\id LAM - Solid Rock Hebrew Bible
\usfm 3.0
\ide UTF-8
\h Lamentations
\toc1 The Book of Lamentations
\toc2 Lamentations
\toc3 Lam
\mt איכה
\c 1
\m
\v 1 אֵיכָה יָשְׁבָה בָדָד הָעִיר רַבָּתִי עָם הָיְתָה כְּאַלְמָנָה רַבָּתִי בַגּוֹיִם שָׂרָתִי בַּמְּדִינוֹת הָיְתָה לָמַס {ס} 
\v 2 בָּכוֹ תִבְכֶּה בַּלַּיְלָה וְדִמְעָתָהּ עַל לֶחֱיָהּ אֵין לָהּ מְנַחֵם מִכָּל אֹהֲבֶיהָ כָּל רֵעֶיהָ בָּגְדוּ בָהּ הָיוּ לָהּ לְאֹיְבִים {ס} 
\v 3 גָּלְתָה יְהוּדָה מֵעֹנִי וּמֵרֹב עֲבֹדָה הִיא יָשְׁבָה בַגּוֹיִם לֹא מָצְאָה מָנוֹחַ כָּל רֹדְפֶיהָ הִשִּׂיגוּהָ בֵּין הַמְּצָרִים {ס} 
\v 4 דַּרְכֵי צִיּוֹן אֲבֵלוֹת מִבְּלִי בָּאֵי מוֹעֵד כָּל שְׁעָרֶיהָ שׁוֹמֵמִין כֹּהֲנֶיהָ נֶאֱנָחִים בְּתוּלֹתֶיהָ נּוּגוֹת וְהִיא מַר לָהּ {ס} 
\v 5 הָיוּ צָרֶיהָ לְרֹאשׁ אֹיְבֶיהָ שָׁלוּ כִּי יַהְוֶה הוֹגָהּ עַל רֹב פְּשָׁעֶיהָ עוֹלָלֶיהָ הָלְכוּ שְׁבִי לִפְנֵי צָר {ס} 
\v 6 וַיֵּצֵא מִן בַּת צִיּוֹן כָּל הֲדָרָהּ הָיוּ שָׂרֶיהָ כְּאַיָּלִים לֹא מָצְאוּ מִרְעֶה וַיֵּלְכוּ בְלֹא כֹחַ לִפְנֵי רוֹדֵף {ס} 
\v 7 זָכְרָה יְרוּשָׁלֵם יְמֵי עָנְיָהּ וּמְרוּדֶיהָ כֹּל מַחֲמֻדֶיהָ אֲשֶׁר הָיוּ מִימֵי קֶדֶם בִּנְפֹל עַמָּהּ בְּיַד צָר וְאֵין עוֹזֵר לָהּ רָאוּהָ צָרִים שָׂחֲקוּ עַל מִשְׁבַּתֶּהָ {ס} 
\v 8 חֵטְא חָטְאָה יְרוּשָׁלֵם עַל כֵּן לְנִידָה הָיָתָה כָּל מְכַבְּדֶיהָ הִזִּילוּהָ כִּי רָאוּ עֶרְוָתָהּ גַּם הִיא נֶאֶנְחָה וַתָּשָׁב אָחוֹר {ס} 
\v 9 טֻמְאָתָהּ בְּשׁוּלֶיהָ לֹא זָכְרָה אַחֲרִיתָהּ וַתֵּרֶד פְּלָאִים אֵין מְנַחֵם לָהּ רְאֵה יַהְוֶה אֶת עָנְיִי כִּי הִגְדִּיל אוֹיֵב {ס} 
\v 10 יָדוֹ פָּרַשׂ צָר עַל כָּל מַחֲמַדֶּיהָ כִּי רָאֲתָה גוֹיִם בָּאוּ מִקְדָּשָׁהּ אֲשֶׁר צִוִּיתָה לֹא יָבֹאוּ בַקָּהָל לָךְ {ס} 
\v 11 כָּל עַמָּהּ נֶאֱנָחִים מְבַקְּשִׁים לֶחֶם נָתְנוּ \f - \fr 1:11 \fr*\ft ⸃ מַחֲמַדֵּיהֶם \ft*\fw SR\fw* ¦ מחמודיהם \fw L\fw*\f*⸃ מַחֲמַדֵּיהֶם ⸂ בְּאֹכֶל לְהָשִׁיב נָפֶשׁ רְאֵה יַהְוֶה וְהַבִּיטָה כִּי הָיִיתִי זוֹלֵלָה {ס} 
\v 12 לוֹא אֲלֵיכֶם כָּל עֹבְרֵי דֶרֶךְ הַבִּיטוּ וּרְאוּ אִם יֵשׁ מַכְאוֹב כְּמַכְאֹבִי אֲשֶׁר עוֹלַל לִי אֲשֶׁר הוֹגָה יַהְוֶה בְּיוֹם חֲרוֹן אַפּוֹ {ס} 
\v 13 מִמָּרוֹם שָׁלַח אֵשׁ בְּעַצְמֹתַי \f - \fr 1:13 \fr*\ft ⸃ יוֹרִדֶנָּה \ft*\fw SR\fw* ¦ וַיִּרְדֶּנָּה \fw L\fw*\f*⸃ יוֹרִדֶנָּה ⸂ פָּרַשׂ רֶשֶׁת לְרַגְלַי הֱשִׁיבַנִי אָחוֹר נְתָנַנִי שֹׁמֵמָה כָּל הַיּוֹם דָּוָה {ס} 
\v 14 נִשְׂקַד עֹל פְּשָׁעַי בְּיָדוֹ יִשְׂתָּרְגוּ עָלוּ עַל צַוָּארִי הִכְשִׁיל כֹּחִי נְתָנַנִי אֲדֹנַי בִּידֵי לֹא אוּכַל קוּם {ס} 
\v 15 סִלָּה כָל אַבִּירַי אֲדֹנַי בְּקִרְבִּי קָרָא עָלַי מוֹעֵד לִשְׁבֹּר בַּחוּרָי גַּת דָּרַךְ אֲדֹנַי לִבְתוּלַת בַּת יְהוּדָה {ס} 
\v 16 עַל אֵלֶּה אֲנִי בוֹכִיָּה \f - \fr 1:16 \fr*\ft ⸆ – \ft*\fw SR\fw* ¦ עֵינִי \fw L\fw*\f*⸆ עֵינִי יֹרְדָה מַּיִם כִּי רָחַק מִמֶּנִּי מְנַחֵם מֵשִׁיב נַפְשִׁי הָיוּ בָנַי שׁוֹמֵמִים כִּי גָבַר אוֹיֵב {ס} 
\v 17 פֵּרְשָׂה צִיּוֹן בְּיָדֶיהָ אֵין מְנַחֵם לָהּ \f - \fr 1:17 \fr*\ft ⸃ צֹפֶה \ft*\fw SR\fw* ¦ צִוָּה \fw L\fw*\f*⸃ צֹפֶה ⸂ יַהְוֶה לְיַעֲקֹב סְבִיבָיו צָרָיו הָיְתָה יְרוּשָׁלֵם לְנִדָּה בֵּינֵיהֶם {ס} 
\v 18 צַדִּיק הוּא יַהְוֶה כִּי פִיהוּ מָרִיתִי שִׁמְעוּ נָא כָל עַמִּים וּרְאוּ מַכְאֹבִי בְּתוּלֹתַי וּבַחוּרַי הָלְכוּ בַשֶּׁבִי {ס} 
\v 19 קָרָאתִי לַמְאַהֲבַי הֵמָּה רִמּוּנִי כֹּהֲנַי וּזְקֵנַי בָּעִיר גָּוָעוּ כִּי בִקְשׁוּ אֹכֶל לָמוֹ וְיָשִׁיבוּ אֶת נַפְשָׁם {ס} 
\v 20 רְאֵה יַהְוֶה כִּי צַר לִי מֵעַי חֳמַרְמָרוּ נֶהְפַּךְ לִבִּי בְּקִרְבִּי כִּי מָרוֹ מָרִיתִי מִחוּץ שִׁכְּלָה חֶרֶב בַּבַּיִת כַּמָּוֶת {ס} 
\v 21 שָׁמְעוּ כִּי נֶאֱנָחָה אָנִי אֵין מְנַחֵם לִי כָּל אֹיְבַי שָׁמְעוּ רָעָתִי שָׂשׂוּ כִּי אַתָּה עָשִׂיתָ הֵבֵאתָ יוֹם קָרָאתָ וְיִהְיוּ כָמֹנִי {ס} 
\v 22 תָּבֹא כָל רָעָתָם לְפָנֶיךָ וְעוֹלֵל לָמוֹ כַּאֲשֶׁר עוֹלַלְתָּ לִי עַל כָּל פְּשָׁעָי כִּי רַבּוֹת אַנְחֹתַי וְלִבִּי דַוָּי {פ}
\c 2
\p
\v 1 אֵיכָה יָעִיב בְּאַפּוֹ אֲדֹנַי אֶת בַּת צִיּוֹן הִשְׁלִיךְ מִשָּׁמַיִם אֶרֶץ תִּפְאֶרֶת יִשְׂרָאֵל וְלֹא זָכַר הֲדֹם רַגְלָיו בְּיוֹם אַפּוֹ {ס} 
\v 2 בִּלַּע אֲדֹנָי לֹא חָמַל אֵת כָּל נְאוֹת יַעֲקֹב הָרַס בְּעֶבְרָתוֹ מִבְצְרֵי בַת יְהוּדָה הִגִּיעַ לָאָרֶץ חִלֵּל \f - \fr 2:2 \fr*\ft ⸃ מַלְכָּהּ \ft*\fw SR\fw* ¦ מַמְלָכָה \fw L\fw*\f*⸃ מַלְכָּהּ ⸂ וְשָׂרֶיהָ {ס} 
\v 3 גָּדַע בָּחֳרִי אַף כֹּל קֶרֶן יִשְׂרָאֵל הֵשִׁיב אָחוֹר יְמִינוֹ מִפְּנֵי אוֹיֵב וַיִּבְעַר בְּיַעֲקֹב כְּאֵשׁ לֶהָבָה אָכְלָה סָבִיב {ס} 
\v 4 דָּרַךְ קַשְׁתּוֹ כְּאוֹיֵב נִצָּב יְמִינוֹ כְּצָר וַיַּהֲרֹג כֹּל מַחֲמַדֵּי עָיִן בְּאֹהֶל בַּת צִיּוֹן שָׁפַךְ כָּאֵשׁ חֲמָתוֹ {ס} 
\v 5 הָיָה אֲדֹנַי כְּאוֹיֵב בִּלַּע יִשְׂרָאֵל בִּלַּע כָּל אַרְמְנוֹתֶיהָ שִׁחֵת מִבְצָרָיו וַיֶּרֶב בְּבַת יְהוּדָה תַּאֲנִיָּה וַאֲנִיָּה {ס} 
\v 6 וַיַּחְמֹס כַּגַּן שֻׂכּוֹ שִׁחֵת מֹעֲדוֹ שִׁכַּח יַהְוֶה בְּצִיּוֹן מוֹעֵד וְשַׁבָּת וַיִּנְאַץ בְּזַעַם אַפּוֹ מֶלֶךְ וְכֹהֵן {ס} 
\v 7 זָנַח אֲדֹנַי מִזְבְּחוֹ נִאֵר מִקְדָּשׁוֹ הִסְגִּיר בְּיַד אוֹיֵב חוֹמֹת אַרְמְנוֹתֶיהָ קוֹל נָתְנוּ בְּבֵית יַהְוֶה כְּיוֹם מוֹעֵד {ס} 
\v 8 חָשַׁב יַהְוֶה לְהַשְׁחִית חוֹמַת בַּת צִיּוֹן נָטָה קָו לֹא הֵשִׁיב יָדוֹ מִבַּלֵּעַ וַיַּאֲבֶל חֵל וְחוֹמָה יַחְדָּו אֻמְלָלוּ {ס} 
\v 9 טָבְעוּ בָאָרֶץ שְׁעָרֶיהָ אִבַּד וְשִׁבַּר בְּרִיחֶיהָ מַלְכָּהּ וְשָׂרֶיהָ בַגּוֹיִם אֵין תּוֹרָה גַּם נְבִיאֶיהָ לֹא מָצְאוּ חָזוֹן מִיַּהְוֶה {ס} 
\v 10 \f - \fr 2:10 \fr*\ft ⸃ יָשְׁבוּ \ft*\fw SR\fw* ¦ יֵשְׁבוּ \fw L\fw*\f*⸃ יָשְׁבוּ ⸂ לָאָרֶץ יִדְּמוּ זִקְנֵי בַת צִיּוֹן הֶעֱלוּ עָפָר עַל רֹאשָׁם חָגְרוּ שַׂקִּים הוֹרִידוּ לָאָרֶץ רֹאשָׁן בְּתוּלֹת יְרוּשָׁלֵם {ס} 
\v 11 כָּלוּ בַדְּמָעוֹת עֵינַי חֳמַרְמְרוּ מֵעַי נִשְׁפַּךְ לָאָרֶץ כְּבֵדִי עַל שֶׁבֶר בַּת עַמִּי בֵּעָטֵף עוֹלֵל וְיוֹנֵק בִּרְחֹבוֹת קִרְיָה {ס} 
\v 12 לְאִמֹּתָם יֹאמְרוּ אַיֵּה דָּגָן וָיָיִן בְּהִתְעַטְּפָם כֶּחָלָל בִּרְחֹבוֹת עִיר בְּהִשְׁתַּפֵּךְ נַפְשָׁם אֶל חֵיק אִמֹּתָם {ס} 
\v 13 מָה אֲעִידֵךְ מָה אֲדַמֶּה לָּךְ הַבַּת יְרוּשָׁלֵם מָה אַשְׁוֶה לָּךְ וַאֲנַחֲמֵךְ בְּתוּלַת בַּת צִיּוֹן כִּי גָדוֹל כַּיָּם שִׁבְרֵךְ מִי יִרְפָּא לָךְ {ס} 
\v 14 נְבִיאַיִךְ חָזוּ לָךְ שָׁוְא וְתָפֵל וְלֹא גִלּוּ עַל עֲוֺנֵךְ לְהָשִׁיב שְׁבִיתֵךְ וַיֶּחֱזוּ לָךְ מַשְׂאוֹת שָׁוְא וּמַדּוּחִים {ס} 
\v 15 סָפְקוּ עָלַיִךְ כַּפַּיִם כָּל עֹבְרֵי דֶרֶךְ שָׁרְקוּ וַיָּנִעוּ רֹאשָׁם עַל בַּת יְרוּשָׁלֵם הֲזֹאת הָעִיר שֶׁיֹּאמְרוּ כְּלִילַת יֹפִי מָשׂוֹשׂ לְכָל הָאָרֶץ {ס} 
\v 16 פָּצוּ עָלַיִךְ פִּיהֶם כָּל אֹיְבַיִךְ שָׁרְקוּ וַיַּחַרְקוּ שֵׁן אָמְרוּ בִּלָּעְנוּ אַךְ זֶה הַיּוֹם שֶׁקִּוִּינֻהוּ מָצָאנוּ רָאִינוּ {ס} 
\v 17 עָשָׂה יַהְוֶה אֲשֶׁר זָמָם בִּצַּע אֶמְרָתוֹ אֲשֶׁר צִוָּה מִימֵי קֶדֶם הָרַס וְלֹא חָמָל וַיְשַׂמַּח עָלַיִךְ אוֹיֵב הֵרִים קֶרֶן צָרָיִךְ {ס} 
\v 18 צָעַק לִבָּם אֶל אֲדֹנָי חוֹמַת בַּת צִיּוֹן הוֹרִידִי כַנַּחַל דִּמְעָה יוֹמָם וָלַיְלָה אַל תִּתְּנִי פוּגַת לָךְ אַל תִּדֹּם בַּת עֵינֵךְ {ס} 
\v 19 קוּמִי רֹנִּי בַלַּיִל לְרֹאשׁ אַשְׁמֻרוֹת שִׁפְכִי כַמַּיִם לִבֵּךְ נֹכַח פְּנֵי אֲדֹנָי שְׂאִי אֵלָיו כַּפַּיִךְ עַל נֶפֶשׁ עוֹלָלַיִךְ הָעֲטוּפִים בְּרָעָב בְּרֹאשׁ כָּל חוּצוֹת {ס} 
\v 20 רְאֵה יַהְוֶה וְהַבִּיטָה לְמִי עוֹלַלְתָּ כֹּה אִם תֹּאכַלְנָה נָשִׁים פִּרְיָם עֹלֲלֵי טִפֻּחִים אִם יֵהָרֵג בְּמִקְדַּשׁ אֲדֹנַי כֹּהֵן וְנָבִיא {ס} 
\v 21 שָׁכְבוּ לָאָרֶץ חוּצוֹת נַעַר וְזָקֵן בְּתוּלֹתַי וּבַחוּרַי נָפְלוּ בֶחָרֶב הָרַגְתָּ בְּיוֹם אַפֶּךָ טָבַחְתָּ לֹא חָמָלְתָּ {ס} 
\v 22 תִּקְרָא כְיוֹם מוֹעֵד מְגוּרַי מִסָּבִיב וְלֹא הָיָה בְּיוֹם אַף יַהְוֶה פָּלִיט וְשָׂרִיד אֲשֶׁר טִפַּחְתִּי וְרִבִּיתִי אֹיְבִי כִלָּם {פ}
\c 3
\p
\v 1 אֲנִי הַגֶּבֶר רָאָה עֳנִי בְּשֵׁבֶט עֶבְרָתוֹ 
\v 2 אוֹתִי נָהַג וַיֹּלַךְ חֹשֶׁךְ וְלֹא אוֹר 
\v 3 אַךְ בִּי יָשֻׁב יַהֲפֹךְ יָדוֹ כָּל הַיּוֹם {ס} 
\v 4 בִּלָּה בְשָׂרִי וְעוֹרִי שִׁבַּר עַצְמוֹתָי 
\v 5 בָּנָה עָלַי וַיַּקַּף רֹאשׁ וּתְלָאָה 
\v 6 בְּמַחֲשַׁכִּים הוֹשִׁיבַנִי כְּמֵתֵי עוֹלָם {ס} 
\v 7 גָּדַר בַּעֲדִי וְלֹא אֵצֵא הִכְבִּיד נְחָשְׁתִּי 
\v 8 גַּם כִּי אֶזְעַק וַאֲשַׁוֵּעַ שָׂתַם תְּפִלָּתִי 
\v 9 גָּדַר דְּרָכַי בְּגָזִית נְתִיבֹתַי עִוָּה {ס} 
\v 10 דֹּב אֹרֵב הוּא לִי אַרְיֵה בְּמִסְתָּרִים 
\v 11 דְּרָכַי סוֹרֵר וַיְפַשְּׁחֵנִי שָׂמַנִי שֹׁמֵם 
\v 12 דָּרַךְ קַשְׁתּוֹ וַיַּצִּיבֵנִי כַּמַּטָּרָא לַחֵץ {ס} 
\v 13 הֵבִיא בְּכִלְיֹתָי בְּנֵי אַשְׁפָּתוֹ 
\v 14 הָיִיתִי שְּׂחֹק לְכָל עַמִּי נְגִינָתָם כָּל הַיּוֹם 
\v 15 הִשְׂבִּיעַנִי בַמְּרוֹרִים הִרְוַנִי לַעֲנָה {ס} 
\v 16 וַיַּגְרֵס בֶּחָצָץ שִׁנָּי הִכְפִּישַׁנִי בָּאֵפֶר 
\v 17 וַתִּזְנַח מִשָּׁלוֹם נַפְשִׁי נָשִׁיתִי טוֹבָה 
\v 18 וָאֹמַר אָבַד נִצְחִי וְתוֹחַלְתִּי מִיַּהְוֶה {ס} 
\v 19 זְכָר עָנְיִי וּמְרוּדִי לַעֲנָה וָרֹאשׁ 
\v 20 זָכוֹר תִּזְכּוֹר \f - \fr 3:20 \fr*\ft ⸃ וְתַשָׁוֹחַ \ft*\fw SR\fw* ¦ ותשיח \fw L\fw*\f*⸃ וְתַשָׁוֹחַ ⸂ עָלַי נַפְשִׁי 
\v 21 זֹאת אָשִׁיב אֶל לִבִּי עַל כֵּן אוֹחִיל {ס} 
\v 22 חַסְדֵי יַהְוֶה כִּי לֹא \f - \fr 3:22 \fr*\ft ⸃ תָמּוּ \ft*\fw SR\fw* ¦ תָמְנוּ \fw L\fw*\f*⸃ תָמּוּ ⸂ כִּי לֹא כָלוּ רַחֲמָיו 
\v 23 חֲדָשִׁים לַבְּקָרִים רַבָּה אֱמוּנָתֶךָ 
\v 24 חֶלְקִי יַהְוֶה אָמְרָה נַפְשִׁי עַל כֵּן אוֹחִיל לוֹ {ס} 
\v 25 טוֹב יַהְוֶה לְקֹוָו לְנֶפֶשׁ תִּדְרְשֶׁנּוּ 
\v 26 טוֹב וְיָחִיל וְדוּמָם לִתְשׁוּעַת יַהְוֶה 
\v 27 טוֹב לַגֶּבֶר כִּי יִשָּׂא עֹל בִּנְעוּרָיו {ס} 
\v 28 יֵשֵׁב בָּדָד וְיִדֹּם כִּי נָטַל עָלָיו 
\v 29 יִתֵּן בֶּעָפָר פִּיהוּ אוּלַי יֵשׁ תִּקְוָה 
\v 30 יִתֵּן לְמַכֵּהוּ לֶחִי יִשְׂבַּע בְּחֶרְפָּה {ס} 
\v 31 כִּי לֹא יִזְנַח לְעוֹלָם אֲדֹנָי 
\v 32 כִּי אִם הוֹגָה וְרִחַם כְּרֹב חֲסָדָיו 
\v 33 כִּי לֹא עִנָּה מִלִּבּוֹ וַיַּגֶּה בְּנֵי אִישׁ {ס} 
\v 34 לְדַכֵּא תַּחַת רַגְלָיו כֹּל אֲסִירֵי אָרֶץ 
\v 35 לְהַטּוֹת מִשְׁפַּט גָּבֶר נֶגֶד פְּנֵי עֶלְיוֹן 
\v 36 לְעַוֵּת אָדָם בְּרִיבוֹ אֲדֹנַי לֹא רָאָה {ס} 
\v 37 מִי זֶה אָמַר וַתֶּהִי אֲדֹנַי לֹא צִוָּה 
\v 38 מִפִּי עֶלְיוֹן לֹא תֵצֵא הָרָעוֹת וְהַטּוֹב 
\v 39 מַה יִּתְאוֹנֵן אָדָם חָי גֶּבֶר עַל חֲטָאָו {ס} 
\v 40 נַחְפְּשָׂה דְרָכֵינוּ וְנַחְקֹרָה וְנָשׁוּבָה עַד יַהְוֶה 
\v 41 נִשָּׂא לְבָבֵנוּ אֶל כַּפָּיִם אֶל אֵל בַּשָּׁמָיִם 
\v 42 נַחְנוּ פָשַׁעְנוּ וּמָרִינוּ אַתָּה לֹא סָלָחְתָּ {ס} 
\v 43 סַכּוֹתָה בָאַף וַתִּרְדְּפֵנוּ הָרַגְתָּ לֹא חָמָלְתָּ 
\v 44 סַכּוֹתָה בֶעָנָן לָךְ מֵעֲבוֹר תְּפִלָּה 
\v 45 סְחִי וּמָאוֹס תְּשִׂימֵנוּ בְּקֶרֶב הָעַמִּים {ס} 
\v 46 פָּצוּ עָלֵינוּ פִּיהֶם כָּל אֹיְבֵינוּ 
\v 47 פַּחַד וָפַחַת הָיָה לָנוּ הַשֵּׁאת וְהַשָּׁבֶר 
\v 48 פַּלְגֵי מַיִם תֵּרַד עֵינִי עַל שֶׁבֶר בַּת עַמִּי {ס} 
\v 49 עֵינִי נִגְּרָה וְלֹא תִדְמֶה מֵאֵין הֲפֻגוֹת 
\v 50 עַד יַשְׁקִיף וְיֵרֶא יַהְוֶה מִשָּׁמָיִם 
\v 51 עֵינִי עוֹלְלָה לְנַפְשִׁי מִכֹּל בְּנוֹת עִירִי {ס} 
\v 52 צוֹד צָדוּנִי כַּצִּפּוֹר אֹיְבַי חִנָּם 
\v 53 צָמְתוּ בַבּוֹר חַיָּי וַיַּדּוּ אֶבֶן בִּי 
\v 54 צָפוּ מַיִם עַל רֹאשִׁי אָמַרְתִּי נִגְזָרְתִּי {ס} 
\v 55 קָרָאתִי שִׁמְךָ יַהְוֶה מִבּוֹר תַּחְתִּיּוֹת 
\v 56 קוֹלִי שָׁמָעְתָּ אַל תַּעְלֵם אָזְנְךָ לְרַוְחָתִי לְשַׁוְעָתִי 
\v 57 קָרַבְתָּ בְּיוֹם אֶקְרָאֶךָּ אָמַרְתָּ אַל תִּירָא {ס} 
\v 58 רַבְתָּ אֲדֹנַי רִיבֵי נַפְשִׁי גָּאַלְתָּ חַיָּי 
\v 59 רָאִיתָה יַהְוֶה עַוָּתָתִי שָׁפְטָה מִשְׁפָּטִי 
\v 60 רָאִיתָה כָּל נִקְמָתָם כָּל מַחְשְׁבֹתָם לִי {ס} 
\v 61 שָׁמַעְתָּ חֶרְפָּתָם יַהְוֶה כָּל מַחְשְׁבֹתָם עָלָי 
\v 62 שִׂפְתֵי קָמַי וְהֶגְיוֹנָם עָלַי כָּל הַיּוֹם 
\v 63 שִׁבְתָּם וְקִימָתָם הַבִּיטָה אֲנִי מַנְגִּינָתָם {ס} 
\v 64 תָּשִׁיב לָהֶם גְּמוּל יַהְוֶה כְּמַעֲשֵׂה יְדֵיהֶם 
\v 65 תִּתֵּן לָהֶם מְגִנַּת לֵב תַּאֲלָתְךָ לָהֶם 
\v 66 תִּרְדֹּף בְּאַף וְתַשְׁמִידֵם מִתַּחַת שְׁמֵי יַהְוֶה {פ}
\c 4
\p
\v 1 אֵיכָה יוּעַם זָהָב יִשְׁנֶא הַכֶּתֶם הַטּוֹב תִּשְׁתַּפֵּכְנָה אַבְנֵי קֹדֶשׁ בְּרֹאשׁ כָּל חוּצוֹת {ס} 
\v 2 בְּנֵי צִיּוֹן הַיְקָרִים הַמְסֻלָּאִים בַּפָּז אֵיכָה נֶחְשְׁבוּ לְנִבְלֵי חֶרֶשׂ מַעֲשֵׂה יְדֵי יוֹצֵר {ס} 
\v 3 גַּם תַּנִּין חָלְצוּ שַׁד הֵינִיקוּ גּוּרֵיהֶן בַּת עַמִּי \f - \fr 4:3 \fr*\ft ⸃ לַאַכְזָר \ft*\fw SR\fw* ¦ לְאַכְזָר \fw L\fw*\f*⸃ לַאַכְזָר ⸂ \f - \fr 4:3 \fr*\ft ⸃ כַּיְּעֵנִים \ft*\fw SR\fw* ¦ כי ענים \fw L\fw*\f*⸃ כַּיְּעֵנִים ⸂ בַּמִּדְבָּר {ס} 
\v 4 דָּבַק לְשׁוֹן יוֹנֵק אֶל חִכּוֹ בַּצָּמָא עוֹלָלִים שָׁאֲלוּ לֶחֶם פֹּרֵשׂ אֵין לָהֶם {ס} 
\v 5 הָאֹכְלִים לְמַעֲדַנִּים נָשַׁמּוּ בַּחוּצוֹת הָאֱמֻנִים עֲלֵי תוֹלָע חִבְּקוּ אַשְׁפַּתּוֹת {ס} 
\v 6 וַיִּגְדַּל עֲוֺן בַּת עַמִּי מֵחַטַּאת סְדֹם הַהֲפוּכָה כְמוֹ רָגַע וְלֹא חָלוּ בָהּ יָדָיִם {ס} 
\v 7 זַכּוּ נְזִירֶיהָ מִשֶּׁלֶג צַחוּ מֵחָלָב אָדְמוּ עֶצֶם מִפְּנִינִים סַפִּיר גִּזְרָתָם {ס} 
\v 8 חָשַׁךְ מִשְּׁחוֹר תָּאֳרָם לֹא נִכְּרוּ בַּחוּצוֹת צָפַד עוֹרָם עַל עַצְמָם יָבֵשׁ הָיָה כָעֵץ {ס} 
\v 9 טוֹבִים הָיוּ חַלְלֵי חֶרֶב מֵחַלְלֵי רָעָב שֶׁהֵם יָזֻבוּ מְדֻקָּרִים מִתְּנוּבֹת שָׂדָי {ס} 
\v 10 יְדֵי נָשִׁים רַחֲמָנִיּוֹת בִּשְּׁלוּ יַלְדֵיהֶן הָיוּ לְבָרוֹת לָמוֹ בְּשֶׁבֶר בַּת עַמִּי {ס} 
\v 11 כִּלָּה יַהְוֶה אֶת חֲמָתוֹ שָׁפַךְ חֲרוֹן אַפּוֹ וַיַּצֶּת אֵשׁ בְּצִיּוֹן וַתֹּאכַל יְסֹדֹתֶיהָ {ס} 
\v 12 לֹא הֶאֱמִינוּ מַלְכֵי אֶרֶץ וְכֹל יֹשְׁבֵי תֵבֵל כִּי יָבֹא צַר וְאוֹיֵב בְּשַׁעֲרֵי יְרוּשָׁלֵם {ס} 
\v 13 מֵחַטֹּאות נְבִיאֶיהָ עֲוֺנֹת כֹּהֲנֶיהָ הַשֹּׁפְכִים בְּקִרְבָּהּ דַּם צַדִּיקִים {ס} 
\v 14 נָעוּ עִוְרִים בַּחוּצוֹת נִגְאֲלוּ בַּדָּם בְּלֹא יוּכְלוּ יִגְּעוּ בִּלְבֻשֵׁיהֶם {ס} 
\v 15 סוּרוּ טָמֵא קָרְאוּ לָמוֹ סוּרוּ סוּרוּ אַל תִּגָּעוּ כִּי נָצוּ גַּם נָעוּ אָמְרוּ בַּגּוֹיִם לֹא יוֹסִפוּ לָגוּר {ס} 
\v 16 פְּנֵי יַהְוֶה חִלְּקָם לֹא יוֹסִיף לְהַבִּיטָם פְּנֵי כֹהֲנִים לֹא נָשָׂאוּ זְקֵנִים לֹא חָנָנוּ {ס} 
\v 17 עוֹדֵינָה תִּכְלֶינָה עֵינֵינוּ אֶל עֶזְרָתֵנוּ הָבֶל בְּצִפִּיָּתֵנוּ צִפִּינוּ אֶל גּוֹי לֹא יוֹשִׁעַ {ס} 
\v 18 צָדוּ צְעָדֵינוּ מִלֶּכֶת בִּרְחֹבֹתֵינוּ קָרַב קִצֵּנוּ מָלְאוּ יָמֵינוּ כִּי בָא קִצֵּנוּ {ס} 
\v 19 קַלִּים הָיוּ רֹדְפֵינוּ מִנִּשְׁרֵי שָׁמָיִם עַל הֶהָרִים דְּלָקֻנוּ בַּמִּדְבָּר אָרְבוּ לָנוּ {ס} 
\v 20 רוּחַ אַפֵּינוּ מְשִׁיחַ יַהְוֶה נִלְכַּד בִּשְׁחִיתוֹתָם אֲשֶׁר אָמַרְנוּ בְּצִלּוֹ נִחְיֶה בַגּוֹיִם {ס} 
\v 21 שִׂישִׂי וְשִׂמְחִי בַּת אֱדוֹם יוֹשַׁבְתִּי בְּאֶרֶץ עוּץ גַּם עָלַיִךְ תַּעֲבָר כּוֹס תִּשְׁכְּרִי וְתִתְעָרִי {ס} 
\v 22 תַּם עֲוֺנֵךְ בַּת צִיּוֹן לֹא יוֹסִיף לְהַגְלוֹתֵךְ פָּקַד עֲוֺנֵךְ בַּת אֱדוֹם גִּלָּה עַל חַטֹּאתָיִךְ {פ}
\c 5
\p
\v 1 זְכֹר יַהְוֶה מֶה הָיָה לָנוּ הַבֵּיט וּרְאֵה אֶת חֶרְפָּתֵנוּ 
\v 2 נַחֲלָתֵנוּ נֶהֶפְכָה לְזָרִים בָּתֵּינוּ לְנָכְרִים 
\v 3 יְתוֹמִים הָיִינוּ אֵין אָב אִמֹּתֵינוּ כְּאַלְמָנוֹת 
\v 4 מֵימֵינוּ בְּכֶסֶף שָׁתִינוּ עֵצֵינוּ בִּמְחִיר יָבֹאוּ 
\v 5 עַל צַוָּארֵנוּ נִרְדָּפְנוּ יָגַעְנוּ לֹא הוּנַח לָנוּ 
\v 6 מִצְרַיִם נָתַנּוּ יָד אַשּׁוּר לִשְׂבֹּעַ לָחֶם 
\v 7 אֲבֹתֵינוּ חָטְאוּ אֵינָם אֲנַחְנוּ עֲוֺנֹתֵיהֶם סָבָלְנוּ 
\v 8 עֲבָדִים מָשְׁלוּ בָנוּ פֹּרֵק אֵין מִיָּדָם 
\v 9 בְּנַפְשֵׁנוּ נָבִיא לַחְמֵנוּ מִפְּנֵי חֶרֶב הַמִּדְבָּר 
\v 10 עוֹרֵנוּ כְּתַנּוּר נִכְמָרוּ מִפְּנֵי זַלְעֲפוֹת רָעָב 
\v 11 נָשִׁים בְּצִיּוֹן עִנּוּ בְּתֻלֹת בְּעָרֵי יְהוּדָה 
\v 12 שָׂרִים בְּיָדָם נִתְלוּ פְּנֵי זְקֵנִים לֹא נֶהְדָּרוּ 
\v 13 בַּחוּרִים טְחוֹן נָשָׂאוּ וּנְעָרִים בָּעֵץ כָּשָׁלוּ 
\v 14 זְקֵנִים מִשַּׁעַר שָׁבָתוּ בַּחוּרִים מִנְּגִינָתָם 
\v 15 שָׁבַת מְשׂוֹשׂ לִבֵּנוּ נֶהְפַּךְ לְאֵבֶל מְחֹלֵנוּ 
\v 16 נָפְלָה עֲטֶרֶת רֹאשֵׁנוּ אוֹי נָא לָנוּ כִּי חָטָאנוּ 
\v 17 עַל זֶה הָיָה דָוֶה לִבֵּנוּ עַל אֵלֶּה חָשְׁכוּ עֵינֵינוּ 
\v 18 עַל הַר צִיּוֹן שֶׁשָּׁמֵם שׁוּעָלִים הִלְּכוּ בוֹ {פ}
\p
\v 19 אַתָּה יַהְוֶה לְעוֹלָם תֵּשֵׁב כִּסְאֲךָ לְדוֹר וָדוֹר 
\v 20 לָמָּה לָנֶצַח תִּשְׁכָּחֵנוּ תַּעַזְבֵנוּ לְאֹרֶךְ יָמִים 
\v 21 הֲשִׁיבֵנוּ יַהְוֶה אֵלֶיךָ וְנָשׁוּב חַדֵּשׁ יָמֵינוּ כְּקֶדֶם 
\v 22 כִּי אִם מָאֹס מְאַסְתָּנוּ קָצַפְתָּ עָלֵינוּ עַד מְאֹד