\id OBA - Solid Rock Hebrew Bible
\usfm 3.0
\ide UTF-8
\h Obadiah
\toc1 The Book of Obadiah
\toc2 Obadiah
\toc3 Obad
\mt עבדיה
\c 1
\m
\v 1 חֲזוֹן עֹבַדְיָה כֹּה אָמַר אֲדֹנַי יַהְוֶה לֶאֱדוֹם שְׁמוּעָה שָׁמַעְנוּ מֵאֵת יַהְוֶה וְצִיר בַּגּוֹיִם שֻׁלָּח קוּמוּ וְנָקוּמָה עָלֶיהָ לַמִּלְחָמָה 
\v 2 הִנֵּה קָטֹן נְתַתִּיךָ בַּגּוֹיִם בָּזוּי אַתָּה מְאֹד 
\v 3 זְדוֹן לִבְּךָ הִשִּׁיאֶךָ שֹׁכְנִי בְחַגְוֵי סֶלַע מְרוֹם שִׁבְתּוֹ אֹמֵר בְּלִבּוֹ מִי יוֹרִדֵנִי אָרֶץ 
\v 4 אִם תַּגְבִּיהַּ כַּנֶּשֶׁר וְאִם בֵּין כּוֹכָבִים שִׂים קִנֶּךָ מִשָּׁם אוֹרִידְךָ נְאֻם יַהְוֶה 
\v 5 אִם גַּנָּבִים בָּאוּ לְךָ אִם שׁוֹדְדֵי לַיְלָה אֵיךְ נִדְמֵיתָה הֲלוֹא יִגְנְבוּ דַּיָּם אִם בֹּצְרִים בָּאוּ לָךְ הֲלוֹא יַשְׁאִירוּ עֹלֵלוֹת 
\v 6 אֵיךְ נֶחְפְּשׂוּ עֵשָׂו נִבְעוּ מַצְפֻּנָיו 
\v 7 עַד הַגְּבוּל שִׁלְּחוּךָ כֹּל אַנְשֵׁי בְרִיתֶךָ הִשִּׁיאוּךָ יָכְלוּ לְךָ אַנְשֵׁי שְׁלֹמֶךָ \f - \fr 1:7 \fr*\ft ⸃ לֹחֲמֶךָ \ft*\fw SR\fw* ¦ לַחְמְךָ \fw L\fw*\f*⸃ לֹחֲמֶךָ ⸂ יָשִׂימוּ מָזוֹר תַּחְתֶּיךָ אֵין תְּבוּנָה בּוֹ 
\v 8 הֲלוֹא בַּיּוֹם הַהוּא נְאֻם יַהְוֶה וְהַאֲבַדְתִּי חֲכָמִים מֵאֱדוֹם וּתְבוּנָה מֵהַר עֵשָׂו 
\v 9 וְחַתּוּ גִבּוֹרֶיךָ תֵּימָן לְמַעַן יִכָּרֶת אִישׁ מֵהַר עֵשָׂו מִקָּטֶל 
\v 10 מֵחֲמַס אָחִיךָ יַעֲקֹב תְּכַסְּךָ בוּשָׁה וְנִכְרַתָּ לְעוֹלָם 
\v 11 בְּיוֹם עֲמָדְךָ מִנֶּגֶד בְּיוֹם שְׁבוֹת זָרִים חֵילוֹ וְנָכְרִים בָּאוּ שְׁעָרָו וְעַל יְרוּשָׁלֵם יַדּוּ גוֹרָל גַּם אַתָּה כְּאַחַד מֵהֶם 
\v 12 וְאַל תֵּרֶא בְיוֹם אָחִיךָ בְּיוֹם נָכְרוֹ וְאַל תִּשְׂמַח לִבְנֵי יְהוּדָה בְּיוֹם אָבְדָם וְאַל תַּגְדֵּל פִּיךָ בְּיוֹם צָרָה 
\v 13 אַל תָּבוֹא בְשַׁעַר עַמִּי בְּיוֹם אֵידָם אַל תֵּרֶא גַם אַתָּה בְּרָעָתוֹ בְּיוֹם אֵידוֹ וְאַל \f - \fr 1:13 \fr*\ft ⸃ תִּשְׁלָחֶנָּה \ft*\fw SR\fw* ¦ תִּשְׁלַחְנָה \fw L\fw*\f*⸃ תִּשְׁלָחֶנָּה ⸂ בְחֵילוֹ בְּיוֹם אֵידוֹ 
\v 14 וְאַל תַּעֲמֹד עַל הַפֶּרֶק לְהַכְרִית אֶת פְּלִיטָיו וְאַל תַּסְגֵּר שְׂרִידָיו בְּיוֹם צָרָה 
\v 15 כִּי קָרוֹב יוֹם יַהְוֶה עַל כָּל הַגּוֹיִם כַּאֲשֶׁר עָשִׂיתָ יֵעָשֶׂה לָּךְ גְּמֻלְךָ \f - \fr 1:15 \fr*\ft ⸃ יָשִׁיב \ft*\fw SR\fw* ¦ יָשׁוּב \fw L\fw*\f*⸃ יָשִׁיב ⸂ בְּרֹאשֶׁךָ 
\v 16 כִּי כַּאֲשֶׁר שְׁתִיתֶם עַל הַר קָדְשִׁי יִשְׁתּוּ כָל הַגּוֹיִם תָּמִיד וְשָׁתוּ וְלָעוּ וְהָיוּ כְּלוֹא הָיוּ 
\v 17 וּבְהַר צִיּוֹן תִּהְיֶה פְלֵיטָה וְהָיָה קֹדֶשׁ וְיָרְשׁוּ בֵּית יַעֲקֹב אֵת \f - \fr 1:17 \fr*\ft ⸃ מוֹרִשֵׁיהֶם \ft*\fw SR\fw* ¦ מוֹרָשֵׁיהֶם \fw L\fw*\f*⸃ מוֹרִשֵׁיהֶם ⸂ 
\v 18 וְהָיָה בֵית יַעֲקֹב אֵשׁ וּבֵית יוֹסֵף לֶהָבָה וּבֵית עֵשָׂו לְקַשׁ וְדָלְקוּ בָהֶם וַאֲכָלוּם וְלֹא יִהְיֶה שָׂרִיד לְבֵית עֵשָׂו כִּי יַהְוֶה דִּבֵּר 
\v 19 וְיָרְשׁוּ הַנֶּגֶב אֶת הַר עֵשָׂו וְהַשְּׁפֵלָה אֶת פְּלִשְׁתִּים וְיָרְשׁוּ אֶת שְׂדֵה אֶפְרַיִם וְאֵת שְׂדֵה שֹׁמְרוֹן וּבִנְיָמִן אֶת הַגִּלְעָד 
\v 20 וְגָלֻת הַחֵל הַזֶּה לִבְנֵי יִשְׂרָאֵל אֲשֶׁר כְּנַעֲנִים עַד צָרְפַת וְגָלֻת יְרוּשָׁלֵם אֲשֶׁר בִּסְפָרַד יִרְשׁוּ אֵת עָרֵי הַנֶּגֶב 
\v 21 וְעָלוּ \f - \fr 1:21 \fr*\ft ⸃ מוּשָׁעִים \ft*\fw SR\fw* ¦ מוֹשִׁעִים \fw L\fw*\f*⸃ מוּשָׁעִים ⸂ בְּהַר צִיּוֹן לִשְׁפֹּט אֶת הַר עֵשָׂו וְהָיְתָה לְיַהְוֶה הַמְּלוּכָה