\id REV - Gawli Marathi
\ide UTF-8
\h ದರ್ಶಾನ್
\toc3 ದರ್ಶಾನ್
\toc2 ದರ್ಶಾನ್
\toc1 ಯೊಹಾನಾಲಾ ಜಾ಼ಲ್ಯಾಲ ದರ್ಶಾನ್
\mt2 ಪ್ರಕಟಣೆ
\mt1 ಯೊಹಾನಾಲಾ ಜಾ಼ಲ್ಯಾಲ ದರ್ಶಾನ್
\imt ವಳಕ್
\ip ದರ್ಶಾನಾಚ಼ ಪುಸ್ತಕ್ ನವ್ಯಾ ಕರಾರಾಚ಼ ಪುಸ್ತಕ್ ವ್ಹವುನ್ ಹಾ. ಹ್ಯ ಪುಸ್ತಕ್ ಯೊಹಾನಾಲಾ ಕ್ರಿಸ್ತ ಜ಼ಲಾಮಲ್ಯಾವ ಲಕರುನ್ 95 ವರ್ಸಾತ್ ಲಿವಲ್ಯಾ.\xt 1:1\xt* ತ್ಯನಿ ಯೊಹಾನಾಚಿ ಬರಿ ಖಬರ್ ಆನಿ 1, 2, 3 ಯೊಹಾನಾಚಿ ಪತ್ರಿ ಲಿವಲ್ಯಾತ.“ಯೊಹಾನ್ ಯೆಸುಚಾ಼ ಮಾಯೆಚಾ಼” ಮನ್ಹುನ್ ಹಾಕಟಿತಾ \xt ಯೋಹಾನ್ 13:23\xt* ಹ್ಯ ದರ್ಶನಾಚ಼ ಪುಸ್ತಕ್ ತ್ಯೊ ಯೆಸುಚಿ ಬರಿ ಖಬರ್ ಪ್ರಕಟ್ ಕರಾಯಾ ಪತ್ಮೊಸ್ ಮಂತ್ಯಾಲ್ಯಾ ದ್ವಿಪಾತ್ ಆಡ್ಕುನ್ ಹುತಾ ತವಾ ಲಿವಲ್ಯಾ\xt 1:9 \xt*
\ip ಯೊಹಾನ್ ದರ್ಶಾನಾಚ಼ ಪುಸ್ತಕ್ ಲಿವಾಚಾ಼ ಉದೆಸ್ ವಾಚಿವತ್ಯಾಲ್ಯಾನಾ ಯೆಸು ಕ್ರಿಸ್ತಾಚಾ ಇಸ್ವಾಸಾನಿ ರಾಹಿ ಶಾರ್ಕ ಆನಿ ಯೆಸು ಪರ್ತುನ್ ಯತ್ಯಾಲಾ ಯೊಳ್ ಜ಼ವಳ್ ಆಲ್ಯಾ ಮಂತ್ಯಾಲ್ಯಾ ಇಸ್ವಾಸ್ ಥೆವಾಯಾಉಮೆದ್ ದೆತ್ಯಾಲ ಜಾ಼ಲ್ಯಾ \xt 1:3; 22:7\xt* ತ್ಯನಿ ಸಜ಼್ ಕ್ರಿಸ್ತಾಚಾ ಸಗಳ್ಯಾ ಇಸ್ವಾಸಿನಾ ಆನಿ 2, 3 ಪಾಟ್ಯಾತ್ ಬಗತ್ಯಾ ಶಾರ್ಕ ಸಾತ್ ಸಬೆನಾ ಲಿವ್ತೊ. ಯೊಹಾನ್ ಆಪ್ನಿ ಲಿವಲ್ಯಾಲ ಪ್ರವಾದನ್ ವ್ಹವುನ್ ಹಾ ಮಂತೊ \xt 1:1\xt* ಆನಿ ಆಪ್ನಿ ಬಗಲ್ಯಾಲ್ಯಾ ಖನ್ಕತಿ ವಿವರನ್ ಕರಾಯಾ ಹ್ಯಾ ಪುಸ್ತಕಾತ್ ಖುಬಜಾ಼ಗ ಪೂಟು ವಾಫರಲ್ಯಾತ. ಹ್ಯ ಪುಸ್ತಕ್ ಜು಼ನ್ಯಾ ಕರಾರಾಚಾ ಥೊಡ್ಯಾ ಬಾಘಾಂಚೆಗತ್ ಹಾ, ನಿಟ್ ಸಾಂಗಾಚ಼ ಮನಲ್ಯಾವ ಜಕರಿಯ \xt 6:1-8\xt* ಸಾತ್ ಪವ ಆನಿ ಸಾತ್ ಆಯ್ದಾನಬಿ ದೆವಾನಿ ಐಗುಪ್ತಾತ್ ಸಿಕ್ಷೆ ದಿಯಾಸಾಟಿ ಲಾವುನ್ ದಿಲ್ಯಾಲ್ಯಾ ತರಾಸಾಂಚೆಗತ್ ಹಾ ಇಮೊಚನ್\xt 7—9\xt* ದರ್ಶಾನಾಚ಼ ಪುಸ್ತಕ್ ಸರತ್ಯಾ ಯಳಾಚೆ ಗುಸ್ಟಿತ್ ಬೊಲ್ತ, ತ್ಯ ಯೆಸುಲಾ ಜಯ ವ್ಹತ ಆನಿ ತ್ಯಚಿವ ಕೊನ್ ಇಸ್ವಾಸ್ ಥೆವತ್ಯಾತ ತಿ ಸಗ್ಳಿ ತ್ಯಚಿ ಸಂಗ ಶಾಸ್ವತ್ ಜಿವ್ನಾ ಕರತ್ಯಾತ. ಹ್ಯ ಪುಸ್ತಕ್ ಯೆಸು ಬಿಗಿನಿ ಪರ್ತುನ್ ಯನಾರ್ ಮನ್ಹುನ್ ತುಮಾನಾ ಶಾನತ್ ಆನಿ ಇಸ್ವಾಸ್ ದೆತ.
\iot ಭಾಗ್
\io1 1. ಯೊಹಾನಾನಿ ಹ್ಯ ಪ್ರವಾದನೆಚ಼ ದರ್ಶನ್ ಕುನಾಲಾ ಆನಿ ಕಸ ಗೆತಲ್ಯಾ ಮನ್ಹುನ್ ಸಾಂಗಿತ್ ಸುರು ಕೆಲ್ಯಾ \ior 1:1-20\ior*
\io1 2. ತ್ಯನಿ ದೆವಾಕ್ನಿ ಆಲ್ಯಾಲಿ ಬರಿ ಖಬರ್ ಸಾತ್ ಸಬೆನಾ ದಿಲೆ \ior 1:1—3:22 \ior*
\io1 3. ಮಂಗ್ ತ್ಯೊ ಸಾತ್ ಸಿಕ್ಯಾಂಚಿ ಇವರ್ನಾ ಕರ್ತೊ 4:1—8:5 ಆನಿ ಸಾತ್ ಪೊಟವಾಂಚೆ ಗುಸ್ಟಿತ್ ಇವರನ್ ಕರ್ತೊ \ior 8:6—11:19 \ior*
\io1 4. ಮಂಗ್ ಯೊಹಾನ್ ಸಾತ್ ಡುಯಿಂಚಾ ಮೊಟ್ಯಾ ಸಾಪಾಂಚೆ ಇರೊದ್ ಬಾರಿಕ್ ಮುಲಾಚೆ ಲಡಾಯಿಚೆ ಗುಸ್ಟಿತ್ ಇವರನ್ ಕರ್ತೊ\ior 12:1—14:20\ior*
\io1 5. ಸಾತ್ ರಾಗಾನಿ ಬರಲ್ಯಾಲ್ಯಾ ಐದಾನಾಂಚೆ ಗುಸ್ಟಿತ್ ಇವರನ್ ಕರ್ತೊ \ior 15:1—16:18 \ior*
\io1 6. ಯೊಹಾನ್ ಸ್ವರ್ಗಾತ್ ದೆವ್ ಆಪಲ್ಯಾ ವೈರಿಂಚೆ ಮೊರ‍್ಹ ಕಸಾ ಜಿತೊ ಮನ್ಹುನ್ ಇವರನ್ ಕರ್ತೊ \ior 17:1—20:15\ior*
\io1 7. ಆನಿ ಸರತ್ಯಾ ಯಳಾಲಾ ಯತ್ಯಾಲೆ ನವ ಆಬಾಳ್ ಆನಿ ನವೆ ಜಿಮ್ನಿಚೆ ಗುಸ್ಟಿತ್ ಇವರನ್ ಕರ್ತೊ \ior 21:1—22:21 \ior*
\c 1
\p
\v 1 ಹ್ಯ ಯೇಸು ಕ್ರಿಸ್ತಾಚ಼ ದರ್ಶಾನ್ ಬಿಗಿನಿ ಘಡತ್ಯಾಲ ಆಪ್‌ಲ್ಯಾ ಸೇವಕಾನಾ ದಾವಾಯಾ ಸಾಟಿ ಹ್ಯ ಸಗ್ಳ ದೆವಾನಿ ಕ್ರಿಸ್ತಾಲಾ ಸಾಂಗ್ಲ. ಹ್ಯನಿ ಆಪ್ಲಾ ಸೇವಕ್ ಜಾ಼ಲ್ಯಾಲ್ಯಾ ಯೊಹಾನಾಲಾ ಹ್ಯ
\p ದಾವಾಯಾ ಆಪ್‌ಲ್ಯಾ ದುತಾಲಾ ಲಾವುನ್ ದಿಲಾ. 
\v 2 ಯೊಹಾನಾನಿ ಆಪ್ನು ಬಗ್‍ಲ್ಯಾಲ ಸಗ್ಳ ಸಾಂಗ್ಲ. ಹ್ಯ ಯೇಸು ಕ್ರಿಸ್ತಾನಿ ತ್ಯಲಾ ಸಾಂಗ್‍ಲ್ಯಾಲ ಖರ. ಹ್ಯ ದೇವಾಪ್ನಿ ಆಲ್ಯಾಲ ಸಾಂಗ್ನ. 
\v 3 ಹ್ಯ ಪ್ರವಾದನೆಚಾ ವಾಕ್ಯಾ ವಾಚಿವ್‌ಲ್ಯಾಲ ಐಕ್‌ತ್ಯಾಲ ಹ್ಯಾ ಪುಸ್ತಕಾತ್ ಲಿವ್‌ಲ್ಯಾಲ್ಯಾ ಬೊಲ್ಯಾಚೆಗತ್ ಚಾ಼ಲತ್ಯಾಲ ಕ್ಯವ್ಡಕಿ ಬರ. ಹ್ಯಾ ಸಗ್‌ಳ್ಯಾ ಗುಶ್ಟಿ ವ್ಹಯಾಚಾ಼ ಯೊಳ್ ಜ಼ವಳ್ ಹಾ.
\s ಆಶ ಶಿಮಚಾ ಸಾತ್ ಸಭೆನಾ ನಮಸ್ಕಾರ್
\p
\v 4 ಯೊಹಾನ್ ಆಶಾ ಸಿಮತ್ ಆಸ್‌ಲ್ಯಾಲ್ಯಾನಾ ಲಿವಾಚ಼ ಕ್ಯಾ ಮಂಜೆ ರಾನ್ಹಾರಾ, ಯನಾರಾ ಜಾ಼ಲ್ಯಾಲ್ಯಾಪ್ನಿ ಆನಿ ಯಚಾ ಸಿಂಹಾಸನಾಚೆ ಮೊರ‍್ಹ ಆಸ್‌ಲ್ಯಾಲಿ ಸಾತ್ ಆತ್ಮಾತ್ನಿ ತುಮಾನಾ ಶಾಂತಿ ಕ್ರಪಾ ಗಾಹುನಿ. 
\v 5 ಆನಿ ಯೇಸು ಕ್ರಿಸ್ತಾಪ್ನಿ ತ್ಯೊ ಖರ‍್ಯಾಚಿ ವಳಕ್ ಜಾ಼ಲ್ಯಾ ಮೆಲ್ಯಾಲ್ಯಾತ್ನಿ ಆಂದಿ ಜಿತ್ತಾ ವ್ಹವುನ್ ಆಲ್ಯಾಲಾ ತ್ಯೊಸ್ ಆನಿ ತ್ಯೊಸ್ ಹ್ಯಾ ಲೊಕಾಂಚಾ ರಾಜಾನಾ ಅಧಿಪತಿ ಜಾ಼ಲ್ಯಾ.
\p ಯೇಸು ಆಮ್ಚಿ ಮಾಯಾ ಕರ್ತೊ. ತ್ಯನಿ ಆಪ್‌ಲ್ಯಾ ರಕ್ತಾನಿ ಆಮಾನಾ ಆಮ್ಚಾ ಪಾಪಾಂಚೆ ಚು಼ಕಿತ್ನಿ ಶೊಡ್‍ಲ್ಯಾತ; 
\v 6 ಆಮಾನಾ ಯಾಕ್ ರಾಜೆ ಕರುನ್ ಆಮಾನಾ ಆಪ್ಲಾ ಬಾ ಜಾ಼ಲ್ಯಾಲ್ಯಾ ದೇವಾಚಿ ಸೇವಾ ಕರ್ತ್ಯಾಲ್ಯಾ ಯಾಜಕಾಂಚೆಗತ್ ಕೇಲ. ಯೇಸುಲಾ ಖಾಯಿಮ್ ಮೈಮೆ ಅಧಿಕಾರ್ ರಾಹುನಿ! ತಸಸ್ ವ್ಹವುನಿ.
\p
\v 7 “ಬಗಾ, ಯೇಸು ಢಘಾಂಚೆ ಸಂಗ ಯತ್ಯೊ” “ಪರತೇಕ್ ಜಾ಼ನ್ ತ್ಯಲಾ ಬಗ್ನಾರ್ ತ್ಯಲಾ ಬುಚಿವ್‌ಲ್ಯಾಲ ಸಾಹಿತ್ ಬಗ್ನಾರ್” “ತ್ಯಲಾ ಬಗುನ್ ದುನೆತ್ಲಿ ಲೊಕ ಸಗ್ಳಿ ಶಾತಿ ಬಡ್ವುನ್ ಗೆನ್ಹಾರ್” ವ್ಹಯ್, ಹ್ಯ ವ್ಹನಾರ್! ತಸಸ್ ವ್ಹವುನಿ. \x - \xo 1:7 \xo*\xt ದಾನಿಯೆಲ 7:13; ಜಕರಿಯಾ 12:10\xt*\x*
\p
\v 8 ಪ್ರಭು ಜಾ಼ಲ್ಯಾಲಾ ದೇವ್ ಸಾಂಗಾಚ಼ ಕ್ಯಾ ಮಂಜೆ: “ಮೀ ಪೈಲಾ ಆನಿ ಸರ್ತಾ ಜಾ಼ಲ್ಯೊ. ಆಂದಿಚಾ಼, ಅತಾಚಾ಼, ಮೊರ್ಹ ಯತ್ಯಾಲಾ ಸರ್ವ ಅಧಿಕಾರ್ ಆಸ್‌ಲ್ಯಾಲಾ ಮೀಸ್. ”
\s ಕ್ರಿಸ್ತಾಚ಼ ದರ್ಶನ್
\p
\v 9 ಯೊಹಾನ್ ಮಂಥ್ಯಾಲಾ ಮೀ ಕ್ರಿಸ್ತಾಪ ತುಮಚಾ಼ ಭಾಹು ಜಾ಼ಲ್ಯೊ. ಆಮಿ ಸಗ್ಳ ಯಂಗ್ದಾಸ್ ಯೇಸುಸ್ ಲಾಗುನ್ ತರಾಸಾತ್ ರಾಜಾತ್ ಥಂಡ್ಪನಾತ್ ಹಾವ್. ಮೀ ದೇವಾಚಾ ಸಾಂಗ್‍ನ್ಯಾಲಾ ಯೇಸುಚೆ ವಳ್ಕಿಸಾಟಿ ಹಾ ಮನ್ಹುನ್ ಪತ್ಮೊಸ್ ದ್ವಿಪಾತ್ ಹಾ. 
\v 10 ಪ್ರಭುಚಾ ದಿಸಾತ್ ಪವಿತ್ರಾತ್ಮಾನಿ ಮನಾ ಗೇತ್ಲಾ. ತವಾ ಮಾಜೆ ಮಾಗ ಯೊಕ್ ಮೊಟಾ ಸಬ್ದ ಐಕು ಆಲಾ. ತ್ಯೊ ಸಬ್ದ ತುತುರಿಚಾ ನಾದಾಚೆಗತ್ ಹುತ್ತಾ. 
\v 11 ತ್ಯೊ ನಾದ್, “ತು ಬಗ್‍ತ್ಯಾಲ ಸಗ್ಳ ಯಕಾ ಪುಸ್ತಕಾತ್ ಲಿವುನ್ ಎಫೆಸಾ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲದೆಲ್ಫಿಯ ಆನಿ ಲವೊದಿಕಿಯ ಮಂಥ್ಯಾಲ್ಯಾ ಸಾತ್ ಸಭೆನಾ ಲಾವುನ್ ದೆ” ಮನ್ಹುನ್ ಸಾಂಗತೊ. \fig ಎಶಾತಲ್ಯಾ ಸಾತ್ ಸಬೆಂಚಾ಼ ನಕಾಸಾ|alt="Map of seven churches in Asia" src="hk00378c.tif" size="col" copy="Horace Knowles ©" ref="1:11"\fig*
\p
\v 12 ಮಾಜೆ ಸಂಗ ಕೊನ್ ಬೊಲ್‍ತ್ಯಾ ಮನ್ಹುನ್ ಬಗಾಯಾ ಮೀ ಮಾಗ ಬಗ್ತಾನಾ, ಸಾತ್ ಸೊನ್ಯಾಚ಼ ದಿವಲಾವ್ನ ಬಗಲ. 
\v 13 ತ್ಯಾ ದಿವಲಾವನ್ಯಾಂಚೆ ಮದ್ದಿ “ಮಾನ್ಸಾಚಾ ಲೇಕಾಚೆಗತ್ ಆಸ್‍ಲ್ಯಾಲ್ಯಾಲಾ ಮೀ ಬಗ್ಲಾ. ತ್ಯನಿ ಲಾಂಬ್ಡಾ ಜ಼ಘಾ ಗ್ಯಾತ್ಲಾಹುತ್ತಾ; ಸೊನ್ಯಾಚಿ ಪಟ್ಟಿ ಶಾತಿವ ಬ್ಯಾಂದ್ಲಿಹುತ್ತಿ. 
\v 14 ತ್ಯಚೆ ಡುಯಿಚ಼ ಕ್ಯಾಸ್ ಮಂಜಾ಼ಚೆಗತ್ ಪಾಂಡರ‍್ಯಾ ಮೆಂಡ್ರಾಚೆಗತ್ ಹುತ್ತ; ಡೊಳ ಇಸ್‍ಥ್ಯಾಚೆ ಜ಼ಳಿಚೆಗತ್ ಹುತ್ತ. 
\v 15 ಪ್ಯಾ ಬಠಿತ್ ತಾಪಿವಲ್ಯಾಲ್ಯಾ ತಾಂಬಿಲಾಲ್ ತಾಂಬ್ಯಾಚೆಗತ್ ಹುತ್ತ; ತ್ಯಚಾ಼ ನಾದ್ ವ್ಹಾವ್‍ತ್ಯಾಲ್ಯಾ ಪಾನ್ಯಾಚಾ ಜ಼ರ‍್ಯಾಚೆಗತ್ ಹುತ್ತಾ. 
\v 16 ತ್ಯನಿ ಆಪ್‍ಲ್ಯಾ ಉಜ್‍ವ್ಯಾ ಹಾತಾತ್ ಸಾತ್ ಚಾನ್ಯಾ ದರ್ಲ್ಯಾಹುತ್ಯಾ. ತ್ಯಚಾ ತೊಂಡಾತ್ನಿ ಧಾರ್ ಆಸ್‌ಲ್ಯಾಲ ದುಯಿಕ್ನಿ ಲಾಗ್‌ತ್ಯಾಲ ಥಲ್ವಾರ್ ಬಾಹಿರ್ ಯಯಿತ. ತ್ಯಚ಼ ತ್ವಾಂಡ್ ದೊಪ್ಯಾರ್ಚಿ ದಿಸತ್ಯಾಲ್ಯಾ ದಿಸಾಚೆಗತ್ ಹುತ್ತ.
\p
\v 17 ಮೀ ತ್ಯಲಾ ಬಗ್ಲಾ ತವಾ, ತ್ಯಚಾ ಪಾಯಾತ್ ಮೆಲ್ಯಾಚೆಗತ್ ಬಡ್ಲೊ. ತ್ಯನಿ ಆಪ್ಲಾ ಉಜ್ವಾ಼ ಹಾತ್ ಮಾಜಿವ ಥಿವುನ್, “ಭಿಹುನಕೊಸ್! ಮೀಸ್ ಆಂದಿಚಾ಼ ಆನಿ ಸರ್ತಾ. 
\v 18 ಮೀಸ್ ಜಿತ್ತಾ ಪ್ರಭು. ಮೀ ಮೆಲ್ಯೊ, ಫನ್ ಆತಾ ಬಗ್, ಮೀ ಖಾಯಿಮ್ ಜ಼ಗತ್ಯಾಲಾ ಜಾ಼ಲ್ಯೊ. ಮರ್ನಾವ ಆನಿ ಪಾತಾಳಾವ ಅಧಿಕಾರ್ ಮನಾ ಹಾ. ” 
\v 19 “ಮನ್ಹುನ್ ತು ಬಗ್‍ಲ್ಯಾಲ್ಯಾ ಗುಶ್ಟಿ ಲಿವ್. ಆತಾ ಚಾ಼ಲತ್ಯಾಲ್ಯಾ ಖನ್ಕತಿ ಆನಿ ಮೊರ‍್ಹ ಚಾ಼ಲತ್ಯಾಲ್ಯಾ ಖನ್ಕತಿ ಲಿವ್. 
\v 20 ಮಾಜಾ ಉಜ್‍ವ್ಯಾ ಹಾತಾತ್ ತು ಬಗ್‍ಲ್ಯಾಲ್ಯಾ ಸಾತ್ ಚಾನ್ಯಾ ಆನಿ ತು ಬಗ್‍ಲ್ಯಾಲ ಸಾತ್ ಸೊನ್ಯಾಚಾ ದಿವಲಾವನ್ಯಾಂಚಾ಼ ಅರ್ಥ್ ಆಸ ಹಾ: ಸಾತ್ ಚಾನ್ಯಾ ಮಂಜೆ ಸಾತ್ ಸಭೆಚ಼ ಧುತ್. ಸಾತ್ ದಿವಲಾವ್ನ ಮಂಜೆ ಸಾತ್ ಸಭೆ. ” ಮನ್ಹುನ್ ಸಾಂಗ್ಲ.
\c 2
\s ಎಫೆಸಾತ್ ಆಸ್‍ಲ್ಯಾಲ ಸಂದೇಶ್
\p
\v 1 ಎಫೆಸಾತ್ ಆಸ್‍ಲ್ಯಾಲ್ಯಾ ಸಭೆಚಾ ದುತಾಲಾ ಹ್ಯ ಲೀವ್:
\p ಆಪ್‌ಲ್ಯಾ ಉಜ಼ವ್ಯಾ ಹಾತಾತ್ ಸಾತ್ ಚಾನ್ಯಾ ದರ‍್ಹುನ್ ಆಸ್‍ಲ್ಯಾಲಾ ಆನಿ ಸಾತ್ ದಿವಲಾವನ್ಯಾಂಚೆ ಮದ್ದಿ ಫಿರ್ತ್ಯಾಲ್ಯಾ ತುಲಾ ಹಿ ಸಗ್ಳಿ ಬಾತ್ನಿ ಸಾಂಗ್ಲಿ.
\p
\v 2 “ತು ಕರ್ತ್ಯಾಲ ಮನಾ ಸಮಾಜ಼ಲ್ಯಾ. ತು ತರಾಸ್ ಖಾವುನ್ ಕಾಮ್ ಕರೀತ್ ಥಂಡ್ಫನಾನಿ ಹಾಸ್. ತು ಬುರ್ಶಾ ಲೊಕಾನಾ ಸುಸ್ವುನ್ ಗಿಹಿತ್ನಾಹಿಸ್ ಮನ್ಹುನ್ ಸಮಾಜ಼ಲ್ಯಾ. ಅಪೊಸ್ತಲ್ ಜಾ಼ಲ್ಹ ನಸ್ಲತರಿ ಆಪ್‍ಲ್ಯಾನಾ ಅಪೊಸ್ತಲ್ ಮನ್ಹುನ್ ಗೆಥ್ಯಾಲ್ಯಾನಾ ಸಮಜು಼ನ್ ತೇ ಲಬ್ಡ ಮನ್ಹುನ್ ಥರಿವ್ಲಸ್ 
\v 3 ತು ಥಂಡ್ಫನಾನಿ ಖಾಯಿಮ್ ಖಟ್ಪಟ್ ಕರ್ತ್ಯೊಸ್ ಮಾಜಾ ನಾವಾಸ್ಲಾಗುನ್ ತರಾಸ್ ಬೇಜಾರ್ಕರಾಚೆ ಆಂದಿ ಸುಸ್ವುನ್ ಗೇತ್‌ಲ್ಯಾಸ್
\p
\v 4 ಫನ್ ತುಜೆ ಆಡ್ವ ಮೀ ಸಾಂಗಾಚ಼ ಕ್ಯಾ ಮಂಜೆ ತುಜಿ ಪೈಲಿ ಮಾಯಾ ಸುಡುನ್ದಿಲೆಸ್ 
\v 5 ಮನ್ಹುನ್ ತು ಖುಟ್ನಿ ಪಡ್‍ಲ್ಯಾಸ್ ಮನ್ಯಾಚ಼ ಯಾದ್ ಕರ್ ಮನ್ ಪರತ್ ತು ಆಂದಿ ಕೇಲ್ಯಾಲಿ ಕಾಮ ಕರ್ ತು ಪರಾತ್ಲಾ ನಾಹಿಸ್ತ ಮೀ ತುಜಿಪ ಯವುನ್ ತುಜ಼ ದಿವಲಾವ್ನ ತ್ಯಂಚಾ ಜಾ಼ಗ್ಯಾವ್ನಿ ಕ್ಯಾಡ್ನಾರ್ 
\v 6 ಫನ್ ತು ಚಾ಼ಂಗ್ಲ ಯಾಕ್ ಕಾಮ್ ಕರ್ತ್ಯೊಸ್ ತ್ಯ ಕ್ಯಾ ಮಂಜೆ ನಿಕೊಲಾಯಾಂಚಾನಿ\f + \fr 2:6 \fr*\ft ನಿಕೊಲಾಯಾ ಮಂಥ್ಯಾಲಾ ಯೊಕ್ ಮಾನುಸ್ ತ್ಯಚೆ ಮಾಗ್ನಿ ಜಾ಼ನಾರ‍್ಯಾನಾ ನಿಕೊಲಾಯಾ ಮಂಥ್ಯಾತ. \ft*\f* ಕರ್ತ್ಯಾಲ್ಯಾ ಕಾಮಾಂಚಾ಼ ರಾಗ್ ಕರ್ತ್ಯೊಸ್ ಮೀ ಬಿ ತ್ಯಂಚಾ ಕಾಮಾಂಚಾ಼ ರಾಗ್ ಕರ್ತೊ.
\p
\v 7 ಪವಿತ್ರಾತ್ಮ ಸಭೆನಾ ಸಾಂಗ್‌ತ್ಯಾಲ್ಯಾ ಹ್ಯಾ ಖನ್ಕತಿ ಐಕ್‌ತ್ಯಾಲ್ಯಾ ಧ್ಯಾನ್ ದಿವುನ್ ಐಕ್. ಕೊನ್ ಜಿತ್ತೊ ತ್ಯಲಾ ಖಾಯಾಲಾ ಜೀವಾಚಾ ಜಾ಼ಡ್ಹಾಚಾ ಫಳಾಚಾ಼ ಹಾಕ್ ದೇತೊ. ಹ್ಯ ಝ಼ಾಡ್ ದೇವಾಚೆ ಬಾಗತ್ ಹಾ.
\s ಸ್ಮುರ್ನಾತ್ ಆಸ್‌ಲ್ಯಾಲೆ ಸಭೆಲಾ ಸಂದೇಶ್
\p
\v 8 ಸ್ಮುರ್ನಾತ್ ಆಸ್‌ಲ್ಯಾಲೆ ಸಭೆಚಾ ದುತಾಲಾ ಹ್ಯ ಲಿವ್:
\p ಪೈಲಾ ಆನಿ ಸರ್ತಾ ಜಾ಼ಲ್ಯಾಲ್ಯಾ ತುಲಾ ಹ್ಯ ಸಾಂಗ್‍ತ್ಯೊ ಮರುನ್ ಜಿತ್ತಾ ವ್ಹವುನ್ ಉಠುನ್ ಆಲ್ಯಾಲಾ ತ್ಯೊಸ್
\p
\v 9 “ತುಜಾ಼ ತರಾಸ್ ಮನಾ ಠಾವಾ ಹಾ. ತು ಗರೀಬ್ ಮನ್ಹುನ್ ಮನಾ ಸಮಾಜ಼ಲ್ಯಾ. ಫನ್ ತು ಖರ‍್ಯಾನಿ ಸಾವ್ಕೊರ್. ತುಜೆ ಗುಶ್ಟಿತ್ ಥುಡಿ ಲೊಕ ಸಾಂಗ್‌ತ್ಯಾಲ್ಯಾ ಬುರ್ಶಾ ಖನ್ಕತಿ ಮನಾ ಸಮಾಜ಼ಲ್ಯಾತಾ. ತೀ ಲೊಕ ಆಪ್‌ಲ್ಯಾಲಾ ಯಹುದಿ ಮನ್ಹುನ್ ಗೆಥ್ಯಾತ ಫನ್ ತೀ ಖರಿ ಯಹುದಿ ನವ್ಹತ. ತೀ ಸೈತಾನಾಚಾ ಮೆಳ್ಯಾತ್ಲಿ ಜಾ಼ಲ್ಯಾತ. 
\v 10 ತುಲಾ ವ್ಹನಾರ‍್ಯಾ ಖನ್ಕತಿಂಚೆ ಗುಶ್ಟಿತ್ ಬಿಹುನಕೊ ಮಿ ತುಲಾ ಸಾಂಗಾಚ಼ ಕ್ಯಾ ಮಂಜೆ ಸೈತಾನಾನಿ ತುಮ್ಚಾತ್‍ಲ್ಯಾ ಥೊಡ್ಯಾನಾ ಪಾರಕ್ ಕರಾಯಾ ಸಾಟಿ ತುರುಂಗಾತ್ ಗಾಲ್ನಾರ್ ತುಮಿ ಧಾ ದಿಸಾ ಪರ‍್ಯಾತ್ ತರಾಸ್ ಖಾನಾರ್ ತು ಮರ ಪರತ್ಬಿ ಇಸ್ವಾಸಾಚಾ಼ ಜಾ಼ಲ್ಯಾವ ಮೀ ತುಲಾ ಜೀವ್ ಮಂಥ್ಯಾಲ ಕಿರಿಟ್ ದಿಯಿನ್
\p
\v 11 ಪವಿತ್ರಾತ್ಮ ಸಭೆನಾ ಸಾಂಗ್‌ತ್ಯಾಲ್ಯಾ ಹ್ಯಾ ಖನ್ಕತಿ ಐಕ್‌ತ್ಯಾಲ್ಯಾ, ಧ್ಯಾನ್ ದಿವುನ್ ಐಕ್ ಜಿತ್‍ಲ್ಯಾಲ್ಯಾಲಾ ದೊನ್ವ ಮರಾನ್ ಬಾದತ್ ನಾಹಿ.
\s ಪೆರ್ಗಮಾತ್ಲೆ ಸಭೆಲಾ ಸಂದೆಶ್
\p
\v 12 ಪೆರ್ಗಮಾತ್ಲೆ ಸಭೆಚಾ ದುತಾಲಾ ಹ್ಯ ಲೀವ್:
\p ದುಯಿಕ್ಲೆ ದಾರ್ಹಚ಼ ಹಾತ್ಯಾರ ಆಸ್‌ಲ್ಯಾಲಾ ತುಲಾ ಹ್ಯ ಸಾಂಗ್‌ತ್ಯೊ.
\p
\v 13 ತು ಕುಠ ನಾಂದ್‌ತ್ಯೊಸ್ ಮನ್ಹುನ್ ಮನಾ ಸಮಾಜ್‍಼ಲ್ಯಾ ಸೈತಾನಾಚ಼ ಸಿಹಾಸನ್ ಹಾ ತಿಕ್ಡ ತು ನಾಂದ್‍ತ್ಯೊಸ್. ಫನ್ ತು ಮನಾ ಇಸ್ವಾಸಾಚಾ಼ ಹಾಸ್. ಅಂತಿಪಾಚಾ ಕಾಲಾತ್ ತು ಮಾಜಿವ ಥೆವ್‍ಲ್ಯಾಲಾ ಇಸ್ವಾಸ್ ಸಾಂಗಾಯಾ ನಾಹಿ ಮನ್ಲಾ ನಾಹಿಸ್. ತುಜೆ ಪೆಠ್ಹತ್ ಮಾರುನ್ ಟ್ಯಾಕ್‌ಲ್ಯಾಲಾ ಅಂತಿಪಾ ಮಾಜಾ ಇಸ್ವಾಸಾಚಿ ವಳಕ್ ಜಾ಼ಲ್ಥಾ. ತುಜ಼ ಶಾರ್ ಸೈತಾನ್ ನಾಂದ್‍ತ್ಯಾಲ ಶಾರ್ ಜಾ಼ಲ್ಯಾ.
\p
\v 14 ಫನ್ ತುಜೆ ಆಡ್‌ವ್ಯಾ ಸಾಂಗಾಯಾ ವ್ಹಯಿ ಜಾ಼ಲ್ಯಾಲ್ಯಾ ಥೊಡ್ಯಾ ಖನ್ಕತಿ ಹಾತ್ತಾ. ತುಜೆ ಸಭೆತ್ ಬಿಳಾಮಾಚಾ ಬುರ್ಶಾ ಗುಶ್ಟಿ ಚಾ಼ಲಿವತ್ಯಾಲಿ ಲೊಕ ಹಾತ್ತ. ಇಸ್ರಾಲೆಯಚಾ ಲೊಕಾನಾ ಕಸ ಪಾಪಾತ್ ಗಾಲ್ಹಾಚ಼ ಮನ್ಹುನ್ ಬಾಲಾಕಾಲಾ ಬುರ್ಸ ಸಿಕಿವ್ನ ಸಾಂಗ್ಲ. ಮನ್ಹುನ್ ಇಸ್ರಾಯಲಾಂಚಾನಿ ಪಾಶಾನಾನಾ ಥೆವ್‍ಲ್ಯಾಲ ಜೇವಾನ್ ಖಾಲ್ಯಾಲ್ಯಾಸ್ ಲಾಗುನ್ ಬುರ್ಸಿ ಶಾರೀರಿಕ್ ಪಾಪ ಕಿಲಿತ. 
\v 15 ತುಜೆ ಸಭೆತ್ಬಿ ಆಸಸ್ ಚಾ಼ಲತ್ಯಾ. ನಿಕೊಲಾಯಿತಾಂಚಾ ಸಿಕಿವ್‍ನ್ಯಾಚೆಗತ್ ಚಾ಼ಲತ್ಯಾಲಿ ಲೊಕ ತುಜಿಪ ಹಾತ್ತ. 
\v 16 ಮನ್ಹುನ್ ತುಜ಼ ಮನ್ ಬದಲ್! ನಾಹಿತ, ಮೀ ಆತಾಸ್ ತುಜಿಪ ಯವುನ್ ಮಾಜಾ ತೊಂಡಾತ್ನಿ ಬಾಹಿರ್ ಯತ್ಯಾಲ್ಯಾ ಹಾತ್ಯಾರ‍್ಯಾನಿ ತ್ಯಾ ಲೊಕಾಂಚೆ ಆಡ್ವಾ ಲಡ್ತೊ.
\p
\v 17 ಪವಿತ್ರಾತ್ಮ ಸಭೆನಾ ಸಾಂಗ್‌ತ್ಯಾಲ್ಯಾ ಹ್ಯಾ ಗುಶ್ಟಿ, ಕಾನ್ ಆಸ್ಲತ ಐಕ್.
\p ಜಿತ್‍ಲ್ಯಾಲ್ಯಾ ಪರತೇಕ್ ಮಾನ್ಸಾಲಾ ಮಿ ದಡ್ವುನ್ ಥೆವ್‍ಲ್ಯಾಲಾ ಮನ್ನಾ\f + \fr 2:17 \fr*\ft ಮನ್ನಾ ಬಗಾ: ವಿಮೋಚನ್. 16:4-36; ಇಬ್ರಿಯ. 9:4. \ft*\f* ದೇತೊ. ತ್ಯಲಾ ಮೀ ಪಾಂಡ್ರಾ ದೊಂಢಾ ದೇತೊ. ತ್ಯಾ ದೊಂಢ್ಯಾವ ನವ ನಾವ್ ಕ್ಯಾಡ್‍ಲ್ಯಾ. ಹ್ಯ ನವ ನಾವ್ ಕುನಾಲಾ ಸಮಾಜ಼ಲ ನಾಹಿ. ಹ್ಯೊ ದೊಂಢಾ ಗೇತಲ್ಯಾಲಾ ಮಾನುಸ್ ತ್ಯವ್ಡಾಸ್ ನವ ನಾವ್ ಸಮಜು಼ನ್ ಗೆಥೊ
\s ಥುವತೈರಾತ್ಲೆ ಸಭೆಲಾ ಸಂದೇಶ್
\p
\v 18 ಥುವತೈರಾತ್ಲೆ ಸಭೆಚಾ ದುತಾಲಾ ಹ್ಯ ಲೀವ್:
\p ದೇವಾಚಾ಼ ಲ್ಯೊಕ್ ಹ್ಯಾ ಖನ್ಕತಿ ಸಾಂಗ್‍ತ್ಯೊ. ಇಸ್‌ಥ್ಯಾಚೆ ಜ಼ಳ್ಹಿಚೆಗತ್ ಜ಼ಳ್ಹಾಕ್‌ತ್ಯಾಲ ಡೊಳ ಚಕ್ಮಕತ್ಯಾಲ್ಯಾ ತಾಂಬ್ಯಾಚೆಗತ್ ಆಸ್‌ಲ್ಯಾಲಿ ಪಾವ್ಲ ಆಸ್‍ಲ್ಯಾಲಾ, ತುಲಾ ಹ್ಯ ಸಗ್ಳ ಸಾಂಗ್‍ತ್ಯೊ.
\p
\v 19 ತು ಕರ್ತ್ಯಾಲಿ ಕಾಮ ಮನಾ ಸಮಾಜ಼ಲ್ಯಾತ. ತುಜಿ, ಮಾಯಾ, ಇಸ್ವಾಸ್ ಸೆವೆ ಆನಿ ಥಂಡ್ಫನ ಮನಾ ಸಮಾಜ಼ಲ್ಯಾತ. ಆತಾ ತು ಆಂದಿಚಾವ್ನಿ ಖುಬ್ ಕರ್ತ್ಯೊಸ್ ಮನ್ಹುನ್ ಠಾವ ಹಾ. 
\v 20 ಫನ್ ತುಜೆ ಆಡ್ವ ಹ್ಯ ಸಗ್ಳ ಸಾಂಗಾ ವ್ಹಯಿ ಜಾ಼ಲ್ಯಾ. ಯೆಜೆಬೆಲ್ ಮಂಥ್ಯಾಲೆ ಬ್ಯಾಯ್ಕಾ ಮಾನಸಾನಿ ಆಪ್‌ಲ್ಯಾ ಮನಾ ಶಾರ್ಕ ಕರಾಯಾ ಆವ್ಕಾಶ್ ದಿಲ್ಯಾ. ತೀ ಆಪ್‌ಲ್ಯಾಲಾ ಪ್ರವಾದಿನಿ ಮನ್ಹುನ್ ಸಾಂಗಿತ್ ಆಪ್‌ಲ್ಯಾ ಶಿಕ್ಷನಾನಿ ಮಾಜಾ ಸೇವಕಾನಾ ಬುರ್ಸೆ ವಾಟವ ನೆಥೆ ರಾಂಡ್ಸಂಗತ್ ಕರಾಯಾ ಪಾಶಾನಾನಾ ಥೆವ್‍ಲ್ಯಾಲ ಜೇವಾನ್ ಖಾಯಾ ತೀ ಮಾಜಾ ಲೊಕಾನಾ ಸಾಂಗ್ತೆ. \f + \fr 2:20 \fr*\ft ಬಗಾ ಪ್ರಕಟನೆ 2:14 \ft*\f* 
\v 21 ಆಪ್ಲ ಮನ್ ಬದ್ಲುನ್ ಪಾಪಾತ್ನಿ ದುರ್ ಸರಾಯಾ ಮೀ ತಿಲಾ ಯೊಳ್ ದಿಲಾತರಿ ಅನೈತಿಕ್ ಸಂಬಂದಾತ್ನಿ ಪರತಾಯಾ ಮನ್ ಕರಿತ್ನಾಹಿ.
\p
\v 22 ಮನ್ಹುನ್ ತೀ ಮೊಟಾ ತರಾಸ್ ಗಿಹುನ್ ಹಾತ್ರುನಾತ್ ಪಡುನ್ ರಾಹಿಜೊ಼ಗ ಕರ್ತೊ. ತಿಚಿ ಸಂಗ ವ್ಯಬಿಚಾರ್ ಕೇಲ್ಯಾಲಿ ಲೊಕ ಸಗ್ಳಿ ಮೊಟಾ ತರಾಸ್ ಗೇನ್ಹಾರ್. ತಿನಿ ಕೆಲ್ಯಾಲ್ಯಾ ಕಾಮಾಂಚೆಸಾಟಿ ತೀ ಸುಟ್ಕಿ ಜಾ಼ಲ್ಯಾತ ಮೀ ಹ್ಯ ಆತಾಸ್ ಕರ್ತೊ 
\v 23 ಮೀ ತಿಚೆ ಮಾಗ್ನಿ ಗೇಲ್ಯಾಲ್ಯಾನಾ ಮಾರುನ್ ಟ್ಯಾಕ್ತೊ ಮಾನ್ಸಾಚ಼ ಆತ್ಲ ಮನ್ ತ್ಯಂಚಿ ಯವಜ್ನಾ಼ ಸಮಜು಼ನ್ ಗೇತಲ್ಯಾಲಾ ಮೀಸ್ ಮನ್ಹುನ್ ತವಾ ಸಗ್ಳೆ ಸಭೆತ್ಲಿ ಸಮಜು಼ನ್ ಗಿಥಿಲ. ತುಮ್ಚಾತ್‌ಲ್ಯಾ ಪರತೇಕಾಲಾ ತ್ಯಚಾ ತ್ಯಚಾ ಕಾಮಾ ಶಾರ್ಕ ಪ್ರತಿ ಫಳ್ ದೇತೊ.
\p
\v 24 ಫನ್ ಥುವತೈರಾತಲ್ಯಾ ಬಾಕಿಚಾನಾ, ಮಂಜೆ ಸೈತಾನಾಪ್ನಿ ಆಲ್ಯಾಲ್ಯಾ ಬುರ್ಶಾ ಶಿಕ್ಷೆನಾಚ಼ ಖೊಲ್ ಕುನಿ ಕುನಿ ಸಮಜಾ಼ಚೆ ಆಂದಿ ತ್ಯಚಿಗತ್ ಚಾ಼ಲಾಚೆ ಆಂದಿ ರಾತ್ಯಾತ ತ್ಯನಾ ಸಾಂಗಾಚ಼ ಕ್ಯಾ ಮಂಜೆ, ಮೀ ಆನಿ ಯಾಕ್ ವಜ಼ ತುಮ್ಚಿವ ವಾವಿತ್ನಾಹಿ. 
\v 25 ಮೀ ಯಯಿ ಪರತ್ ತುಮಿ ಆತಾ ಹಾಸಾ ತಸಿಸ್ ರಾವ್ಹಾ
\p
\v 26 ಜಿತ್‌ಲ್ಯಾಲ್ಯಾಲಾ ಆನಿ ಮೀ ಮನ್ ಕೆಲ್ಯಾಲ ಸರ್ತ್ಯಾ ಪರತ್ ಕರ್ತ್ಯಾಲ್ಯಾಲಾ ಸಗ್‌ಳ್ಯಾ ಲೊಕಾಂಚಿವ ಹುಕುಮ್ ದೇತೊ: 
\v 27 ‘ತ್ಯೊ ಲೊಖಾಂಡಾಚೆ ಕಾಠಿನಿ ತ್ಯನಾ ಚಾ಼ಲಿವ್ನಾರ್. ಮಾತಿಚಾ ಲ್ಯೊಟ್‍ಕ್ಯಾಚೆಗತ್ ತ್ಯಂಚ಼ ಬಳ್ ಪುಡಿ ಪುಡಿ ಕರ್ನಾರ್. \f + \fr 2:27 \fr*\ft ಲಿವ್ನ: ಕೀರ್ತನೆ. 2:8-9. \ft*\f* 
\v 28 ಮೀ ಮಾಜಾ ಬಾಪ್ನಿ ಗೆತಲ್ಯಾಲ ಬಳ್ ಹ್ಯಸ್. ಮೀ ತ್ಯಲಾ ಉಜಾ಼ಡತ್ಯಾಲಿ ಚಾನ್ನಿ ದೆತೊ.
\p
\v 29 ಪವಿತ್ರಾತ್ಮ ಸಭೆನಾ ಸಾಂಗ್‌ತ್ಯಾಲ್ಯಾ ಹ್ಯಾ ಖನ್ಕತಿ, ಕಾನ್ ಆಸ್‌ಲ್ಯಾಲಾ ಐಕುನಿ.
\c 3
\s ಸಾರ್ದಿಸಾತ್ಲೆ ಸಬೆಲಾ ಸಂದೇಶ್
\p
\v 1 ಸಾರ್ದಿಸಾತ್ಲೆ ಸಬೆಚಾ ದುತಾಲಾ ಹ್ಯ ಲಿವ್:
\p ಸಾತ್ ಆತ್ಮಿ ಆನಿ ಸಾತ್ ಚಾನ್ಯಾ ಆಸಲ್ಯಾಲಾ ಸಾಂಗಾಚ಼ ಕ್ಯಾ ಮಂಜೆ: ತು ಕರ್ತ್ಯಾಲ ಮನಾ ಸಮಾಜ಼ಲ್ಯಾ. ತು ಜಿವ್ ಆಸಲ್ಯಾಲಾ ಆನಿ ತುಲಾ ಮರ‍್ಯಾದ್ ಹಾ ಮನ್ಹುನ್ ಮನಾ ಠಾವ ಹಾ. ಫನ್ ತು ಖರ್‍ಯಾನಿಸ್ ಮೆಲ್ಯಾಸ್. 
\v 2 ಉಟ್! ಮರಾಯಾ ಜ಼ಾಲ್ಯಾಲ್ಯಾ ಸಗಳ್ಯಾನಾ ಧಿರ್ ದೆ. ತು ಕೆಲ್ಯಾಲಿ ಕಾಮ ಮಾಜಾ ದೇವಾಚೆ ನದ್ರಲಾ ಚು಼ಕ್ ನಸಲ್ಯಾಲಿ ಮಿ ಬಗ್ಲಿ ನಾಹಿತ.
\p
\v 3 ಮನ್ಹುನ್ ತು ಹು ಮನ್‍ಲ್ಯಾಲ ಆನಿ ಐಕ್‍ಲ್ಯಾಲ ಸಿಕ್ಷೆನ್ ಇಸ್ರಾಚೆ ಆಂದಿ ತ್ಯಚಿಗತ್ ಚಾ಼ಲ್. ತುಜ಼ ಮನ್ ಆನಿ ಜಿವ್ನಾ ಬದ್ಲುನ್ಗೆ! ಹುಶಾರ್ ಹೊ! ನಾಹಿತ, ಮಿ ಚೊ಼ರಾಚೆಗತ್ ತುಜಿಪ ಯವುನ್ ತುಲಾ ಗಾಭರ್ನಾರ್. ಮಿ ಕವಾ ಯನಾರ್ ಮನ್ಹುನ್ ತುಲಾ ಠಾವಾ ರಾನಾರ್ನಾಹಿ.
\p
\v 4 “ತುಮ್ಚೆ ಸಾರ್ದಿಸ್ ಸಬೆಚಿ ಥುಡಿಜ಼ನ ಆಜು಼ನ್ ಪವಿತ್ರ ಜಾ಼ಲ್ಯಾತ. ತ್ಯಂಚಾನಿ ಆಪ್ಲ ಕಪ್ಡ ಬುರ್ಸ ಕರುನ್ ಗೆತ್ಲ ನಾಹಿತ. ತಿ ಮಾಜಿಸಂಗ ಚಾ಼ಲ್ನಾರ್. ತಿ ಚಾ಼ಂಗ್ಲಿ ಹಾತ ಮನ್ಹುನ್ ಪಾಂಡ್ರಿ ದಡೊತ ಗ್ಯಾಲತ್ಯಾತ. 
\v 5 ಜಿತ್‌ಲ್ಯಾಲಾ ಪರತೆಕ್ ಯೊಕ್ ಹ್ಯಾ ಲೊಕಾಂಚೆಗತ್ ಪಾಂಡ್ರಿ ದಡೊತ ಗ್ಯಾಲ್ತೊ. ತ್ಯಾ ಮಾನ್ಸಾಚ಼ ನಾವ್ ಮಿ ಜಿವ್ ಬಾದ್ಯಾಚಾ ಪುಸ್ತಕಾತ್ನಿ ಕಾಡಿತ್ನಾಹಿ. ತ್ಯೊ ಮಾಜಾ಼ಸ್ಮನ್ಹುನ್ ಮಾಜಾ ಬಾಚೆ ಮೊರ್ಹ ಆನಿ ತ್ಯಚಾ ದುತಾಂಚೆ ಮೊರ್ಹ ಸಾಂಗ್ತೊ.
\p
\v 6 ಪವಿತ್ರ ಆತ್ಮ ಸಬೆನಾ ಸಾಂಗತ್ಯಾಲ್ಯಾ ಹ್ಯಾ ಖನ್ಕತಿ ಐಕ್‌ತ್ಯಾಲ್ಯಾ, ಧ್ಯಾನ್ ದಿವುನ್ ಐಕ್.
\s ಫಿಲಿದೆಲ್ಪಿತ್ಲೆ ಸಬೆಲಾ ಸಂದೇಶ್
\p
\v 7 ಫಿಲಿದೆಲ್ಪಿತ್ಲೆ ಸಬೆಚಾ ದುತಾಲಾ ಹ್ಯ ಲಿವ್:
\p ಪವಿತ್ರ ಆನಿ ಖರಾ ಜಾ಼ಲ್ಯಾಲಾ ದೆತ್ಯಾಲ ಸಿಕ್ಶೆನ್ ಹ್ಯ: ದಾವಿದಾಚಾ ಕುಲ್ಪಾಚಿ ಚಾವಿ ಮಾಜಿಪ ಹಾ. ಮಿ ಉಗಡಲ್ಯಾಲ ಕುನಾಲಾ ಜಾ಼ಖಾಯಾ ವ್ಹಯಿತ್ನಾಹಿ ಆನಿ ಜಾಕ್‌ಲ್ಯಾಲ ಕುನಾಲಾ ಉಗ್ಡಾಯಾ ವ್ಹಯಿತ್ನಾಹಿ.
\p
\v 8 ತು ಕರತ್ಯಾಲಿ ಕಾಮ ಮನಾ ಸಮಾಜ಼ಲ್ಯಾತ. ತುಜೆ ಮೊರ್ಹ ಉಗಡಲ್ಯಾಲ ದಾರ್ ಥೆವ್‌ಲ್ಯಾ. ತ್ಯ ಕುನಾಲಾ ಜಾ಼ಖಾಯಾ ವ್ಹಯಿತ್ನಾಹಿ. ತು ಬಳ್ ನಸ್‌ಲ್ಯಾಲಾ ಮನ್ಹುನ್ ಮನಾ ಸಮಾಜ಼್‍ಲ್ಯಾ. ಫನ್ ತು ಮಾಜಾ ಸಿಕಿವ್‌ನ್ಯಾ ಶಾರ್ಕಾ ಚಾ಼ಲ್ಲಾಸ್. ಮಾಜ಼ ನಾವ್ ಸಾಂಗಾಯಾ ಮಾಗ ಸರ್ಲಾ ನಾಹಿಸ್. 
\v 9 ಐಕ್! ತಿಥ ಸೈತಾನಾಚಾ ಮೆಳ್ಯಾತ್ಲಿ ಹಾತ. ತಿ ಲೊಕ ಆಪ್ನು ಯೆಹುದಿ ಮನ್ಹುನ್ ಮಂತ್ಯಾತ. ಫನ್ ತ್ಯ ಲಬಾಡ್. ತಿ ಖರಿ ಯಹುದಿ ನವ್ಹತ. ತಿ ಲೊಕ ತುಜೆ ಮೊರ್ಹ ಯವುನ್ ತುಜಾ ಪಾಯಾತ್ ಪಡುನ್ ಹಾತ್ ಜು಼ಡಿಶಾರ್ಕ ಕರ್ತೊ. ಮಿ ಮಾಯಾ ಕೆಲ್ಯಾಲಿ ಲೊಕ ತುಮಿಸ್ ಮನ್ಹುನ್ ತವಾ ತಿ ಸಮಜು಼ನ್ ಗೆನಾರ್ 
\v 10 ತು ಮಾಜಾ಼ ಸಬೊತ್ ಥಂಡ್ಪನಾನಿ ಚಾ಼ಲಿವ್ಲಾಸ್. ಮನ್ಹುನ್ ಹೆ ದುನೆಲಾ ವ್ಹತ್ಯಾಲ್ಯಾ ತರಾಸಾತ್ನಿ ಮಿ ತುಲಾ ಚು಼ಕಿವ್‍ತ್ಯೊ. ದರ್ಥಿವ್‍ಲ್ಯಾ ಸಗ್‍ಳ್ಯಾ ಲೊಕಾನಾ ಹಿ ಪರಿಕ್ಷೆ ಕರಾಯಾ ತರಾಸ್ ಯಯಿಲ್.
\p
\v 11 ಮಿ ಬಿಗಿ ಯತೊ. ತು ಆತಾ ಹಾಸ್ ತಸಾಸ್ ರ‍್ಹಾ. ತವಾ ಕೊನ್ ತುಜ಼ ಕಿರಿಟ್ ಕಾಡುನ್ ಗೆನ್ಹಾರ್ ನಾಹಿ. 
\v 12 ಜಿತ್‍ಲ್ಯಾಲ್ಯಾ ಮಾನ್ಸಾಲಾ ಮಾಜಾ ದೆವಾಚ಼ ಮಾಗ್ನ ಕರತ್ಯೊ ಗರ‍್ಹಾಲಾ ಆದಾರಾಚಾ಼ ದಾರ್ಯೊನ್ ಕರ್ನಾರ್. ತ್ಯನಿ ಘರ್ ಆನಿ ಕಂದಿಸ್ ಸುಡುನ್ ಜಾ಼ಯಾಚಿ ಗರಜ಼ ನಾಹಿ. ಮಾಜಾ ದೇವಾಚ಼ ನಾವ್ ಆನಿ ಮಾಜಾ ದೇವಾಚೆ ಪೆಠಚ಼ ನಾವ್ ತ್ಯಚಿವ ಲಿವ್ತೊ. ನವಿ ಯೆರುಸಲೇಮುಸ್ ತಿ ಪ್ಯಾಟ್ ಮಾಜಾ ದೇವಾಪ್ನಿ ಸ್ವರ್ಗಾತ್ನಿ ಉತ್ರುನ್ ಯತಿ. ಮಾಜ಼ ನವ ನಾವ್ ತ್ಯಚಿವ ಲಿವ್ತೊ.
\p
\v 13 ಪವಿತ್ರಾತ್ಮ ಸಬೆನಾ ಸಾಂಗತ್ಯಾಲ್ಯಾ ಹ್ಯಾ ಖನ್ಕತಿ ಕಾನ್ ಆಸ್‌ಲ್ಯಾಲಾ ಐಕುನಿ.
\s ಲವೊದಿಕಿ ಸಬೆಲಾ ಸಂದೇಶ್
\p
\v 14 ಲವೊದಿಕಿ ಸಬೆಚಾ ದುತಾಲಾ ಹ್ಯೊ ಸಂದೇಶ್ ಲಿವ್:
\p ತಸಸ್ ವ್ಹವುನಿ\f + \fr 3:14 \fr*\ft ಆಮೆನ್ ಹಿತ ಹ್ಯಲಾ ಯೆಸು ಕ್ರಿಸ್ತ್ ಹ್ಯಾ ನಾವಾಚಾ಼ ಆರ್ತ್ ಸಾಂಗಲ್ಯಾ. ಹ್ಯಾ ಇಬ್ರು ಸಬ್ದಾಚಾ಼ ಆರ್ತ ತಸಸ್ ವ್ಹವುನಿ ನಾಹಿತ ಖರ ವ್ಹವುನಿ. \ft*\f* ಮಂತ್ಯಾಲಾ ಮಂಜೆ ಇಸ್ವಾಸಾಚಾ಼ ಆನಿ ಖರಿ ವಳಕ್ ದೆವಾಚೆ ಉತ್ಪತಿಲಾ ದನ್ಹಿ ಜಾ಼ಲ್ಯಾಲಾ ಸಾಂಗಾಚ಼ ಕ್ಯಾ ಮಂಜೆ:
\p
\v 15 “ತು ರ್ಕತ್ಯಾಲ ಸಗ್ಳ ಮನಾ ಸಮಾಜ಼್‌ಲ್ಯಾ. ತು ಉನ್ಬಿ ನಾಹಿ, ಥಂಡ್ಬಿ ನಾಹಿ! ತು ಉನ್ ತರಿ ರಾಹ್ಯಾ ವ್ಹಯಿತಾಸ್ ನಾಹಿತ ಥಂಡ್ ತರಿ ರಾಹ್ಯಾ ವ್ಹಯಿತಾಸ್! 
\v 16 ಫನ್ ತು ಉನ್ಬಿ ನಾಹಿಸ್ ಥಂಡ್ಬಿ ನಾಹಿಸ್ ಸೊಮಾಳ್ ಹಾಸ್ ಮನ್ಹುನ್ ತುಲಾ ಥುಕುನ್ ಟ್ಯಾಕ್ತೊ. 
\v 17 ತು ಮನಾ ಸಾವ್ಕೊರ್ ಮನ್ಹುನ್ ಸಾಂಗತ್ಯೊಸ್. ತು ಸಾವ್ಕೊರ್ ಹಾಸ್ ಮನ್ಹುನ್ ತುಲಾ ಕಾಯ್ ಕಮಿ ನಾಹಿ ಮನ್ಹುನ್ ತು ಯವಜಲ್ಯಾಸ್. ಫನ್ ಖರ‍್ಯಾನಿಸ್ ತು ಬುರ್ಶಾತ್ ಗಾವಲ್ಯಾಲ್ಯಾಂಚೆಗತ್ ಹಾಸ್, ಗರಿಬ್ ಹಾಸ್, ಆಂದ್ಳಾ ಹಾಸ್ ಆನಿ ನಾಗ್ಡಾ ಹಾಸ್. ಫನ್ ಹ್ಯ ತುಲಾ ಸಮಾಜ಼್ಲಸ್ ನಾಹಿ. 
\v 18 ಇಸತ್ಯಾತ್ ಗ್ಯಾತ್‍ಲ್ಯಾಲ ಚಾ಼ಂಗ್ಲ ಸೊನ ತು ಮಾಜಿಪ್ನಿ ಇಕತ್ ಗಿಹ್ಯಾ ವ್ಹಯಿಸ್ ಮನ್ಹುನ್ ಮಿ ಪಾರಕ್ ದೇತೊ. ತವಾ ತು ಖರ‍್ಯಾನಿಸ್ ಸಾವ್ಕೊರ್ ವ್ಹಯಾ ವ್ಹನಾರ್. ಮಿ ತುಲಾ ಸಾಂಗಾಚ಼ ಕ್ಯಾ ಮಂಜೆ: ಪಾಂಡ್ರಾ ಕಪ್ಡಾ ಇಕತ್ ಘೆ. ತವಾ ಮೀ ಮರೆದಿಚ಼ ತುಜ಼ ಉಗ್ಡ ಶರೀರ್ ಜಾ಼ಕಾಯಾ ವ್ಹನಾರ್. ತು ತುಜಾ ಡೊಳ್ಯಾನಾ ಲಾವಾಯಾ ವಖಾತ್ ಇಕತ್ ಗಿಹ್ಯಾ ವ್ಹಯಿಸ್ ಮನ್ಹುನ್ ಮಿ ತುಲಾ ಸಾಂಗ್ತೊ. ತವಾ ತುಲಾ ಖರ್‍ಯಾನಿಸ್ ನದ್ರಾ ಯನಾರ್.
\p
\v 19 “ಮೀ ಮಾಯಾ ಕರ್ತ್ಯಾಲ್ಯಾ ಲೊಕಾನಾಸ್ ಮೀ ಶಾರ್ಕಿ ಕರ್ತೊ ಆನಿ ಸಿಕ್ಷಾ ದೇತೊ. ಮನ್ಹುನ್ ತುಮಿ ಮನಾನಿ ರಾವ್ಹಾ! ದೇವಾಕ್ಡ ಪರ್ತಾ. 
\v 20 ಹಬಕ್, ಮೀ ದಾರಾಪ ಉಬಾರಾವ್ಹುನ್ ವಾಜಿವತ್ಯೊ. ಕುನಿ ತರಿ ಐಕುನ್ ದಾರ್ ಉಗಡ್ಲತ, ಮೀ ಆತ್ ಯವುನ್ ತ್ಯಚಿ ಸಂಗ ಜೆವ್ನಾರ್ ಆನಿ ತ್ಯೊ ಮಾಜಿ ಸಂಗ ಜೆವ್ನಾರ್.
\p
\v 21 “ಮೀ ಜಿತ್‍ಲ್ಯಾಲ್ಯಾ ಮಾಜಾ ಬಾ ಸಂಗ ತ್ಯಚಾ ಸಿಂಹಾಸನಾವ ಬಸ್ಲೊ. ತಸಸ್ ಜಿತ್‍ಲ್ಯಾಲ್ಯಾ ಪರ್ತೆಕಾಲಾ ಮಾಜಿ ಸಂಗ ಸಿಂವಾಸಾನಾವ ಬಸಾಯಾ ಹಾಕ್ ಹಾ.
\p
\v 22 ಪವಿತ್ರಾತ್ಮ ಸಬೆನಾ ಸಾಂಗ್‍ತ್ಯಾಲ್ಯಾ ಹ್ಯಾ ಖನ್ಕತಿ ಐಕ್ ತ್ಯಂಚಿವ, ಧ್ಯಾನ್ ಥಿವುನ್ ಐಕ್. ”
\c 4
\s ಸ್ವರ್ಗಾತ್ ಆರಾಧನ್
\p
\v 1 ಮಂಗ್ ಮೀ ಬಗ್ಲ ತವಾ ಮಾಜೆ ಮೊರ‍್ಹ ಸ್ವರ್ಗಾಚ಼ ದಾರ್ ಉಗಾಡ್‌ಲ್ಯಾಲ ದಿಸ್ಲ. ಮಾಜಿ ಸಂಗ ಆಂದಿ ಬೊಲ್ಯಾಲಾ ಆವಾಜು಼ಸ್ ಆನೀಕ್ ಮಾಜಿ ಸಂಗ ಬೊಲ್ಲಾ. ತೀ ಬುಲಿ ತುತ್ತುರಿಚಾ ಆವಾಜಾ಼ಚೆಗತ್ ಹುತ್ತಿ, “ಹಿತ್ತ ಚ಼ಡುನ್ ಯೆ. ಮೊರ‍್ಹ ವ್ಹಯಾಚ಼ ಹಾತ್ಯ ಮೀ ತುಲಾ ದ್ಯಾವ್ತೊ” ಮನ್ಹುನ್ ಸಾಂಗ್ಲ. \x - \xo 4:1 \xo*\xt ಇಮೊಚನ್ 19:20,24\xt*\x* 
\v 2 ತವಾಸ್ ಮೀ ಪವಿತ್ರಾತ್ಮಾನಿ ಬರ್ಲೊ. ಸ್ವರ್ಗಾತ್ ಮಾಜೆ ಮೊರ‍್ಹ ಯಾಕ್ ಸಿಂಹಾಸನ್ ಹುತ್ತ. ಕೊನ್ಯೊಕ್ ತ್ಯಾ ಸಿಂಹಾಸನಾವ ಬಸ್ಲಾ ಹುತ್ತಾ. 
\v 3 ಸಿಂಹಾಸನಾವ ಬಸ್‍ಲ್ಯಾಲಾ ತ್ಯೊ ಕಿಮ್ತಿಚಾ ರತ್ನಾಚೆಗತ್, ವಜ್ರಾ಼ಚಾ ಮನ್ಯಾಚೆಗತ್ ಬಸ್‌ಲ್ಯಾಲ್ಯಾಚ಼ ತ್ವಾಂಡ್ ದಿಸತ. ಸಿಂಹಾಸನಾಚೆ ಸರಬವಾರ ಪಚ್ಚೆ ರಂಗಾಚಾ಼ ಧನೊಸ್ಬಾನ್ ಹುತ್ತಾ.
\p
\v 4 ತ್ಯಾ ಸಿಂಹಾಸನಾಚೆ ಸರಬವಾರ ಇಸಾವಚಾರ್ ಸಿಂಹಾಸಾನ ಹುತ್ತಿತ. ತ್ಯಾತ್ ಇಸಾವಚಾರ್ಜಾ಼ನ್ ಜಾಂತ ಬಸ್ಲ ಹುತ್ತ ತ್ಯಂಚಾನಿ ಪಾಂಡ್ರ ಕಪ್ಡ ಗ್ಯಾತ್ಲಹುತ್ತ. ತ್ಯಂಚೆ ಡುಯಿವ ಸೊನ್ಯಾಚಿ ಕಿರಿಟ್ ಹುತ್ತಿತ. 
\v 5 ತ್ಯಾ ಸಿಂಹಾಸನಾತ್ನಿ ಇಜ಼ಚ಼ ಆರ್ಬಾಟ್ ತಡಾಸಾಂಚಾ಼ ಆವಾಜ಼್ ಯಯಿತಾ ಆನಿ ದುಸ್ರ ದುಸ್ರ ಆವಾಜ಼್ ಯಯಿತ. ತ್ಯಾ ಸಿಂಹಾಸನಾಚೆ ಮೊರ‍್ಹ ಸಾತ್ ದಿವ ಪೇಟತ ತೇ ದಿವ ದೆವಾಚಿ ಸಾತ್ ಆತ್ಮ ಜಾ಼ಲ್ಯಾತ. 
\v 6 ಯವ್ಡಸ್ ನವ್ಹ ಸಿಂಹಾಸನಾಚೆ ಮೊರ‍್ಹ ಕಾಚ಼ಚಾ ಸಮಿಂದೊರಾಚೆಗತ್ ದಿಸತ್ಯಾಲ ಯಾಕ್ ಸಾಮಾನ್ ಹುತ್ತ. ತ್ಯ ಸ್ಫಟಿಕಾಚೆಗತ್ ವಗಾತಿ ಹುತ್ತ.
\p ತ್ಯಾ ಸಿಂಹಾಸನಾಚೆ ಮೊರ‍್ಹ ಆನಿ ತ್ಯಚೆ ಪರತೇಕ್ ಬಾಜು಼ಕ್ಡ ಚಾರ್ ಜೀವ್ ಹುತ್ತ. ತೆ ಜೀವ್ ಮಾಗ್ನಿ ಮುರ್ನಿ ಡೊಳ್ಯಾನಿ ಬರ‍ಲ್ಹಿ ಹುತಿತ. 
\v 7 ಪೈಲಾ ಜೀವಿ ಸಿವಾಚೆಗತ್ ಹುತ್ತ. ದೊನ್ವ ಬೈಲಾಚೆಗತ್ ಹುತ್ತ. ತಿನವ್ಯಾಚ಼ ತ್ವಾಂಡ್ ಮಾನ್ಸಾಚಾ ತೊಂಡಾಚೆಗತ್ ಹುತ್ತ. ಚಾರ‍್ವ ಗರುಡಾಚೆಗತ್ ಹುತ್ತ. \f + \fr 4:7 \fr*\ft ಬಗಾ: ಯೆಹೆಜ್ಕೇಲ್ 1:4-14\ft*\f* 
\v 8 ತ್ಯಾ ಜೀವಿತ್‍ಲ್ಯಾ ಪರತೇಕಾಲಾ ಸಾ ಪಖೊಟ ಹುತ್ತ. ಹ್ಯಾ ಜೀವಿಲಾ ಆತ್ನಿ ಬಾಹಿರ‍್ನಿ ಸಗ್ಳ ಡೊಳ ಹುತ್ತ. ಹಿ ಚಾರ್ ಜೀವಿ ರ‍್ಯಾತ್ ದೀಸ್ ಖಾಯಿಮ್ ಆಸಿ ಸಾಂಗಿತಿತ:
\q1 “ದೇವ್‍ ಜಾ಼ಲ್ಯಾಲಾ ಪ್ರಭು, ನಿರ‍್ಮಳ್, ನಿರ‍್ಮಳ್, ನಿರ‍್ಮಳ್; ತ್ಯೊ ಸರ್ವ ಶಕ್ತ.
\q1 ತ್ಯೊ ಪುರ್ವಿತ್ ಆಸ್‌ಲ್ಯಾಲಾ ಆತಾ ಆಸ್ನಾರಾ ಮೊರ‍್ಹ ಯನಾರಾ ಜಾ಼ಲ್ಯಾ. ”
\p
\v 9 ತೇ ಜೀವಿ ಸಿಂಹಾಸನಾವ ಬಸ್‍ಲ್ಯಾಲ್ಯಾಲಾ ಪ್ರಭಾವ್, ಮರ‍್ಯಾದ್ ಆನಿ ಉಪ್ಕಾರ್ ಸಾಂಗಿತಿತ. ಕಂದಿಬಿ ಜೀವ್ನಾಕರ್ತ್ಯಾಲಾ ತ್ಯೊಸ್. 
\v 10 ಇಸಾವಚಾರ್ಜಾ಼ನ್ ಜಾಂತ ಆಪ್ಲಿ ಕಿರಿಟ್ ಕಾಡುನ್ ಕಡವ ಥಿವುನ್ ಸಿಂಹಾಸನಾವ ಬಸ್‍ಲ್ಯಾಲ್ಯಾಲಾ ನಡ್ಗ ಟಿಕ್ವುನ್ ನಮಸ್ಕಾರ್ ಕರುನ್ ಕಂದಿಬಿ ರಾನಾರ‍್ಯಾ ತ್ಯಲಾ ವವ್ಯಾಳಿತ್ ಆಸ ಮನ್ಹಿತ:
\q1
\v 11 “ಆಮಚಾ಼ ಪ್ರಭು ಆಮಚಾ಼ ದೇವ್
\q1 ತು ಪ್ರಭಾವ್ ಮರ‍್ಯಾದ್ ಅಧಿಕಾರ್ ಗಿಹಿಜೊ಼ಗಾ ಹಾಸ್
\q2 ಸಗ್ಳ ಘಡಿವಲ್ಯಾಲ ತುಸ್
\q1 ತುಜಾ ಮನಾಶಾರ್ಕ ಸಗ್ಳ ಆಸಲ್ಯಾಲ ಆನಿ ಸಗ್ಳ ಉತ್ಪನ್ ಜಾ಼ಲ್ಹ ಮನ್ಹಿತ.
\c 5
\s ಇಡಿ ಆನಿ ಮೆಂಡಾರ್
\p
\v 1 ಸಿಂಹಾಸನಾವ ಬಸ್‍ಲ್ಯಾಲ್ಯಾಚಾ ಉಜ್‍಼ವ್ಯಾ ಹಾತಾತ್ ಮೀ ಯೇಕ್ ಇಡಿ ಬಗ್ಲಿ. ತ್ಯಚೆ ದುಯಿಕ್ಡ ಲಿವ್‍ಲ್ಯಾಲ ಹುತ್ತ. ತ್ಯಚಿವ ಸಾತ್ ಸಿಕ್ಕ ಮ್ಯಾರ್ಲ ಹುತ್ತ. 
\v 2 “ಮೊಟಾ ದೇವ್ ಧುತ್ ಜೊ಼ರಾನಿ ವರ್ಡುನ್ ಹೆ ಇಡಿಚ಼ ಸಿಖ ಕಾಡ್ನಾರಾ ಕೊನ್ ಹಾ? ಮನ್ಲಾ. 
\v 3 ಫನ್ ಸ್ವರ್ಗಾತ್ ವ್ಹವುನಿ ದರ್ಥಿವ ವ್ಹವುನಿ ಪಾತಾಳಾತ್ ವ್ಹವುನಿ ಹೀ ಇಡಿ ಸುಡುನ್ ಬಗ್ನಾರಾ ಕೊನ್ ನವ್ಥಾ ಮನ್ಹುನ್. 
\v 4 ಶೊಡ್ನಾರಾ ನಾಹಿತ ಬಗ್ನಾರಾ ಕೊನುಸ್ ನಾಹಿ ಮನ್ಹುನ್ ಮೀ ಖುಬ್ ರಡ್ಲೊ. 
\v 5 ಫನ್ ವಡ್ಲಾತ್‌ಲ್ಯಾ ಯಕಾನಿ ಮನಾ ರಡುನಕೊ ಬಗ್ ಯುದ್ ಕುಲಾತ್ಲಾ ಸಿಂವ್ ಜಾ಼ಲ್ಯಾಲಾ ಕ್ರಿಸ್ತ ಜಿತ್‌ಲ್ಯಾ ತ್ಯೊ ದಾವಿದಾಚೆ ಪಿಳ್ಗಿತ್ಲಾ. ತ್ಯೊ ಇಡಿ ಆನಿ ತ್ಯಚ಼ ಸಾತ್ ಸಿಕ್ಕ ಉಗಡ್‍ತ್ಯಾಲಾ ಜಾ಼ಲ್ಯಾ ಮನ್ಹುನ್ ಸಾಂಗ್ಲ.
\p
\v 6 ಮಂಗ್ ಸಿಂಹಾಸನಾಚಾ ಆನಿ ಚಾರ್ ಜೀವಾಂಚೆ ಮದ್ದಿ ಯಾಕ್ ಮಿಂಡುರ್ ಮೀ ಬಗ್ಲ ಜಾಂತ ಸಾಹಿತ್ ತ್ಯಾ ಮೆಂಡ್ರಾಚೆ ಸರ್ಬೌರ್ ಹುತ್ತ. ತ್ಯ ಮಿಂಡುರ್ ಮಾರುನ್ ಟ್ಯಾಕ್ಲ ತ್ಯಲಾ ಸಾತ್ ಸಿಂಗ ಆನಿ ಸಾತ್ ಡೊಳ ಹುತ್ತ. ಹೇ ಹ್ಯಾ ಲೊಕಾತ್ ಲಾವುನ್ ದಿಲ್ಯಾಲಿ ದೇವಾಚಿ ಸಾತ್ ಆತ್ಮ ಜಾ಼ಲ್ಯಾತ. 
\v 7 ತ್ಯಾ ಮೆಂಡರಾನಿ ಯವುನ್ ಸಿಂಹಾಸನಾವ ಬಸ್‍ಲ್ಯಾಲ್ಯಾಚಾ ಉಜ್‍಼ವ್ಯಾ ಹಾತಾತ್ಲಿ ಇಡಿ ಗಿತ್ಲಿ. 
\v 8 ತವಾ ಚಾರ್ ಜೀವಿ ಆನಿ ಇಸಾವ ಚಾರ್ಜಾ಼ನ್ ಜಾಂತ್ಯಾಂಚಾನಿ ತ್ಯಾ ಮೆಂಡ್ರಾಚೆ ಮೊರ‍್ಹ ನಡ್ಗ ಟಿಕ್ವುನ್ ನಮಸ್ಕಾರ್ ಕೇಲಾ ಪರತೇಕಾಚಾ ಹಾತಾತ್ ತಾರಚಿ ವಾಜ಼್ಪ ಹುತ್ತಿತ. ದುಫಾನಿ ಬರ್ಲ್ಯಾಲಿ ಸೊನ್ಯಾಚಿ ಐದಾನ ತೇ ದರ‍್ಹುನ್ ಹುತ್ತ. ತೀ ಐದಾನ ದೇವಾಚಾ ಚಾಂಗಲ್ಯಾ ಲೊಕಾಂಚಿ ಮಾಗ್ನಿ ಜಾ಼ಲ್ಥಿತ. 
\v 9 ತ್ಯಂಚಾನಿ ಮೆಂಡ್ರಾಸಾಟಿ ಯಾಕ್ ನವ್ಹ ಗೀತ್ ಗ್ಯಾವ್ಲ:
\q1 “ತು ಮಾರುನ್‍ ಟ್ಯಾಕ್‌ಲ್ಯಾಲಾ ಜಾ಼ಲಾಸ್ ಮನ್ಹುನ್
\q2 ಇಡಿ ಗಿಹ್ಯಾಲಾಬಿ
\q1 ತ್ಯಚ಼ ಸಿಕ್ಕ ಸೊಡ್ವಾಯಾ ಚಾಂಗ್ಲಾ ಜಾ಼ಲ್ಯಾಸ್
\q2 ತು ತುಜಾ ರಕ್ತಾನಿ ಮರ್ನಾನಿ ಸಗ್ಳಿ ಕುಳ, ಬಾಶಾ, ದೇಶಾ, ಜಾತ್.
\q2 ಲೊಕಾನಾ ದೇವಾಸಾಟಿ ಇಕತ್ ಗೇತಲ್ಯಾತಸ್.
\q1
\v 10 ತು ತ್ಯನಾ ಆಮ್ಚಾ ದೇವಾಚಿ ಸೇವಾ ಕರಾಯಾ ಆನಿ ಯೇಕ್ ಯಾಜಕಾಂಚಾ಼ ರಾಜ್ ಕೆಲ್ಯಾ
\q2 ತೇ ಹ್ಯಾ ಲೊಕಾತ್ ರಾಜ್ಬಾರ್ ಚಾ಼ಲಿವ್ನಾರ್. ”
\p
\v 11 ಮಂಗ್ ಮೀ ಬಗ್ಲತವಾ ಖುಬ್ ದೇವ್ ದುತಾಂಚಾ಼ ಆವಾಜ಼್ ಐಕ್ಲಾ ಹೇ ದೇವ್ದುತ್ ಸಿಂಹಾಸನಾಚಾ ಚಾರ್ ಜೀವಿಂಚೆ ಆನಿ ಜಾಂತ್ಯಾಂಚೆ ಸರ್ಬವ್ಹಾರ್ ಹುತ್ತ. ತ್ಯಂಚಾ಼ ಇಸೊಬ್ ಲಾಖ ಲಾಖನಿ ಕುಠಿ ಕುಠಿನಿ ಹುತಾ. 
\v 12 ಹೇ ಸಗ್ಳ ಜೊ಼ರಾನಿ ಆಸ ಮನ್ಲ:
\q1 “ಮ್ಯಾರ್ಲ್ಯಾಲ ಮೆಂಡಾರ್ ಹುಕ್ಮಾನಿ ಸಾವ್ಕರ್ಕಿನಿ ಗಿನ್ಯಾನ್ ಬಳ್
\q2 ಮರ‍್ಯಾದ್ ಪ್ರಭಾವ್ ಸ್ತೊತ್ರ ಗಿಹಿಜೊ಼ಗ ಜಾ಼ಲ್ಯಾ. ”
\p
\v 13 ಯವ್ಡಸ್ ನವ್ಹ ಆಬ್ಳಾತ್ ಆನಿ ದರ್ಥಿವ ದರ್ಥಿಚೆ ಬುಡಿ ಸಂಮಿದೊರಾತ್ ಆಸ್‌ಲ್ಯಾಲ್ಯಾ ಪರತೇಕ್ ಜೀವಿಲಾ ಆಸ ಸಾಂಗ್‌ತ್ಯಾಲ ಐಕ್ಲ:
\q1 ಸಿಂಹಾಸನಾವ ಬಸುನ್ ಆಸ್‍ಲ್ಯಾಲ್ಯಾಲಾ ಮೆಂಡುರ್ ಜಾ಼ಲ್ಯಾಲ್ಯಾಲಾ
\q2 ಸ್ತೊತ್ರ, ಮರ‍್ಯಾದ್ ಪ್ರಭಾವ್ ಹುಕುಮ್, ಕವಾಕವಾಬಿ ರಾಹುನಿ!
\p
\v 14 ತೇ ಚಾರ್ ಜೀವಿ “ತಸಸ್ ವ್ಹವುನಿ!” ಮಂತ್ಯಾತ ಜಾಂತ್ಯಾಂಚಾನಿ ನಡ್ಗ ಗಾಲ್ಹುನ್ ವವ್ಯಾಳಾ.
\c 6
\s ಸಾತ್ ಸಿಕ್ಕ
\p
\v 1 ನಂತರ್ ಮೇಂಡ್ರಾನಿ ಸಾತ್ ಸಿಕ್ಯಾತ್ಲಾ ಯೊಕ್ ಸಿಕ್ಕಾ ಪ್ಯೊಡ್ತಾನಾ ಮೀ ಬಗ್ಲ. ತ್ಯಾ ಚಾರ್ ಜೀವಿತ್ಲಾ ಯೊಕ್ ಜೀವಿ ಗಡ್ಗಡುನ್ ಬೊಲ್‍ತ್ಯಾಲ ಮೀ ಐಕ್ಲ ತ್ಯ “ಎ” ಮಂಥ್ಯಾಲ ಐಕ್ಲ. 
\v 2 ಮೀ ಬಗ್ಲ ತವಾ ಮಾಜೆ ಮೊರ‍್ಹ ಯೊಕ್ ಪಾಂಡ್ರಾ ವಾರು ಮನಾ ದಿಸ್ಲಾ. ವಾರು ಚಾ಼ಲಿವತ್ಯಾಲ್ಯಾಚಾ ಹಾತಾತ್ ಯೊಕ್ ಬಿಲ್ ಬಾನ್ ಹುತ್ತಾ. ತ್ಯ ಚಾ಼ಲಿವತ್ಯಾಲ್ಯಾಲಾ ಯಾಕ್ ಕಿರಿಟ್ ದಿಲ್ತ. ತ್ಯೊ ವೈರಿನಾ ಹಾರ್ವಿತ್ ಜಿತಾಯಾ ಗೆಲಾ.
\p
\v 3 ತ್ಯಾ ಮೆಂಡ್ರಾನಿ ದೊನ್ವಾ ಸಿಕ್ಕಾ ಉಗಡ್ಲಾ. ತವಾ ದೊನ್ವಾ ಜೀವಿ “ಎ” ಮನ್ಹುನ್ ಸಾಂಗ್‍ತ್ಯಾಲ ಮೀ ಐಕ್ಲ. 
\v 4 ತವಾ ಆನಿಯೊಕ್ ವಾರು ಬಾಹಿರ್ ಆಲಾ. ತ್ಯೊ ತಾಂಬ್ಡಾ ವಾರು ಜಾ಼ಲ್ಥಾ. ತ್ಯೊ ವಾರು ಚಾ಼ಲಿವತ್ಯಾಲ್ಯಾಲಾ ಲೊಕಾತ್ ಆಸ್‌ಲ್ಯಾಲ ಥಂಡ್ಪನ್ ಕಾಡುನ್ ಮಾರಾಮಾರಿನಿ ಮಾರುನ್ ಟಾಕಾಯಾ ತ್ಯಲಾ ಹುಕುಮ್ ದಿಲ್ತಾ. ತ್ಯ ಚಾ಼ಲವಾಯಾ ಯಾಕ್ ಮೊಟ ಹತ್ಯಾರ ದಿಲ್ತ.
\p
\v 5 ತ್ಯಾ ಮೆಂಡ್ರಾನಿ ತಿನ್ವಾ ಸಿಕ್ಕಾ ಉಗಡ್ಲಾ ತವಾ ತಿನ್ವಾ ಜಿವಿ “ಎ” ಮನ್ಹುನ್ ಸಾಂಗ್‌ತ್ಯಾಲ ಮೀ ಐಕ್ಲ ತವಾ ಮಾಜೆ ಮೊರ‍್ಹ ಯೊಕ್ ಕಾಳಾ ವಾರು ದಿಸ್ಲಾ ತ್ಯಾ ವಾರ‍್ವಾವ ಬಸ್‍ಲ್ಯಾಲ್ಯಾಚಾ ಹಾತಾತ್ ಯೆಕ್ ತಾಗ್ಡಿ ದರಲ್ಯಾಲಿ ಹುತ್ತಿ. 
\v 6 ತವಾ ಚಾರ್ ಜೀವಾಂಚೆ ಮದ್ದಿ ಯೊಕ್ ಸಬ್ದ ಐಕ್ಲಾ. ತೆ ಮನ್ಹಿತ ಯೇಕ್ ದಿಸಾಚೆ ಮಜು಼ರಿಲಾ ಶೆರ್ಬರ್ ಗಹು ಆನಿ ಯೇಕ್ ದಿಸಾಚೆ ಮಜು಼ರಿಲಾ ತಿನ್‍ಸೆರ್ ಸಾವ. ಫನ್ ತ್ಯಾಲ್ ಆನಿ ದರಾಕ್ಷಿಚಾ ರಸಾಚಾ಼ ನಾಸ್ ಕರು ನಕೊಸಾ.
\p
\v 7 ತ್ಯಾ ಮೇಂಡ್ರಾನಿ ಚಾರ‍್ವಾ ಸಿಕ್ಕಾ ಉಗಡ್ಲಾ. ತವಾ ಚಾರವ್ಯಾ ಜಿವಿನಿ “ಎ” ಮನ್‌ಲ್ಯಾಲಾ ಸಬ್ದ ಮೀ ಐಕ್ಲಾ. 
\v 8 ಮೀ ಬಗ್ಲ ತವಾ ಮಾಜೆ ಮೊರ‍್ಹ ಯೋಕ್ ಪಿಕಟ್ ರಂಗಾಚ಼ ವಾರು ಮನಾ ದಿಸ್ಲಾ. ತ್ಯಾ ವಾರ್ವಾವ ಬಸ್‍ಲ್ಯಾಲಾ ಮೃತ್ಯು. ತ್ಯಚೆ ಮಾಗ್ನಿ ಪಾತಾಳ್ ಮಂಥ್ಯಾಲಾ ಆಲಾ. ತ್ಯನಾ ದರ್ಥಿವ್‌ಲ್ಯಾ ಚೌ಼ಕ್ಬ ಜಾ಼ಗ್ಯಾವ ಕುಂಗ್ಳಿನಿ ಬರ್ಗಾಲಾನಿ ರೋಗಾನಿ ಆನಿ ರಾನಾತ್‌ಲ್ಯಾ ಜ಼ನಾವಾರಾಂಚಾನಿ ಲೊಕಾನಾ ಮಾರುನ್ ಟಾಕಾಯಾ ಹುಕುಮ್ ದಿಲ್ತಾ.
\p
\v 9 ತ್ಯನಿ ಪಾಚ್ವಾ಼ ಸಿಕ್ಕಾ ಉಗಡ್ಲಾ ತವಾ ಮೀ ಯಜ್ಞೆವೆದಿಚೆ ಬುಡಿ ಆತ್ಮ ಬಗ್ಲ, ತ್ಯ ಆತ್ಮ ದೇವಾಚಾ ವಚ಼ನಾಸ್ಲಾಗುನ್ ಆನಿ ತ್ಯನಿ ದಿಲ್ಯಾಲೆ ಸಾಕ್ಷಿಸ್ ಲಾಗುನ್ ಮಾರುನ್ ಟ್ಯಾಕ್‍ಲ್ಯಾಲ್ಯಾ ಲೊಕಾಂಚ಼ ಆತ್ಮ ಜಾ಼ಲ್ಥ. 
\v 10 ತೀ ಆತ್ಮಿ ದನ್ಯಾ ನಿರ್ಮಳ್ ಆನಿ ಖರಾ ಪ್ರಭುಜಾಲ್ಯಾಲ್ಯಾ ಆಮಾನಾ ಮಾರುನ್ ಟ್ಯಾಕ್‌ಲ್ಯಾಲ್ಯಾಂಚಾ಼ ನ್ಯಾಯಿ ನಿವ್ಡಾಯಾ ಆನಿ ತ್ಯನಾ ಶಿಕ್ಷಾ ದಿಯಾ ತು ಕ್ಯವ್ಡಾ ಯೊಳ್ ಗೇನಾರ್. ಮನ್ಹುನ್ ಜೊ಼ರಾನಿ ವರಾಡ್ಲಿತ. 
\v 11 ತ್ಯಾ ಆತ್ಮಾತ್‌ಲ್ಯಾ ಪರತೇಕಾಲಾ ಯೊಕ್ ಯೊಕ್ ಪಾಂಡ್ರಾ ಜ಼ಘಾ ದಿಲ್ತಾ. ಆನಿ ತುಮ್ಚೆ ಸಂಗಚಾ ಸೇವಕಾನಾ ಆನಿ ಇಸ್ವಾಸಾತ್ ಆಸ್‌ಲ್ಯಾಲ್ಯಾ ಬನ್ಹಿ ಬಾವ್ಹಾನಾ ಮಾರುನ್ಟಾಕಿ ಪರತ್ ಇಶ್ರಾಮಾ ಗಾವ್ಲಾ.
\p
\v 12 ತ್ಯಾ ಮೇಂಡ್ರಾನಿ ಸಾವಾ ಸಿಕ್ಕಾ ಉಗಡ್‍ತ್ಯಾಲಾ ಮೀ ಬಗ್ಲಾ. ತವಾ ಮೊಟ ಭುಕಂಪ ಜಾ಼ಲ್ಹ ದೀಸ್ ಕಾಳ್ಯಾ ಗೊಂಗ್‌ಡ್ಯಾಚೆಗತ್ ಕಾಳಾ ಜಾ಼ಲ್ಹ ಚಾ಼ಂದ್ ರಕ್ತಾಚೆಗತ್ ತಾಂಬ್ಡಾ ಜಾ಼ಲ್ಹಾ. 
\v 13 ಆಬ್ಳಾತ್‍ ಆಸ್‌ಲ್ಯಾಲ್ಯಾ ಚಾನ್ಯಾ ಮೊಟ್ಯಾ ವಾರ‍್ಯಾನಿ ಹುಂಬ್ರಾಚ಼ ಜಾ಼ಡ್ ಹಾಲುನ್ ಫಳ ಜಾ಼ಡ್ಹಾವ್ನಿ ದರ್ಥಿವ ಪಡ್‍ಲ್ಯಾಚೆಗತ್ ಪಡ್‍ಲ್ಯಾ. 
\v 14 ಆಬಾಳ್ ಇಡಿಚೆಗತ್ ವ್ಹವುನ್ ಕನ್ನ ಆನಿ ದ್ವೀಪ ಆಪ್ಲಾ ಜಾ಼ಗಾ ಸುಡುನ್ ಗೇಲ.
\p
\v 15 ತವಾ ದುನೆತ್ಲ ರಾಜ಼ ಅಧಿಪತಿ ಸಾವ್ಕಾರ್ ಬಳಿ ಪರತೇಕ್ ಗುಲಾಮ್ ಸ್ವತಂತ್ರ ಮಾನ್ಸ ಗಭಿತ್ನಿ ಆನಿ ಕನ್ಯಾವಲ್ಯಾ ದುಂಢಿಂಚೆ ಸಾಂದಿತ್ನಿ ದಡ್ಲ. 
\v 16 ತೀ ಲೊಕ ಕನ್ಯಾನು ಅನಿ ದುಂಢಿನು ಆಮ್ಚಿವ ಪಡಾ ಸಿಂಹಾಸನಾವ ಬಸ್‌ಲ್ಯಾಲ್ಯಾಚೆ ನದ್ರಾಲಾ ಆಮಾನಾ ಜಾ಼ಖುನ್ ಗೇವಾ ಮೇಂಡಾರ್ ಜಾ಼ಲ್ಯಾಲ್ಯಾಚಾ ರಾಗಾತ್ನಿ ಆಮಾನಾ ಜಾ಼ಖಾ. 
\v 17 ಕಾ ಮಂಜೆ ತ್ಯಚಾ಼ ರಾಗಾಚಾ಼ ಮೊಟಾ ದೀಸ್ ಆಲ್ಯಾ. ತ್ಯಚೆ಼ ಮೊರ‍್ಹ ಕೊನ್ ಥಾಂಬಲ್?
\c 7
\s ಇಸ್ರಾಲಾಚಿ ಏಕ್ ಲಾಕ್ ಚಾಳ್ಸಾವಚಾರ್ ಹಾಜಾ಼ರ್ ಲೊಕ
\p
\v 1 ಹ್ಯ ಜಾ಼ಲ್ಯಾ ನಂತರ್ ಚಾರ್ಜಾ಼ನ್ ದೇವ್ ಧುತ್ ದರ್ಥಿಚಾ ಚಾರ್ ಕೊನ್ಯಾವ್ನಿ ಉಬರಾಯಲ್ಯಾಲ ಮೀ ಬಗ್ಲ ವಾರ ದರ್ಥಿವ ವ್ಹವುನಿ ಸಮಿಂದೊರಾವ ವ್ಹವುನಿ ಜಾ಼ಡ್ಹಾನಾ ಉಡವು ನಾಹಿ ಆಸ ತ್ಯ ದರ್ಥಿವ್ಲ ಚಾರಿಕ್ಲ ವಾರ ಥಾಂಬಿವ್ಲಹುತ್ತ. 
\v 2 ಮಂಗ್ ದುಸ್ರಾಯೊಕ್ ದೇವ್ದುತ್ ಪುರ್ಬಾಕ್ನಿ ಯತ್ಯಾಲಾ ಮೀ ಬಗ್ಲಾ. ಜೀವ್ ಆಸ್‌ಲ್ಯಾಲ್ಯಾ ದೇವಾಚಾ಼ ಸಿಕ್ಕಾ ಹ್ಯಾ ದೇವ್ದುತಾಪ ಹುತ್ತಾ. ಹ್ಯೊ ದೇವ್ದುತ್ ಚಾರ್ಜಾ಼ನ್ ದೇವ್ ದುತಾನಾ ಜೋ಼ರಾನಿ ಹಾಕಟೊ. ದರ್ಥಿಲಾ ಆನಿ ಸಮಿಂದೊರಾಲಾ ತರಾಸ್ ದಿಯಾ ಹುಕುಮ್ ದೇವಾನಿ ಹ್ಯಾ ಚಾರ್ ದೇವ್ದುತಾನಾ ದಿಲಾ. 
\v 3 “ಆಮ್ಚಾ ದೇವಾಚಿ ಸೇವಾ ಕರ್ತ್ಯಾಲ್ಯಾ ಲೋಕಾಂಚಾ ಕಪಾಳಾವ ಸಿಕ್ಕಾ ಮಾರೀ ಪರತ್ ದರಥಿಲಾ ವ್ಹವುನಿ ಸಮಿಂದೊರಾಲಾ ವ್ಹವುನಿ ಜಾ಼ಡ್ಹಾನಾ ವ್ಹವುನಿ ತರಾಸ್ ದಿವುನಕೊಸಾ ಮನ್ಹುನ್ ಸಾಂಗ್ಲ. 
\v 4 ನಂತರ್, ಸಿಕ್ಕಾ ಮಾರುನ್ ಗೆತಲ್ಯಾಲ್ಯಾಂಚಿ ಗತಿ ಮನಾ ಐಕು ಆಲಿ ತ್ಯಂಚಿ ಸಗ್ಳಿ ಏಕ್ ಲಾಕ್ ಚಾಳ್ಸಾವ ಚಾರ್ ಹಾಜಾ಼ರ್ ಜ಼ನ ತೀ ಇಸ್ರಾಲಾಂಚಾ ಬಾರಾ ವಂಶಾನಾ ಮಿಳುನ್ ಹುತ್ತಿತ.
\li
\v 5 ಯುದಾಚಾ ವಂಶಾತ್ನಿ ಬಾರಾ ಹಾಜಾ಼ರ್
\li ರೂಬೇನಾಚಾ ವಂಶಾತ್ನಿ ಬಾರಾ ಹಾಜಾ಼ರ್
\li ಗಾದಾಚಾ ವಂಶಾತ್ನಿ ಬಾರಾ ಹಾಜಾ಼ರ್
\li
\v 6 ಆಶೇರಾಚಾ ವಂಶಾತ್ನಿ ಬಾರಾ ಹಾಜಾ಼ರ್
\li ನಫ್ತಾಲಿಚಾ ವಂಶಾತ್ನಿ ಬಾರಾ ಹಾಜಾ಼ರ್
\li ಮನಸ್ಸೆಚಾ ವಂಶಾತ್ನಿ ಬಾರಾ ಹಾಜಾ಼ರ್
\li
\v 7 ಸಿಮೆಯೋನಾಚಾ ವಂಶಾತ್ನಿ ಬಾರಾ ಹಾಜಾ಼ರ್
\li ಲೇವಿಚಾ ವಂಶಾತ್ನಿ ಬಾರಾ ಹಾಜಾ಼ರ್
\li ಇಸ್ಸಾಕಾಚಾ ವಂಶಾತ್ನಿ ಬಾರಾ ಹಾಜಾ಼ರ್
\li
\v 8 ಜೆಬುಲೊನಾಚಾ ವಂಶಾತ್ನಿ ಬಾರಾ ಹಾಜಾ಼ರ್
\li ಯೊಸೆಪಾಚಾ ವಂಶಾತ್ನಿ ಬಾರಾ ಹಾಜಾ಼ರ್
\li ಬೆನ್ಯಾಮಿನಾಚಾ ವಂಶಾತ್ನಿ ಬಾರಾ ಹಾಜಾ಼ರ್
\s ಲೊಕಾಂಚಾ಼ ಇಸ್ಬಾಚೆ ಬಾಹಿರ್ಲಾ ಹಿಂಡ್
\p
\v 9 ಮಂಗ್ ಮೀ ಬಗ್ಲ ತವಾ ಲೊಕಾಂಚಾ಼ ಮೋಟಾ ಹಿಂಡ್ ದಿಸ್ಲಾ. ತೀ ಮೆಜಾ಼ವ್ಹಯಿತ್ನಾಹಿ ಇತ್ಕಿ ಹುತ್ತಿತ. ತ್ಯಾತ್ಲಿ ಸಗ್ಳಿ ಲೊಕ, ದೆಶಾ, ಕುಳ, ಸಗ್ಳಿ ಬಾಶಾ ಬೊಲ್‍ತ್ಯಾಲಿ ಹುತ್ತಿತ ಹೀ ಲೊಕ ಸಿಂಹಾಸನಾಚೆ ಮೊರ‍್ಹ ಆನಿ ಮೆಂಡರಾಚೆ ಮೊರ‍್ಹ ಉಬಿ ಹುತ್ತಿತ. ತೀ ಸಗ್ಳಿ ಪಾಂಡ್ರಾ ಜ಼ಘಾ ಗಾಲ್ಹುನ್ ಖರ್ಜುರಾಚಿ ಪಾನ ಆಪ್‌ಲ್ಯಾ ಹಾತಾತ್ನಿ ದರ್ಲಿ ಹುತ್ತಿತ. 
\v 10 ತೀ ಜೊ಼ರಾನಿ ಸಿಂಹಾಸನಾವ ಬಸ್‌ಲ್ಯಾಲ್ಯಾ ದೆವಾಪ್ನಿ ಆನಿ ಮಿಂಡುರ್ ಜಾ಼ಲ್ಯಾಲ್ಯಾಪ್ನಿ ಸುಟ್ನುಕ್ ಯತಿ ಮನ್ಹುನ್ ವರಾಡ್ಲಿತ. 
\v 11 ಜಾಂತ ತಿಥ ಹುತ್ತ. ಆನಿ ಚಾರ್ ಜೀವ್ ತಿಥ ಹುತ್ತ. ತ್ಯಂಚೆ ಸರ್ಬವ್ಹಾರ ಆನಿ ಸಿಂಹಾಸನಾಚೆ ಸರ್ಬವ್ಹಾರ ದೇವ್ದುತ್ಸಗ್ಳ ಉಬ ಹುತ್ತ. ದೇವ್ದುತಾಂಚಾನಿ ಸಿಂಹಾಸನಾಂಚೆ ಮೊರ‍್ಹ ನಡ್ಗ ಟಿಕ್ವುನ್ ದೇವಾಲಾ ವವ್ಯಾಳಾ. 
\v 12 ತೇ, ತಸಸ್ ವ್ಹವುನಿ! ಆಮ್ಚಾ ದೇವಾಲಾ ಸ್ತೊತ್ರ ಮರ‍್ಯಾದ್ ಗಿನ್ಯಾನ್ ದನ್ಯವಾದ್ ಸ್ತುತಿ ಆದಿಕಾರ್ ಆನಿ ಬಳ್ ಖಾಯಿಮ್ ರಾಹುನಿ ಆಮೆನ್! ಮನ್ಲ.
\p
\v 13 ತವಾ ಜಾಂತ್ಯಾತಲ್ಯಾ ಯಕಾನಿ ಪಾಂಡ್ರ ಜ಼ಘ ಗಾಲ್ಹುನ್ ಉಬಿರಾಯ್‌ಲ್ಯಾಲಿ ಹೀ ಲೊಕ ಕೊನ್? ತೀ ಕುಠ್ನಿ ಆಲ್ಯಾಲಿ ಮನ್ಹುನ್ ಮನಾ ಇಚಾರ್ಲ
\p
\v 14 ತವಾ ಪ್ರಭು ತೀ ಕೊನ್ತಿ ತುಲಾ ಠಾವಿ ಹಾತ” ಮನ್ಹುನ್ ಉತ್ತರ್ ದಿಲಾ.
\p ತವಾ ಹಿ ಮೊಟಾ ತರಾಸ್ ಖಾವುನ್ ಆಲ್ಯಾಲಿ. ತ್ಯಂಚಾನಿ ಮಿಂಡುರ್ ಜಾ಼ಲ್ಯಾಲ್ಯಾಚಾ ರಕ್ತಾನಿ ಆಪ್ಲ ಜ಼ಘ ದುತ್ಯಾಲ್ಯಾತ\f + \fr 7:14 \fr*\ft ಲಾಂಬ್‌ಡ್ಯಾ ಆಂಗ್ಯಾ ದುಹುನ್ ಗ್ಯಾತ್‌ಲ್ಯಾತಾ ಆಪ್ಲಿ ಪಾಪ ಮಾಪ್ ವ್ಹಯಾಸಾಟಿ ತ್ಯಂಚಾನಿ ಯೇಸುವ ಇಸ್ವಾಸ್ ಥೆವ್‍ಲ್ಯಾ ಮನ್ಹುನ್ ತ್ಯಚಾ಼ ಅರ್ಥ. \ft*\f* ಆತಾ ತೀ ಚಾ಼ಂಗ್ಲಿ ಜಾ಼ಲ್ಯಾತ. 
\v 15 ಮನ್ಹುನ್ ಹೀ ಲೊಕ ಆತ್ತಾ ದೇವಾಚಾ ಸಿಂಹಾಸನಾಚೆ ಮೊರ‍್ಹ ಹಾತ್ತ. ತೀ ದೇವಾಲಾ ತ್ಯಚಾ ದೇವ್ಳಾತ್ ರ‍್ಯಾತ್ ದೀಸ್ ವವ್ಯಾಳ್‌ತ್ಯಾತ ಸಿಂಹಾಸನಾವ ಬಸ್‌ಲ್ಯಾಲಾ ತ್ಯನಾ ರ‍್ಯಾಕ್ತೊ. 
\v 16 ತ್ಯಾ ಲೊಕಾನಾ ಆನಿಕ್ ಭುಕ್, ತಾನ್, ದೀಸಾಚ಼ ಉನ್, ಲಾಗ್ನಾರ್ನಾಹಿ. ತ್ಯನಾ ಕಸ್ಲಸ್ ಉನ್ ಬಾಜಿತ್ ನಾಹಿ. 
\v 17 ಸಿಂಹಾಸನಾಚೆ ಮದ್ದಿ ಆಸ್‌ಲ್ಯಾಲ ಮೆಂಡಾರ್ ಜಾ಼ಲ್ಯಾಲಾ ತ್ಯೊ ತ್ಯಂಚಾ಼ ಕುರುಬುರ್ ಜಾ಼ಲ್ಯಾ. ತ್ಯೊ ತ್ಯನಾ ಜೀವ್ ದೇತ್ಯಾಲ್ಯಾ ಪಾನ್ಯಾಚಾ ಜ಼ರ‍್ಯಾಂಚಿಪ ಹಾಕ್ಟುನ್ ನೆಥೊ. ತ್ಯಂಚಾ ಡೊಳ್ಯಾಂಚಿ ಟಿಪ್ಪ ದೇವ್ ಪುಸ್ತೊ ಮನ್ಹುನ್ ಸಾಂಗ್ಲ.
\c 8
\s ಸಾತ್ವಾ ಸಿಕ್ಕಾ
\p
\v 1 ಮಿಂಡುರ್ ಜಾ಼ಲ್ಯಾಲ್ಯಾನಿ ಸಾತ್ವಾ ಸಿಕ್ಕಾ ಉಗಡ್ಲಾ. ತವಾ ಸ್ವರ್ಗಾತ್ ಜ಼ವಳ್ ಜ಼ವಳ್ ಆರ್ದಾತಾಸ್ ಶಾಂತ್ ಜಾ಼ಲ್ಹ. 
\v 2 ಮಂಗ್ ದೇವಾಚೆ ಮೊರ‍್ಹ ಸಾತ್ ದೇವ್ದುತ್ ಉಬ ರಾಯ್‌ಲ್ಯಾಲ ಮೀ ಬಗ್ಲ ತ್ಯನಾ ಸಾ ತುತ್ತುರಿ ದಿಲ್‍ತ್ಯಾ.
\p
\v 3 ಆನಿ ಯೊಕ್ ದೇವ್ದುತ್ ಯವುನ್ ಯಜ್ಞವೇದಿಪ ಉಬಾರಾಹುನ್ ತ್ಯೊ ಧುಪ್ ಆಸ್‌ಲ್ಯಾಲಿ ಸೊನ್ಯಾಚಿ ದುಫಾರತ್ ದರ‍್ಹುನ್ ಹುತ್ತಾ ದೇವಾಚಾ ಲೊಕಾಂಚಾ ಮಾಗ್‌ನ್ಯಾಂಚಿ ಸಂಗ ದಿಯಾಸಾಟಿ ತ್ಯಲಾ ಖುಬ್ ಧುಪ್ ದಿಲ್ತಾ ಹ್ಯಾ ದೇವ್ದುತಾನಿ ಸಿಂಹಾಸನಾಚೆ ಮೊರ‍್ಹ ಸೊನ್ಯಾಚೆ ಯಜ್ಞವೇದಿವ ಹ್ಯೊ ಧುಪ್ ಥೆವ್ಲಾ 
\v 4 ತ್ಯಾ ದುಫಾಚಾ಼ ಧುರ್ ದೇವ್‌ ದುತಾಚಾ ಹಾತಾತ್ನಿ ದೇವಾಚಾ ಲೊಕಾಂಚಾ ಮಾಗ್‌ನ್ಯಾ ಸಂಗ ದೇವಾಪ ವರ್ ಗೇಲಾ. 
\v 5 ತವಾ ದೇವ್ ದುತಾನಿ ಪೆಟ್‌ಲ್ಯಾಲಿ ದುಫಾರತ್ ಗಿಹುನ್ ದರ್ಥಿವ ಹೊಲ್ಪಟ್ಲಿ. ತವಾ ಇಜ಼್ ಲವ್ಲಿ ಗಡ್ಗಡ್ಲಾ ಆನಿ ಯೆಕ್ ತರಚಾ಼ ಆವಾಜ಼್ ಆಲಾ ಆನಿ ಭುಕಂಪ ಜಾ಼ಲಿತ.
\s ಸಾತ್ ತುತುರಿ
\p
\v 6 ನಂತರ್ ತೆ ಸಾತ್‍ಜಾ಼ನ್ ದೇವ್‌ ದುತ್ ಸಾತ್ ತುತ್ತುರಿ ವಾಜ್ವಾ಼ಯಾ ತಯಾರ್ ಜಾ಼ಲ್ಹ.
\p
\v 7 ಪೈಲ್ಯಾ ದೇವ್‌ದುತಾನಿ ಆಪ್ಲಿ ತುತ್ತುರಿ ವಾಜಿವ್ಲಿ. ತವಾ ರಗಾತ್ ಮಿಸಾಳ್ಯಾಲ ಗಾರಚಾ಼ ಪಾವುಸ್ ಆನಿ ಇಸ್ತು ದರ್ತಿವ ಪಡ್ಲಾ. ದರ್ಥಿಚಾ಼ ತಿನವ್ಯಾತ್ಲಾ ಯೊಕ್ ಭಾಗ್ ಆನಿ ಹಿರವ ಗವಾತ್ ಸಗ್ಳ ಜ಼ಳುನ್ ಗೇಲ; ಆನಿ ಜಾ಼ಡಾಂಚಾ಼ಬಿ ತಿನಿತ್ಲಾ ಯೊಕ್ ಭಾಗ್ ಜ಼ಳುನ್ ಗೇಲಾ.
\p
\v 8 ದೊನವ್ಯಾ ದೇವ್‌ ದುತಾನಿ ಆಪ್ಲಿ ತುತ್ತುರಿ ವಾಜಿವ್ಲಿ. ತವಾ ಇಸ್‌ತ್ಯಾನಿ ಪೆಟ್ಯಾಲಾ ಮೊಟಾ ಕನಾ ಮಂ‌ತ್ಯಾಲ ಯಾಕ್ ಸಾಮಾನ್ ಸಂಮಿದೊರಾತ್ ಹೊಲ್ಪಟ್ಲ. ತವಾ ಸಂಮಿದೊರಾಚಾ ತಿನವ್ಯಾತ್ಲಾ ಯೊಕ್ ಭಾಗ್ ರಗಾತ್ ಜಾ಼ಲಾ 
\v 9 ಸಂಮಿದೊರಾತ್ ಆಸ್‍ಲ್ಯಾಲ್ಯಾ ಜೀವಿತಲ್ಯಾ ತಿನವ್ಯಾತ್ಲಾ ಯೊಕ್ ಭಾಗ್ ಮರುನ್ ಗೇಲಾ ಆನಿ ವ್ಹಡಿಚಾ಼ ತಿನ್‍ವ್ಯಾತ್ಲಾ ಯೊಕ್ ಬಾಗ್ ನಾಸ್ ಜಾ಼ಲಾ.
\p
\v 10 ತಿನವ್ಯಾ ದೇವ್‌ ದುತಾನಿ ಆಪ್ಲಿ ತುತ್ತುರಿ ವಾಜಿವ್ಲಿ. ತವಾ ಚು಼ಡಿಚೆಗತ್ ಪೆಟ್ಯಾಲಿ ಯೇಕ್ ಮುಟಿ ಚಾನ್ನಿ ಆಬ್ಳಾತ್ನಿ ಬುಡಿ ಪಡ್ಲಿ. ತಿ ಚಾನ್ನಿ ನ್ಹತ್ನಿ ಆನಿ ಪಾನ್ಯಾಚಾ ಜ಼ರ‍್ಯಾಚಾ ತಿನ್‌ವ್ಯಾತ್‌ಲ್ಯಾ ಯಕಾ ಬಾಗಾವ ಪಡ್ಲಿ. 
\v 11 ತೆ ಚಾನ್ನಿಚ಼ ನಾವ್ “ಕಡು ಜಾ಼ಡ್” ಆನಿ ಪಾನ್ಯಾಚಾ಼ ತಿನವ್ಯಾತ್ಲಾ ಯೊಕ್ ಬಾಗ್ ಕಡು ಜಾ಼ಲಾ. ಹ್ಯ ಕಡು ಪಾನಿ ಪಿವುನ್ ಖುಬ್ ಲೊಕ ಮಿಲಿತ.
\p
\v 12 ಮಂಗ್ ಚಾರವ್ಯಾ ದೇವ್ ದುತಾನಿ ಆಪ್ಲಿ ತುತ್ತುರಿ ವಾಜಿವ್ಲಿ. ತವಾ ದಿಸಾಚಾ಼ ತಿನವ್ಯಾತ್ಲಾ ಯೊಕ್ ಬಾಗ್, ಚಾ಼ಂದಾತ್ಲಾ ತಿನವ್ಯಾತ್ಲಾ ಯೊಕ್ ಬಾಗ್ ಆನಿ ಚಾನ್ಯಾಂಚಾ಼ ತಿನವ್ಯಾತ್ಲಾ ಯೊಕ್ ಭಾಗಾಲಾ ತರಾಸ್ ಆಲಾ ಆನಿ ಆಂದಾರ್ ಜಾ಼ಲಾ. ದಿಸಾಚ಼ ಆನಿ ರಾತಿಚ಼ ತಿನವ್ಯಾತ್ಯಾ ಯಕಾ ಬಾಗಾಲಾ ಉಜ್ಜಿಡ್ ನಸ್‌ಲ್ಯಾಚೆಗತ್ ಜಾ಼ಲಾ.
\p
\v 13 ಆನಿ ಮೀ ಬಗಿತ್ ಆಸ್ತಾನಾ, ಯೊಕ್ ಗರುಡ್ ಪಕ್ಷಿ ಆಬ್ಳಾಚೆ ಮದ್ದಿ ತಳ್ಪತಾ ತ್ಯೊ ಆಸಾ ಮೊಟ್ಯಾನಿ ಮಂಥ್ಯಾಲ ಮೀ ಐಕ್‌ಲ್ಯಾಲ ಕ್ಯಾ ಮಂಜೆ, ಆಸ ತಿನ್ ಜಾ಼ನ್ ದೇವ್‌ದುತ್ ಆಪ್ಲಿ ತುತ್ತುರಿ ವಾಜಿವ್‌ತ್ಯಾತ ತ್ಯಂಚೆ ತುತ್ತುರಿಚಾ ಆವಾಜಾ಼ನಿ ಧರ್ಥಿವ ರಾಥ್ಯಾಲ್ಯಾ ಲೊಕಾನಾ ತುಮಚಿ ಗತ್ ಕ್ಯಾ ಸಾಂಗು.
\c 9
\p
\v 1 ಪಾಚ಼ವ್ಯಾ ದೇವ್ದುತಾನಿ ಆಪ್ಲಿ ತುತ್ತುರಿ ವಾಜಿವ್ಲಿ. ತವಾ ಯೇಕ್ ಚಾನ್ನಿ ಆಬ್ಳಾತ್ನಿ ದರ್ಥಿವ ಪಡ್‌ಲ್ಯಾಲಿ ಮನಾ ದಿಸ್ಲಿ. ತಿಚಿಪ ಪಾತಾಳಾಚಿ ಕುಲ್ಪಾಚಿ ಚಾವಿ ದಿಲ್ತಿ. 
\v 2 ಮಂಗ್ ತೇ ಚಾನ್ನಿನಿ ಪಾತಾಳಾಚ಼ ಕುಲುಪ್ ಉಗಡ್ಲ ತವಾ. ಮೊಟ್ಟೆ ಬಠಿಚಾ ದುರ‍್ಹಾಚೆಗತ್ ತ್ಯಾ ನಳ್ಯಾತ್ನಿ ಧುರ್ ವರ್ ಆಲಾ. ತ್ಯಾ ದುರ‍್ಹಾನಿ ದೀಸ್ ಆನಿ ಆಬಾಳ್ ಕಾಳ ಜಾ಼ಲ್ಹ.
\p
\v 3 ಮಂಗ್ ಟ್ವಾಳ್ ದುರ‍್ಹಾತ್ನಿ ಜಿಮ್ನಿವ ಆಲ ತ್ಯನಾ ಇಚ್ವಾಚೆಗತ್ ಬಳ್ ದಿಲ್ತ. 
\v 4 ದರ್ಥಿವ್‌ಲ್ಯಾ ಗವ್ತಾಲಾ ಡಾಳ್ಯಾನಾ ಜಾ಼ಢಾನಾ ನಾಸ್ ಕರುನಾಹಿ ಆಸ ತ್ಯಾ ಟೊಳಾನಾ ಸಾಂಗ್ಲಹುತ್ತ. ಕಚಾಚಾ ಕಪಾಳಾವ ದೇವಾಚಾ಼ ಸಿಕ್ಕಾ ನಾಹಿ ತ್ಯಾ ಲೊಕಾನಾ ತರಾಸ್ ದಿಯಾ ಸಾಂಗ್ಲ ಹುತ್ತ. 
\v 5 ಲೊಕಾನಾ ಪಾಚ಼್ ಮೈನ್ಯಾ ಪರತ್ ತರಾಸ್ ದೇತ್ಯಾಲ ಬಳ್ ಹ್ಯಾ ಟೊಳಾನಾ ದಿಲ್ತ. ಖರ ಲೊಕಾನಾ ಮಾರಾಚ಼ ಬಳ್ ತ್ಯನಾ ದಿಲನವ್ಥ. ಹ್ಯಂಚಾನಿ ಚಾವಲ್ಯಾವ ಇಚ್ವಾನಿ ಚಾವಲ್ಯಾಸಾರಾ ಯೊಗ್ ಯಯಿತಾ. 
\v 6 ತ್ಯಾ ದಿಸಾತ್ ಲೊಕ ಮರಾಯಾ ಬಗಿತಿತ ತ್ಯನಾ ಗಾವತ್ನಾಹಿ. ತ್ಯಂಚಾನಿ ಮರಾನ್ ಮಾಗ್ಲ ತರಿ ಮರಾನ್ ತ್ಯಂಚಿಪ್ನಿ ದುರ್ ಜಾ಼ಯಿತ.
\p
\v 7 ಟ್ವಾಳ್ ಲಡಾಯಿಲಾ ತಯಾರ್ ಕೇಲ್ಯಾಲ್ಯಾ ವಾರ್ವಾಂಚೆಗತ್ ದಿಸತ. ತ್ಯಂಚೆ ಡುಯಿವ ಸೊನ್ಯಾಚಾ ಕಿರಿಟಾಚೆಗತ್ ಕ್ಯಾ ಹುತ್ತ. ತ್ಯಂಚಿ ತೊಂಡ ಮಾನ್ಸಾಚಾ ತೊಂಡಾಚೆಗತ್ ಹುತ್ತಿತ. 
\v 8 ತ್ಯಂಚೆ ಡುಯಿಚ಼ ಕ್ಯಾಸ್ ಬ್ಯಾಯ್ಕಾಮಾನ್ಸಾಂಚಾ ಕೇಸಾಚೆಗತ್ ಹುತ್ತ ದಾತ್ ಸಿವಾಂಚಾ ದಾತಾಂಚೆಗತ್ ಹುತ್ತ. 
\v 9 ತ್ಯಂಚೆ ಶಾತಿಂಚಿವ ಲೊಖಾಂಡಾಚಾ ಕವ್ಚಾಚೆಗತ್ ಹುತ; ಪಖೊಟ್ಯಾಂಚಾ಼ ಆವಾಜ಼್ ಲಡಾಯಿತ್ ಪಳ್‌ತ್ಯಾಲ್ಯಾ ಖುಬ್ ವಾರ್ವಾಂಚಾ ಆನಿ ರಥಾಂಚಾ ಸಬ್ದಾಂಚೆಗತ್ ಹುತ್ತಾ. 
\v 10 ತ್ಯನಾ ಇಚ್ವಾಚೆಗತ್ ಶೆಪ್‌ಟ್ಯಾ ಆನಿ ನೆಂಗ ಹುತ್ತ; ಲೊಕಾನಾ ಪಾಚ಼್ ಮೈನ್ಯಾಪರತ್ ತರಾಸ್ ದಿಯಾಚ಼ ಬಳ್ ತ್ಯಂಚೆ ಶಿಪ್ಟಿತ್ನಿ ಹುತ್ತ. 
\v 11 ಟೊಳಾನಾ ಯೊಕ್ ರಾಜಾ಼ ಹುತ್ತಾ. ಪಾತಾಳಾಚಾ಼ ಧುತ್ ತ್ಯಂಚಾ಼ ರಾಜಾ಼ ಜಾ಼ಲ್ಥಾ ತ್ಯಲಾ ಹಿಬ್ರು ಭಾಶೆತ್ “ಅಬದ್ದೊನ್ ಮನ್ಹುನ್ ನಾವ್ ಹುತ್ತ. ಗ್ರೀಕ್ ಬಾಶೆತ್ “ಅಪೊಲ್ಲುವೊನ್” ತ್ಯಚಾ಼ ಅರ್ಥ ನಾಸ್ ಕರ್ನಾರಾ ಮನ್ಹುನ್ ನಾವ್ ಹುತ್ತ.
\p
\v 12 ಪೈಲಾ ಮೊಟಾ ತರಾಸ್ ಮಾಗ ಸರ್ಲಾ. ಆನಿ ದೊನ್ವಾ ಮೊಟಾ ತರಾಸ್ ಯಯಾಚಾ಼ ಹುತ್ತಾ.
\p
\v 13 ಸಾವ್ಯಾ ದೇವ್‍ ದುತಾನಿ ಆಪ್ಲಿ ತುತ್ತುರಿ ವಾಜಿವ್ಲಿ. ತವಾ ದೇವಾಪ ಆಸ್‌ಲ್ಯಾಲ ಸೊನ್ಯಾಚಾ ಯಜ್ಞವೆದಿಚಾ ಚಾರಿ ಕೊನ್ಯಾತ್ನಿ ಮಿ ಯೊಕ್ ಆವಾಜ಼್ ಐಕ್ಲಾ. 
\v 14 ತ್ಯೊ ಆವಾಜ಼್ ತುತ್ತುರಿ ಆಸ್‌ಲ್ಯಾಲ್ಯಾ ಸಾವ್ಯಾ ದೇವ್‍ ದುತಾಲಾ, “ಯುಫ್ರಟೀಸ್ ಮೊಟೆ ನ್ಹಪ ಬಾಂದುನ್ ಗ್ಯಾತ್‌ಲ್ಯಾಲ್ಯಾ ಚಾರ್ ದೇವ್ದುತಾನಾ ಶೊಡ್ ಮನ್ಹುನ್ ಸಾಂಗ್ಲ. 
\v 15 ತ್ಯಾ ಚಾರ್ಜಾ಼ನ್ ದೇವ್ದುತಾನಾ ಹೇಸ್ ವರೀಸ್ ಹ್ಯಾಸ್ ಮೈನ್ಯಾತ್ ಹ್ಯಾಸ್ ದೀಸಾತ್ ಹ್ಯಾಸ್ ಯಳಾತ್ ದರ್ಥಿವ ಆಸ್‌ಲ್ಯಾಲ್ಯಾ ಲೊಕಾನಾ ತಿನವ್ಯಾತ್ಲಾ ಯೊಕ್ ಭಾಗ್ ನಾಸ್ ಕರಾಯಾ ಶೊಡ್ಲ ಹುತ್ತ. 
\v 16 ತ್ಯಂಚಾತ್‌ಲ್ಯಾ ವಾರ್ವಾಂಚಾ ಸೈನಿಕಾಂಚಿ ಸಂಖ್ಯಾ ಈಸ್ ಕುಠಿ ಮನ್ಹುನ್ ಮನಾ ಐಕು ಆಲಿ.
\p
\v 17 ಆನಿ ಮೀ ದರ್ಶನಾತ್ ವಾರು ಚಾ಼ಲಿವತ್ಯಾಲ್ಯಾನಾ ಬಗ್ಲ ತೆ ಆಸ ದಿಸತ ತೇ ಇಸ್‌ಥ್ಯಾಚೆಗತ್ ತಾಂಬ್ಡ ಕಾಳ ಸಪೆರ್\f + \fr 9:17 \fr*\ft ಯಕತರಚಾ಼ ಕಿಮ್ತಿಚಾ ಜಾ಼ಂಬ್ಳಾ ದೊಂಢಾ\ft*\f* ಜಾ಼ಂಬ್ಳ ಆನಿ ಗಂಧಾಚೆಗತ್ ಹಳದ ಕವ್ಚಾ ಗಾಲ್ಹುನ್ ಹುತ್ತ. ವಾರ್ವಾಂಚಾ ಡೊಯಾ ಸಿವಾಂಚೆ ಡುಯಿಂಚೆಗತ್ ದಿಸತ್ಯಾ ವಾರ್ವಾಂಚಾ ತೊಂಡಾತ್ನಿ ಇಸ್ಥು ಧುರ್ ಆನಿ ಗಂಧಕ್ ಬಾಹಿರ್ ಯಯಿತ. 
\v 18 ದರ್ಥಿವ ಆಸ್‌ಲ್ಯಾಲ್ಯಾ ಲೊಕಾತ್ನಿ ತಿನವ್ಯಾತ್ಲಾ ಯೊಕ್ ಭಾಗ್ ವಾರ್ವಾಂಚಾ ತೊಂಡಾತ್ನಿ ಬಾಹಿರ್ ಆಲ್ಯಾಲ್ಯಾ ಪಿಡಾ ಧುರ್ ಆನಿ ಗಂಧಕಾನಿ ಮಾರುನ್ ಟ್ಯಾಕ್ಲಿತ. 
\v 19 ವಾರ್ವಾಂಚ಼ ಬಳ್ ತ್ಯಂಚಾ ತೊಂಡಾತ್ ಆನಿ ಶಿಪ್ಟಿತ್ ಹುತ್ತ. ತ್ಯಂಚಾ ಶೆಪ್‌ಟ್ಯಾ ಸಾಪಾಂಚೆ ಡುಯಿಚೆಗತ್ ಹುತ್ಯಾ ತ್ಯಂಚಾನಿ ಮಾನ್ಸಾಂಚಾ಼ ನಾಸ್ ಕರಿತಿತ.
\p
\v 20 ಹ್ಯಾ ತರಾಸಾನಿ ಮರಾಚೆಆಂದಿ ರಾಯ್‌ಲ್ಯಾಲಿ ಲೊಕ ಆಪ್‌ಲ್ಯಾ ಪಾಪಾಂಚೆ ಸಾಟಿ ಪಶ್ಚಾತಾಪ್ ಪಡುನ್ ದೇವಾಕ್ಡ ಪರಾತ್ಲಿ ನಾಹಿತ. ಆಪ್‌ಲ್ಯಾ ಸ್ವತಾಚಾ ಹಾತಾನಿ ಕೆಲ್ಯಾಲಿ ಪಾಶಾನ ಕ್ಯಾಡ್ಲಿ ನಾಹಿತ. ತ್ಯಂಚಾನಿ ಭುಥಾಲಾ ವವ್ಯಾಳಾಚ಼ ಥಾಂಬಿವ್ಲನಾಹಿ ಸೊನ, ಚಾ಼ಂದಿ, ತಾಂಬ ದೊಂಢ, ಆನಿ ಲಾಕ್ಡಾಂಚಾನಿ ಕೆಲ್ಯಾಲ್ಯಾ, ಚಾ಼ಲನಸ್ನಾರ‍್ಯಾ ಬಗಿನಸ್ನಾರ‍್ಯಾ ಐಕಿ ನಸ್ನಾರ‍್ಯಾ ಪಾಶಾನಾನಾ ಪುಜಾ಼ಚ಼ ಥಾಂಬಿವ್ಲ ನಾಹಿ. 
\v 21 ಹ್ಯಾ ಲೊಕಾಂಚಾನಿ ಆಪ್ಲಿ ಮನ ಆನಿ ಜೀವ್ನಾ ಬದಲ್ಲಾ ನಾಹಿ. ಆನಿ ದುಸ್‌ರ‍್ಯಾನಾ ಮಾರುನ್ ಟಾಕಾಚ಼ ಶೊಡ್ಲ ನಾಹಿ. ತ್ಯಂಚಾನಿ ಆಪ್ನು ಕರತ್ಯಾಲ ಘಾಡ್ಫನ್ ಚೊ಼ರಿ ಶುಡ್ಲಿ ನಾಹಿ.
\c 10
\s ದೇವ್ದುತ್ ಆನಿ ಬ್ಯಾರ್ಕಿ ಇಡಿ
\p
\v 1 ಮಂಗ್ ಆನಿ ಯೊಕ್ ಬಳಾಚಾ಼ ದೇವ್ದುತ್ ಸ್ವರ್ಗಾತ್ನಿ ಉತ್ರುನ್ ಯತ್ಯಾಲಾ ಮೀ ಬಗ್ಲಾ. ತ್ಯೊ ಧುತ್ ಢಘಾತ್ ಗುತ್ಪಳ್ಳಾ ಹುತ್ತಾ. ತ್ಯಚೆ ಡುಯಿವ ಧನೊಸ್ಬಾನ್ ಹುತ್ತಾ. ತ್ಯಚ಼ ತ್ವಾಂಡ್ ದಿಸಾಚೆಗತ್ ಪ್ಯಾ ಇಸ್‌ತ್ಯಾಚಾ ಖಾಂಬಾಚೆಗತ್ ಹುತ್ತ. 
\v 2 ತ್ಯೊ ದೇವ್ದುತ್ ಯೇಕ್ ಬಾರಿಕ್ ಇಡಿ ದರ‍್ಹುನ್ ಹುತ್ತಾ. ತಿ ಉಗಾಡ್‍ಲ್ಯಾಲಿ ಹುತ್ತಿ. ತ್ಯನಿ ಆಪ್ಲಾ ಉಜ್ವಾ ಪ್ಯಾ ಸಮಿಂದೊರಾವ, ಡಾವಾ ಪ್ಯಾ ಜಿಮ್ನಿವ ಥೆವ್ಲಾ. 
\v 3 ಸಿಂವ್ ವರಾಡ್‌ಲ್ಯಾಚೆಗತ್ ಜೊ಼ರಾನಿ ವರಾಡ್ಲಾ. ಮಂಗ್ ಸಾತ್ ತಡಾಸಾಂಚಾ಼ ಆವಾಜ಼್ ಬೊಲ್ಲಾ.
\p
\v 4 ಫನ್ ತ್ಯ ಮೀ ಲಿವಾಯಾ ವ್ಹಯಿ ಮಂತಾನಾ ಸ್ವರ್ಗಾತ್ನಿ ಆಲ್ಯಾಲಾ ಯೊಕ್ ಸಬ್ದ ಮನಾ, “ಸಾತ್ ತಡಾಸಾ ಸಾಂಗತ್ಯಾಲ ತು ಲಿವುನಕೊ. ತ್ಯ ಜಾ಼ಖುನ್ಥೆವ್ ಮನ್ಹುನ್ ಸಾಂಗ್ಲ.
\p
\v 5 ಮಂಗ್ ಜಿಮ್ನಿವ ಆನಿ ಸಮಿಂದೊರಾವ ಉಬಾ ರಾಯ್‌ಲ್ಯಾಲ್ಯಾ ಯಕಾ ದೇವ್ ದುತಾಲಾ ಬಗ್ಲಾ ತ್ಯನಿ ಆಪ್ಲಾ ಉಜ಼್ವಾ ಹಾತ್ ಸ್ವರ್ಗಾಕ್ಡ ಕರುನ್. 
\v 6 ಆಬಾಳ್ ಆನಿ ತ್ಯಾತ್ಲ ಸರ್ವ ಜಿಮಿನ್ ಆನಿ ತ್ಯಾತ್ಲ ಸರ್ವ ಸಮಿಂದೊರ್ ಆನಿ ತ್ಯಾತ್ಲ ಸರ್ವ, ಉತ್ಪನ್ ಕೆಲ್ಯಾಲ್ಯಾಚಾ ಬಳಾನಿ ಆಸಿ ಶೆಪ್ಪತ್ ಕರುನ್: “ಆನಿಕ್ ರಾಖಾಚೆ ಆಂದಿ; 
\v 7 ಸಾತ್‌ವ್ಯಾ ದೇವ್ದುತಾನಿ ಆಪ್ಲಿ ತುತ್ತುರಿ ವಾಜ್ವಾ಼ಚಾ ದಿಸಾತ್ ಆಡ್‌ಶಾ ಆಸ್‌ಲ್ಯಾಲಿ ದೇವಾಚಿ ಪಾರಕ್ ಪುರಿ ವ್ಹನಾರ. ದೇವಾನಿ ಆಪ್ಲ ಸೇವಕ್ ಜಾ಼ಲ್ಯಾಲ್ಯಾ ಪ್ರವಾದಿನಾ ಸಾಂಗ್‌ಲ್ಯಾಲಿ ಚಾ಼ಂಗ್ಲಿ ಖಬರ್ ಹಿಸ್ ದೇವಾಚಿ ಪಾರಕ್. ”
\p
\v 8 ಮಂಗ್ ಸ್ವರ್ಗಾತ್ನಿ ತ್ಯೊಸ್ ಆವಾಜ಼್ ಮೀ ಐಕ್ಲಾ ತ್ಯೊ ಆವಾಜ಼್ ಮನಾ ಜಾ಼ ದೇವ್ ದುತಾಚಾ ಹಾತಾತ್ಲಿ ಶೊಡ್‌ಲ್ಯಾಲಿ ಇಡಿ ಘೇ. ತ್ಯೊ ದೇವ್ದುತ್ ಸಮಿಂದೊರಾವ ಆನಿ ಜಿಮ್ನಿವ ಉಬಾ ಹಾ” ಮನ್ಹುನ್ ಸಾಂಗ್ತ.
\p
\v 9 ಮನ್ಹುನ್ ಮೀ ತ್ಯಾ ದೇವ್ದುತಾಪ ಜಾ಼ವುನ್ ತೀ ಬ್ಯಾರ್ಕಿ ಇಡಿ ದೇ ಮನ್ಹುನ್ ಮಾಗ್ಲಿ ತ್ಯಾ ದೇವ್ದುತಾನಿ ಮನಾ ಇಡಿ ಗಿಹುನ್ ತೀ ಖಾ. ತೀ ತುಜಾ ಪೊಟಾತ್ ಅಂಬಾಟ್ ವ್ಹನಾರ್ ಖರ ತುಜಾ ತೊಂಡಾತ್ ತೀ ಮವ್ಹಾಚೆಗತ್ ಗೊಡ್ ವ್ಹನಾರ್ ಮನ್ಹುನ್ ಸಾಂಗ್ಲ.
\p
\v 10 ತೀ ಬ್ಯಾರ್ಕಿ ಇಡಿ ದೇವ್ ದುತಾಚಾ ಹಾತಾತ್ನಿ ಗಿಹುನ್ ಮೀ ಖಾಲಿ. ಮಾಜಾ ತೊಂಡಾತ್ ತೀ ಮವ್ಹಾಚೆಗತ್ ಗೊಡ್ ಹುತ್ತಿ ಫನ್ ಮೀ ತೀ ಗಿಳ್ಯಾ ನಂತರ್ ತೀ ಮಾಜಾ ಪೊಟಾತ್ ಅಂಬಾಟ್ ಜಾ಼ಲ್ಹಿ. 
\v 11 ತವಾ ತ್ಯನಿ ಮನಾ, “ತು ಆನಿ ಖುಬ್ ಕುಳಾಂಚೆ, ಪರ್ಜೆಂಚೆ, ಭಾಶೆಂಚೆ ಆನಿ ರಾಜಾಂಚೆ ಗುಶ್ಟಿತ್ ಪ್ರವಾದನ್ ಕರಾಯಾ ವ್ಹಯಿಸ್ ಮನ್ಹುನ್ ಸಾಂಗ್ತೊ.
\c 11
\s ದೊಗಜಾ಼ನ್ ಸಾಕ್ಷಿ
\p
\v 1 ಮಂಗ್ ಮಾಪಾಚಿ ಮುಟಿಕಾಠಿ ಮಾಜಿಪ ದಿವುನ್ ಮನಾ ಆಸ ಸಾಂಗ್ಲ. “ಜಾ಼, ದೇವಾಚ಼ ಘರ್ ಜ಼ನಾವಾರ ಮ್ಯಾರ್‌ತ್ಯಾಲಾ ಜಾ಼ಗಾ ಮ್ಯಾಪ್; ಆನಿ ತಿಥ ವವ್ಯಾಳ್‍ತ್ಯಾಲ್ಯಾ ಲೊಕಾನಾ ಮೇಜ಼್. 
\v 2 ಫನ್ ಗರ‍್ಹಾಚೆ ಬಾಹಿರ‍್ಲ ಆಂಗಾನ್ ಮಾಪಾಚೆ ಆಂದಿ ಸುಡುನ್ ದೇ ತ್ಯ ಯಹುದಿ ನಸ್‌ಲ್ಯಾಲ್ಯಾ ಲೊಕಾನಾ ಶೊಡ್‌ಲ್ಯಾ. ತ್ಯ ಪವಿತ್ರ ನಗರ್ ಚಾಳ್ಸಾವ ದೊನ್ ಮೈನಿ ತ್ಯಂಚಾ ತಾಬ್ಯಾತ್ ರಾನ್ಹಾರ್. 
\v 3 ಮೀ ಮಾಜಾ ದೊಗಾ ಸಾಕ್ಷಿನಾ ಹುಕುಮ್ ದೇತೊ ತೀ ಯೇಕ್ ಹಾಜಾ಼ರ್ ದೊನ್ಸೆಸಾಟ್ ದೀಸಾಪರತ್ ದೇವಾಚಾ಼ ಸಂದೇಶ್ ಸಾಂಗ್‌ತ್ಯಾತ ತೇ ಗೊಂಥ್ಯಾಚ಼ ತಳ್ಕ ಬಾಂದುನ್ ರಾಥ್ಯಾತ.
\p
\v 4 ಧರ್ಥಿವ್‌ಲ್ಯಾ ಪ್ರಭುಪ ಉಬಿ ಆಸ್‌ಲ್ಯಾಲಿ ದೊನ್ ಆಲಿವ್ ಜಾ಼ಢ್ಹ ಆನಿ ದೊನ್ ದಿವಲಾವನ್ಯಾಚ಼ ಖಾಂಬ್ ಹೇ ದೊನ್ ಸಾಕ್ಷಿ. 
\v 5 ಹೇ ಸಾಕ್ಷಿ ಕುನಿತರಿ ಬುರ್ಸ ಕರಾಯಾ ಯತ್ನ ಕಿಲಿತತ. ಸಾಕ್ಷಿಂಚಾ ತೊಂಡಾತ್ನಿ ಇಸ್ಥು ವಾದಿನಾ ನಾಸ್ ಕರ್ತ್ಯೊ ಕಾ ಮಂಜೆ ತ್ಯನಾ ತರಾಸ್ ದಿಯಾ ಯತ್ನ ಕರ್ತ್ಯಾಲ್ಯಾ ಸಗ್‌ಳ್ಯಾನಾ ಮಾರುನ್ ಟ್ಯಾಕ್ತ. 
\v 6 ತ್ಯನಾ ಅಬಾಳ್ ಜಾ಼ಕಾಯಾ ಅಧಿಕಾರ್ ಆಸ್ತೊ. ಹ್ಯಚಿಸ್ ಲಾಗುನ‍ ತೀ ದೇವಾಚ಼ ಸಂದೇಶ್ ಸಾಂಗ್‌ತ್ಯಾಲ್ಯಾ ದಿಸಾತ್ ಪಾವುಸ್ ಪಡತ್ ನಾಹಿ ಫನ್ ತ್ಯನಾ ಪಾನಿ ರಗಾತ್ ಕರ್ತ್ಯಾಲಾ ಅಧಿಕಾರ್ ದಿಲ್ಯಾ. ತ್ಯಂಚಾ ಮನಾಚೆಗತ್ ದರ್ಥಿವ ಸಗ್ಳೆ ತರಚಾ಼ ಅಧಿಕಾರ್ ತ್ಯನಾ ದಿಲ್ಯಾ.
\p
\v 7 ಹ್ಯಾ ದೊಗಾಂಚಿ ಸಾಕ್ಷಿ ಆಪ್ಲಾ ಸಂದೇಶ್ ಸಾಂಗುನ್ ಸಪ್‌ಲ್ಯಾ ನಂತರ್, ಪಾತಾಳಾತ್ನಿ ವರ್ ಯತ್ಯಾಲ ಖತರ್ನಾಕ್ ಜ಼ನಾವಾರ್ ತ್ಯಂಚೆ ಆಡ್ವ ಲಡಾಯೀ ಕರ್ತ. ಹ್ಯ ಜ಼ನಾವಾರ್ ತ್ಯನಾ ಪಾಡುನ್, ಮಾರುನ್ ಟ್ಯಾಕ್ತ. 
\v 8 ತ್ಯಾ ದೊನ್ ಸಾಕ್ಷಿಂಚಿ ಮಡಿ ಮೊಟ್ಯಾ ನಗರಾಚೆ ಪಾಂದಿತ್ ಪಡ್ನಾರ್. ಹ್ಯಾ ನಗರಾಲಾ ವಳಕ್ ಸೊದೊಮ್ ನಾಹಿತ ಈಜಿಪ್ಟಿ. ತ್ಯಾ ನಗರಾಂಚಾ ನಾವಾಲಾ ಚಾ಼ಂಗ್ಲಾ ಅರ್ಥ ಹಾ. ಪ್ರಭುಲಾ ಹ್ಯಾ ನಗರಾತುಸ್ ಶಿಲ್ಬೆವ ಗ್ಯಾತ್ಲಾಹುತ್ತಾ. 
\v 9 ಸಗ್ಳೆ ದೇಶೆತ್ಲಿ ಲೊಕ, ಸಗ್ಳಿ ಕುಳ, ಸಗ್ಳೆ ಬಾಶೆಚಿ ಲೊಕ ಸಾಡತೀನ್ ದಿಸಾಪರೆತ್ ಹೇ ಸಾಕ್ಷಿ ಮಡಿ ಬಗೀತ್ ರಾಥ್ಯಾತ. ತ್ಯನಾ ಮಾತಿ ದಿವು ದಿಯಿತ್ನಾಹಿತ. 
\v 10 ಹೇ ದೊಗ ಮೆಲ್ಯಾತ ಮನ್ಹುನ್ ದರ್ಥಿವ್ಲಿ ಲೊಕ ಸಂತೊಶ್ ವ್ಹನಾರ್. ತೀ ಸನ್ ಕರುನ್, ಯಕಾಮಕಾಲಾ ಆಯಾರ್ ದೇನಾರ್. ಹ್ಯಾ ದೊಗಾ ಪ್ರವಾದಿಂಚಾನಿ ದರ್ಥಿವ ರಾಥ್ಯಾಲ್ಯಾ ಲೊಕಾನಾ ಖುಬ್ ತರಾಸ್ ದಿಲ್ತಾ ಮನ್ಹುನ್ ತೀ ಲೊಕ ಆಸಿ ಕರ್ತ್ಯಾತ.
\p
\v 11 ಫನ್ ಸಾಡತೀನ್ ದಿಸಾನಂತರ್ ತ್ಯಾ ದೊಗಾ ಪ್ರವಾದಿನಾ ಆನಿಕ್ ಜೀವ್ ಯಯಿಸಾ ಕೆಲಾ. ಆಪ್‌ಲ್ಯಾ ಪಾಯಾವ ಉಬ ರಾಯ್ಲ. ತ್ಯ ಬಗ್‌ಲ್ಯಾಲ್ಯಾ ಲೊಕಾನಾ ಸಗ್‍ಳ್ಯಾ ಮೊಟ ಭೆ ಬರ್ಲ. 
\v 12 ತ್ಯಾ ನಂತರ್, “ವರ್ ಯವಾ” ಮನ್ಹುನ್ ಸ್ವರ್ಗಾತ್ನಿ ಮೊಟ್ಯಾನಿ ತ್ಯಾ ಪ್ರವಾದಿನಾ ಸಾಂಗ್ಲ ತವಾ ತೇ ದೊಗ ಪ್ರವಾದಿ ಢಘಾತ್ನಿ ಸ್ವರ್ಗಾತ್ ಗೇಲ. ತೇ ಜಾ಼ತ್ಯಾಲ ತ್ಯಂಚ಼ ವಾದಿ ಬಗೀತ್ ಹುತ್ತ.
\p
\v 13 ತ್ಯಾ ಯಳಾತ್ ಮೊಟ ಭುಕಂಪ್ ಜಾ಼ಲ್ಹ. ತ್ಯಾ ನಗರಾತ್ಲಾ ಧಾತ್ಲಾ ಯೊಕ್ ಭಾಗ್ ನಾಸ್ ಜಾ಼ಲ್ಹಾ. ಭುಕಂಪಾತ್ ಸಾತ್ ಹಾಜಾ಼ರ್ ಲೊಕ ಮಿಲಿತ. ಜಿತ್ತಿ ಆಸ್‍ಲ್ಯಾಲ್ಯಾ ಲೊಕಾಂಚಾನಿ ಖುಬ್ ಬಿಹುನ್ ಸ್ವರ್ಗಾತ್‌ಲ್ಯಾ ದೇವಾಲಾ ವವ್ಯಾಳ್ಳಾ.
\p
\v 14 ದೊನ್ವಾ ಮೊಟಾ ತರಾಸ್ ಸೊಪ್ಲಾ. ತಿನ್ವಾ ಮೊಟಾತರಾಸ್ ಬಿಗಿನಿ ಯನಾರ್.
\s ಸಾತ್ವಿ ತುತ್ತುರಿ
\p
\v 15 ಸಾತವ್ಯಾ ದೇವ್ದುತಾನಿ ಆಪ್ಲಿ ತುತ್ತರಿ ವಾಜಿವ್ಲಿ. ತವಾ ಸ್ವರ್ಗಾತ್ ಮೊಟಾ ಆವಾಜ಼್ ಆಲಾ. ತ್ಯನಿ ಆಸ ಸಾಂಗ್ಲ.
\q1 “ಹ್ಯಾ ಲೊಕಾತ್ಲ ರಾಜ಼ ಆತಾ ಆಮ್ಚಾ ಪ್ರಭುಚಾ ಆನಿ ಕ್ರಿಸ್ತ ಜಾಲ್ಯಾಲ್ಯಾಚ಼ ರಾಜೆ ವ್ಹವುನ್ ಬದಾಲ್ಲ.
\q2 ತ್ಯೊ ಖಾಯಿಮ್ ರಾಜ಼್ಬಾರ್ ಕರ್ನಾರ್. ”
\m
\v 16 ಮಂಗ್ ಇಸಾವಚಾರ್ ಜಾಂತ್ಯಾಂಚಾನಿ ನಡ್ಗಟಿಕುನ್ ದೇವಾಲಾ ವವ್ಯಾಳ್ಳಾ ದೇವಾಚೆ ಮೊರ‍್ಹ ಆಪ್‌ಲ್ಯಾ ಸಿಂಹಾಸನಾವ ಬಸ್‌ಲ್ಯಾಲಸ್ ಹೇ ವಡಿಲ್. 
\v 17 ಹ್ಯಾ ವಡ್ಲಾಂಚಾನಿ ಆಸ ಸಾಂಗ್ಲ:
\q1 ಪ್ರಭು ಸರ್ವ ಕರತ್ಯಾಲ್ಯಾ ದೇವಾ, ಪೈಲ್ಯಾಕಾಲಾತ್ ಆಸ್‌ಲ್ಯಾಲಾ ಆತಾ ಆಸ್ನಾರ‍್ಯಾ ತುಲಾ ಉಪಕಾರಾಚಿಸ್ತುತಿ ಕರ್ತಾವ್. ತು ತುಜಾ಼ ಮೊಟಾ ಹುಕುಮ್ ವಾಪ್ರುನ್ ತುಜಾ಼ ಅದಿಕಾರ್ ಚಾ಼ಲಿವಲ್ಯಾಸ್ ಮನ್ಹುನ್ ತುಲಾ ಉಪಕಾರ್ ಸ್ತುತಿ ದೇತಾವ್
\p
\v 18 ದುನೆತ್‌ಲ್ಯಾ ಲೊಕಾಂಚಾನಿ ರಾಗ್ ಕೇಲಾ. ಫನ್ ಹ್ಯೊ ತುಜಾ಼ ರಾಗಾಚಾ಼ ಯೊಳ್. ಮೆಲ್ಯಾಲ್ಯಾನಾ ತೀರ್ಪ್ ಕರಾಚಾ಼ ಯೊಳ್ ತುಜಾ ಸೇವಕಾನಾ ಆನಿ ಪ್ರವಾದಿನಾಬಿ ತುಜಾ ಪರಿಶುದ್ದ ಲೊಕಾನಾಬಿ ತುಲಾಬಿ ಮರ‍್ಯಾದ್ ದೇತ್ಯಾಲ್ಯಾ ಮೊಟ್ಯಾ ಲೊಕಾನಾಬಿ ಬ್ಯಾರ್ಕ್ಯಾನಾಬಿ ಪ್ರತಿಫಳ್ ದಿಯಾಚಾ಼ ಯೊಳ್ ಹ್ಯೊ. ದುನ್ಯಾ ನಾಸ್ ಕರಾಚಾ಼ ಯೊಳ್ ಹ್ಯೊ.
\p
\v 19 ಮಂಗ್ ಸ್ವರ್ಗಾತ್‍ಲ್ಯಾ ದೇವಾಚ಼ ಘರ್ ಉಗಾಡ್ಲ. ದೇವಾನಿ ಆಪ್‌ಲ್ಯಾ ಲೊಕಾನಾ ದಿಲ್ಯಾಲಾ ಕರಾರ್ ಥೆವ್‌ಲ್ಯಾಲಿ ಪಿಟಿ ತ್ಯಚಾ ಗರ‍್ಹಾತ್ ದಿಸ್ಲಿ. ತವಾ ಇಜಾ಼ ಚ಼ಮಾಕಲ್ಯಾ, ಸಬ್ದಜಾ಼ಲ್ಹ. ತಡಾಸ್ ಜಾ಼ಲ್ಹ, ಭುಕಂಪ್ ಜಾ಼ಲ್ಹ. ಆನಿ ಗಾರಚಾ಼ ಪಾವುಸ್ ಪಡ್ಲಾ.
\c 12
\s ಮೊಟಾ ಸಾಪ್
\p
\v 1 ತವಾ ಸ್ವರ್ಗಾತ್ ಮೊಟಿ ಚಮತ್ಕಾರ್ ದಿಸ್ಲಿ. ದಿಸಾಲಾ ಕಪ್‌ಡ ಗ್ಯಾತ್‌ಲ್ಯಾಚೆಗತ್ ಯೇಕ್ ಬ್ಯಾಯ್ಕಾಮಾನುಸ್ ತಿಥ ಹುತಿ. ತಿಚಾ ಪಾಯಾ ಬುಡಿ ಚಾ಼ಂದ್ ಹುತ್ತಾ. ತಿಚೆ ಡುಯಿವ ಬಾರಾ ಚಾನ್ಯಾ ಆಸ್‌ಲ್ಯಾಲ ಯಾಕ್ ಕಿರೀಟ್ ಹುತ್ತ. 
\v 2 ತೀ ಗರ್ವಾರ್ ಹುತಿ ತೀ ಬಾಳತ್ಫನಾಚಾ ಯಗಾನಿ ವರಡತಿ.
\p
\v 3 ತವಾ ಸ್ವರ್ಗಾತ್ ಆನಿ ಯೆಕ್ ಚಮತ್ಕಾರ್ ದಿಸ್ಲಿ ತಾಂಬ್ಡಾ ಖತರ್ನಾಕ್ ಸಾಪ್ ಯೊಕ್ ತಿಥ ಹುತ್ತಾ ತ್ಯಲಾ ಸಾತ್ ಡೊಯಾ ಹುತ್ಯಾ ಪರತೇಕ್ ಡುಯಿವ ಕಿರಿಟ ಹುತ್ತಿತ. ತ್ಯಾ ಸಾಪಾಲಾ ಧಾ ಸಿಂಗ ಹುತ್ತಿತ. 
\v 4 ತ್ಯನಿ ಆಪ್ಲೆ ಸಿಪ್ಟಿನಿ ಆಬ್ಳಾತ್‌ಲ್ಯಾ ಚಾನ್ಯಾಂಚಾ ತಿನವ್ಯಾತ್ಲಾ ಯೊಕ್ ಭಾಗ್ ವಡುನ್ ಜಿಮ್ನಿವ ಟ್ಯಾಕ್ಲಾ. ತ್ಯೊ ಸಾಪ್ ಬಾಳತ್ಪನಾಚಾ ಯಗಾತ್‌ ಆಸ್‌ಲ್ಯಾಲೆ ಬ್ಯಾಯ್ಕಾಮಾನ್ಸಾಚೆ ಮೊರ‍್ಹ ತೀ ಬಾಳತ್ ಜಾ಼ಲ್ಹಿಕಿ ಮುಲಾಲಾ ಗಿಳಾಲಾ ರಾಖೀತ್ ಉಬಾ ಹುತ್ತಾ.
\p
\v 5 ತೆ ಬ್ಯಾಯ್ಕಾಮಾನ್ಸಾನಿ ಸಗ್ಳೆ ದುನೆವ ಲೊಖಾಂಡಾಚೆ ಕಾಠಿನಿ ರಾಜ಼್ಕರತ್ಯಾಲ್ಯಾ ಯಕಾ ಪೊರ್ಗ್ಯಾಲಾ ಜ಼ಲ್ಮ ದಿಲಾ. ತಿಚಾ ಮುಲಾಲಾ ದೇವಾಪ ತ್ಯಚಾ ಸಿಂಹಾಸನಾಪ ಗಿಹುನ್ ಗಿಲಿ.
\p
\v 6 ತೇ ಬ್ಯಾಯ್ಕಾಮಾನ್ಸಾನಿ ಆಪ್ಲಿಸಾಟಿ ದೇವಾನಿ ತಯಾರ್ ಕೇಲ್ಯಾಲೆ ಮರುಬುಮಿತ್ ಪಳುನ್ ಗಿಲಿ ತಿತ ಯೇಕ್ ಹಾಜಾ಼ರ್ ದೊನ್ಸೆ ಸಾಟ್ ದಿಸಾ ಪರೆತ್ ಬಾಳಗ್ನಾರ್.
\p
\v 7 ಮಂಗ್ ಸ್ವರ್ಗಾತ್ ಯೇಕ್ ಲಡಾಯಿ ಜಾ಼ಲಿ ಮಿಕಾಯೇಲ್ ಆನಿ ತ್ಯಚೆ ಸಂಗಚ಼ ದುತ್ ತ್ಯಾ ಖತರ್ನಾಕ್ ಸಾಪಾಸಂಗ ಲಡ್ಲ ತ್ಯೊ ಸಾಪ್ ಆನಿ ತ್ಯಚ಼ ಧುತ್ಸಾಹಿತ್ ಲಡ್ಲ. 
\v 8 ಫನ್ ತ್ಯೊ ಸಾಪ್ ಆನಿ ತ್ಯಚ಼ ದುತ್ ಹಾರುನ್ ತ್ಯಂಚಾನಿ ಸ್ವರ್ಗಾತ್ಲಾ ಆಪ್ಲಾ ಜಾ಼ಗಾ ಶೊಡ್ಲಾ. 
\v 9 ಸೈತಾನ್ ಮನ್ಹುನ್ ಜು಼ಟಿಂಗ್ ಮನ್ಹುನ್ ತ್ಯಚ಼ ನಾವ್ ಹುತ್ತ. ಸಗ್ಳೆ ದುನೆಲಾ ಚ಼ುಕಿಚೆ ವಾಟವ ಚಾ಼ಲಿವ್ವಿ ಮನ್ಹುನ್ ತ್ಯಲಾ ಆನಿ ತ್ಯಚಾ ದುತಾನಾ ದರ್ಥಿವ ಟ್ಯಾಕ್ಲ.
\p
\v 10 ತವಾ ಸ್ವರ್ಗಾತ್ ಜಾ಼ಲ್ಯಾಲಾ ಯೊಕ್ ಮೊಟಾ ಆವಾಜ಼್ ಮೀ ಐಕ್ಲಾ ಆಮ್ಚಾ ದೇವಾಚ಼ ಸುಟ್ನುಕ್ ಆನಿ ಬಳ್ ರಾಜ಼್ ಆನಿ ತ್ಯಚಾ಼ ಕ್ರಿಸ್ತ್ ಜಾ಼ಲ್ಯಾಲ್ಯಾಚಾ಼ ಹುಕುಮ್ ಆತಾ ಆಲ್ಯಾ. ಆಮ್ಚಾ ಬನ್ಹಿ ಬಾವ್ಹಾವ್ನಿ ರಾಗ್ ಕರ್ತ್ಯಾಲ್ಯಾಲಾ ಬಾಹಿರ್ ಟ್ಯಾಕ್‍ಲ್ಯಾ ಮನ್ಹುನ್ ಹ್ಯ ಸಗ್ಳ ಆಲ್ಯಾ ಆಮ್ಚಾ ದೇವಾಚೆ ಮೊರ‍್ಹ ರ‍್ಯಾತ್ ದೀಸ್ ಆಮ್ಚಾ ಇಸ್ವಾಸಾತ್ ಆಸ್‌ಲ್ಯಾಲ್ಯಾ ಬನ್ಹಿ ಬಾವ್ಹಾಂಚೆ ಗುಶ್ಟಿತ್ ತ್ಯನಿ ಚಾ಼ಡಿ ಸಾಂಗ್ಲಿ. 
\v 11 ಆಮ್ಚಾ ಬನ್ಹಿ ಬಾವ್ಹಾನು ಮಿಂಡುರ್ ಜಾ಼ಲ್ಯಾಲ್ಯಾಚಾ ರಕ್ತಾನಿ ಆಪ್‌ಲ್ಯಾ ಖರ‍್ಯಾ ವಾಕ್ಯಾಚಾ ಬಳಾನಿ ತ್ಯಲಾ ಜಿತ್‌ಲ್ಯಾ. ತ್ಯಂಚಾನಿ ಆಪಲ್ಯಾ ಜಿವಾಚಿ ಮಾಯಾ ಕಿಲಿನಾಹಿ. ಮರಾಯಾಬಿ ಬಿಹ್ಯಾಲ ನಾಹಿತ. 
\v 12 ಮನ್ಹುನ್ ಸ್ವರ್ಗಾ, ತ್ಯಾತ್ ಜೀವ್ನಾ ಕರ್ತ್ಯಾಲ್ಯಾನು ಸಂತೊಶ್ ವ್ಹವಾ, ಫನ್ ಜೀಮ್ನೆ ಆನಿ ಸಮಿಂದೊರಾ ಸೈತಾನ್ ತುಮ್ಚಿಪ ಆಲ್ಯಾ ಮನ್ಹುನ್ ತುಮಾನಾ ಬುರ್ಸ ವ್ಹನಾರ್ ಸೈತಾನ್ ರಾಗಾನಿ ಬರ್ಲ್ಯಾ ಆಪ್ಲಿಪ ಥೊಡಾ ಯೊಳ್ ಹಾ ಮನ್ಹುನ್ ತ್ಯಲಾ ಸಮಾಜ಼್‍ಲ್ಯಾ.
\p
\v 13 ಖತರ್ನಾಕ್ ಸಾಪಾಲಾ ಆಪ್‌ಲ್ಯಾಲಾ ದರ್ಥಿವ ಡಖಲ್ಯಾಲ ಸಮಾಜ಼್ಲ ಮನ್ಹುನ್ ತ್ಯೊ ಪ್ಯೊರ್ಗ್ಯಾಲಾ ಜ಼ಲ್ಮ ದಿಲ್ಯಾಲೆ ಬ್ಯಾಯ್ಕಾಮಾನ್ಸಾಲಾ ತರಾಸ್ ದಿಯಾ ಪಾಠೀಲಾಗತ್ ಗೇಲಾ. 
\v 14 ಫನ್ ತೇ ಬ್ಯಾಯ್ಕಾಮಾನ್ಸಾಲಾ ಮೊಟ್ಯಾ ಗರುಡಾಚಿ ದೊನ್ ಪಖೊಟಿ ದಿಲಿತ ಮನ್ಹುನ್ ಆಪ್ಲಿ ಸಾಟಿ ರಾನಾತ್ ತಯಾರ್ ಕೇಲ್ಯಾಲ್ಯಾ ಜಾ಼ಗ್ಯಾತ್ ಪುರಕಾನಿನಿ ಜಾ಼ಯಾ ತಿಲಾ ಜಾ಼ಲ್ಹ. ತಿಥ ತೀ ಸಾಡತೀನ್ ವರ್ಸಾ ಪರೆತ್ ಸಾಪಾಲಾ ದಿಸಾಚೆ ಆಂದಿ ರಾಯ್ಲಿ.
\p
\v 15 ತವಾ ಖತರ್ನಾಕ್ ಸಾಪಾನಿ ಆಪ್‌ಲ್ಯಾ ತೊಂಡಾತ್ನಿ ನ್ಹಚೆಗತ್ ಪಾನಿ ಬಾಹಿರ್ ಟ್ಯಾಕ್ಲ ತ್ಯ ಪವುಡ್ ಆಲ್ಯಾಲ ಪಾನಿ ತಿಲಾ ವ್ಹಾವುನ್ ನಿಹುನಿ ಮನ್ಹುನ್ ತ್ಯಚಾ಼ ಉಧೇಶ್ ಜಾ಼ಲ್ಥಾ. 
\v 16 ಫನ್ ದರ್ಥಿನಿ ತೇ ಬ್ಯಾಯ್ಕಾಮಾನ್ಸಾಲಾ ಮಜ಼ತ್ ಕರಾಯಾ ಆಪ್ಲ ತ್ವಾಂಡ್ ಉಗ್ಡುನ್, ತ್ಯಾ ಸಾಪಾಚಾ ತೊಂಡಾತ್ನಿ ಬಾಹಿರ್ ಆಲ್ಯಾಲ್ಯಾ ಪಾನ್ಯಾಲಾ ಆಪ್ನು ಗಿಳ್ಳ. 
\v 17 ತವಾ ತ್ಯಾ ಸಾಪಾನಿ ತೆ ಬ್ಯಾಯ್ಕಾಮಾನ್ಸಾವ ಖುಬ್ ರಾಗ್ ಕರುನ್ ತಿಚಾ ದುಸ್‌ರ‍್ಯಾ ಸಗ್‌ಳ್ಯಾ ಪ್ಯೊರ್‌ಗ್ಯಾವ್ನಿ ಮಂಜೆ ದೇವಾಚೆ ಆಜ್ಞಾಶಾರ್ಕಿ ಚಾ಼ಲತ್ಯಾಲಿ ಆನಿ ಯೇಸುಚಿ ಸಾಕ್ಷಿ ಸಾಂಗ್‌ಲ್ಯಾಲ್ಯಾವ್ನಿ ಲಡಾಯಾ ಗೇಲಾ.
\p
\v 18 ತ್ಯೊ ಖತರ್ನಾಕ್ ಸಾಪ್ ಸಮಿಂದೊರಾಚೆ ದರವ ಉಬಾಹುತ್ತಾ.
\c 13
\s ದೊನ್ ಖತರ್ನಾಕ್ ಜ಼ನಾವಾರ
\p
\v 1 ನಂತರ್ ಸಮಿಂದೊರಾತ್ನಿ ಯಾಕ್ ಜ಼ನಾವಾರ್ ಬಾಹಿರ್ ಯತ್ಯಾಲ ಮೀ ಬಗ್ಲ ತ್ಯಲಾ ಧಾ ಸಿಂಗ ಸಾತ್ ಡೊಯಾ ತ್ಯಚಾ ಪರತೇಕ್ ಸಿಂಗಾವ ಯಾಕ್ ಯಾಕ್ ಕಿರಿಟ್ ಹುತ್ತ ಪರತೇಕ್ ಡುಯಿವ ದೇವಾಲಾ ಕಳಂಕಾ ಆಂತ್ಯಾಲ ನಾವ್ ಲಿವ್ಲಹುತ್ತ. 
\v 2 ಹ್ಯ ಜ಼ನಾವಾರ್ ಬಗಾಯಾ ನ್ಯಾನ್‌ಗ್ಯಾಚೆಗತ್ ಹುತ್ತ. ತ್ಯಚ಼ ಪ್ಯಾ ಆಸ್ವಲಿಚಾ ಪಾಯಾಚೆಗತ್ ಹುತ್ತ ತ್ಯಚ಼ ತ್ವಾಂಡ್ ಸಿವಾಂಚಾ ತೊಂಡಾಚೆಗತ್ ಹುತ್ತ. ಖತರ್ನಾಕ್ ಸಾಪಾನಿ ತ್ಯಾ ಜ಼ನಾವಾರಾಲಾ ಆಪ್ಲ ಬಳ್ ಆನಿ ಸಿಂಹಾಸನಾವ ಖುಬ್ ಹುಕುಮ್ ದಿಲಾ.
\p
\v 3 ಜ಼ನಾವಾರಾಚೆ ಡುಯಿತ್ ಯೇಕ್ ಡುಯಿ ಜ಼ಖಮ್ ವ್ಹವುನ್ ಮರ್ತ್ಯಾಚೆಗತ್ ದಿಸ. ಫನ್ ತ್ಯೊ ಜ಼ಖಮ್ ಬರ ಜಾ಼ಲ್ಹ. ಹೇ ದುನೆತ್ಲಿ ಲೊಕ ಸಗ್ಳಿ ಗಾಬ್ರುನ್ ತ್ಯಾ ಜ಼ನಾವಾರಾಚೆ ಮಾಗ್ನಿ ಗಿಲಿತ. 
\v 4 ಖತರ್ನಾಕ್ ಸಾಪಾನಿ ಆಪ್ಲ ಬಳ್ ಸಗ್ಳ ತ್ಯಾ ಜ಼ನಾವಾರಾಲಾ ದಿಲ್ಯಾ ಮನ್ಹುನ್ ಲೊಕ ಸಗ್ಳಿ ತ್ಯಾ ಸಾಪಾಲಾಬಿ ಆನಿ ಜ಼ನಾವಾರಾಲಾಬಿ ವವ್ಯಾಳುನ್, “ಜ಼ನಾವಾರಾವ್ನಿ ಖುಬ್ ಬಳ್ ಆಸ್‌ಲ್ಯಾಲಿ ಕೊನ್ ಹಾತ್ತ? ತ್ಯಚಿ ಸಂಗ ಕೊನ್ ಲಡ್ನಾರ್? ಮನ್ಹಿತಿತ.
\p
\v 5 ತ್ಯಾ ಜ಼ನಾವಾರಾಲಾ ಬಡಾಯಿಚಾ ಬೊಲ್ಯಾ ಅವ್ಮಾನಾಚಾ ಬೊಲ್ಯಾ ಬೊಲಾಯಾ ಹುಕುಮ್ ದಿಲ್ತಾ. ತ್ಯಾ ಜ಼ನಾವಾರಾಲಾ ತ್ಯಚ಼ ಬಳ್ ಚಾಳ್ಸಾವದೋನ್ ಮೈನ್ಯಾ ಪರತ್ ವಾಪ್ರಾಯಾ ಹುಕುಮ್ ದಿಲ್ತಾ. 
\v 6 ತ್ಯಾ ಖತರ್ನಾಕ್ ಜ಼ನಾವಾರಾನಿ ದೇವಾಲಾ ತ್ಯವ್ಡಸ್ ನವ್ಹ ತ್ಯಚಾ ನಾವಾಲಾ ತ್ಯೊ ರಾಥ್ಯಾಲ್ಯಾ ಜಾ಼ಗ್ಯಾಲಾ ಆನಿ ಸ್ವರ್ಗಾತ್ ಆಸ್‌ಲ್ಯಾಲ್ಯಾ ಲೊಕಾನಾ ಸಗ್‌ಳ್ಯಾ ನಿಂದಾ ಕೆಲಿ. 
\v 7 ದೇವಾಚಾ ಲೊಕಾಂಚೆ ಆಡ್ವಿ ಲಡಾಯಿಕರುನ್, ತ್ಯನಾ ಪ್ಯಾಡ್‌ತ್ಯಾಲ ಬಳ್ ಜ಼ನಾವಾರಾಲಾ ದಿಲ್ಯಾ ಸಗ್ಳೆ ದೆಶವ ಸಗ್‌ಳ್ಯಾ ಕುಳಾವ ಸಗ್ಳೆ ಬಾಶೆವ ಆನಿ ಲೊಕಾಂಚಿವ ಹುಕುಮ್ ತ್ಯಾ ಜ಼ನಾವಾರಾಲಾ ದಿಲ್ತಾ. 
\v 8 ದುನೆತ್ ಜೀವ್ನಾ ಕರ್ತ್ಯಾಲಿ ಲೋಕ ಸಗ್ಳಿ ತ್ಯಾ ಖತರ್ನಾಕ್ ಜ಼ನಾವಾರಾಲಾ ವವ್ಯಾಳ್‌ತ್ಯಾತ ದುನೆ ಸುರ್ವಾತ್ ಜಾ಼ಲ್ಯಾದರ್ನಿ ಮಾರುನ್‍ಟ್ಯಾಕ್‌ಲ್ಯಾಲ ಮಿಂಡುರ್ ಜಾ಼ಲ್ಯಾಲ್ಯಾಚಾ ಜೀವಾಚಾ ಪುಸ್ತಕಾತ್ ಕುನಾಚಿ ನಾವ ಲಿವ್ಲಿ ನಾಹಿತ ತೀಸ್ ಹಿ ಲೊಕ.
\p
\v 9 ಕುನಾಲಾ ಕಾನ್ ಹಾತ್ತ ತ್ಯೊ ಐಕುನಿ: 
\v 10 ತುರುಂಗಾತ್ ನೆನ್ಹಾರಾ ತುರುಂಗಾತುಸ್ ಜಾ಼ನಾರ್ ಥಲ್ವಾರಾನಿ ಮ್ಯಾರ್ನಾರಾ ಥಲ್ವಾರಾನಿಸ್ ಮರ್ನಾರ್
\m ಮನ್ಹುನ್ ದೇವಾಚಾ ಲೊಕಾನಾ ಸುಸ್ವುನ್ ಗಿಹ್ಯಾ ಆನಿ ಇಸ್ವಾಸಾನಿ ರಾಹ್ಯಾ ಹಾಕಟ್‌ಲ್ಯಾತ.
\p
\v 11 ನಂತರ್ ದರ್ಥಿವ್ನಿ ಬಾಹಿರ್ ಯತ್ಯಾಲ ಆನಿ ಯಾಕ್ ಖತರ್ನಾಕ್ ಜ಼ನಾವಾರ್ ಮೀ ಬಗ್ಲ. ತ್ಯಲಾ ಮೆಂಡ್ರಾಚೆಗತ್ ದೊನ್ ಸಿಂಗ ಹುತ್ತಿತ ಫನ್ ತ್ಯ ಖತರ್ನಾಕ್ ಸಾಪಾಚೆಗತ್ ಬೊಲತ. 
\v 12 ಹ್ಯ ಖತರ್ನಾಕ್ ಜ಼ನಾವಾರ್ ಪೈಲ್ಯಾ ಜ಼ನಾವಾರಾಚಾ಼ ಹುಕುಮುಸ್ ವಾಪ್ರಿತ. ದರ್ಥಿವ ಜೀವ್ನಾ ಕರ್ತ್ಯಾಲಿ ಲೊಕ ಸಗ್ಳಿ ಪೈಲ್ಯಾ ಜ಼ನಾವಾರಾಲಾ ವವ್ಯಾಳ್‍ತ್ಯಾಚೆಗತ್ ಕರಾಯಾ ತ್ಯ ಆಪ್ಲಿ ಬಳ ಸಗ್ಳಿ ವಾಪ್ರಿತ ಜ಼ಖ್ಮತ್ನಿ ಬರ ಜಾ಼ಲ್ಯಾಲಸ್ ಪೈಲ ಜ಼ನಾವಾರ್. 
\v 13 ಹ್ಯ ದೊನ್ವ ಜ಼ನಾವಾರ್ ಮೊಟಿ ಚಮತ್ಕಾರಾಚಿ ಕಾಮ ಕರ್ತ. ತ್ಯ ಲೊಕಾಂಚೆ ನದ್ರ ಮೊರ‍್ಹ ಇಸ್ಥು ಆಬ್ಳಾತ್ನಿ ದರ್ಥಿವ ವತ್ತ.
\p
\v 14 ಹ್ಯ ದೊನ್ವ ಜ಼ನಾವಾರ್ ಚಮತ್ಕಾರ್ ಕರಾಯಾ ಆಪ್‌ಲ್ಯಾಲಾ ದಿಲ್ಯಾಲ್ಯಾ ಬಳಾನಿ ದರ್ಥಿವ್‌ಲ್ಯಾ ಲೊಕಾನಾ ಖುಳ ಕರ್ತ. ಪೈಲ್ಯಾ ಜ಼ನಾವಾರಾಚಿ ಸೇವಾ ಕರಾಯಾ ತ್ಯ ಹಿ ಚಮತ್ಕಾರ ಕರ್ತ. ಥಲ್ವಾರಾನಿ ಜ಼ಖಮ್ ಜಾ಼ಲ್ಯಾಲ್ಯಾ ಮರಾಚೆಆಂದಿ ಆಸಲ್ಯಾಲ್ಯಾ ಪೈಲ್ಯಾ ಜ಼ನಾವಾರಾಲಾ ಮರ‍್ಯಾದ್ ದಿಯಾ ಪಾಶಾನ ಬನ್ವಾಯಾಸಾಟಿ ತ್ಯ ಲೊಕಾನಾ ಮೊಸ್ ಕರ್ತ. 
\v 15 ಪೈಲ್ಯಾ ಜ಼ನಾವಾರಾಚಾ ಪಾಶಾನಾಲಾ ಜೀವ್ ಯಯಿಸ ಕರಾಯಾ ಬಳ್ ದೊನವ್ಯಾ ಜ಼ನಾವಾರಾಲಾ ದಿಲ್ತ ತವಾ ತ್ಯಾ ಪಾಶಾನಾಲಾ ಬೊಲಾಚ಼ ಬಳ್ ಆಲ್ತ. ತ್ಯನಿ ಆಪ್‍ಲ್ಯಾಲಾ ಪುಜಿತ್ ನಸ್‌ಲ್ಯಾಲ್ಯಾನಾ ಮಾರುನ್ ಟಾಕಾಚಿತ ಮನ್ಹುನ್ ಆಜ್ಞಾ ಕಿಲ್ತಿ. 
\v 16 ದೊನ್ವ ಜ಼ನಾವಾರ್ ಸಾಹಿತ್ ಸಗ್‌ಳ್ಯಾನಾ ಮಂಜೆ ಬ್ಯಾರ್ಕ್ಯಾನಾ ಮೊಟ್ಯಾನಾ ಸಾವ್ಕಾರಾ ಗರಿಬಾನಾ ಗುಲಾಮಾನಾ ಆನಿ ತಾಬ್ಯಾತ್ ನಸ್‌ಲ್ಯಾಲ್ಯಾನಾ ಆಪಲ್ಯಾ ಉಜ಼ವ್ಯಾ ಹಾತಾವ ನಾಹಿತ ಆಪ್‌ಲ್ಯಾ ಕಪಾಳಾವ ವಳಕ್ ಕರುನ್ ಗಿಹ್ಯಾ ವ್ಹಯಿ ಮನ್ಹುನ್ ಬಳ್ ಕರ್ತ. 
\v 17 ಹಿ ವಳಕ್ ನಸ್ಥಾನಾ ಕುನಿ ಗಿಹು ನಾಹಿ ಆನಿ ಇಕು ನಾಹಿ. ಹೀ ವಳಕ್ ಕ್ಯಾ ಮಂಜೆ ತ್ಯಾ ಜ಼ನಾವಾರಚ಼ ನಾವ್ ನಾಹಿತ ತ್ಯಚಾ ನಾವಾಚಾ಼ ನಂಬರ್.
\p
\v 18 ಸಮಾಜ್ನಾ಼ರಾ ಮಾನುಸ್ ಜ಼ನಾವಾರಾಚಾ಼ ನಂಬರ್ ತ್ಯಚಾ಼ ಅರ್ಥ ಸಮಜು಼ನ್ ಗಿಹುನಿ. ಹಿತ್ತ ಗಿನ್ಯಾನಾಚಿ ಗರಜ಼್ ಹಾ ಹ್ಯೊ ನಂಬರ್ ಯಕಾ ಮಾನ್ಸಾಚಾ಼ ನಂಬರ್ ಜಾ಼ಲ್ಯಾ. ತ್ಯಚಾ಼ ನಂಬರ್ ಸಾಸೆ ಸಾಟಾವ ಸಾ.
\c 14
\s ಮೆಂಡಾರ್ ಆನಿ ತ್ಯಚಿ ಲೊಕ
\p
\v 1 ನಂತರ್ ಮೀ ಬಗ್ಲ ತವಾ ಮಾಜೆ ಮೊರ‍್ಹ, ಮೆಂಡಾರ್ ಜಾ಼ಲ್ಯಾಲಾ ಹುತಾ. ತ್ಯೊ ಚಿಯೊನ್ ಮಂಥ್ಯಾಲ್ಯಾ ಮೊಟ್ಯಾ ಗುಡ್ಯಾವ ಉಬಾಹುತ್ತಾ ತ್ಯಚಿ ಸಂಗ 1,44000 ಲೊಕ ಹುತ್ತಿತ. ತ್ಯಂಚಾ ಕಪಾಳಾವ ತ್ಯಚ಼ ನಾವ್ ಆನಿ ತ್ಯಚಾ ಬಾಚ಼ ನಾವ್ ಲಿವ್ಲಹುತ
\p
\v 2 ಸ್ವರ್ಗಾತ್ ಮೀ ಯೊಕ್ ಸಬ್ಪ ಐಕ್ಲಾ. ತ್ಯೊ ಪಾನ್ಯಾಚಾ ಆನಿ ತಡಾಸಾಚಾ ಆವಾಜಾ಼ಚೆಗತ್ ಹುತಾ. ಲೊಕ ಆಪ್ಲಿ ತಾರಚಿ ವಾಜ್ಪ ವಾಜಿವತ್ಯಾಚೆಗತ್ ತ್ಯೊ ಸಬ್ದ ಮನಾ ಐಕು ಆಲಾ. 
\v 3 ತಿ ಸಿಂಹಾಸನಾಚೆ ಮೊರ‍್ಹ ತ್ಯಾ ಚಾರ್ ಜೀವ್ ಆನಿ ಜಾಂತ್ಯಾಂಚಾಪ್ನಿ ನವ ಗೀತ್ ಮನ್ಹಿತಿತ. ಹೆ ದುನೆತ್ಲಿ ರಕ್ಷನೆ ಗೆತಲ್ಯಾಲಿ 1,44೦೦೦ ಲೊಕಾ ಸಿವಾರ್ ದುಸ್‌ರ‍್ಯಾನಾ ಸಿಕಾಯಾ ಜಾ಼ಲ್ಹನಾಹಿ.
\p
\v 4 ಸಗ್‌ಳ್ಯಾ ಮಾನ್ಸಾಚಾ ಕುಳಾತ್ನಿ ತ್ಯನಾ ಸುಟ್ನುಕ್ ಕರುನ್ ನಿವ್ಡುನ್ ಗಿಹುನ್ ದೇವಾಲಾ ಆನಿ ಮೆಂಡ್ರಾಲಾ ಪೈಲ ಫಳ್ ದಿಲ್ಯಾ. 
\v 5 ತ್ಯಂಚಾ ತೊಂಡಾತ್ನಿ ಕಾಯ್ ಲಬಾಡ್ ಆಲನಾಹಿ, ತೀ ನಿಶ್ಕಳಂಕ್ ಹುತ್ತಿತ.
\s ತೀನ್ ದೇವ್ದುತ್
\p
\v 6 ಮಂಗ್ ಮನಾ ಆನಿಯೊಕ್ ದೇವ್ದುತ್ ಆಬ್ಳಾತ್ ಮದ್ದಿ ತಳಾಪ್‌ತ್ಯಾಲಾ ದಿಸ್ಲಾ. ತ್ಯಚಿಪ ದರ್ಥಿವ್‍ಲ್ಯಾ ಪರತೇಕ್ ಸಮಾಜಾಲಾ ಜಾ಼ತಿ ದೇಶಾ, ಬಾಶೆಚಾ ಸಗ್‌ಳ್ಯಾ ಲೊಕಾನಾ ಸಿಕ್ವಾಯಾ ಖಾಯಿಮ್ಚಿ ಬರಿಖಬರ್ ಹುತ್ತಿ. 
\v 7 ತ್ಯೊ ದೇವ್ದುತ್‍ ಜೊ಼ರಾನಿ ದೇವಾಲಾ ಬಿವ್ಹಾ ತ್ಯಲಾ ಸ್ತುತಿ ಕರಾ ದೇವ್ ನ್ಯಾಯಿ ನಿವ್ಡಾಚಾ಼ ಯೊಳ್ ಜ಼ವಳ್ ಆಲ್ಯಾ ದೇವಾಲಾ ವವ್ಯಾಳಾ. ಸ್ವರ್ಗ ದರ್ಥಿ ಸಮಿಂದೊರ್ ಪಾನ್ಯಾಚ಼ ಜ಼ರ‍್ಹ ಕೆಲ್ಯಾಲ್ಯಾಲಾ ವವ್ಯಾಳಾ ಮನ್ಹುನ್ ಸಾಂಗ್ಲ.
\p
\v 8 ನಂತರ್ ದೊನ್ವಾ ದೇವ್ದುತ್ ಯವುನ್ ಪಡ್ಲಿ ಬಾಬಿಲೊನ್ ಪಡ್ಲಿ ಕಾ ಮಂಜೆ ತಿನಿ ಸಗ್‌ಳ್ಯಾ ರಾಶ್ಟ್ರಾನಾ ವ್ಯಬಿಚಾರಾಚಾ಼ ದರಾಕ್ಷಿಚಾ಼ ರಸ್ ಪ್ಯಾಜ ಮನ್ಹುನ್ ಸಾಂಗ್ಲ.
\p
\v 9 ನಂತರ್ ಪೈಲ್ಯಾ ದೊನ್ ದೇವ್ ದುತಾಂಚೆಗತ್ ತಿನವ್ಯಾ ದೇವ್ ದುತಾನಿ ಜೊ಼ರಾನಿ ಆಸ ಸಾಂಗ್ಲ ಜ಼ನಾವಾರ್ ಆನಿ ತ್ಯಚಿ ಪಾಶಾನ ವವ್ಯಾಳ್‌ತ್ಯಾಲ್ಯಾಲಾ ಆನಿ ಜ಼ನಾವಾರಾಚಿ ಕಪಾಳಾವ ನಾಹಿತ ಆಪ್‌ಲ್ಯಾ ಹಾತಾವ ವಳಕ್ ಕಿಲಿತ, 
\v 10 ತ್ಯೊ ದೇವಾಚಾ಼ ರಾಗ್ ಮಂಥ್ಯಾಲಾ ದರಾಕ್ಶಿಚಾ಼ ರಸ್ ಪಿನಾರ್. ದೇವಾಚಾ಼ ರಾಗಾಚೆ ತಾಟಿತ್ ಹ್ಯೊ ದರಾಕ್ಶಿಚಾ಼ ರಸ್ ತ್ಯಚಾ ಪುರ‍್ಯಾ ಬಳಾನಿ ಬನಿವ್‌ಲ್ಯಾ. ತ್ಯಲಾ ಪರಿಶುದ್ದ ದೇವ್ದುತ್ ಆನಿ ಮಿಂಡುರ್ ಜಾ಼ಲ್ಯಾಲ್ಯಾಚೆ ಮೊರ‍್ಹ ಪೇಟ್ಯಾಲ್ಯಾ ಇಸ್‌ಥ್ಯಾಚಾ಼ ಪಿಡಾ ಗೆನಾರ್. 
\v 11 ತ್ಯೊ ಪಿಡಾ ಮಂಥ್ಯಾಲಾ ಧುರ್ ಖಾಯಿಮ್ ವರ್ ಜಾ಼ಯಿತುಸ್ ರಾನ್ಹಾರ್ ತ್ಯ ಜ಼ನಾವಾರ್ ಆನಿ ತ್ಯಚ಼ ಪಾಶಾನ ವವ್ಯಾಳ್‍ತ್ಯಾಲ್ಯಾನಾ ಆನಿ ತ್ಯಚಾ ನಾವಾಚಿ ವಳಕ್ ಗಾಲ್ಹುನ್ ಗೆಥ್ಯಾಲ್ಯಾ ಲೊಕಾನಾ ರ‍್ಯಾತ್‍ ದೀಸ್ ಇಸ್ರಾಮಾ ಗಾವ್ನಾರ್ ನಾಹಿ.
\p
\v 12 ದೇವಾಚಿ ಲೊಕ ಥಂಡ್ ಫನಾನಿ ರಾಹ್ಯಾ ವ್ಹಯಿತ ತೀ ದೇವಾಚಾ ಆಜ್ಞಾಚೆಗತ್ ಚಾ಼ಲಾಯಾ ವ್ಹಯಿತ. ಆನಿ ಯೇಸುವ ಇಸ್ವಾಸ್ ಥೆವಾಯಾ ವ್ಹಯಿ.
\p
\v 13 ನಂತರ್ ಮೀ ಸ್ವರ್ಗಾತ್ ಯೊಕ್ ಆವಾಜ಼್ ಐಕ್ಲಾ ತ್ಯಾ ಆವಾಜಾ಼ನಿ ಆಸ ಸಾಂಗ್ಲ. ಹ್ಯ ಲೀವ್ ಆತಾಚೆದರ್ನಿ ಪ್ರಭುಚ಼ ಬಘತ್ ವ್ಹವುನ್ ಮರ್ತ್ಯಾಲಿ ಲೊಕ ತುಮಿ ಸಂತೊಶಾನಿ ರಾವ್ಹಾ.
\s ದರ್ಥಿವ್ಲಿ ಲ್ಯಾನ್
\p ವ್ಹಯ್ ಹ್ಯ ಖರ ತೀ ಲೊಕ ಆಪ್‌ಲ್ಯಾ ಕಶ್ಟಾಚ಼ ಕಾಮ್ ಸಪಿವ್‌ಲ್ಯಾಲ ಜಾ಼ಲ್ಯಾತ ಮನ್ಹುನ್ ಇಸ್ರಾಮಾ ಕರ್ತ್ಯಾತ. ತ್ಯಂಚಾನಿ ಕೇಲ್ಯಾಲ ಸಗ್ಳ ತ್ಯಂಚಿ ಸಂಗ ರಾಥ ಮನ್ಹುನ್ ಪವಿತ್ರಾತ್ಮ ಸಾಂಗ್ತ.
\p
\v 14 ಮೀ ಬಗ್ಲತವಾ ಮಾನ್ಸಾಚಾ ಲೇಕಾಚೆಗತ್ ದಿಸ್ನಾರಾ ತ್ಯಾ ಪಾಂಡರ‍್ಯಾ ಡಘಾವ ಬಸ್ಲಾ ಹುತ್ತಾ. “ತ್ಯಚೆ ಡುಯಿವ ಸೊನ್ಯಾಚ಼ ಕಿರಿಟ ಹುತ್ತ. ಆನಿ ತ್ಯಚಾ ಹಾತಾತ್ ದಾರ‍್ಹಚಿ ಕುಂಗ್ಳಿ ಹುತ್ತಿ. ” 
\v 15 ತವಾ ಸ್ವರ್ಗಾತ್ನಿ ಆನಿ ಯೊಕ್ ದೇವ್ ದುತ್ ಯವುನ್. ಹ್ಯೊ ದೇವ್ದುತ್ ಡಘಾವ ಬಸ್‌ಲ್ಯಾಲ್ಯಾಲಾ ತುಜಿ ಕುಂಗ್ಳಿ ಗಿಹುನ್ ದರ್ಥಿವ್ಲ ಪೀಕ್ ಗೊಳಾಕರ್ ಕಾ ಮಂಜೆ ಲ್ಯಾನ್ ಜ಼ವಳ್ ಆಲೆ ದರ್ಥಿವ್ಲ ಪೀಕ್ ಕಾಪಾಯಾ ಆಲ್ಯಾ ಮನ್ಹುನ್ ಜೊ಼ರಾನಿ ಸಾಂಗ್ಲ. 
\v 16 ಮನ್ಹುನ್ ಡಘಾವ ಬಸ್‌ಲ್ಯಾಲ್ಯಾನಿ ಆಪ್ಲಿ ಕುಂಗ್ಳಿ ದರ್ಥಿವ ಟ್ಯಾಕ್ಲಿ. ತವಾ ದರ್ಥಿವ್ಲ ಪೀಕ್ ಕ್ಯಾಪ್ಲ.
\p
\v 17 ನಂತರ್ ಆನಿ ಯೊಕ್ ದೇವ್ದುತ್ ಸ್ವರ್ಗಾಚಾ ದೇವ್ಳಾತ್ನಿ ಬಾಹಿರ್ ಯವುನ್ ತ್ಯಾ ದೇವ್ದುತಾಪಬಿ ದಾರ‍್ಹಚ಼ ಖುರ್ಪ ಹುತ್ತ.
\p
\v 18 ನಂತರ್ ಆನಿಯೊಕ್ ದೇವ್ದುತ್ ಯಜ್ಞವೇದಿಪ್ನಿ ಆಲಾ ತ್ಯಲಾ ಇಸ್‌ಥ್ಯಾವ ಹುಕುಮ್ ಹುತ್ತಾ, “ತ್ಯನಿ ದಾರ‍್ಹಚ಼ ಖುರ್ಪ ಆಸ್‍ಲ್ಯಾಲ್ಯಾ ದೇವ್ದುತಾಲಾ ಹಾಕಟ್ಲಾ. ತುಜ಼ ದಾರ‍್ಹಚ಼ ಖುರ್ಪ ಗಿಹುನ್ ದರ್ಥಿವ್ಲ ದರಾಕ್ಶಿಚಾ ಮಳ್ಯಾತ್ನಿ ದರಾಕ್ಶಿಚ಼ ಘಸ್ ಗೊಳಾಕರ್. ದರ್ಥಿವ್‌ಲ್ಯಾ ದರಾಕ್ಷಿ ಸಗ್‌ಳ್ಯಾ ಕಾಪಾಯಾ ಆಲ್ಯಾತಾ” ಮನ್ಹುನ್ ಜೊ಼ರಾನಿ ವರ್ಡುನ್ ಸಾಂಗ್ಲ. 
\v 19 ತವಾ ತ್ಯಾ ದೇವ್ದುತಾನಿ ಆಪ್ಲ ಖುರ್ಪ ಜಿಮ್ನಿವ ಟಾಕುನ್ ದರಾಕ್ಷಿ ಸಗ್‌ಳ್ಯಾ ಗೊಳಾ ಕರುನ್ ದೇವಾಚಾ಼ ಮೊಟಾ ರಾಗ್ ಮಂಥ್ಯಾಲ್ಯಾ ಖಢ್ಯಾತ್ ಟ್ಯಾಕ್ಲಾ. 
\v 20 ತ್ಯೊ ದರಾಕ್ಷಿಚಾ಼ ಖಢಾ ನಗರಾಚೆ ಬಾಹಿರ್ ಹುತ್ತಾ ತ್ಯೊ ತುಡಿವ್ಲಾತವಾ ತ್ಯಾತ್ನಿ ರಗಾತ್ ಆಲ ತ್ಯ ವಾರ್ವಾಂಚಾ ಡುಯಿಯವ್ಡ ವರ್ ಚ಼ಡುನ್ ದೊನ್ಸೆ ಮೈಲ್ ದುರ್ ವ್ಹಾವ್ಲ.
\c 15
\s ದೇವ್ದುತಾಪ್ನಿ ಅಲ್ಯಾಲಿ ಸರ್ತಿ ಪಿಡಾ
\p
\v 1 ನಂತರ್ ಸ್ವರ್ಗಾತ್ ಆನಿ ಯಾಕ್ ಚಮತ್ಕಾರ್ ಮೀ ಬಗ್ಲ. ತ್ಯ ಖುಬ್ ವಿಚಿತ್ರ ಜಾ಼ಲ್ಥ ಸಾತ್ ಪಿಡಾ ಆಂತ್ಯಾಲ ಸಾತ್ ದೇವ್ದುತ್ ತಿಥ ಹುತ್ತ. ದೇವಾಚಾ಼ ರಾಗ್ ಹೆ ಪಿಡಾಂಚಿಪ್ನಿಸ್ ಸಪ್ನಾರ್ ಮನ್ಹುನ್ ಹಿ ಸರ್ತಿ ಪಿಡಾ ಜಾ಼ಲ್ಥಿ.
\p
\v 2 ಇಸ್ಥು ಮಿಸಾಳ್ಯಾಲ್ಯಾ ಕಾಚ಼ಚಾ ಸಮಿಂದೊರಾಚೆಗತ್ ದಿಸತ್ಯಾಲ ಕ್ಯಾ ಯಾಕ್ ಮನಾ ದಿಸ್ಲ ಜ಼ನಾವಾರ್ ತ್ಯಚಿ ಪಾಶನ ಆನಿ ತ್ಯಚಾ ನಾವಾಚಾ಼ ನಂಬರ್ ಪಾಡುನ್ ಜಿತ್‌ಲ್ಯಾಲ್ಯಾ ಸಗ್‌ಳ್ಯಾನಾ ಸಮಿಂದೊರಾಪ ಉಬ ಹುತ್ತ. ದೇವಾನಿ ತ್ಯನಾ ದಿಲ್ಯಾಲಿ ತಾರಚಿ ವಾಜ್ಪ ತ್ಯಂಚಿಪ ಹುತ್ತಿತ. 
\v 3 ತೇ ದೇವಾಚಾ಼ ಸೇವಕ್ ಜಾ಼ಲ್ಯಾಲ್ಯಾ ಮೊಶೆಚಿ ಗೀತ ಆನಿ ಯಜ್ಞಚ಼ ಮಿಂಡ್ರು ಜಾ಼ಲ್ಯಾಲ್ಯಾಚ ಗಿತ ಮನ್ಲ:
\q1 ಸರ್ವಶಕ್ತ ದೇವಾ,
\q2 ತು ಮುಟಿ ಚ಼ಮತ್ಕಾರಾಚಿ ಕಾಮ ಕರ್ತೊಸ್.
\q1 ಸರ್ವ್ಯಾ ಲೊಕಾಂಚಾ಼ ರಾಜಾ಼,
\q2 ತುಜಾ಼ ಮಾರೊಗ್ ಚಾ಼ಂಗ್ಲಾ ಆನಿ ಖರಾ ಹಾ.
\q1
\v 4 ಪ್ರಭು, ಲೊಕ ಸಗ್ಳಿ ತುಲಾ ಬಿತ್ಯಾತ;
\q2 ಲೊಕ ಸಗ್ಳಿ ತುಜಾ ನಾವಾಚಿ ಸ್ತುತಿ ಕರ್ತ್ಯಾತ.
\q2 ತು ತ್ಯವ್ಡಾಸ್ ನಿರ್ಮಳ್ ಜಾ಼ಲ್ಯಾಸ್ ತು ನ್ಯಾಯಾಚಿ ಕಾಮ ಕರ್ತೊಸ್ ಆನಿ ಖರ ಹಾ ಮನ್ಹುನ್
\q2 ಲೊಕ ಸಗ್ಳಿ ತುಜಿಪ ಯವುನ್ ತುಲಾ ವವ್ಯಾಳ್‌ತ್ಯಾತ”
\p
\v 5 ಹ್ಯ ಜಾ಼ಲ್ಯಾ ನಂತರ್ ಮೀ ಬಗ್ಲ ತವಾ ಸ್ವರ್ಗಾಚ಼ ದಿವುಳ್ ಉಗಾಡ್ಲ ತ್ಯಸ್ ದರ್ಶಾನಾಚ಼ ಗುಡಾರ್ ಜಾ಼ಲ್ಥ. 
\v 6 ಸಾತ್ ಪಿಡಾ ಆಂತ್ಯಾಲ ಸಾತ್ ದೇವ್ ದುತ್ ಗರ‍್ಹಾತ್ನಿ ಬಾಹಿರ್ ಆಲ. ತ್ಯಂಚಾನಿ ಚಾ಼ಂಗ್ಲ ಆನಿ ಶಾದರ ಚ಼ಮಾಕತ್ಯಾಲ ಮಡಿಚ಼ ಕಪ್ಡ ಗ್ಯಾತ್ಲ ಹುತ್ತ. ತ್ಯಂಚಾನಿ ಶಾತಿಚೆ ಸರ್ಬವ್ಹಾರ ಸೊನ್ಯಾಚಾ ಪಟ್ಯಾ ಬ್ಯಾಂದ್‌ಲ್ಯಾ ಹುತ್ಯಾ. 
\v 7 ಚಾರವ್ಯಾ ಜ಼ನಾವಾರಾತಲ್ಯಾ ಯಕಾ ಜ಼ನಾವಾರಾನಿ ಹ್ಯಾ ಸಾತ್ ದೇವ್ ದುತಾನಾ ಸಾತ್ ನೊನ್ಯಾಚಿ ಐದಾನ ದಿಲಿತ ಹಿ ಐದಾನ ಶಾಸ್ವತ್ ರಾಥ್ಯಾಲ್ಯಾ ದೇವಾಚಾ ರಾಗಾನಿ ಬರ್ಲಿತ. 
\v 8 ದೇವಾಚಿ ಮೈಮಾ ಆನಿ ಬಳಾಚಾ ದುರ‍್ಹಾನಿ ಘರ್ ಬರ್ಲ ಸಾತ್ ದೇವ್ ದುತಾಂಚಾ ಸಾತ್ ಪಿಡಾ ಸರ ಪರತ್ ಆತ್ ಜಾ಼ಯಾ ಕುನಾಲಾಸ್ ವ್ಹಯಿತ್ ನವ್ಥ.
\c 16
\s ದೇವಾಚಾ ರಾಗಾನಿ ಬರ್‌ಲ್ಯಾಲಿ ಐದಾನ
\p
\v 1 ನಂತರ್ ದೇವ್ಳಾತ್ನಿ ಯೊಕ್ ಮೊಟಾ ಸಬ್ದ ಮನಾ ಐಕು ಆಲಾ. ತ್ಯೊ ಸಬ್ದ ಸಾತ್ ಐದಾನಾತ್ನಿ ಆಸ್‌ಲ್ಯಾಲಾ ದೇವಾಚಾ಼ ರಾಗ್ ದರ್ಥಿವ ವತಾ” ಮನ್ಹುನ್ ಸಾಂಗಿತ.
\p
\v 2 ಪೈಲಾ ದೇವ್ ದುತ್ ಗೇಲಾ. ತ್ಯನಿ ಆಪ್‌ಲ್ಯಾ ಐದಾನಾತ್ ಆಸ್‌ಲ್ಯಾಲ ದರ್ಥಿವ ವತ್ಲ. ತವಾ ಖತರ್ನಾಕ್ ಜ಼ನಾವಾರಾಚ಼ ರುಪ್ ಗೆತಲ್ಯಾಲ ಆನಿ ತ್ಯಚಿ ಪಾಶಾನಾಲಾ ವವ್ಯಾಳ್‌ತ್ಯಾಲ್ಯಾ ಲೊಕಾನಾ ಸಗ್‌ಳ್ಯಾ ಮುಟಿ ಖಾಂಡ್ಕ ಜಾ಼ಲಿತ.
\p
\v 3 ದೊನವ್ಯಾ ದೇವ್ ದುತಾನಿ ಆಪ್‌ಲ್ಯಾ ಐದಾನಾತ್ ಆಸ್‌ಲ್ಯಾಲ ಸಮಿಂದೊರಾವ ವತ್ಲ. ತ್ಯ ಮೇಲ್ಯಾಲ್ಯಾ ಮಾನ್ಸಾಚಾ ರಗ್ತಾಚೆಗತ್ ಜಾ಼ಲ. ತ್ಯಾತ್ಲಿ ಜೀವಿ ಸಗ್ಳಿ ಮರುನ್ ಗಿಲಿತ.
\p
\v 4 ತಿನವ್ಯಾ ದೇವ್ ದುತಾನಿ ಆಪ್‌ಲ್ಯಾ ಐದಾನಾತ್ ಆಸ್‌ಲ್ಯಾಲ ನ್ಹತ್ನಿ ಆನಿ ಪಾನ್ಯಾಚಾ ಜ಼ರ‍್ಯಾವ್ನಿ ವತ್ಲ. ತೆ ನ್ಹಚ಼ ಆನಿ ಜ಼ರ‍್ಯಾಂಚ಼ ಪಾನಿ ರಕ್ತಾಚೆಗತ್ ಜಾ಼ಲ. 
\v 5 ತವಾ ಪಾನ್ಯಾಚಾ಼ ಅಧಿಪತಿ ಜಾ಼ಲ್ಯಾಲಾ ದೇವ್ ದುತ್ ದೇವಾಲಾ ಆಸಾ ಸಾಂಗ್‌ತ್ಯಾಲಾ ಮನಾ ಐಕು ಆಲ:
\q1 “ತು ರಾನ್ಹಾರಾ ಆನಿ ಆಸಲ್ಯಾಲಾ
\q1 ಪರಿಶುದ್ ಆಸಲ್ಯಾಲಾ ದೆವ್.
\q1 ತು ದಿಲ್ಯಾಲ್ಯಾ ತೀರ್ಪಾತ್ ಸಗ್‌ಳ್ಯಾತ್ ತು ನಿಯತಿಚಾ಼ ವ್ಹನಾರ್.
\q1
\v 6 ತ್ಯಾ ಲೊಕಾಂಚಾನಿ ತುಜಾ ಪರಿಶುದ್ದ ಲೊಕಾಂಚ಼ ಆನಿ ಪ್ರವಾದಿಂಚ಼ ರಗಾತ್ ಪ್ಯಾಡ್ಲ ಮನ್ಹುನ್.
\q1 ಆತಾ ತ್ಯನಾ ಪಿಯಾಲಾ ತು ರಗಾತುಸ್ ದೇನಾರ್.
\q2 ತೀ ಹ್ಯಲಾಸ್ ಲಾಯಿಕ್ ಜಾ಼ಲ್ಯಾತ. ”
\m
\v 7 ಯಜ್ಞವೇದಿ ಆಸ ಸಾಂಗ್‌ತ್ಯಾಲ ಮೀ ಐಕ್‌ಲ್ಯಾ:
\q1 “ವ್ಹಯ್, ದೇವ್ ಜಾ಼ಲ್ಯಾಲಾ ಪ್ರಭು, ಸರ್ವಶಕ್ತ,
\q2 ತುಜ಼ ತೀರ್ಪ ಸಗ್ಳ ಖರ‍್ಯಾಚ಼ಸ್ ಆನಿ ನ್ಯಾಯಾಚ಼ ಜಾ಼ಲ್ಯಾತ. ”
\p
\v 8 ಚಾರವ್ಯಾ ದೇವ್ ದುತಾನಿ ಆಪ್‌ಲ್ಯಾ ಐದಾನಾತ್ ಆಸ್‌ಲ್ಯಾಲ ದಿಸಾವ ವತ್ಲ. ಲೊಕಾನಾ ದಿಸಾಚಾ ಉನಾಚೆ ಜ಼ಳ್ಹಿನಿ ಬಾಜಾ಼ಚಾ಼ ಅಧಿಕಾರ್ ದಿಲ್ಯಾ. 
\v 9 ಲೊಕ ಉನ್ ಲಾಗುನ್ ದೇವಾಚಾ ನಾವಾಲಾ ಸರಾಪ್ಲಿತ. ಹಿ ಪಿಡಾ ದೇವಾಚಾ ತಾಬ್ಯಾತ್ ಹಾ. ಫನ್ ಲೊಕ ಆಪ್ಲಿ ಮನ ಜೀವ್ನಾ ಬದ್ಲುನ್. ದೇವಾಲಾ ಮೈಮಾ ಕರಾಲಾ ವಪ್ಲಿನಾಹಿತ.
\p
\v 10 ಪಾಚ಼ವ್ಯಾ ದೇವ್ ದುತಾನಿ ಆಪ್‌ಲ್ಯಾ ಐದಾನಾತ್ ಆಸ್‌ಲ್ಯಾಲ ತ್ಯಾ ಜ಼ನಾವಾರಾಚಾ ಸಿಂಹಾಸನಾವ ವತ್ಲ. ಜ಼ನಾವಾರಾಚಾ ರಾಜಾತ್ ಆಂದಾರ್ ಆಲಾ. ಲೊಕಾಂಚಾನಿ ಪಿಡಸ್ ಲಾಗುನ್ ಆಪ್‌ಲ್ಯಾ ಜಿಬಿ ಚಾವಲ್ಯಾ. 
\v 11 ಲೊಕ ಆಪ್‌ಲ್ಯಾನಾ ಜಾ಼ಲ್ಯಾಲ್ಯಾ ಖಾಡ್ಕಾಂಚಾನಿ ಆನಿ ಪಿಡಾಂಚಾನಿ ಸ್ವರ್ಗಾತ್‌ಲ್ಯಾ ದೇವಾಲಾ ಸರ್ಪಾಯಾ ಲಾಗ್ಲಿತ. ಫನ್ ಲೊಕ ಆಪ್ನು ಕರ್ತ್ಯಾಲಿ ಬುರ್ಸಿ ಕಾಮ ಸುಡುನ್ ಆಪ್ಲಿ ಮನ ಬದ್ಲಾಯಾ ವಪ್ಲಿ ನಾಹಿತ.
\p
\v 12 ಸಾವ್ಯಾ ದೇವ್ದುತಾನಿ ಆಪ್‌ಲ್ಯಾ ಐದಾನಾತ್ ಆಸ್‌ಲ್ಯಾಲ ಯುಫ್ರಟೀಸ್ ಮೊಟೆ ನ್ಹವ ವತ್ಲ. ನ್ಹತ್ಲ ಪಾನಿ ಅಟ್ಲ. ಹ್ಯಚಿಸ್ ಲಾಗುನ್ ಪುರ್ವಾಕ್‌ಲ್ಯಾ ರಾಜಾನಾ ಯಯಾ ವಾಟ್ ಜಾ಼ಲ್ಹಿ. 
\v 13 ತವಾ ಬೆಡ್‌ಕ್ಯಾಂಚೆಗತ್ ಆಸ್‌ಲ್ಯಾಲಿ ತೀನ್ ಬುರ್ಸಿ ಆತ್ಮ ಮೀ ಬಗ್ಲಿತ. ತೀ ಖತರ್ನಾಕ್ ಸಾಪಾಚಾ ತೊಂಡಾತ್ನಿ, ಜ಼ನಾವಾರಾಚಾ ತೊಂಡಾತ್ನಿ ಆನಿ ಲಬಾಡ್‌ ಪ್ರವಾದಿಂಚಾ ತೊಂಡಾತ್ನಿ ಬಾಹಿರ್ ಆಲಿತ. 
\v 14 ತೀ ಭುಥಾಂಚಿ ಆತ್ಮ ವ್ಹವುನ್ ಸರ್ವಶಕ್ತ ಜಾ಼ಲ್ಯಾಲ್ಯಾ ದೆವಾಚಾ ಮೊಟ್ಯಾ ದಿಸಾದಿಸಿ ಚಾ಼ಲತ್ಯಾಲೆ ಲಡಾಯಿಲಾ, ದುನೆತಲ್ಯಾ ಸಗ್‌ಳ್ಯಾ ರಾಜಾನಾ ಯಕಿಕ್ಡ ಕರಾಯಾ ಬಾಹಿರ್ ಜಾ಼ತ್ಯಾತ.
\p
\v 15 “ಐಕಾ! ಮೀ ಚೊ಼ರಾಚೆಗತ್ ಯನಾರ್. ಆಪ್ನಿ ಉಗ್ಡಾ ಫಿರತ್ ಲೊಕಾಪ್ನಿ ಮರ್ಯಾದ್ ಕಾಡುನ್ ಗಿಹ್ಯಾಚೆ ಆಂದಿ ಜಾ಼ಗಾರಾಹುನ್ ಆಪ್ಲ ಕಪ್ಡ ಗ್ಯಾತ್‌ಲ್ಯಾಲಾ ದನ್ಯ ಜಾ಼ಲ್ಯಾ.”
\p
\v 16 ನಂತರ್ ಬುರ್ಸಿ ಆತ್ಮ ರಾಜಾನಾ ಹಿಬ್ರು ಭಾಶೆತ್ ಅರ್ಮಗೆದೊನ್ ಮಂಥ್ಯಾಲ್ಯಾ ಜಾ಼ಗ್ಯಾತ್ ಯಕಿಕ್ಡ ಜ಼ಮಾಕಿಲಿತ.
\p
\v 17 ಸಾತವ್ಯಾ ದೇವ್ ದುತಾನಿ ಆಪ್‌ಲ್ಯಾ ಐದಾನಾತ್ ಆಸ್‌ಲ್ಯಾಲ ವಾರ‍್ಯಾವ ವತ್ಲ. ತವಾ ಯೊಕ್ ಮೊಟಾ ಆವಾಜ಼್ ದೇವ್ಳಾತ್‍ಲ್ಯಾ ಸಿಂಹಾಸನಾಚಾ ಜಾ಼ಗ್ಯಾವ್ನಿ ಆಲಾ. ತ್ಯಾ ಆವಾಜಾ಼ನಿ, “ಸಗ್ಳ ಸೊಪ್ಲ!” ಮನ್ಹುನ್ ಸಾಂಗ್ಲ. 
\v 18 ತವಾ ಇಜಾ಼ ಚ಼ಮಾಕಲ್ಯಾ ತಡಾಸ್ ಜಾ಼ಲ್ಹ ಆನಿ ಭುಕಂಪ್ ಜಾ಼ಲ್ಹ. ಲೊಕ ದರ್ಥಿವ ರಾಹ್ಯಾ ಲಾಗ್‌ಲ್ಯಾಲ್ಯಾ ದರ್ನಿ ತಸ್ಲ ಮೊಟ ಭುಕಂಪ್ ಕಂದಿಸ್ ಬಗ್ಲ ನವ್ಥ. 
\v 19 ತ್ಯ ಮೊಟ ನಗರ್ ಫುಠುನ್ ತೀನ್ ಭಾಗ್ ಜಾ಼ಲ್ಹ. ಸಗ್‌ಳ್ಯಾ ದೇಶಾಂಚಿ ನಗರ ನಾಸ್ ಜಾ಼ಲಿತ. ಮೊಟ ನಗರ್ ಜಾ಼ಲ್ಯಾಲ್ಯಾ ಬಾಬಿಲೊನಾಲಾ ದೇವಾನಿ ಶಿಕ್ಷೆ ದಿಯಾಚೆ ಆಂದಿ ಶೊಡ್ಲ ನಾಹಿ. ತ್ಯನಿ ಆಪ್ಲಾ ಮೊಟಾ ರಾಗ್‌ ಮಂಥ್ಯಾಲ್ಯಾ ದರಾಕ್ಷಿಚಾ ರಸಾತ್ನಿ ಬರ್‌ಲ್ಯಾಲ ಐದಾನ್ ತ್ಯಾ ನಗರಾಲಾ ಪಿಯಾ ದಿಲ. 
\v 20 ಸಗ್ಳ ದ್ವೀಪ ಪಳುನ್ ಗೆಲ. ಆನಿ ಕನ ನಾಪತ್ಯಾ ಜಾ಼ಲ್ಹ. 
\v 21 ಆಬ್ಳಾತ್ನಿ ಮಾನ್ಸಾವ ಮೊಟ್ಯಾ ಗಾರಾ ಪಡ್‌ಲ್ಯಾ. ತ್ಯಾ ಗಾರಾ ಲಲಸ್ತ ಪನ್ನಾಸ್ ಕಿಲೊ ವಜ಼ನ್ ಹುತ್ಯಾ. ಹೆ ಪಿಡಾನಿ ತರಾಸಾನಿ ಲೊಕ ದೇವಾಲಾ ಸರ್ಪಾಯಾ ಲಾಗ್ಲಿತ. ಕಾ ಮಂಜೆ ತೀ ಪಿಡಾ ಖುಬ್ ಬುರ್ಸಿ ಜಾ಼ಲ್ತಿ.
\c 17
\s ಪ್ರಸಿದ್ ಜಾ಼ಲ್ಯಾಲಿ ವ್ಯಬಿಚಾರಿ ಬ್ಯಾಯ್ಕಾಮಾನುಸ್
\p
\v 1 ಸಾತ್ ಜಾ಼ನ್ ದೇವ್ ದುತಾತ್ ಯೊಕ್ ಯವುನ್ ಮಾಜಿ ಸಂಗ ಬೊಲ್ಲಾ. ಸಾತ್ ಐದಾನ ಗೆತಲ್ಯಾಲ್ಯಾತ್ ಹ್ಯೊಬಿ ಯಕ್ಲಾ ಜಾ಼ಲ್ಥಾ. ತ್ಯಾ ದೇವ್ ದುತಾನಿ, “ಯೇ, ಪ್ರಸಿದ್ ಜಾ಼ಲ್ಯಾಲಿ ವ್ಯಬಿಚಾರಿ ಬ್ಯಾಯ್ಕಾಮಾನ್ಸಾಲಾ ದೇತ್ಯಾಲಿ ಶಿಕ್ಷಾ ಮೀ ತುಲಾ ದ್ಯಾವ್ತೊ. ಖುಬ್ ನ್ಹನ್ಚೆ ದರವ್ನಿ ಬ್ಯಾಂದ್‌ಲ್ಯಾಲಿ ಮೊಟಿ ಪ್ಯಾಟ್ ತೀಸ್. 
\v 2 ದುನೆತಲ್ಯಾ ರಾಜಾಂಚಾನಿ ತೀಚಿ ಸಂಗ ಬುರ್ಸ ಶಾರೀರಿಕ್ ಪಾಪ್ ಮಂಥ್ಯಾಲಾ ದರಾಕ್ಷಿಚಾ಼ ರಸ್ ಪಿವುನ್ ನಿಶಾ ಚ಼ಡ್ಲಿ” ಮನ್ಹುನ್ ಸಾಂಗ್ಲ.
\p
\v 3 ನಂತರ್ ದೇವಾಚಾ ಆತ್‌ಮ್ಯಾನಿ ಆಸ್‍ಲ್ಯಾಲ್ಯಾ ಮನಾ ಉಚ಼್ಲುನ್ ಗಿಹುನ್ ಉಸ್ಕಾಚೆ ಜಿಮ್ನಿವ ಗೇಲಾ. ತಿಥ ಯೇಕ್ ಬಾಯಿಲ್ಮಾನುಸ್ ಲಾಲ್ ತಾಂಬಡ್ಯಾ ಜ಼ನಾವಾರವ ಬಸ್‌ಲ್ಯಾಲಿ ಮಿ ಬಗ್ಲಿ. ತ್ಯಾ ಜ಼ನಾವಾರಾಚಾ ಆಂಗಾವ ಸಗಳ್ಯಾ ದೇವಾಲಾ ಕಳಾಂಕ ಆಂತ್ಯಾಲಿ ನಾವಸ್ ಹುತಿತ. ತ್ಯಲಾ ಸಾತ್ ಡೊಯಾ ಧಾ ಸಿಂಗ ಹುತ್ತಿತ. 
\v 4 ತೆ ಬಾಯಿಲ್ಮಾನ್ಸಾನಿ ಧೂಮ್ರವರ್ನಾಚ಼ ಕಪ್ಡ ಆನಿ ತಾಂಬಡ್ಯಾ ರಂಗಾಚ಼ ಪಿತಾಂಬರ್ ಗ್ಯಾತ್ಲ ಹುತ್ತ. ತೀನಿ ಆಪ್ನು ಗ್ಯಾತ್‌ಲ್ಯಾಲ ಸೋನ, ರತ್ನ, ಮುತ್ತು, ಖುಬ್ ಗಾಲುನ್ ಶಾದ್ರಿ ಜಾ಼ಲ್ಥಿ. ತೀನಿ ಆಪ್‌ಲ್ಯಾ ಹಾತಾತ್ ಸೊನ್ಯಾಚ಼ ಲೊಟ ದರ್ಲ ಹುತ್ತ. ತೇ ಲೊಟ ಶಾರೀರಿಕ್ ಪಾಪಾಚಾ ಪೊದ್‌ಡ್ಯಾ ಫನಾನಿ ಬರ್ಲ ಹುತ್ತ. 
\v 5 ತಿಚಾ ಕಪಾಳಾವ ಯಾಕ್ ಲಿವ್‌ಲ್ಯಾಲ ಹುತ್ತ. ತ್ಯಾ ಲಿವ್‌ನ್ಯಾಲಾ ಯೊಕ್ ಆರ್ಥ ಹುತ್ತಾ. ತ್ಯೊ
\pc \sc ಬಾಬಿಲೊನ್ ಮನ್ಹುನ್ ಮೊಟಾ ನಗರ್\sc*
\pc \sc ದರ್ಥಿವ ಆಸ್‌ಲ್ಯಾಲ್ಯಾ ಬುರ್ಶಾ ಕಾಮಾನಾ\sc*
\pc \sc ಆನಿ ವ್ಯಬಿಚಾರ್ ಕರ್ತ್ಯಾಲ್ಯಾ ಬ್ಯಾಯ್ಕಾ ಮಾನ್ಸಾಂಚಿ ಆಯಿ. \sc*
\p
\v 6 ತಿ ಬ್ಯಾಯ್ಕಾಮಾನುಸ್ ನಿಯೆತಿಚಾಂಚ಼ ರಗಾತ್ ಯೆಸುಚೆ ಸಾಕ್ಷಿಸಾಟಿ ದಿವುನ್ ಮೆಲ್ಯಾಲ್ಯಾಂಚ಼ ರಗಾತ್ ಪಿವುನ್ ನಿಶೆತ್ ಆಸಲ್ಯಾಲಿ ಮೀ ಬಗ್ಲಿ.
\p ತಿಲಾ ಬಗುನ್ ಮನಾ ಆಜಾಬ್ ವಾಟ್ಲ. 
\v 7 ತವಾ ದೇವ್ದುತ್ ಆಪ್‌ಲ್ಯಾಲಾ ತು ಕಾ ಆಜಾಬ್ ಜಾ಼ಲಾಸ್? ಹೇ ಬ್ಯಾಯ್ಕಾಮಾನ್ಸಾಚಾ಼ ಅರ್ಥ ಆನಿ ಹ್ಯಾ ಜಾ಼ತ್ಯಾಲ್ಯಾ ಸಾತ್ ಡೊಯಾ ಆನಿ ಧಾ ಸಿಂಗ ಆಸ್‌ಲ್ಯಾಲ್ಯಾ ಜ಼ನಾವಾರಾಚಾ಼ ಅರ್ಥ ಮೀ ತುಲಾ ಸಾಂಗ್ತೊ. 
\v 8 ತು ಬಗ್‍ಲ್ಯಾಲ ಜ಼ನಾವಾರ್ ಯಕಾ ಕಾಲಾತ್ ಜೀತ್ತ ಹುತ್ತ. ಫನ್ ಆತಾ ತ್ಯ ಜ಼ನಾವಾರ್ ಪಾತಾಳಾತ್ನಿ ಖಡ್ಯಾತ್ನಿ ಜಿತ್ತ ವ್ಹವುನ್ ವರ್ ಯವುನ್ ನಾಸ್ ವ್ಹನಾರ್. ದುನೆತ್ ಜೀವ್ನಾ ಕರ್ತ್ಯಾಲಿ ಲೊಕ ತ್ಯಾ ಜ಼ನಾವಾರಾಲಾ ಬಗುನ್, ತ್ಯ ಯಕಾ ಕಾಲಾತ್ ಜಿತ್ತ ಹುತ್ತು, ಆತಾ ನಾಹಿ, ಫನ್ ಆನಿಕ್ ಯನಾರ್ ಮನ್ಹುನ್ ಸಮಜು಼ನ್ ತೀ ಆಜಾಬ್ ವ್ಹನಾರ್. ದುನೆ ಉತ್ಪನ್ ಜಾ಼ಲ್ಯಾಠಾವ್ನಿ ಶಾಸ್ವತ್ ಪುಸ್ತಕಾತ್ ಹ್ಯಾ ಲೊಕಾಂಚ಼ ನಾವ್ ಲಿವ್‌ಲ್ಯಾಲಸ್ ನಾಹಿ.
\p
\v 9 ಹ್ಯ ಸಮಜು಼ನ್ ಗಿಹ್ಯಾ ತುಲಾ ಶಾನ್ಪನ್ ಆನಿ ಬುದ್ದಿ ವ್ಹಯಿ. ತ್ಯಾ ಜ಼ನಾವಾರಾಚಾ ಸಾತ್ ಡೊಯಾಸ್ ತೀ ಬ್ಯಾಯ್ಕಾಮಾನುಸ್ ಬಸ್‍ತ್ಯಾಲ ಸಾತ್ ಗುಡ್ಡ ಜಾ಼ಲ್ಯಾತ. ತೇ ಸಾತಜಾ಼ನ್ ರಾಜ಼ ಜಾ಼ಲ್ಯಾತ. 
\v 10 ಪಾಚ಼್ ಜಾ಼ನ್ ರಾಜ಼ ಆತಾ ಪಡುನ್ ಗೇಲ್ಯಾತ. ಯೊಕ್ ರಾಜಾ಼ ತ್ಯವ್ಡಾಸ್ ಜಿವ್ನಾ ಕರ್ತ್ಯೊ. ಸರ್ತಾರಾಜಾ಼ ಯತ್ಯೊ ಆನಿ ತ್ಯೊ ಆಲ್ಯಾವ ಥೊಡಾ ಯೊಳ್ ರಾಜ ಕರಿಲ್. 
\v 11 ಯಕಾ ಕಾಲಾತ್ ಜೀವ್ನಾ ಕೇಲ್ಯಾಲಾ, ಫನ್ ಆತಾ ಜೀವ್ನಾ ಕೇಲ್ಯಾನಸಲ್ಯಾಲ ಹ್ಯ ಜ಼ನಾವಾರ್ ಆಟ್ವಾ ರಾಜಾ಼. ಹ್ಯೊ ಆಟ್ವಾ ರಾಜಾ಼ ಪೈಲ್ಯಾ ಸಾತ್ ರಾಜಾಂಚಾ ಹಿಂಡಾತ್ ಆಸ್‌ಲ್ಯಾಲಾ. ತ್ಯೊ ನಾಸ್ ವ್ಹನಾರ್.
\p
\v 12 ತು ಬಗ್‌ಲ್ಯಾಲಿ ಧಾ ಸಿಂಗ ಧಾ ರಾಜ಼ ಜಾ಼ಲ್ಯಾತ. ಹ್ಯಾ ಧಾ ರಾಜಾಂಚಾನಿ ಆಜು಼ನ್ ಆಪ್ಲ ರಾಜೆ ಗೆತ್ಲನಾಹಿ. ಫನ್ ತೇ ಚಾ಼ಲಿವತ್ಯಾಲಾ ಅಧಿಕಾರ್ ಜ಼ನಾವಾರಾಪ್ನಿ ಯೇಕ್ ತಾಸ್ ಗೆಥ್ಯಾತ. 
\v 13 ಹೆ ಧಾ ರಾಜ಼ಸಗ್ಳ ಯೇಕುಸ್ ಉದೇಶ್ ಆಸ್‌ಲ್ಯಾಲ ಜಾ಼ಲ್ಥ. ತೇ ಆಪ್ಲ ಬಳ್ ಆನಿ ಅಧಿಕಾರ್ ಜ಼ನಾವಾರಾಲಾ ದೇತ್ಯಾತ. 
\v 14 ತೇ ಮಿಂಡುರ್ ಜಾ಼ಲ್ಯಾಲ್ಯಾಚೆ ಆಡ್ವ ಲಡಾಯಿ ಕರ್ತ್ಯಾತ. ಫನ್ ಮಿಂಡುರ್ ಜಾ಼ಲ್ಯಾಲಾ ಪ್ರಭುಚಾ಼ ಪ್ರಭು ಜಾ಼ಲ್ಯಾ ಮನ್ಹುನ್ ಆನಿ ರಾಜಾಚಾ಼ ರಾಜಾ಼ ಜಾ಼ಲ್ಯಾ ಮನ್ಹುನ್ ತ್ಯನಾ ಹರಿವ್ತೊ. ತ್ಯಚಿ ಸಂಗ, ಆಪ್ನು ಹಾಕಟ್‌ಲ್ಯಾಲಿ ಲೊಕ ನಿವ್ಡುನ್ ಗೆತಲ್ಯಾಲಿ ಲೊಕ ಆನಿ ಆಪ್ಲ ಇಸ್ವಾಸಾತ್ ಚಾ಼ಲತ್ಯಾಲ ಹುತ್ತ. ಮನ್ಲಾ.
\p
\v 15 ನಂತರ್ ದೇವ್ ದುತಾನಿ ಮನಾ ಆಸ ಸಾಂಗ್ಲ ತಿ ವೆಶಿ ಬಸ್‌ತ್ಯಾಲ ಪಾನಿ ತು ಬಗ್ಲಸ್. ಹ್ಯ ಪಾನಿ ಹೆ ದುನೆಚಾ ಖುಬ್ ಲೊಕಾನಾ ರಾಶ್ಟ್ರಾನಾ ಕುಳಾನಾ ಬಾಶೆನಾ ದ್ಯಾವ್ತ. 
\v 16 ತು ಬಗ್‌ಲ್ಯಾಲ ತ್ಯ ಜ಼ನಾವಾರ್ ಆನಿ ತ್ಯಚಿ ಧಾ ಸಿಂಗ ರಾಜ಼ ತೇ ವೇಶಿಲಾ ಆಡ್ವ ಜಾ಼ಲ್ಯಾತ. ತೀಚಿಪ ಆಸ್‌ಲ್ಯಾಲ ಸಗ್ಳ ತ್ಯಂಚಾನಿ ಕಾಡುನ್ ಗಿಹುನ್ ತೀಲಾ ಉಗ್ಡಿ ಕರುನ್ ಶೊಡ್‌ತ್ಯಾತ. ತೇ ತಿಚ಼ ಮಾಸ್ ಖಾವುನ್ ತೀಲಾ ಇಸ್‌ಥ್ಯಾತ್ ಜಾಳ್ನಾರ್. 
\v 17 ಕಾ ಮಂಜೆ ದೆವಾನಿ ಆಪ್ಲ ಸಬ್ದ ಪುರ ಕರಾಯಾ ಆಪ್ಲ ಮನ್ ತ್ಯಂಚಾನಿ ಯಕ ಬಾವ್ನನಿಸ್ ಆಪ್ಲಾ ಹುಕುಮ್ ಜ಼ನಾವಾರಾಲಾ ದಿಯಾಲಾ ತ್ಯಂಚಾ ಮನಾತ್ ದಿಲ. 
\v 18 ತು ಬಗ್‌ಲ್ಯಾಲಿ ತಿ ಬ್ಯಾಯ್ಕಾಮಾನುಸ್ ದುನೆತ್‍ಲ್ಯಾ ರಾಜಾಂಚಿವ ಹುಕುಮ್ ಗೆತಲ್ಯಾಲಿ ಮುಟಿ ನಗರಿ ಜಾ಼ಲೆ. ”
\c 18
\s ಬಾಬಿಲೊನ್ ಪಡ್‌ಲ್ಯಾಲ
\p
\v 1 ನಂತರ್ ಆನಿ ಯೊಕ್ ದೇವ್ ದುತ್ ಸ್ವರ್ಗಾತ್ನಿ ಯತ್ಯಾಲಾ ಮೀ ಬಗ್ಲಾ. ಹ್ಯಾ ದೇವ್ ದುತಾಲಾ ಮೊಟಾ ಅಧಿಕಾರ್ ಹುತ್ತಾ. ಹ್ಯಾ ದೇವ್ ದುತಾಚೆ ಮೈಮೆಚಾ಼ ಉಜಿ಼ಡ್ ದರ್ಥಿವ ಪಗಾಳ್ಳಾ. 
\v 2 ತ್ಯೊ ಜೊ಼ರಾನಿ ವರಾಡ್ಲಾ:
\q1 “ತೀ ಪಡ್ಲಿ!
\q2 ಬಾಬಿಲೊನ್ ಮಂಥ್ಯಾಲಿ ಮುಟಿ ನಗರಿ ಪಡ್ಲಿ!
\q1 ತೀ ಬಾಬಿಲೊನ್ ಭುಥಾನಾ ರಾಥ್ಯಾಲಾ ಜಾ಼ಗಾ ಜಾ಼ಲ್ಹಿ.
\q2 ಸಗ್ಳೆ ತರಚಾ ಪೊದ್‌ಡ್ಯಾ ಆತ್‍ಮ್ಯಾನಾ ರಕ್ವಾಲಿ ಜಾ಼ಲ್ಥಿ.
\q2 ಬುರ್ಸಿ ಆನಿ ನಕೊಜಾ಼ಲ್ಯಾಲಿ ಸಗ್ಳಿ ಪಾಕ್ರ ರಾಥ್ಯಾಲಿ ಜಾ಼ಲ್ಹಿ.
\q1
\v 3 ಆನಿ ತಿಚ಼ ಶರಿರಾಚ಼ ಸಂಬಂದ್ ಮಂಥ್ಯಾಲ ಬುರ್ಸಾ ದರಾಕ್ಷಿಚಾ಼ ರಸ್ ದುನ್ಯಾ ಸಗ್ಳಿ ಪಿವುನ್ ದುನೆಚ಼ ರಾಜ಼ ಸಗ್ಳ ತಿಚಿ ಸಂಗ ಶಾರೀರಿಕ್ ಸಂಬಂದ್ ಕರುನ್ ನಿಶಾ ಚ಼ಡ್ಲಿ. ದುನೆಚ಼ ವ್ಯಾಪಾರ್ ಕರ್ತ್ಯಾಲ ತಿಚಾ ಲ ಸುಖಾನಿ ಸಾವ್ಕಾರ್ ಜಾ಼ಲ್ಹ.
\p
\v 4 ನಂತರ್ ಸ್ವರ್ಗಾತ್ನಿ ಆನಿಯೊಕ್ ಆವಾಜ಼್ ಆಸಾ ಸಾಂಗ್‌ತ್ಯಾಲಾ ಮನಾ ಐಕು ಆಲಾ:
\q1 ಮಾಜಾ ಲೊಕಾನು ತುಮಿ ತ್ಯಾ ನಗರಾತ್ನಿ ಬಾಹಿರ್ ಯವಾ. ತವಾ ತುಮಿ ತಿಚಾ ಪಾಪಾತ್ ಪಡತ್ ನಾಹಿಸಾ ತೀಲಾ ಬುರ್ಸ ವ್ಹನಾರ್ ತುಮಾನಾ ವ್ಹನಾರ್ ನಾಹಿ.
\p
\v 5 ತೇ ನಗರಿಚಿ ಪಾಪ ಆಬಳಾಲಾ ಲಾಗ ಶಾರ್ಕಿ ವಾಡ್‌ಲ್ಯಾತ. ತೀನಿ ಕೇಲ್ಯಾಲಿ ಬುರ್ಸಿ ಕಾಮ ದೇವ್ ಇಸಾರ್ಲಾ ನಾಹಿ.
\q1
\v 6 ತೀನಿ ದುಸ್‍ರ‍್ಯಾನಾ ದಿಲ್ಯಾಶಾರ್ಕ ತುಮಿ ತಿಲಾ ಪರ್ತುನ್ ದೇವಾ. ತೀನಿ ದಿಲ್ಯಾಲ್ಯಾವ್ನಿ ತಿಲಾ ದೊನ್ ಪಟ್ ದೇವಾ. ತಿನಿ ಕಾಲುವುನ್ ದಿಲ್ಯಾಲ್ಯಾ ಐದಾನಾತ್ ತಿಲಾ ದೊನ್ ಪಟ್ ಕಾಲವುನ್ ದೆವಾ.
\p
\v 7 ತೀನಿ ಆಪ್‌ಲ್ಯಾಲಾ ಮುಟಿ ಮನ್ಹುನ್ ಗಿಹುನ್ ಕ್ಯವ್ಡ ಸುಕ್ ಖಾಲ ತಸಸ್ ತುಮಿ ತಿಲಾ ತರಾಸ್ ಆನಿ ದುಕ್ ದೆವಾ, ಕಾ ಮಂಜೆ ತಿ ಆಪಲ್ಯಾ ಮನಾತ್, ಮೀ ಮಾಜಾ ಸಿಂಹಾಸನಾವ್ ಬಸ್‌ಲ್ಯಾಲಿ ರಾನಿ. ಮೀ ವಿದ್ವಾ ನವ್ಹ, ಮೀ ಕಂದೀಸ್ ರಡತ್ನಾಹಿ ಮನ್ಹುನ್ ಆಪ್‌ಲ್ಯಾಲಾಸ್ ಆಪ್ನು ಮಂಥಿ
\p
\v 8 ಮನ್ಹುನ್ ಮರಾನ್ ಲೊಳ್ನ, ಖುಬ್ ಬರ್ಗಾಲ್ ಮಂಥ್ಯಾಲಿ ಪಿಡಾ ಯಕಾ ದಿಸಾತ್ ತಿಲಾ ಯನಾರ್ ತಿಲಾ ಇಸ್‌ಥ್ಯಾತ್ ಜಾಳ್ನಾರ್ ಕಾ ಮಂಜೆ ತೀರ್ಮಾನ್ ದೇತ್ಯಾಲಾ ದೇವ್ ಜಾ಼ಲ್ಯಾಲಾ ಪ್ರಭು ಬಳ್ ಆಸ್‌ಲ್ಯಾಲಾ ಹಾ.
\p
\v 9 ತಿಚಿ ಸಂಗ ಶರೀರಿಕ್ ಸಂಬಂದ್ ಕರುನ್ ತಿಚೆ ಆಸ್ಥಿತ್ ವಾಟ್ನಿ ಜಾ಼ಲ್ಯಾಲ ದುನೆಚ಼ ರಾಜ಼ ತಿಲಾ ಜಾಳ್ಯಾಲೆ ರಾಖತ್ನಿ ಧುರ್ ಯತ್ಯಾಲಾ ಬಗ್‌ತ್ಯಾತ. ತೀ ಮರ್ತ್ಯಾಲಿ ಬಗುನ್ ರಾಜ಼ ಲೊಳ್ನಾರ್ ಆನಿ ರಡ್ನಾರ್. 
\v 10 ತಿಚಾ ಪಿಡಾ ಬಗುನ್ ರಾಜ಼ ಭ್ಯಾನಿ ದುರ್ ಉಬ ರಾಹುನ್ ಆಸ ಮನ್ಹಾರ್. ‘ಯೇ ಮೊಟೆ ನಗರೆ. ಬಳಾಚೆ ಬಾಬಿಲೊನ್ ನಗರೆ. ಯಕಾಸ್ ತಾಸಾಲಾ ತುಲಾ ಶಿಕ್ಷಾ ಜಾ಼ಲ್ಹಿ ನವ್ಹ’.
\p
\v 11 ದುನೆಚ಼ ಯವಾರ್ದಾರ್ ಬಾಬಿಲೊನಾಚೆ ಗುಶ್ಟಿತ್ ಲೊಳ್ನಾರ್ ಆನಿ ರಡ್ನಾರ್ ತೇ ಇಕ್‌ತ್ಯಾಲಿ ಸಾಮಾನ ಗಿಹ್ಯಾ ಕೊನುಸ್ ನಾಹಿ ಮನ್ಹುನ್ ರಡ್ನಾರ್. 
\v 12 ತೇ ಸೊನ. ಚಾ಼ಂದಿ, ರತ್ನ, ಮುತ್ತು, ಮಡಿಚ಼ ಕಿಮ್ತಿಚ಼ ಕಪ್ಡ, ಜಾ಼ಂಬ್ಳ ಕಪ್ಡಾ, ರೀಸ್ಮಿ, ತಾಂಬ್ಡಾ, ಸಗ್ಳೆ ತರಾಚಾ ವಾಸಾಚ಼ ಜಾ಼ಡ ಹಾತಿಚಾ ದಾತಾಂಚಾನಿ ಕೇಲ್ಯಾಲಿ ಖುಬ್ ತರಚಿ ಸಾಮ್ನ ಖುಬ್ ಕಿಮ್ತಿಚಿ ಲಾಕ್ಡ ತಾಂಬ ಲೊಖಾಂಡ್ ಆನಿ ಚಾ಼ಂದಾಚೆಗತ್ ದೊಂಢ ಹೀ ಇಕ್‌ತ್ಯಾತ. 
\v 13 ದಾಲ್ಚಿನ್ನಿ, ಸಗ್ಳಾ ಮಸಾಲಾ, ಧುಪ್, ರಕ್ತಬೊಳ, ಸಾಂಬ್ರಾನಿ, ವಾಸಾಚ಼ ತ್ಯಾಲ್, ದರಾಕ್ಷಿಚಾ಼ ರಸ್ ಆನಿ ಆಲಿವ್ ತ್ಯಾಲ್, ಪೀಟ್, ಘಹು, ಗುರವಾಸ್ರ, ಮೆಂಡ್ರ, ವಾರು, ರಥ, ಮಾನ್ಸಾನಾ ಗುಲಾಮ್ ಕರುನ್ ಇಕ್‌ತ್ಯಾತ.
\q1
\v 14 ‘ಬಾಬಿಲೊನೇ, ತು ಮನ್ ಕೇಲ್ಯಾಲಿ ಚಾ಼ಂಗ್ಲಿ ಕಾಮ ತುಜಿಪ್ನಿ ನಿಗುನ್ ಗಿಲಿತ
\q1 ತುಜಿಪ ಆಸ್‌ಲ್ಯಾಲಿ ಸಾವ್ಕರ್ಕಿ ಆನಿ ಸೊಬಚಿ ಸಾಮಾನ ಸಗ್ಳಿ ದಿಸತ್ ನಸ್‌ಲ್ಯಾಲಿ ಜಾ಼ಲಿತ
\q2 ತೇ ಸಗ್ಳ ಆನಿಕ್ ತು ಕಂದಿಸ್ ಗಿಹಿತ್ನಾಹಿ.
\p
\v 15 “ತೇ ತಿಚಾ಼ ತರಾಸ್ ಬಗುನ್ ಬಿಹುನ್ ತಿಚಿಪ್ನಿ ಖುಬ್ ದುರ್ ಉಬರಾಹುನ್. ತೀ ಸಾಮ್ನ ತಿಲಾ ಇಕುನ್ ಸಾವ್ಕಾರ್ ಜಾ಼ಲ್ಯಾಲ ಹೆಸ್. 
\v 16 ತೇ ದುಖಾನಿ ಲೊಳತ್ ಆಸ ಮನ್ಹಾರ್.
\b
\q1 ಅಯಾಯಿ, ಮೊಟೆ ನಗರಿ!
\q2 ತೆ ಚಾ಼ಂಗ್ಲ ಕಿಮ್ತಿಚ಼ ಕಪ್ಡ,
\q2 ಜಾ಼ಂಬ್ಳ ಕಪ್ಡ ಆನಿ ಲಾಲ್ ತಾಂಬ್ಡ ವಸ್ತಾರ್ ಗ್ಯಾತ್ಲ.
\q2 ತೀ ಸೊನ್, ಮುತ್, ರತ್ನಾಂಚಾನಿ ಬರಿ ದಿಸ!
\q1 ತಿಚಿ ಪರಸ್ತಿತಿ ಕ್ಯಾಹಿ 
\v 17 ಸಾವ್ಕರ್ಕಿ ಸಗ್ಳಿ ಯಕಸ್ ಗಳ್ಗಿತ್ ಪಡ್ಲಿ.
\p ವ್ಹಡಿ ಚಾ಼ಲಿವತ್ಯಾಲ್ಯಾಂಚಾ಼ ಫುಡಾರಿ ತ್ಯಾತ್ನಿ ಜಾ಼ತ್ಯಾಲಿ ಲೊಕ ಸಗ್ಳಿ ವ್ಹಡಿ ಚಾ಼ಲಿವತ್ಯಾಲಿ ಸಮಿಂದೊರಾವ್ನಿ ಪೊಟ ಬರ್ತ್ಯಾಲಿ ಲೊಕ ಸಗ್ಳಿ ದುರ್ ಉಬಿ ರಾಹುನ್ 
\v 18 “ಬಾಬಿಲೊನಾಚೆ ರಾಖತ್ನಿ ಧುರ್ ವರ್ ಯತ್ಯಾಲಾ ಬಗುನ್ ತ್ಯಂಚಾನಿ ಜೊ಼ರಾನಿ ಕಚಿ ನಗರಿ ತೆ ಮೊಟೆ ನಗರಿಚೆಗತ್ ಹಾ? 
\v 19 ತೇ ಆಪ್ಲೆ ಡುಯಿವ ಮಾತಿ ಗಾಲುನ್ ಗಿಹುನ್ ದುಖಾನಿ ಲೊಳತ್ ಆಸ ಸಾಂಗ್ನಾರ್
\q1 ಆಯಾಯಿ! ಹೇ ಮೊಟೆ ನಗರಿ ಕ್ಯಾ ತರಾ ಜಾ಼ಲಿ.
\q1 ಸಮಿಂದೊರಾವ ವ್ಹಡಿ ಗೆತಲ್ಯಾಲಿ ಲೊಕ ಸಗ್ಳಿ ತೀಚೆ ಕಮಾಯಿನಿ ಸಾವ್ಕಾರ ಜಾ಼ಲಿತ.
\q1 ಫನ್ ತೀ ಯಕಸ್ ಗಳ್ಗಿತ್ ಪಡ್ಲಿ.
\q1
\v 20 ಹೆ ಸ್ವರ್ಗಾ ದೇವಾಚಾ ಲೊಕಾನು, ಅಪೊಸ್ತಲಾನು, ಪ್ರವಾದಿನು ಹ್ಯನಿ ತುಮಿ ಆನಂದ್ ವ್ಹವಾ.
\q1 ತೀನಿ ತುಮಾನಾ ಕೇಲ್ಯಾಲ್ಯಾ ಪೊದ್‍ಡ್ಯಾಫನಾನಿ ದೇವಾನಿ ತಿಲಾ ಶಿಕ್ಷಾ ದಿಲಿ.
\p
\v 21 ನಂತರ್ ಬಳಾಚಾ಼ ದೇವ್ದುತಾನಿ ಯೇಕ್ ಮುಟಿ ದ್ಯೊಂಡ್ ಉಚ಼ಲ್ಲಿ. ತೀ ದ್ಯೊಂಡ್ ಯಕಾ ಮೊಟ್ಯಾ ಜಾ಼ತ್ಯಾಚಾ ದೊಂಡ್ಯಾಚೆಗತ್ ಹುತ್ತಿ. ದೇವ್ದುತಾನಿ ತೀ ದ್ಯೊಂಡ್ ಸಮಿಂದೊರಾತ್ ಟಾಕುನ್ ಆಸ ಸಾಂಗ್ಲ: ಮುಟಿ ನಗರಿ ಜಾ಼ಲ್ಯಾಲಿ ಬಾಬಿಲೊನಾಲಾ ಆಸಸ್ ಖಾಲ್ ಟ್ಯಾಕ್ನಾರ್ ತಿ ನಗರಿ ಆನಿ ಕಂದಿಸ್ ದಿಸ್ನಾರ್ನಾಹಿ. 
\v 22 ತಾರಚಿ ಖುಬ್ ವಾಜ್ಪ ವಾಜಿವ್ನಾರ‍್ಯಾ ಲೊಕಾಂಚ಼ ಮುಳ್ಯಾ ಆನಿ ತುತ್ತುರಿ ವಾಜಿವ್ನಾರಿ ಸಂಗಿತ್ ತುಜಿಪ ಐಕು ಯನಾರ್ನಾಹಿ. ತರತರಚಿ ಕಾಮ್ ಕರ್ತ್ಯಾಲಿ ತುಜಿಪ ಗಾವ್ನಾರ್ ನಾಹಿತ. ಜಾ಼ತ್ಯಾಚಾ಼ ನಾದ್ ಆನಿ ಪರತ್ ತುಜಿಪ ಐಕು ಯನ್ನಾರ್ನಾಹಿ. 
\v 23 ದಿವ್ಯಾಚಾ಼ ಉಜಿಡ್ ಹಿತ್ನಿ ಮೊರ‍್ಹ ತುಜಿಪ ಕಂದಿಸ್ ರಾನ್ಹಾರ‍್ನಾಹಿ. ನವರ‍್ಯಾ ನವರಿಂಚಾ಼ ಸಬ್ದ ತುಜಿಪ ಹಿತ್ನಿ ಮೊರ‍್ಹ ಐಕು ಯನಾರ‍್ನಾಹಿ. ಕಾ ಮಂಜೆ ತುಜ಼ ಯವಾರ‍್ದಾರ್ ದುನೆಚಿ ಲೊಕ ಸಗ್ಳಿತುಜಾ ಘಾಡ್ ಫನಾನಿ ಖುಳಿ ಜಾ಼ಲ್ಹಿತ.
\p
\v 24 ಪ್ರವಾದಿಂಚ಼, ದೇವಾಚಾ ಲೊಕಾಂಚ಼ ಆನಿ ದರ್ಥಿವ ಮಾರುನ್ ಟ್ಯಾಕ್‌ಲ್ಯಾಲ್ಯಾ ಸಗಳ್ಯಾಂಚ಼ ರಗಾತ್ ಪ್ಯಾಡ್‌ಲ್ಯಾಲ್ಯಾ ಸಾಟಿ ಸಿಕ್ಷಾ ದಿಲಿ ಮನ್ಹುನ್ ಸಾಂಗ್ಲ.
\c 19
\p
\v 1 ಹ್ಯ ಜಾ಼ಲ್ಯಾ ನಂತರ್, ಸ್ವರ್ಗಾತ್ ಖುಬ್ ಲೊಕಾಂಚಾ಼ ಮೊಟಾ ಆವಾಜ಼್ ಮಂಥ್ಯಾಚೆಗತ್ ಆಸ್‌ಲ್ಯಾಲಾ ಸಬ್ದ ಐಕ್ಲಾ ತೀ ಲೊಕ ಆಸಿ ಸಾಂಗಿತಿತ. “ಹಲ್ಲೆಲುಯಾ\f + \fr 19:1 \fr*\ft ದೇವಾಲಾ ವವ್ಯಾಳಾಚ಼\ft*\f*, ರಕ್ಷನೆ, ಮೈಮಾ, ಬಳ್, ಆಮ್ಚಾ ದೇವಾಲಾಸ್. 
\v 2 ತ್ಯಚಾ಼ ತೀರ್ಮಾನ್ ಖರಾ ನೀಯತಿಚಾ಼ ಜಾ಼ಲ್ಯಾ. ಆಮ್ಚಾ ದೇವಾನಿ ಸುಳಿಲಾ ಶಿಕ್ಷಾ ದಿಲಿ. ತಿಚಾ ಶಾರೀರಿಕ್ ಸಂಬಂದಾನಿ ದುನೆ ಸಗ್ಳಿ ಪುದ್ಡಿ ಜಾ಼ಲ್ಹಿ!. ತ್ಯನಿ ಆಪ್‌ಲ್ಯಾ ಸೇವಕಾನಾ ಮಾರುನ್ ಟ್ಯಾಕ್‌ಲ್ಯಾ ಸಾಟಿ ತೇ ಸುಳಿಲಾ ಶಿಕ್ಷಾ ದಿಲಿ. ”
\p
\v 3 ಪರ್ತುನ್ ವರಾಡ್ಲ ಸ್ವರ್ಗಾತ್ ಆಸ್‌ಲ್ಯಾಲ್ಯಾ ತ್ಯಾ ಲೊಕಾಂಚಾನಿ ಸಾಂಗ್‌ಲ್ಯಾಲ ಕ್ಯಾ ಮಂಜೆ: “ಹಲ್ಲೆಲುಯಾ! ತೀ ಜ಼ಳು‍ನ್ ಗೆಲೆ ತಿಚಾ಼ ಧುರ್ ಶಾಶ್ವತ್ ವರ್ ಯಯಿತ್ ರಾನ್ಹಾರ್.
\p
\v 4 ನಂತರ್ ಇಸಾವ ಚಾರ್ ಜಾ಼ನ್ ವಡಿಲ್ ಆನಿ ಚಾರ್ ಜೀವಿಂಚಾನಿ ಆಡ್ವ ಪಡುನ್. ಸಿಂಹಾಸನಾವ ಬಸ್‌ಲ್ಯಾಲ್ಯಾ ದೇವಾಲಾ ವವ್ಯಾಳ್ಳಾ, ತೇ, ತಸಸ್ ವ್ಹವುನಿ! ಹಲ್ಲೆಲುಯಾ! ಮಂಥ್ಯಾತ
\s ಮಿಂಡುರ್ ಜಾ಼ಲ್ಯಾಲ್ಯಾಚಾ ಲಗ್ನಾಚ಼ ಜೇವಾನ್
\p
\v 5 ತವಾ ಸಿಂಹಾಸನಾವ್ನಿ ಯೊಕ್ ಆವಾಜ಼್ ಆಲಾ ತ್ಯೊ ಆವಾಜ಼್. ಆಮ್ಚಾ ದೇವಾಚಿ ಸೇವಾಕರ್ತ್ಯಾಲ್ಯಾ ಸಗ್‌ಳ್ಯಾ ಲೊಕಾನು ತ್ಯಲಾ ಸ್ತೊತ್ರ ಕರಾ. ಆಮ್ಚಾ ದೇವಾಲಾ ಮರ‍್ಯಾದ್ ದೇತ್ಯಾಲ್ಯಾ ಬ್ಯಾರಕ್ಯಾನು, ಮೊಟ್ಯಾನು ತ್ಯಲಾ ಸ್ತೊತ್ರ ಕರಾ ಮನ್ಹುನ್ ಸಾಂಗ್ಲ.
\p
\v 6 ನಂತರ್ ಖುಬ್ ಲೊಕಾಂಚಾ಼ ಆವಾಜ಼್ ಯೊಕ್ ಮನಾ ಐಕು ಆಲಾ. ತ್ಯೊ ಪವುಡ್ ಆಲ್ಯಾಲ್ಯಾ ಪಾನ್ಯಾಚೆಗತ್ ಮೊಟ್ಯಾ ತಡಾಸಾಂಚಾ ಆವಾಜಾ಼ಚೆಗತ್ ಹುತ್ತಾ. ತೀ ಲೊಕ ಆಸ ಸಾಂಗಿತಿತ. ಹಲ್ಲೆಲುಯಾ! ಆಮಚಾ಼ ದೇವ್ ಜಾ಼ಲ್ಯಾಲಾ ಪ್ರಭು ರಾಜ಼್ ಚಾ಼ಲ್ವಾಯಾ ಲಾಗ್‌ಲ್ಯಾ. ತ್ಯೊ ಸರ್ವ ಶಕ್ತ ಜಾ಼ಲ್ಯಾ. 
\v 7 ಯವಾ ಆಮಿ ಸಗ್ಳಿ ಆನಂದ್ ಆನಿ ಸಂತೊಶ್ ವ್ಹವುಯಾ. ದೇವಾಲಾ ಮೈಮಾ ಕರುಯಾ ಮಿಂಡುರ್ ಜಾ಼ಲ್ಯಾಲಾಚಾ ಲಗ್ನಾಚಾ಼ ದೀಸ್ ಆಲಾ ಮನ್ಹುನ್ ದೇವಾಲಾ ಬರಾ ಮನ್ಹುಯಾ. ಮಿಂಡುರ್ ಜಾ಼ಲ್ಯಾಲ್ಯಾಚಿ ನವರ‍್ಹಿ ಮಂಥ್ಯಾಲಿ ಸಭಾ ಆಪ್ನು ತಯಾರ್ ಜಾ಼ಲೆ. 
\v 8 ನಾರ್ಮಡಿಚ಼ ಕಪ್ಡ ನವರ‍್ಯಾಲಾ ಗಾಲಾಯಾ ದಿಲ. ತೇ ಕಿಮ್ತಿಚ಼ ಕಪ್ಡ ಚ಼ಕ್ಮಕತ್ಯಾಲ ಆನಿ ಶಾದ್ರ ಜಾ಼ಲ್ಥ.
\m ನಾರ್ಮಡಿಚ಼ ಕಪ್ಡ ಮಂಜೆ ದೇವಾಚಾ ಲೊಕಾಂಚಾನಿ ಕೇಲ್ಯಾಲಿ ಚಾ಼ಂಗ್ಲಿ ಕಾಮ ಮನ್ಹುನ್ ಅರ್ಥ.
\p
\v 9 ತವಾ ದೇವ್ದುತಾನಿ ಮಾನಾ ಆಸ ಸಾಂಗ್ಲ. ಹೇ ತರನಿ ಲೀವ್: “ನಿವಡ್‌ಲ್ಯಾಲ್ಯಾ ಮೆಂಡ್ಯಾಚಾ ಲಗ್ನಾಚಾ ಜೇವ್ನಾಲಾ ಹಾಕಟ್‌ಲ್ಯಾಲಿ ಲೊಕ ಧನ್ಯ!” ಹ್ಯ ದೇವ್ದುತಾನಿ ತ್ಯಾತ್ ಮಿಸ್ಳುನ್ ಹೆ ದೇವಾಚ಼ ಖರ‍ ಸಬಾತ್ ಮನ್ಹುನ್ ಸಾಂಗ್ಲ.
\p
\v 10 ತವಾ, “ಮೀ ದೇವ್ ದುತಾಲಾ ವವ್ಯಾಳಾಯಾ ತ್ಯಚಾ ಪಾಯಾತ್ ಆಡ್ವಾ ಪಡ್ಲೊ. ‘ಫನ್ ದೇವ್ ದುತಾನಿ ಮನಾ ಆಸ ಕರುನಕೊ ಯೇಸುಚಾ಼ ತುಜಿ ಶಾರ್ಕಾ ಆನಿ ತುಜಾ ಬನ್ಹಿ ಬಾವ್ಹಾಂಚೆ ಶಾರ್ಕಾ ಮೀ ಯೊಕ್ ಸೇವಕ್ ಜಾ಼ಲ್ಯೊ. ಮನ್ಹುನ್ ದೇವಾಲಾ ವವ್ಯಾಳ್ ಕಾ ಮಂಜೆ ಯೇಸುಸ್ ಖರಾ ಪ್ರವಾದನೆಂಚಾ಼ ಸಾಕ್ಷಿ ಜಾ಼ಲ್ಯಾ” ಮನ್ಹುನ್ ಸಾಂಗ್ತೊ.
\s ಪಾಂಡರ‍್ಯಾ ವಾರವಾವ್ನಿ ಜಾ಼ನಾರಾ
\p
\v 11 ನಂತರ್ ಸ್ವರ್ಗ ಉಗಾಡ್‌ಲ್ಯಾಲ ಮೀ ಬಗ್ಲ ಮಾಜೆ ಮೊರ‍್ಹ ಯೊಕ್ ಪಾಂಡ್ರಾ ವಾರು ಹುತ್ತಾ ತ್ಯಚಿವ ಬಸ್‌ಲ್ಯಾಲ್ಯಾಚ಼ ನಾವ್ ಇಸ್ವಾಸಾಚ ಆನಿ ಖರ. ತ್ಯೊ ತೀರ್ಮಾನಾತ್ನಿ ಲಡಾಯಿತ್ನಿ ನೀಯತಿಚಾ಼ ಜಾ಼ಲ್ಥಾ. 
\v 12 ತ್ಯಚ಼ ಡೊಳ ಪೇಟ್ಯಾಲ್ಯಾ ಇಸ್‌ಥ್ಯಾಚೆಗತ್ ದಿಸತ. ತ್ಯಚೆ ಡುಯಿವ ಖುಬ್ ಕಿರಿಟ ಹುತ್ತಿತ. ತ್ಯಚಿವ ಯಾಕ್ ನಾವ್ ಲಿವ್ಲ ಹುತ್ತ, ಫನ್ ತ್ಯಾ ನಾವಾಚಾ಼ ಅರ್ಥ ತ್ಯಲಾ ಸುಡುನ್ ದುಸ್‌ರ‍್ಯಾನಾ ಕುನಾಲಾಸ್ ಸಮಾಜ಼್ಲ ನಾಹಿ. 
\v 13 ತ್ಯಚಾ ರಕ್ತಾತ್ ಬಿಜಿವ್‌ಲ್ಯಾಲಾ ಜ಼ಘಾ ಗ್ಯಾತ್ಲಾ. ತ್ಯಚ಼ ನಾವ್ “ದೇವಾಚಾ ವಾಕ್ಯಾ. ” 
\v 14 ಸ್ವರ್ಗಾಚಾ ಸೈನ್ಯಾ ಪಾಂಡರ‍್ಯಾ ವಾರ್ವಾವ್ನಿ ತ್ಯಚೆ ಮಾಗ್ನಿ ಯಯಿತಿತ. ತೇ ಪಾಂಡ್ರ ಚಾ಼ಂಗ್ಲ ಆಸ್‌ಲ್ಯಾಲ ನಾರ್ಮಡಿಚ಼ ಕಿಮ್ತಚ಼ ಕಪ್ಡ ಗ್ಯಾತ್ಲ. 
\v 15 ವಾರ್ವಾವ ಬಸ್‌ಲ್ಯಾಲ್ಯಾಚಾ ತೊಂಡಾತ್ನಿ ಧಾರಚ಼ ಥಲ್ವಾರ್ ಯಾಕ್ ಬಾಹಿರ್ ಯಯಿತ. ತ್ಯೊ ಲೊಕಾನಾ ಪಾಡಾಯಾ ಹ್ಯ ಥಲ್ವಾರ್ ವಾಫರ್ತೊ. ತ್ಯೊ ಲೊಖಾಂಡಾಚೆ ಕಾಠಿನಿ ಲೊಕಾಂಚಿವ ರಾಜ಼್‌ಭಾರ್ ಕರ್ತೊ. ಸರ್ವಶಕ್ತ ದೇವಾಚಾ಼ ಖುಬ್ ರಾಗ್ ಮಂಥ್ಯಾಲ್ಯಾ ದರಾಕ್ಷಿಚಾ ಖಢ್ಯಾತ್ ದರಾಕ್ಷಿ ತುಡಿವ್ನಾರ್. 
\v 16 ತ್ಯಾ ಜ಼ಘ್ಯಾವ ತ್ಯಚೆ ಮಾಂಡಿವ. \sc “ರಾಜಾಚಾ಼ ರಾಜಾ಼ ಪ್ರಭುಚಾ಼ ಪ್ರಭು” \sc*
\m ಮನ್ಹುನ್ ನಾವ್ ಲಿವ್ಲ ಹುತ್ತ.
\p
\v 17 ನಂತರ್ ಯೊಕ್ ದೇವ್ ದುತ್ ದಿಸಾವ ಉಬಾರಾಯ್‌ಲ್ಯಾಲಾ ಮೀ ಬಗ್ಲಾ. ತ್ಯೊ ದೇವ್‌ದುತ್ ಆಬ್ಳಾತ್ ತಳಾಪತ್ಯಾಲ್ಯಾ ಪಾಕ್ರಾನಾ ಸಗ್‌ಳ್ಯಾ ಆಸ ಸಾಂಗಿತಾ: “ದೇವಾಚಾ ಲಗ್ನಾಚಾ ಜೇವ್ನಾಲಾ ಜ಼ಮುನ್ ಯವಾ. ” 
\v 18 ತುಮಿ ರಾಜ಼ ಆನಿ ದಳಪತಿ ಆನಿ ಪರಾಕ್ರಮಿ ಶಾಲಿಂಚ಼ ಘೊಡ್ಯಾಂಚ಼, ಘೊಡ ಚಾ಼ಲಿವತ್ಯಾಲ್ಯಾಂಚ಼, ಸ್ವತಂತ್ರಂಚ಼, ಗುಲಾಮಾಂಚ಼, ಬ್ಯಾರಕ್ಯಾಂಚ಼, ಆನಿ ಮೊಟ್ಯಾಂಚ಼ ಮಾಸ್ ಖಾಯಾ ಯವಾ. ”
\p
\v 19 ಮಂಗ್ ಮೀ ದುನೆಂಚಾ ರಾಜಾನಾ ಆನಿ ಜ಼ನಾವಾರಾಲಾ ಬಗ್ಲ. ತೇ ವಾರ್ವಾವ ಬಸ್‌ಲ್ಯಾಲ್ಯಾವ ಆನಿ ತ್ಯಚಾ ಸೈನ್ಯಾವ ಲಡಾಯಿ ಕರಾಯಾ ಜ಼ಮುನ್ ಆಲ್ಯಾಲ ಬಗ್ಲ. 
\v 20 ಆನಿ ತ್ಯಾ ಜ಼ನಾವಾರಾಲಾ ಲಬಾಡ್ ಪ್ರವಾದಿನಾ ಕ್ಯೊಂಡ್ಲ. ಹ್ಯಾ ಲಬಾಡ್ ಪ್ರವಾದಿನಿಸ್ ಜ಼ನಾವಾರಾಸಾಟಿ ಚ಼ಮತ್ಕಾರ ಕಿಲಿತ. ಹ್ಯೊ ಲಬಾಡ್ ಪ್ರವಾದಿ ಜ಼ನಾವಾರಾಚಿ ಸಾಕ್ಷಿ ಗ್ಯಾತ್‌ಲ್ಯಾಲಾ ಆನಿ ತ್ಯಚ಼ ಪಾಶಾನ್ ವವ್ಯಾಳ್‌ತ್ಯಾಲ್ಯಾ ಲೊಕಾನಾ ಫಸ್ವಾಯಾ ಹೀ ಚ಼ಮತ್ಕಾರ ಕಿಲಿತ. ಹ್ಯಾ ಲಬಾಡ್ ಪ್ರವಾದಿಲಾ ಜ಼ನಾವಾರಾಲಾ, ಇಸ್ಥು ಆನಿ ಗಂದಕಾನಿ ಪೆಟ್ಯಾಲೆ ತಳಿತ್ ಜಿತ್ತಸ್ ವ್ಹಲ್ಪಟ್ಲ. 
\v 21 ಬಾಕಿಚಾನಾ ವಾರ್ವಾವ ಬಸ್‌ಲ್ಯಾಲ್ಯಾಚಾ ತೊಂಡಾತ್ನಿ ಬಾಹಿರ್ ಆಲ್ಯಾಲ್ಯಾ ಥಲ್ವಾರಾನಿ ಮಾರುನ್ ಟ್ಯಾಕ್ಲ. ಹ್ಯಂಚ಼ ಮಾಸ್ ಪಾಕ್ರಾಂಚಾನಿ ಪ್ವಾಟ್ಬರ್ ಖಾಲ.
\c 20
\s ಹಾಜಾ಼ರ್ ವರ್ಸ
\p
\v 1 ತವಾ ಯೊಕ್ ದೇವ್ ದುತ್ ಸ್ವರ್ಗಾತ್ನಿ ಯತ್ಯಲಾ ಮೀ ಬಗ್ಲಾ. ತ್ಯಚಾ ಹಾತಾತ್ ಪಾತಾಳಾಚಿ ಚಾವಿ ಆನಿ ಎಕ್ ಮುಟಿ ಸಾಕ್ಳಿ ದರ್ಲ್ಯಾಲಿ ಹುತ್ತಿ. 
\v 2 ತ್ಯಾ ದೇವ್ ದುತಾನಿ ಪೈಲಾ ಸಾಪಾಲಾ ದರ್ಲಾ. ತ್ಯೊ ಸಾಪ್ ಭುತ್ ಸೈತಾನ್ ಜಾ಼ಲ್ಯಾಲಾ ಜು಼ನ್ನಾ ಸಾಪ್ ಮಂತ್ಯಾಲಾ. ದೇವ್ ದುತಾನಿ ತ್ಯಲಾ ಸಾಕ್ಳಿನಿ ಬಾಂದುನ್ ಹಾಜಾ಼ರ್ ವರ್ಸ ಕುಂಡುನ್ ಥೆವ್ಲಾ. 
\v 3 ತಿ ಹಾಜಾ಼ರ್ ವರ್ಸ ಸಪಸ್ಪರ‍್ಯಾತ್ ಸೈತಾನಾನಿ ಆನಿಕ್ ಲೊಕಾನಾ ಫಸ್ವುನಾಹಿ ಮನ್ಹುನ್ ದೇವ್ದುತಾನಿ ತ್ಯಾ ಸಾಪಾಲಾ ಪಾತಾಳಾತ್ ಡಕ್ಲುನ್ ದಾರ್ ಲಾವುನ್ ಸಿಕ್ಕಾ ಮ್ಯಾರ್ಲಾ, ತಿ ಹಾಜಾ಼ರ್ ವರ್ಸ ಜಾ಼ಲ್ಯಾ ನಂತರ್ ತ್ಯಲಾ ಥೊಡಿ ಯೆಳ್ ಬಾಹಿರ್ ಶೊಡ್ನಾರ್.
\p
\v 4 ಮಂಗ್ ಮೀ ಥೊಡ ಸಿಂಹಾಸನ್ ಆನಿ ತ್ಯಚಿವ ಲೊಕ ಬಸ್‌ಲ್ಯಾಲಿ ಬಗ್ಲಿತ. ಹ್ಯನಾ ತೀರ್ಮಾನ್ಕರಾಯಾ ಅಧಿಕಾರ್ ದಿಲಾ ಹುತ್ತಾ. ಯೇಸುಚೆ ಸಾಕ್ಷಿಲಾ ಆನಿ ದೇವಾಚಾ ವಚ಼ನಾಲಾ ಇಸ್ವಾಸಾಚಿ ಜಾ಼ಲ್ತಿತ ಮನ್ಹುನ್ ತೂಡುನ್ ಮ್ಯಾರಲ್ಯಾಲ್ಯಾಂಚಾ ಆತಮ್ಯಾನಾ. ತ್ಯಾ ಲೊಕಾಂಚಾನಿ ಜ಼ನಾವಾರ್ ವ್ಹವುನಿ ತ್ಯಚ಼ ಪಾಶಾನ್ ವ್ಹವುನಿ ವವ್ಯಾಳ ನವ್ಥ. ತ್ಯಂಚಾನಿ ಆಪಲ್ಯಾ ಕಪಾಳಾವ ಹಾತಾವ ಜ಼ನಾವಾರಾಚಿ ವಳಕ್ ಗ್ಯಾತ್ಲಿ ನವ್ಥಿ. ತ್ಯಾ ಲೊಕಾಂಚಾನಿ ಆನಿಕ್ ಜೀವ್ನಾ ಗಿಹುನ್ ಯೇಸು ಕ್ರಿಸ್ತಾ ಸಂಗ ಯೇಕ್ ಹಾಜಾ಼ರ್ ವರ್ಸ ರಾಜಾಂಚೆಗತ್ ರಾಜ಼್‌ಬಾರ್ ಕೆಲಾ. 
\v 5 ಮರುನ್ ಗೆಲ್ಯಾಲಿ ಖುಬ್ ಲೊಕ್ ಯೇಕ್ ಹಾಜಾ಼ರ್ ವರ್ಸ ಸೊಪ ಪರೆತ್ ಜೀತಿ ಜಾ಼ಲ್ಹಿ ನಾಹಿತ.
\p ಹ್ಯಸ್ ಪೈಲ ಮರುನ್ ಜಿತ್ತ ಜಾ಼ಲ್ಯಾಲ. 
\v 6 ಪೈಲ್ಯಾ ಪುನರುತಾನಾತ್ ಮಿಸಾಳ್ಯಾಲಿ ಧನ್ಯ ಪವಿತ್ರ ಜಾ಼ಲ್ಯಾತ. ಹ್ಯಾ ಲೊಕಾಂಚಿವ ದೊನವ್ಯಾ ಮರ್ನಾಲಾ ಅಧಿಕಾರ್ ನಾಹಿ. ತೀ ಲೊಕ ದೇವಾಲಾ ಆನಿ ಕ್ರಿಸ್ತಾಲಾ ಯಾಜಕ್ ಜಾ಼ಲ್ಯಾತ. ತೇ ತ್ಯಂಚಿ ಸಂಗ ಯೇಕ್ ಹಾಜಾ಼ರ್ ವರ್ಸ ರಾಜ಼್‌ಬಾರ್ ಚಾ಼ಲಿವ್ನಾರ್.
\s ಸೈತಾನ್ ಹರ್‌ಲ್ಯಾಲ
\p
\v 7 ಯೇಕ್ ಹಾಜಾ಼ರ್ ವರ್ಸ ಸೊಪ್‌ಲ್ಯಾವ. ಸೈತಾನಾಲಾ ತ್ಯಚಾ ಬಾಂದನಾತ್ನಿ ಶೊಡ್ನಾರ್. 
\v 8 ಸೈತಾನಾನಿ ಗೊಗ್ ಆನಿ ಮಾಗೊಗ್ ಲೊಕಾನಾ ಫಸ್ವಾಯಾ ಧರ್ಥಿವ ಸಗ್ಳಿಕ್ಡ ಜಾ಼ವುನ್ ತ್ಯಾ ಲೊಕಾನಾ ಲಡಾಯಿಲಾ ಮಿಳಿವ್ತೊ. ತಿ ಸಮಿಂದೊರಾತ್ಲೆ ವಾಳ್ವಯವ್ಡಿ ಹುತ್ತಿತ.
\p
\v 9 ಸೈತಾನಾಚ಼ ಸೈನ್ಯಾ ಧರ್ಥಿವ ಪಗಳುನ್ ದೇವಾಚಾ ಲೊಕಾನಾ ಮಾಯೆಚೆ ಪೆಠಲಾ ದರ‍್ನಾರ್. ಫನ್ ಸ್ವರ್ಗಾತ್ನಿ ಇಸ್ತು ಯವುನ್ ತ್ಯಂಚಾ಼ ನಾಸ್ ಕರ‍್ನಾರ್. 
\v 10 ಲೊಕಾನಾ ಫಸಿವ್‌ಲ್ಯಾಲ್ಯಾ ತ್ಯಾ ಸೈತಾನಾಲಾ ಇಸ್ಥು ಗಂದಕ್ ಪೆಟ್ಯಾಲೆ ತಳಿತ್ ವ್ಹಲ್ಪಟ್ಲಾ. ತಿಥ ಜ಼ನಾವಾರ್ ಹುತ್ತ. ಲಬಾಡ್ ಪ್ರವಾದಿ ಹುತ್ತ. ತಿಥ ತೀ ರ‍್ಯಾತ್ ದೀಸ್ ಕಾವಾಬಿ ತರಾಸ್ ಕರುನ್ ಗಿಹಿತಿತ.
\s ಸರ್ತಾ ನ್ಯಾಯಿ ತಿರ್ಪ
\p
\v 11 ಮಂಗ್ ಮೀ ಯಾಕ್ ಪಾಂಡ್‌ರ‍ ಮೊಟ ಸಿಂಹಾಸನ್ ಆನಿ ತ್ಯಚಿವ ಬಸ್‌ಲ್ಯಾಲ್ಯಾಲಾ ಬಗ್ಲಾ. ದರ್ಥಿ ಆನಿ ಆಬಾಳ್ ತ್ಯಚಿಪ್ನಿ ಪಳುನ್ ಜಾ಼ವುನ್ ಗಯಿಪ್ ಜಾ಼ಲಿತ. 
\v 12 ಮೆಲ್ಯಾಲಿ ಬ್ಯಾರ್ಕಿ ಆನಿ ಮೊಟಿ ಸಿಂಹಾಸನಾಚೆ ಮೊರ‍್ಹ ಉಬಿ ಹುತ್ತಿತ. ತವಾ ಪುಸ್ತಕ ಉಗಾಡ್ಲಿತ. ತವಾ ಶಾಸ್ವತ್ ಜೀವಾಚ಼ ಪುಸ್ತಕ್ ಮಂಥ್ಯಾಲ ಆನಿ ಯಾಕ್ ಪುಸ್ತಕ್ ಉಗಾಡ್ಲಹುತ್ತ. ಮೆಲ್ಯಾಲ್ಯಾ ಹ್ಯಾ ಲೊಕಾನಾ ತ್ಯಂಚಾನಿ ಕೇಲ್ಯಾಲ್ಯಾ ಕಾಮಾಚಾ ಆಧಾರಾವ ತೀರ್ಪ್ ದಿಲಾ. ಹ್ಯಾ ಪುಸ್ತಕಾತ್ ಲಿವ್‌ಲ್ಯಾ.
\p
\v 13 ಸಮಿಂದೊರಾನಿ ಆಪ್ಲಿಪ ಮೇಲ್ಯಾಲ್ಯಾನಾ ತಾಬ್ಯಾತ್ ದಿಲಿತ. ಮರ‍್ನಾನಿ ಪಾತಾಳಾನಿ ಆಪ್ಲಿಪ ಆಸ್‌ಲ್ಯಾಲ್ಯಾ ಮೇಲ್ಯಾಲ್ಯಾ ಲೊಕಾನಾ ತಾಬ್ಯಾತ್ ದಿಲಿತ. ಪರ್ತೇಕ್ ಮಾನ್ಸಾಲಾ ತ್ಯಚಾ ತ್ಯಚಾ ಕಾಮಾನಿಸ್ ತ್ಯಚಾ಼ ನ್ಯಾಯಿ ಇಚಾರ್ ವ್ಹನಾರ್. 
\v 14 ಮಂಗ್ ಮೇಲ್ಯಾಲ್ಯಾನಾ ಪಾತಾಳಾತಲ್ಯಾನಾ ಇಸ್‍ಥ್ಯಾಚೆ ತಳಿತ್ ವ್ಹಲ್ಪಟ್ನಾರ್. ಹೀ ಇಸ್‌ಥ್ಯಾಚಿ ತಳಿ ದೊನ್ವ ಮರಾನ್. 
\v 15 ಶಾಶ್ವತ್ ಜೀವಾಚಾ ಪುಸ್ತಕಾತ್ ಕುನಾಚ಼ ನಾವ್ ಲಿವ್ಲ ನಾಹಿ ತ್ಯಾ ಮಾನ್ಸಾಲಾ ಇಸ್‌ಥ್ಯಾಚೆ ತಳಿತ್ ವ್ಹಲ್ಪಟ್ನಾರ್.
\c 21
\s ನವಿ ದರ್ತಿ ಆನಿ ನವ ಆಬಾಳ್
\p
\v 1 ನಂತರ್ ನವ ಆಬಾಳ್ ಆನಿ ನವಿ ಧರ್ಥಿ ಮೀ ಬಗ್ಲಿ. ಪೈಲ ಆಬಾಳ್ ಆನಿ ಧರ್ಥಿ ನಾಹಿ ಜಾ಼ಲಿ. ತಿಥ ಸಮಿಂದೊರ್ ನವ್ಥಾ. 
\v 2 ಹ್ಯ ಪರಿಶುದ್ದ ನಗರುಸ್ ನವಿ ಯೆರುಸಲೇಮ್. ನವರ‍್ಹಿ ಆಪ್‍ಲ್ಯಾ ನವರ‍್ಯಾ ಸಾಟಿ ಸಜ್ಲಿ ಹುತ್ತಿ. ಪರಿಶುದ್ದ ನಗರ್ ಸ್ವರ್ಗಾತ್ನಿ ದೇವಾಪ್ನಿ ಯತ್ಯಾಲಿ ಮೀ ಬಗ್ಲ.
\p
\v 3 ಸಿಂಹಾಸನಾವ್ನಿ ಯೊಕ್ ಮೊಟಾ ಆವಾಜ಼್ ಮೀ ಐಕ್ಲಾ. ತ್ಯೊ ಆವಾಜ಼್, “ಆತಾ ದೇವಾಚ಼ ಘರ್ ಲೊಕಾಂಚೆ ಸಂಗ ಹಾ. ತ್ಯೊ ತ್ಯಂಚಿ ಸಂಗ ರಾಥೊ. ತೀ ತ್ಯಚಿ ಜಾ಼ಲ್ಯಾತ. ದೇವ್ ಆಪ್ನುಸ್ ತ್ಯಂಚಿ ಸಂಗ ರಾಥೊ ಆನಿ ತ್ಯಂಚಾ಼ ದೆವ್ ಜಾ಼ಲ್ಥಾ. 
\v 4 ದೇವ್ ತ್ಯಂಚಿ ಟಿಪ ಸಗಳಿ ಪುಸ್ನಾರ್. ತಿಥ ಆಜು಼ನ್ ಮರಾನ್ ನಾಹಿ, ದುಖ ನಾಹಿ. ಲೊಳಾಚ಼ ನಾಹಿ, ಆನಿ ಪಿಡಾ ರಾಹಿತ್ನಾಹಿ. ಜು಼ನ್ನಾ ಮಾರೊಗ್ ಸಗ್ಳಾ ಗೇಲಾ, ಮನ್ಹುನ್ ಸಾಂಗ್ತ.
\p
\v 5 ಸಿಂಹಾಸನಾವ ಬಸ್‌ಲ್ಯಾಲ್ಯಾನಿ, “ಬಗ್! ಮೀ ಸಗ್ಳ ನವ ಉತ್ಪನ್ ಕರ್ತೊ!” ಮನ್ಹುನ್ ಸಾಂಗ್ಲ. ನಂತರ್ ತ್ಯೊ, “ಹ್ಯಾ ವಾಕ್ಯಾ ಖರ‍್ಯಾಚಾ ಆನಿ ಇಸ್ವಾಸಾಚಾ ಜಾ಼ಲ್ಯಾತಾ ಮನ್ಹುನ್ ಹ್ಯ ಲಿವ್” ಮನ್ಲಾ.
\p
\v 6 ಸಿಂಹಾಸನಾವ ಬಸ್‌ಲ್ಯಾಲಾ ಮನಾ ಆಸಾ ಮನ್ಲಾ. ಸಗ್ಳ ಜಾ಼ಲ್ಹ! ಅಲ್ಪಾ ಉಮೆಗಾ ಹ್ಯಚಾ಼ ಅರ್ಥ ಮಿಸ್ ಪೈಲಾ ಸೆವಟಚಾ಼ ಜಾ಼ಲ್ಯೊ. ಮೀಸ್ ಸುರುವಾತ್ ಆನಿ ಸರ್ತಾ ಜಾ಼ಲ್ಯೊ. ತಾನ್ಯಾಲ್ಯಾಲ್ಯಾನಾ ಮೀಸ್ ಜಿವಾಚಾ ಜ಼ರ‍್ಯಾತ್ನಿ ಪಾನಿ ಫುಕಟ್ ದೇತೊ.
\p
\v 7 ಜಿತ್‌ಲ್ಯಾಲಾ ಹ್ಯ ಸಗ್ಳ ಗೆಥೊ. ಮೀ ತ್ಯಚಾ಼ ದೇವ್ ಜಾ಼ಲ್ಯೊ. ತೀ ಮಾಜಿ ಪೊರ ವ್ಹವುನ್ ರಾಥ್ಯಾತ. 
\v 8 ಫನ್ ಬಿತ್ರ, ಇಸ್ವಾಸ್ ನಸ್‌ಲ್ಯಾಲ್ಯಾನಾ, ಬುರ್ಸಿ ಕಾಮ ಕರ್ತ್ಯಾಲ್ಯಾನಾ, ಘಾತಕ್ಯಾನಾ, ಶಾರೀರಿಕ್ ಪಾಪ್ ಕರ್ತ್ಯಾಲ್ಯಾನಾ, ಘಾಡ್‍ಫನ್ ಕರ್ತ್ಯಾಲ್ಯಾನಾ, ಪಾಶಾನ ವವ್ಯಾಳತ್ಯಾಲ್ಯಾನಾ, ಲಬಾಡಾನಾ ಗಾವ್‍ತ್ಯಾಲಾ ಜಾ಼ಗಾ ಗಂದಕಾಚಾ಼ ಇಸ್ಥು ಪೆಟ್ಯಾಲೆ ನರ್ಕಾಚೆ ತಳಿತ್, ಹ್ಯ ದೊನ್ವ ಮರಾನ್ ವ್ಹನಾರ್.
\s ನವಿ ಯೆರುಸಲೆಮ್
\p
\v 9 ಸರ್ತ್ಯಾ ಸಾತ್ ಪಿಡಾ ಆಪ್‌ಲ್ಯಾ ಐದಾನಾತ್ ಬರ್‌ಲ್ಯಾಲ ಸಾತ್ ಜಾ಼ನ್ ದೇವ್ ದುತಾತ್ಲಾ ಯೊಕ್ ಮಾಜಿಪ ಯವುನ್, “ಮಾಜಿ ಸಂಗ ಯೇ. ಮೆಂಡ್ರಾಚ಼ ಪ್ವಾರ್ ಜಾ಼ಲ್ಯಾಲ್ಯಾಚಿ ನವರ‍್ಹಿ ಮೀ ತುಲಾ ದ್ಯಾವ್ತೊ. ಮನ್ಲಾ. 
\v 10 ತ್ಯೊ ದೇವ್ದುತ್ ಪವಿತ್ರಾತ್ಮಾಚಾ ಹಾತಾತ್ ಆಸ್‌ಲ್ಯಾಲ್ಯಾ ಮನಾ ಖುಬ್ ಮೊಟ್ಯಾ ಆನಿ ಉಚ಼್ ಆಸ್‌ಲ್ಯಾಲ್ಯಾ ಕನ್ಯಾವ ಗಿಹುನ್ ಗೇಲಾ. ದೇವ್ ದುತಾನಿ ಮನಾ ಪವಿತ್ರ ನಗರ್ ಜಾ಼ಲ್ಯಾಲ ಯೆರುಸಲೇಮ್ ದ್ಯಾವ್ಲ. ತೇ ನಗರ್ ಸ್ವರ್ಗಾತ್ನಿ ದೇವಾಪ್ನಿ ಯಯಿತ.
\p
\v 11 ತ್ಯ ನಗರ್ ದೇವಾಚಾ ವೈಭವಾನಿ ದಿಸತ. ತೇ ಖುಬ್ ಕಿಮ್ತಿಚಾ ವಜ್ರಾಚೆಗತ್ ದಿಸತ. ಕಿಮ್ತಿಚಾ ರತ್ನಾಚೆಗತ್ ಪಳ್ಪಳಿತ. 
\v 12 ತ್ಯಾ ನಗರಾಲಾ ಬಾರಾ ದಾರ ಆಸ್‌ಲ್ಯಾಲ ಸಗ್‍ಳ್ಯಾತ್ ಉಚ಼್ ಆಸ್‌ಲ್ಯಾಲಿ ಭೀತ್ ಹುತ್ತಿ. ತ್ಯಾ ದಾರಾಪ್ನಿ ಬಾರಾ ಜಾ಼ನ್ ದೇವ್ ದುತ್ ಹುತ್ತ. ಬಾರಾ ದಾರಾವ್ನಿ ಇಸ್ರಾಯೆಲಾಂಚಾ ಬಾರಾ ಕುಳಿಂಚ಼ ನಾವ್ ಲಿವ್ಲ ಹುತ್ತ. 
\v 13 ಉಗಾವ್ತಿ ತೀನ್ ದಾರ್, ಉತ್ತರಾಕ್ಡ ತೀನ್ ದಾರ, ದಕ್ಷಿನಾತ್ ತೀನ್ ದಾರ ಆನಿ ಮಾವಾಳ್‍ತ್ಯಾಕ್ಡ ತೀನ್ ದಾರ ಹುತ್ತಿತ. 
\v 14 ತ್ಯಾ ನಗರಾಚಾ ಬಿಥಿ ಬಾರಾ ಪಾಯಾವ್ನಿ ಬ್ಯಾಂದಲ್ಯಾ ಹುತ್ಯಾ. ತೇ ದೊಂಡ್ಯಾವ ಮಿಂಡುರ್ ಜಾ಼ಲ್ಯಾಲ್ಯಾ ಬಾರಾಜಾ಼ನ್ ಅಪೊಸ್ತಲಾಂಚ಼ ನಾವ್ ಲಿವ್ಲ ಹುತ್ತ.
\p
\v 15 ಮಾಜಿ ಸಂಗ ಬೊಲ್ಯಾಲ್ಯಾ ದೇವ್ದುತಾಪ ಸೊನ್ಯಾಚಾ ಮಾಪಾಚಿ ಕಾಠಿ ಹುತ್ತಿ. ತ್ಯಾ ನಗರಾಲಾ ತ್ಯಚಾ ದಾರಾನಾ ಆನಿ ತ್ಯಚಾ ಬಿಥಿನಾ ದೇವ್ದುತ್ ತೇ ಕಾಠಿನಿ ಮಾಪಿತಾ. 
\v 16 ನಗರಾಲಾ ಚೌ಼ಕ್ ಬ್ಯಾಂದ್ಲ ಹುತ್ತ. ತ್ಯಚಿ ಲಾಂಬಿ ತ್ಯಚೆ ರುಂದಾಯಿ ಯವ್ಡಿ ಹುತಿ. ದೇವ್ದುತಾನಿ ಆಪ್ಲೆ ಮಾಪಾಚೆ ಕಾಠಿನಿ ನಗರ್ ಮ್ಯಾಪ್ಲ. ನಗರ್ 1, 500 ಮೈಲ್ ಲಾಂಬ್ಡ, 1, 500 ಮೈಲ್ ರುಂದ್ ಆನಿ 1, 500 ಮೈಲ್ ಉಚ಼್ ಹುತ್ತ. 
\v 17 ದೇವ್ದುತಾನಿ ಬಿಥಿ ಮ್ಯಾಪ್‌ಲ್ಯಾ, ತ್ಯಾ ಮಾನ್ಸಾಚಾ ಹಾತಾನಿ 216 ಹಾತ್ ಹುತ್ತ. ದೇವ್ದುತಾನಿ ವಾಫರ್‌ಲ್ಯಾಲಿ ಕಾಠಿಸ್ ತೀ. 
\v 18 ಬಿಥಿ ದಿಸಾಚಾ ಕಾಂತಾಚಾ ದೊಂಡ್ಯಾನಿ ಕೇಲ್ಯಾತಾ. ನಗರ್ ಕಾಚ಼ಚೆಗತ್ ಸೊನ್ಯಾನಿ ಕೇಲ್ಯಾಲ.
\p
\v 19 ನಗರಾಚಾ ಬಿಥಿ ಪಾಯಾಚಾ ದೊಂಡ್ಯಾತ್ ಖುಬ್ ತರಚಿ ಕಿಮ್ತಿಚಿ ರತ್ನ ಹುತ್ತಿತ. ಆಂದಿಚಾ ಕೊನ್ಯಾವ್ಲಾ ದೊಂಢಾ ವಜ್ರ, ದೊನವ್ಯಾ ಪಾಯಾಚಾ಼ ದೊಂಢಾ ವೈಢುರ‍್ಯ, ತಿನವ್ಯಾ ಪಾಯಾಚಾ಼ ದೊಂಢಾ ಪಚ್ಚೆ, ಚಾರವ್ಯಾ ಪಾಯಾಚಾ಼ ದೊಂಢಾ ಪದ್ಮರಾಗ್, 
\v 20 ಪಾಚವ್ಯಾ ಪಾಯಾಚಾ಼ ದೊಂಢಾ ಗೊಮೆಧಿಕ, ಸಾವ್ಯಾ ಪಾಯಾಚಾ಼ ದೊಂಢಾ ಮಾಣಿಕ್ಯ, ಸಾತವ್ಯಾ ಪಾಯಾಚಾ಼ ದೊಂಢಾ ಪೀತರತ್ನ, ಆಟ್ವ ಬೇರುಲ್ಲ, ನವ ಪುಷ್ಪರಾಗ್, ದಾವ್ಹ ಗರುಡಪಚ್ಚೆ, ಆಕ್ರಾವ ಇಂದ್ರನಿಲ್ ಆನಿ ಬಾರವ ನೀಲಸ್ಫಟಿಕ. 
\v 21 ಬಾರಾ ದಾರ ಬಾರಾ ಮುತ್ ಜಾ಼ಲ್ತಿತ. ಪರತೇಕ್ ದಾರ್ ಯಕಾ ಯಕಾ ಮುತ್ತಾನಿ ಕೆಲ್ತ. ನಗರಾಚಿ ಪಾಂದಿ ಕಾಚ಼ಚೆಗತ್ ಚಾ಼ಂಗ್ಲ ಆಸ್‌ಲ್ಯಾಲ್ಯಾ ನಿರ್ಮಳ್ ಸೊನ್ಯಾನಿ ಕಿಲ್ತಿ.
\p
\v 22 ಮೀ ನಗರಾತ್ ಯಾಕ್ ಘರ್ಬಿ ಬಗ್ಲ ನಾಹಿ. ಸರ್ವಶಕ್ತ ಜಾ಼ಲ್ಯಾಲಾ ದೇವ್ ಆನಿ ಮೆಂಡುರ್ ಜಾ಼ಲ್ಯಾಲಾ ಯೇಸು ನಗರಾಚ಼ ಘರ್ ಜಾ಼ಲ್ಯಾ. 
\v 23 ನಗರಾವ ದೀಸ್ ವ್ಹವುನಿ ಚಾ಼ಂದ್ ವ್ಹವುನಿ ವ್ಹಯಿ ಜಾ಼ಲ್ಹ ನಾಹಿ. ದೇವಾಚಾ಼ ಉಜಿಡ್ ತ್ಯಾ ನಗರಾಲಾ ಉಜಿ಼ಡ್ ಜಾ಼ಲ್ತಾ. ಮೆಂಡಾರ್ ಜಾ಼ಲ್ಯಾಲಾ ನಗರಾಲಾ ದಿವ್ವಾ ಜಾ಼ಲ್ಥಾ.
\p
\v 24 ಮೆಂಡಾರ್ ಜಾ಼ಲ್ಯಾಲ್ಯಾನಿ ದಿಲ್ಯಾಲ್ಯಾ ಉಜಿಡಾನಿ ದುನೆಚಿ ಲೊಕ ಚಾ಼ಲತ್ಯಾತ. ದುನೆಚ಼ ರಾಜ಼ ಆಪ್ಲ ಧನ್ ನಗರಾಲಾ ಆಂತ್ಯಾತ. 
\v 25 ನಗರಾಚಿ ದಾರ ಕಂದಿಸ್ ಜಾ಼ಕತ್ನಾಹಿತ. ಕಾ ಮಂಜೆ ತಿಥ ರ‍್ಯಾತುಸ್ ನಾಹಿ. 
\v 26 ಲೊಕಾಂಚಾ಼ ವೈಭವ್ ಆನಿ ಧನ್ ನಗರಾಲಾ ಯತ. 
\v 27 ಪರಿಶುದ್ದ ನಸ್‌ಲ್ಯಾಲ ಕಚ಼ಸ್ ಯಯಿತ್ನಾಹಿ ಅವ್ಮಾನಾಚಿ ಕಾಮ ಕರ್ತ್ಯಾಲಾ ವ್ಹವುನಿ ಲಬಾಡ್ ಸಾಂಗ್‌ತ್ಯಾಲಾ ವ್ಹವುನಿ ನಗರಾತ್ ಕಂದಿಸ್ ಜಾ಼ಯಿತ್ನಾಹಿ. ಮೆಂಡಾರ್ ಜಾ಼ಲ್ಯಾಲ್ಯಾನಿ ಶಾಶ್ವತ್ ಜೀವಾಚಾ ಪುಸ್ತಕಾತ್ ಕುನಾಚ಼ ನಾವ್ ಲಿವ್‍ಲ್ಯಾ ತೇ ತ್ಯವ್ಡಸ್ ತ್ಯಾ ನಗರಾತ್ ಜಾ಼ನಾರ್.
\c 22
\p
\v 1 ತವಾ ದೇವ್ ದುತಾನಿ ಮನಾ ಜೀವಾಚಾ ಜರ‍್ಯಾಚಿ ನ್ಹ ದ್ಯಾವ್ಲಿ. ತೀ ನ್ಹ ಸ್ಪಟಿಕಾಂಚೆಗತ್ ಉಜಿಡ್ ಜಾ಼ಲ್ತಿ. ತೀ ನ್ಹ ದೇವಾಚಾ ಆನಿ ಮೆಂಡುರ್ ಜಾ಼ಲ್ಯಾಲ್ಯಾಚಾ ಸಿಂಹಾಸನಾಪ್ನಿ ಆಲ್ತಿ, 
\v 2 ನಗರಾಚೆ ಪಾಂದಿಚೆ ಮದ್ನಿ ವ್ಹಾವತಿ. ತೆ ನ್ಹಚೆ ದುನಿ ದರನಿ ಜೀವಾಚ಼ ಜಾ಼ಡ್ ಹುತ್ತ. ತ್ಯ ಪರತೇಕ್ ಮೈನ ಫಳ ದಿಯಿತ ವರ್ಸಾತ್ ಬಾರಾತರಚಿ ಫಳ ದಿಯಿತ. ತ್ಯಾ ಜಾ಼ಢಾಂಚಿ ಪಾನ ಲೊಕಾಂಚಾ ಅರೊಗ್ಯ ಸಾಟಿ ಉಪೆಗ್ ಕರಿತಿತ.
\p
\v 3 ದೇವಾಪ್ನಿ ಸರಾಪ್ ಗೇತಲ್ಯಾಲ ಕೊನುಸ್ ತೇ ಪೇಠತ್ ರಾಹಿತ್ನಾಹಿ. ದೇವ್ ಆನಿ ಮೆಂಡುರ್ ಜಾ಼ಲ್ಯಾಲ್ಯಾಚ಼ ಸಿಂಹಾಸನ್ ತ್ಯಾ ನಗರಾತ್ ರಾಥ. ದೇವಾಚ಼ ಸೇವಕ್ ತ್ಯಲಾ ವವ್ಯಾಳ್‍ತ್ಯಾತ. 
\v 4 ತೇ ತ್ಯಚ಼ ತ್ವಾಂಡ್ ಬಗ್‌ತ್ಯಾತ. ದೇವಾಚ಼ ನಾವ್ ತ್ಯಂಚಾ ಕಪಾಳಾವ ಲಿವ್ನಾರ್. 
\v 5 ತಿಥ ರ‍್ಯಾತ್ ಮನ್ಹಾಚಿ ರಾನ್ಹಾರ್ ನಾಹಿ. ಲೊಕಾನಾ ದಿವ್ಯಾಚಾ಼ ಉಜಿಡ್ ವ್ಹವುನಿ ದಿಸಾಚಾ಼ ಉಜಿಡ್ ವ್ಹವುನಿ ವ್ಹಯಿ ಲಾಗತ್ ನಾಹಿ. ಪ್ರಭಾವಾಚಾ಼ ದೇವುಸ್ ತ್ಯನಾ ಉಜಿ಼ಡ್ ದೇತೊ. ತೇ ಖಾಯಿಮ್ ರಾಜಾಂಚೆಗತ್ ರಾಜ಼್‌ಬಾರ್ ಚಾ಼ಲಿವತ್ಯಾತ.
\s ಯೇಸುಚ಼ ಯನ
\p
\v 6 ತ್ಯಾ ದೇವ್ ದುತಾನಿ ಮನಾ, “ಹ್ಯಾ ವಾಕ್ಯಾ ಖರ‍್ಯಾ ಇಸ್ವಾಸಾಚಾ ಜಾ಼ಲ್ಯಾತಾ. ಪ್ರವಾದಿನಾ ಪ್ರಭು ಜಾ಼ಲ್ಯಾಲ್ಯಾ ದೇವಾಚ಼ ಆತ್ಮ ದಿಲ್ಯಾ. ಬಿಗಿನಿ ವ್ಹತ್ಯಾಲ್ಯಾ ಖನ್ಕತಿ ಆಪ್‌ಲ್ಯಾ ಸೇವಕಾನಾ ದಾವಾಯಾ ದೇವಾನಿ ಆಪ್‌ಲ್ಯಾ ದುತಾಲಾ ಲಾವುನ್ ದಿಲ್ಯಾ: 
\v 7 “ಬಗಾ ಮಿ ಬಿಗಿನಿ ಯನಾರ್ ಹ್ಯಾ ಪುಸ್ತಕಾತ್ ಆಸ್‌ಲ್ಯಾಲ್ಯಾ ಪ್ರವಾದನೆಚಾ ವಾಕ್ಯಾ ಕೊನ್ ಪ್ಯಾಳ್ತೊ ತ್ಯೊ ದನ್ಯ” ಮನ್ಲಾ.
\p
\v 8 ಹ್ಯ ಸಗ್ಳ ಐಕ್‌ಲ್ಯಾಲಾ ಆನಿ ಬಗ್‌ಲ್ಯಾಲಾ ಮೀಸ್ ಯೊಹಾನ್. ಮೀ ಹ್ಯ ಸಗ್ಳ ಐಕುನ್, ಬಗ್ಲ ತವಾ, ಮನಾ ಹ್ಯ ಸಗ್ಳ ದ್ಯಾವ್‍ಲ್ಯಾಲ್ಯಾ ದೇವ್‍ ದುತಾಲಾ ವವ್ಯಾಳಾಯಾ ತ್ಯಚಾ ಪಾಯಾತ್ ಆಡ್ವಾ ಪಡ್ಲೊ. 
\v 9 ಫನ್ ತ್ಯಾ ದೇವ್ ದುತಾನಿ, “ಮನಾ ವವ್ಯಾಳು ನಕೊಸ್! ಮೀ ತುಜಿಗತುಸ್, ಹ್ಯಾ ಪುಸ್ತಕಾತ್‌ಲ್ಯಾ ವಾಕ್ಯಾ ಪ್ಯಾಳ್‌ತ್ಯಾಲ್ಯಾಂಚೆಗತ್ ಸಗ್‌ಳ್ಯಾ ಲೊಕಾಂಚೆಗತ್ ಆನಿ ತುಜ಼ ಬಾಹು ಜಾ಼ಲ್ಯಾಲ್ಯಾ ಪ್ರವಾದಿಂಚೆಗತ್ ಯೊಕ್ ಸೇವಕ್, ತಸ ಕರುನಕೊ ದೇವಾಲಾ ವವ್ಯಾಳಾಯಾ ವ್ಹಯಿಸ್!” ಮನ್ಲಾ.
\p
\v 10 ಮಂಗ್ ದೇವ್ ದುತಾನಿ ಮನಾ, “ಹ್ಯಾ ಪುಸ್ತಕಾತ್ ಆಸ್‌ಲ್ಯಾಲ್ಯಾ ಪ್ರವಾದನೆಚಾ ವಾಕ್ಯಾ ದಡ್ವುನ್ ಥಿವುನಕೊಸ್. ಹ್ಯ ಸಗ್ಳ ವ್ಹತ್ಯಾಲ ಕಾಲ್ ಜ಼ವಳ್ ಆಲ್ಯಾತ. 
\v 11 ಚು಼ಕ್ ಕರ್ತ್ಯಾಲಾ ಚು಼ಕ್ ಕರೀತುಸ್ ಜಾ಼ವುನಿ. ಬುರ್ಸಾ ಜಾ಼ಲ್ಯಾಲಾ ಬುರ್ಶಾತುಸ್ ಮೊರ‍್ಹ ಜಾ಼ವುನಿ. ಉಪೇಗ್ ಆಸ್‌ಲ್ಯಾಲಾ ಉಪೇಗ್ ಆಸ್‌ಲ್ಯಾಲಸ್ ಕರುನಿ. ಪರಿಶುದ್ದ ಆಸ್‌ಲ್ಯಾಲಾ ಪರಿಶುದ್ದ ರಾಹುನಿ” ಮನ್ಲಾ.
\p
\v 12 “ಬಗ್! ಮಿ ಬಿಗಿನಿ ಯತೊ! ಮಾಜಿ ಸಂಗ ಪ್ರತಿಫಳ್ ಆಂತೊ. ಪರತೇಕ್ ಮಾನ್ಸಾಲಾ ತ್ಯನಿ ಕೆಲ್ಯಾ ಶಾರ್ಕ ಪ್ರತಿ ಫಳ್ ದೇತೊ. 
\v 13 ಮೀಸ್ ಪೈಲಾ ಆನಿ ಸೆವಟಚಾ಼ ಜಾ಼ಲ್ಯೊ. ಆಂದಿಚಾ಼ ಆನಿ ಸರ್ತಾ ಜಾ಼ಲ್ಯೊ.
\p
\v 14 ಆಪ್ಲಾ ಜ಼ಘಾ ದುತ್‌ಲ್ಯಾಲಿ ಲೊಕ ದನ್ಯ ಜಾ಼ಲ್ಯಾತ. ತೀ ಜೀವಾಚಾ ಜಾ಼ಢಾಚ಼ ಫಳ ಖಾಯಾಲಾ ಹುಕುಮ್ ಆಸ್‌ಲ್ಯಾಲಿ ಜಾ಼ಲ್ಯಾತ. ತೀ ದಾರಾನಿ ನಗರಾತ್ ಜಾ಼ವುಂತ. 
\v 15 ನಗರಾಚೆ ಬಾಹಿರ್ ಲೊಕಾನಾ ವಾಟ್ ಚು಼ಕಿವ್‌ತ್ಯಾಲಿ ಹಾತ್ತ, ಬುರ್ಸ ಘಾಡ್‍ಫನ್ ಕರ್ತ್ಯಾಲಿ ಲೊಕ್ ಹಾತ್ತ. ಘಾತ್ಕಿ ಹಾತ್ತ, ಪಾಶಾನ ವವ್ಯಾಳ್‌ತ್ಯಾಲಿ ಲೊಕ ಹಾತ್ತ ಆನಿ ಲಬಾಡಾಲಾ ಮಾಯಾ ಕರ್ತ್ಯಾಲಿ ಆನಿ ಸಾಂಗ್‌ತ್ಯಾಲಿ ಲೊಕ ಹಾತ್ತ.
\p
\v 16 “ಮೀ ಯೇಸು ಮಾಜಾ ಸ್ವರ್ಗಾತ್‌ಲ್ಯಾ ದುತಾಲಾ ಲಾವುನ್ ದಿಲ್ಯಾ, ಮಾಜೆ ಸಭೆತ್ ವಾಫರ್ಲ್ಯಾಲ ವ್ಹವುನ್ ಹ್ಯಾ ಖನ್ಕತಿಚೆ ಗುಶ್ಟಿತ್ ವಳಕ್ ದಿಯಾಲಾ ಮನ್ಹುನ್. ಮೀಸ್ ಮುಳ್ ದಾವಿದಾಚಾ ವಂಶಾತ್ಲಾಸ್ ಉಜಿಡಾಚಾ಼ ಮಾನುಸ್ ಜಾ಼ಲ್ಯಾಲಾ ಉಜಿಡಾಚಿ ಚಾನ್ನಿ ಜಾ಼ಲ್ಯೊ.”
\p
\v 17 ಪವಿತ್ರಾತ್ಮ ಆನಿ ನವರ‍್ಹಿ. “ಯೇ” ಮಂಥ್ಯಾತ. ಹ್ಯ ಐಕ್‌ತ್ಯಾಲಾ ಪರತೇಕ್ ಮಾನುಸ್, “ಯೇ” ಮನ್ಹುನ್ ಸಾಂಗಾಯಾ ವ್ಹಯಿ. ತಾನ್ ಲಾಗ್‌ಲ್ಯಾಲಾ ಮಾಜಿಪ ಯವುನಿ ತ್ಯಲಾ ಜೀವಾಚಾ಼ ಜ಼ರ‍್ಹಾ ಫುಕಟ್ ಗಿಹುನಿ.
\s ಸರ್ತ ಸಬ್ದ
\p
\v 18 ಹ್ಯಾ ಪುಸ್ತಕಾತ್ ಆಸ್‌ಲ್ಯಾಲ್ಯಾ ಪ್ರವಾದನಾಚಾ ವಾಕ್ಯಾ ಐಕ್‌ಲ್ಯಾಲ್ಯಾ ಪರತೇಕಾಲಾ ಮೀ ಜಾ಼ಗ್ರುತ್ ದೇತೊ. ಹ್ಯಾ ವಾಕ್ಯಾನಾ ಕುನಿತರಿ ಕಾಯ್ತರಿ ಮಿಳಿವ್ಲತ, ತ್ಯಲಾ ದೇವ್ ಹ್ಯಾ ಪುಸ್ತಕಾತ್‌ ಲಿವ್‍ಲ್ಯಾಲ್ಯಾ ಪಿಡಾ ದೆನಾರ್. 
\v 19 ಹ್ಯಾ ಪ್ರವಾದನೆಚಾ ಪುಸ್ತಕಾತ್ನಿ ಕುನಿತರಿ ಕಾಯ್ತರಿ ಕಾಡುನ್ ಟ್ಯಾಕ್ಲತ, ದೇವ್ ಹ್ಯಾ ಪುಸ್ತಕಾತ್ ಲಿವ್‌ಲ್ಯಾಲೆ ಪವಿತ್ರ ಪೆಠತ್ ಜಿವಾಚಾ ಜಾ಼ಢಾತ್ ತ್ಯಲಾ ಆಸ್‌ಲ್ಯಾಲಿ ವಾಟ್ನಿ ಕಾಡುನ್ ಟ್ಯಾಕ್ತೊ.
\p
\v 20 ಹ್ಯಾ ಸಗ್‌ಳ್ಯಾಲಾ ಸಾಕ್ಷಿ ಯೇಸುಸ್, ಆತಾ ತ್ಯೊ, “ವ್ಹಯ್, ಮೀಸ್ ಬಿಗಿನಿ ಯತೊ” ಮನ್ಹುನ್ ಸಾಂಗ್ತೊ.
\p ಪ್ರಭು ಯೇಸು, ಯೇ!
\p
\v 21 ಪ್ರಭು ಯೇಸುಚಿ ಕ್ರಪಾ ಸಗ್‌ಳ್ಯಾ ಲೊಕಾವ್ನಿ ರಾಹುನಿ. ತಸಸ್ ವ್ಹವುನಿ!