\id COL - Gumawana Translation Project [C. Olson Draft #16 9-Jul-2018, Translator: Siyokira, checked by Joanna Frampton Mar 13-14, 2017] 
\h KOLOSE 
\toc3 Kol 
\toc2 Kolose 
\toc1 Yeisu ana totugugunayao Kolose goi adi leta 
\mt1 Kolose  
\mt2 Yeisu ana totugugunayao  //  Kolose goi adi leta  
\is1 Livala Aba Vaita  
\ip Leta ame Paulo ma siyana Timoti sigini sietune ina Yeisu ana totugugunayao Kolose goi yaidi. Paulo deri goi ikaaiyaka go, Timoti ikaaiyaka Pauloyana ivaite. Deriyana nakona Roma goi ikaaiyaka. Moe tetelina Guinuwa 28:11-31 goi ikaaiyaka.  
\ip Ame letayana tupwana nakae da Epeso adi leta. Paulo nakona aiyuwokova sivatayamo goi iginidi. Kolose be Epeso tupwana yomana, nakae 193 kilomita. Paulo geya tayaamo tuta ina Kolose geya. Tauyana boi ina Epeso go, nakona Kolose goi geya.  
\ip Ame letayana nakona Paulo tala 60 sinaena nakae igini.  
\ip Leta ame ana masi gagaina moe Yeisu ida Tomoya. Tovatulukwana polapola maniyedi Kolose goi sipooikíkina bego tonumisa sisobaledi. Tosobalayadi vatulúkwana liliudi sipopolidi, nakae Diyuu idi vatulúkwana, yaubada polapola adi tosakululu adi vatulúkwana be nakae Yeisu ina vatulúkwana sipopolidi. Ago idi vatulukwanayadi moe tomota idi vatulúkwana goi. Paulo tonumisa ivatulukoidi Yeisu anetava ida Tomoya be nakae Guyau, tauna itoboine Tauyana anetava takabiikaone.  
\iot Leta Luluna  
\io1 1. Leta ana togínina be ana tokatuyaivayao \ior 1:1-2 \ior*  
\io1 2. Paulo ina kauyagu be ina kawanoi \ior 1:3-23 \ior*  
\io1 3. Paulo Vala Dedevina mooitamoina ana totalavaita aba numisa \ior 1:24—2:5 \ior*  
\io1 4. Vala Dedevina mooitamoina konumīse \ior 2:6-23 \ior*  
\io1 5. Yawoida vau ina sinapu manuna \ior 3:1—4:1 \ior*  
\io1 6. Paulo ina liwola vaamliyaidi \ior 4:2-6 \ior*  
\io1 7. Paulo ina yabobona be ina nuwonúwana vaamliyaina \ior 4:7-18 \ior*  
\c 1  
\ms1 Leta ana togínina be ana tokatuyaivayao  
\mr (Kolose 1:1-2)  
\m
\v 1-2 Komi Yaubada ina kimasabayao Kolose goi,  
\p Yau Paulo \w Guyau\w* \w Yeisu\w* ina \w vamoléyana\w* tayamo Yaubada ina nuwonúwana goi be nakae siyada Timoti taiyao leta ame kaetune iwo komi \w aba numisa\w* be spwagoogonimi Guyau taiyao yaimi.  
\p Yaubada Tamada ina kanuwóiya be ina tuboina bei ivinimi.   
\ms1 Paulo ina kauyagu be ina kawanoi  
\mr (Kolose 1:3-23)  
\s1 Paulo ina kauyagu  
\p
\v 3 Tuta liliuna Yaubada, Tauyana ida Tomoya \w Guyau\w* Yeisu Tamana, yaina kakaauyagu tutayana komi manumi kakaawanoi.  
\v 4 Kakaauyagu nakae boi tutayana vala kagiminove imi numisa imi \w spwagógana\w* ida Tomoya Guyau Yeisu taiyao goi manuna be nakae imi \w matakoi\w* kidi Yaubada ina kimasabayao liliudi yaidi manuna go, ima ame tuta.  
\v 5 Imi numisayana be imi matakoiyana unadi moe imi lotuta go, imi lotutayana bego ami vaiwówana yábana goi Yaubada imataakavate nava bei ivinimi. Moe boi livala mooitamoina goi bogina konove; livalayana moe \w Vala Dedevina\w*.  
\v 6 Valayana bogina iwo yaimi, nakae boi ina tomota liliuudi nakae poyapoya ana madabokiina goi yaidi. Amoko goi ikéuwo be nakae inúnuwo, nakae komi yaimi nakae boi tutayana kogiminove be Yaubada ina kanuwóiya kolotowodoko moe moitamo.  
\v 7 Moe nakae Epapira\x † \xo 1:7 \xt Kol 4:12; Plm 1:23.\x* boi bogina ivatulukoimi. Tauyana ama tosavaiyuwo be nakae ida kalo, nakae Guyau ina tovaita aba numisa komi manumi.  
\v 8 Boi tauyana ilatuwokoima imi matakoi manuna. Imi matakoiyana unana moe \w Baloma Kimaasabaina\w*.   
\s1 Paulo ina kawanoi  
\p
\v 9 Moe pasina kai nakae tutayana valemi kagiminove go, ima ame tuta ima kawanoi manumi geya kasayateta. Ima kawanoiyana bego Yaubada ina nuwonúwana ana yagoina goi ivakayaodeimi ame nakae: Baloma Kimaasabaina nanamsa liliuna ivinimi, e bei koyagoidoko.  
\v 10 Latuwoma ivakayaodeimi bego koketoiya dókana nakae kita ida Tomoya ina bodao itoboineda, e bei yawoimi madabokina goi Yaubada kovauuyaone. Koketoiya dōkana ame nakae: Imi guinuwa dedevidi madabokina goi kookēuwo, imi nanamsa Tauyana manuna ibíbina,  
\v 11 ina togaga madabokina goi ikitogagemi nakae ana \w káeyana\w* tomoeeyalina ana togaga ana kakainaki. Moe nakae bego itoboinemi tuta liliuna imi egamogamogu manukaina, kotaoyaakavata nakae ina togaga ana kakainaki be mami uyáwana  
\v 12 kokaauyagu Tamada yaina. Tauyana itagoneda bei itoboineda ina kaiguyau boi ikaatotule ina kimasabayao liliudi bei ivinidi, e mavada ana dadava goi tababane.  
\v 13 Kita mamaníwana ina kaba lovina goi iyaveda namliyeta ikaidamaneda Natuna, moe ina kakaya, ina kalibúbuna sinaena goi.  
\v 14 Kita ida spwagógana Natunayana taiyao pasina ada tateta bogina tababane, moe ida goyo adi nuwotao.\x † \xo 1:14 \xt Epe 1:7.\x*   
\b  
\qc
\v 15 Natunayana moe Yaubada geya tagiteyeta   
\qc ana tapata be nakae totubukumgo.\x † \xo 1:15 \xt Sam 89:27; Rom 8:29; Kol 1:18; Ibe 1:6; Nuw 1:5.\x*  
\qc Yaubada ina madaginayao madabokidi itobusavedi.  
\b  
\qc
\v 16 Tauyana goi Yaubada kaga liliuna imadagidi;   
\qc kaga neta yábana goi  
\qc be nakae kaga neta poyapoya yatana goi,  
\qc kaga neta taagitedi  
\qc be nakae kaga neta geya tagitedita:  
\qc Yábana osasaina goi tolovina liliudi,  
\qc aba lovina liliudi, sinitu liliudi  
\qc be \w dimoni\w* adi tovakumgoyao liliudi.  
\qc Kaga liliuna Yaubada imaadagidi  
\qc moe Natunayana nimana goi imadagidi  
\qc be nakae Tauyana manuna imadagidi.  
\b  
\qc
\v 17 Tauyana namliyeta kaga liliuna sisowóduwo,   
\qc bogina ikaaiyaka,  
\qc e yaidi goi Tauyana toosakina  
\qc be nakae Tauyana goi ikikavateedokoidi.  
\b  
\qc
\v 18 Tauyana wowona   
\qc moe kita ana totugugunayao go,  
\qc dabada moe Tauyana.  
\b  
\qc Tauyana yawana vau ana kaba vatowo;  
\qc tokámasa yaidi goi Tauyana totubukumgo\x †a \xo 1:18 \xt Sam 89:27; Rom 8:29; Kol 1:15; Ibe 1:6; Nuw 1:5.\x*  
\qc bego kaga liliuna goi Tauyana toosakina.\x †b \xo 1:18 \xt Epe 1:22-23.\x*  
\b  
\qc
\v 19 Moe unana Yaubada mana uyáwana iilovina   
\qc bego toinina aderina madabokiina  
\qc Natunayana goi ikaaiyaka  
\qc
\v 20 be nakae Natunayana ina guinuwa goi   
\qc kaga liliuna poyapoya yatana be yábana sinaena  
\qc ikabivekovekomneidi ame nakae:  
\qc Tauyana ikaikaina kerose goi Yaubada inuwolida.  
\qc Tauna Natunayana toosakina.\x † \xo 1:20 \xt Epe 2:16.\x*  
\b  
\p
\v 21 Komi boi mainao imi guinuwa goyogoyoidi pasidi Yaubada yaina kotavilei be nuwomi goi Tauyana kovakaleye.  
\v 22 Go ame tuta Guyau wowona ina kámasa goi Yaubada ikabivekovekomneimi, e bei ivagitakoimi toinina matana goi kimaasabaimi Tauyana umana, maavadaimi be nakae geya ami pikwanamo.  
\v 23 Moe nakae moitamo neta numisa goi kokaiyaka dókana. Numisayana ida dako nakae, yatana bogina tatáoya ikasa. Ago numisayana goi geya tamoyamoya geya, go sem ada yava Vala Dedevina pasina talootutae. Vala Dedevinayana boi bogina konove, bogina inúnuwo Yaubada ina madaginayao liliudi yaidi goi. Valayana manuna yau Paulo bogina amalatovaita.   
\ms1 Paulo Vala Dedevina mooitamoina  //  ana totalavaita aba numisa  
\mr (Kolose 1:24—2:5)  
\s1 Paulo ina gedageda Vala Dedevina manuna  
\p
\v 24 Ame tuta guna gedageda komi ami dedevina manuna abaabanedi auyaaonedi unana gedagedayadi goi bei itoboinegu kaga \w Guyau\w* boi bogina igimilovina tonumisayao ida gedageda ana kakainaki manuna yau wowogu goi alukavavedi Tauyana wowona manuna. Wowonayana moe kita Yeisu ana totugugunayao.  
\v 25 Totugugunayami manumi yau bogina amalatovaita, nakae Yaubada bogina ikawoigu komi ami dedevina manuna bego ina Vala madabokina tomota liliudi yaidi goi atalavaite.  
\v 26 Valayana moe Yaubada ina nuwogau boi nimatu vamoounina tubumao yaidi goi go, ame tuta bogina ikaiwoduwe kita ina kimasabayao yaida.  
\v 27 Yaubada latuwona bego ina nuwogau ivatulukoida bei tayagoi ame nuwogauyana dedevina toina esaesa nakae go, \w Totuyoyowo\w* nuumisaimi yaimi tagite. Nuwogauyana moe Guyau yaimi nakae ikaaiyaka. Tauna koolotuta bego Yaubada ana káeyana tomoeeyalina goi bei kokaaiyaka.  
\v 28 Tauyana kai kataalavaite tutayana tomota liliumi kakatusinapumi be nakae mama nanamsa gagaina kavatulukoimi. Ima talavaitayana bego itoboinema tomota liliumi kavagitakoimi komi maatuwoimi Guyau matana goi.  
\v 29 Moe manuna nakae apoisógana ame nakae: Tauyana ina togaga sinaegu goi ipaisewa makimaki, e moe togagayana goi aakokoila.   
\c 2  
\s1 Paulo ina kokoila  
\p
\v 1 Moitamo. Aakokoila boda liliudi manudi go, latuwogu koyagoi guna kokoilayana komi manumi be da Laodiseya manudi be avatauwa tuwaina nakae maisigu geya sigiteyeta manudi moe kokoila gagaina.  
\v 2 Latuwogu bego kidi be nakae komi atemi sipatu ame nakae: Imi \w matakoi\w* goi taiyao kospwagōgana. Imi spwagoganayana bego Yaubada ina nuwogau madabokina bei koyagoikowosi go, moe yagoinayana bei sowomi. Ina nuwogauyana moe \w Guyau\w* manuna.  
\v 3 Tauyana goi nanamsa madabokiina Yaubada manuna tayagoidoko; nanamsayana esaesa vamoounina nakae go, Guyau goi Yaubada ikaiwoduwe.   
\p
\v 4 Moe alatuuwokoimi bego geya vatau tayaamo itoboine bei ina bóbwara dibidibidi goi ikatuubaumi.  
\v 5 Moitamo, guna bobwarayadi itoboinedi. Nakona yau moitamo geya maisigumo yaimi go, \w Baloma Kimaasabaina\w* goi yau akaaiyaka yaimi aauyáwana unana ayagoi komi taiyao kospwagógana be nakae imi numisa \w Guyau\w* yaina goi ikasa.   
\ms1 Vala Dedevina mooitamoina konumīse  
\mr (Kolose 2:6-23)  
\s1 Koketoiiya dōkana  
\p
\v 6 Tauna vatulúkwana ida Tomoya \w Guyau\w* \w Yeisu\w* manuna bogina kokabi, tauna imi spwagógana Tauyana taiyao pasina tuta liliuna kooketōiya nakae vatulukwanayana ilatuuwokoimi.  
\v 7 Imi ketoiyayana ame nakae: Boi komi alova lamna nakae Guyau goi kolabasousou, e kokasa go, nava nakae koguuinūwe. Tauyana imi dako nakae, e yatana yawoimi vada nakae koyowoyōwo kovadōkana. Imi numisa goi kovadōkana nakae Epapira bogina ivatulukoimi. Ago imi kauyagu Yaubada yaina ilausiwosīwo.   
\s1 Atumátala vatulukwana polapola manuna  
\p
\v 8 Ami dodōkana, govila bei tomota idi nanamsa polapola geya basabasaidimo goi nukotomi sikobaledi. Amo nanamsayadi tomota goi sima be nakae yábana osasaina ana tolovinao goi sima go, moe geya \w Guyau\w* ina nuwonúwana geya.  
\v 9 Guna nuwonúwana ame nakae: Guyau wowona goi Yaubada aderina madabokiina ikaaiyaka go,  
\v 10 Yaubada bogina ivakayaodeida ida spwagógana Guyauyana taiyao pasina, tauna bogina yoiyada unana Tauyana tolovina liliudi yaidi goi toosakina.   
\p
\v 11 Komi nakae imi spwagógana Tauyana taiyao pasina ana kaigigita \w sakava ana kúpwana\w* bogina kobabane bego komi Yaubada ina bodao. Go geya kada tomota nimadi goi sikupo geya, go sem kina \w Guyau\w* ina kámasa goi sakava sinapudi yaimi kwama bogo nakae ivalilividi ikalavedi.  
\v 12 Moe nakae isowóduwo tutayana ada \w sayóyova\w* goi kita tokámasa nakae Guyau taiyao sivaliwogeda. Yaubada ina guinuwa tanumise unana Tauyana itoboine tokámasa ikaitaoedi, tauna kita Guyauyana goi nakae taiyao Yaubada ikaitaoeda.\x † \xo 2:12 \xt Rom 6:4.\x*  
\v 13 Komi go boi mainao kaamasimi nakae imi kapipilova pasina be nakae sakavaimi geya ana kupwanamo pasina go, Yaubada yawoida vau Guyau taiyao bogina ivinida, e ida kapipilovayadi madabokina inuwotaoidi.\x † \xo 2:13 \xt Epe 2:1-5.\x*  
\v 14 Moe nakae ida rowaga bukina lovina ana kapipilova pasina, e itauwedi; rowaga bukinayana ivayokoida kita toogoyoida go,\x † \xo 2:14 \xt Epe 2:15.\x* moe bogina ikabi kerose goi itupatuko tutayana Guyau situpatuko.  
\v 15 Moeko goi sinitu be \w dimoni\w* adi tovakumgoyao idi togaga Yaubada Guyau ina guinuwa pasina ivasobusobuyedi namliyeta idi neneta ikaiwoduwe, e wowodi simayamaya.   
\s1 Atumátala lovina polapola manuna  
\p
\v 16 E taabu tomota sitaakinōimi komi toogoyoimi bego idi lovina áika manuna be nim manuna, o tala tamo tamo adi káika gagaidi o tukowana vau adi káika o \w Sabati\w* adi káika manudi geya kokabikaonedita. Manudi geya konuwonuwoneta geya.\x † \xo 2:16 \xt Rom 14:1-6.\x*  
\v 17 Amo dogoiyadi moe nakae kaga boi Yaubada ikatotule bei ima makayauna kaka go, makayauyana moe Tauyana iimekoida makayauna. Go Makayauyana mooitamoina moe kina \w Guyau\w*!   
\p
\v 18 Taabu tomota sitaakinōimi bego komi ami vaiwowana geya kobabaneyeta unana geya kosakululuta kidi nakae. Tauyadi madi nuwotokai polapola \w anerose\w* yaidi sisaakululu. Kaga neta idi \w kalayáusa\w* goi siigitedi sivateteliivataedi go, idi kalayausayadi manudi toinidi sikilaagasidi. Ago idi gagasayana geya basabasainamo unana gagasayana toinidi nuwodi neenetaidi goi ima.  
\v 19 Dabada moe Guyau go, tauyadi geya siyoisikavateyeta. Tauyana pasina kita wowona madabokina Yaubada ina guinuwa goi ibíbina. Ago kita talainao ivapateda be nakae ilamgogoida ida kaba sávina tamo tamo adi vaita goi taeboda tayamo.\x † \xo 2:19 \xt Epe 4:16.\x*   
\p
\v 20 \w Guyau\w* taiyao bogina takámasa, e yábana osasaina ana tolovinao yaidi goi bogina italigeida ae? Tauna komi kaga unana imi guinuwa ana kaigigita nakae nava idi lovina goi kokaaiyaka, e idi lovina kokabikaaonedi?  
\v 21 Lovinayadi ame nakae: Kónana maniyedi taabu kooyoisīdi o taabu kobisiikonēdi. O awoinu maniyedi taabu kokaniikonēdi.  
\v 22 Amo dogoiyadi taepaisewedi, e niga sitagau. Tauna lovinayadi manudi taabu konuuwonūwana. Moe tomota idi lovina be idi vatulúkwana.  
\v 23 Amo lovinayadi be vatulukwanayadi adi kaigigita nanamsa toina unana adi tosabokuliyao idi sakululu toinidi siwodugu, toinidi sivatabuyedi, wowodi siliiunedi go, geya. Moe sinapuyadi geya basabasaidimo idi vikaiya ana togaga ana sapimata manuna geya.   
\c 3  
\ms1 Yawoida vau ina sinapu manuna  
\mr (Kolose 3:1—4:1)  
\s1 Yábana sinapuna koyoisikaavatēdi  
\p
\v 1 E ámasa goi Yaubada bogina ikaitaoeda \w Guyau\w* taiyao ae? O tadigo kada, ‘Bogina iyolimeda.’ Moitamo. Tauna yábana sinapuna mami salau kosokiikinēdi unana maeko goi Guyauyana ikaaiyaka, wowoina basekoina Yaubada kakataina goi iitusobu.\x † \xo 3:1 \xt Sam 110:1.\x*  
\v 2 Taabu poyapoya sinapuna nuwomi goi koyoisikaavatēdi, go sem sinapuyadi diligaema nuwomi goi koyoisikaavatēdi.  
\v 3 Kita bogina takámasa nakae, e yawoida bogo bogina ikavava. Tauna yawoida mooitamoina moe vamoounina Guyau taiyao Yaubada goi.  
\v 4 Yawoidayadi moe Guyau. Tutayana isowóduwo, e kita nakae Tauyana taiyao tasowóduwo ana \w káeyana\w* tomoeeyalina goi bei takaaiyaka.   
\s1 Poyapoya sinapuna yaimi goi kokauumatēdi  
\p
\v 5 E tuwo poyapoya sinapuna liliudi talaimiyao siepaaisewedi, e kokauumatēdi. Sinapuyadi moe masisi goyogoyoina, kaga goyogoyoina, vikaiya aba omayamaya, yalagau goyogoyoidi be matakónana. Matakonanayana moe nakae kónana bego tomota idi kaba sakululu.\x † \xo 3:5 \xt Epe 5:5.\x*  
\v 6 Sinapuyadi pasidi Yaubada ina egamogamogu bei ina tauyadi kapipiilovaidi yaidi goi.  
\v 7 Komi nakae, boi sinapuyadi yaidi goi kooketoiya tutayana kidi kapipilovaidiyadi yaidi goi kokaaiyaka.  
\v 8 Ego tuta ame goi komi nakae ame sinapuyadi madabokidi kwama bogo nakae kovalilivīdi kokalavēdi: Egamogamogu, alakúyuma, nuwonúwana yogedageda manuna, tagíwaya be nakae bóbwara goyogoyoidi.  
\v 9 Taabu sedao yaidi goi tapolapōla unana yawoida bogo madi guuinuwa goyogoyoidi kwama bogo nakae bogina tavalilividi takalavedi\x † \xo 3:9 \xt Epe 4:22.\x*  
\v 10 go, yawoida vau kwama vau nakae bogina talosidi.\x †a \xo 3:10 \xt Epe 4:24.\x* Yawoidayadi adi tomadágina iyoolimedi, e kita Tauyana ana tapata nakae,\x †b \xo 3:10 \xt Abv 1:26.\x* e bei Tauyana tayagoidoko.  
\v 11 Yawoida vauyadi goi geya tayaamo tavilei ikaaiyaka geya. Nakae Giriki o \w Diyuu\w*, \w sakava ana kúpwana\w* o sakava geya ana kupwanamo, woiwoitulu o da Sikidiya woiwoi, \w paakonidi|lemma="Paakonina"\w* o taliigavidi. Go sem \w Guyau\w* kaga liliuna itobukukuyuidi be nakae liliuda yaida goi ikaaiyaka.   
\s1 Yawoimi vau kolōsi  
\p
\v 12 E tuwo komi Yaubada ana kinava bogina ikimasabemi toinina umana be imatakooiyemi, tauna ame sinapuyadi kwama nakae kolosīdi: Nuwokapisi, yabobona, nuwotokai, sakululu be egamogamogu manukaina.\x † \xo 3:12 \xt Epe 4:2.\x*  
\v 13 Tomota yaidi geya kokawowoteyeta go, neta tomota goyo siguinuwedi yaimi, idi goyoyadi konuwotaōidi. Ida Tomoya ida goyo bogina inuwotaoidi. Kita nakae, tomota idi goyo tanuwotaōidi.\x † \xo 3:13 \xt Epe 4:32.\x*  
\v 14 E moe sinapuyadi kolosidi ikavava, namliyeta baige \w matakoi\w* kolōsi. Matakoiyana goi taspwagogana dókana.  
\v 15 Ago tuboina boi \w Guyau\w* iivinida tatagōne ateda goi ikaabikúnuwo bei taiyao taatuboina. Tuboinayana manuna Yaubada iduduweda bei taeboda tayamo, e kita Guyau wowona. Ago tuta liliuna takaauyāgu Yaubada yaina.   
\p
\v 16 \w Guyau\w* valena sowomi, e kotagōne yaimi goi ikaaiyaka ikabikunuimi be mami nanamsa liliuna Same, vesi tapwaroro, \w Baloma Kimaasabaina\w* ina vesi goi valayana kovatulūkwana be kokatusināpu komi tamo tamo yaimi goi be nakae mami kaauyagu atemi goi kovesivēsi Yaubada yaina.\x † \xo 3:16 \xt Epe 5:19-20.\x*  
\v 17 Ago kaga liliuna koguuinuwedi, nakona kobobóbwara o nakona kopaaisewa, madabokiina komi Tomoya \w Yeisu\w* ana katumapuyao nakae koguuinuwēdi imi kauyagu nuwesina Yaubada Tamada yaina go, imi kauyaguyadi Yeisu bei italavaitedi Yaubada yaina.   
\s1 Lovina boda tamo tamo manudi  
\p
\v 18 Komi vevina, monemiyao yaidi kokatetaagonēmi\x † \xo 3:18 \xt Epe 5:22; 1Pi 3:1.\x* nakae komi ida Tomoya ina tomotao itoboinemi.   
\p
\v 19 Komi koroto, monemiyao komatakooiyēdi\x † \xo 3:19 \xt Epe 5:25; 1Pi 3:7.\x* go, taabu kokubuukasēdi.   
\p
\v 20 Komi gogómana, kaga liliuna goi tamamiyao be sinamiyao kokabikaaonēdi.\x † \xo 3:20 \xt Epe 6:1.\x* Yaubada iuyáwana tutayana komi spwagoogonimi ida Tomoya taiyao nakae koguuinuwe.   
\p
\v 21 Komi koroto, taabu natumiyao koyokaikaaiyēdi,\x † \xo 3:21 \xt Epe 6:4.\x* govila bei nuwodi sitopa.   
\p
\v 22 Komi paakonimi, kaga liliuna manudi imi tomoyamoya poyapoya goi kokabikaaonēdi. Geya kada matadi kaka goi kokabikaaonēdi geya. Moe nakae tauyadi yapali ana tolusalayao. Go sem mami kasala mooitamoina atemi goi kokaabikāwana go, mami matoita wowooinina ida Tomoya yaina goi.  
\v 23 Kaga neta koguuinuwe, maa katemi kopaaisēwa go, ami kaigigita geya kada tomota manudi kopaaisewa geya, go sem ida Tomoya manuna kopaaisewa.  
\v 24 Neta konuwaisi bego kaga ida Tomoya boi bogina ikaatotule komi ina bodao yaimi goi, moe ami vaiwówana bei kobabane. Komi ida Tomoya ina pakonayao, e manuna kopaaisēwa unana Tauyana moe \w Guyau\w*.\x † \xo 3:24 \xt Epe 6:5-8.\x*  
\v 25 Moitamo. Avatau neta goyo ana toguinuwa, nakonakae ina goyo, e ana katumapu bei ibabane go, Yaubada Tokivavasa, e ina lovina vavasa tomota liliuda yaida.\x † \xo 3:25 \xt Atu 10:17; 2Te 19:7; Gui 10:34; Rom 2:11; Gal 2:6; Epe 6:9.\x*   
\c 4  
\p
\v 1 Komi tomoyamoya, mami takínona mooitamoina be kivaavasaina imi \w pakonayao|lemma="Paakonina"\w* komatakaavatēdi Yaubada matana goi. Konuwāisi bego komi nakae mami Tomoya yábana goi.\x † \xo 4:1 \xt Epe 6:9.\x*   
\ms1 Paulo ina liwola vaamliyaidi  
\mr (Kolose 4:2-6)  
\p
\v 2 Kokaasalēmi awanoi goi go, imi kawanoiyana goi mami kauyagu nukotomi goi koyauyāusa.\x † \xo 4:2 \xt Epe 6:18.\x*  
\v 3 Kai nakae manuma kokaawanōi bego Yaubada ina livala ana kenao tayamo ikatupáeve manuma, e bei itoboinema \w Guyau\w* valena boi vamoounina katalavaite tomota yaidi. Guyau ana talavaitayana pasina yau deri goi akaaiyaka.  
\v 4 Nakae kokaawanōi manugu bego itoboinegu valayana alumavivisidoko guna kawoi ana toboine nakae.   
\p
\v 5 Mami nanamsa koketooiya dōkana tomota geya sinumiseta yaidi goi. Taabu imi tuta kokavaavalūge, go sem imi tuta tamo tamo adi toboine guinuwa dedevidi koguuinuwēdi.\x † \xo 4:5 \xt Epe 5:16.\x*  
\v 6 Imi livala tuta liliuna madi kaanuwōiya, awoinu mana \w soroti\w* nakae, e bei koyagoi nakonakae itoboinemi tomota tamo tamo idi livala kokatumapudi.   
\ms1 Paulo ina yabobona  //  be ina nuwonúwana vaamliyaina  
\mr (Kolose 4:7-18)  
\s1 Paulo valena manuna  
\p
\v 7 Tukiko\x †a \xo 4:7 \xt Gui 20:4; Epe 6:21-22; 2Ti 4:12; Tai 3:12.\x* bei aetune iwo bei yau valegu madabokina ilatuwokoimi. Tauyana konōve unana tauyana siyada nakae ida kalo, tayamo tovaita \w aba numisa\w* nakae ida tosavaiyuwo Tomoyayana umana.\x †b \xo 4:7 \xt Epe 6:21-22.\x*  
\v 8 Tauyana aetune iwo ame manuna: Bego kaga kaga siisowóduwo yaima koyagoidi be nakae itoboine atemi ikipaiwoledi.  
\v 9 Onesimo\x † \xo 4:9 \xt Plm 1:10-12.\x* taiyao siwowoiwo unana tauyana siyada, nakae ida kalo aba numisa be nakae komi imi boda tayamo. Kaga liliuna siisowóduwo ameko goi adi taiyuwokova bei silatuwokoimi.   
\s1 Paulo kidi idi vaduduwo  
\p
\v 10 Aristako,\x †a \xo 4:10 \xt Gui 19:29, 27:2; Plm 1:24.\x* tauyana deri ana tokaiyako yau taiyao, ina yabobona yaimi. Banabasi nubaina Maki\x †b \xo 4:10 \xt Gui 12:12,25, 13:13, 15:37-39.\x* nakae ina yabobona yaimi. Makiyana manuna ami lovina bogina avinimi. Neta iwo, kouyaōne.  
\v 11 \w Yeisu\w*, tauyana youyuwoina Yusto, nakae ina yabobona yaimi. Kidi \w sakavaidi kuuponidi|lemma="Sakava ana kúpwana"\w* yaidi goi ame adi taito aditava guna tosavaiyuwoyao \w Yaubada ina kalibúbuna\w* manuna sivaitegu.  
\v 12 Epapira,\x † \xo 4:12 \xt Kol 1:7; Plm 1:23.\x* tauyana imi boda tayamo, ina yabobona yaimi. Tauyana \w Guyau\w* Yeisu ina pákwana tayamo. Tuta liliuna ina kawanoi goi iikokoila manumi bego koovadókana, imi numisa goi komatuwo be nakae Yaubada ina nuwonúwana koyagoidoko.  
\v 13 Moe moitamo. Tauyana akamoitamoe yaimi bego iikokoila gagaina manumi be nakae tonumisa Laodiseya be Iyerapoli goi manudi.  
\v 14 Ida kalo doketa Luke\x †a \xo 4:14 \xt 2Ti 4:11; Plm 1:24.\x* be Demasi\x †b \xo 4:14 \xt 2Ti 4:10; Plm 1:24.\x* idi yabobona yaimi.   
\p
\v 15 Kai ima yabobona sedao Laodiseya goi yaidi, niuda Nimpa yaina be nakae Yeisu ana totugugunayao tauyana ina vada goi siitugúguna yaidi.  
\v 16 Tutayana leta ame bogina sikatuyaivi konove, namliyeta koetūne ina Yeisu ana totugugunayao Laodiseya goi nakae kidi sikatuyaivi sinove. Ago kidi adi leta nakae sietune iwo bei komi kokabi kokatuyaivi.  
\v 17 Ago Arikipo\x † \xo 4:17 \xt Plm 1:2.\x* kolatuwōko kami,  
\pm ‘Paisewa Tomoya bogina iivinim kunuwāisi kulukavave.’   
\pmc
\v 18 Guna yabobona ame toinigu nimagu goi agini.  
\pmc Guna kaiyaka deri goi konuwokavāte.  
\pmc Ida Tomoya Yeisu Guyau bei ikanuwoiyemi!  
\b  
\cls \sig Yau Paulo be Timoti \sig*