\id 1TH Gumawana Translation Project [C. Olson Draft #24 10-Jul-2018, Translators: Tomasi, Antiyoki, Topiyo, Tamnae, Robat (2007). Final read through Mar-2017] 
\h 1 TESALONÁIKA 
\toc3 1Tk 
\toc2 1 Tesalonáika 
\toc1 Yeisu ana totugugunayao Tesalonaika goi adi leta vakuumgoina 
\mt1 1 Tesalonáika  
\mt2 Yeisu ana totugugunayao Tesalonáika goi  //  adi leta vakuumgoina  
\is1 Livala Aba Vaita  
\ip Leta ame Paulo ma senao Silovano be Timoti sigini sietune ina Yeisu ana totugugunayao Tesalonáika goi yaidi. Letayana nakona tala 51 sinaena sigini.  
\ip Tesalonáika asa gagaina Mesadoniya parovinsi sinaena goi ikaaiyaka. Paulo boi igimiina Tesalonáika tala 50 sinaena. Amoko goi Vala Dedevina italavaite, e boda sinove Yeisu sinumise. Ame tetalayana Guinuwa 17:1-9 goi ikaaiyaka.  
\ip Tutayana Paulo Tesalonáika goi ikaaiyaka, tomota maniyedi sivakaleye be nakae sivatapiye isiya. Tauna geya itoboineyeta ina vatulúkwana ilukavave.  
\ip Niga tutayana Paulo ina Korinta goi, latuwona iyagoi da Tesalonáika dedevidi gea geya. Tuwo Timoti ietune ina bego iyagoi. Tutayana ikaluvilamna ima, italavaita bego da Tesalonáika idi numisa pasina mou sibaabanedi go, sitaoyaakavata.  
\ip Leta ame goi kidi Paulo latuwodi bego da Tesalonáika idi numisa sikitogage. Aiyuwoina latuwodi bego vatulúkwana maniyedi sikitototoidi. Nakae latuwodi bego sivatulukoidi Yaubada ina bodao manakaedi itoboinedi siiketoiya be nakae Yeisu ina kaluvilamna manuna.  
\iot Leta Luluna  
\io1 1. Leta ana togínina be ana tokatuyaivayao \ior 1:1 \ior*  
\io1 2. Kidi Paulo idi sinapu Tesalonáika goi be nakae da Tesalonáika idi sinapu \ior 1:2—3:13 \ior*  
\io1 3. Paulo ina vatulúkwana da Tesalonáika yaidi \ior 4:1—5:22 \ior*  
\io1 4. Paulo ina kawanoi da Tesalonáika manudi \ior 5:23-28 \ior*  
\c 1  
\ms1 Leta ana togínina be ana tokatuyaivayao  
\mr (1 Tesalonáika 1:1)  
\m
\v 1 Komi \w Yeisu\w* ana totugugunayao Tesalonáika goi,\x †a \xo 1:1 \xt Gui 17:1-8, 20:4.\x*  
\p Komi tauyami Tamada Yaubada be ida Tomoya Yeisu \w Guyau\w* taiyao bogina kospwagógana, e ame ami leta yau Paulo, Silovano,\f ‡ \fr 1:1 \fk Silovano\ft : Tauyana youyuwoina moe Sailasi. Da Giriki kadi, ‘Silasi’ (Gui 15:22).\f*\x †b \xo 1:1 \xt Gui 15:22,27,32,40, 16:19,25,29, 17:10,14-15, 18:5; 2Ko 1:19; 2Tk 1:1; 1Pi 5:12.\x* be Timoti\x †c \xo 1:1 \xt Gui 16:1,3, 17:14-15, 18:5, 19:22, 20:4; Rom 16:21; 1Ko 4:17, 16:10; Pil 2:19; 1Tk 3:2,6; 1Ti 6:20; Ibe 13:23.\x* kagini kaetune iwo yaimi.  
\p Yaubada ina kanuwóiya be ina tuboina bei ivinimi.   
\ms1 Kidi Paulo idi sinapu Tesalonáika goi  //  be nakae da Tesalonáika idi sinapu  
\mr (1 Tesalonáika 1:2—3:13)  
\s1 Paulo ina kauyagu  //  da Tesalonáika yawoidi manuna  
\p
\v 2 Tuta liliuna Yaubada yaina kakaauyagu komi madabokimi manumi. Ima kawanoi Yaubada yaina goi kanuwaaisimi. Tuta liliuna  
\v 3 komi imi paisewa imi numisa pasina be imi poisógana imi \w matakoi\w* pasina be imi mesayágana imi lotuta ida Tomoya Yeisu \w Guyau\w* yaina pasina ida Yaubada Tamada matana goi kanuwokaavatedi.  
\v 4 Komi semao Yaubada imatakooiyemi, ima kauyaguyana unana kaayagoi bogina ikinavemi komi ina bodao.  
\v 5 Ami kinavayana kaayagoi unana tutayana \w Vala Dedevina\w* katalavaite yaimi, ima talavaitayana geya livala kaka goi geya, go sem ima livalayana mana togaga. Nakae livalayana \w Baloma Kimaasabaina\w* ikamoitamoedoko yaima goi. Moe bogina kooyagoi unana kai boi kakaaiyaka yaimi goi, e ima guinuwa madabokina bogina kogite moe ami dedevina manuna.  
\v 6 Aiyuwoina komi ami kinavayana kaayagoi unana kai be ida Tomoya kovatotowonema ame nakae:\x †a \xo 1:6 \xt 1Ko 4:16, 11:1; Pil 3:17, 4:9; 2Tk 3:7,9.\x* Mou gagaidi kobaabanedi imi numisa pasina go, tuwo Valayana mami uyáwana kouuyaone. Uyawanayana Baloma Kimaasabaina ivinimi.\x †b \xo 1:6 \xt Gui 17:5-9.\x*  
\v 7 Tauna komi aba gita tonumisa liliudi yaidi, moeko Mesadoniya goi be nakae ameko Akeya goi.  
\v 8 Moitamo, komi aba gita tayamo. Komi goi ida Tomoya valena isagayako geya kada Mesadoniya be Akeya kaka goi geya, go sem imi numisayana Yaubada yaina valena bogina isagayako asa liliudi goi! Tauna geya itoboineyeta imi numisa manuna katalavaita.  
\v 9 Bogina koyagoi. Ava kasa goi kana, e toni kasa toinidi sitalavaitema manakaema boi mama nuwotokai kasowóduwo yaimi be nakae sitalavaitemi komi manakaemi yaubada polapola bogina kotugaviledi go, Yaubada maa yawoina be mooitamoina konoko bego komi Tauyana ina \w pakonayao|lemma="Paakonina"\w*, e kokasalemi Tauyana yaina.  
\v 10 Aiyuwoina sitalavaitemi komi manakaemi Natuna boi ámasa goi bogina ikaaitáoe kotuuyaosi bei yábana goi ikaluvilamna ima. Natunayana moe Yeisu; Tauyana Yaubada ina egamogamogu imamaima goi bei iyaveda. Tauna kaayagoi Yaubada ikinavemi.   
\c 2  
\s1 Paulo da Tesalonáika  //  ikavileviledi ina paisewa manuna  
\p
\v 1 Moe guna livalayadi moitamo, semao. Komi nakae konuwaisi boi ima sowóduwo yaimi goi moe geya kada mama yalagau goyogoyoidi geya,  
\v 2 go sem boi Pilipai goi tomota siyogedeegedema be nakae sigieomaeemaema\x †a \xo 2:2 \xt Gui 16:19-24.\x* nakae bogina kooyagoi go, tuwo ida Yaubada goi ima katepatu kaababane, e ama mouyadi goi ina \w Vala Dedevina\w* katalavaite yaimi.\x †b \xo 2:2 \xt Gui 17:1-9.\x*  
\v 3 Ame moitamo. Boi ima katuliwola goi geya kada kavasulaigimi o mama nuwogau goyogoyoidi o kaapolemi geya,  
\v 4 go sem Yaubada bogina idovatusima inumisema bego Vala Dedevinayana katalavaite, e tuwo nakae katalavaite. Ago ima talavaitayana goi geya kada tomota kavauyaonedi geya, go sem latuwoma bego Yaubada, Tauyana nuwoma idovaatusidi, kavauyaone.  
\v 5 Ame moitamo. Bogina koyagoi bego boi tutayana kai kao yaimi goi geya kakatunuweenuwemi geya. Ima talavaitayana geya kada vakibala ima matakónana ana vamóuna manuna geya. Iyagoigu!  
\v 6-7 Kai \w Guyau\w* ina \w vamoleyanayao|lemma="Vamoléyana"\w* itoboinema kalovinaemi go, tuwo ima talavaitayana goi geya latuwoma bego komi o ituli ta tomotava kotaimaminema. Nakae geya kaguinuweyeta, go sem kai oma inuwa; nakae vavina neta toinina natunao meyameyaidi imatakaavatedi,  
\v 8 e kai nakae mama lokáyasa be mama uyáwana Yaubada ina Vala Dedevinayana yaimi goi kataalavaite. Ego talavaita kaka geya, go sem tutayana kai yaimi goi, kakasalema unana komi atema.  
\v 9 Ame moitamo, segowo. Neta konuuwaisi ima poisógana be ima valitulítuwo yaimi goi. Sabamgo be maliyalina toinima nimama goi kapaaisewa bego ami yogala geya kayatoeta go, Yaubada ina Vala Dedevinayana katalavaite yaimi goi.   
\p
\v 10 Komi be nakae Yaubada bogina koyagoima manakaema kakaaiyaka boi komi nuumisaimi yaimi. Kai ima sinapu moe maavadaina, kiboobosina be nakae geya ana pikwanamo.  
\v 11 Komi bogina kooyagoi kai ima sinapu komi tamo tamo yaimi nakae koroto tamo toinina natunao yaidi.  
\v 12 Ame nakae: Kakipaiiwolemi, atemi kavapatuupatudi be nakae kakaugeogéona bego kooketoiya nakae Yaubada ina bodao itoboinedi. Ame Yaubadayana iduuduwemi \w ina kalibúbuna|lemma="Yaubada ina kalibúbuna"\w* goi be nakae ana \w káeyana\w* tomoeeyalina goi kosiu.   
\s1 Paulo ina kauyagu  //  da Tesalonáika idi numisa manuna  
\p
\v 13 Aiyuwoina kai kakaauyagu Yaubada yaina goi tuta liliuna unana ame: Bego tutayana Tauyana ina livala boi yaimi goi kataalavaite konove go, kouyaone geya kada tomota ina livala geya, go sem livalayana kokamoitamoe bego moe Yaubada ina livala mooitamoina. Livalayana nakae komi tonumisa yaimi goi bogina ipaaisewa.  
\v 14 Ame moitamo, segowo. Komi gedageda kobaabanedi nakae boi kidi Yaubada ana totugugunayao, moe \w Guyau\w* \w Yeisu\w* ina bodao, Yudiya sinaena goi bogina sibabanedi. Tauyadi toinidi sediyao \w Diyuu\w* nimadi goi gedageda sibabanedi, e komi nakae toinimi semiyao \w Totuyoyowo\w* siyogedegedemi.\x † \xo 2:14 \xt Gui 17:5.\x*  
\v 15 Diyuuyadi boi ida Tomoya Yeisu be nakae Yaubada ina \w tokabivalavalayao|lemma="Tokabivalavala"\w* sikauumatedi. Aiyuwoina siyogedegedema. Ikavava, sivatapiyema kasiya. Yaubada geya iuyaonedita unana tomota liliudi sivakaleyedi ame nakae:\x † \xo 2:15 \xt Gui 9:23,29, 13:45,50, 14:2,5,19, 17:5,13, 18:12.\x*  
\v 16 Bego Totuyoyowo yaidi Vala Dedevina katalavaite, e bei itoboinedi adi yava sibabane go, Diyuuyadi sisanabodema. Tauna idi goyo tuta liliuna sivaaituwedi, e giyakainava ikayaoda. E Yaubada ina upa boi iyatoyato bogina bei ima, e ina egamogamogu sivalobodedoko.   
\s1 Paulo latuwona bego ina Tesalonáika  
\p
\v 17 E kai go boi tuta kaakupina goi maisima tomota sivamoukoimi, semao. Moe wowoma yaimi goi geya sikaiyaketa go, nuwoma yaimi goi sikaaiyaka. Ego atema iyoidi kapoisógana gagaina toina bei maisimi kagitedi  
\v 18 unana latuwoma bego kakaluvilamna kao yaimi. Yau Paulo sivavina nakae toinigu apoikíkina bego awokoimi! Latuwoma kao go, Kaleya isanabodema, tuwo geya kawoita. Go moitamo latuwoma bego kagitemi.  
\v 19 Tutayana ida Tomoya Yeisu bei ima matana goi tatáoya, imi numisa pasina komi ima kaba lotuta, nakae komi ima kaba uyáwana, e komi pasimi aedidima kasamolai!  
\v 20 Moitamo. Komi ima kaba taimámina be ima kaba uyáwana!   
\c 3  
\p
\v 1 Tauna tutayana valemi geya kanoveta, nakona komi dedevimi gea geya, e geya itoboinemeta katogaga. Tuwo kalovina kai ametava Ateni goi kakaaiyaka\x † \xo 3:1 \xt Gui 17:15.\x*  
\v 2 go, Timoti kavamoleye iwo unana tauyana siyada nakae ama tosavaiyuwo Yaubada ina paisewa \w Guyau\w* Valena Dedevina manuna. Tauna kavamoleye iwo bego ikitogagemi be imi numisa goi atemi ivapatupatudi,  
\v 3 e bei geya vatau tayaamo yaimi goi mana kateyova mouyadi pasidi, e ina numisa ikalave geya. Moitamo. Komi bogina kooyagoi moe Yaubada ina nuwonúwana bego mou tavaloobodedi.  
\v 4 Kai nakae. Boi tutayana yaimi goi kakaaiyaka, kagimikatumatalimi bego giyakainava mou ida numisa pasina bei tavalobodedi, e nakae bogina siisowóduwo, nakae bogina kooyagoi.  
\v 5 Ami mouyadi pasidi yau magu nuwokubukubu geya itoboineguta tuwaina atogaga, tuwo Timoti avamoleye iwo. Latuwogu bego imi numisa ayagoi nakonakae, govila bei Tovakakona bogina iwo ivakakonemi maniyemi kokapusi be nakona ima poisógana yaimi goi geya basabasainamo.   
\p
\v 6 E ame tuta Timotiyana yaimi goi bogina ima,\x † \xo 3:6 \xt Gui 18:5.\x* imi numisa be imi \w matakoi\w* valedi dedevidi italavaitedi yaima. Ilatuwokoima bego komi mami uyáwana konuwokaavatema be nakae tuta liliuna kokatukuuwonema nakae kai kakatukuuwonemi.  
\v 7 Ame tuta semao, mou be gedageda badabadaidi tomota goi kalootowoidi go, tutayana Timotiyana ina talavaita kanove, e komi imi numisa pasina bogina atema kovapatupatudi.  
\v 8 Komi imi \w spwagógana\w* ida Tomoya taiyao pasina kotaoyaakavata, tauna ame tuta yawoima koolisidi mama uyáwana.  
\v 9 Ame moitamo. Manakaema itoboinema bei ima kauyagu Yaubada yaina komi manumi kasayata? Geya itoboinemeta! Komi pasimi Yaubada matana goi kai kaauyáwana gagaina  
\v 10 tutayana sabamgo be maliyalina kakawanoi maakimaki Yaubada yaina bego kagitemneimi be nakae kaga neta imi numisa manuna nava geya koyagoiyeta, e kavatulukoimi.   
\p
\v 11 E latuwoma bego ida Yaubada Tamada be ida Tomoya \w Yeisu\w* ima kenao sikiunai bei kao yaimi.  
\v 12 E komi manumi sem latuwoma bego ida Tomoyayana imi matakoi ivaituwe be ilausiwosiwo semiyao be tomota liliudi yaidi goi nakae kai bogina kamatakooiyemi.  
\v 13 Moe bego nuwomi nakae atemi ikitogagedi, bei geya ami pikwanamo unana komi kimaasabaimi ida Yaubada Tamada matana goi, tutayana ida Tomoya Yeisu mana kimasabayao sima.  
\pr [E nakae!]\f ‡ \fr 3:13 \fk E nakae\ft : Ame livalayadi 1 Tesalonáika ana kopi maniyedi goi geya sikaiyaketa. Nakona Paulo geya iginidita.\f*   
\c 4  
\ms1 Paulo ina vatulúkwana da Tesalonáika yaidi  
\mr (1 Tesalonáika 4:1—5:22)  
\s1 Vatulúkwana masisi goyogoyoina manuna  
\p
\v 1 E tuwaina ima nuwonúwana maniyedi sikaaiyaka. Segowo, boi kavatulukoimi manakaemi itoboinemi kooketoiya be nakae Yaubada kovaauyaone, e nakae bogina koguuinuwe. Go ame kakawanoi yaimi be nakae ima \w spwagógana\w* ida Tomoya \w Yeisu\w* taiyao pasina kakatuliwolemi tuwaina nakae koguinuwevilevīle.  
\v 2 Vatulukwanayadi boi ida Tomoya Yeisu ina lovina goi kaavinimi bogina koyaagoidi.  
\v 3 Nakae ame boi kavatulukoimi: Yaubada ina nuwonúwana bego komi kimaasabaimi Tauyana umana, masisi goyogoyoina kovaakilīsi,  
\v 4 be nakae komi tamo tamo kooyagōi manakaemi toinimi sakavaimi kokabikunuidi ame nakae: Sakavaimiyadi kokimaasabēdi Yaubada umana be nakae kopoikīki idi guinuwa moe aba wowoina.  
\v 5 Go moe geya kada mami vikaiya masisi goyogoyoina koyalagau nakae kidi \w Totuyoyowo\w* idi sinapu geya. Tauyadi Yaubada sitamogemogeye.  
\v 6 Masisi goyogoyoina manuna taabu semiyao kobaagalīdi, e monediyao kotubanibanidi. Boi bogina kagimilatuwokoimi be kakatumatalimi neta moe dogoiyadi koguuinuwedi, e goyoyadi liliudi adi tokatumapu, moe \w Yauwe\w*,\x † \xo 4:6 \xt Sam 94:1.\x* bei ami liuna ivinimi.  
\v 7 Geya kada sinapu goyogoyoina ana guinuwa manuna Yaubada iduduweda geya, go sem iduduweda bego kita kimaasabaida toinina umana.  
\v 8 Moe pasina tauna, avatauwa neta ame vatulukwanayana siikatae, moe geya kada tomota kaka sikaataedi geya, go sem Yaubada, Tauyana Balomaina Kimaasabaina ikaiguyauye yaida, nakae siikatae.   
\s1 Vatulúkwana matakoi manuna  
\p
\v 9-10 E imi matakoi sedao nuumisaidi yaidi manuna Yaubada bogina ivatulukoimi komatakoiyedi, e nakae bogina koguuinuwe sedao liliudi yaidi Mesadoniya parovinsi ana madabokina goi. Tauna geya tayaamo kaga matakoiyana manuna itoboinegu agini geya. Ego kakawanoi makimaki yaimi, segowo, tuwaina koguuinūwe  
\v 11 nakae ami lovina boi bogina kavinimi. Ame nakae: Mami salau kopooikīkina bei mami tuboina semiyao taiyao kokaaiyaka. Taabu kokiboodabōda. Toinimi nimami goi kopaaisēwa.  
\v 12 Neta yawoimi moe nakae, e tauyadi geya sinumiseta imi sinapu sigite, bei siwowoinemi be nakae geya tayaamo kaga kokiseyeseye geya.   
\s1 Vatulúkwana tokámasa manudi  
\p
\v 13 E segowo, geya latuwoma bego kotamogemoge tauyadi tokámasa manudi, govila bei imi tokamasayadi manudi komi woi nava kokaategeda tomota geya idi numisamo nakae. Tomotayadi geya idi lotutamo bego niga ámasa goi bei sitaoyamna.  
\v 14 Neta tanumisa bego Yeisu ikámasa namliyeta ámasa goi itaoyamna, e nakae itoboine tanumisa bego Yeisu ina tonumisayao kaamasidi Yaubada bei ikabidi inavedi Yeisu taiyao.  
\v 15 Boi ida Tomoya ina livala kalatuwokoimi bego kita maa yawoida nava takaaiyaka ana kadókana ida Tomoya bei ima go, geya tavakumgoita tana Tauyana tavalobode geya; kidi tokámasa sivakumgo.\x † \xo 4:15 \xt 1Ko 15:51-52.\x*  
\v 16 Ida Tomoyayana toinina yábana goi bei isou ima mana lovina ipodede tokámasa yaidi. Amo tutayana \w anerose\w* adi tokalikumatana bei ipodeda be nakae Yaubada ina síula iuwe namliyeta kidi tokamasayadi spwagoogonidi \w Guyau\w* taiyao bei sigimitáoya.  
\v 17 Sitaoyamna ikavava, e kita nava maa yawoida takaaiyaka Yaubada ma matabuwona ibisilagasida tokamasayadi taiyao, e gaota goi taiyao tatuko bei ida Tomoyayana yábana osasaina goi tavalobode. Tuwo tuta liliuna Tauyana taiyao bei takaiyako vata.   
\p
\v 18 Tauna moe livalayadi goi semiyao atedi kovapatuupatūdi.   
\c 5  
\s1 Vatulúkwana Tomoya ina kaluvilamna manuna  
\p
\v 1 E \w Guyau\w* ina tuta aluvila manuna, segowo, geya itoboineyeta bego tuwaina agini.  
\v 2 Moitamo. Komi bogina koyagoidoko bego Tomoya ina Maliyalina bei ima tovaináwana nakae neta sabamgo goi ivatoopa.\x † \xo 5:2 \xt Mad 24:43; Luk 12:39; 2Pi 3:10.\x*  
\v 3 Tutayana tomota geya idi numisamo sidigodigo kadi, ‘Kai mama tuboina be dedevima’, e amo tutayana adí mtula bei ima ivatoopa kidi tovenátuna idi gedageda nakae go, geya itoboinedita sisiya, geya toina.  
\v 4-5 E komi sem, segowo, mamaníwana goi geya kokaiyaketa; komi madabokiimi mavada natunao o tadigo kada, ‘Maliyalina natunao.’ Tauna Tomoya ina Maliyalinayana geya itoboineyeta ivatoopemi tovaináwana nakae. Kita geya kada sabamgo natunao o tadigo kada, ‘Kokonótuya natunao’, geya.  
\v 6 E tauna taabu taamasīsi tomota geya idi numisamo nakae, go sem tayauyāusa be nakae toinida takabikuunuīda.  
\v 7 Kidi tomasisi moe sabamgo goi siimasisi. Kidi bwae toogagaina siniim yaluwo moe sabamgo goi sinimnim.  
\v 8 E kita sem maliyalina natunao go, numisa be \w matakoi\w* kasikasida ana taboda nakae talosīdi be nakae ada yava ana lotuta dabada ana taboda nakae talōsi namliyeta baige toinida takabikuunuīda.\x † \xo 5:8 \xt Ais 59:17; Epe 6:13-17.\x*  
\v 9 Ada yava ana lotuta talōsi unana geya kada Yaubada ina egamogamogu manuna iyatoida ana totugugunayao yaidi goi geya, go sem ada yava ida Tomoya \w Yeisu\w* \w Guyau\w* ina guinuwa goi manuna.  
\v 10 Guyauyana ikámasa, kita ada katumapu, bego tutayana ima, nakona maa yawoida o bogina takámasa, bei Tauyana taiyao takaaiyaka.  
\v 11 Tauna nakae boi bogina koguuinuwe, e ame tuta nakae tuwaina semiyao atedi kovapatuupatūdi be nakae tamo tamo kokitoogagēdi.   
\s1 Vatulúkwana tonumisa idi sinapu manudi  
\p
\v 12 E kakawanoi yaimi, segowo, avatauwa yaimi goi neta idi \w spwagógana\w* ida Tomoya taiyao pasina sipooisógana be sivakumgooiyemi be nakae sikatusiinapumi, e kowowooinēdi  
\v 13 be nakae idi paisewa pasina mami matakoi kokailaagasīdi gagaina. Mami tuboina taiyao kokaaiyāka.   
\p
\v 14 E kakatuliwolemi, segowo, suumoyaidi kokatusiinapūdi silítuwo, tomota nukotodi itopa kovapatuupatūdi, tomota neenetaidi kovaaitēdi be nakae tomota liliudi yaidi goi koaaramāitana.  
\v 15 Komatakaavatēmi bego geya vatau tayaamo yaimi ituli ta tomotava idi goyo ikatumapu goyo goi, go sem tuta liliuna kopooikīkina guinuwa dedevidi koguuinuwedi tonumisa yaidi goi nakae ituli ta tomotava liliudi yaidi goi.  
\v 16 Tuta liliuna koouyāwana.  
\v 17 Imi kawanoi Yaubada yaina taabu koosayāta.  
\v 18 Nakona ava sinapuva siisowóduwo yaimi goi, manudi Yaubada yaina kokaauyāgu. Moe guinuwayadi Yaubada latuwona bego komi, tauyami bogina kospwagógana \w Guyau\w* Yeisu taiyao, koguuinuwedi.  
\v 19 \w Baloma Kimaasabaina\w* ina togaga yeu nakae taabu kosaawuwūi  
\v 20 o tadigo kada, ‘Balomayana ina livala tonumisa yaidi goi taabu kokaataēdi.’  
\v 21 E kaga liliuna kovakakonēdi. Kaga neta dedevina, koyoisiikavāte  
\v 22 go, goyo liliudi kovasiyasiiyaēdi.   
\ms1 Paulo ina kawanoi da Tesalonáika manudi  
\mr (1 Tesalonáika 5:23-28)  
\p
\v 23 E Yaubada, Tauyana tuboina unana, sinapu liliuna goi bei ikimasabedokoimi ame nakae: Yawoimi madabokina, nakae balomaimi, nuwomi be wowomi, iyoisikavatedi bei geya ami pikwanamo ana kadókana ida Tomoya Yeisu \w Guyau\w* ikaluvilamna.  
\v 24 Yaubada ada Toduduwo moe \w aba numisa\w*; moitamo bei iguinuwe nakae idige.   
\p
\v 25 Segowo, manuma kokaawanōi.   
\p
\v 26 Sedao liliudi moeko goi mami matakoi koyoowoiīdi nakae komi kimaasabaimi Yaubada umana itoboinemi.   
\p
\v 27 Ida Tomoya yoina goi alovinaemi ame letayana kokatuyāivi sedao liliudi matadi goi.   
\p
\v 28 Ida Tomoya Yeisu \w Guyau\w* ina kanuwóiya yaimi!  
\b  
\cls \sig Yau Paulo, Silovano be Timoti \sig*