
\v 4 \wj Nak khan awh khaw hypoet awh ak khqih dy awh thawlh nawh, ak khqih dy bai lawt na venawh, ‘Zut nyng’ a ti awhtaw qeenkhaw ngai law pe\wj*,” tinak khqi hy.   
\s1 Cangnaak Ingkaw Bibinaak  
\p
\v 5 Ceityihkhqi ing Bawipa venawh, “Kaimih ak cangnaak ve taai law sak lah! tina uhy.   
\p
\v 6 A mingmih a venawh, “\wj Antlam ak ui teh mah cangnaak nami taak mantaw, vawhkaw thaithing a venawh, ‘Nak kqa mah na phu qu nawhtaw tuicunli na khawng qu lah,’ nami tinaak awh ce, nami tinaak amyihna namik awi ce ngai law kaw. \wj* 
\v 7 \wj Nangmih ak khuiawh kaw thlang pynoet ing, laikawk ak nawk, am awhtaw tuu ak khai tyihzawih pynoet ta mai lah seh. Cawhkaw tyihzawih ce laikawk nakaw a pha law kqoeng awh, \wj* 
\v 8 \wj Buh lo hlah, leng qu nawhtaw buh ka ai boeih hlan dy ni qeh; cekcoengawh aw a ai bit kawp ti,’ am namik tinaak hly nu? \wj* 
\v 9 \wj A sai hly kawi ik-oeih ce a sai dawngawh a tyihzawih ak khan awh zeelnaak awi ak kqawn hly re aw? \wj* 
\v 10 \wj Cemyih lawtna nangmih awm nami sai hly kawi ik-oeih boeih nami sai coengawh, ‘Amak kawihka tyihzawih na ni ka mi awm hy; ka sai hly kawi qoe ni ka mi sai hy,’ ti uh\wj*,” tinak khqi hy.   
\s1 Kqee Ak Neh Thlang Hqa  
\p
\v 11 Jerusalem khaw benna, Samari ingkaw Kalili khawqi benna kawng cet hy.  
\v 12 Vangca pynoet ak khuiawh, a kun awh, mynqaai ak neh thlang thlanghqa ing pan law uhy. Ak hla nakawng dyi unawh,  
\v 13 khawteh na, Bawipa Jesu, kaimih ve nim qeen khqi lah! tinawh qeennaak thoeh uhy.   
\p
\v 14 \x - \xo 17:14 \xt Lev. 14.1-32.\x*Cekkhqi ce a huh awh, “\wj Cet unawh taw, khawsoeih a venawh nami pum ce huh uh\wj*,” tinak khqi hy.  
\p A ming voei awh ce a mingmih ce qoei boeih uhy.  
\v 15 A mingmih ak khuiawh kaw thlang pynoet ing, mynqaai a qoei ce a huh awh, hlat law tlaih nawh, khawteh na khy nawh Khawsa ce kyihcah hy.  
\v 16 Jesu a khawkung awh ce ang tluk doena zeelnaak awi kqawn hy; anih taw Samari thlang na awm hy.   
\p
\v 17 Jesu ing, \wj Thlanghqa na qoei boeih uhyk ti my? Thlang kow tloek taw hana nu ami awm? \wj* 
\v 18 \wj Vawhkaw khaw lawk thlang ti kaa taw ak chang tloek ak khuiawh Khawsa kyihcah aham ak voei law pynoet ca awm am awm nawh nu? tinawh doet law pynoet ca awm am awm nawh nu\wj*? tinawh doet khqi hy.   
\p
\v 19 Ce ak thlang a venawh, “\wj Tho nawhtaw cet hlah, nak cangnaak ing ni qoei sak hawh hy\wj*,” tina hy.   
\s1 Khawsa Qam A Pha Lawnaak  
\p
\v 20 Hypoet taw, Khawsa qam a lawnaak hly akawng ce Farasikhqi ing doet uhy. Jesu ing, “\wj Khawsa qam taw nangmih a mikhuh awh am law hy, \wj* 
\v 21 \wj 'Vawh ni a awm,’ am awhtaw, ‘Cawh ni a awm,’ tinawh u ing awm ap kqawn thai hy. Khawsa ram taw nangmih ak khuiawh ni a awm\wj*,” tinak khqi hy.   
\p
\v 22 Cekcoengawh a hubatkhqi venawh, “\wj Thlanghqing Capa a khawnghi hypoet ca awm huh aham nami ngaihnaak a khawnghi ce law kaw, cehlai am hu kawm uk ti. \wj* 
\v 23 \wj thlangkhqi ing, ‘cawh ni a awm hy ce!’ am awhtaw, ‘Vawh ni a awm hy ve!’ ni tinak khqi kaw. Cekkhqi hu awh koeh cet uh. \wj* 
\v 24 \wj Thlanghqing Capa a khawnghi taw khaw phla balh balh nawh khan ak kqannaak awhkawng a dytnaak dyna ak coei amyihna awm kaw. \wj* 
\v 25 \wj Cehlai anih ing khuikhanaak ce hu ma kaw, ve a khuk awhkaw thlangkhqi ing hoet kawm uh. \wj* 
\v 26 \x - \xo 17:26 \xt Gen 6.5-8.\x*\wj Novah khuk awhkaw myihna, Thlanghqing Capa a khawnghi ce awm lawt kaw. \wj* 
\v 27 \x - \xo 17:27 \xt Gen 7.6-24.\x*\wj Novah ing lawng khuina a kun dy, thlangkhqi ing ai uhy, aw uhy, zu lo unawh vaa ta uhy. Cehlai tuiliu ce law nawh a mingmih ce liu khqi boeih hy. \wj* 
\v 28 \x - \xo 17:28 \xt Gen 18.20—19.25.\x*\wj Lot a khuk awh awm cemyihna ce awm hy. Cawhkaw thlangkhqi ing ai uhy, aw uhy, ik-oeih zawi uhy, thlai uhy, ik-oeih ling uhy, imkhqi sa uhy. \wj* 
\v 29 \wj Cehlai Lot ing Sodom khaw a cehtaaknaak a khawnghi awhtaw, khan nakawng kat mai tla law nawh a mingmih boeih ce ui hy. \wj* 
\v 30 \wj Thlanghqing Capa a lawnaak khawnghi ce cemyihna awm lawt kaw. \wj* 
\v 31 \x - \xo 17:31 \xt Mat 24.17,18; Marka 13.15,16.\x*\wj Ce a khawnghi a pha awh u awm iptih na ak awm ing, ipkhui nakaw ik-oeih ak lo na koeh nuk kqum voel seh. Lo na ak awm ing ik-oeih ak lo na im na koeh hlat tlaih voel seh. \wj* 
\v 32 \x - \xo 17:32 \xt Gen 19.26.\x*\wj Lot a zu ce poek uh! \wj* 
\v 33 \x - \xo 17:33 \xt Mat 10.39; 16.25; Marka 8.35; Luke 9.24; Joh 12.25.\x*\wj U awm a hqingnaak thawng aham ak ngaih ing a hqingnaak ce hlawng kawmsaw, u awm a hqingnaak ak hlawng ingtaw hu lat kaw. \wj* 
\v 34 \wj Ce am than awh, ihkhun awh thlang pakkhih ip kaw; pynoet ce lo kawnsaw, pynoet ce cehta kaw. \wj* 
\v 35 \wj Nu pakkhih ing sum su kaw; pynoet ce lo kawmsaw, pynoet ce cehta kaw\wj*,” tinak khqi hy.   
\p
\v 36 Cekcoengawh, “\wj Lo awh thlang pakkhih awm kaw; pynoet ce lawh na awm kawmsaw pynoet cetaw cehtaak na awm kaw\wj*,” tinak khqi hy.   
\p
\v 37 A mingmih ing, Bawipa, ce han awh a awm kaw? tinawh doet uhy.  
\p Anih ing, “\wj Meh qawk a awmnaak awh, langtahkhqi awm kawm uh\wj*,” tinak khqi hy.   
\c 18  
\s1 Kawboet Kaana Cykcahnaak  
\p
\v 1 Kawboet kaana cykcah poepa aham awm hy tice ami simnaak aham Jesu ing a hubatkhqi venawh nyhtahnaak awi pynoet kqawn peek khqi hy.  
\v 2 A mingmih a venawh: “\wj Khaw pynoet awh Khawsa awm amak kqih, thlanghqing awm kawna amak ngai awidengkung thlang pynoet ce awm hy. \wj* 
\v 3 \wj Ce a khawk khuiawh nuhai pynoet awm nawh, cawhkaw awidengkung a venawh, ‘Ka qaal ingkaw kai anglakawhkaw awi ve am dyng na kqawn law lah,’ tinawh cet poepa nawh qeennaak thoeh hy. \wj* 
\v 4 \wj Iqyt num taw am ngai am loek na hy. Cehlai a hu na taw poek quhy, ‘Khawsa awm ap kqih nyng saw thlanghqing awm kawna am ngai pai hlai nyng, \wj* 
\v 5 \wj vawhkaw nuhai ing ni ngeu ni lawn khing kaw ve, awihdyng kqawn pe hlah mai vang nyng, cawh ni am law qoe voel kawmsaw a mani ngeu ama ni lawn hly hy,’ tihy\wj*” tinak khqi hy.   
\p
\v 6 Cekcoengawh Bawipa ing, “\wj Amak thym awidengkung ak awi ve ngai lah uh. \wj* 
\v 7 \wj A venawh khawmthan khawdai ko ang kqang doena ak cykcah, amah ing ak tyh thlangkhqi aham Khawsa ing am dyng na awi am deng kawm nu? A mingmih ce awm hly taak dym nawh nu? \wj* 
\v 8 \wj Ka nik kqawn peek khqi, anih ing awi ang tawnna deng kaw. Cehlai thlanghqing Capa a law awh, khawmdek awh cangnaak ak hu hly hyn hy voei nu?\wj* tihy.   
\s1 Pharisee Ingkaw Mangmuk Cawi Khawi Cykcahnaak  
\p
\v 9 Amah am dyngnaak ypna nawh thlang ak husitkhqi venawh, vawhkaw nyhtahnaak awi ve kqawn pehy:  
\v 10 \wj Thlang pakkhih taw cykcah aham bawkim na cet hy nih. Pynoet taw Farasi thlang na awm nawh pynoet taw mangmu ak cawikung na awm hy. \wj* 
\v 11 \wj Farasi thlang taw dyi nawh vemyihna cykcah hy: “Khawsa, kai taw quk-aikhqi, thawlhnaak ak saikhqi, samphaihkhqi ingkaw vawhkaw mangmu ak cawikung amyihna awm am ka awm a dawngawh, na venawh zeel nyng. \wj* 
\v 12 \wj Khaw khqih nyn khuiawh buh hih voei ka zeih coengawh ka huh boeih ak khuiawh pahqa pynoet ak thym cana pe nyng,’ tihy. \wj* 
\v 13 \wj Cehlai mangmu ak cawikung taw ak hla na dyi hoer nawh, khan benna awm am mang hqa hy, ak kqang pung nawh, ‘Bawipa, kai thlakthawlh ve nim qeen lah,’ tinawh cykcah hy. \wj* 
\v 14 \x - \xo 18:14 \xt Mat 23.12; Luke 14.11.\x*\wj Ka nik kqawn peek khqi, cawhkaw thlang ing Khawsa haiawh dyngnaak ce hu nawh im na voei hy. U awm amah ingkaw amah ak zoeksang qu taw ak kaina nung tla kaw, cehlai ak kaina ak awm ing ce zoeksangnaak hu kaw\wj*,” tinak khqi hy.   
\s1 Nasenkhqi Ingkaw Jesu  
\p
\v 15 Thlangkhqi ing naasenkhqi ce Jesu ing a bi aham a venawh law pyi uhy. A hubatkhqi ing ami huh awh, thlangkhqi ce zyi uhy.  
\v 16 Cehlai Jesu ing naasenkhqi ce a venna ak khy coengawh, “\wj Naasenkhqi, ka venna law sak uh, koeh hqek u, kawtih Khawsa qam taw vemyih ak thlangkhqi ham ni. \wj* 
\v 17 \wj Awitak ka nik kqawn peek khqi, u ingawm Khawsa qam ce naasen amyihna amak do taw ak khuiawh am kun thai kaw\wj*,’ tinak khqi hy.   
\s1 Ukkung Boei  
\p
\v 18 Ukkung thlang pynoet ing, “Cawngpuikung leek, kumqui hqingnaak ka pangnaak thai aham ikaw ka sai hly.” tina hy.  
\v 19 Jesu ing, “\wj Ikawtih leek hy nani tinaak? Khawsa doeng am taw u awm am leek hy. \wj* 
\v 20 \x - \xo 18:20 \xt Ex. 20.14; Deut. 5.18; \xt Ex. 20.13; Deut. 5.17; \xt Ex. 20.15; Deut. 5.19; \xt Ex. 20.16; Deut. 5.20; \xt Ex. 20.12; Deut. 5.16.\x*\wj Awipeekkhqi sim tiksaw kaw: ‘Koeh samphaih, thlang koeh him, koeh qu, amak thym dyihthing na koeh dyi, na nu ingkaw na pa zoeksang lah,’ a tice ti,\wj*” tina hy.   
\p
\v 21 Anih ing, “Vemihkhqi boeih ve ka naasen awhkawng ni ka sai hawh,” tina hy.   
\p
\v 22 Ce ak awi ce Jesu ing ang zaak awh, a venawh, “\wj Pynoet voet hun hyk ti. Na taakkhqi boeih ce zawi nawhtaw hahqahkhqi venawh pe, cawhtaw khawk khan awh them ta kawp ti. Cekcoengawh ka hu awh bat law\wj*,” tina hy.   
\p
\v 23 Ce ak awi ce ang zaak awh, anih ce boei thlang na a awm dawng awh, ak kaw a boe na se hy.  
\v 24 Jesu ing anih ce toek nawh, “\wj Boei thlangkhqi ing Khawsa qam khuiawh a kunnaak aham ikawmyih aih na a kyinaak ve! \wj* 
\v 25 \wj Boei thlang ing Khawsa qam khuiawh a kunnaak anglakawhtaw kalauk ing kqym ak khuiawh a kun mantaw zoei bet kaw,\wj*” tinak khqi hy.  
\v 26 Ce ak awi ak zakhqi ing, “U ing nu thawngnaak a huh hly lawk hy voei?” ti uhy.  
\v 27 Jesu ing, “\wj Thlanghqing aham amak coeng thai ce Khawsa ham taw coeng thai hy\wj*,” tinak khqi hy.   
\p
\v 28 Piter ing a venawh, “Kaimih ingtaw ik-oeihkhqi boeih cehta unyng saw na hu awh bat unyng ve!” tina hy.  
\v 29 Jesu ing a mingmih na ce, “\wj Awitaak ka nik kqawn peek khqi, u ingawm Khawsa qam dawngawh a im aw, a zu aw, a koeinaa aw, a cakhqi aw ama cehtaak awhtaw \wj* 
\v 30 \wj Ve a khuk qoe awh khawzah na a hlawng coengawh, ak law hly kawi a khuk awhkaw kumqui hqingnaak awm hlawng bai kaw,\wj*” tinak khqi hy.   
\s1 Jesu Ing A Thih Hly Kqawn Bai Hy  
\p
\v 31 Jesu ing a hubat Thlanghqa hlaihih ce ak chang na cehpyi nawh, “\wj Tawngha khqi ing, Thlanghqing Capa akawng ami na qeekhqi boeih ce a soepnaak aham, ningnih ve Jerusalem na ni cet kawm uh. \wj* 
\v 32 \wj Anih ce Gentelkhqi kut awh pe kawm uh. Raih na kawm uh, the a kha na kawm uh, sawh a phih kawm uh, vyk kawm usaw him kawm uh. \wj* 
\v 33 \wj Cehlai am thum nyn awh tho tlaih kaw,\wj*” tinak khqi hy.  
\v 34 Vawhkaw awi ak kqawnkhqi ve a hubatkhqi ing pynoet ca awm am zasim uhy. Ak kqawn ngaihnaak ce a thuh hyn dawngawh, ikawk awi aw ak kqawn hy voei, ti awm am sim uhy.   
\s1 Mik Hyp Ing Khaw Hu Hy  
\p
\v 35 Jeriko khaw ce Jesu ing a pha tawm awh, mikhyp thlang pynoet taw lam a keng awh ngawi nawh kut dun hy.  
\v 36 Thlangkhqi a ceh tyn awi ce ang zaak awh, thlangkhqi ce doet hy.  
\v 37 Thlangkhqi ing, Nazareth khaw awhkaw Jesu law hy, tina hy.  
\v 38 Cawh anih ing, “David Capa, Jesu, kai ve nim qeen lah,” tinawh khy hy.  
\v 39 Lam ak khul kungkhqi ing awm dym aham kaa na uhy, cehlai, David Capa, kai ve nim qeen lah, tinawh khy khqoet hy.  
\v 40 Cawh Jesu ing dyi cat nawh, cawhkaw thlang ce a venna sawi aham kqawn pehy.  
\p Jesu a ven a pha awh,  
\v 41 “\wj Kaw sai sak aham nu na ni ngaih\wj*? tina hy. Anih ing, “\wj Bawipa, ka mik a dai aham ngaih nyng\wj*,” tina hy.  
\v 42 Jesu ing a venawh, “\wj Na mik dang hlah seh, nak cangnaak ing ni qoei sak hawh hy\wj*,” tina hy.  
\v 43 Cawh a mik ce dai pe pahoei hy, Jesu a hu awh bat nawh Khawsa ce kyihcah hy. Thlangkhqi ing ami huh awh, Khawsa ce kyihcah uhy.   
\c 19  
\s1 Mangmuk Cawikung Zakea  
\p
\v 1 Jesu taw Jeriko khaw awh lut nawh cawhkawng cet phaat hy.  
\v 2 Ce a khawk khuiawh Zakea ak mingnaak thlang pynoet awm hy; anih taw mangmu ak cawikhqi ak ukkung na awm nawh boei hy.  
\v 3 Jesu ve ikawmyih ak thlang hy voei nu tice huh aham ngaih hy; cehlai thlak nem na a awm dawngawh, thlang kqeng anglakawh Jesu ce am hu thai hy.  
\v 4 Cedawngawh Jesu a lawnaak kawi lam a hai benna a nang dawng nawh Jesu huh aham thai thing a saw na kaai hy.  
\v 5 Jesu ing ce a hun ce a pha awh, hang mang nawh toek hy, “\wj Zakea, nuk kqum law hlah, tuhngawi na im awh pah hly nyng\wj*,” tina hy.   
\p
\v 6 Zakea ing angtawn na nuk kqum nawh zeel doena Jesu ce a im awh pah sak hy.  
\v 7 Thlang boeih ing ami huh awh sai bi uhy, Thlakthawlh im awh pah vang a ti, ti uhy.   
\p
\v 8 Cehlai Zakea ing dyi nawh Bawipa venawh, “Bawipa, toek lah! Tuh ka khawhthem ik-oeih ak kengvang ce hahqahkhqi pe vang nyng, thlang thai na nawh ik-oeih ka lawh peek awhtaw, a pyh pupthli na sah tlaih vang nyng,” tina hy.   
\p
\v 9 Jesu ing a venawh, “\wj Tuhngawi awh ve a ipkhui awh thaawngnaak pha law hawh hy, ve ak thlang awm Abraham a capa lawt ni. \wj* 
\v 10 \x - \xo 19:10 \xt Mat 18.11.\x*\wj Ak qeengkhqi thaawng aham ni Thlanghqing Capa ve a law\wj*,” tinak khqi hy.   
\s1 Tangka Nyttahnaak  
\p
\v 11 Ve ak awi ve a ming ngai hui awh, Jerusalem khaw ce zoe hawh nawh, thlangkhqi ing Khawsa qam ce dang hly pahoei hawh hy tinawh amik poek dawngawh, cekkhqi venawh nyhtahnaak awi pynoet kqawn pek khqi hy.  
\v 12 A mingmih a venawh, “\wj Boei na ak awm thlang pynoet taw Sangpahrang na awm nawh ak voei law tlaih na khawk hla soeih na ce cet hy. \wj* 
\v 13 \wj Cedawngawh a tyihzawih thlang pahqa tloek ce khy nawh tangka mina pahqa ce pehy. Ka law tlaih hlan dy vawhkaw tangka ing bi ana bi uh,’ tinak khqi hy. \wj* 
\v 14 \wj Cehlai anih amak ngaih thlangkhqi ing anih a huawh thlang tyi unawh, ‘Ve ak thlang ve kaimih a Sangpahrang na awm aham am ngaih unyng,” tinawh awi pat uhy. \wj* 
\v 15 \wj Cehlai anih ce Sanpahrang na a awm coengawh taw a im na ce voei hy. Cawhkaw tangka ing ikawmyihna a meek ami huh hy voei, tice sim a ngaih dawngawh a tyihzawihkhqi ce khy nawh tangka a peek thlangkhqi venna tyi hy. \wj* 
\v 16 \wj Lamma cyk thlang ce law nawh a venawh, ‘Bawipa, nang a tangka mina ce a pyh pahqa na meek hy,’ tina hy. \wj* 
\v 17 \wj Cawh a boei ing, ‘Ka tyihzawih thlak leek, lah hyk ti. Ik-oeih ak zawica awh awm ypawm na awm hyk ti, khawk bau pahqa ce uk lah,’ tina hy. \wj* 
\v 18 \wj A tyihzawih pakkhihnaak thlang ce law bai nawh, ‘Bawipa, na tangka mina a pyh pumha na meek hy,’ tina bai hy. \wj* 
\v 19 \wj A boeipa ing, ‘Khawk bau pumha ce uk lah,’ tina hy. \wj* 
\v 20 \wj Cekcoengawh tyihzawih thlak chang pynoet bai ce law nawh, ‘Bawipa na mina ve; hikche ing cun nawh pup nyng. \wj* 
\v 21 \wj Nang taw thlak ciit ngat na awm tiksaw, nik kqih nyng. Amna taaknaak hun awh lo tiksaw, amna sawnaak awh at hyk ti,’ tina hy. \wj* 
\v 22 \wj Cawh a boeipa ing, ‘Nang tyihzawih thlakche, namah ak awi kqawn amyihna awi ni deng kawng! Kai ve thlak ciit ngat na awm nyng, am ka taaknaak awh lo nyng saw am ka sawnaak awh ka ah ce sim zawk hyk ti my? \wj* 
\v 23 \wj Cawh man ni ka tangka ce tangka ak thungkhqi kut awh pe tiksaw, ka law tlaih awh, a ca ing ka huhnaak bawk voei?’ tina hy. \wj* 
\v 24 \wj Cekcoengawh cawhkaw ak dyi thlangkhqi venawh, ‘A venawh kaw tangka mina pynoet ce lawh pe unawh taw tangka mina pahqa ak ta venawh pe uh,’ tinak khqi hy. \wj* 
\v 25 \wj Cekkhqi ing, ‘Bawipa, tangka mina pahqa ta hawh saw kaw! tina uhy. \wj* 
\v 26 \x - \xo 19:26 \xt Mat 13.12; Marka 4.25; Luke 8.18.\x*\wj Cehlai anih ing ak ta ak thlang a venawh sap pek khqoet kawmsaw, amak ta ak thlang ce taw, a taak ang cang awm lawh pe kaw. \wj* 
\v 27 \x - \xo 19:27 \xt Mat 25.14-30.\x*\wj Cehlai kai a qaalkhqi, a mingmih ak khan awh Sangpahrang na kai ama nik ngaih thlangkhqi ce vawh haw law unawh taw ka haiawh him lah uh,’ tinak khqi hy\wj*” tinak khqi hy.   
\s1 Jerusalem A Lutnaak  
\p
\v 28 Jesu ing ve ak awi ak kqawn coengawh, Jerusalem khaw benna cet oepchoeh hy.  
\v 29 Bethphage ingkaw Bethani khaw ce pha tawm nawh Olive ami ti Tlang ce a pha awh, a hubat thlang pakkhih ce haina tyi nawh cekqawi a venawh,  
\v 30 \wj Nani hai awhkaw khaw na ce cet nih nawhtaw, khawk khuina nani kun awh, u ingawm amang ngawihnaak khawi meqang ca amik pai ce hu kawm nik ti. Sut nih nawhtaw vena haw law nih. \wj* 
\v 31 \wj U ingawm, ikaw ham nani suh? a ti awhtaw ‘Bawipa ing ngoe hy,’ ti nanih,\wj*” tina qawi hy.   
\p
\v 32 A tyih qawi ce cet nih nawh anih ing ak kqawn peek amyihna hu hy nih.  
\v 33 Mirang ca ce a ni suh li awh, ak takung ing, ‘Ikaw ham meqang ca ce nani suh? tina qawi hy.  
\v 34 Cekkqawi ing, Bawipa ing ngoe hy, tina hy nih.   
\p
\v 35 Jesu a venna ani haw law coengawh, meqang ca ak khan awh hi phaih pe unawh Jesu ce ngawih sak uhy.  
\v 36 Anih a cehnaak lam awh ce thlangkhqi ing hi phaih pe uhy.  
\v 37 Olive Tlang awhkawng lam a nuk kqumnaak hun ce a pha tawm awh, a hu awh ak bat thlang kqeng ing kawpoek kyi ik-oeihkhqi ce ami huh awh zeelmang doena khy uhy:  
\v 38 \x - \xo 19:38 \xt Sam 118.26.\x*Bawipa ming ing ak law taw zoseennaak awm seh!” “Khawk khan awh qoepnaak awm seitaw sawsang khyt awh boeimang seh!” tinawh Khawsa ce kyihcah uhy.  
\v 39 Thlang kqeng anglakawhkaw Farasi thlang thlang vang ing Jesu a venawh, “Cawngpyikung, na hubatkhqi ce kaa na lah,” tina uhy.   
\p
\v 40 Cehlai anih ing, “\wj Ka nik kqawn peek khqi, a mingmih ama mik khy awhtaw, lungkhqi awm khy kaw\wj*,’ tinak khqi hy.   
\s1 Jerusalem Kqah Hy  
\p
\v 41 Jerusalem pha tawm nawh khawk bau ce a huh awh, kqah hy,  
\v 42 “\wj Nang, nang ing tuh tloek awh nang aham ngaihqepnaak ak haw lawkung ve na sim mantaw – cehlai tuh awhtaw namik ni thuh pe hawh hy. \wj* 
\v 43 \wj Na qaalkhqi ing nik chung khoep kawm usaw hu hai nakawng ani teeknaak khawnghi ce pha law kaw. \wj* 
\v 44 \wj Na vawng khuiawh namah ingkaw na canaakhqi dek khawng law na kawm uh. Na venawh Khawsa a lawnaak tym ce am na hat dawngawh, vawhkaw lung ak poeng qu ve pynoet ca awm am hang kawm uh\wj*,” tina hy.   
\s1 Bawkim Awh Jesu  
\p
\v 45 Cekcoengawh bawkim vawng khuina ce kun nawh ik-oeih ak zawikhqi ce hqek hy.  
\v 46 \x - \xo 19:46 \xt Is. 56.7; Jer. 7.11.\x*A mingmih na ce, “\wj Ka im ve cykcahnaak im na awm kaw,’ tinawh qee na awm hy; cehlai nangmih ingtaw, quk-aikhqi awmnaak a hun,’ na sai uhyk ti\wj*,” tinak khqi hy.   
\p
\v 47 Myngawi bawkim awh thlang cawngpyi hy. Cehlai khawsoeih boeikhqi, anaa awi cawngpyi kungkhqi ingkaw thlang kqeng ak sawikungkhqi ingtaw anih ce him aham ngaih uhy.  
\v 48 Cehlai ak awi kqawn ce thlang boeih ing a ming ngai peek dawngawh a tym leek ce am hu thai uhy.   
\c 20  
\s1 Jesu A Saithainaak  
\p
\v 1 Hypoet taw bawkim awh thlang cawngpyi nawh awithang leek ak khypyi li awh, khawsoeih boeikhqi ingkaw anaa awi cawngpyikungkhqi ce a hqamcakhqi mi a venawh law uhy.  
\v 2 Hana kaw saithainaak ing nu vawhkaw ik-oeihkhqi ve na sai? Anik pekung u aw? kqawn lah,” tina uhy.   
\p
\v 3 Anih ing, “\wj Cawhtaw awi pynoet awh ni doet khqi lah vang nyng; kqawn law lah uh, \wj* 
\v 4 \wj Johan a baptisma ve khan ben na kaw nu, am awhtaw thlanghqing ben awhkaw nu?\wj*” tinak khqi hy.   
\p
\v 5 Cawh a mimah ce doet qu uhy, Khan benna kaw,” ni ti man, ‘cawhtaw kawtih amna mik cangnaak,’ tina hlyk khqi vik.  
\v 6 Thlanghqing benna kaw ni,’ ni tinaak bai mantaw, Johan ve tawngha ni tinawh thlangkhqi ing ami sim hawh dawngawh, lung ing nik khawng khqi kaw,” ti uhy.   
\p
\v 7 Cedawngawh a mingmih ing, “Han benna kaw hy voei nu, am sim unyng,” tina uhy.  
\v 8 Jesu ing, “\wj Cawhtaw hana kaw saithainaak ing vawhkaw ik-oeihkhqi ka sai tice ap kqawn hly lawt nyng\wj*,” tinak khqi hy.   
\s1 Dum Taak Nyttahnaak  
\p
\v 9 \x - \xo 20:9 \xt Is. 5.1.\x*Cekcoengawh vawhkaw nyhtahnaak awi ve thlangkhqi venawh kqawn pek khqi poehoei hy. “\wj Thlang pynoet ing misur dum tahy, a dum ce bibikung thlangkhqi venawh vat nawh amah taw khawk hla na cet valh hy. \wj* 
\v 10 \wj Misur bit tym a pha law awhtaw a tyihzawih thlang pynoet ce misur thaih bit aham dum bibikungkhqi venna tyi hy. Cehlai dum bibikungkhqi ing anih ce vyk unawh kut hqawng na tyi uhy. \wj* 
\v 11 \wj Cekcoengawh tyihzawih ak chang ce tyi bai hy, anih ce awm vyk bai unawh, chahqai phyihkawt na ami thekhanaak coengawh kut hqawng na tyi bai uhy. \wj* 
\v 12 \wj A tyizoeih a pakthumnaak ce tyi bai hy, anih ce awm a leem kqoengna khawng bai uhy. \wj* 
\v 13 \wj Cawh misur dum ak ta kung ing, ‘Kaw ka sai lah voei? Kalung naak ka capa man ka tyih hawh kaw; anih taw kqihchah na kawm uh,’ ti hy. \wj* 
\v 14 \wj Cehlai dum bibikungkhqi ing ami huh awh, a mimah ingkaw a mimah ce kqawn uhy. ‘Anih ve qo ak pang hly kawi ni; him unawh taw a qo ce ningnih aham awm seh nyng,’ ti uhy. \wj* 
\v 15 \wj Cedawngawh anih ce misur dum a ceng na sawi unawh him uhy. Cawhtaw misur dum ak takung ing a mingmih ce ikawmyihna a saikhqi kaw? \wj* 
\v 16 \wj Dum bibikungkhqi boeih ce a him coengawh misur dum ce thlak chang a kut awh pe kaw\wj*,” tinak khqi hy.  
\p Ve ak awi ve thlangkhqi ing a ming zaak awh, “Ve myihna koeh awm seh,” ti uhy.  
\v 17 \x - \xo 20:17 \xt Sam 118.22.\x*Jesu ing a mingmih ce toek khqi nawh, “\wj Cawhtaw vawhkaw kqawn hyt awi: “Ip sakungkhqi ing ami hoet lung ce a kil awh lung ak leek soeih a khoengna awm hy,’ a tive kaw ak kqawn ngaihnaak hy voei aw? \wj* 
\v 18 \wj U awm ce alung awh ak tlu taw kqek kawm saw, a namkhqi khqoet taw a dik a huina coeng kaw\wj*,” tinak khqi hy.  
\v 19 Vawhkaw nyhtahnaak awi ve a mingmih ni ak kqawn sih hy tice ami sim dawngawh, anaa awi cawngpyikung khqi ingkaw khawsoeih boeikhqi ing anih ce tu pahoei aham a lam ce sui uhy. Cehlai thlang kqeeng ce kqih uhy.   
\s1 Khawsa A Them Ingkaw Kaisar A Them  
\p
\v 20 Ak zoei cana qym nawh a thawlhnaak tu peek thainaak aham, thlak leek na ak sa qu, qymkungkhqi ce a venawh tyi uhy. Jesu ak awi kqawnnaak awh a thawlhnaak tu pe nawh saithainaak ak ta qam ukkung a venawh peek thainaak aham teng uhy.  
\v 21 Cedawngawh amah ak qymkungkhqi ing doet uhy: “Cawngpyikung, ak thym kqawn nawh thlang cawngpyi hyk ti, u a hai awm a toek kaana awitak ing Khawsa a lam cawngpyi hyk ti tice sim unyng.  
\v 22 Kaisar a venawh mangmu peek ve ak thym nu, amak thym nu?” tina uhy.   
\p
\v 23 A mingmih a thainaak ce a sim oel oel a dawngawh,  
\v 24 Ami venawh, “\wj Tangka denari ce nim huh lah uh; uang myihlip ingkaw ming nu ak awm\wj*?” tinak khqi hy.   
\p
\v 25 Cekkhqi ing, Karsar, tina uhy. Cekkhqi venawh, “\wj Cawhtaw Kaisar a koe ce Kaisar a venawh pe unawh taw, Khawsa a koe ce Khawsa venawh pe uh\wj*,” tinak khqi hy.  
\v 26 Thlang kqeng a haiawh awi ak kqawnnaak awh a thawlhnaak am tu pe thai uhy. Cekkhqi awi am hlatnaak awh ce amik kawpoek kyi nawh, awm hqoeng uhy.   
\s1 Sadducees Ingkaw Thawhtlaihnaak  
\p
\v 27 \x - \xo 20:27 \xt Cei 23.8.\x*Thawhtlaihnaak am awm hy amik ti Sadusi thlang vang tloek ing Jesu doet aham law uhy.  
\v 28 \x - \xo 20:28 \xt Deut. 25.5.\x*A venawh, “Cawngpyi kung, Mosi ing taw ve myihna ca qee hy, 'thlang ing cataak kaana a zu ce a thih taak mai mantaw ana ing anih ce lo kawmsaw ak taai aham ca taak pe kaw,' tihy.  
\v 29 Cingnahqui thlang khqih awm uhy. Lamma cyk ing zu lo hlai hy, ca a taak kaana thih tahy.  
\v 30 A pakkhihnaak ing zuna tlaih nawh,  
\v 31 cekcoengawh a pakthumnaak ing zuna tlaih bai hy; ca pynoet awm a taak kaana ak khqihna ce thi boeih uhy.  
\v 32 A hukhit nataw cawhkaw nu awm thi lawt hy.  
\v 33 Cawhtaw, thawh tlaihnaak khawnghi awh cawhkaw nu ce a u mih a zuna nu a awm kaw, khqih ing zuna boeih u saw?” tina uhy.  
\v 34 Jesu ing, “\wj Ve khawmdek thlangkhqi ing zu lo va ta uhy; \wj* 
\v 35 \wj Cehlai ce a hun awh ak awm kawikhqi taw thlak thi thawh tlaihnaak khawnghi awh zu loh va taak, chungvaa am awm voel hawh kaw, \wj* 
\v 36 \wj thi awm am thi voel kawm uh; khan ceityihkhqi amyihna awm kawm usaw; ak tho tlaih cakhqi na ami awm hawh dawngawh Khawsa cakhqi na awm hawh kawm uh. \wj* 
\v 37 \x - \xo 20:37 \xt Ex. 3.6.\x*\wj Thlak thi thawhtlaihna a awmnaak hly Mosi ingawm, thingbup akawng lamawh ce, Bawipa ce, 'Abraham a Khawsa, Isak a Khawsa, Jakob a Khawsa,’ a tinaak awh dang sak hy. \wj* 
\v 38 \wj Anih taw thlak thi Khawsa na am awm nawh, thlak hqing a Khawsa nani a awm, amah awh thlang boeih ce hqing hy\wj*,” tinak khqi hy.   
\p
\v 39 Anaa awi cawngpyikung thlang vang ing, “Cawngpyikung, nak kqawn ce thym hy,” tina uhy.  
\v 40 Cekcoengawh kawng taw u ingawm awi am doet voel uhy.   
\p
\v 41 Cekcoengawh Jesu ing cekkhqi venawh, “\wj Ikawmyihna a mingmih ing Khrih ve David Capa tinawh amik kqawn hy voei? \wj* 
\v 42 \x - \xo 20:42 \xt Sam 110.1.\x*\wj David amah ingtaw Saam cabu awh: Bawipa ing ka Bawipa a venawh: \wj* 
\v 43 \wj Na qaalkhqi ce na khawtloeng na ka sai hlan dy taw, kak tang benawh ngawi lah,” tinawh kqawn hy. \wj* 
\v 44 \wj David ing anih ce ‘Bawipa,’ tinawh khy hy. Cawhtaw ikawmyihna a capa na a awm hly thai?\wj*” tinak khqi hy.   
\p
\v 45 Thlangkhqi ing ak awih kqawn ce a ming ngai huiawh, Jesu ing a hubatkhqi venawh,  
\v 46 \wj Anaa awi cawngpyikungkhqi awh ce ngaihtaak lah uh; A mingmih ingtaw hik dung bai unawh khawlakawh aming van lungna uhy, thlang ing ik-oeih a zawihnaak hun awh kqihchahnaak peekkhqi lungna unawh sinakawk awh ngawihnaak ak leek leek ingkaw buh veelnaak kung awh a qyp ak awm ngawihnaakkhqi ce lungna uhy. \wj* 
\v 47 \wj Hahqahkhqi im ce hul pe unawh thlang amik huh awh ak dung soeih na cykcah uhy. Vemih ak thlangkhqi ing ve zawk khqoet khqoet kawm uh,\wj*” tinak khqi hy.   
\c 21  
\s1 Nuhai A Kutdo  
\p
\v 1 A hak toek awh ce, thlang boeikhqi ing bawkim tangka channaak bawm ak khuiawh tangka ak chankhqi ce hu hy.  
\v 2 Cawh nuhai khawdeng pynoet ing qawhum tangka pia pakkhih ak chan ce awm hu bai hy.  
\v 3 Cekkhqi venawh, “\wj Awitak ak nik kqawn peek khqi, vawhkaw nuhai khawdeng ing thlangkhqi boeih anglakawh khawzah khqoet chan hawh hy. \wj* 
\v 4 \wj Ak changkhqi boeih ingtaw ami khawhthem khawzah ak khuiawh kawng ni ami peek hy; cehlai anih ingtaw a hahqahnaak ak khuiawh kawng a hqingnaak aham a taak chyn ce pe hloep hawh hy\wj*,” tinak khqi hy.   
\s1 A Tym Boet Noeknaak  
\p
\v 5 A hubat ak khui awhkaw thlang vang ing lung ak leek leek ingkaw Khawsa venawh ik-oeih peek ingkaw bawkim thoeihcam na a awmnaak akawng ce kqawn uhy. Cehlai Jesu ing cekkhqi na ce,  
\v 6 Vawhkaw nami huhkhqi boeih ve, “\wj Pynoet ca awm am hang kaana, amik khawngnaak boeh boeh a khawnghi ce pha law kaw,\wj*” tinak khqi hy.   
\p
\v 7 Cekkhqi ing, Cawngpyikung, cawhkaw ik-oeih ce ityk awh a awm kaw? Ce mihkhqi a awm tawm awh ce i ikawmyih hatnaakkhqi nu a awm kaw?” tinawh doet uhy.  
\v 8 Anih ing, “\wj Thlang ing a mani thainaak khqi aham ngaihta uh. Kai ang ming ing thlang khawzah law kawm usaw, ‘Anih ce kai hawh ni, A tym zoe hawh hy,’ tinawh khy hly pyi uhy. Cekkhqi hu awh ce koeh bat uh. \wj* 
\v 9 \wj Qaal tuknaak ingkaw qaaltuk awithang na ming zaak awh koeh kqih uh. Vemyihkhqi ve lamma na ak awm hly qoe ni, cehlai a tym a dytnaak nyn taw pha law hlyk tlang hlan hy,\wj*’ tinak khqi hy.   
\p
\v 10 Cekcoengawh a mingmih a venawh: “\wj Nam ingkaw nam tuk qu kawm nih saw, qam ingkaw qam tuk qu kawm uh. \wj* 
\v 11 \wj Hun boeih awh Lipi khawteh na tlai kaw, khawse khawkha ingkaw tlawhnaakkhqi ce awm kaw, khan sang na kqih ak awm ik-oeihkhqi ingkaw kawpoek kyi ik-oeihkhqi ce awm kaw. \wj* 
\v 12 \wj Cehlai vemyihkhqi a awm hlanawh nangmih ve nim tuk khqi kawm usaw ni the ni kha nak khqi kaw, Kai ang ming awh sinakawk ingkaw thawngimkhqi, Sangpahrang ingkaw qam ukkung boeikhqi venna ni khyn khqi kawm uh. \wj* 
\v 13 \wj Nangmih ing a mingmih a venawh simpyikung na nami awmnaak thai aham ce a ik-oeih ce awm kaw. \wj* 
\v 14 \x - \xo 21:14 \xt Luke 12.11,12.\x*\wj Cehlai ikawmyihna awi kak kqawnnaak kaw, tice am namik poek oepchoehnaak aham namim thin caksak uh. \wj* 
\v 15 \wj Nami qaal ikawmyih ingawm nangmih ak awi ce ama oelh thainaak aham ingkaw ama ni kalhnaak thai aham awi ingkaw cyihnaak ce kai ing ni pek khqi bit kawng nyng. \wj* 
\v 16 \wj Nangmih ce nami nu nami pa, nami koeinaa, nami cakaw paqeng ingkaw nami pyi nawnkhqi ingawm thlang a kut awh ni thak khqi kawm uh, thlang vang ce him kawm uh. \wj* 
\v 17 \wj Kai a dawngawh thlangkhqi ing nangmih ce ni sawh na kawm uh. \wj* 
\v 18 \wj Cehlai nami lu awhkaw nami lusam pynoet ca awm am tla kaw. \wj* 
\v 19 \wj Ak cak na naming dyihnaak ak caming hqingnaak ce hu kawm uk ti. \wj*   
\s1 Jerusalem Tlu Kaw  
\p
\v 20 \wj Qaalkhqi ing Jerusalem ami veel khoep ce nami huh awh, a sitrak na a awmnaak tym ce zoe hawh hy tice sim kawm uk ti. \wj* 
\v 21 \wj Cawh Judah qam awh ak awmkhqi ing tlang na cen u seh, khawk bau khuiawh ak awmkhqi ing co u seitaw, kqawng na kaw ak awmkhqi ing khawk bau khuina koeh kun u seh. \wj* 
\v 22 \x - \xo 21:22 \xt Hos. 9.7.\x*\wj Ce a khawnghi ce qee hyt na ak awmkhqi boeih boeih a soepnaak toelnaak a tym na awm kaw. \wj* 
\v 23 \wj Ce a khawnghi awh ce nu ak phyihsukhqi ingkaw naa ak pawmkhqi aham ikawmyih aih na nu a kyinaak hly ce! Cawh kawpoek kyinaak ak bau soeih ce qam awh awm kawmsaw ve ak thlangkhqi khan awh kawsonaak ce pha kaw. \wj* 
\v 24 \wj Zawzi ing tlyk kawm usaw qam tawm awh tamnaa na khyn na awm kawm uh. Gentelkhqi ing leh kawm uh.\wj*   
\s1 Thlang Capa A Lawnaak  
\p
\v 25 \x - \xo 21:25 \xt Is. 13.10; Ezek. 32.7; Joel 2.31; Awph 6.12,13.\x*\wj Khawmik, pihla ingkaw aihchi awh ce kawpoek kyi mik hatnaakkhqi ce awm kaw. Tuicunli awhkaw tuibak ak awi awh khawmdek awhkaw penglum thlangkhqi kawpoek kyi kawseet ngai hang ing awm kawm uh. \wj* 
\v 26 \wj Khawmdek awh ak law hly kawi ik-oeih kqih awm ce ami sim awh, amik tha na hoet hqoeng kaw, khan khawnghi ce tlai kaw. \wj* 
\v 27 \x - \xo 21:27 \xt Dan. 7.13; Awph 1.7.\x*\wj Cawh Thlanghqing Capa ing boeimang thaawmnaak ak bau soeih ing myi awhkawng a law ce hu kawm uh. \wj* 
\v 28 \wj Vemih ik-oeihkhqi a awm awh nangmih a thaawmnaak ce a zoe hawh dawngawh, dyi unawh taw toeqoek lah uh,\wj*” tinak khqi hy.   
\s1 Thai Thing Nyttahnaak  
\p
\v 29 Cekcoengawh vawhkaw nyhtahnaak awi ve kqawn pek khqi hy: “\wj Thai thing ingkaw thing boeih boeih ce toek lah uh. \wj* 
\v 30 \wj A hah thai ak cawn awhtaw, khawhqai tym zoe hawh hy tice sim uhyk ti. \wj* 
\v 31 \wj Cemyih lawtna, cemyih ik-oeihkhqi a awm ce nami huh awh, Khawsa qam taw zoe hawh hy tice sim uh. \wj* 
\v 32 \wj Awitak ka nik kqawn peek khqi, ve a ik-oeihkhqi boeih a soep hlan dy taw vawhkaw cadilkhqi ve am khum qoe qoe kawm uh. \wj* 
\v 33 \wj Khan ingkaw khawmdek taw khum hly hlai hy, kak awi taw am khum qoe qoe kaw. \wj* 
\v 34 \wj Ak leek na ngaihta uh, cemyih am mantaw awmhlynaak, zuu awknaak ingkaw khawsaknaak awh ce nim thin hlyp hlyp a tinaak ing namik kawlung be law sak hau kawmsaw thang awh ak awk amyihna am namik poek a tym awh ce a khawnghi ce pha law plak hau kaw. \wj* 
\v 35 \wj Ce a ik-oeih ce khawmdek khan awh ak awm thlangkhqi boeih ak khan awh pha law kaw. \wj* 
\v 36 \wj Cedawngawh vawhkaw ak awm hly kawi ik-oeih awhkawng loet kawm u tik saw Thlanghqing Capa haiawh na ming dyihnaak thai aham ngaihtaak doena qeh unawh cykcah lah uh,”\wj* tinak khqi hy.  
\v 37 Khawnghi hoei awh Jesu ing bawkim awh thlangkhqi ce cawngpyi hy, khawmy ben qoek awh Olive Tlang na than oet pyt awm aham cet hy.  
\v 38 Mymcang hqit awh thlangkhqi ce ak awi ak ngai na bawkim na cet uhy.   
\c 22  
\s1 Jesu Teng Uhy  
\p
\v 1 \x - \xo 22:1 \xt Ex. 12.1-27.\x*Loentaak poei ami ti uh, hen amak boei phaihpi poei taw zoe ca hawh hy,  
\v 2 Khawsoih boeikhqi ingkaw anaa awi cawngpyikungkhqi ing thlang kqeng ce amik kqih dawngawh Jesu ce him thainaak aham a lam ce sui uhy.  
\v 3 Cawh thlanghqa hlaihih ak khuiawh kaw Iskariot ami ti Judah ak kawk khuiawh Setan ce kun hy.  
\v 4 Judah ce khawsoeih boeikhqi ingkaw bawkim ak ukkung boeikhqi venna cet nawh ikawmyihna Jesu ce a mingmih a venawh ka zawihnaak lah voei, tice doet qu uhy.  
\v 5 Cekkhqi ce amik kaw zeel nawh tangka peek aham awi ta uhy.  
\v 6 Cekkhqi venawh awi ce ta nawh thlang kqeng ama awm awh Jesu ce a mingmih a venawh peek thainaak aham a tym leek ce sui hy.   
\s1 Cehtaak Poei  
\p
\v 7 Cehtaak poei Tuuca hyih phumnaak hen amak boei phaihpi khawnghi ce pha law hy.  
\v 8 Jesu ing Piter ingkaw Johan ce tyi nawh, “\wj Cet nih nawhtaw Cehtaak poei buh ainaak aham qoek a bah nih\wj*,” tina qawi hy.   
\p
\v 9 Cekkqawi ing, Han awh nu sai sak aham na ngaih? tina hy nih.   
\p
\v 10 Cekkqawi na ce, “\wj Khawk bau khuina nani lut kqoeng awh, tui pumawh tui ak doeng thlang pynoet ing ning hqum qawi kaw. Anih a cehnaak im na ce cet nih nawh, \wj* 
\v 11 \wj imkung a venawh, ‘Cawngpyikung ing: ka hubatkhqi mi cehtaak poei buh ka mi veelnaak aham a hun ce han nawh nu a awm?’ tihy, tina nih. \wj* 
\v 12 \wj Cawh anih ing ipkhui ak kau soeih a ciimcaih ce nim huh qawi bit kaw. Amah cawh ce qoek a bah law nih moe\wj*,” tina qawi hy.   
\p
\v 13 Cekkqawi ce cet nih nawh Jesu ing ak kqawn peek qawi myihna hu hy nih. Amah cawh ce cehtaak poei buh ce qoek a bah hy nih.   
\p
\v 14 A tym a khoeh awh, Jesu ingkaw a hubatkhqi ce buh ak vel na caboei awh ngawi uhy.  
\v 15 Cawh a mingmih a venawh, “\wj Khuikhanaak ka huh hlan awh vawhkaw cehtaak poei buh ve nangmih mi vel haih aham ngaih nyng. \wj* 
\v 16 \wj Kawtih ka nik kqawn peek khqi, Khawsa ram awh a soepnaak a awm hlan dy awhtaw, ve a buh ve am ai voel kawng nyng,\wj*” tinak khqi hy.   
\p
\v 17 Phaihpi ce lo nawh, zeelawi ak kqawn coengnawh, \wj “Ve ve lo unawh pe qu lah uh. \wj* 
\v 18 \wj Khawsa ram a pha hlan dy taw misur tui ve am aw voel qoe kawng nyng,\wj*” tinak khqi hy.   
\p
\v 19 Cekcoengawh phaihpi ce lo nawh zeelnaak awi ak kqawn coengawh thek nawh, a mingmih ce pek khqi hy, \wj “Ve ve ka sa, nangmih aham peekna ak awm hly ce ni; nami ni simnaak poe aham sai law uh,\wj*” tinak khqi hy.   
\p
\v 20 \x - \xo 22:20 \xt Jer. 31.31-34.\x*Cemih lawtna boet ce lo nawh zeelnaak awi ak kqawn coengawh, \wj “Ve ak boet taw nangmih aham ka hawk ka thi awhkaw awikam thai ni. \wj* 
\v 21 \x - \xo 22:21 \xt Sam 41.9.\x*\wj Cehlai kai anik zawi hlykung a kut taw kai a kut ingqawi ve caboei awh awm haih hy. \wj* 
\v 22 \wj Thlanghqing Capa taw awitaak ce amyihna cet kaw, cehlai anih ak zawikung cetaw a haikhaw map hy\wj*,” tinak khqi hy.  
\v 23 U ing nu cemih ik-oeih ce a sai kaw, tinawh a mimah ce doet qu uhy.   
\p
\v 24 \x - \xo 22:24 \xt Mat 18.1; Marka 9.34; Luke 9.46.\x*A mimah tloek ak khuiawh u nu ak bau soeih tice oelh qu bai uhy.  
\v 25 Jesu ing, “\wj Gentelkhqi a Sangpahrangkhqi ing ni thlangkhqi ak khan awh uknaak ce ami taak uh; cemyihna thlang ak khan awh uknaak ak takungkhqi ce ik-oeih leek ak sai peekkungkhqi na ngai uhy. \wj* 
\v 26 \x - \xo 22:26 \xt Mat 23.11; Marka 9.35.\x*\x - \xo 22:26 \xt Mat 20.25-27; Marka 10.42-44.\x*\wj Cehlai nangmih taw cemyihna am awm kawm uk ti. Nangmih anglakawh ak bau khyt ing ce ak zawi khyt myihna a awm aham awm hy, ukkung ing bibikung myihna a awm ham awm hy. \wj* 
\v 27 \x - \xo 22:27 \xt Joh 13.12-15.\x*\wj U nu ak bau bet, buh ai aham caboei awh ak ngawi nu, am awhtaw, buh ak lokung nu? Cehlai kai taw nangmih anglakawh bibikung na awm nyng. \wj* 
\v 28 \wj Nangmih taw sykzoeknaak ka huh awh ka venawh awm poe uhyk ti. \wj* 
\v 29 \wj Ka pa ing qam ce ka venawh ani peek amyihna, nangmih a venawh ni pek khqi lawt nyng, \wj* 
\v 30 \x - \xo 22:30 \xt Mat 19.28.\x*\wj nangmih ing ka ram awh buh a an aw a ai unawh Israel thlang hlaihih ce awi nami dengnaak thai aham ngawihdoelh awh ce ngawi kawm uk ti. \wj* 
\v 31 \wj Simon, Simon, Setan ing nang ce cang vam amyihna vam aham ni ngaih hy. \wj* 
\v 32 \wj Cehlai, Simon, nak cangnaak amang tluknaak aham nang aham cykcah hawh nyng. Na hu na nang voei tlaih awh ce na koeinaakhqi tha awm sak lah,” \wj*tina hy.   
\p
\v 33 Cehlai anih ing, “Bawipa, nang ing thawng tlak haih ham ingkaw thih haih aham awm oepchoeh na awm nyng,” tina hy.   
\p
\v 34 Jesu ing, “\wj Piter, ka nik kqawn peek, tuhngawi ai ang khawng hlan awh, thum voei nik khawng kawp ti,”\wj* tina hy.   
\p
\v 35 \x - \xo 22:35 \xt Mat 10.9,10; Marka 6.8,9; Luke 9.3; 10.4.\x*Cekcoengawh Jesu ing cekkhqi venawh, “\wj Kai ing tangka bawm, sawngsa ingkaw khawmyk kaana ka ni tyih khqi awh nami voet hlauhnaak ak awm nu?\wj* tinak khqi hy. A mingmih ing, “Am awm hy,” tina uhy.  
\v 36 Cekkhqi na ce, “\wj Cehlai tuh awhtaw tangka bawm nami taak awhtaw khyn uh, sawngsa awm, zawzi am nami taak awhtaw nami angki ce zawi unawh thlai uh. \wj* 
\v 37 \x - \xo 22:37 \xt Is. 53.12.\x*\wj Anih ce thlak thawlhkhqi mi noet sih haih uhy, tinawh qee sut ce awm hy: ka nik kqawn peek khqi ve ak awi ve kai awh a soep aham awm hy. Oeih, kai akawng qee ce na ak awm ce soep tawm ca hawh hy\wj*,” tinak khqi hy.   
\p
\v 38 A hubat khqi ing, Toek lah, Bawipa, vawh zawzi pakkhih awm hy ve, tina uhy. Anih ing, “\wj Ce zah mah, khoek hawh hy\wj*,” tinak khqi hy.   
\s1 Dum Khuina Cykcah Hy  
\p
\v 39 A ceh khawi amyihna Jesu taw Olive tlang na ce cet hy, a hubatkhqi ing a hu awh hquut uhy.  
\v 40 Ami pha awh, cekkhqi venawh, “\wj Syknaak ak khuiawh am naming tluknaak aham cykcah lah uh\wj*,” tinak khqi hy.   
\p
\v 41 Amah taw lung nik khawng choet a hlanaak na cet nawh, khuk sym doena cykcah hy.  
\v 42 “\wj Ka pa nak kawngaih awhtaw vawhkaw boet ve khoe law mai lah; cehlai kai ak kawngaih am seitaw, nang ak kawngaihnaak myihna awm hawn seh\wj*,” tina hy.   
\p
\v 43 Cawh khan ceityih ce a venawh dang pe nawh anih ce tha pehy.  
\v 44 Kawpoek kyi ingkaw khawsi ak dung soeih ing cykcah hy, am hlan tui ce thi amyihna dek na dyh cawp cawp hy.  
\v 45 A cykcah boet coengawh tho nawh a hubatkhqi venna cet hy, cekkhqi taw amik kaw a set aih awh qoei unawh ami ih ce hu hy.  
\v 46 “\wj Ikawtih nami ih hqoeng? Sykzoeknaak khuiawh am naming tluknaak aham cykcah lah uh,\wj*” tinak khqi hy.   
\s1 Judah Ing Mawk Hy  
\p
\v 47 Awi ak kqawn hui awh thlang kqeng ce law hy, thlanghqa hlaihih ak khuiawh kaw thlang pynoet, Judah ami ti ing cekkhqi ce lawpyi khqi hy. Jesu ce mawk aham a venna law hy,  
\v 48 cehlai Jesu ing, “\wj Judah, nang ing Thlanghqing Capa ve mawknaak ing na zawi nawh nu?\wj* tina hy.   
\p
\v 49 Cawhkaw ik-oeih ce Jesu a hubatkhqi ing ami huh awh, Zawzi ing ka mik boeng hly mai nu? tina uhy.   
\p
\v 50 Thlang pynoet ing khawsoeih boei a tyihzawih ce boeng hy, ang haa ce sek pe hlak hy.  
\v 51 Jesu ing, “\wj Ce tloek mah\wj*,” tina hy.  
\p Cawhkaw thlang ang haa ce bi pe nawh qoei sak tlaih hy.  
\v 52 Cekcoengawh Jesu ing khawsoeih boeikhqi, bawkim ak ukkungkhqi, a hqamcakhqi ingkaw a venawh ak law thlangkhqi boeih a venawh, “\wj Kai ve quk-ai na ka awm awh nu, zawzi ingkaw thingboeng ing nami ni law sih? \wj* 
\v 53 \x - \xo 22:53 \xt Luke 19.47; 21.37.\x*\wj Myngawi tempul kawngma awh nangmih ing ni awm haih awh, am nim tu uhyk ti. Cehlai ve ve nangmih a tym ni, thannaak ing a uk hui awh ve\wj*,” tinak khqi hy.   
\s1 Peter Ing Jesu Hoet Hy  
\p
\v 54 Anih ce tu unawh, khawsoeih boei khyt a im na khyn uhy. Cawh Piter ing ak hla nakawng qym hy.  
\v 55 Cehlai im kawngma ang lung awh ce kutoet na ngawi unawh mai ami awm awh, Piter awm cekkhqi anglakawh ce ngawi lawt hy.  
\v 56 Maikung awh ang ngawih ce nu tyihzoeih pynoet ing uhy. Toek ceet nawh, Ve ak thlang awm anih ingqawi awm haih lawt hy,” tina hy.   
\p
\v 57 Cehlai oelh hy Nang nu, anih ce am sim nyng, tina hy.   
\p
\v 58 A khoeh a awm coengawh thlak chang pynoet ing hu bai nawh a venawh, Nang awm a mingmih ak khuiawh kaw thlang lawt ni, tina hy. Cawh Piter ing, Kai amni,” tina hy.   
\p
\v 59 Khawnoek pynoet tluk a dii coengawh thlang pynoet bai ing, Ve ak thlang awm anih ingqawi awm haih meqee hy nih, Kalili thlang na awm awm bai hy, tina hy.   
\p
\v 60 Piter ing, Nak kqawn ce a sim na am sim qoe nyng!” tina bai hy. Ce myihna awi ak kqawn coeng kqoeng awh ai khawng poehoei hy.   
\p
\v 61 Bawipa ing hawi nawh Piter ce toek hy. Bawipa ing awi ak kqawn peek ce Piter ing: “\wj Tuhngawi awh ai ang khawng hlan awh, thum voei nik khawng kawp ti\wj*,” a tinaak awi ce poek hqoet hy.  
\v 62 Cekcoengawh a leng benna cet nawh khawteh na kqang hy.   
\s1 Jesu Thekhana Uhy  
\p
\v 63 Jesu ak sawikung qalkapkhqi ing the a kha na unawh vyk uhy.  
\v 64 A mik ce zen pe khoep unawh doet uhy, U ing nu a ni vyk ce kqawn lah?” tina uhy.  
\v 65 Thekhanaak awi khawzah ing tlai am tlek uhy.   
\s1 Pailat Ingkaw Herod Hai Awh  
\p
\v 66 A khawngawi khaw a dai awh ce thlang kqeng a hqamcakhqi, khawsoeih boeikhqi ingkaw anaa awi cawngpyikungkhqi ce kutoet na hu qu uhy, cawh Jesu ce sawi law pe uhy.  
\v 67 Nang ve Khrih aw, kqawn lah? tina uhy.  
\p Jesu ing, “\wj Kqawn law bai nyng seiawm, am nik cangna hly uhyk ti, \wj* 
\v 68 \wj ni doet khqi nyng seiawm am nim hlat kawm uk ti. \wj* 
\v 69 \wj Cehlai tuh awhkawng, Thlanghqing Capa ing Khawsa thak awm tang benawh ngawi bit kaw,\wj*” tinak khqi hy.   
\p
\v 70 Cawh cekkhqi boeih ing, Cawhtaw nang ve Khawsa capa aw?” tina uhy. Anih ing, “\wj Namik kqawn a myihna kai zawk ni\wj*,” tinak khqi hy.   
\p
\v 71 Cawh cekkhqi ing, Ikaw ham simpyikung ni kyk qee hly bai? Amah am kha awhkawng ak awi ning za qi hawh saw kaw ve,” ti uhy.   
\c 23  
\s1 Pilat Haiawh  
\p
\v 1 Cekcoengawh cawh ak awm thlang kqeng ce tho unawh Jesu ce Pilat a venna cehpyi uhy.  
\v 2 Amah ce thawlh puk uhy, “Ve ak thlang ing pilnam hqeh sak nawh, Kaisar a venawh mangmu ama peek aham kqawn nawh amah ingkaw amah Khrih Sangpahrang tinawh kqawn qu hy,” tina uhy.  
\v 3 Cedawngawh Pilat ing Jesu ce doet hy, “Nang ve Judakhqi a Sangpahrang aw? tina hy. Jesu ing, “\wj Nak kqawn amyihna awm nyng\wj*,” tina hy.  
\v 4 Cekcoengawh Pilat ing khawsoeih boeikhqi ingkaw thlang kqeng a venawh, “Ve ak thlang a thawlhnaak am hu nyng,” tinak khqi hy.   
\p
\v 5 Cehlai cekkhqi ing, “Galilee awhkawng kqan nawh, ve hun dy, Judah khaw boeih awh cawngpyinawh thlang kqeng sak boeih hy,” tina uhy.   
\s1 Jesu Herod Antipas Haiawh  
\p
\v 6 Ce ak awi ce ang zaak awh, Pilat ing anih ce Kalili thlang na a awm ama awm doet hy.  
\v 7 Jesu ce Herod uknaak khuiawh kaw thlang ni tice a sim awh, anih ce Herod a venna tyi hy, Herod awm Jerusalem khaw awh awm hy.  
\v 8 Herod ing Jesu ce a huh awh, zeel soeih hy, anih ce huh aham lamtoen khing hawh hy. Anih akawng ang zaaknaak awh, kawpoek kyi them a sai ce huh aham ngaih hy.  
\v 9 Anih ing awi khawzah doet hy, cehlai Jesu ing khangoet awm am hlat hy.  
\v 10 Khawsoeih boeikhqi ingkaw anaa awi qeekungkhqi cawh dyi unawh, thawlh buk uhy.  
\v 11 Cawh Herod ingkaw a qalkapkhqi ing Jesu ce the a kha na unawh qaih am qin na uhy. Hi ak leek soeih soeih bai sak unawh Pilat a venna tyi tlaih uhy.  
\v 12 Ce a nyn awhtaw Herod ingkaw Pilat ce qoep hy nih, ce hlan awhtaw cekqawi ce qaal na awm hy nih.   
\s1 Jesu Ingkaw Barabbas  
\p
\v 13 Pilat ing khawsoeih boeikhqi, ukkungkhqi ingkaw pilnam boeih ce khy nawh,  
\v 14 Ve ak thlang ing 'Pilnam hqeh sak hy,' ti unawh ka venna law pyi uhyk ti. Nami haiawh awi deng hawh hlai nyng. Nangmih ing thawlh namik puk amyihna kawmyih a thawlhnaak awm am hu nyng;  
\v 15 Herod ingawm a thawlhnaak am hu hy; cedawngawh venna tyi law tlaih hy, nangmih ing nami huh amyihna, thihnaak dy awh ikawmyih a thawlhnaak awm am sai hy.  
\v 16 Cedawngawh vyk nyng seitaw hlah mai vang nyng,” tinak khqi hy.   
\p
\v 17 Poei ak khuiawh cekkhqi aham thlang pynoet oet hlah pek aham awm hy.  
\v 18 Cawh, Ve ak thlang ve him! Barabbas ce hlah law! Tinawh khy uhy.  
\v 19 (Barabbas taw khawk bau awh qaal na tho nawh thlang a him dawngawh thawngim awh thla uhy.)  
\v 20 Pilat ing Jesu ce hlah aham a ngaih awh cekkhqi venna awi kqawn tlaih hy.   
\p
\v 21 Cehlai a mingmih ing, “Thinglam awh tai, thinglam awh tai,” tinawh khy uhy.  
\v 22 Am thumnaak awh a mingmih ce: “Ikawtih ikaw thawlhnaak nu ve ak thlang ing a sai? A thih ham kawi ikaw thawlhnaak ak khan awh am hu nyng. Cedawngawh vyk nyng seitaw hlah mai vang nyng,” tinak khqi hy.  
\v 23 Cehlai anih ce thinglam awh tai aham khawteh khqoet na khy unawh, amik khy awi ing amingmih ce khuk malh hy.  
\v 24 Cedawngawh Pilat ing ami thoehnaak ce qawi pekkhqi hy.  
\v 25 A mingmih ing hlah aham ami thoeh, qaal na tho nawh thlang a him dawngawh thawngim awh a mik thlak Barabbas ce hlah pek khqi nawh, Jesu cetaw a mimah ak kawngaih na sai aham a mingmih a venawh pekkhqi hy.   
\s1 Thinglamawh Tainaak  
\p
\v 26 Anih ce cehpyi uhy, lamlak awh kqawng nakaw ak law Cyqene khaw awhkaw Simon ce tu unawh Jesu a hu awh thinglam tung ce kawh sak uhy.  
\v 27 Thlang khawzah ing a hu awh hquut uhy, ak kqung ak kqap nukhqi awm bat lawt uhy.  
\v 28 Jesu ing a mingmih a ven benna mang nawh, \wj “Jerusalem canukhqi, kai aham koeh kqang uh, na mimah ingkaw nami cakhqi ham kqang law uh. \wj* 
\v 29 \wj Nangmih ing, ‘Nu cak kaa khqi, pumqih amak sim khawikhqi ingkaw a suk naaca amak awk sak khawi nukhqi taw a mi zoseen hy! Nami tinaak a khawnghi ce pha law kaw. \wj* 
\v 30 \wj Cawh, A mingmih ing tlangkhqi venawh, 'Kaimih ve nik et khqi lah!' ti kawm usaw, cungkhqi venawh, 'Kaimih ve ni hlip khqi lah!” tina kawm uh.’ \wj* 
\v 31 \wj Thlang ing thinghqing za vemyih na ami sai awhtaw thingkoh ak khqoet taw ikawmyihna nu ami sai kaw\wj*?” tinak khqi hy.   
\s1 Thlak Thawlh Qawi Laklung Awh  
\p
\v 32 Ak chang thlak thawlh qawi pakkhih awm thinglam awh tai aham anih ing kutoet na cehpyi uhy.  
\v 33 Luquh ami ti hun ce ami pha awh, anih ce thinglam awh tai uhy, thlakthawlh qawi awm – pynoet ce tang benawh, pynoet ce cawngben awh tai uhy.  
\v 34 Jesu ing, \wj “Kapa, a mingmih ak khan awh qeenkhaw ngai lah, ikaw kami sai ti am sim unawh ni,”\wj* tina hy. A hi ce taicung zyk unawh tei uhy.  
\v 35 Thlangkhqi ing dyi unawh toek uhy, cawh ukkungkhqi ing qaih na uhy. “Thlakchang taw a hul bai, Khawsa ak tyh Khrih na a awm awhtaw amah ingkaw amah hul qu lah seh,” tina uhy.  
\v 36 \x - \xo 23:36 \xt Sam 69.21.\x*Qalkapkhqi awm law unawh the a kha na uhy. Misur tui ak thui ce pe uhy,  
\v 37 “Juda Sangpahrang na awm awhtaw namah ingkaw namah hul qu lah thaw voeih ti,” tina uhy.  
\v 38 “VETAW JUDA KHRIH SANGPAHRANG NI,” tinawh a sawawh ca tai pe uhy.   
\p
\v 39 Cawhkaw ami tai thlak thawlh pynoet ingawm anih ce kaa na hy, “Nang ve Khrih am aw? Namah ingkaw namah hul qu nawhtaw kainih awm ni hul qawi lah thoeih ti,” tina hy.  
\v 40 Cehlai thlak thawlh pynoet ingtaw anih ce hlat nawh, “Khawsa awm am nak kqih nawh nu? Nang ing anih ingqawi ang amyihna awidengnaak na huh ve?  
\v 41 Ningnih taw awideng kawina nik awm qoe ni; ni sai phu ni zawk qoe ni; cehlai ve ak thlang ingtaw ikawmyih a thawlhnaak awm am sai hy,” tina hy.  
\v 42 Cekcoengawh anih ing, “Jesu, na qam na pha awh kai koeh nim hilh law moe,” tina hy.  
\v 43 Jesu ing avenawh, “\wj Awitak ka nik kqawn peek, tuhngawi awh paradise awh kavenawh awm lawt kawp ti,”\wj* tina hy.   
\s1 Jesu A Thihnaak  
\p
\v 44 Khawnoek kquk tluk a law awh, khawmdek pum boeih thannaak ing ziing khoep nawh khawnoek ko dy khawthan khoep hy.  
\v 45 khawkdai qeng nawh; cawh Bawkim awhkaw hizan ce pakkhih na teek hy.  
\v 46 Cawh Jesu ing khawteh na, \wj “Kapa, na kut awh kang Myihla ni pe nyng,”\wj* tina hy. Ceamyihna ak kqawn coeng kqoeng awh ang hqi qu zip hy.  
\v 47 Qalkap zakhat ak ukkung ing cawhkaw a kawnglam ce a huh awh, Khawsa ce kyihcah nawh, “Ve ak thlang ve thlakdyng pai ni,” tihy.   
\p
\v 48 Cawhkaw ik-oeih ak toekna ak cun law thlangkhqi ing ce a kawnglam ce ami huh awh amik kqang pung unawh voei uhy.  
\v 49 Cehlai amah ak simkhqi boeih ingkaw, Kalili awhkawng a hu awh a mik bat law nukhqi ing ak hla na dyi unawh, cawhkaw ce dan uhy.   
\s1 Jesu Pupnaak  
\p
\v 50 Awi tlykkung pynoet, Joseph ak mingnaak thlak leek ingkaw thlak dyng pynoet ce awm hy.  
\v 51 A mingmih ak awitlyhnaak ingkaw them ami sainaak awh anih taw ang haa am tla qoe hy. Judah qam Arimathea khaw awhkawng ak law na awm nawh Khawsa qam ak lamtoenkung na awm hy.  
\v 52 Pilat a venna cet nawh, Jesu a qawk ce thoeh hy,  
\v 53 Cekcoengawh qawk ce lo nawh, hi ing a zawl coengawh u awm amak pupnaak hlan phyilung ak khuiawh ce soei hy.  
\v 54 Ce nyn taw Coekqoek Nyn na awm nawh, Sabbath kqan tawmca hawh uhy.  
\v 55 Jesu ing Kalili awhkawng amik law haih nukhqi ce Joseph a hu awh bat unawh phyi ingkaw qawk ce ikawmyihna ami soei tice hu uhy.  
\v 56 Cekcoengawh im na cet unawh bawktui ce qoek a bah uhy. Cehlai anaa awi peek amyihna Sabbath nyn awhtaw dym uhy.   
\c 24  
\s1 Thawhtlaih Mymcang  
\p
\v 1 Khaw khqih nyn ak khuiawh kaw khawnghi lamma cyk, mymcang hqit awh, nukhqi ing bawktui ce khyn unawh phyi na cet uhy.  
\v 2 Phyi awhkaw lung ak chang na ang thoeih qu ce hu uhy,  
\v 3 ak khuina ami lut awh, Bawipa Jesu a qaawk ce am hu uhy.  
\v 4 Ngaih kyi doena ami awm awh, a hi khawkphlamyihna ak vang thlang pakkhih ce cekkhqi venawh dyih pehy.  
\v 5 Amik kqih aih awh, nukhqi ce dek awh koep uhy, cehlai cawhkaw thlang qawi ing, “Ikaw hamna thlak thi anglakawh ak hqing ce nami sui?  
\v 6 Anih ce vawh am awm voel hy, tho hawh hy! Kalili awh nami awm awh awi ak nik kqawn peek khqi ce poek lah uh:  
\v 7 'Thlanghqing Capa taw thlak thawlhkhqi kut awh pe kawm usaw, thinglam awh ami tai coengawh, am thum nyn awh tho tlaih kaw,’ a tice,” tinak khqi hy.  
\v 8 Cawh awi ak kqawn peek khqi ce sim tlaih uhy.  
\v 9 Phyi awhkawng a ming hlat tlaih awh, cawhkaw a kawnglamkhqi boeih ce thlanghqa hlaioet ingkaw ak changkhqi boeih a venawh kqawn pe uhy.  
\v 10 Cawhkaw nukhqi cetaw Meri Magadalene, Joanna, Jakob a nu Meri ingkaw cawhkaw ak awm nukhqi ing ceityihkhqi venawh kqawn pe uhy.  
\v 11 Cehlai nukhqik awi ce a hqawng na poek unawh, cekkhqi ing ap cangna uhy.  
\v 12 Cehlai Piter taw tho nawh, hlanna dawng hy. Hlan ce kuunawh toek hy, cehlai a zawlnaak hi doeng ce a huh awh kawpoek a kyi doena voei tlaih hy.   
\s1 Emmaus Lam Awhkaw Hubat Qawi  
\p
\v 13 Ce nyn awh ce a mingmih awhkaw thlang pakkhih taw Jerusalem awhkawng meng khqih ak hla Emmau ami ti khaw na cet hy nih.  
\v 14 Lam awh ani ceh hui awh cawhkaw ik-oeih a kawnglamkhqi ce kqawn hy nih.  
\v 15 Ceamyihna cawhkaw a kawnglamkhqi ce anik kqawn hui awh, Jesu amah qoe qoe ce law nawh cekqawi mi cet haih uhy;  
\v 16 cehlai cekqawi ing ama ni hatnaak aham cekqawi a mik ce bym pe qawi hy.   
\p
\v 17 Cekqawi a venawh, \wj “Ikaw nu ti nani ceh doena na nik kqawn?”\wj* tina qawi hy. Cekkqawi taw ak byi na dyi khak hy nih.  
\v 18 Thlang pynoet, Kleopa ak mingnaak ing, “Jerusalem na ak cetkhqi ak khuiawh, tuhtloek awhkaw ik-oeih amak sim na nang doeng va ni hy voei?” tina hy nih.  
\v 19 Anih ing, “Ikaw nanik kqawn? tina qawi hy. Cekqawi ing, “Nazareth Jesu akawng ti. Anih taw tawngha a haiawh thaawmnaak ing awi kqawn nawh ik-oeih sai hy.  
\v 20 Khawsoih boeikhqi ingkaw kaimih anik ukkungkhqi ing anih ce thih sak aham thlang a kut awh pe unawh, thinglam awh tai uhy;  
\v 21 cehlai kaimih ingtaw anih ce Israelkhqi ak hulkung aham a nang ngaih-u unyng. Ceamyihna a awmnaak ce, tuhngawi ve am thum nyn hawh ni.  
\v 22 Cekcoeng bai awh, kaimih ak khuiawh kaw nu thlang vang tloek ing ka ming ngaih ni kyi sak khqi bai hy. Cik mymcang hqit awh phyi na cet hlai uhy,  
\v 23 a qawk ce am hu voel uhy. Cekkhqi ce kami venna law unawh, anih ce hqing tlaih hawh hy, tinawh ak kqawn peekkung khan ceityihkhqi hu unyng, tinawh kqawn law uhy.  
\v 24 Kaming lak awhkaw thlang vang tloek ce phyi na cet bai hlai uhy, nukhqi ing amik kqawn peek amyihna hu uhy, cehlai amah ce am hu uhy,” tina hy nih.  
\v 25 Cekkqawi a venawh, “\wj Ikawmyih aih na nu nami qaw nawh, tawnghakhqi ing ami nak kqawn hyt ce awm am namik cangnaak hy voei! \wj* 
\v 26 \wj Khrih ing vemyih kyinaakkhqi a huh coengawh a boeimangnaak khuiawh am lut hly nawh nu?\wj*” tina hy.   
\p
\v 27 Mosi awhkawng kqan nawh tawnghakhqi boeih ing, cauk ciimkhqi boeih awh amah akawng ak kqawnkhqi ce kqawn caih pe qawi hy.  
\v 28 A ni cehnaak hly khaw ce a ni pha tawm awh, Jesu taw loen phat hamna cai hy.  
\v 29 Cehlai cekqawi ing, “Kani venawh awm mai, khaw awm my hawh nawh khaw tla tawm hawh hy,” ti nih nawh hlawh hy nih. Cedawngawh cekqawi a venawh awm aham cet hy.   
\p
\v 30 Cekqawi ing mybuh ai aham ang ngawih awh, phaihpi ce lo nawh zeel awi ak kqawn coengawh thek nawh pe qawi hy.  
\v 31 Cawhkawng ani mik dai nawh anih ce hat hy nih, cehlai qeng pe qawi valh hy.  
\v 32 “Lam awh ni pau unawh, cauk ciim ak kqawn caih law awh ce nik kawlung mai amyihna kqawng saw kaw my?” ti hy nih.  
\v 33 Tho nih nawh Jerusalem na hlat tlaih hy nih. Cawh Thlanghqa hlaioet ingkaw ak changkhqi kutoet na aming cun ce hu hy nih.  
\v 34 Cekkhqi ing, “Bawipa taw tho tang tang hy, Simon a venna awm dang qu hy,” ti uhy.  
\v 35 A ningnih ingawm lam awh ik-oeih ani huhkhqi, Jesu ing phaihpi ak eh awh ani hat qunaakkhqi ce kqawn pek khqi hy nih.   
\s1 A Hubatkhqi Ven Ang Dangnaak  
\p
\v 36 Ce akawng ce amik kqawn hui awh, Jesu ing, \wj “Naming khanawh ngaihdingnaak awm seh,”\wj* tinak khqi hy.  
\v 37 Cemoeseinu, a mingmih ing ly unawh kqih uhy, myihla ak huna ngai qu uhy.  
\v 38 Anih ing cekkhqi venawh, \wj “Ikawtih naming ngaih a kyi? Ikawtih namik kawlung awh upvoetnaak nami taak? \wj* 
\v 39 \wj Ka kut ingkaw ka khaw khqi ve toek lah uh. Kai kamah qoe qoe ni! Ni bi unawh, toek lah uh; myihla ingtaw quh ingkaw sa am tahy, cehlai kai taw ta nyng,”\wj*,” tinak khqi hy.  
\v 40 Ve ak awi ak kqawn coengawh, a kut ingkaw a khaw ce huh khqi hy.  
\v 41 Cekkhqi ing zeelmang ingkaw ngaih kyi doena am cangna bak bak uhy tice a huh awh, cekkhqi venawh, \wj “Ai kawi namik ta aw?\wj*” tinak khqi hy.  
\v 42 Cekkhqi ing nga a ming sai ce pe uhy.  
\v 43 Nga ce lo nawh cekkhqi amik huh awh ai pek khqi hy.  
\v 44 A mingmih a venawh, “\wj Ve maw nangmih a venawh ka awm awh kanik kqawn peek khqi hy: Mosi a cawngpyinaak cauk, Tawngha cauk ingkaw Saam cauk awhkaw kai akawng qee na ak awmkhqi boeih ce a soepnaak aham ni, ka tice\wj*,” tinak khqi hy.   
\p
\v 45 Cekcoengawh cauk awi ce aming zaksimnaak aham cekkhqi ak kawlung ce awng pek khqi hy.  
\v 46 A mingmih a venawh, “\wj Vemyihna qee hyt ce awm hy: Khrih ing khuikhanaak zaawk kawmsaw, am thum nyn awh thlakthi anglak awhkawng tho tlaih kaw, \wj* 
\v 47 \wj Jerusalem awhkawng kqan kawmsaw, penglum boeih venawh ang ming awh zutnaak ingkaw thawlh qeenkhaw ngainaak ce khypyi kawm uh. \wj* 
\v 48 \wj Ve a kawnglam boeih ak simpyikung na awm uhyk ti. \wj* 
\v 49 \wj Ka pa ak awikam ce nangmih aham tyi law kawng nyng; cehlai khan benna kawng thaawmnaak ing thoeicam na nami awm hlan dy taw ve khawk bau khuiawh ana awm kawm uk ti\wj*,” tinak khqi hy.   
\s1 Jesu Khanna A Kaainaak  
\p
\v 50 A mingmih ce Bethani khaw benna cehpyi khqi nawh, a kut soeng nawh zosennaak ce pek khqi hy.  
\v 51 A mingmih ce zosennaak a peek khqi coengawh khan benna pawm quna ce awm hy.  
\v 52 Cawh amah ce bawk unawh zeelmang doena Jerusalem na ce hlat tlaih uhy.  
\v 53 Bawkim awh ce awm poe unawh, Khawsa ce kyihcah uhy.