\id 2CO - Gumawana Translation Project [C. Olson Draft #18 5-Jul-2018, translators: Siyokira, Tomasi. Village check: Jerome, Riley, Benedi, Yagwaitu. Final check: Joanna Frampton, Patimo, Robat] 
\h 2 KORINTA 
\toc3 2Ko 
\toc2 2 Korinta 
\toc1 Yeisu ana totugugunayao Korinta goi adi leta aiyuwoina 
\mt1 2 Korinta  
\mt2 Yeisu ana totugugunayao Korinta goi  //  adi leta aiyuwoina  
\is1 Livala Aba Vaita  
\ip Leta ame ana livala aba vaita madabokina 1 Korinta ana livala aba vaita goi kugīte.  
\ip Leta ame Paulo be Timoti sietune ina Yeisu ana totugugunayao Korinta goi yaidi. Boi Paulo da Korinta adi leta aivasi iginidi. Leta vakuumgoina be leta aitonina sitagau. Leta aiyuwoina moe 1 Korinta. Leta ame moe leta aivasina ina da Korinta yaidi.  
\ip Nakona tala 56 sinaena leta ame Paulo igini. Tutayana igini nakona tauyana Mesadoniya parovinsi goi ikaaiyaka go, asa giyaina yoina Pilipai o Bereya.  
\ip Leta ame itoboineda tabobo dadavato. Kúpwana 1 ina 7 moe dadava tayamo go, kúpwana 8 be 9 dadava aiyuwoina, kúpwana 10 ina 13 dadava aitonina.  
\ip Leta ame goi Paulo itasígina bego moitamo toina Yeisu boi ikawoi paisewa iguinuwe, tauna ina sinapu ivateteli nakae kaga kaga siisowóduwo yaina. Aiyuwoina ina sinapu da Korinta yaidi manuna itasígina. Tayamo mou Korinta goi moe Paulo geya latuwona tomota siemaisi ina paisewa Vala Dedevina manuna. Tauna tomota maniyedi geya siuyaoneyeta. Tuwaina ivatétala vininabeso ana sinapu manuna.  
\ip Ame letayana goi itoboineda tagite Paulo ina matakoi da Korinta yaidi.  
\iot Leta Luluna  
\io1 1. Leta ana togínina be ana tokatuyaivayao \ior 1:1-2 \ior*  
\io1 2. Yaubada ina kipáiwala manuna \ior 1:3-22 \ior*  
\io1 3. Paulo ina kawoi be ina sinapu ilumavivisidi \ior 1:23—7:16 \ior*  
\io1 4. Vininabeso Manuna \ior 8:1—9:15 \ior*  
\io1 5. Paulo vamoléyana tayamo ina lovina itasigi \ior 10:1—13:10 \ior*  
\io1 6. Paulo ina vaduduwo \ior 13:11-13 \ior*  
\c 1  
\ms1 Leta ana togínina be ana tokatuyaivayao  
\mr (2 Korinta 1:1-2)  
\m
\v 1 Komi Yaubada ana totugugunayao Korinta goi nakae komi Yaubada ina kimasabayao liliumi Akeya\f ‡ \fr 1:1 \fk Akeya\ft : Korinta asa tayamo Akeya parovinsi sinaena.\f* parovinsi ana madabokina goi,\x † \xo 1:1 \xt Gui 18:1.\x*  
\p Yau Paulo \w Guyau\w* \w Yeisu\w* ina \w vamoléyana\w* Yaubada ina nuwonúwana goi be nakae siyada Timoti ami leta ame kaetune iwo komi yaimi.   
\p
\v 2 Yaubada Tamada be ida Tomoya Yeisu \w Guyau\w* idi kanuwóiya be idi tuboina bei sivinimi.   
\ms1 Yaubada ina kipáiwala manuna  
\mr (2 Korinta 1:3-22)  
\p
\v 3 Yaubada aba yapali!\x †a \xo 1:3 \xt Luk 1:68; Rom 1:25, 9:5; 2Ko 11:31; Epe 1:3; 1Pi 1:3.\x* Tauyana ida Tomoya Yeisu \w Guyau\w* ina Yaubada be nakae Tamana!\x †b \xo 1:3 \xt Rom 15:6; 2Ko 11:31; Epe 1:3,17; 1Pi 1:3.\x* Tamanayana nuwokaapisina go, kipáiwala liliudi unadi moe Yaubadayana.  
\v 4 Ima mou liliudi goi ikipaiwolema e itoboinema ituli ta tokaiyakomou adi mou liliudi goi kakipaiwoledi Yaubada ina kipáiwala goi nakae boi kai bogina ikipaiwolema.  
\v 5 Moitamo. Guyau ina gedageda kalotowoidi gagaina, e nakae Guyau goi Yaubada ina kipáiwala ivaituwe yaima. Tauna itoboinema semao kakipaiwoledi.  
\v 6 E tutayana mou kababanedi, moe komi ami kipáiwala be ami yava manudi. Tutayana Yaubada ikipaiwolema, moe komi ami kipáiwala manuna. Kipaiwalayana ame nakae: Tutayana gedageda kai ima gedageda nakae kobaabanedi goi komeesayágana, e Yaubada ikipaiwolemi.  
\v 7 Ago kayagoi komi imi gedageda goi bei kotogaga. Bogina kayagoi imi gedagedayadi kai nakae kobaabanedi go, Yaubada bei ikipaiwolemi nakae kai bogina ikipaiwolema.   
\p
\v 8 Moitamo Esiya parovinsi goi mou kababanedi go, latuwoma ima mouyadi koyagoidokoidi, segowo. Mouyadi kalootowoidi moumou sisaki, nakae geya itoboinemeta toinima ima togaga goi katogaga, tauna nukotoma itopa; ima lotówana kalotowoidi nakae bei kakámasa.\x † \xo 1:8 \xt 1Ko 15:32.\x*  
\v 9 U. Toinima nuwoma goi kanuwonúwana kama, ‘Bei takámasa!’ Tauna toinima ima togaga geya kanumiseyeta, go sem Yaubada tokámasa ikaitaaoedi kanumise.  
\v 10 Tauyana aba vailai gagaidi goi iiyavema go, nava bei nakae iiyavema. Tauyana yaina kalotuta bego tuta liliuna bei iiyavema.  
\v 11 Komi nakae imi kawanoi goi kosiukōima. Latuwoma bego tomota badabadaidi sikauyagu Yaubada yaina ina kaiguyau yaima manuna; aiguyauyana moe tomota badabadaidi idi kawanoi pasina.   
\p
\v 12 Moitamo itoboinema kakawanoi yaimi bego kokawanoi manuma. Ima uyawana gagágasa goi nukotoma geya isabutukoidita go, ima uyawana gagagasayana moe ame: Bego Yaubada pasina ima sinapu da poyapoya yaidi moe mooitamoina be maavadaina go, moe gagaina toina komi yaimi goi. Go ima sinapuyadi geya kada poyapoya ana nanamsa goi geya, go sem Yaubada ina kanuwóiya yaima goi.  
\v 13-14 Moe moitamo. Ami leta kogīte. Geya tayaamo kaga kavamoukoimi, go sem kaga liliuna letayana goi itoboinemi kokatuyaivi be koyagoi. Ego ame tuta tupwana koyagoima go, alotuta bego nava bei koyagoidoko kai pasima komi aedidimi bei kosamolai nakae komi pasimi kai aedidima kasamolai ida Tomoya Yeisu ina maliyalina goi.   
\p
\v 15 Anumisa moe koyagoi, tauna guna nuwonúwana bego mainao ao avadademi bego guna vadadanayana pasina ami dedevina sivayuwoina kobabane.  
\v 16 Guna nuwonuwanayana ame nakae: Bego tutayana anonoina Mesadoniya go, ao avadademi. Niga tutayana Mesadoniya akalave, bego aiyuwoina ao yaimi. Moeko goi itoboinemi ma nimatoogu kovalavegu ana Yudiya.\x † \xo 1:16 \xt Gui 19:21.\x*   
\p
\v 17 E tauna moe bego aguinuwe go, niga geya itoboineguta. Go manakae? Guna yúpuna goi akatubaumi nakae tomota maniyedi bogina siwowokoigu? Geya akatubaumita! O nakona konuwonúwana tutayana ayúpuna, sakava ina sinapu goi toinigu mainao ayúpuna kagu, ‘U, bei ao.’ Go, guna nuwonúwana moitamo moe kagu, ‘Geya awoita.’ Moe nakae geya aguinuweyeta.  
\v 18 E kina Yaubada \w aba numisa\w* iyagoida! Ima livala yaimi goi geya kapoleta geya! Tutayana kama, ‘U, bei kao’, e ima nuwonúwana nakae bei kaguinuwe. Neta kama, ‘Geya kawoita’, nakae bei kaguinuwe.  
\v 19 Bogina koyagoi. Yeisu ina sinapu kasabookuliye. Yaubada Natuna, moe Yeisu \w Guyau\w*, boi yau, Silovano be Timoti taiyao katalavaite yaimi. Moe Tauyana geya ipoleta kana, ‘U, bei aguinuwe’ go, ina nuwonúwana kana, ‘Bei geya aguinuweta.’ Go sem Tauyana goi Yaubada ina katótula sisowóduwo nakae idige.\x † \xo 1:19 \xt Gui 18:5.\x*  
\v 20 Moe moitamo. Yaubada ina katótula liliudi Yeisu ina guinuwa pasina kana, ‘U, bei aguinuwe.’ Tauna nakae Yeisu goi Yaubada talatuwoko kada, ‘E nakae!’ Moe Yaubada ana taimámina manuna.  
\v 21 E Tauyana kai komi taiyao ikitogageda ida \w spwagógana\w* Guyau taiyao pasina be nakae toinina umana ikinaveda moe Yaubada.  
\v 22 Tauyana ina kaba kinana ateda goi iyato moe \w Baloma Kimaasabaina\w*. Balomayana goi tayagoi ina katótula bei iguinuwedi.   
\ms1 Paulo ina kawoi be ina sinapu ilumavivisidi  
\mr (2 Korinta 1:23—7:16)  
\s1 Paulo ina vadádana iupavile  
\p
\v 23 E Yaubada iyagoida yau abóbwara moitamo! Boi latuwogu bego guna bolagu yaimi avakilisi. Moe pasina geya awoita moeko Korinta.  
\v 24 Go moe geya bego imi numisa kalovinae geya, go sem kai komi imi tosavaiyuwo imi uyáwana manuna. Tauna imi numisa geya kalovinaeyeta geya. Bogina koyagoi. Imi numisayana goi bogina kotaoyakavata!   
\c 2  
\p
\v 1 Moitamo geya kawoita. Yau toinigu bogina alovina ame: Neta ao avadademneimi go, guna bolagu pasina aiyuwoina kokategedamna, bei geya awoita.  
\v 2 Neta yau pasigu kokategeda, e geya vatau tayaamo yaimi goi ikaaiyaka bei ivauyaonegu ae?  
\v 3 Nakae alovina, tauna boi nakae ami leta goi agini, govila bei ao kogienuwomouyegu. Ago itoboine komi kovauyaonegu! Bogina boi anumisa madabokimi yaimi bego yau guna uyáwana bei ivauyaonemi.  
\v 4 Amo letayana magu yogedageda gagaina be magu kategeda gagaina be magu táiya gagaina agini. Ago letayana aetune iwo geya bego kokategeda geya, go sem bego guna \w matakoi\w* gagaina yaimi goi koyagoi.   
\s1 Toogoyoina tayamo  //  da Korinta yaidi goi itoboinedi sinuwotao  
\p
\v 5 E boi toogoyoina yaimi goi yau ategeda geya iviniguta, go sem komi madabokimi ategedayana ana kakainaki ituli ituli ivinimi. Go geya latuwogu bego guna bóbwara goi tauyana ina goyo bolotona akatusavi.  
\v 6 Madabokimi bogina koliune, e moe ina liunayana bogina yoiyana.  
\v 7 Tauna ame tuta ina goyo konuwotāo be kokipaiwōle, govila bei ina nuwomou ivakaigagasave.  
\v 8 Tauna akawanoi makimaki komi kolovina bego imi matakoi tauyana manuna kokamoitamoe be kokabivekovekomnei.  
\v 9 Moitamo nakae itoboinemi. Moe nakae boi letayana agini aetune iwo unana ame: Bego avakakonemi be ayagoi neta kaga liliuna alatuuwokoimi kokabikaonegu o geya.  
\v 10 E avatau neta ina goyo konuwotao, yau nakae anuwotao. Neta moitamo goyo tayamo iguinuwe, e kaga nakae bogina anuwotao, moe komi ami dedevina manuna \w Guyau\w* matana goi anuwotao  
\v 11 bego Kaleya geya itoboineyeta ikatubauda. Ina sinapu tulutuludi bogina tayagoidokoidi.   
\s1 Paulo ina nuwotúkala go,  //  Yaubada pasina Guyau Valena isagayako  
\p
\v 12 E boi ana Tarowasi goi \w Guyau\w* Valena Dedevina ana talavaita manuna. E ida Tomoya ina togaga goi totom ikatupáeva yau manugu bego valayana atalavaite yaidi go,\x † \xo 2:12 \xt Gui 20:1.\x*  
\v 13 balomaigu geya itoboineyeta iwaiwasi unana siyagu Taito geya ababaneyeta bego italavaitemi. Tuwo geya akaiyaketa, go sem sedao Tarowasi goi akalavedi go, ama ameko Mesadoniya goi asiu bego Taitoyana nakona ameko goi avalobode.   
\p
\v 14 Go Yaubada yaina takauyagu unana tuta liliuna Tauyana yaviya ina tokalikumatana nakae ida \w spwagógana\w* \w Guyau\w* pasina ivakumgoiyeda bei tatogaga. Go Guyau valena moe emáina dedevina \w insensi\w* nakae go, kai ima talavaita goi Yaubada ikaiwoduwe dadava liliudi bego tomota itoboinedi sisamkone, e bei Tauyana siiyagoi.  
\v 15 Guna nuwonúwana ataligei. Kai ima talavaitayana moe Guyau mainina dedevina nakae, e Yaubada ivauyaone go, avatauwa neta iiyavedi o avatauwa neta siivailai, liliudikova sinove.  
\v 16 Emainayana kidi siivailai sinove, moe ámasa mainina kaka nakae o tadigo kada, ‘Bei sikámasa.’ Ago kita Yaubada iiyaveda tanove, moe yawana vata kaka mainina nakae o tadigo kada, ‘Yawoida vata tababane.’ Go moe paisewayana Guyau Valena manuna avatau itoboine iguinuwe? Kaai go!  
\v 17 Moitamo. Maniyedi totalavaita polapola madi váobuna Yaubada ina livala sitaalavaite. Go kai amo tauyadi nakae geya, go sem kai geya ima polamo kataalavaita. Kai ima spwagógana Guyau taiyao pasina katalavaita go, moe paisewayana Yaubada ikawoima bei matana goi katalavaita.   
\c 3  
\s1 Da Korinta Paulo ana leta  //  aba kamoitamo nakae  
\p
\v 1 Manakae? Konuwonúwana bego ima livala goi aiyuwoina toinima kakamoitamoema komi yaimi bego kouyaonema? Kai geya ituli ta boda maniyedi nakae. Kidi itoboine adi leta sivinimi bego ikamoitamoedi yaimi, e kouyaonedi ae? Go kai moe nakae geya. Aiyuwoina geya itoboineyeta ama leta kogini bego ituli ta boda yaidi goi kokamoitamoema bego siuyaonema. Moe nakae geya  
\v 2 unana komi ama leta aba kamoitamo, bei komi goi tomota siuyaonema. Letayana atema goi ikaaiyaka bei tomota liliudi itoboinedi sikatuyaivi siyagoima o tadigo kada, ‘Imi sinapu sigite, ima paisewa siyagoi dedevina.’  
\v 3 Bogina imavada bego komi leta tayamo nakae \w Guyau\w* igini kai ima paisewa dedevina yaimi goi manuna go, kai tomota kavinidi. Ago geya kada bairo goi igini geya. Moe bei itagau. Go sem Yaubada maa yawoina Balomaina goi igini. Geya gurewa paaevaidi goi igini nakae Mosese iguinuwe geya,\x †a \xo 3:3 \xt Tat 24:12.\x* go sem tomota atedi goi igini.\x †b \xo 3:3 \xt Yer 31:33; Isi 11:19, 36:26.\x*   
\p
\v 4 E itoboinema ima \w spwagógana\w* \w Guyau\w* taiyao goi mama numisa Yaubada yaina ima paisewayana nakae kadige yaimi.  
\v 5 Geya itoboinemeta kapásima kama,  
\pm ‘Ame paisewayana toinima ima togaga goi kaguuinuwe.’  
\m Go sem moe Yaubada ina togaga goi kaguuinuwe.  
\v 6 Tauyana nakae ikitogagema bei kai ina \w tokabivalavalayao|lemma="Tokabivalavala"\w* ina kanasiuna vau manuna.\x † \xo 3:6 \xt Yer 31:31; Luk 2:20.\x* Ina kanasiunayana geya kada tomota idi gínina goi nakae Mosese boi Yaubada ina Katukeda ana lovina iginidi geya, go sem \w Baloma Kimaasabaina\w* goi. Mosese ina gininayana moe ámasa unana go, Baloma Kimaasabaina moe yawana vau unana.   
\s1 Baloma Kimaasabaina  //  ina kenao dedevina toina  
\p
\v 7 E Yaubada ina Katukeda gurewa paaevaidi goi Mosese iginidi namliyeta koya goi isou go, maisina goi Yaubada ana \w káeyana\w* tomoeeyalina ininínima. Tauna tomoeyalayana pasina \w Isileli tubunao\w* geya itoboinedita Mosese maisinayana sipote. Ego amo tomoeyalayana Yaubada iitauwe. Atukedayana moe ámasa ina kenao go, Yaubada ina togaga ana káeyana ana vagitákwana taiyao sisowóduwo.\x † \xo 3:7 \xt Tat 34:29.\x*  
\v 8 Ago Baloma Kimaasabaina ina kenao goi Yaubada ina togaga ana káeyana ana vagitákwana ivakaigaga, e moe enaoyana Atukeda idedevinasave.  
\v 9 Moe moitamo. Atukedayana Mosese boi ivatuulukoida dedevina, nakae Yaubada ina togaga ana káeyana ana vagitákwana tagite go, Atukedayana goi takínona tababane ida goyo pasidi. Go Yaubada mana nuwotao ikivavaseda kita \w tokibóbwata\w* ina \w kanasíuna\w* goi. Moe enaoyana goi ina togaga ana káeyana ana vagitákwana ivakaigaga toina tagite ae?  
\v 10 Moitamo. Boi Yaubada ina kanasiuna bogo goi ina togaga ana káeyana ivagitakoe go, ame tuta ana kaigigita daakakaina unana togaga ana káeyana ana vagitakwanayana ina kanasiuna vau goi bogina gagaina toina. Tauna ina kanasiuna bogo ikalisave.  
\v 11 Bogina koyagoi. Anasíuna bogoyana daakakaina go, boi anasiunayana goi Yaubada ina togaga ana káeyana ana vagitákwana ikaaiyaka. Anasiuna vauyana ikaiyako vata, tauna Yaubada ina togaga ana káeyana ana vagitákwana ivakaigaga toina.   
\p
\v 12 E moe kalootutae, tuwo mama katepatu kakamamaétala \w Vala Dedevina\w* manuna.  
\v 13 Go geya kada Mosese nakae geya. Boi maisina ana tabodaboda iyato, e bei Isileli tubunao geya itoboinedita Mosese maisina sipotevatae ana kadókana Yaubada ina kanasiuna bogo ina masi toina isowóduwo,\x † \xo 3:13 \xt Tat 34:33.\x*  
\v 14 go sem dabadi sikasa. Moitamo. Boi nimatu ima ame tuta Yaubada ina kanasiuna bogo sikaatuyaivi go, tayamo taboda Mosese ina tabodayana nakae nava ikaaiyaka yaidi nuwodi itaabodedi. Tabodayana ikaaiyaka unana ida spwagógana \w Guyau\w* taiyao pasina tauna bei itauwe go, kidi geya sinumiseyeta, tauna geya itauweyeta.  
\v 15 Go sem boi nimatu go, ima ame tuta neta Yaubada ina Katukeda boi Mosese ivinivini sikatuyaivi, tabodayana nava \w Diyuu\w* nuwodi itaabodedi.  
\v 16 Go avatauwa neta situgavila bei Tomoya sinoko,\f ‡ \fr 3:16 \fk Tomoya sinoko\ft : Tomoya ana yagoina aiyuwo ameko. Nakona Yauwe go, aiyuwoina Yeisu. Tutayana Paulo kana, ‘Tomoya sinoko’, nakona Tateta 5:22, 32:31 be Atukeda 4:30 italavaitedi. Amo tomwanayadi silatuwokoida nava bei tomota Yauwe sinoko. E nakona Paulo ina nuwonúwana bego talavaitayana Atukeda 4:30 goi bei imalatomota tutayana tomota Yeisu sinoko.\f* e tabodayana itauwe.\x † \xo 3:16 \xt Tat 34:34.\x*  
\v 17 Ego \w Yauweyana|lemma="Yauwe"\w* kina moe Baloma Kimaasabaina go, avatauwa yaida neta Balomaina ikaaiyaka, e kita taliigavida.  
\v 18 E kita madabokida maisida geya ana tabodamo, e maisidayadi saribu nakae goi Yauwe ana káeyana kanukanununa tagite go, Tauyana giyaina giyaina ikaigaavileda toinina ana tapata nakae tutayana ana káeyana tagite tonumisa tamo tamo goi. Moe Yauwe ina guinuwa; Tauyana moe Baloma Kimaasabaina.   
\c 4  
\s1 Paulo kidi idi paisewa dedevina  
\p
\v 1 Moe pasina nukotoma geya itopeta unana ame ama kawoi Yaubada ina nuwokapisi goi inumisema ivinima kaguuinuwe, tauna nukotoma geya itopeta.  
\v 2 Go sem guinuwagau be guinuwa aba omayamaya kakataedi. Nakae pola o Yaubada ina livala ana sobala geya, go sem tomota matadi goi kabóbwara moitamo, e bei tomota liliumi matami goi kakamoitamoema bei koyagoima Yaubada matana goi ima guinuwa dedevina.  
\v 3 E nakona tomota maniyedi \w Vala Dedevina\w* kataalavaite geya siyagoiyeta go, moe kidi vailai ana kenao goi sinonoina aditava nuwodi ma taabodaidi geya siyagoiyeta.  
\v 4 Amo tauyadi geya sinumiseta. Poyapoya ame ina yaubada nuwodi ivapatudi, e mavada Vala Dedevina goi geya sigiteyeta. Vala Dedevinayana ame manuna: \w Guyau\w* moe Yaubada ina togaga ana \w káeyana\w*, Tauyana Yaubada ana tapata.  
\v 5 Moitamo. Moe toinima yoima geya katalavaiteyeta geya, go sem \w Yeisu\w* Guyau katalavaite bego Tauyana Tomoya go, aiyuwoina bego kai komi imi \w pakonayao|lemma="Paakonina"\w* Yeisu pasina  
\v 6 unana Yaubada kina idigo kana,  
\pm ‘Mamaníwana goi mavada bei itapasigi.’\x † \xo 4:6 \xt Abv 1:3; Ais 9:2.\x*  
\m Tauna moe Tauyana nakae nuwoma itapasigidi, e bei itoboinema ina togaga ana káeyana kayagoi; aeyanayana Yeisu \w Guyau\w* maisina goi itapasígina.   
\s1 Paulo ina neneta goi Yaubada ina togaga isowóduwo  
\p
\v 7 E Vala Dedevinayana ana mavada esaesa nakae kai sakavaima neenetaidi vaega nakae sinaema goi ikaaiyaka. Ikaiyaka bego tomota siyagoi togagayana yaima goi moe Yaubada ina togaga gagaina toina go, geya kai ima togaga geya.  
\v 8 Ame nakae: Mou liliudi kababanedi go, togagayana pasina mama kaba siya. Tuta maniyena geya kayagoiyeta bei manakaema kaguinuwe go, luluma geya sitameyeta.  
\v 9 Tomota siyogedegedema go, Yaubada geya ikalavemeta. Madi láuwo sivatupuwema go, geya sikaumatemeta.  
\v 10 Tuta liliuna Yeisu ina kámasa wowoma goi kaalotowo bego Yeisu yawoina nakae wowoma goi ivagitakoe.  
\v 11 Moe moitamo. Kai maa yawoima tuta liliuna tomota siyooisima be Yeisu pasina sitaagonema ámasa yaina. Moe nakae bego Yeisu yawoina wowoma kaavavaidi goi nakae kavagitakoe.  
\v 12 Tauna ámasa kai yaima goi ipaaisewa go, yawana vata yaimi goi ipaaisewa o tadigo kada, ‘Kai Yeisu ina \w vamoleyanayao|lemma="Vamoléyana"\w* gedageda kabaabanedi bego komi yawoimi vata kobabane.’  
\v 13 E kai togínina tayamo \w Gínina Kimaasabaina\w* goi nakae igini kana,  
\b  
\qc ‘Anumisa, tauna nakae atalavaita.’  
\qr Same 116:10  
\b  
\m Amo tauyana ina numisa unana moe \w Baloma Kimaasabaina\w*, e kai ima numisa nakae. Tuwo kanumisa, tauna kai nakae Vala Dedevina kataalavaite  
\v 14 unana kayagoi bego kina Yaubada ida Tomoya Yeisu ámasa goi ikaitáoe, tauna kai nakae ámasa goi Yeisu taiyao bei ikaitaoema, komi taiyao toinina matana goi ivataoeda.  
\v 15 Bogina koyagoi. Gedagedayadi liliudi moe komi manumi bego Yaubada ina kanuwóiya ibibíbina tomota badabadaidi yaidi; anuwoiyayana bei tomota idi kauyagu ivaituwe. Moe Yaubada ana taimámina manuna.   
\p
\v 16 Tauna nukotoma geya itopeta, go sem nakona wowoda sidaudáura go, maliyalina tamo tamo nuwoda Yaubada iyoolimedi.  
\v 17 Ima nuwonúwana bego ima mou ame tuta moe kaakapudi be nakae tuta kaakupina goi kalootowoidi go, sikatubayasima bei Yaubada ana káeyana tomoeeyalina vaatayaina kalotowo. Ame mouyadi idedevinasavedi  
\v 18 unana kai geya kanuwonuwoneta dogoi taagitedi manudi, go sem dogoi geya taagitedi manudi kanuwonúwana. Dogoiyadi taagitedi, tuta kaakupina kaka goi sikaaiyaka, e sisáwala go, dogoiyadi geya taagitedi sikaiyako vata.   
\c 5  
\p
\v 1 Guna nuwonúwana ataligei: Bogina tayagoi wowoda moe poyapoya wowonina yoyou nakae bei tuta kaakupina sikaaiyaka. Go neta sitauwe, wowoda vau Yaubada goi bei tababane. Wowoda vauyadi geya kada vada nakae tomota nimadi goi siiyowóidi geya, go sem ame wowoda vauyadi yábana goi sikaiyako vata.  
\v 2 Moe moitamo. Ame tuta wowoda ame goi takaaiyaka go, takalayawoi unana takatukúwana bego yábana wowonina vau kwama nakae takote.  
\v 3 Ago nakona ámasa goi wowoda bogo ame kwama nakae tavalilividi go, tuwo Yaubada bei geya ibabanedeta ma paawakuda geya o tadigo kada, ‘Geya wowodamo.’  
\v 4 U, kita ame tuta wowoda yoyou nakae goi takaaiyaka, tauna ida mou gagaidi pasidi takalayawoi go, geya latuwoda wowodayadi kwama bogo nakae tavalilividi, go sem latuwoda kwama bogo ada kwama vau goi talositaoidi bego kaga kaavavaidi ivalili yawoida vau goi.  
\v 5 E Tauyana wowoda vauyadi manudi ikatubayasida moe Yaubada. Tauyana aba kinana ivinida bei tayagoi nava wowoda vau tababanedi; ida kaba kinanayana moe Balomaina.   
\p
\v 6 Tauna tuta liliuna takaatepatu. Bogina tayagoi bego tutayana ida vada wowoda goi takaaiyaka, e Tomoya taiyao geya takaiyaketa go, tuwo maada katepatu.  
\v 7 Moitamo. Ame tuta Tomoya geya tagiteyeta go, tuwo matada goi geya taketoiyeta, go sem ida numisa Tomoyayana yaina goi taaketoiya.  
\v 8 E takatepatu go, latuwoda wowoda ame takalave, e Tomoya ina dadava goi taiyao takaiyaka.  
\v 9 Tauna nakona ida vada wowoda goi takaiyaka o takalave go, ida nuwonúwana gagaina bego Yaubada tavauyaone.  
\v 10 Itoboineda tavauyaone unana madabokida \w Guyau\w* ina kaba takínona goi bei tatáoya be kita tamo tamo nakonakae wowoda goi boi bogina taguinuwedi, neta dedevina o igoyo, e nakae guinuwayadi bei imapudi. Tauna tapoikīkina bego Tauyana tavauyaone.\x † \xo 5:10 \xt Rom 14:10.\x*   
\s1 Paulo latuwona da Korinta aedididi  //  sisamolai tauyana manuna  
\p
\v 11 Tauna, ida Tomoya ina mapuyana pasina ana matoita wowooinina bogina kayagoi, tauna tomota katamyabidi bego Yaubada sinoko. E kai Yaubada bogina iyagoima. Go alotuta bego komi nakae koyagoima.  
\v 12 Geya kada aiyuwoina kakamoitamoema yaimi goi geya, go sem leta ame goi kalatuuwokoimi kaga unana itoboinemi manuma aedidimi kosamolai. Latuwoma bego itoboinemi ama toromgiyao kokatumapudi. Toromgiyaoyadi sigágasa toinidi adi kaigigita manuna go, aderidi manuna geya sinuwonuwoneta.  
\v 13 Imi samolaiyana itoboine. Kogita. Ama toromgiyao ima poisógana, ima bóbwara be ima sinapu sigitedi kadi, ‘Kidi Paulo adi kaigigita siyaluwo.’ Moe manuna geya kanuwonuwoneta unana ima poisoganayana atema goi moe Yaubada umana. O neta maniyedi sigitema kadi, ‘Kidi Paulo ma buluubuludi’, moe manuna nakae geya kanuwonuwoneta unana ima poisoganayana atema goi moe komi ami vaita manuna.  
\v 14 Moe itoboine. Ima poisoganayana unana \w Guyau\w* ina \w matakoi\w* ikalimonema. Ina matakoiyana manuna ame bogina kakinane: Bego koroto tayamo ikámasa tomota liliuda manuda, kita ada katumapu, tauna ana kaigigita madabokida takámasa.  
\v 15 Moe liliuuda manuda ikámasa bego kita maa yawoida geya tuwaina takaaiyaka toinida manuda, go sem Tauyana ikámasa be nakae itaoyamna manuda, e moe Tauyana umana takaaiyaka.   
\s1 Paulo kidi sipaisewa Yaubada taiyao  //  tomota idi kabivekovekomna manuna  
\p
\v 16 Tauna Tauyana ina kámasa pasina ame tuta ima sinapu ituli. Ame tuta be nakae tuta simamaima kai geya vatau tayaamo ana kaigigita goi bei kadovatusiye nakae da poyapoya siguinuwe. Boi mainao nava \w Guyau\w* geya kayagoiyeta moe nakae Tauyana kadovatusiye bego Tauyana tomota besobeso go, ame tuta ima nuwonúwana ituli Tauyana manuna. Tauyana kayagoi Guyau.  
\v 17 Aiyuwoina Guyau ikámasa liliuda manuda, tauna avatauwa neta spwagoogonidi Guyauyana taiyao, e simalatomotavau. Sinapu bogo bogina isáwala go, konōve, sinapu vau bogina isowóduwo!   
\p
\v 18 E moe dogoiyadi aivaudi liliudi Yaubada iguuinuwedi. Tauyana \w Guyau\w* ina guinuwa goi ikabivekovekomneima go, abivekovekomnayana ana talavaita bogina ikawoima kaguinuwe.  
\v 19 Moe nakae Yaubada Guyau ina guinuwa goi da poyapoya ikabivekoveekomneida toinina umana, ida kapipilova geya ituuyouyoidita go, inumisema abivekovekomna valena katalavaite.  
\v 20 Tauna kai kina Guyau ana katumapuyao, e sopama goi Yaubada ina kawanoi itaalavaite. Tauna kai Guyau manuna kakawanoi makimaki tomota yaidi kama, ‘Kotagōna Yaubada ikabivekovekomneimi.’  
\v 21 Guyauyana goyo geya ilotowoeta go, kita manuda Yaubada ivayoko kina ada kimavada ana vininabeso bego kai ima \w spwagógana\w* Tauyana taiyao pasina Yaubada ina kibóbwata ana \w kanasíuna\w* manuna kakaiwoduwe.\x † \xo 5:21 \xt Abv 15:6; Rom 1:17, 10:3; Pil 3:9.\x*   
\c 6  
\p
\v 1 E Tauyana taiyao kaapaisewa, tauna nakae kakawanoi makimaki ina kanuwóiya kouyaōne go, anuwoiyayana kotagōne yawoimi goi ikeuwoe.  
\v 2 Moitamo. Yaubadayana idigo kana,  
\b  
\qc ‘Tuta ana toboine goi anovem, e akatumapu;  
\qc nakae am yava ana maliyalina goi ao avaitem.’  
\qr Aiseya 49:8  
\b  
\m Konōve! Ame tuta moe tuta ana toboineyana. Konōve! Ame moe ami yava ana maliyalinayana.   
\p
\v 3 Geya kada tayaamo aba kapusi tomota idi numisa goi kayato geya, govila bei tomota itoboinedi ima paisewayana sitagiwoi.  
\v 4 Go sem kakamoitamoema kai Yaubada ina tovaitayao, tauna dogoi liliudi goi toinima kavagitakoima yaimi be itoboinemi konumisema go, dogoiyadi liliudi goi kamesayágana gagaina. Dogoiyadi ame nakae:   
\qm1 Ima mou goi, o ima gedageda goi, o ima kaiyakomou goi,  
\qm1
\v 5 o ama láuwo goi, o ima tuta deri goi, o ama vakaleya goi, o ima poisógana gagaina goi, o nakae geya kamasiisi dókana, o ima loga goi.\x † \xo 6:5 \xt Gui 16:23.\x*   
\qm1
\v 6 Ima paisewayana goi mama sinapu maavadaina, mama nanamsa, mama mesayágana, mama yabobona, mama kaiguyau, \w Baloma Kimaasabaina\w* goi, mama \w matakoi\w* mooitamoina,   
\qm1
\v 7 mama bóbwara mooitamoina be nakae Yaubada ina togaga goi.   
\qm2 Mama kaipíyama nimakakataima be nimakekelima goi kaguuinuwa.  
\qm2 Ima kaipiyamayadi moe Yaubada ina kibóbwata ina \w kanasíuna\w* manuna.  
\qm1
\v 8 Tomota maniyedi sitaimaminema go,   
\qm2 maniyedi sikisobuyema.  
\qm1 Maniyedi sikaogoyoema go,  
\qm2 maniyedi sikaodedevinema.  
\qm1 Ima paisewa goi nakona tomota siwowokoima bego kai tovasuláiga go,  
\qm2 kai kabóbwara moitamo.  
\qm1
\v 9 Nakona geya yoimamo tomota maniyedi yaidi go,   
\qm2 maniyedi yaidi kai maa yoima.  
\qm1 Nakona ámasa ivakaosima go,  
\qm2 konove, nava maa yawoima.  
\qm1 Nakona dábina kababane go,  
\qm2 geya kakamaseta.  
\qm1
\v 10 Nakona mama nuwomou go,   
\qm2 tuta liliuna kaauyáwana.  
\qm1 Nakona katokai go,  
\qm2 esaesa mooitamoina kakaiguyauye tomota badabadaidi yaidi.  
\qm1 Nakona poyapoya ame goi kai geya konamamo go,  
\qm2 yábana konanina liliudi sikaaiyaka yaima. \fig Paulo deri goi ikaaiyaka go, tovayaviya bei sidabi|src="CN02025B.TIF" size="col" ref="6:4-5" \fig*  
\s1 Paulo ina kawanoi bego da Korinta siuyaone  
\p
\v 11 Geya kada giyaiina ima nuwonúwana kavagagale yaimi geya, go sem madabokiina kalumavivisi yaimi! Komi da Korinta, atema madabokina goi ima matakoi bogina kakaiwoduwe yaimi!  
\v 12 E kai ima matakoi geya kavagagalakoimita go, komi imi matakoi kovagagaalekoima.  
\v 13 E ima matakoi nakae kokatumāpu, e atemi goi komatakoiyēma. Ame nakae komi natugowo, tauna alatuwokoimi.   
\p
\v 14 Taabu tauyadi geya sinuumiseta taiyao koospwagōgana. Moe moitamo. Manakae? Kibóbwata be apipilova itoboinedi sispwagógana? Geya. Manakae? Mavada itoboine mamaníwana taiyao sikabivekoveko? Geya.  
\v 15 E manakae? \w Guyau\w* be Beliyala\f ‡ \fr 6:15 \fk Beliyala\ft : Ame Kaleya yoina tayamo nakae go, ana yagoina moe geya basabasainamo.\f* itoboinedi taiyao sieboda tayamo? Geya. Manakae? Kita tonumisa be kidi geya sinumiseta ida nuwonúwana sivavasa? Geya.  
\v 16 E manakae? Yaubada polapola itoboinedi Yaubada mooitamoina ina Vada Kimaasabaina goi sikaaiyaka? Geya ae? Moe moitamo. Kita Yaubada maa yawoina ina Vada Kimaasabaina, yaida goi ikaaiyaka, tauna taabu yaubada polapola taiyao taaebōda tayamo.\x †a \xo 6:16 \xt Rom 8:9; 1Ko 3:16, 6:19; Epe 2:21-22; Ibe 3:6.\x* Moe nakae Tauyana idige kana,   
\b  
\qc ‘Yaidi goi bei akaaiyaka  
\qc be nakae yaidi goi aaketoiya.  
\qc Yau bei idi Yaubada go,  
\qc kidi yau guna bodao.’\x †b \xo 6:16 \xt Isi 37:26-27; Yer 32:38; Nuw 21:3.\x*  
\qr Vininabeso 26:11-12  
\b  
\m
\v 17 Tauna kana,   
\b  
\qc ‘“Tauyadi geya sinumiseguta yaidi goi kosowōduwo;  
\qc taabu dogoi baailidi kobisiikonēdi, e bei auyaonemi”,  
\qc \w Yauwe\w* kaena.’  
\qr Aiseya 52:11  
\b  
\m
\v 18 Nakae kana,  
\b  
\qc ‘“Yau bei komi Tamami\x † \xo 6:18 \xt 1Te 17:13.\x* go,  
\qc komi yau natugowo koroto be vevina”,  
\qc Yauwe \w Tokalika\w* kaena.’  
\qr 2 Samwera 7:14  
\b  
\m Tauna taabu tauyadi geya sinuumiseta taiyao koospwagōgana!   
\c 7  
\m
\v 1 Tauna moe Yaubada ina katotulayadi bogina ivinida, tuwo guna kaloyao, kaga liliuna wowoda be balomaida ikibaibaailidi goi takimavadēda go, mada matoita wowooinina Yaubada yaina takimasabedokōida Tauyana umana.   
\s1 Paulo ina uyáwana  
\p
\v 2 Atemi goi kouyaonēma! Geya vatau tayaamo yaimi goi kabagali. Geya vatau tayaamo yaimi goi kavasulaigi. Geya vatau tayaamo yaimi goi kavaobu.  
\v 3 Moe nakae tomota maniyedi yaimi bogina siwowokoigu go, mae nakae bogina alatuwokoimi geya kada atakinoimi bego komi toogoyoimi geya. Boi bogina alatuwokoimi bego komi atema, tuwo taiyao takámasa o taiyao maa yawoida.  
\v 4 Magu katepatu gagaina bego itoboinegu abóbwara moitamo yaimi. Komi manumi aedidigu asamolai gagaina. Bogina kokipaiwolegu gagaina. Ima mou liliudi goi uyáwana bogina ivakayaodeigu.  
\v 5 Moe moitamo. Boi kana Mesadoniya go, sakava ana dadava goi geya itoboinemeta kawaiwasi, go sem ima guinuwa liliuna goi mou kababanedi, nakae aumakimaki tomota taiyao go, sinaema goi matoita kalotowo.\x † \xo 7:5 \xt 2Ko 2:13.\x*  
\v 6 Mouyadi kalotowoidi go, Yaubada kina tonuwomou adi Tokipáiwala ikipaiwolema tutayana Taito isowóduwo yaima goi.  
\v 7 Ego geya ina sowóduwo kaka goi ikipaiwolema geya, go sem kanove tauyana nakae kokipaiwole. Ama kipaiwalayana unana tauyana ima valemi italavaite yaima kana,  
\pm ‘Da Korinta latuwodi sigitemneim, idi bágala yaim pasidi sinuwomou be nakae kom manum sipoisógana.’  
\p Moe livalayana anove, tauna tuwaina auyáwana gagaina.  
\v 8 Guna uyawanayana unana ame: Nakona boi guna leta pasina nuwomi imou go, tuwo letayana manuna geya avakuwoneta. Moitamo mainao avakúwana. Boi mainao agite letayana pasina nuwomi imou go, moe tuta kaakupina goi.  
\v 9 E mainao avakúwana go, ame tuta auyáwana. Go geya kada auyáwana bego nuwomi imou geya, go sem bego imi nuwomou pasina kotugavila. Moitamo. Moe nuwomouyana Yaubada latuwona kolotowo bego geya tayaamo kaga itagau yaimi boi kai ima leta kasakasaina pasina.  
\v 10 Nuwomou Yaubada latuwona moe dedevina. Nuwomouyana pasina tatugavila bei ada yava tababane. Go ada yavayana manuna geya tavakuwoneta. Ego nuwomou da poyapoya silotowo goi ámasa sibabane unana idi goyo goi geya situgavileta.   
\p
\v 11 Moitamo. Kogita? Imi nuwomouyana nakae Yaubada latuwona go, nuwomou ina guinuwa yaimi goi kopoisógana bego kokabikaonegu. Go poisógana kaka geya, go sem toinimi kotasigimi. Go tasígina kaka geya, go sem tauyana ina goyo manuna koegamogamogu. Go egamogamogu kaka geya, go sem komatoita. Go matoita kaka geya, go sem kokatukuwonegu. Go atukúwana kaka geya, go sem lulumi ilíbwata manugu. Go líbwata kaka geya, go sem mami salau tauyana ina goyo koliune. Kaga liliuna goi bogina kovagitakoimi bego tauyana ina goyo manuna komi geya ami pikwanamo.  
\v 12 Tauna leta kasakasaina moitamo agini aetune iwo go, geya kada tobagalayana pasina o siyana iibagali pasina geya, go sem agini bego Yaubada matana goi itoboinemi koyagoi atemi iyoi kai manuma.  
\v 13 Tauna Taito ina talavaitayana pasina atema ipatu.  
\p E atema ipatu go, tuwaina isowóduwo. Tauyana ima ilatuwokoima boi komi madabokimi yawoina kolisi. Tauna kina ina uyáwana kagite, e ima uyáwana ivaituwe gagaina.  
\v 14 Unana boi komi manumi auyawana gagágasa tauyana yaina goi, e imi sinapu goi geya kogiemaemaeguta, go sem kaga liliuna katalavaite yaimi moe livala moitamo, e nakae kaga liliuna komi manumi boi kauyawana gagágasa Taitoyana yaina moe livala moitamo.  
\v 15 Aiyuwoina madabokimi imi kabikáwana inuwaisi. Nakae komi mami matoita be mami malitatátava Yaubada matana goi ana gogo yaimi. Tauna ina matakoi komi yaimi bogina ivaituwe gagaina.  
\v 16 Auyáwana bego kaga liliuna goi itoboinegu anumisemi koguinuwedi.   
\c 8  
\ms1 Vininabeso manuna  
\mr (2 Korinta 8:1—9:15)  
\s1 Da Korinta idi vininabeso ana lamgógana  
\p
\v 1 E latuwoma kalatuwokoimi, semao, Yaubada ina kanuwóiya myana manuna. Anuwoiyayana boi ana totugugunayao Mesadoniya goi ivinidi.\x † \xo 8:1 \xt Rom 15:26.\x*  
\v 2 Ame nakae: Adi vakakona ana mou gagaina goi kidi siuyáwana gagaina be nakae sitokai gagaina. Ago moe dogoiyadi aiyuwo goi idi vininabeso gagaiina sikasale.  
\v 3 Idi vininabesoyana moitamo gagaina. Itoboinegu akamoitamo bego kidi nakonakae itoboinedi, e madi tagona sivininabeso go, idi vininabesoyana mana vaituwo sikatukowosi.  
\v 4 Ego sikawanoi makimaki yaima kadi,  
\pm ‘Kokanuwoiyema be vininabesoyana ana lamgógana manuna kasiukoimi, e Yaubada ina kimasabayao Yerusalema goi kavaitedi.’   
\m
\v 5 Idi vininabesoyana moe gagaina toina go, geya nakae kanuwonúwana bei sivinima, go sem mainao toinidi sikasaledi ida Tomoya yaina namliyeta kai yaima sikasaledi nakae Yaubada latuwona.  
\v 6 Tuwo Taito kakatuliwole kadigo kama,  
\pm ‘Da Korinta idi kanuwóiya, moe idi vininabeso, boi bogina kuvatowo yaidi, e nakae kuvaitēdi idi vininabesoyana ana lamgógana silukavave.’   
\p
\v 7 Boi dogoi liliudi komi koguinuwedokoidi. Nakae numisa, bóbwara, nanamsa, poisógana madabokina, \w matakoi\w* boi kabagulidi yaimi.\f ‡ \fr 8:7 \fk Matakoi boi kabagulidi yaimi\ft : Boi buki ana tokaidámana ame sikaidamane kadi, ‘Imi matakoi yaima goi.’\f* Tuwo ame anuwoiyayana vininabeso manuna nakae latuwoma koguinuwedōko.   
\p
\v 8 Geya kada Yaubada ina lovina avinimi geya, go sem ituli ta tomotava idi poisógana idi vininabeso manudi alatuwokoimi gobe adovatusimi neta komi nakae imi matakoi moitamo gea geya.  
\v 9 Imi vininabeso itoboine. Ida Tomoya \w Yeisu\w* \w Guyau\w* ada kaba gita. Ina kanuwóiya bogina tayagoi bego Tauyana boi mainao toesaesa go, kita manuda ietokai bego kita amo Tauyana ina tokaiyana goi bei taesaesa.  
\v 10 Yau guna nuwonúwana vininabeso ana lamgógana manuna avinimi. Moe ami dedevina manuna unana komi tauyami boi tala mlida bogina kovatowo imi vininabeso kogimilamgogo go, aiyuwoina komi kogimiyala bego nakae koguinuwe.  
\v 11 E ame tuta imi vininabesoyana ana lamgógana ami toboine goi nakae kolukavāve, e bei imi katetagona tutayana kogimiyala be imi katetagona tutayana kolukavave bei sivavasa.  
\v 12 Kaga neta ada toboine goi tavininabeso, neta mada katetagona tavininabeso, Yaubada bei iuyaone. Tauna Tauyana latuwona nakonakae yoiyada, e moe tavinibeso.  
\v 13 Guna nuwonúwana ataligei. Geya latuwogu bego komi imi vininabeso gagaina pasina ituli ta tomotava idi kaiyaka idedevina go, komi kokaiyakomou. Moe nakae geya, go sem latuwogu komi be kidi kovavasa.  
\v 14 Tuta ame goi komi mami esaesa itoboinemi amo tauyadi idi kaiyakomou manuna kovaitedi. Moe bego tutayana komi kokaiyako mou, kidi madi esaesa itoboinedi sivaitemi, e bei komi be kidi kovavasa.  
\v 15 Moe idi vavasayana ana kaba gita \w Gínina Kimaasabaina\w* ina livala goi tagite, kana,  
\b  
\pi1 ‘Avatau neta iseo badabada, ikanisave; geya tayaamo ikesa. Avatau neta ivakakayuwomo, nakae ikáika gamona.’   
\qr Tateta 16:18  
\s1 Paulo Taito ma senao  //  madi yapali ietunedi sina Korinta  
\p
\v 16 Akauyagu Yaubada yaina unana Tauyana bogina Taito nukotona isanayato bei ina poisógana komi ami vaita manuna kai ima poisógana nakae komi yaimi.  
\v 17 Nakae boi kakawanoi tauyana yaina bego iwo, e ima kawanoiyana iuyaone go, tuwaina mana poisógana toinina ina nuwonúwana goi bogina ikatubayasi bego iwo.  
\v 18 E tonumisa tayamo Taito taiyao kaetunedi siwo. Tonumisayana kidi Yaubada ana totugugunayao liliudi siyaapaliye ina paisewa \w Vala Dedevina\w* manuna.  
\v 19 E moe go, aiyuwoina totugugunayaoyadi sikinave bego ivakitauma tutayana imi vininabesoyana kanave Yerusalema goi. Amo vininabesoyana ana kavala kamataakavate ida Tomoya\f ‡ \fr 8:19 \fk Ida Tomoya\ft : Ame Yaubada yoina Yauwe o nakona Yeisu idigedige.\f* yoina ana taimámina manuna be nakae koyagoi mama salau latuwoma kavaitemi.  
\v 20 Moe nakae bei kaguinuwe bego geya kada tayaamo tomota itoboine itagiwoima vininabesoyana gagaina nimana goi ana matakavata manuna.  
\v 21 Moitamo. Latuwoma kaguinuwa dókana geya kada \w Yauwe\w* matana kaka goi geya, go sem nakae tomota matadi goi.\x † \xo 8:21 \xt Abi 3:4.\x*   
\p
\v 22 E siyada tayamo tuwaina kidi Taito taiyao bei kaetunedi siwo. Tuta badabadaina tauyana ina sinapu liliuna kadovatusiye, e bogina kayagoi mana poisógana Yaubada ina paisewa iguinuwedi. Ego ame tuta mana poisógana gagaina latuwona iwo unana inumisemi bego vininabesoyana goi kovaita.  
\v 23 Taito kina neta tomota silumadade, kolatuwokoidi kami,  
\pm ‘Tauyana Paulo ina tosavaiyuwo nakae taiyao sipaaisewa kita manuda.’  
\p Go kidi sedao adi taiyuwokova neta tomota latuwodi siyagoidi, kolatuwokoidi kami,  
\pm ‘Tauyadi Yaubada ana totugugunayao idi \w vamoleyanayao|lemma="Vamoléyana"\w* idi guinuwa goi moe \w Guyau\w* ana kaba taimámina.’   
\p
\v 24 Tauna Yaubada ana totugugunayao matadi goi imi matakoi kovagitakōe korotoyadi yaidi be nakae kovatulukōidi ima uyawana gagágasa komi manumi be imi matakoi moe sivavasa.   
\c 9  
\s1 Vininabeso ana sinapu manuna  
\p
\v 1 Guna nuwonuwanayana tuwaina ataligei. Imi vaita Yaubada ina kimasabayao Yerusalema goi manudi geya kada kaga tuwaina itoboinegu alatuwokoimi geya, unana bogina koyagoi.  
\v 2 Imi yala adi vaita manuna bogina ayagoi; manumi auyawana gagágasa kidi tonumisa ameko Mesadoniya goi yaidi kagu,  
\pm ‘Tauyadi Akeya parovinsi boi tala mlida goi idi vininabeso bogina sikatubayasi.’  
\m Tuwo imi yalayana valena tonumisa Mesadoniya goi sinove, e badabadaidi ikeyabedi latuwodi toina idi vininabeso goi sivaita.  
\v 3 Ego sedao adi taito bei aetunedi siwo bego imi vininabeso ana lamgógana goi sivaitemi, govila bei guna uyawana gagágasa imi vininabesoyana manuna moe dogoi besobeso. Tuwo bei aetunedi siwo bego komi imi vininabeso bogina kokatubayasi nakae da Mesadoniya bogina alatuuwokoidi.  
\v 4 Latuwogu ayagoi komi bogina kokatubayasi, govila bei kidi da Mesadoniya maniyedi neta yau taiyao kao go, kababanemi geya kokatubayasita, e kai oma imayamaya ima uyawana gagagasayana pasina. Go kai ametava geya, go sem komi nakae bei omi imayamaya gagaina.  
\v 5 Tauna anuwonúwana itoboine sedao akatuliwoledi bego sivakumgo siwo yaimi, bei imi vininabeso gagaina boi mainao kogimikaatotule manuna sivaitemi imi vininabeso kolamgogo. Niga avámliya ao moe imi vininabeso bogina kolukavave. Neta nakae koguinuwe, imi vininabesoyana gagaina ana kaigigita moe mami yabobona kovininabeso. Go neta guna sowóduwo kotuyaosi bego imi vininabeso kolamgogo, nakona tomota maniyedi geya sikatubayasiyeta, tauna giyaina bei sivini. Moeko goi adi kaigigita nakae kidi tomatakónana.   
\p
\v 6 E guna masi ame: Avatau neta ibaguli giyaina, idibayoyoi giyaina. Avatau neta ibaguli gagaina, idibayoyoi gagaina.  
\v 7 Komi tamo tamo nakonakae bogina nuwomi goi kogimilovina, e nakae kovininabēso go, geya kada nuwomou goi o lumakikina goi kovininabeso geya. Moitamo. Tovininabeso uyaaonina kina Yaubada imataakoiye.  
\v 8 E Yaubada itoboine anuwóiya liliudi ivaituwedi yaimi bego tuta liliuna kaga liliuna goi komi mami esaesa nakae imi esaesayadi goi itoboinemi kokaiguyauyedi tomota yaidi.  
\v 9 Moe nakae \w Gínina Kimaasabaina\w* tokaiguyau manuna idigo kana,   
\b  
\qc ‘Ikaiguyau, nakae tookaidi liliudi ivinidi.  
\qc Ina kibóbwata ikaiyako vata.’  
\qr Same 112:9  
\b  
\m
\v 10 E Yaubada tokaiguyau tayamo. Ida vévana gagaina ikaiguyauye yaida nakae avada ivinida. Moe Tauyana itoboine imi vévana bei ivaituwedi be nakae imi kibóbwata keuwoina, moe imi kaiguyau, bei ivaituwe.\x † \xo 9:10 \xt Ais 55:10.\x*  
\v 11 Yaubada nimana goi esaesa ituli ituli bei kobabanedi be itoboinemi kovininabeso gagaina. Moe vininabesoyana bei kovinima kanave tookaidi Yerusalema goi kavinidi. Moeko goi tokaidiyadi bei sikauyagu Yaubada yaina.  
\v 12 Moe imi vininabesoyana Yaubada ina kimasabayao idi kaiyakomou ikalavaitedi go, geya kada vaita kaka geya, go sem imi vininabesoyana pasina Yaubada ana kauyagu gagaina ibabane.  
\v 13 Moe imi guinuwayana goi imi numisa ana kamoitamo isowóduwo. Tauna bei Yaubada ina togaga ana \w káeyana\w* sikamoitamoe unana \w Guyau\w* Valena Dedevina kokabikaone, kokamoitamoe be nakae komi kaaiguyaumi imi vininabeso da Yerusalema tookaidi kovinidi be nakae ituli ta tonumisava kovinidi.  
\v 14 Go tauyadi madi kawanoi manumi sikatukuwonemi unana Yaubada ina kanuwóiya nikuunikuna ikaaiyaka yaimi, tauna imi vininabeso goi kovaitedi.  
\v 15 Takauyāgu Yaubada yaina ina yabobona manuna. Yabobonayana geya itoboinedeta tavatetelikowosi.   
\c 10  
\ms1 Paulo vamoléyana tayamo ina lovina itasigi  
\mr (2 Korinta 10:1—13:10)  
\s1 Paulo mana lovina kapipiilovaidi iliunedi  
\p
\v 1 E yau Paulo magu sakululu be magu mesayágana \w Guyau\w* nakae, toinigu akawanoi makimaki yaimi. Ame yau Paulo tomota maniyedi siidigegu bego matooisigu neta taiyao takaiyaka go, magu katepatu leta goi neta atumasaba.  
\v 2 E akawanoi makimaki yaimi bego taabu idi pola konovenōve, govila bei ao magu katepatu abowoimi nakae tauyadi bei abowoidi. Guna bolaguyana unana tauyadi sidigo kadi,  
\pm ‘Paulo kidi sakava ana guinuwa goi siiketoiya.’  
\m Go moe pola.  
\v 3 Ma saakavaima poyapoya ame goi kaaketoiya go, sakavaima goi geya kavayaviyeta.  
\v 4 Moe moitamo. Ima yaviya ana kaipíyama geya sakava aipiyamina geya, go sem ima kaipiyamayadi moe toogagaidi unana Yaubada goi sima. Ima kaipiyamayadi goi ima kaleyayao idi kaba togaga katusaolidi. Nakae itoboinema tomota idi kaumakimaki kakausagugudi.  
\v 5 Nuwonúwana liliudi vaboda nakae ima kaleyayaoyadi sivataoedi bego Yaubada ana yagoina sisaanabode, e nakae katusaolidi. Tauyadi nuwodi liliudi tovayaviya nakae kayoisidi bego nuwodi goi \w Guyau\w* sikabikaone.  
\v 6 Ago bogina kayokabúbuna bego tokapipilova liliudi kaliunedi tutayana kagitemi bogina kokabikawana dókana.   
\p
\v 7 Komi tomota toluyedi kaka kogitegite! Avatau neta inumisa bego moitamo tauyana \w Guyau\w* ana katumapu, itoboine toinina inuwonúwana ame manuna: Bego kai nakae Guyau ana katumapuyao.  
\v 8 Moe moitamo. Ida Tomoya lovina bogina ivinima geya bego imi numisa kakaigoyai geya, go sem bego kakitogagemi. Tuwo neta lovinayana manuna tuwaina auyawana gagágasa, geya aomaemaeta.  
\v 9 Geya latuwogu bego komi konuwonúwana yau apoikíkina guna leta goi akatumatoisimi.  
\v 10 Moe nakae alatuwokoimi unana tomota maniyedi sidigo kadi,  
\pm ‘Paulo ina leta kasakasaidi be toogagaidi go, neta ikaaiyaka yaida, tauyana ina bóbwara neenetaidi be aba katae.’   
\m
\v 11 Tomota amo tauyadi nakae itoboinedi sinuwonúwana ame manuna: Bego nakonakae ima bóbwara leta goi tutayana aduwanau kakaaiyaka, e ima guinuwa tutayana yaimi goi kakaaiyaka sivavasa.   
\p
\v 12 Moe moitamo. Manakae? Bego ima kaleyayao maniyedi sitaoyakukuima? Go bego kai geya ama katepatumo be kanuwonúwana bego ima kaleyayao taiyao kavavasa? Geya, go sem kidi toinidi sikaodedevinedi be nakae toinidi sikatutukoidi go, toinidi idi bágala geya siyagoiyeta.  
\v 13 E kai go amo nakae geya. Ama lovina goi dadava maniyedi moe kai ima kaba lovina talavaita manuna. Geya itoboinemeta ituli ta kaba lovina ana paisewa manuna kauyawana gagágasa, go sem aba lovina Yaubada bogina ivinima ana paisewa manuna itoboinema kauyawana gagágasa. Go ima kaba lovinayadi goi komi kokaaiyaka.  
\v 14 Moe moitamo. Go kaga unana? Unana boi kao \w Vala Dedevina\w* katalavaite yaimi, geya kada ima kaba lovina kalovinatao geya. Neta geya kawoita, moitamo ima uyawana gagágasa geya itoboineyeta go, kai kagimiiwo yaimi Valayana \w Guyau\w* manuna katalavaite. Tauna komi yau guna kaba lovina goi kokaaiyaka, e itoboinema paisewa yaimi goi manuna kauyawana gagágasa.  
\v 15 Ituli ta boda idi poisógana ta kaba lovina goi manuna geya kagagaseta. Ego tutayana imi numisa ibibíbina, kalotuta bego itoboinema imi vaita goi ima paisewa kakidedede gagaina nakae ama lovina ana tagona,  
\v 16 e bei itoboinema kakalavemi kana ituli ta dadava goi Vala Dedevina katalavaite. Ago ituli ta tomota idi kaba lovina goi idi paisewa manuna geya kagagaseta.  
\v 17 Moe nakae \w Gínina Kimaasabaina\w* idige kana,   
\b  
\qc ‘Avatau neta iuyawana gagágasa,  
\qc \w Yauwe\w* anetava manuna iuyawana gagāgasa.’\x † \xo 10:17 \xt 1Ko 1:31.\x*  
\qr Yeremaya 9:24  
\b  
\p
\v 18 Moitamo. Avatauwa neta toinidi sikamoitamoedi, amo tauyadi kina ida Tomoya geya iuyaonedita, go sem avatauwa neta ida Tomoyayana ikamoitamoedi, moe tauyadi iuyaonedi.   
\c 11  
\s1 Paulo ina guinuwa da Korinta manudi  
\p
\v 1 O neta guna livala yaaluwoidi nakae tuta giyaina goi komesayágana! Guna kaleyayao idi bóbwara yaaluwoidi goi bogina komesayágana, tauna ame tuta latuwogu yau guna bóbwara goi komesayágana.  
\v 2 Bogina koyagoi. Alokatemi nakae Yaubada ilokateda. Aemi bogina \w apakoidi|lemma="Paakonina"\w* nakae koroto tonai tayamo yaina, e bei itoboinegu komi kimaasabaimi woiyai geya ana kanaotamo nakae avagitakoimi \w Guyau\w* yaina.  
\v 3 Ego amatoita nakona imi kasala mooitamoina be maavadaina Guyau yaina goi moteta bei nuwomi ivasulaigidi nakae boi nimatu ina nuwotulu goi Ivi bogina ivasulaigi.\x † \xo 11:3 \xt Abv 3:1—5:13.\x*  
\v 4 Maniyedi tomota bogina siwo ituli ta livala \w Yeisu\w* manuna sitaalavaite yaimi go, amo livalayana boi geya katalavaiteyeta yaimi. Nakae ituli ta baloma kidi goi kokabi go, amo geya kada \w Baloma Kimaasabaina\w* boi bogina kokabi Yaubada goi geya. O nakona ituli ta vala kouyaone go, amo valayana geya nakae \w Vala Dedevina\w* mooitamoina bogina kouyaone nakae geya. Komi manakae! Moe dogoiyadi pola go, komi komesayágana ae?  
\v 5 Go itoboine yau guna bóbwara goi komesayágana. Moitamo. Amo korotoyadi bego Guyau ina \w vamoleyanayao|lemma="Vamoléyana"\w* toosakidi go, yau guna nuwonúwana geya sikalisaveguta geya.  
\v 6 E nakona moitamo yau geya bóbwara ana tokatanaki dedevina geya nakae tomota maniyedi sidigedige, go sem Guyau ana nanamsa manuna geya atamogemogeta, go sem tuta liliuna ima vatulúkwana be ima guinuwa liliudi goi kavatulukoimi bego moe kayagoidoko.   
\p
\v 7 Manakae? Nakona imi nuwonúwana ituli? Boi Yaubada ina Vala Dedevina atalavaite yaimi go, geya latuwogu koemaisigu, go sem toinigu nimagu goi apaisewa. Moeko goi toinigu akisobuyegu go, manakae? Komi imi nuwonúwana bego guna kisobuyana goi goyo aguinuwe ae? Iyaa! Akisobuyegu bego akilagasimi!  
\v 8 Yaubada ana totugugunayao ituli ta dadava goi siemaisigu bego komi manumi apaisewa o tadigo kada, ‘Idi mani avainao nakae bego avaitemi komi ami dedevina manuna.’  
\v 9 Boi tutayana yaimi goi akaaiyaka neta avakeposi, e imi yogala geya ayatoeta. Konuwaisi. Sedao nuumisaidi Mesadoniya goi sima kaga avaakeposi sivinigu. Ago kaga liliuna goi apoikiki bego imi yogala geya ayatoeta go, tuta simamaima, guna sinapu bei nakae.\x † \xo 11:9 \xt Pil 4:15-18.\x*  
\v 10 \w Guyau\w* ibóbwara moitamo, e yau nakae abóbwara moitamo bego tomota geya atagonedita sitabubuligu Yaubada ina paisewa aguuinuwe manuna. Ame guinuwayana manuna auyawana gagágasa go, geya vatau tayaamo Akeya ana dadava goi itoboine guna uyawana gagagasayana goi isanabodegu.  
\v 11 Ame guna sinapuyana tabúbula manuna unana kaga? Unana geya amatakoiyemita? Moe nakae geya! Yaubada iyagoidokoigu! Moitamo amatakoiyemi!   
\p
\v 12 E guna sinapuyana yaimi ame tuta be nakae nava bei aguuinuwe. Moe bego tosakidiyadi idi pásima avakoikoi bei geya itoboinedita madi uyawana gagágasa sipásima bego idi sinapu yogala manuna yaimi goi nakae yau guna sinapu.  
\v 13 Moitamo. Tomota amo tauyadi nakae moe geya Yeisu ina vamoleyanayao moitamo geya. Kidi toguinuwa polapola. Kai \w Guyau\w* ina vamoleyanayao sitapatema bego tomota sikatubaudi.  
\v 14 Moe manuna geya takaliwoiseta ae? Moitamo. Kaleya \w anerose\w* maavadaina itapate bego ikatubauda.  
\v 15 Tauna ikakapu neta Kaleyayana ana tovaitayao toinidi sikaigaviledi bego tanuwonúwana kidi sinapu mooitamoina adi tokibobwatayao. Ago tuta ana kaba lukavava goi kidi idi goyo adi katumapu bei sibabane.   
\s1 Paulo iuyawana gagágasa ina kaleyayao nakae  
\p
\v 16 Abobwaramna. Taabu konuuwonūwana yau ayaluwo. Ego neta konuwonúwana ayaluwo, yaaluwoigu nakae agu gogo yaimi nakae kidi bego toosakidi adi gogo, bei itoboinegu tupwana auyawana gagágasa tauyadi nakae.  
\v 17 Guna livala moe geya ida Tomoya ina lovina goi ima geya, go sem moe tomota yaaluwoina nakae auyawana gagágasa.  
\v 18 Tomota badabadaidi yaimi sakava ana dadava goi siuyawana gagágasa, tauna yau nakae bei auyawana gagágasa.  
\v 19 Moitamo. Komi bego tonanamsa go, mami uyáwana tosakidiyadi yaaluwoidi idi bóbwara goi komesayágana ae? Tauna yau guna bóbwara goi bei komesayágana ae?  
\v 20 Moitamo toina. Nakona tomota sivayokoimi komi idi pakonayao o sivaobumi o sikatutaoimi o sinuwatue o silopadipadimi bego sigieomaemaemi go, tuwo yaidi komesayágana ae?  
\v 21 U, oma go imayamaya beso; katalavaitema moitamo kai kaneneta unana geya itoboinemeta amo tauyadi idi sinapu nakae kaguinuwe yaimi ae?  
\p E kaga goi tauyadi madi katepatu siuyawana gagágasa, yau nakae magu katepatu bei auyawana gagágasa. O yaaluwoina nakae abobóbwara!   
\qm1
\v 22 Manakae? Kidi \w Iberiu\w*?   
\qm2 Yau nakae.  
\qm1 Kidi \w Isileli tubunao\w*?  
\qm2 Yau nakae.  
\qm1 Kidi Eberamo tubunao?  
\qm2 Yau nakae.  
\qm1
\v 23 Manakae? Kidi bego \w Guyau\w* ina tovaitayao?  
\qm2 Yau ina tovaita moitamo toina.  
\m (¡Ame guna bóbwara goi nakona dabagu bogina igoyo!) Go akalisavedi ame nakae:   
\qm1 Guna poisógana Guyau manuna  
\qm2 atogagasavedi.  
\qm1 Deri goi akaaiyaka tuta badabadaina go,  
\qm2 kidi geya.  
\qm1 Agu láuwo sivavina ababanedi,  
\qm2 geya ayagoiyeta.  
\qm1 Tuta badabadaina giyakainava bei akámasa go,  
\qm2 kidi geya.\x † \xo 11:23 \xt Gui 16:23.\x*  
\qm1
\v 24 Sivanima liuna ababane kidi Diyuu nimadi goi go,   
\qm2 liunayadi tamo tamo moe dábina 39 sivinigu.\x † \xo 11:24 \xt Atu 25:3.\x*  
\qm1
\v 25 Sivato alova dilidilina goi   
\qm2 da \w Roma\w* idi tovayaviya sidabigu.\x †a \xo 11:25 \xt Gui 16:22.\x*  
\qm1 Sivatayamo gurewa goi silauigu.\x †b \xo 11:25 \xt Gui 14:19.\x*  
\qm1 Sivato oga goi alokoina go,  
\qm2 isalili.  
\qm1 Sabamgo tayamo be maliyalina tayamo  
\qm2 osasa goi idoiyegu.  
\qm1
\v 26 Guna vaníbita badabadaidi goi  
\qm2 aba vailai badabadaidi sisowóduwo yaigu.  
\m Aba vailaiyadi ame nakae:   
\qm1 Sákala goi,  
\qm1 tovaináwana goi,  
\qm1 segowo Diyuu goi,\x †a \xo 11:26 \xt Gui 9:23.\x*  
\qm1 \w Totuyoyowo\w* goi,\x †b \xo 11:26 \xt Gui 4:5.\x*  
\qm1 asa goi,  
\qm1 udódana goi,  
\qm1 osasa goi, tonumisa polapola yaidi goi,  
\qm1
\v 27 guna poisógana be guna valitulítuwo goi,   
\qm1 sabamgo badabadaidi geya amasisita,  
\qm1 magu loga be maegu isayasaya,  
\qm1 tuta badabadaina geya avagumo,  
\qm1 gogou akámasa unana guna kwama geya sibadebadeta.  
\m
\v 28 Ame dogoiyadi sisowóduwo yaigu goi. Ago ame alotowo sinaegu goi:   
\qm1 Maliyalina tamo tamo goi mou  
\qm2 Yeisu ana totugugunayao liliumi manumi alootowoidi,  
\qm2 e manumi anuwonúwana gagaina.  
\qm1
\v 29 Avatau neta ineneta,   
\qm2 ina nenetayana yau nakae alotowo.  
\qm1 Avatau neta siyana ivakapusiye goyo goi,  
\qm2 tovakapusiyana manuna yau gamogu igoyo toina.  
\p
\v 30 Neta latuwomi auyawana gagágasa tosakidiyadi nakae, e kaga neta guna neneta ivagitaakoedi, moe dogoiyana manuna bei auyawana gagágasa.  
\v 31 Yaubada aba yapali vata!\x †a \xo 11:31 \xt Luk 1:68; Rom 1:25, 9:5; 2Ko 11:31; Epe 1:3; 1Pi 1:3.\x* Tauyana ida Tomoya Yeisu ina Yaubada be nakae Tamana.\x †b \xo 11:31 \xt Rom 15:6; 1Ko 1:3; Epe 1:3,17; 1Pi 1:3.\x* Ame Yaubadayana iyagoigu bego geya apoleta.  
\v 32 Boi Yaubada guna neneta ivatulukoigu ame nakae: Boi tolovina Aretasi ina tuta goi tolovina tayamo sobuyekoina mana tovayaviyayao asa Damasiko goi siyausegu bego siyoisigu\x † \xo 11:32 \xt Gui 9:23-25.\x*  
\v 33 go, segowo sivaitegu. Bayao tayamo gagaina goi asowoya, ali gurewa toluyena ana windo goi sisoilavegu asou poyapoya, e tolovinayana nimana goi magu omayamaya asiya.   
\c 12  
\s1 Paulo ina kalayáusa be ana kaba kinana  
\p
\v 1 Guna gagasayana itoboine go, geya basabasainamo. Ego tuwo bokoyo \w alayáusa\w* boi Tomoya\f ‡ \fr 12:1 \fk Tomoya\ft : Da Giriki niyadi goi livala ame ana yagoina geya imavadeta. Itoboineda takaigavile kada, ‘Yauwe’ go, aiyuwoina ame nakona Yeisu idigedige. Aiyuwokova itoboinedi. Amo tutayana Yauwe yoina geya sivatoiyeta, go sem kadi, ‘Tomoya.’ Go Yeisu nakae siduduwe kadi, ‘Tomoya.’\f* iivinigu be nakae ina nuwogau ikaiwooduwedi yaigu bei avatetelidi.  
\v 2 \w Guyau\w* ina koroto tayamo aayagoi boi tala yawou aivasi sikavava goi Yaubada ikabi itukoe. Neta wowona goi o balomaina goi itukoe, moe geya ayagoiyeta. Yaubada anetava iyagoi. E itukoe ina yábana aitonina goi.\f ‡ \fr 12:2 \fk Yábana aitonina\ft : Diyuu idi nuwonúwana goi yábana ana badabada aito sikaaiyaka. Yabanayadi situko sina go, yábana aitonina moe diligaemaina toina. Maeko goi moe Yaubada ina Kaba Kaiyaka.\f*  
\v 3 Neta wowona goi o balomaina goi itukoe, moe seki geya ayagoiyeta. Yaubada anetava iyagoi go, ayagoi  
\v 4 bego Yaubada ikabi itukoe ina dadava dedevina goi. Maeko goi livala vaatabudi inovedi; livalayadi kita tomota geya ada tagonamo tavatoidi.  
\v 5 Amo korotoyana manuna yau itoboinegu auyawana gagágasa go, toinigu manugu geya agagaseta, go sem guna neneta taudi manudi auyawana gagágasa.  
\v 6-7 Nakona latuwogu toinigu manugu auyawana gagágasa go, neta nakae, geya kada yau akayomana geya, unana moe bei yaaluwoigu. Neta yau auyawana gagágasa, moe abobóbwara moitamo. Nuwogau adi kaiwoduwoyadi kaausaraidi toidi agitedi go, tuwo gágasa dogoiyadi manudi bei avakilisi, govila guna kalayausayadi pasidi yau kokilagasigu, go sem latuwogu guna sinapu kogite bei guna livala konovedi, e koyagoi yau magu lovina. Tauna Yaubada mou tayamo ivinigu, govila bei ina nuwogau adi kaiwóduwo pasidi anuwatue. Mouyana ana geda awoinu gitaina nakae neta sakavaigu iginubasi. Gitayana Kaleya ina toguinuwa nakae ima gitayana iepaisewe bego iyogedegedegu, govila bei anuwatue.   
\p
\v 8 Ame guna gitayana manuna sivato akawanoimakimakiko ida Tomoya yaina bego ikabi inave  
\v 9 go, ilatuwokoigu idigo kana,  
\pm ‘Moe tuwo. Guna kanuwóiya goi bogina yoiyam. Kom im neneta goi guna togaga avagitakoedoko.’  
\m Tauna dogoi liliudi manudi geya agagaseta, go sem guna nenetayadi manudi magu uyáwana bei auyawana gagágasa bego tomota siyagoi \w Guyau\w* ina togaga ikaaiyaka yaigu.  
\v 10 Tauna guna neneta, guna yogedageda, guna mou, guna vakaleya be nakae guna vailai Guyau manuna bei auyaaonedi. Bogina koyagoi. Tutayana yau aneneta, e moe tutayana Guyau ina togaga goi yau atogaga.   
\s1 Paulo ina matakoi gagaina  
\p
\v 11 Guna gagasayana goi bogina ayaluwo! Go moe komi koloetuetunema kaguinuwe. U, moe moitamo. Boi itoboine yau kokamoitamoegu, go geya koguinuweyeta! Bogina koyagoi. Nakona yau toosobugu go, tuwo amo tauyadi bego \w Yeisu\w* ina \w vamoleyanayaoyadi|lemma="Vamoléyana"\w* toogagaidi geya tayaamo kaga goi sitaoyakukuigu geya!  
\v 12 Yaubada nimana goi magu mesayágana vamoléyana ana kiyakiyaya aguinuwedi yaimi goi bei komi koyagoi yau moitamo Guyau ina vamoléyana tayamo. Kiyakiyayayadi moe aba kinana kainaaopaidi be nakae \w guinuwa toogagaidi\w*.  
\v 13 Kaga aguinuwe Yeisu ana totugugunayao asa liliudi goi manudi go, komi manumi geya? Seki, nakona imi yogala geya ayatoeta ae? Komi manakae! Neta ame guna goyo, e konuwotāo ae?   
\p
\v 14 Konōve. Ame bogina ayookabúbuna bei sivatonina awokoimi go, tutayana asowóduwo imi yogala geya ayatoeta. Moe moitamo. Geya latuwogu konami, go sem latuwogu komi. Bogina koyagoi. Komi natugowo nakae. Geya itoboineyeta gogómana tamadiyao sinadiyao manudi bei sivakuma, go sem koroto ma monena natudiyao manudi sivakuma. Tauna komi geya kovakumeta yau manugu, go sem komi manumi yau avakuma.  
\v 15 E yau magu uyáwana bei atagona konagu liliudi be nakae yawoigu madabokina akasaledi manumi. Amatakoiyemi gagaina go manakae? Giyaina komatakoiyegu ae?  
\v 16 E moe nakae go, tuwo. Nakona bogina koyagoi imi yogala geya ayatoeta, go sem komi imi nuwonúwana bego yau magu nuwotulu guna pola goi avaobumi ae?  
\v 17 Manakae? Koroto maniyedi bogina aetunedi siwo yaimi, tauyadi goi avaobumi gea geya? Geya ae?  
\v 18 Boi Taito akatuliwole iwo. Tauyana itagona go, siyada tayamo taiyao aetunedi siwo. Manakae? Taito ivaobumi gea geya? Geya ae? Manakae? Taito be yau \w Baloma Kimaasabaina\w* tayamo goi kaketoiya? Tayamo ae? Manakae? Kai kiyaema tayamo? Tayamo ae?   
\p
\v 19 Manakae? Konuwonúwana bego ima leta ame madabokina goi komi ima towowókana imi livala kataasigidi? Moe geya. Yaubada matana goi kai \w Guyau\w* pasina kabobóbwara. Guna kaloyao, ima livalayadi madabokidi bego komi kakitogagemi.  
\v 20 Bogina koyagoi. Amatoita bego ao, nakona imi sinapu agitebabanedi geya nakae latuwogu. Komi nakae guna sinapu sápina bei kogitebabane geya nakae latuwomi. Guna matoitayana bego imi sinapuyadi yaimi goi nakona kokaumakimaki, kovakipikipi, koegamogamogu, amitava imi yala manudi kopoisógana, kokaogoyo, kolivalakipakipatu, konuwatue be nakae kovakaleya.  
\v 21 Aiyuwoina guna matoitayana bei guna kaluvilamna goi nakona guna Yaubada igieomaemaegu komi matami goi. Ago nuwogu bei imou maniyemi boi kogoyo manumi go, nava kaga goyogoyoidi, masisi goyogoyoidi, sakavaimi adi vikaiya owáowana manudi geya kotugavileta. Tauna nuwogu bei imou.   
\c 13  
\s1 Paulo ina katusinapu  
\p
\v 1 Ame awowoiwo moe bogina sivatonigu bei ao avadademi go, takínona manuna \w Gínina Kimaasabaina\w* ina vatulúkwana wowókana manuna konuwāisi. Gininayana kana,  
\b  
\pi1 ‘Totalavaita adi taiyuwo o adi taito goi itoboinedi tomota ina wowókana tamo tamo takamoitamoedi.’\x † \xo 13:1 \xt Mad 18:16; 1Ti 5:19.\x*  
\qr Atukeda 19:15  
\b  
\m Ame konuwāisi unana tutayana ao, totalavaita tobágala idi goyo bei sikamoitamoedi.  
\v 2 Boi guna vadádana aiyuwoina goi tauyadi sigoyogoyo bogina akatuliwoledi, e nakae ame tuta yau aduwanau goi akaaiyaka go, aiyuwoina madabokimi akatuliwolemneimi kagu,  
\pm ‘Tutayana akaluvilamna ao, togoyoidiyadi adi liuna geya atotoeta.’   
\m
\v 3 Moe nakae bei aguinuwe unana komi kolovinaegu guna kiyakiyaya avatulukoimi bego moitamo yau sopagu goi \w Guyau\w* ibobóbwara. Tauna bei ao liunayana goi moe avatulukoimi. Ame Guyauyana sopagu goi ibobóbwara ina guinuwa komi yaimi geya ineneteta geya, go sem nauyayanaimi goi itogaga.  
\v 4 Moe moitamo. Guyauyana tomota neenetaina nakae situpatuko go, tuwo Yaubada ina togaga goi maa yawoina ikaaiyaka ame tuta. Kai ima \w spwagógana\w* Tauyana taiyao goi nakae kaneneta go, ima guinuwa yaimi goi bei ame nakae: Yaubada ina togaga pasina Guyau taiyao bei kakaaiyaka.   
\p
\v 5 Komi toinimi kovakakonēmi bei kogite, imi numisa ana ketoiya nakae \w Guyau\w* latuwona gea geya? Toinimi kodovatusīmi. Manakae? Geya koyagoimita bego \w Yeisu\w* Guyau yaimi goi ikaaiyaka? O nakona bogina kodovatusimi go, bogina kogite Yeisu yaimi goi geya ikaiyaketa!  
\v 6 E kanumisa bego imi dovatusiyana goi bei koyagoi kai moitamo Guyau ina \w vamoleyanayao|lemma="Vamoléyana"\w*.  
\v 7 E geya latuwoma liuna kavinimi, tauna kakawanoi Yaubada yaina goi bego geya tayaamo goyo koguuinuwe. Go ima kawanoiyana geya bego tomota sikamoitamoema kai Yeisu ina vamoleyanayao geya, go sem nakona tomota geya sikamoitamoemeta go, tuwo ima kawanoiyana bego komi dogoi dedevidi koguinuwedi.  
\v 8 Neta imi sinapu dedevina, liuna geya itoboinemeta kavinimi. Bogina koyagoi. Kai geya itoboinemeta sinapu mooitamoidi kavakaleyedi, go sem kavalitulítuwo sinapu moitamoidiyadi manudi.  
\v 9 Guna nuwonúwana ataligei. Kauyáwana tutayana ima lovina liuna manuna kaneneta, neta komi imi numisa goi kotogaga. Kakawanoi Yaubada yaina iyolimemi.  
\v 10 Moe pasina nakona yau moeko yaimi goi geya go, liwola leta ame goi aginidi: Bego tutayana yaimi goi akaaiyaka lovina kasakasaina bei geya avinimita nakae itoboinegu. Go itoboinegu unana ida Tomoya goi yau magu lovina. Lovinayana moe bego imi numisa akitogage go, geya bego akaigoyai.   
\ms1 Paulo ina vaduduwo  
\mr (2 Korinta 13:11-13)  
\p
\v 11 Segowo, kouyāwana! Semiyao kokabivekovekomnēidi. Semiyao kokipaiwolēdi. Mami nuwovavasa. Kotubōina. Neta moe sinapuyadi koguuinuwedi, Yaubada, Tauyana \w matakoi\w* be tuboina unadi, yaimi goi bei ikaaiyaka.   
\p
\v 12 Sedao moeko goi koyoowoiīdi nakae komi kimaasabaimi Yaubada umana itoboinemi. Tauyadi Yaubada ina kimasabayao liliudi ameko goi idi yabobona yaimi.   
\p
\v 13-14 Ida Tomoya Yeisu \w Guyau\w* ina kanuwóiya be Yaubada ina matakoi be \w Baloma Kimaasabaina\w* ina kabivekoveko bei sikaaiyaka yaimi.  
\b  
\cls \sig Yau Paulo\sig*