\id PSA - Guaraní Mbyá Bible [gun] -Brazil 2004 (DBL 2014) 
\h Salmos 
\toc1 Salmos Israel kuery oporaeiaty 
\toc2 Salmos 
\toc3 Sal 
\mt1 Salmos Israel kuery oporaeiaty 
\imt1 Salmos Israel kuery oporaeiaty 
\ip Salmos ma yma gui oiporua Nhanderuete pe oporaeia rupi. Mbyte rupi peve huvixa Davi ojapo va'ekue, pova'e guive: 
\iq1 “Senhor ma vexa'i mongarua rami xere opena va'e oiko. 
\iq2 Ha'e ramo xevy pe ndoatai 'rã mba'eve rei” (23.1). 
\ip Davi omoĩ avi levita kuery Nhanderuete ombojeroviaa rupi oporai va'erã. Ha'e kuery va'e regua ojapove ju salmos. Três mil ma'etỹ ma ojapo, salmos ha'e javi rai'i ojapopaa ague. Salmo 80 ma ymave ete, Moisés ojapo va'ekue. 
\ip Jypy Israel kuery ranhe oiporu raka'e salmos Nhanderuete pe oporaia rupi. Jesus ha'e hemimbo'e kuery voi oiporu raka'e. Ha'e gui aỹ ma yvy jave rupi oiporua, nhande kuery guive. 
\ip Salmos ma joo ramigua e'ỹ-e'ỹ ikuai. Nhanderuete oguerovy'aa oĩ, ixupe onhepytyvõ ukaa, ixupe gueko vai oeja vy omombe'ua, ixupe mba'emo vai oiko va'e re oporandua, ixupe joe ojerurea, ixupe ngovaigua kuery gui ojepy ukaa, ha'e oĩ avi ixuguigua re nhombo'ea. Nhanderuete pe oporaia meme. Oĩ avi salmos Jesus rekorã re ijayvu ma voiague, Novo Testamento py ma omombe'u porãave. 
\iq1 “Yvy jave re pendekuai va'e, 
\iq2 peroporaei Senhor pevy'aa rupi! 
\iq1 Pevy'aa rupi Senhor pe ete peiko. 
\iq2 Henonde pejexa uka pejuvy peporaei reve” (100.1-2). 
\iq1 “Peporaei Senhor pe! 
\iq2 Ha'eve ha'e iporã ete Nhanderuete pe japoraeia. 
\iq2 Jaroporaeia ma iporã ixupe voi” (147.1). 
\c 1  
\s1 Heko porã ha'e heko vai va'e ikuaia re ijayvua 
\q1  
\v 1 Ovy'a ete 'rã ava heko vai va'e kuery nhomongetaa rami ndoikoi, 
\q2 ojejavypa rei va'e ikuaia rupi ndopytai, 
\q2 neĩ nhombojaru rei va'e kuerya py voi oguapy e'ỹ va'e. 
\q1  
\v 2 Ha'e rami 'rãgue py \nd Senhor\nd* ayvu oguerovy'a vy 
\q2 ara py ha'e pyávy ijayvua re anho oikuaa pota oikovy va'e. 
\q1  
\v 3 Ha'e va'e ma yvyra yakã yvýry onhotỹ mbyre rami oiko, 
\q2 hi'a aguã ára py porã hi'a va'e rami, 
\q2 neĩ hogue ma ipiru rive'ỹ va'e rami. 
\q2 Ha'e ma ojapo va'e ha'e javi oiko porã 'rã.\x * \xo 1:3 \xt Jeremias 17.5-8\x* 
\q1  
\v 4 Ha'e rã heko vai va'e ma ha'e rami e'ỹ ikuai. 
\q2 Ha'e kuery ma mba'emo pire yvytu opa rupi ogueraa va'e rami 'rã okanhy. 
\q1  
\v 5 Ha'e nunga rupi nhomboayvua ára heko vai va'e ndoo jepei 'rã, 
\q2 ojejavypa rei va'e ndopytai 'rã heko porã va'e ikuaia py. 
\q1  
\v 6 Mba'eta \nd Senhor\nd* oma'ẽ heko porã va'e oikoa re. 
\q2 Ha'e rã heko vai va'e oikoa ma okanhy 'rã. 
\c 2  
\s1 Huvixarã Nhanderuete omoĩ va'ekue po'akaa re ijayvua 
\q1  
\v 1 Mba'e re tu yvy regua kuery ipoxypa ri? 
\q2 Mba'e re tu yvy re ikuai va'e onhembopy'a okuapy ovare e'ỹ va'e re? 
\q1  
\v 2 Mba'eta yvy regua huvixa kuery opu'ã okuapy, 
\q2 huvixa ikuai va'e \nd Senhor\nd* rovai jogueroayvu okuapy, 
\q2 huvixarã \nd Senhor\nd* omoĩ va'ekue rovai guive.\x * \xo 2:2 \xt Atos 4.23-28\x* 
\q2 Ha'e vy aipoe'i: 
\q1  
\v 3 “Nhamondo 'rã ha'e kuery nhanemoxãague, 
\q2 jajora 'rã nhandepokuaague” he'i okuapy. 
\q1  
\v 4 Ha'e rã yva re oguapy oiny va'e ma opuka 'rã, 
\q2 \nd Senhor\nd* ojojai 'rã ha'e kuery. 
\q1  
\v 5 Ha'e rami vy ipoxya rupi ijayvu ete 'rã ha'e kuery pe. 
\q2 Opoxya oexa uka vy omondyipa 'rã. 
\q2 Ha'e vy aipoe'i 'rã: 
\q1  
\v 6 “Xee ma xejeupegua huvixarã amoĩ ae ma 
\q2 yvyty iky'a e'ỹ va'e Sião áry.” 
\q1  
\v 7 Ha'e rã ha'e va'e ju aipoe'i: “Xee amombe'u 'rã \nd Senhor\nd* ijayvuague. 
\q2 Ha'e aipoe'i xevy: ‘Ndee ma xera'y. 
\q2 Kova'e ára romoĩ.\x * \xo 2:7 \xt Atos 13.33; Hebreus 1.5, 5.5\x* 
\q1  
\v 8 Ejerure ke xevy, 
\q2 ha'e ramo ndevy guarã xee ame'ẽ 'rã amboae regua kuery, 
\q2 yvy apy re peve ndepo'aka aguã. 
\q1  
\v 9 Popygua ferro guigua py remopẽ 'rã, 
\q2 hyru yapo guigua ombovopaa rami 'rã remopẽmba’, he'i va'ekue xevy.”\f + \fr 2:9 \ft Apy Ta'y omombe'u Nguu ixupe aipoe'iague (Atos 13.33; Hebreus 1.5, 5.5; Apocalipse 2.26-27, 12.5, 19.11-16).\f* 
\q1  
\v 10 Ha'e nunga rupi huvixa kuery, penheangu ke aỹ, 
\q2 yvy regua huvixa kuery, pendu ke penemongeta rã. 
\q1  
\v 11 \nd Senhor\nd* pe ete ke pendekuai pejererokyjea rupi, 
\q2 peporaei ixupe peryryipa reve. 
\q1  
\v 12 Peayvua rupi pemboete Ta'y ipoxy e'ỹ aguã, 
\q2 peikoa gui pekanhy e'ỹ aguã. 
\q2 Ha'e rami e'ỹ rã are e'ỹ re oexa uka 'rã opoxya. 
\q1 Ovy'a ete 'rã hexe onhemi va'e kuery ha'e javi. 
\s1 Ojexavai teĩ Nhanderuete re ojeroviaa re ijayvua 
\d Mboraeirã Davi gua'y Absalão gui ojava jave py ombopara va'ekue (2 Samuel 15.1-30). 
\c 3  
\q1  
\v 1 \nd Senhor\nd*, heta pojava va'e ty'y xerovaigua kuery ikuai! 
\q2 Aipapapa aguã rami e'ỹ xere opu'ã va'e. 
\q1  
\v 2 Heta ete xevy aipoe'i okuapy va'e: 
\q2 “Nhanderuete tu ndogueraa jepei 'rã rima.” 
\q1  
\v 3 Ha'e rami teĩ \nd Senhor\nd*, ndee ma mba'emo vai jokoa reiko xevy. 
\q2 Ndee ae roguerovy'a, ha'e rã xeakã remopu'ã kuerei 'rã. 
\q1  
\v 4 Xeayvu atã reve ajapukai \nd Senhor\nd* pe. 
\q2 Ha'e rã yvyty iky'a e'ỹ va'e áry gui xembovai. 
\q1  
\v 5 Anheno vyve ake vyvoi 'rã, 
\q2 avy ju 'rã guive, xere \nd Senhor\nd* opena ramo. 
\q1  
\v 6 Xee ma ndakyjei 'rã mbovy e'ỹ 
\q2 jovaive-ive re xere opu'ã va'e gui. 
\q1  
\v 7 \nd Senhor\nd*, epu'ã ke. 
\q2 Xerepy ke, Xeruete. 
\q2 Xerovaigua kuery ha'e javi reunga 'rã haĩnhykã, 
\q2 remopẽmba 'rã heko vai va'e kuery raĩ. 
\q1  
\v 8 Mba'eta \nd Senhor\nd* gui ou 'rã jaa jepe aguã. 
\q2 Tove ndevygua kuery re toĩ remoingo porãa. 
\c 4  
\s1 Oiko axy teĩ Nhanderuete re ojeroviaa re ijayvua 
\d Jogueroporaei va'e pe ixã va'e py ombojoguy reve guarã Davi ombopara va'ekue. 
\q1  
\v 1 Xeruete xemboeko porãa, xembovai ke ajapukai ramo. 
\q2 Xee ajexavai ramo xemoingo porã jevy va'ekue. 
\q2 Xemboaxy jevy ke, ha'e endu anhembo'ea. 
\q1  
\v 2 Peẽ avakue, raka'e peve 'rã tu axĩmba aguã rami xeapo pekuapy xemboete 'rãgue py? 
\q2 Raka'e peve 'rã ovare e'ỹ va'e rive pejou porã, 
\q2 ha'e peikuaa pota apu re? 
\q1  
\v 3 Peikuaa pota ke pova'e re: 
\q2 \nd Senhor\nd* pe ikuai va'e kuery ma ha'e oiporavo 'rã ojeupe guarã. 
\q2 Ha'e rami vy \nd Senhor\nd* oendu 'rã ixupe ajapukaia. 
\q1  
\v 4 Pendevai teĩ pejejavy eme. 
\q2 Peneakãngyta áry pendetui vy 
\q2 pendepy'a py penhemongeta, ha'e pepytu'u.\x * \xo 4:4 \xt Efésios 4.25-27\x* 
\q1  
\v 5 Peme'ẽ ha'evea ramigua, 
\q2 ha'e pejerovia \nd Senhor\nd* re. 
\q1  
\v 6 Heta ikuai aipoe'i va'e: “Mava'e nda'u nhandevy ombou 'rã mba'emo porã?” 
\q2 \nd Senhor\nd*, ore kuery pe exa uka nderova rexakãa. 
\q1  
\v 7 Xepy'a re ma remoĩ avy'a aguã. 
\q2 Ha'e kuery mba'emo ra'yĩ ha'e vinho ojou reta vy ovy'a okuapya gui 
\q2 xee avy'ave. 
\q1  
\v 8 Xepy'a porã reve anheno vyve ake 'rã, 
\q2 mba'eta \nd Senhor\nd*, ndee anho xemombytu'u porã. 
\c 5  
\s1 Heko vai va'e kuery gui ogueraa jepe aguã re ojerurea ague 
\d Jogueroporaei va'e pe mimby py ombojoguy reve guarã Davi ombopara va'ekue. 
\q1  
\v 1 \nd Senhor\nd*, ejapyxaka ke xeayvu re, 
\q2 endu ke xepoaẽ rã. 
\q1  
\v 2 Xeruvixa, Xeruete, endu ke ajapukai rã. 
\q2 Ndevy pe ae ajapukai. 
\q1  
\v 3 \nd Senhor\nd*, aje'ive guive rendu 'rã xeayvua. 
\q2 Aje'ive anhembo'e 'rã ndevy, 
\q2 ha'e rire roarõ 'rã aikovy. 
\q1  
\v 4 Mba'eta ndee Xeruete, ndererovy'ai 'rã teko vai, 
\q2 nerenonde ma heko vai va'e noĩ 'rã. 
\q1  
\v 5 Nerenonde ijayvu vaikue-ikue va'e ndopytai 'rã. 
\q2 Teko vai re ikuai va'e rejou vai va'e meme. 
\q1  
\v 6 Ndee remomba 'rã ijapua re ikuai va'e. 
\q2 \nd Senhor\nd* ojou vai 'rã jouguy moẽa ha'e nhombotavypa rei va'e. 
\q1  
\v 7 Ha'e rã xee ma xemboaxy ete ramo aike 'rã ndevygua opy, 
\q2 ndevygua templo iky'a e'ỹ va'e rexei, 
\q2 xerenapy'ã re aĩ 'rã nerenonde ajererokyjea rupi. 
\q1  
\v 8 \nd Senhor\nd*, xerovaigua kuery gui 
\q2 xerereko ke heravy ndeguigua teko porã rupi, 
\q2 embo'yvi ke ndeguigua tape xerenonderã. 
\q1  
\v 9 Mba'eta ha'e kuery ma ijuru re anhetẽ va'e noĩ. 
\q2 Joupe ojapo vai aguã re anho 'rã ipy'a okuapy. 
\q2 Ijyryvi ma omanogue rupa ojepe'a va'e rami. 
\q2 Oapekũ py ma ijayvu porã merami rive 'rã.\x * \xo 5:9 \xt Romanos 3.9-20\x* 
\q1  
\v 10 Ha'e nunga rupi Xeruete, eikuaa uka ha'e kuery reko vaia. 
\q2 Embo'apa ke jogueroayvuague py ae. 
\q2 Opa marã rei ikuaia ramo eipe'apa nerenonde gui, 
\q2 nderovai opu'ã rei rire. 
\q1  
\v 11 Ha'e rã ndere ojerovia va'e kuery ma tovy'apa. 
\q2 Ndererovy'aa rupi toporaei atã okuapy raka'e rã peve, 
\q2 ndee repy ramo. 
\q2 Tove nderery oayvu va'e tandererovy'a okuapy. 
\q1  
\v 12 Mba'eta ndee \nd Senhor\nd*, remoingo porã 'rã heko porã va'e. 
\q2 Reayvu ete vy rejoko 'rã opa mba'e vai gui. 
\c 6  
\s1 Nhanderuete omboaxy aguã re Davi ojerureague 
\d Jogueroporaei va'e pe ixã irundy meme va'e py ombojoguy reve guarã Davi ombopara va'ekue. 
\q1  
\v 1 \nd Senhor\nd*, ndepoxya rupi e'ỹ ke xemongeta, 
\q2 ndevaia rupi e'ỹ xembopaga. 
\q1  
\v 2 Xemboaxy ke \nd Senhor\nd*, mba'eta aendu xekangypaa. 
\q2 \nd Senhor\nd*, xemonguera ju ke, mba'eta xekãgue oku'epa rei ma, 
\q1  
\v 3 xenhe'ẽ voi nda'evei ete. 
\q2 Ha'e gui ndee \nd Senhor\nd*, raka'e peve 'rã tu naxepytyvõi? 
\q1  
\v 4 \nd Senhor\nd*, ejevy ju, eraa jepe xerekovea, 
\q2 xerepy ke xemboaxy vy. 
\q1  
\v 5 Mba'eta manoa py ma ndoikoi 'rã ndere ima'endu'a va'e. 
\q2 Onhono porãague py ituia gui mava'e 'rã tu oporaei ndevy? 
\q1  
\v 6 Xekane'õ ma xepoaẽ riae vy. 
\q2 Pytũ nhavõ xerexay omoakỹ xerupa, 
\q2 inhakỹmba peve. 
\q1  
\v 7 Xerovaigua kuery káuxa ajexavai ramo xerexa irurupa ma, 
\q2 tuja'i rami ndaexa porãi aikovy. 
\q1  
\v 8 Teko vai rupi pendekuai va'e, pejepe'apa ke xea gui,\x * \xo 6:8 \xt Mateus 7.23; Lucas 13.27\x* 
\q2 mba'eta \nd Senhor\nd* oendu ma ajae'o reve xeayvu rã. 
\q1  
\v 9 Ajapukaia oendu vy 
\q2 oikuaa pota ma guive ajerurea re. 
\q1  
\v 10 Ha'e ramo xerovaigua kuery oxĩmba ha'e onhemondyipa 'rã okuapy. 
\q2 Ojepe'apa xapy'a 'rã oxĩmba vy. 
\c 7  
\s1 Nhanderuete heko porã va'e kuery oepya re ijayvua 
\d Benjamim regua Cuxe ijayvuague Davi oendu vy \nd Senhor\nd* pe oporaeiague. 
\q1  
\v 1 \nd Senhor\nd* Xeruete, ndere anhemi va'e. 
\q2 Xerepy ke xerakykue ou va'e ha'e javi gui, 
\q2 xereraa jepe guive. 
\q1  
\v 2 Ha'e rami e'ỹ rã xivi rami xerero'apa 'rã, 
\q2 xerepyarã ndoikoi ramo xemondoropa 'rã. 
\q1  
\v 3 \nd Senhor\nd* Xeruete, xere ha'e kuery ijayvu reia va'e nunga xee ajapo va'e rire, 
\q2 xapy'a rei xepo py ajejavy, 
\q1  
\v 4 e'ỹ vy xereve peteĩ rami ikuai porã va'e pe ajapo vai va'e rire — 
\q2 ha'e rã xee ma araa jepe kuerei mba'e py e'ỹ xembojexavai va'e — 
\q1  
\v 5 ha'e rami ajoapo vai va'e rire ma 
\q2 xerovaigua kuery ha'evea rami 'rãgue xerakykue monha xenhe'ẽ oupity peve, 
\q2 xerekove re ha'evea rami opyrõ 'rãgue yvy re, 
\q2 yvy ku'i rupi arovy'ave va'ekue ombotyryry vy. 
\q1  
\v 6 \nd Senhor\nd*, epu'ã ke ndepoxya rupi. 
\q2 Exa uka ndepo'akaa xerovaigua kuery ipoxypaa rejoko vy. 
\q2 Epu'ã ke xerepy aguã, 
\q2 ha'e kuery rembopaga aguã re ndeayvua rami vy. 
\q1  
\v 7 Nerenonde tonhemboatypa yvy regua kuery. 
\q2 Ha'e gui ha'e kuery áryve rupi ndee ke eĩ yvate. 
\q1  
\v 8 Mba'eta \nd Senhor\nd* omboayvu 'rã yvy regua kuery. 
\q2 \nd Senhor\nd*, xere voi eikuaa pota xereko porãa 
\q2 ha'e anhetẽ rupi aikoa re. 
\q1  
\v 9 Topa heko vai va'e kuery reko vaia, 
\q2 ha'e rã heko porã va'e kuery ma emoĩ atãve. 
\q2 Mba'eta Xeruete ndereko porã va'e, 
\q2 ndee reikuaa pota nhane'arandua ha'e nhandepy'a re oĩ va'e re.\x * \xo 7:9 \xt Apocalipse 2.23\x* 
\q1  
\v 10 Nhanderuete ma xejoko 'rã opa mba'e va'e gui. 
\q2 Ogueraa jepe 'rã opy'a py heko porã va'e. 
\q1  
\v 11 Nhanderuete ma anhetẽ rupi nhomboayvu va'e, 
\q2 ko'ẽ nhavõ oendu 'rã nhombopaga aguã. 
\q1  
\v 12 Ha'e rami vy avakue ndojeko rerovai ri ramo 
\q2 Nhanderuete oaĩmbe'e 'rã okyxe. 
\q2 Omoxã ae ma guive guyrapa, oguereko katupa ma. 
\q1  
\v 13 Oguereko katu avi 
\q2 hu'y hendy va'e ijukaarã. 
\q1  
\v 14 Heko vai va'e ma imemby raxy va'e rami oendu 'rã teko vai ojapoxea, 
\q2 oguereko'i 'rã nhombotavy aguã, 
\q2 ha'e gui oikuavã 'rã apu. 
\q1  
\v 15 Ojo'o puku 'rã yvy, 
\q2 teĩ ikua ojo'oague py ha'e ae ju 'rã ho'a. 
\q1  
\v 16 Inhakã re ae ju ojeapa 'rã joupe ojapo vaiague, 
\q2 ijapyte re ae 'rã ojeapa ipoxyague. 
\q1  
\v 17 Ha'e rã xee ma arovy'a 'rã \nd Senhor\nd* 
\q2 anhetẽ rupi joe oikuaa potaa re, 
\q2 aporaei 'rã guive \nd Senhor\nd* yvate va'e rery rupi. 
\c 8  
\s1 Nhanderuete yvatea ha'e avakue po'akaa re ijayvua 
\d Jogueroporaei va'e pe Davi ombopara va'ekue “Uva'a nhamia” he'ia py oporaeia rami oporaei aguã. 
\q1  
\v 1 \nd Senhor\nd*, ore kuery \nd Senhor\nd*, 
\q2 yvy jave re nderery iporã ete! 
\q2 Yva gui voi reikuaa uka ndeyvatevea. 
\q1  
\v 2 Kyrĩgue'i ha'e okambu va'e pe reme'ẽ oporaia aguã. 
\q2 Ha'e kuery oporaia ma remoĩ nderovaigua kuery jokoarã, 
\q2 remokyrirĩ aguã nderovaigua kuery ha'e joepya rupi jojuka va'e.\x * \xo 8:2 \xt Mateus 21.14-17\x* 
\q1  
\v 3 Ha'e gui ma yva regua aexa ndepo py rejapo va'ekue, 
\q2 jaxy, jaxy-tata remoĩ va'ekue ha'e javi — 
\q1  
\v 4 marã ramigua tu avakue ikuai, ha'e kuery re nema'endu'a aguã? 
\q2 Marã ramigua ru avakue ra'y kuery, ha'e kuery pe rejekuaa uka aguã? 
\q1  
\v 5 Ha'e rami teĩ rembopo'aka ha'e remboete uka vy 
\q2 rejapo Nhanderuete gui yvyĩve'i ikuai aguã rami.\x * \xo 8:5 \xt Gênesis 1.26-28; Hebreus 2.5-9\x* 
\q1  
\v 6 Ndepo py rejapo va'ekue re rembopo'aka vy 
\q2 opa marãgua remoĩ ipy guýry:\x * \xo 8:6 \xt 1 Coríntios 15.27; Efésios 1.22\x* 
\q1  
\v 7 vexa'i ha'e vaka kuery ha'e javi, 
\q2 mymba oka regua guive, 
\q1  
\v 8 ha'e gui guyra'i yva regua, pira ye'ẽ rupigua, 
\q2 ha'e ye'ẽ guýry rupi ikuai va'e ha'e javi. 
\q1  
\v 9 \nd Senhor\nd*, ore kuery \nd Senhor\nd*, 
\q2 yvy jave re nderery iporã ete. 
\c 9  
\s1 Jarovy'a ete aguã regua 
\d Jogueroporaei va'e pe Davi ombopara va'ekue “Ta'y omano” he'ia py oporaeia rami oporaei aguã. 
\q1  
\v 1 \nd Senhor\nd*, ndevy aporaei 'rã xepy'a ha'e javi py. 
\q2 Amombe'upa 'rã nerembiapo porãa. 
\q1  
\v 2 Avy'a ndere, roguerovy'a 'rã. 
\q2 Ndeyvate ete va'e, aporaei 'rã nderery rupi. 
\q1  
\v 3 Mba'eta xerovaigua kuery oguevipa. 
\q2 Onhepyxanga vy okanhymba nerenonde gui. 
\q1  
\v 4 Mba'eta ndee xerepy 'rã xemboeko porã vy. 
\q2 Tenda repenaaty py reguapy vy ha'evea rami meme renhomboayvu reiny. 
\q1  
\v 5 Ha'e rami vy yvy regua kuery pe ndeayvu ete 'rã, 
\q2 remomba 'rã heko vai va'e. 
\q2 Ha'e kuery rery voi rembogue raka'e rã peve guarã. 
\q1  
\v 6 Ha'e ramo orerovaigua kuery okanhymba, 
\q2 hetã voi rembovaipa raka'e rã peve. 
\q2 Noĩvei ma ha'e kuery re ima'endu'aa. 
\q1  
\v 7 Ha'e rã \nd Senhor\nd* ma oĩ riae 'rã guenda openaaty py, 
\q2 nhomboayvu oiny aguã omoĩ va'ekue py ae. 
\q1  
\v 8 Ha'e rami vy omboayvu 'rã yvy regua kuery ha'evea rami. 
\q2 Ha'evea rami meme oguereko yvy regua kuery.\x * \xo 9:8 \xt Atos 17.31\x* 
\q1  
\v 9 Ojexavai va'e pe ma onhemi aguã yvate va'e \nd Senhor\nd* oiko, 
\q2 omoingo axya rã onhemi kuerei aguã. 
\q1  
\v 10 Ha'e nunga rupi \nd Senhor\nd*, nderery oikuaa va'e kuery ojerovia ndere, 
\q2 mba'eta ndee nereipytyvõ e'ỹi 'rã ndereka va'e. 
\q1  
\v 11 \nd Senhor\nd* Sião py oiko va'e pe peporaei pemboete vy. 
\q2 Yvy regua kuery mbyte rupi peikuaa uka hembiapo porãa. 
\q1  
\v 12 Mba'eta ima'endu'a 'rã jouguy moẽare nhombopaga aguã, 
\q2 ndaexarai 'rã ojexavai va'e ojapukaia re. 
\q1  
\v 13 \nd Senhor\nd*, xemboaxy ke. 
\q2 Eikuaa pota ke xerayvu e'ỹ va'e xemoingo axya re. 
\q2 Ndee ma xemopu'ã ju manoa rokẽ gui, 
\q1  
\v 14 Sião tetã rokẽ py ju amombe'u aguã ndereko porãa ha'e javi. 
\q2 Roguerovy'a 'rã xereraa jepeague re. 
\q1  
\v 15 Yvy regua kuery ma yvykuarã ojo'oague py ae ho'apa. 
\q2 Nhuã omoĩ nhemi va'ekue py ipy ae ojejura. 
\q1  
\v 16 \nd Senhor\nd* ojekuaa uka 'rã ha'evea rami joguerekoa py. 
\q2 Mba'eta heko vai va'e kuery ojexavai 'rã opo py ae ojapo va'ekue py. 
\q1  
\v 17 Heko vai va'e kuery ma omomboa 'rã ikuai axya aguã py, 
\q2 ha'e javi regua Nhanderuete gui hexarai va'e meme. 
\q1  
\v 18 Ha'e rã ojexavai rei va'e kuery gui ma \nd Senhor\nd* ndaexarai riaei 'rã, 
\q2 nomboaxa rivei 'rã ojexavai va'e oarõ okuapya. 
\q1  
\v 19 \nd Senhor\nd*, epu'ã ke. 
\q2 Imarã va'e kuery ta'ipo'aka eme. 
\q2 Yvy regua kuery tombopagapaa nerenonde. 
\q1  
\v 20 \nd Senhor\nd*, emongyje ete ha'e kuery. 
\q2 Yvy regua toikuaa imarã va'e meme ikuaia. 
\c 10  
\s1 Heko vai va'e kuery ho'apa aguã re ijayvua ague 
\q1  
\v 1 \nd Senhor\nd*, mba'e re tu mombyry reĩ? 
\q2 Mba'e re tu rojexavai rã nderejekuaa ukai? 
\q1  
\v 2 Mba'eta heko vai va'e kuery ma ayvu vaikue-ikue py omoingo axy 'rã iporiaukue'i. 
\q2 Ha'e kuery tojejurapa jojopy aguã omoĩ va'ekue py ae. 
\q1  
\v 3 Mba'eta heko vai va'e ovy'a 'rã oipotapa reia re rive, 
\q2 mba'emo ojoupaxe va'e ijayvu vaikue-ikue 'rã \nd Senhor\nd* re, 
\q2 ijayvu vai 'rã hexe. 
\q1  
\v 4 Heko vai va'e ojee rive ojerovia vy ndoikuaa potai 'rã mba'eve re. 
\q2 Ha'e rami vy “Nhanderuete ndoikoi”, he'i 'rã. 
\q1  
\v 5 Ha'e kuery oikoa nhavõ rupi ojoupa rei 'rã mba'emo. 
\q2 Ndoikuaai 'rã guive ne'arandua rupi ndeayvua. 
\q2 Ojojai rei 'rã okuapy ngovaigua kuery. 
\q1  
\v 6 Mba'eta opy'a py aipoe'i: “Avave rei ndaxereityai 'rã. 
\q2 Aỹ ha'e raka'e rã voi ndoui 'rã mba'emo vai xe'áry”, he'i. 
\q1  
\v 7 Ijuru tynyẽ oiny ayvu vai, nhombotavyarã ha'e ayvu poyi, 
\q2 ha'e rami vy nhomboeko vai ha'e joapo vai aguã re anho 'rã ijayvu.\x * \xo 10:7 \xt Romanos 3.14\x* 
\q1  
\v 8 Nhoarõ 'rã tetã yvýry jojuka aguã. 
\q2 Ojuka 'rã heko porã'i va'e nhemia py. 
\q2 Oma'ẽ mbegue 'rã openamby e'ỹ oity aguã. 
\q1  
\v 9 Nhoarõ 'rã oiny guary okua yvy'ã peguy re oĩ va'e py nhoarõ oinya rami. 
\q2 Oarõ 'rã oity aguã iporiaukue'i, 
\q2 nhuã py ombo'a vy oimamamba aguã. 
\q1  
\v 10 Onhemombe ovy 'rã, 
\q2 ipo'akaa py iporiaukue'i ho'apa aguã. 
\q1  
\v 11 Aipoe'i 'rã opy'a py: “Nhanderuete ma nopenai. 
\q2 Ngova ombojere vy peteĩve henda py ndoexa potai 'rã ajapo va'e.” 
\q1  
\v 12 \nd Senhor\nd*, epu'ã ke! 
\q2 Xeruete, eupi ndepo! 
\q2 Nderexarai eme iporiaukue'i gui. 
\q1  
\v 13 Mba'e nunga rupi tu heko vai va'e omboyke Nhanderuete? 
\q2 Mba'eta opy'a py “Nhanderuete nopenai 'rãe” he'i. 
\q1  
\v 14 Ha'e rami teĩ ndee ma rexa ae, 
\q2 reikuaa pota guive rojexavaia rupi romba'eapoa re, 
\q2 ndepo py orerepy aguã. 
\q2 Ndepo py onhemboaxa openamby e'ỹ ikuai va'e. 
\q2 Ha'e ramo repy 'rã tyre'ỹ. 
\q1  
\v 15 Emopẽ ke heko vai ha'e joupe ojapo vai va'e jyva. 
\q2 Eikuaa pota ha'e kuery reko vaia re 
\q2 rejoupa peve. 
\q1  
\v 16 \nd Senhor\nd* ma Huvixave imarã e'ỹ va'e.\x * \xo 10:16 \xt Apocalipse 11.15\x* 
\q2 Ijyvy gui okanhymba 'rã amboae regua kuery. 
\q1  
\v 17 \nd Senhor\nd*, rendu ae ma onhemo'yvyĩ'i va'e kuery oipotaa. 
\q2 Ha'e rami vy rembopy'a guaxu ha'e reraa jepe 'rã, 
\q1  
\v 18 repy aguã tyre'ỹ ha'e omoingo axy reipy, 
\q2 avakue yvy regua nanhomongyjevei aguã. 
\c 11  
\s1 \nd Senhor\nd* re nhanhemi aguã regua 
\d Jogueroporaei va'e pe Davi ombopara va'ekue. 
\q1  
\v 1 Xee ma \nd Senhor\nd* re anhemi va'e. 
\q2 Ha'e nunga rupi mba'exa tu xenhe'ẽ pe aipopeje: 
\q2 “Ejava ke yvyty katy guyra'i rami. 
\q1  
\v 2 Mba'eta heko vai va'e kuery omoxã ma guyrapa, 
\q2 ixã re ma omoĩ ma hu'y oa'anga vy, 
\q2 nhemia py heko porã va'e rovai opoi aguã. 
\q1  
\v 3 Yvy ytarã omoĩ va'ekue omombaa ramo 
\q2 mba'e tu heko porã va'e ojapo 'rã?”\f + \fr 11:3 \ft Apy ma huvixave irũ kuery oguerokyje vy ixupe ijayvu okuapy hovaigua kuery ojukaxea gui onha aguã re. Ha'e gui “Yvy ytarã omoĩ va'ekue” he'ia ma huvixa openaa re ijayvu vy (Salmo 75.3, 82.5).\f* 
\q1  
\v 4 Ha'e rã \nd Senhor\nd* ma oĩ ojeupegua templo iky'a e'ỹ va'e py. 
\q2 Yva re \nd Senhor\nd* oĩ guenda openaaty py. 
\q2 Oma'ẽ oiny avakue ojapo va'e re. 
\q1  
\v 5 \nd Senhor\nd* oikuaa pota 'rã heko porã ha'e heko vai va'e re. 
\q2 Ojou vai 'rã jojukaa rupi anho ikuaixe vai va'e. 
\q1  
\v 6 Heko vai va'e áry ombou 'rã tapyĩ rexakã enxofre revegua. 
\q2 Ha'e kuery oy'u aguã ombou 'rã yvytu tata revegua.\x * \xo 11:6 \xt Apocalipse 20.10, 21.8\x* 
\q1  
\v 7 Mba'eta \nd Senhor\nd* ma heko porã va'e oiko vy 
\q2 oayvu teko porã rupi ikuai va'e. 
\q2 Ha'e ramo heko porã va'e oexa 'rã hova. 
\c 12  
\s1 Apu gui onhepytyvõ ukaa ague 
\d Jogueroporaei va'e pe ixã irundy meme va'e py ombojoguy reve guarã Davi ombopara va'ekue. 
\q1  
\v 1 \nd Senhor\nd*, orereraa jepe ke! 
\q2 Mba'eta ndevygua avakue ndoikovei. 
\q2 Avakue ra'y kuery mbyte gui okanhymba ma ojeroviapy. 
\q1  
\v 2 Ha'e ramo anhetẽ rupi e'ỹ 'rã ijayvu jomeme, 
\q2 opy'a py nhombotavy vy ijayvu mbegue rei okuapy. 
\q1  
\v 3 \nd Senhor\nd*, ejaya ijayvu mbegue rei va'e kuery rembe, 
\q2 opa marã rei ijayvu va'e apekũ guive. 
\q1  
\v 4 Mba'eta aipoe'i okuapy: “Nhaneapekũ py 'rãe nhandepo'aka, 
\q2 nhanerembe ma nhanemba'e ae. 
\q2 Mava'e tu nhandere ipo'aka 'rã?” he'i okuapy. 
\q1  
\v 5 Ha'e ramo \nd Senhor\nd* aipoe'i: 
\q2 “Iporiaukue'i omoingo axya ha'e ojexavai va'e ipoaẽ ramo 
\q2 xee aendu vy apu'ã ta aỹ. 
\q2 Araa jepe 'rã aepy aguã oarõ oikovy va'e”, he'i. 
\q1  
\v 6 \nd Senhor\nd* ayvu ma iky'a e'ỹ va'e meme, 
\q2 prata sete-kue oiky'a'o pyre rami, 
\q2 tata rupa yapo gui ojapo pyre py. 
\q1  
\v 7 Tá \nd Senhor\nd*, ndee ma orerepy 'rãe. 
\q2 Aỹgua kuery gui orereraa jepe 'rã raka'e rã peve. 
\q1  
\v 8 Ha'e rã heko vai va'e ma opa rupi ikuai, 
\q2 avakue ra'y kuery ma teko vai anho oguerovy'a. 
\c 13  
\s1 Ojeroviaa rupi ojerurea ague 
\d Jogueroporaei va'e pe Davi ombopara va'ekue. 
\q1  
\v 1 \nd Senhor\nd*, raka'e peve 'rã tu nderexarai xegui? 
\q2 Raka'e peve 'rã tu xevy pe nderejexa ukavei? 
\q1  
\v 2 Raka'e peve 'rã tu nda'evei riae xepy'a py? 
\q2 Mba'eta ko'ẽ nhavõ xepy'a py aendu ndavy'aia. 
\q2 Raka'e peve 'rã tu xerovaigua xere opu'ã rei? 
\q1  
\v 3 \nd Senhor\nd* Xeruete, eikuaa pota ke xere, xembovai guive! 
\q2 Xemboexa pyxo, manoa py ake e'ỹ aguã, 
\q1  
\v 4 xerovaigua kuery “Xepo'aka ma hexe” he'i e'ỹ aguã, 
\q2 ha'e xerovaigua kuery xekangy ramo oexa vy ovy'a rei e'ỹ aguã. 
\q1  
\v 5 Ha'e rã xee ma ajerovia ndere xemboaxya rupi xerereko aguã. 
\q2 Xepy'a py arovy'a xereraa jepea. 
\q1  
\v 6 Aporaei 'rã \nd Senhor\nd* pe, 
\q2 opa mba'e py xemoingo porã rire. 
\c 14  
\r Salmo 53.1-6 
\d Jogueroporaei va'e pe Davi ombopara va'ekue. 
\q1  
\v 1 Hi'arandu e'ỹ va'e ma opy'a py: 
\q2 “Nhanderuete ndoikoi” he'i. 
\q2 Ha'e kuery opa marã ikuai ojejokoa rupi e'ỹ. 
\q2 Neĩ peteĩve ma ndoikoi heko porã va'e. 
\q1  
\v 2 Ha'e rã \nd Senhor\nd* ma yva gui oma'ẽ 'rã avakue ra'y kuery ikuaia re, 
\q2 oexa aguã amongue pa 'arandu rupi oikoa, 
\q2 amongue pa oiko Nhanderuete oeka va'e. 
\q1  
\v 3 Ha'e rami teĩ ha'e javive ojepe'a, opa marã rei ikuai pavẽ rei. 
\q2 Ndoikovei ae teko porã rupi oiko va'e, 
\q2 neĩ peteĩve ma.\x * \xo 14:3 \xt Romanos 3.9-20\x* 
\q1  
\v 4 Teko vai rupi ikuai va'e 'arandurã noĩ teve? 
\q2 Ha'e kuery ma xevygua kuery omomba rivepa 'rã mbojape ho'ua rami. 
\q2 Ndojapukai 'rã guive Nhanderuete pe. 
\q1  
\v 5 Ha'e rami teĩ ha'e kuery onhemondyipa 'rã 
\q2 oexa vy heko porã va'e kuery reve Nhanderuete oiko ramo. 
\q1  
\v 6 Ha'e kuery ma yvyĩgue'i nhomongeta ramo ojojai rei okuapy, 
\q2 ha'e rã \nd Senhor\nd* ma onhemoĩ ha'e kuery onhemi aguã. 
\q1  
\v 7 Sião gui ou ma va'e rire Israel kuery reraa jepearã! 
\q2 \nd Senhor\nd* ojeupegua kuery omoingo porã jevy ramo 
\q2 Jacó ramymino kuery, Israel kuery ovy'apa 'rã okuapy. 
\c 15  
\s1 Yva pygua re ijayvua 
\d Mboraeirã Davi ombopara va'ekue. 
\q1  
\v 1 \nd Senhor\nd*, marã ramigua nda'u oiko 'rã ndevygua opy? 
\q2 Marã ramigua nda'u oĩ 'rã ndevygua yvyty iky'a e'ỹ va'e py?\x * \xo 15:1 \xt Salmo 24.2-6\x* 
\q1  
\v 2 Teko porã rupi ikuai va'e anho, 
\q2 gueko porãa oexa uka va'e, 
\q2 opy'a py anhetẽ rupi ijayvu va'e, 
\q1  
\v 3 oapekũ py joe ijayvu vai e'ỹ va'e, 
\q2 amboae kuery pe ojapo vai e'ỹ va'e, 
\q2 neĩ ngoo katy rai'i ikuai va'e re voi ima'endu'a vai e'ỹ va'e. 
\q1  
\v 4 Ha'e kuery ndoguerovy'a rei 'rã ojou vaipy, 
\q2 ha'e rã omboete 'rã \nd Senhor\nd* renonde ojererokyjea rupi ikuai va'e kuery anho. 
\q2 Ijayvuague ndojapo e'ỹi 'rã guive, 
\q2 ha'e nungakue py oiko axy teĩ. 
\q1  
\v 5 Operáta oiporuka rire nomboekovia retavei 'rã, 
\q2 neĩ nombopagai 'rã ojejavy e'ỹ va'e kuery mba'emo ome'ẽa ta teĩ. 
\q1 Ha'e rami ikuai va'e ma mba'eve py ndoityai 'rã. 
\c 16  
\s1 Nhanderuete pegua iky'a e'ỹ va'e reko re ijayvua 
\d Davi oporaeiague. 
\q1  
\v 1 Xeruete, epena porã ke xere, 
\q2 ndere anhemi rire. 
\q1  
\v 2 \nd Senhor\nd* pe aipoa'e: “Ndee ma xe-Senhor. 
\q2 Iporãve va'e xee ndarekoi ndee e'ỹ vy. 
\q1  
\v 3 Ha'e gui ndevygua iky'a e'ỹ va'e yvy re ikuai va'e ma 
\q2 xee arovy'a vy ha'e kuery pe ‘Yvatekueve’ ha'e.” 
\q1  
\v 4 Ha'e rã amboae tuueterã re \nd Senhor\nd* omboekovia va'e kuery ma ikuai axy 'rã. 
\q2 Ha'e kuery ruete pe xee name'ẽi 'rã tuguy revegua, 
\q2 neĩ ndaxeayvui 'rã hery rupi. 
\q1  
\v 5 \nd Senhor\nd* anho oiko mba'emo xevygua me'ẽa, xekaro pygua me'ẽa guive. 
\q2 Ndee anho remoĩ xerenonderã. 
\q1  
\v 6 Ha'e ramo xevygua ma ha'eve va'e, 
\q2 xevy guarã ma iporã va'e meme. 
\q1  
\v 7 Aroayvu porã 'rã \nd Senhor\nd* xemo'arandua, 
\q2 pyávy voi xemongeta xepy'a re. 
\q1  
\v 8 Xema'endu'a riae \nd Senhor\nd* xereve oikoa re. 
\q2 Xeyvýry oĩ ramo ndaxereityai 'rã. 
\q1  
\v 9 Ha'e rã xekuraxõ py avy'a, 
\q2 xenhe'ẽ ovy'a, 
\q2 xerete avi opytu'u porã 'rã. 
\q1  
\v 10 Mba'eta xerekovea nderejai 'rã manoa py, 
\q2 Ndevygua iky'a e'ỹ va'e nderejai 'rã ivaipa aguã py. 
\q1  
\v 11 Xevy rexa uka 'rã tape tekove katy oo va'e. 
\q2 Nerenonde oĩ avy'a ete aguã, 
\q2 ndeyvýry oĩ xembovy'a va'e raka'e rã peve guarã.\f + \fr 16:11 \ft Kova'e ayvu rupi Pedro ijayvu Jesus rekokue omombe'u vy (Atos 2.22-36), ha'e gui Paulo ju ijayvu (Atos 13.32-37; 1 Coríntios 15.4).\f* 
\c 17  
\s1 Nhanderuete oepy aguã re ojerurea ague 
\d Davi onhembo'eague. 
\q1  
\v 1 \nd Senhor\nd*, endu ke ajerure ramo ha'evea rami xerereko aguã, 
\q2 eikuaa pota ajapukaia re, 
\q2 ejapyxaka ajerurea re, 
\q2 mba'eta ijapu va'e juru gui e'ỹ xeayvu onhendu. 
\q1  
\v 2 Nerenonde gui eikuaa uka xemboeko porãa regua. 
\q2 Mba'eta orerexa vy ha'evea rami meme reikuaa pota. 
\q1  
\v 3 Xekuraxõ re reikuaa pota teĩ, 
\q2 pyávy voi reikuaa pota vy 
\q2 tata py rami xereko rea'ã teĩ 
\q2 peteĩ henda py ma xere nderejoui 'rã teko vai. 
\q2 Xejuru gui noẽi 'rã ayvu vai. 
\q1  
\v 4 Avakue opa marã ikuai teĩ xee ma ndeayvua rami vy 
\q2 ajejoko jojuka va'ety ikuaia rupi aiko e'ỹ aguã. 
\q1  
\v 5 Ndeguigua tape rupi anho aiko, 
\q2 ajavy e'ỹ re. 
\q1  
\v 6 Xeruete, xee ajapukai ndevy, 
\q2 mba'eta ndee xembovai 'rã. 
\q2 Ejapyxaka ha'e endu xeayvua. 
\q1  
\v 7 Exa uka opa mba'e py ndeporayvu etea. 
\q2 Mba'eta ndere onhemi va'e kuery reraa jepe 'rã 
\q2 ha'e kuery re opu'ã va'e gui. 
\q1  
\v 8 Epena ke xere nderexa ra'yĩ re rami ae, 
\q2 xeao'i ke ndepepo guy py 
\q1  
\v 9 heko vai va'e kuery xembojexavaia gui, 
\q2 xerovaigua kuery xejukaxea gui. 
\q1  
\v 10 Mba'eta ipy'a ratã va'e kuery ma opy'a omboty reve 
\q2 ijayvu vaikue-ikue 'rã. 
\q1  
\v 11 Aỹ voi orejoko rei okuapy, 
\q2 orere oma'ẽ vaipa yvy rupi orereityxe vy. 
\q1  
\v 12 Guary guembiarã ojouxe va'e rami ikuai, 
\q2 guary ra'y onhemia gui oma'ẽ mbegue va'e rami guive. 
\q1  
\v 13 \nd Senhor\nd*, epu'ã ke, ejoko ha'e eitypa. 
\q2 Ndekyxe py eraa jepe xerekove heko vai va'e po gui. 
\q1  
\v 14 \nd Senhor\nd*, ndepo py ae xereraa jepe avakue yvy regua gui. 
\q2 Ha'e kuery ma aỹ oikove teri reve anho 'rã ojou iporã va'e. 
\q2 Mba'eta ha'e kuery rye remonyẽ mba'emo porã. 
\q2 Ha'e kuery ta'y reta 'rã. 
\q2 Ha'e gui mba'emo ndoiporupai va'ekue ma oeja 'rã gua'y kuery pe. 
\q1  
\v 15 Ha'e rã xee ma teko porã rupi vy ama'ẽ 'rã nderova re. 
\q2 Apu'ã ju vy avy'a 'rã roexa vy.\f + \fr 17:15 \ft Omanoague gui onhemboete ju aguã re ijayvu (Apocalipse 22.4).\f* 
\c 18  
\r 2 Samuel 22.1-51 
\d Jogueroporaei va'e pe Davi \nd Senhor\nd* rembiguai ombopara va'ekue. \nd Senhor\nd* pe oporaei Saulo ha'e hovaigua kuery ha'e javi po gui oepy ramo. Ha'e vy aipoe'i: 
\q1  
\v 1 \nd Senhor\nd* xemombaraetea, xee roayvu. 
\q1  
\v 2 \nd Senhor\nd*, ndee ma xe'itaova. 
\q2 Ndee ma oo ikorapa va'e ha'e xerepya. 
\q2 Xeruete ma xe'itaova anhemiaty, 
\q2 mba'emo vai jokoa, xereraa jepea imbaraete va'e ha'e oo imbaraete ete va'e. 
\q1  
\v 3 \nd Senhor\nd* ogueroporaeipy va'e pe xee ajapukai vy 
\q2 aa jepe kuery 'rã xerovaigua kuery po gui. 
\q1  
\v 4 Nhuã manoa regua xejura va'ekue, 
\q2 yai rami heko vai va'e xere opu'ã vy xemongyje. 
\q1  
\v 5 Manoa pygua xejokua, 
\q2 nhuã xã xejura xapy'a. 
\q1  
\v 6 Ha'e ramo ajexavaia py ajapukai karamboae \nd Senhor\nd* pe. 
\q2 Xeruete pe ajapukai xereraa jepe aguã. 
\q2 Ha'e rã oĩaty templo gui oendu xeayvua, 
\q2 ijapyxa peve ajapukaia ovaẽ ramo. 
\q1  
\v 7 Ha'e ramo yvy omyĩ ha'e oryryi. 
\q2 Yvyty yta ikuai va'e voi ovavapa, oryryipa, 
\q2 \nd Senhor\nd* ogueropoxy ramo. 
\q1  
\v 8 Inhapyĩgua gui opu'ã hataxĩ, 
\q2 ijuru gui ma tata nhomombaarã oẽ, 
\q2 tapyĩ hexakã va'e avi. 
\q1  
\v 9 Yva omo'yvyĩ'i vy oguejy, 
\q2 ipy guýry pytũ vaikue oĩ reve. 
\q1  
\v 10 Anjo ipepo va'e áry oĩ vy oveve ouvy, 
\q2 yvytu opepo áry ou pojava. 
\q1  
\v 11 Pytũ gui ojapo onheovã aguã. 
\q2 Ha'e va'e ojee omoĩ ouvy. 
\q2 Yy ha'e arai pytũ va'e hoo rami oĩ. 
\q1  
\v 12 Hexakã henonde oo va'e gui ma arai ivaipa, 
\q2 amandau ha'e tapyĩ hexakã va'e ho'a. 
\q1  
\v 13 Ha'e gui ma \nd Senhor\nd* yapu yva re. 
\q2 Yvate ete va'e ijayvu atã ramo 
\q2 ho'a amandau ha'e tapyĩ hexakã va'e. 
\q1  
\v 14 Ngu'y omombo vy omoaĩmba xerovaigua kuery. 
\q2 Overa vy omondyipa. 
\q1  
\v 15 Ha'e ramo ojekuaa yy rupa peve, 
\q2 yvy yta avi ojekuaapa, 
\q2 ndeayvu atãa py \nd Senhor\nd*, 
\q2 ndepoxya rupi neapyĩgua gui nepytuẽ ramo. 
\q1  
\v 16 Yvate gui \nd Senhor\nd* okuave'ẽ vy xerupity, 
\q2 xerenoẽ yy tuvixa va'e gui. 
\q1  
\v 17 Xereraa jepe xerovaigua kuery imbaraete va'e gui, 
\q2 xemomboriau rei va'e kuery gui ae, 
\q2 xegui ipo'akave ete va'ekue ri. 
\q1  
\v 18 Ha'e kuery ma ajexavai jave opu'ãmba rei va'ekue xere, 
\q2 teĩ \nd Senhor\nd* onhemoĩ xepytyvõarã. 
\q1  
\v 19 Ha'e rami vy xereru peteĩ henda ipa'ũ ja'eavea py. 
\q2 Xererovy'a vy xereraa jepe. 
\q1  
\v 20 Xereko porãa rekovia \nd Senhor\nd* ome'ẽ iporã va'e, 
\q2 xevy ome'ẽ ndaxepo ky'aia repy. 
\q1  
\v 21 Mba'eta xee ma \nd Senhor\nd* guigua tape rupi anho aiko va'e, 
\q2 Xeruete gui ndajepe'ai guive ha'eve'ỹa rami aiko aguã. 
\q1  
\v 22 Xejee amoĩ ijayvuague ha'e javi, 
\q2 xejegui ndaipe'ai ayvu omoĩ va'ekue. 
\q1  
\v 23 Henonde aiko anhetẽ rupi, 
\q2 ajejoko guive teko vai rupi aiko e'ỹ aguã. 
\q1  
\v 24 Ha'e ramo xevy \nd Senhor\nd* ome'ẽ xereko porãa repy, 
\q2 henonde rupi ndaxereko ky'ai rire. 
\q1  
\v 25 Heko porã va'e kuery pe rejekuaa uka 'rã heko porã va'e, 
\q2 anhetẽ rupi ikuai va'e pe rejekuaa uka anhetẽ rupigua avi, 
\q1  
\v 26 iky'a e'ỹ va'e pe rejekuaa uka iky'a e'ỹ va'e, 
\q2 ha'e rã heko vai va'e pe ma rejekuaa uka 'rã nhombopaga kuaa va'e. 
\q1  
\v 27 Mba'eta reraa jepe 'rã onhemo'yvyĩ'i va'e, 
\q2 ha'e rã oma'ẽ vaikue reia rupi onhemboyvate va'e ma remomba 'rã. 
\q1  
\v 28 Ndee rejapo xerata endy hexakãve aguã rami. 
\q2 Pytũ rupi aikoa rupi ma ndee \nd Senhor\nd* Xeruete remoexakãmba. 
\q1  
\v 29 Ndereve vy amomba 'rã xondaro kuery, 
\q2 Xeruete reve vy apo 'rã tetã kora áry rupi. 
\q1  
\v 30 Nhanderuete guigua tape ma iky'a e'ỹ va'e, 
\q2 \nd Senhor\nd* ayvu ma oa'anga pyre. 
\q2 Hexe onhemi va'e ha'e javi pe ma mba'emo vai jokoa oĩ. 
\q1  
\v 31 Mava'e tu Nhanderuete oiko \nd Senhor\nd* e'ỹ vy? 
\q2 Mava'e tu nhande'itaova oiko Nhanderuete e'ỹ vy? 
\q1  
\v 32 Xeruete xemombaraetea oiko, 
\q2 omoatyrõ 'rã aguata aguã rupi. 
\q1  
\v 33 Xepy ojapo 'rã guaxu rami inhakuã aguã. 
\q2 Yvatea rupi aẽ teĩ xemoĩ atã. 
\q1  
\v 34 Xepo pe voi ome'ẽ joe apu'ã kuaa aguã. 
\q2 Ha'e ramo guyrapa overa va'e guigua teĩ xee aipira 'rã. 
\q1  
\v 35 Mba'emo vai jokoarã reme'ẽ xereraa jepea, 
\q2 reiporu kuaa regua xemoĩ atã, 
\q2 xemboaxya rupi xemboyvate. 
\q1  
\v 36 Apyrõ aguã tape rembopyve ramo 
\q2 ndaxepyxyryi 'rã. 
\q1  
\v 37 Xerovaigua kuery amonha 'rã aupitypa peve. 
\q2 Ha'e gui amomba rire ajevy ju 'rã. 
\q1  
\v 38 Amou'ũmba opu'ã aguã nda'evevei peve. 
\q2 Xepy yvýry ho'apa. 
\q1  
\v 39 Mba'eta ndee xemombaraete ajoguero'a kuaa aguã, 
\q2 rejapo xere opu'ã va'ekue re xepo'aka aguã rami. 
\q1  
\v 40 Xerovaigua kuery rejapo ojavapa aguã rami. 
\q2 Xerayvu e'ỹ va'e amomba. 
\q1  
\v 41 Guepyarã pe ha'e kuery ojapukai teĩ ndoepyai. 
\q2 \nd Senhor\nd* pe voi ha'e kuery ojapukai teĩ nombovai. 
\q1  
\v 42 Ha'e ramo amongu'ipa yvy ku'i yvytu rupi ovevepa va'e rami, 
\q2 yapo tape guiguare nhamomboa rami amokanhymba. 
\q1  
\v 43 Heta va'e kuery xere opu'ã teĩ xereraa jepe, 
\q2 xemoĩ yvy regua kuery ruvixarã. 
\q2 Amboae regua kuery ndaexai va'ety voi xevygua ikuai. 
\q1  
\v 44 Xeayvu oendu vyve xenhe'ẽ rendu okuapy. 
\q2 Yvy mboae regua oexa uka xevy ikuaia, 
\q1  
\v 45 amboae regua kuery okanhymba, 
\q2 onhemiague gui oẽmba onhemondyipa vy. 
\q1  
\v 46 \nd Senhor\nd* ma oikove va'e, togueroayvu porãa xe'itaova! 
\q2 Tomboetea Nhanderuete xereraa jepea! 
\q1  
\v 47 Nhanderuete xerepy vy jojukapa, 
\q2 heta va'e kuery re xembopo'aka. 
\q1  
\v 48 Nhanderuete ae xereraa jepe xerovaigua kuery gui. 
\q2 Ndee ma xemboyvate xerovaigua kuery áryve, 
\q2 ha'e xerepy avakue jojuka va'ety po gui. 
\q1  
\v 49 Ha'e ramo \nd Senhor\nd*, roguerovy'a 'rã yvy regua kuery oendua py, 
\q2 aporaei 'rã nderery rupi.\x * \xo 18:49 \xt Romanos 15.9\x* 
\q1  
\v 50 Ha'e ae ombopo'aka 'rã huvixaverã omoĩ va'ekue, 
\q2 oexa uka 'rã guembiporavo oayvua, 
\q2 Davi ha'e hamymino kuery pe, raka'e rã peve. 
\c 19  
\s1 Nhanderuete rembiapo ha'e ijayvua oguerovy'aa ague 
\d Jogueroporaei va'e pe Davi ombopara va'ekue. 
\q1  
\v 1 Yva re mba'emo ikuai va'e oikuaa uka Nhanderuete hexakãmba va'ea, 
\q2 yvate rupi ikuai va'e oikuaa uka 'rã opo py ojapoague. 
\q1  
\v 2 Ára nhavõ oikuaa uka 'rã ara pygua pe, 
\q2 ha'e pytũ nhavõ oikuaa uka 'rã pytũ rupigua pe. 
\q1  
\v 3 Nda'ijayvui 'rã, neĩ nda'ijayvuai 'rã, 
\q2 ha'e va'e gui mba'eve nonhendui 'rã. 
\q1  
\v 4 Ha'e rami teĩ ha'e nunga 'arandu ma yvy jave rupi oikuaa, 
\q2 yvy apy peve 'rã ha'e nunga re ayvua.\x * \xo 19:4 \xt Romanos 1.18-25, 10.16-18\x* 
\q1 Ha'e vy yva apy re omoĩ kuaray oike aguã. 
\q1  
\v 5 Ha'e va'e ma omenda ramo va'e rami 'rã oẽ ouvy ngoo gui, 
\q2 ovy'a 'rã ovy imbaraetepa va'e onha ovya rami. 
\q1  
\v 6 Yva apy gui oẽ vy 
\q2 oaxa 'rã ovy ijapy rovai peve. 
\q2 Jipoi 'rã haku-a oguerovy e'ỹa. 
\q1  
\v 7 Ha'e gui \nd Senhor\nd* guigua lei ma ha'eve vaipa ete vy 
\q2 omombaraete ju 'rã nhanderekove. 
\q2 \nd Senhor\nd* omombe'u va'e ma ogueroviapy vy 
\q2 omo'arandu 'rã hi'arandu e'ỹ'i va'e. 
\q1  
\v 8 \nd Senhor\nd* nhombo'ea ma ha'evea ramigua vy 
\q2 ombovy'a 'rã nhanekuraxõ. 
\q2 \nd Senhor\nd* ojapo uka va'e ma iky'a e'ỹ va'e vy 
\q2 omoexakã 'rã nhanderexa. 
\q1  
\v 9 \nd Senhor\nd* renonde jajererokyjea ma iky'a e'ỹ va'e, 
\q2 raka'e rã peve guarã guive. 
\q2 \nd Senhor\nd* joe oikuaa potaa ma anhetẽ rupigua, 
\q2 ha'evea rami meme. 
\q1  
\v 10 Ha'e nunga ma ouro gui jaipotave va'erã, 
\q2 ouro oiky'a'o pyre gui iporãve ramo. 
\q2 He'ẽve 'rã ei 
\q2 hetãgue gui onhami va'ekue gui. 
\q1  
\v 11 Ha'e va'e rupi nerembiguai kuery remongeta 'rã guive. 
\q2 Ha'e va'e jajapo vy jajou reta 'rã iporã va'e. 
\q1  
\v 12 Mava'e nda'u oikuaapa 'rã ha'e ae ojejavyague? 
\q2 Emboguepa ke aikuaa e'ỹ-e'ỹ va'e guive. 
\q1  
\v 13 Xejoko xee nerembiguai anhemboyvate reia gui voi. 
\q2 Ha'e nunga ta'ipo'aka eme xere. 
\q2 Ha'e rami rã iky'a va'e'ỹ 'rã aiko, 
\q2 ha'e aa jepe 'rã ajejavyve etea gui. 
\q1  
\v 14 \nd Senhor\nd*, xe'itaova ha'e xerepya, 
\q2 tove ayvu xejuru gui oẽ va'e ha'e xepy'aa xepy'a re oĩ va'e 
\q2 nerenonde toĩ nembovy'aarã. 
\c 20  
\s1 Huvixave re ojerurea ague 
\d Jogueroporaei va'e pe Davi ombopara va'ekue. 
\q1  
\v 1 Rejexavaia ára tove \nd Senhor\nd* tanembovai. 
\q2 Jacó Ruete rery tandereraa jepe reĩ atã aguã py. 
\q1  
\v 2 Tombou nderepyarã guenda iky'a e'ỹ va'e gui. 
\q2 Sião gui ma voi topena ndere. 
\q1  
\v 3 Ta'ima'endu'a ixupe guarã reme'ẽ va'e ha'e javi re, 
\q2 tojou porã mba'emo ixupe reapy rã. 
\q1  
\v 4 Tome'ẽmba ndepy'a re reipotaa oĩ va'e, 
\q2 tojapopa rejapoxe va'e ha'e javi. 
\q1  
\v 5 Ha'e gui ma ndepo'aka ramo ore kuery rovy'a 'rã mboraei rupi, 
\q2 Nhanderuete rery rupi roupi 'rã imoiny bandeira. 
\q2 Ixupe \nd Senhor\nd* tomoingo renhemboayvua ha'e javi. 
\q1  
\v 6 Aỹ ma xee aikuaa \nd Senhor\nd* ogueraa jepe 'rãa huvixarã omoĩ va'ekue. 
\q2 Ombovai 'rã o'amba iky'a e'ỹ va'e gui, 
\q2 ha'e rami vy opo py oexa uka 'rã opo'akaa. 
\q1  
\v 7 Amongue ma ojerovia 'rã mba'eyru re, 
\q2 amboae kuery ma kavaju re 'rã ojerovia. 
\q2 Ha'e rã nhande kuery ma \nd Senhor\nd* Nhanderuete rery anho jarovy'a. 
\q1  
\v 8 Ha'e kuery ma ojero'a vy ho'apa 'rã. 
\q2 Ha'e rã nhande kuery ma nhapu'ã 'rã jakuapy. 
\q1  
\v 9 \nd Senhor\nd*, embopo'aka ke oreruvixave. 
\q2 Rojapukai ramo orembovai. 
\c 21  
\s1 Ngovaigua kuery re huvixave ipo'aka rã oguerovy'aa ague 
\d Jogueroporaei va'e pe Davi ombopara va'ekue. 
\q1  
\v 1 \nd Senhor\nd*, nembaraetea re oreruvixave ovy'a, 
\q2 reraa jepeague re oporaei. 
\q1  
\v 2 Mba'eta rejapo ma opy'a py ojapoxe va'ekue, 
\q2 nerendu e'ỹi ojapukaia. 
\q1  
\v 3 Mba'eta reayvu vy iporã va'e anho reme'ẽ ixupe. 
\q2 Inhakã re remoĩ coroa ouro ete'i guigua. 
\q1  
\v 4 Guekove re ha'e ojerure ramo reme'ẽ, 
\q2 raka'e rã peve guarã. 
\q1  
\v 5 Reraa jepeague ma pavẽ rei oguerovy'a okuapy. 
\q2 Hexe remoĩ hexakãrã ha'e yvateve aguã. 
\q1  
\v 6 Raka'e rã peve guarã remoĩ nhomoingo porãarã. 
\q2 Hexeve reiko ramo vy'a anho 'rã oendu. 
\q1  
\v 7 Mba'eta huvixave ojerovia \nd Senhor\nd* re. 
\q2 Ha'e rami vy Yvate ete va'e omboaxy ramo peteĩve henda py ndo'ai 'rã. 
\q1  
\v 8 Ha'e rami vy ndepo oupity 'rã nderovaigua kuery ha'e javi,\f + \fr 21:8 \ft Apy guive huvixave pe ijayvu.\f* 
\q2 reiporu kuaa regua ojopypa 'rã ndere ija'e e'ỹ va'e. 
\q1  
\v 9 Ha'e kuery pe rejekuaa uka vy 
\q2 rejapo 'rã tata rupa haku raxa va'e rami. 
\q2 \nd Senhor\nd* opoxya rupi omomba 'rã, 
\q2 tata oapypaa rami. 
\q1  
\v 10 Yvy gui remomba 'rã hamymino kuery, 
\q2 avakue ra'y kuery ikuaia gui. 
\q1  
\v 11 Nderovai ha'e kuery mba'emo vai ojapoxe teĩ 
\q2 nopu'ã kuaai 'rã, ndojapo kuaai 'rã ha'e nunga. 
\q1  
\v 12 Rejapo 'rã oguevipa aguã rami, 
\q2 ha'e kuery rova re rea'anga 'rã nderapa. 
\q1  
\v 13 \nd Senhor\nd*, tandeyvate ndepo'akaa py. 
\q2 Ha'e rã ore ma roporaei 'rã ndepo'akaa roguerovy'aa rupi. 
\c 22  
\s1 Messias oiko axy rire ipo'aka ju aguã re ijayvua 
\d Jogueroporaei va'e pe Davi ombopara va'ekue, “Guaxu aje'ivegua” he'ia py oporaeia rami oporaei aguã. 
\q1  
\v 1 Xeruete, Xeruete, mba'e re tu xereja ri?\f + \fr 22:1 \ft Kova'e salmo ha'e javi omombe'u ma voi Jesus kuruxu re omano jave guarã (Mateus 27.33-54, Marcos 15.22-32, João 19.17-30, Filipenses 2.5-11).\f* 
\q2 Mba'e re tu ajexavaia rupi ajapukai teĩ 
\q2 mombyry ri repyta xegui xereraa jepe e'ỹ aguã? 
\q1  
\v 2 Xeruete, ára py ajapukai ramo naxembovai, 
\q2 pyávy voi ndapytu'ui ae. 
\q1  
\v 3 Ha'e rami teĩ ndee ma iky'a e'ỹ va'e reiko. 
\q2 Nerenda repenaaty py reguapy reiny Israel kuery oporaei okuapy va'e mbyte. 
\q1  
\v 4 Oreramoĩ kuery ma ndere ojerovia raka'e. 
\q2 Ojerovia ramo reraa jepe. 
\q1  
\v 5 Ndevy pe ha'e kuery ojapukai ramo reo jepe raka'e. 
\q2 Ndere ojerovia, nda'eve e'ỹi nho guive. 
\q1  
\v 6 Ha'e rã xee ma taxo, ava e'ỹ merami, 
\q2 mba'eta avakue pe ovare e'ỹ va'e, 
\q2 heta va'e kuery oipota va'e'ỹ aiko. 
\q1  
\v 7 Xerexaa kuery ha'e javi xejojai rei. 
\q2 Hembe'a rei reve oakã ombovava vy aipoe'i: 
\q1  
\v 8 “ \nd Senhor\nd* re rejerovia ramo tanderepy. 
\q2 Ha'e ae tandereraa jepe, hexe ndererovy'a ri vy”, he'i okuapy. 
\q1  
\v 9 Ha'e rami teĩ ndee ma xetui'i aguã rami xeapo va'ekue. 
\q2 Xere repena porã va'ekue akambu'i teri jave. 
\q1  
\v 10 Xetui'i guive ndevy aiko. 
\q2 Xeryru'i py aĩa pyve ndee Xeruete reiko. 
\q1  
\v 11 Aỹ ma enhemombyry eme xegui, 
\q2 mba'eta ovaẽ ma ajexavai aguã, 
\q2 ha'e xepytyvõarã ndoikoi. 
\q1  
\v 12 Heta ikuai toro nharõ rami xejoko va'e, 
\q2 toro mbaraetekueve Basã pygua xembojere rei okuapy.\f + \fr 22:12 \ft Basã yvy re ma heta ikuai raka'e vaka. Ha'e rã apy ma toro re ete'ỹ, heko vai va'e kuery re ijayvu.\f* 
\q1  
\v 13 Xere ha'e kuery ijuru jai, 
\q2 guary nhomboa'ypa va'e rami okororõ. 
\q1  
\v 14 Yy rami anheẽ, 
\q2 ha'e xekãgue ha'e javi oku'epa, 
\q2 xeryepy re xekuraxõ ma ei raity hykupa va'e rami ojeapo. 
\q1  
\v 15 Yapo guigua pẽgue ipirupaa rami 
\q2 xembaraetea voi opa ma, 
\q2 xeapekũ guive xejurupy re oja ma oiny. 
\q2 Ha'e rami py ndee xereity yvy ku'i rupi amano aguã. 
\q1  
\v 16 Jagua kuery xembojere rei okuapy, 
\q2 joapo vai va'ety kuery nhomoirũmba va'e. 
\q2 Xepo ha'e xepy ombokuapa. 
\q1  
\v 17 Aexapa xekãgue ha'e javi'i. 
\q2 Ha'e kuery xere oma'ẽ okuapy xere ovy'a reia py. 
\q1  
\v 18 Xeao jomeme omboja'opa ma. 
\q2 Xekamixa puku re oexa okuapy xortea. 
\q1  
\v 19 Ha'e rã ndee \nd Senhor\nd*, ejepe'a eme xea gui. 
\q2 Xemombaraetea, ejapura ke xerepy aguã. 
\q1  
\v 20 Eraa jepe xerekove ha'e kuery kyxe gui, 
\q2 jagua kuery oipe'a ta va'e gui. 
\q1  
\v 21 Xereraa jepe ke guary juru gui, 
\q2 búfalo rakua gui guive. 
\q1 Tá, ndee ma xembovai ma! 
\q1  
\v 22 Ha'e rami rire xeryvy kuery oendua py xema'endu'a 'rã nderery re,\x * \xo 22:22 \xt Hebreus 2.10-12\x* 
\q2 heta va'e kuery mbyte rogueroporaei 'rã, po rami: 
\q1  
\v 23 “ \nd Senhor\nd* renonde pejererokyjea rupi pendekuai va'e, peroporaei. 
\q2 Pembojerovia, peẽ Jacó ramymino kuery ha'e javi. 
\q2 Israel ramymino kuery ha'e javi, pemboete pekuapy. 
\q1  
\v 24 Mba'eta ha'e naxemboaxy e'ỹi ajexavai rã, 
\q2 ndojeguarui guive aiko axya gui, 
\q2 ngova voi nomo'ãi xegui. 
\q2 Ha'e rami 'rãgue py oendu xereraa jepe aguã ajapukai ramo”, ha'e 'rã. 
\q1  
\v 25 Mba'eta ndegui ae ou ijaty va'e kuery mbyte xee rogueroporaei aguã. 
\q2 Nerenonde ojererokyjea rupi ikuai va'e oexaa py ajapo 'rã anhemboayvuague.\f + \fr 22:25 \ft “Anhemboayvuague ajapo 'rã” he'i vy ma mba'emo mymba ojuka aguã re ijayvuague re ima'endu'a. Ha'e gui ho'okue omboja'o 'rã guetarã kuery pe Nhanderuete oguerovy'a okuapy aguã (Levítico 7.15-16).\f* 
\q1  
\v 26 Ha'e ramo iporiaukue'i okaru 'rã okuapy hevyatãmba peve. 
\q2 \nd Senhor\nd* oeka va'e oguerovy'a 'rã okuapy. 
\q2 Ha'e kuery kuraxõ toikove riae! 
\q1  
\v 27 Ha'e nunga rupi yvy apy peve ima'endu'aa 'rã \nd Senhor\nd* re, 
\q2 ixupe guarã ojeko rerova 'rã okuapy. 
\q2 Henonde guenapy'ã re yvy regua kuery ha'e javi oĩmba 'rã okuapy. 
\q1  
\v 28 Mba'eta \nd Senhor\nd* pegua ae ipo'aka aguã. 
\q2 Ha'e ae 'rã opena yvy regua kuery re. 
\q1  
\v 29 Yvy regua oguerekopa rei va'e kuery voi okaru vy ombojerovia 'rã okuapy. 
\q2 Yvy re onhono porã mbyre ha'e javi 'rã oĩ guenapy'ã re henonde, 
\q2 guekove ae'i re nopena kuaai va'ekue. 
\q1  
\v 30 Tamymino kuery voi ha'e oipotaa rami 'rã ikuai. 
\q2 Mba'eta raka'eve rã ikuai va'e pe ijayvua 'rã \nd Senhor\nd* reko re. 
\q1  
\v 31 Ha'e kuery ou vy omombe'u 'rã ixuguigua teko porã. 
\q2 Raka'eve rã ikuai va'erã pe omombe'ua 'rã ha'e ojapo va'ekue. 
\c 23  
\s1 “Xere \nd Senhor\nd* opena” he'ia 
\d Mboraeirã Davi ombopara va'ekue. 
\q1  
\v 1 \nd Senhor\nd* ma vexa'i mongarua rami xere opena va'e oiko.\f + \fr 23:1 \ft Apy ma vexa'i mongarua re ombojoja, Nhanderuete nhandere openaa re ijayvu vy (Apocalipse 7.15-17).\f* 
\q2 Ha'e ramo xevy pe ndoatai 'rã mba'eve rei. 
\q1  
\v 2 Xemombytu'u 'rã inony nhuũndy porã py rami. 
\q2 Xereraa 'rã yy iky'a e'ỹ va'e py. 
\q1  
\v 3 Omombaraete kuerei 'rã xenhe'ẽ. 
\q2 Tape teko porã rupi 'rã xerereko, 
\q2 guery omboete ukaa rupi vy. 
\q1  
\v 4 Yvyugua manoa guy pytũ reia rupi aiko teĩ 
\q2 ndakyjei 'rã mba'eve rei gui, 
\q2 xereve ndee reiko ramo. 
\q2 Ndepo pygua ha'e ndepopoka ma xembopy'a guaxu. 
\q1  
\v 5 Rereko katu akaru aguã\f + \fr 23:5 \ft Apy ma hoo va'e nhomovaẽ porã va'e re ombojoja. Ha'e va'e jave py hoo va'e ipoua kuery omovaẽ porã vy azeite onhoẽ'i vy oikyty 'rã inhakã re (Lucas 7.46).\f* 
\q2 xerovaigua kuery oexaa py. 
\q2 Xeakã re renhoẽ 'rã azeite. 
\q2 Xekaro remonyẽ 'rã onheẽmba rei peve. 
\q1  
\v 6 Anhetẽ xereve oĩ 'rã ndeporayvua ha'e xemboaxya ára nhavõ, aikovea pukukue re. 
\q2 Ha'e gui \nd Senhor\nd* ro py aiko 'rã raka'e rã peve. 
\c 24  
\s1 Huvixave hexakãmba va'e ou aguã re ijayvua 
\d Mboraeirã Davi ombopara va'ekue. 
\q1  
\v 1 \nd Senhor\nd* mba'e ae itui yvy ha'e opa mba'e hexe ikuai va'e, 
\q2 yvy regua kuery ha'e javi guive.\x * \xo 24:1 \xt 1 Coríntios 10.23-26\x* 
\q1  
\v 2 Mba'eta ha'e onhono raka'e ye'ẽ áry rupi, 
\q2 yy oxyry va'e áry omombyta. 
\q1  
\v 3 Marã ramigua tu ha'eve \nd Senhor\nd* pegua yvyty re oẽ aguã? 
\q2 Marã ramigua nda'u ha'eve henda iky'a e'ỹ va'e py oiko aguã? 
\q1  
\v 4 Opo py ojejavy e'ỹ va'e, ipy'a ky'a e'ỹ va'e, 
\q2 tuuete ramigua ovare e'ỹ va'e re onhe'ẽ nogueroma'endu'ai va'e, 
\q2 neĩ ndoura rivei va'e. 
\q1  
\v 5 Ha'e va'e kuery re ma ou 'rã \nd Senhor\nd* omoingo porãa, 
\q2 ha'e ramo Nhanderuete heraa jepea po gui ojopy 'rã teko porã.\x * \xo 24:5 \xt Mateus 5.8\x* 
\q1  
\v 6 Ha'e rami ikuai ixupe ojapukai va'e kuery, 
\q2 Jacó Ruete oekaa rupi ikuai va'e. 
\q1  
\v 7 Peipe'a ke okẽ ikuai va'e, 
\q2 peipe'apave okẽ guaxu marã e'ỹ, 
\q2 Huvixave hexakãmba va'e oike aguã. 
\q1  
\v 8 Mava'e tu Huvixave hexakãmba va'e? 
\q2 \nd Senhor\nd* imbaraete ha'e ipo'akapa va'e, 
\q2 \nd Senhor\nd* joe opu'ãa rupi ipo'aka va'e. 
\q1  
\v 9 Peipe'a ke okẽ ikuai va'e, 
\q2 peipe'apave okẽ guaxu marã e'ỹ, 
\q2 Huvixave hexakãmba va'e oike aguã. 
\q1  
\v 10 Mava'e tu Huvixave hexakãmba va'e? 
\q2 \nd Senhor\nd* ixondaro reta va'e, 
\q2 ha'e ae Huvixave hexakãmba va'e. 
\c 25  
\s1 Nhanderuete pe onhepytyvõ ukaa ague 
\d Davi ombopara va'ekue. 
\q1  
\v 1 Ndere \nd Senhor\nd*, aroma'endu'a xenhe'ẽ. 
\q1  
\v 2 Xeruete, ndere xee ajerovia va'e. 
\q2 Axĩmba rei aguã rami e'ỹ ke xerereko, 
\q2 xerovaigua kuery xere ovy'a rei e'ỹ aguã. 
\q1  
\v 3 Ha'e rã nerarõ va'e kuery ma peteĩve noxĩmbai 'rã. 
\q2 Oxĩmba va'erã ma nhemi rupi joapo vai va'e kuery. 
\q1  
\v 4 \nd Senhor\nd*, eikuaa uka xevy ndeguigua tape. 
\q2 Xembo'e ke reikoa rupi aiko avi aguã. 
\q1  
\v 5 Xerereko ndeguigua anhetẽ va'e rupi, xerekombo'e guive, 
\q2 mba'eta ndee ma Xeruete xereraa jepea, 
\q2 ndee ae roarõ aikovy ko'ẽ nhavõ. 
\q1  
\v 6 \nd Senhor\nd*, nema'endu'a ke renhomboaxy ha'e ndeporayvua rupi 
\q2 jypy guive reikoa re. 
\q1  
\v 7 Nema'endu'a eme ke xekunumi jave ajejavyague re, 
\q2 neĩ nderovai xereko vaiague re. 
\q2 \nd Senhor\nd*, xemboaxya rupi anho ke nema'endu'a xere, 
\q2 ndeporayvu va'e vy. 
\q1  
\v 8 \nd Senhor\nd* ma iporayvu ha'e heko porã va'e vy 
\q2 ojejavypa va'e kuery pe oikuaa uka 'rã tape. 
\q1  
\v 9 Yvyĩgueve ma ha'e oguereko 'rã teko porã rupi, 
\q2 ombo'e 'rã ojeguigua tape rupi oiko aguã re. 
\q1  
\v 10 \nd Senhor\nd* guigua tape ha'e javi rupi oĩ nhomboaxya ha'e anhetẽ va'e, 
\q2 guexeve guarã ojapo va'ekue ha'e ijayvuague rupi ikuai va'e pe. 
\q1  
\v 11 \nd Senhor\nd*, nderery remboete ukaa rupi vy 
\q2 emboguepa xereko vaiague heta teĩ. 
\q1  
\v 12 Avakue \nd Senhor\nd* renonde ojererokyjea rupi ikuai va'e pe 
\q2 oikuaa uka 'rã tape oo aguã. 
\q1  
\v 13 Ha'e ramo ha'e kuery nhe'ẽ opytu'u 'rã ovy'a reve, 
\q2 ha'e gui hamymino kuery jevy ikuai porã 'rã yvy re. 
\q1  
\v 14 \nd Senhor\nd* renonde ojererokyjea rupi ikuai va'e ma ha'e omonhemboja 'rã. 
\q2 Ha'e va'e kuery pe oikuaa uka 'rã guexeve guarã ojapo va'ekue. 
\q1  
\v 15 Ama'ẽ riae aikovy \nd Senhor\nd* re, 
\q2 mba'eta ha'e ae oipe'a 'rã xepy nhuã gui. 
\q1  
\v 16 Ejevy ju xea py, xemboaxy ju, 
\q2 mba'eta xeae'i aĩ vy ajexavai. 
\q1  
\v 17 Xemombytu'u ke xepy'a py nda'eveia gui, 
\q2 xepe'a ke ajexavaia gui. 
\q1  
\v 18 Eikuaa pota aiko axya ha'e ajexavaia re, 
\q2 ha'e emboguepa ajejavyague ha'e javi. 
\q1  
\v 19 Eikuaa pota ke xerovaigua kuery re, 
\q2 heta vaipa ramo. 
\q2 Xere ija'e e'ỹ va'e kuery xembojeguaru rei okuapy. 
\q1  
\v 20 Earõ xenhe'ẽ re, ha'e xerepy. 
\q2 Taiko eme axĩmba rei aguã rami, 
\q2 ndere anhemi rire. 
\q1  
\v 21 Anhetẽ rupi ha'e teko porã rupi aikoa tojapo akanhy e'ỹ aguã rami, 
\q2 mba'eta ndee ae xee roarõ. 
\q1  
\v 22 Xeruete, eraa jepe Israel kuery 
\q2 ikuai axya ha'e javi gui. 
\c 26  
\s1 Heko porã va'e ojapukaia 
\d Mboraeirã Davi ombopara va'ekue. 
\q1  
\v 1 \nd Senhor\nd*, xemboeko porã ke, 
\q2 anhetẽ rupi anho aiko 
\q2 ha'e \nd Senhor\nd* re ajeroviaa gui ndajepe'ai rire. 
\q1  
\v 2 \nd Senhor\nd*, eikuaa pota ke aikoa re ha'e xekuaa. 
\q2 Exa pota xepy'aa ha'e anhembopy'aa re. 
\q1  
\v 3 Mba'eta ndeporayvua re xema'endu'a riae aikovy, 
\q2 ndeguigua anhetẽ va'e rupi aiko. 
\q1  
\v 4 Ndaguapyi guive avakue nhombotavypa rei va'e reve, 
\q2 joayvu merami rive va'e kuery reve nanhemoirũi. 
\q1  
\v 5 Opa marã rei ikuai va'e xee ndajou porãi, 
\q2 ha'e heko vai va'e kuery reve ndaguapyi. 
\q1  
\v 6 Ajepoei ajejavy e'ỹa aikuaa uka vy. 
\q2 Ha'e rami vy \nd Senhor\nd*, aiko ndevygua altar yvýry, 
\q1  
\v 7 aporaei atã aguã ndevy, 
\q2 nerembiapo porãa amombe'upa aguã. 
\q1  
\v 8 \nd Senhor\nd*, xee ma ayvu ndevygua oo, 
\q2 nerexakã oĩaty. 
\q1  
\v 9 Eipe'a eme xerekove heko vai va'e kuery reve, 
\q2 xerekove eipe'a eme jouguy moẽa kuery reve. 
\q1  
\v 10 Ha'e kuery po ma jojukaague re iky'a, 
\q2 oiporu kuaa regua re ma teko vai repyrã rive oguereko. 
\q1  
\v 11 Ha'e rã xee ma xereko porãa rupi aiko. 
\q2 Xerepy ke xemboaxy vy. 
\q1  
\v 12 Xepy oĩ atã yvy joja reia py. 
\q2 Ha'e rami vy heta va'e kuery oendua py xema'endu'a porã 'rã \nd Senhor\nd* re. 
\c 27  
\s1 Nhanderuete reve oikoxea rupi ijayvua 
\d Mboraeirã Davi ombopara va'ekue. 
\q1  
\v 1 \nd Senhor\nd* ma xemoexakãa ha'e xereraa jepea oiko. 
\q2 Mava'e gui 'rã tu akyje? 
\q2 \nd Senhor\nd* ma xerekovea onhemi aguã. 
\q2 Mava'e gui tu akyje ta? 
\q1  
\v 2 Ha'e gui joapo vai va'ety kuery xere ou vy xemomba aguã, 
\q2 xeavyky rei va'e ha'e xerovaigua kuery, 
\q2 ha'e kuery onhepyxanga vy ho'apa 'rã okuapy. 
\q1  
\v 3 Xondaro kuery heta xembojere teĩ 
\q2 xepy'a py nanhemondyi 'rã. 
\q2 Xere anho opu'ãmba teĩ ajerovia riae 'rã. 
\q1  
\v 4 Peteĩ regua re tema ajerure \nd Senhor\nd* pe, 
\q2 ha'e va'e anho ajouxe: 
\q2 ha'e va'e ma \nd Senhor\nd* pegua oo py aiko aguã aikovea pukukue re, 
\q2 \nd Senhor\nd* rexakãa aexa aguã, 
\q2 ha'e ixupegua templo py anhembo'e aguã. 
\q1  
\v 5 Ha'e rami vy aĩ vaia ára xenhomi 'rã ojeupegua opy, 
\q2 xemoinge 'rã ojeupegua oo py anhemi aguã. 
\q2 Xereraa 'rã itaova áry. 
\q1  
\v 6 Ha'e jave py xeakã ombo'yvate ju 'rã 
\q2 xerovaigua kuery xembojere rei va'e áry. 
\q2 Ixupegua oo py arovy'a vy mba'emo ame'ẽ 'rã. 
\q2 Aporaei ha'e ambopu 'rã \nd Senhor\nd* pe. 
\q1  
\v 7 \nd Senhor\nd*, endu ke xeayvua, 
\q2 ndevy ajapukai rã. 
\q2 Xemboaxy ha'e xembovai. 
\q1  
\v 8 Xepy'a re amoĩ “Xereka ke xereve reiko aguã” 'rea. 
\q2 Ha'e ramo roeka 'rã \nd Senhor\nd*, ndereve aiko aguã. 
\q1  
\v 9 \nd Senhor\nd*, ejexa uka e'ỹ eme xevy. 
\q2 Ndepoxy reve xemoxẽ eme xee nerembiguai. 
\q2 Mba'eta ndee ma xepytyvõa reiko. 
\q2 Xeruete xereraa jepea, 
\q2 epena e'ỹ eme xere, xereja eme xeae'i. 
\q1  
\v 10 Mba'eta xeru ha'e xexy xereja teĩ 
\q2 \nd Senhor\nd* xereru 'rã. 
\q1  
\v 11 \nd Senhor\nd*, xembo'e ke ndeguigua tape rupi aiko aguã, 
\q2 tape jojaa rupi xerereko xere oma'ẽ mbegue va'e kuery gui. 
\q1  
\v 12 Xemboaxa eme xerovaigua kuery oipotaa rami xerereko aguã. 
\q2 Mba'eta xerovai opu'ã rei okuapy ayvu rive py, 
\q2 joapo vai aguã re anho nhomongeta va'e. 
\q1  
\v 13 Xee ajerovia \nd Senhor\nd* porayvua aexa aguã 
\q2 yvy re aikove teri reve. 
\q1  
\v 14 Pearõ ke \nd Senhor\nd*. 
\q2 Pendekuerai eme, pendepy'a guaxu 
\q2 ha'e pearõ tema \nd Senhor\nd*. 
\c 28  
\s1 Oguerovy'a reve ojerurea 
\d Mboraeirã Davi ombopara va'ekue. 
\q1  
\v 1 \nd Senhor\nd*, ndevy pe ajapukai. 
\q2 Xe'itaova, endu e'ỹ eme ke xeayvua, 
\q2 mba'eta naxembovai ramo 
\q2 yvykua py oguejy va'e kuery rami akanhy 'rã. 
\q1  
\v 2 Endu ke xereraa jepe aguã re ajapukai ramo, 
\q2 nerenda iky'a e'ỹ va'e katy xepo aupi reve. 
\q1  
\v 3 Xembotyryry eme ke heko vai va'e kuery 
\q2 opa marã rei ikuai va'e reve. 
\q2 Ha'e kuery ma ikuai porã aguã re merami rive ijayvu oirũ pe, 
\q2 teĩ ipy'a re ma opa marãgua anho oĩ. 
\q1  
\v 4 Embopaga ke ha'e kuery ojapoague rami, 
\q2 mba'emo vai ojapoague re. 
\q2 Eme'ẽ ha'e kuery opo py ojapoague rekovia, 
\q2 embojoja ha'e kuery ojapoague repy.\x * \xo 28:4 \xt Mateus 16.27; Apocalipse 22.12\x* 
\q1  
\v 5 Ha'e kuery ndoikuaa potai \nd Senhor\nd* ojapo va'e re, 
\q2 neĩ opo py ojapo va'ekue re. 
\q2 Ha'e ramo \nd Senhor\nd* oitypa 'rã, nomopu'ã jevyvei 'rã guive. 
\q1  
\v 6 Ta'ima'endu'a porãa \nd Senhor\nd* re, 
\q2 xereraa jepe aguã re ajapukai ramo xerendu rire. 
\q1  
\v 7 \nd Senhor\nd* ae xemombaraetea ha'e mba'emo vai jokoa. 
\q2 Hexe xekuraxõ ojerovia. 
\q2 Ha'e xereraa jepe ramo xekuraxõ ovy'a, 
\q2 ha'e ixupe aporaei reve amboete 'rã. 
\q1  
\v 8 \nd Senhor\nd* omombaraete 'rã ixupe ikuai va'e, 
\q2 hembiporavo onhemi vy oo jepe aguã. 
\q1  
\v 9 Eraa jepe ke ndevygua kuery, 
\q2 emoingo porã ndevygua kuery. 
\q2 Ha'e kuery re epena ha'e emboyvate raka'e rã peve. 
\c 29  
\s1 Yapu ha'e overa rupi Nhanderuete ayvu onhendua re ijayvua 
\d Mboraeirã Davi ombopara va'ekue. 
\q1  
\v 1 Nhanderuete ra'y kuery pendekuai va'e, pemboete \nd Senhor\nd*,\f + \fr 29:1 \ft “Nhanderuete ra'y kuery” he'ia ma amongue henda py yva pygua anjo kuery pe ijayvu vy (Salmo 103.20), ha'e rami e'ỹ vy ojerovia va'e kuery pe (Salmo 82.6, 96.7-9).\f* 
\q2 perovy'a \nd Senhor\nd* rexakãa ha'e imbaraetea. 
\q1  
\v 2 Pemboete \nd Senhor\nd* hery pemboete aguã ha'evea rami. 
\q2 Pembojerovia \nd Senhor\nd* iky'a e'ỹa rexakãa py. 
\q1  
\v 3 Yy áry rupi onhendu \nd Senhor\nd* ijayvua.\f + \fr 29:3 \ft Apy ma omombe'u Nhanderuete opo'akaa oexa uka vy oky ryapu ha'e overa yvytu reve ombou. Hyapu pe “Nhanderuete ijayvua” he'i.\f* 
\q2 Nhanderuete yapu guexakãa gui. 
\q2 Yy tuvixa va'e áry rupi \nd Senhor\nd* oiko. 
\q1  
\v 4 \nd Senhor\nd* ayvu ma ipo'akapa va'e. 
\q2 \nd Senhor\nd* ayvu re yvatea anho oĩ. 
\q1  
\v 5 \nd Senhor\nd* ayvu omopẽ 'rã yary ikuai va'e. 
\q2 Tá, \nd Senhor\nd* omboa'ypa 'rã yary Líbano py ikuai va'e. 
\q1  
\v 6 Líbano ha'e Siriom yvyty áry ikuai va'e 
\q2 ojapo 'rã vaka ra'y rami opo-opo aguã rami, vaka ka'aguy regua rami. 
\q1  
\v 7 \nd Senhor\nd* ayvu ojapo 'rã tata hendy ovy aguã rami. 
\q1  
\v 8 \nd Senhor\nd* ayvu omboryryi 'rã tekoa e'ỹa. 
\q2 \nd Senhor\nd* ojapo 'rã Cades tekoa e'ỹa rupi yvy oryryi aguã rami. 
\q1  
\v 9 \nd Senhor\nd* ayvu ma ojapo 'rã guaxu kuery ta'y'i aguã rami, 
\q2 oitypa 'rã ka'aguy. 
\q2 Ha'e ramo ixupegua templo py ha'e javi “Iporã ete!” he'i okuapy. 
\q1  
\v 10 \nd Senhor\nd* opena raka'e yy ou jave. 
\q2 Huvixave rami opena 'rã raka'e rã peve. 
\q1  
\v 11 \nd Senhor\nd* omombaraete 'rã ojeupegua kuery. 
\q2 \nd Senhor\nd* omoingo porã 'rã ojeupegua kuery. 
\c 30  
\s1 Omano ta ramo ogueraa jepe rire oguerovy'aa ague 
\d Mboraeirã Davi ombopara va'ekue oo guaxu Nhanderuete pe omboaxa jave. 
\q1  
\v 1 \nd Senhor\nd*, xee ma romboete 'rã, 
\q2 xereraa jepe rire. 
\q2 Nderejapoi xerovaigua kuery xere ovy'a rei aguã rami. 
\q1  
\v 2 \nd Senhor\nd* Xeruete, ndevy pe ajapukai va'ekue xereraa jepe aguã. 
\q2 Ha'e ramo xemonguera. 
\q1  
\v 3 Rejapo yvykua gui xenhe'ẽ oẽ ju aguã rami. 
\q2 Xerekove re repena yvykua py aguejy e'ỹ aguã. 
\q1  
\v 4 Peẽ ixupegua pendeky'a e'ỹ va'e, peporaei pekuapy \nd Senhor\nd* pe, 
\q2 perovy'a hery iky'a e'ỹ va'e. 
\q1  
\v 5 Mba'eta ipoxya ma xapy'a'i guarã anho. 
\q2 Ha'e rã nhanderayvua ma jaikovea pukukue re 'rã oĩ. 
\q2 Pytũ ouvy rã onhendu 'rã ojae'o va'e. 
\q2 Va'eri ko'ẽ ma rã ou 'rã vy'a. 
\q1  
\v 6 Xee aiko porã rei jave 
\q2 “Ndaxereityai 'rã” ha'e va'ekue. 
\q1  
\v 7 Ndee \nd Senhor\nd* xemboaxya rupi ae 
\q2 rejapo xee aĩa yvyty oĩ atã aguã rami.\f + \fr 30:7 \ft “Xevygua yvyty” he'ia ma opo'akaa re ijayvu vy.\f* 
\q2 Mba'eta nderejexa ukai ramo 
\q2 xee ajexavai. 
\q1  
\v 8 \nd Senhor\nd*, ndevy pe ajapukai. 
\q2 \nd Senhor\nd*, ndevy ae ajerure. 
\q1  
\v 9 Mba'erã tu xeruguy ovare 'rã yvykua py aguejy rã? 
\q2 Ndevy pe iku'ikue oporaei 'rã ri ty'y? 
\q2 Ha'e nunga oikuaa uka 'rã teve ndeguigua anhetẽ va'e? 
\q1  
\v 10 \nd Senhor\nd*, endu ha'e xemboaxy ke. 
\q2 \nd Senhor\nd*, enhemoĩ xepytyvõarã. 
\q1  
\v 11 Xerexaya gui xemombytu'u avy'a ju aguã. 
\q2 Xegui reipe'a ma ajukue vaikue,\f + \fr 30:11 \ft Ajukue vaikue py ha'e kuery onhemonde 'rã ipy'a vai vy (Mateus 11.21).\f* 
\q2 hekovia avy'a ete aguã ju remoĩ, 
\q1  
\v 12 xenhe'ẽ opytu'u e'ỹ re oporaei aguã. 
\q2 \nd Senhor\nd* Xeruete, roguerovy'a 'rã raka'e rã peve. 
\c 31  
\s1 Iporiauague gui oguerovy'aa ague 
\d Jogueroporaei va'e pe mboraeirã Davi ombopara va'ekue. 
\q1  
\v 1 \nd Senhor\nd*, ndere ae anhemi va'e. 
\q2 Taiko eme oxĩmba rei va'e. 
\q2 Xereraa jepe ke ndereko porãa rupi vy. 
\q1  
\v 2 Endu ke ndeapyxa py, xereraa jepe pojava aguã. 
\q2 Enhemoĩ xevy oo ikorapa va'e, 
\q2 oo imbaraete vaipa va'e aa jepe aguã. 
\q1  
\v 3 Mba'eta ndee ae xe'itaova ha'e oo ikorapa va'e reiko. 
\q2 Nderery remboete ukaa rupi vy xerereko ha'e xembo'e 'rã. 
\q1  
\v 4 Xepe'a 'rã nhuã nhemi rupi omoĩ mbyre gui, 
\q2 mba'eta ndee ma xemombaraetea. 
\q1  
\v 5 Ndepo py ae amboaxa xenhe'ẽ.\f + \fr 31:5 \ft Kova'e ayvu rupi Jesus Cristo ijayvu kuruxu re omano jave (Lucas 23.46).\f* 
\q2 \nd Senhor\nd* Xeruete anhetẽ va'e, ndee ae xerepy. 
\q1  
\v 6 Rejou vai mba'emo ra'angaa ombojerovia va'e. 
\q2 Ha'e rã xee ma \nd Senhor\nd* re anho ajerovia. 
\q1  
\v 7 Xee roguerovy'a, ajou porã 'rã ndeporayvua, 
\q2 mba'eta reikuaa pota ajexavaia re, 
\q2 reikuaa xenhe'ẽ oiko axya. 
\q1  
\v 8 Naxemboaxai xerovaigua kuery po py. 
\q2 Xemopu'ã imo'amy peteĩ henda tuvixaa py aiko aguã. 
\q1  
\v 9 \nd Senhor\nd*, ajexavaia aendu rã xemboaxy ke. 
\q2 Xeporiau reia gui xerexa voi opa ovy. 
\q2 Xerekove, xerete guive opa. 
\q1  
\v 10 Xerekovea ma iporiaua re anho oaxa ovy, 
\q2 xepoaẽa rupi tema aiko ma'etỹa nhavõ. 
\q2 Ajejavypa rire naxembaraeteive-ive avy, 
\q2 xekãgue voi opa ovy. 
\q1  
\v 11 Xerovaigua kuery ha'e javi ojeguaru aguã rami aiko, 
\q2 xero katy'i ikuai va'e kuery voi onhemondyipa xegui. 
\q2 Xerexa va'ety kuery ndaxerexa xeveipa okuapy, 
\q2 tape rupi xerexa va'e onha xegui. 
\q1  
\v 12 Xegui ha'e kuery hexaraipa ma opy'a py, omanogue gui rami, 
\q2 karo nhae'ũ guigua vokue rami aiko. 
\q1  
\v 13 Mba'eta xee aendu heta ijayvu mbegue okuapy ramo, 
\q2 xeyke jovaive rupi ikuai xemongyjexe vy. 
\q2 Xere ijayvu mbegue vy 
\q2 onhembopy'a okuapy xerekove oipe'a aguã. 
\q1  
\v 14 Ha'e rã xee ma ajerovia \nd Senhor\nd* re. 
\q2 Ndevy pe “Ndee ma Xeruete” ha'e. 
\q1  
\v 15 Ndepo py oĩ xe'ára. 
\q2 Xepe'a ke xerovaigua kuery po gui, 
\q2 xerakykue monhaa kuery xejukaxea gui. 
\q1  
\v 16 Emoexakã ke nderova xee nerembiguai áry. 
\q2 Xemboaxy vy xereraa jepe. 
\q1  
\v 17 \nd Senhor\nd*, ndevy pe ajapukai rire 
\q2 ejapo eme axĩmba aguã rami. 
\q2 Toxĩmba heko vai va'e kuery ae, 
\q2 tokyrirĩmba omanoa py. 
\q1  
\v 18 Emokyrirĩ ijapu va'e kuery, 
\q2 heko porã va'e re opa marã rei ijayvu va'e, 
\q2 onhemboarai rei, ojee ae ojerovia okuapy va'e. 
\q1  
\v 19 Ndeporayvua ma yvate ete va'e, 
\q2 nerenonde ojererokyjea rupi ikuai va'e pe rexa uka aguã rereko va'e. 
\q2 Ha'e va'e ma rexa uka 'rã avakue ra'y kuery gui ndere onhemi va'e kuery pe anho. 
\q1  
\v 20 Ha'e kuery renhomi 'rã ndejee ae avakue ojapo vaixea gui. 
\q2 Ha'e py renhomi 'rã opa marãgua ayvu gui. 
\q1  
\v 21 Ta'ima'endu'a porãa \nd Senhor\nd* re! 
\q2 Mba'eta xemboaxy ete 
\q2 peteĩ tetã py xejokopaa ramo. 
\q1  
\v 22 Xee ajapura reve 
\q2 “Navaẽvei ma 'rã nerenonde py” ha'e va'ekue. 
\q2 Ha'e rami teĩ ndee rendu ajapukaia, 
\q2 xereraa jepe aguã re ajapukai ramo. 
\q1  
\v 23 \nd Senhor\nd* pegua iky'a e'ỹ va'e ha'e javi, peayvu ke. 
\q2 \nd Senhor\nd* ndoity ukai 'rã hexe ojerovia va'e. 
\q2 Ha'e rã heko vai va'e ma ombopaga vaipa 'rã. 
\q1  
\v 24 \nd Senhor\nd* pearõ va'e kuery, 
\q2 penembaraete ke, pendepy'a guaxu tema!\x * \xo 31:24 \xt 1 Coríntios 16.13\x* 
\c 32  
\s1 Ojejavyague omboguepa rire oguerovy'aa ague 
\d Mboraeirã Davi ombopara va'ekue nhanembo'e aguã. 
\q1  
\v 1 Ovy'a ete 'rã heko vaiague omboguepaa va'e, 
\q2 ojejavyague ojao'ipaa ma ramo. 
\q1  
\v 2 Ovy'a ete 'rã ava ixupe \nd Senhor\nd* “Heko vai va'e” nde'i ramo, 
\q2 ipy'a re onhenhomi aguã noĩ va'e.\x * \xo 32:2 \xt Romanos 4.4-8\x* 
\q1  
\v 3 Xee ma ajejavyague namombe'ui teri jave 
\q2 xekãgue voi inhymave ovy ko'ẽ nhavõ xepoaẽ ramo.\f + \fr 32:3 \ft Davi ojejavyague ha'e onhemombe'uague re ijayvua ma 2 Samuel 11.1–12.14 py oĩ.\f* 
\q1  
\v 4 Mba'eta ara py ha'e pyávy xere aendu va'ekue ndepo poyia. 
\q2 Ha'e ramo xembaraetea opa ovy kuaray puku py yy typaa rami. 
\q1  
\v 5 Ha'e gui ma ajejavyague amombe'upa ndevy, 
\q2 xereko vaia nanhomivei. 
\q2 Xejeupe aipoa'e: “Amombe'u 'rã \nd Senhor\nd* pe xereko vaia.” 
\q2 Ha'e ramo remboguepa ajejavyague. 
\q1  
\v 6 Ha'e ramo ndevygua kuery ha'e javi tojapukai ndevy 
\q2 ndejou aguã ha'eve teria ja. 
\q2 Ha'e rami vy ha'e kuery re yy tyguaxu ouvy teĩ ndoguerovyi 'rã. 
\q1  
\v 7 Ndee ma anhemiaty. 
\q2 Xereraa jepe 'rã ajexavaia gui, 
\q2 ha'e xereraa jepeague re remoĩ avy'a reve rogueroporaei aguã. 
\q1  
\v 8 Aipo're: “Romo'arandu ha'e rombo'e 'rã tape reo aguã re. 
\q2 Ndere ama'ẽ ha'e romongeta 'rã. 
\q1  
\v 9 Kavaju, mburika rami e'ỹ eme eiko. 
\q2 Ha'e kuery ijuru xã, e'ỹ vy hova regua reve vy 'rãe rereko. 
\q2 Ha'e rami e'ỹ ramo ndoikoi 'rã reipotaa rami” 're.\f + \fr 32:9 \ft Apy ma Nhanderuete ijayvu nhandevy.\f* 
\q1  
\v 10 Heko vai va'e ma ojexavai ete 'rã. 
\q2 Ha'e rã \nd Senhor\nd* re ojerovia va'e ma omboaxya rupi 'rã oguereko. 
\q1  
\v 11 Pendereko porã va'e, perovy'a ke \nd Senhor\nd*, pevy'a ete. 
\q2 Pevy'aa rupi peporaei atã, 
\q2 pendepy'a re teko porã oĩa va'e ha'e javi. 
\c 33  
\s1 Opa mba'e moingoare ha'e opena va'e pe oporaeia 
\q1  
\v 1 Pendereko porã va'e, perovy'a \nd Senhor\nd*! 
\q2 Anhetẽ rupi ikuai va'e ogueroporaeia ma ha'eve va'e. 
\q1  
\v 2 Penema'endu'a \nd Senhor\nd* re ixã reta va'e reve pembojoguy vy. 
\q2 Ixupe peporaei mbaraka dez ixã va'e reve. 
\q1  
\v 3 Pemonhendu mboraei pyau, 
\q2 pembopu ke pevy'aa rupi.\x * \xo 33:3 \xt Apocalipse 5.9, 14.3\x* 
\q1  
\v 4 Mba'eta \nd Senhor\nd* ayvu ma anhetẽ ete va'e, 
\q2 ha'e mba'emo ojapoa ha'e javi rupi ojeroviapy oiko. 
\q1  
\v 5 Oguerovy'a 'rã heko porã ha'e ha'evea rami joguereko va'e. 
\q2 Yvy jave re oĩ \nd Senhor\nd* porayvua. 
\q1  
\v 6 Yva ma oayvu py rive ojapo raka'e, 
\q2 ijayvuẽ gui yva regua ha'e javi ikuai. 
\q1  
\v 7 Yy avi omboaty raka'e ye'ẽ tuvixa va'erã, 
\q2 ono'õ reta vy omonyẽ hendarã va'ekue. 
\q1  
\v 8 Yvy jave re pendekuai va'e, pemboete \nd Senhor\nd*. 
\q2 Yvy re pendekuai va'e ha'e javi, henonde pejererokyjea rupi pendekuai. 
\q1  
\v 9 Mba'eta ijayvu ramo rive opa mba'e ojekuaa, 
\q2 ha'e ijayvua rupi opa mba'e oiko raka'e.\x * \xo 33:9 \xt Hebreus 11.3\x* 
\q1  
\v 10 \nd Senhor\nd* omboaxa rivepa 'rã yvy regua kuery onhembopy'a okuapya, 
\q2 ombovaipa 'rã ha'e kuery ojapoxe va'e. 
\q1  
\v 11 Ha'e rã \nd Senhor\nd* onhembopy'aa ma ndoaxa rivei 'rã raka'e rã peve guarã, 
\q2 opy'a re omoĩ va'e oĩ 'rã ta'y jevy-jevy ikuaia peve. 
\q1  
\v 12 \nd Senhor\nd* pe “Oreruete” he'i va'e regua ma ovy'a ete 'rã, 
\q2 ojeupe guarã ae oiporavo rire. 
\q1  
\v 13 Yva gui \nd Senhor\nd* oma'ẽ oiny vy 
\q2 oexapa 'rã avakue ra'y kuery ikuaia. 
\q1  
\v 14 O'amba gui oexapa yvy regua kuery. 
\q1  
\v 15 Peteĩ-teĩ kuraxõ apoare 
\q2 oexapa ha'e kuery ojapo va'e ha'e javi. 
\q1  
\v 16 Nda'ipoi huvixave oxondaro kuery po'akaa rupi oo jepe va'erã, 
\q2 ojerovia rei va'e teĩ ombaraetea py rive ndoo jepei 'rã. 
\q1  
\v 17 Kavaju voi nanhombopo'akai 'rã. 
\q2 Imbaraete teĩ ndogueraa jepei 'rã avave rei. 
\q1  
\v 18 Ha'e rã \nd Senhor\nd* ma oma'ẽ 'rã oiny henonde ojererokyjea rupi ikuai va'e re, 
\q2 omboaxy aguã oarõ okuapy va'e re. 
\q1  
\v 19 Ha'e kuery rekovea ogueraa jepe 'rã omanoa gui, 
\q2 karuai jave voi opena 'rã okuave aguã rami. 
\q1  
\v 20 Nhanenhe'ẽ py nharõ \nd Senhor\nd* nhanepytyvõ aguã, 
\q2 nhanderepya ha'e mba'emo vai jokoa oiko ramo. 
\q1  
\v 21 Hexe ae nhanekuraxõ ovy'a 'rã, 
\q2 hery iky'a e'ỹ va'e re jajerovia ramo. 
\q1  
\v 22 \nd Senhor\nd*, orerereko ke oremboaxya rupi, 
\q2 ndee ae roarõ ramo. 
\c 34  
\s1 “Peikuaa pota \nd Senhor\nd* porayvua re”, he'ia 
\d Abimeleque renonde Davi inhakã porã e'ỹa rami onhemoingo ramo omoxẽ jave oo vy mboraeirã ombopara va'ekue (1 Samuel 21.10-15). 
\q1  
\v 1 Ára nhavõ xema'endu'a porã 'rã \nd Senhor\nd* re. 
\q2 Ixupe aporaei riae 'rã. 
\q1  
\v 2 Xenhe'ẽ py voi aporaei 'rã \nd Senhor\nd* pe. 
\q2 Ha'e ramo yvyĩgue'i oendu vy ovy'a 'rã. 
\q1  
\v 3 Pemboete ke \nd Senhor\nd* xereve, 
\q2 peteĩ rami jarovy'a hery. 
\q1  
\v 4 \nd Senhor\nd* pe ajapukai ramo xere opena karamboae. 
\q2 Xereraa jepe guive akyjea ha'e javi gui. 
\q1  
\v 5 Pema'ẽ hexe, ha'e ramo penemoexakã 'rã. 
\q2 Pendere noĩvei 'rã pexĩmbaa. 
\q1  
\v 6 Xee ajexavai vy ajapukaia \nd Senhor\nd* oendu vy 
\q2 xereraa jepe karamboae opa mba'e py aiko axya gui. 
\q1  
\v 7 \nd Senhor\nd* renonde ojererokyjea rupi ikuai va'e yvýry ma 
\q2 ixuguigua anjo oiko ogueraa jepe aguã. 
\q1  
\v 8 Peikuaa pota pexa aguã \nd Senhor\nd* porayvua. 
\q2 Ovy'a ete 'rã hexe onhemi va'e kuery. 
\q1  
\v 9 \nd Senhor\nd* rembiporavo pendekuai va'e, pendekuai henonde pejererokyjea rupi, 
\q2 mba'eta ha'e rami ikuai va'e pe ndoatai 'rã mba'eve rei. 
\q1  
\v 10 Guary ra'y kue'iry ojexavai ha'e oendu 'rã karuai. 
\q2 Ha'e rã \nd Senhor\nd* oeka va'e pe ma mba'emo porã ndoatai. 
\q1  
\v 11 Xera'y kuery, peju ke, pejapyxaka xeayvu re. 
\q2 Xee rombo'e 'rã \nd Senhor\nd* renonde pejererokyjea rupi peiko aguã re. 
\q1  
\v 12 Peẽ kuery tu pendekove reve peikoxe 
\q2 ha'e peikove pukuxe, iporã va'e rupi pevy'a aguã? 
\q1  
\v 13 Ha'e rami ri vy pejoko peneapekũ mba'emo vaia rupi pendeayvua gui, 
\q2 pendejuru guive pejoko apu gui. 
\q1  
\v 14 Pejepe'a mba'emo vai gui, iporã va'e rupi anho peiko. 
\q2 Peka peteĩ rami pendekuai aguã, penhea'ã ha'e rami aguã re ae. 
\q1  
\v 15 Heko porã va'e re \nd Senhor\nd* oma'ẽ 'rã oiny, 
\q2 ojapyxaka oendu aguã ojapukaia. 
\q1  
\v 16 Ha'e rã mba'emo vai apoa ma \nd Senhor\nd* ndoexaxei, 
\q2 yvy gui omboguepa 'rã ha'e kuery re ima'endu'aa.\x * \xo 34:16 \xt 1 Pedro 3.9-12\x* 
\q1  
\v 17 Ha'e rã heko porã va'e ojapukai ramo ma \nd Senhor\nd* oendu 'rã, 
\q2 ogueraa jepe 'rã oiko axya ha'e javi gui. 
\q1  
\v 18 \nd Senhor\nd* nonhemombyryi 'rã opy'a py nda'evei va'ea gui, 
\q2 ogueraa jepe 'rã onhe'ẽ py ojexavai va'e. 
\q1  
\v 19 Mbovykue rei e'ỹ 'rã oiko heko porã va'e ojexavai aguã. 
\q2 Ha'e rami teĩ \nd Senhor\nd* ogueraa jepe 'rã ha'e nunga ha'e javi gui. 
\q1  
\v 20 Opena 'rã ikãgue ha'e javi re, 
\q2 neĩ peteĩ ma nomopẽ ukai 'rã.\f + \fr 34:20 \ft Kova'e ayvu rami vy Jesus omano jave ikãgue nomopẽai (João 19.28-37).\f* 
\q1  
\v 21 Teko vai ae ojuka 'rã heko vai va'e. 
\q2 Heko porã va'e ndoayvui va'e kuery ombopagaa 'rã. 
\q1  
\v 22 Ha'e rã guembiguai kuery rekove ma \nd Senhor\nd* oepy 'rã. 
\q2 Hexe ojerovia va'e regua peteĩve nombopagaai 'rã. 
\c 35  
\s1 Hovaigua kuery ombopaga aguã re ojerurea ague 
\d Mboraeirã Davi ombopara va'ekue. 
\q1  
\v 1 \nd Senhor\nd*, emoingo axy ke xemoingo axy va'e kuery, 
\q2 epu'ã xere opu'ã va'e re. 
\q1  
\v 2 Eru hu'y jokoa ha'e nemo'ãa tuvixa va'e, 
\q2 epu'ã ejuvy xerepy aguã. 
\q1  
\v 3 Eru hu'y guaxu, 
\q2 ha'e ejoko xerakykue monhaa kuery. 
\q2 Xenhe'ẽ pe aipo're: 
\q2 “Xee ma ndereraa jepea.” 
\q1  
\v 4 Tove xejukaxe okuapy va'e nda'evei nho ta'ikuai ha'e toxĩmba. 
\q2 Xere ijayvu mbegue rei va'e toguevipa oxĩmba reve. 
\q1  
\v 5 Ta'ikuai mba'emo pire yvytu omboveve heravy va'e rami, 
\q2 \nd Senhor\nd*-a guigua anjo omondyipa ramo. 
\q1  
\v 6 Tojevy ju tape kyjea yxyĩ va'e rupi, 
\q2 ha'e \nd Senhor\nd*-a guigua anjo toakykue monha. 
\q1  
\v 7 Mba'eta mba'e py e'ỹ ha'e kuery xembo'axe okuapy nhuã py, 
\q2 mba'e py e'ỹ yvy ojo'o xerekovea oipe'a aguã. 
\q1  
\v 8 Ha'e ramo xerovaigua kuery tokanhymba xapy'a 
\q2 noexa'ãvei ma jave. 
\q2 Ha'e kuery ae to'a nhuã nhemi rupi ojapo va'ekue py. 
\q2 Ha'e va'e py ae ho'a vy tokanhy. 
\q1  
\v 9 Ha'e ramo xenhe'ẽ py xee avy'a 'rã \nd Senhor\nd* re, 
\q2 xereraa jepeague re xema'endu'a 'rã. 
\q1  
\v 10 Xerete ha'e javi py aipoa'e 'rã: 
\q2 “ \nd Senhor\nd*, mava'e nda'u ndee rami guarã oiko? 
\q2 Mba'eta ndee ma ojexavai va'e reraa jepe 'rã imbaraeteve va'e gui. 
\q2 Ndovy'ai va'e ha'e iporiaukue'i reraa jepe 'rã imbojexavaia kuery gui.” 
\q1  
\v 11 Heko vai va'e kuery opu'ã vy 
\q2 xere ijayvu 'rã xee aikuaa va'e rupi e'ỹ. 
\q1  
\v 12 Mba'emo porã ajapoague rekovia mba'emo vai ha'e kuery ojapo xere, 
\q2 xerekove omokanhyxe vy. 
\q1  
\v 13 Ha'e gui xee ma ha'e kuery imba'eaxy ramo 
\q2 ajukue vaikue py anhemonde va'ekue.\f + \fr 35:13 \ft Ajukue vaikue py onhemonde 'rã ipy'a vai vy (Salmo 30.11; Mateus 11.21).\f* 
\q2 Xepy'a vai aikovy va'ekue akaru e'ỹ re, 
\q2 xeakã amboguejy reve anhembo'e ainy. 
\q1  
\v 14 Ha'e kuery re xepy'a vai aikovy xeirũ ae'i re rami, xeryvy re rami ae. 
\q2 Jexavai gui ajero'a rei'i aikovy oxy re ojae'o va'e rami. 
\q1  
\v 15 Ha'e rã xee anhepyxanga ramo 
\q2 ha'e kuery ovy'a vy onhemboaty okuapy xerovai. 
\q2 Omboetepy e'ỹ neĩ xee aexa va'ety e'ỹ ijayvu rei okuapy xere. 
\q1  
\v 16 Ngarua py opa marã ovy'a va'e rami 
\q2 ha'e kuery haĩ jekyty okuapy xere. 
\q1  
\v 17 \nd Senhor\nd*, raka'e peve 'rã tu rema'ẽ rive? 
\q2 Eraa jepe xerekove ha'e kuery ipoxya gui, 
\q2 guary kuery gui epy xerekove. 
\q1  
\v 18 Ha'e ramo xee roguerovy'a 'rã heta va'e kuery ijatya py. 
\q2 Ndevy aporaei 'rã heta mbyte. 
\q1  
\v 19 Ha'e rã ndaxerayvui rive va'e ma tovy'a reive eme. 
\q2 Mba'e py e'ỹ xere nda'ija'ei va'e toxapymi reive eme.\x * \xo 35:19 \xt João 15.25\x* 
\q1  
\v 20 Peteĩ rami ikuai aguã re e'ỹ ae ha'e kuery ijayvu. 
\q2 Ha'e rami 'rãgue py yvy re ikuai rive'i va'e ombotavy aguã re anho jogueroayvu okuapy. 
\q1  
\v 21 Ijuruja-rujai 'rã okuapy xere. 
\q2 Ha'e vy aipoe'i 'rã: 
\q2 “Jajopy ma, jajopy ma teve! 
\q2 Mba'emo ojapo rã nhanderexa py ae jaexa.” 
\q1  
\v 22 Ha'e rami teĩ ndee \nd Senhor\nd* rexa reiny ha'e kuery ikuaia. 
\q2 Ha'e rami vy ekyrirĩ eme. 
\q2 \nd Senhor\nd*, ejepe'a eme xea gui. 
\q1  
\v 23 Emyĩ, evy ke xemboeko porã aguã. 
\q2 Xe-\nd Senhor\nd* Xeruete, eikuaa uka xereko porãa. 
\q1  
\v 24 \nd Senhor\nd* Xeruete, xereko re eikuaa pota ndereko porãa rupi. 
\q2 Ejapo eme xere ha'e kuery ovy'a rei okuapy aguã rami. 
\q1  
\v 25 Ha'e kuery aipo te'i eme opy'a py: 
\q2 “Aỹ ma oiko ma jaipotaa rami! 
\q2 Aỹ ma nhamomba 'rã!” te'i eme. 
\q1  
\v 26 Ha'e rami 'rãgue py toxĩmba, tojekuaa heko vaia 
\q2 ajexavai rã ovy'a rei okuapyague re. 
\q2 Ta'ikuai oxĩmba ete va'e 
\q2 xerovai onhemboyvate rei rire. 
\q1  
\v 27 Ha'e rã xereko porãa oguerovy'a va'e ma 
\q2 toporaei okuapy ovy'aa rupi. 
\q2 Ha'e kuery ma aipo te'i riae: “Omboetepy toiko \nd Senhor\nd*, 
\q2 hembiguai kuery ikuai porã rã ovy'a va'e.” 
\q1  
\v 28 Xee avi xeayvu reve xema'endu'a 'rã ha'evea rami rejapoa re. 
\q2 Ára pukukue re aporaei 'rã ndevy. 
\c 36  
\s1 Avakue reko vaia ha'e Nhanderuete reko porãa re ijayvua 
\d Jogueroporaei va'e pe Davi \nd Senhor\nd* rembiguai ombopara va'ekue. 
\q1  
\v 1 Heko vai va'e py'a re ma oĩ heko vaixea anho. 
\q2 Ha'e kuery re noĩ \nd Senhor\nd* renonde ojererokyje aguã.\x * \xo 36:1 \xt Romanos 3.18\x* 
\q1  
\v 2 Mba'eta teko vai ojapo 'rã ojejou porã rei aguã rami rive. 
\q2 Ha'e vy aipoe'i 'rã ojeupe: “Opa marã aiko teĩ avave rei ndoikuaai 'rã, 
\q2 neĩ ndaxejou vai 'rã guive”, he'i teĩ. 
\q1  
\v 3 Ijuru gui ayvu oẽ va'e ma ayvu vai anho, ha'e nhombotavyarã. 
\q2 Hi'arandua rupi ve'ỹ oiko, joupe ndojapo porãvei ma guive. 
\q1  
\v 4 Ngupa py voi opa mba'e vai re rive onhembopy'a. 
\q2 Tape iporã e'ỹ va'e rupi anho ooxe, 
\q2 ndojejokoi guive mba'emo vai py. 
\q1  
\v 5 Ha'e rã ndee \nd Senhor\nd*, ndeporayvua ma yva peve 'rã oo, 
\q2 arai peve 'rã oo ojeroviapy reikoa. 
\q1  
\v 6 Ndereko porãa ma ndevygua yvyty rami tuvixa, 
\q2 ha'e gui ne'arandua ma yvykua puku rami. 
\q2 Ndee \nd Senhor\nd* rejapo 'rã avakue ha'e mymba okuave aguã rami. 
\q1  
\v 7 Xeruete, ndeporayvua ma ha'eve ete! 
\q2 Ha'e nunga rupi ae avakue ra'y kuery onhemi 'rã ndepepo 'ã py. 
\q1  
\v 8 Ndero py orerevyatã 'rã mba'emo porã re anho, 
\q2 ha'e rã roy'u aguã ma orembovy'a va'e anho reme'ẽ. 
\q1  
\v 9 Mba'eta ndere ae oĩ yvu tekove me'ẽa. 
\q2 Nerexakãa py anho roexa 'rã hexakã va'e. 
\q1  
\v 10 Ndekuaa va'e kuery pe exa uka riae reayvua, 
\q2 ha'e ndereko porãa eikuaa uka anhetẽ rupi ipy'a va'e pe. 
\q1  
\v 11 Ojee rive ojerovia va'e kuery topyrõ eme xere, 
\q2 neĩ heko vai va'e tojapo eme ajepe'a aguã rami. 
\q1  
\v 12 Mba'eta teko vai rupi ikuai va'e ho'apa 'rã. 
\q2 Ha'e kuery ho'aague gui nopu'ãvei 'rã guive. 
\c 37  
\s1 “Heko vai va'e ovy'aa opa voi 'rã” he'ia 
\d Mboraeirã Davi ombopara va'ekue. 
\q1  
\v 1 Heko vai va'e kuery rexa teĩ eroangeko eme, 
\q2 ejou vai eme guive joapo vai rei va'e oguerekopa ramo. 
\q1  
\v 2 Mba'eta ha'e kuery ma are'ỹ re ipiru 'rã nhuũ rami, 
\q2 jai rogue pyau ipirua rami 'rã okanhy. 
\q1  
\v 3 Ejerovia \nd Senhor\nd* re, ndereko porã tema. 
\q2 Eiko tema yvy re, anhetẽ va'e re anho eĩ atã.\f + \fr 37:3 \ft Apy “Yvy” he'ia ma ojeupegua kuery pe Nhanderuete oeja va'ekue re ijayvu vy.\f* 
\q1  
\v 4 \nd Senhor\nd* ae erovy'a. 
\q2 Ha'e ramo ha'e ojapo 'rã ndepy'a py reipotaa oĩ va'e. 
\q1  
\v 5 \nd Senhor\nd* po py emboaxa reikoa, hexe ejerovia guive. 
\q2 Ha'e ramo ha'e ojapopa 'rã. 
\q1  
\v 6 Ha'e vy ojapo 'rã ndereko porãa tataendy rami ojekuaa aguã, 
\q2 anhetẽ rupi reikoa oikuaa uka 'rã kuaray mbyte rami. 
\q1  
\v 7 Epytu'u ke \nd Senhor\nd* re, ha'e earõ. 
\q2 Eroangeko eme avakue mamo rã ooa rupi ojoupa ramo, 
\q2 neĩ joapo vaixea rupi ikuai ramo voi. 
\q1  
\v 8 Ejepe'a ndevaia gui, ndepoxyve eme. 
\q2 Nda'evei opa marã ndepy'a aguã. 
\q2 Ha'e rami e'ỹ vy ndee ju 'rã ndereko vai. 
\q1  
\v 9 Mba'eta heko vai va'e ma omombaa 'rã. 
\q2 Ha'e rã \nd Senhor\nd* oarõ va'e ma ikuai porã 'rã yvy re. 
\q1  
\v 10 Are'ỹ'i re heko vai va'e ndoikovei 'rã. 
\q2 Oĩague py reka teĩ nderejouvei 'rã. 
\q1  
\v 11 Ha'e rã oiko rive'i va'e ma ikuai porã 'rã yvy re, 
\q2 ha'e kuery ovy'a 'rã okuapy ikuai porã aguã ojou vy.\x * \xo 37:11 \xt Mateus 5.5\x* 
\q1  
\v 12 Heko vai va'e onhembopy'a 'rã heko porã va'e rovai, 
\q2 haĩ jekyty 'rã ojukaxe vy. 
\q1  
\v 13 Ha'e rami teĩ \nd Senhor\nd* ojojai 'rã, 
\q2 opaga aguã ára ovaẽ rai'i maa oikuaa vy. 
\q1  
\v 14 Heko vai va'e kuery oekyi okyxe, guapa guive oipira 'rã 
\q2 ojuka aguã iporiaukue'i ha'e ojexavai rei va'e, 
\q2 ojuka aguã tape porã rupi oiko va'e. 
\q1  
\v 15 Ha'e rami teĩ ikyxe py ae 'rã oikutua ipy'a re, 
\q2 hapa avi omopẽmbaa 'rã. 
\q1  
\v 16 Peteĩ heko porã va'e mbovy'i oguereko teĩ 
\q2 mbovy e'ỹ heko vai va'e oguerekopa va'e gui ovareve. 
\q1  
\v 17 Mba'eta heko vai va'e po'akaa ma omombaa 'rã. 
\q2 Ha'e rã heko porã va'e re ma \nd Senhor\nd* onhangareko. 
\q1  
\v 18 \nd Senhor\nd* oikuaa anhetẽ rupi oiko va'e oikoa, 
\q2 ha'e kuery pegua ma raka'e rã peve guarã oĩ. 
\q1  
\v 19 Mba'emo vai oiko teĩ ha'e kuery noxĩmbai 'rã, 
\q2 karuaia ára teĩ hevyatãmba 'rã. 
\q1  
\v 20 Ha'e rã heko vai va'e ma okanhymba 'rã. 
\q2 Nhuũndy rami 'rã \nd Senhor\nd* rovaigua kuery okanhymba, 
\q2 hataxĩrã rive nhuũ okai vy ojeapoa rami. 
\q1  
\v 21 Heko vai va'e ma oiporu aguã re ojerure teĩ nomboekoviai 'rã. 
\q2 Ha'e rã heko porã va'e ma nhomboaxy vy ome'ẽ rive 'rã mba'emo. 
\q1  
\v 22 \nd Senhor\nd* ogueroayvu porã va'e hekoa 'rã yvy re. 
\q2 Ha'e rã ijayvu vaia va'e ma okanhymba 'rã. 
\q1  
\v 23 Heko porã va'e \nd Senhor\nd* oikoa oguerovy'a vy 
\q2 ojapo 'rã oĩ atã aguã rami. 
\q1  
\v 24 Ha'e kuery ho'a teĩ nda'itui 'rã yvy rupi, 
\q2 ipo re \nd Senhor\nd* ojopy rã. 
\q1  
\v 25 Xekunumi va'ekue ri aỹ ma xetuja'i ma 
\q2 va'eri xee ndaexai teri heko porã va'e re nopenaai rã, 
\q2 neĩ hamymino kuery voi mbojape re ojerurea rupi ikuai rã ndaexai. 
\q1  
\v 26 Ha'e kuery joayvua rupi vy oiporuka 'rã joupe. 
\q2 Hamymino kuery voi joapo porã va'e ikuai. 
\q1  
\v 27 Ejepe'a ke mba'emo vai gui, 
\q2 ejapo iporã va'e anho. 
\q2 Ha'e rami vy reiko riae 'rã. 
\q1  
\v 28 Mba'eta \nd Senhor\nd* oguerovy'a heko porã va'e. 
\q2 Ndoeja rivei 'rã ojeupegua iky'a e'ỹ va'e kuery. 
\q2 Ha'e kuery re opena 'rã raka'e rã peve guarã. 
\q2 Ha'e rã heko vai va'e ramymino kuery ma omombaa 'rã. 
\q1  
\v 29 Heko porã va'e kuery ikuai porã 'rã yvy re, 
\q2 ha'e py ikuai 'rã raka'e rã peve. 
\q1  
\v 30 Heko porã va'e ijayvu 'rã 'arandu re, 
\q2 anhetẽ rupi meme 'rã ijayvu. 
\q1  
\v 31 Opy'a re omoĩ 'rã Nguuete guigua lei. 
\q2 Na'ikangyi 'rã guive oikoa rupi. 
\q1  
\v 32 Heko porã va'e re ma heko va'e va'e ojukaxe vy 
\q2 oma'ẽ mbegue teĩ 
\q1  
\v 33 \nd Senhor\nd* nomboaxai 'rã ipo py, 
\q2 nombopaga ukai 'rã guive omboayvua rã. 
\q1  
\v 34 Earõ ke \nd Senhor\nd*, ha'e ixuguigua tape rupi eiko. 
\q2 Ha'e ramo nemboyvate 'rã yvy re reiko porã aguã, 
\q2 ha'e rexa 'rã heko vai va'e omombaa rã. 
\q1  
\v 35 Xee aexa va'ekue heko vai va'e ipo'akaa, 
\q2 yary Líbano regua rami ipo'akave ovy opa rupi. 
\q1  
\v 36 Ha'e gui teĩgue ju aaxa vy ama'ẽ rã okanhy ma ra'e. 
\q2 Aeka teĩ ndajouvei ma. 
\q1  
\v 37 Eikuaa pota ke anhetẽ rupi ikuai va'e re, 
\q2 exa pota heko porã va'e oikoa re. 
\q2 Mba'eta mby'a porã re ikuai va'e oguereko 'rã guamymino kuery. 
\q1  
\v 38 Ha'e rã ojejavypa rei va'e ma omombaa voi 'rã. 
\q2 Heko vai va'e ramymino kuery voi omombaa 'rã. 
\q1  
\v 39 \nd Senhor\nd* gui ae ou heko porã va'e oo jepe aguã. 
\q2 Ha'e kuery ojexavaia ára py hexe onhemi aguã onhemoĩ. 
\q1  
\v 40 \nd Senhor\nd* oipytyvõ ha'e ogueraa jepe 'rã, 
\q2 heko vai va'e po gui oipe'a 'rã ogueraa jepe vy, 
\q2 hexe onhemi ramo. 
\s1 Ojejavyague gui ojeko rerovaa rupi ijayvua ague 
\d Mboraeirã Davi ombopara va'ekue nhomoma'endu'a aguã. 
\c 38  
\q1  
\v 1 \nd Senhor\nd*, ndepoxya rupi e'ỹ ke xemongeta, 
\q2 ndevaia rupi e'ỹ ke xembopaga. 
\q1  
\v 2 Mba'eta xere nderu'y onhexyvõ ae, 
\q2 ha'e ndepo poyi xe'áry oĩ. 
\q1  
\v 3 Ndepoxy ramo xero'o naexaĩvei, 
\q2 xekãgue voi naexaĩvei ajejavyague re. 
\q1  
\v 4 Mba'eta xeakã áry peve ajejavyague oo, 
\q2 ndaropo'akavei guive mba'emo ipoyi va'e rami. 
\q1  
\v 5 Xeai ivaipa rei, ipeupa ma ovy, 
\q2 ajekoreague re. 
\q1  
\v 6 Ojero'a rei va'e rami anhenhandu naxembaraetevei vy. 
\q2 Xepy'a vai rei aikovy ára pukukue re. 
\q1  
\v 7 Xekupe oiko'õ rei, 
\q2 noĩvei ma xero'o rexaĩa. 
\q1  
\v 8 Ajexavai aikovy, naxembaraetevei ma. 
\q2 Xepy'a py nda'evei ete vy xepoaẽ aikovy. 
\q1  
\v 9 \nd Senhor\nd*, xee aipota va'e ha'e javi ndevy pe meme amboaxa, 
\q2 xepoaẽa nerendu e'ỹi 'rã. 
\q1  
\v 10 Xekuraxõ ma otyty atã xembaraetea opa ramo, 
\q2 ndaxerexa pyxovei guive. 
\q1  
\v 11 Xereve xeirũ kuery ikuai va'ekue ojepe'apa ma xemba'eaxya gui, 
\q2 xeretarã kuery voi onheguaẽmba. 
\q1  
\v 12 Xerekove oipe'axe va'e onhembopy'a okuapy xejopy aguã, 
\q2 xevy ojapo vaixe va'e opa marã ijayvu okuapy, 
\q2 ára pukukue re oikuaa pota xembotavy aguã re. 
\q1  
\v 13 Ha'e rami teĩ xee ma ijapyxa e'ỹ va'e rami aendu rive, 
\q2 ijayvu e'ỹ va'e rami nambovai. 
\q1  
\v 14 Oendu e'ỹ va'e rami ajeapo, 
\q2 xejuru ndaipe'ai ambovai aguã. 
\q1  
\v 15 Mba'eta \nd Senhor\nd*, ndee ae roarõ. 
\q2 \nd Senhor\nd* Xeruete, ndee ma xere reikuaa pota 'rã. 
\q1  
\v 16 Mba'eta aipoa'e jepi: “Ha'e kuery tovy'a rei eme xere, 
\q2 xepyxyry rã xerovai opu'ã rei e'ỹ aguã”, ha'e. 
\q1  
\v 17 Mba'eta xee ha'a aguã rami aiko, 
\q2 xejee nda'eveia aendu riae tema. 
\q1  
\v 18 Ha'e rami vy amombe'u xereko vaia. 
\q2 Ajejavyague py aendu mboriau. 
\q1  
\v 19 Ha'e rã xerovaigua kuery ma hexaĩ ha'e imbaraete. 
\q2 Heta ikuai mba'e py e'ỹ xere nda'ija'ei va'e. 
\q1  
\v 20 Ha'e rami ae ikuai ojapo porã va'ekue pe ojapo vai va'e. 
\q2 Xerovaigua ikuai, teko porã rupi aiko rã. 
\q1  
\v 21 \nd Senhor\nd*, xepytyvõ e'ỹ eme. 
\q2 Xeruete, ejepe'a eme xea gui. 
\q1  
\v 22 \nd Senhor\nd*, xereraa jepea, 
\q2 ejapura ke xerepy aguã. 
\s1 Imarãa re ijayvua 
\d Jogueroporaei va'e Jedutum pe Davi ombopara va'ekue. 
\c 39  
\q1  
\v 1 Xejeupe ae aipoa'e va'ekue: “Aỹ aiko kuaa pota 'rã 
\q2 xeayvu py ajejavy e'ỹ aguã. 
\q2 Amboty 'rã xejuru, 
\q2 heko vai va'e xerenonde ikuai jave” ha'e va'ekue. 
\q1  
\v 2 Ha'e rami vy akyrirĩ, neĩ iporã va'e rupi voi ndaxeayvuvei. 
\q2 Ha'e rami teĩ haxy aenduve tema. 
\q1  
\v 3 Xepy'a re aendu tata rami hendy va'e. 
\q2 Ha'e aikuaa pota rã hendyve ovy. 
\q2 Ha'e ramo xee anhemombe'u vy aipoa'e: 
\q1  
\v 4 “ \nd Senhor\nd*, eikuaa uka ndaikovei aguã ára, 
\q2 ha'e mbovy ára ete'i ma 'rã pa aiko, 
\q2 xemarãa aikuaa aguã. 
\q1  
\v 5 Ndee aikoa ára reme'ẽ va'ekue mokoĩ, mboapy po puku-a'i rami ipuku aguã. 
\q2 Nerenonde aikoa opa rive va'erã. 
\q2 Anhetẽ ae avakue ha'e javi oĩ atãve va'ekue teĩ mba'e e'ỹ meme ikuai. 
\q1  
\v 6 Ha'e rami ae avakue oaxa 'rã ovy kuaray'ã rami. 
\q2 Heko eta reia mba'everã ndovarei. 
\q2 Ojeupe guarã opa marãgua omoĩ porã teĩ ndoikuaai guive mava'e 'rã pa ogueraa. 
\q1  
\v 7 Ha'vy xee, \nd Senhor\nd*, mba'e tu xee arõ? 
\q2 Ndee ae xee roarõ va'e. 
\q1  
\v 8 Xereraa jepe ke xereko vaiague ha'e javi gui. 
\q2 Xembojaru uka eme heko vai va'e pe. 
\q1  
\v 9 Akyrirĩ ha'e ndaxeayvui va'ekue 
\q2 ndee ae ha'e rami xemoingo ramo. 
\q1  
\v 10 Eipe'a ke xegui ndee xemoingo axya. 
\q2 Ndepo ipoyi ramo akanhy ma avy. 
\q1  
\v 11 Avakue ojejavypaague re ndeayvu ete ha'e rembopaga vy 
\q2 rembovaipa 'rã ha'e kuery oguerovy'a va'ekue, vixo'i mba'emo ho'upaa rami. 
\q2 Avakue ikuai va'e ma opa rive va'erã meme. 
\q1  
\v 12 \nd Senhor\nd*, endu ke ajerurea. 
\q2 Xerepy aguã re ajapukai ramo ejapyxaka. 
\q2 Ekyrirĩ eme xerexay rã rexa vy, 
\q2 mba'eta nerenonde ma mombyry guigua rami rive aiko, 
\q2 oguata rei va'e aiko xeru kuery ikuaiague rami avi.\x * \xo 39:12 \xt Hebreus 11.13; 1 Pedro 2.11\x* 
\q1  
\v 13 Eikuaa potave eme xere, 
\q2 akanhy avy e'ỹ re avy'a ju aguã.” 
\r Salmo 70.1-5 
\d Jogueroporaei va'e pe Davi ombopara va'ekue. 
\c 40  
\q1  
\v 1 Arõ \nd Senhor\nd* ajerovia ete reve. 
\q2 Ha'e ramo xere oikuaa pota vy 
\q2 oendu xereraa jepe aguã re ajapukaia. 
\q1  
\v 2 Ha'e rami vy xerenoẽ yvykua py akanhyague gui, 
\q2 yapo hu'ũ rei va'e mbyte ha'aague gui. 
\q2 Ha'e gui xepy omoĩ atã ju itaova áry. 
\q1  
\v 3 Ha'e xejuru py omoĩ mboraei pyau 
\q2 Nhanderuete arovy'a aguã. 
\q2 Ha'e nunga heta oendu vy 
\q2 ojererokyje 'rã \nd Senhor\nd* renonde, hexe ojerovia 'rã guive. 
\q1  
\v 4 Ovy'a ete 'rã \nd Senhor\nd* re ojerovia oikovy va'e. 
\q2 Ha'e kuery nda'ikuai 'rã ojee anho rei ojerovia va'e rami, 
\q2 neĩ apu rupi oiko va'e rami guive. 
\q1  
\v 5 \nd Senhor\nd* Xeruete, heta ete ikuai iporã va'e remoingo va'ekue, 
\q2 orevy rejapo porã aguã re ndepy'aa guive. 
\q2 Ndereve joo ramigua ndoikoi. 
\q2 Ndereko ha'e javi amombe'u ta va'e rire 
\q2 namombe'upai 'rãgue. 
\q1  
\v 6 Ndee ndereipotai mymba ajuka vy ame'ẽ ndevy. 
\q2 Neĩ mba'emo apy reve jejavya regua nereme'ẽ ukai. 
\q2 Ha'e rami 'rãgue py reipe'a xeapyxa. 
\q1  
\v 7 Ha'e ramo xee aipoa'e: “Apy ma aĩ. 
\q2 Kuaxia re ipara oiny xerekorã regua. 
\q1  
\v 8 Ndee reipota va'e xee ajapoxe, Xeruete. 
\q2 Xepy'a re oĩ ndeguigua lei ajapo aguã”, ha'e.\x * \xo 40:8 \xt Hebreus 10.5-10\x* 
\q1  
\v 9 Heta va'e kuery ijatya py 
\q2 amombe'u ayvu porã teko porã regua. 
\q2 Neĩ peteĩ henda py ma voi namombe'u e'ỹi. 
\q2 \nd Senhor\nd*, ndee ma reikuaa. 
\q1  
\v 10 Xepy'a py ndaikuaa uka e'ỹi ndeguigua teko porã. 
\q2 Arojapukai anhetẽ rupigua ha'e orereraa jepea reikoa. 
\q2 Ijaty va'e kuery gui namombe'u e'ỹi ndee oremboaxya ha'e ndeguigua anhetẽ va'e. 
\q1  
\v 11 Ha'e nunga rupi \nd Senhor\nd*, exa uka e'ỹ eme xemboaxya. 
\q2 Xemboaxya rupi riae ke xerereko, 
\q2 ndeguigua anhetẽ va'e rupi guive. 
\q1  
\v 12 Mba'eta mbovy e'ỹ ikuai mba'emo vai xejoko rei va'e. 
\q2 Xereko vaia xerupity ma. 
\q2 Heta ete ramo ndaexapai. 
\q2 Xe'a xeakã re ikuai va'e gui voi hetave. 
\q2 Xekuraxõ voi okanhy ma. 
\q1  
\v 13 \nd Senhor\nd*, xereraa jepe na! 
\q2 \nd Senhor\nd*, ejapura ke xerepy aguã. 
\q1  
\v 14 Xerekove oipe'axe va'e toxĩmba, 
\q2 oxĩmbaa anho toendu. 
\q2 Ajexavai ramo ovy'a rei va'e kuery 
\q2 oxĩmba reve tojevypa ju guakykue katy. 
\q1  
\v 15 Tove “Ha'evea rami! Ha'evea rami!” he'i rive okuapy va'e 
\q2 toxĩmba nda'ijayvu kuaavei vy. 
\q1  
\v 16 Ha'e rã ndereka va'e kuery ha'e javi ma tandererovy'a oporaei reve. 
\q2 Rejogueraa jepea oguerovy'a va'e 
\q2 “ \nd Senhor\nd* ima'endu'a porãmby toiko!” te'i riae okuapy. 
\q1  
\v 17 Ha'e gui xee ma iporiaukue'i, ojexavai rei'i va'e 
\q2 teĩ xere \nd Senhor\nd* opena porã. 
\q2 Ndee ma xepytyvõarã ha'e xerepyarã. 
\q2 Xeruete, ndeare eme ke! 
\s1 Hovaigua kuery ijayvu reia gui Nhanderuete oepyague re ijayvua 
\d Jogueroporaei va'e pe Davi ombopara va'ekue. 
\c 41  
\q1  
\v 1 Ovy'a ete 'rã iporiaukue'i mboaxya kuery. 
\q2 Ha'e va'e kuery \nd Senhor\nd* ogueraa jepe 'rã nda'eveia ára. 
\q1  
\v 2 \nd Senhor\nd* oepy ha'e opena porã 'rã hekovea re. 
\q2 Ojapo 'rã yvy re ovy'a aguã rami. 
\q2 Nomboaxai 'rã hovaigua kuery po py ojavyky rei aguã. 
\q1  
\v 3 \nd Senhor\nd* omombaraete ju 'rã imba'eaxya gui. 
\q2 Imba'eaxy teĩ hupa ituia rejapo ha'eve rei'i aguã rami. 
\q1  
\v 4 Ha'e gui xee aipoa'e: “ \nd Senhor\nd*, xemboaxy ke! 
\q2 Emonguera xerekovea, ndevy ajejavy rire teĩ” ha'e. 
\q1  
\v 5 Xerovaigua kuery xere ijayvu vai vy 
\q2 “Raka'e tu omano 'rã, ha'e hery na'ima'endu'aavei 'rã?” he'i okuapy. 
\q1  
\v 6 Ha'e kuery regua xerexa aguã ou vy ovare'ỹ va'e rupi 'rã ijayvu. 
\q2 Opy'a re mba'emo vai anho omoĩ. 
\q2 Oẽ vy ha'e nunga re teri rive 'rã ijayvu. 
\q1  
\v 7 Ndaxerayvui va'e kuery ijayvu mbegue rei 'rã xere. 
\q2 Mba'emo vai rupi xere ijayvu vy 
\q1  
\v 8 “Mba'eaxy vaikue hexe oĩ va'e gui rima imba'eaxy oupy, 
\q2 nopu'ãvei ma 'rã guive” he'i okuapy. 
\q1  
\v 9 Xeirũ ayvuve vy ajeroviave va'ety voi 
\q2 opu'ã avi xerovai, xereve okaru va'ety ae.\f + \fr 41:9 \ft Judas rekorã re ijayvu ma voi Jesus ombo'a uka nhemi aguã re (João 13.18-30).\f* 
\q1  
\v 10 Ha'e rã ndee \nd Senhor\nd* xemboaxy ke. 
\q2 Xemopu'ã ju, ha'e kuery ambopaga aguã ojapo vaiague re. 
\q1  
\v 11 Ha'e nunga rupi xee aikuaa ndee xemboaxya, 
\q2 mba'eta xerovaigua kuery pe ndaxereity ukai. 
\q1  
\v 12 Ha'e rami 'rãgue py anhetẽ rupi aikoa py xemombaraete, 
\q2 ha'e xemoĩ nerenonde raka'e rã peve guarã. 
\q1  
\v 13 \nd Senhor\nd* Israel kuery Ruete toiko ima'endu'a porãmby 
\q2 jypy'i guive raka'e rã peve. 
\q2 Amém, amém. 
\s1 Nhanderuete ombojeroviaaty py ooxea rami ijayvua ague 
\d Jogueroporaei va'e pe Coré ra'y kuery nhombo'e aguã ombopara va'ekue. 
\c 42  
\q1  
\v 1 Yy oxyry va'e gui guaxu oy'uxe va'e rami 
\q2 xenhe'ẽ py xee avi roeka, Xeruete. 
\q1  
\v 2 Xepy'a py aendu Nhanderuete re nda'evei etea, Nhanderuete oikove va'e re. 
\q2 Raka'e nda'u aa 'rã Nhanderuete renonde aĩ aguã? 
\q1  
\v 3 Ara py ha'e pyávy xerexay re anho aiko akaru e'ỹ re. 
\q2 Ha'e ramia ja xevy aipo'ea riae: “Mamo tu oĩ Nderuete?”\f + \fr 42:3 \ft Ipy'a vai oikovy mba'eta yvy mboae re heraa escravo-rã, Nhanderuete pegua templo gui mombyry. Ha'e py ma ooxea oendu, Nhanderuete ombojeroviaxe vy.\f* 
\q1  
\v 4 Ymave rupi aikoague re xema'endu'a vy 
\q2 xepy'a vai aikovy xenhe'ẽ py guive, 
\q2 mba'eta xema'endu'a heta va'e kuery reve aa ague re. 
\q2 Ajogueraa va'ekue Nhanderuete pegua oo katy. 
\q2 Rovy'aa rupi rojapukai rovy va'ekue roporaei reve, 
\q2 heta orekuai ngarua py. 
\q1  
\v 5 Xenhe'ẽ, mba'e re tu ndeporiau ri?\f + \fr 42:5 \ft Apy “Xenhe'ẽ” he'ia ojeupe ae ijayvu vy.\f* 
\q2 Mba'e re tu nda'evei rei reĩ xepy'apy py? 
\q2 Earõ tema Nhanderuete, mba'eta aroporaei nho 'rã. 
\q2 Ha'e ma Xeruete xepytyvõa oiko. 
\q1  
\v 6 Xepy'a py aendu nda'evei etea. 
\q2 Ha'e nunga rupi ndere xema'endu'a aikovy 
\q2 Jordão yvýry aikoa py, Hermom yvyty re ha'e Mizar yvy'ã'i re. 
\q1  
\v 7 Peteĩ yvykua gui onhendu amboae yvykua peve ytu revovo. 
\q2 Ha'e rami aendu ndeguigua yai xe'áry oaxa-axa va'e. 
\q1  
\v 8 Ha'e rami teĩ ara nhavõ \nd Senhor\nd* oexa uka 'rã xemboaxya, 
\q2 ha'e pytũ nhavõ ou 'rã ixupe aporaei aguã, 
\q2 xenhe'ẽ Ruete pe anhembo'e aguã. 
\q1  
\v 9 Nhanderuete xe'itaova pe aipoa'e: 
\q2 “Mba'e re tu nderexarai xegui? 
\q2 Mba'e re tu ajexavai aikovy xerovaigua kuery xeavyky rei rã?” ha'e. 
\q1  
\v 10 Mba'eta aendu xekãgue ha'ypa va'e rami, 
\q2 xerovaigua kuery xere ijayvu rei ramo. 
\q2 Ha'e kuery ijayvu vy 
\q2 “Mamo tu Nderuete oĩ?” he'i okuapy. 
\q1  
\v 11 Xenhe'ẽ, mba'e re tu ndeporiau ri? 
\q2 Mba'e re tu nda'evei rei reĩ xepy'apy py? 
\q2 Earõ Nhanderuete, mba'eta aroporaei nho 'rã. 
\q2 Ha'e ma Xeruete xepytyvõa oiko. 
\c 43  
\s1 Henda iky'a e'ỹ va'e py ooxea rami ijayvua ague 
\q1  
\v 1 Xeruete, xemboeko porã ke 
\q2 xere opu'ã va'e kuery gui. 
\q2 Xereraa jepe avakue nhombotavy ha'e ijapu va'e gui. 
\q1  
\v 2 Mba'eta Xeruete, ndere ae anhemi. 
\q2 Mba'e re tu naxepytyvõi? 
\q2 Mba'e re tu ajexavai aikovy xerovaigua kuery xeavyky rei rã? 
\q1  
\v 3 Emboguejy nerexakã ha'e anhetẽ va'e, 
\q2 xereraa aguã ndevygua yvyty iky'a e'ỹ va'e áry 
\q2 nembojeroviaaty oĩ va'e py. 
\q1  
\v 4 Ha'e ramo aa aguã Xeruete pegua altar oĩa py, 
\q2 Xeruete arovy'a va'e renonde. 
\q2 Xeruete, rogueroporaei 'rã mba'epu ixã reta va'e amonhendu reve. 
\q1  
\v 5 Xenhe'ẽ, mba'e re tu ndeporiau ri? 
\q2 Mba'e re tu nda'evei rei reĩ xepy'apy py? 
\q2 Earõ Nhanderuete, mba'eta aroporaei nho 'rã. 
\q2 Ha'e ma Xeruete xepytyvõa oiko. 
\s1 Nhanderuete pe ojepy ukaa ague 
\d Jogueroporaei va'e pe Coré ra'y kuery nhombo'e aguã ombopara va'ekue. 
\c 44  
\q1  
\v 1 Oreruete, oreramoĩ kuery orevy omombe'u rã 
\q2 roendu ma oreapyxa py 
\q2 yma rupi rejapo va'ekue, ha'e kuery ikuai teri jave. 
\q1  
\v 2 Ha'e jave py ma ndepo py reipe'apa raka'e yvy regua kuery, 
\q2 ikuaiague py oreramoĩ kuery ju remoĩ atã aguã. 
\q2 Yvy regua kuery remoingo axy, 
\q2 ha'e rã oreru kuery pe ma reme'ẽ opa rupi ikuai aguã. 
\q1  
\v 3 Okyxe py e'ỹ ha'e kuery oipe'a yvy, 
\q2 imbaraete vy e'ỹ guive ipo'aka. 
\q2 Ha'e rami 'rãgue py ndepo, ndejyva ha'e nderova rexakãa py 
\q2 rembopo'aka raka'e ha'e kuery reayvu vy. 
\q1  
\v 4 Xeruete, ndee ma xeruvixave. 
\q2 Rejapo Jacó kuery ipo'aka aguã.\f + \fr 44:4 \ft “Jacó kuery” he'ia ma Israel kuery re ijayvu vy.\f* 
\q1  
\v 5 Ndee orepytyvõ ramo orepo'aka 'rã orerovaigua kuery re. 
\q2 Nderery rupi ropyrõ 'rã orere opu'ã va'e re. 
\q1  
\v 6 Xerapa re e'ỹ ajerovia, 
\q2 xekyxe e'ỹ guive xereraa jepe 'rã. 
\q1  
\v 7 Mba'eta ndee anho orerovaigua kuery gui orerepya reiko, 
\q2 remoxĩmba 'rã orere ija'e e'ỹ va'e. 
\q1  
\v 8 Oreruete re ae rovy'a riae, 
\q2 raka'e rã peve roporaei 'rã nderery rupi. 
\q1  
\v 9 Ha'e rã aỹ ma ndee oremombo ma mombyry,\f + \fr 44:9 \ft Apy ma ijayvu Nhanderuete ha'e kuery re hovaigua kuery ipo'aka aguã rami oejaague re.\f* 
\q2 ore kuery ju roxĩmba aguã py oremoĩ. 
\q2 Ndereovei guive orexondaro kuery reve, 
\q1  
\v 10 oreapo guive orerovaigua kuery gui ronhamba aguã rami. 
\q2 Ha'e orere ija'e e'ỹ va'e kuery orereraa guembiguairã. 
\q1  
\v 11 Vexa'i rami oremboaxa ma orejuka aguã katy. 
\q2 Oremoaĩmba yvy regua kuery mbyte rupi. 
\q1  
\v 12 Mba'eve re'ỹ guive remboekovia ndevygua kuery, 
\q2 hepykue re mba'eve rejou aguã e'ỹ guive. 
\q1  
\v 13 Ndee oreapo orea katy'i ikuai va'e gui roxĩmba aguã rami. 
\q2 Orembojere okuapy va'e orere ijayvu rei ha'e orejojai rei. 
\q1  
\v 14 Omombe'u pyrã rami oremoĩ yvy regua kuery mbyte. 
\q2 Amboae regua oremboetea rupi e'ỹ ombovava-vava oakã. 
\q1  
\v 15 Axĩmbaa oĩ riae xere, 
\q2 xerova re axĩmbaa anho ojekuaa, 
\q1  
\v 16 aendu xembojaru rei va'e, ijayvu vaikue-ikue va'e ojapukai ramo, 
\q2 xerovaigua kuery xejukaxea aikuaa vy. 
\q1  
\v 17 Ha'e nunga ha'e javi orere oiko. 
\q2 Ha'e rami teĩ ndorerexarai ndegui, 
\q2 ndorojepe'ai guive ndereve guarã rejapo va'ekue gui, 
\q1  
\v 18 orepy'a py ndorojevyi ha'ekue py, 
\q2 ndorojavyi guive ndeguigua tape. 
\q1  
\v 19 Oremou'ũ ukapa jagua-tuvy nhe'ẽ ikuaia py, 
\q2 ha'e manoa'ã py oreao'i. 
\q1  
\v 20 Oreruete rery gui orerexarai va'e rire, 
\q2 ha'e rami e'ỹ vy tuuete ramigua rive pe orepo roupi va'e rire 
\q1  
\v 21 ha'e ramo nda'u Oreruete ndoikuaai 'rãgue teve? 
\q2 Ha'e ma nhandepy'a re oĩ va'e oikuaapa. 
\q1  
\v 22 Ha'e rami avi ndevygua orekuai ramo ae 
\q2 ko'ẽ nhavõ oremboaxaa orejukaarã pe. 
\q2 Vexa'i ojukaa aguã katy heraa va'e rami orekuai.\x * \xo 44:22 \xt Romanos 8.36\x* 
\q1  
\v 23 Emyĩ ke! \nd Senhor\nd*, mba'e re tu reke? 
\q2 Ema'ẽ ju ke orere, orejou vai riae eme. 
\q1  
\v 24 Mba'e re tu nderejexa ukavei? 
\q2 Nderexarai teve roiko axy vy rojexavaia re? 
\q1  
\v 25 Mba'eta orerekovea ojexavai yvy ku'i peve, 
\q2 orerete voi yvy re oje'apa maa rami. 
\q1  
\v 26 Epu'ã ke orerepy aguã. 
\q2 Orereraa jepe ndeporayvua rupi. 
\s1 Huvixarã Nhanderuete omoĩ va'e ha'e hembirekorã re ijayvua 
\d Jogueroporaei va'e pe Coré ra'y kuery nhombo'e aguã ombopara va'ekue. Mboraei mborayvu regua, “Yvoty lírio” he'ia py oporaeia rami oporaei aguã. 
\c 45  
\q1  
\v 1 Ayvu porã anho oĩ xekuraxõ re. 
\q2 Huvixave peguarã ae kova'e mboraei ajapo. 
\q2 Ombopara porã kuaa va'e rami 'rã xeayvu. 
\q1  
\v 2 Ndee ma avakue ra'y kuery ikuai va'e gui neporãve va'e. 
\q2 Ndejuru gui ayvu porã anho oẽ. 
\q2 Ha'e nunga rupi ae Nhanderuete nemoingo porã raka'e rã peve guarã. 
\q1  
\v 3 Ndepy'a guaxuve va'e, emoĩ ndejee ndekyxe. 
\q2 Emoĩ avi ndeyvatea ha'e ndepo'akaa. 
\q1  
\v 4 Ndepo'akaa rupi tereo kavaju áry, 
\q2 anhetẽ va'e ha'e teko porã re vy. 
\q2 Ha'e gui ndepo reiporu kuaa regua ojapo 'rã nhomondyipaarã ojekuaa aguã rami. 
\q1  
\v 5 Oreruvixave, nderu'y ma hakua porã, 
\q2 nderovaigua kuery kuraxõ re oike 'rã. 
\q2 Ha'e ramo yvy regua kuery nenhe'ẽ rendua rupi 'rã ikuai.\x * \xo 45:5 \xt Apocalipse 19.11-16\x* 
\q1  
\v 6 Xeruete, ndepo'akaa ma raka'e rã peve 'rã oĩ. 
\q2 Ndepo'akaa py anhetẽ rupi 'rã rejoguereko. 
\q1  
\v 7 Rerovy'a teko porã, ha'e rã teko vai ma rejou vai. 
\q2 Ha'e nunga rupi ae Nhanderuete Nderuete huvixaverã nemoĩ vy 
\q2 neakã áry azeite omoĩ neirũ kuery gui ndererovy'ave vy.\x * \xo 45:7 \xt Hebreus 1.8-9\x* 
\q1  
\v 8 Ndeao ma mirra, aloés ha'e cássia gui heakuã porãmba. 
\q2 Ndero ma marfim gui ojapo pyre. 
\q2 Opy ma onhendu 'rã ixã va'e pu nembovy'aarã. 
\q1  
\v 9 Kunhague ikuai 'rã nerembiguai, huvixave rajy kuery guive. 
\q2 Reiporu kuaa regua re oĩ ndera'yxy, 
\q2 ouro iporãve va'e Ofir guigua py ombojegua pyre. 
\q1  
\v 10 Xerajy, endu ke. Eikuaa pota xeayvua re.\f + \fr 45:10 \ft Apy ma huvixave ra'yxy pe ju ijayvu.\f* 
\q2 Nderexarai ke neretarã kuery ha'e nderu ro pygua kuery gui. 
\q1  
\v 11 Ha'e ramo ma huvixave oguerovy'a 'rã neporãa. 
\q2 Ha'e ma nde-Senhor ramo 
\q2 henonde eĩ nerenapy'ã re. 
\q1  
\v 12 Ndea py ou 'rã Tiro pygua rajy mba'emo ome'ẽ va'erã reve. 
\q2 Heta va'e kuery regua oguerekopave va'e ojerure 'rã reipytyvõ aguã. 
\q1  
\v 13 Opy ma oĩ 'rã huvixave rajy pavẽ gui iporãve va'e. 
\q2 Ijao ma ouro guigua py ojegua va'e. 
\q1  
\v 14 Ijao potypa va'e reve ogueroikea 'rã heruvy huvixave renonde. 
\q2 Irũ kunhataĩgue hakykue ou va'e ogueru 'rã oĩa py. 
\q1  
\v 15 Ovy'a ete reve 'rã ogueru, 
\q2 huvixave ropy ogueroike 'rã. 
\q1  
\v 16 Nderu kuery rekovia ndera'y kuery ikuai 'rã. 
\q2 Ha'e va'e kuery remoĩ 'rã huvixarã yvy jave re. 
\q1  
\v 17 Xee ajapo 'rã nderery re ima'endu'aa riae aguã rami. 
\q2 Yvy regua kuery ndereroporaei 'rã raka'e rã peve. 
\s1 Nhanderuete nhanhemiaty imbaraete va'e re ijayvua 
\d Jogueroporaei va'e pe Coré ra'y kuery kunhague oporaei aguã ombopara va'ekue. 
\c 46  
\q1  
\v 1 Nhanderuete ma nhanhemiaty imbaraete va'e oiko, 
\q2 nhandereraa jepearã jajexavai jave nhandea'i pyve oĩ va'e. 
\q1  
\v 2 Ha'e nunga rupi ndajakyjei 'rã amboae rami yvy ojeapo teĩ, 
\q2 ha'e yvyty ikuai va'e ye'ẽ mbyte py onhemombo, 
\q1  
\v 3 yy opu'ã-pu'ã vy yjuipa, 
\q2 opu'ã ovy ramo yvyty voi oryryipa teĩ.\x * \xo 46:3 \xt Lucas 21.25-28\x* 
\q1  
\v 4 Oĩ peteĩ yakã Nhanderuete pegua tetã mbyte rupi oxyry vy 
\q2 ombovy'a 'rã ha'e pygua kuery, 
\q2 Yvate ete va'e pegua oo iky'a e'ỹ va'e rupi voi. 
\q1  
\v 5 Tetã mbyte ma Nhanderuete ae oĩ. 
\q2 Ha'e ramo neĩ peteĩ henda py ma voi ndoityai 'rã. 
\q2 Nhanderuete oipytyvõ 'rã ko'ẽmba guive.\f + \fr 46:5 \ft Tetã Nhanderuete pegua omombe'u porãve Apocalipse 21.23–22.5 py.\f* 
\q1  
\v 6 Yvy regua kuery haxẽmba, 
\q2 tetã ikuai va'e omyĩ 'rã. 
\q2 Ha'e rã Nhanderuete oayvu omonhendu ramo yvy tykupa 'rã. 
\q1  
\v 7 Nhandereve ma oiko \nd Senhor\nd* ixondaro reta va'e, 
\q2 Jacó Ruete ae oĩ nhanhemi aguã. 
\q1  
\v 8 Peju ke pexa \nd Senhor\nd* rembiapokue, 
\q2 yvy re mba'emo ombovaipaague. 
\q1  
\v 9 Mba'eta yvy apy peve omomba joe opu'ãa. 
\q2 Omopẽmba guyrapa ha'e yvyra rakua, 
\q2 karóxa joe opu'ãa pygua guive oapypa tata py. 
\q1  
\v 10 Aipoe'i: “Pepytu'u peikuaa aguã xee ae Penderuete aikoa. 
\q2 Xee ma xeyvate 'rã yvy regua kuery áryve, 
\q2 yvy jave re ete 'rã xeyvate”, he'i. 
\q1  
\v 11 Nhandereve oiko \nd Senhor\nd* ixondaro reta va'e, 
\q2 Jacó Ruete ae oĩ nhanhemi aguã. 
\s1 Nhanderuete yvy regua kuery ruvixave pe oporaeia 
\d Jogueroporaei va'e pe Coré ra'y kuery ombopara va'ekue. 
\c 47  
\q1  
\v 1 Ha'e javi regua kuery, pejepopete ke. 
\q2 Penema'endu'a Nhanderuete re, pevy'aa rupi penhendu. 
\q1  
\v 2 Mba'eta \nd Senhor\nd* yvateve ete va'e ma omboetevepy, 
\q2 huvixave yvateve va'e yvy jave re ipo'aka va'e. 
\q1  
\v 3 Amboae regua kuery re nhanembopo'aka vy 
\q2 nhandepy guýry omoĩ yvy regua kuery. 
\q1  
\v 4 Nhandevy guarã oiporavo nhandekuai aguã. 
\q2 Ha'e va'e yvy ma hembiayvu Jacó ojou porã va'ekue. 
\q1  
\v 5 Nhanderuete oẽ ovy oguerojapukai va'e mbyte rupi. 
\q2 Mimby guaxu pu rupi guive \nd Senhor\nd* oaxa ovy. 
\q1  
\v 6 Peporaei Nhanderuete pe, 
\q2 peporaei porã ixupe. 
\q2 Peporaei nhanderuvixave pe, 
\q2 peporaei porã ixupe. 
\q1  
\v 7 Nhanderuete ma yvy jave regua ruvixave oiko. 
\q2 Ixupe peporaei mboraei porã rupi. 
\q1  
\v 8 Nhanderuete ipo'aka 'rã yvy regua kuery re. 
\q2 Oguapy 'rã tenda openaaty iky'a e'ỹ va'e py. 
\q1  
\v 9 Yvy regua ruvixa kuery onhemboatypa vy 
\q2 Abraão Ruete pegua ju ikuai. 
\q2 Mba'eta Nhanderuete peguarã ae ikuai yvy regua kuery hu'y jokoa oguereko va'ekue ha'e javi.\f + \fr 47:9 \ft Ha'e va'e jave py xondaro kuery omoĩ 'rã imoiny hu'y jokoa nguvixa retã kora re, ixupegua ikuaia oikuaa uka aguã (Cântico 4.4).\f* 
\q2 Ha'e anho yvate ete va'e oiko. 
\s1 Nhanderuete pegua tetã re ijayvua 
\d Mboraeirã Coré ra'y kuery ombopara va'ekue. 
\c 48  
\q1  
\v 1 Yvate ete va'e ma \nd Senhor\nd* oiko, 
\q2 ha'evea rami jaroporaei 
\q2 Nhanderuete pegua tetã py. 
\q1  
\v 2 Ixupegua yvyty iky'a e'ỹ va'e ma yvate ete, 
\q2 yvy jave re oguerovy'aa va'e. 
\q2 Sião yvyty oĩ kuaray puku-a yke katy, 
\q2 huvixave retã oĩa. 
\q1  
\v 3 Tetã py oo ikorapa va'e rupi 
\q2 Nhanderuete ojekuaa uka nhanhemi aguã yvate va'e rami. 
\q1  
\v 4 Ha'e nunga rupi huvixa kuery nhomoirũmba jogueruvy va'ekue 
\q2 okanhymba. 
\q1  
\v 5 Tetã oexa vyve onhemondyipa. 
\q2 Okyjepa vy onhamba. 
\q1  
\v 6 Ha'e py ngyje rive ipo'aka ha'e kuery re, 
\q2 oendu guive haxy imemby ta va'e rami. 
\q1  
\v 7 Yvytu kuaray oua katy gui ou va'e py 
\q2 rembovaipa Társis gui kanoã ou va'ekue. 
\q1  
\v 8 Omombe'ua rã nhaenduague rami 
\q2 jaexa \nd Senhor\nd* ixondaro reta va'e pegua tetã py oiko va'e, 
\q2 Nhanderuete pegua tetã py ae. 
\q2 Nhanderuete omoĩ atã 'rã raka'e rã peve. 
\q1  
\v 9 Oreruete, renhomboaxya re orema'endu'a 
\q2 ndevygua templo mbyte roĩa py. 
\q1  
\v 10 Oreruete, nderery oikuaa pavẽ 'rã. 
\q2 Ha'e rami vy ndevy oporaei rã yvy apy peve 'rã onhendu. 
\q2 Ndepo py ha'evea rami rejoguereko. 
\q1  
\v 11 Tovy'aa Sião yvyty re, 
\q2 Judá rajy kuery avi tovy'a ne'arandua re. 
\q1  
\v 12 Peguata ke Sião rupi, 
\q2 ha'e javi rupi pejere. 
\q2 Peipapa torre ikuai va'e. 
\q1  
\v 13 Peikuaa pota porã ikora yvatea re, 
\q2 ha'e pexa pota oo ikorapa va'e ikuai va'e re, 
\q2 raka'e rã ikuai va'erã pe pemombe'u kuaa aguã: 
\q1  
\v 14 “Ha'e rami oiko Nhanderuete 
\q2 raka'e rã peve guarã. 
\q2 Nhanderereko 'rã nhamano peve.” 
\s1 Avakue okanhymba aguã re ijayvua 
\d Jogueroporaei va'e pe Coré ra'y kuery ombopara va'ekue. 
\c 49  
\q1  
\v 1 Ha'e javi regua, pendu pota ke pova'e. 
\q2 Yvy re pendekoa va'e ha'e javi, pejapyxaka ke. 
\q1  
\v 2 Yvyĩgue'i ha'e yvatekueve, 
\q2 perekopa va'e ha'e pendeporiaukue'i ha'e javi. 
\q1  
\v 3 Ha'e gui xejuru py xeayvu 'rã 'arandu re, 
\q2 xepy'a py 'arandua re anho 'rã aikuaa pota. 
\q1  
\v 4 Ajapyxaka porã 'rã mba'emo re ombojoja vy ijayvua rã, 
\q2 ndoikuaai pyre amombe'u porãve 'rã ixã reta va'e pu rupi. 
\q1  
\v 5 Mba'e re tu jexavaia ára py akyje 'rã? 
\q2 Xerakykue monha okuapy va'e ma teko vai rupi xejoko rei teĩ. 
\q1  
\v 6 Ha'e kuery ma omba'e rei-rei re rive ojerovia, 
\q2 mba'emo oguereko va'e re rive ovy'a va'e. 
\q1  
\v 7 Anhetẽ avave rei ndojogua kuaai 'rã guyvy rekove. 
\q2 Nhanderuete pe nome'ẽ kuaai 'rã jogueraa jepe aguã regua. 
\q1  
\v 8 Mba'eta joekove jajogua aguã ma hepy vaipa. 
\q2 Raka'e rã peve nanhanhea'ãvei 'rãgue 
\q1  
\v 9 jajapo aguã oikove riae aguã rami, 
\q2 yvykua py oguejy e'ỹ aguã. 
\q1  
\v 10 Ha'e gui jaexa rã hi'arandu va'e voi omano 'rã. 
\q2 Hi'arandu e'ỹ va'e ha'e ndoikuaai va'e joo rami meme 'rã opa, 
\q2 ha'e amboae pe ju oeja 'rã omba'e rei-reikue. 
\q1  
\v 11 Opy'a py aipoe'i: “Xero opa e'ỹ va'e hi'aĩ, 
\q2 xerekoague ma raka'eve rã ikuai va'e peguarã” he'i teĩ. 
\q2 Ha'e rami vy guery rupi ae 'rã omboery oyvy. 
\q1  
\v 12 Ha'e rami teĩ avakue ojejou porã va'eri nda'ikuai riaei 'rã. 
\q2 Ha'e rami 'rãgue py mymba rami avi okanhy 'rã. 
\q1  
\v 13 Ha'e rami ikuai ojee ae ojerovia va'e, 
\q2 hemimbo'e kuery ijayvua oguerovy'a va'e voi. 
\q1  
\v 14 Ha'e rami teĩ vexa'i rami avi omboguejya 'rã yvykua py. 
\q2 Ha'e kuery re opena va'erã ma manoa. 
\q2 Yvykua katy meme 'rã oguejy. 
\q2 Ha'e py ma iporãague hu'ũmba 'rã. 
\q2 Ha'e kuery rekoarã oĩ va'e ma yvykua ae. 
\q1  
\v 15 Ha'e rã xerekove ma Nhanderuete oepy 'rã manoa po'akaa gui, 
\q2 ojea py xereru vy. 
\q1  
\v 16 Penhemondyi eme amongue imba'e rei-reipave ovy rã, 
\q2 ha'e ngoo pyguarã mba'emo porã ojouve ovy teĩ. 
\q1  
\v 17 Mba'eta ha'e kuery omano vy mba'eve ndogueraai 'rã ngupive, 
\q2 mba'emo porã oguereko va'ekue nomoirũvei 'rã. 
\q1  
\v 18 Oikove teri jave ojejou porã 'rã, 
\q2 ha'e ojeupe guarã ojou reta rã pavẽ ojou porã teĩ 
\q1  
\v 19 ha'e va'e oo avi 'rã tuu kuery ooague py, 
\q2 hexakã ndoexavei aguã py. 
\q1  
\v 20 Avakue ojou porãmby nai'arandui vy 
\q2 mymba rami avi 'rã okanhy. 
\s1 Anhetẽ rupi Nhanderuete nhamboete aguã regua 
\d Mboraeirã Asafe ombopara va'ekue. 
\c 50  
\q1  
\v 1 \nd Senhor\nd* Nhanderuete Ipo'akapa va'e ijayvu vy 
\q2 oenoĩmba 'rã yvy regua kuery kuaray oua katy gui oikea katy peve ikuai va'e. 
\q1  
\v 2 Sião tetã iporãve ete va'e gui 
\q2 Nhanderuete oexa uka 'rã guexakãa. 
\q1  
\v 3 Ha'e rami vy Nhanderuete ou 'rã, nokyrirĩ 'rã guive. 
\q2 Henonde ma ou tata nhomombaarã, 
\q2 ijyvýry rupi yvytu vaikue hevovo. 
\q1  
\v 4 Ojeupegua kuery omboayvu aguã ou. 
\q2 Ha'e rami vy yvate yva katy ojapukai 'rã, 
\q2 yvy katy guive. Ha'e vy aipoe'i: 
\q1  
\v 5 “Pemboatypa ke xevygua kuery iky'a e'ỹ va'e, 
\q2 Ha'e va'e kuery ma mba'emo ome'ẽ va'e py xereve guarã onhemoingo va'ekue”, he'i. 
\q1  
\v 6 Yva gui oikuaa uka heko porãa, 
\q2 mba'eta nhomboayvua ma Nhanderuete ae. 
\q1  
\v 7 “Xevygua kuery, pejapyxaka ke, ha'e rã xee xeayvu 'rã. 
\q2 Israel kuery, amombe'u ta penderekokue. 
\q2 Xee ma Penderuete, ‘Oreruete’ pejea va'e. 
\q1  
\v 8 Mba'emo peme'ẽague re e'ỹ xeayvu pẽvy, 
\q2 mba'emo peapy reve xerenonde pemoĩ riaea re e'ỹ guive. 
\q1  
\v 9 Ha'e rami teĩ pendero gui xee ndaipotai vaka ra'y, 
\q2 neĩ kavara kora gui peme'ẽ va'e. 
\q1  
\v 10 Mba'eta xerymba meme ikuai ka'aguy regua, 
\q2 yvyty áry mbovy rei e'ỹ vaka ikuai va'e guive. 
\q1  
\v 11 Xee aikuaa guyra yvyty áry ikuai va'e ha'e javi, 
\q2 xerymba meme ikuai vixo nhuũndy rupigua. 
\q1  
\v 12 Xee akaruxe va'e rire aipo nda'ei 'rãgue pẽvy, 
\q2 mba'eta yvy ma xemba'e itui, 
\q2 hexe ikuai va'e ha'e javi avi.\x * \xo 50:12 \xt Atos 17.24-25\x* 
\q1  
\v 13 Tyrã xee nda'u ha'u 'rã ri vaka ro'o? 
\q2 Ay'u 'rã ri nda'u kavara ruguy? 
\q1  
\v 14 Any, Penderuete pe peme'ẽ perovy'aa,\f + \fr 50:14 \ft “Peme'ẽ 'rã perovy'aa”, he'ia ma mboraei, e'ỹ vy nhandepy'a ha'e javi py nhamboetea re ijayvu vy (Hebreus 13.15).\f* 
\q2 ha'e Yvate ete va'e pe pejapo kuerei penhemboayvuague. 
\q1  
\v 15 Pejapukai ke xevy pejexavaia ára. 
\q2 Ha'e ramo xee rogueraa jepe 'rã, 
\q2 ha'e rã peẽ ma xemboete 'rã”, he'i. 
\q1  
\v 16 Ha'e rã heko vai va'e pe ma Nhanderuete aipoe'i: 
\q2 “Nda'evei peẽ kuery xeayvua aeja va'ekue re pendeayvu aguã ha'ekue-'ekue rami, 
\q2 neĩ xereve guarã ajapo va'ekue rupi pendeayvu aguã. 
\q1  
\v 17 Mba'eta napenhemo'arandu ukai, 
\q2 xeayvua napendu potai vy. 
\q1  
\v 18 Ha'e rã imonda va'e ma pexa vy perovy'a 'rã, 
\q2 itavy rei va'e re guive penhemoirũxe vai. 
\q1  
\v 19 Mba'emo vai re anho pendeayvu, 
\q2 pendejuru py penhombotavya rupi anho pendekuai. 
\q1  
\v 20 Pendeayvu rei peiny penderyvy re, 
\q2 pendeayvu vaikue-ikue 'rã pendexy pi'a re ae. 
\q1  
\v 21 Ha'e rami pendekuai teĩ xee akyrirĩ ranhe va'ekue. 
\q2 Ha'e ramo pexa'ã ndee ramigua ae xee aikoa re. 
\q2 Ha'e rami teĩ xee romboayvu 'rãe. 
\q2 Ha'e nunga ha'e javi amoĩmba 'rã pexaa py.\x * \xo 50:21 \xt Romanos 2.17-24\x* 
\q1  
\v 22 Peẽ kuery Penderuete gui penderexarai va'e, 
\q2 peikuaa pota pova'e re. 
\q2 Ha'e rami e'ỹ ri ramo xee romondoropa 'rã, 
\q2 ha'e ndoikoi 'rã penderepyarã. 
\q1  
\v 23 Xererovy'aa ome'ẽ va'e ma xemboetea rupi ikuai. 
\q2 Ha'e rami guape omoatyrõ va'e pe ma 
\q2 aikuaa uka 'rã Penderuete pendereraa jepea.” 
\s1 Davi onhemombe'u ha'e ojeko rerovaa rupi ijayvuague 
\d Jogueroporaei va'e pe Davi ombopara va'ekue, Bate-Seba reve joguerekoague re profeta Natã ou vy ijayvu jave guare (2 Samuel 11.1–12.20). 
\c 51  
\q1  
\v 1 Xeruete, xemboaxy ke ndereko porãa rupi. 
\q2 Opa mba'e py renhomboaxya rupi vy emboguepa ke ajejavyague. 
\q1  
\v 2 Xeky'a'o xereko vaia gui, 
\q2 xejoi ke ajejavyague gui. 
\q1  
\v 3 Mba'eta xee ma aikuaa ae xereko vaia, 
\q2 xema'endu'a riae aikovy ajejavyague re. 
\q1  
\v 4 Nderovai ae ajejavy va'ekue, ndevy anho, 
\q2 ndee rexaa py ajapo mba'emo vai. 
\q2 Ha'e nunga rupi xee aikuaa anhetẽ meme xere ndeayvua, 
\q2 ha'evea rami xembopagaa guive.\x * \xo 51:4 \xt Romanos 3.4\x* 
\q1  
\v 5 Xee ma teko vai py ma voi aiko'i va'ekue, 
\q2 ha'i xerereko'i guive xere oĩ ae ma ajejavy aguã. 
\q1  
\v 6 Ha'e rã ndee ma orepy'a re anhetẽ va'e oĩ va'e rerovy'a va'e, 
\q2 ha'e rami vy xepy'apy py reikuaa uka 'arandua. 
\q1  
\v 7 Xeky'a'o ke hissopo rogue py iky'a e'ỹ va'e ju aiko aguã,\f + \fr 51:7 \ft Ha'e kuery reko rami vy sacerdote kuery joky'a'o vy hissopo rogue ojopy 'rã mymba ruguy oĩa. Ha'e va'e py ojejavy va'ekue áry omboayvi 'rã oiky'a'o aguã (Levítico 14.1-7; Hebreus 9.19). Ha'e rã apy ma Nhanderuete pe ojapukai ipy'a oiky'a'o aguã.\f* 
\q2 xejoi ke, yro'y xiĩ va'e gui xiĩ porãve va'e aiko aguã. 
\q1  
\v 8 Ejapo ke oporaeia ha'e ovy'aa rã aendu ju aguã rami, 
\q2 xekãgue remou'ũmba rire teĩ avy'a nho aguã. 
\q1  
\v 9 Ema'ẽ eme ajejavyague re, 
\q2 emboguepa ke xereko vaia. 
\q1  
\v 10 Xeruete, xere emoĩ kuraxõ pyau iky'a e'ỹ va'e, 
\q2 xenhe'ẽ py xembopyau xereitya ve'ỹ aguã rami. 
\q1  
\v 11 Xemoxẽ eme nerenonde gui, 
\q2 neĩ xegui eipe'a eme guive Nenhe'ẽ Ky'a E'ỹ. 
\q1  
\v 12 Xere emoĩ ju xereraa jepeague re avy'aa. 
\q2 Xenhe'ẽ py xemombaraete ju xekyre'ỹ aguã rami. 
\q1  
\v 13 Ha'e ramo 'rãe ambo'e heko vai va'e kuery ndereko re, 
\q2 ha'e ramo ojejavypa va'ekue ojeko rerova 'rã ndevy. 
\q1  
\v 14 Xeruete, xereraa jepe ke tuguy amoẽague gui, 
\q2 Xeruete xereraa jepea. 
\q2 Ha'e ramo aporaei reve arovy'a 'rã ndereko porãa. 
\q1  
\v 15 \nd Senhor\nd*, eipe'a ke xejuru, 
\q2 ha'e ramo rogueroporaei 'rã. 
\q1  
\v 16 Mba'eta ndererovy'ai mymba rojuka vy rome'ẽ va'e. 
\q2 Ha'e rami e'ỹ va'e rire xee ame'ẽ ma 'rãgue. 
\q2 Mba'emo roapy reve rome'ẽ va'e guive ndererovy'ai. 
\q1  
\v 17 Ndee Oreruete pe rome'ẽ rã rerovy'a va'erã va'e ma orenhe'ẽ py nda'eveia roendua. 
\q2 Orepy'a re rojejou vai ha'e ronhemboaxy ramo ma ndee Oreruete, noremboaxy e'ỹi 'rã.\x * \xo 51:17 \xt Mateus 5.3-6; Mateus 11.29-30; Lucas 18.9-14\x* 
\q1  
\v 18 Emoingo porã ke Sião pygua kuery remboaxya rupi vy. 
\q2 Emoatyrõ uka ju Jerusalém tetã kora. 
\q1  
\v 19 Ha'e rami vy rerovy'a 'rã teko porã rupi ikuai va'e mba'emo ome'ẽ ramo, 
\q2 mba'emo oapy reve ome'ẽ va'e. 
\q2 Ndevygua altar áry ome'ẽ 'rã okuapy vaka ra'y. 
\s1 Heko vai va'e ombopagaa aguã re ijayvua 
\d Jogueroporaei va'e pe nhombo'e aguã Davi ombopara va'ekue, Doegue Edom pygua Saul pe oikuaa uka ramo Abimeleque ro py Davi ovaẽague (1 Samuel 22.6-23). 
\c 52  
\q1  
\v 1 Ava ndepo'akapa va'e, mba'e re tu teko vai ri rejou porã? 
\q2 Mba'eta Nhanderuete porayvua ma opa va'erã e'ỹ. 
\q1  
\v 2 Ha'e rã ndee ma ndeayvu 'rã renhomomba aguã re anho. 
\q2 Kyxe haimbe va'e jojuka va'e rami 'rã ndeayvu, 
\q2 renhombotavy va'e vy. 
\q1  
\v 3 Iporã va'e 'rãgue py mba'emo vai anho rejou porãve. 
\q2 Anhetẽ rupi ndeayvu 'rãgue py ndeapuxe vai rive. 
\q1  
\v 4 Ndee rejou porã va'e ma ayvu nhomokanhyarã anho, 
\q2 renhombotavya rupi rive ndeayvu va'e vy. 
\q1  
\v 5 Ha'e rami avi Nhanderuete nemomba 'rã raka'e rã peve. 
\q2 Ndejopy vy ndepe'a 'rã heravy nderopy reĩa gui, 
\q2 okuave va'e yvy gui ndepe'a xapy'a 'rã. 
\q1  
\v 6 Ha'e nunga oiko rã 
\q2 heko porã va'e kuery oexa vy ojererokyje 'rã. 
\q2 Ha'e rami vy ojojai rei vy aipoe'i 'rã: 
\q1  
\v 7 “Ha'e rami 'rã okanhy avakue Nhanderuete re e'ỹ imbaraete va'e. 
\q2 Mba'eta omba'e rei-rei retaa re rive ojerovia, 
\q2 ha'e opa marã rei ikuaia re rive onhemombaraete va'e.” 
\q1  
\v 8 Ha'e rã xee ma oliveira rembypy ipyau va'e 
\q2 Nhanderuete pegua roka py hi'aĩ va'e rami aiko. 
\q2 Nhanderuete xemboaxya re ajerovia raka'e rã peve. 
\q1  
\v 9 Ha'e rami repena rire 
\q2 xee roguerovy'a 'rã raka'e rã peve. 
\q2 Ndere ojerovia va'e kuery oendua py 
\q2 roarõ reve xema'endu'a 'rã nderery re, iporã ramo. 
\r Salmo 14.1-7 
\d Jogueroporaei va'e pe nhombo'e aguã Davi ombopara va'ekue mbaraka py ombojoguy aguã. 
\c 53  
\q1  
\v 1 Opa marã rei heko va'e ma opy'a py ijayvu vy 
\q2 “Ndoikoi rima Nhanderuete” he'i 'rã. 
\q2 Ha'e kuery opa marã 'rã ikuai teko vai ojapo vy. 
\q2 Neĩ peteĩve ma ndoikoi 'rã heko porãa rupi. 
\q1  
\v 2 Ha'e rã Nhanderuete ma yva gui oma'ẽ 'rã avakue ra'y kuery re, 
\q2 oexa aguã amongue pa o'arandua rupi, 
\q2 Nhanderuete oekaa rupi ikuaia oexa aguã. 
\q1  
\v 3 Ha'e rami teĩ ha'e javive ojepe'a vy opa marã rei ikuai. 
\q2 Ndoikovei ma teko porã rupi oiko va'e, 
\q2 neĩ peteĩve.\f + \fr 53:3 \ft Romanos 3.9-20 py.\f* 
\q1  
\v 4 “Teko vai rupi ikuai va'e 'arandurã noĩ teve? 
\q2 Ha'e kuery ma xevygua kuery omomba rivepa 'rã mbojape ho'ua rami. 
\q2 Nhanderuete pe ndojapukai 'rã guive.”\f + \fr 53:4 \ft Apy ma Nhanderuete ijayvu heko vai va'e reko re.\f* 
\q1  
\v 5 Ha'e rami teĩ ha'e kuery onhemondyipa 'rã, 
\q2 okyje aguã jipoi teĩ. 
\q2 Peẽ kuery re opu'ã rei va'ekue kãgue Nhanderuete omoaĩmba 'rã. 
\q2 Ha'e kuery oxĩmba 'rã pendegui, Nhanderuete nopenavei ramo. 
\q1  
\v 6 Sião tetã gui Israel kuery reraa jepearã ou vy ojekuaa ma 'rãgue! 
\q2 Nhanderuete ojeupegua kuery omoingo porã jevy ramo 
\q2 Jacó ramymino kuery, Israel kuery ovy'a ete 'rã okuapy. 
\s1 Nhanderuete oepy aguã re ojapukaia ague 
\d Jogueroporaei va'e pe nhombo'e aguã Davi ombopara va'ekue mbaraka py ombojoguy aguã, Zife pygua kuery Saul pe aipoe'i ramo: “Orerekoa py e'ỹ teve Davi onhemi?” (1 Samuel 23.19, 26.1). 
\c 54  
\q1  
\v 1 Xeruete, xereraa jepe ke nderery rupi, 
\q2 xemboeko porã guive ndepo'akaa rupi. 
\q1  
\v 2 Xeruete, endu ke anhembo'e ramo, 
\q2 ejapyxaka ayvu xejuru gui oẽ va'e re. 
\q1  
\v 3 Mba'eta xere opu'ã okuapy porojojai va'e kuery, 
\q2 jojuka va'ety kuery xejukaxe okuapy. 
\q2 Ha'e kuery ma Nhanderuete re ima'endu'aa rupi nda'ikuai. 
\q1  
\v 4 Ha'e rã xee ma Nhanderuete oiko xepytyvõarã. 
\q2 \nd Senhor\nd* oiko xemoingovearã. 
\q1  
\v 5 Ombopaga 'rã heko vai va'e xemoingo axyague re. 
\q2 Ojeroviapy reikoa rupi remomba 'rã. 
\q1  
\v 6 Ndevy ame'ẽxea'i py ame'ẽ 'rã ome'ẽmby. 
\q2 \nd Senhor\nd*, aporaei 'rã nderery rupi iporã ramo. 
\q1  
\v 7 Mba'eta xereraa jepe ajexavaia ha'e javi gui. 
\q2 Ha'e ramo aexaa py xerovaigua kuery okanhymba. 
\s1 Joapo vai va'e kuery omombaa aguã re ojerurea ague 
\d Jogueroporaei va'e pe nhombo'e aguã Davi ombopara va'ekue mbaraka py ombojoguy aguã. 
\c 55  
\q1  
\v 1 Xeruete, ejapyxaka ke ajerurea re. 
\q2 Endu e'ỹ eme ajapukaia. 
\q1  
\v 2 Eikuaa pota ke xere, embovai xeayvua. 
\q2 Ajexavai vy ndaikuaai rei, 
\q2 nda'evei rei aikovy 
\q1  
\v 3 xerovaigua kuery ijayvu rei ha'e 
\q2 heko vai va'e xemoingo axy rei ramo. 
\q2 Mba'eta xere ha'e kuery ombou xembojexavaiarã. 
\q2 Xevy ipoxy vaipa vy xemomba 'rã. 
\q1  
\v 4 Xekuraxõ otytypaa aendu xepy'a re. 
\q2 Amano aguã gui akyjea aendu xere ou va'e. 
\q1  
\v 5 Aryryipa reve aendu akyjea, 
\q2 akyje vaipaa xere oĩ. 
\q1  
\v 6 Ha'e rami vy xee aipoa'e: 
\q2 “Apykaxu rami xepepo va'e rire 
\q2 aveve avy vy ajou 'rãgue apytu'u aguã. 
\q1  
\v 7 Ajava 'rãgue mombyry, 
\q2 tekoa e'ỹa rupi aiko 'rãgue. 
\q1  
\v 8 Ajou voi 'rãgue anhemi aguã, 
\q2 yvytu vaikue ha'e yai opu'ã va'e gui”, ha'e. 
\q1  
\v 9 \nd Senhor\nd*, emomba ke xerovaigua kuery, 
\q2 ejapo nhomongetaa py ndoikuaavei aguã rami, 
\q2 mba'eta tetã py xee aexa joguero'a ha'e joe nda'ija'ei va'e anho. 
\q1  
\v 10 Ara py ha'e pyávy ojere okuapy tetã kora yvýry rupi. 
\q2 Kora mbyte py ikuai opa marã rei ha'e mba'emo vai apoa kuery. 
\q1  
\v 11 Tetã mbyte oĩ 'rã nhomombaa. 
\q2 Tape rupi ma ikuai nhomoingo axya ha'e nhombotavya. 
\q1  
\v 12 Ha'e rami avi xerovaigua e'ỹ va'ekue ae xembojaru rei oikovy. 
\q2 Ha'e rami e'ỹ va'e rire aropo'aka kuaa 'rãgue. 
\q2 Ndaxerexaxei va'ekue e'ỹ xere ovy'a rei, 
\q2 ha'e rami e'ỹ va'e rire ixugui anhemi 'rãgue. 
\q1  
\v 13 Ha'e rami 'rãgue py ndee ava xee ramigua reiko va'e, 
\q2 xereve renhemoirũ va'ekue ae, 
\q2 xeirũ xepy'a py roayvuve va'e. 
\q1  
\v 14 Joupive jaiko va'ekue, joupive javy'a va'ekue, 
\q2 teta rupi jaa va'ekue Nhanderuete pegua oo katy. 
\q1  
\v 15 Manoa tojopy voi ha'e kuery, 
\q2 ha'e oikove reve toguejy yvykua py. 
\q2 Mba'eta ngoo rupi mba'emo vai re anho oikuaa pota opy'a py. 
\q1  
\v 16 Ha'e rã xee ma ajapukai 'rã Nhanderuete pe. 
\q2 Ha'e ramo \nd Senhor\nd* xereraa jepe 'rã. 
\q1  
\v 17 Aje'ive, kuaray mbyte ha'e ka'aru'i ju 
\q2 amombe'u 'rã aikotevẽ va'e ajapukai reve. 
\q2 Ha'e ramo \nd Senhor\nd* oendu 'rã xeayvua. 
\q1  
\v 18 Eraa jepe ke xerekovea xerakykue monha va'e kuery gui aiko porã ju aguã, 
\q2 mba'eta heta ete ikuai xerovaigua. 
\q1  
\v 19 Nhanderuete oendu vy ombovai 'rã, 
\q2 jypy'i guive opena va'e vy. 
\q2 Mba'eta ha'e kuery re noĩ ojeko rerova aguã, 
\q2 Nhanderuete renonde teĩ ojererokyjea rupi e'ỹ ikuai. 
\q1  
\v 20 Ha'e va'e ava ma opu'ã hexeve peteĩ rami ikuai va'ekue re, 
\q2 omboaxa rive peteĩ rami ikuai aguã ijayvuague. 
\q1  
\v 21 Ijuru ma manteiga gui yxyĩve, 
\q2 ha'e rã ipy'a re ma joe opu'ã aguã anho oĩ. 
\q2 Ijayvua ma azeite gui iporãve merami 
\q2 teĩ kyxe oekyi pyre rami nhomomba. 
\q1  
\v 22 \nd Senhor\nd* po py pemboaxa pendepy'a eta reia. 
\q2 Ha'e ramo penemombaraete 'rã. 
\q2 Peteĩve henda py ndoity ukai 'rã heko porã va'e.\f + \fr 55:22 \ft 1 Pedro 5.7 py.\f* 
\q1  
\v 23 Xeruete, yvykua vaikue py remombo 'rã 
\q2 avakue tuguy moẽa ha'e nhombotavypa rei va'e. 
\q2 Ha'e kuery ndoupityi 'rã oikove aguã va'ekue mbyte peve. 
\q2 Ha'e rã xee ma ajerovia tema 'rã ndere. 
\s1 Ojexavaia gui ombopy'a guaxu aguã re ojerurea ague 
\d Jogueroporaei va'e pe “Apykaxu yvyra mombyrygua rupi ikuai” he'ia py oporaeia rami oporaei aguã Davi ombopara va'ekue Gate tetã py filisteu kuery ojopy ramo (1 Samuel 21.10-15). 
\c 56  
\q1  
\v 1 Xeruete, xemboaxy ke, 
\q2 mba'eta avakue xejukaxe okuapy. 
\q2 Ára pukukue re xemoingo axy xerero'a vy. 
\q1  
\v 2 Xere opu'ã va'e xejukaxe okuapy. 
\q2 Heta ete ikuai xere opu'ã va'e onhemboyvatevexe vy. 
\q1  
\v 3 Akyjea aendu vy 
\q2 ajerovia 'rã ndere. 
\q1  
\v 4 Nhanderuete re ajerovia, ijayvua arovy'a guive. 
\q2 Nhanderuete re ajerovia vy 
\q2 ndakyjei 'rã mba'eve gui. 
\q2 Mba'e 'rã tu imarã va'e ojapo kuaa xere? 
\q1  
\v 5 Ára pukukue re ha'e kuery omombe'u 'rã xeayvukue ramigua. 
\q2 Onhembopy'aa ma xere ojapo vai aguã anho. 
\q1  
\v 6 Nhomboatypa okuapy nhemi rupi, 
\q2 oma'ẽ mbegue 'rã aikoa re oikuaa pota vy, 
\q2 xemomba aguã oarõ vy. 
\q1  
\v 7 Embopaga ha'e kuery ojapo vaiague re. 
\q2 Xeruete, eitypa yvy regua kuery ndepoxya py. 
\q1  
\v 8 Reipapa ma ajexavaia rupi aikoague. 
\q2 Xerexay voi remboyrupa nde'yryru py. 
\q2 Xerekokue ha'e javi e'ỹ teve ipara ndekuaxia re? 
\q1  
\v 9 Ndevy ajapukaia ára guive 
\q2 xerovaigua kuery ojepe'apa 'rã. 
\q2 Aikuaa porã Nhanderuete xereve oikoa. 
\q1  
\v 10 Nhanderuete re ajerovia, ijayvua arovy'a guive. 
\q2 \nd Senhor\nd* re ajerovia, ijayvua arovy'a guive. 
\q1  
\v 11 Nhanderuete re ajerovia aguã amoĩ vy 
\q2 ndakyjei 'rã mba'eve gui. 
\q2 Mba'e 'rã tu avakue ojapo kuaa xere? 
\q1  
\v 12 Xeruete, ndevy anhemboayvuague ajapo ete 'rã, 
\q2 roguerovy'a ete 'rã guive. 
\q1  
\v 13 Mba'eta manoa gui xerekovea reraa jepe, 
\q2 xepy guive reraa jepe ha'a aguã gui, 
\q2 Xeruete renonde aiko aguã hexakã nhomoingovea rupi. 
\c 57  
\r Salmo 108.1-5 
\d Jogueroporaei va'e pe “Xemomba eme ke” he'ia py oporaeia rami oporaei aguã Davi ombopara va'ekue, Saul gui ojava vy itakua py onhemi jave (1 Samuel 24.1-7). 
\q1  
\v 1 Xeruete, xemboaxy ke. 
\q2 Xemboaxy mba'eta ndere ae xerekovea anhomi. 
\q2 Ndepepo 'ã py anhemi, 
\q2 mba'emo vai oiko va'e oaxapa peve. 
\q1  
\v 2 Ajapukai Nhanderuete Yvate ete va'e pe, 
\q2 mba'eta opa mba'e gui xerepy va'e. 
\q1  
\v 3 Ha'e ramo yva gui xepytyvõarã ombou vy xereraa jepe. 
\q2 Omoxĩmba xeavyky rei va'e kuery. 
\q2 Exa uka renhomboaxya ha'e ojeroviapy reikoa. 
\q1  
\v 4 Mba'eta xerekovea ma guary ikuai va'e mbyte oiko. 
\q2 Ha'e va'e kuery omondoropa 'rã avakue ra'y kuery. 
\q2 Hu'y guaxu ha'e hu'y rami haĩ, 
\q2 ha'e inhapekũ ma kyxe haimbe porã va'e rami. 
\q1  
\v 5 Xeruete, enhemboyvate yva áryve rupi, 
\q2 ha'e yvy jave re tojekuaa nerexakãa. 
\q1  
\v 6 Ha'e kuery ma xerenonde rupi omoĩ xembo'a aguã. 
\q2 Ha'e ramo xerekovea oiko axy. 
\q2 Xerenonde ojo'o okuapy yvy, 
\q2 teĩ ha'e kuery ae ju ho'a ha'e va'ekue py. 
\q1  
\v 7 Xeruete, xekuraxõ oĩ atã ma, 
\q2 xekuraxõ oĩ atã. 
\q2 Aporaei vy roguerovy'a 'rã. 
\q1  
\v 8 Xenhe'ẽ, evy ke! 
\q2 Mbaraka ha'e mba'epu ixã reta va'e, pevy avi ke. 
\q2 Xee ambovy 'rã ko'ẽ ju.\f + \fr 57:8 \ft “Xee ambovy 'rã ko'ẽ ju” he'i aje'ive'i reve Nhanderuete pe oporaei vy.\f* 
\q1  
\v 9 Roguerovy'a 'rã yvy regua kuery mbyte, 
\q2 ndevy aporaei 'rã ha'e javi regua mbyte. 
\q1  
\v 10 Mba'eta renhomboaxya oo 'rã yva peve, 
\q2 ndereko porãa avi arai peve 'rã oo. 
\q1  
\v 11 Xeruete, enhemboyvate yva áryve rupi. 
\q2 Yvy jave re tojekuaa nerexakãa. 
\s1 Heko vai va'e kuery renonderã re ijayvua 
\d Jogueroporaei va'e pe Davi ombopara va'ekue “Xemomba eme ke” he'ia py oporaeia rami oporaei aguã. 
\c 58  
\q1  
\v 1 Peẽ joe pepena va'e, ha'evea rami teve pendeayvu? 
\q2 Anhetẽ rupi ri nda'u peikuaa pota avakue ra'y kuery re? 
\q1  
\v 2 Any teve. 
\q2 Ha'e rami 'rãgue py pendepy'a re pemoĩ teko vairã, 
\q2 ha'e yvy jave re pejapo joguero'a aguã rami. 
\q1  
\v 3 Heko vai va'e ma oguereko'i ramove ojepe'a 'rã ha'eve e'ỹa katy. 
\q2 Itui'i vyve ojavy 'rã onhemboapu vy. 
\q1  
\v 4 Jojukaarã oguereko mboi rami. 
\q2 Oapyxa omboty 'rã mboi ijapyxa e'ỹ va'e rami, 
\q1  
\v 5 oendu e'ỹ aguã imbo'ea ayvu, 
\q2 ombo'e porãve teĩ.\f + \fr 58:5 \ft Apy ijayvu mboi mbo'ea re (Eclesiastes 10.11).\f* 
\q1  
\v 6 Xeruete, emopẽ ke ha'e kuery raĩ ijuru py. 
\q2 \nd Senhor\nd*, emboi guary ra'y kue'iry raĩnhykã. 
\q1  
\v 7 Tokanhymba yy oxyry va'e rami, 
\q2 ha'e hu'y omomboa rã opẽmba rive va'e rami. 
\q1  
\v 8 Hevo'ipe yvy re ijayxy ovy va'e rami ta'ikuai, 
\q2 ha'e kyrĩ'i va'e ixy oity'i va'ekue rami kuaray oexa e'ỹ re ta'ikuai. 
\q1  
\v 9 Juu'y okai vyvoi va'e e'ỹ vy ipyau va'e teĩ 
\q2 oja omboaku e'ỹ mbove 
\q2 yvytu jere ombovevepa va'e rami avi ta'ikuai. 
\q1  
\v 10 Ha'e rã heko porã va'e ma hepyarã ou rã ovy'a 'rã. 
\q2 Omoakỹ 'rã opy heko vai va'e ruguy py. 
\q1  
\v 11 Ha'e ramo aipo'ea 'rã: 
\q2 “Anhetẽ ae ra'e heko porã va'e ojopy 'rã ojeupegua. 
\q2 Mba'eta Nhanderuete oiko yvy re nhombopaga va'e.” 
\s1 Ojepy ukaa rupi ojerurea ague 
\d Jogueroporaei va'e pe “Xemomba eme ke” he'ia py oporaeia rami oporaei aguã Davi ombopara va'ekue Saul ojukaxe vy oo py oĩa oarõ uka ramo (1 Samuel 19.11-12). 
\c 59  
\q1  
\v 1 Xeruete, xereraa jepe xerovaigua kuery gui. 
\q2 Xereupi xerovaigua kuery xererovy e'ỹ aguã py. 
\q1  
\v 2 Xereraa jepe teko vai apoa kuery gui, 
\q2 xerepy avakue jouguy moẽa gui. 
\q1  
\v 3 Mba'eta ha'e kuery ma nhuã ojayvy xerekove oipe'a aguã. 
\q2 \nd Senhor\nd*, imbaraetekueve onhemboaty okuapy xerovai, 
\q2 xereko vai ramo e'ỹ, ajejavy ramo e'ỹ guive. 
\q1  
\v 4 Mba'eve py atekoavy ramo e'ỹ ha'e kuery ojapura xemoingo axy aguã. 
\q2 Emyĩ ke, eju xerepy aguã, exa pota guive. 
\q1  
\v 5 Ndee ma \nd Senhor\nd* Xeruete ixondaro reta va'e, 
\q2 Israel kuery Ruete reiko. 
\q2 Ha'e nunga rupi emyĩ, eju voi guive 
\q2 yvy regua kuery re reikuaa pota aguã. 
\q2 Neĩ peteĩve emboaxy eme hi'ã rupi teko vai ojapo va'ekue. 
\q1  
\v 6 Ha'e kuery ma pytũ ma ramo onhendu okuapy jagua rami 
\q2 tetã yvýry rupi. 
\q1  
\v 7 Opa marã onhendu okuapy. 
\q2 Ijuru py ayvu oĩ va'e ma kyxe, 
\q2 “Mava'e tu oiko nhanerenduarã?” he'i guive. 
\q1  
\v 8 Ha'e rã \nd Senhor\nd*, ndee repuka 'rã ha'e kuery re. 
\q2 Rejojai rei 'rã yvy regua kuery ha'e javi. 
\q1  
\v 9 Xemombaraetea, ndee ae roarõ va'e, 
\q2 mba'eta ndee ma Xeruete anhemiaty yvate va'e. 
\q1  
\v 10 Xeruete xemboaxy vy ou 'rã xembojoyvyarã. 
\q2 Xerovaigua kuery re aipota va'e oiko ramo Nhanderuete oexa uka 'rã xevy. 
\q1  
\v 11 Ha'e rami avi ejukapa eme guive, xejavegua kuery hexaraipa e'ỹ aguã. 
\q2 Ha'e rami 'rãgue py emoaĩmba opa rupi ndepo'akaa py ho'apa peve, 
\q2 mba'eta \nd Senhor\nd*, orevy pe mba'emo vai jokoa reiko. 
\q1  
\v 12 Tove ha'e kuery onhemboyvatea rupi ae to'apa 
\q2 ojuru py ojejavyague re, guembe rupi ayvu oẽague re, 
\q2 opa marã ikuaiague re ha'e apu omombe'uague re. 
\q1  
\v 13 Emokanhy ndepoxya rupi, emokanhymba, 
\q2 ha'e kuery opa peve, 
\q2 yvy apy peve oikuaa pavẽ aguã 
\q2 Jacó ra'y kuery re Nhanderuete openaa. 
\q1  
\v 14 Pytũ ma ramo jagua rami ha'e kuery onhendu okuapy 
\q2 tetã yvýry rupi. 
\q1  
\v 15 Opa rupi ikuai ho'u va'erã oeka va'e rami, 
\q2 ha'e naevyatãi vy opa marã onhendu okuapy. 
\q1  
\v 16 Ha'e rã xee ma aporaei 'rã ndepo'akaa re. 
\q2 Ha'e aje'ive reve aporaeive ju 'rã 
\q2 xemboaxya re avy'aa rupi. 
\q2 Mba'eta ndee ae anhemiaty yvate va'e reiko, 
\q2 ajexavaia ára ndee ae xerepy 'rã. 
\q1  
\v 17 Ha'e nunga rupi Xemombaraetea, ndevy pe aporaei 'rã aikovy. 
\q2 Xeruete anhemiaty yvate va'e reiko, 
\q2 Xeruete xemboaxy va'e. 
\c 60  
\r Salmo 108.6-13 
\d Jogueroporaei va'e pe “Yvoty lírio omombe'ua va'e” he'ia py oporaeia rami oporaei aguã Davi ombopara va'ekue nhombo'e aguã, Síria regua kuery Mesopotâmia ha'e Zobá guigua re opu'ã jave, ha'e Joabe ou vy doze mil avakue Edom regua re Juky Ugua py ipo'aka jave (1 Samuel 8.13). 
\q1  
\v 1 Xeruete, ndee nerepenavei va'ekue orere, 
\q2 oremoaĩmba guive ndepoxy vy. 
\q2 Oremono'õmba ju ke aỹ. 
\q1  
\v 2 Remomyĩmba va'ekue yvy, rembovopa guive. 
\q2 Embotypa ju ke ipa'ũ, 
\q2 mba'eta oipave 'rã ovy. 
\q1  
\v 3 Rejapo va'ekue ndevygua kuery mba'emo vai py ikuai axy aguã rami, 
\q2 oremboy'u vinho oremoakanhyarã. 
\q1  
\v 4 Nerenonde ojererokyjea rupi ikuai va'e peguarã reupi uka bandeira,\f + \fr 60:4 \ft Bandeira hi'y reve ma joe opu'ãa rupi 'rã ogueraa, oupia rã xondaro kuery oexa vy oĩa py oupa aguã (Jeremias 51.27).\f* 
\q2 guyrapa revegua gui onhemi kuaa aguã. 
\q1  
\v 5 Ore kuery nerembiayvu orekuai va'e roo jepe aguã 
\q2 orereraa jepe ke reiporu kuaa regua py, ha'e orembovai. 
\q1  
\v 6 Nhanderuete ijayvu oky'a e'ỹa rupi: 
\q2 “Xepo'akaa rupi vy amboja'o 'rã Siquém yvy, 
\q2 aa'ã 'rã Sucote regua yvyugua guive.\f + \fr 60:6 \ft Apy ma ijayvu joyvy oipe'a va'ekue ojeupegua kuery pe omboja'o aguã re.\f* 
\q1  
\v 7 Gileade ha'e Manassés yvy ma xemba'e meme itui. 
\q2 Efraim yvy ma xengora ratã. 
\q2 Judá ma xepo pygua. 
\q1  
\v 8 Ha'e rã Moabe yvy ma hy'a ajejoiaty itui, 
\q2 Edom yvy áry amombo 'rã xepy regua, 
\q2 ha'e Filístia pygua kuery re xepo'aka vy avy'a nhendu 'rã.”\f + \fr 60:8 \ft Ha'e jave py ma joyvy ojogua vy hi'áry omombo 'rã opy regua, oikuaa uka aguã ija oikoa.\f* 
\q1  
\v 9 Mava'e nda'u xereraa 'rã tetã ikorapa va'ea py? 
\q2 Mava'e nda'u xereraa 'rã Edom yvy re? 
\q1  
\v 10 Mba'eta Oreruete, ndee orereja rive va'ekue. 
\q2 Oreruete, ndereovei ma orexondaro kuery reve! 
\q1  
\v 11 Orereraa jepe nho ke rojexavaia gui, 
\q2 mba'eta avakue orereraa jepea ma mba'everã ndovarei. 
\q1  
\v 12 Nhanderuete re vy ae 'rã nhandepo'aka, 
\q2 mba'eta ha'e opyrõ 'rã nhanderovaigua kuery re. 
\s1 Huvixave re ojerurea ague 
\d Jogueroporaei va'e pe Davi ombopara va'ekue mbaraka py ombojoguy aguã. 
\c 61  
\q1  
\v 1 Xeruete, endu ke ajapukaia. 
\q2 Eikuaa pota anhembo'e ramo. 
\q1  
\v 2 Yvy apy gui ajapukai ndevy, 
\q2 xepy'apy py ajexavai vy. 
\q2 Xereraa ke itaova xegui yvateve va'e áry. 
\q1  
\v 3 Mba'eta ndee ma anhemiaty, 
\q2 xerovaigua kuery gui torre imbaraete va'e reiko. 
\q1  
\v 4 Taiko riae nembojeroviaaty rupi raka'e rã peve. 
\q2 Ndepepo guýry xee anhemi va'e. 
\q1  
\v 5 Mba'eta Xeruete, ndee rendu anhemboayvu rã. 
\q2 Ha'e rami vy xevy pe reme'ẽ iporã va'e, 
\q2 nderery oendu vy ojererokyje va'e kuery reve. 
\q1  
\v 6 Remoĩve 'rã huvixave ára. 
\q2 Hi'ára ipukuve ete 'rã aỹgua ha'e raka'e rãgua ikuaia peve. 
\q1  
\v 7 Toĩ riae Nhanderuete renonde. 
\q2 Ndereko porãa ha'e ndeporayvua rupi vy toikove riae. 
\q1  
\v 8 Ha'e rami rã nderery rupi aporaei 'rã raka'e rã peve, 
\q2 anhemboayvuague ajapo aguã ko'ẽ nhavõ. 
\s1 Jajerovia aguã regua 
\d Jogueroporaei va'e Jedutum oporaeia rami oporaei aguã Davi ombopara va'ekue. 
\c 62  
\q1  
\v 1 Nhanderuete anho arõ aikovy xenhe'ẽ py, xeayvu e'ỹ re. 
\q2 Mba'eta ixugui ae ou xereraa jepearã. 
\q1  
\v 2 Ha'e anho oiko itaova, 
\q2 xereraa jepea ha'e anhemiaty yvate va'e. 
\q2 Ha'e nunga rupi ndaxereityai 'rã. 
\q1  
\v 3 Peẽ kuery ha'e javive, raka'e peve tu xee peteĩ ava re pepu'ã rei 'rã xereity aguã 
\q2 oo mbotya ojero'a va'e, e'ỹ vy kora ho'a rai'i va'e rami. 
\q1  
\v 4 Ha'e va'e kuery xereityxe okuapy naxemboeteavei aguã. 
\q2 Apu rive ha'e kuery ojou porãve. 
\q2 Ojuru py ijayvu porã teĩ 
\q2 opy'a py ma ijayvu vaikue-ikue 'rã. 
\q1  
\v 5 Nhanderuete anho xenhe'ẽ py arõ aikovy xeayvu e'ỹ re, 
\q2 mba'eta ixugui ou 'rã arõ aikovy va'e. 
\q1  
\v 6 Ha'e anho oiko itaova aĩ aguã, 
\q2 xereraa jepea, anhemiaty yvate va'e. 
\q2 Ha'e ramo ndaxereityavei 'rã. 
\q1  
\v 7 Nhanderuete gui ae ou aa jepe aguã ha'e xemboetea aguã. 
\q2 Nhanderuete re oĩ xembaraete aguã ha'e itaova anhemiaty. 
\q1  
\v 8 Xerevegua kuery, pejerovia hexe ára nhavõ. 
\q2 Ixupe pemombe'u guive pendepy'a re oĩ va'e ha'e javi. 
\q2 Nhanderuete ma nhanhemiaty oiko. 
\q1  
\v 9 Avakue yvyĩgue'i ma mba'e'ỹ ikuai, 
\q2 ijyvatekueve voi anhetẽ rupigua e'ỹ meme ikuai. 
\q2 Mba'emo opejaa py ipoyia oexaa rã 
\q2 ha'e kuery ha'e javi teĩ mba'e'ỹ va'e gui nda'ipoyive 'rã. 
\q1  
\v 10 Pejerovia eme pejokorea re, 
\q2 neĩ penemondaa re pevy'a eme guive. 
\q2 Penemba'e rei-rei hetave ovy teĩ 
\q2 ha'e nunga re rive pejerovia eme pendepy'a py.\x * \xo 62:10 \xt Mateus 19.21-22; 1 Timóteo 6.17-19\x* 
\q1  
\v 11 Peteĩgue Nhanderuete ijayvu, mokoĩguea ma aendu pova'e: 
\q2 Po'akaa ma Nhanderuete guigua meme. 
\q1  
\v 12 \nd Senhor\nd*, ndere anho oĩ oremboaxy aguã. 
\q2 Peteĩ-teĩ pe reme'ẽ 'rã ojapoague repy.\x * \xo 62:12 \xt Mateus 16.27; Romanos 2.6-16; Apocalipse 2.23\x* 
\s1 Nhanderuete jaeka aguã regua 
\d Mboraeirã Judá regua teko e'ỹa rupi Davi oiko vy ombopara va'ekue (2 Samuel 15.1-30, 16.5-14). 
\c 63  
\q1  
\v 1 Xeruete, ndee ma Xeruete imbaraete va'e. 
\q2 Xee ma roekaa rupi anhea'ã aikovy. 
\q2 Ndere ma xerekovea nda'eveive. 
\q2 Xerete re voi aendu ndere anhembojaxea, 
\q2 yvy ipiru reia rupi yy re nda'evei va'e rami. 
\q1  
\v 2 Mba'eta ndevygua henda iky'a e'ỹ va'e py aĩ vy 
\q2 aikuaa pota va'ekue nembaraetea ha'e nerexakãa re. 
\q1  
\v 3 Mba'eta xerekove 'rãgue py xee arovy'ave ndee xemboaxya. 
\q2 Ha'e rami vy rogueroporaei 'rã. 
\q1  
\v 4 Ha'e rami vy roguerovy'a 'rã aikove teria ja, 
\q2 nderery rupi xepo aupi 'rã guive. 
\q1  
\v 5 Xenhe'ẽ py avy'a nhandy ha'e xo'o hee va'e ha'u vy avy'aa rami avi. 
\q2 Roguerovy'aa rupi xejuru py rogueroporaei. 
\q1  
\v 6 Xerupa py xetuia rupi voi xema'endu'a 'rã ndere, 
\q2 pyávy ndakevei vy aikuaa pota 'rã ndere, 
\q1  
\v 7 xepytyvõa reiko ramo. 
\q2 Ndepepo'ã py anhemi vy aporaei 'rã vy'a rupi.\f + \fr 63:7 \ft “Ndepepo'ã py” he'ia ma Nhanderuete opena porãa re ijayvu vy (Mateus 23.37).\f* 
\q1  
\v 8 Xenhe'ẽ ma ndere anho oĩ. 
\q2 Ndepo reiporu kuaa regua re xejopy. 
\q1  
\v 9 Ha'e rã xerekovea oipe'axe vy xereka va'e kuery ma 
\q2 ho'apa 'rã yvykua vaikue py. 
\q1  
\v 10 Remboaxa 'rã kyxe py ipo'aka va'e kuery pe, 
\q2 jagua-tuvy nhe'ẽ rembi'urã rive ikuai aguã. 
\q1  
\v 11 Ha'e rã huvixave ma ovy'a 'rã Nhanderuete re. 
\q2 Hery rupi oura va'e kuery avi ovy'a 'rã okuapy. 
\q2 Ha'e rã apu rupi ikuai va'e ma okyrirĩmba 'rã. 
\s1 Hovaigua kuery gui oepy aguã re ojerurea ague 
\d Jogueroporaei va'e pe mboraeirã Davi ombopara va'ekue. 
\c 64  
\q1  
\v 1 Xeruete, endu ke ajexavai vy ajapukaia. 
\q2 Eraa jepe xerekovea xerovaigua kuery poxya gui. 
\q1  
\v 2 Xenhomi heko vai va'e ojapoxe va'e gui, 
\q2 heko vai va'e opa marã onhendu okuapya gui. 
\q1  
\v 3 Ha'e va'e kuery ma kyxe oaĩmbe'ea rami oguereko katu 'rã oapekũ, 
\q2 hu'y oa'angaa rami oguereko katu 'rã ayvu vai, 
\q1  
\v 4 nhemi rupi ojapo vai aguã anhetẽ rupi ikuai va'e re, 
\q2 ha'e kuery re opoi xapy'a 'rã okyje e'ỹ re. 
\q1  
\v 5 Mba'emo vai rupi ikuaia gui ndojepe'ai 'rãe, 
\q2 nhemi rupi ijayvu 'rã joapo vai aguã re. 
\q2 Ha'e vy joupe-upe “Mava'e tu nhanderexa 'rã?” he'i. 
\q1  
\v 6 Teko vai re rive oikuaa pota 'rã, 
\q2 ha'e gui ojou 'rã ha'ekue rami ete ojapo aguã. 
\q2 Yvykua vaikue rami onhembopy'aa ha'e peteĩ-teĩ py'a. 
\q1  
\v 7 Ha'e gui ma ha'e kuery re Nhanderuete ju 'rã opoi ngu'y. 
\q2 Ha'e kuery oendu xapy'a 'rã onhyvõague. 
\q1  
\v 8 Po ramigua py ha'e kuery ho'a 'rã: 
\q2 ijayvuague rami ae oiko 'rã ha'e kuery re. 
\q2 Ha'e ramo hexaa kuery ha'e javi oakã ombovava 'rã, 
\q1  
\v 9 ha'e avakue ikuai va'e ha'e javi ma ojererokyje reve 
\q2 oikuaa uka 'rã Nhanderuete rembiapo, 
\q2 ha'e ojapo va'e oikuaa vy. 
\q1  
\v 10 Ha'e gui heko porã va'e ma oguerovy'a 'rã \nd Senhor\nd*, 
\q2 hexe ojerovia 'rã guive. 
\q2 Anhetẽ rupi ipy'a va'e ha'e javi ovy'a 'rã. 
\s1 Mba'emo aju omono'õmbaa ogueroma'endu'aa ague 
\d Jogueroporaei va'e pe mboraeirã Davi ombopara va'ekue. 
\c 65  
\q1  
\v 1 Oreruete, ndere rojeroviaa rupi rogueroporaei 'rã Sião tetã py! 
\q2 Ndevy pe rojapo 'rã ronhemboayvuague. 
\q1  
\v 2 Ronhembo'ea rendu va'e, 
\q2 ndea py ou 'rã opa marãgua avakue 
\q1  
\v 3 gueko vaiague re ndovy'ai vy. 
\q2 Rojejavyague orere ipo'aka ramo 
\q2 ndee rembogue 'rã. 
\q1  
\v 4 Ovy'a ete 'rã ndejeupe guarã reiporavo va'ekue. 
\q2 Ha'e va'e kuery onhemboja 'rã ndere, nderoka py ikuai aguã. 
\q2 Ha'e ramo rovy'a vaipa 'rã ndero py oremboaxya rexa uka va'e re, 
\q2 ndevygua templo iky'a e'ỹ va'e py. 
\q1  
\v 5 Oreruete orereraa jepea, ndeguigua teko porã re rojapukai ramo 
\q2 ndee orembovai 'rã nhomondyipaarã rejapo vy. 
\q2 Yvy apy re ikuai va'e ha'e ye'ẽ mombyryve oĩ va'e rupigua 
\q2 ndee anho nerarõ okuapy. 
\q1  
\v 6 Nembaraetea rupi vy remombyta porã raka'e yvyty, 
\q2 ndepo'akaa py renhemonde reve. 
\q1  
\v 7 Ye'ẽ revovo onhendu ramo remombytu'u ju, 
\q2 yai opu'ã-pu'ã va'e revovo, 
\q2 yvy regua kuery revovo guive.\x * \xo 65:7 \xt Lucas 8.12-15; 21.25-26\x* 
\q1  
\v 8 Ha'e ramo hexa pyrã rejapo va'e 
\q2 yvy apy re ikuai va'e oexa vy onhemondyipa 'rã okuapy. 
\q2 Kuaray oua katy gui ha'e oikea katy gui ou va'e 
\q2 rejapo 'rã ovy'a reve oporaei okuapy aguã rami. 
\q1  
\v 9 Yvy re reikuaa pota vy remoakỹ 'rã, 
\q2 remoingo porã ete 'rã. 
\q2 Yakã'i Nhanderuete pegua typy porã meme 'rã. 
\q2 Mba'emo ra'yĩ oiko porã 'rã, 
\q2 ha'e rami aguã rami remoingo rire. 
\q1  
\v 10 Ha'e rami vy remoakỹ 'rã yvy roikaraĩague rupi, 
\q2 rembojojapa 'rã yvy'ã ikuai va'e. 
\q2 Oky rayvi py remoakỹ 
\q2 ronhotỹ va'ekue remoingo porã vy. 
\q1  
\v 11 Ma'etỹa opaa py rexa uka 'rã ndeporayvua coroa rami iporã va'e. 
\q2 Repyrõague rupi reja 'rã yvy moingo porãarã, 
\q1  
\v 12 teko e'ỹa rupi jai rogue ikuai va'e re guive. 
\q2 Yvy'ã ikuai va'e voi ovy'a 'rã. 
\q1  
\v 13 Mymba heta 'rã ikuai nhuũndy rupi, 
\q2 ha'e yvy'ã guy rupi ma hary anho 'rã ikuai. 
\q2 Ha'e nunga ha'e javi ovy'a vy oporaei 'rã okuapy. 
\s1 Nhanderuete oguerovy'aa ague 
\d Jogueroporaei va'e pe mboraeirã ombopara pyre. 
\c 66  
\q1  
\v 1 Yvy jave re pendekuai va'e, peroporaei Nhanderuete! 
\q1  
\v 2 Peporaei hery rupi iporã ramo, 
\q2 perovy'a mboraei rupi. 
\q1  
\v 3 Nhanderuete pe aipo peje: “Rejapo va'ekue ma iporã ete! 
\q2 Ndepo'aka etea rupi nderovaigua ikuai va'ekue ojexa uka 'rã nenhe'ẽ rendu vy. 
\q1  
\v 4 Yvy jave regua nerenonde 'rã oĩ guenapy'ã re, 
\q2 mboraei rupi oporaei 'rã ndevy, 
\q2 nderery rupi oporaei 'rã okuapy.” 
\q1  
\v 5 Peju ke, pexa Nhanderuete rembiapokue, 
\q2 avakue ra'y kuery pe mba'emo porã ojapo va'ekue ha'e javi. 
\q1  
\v 6 Ye'ẽ omboypa raka'e yvy piru reia rive opyta aguã rami, 
\q2 ha'e yakã mbyte rupi guive oaxaa yvy rupi.\x * \xo 66:6 \xt Êxodo 14.21-22, Josué 3.17\x* 
\q2 Ha'e py ma javy'a hexe. 
\q1  
\v 7 Opo'akaa rupi opena riae 'rã, 
\q2 oexa pota 'rã yvy regua kuery re. 
\q2 Nonhe'ẽ rendui va'e tonhemboyvate eme. 
\q1  
\v 8 Yvy regua kuery, penema'endu'a porã ke Nhanderuete re, 
\q2 pendu uka peporaeia. 
\q1  
\v 9 Ha'e ma ojapo jaikove aguã rami, 
\q2 ha'e ndojapoi 'rã nhandepyxyry aguã rami. 
\q1  
\v 10 Mba'eta ndee Oreruete, orereko rexa, 
\q2 oreky'a'o prata oiky'a'oa rami. 
\q1  
\v 11 Oreapo va'ekue nhuã py orembotya aguã rami, 
\q2 orevoyirã remoĩ orekupe re. 
\q1  
\v 12 Rejapo avakue kavaju árygua kuery oreakã áry rupi oo aguã rami. 
\q2 Oremboaxa va'ekue tata ha'e yy rupi. 
\q2 Ha'e rami rire teĩ peteĩ henda tuvixaa py ju orereru. 
\q1  
\v 13 Aike 'rã nderopy mba'emo ame'ẽ va'erã reve, 
\q2 ndevy ajapo aguã anhemboayvuague, 
\q1  
\v 14 ha'e rami aguã re xeayvu rire, 
\q2 mba'eta ajexavaia ára ha'e rami aguã xeayvu. 
\q1  
\v 15 Ndevy ame'ẽ 'rã ikyra va'e ojuka pyre, 
\q2 kavara ro'okue reakuã reve. 
\q2 Ajuka 'rã vaka ha'e kavara ra'y. 
\q1  
\v 16 Nhanderuete renonde pejererokyjea rupi pendekuai va'e ha'e javi, peju ke, pendu, 
\q2 pẽvy amombe'u 'rã xevy ojapo porã va'ekue. 
\q1  
\v 17 Ixupe ajapukai karamboae, 
\q2 xejuru py aroporaei guive. 
\q1  
\v 18 Xepy'a re ovare e'ỹ va'e amoĩ va'e rire 
\q2 \nd Senhor\nd* naxerendui 'rãgue. 
\q1  
\v 19 Ha'e rami rã Nhanderuete xerendu ae, 
\q2 oikuaa pota guive ajerure vy xeayvu rã. 
\q1  
\v 20 Ima'endu'a porãmby toiko Nhanderuete. 
\q2 Anhembo'ea noendu rivei, 
\q2 neĩ ndoexa uka e'ỹi guive xemboaxya. 
\s1 Yvy regua kuery oguerovy'a aguã regua 
\d Jogueroporaei va'e pe mboraeirã ombopara pyre mbaraka py ombojoguy aguã. 
\c 67  
\q1  
\v 1 Nhanderuete topena porã nhandere, 
\q2 tanhanemoingo porã, 
\q2 ha'e jaikoa rupi tomboguejy ngova rexakã, 
\q1  
\v 2 yvy re ikuai va'e oikuaa aguã ndereko, 
\q2 yvy regua ha'e javi ikuaia rupi oikuaa aguã rejogueraa jepea. 
\q1  
\v 3 Oreruete, yvy regua kuery tandereroporaei, 
\q2 tandereroporaei ha'e kuery ha'e javi. 
\q1  
\v 4 Amboae regua kuery voi tandererovy'a, tandereroporaei. 
\q2 Mba'eta yvy regua re reikuaa pota 'rã anhetẽ rupi, 
\q2 yvy re ikuai va'e rerekopa. 
\q1  
\v 5 Oreruete, yvy regua kuery tandereroporaei, 
\q2 tandereroporaei ha'e kuery ha'e javi. 
\q1  
\v 6 Nhanderuete nhanemoingo porã ramo 
\q2 yvy re oiko ma mba'emo'a. 
\q1  
\v 7 Oreruete, oremoingo porã ke, 
\q2 ha'e ramo yvy apy guive ojererokyjea rupi ikuai 'rã nerenonde. 
\s1 Nhanderuete ngovaigua kuery re ipo'akaa re ijayvua 
\d Jogueroporaei va'e pe mboraeirã Davi ombopara va'ekue. 
\c 68  
\q1  
\v 1 Nhanderuete opu'ã vy omoaĩmba ngovaigua kuery. 
\q2 Henonde gui onhamba oayvu e'ỹ va'e. 
\q1  
\v 2 Hataxĩ oaĩmba ovya rami ndee remoaĩ 'rã. 
\q2 Tata gui ei raity hykupaa rami avi 
\q2 heko vai va'e kuery okanhymba 'rã Nhanderuete renonde gui. 
\q1  
\v 3 Ha'e rã heko porã va'e ma ovy'a 'rã okuapy, 
\q2 Nhanderuete renonde oporaei 'rã. 
\q2 Oguerovy'a pavẽ 'rã. 
\q1  
\v 4 Peporaei ke Nhanderuete pe, hery rupi peporaei. 
\q2 Pemboete arai áry rupi oiko va'e. 
\q2 \nd Senhor\nd* ae hery. Pevy'a henonde. 
\q1  
\v 5 Ha'e ma tyre'ỹ ikuai va'e ru, ha'e imeve'ỹ va'e re oikuaa pota va'e oiko. 
\q2 Nhanderuete oiko o'amba iky'a e'ỹ va'e py. 
\q1  
\v 6 Nhanderuete ojapo 'rã amongue ha'e ae'i oiko va'ekue ngoo pygua heta reve ju oiko aguã rami. 
\q2 Nhuã py omboty pyre voi ogueraa jepe 'rã ikuai porã aguã py. 
\q2 Onhe'ẽ rendu e'ỹ va'e kuery anho 'rã ikuai yvy porã e'ỹa re. 
\q1  
\v 7 Oreruete, ndevygua kuery renonde reẽ reovy ramo, 
\q2 tekoa e'ỹa rupi reroguata ramo 
\q1  
\v 8 yvy oryryipa raka'e, 
\q2 yva voi otykypa ndee Oreruete renonde. 
\q2 Sinai yvyty voi omyĩmba ndee ore Israel kuery Ruete renonde.\f + \fr 68:8 \ft Egito yvy gui Nhanderuete judeu kuery ogueraa jepe vy henonderã omondouka arai ha'e tata (Êxodo 13.21-22). Ha'e gui Sinai yvyty yvýry ha'e kuery ovaẽ ramo ojapo yvy oryryi aguã rami (Êxodo 19.16-18).\f* 
\q1  
\v 9 Oreruete, oky ja'ea rembou ndeyvy re. 
\q2 Na'iporãvei ramo rembopyau. 
\q1  
\v 10 Ha'e py ma ikuai nerymba kuery.\f + \fr 68:10 \ft “Nerymba kuery” he'ia ma Nhanderuete pegua kuery re ijayvu vy (Salmo 100.3).\f* 
\q2 Oreruete, oikotevẽ va'e pe rejou uka mba'emo ndeporayvua rupi. 
\q1  
\v 11 \nd Senhor\nd* ae oikuaa uka ayvu. 
\q2 Heta ete ikuai kunhague ayvu porã mombe'ua. 
\q1  
\v 12 Huvixave kuery onhamba, oxondaro kuery reve ojavapa, 
\q2 ha'e gui imba'e rei-rei va'ekue ma kunha hoo va'e ju omboja'o. 
\q1  
\v 13 Mba'e re tu pepytu'u peiny mymba kora yvýry?\f + \fr 68:13 \ft Kova'e ayvu rupi Débora ijayvu raka'e Rúben kuery pe joe opu'ã aguã katy ndooi ramo (Juízes 5.16).\f* 
\q2 Apykaxu pepo ma prata py onhovãmbaa mbyre, 
\q2 hague ipukuve va'e re ma ouro rexakã oĩ. 
\q1  
\v 14 Ha'e py Ipo'akapa va'e huvixave kuery omoaĩmba jave 
\q2 Zalmom yvyty áry ho'a yro'y apĩ. 
\q1  
\v 15 Nhanderuete pegua yvyty ma Basã, 
\q2 yvy'ã yvateve va'e ma Basã regua yvyty. 
\q1  
\v 16 Ha'e gui ndee yvyty yvateve va'e, 
\q2 mba'e re tu remoaruã reia rupi rema'ẽ yvyty Nhanderuete oiporavo va'ekue re? 
\q2 Ha'e py ma \nd Senhor\nd* oiko 'rã raka'e rã peve. 
\q1  
\v 17 Nhanderuete pegua karóxa joe opu'ãa pygua ma vinte mil ikuai, 
\q2 tá, mbovy rei e'ỹ oguereko. 
\q2 Ha'e va'e kuery mbyte rupi \nd Senhor\nd* oiko. 
\q2 Sinai yvyty ojeapo henda iky'a e'ỹ va'e rami. 
\q1  
\v 18 Yvate katy reo ju vy reraa nerembiguairã rejopy va'ekue. 
\q2 Rejopy avakue ndejeupe guarã, heko vai va'ekue guive,\x * \xo 68:18 \xt Efésios 4.7-13\x* 
\q2 \nd Senhor\nd* Oreruete, ha'e kuery mbyte reiko aguã. 
\q1  
\v 19 Ima'endu'a porãmby toiko \nd Senhor\nd* ko'ẽ nhavõ nhandevoyi ogueraa va'e. 
\q2 Nhanderuete ma nhanderepya oiko. 
\q1  
\v 20 Nhanderuete ma jogueraa jepea. 
\q2 Nhanderuete \nd Senhor\nd* reve vy jaa jepe 'rã manoa gui. 
\q1  
\v 21 Mba'eta Nhanderuete ombovo ngovaigua kuery akã, 
\q2 hi'a vuku va'e ha'e kuery ae oipotaa rupi ikuai va'ekue akã ombovopa. 
\q1  
\v 22 \nd Senhor\nd* aipoe'i: “Basã yvy gui arojevy uka ju 'rã ha'e kuery, 
\q2 ye'ẽ typyvea peve ojava teĩ ha'e gui aru rukapa ju 'rã”, he'i. 
\q1  
\v 23 Ha'e ramo pepyrõ 'rã penderovaigua kuery ruguy re, 
\q2 ha'e penerymba jagua kuery oy'upa 'rã. 
\q1  
\v 24 Xeruete, ojekuaa ndevygua kuery hyxy ovy va'e. 
\q2 Xeruete, Xeruvixave pegua hyxy jogueravy vy oike henda iky'a e'ỹ va'e py. 
\q1  
\v 25 Henonde ma oje'oi oporaei va'e, 
\q2 hakykue ma ixã va'e mbopua kuery oje'oi. 
\q2 Mbyte rupi ma kunhataĩgue oparã'i va'e revegua ou. 
\q1  
\v 26 Teta mbyte penema'endu'a porã ke Nhanderuete re. 
\q2 Peẽ Israel ramymino kuery, penema'endu'a porã \nd Senhor\nd* re. 
\q1  
\v 27 Pe py ma oĩ kyrĩve va'e Benjamim regua, amboae kuery renonde re oo, 
\q2 ha'e Judá regua huvixa kuery ngupivegua kuery reve. 
\q2 Ou avi huvixa kuery Zebulom ha'e Naftali regua. 
\q1  
\v 28 Oreruete, exa uka ju ke nembaraetea, 
\q2 mbaraete marã e'ỹ orerepya rupi reiporu va'ekue, 
\q1  
\v 29 Jerusalém tetã py ndevygua templo guigua. 
\q2 Huvixa kuery ome'ẽ 'rã mba'emo nemboetea rupi. 
\q1  
\v 30 Emondyipa vixo takuaty rupigua,\f + \fr 68:30 \ft “Vixo takua ty rupigua” he'ia ma Egito pygua ruvixa re ijayvu vy (Ezequiel 29.3, 32.2).\f* 
\q2 heta regua kuery guive vaka rami imbaraete teĩ, 
\q2 ha'e gui amboae regua vaka ra'y rami ikuai va'e. 
\q2 Epyrõ prata oipota rei va'e kuery re. 
\q2 Emoaĩmba joe opu'ãxe vai va'e. 
\q1  
\v 31 Huvixa kuery ou Egito yvy gui, 
\q2 Etiópia pygua avi onha 'rã jogueruvy, 
\q2 opo tynyẽ va'e omokuave'ẽ reve Nhanderuete pe. 
\q1  
\v 32 Yvy regua pendekuai va'e, peporaei Nhanderuete pe, 
\q2 peroporaei \nd Senhor\nd*. 
\q1  
\v 33 Ha'e ma yva áryve rupi oĩ, yva ymave guare áry rupi. 
\q2 Ha'e ojapo 'rã ijayvua oendua aguã rami, 
\q2 ijayvua ipo'akapa ramo. 
\q1  
\v 34 Peroporaei Nhanderuete Israel áry rupi ipo'akaa oexa uka va'e, 
\q2 ombaraetea oexa uka arai yvatevegua re. 
\q1  
\v 35 Oreruete, omboetevepy reiko ndevygua henda iky'a e'ỹ va'e py. 
\q2 Israel kuery Ruete omombaraete ha'e ombopo'aka 'rã ojeupegua kuery. 
\q1 Ima'endu'a porãmby toiko Nhanderuete! 
\s1 Messias nda'eveia re ijayvua 
\d Jogueroporaei va'e pe Davi ombopara va'ekue “Yvoty lírio” he'ia py oporaeia rami oporaei aguã. 
\c 69  
\q1  
\v 1 Xeruete, xereraa jepe ke, 
\q2 mba'eta yy ou ma xerekovea peve. 
\q1  
\v 2 Xepija ma yapo py, 
\q2 yvy ndarovyi. 
\q2 Yy typyvea py aĩ. 
\q2 Oxyry atã vy xemoinge. 
\q1  
\v 3 Ajapukai riae ete vy xekane'õ ma, 
\q2 xejyryvi pirupa ma guive. 
\q2 Xerexa voi ndoexavei ma, 
\q2 Xeruete arõ riae ete rã. 
\q1  
\v 4 Mba'e py e'ỹ ndaxerayvui va'e kuery ma 
\q2 xe'a xeakã regua gui hetave ikuai. 
\q2 Xemombaxe va'e kuery ma ipo'aka va'e meme, 
\q2 mba'e py e'ỹ xerovaigua kuery xere opu'ã va'e.\x * \xo 69:4 \xt João 15.25\x* 
\q2 Ha'e rami vy xeapo okuapy xemonda ague'ỹ voi ame'ẽ ju aguã rami. 
\q1  
\v 5 Xeruete, ndee reikuaa porã xee ae 'arandua rupi e'ỹ aikoague, 
\q2 atekoavyague ndereikuaa e'ỹi. 
\q1  
\v 6 \nd Senhor\nd*, Xeruete nexondaro reta va'e, 
\q2 xekáuxa toxĩmba eme ndere ojerovia va'e. 
\q2 Israel kuery Ruete, 
\q2 xekáuxa toĩ vai eme ndereka va'e kuery. 
\q1  
\v 7 Mba'eta ndevy aiko ramo xere ijayvua vaikue-ikue. 
\q2 Xerova re axĩmbaa anho ojekuaa. 
\q1  
\v 8 Xeryvy kuery rexaaty rami ve'ỹ ma aiko, 
\q2 ha'i pi'a kuery voi ndaxerexa kuaavei ma. 
\q1  
\v 9 Mba'eta ndevygua oo ayvu etea xemomba, 
\q2 ndere ijayvu rei va'e kuery ijayvu reia ma xere ae ou.\x * \xo 69:9 \xt João 2.17; Romanos 15.3\x* 
\q1  
\v 10 Ajae'o akaru e'ỹ re aikoa py. 
\q2 Ha'e rami aikoa re ju ijayvua. 
\q1  
\v 11 Ajukue voxa guigua py anhemonde ramo\f + \fr 69:11 \ft Ha'e kuery ipy'a vai vy onhemonde 'rã ajukue vaikue voxa guigua py gueko rami vy (Lucas 10.13; Apocalipse 11.3).\f* 
\q2 ha'e kuery xembojaru rei rive 'rã okuapy. 
\q1  
\v 12 Okẽ py oguapy va'e opuka rei okuapy xere. 
\q2 Oka'u rei va'e kuery voi xerery rupi oporaei 'rã okuapy. 
\q1  
\v 13 Ha'e rã \nd Senhor\nd*, xee ma ndevy anhembo'e ha'eve jave. 
\q2 Xembovai ke Xeruete, opa mba'e py renhomboaxya rupi, 
\q2 mba'eta ojeroviapy reiko vy renhopytyvõ 'rã. 
\q1  
\v 14 Xereraa jepe ke ijaxuru va'e py aike e'ỹ aguã. 
\q2 Xereraa jepe xere ija'e e'ỹ va'e kuery gui, 
\q2 yy typyvea py aikeague gui. 
\q1  
\v 15 Xereroxyry uka eme yy oxyry atã va'e pe, 
\q2 yy jere py guive xemoinge uka eme, 
\q2 yvykua voi xe'áry tonhemboty eme. 
\q1  
\v 16 \nd Senhor\nd*, xembovai ke renhomboaxya rupi rejoayvu va'e vy. 
\q2 Opa mba'e py renhomboaxy va'e vy ejevy ju xea py. 
\q1  
\v 17 Xee nerembiguai pe ejexa uka e'ỹ eme, 
\q2 ajexavai aikovy ramo. 
\q2 Xembovai voi ke. 
\q1  
\v 18 Enhemboja xerekovea re, xerepy, 
\q2 xereraa jepe xerovaigua kuery gui. 
\q1  
\v 19 Ndee ma reikuaa ae xembojaru rei okuapya, 
\q2 xemoxĩmbaa ha'e xemoĩ vai reia guive. 
\q2 Xerovaigua kuery ha'e javi rexaa rupi meme ikuai. 
\q1  
\v 20 Axĩmbaa gui xepy'a ovopa, xekangy vy. 
\q2 Xemboaxyarã ma arõ rive, 
\q2 xembovy'aarã aeka teĩ ndajoui. 
\q1  
\v 21 Ha'u va'erã iro va'e rive ome'ẽa xevy, 
\q2 ha'e xey'uvei ramo vinagre ome'ẽa.\f + \fr 69:21 \ft Ha'e ramigua oiko Jesus kuruxu re oĩ jave (Mateus 27.33-34, 48; João 19.28-30).\f* 
\q1  
\v 22 Ha'e kuery mesa tojeapo nhuã rami ha'e kuery renonde, 
\q2 imba'e rei-rei topyta imbo'aarã. 
\q1  
\v 23 Ha'e kuery rexa voi tapytũmba ndoexavei aguã, 
\q2 ikupe ma ejapo oryryipa aguã rami.\x * \xo 69:23 \xt Romanos 11.9-10\x* 
\q1  
\v 24 Ha'e kuery pe exa uka ndepoxya, 
\q2 ndepoxya toupitypa. 
\q1  
\v 25 Hekoa topyta tekoa e'ỹa rami, 
\q2 avave rei toiko eme hoogue py.\f + \fr 69:25 \ft Kova'e ayvu rupi Judas rekokue re ijayvu Atos 1.15-26 py.\f* 
\q1  
\v 26 Mba'eta ha'e kuery omoingo axy raxave rire ndee remoingo axy va'e, 
\q2 ndee remboguai va'ekue ha'e kuery ojapo haxy oendu vaipave aguã rami. 
\q1  
\v 27 Ha'e kuery re emoĩve tema teko vai káuxa opaga aguã, 
\q2 remboaxy aguã rami e'ỹ ikuai aguã. 
\q1  
\v 28 Hery emboguepa kuaxia tekove oguereko va'e kuery rery oĩa gui,\x * \xo 69:28 \xt Filipenses 4.3; Apocalipse 3.5, 13.8, 17.8, 20.11-15, 21.27\x* 
\q2 toĩve eme heko porã va'e kuery rery reve. 
\q1  
\v 29 Ha'e rã xee ma ndavy'ai ete aikovy ajexavai vy. 
\q2 Xeruete anhemiaty yvate va'e, exa uka ju xereraa jepea. 
\q1  
\v 30 Nhanderuete rery rupi aporaei 'rã, 
\q2 amboete 'rã arovy'a reve. 
\q1  
\v 31 Namigua ma \nd Senhor\nd* ojou porãve 'rã 
\q2 vaka ra'y, e'ỹ vy vaka hakua ha'e ipyapẽ va'e ome'ẽmby gui. 
\q1  
\v 32 Ha'e va'e ojexavai va'e kuery oexa vy ovy'a 'rã okuapy. 
\q2 Peẽ Nhanderuete re penema'endu'a va'e, 
\q2 tapendeky'a guaxuve ju. 
\q1  
\v 33 Mba'eta Nhanderuete ombovai 'rã iporiaukue'i ojapukaia, 
\q2 ndaexarai 'rã nhuã py ixupegua omboty pyre gui. 
\q1  
\v 34 Ha'e gui yva ha'e yvy regua, toporaei ixupe, 
\q2 ye'ẽ ha'e opa mba'e hexe omyĩ va'e avi. 
\q1  
\v 35 Mba'eta Nhanderuete ogueraa jepe 'rã Sião pygua kuery, 
\q2 ojapo ukapa ju 'rã guive Judá yvy regua tetã. 
\q2 Ha'e py ma ha'e kuery hekoa ju 'rã, ixupegua ae 'rã ikuai. 
\q1  
\v 36 Ha'e gui hembiguai ramymino kuery ju 'rã ikuai porã ha'e py, 
\q2 hery oayvu va'e kuery ikuai avi 'rã ha'e py. 
\r Salmo 40.13-17 
\d Jogueroporaei va'e pe Davi ombopara va'ekue ima'endu'a aguã. 
\c 70  
\q1  
\v 1 Xeruete, xereraa jepe ke. 
\q2 Ejapura ke \nd Senhor\nd*, xerepy aguã. 
\q1  
\v 2 Tove xerekove oipe'axe va'e toxĩmba, 
\q2 oxĩmbaa anho toendu. 
\q2 Ajexavaia re ovy'a rei va'e kuery 
\q2 oxĩmba reve tojevypa guakykue katy. 
\q1  
\v 3 Tove ovy'a rei va'e xevy “Ha'evea rami! Ha'evea rami!” 
\q2 he'i va'e kuery toguevipa. 
\q1  
\v 4 Ha'e rã ndereka va'e kuery ha'e javi ma tandererovy'a oporaei reve. 
\q2 Rejogueraa jepea oguerovy'a va'e 
\q2 “Nhanderuete ima'endu'a porãmby toiko!” te'i riae okuapy. 
\q1  
\v 5 Ha'e gui xee ma iporiaukue'i, ojexavai rei va'e aiko. 
\q2 Xeruete, ejapura xerepy aguã. 
\q2 Ndee ma xepytyvõa ha'e xerepyarã. 
\q2 \nd Senhor\nd*, ndeare eme ke! 
\c 71  
\s1 Tuja'i ojerureague 
\q1  
\v 1 \nd Senhor\nd*, ndere ae xee anhemi va'e. 
\q2 Taiko eme oxĩmba rei va'e. 
\q1  
\v 2 Xereraa jepe rejoguereko porãa rupi vy, xejogua ju. 
\q2 Endu ke ndeapyxa py, ha'e xerepy. 
\q1  
\v 3 Ndee ma xe'itaova anhemiaty. 
\q2 Ndeayvu aa jepe aguã re, 
\q2 mba'eta ndee ma xe'itaova ha'e oo imbaraete va'e.\x * \xo 71:3 \xt Salmo 31.1-3\x* 
\q1  
\v 4 Xeruete, xereraa jepe ke heko vai va'e po gui, 
\q2 avakue heko vai va'e, porayvu e'ỹ va'e xejopy va'e gui. 
\q1  
\v 5 Mba'eta \nd Senhor\nd* Xeruete, ndee ma roarõ aikovy va'e, 
\q2 xekunumi guive ndere ajerovia va'e. 
\q1  
\v 6 Ndere ae ajeko va'e xetui'i guive. 
\q2 Xeryru'i gui xepe'a va'ekue. 
\q2 Ha'e gui ndere vy 'rãe aporaei ára nhavõ. 
\q1  
\v 7 Heta pe nhomondyipaa aiko, 
\q2 teĩ ndee ma anhemiaty imbaraete va'e reiko. 
\q1  
\v 8 Ndevy anho 'rã aporaei, 
\q2 roguerovy'a 'rã ára nhavõ. 
\q1  
\v 9 Xetuja'i ma teĩ xereja eme xee ae'i. 
\q2 Xembaraetea opa ramo xerepy e'ỹ eme. 
\q1  
\v 10 Mba'eta xerovaigua kuery ma ijayvu okuapy xere. 
\q2 Xerekovea oipe'axe va'e nhomboaty tema okuapy. 
\q1  
\v 11 Ha'e vy aipoe'i: “Nhanderuete ndoepyvei ma 'rã. 
\q2 Nhamonha ke, jajopy, 
\q2 heraa jepearã ndoikoi ramo”, he'i okuapy. 
\q1  
\v 12 Xeruete, ejepe'a eme xea gui. 
\q2 Xeruete, ejapura ke xerepy aguã. 
\q1  
\v 13 Ha'e rã xerekovea rovaigua kuery ma toxĩmba ha'e tokanhymba. 
\q2 Ejapo ke xemoĩ vaixe va'e kuery ae oxĩmba aguã rami, 
\q2 omboeteve e'ỹpy ta'ikuai. 
\q1  
\v 14 Ha'e rã xee ma ndee ae roarõ ára nhavõ, 
\q2 rogueroporaei riae guive. 
\q1  
\v 15 Xejuru py amombe'u 'rã rejoguereko porãa, 
\q2 ára nhavõ amombe'u 'rã rejogueraa jepea, 
\q2 ndaikuaapai teĩ. 
\q1  
\v 16 Anhenhandu \nd Senhor\nd* Xeruete mbaraetea rupi. 
\q2 Ha'e rami vy xema'endu'a jepi 'rã rejoguereko porãa re, 
\q2 ndeguigua re anho. 
\q1  
\v 17 Xeruete, ndee ma xekunumi guive xerekombo'e reikovy. 
\q2 Ha'e gui aỹ peve amombe'u aikovy iporã ete va'e rejapo va'ekue. 
\q1  
\v 18 Ha'e nunga rupi Xeruete, xereja eme, 
\q2 xetuja'i ete ma, xe'a xiĩmba ma teĩ, 
\q2 aỹgua kuery pe nembaraetea aikuaa ukapa peve, 
\q2 ndepo'akaa guive raka'e rã ikuai va'erã pe. 
\q1  
\v 19 Xeruete, ndereko porãa ma yva peve 'rã oo. 
\q2 Mba'emo vaipa ete rejapo va'e, Xeruete. 
\q2 Mava'e nda'u ndee ramigua ete 'rã oiko? 
\q1  
\v 20 Opa marãgua teko vai ha'e jexavaia rupi xemboaxa rire teĩ 
\q2 xerekovea remoĩ porã jevy 'rã, 
\q2 yvykua vaikue gui xerenoẽ kuerei. 
\q1  
\v 21 Xemoingo porã jevy ke, 
\q2 xemombaraete ju. 
\q1  
\v 22 Xee voi mbaraka py rogueroporaei 'rã. 
\q2 Xeruete, xema'endu'a 'rã ndeguigua anhetẽ va'e re. 
\q2 Ndevy aporaei 'rã mboraei ixã reta va'e pu rupi, 
\q2 Israel kuery ruete Iky'a e'ỹ va'e pe ae. 
\q1  
\v 23 Roguerovy'aa rupi xejuru py aroporaei 'rã, 
\q2 xerekovea rupi voi roguerovy'a 'rã, xereraa jepe rire. 
\q1  
\v 24 Xeapekũ py ára nhavõ aroma'endu'a 'rã rejoguereko porãa, 
\q2 mba'eta xemoĩ vaixe va'e oxĩmba ha'e nda'evei nho okuapy. 
\s1 Huvixave raka'e rã peve ipo'aka aguã re ojerurea ague 
\d Salomão ombopara va'ekue. 
\c 72  
\q1  
\v 1 Oreruete, huvixave re emoĩ ke ne'arandua, 
\q2 huvixave ra'y guive emo'arandu joguereko porã aguã rami. 
\q1  
\v 2 Ha'evea rami meme toikuaa pota ndevygua kuery re, 
\q2 teko porã rupi topena ojexavai rei'i va'e re. 
\q1  
\v 3 Yvyty ikuai va'e gui ou 'rã heta va'e kuery moingo porãarã, 
\q2 yvy'ã gui voi ou 'rã teko porã. 
\q1  
\v 4 Ha'e gui huvixa toikuaa pota heta va'e kuery iporiaukue'i re, 
\q2 toepy ojexavai va'e ra'y kuery, 
\q2 ha'e rã nhomoingo axyare ma tomou'ũmba. 
\q1  
\v 5 Ha'e ma oiko riae 'rã kuaray hexakã teria ja, 
\q2 jaxy hexakãa ja guive, yvy regua ha'e javi okuavea ja. 
\q1  
\v 6 Huvixa toiko nhuũndy rupi oky ho'a va'e rami, 
\q2 oky xapy'a pyávy yvy omoakỹ va'e rami. 
\q1  
\v 7 Ha'e oĩa ára heko porã va'e ta'ikuai porã, 
\q2 jaxy hexakã teria ja toiko ikuai porã aguã. 
\q1  
\v 8 Ta'ipo'aka ye'ẽ ha'e javi peve, 
\q2 ha'e yakã oĩ va'e guive yvy apy peve. 
\q1  
\v 9 Henonde toĩ tekoa e'ỹa regua kuery ha'e javi guenapy'ã re. 
\q2 Hovaigua kuery tojero'apa yvy ku'i oere peve. 
\q1  
\v 10 Ixupe Társis tetã ha'e yy pa'ũ pygua huvixa kuery tome'ẽ imposto repy, 
\q2 Sabá ha'e Sebá pygua huvixa voi tome'ẽ mba'emo ixupe. 
\q1  
\v 11 Henonde huvixave ikuai va'e toĩmba guenapy'ã re. 
\q2 Ha'e javi regua ta'ikuai ixupe anho.\x * \xo 72:11 \xt Apocalipse 21.22-26\x* 
\q1  
\v 12 Mba'eta ha'e ma oepy 'rã iporiaukue'i ojapukai ramo, 
\q2 ojexavai va'e ha'e yvyĩgue'i guive. 
\q1  
\v 13 Omboaxy 'rã ikangy'i ha'e ojexavai va'e, 
\q2 ogueraa jepe 'rã iporiaukue'i rekove. 
\q1  
\v 14 Ojogua 'rã omoingo axy rei pyre ha'e ojuka pyrã rekove. 
\q2 Ixupe rã ha'e kuery ruguy hepyve ete. 
\q1  
\v 15 Toikove puku, 
\q2 ha'e gui ixupe ome'ẽa 'rã ouro Sabá guigua. 
\q2 Hexe ojerurea riae 'rã, 
\q2 ima'endu'a porãa 'rã guive ko'ẽ nhavõ. 
\q1  
\v 16 Ijyvy re toiko porã mba'emo aju, 
\q2 tomyĩmba jekuaa yvyty apyte peve. 
\q2 Tai'a porã Líbano yvy pygua rami. 
\q2 Tetã pygua kuery voi taetave ovy jai ipotya rami. 
\q1  
\v 17 Hery re ta'ima'endu'aa riae raka'e rã peve, 
\q2 ta'ima'endu'a porãa kuaray hexakã teria ja. 
\q2 Hexe vy toiko porã ha'e javi regua avakue, 
\q2 ixupe yvy regua kuery “Ima'endu'a porãmby” te'i. 
\q1  
\v 18 Ima'endu'a porãmby toiko \nd Senhor\nd* Nhanderuete, Israel kuery Ruete, 
\q2 ha'e anho nhomondyipaarã ojapo kuaa va'e ramo. 
\q1  
\v 19 Ta'ima'endu'a porãa riae hery re, iporã ete ramo. 
\q2 Hexakãa tojekuaa yvy jave re. 
\q2 Amém! Amém! 
\q1  
\v 20 Opa ma Jessé ra'y Davi onhembo'ea. 
\s1 Heko vai va'e kuery reko re ijayvua 
\d Mboraeirã Asafe ombopara va'ekue. 
\c 73  
\q1  
\v 1 Nhanderuete anhetẽ Israel kuery oayvua rupi ete oiko, 
\q2 ipy'a ky'a e'ỹ va'e kuery pe. 
\q1  
\v 2 Ha'e rã xee ma aikoa rupi ajavy rai, 
\q2 kyrĩ'i oata ajavy aguã aguataa py. 
\q1  
\v 3 Mba'eta xee ma amoaruã va'ekue ojee rive ojerovia va'e kuery, 
\q2 opa marã rei ikuai va'e imba'e rei-reipa rã aexa vy. 
\q1  
\v 4 Ha'e kuery re noĩ ipy'a eta reia merami. 
\q2 Hete rexaĩ, imbaraete rei guive. 
\q1  
\v 5 Ha'e kuery ma avakue imarã va'e rami e'ỹ na'ikane'õi, 
\q2 neĩ ndojexavai 'rã avakue mboae rami e'ỹ. 
\q1  
\v 6 Ojee omoĩ 'rã ojejou porã reia mbo'y rami, 
\q2 jojukaxea omoĩ 'rã ao puku rami. 
\q1  
\v 7 Ikyra ete gui hexa ẽmba rei 'rã, 
\q2 ha'e ipy'a re ma opa marã rei ikuai aguã anho oĩ. 
\q1  
\v 8 Nhombojaru rei ha'e ijayvu vai rei 'rã okuapy joe, 
\q2 nhomoingo axy rei aguã re anho 'rã ijayvu onhemboyvate vy. 
\q1  
\v 9 Yva pygua gui onhemboyvateve aguã re tema ijayvu 'rã okuapy, 
\q2 yvy jave re ikuai va'e re ijayvu. 
\q1  
\v 10 Ha'e nunga rupi heta va'e kuery oje'oi 'rã hupive, 
\q2 yvu gui oy'uxea rami oy'u va'e rami. 
\q1  
\v 11 Aipoe'i 'rã: “Mba'exa nda'u Nhanderuete oikuaa 'rã? 
\q2 Xapy'a rei nda'u Yvate ete va'e re oĩ ri oikuaa aguã?” he'i. 
\q1  
\v 12 Ha'e rami ae ikuai heko vai va'e. 
\q2 Ha'e kuery noĩ vai 'rãe, 
\q2 omba'e rei-reirã ojou-jouve 'rã. 
\q1  
\v 13 Ha'e nunga rupi xepy'a ky'a e'ỹa rupi aikoa mba'everã ndovarei, 
\q2 neĩ xepo ky'a e'ỹa guive. 
\q1  
\v 14 Mba'e re tu aiko axy riae 
\q2 ko'ẽ nhavõ xembopagaa rupi? 
\q1  
\v 15 Ha'e rami xeayvu va'e rire 
\q2 ajapo 'rãgue ndera'y kuery ha'e javive pe nda'evei aguã rami. 
\q1  
\v 16 Ha'e rami avi ha'e nunga re aikuaa pota vy 
\q2 xevy pe ipoyi ete va'e aikuaa, 
\q1  
\v 17 Nhanderuete pegua henda iky'a e'ỹ va'e py aike peve. 
\q2 Ha'e gui mae ma aikuaa ha'e kuery opa aguã. 
\q1  
\v 18 Anhetẽ ndee remoĩ 'rã ha'e kuery yxyĩ reia py, 
\q2 rejapo 'rã ho'apa vy okanhy aguã rami. 
\q1  
\v 19 Opa xapy'a 'rã, 
\q2 nhemondyi gui rive 'rã okanhymba. 
\q1  
\v 20 Oexa ra'ua gui oma'ẽ xapy'a va'e rami 'rã 
\q2 ndee voi \nd Senhor\nd* repu'ã vy ha'e kuery re nerema'ẽvei. 
\q1  
\v 21 Ha'e gui xepy'a raxy jave, 
\q2 xekuraxõ py nda'evei reia anho aendu vy 
\q1  
\v 22 xevai rei aikovy va'ekue aikuaa e'ỹ vy. 
\q2 Nerenonde hi'arandu e'ỹ va'e rami aiko va'ekue. 
\q1  
\v 23 Ha'e rami avi ndereve riae xee aiko, 
\q2 ndee ma xepo aiporu kuaa regua re xejopy. 
\q1  
\v 24 Ndee xerereko 'rã xemongetaa rupi. 
\q2 Ha'e rire ma xemovaẽ 'rã nerexakãa py. 
\q1  
\v 25 Mava'e 'rã tu areko yva re ndee e'ỹ vy? 
\q2 Yvy re voi ndoikoi ndee rami arovy'a va'e. 
\q1  
\v 26 Xero'o, xekuraxõ ikangypa teĩ 
\q2 Nhanderuete oiko xepy'a mombaraetearã, 
\q2 xevygua oĩ raka'e rã peve guarã. 
\q1  
\v 27 Ndegui ojepe'a va'e ma okanhymba 'rã, 
\q2 remomba 'rã ndere ojeroviaague rupi ve'ỹ ikuai va'e. 
\q1  
\v 28 Ha'e rã xevy ma ha'eve vaipa Nhanderuete reve aikoa. 
\q2 \nd Senhor\nd* Nhanderuete re anhemi, 
\q2 hembiapokue ha'e javi amombe'upa aguã. 
\s1 Oo iky'a e'ỹ va'e omongy'apaa re nda'eveia ague 
\d Mboraeirã nhombo'e aguã Asafe ombopara va'ekue. 
\c 74  
\q1  
\v 1 Oreruete, mba'e re tu orereja raka'e rã peve? 
\q2 Mba'e re tu ndepoxy nerymba vexa'i kuery ndeyvy regua ae orekuai va'e pe? 
\q1  
\v 2 Nema'endu'a ke ndevygua orekuai va'e re, 
\q2 yvy itui ypy'i guive ndejeupe guarã orejogua rire. 
\q2 Orejogua raka'e ndevy guarã orekuai aguã. 
\q2 Nema'endu'a ke Sião yvyty py reikoague re. 
\q1  
\v 3 Eju ke ndevygua oo ivaipa are ma va'e py, 
\q2 henda iky'a e'ỹ va'e nderovaigua kuery opa marã omongy'apaague py. 
\q1  
\v 4 Mba'eta ronhemboatyague py nderovaigua kuery hevovo rei okuapy, 
\q2 ha'e ojeupegua ra'angaa rive ju omopu'ã imo'amy. 
\q1  
\v 5 Ha'e kuery ma ka'aguy re haxa oiporu va'e rami avi ombovaipa. 
\q1  
\v 6 Ha'e gui aỹ yvyrape ombojegua pyre ha'e javi 
\q2 ha'e kuery omopẽmba va'ekue haxa ha'e karavo mbotaa py. 
\q1  
\v 7 Ndevygua henda iky'a e'ỹ va'e re omboja tata, 
\q2 yvy peve oapy aguã nderery oĩague. 
\q1  
\v 8 Ha'e kuery opy'a py “Aỹ ma nhamomba vyvoi”, he'i okuapy. 
\q2 Ha'e rami vy oreyvy jave re oapypa Nhanderuete pegua henda iky'a e'ỹ va'ekue ha'e javi. 
\q1  
\v 9 Ha'e rami rire ndoroexavei ma orevy guarã oikuaa uka pyre. 
\q2 Jipovei ma profeta, 
\q2 orembyte ndoikoi guive raka'e peve 'rã paa oikuaa va'erã. 
\q1  
\v 10 Oreruete, raka'e peve 'rã tu nderovaigua kuery orere opu'ã rei? 
\q2 Raka'e peve nda'u nderovaigua kuery ijayvu vaikue rei 'rã nderery re? 
\q1  
\v 11 Mba'e re tu ndereupivei ri ndepo reiporu kuaa regua, 
\q2 ndepexo yvýry remboapu'a va'ekue? 
\q1  
\v 12 Ha'e gui Xeruete Xeruvixave ma yvy itui ypy'i guive oiko. 
\q2 Ha'e ae ojapo raka'e oo jepe aguã rami yvy mbyte. 
\q1  
\v 13 Ndee ma ndepo'akaa rupi remboja'o raka'e ye'ẽ. 
\q2 Ha'e gui yy re ae ju remou'ũ va'ekue ypo akã,\f + \fr 74:13 \ft “Ypo” he'ia ma Egito pygua huvixa re ijayvu vy (Isaías 27.1, 51.9; Êxodo 14-15).\f* 
\q1  
\v 14 jakare akã rembovopa, 
\q2 ha'e hetekue reme'ẽ vixo tekoa e'ỹa rupigua ho'u aguã. 
\q1  
\v 15 Ndee reipe'a va'ekue yvurã ha'e yakã ikuai va'erã, 
\q2 ha'e rã yakã guaxu ma remboypa va'ekue. 
\q1  
\v 16 Ára ha'e pytũ voi ndevygua. 
\q2 Jaxy ha'e kuaray guive ndee rejapo va'ekue meme. 
\q1  
\v 17 Remoĩ avi yvy apy peve guarã. 
\q2 Kuaray puku-a ha'e yro'ya ndee ae rejapo va'ekue. 
\q1  
\v 18 Eikuaa pota ke pova'e nunga re: 
\q2 ndee \nd Senhor\nd* re nderovaigua kuery ijayvu rei okuapy, 
\q2 hi'arandu e'ỹ va'e regua ijayvu vaikue-ikue nderery re. 
\q1  
\v 19 Emboaxa eme nerymba pyku'i kuery ho'u va'erã pe, 
\q2 nderexarai eme ndevygua kuery rojexavai rokuapy va'e re. 
\q1  
\v 20 Nema'endu'a ke ndereve guarã rejapo va'ekue re, 
\q2 mba'eta yvy re nda'evei etea py heko vai va'e anho ikuai. 
\q1  
\v 21 Ojexavai va'e toxĩmba rei eme. 
\q2 Ojexavai va'e ha'e iporiaukue'i togueroporaei nho nderery. 
\q1  
\v 22 Xeruete, epu'ã ke, eikuaa uka porã ndereko. 
\q2 Nema'endu'a heko vai va'e ko'ẽ nhavõ nembojaru reia re. 
\q1  
\v 23 Nderexarai eme nderovaigua kuery ojapukai rei okuapya re, 
\q2 mba'eta nderovaigua kuery opa marã ijayvuve tema okuapy. 
\s1 Nhanderuete nhomboayvua re ijayvua 
\d Jogueroporaei va'e pe mboraeirã Asafe ombopara va'ekue “Xemomba eme” he'ia py oporaeia rami oporaei aguã. 
\c 75  
\q1  
\v 1 Oreruete, roguerovy'a. 
\q2 Roguerovy'a, rojapukai 'rã nderery rupi, 
\q2 ha'e roikuaa ukapa 'rã nerembiapo porãa. 
\q1  
\v 2 Mba'eta aipo're: “Xee ma ambojeupity 'rã ára aa'angaague 
\q2 ha'evea rupi anhomboayvu aguã. 
\q1  
\v 3 Yvy omyĩmba, hexe ikuai va'e ha'e javi guive. 
\q2 Ha'e rami teĩ xee amoĩ atãve 'rã ijytarã.\f + \fr 75:3 \ft “Yvy yta” he'ia ma ha'evea rami joguerekoa re ijayvu vy (Salmo 11.3, 82.5).\f* 
\q1  
\v 4 Aipoa'e ojee ae ojerovia va'e pe: ‘Penhemboyvate eme.’ 
\q2 Ha'e opa marã rei ikuai va'e pe voi: ‘Peropu'ã eme penembaraetea. 
\q1  
\v 5 Peropu'ã rive eme penembaraetea pendeyvatea py, 
\q2 pendeayvu vaikue eme guive itaova aiko va'e re.’ ” 
\q1  
\v 6 Mba'eta kuaray oua katy gui e'ỹ ou nhanepytyvõarã, 
\q2 kuaray oikea katy e'ỹ, neĩ tekoa e'ỹa gui e'ỹ guive. 
\q1  
\v 7 Nhanderuete ae joe oikuaa pota va'erã oiko. 
\q2 Amongue ma ha'e omomba 'rã, 
\q2 ha'e rã amboae kuery ma omboyvate 'rã. 
\q1  
\v 8 Mba'eta \nd Senhor\nd* po py ma oĩ peteĩ karo. 
\q2 Ha'e va'e py ma oĩ vinho yjui va'e opa marãgua re omoirũ mbyre. 
\q2 Ha'e va'e gui ome'ẽ 'rã oy'ua aguã. 
\q2 Ha'e ramo heko vai va'e yvy re ikuai va'e ha'e javi 
\q2 oy'upa 'rã iky'akue reve.\f + \fr 75:8 \ft Ha'e va'e karo re ijayvu ju Apocalipse 14.9-10 ha'e 16.19 py.\f* 
\q1  
\v 9 Ha'e rã xee ma raka'e rã peve 'rã aroporaei. 
\q2 Arovy'aa rupi aporaei 'rã Jacó Ruete pe. 
\q1  
\v 10 Amomba 'rã heko vai va'e mbaraetea. 
\q2 Ha'e rã heko porã va'e mbaraetea ma omboyvatea 'rã. 
\s1 Nhanderuete yvatea ha'e ipo'akaa re ijayvua 
\d Jogueroporaei va'e pe mboraeirã Asafe ombopara va'ekue mbaraka py ombojoguy reve oporaei aguã. 
\c 76  
\q1  
\v 1 Nhanderuete reko ma Judá yvy re oikuaapy, 
\q2 hery ma omboetepy Israel kuerya py. 
\q1  
\v 2 Salém tetã py oĩ ombojeroviaaty, 
\q2 Sião ma oĩaty ete.\f + \fr 76:2 \ft Salém ma Jerusalém tetã rery mboae, Sião voi.\f* 
\q1  
\v 3 Ha'e py omopẽmba hu'y rexakãgue, 
\q2 hu'y jokoa, kyxe ha'e joe opu'ã va'e ha'e javi. 
\q1  
\v 4 Ndee ma yvate ete ha'e ipo'akapave va'e 
\q2 yvyty imarã e'ỹ va'e gui voi. 
\q1  
\v 5 Ipy'a guaxukueve gui reipe'apa imba'e rei-rei. 
\q2 Ha'e kuery okepa ma oupy, 
\q2 peteĩve ojerovia vai va'ekue ndoiporuvei 'rã opo. 
\q1  
\v 6 Ndee Jacó Ruete, ndeayvu atã ramo 
\q2 opytapa karóxa joe opu'ãa pygua ha'e kavaju. 
\q1  
\v 7 Anhetẽ ndee ma nhomongyjea reiko. 
\q2 Ndepoxy ramo mava'e 'rã tu opyta nerenonde py? 
\q1  
\v 8 Yva guive rendu uka ndeayvua. 
\q2 Yvy jave rupi oryryi ha'e okyrirĩmba okuapy 
\q1  
\v 9 Nhanderuete opu'ã ramo nhomboayvu aguã 
\q2 ha'e yvyĩgueve'i ogueraa jepe aguã. 
\q1  
\v 10 Mba'eta avakue poxya voi rejapo 'rã ndereroporaeia aguã rami, 
\q2 ha'e gui poxya mboae ma ndejee ae 'rã remoĩ. 
\q1  
\v 11 \nd Senhor\nd* Penderuete pe penhemboayvu vy pejapo ete. 
\q2 Ijyvýry pendekuai va'e peru peme'ẽ va'erã, 
\q2 mba'eta nhomongyjea oiko. 
\q1  
\v 12 Ha'e ma omomba 'rã huvixa kuery ojejou porãa. 
\q2 Ixugui huvixa yvy regua okyjepa 'rã okuapy. 
\s1 Nhanderuete rembiapokue ha'e nhanemboaxya re ijayvua 
\d Jogueroporaei va'e Jedutum pe mboraeirã Asafe ombopara va'ekue. 
\c 77  
\q1  
\v 1 Nhanderuete pe amonhendu xeayvua, ixupe ajapukai guive. 
\q2 Amonhendu 'rã xeayvua Nhanderuete pe xere oikuaa pota aguã. 
\q1  
\v 2 Xee ajexavai ára nhavõ aeka \nd Senhor\nd*. 
\q2 Pytũ mbukukue re aupi xepo xekane'õ e'ỹ re, 
\q2 xenhe'ẽ py nanhembovy'a ukaxei vy. 
\q1  
\v 3 Nhanderuete re xema'endu'a vy xepoaẽ ainy. 
\q2 Mba'emo re aikuaa pota ramo xenhe'ẽ na'imbaraetevei. 
\q1  
\v 4 Ndee rejapo ake aguã xerexa nambotyvei aguã rami, 
\q2 ajexavai ete rã xeayvu aguã voi nda'evevei. 
\q1  
\v 5 Aikuaa pota ymave guare re, 
\q2 xema'endu'a ymave rupi ma'etỹa oaxa va'ekue re. 
\q1  
\v 6 Pyávy ma aikuaa pota xepy'a py, 
\q2 ha'e rami vy xenhe'ẽ py aporandu: 
\q1  
\v 7 “Raka'e rã peve 'rã nda'u \nd Senhor\nd* nopenavei? 
\q2 Ndoexa ukavei 'rã nhanemboaxya? 
\q1  
\v 8 Opa ete ma nda'u iporayvua? 
\q2 Ijayvuague voi nda'u oaxa rive 'rã raka'eve rã peve? 
\q1  
\v 9 Nhanderuete hexarai ma teve joayvua gui? 
\q2 Tyrã ipoxy vy teve ndoexa ukavei nhanemboaxya?” 
\q1  
\v 10 Aipoa'eve ju: 
\q2 “Pova'e aroangeko aikovy, 
\q2 mba'eta Yvate ete va'e oiporu kuaa regua oiporuaty rami ve'ỹ oiporu”, ha'e va'ekue. 
\q1  
\v 11 Xema'endu'a \nd Senhor\nd* rembiapokue re, 
\q2 mba'emo porã ymave rupi rejapo va'ekue re xema'endu'a aikovy. 
\q1  
\v 12 Aikuaa pota nerembiapokue ha'e javi re, 
\q2 xema'endu'a nhomondyipaarã rejapo va'ekue re. 
\q1  
\v 13 Xeruete, ndee reikoa ma peteĩ tape iky'a e'ỹ va'e. 
\q2 Marã ramigua tuuete nda'u ndee Oreruete rami ipo'aka 'rã? 
\q1  
\v 14 Ndee ma Oreruete nhomondyipaarã rejapo va'e. 
\q2 Yvy regua kuery pe rexa uka ndepo'akaa. 
\q1  
\v 15 Ndejyva py reraa jepe va'ekue ndevygua kuery, 
\q2 Jacó ha'e José ramymino kuery. 
\q1  
\v 16 Ha'e gui Oreruete, yy nderexa. Yy nderexa vy okyjea oendu raka'e.\f + \fr 77:16 \ft Apy ijayvu Ye'ẽ Pytã Nhanderuete omboja'oague re (Êxodo 14). Ha'e gui yapu, overa va'e Nhanderuete ombou va'ekue re ijayvu.\f* 
\q2 Typya voi omyĩmba. 
\q1  
\v 17 Arai inhana va'e ojeapo yy. 
\q2 Yva re yapu atã onhendu. 
\q2 Ha'e gui hu'y voi oaxa jekuaa joa katy e'ỹ-e'ỹ. 
\q1  
\v 18 Ndeguigua yapua hi'ãgue-'ãgue nhendu opa rupi, 
\q2 overa va'e voi omoexakã ovy yvy re. 
\q2 Yvy omyĩ vy oryryi. 
\q1  
\v 19 Ye'ẽ rupi nderape ojekuaa, 
\q2 repyrõa ma yy tuvixa va'e rupi oo. 
\q2 Ha'e rami teĩ ndepypo ete ndojekuaai. 
\q1  
\v 20 Ndevygua kuery rereko va'ekue vexa'i rami, 
\q2 Moisés ha'e Arão po rupi. 
\s1 Nhanderuete opena porãa re ijayvua 
\d Mboraeirã nhombo'e aguã Asafe ombopara va'ekue. 
\c 78  
\q1  
\v 1 Xeretarã kuery, pejapyxaka ke xee rombo'e ramo. 
\q2 Pejapyxaka porã ayvu xejuru gui oẽ va'e re. 
\q1  
\v 2 Xeayvu 'rã mba'emo re ambojojaa rupi. 
\q2 Amombe'u porã 'rã ymagua kuery 'arandua.\x * \xo 78:2 \xt Mateus 13.35\x* 
\q1  
\v 3 Mba'emo nhanderu kuery nhandevy omombe'u rã 
\q2 nhaendu ha'e jaikuaa va'ekue, 
\q1  
\v 4 ha'e nungakue nanhamombe'u e'ỹi 'rã nhandera'y kuery pe. 
\q2 Raka'eve rã ikuai va'erã pe voi nhamombe'u 'rã 
\q2 \nd Senhor\nd* opo'akaa rupi opa mba'e porã ojapo va'ekue jarovy'a aguã. 
\q1  
\v 5 Ha'e ae oeja raka'e oayvu Jacó kuery pe, 
\q2 Israel kuery pe oeja lei. 
\q2 Ha'e nhaneramoĩ kuery pe ijayvu 
\q2 gua'y kuery pe ju omombe'u aguã re, 
\q1  
\v 6 ikuai jevy va'e kuery voi oikuaa aguã, 
\q2 kyrĩgue oiko'i va'erã teri va'e kuery voi. 
\q2 Ha'e gui ha'e kuery ju opu'ã vy ha'e nungakue re ijayvu aguã guamymino kuery pe, 
\q1  
\v 7 Nhanderuete re ojerovia aguã, 
\q2 ha'e hexarai e'ỹ aguã Nhanderuete rembiapokue re, 
\q2 ha'e rami 'rãgue py ojapo uka va'ekue rupi ete ikuai aguã, 
\q1  
\v 8 tamoĩ kuery ikuaiague rami e'ỹ ikuai aguã, 
\q2 nonhe'ẽ rendui va'e'ỹ ikuai aguã. 
\q2 Ha'e kuery ma ha'ekue'ỹ-kue'ỹ rami ipy'a va'e, 
\q2 onhe'ẽ py Nhanderuete pe e'ỹ ikuai raka'e. 
\q1  
\v 9 Efraim ra'y kuery guyrapa reve-reve ikuai raka'e va'eri 
\q2 onhamba oje'oivy joe opu'ãa ára. 
\q1  
\v 10 Ojepe'apa Nhanderuete guexeve guarã ojapo va'ekue gui, 
\q2 ixuguigua lei rupi nda'ikuaixei vy. 
\q1  
\v 11 Hexaraipa okuapy hembiapokue 
\q2 ha'e opa mba'e porã oexa uka va'ekue gui. 
\q1  
\v 12 Nhomondyipaarã tamoĩ kuery renonde ojapo teĩ, 
\q2 Egito yvy Zoã regua nhuũndy rupi.\x * \xo 78:12 \xt Êxodo 7.8–11.10\x* 
\q1  
\v 13 Ye'ẽ omboja'o vy omboaxapa heravy ha'e va'e rupi, 
\q2 yy omopu'ã imo'amy omboty vy.\x * \xo 78:13 \xt Êxodo 14.21-22\x* 
\q1  
\v 14 Ara py peteĩ arai ojekuaa va'e rupi ogueraa, 
\q2 ha'e rã pyávy ma tata hexakãa rupi oguereko.\x * \xo 78:14 \xt Êxodo 13.21-22\x* 
\q1  
\v 15 Tekoa e'ỹa py itaova ombovo vy 
\q2 omboy'u pavẽ typy vaipa va'e gui rami. 
\q1  
\v 16 Ita gui omoẽ yy oxyry atã va'e, 
\q2 yakã rami omboxyry.\x * \xo 78:16 \xt Êxodo 17.1-7; Números 20.1-13\x* 
\q1  
\v 17 Ha'e rami teĩ ha'e kuery ojejavy tema okuapy henonde. 
\q2 Tekoa e'ỹa py ikuai raka'e Yvate ete va'e rovai.\x * \xo 78:17 \xt Êxodo 16; Números 11\x* 
\q1  
\v 18 Opy'a py Nhanderuete pe “Taexa” he'ia rupi ikuai. 
\q2 Ho'u va'erã re rive tema ojerure okuapy. 
\q1  
\v 19 Nhanderuete re ijayvu vy aipoe'i okuapy: 
\q2 “Nhanderuete nda'u tekoa e'ỹa py ojou 'rã ja'u va'erã? 
\q1  
\v 20 Ita re ombota uka vy ha'e va'e gui yy omboxyry va'ekue 
\q2 mbojape voi nda'u ome'ẽ kuaa 'rã ja'u va'erã? 
\q2 Xo'o voi nda'u ojou uka 'rã ojeupegua kuery pe?” he'i okuapy. 
\q1  
\v 21 Ha'e nunga \nd Senhor\nd* oendu vy ojou vai. 
\q2 Ha'e rami vy Jacó ra'y kuery re omoendy tata, 
\q2 Israel kuery pe oexa uka opoxya. 
\q1  
\v 22 Mba'eta ha'e kuery ndojeroviai Nhanderuete re, 
\q2 ndogueroviai guive ogueraa jepe aguã. 
\q1  
\v 23 Ha'e rami teĩ yva pe ha'e ijayvu vy 
\q2 oipe'a uka yva rokẽ. 
\q1  
\v 24 Ojapo ha'e kuery áry ho'a aguã maná ho'u aguã. 
\q2 Ha'e kuery pe ome'ẽ tembi'u yva guigua,\x * \xo 78:24 \xt João 6.30-35\x* 
\q1  
\v 25 ha'e ramo peteĩ-teĩ ho'u okuapy mbojape anjo kuery rembi'u regua. 
\q2 Hevyatãmba aguã rami ombou tembi'u. 
\q1  
\v 26 Ha'e gui ojapo yva gui yvytu kuaray oẽa katy gui oipeju aguã rami, 
\q2 opo'akaa rupi ombou yvytu kuaray puku-a katy gui. 
\q1  
\v 27 Ha'e rami vy xo'o ju ombou ha'e kuerya py yvy ku'i rami, 
\q2 guyra ombou ita ku'i ye'ẽ rembe re oĩ va'e rami heta va'e. 
\q1  
\v 28 Ojapo ha'e kuery ikuaia mbyte ho'a aguã rami, 
\q2 ha'e kuery ro yvýry rupi ae. 
\q1  
\v 29 Ha'e ramo ho'u okuapy hevyatãmba peve, 
\q2 ha'e kuery oipota va'e ojapo ramo. 
\q1  
\v 30 Ha'e rami teĩ ha'e kuery nonhandu kuaavei. 
\q2 Ijuru py tembi'u oime rei teri reve 
\q1  
\v 31 Nhanderuete oexa uka opoxya ha'e kuery rovai. 
\q2 Ha'e kuery regua imbaraetekueve voi ojuka, 
\q2 oity inony Israel regua kunumigue. 
\q1  
\v 32 Ha'e rami rire teĩ ha'e kuery ojejavy riae tema, 
\q2 ndojeroviai okuapy tembiapo porã ojapo teĩ. 
\q1  
\v 33 Ha'e nunga rupi ha'e ojapo ha'e kuery oikovea yvytu rami rive oaxapa vyvoi aguã rami, 
\q2 oikovea pukukue re okyje reia rupi anho ikuai aguã. 
\q1  
\v 34 Ojukapa ta ma ramo mae ma ojapukai okuapy ixupe, 
\q2 onhemboaxya oendu vy oeka okuapy Nhanderuete. 
\q1  
\v 35 Ima'endu'a ju Nhanderuete ha'e kuery pegua itaova oikoa re, 
\q2 Nhanderuete Yvate ete va'e heraa jepea re. 
\q1  
\v 36 Ha'e rami teĩ ixupe ojapukai vy ijayvu porã merami rive okuapy, 
\q2 oapekũ py ma ijapu. 
\q1  
\v 37 Mba'eta opy'a py ndojerovia etei, 
\q2 guexeve guarã ojapo va'ekue rupi e'ỹ ikuai. 
\q1  
\v 38 Ha'e rami teĩ Nhanderuete nhomboaxy va'e vy 
\q2 omboguepa 'rã teko vai, nanhomombai 'rã guive. 
\q2 Ha'e rami 'rãgue py mbovykue rei e'ỹ nomoĩ 'rã ipoxy aguã, 
\q2 opoxya oendu va'eri ndajoguerekoi 'rã ha'e rami. 
\q1  
\v 39 Ima'endu'a ha'e kuery to'o rive ikuaia re, 
\q2 yvytu oaxa rire ndojevyveia rami ikuai va'e ramo. 
\q1  
\v 40 Ha'e rami teĩ mbovykue rei e'ỹ hexe opu'ã rei okuapy tekoa e'ỹa py, 
\q2 ha'e kuery ae'i ikuaia py ombopoxya rupi ikuai. 
\q1  
\v 41 Nhanderuete pe “Taexa” he'i jepi, 
\q2 ijayvu rei okuapy Israel kuery ruete Iky'a e'ỹ va'e re. 
\q1  
\v 42 Na'ima'endu'avei okuapy ipo'akaa re, 
\q2 hovaigua kuery gui ogueraa jepeague re voi, 
\q1  
\v 43 neĩ Egito yvy re hexa pyrã ojapoague re, 
\q2 Zoã regua py nhomondyipaarã ojapoague re. 
\q1  
\v 44 Mba'eta ha'e py yakã oĩ va'e tuguy ju ojapo va'ekue, 
\q2 yy gui ha'e kuery oy'u e'ỹ aguã. 
\q1  
\v 45 Ha'e kuerya py ombou heta mberu oixu'upa aguã, 
\q2 ju'i voi heta ombou omomba aguã. 
\q1  
\v 46 Ha'e kuery mba'emo omono'õ 'rã va'ekue omboaxapa yxo rembi'urã, 
\q2 tuku karu py omomba onhotỹ va'ekue'a. 
\q1  
\v 47 Amandau ombou vy omomba va'ekue ha'e kuery uva ty, 
\q2 ha'e yvyra sicômoro ikuai va'e voi ojukapa yro'y py. 
\q1  
\v 48 Amandau py omomba hymba vaka kuery, 
\q2 ha'e onhemboxi va'e py vexa'i kuery ojuka. 
\q1  
\v 49 Ha'e kuery pe oexa uka opoxya, 
\q2 opa mba'e vai py omoingo axy opoxya rupi, 
\q2 anjo kuery mba'emo vai rerua pe omboaxa. 
\q1  
\v 50 Opoxya rupi ete oiko va'ekue, 
\q2 ha'e kuery rekovea ndogueraa jepei manoa gui, 
\q2 ha'e rami 'rãgue py mba'eaxy vaikue pe omboaxa hekovea. 
\q1  
\v 51 Ojukapa Egito pygua ra'y kuery jypyguare ha'e javi, 
\q2 jypygua imbaraetekueve Cam regua. 
\q1  
\v 52 Ha'e rã ojeupegua kuery ma oipe'apa vexa'i rami, 
\q2 vexa'i rami oguereko tekoa e'ỹa rupi. 
\q1  
\v 53 Oguereko porã ramo okyjea noendui okuapy. 
\q2 Ha'e rã hovaigua kuery ma oikepa ye'ẽ py. 
\q1  
\v 54 Ogueraa yvy iky'a e'ỹ va'e katy, 
\q2 yvyty opo'akaa rupi oipe'a va'ekue peve.\x * \xo 78:54 \xt Josué 3, 11\x* 
\q1  
\v 55 Ha'e kuery renonde gui omoxẽmba ha'e va'e yvy pygua kuery, 
\q2 ha'e gui ijyvy va'ekue ma Israel kuery peguarã ju omboja'o ukapa, 
\q2 hoogue py omoingo Israel kuery. 
\q1  
\v 56 Ha'e rami teĩ Nhanderuete Yvate ete va'e pe “Taexa” he'i ju okuapy, 
\q2 hexe opu'ãa rupi. 
\q2 Ijayvuague rami e'ỹ ikuai.\x * \xo 78:56 \xt Juízes 2.6-15\x* 
\q1  
\v 57 Tamoĩ kuery ikuaiague rami ete ojepe'apa, 
\q2 ojeroviaa rupi ve'ỹ ikuai. 
\q2 Opa marã rei ikuai guyrapa hembia e'ỹ va'e rami. 
\q1  
\v 58 Mba'eta yvy'ã rupi ombojerovia atyrã ojapo vy 
\q2 ombopoxy, 
\q2 mba'emo ra'angaa rive omboetea rupi ojapo okuapy nda'evei etea oendu aguã rami. 
\q1  
\v 59 Ha'e nunga Nhanderuete oendu vy ipoxy. 
\q2 Ha'e vy nopenavei Israel kuery re. 
\q1  
\v 60 Noĩvei ombojeroviaaty Siló tetã py oĩ va'e py, 
\q2 avakue mbyte oo'i oĩ atyrã ojapo rire teĩ.\x * \xo 78:60 \xt 1 Samuel 4; Jeremias 7.12-15\x* 
\q1  
\v 61 Lei ryru ipo'akaa kuaa ukaa voi ogueraa uka amboae yvy katy, 
\q2 hexakãa rexa ukaa oĩ va'ekue guive ngovaigua kuery po py omboaxa. 
\q1  
\v 62 Ojeupegua kuery omboaxapa kyxe py ijukaarã pe, 
\q2 ojeupegua kuery rovai ipoxy vy. 
\q1  
\v 63 Ha'e ramo kunumigue tata omomba ramo 
\q2 kunhataĩgue ogueroporaei va'erã jipoi, neĩ omenda aguã. 
\q1  
\v 64 Sacerdote kuery voi kyxe py ojukapaa rã 
\q2 ta'yxykue ojae'o aguã nda'evei. 
\q1  
\v 65 Ha'e gui mae \nd Senhor\nd* oikuaa pota okeague gui omyĩ va'e rami, 
\q2 ipy'a guaxu va'e vinho oy'u vy ojapukai atã va'e rami avi. 
\q1  
\v 66 Ha'e vy ngovaigua kuery ojuka vy omboguevi atãmba, 
\q2 ojapo raka'e rã peve oxĩmba aguã rami. 
\q1  
\v 67 Ha'e gui huvixarã ma José ramymino kuery va'e regua ndoiporavoi, 
\q2 neĩ Efraim regua. 
\q1  
\v 68 Ha'e rami 'rãgue py Judá regua oiporavo, 
\q2 Sião yvyty oayvu va'e guive. 
\q1  
\v 69 Ha'e áry ojapo ojeupegua henda iky'a e'ỹ va'e yva rami ete oĩ atã va'erã, 
\q2 omoĩ atã raka'e rã peve guarã yvy onhono va'ekue rami. 
\q1  
\v 70 Ha'e rami vy oiporavo guembiguai Davi 
\q2 vexa'i kora gui oipe'a vy.\x * \xo 78:70 \xt 1 Samuel 16.1-13\x* 
\q1  
\v 71 Vexa'i re opena oikovya gui ogueru vy 
\q2 omoĩ Jacó kuery re opena va'erã, 
\q2 ojeupegua kuery Israel re ae. 
\q1  
\v 72 Ha'e ramo opena oikovy anhetẽ rupi ipy'a va'e vy, 
\q2 arandu rupi ete oguereko opo py. 
\s1 Ngovaigua kuery ombopaga aguã re ojerurea okuapyague 
\d Mboraeirã Asafe ombopara va'ekue. 
\c 79  
\q1  
\v 1 Oreruete, yvy regua xondaro kuery ndevygua yvy re ou. 
\q2 Ndevygua templo iky'a e'ỹ va'e omongy'apa, 
\q2 ha'e Jerusalém tetã ha'e javi rupi ombovaipa.\x * \xo 79:1 \xt 2 Reis 25.1-21; 2 Crônicas 36.15-21; Jeremias 52.4-30\x* 
\q1  
\v 2 Nerembiguai kuery retekue oeja guyra rembi'urã, 
\q2 ndevy ikuai va'ekue ro'okue ma ka'aguy rupigua rembi'urã oeja. 
\q1  
\v 3 Jerusalém ha'e javi rupi omoẽ huguy yy rami, 
\q2 nda'ipovei guive hetekue nhono porãarã. 
\q1  
\v 4 Ha'e ramo orea katy rai'i rupi ikuai va'e ijayvu vaikue-ikue orere. 
\q2 Opuka, ovy'a rei guive orere. 
\q1  
\v 5 \nd Senhor\nd*, raka'e peve 'rã tu ha'e rami oiko? 
\q2 Orevy rexa uka riae 'rã teve nda'evei etea? 
\q2 Orejou vaia nda'u tata rami riae 'rã ri hendy? 
\q1  
\v 6 Yvy regua kuery pe jevy ke ndepoxy, 
\q2 ndekuaa e'ỹ va'e kuery pe, 
\q2 nderery rupi e'ỹ ojapukai va'e pe. 
\q1  
\v 7 Mba'eta ha'e kuery ma omokanhymba Jacó kuery, 
\q2 orerekoa voi ombovaipa. 
\q1  
\v 8 Orere emoĩ eme oreramoĩ kuery ojejavyague. 
\q2 Ha'e rami 'rãgue py orea py eju pojava oremboaxy aguã, 
\q2 noronhanimavei ma ramo. 
\q1  
\v 9 Oreruete orereraa jepea, orepytyvõ ke 
\q2 nderery remboete ukaa rupi vy. 
\q2 Orereraa jepe, ha'e emboguepa rojejavyague 
\q2 nderery re ae vy. 
\q1  
\v 10 Mba'erã tu yvy regua kuery “Mamo tu Penderuete oĩ?” he'i okuapy? 
\q2 Nerembiguai kuery ruguy onhoẽague re 
\q2 yvy regua rembopaga vy exa uka orevy. 
\q1  
\v 11 Endu ke nhuã py ikuai va'e poaẽa. 
\q2 Ndepo'akaa rupi emoingove ju omano aguã rami ikuai va'e. 
\q1  
\v 12 \nd Senhor\nd*, orea katy rai ikuai va'e ndere ijayvu vai rei ramo 
\q2 embopaga sete-kue áryve. 
\q1  
\v 13 Ha'e rã ore ma ndevygua orekuai, 
\q2 nerymba vexa'i kuery remongaru va'e ae. 
\q2 Roguerovy'a riae 'rã. 
\q2 Aỹ guive raka'e rã peve roporaei 'rã ndevy. 
\s1 Omoingo porã ju aguã re ojerurea ague 
\d Jogueroporaei va'e pe Asafe ombopara va'ekue “Yvoty lírio” he'ia py oporaeia rami oporaei aguã. 
\c 80  
\q1  
\v 1 Israel kuery re repena va'ety, ejapyxaka ke. 
\q2 Ndee rereko José ramymino kuery mymba rami. 
\q2 Anjo ipepo va'e ikuaia áry reĩa gui exa uka nerexakãa. 
\q1  
\v 2 Efraim, Benjamim ha'e Manassés regua kuery pe 
\q2 exa uka ndepo'akaa, eju guive orereraa jepe aguã. 
\q1  
\v 3 Oreruete, oremoingo porã ju ke. 
\q2 Orevy pe exa uka nderova rexakãa, roo jepe aguã. 
\q1  
\v 4 \nd Senhor\nd* Oreruete nexondaro reta va'e, 
\q2 raka'e peve 'rã tu rendu rive ndevygua kuery onhembo'ea? 
\q1  
\v 5 Orerexay re ae oremongaru tembi'u 'rãgue py, 
\q2 karo remonyẽ orepy'a vaia roy'u aguã. 
\q1  
\v 6 Rejapo orea katy'i ikuai va'e orere opu'ã aguã rami, 
\q2 ha'e orerovaigua kuery orere opuka rei aguã. 
\q1  
\v 7 Oreruete nexondaro reta va'e, oremoingo porã ju ke. 
\q2 Orevy pe exa uka nderova rexakãa, roo jepe aguã. 
\q1  
\v 8 Egito yvy gui reru raka'e peteĩ uva rakãgue'i.\f + \fr 80:8 \ft “Uva rakãgue'i” he'ia ma Israel kuery re ijayvu vy (Isaías 5.1-7, 27.2-6; Lucas 20.9-19).\f* 
\q2 Yvy regua kuery remoxẽague py renhotỹ. 
\q1  
\v 9 Yvy remboa'eveague rupi hapo porã ovy, 
\q2 ha'e yvy áry rupi hakã'i oaĩ ovy. 
\q1  
\v 10 Ha'e rami vy omokuaray'ãmba yvyty ikuai va'e, 
\q2 yary tuvixakueve va'e guive. 
\q1  
\v 11 Ye'ẽ peve oo oiny hovapy, 
\q2 ha'e hoky ma yakã peve oo. 
\q1  
\v 12 Ha'e rire teĩ mba'e re tu ha'vy reity uka ikora? 
\q2 Ha'e ramo tape rupi oaxa va'e tema omondo 'rã hi'a. 
\q1  
\v 13 Tajaxu omou'ũmba 'rã, 
\q2 ha'e mymba kuery nhuũndy rupigua ho'upa 'rã. 
\q1  
\v 14 Oreruete nexondaro reta va'e, rojerure ndevy: 
\q2 Ejevy ju orea py. 
\q2 Pe yva gui ema'ẽ orere, 
\q2 eju eikuaa pota aguã ndevygua uva rembypy re. 
\q1  
\v 15 Epy ke ndepo py ae renhotỹ va'ekue, 
\q2 hakã pyau ndejeupe guarã ae remombaraete va'ekue. 
\q1  
\v 16 Ojayapaa ma rire oapypaa ma tata py. 
\q2 Tokanhymba orerovaigua kuery ndepoxya nderova py rexa uka ramo. 
\q1  
\v 17 Tove ndepo toĩ ndeyke re ikuai va'e kuery re, 
\q2 ava ra'y ndejeupe guarã ae remombaraete va'ekue re. 
\q1  
\v 18 Ha'e rire ore kuery ndorojepe'avei ma 'rã ndea gui. 
\q2 Oremoingove ju ke. 
\q2 Ha'e ramo 'rãe nderery rupi rojapukai. 
\q1  
\v 19 \nd Senhor\nd* Oreruete nexondaro reta va'e, oremoingo porã ju. 
\q2 Orevy exa uka nderova rexakãa, roo jepe aguã. 
\s1 Jaroporai ha'e nhanhe'ẽ rendu aguã regua 
\d Jogueroporaei va'e pe mboraeirã Asafe ombopara va'ekue “Uva'a onhamiaty” he'ia py oporaeia rami oporaei aguã. 
\c 81  
\q1  
\v 1 Peporaei ke pevy'aa rupi Nhanderuete nhanemombaraetea pe. 
\q2 Perovy'a Jacó Ruete. 
\q1  
\v 2 Peporaei vy pembojoguy pandeiro pu py. 
\q2 Pembopu porã mba'epu ixã reta va'e ha'e mbaraka. 
\q1  
\v 3 Pembopu ke mimby guaxu 
\q2 jaxy pyau ha'e jaxy inhypytũ nhavõ, 
\q2 nhandevygua ngaru oikoa ára. 
\q1  
\v 4 Ha'e rami aguã ae Jacó Ruete oeja va'ekue 
\q2 Israel kuery rekorã. 
\q1  
\v 5 José kuery rekorã oeja raka'e 
\q2 Egito pygua kuery re opu'ã vy oo jave. 
\q1 Peteĩ ayvu xee naendu kuaai va'ekue aendu ju aipoe'i rã: 
\q1  
\v 6 “Pendevoyi amboguejy va'ekue pendeaxi'y áry gui, 
\q2 pendepo voi aipe'a ajaka peupi heravyague gui. 
\q1  
\v 7 Pejexavai vy xevy pejapukai ramo xee rogueraa jepe va'ekue. 
\q2 Yapu mbyte gui xee rombovai, 
\q2 roeko a'ã va'ekue guive Meribá py yy oĩ va'e yvýry”, he'i.\f + \fr 81:7 \ft Meribá py oeko a'ãague re ijayvua ma Êxodo 17.1-7 py oĩ.\f* 
\q1  
\v 8 “Xevygua kuery, pejapyxaka ke pendevy xeayvu rã. 
\q2 Israel kuery, peẽ kuery xenhe'ẽ rendu va'e rire. 
\q1  
\v 9 Penembyte pereko eme Penderuete ramigua rive, 
\q2 tuuete mboae renonde pembojerovia eme.\x * \xo 81:9 \xt Êxodo 20.1-6\x* 
\q1  
\v 10 Xee ae ma \nd Senhor\nd* Penderuete, 
\q2 Egito yvy gui penerenoẽare. 
\q2 Peipe'apa ke pendejuru, ha'e rã xee romongaru 'rã”, ha'e va'ekue. 
\q1  
\v 11 Ha'e rami teĩ xevygua kuery naxenhe'ẽ rendui. 
\q2 Israel kuery ndaxekuaa potai. 
\q1  
\v 12 Ha'e rire xee ajapo ha'e kuery ae akã ratãa rupi ikuai aguã rami, 
\q2 ha'e kuery oipotaa rami rive ikuai aguã. 
\q1  
\v 13 Xevygua kuery xenhe'ẽ rendu va'e rire, 
\q2 Xeguigua tape rupi ae Israel kuery oo va'e rire 
\q1  
\v 14 xee amomba voi 'rãgue hovaigua kuery, 
\q2 xepo'aka 'rãgue ija'e e'ỹ va'e ha'e javi re. 
\q1  
\v 15 \nd Senhor\nd* re ija'e e'ỹ va'e kuery ikuai 'rãgue ixupe, 
\q2 ha'e rami ikuai 'rãgue raka'e rã peve. 
\q1  
\v 16 Ha'e rã peẽ kuery ma trigo iporãve va'e re romongaru 'rãgue, 
\q2 ei ita pa'ũ gui guare ame'ẽ 'rãgue penevyatãmba peve. 
\s1 Ha'eve e'ỹa rami joe opena va'e kuery pe ijayvua 
\d Mboraeirã Asafe ombopara va'ekue. 
\c 82  
\q1  
\v 1 Nhanderuete renonde ijapy okuapy ojeupegua kuery. 
\q2 Ha'e ramo tuuete kuery mbyte omboayvu oiny.\f + \fr 82:1 \ft “Tuuete kuery” he'ia ma joguerekoarã omoĩ mbyre re ijayvu vy (João 10.34-36).\f* 
\q1  
\v 2 “Raka'e peve 'rã tu ha'eve'ỹa rami peikuaa pota joe? 
\q2 Heko vai va'ea katy jepi ri ty peiko. 
\q1  
\v 3 Ha'evea rami ete 'rãgue peikuaa pota yvyĩgue'i ha'e tyre'ỹ re. 
\q2 Pepena porã ke ojexavai va'e ha'e oipytyvõ pyrã e'ỹ kuery re. 
\q1  
\v 4 Peipytyvõ yvyĩgue'i ha'e iporiaukue'i, 
\q2 peraa jepe heko vai va'e po gui.” 
\q1  
\v 5 Ha'e kuery ma mba'eve ndoikuaai, 
\q2 neĩ ndoikuaa potai va'e, 
\q2 pytũ reia rupi ikuai. 
\q2 Ha'e ramo yvy yta omyĩmba.\f + \fr 82:5 \ft “Yvy yta” he'ia ma ha'evea rami joguerekoa re ijayvu vy (Salmo 11.3, 75.3).\f* 
\q1  
\v 6 Xee aipoa'e va'ekue: “Peẽ kuery ma tuuete, 
\q2 Yvate ete va'e ra'y kuery pendekuai”, ha'e va'ekue.\x * \xo 82:6 \xt João 10.34\x* 
\q1  
\v 7 Ha'e rami teĩ avakue rami rive 'rã pemano, 
\q2 pendekovea opa 'rã huvixa kuery mboae rami. 
\q1  
\v 8 Oreruete, epu'ã ke, eikuaa pota yvy regua kuery re. 
\q2 Mba'eta yvy regua ma ndevy guarã meme. 
\s1 Nhanderuete nhombopaga aguã re ojerurea ague 
\d Mboraeirã Asafe ombopara va'ekue. 
\c 83  
\q1  
\v 1 Oreruete, ekyrirĩ eme! 
\q2 Oreruete, ndeayvu e'ỹ eme, eĩ rive eme guive. 
\q1  
\v 2 Mba'eta nderovaigua kuery opu'ãmba okuapy, 
\q2 ndere ija'e e'ỹ va'e onhemboyvatepa. 
\q1  
\v 3 Nhomongeta rei okuapy ndevygua kuery rovai, 
\q2 jogueroayvu 'rã repenaa va'e kuery re. 
\q1  
\v 4 Ha'e vy aipoe'i: “Peju ke, jaa jaipe'a yvy re ikuai va'e mbyte gui, 
\q2 Israel kuery re ima'endu'aave e'ỹ aguã”, he'i okuapy. 
\q1  
\v 5 Peteĩ rami 'rã jogueroayvu okuapy 
\q2 nderovaigua ikuai aguã: 
\q1  
\v 6 Edom regua ha'e Ismael guigua kuery, 
\q2 Moabe regua ha'e Agar remiarirõ kuery, 
\q1  
\v 7 Gibal pygua, ha'e Amom, Amaleque, Filístia 
\q2 ha'e Tiro pygua kuery ha'e javi. 
\q1  
\v 8 Assíria pygua kuery voi onhemoirũ 'rã ha'e kuery reve 
\q2 Ló ramymino kuery oipytyvõ vy. 
\q1  
\v 9 Ha'e kuery re ejapo Midiã regua kuery re rejapoague rami, 
\q2 Sísera ha'e Jabim kuery re Quisom yakã yvýry rejapoague rami.\f + \fr 83:9 \ft Midiã regua re Nhanderuete mba'emo ojapoague omombe'u Juízes 7 py, ha'e rã Sísera ha'e Jabim re ojapoague ma Juízes 4 py.\f* 
\q1  
\v 10 Ha'e va'e kuery ma rejukapa va'ekue En-Dor py, 
\q2 ha'e ramo hu'ũmba yvy re. 
\q1  
\v 11 Ha'e kuery regua yvatekueve re ejapo Orebe ha'e Zeebe re rejapoague rami, 
\q2 huvixa kuery re ejapo Zeba ha'e Zalmuna re rejapoague rami.\f + \fr 83:11 \ft Ha'e va'e kuery Gideão ojukapa (Juízes 7.25–8.21).\f* 
\q1  
\v 12 Mba'eta “Jajopy 'rã Nhanderuete yvy nhanderekoarã”, he'i okuapy. 
\q1  
\v 13 Xeruete, emoaĩmba ke yvyra rogue yvytu jere omboipa heravya rami, 
\q2 mba'emo pire yvytu opa rupi ombovevea rami, 
\q1  
\v 14 ka'aguy rupi tata oapypaa rami, 
\q2 tata rendy yvyty ikuai va'e oapypaa rami. 
\q1  
\v 15 Ha'e rami ae avi eakykue monha nde'yvytu vaikue py, 
\q2 emondyipa heravy nde'yvytu atã py. 
\q1  
\v 16 \nd Senhor\nd*, ejapo ha'e kuery oxĩmba aguã rami, 
\q2 nderery rupi ha'e kuery voi ndereka aguã. 
\q1  
\v 17 Tove ha'e kuery toxĩmba ha'e nda'evei nho ta'ikuai raka'e rã peve. 
\q2 Nda'evei reia toendu ha'e tokanhymba. 
\q1  
\v 18 Ha'e ramo 'rãe oikuaa ndee anho \nd Senhor\nd* nderery va'e reikoa, 
\q2 ha'e yvy jave áryve Yvate ete va'ea. 
\s1 Templo re ima'endu'a etea 
\d Jogueroporaei va'e pe mboraeirã Coré ra'y kuery ombopara va'ekue “Uva'a onhamiaty” he'ia py oporaeiaty rami oporaei aguã. 
\c 84  
\q1  
\v 1 Xeruete nexondaro reta va'e, 
\q2 xevy pe nembojeroviaaty ma iporã ete! 
\q1  
\v 2 Xenhe'ẽ py xepoaẽ \nd Senhor\nd* pegua oka re nda'evei vy. 
\q2 Mba'eta xepy'a, xerete ha'e javi py arovy'a Nhanderuete oikove va'e. 
\q1  
\v 3 Kyky'i ma oo 'rã ojou oke atyrã, 
\q2 mbyju'i voi ojou 'rã guaityrã'i gua'y kue'iry oguereko aguã, 
\q2 ndevygua altar yvýry, 
\q2 \nd Senhor\nd* nexondaro reta va'e, Xeruvixa ha'e Xeruete. 
\q1  
\v 4 \nd Senhor\nd*, ovy'a ete 'rã ndevygua oo py ikuai va'e. 
\q2 Ha'e kuery oporaei riae 'rã ndevy.\f + \fr 84:4 \ft “Ndevygua oo py ikuai va'e” he'ia ma levita ha'e sacerdote kuery templo py ikuai va'e re ijayvu vy.\f* 
\q1  
\v 5 Ovy'a ete 'rã avakue ndere vy imbaraete va'e, 
\q2 ha'e ipy'a re oĩ taperã omoatyrõ mbyre rupi oguata aguã. 
\q1  
\v 6 Yvyugua ipiru rei va'e rupi oaxa teĩ 
\q2 ha'e kuery pe ojeapo 'rã yy oxyry porã reia. 
\q2 Oky ypy va'e omoakỹ porãmba 'rã guive. 
\q1  
\v 7 Ha'e kuery ma imbaraeteve teve 'rã oje'oivy. 
\q2 Peteĩ-teĩ ojexa uka 'rã Nhanderuete renonde Sião py.\f + \fr 84:7 \ft Apy ma ijayvu Jerusalém py Nhanderuete omboete aguã katy oguata va'e kuery re.\f* 
\q1  
\v 8 \nd Senhor\nd*, Xeruete nexondaro reta va'e, endu anhembo'ea. 
\q2 Jacó Ruete, ejapyxaka ke. 
\q1  
\v 9 Oreruete mba'emo vai gui jokoa reiko va'e, eikuaa pota ke, 
\q2 ema'ẽ huvixave reiporavo va'ekue re. 
\q1  
\v 10 Amboae henda py mil ára aĩ 'rãgue py 
\q2 ha'eveve peteĩ'i ára ndevygua roka py aĩ aguã. 
\q2 Heko vai va'e rekoa py xerekoa 'rãgue py 
\q2 ha'eveve Xeruete pegua rokẽ arõ aikovy aguã. 
\q1  
\v 11 \nd Senhor\nd* Nhanderuete ma kuaray ha'e mba'emo vai jokoa. 
\q2 \nd Senhor\nd* nhanemboaxy ha'e nhanemoexakãarã. 
\q2 Teko porã rupi ikuai va'e pe nome'ẽ e'ỹi 'rã iporã va'e. 
\q1  
\v 12 \nd Senhor\nd* nexondaro reta va'e, 
\q2 ndere ojerovia va'e ovy'a ete 'rã. 
\s1 Ojejavyague Nhanderuete ombogue aguã re ojerurea ague 
\d Jogueroporaei va'e pe mboraeirã Coré ra'y kuery ombopara va'ekue. 
\c 85  
\q1  
\v 1 \nd Senhor\nd*, remoingo porã va'ekue ndeyvy, 
\q2 Jacó kuery guive remoingo porã ju. 
\q1  
\v 2 Ndevygua kuery ojejavyague remboguepa va'ekue, 
\q2 heko vaiague rejao'ipa. 
\q1  
\v 3 Ndepoxya nderexa ukai orevy, 
\q2 ndepoxya rupi e'ỹ orerereko va'ekue. 
\q1  
\v 4 Oreruete orereraa jepea, peteĩgue ju ke oremoingo porã, 
\q2 oregui eipe'a ju ndepoxya. 
\q1  
\v 5 Tyrã ndepoxy riae 'rã teve orevy? 
\q2 Raka'e rã peve 'rã nda'u ndepoxy? 
\q1  
\v 6 Noremoingo porãve jevyi 'rã ri ty'y, 
\q2 ndevygua kuery ndererovy'a aguã? 
\q1  
\v 7 \nd Senhor\nd*, exa uka ndeporayvua orevy, 
\q2 ejapo roo jepe aguã rami. 
\q1  
\v 8 Ajapyxaka 'rã \nd Senhor\nd* ijayvua re, 
\q2 mba'eta ijayvu ojeupegua iky'a e'ỹ va'e kuery omoingo porã aguã re, 
\q2 o'arandu e'ỹa py ho'a ve'ỹ aguã. 
\q1  
\v 9 Ou ma oiny henonde ojererokyjea rupi ikuai va'ea py, ogueraa jepe aguã, 
\q2 nhandeyvy re hexakãa ojekuaa aguã. 
\q1  
\v 10 Mborayvu nhomoirũ anhetẽ va'e reve, 
\q2 teko porã ha'e jaiko porãa oje'a jova pyte va'e rami. 
\q1  
\v 11 Yvy gui henhoĩ 'rã anhetẽ va'e, 
\q2 ha'e teko porã oma'ẽ 'rã yva gui. 
\q1  
\v 12 \nd Senhor\nd* ome'ẽ 'rã iporã va'e, 
\q2 ha'e nhandeyvy re oiko 'rã mba'emo'a. 
\q1  
\v 13 Teko porã oo 'rã henonde, 
\q2 oguereko katu aguã haperã oo aguã. 
\s1 Ojerure ha'e ojerovia etea 
\d Davi onhembo'eague. 
\c 86  
\q1  
\v 1 \nd Senhor\nd*, ejapyxaka ke ajapukai rã, xembovai guive, 
\q2 mba'eta ajexavai vy xeporiau aikovy. 
\q1  
\v 2 Ndere ajerovia ramo eraa jepe xerekove. 
\q2 Xeruete, reraa jepe 'rã nerembiguai ndere ojerovia rã. 
\q1  
\v 3 \nd Senhor\nd*, xemboaxy ke, 
\q2 ára pukukue re ndevy ajapukai ramo. 
\q1  
\v 4 Embovy'a ju nerembiguai py'a, 
\q2 ndere xenhe'ẽ aroma'endu'a ramo. 
\q1  
\v 5 Mba'eta \nd Senhor\nd*, porayvu ha'e nhomboaxy va'e reiko, 
\q2 reayvu ete ndevy ojapukai va'e ha'e javi. 
\q1  
\v 6 \nd Senhor\nd*, endu ke anhembo'ea, 
\q2 eikuaa pota ajapukaia re. 
\q1  
\v 7 Ajexavaia ára ajapukai 'rã ndevy, 
\q2 ndee xembovai ramo. 
\q1  
\v 8 \nd Senhor\nd*, ndee ramigua tuuete mboae nda'ipoi. 
\q2 Nda'ipoi avi rejapo va'e ramigua. 
\q1  
\v 9 Ha'e javi regua remoingo va'ekue ou vy 
\q2 guenapy'ã re oĩmba 'rã okuapy nerenonde, 
\q2 ha'e gui omboete 'rã nderery, \nd Senhor\nd*.\x * \xo 86:9 \xt Apocalipse 15.4\x* 
\q1  
\v 10 Mba'eta ndee ma yvate ete va'e, nhomondyipaarã apoa guive. 
\q2 Ndee anho Oreruete. 
\q1  
\v 11 \nd Senhor\nd*, xembo'e ke nderape rupi aa aguã. 
\q2 Ha'e ramo aiko 'rã ndeguigua anhetẽ etea rupi. 
\q2 Xepy'a re emoĩ nderery aendu vy ajererokyjea rupi anho aiko aguã. 
\q1  
\v 12 \nd Senhor\nd* Xeruete, xee roguerovy'a xepy'a ha'e javi py, 
\q2 nderery rupi aporaei 'rã raka'e rã peve, 
\q1  
\v 13 mba'eta ndee xerayvu ete vy 
\q2 xerekove reraa jepe manoa po'akaa gui. 
\q1  
\v 14 Xeruete, ojejou porã rei va'e kuery opu'ã ma xere, 
\q2 ojerovia rei va'e xejukaxe okuapy. 
\q2 Ha'e kuery nemboetea rupi e'ỹ ikuai. 
\q1  
\v 15 Ha'e rã ndee \nd Senhor\nd* Xeruete ma renhomboaxy ha'e ndeporayvu vaipa, 
\q2 nandekuerai, opa mba'e py renhomboaxy ha'e anhetẽ rupi reiko va'e. 
\q1  
\v 16 Ema'ẽ ke xere, xemboaxy guive. 
\q2 Xemombaraete, mba'eta nerembiguai aiko, 
\q2 eraa jepe nerembiguai pi'a. 
\q1  
\v 17 Eikuaa uka xerayvua, 
\q2 xere ija'e e'ỹ va'e kuery oexa vy oxĩmba aguã. 
\q2 Mba'eta \nd Senhor\nd*, ndee ae xepytyvõ ha'e xembopy'a guaxua. 
\s1 Nhanderuete Jerusalém tetã oayvua re ijayvua 
\d Mboraeirã Coré ra'y kuery ombopara va'ekue. 
\c 87  
\q1  
\v 1 Yvyty iky'a e'ỹ va'e áry \nd Senhor\nd* Sião\f + \fr 87:1 \ft Sião ma Jerusalém tetã rery mboae.\f* tetã omoĩ atã rire 
\q1  
\v 2 oayvu hokẽ ikuai va'e voi. 
\q2 Jacó kuery rekoa ikuai va'e ha'e javi gui oayvuve. 
\q1  
\v 3 Ndevy Nhanderuete pegua tetã, ayvu iporã ete va'e 'ea: 
\q1  
\v 4 “Xekuaa va'e kuery rekoa regua ma 
\q2 Egito ha'e Babilônia. 
\q2 Oĩ avi 'rã Filístia, Tiro ha'e Etiópia, 
\q2 ha'e py ae itui'i rire.” 
\q1  
\v 5 Mba'eta Sião tetã pe aipo'ea 'rã: 
\q2 “Kova'e ha'e peva'e voi ha'e pygua ae. 
\q2 Yvate ete va'e omoĩ atã 'rã.” 
\q1  
\v 6 \nd Senhor\nd* yvy regua rery ombopara vy aipoe'i 'rã: 
\q2 “Kova'e ma ha'e pygua ae.”\f + \fr 87:6 \ft “Ha'e py itui'i” he'ia ma ojeupegua kuery re ijayvu vy, Jerusalém pygua ae pe rami, mombyry itui'i va'ekue teĩ.\f* 
\q1  
\v 7 Oporaei va'e kuery ha'e javi opo-opo reve aipoe'i 'rã: 
\q2 “Ndere anho oĩ xemoingo porãa ha'e javi.” 
\s1 Ojexavai va'e ndovy'aia rupi ijayvuague 
\d Jogueroporaei va'e pe mboraeirã Coré ra'y kuery nhombo'e aguã ombopara va'ekue mbaraka py ombojoguy aguã, Ezra ramymino Hemã oporaei va'ekue. 
\c 88  
\q1  
\v 1 \nd Senhor\nd* ma Xeruete xereraa jepea. 
\q2 Ára pukukue re, pyávy voi ajapukai ndevy. 
\q1  
\v 2 Anhembo'ea tonhendu nerenonde. 
\q2 Ejapyxaka ke ajapukaia re. 
\q1  
\v 3 Mba'eta xenhe'ẽ py aendu opa marãgua nda'eveia, 
\q2 xerekove ma manoa katy'i ma ovaẽ. 
\q1  
\v 4 Yvykua katy oguejy ma ovy va'e rami xekuaa, 
\q2 ava imbaraete va'e ve'ỹ ma aiko ramo. 
\q1  
\v 5 Omanogue mbyte omombo pyre rami aiko, 
\q2 yvykua py ojuka pyre itui va'e rami. 
\q2 Ha'e kuery re ma nanema'endu'avei ma 'rã, 
\q2 ha'e ndepo py nereipytyvõvei 'rã. 
\q1  
\v 6 Ndee ae xemombo yvykua pukuvea py, 
\q2 ijavaetevea ha'e yvykua vaikue py. 
\q1  
\v 7 Mba'eta xe'áry ndepoxya ipoyi oiny, 
\q2 yai py rami ndeguigua xemokangy. 
\q1  
\v 8 Rejapo xerexa va'ety kuery xerejapa aguã rami, 
\q2 ha'e kuery ojeguaru rei ma okuapy xegui. 
\q2 Nhuã py xembo'aa rire aa jepe aguã ndaikuaavei. 
\q1  
\v 9 Ajexavai ete vy ndaxerexa pyxovei ma. 
\q2 \nd Senhor\nd*, ndevy pe anho ajapukai ko'ẽ nhavõ, 
\q2 ndevy ae xepo aupi. 
\q1  
\v 10 Omanogue pe nda'u rejapo 'rã ri hexa pyrã? 
\q2 Ha'e kuery nda'u ovypa 'rã ri ndevy oporaei aguã? 
\q1  
\v 11 Ha'e kuery nda'u ituia py ijayvu 'rã ri ndeporayvua re? 
\q2 Yvykua vaikue py nda'u ijayvu 'rã ri ojeroviapy reikoa re? 
\q1  
\v 12 Pytũ reia py nda'u ojekuaa 'rã ri hexa pyrã rejapo va'e? 
\q2 Yvy hexarai pyre ikuaia re teĩ nda'u ojekuaa 'rã ri ndereko porãa? 
\q1  
\v 13 Ha'e gui \nd Senhor\nd*, xee ma ndevy ae ajapukai xepytyvõ aguã. 
\q2 Ko'ẽ te'ỹ'i re xee anhembo'e ndevy. 
\q1  
\v 14 \nd Senhor\nd*, mba'e re tu xereja ri? 
\q2 Mba'e re tu xevy pe nderejexa ukavei ri? 
\q1  
\v 15 Xekunumi guive ajexavaia re aiko, amano rai'i ma aikovy. 
\q2 Ndee xemongyje ramo xee ndaikuaai rei aikovy. 
\q1  
\v 16 Ndepoxya xere ou, 
\q2 ndeguigua ngyje xemomba ta ma. 
\q1  
\v 17 Ha'e nunga ha'e javi xembojere riae yy ou va'e rami, 
\q2 jova-jovai gui xejoko. 
\q1  
\v 18 Xerayvu va'e ha'e xeirũ kuery ma xea gui mombyry reipe'apa. 
\q2 Ha'e ramo pytũa rive opyta aexa va'ety rami. 
\s1 Messias ipo'aka aguã re ijayvua 
\d Mboraeirã Ezra ramymino Etã nhombo'e aguã ombopara va'ekue. 
\c 89  
\q1  
\v 1 \nd Senhor\nd*, aporaei riae 'rã renhomboaxya re, 
\q2 raka'e rã peve xejuru py aikuaa uka 'rã ojeroviapy reikoa. 
\q1  
\v 2 Mba'eta aipoa'e: “Ndeporayvua ndopai 'rã, 
\q2 ha'e ndereko porãa yva re remoĩ atã”, ha'e. 
\q1  
\v 3 Aipo're: “Xerembiguai Davi aiporavo va'ekue pe 
\q2 aura reve ajapo xereve guarã. Ha'e vy aipoa'e: 
\q1  
\v 4 ‘Neramymino kuery amoĩ atã 'rã raka'e rã peve guarã, 
\q2 raka'e rã peve amoĩ 'rã ndepo'akaa’, ha'e”, 're.\f + \fr 89:4 \ft Davi reve Nhanderuete ijayvuague ma 2 Samuel 7 py oĩ. (Salmo 132.11-12; Atos 2.30).\f* 
\q1  
\v 5 \nd Senhor\nd*, yva re oporaeia okuapy mba'emo porã rejapo va'ekue rupi, 
\q2 ndevygua iky'a e'ỹ va'e kuery ijatya py ogueroma'endu'a okuapy ojeroviapy reikoa. 
\q1  
\v 6 Mba'eta mava'e nda'u \nd Senhor\nd* rami ete oiko 'rã yva re? 
\q2 Yva regua kuery mava'e 'rã tu \nd Senhor\nd* ramigua ete oiko? 
\q1  
\v 7 Mba'eta ixupegua iky'a e'ỹ va'e kuery ijatya py Nhanderuete yvateve ete va'e avi oĩ, 
\q2 ijyvýry ikuai va'e ha'e javi gui okyjevepy oiko. 
\q1  
\v 8 \nd Senhor\nd* Oreruete nexondaro reta va'e, 
\q2 mava'e 'rã tu ndee rami ipo'akapa va'e oiko? 
\q2 \nd Senhor\nd*, ndejee remoĩ ojeroviapy reikoa aguã. 
\q1  
\v 9 Ye'ẽ opa marã omyĩ teĩ ndee ndepo'aka 'rã. 
\q2 Yai opu'ã-pu'ã ramo remombytu'u. 
\q1  
\v 10 Remokyrirĩ Raabe joguero'aa py ojuka pyre rami.\f + \fr 89:10 \ft Apy “Raabe” he'ia ma ypo ye'ẽ rupigua re ijayvu vy.\f* 
\q2 Ndejyva ipo'aka va'e py remoaĩmba nderovaigua kuery. 
\q1  
\v 11 Yva ma nemba'e oĩ, yvy voi. 
\q2 Yvy ha'e hexe ikuai va'e ha'e javi ndee ae rejapo va'ekue. 
\q1  
\v 12 Ndee rejapo va'ekue kuaray puku-a ha'e ijapu'a'ia. 
\q2 Tabor ha'e Hermom yvyty oporaei 'rã okuapy nderery rupi. 
\q1  
\v 13 Ndejyva ma opa mba'e gui ipo'akave. 
\q2 Reiporu kuaa regua reupi vy rexa uka ndepo mbaraetea. 
\q1  
\v 14 Ha'evea rami rejoguereko, ndereko porãa rupi reiko huvixa reĩa py. 
\q2 Renhomboaxya ha'e anhetẽ va'e ma nerenonde 'rã ojekuaa. 
\q1  
\v 15 Ovy'a ete 'rã ndereroporaeia rupi ikuai va'e. 
\q2 Mba'eta \nd Senhor\nd*, ha'e kuery ndereve vy ikuai 'rã nerexakãa rupi. 
\q1  
\v 16 Nderery rupi ovy'a riae 'rã okuapy, 
\q2 oporaei 'rã ndereko porãa re. 
\q1  
\v 17 Mba'eta ndee ma ha'e kuery mombaraetea ha'e imoexakãa. 
\q2 Ndee oremboaxy ramo 'rãe ojekuaa orepo'akaa. 
\q1  
\v 18 Mba'eta orevygua mba'emo vai jokoarã ma \nd Senhor\nd* pegua ae oĩ, 
\q2 oreruvixaverã ma Israel kuery ruete Iky'a e'ỹ va'e pegua. 
\q1  
\v 19 Ymave rupi ndevygua iky'a e'ỹ va'e kuery pe ndeayvu va'ekue mba'emo rexa ukaa rupi. 
\q2 Ha'e vy aipo're: “Xee ambopo'aka peteĩ ipy'a guaxu va'e penepytyvõ aguã. 
\q2 Peẽ kuery mbyte gui amboyvateve peteĩ aiporavo va'ekue. 
\q1  
\v 20 Ha'e rami vy xerembiguairã Davi ajou vy 
\q2 amoĩ raka'e, azeite iky'a e'ỹ va'e amoĩ uka vy hexe.\x * \xo 89:20 \xt 1 Samuel 13.14, 16.1-13\x* 
\q1  
\v 21 Xepo py amoĩ atã 'rã, 
\q2 xepo'akaa py amombaraete 'rã. 
\q1  
\v 22 Ha'e ramo hovaigua kuery nomoĩ vai 'rã, 
\q2 heko vai va'e nomoingo axyi 'rã. 
\q1  
\v 23 Henonde amou'ũmba 'rã hovaigua kuery, 
\q2 ajukapa 'rã hexe ija'e e'ỹ va'e. 
\q1  
\v 24 Ojeroviapy aikoa ha'e xeporayvua rupi 'rã areko. 
\q2 Ha'e ramo xerery rupi vy ipo'akave 'rã ovy. 
\q1  
\v 25 Ajapo 'rã ye'ẽ ha'e yakã ikuai va'e re 
\q2 ipo'aka aguã rami. 
\q1  
\v 26 Xevy pe ojapukai vy aipoe'i 'rã: 
\q2 ‘Ndee ma Xeru, Xeruete, 
\q2 ha'e itaova xereraa jepea guive’, he'i 'rã. 
\q1  
\v 27 Ha'e rã ixupe aipoa'e: ‘Xera'y jypy guare. 
\q2 Yvy regua ruvixave ikuai va'e gui ndeyvateve’, ha'e 'rã.\f + \fr 89:27 \ft Apocalipse 1.4-5 py.\f* 
\q1  
\v 28 Amboaxya rupi riae 'rã areko, 
\q2 ha'e hexeve amoĩ atãve 'rã xereve guarã ajapo va'ekue. 
\q1  
\v 29 Hamymino kuery ajapo 'rã ikuai riae aguã rami, 
\q2 ipo'akaa voi yva rami 'rã oĩ riae. 
\q1  
\v 30 Ha'e rã xapy'a rei ta'y kuery nda'ikuaixei 'rã lei aeja va'ekue rupi, 
\q2 ambo'eague rami e'ỹ ikuai vy, 
\q1  
\v 31 xapy'a rei xeayvuague rami nda'ikuai 'rã, 
\q2 ajapo uka va'ekue ndojapoxei vy. 
\q1  
\v 32 Ha'e rami ri ramo yvyra rovi py ambopaga 'rã otekoavyague re, 
\q2 ambopi 'rã ojejavyague re. 
\q1  
\v 33 Ha'e rami teĩ ixugui ma ndaipe'ai 'rã ayvua, 
\q2 ndajapo e'ỹi 'rã hexeve xeayvuague. 
\q1  
\v 34 Xereve guarã ajapo va'ekue ndajapo e'ỹi 'rã, 
\q2 xeayvuague ndarovai 'rã guive. 
\q1  
\v 35 Peteĩgue'i xee aura karamboae xeky'a e'ỹa rupi ae 
\q2 (ha'e xee aipo nda'e rivei 'rã Davi pe). 
\q1  
\v 36 Aipoa'e: ‘Hamymino kuery ikuai riae 'rã, 
\q2 ha'e ipo'akaa ma kuaray rami 'rã oĩ riae xerenonde. 
\q1  
\v 37 Raka'e rã peve guarã amoĩ 'rã jaxy rami, 
\q2 oaxa rive va'e'ỹ 'rã oiko yva re ojekuaa va'e rami’, ha'e va'ekue.” 
\q1  
\v 38 Ha'e rami teĩ \nd Senhor\nd*, oreruvixa re ndee nerepenavei vy reja. 
\q2 Ndevai guive nerembiporavo pe. 
\q1  
\v 39 Nerembiguai pe ndereve guarã rejapo va'ekue rembovaipa, 
\q2 ixupegua coroa nerembovarei vy remombo yvy re. 
\q1  
\v 40 Ixupegua tetã kora ma reitypa, 
\q2 hoo ikorapa va'ekue voi rembovaipa. 
\q1  
\v 41 Mba'emo oguereko va'ekue-'ekue ma tape rupi oaxa va'e-va'e ogueraapa 'rã, 
\q2 hoo katy rai'i ikuai va'e voi ovy'a rei okuapy hexe. 
\q1  
\v 42 Hovaigua kuery ma rembopo'aka, 
\q2 rejapo hexe ija'e e'ỹ va'e ha'e javi ovy'a aguã rami. 
\q1  
\v 43 Ha'e rã ikyxe ma rejapo naĩmbei rei aguã rami, 
\q2 ha'e joguero'aa py oo ramo nereipytyvõvei. 
\q1  
\v 44 Iporãague ma reipe'apa, 
\q2 ha'e henda oĩaty reity yvy rupi. 
\q1  
\v 45 Ikunumia ára remomba voi, 
\q2 ha'e oxĩmba aguã rami rejapo. 
\q1  
\v 46 \nd Senhor\nd*, raka'e peve 'rã ha'e ramigua oiko, 
\q2 raka'e peve nda'u nderejexa ukai 'rã? 
\q2 Ndepoxya nda'u hendy riae 'rã ri tata rami? 
\q1  
\v 47 Nema'endu'a xapy'a'i aikoa re. 
\q2 Mba'everã e'ỹ teve remoingo avakue ra'y kuery. 
\q1  
\v 48 Mava'e ava nda'u oikove 'rã manoa oexa e'ỹ re? 
\q2 Mava'e nda'u onhe'ẽ ae ogueraa jepe kuaa 'rã yvyra rupa po'akaa gui? 
\q1  
\v 49 \nd Senhor\nd*, mba'e tu oiko ymave rupi ndeporayvu aguã re ndeayvuague, 
\q2 ha'e rami aguã re ojeroviapy reikoa rupi Davi pe reuraague rire? 
\q1  
\v 50 \nd Senhor\nd*, nema'endu'a ke nerembiguai kuery re ovy'aa rei okuapya re, 
\q2 ha'e heta regua ombojaru reia aropo'aka va'e re. 
\q1  
\v 51 Nderovaigua kuery ijayvu vaikue-ikue, \nd Senhor\nd*. 
\q2 Nerembiporavo oikoa re ijayvu vaikue okuapy. 
\q1  
\v 52 \nd Senhor\nd* re ta'ima'endu'a porãa raka'e rã peve. 
\q2 Amém! Amém! 
\s1 Nhanderuete imarã e'ỹa ha'e avakue imarãa re ijayvua 
\d Nhanderuete remimbo'e Moisés onhembo'eague. 
\c 90  
\q1  
\v 1 \nd Senhor\nd*, ndee ma ronhemiaty reiko, 
\q2 ymave rupi oreramoĩ kuery ikuaia guive. 
\q1  
\v 2 Yvyty oiko e'ỹ mbove, 
\q2 yvy renhono e'ỹ mbove ma voi, 
\q2 jypy'i guive opa peve ndee ae \nd Senhor\nd* reiko. 
\q1  
\v 3 Ndee ma avakue remombytapa ju 'rã yvy ku'i rive, 
\q2 “Ha'ekue rami ju pepyta, avakue ra'y kuery”, 're vy. 
\q1  
\v 4 Ndevy pe mil ma'etỹ oaxa va'e ma kuegua ára guare rami, 
\q2 peteĩ hora'i pyávy oaxa va'e rami guive.\x * \xo 90:4 \xt 2 Pedro 3.8-9\x* 
\q1  
\v 5 Ndee ma orembotyryry 'rã yy mba'emo ogueroxyry heravy va'e rami. 
\q2 Ha'e ramo oke va'e rami meme 'rã ropyta, 
\q2 jai rogue aje'ive'i reve henhoĩ va'e rami. 
\q1  
\v 6 Mba'eta ha'e nunga ma yvate vyve ipotypa 'rã 
\q2 teĩ ka'aru jave he'õmba ha'e ipirupa 'rã. 
\q1  
\v 7 Ndepoxya ma oremokanhy 'rã, 
\q2 ndevaia oremondyi 'rã. 
\q1  
\v 8 Mba'eta nerenonde reru orereko vaia, 
\q2 nhemi rupi rojejavyague voi remoĩ nderova rexakãa py. 
\q1  
\v 9 Roikoa ára ma ndepoxya rupi meme 'rã oaxa ovy, 
\q2 ma'etỹa roguereko va'e ma xapy'a'i ropẽxaa rami 'rã oaxa. 
\q1  
\v 10 Setenta ma'etỹ ete'i 'rã roiko. 
\q2 Amongue'i imbaraeteve va'e tema oikove 'rã oitenta ma'etỹ peve'i. 
\q2 Ha'e rami teĩ roiko porãvea py voi ngane'õ ha'e jexavai tema 'rã roendu. 
\q2 Mba'eta roikovea oaxapa voi 'rã, 
\q2 ha'e gui ma roopa 'rã. 
\q1  
\v 11 Mava'eve ndoikuaai ndepo'aka etea rupi ndepoxya. 
\q2 Mba'eta ndepoxya rupi orererekoa gui ma rokyje ete. 
\q1  
\v 12 Orerekombo'e ke roikoa ára re roikuaa pota aguã re, 
\q2 orepy'a re 'arandu oĩ aguã. 
\q1  
\v 13 \nd Senhor\nd*, eju ju! 
\q2 Raka'e peve 'rã tu nerepenai? 
\q2 Emboaxy ju nerembiguai kuery. 
\q1  
\v 14 Aje'ive'i reve exa uka orerayvua, roporaei aguã. 
\q2 Ha'e ramo rovy'a 'rã roikoa pukukue re. 
\q1  
\v 15 Orembovy'a ju orembojexavaia ára oĩague rami, 
\q2 mbovy ma'etỹ rei e'ỹ rojexavaia anho roendu rire. 
\q1  
\v 16 Ore nerembiguai kuery pe ju tojekuaa mba'emo rejapo va'e, 
\q2 ha'e oreramymino kuery pe exa uka ju nerexakãa. 
\q1  
\v 17 Orere toĩ \nd Senhor\nd* Oreruete oremboaxya. 
\q2 Emoingo porã orepo py mba'emo rojapo va'e. 
\q2 Tá, emoingo porã mba'emo rojapo va'e. 
\c 91  
\s1 \nd Senhor\nd* re nhanhemi aguã regua 
\q1  
\v 1 Yvate ete va'e oĩa py onhemi va'e, 
\q2 Ipo'akapa va'e 'ã py ikane'õgua va'e ma 
\q1  
\v 2 aipoe'i 'rã \nd Senhor\nd* pe: “Anhemia imbaraete va'e, 
\q2 Xeruete, hexe ajeroviaa va'e”, he'i 'rã. 
\q1  
\v 3 Mba'eta ha'e ma ndereraa jepe 'rã nhuã py rami nembo'axe va'e gui, 
\q2 mba'eaxy jojuka va'e gui guive. 
\q1  
\v 4 Nemo'ã 'rã guague guy py. 
\q2 Ipepo guy py reĩ rã mba'eve rei ndoikoi 'rã. 
\q2 Ixuguigua anhetẽ va'e ma hu'y jokoa ha'e nhomo'ãa tuvixa va'e rami oĩ. 
\q1  
\v 5 Ha'e ramo pytũ rupi jojukaa oiko teĩ ndee nderekyjei 'rã, 
\q2 neĩ ára py hu'y ndere ou va'e gui, 
\q1  
\v 6 mba'eaxy pytũ rupi jojuka va'e gui, 
\q2 neĩ mba'emo vai kuaray mbyte jave jojuka va'e gui ma voi. 
\q1  
\v 7 Ndeyvýry mil ho'a, 
\q2 ndeaxu e'ỹa katy dez mil ho'a teĩ 
\q2 ndere ma mba'eve rei novaẽi 'rã. 
\q1  
\v 8 Nderexa py rive 'rã rexa 
\q2 heko vai va'e ombopagaa ramo. 
\q1  
\v 9 Mba'eta Nhanderuete pe “Anhemia”, 're, 
\q2 ha'e Yvate ete va'e pe “Xee aĩaty” 're ramo 
\q1  
\v 10 neĩ peteĩ henda py ma voi nderejexavai 'rã, 
\q2 neĩ peteĩve mba'emo vai novaẽi 'rã ndero py. 
\q1  
\v 11 Mba'eta ndere omopena uka 'rã ojeupegua anjo kuery pe, 
\q2 reikoa ha'e javi rupi onhangareko aguã ndere. 
\q1  
\v 12 Ha'e ramo ha'e kuery opo py ndejopy 'rã 
\q2 peteĩve ita re renhepyxanga e'ỹ aguã.\f + \fr 91:12 \ft Kova'e ayvu rupi Satanás ijayvu Jesus omoangeko vy (Mateus 4.5-7; Lucas 4.9-12).\f* 
\q1  
\v 13 Ha'e ramo repyrõ 'rã guary ha'e mboi vaikue re, 
\q2 guary ra'y ha'e mboi re voi repyrõ 'rã inony. 
\q1  
\v 14 Aipoe'i 'rã: “Xerayvu va'e ma araa jepe 'rã, 
\q2 aepy 'rã xerery oikuaa va'e. 
\q1  
\v 15 Xevy pe ojapukai ramo xee ambovai 'rã. 
\q2 Ojexavaia py xee aĩ 'rã hexeve. 
\q2 Araa jepe 'rã, ha'e amboete uka 'rã. 
\q1  
\v 16 Amoingo porã 'rã hekove puku aguã rami, 
\q2 ha'e ixupe aexa uka 'rã araa jepea.” 
\s1 Nhanderuete oguerovy'aa rupi oporaeia 
\d Mboraei sábado pyguarã ombopara pyre. 
\c 92  
\q1  
\v 1 \nd Senhor\nd*, ha'eve roguerovy'a 
\q2 ha'e nderery rupi aporaei, Yvate ete va'e. 
\q1  
\v 2 Aje'ive aikuaa uka 'rã ndeporayvua, 
\q2 ha'e pyávy ju aikuaa uka 'rã ojeroviapy reikoa, 
\q1  
\v 3 mbaraka dez ixã va'e, mbaraka reve, 
\q2 ha'e ixã reta va'e pu rupi guive. 
\q1  
\v 4 Mba'eta \nd Senhor\nd*, mba'emo porã rejapo rã aexa vy avy'a. 
\q2 Arovy'a mba'emo ndepo py rejapo va'e. 
\q1  
\v 5 \nd Senhor\nd*, nerembiapo ma tuvixa ete va'e! 
\q2 Ha'e renhembopy'aa guive haxy ete aikuaa aguã. 
\q1  
\v 6 Hi'arandu e'ỹ va'e ndoikuaai 'rãe, 
\q2 inhakã porã e'ỹ va'e ndoikuaai 'rã pova'e: 
\q1  
\v 7 Heko vai va'e kuery ma jai rogue opa rupi henhoĩ va'e rami ikuai, 
\q2 teko vai rupi ikuai va'e hetave oje'oivy teĩ 
\q2 omombaa 'rã raka'e rã peve. 
\q1  
\v 8 Ha'e rã \nd Senhor\nd*, ndee ma Yvate ete va'e raka'e rã peve guarã. 
\q1  
\v 9 \nd Senhor\nd*, eexa pota nderovaigua kuery re. 
\q2 Mba'eta nderovaigua kuery okanhymba 'rã, 
\q2 teko vai rupi ikuai va'e oaĩmba 'rã. 
\q1  
\v 10 Ha'e rã xee ma xemombaraete 'rã toro ka'aguy regua rami, 
\q2 xere azeite iporãve va'e remoĩ vy. 
\q1  
\v 11 Avy'a reve aexa 'rã xerovaigua kuery xemoĩ vai va'e re mba'emo oiko ramo, 
\q2 aendu 'rã guive heko vai va'e xere opu'ã rei va'e kuery ho'apa rã. 
\q1  
\v 12 Ha'e rã heko porã va'e ma pindo rami 'rã oiko porã, 
\q2 yvateve 'rã Líbano yvy re yary ikuai va'e rami. 
\q1  
\v 13 \nd Senhor\nd* roka py onhotỹ mbyre rami 'rã ha'e kuery ikuai, 
\q2 oiko porã 'rã okuapy Nhanderuete pegua roka rupi. 
\q1  
\v 14 Ha'e nunga ma hi'yvyma ma teĩ hi'a riae 'rã, 
\q2 tykue tynyẽ riae, ha'e ipyau riae 'rã. 
\q1  
\v 15 Ha'e rami vy oikuaa uka 'rã \nd Senhor\nd* heko porã va'ea. 
\q2 Ha'e ma xe'itaova, hexe ma teko vai noĩ. 
\c 93  
\s1 Nhanderuete ipo'akaa ha'e yvatea re ijayvua 
\q1  
\v 1 \nd Senhor\nd* ma huvixave oĩ. 
\q2 Hexe oĩ yvatea, 
\q2 Ku'axã rami \nd Senhor\nd* ojee omoĩ opo'akaa. 
\q2 Omoĩ atã yvy omyĩ e'ỹ aguã rami. 
\q1  
\v 2 Jypy'i guive repenaa oĩ atã, 
\q2 jypy'i ete guive reiko. 
\q1  
\v 3 \nd Senhor\nd*, yakã ikuai va'e opu'ã okuapy, 
\q2 yakã opu'ã vy hevovo, 
\q2 yakã hyapu rei teĩ. 
\q1  
\v 4 Ha'e rã \nd Senhor\nd* yvate oĩ va'e ma 
\q2 yy tuvixa va'e revovo gui ipo'akapave, 
\q2 ye'ẽ py yai vaikue opu'ã-pu'ã va'e po'akaa gui voi. 
\q1  
\v 5 Ndeayvuague ma oaxa rive va'erã e'ỹ. 
\q2 \nd Senhor\nd*, nderopy ma iky'a e'ỹ va'e anho 'rã oĩ 
\q2 raka'e rã peve guarã. 
\c 94  
\s1 Nhanderuete ha'evea rami oikuaa pota aguã re ojerurea ague 
\q1  
\v 1 Ndee \nd Senhor\nd* Oreruete ma nhombopaga va'e reiko. 
\q2 Oreruete nhombopaga va'e, exa uka nerexakãa! 
\q1  
\v 2 Epu'ã ke yvy regua ha'e javi remboayvu aguã. 
\q2 Embopaga ojejou porã rei va'e kuery. 
\q1  
\v 3 Raka'e peve 'rã nda'u heko vai va'e kuery ovy'a rei? 
\q2 \nd Senhor\nd*, raka'e peve 'rã nda'u ha'e ramigua oiko? 
\q1  
\v 4 Ha'e kuery ma nhombojaru ha'e nhomotare'ỹ reia rupi ijayvu. 
\q2 Teko vai rupi ikuai va'e ojejou porã reia rupi rive 'rã ijayvu. 
\q1  
\v 5 \nd Senhor\nd*, ha'e kuery omou'ũmba ndevygua kuery, 
\q2 ojavyky rei 'rã ndevygua ikuai va'e. 
\q1  
\v 6 Ojuka 'rã imeve'ỹ va'e ha'e mombyry guigua, 
\q2 tyre'ỹ kuery voi omomba 'rã. 
\q1  
\v 7 Ha'e vy aipoe'i 'rã: “ \nd Senhor\nd* ndoexai oiny. 
\q2 Ha'e nunga re Jacó Ruete ndoikuaa potai 'rã”, he'i okuapy. 
\q1  
\v 8 Xeretarã kuery peikuaa axy va'e, peikuaa pota! 
\q2 Pene'arandu e'ỹ va'e, raka'e nda'u pemoĩ 'rã pene'arandurã? 
\q1  
\v 9 Apyxa apoare nda'u noendui 'rã ri pejapo va'e? 
\q2 Texa apoare nda'u ndoexai 'rã ri? 
\q1  
\v 10 Yvy regua kuery pe ijayvu va'e nda'u nanhombopagai 'rã? 
\q2 Avakue mo'arandua re nda'u noĩ 'rã 'arandua? 
\q1  
\v 11 \nd Senhor\nd* oikuaa ae ma avakue onhembopy'aa, 
\q2 oikuaa ha'e kuery onhembopy'aa mba'everã ndovareia.\x * \xo 94:11 \xt 1 Coríntios 3.19-20\x* 
\q1  
\v 12 \nd Senhor\nd*, ovy'a ete 'rã avakue remo'arandu va'e, 
\q2 ndeguigua lei rupi rembo'e va'e. 
\q1  
\v 13 Ha'e va'e kuery re ojexavaia ára ou teĩ remombytu'u 'rã, 
\q2 yvykua heko vai va'e kuery mbo'aarã rejapo peve. 
\q1  
\v 14 Mba'eta \nd Senhor\nd* ndoejai 'rã ojeupegua kuery, 
\q2 noipytyvõ e'ỹi 'rã ixupe ikuai va'e.\x * \xo 94:14 \xt Romanos 11.1-2\x* 
\q1  
\v 15 Ha'e rami rã teko porã ojekuaa nho 'rã nhomboayvuaty py. 
\q2 Ha'e va'e rupi anho 'rã ikuai anhetẽ rupi ipy'a va'e. 
\q1  
\v 16 Mava'e nda'u heko vai va'e re opu'ã 'rã xerepyarã? 
\q2 Mava'e nda'u onhemoĩ 'rã xea katy mba'emo vai apoa jokoarã? 
\q1  
\v 17 \nd Senhor\nd* naxepytyvõi va'e rire 
\q2 xenhe'ẽ oo ma 'rãgue okyrirĩ va'e anho ikuaia katy. 
\q1  
\v 18 Ha'e rami 'rãgue py “Xepyxyry ta ma”, ha'e nhavõ 
\q2 ndee xejoko 'rã xerayvua rupi. 
\q1  
\v 19 Xepy'a eta reia aendu ramo 
\q2 ndee xembopy'a porã ha'e xembovy'a ju. 
\q1  
\v 20 Ndereve nda'u onhemoirũ 'rã ri teko vai rupi joe opena va'e, 
\q2 lei oĩa rami merami joguereko teĩ joapo vai va'e? 
\q1  
\v 21 Mba'eta ha'e kuery ma nhomoirũ 'rã heko porã va'e rekove rovai, 
\q2 ijayvu 'rã okuapy heko porã va'e ojuka aguã re. 
\q1  
\v 22 Ha'e rã xevy pe ma \nd Senhor\nd* oo ikorapa va'e oĩ, 
\q2 Xeruete ma itaova anhemiaty. 
\q1  
\v 23 Ha'e kuery ma ombopaga 'rã heko vaiague re, 
\q2 teko vai rupi ikuaiague re omokanhymba 'rã. 
\q2 \nd Senhor\nd* Nhanderuete ae 'rã omomba. 
\c 95  
\s1 \nd Senhor\nd* pe japoraei aguã regua 
\q1  
\v 1 Peju ke, japoraei \nd Senhor\nd* pe! 
\q2 Jarovy'a nhande'itaova nhandereraa jepea! 
\q1  
\v 2 Jarovy'aa rupi jaa oĩa py, 
\q2 jaroporaei ipo'akaa jarovy'a vy. 
\q1  
\v 3 Mba'eta \nd Senhor\nd* ma Nhanderuete Yvate ete va'e, 
\q2 Huvixave ipo'akapa va'e oiko tuuete ikuai va'e áryve. 
\q1  
\v 4 Ipo py oĩ yvy guýry vegua, 
\q2 yvyty yvatevea voi ixupegua meme. 
\q1  
\v 5 Ye'ẽ avi ixupegua oĩ, ha'e ae ojapo rire, 
\q2 yvy voi opo py ojapo va'ekue itui. 
\q1  
\v 6 Peju ke, nhanderova yvy re nhamovaẽ nhamboete vy, 
\q2 nhanerenapy'ã re nhaĩ \nd Senhor\nd* nhanemoingoare renonde. 
\q1  
\v 7 Mba'eta ha'e ma Nhanderuete. 
\q2 Ha'e rã nhande ma hymba kuery vexa'i nhandekuai, 
\q2 ikora rupi opo py openaa va'e. 
\q1 Aỹ voi ijayvua pendu vy 
\q1  
\v 8 peneakã ratã eme, Meribá py guare rami e'ỹ, 
\q2 Massá tekoa e'ỹa py guare rami e'ỹ. 
\q1  
\v 9 Mba'eta ha'e py ma peneramoĩ kuery xereko a'ã vy 
\q2 xembopoxya rupi ikuai va'ekue, 
\q2 opa mba'e porã ajapo rã oexa rire teĩ. 
\q1  
\v 10 Quarenta ma'etỹ re ajou vai ha'e kuery ikuaia. 
\q2 Ha'e rami vy “Ha'e kuery ma opy'a py ojerovia e'ỹ va'e! 
\q2 Ndoikuaai ae xeguigua tape!” ha'e va'ekue. 
\q1  
\v 11 Ha'e nunga rupi xepoxya rupi aura: 
\q2 “Ha'e kuery ndoikei 'rãe opytu'u aguã ame'ẽ va'e py.”\x * \xo 95:11 \xt Hebreus 3.7–4.11; Êxodo 17.1-7; Números 13.25–14.23\x* 
\c 96  
\r 1 Crônicas 16.23-33 
\q1  
\v 1 Pemonhendu ke \nd Senhor\nd* pe mboraei pyau! 
\q2 Yvy jave regua kuery, peporaei \nd Senhor\nd* pe! 
\q1  
\v 2 Peporaei \nd Senhor\nd* pe, peroma'endu'a hery re. 
\q2 Ko'ẽ nhavõ peikuaa uka nhandereraa jepea. 
\q1  
\v 3 Yvy regua kuery pe peikuaa uka hexakãa, 
\q2 ha'e javi regua pe pemombe'u mba'emo porã ojapoa. 
\q1  
\v 4 Mba'eta \nd Senhor\nd* ma yvate ete va'e. 
\q2 Ha'evea rami ixupe japoraeia, 
\q2 mba'eta tuuete ramigua ikuai va'e gui okyjevepy. 
\q1  
\v 5 Mba'eta yvy regua kuery ruete ha'e javi ma mba'emo ra'angaa rive. 
\q2 Ha'e rã \nd Senhor\nd* ma yva apoare. 
\q1  
\v 6 Guenonde oexa uka 'rã guexakãa ha'e ijyvatea. 
\q2 Ipo'akaa ha'e iporãa ojekuaa henda iky'a e'ỹ va'e py. 
\q1  
\v 7 Yvy regua kuery, peroporaei ke \nd Senhor\nd*! 
\q2 Peroporaei \nd Senhor\nd* rexakãa ha'e ipo'akaa.\x * \xo 96:7 \xt Salmo 29.1-2\x* 
\q1  
\v 8 Peroporaei \nd Senhor\nd* rery, iporã ete ramo. 
\q2 Peme'ẽ va'erã peru vy peroike ixupegua roka py. 
\q1  
\v 9 Pembojerovia \nd Senhor\nd* iky'a e'ỹa rexakãa py. 
\q2 Yvy jave regua kuery, peryryipa henonde. 
\q1  
\v 10 Yvy regua kuery ikuaia rupi aipopeje: “ \nd Senhor\nd* ma huvixave oĩ. 
\q2 Yvy omoĩ atã raka'e omyĩ e'ỹ aguã rami. 
\q2 Anhetẽ rupi oikuaa pota 'rã yvy regua kuery re”, peje. 
\b  
\q1  
\v 11 Tovy'a yva ha'e yvy. 
\q2 Taevovo ye'ẽ ha'e ha'e py ikuai va'e ha'e javi! 
\q1  
\v 12 Tovy'a nhuũndy ha'e ha'e rupi ikuai va'e ha'e javi! 
\q2 Tovy'apa yvyra ka'aguy re ikuai va'e 
\q1  
\v 13 \nd Senhor\nd* renonde, mba'eta ou 'rã. 
\q2 Ou vy oikuaa pota 'rã yvy regua kuery re. 
\q2 Teko porã rupi 'rã oikuaa pota yvy ha'e 
\q2 yvy regua kuery re, ojeroviapy oikoa rupi ae. 
\c 97  
\s1 Nhanderuete yvatea ha'e ipo'akaa re ijayvua 
\q1  
\v 1 \nd Senhor\nd* ma huvixave oĩ. 
\q2 Tovy'a yvy re ikuai va'e! 
\q2 Tovy'a ypa'ũ heta ikuai va'e regua! 
\q1  
\v 2 Ijyvýry rupi oĩ arai ha'e pytũ reia. 
\q2 Tenda openaaty ytarã ma teko porã ha'e ha'evea rami joguerekoa oĩ. 
\q1  
\v 3 Henonde oo 'rã tata 
\q2 hovaigua kuery ijyvýry ikuai va'e rapypaarã. 
\q1  
\v 4 Ixuguigua overa va'e ma omoexakã 'rã yvy. 
\q2 Ha'e ramo yvy oexa vy oryryipa 'rã. 
\q1  
\v 5 Yvyty ikuai va'e voi ei raity rami 'rã tykupa 
\q2 \nd Senhor\nd* yvy jave re ipo'aka va'e renonde. 
\q1  
\v 6 Yva ma oikuaa uka 'rã heko porãa. 
\q2 Ha'e ramo ha'e javi regua oexa 'rã hexakãa. 
\q1  
\v 7 Tove mba'emo ra'angaa pe ikuai va'e ha'e javi nda'evei nho ta'ikuai, 
\q2 mba'emo ra'angaa rive oguerovy'a va'e. 
\q2 \nd Senhor\nd* renonde toĩmba tuuete ramigua ikuai va'e \nd Senhor\nd* guenapy'ã re. 
\q1  
\v 8 Sião tetã rupi ha'e nunga oendu vy ovy'aa 'rã okuapy, 
\q2 Judá regua tekoa ikuai va'e rupi voi ovy'apaa 'rã, 
\q2 \nd Senhor\nd*, ndereko porãa rexa uka ramo.\f + \fr 97:8 \ft “Judá rajy kuery” he'ia ma Judá yvy re tekoa ikuai va'e re ijayvu vy.\f* 
\q1  
\v 9 Mba'eta ndee anho \nd Senhor\nd* Yvate ete va'e reiko, 
\q2 yvy jave re ndepo'aka va'e. 
\q2 Ndee ma tuuete ikuai va'e áryve reĩ va'e. 
\q1  
\v 10 Peẽ kuery \nd Senhor\nd* peayvu va'e, pembojeguaru ke teko vai. 
\q2 Mba'eta onhangareko 'rã ojeupegua kuery iky'a e'ỹ va'e nhe'ẽ re, 
\q2 ogueraa jepe 'rã guive heko vai va'e po gui. 
\q1  
\v 11 Heko porã va'e pe ma ome'ẽ 'rã hexakã va'e, 
\q2 ha'e anhetẽ rupi ipy'a va'e pe ome'ẽ 'rã ovy'a aguã. 
\q1  
\v 12 Pendeko porã va'e, perovy'a ke \nd Senhor\nd*. 
\q2 Peporaei hery iky'a e'ỹ va'e rupi! 
\s1 \nd Senhor\nd* ha'evea rami joguerekoa re ijayvua 
\d Mboraeirã ombopara pyre. 
\c 98  
\q1  
\v 1 Pemonhendu ke \nd Senhor\nd* pe mboraei pyau, 
\q2 mba'emo iporã ete va'e ha'e ojapo ramo. 
\q2 Ojyva oiporu kuaa regua imbaraete ha'e iky'a e'ỹ va'e py ipo'aka. 
\q1  
\v 2 \nd Senhor\nd* oikuaa uka jogueraa jepeague. 
\q2 Yvy regua kuery oexaa rupi oexa uka ha'evea rami joguerekoa. 
\q1  
\v 3 Ndaexarai guive Israel kuery omboaxy rupi ojeroviapy oiko aguã re. 
\q2 Ha'e ramo yvy jave re ha'e javi regua ikuai va'e oexa okuapy Nhanderuete nhandereraa jepeague. 
\q1  
\v 4 Yvy jave re ha'e javi regua pendekuai va'e, peroporaei ke \nd Senhor\nd* pevy'aa rupi! 
\q2 Peporaei, pevy'a ha'e perovy'a mboraei py! 
\q1  
\v 5 Mba'epu ixã reta va'e reve peroporaei \nd Senhor\nd*, 
\q2 ixã reta va'e pu rupi guive peporaei. 
\q1  
\v 6 Pemonhe'ẽ mimby guaxu ha'e vaka rakuakue guigua. 
\q2 Pevy'a \nd Senhor\nd* renonde, huvixave oĩ ramo. 
\q1  
\v 7 Tonhendu ye'ẽ ha'e hexe ikuai va'e ha'e javi, 
\q2 yvy ha'e hexe ikuai va'e guive! 
\q1  
\v 8 Yakã ha'e javi tojepo pete! 
\q2 Yvyty ikuai va'e voi toporaei ovy'aa rupi 
\q1  
\v 9 \nd Senhor\nd* renonde, 
\q2 mba'eta ou yvy re ikuai va'e re oikuaa pota aguã. 
\q2 Teko porã rupi oikuaa pota 'rã yvy ha'e 
\q2 yvy regua kuery re, peteĩ rami joguerekoa rupi. 
\c 99  
\s1 Nhanderuete iky'a e'ỹ va'ea re ijayvua 
\q1  
\v 1 \nd Senhor\nd* ma huvixave oĩ. 
\q2 Yvy regua kuery toryryipa. 
\q2 Ha'e oguapy oiny anjo ipepo va'e kuery áryve. 
\q2 Yvy tomyĩmba. 
\q1  
\v 2 \nd Senhor\nd* ma yvate ete Sião tetã py, 
\q2 yvy regua kuery ha'e javi áryve oĩ. 
\q1  
\v 3 Ha'e kuery togueroporaei hery yvate ete va'e okyjepy, 
\q2 iky'a e'ỹ va'e ramo. 
\q1  
\v 4 Ndee ma huvixave ipo'akapa va'e reiko, 
\q2 teko porã reayvu va'e. 
\q2 Peteĩ rami joguerekoa remoĩ. 
\q2 Jacó kuery mbyte rejoguereko anhetẽ ete rupi, ha'evea rami meme. 
\q1  
\v 5 Pemboete ke \nd Senhor\nd* Nhanderuete! 
\q2 Ipyrõa renonde peĩ penerenapy'ã re, 
\q2 iky'a e'ỹ va'e ramo. 
\q1  
\v 6 Moisés ha'e Arão ma ixupegua sacerdote ikuai raka'e, 
\q2 Samuel voi hery rupi ojapukai va'ekue regua. 
\q2 \nd Senhor\nd* pe ha'e kuery ojapukai ramo ombovai. 
\q1  
\v 7 Arai oĩ va'e gui ijayvu raka'e ha'e kuery pe.\x * \xo 99:7 \xt Êxodo 33.7-11\x* 
\q2 Ha'e ramo ha'e kuery onhe'ẽ rendu, 
\q2 lei hekorã oeja va'ekue rupi ikuai raka'e. 
\q1  
\v 8 \nd Senhor\nd* Oreruete, ndee ma rembovai va'ekue ha'e kuery ojapukai rã. 
\q2 Ha'e kuery pe rexa uka Oreruete joperdoa va'e reikoa, 
\q2 ojejavyague remboekovia va'e guive. 
\q1  
\v 9 Peroporaei \nd Senhor\nd* Nhanderuete. 
\q2 Ixupegua yvyty iky'a e'ỹ va'e renonde peĩ penerenapy'ã re, 
\q2 \nd Senhor\nd* Nhanderuete iky'a e'ỹ va'e ramo. 
\s1 Templo py oporaeia aguã regua 
\d Mboraei oguerovy'aa aguã regua. 
\c 100  
\q1  
\v 1 Yvy jave re pendekuai va'e, 
\q2 peroporaei \nd Senhor\nd* pevy'aa rupi! 
\q1  
\v 2 Pevy'aa rupi pendekuai \nd Senhor\nd* pe ete. 
\q2 Henonde pejexa uka pejuvy peporaei reve. 
\q1  
\v 3 Peikuaa pota pova'e re: \nd Senhor\nd* ma Nhanderuete oiko. 
\q2 Ha'e ae nhanemoingo rire ixupegua meme jaiko. 
\q2 Nhande kuery ma ixupegua ae, 
\q2 hymba kuery vexa'i openaa va'e. 
\q1  
\v 4 Ixupegua rokẽ rupi peike perovy'aa rupi, 
\q2 hoka py peike mboraei reve. 
\q2 Perovy'a, peroporaei hery rupi. 
\q1  
\v 5 Mba'eta \nd Senhor\nd* ma porayvu va'e. 
\q2 Nhanemboaxya rupi oiko 'rã raka'e rã peve, 
\q2 ojeroviapy 'rã oiko ikuai jevy-jevy va'e peve. 
\s1 Huvixave opena porã va'e reko re ijayvua 
\d Mboraeirã Davi ombopara va'ekue. 
\c 101  
\q1  
\v 1 Xee aporaei 'rã ndeporayvu ha'e ha'evea rami rejoguerekoa re. 
\q2 \nd Senhor\nd*, ndevy pe ae aporaei. 
\q1  
\v 2 Anhea'ã 'rã xe'arandua rupi tape porã rupi anho aiko aguã. 
\q2 Raka'e nda'u reju 'rã xea py? 
\q1 Xero py aikoa py voi xepy'a ky'a e'ỹa rupi pota 'rã aiko. 
\q1  
\v 3 Xee aexaa py ma namoĩ 'rã teko vai. 
\q2 Ndajou porãi ojepe'a va'e kuery ikuaia. 
\q2 Ha'e kuery reko neĩ peteĩ henda py voi noĩ 'rã xere. 
\q1  
\v 4 Xevy pe nda'evei ete xepy'a ky'aa oĩ aguã. 
\q2 Xee ndaikuaaxei teko vai. 
\q1  
\v 5 Ha'e gui nhemi rupi joe ijayvu vai va'e ma amokanhy 'rã. 
\q2 Opy'a py ojejou porã ha'e onhemboyvate rei va'e ma xee ndaropo'akai. 
\q1  
\v 6 Xee aexaxe va'e ma ojeroviapy yvy re ikuai va'e anho, 
\q2 aru 'rã xero py xereve ikuai aguã. 
\q2 Tape porã rupi ikuai va'e ma amoĩ 'rã xerembiguairã. 
\q1  
\v 7 Xero py ma neĩ peteĩve jokore va'e ndoikoi 'rã, 
\q2 neĩ peteĩve ijapu va'e voi ndoikoi 'rã xerenonde. 
\q1  
\v 8 Ko'ẽ nhavõ amokanhy 'rã heko vai va'e yvy gui, 
\q2 \nd Senhor\nd* pegua tetã gui aipe'a aguã teko vai rupi ikuai va'e ha'e javi. 
\s1 Jajeko rerova vy Nhanderuete nharõ aguã regua 
\d Ojexavai ha'e ikangy va'e \nd Senhor\nd* pe ojapukaiague. 
\c 102  
\q1  
\v 1 \nd Senhor\nd*, endu ke ajerurea. 
\q2 Ndea py tonhendu ajapukaia. 
\q1  
\v 2 Xee ajexavaia ára ejexa uka e'ỹ eme. 
\q2 Endu ke. Ajapukai ramo xepytyvõ voi! 
\q1  
\v 3 Mba'eta xerekove opa ma ovy hataxĩ rami, 
\q2 xekãgue ma tata py okaia ramigua aendu. 
\q1  
\v 4 Nhuũ ojaya pyre ipirupaa rami avi xepy'a re oĩ va'e aendu. 
\q2 Akaru aguã voi xerexarai jepi. 
\q1  
\v 5 Xepire voi ojapa ma xekãgue re, 
\q2 xepoaẽ atã ainya va'e gui. 
\q1  
\v 6 Xee ma guyra tekoa e'ỹa rupigua rami aiko, 
\q2 urukure'a oogue rupi rive oiko va'e rami. 
\q1  
\v 7 Ndake kuaavei, 
\q2 guyra'i ha'e ae'i va'e oo áry oiko va'e rami. 
\q1  
\v 8 Xerovaigua kuery ma ára pukukue re xere ovy'a reia rupi ikuai. 
\q2 Xevy ipoxy vy xerery rupi ijayvu vaikue-ikue. 
\q1  
\v 9 Mbojape 'rãgue py tanhimbu re akaru, 
\q2 xerexay re irũmba rei va'e ay'u aikovy. 
\q1  
\v 10 Ha'e ramigua ae aendu ndee xejou vai vy ndevai ramo, 
\q2 mba'eta xemboyvate va'ekue ri aỹ ma xereity. 
\q1  
\v 11 Xe'ára opa ovy pytũ rai'i ouvy vy kuaray'ã ovya rami. 
\q2 Nhuũ ipiru ovy va'e rami akanhy. 
\q1  
\v 12 Ha'e rã ndee \nd Senhor\nd*, raka'e rã peve 'rã reiko. 
\q2 Nderery re ima'endu'aa 'rã avakue okuave teria ja. 
\q1  
\v 13 Ndee repu'ã vy remboaxy 'rã Sião tetã pygua kuery. 
\q2 Ovaẽ ma ha'e kuery remboaxya rexa uka aguã, 
\q2 hi'ora ovaẽ ma. 
\q1  
\v 14 Nerembiguai kuery oayvu Sião py ita ikuai va'e voi, 
\q2 ha'e pygua ku'ikue re eteve voi oexaxe vai okuapy. 
\q1  
\v 15 Yvy regua kuery ha'e javi \nd Senhor\nd* rery oendu vy ikuai 'rã ojererokyjea rupi, 
\q2 yvy regua ruvixave kuery voi ogueroporaei 'rã hexakãa. 
\q1  
\v 16 Mba'eta \nd Senhor\nd* Sião tetã omoĩ atã vy 
\q2 oexa uka guexakãa. 
\q1  
\v 17 Oendu iporiaukue'i ojerurea, 
\q2 ndojapyxaka e'ỹi ha'e kuery ojapukaia re. 
\q1  
\v 18 Ha'e nunga ta'ipara toiny raka'eve rã guarã. 
\q2 Ha'e rire ikuai jevy va'e voi ogueroporaei 'rã \nd Senhor\nd*: 
\q1  
\v 19 “Guenda iky'a e'ỹ va'e ijyvate va'ea gui, 
\q2 yva gui ae \nd Senhor\nd* oma'ẽ oiny yvy katy, 
\q1  
\v 20 oendu aguã nhuã py ikuai va'e poaẽa, 
\q2 ha'e ogueraa jepe aguã omano aguã rami omoingo pyre. 
\q1  
\v 21 Sião tetã py ima'endu'aa aguã \nd Senhor\nd* rery re, 
\q2 ha'e Jerusalém py ogueroporaeia aguã. 
\q1  
\v 22 Ha'e nunga oiko 'rã yvy regua kuery ono'õmba, 
\q2 huvixa kuery ipo'aka va'e voi 
\q2 \nd Senhor\nd* pe ikuai aguã oupa jave.” 
\q1  
\v 23 Ha'e rami teĩ ha'e ma oipe'a xembaraetea, 
\q2 omboapu'a'ive aikovea. 
\q1  
\v 24 Xee aipoa'e va'ekue: 
\q2 “Xeruete, xereraa eme ke, aikovea mbyte teria ja. 
\q2 Ha'e rã ndee ma reikove 'rã raka'e rã peve. 
\q1  
\v 25 Jypy'i ete ma renhono va'ekue yvy ytarã, 
\q2 ndepo py ae rejapo va'ekue yva. 
\q1  
\v 26 Ha'e nunga ha'e javi okanhymba 'rã, 
\q2 ha'e rã ndee ma reiko riae 'rã. 
\q2 Ha'e nunga inhymave 'rã ovy ajukue rami, 
\q2 ao rami remboekovia 'rã. 
\q2 Amboae rami 'rã opyta. 
\q1  
\v 27 Ha'e rã ndee ma ha'ekue ae 'rã reiko. 
\q2 Nderekove ma opa va'erã e'ỹ.\x * \xo 102:27 \xt Hebreus 1.10-12\x* 
\q1  
\v 28 Nerembiguai ra'y kuery voi ikuai porã 'rã, 
\q2 hamymino kuery ma remoingo 'rã nerenonde.” 
\s1 Nhanderuete nhanemboaxya re ijayvua 
\d Mboraeirã Davi ombopara va'ekue. 
\c 103  
\q1  
\v 1 Xenhe'ẽ, eroporaei ke \nd Senhor\nd*. 
\q2 Xere oĩ va'e ha'e javi togueroporaei hery iky'a e'ỹ va'e rupi! 
\q1  
\v 2 Eroporaei \nd Senhor\nd*, xenhe'ẽ, 
\q2 nderexarai eme guive neĩ peteĩve xevy ojapo porãague re. 
\q1  
\v 3 Mba'eta omboguepa ajejavyague, 
\q2 xemonguera 'rã guive xemba'eaxy gui. 
\q1  
\v 4 Xereraa jepe 'rã amano aguã gui, 
\q2 ha'e xemboaxya ha'e xerayvua rupi xemoingo porã 'rã. 
\q1  
\v 5 Xetuja'i teĩ xembovy'a 'rã opa mba'e porã py, 
\q2 taguato rami xembopyau vy.\f + \fr 103:5 \ft Taguato rague hekoviaa rami ome'ẽ 'rã nhanembaraete pyaurã (Isaías 40.31).\f* 
\q1  
\v 6 \nd Senhor\nd* ha'evea rami joguereko vy 
\q2 oikuaa pota 'rã ojexavai rei'i va'e re. 
\q1  
\v 7 Moisés pe oikuaa uka raka'e ojeguigua tape, 
\q2 Israel kuery pe oexa uka guembiapo. 
\q1  
\v 8 \nd Senhor\nd* ma nhomboaxya ha'e iporayvua rupi oiko va'e. 
\q2 Ivai ma rei-rei 'rã e'ỹ, iporayvu vaipa guive.\x * \xo 103:8 \xt Tiago 5.11\x* 
\q1  
\v 9 Nhandevy nda'ijayvu ete riaei 'rã, 
\q2 mboxy rupi riae ndoikoi 'rã. 
\q1  
\v 10 Jajejavyague rami ete e'ỹ nhanembopaga, 
\q2 nhandereko vaia rami e'ỹ nhanderereko. 
\q1  
\v 11 Mba'eta yvy gui yva yvatevea rami avi 
\q2 \nd Senhor\nd* nhomboaxya voi yvate ete, 
\q2 oexa uka 'rã henonde ojererokyjea rupi ikuai va'e pe. 
\q1  
\v 12 Kuaray oẽa gui kuaray oikea mombyrya rami avi 
\q2 jajejavyague oipe'a mombyry ete nhandegui. 
\q1  
\v 13 Tuu kuery gua'y kue'iry omboaxya rami 
\q2 \nd Senhor\nd* voi omboaxy 'rã henonde ojererokyjea rupi ikuai va'e. 
\q1  
\v 14 Mba'eta oikuaa mba'e nunga gui pa jaiko, 
\q2 oikuaa ae ma yvy ku'i guigua rive jaikoa. 
\q1  
\v 15 Ha'e rã avakue ma nhuũ rami avi hekove apu'a'i, 
\q2 jai ipoty va'e rami rive 'rã ikuai. 
\q1  
\v 16 Mba'eta yvytu oipeju ramo ipoty okanhymba 'rã. 
\q2 Ha'e rire ikuaiague py teĩ ha'e kuery re na'ima'endu'aavei ma 'rã. 
\q1  
\v 17 Ha'e rã \nd Senhor\nd* ma jypy'i guive raka'e rã peve 
\q2 omboaxy 'rã henonde ojererokyjea rupi ikuai va'e. 
\q2 Gueko porãa oexa uka 'rã hamymino kuery raka'eve rãgua pe voi, 
\q1  
\v 18 guexeve guarã ojapo va'ekue rupi ikuai va'e ha'e javi pe, 
\q2 ojapo uka va'ekue ojapo ete aguã re ima'endu'a va'e kuery pe. 
\q1  
\v 19 \nd Senhor\nd* ma yva re omoĩ guenda opena atyrã. 
\q2 Huvixave vy opa mba'e re ipo'aka va'e. 
\q1  
\v 20 Ixupegua anjo kuery, peroporaei ke \nd Senhor\nd*, 
\q2 penembaraete ha'e pendepo'akapa va'e, 
\q2 ojapo uka va'e pejapo, ha'e penhe'ẽ rendu va'e! 
\q1  
\v 21 Ixondaro kuery pendekuai va'e ha'e javi, peẽ kuery voi peroporaei \nd Senhor\nd*, 
\q2 peẽ hembiguai kuery oipota va'e pejapo va'e! 
\q1  
\v 22 Hemimoingo pendekuai va'e ha'e javi, peroporaei \nd Senhor\nd*, 
\q2 mamo rã ipo'akaa py ma guive rã! 
\q1 Xenhe'ẽ, ndee voi eroporaei avi \nd Senhor\nd*! 
\c 104  
\s1 Nhanderuete opa mba'e apoare pe japoraei aguã regua 
\q1  
\v 1 Xenhe'ẽ, eroporaei ke \nd Senhor\nd*! 
\q2 \nd Senhor\nd* Xeruete, yvate ete va'e reiko! 
\q2 Renhemonde 'rã nerexakãa py, nemarã e'ỹa py guive. 
\q1  
\v 2 Ajukue puku py rami renheovã 'rã nerexakãa py. 
\q2 Yva ma reipyo 'rã heravy ajukue rami. 
\q1  
\v 3 Yy yvate rupi oĩ va'e áry nderorã rejapo. 
\q2 Arai ma remboguata 'rã heravy ndekaróxarã. 
\q2 Yvytu ndereroveve 'rã heravy opepo áry. 
\q1  
\v 4 Ndevygua anjo kuery rejapo 'rã yvytu, 
\q2 nerembiguai kuery rejapo 'rã hendy vuku aguã rami.\x * \xo 104:4 \xt Hebreus 1.7-14\x* 
\q1  
\v 5 Yvy ma remboyta raka'e 
\q2 neĩ peteĩ henda py ma omyĩ e'ỹ aguã. 
\q1  
\v 6 Ijaorã typya remoĩ vy renhovã. 
\q2 Ha'e ramo yvyty ikuai va'e áry rupi peve yy itui. 
\q1  
\v 7 Ha'e gui ma ndeayvu ramove oxyry ju ovy, 
\q2 yapu rupi ndeayvua oendu vy ojepe'a vyvoi. 
\q1  
\v 8 Ha'e ramo yvyty opu'ã jekuaa ju, 
\q2 yvyuguarã voi oguejy, 
\q2 hendarã rereko katu va'ekue peve. 
\q1  
\v 9 Yy remberã guive remoĩ oaxave e'ỹ aguã, 
\q2 yvy ojao'i jevy e'ỹ aguã. 
\q1  
\v 10 Ha'e gui yvyugua rupi rejapo yvu oĩ aguã rami, 
\q2 yvyty pa'ũ-pa'ũ rupi yy oxyry aguã rami. 
\q1  
\v 11 Ha'e va'e gui ka'aguy rupigua ha'e javi oy'u 'rã, 
\q2 mburika ka'aguy regua voi oy'u 'rã. 
\q1  
\v 12 Yakã yvýry ma guyra'i ojapo 'rã guaityrã, 
\q2 yvyra rakã mbyte 'rã onhe'ẽ okuapy. 
\q1  
\v 13 Yva re reĩa gui remoakỹ 'rã yvyty ikuaia rupi. 
\q2 Ha'e ramo ndepo py mba'emo rejapo ramo yvy oĩmba porã 'rã. 
\q1  
\v 14 Nhuũ ma rejapo 'rã mymba kuery rembi'urã henhoĩ aguã rami, 
\q2 ha'e rã mba'emo rogue ma avakue pe reja. 
\q2 Ha'e ramo yvy re oiko va'e gui ojou 'rã guembi'urã: 
\q1  
\v 15 uva rykue imbovy'aarã, 
\q2 azeite hova moexakãarã, 
\q2 ha'e mbojape imombaraetearã guive. 
\q1  
\v 16 Yvyra ikuai va'e voi \nd Senhor\nd* gui vy oiko porã avi 'rã, 
\q2 yary Líbano yvy re onhotỹ va'ekue guive. 
\q1  
\v 17 Ha'e va'e re ma guyra'i ojapo 'rã guaityrã. 
\q2 Ha'e rã oko ma cipreste rakã re 'rã ojapo. 
\q1  
\v 18 Yvyty áry ikuai 'rã kavara ka'aguy regua, 
\q2 ha'e itape guy rupi ma tapixi kuery 'rã onhemi okuapy. 
\q1  
\v 19 Jaxy ma rejapo ára kuaa ukaarã, 
\q2 ha'e rã kuaray ma oike aguã hora py porã 'rã oike. 
\q1  
\v 20 Ha'e gui pytũ ma rembou 'rã 
\q2 ka'aguy regua pyávy oẽmba oje'oivy aguã. 
\q1  
\v 21 Guary ra'y kuery ma okororõ 'rã guembiarã re, 
\q2 oeka 'rã oje'oivy Nhanderuete ojou uka va'ekue ho'u va'erã. 
\q1  
\v 22 Kuaray oẽ ju ramo ha'e kuery ojevypa ju 'rã, 
\q2 okua py 'rã oikepa. 
\q1  
\v 23 Ha'e rã avakue ju ma oje'oi 'rã omba'eapo aguã. 
\q2 Ka'aru peve 'rã omba'eapo okuapy. 
\q1  
\v 24 \nd Senhor\nd*, joo ramigua e'ỹ-e'ỹ rejapo va'ekue ikuai! 
\q2 Ne'arandua rupi rejapo. 
\q2 Yvy ma tynyẽ oiny mba'emo porã rejapo va'ekue. 
\q1  
\v 25 Oĩ avi ye'ẽ hembe'ỹ ha'e tuvixa va'e. 
\q2 Ha'e va'e py mbovy e'ỹ ikuai neremimoingo kuery 
\q2 kyrĩ'i ha'e tuvixa va'e. 
\q1  
\v 26 Hi'áry rupi oaxa 'rã kanoã guaxu. 
\q2 Oiko avi 'rã ypo guaxu remoingo va'ekue ha'e py ovy'a va'erã. 
\q1  
\v 27 Ha'e kuery ha'e javi oarõ 'rã okuapy ndepo guigua 
\q2 hi'ára py porã ho'u va'erã reme'ẽ aguã. 
\q1  
\v 28 Reme'ẽ ramo 'rãe ha'e kuery ojou. 
\q2 Rejou uka reta ramo ha'e kuery hevyatãmba 'rã. 
\q1  
\v 29 Nderejexa ukai ri ramo okyjepa 'rã. 
\q2 Ipytuẽa reipe'a ramo omano 'rã, 
\q2 yvy ku'i ju 'rã opyta. 
\q1  
\v 30 Ha'e gui ma nenhe'ẽ rembou vy remoingo'i 'rã. 
\q2 Ha'e rami vy rembopyau 'rã yvy re.\f + \fr 104:30 \ft Yvy re ikuai va'e re Nhanderuete openaa re ijayvu avi Atos 17.24-28 ha'e Colossenses 1.15-17 py.\f* 
\q1  
\v 31 Tove \nd Senhor\nd* rexakãa toĩ raka'e rã peve. 
\q2 \nd Senhor\nd* toguerovy'a mba'emo omoingo va'ekue. 
\q1  
\v 32 Yvy re ha'e oma'ẽ ramo rive oryryipa 'rã. 
\q2 Yvyty re opoko ramo oẽ 'rã hataxĩ. 
\q1  
\v 33 Aporaei 'rã \nd Senhor\nd* pe aikovea ja. 
\q2 Xeruete pe aporaei 'rã aikoa pukukue re. 
\q1  
\v 34 Hexe xema'endu'a ramo toguerovy'a. 
\q2 Xee ma avy'a 'rã aikovy \nd Senhor\nd* re. 
\q1  
\v 35 Ha'e rã ojejavypa rei va'e kuery ma tokanhymba yvy gui, 
\q2 tokuave eme opa marã rei ikuai va'e. 
\q1 Xenhe'ẽ, eroporaei ke \nd Senhor\nd*! 
\q2 Aleluia! 
\c 105  
\r 1 Crônicas 16.8-22 
\q1  
\v 1 Perovy'a \nd Senhor\nd*, hery rupi pejapukai. 
\q2 Yvy regua kuery pe peikuaa uka hembiapokue. 
\q1  
\v 2 Peporaei ke ixupe, peporaei salmos rupi. 
\q2 Pemombe'u ke nhomondyipaarã ojapo va'ekue. 
\q1  
\v 3 Perovy'a hery iky'a e'ỹ va'e rupi. 
\q2 \nd Senhor\nd* rekaa rupi ikuai va'e tovy'a opy'a py. 
\q1  
\v 4 Peka ke \nd Senhor\nd*, ipo'akaa guive. 
\q2 Peka riae ke henonde peĩ aguã. 
\q1  
\v 5 Penema'endu'a ke mba'emo porã ojapo va'ekue re, 
\q2 nhomondyipaa ha'e oipota va'e re ijayvuague re, 
\q1  
\v 6 peẽ hembiguai Abraão ramymino kuery, 
\q2 peẽ Jacó ra'y kuery hembiporavo pendekuai va'e. 
\q1  
\v 7 Ha'e ma \nd Senhor\nd* Nhanderuete. 
\q2 Oipotaa ma yvy jave re ojekuaa. 
\q1  
\v 8 Ima'endu'a riae 'rã guexeve guarã ojapo va'ekue re, 
\q2 mbovy rei e'ỹ ikuai va'erã pe ojapo ukaa rupi ijayvuague re, 
\q1  
\v 9 Abraão reve ngupive guarã ojapo va'ekue re, 
\q2 Isaque pe ouraa rupi ijayvuague re guive.\x * \xo 105:9 \xt Gênesis 12.7, 26.2-5\x* 
\q1  
\v 10 Ha'e nungakue re ma Jacó reve ju ijayvu, 
\q2 raka'e rã peve guarã re ijayvu Israel reve.\x * \xo 105:10 \xt Gênesis 28.10-15\x* 
\q1  
\v 11 Ha'e vy aipoe'i: 
\q2 “Ndevy pe ame'ẽ 'rã Canaã pendeyvyrã”, he'i. 
\q1  
\v 12 Ha'e jave py ha'e kuery mbovy'i teri ikuai, 
\q2 yvy mboae guigua ikuai raka'e mbovy'i ete, 
\q1  
\v 13 oguata va'ekue yvy mboae-ae ikuai va'e rupi, 
\q2 joyvy-yvy re. 
\q1  
\v 14 Ha'e rami teĩ avave rei pe \nd Senhor\nd* ndoguereko axy ukai. 
\q2 Ha'e kuery re oma'ẽ vy ijayvu ete huvixave ikuai va'e pe. 
\q1  
\v 15 Ha'e vy aipoe'i: “Xerembiporavo kuery re pemoĩ eme pendepo, 
\q2 pereko axy eme xevygua profeta kuery”, he'i.\x * \xo 105:15 \xt Gênesis 20.3-7\x* 
\q1  
\v 16 Ha'e gui ma yvy re ombou karuai, 
\q2 ha'e vy ndojou ukavei tembi'u.\f + \fr 105:16 \ft José rekokue ma Gênesis 37-50 py oĩ.\f* 
\q1  
\v 17 Ha'e kuery renonde omondouka peteĩ ava 
\q2 José hery va'e, tembiguairã ovende pyre. 
\q1  
\v 18 Ipy corrente py ojokua, 
\q2 ferro guigua omoĩ reve, 
\q1  
\v 19 hekorã re ijayvuague ojeupity peve, 
\q2 \nd Senhor\nd* ijayvuague hexe oiko aguã. 
\q1  
\v 20 Ha'e ramo huvixave opoi uka, 
\q2 yvy regua ipo'akapave va'e oipe'a uka. 
\q1  
\v 21 Ha'e vy ngoo re ae opena uka, 
\q2 mba'emo oguereko va'e ha'e javi re opena aguã. 
\q1  
\v 22 Omoĩ ha'e pygua ruvixa kuery re avi ipo'aka va'erã, 
\q2 'arandu re ombo'e aguã nhomongeta va'e kuery. 
\q1  
\v 23 Ha'e gui ma Egito yvy re Israel ju ovaẽ, 
\q2 Jacó onhemboekoa Cam ramymino kuery yvy re. 
\q1  
\v 24 Nhanderuete ojapo ojeupegua kuery ta'y reta aguã rami, 
\q2 ojapo imoingo axya kuery gui imbaraeteve aguã rami.\x * \xo 105:24 \xt Êxodo 1.1–13.16\x* 
\q1  
\v 25 Ha'e kuery py'a oguerovapa guive ixupegua kuery re nda'ija'evei aguã, 
\q2 hembiguai kuery ombotavypaa rupi oguereko aguã rami. 
\q1  
\v 26 Ha'e gui ha'e kuery ikuaia py ombou guembiguai Moisés, 
\q2 hembiporavo Arão guive. 
\q1  
\v 27 Ha'e va'e kuery po rupi ojapo uka hexa pyrã ikuaia mbyte, 
\q2 nhomondyipaarã ojapo Cam yvy re. 
\q1  
\v 28 Ha'e rami vy pytũ ombou ramo opa rupi pytũ 
\q2 teĩ Moisés ha'e Arão ndojapo e'ỹi ijayvuague. 
\q1  
\v 29 Ha'e kuery ikuaia rupi yy itui va'e ojapo tuguy, 
\q2 pira ikuai va'ekue ojukapa vy. 
\q1  
\v 30 Ha'e kuery yvy re ju'i heta ombou, 
\q2 huvixa ro py peve. 
\q1  
\v 31 Ha'e ijayvu rã ou mberu arai rami, 
\q2 ky voi ou yvy jave rupi. 
\q1  
\v 32 Oky 'rãgue py ombou amandau, 
\q2 ha'e overa va'e gui tata ou yvy re. 
\q1  
\v 33 Omomba uva ha'e figo ty, 
\q2 yvyra ikuai va'e rakã omopẽmba vy. 
\q1  
\v 34 Ha'e ijayvu rã ou tuku-karu, 
\q2 opo va'e heta ete ikuai oipapaa aguã rami e'ỹ. 
\q1  
\v 35 Ha'e va'e kuery ma yvy jave rupi ho'upa jai rogue, 
\q2 omono'õ va'erã ikuai va'ekue guive. 
\q1  
\v 36 Ojukapa avi jypygua yvy re ikuai va'ekue, 
\q2 jypygua imbaraete teri vy oguereko va'ekue. 
\q1  
\v 37 Ha'e gui ojeupegua kuery oguenoẽ 
\q2 ouro ha'e prata reve.\x * \xo 105:37 \xt Êxodo 12.33-36\x* 
\q2 Ha'e kuery regua peteĩve jipoi hexaĩ e'ỹ va'e. 
\q1  
\v 38 Ha'e kuery oje'oi ramo Egito pygua kuery ovy'apa okuapy, 
\q2 ha'e kuery gui okyje teria ja. 
\q1  
\v 39 \nd Senhor\nd* ombou peteĩ arai ojeupegua kuery áry rupi ijao'iarã, 
\q2 ha'e pyávy tataendy ju ombou omoexakã aguã. 
\q1  
\v 40 Ha'e kuery ojerure ramo ombou reta guyra, 
\q2 yva gui mbojape ombou va'ekue re guive hevyatãmba.\x * \xo 105:40 \xt Êxodo 16.1–17.16; Números 20\x* 
\q1  
\v 41 Peteĩ itaova ombovo uka ramo oẽ yy, 
\q2 tekoa e'ỹa rupi oxyry ovy yakã rami. 
\q1  
\v 42 Ijayvuague iky'a e'ỹ va'e re ima'endu'a vy ojapo, 
\q2 guembiguai Abraão re guive. 
\q1  
\v 43 Ha'e rami py ojeupegua kuery oguenoẽ ha'e gui, 
\q2 hembiporavo kuery oporaei oje'oivy ovy'aa rupi. 
\q1  
\v 44 Ha'e kuery pe ome'ẽ amboae regua yvy va'ekue, 
\q2 ha'e ramo oipe'apa amboae regua mba'ety,\x * \xo 105:44 \xt Josué 11.16-23\x* 
\q1  
\v 45 ha'e kuery onhe'ẽ rendu aguã ijayvuague, 
\q2 ha'e lei oeja va'ekue rupi ikuai aguã. 
\q2 Aleluia! 
\c 106  
\r 1 Crônicas 16.35,36 
\q1  
\v 1 Aleluia! 
\q2 Perovy'a ke \nd Senhor\nd*, porayvu va'e ramo, 
\q2 mba'eta nhomboaxya opa va'erã e'ỹ. 
\q1  
\v 2 Mava'e nda'u omombe'u kuaa 'rã \nd Senhor\nd* opo'akaa rupi ojapo va'ekue, 
\q2 tyrã pa ogueroporaei kuaa 'rã? 
\q1  
\v 3 Ovy'a ete 'rã anhetẽ rupi ikuai va'e, 
\q2 ára nhavõ teko porã rupi ikuai va'e. 
\b  
\q1  
\v 4 \nd Senhor\nd*, nema'endu'a ke xere, 
\q2 ndevygua kuery reayvua rexa uka vy. 
\q2 Eikuaa pota xere xereraa jepe aguã, 
\q1  
\v 5 nerembiporavo kuery ovy'a rã xee aexa aguã, 
\q2 ha'e avy'a avi aguã ndevygua kuery ovy'aa py, 
\q2 ndevygua kuery reve xee roguerovy'a aguã. 
\q1  
\v 6 Ore kuery ma oreramoĩ kuery rami avi rojejavy rokuapy. 
\q2 Opa marã orekuai, orereko vai guive rokuapy. 
\q1  
\v 7 Egito yvy re oreramoĩ kuery ikuai jave 
\q2 ndoikuaa potai raka'e iporã ete va'e rejapoa re.\f + \fr 106:7 \ft Egito gui Nhanderuete ogueraa jepeague omombe'u Êxodo 14-15 py.\f* 
\q2 Na'ima'endu'ai okuapy mbovykue rei e'ỹ omboaxyague re. 
\q2 Ha'e rami vy ye'ẽ yvýry nonhe'ẽ rendui okuapy, Ye'ẽ Pytã va'e py. 
\q1  
\v 8 Ha'e rami teĩ \nd Senhor\nd* ogueraa jepe raka'e guery omboete ukaa rupi vy, 
\q2 ha'e kuery pe opo'akaa oexa uka vy. 
\q1  
\v 9 Ye'ẽ Pytã pe ijayvu ramo ipiru. 
\q2 Ha'e vy ojapo yy rupakue rupi oaxapa aguã rami, 
\q2 yvy piru reia rupi. 
\q1  
\v 10 Ogueraa jepe ija'e e'ỹ va'e kuery po gui, 
\q2 oepy hovaigua kuery po'akaa gui. 
\q1  
\v 11 Imoingo axyare kuery áry rupi yy ojao'ipa, 
\q2 ha'e kuery regua neĩ peteĩve ndoo jepei. 
\q1  
\v 12 Ha'e ramo mae oguerovia okuapy ijayvuague, 
\q2 ha'e vy oporaei ixupe oguerovy'aa rupi. 
\b  
\q1  
\v 13 Ha'e gui are e'ỹ re hexaraipa ju ojapo va'ekue re, 
\q2 ha'e oipotaa rupi ve'ỹ ju ikuai.\x * \xo 106:13 \xt Números 11\x* 
\q1  
\v 14 Tekoa e'ỹa py ha'e kuery ae oipotapa reia rupi rive ikuai vy 
\q2 Nhanderuete pe “Taexa” he'i okuapy. 
\q1  
\v 15 Ha'e rã ha'e ome'ẽmba ha'e kuery ojerurea, 
\q2 va'eri ojapo avi ha'e kuery nhe'ẽ ikangy ovy aguã rami. 
\q1  
\v 16 Ha'e kuery rekoa py ijayvu rei okuapy 
\q2 Moisés ha'e Arão \nd Senhor\nd* pegua iky'a e'ỹ va'e re.\x * \xo 106:16 \xt Números 16\x* 
\q1  
\v 17 Ha'e ramo yvy ojepe'a vy omokõ Datã, 
\q2 Abirão kuery regua guive ojao'ipa. 
\q1  
\v 18 Ha'e va'e kuery re tata omoendy vy 
\q2 oapypa raka'e heko vai va'e kuery. 
\q1  
\v 19 Horebe yvyty py ojapo okuapy peteĩ vaka ra'y ra'angaa, 
\q2 ha'angaa ouro ryku gui ojapo pyre ombojerovia okuapy.\f + \fr 106:19 \ft Vaka ra'y ra'angaa ojapo okuapyague omombe'u Êxodo 32 py.\f* 
\q1  
\v 20 Ha'e rami Nhanderuete rexakãa omboekovia 
\q2 mymba nhuũ ho'u va'e ra'angaa re rive. 
\q1  
\v 21 Hexaraipa Nhanderuete heraa jepeare gui, 
\q2 Egito yvy re mba'emo porã ojapo rire teĩ. 
\q1  
\v 22 Nhomondyipaarã ojapo Cam yvy re, 
\q2 ha'e Ye'ẽ Pytã py mba'emo porã ete ojapo rire teĩ. 
\q1  
\v 23 Hembiporavo Moisés henonde nonhemoĩ va'e rire 
\q2 ijayvuague rami vy omomba ete 'rãgue. 
\q2 Ha'e rami py Moisés ojapo raka'e opoxya rupi omomba e'ỹ aguã rami. 
\q1  
\v 24 Ha'e rami avi ha'e kuery ndooxei yvy iporã va'e py, 
\q2 ijayvua ndogueroviai vy.\f + \fr 106:24 \ft Yvy porã py ndooxei okuapyague omombe'u Números 13-14 py.\f* 
\q1  
\v 25 Ha'e rami 'rãgue py peteĩ-teĩ ropy rupi ijayvu rei okuapy, 
\q2 \nd Senhor\nd* ijayvua re noendu potai vy. 
\q1  
\v 26 Ha'e ramo opo oupi reve oura ha'e kuery pe, 
\q2 tekoa e'ỹa rupi ae omokanhymba aguã re, 
\q1  
\v 27 ha'e gui hamymino kuery ju yvy regua kuery ikuaia rupi oitypa vy 
\q2 yvy mboae rupi omoaĩmba aguã re. 
\q1  
\v 28 Ha'e gui ovapa oje'oivy Peor pygua kuery ruete ramigua Baal re. 
\q2 Ha'e vy ho'u okuapy ta'angaa hekove e'ỹ va'e pe ome'ẽ mbyre.\f + \fr 106:28 \ft Peor py ojejavyague omombe'u Números 25 py.\f* 
\q1  
\v 29 Ha'e rami ete ikuai vy ombopoxy rive Nhanderuete. 
\q2 Ha'e rami vy oendu okuapy mba'eaxy vaikue. 
\q1  
\v 30 Ha'e ramo Finéias opu'ã vy otekoavy va'ekue ombopaga rire 
\q2 mba'eaxy opytu'upa. 
\q1  
\v 31 Ha'e nunga py oexa uka heko porãa, 
\q2 raka'e rã peve guarã. 
\q1  
\v 32 Ha'e gui ma Meribá py yy oĩa py ju ombopoxy. 
\q2 Ha'e va'e kuery káuxa mba'emo vai oiko raka'e Moisés pe.\f + \fr 106:32 \ft Meribá py ojejavyague omombe'u Números 20 py.\f* 
\q1  
\v 33 Mba'eta Nhanderuete Nhe'ẽ rovai opu'ã rei okuapy ramo 
\q2 Moisés ijayvu 'rãgue'ỹ rupi ijayvu. 
\q1  
\v 34 Ha'e kuery ndojukapa etei amboae regua kuery 
\q2 \nd Senhor\nd* ojapo ukaague rami e'ỹ.\f + \fr 106:34 \ft Ha'e kuery ojejavy ramo Nhanderuete omboaxy kuereiague omombe'u Juízes 2 py.\f* 
\q1  
\v 35 Ha'e rami 'rãgue py yvy regua kuery reve nhomomendapa vy 
\q2 ha'e pygua reko rami ikuai. 
\q1  
\v 36 Ha'e vy ombojerovia okuapy ha'e pygua kuery ta'angaa. 
\q2 Ha'e nunga opyta imbo'aarã. 
\q1  
\v 37 Gua'y ha'e guajy kuery oapy ukapa 
\q2 anha kuery pe. 
\q1  
\v 38 Ha'e vy omoẽ mba'eve py ojejavy e'ỹ va'e ruguy teĩ, 
\q2 gua'y, guajy kuery ruguy ae, 
\q2 mba'emo ra'angaa Canaã pygua pe ojuka uka vy. 
\q2 Ha'e vy ijyvy iky'apa va'e opyta huguykue py. 
\q1  
\v 39 Ha'e rami ikuai vy onhemongy'apa ha'e kuery ae ojapoa py, 
\q2 itavy rei okuapy guembiapokue py. 
\q1  
\v 40 Ha'e nunga rupi \nd Senhor\nd* poxya hendy ixupegua kuery rovai, 
\q2 ha'e ojeguaru ojeupe guarã va'ekue gui ae. 
\q1  
\v 41 Ha'e vy omboaxapa amboae regua po py. 
\q2 Ha'e kuery re ija'e e'ỹ va'e kuery ipo'aka okuapy, 
\q1  
\v 42 hovaigua kuery oguereko axy, 
\q2 ha'e kuery po'akaa guy py omoingo. 
\q1  
\v 43 Mbovykue rei e'ỹ ogueraa jepe, 
\q2 ha'e rami teĩ ha'e kuery nhomongetaa rupi ikuai vy ombopoxy reive tema. 
\q2 Gueko vaia py ojexavaive oje'oivy. 
\q1  
\v 44 Ha'e rami rire teĩ ha'e oikuaa pota ju ojexavaia re, 
\q2 ha'e oendu nho ha'e kuery ojapukaia. 
\q1  
\v 45 Ha'e kuery re vy ima'endu'a guexeve guarã ojapo va'ekue re. 
\q2 Ha'e vy porayvu ete va'e vy omboaxy ju. 
\q1  
\v 46 Ojapo escravo-rã heraa are kuery ha'e javi 
\q2 omboaxy nho aguã rami. 
\q1  
\v 47 \nd Senhor\nd* Oreruete, orereraa jepe ke! 
\q2 Oreno'õmba ju yvy regua kuery mbyte gui, 
\q2 nderery iky'a e'ỹ va'e rupi roguerovy'a aguã, 
\q2 ha'e rovy'aa rupi rogueroporaei aguã. 
\q1  
\v 48 Ima'endu'a porãmby toiko \nd Senhor\nd* Israel kuery Ruete 
\q2 aỹ, ha'e raka'e rã peve! 
\q2 Heta va'e kuery ha'e javive aipo te'i: “Amém!” 
\q2 Aleluia! 
\c 107  
\s1 Jajexavaia gui Nhanderuete nhandereraa jepea re ijayvua 
\q1  
\v 1 “Perovy'a ke \nd Senhor\nd* porayvu va'e ramo, 
\q2 ha'e nhomboaxya opa va'erã e'ỹ”, 
\q1  
\v 2 te'i \nd Senhor\nd* oepy va'ekue, 
\q2 hovaigua kuery po gui ogueraa jepe va'ekue. 
\q1  
\v 3 Mba'eta ono'õmba ju amboae yvy re ikuaiague gui, 
\q2 kuaray oua katy gui, oikea katy gui, 
\q2 ipuku-a katy gui, ha'e ye'ẽ katy gui ma voi. 
\q1  
\v 4 Tekoa e'ỹa rupi ha'e kuery oguata rei raka'e, 
\q2 tape oikuaa e'ỹa rupi, 
\q2 tetã ikuai aguã ndojoui guive. 
\q1  
\v 5 Karuai ha'e yuvei 
\q2 omokanhy ma heravy ha'e kuery nhe'ẽ. 
\q1  
\v 6 Ha'e gui ojexavaia py ojapukai \nd Senhor\nd* pe. 
\q2 Ha'e ramo ogueraa jepe ojexavaia gui. 
\q1  
\v 7 Tape hi'yvi va'e rupi ogueraa 
\q2 tetã ikuai aguã peve. 
\q1  
\v 8 Ha'e kuery toguerovy'a \nd Senhor\nd* porayvua re, 
\q2 avakue ra'y kuery pe mba'emo porã ojapo rire. 
\q1  
\v 9 Mba'eta ijy'uvei va'e pe ome'ẽ oy'u aguã, 
\q2 ha'e okaruxe va'e pe heta ojou uka mba'emo porã. 
\q1  
\v 10 Amongue ma pytũ reia rupi oiko, manoa guy py ae, 
\q2 ojexavai oiny nhuã py ferro guigua py ojokua pyre reve. 
\q1  
\v 11 Nhanderuete nonhe'ẽ renduiague re ojexavai, 
\q2 Yvate ete va'e ombo'ea re ndojapyxakai rire. 
\q1  
\v 12 Ha'e ramo ha'e kuery ikane'õmba omomba'eapoa vaipa ramo. 
\q2 Ho'a teĩ avave rei ndoikoi ipytyvõarã. 
\q1  
\v 13 Ha'e gui ojexavaia py ojapukai \nd Senhor\nd* pe. 
\q2 Ha'e ramo ogueraa jepe ojexavaia gui. 
\q1  
\v 14 Oguenoẽ pytũ vaikue ha'e manoa guy gui, 
\q2 ha'e kuery gui omondopa corrente ferro guigua. 
\q1  
\v 15 Ha'e kuery toguerovy'a avi \nd Senhor\nd* porayvua re, 
\q2 avakue ra'y kuery pe mba'emo porã ojapo rire. 
\q1  
\v 16 Mba'eta oitypa okẽ overa va'e guigua, 
\q2 ijokoa ferro guigua guive omopẽmba. 
\q1  
\v 17 Ha'e gui hi'arandu e'ỹ va'e ojejavypaa rupi anho ikuaia re 
\q2 ojexavai okuapy gueko vaia py. 
\q1  
\v 18 Ojeguaru opa marãgua tembi'u gui. 
\q2 Ha'e rami vy ovaẽ manoa rokẽ peve. 
\q1  
\v 19 Ha'e gui ojexavaia py ojapukai \nd Senhor\nd* pe. 
\q2 Ha'e ramo ogueraa jepe ojexavaia gui. 
\q1  
\v 20 Oayvu ombou vy omonguerapa, 
\q2 ogueraa jepe omanomba 'rãgue gui. 
\q1  
\v 21 Ha'e kuery toguerovy'a avi \nd Senhor\nd* porayvua re, 
\q2 avakue ra'y kuery pe mba'emo porã ojapo rire. 
\q1  
\v 22 Ixupe tome'ẽ mba'emo oguerovy'a vy. 
\q2 Ovy'aa rupi toikuaa ukapa ojapo va'ekue. 
\q1  
\v 23 Ha'e gui amongue ma kanoã guaxu ojou vy ye'ẽ rupi oguata 'rã, 
\q2 mba'emo vendea kuery yy tuvixa va'e rupi oo va'e. 
\q1  
\v 24 Ha'e va'e kuery oguataa rupi oexa \nd Senhor\nd* rembiapo, 
\q2 mba'emo porã ete yy typyvea rupi ojapo ramo. 
\q1  
\v 25 Mba'eta ha'e ijayvu vy ojapo yvytu vaikue oipeju, 
\q2 ha'e yai opu'ã-pu'ã aguã rami. 
\q1  
\v 26 Ha'e ramo yvate peve oje'oi, 
\q2 ha'e gui yai oguejy ju iguy katy peve. 
\q2 Ha'e rami ete ojexavai ramo inhe'ẽ ikangy ma ovy. 
\q1  
\v 27 Oguataa rupi ho'a rai-rai'i okuapy oka'u va'e rami. 
\q2 Ha'e rami vy ndoikuaavei rei ma. 
\q1  
\v 28 Ha'e gui ojexavaia py ojapukai \nd Senhor\nd* pe. 
\q2 Ha'e ramo ogueraa jepe ojexavaia gui. 
\q1  
\v 29 Omombytu'u yvytu vaikue, 
\q2 yai guive omombytu'upa. 
\q1  
\v 30 Ha'e ramo ovy'apa ju opytu'upa ramo. 
\q2 Ha'e rami ogueraa ojaaty py ovaẽxeague peve. 
\q1  
\v 31 Toguerovy'a \nd Senhor\nd* porayvua re, 
\q2 avakue ra'y kuery pe mba'emo porã ojapo rire. 
\q1  
\v 32 Tomboete avi heta va'e kuery onhemboatya py, 
\q2 toguerovy'a yvatekueve nhomongetaa py. 
\q1  
\v 33 Ha'e ojapo yakã ikuai va'e typa aguã rami, 
\q2 ha'e rã yvu ma ipiru reia meme opyta aguã rami. 
\q1  
\v 34 Yvy porã va'ekue ma ojapo juky re'ẽ rive opyta aguã rami, 
\q2 ha'e pygua kuery heko vai rei ramo. 
\q1  
\v 35 Ojapo tekoa e'ỹa va'ekue yupa ju opyta aguã rami, 
\q2 ha'e yvy piru rei va'ekue ma yvu oĩ aguã rami. 
\q1  
\v 36 Ha'e py omboekoa okaruxe rei va'ekue. 
\q2 Ha'e ramo ojapo okuapy peteĩ tetã ikuai aguã. 
\q1  
\v 37 Mba'etyrã mba'emo omoaĩ, uva guive onhotỹ. 
\q2 Ha'e vy heta ojou omono'õ va'erã. 
\q1  
\v 38 \nd Senhor\nd* omoingo porã heta ete oje'oivy aguã rami, 
\q2 hymba kuery vaka ndoatai guive. 
\q1  
\v 39 Ha'e rami teĩ ha'e kuery ojavyky reia ramo iporiaupa ha'e ndaetavei, 
\q2 ojexavai ha'e ikuai axy vy. 
\q1  
\v 40 \nd Senhor\nd* ojapo huvixa kuery nomboeteavei aguã rami, 
\q2 ojapo avi oguata rei aguã rami tape oĩa rupi e'ỹ. 
\q1  
\v 41 Ha'e rã iporiaukue'i ma ogueraa jepe 'rã 
\q2 ojexavai reia gui yvatea py oĩ porã aguã, 
\q2 hoo pygua kuery voi omboetave vexa'i rami. 
\q1  
\v 42 Ha'e nunga heko porã va'e oexa vy ovy'a 'rã. 
\q2 Ha'e rã heko vai va'e ha'e javi ma omboty 'rã ojuru. 
\q1  
\v 43 Hi'arandu va'e ma toikuaa pota ha'e nunga re, 
\q2 toikuaa pota \nd Senhor\nd* nhomboaxya re. 
\c 108  
\d Mboraeirã Davi ombopara va'ekue. 
\r Salmo 57.7-11; Salmo 60.5-12 
\q1  
\v 1 Xeruete, xekuraxõ oĩ atã ma. 
\q2 Aporaei vy roguerovy'a 'rã xenhe'ẽ ha'e javi py. 
\q1  
\v 2 Mbaraka ha'e mba'epu ixã reta va'e, pevy ke. 
\q2 Xee ambovy 'rã ko'ẽ ju. 
\q1  
\v 3 \nd Senhor\nd*, roguerovy'a 'rã yvy regua kuery mbyte, 
\q2 ndevy aporaei 'rã ha'e javi regua mbyte. 
\q1  
\v 4 Mba'eta renhomboaxya oo 'rã yva peve, 
\q2 ha'e ndereko porãa ma arai rovai peve 'rã oo. 
\q1  
\v 5 Xeruete, enhemboyvate yva áry rupi, 
\q2 ha'e yvy jave re tojekuaa nerexakãa, 
\q1  
\v 6 ore nerembiayvu kuery roo jepe aguã. 
\q2 Orereraa jepe ke reiporu kuaa regua py, ha'e orembovai. 
\q1  
\v 7 Nhanderuete ijayvu oky'a e'ỹa rupi: 
\q2 “Xepo'akaa rupi vy amboja'o 'rã Siquém yvy, 
\q2 aa'ã 'rã Sucote regua yvyugua guive.\f + \fr 108:7 \ft Apy ma ijayvu joyvy oipe'a va'ekue ojeupegua kuery pe omboja'o aguã re.\f* 
\q1  
\v 8 Gileade ha'e Manassés yvy ma xemba'e meme itui. 
\q2 Efraim yvy ma xengora ratã. 
\q2 Judá ma xepo pygua. 
\q1  
\v 9 Ha'e rã Moabe yvy ma hy'a ajejoiaty itui, 
\q2 Edom yvy áry ma amombo 'rã xepy regua,\f + \fr 108:9 \ft Ha'e jave py ma joyvy ojogua vy hi'áry omombo 'rã opy regua, oikuaa uka aguã ija oikoa.\f* 
\q2 ha'e Filístia pygua kuery re xepo'aka vy avy'a nhendu 'rã.” 
\q1  
\v 10 Mava'e nda'u xereraa 'rã tetã ikorapa va'ea py? 
\q2 Mava'e nda'u xereraa 'rã Edom yvy re? 
\q1  
\v 11 Mba'eta Oreruete, ndee orereja rive va'ekue. 
\q2 Oreruete, ndereovei ma orexondaro kuery reve! 
\q1  
\v 12 Orereraa jepe nho ke rojexavaia gui, 
\q2 mba'eta avakue orereraa jepea ma mba'everã ndovarei. 
\q1  
\v 13 Nhanderuete re vy ae 'rã nhandepo'aka, 
\q2 mba'eta ha'e opyrõ 'rã nhanderovaigua kuery re. 
\s1 Ngovaigua kuery ombopagaa aguã re ojerurea ague 
\d Jogueroporaei va'e pe mboraeirã Davi ombopara va'ekue. 
\c 109  
\q1  
\v 1 Xeruete rogueroporaei va'e, ekyrirĩ eme ke! 
\q1  
\v 2 Mba'eta xerovai ijapu va'e kuery ma nhombotavya rupi ijayvu, 
\q2 oapekũ ijapu va'e py ijayvu okuapy xere. 
\q1  
\v 3 Ha'e kuery xembojere rei vy xerayvu e'ỹa rupi ijayvu, 
\q2 mba'e re'ỹ opu'ã okuapy xere. 
\q1  
\v 4 Xee ayvuague repy ma xevy ivai okuapya oĩ. 
\q2 Ha'e rã xee ma ajerure ainy. 
\q1  
\v 5 Ajapo porãague repy ome'ẽ mba'emo vai, 
\q2 ayvuague repy ma xere ija'e e'ỹa oĩ. 
\q1  
\v 6 Hovai guarã emoĩ peteĩ heko vai va'e. 
\q2 Oiporu kuaa regua re topu'ã hekokue mombe'uarã. 
\q1  
\v 7 Ha'e gui ma omboayvua py tombopagaa. 
\q2 Ojerureague tojekuaa teko vai rami. 
\q1  
\v 8 Hekove topa voi, 
\q2 ha'e gui ojapo aguã va'ekue amboae ju tojapo.\f + \fr 109:8 \ft Kova'e ayvu rupi ma Judas rekokue re ijayvu (Atos 1.20).\f* 
\q1  
\v 9 Ta'y kuery ma tyre'ỹ meme ta'ikuai, 
\q2 ha'e rã ta'yxy ma imeve'ỹ va'e toiko. 
\q1  
\v 10 Ta'y kuery ma hoo e'ỹ va'e ta'ikuai 
\q2 mba'emo re ojerurea rupi. 
\q2 Tomoẽmbaa hoo ombovaipaa va'ekue gui. 
\q1  
\v 11 Mba'emo oguereko va'ekue toipe'apaa oreveague re, 
\q2 amboae yvy guigua tojopy omba'eapoague repy. 
\q1  
\v 12 Avave rei tomboaxy eme, 
\q2 neĩ ta'ykue re voi avave rei topena eme. 
\q1  
\v 13 Ta'ikuai eme hamymino kuery, 
\q2 ha'e kuery ikuai aguã 'rãgue ta'ima'endu'aa eme hery re. 
\q1  
\v 14 \nd Senhor\nd* ta'ima'endu'a riae tuu kuery ojejavyague re, 
\q2 tombogue eme ixy ojejavyague. 
\q1  
\v 15 Ha'e nunga tojekuaa riae \nd Senhor\nd* renonde, 
\q2 ha'e kuery re ta'ima'endu'aave eme yvy re. 
\q1  
\v 16 Mba'eta ojee nomoĩ rire nhomboaxya. 
\q2 Ha'e rami 'rãgue py oakykue monha ojexavai va'e ha'e iporiaukue'i, 
\q2 ipy'a vaia rupi ikuai va'e guive, 
\q2 manoa pe omboaxa aguã. 
\q1  
\v 17 Joe ijayvu vaia rupi anho oiko rire hexe ae ju ha'e nungakue tojeapa. 
\q2 Ndajogueroayvu porãxei rire togueroayvu porãa eme. 
\q1  
\v 18 Ojee ayvu vai ao puku rami omoĩ rire 
\q2 toike ipy'apy katy yy rami, 
\q2 ikãgue peve too azeite rami. 
\q1  
\v 19 Hexe toĩ oao onheovãa rami, 
\q2 ha'e ku'akuaa omoĩ va'ety rami. 
\q1  
\v 20 Ha'e rami ae \nd Senhor\nd* tombopaga xerovaigua kuery, 
\q2 xerekove re ijayvu vai va'e. 
\q1  
\v 21 Ha'e rã ndee \nd Senhor\nd* Xeruete, enhemoĩ xerepyarã nderery remboete ukaa rupi vy. 
\q2 Xereraa jepe ke, ndeporayvua tuvixa ramo. 
\q1  
\v 22 Mba'eta xee ma ajexavai, iporiaukue'i aiko. 
\q2 Xepy'apy rupi ma xeaia anho aendu. 
\q1  
\v 23 Xerekove opa ovy kuaray ojero'a ovya rami. 
\q2 Mombyry omombo pyre aiko tuku karu rami. 
\q1  
\v 24 Akaru e'ỹ re riae aiko ramo 
\q2 xerenapy'ã ikangypa ma, 
\q2 xeangai gui xero'o voi ipiru ma ovy. 
\q1  
\v 25 Ha'e kuery pe rã ojou vaipy aiko. 
\q2 Xerexa vy oakã ombovava-vava 'rã.\f + \fr 109:25 \ft Kova'e ayvu rupi ijayvu Jesus kuruxu re oĩ javegua re (Mateus 27.39-40).\f* 
\q1  
\v 26 \nd Senhor\nd* Xeruete, xepytyvõ ke! 
\q2 Xereraa jepe ke xemboaxya rupi, 
\q1  
\v 27 ha'e kuery oikuaa aguã ndepo gui ae xereraa jepearã oua, 
\q2 ndee \nd Senhor\nd* rejapo rire. 
\q1  
\v 28 Ha'e kuery joe ijayvu vai va'e. 
\q2 Ha'e rã ndee ma rejogueroayvu porã va'e. 
\q2 Tove xere opu'ã va'e kuery nda'evei nho ta'ikuai. 
\q2 Ha'e rã nerembiguai ma tovy'a. 
\q1  
\v 29 Xerovaigua kuery re toĩ oxĩmbaa. 
\q2 Oxĩmbaa tojao'ipa ao puku py rami. 
\q1  
\v 30 Xejuru py arovy'a ete 'rã \nd Senhor\nd*. 
\q2 Rogueroporaei 'rã heta va'e kuery mbyte, 
\q1  
\v 31 mba'eta iporiaukue'i ikuaia katy onhemoĩ ramo, 
\q2 ojukaxe va'e kuery gui ogueraa jepe aguã. 
\s1 Messias ipo'akaa ha'e sacerdote oikoa re ijayvua 
\d Mboraeirã Davi ombopara va'ekue. 
\c 110  
\q1  
\v 1 \nd Senhor\nd* aipoe'i xeruvixa pe: 
\q2 “Eguapy ke aiporu kuaa regua re, 
\q2 nderovaigua kuery ndepy guýry amoĩ peve”, he'i.\f + \fr 110:1 \ft Apy “Xeruvixa” he'ia ma Cristo re ae ijayvu vy. Ha'e gui “Eguapy ke aiporu kuaa regua re” he'ia ma Nhanderuete ojee rami avi ombopo'aka aguã re ijayvu vy (Mateus 22.41-26; Marcos 12.36, Lucas 20.42-42, Atos 2.32-36; 1 Coríntios 15.24-28; Efésios 1.20; Colossenses 3.1; Hebreus 1.13, 8.1, 10.11-13).\f* 
\q1  
\v 2 Sião tetã gui \nd Senhor\nd* omboaxa 'rã po pygua ndepo'aka aguã. 
\q2 Ha'e vy aipoe'i 'rã: “Ndepo'aka ke nderovaigua kuery re”, he'i 'rã. 
\q1  
\v 3 Ha'e gui ma ndepo'akaa ára 
\q2 ndevygua kuery ojexa ukapa 'rã ndere ouxea'i rami. 
\q2 Ndevygua kunumigue ma iky'a e'ỹ va'e py onhemonde reve 'rã ikuai, 
\q2 aje'ive'i yxapy ojekuaa va'e rami. 
\q1  
\v 4 \nd Senhor\nd* ouraague ndoguerovai 'rã: 
\q2 “Ndee ma sacerdote reĩ raka'e rã peve guarã, 
\q2 Melquisedeque reko rami ndereko va'e vy”, he'i rire.\x * \xo 110:4 \xt Hebreus 5.1-10, 7.1-28\x* 
\q1  
\v 5 Senhor reiporu kuaa regua re oĩ va'e ma 
\q2 ipoxya ára omou'ũmba 'rã huvixave kuery. 
\q1  
\v 6 Ombopaga 'rã yvy regua kuery, 
\q2 omonyẽ 'rã te'õgue anho. 
\q2 Nhoakã omou'ũmba 'rã yvy jave re. 
\q1  
\v 7 Oikoa rupi yxyry oĩ va'e gui oy'u 'rã oiny, 
\q2 ha'e gui oakã omopu'ã ju 'rã ovy. 
\c 111  
\s1 Nhanderuete opena porãague re ijayvua 
\q1  
\v 1 Aleluia! 
\q2 Xepy'a ha'e javi py aroporaei 'rã \nd Senhor\nd* 
\q2 heko porã va'e kuery ijatya py. 
\q1  
\v 2 \nd Senhor\nd* rembiapokue ma tuvixa meme. 
\q2 Oguerovy'a va'e kuery ha'e javi oikuaa pota 'rã ha'e nunga re. 
\q1  
\v 3 Guembiapo ha'e javi py oexa uka guexakãa ha'e opo'akaa, 
\q2 heko porãa avi oĩ 'rã raka'e rã peve. 
\q1  
\v 4 Hembiapo porã re nhanema'endu'a aguã rami ojapo. 
\q2 \nd Senhor\nd* ma porayvu ha'e nhomboaxy va'e. 
\q1  
\v 5 Omongaru 'rã henonde ojererokyjea rupi ikuai va'e, 
\q2 ima'endu'a riae 'rã guexeve guarã ojapo va'ekue re. 
\q1  
\v 6 Ojeupegua kuery pe oexa uka 'rã opo'akaa mba'emo ojapoa py, 
\q2 ijyvyrã amboae regua kuery ikuaiague ome'ẽa py. 
\q1  
\v 7 Opo py ojapo va'e ma anhetẽ ha'e teko porã rupi meme ojapo, 
\q2 nhanembo'ea voi ojeroviapy meme. 
\q1  
\v 8 Ha'e nunga oĩ porã 'rã raka'e rã peve, 
\q2 ojeroviapy oikoa ha'e teko porã rupi oeja rire. 
\q1  
\v 9 Ojeupegua kuery pe ombou heraa jepearã, 
\q2 guexeve guarã ojapo vy raka'e rã peve guarã. 
\q2 Hery ma iky'a e'ỹ va'e ha'e nhomongyjea. 
\q1  
\v 10 \nd Senhor\nd* renonde jajererokyjea rupi jaiko vy 'rãe jaupity 'arandua. 
\q2 Ha'e rami ikuai va'e ha'e javi oexa uka 'rã 'arandu.\x * \xo 111:10 \xt Provérbios 9.10\x* 
\q2 Jaroporaeia oĩ riae 'rã raka'e rã peve! 
\c 112  
\s1 Heko porã va'e oikove aguã re ijayvua 
\q1  
\v 1 Aleluia! 
\q2 Ovy'a ete 'rã avakue \nd Senhor\nd* renonde ojererokyjea rupi ikuai va'e, 
\q2 ha'e ojapo uka va'ekue oguerovy'a va'e. 
\q1  
\v 2 Ha'e va'e kuery ramymino kuery voi ipo'akapa 'rã yvy re, 
\q2 heko porã va'e ramymino kuery re ima'endu'a porãa 'rã. 
\q1  
\v 3 Hoo py ma opa mba'e 'rã oguereko, 
\q2 heko porãa oĩ 'rã raka'e rã peve. 
\q1  
\v 4 Heko porã va'e pe ma pytũ 'rãgue py ojekuaa 'rã imoexakãarã. 
\q2 Porayvu, nhomboaxya ha'e teko porã rupi ikuai. 
\q1  
\v 5 Nhomboaxy vy mba'emo oiporuka va'e ma ovy'a 'rã, 
\q2 ha'e imboayvua py teĩ oikuaa uka 'rã heko porã va'e oikoa. 
\q1  
\v 6 Ha'e kuery ndoityai 'rãe. 
\q2 Ha'e kuery re raka'e rã peve 'rã ima'endu'aa. 
\q1  
\v 7 Nhomondyiarã oendu teĩ nonhemondyi 'rã. 
\q2 Ipy'a guaxu 'rã, \nd Senhor\nd* re ojerovia vy. 
\q1  
\v 8 Ipy'aa oĩ atã vy ndokyjei 'rã, 
\q2 oexa 'rã oipotaague hovaigua kuery re ojeupity ramo. 
\q1  
\v 9 Mba'emo oguereko va'e omboja'o vy ome'ẽ 'rã iporiaukue'i pe. 
\q2 Heko porãa oĩ 'rã raka'e rã peve.\x * \xo 112:9 \xt 2 Coríntios 9.9\x* 
\q2 Ipo'aka ramo omboetea ha'e ima'endu'aa porã 'rã. 
\q1  
\v 10 Ha'e nunga heko vai va'e oexa vy ivai 'rã teĩ, 
\q2 haĩ jekyty rei 'rã okanhy peve. 
\q2 Mba'eta heko vai va'e oipotaa ma opa 'rã. 
\c 113  
\s1 \nd Senhor\nd* jaroporaei aguã regua 
\q1  
\v 1 Aleluia! 
\q2 \nd Senhor\nd* rembiguai pendekuai va'e, peporaei ke, 
\q2 peroporaei \nd Senhor\nd* rery. 
\q1  
\v 2 Ta'ima'endu'a porãa \nd Senhor\nd* rery re, 
\q2 aỹ ha'e raka'e rã peve! 
\q1  
\v 3 Kuaray oẽa guive oikea peve 
\q2 togueroporaeia \nd Senhor\nd* rery! 
\q1  
\v 4 \nd Senhor\nd* ma yvate ete va'e, yvy jave regua áryve, 
\q2 hexakãa voi yva áryve oo. 
\q1  
\v 5 Mava'e nda'u \nd Senhor\nd* Nhanderuete reve joo rami heko va'e? 
\q2 Henda openaaty ma yvatea py oĩ. 
\q1  
\v 6 Ojero'a 'rã guive oexa aguã 
\q2 yva ha'e yvy re mba'emo oiko va'e. 
\q1  
\v 7 Omopu'ã ju 'rã imo'amy yvy ku'i py omombo pyre, 
\q2 yty gui oipe'a 'rã iporiaukue'i, 
\q1  
\v 8 huvixa kuery yvýry ju omboguapy imoiny aguã, 
\q2 tá, omoĩ 'rã ojeupegua ruvixa kuery reve guarã. 
\q1  
\v 9 Ojapo 'rã kunha imemby e'ỹ va'ekue omemby kuery reve oiko aguã rami. 
\q2 Ha'e ramo ovy'a 'rã, kyrĩgue xy oiko vy. 
\q2 Aleluia! 
\c 114  
\s1 Egito yvy gui oẽmba jave guare re ima'endu'aague 
\q1  
\v 1 Israel kuery Egito yvy gui oẽ jave, 
\q2 Jacó ramymino kuery ayvu mboae py ijayvu va'e ikuaia gui oẽmba jave ma 
\q1  
\v 2 Judá kuery gui Nhanderuete ojapo guenda iky'a e'ỹ va'erã, 
\q2 ojapo Israel kuery ojeupe guarã ete. 
\q1  
\v 3 Ha'e nunga ye'ẽ oexa vy ojava ovy, 
\q2 Jordão yakã voi guakykue katy oxyry raka'e.\f + \fr 114:3 \ft Ye'ẽ Pytã ojavaague ma Êxodo 14 py omombe'u, ha'e rã Jordão yakã guakykue katy ojevyague ma Josué 3 py.\f* 
\q1  
\v 4 Yvyty ikuai va'e opopa vexa ava rami, 
\q2 yvy'ã'i voi vexa'i ra'y rami opopa okuapy. 
\q1  
\v 5 Ye'ẽ, mba'e tu oĩ ha'e rami rejava aguã? 
\q2 Ha'vy ndee Jordão, mba'e re tu nderakykue katy rejevy? 
\q1  
\v 6 Peẽ yvyty, mba'e re tu pepopa ri vexa ava rami? 
\q2 Ha'vy peẽ yvy'ã, mba'e re tu vexa'i ra'y rami pepo? 
\q1  
\v 7 Ndee yvy, eryryi ke \nd Senhor\nd* Jacó Ruete renonde. 
\q1  
\v 8 Mba'eta itaty gui ojapo yy ruparã, 
\q2 itaova ratã gui ojapo raka'e yvu.\x * \xo 114:8 \xt Êxodo 17; Números 20\x* 
\c 115  
\s1 Nhanderuete anho nhamboete aguã regua 
\q1  
\v 1 \nd Senhor\nd*, ore kuery e'ỹ toremboetea, ore e'ỹ, 
\q2 ha'e rami 'rãgue py nderery anho tomboetea, 
\q2 renhomboaxya ha'e ojeroviapy reikoa re. 
\q1  
\v 2 Mba'e re tu amboae regua kuery joupe-upe oporandu vy 
\q2 “Mamo tu oĩ ha'e kuery Ruete?” he'i 'rã okuapy? 
\q1  
\v 3 Mba'eta Nhanderuete ma yva re oĩ, 
\q2 opa mba'e ojapo oikovy ha'e ae oipotaa rami. 
\q1  
\v 4 Ha'e rã ha'e kuery pegua tuuete ma prata e'ỹ vy ouro guigua rive, 
\q2 avakue opo py ojapo va'ekue meme.\x * \xo 115:4 \xt Salmo 135.15-18\x* 
\q1  
\v 5 Ijuru va'eri nda'ijayvui, 
\q2 hexa va'eri ndoexai, 
\q1  
\v 6 ijapyxa va'eri noendui, 
\q2 inhapyĩgua va'eri noetũi, 
\q1  
\v 7 ipo va'eri mba'eve re ndopokoi, 
\q2 ipy va'eri ndoguatai, 
\q2 ijyryvi va'eri ha'e kuery gui neĩ peteĩ ayvu nonhendui. 
\q1  
\v 8 Ijapoare kuery topyta ha'e nunga rami ae, 
\q2 hexe ojerovia va'e kuery voi. 
\q1  
\v 9 Ha'e gui Israel kuery ma \nd Senhor\nd* re ae tojerovia. 
\q2 Ha'e anho ma ipytyvõa ha'e mba'emo vai jokoa oiko. 
\q1  
\v 10 Arão ramymino kuery tojerovia \nd Senhor\nd* re. 
\q2 Ha'e anho ma ipytyvõa ha'e mba'emo vai jokoa oiko. 
\q1  
\v 11 \nd Senhor\nd* renonde ojererokyjea rupi ikuai va'e ha'e javi tojerovia \nd Senhor\nd* re. 
\q2 Ha'e anho ma ipytyvõa ha'e mba'emo vai jokoa oiko. 
\q1  
\v 12 Mba'eta nhandere \nd Senhor\nd* ima'endu'a vy nhanemoingo porã 'rã. 
\q2 Omoingo porã 'rã Israel kuery, 
\q2 omoingo porã 'rã Arão ramymino kuery, 
\q1  
\v 13 omoingo porã 'rã henonde ojererokyjea rupi ikuai va'e, 
\q2 yvatekueve ha'e yvyĩgueve voi.\x * \xo 115:13 \xt Apocalipse 11.18, 19.5\x* 
\q1  
\v 14 \nd Senhor\nd* tomoĩve tema peiko porã aguã, 
\q2 peẽ kuery ha'e penda'y kuery pe guive. 
\q1  
\v 15 \nd Senhor\nd* yva ha'e yvy apoare va'e 
\q2 ogueroayvu porã va'e tapendekuai. 
\q1  
\v 16 Yva ma \nd Senhor\nd* pegua oĩ. 
\q2 Ha'e rã yvy ma ome'ẽ avakue ra'y kuery pe. 
\q1  
\v 17 Omanogue ma ndogueroporaei 'rã \nd Senhor\nd*, 
\q2 okyrirĩ va'e anho ikuaia py oguejy va'ekue. 
\q1  
\v 18 Ha'e rã nhande kuery ma jarovy'a 'rã \nd Senhor\nd*, 
\q2 aỹ guive raka'e rã peve. 
\q2 Aleluia! 
\c 116  
\s1 Oporai vy Nhanderuete oguerovy'aague 
\q1  
\v 1 Xee ma ayvu \nd Senhor\nd*, 
\q2 mba'eta ajerure ramo oendu xeayvua. 
\q1  
\v 2 Xea katy ojero'a vy ojapyxaka rire 
\q2 ixupe ajapukai 'rã aikovea ja. 
\q1  
\v 3 Manoa regua nhuã xemboty va'ekue, 
\q2 jexavaia yvykua vaikue guigua xere ipo'aka va'ekue. 
\q2 Ha'e ramo aiko axya ha'e ndavy'aia py ha'a karamboae. 
\q1  
\v 4 Ha'e rami vy ajapukai \nd Senhor\nd* rery rupi: 
\q2 “ \nd Senhor\nd*, eraa jepe ke xerekove!” ha'e va'ekue. 
\q1  
\v 5 \nd Senhor\nd* ma porayvu ha'e heko porã va'e, 
\q2 Nhanderuete ma nhanemboaxya rupi oiko va'e. 
\q1  
\v 6 \nd Senhor\nd* ma hi'arandu e'ỹ'i va'e kuery re opena porã va'e. 
\q2 Ha'e rami vy ha'a ajupya py xerexa vy xereraa jepe karamboae. 
\q1  
\v 7 Xenhe'ẽ, ejevy ju ke repytu'u aguã py, 
\q2 mba'eta xevy \nd Senhor\nd* mba'emo porã ome'ẽ oata aguã rami e'ỹ. 
\q1  
\v 8 Ha'e rami vy xenhe'ẽ oepy amano taa gui. 
\q2 Oepy xerexa xerexaya gui, 
\q2 xepy guive oepy onhepyxangaa gui. 
\q1  
\v 9 Ha'e ramo \nd Senhor\nd* renonde aiko 'rã 
\q2 okuave va'e yvy re. 
\q1  
\v 10 Hexe ajerovia va'eri xejeupe xeayvu vy 
\q2 “Ajexavai ete rima aikovy”, ha'e va'ekue.\x * \xo 116:10 \xt 2 Coríntios 4.13\x* 
\q1  
\v 11 Xepy'a eta rei vy 
\q2 “Avakue ikuai va'e ma ijapu va'e meme”, ha'e va'ekue. 
\q1  
\v 12 \nd Senhor\nd* opa mba'e py xevy ojapo porãague re 
\q2 mba'e nda'u ame'ẽ 'rã ixupe? 
\q1  
\v 13 Xereraa jepeague arovy'a vy aupi 'rã karo,\f + \fr 116:13 \ft Apy ijayvu judeu kuery gueko rami vy Nhanderuete pe mba'emo ome'ẽ aguã re. Tembi'u ha'e vinho oupi 'rã ixupe, ha'e gui oguerovy'aa rupi ho'u 'rã (Salmo 22.23-26; Levítico 7.11-16).\f* 
\q2 ha'e \nd Senhor\nd* rery rupi aroporai 'rã. 
\q1  
\v 14 \nd Senhor\nd* pe ajapopa 'rã anhemboayvuague 
\q2 ixupegua kuery ha'e javi oexaa py. 
\q1  
\v 15 Hepy ete va'e \nd Senhor\nd* oexa 'rã 
\q2 ojeupegua iky'a e'ỹ va'e kuery omano rã. 
\q1  
\v 16 \nd Senhor\nd*, xee ma nerembiguai ete aiko, 
\q2 nerembiguai pi'a guive aiko. 
\q2 Remondopa ma xejokuaague. 
\q1  
\v 17 Ha'e ramo ndevy ame'ẽ 'rã roguerovy'aa, 
\q2 ha'e \nd Senhor\nd* rery rupi aroporai 'rã. 
\q1  
\v 18 \nd Senhor\nd* pe ajapopa 'rã anhemboayvuague, 
\q2 ixupegua kuery ha'e javi ikuaia py, 
\q1  
\v 19 \nd Senhor\nd* pegua roka 
\q2 Jerusalém mbyte py ae. 
\q2 Aleluia! 
\c 117  
\s1 \nd Senhor\nd* pe ha'e javi regua oporaei aguã regua 
\q1  
\v 1 Peẽ yvy regua ha'e javi, peporaei ke \nd Senhor\nd* pe! 
\q2 Peroporaei, ha'e javi regua!\x * \xo 117:1 \xt Romanos 15.9-11\x* 
\q1  
\v 2 Mba'eta \nd Senhor\nd* ma opa mba'e py nhanemboaxy, 
\q2 ha'e ojeroviapy 'rã oiko raka'e rã peve. 
\q2 Aleluia! 
\c 118  
\s1 Nhandereraa jepea jarovy'a aguã regua 
\q1  
\v 1 Perovy'a ke \nd Senhor\nd*, porayvu va'e ramo. 
\q2 Mba'eta nhomboaxya opa va'erã e'ỹ. 
\q1  
\v 2 Israel kuery aipo te'i: 
\q2 “Tá, nhomboaxya opa va'erã e'ỹ.” 
\q1  
\v 3 Arão ramymino kuery aipo te'i: 
\q2 “Tá, nhomboaxya opa va'erã e'ỹ.” 
\q1  
\v 4 \nd Senhor\nd* renonde ojererokyjea rupi ikuai va'e ha'e javi aipo te'i: 
\q2 “Tá, nhomboaxya opa va'erã e'ỹ.” 
\q1  
\v 5 Ha'e gui xee ma ajexavaia py ajapukai \nd Senhor\nd* pe. 
\q2 Ha'e ramo \nd Senhor\nd* oendu vy xerepy karamboae. 
\q1  
\v 6 Xereve \nd Senhor\nd* oiko ramo xee ndakyjei 'rã. 
\q2 Mba'e tu avakue ojapo 'rã xere?\x * \xo 118:6 \xt Hebreus 13.5-6\x* 
\q1  
\v 7 \nd Senhor\nd* xereve oiko xepytyvõarã. 
\q2 Ha'e nunga rupi aexa 'rã xere ija'e e'ỹ va'e kuery re aipotaa ojeupity ramo. 
\q1  
\v 8 Avakue re jajerovia 'rãgue py 
\q2 ha'eveve \nd Senhor\nd* re nhanhemi. 
\q1  
\v 9 Huvixa kuery re jajerovia 'rãgue py 
\q2 ha'eveve \nd Senhor\nd* re nhanhemi. 
\q1  
\v 10 Ha'e javi regua xembojere rei okuapy, 
\q2 teĩ \nd Senhor\nd* rery rupi amomba. 
\q1  
\v 11 Jova-jovai gui xejokopa, 
\q2 teĩ \nd Senhor\nd* rery rupi amomba. 
\q1  
\v 12 Eiru rami ete xeao'i okuapy, 
\q2 teĩ tata py juu okaia rami okaipa. 
\q2 \nd Senhor\nd* rery rupi amomba. 
\q1  
\v 13 Opoxya rupi xemoanha ratã heravy xereity aguã, 
\q2 teĩ \nd Senhor\nd* xepytyvõ. 
\q1  
\v 14 \nd Senhor\nd* ma xemombaraetea oiko, aroporaei va'e guive, 
\q2 xereraa jepe rire.\x * \xo 118:14 \xt Êxodo 15.1-2; Isaías 12.1-2\x* 
\q1  
\v 15 Heko porã va'e rekoa rupi onhendu 
\q2 heraa jepeare oguerovy'a va'e: 
\q2 “ \nd Senhor\nd* opo'akaa rupi ojapo mba'emo porã! 
\q1  
\v 16 \nd Senhor\nd* opo oupi vy 
\q2 mba'emo porã ojapo” he'i va'e. 
\q1  
\v 17 Xee ma namanovei 'rã. 
\q2 Ha'e rami 'rãgue py aikove 'rã, 
\q2 \nd Senhor\nd* ojapo va'ekue amombe'upa aguã. 
\q1  
\v 18 \nd Senhor\nd* xembopaga ete, 
\q2 teĩ manoa pe naxemboaxai guive. 
\q1  
\v 19 Peipe'a ke xevy teko porã rokẽ, 
\q2 ha'e va'e rupi aike vy \nd Senhor\nd* aroporaei aguã. 
\q1  
\v 20 Ha'e va'e ae ma \nd Senhor\nd* rokẽ, 
\q2 ha'e va'e rupi heko porã va'e anho 'rã oike. 
\q1  
\v 21 Xee rogueroporaei 'rã, 
\q2 xepytyvõ vy xereraa jepe rire. 
\q1  
\v 22 Oo apoa kuery ita omombo va'ekue ma 
\q2 yvatevea py opyta iporãvea pyguarã. 
\q1  
\v 23 Ha'e nunga ma \nd Senhor\nd* ae ojapo, 
\q2 ha'e jaexa rã iporã ete va'e.\x * \xo 118:23 \xt Mateus 21.42, Marcos 12.10-11, Lucas 20.17, Atos 4.11; 1 Pedro 2.7\x* 
\q1  
\v 24 Kova'e ára ma \nd Senhor\nd* omoingo va'ekue. 
\q2 Ha'e ramo javy'a ha'e jarovy'a 'rã. 
\q1  
\v 25 \nd Senhor\nd*, orereraa jepe ke, rojerure! 
\q2 Oremoingo porã ke, \nd Senhor\nd*! 
\q1  
\v 26 Ima'endu'a porãmby toiko \nd Senhor\nd* rery rupi ou va'e!\x * \xo 118:26 \xt Mateus 21.8-9, 23.37-39; Marcos 11.9; Lucas 13.35, 19.38; João 12.13\x* 
\q2 \nd Senhor\nd* pegua opy peẽ kuery ha'e javi peike va'e rogueroayvu porã. 
\q1  
\v 27 \nd Senhor\nd* ma Nhanderuete ha'e nhanemoexakãa. 
\q2 Ngaru oiko aguã py pembojegua mba'emo rogue py, 
\q2 altar apy peve. 
\q1  
\v 28 Ndee ma Xeruete, xee rogueroporaei 'rã. 
\q2 Ndee Xeruete, xee aikuaa uka 'rã ndeyvatea. 
\q1  
\v 29 Perovy'a ke \nd Senhor\nd*, porayvu va'e ramo. 
\q2 Mba'eta nhomboaxya opa va'erã e'ỹ. 
\c 119  
\s1 Nhanderuete guigua lei iporãa re ijayvua 
\q1  
\v 1 Ovy'a ete 'rã iky'a e'ỹa rupi oiko va'e, 
\q2 \nd Senhor\nd* guigua lei rupi ae. 
\q1  
\v 2 Ovy'a ete 'rã oikuaa uka va'ekue rupi oiko va'e, 
\q2 opy'a ha'e javi py onhe'ẽ rendu va'e. 
\q1  
\v 3 Ha'e va'e kuery ma mba'emo vai rupi e'ỹ ikuai, 
\q2 Nhanderuete guigua tape rupi anho. 
\q1  
\v 4 Rejapo uka va'e reikuaa uka 
\q2 rojapopa ete aguã. 
\q1  
\v 5 Aguataa toĩ atã 
\q2 ndeayvu reja va'ekue rupi aiko aguã. 
\q1  
\v 6 Ha'e rami vy axĩmba aguã rami e'ỹ 'rã aiko 
\q2 rejapo uka va'e ha'e javi re aikuaa pota vy. 
\q1  
\v 7 Peteĩ rami xepy'a reve roguerovy'a 'rã, 
\q2 ha'evea rami ndeayvuague aikuaa rire. 
\q1  
\v 8 Xee ma ajapo 'rã ndeayvu reja va'ekue. 
\q2 Xereja eme ke. 
\q1  
\v 9 Mba'exa vy nda'u kunumigue onhemongy'a e'ỹ re oiko 'rã? 
\q2 Ndeayvu rupi oiko ri vy tema. 
\q1  
\v 10 Xee ma xepy'a ha'e javi py roeka va'e. 
\q2 Ejapo eme rejapo uka va'ekue gui ajepe'a aguã rami. 
\q1  
\v 11 Xepy'a re amoĩ 'rã ndeayvuague 
\q2 nderovai ajejavy e'ỹ aguã. 
\q1  
\v 12 \nd Senhor\nd*, xee ma rogueroporaei 'rã. 
\q2 Xembo'e ke ndeayvua reja va'ekue rupi aiko aguã re. 
\q1  
\v 13 Xeayvu tema xema'endu'a vy 
\q2 reikuaa potaa rupi ndeayvuague ha'e javi re. 
\q1  
\v 14 Opa mba'e porã gui 
\q2 arovy'ave ndee reikuaa uka va'ekue. 
\q1  
\v 15 Anhembo'e aikovy ndee orembo'ea re, 
\q2 aikuaa pota 'rã reikoa re. 
\q1  
\v 16 Ndeayvua reja va'ekue re xee avy'a. 
\q2 Ndaxerexarai 'rã ndeayvuague re. 
\q1  
\v 17 Ejapo porã xee nerembiguai pe, 
\q2 aikove ha'e ndeayvuague rupi aiko aguã. 
\q1  
\v 18 Eipe'a ke xerexa jokoa, 
\q2 aexa kuaa aguã ndeguigua lei re iporã ete va'e oĩ va'e. 
\q1  
\v 19 Ko yvy re aikoa ja hekoa e'ỹ va'e rami aiko. 
\q2 Eikuaa uka e'ỹ eme ke rejapo uka va'ekue. 
\q1  
\v 20 Xepy'a py aendu nda'evei etea, 
\q2 ne'arandua rupi ndeayvuague aenduxe riae vy. 
\q1  
\v 21 Ndee ma ojejou porã rei va'e ha'e ayvu vaipy kuery pe ndeayvu ete va'e. 
\q2 Ha'e kuery ojepe'a okuapy rejapo uka va'ekue gui. 
\q1  
\v 22 Eipe'a ke xere ijayvu reia ha'e ovy'a reia, 
\q2 mba'eta xee ma reikuaa uka va'ekue rupi aiko ramo. 
\q1  
\v 23 Xere huvixa kuery ijayvu aguã nhomboatypa teĩ 
\q2 xee nerembiguai aikuaa pota aikovy ndeayvu reja va'ekue re. 
\q1  
\v 24 Reikuaa uka va'ekue ma xembovy'a va'e. 
\q2 Ha'e va'e ma xemongetaa guive. 
\q1  
\v 25 Yvy rupi xereitya ma. 
\q2 Xemoingo porã ju ke ndeayvuague rami vy. 
\q1  
\v 26 Xerekokue amombe'upa ramo ndee xembovai. 
\q2 Xembo'e ke ndeayvua reja va'ekue rupi aiko aguã. 
\q1  
\v 27 Eikuaa uka ke renhombo'eague rami aiko aguã, 
\q2 ha'e xee aikuaa pota 'rã iporã ete va'e reikuaa uka va'e re. 
\q1  
\v 28 Xepy'a py xeporiau ndavy'avei vy. 
\q2 Xemombaraete ju ke ndeayvuague rami vy. 
\q1  
\v 29 Xepe'a ke ijapu va'e kuery rape gui. 
\q2 Xemboaxy ke ndeguigua lei re oĩa rami vy. 
\q1  
\v 30 Aiporavo tape vy'aa katygua, 
\q2 amoĩ ne'arandua rupi aiko aguã. 
\q1  
\v 31 Reikuaa uka va'ekue rupi pota aiko. 
\q2 \nd Senhor\nd*, xeapo eme axĩmba aguã rami. 
\q1  
\v 32 Anha 'rã avy tape rejapo uka va'ekue oĩa rupi, 
\q2 xepy'a py xembovy'a rire. 
\q1  
\v 33 \nd Senhor\nd*, xembo'e ke ndeayvua reja va'ekue rupi aiko aguã. 
\q2 Ha'e va'e rupi aiko 'rã opa peve. 
\q1  
\v 34 Xemo'arandu ke, ha'e ramo aiko 'rã ndeguigua lei rupi. 
\q2 Xepy'a ha'e javi py 'rã ajapo. 
\q1  
\v 35 Xerereko ke tape rejapo uka va'ekue oĩa rupi, 
\q2 mba'eta ha'e va'e anho arovy'a. 
\q1  
\v 36 Xepy'a re emoĩ reikuaa uka va'ekue rupi aiko aguã, 
\q2 mba'emo ajoupave aguã rupi e'ỹ. 
\q1  
\v 37 Xemoma'ẽ eme ovare e'ỹ va'e re. 
\q2 Xembopy'a guaxu ke ndeguigua tape rupi. 
\q1  
\v 38 Nerembiguai pe emoĩ atãve ndeayvuague, 
\q2 nerenonde ojererokyjea rupi ikuai va'e pe reme'ẽ rire. 
\q1  
\v 39 Eipe'a ke xere ijayvu reia xemongyje va'e, 
\q2 mba'eta ne'arandua anho ha'eve. 
\q1  
\v 40 Ma'ẽ, ndee xembo'ea rami anho aikoxe va'e. 
\q2 Xembopy'a guaxu ke ndereko porãa rupi. 
\q1  
\v 41 \nd Senhor\nd*, exa uka xemboaxya. 
\q2 Xereraa jepe guive ndeayvuague rami vy. 
\q1  
\v 42 Ha'e ramo 'rãe ambovai kuaa xembojaru rei okuapy va'e, 
\q2 ndeayvua re ajerovia vy. 
\q1  
\v 43 Xejuru gui eipe'a eme ayvu anhetẽ rupigua, 
\q2 mba'eta xee ma arõ aikovy ne'arandua. 
\q1  
\v 44 Ha'e rami vy ndeguigua lei rupi aiko riae 'rã, 
\q2 raka'e rã peve. 
\q1  
\v 45 Aiko 'rã aa jepea rupi, 
\q2 ndee xembo'ea rupi pota aiko vy. 
\q1  
\v 46 Huvixave kuery renonde voi axĩ e'ỹ re 
\q2 amombe'u 'rã reikuaa uka va'ekue. 
\q1  
\v 47 Xee arovy'a 'rã rejapo uka va'ekue, 
\q2 xee ayvu vy. 
\q1  
\v 48 Rejapo uka va'ekue ayvu vy aupi 'rã xepo, 
\q2 ndeayvua reja va'ekue re aikuaa pota 'rã guive. 
\q1  
\v 49 Nema'endu'a ke xee nerembiguai pe ndeayvuague re, 
\q2 mba'eta xeapo arõ aguã rami. 
\q1  
\v 50 Ajexavaia py xembovy'a va'e ma pova'e: 
\q2 ndeayvu xembopy'a guaxua. 
\q1  
\v 51 Ojejou porã rei va'e kuery xejojai riae, 
\q2 teĩ xee ndajepe'ai ndeguigua lei gui. 
\q1  
\v 52 Xema'endu'a ymave ne'arandua rupi ndeayvuague re. 
\q2 Ha'e va'e ma xembopy'a guaxu, \nd Senhor\nd*. 
\q1  
\v 53 Xee aendu xevaia, 
\q2 heko vai va'e ndeguigua lei rupi ve'ỹ ikuai ramo. 
\q1  
\v 54 Mamo rã aguataa rupi oo py akea py 
\q2 aroporaei aikovy ndeayvua reja va'ekue. 
\q1  
\v 55 \nd Senhor\nd*, pyávy xema'endu'a 'rã nderery re. 
\q2 Ha'e rami vy ndeguigua lei rupi 'rã aiko. 
\q1  
\v 56 Pova'e ma xevy guarã oĩ va'e, 
\q2 ndee xembo'ea rupi aiko aguã. 
\q1  
\v 57 \nd Senhor\nd* ae xevygua oiko. 
\q2 Ha'e ramo aipoa'e: “Ajapo 'rã ndeayvuague”, ha'e. 
\q1  
\v 58 Xepy'a ha'e javi py ajerure xemboaxy aguã. 
\q2 Xemboaxy ke ndeayvuague rami vy. 
\q1  
\v 59 Xee ae aikoa re aikuaa pota vy 
\q2 ajevy ju ndee reikuaa uka va'ekue rupi aiko aguã. 
\q1  
\v 60 Anhea'ã 'rã, namboarei guive 
\q2 rejapo uka va'ekue ajapo aguã. 
\q1  
\v 61 Heko vai va'e kuery nhuã xejura 
\q2 teĩ ndaxerexarai 'rã ndeguigua lei gui. 
\q1  
\v 62 Pytũ mbyte jave teĩ apu'ã 'rã roporaei aguã, 
\q2 ne'arandua rupi ndeayvuague anhetẽ va'e meme ramo. 
\q1  
\v 63 Anhemoirũ 'rã nerenonde ojererokyjea rupi 
\q2 ha'e rembo'eague rami ikuai va'e reve. 
\q1  
\v 64 \nd Senhor\nd*, yvy jave re rexa uka ndeporayvua. 
\q2 Xembo'e ke ndeayvua reja va'ekue re. 
\q1  
\v 65 \nd Senhor\nd*, xee nerembiguai pe rejapo porã, 
\q2 ndeayvuague rami vy. 
\q1  
\v 66 Xembo'e ke 'arandu ha'e aikuaa aguã re, 
\q2 rejapo uka va'ekue rupi ajerovia ramo. 
\q1  
\v 67 Ajexavai e'ỹ mbove ha'eve e'ỹa rami aiko va'ekue, 
\q2 teĩ aỹ ma ajapo aikovy ndeayvua. 
\q1  
\v 68 Ndee ma heko porã ha'e ojapo porã va'e. 
\q2 Xembo'e ke ndeayvua reja va'ekue re. 
\q1  
\v 69 Ojejou porã rei va'e kuery ma xere ijayvu rive 
\q2 teĩ xepy'a ha'e javi py ajapo renhombo'eague. 
\q1  
\v 70 Ha'e kuery ma ipy'a ratã va'e. 
\q2 Ha'e rã xee ma arovy'a ndeguigua lei. 
\q1  
\v 71 Ajexavaiague ma ojapo porã xevy, 
\q2 ndeayvu reja va'ekue aikuaa nho aguã. 
\q1  
\v 72 Mbovy e'ỹ ouro ha'e prata guigua oĩ va'e rire 
\q2 xevy pe ovareve 'rãgue ndejuru gui lei oẽ va'e. 
\q1  
\v 73 Ndepo py ae xeapo ha'e xemoingo raka'e. 
\q2 Xembo'e ke aikuaa aguã rejapo uka va'ekue. 
\q1  
\v 74 Nerenonde ojererokyjea rupi ikuai va'e xerexa vy ovy'a okuapy, 
\q2 ndeayvuague re ajerovia ramo. 
\q1  
\v 75 \nd Senhor\nd*, xee aikuaa porã ha'evea rami ndeayvua, 
\q2 ojeroviapy reikoa rupi ae xemoingo axy va'ekue. 
\q1  
\v 76 Tou ha'vy ndeporayvua xembopy'a guaxu aguã, 
\q2 xee nerembiguai pe ndeayvuague rami vy. 
\q1  
\v 77 Xere embou xemboaxya aikove aguã, 
\q2 mba'eta ndeguigua lei re xee avy'a. 
\q1  
\v 78 Ojejou porã rei va'e kuery toxĩmba, mba'e py e'ỹ xembojexavai rire. 
\q2 Ha'e rã xee ma aikuaa pota 'rã ndee xembo'ea re. 
\q1  
\v 79 Nerenonde ojererokyjea rupi ikuai va'e toupa xeirũrã, 
\q2 reikuaa uka va'ekue oikuaa va'e guive. 
\q1  
\v 80 Xepy'a py tajapopa ndeayvu reja va'ekue, 
\q2 axĩmba e'ỹ aguã. 
\q1  
\v 81 Ndee xereraa jepe aguã arõ vy xenhe'ẽ ikangy. 
\q2 Ha'e rami teĩ arõ tema ndeayvuague. 
\q1  
\v 82 Xerexa ikane'õmba ma ndeayvuague arõ rã. 
\q2 “Raka'e 'rã tu xembopy'a guaxu?” ha'e. 
\q1  
\v 83 Tata áry hyru ipirekue guigua omoĩ mbyre ipirupaa ramigua aiko,\f + \fr 119:83 \ft Ha'e va'e jave py vinho ryrurã ojapo 'rã vexa'i e'ỹ vy kavara pirekue gui. Hataxĩa py omoĩa ramo ipiru ha'e ivaikueve 'rã ovy.\f* 
\q2 teĩ ndaxerexarai ndeayvu reja va'ekue gui. 
\q1  
\v 84 Mbovy ára teri 'rã nda'u xee nerembiguai aikove? 
\q2 Raka'e nda'u xerepy 'rã xerakykue monhaa kuery gui? 
\q1  
\v 85 Ojejou porã rei va'e kuery ndeguigua lei rupi e'ỹ ikuai va'e ma 
\q2 yvykua ojo'o okuapy xembo'a aguã. 
\q1  
\v 86 Rejapo uka va'ekue ma anhetẽ va'e meme. 
\q2 Xerepy ke mba'e py e'ỹ xerakykue monhaa kuery gui. 
\q1  
\v 87 Ha'e kuery xemomba rai'i ma ko yvy re. 
\q2 Ha'e rami teĩ xee ndajepe'ai 'rã renhombo'ea gui. 
\q1  
\v 88 Xembopy'a guaxu ke xemboaxya rupi vy, 
\q2 ha'e rã ajapo 'rã ayvu ndejuru gui oẽ va'e. 
\q1  
\v 89 \nd Senhor\nd*, yva re ndeayvuague oĩ atã 'rã 
\q2 raka'e rã peve guarã. 
\q1  
\v 90 Ojeroviapy riae 'rã reiko raka'e rã peve guarã. 
\q2 Yvy renhono rire ha'ekue py ae oĩ. 
\q1  
\v 91 Ndeayvuague rami vy opa mba'e oĩmba porã aỹ peve, 
\q2 mba'eta ndevygua meme ikuai. 
\q1  
\v 92 Ndeguigua lei re'ỹ avy'a va'e rire 
\q2 yma ma amano 'rãgue aiko axy vaipa vy. 
\q1  
\v 93 Xee ma ndaxerexarai 'rã renhombo'eague re, 
\q2 ha'e va'e rupi xemoingove rire. 
\q1  
\v 94 Xereraa jepe ke ndevygua aiko ramo, 
\q2 mba'eta aeka renhombo'eague. 
\q1  
\v 95 Heko vai va'e kuery xerarõ okuapy xemokanhy aguã, 
\q2 ha'e rã xee ma aikuaa pota 'rã reikuaa uka va'ekue re. 
\q1  
\v 96 Xee aexa rã iporãgue ikuai va'e ha'e javi opa va'erã. 
\q2 Ha'e rã rejapo uka va'ekue ma opa va'erã e'ỹ. 
\q1  
\v 97 Xee ma ayvu ete ndeguigua lei! 
\q2 Ára pukukue re hexe anho aikuaa pota. 
\q1  
\v 98 Rejapo uka va'ekue ojapo xerovaigua kuery gui xe'aranduve aguã rami, 
\q2 xepy'a re amoĩ riae ramo. 
\q1  
\v 99 Xembo'ea kuery ha'e javi gui xee aendu kuaave, 
\q2 reikuaa uka va'ekue re aikuaa potaa rupi vy. 
\q1  
\v 100 Tujakue gui voi xe'aranduve, 
\q2 renhombo'eague rami aiko vy. 
\q1  
\v 101 Tape vai ha'e javi gui xee ajepe'a, 
\q2 ndeayvuague re aikuaa pota aguã. 
\q1  
\v 102 Ha'e rã ndeayvuague gui ma xee ndajepe'ai 'rã, 
\q2 ndee xerekombo'e ramo. 
\q1  
\v 103 Ndeayvu aa'anga rã he'ẽ va'e ramigua, 
\q2 ei gui he'ẽve xejuru pe. 
\q1  
\v 104 Renhombo'eague rupi vy xe'arandu 'rã. 
\q2 Ha'e rã tape anhetẽ e'ỹ va'e ma ajeguarua meme. 
\q1  
\v 105 Ndeayvu ma tataendy oĩ aguata aguã, 
\q2 aikoa rupi omoexakã va'e. 
\q1  
\v 106 Aura karamboae, ha'e auraague amoĩ atã guive, 
\q2 ha'evea rami ndeayvuague rupi aiko aguã. 
\q1  
\v 107 Xee ma aiko axy vaipa ma. 
\q2 \nd Senhor\nd*, xemoingove ke ndeayvuague rami vy. 
\q1  
\v 108 \nd Senhor\nd*, ejopy ke ame'ẽxea'i py xeayvu ame'ẽ va'e, 
\q2 ha'e xembo'e ndeayvuague re. 
\q1  
\v 109 Xejukaxea kuerya rupi riae aiko, 
\q2 teĩ ndeguigua lei gui ndaxerexarai 'rã. 
\q1  
\v 110 Heko vai va'e kuery ma nhuã omoĩ xerovai, 
\q2 teĩ xee ndajepe'ai 'rã renhombo'ea gui. 
\q1  
\v 111 Reikuaa uka va'ekue ma raka'e rã peve guarã amoĩ xejee, 
\q2 mba'eta xepy'a py arovy'a. 
\q1  
\v 112 Xepy'a re amoĩ ndeayvu reja va'ekue rupi aiko aguã, 
\q2 raka'e rã ha'e opa peve. 
\q1  
\v 113 Mokoĩ rupi rei ijayvu va'e ma xee ajou vai. 
\q2 Ha'e rã ndeguigua lei ma arovy'a. 
\q1  
\v 114 Ndee ma anhemiaty ha'e mba'emo vai jokoa reiko. 
\q2 Ndeayvua re ae ajerovia. 
\q1  
\v 115 Mba'emo vai rupi pendekuai va'e, pejepe'a ke xea gui. 
\q2 Xee ma ajapoxe Xeruete ojapo uka va'e. 
\q1  
\v 116 Xepytyvõ ke ndeayvuague rami vy, aikove aguã. 
\q2 Emoingo e'ỹ eme arõ va'e, axĩmba e'ỹ aguã. 
\q1  
\v 117 Xemombaraete ramo 'rãe aa jepe, 
\q2 ha'e ndeayvu reja va'ekue rupi aiko. 
\q1  
\v 118 Rejou vai ndeayvuague gui ojepe'a va'e, 
\q2 mba'eta apu py ae ha'e kuery nhombotavypa 'rã. 
\q1  
\v 119 Yty rami rive remombo 'rã heko vai va'e yvy jave re ikuai va'e. 
\q2 Ha'e nunga rupi xee arovy'a reikuaa uka va'ekue. 
\q1  
\v 120 Nerenonde ajererokyje vy xero'o pirĩmba, 
\q2 ndeayvua re ae ajererokyje. 
\q1  
\v 121 Xee ma anhetẽ ha'e teko porã rupi ajoguereko va'e. 
\q2 Xemboaxa eme ke xerovaigua kuery po py. 
\q1  
\v 122 Xee nerembiguai xerepy ke aiko porãve ju aguã. 
\q2 Xembojexavai uka eme ojejou porã rei va'e kuery pe. 
\q1  
\v 123 Xerexa ikane'õmba ma xereraa jepearã arõ riae vy, 
\q2 ndereko porãa rupi ndeayvuague ojeupity aguã guive. 
\q1  
\v 124 Ereko nerembiguai remboaxya rupi. 
\q2 Xembo'e ke ndeayvu reja va'ekue re. 
\q1  
\v 125 Xee ma nerembiguai aiko. 
\q2 Xemo'arandu ke reikuaa uka va'ekue aikuaa aguã. 
\q1  
\v 126 \nd Senhor\nd*, ovaẽ ma reikuaa pota aguã ára, 
\q2 mba'eta ndeguigua lei rupi nda'ikuaiai ramo. 
\q1  
\v 127 Xee ma ouro gui arovy'ave rejapo uka va'ekue, 
\q2 ouro oiky'a'o pyre gui voi. 
\q1  
\v 128 Ha'e nunga rupi renhombo'eague pe “Anhetẽ va'e meme” ha'e. 
\q2 Ha'e rã ijapu va'e kuery reko ma ajou vai. 
\q1  
\v 129 Reikuaa uka va'ekue ma iporã ete. 
\q2 Ha'e va'e rupi aiko xepy'a ha'e javi py. 
\q1  
\v 130 Ndeayvu reikuaa uka ramo omoexakã vy 
\q2 omo'arandu 'rã hi'arandu e'ỹ'i va'ekue. 
\q1  
\v 131 Xejuru aipe'a vy xepytuẽ atã, 
\q2 rejapo uka va'ekue aikuaa porãvexe vy. 
\q1  
\v 132 Eju ju xea py, ha'e xemboaxy, 
\q2 nderery oayvu va'e kuery pe rejapoaty rami vy. 
\q1  
\v 133 Emoĩ atã ke ndeayvuague rupi aikoa. 
\q2 Ha'e rã teko vai va'e guive rã ta'ipo'aka eme xere. 
\q1  
\v 134 Xerepy ke avakue xemoingo axy reia gui, 
\q2 ha'e ramo aiko 'rã renhombo'eague rami. 
\q1  
\v 135 Xee nerembiguai áry taexakã nderova, 
\q2 ha'e xembo'e ndeayvu re. 
\q1  
\v 136 Xerexay ma yakã rami oxyry, 
\q2 ndeguigua lei rupi e'ỹ avakue ikuai rã aexa vy. 
\q1  
\v 137 \nd Senhor\nd*, ndee ma ndereko porã va'e, 
\q2 ndeayvua guive anhetẽ va'e meme.\x * \xo 119:137 \xt Apocalipse 16.5-7, 19.2\x* 
\q1  
\v 138 Reikuaa uka va'ekue ma anhetẽ rupi reja, 
\q2 ojeroviapy guive. 
\q1  
\v 139 Ndeayvu gui xerovaigua kuery hexaraipa rã aexa vy 
\q2 nda'evei etea aendu va'e xemomba rai'i. 
\q1  
\v 140 Ndeayvua ma iky'a e'ỹ ete va'e. 
\q2 Ha'e nunga rupi xee nerembiguai arovy'a. 
\q1  
\v 141 Xee ma yvyĩ'i va'e, oayvupy e'ỹ aiko va'eri 
\q2 ndaxerexarai renhombo'eague re. 
\q1  
\v 142 Ndeguigua teko porã ma opa va'erã e'ỹ, 
\q2 ndeguigua lei ma anhetẽ va'e meme. 
\q1  
\v 143 Xe'áry jexavai ha'e ndavy'ai etea ou teĩ 
\q2 rejapo uka va'ekue ma xembovy'a kuerei. 
\q1  
\v 144 Reikuaa uka va'ekue ma ha'evea ramigua meme raka'e rã peve guarã. 
\q2 Xemo'arandu ke ha'e va'e rupi, ha'e ramo aikove 'rã. 
\q1  
\v 145 Xepy'a ha'e javi py xee ajapukai ndevy. 
\q2 \nd Senhor\nd*, xembovai ke, ha'e ramo ajapo 'rã ndeayvu reja va'ekue. 
\q1  
\v 146 Ndevy ajapukai. Xereraa jepe ke, 
\q2 ha'e ramo aiko 'rã reikuaa uka va'ekue rupi. 
\q1  
\v 147 Ko'ẽ e'ỹ mbove'i ajapukai, 
\q2 ndeayvua arõ ajerovia reve. 
\q1  
\v 148 Pytũ mbukukue re xerexa ndokei, 
\q2 ndeayvuague re aikuaa pota aguã. 
\q1  
\v 149 \nd Senhor\nd*, ndeporayvua rupi endu ke xeayvua. 
\q2 Ndeayvuague rami vy xemoingove. 
\q1  
\v 150 Teko vai rupi ikuai va'e ovaẽ rai'i ma xea py. 
\q2 Ha'e kuery ma ndeguigua lei gui ojepe'a va'e. 
\q1  
\v 151 \nd Senhor\nd*, mombyry e'ỹ ndee reiko, 
\q2 rejapo uka va'ekue ma anhetẽ va'e meme. 
\q1  
\v 152 Yma ma aikuaa ndeayvuague 
\q2 raka'e rã peve guarã reja va'ekue. 
\q1  
\v 153 Eikuaa pota ke aiko axya re, xereraa jepe guive, 
\q2 mba'eta xee ma ndeguigua lei gui ndaxerexarai 'rã. 
\q1  
\v 154 Xerepy ke, ha'e xereraa jepe. 
\q2 Ndeayvuague rami vy xemoingove. 
\q1  
\v 155 Heko vai va'e kuery ma oo jepe aguã gui mombyry ikuai, 
\q2 ndeayvu reja va'ekue ndoikuaaxei vy. 
\q1  
\v 156 \nd Senhor\nd*, opa mba'e py ndee oremboaxy 'rã! 
\q2 Ndeayvuague rami vy xemoingove. 
\q1  
\v 157 Heta ete ikuai xerovaigua kuery xerakykue monha va'e, 
\q2 teĩ xee ndajepe'ai 'rã reikuaa uka va'ekue gui. 
\q1  
\v 158 Ojerovia e'ỹ va'e kuery aexa vy aendu ndajou porãia, 
\q2 ndeayvuague rami e'ỹ ikuai rã. 
\q1  
\v 159 Eikuaa pota ke renhombo'eague arovy'aa re. 
\q2 \nd Senhor\nd*, ndeporayvua rupi xemoingove. 
\q1  
\v 160 Ndeayvua ma jypy guive anhetẽ va'e meme. 
\q2 Ha'evea rami ndeayvuague raka'e rã peve guarã. 
\q1  
\v 161 Huvixa kuery mba'e py e'ỹ xemoingo axy 
\q2 teĩ xepy'a py ajererokyjea va'e ma ndeayvu ae. 
\q1  
\v 162 Mba'emo rejapo aguã re ndeayvuague aendu vy avy'a, 
\q2 amongue ojou reta va'e rami. 
\q1  
\v 163 Xee ma ajeguaru apu gui, ajou vai ete guive. 
\q2 Ha'e rã ndeguigua lei ma arovy'a. 
\q1  
\v 164 Ára nhavõ sete-kue kuerei 'rã rogueroporaei, 
\q2 ndeayvuague ha'evea ramigua meme ramo. 
\q1  
\v 165 Ndeguigua lei oguerovy'a va'e ma ovy'a ete 'rã, 
\q2 ndoikoi 'rã guive ha'e kuery reityarã. 
\q1  
\v 166 \nd Senhor\nd*, arõ aikovy ndee xereraa jepe aguã, 
\q2 rejapo uka va'ekue ajapo reve. 
\q1  
\v 167 Xepy'a py aiko reikuaa uka va'ekue rupi, 
\q2 arovy'a ete vy. 
\q1  
\v 168 Renhombo'eague ha'e reikuaa uka va'ekue rupi aiko, 
\q2 mba'eta nerenonde ojekuaa aikoa ha'e javi. 
\q1  
\v 169 \nd Senhor\nd*, ajapukaia tovaẽ ndea peve. 
\q2 Xemo'arandu ke ndeayvuague rami vy. 
\q1  
\v 170 Nerenonde py tovaẽ ajerurea. 
\q2 Xereraa jepe ke ndeayvuague rami vy. 
\q1  
\v 171 Xejuru tandereroporaei, 
\q2 mba'eta xembo'e ndeayvu reja va'ekue re. 
\q1  
\v 172 Xeayvu py tarovy'a ndeguigua lei, 
\q2 mba'eta rejapo uka va'ekue ha'evea ramigua meme. 
\q1  
\v 173 Embou ndepo xerepy aguã, 
\q2 renhombo'eague aiporavo rire. 
\q1  
\v 174 \nd Senhor\nd*, arõ ete xereraa jepe aguã. 
\q2 Ndeguigua lei anho arovy'a. 
\q1  
\v 175 Emoingove xenhe'ẽ rogueroporaei aguã. 
\q2 Ndeayvuague taxepytyvõ. 
\q1  
\v 176 Vexa'i kanhygue rami aiko. Xereka ke, 
\q2 mba'eta xee nerembiguai ndaxerexarai 'rã rejapo uka va'ekue gui. 
\s1 Ijayvu rei va'e kuery rovai ojerureague 
\d Oguataa rupi ikuai va'e oporaei aguã. 
\c 120  
\q1  
\v 1 Ajexavaia py ajapukai \nd Senhor\nd* pe. 
\q2 Ha'e ramo oendu xeayvu. 
\q1  
\v 2 \nd Senhor\nd*, xereraa jepe ke apu rupi ijayvu va'e gui, 
\q2 nhombotavypaa rupi ijayvu va'e kuery gui. 
\q1  
\v 3 Nhombotavypaa rupi ndeayvu va'e, 
\q2 mba'e 'rã tu ndereko rekovia ome'ẽa, 
\q2 mba'e 'rã tu ndevy guarã omboua? 
\q1  
\v 4 Nembopagaa 'rã ipy'a guaxuve va'e ru'y hakua va'e py, 
\q2 tapyĩ hexakã va'e zimbro guigua py guive. 
\q1  
\v 5 Xevy pe nda'evei ete yvy mboae regua Meseque, 
\q2 Quedar pygua kuery rekoa rupi aikoa. 
\q1  
\v 6 Yma ete ma ha'e py aiko, 
\q2 peteĩ rami nda'ikuaixei va'e kuery mbyte. 
\q1  
\v 7 Xee ma peteĩ rami orekuai aguã re xeayvu teĩ 
\q2 ha'e kuery ma joe opu'ã aguã re anho onhea'ã okuapy. 
\s1 Nhandere Nhanderuete onhangarekoa re ijayvua 
\d Oguataa rupi ikuai va'e oporaei aguã. 
\c 121  
\q1  
\v 1 Yvyty katy ama'ẽ. 
\q2 Magui nda'u ou 'rã xerepyarã? 
\q1  
\v 2 \nd Senhor\nd* yva ha'e yvy apoare va'e gui ae 
\q2 ou xerepyarã. 
\q1  
\v 3 Ha'e ma nandereity ukai 'rã. 
\q2 Nerarõa rupi ndoke oinyi 'rã. 
\q1  
\v 4 Israel kuery rarõa ma oke va'erã e'ỹ, 
\q2 ndojaparai 'rã guive. 
\q1  
\v 5 \nd Senhor\nd* ae opena porã 'rã ndere. 
\q2 Nemo'ãarã \nd Senhor\nd* oĩ reiporu kuaa regua re. 
\q1  
\v 6 Ha'e ramo ara py kuaray nandeapo vai 'rã, 
\q2 pyávy teĩ jaxy voi nandeapo vai 'rã. 
\q1  
\v 7 \nd Senhor\nd* ndereraa jepe 'rã opa mba'e vai gui. 
\q2 Nderekovea re opena porã 'rã. 
\q1  
\v 8 Reẽ ha'e reike ju ramo \nd Senhor\nd* onhangareko 'rã ndere 
\q2 aỹ guive raka'e rã peve. 
\s1 Jerusalém tetã oĩ porã aguã re ojerurea 
\d Oguataa rupi ikuai va'e oporaei aguã Davi ombopara va'ekue. 
\c 122  
\q1  
\v 1 Xevy pe “Jaje'oi ke \nd Senhor\nd* pegua oo py” 
\q2 'ea rã aendu vy avy'a ete. 
\q1  
\v 2 Ndee Jerusalém tetã, 
\q2 orepy ovaẽ ma nerokẽ py. 
\q1  
\v 3 Jerusalém ma tetã peteĩ henda'i py ojapo pyre. 
\q1  
\v 4 Ha'e katy oje'oi 'rã \nd Senhor\nd* pegua kuery ha'e javi regua, 
\q2 \nd Senhor\nd* rery oguerovy'a aguã 
\q2 Israel kuery oje'oi aguã va'e. 
\q1  
\v 5 Ha'e py ma ikuai ha'evea rami oikuaa pota va'e renda, 
\q2 Davi ramymino kuery openaaty ikuai. 
\q1  
\v 6 Pejerure ke Jerusalém oĩ porã aguã. 
\q2 Ndererovy'a va'e kuery ta'ikuai porã avi. 
\q1  
\v 7 Ndekora mbyte ikuai va'e ta'ikuai porã, 
\q2 huvixave ro pygua kuery voi topytu'u porã. 
\q1  
\v 8 Xeryvy kuery, xeirũ kuery re ama'ẽ vy 
\q2 Jerusalém tetã re ajerure: 
\q2 “Toĩ ha'e py ikuai porã aguã”, ha'e. 
\q1  
\v 9 \nd Senhor\nd* Nhanderuete pegua oo re ama'ẽ vy 
\q2 anhea'ã 'rã aikovy oĩ porã aguã. 
\s1 Nhanderuete oipytyvõ aguã ojerureague 
\d Oguataa rupi ikuai va'e oporaei aguã. 
\c 123  
\q1  
\v 1 Xee ama'ẽ ne'amba re reiko va'ea katy. 
\q1  
\v 2 Tembiguai herekoa po gui mba'emo oarõ va'e, 
\q2 tembiguai kunha mba'e herekoa po re oma'ẽ va'e rami 
\q2 ore kuery voi roma'ẽ ndea katy 
\q2 oremboaxy peve, \nd Senhor\nd* Oreruete. 
\q1  
\v 3 \nd Senhor\nd*, endu ke oremboaxya, oremboaxy ke, 
\q2 mba'eta orere ija'e e'ỹ va'e anho ikuai. 
\q1  
\v 4 Orenhe'ẽ py roendu ha'e kuery ae oipotaa rami orembojaru reia anho, 
\q2 ojejou porã rei va'e kuery orere nda'ija'eia roendu. 
\s1 Nhanderuete nhanderepya ha'e nhandereraa jepea re ijayvua 
\d Oguataa rupi ikuai va'e oporaei aguã Davi ombopara va'ekue. 
\c 124  
\q1  
\v 1 \nd Senhor\nd* e'ỹ nhandea katy oiko va'e rire — 
\q2 Israel kuery aipo te'i — 
\q1  
\v 2 Nhandere avakue opu'ã ramo 
\q2 \nd Senhor\nd* e'ỹ nhandea katy oiko va'e rire 
\q1  
\v 3 ha'e kuery jaikove reve nhanemokõmba 'rãgue, 
\q2 nhandevy ipoxypa vy. 
\q1  
\v 4 Nhande'áry yy ou 'rãgue, 
\q2 ty guaxu vy oaxa 'rãgue nhanderekove áry, 
\q1  
\v 5 yy oxyry atã va'e 
\q2 oaxa 'rãgue nhanderekove áry. 
\q1  
\v 6 Ta'ima'endu'a porãa \nd Senhor\nd* re, 
\q2 ha'e kuery pe nanhanemondoro ukai rire haĩ py. 
\q1  
\v 7 Ha'e rami rã nhanenhe'ẽ oo jepe 
\q2 guyra mbo'aa nhuã gui oo jepea rami. 
\q2 Nhuã omondo ramo jaa jepe. 
\q1  
\v 8 \nd Senhor\nd* yva ha'e yvy apoare rery rupi 
\q2 jajapukai ramo ou nhanepytyvõarã. 
\s1 Jajeroviaa re nhaĩ atã aguã regua 
\d Oguataa rupi ikuai va'e oporaei aguã. 
\c 125  
\q1  
\v 1 \nd Senhor\nd* re ojerovia va'e ma Sião yvyty rami ikuai. 
\q2 Ha'e va'e ma nomyĩ 'rã, oĩ atã 'rã raka'e rã peve guarã. 
\q1  
\v 2 Jerusalém tetã yvýry rupi yvyty ikuai va'e rami 
\q2 \nd Senhor\nd* opena 'rã ojeupegua kuery yvýry, 
\q2 aỹ guive raka'e rã peve. 
\q1  
\v 3 Heko porã va'e kuery re 
\q2 heko vai va'e nda'ipo'aka riaei 'rã, 
\q2 heko porã va'e opo py ojapo vai e'ỹ aguã. 
\q1  
\v 4 \nd Senhor\nd*, emoingo porã ke heko porã va'e, 
\q2 anhetẽ rupi ipy'a va'e kuery. 
\q1  
\v 5 Ha'e rã tape karẽ rupi opia va'e ma 
\q2 \nd Senhor\nd* ombopaga 'rã heko vai va'e kuery reve. 
\q1 Israel kuery re toĩ ikuai porã aguã. 
\s1 Ojae'o va'e ombopy'a porãa jevy aguã regua 
\d Oguataa rupi ikuai va'e oporaei aguã. 
\c 126  
\q1  
\v 1 \nd Senhor\nd* Sião tetã py nhanemoingo porã ju ramo 
\q2 oexa ra'u va'e rami nhandekuai va'ekue. 
\q1  
\v 2 Ha'e jave py nhanderory, 
\q2 javy'aa rupi nhandeayvu guive. 
\q2 Ha'e ramo amboae regua kuery joupe-upe aipoe'i: 
\q2 “Ha'e kuery pe \nd Senhor\nd* ojapo porã ete”, he'i okuapy. 
\q1  
\v 3 Anhetẽ \nd Senhor\nd* nhanemoingo porã va'ekue. 
\q2 Ha'e nunga rupi ae javy'a. 
\q1  
\v 4 \nd Senhor\nd*, peteĩgue ju ke oremoingo porã, 
\q2 Neguebe rupi yy oxyry va'e rami. 
\q1  
\v 5 Hexay reve mba'emo ra'yĩgue onhotỹ va'ekue ma 
\q2 ovy'a reve ju 'rã omono'õ. 
\q1  
\v 6 Ojae'o reve onhotỹ ovy va'ekue ma 
\q2 ovy'a vaipa reve 'rã ojevy ouvy, 
\q2 mba'emo aju jokuaa ogueru vy. 
\s1 Nhanderuete gui iporã va'e ha'e javi oua re ijayvua 
\d Oguataa rupi ikuai va'e Salomão ombopara va'ekue. 
\c 127  
\q1  
\v 1 \nd Senhor\nd* ae oorã ojapo e'ỹ ramo 
\q2 ijapoa kuery omba'eapoa mba'everã ndovarei 'rã. 
\q2 Tetã re \nd Senhor\nd* nonhangarekoi ri ramo 
\q2 harõa kuery onhangarekoa mba'everã ndovarei 'rã. 
\q1  
\v 2 Nda'eve ranhei ko'ẽ e'ỹ mbove nhapu'ãa, 
\q2 ndajake voia, neĩ jajexavaia rupi mbojape jajoua. 
\q2 Mba'eta hembiayvu kuery okepa okuapy reve voi 
\q2 ha'e kuery pe ome'ẽ 'rã mba'emo. 
\q1  
\v 3 Nhandera'y kuery ma \nd Senhor\nd* ome'ẽ va'ekue meme, 
\q2 guyru'i gui oiko'i va'e ma nhandevy guarã ome'ẽ. 
\q1  
\v 4 Nhanekunumi jave nhandera'y kuery jareko va'e ma 
\q2 opo py xondaro hu'y oguereko va'e rami. 
\q1  
\v 5 Ovy'a ete 'rã avakue hyru py oguereko reta va'e. 
\q2 Tetã rokẽ py ngovaigua kuery reve jogueroayvu 
\q2 teĩ nda'ipo'aka e'ỹi 'rã. 
\s1 Nhanderuete renonde jajererokyjea rupi vy javy'a aguã regua 
\d Oguataa rupi ikuai va'e oporaei aguã. 
\c 128  
\q1  
\v 1 Ovy'a ete 'rã \nd Senhor\nd* renonde ojererokyjea rupi ikuai va'e, 
\q2 ixuguigua tape rupi ikuai vy. 
\q1  
\v 2 Remba'eapoa rupi rejou 'rã re'u va'erã. 
\q2 Revy'a ete 'rã, ha'e opa mba'e oiko porã 'rã ndevy. 
\q1  
\v 3 Ndero py ma ndera'yxy uva hi'a reta va'e rami 'rã oiko, 
\q2 ha'e ndera'y kuery ma oliveira rembypy pyau'i rami meme 'rã ikuai mesa yvýry oguapya py. 
\q1  
\v 4 Ha'e rami \nd Senhor\nd* renonde ojererokyjea rupi ikuai va'e ma omoingo porã 'rã. 
\q1  
\v 5 \nd Senhor\nd* tanemoingo porã Sião tetã gui, 
\q2 reikove reve rexa aguã 
\q2 Jerusalém tetã py omoingo porã rã. 
\q1  
\v 6 Rexa 'rã neramymino kuery. 
\q2 Israel kuery re toĩ ikuai porã aguã. 
\s1 Ogueraa jepeague re ima'endu'aa 
\d Oguataa rupi ikuai va'e oporaei aguã. 
\c 129  
\q1  
\v 1 Xekunumi guive mbovykue rei e'ỹ xembojexavaia — 
\q2 Israel kuery aipo te'i — 
\q1  
\v 2 Xekunumi guive xembojexavaia okuapy 
\q2 teĩ xere nda'ipo'akaai. 
\q1  
\v 3 Xekupe rupi xekaraĩmbaa ma, 
\q2 yvy karaĩa py rami xemboperepa vy. 
\q1  
\v 4 Ha'e rami teĩ \nd Senhor\nd* heko porã va'e vy 
\q2 ojayapa heko vai va'e xejokuaague. 
\q1  
\v 5 Sião tetã re opu'ã va'e ha'e javi 
\q2 toxĩmba, tojavapa guive. 
\q1  
\v 6 Oo áry mba'emo rogue henhoĩ vy 
\q2 ipoty e'ỹ re ipirupa va'e rami avi tokanhymba. 
\q1  
\v 7 Ha'e nunga mba'everã ndovarei ramo 
\q2 avave rei opo py nomono'õai, 
\q2 neĩ ojyva áry ndojokuaai heruvy guive. 
\q1  
\v 8 Ha'e kuerya rupi oaxa va'e kuery aipo te'i eme: 
\q2 “ \nd Senhor\nd* topena porã pendere! 
\q2 \nd Senhor\nd* rery rupi ore rogueroayvu porã!” te'i eme. 
\s1 Yy typyvea gui ojapukaia ague 
\d Oguataa rupi ikuai va'e oporaei aguã. 
\c 130  
\q1  
\v 1 \nd Senhor\nd*, yy typyve etea gui ajapukai ndevy. 
\q1  
\v 2 \nd Senhor\nd*, endu ke ajapukaia! 
\q2 Ndevy pe ajerurea re ejapyxaka pota ke. 
\q1  
\v 3 \nd Senhor\nd*, rojejavyague re reikuaa pota va'e rire 
\q2 mava'e 'rãgue tu oo jepe? 
\q1  
\v 4 Ha'e rami avi ndere oĩ oreperdoa aguã, 
\q2 nerenonde rojererokyjea rupi roiko aguã. 
\q1  
\v 5 Xee ma arõ aikovy \nd Senhor\nd*, 
\q2 xenhe'ẽ py arõ ijayvuague rupi. 
\q1  
\v 6 Tetã rarõa kuery ko'ẽ aguã re ojapuraa gui 
\q2 xenhe'ẽ py \nd Senhor\nd* arõve.\f + \fr 130:6 \ft Ha'e va'e jave py pytũ mbukukue re tetã rarõa kuery opyta 'rã ikora áry, ngovaigua kuery ovaẽ rã oexa aguã.\f* 
\q1 Harõa kuery ko'ẽ aguã re ojapuraa gui 
\q1  
\v 7 Israel kuery toarõve \nd Senhor\nd*. 
\q2 Mba'eta \nd Senhor\nd* re oĩ nhomboaxy aguã, 
\q2 opa mba'e gui joepy aguã guive. 
\q1  
\v 8 Ha'e ae ma ogueraa jepe 'rã Israel kuery 
\q2 heko vai ha'e javi gui. 
\s1 Nhanderuete re vy japytu'u aguã regua 
\d Oguataa rupi ikuai va'e oporaei aguã Davi ombopara va'ekue. 
\c 131  
\q1  
\v 1 \nd Senhor\nd*, xepy'a py xee ajejou porã rei va'e'ỹ. 
\q2 Ama'ẽa py nanhemboyvatei guive, 
\q2 mba'emo tuvixa va'e re nda'eveia rupi e'ỹ aiko. 
\q2 Mba'eta mba'emo iporãve ete va'e ma xevy guarã e'ỹ ae. 
\q1  
\v 2 Ha'e rami 'rãgue py akyrirĩ vy apytu'u 'rã xepy'a py. 
\q2 Kyrĩ'i va'e nokambuvei va'e oxy jyva áry oĩ rive'i va'e rami ae avi 
\q2 xekuraxõ voi oĩ xepy'a py. 
\q1  
\v 3 Israel kuery, pearõ ke \nd Senhor\nd*, 
\q2 aỹ guive raka'e rã peve. 
\s1 Ymave ijayvua ague 
\d Oguataa rupi ikuai va'e oporaei aguã. 
\c 132  
\q1  
\v 1 \nd Senhor\nd*, nema'endu'a ke Davi re, 
\q2 opa mba'e py oiko axy ramo. 
\q1  
\v 2 \nd Senhor\nd* pe Davi onhemboayvu vy 
\q2 Jacó “Ipo'akapa va'e” he'ia va'e pe ijayvu raka'e po rami: 
\q1  
\v 3 “Xee ma akeaty py ndaikevei 'rã, 
\q2 tupa anheno ajupyaty py ndajeupivei 'rã, 
\q1  
\v 4 xerexa nambotyvei 'rã ake aguã, 
\q2 neĩ peteĩgue'i nanhenovei 'rã xerexa amombytu'u aguã, 
\q1  
\v 5 \nd Senhor\nd* oĩ aguã ajou e'ỹa ja, 
\q2 Jacó Ruete Ipo'akapa va'e oĩ atyrã”, he'i.\f + \fr 132:5 \ft Apy ma oĩ Davi ouraague Nhanderuete ayvu ryru ogueru vy hendarã py porã omoĩ aguã re (1 Crônicas 13.1-4).\f* 
\q1  
\v 6 Nhaendu omombe'ua rã Efrata yvy re lei ryru oĩa, 
\q2 ha'e ramo Jaar yvy re ae jajou.\f + \fr 132:6 \ft Jaar yvy Efrata regua yvy re Quiriate-Jearim tetã py ranhe Nhanderuete ayvu ryru opyta raka'e, Jerusalém py Davi ogueru ruka e'ỹ mbove (1 Crônicas 13.5-6).\f* 
\q1  
\v 7 Ha'e gui ma jaike ke oĩaty py. 
\q2 Nhambojerovia ipy renda renonde. 
\q1  
\v 8 \nd Senhor\nd*, epu'ã ke, eike ejuvy repytu'u aguã py, 
\q2 ndee ha'e hyru ndepo'akaa kuaa ukaa reve. 
\q1  
\v 9 Ndevygua sacerdote kuery re toĩ teko porã, 
\q2 ha'e ndevy ete ikuai va'e toporaei ovy'a vy. 
\q1  
\v 10 Nerembiguai Davi re nema'endu'a vy 
\q2 ema'ẽ e'ỹ eme nerembiporavo rova re. 
\q1  
\v 11 Davi pe \nd Senhor\nd* oura ete raka'e, 
\q2 oayvuague gui ndaexarai 'rã guive. Aipoe'i: 
\q2 “Nderekovia peteĩ ndero'o guigua ae 
\q2 amoĩ 'rã tenda repenaaty py opena oiny aguã rami. 
\q1  
\v 12 Xapy'a rei xereve guarã ajapo va'ekue ndera'y kuery ikuai ramo, 
\q2 xeayvua re ambo'eague rupi guive, 
\q2 ha'e ramo ha'e kuery ra'y kuery ju 'rã oguapy 
\q2 tenda repenaaty py raka'e rã peve.”\x * \xo 132:12 \xt 2 Samuel 7.1-17; Atos 2.30\x* 
\q1  
\v 13 Mba'eta \nd Senhor\nd* oiporavo raka'e Sião tetã, 
\q2 ha'e py oĩ riae aguã. Aipoe'i: 
\q1  
\v 14 “Apy apytu'u riae 'rã raka'e rã peve, 
\q2 apy ae 'rã apena ainy, aĩxea py ae. 
\q1  
\v 15 Ha'e py anhomoingo porã 'rã tembi'u oata aguã rami e'ỹ ajou uka vy, 
\q2 iporiaukue'i pe voi ame'ẽ reta 'rã tembi'u. 
\q1  
\v 16 Ha'e pygua sacerdote kuery ma amonhemonde 'rã ajogueraa jepea kuaa ukaa py. 
\q2 Ha'e pygua ojerovia va'e kuery ovy'a vy oporaei 'rã okuapy. 
\q1  
\v 17 Ha'e py ajapo 'rã Davi po'akakue ojekuaa jevy aguã rami. 
\q2 Xerembiporavo rekovia ambou 'rã nhomoexakãarã.\f + \fr 132:17 \ft Kova'e ayvu rupi ijayvu 1 Reis 11.34-36, 15.4, 2 Reis 8.19 ha'e 2 Crônicas 21.7 py. Ha'e gui “Hendy va'erã” he'ia ma huvixa raka'eve rã oiko aguã re ijayvu vy, ha'e Jesus Cristo rekorã re guive (Lucas 2.30-32; João 8.12).\f* 
\q1  
\v 18 Hexe coroa oĩ va'e ma ipoty 'rã. 
\q2 Ha'e rã hovaigua kuery re ma ambou 'rã imoxĩmbaarã.” 
\s1 Joegua-egua peteĩ rami ikuaia re ijayvua 
\d Oguataa rupi ikuai va'e oporaei aguã Davi ombopara va'ekue. 
\c 133  
\q1  
\v 1 Joegua kuery peteĩ rami ikuaia ma 
\q2 ha'eve 'rã, iporã ete guive. 
\q1  
\v 2 Ha'e rami ikuaia ma azeite hepyve va'e 
\q2 sacerdote Arão akã re onhoẽ ramo 
\q2 hendyva re oxyry ovy vy 
\q2 ijao aju'y peve ovaẽ va'e rami.\f + \fr 133:2 \ft Sacerdote-rã Arão omoĩa vy inhakã re omoĩ raka'e azeite (Êxodo 29.1-9), Nhanderuete ojeupegua kuery omoingo porã aguã kuaa ukaarã (Êxodo 29.43-46).\f* 
\q1  
\v 3 Ha'e rami ikuaia ma Hermom yvyty gui yxapy ou va'e 
\q2 Sião yvyty ombo'yxapypa va'e rami.\f + \fr 133:3 \ft Yxapy py Nhanderuete omoingo porã 'rã ha'e kuery onhotỹ va'ekue (Gênesis 27.28).\f* 
\q2 Mba'eta ha'e py \nd Senhor\nd* ombou nhomoingo porãarã, 
\q2 ha'e tekove raka'e rã peve guarã. 
\s1 Ka'aru'i jave oporaeia aguã oenoĩa ague 
\d Oguataa rupi ikuai va'e oporaei aguã. 
\c 134  
\q1  
\v 1 Peroporaei ke \nd Senhor\nd*, hembiguai pendekuai va'e ha'e javi, 
\q2 Pyávy \nd Senhor\nd* pegua opy rupi pemba'eapo va'e. 
\q1  
\v 2 Henda iky'a e'ỹ va'e katy peupi ke pendepo 
\q2 \nd Senhor\nd* peroporaei vy. 
\q1  
\v 3 Sião tetã gui \nd Senhor\nd* yva ha'e yvy apoare 
\q2 tapendereroayvu porã. 
\c 135  
\s1 Nhanderuete pe japoraei aguã regua 
\q1  
\v 1 Aleluia! 
\q2 Peporaei \nd Senhor\nd* rery rupi, 
\q2 peroporaei \nd Senhor\nd*, hembiguai pendekuai va'e, 
\q1  
\v 2 ixupegua oo rupi pemba'eapo va'e, 
\q2 Nhanderuete pegua roka rupi guive. 
\q1  
\v 3 Peroporaei ke \nd Senhor\nd*, porayvu va'e ramo. 
\q2 Peporaei hery rupi, iporã ete ramo. 
\q1  
\v 4 Mba'eta ojeupe guarã \nd Senhor\nd* oiporavo Jacó, 
\q2 oiporavo Israel kuery oguereko aguã. 
\q1  
\v 5 Xee aikuaa ae \nd Senhor\nd* yvate ete va'ea, 
\q2 mba'eta tuuete ikuai va'e áryve Nhanderuete oiko. 
\q1  
\v 6 \nd Senhor\nd* ma oipota va'e ha'e javi ojapo va'e, 
\q2 yva ha'e yvy re, ye'ẽ py ha'e iguýry rupi. 
\q1  
\v 7 Arai omopu'ã 'rã heruvy yvy apy katy gui, 
\q2 overa va'e voi oguereko katu 'rã oky aguã. 
\q2 Yvytu ma ojapo 'rã oĩa gui oipeju aguã rami. 
\q1  
\v 8 Egito yvy re ha'e ae ojukapa va'ekue ta'y kuery jypy guare, 
\q2 avakue ha'e mymba kuery guive. 
\q1  
\v 9 Ha'e py ojapo hexa pyrã ha'e nhomondyipaarã 
\q2 Faraó ha'e hembiguai kuery rovai. 
\q1  
\v 10 \nd Senhor\nd* ma heta regua omomba va'ekue, 
\q2 huvixave ipo'akapa va'e guive ojuka. 
\q1  
\v 11 Ojuka amorreu kuery ruvixa Seom 
\q2 ha'e Basã pygua huvixa Ogue, 
\q2 ha'e gui Canaã yvy regua huvixa kuery ha'e javi. 
\q1  
\v 12 Ha'e gui ma ijyvykue 
\q2 ojeupegua Israel kuery pe omboaxapa. 
\q1  
\v 13 \nd Senhor\nd*, nderery oĩ 'rã raka'e rã peve, 
\q2 raka'e rã ikuai va'e voi ima'endu'a 'rã ndere. 
\q1  
\v 14 Mba'eta \nd Senhor\nd* ma ojeupegua kuery re oikuaa pota 'rã, 
\q2 omboaxy 'rã guembiguai kuery.\x * \xo 135:14 \xt Hebreus 10.30\x* 
\q1  
\v 15 Ha'e rã yvy regua kuery ruete kuery ma 
\q2 prata ha'e ouro guigua rive, avakue ae opo py ojapo va'ekue meme.\x * \xo 135:15 \xt Salmo 115.4-8\x* 
\q1  
\v 16 Ijuru va'eri nda'ijayvui, 
\q2 hexa va'eri ndoexai, 
\q1  
\v 17 ijapyxa va'eri noendui, 
\q2 ipytuẽ aguã voi nda'evei. 
\q1  
\v 18 Ijapoare kuery ma ha'e rami ae ju 'rã ikuai, 
\q2 hexe ojerovia va'e kuery ha'e javi guive. 
\q1  
\v 19 Israel ramymino kuery, penema'endu'a porã \nd Senhor\nd* re! 
\q2 Arão ramymino kuery, penema'endu'a porã \nd Senhor\nd* re! 
\q1  
\v 20 Levi ramymino kuery, penema'endu'a porã \nd Senhor\nd* re! 
\q2 \nd Senhor\nd* renonde pejererokyjea rupi pendekuai va'e, penema'endu'a porã \nd Senhor\nd* re! 
\q1  
\v 21 Sião tetã guive ta'ima'endu'a porãa 
\q2 \nd Senhor\nd* Jerusalém py oĩ va'e re. 
\q2 Aleluia! 
\c 136  
\s1 Nhanderuete nhomboaxya re ijayvua 
\q1  
\v 1 Perovy'a ke \nd Senhor\nd* porayvu va'e ramo, 
\q2 mba'eta nhomboaxya opa va'erã e'ỹ. 
\q1  
\v 2 Perovy'a tuuete ikuai va'e Ruete, 
\q2 mba'eta nhomboaxya opa va'erã e'ỹ. 
\q1  
\v 3 Perovy'a senhor ikuai va'e \nd Senhor\nd*, 
\q2 mba'eta nhomboaxya opa va'erã e'ỹ. 
\q1  
\v 4 Ha'e anho ojapo mba'emo porã tuvixa va'e, 
\q2 mba'eta nhomboaxya opa va'erã e'ỹ. 
\q1  
\v 5 O'arandua rupi ojapo raka'e yva,\x * \xo 136:5 \xt Gênesis 1\x* 
\q2 mba'eta nhomboaxya opa va'erã e'ỹ. 
\q1  
\v 6 Yvy avi onhono raka'e yy áry rupi, 
\q2 mba'eta nhomboaxya opa va'erã e'ỹ. 
\q1  
\v 7 Ojapo raka'e omoexakã va'erã tuvixa va'e, 
\q2 mba'eta nhomboaxya opa va'erã e'ỹ. 
\q1  
\v 8 Kuaray ojapo ara py ojope aguã, 
\q2 mba'eta nhomboaxya opa va'erã e'ỹ. 
\q1  
\v 9 Jaxy ha'e jaxy-tata ojapo avi pytũ omoexakã va'erã, 
\q2 mba'eta nhomboaxya opa va'erã e'ỹ. 
\q1  
\v 10 Egito pygua kuery ra'y jypy guare ojukapa raka'e,\f + \fr 136:10 \ft Egito gui ogueraa jepeague omombe'u Êxodo 12-14 py.\f* 
\q2 mba'eta nhomboaxya opa va'erã e'ỹ. 
\q1  
\v 11 Ha'e vy ha'e kuery mbyte gui oipe'a Israel kuery, 
\q2 mba'eta nhomboaxya opa va'erã e'ỹ. 
\q1  
\v 12 Opo oupi vy oexa uka opo'akaa, 
\q2 mba'eta nhomboaxya opa va'erã e'ỹ. 
\q1  
\v 13 Omboja'o Ye'ẽ Pytã mokoĩ henda rupi, 
\q2 mba'eta nhomboaxya opa va'erã e'ỹ. 
\q1  
\v 14 Omboja'oague rupi ojapo Israel kuery oaxa aguã rami, 
\q2 mba'eta nhomboaxya opa va'erã e'ỹ. 
\q1  
\v 15 Ha'e gui ye'ẽ py omoinge Faraó, oxondaro kuery ha'e javi reve, 
\q2 mba'eta nhomboaxya opa va'erã e'ỹ. 
\q1  
\v 16 Tekoa e'ỹa rupi ogueroguata heravy ojeupegua kuery, 
\q2 mba'eta nhomboaxya opa va'erã e'ỹ. 
\q1  
\v 17 Ojuka huvixave kuery ipo'akapa va'ekue,\f + \fr 136:17 \ft Huvixave ojukaague omombe'u Números 21 py.\f* 
\q2 mba'eta nhomboaxya opa va'erã e'ỹ. 
\q1  
\v 18 Huvixave omboetevepy ojuka, 
\q2 mba'eta nhomboaxya opa va'erã e'ỹ. 
\q1  
\v 19 Ojuka amorreu kuery ruvixa Seom, 
\q2 mba'eta nhomboaxya opa va'erã e'ỹ. 
\q1  
\v 20 Ojuka avi Basã pygua kuery huvixa Ogue, 
\q2 mba'eta nhomboaxya opa va'erã e'ỹ. 
\q1  
\v 21 Ha'e kuery yvykue omboaxa ojeupegua kuery pe, 
\q2 mba'eta nhomboaxya opa va'erã e'ỹ. 
\q1  
\v 22 Guembiguai Israel kuery yvyrã ome'ẽ, 
\q2 mba'eta nhomboaxya opa va'erã e'ỹ. 
\q1  
\v 23 Nanhanembaraetevei ramo ima'endu'a nhandere, 
\q2 mba'eta nhomboaxya opa va'erã e'ỹ. 
\q1  
\v 24 Ha'e vy nhanderovaigua kuery po gui nhandereraa jepe, 
\q2 mba'eta nhomboaxya opa va'erã e'ỹ. 
\q1  
\v 25 Guemimoingo kuery ha'e javi pe ojou uka 'rã ho'u va'erã, 
\q2 mba'eta nhomboaxya opa va'erã e'ỹ. 
\q1  
\v 26 Peroporaei ke Nhanderuete yva regua, 
\q2 mba'eta nhomboaxya opa va'erã e'ỹ. 
\c 137  
\s1 Guetã oexa nga'ua rupi ijayvuague 
\q1  
\v 1 Babilônia tetã py yakã oĩ va'e yvýry roguapy roinya py 
\q2 rojae'o va'ekue Jerusalém tetã re orema'endu'a vy.\f + \fr 137:1 \ft Babilônia pygua kuery ma oipe'a raka'e Jerusalém tetã, ha'e guembiguairã ogueraa ha'e pygua judeu kuery regua.\f* 
\q1  
\v 2 Oremba'epu ixã reta va'e roupi imoiny va'ekue 
\q2 ha'e py yvyra ikuai va'e rakã re. 
\q1  
\v 3 Mba'eta escravo-rã orereraa are kuery ojerure roporaei aguã. 
\q2 “Peporaei na orevy Sião regua mboraei”, he'i okuapy. 
\q1  
\v 4 Ha'e gui mba'exa 'rã tu roporaei mboraei \nd Senhor\nd* pegua 
\q2 yvy mboae re orekuai vy? 
\q1  
\v 5 Mba'eta ndee Jerusalém tetã gui xerexarai ri ramo 
\q2 xepo aiporu kuaa regua ta'ipirupa. 
\q1  
\v 6 Xeapekũ tojapa xejuru py re 
\q2 xapy'a rei ndere naxema'endu'avei rã, 
\q2 e'ỹ vy Jerusalém gui mba'emo arovy'ave ramo. 
\q1  
\v 7 \nd Senhor\nd*, nema'endu'a ke Edom pygua kuery rembopaga aguã 
\q2 Jerusalém tetã oitya jave ikuaiague re.\f + \fr 137:7 \ft Jerusalém tetã re Babilônia pygua kuery ipo'aka rã Edom pygua kuery oexa vy ovy'a rei okuapy, judeu kuery regua rai teĩ (Obadias 8-14).\f* 
\q2 Mba'eta ha'e kuery ma 
\q2 “Peitypa ke, peitypa yvy katy peve!” he'i okuapy va'ekue. 
\q1  
\v 8 Babilônia tetã pygua kuery, peneretã voi ombovaipa pyrã oĩ. 
\q2 Ovy'a ete 'rã orere pejapoague re penembopaga va'e.\f + \fr 137:8 \ft Babilônia pygua kuery ombopaga aguã re Apocalipse 18 py ijayvu.\f* 
\q1  
\v 9 Ovy'a 'rã penda'y kuery voi ojopy vy 
\q2 ita re omou'ũmba avi va'e. 
\s1 Nhanderuete ojeroviapy oikoa jarovy'a aguã regua 
\d Mboraeirã Davi ombopara va'ekue. 
\c 138  
\q1  
\v 1 \nd Senhor\nd*, xee roguerovy'a 'rã xepy'a ha'e javi py. 
\q2 Ipo'akakueve oendua py rogueroporai 'rã. 
\q1  
\v 2 Ndevygua templo iky'a e'ỹ va'e oĩa katy ama'ẽ reve 
\q2 aĩ 'rã xerenapy'ã re nderery aroporaei aguã, 
\q2 ndeporayvu ha'e ndereko porã va'e ramo. 
\q2 Mba'eta opa mba'e gui remboyvateve nderery ha'e ndeayvu. 
\q1  
\v 3 Mba'eta ndevy pe ajapukai ramo xerepy, 
\q2 xembopy'a guaxu vy xemombaraeteve guive. 
\q1  
\v 4 \nd Senhor\nd*, yvy regua huvixave kuery ha'e javi oporaei 'rã okuapy ndevy, 
\q2 ndejuru gui ndeayvua oendu vy. 
\q1  
\v 5 Ogueroporaei 'rã \nd Senhor\nd* reko, 
\q2 \nd Senhor\nd* rexakãa tuvixa ete ramo. 
\q1  
\v 6 \nd Senhor\nd* ma yvate ete va'eri 
\q2 yvyĩgue'i re oma'ẽ avi 'rã. 
\q2 Ojejou porã rei va'e kuery ha'e oikuaa mombyry gui teĩ. 
\b  
\q1  
\v 7 Xee ajexavai aikovy ramo 
\q2 rembopyau 'rã xerekovea. 
\q2 Ndepo reupi 'rã xerovaigua kuery poxya káuxa. 
\q2 Reiporu kuaa regua py xereraa jepe 'rã. 
\q1  
\v 8 Xevy pe \nd Senhor\nd* ojapo 'rã ojapo 'rã va'ekue ha'e javi. 
\q2 \nd Senhor\nd*, renhomboaxya ma opa va'erã e'ỹ. 
\q2 Eja eme ndepo py ae remoingo va'ekue. 
\s1 Nhanderuete oikuaapa ha'e ipo'akapa va'ea re ijayvua 
\d Jogueroporaei va'e pe mboraeirã Davi ombopara va'ekue. 
\c 139  
\q1  
\v 1 \nd Senhor\nd*, ndee ma xere reikuaa pota vy xekuaa porã va'e. 
\q1  
\v 2 Reikuaa 'rã aguapy ha'e apu'ã ju rã. 
\q2 Mombyry gui teĩ reikuaa xepy'a re oĩ va'e ha'e javi. 
\q1  
\v 3 Aguata ha'e anheno ramo ndee xerexa 'rã. 
\q2 Reikuaapa 'rã aikoa ha'e javi. 
\q1  
\v 4 Xeayvu aguã xejuru py oĩ e'ỹ mbove voi 
\q2 ndee \nd Senhor\nd* reikuaapa 'rã. 
\q1  
\v 5 Xejoko 'rã xerakykue ha'e xerenonde katy, 
\q2 xere ndepo remoĩ vy. 
\q1  
\v 6 Ha'e rami xekuaapaa ma iporã ete xevy. 
\q2 Yvate ete rã ndaikuaai 'rãe.\x * \xo 139:6 \xt Romanos 11.33\x* 
\q1  
\v 7 Marã katy nda'u anhemombyry 'rãgue Nenhe'ẽ gui? 
\q2 Marã katy nda'u ajava 'rãgue rexaa gui? 
\q1  
\v 8 Yva re aa teĩ ha'e py ndee reĩ 'rãgue. 
\q2 Yvykua vaikuevea py anhemboupa teĩ ha'e py voi reĩ 'rãgue. 
\q1  
\v 9 Kuaray oẽa katy aveve avy vy 
\q2 ye'ẽ apy peve aa teĩ 
\q1  
\v 10 ha'e py voi ndepo xerereko 'rãgue, 
\q2 reiporu kuaa regua xemombaraete 'rãgue. 
\q1  
\v 11 Xee aipoa'e ramo: “Pytũ xeao'i 'rã, 
\q2 hexakã xeyvýry rupigua pytũmba 'rã” ha'e teĩ 
\q1  
\v 12 ndevy pe pytũvea ete voi napytũi 'rãgue, 
\q2 mba'eta ndevy pe pytũ ha'e hexakãa ma joo rami meme. 
\q1  
\v 13 Mba'eta ndee ma xepy'a apoare, 
\q2 xexy rye py xemoingo va'ekue. 
\q1  
\v 14 Xee roguerovy'a, anhemondyi aguã rami xeapo rire. 
\q2 Nerembiapokue ma iporã ete va'e meme. 
\q2 Ha'e rami aikuaa porã xepy'a py. 
\q1  
\v 15 Xekãgue nderejao'i teri jave hi'ã py xeapo, 
\q2 ha'e gui xembotuvixa'i imoiny yvy guy py rami. 
\q1  
\v 16 Naxeratãi teri jave ndee ma xerexa. 
\q2 Ndekuaxia re ipara ma voi xee aiko aguã ára ha'e javi, 
\q2 peteĩ-teĩ ipara oiny peteĩve oiko e'ỹ mbove ma voi. 
\q1  
\v 17 Xeruete, renhembopy'aa ma iporã ete xevy. 
\q2 Mbovy rei e'ỹ oĩ. 
\q1  
\v 18 Xee aipapa va'e rire ita ku'i gui hetave 'rãgue. 
\q2 Aipapa, aipapa teĩ ndaipapapai 'rãgue. 
\q1  
\v 19 Xeruete, remomba voi 'rãgue heko vai va'e! 
\q2 Avakue tuguy moẽa, pejepe'apa xea gui! 
\q1  
\v 20 Ha'e kuery ma ndere opu'ã rei okuapy, 
\q2 nderovaigua kuery ijayvu vaikue-ikue 'rã. 
\q1  
\v 21 \nd Senhor\nd*, xee ajou vai ndejou vaia kuery. 
\q2 Ndere opu'ã rei va'e kuery gui xee ajeguaru. 
\q1  
\v 22 Ha'e kuery re ndaxea'eveia oĩmba, 
\q2 nderovaigua kuery ete ikuaia aikuaa. 
\q1  
\v 23 Xeruete, xerexa pota, 
\q2 ha'e eikuaapa xepy'a re oĩ va'e. 
\q2 Xera'anga, ha'e eikuaa anhembopy'aa ha'e javi. 
\q1  
\v 24 Exa xere pa oĩ ha'eve'ỹa rami aikoa, 
\q2 ha'e xerereko tape imarã e'ỹ va'e rupi. 
\s1 Ngovaigua kuery apu gui oo jepe aguã ojerureague 
\d Jogueroporaei va'e pe mboraeirã Davi ombopara va'ekue. 
\c 140  
\q1  
\v 1 \nd Senhor\nd*, xereraa jepe ke heko vai va'e gui. 
\q2 Xerepy avakue ojerovia rei va'e gui. 
\q1  
\v 2 Ha'e kuery ma mba'emo vai anho opy'a re omoĩ. 
\q2 Joguero'axea rupi rive ikuai. 
\q1  
\v 3 Mboi rami oaĩmbe'e 'rã oapekũ, 
\q2 ijayvua ma mboi guigua veneno rami ae.\x * \xo 140:3 \xt Romanos 3.13\x* 
\q1  
\v 4 \nd Senhor\nd*, xerepy ke heko vai va'e po gui, 
\q2 xereraa jepe avakue ojerovia rei va'e gui, 
\q2 xembojepekuavo aguã re onhea'ã okuapy va'e kuery gui. 
\q1  
\v 5 Ojejou porã rei va'e kuery ma nhemi rupi omoĩ 'rã nhuã xã xembo'a aguã, 
\q2 tape yvýry oipyo 'rã xembo'aarã. 
\q2 Omoĩ 'rã nhuã xembo'a aguã. 
\q1  
\v 6 Aipoa'e \nd Senhor\nd* pe: “Ndee ma Xeruete.” 
\q2 \nd Senhor\nd*, ajerure ramo xepytyvõ ke. 
\q1  
\v 7 \nd Senhor\nd* xereraa jepea ndepo'akapa va'e, 
\q2 joe opu'ãa ára py ndee xeakã rejao'i. 
\q1  
\v 8 \nd Senhor\nd*, emoingo eme heko vai va'e oipota va'e. 
\q2 Eja eme joapo vaixea rupi ikuai aguã rami. 
\q1  
\v 9 Xejokopa rei va'e kuery onhemboyvate ri ramo 
\q2 ejapo ha'e kuery re ae ju ijayvu vaiague ojeapa aguã rami. 
\q1  
\v 10 Ha'e kuery áry tou tapyĩ, tomomboa tata py. 
\q2 Yvykua vaikue py tomomboa, opu'ã ve'ỹ aguã py. 
\q1  
\v 11 Joe ijayvu rei va'e toĩ atã eme yvy re. 
\q2 Teko vai toakykue monha avakue ojerovia rei va'e, omomba peve. 
\q1  
\v 12 Xee aikuaa \nd Senhor\nd* oepy 'rãa iporiaukue'i, 
\q2 opena 'rã oikotevẽ rei'i va'e kuery re. 
\q1  
\v 13 Ha'e ramo heko porã va'e kuery oguerovy'a 'rã nderery, 
\q2 anhetẽ rupi ipy'a va'e ikuai 'rã nerenonde. 
\s1 Ka'aru'i jave oiky'a'o ha'e oipytyvõ aguã re ojerureague 
\d Mboraeirã Davi ombopara va'ekue. 
\c 141  
\q1  
\v 1 \nd Senhor\nd*, ndevy ae ajapukai. 
\q2 Eju pojava ke xepytyvõ! 
\q2 Ndevy pe ajapukai ramo endu. 
\q1  
\v 2 Ajerurea toẽ ndea py heakuã porã va'e rami.\x * \xo 141:2 \xt Apocalipse 5.8\x* 
\q2 Xepo aupia toĩ ka'aru'i jave ome'ẽmby rami. 
\q1  
\v 3 \nd Senhor\nd*, ejoko xejuru, 
\q2 earõ xeayvua rokẽ. 
\q1  
\v 4 Ajapo vaixea toĩ eme xepy'a re, 
\q2 teko vai rupi aiko e'ỹ aguã 
\q2 avakue joapo vai va'e ikuaia rupi e'ỹ, 
\q2 ha'e kuery okaru okuapya py xee voi akaru e'ỹ aguã. 
\q1  
\v 5 Xevy pe heko porã va'e ijayvu ete teĩ ajou porã 'rã. 
\q2 Xevy rã ijayvu okuapya ma azeite xeakã re omoĩa rami. 
\q2 Xee ma naendu e'ỹi 'rã. 
\q2 Heko vai va'e jajapo vai okuapy teĩ xee anhembo'e 'rã. 
\q1  
\v 6 Ha'e kuery rerekoa kuery omombopaa 'rã itaova guy katy. 
\q2 Ha'e kuery oendu 'rã ha'evea rami xeayvua anho, 
\q1  
\v 7 xerupa gui xekãgue oipe'a vy ijyvýry rupi omoaĩmba teĩ, 
\q2 yvy oikaraĩague rupi rive. 
\q1  
\v 8 Mba'eta \nd Senhor\nd*, ndere ae ama'ẽ aikovy. 
\q2 Ndere ae ajerovia va'e. 
\q2 Eja eme xerekovea. 
\q1  
\v 9 Xereraa jepe ke heko vai va'e kuery 
\q2 nhuã xã xembo'aarã omoĩ va'ekue gui. 
\q1  
\v 10 Heko vai va'e ae to'a nhuã omoĩ va'ekue py, 
\q2 ha'e rã xee ma aikove reve taa jepe. 
\s1 Ijava etea py ojerureague 
\d Itakua py Davi oĩ jave py onhembo'eague ombopara va'ekue nhombo'e aguã (1 Samuel 24). 
\c 142  
\q1  
\v 1 \nd Senhor\nd* pe ajapukai, xeayvu ainy. 
\q2 Ajapukai vy xepytyvõ aguã re ajerure. 
\q1  
\v 2 Ixupe amombe'upa ndavy'aia, 
\q2 henonde amombe'upa ajexavaia. 
\q1  
\v 3 Xee nanhanimavei ma aikovy ramo 
\q2 ndee reikuaa 'rã aikoa ha'e javi. 
\q1 Tape aguata aguã rupi xerovaigua kuery omoĩ 'rã nhuã. 
\q1  
\v 4 Ema'ẽ na aiporu kuaa regua re, ha'e exa pota, 
\q2 mba'eta avave rei ndoikoi xerexa kuaa va'e. 
\q2 Jipoi anhemi aguã, 
\q2 xere avave rei noma'ẽ potai guive. 
\q1  
\v 5 \nd Senhor\nd*, ndevy pe ae ajapukai. 
\q2 Ha'e vy aipoa'e: “Ndee ae anhemiaty. 
\q2 Xevy guarã ndee anho reiko ko yvy re aikoa py.” 
\q1  
\v 6 Endu ke ajapukaia, 
\q2 xekangy vaipa ete ramo. 
\q2 Xereraa jepe xerakykue monha va'e kuery gui, 
\q2 xegui ha'e kuery imbaraeteve ramo. 
\q1  
\v 7 Enoẽ xerekovea nhuã gui, 
\q2 nderery rupi arovy'a aguã. 
\q2 Heko porã va'e kuery oupa 'rã xeyvýry, 
\q2 xevy pe ha'e rami rejapo porã rire. 
\s1 Ogueraa jepe aguã ojerureague 
\d Mboraeirã Davi ombopara va'ekue. 
\c 143  
\q1  
\v 1 \nd Senhor\nd*, endu ke anhembo'ea. 
\q2 Ejapyxaka ajerurea re. 
\q2 Xembovai ke, ojeroviapy ha'e heko porã va'e reiko vy. 
\q1  
\v 2 Nerembiguai aiko ramo xemboayvu eme, 
\q2 mba'eta nerenonde heko porã ete va'e ndoikoi.\x * \xo 143:2 \xt Romanos 3.20; Gálatas 2.16\x* 
\q1  
\v 3 Ha'e gui xerovaigua kuery ma xerakykue monha, 
\q2 yvy rupi xereity vy xere opyrõmba. 
\q2 Xemoĩ pytũa py, 
\q2 yma ete ma omano va'ekue rami. 
\q1  
\v 4 Ha'e nunga rupi xenhe'ẽ nonhanimavei, 
\q2 xepy'a eta rei ma guive. 
\q1  
\v 5 Xema'endu'a teĩ yma guare re. 
\q2 Aikuaa pota aikovy nerembiapokue ha'e javi re, 
\q2 xema'endu'a ndepo py rejapo va'ekue re. 
\q1  
\v 6 Ha'e nunga rupi xepo aupi ndevy. 
\q2 Xenhe'ẽ nda'evei ndere, yvy ipiru reia rami. 
\q1  
\v 7 \nd Senhor\nd*, xembovai voi ke, 
\q2 mba'eta xenhe'ẽ py nanhanimavei ma. 
\q2 Ejexa uka e'ỹ eme xevy, 
\q2 omanogue rupa py oguejy va'e rami apyta e'ỹ aguã. 
\q1  
\v 8 Ndere ajerovia ramo 
\q2 aje'ive reve taendu ndegui xemboaxya. 
\q2 Ndere xenhe'ẽ aroma'endu'a ramo 
\q2 exa uka tape aguata aguã va'e. 
\q1  
\v 9 \nd Senhor\nd*, xereraa jepe ke xerovaigua kuery gui, 
\q2 mba'eta ndee ma anhemiaty. 
\q1  
\v 10 Xembo'e ke ndee reipotaa rupi aiko aguã, 
\q2 mba'eta ndee ae Xeruete. 
\q2 Nenhe'ẽ Porã taxerereko 
\q2 yvy joja porãa rupi. 
\q1  
\v 11 \nd Senhor\nd*, nderery re vy xemoingove. 
\q2 Ha'evea rami rejoguerekoa rupi 
\q2 eipe'a xenhe'ẽ ojexavaia gui. 
\q1  
\v 12 Xemboaxya rupi emokanhymba xerovaigua kuery. 
\q2 Emomba ke xenhe'ẽ mbojexavaia kuery ha'e javi, 
\q2 nerembiguai aiko ramo. 
\s1 Nhanderuete oepy rire oguerovy'aa ague 
\d Mboraeirã Davi ombopara va'ekue. 
\c 144  
\q1  
\v 1 Ima'endu'a porãmby toiko \nd Senhor\nd* xe'itaova. 
\q2 Ha'e ma omombaraete 'rã xepo joe apu'ã aguã, 
\q2 xekuã voi ombo'e 'rã joe apu'ã aguã. 
\q1  
\v 2 Ha'e ma xemboaxya ha'e oo ikorapa va'e aĩ aguã, 
\q2 anhemiaty yvate va'e ha'e xereraa jepea, 
\q2 mba'emo vai jokoa oiko ramo ajerovia hexe. 
\q2 Ha'e ojapo xeretarã kuery apenaa rupi ikuai aguã rami. 
\q1  
\v 3 \nd Senhor\nd*, marã ramigua tu avakue, ha'e kuery re reikuaa pota aguã? 
\q2 Marã ramigua tu avakue ra'y kuery, reayvu aguã?\x * \xo 144:3 \xt Salmo 8.4\x* 
\q1  
\v 4 Mba'eta avakue ma yvytu rami rive ikuai. 
\q2 Oikovea ára ma kuaray'ã rami 'rã oaxa ovy va'e. 
\q1  
\v 5 \nd Senhor\nd*, eipe'a ke yva, ha'e eguejy. 
\q2 Epoko yvyty re, ha'e ramo oẽ 'rã hataxĩ. 
\q1  
\v 6 Embou overa va'e xerovaigua kuery moaĩmbaarã. 
\q2 Emombo nderu'y omondyipa aguã. 
\q1  
\v 7 Ekuave'ẽ yvate gui, 
\q2 xereraa jepe ha'e xerenoẽ yy typya gui, 
\q2 amboae regua kuery po'akaa gui ae. 
\q1  
\v 8 Ha'e kuery ojuru gui apu rupi anho 'rã ijayvu, 
\q2 ha'e oiporu kuaa regua py anhetẽ va'e'ỹ 'rã ojapo. 
\q1  
\v 9 Xeruete, ndevy pe amonhendu 'rã mboraei pyau. 
\q2 Mbaraka dez ixã va'e ambopu vy rogueroporaei 'rã. 
\q1  
\v 10 \nd Senhor\nd* ojapo 'rã huvixa kuery ipo'aka aguã rami. 
\q2 Guembiguai Davi ogueraa jepe 'rã kyxe jojukaa gui. 
\q1  
\v 11 Xereraa jepe ke, xepe'a amboae regua po'akaa gui. 
\q2 Ha'e kuery ojuru gui apu rupi anho 'rã ijayvu, 
\q2 ha'e oiporu kuaa regua py anhetẽ va'e'ỹ 'rã ojapo. 
\q1  
\v 12 Orera'y kuery ipyau va'e ta'ikuai mba'emo rogue iporã va'e rami, 
\q2 ha'e orerajy kuery ta'ikuai ita oo ytarã rami, 
\q2 huvixave ro reguarã ombojegua pyre rami. 
\q1  
\v 13 Oreroguy tatynyẽ romono'õ va'ekue, 
\q2 opa marãgua tembi'u toĩ. 
\q2 Orerymba kuery vexa'i taetave tovy, 
\q2 oreyvy rupi mbovy rei e'ỹ tata'y. 
\q1  
\v 14 Orerymba vaka voi ta'imbaraete, 
\q2 toity eme gua'y'i, ta'ikuai porã e'ỹ eme guive. 
\q2 Oreretã mbyte rupi tonhendu eme ipy'a vaia rupi ojae'o va'e. 
\q1  
\v 15 Ovy'a ete 'rã ha'e rami ikuai va'e kuery. 
\q2 Tá, ovy'a ete 'rã \nd Senhor\nd* pe “Nhanderuete” he'i okuapy va'e. 
\s1 Nhanderuete porayvu, yvate ete ha'e opena porãa re ijayvua 
\d Ogueroporaeia rupi Davi ombopara va'ekue. 
\c 145  
\q1  
\v 1 Xeruete xeruvixave, xee romboete 'rã. 
\q2 Raka'e rã peve rogueroporaei 'rã nderery rupi. 
\q1  
\v 2 Ko'ẽ nhavõ roguerovy'a 'rã, 
\q2 nderery rogueroporaei 'rã raka'e rã peve. 
\q1  
\v 3 \nd Senhor\nd* yvate ete ramo ha'evea rami jaroporaei. 
\q2 Yvate etea ma jaikuaapa va'erã e'ỹ. 
\q1  
\v 4 Tuu kuery voi gua'y kuery oendua py ogueroporaei 'rã nerembiapo, 
\q2 omombe'upa 'rã ndepo'akaa rupi rejapo va'ekue. 
\q1  
\v 5 Aikuaa pota 'rã ndeyvate etea ha'e nerexakãa re, 
\q2 mba'emo porã rejapo va'ekue re guive. 
\q1  
\v 6 Ijayvua 'rã okuapy ndepo'akaa rupi rejapo va'ekue re, 
\q2 xee voi amombe'u 'rã ndeyvatea. 
\q1  
\v 7 Nhomoma'endu'aa 'rã ndeporayvu etea re, 
\q2 ovy'aa rupi ogueroporaeia 'rã ndereko porãa. 
\q1  
\v 8 \nd Senhor\nd* ma porayvu ha'e nhomboaxy kuaa va'e. 
\q2 Nda'ivai voi kuaai, nhomboaxy aguã oĩ riae va'e. 
\q1  
\v 9 Pavẽ pe \nd Senhor\nd* oexa uka 'rã mborayvu, 
\q2 nhomboaxya rupi opena porã 'rã guemimoingo kuery ha'e javi re. 
\q1  
\v 10 \nd Senhor\nd*, remoingo va'ekue ha'e javi ndereroporaei 'rã. 
\q2 Ndevygua iky'a e'ỹ va'e kuery voi ndererovy'a ete 'rã okuapy. 
\q1  
\v 11 Ijayvu 'rã ndepo'akaa rupi nerexakãa ojekuaa va'e re, 
\q2 omombe'u porã 'rã ndepo'akaa, 
\q1  
\v 12 avakue ra'y kuery oikuaa aguã ndepo'akaa rupi rejapo va'ekue, 
\q2 ha'e repenaa rupi ndeyvatea ha'e nerexakãa ojekuaa va'e. 
\q1  
\v 13 Ndepo'akaa ma raka'e rã peve guarã, 
\q2 ndee ma huvixave riae 'rã reĩ, ikuai jevy va'e peve. 
\q1 \nd Senhor\nd* ijayvua ha'e javi py ojeroviapy oiko, 
\q2 ojapo va'e ha'e javi py oexa uka 'rã iky'a e'ỹ va'ea. 
\q1  
\v 14 \nd Senhor\nd* oipytyvõ 'rã ikangy va'e ha'e javi, 
\q2 omopu'ãmba ju 'rã ho'a va'ekue. 
\q1  
\v 15 Ndere anho pavẽ oma'ẽ 'rã okuapy 
\q2 hi'ára py porã ho'u va'erã rejou uka aguã oarõ vy. 
\q1  
\v 16 Ndepo reipe'a vy 
\q2 neremimoingo ha'e javi pe reme'ẽ 'rã oikotevẽ va'e. 
\q1  
\v 17 \nd Senhor\nd* ha'evea rami nhanderereko oikoa ha'e javi py, 
\q2 opa mba'e ojapoa py oexa uka 'rã oporayvua. 
\q1  
\v 18 Ixupe ojapukai va'e ha'e javi yvýry onhemoĩ 'rã, 
\q2 anhetẽ ete rupi ojapukai ramo. 
\q1  
\v 19 Henonde ojererokyjea rupi ikuai va'e pe ojapo 'rã oipota va'e. 
\q2 Ojapukaia oendu vy ogueraa jepe 'rã. 
\q1  
\v 20 \nd Senhor\nd* opena porã 'rã oayvu va'e kuery re. 
\q2 Ha'e rã heko vai va'e ma omomba 'rã. 
\q1  
\v 21 Xejuru py taroporaei \nd Senhor\nd*. 
\q2 Temimoingo kuery ha'e javi togueroporaei hery iky'a e'ỹ va'e rupi, raka'e rã peve. 
\c 146  
\s1 Nhanderuete ojeroviapy oikoa re ijayvua 
\q1  
\v 1 Aleluia! 
\q2 Xenhe'ẽ, eroporaei ke \nd Senhor\nd*. 
\q1  
\v 2 Xee aikovea pukukue re aroporaei 'rã. 
\q2 Xeruete pe aporaei 'rã aikovea ja. 
\q1  
\v 3 Pejerovia eme huvixa ikuai va'e re rive. 
\q2 Pejerovia eme avakue ra'y kuery ikuai va'e re, 
\q2 mba'eta ha'e kuery re noĩ jogueraa jepe aguã. 
\q1  
\v 4 Ha'e kuery nhe'ẽ oẽ ramo yvy ku'i ju 'rã opyta. 
\q2 Ha'e va'e árave opa 'rã ojapo 'rã va'ekue ha'e javi. 
\q1  
\v 5 Ovy'a ete 'rã Jacó Ruete pe “Xepytyvõa” he'i va'e, 
\q2 \nd Senhor\nd* Nguuete oarõ va'e. 
\q1  
\v 6 Ha'e ae yva ha'e yvy apoare, 
\q2 ye'ẽ ha'e opa mba'e hexe ikuai va'e guive. 
\q2 Raka'e rã peve oiko 'rã ojeroviapy.\x * \xo 146:6 \xt Atos 4.24, 14.15\x* 
\q1  
\v 7 Ha'evea rami oikuaa pota 'rã ombojexavaia va'e kuery re, 
\q2 ha'e okaruxe va'e pe ma ome'ẽ 'rã tembi'u. 
\q1 \nd Senhor\nd* oguenoẽmba 'rã nhuã py ikuai va'ekue. 
\q1  
\v 8 \nd Senhor\nd* oipe'a 'rã ára revegua e'ỹ va'ekue rexa. 
\q2 \nd Senhor\nd* omopu'ã 'rã omo'yvyĩ'i mbyre. 
\q2 \nd Senhor\nd* oayvu 'rã heko porã va'e. 
\q1  
\v 9 \nd Senhor\nd* opena porã 'rã oyvy rupi e'ỹ oguata va'e re. 
\q2 Oipytyvõ 'rã imeve'ỹ va'e ha'e tyre'ỹ kuery. 
\q2 Ha'e rã heko vai va'e ikuaia ma ombovaipa 'rã. 
\q1  
\v 10 \nd Senhor\nd* oĩ 'rã huvixave raka'e rã peve. 
\q2 Sião pygua kuery, Penderuete ipo'aka 'rã aỹ guive raka'e rã peve. 
\q2 Aleluia! 
\c 147  
\s1 Nhanderuete ipo'akapa va'e ogueroporaeia 
\q1  
\v 1 Peporaei \nd Senhor\nd* pe! 
\q2 Ha'eve ha'e iporã ete Nhanderuete pe japoraeia. 
\q2 Jaroporaeia ma iporã ixupe voi. 
\q1  
\v 2 \nd Senhor\nd* omoatyrõ ju Jerusalém tetã, 
\q2 oguerupa ju Israel kuery omoaĩmba pyre. 
\q1  
\v 3 Omonguerapa 'rã opy'a py ikangy va'e, 
\q2 ijai oipoanomba 'rã guive. 
\q1  
\v 4 Oipapa jaxy-tata ikuai va'e, 
\q2 peteĩ-teĩ hery rupi 'rã oenoĩ. 
\q1  
\v 5 Nhande-Senhor ma yvate ete ha'e ipo'akapa va'e. 
\q2 Hi'arandua ndajaikuaapai 'rã. 
\q1  
\v 6 \nd Senhor\nd* ma yvyĩgue'i repya oiko, 
\q2 ha'e rã heko vai va'e ma omombo 'rã yvy rupi. 
\q1  
\v 7 Peporaei \nd Senhor\nd* pe perovy'aa rupi. 
\q2 Mba'epu ixã reta va'e py pembojoguy vy peporaei Nhanderuete pe. 
\q1  
\v 8 Ha'e ma yva onhovã 'rã arai py. 
\q2 Oky oguereko katu yvy re guarã. 
\q2 Yvyty ikuai va'e re ojapo mba'emo henhoĩ aguã rami. 
\q1  
\v 9 Mymba kuery pe ome'ẽ 'rã ho'u va'erã, 
\q2 uruvu ra'y kuery pe guive, ojapukai ramo. 
\q1  
\v 10 Ha'e ma kavaju mbaraetea oguerovy'a va'e'ỹ, 
\q2 neĩ xondaro mbaraetea e'ỹ guive. 
\q1  
\v 11 \nd Senhor\nd* oguerovy'a 'rã henonde ojererokyjea rupi ikuai va'e, 
\q2 ha'e nhomboaxya oarõ okuapy va'e anho. 
\q1  
\v 12 Jerusalém pygua kuery, peroporaei ke \nd Senhor\nd*! 
\q2 Sião tetã pygua, peroporaei Penderuete! 
\q1  
\v 13 Mba'eta peneretã mbyte rupi omoĩ atãve ikora rokẽ jokoa, 
\q2 ha'e penda'y kuery omoingo porã 'rã. 
\q1  
\v 14 Pendeyvy katy rai'i rupi ikuai va'e reve omoĩ pendekuai porã aguã, 
\q2 ha'e trigo iporãve va'e re penemongaru. 
\q1  
\v 15 Yvy rupi ha'e oikuaa uka 'rã ojapo uka va'e, 
\q2 ijayvua ojekuaa pojava 'rã ovy. 
\q1  
\v 16 Vexa'i rague rami ombou 'rã yro'y apĩ, 
\q2 yro'y xiĩ voi omoaĩ 'rã tanhimbu rami. 
\q1  
\v 17 Yro'y hatã va'e ha'e omombo 'rã ikurekue rami. 
\q2 Mava'e nda'u ogueropo'aka 'rã yro'y ombou rã? 
\q1  
\v 18 Ha'e gui ma oayvu ombou ramo tykupa ju 'rã. 
\q2 Yvytu oipeju aguã rami ojapo ramo 
\q2 yy oxyry 'rã. 
\q1  
\v 19 Oayvu oikuaa uka Jacó kuery pe, 
\q2 ojeguigua lei ha'e nhombo'ea oeja Israel kuery pe. 
\q1  
\v 20 Ha'e ramigua ma amboae regua pe ma ndoejai. 
\q2 Amboae kuery ma nhombo'ea ndoikuaai okuapy. 
\q2 Aleluia! 
\c 148  
\s1 Pavẽ ogueroporaei aguã regua 
\q1  
\v 1 Aleluia! 
\q2 Peroporaei \nd Senhor\nd* yva áryve rupi, 
\q2 peroporaei yvate etea rupi! 
\q1  
\v 2 Ixupegua anjo kuery ha'e javi, peroporaei pekuapy. 
\q2 Ixondaro kuery yva regua ha'e javi, peroporaei pekuapy! 
\q1  
\v 3 Kuaray ha'e jaxy, peroporaei pekuapy! 
\q2 Jaxy-tata hendy va'e ha'e javi, peroporaei pekuapy! 
\q1  
\v 4 Yva yvatevea rupi oĩ va'e, eroporaei avi, 
\q2 yva áry yy ikuai va'e voi. 
\q1  
\v 5 Togueroporaei okuapy \nd Senhor\nd* rery! 
\q2 Mba'eta ha'e ijayvu ramo opa mba'e oiko raka'e. 
\q1  
\v 6 Omoĩ atã guive raka'e rã peve guarã. 
\q2 Ha'e kuery ikuai aguã oeja va'ekue oaxa va'erã e'ỹ. 
\q1  
\v 7 Yvy re pendekuai va'e, peroporaei \nd Senhor\nd*, 
\q2 ypo tuvixa va'e ha'e typya regua ha'e javi! 
\q1  
\v 8 Onhemboxi va'e ha'e amandau, 
\q2 yro'y apĩ ha'e yvy rataxĩ, 
\q2 yvytu atã onhe'ẽ rendu va'e, 
\q1  
\v 9 yvyty ha'e yvy'ã'i ikuai va'e, 
\q2 yvyra hi'a va'e ha'e yary ikuai va'e, 
\q1  
\v 10 mymba inharõ va'e ha'e vaka kuery, 
\q2 yvy rupi otyryry ha'e guyra'i oveve va'e, 
\q1  
\v 11 yvy regua huvixave kuery, ha'e javi regua guive, 
\q2 yvatekueve ha'e yvy regua joe oikuaa pota va'e kuery ha'e javi, 
\q1  
\v 12 kunumigue ha'e kunhataĩgue, 
\q2 kakuakueve'i va'e ha'e kyrĩgue. 
\q1  
\v 13 Togueroporaei okuapy \nd Senhor\nd* rery, 
\q2 mba'eta hery anho yvateve va'e. 
\q2 Hexakãa ma yvy ha'e yva áryve rupi oĩ. 
\q1  
\v 14 Ombopo'akave ojeupegua kuery, 
\q2 ixupegua iky'a e'ỹ va'e kuery ha'e javi ogueroporaei aguã, 
\q2 hembiayvu Israel kuery regua guive. 
\q2 Aleluia! 
\c 149  
\s1 Nhanderuete re ojerovia va'e kuery ogueroporaei aguã regua 
\q1  
\v 1 Aleluia! 
\q2 Pemonhendu \nd Senhor\nd* pe mboraei pyau! 
\q2 Peroporaei ixupegua kuery iky'a e'ỹ va'e ijatya py. 
\q1  
\v 2 Israel kuery toguerovy'a imoingoare. 
\q2 Sião pygua kuery toguerovy'a nguvixave. 
\q1  
\v 3 Peroporaei hery mimby pemonhe'ẽ reve. 
\q2 Ixupe peporaei salmos, pandeiro ha'e mba'epu ixã reta va'e pembojoguy vy. 
\q1  
\v 4 Mba'eta \nd Senhor\nd* oguerovy'a ojeupegua kuery. 
\q2 Yvyĩgue'i re omoĩ oo jepe aguã. 
\q1  
\v 5 Ixupegua kuery iky'a e'ỹ va'e toguerovy'a hexakãa. 
\q2 Ovy'aa rupi toporaei ngupa py. 
\q1  
\v 6 Ha'e kuery juru py toĩ Nhanderuete pe oporaei atã aguã, 
\q2 ha'e ipo py ma toĩ kyxe haimbe jovai va'e, 
\q1  
\v 7 yvy regua kuery ikuaia rupi nhombopaga aguã, 
\q2 amboae regua ombopaga aguã, 
\q1  
\v 8 huvixave kuery corrente py oipokua aguã, 
\q2 ha'e yvatekueve ferro guigua py 
\q1  
\v 9 ha'e kuery ombopaga aguã ayvu ombopara pyre rami vy, 
\q2 ixupegua kuery iky'a e'ỹ va'e ha'e javi omboetea aguã. 
\q2 Aleluia! 
\c 150  
\s1 Oguerovy'aa opa vygua 
\q1  
\v 1 Aleluia! 
\q2 Peroporaei Nhanderuete, ixupegua henda iky'a e'ỹ va'e py! 
\q2 Peroporaei yvate ipo'akaa oĩa rupi! 
\q1  
\v 2 Peroporaei opo'akaa rupi ojapo va'ekue re! 
\q2 Peroporaei, yvate ete va'e ramo! 
\q1  
\v 3 Peroporaei mimby guaxu pu rupi! 
\q2 Peroporaei mbaraka ha'e mba'epu ixã reta va'e reve! 
\q1  
\v 4 Peroporaei pandeiro py ha'e pejeroky reve! 
\q2 Peroporaei mba'epu ixã va'e ha'e mimby reve! 
\q1  
\v 5 Peroporaei hy'a pu reve! 
\q2 Peroporaei hy'a pu onhendu ratãve va'e reve! 
\q1  
\v 6 Ipytuẽ va'e ha'e javi togueroporaei \nd Senhor\nd*! 
\q2 Aleluia! 
\q2