\id HAG - Guaraní Mbyá Bible [gun] -Brazil 2004 (DBL 2014) 
\h Ageu 
\toc1 Ageu ayvu oĩa 
\toc2 Ageu 
\toc3 Ageu 
\mt1 Ageu ayvu oĩa 
\imt1 Ageu ayvu oĩa 
\ip Israel kuery Babilônia py escravo-rã heraapaague gui Jerusalém tetã py ju ojevy teĩ nomoatyrõi ranhe Nhanderuete pegua templo. Ha'e ramo “Po rami ijayvu Senhor ixondaro reta va'e: Kova'e kuery aipoe'i: ‘Novaẽi teri Senhor pegua oo jajapo ju aguã’, he'i okuapy. Ha'e nunga rupi profeta Ageu pe Senhor oayvu ombou vy aipoe'i: ‘Ha'evea rami teve xevygua oo ivaipa oiny teri reve peẽ kuery ro yvyrape py penhovã porãmba va'ekue py peĩ aguã? Ne'exa ha'vy. Po rami ijayvu Senhor ixondaro reta va'e: Peikuaa pota nho ke pendere mba'emo oiko va'e-va'e re. Mba'eta mba'emo penhotỹ vaipa va'eri mbovy'i rive pemono'õ. Pekaru va'eri napenhandu kuaai. Pey'u va'eri pendu teri y'uvei. Penhemonde va'eri peteĩve henda py napenderete rakui. Peráta'i pejou va'eri pendevoko opukue py merami pemboyru”, he'i (1.2-6). Mba'eta Nhanderuete oipota raka'e ha'e kuery omoatyrõ ixupegua templo, peteĩ-teĩ ngoo anho e'ỹ. 
\ip Nhanderuete re nhanema'endu'a e'ỹ re nhandejeupe guarã re anho nhanhea'ã aguã nda'evei, Nhanderuete nanhanemoingo porãi 'rã guive. “Ha'e rami 'rãgue py jypy'i peka 'rã ipo'akaa ha'e ixuguigua teko porã. Ha'e ramo 'rãe peikotevẽ va'e ha'e javi ome'ẽ avi pẽvy” (Mateus 6.33). 
\c 1  
\s1 Guetarã kuery pe Ageu ijayvuague templo ojapo ju aguã re 
\p  
\v 1 Mokoĩ ma'etỹ re ma huvixa Dario oĩ jave, mboapy meme jaxya, ijypy'ia ára py ma \nd Senhor\nd* ombou oayvu. Profeta Ageu rupi ombou Salatiel ra'y Judá pygua huvixa Zorobabel pe, Jozadaque ra'y sacerdote yvateve va'e Josué pe guive. Ha'e vy aipoe'i: 
\p  
\v 2 — Po rami ijayvu \nd Senhor\nd* ixondaro reta va'e: Kova'e kuery aipoe'i: “Novaẽi teri \nd Senhor\nd* pegua oo jajapo ju aguã”, he'i okuapy.\f + \fr 1:2 \ft Ha'e va'e e'ỹ mbove ma Nhanderuete pegua oo ha'e kuery ojapo aguã omboypy teĩ hovaigua kuery omombytu'u ojapopa ete aguã gui (Esdras 3.8–4.5, 24). Ha'e gui apy ma Ageu rupi Nhanderuete ijayvu ojapopa ete aguã re.\f* 
\p  
\v 3 Ha'e nunga rupi profeta Ageu pe \nd Senhor\nd* oayvu ombou vy aipoe'i: 
\p  
\v 4 — Ha'evea rami teve xevygua oo ivaipa oiny teri reve peẽ kuery ro yvyrape py penhovã porãmba va'ekue py peĩ aguã? 
\m  
\v 5 Ne'exa ha'vy. Po rami ijayvu \nd Senhor\nd* ixondaro reta va'e: Peikuaa pota nho ke pendere mba'emo oiko va'e-va'e re. 
\m  
\v 6 Mba'eta mba'emo penhotỹ vaipa va'eri mbovy'i rive pemono'õ. Pekaru va'eri napenhandu kuaai. Pey'u va'eri pendu teri yuvei. Penhemonde va'eri peteĩve henda py napenderete rakui. Perata'i pejou va'eri pendevoko opukue py merami pemboyru. 
\p  
\v 7 Po rami ijayvu \nd Senhor\nd* ixondaro reta va'e: 
\p — Peikuaa pota ke pendere mba'emo oiko va'e-va'e re. 
\m  
\v 8 Aỹ ma tapeo, yvyty gui peru yvyra xevygua oorã pejapo aguã. Ha'e va'e ma arovy'a 'rã, xemboyvatea 'rã guive — he'i. 
\p  
\v 9 \nd Senhor\nd* ixondaro reta va'e aipoe'ive ju: 
\p — Mba'emo pemono'õ va'erã pearõ reta teĩ mbovy'i ete oiko. Ha'e gui mbovy'i va'ekue pendero py peraa ramo ma xee aipeju vy rive amoaĩmba imondovy. Mba'e re tu oiko ha'e rami? Mba'eta xevygua oo ivaipa teri oiny, ha'e rã peẽ kuery peteĩ-teĩ pendero re anho nda'eveive peovy. 
\m  
\v 10 Ha'e nunga rupi ae yva gui nda'okyvei pende'áry, ha'e yvy gui voi mba'eve ndoikoi. 
\m  
\v 11 Pendeyvy ha'e yvyty ikuai va'e rupi amombirupa. Mba'emo aju ikuai va'e re, vinho, azeite, ha'e yvy gui mba'emo oiko 'rã va'ekue ha'e javi re ambou ipirupa aguã, avakue re guive, mymba kuery ha'e pendepo py pejapo va'e ha'e javi re guive. 
\s1 Heta va'e kuery \nd Senhor\nd* onhe'ẽ rendu okuapyague 
\p  
\v 12 Ha'e ramo Salatiel ra'y Zorobabel ha'e Jozadaque ra'y sacerdote yvateve va'e Josué onhe'ẽ rendu okuapy \nd Senhor\nd* Nguuete heta va'e kuery ha'e javi reve, profeta Ageu pe \nd Senhor\nd* oayvu omombe'u uka va'ekue ojapopa vy. Ha'e rami vy ha'e kuery ojererokyjea rupi ikuai \nd Senhor\nd* renonde. 
\p  
\v 13 Ha'e gui \nd Senhor\nd* remimbou Ageu ijayvu heta va'e kuery pe. \nd Senhor\nd* ijayvuague omombe'u vy aipoe'i: 
\p — \nd Senhor\nd* aipoe'i: “Xee aiko peẽ kuery reve”, he'i. 
\m  
\v 14 Ha'e rami vy \nd Senhor\nd* omokyre'ỹ Salatiel ra'y Judá pygua huvixa Zorobabel ha'e Jozadaque ra'y sacerdote yvateve va'e Josué, heta va'e kuery ha'e javi guive. Ha'e ramo ha'e kuery oupa vy onhemoĩ ju okuapy oo ojapoa rupi Nguuete \nd Senhor\nd* ixondaro reta va'e peguarã. 
\m  
\v 15 Mboapy meme jaxya ha'e vinte e quatro araa py ma ha'e rami ikuai. 
\c 2  
\s1 Mokoĩa templo omoexakã aguã re Nhanderuete ijayvuague 
\p  
\v 1 Ha'e gui mokoĩ ma'etỹ re ma huvixa Dario oĩ jave py, sete jaxya ha'e vinte e um araa py profeta Ageu pe \nd Senhor\nd* ombou ju oayvu. Ha'e vy aipoe'i: 
\p  
\v 2 — Ndeayvu ke aỹ Salatiel ra'y Judá pygua huvixa Zorobabel pe, Jozadaque ra'y sacerdote yvateve va'e Josué pe, ha'e heta va'e kuery ha'e javi pe guive. Ha'e vy aipo're: 
\m  
\v 3 “Mava'e peẽ kuery aỹ peve pekuave va'e regua pa pexa raka'e kova'e oo jypy guare iporãmba teri jave? Ha'e gui aỹ ma mba'exa tu pexa? Mba'everã ndovarevei va'e rami e'ỹ teve opyta aỹ?” 
\p  
\v 4 Ha'e rami teĩ po rami aỹ \nd Senhor\nd* ijayvu: “Zorobabel, ndepy'a guaxu ke. Jozadaque ra'y sacerdote yvateve va'e Josué, ndee voi ke ndepy'a guaxu. Ha'e heta va'e kuery pendeyvy re pendekuai va'e voi ke pendepy'a guaxu pemba'eapo aguã, mba'eta peẽ kuery reve xee aiko”, he'i \nd Senhor\nd* ixondaro reta va'e. 
\m  
\v 5 “Egito yvy gui pejupa jave xereve guarã ajapo va'ekue rami vy Xenhe'ẽ oiko 'rã penembyte rupi. Pekyje eme ha'vy.” 
\m  
\v 6 Mba'eta po rami ijayvu \nd Senhor\nd* ixondaro reta va'e: “Teĩgue ju amboryryipa 'rã yva ha'e yvy, ye'ẽ ha'e yvy yy e'ỹa guive.\x * \xo 2:6 \xt Hebreus 12.26-27\x* 
\m  
\v 7 Amboryryi 'rã yvy regua ha'e javi. Ha'e ramo yvy regua ha'e javi oguerupa 'rã mba'emo ojou porãve va'e. Ha'e rã kova'e oo xee amonyẽmba 'rã hexakã va'e”, he'i \nd Senhor\nd* ixondaro reta va'e. 
\m  
\v 8 “Prata ha'e ouro oĩ va'e ma xemba'e meme”, he'i \nd Senhor\nd* ixondaro reta va'e. 
\m  
\v 9 “Kova'e oo ma jypy guare gui hexakãmbave 'rã. Ha'e rami vy kova'e henda re ambou 'rã pendekuai porã aguã”, he'i \nd Senhor\nd* ixondaro reta va'e. 
\s1 Heta va'e kuery ndojeroviai ramo ijayvu eteague 
\p  
\v 10 Ha'e gui mokoĩ ma'etỹ re ma huvixa Dario oĩ jave py, nove jaxya ha'e vinte e quatro araa py \nd Senhor\nd* peteĩgue ju oayvu ombou profeta Ageu pe. Ha'e vy aipoe'i: 
\p  
\v 11 — Po rami ijayvu \nd Senhor\nd* ixondaro reta va'e: Eporandu ke sacerdote kuery ikuai va'e pe lei re oĩ va'e re. Ha'e vy aipo're: 
\m  
\v 12 “Xapy'a rei amongue xo'o iky'a e'ỹ va'erã omboaxa pyre onhovãa 'rã heravy oao py. Ha'e gui xapy'a rei xo'o ombovya rive 'rã mbojape, tembi'u ombojy pyre, vinho ryru, azeite ryru, ha'e'ỹ vy tembi'u oĩ va'e re rei. Ha'e rami rã ha'e va'e tembi'u voi nda'u opyta 'rã iky'a e'ỹ va'e?” 're. 
\p Ha'e rami sacerdote kuery pe aporandu rã ombovai: 
\p — Any — he'i okuapy. 
\p  
\v 13 Ha'e ramo Ageu oporanduve ju: 
\p — Ha'e gui xapy'a rei amongue mba'emo re'õgue re opoko vy ha'eve'ỹ va'e opyta rire ma kova'e nunga iky'a e'ỹ va'e re ju ojopy 'rã. Ha'e rami rã kova'e nunga ju nda'u opyta 'rã ha'eve'ỹ va'e? 
\p Sacerdote kuery ombovai: 
\p — Tá, opyta 'rã ri ha'eve'ỹ va'e — he'i. 
\p  
\v 14 Ha'e ramo Ageu aipoe'ive ju: 
\p — \nd Senhor\nd* aipoe'i: “Ha'e rami ae avi kova'e kuery ikuai, mba'eta kova'e regua ma ha'eve'ỹ va'e meme ikuai xerenonde. Ha'e rami ae ju opyta opo py mba'emo ojapo va'e, xevy pe ome'ẽ va'e voi. Iky'a va'e meme opyta.\f + \fr 2:14 \ft Ha'e kuery reko rami vy mba'emo iky'a va'e amboae regua re ombovy rive teĩ ha'e va'e voi opyta 'rã iky'a va'e. Ha'e kuery voi Nhanderuete nonhe'ẽ renduia rupi ikuai vy ixupe iky'a va'e opyta.\f* 
\m  
\v 15 Aỹ ma peikuaa porã pota ha'e va'e ára jave guive pendere oiko va'ekue ha'e javi re. Mba'eta templo \nd Senhor\nd* peguarã pejapo aguã ita pembojoja ypy e'ỹ mbove, 
\m  
\v 16 ha'e va'e jave e'ỹ mbove ma vinte ryru mba'emo pemoĩ porãague py peo vy dez ete'i 'rã pejou va'ekue. Vinho voi cinqüenta ryru pemboyruague py peo peraa aguã vy ma vinte ete'i 'rã pejou va'ekue. 
\m  
\v 17 Ha'e rami avi peẽ kuery re xee ambou yvytu raku, mba'emo ru'ũ ha'e amandau, pendepo py pejapo va'e ha'e javi áry. Ha'e ramive ma peẽ kuery neĩ peteĩve ndapejeko rerovai xevy guarã”, he'i \nd Senhor\nd*. 
\p  
\v 18 “Xee xeayvu ju: Aỹ guive peikuaa porã pota, nove jaxya ha'e vinte e quatro ára guive, \nd Senhor\nd* pegua templo pejapo aguã pemboypya ára guive, peikuaa pota ha'e nunga ha'e javi pendere oiko va'ekue re. 
\m  
\v 19 Mba'eta jipovei ma mba'emo ra'yĩgue pemoĩ porãague py. Uva'y ndai'avei avi, figo voi, romã, neĩ oliva voi. Ha'e rami teĩ kova'e ára guive xee romoingo porã 'rã”, he'i. 
\s1 Zorobabel pe \nd Senhor\nd* ojapo porã aguã re ijayvuague 
\p  
\v 20 Ha'e gui nove jaxya ha'e vinte e quatro araa pyve \nd Senhor\nd* teĩgue ju ombou oayvu Ageu pe. Ha'e vy aipoe'i: 
\p  
\v 21 — Aipo're ke Judá pygua huvixa Zorobabel pe: “Amboryryipa 'rã yva ha'e yvy. 
\m  
\v 22 Aity 'rã huvixa ikuai va'e po'akaague, ambovaipa 'rã yvy regua kuery imbaraeteague. Ambovaipa 'rã karóxa, ogueroguata va'e kuery guive. Ha'e ramo kavaju ha'e hi'árygua kuery ho'apa 'rã kyxe py peteĩ-teĩ jokutu vy.” 
\p  
\v 23 — \nd Senhor\nd* aipoe'ive ju: “Ha'e gui ndee Salatiel ra'y Zorobabel xerembiguai reiko va'e, ha'e va'e ára py rogueru vy roguereko 'rã xekuã regua xerery oĩa va'e rami, xee ae roiporavo rire”, he'i \nd Senhor\nd* ixondaro reta va'e. 
\p