\id MAL - Guaraní Mbyá Bible [gun] -Brazil 2004 (DBL 2014) 
\h Malaquias 
\toc1 Malaquias ayvu oĩa 
\toc2 Malaquias 
\toc3 Mal 
\mt1 Malaquias ayvu oĩa 
\imt1 Malaquias ayvu oĩa 
\ip Israel kuery Jerusalém tetã py ikuai va'e templo omoatyrõ ju teĩ Nhanderuete ojapo uka va'ekue rupi e'ỹ teri ikuai. Ha'e kuery pe profeta Malaquias ijayvu ojeko rerova aguã, mba'eta Senhor ára ou oiny ramo. “Senhor ixondaro reta va'e aipoe'i: ‘Ou ma oiny ára tatakua rami haku raxa va'erã. Onhemboyvate rei ha'e teko vai rupi ikuai va'ekue okaipa 'rã mba'emo pirukue rami rive, mba'eta ára ou ramo okaipa 'rãe. Ha'e rami vy ndopytai 'rã hapokue neĩ hi'ygue. Ha'e rã peẽ kuery xerery pendu vy xerenonde pejererokyjea rupi pendekuai va'e pe ma kuaray rami 'rã ojekuaa teko porã. Hexakãa rupi 'rã ou nhomoingo porãarã. Ha'e ramo pepo-pepo reve 'rã peẽmba, vaka ra'y kuery kora gui oẽ va'e rami avi. ... Ha'e gui Senhor ára tuvixa ha'e ijavaete va'e ovaẽ ta ramo pendea py ambou ju 'rã profeta Elias. Ha'e va'e ma oguerova 'rã tuu kuery py'a re oĩ va'e, gua'y kuery oayvu ju aguã rami, ha'e ta'y kuery py'a oguerova avi 'rã nguu kuery oayvu ju aguã. Ha'e rami e'ỹ ramo aju jevy vy yvy amomba 'rã ayvu vai py’”, he'i (4.1-2, 5-6). 
\ip Ha'e rami py Antigo Testamento ijapy. Ha'e va'e rire 400 ma'etỹ rivyvyia py ma Jesus Cristo ou. 
\c 1  
\s1 Jacó oayvua rami \nd Senhor\nd* ijayvuague 
\p  
\v 1 Kova'e ayvu ma Malaquias pe \nd Senhor\nd* omombe'u uka va'ekue Israel kuery rovai. 
\p  
\v 2 — Xee ma roayvu va'e — he'i \nd Senhor\nd*. 
\p Ha'e rã peẽ kuery ma peporandu: 
\p — Mba'exa vy tu ndee orerayvu? 
\p \nd Senhor\nd* ombovai: 
\p — Esaú ma Jacó ryke'y e'ỹ teve raka'e? Ha'e rami teĩ Jacó ae ayvu, 
\m  
\v 3 ha'e rã Esaú re ma ndaxea'ei, ha'e rami vy ha'e kuery rekoarã yvyty ome'ẽ mbyre ambovaipa vy amboaxa raka'e jagua-tuvy nhe'ẽ tekoa e'ỹa rupigua pe rive — he'i.\x * \xo 1:3 \xt Romanos 9.13\x* 
\p  
\v 4 Ha'e gui ma xapy'a rei Edom pygua kuery\f + \fr 1:4 \ft Edom ma Esaú rery mboae (Gênesis 25.30). Ha'e rami vy Edom pygua kuery ma Esaú ramymino ikuai. Ha'e rã Israel kuery ma Jacó ramymino ikuai.\f* aipoe'i 'rã: “Kore nhanderekoa \nd Senhor\nd* ombovaipa teĩ oityague py ae ju 'rã jajapopa”, he'i 'rã okuapy. 
\p Ha'e rã \nd Senhor\nd* ixondaro reta va'e ma aipoe'i: “Ha'e kuery ojapopa teĩ xee aitypa ju 'rã. Ha'e rami rire Edom yvy omboerya 'rã: ‘Yvy teko vai renda’, ha'e ‘Ha'e kuery pe \nd Senhor\nd* ipoxy raka'e rã peve’ 'ea 'rã. 
\m  
\v 5 Ha'e nunga penderexa py ae 'rã pexa. Ha'e vy ‘\nd Senhor\nd* tu ipo'akapa va'e rima ra'e, Israel kuery ikuaia rupi anho e'ỹ’, peje 'rã”, he'i. 
\s1 Sacerdote kuery pe \nd Senhor\nd* ijayvu eteague 
\p  
\v 6 \nd Senhor\nd* ixondaro reta va'e aipoe'i: 
\p — Ta'y kuery ikuai va'e omboete 'rã nguu, ha'e tembiguai kuery voi omboete 'rã herekoa. Ha'e rami teĩ xee ri Penderu aiko teĩ mamo tu oĩ xemboetea? Xee ri Pendererekoa ae avi aiko teĩ mamo tu ha'vy oĩ xemboetea? Mba'eta peẽ sacerdote kuery pendekuai va'eri xerery napemboetei va'e. 
\p — Ha'e rã peẽ kuery ma peporandu 'rã: “Mba'e nunga py tu noromboetei ri nderery?” peje 'rã. 
\p  
\v 7 — Ambovai: “Mba'eta mbojape ha'eve'ỹ va'e rive peme'ẽ xevygua altar áry”, ha'e. 
\p — Ha'e gui peporanduve tema: “Mba'e nunga py tu ndee noromboetei?” 
\p — Ambovai: “Mba'eta aipopeje: ‘\nd Senhor\nd* pegua mesa ma ojou vaipy’ pejea py. 
\m  
\v 8 Mba'eta xevy pe peme'ẽ 'rã mymba oma'ẽ e'ỹ va'e. Ha'e nunga rive peru ramo nda'evei e'ỹ teve? Ha'e rami e'ỹ vy hetyma rovai va'e, e'ỹ vy imba'eaxykue peru ramo nda'evei e'ỹ avi teve? Xapy'a rei penderuvixa pe ha'e ramigua peme'ẽ va'e rire ha'e va'e nda'u pendejou porã vy pendererovy'a 'rãgue? Any”, he'i \nd Senhor\nd* ixondaro reta va'e. 
\p  
\v 9 — Aỹ ma pejapukai ke Penderuete pe penemboaxy nho aguã. Ha'e rami avi namigua pendepo py peme'ẽ va'erã peru ramo xee rojou porã 'rã teve? — he'i \nd Senhor\nd* ixondaro reta va'e. 
\p  
\v 10 — Ha'eveve 'rãgue peẽ kuery va'e regua xero rokẽ pembotypa va'e rire, xevygua altar áry tata napemoendy rivevei aguã. Mba'eta xee ma ndoroguerovy'ai ruxã'i ma voi. Ha'e rami vy ndajopyi 'rã guive peme'ẽ va'erã pendepo py peru va'e — he'i \nd Senhor\nd* ixondaro reta va'e. 
\p  
\v 11 — Ha'e rã yvy regua ikuaia rupi ma xerery omboete 'rã okuapy, kuaray oẽa katy guive oikea katy peve. Opa rupi xevy oapy 'rã heakuã porã va'e, ha'e iky'a e'ỹ va'e anho 'rã ogueru ome'ẽ va'erã. Mba'eta xerery omboetea 'rãe yvy regua kuery ikuaia rupi — he'i \nd Senhor\nd* ixondaro reta va'e. 
\p  
\v 12 — Ha'e rã peẽ kuery ma pemongy'apa xerery, mba'eta aipopeje: “ \nd Senhor\nd* pegua mesa ma ha'eve'ỹ va'e, ha'e hi'áry tembi'u nhame'ẽ va'e voi ojou vaipy”, peje. 
\m  
\v 13 Aipopeje avi: “Ai nhanekane'õ rive ma!” peje vy xemboetea rupi e'ỹ pendekuai. Mba'eta oixu'upa pyre peme'ẽ, hetyma rovaikue, ha'e imba'eaxykue guive. Namigua rive peme'ẽ ramo xee ajopy 'rã ri ty'y pendepo gui? Any — he'i \nd Senhor\nd* ixondaro reta va'e. 
\p  
\v 14 — Ijayvu vaipy toiko xembotavypaxe va'e, guymba hexaĩmba va'e oguereko vy ha'e va'e ae \nd Senhor\nd* pe ome'ẽ aguã re ijayvu teĩ hekovia ivaikue'i rive ome'ẽ va'e. Mba'eta xee ma huvixave yvate ete va'e aiko. Ha'e ramo yvy regua kuery ma xerery oendu vy oikuaa pavẽ 'rã ijavaete va'e aikoa — he'i \nd Senhor\nd* ixondaro reta va'e. 
\c 2  
\s1 Sacerdote kuery ombopaga aguã re ijayvuague 
\p  
\v 1 \nd Senhor\nd* ixondaro reta va'e aipoe'i: 
\p — Aỹ peẽ sacerdote kuery, pendevy pe xeayvu mba'emo ajapo uka vy. 
\m  
\v 2 Ha'e gui napendu potai, ha'e pendepy'a re xerery pemboete aguã napemoĩ ramo pende'áry ambou 'rã ayvu vai. Rogueroayvu porã 'rãgue py xeayvu vai 'rã pendevy. Xeayvu vai ae ma guive, ha'e rami aguã pendepy'a re napemoĩ rire. 
\m  
\v 3 Ne'exa, peneramymino kuery pe voi xeayvu 'rã, ha'e penderova re amombo 'rã mymba peme'ẽ va'erã peru va'ekue repoxi, ha'e nunga reve pendereraapaa avi aguã.\f + \fr 2:3 \ft Ha'e kuery iky'apa va'e ikuaia rami ijayvu, mba'eta mymba repoxi ma oapya aguã py 'rã heraa (Levítico 16.27).\f* 
\m  
\v 4 Ha'e ramo peikuaa 'rã Levi ramymino kuery pe xereve guarã ajapo va'ekue oĩ riae aguã ajapo uka po rami — he'i \nd Senhor\nd* ixondaro reta va'e. 
\p  
\v 5 — Mba'eta Levi ramymino kuery pe xereve guarã ajapo va'ekue ma tekove ha'e ikuai porã aguã regua. Ha'e va'e mokoĩve ame'ẽ xerenonde ojererokyjea rupi ikuai aguã. Ha'e ramo ha'e kuery ma xerenonde ojererokyjea rupi oryryi ete karamboae xerery oendu vy. 
\m  
\v 6 Ijuru py oĩ va'ekue anhetẽ ete rupi nhombo'ea, ha'e rã ha'eve e'ỹa rami joguereko aguã ma noĩ va'ekue ijuru py. Xereve peteĩ rami ikuai va'ekue teko porã rupi. Ha'e rami vy heta va'e kuery ombo'e ojejavya gui ojepe'a aguã rami. 
\m  
\v 7 Mba'eta sacerdote kuery ma ojuru py 'arandu re ijayvu aguã rami ikuai, ha'e kuery juru gui avakue oendu aguã o'arandurã, mba'eta \nd Senhor\nd* ixondaro reta va'e ayvu reraa ikuai. 
\m  
\v 8 Ha'e rã peẽ kuery ma ha'e va'e tape gui pejepe'a vy penhombo'ea rupi heta ma pejapo ojejavy aguã rami. Pejepe'a rive Levi ramymino kuery pe xereve guarã ajapo va'ekue gui — he'i \nd Senhor\nd* ixondaro reta va'e. 
\p  
\v 9 — Ha'e nunga rupi ae xee rojapo ojou vaipy ha'e omboetepy e'ỹ pendekuai aguã rami heta va'e kuery renonde, tape aeja va'ekue rupi napendekuai, ha'e lei rupi e'ỹ, ha'eve'ỹa rami anho pejoguereko rire — he'i. 
\s1 Nhandera'yxy kuery pe jajejavy e'ỹ aguã re ijayvuague 
\p  
\v 10 Nhanderu ma peteĩ'i va'e'ỹ ri ty'y oiko? Nhanderuete e'ỹ teve nhanemoingo pavẽ raka'e? Mba'e re tu ha'vy anhetẽ rupi e'ỹ jajoguereko? Ha'e rami vy nhambovaipa nhaneramoĩ kuery pe Nhanderuete guexeve guarã ojapo va'ekue. 
\m  
\v 11 Mba'eta Judá kuery ma ojeroviapy rupi e'ỹ ikuai vy ojeguarupy ojapo Israel yvy re, Jerusalém tetã py guive. Mba'eta \nd Senhor\nd* pegua oo iky'a e'ỹ va'e oguerovy'a ete va'e ma Judá kuery omongy'apa vy omenda tuuete ramigua mboae mboetea kuery re. 
\m  
\v 12 Ha'e gui avakue ha'e rami ete ojapo va'e rei \nd Senhor\nd* omokanhymba 'rã Jacó kuery ikuaia gui, \nd Senhor\nd* ixondaro reta va'e pe mba'emo ome'ẽ va'eri. 
\p  
\v 13 Pova'e nunga pejapo avi va'e. Mba'emo peme'ẽ va'e re ha'e noma'ẽvei, pendepo gui ndojopyvei ndoguerovy'avei vy. Ha'e ramo \nd Senhor\nd* pegua altar pejao'i 'rã pendexay py. Pejae'o reve penepoaẽ rei pekuapy. 
\m  
\v 14 Ha'e rami vy peporandu guive vy “Mba'e re tu nanhandererovy'avei?” peje. Mba'eta \nd Senhor\nd* oikuaa porã nekunumi vy ndera'yxyrã reraa va'ekue reve peteĩ rami pejoguereko aguã pejapoague. Pendera'yxy kuery ma peneirũ oiko, peteĩ rami pendekuai aguã pejapoague regua teĩ ha'e kuery pe pejejavy. 
\m  
\v 15 \nd Senhor\nd* peteĩ rami e'ỹ teve ava ha'e kunha omoingo raka'e, peteĩ'i nhe'ẽ omoĩ reve? Mba'erã tu peteĩ rami omoingo raka'e? Mba'eta oipota ta'y kuery ha'e hamymino kuery ixupe ete ikuai. Ha'e nunga rupi peikuaa pota pendejee ae. Avave rei tojajevy eme gua'yxyrã kunumi jave ogueraa va'ekue pe. 
\m  
\v 16 Mba'eta \nd Senhor\nd* Israel kuery Ruete aipoe'i: “Xee ndajou porãi joegui opoi va'e, neĩ joguero'aa rupi onhemongy'apa rei va'e”, he'i \nd Senhor\nd* ixondaro reta va'e. Ha'e nunga rupi peikuaa pota pendejee ae, joupe pejejavy e'ỹ aguã. 
\s1 \nd Senhor\nd* ou jevy e'ỹ mbove ixupegua Anjo ojekuaa aguã re ijayvuague 
\p  
\v 17 Peẽ kuery pemomboriau \nd Senhor\nd* pendeayvu py. Ha'e ramo aipopeje: “Mba'e nunga py tu romomboriau?” peje. Mba'eta pendejeupe ae aipopeje: “ \nd Senhor\nd* omboeko porã 'rã teko vai apoa kuery, oguerovy'a guive”, peje. Ha'e rami e'ỹ vy “Mba'exa tu oiko Nhanderuete nhombopaga aguã?” peje rive. 
\c 3  
\p  
\v 1 \nd Senhor\nd* ixondaro reta va'e aipoe'i: 
\p — Xerenonde rupi amondouka 'rã xeayvu reraarã tape oguereko katu aguã. Ha'e gui ma Senhor pearõ pekuapy va'e ou xapy'a 'rã ojeupegua templo py. Ha'e va'e ma xeremimbou, xereve guarã ajapo va'ekue kuaa ukaarã ambou va'e, peipota va'e ae. Ne'exa, ou ma oiny.\x * \xo 3:1 \xt Mateus 11.10, Marcos 1.2, Lucas 7.27\x* 
\m  
\v 2 Ha'e rami avi mava'e tu ogueropo'aka 'rã oua ára? Ha'e ojekuaa ramo mava'e tu opyta 'rã ho'amy? Mba'eta tata ouro ky'a'oa rami oiko, kavõ ao joia rami guive. 
\m  
\v 3 Mba'eta openaaty py oguapy 'rã joky'a'o aguã prata omboyku reve oiky'a'oa rami. Ha'e vy oiky'a'o 'rã Levi ramymino kuery, ouro ha'e prata rami ete 'rã oiky'a'o. Ha'e ramo mae \nd Senhor\nd* pe ha'e kuery ogueru 'rã ha'evea ramigua ome'ẽ va'erã. 
\m  
\v 4 Ha'e ramo \nd Senhor\nd* oguerovy'a 'rã mba'emo Judá ha'e Jerusalém pygua kuery ome'ẽ va'e, yma guare rami, ára jypy guare rami. 
\p  
\v 5 — Pendere aikuaa pota vy 'rã aju pendea py. Ha'e rami vy are'ỹ'i re xeayvu 'rã imba'evyky va'e kuery rovai, itavy rei va'e, oura rive-rive va'e, omba'eapo va'e pe ha'eve'ỹa rami opaga va'e kuery, imeve'ỹ va'e ha'e tyre'ỹ moingo axya, amboae yvy guigua rereko axya, ha'e xerenonde ojererokyje rupi e'ỹ ikuai va'e ha'e javi rovai — he'i \nd Senhor\nd* ixondaro reta va'e. 
\s1 Dízimo ha'e mymba nome'ẽ porãi okuapya py imonda rã ijayvuague 
\p  
\v 6 — Mba'eta xee \nd Senhor\nd* ma ojeko rerova va'e'ỹ aiko. Ha'e nunga rupi peẽ Jacó ramymino kuery, napekanhyi. 
\m  
\v 7 Mba'eta peneramoĩ kuery ikuai guive ma voi pejepe'a xeayvu aeja va'ekue gui, ndapejapoi ete. Pejevy ju ha'vy xea py, ha'e ramo xee voi ajevy ju 'rã peẽa katy — he'i \nd Senhor\nd* ixondaro reta va'e. 
\p — Ha'e rami teĩ peẽ kuery aipopeje: “Mba'exa tu rojevy aguã rami roiko?” peje. 
\m  
\v 8 Ha'e rami avi peẽ avakue penemonda 'rã ri ty'y Penderuete gui? Mba'eta peẽ kuery penemonda xegui. Ha'e ramo aipopeje: “Mba'e nunga py tu oremonda ndegui?” peje ramo xee ambovai: “Dízimo ha'e mymba napeme'ẽ porãia py”, ha'e. 
\m  
\v 9 Xegui penemonda rire ayvu vaipy peiko, peẽ kuery ha'e javi. 
\m  
\v 10 Peru ke ha'vy dízimo ha'e javi mba'emo omoĩ porãaty py, xevygua opy oĩ aguã tembi'u. Xera'ã ke ha'e nunga py — he'i \nd Senhor\nd* ixondaro reta va'e. — Ha'e rami rã yva re janela oĩ va'e aipe'a vy peẽ kuery áry anhoẽ 'rã penemoingo porãarã, oĩmba aguã nda'evei peve. 
\m  
\v 11 Peẽ kuery re ama'ẽ vy xeayvu ete 'rã mba'emo aju 'upaa pe, pendeyvy gui mba'emo aju oiko rã omomba e'ỹ aguã, uva penhotỹ va'ekue voi ndai'a ve'ỹi aguã — he'i \nd Senhor\nd* ixondaro reta va'e. 
\p  
\v 12 — Ha'e gui pendeyvy iporã ete ramo pendevy ha'e javi regua “Ovy'a ete va'e” he'i 'rã okuapy — he'i \nd Senhor\nd* ixondaro reta va'e. 
\s1 Heko porã va'e ha'e heko vai va'e joo ramigua e'ỹ ikuaia re ijayvuague 
\p  
\v 13 \nd Senhor\nd* aipoe'i: 
\p — Pendeayvua ma nda'evei ete xevy. Ha'e rami teĩ peẽ ma aipopeje: “Mba'exa tu oreayvu ndere?” peje. 
\m  
\v 14 Mba'eta aipopeje: “Nda'eve ranhei Nhanderuete pe nhandekuaia. Mba'e 'rã tu jajou ijayvua jajapo vy, ha'e \nd Senhor\nd* ixondaro reta va'e renonde rupi jajae'o reve nhandekuai vy? 
\m  
\v 15 Mba'eta nhande jaikuaa onhemboyvate rei va'e kuery ovy'a reia. Ha'e kuery opa marã rei ikuai teĩ ma ikuai porã. \nd Senhor\nd* re voi opu'ã va'eri oo jepe”, peje rive. 
\p  
\v 16 Ha'e rã \nd Senhor\nd* renonde ojererokyjea rupi ikuai va'e ma jomeme ijayvu okuapy. Ha'e ramo \nd Senhor\nd* oendu pota. Ha'e rami vy \nd Senhor\nd* renonde peteĩ kuaxia omboparaa, henonde ojererokyje ha'e hery re ima'endu'aa rupi ikuai va'e rery oĩa, ha'e kuery re avi ima'endu'aa riae aguã. 
\p  
\v 17 \nd Senhor\nd* ixondaro reta va'e aipoe'i: 
\p — Aikuaa pota aguã ára ovaẽ ramo ha'e kuery ma xevygua arovy'a ete va'e ikuai 'rã. Ha'e kuery re apena 'rã peteĩ ava gua'y ixupe ae oiko va'e re openaa rami avi. 
\m  
\v 18 Ha'e gui teĩgue ju peikuaa 'rã heko porã va'e ha'e heko vai va'e joo ramigua e'ỹ ikuaia, mba'eta Nhanderuete ma ojeupegua kuery ha'e ojeupegua e'ỹ joo rami e'ỹ 'rã oguereko. 
\c 4  
\s1 Kuaray rami teko porã ojekuaa aguã re ijayvuague 
\p  
\v 1 \nd Senhor\nd* ixondaro reta va'e aipoe'i: 
\p — Ou ma oiny ára tatakua rami haku raxa va'erã. Onhemboyvate rei ha'e teko vai rupi ikuai va'ekue ma okaipa 'rã mba'emo pirukue rami rive, mba'eta ára ou ramo okaipa 'rãe. Ha'e rami vy ndopytai 'rã hapokue neĩ hi'ygue. 
\m  
\v 2 Ha'e rã peẽ kuery xerery pendu vy xerenonde pejererokyjea rupi pendekuai va'e pe ma kuaray rami 'rã ojekuaa teko porã. Hexakãa rupi 'rã ou nhomoingo porãarã. Ha'e ramo pepo-pepo reve 'rã peẽmba, vaka ra'y kuery kora gui oẽ va'e rami avi. 
\m  
\v 3 Ha'e rami vy pepyrõmba 'rã heko vai va'e re, pendepy guýry tanhimbu rami 'rã ha'e kuery opyta, aikuaa pota aguã ára ovaẽ ramo — he'i \nd Senhor\nd* ixondaro reta va'e. 
\p  
\v 4 — Penema'endu'a ke lei xerembiguai Moisés ombopara va'ekue re. Mba'eta Israel kuery ha'e javi pe aeja va'ekue Horebe yvyty áry, xeayvua ha'e aipota va'e reve. 
\p  
\v 5 — Ha'e gui xee \nd Senhor\nd* ára tuvixa ha'e ijavaete va'e ovaẽ ta ramo pendea py ambou ju 'rã profeta Elias.\f + \fr 4:5 \ft João Batista ou jave heta va'e kuery onhe'ẽ rendu va'e rire ma ha'e ae oiko 'rãgue Elias ou ju 'rã va'ekue. Ha'e rami teĩ heta va'e kuery nonhe'ẽ rendui ramo Elias ou teri aguã rami oiko (Mateus 11.13-14, 17.10-13; Lucas 1.17).\f* 
\m  
\v 6 Ha'e va'e ma oguerova 'rã tuu kuery py'a re oĩ va'e, gua'y kuery oayvu ju aguã rami, ha'e ta'y kuery py'a oguerova avi 'rã nguu kuery oayvu ju aguã. Ha'e rami e'ỹ ramo aju jevy vy yvy amomba 'rã ayvu vai py. 
\m