\id 2JN - Gumawana Translation Program [C. Olson Draft #15 13-Jul-2018, checked June 2002 - Paul Minter. Final read through Nov-2017] 
\h 2 IYONI 
\toc3 2Iy 
\toc2 2 Iyoni 
\toc1 Iyoni ina leta aiyuwoina 
\mt1 2 Iyoni  
\mt2 Iyoni ina leta aiyuwoina  
\is1 Livala Aba Vaita  
\ip Leta ame ana togínina moe tomoya tayamo (tomwana 1 kugīte). Ame nakona Yeisu ina tovatotówana Iyoni. Tauyana Epeso goi igini tala 80 ina tala 95 go, nauyayanaidi.  
\ip Ame letayana moe namoya kiinavaina ma natunao adi leta go, moe nakona livalakaibala. Namoya kinavainayana nakona Yeisu ana totugugunayao adi tovakumgo tayamo go, natunao moe Yeisu ana totugugunayao.  
\ip Leta ame Iyoni igini unana bágala tayamo isowóduwo. Tovatulukwana polapola maniyedi sikaaiyaka go, idi sinapu moe sivanibiníbita Yaubada ana totugugunayao idi tugúguna tamo tamo goi sivaatulúkwana. Ego kidi idi vatulukwanayana geya idedevineta. Aiyuwoina tutayana sivanibiníbita, simasisi tonumisa idi vada goi unana tauyadi ogaoga. Ame letayana goi Iyoni Yaubada ana totugugunayao ikatumatalidi bego livala moitamo sikabiikaone be nakae sediyao simatakooiyedi. Go aiyuwoina itoboinedi tovatulukwana polapola sikataedi.  
\iot Leta Luluna  
\io1 1. Iyoni ina kauyagu \ior 1-3 \ior*  
\io1 2. Lovina matakoi manuna \ior 4-11 \ior*  
\io1 3. Iyoni ina vaduduwo \ior 12-13 \ior*  
\c 1  
\s1 Iyoni ina kauyagu  
\m
\v 1 Kom namoya kiinavaim ma natumowo,\f ‡ \fr 1:1 \fk Namoya kiinavaim ma natumowo\ft : Ame livalakaibala. Ana yagoina moe ekeresiya tayamo be nakae Yeisu ana totugugunayao.\f*  
\p Yau imi tomoya ami leta ame agini iwo yaimi. Amatakoiyemi nakae Yaubada ana \w Nanamsa Mooitamoina\w* bogina ikaiwoduwe yaida. Go geya kada yau agutava geya, go sem avatauwa neta Nanamsayana bogina siiyagoi nakae simatakooiyemi.  
\v 2 Moe unana Nanamsa Moitamoinayana nuwoda goi ikaaiyaka nakae yaida bei ikaiyako vata.   
\p
\v 3 Yaubada Tamada be Natuna \w Yeisu\w* \w Guyau\w* idi kanuwóiya be idi nuwokapisi be nakae idi tuboina yaida bei sikaaiyaka tutayana Nanamsa Moitamoinayana goi be \w matakoiyana|lemma="Matakoi"\w* goi takaaiyaka.   
\s1 Lovina matakoi manuna  
\p
\v 4 Auyáwana gagaina unana natumowo maniyedi agitebabanedi, Yaubada ana Nanamsa Mooitamoina sisabookuliye nakae ida lovina boi Tamada iivinida.   
\p
\v 5 Go namoya, ame tuta akawanoiyem lovina tayamo kukabiikaōne. Lovinayana geya kada lovina vau agini geya, go sem moe lovina bogo boi ida numisa ana kaba vatowo goi bogina tanove. Lovinayana ame nakae: Sedao tamatakooiyēdi.\x † \xo 1:5 \xt Iyo 13:34, 15:12,17; 1Iy 3:23.\x*  
\v 6 Go ame matakoi: Yaubada ina lovina takabikaonedi. Ame ina lovinayana nakae boi imi numisa ana kaba vatowo goi bogina konove: Yaubada ana Nanamsa Mooitamoina goi kooketōiya.  
\v 7 Moitamo. Topola badabadaidi bogina sina asa liliudi poyapoya ana madabokina goi silawooiwoi bego Yeisu \w Guyau\w* imalasakava. Avatau neta amo nakae siibobore, iya moe topolayana, Guyau ana kaleyayana.  
\v 8 Topolayadi goi ami dodōkana, govila bei kaga nakae bogina tapooisogane itagau. Moeko goi imi poisoganayana ana vaiwówana madabokina geya itagauta, go sem vaiwowanayana bei kobabane.   
\p
\v 9 Avatauwa neta \w Guyauyana|lemma="Guyau"\w* ina vatulúkwana sikaatusavi nakae vatulukwanayana goi geya sikaiyaketa, e tauyadi Yaubada taiyao geya sispwagogoneta. Go avatauwa neta Guyauyana ina vatulúkwana goi sikaaiyaka, e tauyadi Tamada be Natuna taiyao sispwagógana.   
\p
\v 10 Avatauwa neta siwo yaimi go, moe vatulukwanayana geya sivatulukoneta, e tauyadi imi vada goi taabu kouyaaonēdi be nakae taabu kokaauyāgu yaidi.  
\v 11 Moe moitamo. Avatau neta tauyadi yaidi ikaauyagu, idi guinuwa goyogoyoidi bogina isiukoidi.   
\s1 Iyoni ina vaduduwo  
\p
\v 12 Kaga liliuna sikaaiyaka go, geya latuwogu leta goi alatuwokoimi, go sem aalotuta bego ao yaimi bei komi taiyao tabóbwara. Moe bego taiyao tauyawana dókana.   
\p
\v 13 Siyam kiinavaina\f ‡ \fr 1:13 \fk Siyam kiinavaina\ft : Ame nakona livalakaibala go, ana yagoina moe tonumisa Iyoni taiyao sikaaiyaka.\f* ameko goi natunao idi yabobona yaim.  
\b  
\cls \sig Yau Iyoni \sig*