\id PRO - Solid Rock Hebrew Bible
\usfm 3.0
\ide UTF-8
\h Proverbs
\toc1 The Book of Proverbs
\toc2 Proverbs
\toc3 Prov
\mt משלי
\c 1
\m
\v 1 מִשְׁלֵי שְׁלֹמֹה בֶן דָּוִד מֶלֶךְ יִשְׂרָאֵל 
\v 2 לָדַעַת חָכְמָה וּמוּסָר לְהָבִין אִמְרֵי בִינָה 
\v 3 לָקַחַת מוּסַר הַשְׂכֵּל צֶדֶק וּמִשְׁפָּט וּמֵשָׁרִים 
\v 4 לָתֵת לִפְתָאיִם עָרְמָה לְנַעַר דַּעַת וּמְזִמָּה 
\v 5 יִשְׁמַע חָכָם וְיוֹסֶף לֶקַח וְנָבוֹן תַּחְבֻּלוֹת יִקְנֶה 
\v 6 לְהָבִין מָשָׁל וּמְלִיצָה דִּבְרֵי חֲכָמִים וְחִידֹתָם 
\v 7 יִרְאַת יַהְוֶה רֵאשִׁית דָּעַת חָכְמָה וּמוּסָר אֱוִילִים בָּזוּ {פ}
\p
\v 8 שְׁמַע בְּנִי מוּסַר אָבִיךָ וְאַל תִּטֹּשׁ תּוֹרַת אִמֶּךָ 
\v 9 כִּי לִוְיַת חֵן הֵם לְרֹאשֶׁךָ וַעֲנָקִים לְגַרְגְּרֹתֶיךָ 
\v 10 בְּנִי אִם יְפַתּוּךָ חַטָּאִים אַל תֹּבֵא 
\v 11 אִם יֹאמְרוּ לְכָה אִתָּנוּ נֶאֶרְבָה לְדָם נִצְפְּנָה לְנָקִי חִנָּם 
\v 12 נִבְלָעֵם כִּשְׁאוֹל חַיִּים וּתְמִימִים כְּיוֹרְדֵי בוֹר 
\v 13 כָּל הוֹן יָקָר נִמְצָא נְמַלֵּא בָתֵּינוּ שָׁלָל 
\v 14 גּוֹרָלְךָ תַּפִּיל בְּתוֹכֵנוּ כִּיס אֶחָד יִהְיֶה לְכֻלָּנוּ 
\v 15 בְּנִי אַל תֵּלֵךְ בְּדֶרֶךְ אִתָּם מְנַע רַגְלְךָ מִנְּתִיבָתָם 
\v 16 כִּי רַגְלֵיהֶם לָרַע יָרוּצוּ וִימַהֲרוּ לִשְׁפָּךְ דָּם 
\v 17 כִּי חִנָּם מְזֹרָה הָרָשֶׁת בְּעֵינֵי כָּל בַּעַל כָּנָף 
\v 18 וְהֵם לְדָמָם יֶאֱרֹבוּ יִצְפְּנוּ לְנַפְשֹׁתָם 
\v 19 כֵּן אָרְחוֹת כָּל בֹּצֵעַ בָּצַע אֶת נֶפֶשׁ בְּעָלָיו יִקָּח {פ}
\p
\v 20 חָכְמוֹת בַּחוּץ תָּרֹנָּה בָּרְחֹבוֹת תִּתֵּן קוֹלָהּ 
\v 21 בְּרֹאשׁ \f - \fr 1:21 \fr*\ft ⸃ חֹמִיּוֹת \ft*\fw SR\fw* ¦ הֹמִיּוֹת \fw L\fw*\f*⸃ חֹמִיּוֹת ⸂ תִּקְרָא בְּפִתְחֵי שְׁעָרִים בָּעִיר אֲמָרֶיהָ תֹאמֵר 
\v 22 עַד מָתַי פְּתָיִם תְּאֵהֲבוּ פֶתִי וְלֵצִים לָצוֹן חָמְדוּ לָהֶם וּכְסִילִים יִשְׂנְאוּ דָעַת 
\v 23 תָּשׁוּבוּ לְתוֹכַחְתִּי הִנֵּה אַבִּיעָה לָכֶם רוּחִי אוֹדִיעָה דְבָרַי אֶתְכֶם 
\v 24 יַעַן קָרָאתִי וַתְּמָאֵנוּ נָטִיתִי יָדִי וְאֵין מַקְשִׁיב 
\v 25 וַתִּפְרְעוּ כָל עֲצָתִי וְתוֹכַחְתִּי לֹא אֲבִיתֶם 
\v 26 גַּם אֲנִי בְּאֵידְכֶם אֶשְׂחָק אֶלְעַג בְּבֹא פַחְדְּכֶם 
\v 27 בְּבֹא \f - \fr 1:27 \fr*\ft ⸃ כְשׁוֹאָה \ft*\fw SR\fw* ¦ כשאוה \fw L\fw*\f*⸃ כְשׁוֹאָה ⸂ פַּחְדְּכֶם וְאֵידְכֶם כְּסוּפָה יֶאֱתֶה בְּבֹא עֲלֵיכֶם צָרָה וְצוּקָה 
\v 28 אָז יִקְרָאֻנְנִי וְלֹא אֶעֱנֶה יְשַׁחֲרֻנְנִי וְלֹא יִמְצָאֻנְנִי 
\v 29 תַּחַת כִּי שָׂנְאוּ דָעַת וְיִרְאַת יַהְוֶה לֹא בָחָרוּ 
\v 30 לֹא אָבוּ לַעֲצָתִי נָאֲצוּ כָּל תּוֹכַחְתִּי 
\v 31 וְיֹאכְלוּ מִפְּרִי דַרְכָּם וּמִמֹּעֲצֹתֵיהֶם יִשְׂבָּעוּ 
\v 32 כִּי מְשׁוּבַת פְּתָיִם תַּהַרְגֵם וְשַׁלְוַת כְּסִילִים תְּאַבְּדֵם 
\v 33 וְשֹׁמֵעַ לִי יִשְׁכָּן בֶּטַח וְשַׁאֲנַן מִפַּחַד רָעָה {פ}
\c 2
\p
\v 1 בְּנִי אִם תִּקַּח אֲמָרָי וּמִצְוֺתַי תִּצְפֹּן אִתָּךְ 
\v 2 לְהַקְשִׁיב לַחָכְמָה אָזְנֶךָ תַּטֶּה לִבְּךָ לַתְּבוּנָה 
\v 3 כִּי אִם לַבִּינָה תִקְרָא לַתְּבוּנָה תִּתֵּן קוֹלֶךָ 
\v 4 אִם תְּבַקְשֶׁנָּה כַכָּסֶף וְכַמַּטְמוֹנִים תַּחְפְּשֶׂנָּה 
\v 5 אָז תָּבִין יִרְאַת יַהְוֶה וְדַעַת אֱלֹהִים תִּמְצָא 
\v 6 כִּי יַהְוֶה יִתֵּן חָכְמָה מִפִּיו דַּעַת וּתְבוּנָה 
\v 7 וְצָפַן לַיְשָׁרִים תּוּשִׁיָּה \f - \fr 2:7 \fr*\ft ⸃ מֶגֶן \ft*\fw SR\fw* ¦ מָגֵן \fw L\fw*\f*⸃ מֶגֶן ⸂ לְהֹלְכֵי תֹם 
\v 8 לִנְצֹר אָרְחוֹת מִשְׁפָּט וְדֶרֶךְ חֲסִידָו יִשְׁמֹר 
\v 9 אָז תָּבִין צֶדֶק וּמִשְׁפָּט \f - \fr 2:9 \fr*\ft ⸃ וּתְיַשֵּׁר \ft*\fw SR\fw* ¦ וּמֵישָׁרִים \fw L\fw*\f*⸃ וּתְיַשֵּׁר ⸂ כָּל מַעְגַּל טוֹב 
\v 10 כִּי תָבוֹא חָכְמָה בְלִבֶּךָ וְדַעַת לְנַפְשְׁךָ יִנְעָם 
\v 11 מְזִמָּה תִּשְׁמֹר עָלֶיךָ תְּבוּנָה תִנְצְרֶכָּה 
\v 12 לְהַצִּילְךָ מִדֶּרֶךְ רָע מֵאִישׁ מְדַבֵּר תַּהְפֻּכוֹת 
\v 13 הַעֹזְבִים אָרְחוֹת יֹשֶׁר לָלֶכֶת בְּדַרְכֵי חֹשֶׁךְ 
\v 14 הַשְּׂמֵחִים לַעֲשׂוֹת רָע יָגִילוּ בְּתַהְפֻּכוֹת רָע 
\v 15 אֲשֶׁר אָרְחֹתֵיהֶם עִקְּשִׁים וּנְלוֹזִים בְּמַעְגְּלוֹתָם 
\v 16 לְהַצִּילְךָ מֵאִשָּׁה זָרָה מִנָּכְרִיָּה אֲמָרֶיהָ הֶחֱלִיקָה 
\v 17 הַעֹזֶבֶת אַלּוּף נְעוּרֶיהָ וְאֶת בְּרִית אֱלֹהֶיהָ שָׁכֵחָה 
\v 18 כִּי שָׁחָה אֶל מָוֶת בֵּיתָהּ וְאֶל רְפָאִים מַעְגְּלֹתֶיהָ 
\v 19 כָּל בָּאֶיהָ לֹא יְשׁוּבוּן וְלֹא יַשִּׂיגוּ אָרְחוֹת חַיִּים 
\v 20 לְמַעַן תֵּלֵךְ בְּדֶרֶךְ טוֹבִים וְאָרְחוֹת צַדִּיקִים תִּשְׁמֹר 
\v 21 כִּי יְשָׁרִים יִשְׁכְּנוּ אָרֶץ וּתְמִימִים יִוָּתְרוּ בָהּ 
\v 22 וּרְשָׁעִים מֵאֶרֶץ יִכָּרֵתוּ וּבוֹגְדִים \f - \fr 2:22 \fr*\ft ⸃ יֻסְחוּ \ft*\fw SR\fw* ¦ יִסְּחוּ \fw L\fw*\f*⸃ יֻסְחוּ ⸂ מִמֶּנָּה {פ}
\c 3
\p
\v 1 בְּנִי תּוֹרָתִי אַל תִּשְׁכָּח וּמִצְוֺתַי יִצֹּר לִבֶּךָ 
\v 2 כִּי אֹרֶךְ יָמִים וּשְׁנוֹת חַיִּים וְשָׁלוֹם יוֹסִיפוּ לָךְ 
\v 3 חֶסֶד וֶאֱמֶת אַל יַעַזְבֻךָ קָשְׁרֵם עַל גַּרְגְּרוֹתֶיךָ כָּתְבֵם עַל לוּחַ לִבֶּךָ 
\v 4 וּמְצָא חֵן וְשֵׂכֶל טוֹב בְּעֵינֵי אֱלֹהִים וְאָדָם 
\v 5 בְּטַח אֶל יַהְוֶה בְּכָל לִבֶּךָ וְאֶל בִּינָתְךָ אַל תִּשָּׁעֵן 
\v 6 בְּכָל דְּרָכֶיךָ דָעֵהוּ וְהוּא יְיַשֵּׁר אֹרְחֹתֶיךָ 
\v 7 אַל תְּהִי חָכָם בְּעֵינֶיךָ יְרָא אֶת יַהְוֶה וְסוּר מֵרָע 
\v 8 רִפְאוּת תְּהִי \f - \fr 3:8 \fr*\ft ⸃ לְשֵׁרֶךָ \ft*\fw SR\fw* ¦ לְשָׁרֶּךָ \fw L\fw*\f*⸃ לְשֵׁרֶךָ ⸂ וְשִׁקּוּי לְעַצְמוֹתֶיךָ 
\v 9 כַּבֵּד אֶת יַהְוֶה מֵהוֹנֶךָ וּמֵרֵאשִׁית כָּל תְּבוּאָתֶךָ 
\v 10 וְיִמָּלְאוּ אֲסָמֶיךָ שָׂבָע וְתִירוֹשׁ יְקָבֶיךָ יִפְרֹצוּ {פ}
\p
\v 11 מוּסַר יַהְוֶה בְּנִי אַל תִּמְאָס וְאַל תָּקֹץ בְּתוֹכַחְתּוֹ 
\v 12 כִּי אֵת אֲשֶׁר יֶאֱהַב יַהְוֶה יוֹכִיחַ \f - \fr 3:12 \fr*\ft ⸃ וְכֵאֵב \ft*\fw SR\fw* ¦ וּכְאָב \fw L\fw*\f*⸃ וְכֵאֵב ⸂ אֶת בֵּן יִרְצֶה 
\v 13 אַשְׁרֵי אָדָם מָצָא חָכְמָה וְאָדָם יָפִיק תְּבוּנָה 
\v 14 כִּי טוֹב סַחְרָהּ מִסְּחַר כָּסֶף וּמֵחָרוּץ תְּבוּאָתָהּ 
\v 15 יְקָרָה הִיא \f - \fr 3:15 \fr*\ft ⸃ מִפְּנִינִים \ft*\fw SR\fw* ¦ מפניים \fw L\fw*\f*⸃ מִפְּנִינִים ⸂ וְכָל \f - \fr 3:15 \fr*\ft ⸃ חֲפָצִים \ft*\fw SR\fw* ¦ חֲפָצֶיךָ \fw L\fw*\f*⸃ חֲפָצִים ⸂ לֹא יִשְׁווּ בָהּ 
\v 16 אֹרֶךְ יָמִים בִּימִינָהּ בִּשְׂמֹאולָהּ עֹשֶׁר וְכָבוֹד 
\v 17 דְּרָכֶיהָ דַרְכֵי נֹעַם וְכָל נְתִיבוֹתֶיהָ שָׁלוֹם 
\v 18 עֵץ חַיִּים הִיא לַמַּחֲזִיקִים בָּהּ וְתֹמְכֶיהָ מְאֻשָּׁר {פ}
\p
\v 19 יַהְוֶה בְּחָכְמָה יָסַד אָרֶץ כּוֹנֵן שָׁמַיִם בִּתְבוּנָה 
\v 20 בְּדַעְתּוֹ תְּהוֹמוֹת נִבְקָעוּ וּשְׁחָקִים יִרְעֲפוּ טָל 
\v 21 בְּנִי אַל יָלֻזוּ מֵעֵינֶיךָ נְצֹר תֻּשִׁיָּה וּמְזִמָּה 
\v 22 וְיִהְיוּ חַיִּים לְנַפְשֶׁךָ וְחֵן לְגַרְגְּרֹתֶיךָ 
\v 23 אָז תֵּלֵךְ לָבֶטַח דַּרְכֶּךָ וְרַגְלְךָ לֹא תִגּוֹף 
\v 24 אִם \f - \fr 3:24 \fr*\ft ⸃ תֵּשֵׁב \ft*\fw SR\fw* ¦ תִּשְׁכַּב \fw L\fw*\f*⸃ תֵּשֵׁב ⸂ לֹא תִפְחָד וְשָׁכַבְתָּ וְעָרְבָה שְׁנָתֶךָ 
\v 25 אַל תִּירָא מִפַּחַד פִּתְאֹם וּמִשֹּׁאַת רְשָׁעִים כִּי תָבֹא 
\v 26 כִּי יַהְוֶה יִהְיֶה בְכִסְלֶךָ וְשָׁמַר רַגְלְךָ מִלָּכֶד 
\v 27 אַל תִּמְנַע טוֹב מִבְּעָלָיו בִּהְיוֹת לְאֵל \f - \fr 3:27 \fr*\ft ⸃ יָדְךָ \ft*\fw SR\fw* ¦ ידיך \fw L\fw*\f*⸃ יָדְךָ ⸂ לַעֲשׂוֹת 
\v 28 אַל תֹּאמַר \f - \fr 3:28 \fr*\ft ⸃ לְרֵעֲךָ \ft*\fw SR\fw* ¦ לרעיך \fw L\fw*\f*⸃ לְרֵעֲךָ ⸂ לֵךְ וָשׁוּב וּמָחָר אֶתֵּן וְיֵשׁ אִתָּךְ 
\v 29 אַל תַּחֲרֹשׁ עַל רֵעֲךָ רָעָה וְהוּא יוֹשֵׁב לָבֶטַח אִתָּךְ 
\v 30 אַל תָּרוֹב עִם אָדָם חִנָּם אִם לֹא גְמָלְךָ רָעָה 
\v 31 אַל תְּקַנֵּא בְּאִישׁ חָמָס וְאַל תִּבְחַר בְּכָל דְּרָכָיו 
\v 32 כִּי תוֹעֲבַת יַהְוֶה נָלוֹז וְאֶת יְשָׁרִים סוֹדוֹ 
\v 33 מְאֵרַת יַהְוֶה בְּבֵית רָשָׁע וּנְוֵה צַדִּיקִים יְבָרֵךְ 
\v 34 אִם לַלֵּצִים הוּא יָלִיץ וְלַעֲנִיִּים יִתֶּן חֵן 
\v 35 כָּבוֹד חֲכָמִים יִנְחָלוּ וּכְסִילִים \f - \fr 3:35 \fr*\ft ⸃ מְרִימִים \ft*\fw SR\fw* ¦ מֵרִים \fw L\fw*\f*⸃ מְרִימִים ⸂ קָלוֹן {פ}
\c 4
\p
\v 1 שִׁמְעוּ בָנִים מוּסַר אָב וְהַקְשִׁיבוּ לָדַעַת בִּינָה 
\v 2 כִּי לֶקַח טוֹב נָתַתִּי לָכֶם תּוֹרָתִי אַל תַּעֲזֹבוּ 
\v 3 כִּי בֵן הָיִיתִי לְאָבִי רַךְ וְיָחִיד לִפְנֵי אִמִּי 
\v 4 וַיֹּרֵנִי וַיֹּאמֶר לִי יִתְמָךְ דְּבָרַי לִבֶּךָ שְׁמֹר מִצְוֺתַי וֶחְיֵה 
\v 5 קְנֵה חָכְמָה קְנֵה בִינָה אַל תִּשְׁכַּח וְאַל תֵּט מֵאִמְרֵי פִי 
\v 6 אַל תַּעַזְבֶהָ וְתִשְׁמְרֶךָּ אֱהָבֶהָ וְתִצְּרֶךָּ 
\v 7 רֵאשִׁית חָכְמָה קְנֵה חָכְמָה וּבְכָל קִנְיָנְךָ קְנֵה בִינָה 
\v 8 סַלְסְלֶהָ וּתְרוֹמְמֶךָּ תְּכַבֵּדְךָ כִּי תְחַבְּקֶנָּה 
\v 9 תִּתֵּן לְרֹאשְׁךָ לִוְיַת חֵן עֲטֶרֶת תִּפְאֶרֶת תְּמַגְּנֶךָּ 
\v 10 שְׁמַע בְּנִי וְקַח אֲמָרָי וְיִרְבּוּ לְךָ שְׁנוֹת חַיִּים 
\v 11 בְּדֶרֶךְ חָכְמָה הֹרֵתִיךָ הִדְרַכְתִּיךָ בְּמַעְגְּלֵי יֹשֶׁר 
\v 12 בְּלֶכְתְּךָ לֹא יֵצַר צַעֲדֶךָ וְאִם תָּרוּץ לֹא תִכָּשֵׁל 
\v 13 הַחֲזֵק בַּמּוּסָר אַל תֶּרֶף נִצְּרֶהָ כִּי הִיא חַיֶּיךָ 
\v 14 בְּאֹרַח רְשָׁעִים אַל תָּבֹא וְאַל תְּאַשֵּׁר בְּדֶרֶךְ רָעִים 
\v 15 פְּרָעֵהוּ אַל תַּעֲבָר בּוֹ שְׂטֵה מֵעָלָיו וַעֲבֹר 
\v 16 כִּי לֹא יִשְׁנוּ אִם לֹא יָרֵעוּ וְנִגְזְלָה שְׁנָתָם אִם לֹא \f - \fr 4:16 \fr*\ft ⸃ יַכְשִׁילוּ \ft*\fw SR\fw* ¦ יכשולו \fw L\fw*\f*⸃ יַכְשִׁילוּ ⸂ 
\v 17 כִּי לָחֲמוּ לֶחֶם רֶשַׁע וְיֵין חֲמָסִים יִשְׁתּוּ 
\v 18 וְאֹרַח צַדִּיקִים כְּאוֹר נֹגַהּ הוֹלֵךְ וָאוֹר עַד נְכוֹן הַיּוֹם 
\v 19 דֶּרֶךְ רְשָׁעִים כָּאֲפֵלָה לֹא יָדְעוּ בַּמֶּה יִכָּשֵׁלוּ {פ}
\p
\v 20 בְּנִי לִדְבָרַי הַקְשִׁיבָה לַאֲמָרַי הַט אָזְנֶךָ 
\v 21 אַל יַלִּיזוּ מֵעֵינֶיךָ שָׁמְרֵם בְּתוֹךְ לְבָבֶךָ 
\v 22 כִּי חַיִּים הֵם לְמֹצְאֵיהֶם וּלְכָל בְּשָׂרוֹ מַרְפֵּא 
\v 23 מִכָּל מִשְׁמָר נְצֹר לִבֶּךָ כִּי מִמֶּנּוּ תּוֹצְאוֹת חַיִּים 
\v 24 הָסֵר מִמְּךָ עִקְּשׁוּת פֶּה וּלְזוּת שְׂפָתַיִם הַרְחֵק מִמֶּךָּ 
\v 25 עֵינֶיךָ לְנֹכַח יַבִּיטוּ וְעַפְעַפֶּיךָ יַיְשִׁרוּ נֶגְדֶּךָ 
\v 26 פַּלֵּס מַעְגַּל רַגְלֶךָ וְכָל דְּרָכֶיךָ יִכֹּנוּ 
\v 27 אַל תֵּט יָמִין וּשְׂמֹאול הָסֵר רַגְלְךָ מֵרָע {פ}
\c 5
\p
\v 1 בְּנִי לְחָכְמָתִי הַקְשִׁיבָה לִתְבוּנָתִי הַט אָזְנֶךָ 
\v 2 לִשְׁמֹר מְזִמּוֹת וְדַעַת שְׂפָתֶיךָ יִנְצֹרוּ 
\v 3 כִּי נֹפֶת תִּטֹּפְנָה שִׂפְתֵי זָרָה וְחָלָק מִשֶּׁמֶן חִכָּהּ 
\v 4 וְאַחֲרִיתָהּ מָרָה כַלַּעֲנָה חַדָּה כְּחֶרֶב פִּיּוֹת 
\v 5 רַגְלֶיהָ יֹרְדוֹת מָוֶת שְׁאוֹל צְעָדֶיהָ יִתְמֹכוּ 
\v 6 אֹרַח חַיִּים \f - \fr 5:6 \fr*\ft ⸃ בַּל \ft*\fw SR\fw* ¦ פֶּן \fw L\fw*\f*⸃ בַּל ⸂ תְּפַלֵּס נָעוּ מַעְגְּלֹתֶיהָ לֹא תֵדָע {פ}
\p
\v 7 וְעַתָּה בָנִים שִׁמְעוּ לִי וְאַל תָּסוּרוּ מֵאִמְרֵי פִי 
\v 8 הַרְחֵק מֵעָלֶיהָ דַרְכֶּךָ וְאַל תִּקְרַב אֶל פֶּתַח בֵּיתָהּ 
\v 9 פֶּן תִּתֵּן לַאֲחֵרִים הוֹדֶךָ וּשְׁנֹתֶיךָ לְאַכְזָרִי 
\v 10 פֶּן יִשְׂבְּעוּ זָרִים כֹּחֶךָ וַעֲצָבֶיךָ בְּבֵית נָכְרִי 
\v 11 וְנָהַמְתָּ בְאַחֲרִיתֶךָ בִּכְלוֹת בְּשָׂרְךָ וּשְׁאֵרֶךָ 
\v 12 וְאָמַרְתָּ אֵיךְ שָׂנֵאתִי מוּסָר וְתוֹכַחַת נָאַץ לִבִּי 
\v 13 וְלֹא שָׁמַעְתִּי בְּקוֹל מוֹרָי וְלִמְלַמְּדַי לֹא הִטִּיתִי אָזְנִי 
\v 14 כִּמְעַט הָיִיתִי בְכָל רָע בְּתוֹךְ קָהָל וְעֵדָה 
\v 15 שְׁתֵה מַיִם מִבּוֹרֶךָ וְנֹזְלִים מִתּוֹךְ בְּאֵרֶךָ 
\v 16 יָפוּצוּ מַעְיְנֹתֶיךָ חוּצָה בָּרְחֹבוֹת פַּלְגֵי מָיִם 
\v 17 יִהְיוּ לְךָ לְבַדֶּךָ וְאֵין לְזָרִים אִתָּךְ 
\v 18 יְהִי מְקוֹרְךָ בָרוּךְ וּשְׂמַח מֵאֵשֶׁת נְעוּרֶךָ 
\v 19 אַיֶּלֶת אֲהָבִים וְיַעֲלַת חֵן \f - \fr 5:19 \fr*\ft ⸃ דֹּדֶיהָ \ft*\fw SR\fw* ¦ דַּדֶּיהָ \fw L\fw*\f*⸃ דֹּדֶיהָ ⸂ יְרַוֻּךָ בְכָל עֵת בְּאַהֲבָתָהּ תִּשְׁגֶּה תָמִיד 
\v 20 וְלָמָּה תִשְׁגֶּה בְנִי בְזָרָה וּתְחַבֵּק חֵק נָכְרִיָּה 
\v 21 כִּי נֹכַח עֵינֵי יַהְוֶה דַּרְכֵי אִישׁ וְכָל מַעְגְּלֹתָיו מְפַלֵּס 
\v 22 עֲווֹנֹתָיו יִלְכְּדֻנוֹ אֶת הָרָשָׁע וּבְחַבְלֵי חַטָּאתוֹ יִתָּמֵךְ 
\v 23 הוּא יָמוּת בְּאֵין מוּסָר וּבְרֹב אִוַּלְתּוֹ יִשְׁגֶּה {פ}
\c 6
\p
\v 1 בְּנִי אִם עָרַבְתָּ לְרֵעֶךָ תָּקַעְתָּ לַזָּר כַּפֶּךָ 
\v 2 נוֹקַשְׁתָּ בְאִמְרֵי פִיךָ נִלְכַּדְתָּ בְּאִמְרֵי פִיךָ 
\v 3 עֲשֵׂה זֹאת אֵפוֹא בְּנִי וְהִנָּצֵל כִּי בָאתָ בְכַף רֵעֶךָ לֵךְ הִתְרַפֵּס וּרְהַב רֵעֶיךָ 
\v 4 אַל תִּתֵּן שֵׁנָה לְעֵינֶיךָ וּתְנוּמָה לְעַפְעַפֶּיךָ 
\v 5 הִנָּצֵל כִּצְבִי מִיָּד וּכְצִפּוֹר מִיַּד יָקוּשׁ {פ}
\p
\v 6 לֵךְ אֶל נְמָלָה עָצֵל רְאֵה דְרָכֶיהָ וַחֲכָם 
\v 7 אֲשֶׁר אֵין לָהּ קָצִין שֹׁטֵר וּמֹשֵׁל 
\v 8 תָּכִין בַּקַּיִץ לַחְמָהּ אָגְרָה בַקָּצִיר מַאֲכָלָהּ 
\v 9 עַד מָתַי עָצֵל תִּשְׁכָּב מָתַי תָּקוּם מִשְּׁנָתֶךָ 
\v 10 מְעַט שֵׁנוֹת מְעַט תְּנוּמוֹת מְעַט חִבֻּק יָדַיִם לִשְׁכָּב 
\v 11 וּבָא כִמְהַלֵּךְ רֵאשֶׁךָ וּמַחְסֹרְךָ כְּאִישׁ מָגֵן {פ}
\p
\v 12 אָדָם בְּלִיַּעַל אִישׁ אָוֶן הוֹלֵךְ עִקְּשׁוּת פֶּה 
\v 13 קֹרֵץ בְּעֵינָו מֹלֵל בְּרַגְלָו מֹרֶה בְּאֶצְבְּעֹתָיו 
\v 14 תַּהְפֻּכוֹת בְּלִבּוֹ חֹרֵשׁ רָע בְּכָל עֵת מְדָנִים יְשַׁלֵּחַ 
\v 15 עַל כֵּן פִּתְאֹם יָבוֹא אֵידוֹ פֶּתַע יִשָּׁבֵר וְאֵין מַרְפֵּא {פ}
\p
\v 16 שֶׁשׁ הֵנָּה שָׂנֵא יַהְוֶה וְשֶׁבַע תּוֹעֲבוֹת נַפְשׁוֹ 
\v 17 עֵינַיִם רָמוֹת לְשׁוֹן שָׁקֶר וְיָדַיִם שֹׁפְכוֹת דָּם נָקִי 
\v 18 לֵב חֹרֵשׁ מַחְשְׁבוֹת אָוֶן רַגְלַיִם מְמַהֲרוֹת לָרוּץ לָרָעָה 
\v 19 יָפִיחַ כְּזָבִים עֵד שָׁקֶר וּמְשַׁלֵּחַ מְדָנִים בֵּין אַחִים {פ}
\p
\v 20 נְצֹר בְּנִי מִצְוַת אָבִיךָ וְאַל תִּטֹּשׁ תּוֹרַת אִמֶּךָ 
\v 21 קָשְׁרֵם עַל לִבְּךָ תָמִיד עָנְדֵם עַל גַּרְגְּרֹתֶךָ 
\v 22 בְּהִתְהַלֶּכְךָ תַּנְחֶה אֹתָךְ בְּשָׁכְבְּךָ תִּשְׁמֹר עָלֶיךָ וַהֲקִיצוֹתָ הִיא תְשִׂיחֶךָ 
\v 23 כִּי נֵר מִצְוָה וְתוֹרָה אוֹר וְדֶרֶךְ חַיִּים תּוֹכְחֹת מוּסָר 
\v 24 לִשְׁמָרְךָ מֵאֵשֶׁת רָע מֵחֶלְקַת לָשׁוֹן נָכְרִיָּה 
\v 25 אַל תַּחְמֹד יָפְיָהּ בִּלְבָבֶךָ וְאַל תִּקָּחֲךָ בְּעַפְעַפֶּיהָ 
\v 26 כִּי בְעַד אִשָּׁה זוֹנָה עַד כִּכַּר לָחֶם וְאֵשֶׁת אִישׁ נֶפֶשׁ יְקָרָה תָצוּד {פ}
\p
\v 27 הֲיַחְתֶּה אִישׁ אֵשׁ בְּחֵיקוֹ וּבְגָדָיו לֹא תִשָּׂרַפְנָה 
\v 28 אִם יְהַלֵּךְ אִישׁ עַל הַגֶּחָלִים וְרַגְלָיו לֹא תִכָּוֶינָה 
\v 29 כֵּן הַבָּא אֶל אֵשֶׁת רֵעֵהוּ לֹא יִנָּקֶה כָּל הַנֹּגֵעַ בָּהּ 
\v 30 לֹא יָבוּזוּ לַגַּנָּב כִּי יִגְנוֹב לְמַלֵּא נַפְשׁוֹ כִּי יִרְעָב 
\v 31 וְנִמְצָא יְשַׁלֵּם שִׁבְעָתָיִם אֶת כָּל הוֹן בֵּיתוֹ יִתֵּן 
\v 32 נֹאֵף אִשָּׁה חֲסַר לֵב מַשְׁחִית נַפְשׁוֹ הוּא יַעֲשֶׂנָּה 
\v 33 נֶגַע וְקָלוֹן יִמְצָא וְחֶרְפָּתוֹ לֹא תִמָּחֶה 
\v 34 כִּי קִנְאָה חֲמַת גָּבֶר וְלֹא יַחְמוֹל בְּיוֹם נָקָם 
\v 35 לֹא יִשָּׂא פְּנֵי כָל כֹּפֶר וְלֹא יֹאבֶה כִּי תַרְבֶּה שֹׁחַד {פ}
\c 7
\p
\v 1 בְּנִי שְׁמֹר אֲמָרָי וּמִצְוֺתַי תִּצְפֹּן אִתָּךְ 
\v 2 שְׁמֹר מִצְוֺתַי וֶחְיֵה וְתוֹרָתִי כְּאִישׁוֹן עֵינֶיךָ 
\v 3 קָשְׁרֵם עַל אֶצְבְּעֹתֶיךָ כָּתְבֵם עַל לוּחַ לִבֶּךָ 
\v 4 אֱמֹר לַחָכְמָה אֲחֹתִי אָתְּ וּמֹדָע לַבִּינָה תִקְרָא 
\v 5 לִשְׁמָרְךָ מֵאִשָּׁה זָרָה מִנָּכְרִיָּה אֲמָרֶיהָ הֶחֱלִיקָה 
\v 6 כִּי בְּחַלּוֹן בֵּיתִי בְּעַד אֶשְׁנַבִּי נִשְׁקָפְתִּי 
\v 7 וָאֵרֶא בַפְּתָאיִם אָבִינָה בַבָּנִים נַעַר חֲסַר לֵב 
\v 8 עֹבֵר בַּשּׁוּק אֵצֶל פִּנָּהּ וְדֶרֶךְ בֵּיתָהּ יִצְעָד 
\v 9 בְּנֶשֶׁף \f - \fr 7:9 \fr*\ft ⸃ בַּעֲרֹב \ft*\fw SR\fw* ¦ בְּעֶרֶב \fw L\fw*\f*⸃ בַּעֲרֹב ⸂ יוֹם בְּאִישׁוֹן לַיְלָה וַאֲפֵלָה 
\v 10 וְהִנֵּה אִשָּׁה לִקְרָאתוֹ שִׁית זוֹנָה וּנְצֻרַת \f - \fr 7:10 \fr*\ft ⸃ לִבּוֹת \ft*\fw SR\fw* ¦ לֵב \fw L\fw*\f*⸃ לִבּוֹת ⸂ 
\v 11 הֹמִיָּה הִיא וְסֹרָרֶת בְּבֵיתָהּ לֹא יִשְׁכְּנוּ רַגְלֶיהָ 
\v 12 פַּעַם בַּחוּץ פַּעַם בָּרְחֹבוֹת וְאֵצֶל כָּל פִּנָּה תֶאֱרֹב 
\v 13 וְהֶחֱזִיקָה בּוֹ וְנָשְׁקָה לּוֹ הֵעֵזָה פָנֶיהָ וַתֹּאמַר לוֹ 
\v 14 זִבְחֵי שְׁלָמִים עָלָי הַיּוֹם שִׁלַּמְתִּי נְדָרָי 
\v 15 עַל כֵּן יָצָאתִי לִקְרָאתֶךָ לְשַׁחֵר פָּנֶיךָ וָאֶמְצָאֶךָּ 
\v 16 מַרְבַדִּים רָבַדְתִּי עַרְשִׂי חֲטֻבוֹת אֵטוּן מִצְרָיִם 
\v 17 נַפְתִּי מִשְׁכָּבִי מֹר אֲהָלִים וְקִנָּמוֹן 
\v 18 לְכָה נִרְוֶה דֹדִים עַד הַבֹּקֶר נִתְעַלְּסָה בָּאֳהָבִים 
\v 19 כִּי אֵין הָאִישׁ בְּבֵיתוֹ הָלַךְ בְּדֶרֶךְ מֵרָחוֹק 
\v 20 צְרוֹר הַכֶּסֶף לָקַח בְּיָדוֹ לְיוֹם הַכֵּסֶא יָבֹא בֵיתוֹ 
\v 21 הִטַּתּוּ בְּרֹב לִקְחָהּ בְּחֵלֶק שְׂפָתֶיהָ תַּדִּיחֶנּוּ 
\v 22 הוֹלֵךְ אַחֲרֶיהָ פִּתְאֹם כְּשׁוֹר אֶל טֶבַח יָבֹא \f - \fr 7:22 \fr*\ft ⸃ וּכְעָכֹס \ft*\fw SR\fw* ¦ וּכְעֶכֶס \fw L\fw*\f*⸃ וּכְעָכֹס ⸂ אֶל \f - \fr 7:22 \fr*\ft ⸃ מוֹסֵר \ft*\fw SR\fw* ¦ מוּסַר \fw L\fw*\f*⸃ מוֹסֵר ⸂ \f - \fr 7:22 \fr*\ft ⸃ אַיָּל \ft*\fw SR\fw* ¦ אֱוִיל \fw L\fw*\f*⸃ אַיָּל ⸂ 
\v 23 עַד יְפַלַּח חֵץ כְּבֵדוֹ כְּמַהֵר צִפּוֹר אֶל פָּח וְלֹא יָדַע כִּי בְנַפְשׁוֹ הוּא 
\v 24 וְעַתָּה בָנִים שִׁמְעוּ לִי וְהַקְשִׁיבוּ לְאִמְרֵי פִי 
\v 25 אַל יֵשְׂטְ אֶל דְּרָכֶיהָ לִבֶּךָ אַל תֵּתַע בִּנְתִיבוֹתֶיהָ 
\v 26 כִּי רַבִּים חֲלָלִים הִפִּילָה וַעֲצֻמִים כָּל הֲרֻגֶיהָ 
\v 27 דַּרְכֵי שְׁאוֹל בֵּיתָהּ יֹרְדוֹת אֶל חַדְרֵי מָוֶת {פ}
\c 8
\p
\v 1 הֲלֹא חָכְמָה תִקְרָא וּתְבוּנָה תִּתֵּן קוֹלָהּ 
\v 2 בְּרֹאשׁ מְרֹמִים עֲלֵי דָרֶךְ בֵּית נְתִיבוֹת נִצָּבָה 
\v 3 לְיַד שְׁעָרִים לְפִי קָרֶת מְבוֹא פְתָחִים תָּרֹנָּה 
\v 4 אֲלֵיכֶם אִישִׁים אֶקְרָא וְקוֹלִי אֶל בְּנֵי אָדָם 
\v 5 הָבִינוּ פְתָאיִם עָרְמָה וּכְסִילִים \f - \fr 8:5 \fr*\ft ⸃ הָכִינוּ \ft*\fw SR\fw* ¦ הָבִינוּ \fw L\fw*\f*⸃ הָכִינוּ ⸂ לֵב 
\v 6 שִׁמְעוּ כִּי נְגִידִים אֲדַבֵּר וּמִפְתַּח שְׂפָתַי מֵישָׁרִים 
\v 7 כִּי אֱמֶת יֶהְגֶּה חִכִּי וְתוֹעֲבַת שְׂפָתַי רֶשַׁע 
\v 8 בְּצֶדֶק כָּל אִמְרֵי פִי אֵין בָּהֶם נִפְתָּל וְעִקֵּשׁ 
\v 9 כֻּלָּם נְכֹחִים לַמֵּבִין וִישָׁרִים לְמֹצְאֵי דָעַת 
\v 10 קְחוּ מוּסָרִי וְאַל כָּסֶף וְדַעַת מֵחָרוּץ נִבְחָר 
\v 11 כִּי טוֹבָה חָכְמָה מִפְּנִינִים וְכָל חֲפָצִים לֹא יִשְׁווּ בָהּ 
\v 12 אֲנִי חָכְמָה שָׁכַנְתִּי עָרְמָה וְדַעַת מְזִמּוֹת אֶמְצָא 
\v 13 יִרְאַת יַהְוֶה שְׂנֹאת רָע גֵּאָה וְגָאוֹן וְדֶרֶךְ רָע וּפִי תַהְפֻּכוֹת שָׂנֵאתִי 
\v 14 לִי עֵצָה וְתוּשִׁיָּה אֲנִי בִינָה לִי גְבוּרָה 
\v 15 בִּי מְלָכִים יִמְלֹכוּ וְרֹזְנִים יְחֹקְקוּ צֶדֶק 
\v 16 בִּי שָׂרִים יָשֹׂרוּ וּנְדִיבִים \f - \fr 8:16 \fr*\ft ⸃ יִשְׁפְּטוּ \ft*\fw SR\fw* ¦ כָּל שֹׁפְטֵי \fw L\fw*\f*⸃ יִשְׁפְּטוּ ⸂ \f - \fr 8:16 \fr*\ft ⸃ אָרֶץ \ft*\fw SR\fw* ¦ צֶדֶק \fw L\fw*\f*⸃ אָרֶץ ⸂ 
\v 17 אֲנִי \f - \fr 8:17 \fr*\ft ⸃ אֹהֲבַי \ft*\fw SR\fw* ¦ אהביה \fw L\fw*\f*⸃ אֹהֲבַי ⸂ אֵהָב וּמְשַׁחֲרַי יִמְצָאֻנְנִי 
\v 18 עֹשֶׁר וְכָבוֹד אִתִּי הוֹן עָתֵק וּצְדָקָה 
\v 19 טוֹב פִּרְיִי מֵחָרוּץ וּמִפָּז וּתְבוּאָתִי מִכֶּסֶף נִבְחָר 
\v 20 בְּאֹרַח צְדָקָה אֲהַלֵּךְ בְּתוֹךְ נְתִיבוֹת מִשְׁפָּט 
\v 21 לְהַנְחִיל אֹהֲבַי יֵשׁ וְאֹצְרֹתֵיהֶם אֲמַלֵּא {פ}
\p
\v 22 יַהְוֶה קָנָנִי רֵאשִׁית דַּרְכּוֹ קֶדֶם מִפְעָלָיו מֵאָז 
\v 23 מֵעוֹלָם נִסַּכְתִּי מֵרֹאשׁ מִקַּדְמֵי אָרֶץ 
\v 24 בְּאֵין תְּהֹמוֹת חוֹלָלְתִּי בְּאֵין מַעְיָנוֹת \f - \fr 8:24 \fr*\ft ⸃ נַבְכֵי \ft*\fw SR\fw* ¦ נִכְבַּדֵּי \fw L\fw*\f*⸃ נַבְכֵי ⸂ מָיִם 
\v 25 בְּטֶרֶם הָרִים הָטְבָּעוּ לִפְנֵי גְבָעוֹת חוֹלָלְתִּי 
\v 26 עַד לֹא עָשָׂה אֶרֶץ וְחוּצוֹת וְרֹאשׁ עָפְרוֹת תֵּבֵל 
\v 27 בַּהֲכִינוֹ שָׁמַיִם שָׁם אָנִי בְּחֻקוֹ חוּג עַל פְּנֵי תְהוֹם 
\v 28 בְּאַמְּצוֹ שְׁחָקִים מִמָּעַל בַּעֲזוֹז עִינוֹת תְּהוֹם 
\v 29 בְּשׂוּמוֹ לַיָּם חֻקּוֹ וּמַיִם לֹא יַעַבְרוּ פִיו בְּחוּקוֹ מוֹסְדֵי אָרֶץ 
\v 30 וָאֶהְיֶה אֶצְלוֹ אָמוֹן וָאֶהְיֶה שַׁעֲשׁוּעִים יוֹם יוֹם מְשַׂחֶקֶת לְפָנָיו בְּכָל עֵת 
\v 31 מְשַׂחֶקֶת בְּתֵבֵל אַרְצוֹ וְשַׁעֲשֻׁעַי אֶת בְּנֵי אָדָם {פ}
\p
\v 32 וְעַתָּה בָנִים שִׁמְעוּ לִי וְאַשְׁרֵי דְּרָכַי יִשְׁמֹרוּ 
\v 33 שִׁמְעוּ מוּסָר וַחֲכָמוּ וְאַל תִּפְרָעוּ 
\v 34 אַשְׁרֵי אָדָם שֹׁמֵעַ לִי לִשְׁקֹד עַל דַּלְתֹתַי יוֹם יוֹם לִשְׁמֹר מְזוּזֹת פְּתָחָי 
\v 35 כִּי מֹצְאִי מֹצְאֵי חַיִּים וַיָּפֶק רָצוֹן מִיַּהְוֶה 
\v 36 וְחֹטְאִי חֹמֵס נַפְשׁוֹ כָּל מְשַׂנְאַי אָהֲבוּ מָוֶת {פ}
\c 9
\p
\v 1 חָכְמוֹת בָּנְתָה בֵיתָהּ חָצְבָה עַמּוּדֶיהָ שִׁבְעָה 
\v 2 טָבְחָה טִבְחָהּ מָסְכָה יֵינָהּ אַף עָרְכָה שֻׁלְחָנָהּ 
\v 3 שָׁלְחָה נַעֲרֹתֶיהָ תִקְרָא עַל גַּפֵּי מְרֹמֵי קָרֶת 
\v 4 מִי פֶתִי יָסֻר הֵנָּה חֲסַר לֵב \f - \fr 9:4 \fr*\ft ⸃ אֹמְרָה \ft*\fw SR\fw* ¦ אָמְרָה \fw L\fw*\f*⸃ אֹמְרָה ⸂ לּוֹ 
\v 5 לְכוּ לַחֲמוּ בְלַחֲמִי וּשְׁתוּ בְּיַיִן מָסָכְתִּי 
\v 6 עִזְבוּ פְתָאיִם וִחְיוּ וְאִשְׁרוּ בְּדֶרֶךְ בִּינָה 
\v 7 יֹסֵר לֵץ לֹקֵחַ לוֹ קָלוֹן וּמוֹכִיחַ לְרָשָׁע מוּמוֹ 
\v 8 אַל תּוֹכַח לֵץ פֶּן יִשְׂנָאֶךָּ הוֹכַח לְחָכָם וְיֶאֱהָבֶךָּ 
\v 9 תֵּן לְחָכָם וְיֶחְכַּם עוֹד הוֹדַע לְצַדִּיק וְיוֹסֶף לֶקַח {פ}
\p
\v 10 תְּחִלַּת חָכְמָה יִרְאַת יַהְוֶה וְדַעַת קְדֹשִׁים בִּינָה 
\v 11 כִּי בִי יִרְבּוּ יָמֶיךָ וְיוֹסִיפוּ לְּךָ שְׁנוֹת חַיִּים 
\v 12 אִם חָכַמְתָּ חָכַמְתָּ לָּךְ וְלַצְתָּ לְבַדְּךָ תִשָּׂא 
\v 13 אֵשֶׁת כְּסִילוּת הֹמִיָּה פְּתַיּוּת וּבַל יָדְעָה מָּה 
\v 14 וְיָשְׁבָה לְפֶתַח בֵּיתָהּ עַל כִּסֵּא מְרֹמֵי קָרֶת 
\v 15 לִקְרֹא לְעֹבְרֵי דָרֶךְ הַמְיַשְּׁרִים אֹרְחוֹתָם 
\v 16 מִי פֶתִי יָסֻר הֵנָּה וַחֲסַר לֵב \f - \fr 9:16 \fr*\ft ⸃ וְאֹמְרָה \ft*\fw SR\fw* ¦ וְאָמְרָה \fw L\fw*\f*⸃ וְאֹמְרָה ⸂ לּוֹ 
\v 17 מַיִם גְּנוּבִים יִמְתָּקוּ וְלֶחֶם סְתָרִים יִנְעָם 
\v 18 וְלֹא יָדַע כִּי רְפָאִים שָׁם בְּעִמְקֵי שְׁאוֹל קְרֻאֶיהָ {פ}
\c 10
\p
\v 1 מִשְׁלֵי שְׁלֹמֹה {פ}
\p בֵּן חָכָם יְשַׂמַּח אָב וּבֵן כְּסִיל תּוּגַת אִמּוֹ 
\v 2 לֹא יוֹעִילוּ אוֹצְרוֹת רֶשַׁע וּצְדָקָה תַּצִּיל מִמָּוֶת 
\v 3 לֹא יַרְעִיב יַהְוֶה נֶפֶשׁ צַדִּיק וְהַוַּת רְשָׁעִים יֶהְדֹּף 
\v 4 \f - \fr 10:4 \fr*\ft ⸃ רֵאשׁ \ft*\fw SR\fw* ¦ רָאשׁ \fw L\fw*\f*⸃ רֵאשׁ ⸂ \f - \fr 10:4 \fr*\ft ⸃ עֹשָׂה \ft*\fw SR\fw* ¦ עֹשֶׂה \fw L\fw*\f*⸃ עֹשָׂה ⸂ כַף רְמִיָּה וְיַד חָרוּצִים תַּעֲשִׁיר 
\v 5 אֹגֵר בַּקַּיִץ בֵּן מַשְׂכִּיל נִרְדָּם בַּקָּצִיר בֵּן מֵבִישׁ 
\v 6 בְּרָכוֹת לְרֹאשׁ צַדִּיק וּפִי רְשָׁעִים יְכַסֶּה חָמָס 
\v 7 זֵכֶר צַדִּיק לִבְרָכָה וְשֵׁם רְשָׁעִים יִרְקָב 
\v 8 חֲכַם לֵב יִקַּח מִצְוֺת וֶאֱוִיל שְׂפָתַיִם יִלָּבֵט 
\v 9 הוֹלֵךְ בַּתֹּם יֵלֶךְ בֶּטַח וּמְעַקֵּשׁ דְּרָכָיו יִוָּדֵעַ 
\v 10 קֹרֵץ עַיִן יִתֵּן עַצָּבֶת וֶאֱוִיל שְׂפָתַיִם יִלָּבֵט 
\v 11 מְקוֹר חַיִּים פִּי צַדִּיק וּפִי רְשָׁעִים יְכַסֶּה חָמָס 
\v 12 שִׂנְאָה תְּעֹרֵר מְדָנִים וְעַל כָּל פְּשָׁעִים תְּכַסֶּה אַהֲבָה 
\v 13 בְּשִׂפְתֵי נָבוֹן תִּמָּצֵא חָכְמָה וְשֵׁבֶט לְגֵו חֲסַר לֵב 
\v 14 חֲכָמִים יִצְפְּנוּ דָעַת וּפִי אֱוִיל מְחִתָּה קְרֹבָה 
\v 15 הוֹן עָשִׁיר קִרְיַת עֻזּוֹ מְחִתַּת דַּלִּים רֵישָׁם 
\v 16 פְּעֻלַּת צַדִּיק לְחַיִּים תְּבוּאַת רָשָׁע לְחַטָּאת 
\v 17 אֹרַח לְחַיִּים שׁוֹמֵר מוּסָר וְעֹזֵב תּוֹכַחַת מַתְעֶה 
\v 18 מְכַסֶּה שִׂנְאָה שִׂפְתֵי שָׁקֶר וּמוֹצִא דִבָּה הוּא כְסִיל 
\v 19 בְּרֹב דְּבָרִים לֹא יֶחְדַּל פָּשַׁע וְחוֹשֵׂךְ שְׂפָתָיו מַשְׂכִּיל 
\v 20 כֶּסֶף נִבְחָר לְשׁוֹן צַדִּיק לֵב רְשָׁעִים כִּמְעָט 
\v 21 שִׂפְתֵי צַדִּיק יִרְעוּ רַבִּים וֶאֱוִילִים בַּחֲסַר לֵב יָמוּתוּ 
\v 22 בִּרְכַּת יַהְוֶה הִיא תַעֲשִׁיר וְלֹא יוֹסִף עֶצֶב עִמָּהּ 
\v 23 כִּשְׂחוֹק לִכְסִיל עֲשׂוֹת זִמָּה וְחָכְמָה לְאִישׁ תְּבוּנָה 
\v 24 מְגוֹרַת רָשָׁע הִיא תְבוֹאֶנּוּ וְתַאֲוַת צַדִּיקִים יִתֵּן 
\v 25 כַּעֲבוֹר סוּפָה וְאֵין רָשָׁע וְצַדִּיק יְסוֹד עוֹלָם 
\v 26 כַּחֹמֶץ לַשִּׁנַּיִם וְכֶעָשָׁן לָעֵינָיִם כֵּן הֶעָצֵל לְשֹׁלְחָיו 
\v 27 יִרְאַת יַהְוֶה תּוֹסִיף יָמִים וּשְׁנוֹת רְשָׁעִים תִּקְצֹרְנָה 
\v 28 תּוֹחֶלֶת צַדִּיקִים שִׂמְחָה וְתִקְוַת רְשָׁעִים תֹּאבֵד 
\v 29 מָעוֹז לַתֹּם דֶּרֶךְ יַהְוֶה וּמְחִתָּה לְפֹעֲלֵי אָוֶן 
\v 30 צַדִּיק לְעוֹלָם בַּל יִמּוֹט וּרְשָׁעִים לֹא יִשְׁכְּנוּ אָרֶץ 
\v 31 פִּי צַדִּיק יָנוּב חָכְמָה וּלְשׁוֹן תַּהְפֻּכוֹת תִּכָּרֵת 
\v 32 שִׂפְתֵי צַדִּיק \f - \fr 10:32 \fr*\ft ⸃ יַבִּעוּן \ft*\fw SR\fw* ¦ יֵדְעוּן \fw L\fw*\f*⸃ יַבִּעוּן ⸂ רָצוֹן וּפִי רְשָׁעִים תַּהְפֻּכוֹת
\c 11
\m
\v 1 מֹאזְנֵי מִרְמָה תּוֹעֲבַת יַהְוֶה וְאֶבֶן שְׁלֵמָה רְצוֹנוֹ 
\v 2 בָּא זָדוֹן וַיָּבֹא קָלוֹן וְאֶת צְנוּעִים חָכְמָה 
\v 3 תֻּמַּת יְשָׁרִים תַּנְחֵם וְסֶלֶף בֹּגְדִים \f - \fr 11:3 \fr*\ft ⸃ יְשָׁדֵּם \ft*\fw SR\fw* ¦ ושדם \fw L\fw*\f*⸃ יְשָׁדֵּם ⸂ 
\v 4 לֹא יוֹעִיל הוֹן בְּיוֹם עֶבְרָה וּצְדָקָה תַּצִּיל מִמָּוֶת 
\v 5 צִדְקַת תָּמִים תְּיַשֵּׁר דַּרְכּוֹ וּבְרִשְׁעָתוֹ יִפֹּל רָשָׁע 
\v 6 צִדְקַת יְשָׁרִים תַּצִּילֵם \f - \fr 11:6 \fr*\ft ⸃ וּבְהַוָּתָם \ft*\fw SR\fw* ¦ וּבְהַוַּת \fw L\fw*\f*⸃ וּבְהַוָּתָם ⸂ בֹּגְדִים יִלָּכֵדוּ 
\v 7 בְּמוֹת אָדָם רָשָׁע תֹּאבַד תִּקְוָה וְתוֹחֶלֶת אוֹנִים אָבָדָה 
\v 8 צַדִּיק מִצָּרָה נֶחֱלָץ וַיָּבֹא רָשָׁע תַּחְתָּיו 
\v 9 בְּפֶה חָנֵף יַשְׁחִת רֵעֵהוּ וּבְדַעַת צַדִּיקִים יֵחָלֵצוּ 
\v 10 בְּטוּב צַדִּיקִים תַּעֲלֹץ קִרְיָה וּבַאֲבֹד רְשָׁעִים רִנָּה 
\v 11 בְּבִרְכַּת יְשָׁרִים תָּרוּם קָרֶת וּבְפִי רְשָׁעִים תֵּהָרֵס 
\v 12 בָּז לְרֵעֵהוּ חֲסַר לֵב וְאִישׁ תְּבוּנוֹת יַחֲרִישׁ 
\v 13 הוֹלֵךְ רָכִיל מְגַלֶּה סּוֹד וְנֶאֱמַן רוּחַ מְכַסֶּה דָבָר 
\v 14 בְּאֵין תַּחְבֻּלוֹת יִפָּל עָם וּתְשׁוּעָה בְּרֹב יוֹעֵץ 
\v 15 רַע יֵרוֹעַ כִּי עָרַב זָר וְשֹׂנֵא תֹקְעִים בּוֹטֵחַ 
\v 16 אֵשֶׁת חֵן תִּתְמֹךְ כָּבוֹד וְעָרִיצִים יִתְמְכוּ עֹשֶׁר 
\v 17 גֹּמֵל נַפְשׁוֹ אִישׁ חָסֶד וְעֹכֵר שְׁאֵרוֹ אַכְזָרִי 
\v 18 רָשָׁע עֹשֶׂה פְעֻלַּת שָׁקֶר וְזֹרֵעַ צְדָקָה שֶׂכֶר אֱמֶת 
\v 19 כֵּן צְדָקָה לְחַיִּים וּמְרַדֵּף רָעָה לְמוֹתוֹ 
\v 20 תּוֹעֲבַת יַהְוֶה עִקְּשֵׁי לֵב וּרְצוֹנוֹ תְּמִימֵי דָרֶךְ 
\v 21 יָד לְיָד לֹא יִנָּקֶה רָּע וְזֶרַע צַדִּיקִים נִמְלָט 
\v 22 נֶזֶם זָהָב בְּאַף חֲזִיר אִשָּׁה יָפָה וְסָרַת טָעַם 
\v 23 תַּאֲוַת צַדִּיקִים אַךְ טוֹב תִּקְוַת רְשָׁעִים עֶבְרָה 
\v 24 יֵשׁ מְפַזֵּר וְנוֹסָף עוֹד וְחֹשֵׂךְ מִיֹּשֶׁר אַךְ לְמַחְסוֹר 
\v 25 נֶפֶשׁ בְּרָכָה תְדֻשָּׁן וּמַרְוֶה גַּם הוּא יוֹרֶא 
\v 26 מֹנֵעַ בָּר יִקְּבֻהוּ לְאוֹם וּבְרָכָה לְרֹאשׁ מַשְׁבִּיר 
\v 27 שֹׁחֵר טוֹב יְבַקֵּשׁ רָצוֹן וְדֹרֵשׁ רָעָה תְבוֹאֶנּוּ 
\v 28 בּוֹטֵחַ בְּעָשְׁרוֹ הוּא יִפּוֹל וְכֶעָלֶה צַדִּיקִים יִפְרָחוּ 
\v 29 עֹכֵר בֵּיתוֹ יִנְחַל רוּחַ \f - \fr 11:29 \fr*\ft ⸃ וְיַעֲבֹד \ft*\fw SR\fw* ¦ וְעֶבֶד \fw L\fw*\f*⸃ וְיַעֲבֹד ⸂ אֱוִיל לַחֲכַם לֵב 
\v 30 פְּרִי צַדִּיק עֵץ חַיִּים וְלֹקֵחַ נְפָשׁוֹת \f - \fr 11:30 \fr*\ft ⸃ חָמָס \ft*\fw SR\fw* ¦ חָכָם \fw L\fw*\f*⸃ חָמָס ⸂ 
\v 31 הֵן צַדִּיק בָּאָרֶץ יְשֻׁלָּם אַף כִּי רָשָׁע וְחוֹטֵא
\c 12
\m
\v 1 אֹהֵב מוּסָר אֹהֵב דָּעַת וְשׂוֹנֵא תוֹכַחַת בָּעַר 
\v 2 טוֹב יָפִיק רָצוֹן מִיַּהְוֶה וְאִישׁ מְזִמּוֹת יַרְשִׁיעַ 
\v 3 לֹא יִכּוֹן אָדָם בְּרֶשַׁע וְשֹׁרֶשׁ צַדִּיקִים בַּל יִמּוֹט 
\v 4 אֵשֶׁת חַיִל עֲטֶרֶת בַּעְלָהּ וּכְרָקָב בְּעַצְמוֹתָיו מְבִישָׁה 
\v 5 מַחְשְׁבוֹת צַדִּיקִים מִשְׁפָּט תַּחְבֻּלוֹת רְשָׁעִים מִרְמָה 
\v 6 דִּבְרֵי רְשָׁעִים אֱרָב דָּם וּפִי יְשָׁרִים יַצִּילֵם 
\v 7 הָפוֹךְ רְשָׁעִים וְאֵינָם וּבֵית צַדִּיקִים יַעֲמֹד 
\v 8 לְפִי שִׂכְלוֹ יְהֻלַּל אִישׁ וְנַעֲוֵה לֵב יִהְיֶה לָבוּז 
\v 9 טוֹב נִקְלֶה וְעֶבֶד לוֹ מִמְּתַכַּבֵּד וַחֲסַר לָחֶם 
\v 10 יוֹדֵעַ צַדִּיק נֶפֶשׁ בְּהֶמְתּוֹ וְרַחֲמֵי רְשָׁעִים אַכְזָרִי 
\v 11 עֹבֵד אַדְמָתוֹ יִשְׂבַּע לָחֶם וּמְרַדֵּף רֵיקִים חֲסַר לֵב 
\v 12 חָמַד רָשָׁע מְצוֹד רָעִים וְשֹׁרֶשׁ צַדִּיקִים יִתֵּן 
\v 13 בְּפֶשַׁע שְׂפָתַיִם מוֹקֵשׁ רָע וַיֵּצֵא מִצָּרָה צַדִּיק 
\v 14 מִפְּרִי פִי אִישׁ יִשְׂבַּע טוֹב וּגְמוּל יְדֵי אָדָם \f - \fr 12:14 \fr*\ft ⸃ יָשִׁיב \ft*\fw SR\fw* ¦ ישוב \fw L\fw*\f*⸃ יָשִׁיב ⸂ לוֹ 
\v 15 דֶּרֶךְ אֱוִיל יָשָׁר בְּעֵינָיו וְשֹׁמֵעַ לְעֵצָה חָכָם 
\v 16 אֱוִיל בַּיּוֹם \f - \fr 12:16 \fr*\ft ⸃ יוֹדִעַ \ft*\fw SR\fw* ¦ יִוָּדַע \fw L\fw*\f*⸃ יוֹדִעַ ⸂ כַּעְסוֹ וְכֹסֶה קָלוֹן עָרוּם 
\v 17 יָפִיחַ אֱמוּנָה יַגִּיד צֶדֶק וְעֵד שְׁקָרִים מִרְמָה 
\v 18 יֵשׁ בּוֹטֶה כְּמַדְקְרוֹת חָרֶב וּלְשׁוֹן חֲכָמִים מַרְפֵּא 
\v 19 שְׂפַת אֱמֶת תִּכּוֹן לָעַד וְעַד אַרְגִּיעָה לְשׁוֹן שָׁקֶר 
\v 20 מִרְמָה בְּלֶב חֹרְשֵׁי רָע וּלְיֹעֲצֵי שָׁלוֹם שִׂמְחָה 
\v 21 לֹא יְאֻנֶּה לַצַּדִּיק כָּל אָוֶן וּרְשָׁעִים מָלְאוּ רָע 
\v 22 תּוֹעֲבַת יַהְוֶה שִׂפְתֵי שָׁקֶר וְעֹשֵׂי אֱמוּנָה רְצוֹנוֹ 
\v 23 אָדָם עָרוּם כֹּסֶה דָּעַת וְלֵב כְּסִילִים יִקְרָא אִוֶּלֶת 
\v 24 יַד חָרוּצִים תִּמְשׁוֹל וּרְמִיָּה תִּהְיֶה לָמַס 
\v 25 דְּאָגָה בְלֶב אִישׁ יַשְׁחֶנָּה וְדָבָר טוֹב יְשַׂמְּחֶנָּה 
\v 26 יָתֵר מֵרֵעֵהוּ צַדִּיק וְדֶרֶךְ רְשָׁעִים תַּתְעֵם 
\v 27 לֹא יַחֲרֹךְ רְמִיָּה צֵידוֹ וְהוֹן אָדָם יָקָר חָרוּץ 
\v 28 בְּאֹרַח צְדָקָה חַיִּים וְדֶרֶךְ \f - \fr 12:28 \fr*\ft ⸃ נְתִיבָהּ \ft*\fw SR\fw* ¦ נְתִיבָה \fw L\fw*\f*⸃ נְתִיבָהּ ⸂ אַל מָוֶת
\c 13
\m
\v 1 בֵּן חָכָם מוּסַר אָב וְלֵץ לֹא שָׁמַע גְּעָרָה 
\v 2 מִפְּרִי פִי אִישׁ יֹאכַל טוֹב וְנֶפֶשׁ בֹּגְדִים חָמָס 
\v 3 נֹצֵר פִּיו שֹׁמֵר נַפְשׁוֹ פֹּשֵׂק שְׂפָתָיו מְחִתָּה לוֹ 
\v 4 מִתְאַוָּה וָאַיִן \f - \fr 13:4 \fr*\ft ⸆ – \ft*\fw SR\fw* ¦ נַפְשׁוֹ \fw L\fw*\f*⸆ עָצֵל וְנֶפֶשׁ חָרֻצִים תְּדֻשָּׁן 
\v 5 דְּבַר שֶׁקֶר יִשְׂנָא צַדִּיק וְרָשָׁע יַבְאִישׁ וְיַחְפִּיר 
\v 6 צְדָקָה תִּצֹּר תָּם דָּרֶךְ וְרִשְׁעָה תְּסַלֵּף חַטָּאת 
\v 7 יֵשׁ מִתְעַשֵּׁר וְאֵין כֹּל מִתְרוֹשֵׁשׁ וְהוֹן רָב 
\v 8 כֹּפֶר נֶפֶשׁ אִישׁ עָשְׁרוֹ וְרָשׁ לֹא שָׁמַע גְּעָרָה 
\v 9 אוֹר צַדִּיקִים יִשְׂמָח וְנֵר רְשָׁעִים יִדְעָךְ 
\v 10 רַק בְּזָדוֹן יִתֵּן מַצָּה וְאֶת נוֹעָצִים חָכְמָה 
\v 11 הוֹן \f - \fr 13:11 \fr*\ft ⸃ מְבֹהָל \ft*\fw SR\fw* ¦ מֵהֶבֶל \fw L\fw*\f*⸃ מְבֹהָל ⸂ יִמְעָט וְקֹבֵץ עַל יָד יַרְבֶּה 
\v 12 תֹּחֶלֶת מְמֻשָּׁכָה מַחֲלָה לֵב וְעֵץ חַיִּים תַּאֲוָה בָאָה 
\v 13 בָּז לְדָבָר יֵחָבֶל לוֹ וִירֵא מִצְוָה הוּא יְשֻׁלָּם 
\v 14 תּוֹרַת חָכָם מְקוֹר חַיִּים לָסוּר מִמֹּקְשֵׁי מָוֶת 
\v 15 שֵׂכֶל טוֹב יִתֶּן חֵן וְדֶרֶךְ בֹּגְדִים אֵיתָן 
\v 16 כָּל עָרוּם יַעֲשֶׂה בְדָעַת וּכְסִיל יִפְרֹשׂ אִוֶּלֶת 
\v 17 מַלְאָךְ רָשָׁע יִפֹּל בְּרָע וְצִיר אֱמוּנִים מַרְפֵּא 
\v 18 רֵישׁ וְקָלוֹן פּוֹרֵעַ מוּסָר וְשֹׁמֵר תּוֹכַחַת יְכֻבָּד 
\v 19 תַּאֲוָה נִהְיָה תֶּעֱרַב לְנָפֶשׁ וְתוֹעֲבַת כְּסִילִים סוּר מֵרָע 
\v 20 הָלוֹךְ אֶת חֲכָמִים וַחֲכָם וְרֹעֶה כְסִילִים יֵרוֹעַ 
\v 21 חַטָּאִים תְּרַדֵּף רָעָה וְאֶת צַדִּיקִים יְשַׁלֶּם טוֹב 
\v 22 טוֹב יַנְחִיל בְּנֵי בָנִים וְצָפוּן לַצַּדִּיק חֵיל חוֹטֵא 
\v 23 רָב אֹכֶל נִיר רָאשִׁים וְיֵשׁ נִסְפֶּה בְּלֹא מִשְׁפָּט 
\v 24 חוֹשֵׂךְ שִׁבְטוֹ שׂוֹנֵא בְנוֹ וְאֹהֲבוֹ שִׁחֲרוֹ מוּסָר 
\v 25 צַדִּיק אֹכֵל לְשֹׂבַע נַפְשׁוֹ וּבֶטֶן רְשָׁעִים תֶּחְסָר
\c 14
\m
\v 1 \f - \fr 14:1 \fr*\ft ⸃ חָכְמוֹת \ft*\fw SR\fw* ¦ חַכְמוֹת \fw L\fw*\f*⸃ חָכְמוֹת ⸂ נָשִׁים בָּנְתָה בֵיתָהּ וְאִוֶּלֶת בְּיָדֶיהָ תֶהֶרְסֶנּוּ 
\v 2 הוֹלֵךְ בְּיָשְׁרוֹ יְרֵא יַהְוֶה וּנְלוֹז דְּרָכָיו בּוֹזֵהוּ 
\v 3 בְּפִי אֱוִיל חֹטֶר גַּאֲוָה וְשִׂפְתֵי חֲכָמִים \f - \fr 14:3 \fr*\ft ⸃ תִּשְׁמְרוּם \ft*\fw SR\fw* ¦ תִּשְׁמוּרֵם \fw L\fw*\f*⸃ תִּשְׁמְרוּם ⸂ 
\v 4 בְּאֵין אֲלָפִים אֵבוּס בָּר וְרָב תְּבוּאוֹת בְּכֹחַ שׁוֹר 
\v 5 עֵד אֱמוּנִים לֹא יְכַזֵּב וְיָפִיחַ כְּזָבִים עֵד שָׁקֶר 
\v 6 בִּקֶּשׁ לֵץ חָכְמָה וָאָיִן וְדַעַת לְנָבוֹן נָקָל 
\v 7 לֵךְ מִנֶּגֶד לְאִישׁ כְּסִיל וּבַל יָדַעְתָּ שִׂפְתֵי דָעַת 
\v 8 חָכְמַת עָרוּם הָבִין דַּרְכּוֹ וְאִוֶּלֶת כְּסִילִים מִרְמָה 
\v 9 אֱוִלִים יָלִיץ אָשָׁם וּבֵין יְשָׁרִים רָצוֹן 
\v 10 לֵב יוֹדֵעַ מָרַּת נַפְשׁוֹ וּבְשִׂמְחָתוֹ לֹא יִתְעָרַב זָר 
\v 11 בֵּית רְשָׁעִים יִשָּׁמֵד וְאֹהֶל יְשָׁרִים יַפְרִיחַ 
\v 12 יֵשׁ דֶּרֶךְ יָשָׁר לִפְנֵי אִישׁ וְאַחֲרִיתָהּ דַּרְכֵי מָוֶת 
\v 13 גַּם בִּשְׂחֹק יִכְאַב לֵב \f - \fr 14:13 \fr*\ft ⸃ וְאַחֲרִית הַשִּׂמְחָה \ft*\fw SR\fw* ¦ וְאַחֲרִיתָהּ שִׂמְחָה \fw L\fw*\f*⸃ וְאַחֲרִית הַשִּׂמְחָה ⸂ תוּגָה 
\v 14 מִדְּרָכָיו יִשְׂבַּע סוּג לֵב \f - \fr 14:14 \fr*\ft ⸃ וּמִמַּעֲלָלָיו \ft*\fw SR\fw* ¦ וּמֵעָלָיו \fw L\fw*\f*⸃ וּמִמַּעֲלָלָיו ⸂ אִישׁ טוֹב 
\v 15 פֶּתִי יַאֲמִין לְכָל דָּבָר וְעָרוּם יָבִין לַאֲשֻׁרוֹ 
\v 16 חָכָם יָרֵא וְסָר מֵרָע וּכְסִיל מִתְעַבֵּר וּבוֹטֵחַ 
\v 17 קְצַר אַפַּיִם יַעֲשֶׂה אִוֶּלֶת וְאִישׁ מְזִמּוֹת יִשָּׂנֵא 
\v 18 נָחֲלוּ פְתָאיִם אִוֶּלֶת וַעֲרוּמִים יַכְתִּרוּ דָעַת 
\v 19 שַׁחוּ רָעִים לִפְנֵי טוֹבִים וּרְשָׁעִים עַל שַׁעֲרֵי צַדִּיק 
\v 20 גַּם לְרֵעֵהוּ יִשָּׂנֵא רָשׁ וְאֹהֲבֵי עָשִׁיר רַבִּים 
\v 21 בָּז לְרֵעֵהוּ חוֹטֵא וּמְחוֹנֵן עֲנִיִּים אַשְׁרָיו 
\v 22 הֲלוֹא יִתְעוּ חֹרְשֵׁי רָע וְחֶסֶד וֶאֱמֶת חֹרְשֵׁי טוֹב 
\v 23 בְּכָל עֶצֶב יִהְיֶה מוֹתָר וּדְבַר שְׂפָתַיִם אַךְ לְמַחְסוֹר 
\v 24 עֲטֶרֶת חֲכָמִים עָשְׁרָם אִוֶּלֶת כְּסִילִים אִוֶּלֶת 
\v 25 מַצִּיל נְפָשׁוֹת עֵד אֱמֶת וְיָפִחַ כְּזָבִים מִרְמָה 
\v 26 בְּיִרְאַת יַהְוֶה מִבְטַח עֹז וּלְבָנָיו יִהְיֶה מַחְסֶה 
\v 27 יִרְאַת יַהְוֶה מְקוֹר חַיִּים לָסוּר מִמֹּקְשֵׁי מָוֶת 
\v 28 בְּרָב עָם הַדְרַת מֶלֶךְ וּבְאֶפֶס לְאֹם מְחִתַּת \f - \fr 14:28 \fr*\ft ⸃ רוֹזֵן \ft*\fw SR\fw* ¦ רָזוֹן \fw L\fw*\f*⸃ רוֹזֵן ⸂ 
\v 29 אֶרֶךְ אַפַּיִם רַב תְּבוּנָה וּקְצַר רוּחַ מֵרִים אִוֶּלֶת 
\v 30 חַיֵּי בְשָׂרִים לֵב מַרְפֵּא וּרְקַב עֲצָמוֹת קִנְאָה 
\v 31 עֹשֵׁק דָּל חֵרֵף עֹשֵׂהוּ וּמְכַבְּדוֹ חֹנֵן אֶבְיוֹן 
\v 32 בְּרָעָתוֹ יִדָּחֶה רָשָׁע וְחֹסֶה \f - \fr 14:32 \fr*\ft ⸃ בְתוּמּוֹ \ft*\fw SR\fw* ¦ בְמוֹתוֹ \fw L\fw*\f*⸃ בְתוּמּוֹ ⸂ צַדִּיק 
\v 33 בְּלֵב נָבוֹן תָּנוּחַ חָכְמָה וּבְקֶרֶב כְּסִילִים \f - \fr 14:33 \fr*\ft ⸋ לֹא \ft*\fw SR\fw* ¦ – \fw L\fw*\f*⸋ לֹא ⸌ תִּוָּדֵעַ 
\v 34 צְדָקָה תְרוֹמֵם גּוֹי וְחֶסֶד לְאֻמִּים חַטָּאת 
\v 35 רְצוֹן מֶלֶךְ לְעֶבֶד מַשְׂכִּיל וְעֶבְרָתוֹ תִּהְיֶה מֵבִישׁ
\c 15
\m
\v 1 מַעֲנֶה רַּךְ יָשִׁיב חֵמָה וּדְבַר עֶצֶב יַעֲלֶה אָף 
\v 2 לְשׁוֹן חֲכָמִים תֵּיטִיב דָּעַת וּפִי כְסִילִים יַבִּיעַ אִוֶּלֶת 
\v 3 בְּכָל מָקוֹם עֵינֵי יַהְוֶה צֹפוֹת רָעִים וטוֹבִים 
\v 4 מַרְפֵּא לָשׁוֹן עֵץ חַיִּים וְסֶלֶף בָּהּ שֶׁבֶר בְּרוּחַ 
\v 5 אֱוִיל יִנְאַץ מוּסַר אָבִיו וְשֹׁמֵר תּוֹכַחַת יַעְרִים 
\v 6 בֵּית צַדִּיק חֹסֶן רָב \f - \fr 15:6 \fr*\ft ⸃ וּתְבוּאַת \ft*\fw SR\fw* ¦ וּבִתְבוּאַת \fw L\fw*\f*⸃ וּתְבוּאַת ⸂ רָשָׁע נֶעְכָּרֶת 
\v 7 שִׂפְתֵי חֲכָמִים יְזָרוּ דָעַת וְלֵב כְּסִילִים לֹא כֵן 
\v 8 זֶבַח רְשָׁעִים תּוֹעֲבַת יַהְוֶה וּתְפִלַּת יְשָׁרִים רְצוֹנוֹ 
\v 9 תּוֹעֲבַת יַהְוֶה דֶּרֶךְ רָשָׁע וּמְרַדֵּף צְדָקָה יֶאֱהָב 
\v 10 \f - \fr 15:10 \fr*\ft ⸃ מוּסַר רֵעַ \ft*\fw SR\fw* ¦ מוּסָר רָע \fw L\fw*\f*⸃ מוּסַר רֵעַ ⸂ לְעֹזֵב אֹרַח שׂוֹנֵא תוֹכַחַת יָמוּת 
\v 11 שְׁאוֹל וַאֲבַדּוֹן נֶגֶד יַהְוֶה אַף כִּי לִבּוֹת בְּנֵי אָדָם 
\v 12 לֹא יֶאֱהַב לֵץ הוֹכֵחַ לוֹ אֶל חֲכָמִים לֹא יֵלֵךְ 
\v 13 לֵב שָׂמֵחַ יֵיטִב פָּנִים וּבְעַצְּבַת לֵב רוּחַ נְכֵאָה 
\v 14 לֵב נָבוֹן יְבַקֶּשׁ דָּעַת \f - \fr 15:14 \fr*\ft ⸃ וּפִי \ft*\fw SR\fw* ¦ ופני \fw L\fw*\f*⸃ וּפִי ⸂ כְסִילִים יִרְעֶה אִוֶּלֶת 
\v 15 כָּל יְמֵי עָנִי רָעִים וְטוֹב לֵב מִשְׁתֶּה תָמִיד 
\v 16 טוֹב מְעַט בְּיִרְאַת יַהְוֶה מֵאוֹצָר רָב וּמְהוּמָה בוֹ 
\v 17 טוֹב אֲרֻחַת יָרָק וְאַהֲבָה שָׁם מִשּׁוֹר אָבוּס וְשִׂנְאָה בוֹ 
\v 18 אִישׁ חֵמָה יְגָרֶה מָדוֹן וְאֶרֶך אַפַּיִם יַשְׁקִיט רִיב 
\v 19 דֶּרֶךְ עָצֵל כִּמְשֻׂכַת חָדֶק וְאֹרַח יְשָׁרִים סְלֻלָה 
\v 20 בֵּן חָכָם יְשַׂמַּח אָב וּכְסִיל אָדָם בּוֹזֶה אִמּוֹ 
\v 21 אִוֶּלֶת שִׂמְחָה לַחֲסַר לֵב וְאִישׁ תְּבוּנָה יְיַּשֶׁר לָכֶת 
\v 22 הָפֵר מַחֲשָׁבוֹת בְּאֵין סוֹד וּבְרֹב יוֹעֲצִים תָּקוּם 
\v 23 שִׂמְחָה לָאִישׁ בְּמַעֲנֵה פִיו וְדָבָר בְּעִתּוֹ מַה טּוֹב 
\v 24 אֹרַח חַיִּים לְמַעְלָה לְמַשְׂכִּיל לְמַעַן סוּר מִשְּׁאוֹל מָטָּה 
\v 25 בֵּית גֵּאִים יִסַּח יַהְוֶה וְיַצֵּב גְּבוּל אַלְמָנָה 
\v 26 תּוֹעֲבַת יַהְוֶה מַחְשְׁבוֹת רָע וּטְהֹרִים אִמְרֵי נֹעַם 
\v 27 עֹכֵר בֵּיתוֹ בּוֹצֵעַ בָּצַע וְשׂוֹנֵא מַתָּנֹת יִחְיֶה 
\v 28 לֵב צַדִּיק יֶהְגֶּה לַעֲנוֹת וּפִי רְשָׁעִים יַבִּיעַ רָעוֹת 
\v 29 רָחוֹק יַהְוֶה מֵרְשָׁעִים וּתְפִלַּת צַדִּיקִים יִשְׁמָע 
\v 30 מְאוֹר עֵינַיִם יְשַׂמַּח לֵב שְׁמוּעָה טוֹבָה תְּדַשֶּׁן עָצֶם 
\v 31 אֹזֶן שֹׁמַעַת תּוֹכַחַת חַיִּים בְּקֶרֶב חֲכָמִים תָּלִין 
\v 32 פּוֹרֵעַ מוּסָר מוֹאֵס נַפְשׁוֹ וְשׁוֹמֵעַ תּוֹכַחַת קוֹנֶה לֵּב 
\v 33 יִרְאַת יַהְוֶה מוּסַר חָכְמָה וְלִפְנֵי כָבוֹד עֲנָוָה
\c 16
\m
\v 1 לְאָדָם מַעַרְכֵי לֵב וּמִיַּהְוֶה מַעֲנֵה לָשׁוֹן 
\v 2 כָּל דַּרְכֵי אִישׁ זַךְ בְּעֵינָיו וְתֹכֵן רוּחוֹת יַהְוֶה 
\v 3 גֹּל אֶל יַהְוֶה מַעֲשֶׂיךָ וְיִכֹּנוּ מַחְשְׁבֹתֶיךָ 
\v 4 כֹּל פָּעַל יַהְוֶה לְמַעֲנֵהוּ וְגַם רָשָׁע לְיוֹם רָעָה 
\v 5 תּוֹעֲבַת יַהְוֶה כָּל גְּבַהּ לֵב יָד לְיָד לֹא יִנָּקֶה 
\v 6 בְּחֶסֶד וֶאֱמֶת יְכֻפַּר עָוֺן וּבְיִרְאַת יַהְוֶה סוּר מֵרָע 
\v 7 בִּרְצוֹת יַהְוֶה דַּרְכֵי אִישׁ גַּם אוֹיְבָיו יַשְׁלִם אִתּוֹ 
\v 8 טוֹב מְעַט בִּצְדָקָה מֵרֹב תְּבוּאוֹת בְּלֹא מִשְׁפָּט 
\v 9 לֵב אָדָם יְחַשֵּׁב דַּרְכּוֹ וְיַהְוֶה יָכִין צַעֲדוֹ 
\v 10 קֶסֶם עַל שִׂפְתֵי מֶלֶךְ בְּמִשְׁפָּט לֹא יִמְעַל פִּיו 
\v 11 פֶּלֶס וּמֹאזְנֵי מִשְׁפָּט לְיַהְוֶה מַעֲשֵׂהוּ כָּל אַבְנֵי כִיס 
\v 12 תּוֹעֲבַת מְלָכִים עֲשׂוֹת רֶשַׁע כִּי בִצְדָקָה יִכּוֹן כִּסֵּא 
\v 13 רְצוֹן מְלָכִים שִׂפְתֵי צֶדֶק וְדֹבֵר יְשָׁרִים יֶאֱהָב 
\v 14 חֲמַת מֶלֶךְ מַלְאֲכֵי מָוֶת וְאִישׁ חָכָם יְכַפְּרֶנָּה 
\v 15 בְּאוֹר פְּנֵי מֶלֶךְ חַיִּים וּרְצוֹנוֹ כְּעָב מַלְקוֹשׁ 
\v 16 קְנֹה חָכְמָה מַה טּוֹב מֵחָרוּץ וּקְנוֹת בִּינָה נִבְחָר מִכָּסֶף 
\v 17 מְסִלַּת יְשָׁרִים סוּר מֵרָע שֹׁמֵר נַפְשׁוֹ נֹצֵר דַּרְכּוֹ 
\v 18 לִפְנֵי שֶׁבֶר גָּאוֹן וְלִפְנֵי כִשָּׁלוֹן גֹּבַהּ רוּחַ 
\v 19 טוֹב שְׁפַל רוּחַ אֶת עֲנִיִּים מֵחַלֵּק שָׁלָל אֶת גֵּאִים 
\v 20 מַשְׂכִּיל עַל דָּבָר יִמְצָא טוֹב וּבוֹטֵחַ בְּיַהְוֶה אַשְׁרָיו 
\v 21 לַחֲכַם לֵב יִקָּרֵא נָבוֹן וּמֶתֶק שְׂפָתַיִם יֹסִיף לֶקַח 
\v 22 מְקוֹר חַיִּים שֵׂכֶל \f - \fr 16:22 \fr*\ft ⸃ לִבְעָלָיו \ft*\fw SR\fw* ¦ בְּעָלָיו \fw L\fw*\f*⸃ לִבְעָלָיו ⸂ וּמוּסַר אֱוִלִים אִוֶּלֶת 
\v 23 לֵב חָכָם יַשְׂכִּיל פִּיהוּ וְעַל שְׂפָתָיו יֹסִיף לֶקַח 
\v 24 צוּף דְּבַשׁ אִמְרֵי נֹעַם מָתוֹק לַנֶּפֶשׁ וּמַרְפֵּא לָעָצֶם 
\v 25 יֵשׁ דֶּרֶךְ יָשָׁר לִפְנֵי אִישׁ וְאַחֲרִיתָהּ דַּרְכֵי מָוֶת 
\v 26 נֶפֶשׁ עָמֵל עָמְלָה לּוֹ כִּי אָכַף עָלָיו פִּיהוּ 
\v 27 אִישׁ בְּלִיַּעַל כֹּרֶה רָעָה וְעַל שְׂפָתָיו כְּאֵשׁ צָרָבֶת 
\v 28 אִישׁ תַּהְפֻּכוֹת יְשַׁלַּח מָדוֹן וְנִרְגָּן מַפְרִיד אַלּוּף 
\v 29 אִישׁ חָמָס יְפַתֶּה רֵעֵהוּ וְהוֹלִיכוֹ בְּדֶרֶךְ לֹא טוֹב 
\v 30 עֹצֶה עֵינָיו לַחְשֹׁב תַּהְפֻּכוֹת קֹרֵץ שְׂפָתָיו כִּלָּה רָעָה 
\v 31 עֲטֶרֶת תִּפְאֶרֶת שֵׂיבָה בְּדֶרֶךְ צְדָקָה תִּמָּצֵא 
\v 32 טוֹב אֶרֶךְ אַפַּיִם מִגִּבּוֹר וּמֹשֵׁל בְּרוּחוֹ מִלֹּכֵד עִיר 
\v 33 בַּחֵיק יוּטַל אֶת הַגּוֹרָל וּמִיַּהְוֶה כָּל מִשְׁפָּטוֹ
\c 17
\m
\v 1 טוֹב פַּת חֲרֵבָה וְשַׁלְוָה בָהּ מִבַּיִת מָלֵא זִבְחֵי רִיב 
\v 2 עֶבֶד מַשְׂכִּיל יִמְשֹׁל בְּבֵן מֵבִישׁ וּבְתוֹךְ אַחִים יַחֲלֹק נַחֲלָה 
\v 3 מַצְרֵף לַכֶּסֶף וְכוּר לַזָּהָב וּבֹחֵן לִבּוֹת יַהְוֶה 
\v 4 מֵרַע מַקְשִׁיב עַל שְׂפַת אָוֶן שֶׁקֶר מֵזִין עַל לְשׁוֹן הַוֺּת 
\v 5 לֹעֵג לָרָשׁ חֵרֵף עֹשֵׂהוּ שָׂמֵחַ לְאֵיד לֹא יִנָּקֶה 
\v 6 עֲטֶרֶת זְקֵנִים בְּנֵי בָנִים וְתִפְאֶרֶת בָּנִים אֲבוֹתָם 
\v 7 לֹא נָאוָה לְנָבָל שְׂפַת יֶתֶר אַף כִּי לְנָדִיב שְׂפַת שָׁקֶר 
\v 8 אֶבֶן חֵן הַשֹּׁחַד בְּעֵינֵי בְעָלָיו אֶל כָּל אֲשֶׁר יִפְנֶה יַשְׂכִּיל 
\v 9 מְכַסֶּה פֶּשַׁע מְבַקֵּשׁ אַהֲבָה וְשֹׁנֶה בְדָבָר מַפְרִיד אַלּוּף 
\v 10 תֵּחַת גְּעָרָה בְמֵבִין מֵהַכּוֹת כְּסִיל מֵאָה 
\v 11 אַךְ מְרִי יְבַקֶּשׁ רָע וּמַלְאָךְ אַכְזָרִי יְשֻׁלַּח בּוֹ 
\v 12 פָּגוֹשׁ דֹּב שַׁכּוּל בְּאִישׁ וְאַל כְּסִיל בְּאִוַּלְתּוֹ 
\v 13 מֵשִׁיב רָעָה תַּחַת טוֹבָה לֹא תָמִישׁ רָעָה מִבֵּיתוֹ 
\v 14 פּוֹטֵר מַיִם רֵאשִׁית מָדוֹן וְלִפְנֵי הִתְגַּלַּע הָרִיב נְטוֹשׁ 
\v 15 מַצְדִּיק רָשָׁע וּמַרְשִׁיעַ צַדִּיק תּוֹעֲבַת יַהְוֶה גַּם שְׁנֵיהֶם 
\v 16 לָמָּה זֶּה מְחִיר בְּיַד כְּסִיל לִקְנוֹת חָכְמָה וְלֶב אָיִן 
\v 17 בְּכָל עֵת אֹהֵב הָרֵעַ וְאָח לְצָרָה יִוָּלֵד 
\v 18 אָדָם חֲסַר לֵב תּוֹקֵעַ כָּף עֹרֵב עֲרֻבָּה לִפְנֵי רֵעֵהוּ 
\v 19 אֹהֵב פֶּשַׁע אֹהֵב מַצָּה מַגְבִּיהַּ פִּתְחוֹ מְבַקֶּשׁ שָׁבֶר 
\v 20 עִקֶּשׁ לֵב לֹא יִמְצָא טוֹב וְנֶהְפָּךְ בִּלְשׁוֹנוֹ יִפּוֹל בְּרָעָה 
\v 21 יֹלֵד כְּסִיל \f - \fr 17:21 \fr*\ft ⸃ לַתּוּגָה \ft*\fw SR\fw* ¦ לְתוּגָה \fw L\fw*\f*⸃ לַתּוּגָה ⸂ לוֹ וְלֹא יִשְׂמַח אֲבִי נָבָל 
\v 22 לֵב שָׂמֵחַ יֵיטִב גֵּהָה וְרוּחַ נְכֵאָה תְּיַבֶּשׁ גָּרֶם 
\v 23 שֹׁחַד מֵחֵק רָשָׁע יִקָּח לְהַטּוֹת אָרְחוֹת מִשְׁפָּט 
\v 24 אֶת פְּנֵי מֵבִין חָכְמָה וְעֵינֵי כְסִיל בִּקְצֵה אָרֶץ 
\v 25 כַּעַס לְאָבִיו בֵּן כְּסִיל וּמֶמֶר לְיוֹלַדְתּוֹ 
\v 26 גַּם עֲנוֹשׁ לַצַּדִּיק לֹא טוֹב לְהַכּוֹת נְדִיבִים עַל יֹשֶׁר 
\v 27 חוֹשֵׂךְ אֲמָרָיו יוֹדֵעַ דָּעַת וְקַר רוּחַ אִישׁ תְּבוּנָה 
\v 28 גַּם אֱוִיל מַחֲרִישׁ חָכָם יֵחָשֵׁב אֹטֵם שְׂפָתָיו נָבוֹן
\c 18
\m
\v 1 לְתַאֲוָה יְבַקֵּשׁ נִפְרָד בְּכָל תּוּשִׁיָּה יִתְגַּלָּע 
\v 2 לֹא יַחְפֹּץ כְּסִיל בִּתְבוּנָה כִּי אִם בְּהִתְגַּלּוֹת לִבּוֹ 
\v 3 בְּבוֹא רָשָׁע בָּא גַם בּוּז וְעִם קָלוֹן חֶרְפָּה 
\v 4 מַיִם עֲמֻקִּים דִּבְרֵי פִי אִישׁ נַחַל נֹבֵעַ מְקוֹר חָכְמָה 
\v 5 שְׂאֵת פְּנֵי רָשָׁע לֹא טוֹב לְהַטּוֹת צַדִּיק בַּמִּשְׁפָּט 
\v 6 שִׂפְתֵי כְסִיל יָבֹאוּ בְרִיב וּפִיו לְמַהֲלֻמוֹת יִקְרָא 
\v 7 פִּי כְסִיל מְחִתָּה לוֹ וּשְׂפָתָיו מוֹקֵשׁ נַפְשׁוֹ 
\v 8 דִּבְרֵי נִרְגָּן כְּמִתְלַהֲמִים וְהֵם יָרְדוּ חַדְרֵי בָטֶן 
\v 9 גַּם מִתְרַפֶּה בִמְלַאכְתּוֹ אָח הוּא לְבַעַל מַשְׁחִית 
\v 10 מִגְדַּל עֹז שֵׁם יַהְוֶה בּוֹ יָרוּץ צַדִּיק וְנִשְׂגָּב 
\v 11 הוֹן עָשִׁיר קִרְיַת עֻזּוֹ וּכְחוֹמָה נִשְׂגָּבָה בְּמַשְׁכִּתוֹ 
\v 12 לִפְנֵי שֶׁבֶר יִגְבַּהּ לֵב אִישׁ וְלִפְנֵי כָבוֹד עֲנָוָה 
\v 13 מֵשִׁיב דָּבָר בְּטֶרֶם יִשְׁמָע אִוֶּלֶת הִיא לוֹ וּכְלִמָּה 
\v 14 רוּחַ אִישׁ יְכַלְכֵּל מַחֲלֵהוּ וְרוּחַ נְכֵאָה מִי יִשָּׂאֶנָּה 
\v 15 לֵב נָבוֹן יִקְנֶה דָּעַת וְאֹזֶן חֲכָמִים תְּבַקֶּשׁ דָּעַת 
\v 16 מַתָּן אָדָם יַרְחִיב לוֹ וְלִפְנֵי גְדֹלִים יַנְחֶנּוּ 
\v 17 צַדִּיק הָרִאשׁוֹן בְּרִיבוֹ יָבֹא רֵעֵהוּ וַחֲקָרוֹ 
\v 18 מִדְיָנִים יַשְׁבִּית הַגּוֹרָל וּבֵין עֲצוּמִים יַפְרִיד 
\v 19 אָח נִפְשָׁע מִקִּרְיַת עֹז וּמְדוֹנִים כִּבְרִיחַ אַרְמוֹן 
\v 20 מִפְּרִי פִי אִישׁ תִּשְׂבַּע בִּטְנוֹ תְּבוּאַת שְׂפָתָיו יִשְׂבָּע 
\v 21 מָוֶת וְחַיִּים בְּיַד לָשׁוֹן וְאֹהֲבֶיהָ יֹאכַל פִּרְיָהּ 
\v 22 מָצָא אִשָּׁה מָצָא טוֹב וַיָּפֶק רָצוֹן מִיַּהְוֶה 
\v 23 תַּחֲנוּנִים יְדַבֶּר רָשׁ וְעָשִׁיר יַעֲנֶה עַזּוֹת 
\v 24 אִישׁ רֵעִים לְהִתְרֹעֵעַ וְיֵשׁ אֹהֵב דָּבֵק מֵאָח
\c 19
\m
\v 1 טוֹב רָשׁ הוֹלֵךְ בְּתֻמּוֹ מֵעִקֵּשׁ שְׂפָתָיו וְהוּא כְסִיל 
\v 2 גַּם בְּלֹא דַעַת נֶפֶשׁ לֹא טוֹב וְאָץ בְּרַגְלַיִם חוֹטֵא 
\v 3 אִוֶּלֶת אָדָם תְּסַלֵּף דַּרְכּוֹ וְעַל יַהְוֶה יִזְעַף לִבּוֹ 
\v 4 הוֹן יֹסִיף רֵעִים רַבִּים וְדָל מֵרֵעֵהוּ יִפָּרֵד 
\v 5 עֵד שְׁקָרִים לֹא יִנָּקֶה וְיָפִיחַ כְּזָבִים לֹא יִמָּלֵט 
\v 6 רַבִּים יְחַלּוּ פְנֵי נָדִיב וְכָל הָרֵעַ לְאִישׁ מַתָּן 
\v 7 כָּל אֲחֵי רָשׁ שְׂנֵאֻהוּ אַף כִּי מְרֵעֵהוּ רָחֲקוּ מִמֶּנּוּ מְרַדֵּף אֲמָרִים לֹא הֵמָּה 
\v 8 קֹנֶה לֵּב אֹהֵב נַפְשׁוֹ שֹׁמֵר תְּבוּנָה לִמְצֹא טוֹב 
\v 9 עֵד שְׁקָרִים לֹא יִנָּקֶה וְיָפִיחַ כְּזָבִים יֹאבֵד {פ}
\p
\v 10 לֹא נָאוֶה לִכְסִיל תַּעֲנוּג אַף כִּי לְעֶבֶד מְשֹׁל בְּשָׂרִים 
\v 11 שֵׂכֶל אָדָם הֶאֱרִיךְ אַפּוֹ וְתִפְאַרְתּוֹ עֲבֹר עַל פָּשַׁע 
\v 12 נַהַם כַּכְּפִיר זַעַף מֶלֶךְ וּכְטַל עַל עֵשֶׂב רְצוֹנוֹ 
\v 13 הַוֺּת לְאָבִיו בֵּן כְּסִיל וְדֶלֶף טֹרֵד מִדְיְנֵי אִשָּׁה 
\v 14 בַּיִת וָהוֹן נַחֲלַת אָבוֹת וּמִיַּהְוֶה אִשָּׁה מַשְׂכָּלֶת 
\v 15 עַצְלָה תַּפִּיל תַּרְדֵּמָה וְנֶפֶשׁ רְמִיָּה תִרְעָב 
\v 16 שֹׁמֵר מִצְוָה שֹׁמֵר נַפְשׁוֹ בּוֹזֵה דְרָכָיו \f - \fr 19:16 \fr*\ft ⸃ יָמוּת \ft*\fw SR\fw* ¦ יומת \fw L\fw*\f*⸃ יָמוּת ⸂ 
\v 17 מַלְוֵה יַהְוֶה חוֹנֵן דָּל וּגְמֻלוֹ יְשַׁלֶּם לוֹ 
\v 18 יַסֵּר בִּנְךָ כִּי יֵשׁ תִּקְוָה וְאֶל \f - \fr 19:18 \fr*\ft ⸃ הֶמְיָתוֹ \ft*\fw SR\fw* ¦ הֲמִיתוֹ \fw L\fw*\f*⸃ הֶמְיָתוֹ ⸂ אַל תִּשָּׂא נַפְשֶׁךָ 
\v 19 \f - \fr 19:19 \fr*\ft ⸃ גְּדָל \ft*\fw SR\fw* ¦ גרל \fw L\fw*\f*⸃ גְּדָל ⸂ חֵמָה נֹשֵׂא עֹנֶשׁ כִּי אִם תַּצִּיל וְעוֹד תּוֹסִף 
\v 20 שְׁמַע עֵצָה וְקַבֵּל מוּסָר לְמַעַן תֶּחְכַּם בְּאַחֲרִיתֶךָ 
\v 21 רַבּוֹת מַחֲשָׁבוֹת בְּלֶב אִישׁ וַעֲצַת יַהְוֶה הִיא תָקוּם 
\v 22 \f - \fr 19:22 \fr*\ft ⸃ תְּבוּאַת \ft*\fw SR\fw* ¦ תַּאֲוַת \fw L\fw*\f*⸃ תְּבוּאַת ⸂ אָדָם חַסְדּוֹ וְטוֹב רָשׁ מֵאִישׁ כָּזָב 
\v 23 יִרְאַת יַהְוֶה לְחַיִּים וְשָׂבֵעַ יָלִין בַּל יִפָּקֶד רָע 
\v 24 טָמַן עָצֵל יָדוֹ בַּצַּלָּחַת גַּם אֶל פִּיהוּ לֹא יְשִׁיבֶנָּה 
\v 25 לֵץ תַּכֶּה וּפֶתִי יַעְרִם וְהוֹכִיחַ לְנָבוֹן יָבִין דָּעַת 
\v 26 מְשַׁדֶּד אָב יַבְרִיחַ אֵם בֵּן מֵבִישׁ וּמַחְפִּיר 
\v 27 חֲדַל בְּנִי לִשְׁמֹעַ מוּסָר לִשְׁגוֹת מֵאִמְרֵי \f - \fr 19:27 \fr*\ft ⸃ רָעָה \ft*\fw SR\fw* ¦ דָעַת \fw L\fw*\f*⸃ רָעָה ⸂ 
\v 28 עֵד בְּלִיַּעַל יָלִיץ מִשְׁפָּט וּפִי רְשָׁעִים יְבַלַּע אָוֶן 
\v 29 נָכוֹנוּ לַלֵּצִים \f - \fr 19:29 \fr*\ft ⸃ שְׁבָטִים \ft*\fw SR\fw* ¦ שְׁפָטִים \fw L\fw*\f*⸃ שְׁבָטִים ⸂ וּמַהֲלֻמוֹת לְגֵו כְּסִילִים
\c 20
\m
\v 1 לֵץ הַיַּין הֹמֶה שֵׁכָר וְכָל שֹׁגֶה בּוֹ לֹא יֶחְכָּם 
\v 2 נַהַם כַּכְּפִיר אֵימַת מֶלֶךְ מִתְעַבְּרוֹ חוֹטֵא נַפְשׁוֹ 
\v 3 כָּבוֹד לָאִישׁ שֶׁבֶת מֵרִיב וְכָל אֱוִיל יִתְגַּלָּע 
\v 4 מֵחֹרֶף עָצֵל לֹא יַחֲרֹשׁ יִשְׁאַל בַּקָּצִיר וָאָיִן 
\v 5 מַיִם עֲמֻקִּים עֵצָה בְלֶב אִישׁ וְאִישׁ תְּבוּנָה יִדְלֶנָּה 
\v 6 רָב אָדָם \f - \fr 20:6 \fr*\ft ⸃ יִקָּרֵא \ft*\fw SR\fw* ¦ יִקְרָא \fw L\fw*\f*⸃ יִקָּרֵא ⸂ אִישׁ \f - \fr 20:6 \fr*\ft ⸃ חָסֶד \ft*\fw SR\fw* ¦ חַסְדּוֹ \fw L\fw*\f*⸃ חָסֶד ⸂ וְאִישׁ אֱמוּנִים מִי יִמְצָא 
\v 7 מִתְהַלֵּךְ בְּתֻמּוֹ צַדִּיק אַשְׁרֵי בָנָיו אַחֲרָיו 
\v 8 מֶלֶךְ יוֹשֵׁב עַל כִּסֵּא דִין מְזָרֶה בְעֵינָיו כָּל רָע 
\v 9 מִי יֹאמַר זִכִּיתִי לִבִּי טָהַרְתִּי מֵחַטָּאתִי 
\v 10 אֶבֶן וָאֶבֶן אֵיפָה וְאֵיפָה תּוֹעֲבַת יַהְוֶה גַּם שְׁנֵיהֶם 
\v 11 גַּם בְּמַעֲלָלָיו יִתְנַכֶּר נָעַר אִם זַךְ וְאִם יָשָׁר פָּעֳלוֹ 
\v 12 אֹזֶן שֹׁמַעַת וְעַיִן רֹאָה יַהְוֶה עָשָׂה גַם שְׁנֵיהֶם 
\v 13 אַל תֶּאֱהַב שֵׁנָה פֶּן תִּוָּרֵשׁ פְּקַח עֵינֶיךָ שְׂבַע לָחֶם 
\v 14 רַע רַע יֹאמַר הַקּוֹנֶה וְאֹזֵל לוֹ אָז יִתְהַלָּל 
\v 15 יֵשׁ זָהָב וְרָב פְּנִינִים וּכְלִי יְקָר שִׂפְתֵי דָעַת 
\v 16 לְקַח בִּגְדוֹ כִּי עָרַב זָר וּבְעַד נָכְרִים חַבְלֵהוּ 
\v 17 עָרֵב לָאִישׁ לֶחֶם שָׁקֶר וְאַחַר יִמָּלֵא פִיהוּ חָצָץ 
\v 18 מַחֲשָׁבוֹת בְּעֵצָה תִכּוֹן וּבְתַחְבֻּלוֹת עֲשֵׂה מִלְחָמָה 
\v 19 גּוֹלֶה סּוֹד הוֹלֵךְ רָכִיל וּלְפֹתֶה שְׂפָתָיו לֹא תִתְעָרָב 
\v 20 מְקַלֵּל אָבִיו וְאִמּוֹ יִדְעַךְ נֵרוֹ בְּאִישׁוֹן חֹשֶׁךְ 
\v 21 נַחֲלָה \f - \fr 20:21 \fr*\ft ⸃ מְבֹהֶלֶת \ft*\fw SR\fw* ¦ מבחלת \fw L\fw*\f*⸃ מְבֹהֶלֶת ⸂ בָּרִאשׁוֹנָה וְאַחֲרִיתָהּ לֹא תְבֹרָךְ 
\v 22 אַל תֹּאמַר אֲשַׁלְּמָה רָע קַוֵּה לְיַהְוֶה וְיֹשַׁע לָךְ 
\v 23 תּוֹעֲבַת יַהְוֶה אֶבֶן וָאָבֶן וּמֹאזְנֵי מִרְמָה לֹא טוֹב 
\v 24 מִיַּהְוֶה מִצְעֲדֵי גָבֶר וְאָדָם מַה יָּבִין דַּרְכּוֹ 
\v 25 מוֹקֵשׁ אָדָם יָלַע קֹדֶשׁ וְאַחַר נְדָרִים לְבַקֵּר 
\v 26 מְזָרֶה רְשָׁעִים מֶלֶךְ חָכָם וַיָּשֶׁב עֲלֵיהֶם אוֹפָן 
\v 27 נֵר יַהְוֶה נִשְׁמַת אָדָם חֹפֵשׂ כָּל חַדְרֵי בָטֶן 
\v 28 חֶסֶד וֶאֱמֶת יִצְּרוּ מֶלֶךְ וְסָעַד בַּחֶסֶד כִּסְאוֹ 
\v 29 תִּפְאֶרֶת בַּחוּרִים כֹּחָם וַהֲדַר זְקֵנִים שֵׂיבָה 
\v 30 חַבֻּרוֹת פֶּצַע תַּמְרִיק בְּרָע וּמַכּוֹת חַדְרֵי בָטֶן
\c 21
\m
\v 1 פַּלְגֵי מַיִם לֶב מֶלֶךְ בְּיַד יַהְוֶה עַל כָּל אֲשֶׁר יַחְפֹּץ יַטֶּנּוּ 
\v 2 כָּל דֶּרֶךְ אִישׁ יָשָׁר בְּעֵינָיו וְתֹכֵן לִבּוֹת יַהְוֶה 
\v 3 עֲשֹׂה צְדָקָה וּמִשְׁפָּט נִבְחָר לְיַהְוֶה מִזָּבַח 
\v 4 רוּם עֵינַיִם \f - \fr 21:4 \fr*\ft ⸃ וְרֹחַב \ft*\fw SR\fw* ¦ וּרְחַב \fw L\fw*\f*⸃ וְרֹחַב ⸂ לֵב נִר רְשָׁעִים חַטָּאת 
\v 5 מַחְשְׁבוֹת חָרוּץ אַךְ לְמוֹתָר וְכָל אָץ אַךְ לְמַחְסוֹר 
\v 6 פֹּעַל אֹצָרוֹת בִּלְשׁוֹן שָׁקֶר הֶבֶל נִדָּף מְבַקְשֵׁי מָוֶת 
\v 7 שֹׁד רְשָׁעִים יְגוֹרֵם כִּי מֵאֲנוּ לַעֲשׂוֹת מִשְׁפָּט 
\v 8 הֲפַכְפַּךְ דֶּרֶךְ אִישׁ וָזָר וְזַךְ יָשָׁר פָּעֳלוֹ 
\v 9 טוֹב לָשֶׁבֶת עַל פִּנַּת גָּג מֵאֵשֶׁת מִדְיָנִים וּבֵית חָבֶר 
\v 10 נֶפֶשׁ רָשָׁע אִוְּתָה רָע לֹא יֻחַן בְּעֵינָיו רֵעֵהוּ 
\v 11 בַּעֲנָשׁ לֵץ יֶחְכַּם פֶּתִי וּבְהַשְׂכִּיל לְחָכָם יִקַּח דָּעַת 
\v 12 מַשְׂכִּיל צַדִּיק לְבֵית רָשָׁע מְסַלֵּף רְשָׁעִים לָרָע 
\v 13 אֹטֵם אָזְנוֹ מִזַּעֲקַת דָּל גַּם הוּא יִקְרָא וְלֹא יֵעָנֶה 
\v 14 מַתָּן בַּסֵּתֶר יִכְפֶּה אָף וְשֹׁחַד בַּחֵק חֵמָה עַזָּה 
\v 15 שִׂמְחָה לַצַּדִּיק עֲשׂוֹת מִשְׁפָּט וּמְחִתָּה לְפֹעֲלֵי אָוֶן 
\v 16 אָדָם תּוֹעֶה מִדֶּרֶךְ הַשְׂכֵּל בִּקְהַל רְפָאִים יָנוּחַ 
\v 17 אִישׁ מַחְסוֹר אֹהֵב שִׂמְחָה אֹהֵב יַיִן וָשֶׁמֶן לֹא יַעֲשִׁיר 
\v 18 כֹּפֶר לַצַּדִּיק רָשָׁע וְתַחַת יְשָׁרִים בּוֹגֵד 
\v 19 טוֹב שֶׁבֶת בְּאֶרֶץ מִדְבָּר מֵאֵשֶׁת מְדוֹנִים וָכָעַס 
\v 20 אוֹצָר נֶחְמָד \f - \fr 21:20 \fr*\ft ⸃ יִשְׁכֹּן \ft*\fw SR\fw* ¦ וָשֶׁמֶן \fw L\fw*\f*⸃ יִשְׁכֹּן ⸂ בִּנְוֵה חָכָם וּכְסִיל אָדָם יְבַלְּעֶנּוּ 
\v 21 רֹדֵף צְדָקָה וָחָסֶד יִמְצָא חַיִּים צְדָקָה וְכָבוֹד 
\v 22 עִיר גִּבֹּרִים עָלָה חָכָם וַיֹּרֶד עֹז מִבְטֶחָה 
\v 23 שֹׁמֵר פִּיו וּלְשׁוֹנוֹ שֹׁמֵר מִצָּרוֹת נַפְשׁוֹ 
\v 24 זֵד יָהִיר לֵץ שְׁמוֹ עוֹשֶׂה בְּעֶבְרַת זָדוֹן 
\v 25 תַּאֲוַת עָצֵל תְּמִיתֶנּוּ כִּי מֵאֲנוּ יָדָיו לַעֲשׂוֹת 
\v 26 כָּל הַיּוֹם הִתְאַוָּה תַאֲוָה וְצַדִּיק יִתֵּן וְלֹא יַחְשֹׂךְ 
\v 27 זֶבַח רְשָׁעִים תּוֹעֵבָה אַף כִּי בְזִמָּה יְבִיאֶנּוּ 
\v 28 עֵד כְּזָבִים יֹאבֵד וְאִישׁ שׁוֹמֵעַ לָנֶצַח יְדַבֵּר 
\v 29 הֵעֵז אִישׁ רָשָׁע בְּפָנָיו וְיָשָׁר הוּא יָכִין דְּרָכָיו 
\v 30 אֵין חָכְמָה וְאֵין תְּבוּנָה וְאֵין עֵצָה לְנֶגֶד יַהְוֶה {פ}
\p
\v 31 סוּס מוּכָן לְיוֹם מִלְחָמָה וּלְיַהְוֶה הַתְּשׁוּעָה
\c 22
\m
\v 1 נִבְחָר שֵׁם מֵעֹשֶׁר רָב מִכֶּסֶף וּמִזָּהָב חֵן טוֹב 
\v 2 עָשִׁיר וָרָשׁ נִפְגָּשׁוּ עֹשֵׂה כֻלָּם יַהְוֶה 
\v 3 עָרוּם רָאָה רָעָה וַיִּסָּתֵר וּפְתָיִים עָבְרוּ וְנֶעֱנָשׁוּ 
\v 4 עֵקֶב עֲנָוָה יִרְאַת יַהְוֶה עֹשֶׁר וְכָבוֹד וְחַיִּים 
\v 5 צִנִּים פַּחִים בְּדֶרֶךְ עִקֵּשׁ שׁוֹמֵר נַפְשׁוֹ יִרְחַק מֵהֶם 
\v 6 חֲנֹךְ לַנַּעַר עַל פִּי דַרְכּוֹ גַּם כִּי יַזְקִין לֹא יָסוּר מִמֶּנָּה 
\v 7 עָשִׁיר בְּרָשִׁים יִמְשׁוֹל וְעֶבֶד לֹוֶה לְאִישׁ מַלְוֶה 
\v 8 זוֹרֵעַ עַוְלָה יִקְצוֹר אָוֶן וְשֵׁבֶט עֶבְרָתוֹ יִכְלֶה 
\v 9 טוֹב עַיִן הוּא יְבֹרָךְ כִּי נָתַן מִלַּחְמוֹ לַדָּל 
\v 10 גָּרֵשׁ לֵץ וְיֵצֵא מָדוֹן וְיִשְׁבֹּת דִּין וְקָלוֹן 
\v 11 אֹהֵב טְהוֹר לֵב חֵן שְׂפָתָיו רֵעֵהוּ מֶלֶךְ 
\v 12 עֵינֵי יַהְוֶה נָצְרוּ דָעַת וַיְסַלֵּף דִּבְרֵי בֹגֵד 
\v 13 אָמַר עָצֵל אֲרִי בַחוּץ בְּתוֹךְ רְחֹבוֹת אֵרָצֵחַ 
\v 14 שׁוּחָה עֲמֻקָּה פִּי זָרוֹת זְעוּם יַהְוֶה יִפּוֹל שָׁם 
\v 15 אִוֶּלֶת קְשׁוּרָה בְלֶב נָעַר שֵׁבֶט מוּסָר יַרְחִיקֶנָּה מִמֶּנּוּ 
\v 16 עֹשֵׁק דָּל לְהַרְבּוֹת לוֹ נֹתֵן לְעָשִׁיר אַךְ לְמַחְסוֹר 
\v 17 הַט אָזְנְךָ וּשְׁמַע דִּבְרֵי חֲכָמִים וְלִבְּךָ תָּשִׁית לְדַעְתִּי 
\v 18 כִּי נָעִים כִּי תִשְׁמְרֵם בְּבִטְנֶךָ יִכֹּנוּ יַחְדָּו עַל שְׂפָתֶיךָ 
\v 19 לִהְיוֹת בְּיַהְוֶה מִבְטַחֶךָ הוֹדַעְתִּיךָ הַיּוֹם אַף אָתָּה 
\v 20 הֲלֹא כָתַבְתִּי לְךָ \f - \fr 22:20 \fr*\ft ⸃ שְׁלֹשִׁם \ft*\fw SR\fw* ¦ שלשום \fw L\fw*\f*⸃ שְׁלֹשִׁם ⸂ בְּמֹעֵצוֹת וָדָעַת 
\v 21 לְהוֹדִיעֲךָ קֹשְׁטְ \f - \fr 22:21 \fr*\ft ⸃ אוֹמֵר \ft*\fw SR\fw* ¦ אִמְרֵי \fw L\fw*\f*⸃ אוֹמֵר ⸂ אֱמֶת לְהָשִׁיב אֲמָרִים אֱמֶת לְשֹׁלְחֶיךָ {פ}
\p
\v 22 אַל תִּגְזָל דָּל כִּי דַל הוּא וְאַל תְּדַכֵּא עָנִי בַשָּׁעַר 
\v 23 כִּי יַהְוֶה יָרִיב רִיבָם וְקָבַע אֶת קֹבְעֵיהֶם נָפֶשׁ 
\v 24 אַל תִּתְרַע אֶת בַּעַל אָף וְאֶת אִישׁ חֵמוֹת לֹא תָבוֹא 
\v 25 פֶּן תֶּאֱלַף אֹרְחֹתָו וְלָקַחְתָּ מוֹקֵשׁ לְנַפְשֶׁךָ 
\v 26 אַל תְּהִי בְתֹקְעֵי כָף בַּעֹרְבִים מַשָּׁאוֹת 
\v 27 אִם אֵין לְךָ לְשַׁלֵּם לָמָּה יִקַּח מִשְׁכָּבְךָ מִתַּחְתֶּיךָ 
\v 28 אַל תַּסֵּג גְּבוּל עוֹלָם אֲשֶׁר עָשׂוּ אֲבוֹתֶיךָ 
\v 29 חָזִיתָ אִישׁ מָהִיר בִּמְלַאכְתּוֹ לִפְנֵי מְלָכִים יִתְיַצָּב בַּל יִתְיַצֵּב לִפְנֵי חֲשֻׁכִּים {פ}
\c 23
\p
\v 1 כִּי תֵשֵׁב לִלְחוֹם אֶת מוֹשֵׁל בִּין תָּבִין אֶת אֲשֶׁר לְפָנֶיךָ 
\v 2 וְשַׂמְתָּ שַׂכִּין בְּלֹעֶךָ אִם בַּעַל נֶפֶשׁ אָתָּה 
\v 3 אַל תִּתְאָו לְמַטְעַמּוֹתָיו וְהוּא לֶחֶם כְּזָבִים 
\v 4 אַל תִּיגַע לְהַעֲשִׁיר מִבִּינָתְךָ חֲדָל 
\v 5 הֲתָעוּף עֵינֶיךָ בּוֹ וְאֵינֶנּוּ כִּי עָשֹׂה יַעֲשֶׂה לּוֹ כְנָפַיִם כְּנֶשֶׁר \f - \fr 23:5 \fr*\ft ⸃ יָעוּף \ft*\fw SR\fw* ¦ ועיף \fw L\fw*\f*⸃ יָעוּף ⸂ הַשָּׁמָיִם {פ}
\p
\v 6 אַל תִּלְחַם אֶת לֶחֶם רַע עָיִן וְאַל תִּתְאָו לְמַטְעַמֹּתָיו 
\v 7 כִּי כְּמוֹ \f - \fr 23:7 \fr*\ft ⸃ שֹׁעֵר \ft*\fw SR\fw* ¦ שָׁעַר \fw L\fw*\f*⸃ שֹׁעֵר ⸂ בְּנַפְשׁוֹ כֶּן הוּא אֱכוֹל וּשְׁתֵה יֹאמַר לָךְ וְלִבּוֹ בַּל עִמָּךְ 
\v 8 פִּתְּךָ אָכַלְתָּ תְקִיאֶנָּה וְשִׁחַתָּ דְּבָרֶיךָ הַנְּעִימִים 
\v 9 בְּאָזְנֵי כְסִיל אַל תְּדַבֵּר כִּי יָבוּז לְשֵׂכֶל מִלֶּיךָ 
\v 10 אַל תַּסֵּג גְּבוּל עוֹלָם וּבִשְׂדֵי יְתוֹמִים אַל תָּבֹא 
\v 11 כִּי גֹאֲלָם חָזָק הוּא יָרִיב אֶת רִיבָם אִתָּךְ 
\v 12 הָבִיאָה לַמּוּסָר לִבֶּךָ וְאָזְנֶךָ לְאִמְרֵי דָעַת 
\v 13 אַל תִּמְנַע מִנַּעַר מוּסָר כִּי תַכֶּנּוּ בַשֵּׁבֶט לֹא יָמוּת 
\v 14 אַתָּה בַּשֵּׁבֶט תַּכֶּנּוּ וְנַפְשׁוֹ מִשְּׁאוֹל תַּצִּיל 
\v 15 בְּנִי אִם חָכַם לִבֶּךָ יִשְׂמַח לִבִּי גַם אָנִי 
\v 16 וְתַעְלֹזְנָה כִלְיוֹתָי בְּדַבֵּר שְׂפָתֶיךָ מֵישָׁרִים 
\v 17 אַל יְקַנֵּא לִבְּךָ בַּחַטָּאִים כִּי אִם בְּיִרְאַת יַהְוֶה כָּל הַיּוֹם 
\v 18 כִּי אִם \f - \fr 23:18 \fr*\ft ⸋ תִּשְׁמְרֶנָּה \ft*\fw SR\fw* ¦ – \fw L\fw*\f*⸋ תִּשְׁמְרֶנָּה ⸌ יֵשׁ אַחֲרִית וְתִקְוָתְךָ לֹא תִכָּרֵת 
\v 19 שְׁמַע אַתָּה בְנִי וַחֲכָם וְאַשֵּׁר בַּדֶּרֶךְ לִבֶּךָ 
\v 20 אַל תְּהִי בְסֹבְאֵי יָיִן בְּזֹלֲלֵי בָשָׂר לָמוֹ 
\v 21 כִּי סֹבֵא וְזוֹלֵל יִוָּרֵשׁ וּקְרָעִים תַּלְבִּישׁ נוּמָה 
\v 22 שְׁמַע לְאָבִיךָ זֶה יְלָדֶךָ וְאַל תָּבוּז כִּי זָקְנָה אִמֶּךָ 
\v 23 אֱמֶת קְנֵה וְאַל תִּמְכֹּר חָכְמָה וּמוּסָר וּבִינָה 
\v 24 גּוֹל \f - \fr 23:24 \fr*\ft ⸃ יָגִיל \ft*\fw SR\fw* ¦ יגול \fw L\fw*\f*⸃ יָגִיל ⸂ אֲבִי צַדִּיק יוֹלֵד חָכָם וְיִשְׂמַח בּוֹ 
\v 25 יִשְׂמַח אָבִיךָ וְאִמֶּךָ וְתָגֵל יוֹלַדְתֶּךָ 
\v 26 תְּנָה בְנִי לִבְּךָ לִי וְעֵינֶיךָ דְּרָכַי \f - \fr 23:26 \fr*\ft ⸃ תִּצֹּרְנָה \ft*\fw SR\fw* ¦ תרצנה \fw L\fw*\f*⸃ תִּצֹּרְנָה ⸂ 
\v 27 כִּי שׁוּחָה עֲמֻקָּה זוֹנָה וּבְאֵר צָרָה נָכְרִיָּה 
\v 28 אַף הִיא כְּחֶתֶף תֶּאֱרֹב וּבוֹגְדִים בְּאָדָם תּוֹסִף 
\v 29 לְמִי אוֹי לְמִי אֲבוֹי לְמִי מְדוֹנִים לְמִי שִׂיחַ לְמִי פְּצָעִים חִנָּם לְמִי חַכְלִלוּת עֵינָיִם 
\v 30 לַמְאַחֲרִים עַל הַיָּיִן לַבָּאִים לַחְקֹר מִמְסָךְ 
\v 31 אַל תֵּרֶא יַיִן כִּי יִתְאַדָּם כִּי יִתֵּן \f - \fr 23:31 \fr*\ft ⸃ בַּכּוֹס \ft*\fw SR\fw* ¦ בכיס \fw L\fw*\f*⸃ בַּכּוֹס ⸂ עֵינוֹ יִתְהַלֵּךְ בְּמֵישָׁרִים 
\v 32 אַחֲרִיתוֹ כְּנָחָשׁ יִשָּׁךְ וּכְצִפְעֹנִי יַפְרִשׁ 
\v 33 עֵינֶיךָ יִרְאוּ זָרוֹת וְלִבְּךָ יְדַבֵּר תַּהְפֻּכוֹת 
\v 34 וְהָיִיתָ כְּשֹׁכֵב בְּלֶב יָם וּכְשֹׁכֵב בְּרֹאשׁ חִבֵּל 
\v 35 הִכּוּנִי בַל חָלִיתִי הֲלָמוּנִי בַּל יָדָעְתִּי מָתַי אָקִיץ אוֹסִיף אֲבַקְשֶׁנּוּ עוֹד
\c 24
\m
\v 1 אַל תְּקַנֵּא בְּאַנְשֵׁי רָעָה וְאַל תִּתְאָו לִהְיוֹת אִתָּם 
\v 2 כִּי שֹׁד יֶהְגֶּה לִבָּם וְעָמָל שִׂפְתֵיהֶם תְּדַבֵּרְנָה 
\v 3 בְּחָכְמָה יִבָּנֶה בָּיִת וּבִתְבוּנָה יִתְכּוֹנָן 
\v 4 וּבְדַעַת חֲדָרִים יִמָּלְאוּ כָּל הוֹן יָקָר וְנָעִים 
\v 5 \f - \fr 24:5 \fr*\ft ⸃ גָּבַר \ft*\fw SR\fw* ¦ גֶּבֶר \fw L\fw*\f*⸃ גָּבַר ⸂ חָכָם \f - \fr 24:5 \fr*\ft ⸃ מֵעָז \ft*\fw SR\fw* ¦ בַּעוֹז \fw L\fw*\f*⸃ מֵעָז ⸂ וְאִישׁ דַּעַת \f - \fr 24:5 \fr*\ft ⸃ מֵאַמִּץ \ft*\fw SR\fw* ¦ מְאַמֶּץ \fw L\fw*\f*⸃ מֵאַמִּץ ⸂ כֹּחַ 
\v 6 כִּי בְתַחְבֻּלוֹת תַּעֲשֶׂה לְּךָ מִלְחָמָה וּתְשׁוּעָה בְּרֹב יוֹעֵץ 
\v 7 רָאמוֹת לֶאֱוִיל חָכְמוֹת בַּשַּׁעַר לֹא יִפְתַּח פִּיהוּ 
\v 8 מְחַשֵּׁב לְהָרֵעַ לוֹ בַּעַל מְזִמּוֹת יִקְרָאוּ 
\v 9 זִמַּת אִוֶּלֶת חַטָּאת וְתוֹעֲבַת לְאָדָם לֵץ 
\v 10 הִתְרַפִּיתָ בְּיוֹם צָרָה צַר כֹּחֶכָה 
\v 11 הַצֵּל לְקֻחִים לַמָּוֶת וּמָטִים לַהֶרֶג אִם תַּחְשׂוֹךְ 
\v 12 כִּי תֹאמַר הֵן לֹא יָדַעְנוּ זֶה הֲלֹא תֹכֵן לִבּוֹת הוּא יָבִין וְנֹצֵר נַפְשְׁךָ הוּא יֵדָע וְהֵשִׁיב לְאָדָם כְּפָעֳלוֹ 
\v 13 אֱכָל בְּנִי דְבַשׁ כִּי טוֹב וְנֹפֶת מָתוֹק עַל חִכֶּךָ 
\v 14 כֵּן דְּעֶה חָכְמָה לְנַפְשֶׁךָ אִם מָצָאתָ וְיֵשׁ אַחֲרִית וְתִקְוָתְךָ לֹא תִכָּרֵת {פ}
\p
\v 15 אַל תֶּאֱרֹב רָשָׁע לִנְוֵה צַדִּיק אַל תְּשַׁדֵּד רִבְצוֹ 
\v 16 כִּי שֶׁבַע יִפּוֹל צַדִּיק וָקָם וּרְשָׁעִים יִכָּשְׁלוּ בְרָעָה 
\v 17 בִּנְפֹל \f - \fr 24:17 \fr*\ft ⸃ אוֹיִבְךָ \ft*\fw SR\fw* ¦ אויביך \fw L\fw*\f*⸃ אוֹיִבְךָ ⸂ אַל תִּשְׂמָח וּבִכָּשְׁלוֹ אַל יָגֵל לִבֶּךָ 
\v 18 פֶּן יִרְאֶה יַהְוֶה וְרַע בְּעֵינָיו וְהֵשִׁיב מֵעָלָיו אַפּוֹ {פ}
\p
\v 19 אַל תִּתְחַר בַּמְּרֵעִים אַל תְּקַנֵּא בָּרְשָׁעִים 
\v 20 כִּי לֹא תִהְיֶה אַחֲרִית לָרָע נֵר רְשָׁעִים יִדְעָךְ 
\v 21 יְרָא אֶת יַהְוֶה בְּנִי וָמֶלֶךְ עִם שׁוֹנִים אַל תִּתְעָרָב 
\v 22 כִּי פִתְאֹם יָקוּם אֵידָם וּפִיד שְׁנֵיהֶם מִי יוֹדֵעַ {פ}
\p
\v 23 גַּם אֵלֶּה לַחֲכָמִים הַכֵּר פָּנִים בְּמִשְׁפָּט בַּל טוֹב 
\v 24 אֹמֵר לְרָשָׁע צַדִּיק אָתָּה יִקְּבֻהוּ עַמִּים יִזְעָמוּהוּ לְאֻמִּים 
\v 25 וְלַמּוֹכִיחִים יִנְעָם וַעֲלֵיהֶם תָּבוֹא בִרְכַּת טוֹב 
\v 26 שְׂפָתַיִם יִשָּׁק מֵשִׁיב דְּבָרִים נְכֹחִים 
\v 27 הָכֵן בַּחוּץ מְלַאכְתֶּךָ וְעַתְּדָהּ בַּשָּׂדֶה לָךְ אַחַר וּבָנִיתָ בֵיתֶךָ {פ}
\p
\v 28 אַל תְּהִי עֵד חִנָּם בְּרֵעֶךָ וַהֲפִתִּיתָ בִּשְׂפָתֶיךָ 
\v 29 אַל תֹּאמַר כַּאֲשֶׁר עָשָׂה לִי כֵּן אֶעֱשֶׂה לּוֹ אָשִׁיב לָאִישׁ כְּפָעֳלוֹ {פ}
\p
\v 30 עַל שְׂדֵה אִישׁ עָצֵל עָבַרְתִּי וְעַל כֶּרֶם אָדָם חֲסַר לֵב 
\v 31 וְהִנֵּה עָלָה כֻלּוֹ קִמְּשֹׂנִים כָּסּוּ פָנָיו חֲרֻלִּים וְגֶדֶר אֲבָנָיו נֶהֱרָסָה 
\v 32 וָאֶחֱזֶה אָנֹכִי אָשִׁית לִבִּי רָאִיתִי לָקַחְתִּי מוּסָר 
\v 33 מְעַט שֵׁנוֹת מְעַט תְּנוּמוֹת מְעַט חִבֻּק יָדַיִם לִשְׁכָּב 
\v 34 וּבָא מִתְהַלֵּךְ רֵישֶׁךָ וּמַחְסֹרֶיךָ כְּאִישׁ מָגֵן {פ}
\c 25
\p
\v 1 גַּם אֵלֶּה מִשְׁלֵי שְׁלֹמֹה אֲשֶׁר הֶעְתִּיקוּ אַנְשֵׁי חִזְקִיָּה מֶלֶךְ יְהוּדָה 
\v 2 כְּבֹד אֱלֹהִים הַסְתֵּר דָּבָר וּכְבֹד מְלָכִים חֲקֹר דָּבָר 
\v 3 שָׁמַיִם לָרוּם וָאָרֶץ לָעֹמֶק וְלֵב מְלָכִים אֵין חֵקֶר 
\v 4 הָגוֹ סִיגִים מִכָּסֶף וַיֵּצֵא לַצֹּרֵף כֶּלִי 
\v 5 הָגוֹ רָשָׁע לִפְנֵי מֶלֶךְ וְיִכּוֹן בַּצֶּדֶק כִּסְאוֹ 
\v 6 אַל תִּתְהַדַּר לִפְנֵי מֶלֶךְ וּבִמְקוֹם גְּדֹלִים אַל תַּעֲמֹד 
\v 7 כִּי טוֹב אֲמָר לְךָ עֲלֵה הֵנָּה מֵהַשְׁפִּילְךָ לִפְנֵי נָדִיב אֲשֶׁר רָאוּ עֵינֶיךָ 
\v 8 אַל תֵּצֵא לָרִב מַהֵר פֶּן מַה תַּעֲשֶׂה בְּאַחֲרִיתָהּ בְּהַכְלִים אֹתְךָ רֵעֶךָ 
\v 9 רִיבְךָ רִיב אֶת רֵעֶךָ וְסוֹד אַחֵר אַל תְּגָל 
\v 10 פֶּן יְחַסֶּדְךָ שֹׁמֵעַ וְדִבָּתְךָ לֹא תָשׁוּב 
\v 11 תַּפּוּחֵי זָהָב בְּמַשְׂכִּיּוֹת כָּסֶף דָּבָר דָּבֻר עַל אָפְנָיו 
\v 12 נֶזֶם זָהָב וַחֲלִי כָתֶם מוֹכִיחַ חָכָם עַל אֹזֶן שֹׁמָעַת 
\v 13 כְּצִנַּת שֶׁלֶג בְּיוֹם קָצִיר צִיר נֶאֱמָן לְשֹׁלְחָיו וְנֶפֶשׁ אֲדֹנָיו יָשִׁיב {פ}
\p
\v 14 נְשִׂיאִים וְרוּחַ וְגֶשֶׁם אָיִן אִישׁ מִתְהַלֵּל בְּמַתַּת שָׁקֶר 
\v 15 בְּאֹרֶךְ אַפַּיִם יְפֻתֶּה קָצִין וְלָשׁוֹן רַכָּה תִּשְׁבָּר גָּרֶם 
\v 16 דְּבַשׁ מָצָאתָ אֱכֹל דַּיֶּךָּ פֶּן תִּשְׂבָּעֶנּוּ וַהֲקֵאתוֹ 
\v 17 הֹקַר רַגְלְךָ מִבֵּית רֵעֶךָ פֶּן יִשְׂבָּעֲךָ וּשְׂנֵאֶךָ 
\v 18 \f - \fr 25:18 \fr*\ft ⸃ מַפֵּיץ \ft*\fw SR\fw* ¦ מֵפִיץ \fw L\fw*\f*⸃ מַפֵּיץ ⸂ וְחֶרֶב וְחֵץ שָׁנוּן אִישׁ עֹנֶה בְרֵעֵהוּ עֵד שָׁקֶר 
\v 19 שֵׁן רֹעָה וְרֶגֶל מוּעָדֶת מִבְטָח בּוֹגֵד בְּיוֹם צָרָה 
\v 20 \f - \fr 25:20 \fr*\ft ⸆ – \ft*\fw SR\fw* ¦ מַעֲדֶה בֶּגֶד בְּיוֹם קָרָה \fw L\fw*\f*⸆ חֹמֶץ עַל נָתֶר וְשָׁר בַּשִּׁרִים עַל לֶב רָע {פ}
\p
\v 21 אִם רָעֵב שֹׂנַאֲךָ הַאֲכִלֵהוּ לָחֶם וְאִם צָמֵא הַשְׁקֵהוּ מָיִם 
\v 22 כִּי גֶחָלִים אַתָּה חֹתֶה עַל רֹאשׁוֹ וְיַהְוֶה יְשַׁלֶּם לָךְ 
\v 23 רוּחַ צָפוֹן תְּחוֹלֵל גָּשֶׁם וּפָנִים נִזְעָמִים לְשׁוֹן סָתֶר 
\v 24 טוֹב שֶׁבֶת עַל פִּנַּת גָּג מֵאֵשֶׁת מְדוֹנִים וּבֵית חָבֶר 
\v 25 מַיִם קָרִים עַל נֶפֶשׁ עֲיֵפָה וּשְׁמוּעָה טוֹבָה מֵאֶרֶץ מֶרְחָק 
\v 26 מַעְיָן נִרְפָּשׂ וּמָקוֹר מָשְׁחָת צַדִּיק מָט לִפְנֵי רָשָׁע 
\v 27 אָכֹל דְּבַשׁ הַרְבּוֹת לֹא טוֹב \f - \fr 25:27 \fr*\ft ⸃ וְהֹקֵר \ft*\fw SR\fw* ¦ וְחֵקֶר \fw L\fw*\f*⸃ וְהֹקֵר ⸂ \f - \fr 25:27 \fr*\ft ⸃ דְּבָרִם \ft*\fw SR\fw* ¦ כְּבֹדָם \fw L\fw*\f*⸃ דְּבָרִם ⸂ כָּבוֹד 
\v 28 עִיר פְּרוּצָה אֵין חוֹמָה אִישׁ אֲשֶׁר אֵין מַעְצָר לְרוּחוֹ
\c 26
\m
\v 1 כַּשֶּׁלֶג בַּקַּיִץ וְכַמָּטָר בַּקָּצִיר כֵּן לֹא נָאוֶה לִכְסִיל כָּבוֹד 
\v 2 כַּצִּפּוֹר לָנוּד כַּדְּרוֹר לָעוּף כֵּן קִלְלַת חִנָּם לֹא תָבֹא 
\v 3 שׁוֹט לַסּוּס מֶתֶג לַחֲמוֹר וְשֵׁבֶט לְגֵו כְּסִילִים 
\v 4 אַל תַּעַן כְּסִיל כְּאִוַּלְתּוֹ פֶּן תִּשְׁוֶה לּוֹ גַם אָתָּה 
\v 5 עֲנֵה כְסִיל כְּאִוַּלְתּוֹ פֶּן יִהְיֶה חָכָם בְּעֵינָיו 
\v 6 מְקַצֶּה רַגְלַיִם חָמָס שֹׁתֶה שֹׁלֵחַ דְּבָרִים בְּיַד כְּסִיל 
\v 7 דַּלְיוּ שֹׁקַיִם מִפִּסֵּחַ וּמָשָׁל בְּפִי כְסִילִים 
\v 8 כִּצְרוֹר אֶבֶן בְּמַרְגֵּמָה כֵּן נוֹתֵן לִכְסִיל כָּבוֹד 
\v 9 חוֹחַ עָלָה בְיַד שִׁכּוֹר וּמָשָׁל בְּפִי כְסִילִים 
\v 10 רַב \f - \fr 26:10 \fr*\ft ⸃ מְחוֹלָל כֹּל בְּשַׂר \ft*\fw SR\fw* ¦ מְחוֹלֵל כֹּל וְשֹׂכֵר \fw L\fw*\f*⸃ מְחוֹלָל כֹּל בְּשַׂר ⸂ כְּסִיל \f - \fr 26:10 \fr*\ft ⸃ וְשִׁכֹּר עֹבֵר יָם \ft*\fw SR\fw* ¦ וְשֹׂכֵר עֹבְרִים \fw L\fw*\f*⸃ וְשִׁכֹּר עֹבֵר יָם ⸂ 
\v 11 כְּכֶלֶב שָׁב עַל קֵאוֹ כְּסִיל שׁוֹנֶה בְאִוַּלְתּוֹ 
\v 12 רָאִיתָ אִישׁ חָכָם בְּעֵינָיו תִּקְוָה לִכְסִיל מִמֶּנּוּ 
\v 13 אָמַר עָצֵל שַׁחַל בַּדָּרֶךְ אֲרִי בֵּין הָרְחֹבוֹת 
\v 14 הַדֶּלֶת תִּסּוֹב עַל צִירָהּ וְעָצֵל עַל מִטָּתוֹ 
\v 15 טָמַן עָצֵל יָדוֹ בַּצַּלָּחַת נִלְאָה לַהֲשִׁיבָהּ אֶל פִּיו 
\v 16 חָכָם עָצֵל בְּעֵינָיו מִשִּׁבְעָה מְשִׁיבֵי טָעַם 
\v 17 מַחֲזִיק בְּאָזְנֵי כָלֶב עֹבֵר מִתְעַבֵּר עַל רִיב לֹא לוֹ 
\v 18 כְּמִתְלַהְלֵהַּ הַיֹּרֶה זִקִּים חִצִּים וָמָוֶת 
\v 19 כֵּן אִישׁ רִמָּה אֶת רֵעֵהוּ וְאָמַר הֲלֹא מְשַׂחֵק אָנִי 
\v 20 בְּאֶפֶס עֵצִים תִּכְבֶּה אֵשׁ וּבְאֵין נִרְגָּן יִשְׁתֹּק מָדוֹן 
\v 21 פֶּחָם לְגֶחָלִים וְעֵצִים לְאֵשׁ וְאִישׁ מְדוֹנִים לְחַרְחַר רִיב {פ}
\p
\v 22 דִּבְרֵי נִרְגָּן כְּמִתְלַהֲמִים וְהֵם יָרְדוּ חַדְרֵי בָטֶן 
\v 23 כֶּסֶף סִיגִים מְצֻפֶּה עַל חָרֶשׂ שְׂפָתַיִם דֹּלְקִים וְלֶב רָע 
\v 24 בִּשְׂפָתָו יִנָּכֵר שׂוֹנֵא וּבְקִרְבּוֹ יָשִׁית מִרְמָה 
\v 25 כִּי יְחַנֵּן קוֹלוֹ אַל תַּאֲמֶן בּוֹ כִּי שֶׁבַע תּוֹעֵבוֹת בְּלִבּוֹ 
\v 26 תִּכַּסֶּה שִׂנְאָה בְּמַשָּׁאוֹן תִּגָּלֶה רָעָתוֹ בְקָהָל 
\v 27 כֹּרֶה שַּׁחַת בָּהּ יִפּוֹל וְגֹלֵל אֶבֶן אֵלָיו תָּשׁוּב 
\v 28 לְשׁוֹן שֶׁקֶר יִשְׂנָא דַכָּיו וּפֶה חָלָק יַעֲשֶׂה מִדְחֶה
\c 27
\m
\v 1 אַל תִּתְהַלֵּל בְּיוֹם מָחָר כִּי לֹא תֵדַע מַה יֵּלֶד יוֹם 
\v 2 יְהַלֶּלְךָ זָר וְלֹא פִיךָ נָכְרִי וְאַל שְׂפָתֶיךָ 
\v 3 כֹּבֶד אֶבֶן וְנֵטֶל הַחוֹל וְכַעַס אֱוִיל כָּבֵד מִשְּׁנֵיהֶם 
\v 4 אַכְזְרִיּוּת חֵמָה וְשֶׁטֶף אָף וּמִי יַעֲמֹד לִפְנֵי קִנְאָה 
\v 5 טוֹבָה תּוֹכַחַת מְגֻלָּה מֵאַהֲבָה מְסֻתָּרֶת 
\v 6 נֶאֱמָנִים פִּצְעֵי אוֹהֵב וְנַעְתָּרוֹת נְשִׁיקוֹת שׂוֹנֵא 
\v 7 נֶפֶשׁ שְׂבֵעָה תָּבוּס נֹפֶת וְנֶפֶשׁ רְעֵבָה כָּל מַר מָתוֹק 
\v 8 כְּצִפּוֹר נוֹדֶדֶת מִן קִנָּהּ כֵּן אִישׁ נוֹדֵד מִמְּקוֹמוֹ 
\v 9 שֶׁמֶן וּקְטֹרֶת יְשַׂמַּח לֵב \f - \fr 27:9 \fr*\ft ⸃ וּמִתְקָרְעָה מֵעַצֶּבֶת \ft*\fw SR\fw* ¦ וּמֶתֶק רֵעֵהוּ מֵעֲצַת \fw L\fw*\f*⸃ וּמִתְקָרְעָה מֵעַצֶּבֶת ⸂ נָפֶשׁ 
\v 10 רֵעֲךָ וְרֵעֶה אָבִיךָ אַל תַּעֲזֹב וּבֵית אָחִיךָ אַל תָּבוֹא בְּיוֹם אֵידֶךָ טוֹב שָׁכֵן קָרוֹב מֵאָח רָחוֹק 
\v 11 חֲכַם בְּנִי וְשַׂמַּח לִבִּי וְאָשִׁיבָה חֹרְפִי דָבָר 
\v 12 עָרוּם רָאָה רָעָה נִסְתָּר פְּתָאיִם עָבְרוּ נֶעֱנָשׁוּ 
\v 13 קַח בִּגְדוֹ כִּי עָרַב זָר וּבְעַד \f - \fr 27:13 \fr*\ft ⸃ נָכְרִים \ft*\fw SR\fw* ¦ נָכְרִיָּה \fw L\fw*\f*⸃ נָכְרִים ⸂ חַבְלֵהוּ 
\v 14 מְבָרֵךְ רֵעֵהוּ בְּקוֹל גָּדוֹל בַּבֹּקֶר הַשְׁכֵּים קְלָלָה תֵּחָשֶׁב לוֹ 
\v 15 דֶּלֶף טוֹרֵד בְּיוֹם סַגְרִיר וְאֵשֶׁת מְדוֹנִים נִשְׁתָּוָה 
\v 16 \f - \fr 27:16 \fr*\ft ⸆ – \ft*\fw SR\fw* ¦ צֹפְנֶיהָ \fw L\fw*\f*⸆ \f - \fr 27:16 \fr*\ft ⸃ צָפֹן \ft*\fw SR\fw* ¦ צָפַן \fw L\fw*\f*⸃ צָפֹן ⸂ רוּחַ וְשֶׁמֶן יְמִינוֹ יִקְרָא 
\v 17 בַּרְזֶל בְּבַרְזֶל יָחַד וְאִישׁ יַחַד פְּנֵי רֵעֵהוּ 
\v 18 נֹצֵר תְּאֵנָה יֹאכַל פִּרְיָהּ וְשֹׁמֵר אֲדֹנָיו יְכֻבָּד 
\v 19 כַּמַּיִם הַפָּנִים לַפָּנִים כֵּן לֵב הָאָדָם לָאָדָם 
\v 20 שְׁאוֹל וַאֲבַדֹּה לֹא תִשְׂבַּעְנָה וְעֵינֵי הָאָדָם לֹא תִשְׂבַּעְנָה 
\v 21 מַצְרֵף לַכֶּסֶף וְכוּר לַזָּהָב וְאִישׁ לְפִי מַהֲלָלוֹ 
\v 22 אִם תִּכְתּוֹשׁ אֶת הָאֱוִיל בַּמַּכְתֵּשׁ בְּתוֹךְ הָרִיפוֹת בַּעֱלִי לֹא תָסוּר מֵעָלָיו אִוַּלְתּוֹ {פ}
\p
\v 23 יָדֹעַ תֵּדַע פְּנֵי צֹאנֶךָ שִׁית לִבְּךָ לַעֲדָרִים 
\v 24 כִּי לֹא לְעוֹלָם חֹסֶן וְאִם נֵזֶר לְדוֹר דּוֹר 
\v 25 גָּלָה חָצִיר וְנִרְאָה דֶשֶׁא וְנֶאֶסְפוּ עִשְּׂבוֹת הָרִים 
\v 26 כְּבָשִׂים לִלְבוּשֶׁךָ וּמְחִיר שָׂדֶה עַתּוּדִים 
\v 27 וְדֵי חֲלֵב עִזִּים לְלַחְמְךָ לְלֶחֶם בֵּיתֶךָ וְחַיִּים לְנַעֲרוֹתֶיךָ
\c 28
\m
\v 1 \f - \fr 28:1 \fr*\ft ⸃ נָס \ft*\fw SR\fw* ¦ נָסוּ \fw L\fw*\f*⸃ נָס ⸂ וְאֵין רֹדֵף רָשָׁע וְצַדִּיקִים כִּכְפִיר יִבְטָח 
\v 2 בְּפֶשַׁע אֶרֶץ רַבִּים שָׂרֶיהָ וּבְאָדָם מֵבִין \f - \fr 28:2 \fr*\ft ⸃ יָדֹעַ \ft*\fw SR\fw* ¦ יֹדֵעַ \fw L\fw*\f*⸃ יָדֹעַ ⸂ כֵּן יַאֲרִיךְ 
\v 3 גֶּבֶר רָשׁ וְעֹשֵׁק דַּלִּים מָטָר סֹחֵף וְאֵין לָחֶם 
\v 4 עֹזְבֵי תוֹרָה יְהַלְלוּ רָשָׁע וְשֹׁמְרֵי תוֹרָה יִתְגָּרוּ בָם {פ}
\p
\v 5 אַנְשֵׁי רָע לֹא יָבִינוּ מִשְׁפָּט וּמְבַקְשֵׁי יַהְוֶה יָבִינוּ כֹל 
\v 6 טוֹב רָשׁ הוֹלֵךְ בְּתֻמּוֹ מֵעִקֵּשׁ דְּרָכַיִם וְהוּא עָשִׁיר 
\v 7 נוֹצֵר תּוֹרָה בֵּן מֵבִין וְרֹעֶה זוֹלְלִים יַכְלִים אָבִיו 
\v 8 מַרְבֶּה הוֹנוֹ בְּנֶשֶׁךְ וּבְתַרְבִּית לְחוֹנֵן דַּלִּים יִקְבְּצֶנּוּ 
\v 9 מֵסִיר אָזְנוֹ מִשְּׁמֹעַ תּוֹרָה גַּם תְּפִלָּתוֹ תּוֹעֵבָה 
\v 10 מַשְׁגֶּה יְשָׁרִים בְּדֶרֶךְ רָע בִּשְׁחוּתוֹ הוּא יִפּוֹל וּתְמִימִים יִנְחֲלוּ טוֹב {פ}
\p
\v 11 חָכָם בְּעֵינָיו אִישׁ עָשִׁיר וְדַל מֵבִין יַחְקְרֶנּוּ 
\v 12 בַּעֲלֹץ צַדִּיקִים רַבָּה תִפְאָרֶת וּבְקוּם רְשָׁעִים יְחֻפַּשׂ אָדָם 
\v 13 מְכַסֶּה פְשָׁעָיו לֹא יַצְלִיחַ וּמוֹדֶה וְעֹזֵב יְרֻחָם 
\v 14 אַשְׁרֵי אָדָם מְפַחֵד תָּמִיד וּמַקְשֶׁה לִבּוֹ יִפּוֹל בְּרָעָה 
\v 15 אֲרִי נֹהֵם וְדֹב שׁוֹקֵק מוֹשֵׁל רָשָׁע עַל עַם דָּל 
\v 16 נָגִיד חֲסַר תְּבוּנוֹת וְרַב מַעֲשַׁקּוֹת \f - \fr 28:16 \fr*\ft ⸃ שֹׂנֵא \ft*\fw SR\fw* ¦ שנאי \fw L\fw*\f*⸃ שֹׂנֵא ⸂ בֶצַע יַאֲרִיךְ יָמִים {פ}
\p
\v 17 אָדָם עָשֻׁק בְּדַם נָפֶשׁ עַד בּוֹר יָנוּס אַל יִתְמְכוּ בוֹ 
\v 18 הוֹלֵךְ תָּמִים יִוָּשֵׁעַ וְנֶעְקַשׁ דְּרָכַיִם יִפּוֹל בְּאֶחָת 
\v 19 עֹבֵד אַדְמָתוֹ יִשְׂבַּע לָחֶם וּמְרַדֵּף רֵיקִים יִשְׂבַּע רִישׁ 
\v 20 אִישׁ אֱמוּנוֹת רַב בְּרָכוֹת וְאָץ לְהַעֲשִׁיר לֹא יִנָּקֶה 
\v 21 הַכֵּר פָּנִים לֹא טוֹב וְעַל פַּת לֶחֶם יִפְשַׁע גָּבֶר 
\v 22 נִבֳהָל לַהוֹן אִישׁ רַע עָיִן וְלֹא יֵדַע כִּי חֶסֶר יְבֹאֶנּוּ 
\v 23 מוֹכִיחַ אָדָם אַחֲרַי חֵן יִמְצָא מִמַּחֲלִיק לָשׁוֹן 
\v 24 גּוֹזֵל אָבִיו וְאִמּוֹ וְאֹמֵר אֵין פָּשַׁע חָבֵר הוּא לְאִישׁ מַשְׁחִית 
\v 25 רְחַב נֶפֶשׁ יְגָרֶה מָדוֹן וּבֹטֵחַ עַל יַהְוֶה יְדֻשָּׁן 
\v 26 בּוֹטֵחַ בְּלִבּוֹ הוּא כְסִיל וְהוֹלֵךְ בְּחָכְמָה הוּא יִמָּלֵט 
\v 27 נוֹתֵן לָרָשׁ אֵין מַחְסוֹר וּמַעְלִים עֵינָיו רַב מְאֵרוֹת 
\v 28 בְּקוּם רְשָׁעִים יִסָּתֵר אָדָם וּבְאָבְדָם יִרְבּוּ צַדִּיקִים
\c 29
\m
\v 1 אִישׁ תּוֹכָחוֹת מַקְשֶׁה עֹרֶף פֶּתַע יִשָּׁבֵר וְאֵין מַרְפֵּא 
\v 2 בִּרְבוֹת צַדִּיקִים יִשְׂמַח הָעָם וּבִמְשֹׁל רָשָׁע יֵאָנַח עָם 
\v 3 אִישׁ אֹהֵב חָכְמָה יְשַׂמַּח אָבִיו וְרֹעֶה זוֹנוֹת יְאַבֶּד הוֹן 
\v 4 מֶלֶךְ בְּמִשְׁפָּט יַעֲמִיד אָרֶץ וְאִישׁ \f - \fr 29:4 \fr*\ft ⸃ תַּרְמִית \ft*\fw SR\fw* ¦ תְּרוּמוֹת \fw L\fw*\f*⸃ תַּרְמִית ⸂ יֶהֶרְסֶנָּה 
\v 5 גֶּבֶר מַחֲלִיק עַל רֵעֵהוּ רֶשֶׁת פּוֹרֵשׂ עַל פְּעָמָיו 
\v 6 בְּפֶשַׁע אִישׁ רָע מוֹקֵשׁ וְצַדִּיק יָרוּן וְשָׂמֵחַ 
\v 7 יֹדֵעַ צַדִּיק דִּין דַּלִּים רָשָׁע לֹא יָבִין דָּעַת 
\v 8 אַנְשֵׁי לָצוֹן יָפִיחוּ קִרְיָה וַחֲכָמִים יָשִׁיבוּ אָף 
\v 9 אִישׁ חָכָם נִשְׁפָּט אֶת אִישׁ אֱוִיל וְרָגַז וְשָׂחַק וְאֵין נָחַת 
\v 10 אַנְשֵׁי דָמִים יִשְׂנְאוּ תָם וִישָׁרִים יְבַקְשׁוּ נַפְשׁוֹ 
\v 11 כָּל רוּחוֹ יוֹצִיא כְסִיל וְחָכָם בְּאָחוֹר יְשַׁבְּחֶנָּה 
\v 12 מֹשֵׁל מַקְשִׁיב עַל דְּבַר שָׁקֶר כָּל מְשָׁרְתָיו רְשָׁעִים 
\v 13 רָשׁ וְאִישׁ תְּכָכִים נִפְגָּשׁוּ מֵאִיר עֵינֵי שְׁנֵיהֶם יַהְוֶה 
\v 14 מֶלֶךְ שׁוֹפֵט בֶּאֱמֶת דַּלִּים כִּסְאוֹ לָעַד יִכּוֹן 
\v 15 שֵׁבֶט וְתוֹכַחַת יִתֵּן חָכְמָה וְנַעַר מְשֻׁלָּח מֵבִישׁ אִמּוֹ 
\v 16 בִּרְבוֹת רְשָׁעִים יִרְבֶּה פָּשַׁע וְצַדִּיקִים בְּמַפַּלְתָּם יִרְאוּ 
\v 17 יַסֵּר בִּנְךָ וִינִיחֶךָ וְיִתֵּן מַעֲדַנִּים לְנַפְשֶׁךָ {פ}
\p
\v 18 בְּאֵין חָזוֹן יִפָּרַע עָם וְשֹׁמֵר תּוֹרָה אַשְׁרֵהוּ 
\v 19 בִּדְבָרִים לֹא יִוָּסֶר עָבֶד כִּי יָבִין וְאֵין מַעֲנֶה 
\v 20 חָזִיתָ אִישׁ אָץ בִּדְבָרָיו תִּקְוָה לִכְסִיל מִמֶּנּוּ 
\v 21 מְפַנֵּק מִנֹּעַר עַבְדּוֹ וְאַחֲרִיתוֹ יִהְיֶה מָנוֹן 
\v 22 אִישׁ אַף יְגָרֶה מָדוֹן וּבַעַל חֵמָה רַב פָּשַׁע 
\v 23 גַּאֲוַת אָדָם תַּשְׁפִּילֶנּוּ וּשְׁפַל רוּחַ יִתְמֹךְ כָּבוֹד 
\v 24 חוֹלֵק עִם גַּנָּב שׂוֹנֵא נַפְשׁוֹ אָלָה יִשְׁמַע וְלֹא יַגִּיד 
\v 25 חֶרְדַּת אָדָם יִתֵּן מוֹקֵשׁ וּבוֹטֵחַ בְּיַהְוֶה יְשֻׂגָּב 
\v 26 רַבִּים מְבַקְשִׁים פְּנֵי מוֹשֵׁל וּמִיַּהְוֶה מִשְׁפַּט אִישׁ 
\v 27 תּוֹעֲבַת צַדִּיקִים אִישׁ עָוֶל וְתוֹעֲבַת רָשָׁע יְשַׁר דָּרֶךְ {פ}
\c 30
\p
\v 1 דִּבְרֵי אָגוּר בִּן יָקֶה הַמַּשָּׂא נְאֻם הַגֶּבֶר \f - \fr 30:1 \fr*\ft ⸃ לָאִיתִי אֵל לָאִיתִי אֵל וָאֵכֶל \ft*\fw SR\fw* ¦ לְאִיתִיאֵל לְאִיתִיאֵל וְאֻכָל \fw L\fw*\f*⸃ לָאִיתִי אֵל לָאִיתִי אֵל וָאֵכֶל ⸂ 
\v 2 כִּי בַעַר אָנֹכִי מֵאִישׁ וְלֹא בִינַת אָדָם לִי 
\v 3 וְלֹא לָמַדְתִּי חָכְמָה וְדַעַת קְדֹשִׁים אֵדָע 
\v 4 מִי עָלָה שָׁמַיִם וַיֵּרַד מִי אָסַף רוּחַ בְּחָפְנָיו מִי צָרַר מַיִם בַּשִּׂמְלָה מִי הֵקִים כָּל אַפְסֵי אָרֶץ מַה שְּׁמוֹ וּמַה שֶּׁם בְּנוֹ כִּי תֵדָע 
\v 5 כָּל אִמְרַת אֱלוֹהַּ צְרוּפָה מָגֵן הוּא לַחֹסִים בּוֹ 
\v 6 אַל תּוֹסְףְּ עַל דְּבָרָיו פֶּן יוֹכִיחַ בְּךָ וְנִכְזָבְתָּ {פ}
\p
\v 7 שְׁתַּיִם שָׁאַלְתִּי מֵאִתָּךְ אַל תִּמְנַע מִמֶּנִּי בְּטֶרֶם אָמוּת 
\v 8 שָׁוְא וּדְבַר כָּזָב הַרְחֵק מִמֶּנִּי רֵאשׁ וָעֹשֶׁר אַל תִּתֶּן לִי הַטְרִיפֵנִי לֶחֶם חֻקִּי 
\v 9 פֶּן אֶשְׂבַּע וְכִחַשְׁתִּי וְאָמַרְתִּי מִי יַהְוֶה וּפֶן אִוָּרֵשׁ וְגָנַבְתִּי וְתָפַשְׂתִּי שֵׁם אֱלֹהָי {פ}
\p
\v 10 אַל תַּלְשֵׁן עֶבֶד אֶל אֲדֹנָו פֶּן יְקַלֶּלְךָ וְאָשָׁמְתָּ 
\v 11 דּוֹר אָבִיו יְקַלֵּל וְאֶת אִמּוֹ לֹא יְבָרֵךְ 
\v 12 דּוֹר טָהוֹר בְּעֵינָיו וּמִצֹּאָתוֹ לֹא רֻחָץ 
\v 13 דּוֹר מָה רָמוּ עֵינָיו וְעַפְעַפָּיו יִנָּשֵׂאוּ 
\v 14 דּוֹר חֲרָבוֹת שִׁנָּיו וּמַאֲכָלוֹת מְתַלְּעֹתָיו לֶאֱכֹל עֲנִיִּים מֵאֶרֶץ וְאֶבְיוֹנִים מֵאָדָם {פ}
\p
\v 15 לַעֲלוּקָה שְׁתֵּי בָנוֹת הַב הַב שָׁלוֹשׁ הֵנָּה לֹא תִשְׂבַּעְנָה אַרְבַּע לֹא אָמְרוּ הוֹן 
\v 16 שְׁאוֹל וְעֹצֶר רָחַם אֶרֶץ לֹא שָׂבְעָה מַּיִם וְאֵשׁ לֹא אָמְרָה הוֹן 
\v 17 עַיִן תִּלְעַג לְאָב וְתָבֻז \f - \fr 30:17 \fr*\ft ⸃ לַהֲקַת \ft*\fw SR\fw* ¦ לִיקֲּהַת \fw L\fw*\f*⸃ לַהֲקַת ⸂ אֵם יִקְּרוּהָ עֹרְבֵי נַחַל וְיֹאכְלוּהָ בְנֵי נָשֶׁר {פ}
\p
\v 18 שְׁלֹשָׁה הֵמָּה נִפְלְאוּ מִמֶּנִּי וְאַרְבַּע לֹא יְדַעְתִּים 
\v 19 דֶּרֶךְ הַנֶּשֶׁר בַּשָּׁמַיִם דֶּרֶךְ נָחָשׁ עֲלֵי צוּר דֶּרֶךְ אֳנִיָּה בְלֶב יָם וְדֶרֶךְ גֶּבֶר בְּעַלְמָה 
\v 20 כֵּן דֶּרֶךְ אִשָּׁה מְנָאָפֶת אָכְלָה וּמָחֲתָה פִיהָ וְאָמְרָה לֹא פָעַלְתִּי אָוֶן {פ}
\p
\v 21 תַּחַת שָׁלוֹשׁ רָגְזָה אֶרֶץ וְתַחַת אַרְבַּע לֹא תוּכַל שְׂאֵת 
\v 22 תַּחַת עֶבֶד כִּי יִמְלוֹךְ וְנָבָל כִּי יִשְׂבַּע לָחֶם 
\v 23 תַּחַת שְׂנוּאָה כִּי תִבָּעֵל וְשִׁפְחָה כִּי תִירַשׁ גְּבִרְתָּהּ {פ}
\p
\v 24 אַרְבָּעָה הֵם קְטַנֵּי אָרֶץ וְהֵמָּה חֲכָמִים מְחֻכָּמִים 
\v 25 הַנְּמָלִים עַם לֹא עָז וַיָּכִינוּ בַקַּיִץ לַחְמָם 
\v 26 שְׁפַנִּים עַם לֹא עָצוּם וַיָּשִׂימוּ בַסֶּלַע בֵּיתָם 
\v 27 מֶלֶךְ אֵין לָאַרְבֶּה וַיֵּצֵא חֹצֵץ כֻּלּוֹ 
\v 28 שְׂמָמִית בְּיָדַיִם תְּתַפֵּשׂ וְהִיא בְּהֵיכְלֵי מֶלֶךְ {פ}
\p
\v 29 שְׁלֹשָׁה הֵמָּה מֵיטִיבֵי צָעַד וְאַרְבָּעָה מֵיטִבֵי לָכֶת 
\v 30 לַיִשׁ גִּבּוֹר בַּבְּהֵמָה וְלֹא יָשׁוּב מִפְּנֵי כֹל 
\v 31 זַרְזִיר מָתְנַיִם אוֹ תָיִשׁ וּמֶלֶךְ \f - \fr 30:31 \fr*\ft ⸃ קָם אֶל עַמּוֹ \ft*\fw SR\fw* ¦ אַלְקוּם עִמּוֹ \fw L\fw*\f*⸃ קָם אֶל עַמּוֹ ⸂ 
\v 32 אִם נָבַלְתָּ בְהִתְנַשֵּׂא וְאִם זַמּוֹתָ יָד לְפֶה 
\v 33 כִּי מִיץ חָלָב יוֹצִיא חֶמְאָה וּמִיץ אַף יוֹצִיא דָם וּמִיץ אַפַּיִם יוֹצִיא רִיב {פ}
\c 31
\p
\v 1 דִּבְרֵי לְמוּאֵל מֶלֶךְ מַשָּׂא אֲשֶׁר יִסְּרַתּוּ אִמּוֹ 
\v 2 מַה בְּרִי וּמַה בַּר בִּטְנִי וּמֶה בַּר נְדָרָי 
\v 3 אַל תִּתֵּן לַנָּשִׁים חֵילֶךָ וּדְרָכֶיךָ לַמְחוֹת מְלָכִין 
\v 4 אַל לַמְלָכִים לְמוֹאֵל אַל לַמְלָכִים שְׁתוֹ יָיִן וּלְרוֹזְנִים \f - \fr 31:4 \fr*\ft ⸃ אִי \ft*\fw SR\fw* ¦ או \fw L\fw*\f*⸃ אִי ⸂ שֵׁכָר 
\v 5 פֶּן יִשְׁתֶּה וְיִשְׁכַּח מְחֻקָּק וִישַׁנֶּה דִּין כָּל בְּנֵי עֹנִי 
\v 6 תְּנוּ שֵׁכָר לְאוֹבֵד וְיַיִן לְמָרֵי נָפֶשׁ 
\v 7 יִשְׁתֶּה וְיִשְׁכַּח רִישׁוֹ וַעֲמָלוֹ לֹא יִזְכָּר עוֹד {פ}
\p
\v 8 פְּתַח פִּיךָ לְאִלֵּם אֶל דִּין כָּל בְּנֵי חֲלוֹף 
\v 9 פְּתַח פִּיךָ שְׁפָט צֶדֶק וְדִין עָנִי וְאֶבְיוֹן {פ}
\p
\v 10 אֵשֶׁת חַיִל מִי יִמְצָא וְרָחֹק מִפְּנִינִים מִכְרָהּ 
\v 11 בָּטַח בָּהּ לֵב בַּעְלָהּ וְשָׁלָל לֹא יֶחְסָר 
\v 12 גְּמָלַתְהוּ טוֹב וְלֹא רָע כֹּל יְמֵי חַיֶּיהָ 
\v 13 דָּרְשָׁה צֶמֶר וּפִשְׁתִּים וַתַּעַשׂ בְּחֵפֶץ כַּפֶּיהָ 
\v 14 הָיְתָה כָּאֳנִיּוֹת סוֹחֵר מִמֶּרְחָק תָּבִיא לַחְמָהּ 
\v 15 וַתָּקָם בְּעוֹד לַיְלָה וַתִּתֵּן טֶרֶף לְבֵיתָהּ וְחֹק לְנַעֲרֹתֶיהָ 
\v 16 זָמְמָה שָׂדֶה וַתִּקָּחֵהוּ מִפְּרִי כַפֶּיהָ \f - \fr 31:16 \fr*\ft ⸃ נָטְעָה \ft*\fw SR\fw* ¦ נטע \fw L\fw*\f*⸃ נָטְעָה ⸂ כָּרֶם 
\v 17 חָגְרָה בְעוֹז מָתְנֶיהָ וַתְּאַמֵּץ זְרוֹעֹתֶיהָ 
\v 18 טָעֲמָה כִּי טוֹב סַחְרָהּ לֹא יִכְבֶּה בַלַּיִל נֵרָהּ 
\v 19 יָדֶיהָ שִׁלְּחָה בַכִּישׁוֹר וְכַפֶּיהָ תָּמְכוּ פָלֶךְ 
\v 20 כַּפָּהּ פָּרְשָׂה לֶעָנִי וְיָדֶיהָ שִׁלְּחָה לָאֶבְיוֹן 
\v 21 לֹא תִירָא לְבֵיתָהּ מִשָּׁלֶג כִּי כָל בֵּיתָהּ לָבֻשׁ \f - \fr 31:21 \fr*\ft ⸃ שְׁנָיִם \ft*\fw SR\fw* ¦ שָׁנִים \fw L\fw*\f*⸃ שְׁנָיִם ⸂ 
\v 22 מַרְבַדִּים עָשְׂתָה לָּהּ שֵׁשׁ וְאַרְגָּמָן לְבוּשָׁהּ 
\v 23 נוֹדָע בַּשְּׁעָרִים בַּעְלָהּ בְּשִׁבְתּוֹ עִם זִקְנֵי אָרֶץ 
\v 24 סָדִין עָשְׂתָה וַתִּמְכֹּר וַחֲגוֹר נָתְנָה לַכְּנַעֲנִי 
\v 25 עֹז וְהָדָר לְבוּשָׁהּ וַתִּשְׂחַק לְיוֹם אַחֲרוֹן 
\v 26 פִּיהָ פָּתְחָה בְחָכְמָה וְתוֹרַת חֶסֶד עַל לְשׁוֹנָהּ 
\v 27 צוֹפִיָּה הֲלִיכוֹת בֵּיתָהּ וְלֶחֶם עַצְלוּת לֹא תֹאכֵל 
\v 28 קָמוּ בָנֶיהָ וַיְאַשְּׁרוּהָ בַּעְלָהּ וַיְהַלְלָהּ 
\v 29 רַבּוֹת בָּנוֹת עָשׂוּ חָיִל וְאַתְּ עָלִית עַל כֻּלָּנָה 
\v 30 שֶׁקֶר הַחֵן וְהֶבֶל הַיֹּפִי אִשָּׁה יִרְאַת יַהְוֶה הִיא תִתְהַלָּל 
\v 31 \f - \fr 31:31 \fr*\ft ⸃ תַּנּוּ \ft*\fw SR\fw* ¦ תְּנוּ \fw L\fw*\f*⸃ תַּנּוּ ⸂ לָהּ מִפְּרִי יָדֶיהָ וִיהַלְלוּהָ בַשְּׁעָרִים מַעֲשֶׂיהָ