\id 1JN Gumawana Translation Project [C.Olson Draft #17 19-Jul-2018 checked June 2002 - Paul Minter. Final read through Nov-2017] 
\h 1 IYONI 
\toc3 1Iy 
\toc2 1 Iyoni 
\toc1 Iyoni ina leta vakuumgoina 
\mt1 1 Iyoni  
\mt2 Iyoni ina leta vakuumgoina  
\is1 Livala Aba Vaita  
\ip Leta ame nakona Sebedi natuna Iyoni igini (Mad 4:21). Ame Iyoniyana moe Yeisu ina tovatotówana tayamo.  
\ip Ame letayana nakona tonumisa Epeso goi be nakae asa Epeso kikina goi adi leta. Leta ame igini nakona tala 90 sinaena.  
\ip Vatulukwana polapola siisowóduwo tonumisa yaidi goi, e tomota maniyedi Vala Dedevina siisobale.  
\ip Iyoni ana masi aiyuwo. Masi tayamo moe latuwona tomota vatulúkwana mooitamoina siyagoidoko. Vatulukwanayana moe Yaubada avatau, Yeisu Guyau avatau be nakae kaga Yaubada Natuna Yeisu goi iguinuwe. Vatulúkwana moitamoinayana Yaubada bogina ikaiwoduwe yaida tutayana Yeisu ietune ima.  
\ip Masi aiyuwoina moe matakoi. Iyoni latuwona kita tonumisa Yaubada tamatakoiye be nakae sedao tamatakoiyedi unana ame: Yaubada matakoi unana, e moe Yeisu toinina yawoina goi ivatulukoida, tauna itoboineda Tauyana tavatootowone.  
\iot Leta Luluna  
\io1 1. Yeisu livala yawoida vata manuna \ior 1:1-4 \ior*  
\io1 2. Yaubada moe mavada \ior 1:5—2:2 \ior*  
\io1 3. Neta Yaubada ina lovina takabikaaonedi, e Tauyana tayagoidoko \ior 2:3-6 \ior*  
\io1 4. Lovina vau: Matakoi \ior 2:7-11 \ior*  
\io1 5. Iyoni ina leta ana masi \ior 2:12-17 \ior*  
\io1 6. Guyau ana Kaleya \ior 2:18-27 \ior*  
\io1 7. Yeisu taiyao taspwagógana \ior 2:28—3:24 \ior*  
\io1 8. Vatulúkwana kodovaatusidi \ior 4:1-6 \ior*  
\io1 9. Sedao tamatakooiyēdi unana Yaubada imatakooiyeda \ior 4:7-21 \ior*  
\io1 10. Ida kaba togaga moe ida numisa Yeisu yaina \ior 5:1-5 \ior*  
\io1 11. Yaubada ina talavaita Natuna manuna \ior 5:6-12 \ior*  
\io1 12. Ida spwagógana Yeisu goi yawoida vata tababane \ior 5:13-21 \ior*  
\c 1  
\s1 Yeisu livala yawoida vata manuna  
\qc
\v 1 Tauyana aba vatowo goi\x † \xo 1:1 \xt Iyo 1:1.\x* go, ima ame tuta   
\qc ikaaiyaka bogina kanove be kagite.  
\qc Toinima matama toina goi kagite  
\qc be nakae nimama goi kabisikone.  
\qc Tauyana moe \w Yeisu\w* \w Guyau\w*,  
\qc Yaubada ina Livala yawoida vata manuna.  
\qc
\v 2 Livalayana Yaubada ikaiwoduwe,   
\qc e matama goi bogina kagite,  
\qc kakamooitamoe  
\qc be nakae yaimi kataalavaite bego Tauyana yawoida vata unana.  
\qc Mainao Tamana taiyao sikaaiyaka go,  
\qc bogina ikaiwoduwe yaima.\x † \xo 1:2 \xt Iyo 1:14.\x*  
\qc
\v 3 Kaga bogina kagite be kanove yaimi kataalavaite   
\qc bego komi nakae kokabivekoveko kai taiyao.  
\qc Go kai ima kabivekovekoyana  
\qc moe Tamada be Natuna \w Yeisu\w* \w Guyau\w* taiyao.  
\b  
\p
\v 4 Ame livalayadi kaginidi bego kita tauyawana dókana.   
\s1 Yaubada moe mavada  
\p
\v 5 Livala ame Tauyana ilatuuwokoima kanove, e kataalavaite yaimi. Livalayana ame nakae: Yaubada moe mavada go, geya kada giyaiina mamaníwana Tauyana sinaena geya, geya toina.   
\li1
\v 6 Neta tadigo kada, ‘Yaubada taiyao takabivekoveko’ go, nava mamaníwana goi takaaiyaka, e kita tapola be nakae Yaubada ana \w Nanamsa Mooitamoina\w* geya taguinuweyeta.\x † \xo 1:6 \xt Iyo 3:21.\x*   
\li1
\v 7 Neta kita mavada goi taaketoiya nakae Yaubada mavada goi ikaaiyaka, e kita taiyao takabivekoveko be nakae Natuna Yeisu ikaikaina goi ida goyoinao madabokidi bolotodi yaidi isayoyoida.   
\li1
\v 8 Neta tadigo kada, ‘Kita geya ida goyomo’, e toinida takatuubauda be nakae Yaubada ana Nanamsa Mooitamoina yaida goi geya ikaiyaketa.\x † \xo 1:8 \xt 1Iy 2:4.\x*   
\li1
\v 9 Neta ida goyo tatalaseeyanedi Yaubada yaina, e Tauyana \w aba numisa\w* be tokivavasa tauna ida goyo inuwotaoidi nakae ida guinuwa goyogoyoidi madabokidi bolotodi yaidi goi inikida.   
\li1
\v 10 Neta tadigo kada, ‘Geya kada tayaamo tuta tagoyo geya’, e amo bobwarayadi goi Yaubada tavayoko topola unana Tauyana kana,  
\pi2 ‘Tomota liliudi goyo siguuinuwe.’  
\li1 Tauna ina livala sinaeda goi geya ikaiyaketa.   
\c 2  
\p
\v 1 Natugowo, ame dogoiyadi aginidi siwo bego goyo taabu koguuinūwe. Go neta tagoyo, kita mada \w Tovapísiya\w* Tamada yaina goi; Tovapisiyayana moe \w Yeisu\w* \w Guyau\w* \w Tokibóbwata\w*.  
\v 2 Tauyana ida kaba núwala\x † \xo 2:2 \xt Tat 22:17-22, 37:9; Rom 3:25; Ibe 9:5; 1Iy 4:10.\x* ida goyo manudi. Go geya kada adetava geya, go sem tomota madabokidi nakae idi goyo manudi.   
\s1 Neta Yaubada ina lovina takabikaaonedi,  //  e Tauyana tayagoidoko  
\p
\v 3 Taayagoi bego Yaubada bogina tayagoidoko ame nakae: Neta Yaubada ina lovina takabikaaonedi.  
\v 4 Avatauwa neta sidigo kadi, ‘Tauyana kaayagoi’ go, Yaubada ina lovina geya sikabikaonedita, tauyadi topola be nakae Yaubada ana \w Nanamsa Mooitamoina\w* nuwodi goi geya.\x † \xo 2:4 \xt 1:8.\x*  
\v 5 Go neta Yaubada ina livala takabiikaone, e moitamo Yaubada bogina tamatakoiyedoko nakae itoboineda. Ame nakae itoboineda tayagoidoko bego Yaubada taiyao bogina taspwagógana:  
\v 6 Avatau neta idigo kana, ‘Yaigu goi Yaubada ikaaiyaka’, \x † \xo 2:6 \xt 1Iy 4:15.\x* e itoboine bei iiketoiya Yeisu nakae.   
\s1 Lovina vau: Matakoi  
\p
\v 7 Guna kaloyao, lovina aginigini geya lovina vau geya, go sem lovina bogo boi imi numisa ana kaba vatowo goi go, ima ame tuta ikaaiyaka yaimi. Lovinayana moe livala boi bogina konove.  
\v 8 Ago mamaníwana bogina isaosáwala go, mavada mooitamoina bogina ininínima. Tauna ame lovinayana moe lovina vau nakae aginigini matakoi manuna.\x † \xo 2:8 \xt Iyo 13:34; 2Iy 5.\x* Lovinayana moitamo boi Yeisu goi tagite go, ame tuta nakae komi goi tagite.  
\v 9 Tuwo avatauwa neta sidigo kadi, ‘Kai mavada goi kakaaiyaka’ go, siyadi sikaaolilive, e nava mamaníwana goi sikaaiyaka.  
\v 10 Go avatauwa neta siyadi simataakoiye, mavada goi sikaaiyaka. Mavadayana goi geya tayaamo aba sapákwana ikaaiyaka.  
\v 11 Go avatauwa neta siyadi sikaaolilive, e nava mamaníwana goi sikaaiyaka be nakae mamaniwanayana goi siiketoiya. Mamaniwanayana pasina matadi ikebo, tauna geya siyagoiyeta nako sinonoina.   
\s1 Iyoni ina leta ana masi  
\li1
\v 12 Komi natugowo,\f ‡ \fr 2:12 \fk Natugowo\ft : Ame tauyadi nakona tonumisa vau nakae.\f*  
\li2 Yaubada imi goyo bogina inuwotaoidi Yeisu ina guinuwa pasina, tauna livala ame agini iwo yaimi.   
\li1
\v 13 Tomoyamoyayao,\f ‡a \fr 2:13 \fk Tomoyamoyayao\ft : Ame tauyadi nakae tonumisa toogagaidi unana tuta maanawena Yeisu siinumise.\f*  
\li2 Tauyana aba vatowo goi go, ima ame tuta ikaaiyaka bogina kooyagoi, tauna livala ame agini iwo yaimi.  
\li1 Komi tubuwau,\f ‡b \fr 2:13 \fk Tubuwau\ft : Ame tauyadi nakona tonumisa idi numisa tupwana bogina sibíbina.\f*  
\li2 Togoyoinayana bogina kotogagasave, tauna livala ame agini iwo yaimi.   
\li1
\v 14 Komi natugowo,  
\li2 Tamada bogina kooyagoi, tauna livala ame agini iwo yaimi.  
\li1 Tomoyamoyayao,  
\li2 Tauyana aba vatowo goi go, ima ame tuta ikaaiyaka bogina kooyagoi, tauna livala ame agini iwo yaimi.  
\li1 Komi tubuwau,  
\li2 Imi numisa goi kootogaga, Yaubada ina livala atemi goi ikaaiyaka be nakae Togoyoinayana bogina kotogagasave, tauna livala ame agini iwo yaimi.   
\p
\v 15 Taabu poyapoya sinapuna o konanina manudi nuwomi iyoiyōi. Avatauwa neta sinapuyadi manudi nuwodi iyoiyoi, Tamada geya simatakoiyeyeta.  
\v 16 Moe moitamo. Sinapuyadi ame nakae: Tomota sakavaidi idi yalagau, matadi idi yalagau be konadi adi gágasa. Ame sinapuyadi liliudi unadi moe geya Tamada goi geya, go sem unadi moe poyapoya goi.  
\v 17 Ago poyapoya sinapuna madi yalagau sisaosáwala. Avatauwa neta Yaubada ina nuwonúwana siguuinuwe, bei sikaiyako vata.   
\s1 Guyau ana Kaleya  
\p
\v 18 Natugowo, ame bogina poyapoya ana tuta ana kaba lukavava. Boi konove bego Guyau ana kaleya imamaima go, ame tuta Guyau ana kaleyayao badabadaidi bogina siisowóduwo. Moeko goi taayagoi ame poyapoya ana tuta ana kaba lukavava.  
\v 19 Tauyadi sitavileiyeda go, tauyadi geya ida bodao geya. Neta kidi ida bodao, nava yaida goi sikaaiyaka, go sem tauyadi toinidi sivagitakoidi bego liliudi geya ida bodao geya.  
\v 20 Go komi \w kaaipakumi\w* \w Totumasaba\w*\x † \xo 2:20 \xt Mak 1:24; Iyo 6:69; Gui 3:14; 1Iy 2:27.\x* goi toinina umana, tauna yaimi goi \w Baloma Kimaasabaina\w* ikaaiyaka, e liliumi mami nanamsa.  
\v 21 Tuwo ame agini geya kada unana Yaubada ana Nanamsa Mooitamoina geya koyagoiyeta geya, go sem unana moe bogina kooyagoi be nakae kooyagoi bego geya tayaamo pola Yaubada ana Nanamsa Moitamoinayana goi ima.  
\v 22 Go topolayadi avatauwa? Topolayadi moe avatauwa neta Yeisu silawoiwoiye kadi,  
\pm ‘Yeisu moe geya \w Guyau\w* geya.’  
\m Moe tauyadi \w Guyau\w* ana kaleyayao. Yeisu ma Tamana silawoiwoiyedi kadi,  
\pm ‘Yeisu geya Yaubada Natuna geya. Yaubada geya Yeisu Tamana geya.’   
\m
\v 23 Tuwo avatauwa neta Yaubada Natuna silawoiiwoiye, e Yaubada taiyao geya sispwagogoneta, go sem avatauwa neta sikamooitamo bego Yeisu Yaubada Natuna, moe tauyadi Tamana nakae taiyao sispwagógana.  
\v 24 Go komi kaga nakae boi imi numisa ana kaba vatowo goi konove, tuwo kotagōna atemi goi ikaiyako vata. Neta kotagona bego atemi goi ikaiyako vata, komi moitamo Yeisu ma Tamana taiyao kospwagógana.  
\v 25 Tauna atotulayana boi Tauyana ikaatotuli yaida bei tababane, moe yawoida vata.   
\p
\v 26 Ame livalayadi bogina aginidi siwo yaimi bei akatumatalimi ami topolayao manudi.  
\v 27 Ago komi sem bogina kaaipakumi Guyau goi, e Baloma Kimaasabaina ikaaiyaka yaimi. Tauna tovatulukwana vau komi taabu koolusāle bego ivatulukoimi, go sem Baloma Kimaasabaina kaga liliuna ivatulukoimi. Go Tauyana ina vatulukwanayana moitamo, pola geya. E kokaaiyāka Yeisu yaina nakae Baloma Kimasabainayana bogina ivatulukoimi.   
\s1 Yeisu taiyao taspwagógana  
\p
\v 28 Natugowo, kokaaiyāka Yeisu yaina bego tutayana ikaluvilamna ima, matana goi mada katepatu geya taomaemaeta.  
\v 29 Bogina kooyagoi bego Tauyana Tokibóbwata, tauna nakae koyagoi bego avatauwa neta siikibóbwata, moe aba kinana bego Yaubada goi sibíbina.\x † \xo 2:29 \xt Iyo 1:13; 1Iy 3:9, 4:7, 5:1,4,18.\x*   
\c 3  
\p
\v 1 Konuwonūwana Yaubada ina \w matakoi\w* gagaina toina iivinida manuna! Ame nakae: Kita ivayokoida natunao! Go moe moitamo, kita natunao!\x † \xo 3:1 \xt Iyo 1:12.\x* Moe pasina \w da poyapoya\w*\f ‡ \fr 3:1 \fk Da poyapoya\ft : Ame tauyadi Yaubada ana kaleyayao unana kidi idi sinapu igoyo be nakae Yaubada sikatae.\f* geya siyagoideta, unana Yaubada geya siyagoiyeta.  
\v 2 Guna kaloyao, ame tutayana kita Yaubada natunao go, Yaubada geya ivatulukoideta kita nava bei nakonakae. Go tayagoi bego \w Yeisu\w* ina kaluvilamna goi kita bei Tauyana nakae unana Tauyana bei taulitoinina tagite.  
\v 3 Go avatauwa neta moe silootutae, toinidi sikimaasabedi Yaubada umana nakae Yeisuyana kimaasabaina.   
\p
\v 4 Go avatauwa neta idi sinapu goi goyo siguuinuwe, tauyadi Yaubada ina lovina ana tokapipilovayao unana sinapu goyo tauna lovina ana kapipilova; aiyuwokova sivavasa.  
\v 5 Tayagoi \w Guyau\w* isowóduwo bego goyo ikabi, inave go, Tauyana geya ina goyomo geya.\x † \xo 3:5 \xt Iyo 1:29.\x*  
\v 6 Tauna avatauwa neta Guyau yaina goi sikaaiyaka, e geya tuwaina goyo siguuinuwe unana Guyauyana geya ana goyomo. Go avatauwa neta nava goyo siguuinuwe, geya sinumiseta Guyau yaina go, aiyuwoina Tauyana geya siyagoiyeta, geya toina.   
\p
\v 7 Natugowo, tomota idi vatulukwana polapola goi taabu sikatuubaūmi, tauna goyo koguuinuwe. Avatauwa neta guinuwa dedevidi sikiboobosidi, tauyadi \w tokibóbwata\w*, nakae Guyau Tokibóbwata.  
\v 8 Go avatauwa neta sinapu goyo siguuinuwe, tauyadi \w Totagíwaya\w* ina bodao unana poyapoya ana madágina goi go, ima ame tuta Totagiwayayana toogoyoina. Yaubada Natuna ima poyapoya ame goi unana ame: Bego Totagíwaya ina guinuwa ikausaolidi, e sikavava.  
\v 9 Neta Yaubada goi tabíbina, geya tuwaina sinapu goyo taguuinuwe unana Yaubada yawoina ateda goi bogina ikaaiyaka. Tauna kita geya itoboinedeta bei sinapu goyo nava taguuinuwe, unana kita Yaubada goi bogina tabíbina.\x † \xo 3:9 \xt Iyo 1:13; 1Iy 2:29, 4:7, 5:1,4,18.\x*  
\v 10 Ame nakae itoboineda taayagoi bego avatauwa Yaubada natunao go, avatauwa Totagíwaya natunao: Avatauwa neta guinuwa dedevidi geya sikibobosidita be nakae avatauwa neta siyadi geya simatakoiyeyeta, e tauyadi geya Yaubada ina bodao geya.  
\v 11 Moe moitamo. Boi imi numisa ana kaba vatowo goi livala ame bogina konove: Sedao tamatakooiyēdi.\x † \xo 3:11 \xt Iyo 13:34.\x*  
\v 12 Go geya kada Keni nakae geya. Tauyana Kaleya ina boda tayamo, e siyana ivakaleye ikaumate. Go kaga unana siyana ikaumate? Unana Keni ina guinuwa igoyo go, siyana ikibóbwata.\x † \xo 3:12 \xt Abv 4:8.\x*   
\p
\v 13 Segowo, komi tokibóbwata Ebeli nakae, tauna taabu nuwomi siwowōwana tutayana da poyapoya sikaolilivemi.  
\v 14 Tayagoi bego kita ámasa ana dadava bogina takalave go, yawoida vata bogina tababane. Moe taayagoi unana sedao tamatakoiyedi. Go avatauwa neta geya simatakoita, nava ámasa ana dadava goi sikaaiyaka.\x † \xo 3:14 \xt Iyo 5:24.\x*  
\v 15 Avatauwa neta siyadi sikaaolilive, tauyadi tokaumata. Go bogina kooyagoi bego geya tayaamo tokaumata yaina goi yawana vata ikaaiyaka.  
\v 16 E tayagoi matakoi kaga ame nakae: Guyau yawoina ikasale ámasa goi ada dedevina manuna. Tauna kita nakae itoboineda yawoida takasaledi ámasa goi sedao adi dedevina manudi.  
\v 17 E avatau neta maa konana go, siyana igite tayamo kónana ikiseyeseye go, neta tauyana maa konana ikubuyeve, manakae? Yaubada ina matakoi atena goi ikaaiyaka gea geya? Geya!  
\v 18 Natugowo, geya bóbwara kaka sopada goi tamaatakoi, go sem ame nakae: Ida guinuwa goi be nakae Yaubada ana \w Nanamsa Mooitamoina\w* yaida goi tamaatakōi.   
\p
\v 19 Ida matakoiyana goi bei tayagoi bego kita Yaubada ana Nanamsa Mooitamoina goi takaaiyaka be nakae Tauyana matana goi nuwoda bei tatamyabidi ame nakae:  
\v 20 Neta nuwoda isabutukoidi, Yaubada ina kanuwóiya ivakaigaga, nakae nuwoda itogagasave be nakae kaga liliuna kita manuda iyagoidokoidi, tauna nuwoda iyagoidi go, tuwo ikanuwoiyeda.   
\p
\v 21 Guna kaloyao, neta nuwoda geya isabutukoidita, kita mada katepatu Yaubada matana goi tatáoya,  
\v 22 e kaga kaga takawaanoiye Tauyana yaina, bei ivinida. Moe unana Tauyana ina lovina takabikaaonedi be nakae ava guinuwava Yaubada iuyaaonedi taguuinuwedi. Tauna bei ida kawanoiyadi bei inovedi.  
\v 23 Ame ina lovina tayamo: Natuna Yeisu \w Guyau\w* taanumīse be sedao tamatakooiyēdi nakae boi bogina ilatuuwokoida.\x † \xo 3:23 \xt Iyo 13:34, 15:12,17; 2Iy 1:5.\x*  
\v 24 Neta Yaubada ina lovina takabikaaonedi, Tauyana yaida goi ikaaiyaka. Go tayagoi bego Yaubadayana yaida goi ikaaiyaka ame nakae: Balomaina bogina iivinida ivatulukoida.   
\c 4  
\s1 Vatulúkwana kodovaatusidi  
\p
\v 1 Guna kaloyao, ame tutayana \w tokabivalavala\w* polapola badabadaidi bogina siisowóduwo poyapoya ame goi. Tauna taabu tomota tamo tamo idi vatulúkwana kouyaaonēdi tutayana kadi,  
\pm ‘Kai ima livala Yaubada Balomaina goi ima.’  
\m Go sem kodovaatusīdi be koogitēdi neta Yaubada Balomaina goi sima o geya.  
\v 2 Tomota idi vatulúkwana Yaubada Balomaina goi imamaima takinane ame nakae: Avatauwa neta sikamooitamo bego \w Yeisu\w* \w Guyau\w* ima poyapoya goi imalasakava, e moe tauyadi idi vatulúkwana Yaubada goi ima.  
\v 3 Ago avatauwa neta geya sikamoitamoita bego Yeisu imalasakava, e tauyadi idi vatulúkwana Yaubada goi geya imaita, go sem moe vatulukwanayana Guyau ana kaleya goi ima. Kaleyayana valena bogina konove bei ima go, moitamo ame tuta bogina ikaaiyaka poyapoya ame goi.   
\p
\v 4 Natugowo, komi Yaubada ina bodao be nakae vatulúkwana mooitamoina bogina kouuyaone, tauna tokabivalavala polapolayadi bogina kotogagasavedi. Bogina koyagoi. Tauyana sinaemi goi ikitoogagemi ina togaga ivakaigaga toina; nakae tauyana \w da poyapoya\w* sinaedi ikitoogagedi ina togaga ivakaigagasave.  
\v 5 Kidi tokabivalavala polapolayadi moe da poyapoya idi bodao. Idi vatulúkwana moe da poyapoya idi nuwonúwana goi ima. Moe pasina tutayana tokabivalavalayadi sitaalavaita, e kidi da poyapoya siinovedi.  
\v 6 Go kai Yaubada ina bodao, tauna avatauwa neta Yaubada siiyagoi, bei sinovema. Go avatauwa neta geya Yaubada ina bodao geya, tauyadi geya sinovemeta. Moeko goi tayagoi ava vatulúkwana moe \w Baloma Kimaasabaina\w* goi ima, Tauyana Yaubada ana \w Nanamsa Mooitamoina\w* ana tovagitákwana go, ava vatulúkwana moe Kaleya ina \w dimoni\w* goi ima.   
\s1 Sedao tamatakooiyēdi  //  unana Yaubada imatakooiyeda  
\p
\v 7 Guna kaloyao, Yaubada \w matakoi\w* unana, tauna sedao tamatakooiyēdi. Neta tamaatakoi, Tauyana goi tabibíbina\x † \xo 4:7 \xt Iyo 1:13; 1Iy 2:29, 3:9, 5:1,4,18.\x* be nakae Tauyana taayagoi.  
\v 8 Yaubada aderina moe matakoi. Tauna avatauwa geya simatakoita, Tauyana geya siyagoiyeta.  
\v 9 Ina matakoi yaida ivatulukoida ame nakae: Natuna kaakesaina\x † \xo 4:9 \xt Iyo 1:18, 3:16,18.\x* ivamoleye ima poyapoya ame goi bego Natunayana ina guinuwa goi kita maa yawoida vau.  
\v 10 Matakoi mooitamoina ame nakae: Geya bego kita Yaubada tamatakoiye, go sem bego Tauyana imatakoiyeda, tuwo Natuna ivamoleye ima, iya ida goyo ana kaba núwala.\x † \xo 4:10 \xt Tat 25:17-22, 37:9; Rom 3:25; Ibe 9:5; 1Iy 2:2.\x*   
\p
\v 11 Guna kaloyao, moe nakae Yaubada imatakooiyeda, tauna kita nakae itoboineda sedao tamatakooiyedi.  
\v 12 Geya kada tayaamo tomota Yaubada igite geya go, neta kita sedao tamatakooiyedi, Yaubada yaida goi ikaaiyaka be ina matakoi ateda goi bogina imalatomota.\x † \xo 4:12 \xt Iyo 1:18.\x*  
\v 13 Tayagoi bego Yaubada yaida goi ikaaiyaka ame nakae: Balomaina bogina ivinida.  
\v 14 Kai toinima matama goi Yaubada Natuna bogina kagite, e yaimi kataalavaite bego Natunayana ivamoleye ima poyapoya ame goi, Tauyana ada Toyava.  
\v 15 Tauna avatauwa neta sikamoitamo bego Yeisu moe Yaubada Natuna, yaidi goi Yaubada ikaaiyaka, e nakae kidi Tauyana yaina sikaaiyaka.\x † \xo 4:15 \xt 1Iy 2:6, 4:16.\x*  
\v 16 Go Yaubada ina matakoi kita yaida bogina talotowo nakae tanumise. Yaubada aderina moe matakoi, tauna neta matakoi goi takaaiyaka, Yaubada taiyao taspwagógana.  
\v 17 Yaubada ina matakoi ateda goi bogina imalatomota bego takínona ana maliyalina goi mada katepatu kita bei dedevida. Ina matakoiyana imalatomota dókana yaida goi ame nakae: Nakonakae Guyau aderina, kita aderida nakae ida kaiyaka poyapoya ame goi.  
\v 18 Geya tayaamo aba matoita ikaaiyaka matakoi goi. Go sem, matakoi dókana matoita ikausaoli. Nakae neta Yaubada tamataakoiye, ina takínona mana liuna geya tamatoiteyeta. Bogina koyagoi. Matoita unana moe bego liuna tababane. E avatauwa neta Yaubada simaatoite, yaidi goi matakoi nava geya imalatomotadokoneta.  
\v 19 Yaubada igimimatakoiyeda, tauna kita tamaatakoi.  
\v 20 Avatau neta idigo kana, ‘Yau Yaubada amataakoiye’ go, siyana ikaaolilive, tauyana topola. Moitamo. Neta siyana igitegite go, geya imatakoiyeyeta, e manakaena bei Yaubada geya igitegite imatakoiye? Geya ae?  
\v 21 Lovina tayamo Yaubada bogina iivinida ame nakae: Neta Yaubada tamataakoiye, e sedao nakae tamatakooiyēdi.   
\c 5  
\s1 Ida kaba togaga moe ida numisa Yeisu yaina  
\p
\v 1 Avatauwa kita neta taanumisa bego \w Yeisu\w* moe \w Guyau\w*, Yaubada goi bogina tabíbina.\x † \xo 5:1 \xt Iyo 1:13; 1Iy 2:29, 3:9, 4:7, 5:4,18.\x* Neta Tamada tamataakoiye, e avatauwa Tauyana goi sibíbina nakae tamatakooiyedi.  
\v 2 Tutayana Yaubada tamataakoiye be nakae ina lovina takabikaaonedi, e moeko goi taayagoi bego Yaubada natunao moitamo tamatakoiyedi.  
\v 3 Moitamo. Yaubada ana \w matakoi\w* yaida goi tagite ame nakae: Neta ina lovina takabikaaonedi. Go ina lovinayadi geya moudimo, go sem sikakapu, tauna itoboineda taguuinuwedi.\x † \xo 5:3 \xt Iyo 14:15.\x*  
\v 4 Moe moitamo. Yaubada goi tabíbina,\x † \xo 5:4 \xt Iyo 1:13; 1Iy 2:29, 3:9, 4:7, 5:1,18.\x* tauna poyapoya sinapuna tatogagasavedi go, ida kaba togagayana moe ida numisa.  
\v 5 E avatauwa poyapoya sinapuna sitogagasavedi? Neta kita taanumisa bego Yeisu moe Yaubada Natuna, poyapoya sinapuna tatogagasavedi.   
\s1 Yaubada ina talavaita Natuna manuna  
\p
\v 6 Ame Tauyana, Yeisu \w Guyau\w*, bwae goi be nakae ikaika goi\f ‡ \fr 5:6 \fk Bwae goi be nakae ikaika goi\ft : Ame livalayadi da Giriki niyadi nakae. Go adi yagoina geya imavadeta. Adi yagoina aito itoboinedi. Tayamo ame nakae: Bwae ana yagoina moe Yeisu ina bíbina go, ikaika ana yagoina moe ina kámasa. Tutayana tomota ibíbina, mainao bwae vavina goi isowóduwo namliyeta gómana isowóduwo. Neta bwae ana yagoina moe Yeisu ina bíbina, ameko goi Iyoni ivatulukoida Yeisu ina bibinayana moe kita tomota nakae. Aiyuwoina nakona bwae ana yagoina moe Yeisu ana sayóyova go, ikaika ana yagoina moe ina kámasa. Aitonina nakona bwae be ikaika aiyuwokova adi yagoina moe ina kámasa.\f* ima poyapoya ame. Moe bogina tayagoi. Geya kada bwae kaka goi ima geya, go sem bwae goi be nakae ikaikaina goi. E ame dogoiyadi Yaubada Balomaina italavaitedokoidi, unana Balomayana moe Yaubada ana \w Nanamsa Mooitamoina\w* ana tovagitákwana.  
\v 7 Moe moitamo. Yeisu Guyau ana kaba talavaita aito sikaaiyaka.  
\v 8 Aba talavaitayadi ame nakae: Baloma, bwae be ikaika go, nuwodi tayamo Yeisu manuna.  
\v 9 Moitamo tomota idi talavaita tanuumisedi go, Yaubada ina talavaita itogagasavedi. Moe moitamo. Tauyana ina talavaitayana moe Natuna manuna.  
\v 10 Tauna avatauwa neta Yaubada Natuna siinumise, atedi goi siiyagoi talavaitayana moe moitamo. Go avatauwa neta Yaubada geya sinumiseyeta, moe nakae Yaubada sivayoko topola unana ina talavaita Natuna manuna geya sinumiseyeta.  
\v 11 Ina talavaitayana ame nakae: Yaubada yawoida vata bogina ivinida\x † \xo 5:11 \xt Iyo 3:36.\x* go, yawoida vatayana ida \w spwagógana\w* Natuna taiyao pasina tababane.  
\v 12 Avatauwa neta Yaubada Natuna taiyao siispwagógana, maa yawoidi vau. Go avatauwa neta Yaubada Natuna taiyao geya sispwagogoneta, e geya yawoidimo.   
\s1 Ida spwagógana Yeisu goi  //  yawoida vata tababane  
\p
\v 13 Ame livalayadi bogina aginidi siwo yaimi bego komi Yaubada Natuna ana tonumisayao bei koyagoi bego bogina maa yawoimi vata.\x † \xo 5:13 \xt Iyo 3:15-16, 6:47, 20:31.\x*  
\v 14 Go ida katepatu Yaubada matana goi ame nakae: Kaga takawaanoiye, neta Yaubada ina nuwonúwana nakae, bei inoveda.  
\v 15 Neta taayagoi ida kawanoiyadi iinovedi, e taayagoi kaga takawaanoiye, moitamo bei ivinida.   
\p
\v 16 Tuwo neta siyami kogite goyo tayamo iguuinuwe go, goyoyana pasina Yaubada bei geya ilivisiyevataeyeta, kokawanōi tauyana manuna go, Yaubada bei iyolime. Go goyo tayamo ikaaiyaka neta taguinuwe, e Yaubada bei ilivisiyeda. Avatauwa yaida goi neta goyoyana iguuinuwe, e tauyana manuna taabu kokaawanōi.  
\v 17 Moitamo. Ava guinuwava neta Yaubada nuwona nakae geya moe goyo Yaubada yaina goi go, goyo maniyedi sikaaiyaka, pasidi Yaubada geya ilivisiyevataedeta.   
\p
\v 18 Tayagoi avatauwa neta Yaubada goi sibíbina,\x † \xo 5:18 \xt Iyo 1:13; 1Iy 2:29, 3:9, 4:7, 5:1,4.\x* geya tuwaina sinapu goyo siguuinuwe, go sem Yaubada Natuna, Tauyana Yaubada goi ibíbina, ikalibodedi, tauna Togoyoinayana geya itoboineyeta ibisikonedi.  
\v 19 Bogina tayagoi \w da poyapoya\w* liliudi Togoyoinayana nimana goi sikaaiyaka go, kita Yaubada ina bodao.  
\v 20 E nakae taayagoi Yaubada Natuna bogina ima be nakae nanamsa bogina ivinida bego Tauyana mooitamoina taayagoi be nakae Tauyana taiyao bogina taspwagógana. Tauyana moe Natuna Yeisu \w Guyau\w*. Ame Tauyana Yaubada mooitamoina be nakae yawoida vata unana.   
\p
\v 21 Natugowo, yaubada polapolayao kovakiilisīdi.