\id LUK - Gawli Marathi
\ide UTF-8
\h ಲುಕ್
\toc3 ಲುಕ್
\toc2 ಲುಕ್
\toc1 ಲುಕಾನಿ ಲಿವಲ್ಯಾಲಿ ಯೇಸು ಕ್ರಿಸ್ತಾಚಿ ಬರಿ ಖಬರ್
\mt2 ಲುಕನು ಬರೆದ ಯೇಸು ಕ್ರಿಸ್ತನ ಸುವಾರ್ತೆ
\mt1 ಲುಕಾನಿ ಲಿವಲ್ಯಾಲಿ ಯೇಸು ಕ್ರಿಸ್ತಾಚಿ ಬರಿ ಖಬರ್
\imt ವಳಕ್
\ip ಲುಕಾನಿ ಲಿವ್‍ಲ್ಯಾಲಿ ಬರಿ ಖಬರ್ ನವ್ಯಾ ಕರಾರಾತ್ ಯೇಸು ಕ್ರಿಸ್ತಾಚಾ ಜೀವ್ನಾಚೆ ಗುಶ್ಟಿತ್ ವಿವರನಾ ದೆತ್ಯಾಲ್ಯಾ ಚಾರ್ ಪುಸ್ತಕಾತ್ಲ ಯಾಕ್ ಪುಸ್ತಕ್ ಜಾ಼ಲ್ಯಾ ಹ್ಯಾ ಸಗ್‌ಳ್ಯಾ ಪುಸ್ತಕಾನಾ “ಬರಿ ಖಬರ್” ಮನ್ಹುನ್ ಮಂಥ್ಯಾತ ಹ್ಯಚಾ಼ ಆರ್ಥ “ಚಾ಼ಂಗ್ಲಿ ಖಬರ್” ತ್ಯಾ ಯೇಸು ಮೆಲ್ಯಾ ನಂತರ್ ಮತ್ಯಾಯ್, ಮಾರ್ಕ್, ಲುಕ್, ಆನಿ ಯೊಹಾನ್ ಮಂಥ್ಯಾಲ್ಯಾಂಚಾನಿ ಲಿವ್‌ಲ್ಯಾ ಲುಕಾನಿ ಯೇಸುಚಾ ಜೀವ್ನಾಚೆ ಗುಶ್ಟಿತ್ ತ್ಯವ್ಡಸ್ ಲಿವ್ಲ ನಾಹಿ ಫನ್ ತ್ಯೊ ಯೇಸುಚ಼ ಮರಾನ್ ಆನಿ ಮರುನ್ ಉಠುನ್ ಆಲ್ಯಾ ನಂತರ್ ತ್ಯಚಾ ಶಿಶಾಂಚಾನಿ ಕೆಲ್ಯಾಲ ನಿಸ್ಥ ಗುಶ್ಟಿಂಚ಼ ತ್ಯವ್ಡಸ್ ಲಿವ್‌ಲ್ಯಾ ತ್ಯಾ ಪುಸ್ತಕಾಚ಼ ನಾವ್ ಅಪೊಸ್ತಲ್. ಲುಕಾನಿ ಲಿವ್‌ಲ್ಯಾಲೆ ಬರೆ ಖಬರಿಚಾ ಹ್ಯಾಸ್ ಯಳಾತ್ ಲಿವ್‌ಲ್ಯಾ ಮನ್ಹುನ್ ಠಾವ ನಾಹಿ. ಫನ್ ಖುಬ್ ವಿದ್ವಾಂಸ ಕ್ರಿಸ್ತ್ ಜ಼ಲ್ಮುನ್ 70 ವರ್ಸಾ ನಂತರ್ ಲಿವ್‌ಲ್ಯಾಲ ಆಸಲ್ ಮನ್ಹುನ್ ಮಂಥ್ಯಾತ.
\ip ಲಿವ್‌ತ್ಯಾಲಾ ಲುಕ್ ಯೊಕ್ ವೈದ್ಯ ಜಾ಼ಲ್ಥಾ. ತ್ಯಚಿ ಲಿವಾಚಿ ಪದ್ದತ್ ಆನಿ ಉಪೇಗ್ ಕೆಲ್ಯಾಲಿ ಬಾಶೆ ತ್ಯೊ ಯೊಕ್ ಶಿಕ್ಷೆಚಾ಼ ಮಾನುಸ್ ಜಾ಼ಲ್ಥಾ ಮನ್ಹುನ್ ದಾವುನ್ ದೆತ. ಲುಕಾನಿ ಆನಿ ಯೇಸುಚಾ ಜೀವ್ನಾಚೆ ಗುಶ್ಟಿತ್ ಶಾರ್ಕ ವಿವರನ್ ಕರಾಯಾ ಮನ್ ಕೆಲ ತ್ಯಾ ಘಟ್ಕಾ ತ್ಯ ಚಾ಼ಲ್ಯಾಚೆಗತ್ ಸಾಂಗ್ಲ. ಆಸಸ್ ವಾಚಿವ್‌ತ್ಯಾಲ್ಯಾಂಚಾನಿ ಲಾಭ್ ವ್ಹಯಿಚೆಗತ್ ಕೆಲ. \xt ಲುಕ್ 1—3\xt*
\ip ತ್ಯೊ ಯೆಹುದಿ ವ್ಹವುನ್ ನವ್ಥಾ \xt ಕೊಲೊಸ್ಸೆ 4:14\xt* ಆನಿ ಯೆಹುದಿ ನಸ್‍ಲ್ಯಾಲಿ ಲೊಕ ಸಗ್ಳಿ ಅರ್ಥ ಕರುನ್ ಗೆಥ್ಯಾಲೆ ರಿತಿತ್ ತ್ಯನಿ ಲಿವ್ಲ. ಹ್ಯ ತ್ಯನಿ ಯೆಹುದ್ಯಾಂಚೆ ಪದ್ದತಿಚೆ ಗುಶ್ಟಿತ್ ಆಪ್ನು ವಿವರನ್ ಕರುನ್ ಸಾಂಗ್‌ಲ್ಯಾಲ ಬಗ್‍ಲ್ಯಾವ ಆಮಾನಾ ಸಮಾಸ್ತ\xt ಲುಕ್ 1:1-8 \xt*
\ip ಲುಕಾನಿ ಲಿವ್‌ಲ್ಯಾಲಿ ಬರಿ ಖಬರ್ ಮತ್ತಾಯಾನಿ ಆನಿ ಮಾರ್ಕಾನಿ ಲಿವ್‍ಲ್ಯಾಲೆ ಖಬರಿಚೆಗತ್ ಹಾ ಕಾ ಮಂಜೆ ತ್ಯ ಯಕಸ್ ತರನಿ ವಿವರನ್ ಕರ್ತಾವ್. ಹ್ಯಾ ತಿನಿ ಪುಸ್ತಕಾತ್ನಿ ಲುಕಾನಿ ಸ್ನಾನಿಕ್ ಯೊಹಾನಾಚಾ ಜೀವ್ನಾಚೆ ಗುಶ್ಟಿತ್ ಖುಬ್ ವಿವರನ್ ದೆತೊ \xt 3:3\xt*, \xt 11:4\xt*, \xt 17:3-4\xt*, \xt 23:34\xt*, \xt 24:47\xt* ಆನಿ ಮಾಗ್‍ನ್ಯಾಚೆ ಗುಶ್ಟಿತ್ ವಿವರನ್ ಕರ್ತೊ \xt 3:21\xt*, \xt 5:16,\xt* \xt 6:12\xt*, \xt 17:1-12\xt*, \xt 22:32\xt*
\iot ಪಿಠಿಕೆ
\io1 1. ಅದ್ಯಾಯ್ ಲುಕ್ ಆಪ್ಲೆ ಬರೆ ಖಬರಿಚಿ ವಳಕ್ ದೆತೊ ಆನಿ ಆಪ್ನು ಕಾ ಲಿವ್‌ತ್ಯೊ ಮನ್ಯಾಚೆ ಗುಶ್ಟಿತ್ ವಿವರನ್ ಕರ್ತೊ \ior 1:1-4\ior*
\io1 2. ನಂತರ್ ತ್ಯೊ ಯೇಸುಚಾ಼ ಜ಼ಲ್ಮ ಆನಿ ತ್ಯೊ ಸೇವೆಸಾಟಿ ಕಸಾ ತಯಾರ್ ಜಾ಼ಲ್ಹಾ ಮನ್ಹುನ್ ವಿವರನ್ ಕರ್ತೊ \ior 1:5—4:13\ior*
\io1 3. ಬಾಕಿಚೆ ಬರೆ ಖಬರಿತ್ ಹ್ಯೊ ಮೊಟಾ ಭಾಗ್ ಜಾ಼ಲ್ಯಾ ಪರತ್ ಲುಕಾನಿ ಯೇಸುನಿ ಕೆಲ್ಯಾಲ್ಯಾ ಕಾಮಾಚೆ ಗುಶ್ಟಿತ್ ಸಾಂಗ್ತೊ. ವಿಶೇಶ್ ಕರುನ್ ತ್ಯೊ ಕೆಲ್ಯಾಲಿ ಅದ್ಬುತ್ ಕಾಮ ಆನಿ ತ್ಯಚಾ ಸಿಕಿವ್‌ನ್ಯಾಚೆ ಗುಶ್ಟಿತ್ ಸಾಂಗ್ತೊ \ior 4:14—21:38\ior*
\io1 4. ಸರ್ತ್ಯಾ ಯಳಾಲಾ ಸರ್ತ ದೊನ್ ಅದ್ಯಾಯ್ ತ್ಯೊ ಯೇಸು ಕಸಾ ಮೆಲಾ ಮಾತಿ ಕಸಿ ದಿಲಿ ಆನಿ ಮರ್ನಾತ್ನಿ ಕಸಾ ಉಠುನ್ ಆಲಾ ಮನ್ಹುನ್ ವಿವರನ್ ಕರ್ತೊ. \ior 22—24\ior*
\c 1
\p
\v 1 ಮಾಯೆಚಾ ಥೆಯೊಪಿಲಾ,
\p ಆಮ್ಚೆ ಮದ್ದಿ ಚಾ಼ಲ್ಯಾಲಿ ಕಾಮ ಸಾಂಗಾಯಾಸಾಟಿ ಖುಬ್ ಜ಼ನಾಂಚಾನಿ ಖಟ್ಪಟ್ ಕಿಲಿ. 
\v 2 ಮುಳಾದರ‍್ನಿ ಹಿ ಕಾಮ ಡೊಳ್ಯಾನಿ ಬಗುನ್ ದೇವಾಚಿ ಖಬರ್ ಸಾಂಗ್ಲೆ ಮನ್ಹುನ್ ಆಮಿ ಐಕ್‌ಲ್ಯಾಲ್ಯಾ ಗುಶ್ಟಿಸ್ ತ್ಯಂಚಾನಿ ಲಿವ್‌ಲ್ಯಾತಾ. 
\v 3 ಪರ್ತೆಕ್ ಯೇಕ್ ಖಬರ್ ಮಿ ಮುಳಾದರ‍್ನಿ ಧ್ಯಾನ್‌ಥಿವುನ್ ವಾಚಿವ್‌ಲ್ಯಾಲೆಸಾಟಿ ತ್ಯ ಸಗ್ಳ ತುಲಾ ಶಾರ್ಕ ಸಮಜಾ಼ಯಾ ಪುಸ್ತಕಾಚೆಗತ್ ಲಿವ್ಲ. 
\v 4 ತುಲಾ ಸಾಂಗ್‌ಲ್ಯಾಲ್ಯಾ ಗುಶ್ಟಿ ಖರ‍್ಯಾ ಮನ್ಹುನ್ ಹ್ಯನಿ ತುಲಾ ಚಾ಼ಂಗ್ಲ ಸಮಜ಼ಲ್.
\s ಬಾಪ್ತಿಸ್ಮಾ ಯೊಹಾನಾಚಾ ಜ಼ಲಾಮ್‌ನ್ಯಾಚಿ ಖಬರ್ ಸಾಂಗ್ಲಿ
\p
\v 5 ಯುದಾಯಾಚಾ಼ ರಾಜಾ಼ ಹೆರೊದ್ ಹ್ಯಚಾ ಕಾಲಾತ್ ಅಬಿಯಚಾ ವರ್ಗತ್ಲಾ ಜಕರಿಯಾ ನಾವಾಚಾ಼ ಯೊಕ್ ಯಾಜಕ್ ಹುತ್ತಾ. ತ್ಯಚಿ ದನ್ಗರ್ ಆರೊನ್ ಯಾಜಕಾಚಾ ಗರ‍್ಹಾನ್ಯಾಚಿ. ತಿಚ಼ ನಾವ್ ಎಲಿಜಬೆತ್. 
\v 6 ಜಕರಿಯಾ ಆನಿ ಎಲಿಜಬೆತ್ ಖರ‍್ಯಾನಿ ದೇವಾಚೆ ನದ್ರಲಾ ಚಾ಼ಂಗ್ಲಿ ಹುತ್ತಿತ. ಪ್ರಭುಚಾ ಸಗ್‌ಳ್ಯಾ ಆಜ್ಞಾ ಚು಼ಕಾಚೆಆಂದಿ ಪಾಳಿತಿತ ಆನಿ ತೀ ಚು಼ಕ್ ನಸ್ನಾರಿ ಹುತ್ತಿತ.
\p
\v 7 ಫನ್ ತ್ಯನಾದೊಗಾನಾ ಪ್ಯುರ್ಗಿನವ್ಥಿತ; ಕಾ ಮಂಜೆ ಎಲಿಜಬೆತ್ ವಾಂಜೊಳಿ ಹುತ್ತಿ; ಆನಿ ತ್ಯಾ ದೊಗಾನಾಬಿ ವಯಾಜಾ಼ಲಿಹುತ್ತಿ.
\p
\v 8 ಯಕಸಿ ಜಕರಿಯಾಚಿ ಪಾಳಿ ಆಲಿ ತವಾ, ತ್ಯೊ ದೇವ್ಳಾತ್ ದೇವಾಚೆ ಮೊರ‍್ಹ ‍ಯಾಜಕಾಚ಼ ಕಾಮ್ ಕರೀತಾ. 
\v 9 ಯಾಜಕಾಂಚಾನಿ ಧುಪ್ ಗಾಲಾಯಾ ಆಪ್ಲೆ ಚಾ಼ಲಿಚೆಗತ್ ಚಿಟ್‌ ಗಾಲ್ಹುನ್ ಯಕಾ ಯಾಜಕಾಲಾ ನಿವ್ಡಿತಿತ. ಜಕರಿಯಾಲಾ ಯಾಜಕಾಂಚೆ ಪದ್ದತಿಚೆಗತ್ ಜಕರಿಯಾಲಾ ದೇವ್ಳಾತ್ ಧುಪ್ ಗಾಲಾಯಾ ಚೀಟಿ ಗಾಲ್ಹುನ್ ನಿವಡ್ಲಾ. 
\v 10 ಜಕರಿಯಾ ಧುಪ್ ಗ್ಯಾಲ್‌ಥ್ಯಾಲ್ಯಾ ಯಳಲಾ ಲೊಕ ಸಗ್ಳಿ ಬಾಹಿರ್ ಉಬಿರಾಹುನ್ ದೇವಾಪ ಮಾಗ್ನ ಕರಿತಿತ.
\p
\v 11 ತವಾ, ದೇವಾಚಾ಼ ಧುತ್ ಯೊಕ್ ಯವುನ್ ದುಪಾರ್ತಿಚೆ ಉಜ಼ವ್ಯಾಂಗ್ನಿ ಉಬಾರಾಯ್‌ಲ್ಯಾಲಾ ತ್ಯಲಾ ದಿಸ್ಲಾ. 
\v 12 ತವಾ ಜಕರಿಯಾ ತ್ಯಲಾ ಬಗುನ್ ಬಿಹುನ್ ಕ್ಯಾಪ್ರ ಬರ್ಲ. 
\v 13 ಫನ್ ತ್ಯಾ ಧುತಾನಿ ತ್ಯಲಾ “ಜಕರಿಯಾ ಬಿಹುನಕೊ; ತುಜ಼ ಮಾಗ್ನ ದೇವಾಲಾ ಐಕು ಆಲ್ಯಾ ತುಜಿ ದನ್ಗರ್ ಎಲಿಜ಼ಬೆತ್ ತಿಲಾ ಯೊಕ್ ಪ್ಯೊರ್ಗಾ ಜ಼ಲಾಮ್ನಾರ್. ತು ತ್ಯಲಾ ಯೊಹಾನ್ ಮನ್ಹುನ್ ನಾವ್ ಥೇವಾಯಾಹ್ವಯಿ. 
\v 14 ತ್ಯೊ ಜ಼ಲಾಮ್ಲಾ ಮನ್ಹುನ್ ತುಲಾ ಖುಬ್ ಹೌಸ್ ಉಲ್ಲಾಸ್ ವ್ಹಯಿಲ್; ಆನಿ ಖುಬ್ ಲೊಕಾನಾ ಆಂನದ್ ವ್ಹನಾರ್.
\p
\v 15 ದೇವಾಚೆ ನದ್ರಲಾ ಯೊಹಾನ್ ಮೊಟಾ ಮಾನುಸ್ ವ್ಹನಾರ್; ದರಾಕ್ಶಿಚಾ಼ ರಸ್ ನಾಹಿತ ನಿಶಾಚಾ಼ ರಸ್ ಪಿನಾರ್ ನಾಹಿ; ಯೊಹಾನ್ ಜ಼ಲಾಮ್‌ಲ್ಯಾ ದರ್ನ್ಹಿ ಪವಿತ್ರಾತ್ಮಾನಿ ಬರ‍್ಹುನ್ ರಾನ್ಹಾರ್.
\p
\v 16 “ಹ್ಯೊ ಇಸ್ರಾಯಲ್ ಪಿಳ್ಗಿತ್‌ಲ್ಯಾ ಖುಬ್ ಲೊಕಾನಾ ತ್ಯಂಚಾ಼ ದೇವ್ ಪರಮೇಶ್ವರಾಕ್ಡ ಪರತಾಯಾ ಮಜ಼ತ್ ಕರ್ನಾರ್ 
\v 17 ತ್ಯೊ ದೇವಾಚಾ಼ ಫುಡಾರಿ ವ್ಹವುನ್ ಜಾ಼ವುನ್ ಪ್ರವಾದಿ ಜಾ಼ಲ್ಯಾಲ್ಯಾ ಯಲಿಯಾಚಾ ಆತ್‌ಮ್ಯಾನಿ ಆನಿ ಬಳಾನಿ ಬರ‍್ಹುನ್ ಬಾಸಂಚ಼ ಮನ್ ಪೊರಾಂಚಿಕ್ಡ. ಹಾಟ್ ದರ್ಲ್ಯಾಲ್ಯಾಲಾ ನಿತಿವಂತಾಂಚಾ ಗಿನ್ಯಾನಾಕ್ಡ ಪರ್ತುನ್ ತಯಾರ್ ಜಾ಼ಲ್ಯಾಲ್ಯಾ ಲೊಕಾನಾ ದೇವಾಕ್ಡ ನೇನಾರ್”
\p
\v 18 ಜಕರಿಯಾನಿ ದೇವ್ದುತಾಲಾ ಆಸ ಇಚಾರ್ಲ “ಹ್ಯ ಮಿ ಕಸ ಸಮಜು಼ನ್ ಗಿಹು? ಮಿ ಮಾಥಾರಾ; ಮಾಜಿ ದನ್ಗರ್ ವಯೆಜಾ಼ಲ್ಯಾಲಿ”
\p
\v 19 ದೇವ್ದುತಾನಿ, “ಮಾಜ಼ ನಾವ್ ಗಬ್ರಿಯಲ್. ಮಿ ದೇವಾಚೆ ಮೊರ‍್ಹ ಉಬಾರಾಥ್ಯಾಲಾ ದೇವಾನಿ ಹ್ಯೊ ಚಾ಼ಂಗ್ಲಾ ಸಮಾಚಾರ್ ತುಲಾ ಕಳ್ವಾಯಾಸಾಟಿ ಮನಾ ಲಾವುನ್ದಿಲ್ಯಾ. 
\v 20 ಆತಾ ಐಕ್! ಹ್ಯೊ ಮಾಜಾ಼ ಸಬೋತ್ ಗಡ್ನಾರ್; ಖರ ತು ತ್ಯಚಿವ ಇಸ್ವಾಸ್ ಥೆವ್ಲಾನಾಹಿಸ್ ಮನ್ಹುನ್ ಮಿ ಸಾಂಗ್‌ಲ್ಯಾಲಾ ಸಬ್ದ ಗಢ ಪರ‍್ಯಾತ್ ಬೋಲಾಚೆಆಂದಿ ಮುಕ್ಕಾಹ್ವವುನ್ ರಾನ್ಹಾರ್” ಮನ್ಲಾ.
\p
\v 21 ಆನಿ ಹಿಕ್ಡ ಲೊಕ ಜಕರಿಯಾಚಿ ವಾಟ್ ಬಗಿತ್ ತ್ಯನಿ ದೇವ್ಳಾತ್ ಖುಬ್ ಯೊಳ್ ಕಾ ಕೆಲಾ ಮನ್ಹುನ್ ಗಾಭಾರ್ಲಿತ 
\v 22 ಮಂಗ್ ಜಕರಿಯಾ ದೇವ್ಳಾತ್ನಿ ಬಾಹಿರ್ ಆಲಾ ತವಾ ತ್ಯಂಚಿ ಸಂಗ ಕಾಯ್ ಬೊಲಾಚೆಆಂದಿ ರಾಯ್ಲಾ ತವಾಚಾನ್ ತ್ಯೊ ತ್ಯನಾ ಹಾತಾನಿ ಖುನಾ ಕರೀತ್ ಮುಕ್ಕಾಹ್ವವುನ್ ಹುತ್ತಾ. ತವಾ ಲೊಕಾಂಚಾನಿ ತ್ಯಲಾ ಕಾಯ್ ತರಿ ದರ್ಶಾನ್\f + \fr 1:22 \fr*\f* ಜಾ಼ಲ ಆಸಲ್ ಮನ್ಹುನ್ ಸಮಜು಼ನ್ ಗೆತ್ಲ.
\p
\v 23 ಕವಾ ಆಪ್ಲೆ ಯಾಜಕಾಚೆ ಪಾಳಿಚ಼ ದಿಸ್ ಸರ್ಲ ತವಾ ಜಕರಿಯಾ ಆಪ್‌ಲ್ಯಾ ಗರ‍್ಹಾತ್ ಮಾಗಾರಾ ಗೆಲಾ. 
\v 24 ತೆ ದಿಸ್ ಜಾ಼ಲ್ಯಾ ನಂತರ್ ತ್ಯಚಿ ದನ್ಗರ್ ಎಲಿಜಬೆತ್ ಗರ್ವಾರ್ ರಾಹುನ್ ಪಾಚ಼್ ಮೈನ್ಹ ಗರ‍್ಹಾತ್ನಿ ಬಾಹಿರ್ ಆಲಿನಾಹಿ. 
\v 25 ಆನಿ ಎಲಿಜ಼ಬೆತ್, “ಬಗಾ, ದೇವಾನಿ ಮಾಜಿಸಾಟಿ ಕ್ಯವ್ಡ ಮೊಟ ಕಾಮ್ ಕೆಲ್ಯಾ! ಹೆ ದುನೆತ್ ಮನಾ ಆಸ್‌ಲ್ಯಾಲಾ ಆವ್ಮಾನ್ ದುರ್” ಕೆಲಾ ಮನ್ಲಿ.
\s ಯೇಸು ಕ್ರಿಸ್ತಾಚಾ಼ ಜ಼ಲ್ಮ ದೇವ್‌ ದುತಾಂಚಾನಿ ಆಂದಿಸ್ ಸಾಂಗ್‌ಲ್ಯಾಲ
\p
\v 26 ಎಲಿಜಬೆತ್ ಸಾ ಮೈನ್ಯಾಚಿ ಗರ್ವಾರ್ ಆಸ್ಥಾನಾ ದೇವಾನಿ ಗಬ್ರಿಯಲ್ ಮಂಥ್ಯಾಲ್ಯಾ ಆಪ್‌ಲ್ಯಾ ಧುತಾಲಾ ಗಲಿಲಾಯಾ ಸಿಮೆಚೆ ನಜ಼ರೇತ್ ಮಂಥ್ಯಾಲ್ಯಾ ಗಾವಾತ್ ಯಕ ಕನ್ಯಾಪ ಲಾವುನ್ ದಿಲಾ; 
\v 27 ತೆ ಕನೆಚ಼ ನಾವ್ ಮರಿಯಾ; ತಿಚಿ ರಾಜಾ಼ ಜಾ಼ಲ್ಯಾಲ್ಯಾ ದಾವಿದಾಚಾ ಗರ‍್ಹಾನ್ಯಾಚಾ಼ ಯೊಸೆಪ್ ಮಂಥ್ಯಾಲ್ಯಾ ಪ್ಯೊರ್ಗ್ಯಾ ಸಂಗ ಸಾಕಾರ್ಸಾಡಿ ಜಾ಼ಲ್ಥಿ. 
\v 28 ತ್ಯೊ ದುತ್ ತೀಚಿಪ ಯವುನ್ “ದೇವಾಚಿ ದಯೆ ಆಸ್ನಾರೆ, ತುಲಾ ಬರ ವ್ಹವುನಿ! ದೇವ್ ತುಜೆ ಸಂಗ ಹಾ” ಮನ್ಲಾ.
\p
\v 29 ದೇವ್‌ದುತಾಚಾ಼ ಸಬ್ದ ಐಕುನ್ ಗಾಬ್ರುನ್ ಮರಿಯಾ “ಹ್ಯಚಾ಼ ಆರ್ಥ ಕ್ಯಾ ಆಸಲ್? ಮನ್ಹುನ್ ಯವ್ಜಿತಿ.
\p
\v 30 ಪರತ್ ದೇವ್ದುತ್ ತಿಲಾ ಮನ್ಲಾ “ಮರಿಯಾ, ಬಿಹುನಕೊಸ್; ದೇವಾನಿ ತುಜಿವ ಖುಬ್ ಕ್ರುಪಾ ಕಿಲಿ. ” 
\v 31 ಐಕ್! ಆತಾ ತು ಗರ್ವಾರ್ ರಾಹುನ್ ಯಕಾ ಲೇಕಾಲಾ ಜ಼ಲ್ಮ ದೇನಾರ್. ತ್ಯಲಾ, ‘ಯೇಸು’ ಮನ್ಹುನ್ ನಾವ್ ಥೆವಾಯಾ ವ್ಹಯಿ. 
\v 32 ತ್ಯೊ ಮೊಟಾ ಮಾನುಸ್‌ವ್ಹಯಿಲ್. ಆನಿ ಲೊಕ ತ್ಯಲಾ ಸಗ್‌ಳ್ಯಾತ್ ಥೊರ್‌ಲ್ಯಾ ದೇವಾಚಾ಼ ಲ್ಯೊಕ್ ಮಂಥಿಲ; ತ್ಯವ್ಡಸ್ ನವ್ಹ ದೇವ್‌ಜಾ಼ಲ್ಯಾಲಾ ಪ್ರಭು ತ್ಯಲಾ, ತ್ಯಚಾ಼ ಪೈಲಾ ವಡಿಲ್ ರಾಜಾ಼ ದಾವಿದಾಚಿ ಜಾಂತಿಕ್ ದಿಯಿಲ್. 
\v 33 ತ್ಯೊ ಯಾಕೊಬಾಚಾ ಗರಾನ್ಯಾವ ಖಾಯಿಮ್ ಅಧಿಕಾರ್ ಚಾ಼ಲಿವ್ನಾರ್; ತ್ಯಚಾ಼ ರಾಜ್‌ಭಾರ್ ಕಂದಿಸ್ ಸಪ್ನಾರ್ನಾಹಿ ಮನ್ಹುನ್ ಸಾಂಗ್ಲ.
\p
\v 34 ಮರಿಯಾ ದೇವ್ದುತಾಲಾ “ಹ್ಯ ಕಸ ವ್ಹಯಿಲ್? ಮಿ ಲಗಿನ್ ಜಾ಼ಲ್ಯಾಲಿ!” ನವ್ಹ ಮನ್ಲಿ
\p
\v 35 ತವಾ ದೇವ್ದುತ್ ಮರಿಯಾಲಾ, “ತುಜಿವ ಪವಿತ್ರಾತ್ಮ ಯನಾರ್; ಪರ್ಮೇಶ್ವರಾಚಾ ಬಳಾಚ಼ ಸಾವುಟ್ ತುಜಿವ ಪಡ್ನಾರ್. ಮನ್ಹುನ್ ಜ಼ಲಾಮ್‌ತ್ಯಾಲ ತ್ಯ ಪವಿತ್ರ ಮುಲ್ ದೇವಾಚಾ಼ ಲ್ಯೊಕ್ ವ್ಹನಾರ್.
\p
\v 36 ಆನಿ ತುಜೆ ಮಾಯೆಚಿ ಜಾ಼ಲ್ಯಾಲಿ ಎಲಿಜಬೆತ್ ಹಾ ನವ್ಹ. ತೀ ಸಾಹಿತ್ ಮಾಥಾರಿಜಾ಼ಲಿತರಿ ಗರ್ವಾರ್ ಹಾ; ತೀಚಾ ಪೊಟಾತ್ ಪ್ಯೊರ್ಗಾ ಹಾ; ಲೊಕಾಂಚಾನಿ ತಿಲಾ ಪೊರ ವ್ಹನಾರುಸ್ ನಾಹಿತ ಮನ್‌ಲ್ಯಾಲಿ ತೀ ಆತಾ ಸಾ ಮೈನ್ಯಾಚಿ ಗರ್ವಾರ್ ಹಾ.
\p
\v 37 ಕಾ ಮಂಜೆ ದೇವಾಲಾ ವ್ಹಯಿತ್ನಾಹಿ ಆಸ ಕಚ಼ಸ್ ನಾಹಿ,”ಆನಿ ದೆವಾಪ್ನಿ ಆಲ್ಯಾಲಾ ಸಬ್ದ ಯೊಕ್ಬಿ ವಾಯಾ ಜಾ಼ಯಿತ್ನಾಹಿ ಮನ್ಲಾ.
\p
\v 38 ತವಾ ಮರಿಯಾ “ಮಿ ಪ್ರಭುಚಿ ಚಾ಼ಕ್ರಿನ್. ತು ಸಾಂಗ್‌ಲ್ಯಾಶಾರ್ಕ ಮನಾ ವ್ಹವುನಿ!” ಮನ್ಲಿ. ಮಂಗ್ ದೇವ್ದುತ್ ತಿಚಿಪ್ನಿ ಗೆಲಾ.
\s ಮೆರಿನಿಸ ಎಲಿಜ಼ಬೆತಾಲಾ ಭೇಟ್ ದಿಲ್ಯಾಲಿ
\p
\v 39 ತವಾಸ್ ಮರಿಯಾ ಉಠುನ್ ಗಡ್ಬಡಿನಿ ಗುಢ್ಯಾವ್ನಿ ಯಹುದಾತ್‌ಲ್ಯಾ ಯಕಾ ಗಾವಾತ್ ಜಾ಼ವುನ್, 
\v 40 ತಿಥ ಜಕರಿಯಾಚಾ ಗರ‍್ಹಾತ್ ಯವುನ್ ಎಲಿಜ಼ಬೆತಾಲಾ ನಮಸ್ಕಾರ್ ಕೆಲಾ. 
\v 41 ಎಲಿಜ಼ಬೆತನಿ ಮರಿಯಾಲಾ ನಮಸ್ಕಾರ್ ಕೆಲಾ ತವಾಸ್ ತೀಚಾ ಪೊಟಾತ್‌ಲ್ಯಾ ಮುಲಾನಿ ಉಡಿ ಮ್ಯಾರ್ಲಿ. ಆನಿ ಎಲಿಜ಼ಬೆತ್ ಪವಿತ್ರಾತ್ಮಾನಿ ಬರುನ್ ಹುತ್ತಿ
\p
\v 42 ಆನಿ ಮೊಟ್ಯಾನಿ ಆಸಿ ಮನ್ಲಿ: “ಬ್ಯಾಯ್ಕಾಮಾನ್ಸಾಂಚೆಮದಿ’ ತು ದೇವಾವಾಪ್ನಿ ಖುಬ್ ಆಶಿರ್ವಾದ್ ಗೆತಲ್ಯಾಲಿ ಆನಿ ತುಲಾ ಜ಼ಲಾಮ್‌ತ್ಯಾಲ್ಯಾ ಮುಲಾಲಾಬಿ ದೇವಾನಿ ಆಶಿರ್ವಾದ್ ‌ಕೆಲ್ಯಾ. 
\v 43 ಮಾಜಾ ಪ್ರಭುಚಿ ಆಯಿ ಮಾಜಿಪ ಯಯಾಚಿ ಮಾಜ಼ ಮೊಟ ನಸೀಬ್! 
\v 44 ತುಜಾ಼ ನಮಸ್ಕಾರಾಚಾ಼ ಆವಾಜ಼್ ಮಾಜಾ ಕಾನಾವ ಪಡ್ತಾನಾಸ್ ಮುಲ್ ಮಾಜಾ ಪೊಟಾತ್ ಸಂತೊಶಾನಿ ಉಡಿ ಮ್ಯಾರ್ಲಿ. 
\v 45 ಇಸ್ವಾಸ್ ಥೆವ್‌ಲ್ಯಾಲಿ ತು ಬರಿ ಪ್ರಭುನಿ ತುಲಾ ಸಾಂಗ್‌ಲ್ಯಾಲ್ಯಾ ಗುಶ್ಟಿ ಪುರ್ತಿ ವ್ಹನಾರ್. ಮನ್ಲಿ.
\s ಮರಿಯಾಚ಼ ಸ್ತುತಿ ಗೀತ್
\p
\v 46 ತವಾ ಮೆರಿ ಮನ್ಲಿ, “ಮಾಜಾ಼ ಜೀವ್ ಪ್ರಭುಲಾ ಧನ್ಯಾವಾದ ಕರ್ತ್ಯೊ”
\q1
\v 47 ದೇವುಸ್ ಮಾಜಾ಼ ರಾಖ್ನಿ ಜಾ಼ಲ್ಯಾ ಮನ್ಹುನ್ ಮಾಜ಼ ಮನ್ ಸಂತೊಶ್ ಜಾ಼ಲ್ಯಾ.
\q1
\v 48 ದೇವಾನಿ ಆಪ್ಲೆ ಚಾ಼ಕ್ರಿನಿಚ಼ ಹಾಲ್ ಬಗ್ಲ. ಆನಿ
\q2 ಆಚ್ಚಾನಿ ಲೊಕ ಸಗ್ಳಿ ಮನಾ ಬರಿ ಮನ್ಹಾರ್.
\q1
\v 49 ತಸ ಮನ್ಹುನ್ ಸರ್ವಶಕ್ತ ಜಾ಼ಲ್ಯಾಲ್ಯಾ ದೇವಾನಿ ಮನಾ ಮೊಟಾ ಉಪಕಾರ್ ಕೆಲ್ಯಾ;
\q2 ತ್ಯಚ಼ ನಾವ್ ಪರಿಶುದ್ದ
\q1
\v 50 ಆನಿ ದೇವಾಲಾ ಕೊನ್ ಬಿಥೊ ತ್ಯಚಿವ ದೇವಾಚಿ ದಯಾ ತ್ಯಚೆ ಪಿಡಿನ್ಪಿಡಿ ಪರ‍್ಯಾತ್ ರಾಹಿಲ್.
\q1
\v 51 ತ್ಯನಿ ಆಪ್ಲ ಬಳ್ ದಾವುನ್
\q2 ಮಸ್ತಾವ್‌ಲ್ಯಾಲ್ಯಾಂಚಿ ಮನ ತ್ಯೊ ಖಿದಡ್ತೊ.
\q1
\v 52 ಫನ್ ಅಧಿಕಾರ‍್ಯಾನಾ ಸಿಂಹಾಸಾವ್ನಿ ಉತ್ರುನ್
\q2 ಗರಿಬಾನಾ ವರ್ ಆಂತೊ.
\q1
\v 53 ಫನ್ ಬುಖ್ಯಾಲ್ಯಾಲ್ಯಾನಾ ಚಾ಼ಂಗ್ಲಿ ಸಾಮ್ನ ದಿವುನ್ ಲಾವುನ್ ದಿಲಿತ
\q2 ಸಾವ್ಕಾರಾನಾ ಮೊಕ್‌ಳ್ಯಾಹಾತಾನಿ ಲಾವುನ್ ದಿಲಿತ
\q1
\v 54 ದೇವಾನಿ ಆಮ್ಚಾ ವಡ್ಲಾನಾ ಸಬ್ದ ದಿಲ್ಯಾ ಶಾರ್ಕಾ
\q2 ಆನಿ ಗುಲಾಮಾತ್ ಆಸ್‌ಲ್ಯಾಲ್ಯಾ ಆಪ್‍ಲ್ಯಾ ಇಸ್ರಾಯಲಾನಾ ಮಜ಼ತ್ ಕರಾಯಾ ಆಲ್ಯಾ.
\q1
\v 55 ತ್ಯೊ ಅಬ್ರಹಾಮಾಲಾ ಯದತ್ ಥಿವುನ್ ದಯಾ ದಾವುನ್ ಸಗ್‍ಳ್ಯಾ ಲೊಕಾನಾ ಕವಾಬಿ ಆಸ್ನಾರಿ ಕೃಪಾ ದ್ಯಾವ್ಲೆ.
\p
\v 56 ಮರಿಯಾ ಕಮಿಸ್ ಕಮಿ ತೀನ್ ಮೈನ ಎಲಿಜ಼ಬೆತಾಪ ರಾಹುನ್ ಆಪ್‌ಲ್ಯಾ ಗರ‍್ಹಾತ್ ಪರ್ತುನ್ ಗಿಲಿ.
\s ಬಾಪ್ತಿಸ್ಮಾ ಯೊಹಾನಾಚಾ಼ ಜ಼ಲ್ಮ
\p
\v 57 ಎಲಿಜಬೆತಾಲಾ ಬಾಳತ್ಫನಾಚ ದೀಸ್ ಬರ್ಹುನ್ ಯೊಕ್ ಪ್ಯೊರ್ಗಾ ಜಾ಼ಲಾ 
\v 58 ತಿಚಾ ಸೆಜಾರ‍್ಯಾಂಚಿ ಮಾಯೆದಾಯೆಚಿ ತಿಚಿವ ದೇವಾನಿ ಆಪ್ಲಿ ದಯೆ ವಿಶೆಸ್ ದ್ಯಾವ್ಲಿ ಮನ್ಹುನ್ ಐಕುನ್ ತಿಚಿ ಸಂಗ ಆನಂದ್ ಜಾ಼ಲ್ಹಿತ.
\p
\v 59 ಆಟ್ವೆ ದಿಸಿ ತೀ ತ್ಯಾ ಮೂಲಾಲಾ ಮುಂಜಿ ಕರಾಲಾ ಯವುನ್ ತ್ಯಲಾ “ಜಕರಿಯಾ” ಮನ್ಹುನ್ ನಾವ್ ಥೆವಾ ವ್ಹಯಿ ಮನ್ಲಿತ. ಕಾ ಮಂಜೆ ತ್ಯ ತ್ಯಾ ಮುಲಾಚಾ ಬಾಚ಼ ನವ್ ಜಾ಼ಲ್ತ. 
\v 60 ಫನ್ ಹೆ ಗುಶ್ಟಿಲಾ ತ್ಯಚಿ ಆಯಿ, “ನಕೊ! ‘ಯೊಹಾನುಸ್, ಮನ್ಹುನ್ ತ್ಯಚ಼ ನಾವ್ ಥೆವಾಯಾ ವ್ಹಯಿ” ಮನ್ಲಿ
\p
\v 61 ಖರ ಆಲ್ಯಾಲಿ ಲೊಕ ಎಲಿಜಬೆತಾಲಾ, “ತುಜಾ ಗರ‍್ಹಾನ್ಯಾತ್ ಹ್ಯಾ ನಾವಾಚ಼ ಕೊನ್ ನಾಹಿ ನವ್ಹ!” ಮನ್ಲಿತ. 
\v 62 ಮಂಗ್ ಹ್ಯಲಾ ಕ್ಯಾ ನಾವ್ ಥೆವಾವ್ಹಯಿ ಮನ್ಥೊಸ್ ಮನ್ಹುನ್ ಮುಲಾಚಾ ಬಾಲಾ ಖುನಾ ಕರುನ್ ಇಚಾರ್ಲ.
\p
\v 63 ತ್ಯನಿ ಯೇಕ್ ಪಾಟಿ ಆನುನ್ ಗಿಹುನ್ “ತ್ಯಚ಼ ನಾವ್ ಯೊಹಾನುಸ್” ಮನ್ಹುನ್ ಲಿವ್ಲ ತ್ಯಲಾ ಲೊಕಸಗ್ಳಿ ಗಾಭಾರ್ಲಿತ. 
\v 64 ತವಾಸ್ ತ್ಯಲಾ ತ್ವಾಂಡ್ ಆಲ ಜಿ಼ಬ್ ಸಯಿಲ್ ಜಾ಼ಲಿ ತ್ಯಲಾ ಬೋಲಾಲಾ ಬಳ್ ಯವುನ್ ದೇವಾಲಾ ಉಪ್ಕಾರ್ ಸಾಂಗ್ಲ. 
\v 65 ಹ್ಯ ಐಕುನ್ ಸೆಜಾ಼ರವಾಲ್ಯಾನಾ ಭೆವಾಟಾಯಾಲಾಗ್ಲ ಆನಿ ಹ್ಯಾ ಸಗ್‌ಳ್ಯಾ ಗುಶ್ಟಿಚೆ ಬದಲ್ ಯುದಾಯಾಚೆ ಡಂಗ್ಳಿಚಾಗಾವಾತ್ನಿ ಬೊಲತಿತ 
\v 66 ಐಕ್‍ಲ್ಯಾಲಿ ಸಗ್ಳಿ ಲೊಕ ಗಾಬ್ರುನ್ ಆಜಾಬ್ ವ್ಹವುನ್ ಹ್ಯ ಮುಲ್ ಮೊಟಹ್ವವುನ್ ಕಸ್ಲಾ ಮಾನುಸ್ ವ್ಹತ್ಯೊ? ಮನ್ಹುನ್ ಯವ್‌ಜಾ಼ಯಾಲಾಗ್ಲಿತ ಕಾ ಮಂಜೆ ದೇವಾಚ಼ ಬಳ್ ತ್ಯಚಿವ ಹುತ್ತ.
\s ಜಕರಿಯಾಚಿ ಪ್ರವಾದನೆ
\p
\v 67 ತ್ಯವ್ಡಸ್ ನವ್ಹ ಯೊಹಾನಾಚಾ಼ ಬಾ ಜಕರಿಯಾ ಪವಿತ್ರಾತ್ಮಾನಿ ಬರ‍್ಹನ್ ದೇವಾಚ಼ ವಾಕ್ಯ ಸಾಂಗ್ಲ.
\q1
\v 68 “ಇಸ್ರಾಯಲ್ ಲೊಕಾಂಚಾ಼ ದೇವ್ ಜಾ಼ಲ್ಯಾಲ್ಯಾ ಪ್ರಭುಲಾ ಸ್ತೊತ್ರ ವ್ಹವುನಿ.
\q2 ಆಪ್‌ಲ್ಯಾ ಲೊಕಾನಾ ಮಜ಼ತ್ ಕರಾಯ ಆನಿ ಆಪ್‌ಲ್ಯಾ ಲೊಕಾನಾ ಸೊಡ್ವಾಯಾ ಆಲಾ;
\q1
\v 69 ಆಪ್ಲಾ ಸೇವಕ್ ದಾವಿದಾಚಾ ಗರ‍್ಹಾನ್ಯಾತ್
\q2 ದೇವಾನಿ ಸರ್ವಶಕ್ತ ರಕ್ಷಕ್ ಆಮಾನಾ ದಿಲ್ಯಾ.
\q1
\v 70 ಹ್ಯ ತ್ಯನಿ ಪೈಲ್ಯಾಕಾಲಾತ್‌ಲ್ಯಾ
\q2 ಆಪ್‌ಲ್ಯಾ ಪವಿತ್ರ ಪ್ರವಾದಿಂಚಾಪ್ನಿ ಸಾಂಗ್ಲ.
\q1
\v 71 ದೇವಾನಿ ಆಮಾನಾ ಆಮ್ಚಾ ವಾದಿಂಚಾಪ್ನಿ ಆನಿ
\q2 ರಾಗಿಷ್ಟಾಂಚಾ ಹತಾತ್ನಿ ರಕ್ಶಿಸ್ಲ.
\q1
\v 72 ಕರ್ನಾ ದ್ಯಾವ್ನಾರ್ ವಡ್ಲಾನಾ ಕೆಲ್ಯಾಲಿ
\q2 ಆಪ್ಲಿ ಶೆಪತ್ ತ್ಯನಿ ಯದತ್ ಆನ್ಲಿ.
\q1
\v 73 ಆಮ್ಚಾ ವಾದಿಂಚಾ ಹಾತಾತ್ನಿ ಆಮಾನಾ ಸೊಡ್ವಾಯಾ ದೇವಾನಿ ಆಮಚಾ಼ ವಡಿಲ್ ಅಬ್ರಹಾಮಾಲಾ ಶೆಪತ್ ದಿಲೆ.
\q1
\v 74 ತ್ಯೊ ಆಮ್ಚಾ ವಾದಿಂಚಾ ಹಾತಾತ್ನಿ ಆಮಾನಾ ಸೊಡ್ವಾಯಾ ಆಮಾನಾ ತ್ಯಲಾ ಕಾಯೇಕ್ ಭೆನಸ್ತಾನಾ ಉಪ್ಕಾರ್ ಕರಾಯಾ ಹುಕುಮ್ ದಿಲಾ.
\p
\v 75 ಹ್ಯಚಿಸ್ ಲಾಗುನ್ ಆಮಿ ತ್ಯಚಿ ಮೊರ‍್ಹ ಆಮ್ಚಾ ಜೀತಾಚ಼ ಸಗ್ಳ ದೀಸ್ ತ್ಯಚೆ ಮೊರ‍್ಹ ಪರಿಶುದ್ದ ಆನಿ ನಿಯತೀನಿ ವ್ಹವುನ್ ರಾಹ್ಯಾ ವ್ಹಯಿ
\q1
\v 76 ಆನಿ ಜಕರಿಯಾ ಬಾಳಾ ತುತರಿ ಪರಾತ್ಪರಾಚಾ಼ ಸಾಂಗ್ ಸಾಂಗ್ನಾರಾ (ಪ್ರಾವಾದಿ) ಮನ್ಹುನ್ ಗಿಹಿಲ್
\q2 ತು ಪ್ರಭುಚೆ ಮೊರ‍್ಹ ಜಾ಼ವುನ್ ತ್ಯಚಾ಼ ರಸ್ತಾ ನೀಟ್ ಕರ್ನಾರಾ ವ್ಹವುನ್
\q1
\v 77 ಆನಿಕ್ ಆಮಚಾ಼ ದೇವ್ ಪಾಪ ಮಾಪ್ ಕರಾಯಾ ಸಾಟಿ ರಕ್ಷನೆಚಾ ಗಿನ್ಯಾನ್ ಆಪ್‌ಲ್ಯಾ ಲೊಕಾನಾ ದೇನಾರಾ
\q1
\v 78 ಆಮಚಾ಼ ದೇವ್ ದಯಾ ದಾವುನ್ ಕರ್ನಾ ಆಸ್ನಾರಾ
\q2 ಪರಲೊಕಾತ್ನಿ ಸಕಾಳಚ಼ ರಕ್ಶನೆಚಾ಼ ನವಾ ದೀಸ್ ಆಮ್ಚಿವ ಉಗುವುನ್.
\q1
\v 79 ಆಂದಾರಾತ್ನಿ ಮರ್ನಾಚಾ ಭ್ಯಾತ್ ರಾಥ್ಯಾಲ್ಯಾ ಆಮಾನಾ ಉಜಿಡ್ ದಿವುನ್
\q1 ತ್ಯೊ ಅಮಾನಾ ಶಾಂತಿಚೆ ವಾಟವ ಲಾವುನ್ ಚಾ಼ಲಿವ್ನಾರ್ ಮನ್ಲಾ
\p
\v 80 ತ್ಯೊ ಪ್ಯೊರ್ಗಾ ಆಂಗಾತ್ಬಿ ಬರ‍್ಹುನ್ ಆನಿ ಆತ್‌ಮ್ಯಾನಿ ಬರ‍್ಹುನ್ ಇಸ್ರಾಯಲ್ ಲೊಕಾನಾ ಆಪ್‌ಲ್ಯಾಲಾ ದಾವುನ್ ದಿಯಾಚಾ ದಿಸಾಪರ‍್ಯಾತ್ ರಾನಾತ್ನಿ ಹುತ್ತಾ.
\c 2
\s ಯೇಸುಚಾ಼ ಜ಼ಲ್ಮ
\r (ಮತ್ತಾಯ್ 1:18-25)
\p
\v 1 ತ್ಯಾ ಯಳಾತ್ ರೊಮ್ ರಾಜ ಸಗ್ಳ ಜನಗನತಿ ಕರಾಯಾ ವ್ಹಯಿ ಮನ್ಹುನ್ ಕೈಸರ್ ಅಗಸ್ಟಸಾಪ್ನಿ ಆಜ್ಞೆ ಆಲಿ 
\v 2 ಕುರೆನಿಯಾ ಸಿರಿಯಾ ದೇಸೆಚಾ಼ ಅಧಿಪತಿ ಜಾ಼ಲ್ಯಾಲಾ ಆಸ್ಥಾನಾ ಹಿ ಪೈಲಿ ಗನತಿ ಚಾ಼ಲ್ಲಿ. 
\v 3 ಆನಿ ತವಾ ಸಗ್ಳಿ ಲೊಕ ನಾವ ಲಿವುನ್ ಗಿಹ್ಯಾ ಆಪ್‌ಲ್ಯಾ ಆಪ್‌ಲ್ಯಾ ಗಾವಾತ್ ನಿಗಾಲಿತ.
\p
\v 4 ಮನ್ಹುನ್ ಯೊಸೆಪ್ ಸಾಹಿತ್ ಆಪ್ನು ದಾವಿದಾಚಾ ಗರ‍್ಹಾನ್ಯಾಚಾ ಮನ್ಹುನ್ ನಾವ್ ಲಿವುನ್ ಗಿಹ್ಯಾ ಸಾಟಿ ಆಪ್‌ಲ್ಯಾಲಾ ಥರಿವ್‍ಲ್ಯಾಲೆ ಮರಿಯಾಚೆ ಸಂಗ ಗಲಿಲಾಯ್ ಸಿಮೆಚೆ ನಜೆರೆತ್ ಮಂಥ್ಯಾಲ್ಯಾ ಗಾವಾತ್ನಿ ನಿಗುನ್ ಯುದಾಯಾತ್ ಆಸ್‌ಲ್ಯಾಲೆ ಬೆತ್ಲೆಹೇಮ್ ಮಂಥ್ಯಾಲ್ಯಾ ದಾವಿದಾಚಾ ಗಾವಾತ್ ಗೆಲಾ. 
\v 5 ತ್ಯೊ ನಾವ ಲಿವುನ್ ಗಿಹ್ಯಾ ಮರಿಯಾ ಸಂಗ ಗೆಲಾ ಆನಿ ತೀಚಿ ಸಂಗ ಸಾಕಾರ್ಸಾಡಿ ಜಾ಼ಲ್ಥಿ ತವಾ ತೀ ಗರ್ವಾರ್ ಹುತ್ತಿ. 
\v 6 ತವಾ ಮರಿಯಾ ಗರ್ವಾರ್ ಹುತ್ತಿ. ತೀ ತಿಥ ಆಸ್ಥಾನಾ ತಿಚ ದೀಸ್ ಬರ್ಲ್ಹ. 
\v 7 ತಿನಿ ಆಪ್‌ಲ್ಯಾ ಪೈಲ್ಯಾ ಲೇಕಾಲಾ ಜ಼ಲ್ಮ ದೀವುನ್ ಕಪ್‍ಡ್ಯಾತ್ ಗುಂಡ್ಯಾಳುನ್ ತ್ಯನಾ ಗರ‍್ಹಾತ್ನಿ ಜಾ಼ಗಾ ನವ್ಥಾ ಮನ್ಹುನ್ ತ್ಯಲಾ ಗುರಾಂಚೆ ಅಡ್ಗಳಿತ್ ಥೆವ್ಲಾ.
\s ಕುರುಬುರ್ ಆನಿ ದೇವ್ ಧುತ್
\p
\v 8 ತೇ ರಾತಿ ಥೊಡ ಕುರುಬುರ್ ಗಾವಾತಲ್ಯಾ ಸೇತಾತ್ನಿ ರಾಹುನ್ ಆಪ್ಲಾ ಮೆಂಡ್ರಾಂಚಾ಼ ಹಿಂಡ್ ರಾಖಿತ. 
\v 9 ಪ್ರಭುಚಾ಼ ಯೊಕ್ ಧುತ್ ಯವುನ್ ತ್ಯಂಚೆ ಮೊರ‍್ಹ ಉಬಾ ರಾಯ್ಲಾ. ಪ್ರಭುಚಾ಼ ಉಜಿಡ್ ತ್ಯಂಚೆ ಸರ್ಬೌಥ ಪಡ್ಲಾ; ತೇ ಖುಬ್ ಬಿಹ್ಯಾಲ್ಹ. 
\v 10 ತ್ಯಾ ಧುತಾನಿ ತ್ಯನಾ ಬಿಹುನಕೊಸಾ, ಐಕಾ ಲೊಕಾನಾ ಸಂತೊಶ್ ಆಂತ್ಯಾಲಾ ಚಾ಼ಂಗ್ಲ ಸಮಾಚಾರ್ ಮಿ ತುಮಾನಾ ಸಾಂಗ್ತೊ. 
\v 11 ತ್ಯ ಕ್ಯಾ ಮನ್‌ಲ್ಯಾವ, ಹೆ ಯಳಿ ತುಮ್ಚೆಸಾಟಿ ದಾವಿದಾಚಾ ಗಾವಾತ್ ಯೊಕ್ ರಾಖ್ನಿ ಜ಼ಲಾಮ್‌ಲ್ಯಾ, ತ್ಯೊ ಪ್ರಭು ಜಾ಼ಲ್ಯಾಲಾ ಯೇಸು ಕ್ರಿಸ್ತ ಹಾ. 
\v 12 ತ್ಯ ತುಮಾನಾ ಠಾವಾ ವ್ಹಯಾ ವಳಕ್ ಕ್ಯಾ ಮನ್‌ಲ್ಯಾವ ಕಪ್‌ಡ್ಯಾನಿ ಗುತ್ಪಳ್ಯಾಲ ಯಾಕ್ ಮುಲ್ ಅಡ್ಗಳಿತ್ ನಿಜಿವ್‌ಲ್ಯಾಲ ಬಕ್ಸಿಲಾ. ಮನ್ಹುನ್ ಸಾಂಗ್ಲ.
\p
\v 13 ಪಾಕ್ಕನ್ ತ್ಯಾ ದುತಾ ಸಂಗ ಪರಲೊಕ್ ಸೈನ್ಯಾಚಾ಼ ಯೊಕ್ ಮೊಟಾ ಹಿಂಡ್ ಯವುನ್ ಆಂದಿಚಾ ದೇವ್ದುತಾ ಬರ್ಬರ್ ಮಿಳುನ್ ದೇವಾಲಾ ಸ್ತುತಿ ಕೆಲಿ
\q1
\v 14 ವೈಲ್ಯಾ ದುನಿಯಾತ್ ದೇವಾಲಾ ಮಹಿಮೆ;
\q2 ಭುಲೊಕಾತ್ ಮಾನ್ಚಾಮದಿ ಸಮಾದಾನಾ ದೇವ್ ತ್ಯನಾ ಪಾವನ್ ವ್ಹನಾರ್
\b
\m ಮನ್ಹುನ್ ದೇವಾಲಾ ಉಪ್ಕಾರ್ ಸಾಂಗ್ಲ.
\p
\v 15 ದೇವ್ದುತ್ ತ್ಯಂಚಿಪ್ನಿ ಪರಲೊಕಾತ್ ನಿಗುನ್ ಗೆಲ್ಯಾ ನಂತರ್ ತೆ ಕರುಬುರ್ “ಆಮಿ ಆತಾಸ್ ಬೆತ್ಲೆಹೇಮತ್ ಜಾ಼ವುನ್ ಆಮಾನಾ ಸಾಂಗುನ್ ದಿಲ್ಯಾಲಿ ಖಬರ್ ಬಗುಯಾ ಚ಼ಲಾ ಮನ್ಹುನ್ ಆಪ್‍ಲ್ಯಾ ಆಪ್‍ಲ್ಯಾತ್ ಬೊಲ್ಲ.
\p
\v 16 ಪಾಟ್ನಿ ಜಾ಼ವುನ್ ಮರಿಯಾ ಯೊಸೆಪ್ ಆನಿ ಅಡ್ಗಳಿತ್ ನಿಜ಼ಲ್ಯಾಲ ತವಾಸ್ ಜ಼ಲಾಮ್‌ಲ್ಯಾಲ ಮುಲ್ ಬಗ್ಲ. 
\v 17 ತ್ಯಲಾ ಬಗ್ಲ ತವಾ ತ್ಯಂಚಾನಿ ತ್ಯಚೆ ಗುಶ್ಟಿತ್ ಆಪ್‍ಲ್ಯಾಲಾ ಸಾಂಗ್‍ಲ್ಯಾಲ ಸಾಂಗಾಲಾಗ್ಲ. 
\v 18 ಕುರುಬುರಾಂಚಾನಿ ಸಾಂಗ್‍ಲ್ಯಾಲ ಐಕ್‍ಲ್ಯಾಲಿ ಸಗ್ಳಿ ಗಾಭಾರ್ಲಿತ. 
\v 19 ಫನ್ ಮರಿಯಾನಿ ತ್ಯ ಸಗ್ಳ ಸಬಾತ್ ಆಪ್‍ಲ್ಯಾ ಮನಾತ್ ಥೀವುನ್ ಯವ್ಜಿತ್ ಹುತ್ತಿ. 
\v 20 ಕುರುಬುರಾಂಚಾನಿ ಆಪ್‍ಲ್ಯಾಲಾ ದುತಾಂಚಿಪ್ನಿ ಸಾಂಗಿತ್‍ಲ್ಯಾ ಶಾರ್ಕ ಸಗ್‍ಳ್ಯಾ ಗುಶ್ಟಿ ಐಕುನ್ ಬಗುನ್ ತ್ಯಂಚಿ ಸಾಟಿ ದೇವಾಲಾ ಗೀತ್‍ ಗಾವಿತ್ ಉಪ್ಕಾರ್ ಸಾಂಗಿತ್ ಮಾಗಾರ ಗೆಲ.
\s ಯೇಸುಚ ನಾವ್ ಥೆವ್‌ಲ್ಯಾಲ ಆನಿ ಯೇರುಸಲೆಮಿಚಾ ದೇವ್ಳಾತ್ ಸಮರ್ಪನ್ ಕೆಲ್ಯಾಲ
\p
\v 21 ತ್ಯಾ ಮೂಲಾಲಾ ಮುಂಜ಼ ಕರಾಯಾ ಆಟ್ವೆ ದಿಸಿ ನೇಲ ಆನಿ ತ್ಯಲಾ ಯೇಸು ಮನ್ಹುನ್ ನಾವ್ ಥೆವ್ಲ “ತ್ಯ ಪೊಟಾತ್ ಪಿಂಡ್ ಗಡ್ಡಾಚೆ ಆಂದಿ ದೇವ್ದುತಾನಿ ತ್ಯಚ಼ ನಾವ್ ಸಾಂಗ್ಲ ಹುತ್ತ.
\p
\v 22 ಮಂಗ್ ಮೊಶೆಚಾ ಧರ್ಮಶಾ ಶಾರ್ಕ ತ್ಯಂಚ಼ ಸುತೀಕ್ ಜಾ಼ಯಾ ವ್ಹಯಿ ಆಸ್‌ಲ್ಯಾಲ ದೀಸ್ ಬರ್ಲ್ಯಾವ ಯೊಸೆಪ್ ಆನಿ ಮರಿಯಾ ತ್ಯಾ ಮೂಲಾಲಾ ಯೆರುಸಲೆಮಿಚಾ ದೇವ್ಳಾತ್ ಪ್ರಭುಲಾ ಪ್ರತಿಶ್ಟೆ ಕರಾಯಾ ನೆಲಾ. 
\v 23 ಕಾ ಮನ್‌ಲ್ಯಾವ ಪೈಲ್ಯಾನಿ ಜ಼ಲಾಮ್‍ಲ್ಯಾಲ ಪ್ಯೊರ್ಗಾ ತ್ಯ ದೇವಾಲಾ ಸೊಡಾಯಾ ವ್ಹಯಿ ಮನ್ಹುನ್ ದೇವಾಚಾ ಧರ್ಮ ಶಾಸ್ತಾರಾತ್ ಸಾಂಗ್‍ಲ್ಯಾ ಶಾರ್ಕ ತ್ಯ ದೇವಾಲಾ ದಿಯಾ ವ್ಹಯಿ ಜಾ಼ಲ್ಥ. 
\v 24 ಆನಿ ದೇವಾಚಾ ಧರ್ಮಶಾಸ್ತಾರಾತ್ ಸಾಂಗ್‍ಲ್ಯಾ ಶಾರ್ಕ ಯಕ ಜು಼ಡಿ ಕವ್ಡ ನಾಹಿತ ಪ್ಯಾರ್‌ವ್ಯಾಚಿ ದೊನ್ ಪಿಲಿ ಕಾಪಾ ವ್ಹಯಿತಿತ.
\p
\v 25 ತ್ಯಾ ದೀಸಾತ್ ಯೆರುಸಲೇಮಿತ್ ಸಿಮೊನ್ ನಾವಾಚಾ ಮಾನುಸ್ ಹುತ್ತಾ. ಹ್ಯೊ ಮಾನುಸ್ ನಿಯತಿಚಾ ದೇವಾಚಾ ಭಗತ್ ವ್ಹವುನ್ ಇಸ್ರಾಯಲ್ ಲೊಕಾನಾ ಮಜ಼ತ್ ಕರ್ತ್ಯಾಲಾ ಕವಾ ಯನಾರ್ ಮನ್ಹಿತ್ ಹುತ್ತಾ. ಆನಿ ಪವಿತ್ರಾತ್ಮ ತ್ಯಚಿ ಸಂಗ ಹುತ್ತ. 
\v 26 ಆನಿ ದೇವಾನಿ ಲಾವುನ್ ದಿಯಾ ವ್ಹಯಿ ಆಸ್‌ಲ್ಯಾಲ್ಯಾ ಮೆಸ್ಸಿಯಾಲಾ ಬಗಾಚೆ ಆಂದಿ ತು ಮರ್ನಾರ್ ನಾಹಿ ಮನ್ಹುನ್ ಪವಿತ್ರಾತ್ಮಾನಿ ಸಿಮೊನಾಲಾ ಸಾಂಗ್ಲ. 
\v 27 ಸಿಮೊನ್ ಪವಿತ್ರಾತ್ಮಾಚಾ ಸಾಂಗ್‌ನ್ಯಾನಿ ದೇವ್ಳಾತ್ ಆಲಾ. ತವಾ ಯೊಸೆಪ್ ಆನಿ ಮರಿಯಾ ಯೇಸು ಮಂಥ್ಯಾಲ್ಯಾ ಮೂಲಾಲಾ ಧರ್ಮ ಶಾಸ್ತ್ರಾಶಾರ್ಕ ಚಾ಼ಲ್ವಾ ಪಾಯ್ಜೆ ಮನ್ಹುನ್ ತ್ಯಲಾ ಆತ್ ಆನ್ಲಾ. 
\v 28 ಸಿಮೋನಾನಿ ಮುಲ್ ಆಪ್‍ಲ್ಯಾ ಹತಾತ್ ಗಿಹುನ್ ದೇವಾಲಾ ಉಪಕಾರ್ ಸಾಂಗ್ಲ.
\q1
\v 29 ಪ್ರಭು ತು ಸಾಂಗ್‍ಲ್ಯಾ ಶಾರ್ಕ ಕೆಲಸ್. ಆತಾ ಸಮಾದಾನಾನಿ ಜಾ಼ಯಾಲಾ ತುಜಾ ಶಿಶಾಲಾ ಮೊಕಳ್ ಜಾ಼ಲಿ.
\q1
\v 30 ತು ಥರಿವ್‌ಲ್ಯಾಲ್ಯಾ ರಕ್ಶಕಾಲಾ ಮಿ ಮಾಜಾ ಡೊಳ್ಯಾನಿ ಬಗ್ಲಾ.
\q1
\v 31 ತು ತ್ಯಲಾ ಸಗ್‌ಳ್ಯಾ ಲೊಕಾನಾ ದಿಸ ಜೊ಼ಗ ಕೇಲಾಸ್.
\q1
\v 32 ತ್ಯೊ ಯಹುದ್ಯ ನಸ್‍ಲ್ಯಾಲ್ಯಾ ಲೊಕಾನಾ ತುಜಿ಼ ವಾಟ್ ದ್ಯಾವ್‌ತ್ಯಾಲಾ ಉಜಿಡ್ ಜಾ಼ಲ್ಯಾ.
\q2 ತುಜಿ ಪರಜೆ ಜಾ಼ಲ್ಯಾಲಿ ಇಸ್ರಾಯಲಾನಾ ಮೈಮಾ ವ್ಹನಾರ್.
\p
\v 33 ಸಿಮೊನಾನಿ ತ್ಯಾ ಮುಲಾಚೆ ಗುಶ್ಟಿತ್ ಸಾಂಗ್‍ಲ್ಯಾಲ್ಯಾ ಹ್ಯಾ ಸಬ್ದಾನಾ ತ್ಯಚೆ ಆಯಿ ಬಾಲಾ ಚಮತ್ಕಾರ್ ವಾಟ್ಲಿ. 
\v 34 ಸಿಮೊನಾನಿ ತ್ಯನಾ ಆಶಿರ್ವಾದ ಕರುನ್ ಆಯಿ ಮರಿಯಾಲಾ “ಬಗಾ ಹ್ಯ ಹ್ಯಚಿಸ್ ಲಾಗುನ್ ಲೊಕ ಪಡ್‌ತ್ಯಾತ ಆನಿ ಉಟ್ಯಾತ ಆನಿ ಲೊಕ ಹ್ಯಲಾ ವಿರೊದ್ ವ್ಹವುನ್ ಚಾ಼ಲತ್ಯಾತ. 
\v 35 ಲೊಕ ಚು಼ರುನ್ ಆತ್ ಬೊಲತ್ಯಾಲ್ಯಾ ಗುಶ್ಟಿ ಬಾಹಿರ್ ಪಡ್ನಾರ್. ಮೊರ‍್ಹ ವ್ಹನಾರ‍್ಯಾ ಗುಶ್ಟಿ ಐಕುನ್. ತುಜಾ ಕಾಳ್‍ಜಾ಼ಲಾತರಿ ಹತ್ಯಾರ ಲಾಗ್‍ಲ್ಯಾಚೆಗತ್‌ವ್ಹಯಿಲ್” ಮನ್ಹುನ್ ಸಾಂಗ್ಲ.
\p
\v 36 ಇತ್ಕಸ್ ನವ್ಹ. ಅಸೆರಾಚಾ ಕುಳಾತ್ ಫನುವೆಲಾಚಿ ಲೇಕ್ ಅನ್ನಾ ಮಂಥ್ಯಾಲಿ ಯೆಕ್ ಪ್ರವಾದಿನಿ ಹುತ್ತಿ. ತಿಚ಼ ಲಗಿನ್ ವ್ಹವುನ್ ನವರ‍್ಯಾ ಸಂಗ ಸಾತ್ ವರ್ಸ ಸಂಸಾರ್ ಕರುನ್ ಆತಾ ತೀ ಖುಬ್ ಮಾಥಾರಿ ಜಾ಼ಲ್ಥಿ. 
\v 37 ಆತಾ ತಿಲಾ ಐಂಸಿವ ಚಾರ್ ವರ್ಸ ವಯಾ ಜಾ಼ಲಿ. ಆನಿ ತೀ ರಾಂಡಾವ್ ಹುತ್ತಿ ತೀ ದೀವುಳ್ ಸುಡುನ್ ಜಾ಼ಯಾಚೆ ಆಂದಿ ದೇವ್ಳಾತ್ ಉಪಾಸಿ ಮಾಗ್ನ ಕರೀತ್ ರ‍್ಯಾತ್ ದೀಸ್ ದೇವಾಚಿ ಸೇವಾ ಕರೀತ್ ಹುತ್ತಿ.
\p
\v 38 ತೀ ತೇಸ್ ಗಟ್ಕಲಾ ತಿಥ ಯವುನ್, ದೇವಾಲಾ ಉಪ್ಕಾರ್ ಸಾಂಗುನ್ ದೇವಾನಿ ಯೆರುಸಲೇಮಚೆ ಸುಟ್ನುಕಿಚಿ ವಾಟ್ ಬಕ್‌ತ್ಯಾಲ್ಯಾಂಚಿ ಸಂಗ ತ್ಯಚಿ ಖಬರ್ ಸಾಂಗ್ಲಿ.
\s ಮಾಗಾರಿ ನಜರೇತಿತ ಆಲ್ಯಾಲಿ
\p
\v 39 ಪ್ರಭುಚಾ ಧರ್ಮಶಾಸ್ತಾರಾತ್ ಸಾಂಗ್‍ಲ್ಯಾಲ ಕಾರ್ಯಾ ಸಗ್ಳ ಕೆಲ್ಯಾ ನಂತರ್ ಯೊಸೆಪ್ ಆನಿ ಮರಿಯಾ ಗಲಿಲಾಯಾತ್ ಆಸ್‍ಲ್ಯಾಲ್ಯಾ ನಜರೆತ್ ಮಂಥ್ಯಾಲ್ಯಾ ಆಪ್‍ಲ್ಯಾ ಗಾವಾತ್ ಪರ್ತುನ್ ಗಿಲಿತ. 
\v 40 ತ್ಯ ಮುಲ್ ವಾಡತ್ ಮೊಟಾ ವ್ಹವುನ್ ಗಿನ್ಯಾನಾನಿ ಆನಿ ಬಳಾನಿ ಬರ‍್ಹುನ್; ದೇವಾಚಿ ದಯೆ ತ್ಯಚಿ ಬರ್ಬರ್ ಹುತ್ತಿ.
\s ಬಾರಾ ವರ್ಸಾಚಾ಼ ಯೇಸು
\p
\v 41 ತ್ಯಚಿ ಆಯಿ ಬಾ ಪೆರ್ತೆಕ್ ವರ್ಸಿ ವಲಾಂಡ್ಯಾಚಾಸನಾಲಾ ಯೆರುಸಲೇಮಿತ್ ಜಾ಼ಯಿತಿತ. 
\v 42 ಆಸ ಆಸ್ಥಾನಾ ತೆ ಬಾರಾ ವರ್ಸಾಚಾ ಜಾ಼ಲ್ಹಾತವಾ ತೀ ಖಾಯಿಮ್ಚೆ ಪದ್ದತಿ ಶಾರ್ಕ ಪಸ್ಕಾಚಾ ಸನಾಲಾ ತಿಥ ಗಿಲಿತ. 
\v 43 ಸನಾಚ ದೀಸ್ ಸಪುನ್ ಮಾಗಾರಿ ಯತಾನಾ ಯೇಸು ಯೆರುಸಲೇಮಿತುಸ್ ರಾಯ್ಲಾ ತ್ಯ ತ್ಯಚೆ ಆಯಿ ಬಾಲಾ ಸಮಾಜ಼್ಲನಾಹಿ. 
\v 44 ಯೊಸೆಪ್ ಆನಿ ಮರೆಯಾ ತ್ಯೊ ವಾಟನಿ ಜಾ಼ತ್ಯಾಲ್ಯಾಂಚೆ ಸಂಗ ಆಸಲ್ ಮನ್ಹುನ್ ಯವ್ಜುನ್ ಯೇಕ್ ದಿಸಾಚಿ ವಾಟ್ ಚಾ಼ಲುನ್ ಆಪ್ಲೆ ಮಾಯಾದಾಯೆಂಚಿಪ್ನಿ ವಳ್ಕಿಂಚಾಪ್ನಿ ತ್ಯಲಾ ಶೊದ್ಲಾ. 
\v 45 ಫನ್ ಯೇಸು ದಿಸ್ಲಾನಾಹಿ, ತವಾ ಮಾಗಾರಿ ಯೆರುಸಲೇಮಿತ್ ಸುದಿತ್ ಗೆಲಿತ. \fig ಯೆರುಸಲೆಮಿಚ಼ ದಿವುಳ್ |alt="ple in JerusalemTem" src="lb00250c.tif" size="col" copy="Horace Knowles ©" ref="2:41"\fig*
\p
\v 46 ತೀನ್ವೆ ದಿಸಿ ಯೇಸುಲಾ ದೇವ್ಳಾತ್ ಬಗ್ಲಾ. ತ್ಯೊ ಯೆಹುದ್ಯ ಪಂಡಿತಾಂಚೆ ಮದ್ದಿ ಬಸ್ಸುನ್ ತ್ಯಂಚ಼ ಬೋಲ್ನ ಐಕಿತ್ ಪ್ರಶ್ನೆ ಇಚಾರಿತ್ ಹುತ್ತಾ. 
\v 47 ಯೇಸು ಬೊಲ್ಯಾಲ ಸಬಾತ್ ಐಕ್‍ಲ್ಯಾಲಿ ಸಗ್ಳಿ ತ್ಯಚೆ ಬುದ್ದಿಲಾ ಆನಿ ಉತ್ತರ್ ದಿಲ್ಯಾಲಾ ಬಗುನ್ ಗಾಭಾರ್ಲಿತ. 
\v 48 ಆಯಿ ಬಾನಿ ಯೇಸುಲಾ ಬಗುನ್ ಚಮತ್ಕಾರ್ ವಾಟ್ಲ; ಆನಿ ತ್ಯಚಿ ಆಯಿ “ಲೇಕಾ ತು ಆಮಾನಾ ಆಸ ಕಾ ಕೆಲಸ್? ಬಗ್ ತುಜಾ಼ ಬಾ ಆನಿ ಮಿ ಕ್ಯವ್ಡಿ ತಳ್ಮಳುನ್ ತುಲಾ ಸುದಿತ್ ಆಲಾವ್ ನವ್ಹ” ಮನ್ಹುನ್ ಇಚಾರ್ಲ.
\p
\v 49 ತವಾ ಯೇಸು ತ್ಯನಾ “ತುಮಿ ಮನಾ ಕಸ್ಯಾಲಾ ಸುದಿತಾಸಾ? ಮಿ ಮಾಜಾ ಬಾಚಾ ಗರ‍್ಹಾತ್ ರಾನ್ಹಾರ್ ಮನ್ಹುನ್ ತುಮಾನಾ ಕಳ್ಳನಾಹಿಕ್ಯಾ? ಮನ್ಹುನ್ ಉತ್ತರ್ ದಿಲಾ. 
\v 50 ಖರ ತ್ಯನಿ ಸಾಂಗ್‍ಲ್ಯಾಲ್ಯಾ ಸಬ್ದಾಂಚಾ಼ ಅರ್ಥ ತ್ಯನಾ ಜಾ಼ಲ್ಹಾನಾಹಿ.
\p
\v 51 ನಂತರ್ ಯೇಸು ತ್ಯಂಚೆ ಸಂಗ ನಜರೆತಿತ್ ಯವುನ್ ತ್ಯಂಚಿಗತ್ ರಾಯ್ಲ. ಫನ್ ತ್ಯಚಿ ಆಯಿ ಹ್ಯ ಸಗ್ಳ ಆಪ್‌ಲ್ಯಾ ಮನಾತ್ ಥಿವುನ್ ಯವ್ಜಿತಿ. 
\v 52 ಯೇಸು ಗಿನ್ಯಾನಾನಿ ಆನಿ ಆಂಗಾನಿ ಬರ‍್ಹುನ್ ಆಲಾ; ತ್ಯವ್ಡಸ್ ನವ್ಹ ದೇವಾಚಿ ಆನಿ ಮಾನ್ಸಾಚಿ ದಯಾ ತ್ಯಚಿವ ಖುಬ್ ಜಾ಼ಲಿ.
\c 3
\s ಬಾಪ್ತಿಸ್ಮಾ ಯೊಹಾನಾಚಾ಼ ಉಪದೆಸ್
\r (ಮತ್ತಾಯ್ 3:1-12; ಮಾರ್ಕ್ 1:1-8; ಯೊಹಾನ್ 1:19-28)
\p
\v 1 ಸಿಸೆರ್ ತಿಬೆರಿ ಚಕ್ರವರ್ತಿಚ಼ ಪಂದ್ರಾವ ವರಿಸ್ ಜಾ಼ಲ್ಥ. ತವಾ, ಪೊಂತಿಪಿಲಾತ್ ಯುದಾಯಾಂಚಾ಼ ಅಧಿಕಾರಿ ಹುತ್ತಾ. ಹೆರೊದ್ ಗಲಿಲಾಯಾತ್ ಉಪರಾಜ. ಆನಿ ಹೆರೊದಾಚ಼ಾ ದಾಕ್ಠಾ ಬಾಹು ಪಿಲಿಪ್ ಇತುರಿಯಾ ಆನಿ ತ್ರಕೊನಿತಿ ಹೆ ದೇಸೆಂಚಾ ಉಪರಾಜಾ ಹುತ್ತಾ. ಆನಿ ಲುಸನ್ಯಾ ಅಬಿಲೆಸೆಚಾ಼ ಉಪರಾಜಾ ಹುತ್ತಾ.
\p
\v 2 ತಸಸ್ ಅನ್ನಾ ಆನಿ ಕಾಯಪ್ ಮುಖ್ಯ ಯಾಜಕ್ ಹುತ್ತ. ತವಾ ಜಕರಿಯಾಚಾ಼ ಲ್ಯೊಕ್ ಯೊಹಾನಾಲಾ ರಾನಾತ್ ದೇವಾಪ್ನಿ ಆಜ್ಞೆ ಆಲಿ ಆನಿ ಯೊಹಾನ್ ಕಡ್ಯಾತ್ನಿ ರಾಥ್ಯಾಲ್ಯಾ ಲೊಕಾತ್ನಿ ರಾಹಿ. 
\v 3 ಮಂಗ್ ಯೊಹಾನ್ ಯೊರ್ದಾನ್ ವ್ಹಾಳಚೆ ಸರ್ಬೌರ್ ಸಗ್‍ಳ್ಯಾ ಪರದೆಶಾತ್, “ಪಾಪಾಂಚಾ ಮಾಪಿಸಾಟಿ ದೇವಾಕ್ಡ ಪರ್ತುನ್ ಬಾಪ್ತಿಸ್ಮಾ ಗಿಹ್ಯಾ ವ್ಹಯಿ ” ಆಸ ಜೊ಼ರಾನಿ ಸಾಂಗಿತ್ ಫಿರತಾ, ದೇವ್ ತುಮ್ಚ ಪಾಪ್ ಮಾಪ್ಕರ್ನಾರ್ ಮನ್ಹುನ್ ಸಾಂಗಿತ್ ಗೆಲಾ.
\p
\v 4 ಹ್ಯ ಯೆಶಾಯ ಪ್ರವಾದಿಚಾ ಪುಸ್ತಕಾತ್ ಕಸ ಲಿವಲ್ಯಾಲಹಾ ತಸಸ್ ಜಾ಼ಲ ತ್ಯ ಆಸಹಾ.
\pi1 ಕೊನ್ ಯೊಕ್ ರಾನಾತ್ ವರಾಡ್‌ತ್ಯಾಲಾ ಆವಾಜ಼್ ಹಾ,
\pi1 “ಪ್ರಭುಚಾ಼ ಮಾರ್ಗ ತಯಾರ್ ಕರಾ,
\q2 ತ್ಯಚಾ ವಾಟಾ ನಿಟ್ ಕರಾ,
\q1
\v 5 ಪರ್ತೆಕ್ ಖನ್ ಮುದ್ನಾರ್,
\q2 ಪರ್ತೆಕ್ ಕನ್ನ ಆನಿ ಗುಢ ಶಾರಕ ವ್ಹನಾರ್,
\q1 ವಾಕ್‍ಡ್ಯಾ ವಾಟಾ ಸಗ್‌ಳ್ಯಾ ನಿಟ್ ವ್ಹನಾರ್,
\q2 ಡಬ್ರ ಪಡ್‌ಲ್ಯಾಲ್ಯಾ ವಾಟಾ ಸಪ್ಪಯ್ ವ್ಹನಾರ್,
\q1
\v 6 ಆನಿ ಸಗ್ಳಿ ಮಾನ್ಸ ದೇವಾನಿ ಕೆಲ್ಯಾಲಿ ಸುಟ್ನುಕ್ ಬಗ್ನಾರ್,
\p
\v 7 ತವಾ ತಿ ಲೊಕ ತ್ಯಚಾ ಹಾತಾನಿ ಬಾಪ್ತಿಸ್ಮಾ ಗಿಹ್ಯಾಸಾಟಿ, ತ್ಯಚಿಕ್ಡ ಯಯಿತ್ಆಸ್ತಾನಾ ತ್ಯನಾ ಯೊಹಾನ್ ಆಸ ಮನ್ಲಾ “ಯೇ ಸಾಪಾಂಚೆ ಪಿಳ್ಗಿನು ಹಾಸ್ಸಾ! ಮೊರ‍್ಹ ದಿಸುನ್ ಯತ್ಯಾಲ್ಯಾ ದೇವಾಚಾ ರಾಗಾತ್ನಿ ಚು಼ಕುವುನ್ ಗಿಹ್ಯಾ ತುಮಾನಾ ಕುನಿ ಜಾ಼ಗೃತ್ ಕಿಲಿತ? 
\v 8 ತಸ ಜಾ಼ಲ್ಯಾಲ್ಯಾ ತುಮ್ಚ ಮನ್ ದೇವಾಕ್ಡ ಪರಾತ್‍ಲ್ಯಾ ಮನ್ಹುನ್ ತುಮ್ಚಾ ಚಾ಼ಂಗಲ್ಯಾ ಕಾಮಾಂಚಾನಿ ದಾವಾ ಅಬ್ರಹಾಮ್ ಆಮಚಾ಼ ವಡಿಲ್ ಮನ್ಹು‍ನ್ ತುಮಿ ಬಡಾಯಿ ಕರುನಕೊಸಾ. ದೇವ್ ಅಬ್ರಮಾಲಾ ಹ್ಯಾ ದೊಂಡ್ಯಾಂಚಾನಿ ಪೊರ ದಿವು ಸಕ್ತೊ ಮನ್ಹುನ್ ತುಮಾನಾ ಸಾಂಗ್ತೊ. 
\v 9 “ಆತಾಸ್ ಜ಼ಾಢಾಚಾ ಬುಡ್‍ಖ್ಯಾತ್ ಕುರ‍್ಯಾಡ್ ಗ್ಯಾತ್ಲೆ, ಚಾ಼ಂಗ್ಲ ಪೀಕ್ ದಿಯಿತ್ ನಸಲ್ಯಾಲಿ ಸಗ್ಳಿ ಜಾ಼ಢ ತುಡುನ್ ಇಸ್‌ಥ್ಯಾತ್ ಗ್ಯಾಲ್ನಾರ್” ಮನ್ಹುನ್ ಸಾಂಗ್ಲ.
\p
\v 10 ತವಾ ತ್ಯಾ ಲೊಕಾಂಚಾನಿ ತ್ಯಲಾ “ತಸ ಜಾ಼ಲ್ಯಾ ಆಮಿ ಕ್ಯಾ ಕರಾ ವ್ಹಯಿ? ಮನ್ಹುನ್ ಇಚಾರ್ಲ.
\p
\v 11 ತವಾ ಯೊಹಾನಾನಿ ತ್ಯನಾ ಉತ್ತರ್ ದಿಲಾ, “ತುಮ್ಚಿಪ ದೊನ್ ಆಂಗ್ಯಾ ಆಸ್‌ಲ್ಯಾಲ್ಯಾನಿ ಕುನಾಲಾ ಅಂಗಿ ನಸ್ನಾರ‍್ಯಾಲಾ ಏಕ್ ದೇವಾವ. ಆನಿ ಕಚಾಪ ಆನ್ ಹಾ, ತ್ಯನಿ ಆನ್ ನಸನಾರ‍್ಯಾಲಾ ಖಾಯಾ ದೇವಾವ” ಮನ್ಹುನ್ ತ್ಯನಾ ಸಾಂಗ್ಲ.
\p
\v 12 ಜ಼ಕದಾರ್ ಸಾಹಿತ್ ಬಾಪ್ತಿಸ್ಮಾ ಗಿಹ್ಯಾವ್ಹಯಿ ಮನ್ಹುನ್ ಯವುನ್ ಪ್ರಭು “ಆಮಿ ಕ್ಯಾ ಕರಾವ್ಹಯಿ; ಮನ್ಹುನ್ ಯೊಹಾನಾಲಾ ಇಚಾರ್ಲ.
\p
\v 13 ತವಾ ಯೊಹಾನ್ ತ್ಯನಾ “ಥರಿವ್‌ಲ್ಯಾಲೆ ಕಿಮ್ತಿವ್ನಿ ಆಗಾವ್ಚ಼ ಕಾಯ್ ವಡುನ್ ಗಿಹುನಕೊಸಾ” ಮನ್ಹುನ್ ತ್ಯನಾ ಸಾಂಗ್ಲ.
\p
\v 14 ಥೊಡ್ಯಾ ಸಿಪಾಯಿಂಚಾನಿ ಯವುನ್ “ಆಮಿ ಕ್ಯಾ ಕರಾವಮನ್ಹೂನ್ ತ್ಯಲಾ ಇಚಾರ್ಲ.
\p ತವಾ ಯೊಹಾನ್ ತ್ಯನಾ “ಕುನಾಲಾ ತರಿ ಬುಜುವುನಕೋಸಾ, ಕುನಾವಬಿ ಲಬಾಡ್ ಚು಼ಕ್ ವಾವುನಕೋಸಾ ಆನಿ ಅನ್ಯಾಯಾನಿ ಪೈಸ ಕಾಡುನ್ ಗಿಹುನಕೊಸಾ ತುಮ್ಚೆ ಕುಲಿತ್ ತುಮಿ ಸಮಾದಾನಾನಿ ರಾವ್ಹಾ” ಮನ್ಹುನ್ ಸಾಂಗ್ಲ.
\p
\v 15 ಆಸ ಆಸ್ಥಾನಾ ಇಸ್ರಾಯಲ್ ಲೊಕ ಯನಾರ‍್ಯಾ ಕ್ರಿಸ್ತಾಚಿ \f + \fr 3:15 \fr*\ft ಕ್ರಿಸ್ತ ಮನ್‌ಲ್ಯಾವ ಹ್ಯಾಚಾ಼ ಅರ್ಥ ಕ್ರಿಸ್ತ್ ಮನ್ಹುನ್ ಕ್ರಿಸ್ತ ಗ್ರೀಕ್ ಬಾಷಾಂತರ್ ಇಬ್ರಿಯಾತ್ ತ್ಯಲಾ ಕ್ರಿಸ್ತ್ ಹ್ಯಚಾ಼ ಖರಸಾ ಅರ್ಥ ಅಭಿಶೇಕ್ ಕೆಲ್ಯಾಲಾ ಜ಼ನ್ಯಾ ಕರಾರಾತ್ ದೇವ್ ಆಪ್ಲ ರಾಜ ಬಾಂದಾಯಾ ಲೊಕಾನಾ ವಾದಿಂಚಾಪ್ನಿ ಸೊಡ್ವಾಯಾ ಆಪ್‍ಲ್ಯಾ ಪ್ರತಿ ನಿಧಿಲಾ ಲಾವುನ್ ದಿಲ್ಯಾ ತ್ಯಲಾ ಕ್ರಿಸ್ತ್ ಮನ್ಹುನ್ ನಾವ್ ತ್ಯೊ ರಾಜಾ಼ ವ್ಹವುನ್ ರಾನ್ಹಾರ್ ಆನಿ ದೇವ್ ಲೊಕಾಂಚಾ಼ ರಕ್ಷಕ್ ಜಾ಼ಲ್ಯಾ\ft*\f*ವಾಟ್ ಬಗಿತ್ ಹುತ್ತಿತ. ಮನ್ಹುನ್ ತೀ ಸಗ್ಳಿ ಯೊಹಾನಾಚೆ ಗುಶ್ಟಿತ್ “ಹ್ಯೊಚ್ ತ್ಯೊ ಕ್ರಿಸ್ತ್ ಆಸಲ್ ಕ್ಯಾ ಕುನಾಲಾ ಠಾವಾ” ಮನ್ಹುನ್ ಆಪ್‍ಲ್ಯಾ ಮನಾತ್ನಿ ಇಚಾರ್ ಕರಿತಿತ.
\p
\v 16 ತವಾ ಯೊಹಾನ್ ತ್ಯನಾ ಸಗ್‍ಳ್ಯಾನಾ, “ಮಿ ತರಿ ತುಮಾನಾ ಪಾನ್ಯಾನಿ ಬಾಪ್ತಿಸ್ಮಾ ದೇನಾರಾ; ಖರ ಮಾಜಿವ್ನಿ ಮೊಟಾ ಯನಾರ್, ತ್ಯಚೆ ವ್ಹಾನಚಾ ಪಟಾ ಸೊಡಾಯಾ ಮಿ ಲಾಯಕ್ ನಾಹಿ ನವ್ಹ. ತ್ಯೊ ಪವಿತ್ರಾತ್ಮಾನಿ ಆನಿ ಇಸ್‍ತ್ಯಾನಿ ತುಮಾನಾ ಬಾಪ್ತಿಸ್ಮಾ ದೇನಾರ್.
\p
\v 17 ತ್ಯನಿ ಸೂಪ್ ಹಾತಾತ್ ದರ್‌ಲ್ಯಾ; ಆಪ್‌ಲ್ಯಾ ಖಳ್ಯಾತ್ಲಿ ರ‍್ಯಾಸ್ ವಾರ‍್ಯಾ ಕರುನ್ ಬರಿ ಕರುನ್ ಗಹು ಕಳಂಜಾ಼ತ್ ಬರ‍್ಹುನ್ ಥೆವ್ನಾರ್, ವ್ಹಟ್ ಇಜ಼ತ್ ನಸ್‍ಲ್ಯಾಲ್ಯಾ ಇಸ್‌ಥ್ಯಾನಿ ಜಾಳನಾರ್” ಮನ್ಹುನ್ ಉತ್ತರ್ ದಿಲಾ. 
\v 18 ಆನಿ ಖುಬ್ ತರನಿ ಯೊಹಾನ್ ಇಸ್ರಾಯೆಲ್ ಲೊಕಾನಾ ಬುದಿ ಸಾಂಗುನ್ ಬರಿ ಖಬರ್ ಸಾಂಗಿತಾ.
\p
\v 19 ಯೊಹಾನಾನಿ ಹೆರೊದಾಲಾ ಖಡ್ಯಾವ್ಲಾ ಕಾ ಮಂಜೆ ತ್ಯೊ ಆಪ್‌ಲ್ಯಾ ಬಾವ್ಹಾಚಿ ದನ್ಗರ್ ಹೇರೊದಿಯಾಸಂಗ ಅನೈತಿಕ ಸಮಂದ್ ಹುತ. ಆನಿ ದಿಸರಿ ಬುರ್ಸಿ ಕಾಮ ಖುಬ್ ಕಿಲಿತ. 
\v 20 ಹೆರೊದಾಲಾ ಯೊಹಾನ್ ದಪಕ್ಯಾವಿತ್ ಹುತ್ತಾ. ಮನ್ಹುನ್ ಯೊಹಾನಾಲಾ ಹೆರೊದಾನಿ ಕುಂಡುನ್ ಥೆವ್ಲಾ ಆನಿ ಆಪ್‍ಲ್ಯಾ ವಾಯಿಟ್ ಕಾಮಾಚಾ ಇಸೊಬ್ ಜಾಸ್ತಿಕೆಲಾ.
\s ಯೇಸುಚಿ ಬಾಪ್ತಿಸ್ಮಾ.
\r (ಮತ್ತಾಯ್ 3:13-17; ಮಾರ್ಕ್ 1:9-11)
\p
\v 21 ಲೊಕಾಂಚಾನಿ ಯೊಹಾನಾಪ್ನಿ ಬಾಪ್ತಿಸ್ಮಾ ಗೆತ್ಲಿ ತವಾ ಯೇಸುನಿ ದಿಕಿಲ್ ಬಾಪ್ತಿಸ್ಮಾ ಗಿತ್ಲಿ ತವಾ ಯೇಸು ಮಾಗ್ನ ಕರ್ತಾನಾ ಆಬಾಳ್ ಉಗಾಡ್ಲ. 
\v 22 ಆನಿ ಪವಿತ್ರಾತ್ಮ ಪ್ಯಾರ್‌ವ್ಯಾಚೆಗತ್ ವ್ಹವುನ್ ಯೇಸುವ ಉತ್ತಾರ್ಲ. ತವಾ “ತು ಮಾಜಾ಼ ಮಾಯೆಚಾ಼ ಲ್ಯೊಕ್, ತು ಮಾಜಾ ಮನಾತ್ ಬರಲ್ಯಾಸ್” ಮನ್ಹುನ್ ಸ್ವರ್ಗಾತ್ನಿ ಸಬ್ದ ಆಲಾ.
\s ಯೇಸುಚಿ ವಂಶಾವಳಿ
\r (ಮತ್ತಾಯ್ 1:1-17)
\p
\v 23 ಯೇಸುನಿ ಉಪದೆಸ್ ಸುರು ಕೆಲಾ ತವಾ ಹಿಕ್ಡ ತಿಕ್ಡ ತೀಸ್ ವರ್ಸಾಚಾ಼ ಹುತ್ತಾ. ತ್ಯೊ ಲೊಕಾಂಚೆ ಇಸಾಬಾನಿ ಯೊಸೆಪಾಚಾ ಲ್ಯೊಕ್ ಯೊಸೆಪ್ ಹೆಲಿಚಾ ಲ್ಯೊಕ್; 
\v 24 ಹೆಲಿ ಮಥಾತಾಚಾ ಲ್ಯೊಕ್. ಹ್ಯೊ ಮಥಾತಾ ಲೆವಿಚಾ ಲ್ಯೊಕ್. ಹ್ಯೊ ಮೆಲ್ಕಿಚಾ ಲ್ಯೊಕ್. ಹ್ಯೊ ಜನ್ನಾಯಾಚಾ಼ ಲ್ಯೊಕ್. ಹ್ಯೊ ಯೊಸೆಪಾಚಾ ಲ್ಯೊಕ್. 
\v 25 ಹ್ಯೊ ಮಥತಿಚಾ ಲ್ಯೊಕ್. ಹ್ಯೊ ಆಮೊಸಾಚಾ಼ ಲ್ಯೊಕ್; ಹ್ಯೊ ನಹುಮಾಚಾ ಲ್ಯೊಕ್; ಹ್ಯೊ ಎಸ್ಲಿಚಾ಼ ಲ್ಯೊಕ್; 
\v 26 ಹ್ಯೊ ನಗ್ಗಾಯಾಚಾ ಲ್ಯೊಕ್; ಹ್ಯೊ ಮಹಾಥಾಚಾ ಲ್ಯೊಕ್; ಹ್ಯೊ ಮಥತಿಚಾ ಲ್ಯೊಕ್; ಶಿಮಿಚಾ ಲ್ಯೊಕ್; ಹ್ಯೊ ಜೋಸೆಸಾ ಲ್ಯೊಕ್; 
\v 27 ಹ್ಯೊ ಯುದಾಚಾ ಲ್ಯೊಕ್; ಹ್ಯೊ ಜೊನಾಚಾ಼ ಲ್ಯೊಕ್; ಹ್ಯೊ ರೇಸಾಸಾ ಲ್ಯೊಕ್; ಜೆರುಬಾಬೆಲಾಚಾ ಲ್ಯೊಕ್; ಹ್ಯೊ ಸಲಥಿಯಲಾಚಾ ಲ್ಯೊಕ್; ಹ್ಯೊ ಸೆರಿಯಾಚಾ ಲ್ಯೊಕ್; ಹ್ಯೊ ಮೆಲ್ಕಿಯಾಚಾ ಲ್ಯೊಕ್; 
\v 28 ಹ್ಯೊ ಅದ್ದಿಚಾ಼ ಲ್ಯೊಕ್; ಕೊಸಾಮಾಚಾ ಲ್ಯೊಕ್; ಹ್ಯೊ ಎಲ್ಮಿದಾಚಾ ಲ್ಯೊಕ್; ಹ್ಯೊ ಎರಾಚಾ಼ ಲ್ಯೊಕ್; 
\v 29 ಹ್ಯೊ ಜೊಹೊಶುಚಾ಼ ಲ್ಯೊಕ್; ಹ್ಯೊ ಎಲಿಯೆಜರಾಚಾ಼ ಲ್ಯೊಕ್; ಹ್ಯೊ ಜೊರೈಮಾಚಾ಼ ಲ್ಯೊಕ್; ಹ್ಯೊ ಮಥಾತಾಚಾ಼ ಲ್ಯೊಕ್; ಹ್ಯೊ ಲೇವಿಚಾ಼ ಲ್ಯೊಕ್; 
\v 30 ಹ್ಯೊ ಸಿಮೊನಾಚಾ಼ ಲ್ಯೊಕ್; ಹ್ಯೊ ಯುದಾಚಾ಼ ಲ್ಯೊಕ್; ಹ್ಯೊ ಯೊಸೆಪಾಚಾ಼ ಲ್ಯೊಕ್; ಯೊನಾಮಾಚಾ಼ ಲ್ಯೊಕ್; ಹ್ಯೊ ಎಲಿಕಿಮಾಚಾ಼ ಲ್ಯೊಕ್; 
\v 31 ಹ್ಯೊ ಮಲೆಯಾಚಾ಼ ಲ್ಯೊಕ್; ಹ್ಯೊ ಮನ್ನಾಚಾ ಲ್ಯೊಕ್; ಮಥಾಥಚಾ ಲ್ಯೊಕ್; ಹ್ಯೊ ನಾತನಾಚಾ ಲ್ಯೊಕ್; ಹ್ಯೊ ದಾವಿದಾಚಾ ಲ್ಯೊಕ್; 
\v 32 ಹ್ಯೊ ಯೆಸಿಯಾಚಾ಼ ಲ್ಯೊಕ್; ಹ್ಯೊ ಜಬೆದಾಯಾಚಾ ಲ್ಯೊಕ್; ಹ್ಯೊ ಬೋವಜಾ಼ಚಾ ಲ್ಯೊಕ್; ಸಲ್ಮೊನಾಚಾ ಲ್ಯೊಕ್; ನಹಸ್ಸೊನಾಚಾ ಲ್ಯೊಕ್; 
\v 33 ಹ್ಯೊ ಅಮಿನಾದಾಬಾಚಾ ಲ್ಯೊಕ್; ಹ್ಯೊ ಅರನೈಯಾಚಾ ಲ್ಯೊಕ್; ಹೆಸ್ರೋನಾಚಾ ಲ್ಯೊಕ್; ಹ್ಯೊ ಪರೆಸಾಚಾ ಲ್ಯೊಕ್; 
\v 34 ಹ್ಯೊ ಜು಼ದಾಚಾ ಲ್ಯೊಕ್; ಹ್ಯೊ ಯಾಕೊಬಾಚಾ಼ ಲ್ಯೊಕ್; ಹ್ಯೊ ಇಸಾಕಾಚಾ ಲ್ಯೊಕ್; ಹ್ಯೊ ಅಬ್ರಹಾಮಾಚಾ ಲ್ಯೊಕ್; ಹ್ಯೊ ತೇರಹಾಚಾ಼ ಲ್ಯೊಕ್; ಹ್ಯೊ ನಹೋರಾಚಾ ಲ್ಯೊಕ್; 
\v 35 ಹ್ಯೊ ಸೆರುಗಾಚಾ ಲ್ಯೊಕ್; ಹ್ಯೊ ರೆಗುವಾಚಾ ಲ್ಯೊಕ್; ಹ್ಯೊ ಪೆಲೆಗಾಚಾ ಲ್ಯೊಕ್; ಹ್ಯೊ ಹೆಬೆರಾಚೆ ಲ್ಯೊಕ್; ಹ್ಯೊ ಸಾಲಾಚಾ ಲ್ಯೊಕ್; 
\v 36 ಹ್ಯೊ ಕಾಯಿನಾಚಾ಼ ಲ್ಯೊಕ್; ಹ್ಯೊ ಅರ್ಪಕ್ಷಚಾ಼ ಲ್ಯೊಕ್; ಹ್ಯೊ ಶೇಮನಾಚಾ಼ ಲ್ಯೊಕ್; ಹ್ಯೊ ನೊಹನಾಚಾ಼ ಲ್ಯೊಕ್; ಹ್ಯೊ ಲಾಮೆಕಾಚಾ಼ ಲ್ಯೊಕ್; 
\v 37 ಹ್ಯೊ ಹನೊಕಾಚಾ ಲ್ಯೊಕ್; ಹ್ಯೊ ಜೆರೆದಾಚಾ಼ ಲ್ಯೊಕ್; ಹ್ಯೊ ಮಹಲಲೇಲಾಚಾ ಲ್ಯೊಕ್; ಹ್ಯೊ ಕಯಿನಾಚಾ಼ ಲ್ಯೊಕ್; 
\v 38 ಹ್ಯೊ ಯೆನೊಶನಾಚಾ ಲ್ಯೊಕ್; ಹ್ಯೊ ಸೇಥನಚಾ ಲ್ಯೊಕ್; ಹ್ಯೊ ಆದಾಮಾಚಾ಼ ಲ್ಯೊಕ್; ಆದಾಮ್ ದೇವಾಚಾ ಲ್ಯೊಕ್.
\c 4
\s ಸೈತಾನಾಪ್ನಿ ಯೇಸುಚಿ ಪರಿಕ್ಷಾ
\r (ಮತ್ತಾಯ್ 4:1-11; ಮಾರ್ಕ್ 1:12-13)
\p
\v 1 ಯೇಸು ಪವಿತ್ರಾತ್ಮಾನಿ ಬರ‍್ಹುನ್ ಯೊರ್ದಾನ್ ನ್ಹತ್ನಿ ಪರಾತ್ಲಾ. ಆನಿ ತ್ಯಲಾ ಆತ್‌ಮ್ಯಾನಿ ಕಡ್ಯಾತ್ ರಾಥ್ಯಾಲ್ಯಾ ಲೊಕಾಪ್ನಿ ನೆಲಾ; 
\v 2 ತಿಥ ಸೈತಾನಾನಿ ಚಾಳಿಸ್ ದಿಸ್ ತ್ಯಚಿ ಪರಿಕ್ಷೆ ಕಿಲಿ. ತ್ಯಾ ದೀಸಾತ್ ಯೇಸುನಿ ಕಾಯ್ ಖಾಲನಾಹಿ. ತೇ ದೀಸ್ ಸಪ್‌ಲ್ಯಾವರ್, ತ್ಯಲಾ ಖುಬ್ ಭುಕ್ ಲಾಗ್ಲಿ.
\p
\v 3 ತವಾ ಸೈತಾನ್ ಯೇಸುಲಾ ಮನ್ಲಾ. “ತು ದೇವಾಚಾ಼ ಲ್ಯೊಕ್ ಹಾಸ್ತ ಹ್ಯಾ ದೊಂಡ್ಯಾಚಾ ಬಾಖರ‍್ಯಾ ಹೊ ಮನ್ಹುನ್ ಸಾಂಗ್. ”
\p
\v 4 ತ್ಯಲಾ ಯೇಸು
\q1 “ಮಾನುಸ್ ನಿಸ್ತೆ ಬಾಕ್ರಿನಿ ಜ಼ಗತ್ ನಾಹಿ,\rq ಧರ್ಮೋಪದೇಶ 8:3\rq*
\m ಆಸ ಮೋಸೆಚಾ ಧರ್ಮಶಾಸ್ತಾರಾತ್ ಲಿವ್‌ಲ್ಯಾ” ಮನ್ಹುನ್ ಜ಼ಬಾಬ್ ದಿಲಾ.
\p
\v 5 ಮಂಗ್ ಸೈತಾನಾನಿ ಯೇಸುಲಾ ಮೊಟ್ಯಾ ಗುಢ್ಯಾವ ನಿಹುನ್ ಪರಪಂಚಾತ್ಲ ರಾಜೆ ಸಗ್ಳ ಯಂಗ್ದಾಸ್ ದಾವುನ್; 
\v 6 ಹ್ಯಂಚಿವ್ಲಾ ಸಗ್ಳಾ ಅಧಿಕಾರ್ ಆನಿ ಹ್ಯಂಚಾ಼ ವೈಭವ್ ಮನಾ ದಿಲ್ಯಾಲಹಾ ಹ್ಯ ಮಿ ಮಾಜಾ ಮನಾಸ್ ಯಯಿಲ್‌ತ್ಯಲಾ ದೆತೊ. 
\v 7 ಮನ್ಹುನ್ “ಯೇಸುಲಾ ತು ಮನಾ ಆರಾದನ್ ಕೆಲ್ಯಾವ ಮಿ ಹ್ಯ ಸಗ್ಳ ತುಲಾ ದಿಯಿನ್” ಮನ್ಲಾ.
\p
\v 8 ತವಾ ಯೇಸುನಿ
\q1 ತ್ಯಲಾ ಉತ್ತರ್ ದಿಲಾ “ಪ್ರಭು ತುಜಾ಼ ದೇವ್ ತ್ಯಲಾ ಆರಾದನ್ ಕರ್ ಆನಿ
\q2 ತ್ಯಚಾ ಪಾಯಾ ಪಡ್ \rq ಧರ್ಮೋಪದೇಶ 6:13\rq*
\m ಆಸ ಮೋಸೆಚಾ ಧರ್ಮಶಾಸ್ತಾರಾತ್ ಲಿವ್‍ಲ್ಯಾಲಹಾ” ಮನ್ಲಾ
\p
\v 9 ಮಂಗ್ ಸೈತಾನಾನಿ ಯೇಸುಲಾ ಯೆರುಸಲೇಮಿತ್ ದೇವ್ಳಾಚಾ ಟೊಕಾವ ನಿಹುನ್ ತು ದೇವಾಚಾ಼ ಲ್ಯೊಕ್ ಆಸ್ಲಾಸ್ತ ಹಿತ್ನಿ ಖಾಲ್ ಉಡಿ ಮ್ಯಾರ್.
\q1
\v 10 ತುಲಾ ರಕ್ಶನ್ ಕರಾಲಾ ದೇವ್ ಆಪ್‌ಲ್ಯಾ ಧುತಾನಾ ತುಜೆಯಸಿ ಆಜ್ಞಾ ದಿಯಿಲ್ ಮನ್ಲಾ.
\q1
\v 11 ಆನಿ ತುಜ಼ ಪ್ಯಾ ದೊಂಡ್ಯಾವ ಆಪ್ಟು ನಾಹಿ ಮನ್ಹುನ್
\q2 ತೇ ತುಲಾ ಹತಾತ್ ಜಾ಼ಖುನ್ ದರ್ಥಿಲ
\m ಆಸ ಮೋಸೆಚಾ ಧರ್ಮಶಾಸ್ತಾರಾತ್ ಲಿವ್‍ಲ್ಯಾಲಹಾ” ಮನ್ಲಾ.
\p
\v 12 ತವಾ,
\q1 ““ತುಜಾ಼ ದೇವ್‍ ಜ಼ಾಲ್ಯಾಲ್ಯಾ ಪ್ರಭುಚಿ ಪರಿಕ್ಷಾ ಕರು ನಕೊಸ್”
\m ಆಸ ಮೊಸೇಚಾ ಧರ್ಮಶಾಸ್ತಾರಾತ್ ಲಿವ್‌ಲ್ಯಾಲಹಾ ಮನ್ಹುನ್ ಯೇಸುನಿ ಸೈತಾನಾಲಾ ಉತ್ತರ್ ದಿಲಾ.
\b
\m
\v 13 ಮಂಗ್ ಸೈತಾನ್ ಸಗ್‌ಳ್ಯಾ ಪರಿಕ್ಷಾ ಸುಪುನ್ ಥೊಡಾ ಯೊಳ್ ಯೇಸುಲಾ ಸುಡುನ್ ಗೆಲಾ.
\s ಗಲಿಲಾಯಾತ್ ಯೇಸುಚಾ ಉಪದೆಸ್
\r (ಮತ್ತಾಯ್ 4:12-17; ಮಾರ್ಕ್ 1:14-15)
\p
\v 14 ಮಂಗ್ ಯೇಸು ಪವಿತ್ರಾತ್ಮಾಚಾ ಬಳಾನಿ ಬರ‍್ಹುನ್ ಗಲಿಲಾಯ್ ಸಿಮತ್ ಆಲಾ ಆನಿ ತ್ಯಚಿ ಕಿರ್ತಿ ತಿತ್ಲೆ ದುನೆತ್ ಪಗಾಳಿ. 
\v 15 ಯೇಸು ತ್ಯಂಚಾ ಆರಾದನೆಚಾ ಜಾ಼ಗ್ಯಾವ ಉಪದೆಸ್ ದಿಯಿತಾ ಆನಿ ಸಗ್ಳಿ ಲೊಕ ತ್ಯಲಾ ವವ್ಯಾಳಿತಿತ.
\s ಯೇಸುಲಾ ತ್ಯಚಾ ಗಾವಾತ್ ನಾಖಾರ್ಲ್ಯಾಲ
\r (ಮತ್ತಾಯ್ 13:53-58; ಮಾರ್ಕ್ 6:1-6)
\p
\v 16 ಮಂಗ್ ಯೇಸು ನಾನ್ಹಾಚಾ ಥೊರ್‌ಜಾ಼ಲ್ಯಾಲೆ ನಜರೆತಿತ್ ಆಲಾ ಆನಿ ಆಪ್ಲೆ ಪದ್ದತಿ ಶಾರ್ಕ ಸಬ್ಬತ್ ದಿಸಾದಿಸಿ ಆರಾದನೆಚಾ ಜಾ಼ಗ್ಯಾವ ಜಾ಼ವುನ್ ಪುತೀಕ್ ವಾಚವಾಯಾ ಉಬಾರಾಯಿಲಾ.
\p
\v 17 ತವಾ ಪ್ರವಾದಿ ಯೆಶಾಯಚ಼ ಗ್ರಂಥ ತ್ಯಲಾ ವಾಚವಾಯ ದಿಲ ಯೇಸುನಿ ತ್ಯ ಉಗ್ಡುನ್ ವಾಚಿವ್ಲ. \fig ಇಡ್ಯಾ |alt="Scroll" src="hk00150c.tif" size="col" copy="Horace Knowles ©" ref="4:16"\fig*
\q1
\v 18 ತಿಥ ಆಸ ಲಿವ್ಲ ಹುತ್ತ “ಪ್ರಬುಚ಼ ಆತ್ಮ ಮಾಜಿ಼ವ ಹಾ.
\q1 ತ್ಯನಿ ಮನಾ ಗರಿಬಾನಾ ಬರಿ ಖಬರ್ ಸಾಂಗಾಯಾ ಥರಿವ್‌ಲ್ಯಾ.
\q1 ದರುನ್ ನೆಲ್ಯಾಲ್ಯಾನಾ ಸೊಡಾಯಾ ಆನಿ
\q2 ಅಂದ್‌ಳ್ಯಾನಾ ಡೊಳ್ಯಾನಿ ದಿಸಶಾರ್ಕ ಕರಾಯಾ.
\q1 ಮನ್ ಮೊಡ್‌ಲ್ಯಾಲಾನಾ ಸುಡುನ್ ಲಾವುನ್ ದಿಯಾ.
\q2
\v 19 ಪ್ರಭುನಿ ಆಪ್‌ಲ್ಯಾ ಲೊಕಾನಾ ಸೊಡ್ವಾಯಾ ಯೊಳ್ ಆಲ್ಯಾ ಮನ್ಹುನ್ ಸಾಂಗಾಯಾ ಮನಾ ಲಾವುನ್ ದಿಲ್ಯಾ. ಮನ್ಹುನ್ \rq ಯೆಶಾಯ್ 61:1-2\rq*
\p
\v 20 ಮನ್ಹುನ್ ಯೇಸುನಿ ತ್ಯಾ ಗ್ರಂಥಾಚಿ ಇಡಿ ಕರುನ್ ಸೇವಕಾಪ ದಿವುನ್ ತ್ಯೊ ಖಾಲ್ ಬಸ್ಲಾ ಆನಿ ಆರಾದನೆಚಾ ಜಾ಼ಗ್ಯಾವಲ್ಯಾ ಸಗ್‍ಳ್ಯಾ ಲೊಕಾಂಚಿ ನದಾರ್ ಯೇಸುವ ಹುತ್ತಿ. 
\v 21 ಯೇಸುನಿ ತ್ಯನಾ ಸಾಂಗ್‌ಲ್ಯಾಲ ಕ್ಯಾ ಮನ್‌ಲ್ಯಾವ, “ಮಿ ಆತಾ ವಾಚಿವ್‌ಲ್ಯಾಲ ಹ್ಯ ಸಬಾತ್ ತುಮಿ ಆಯಿಕ್ಲಸಾ ತವಾಸ್ ತೇ ಪುರ ಜಾ಼ಲ!” ಮನ್ಹುನ್ ಸಾಂಗ್ಲ.
\p
\v 22 ತವಾ ಲೊಕ ಸಗ್ಳಿ ತ್ಯಲಾ ವವ್ಯಾಳುನ್ ತ್ಯನಿ ಸಾಂಗ್‍ಲ್ಯಾಲ ಚಾ಼ಂಗ್ಲ ಸಬ್ದಾನಾ ಸಾಹಿತ್ ಆಜಾಬ್ ಜಾ಼ಲಿತ ಆನಿ ಹ್ಯೊ ಆಸ ಕಸಾ ಬೊಲ್ತೊ? ಹ್ಯೊ ಯೊಸೆಪಾಚಾ಼ ಲ್ಯೊಕ್ ನವ್ಹ ಕ್ಯಾ? ಮನ್ಹಾ ಲಾಗ್ಲಿತ.
\p
\v 23 ತ್ಯೊ ತ್ಯನಾ ಮನ್ಲಾ, “ಖರ‍್ಯಾನಿಸ್ ತುಮಿ ಜು಼ನ್ನ ಮ್ಹನ ಮನಾ ಲಾಗು ಕರ್ನಾರ್ ಯೇ ವೈದ್ಯಾ ತು ತುಲಾಸ್ ಬರಕರ್’ ಕಪೆರ್ನೌಮತ್ ಜೆ ಗುಶ್ಟಿ ತು ಕೆಲ್ಯಾಸ್ ತ್ಯಾ ಆಮಿ ಐಕ್‍ಲ್ಯಾತಾ ತ್ಯಾ ಹಿತಬಿ ಆಮ್ಚಾ ಗಾವಾತ್ ಕರ್. ” 
\v 24 ಯೇಸು ತ್ಯನಾ ಮನ್ಲಾ, ಖರ‍್ಯಾನಿ ಸಾಂಗ್ತೊ ಕಚಾ಼ಸ್ ಪ್ರವಾದಿಲಾ ಆಪ್‌ಲ್ಯಾ ಸ್ವತಾಚಾ ಗಾವಾತ್ ಮರ‍್ಯಾದ್ ನಾಹಿ.
\p
\v 25 ಆನಿ “ಮಿ ತುಮಾನಾ ಖರ ಸಾಂಗ್ತೊ ಯಲಿಯಾಚಾ, ಕಾಲಾತ್ ಸಾಡತೀನ್ ವರ್ಸ ಆಬಾಳ್ ಬಂದ್ರಾಹುನ್ ಸಗ್ಳೆ ದೇಶೆತ್ ಪಾವುಸ್ ಲಾಗಾಚೆಆಂದಿ ಬರ್ಗಾಲ್ ಪಡ್ಲಹುತ್ತ. ತ್ಯಾ ಕಾಲಾತ್ ಇಸ್ರಾಯಲಾತ್ ಕಿತೀಕಿ ವಿದ್ವಾ ಹುಥ್ಯಾ. 
\v 26 ಫನ್ ತ್ಯಾತ್ಲೆ ಯಕಿಪಬಿ ಯಲಿಯಾಲಾ ಲಾವುನ್ ದಿಲಾ ನವಥಾ; ಖರ ಸಿದೊನ್ ಪರದೇಶಾತ್ಲೆ ಸರೆಪತ್ ಗಾವಾತ್ಲೆ ಯಕ ವಿದವೆಪ ತ್ಯವ್ಡಾಸ್ ಲಾವುನ್ ದಿಲಾಹುತ್ತಾ. ”
\p
\v 27 ಆನಿ ಎಲಿಶ್ “ಪ್ರವಾದಿಚಾ ಕಾಲಾತ್ ಇಸ್ರಾಯಲ್ ದುನಿಯಾತ್ ಕಿತಿತರಿ ಲೊಕ ಕುಶ್ಟ ರೊಗಾಚಿ ಹುತ್ತಿತ. ಫನ್ ತ್ಯಾತ್ಲ ಯೊಕ್ಬಿ ಶುದ್ದ ವ್ಹಯಾಚೆ ಆಂದಿ ಸಿರಿಯಾ ದೆಶೆತ್ಲಾ ನಾಮನ್ ತ್ಯವ್ಡಾಸ್ ಬರಜಾ಼ಲ್ಹಾ” ಮನ್ಹುನ್ ಸಾಂಗ್ಲ.
\p
\v 28 ಸಭಾಸ್ಥಾನತ್ಲಿ ಲೊಕ ಸಗ್ಳಿ ಹೆ ಸಬ್ದ ಐಕುನ್ ಖುಬ್ ರಾಗ್ ಕರುನ್ 
\v 29 ಉಠುನ್ ಯೇಸುಲಾ ಗಾವಾತ್ನಿ ಬಾಹಿರ್ ಗಾಲುನ್ ತ್ಯಂಚಾ ಗಾವ್‍ ಬ್ಯಾಂದ್‌ಲ್ಯಾಲ್ಯಾ ಗುಢ್ಯಾ ವರ್ ನಿಹುನ್ ಡಕ್ಲುನ್ ಗಾಲ್ಹಾಹ್ವಯಿ ಮನ್ಹಿತಿತ. 
\v 30 ಖರ ತ್ಯೊ ತ್ಯಂಚೆ ಮದ್ನಿ ನಿಗುನ್ ಗೆಲಾ.
\s ಭುತ್ ದರ್ಲ್ಯಾಲ್ಯಾಲಾ ಯೇಸುನಿ ಬರ ಕೆಲ್ಯಾಲ
\r (ಮಾರ್ಕ್ 1:21-28)
\p
\v 31 ಯೇಸು ಗಲಿಲಾಯಾತ್ ಉತುರುನ್ ಗಲಿಲಾಯಾತ್ಲೆ ಕಪೆರ್ನೌಮ ಗಾವಾತ್ ಗೆಲಾ ತಿಥ ಸಬ್ಬತ್ ದಿಸಾತ್ ತ್ಯನಾ ಶಿಕ್ಶನ್ ದಿಯಿತ್ ಹುತ್ತಾ. 
\v 32 ತ್ಯಚ಼ ಶಿಕ್ಶನ್ ಐಕುನ್ ತೇ ಖುಬ್ ಆಜಾಬ್ ಜಾ಼ಲ ಕಾ ಮಂಜೆ ತ್ಯಚ಼ ಬೋಲ್ನ ಅಧಿಕಾರಾಚ಼ ಹುತ್ತ.
\p
\v 33 ತವಾ ಲಾಗಿರ ಲಾಗ್‌ಲ್ಯಾಲಾ ಮಾನುಸ್ ಸಭಾಸ್ಥಾನಾತ್ ಹುತ್ತಾ. ತ್ಯೊ ಮೊಟ್ಯಾನಿ ವರ್ಡುನ್ ಮನ್ಲಾ. 
\v 34 ಆರ ನಜ಼ರೆತಿಚಾ ಯೇಸು; ತು ಆಮ್ಚೆ ಮಾಗ ಕಾ ಲಾಗ್ತೊಸ್? ತು ಆಮ್‌ಚಾ಼ ನಾಸ್ ಕರಾಯಾ ಆಲಾಸ್ ಕ್ಯಾ? ತು ಕೊನ್ ಠಾವಾ ಹಾಸ್, ತು ದೇವಾನಿ ಲಾವುನ್ ದಿಲ್ಯಾಲಾ ಪರಿಶುದ್ದ.
\p
\v 35 ತವಾ ಯೇಸುನಿ ತ್ಯಲಾ ದಪ್‌ಕಾವುನ್ “ಗಪ್ಚಿಪ್ ರ‍್ಹಾ ಹೆಲಾ ಸುಡುನ್ ಜಾ಼” ಮನ್ಲಾ ಲಾಗಿರ್ ತ್ಯಾ ಮಾನ್ಸಾಲಾ ತ್ಯಂಚೆ ಮದ್ದಿ ಖಾಲ್ ಅಪ್ಟುನ್ ಕಾಯ್ ತರಾಸ್ ಕರಾಚೆ ಆಂದಿ ತ್ಯಚೆ ಆತ್ನಿ ನಿಗ್ಲ.
\p
\v 36 ತವಾ ಸಗ್ಳಿ ಹ್ಯ ಬಗುನ್ ಲೊಕ ಗಾಬ್ರುನ್ ಹ್ಯ ಕ್ಯಾ ಬೋಲ್ನ? ಹ್ಯೊ ಅಧಿಕಾರಾನಿ ಆನಿ ಬಳಾನಿ ಲಾಗಿರಾನಾ ಆಜ್ಞೆ ಕರ್ತ್ಯೊ ಆನಿ ತಿ ನಿಗುನ್ ಜಾ಼ತ್ಯಾತ ಮನ್ಹುನ್ ಯಕಾಮಕಾಲಾ ಮನ್ಹೂಲಾಗ್ಲ. 
\v 37 ಆನಿ ಮಂಗ್ ಯೇಸುಚಿ ಖಬರ್ ಸರ್ಬೌತಾಚಾ ಗಾವಾತ್ನಿ ಸಗ್ಳಿಕ್ಡ ಪಗಳತ್ ಗಿಲಿ.
\s ಯೇಸುಪ್ನಿ ಬರಿಜಾ಼ಲ್ಯಾಲಿ ಮಾನ್ಸ
\r (ಮತ್ತಾಯ್ 8:14-17; ಮಾರ್ಕ್ 1:29-34)
\p
\v 38 ಯೇಸು ಸಭಾಸ್ಥಾನಾತ್ನಿ ಉಠುನ್ ಸಿಮೊನಾಚಾ ಗರ‍್ಹಾತ್ ಆಲಾ, ತಿಥ ಸಿಮೊನಾಚಿ ಸಾಸೊ ಖುಬ್ ತಾಪ್ ಯವುನ್ ಪಡ್ಲಿಹುತ್ತಿ ತಿಚೆ ಸಾಟಿ ತ್ಯಚಿಪ ತ್ಯಂಚಾನಿ ಇನಂತಿಕಿಲಿ. 
\v 39 ತವಾ ಯೇಸು ತಿಚಿಪ ಉಬಾರಾಹುನ್ ತ್ಯಾ ತಾಪಾಲಾ ದಪ್‍ಕ್ಯಾವಾಲಾ ತವಾ ತಿಲಾ ತಾಪ್ ಸುಡುನ್ ಗೆಲಾ, ತವಾಸ್ ತಿನಿ ಉಠುನ್ ತ್ಯಂಚಿ ಸೆವಾ ಕಿಲಿ.
\p
\v 40 ಮಂಗ್ ದೀಸ್ ಮಾವಾಳ್ತಾನಾ ಕುನಾಕುನಾಚಾ ಗರಾತ್ನಿ ತರತರಾಚಾ ರೊಗಾನಿ ಆಸ್‌ಲ್ಯಾಲ್ಯಾನಾ ಲೊಕಾಂಚಾನಿ ಯೇಸುಪ ಆನ್ಲಿತ ಆನಿ ಯೇಸುನಿ ತ್ಯಂಚಾತ್‍ಲ್ಯಾ ಪರತೇಕಾವ ಹಾತ್‍ ಥೆವುನ್ ತ್ಯನಾ ಬರ ಕೆಲ 
\v 41 ತು ದೇವಾಚಾ಼ ಲ್ಯೊಕ್ ಹಾಸ್, ಆಸಿ ವರ್ಡತ್ ಲಾಗಿರ ದಿಕಿಲ್ ಖುಬ್ ಮಾನ್ಚಾತ್ನಿ ನಿಗಲಿತ ಫನ್ ಯೇಸುನಿ ಲಾಗಿರಾನಾ ದಪ್‌ಕ್ಯಾವಿತ್ ಆನಿ ಬುಲುದಿಲಿ ನಾಹಿತ ಕಾ ಮಂಜೆ ತ್ಯೊ ಕ್ರಿಸ್ತ ಮನ್ಹುನ್ ತ್ಯನಾ ಠಾವಾ ಹುತ್ತಾ.
\s ಯೇಸುನಿ ಸಭಾಸ್ಥಾನಾತ್ ಕೆಲ್ಯಾಲಾ ಪ್ರಸಂಗ
\r (ಮಾರ್ಕ್ 1:35-39)
\p
\v 42 ಮಂಗ್ ದಿಸ್ರೆ ದಿಸಿ ಯೇಸು ಲೊಕಾನಾ ಸುಡುನ್ ಯಕಾನ್ಸಿ ಗೆಲಾ ತವಾ ಲೊಕ್ ಸಮುದಾಯಾ ತ್ಯಲಾ ಸುದಿತ್ ತ್ಯಚೆ ಜ಼ವಳ್ ಆಲಿ ಆನಿ ಆಪ್ಲಿಪ್ನಿ ತ್ಯನಿ ಜಾ಼ವು ನಾಹಿ ಆಸ ತ್ಯಲಾ ಆಡ್ಯಾವುನ್ ಸರ್ಬೌರಿ ರಾಹ್ಲಿತ. 
\v 43 ಫನ್ ಯೇಸು ತ್ಯನಾ ಮನ್ಲಾ “ಮನಾ ಸಗ್‌ಳ್ಯಾ ಗಾವಾತ್ನಿಬಿ ದೇವಾಚಾ ರಾಜಾಚಿ ಖಬರ್ ಸಾಂಗಾಯಾ ಪಾಯ್ಜೆ ಕಾ ಮಂಜೆ ತ್ಯಚಿಸಾಟಿಸ್ ಮನಾ ಲಾವುನ್ ದಿಲ್ಯಾಲಾ ಹಾ. ”
\p
\v 44 ಮಂಗ್ ತ್ಯೊ ತೇ ದೇಶೆಚಾ ಸಗ್‌ಳ್ಯಾ ಸಭಾಸ್ಥಾನಾತ್ನಿ ಉಪದೆಸ್ ಕೆಲಾ.
\c 5
\s ಯೇಸುನಿ ಪೈಲಾ ಶಿಶ್ಯಾಲಾ ಹಾಕಟ್‍ಲ್ಯಾಲ
\r (ಮತ್ತಾಯ್ 4:18-22; ಮಾರ್ಕ್ 1:16-20)
\p
\v 1 ಯೇಕ್ ದೀಸ್ ಯೇಸು. ಲೊಕ್ ಸಮುದಾಯಾ ಯೇಸುಚೆ ಜ಼ವಳ ಗರ್ದಿಕರುನ್ ದೇವಾಚ಼ ಸಬ್ದ ಐಕ್ತಾ ಆಸ್ಥಾನಾ ತ್ಯೊ ಗೆನೆಜ಼ರೇತ್ ತಳಿಚೆ ದರವ ಉಬಾಹುತ್ತಾ. 
\v 2 ತವಾ ತ್ಯನಿ ತಳಿಚೆ ದರವ ಲಾಗಲ್ಯಾಲ್ಯಾ ದೊನ್‍ ವ್ಹಡ್ಯಾ ಬಗಲ್ಯಾ; ಮಾಸದರ್ಥ್ಯಾಲ ತ್ಯಾತ್ನಿ ಬಾಹಿರ್ ಯವುನ್ ಆಪ್ಲಿ ಜಾ಼ಳಿ ದುಹಿತ್ ಹುತ್ತ. 
\v 3 ತ್ಯಾ ವ್ಹಡ್ಯಾತ್ನಿ ಯೇಕ್ ವ್ಹಡಿ ಸಿಮೊನಾಚಿ ಹುತ್ತಿ. ತಿಚಿವ ಯೇಸು ಚ಼ಡುನ್ ದರ್ ಸುಡುನ್ ಜ಼ರಾ ಮೊರ‍್ಹ ರೆಟಾ ಮನ್ಹುನ್ ತ್ಯನಾ ಸಾಂಗ್ಲ; ಮಂಗ್ ತ್ಯೊ ವ್ಹಡಿತ್ ಬಸುನ್ ಲೊಕ್ ಸಮುದಾಯಾಲಾ ಶಿಕ್ಶನ್ ದಿಯಾಲಾಗ್ಲಾ.
\p
\v 4 ಆಪ್ಲ ಬೊಲ್ನ ಸಪ್‌ಲ್ಯಾವ ಯೇಸು ಸಿಮೊನಾಲಾ ಮನ್ಲಾ, “ಖೋಲ್ ಪಾನ್ಯಾತ್ ಚ಼ಲ್ ಆನಿ ಮಂಗ್ ಮಾಸ ದರಾಯಾಸಾಟಿ ತುಮಿ ತುಮ್ಚಿ ಜಾ಼ಳಿ ಖಾಲ್ ಸೋಡಾ.” \fig ವ್ಹಡಿತ್ ಮಾಸ್ಹ ದರತ್ಯಾಲ |alt="Fishermen in boat and catch fish" src="hk00208c.tif" size="col" copy="Horace Knowles ©" ref="5:4"\fig*
\p
\v 5 ಸಿಮೊನ್ ಯೇಸುಲಾ “ಗುರು ಆಮಿ ಸಾರಿ ರ‍್ಯಾತ್ ಖುಬ್ ತರಾಸ್ ಕರುನ್ ಕಾಯೇಕ್ ಗಾವ್ಲನಾಹಿ; ಫನ್ ತುಜಾ ಸಾಂಗ್‌ನ್ಯಾನಿ ಮಿ ಜಾ಼ಳ ಶೊಡ್‌ತ್ಯೊ” ಮನ್ಲಾ. 
\v 6 ಮಂಗ್ ತ್ಯನಿ ಆಸ ಕೇಲ್ಯಾವ ಮಾಸ ದರ್ಥ್ಯಾಲ್ಯಾಂಚಾನಿ ಮಾಶಾಂಚಿ ಮುಟಿ ರ‍್ಯಾಸ್ ಜಾ಼ಳ್ಯಾತ್ ಆಡಾಕ್ಲಿ ಆನಿ ತ್ಯಂಚಿ ಜಾ಼ಳಿ ಫಾಟ ಶಾರ್ಕಿ ಜಾ಼ಲಿತ. 
\v 7 ತವಾ ತ್ಯಂಚಾ ಸೊಪ್‌ತ್ಯಾನಾ ಸಿಮೊನಾನಿ ಯವುನ್ ಆಪ್‌ಲ್ಯಾಲಾ ಮಜ಼ತ್ ಕರಾ ಮನ್ಹುನ್ ಹಾತಾನಿ ಖುನಾ ಕಿಲಿ. ತವಾ ತೇ ಆಲ್ಯಾ ನಂತರ್ ದುನಿ ವ್ಹಡ್ಯಾಬಿ ಬರ‍್ಹುನ್ ಬುಡಾಯಾ ಜಾ಼ಲ್ಯಾ.
\p
\v 8 ಹ್ಯ ಬಗುನ್ ಸಿಮೊನ್ ಪೇತ್ರಾನಿ ಯೇಸುಚಾ ಪಾಯಾತ್ ಪಡುನ್ “ಪ್ರಭು ಮಾಜಿ಼ಪ್ನಿ ಜಾ಼ ಕಾ ಮಂಜೆ ಮಿ ಪಾಪಿ ಮಾನುಸ್” ಮನ್ಲಾ. 
\v 9 ಕಾ ಮಂಜೆ ಪೇತ್ರಾನಿ ದರ್ಲ್ಯಾಲ್ಯಾ ಮಾಶಾಂಚಿ ರ‍್ಯಾಸ್ ಬಗುನ್ ತ್ಯೊ ಆನಿ ತ್ಯಚೆ ಸಂಗ ಆಸ್‍ಲ್ಯಾಲ ಸಗ್ಳ ಸುಪ್ತಿ ಗಾಬಾರ್ಲ ಹುತ್ತ. 
\v 10 ತಸಸ್ ಸಿಮೊನಾಚ ಜೆಬೆದಾಯಾಚ಼ ಲ್ಯಾಕ್ ಯಾಕೊಬ್ ಆನಿ ಯೊಹಾನ್ ಹೆ ಸಾಹಿತ್ ಗಾಬಾರ್ಲ ಹುತ್ತ. ತವಾ
\p ಯೇಸು ಸಿಮೊನಾಲಾ ಮನ್ಲಾ, “ಬಿಹು ನಕೊ ಹಿತ್ನಿ ಮೊರ‍್ಹ ತು ಲೊಕಾನಾ ದೇವಾಸಾಟಿ ಹಾಕಟ್ಯಾಲಾ ಕರ್ತೊ”!
\p
\v 11 ಮಂಗ್ ವ್ಹಡಿ ದರಲಾ ಲ್ಯಾವಲ್ಯಾ ನಂತರ್ ಸಗ್ಳ ಸುಡುನ್ ದಿವುನ್ ತೇ ಯೇಸುಚೆ ಮಾಗ್ನಿ ಗೆಲ.
\s ಯೇಸುನಿ ಕುಶ್ಟ ರೊಗಿಲಾ ಬರ ಕೆಲ್ಯಾಲ
\r (ಮತ್ತಾಯ್ 8:1-4; ಮಾರ್ಕ್ 1:40-45)
\p
\v 12 ಯೇಸು ಯಕಾ ಗಾವಾತ್ ಆಸ್ಥಾನಾ ಆಂಗ್ ಸಗ್ಳ ಕುಶ್ಟ ರೊಗಾನಿ ಬರ್ಲ್ಯಾಲಾ ಯಕಾ ಮಾನ್ಸಾನಿ ಯೇಸುಲಾ ಬಗುನ್ ಆಡ್ವಾ ಪಡುನ್, “ಪ್ರಭು ತುಲಾ ಮನ್ ಆಸ್‌ಲ್ಯಾವ ಮನಾ ಬರ ಕರಾಯಾ ವ್ಹಯಿಲ್” ಮನ್ಲಾ.
\p
\v 13 ತವಾ ಯೇಸುನಿ ಹಾತ್ ಮೊರ‍್ಹ ಕರುನ್ ತ್ಯಲಾ ಲಾವುನ್, ಮನಾ ಮನ್ ಹಾ ಬರಾ ಹೊ ಮನ್ಲಾ. ತವಾಸ್ ತ್ಯಚಾ಼ ಕುಶ್ಟ ರೊಗ್ ಗೆಲಾ. 
\v 14 ಮಂಗ್ ಯೇಸುನಿ ತ್ಯಲಾ ಖಡ್ಯಾವುನ್ ಸಾಂಗ್ಲ, ಕುನಾಲಾ ತು ಸಾಂಗು ನಕೊಸ್ ಫನ್ ಜಾ಼ವುನ್ ಯಾಜಕಾಲಾ ತುಜ಼ ಆಂಗ್ ದ್ಯಾವ್ ಆನಿ ಮೊಶೆನಿ ಕೆಲ್ಯಾಲ್ಯಾ ನೇಮಾನಿ ಯಜ್ಞ ದಿವುನ್ ತುಜಾ಼ ಶುದ್ದಾಚಾರ್ ಕರ್ ತ್ಯ ಲೊಕಾನಾ ಸಾಕ್ಶಿ ವ್ಹವುನಿ” ಮನ್ಲಾ.
\p
\v 15 ಖರ ಯೇಸುಚಿ ಖಬರ್ ಆನಿಕ್ ಖುಬ್ ಪಗಾಳಿ. ಲೊಕ ತ್ಯಚಾ ಗುಶ್ಟಿ ಐಕಾಯಾ ಆನಿ ಆಪ್ಲ ಆಪ್ಲ ರ‍್ವಾಗ್ ಬರ ಕರುನ್ ಗಿಹ್ಯಾ ಹಿಂಡ್ ಹಿಂಡಾನಿ ಜ಼ಮ್ಲಿತ. 
\v 16 ಫನ್ ಯೇಸು ಯಕಾನ್ಸಿ ಜಾ಼ವುನ್ ದೇವಾಪ ಮಾಗ್ನ ಕರೀತ್ ಹುತ್ತಾ.
\s ಯೇಸುಪ್ನಿ ಬರಾ ಜಾ಼ಲ್ಯಾಲಾ ಪಾರ್ಶಿ ಮ್ಯಾರ್ಲ್ಯಾಲಾ
\r (ಮತ್ತಾಯ್ 9:1-8; ಮಾರ್ಕ್ 2:1-12)
\p
\v 17 ಯಕಸಿ ಯೇಸು ಲೊಕಾನಾ ಉಪದೆಸ್ ಕರೀತ್ ಆಸ್ಥನಾ ಗಲಿಲಾಯಾತಲ್ಯಾ ಯುದಾಯಚಾ ಸಗ್‍ಳ್ಯಾ ಗಾವಾತ್ನಿ ಯೆರುಸಲೇಮ್ ಪೆಠತ್ನಿ ಆಲ್ಯಾಲ ಫರಿಸಾಯ್ ಮೋಶೆಚಾ಼ ಧರ್ಮ ಶಾಸ್ತ್ರ ಚಾ಼ಂಗ್ಲ ಠಾವ ಆಸ್‌ಲ್ಯಾಲ ಜಾಂತ ತ್ಯಚಿಪ ಬಸ್ಲ ಹುತ್ತ. ಆನಿ ಬರ ಕರಾಯಾ ಪ್ರಭುಚ಼ ಬಳ್ ತ್ಯಚಿಪ ಹುತ್ತ. 
\v 18 ತವಾ ಥೊಡ್ಯಾ ಲೊಕಾಂಚಾನಿ ಯಕಾ ಪಾರ್ಶಿಚಾ ರೊಗಿಲಾ ಹಾತುರುನಾವ್ನಿ ಉಚ್ಲು಼ನ್ ಗಿಹುನ್ ಆನ್‌ಲ್ಹಾ. ಆನಿ ತ್ಯಲಾ ಆತ್ ನಿಹುನ್ ತ್ಯಚೆ ಮೊರ‍್ಹ ಥೆವಾಯಾ ಖಟ್ಪಪಟ್ ಕಿಲಿ. 
\v 19 ಫನ್ ಲೊಕಾಂಚೆ ಗರ್ದಿಸ್ಲಾಗುನ್ ತ್ಯಲಾ ಆತ್ ನಿಹ್ಯಾ ವಾವ್ ಗಾವನಾ ಮನ್ಹುನ್ ತ್ಯಂಚಾನಿ ಗರ‍್ಹಾವರ್ ಚ಼ಡುನ್ ಖಾಪರ‍್ಯಾ ಕಾಡುನ್ ಹಾತ್ರುನಾ ಸಾಹಿತ್ ಖೊಲ್ಯಾತ್ನಿ ಯೇಸುಚೆ ಮೊರ‍್ಹ ಖಾಲ್ ಉತ್ತರ್ಲಾ.
\p
\v 20 ತವಾ ತ್ಯಂಚಾ ಇಸ್ವಾಸ್ ಬಗುನ್ ಯೇಸು ತ್ಯಾ ಪಾರ್ಶಿಚಾ ರೊಗಿಲಾ, “ಸೊಪ್‌ತ್ಯಾ ತುಜಿ ಪಾಪ ಮಾಪ್ ಜಾ಼ಲಿತ” ಮನ್ಲಾ.
\p
\v 21 ತ್ಯಲಾ ತೆ ಜಾಂತ ಆನಿ ಫರಿಸಾಯ್ “ದೇವಾಚೆ ಆಡ್ವ ಬೋಲ್ನಾರಾ ಹ್ಯೊ ಕೊನ್? ಪಾಪ್ ಮಾಪ್ಕರ್ನಾರಾ ದೇವ ತ್ಯವ್ಡಾಸ್? ಮನ್ಹುನ್ ಇಚಾರ್ ಕರಾಯಾ ಲಾಗ್ಲ.
\p
\v 22 ತವಾ ಯೇಸುನಿ ತ್ಯಂಚಾ಼ ಇಚಾರ್ ವಳ್ಕುನ್ ತ್ಯನಾ “ತುಮಿ ತುಮ್ಚಾ ಮನಾತ್ನಿ ಆಸ್ಲಾ ಇಚಾರ್ ಕಾ ಕರ್ತಾಸಾ? ಮನ್ಲಾ. 
\v 23 ತುಜಿ ಪಾಪ್ ಮಾಪ್ ಜಾ಼ಲಿತ ಮನ್ಹಾಚ ಕ್ಯಾ? ನಾಹಿತ ರೊಗಿಲಾ ಉಠುನ್ ಚಾ಼ಲ್ ಮನ್ಹಾಚ ಹ್ಯಾತ್ಲ ಕಚ಼, ಮನ್ಹಾಚ ಸಲ್ಪ? 
\v 24 ಖರ ದರ್ಥಿವ ಪಾಪಾಂಚಿ ಮಾಪ್ಕರಾಲಾ ಮಾನ್ಸಾಚಾ ಲೇಕಾಲಾ ಹಾಕ್ ಹಾ ಹ್ಯ ತುಮಾನಾ ಸಮ್ಜಾಯಾ ವ್ಹಯಿ ಮನ್ಹುನ್ ತ್ಯೊ ಪಾರ್ಶಿಚಾ ರೊಗಿಲಾ ಮನ್ಲಾ ಮಿ ತುಲಾ ಸಾಂಗ್ತೊ ಉಟ್ ತುಜ಼ ಹಾತ್ರುನ್ ಉಚ಼್ಲುನ್ ಗಿಹುನ್ ತುಜಾ ಗರ‍್ಹಾತ್ ಜಾ಼” ಮನ್ಲಾ.
\p
\v 25 ತ್ಯೊ ತವಾಸ್ ತ್ಯಂಚೆ ಹುಜು಼ರ್ ಉಠುನ್ ಕಸ್ಯಾ ವರ್ ತ್ಯೊ ಪಡುನ್ಹುತ್ತಾ. ತ್ಯ ಉಚ್ಲು಼ನ್ ಗಿಹುನ್ ದೇವಾಲಾ ವವ್ಯಾಳಿತ್ ಆಪ್‌ಲ್ಯಾ ಗರ‍್ಹಾತ್ ಗೆಲಾ. 
\v 26 ತವಾ ತೆ ಸಗ್ಳ ಯಗ್ದಮ್ ಗಾಬಾರ್ಲ ತೀ ಸಗ್ಳಿ ದೇವಾಚ ನಾವ್ ವವ್ಯಾಳಾಲಾಗ್ಲಾ ಆನಿ ಖುಬ್ ಬಿಹುನ್ ಆಮಿ ಆಜ಼್ ಮೊಟ್ಯಾ ಚಮತ್ಕಾರಿಚಾ ಗುಶ್ಟಿ ಬಗಲ್ಯಾ ಮನ್ಲ.
\s ಯೇಸುನಿ ಲೇವಿಲಾ ಹಾಕಟ್‌ಲ್ಯಾಲಾ
\r (ಮತ್ತಾಯ್ 9:9-13; ಮಾರ್ಕ್ 2:13-17)
\p
\v 27 ತ್ಯಾ ನಂತರ್ ಯೇಸು ಬಾಹಿರ್ ಆಲಾ ತವಾ ಲೇವಿ ನಾವಾಚಾ ಯಕಾ ಜ಼ಕತ್ದಾರಾಲಾ ಜ಼ಕತಿಚಾ ನಾಖ್ಯಾವ ಬಸ್‍ಲ್ಯಾಲಾ ಬಗ್ಲಾ ಆನಿ ತ್ಯಲಾ “ಮಾಜೆ ಮಾಗ್ನಿ ಯೇ” ಮನ್ಲಾ. 
\v 28 ತವಾ ತ್ಯ ಸಗ್ಳ ತಿಥಸ್ ಸುಡುನ್ ದಿವುನ್ ಉಟ್ಲಾ ಆನಿ ಯೇಸುಚೆ ಮಾಗ್ನಿ ಗೆಲಾ.
\p
\v 29 ಮಂಗ್ ಲೇವಿನಿ ಯೇಸುಲಾ ಆಪ್‌ಲ್ಯಾ ಗರ‍್ಹಾತ್ ಮೊಟ ಜೆವಾನ್ ದಿಲತವಾ ತ್ಯಂಚೆ ಸಂಗ ಜಖತ್ದಾರ್ ಆನಿ ದುಸ್‌ರ‍್ಯಾ ಲೊಕಾಂಚಿ ಮೊಟ್ಯಾ ಸಮುದಾಯಾತ್ ಜೆವಾಯಾ ಬಸ್ಲಿಹುತ್ತಿ. 
\v 30 ತವಾ ಫರಿಸಾಯ್ ಆನಿ ಧರ್ಮ ಶಾಸ್ತ್ರಾಚ಼ ಜಾಂತ ಹೆ ಯೇಸುಚಾ ಶಿಶಾನಾ, “ತುಮಿ ಜಖತ್ದಾರ್ ಆನಿ ಖಾಯ್ಲೆ ಜಾತಿಂಚಿ ಸಂಗ ಆನಿ ಪಾಪಿಂಚೆ ಸಾಟಿ ತುಮಿ ಕಾ ಖಾತಾ ಪಿತಾಸಾ? ಮನ್ಹುನ್ ಟುರ್ಟುರಿತ
\p
\v 31 ಯೇಸುನಿ ತ್ಯನಾ, “ರೊಗ್ ನಸ್‍ನಾರ‍್ಯಾಲಾ ವೈದ್ಯಾಚಿ ಗರಜ಼್ ನಸ್ತಿ ಖರ ರೊಗಿಲಾ ವೈದ್ಯಾಚಿ ಗರಜ಼್ ಆಸ್ಥಿ” ಮನ್ಹುನ್ ಉತ್ತರ್ ದಿಲಾ. 
\v 32 “ಮಿ ಆಲ್ಯಾಲೊ ಮರೆದಿಚಾನಾ ಪಶ್ಚಾತಾಪ್ ಪಡ್ವಾಯಾ ಸಾಟಿ ಆಲೊ ನಾಹಿ ಪಾಪಿಂಚೆ ಸಾಟಿ ಆಲ್ಯೊ” ಮನ್ಲಾ.
\s ಉಪಾಸಾಚಾ ಪ್ರಶ್ನೆ
\r (ಮತ್ತಾಯ್ 9:14-17; ಮಾರ್ಕ್ 2:18-22)
\p
\v 33 ಫರಿಸಾಯ್ ಯೇಸುಲಾ ಮನ್ಲ, ಯೊಹಾನಾಚಾ ಶಿಶಾ ಪರ್ತುನ್ ಪರ್ತುನ್ ಉಪಾಸ್ ಆನಿ ಮಾಗ್ನಿ ಕರ್‌ತ್ಯಾತ ತಸಸ್ ಪರಿಸಾಯಾಂಚ ಶಿಶಾ ಬಿ ಕರತ್ಯಾತ ಫನ್ ತುಜ಼ ಶಿಶಾ ಖಾಯಿಮ್ ಖಾತ್ಯಾತ ಪಿತ್ಯಾತ” ಮನ್ಲ.
\p
\v 34 ಯೇಸು ತ್ಯನಾ ವ್ಹರಾಡಾ ಸಂಗ ನವರ‍್ಹಾ ಆಸ್ಥಾನಾ ಪರ‍್ಯಾತ್ ತುಮಿ ತ್ಯನಾ ಉಪಾಸಿ ಲಾವುನ್ ದಿಯಾ ವ್ಹಯಿಲ್ ಕ್ಯಾ? ಮನ್ಲಾ. 
\v 35 ಫನ್ ಆಸ್ಲ ದೀಸ್ ಯತಿಲ ನವರ್ಹಾ ತ್ಯಂಚಿಪ್ನಿ ಕಾಡುನ್ ಗಿಹ್ಯಾಚ಼ ಯಯಿಲ್ ತ್ಯಾ ದೀಸಾತ್ ಉಪಾಸಿ ರಾಥಿಲ.
\p
\v 36 ತ್ಯನಾ ಯೇಕ್ ಕ್ಯಾಯ್ನಿ ಸಾಹಿತ್ ಸಾಂಗ್ಲಿ. ತಿ ಕ್ಯಾ ಮಂಜೆ, “ಕೊನ್ ನವಾ ಕಪ್ಡಾ ಫಾಟುನ್ ಜು಼ನ್ಯಾ ಕಪ್‌ಡ್ಯಾಲಾ ಲಾವಿತ್ ನಾಹಿ ಲ್ಯಾವಲತ, ತ್ಯೊ ನವಾ ಕಪಡಾ ಫಾಟುನ್ ಬಾದ್ ಕೇಲ್ಯಾಚೆಗತ್ ಜಾ಼ಲಾ ಆನಿ ನವಾ ಫಾಟುನ್ ಲ್ಯಾವ್‌ಲ್ಯಾಲಾ ಜು಼ನ್ಯಾಲಾ ಬರಾ ದಿಸತ್ನಾಹಿ. 
\v 37 ಆನಿ ಜು಼ನ್ನೆ ಚ಼ಮ್‌ಡ್ಯಾಚೆ ಪಿಸ್ವಿತ್ ನವಾ ದ್ರಾಕ್ಶಿಚಾ಼ ರಸ್ ಕೊನ್ ಗಾಲಿತ್ನಾಹಿ. ಗ್ಯಾತ್ಲತ ನವಾ ದ್ರಾಕ್ಶಿಚಾ಼ ರಸ್ ಚ಼ಮ್‌ಡ್ಯಾಚಿ ಪಿಸ್ವಿ ಫುಟುನ್ ಲವಂಡುನ್ ಜಾ಼ನಾರ್ ಆನಿ ಚ಼ಮ್‌ಡ್ಯಾಚಾ ಪಿಸವ್ಯಾ ಬಾದ್ ವ್ಹನಾರ್. 
\v 38 ಖರ ನವಾ ದ್ರಾಕ್ಶಿಚಾ಼ರಸ್ ನವ್ಯಾ ಚ಼ಮ್‌ಡ್ಯಾಚೆ ಪಿಸ್ವಿತ್ ಗಾಲುನ್ ಥೆವಾವ. 
\v 39 ತ್ಯವ್ಡಸ್ ನವ್ಹ ಜುನ್ನಾ ದ್ರಾಕ್ಶಿಚಾ಼ ರಸ್ ಪಿಯಾಲಿತ ತ ನವಾ ದ್ರಾಕ್ಶಿಚಾ಼ ರಸ್ ವ್ಹಯಿ ಮನ್ಹಿತ್ ನಾಹಿತ. ಜು಼ನ್ನಾಸ್ ಚಾ಼ಂಗ್ಲ ಹಾ ಮನ್‌ಥೊ.
\c 6
\s ಸಬ್ಬತ್ ದೀಸಾಚಾ಼ ಪ್ರಶ್ನೆ
\r (ಮತ್ತಾಯ್ 12:1-8; ಮಾರ್ಕ್ 2:23-28)
\p
\v 1 ಮಂಗ್ ಯಕಸಿ ಸಬ್ಬತ್ ದಿಸಾದಿಸಿ ಯೇಸು ಸೇತಾ ಮದ್ನಿ ಜಾ಼ತಾನಾ ತ್ಯಚಾ ಶಿಶಾಂಚಾನಿ ಕನ್ಸ ಮುಡುನ್ ಹತ್ತಾವ ಚು಼ಳುನ್ ಖಾಲಿತ.
\p
\v 2 ತವಾ ಪರಿಸಾಯಾತ್ಲ ಕಾಯ್‌ ಥೊಡ ಯೇಸುಲಾ, “ಕಾ ತುಮಿ ಧರ್ಮಶಾಸ್ತಾರಾಚೆ ಅಡ್ವ ಸಬ್ಬತಾ ದೀಸಿ ಕರು ನಾಹಿತ್ಯ ಕಾಮ ಕರ್ತಾಸಾ? ಮನ್ಲ.
\p
\v 3 ಯೇಸುನಿ ತ್ಯನಾ ಆಸಾ ಉತ್ತರ್ ದಿಲಾ ದಾವಿದ್ ಆನಿ ತ್ಯಚೆ ಸಂಗಚಾ ಮಾನ್ಸಾಂಚಾನಿ ಭುಕ್ ಲಾಗ್ಲಿ ತವಾ ದಾವಿದಾನಿ ಕ್ಯಾ ಕೆಲ, ತ್ಯ ತುಮಿ ವಾಚಿವ್ಲ ನಾಹಿಸಾ ಕ್ಯಾ? \f + \fr 6:3 \fr*\ft 1 ಸಮುವೇಲ್ 21:1-6:\ft*\f* 
\v 4 ದಾವಿದ್ ದೇವಾಚಾ ದೇವ್ಳಾತ್ ಗೆಲಾ ಆನಿ ತ್ಯಾ ನಿವ್ದಾಚಾ ಬಾಕ್‌ರ‍್ಯಾ ಯಾಜಕಾ ಸಿವಾರ್ ಆನಿ ಕುನಿ ಖಾವು ನಾಹಿತಾ ಆಸಾ ನೇಮ್ ಹುತ್ತಾ ತ್ಯಾ ಗಿಹುನ್ ತ್ಯನಿ ಕಶಾ ಖಾಲ್ಯಾ ಆನಿ ಆಪ್ಲಿ ಸಂಗ ಆಸ್‍ಲ್ಯಾಲ್ಯಾನಾ ಸಾಹಿತ್ ಕಶಾ ದಿಲ್ಯಾ ಹ್ಯ ತುಮಿ ಕಂದಿ ವಾಚಿವ್ಲ ನಾಹಿಸಾ ಕ್ಯಾ? ಮನ್ಲಾ.
\p
\v 5 ಆನಿ ಯೇಸು ತ್ಯನಾ “ಮಾನ್ಸಾಚಾ಼ ಲ್ಯೊಕ್ ಸಬ್ಬತ್ ದಿಸಾವ್ನಿ ಥೊರ್ಲಾ ಹಾ” ಮನ್ಲಾ.
\s ಹಾತ್ ವಾಳ್ಯಾಲಾ ಮಾನುಸ್
\r (ಮತ್ತಾಯ್ 12:9-14; ಮಾರ್ಕ್ 3:1-6)
\p
\v 6 ಮಂಗ್ ದುಸ್‌ರ‍್ಯಾ ಯಕಾ ಸಬ್ಬತಾ ದಿಸಿ ಆಸ ಜಾ಼ಲ ಯೇಸು ಸಭಾಸ್ಥಾನಾತ್ ಜಾ಼ವುನ್ ಸಿಕ್ವಿತ್ ಆಸ್ಥಾನಾ ತಿಥ ಉಜ಼ವಾ ಹಾತ್ ವಾಳ್ಯಾಲಾ ಯೊಕ್ ಮಾನುಸ್ ಹುತ್ತಾ. 
\v 7 ತವಾ ಶಾಸತ್ರಿ ಆನಿ ಫರಿಸಾಯ್ ಯೇಸುವ ಚು಼ಕ್ ವಾವಾಯಾ ವ್ಹಯಿ ಮನ್ಹುನ್ ಸಬ್ಬತ್ ದಿಸಾದಿಸಿ ರೊಗ್ ಬರಾ ಕರ್ತ್ಯೊ ಕ್ಯಾ ನಾಹಿ ಬಗಾಯಾ ಟಪುನ್ ರಾಯ್ಲ. 
\v 8 ಫನ್ ಯೇಸುನಿ ತ್ಯಂಚಾ಼ ಇಚಾರ್ ವಳ್ಕುನ್ ತ್ಯಾ ಹಾತ್ ವಾಳ್ಯಾಲ್ಯಾ ಮಾನ್ಸಾಲಾ, “ಉಠುನ್ ಹಿತ್ತ ಉಬಾ ರ‍್ಹಾ” ಮನ್ಹುನ್ ಸಾಂಗ್ಲ ತವಾ ತ್ಯೊ ಉಠುನ್ ಉಬಾ ರಾಯ್ಲಾ.
\p
\v 9 ತವಾ ಯೇಸು ತ್ಯನಾ ಮನ್ಲಾ. “ಮಿ ತುಮಾನಾ ಇಚಾರ್ತೊ ಸಬ್ಬತ್ ದಿಸಾದಿಸಿ ಬರ ಕರಾಚ಼ ಚಾ಼ಂಗ್ಲ ಕ್ಯಾ ವಾಯಿಟ್ ಕರಾಚ಼ ಚಾ಼ಂಗ್ಲ ಜೀವ್ ಉರ್ವಾಚಾ಼ ಚಾ಼ಂಗ್ಲ ಕ್ಯಾ ಜೀವ್ ಕಾಡಾಚಾ಼ ಚಾ಼ಂಗ್ಲ?
\p
\v 10 ಮಂಗ್ ಯೇಸುನಿ ಸರ್ಬೌತಚಾ ಸಗ್‌ಳ್ಯಾಂಚಿಕ್ಡ ಬಗುನ್ ತ್ಯಲಾ ಮನ್ಲಾ, “ತುಜಾ಼ ಹಾತ್ ಮೊರ‍್ಹ ಕರ್” ತವಾ ತ್ಯನಿ ಮೊರ‍್ಹ ಕೆಲಾ ಆನಿ ತ್ಯಚಾ಼ ಹಾತ್ ಬರಾ ಜಾ಼ಲಾ.
\p
\v 11 ಮಂಗ್ ಪರಿಸಾಯ‍ ಆನಿ ಧರ್ಮ ಶಾಸ್ತ್ರಾಂಚಾ ಜಾಂತ್ಯಾನಾ ರಾಗ್ ಆಲಾ ಆನಿ ಯೇಸುಲಾ ಕ್ಯಾ ಕರುಯಾ ಮನ್ಹುನ್ ಯಕಾಮಕಾಲಾ ಇಚಾರ್ ಕರುಲಾಗ್ಲ.
\s ಯೇಸುಚ಼ ಅಪೊಸ್ತಲ್‍
\r (ಮತ್ತಾಯ್ 10:1-4; ಮಾರ್ಕ್ 3:13-19)
\p
\v 12 ಮಂಗ್ ಯಕಸಿ ಯೇಸು ಮಾಗ್ನ ಕರಾಯಾ ಕನ್ಯಾವ ಗೆಲಾ ಆನಿ ರ‍್ಯಾತ್ಬರ್ ದೇವಾಪ ಮಾಗ್ನ ಕರೀತ್ ರಾಹ್ಯಲಾ. 
\v 13 ಮಂಗ್ ದಿಸ್ ಉಗಾವಲ್ಯಾವರ್ ಯೇಸುನಿ ಆಪ್‌ಲ್ಯಾ ಶಿಶಾನಾ ಹಾಕಟ್ಲ; ಆನಿ ತ್ಯಾತ್‍ಲ್ಯಾ ಬಾರಾ ಜ಼ನಾನಾ ನಿವ್ಡುನ್ ತ್ಯನಾ ಅಪೊಸ್ತಲ್‍\f + \fr 6:13 \fr*\ft ಮೊಟ್ಯಾಅದಿಕಾರಾನಿ ಲಾವುನ್ ದಿಲ್ಯಾಲ \ft*\f* ಮನ್ಹುನ್ ನಾವ್ ಥೆವ್ಲ.
\li
\v 14 ಸಿಮೊನ್ (ಹ್ಯಲಾ ಯೇಸುನಿ ಪೇತ್ರ ಮನ್ಹುನ್ ನಾವ್ ಥೆವ್ಲ.)
\li ಆನಿ ತ್ಯಚಾ಼ ಬಾಹು ಆಂದ್ರೆಯ್,
\li ಯಾಕೊಬ್
\li ಆನಿ ಯೊಹಾನ್,
\li ಫಿಲಿಪ್ಪ
\li ಆನಿ ಬಾರ್ತೊಲೊಮಾಯಾ,
\li
\v 15 ಮತ್ತಾಯ,
\li ತೊಮ್,
\li ಅಲ್ಪಾಯಾಚಾ಼ ಲ್ಯೊಕ್ ಯಾಕೊಬ್,
\li (ದೇಶಾಚಾ಼ ಅಭಿಮಾನಿ ಮಂಥ್ಯಾಲಾ) ಸಿಮೊನ್,
\li
\v 16 ಯಾಕೊಬಾಚಾ಼ ಲ್ಯೊಕ್ ಯುದ್,
\li ಆನಿ ಮೊರ‍್ಹ ಯೇಸುಲಾ ದರುನ್ ದೇತ್ಯಾಲಾ ಇಸ್ಕರಿತ್ ಯುದ್,
\s ಯೇಸುನಿ ಉಪದೆಸ್ ಆನಿ ಬರ ಕೆಲ್ಯಾಲ
\r (ಮತ್ತಾಯ್ 4:23-25; 5:1-12)
\p
\v 17 ನಂತರ್ ಯೇಸು ಅಪೊಸ್ತಲಾಂಚೆ ಸಂಗ ಕನ್ಯಾವ್ನಿ ಆಲಾ ದುಸ್‌ರ‍್ಯಾ ಸಗ್‌ಳ್ಯಾ ಶಿಶಾಂಚಿ ಸಂಗ ಸಪ್ತಾಳ್ ಜಾ಼ಗ್ಯಾವ ಉಬಾ ರಾಯ್ಲಾ ಯುದಾಯಾತ್ನಿ ಯೆರುಸಲೆಮಿತ್ನಿ ಸಮಿಂದೊರಾಚೆ ಜ಼ವಳಚೆ ಸಿದೊನ್ ಆನಿ ತುರ್ ಪೆಠತ್ನಿ ಆಲ್ಯಾಲ್ಯಾ ಲೊಕಾಂಚಾ಼ ಮೊಟಾ ಹಿಂಡ ತಿಥ ಹುತ್ತಾ. 
\v 18 ತೀ ಯೇಸುಚ಼ ಸಬಾತ್ ಐಕಾಯಾ ಆನಿ ತ್ಯಚಿಪ್ನಿ ರ‍್ವಾಗ್ ಬರ ಕರುನ್ ಗಿಹ್ಯಾ ಆಲ್ತಿತ ತವಾ ಲಾಗಿರಾನಿ ಪಿಡಲ್ಯಾಲಿ ಹುತ್ತಿತ. ತೀ ಬಿ ಬರಿ ಜಾ಼ಲ್ಹಿತ. 
\v 19 ತವಾ ಸಗ್ಳಿ ಸಮುದಾಯಾಚಿ ತ್ಯಲಾ ಹಾತ್ ಲಾವಾಯಾ ಗಡ್ಬಡ್‍ ಚಾ಼ಲ್ಲಿ ಹುತ್ತಿ, ಕಾ ಮಂಜೆ ಯೇಸುಪ್ನಿ ದೇವಾಚ಼ ಬಳ್ ನಿಗುನ್ ತ್ಯಾ ಸಗ್‍ಳ್ಯಾನಾ ಬಿನ್‌ರೊಗಿ ಕರೀತ್ ಹುತ್ತಾ.
\s ಸುಕ್ ದುಕ್
\r (ಮತ್ತಾಯ್ 5:1-12)
\p
\v 20 ತವಾ ಯೇಸು ಆಪ್‌ಲ್ಯಾ ಶಿಶಾಂಚಿಕ್ಡ ನದಾರ್ ಥಿವುನ್ ಮನ್ಲಾ,
\b
\q1 “ಗರಿಬ್ ಆಸ್ನಾರ ತುಮಿ ಬರ;
\q2 ಕಾ ಮಂಜೆ ದೇವಾಚ಼ ರಾಜೆ ತುಮಚ಼.
\q1
\v 21 ಆತಾ ಬುಖಚ಼ ಆಸ್‍ಲ್ಯಾಲ ತುಮಿ ಬರ; ಕಾ ಮಂಜೆ
\q2 ತುಮಚ಼ ಮನ್ ಥಂಡ್ ವ್ಹನಾರ್.
\q1 ಜೆ ಆತಾ ರಡತ್ಯಾಲಿ ತುಮಿ ಬರ;
\q2 ತುಮಿ ಹಸ್ನಾರ್.
\b
\p
\v 22 ಮಾನ್ಸಾಚಾ ಲೇಕಾಸ್ಲಾಗುನ್ ಲೊಕ ತುಮಚಾ಼ ರಾಗ್ ಕರ್ನಾರ್, ತುಮಾನಾ ಯಗಳ್ತಿಲ, ತುಮ್ಚಿ ನಿಂದಾ ಕರತಿಲ, ಆನಿ ತುಮಚ಼ ನಾವ್ ವಾಯಿಟ್ ಮನ್ಹುನ್ ಕ್ಯಾಡಲ್ಯಾವ, ತುಮಿ ಬರಿ. 
\v 23 ತೇ ದೀಸಿ ಆನಂದಾನಿ ರಾವ್ಹಾ; ಕಾ ಮಂಜೆ ಸ್ವರ್ಗಾತ್ ತುಮ್ಚಿ ಸಾಟಿ ಥೆವ್‍ಲ್ಯಾಲ ಪ್ರತಿ ಫಳ್ ತುಮಾನಾ ಗಾವಲ್.. ಹ್ಯಂಚಾ ವಡ್ಲಾಂಚಾನಿ ಪ್ರವಾದಿನಾ ಆಸಸ್ ಕೆಲ್ತ.
\q1
\v 24 “ಫನ್ ಸಾವ್ಕಾರಾ ತುಮ್ಚಿ ಕ್ಯವ್ಡಿ ದುರ್ದೆಶ್ನಾ ವ್ಹನಾರ್!
\q2 ಕಾ ಮಂಜೆ ತುಮಿ ತುಮ್ಚ ಸುಕ್ ಖಾಲ್ಯಾಸಾ.
\q1
\v 25 ಜೆತುಮಿ ಆತಾ ಥಂಡ್ ಜಾ಼ಲ್ಯಾಲ ಹಾಸಾ ತ್ಯಂಚಿ ಕ್ಯವ್ಡಿ ದುರ್ದೆಶ್ನಾ ವ್ಹನಾರ್!
\q2 ಕಾ ಮಂಜೆ ತುಮಾನಾ ಭುಕ್ ಲಾಗ್ನಾರ್.
\q1 ಆತಾ ಹಸತಾಸಾ ತ್ಯಂಚಿ ಕ್ಯವ್ಡಿ ದುರ್ದೆಶ್ನಾ ವ್ಹನಾರ್!
\q2 ಕಾ ಮಂಜೆ ತುಮಿ ದುಃಖಾನಿ ರಡ್ನಾರ್.
\b
\p
\v 26 ಸಗ್ಳಿ ಲೊಕ ಕವಾ ತುಮಾನಾ ಬರ ಮಂಥಿಲ ತವಾ ತುಮ್ಚಿ ಕೆವ್ಡಿ ದುರ್ದೆಶ್ನಾ ವ್ಹನಾರ್! ತ್ಯಂಚ಼ ವಡಿಲ್ ಖೊಟ್ಯಾ ಪ್ರವಾದಿನಾ ಆಸ್ಹಸ್ ಮನ್ಹಿತ.
\s ತುಮ್ಚಾ ವಾದಿಂಚಿ ಮಾಯಾ ಕರಾ
\r (ಮತ್ತಾಯ್ 5:38-48; 7:12)
\p
\v 27 “ಫನ್ ಮಾಜ಼ ಸಬಾತ್ ಐಕ್‌ತ್ಯಾಲ್ಯಾನಾ ಮಿ ಸಾಂಗ್ತೊ ತುಮಿ ತುಮಚಾ಼ ವೈರಿಂಚಿ ಮಾಯಾ ಕರಾ, ತುಮ್ಚಾ ರಾಗ್ ಕರ್ತ್ಯಾತ ತ್ಯನಾ ಬರ ಕರಾ; 
\v 28 ಕೊನ್ ತುಮಾನಾ ಸರಾಪ್‍ತ್ಯಾತ ತ್ಯನಾ ಆಶಿರ್ವಾದ್ ಕರಾ; ತುಮ್ಚೆ ಸಂಗ ವಾಯಿಟ್ ರಾಥ್ಯಾಲ್ಯಾಂಚಿಸಾಟಿ ಮಾಗ್ನ ಕರಾ. 
\v 29 ಕುನಿ ತರಿ ತುಜಾ ಯಕಾ ಗಾಲಾವ ಮ್ಯಾರ್ಲತ, ತ್ಯಚೆ ಮೊರ‍್ಹ ದುಸರಾ ಗಾಲ್ ಕರ್; ಆನಿ ತುಜಿ ವೈಲಿ ಆಂಗಿ ನೆಥ್ಯಾಲ್ಯಾಲಾ ಆತ್ಲ ಬನ್ಯಾಲ್ ನಿಹ್ಯಾ ಥಾಂಬುವು ನಕೊ. 
\v 30 ತುಜಿಪ ಕೊನ್ ಮಾಗಾಯಾ ಯತೊ ತ್ಯಲಾ ದೇ ಆನಿ ತುಮ್ಚ಼ ಜಾ಼ಲ್ಯಾಲ ಕ್ಯಾಬಿ ಕಾಡುನ್ ಗೆತೊ ತ್ಯಚಿಪ ತ್ಯ ಪರ್ತುನ್ ಮಾಗು ನಕೊಸ್. 
\v 31 ತುಮಾನಾ ದುಸ್‌ರ‍್ಯಾಂಚಾನಿ ಕ್ಯಾ ಕರಾಯಾ ವ್ಹಯಿ ಮಂಥಾಸಾ ತ್ಯ ತುಮಿ ತ್ಯನಾ ಕರಾ.
\p
\v 32 “ತುಮ್ಚಿ ಮಾಯಾ ಕರ್ತ್ಯಾತ ತ್ಯಂಚಿ ತುಮಿ ಮಾಯಾ ಕಿಲಿಸಾತ ತ್ಯನಿ ಪ್ಯಾಯ್ದಾ ಕ್ಯಾ ಹಾ? ಕಾ ಮಂಜೆ ಪಾಪಿ ಸಾಹಿತ್ ಆಪ್ಲಿ ಮಾಯಾ ಕರತ್ಯಾಲ್ಯಾವರ್ ಮಾಯಾ ಥೆವ್‍ತ್ಯಾತ. 
\v 33 ತುಮಾನಾ ಬರ ಕೆಲ್ಯಾಲ್ಯಾನಾ ತುಮಿ ಬರ ಕೆಲತ ತ್ಯಾತ್ ತುಮಚಾ಼ ಉಪಕಾರ್ ಕ್ಯಾ? ಪಾಪಿ ಲೊಕ ಸಾಹಿತ್ ತಸಿಸ್ ಕರ್ತ್ಯಾತ. 
\v 34 ಆನಿ ತುಮಾನಾ ಕಚಾಪ್ನಿ ಪರತ್ ಮಿಳಾಚ಼ ಹಾ ತ್ಯಲಾ ತುಮಿ ರೀನ್ ದಿಲತ ತ್ಯಾತ್ ತುಮಾನಾ ಕ್ಯಾ ಪ್ಯಾಯ್ದಾ? ಕ್ಯವ್ಡ ದಿಲ ತ್ಯವ್ಡ ಪರತ್ ಮಿಳ್ವಾಯಾಸಾಟಿ ಪಾಪಿ ಲೊಕಾನಾ ಪಾಪಿ ಲೊಕ್ ಉಸ್ನ ದೆತ್ಯಾತ.
\p
\v 35 ತುಮಿ ತರಿ ತುಮ್ಚಾ ವಾದಿಂಚಿ ಮಾಯಾ ಕರಾ, ತ್ಯನಾ ಬರ ಕರಾ, ಆನಿ ತ್ಯ ತುಮಾನಾ ಪರತ್ ಮಿಳಲ್ ಮನ್ಹುನ್ ಆಶಾ ಥೆವಾಚೆ ಆಂದಿ ಉಸ್ನ ದೇವಾ. ಮಂಜೆ ತುಮಚ಼ ಪ್ರತಿಫಳ ಮೊಟ ವ್ಹಯಿಲ್, ಆನಿ ತುಮಿ ಸರ್ವ್ಯಾತ್ ಮೊಟ್ಯಾ ದೇವಾಚಿ ಲೇಕ್ರ ವ್ಹಸಿಲಾ; ತ್ಯೊ ತರಿ ಉಪ್ಕಾರ್ ನಸ್‌ಲ್ಯಾಲ್ಯಾ ಬುರ್ಶಾ ಲೋಕಾನಾಬಿ ಉಪಕಾರ್ ಕರ್ತೊ. 
\v 36 ತುಮಚಾ಼ ಸ್ವರ್ಗಾತ್ಲ ಬಾ ದೆವ್ ಕಸಾ ದಯಾಳುಹಾ ತಸಿ ತುಮಿಬಿ ದಯಾಳು ಹ್ವವುನ್ ರಾವ್ಹಾ.
\s ದಿಸರ‍್ಯಾಚಾ಼ ಇಚಾರ್ ಕರಾಚಾ಼
\r (ಮತ್ತಾಯ್ 7:1-5)
\p
\v 37 ದುಸ್‌ರ‍್ಯಾಂಚಾ಼ ನ್ಯಾಯಿ ನಿವ್ಡು ನಕೊಸಾ, ಮಂಜೆ ತುಮಚಾ಼ ದೊಶ್ ದೇವ್ ಕ್ಯಾಡ್ನಾರ್ ನಾಹಿ; ಕುನಾವ ಚು಼ಕ್ ಥರ್ವು ನಕೊಸಾ; ಮಂಜೆ ತುಮ್ಚಿವ ದೇವ್ ದೊಶ್ ಥರ್ವಿತ್ ನಾಹಿ; ಮಾಪ್ ಕರಾ ಮಂಜೆ ತುಮಾನಾಬಿ ಮಾಪಿ ವ್ಹಯಿಲ್. 
\v 38 ತುಮಿ ಆಂದಿ ದುಸ್‌ರ‍್ಯಾನಾ ದೆವಾ ಮಂಜೆ ತುಮಾನಾ ದೇವ್ ದಿಯಿಲ್; ಮಾಪ್ ಚಾ಼ಂಗ್ಲ ದಡಪುನ್, ಹಾಲ್ವುನ್ ಆನಿ ಶಿಗ್ ಬರ‍್ಹುನ್ ತುಮ್ಚಾ ಪದರಾತ್ ಗ್ಯಾಲ್ನಾರ್; ಕಾ ಮಂಜೆ ತುಮಿ ಮ್ಯಾಪ್‌ಲ್ಯಾಲ್ಯಾ ಮಾಪಾನಿ ದೇವ್ ತುಮಾನಾ ಮ್ಯಾಪ್ನಾರ್.
\p
\v 39 ಯೇಸುನಿ ತ್ಯನಾ ಹಿ ಕ್ಯಾಯ್ನಿ ಸಾಂಗ್ಲಿ: “ಯೊಕ್ ಅಂದ್ಳಾ ಆನಿಯಕಾ ಆಂದ್‌ಳ್ಯಾಲಾ ವಾಟ್ ದಾವಾಯಾ ವ್ಹಯಿಲ್ ಕ್ಯಾ? ದೊಗಬಿ ಖಡ್ಯಾತ್ ಪಡತಿಲ ಕ್ಯಾ ನಾಹಿ? 
\v 40 ಶಿಶಾ ಗುರುವ್ನಿ ಮೊಠಾ ನವ್ಹ; ಫನ್ ಸಗ್ಳ ಸಿಕ್‍ಲ್ಯಾಲಾ ಪರ್ತೇಕ್ ಶಿಶಾ ಆಪ್‌ಲ್ಯಾ ಗುರು ಶಾರ್ಕಾ ವ್ಹಯಿಲ್.
\p
\v 41 “ತು ತುಜಾ ಡೊಳ್ಯಾತ್ಲ ಮುಸಾಳ್ ಬಗಾಚೆ ಆಂದಿ, ತುಜಾ ಬಾವ್ಹಾಚಾ ಡೊಳ್ಯಾತ್ಲ ಕುಸಾಳ್ ಕಾ ಬಗ್ತೊಸ್? 
\v 42 ನಾಹಿತ ತು ತುಜಾ ಡೊಳ್ಯಾತ್ಲ ಮುಸಾಳ್ ಬಗಿತ್ ನಾಹಿಸ್ ಆನಿ ತುಜಾ ಬಾವ್ಹಾಲಾ ತುಜಾ ಡೊಳ್ಯಾತ್ಲ ಕುಸಾಳ್ ಕ್ಯಾಡ್ತೊ ಯೇ ಮನ್ಹುನ್ ಕಾ ಸಾಂಗ್ತೊಸ್? ಆರ ಕಪ್‍ಟ್ಯಾ ಆಂದಿ ತುಜಾ ಡೊಳ್ಯಾತ್ಲ ಮುಸಾಳ್ ಕ್ಯಾಡ್ ಮಂಜೆ ತುಜಾ ಬಾವ್ಹಾಚಾ ಡೊಳ್ಯಾತ್ಲ ಕುಸಾಳ್ ಕಾಡಾಯಾ ತುಲಾ ನಿಟ್ ದಿಸಲ್.
\s ಜಾ಼ಡ್ ಆನಿ ತ್ಯಚ಼ ಫಳ್
\r (ಮತ್ತಾಯ್ 7:17-20; 12:34-35)
\p
\v 43 ಚಾ಼ಂಗ್ಲ ಝಾ಼ಡ್ ಕುಚ಼ಕ ಫಳ್ ದಿಯಿತ್ ನಾಹಿ ತಸಸ್ ಕುಚ಼ಕ ಝಾ಼ಡ್ ಚಾ಼ಂಗ್ಲ ಫಳ ದಿಯಿತ್ ನಾಹಿ. 
\v 44 “ಪರತೇಕ್ ಝಾ಼ಡ್ ತ್ಯಚಾ ಫಳಾವ್ನಿಸ್ ವಳ್ಕುನ್ ಯತ. ಕನ್ಯಾರಿಚೆ ಜಾ಼ಳಿತ್ ಕೊನ್ ಅಂಜುರ್ ಕಾಡಿತ್ ನಾಹಿತ ಆನಿ ರುದ್ರಾಕ್ಶಿಚಾ ಜಾ಼ಢಾತ್ನಿ ಕೊನ್ ದರಾಕ್ಶಿಚ಼ ಫಳ್ ಕಾಡಿತ್ ನಾಹಿತ. 
\v 45 ಯೊಕ್ ಚಾ಼ಂಗ್ಲಾ ಮಾನುಸ್ ಚಾ಼ಂಗಲ್ಯಾ ಗುಶ್ಟಿ ಆಂತೊ ಆಪ್‌ಲ್ಯಾ ಮನಾತ್ ಥೆವ್‌ಲ್ಯಾಲ್ಯಾ ಚಾ಼ಂಗಲ್ಯಾ ಗುಶ್ಟಿ ಯೊಕ್ ಬುರ್ಸಾ ಮಾನುಸ್ ಬರ್ಶಾ ಗುಶ್ಟಿ ಆಂತೊ ಮನಾತ್ ಬರ್ಲ್ಯಾಲಸ್ ತ್ವಾಂಡ್ ಬೊಲ್ತ.
\s ದೊಗ ಗರ‍್ಹ ಬ್ಯಾನ್ನಾರ
\r (ಮತ್ತಾಯ್ 7:24-27)
\p
\v 46 “ತುಮಿ ಮನಾ ಪ್ರಭು, ಪ್ರಭು, ಮನ್ಥಾಸಾ ಆನಿ ಮಿ ಸಾಂಗ್‌ಲ್ಯಾಲ ಕಾ ಕರೀತ್ ನಾಹಿಸಾ? 
\v 47 ಕೊನ್ ಮಾಜಿಕ್ಡ ಯತೊ ಆನಿ ಮಾಜ಼ ಸಬಾತ್ ಕೊನ್ ಐಕ್ತೊ ತ್ಯಚಿ ಶಾರ್ಕಾ ಚಾ಼ಲ್ತೊ ಆನಿ ತಸ ಕರ್ತೊ ತ್ಯೊ ಕುನಾ ಶಾರ್ಕಾ ಹಾ ತ್ಯ ಮಿ ತುಮಾನಾ ಸಾಂಗ್ತೊ. 
\v 48 ಯೊಕ್ ಮಾನುಸ್ ಖೋಲ್ ಖಾಂದುನ್ ಖಡ್ಕಾವ ಪಾಯಾ ಗಾಲುನ್ ಘರ್ ಬ್ಯಾಂತೊ ಮಂಗ್ ವ್ಹಾಳ್ ಪಾನ್ಯಾನಿ ಬರ್ಹುನ್ ಯವುನ್ ತ್ಯಾ ಗರ‍್ಹಾವ ಆದಾಳ ತರಿ ತ್ಯ ಘರ್ ಹಾಲತ್ ನಾಹಿ ಕಾ ಮಂಜೆ ತ್ಯ ಖಡ್ಕಾವ ಹುತ್ತ.
\p
\v 49 ಕೊನ್ ಮಾಜ಼ ಸಬಾತ್ ಐಕ್ತೊ ಫನ್ ತೆ ಪಾಳಿತ್ನಸಲ್ಯಾಲಾ ಕಸ್ಲಾ ಹಾ ಮಂಜೆ ತ್ಯೊ ಪಾಯಾ ನಸ್ತಾನಾ ಘರ್ ಬ್ಯಾಂದ್‌ಲ್ಯಾಚೆಗತ್ ಆಸ್ಥೊ ತ್ಯಾ ಗರ‍್ಹಾಲಾ ಪಾನಿ ಯವುನ್ ಅದಾಳ್ತಾನಾ ತ್ಯ ಪಡುನ್ ಹಾಳ್ ವ್ಹತ್ತ.
\c 7
\s ಯೇಸುನಿ ಶತಾದಿ ಪತಿಚಾ ಚಾ಼ಕ್ರಾಲಾ ಬರ ಕೆಲ್ಯಾಲ
\r (ಮತ್ತಾಯ್ 8:5-13; ಯೊಹಾನ್ 4:43-54)
\p
\v 1 ಮಂಗ್ ಹಿ ಸಗ್ಳಿ ವಚ಼ನ ಲೊಕಾಂಚಾ ಕಾನಾವ ಪಡ್ಲಿತ ತವಾ ಯೇಸು ಆಪ್ಲ ಬೋಲ್ನ ಉಬಕರುನ್ ಕಪೆರ್ನೌಮ್ ಪೆಠತ್ ಗೆಲಾ. 
\v 2 ತಿಥ ಶಥಾದಿಪತಿಲಾ ಆವ್ಡಚಾ಼ ಯೊಕ್ ಚಾ಼ಕೊರ್ ಸಿಕ್ ಪಡುನ್ ಮರಾಯಾ ಜಾ಼ಲ್ಥಾ. 
\v 3 ಶತಾದಿಪತಿನಿ\f + \fr 7:3 \fr*\ft ಸೆಂಬರ್ ಜಾ಼ನ್ ಸೈನಿಕಾಂಚಿವ ಅಧಿಕಾರ್ ಆಸ್‌ಲ್ಯಾಲಾ ರೊಮ್ ಸೈನಾಚಾ಼ ಅಧಿಕಾರಿ\ft*\f* ಯೇಸುಚಿ ಬಾತ್ನಿ ಐಕುನ್ ಯೆಹುದ್ಯಾಂಚಾ ವಡ್ಲಾನಾ ತ್ಯಚಿಕ್ಡ ಲಾವುನ್ ದಿವುನ್ ಆನಿ ತ್ಯಂಚಾನಿ ತು ಯವುನ್ ಮಾಜಾ ಚಾ಼ಕ್ರಾಲಾ ಬರಕರಾವ ಮನ್ಹುನ್ ಇನಂತಿ ಕರಾಯಾಲ್ಯಾವ್ಲಿ.
\p
\v 4 ತೇ ಯೇಸುಕ್ಡ ಯವುನ್, ತ್ಯನಿ ಖುಬ್ ಇಚಾರ್ಲ ಹ್ಯೊ ಮಾನುಸ್ ತುಜೆ ಮಜ಼ತಿಲಾ ಯೊಗೆತಾಚಾ಼ ಹಾ. 
\v 5 ಕಾ ಮಂಜೆ ತ್ಯೊ ಆಮ್ಚಾ ಲೊಕಾಂಚಿವ ಮಾಯಾ ಆಸ್ನಾರಾ ಆನಿ ಹ್ಯನಿಸ್ ಆಮ್ಚೆ ಸಾಟಿ ಸಭಾಸ್ಥಾನ್ ಬಾಂದುನ್ ದಿಲ್ಯಾಲ ಹಾ” ಮನ್ಲ.
\p
\v 6 ತವಾ ಯೇಸು ತ್ಯಂಚೆ ಸಂಗ ಗೆಲಾ ಆನಿ ತ್ಯಚಾ ಗರ‍್ಹಾಚೆ ಜ಼ವಳ್ ಯತಾನಾಸ್ ತ್ಯನಿ ಯೇಸುಕ್ಡ ಆಪ್‌ಲ್ಯಾ ಸೊಪ್‌ತ್ಯಾನಾ ಸಾಂಗ್ ಲಾವುನ್ ದಿವುನ್ ಪ್ರಭು ತರಾಸ್ ಗಿಹು ನಕೊಸ್, ತು ಮಾಜಾ ಗರ‍್ಹಾತ್ ಯಯಿಜೊ಼ಗಾ ಮಿ ಮೊಟಾ ನವ್ಹ. 
\v 7 ನಾಹಿತ ಮಿ ತುಜಿಪ ಯಯಾಚಿ ಯೊಗೆತಾಬಿ ಮನಾ ನಾಹಿ ಫಕ್ತ ತು ಯೊಕ್ ಸಬ್ದ ಸಾಂಗ್ಲಾಸ್ಕಿ ಮಾಜಾ಼ ಚಾ಼ಕೊರ್ ಬರಾ ವ್ಹಯಿಲ್. 
\v 8 ಮಿ ಸಾಹಿತ್ ಆನಿ ಯಕಾಚಾ ಹಾತಾ ಖಾಲ್ ಆಸ್‌ಲ್ಯಾಲಾ ಮಾನುಸ್ ಹಾ ಮಾಜಾ ತಾಬ್ಯಾತ್ ಸಿಪಾಯಿ ಹಾತ; ಮಿ ಯಕಾಲಾ ಜಾ಼ ಮನ್ಲೊ ಮಂಜೆ ತ್ಯೊ ಜಾ಼ತೊ ದುಸ್‌ರ‍್ಯಾಲಾ ಯೆ ಮನ್ಲೊ ಮಂಜೆ ತ್ಯೊ ಯತೊ ಆನಿ ಆಪ್‌ಲ್ಯಾ ಚಾ಼ಕ್ರಾಲಾ ಆಮ್ಕ ಕರ್ ಮನ್ಲೊ ಮಂಜೆ ತ್ಯೊ ಕರ್ತೊ.
\p
\v 9 ಹ್ಯ ಐಕುನ್ ಯೇಸುಲಾ ಆಜಾಬ್ ವಾಟ್ಲ ಆನಿ ತ್ಯೊ ಗುಳ್ಹುನ್ ಆಪ್ಲೆ ಮಾಗ್ನಿ ಚಾ಼ಲತ್ಯಾಲ್ಯಾ ಲೊಕಾನಾ ಮನ್ಲಾ ಮಿ ತುಮಾನಾ ಸಾಂಗ್ತೊ ಆಸ್ಲಾ ಇಸ್ವಾಸ್ ಮನಾ ಇಸ್ರಾಯಲಾತ್ಬಿ ಕುಠ ದಿಸ್ಲಾ ನಾಹಿ.
\p
\v 10 ಮಂಗ್ ಲಾವುನ್ ದಿಲ್ಯಾಲ ಮಾನುಸ್ ಪರತ್ ಗರ‍್ಹಾತ್ ಆಲ್ಯಾವ ತ್ಯನಾ ತ್ಯೊ ಚಾ಼ಕೊರ್ ಬರಾ ಜಾ಼ಲ್ಯಾಲಾ ದಿಸ್ಲಾ.
\s ಯೇಸುನಿ ರಾಂಡಾವ್ಚಾ ಲೇಕಾಲಾ ಜಿತ್ತಾ ಕೆಲ್ಯಾಲಾ
\p
\v 11 ಮಂಗ್ ಯೇಸು ನಾಯಿನ್ ನಾವಾಚಾ ಗಾವಾತ್ ಗೆಲಾ ತ್ಯಚ಼ ಶಿಶಾ ಆನಿ ಮೊಟಾ ಲೊಕಾಂಚಾ಼ ಹಿಂಡ್ ತ್ಯಚೆ ಸಂಗ ಗೆಲಾ. 
\v 12 ಯೇಸು ಗಾವಾಚೆ ಯಸಿಚೆ ಜ಼ವಳ್ ಆಲಾ ತವಾ ಯಾಕ್ ಮಡ ಬಾಹಿರ್ ನೆಥ್ಯಾಲ ಬಗ್ಲ; ತ್ಯೊ ಆಪ್ಲೆ ಆಯಿಲಾ ಯೊಕುಸ್ ಯೊಕ್ ಲ್ಯೊಕ್ ಹುತ್ತಾ ಆನಿ ತಿ ವಿದ್ವಾ ಹುತ್ತಿ ಆನಿ ತ್ಯಾ ಗಾವಾತ್ಲಿ ಖುಬ್ ಲೊಕ ತಿಚೆ ಸಂಗ ಹುತ್ತಿತ. 
\v 13 ತಿಲಾ ಬಗುನ್ ಯೇಸುಲಾ ತಿಚಿ ಕಳ್‍ವಳ್ ಆಲಿ ಆನಿ ತಿಲಾ ಮನ್ಲಾ “ರಡುನಕೊ. ” 
\v 14 ಮಂಗ್ ಜ಼ವಳ್ ಜಾ಼ವುನ್ ಯೇಸುನಿ ಕಿರ್ಡಿಲಾ ಹಾತ್ ಲ್ಯಾವ್ಲಾ ತವಾ ಖಾಂದಕರಿ ಉಬ ರಾಯ್ಲ; ಮಂಗ್ ಯೇಸು “ಪ್ಯೊರ್ಗ್ಯಾ ಮಿ ತುಲಾ ಸಾಂಗ್ತೊ ಉಟ್” ಮನ್ಲಾ. 
\v 15 ತ್ಯೊ ಮೆಲ್ಯಾಲಾ ಪ್ಯೊರ್ಗಾ ಉಠುನ್ ಬಸ್ಲಾ ಆನಿ ಬೊಲಾಯಾ ಲಾಗ್ಲಾ ತವಾ ಯೇಸುನಿ ತ್ಯಲಾ ತ್ಯಚೆ ಆಯಿಚಾ ತಾಬ್ಯಾತ್ ದಿಲಾ.
\p
\v 16 ತ್ಯ ಬಗುನ್ ಸಗ್‍ಳ್ಯಾನಾ ಭೆ ವಾಟ್ಲ ಆನಿ ತೆ ದೇವಾಲಾ ವವ್ಯಾಳುನ್ ಸಾಂಗ್‍ಲ್ಯಾಲ ಕ್ಯಾ ಮನ್‌ಲ್ಯಾವ, “ಆಮ್ಚೆ ಮದ್ದಿ ಮೊಟಾ ಪ್ರವಾದಿ ಆಲ್ಯಾ ಆನಿ ದೇವ್ ಆಪ್‌ಲ್ಯಾ ಲೊಕಾಂಚಾ಼ ರಕ್ಶನ್ ಕರಾಯಾ ಆಲ್ಯಾ. ”
\p
\v 17 ಯೇಸುಚೆ ಗುಶ್ಟಿಚಿ ಹಿ ಬಾತ್ನಿ ಯುದಾಯಾತ್ ಆನಿ ಚೌಕಲ್ಯಾ ಸಗ್‍ಳ್ಯಾ ಪರದೇಶಾತ್ ಪಗಾಳ್ಳಿ.
\s ಯೇಸು ಆನಿ ಬಾಪ್ತಿಸ್ಮ ಯೊಹಾನ್
\r (ಮತ್ತಾಯ್ 11:2-19)
\p
\v 18 ಯೊಹಾನಾಚಾ ಶಿಶಾಂಚಾನಿ ಹ್ಯಾ ಗುಶ್ಟಿ ಸಗ್‌ಳ್ಯಾ ತ್ಯಲಾ ಸಾಂಗ್‍ಲ್ಯಾ, 
\v 19 ತವಾ ಯೊಹಾನಾನಿ ಆಪ್‌ಲ್ಯಾ ಶಿಶಾತ್‍ಲ್ಯಾ ದೊಗಾನಾ ಜ಼ವಳ್ ಹಾಕ್‌ಟುನ್ ಯೊಹಾನಾನಿ ಸಾಂಗ್‍ಲ್ಯಾಲಾ “ಯಯಾಚಾ಼ ಆಸ್‌ಲ್ಯಾ ತ್ಯೊ ತುಸ್ ಕ್ಯಾ ಆಮಿ ದುಸರ‍್ಯಾಚಿ ವಾಟ್ ಬಗಾ ವ್ಹಯಿ? ಮನ್ಹುನ್ ಇಚಾರಾಯಾ ಯೇಸುಪ ಲಾವುನ್ ದಿಲ.
\p
\v 20 ತೇ ಮಾನುಸ್ ಯೇಸುಪ ಯವುನ್ ಬಾಪ್ತಿಸ್ಮಾ ಯೊಹಾನಾನಿ ಆಮಾನಾ ತುಜಿಪ ಲಾವುನ್ ದಿಲ್ಯಾತ ಕಾ ಮಂಜೆ “ಯನಾರಾ ತ್ಯೊ ತುಸ್ ಕ್ಯಾ ಆಮಿ ದುಸ್‌ರ‍್ಯಾಚಿ ವಾಟ್ ಬಗಾಯಾ ವ್ಹಯಿ? ಮನ್ಹುನ್ ಇಚಾರಾಯಾ ಮನ್ಲ.
\p
\v 21 ತೇಸ್ ಗಟ್ಕಲಾ ಯೇಸುನಿ ಖುಬ್ ಲೊಕಾನಾ ರೊಗ್ ಪಿಡಾ ಆನಿ ವಾಯಿಟ್ ಆತ್ಮಾಂಚಿಪ್ನಿ ಬರಿ ಕಿಲಿಹುತ್ತಿತ ಆನಿ ಕಿತಿತರಿ ಆಂದಳ್ಯಾ ಲೊಕಾನಾ ನದಾರ್ ದಿಲಿಹುತ್ತಿ. 
\v 22 ಯೇಸು ತ್ಯನಾ ತುಮಿ ಕಚಾ ಗುಶ್ಟಿ ಬಗ್‌ಲ್ಯಾಸಾ ಆನಿ ಐಕ್‌ಲ್ಯಾಸಾ ತ್ಯಾ ಯೊಹಾನಾಲಾ ಜಾ಼ವುನ್ ಸಾಂಗಾ ಆಂದ್‍ಳ್ಯಾನಾ ಡೊಳ ಯತ್ಯಾತ; ಲಂಗ್ಡ ಚಾ಼ಲತ್ಯಾತ; ಕುಶ್ಟ ರೊಗಿ ಚಾ಼ಂಗ್ಲ ವ್ಹತ್ಯಾತ ಕಿವಂಡ್ಯಾಲಾ ಐಕುಯತ ಮೇಲ್ಯಾಲ ಜಿತ್ತ ವ್ಹತ್ಯಾತ ಆನಿ ಗರಿಬಾನಾ ಬರಿ ಖಬರ್ ಸಾಂಗ್ಲಿ ಮನ್ಲಾ
\p
\v 23 “ಕೊನ್ ಮಾಜಿವ ಸಂಸೆವ್ ಥಿವಿತ್ ನಾಹಿತ ತೇ ಕ್ಯವ್ಡ ಬರ” ಮನ್ಲಾ.
\p
\v 24 ಮಂಗ್ ಯೋಹಾನಾಚ಼ ಶಿಶಾ ಗೆಲ್ಯಾವರ್ ಯೇಸು ಯೊಹಾನಾಚಿ ಖಬರ್ ಲೊಕಾನಾ ಸಾಂಗಾಯಾಲಾಗ್ಲಾ. “ತುಮಿ ಕ್ಯಾ ಬಗಾಯಾ ರಾನಾತ್ ಗೆಲಾ ಹುತ್ತಾಸಾ? ವಾರ‍್ಯಾನಿ ಹಲ್‌ತ್ಯಾಲ ದಾಂಡ್ಹ ಕ್ಯಾ? 
\v 25 ಕ್ಯಾ ಬಗಾಯಾ ಗೆಲಾ ಹುತ್ತಾಸಾ? ಚಾ಼ಂಗ್ಲ ಕಪ್ಡ ಗ್ಯಾತ್‌ಲ್ಯಾಲ್ಯಾ ಮಾನ್ಸಾನಾ ಕ್ಯಾ? ಬಗಾ ಚಾ಼ಂಗ್ಲ ಕಪ್ಡ ಗಾಲ್ಹುನ್ ಚೈ಼ನಿ ಮಾರ್ನಾರ ರಾಜ್‍಼ ವಾಡ್ಯಾತ್ ರಾಥ್ಯಾತ. 
\v 26 ಮನಾ ಸಾಂಗಾ ತುಮಿ ಕ್ಯಾ ಬಗಾಯಾ ಗೆಲಾ ಹುತ್ತಾಸಾ? ಪ್ರವಾದಿಲಾ ಕ್ಯಾ? ವ್ಹಯ್ ಮಿ ತುಮಾನಾ ಸಾಂಗ್ತೊ ಪ್ರವಾದಿವ್ನಿ ಮೊಟ್ಯಾಲಾ ತುಮಿ ಬಗ್ಲಾಸಾ.
\q1
\v 27 ಹ್ಯ ಯೊಹಾನಾಚ಼ಸ್ ಲಿವ್‍ಲ್ಯಾ ಬಗಾ ಮಿ ಮಾಜಾ ಶಿಶಾಲಾ ತುಜೆ ಮೊರ‍್ಹ ಲಾವುನ್ ದೇತೊ
\q2 ತ್ಯೊ ತುಜೆ ಮೊರ‍್ಹ ತುಜಿ ವಾಟ್ ತಯಾರ್ ಕರಿಲ್ \rq ಮಲಾಕಿ 3:1\rq*
\p
\v 28 ಯೇಸು ಮನ್ಲಾ, “ಮಿ ತುಮಾನಾ ಸಾಂಗ್ತೊ ಹ್ಯ ದುನೆತ್ ಜ಼ಲಾಮ್‌ಲ್ಯಾಲ್ಯಾತ್ ಯೊಹಾನಾವ್ನಿ ಮೊಟಾ ಕೊನ್ ನಾಹಿ ತರಿ ದೇವಾಚಾ ರಾಜಾತ್ ಕೊನ್ ಬಾರಿಕ್ ಹಾ ತ್ಯೊ ಯೊಹಾನಾವ್ನಿ ಮೊಟಾ ಹಾ.
\p
\v 29 ಜ಼ಖತ್‍ದಾರಾಂಚಾನಿ ಆನಿ ಸಗ್‍ಳ್ಯಾ ಲೊಕಾನಿ ತ್ಯ ಐಕುನ್ ದೇವಾಚಾ಼ ಮಾರ್ಗ ಶಾರ್ಕಾ ಹಾ ಕಾ ಮಂಜೆ ತ್ಯಂಚಾನಿ ಬಾಪ್ತಿಸ್ಮಾ ಯೊಹಾನಾನಿ ಆಂದಿಸ್ ತ್ಯನಾ ಬಾಪ್ತಿಸ್ಮಾ ದಿಲ್ತಿ. 
\v 30 ಫನ್ ಫರಿಸಾಯ್ ಆನಿ ಕ್ಯಾಯ್ದದಾರಾಂಚಾನಿ ದೇವಾಚಿ ಯವಜ಼್ನಾ ಸುಡುನ್ ಯೊಹಾನಾಪ್ನಿ ಬಾಪ್ತಿಸ್ಮಾ ಗೆತ್ಲ ನವ್ಥ.
\p
\v 31 ಯೇಸುನಿ ಹೆ ಪೀಡಿಚಾ ಲೊಕಾಂಚ಼ ಕ್ಯಾ ಸಾಂಗು ಹಿ ಲೊಕ ಕುನಾಚೆಗತ್ ಹಾತ್ತ? ತೀ ಕುನಾಶಾರ್ಕಿ ಹಾತ್ತ? 
\v 32 ಹ್ಯಾ ಕಾಲಾತ್ಲಿ ಲೊಕ ಬಾಜಾ಼ರಾತ್ ಬಸುನ್ ಆನಿ ಯಕಾಮಕಾಲಾ ಹಳ್ಯಾ ಮ್ಯಾರ್ತ್ಯಾಲ್ಯಾ ಪೊರಾಂಚೆಗತ್ ಹಾತ್ತ.
\q1 ಲಗ್ನಾಚ಼ ವಾಜಾ಼ಪ್ ವಾಜಿ಼ವ್ಲ
\q2 ತರಿ ತುಮಿ ನಾಚ಼ಲಾ ನಾಹಿಸಾ;
\q1 ದುಖಾನಿ ಲೊಳ್ಳಾವ್‌ ತರಿ ತುಮಿ
\q2 ರಡ್ಲಾ ನಾಹಿಸಾ
\m ಮಂಥ್ಯಾಲ್ಯಾಂಚಿಗತ್ ಹಾತ್ತ. 
\v 33 ಬಾಪ್ತಿಸ್ಮಾ ಯೊಹಾನ್ ಬಾಕ್ರಿ ಖಾತ್ಯಾಲಾ ನವ್ಹ ದರಾಕ್ಶಿಚಾ ರಸ್ ಪಿತ್ಯಾಲಾ ನವ್ಹ ಆನಿ ತುಮಿ ತ್ಯಲಾ ಲಾಗಿರ್ ಲಾಗ್‌ಲ್ಯಾ ಮಂಥಾಸಾ. 
\v 34 ಮಾನ್ಸಾಚಾ಼ ಲ್ಯೊಕ್ ಆಲಾ ತ್ಯೊ ಖಾತ್ಯಾಪಿತ್ಯಾಲಾ ಹಾ ಆನಿ ತುಮಿ ತ್ಯಲಾ ಮನ್ಲಾಸಾ ಹ್ಯೊ ಖಾದೊಡಾ ಪಿದೊಡಾ ಜ಼ಖತ್ ದಾರಾಂಚಾ಼ ಆನಿ ಪಾಪಿಂಚಾ಼ ಸುಪ್ತಿ ಮಂತಾಸಾ. 
\v 35 ಫನ್ ದೇವಾಚ಼ ಗಿನ್ಯಾನ್ ಆಪ್‌ಲ್ಯಾಲಾ ಖರ ಮನ್ಹುನ್ ತ್ಯ ಕೊನ್ ವ್ಹಯ್ ಮಂಥ್ಯಾಲ್ಯಾ ಪೊರಾಂಚಿಪ್ನಿಸ್ ದಿಸುನ್ ಯತ.
\s ಯೇಸು ಫರಿಸಾಯಾ ಸಿಮೊನಾಚಾ ಗರ‍್ಹಾತ್
\p
\v 36 ಪರಿಸಾಯಾತ್‌ಲ್ಯಾ ಯಕಾನಿ ಯೇಸುಲಾ ಆಪ್ಲೆ ಸಂಗ ಖಾಯಾ ಸಾಟಿ ಇಂತಿ ಕೆಲಿ ತವಾ ಯೇಸು ತ್ಯಾ ಪರಿಸಾಯಚಾ ಗರ‍್ಹಾತ್ ಜಾ಼ವುನ್ ಖಾಯಾ ಬಸ್ಲಾ.
\p
\v 37 ಬಗಾ ತ್ಯಾ ಗಾವಾತ್ ಯೇಕ್ ಪಾಪಿ ಬಾಯಿಲ್ಮಾನುಸ್ ಹುತ್ತಿ. ಯೇಸು ಪರಿಸಾಯಾಚಾ ಗರ‍್ಹಾತ್ ಖಾಯಾ ಬಸ್‍ಲ್ಯಾ ಮನ್ಹುನ್ ಐಕುನ್ ತಿನಿ ಚಾ಼ಂಗಲ್ಯಾ ವಾಸಾಚಾ ತೇಲಾಚಿ ಬರ್ನ್ಹಿ ಗಿಹುನ್ ಆಲಿ. 
\v 38 ಆನಿ ಯೇಸುಚಾ ಪಾಯಾಚೆ ಕಡಸ್ ಯವುನ್ ಉಬಿ ರಾಹುನ್ ಬಸುನ್ ರಡತ್ ಆಪ್‌ಲ್ಯಾ ಡೋಳ್ಯಾಚಾ ಪಾನ್ಯಾನಿ ತ್ಯಚ಼ ಪ್ಯಾ ವಲ್ಲ ಕರುನ್ ಆಪ್ಲೆ ಡುಯಿಚಾ ಕೇಸಾನಿ ತೆ ಪುಸ್ಲ; ಆನಿ ತ್ಯಚಾ ಪಾಯಾಚ ಮುಕ ಗಿಹುನ್ ಪಾಯಾಂಚಿವ ವಾಸಾಚ಼ ತ್ಯಾಲ್ ವತ್ಲ.
\p
\v 39 ತವಾ ಯೇಸುಲಾ ಖಾಯಾ ಹಾಕಟ್‍ಲ್ಯಾಲ್ಯಾ ಪರಿಸಾಯಾನಿ ಹ್ಯ ಬಗುನ್ “ಹ್ಯೊ ಪ್ರವಾದಿ ಆಸ್ಥಾತ ಆಪ್‌ಲ್ಯಾಲಾ ಹಾತ್‍ಲ್ಯಾವ್‌ಲ್ಯಾಲಿ ಬಾಯಿಲ್ಮಾನುಸ್ ಕೊನ್ ಕಸಿ ಹಾ ಮಂಜೆ ತಿ ಪಾಪಿ ತ್ಯ ತ್ಯಲಾ ವಳಾಕ್ಲಿ ಆಸ್ಥಿ” ಮನ್ಹುನ್ ಮನಾತ್ ಮನ್ಲಾ.
\p
\v 40 ತವಾ ಯೇಸುನಿ ತ್ಯಲಾ “ಸಿಮೊನಾ ಮನಾ ತುಮ್ಚಿ ಸಂಗ ಕಾಯ್ತರಿ ಬೊಲಾಚ಼ ಹಾ” ಮನ್ಲಾ ತವಾ
\p ಸಿಮೊನ್ “ಗುರು, ಸಾಂಗಾ” ಮನ್ಲಾ.
\p
\v 41 ತವಾ ಯೇಸುನಿ ಸಾಂಗ್ಲ, “ಯಕಾ ಸಾವ್ಕಾರಾಲಾ ದೊಗ ರಿನ್ಕರಿ ಹುತ್ತ; ಯಕಾನಿ ಪಾಚ್ಚೆ ಚಾ಼ಂದಿಚ಼ ಆನ ದಿಯಾಚ಼ ಹುತ್ತ, ಆನಿಯಕಾನಿ ಪನ್ನಾಸ್ ಚಾ಼ಂದಿಚ಼ ಆನ ದಿಯಾಚ಼ ಹುತ್ತ.
\p
\v 42 “ಫೆಡಾಯಾ ತ್ಯಂಚಿಪ ಕಾಯ್ ನವ್ಥ ಮನ್ಹುನ್ ತ್ಯನಿ ತ್ಯಾ ದೊಗಾನಾ ತ್ಯ ರೀನ್ ಶೊಡ್ಲ ತವಾ ತ್ಯಾತ್ಲಾ ತ್ಯಾ ಸಾವ್ಕಾರಾಲಾ ಕಚಾ಼ ಖುಬ್ ಮಾಯಾ ಕರ್ನಾರ್? ಮನ್ಲಾ.
\p
\v 43 ತವಾ ಸಿಮೊನ್ ಕಚಾಲಾ ಖುಬ್ ಶೊಡ್‌ಲ್ಯಾ ತ್ಯೊ ಖುಬ್ ಮಾಯಾ ಕರ್ನಾರ್ ಮನ್ಲಾ, ತವಾ
\p ಯೇಸು ಸಿಮೊನಾಲಾ “ಖರ ಸಾಂಗ್ಲಸ್” ಮನ್ಲಾ. 
\v 44 ಆನಿ ಯೇಸು “ತೆ ಬಾಯಿಲ್ಮಾನ್ಸಾಕ್ಡ ಬಗುನ್ ಸಿಮೊನಾಲಾ ತು ಹೆ ಬಾಯಿಲಾ ಬಗ್ಲೆಸ್ ಕ್ಯಾ? ಮನ್ಲಾ. ಮಿ ತುಜಾ ಗರ‍್ಹಾತ್ ಆಲೊ ತವಾ ತು ಮನಾ ಪ್ಯಾ ದುಹ್ಯಾ ಪಾನಿ ದಿಲನಾಹಿ ಫನ್ ಹಿನಿ ಆಪ್‌ಲ್ಯಾ ದುಃಖಾನಿ ಮಾಜ಼ ಪ್ಯಾ ದುವುನ್ ಆಪ್‌ಲ್ಯಾ ಕೇಸಾನಿ ತೆ ಪುಸ್ಲ. 
\v 45 ತು ಯಂಗ್ದಾಬಿ ಮಾಜಾ಼ ಮುಕ್ಕಾ ಗೆತ್ಲಾ ನಾಹಿಸ್ ಫನ್ ಮಿ ಆತ್ ಆಲ್ಯಾ ದರ್ನಿ ಹಿನಿ ಮಾಜಾ ಪಾಯಾಂಚ಼ ಮುಕ್ಕ ಗಿಹ್ಯಾಚ಼ ಥಾಂಬಿವ್ಲ ನಾಹಿತ. 
\v 46 ತು ಮಾಜೆ ಡುಯಿಲಾ ತ್ಯಾಲ್ ಲ್ಯಾವ್ಲ ನಾಹಿಸ್ ಫನ್ ಹಿನಿ ಮಾಜಾ ಪಾಯಾಲಾ ವಾಸಾಚ಼ ತ್ಯಾಲ್ ಲ್ಯಾವ್ಲ. 
\v 47 ಮನ್ಹುನ್ ಮಿ ತುಮಾನಾ ಸಾಂಗ್ತೊ ಹಿಚಿ ಕ್ಯಾ ಖುಬ್ ಪಾಪ ಹಾತತಿ ಮಾಪ್ ಜಾ಼ಲಿತ ಕಾ ಮಂಜೆ ಹಿನಿ ಖುಬ್ ಮಾಯಾ ಕಿಲಿ ಕಚಾಲಾ ಥುಡಿ ಮಾಪಿ ಜಾ಼ಲೆ ತ್ಯೊ ಥುಡಿ ಮಾಯಾ ಕರ್ತೊ” ಮನ್ಲಾ.
\p
\v 48 ಮಂಗ್ ಯೇಸು ತಿಲಾ, “ತುಜಿ ಪಾಪ ಮಾಪ್‍ ಜಾ಼ಲಿತ” ಮನ್ಲಾ.
\p
\v 49 ತವಾ ತ್ಯಚೆ ಸಂಗ ಜೆವ್ನಾಲಾ ಬಸ್‌ಲ್ಯಾಲ ದಿಸ್ರ, “ಪಾಪ ದಿಕಿಲ್ ಮಾಪಿ ಕರ್ನಾರಾ ಹ್ಯೊ ಕೊನ್? ಆಸ ಆಪ್‌ಲ್ಯಾ ಆಪ್‌ಲ್ಯಾತ್ ಮನ್ಲ.
\p
\v 50 ಮಂಗ್ ಯೇಸು ತೆ ಬಾಯಿಲ್ ಮಾನ್ಸಾಲಾ, “ತುಜಾ ಇಸ್ವಾಸಾನಿ ತುಜ಼ ರಕ್ಶನ್ ಜಾ಼ಲ್ಯಾ ಸಮಾದಾನಾನಿ ಜಾ಼” ಮನ್ಲಾ.
\c 8
\s ಯೇಸುಚಿ ಸೇವಾ ಕರ್ನಾರಿ ಬಾಯಿಲ್ ಮಾನ್ಸ
\p
\v 1 ತ್ಯ ಜಾ಼ಲ್ಯಾ ನಂತರ್ ಯೇಸು ಉಪದೆಸ್ ಕರೀತ್ ದೇವಾಚಾ ರಾಜಾಚಿ ಖಬರ್ ಸಾಂಗಿತ್ ನಗರಾ ನಗರಾನಿ ಗಾವಾ ಗಾವಾನಿ ಫಿರತ್ ಹುತ್ತಾ ತವಾ ತ್ಯಚೆ ಸಂಗ ತೆ ಬಾರಾಜಾ಼ನ್ ಶಿಶಾ ಹುತ್ತ. 
\v 2 ಥುಡಿ ಬ್ಯಾಯ್ಕಾ ಮಾನ್ಸ ಯೇಸು ಸಂಗ ಹುತ್ಯಾ ತ್ಯಾ ದುಶ್ಟ ಆತ್ಮಿ ಆನಿ ರೊಗಾತ್ನಿ ಸುಟ್ಕಿ ಕೆಲ್ಯಾಲ್ಯಾ ಆಸಿ ಕಿತಿತರಿ ಬ್ಯಾಯ್ಕಾ ಮಂಜೆ ತಿ ಮಗ್ದಲಿಯಾ ಮಂಥ್ಯಾಲೆ ಮರಿಯಾತ್ನಿ ಸಾತ್ ಲಾಗಿರ ನಿಗ್ಲಿ ಹುತ್ತಿತ. 
\v 3 ಆನಿ ಹೆರೊದಾಚಾ಼ ಮ್ಯಾನೆಜರ್ಕಿ ಕರ್ನಾರಾ ಖುಜಾ ಹ್ಯಚಿ ಬ್ಯಾಯ್ಕೊ ಯೊಹನ್ನಾ, ತಸಿಸ್ ಸುಸನ್ನ, ಆನಿ ದುಸ್‌ರ‍್ಯಾ ಖುಬ್ ಬ್ಯಾಯ್ಕಾ ಮಾನ್ಸ ಹುತ್ತಿತ. ತ್ಯಾ ಆಪ್‌ಲ್ಯಾ ಪೈಶಾ ಅಡ್‌ಕ್ಯಾನಿ ತ್ಯನಾ ಮಜ಼ತ್ ಕರಿತ್ಯಾ.
\s ಬಿ ಪೇರ್ನಾರ‍್ಯಾಚಿ ಕ್ಯಾಯ್ನಿ
\r (ಮತ್ತಾಯ್ 13:1-9; ಮಾರ್ಕ್ 4:1-9)
\p
\v 4 ತವಾ ಮೊಟಾ ಲೊಕ್ ಸಮುದಾಯ್ ಯಕಿಕ್ಡ ಜ಼ಮಲ್ಯಾಲಾ ಆಸ್ಥಾನಾ ಗಾವಾ ‍ಗಾವಾ‍ಚಿ ಲೊಕ ತ್ಯಚಿಪ ಯಯಿತ್ ಆಸ್ಥಾನಾ ಯೇಸು ಕ್ಯಾಯ್ನಿನಿ ಸಾಂಗಾಯಾ ಲಾಗ್ಲಾ.
\p
\v 5 ಯೊಕ್ ಸೇತ್ಕರಿ ಬೀ ಪೆರಾಯಾ ನಿಗಾಲಾ; ಆನಿ ತ್ಯೊ ಪೀರಿತ್ ಆಸ್ಥಾನಾ ಕಾಯ್ ಥೊಡ ಬೀ ವಾಟವ ಪಡ್ಲ; ತ್ಯ ತುಡಾವ್ಲ ಆನಿ ಪಾಕ್ರಾಂಚಾನಿ ಖಾಲ. 
\v 6 ಆನಿ ಕಾಯ್ ಥೊಡ ಬೀ ದೊಂಡ್ಗಳ್ ಜಿಮ್ನಿತ್ ಪಡ್ಲ; ತ್ಯ ವಲ್ ನವ್ತಿ ಮನ್ಹುನ್ ಉಗಾವ್ತಾನಾಸ್ ವಾಳುನ್ ಗೆಲ. 
\v 7 ಆನಿ ಕಾಯ್ ಥೊಡ ಬೀ ಕಾಟ್ಯಾತ್ನಿ ಪಡ್ಲ; ಕಾಟ್ಯಾಚ಼ ಪಂದ ತ್ಯಚಿ ಬರ್ಬರ್ ವಾಡುನ್ ತ್ಯ ಬುಡಾಲ. 
\v 8 ಕಾಯ್ ಥೊಡ ಬೀ ಚಾ಼ಂಗ್ಲೆ ಜಿಮ್ನಿತ್ ಪಡ್ಲ ತ್ಯ ಉಗಾವ್ಲ ಆನಿ ಶೆಂಬರಾ ಯಿತ್ಕ ಪೀಕ್ ದಿಲ
\p ಆಸ ಸಾಂಗುನ್ ತ್ಯೊ, “ಮೊಟ್ಯಾನಿ ಕಚಾಲಾ ಐಕಾಯಾ ಮನ್ ಹಾ ತ್ಯೊ ಐಕುನಿ” ಮನ್ಲಾ.
\s ಕ್ಯಾಯ್ನಿಚಾ಼ ಆರ್ಥ
\r (ಮತ್ತಾಯ್ 13:10-17; ಮಾರ್ಕ್ 4:1-12)
\p
\v 9 ತವಾ ಯೇಸುಚಾ ಶಿಶಾಂಚಾನಿ ತ್ಯಲಾ “ಹೆ ಕ್ಯಾಯ್ನಿಚಾ಼ ಅರ್ಥ ಕ್ಯಾ? ಮನ್ಹುನ್ ಇಚಾರ್ಲ.
\p
\v 10 ಯೇಸು ತ್ಯನಾ ಮನ್ಲಾ “ದೇವಾಚಾ ರಾಜಾಚಿ ಗುಟ್ ಸಮಜಾ಼ಯಾ ಸಾಟಿ ಗಿನ್ಯಾನ್ ತುಮಾನಾ ದಿಲ್ಯಾ. ಫನ್ ದಿಸರ‍್ಯಾನಾ ತ್ಯ ಕ್ಯಾಯ್ನಿನಿ ಸಾಂಗ್‍ಲ್ಯಾ, ಕಾ ಮಂಜೆ,
\q1 ‘ತ್ಯಂಚಾನಿ ಬಗ್ಲ ತರಿ ತ್ಯನಾ ದಿಸತ್ ನಾಹಿ,
\q2 ಆನಿ ಐಕ್ಲತರಿ ತ್ಯನಾ ಸಮ್ಜ಼ತ್ ನಾಹಿ’.
\s ಯೇಸುನಿ ಕ್ಯಾಯ್ನಿ ಫುಡುನ್ ಸಾಂಗ್ಲಿ
\r (ಮತ್ತಾಯ್ 13:18-23; ಮಾರ್ಕ್ 4:13-20)
\p
\v 11 ಹಿ ಕ್ಯಾಯ್ನಿಚಾ಼ ಅರ್ಥ ಕ್ಯಾ ಮಂಜೆ ಬಿ ದೇವಾಚ಼ ವಚ಼ನ್. 
\v 12 ವಾಟವ ಪಡ್‌ಲ್ಯಾಲ ಬಿ ಮಂಜೆ? ಹಿ ದೇವಾಚಿ ವಚ಼ನ ಕೊನ್ ಐಕ್‍ತ್ಯಾತ ಮಂಗ್ ತ್ಯನಿ ಇಸ್ವಾಸ್ ಥಿವುನಾಹಿ ಆನಿ ತ್ಯಚ಼ ರಕ್ಶನ್ ವ್ಹವುನಾಹಿ ಮನ್ಹುನ್ ಸೈತಾನ್ ತ್ಯಂಚೆ ಆತ್ ಯವುನ್ ಮನಾತ್ಲ ವಚ಼ನ ಕಾಡುನ್ ಗೆತೊ. 
\v 13 ದೊಂಡ್ಕಾಳ್ ಜಿಮ್ನಿತ್ ಪಡ್‌ಲ್ಯಾಲ ಬೀ ಮಂಜೆ ತಿ ಐಕ್‍ತ್ಯಾತ ತವಾ ವಚ಼ನ ಆನಂದಾನಿ ಗೆಥ್ಯಾತ; ಫನ್ ತ್ಯನಾ ಮುಳ ನಸತ್ಯಾತ; ತಿ ಥೊಡ್ಯಾ ದಿಸಾ ಪರ‍್ಯಾತ್ ಇಸ್ವಾಸ್ ಥೆವ್‌ತ್ಯಾತ ಆನಿ ಪರಿಕ್ಶೆಚಾ ಯಳಾಲಾ ಪಡತ್ಯಾತ.
\p
\v 14 ಕಾಟ್ಯಾಚಾ ಪಂದ್ಯಾತ್ ಪಡ್‌ಲ್ಯಾಲ ಬೀ ಮಂಜೆ ತಿ ಐಕ್‌ತ್ಯಾತ ಆನಿ ಸಂಸಾರಾಚಿ ಕ್ಯಾಳ್ಜಿ ಧನ್ ಆನಿ ಹ್ಯಾ ಲೋಕಾತ್‌ಲ್ಯಾ ಸುಖಾನಿ ರಾಹ್ಯಾ ಯವಸ್‍ತ್ಯಾತ ಹಿ ಪಕ್ಕ ಫಳ್ ದಿಯಿತ್ ನಾಹಿತ. 
\v 15 ಫನ್ ಚಾ಼ಂಗ್ಲೆ ಮಾತಿತ್ ಪಡ್‌ಲ್ಯಾಲ ಬೀ ಮಂಜೆ ತ್ಯ ವಚ಼ನ್ ಐಕುನ್ ಚಾ಼ಂಗಲ್ಯಾ ಗುನಾನಿ ಆನಿ ಚಾ಼ಂಗಲ್ಯಾ ಮನಾನಿ ದರುನ್ ಥೆವ್‍ತ್ಯಾತ ಆನಿ ದಿರ‍್ಹಾನಿ ಫಳ್ ದೇತ್ಯಾತ.
\s ಪಲಂಗಾ ಬುಡಿ ದಿವಾ
\r (ಮಾರ್ಕ್ 4:21-25)
\p
\v 16 “ಕೊನ್ ದಿವಾ ಲಾವುನ್‍ ಐದಾನ ಬುಡಿ ನಾಹಿತ ಪಲಂಗಾ ಬುಡಿ ಥಿವಿತ್ ನಾಹಿತ ಆತ್ ಯತ್ಯಾಲ್ಯಾನಾ ಉಜಿಡ್ ದಿಸಾಯಾ ವ್ಹಯಿ ಮನ್ಹುನ್ ತ್ಯೊ ದಿವಲಾವನ್ಯಾವ ಥೆವ್‌ತ್ಯಾತ.
\p
\v 17 ಆಮಿ ಕಾಯ್ ತರಿ ಜಾ಼ಕುನ್ ಥೆವ್‌ಲ್ಯಾಲ ತ್ಯ ಉಜಿಡಾತ್ ಯಯಾ ಆನಿ ಕಾಯ್ತರಿ ಜಾ಼ಕುನ್ ಥೆವ್‌ಲ್ಯಾಲ ಉಜಿಡಾತ್ ದಿಸ್ತ.
\p
\v 18 ಮನ್ಹುನ್ ತುಮಿ ಕ್ಯಾ ಐಕ್ತಾಸಾ ತ್ಯಾ ಗುಶ್ಟಿನಾ ಜ಼ಪುನ್ ರಾವ್ಹಾ ಆಸ್ನಾರ‍್ಯಾಲಾಸ್ ದೇನಾರ್ ನಸ್ನಾರ‍್ಯಾಪ್ನಿ ತ್ಯಚ಼ ಕಾಯ್ ಥೊಡ ಆಸ್‌ಲ್ಯಾಲಬಿ ಕಾಡುನ್ ಗೆನಾರ್” ಮನ್ಲಾ.
\s ಯೇಸುಚಿ ಆಯಿ ಆನಿ ಬಾಹು
\r (ಮತ್ತಾಯ್ 12:46-50; ಮಾರ್ಕ್ 3:31-35)
\p
\v 19 ಯೇಸುಚಿ ಆಯಿ ಆನಿ ಬಾಹು ತ್ಯಚಿಪ ಆಲಿತ ಫನ್ ಗರ್ದಿಸ್ ಲಾಗುನ್ ತ್ಯನಾ ಯೇಸುಪ ಯಯಾ ವ್ಹಯಿನಾ. 
\v 20 ತವಾ “ತುಜಿ ಆಯಿ ಆನಿ ತುಜ಼ ಬಾಹು ತುಲಾ ಬಗಾಯಾ ಬಾಹಿರ್ ಉಬಿ ಹತ್ತ” ಮನ್ಹುನ್ ಯೇಸುಲಾ ಸಾಂಗ್ನ ಆಲ.
\p
\v 21 ತವಾ ಯೇಸುನಿ ತ್ಯನಾ, “ಕೊನ್ ದೇವಾಚಿ ವಚ್ನ ಐಕ್ತೊ ಆನಿ ತ್ಯಂಚಿಗತ್ ಚಾ಼ಲ್ತೊ ತಿಸ್ ಮಾಜಿ ಆಯಿ ಆನಿ ಬಾಹು!” ಮನ್ಹುನ್ ಸಾಂಗ್ಲ.
\s ಯೇಸುನಿ ವಾವ್ಡಳ್ ಥಾಂಬಿವ್‍ಲ್ಯಾಲಿ
\r (ಮತ್ತಾಯ್ 8:23-27; ಮಾರ್ಕ್ 4:35-41)
\p
\v 22 ಯಕಸಿ ಯೇಸು ಆಪ್‌ಲ್ಯಾ ಶಿಶಾಂಚೆ ಸಂಗ ಯಕ ವ್ಹಡಿತ್ ಚ಼ಡುನ್, “ಸಮಿಂದೊರಾಚೆ ಪಲಿಕ್ಡ ಜಾ಼ವುಯಾ ಮನ್ಲ” ತವಾ ತ್ಯಂಚಾನಿ ವ್ಹಡಿ ಪಾನ್ಯಾತ್ ರಿಟುನ್ ನಿಗಾಲ್ಹ. 
\v 23 ಮಂಗ್ ತೆ ಜಾ಼ತಾ ಆಸ್ಥಾನಾ ಯೇಸುಚಿ ನೀಜ಼್ ಲಾಗ್ಲಿ ತವಾ ಸಮಿಂದೊರಾತ್ ಯಗ್ದಮ್ ಮುಟಿ ವಾವ್ಡಳ್ ಸುಟುನ್ ವ್ಹಡಿತ್ ಪಾನಿ ಬರ್ಲ ಆನಿ ತೆ ದೊಖ್ಯಾತ್ ಪಡ್ಲ. 
\v 24 ತವಾ ಶಿಶಾ ಯೇಸುಪ ಯವುನ್ ತ್ಯಲಾ ಜಾ಼ಗಾ ಕರುನ್ “ಪ್ರಭು ಪ್ರಭು” ಆಮಿ ಬುಡಾಲಾವ್‌ ಮನ್ಲ,
\p ತವಾ ತ್ಯನಿ ವಾರ‍್ಯಾಲಾ ಆನಿ ಪಾನ್ಯಾಲಾ ದಪ್‌ಕ್ಯಾವ್ಲ ತವಾ ವಾರ ಆನಿ ಪಾನಿ ಬಂದ್ ವ್ಹವುನ್ ಥಂಡ್ ಜಾ಼ಲ. 
\v 25 ತವಾ ಯೇಸು ತ್ಯನಾ, “ತುಮಚಾ಼ ಇಸ್ವಾಸ್ ಕುಠ ಹಾ? ಮನ್ಲಾ ತವಾ ತೆ ಬಿಹುನ್ ಗಾಭಾರ್ಲ ಆನಿ ಯಕಾಮಕಾಲಾ, “ಹ್ಯೊ ಕೊನ್ ಆಸಲ್? ಮನ್ಲ ವಾವ್ಡಳಿಲಾ ಆನಿ ಪಾನ್ಯಾಚಾ ಲ್ವಾಟಾನಾ ದಿಕಿಲ್ ಹ್ಯೊ ದಪ್‌ಕ್ಯಾವ್ತೊ ಆನಿ ತಿ ತ್ಯಚ಼ ಐಕ್‌ತ್ಯಾತ” ಮನ್ಲ.
\s ಭುತ್ ದರ್‌ಲ್ಯಾಲ್ಯಾಲಾ ಯೇಸುನಿ ಬರ ಕೆಲ್ಯಾಲ
\r (ಮತ್ತಾಯ್ 8:28-34; ಮಾರ್ಕ್ 5:1-20)
\p
\v 26 ಮಂಗ್ ಯೇಸು ಆನಿ ತ್ಯಚ಼ ಶಿಶಾ ಗಲಿಲಾಯಾಚಾ ಸಮಿಂದೊರ್ ವಲ್ಯಾಂಡುನ್ ಗೆನೆಜ಼ರೆತ್ ಸಿಮತ್ ಯವುನ್ ಪೊಚ್ಲ. 
\v 27 ಯೇಸು ಜಿಮ್ನಿವ ಉತಾರ್ಲ್ಯಾ ಬರ್ಬರ್ ಗಾವಾತ್ಲಾ ಯೊಕ್ ಮಾನುಸ್ ತ್ಯಲಾ ಗಾವ್ಲಾ, ತ್ಯಲಾ ಲಾಗಿರ ಲಾಗ್ಲಿ ಹುತ್ತಿತ ಖುಬ್ ದಿಸ್ ತ್ಯನಿ ಕಪಡ ಗ್ಯಾತ್ಲ ನವ್ಥ ಆನಿ ಗರ‍್ಹಾತ್ ರಾಹಿತ್ ನವ್ಥಾ ಮಸುರ್ಡಿತ್ನಿ ರಾಹಿತಾ.
\p
\v 28 ತ್ಯನಿ ಯೇಸುಲಾ ಬಗುನ್ ಜೊ಼ರಾನಿ ವರ್ಡುನ್ ತ್ಯಚೆ ಮೊರ‍್ಹ ಪಾಯಾತ್ ಪಡುನ್, “ಯೆ ಯೇಸು ಪರಾತ್ಪರ್ ದೇವಾಚಾ ಲೇಕಾ ತು ಮಾಜೆ ಮಾಗ ಕಾ ಲಾಗ್‌ಲ್ಯಾಸ್? ಮಿ ತುಲಾ ಇನಂತಿ ಕರ್ತೊ ಮನಾ ಕಾಂಬ್ವು ನಕೊಸ್? 
\v 29 ಕಾ ಮಂಜೆ ಯೇಸುನಿ ತ್ಯಾ ಲಾಗಿರಾಲಾ ತ್ಯಾ ಮಾನ್ಸಾತ್ನಿ, “ಸುಡುನ್ ಜಾ಼” ಮನ್ಹುನ್ ದಪ್‌ಕ್ಯಾವ್ಲ ಹುತ್ತ. ತ್ಯ ಲಾಗಿರ್ ತ್ಯಲಾ ದರ‍್ಹುನ್ ಖುಬ್ ದೀಸ್ ಜಾ಼ಲ ಹುತ್ತ. ಆನಿ ಸಾಕ್‌ಳ್ಯಾನಿ ಆನಿ ಬೇಡ್ಯಾನಿ ತ್ಯಚ಼ ಹಾತ್ ಪ್ಯಾ ಲೊಕಾಂಚಾನಿ ಬಾಂದುನ್ ಥೆವ್ಲಾ ಹುತ್ತಾ ತರಿಬಿ ತ್ಯೊ ತಿ ಬಾಂದ್ನ ತುಡಿತಾ ಆನಿ ಲಾಗಿರ ತ್ಯಲಾ ರಾನಾತ್ ಹಾಕ್ಟುನ್ ನಿಹಿತ.
\p
\v 30 ಯೇಸುನಿ ತ್ಯಲಾ, “ತುಜ಼ ನಾವ್ ಕ್ಯಾ? ಮನ್ಹುನ್ ಇಚಾರ್ಲ
\p ತ್ಯೊ “ಹಿಂಡ್”\f + \fr 8:30 \fr*\ft ಹಾಜಾ಼ರಾಇತ್ಕ ಸೈನಿಕ್. \ft*\f* ಮನ್ಲಾ ಕಾ ಮಂಜೆ ತ್ಯಚಿಪ ಖುಬ್ ಲಾಗಿರ ಬರ್ಲಿ ಹುತ್ತಿತ. 
\v 31 ತಿ ಯೇಸುಲಾ “ಆಮಾನಾ ಪಾತಾಳಾತ್ ಲಾವುನ್ ದಿವು ನಕೊ ಮನ್ಹುನ್ ಮಾಗ್ನ ಕರಿತಿತ.
\p
\v 32 ತಿಥ ಡುಕ್ರಾಂಚಾ಼ ಮೊಟಾ ಹಿಂಡ್ ಗುಢ್ಯಾವ ಚ಼ರತ್ ಹುತ್ತಾ ತ್ಯಾತ್ ಆಮಾನಾ ಲಾವುನ್ ದೇ ಮನ್ಹುನ್ ತ್ಯಾ ಲಾಗಿರಾಂಚಾನಿ ಯೇಸುಪ ಮಾಗ್ನ ಕೆಲ ತವಾ ಯೇಸುನಿ ತ್ಯನಾ ಲಾವುನ್ ದಿಲಿತ. 
\v 33 ತವಾ ಲಾಗಿರ ತ್ಯಾ ಮಾನ್ಸಾತ್ನಿ ನಿಗುನ್ ತ್ಯಾ ಡುಕ್ರಾತ್ನಿ ಬರ್ಲಿತ ಆನಿ ತ್ಯೊ ಖಾಂಡ್ ದಾವತ್ ಜಾ಼ವುನ್ ಗುಢ್ಯಾವ್ನಿ ಸಮಿಂದೊರಾತ್ ಪಡುನ್ ಬುಡಾಲಿತ.
\p
\v 34 ಮಂಗ್ ಡುಕ್ರ ಚಾರ್ನಾರಿ ಮಾನ್ಸ ಹ್ಯ ಜಾ಼ಲ್ಯಾಲ ಬಗುನ್, ಪಳಾಲಿತ ಆನಿ ಗಾವಾತಲ್ಯಾ ಆನಿ ಸೇತಾತ್‌ಲ್ಯಾ ಲೊಕಾನಾ ಜಾ಼ವುನ್ ಸಾಂಗ್ಲ. 
\v 35 ತವಾ ಕ್ಯಾ ಜಾ಼ಲ್ಯಾ ತ್ಯ ಬಗಾಯಾ ಲೊಕ ನಿಗಾಲಿತ ಆನಿ ಯೇಸುಪ ಆಲಿತ ತವಾ ತ್ಯಾ ಮಾನ್ಸಾತ್ನಿ ಲಾಗಿರ ನಿಗ್ಲಿ ಹುತ್ತಿತ ಆನಿ ತ್ಯೊ ಯೇಸುಚಾ ಪಾಯಾಕ್ಡ ಚಾ಼ಂಗ್ಲ ಕಪ್ಡ ಗಾಲ್ಹುನ್; ಚಾ಼ಂಗ್ಲೆ ಬುದ್ದಿನಿ ಬಸ್‍ಲ್ಯಾಲಾ; ತ್ಯನಾ ದಿಸ್ಲಾ ತವಾ ತೀ ಬಿಹ್ಯಾಲಿತ. 
\v 36 ಕುನಿ ಕುನಿ ಹ್ಯ ಬಗ್ಲ ಹುತ್ತ ತ್ಯ ಲೊಕಾನಾ ಸಾಂಗ್ಲ ಕೊನ್ ತರನಿ ಹ್ಯೊ ಮಾನುಸ್ ಹಾ ಬರಾ ಜಾ಼ಲಾ ಮನ್ಹುನ್ 
\v 37 ತೇ ಗೆನೆಜ಼ರೇತ್ ಸಿಮೆತ್‌ಲ್ಯಾ ಲೊಕಾಂಚಾನಿ ಯೇಸುಲಾ ಆಮಾನಾ ಸುಡುನ್ ಜಾ಼ ಮನ್ಹುನ್ ಸಾಂಗ್ಲ ಕಾ ಮಂಜೆ ತಿ ಖುಬ್ ಗಾಭಾರ್ಲಿ ಹುತ್ತಿತ
\p ಮಂಗ್ ಯೇಸು ವ್ಹಡಿತ್ ಬಸುನ್ ಜಾ಼ತಾನಾ. 
\v 38 ತವಾ ಕಚಾ ಮಾನ್ಸಾತ್ನಿ ಲಾಗಿರ ನಿಗ್ಲಿ ಹುತ್ತಿತ ತ್ಯೊ ಮಾನುಸ್ ಯೇಸುಪ “ಮನಾ ತುಜಿ ಸಂಗ ಯವುದೆ” ಮನ್ಹುನ್ ಮಾಗ್ನ ಕರಯಾ ಲಾಗ್ಲಾ ಫನ್ ಯೇಸು ತ್ಯಲಾ, “ಮಾಗಾರಾ ಪರ್ತುನ್ ಜಾ಼” ಮನ್ಲಾ. 
\v 39 “ತು ಗರ‍್ಹಾತ್ ಪರ್ತುನ್ ಜಾ಼ ಆನಿ ದೇವಾನಿ ತುಜೆ ಸಾಟಿ ಕಿತಿ ಮೊಟ ಕಾಮ್ ಕೆಲ ತ್ಯ ಸಗ್‌ಳ್ಯಾನಾ ಸಾಂಗಿತ್ ಜಾ಼” ಮನ್ಲಾ.
\p ಮಂಗ್ ತ್ಯೊ ಯೇಸುನಿ ಆಪ್‌ಲ್ಯಾಲಾ ಕೆಲ್ಯಾಲಿ ಕಾಮ ಗಾವ್ಬರ್ ಸಾಂಗಿತ್ ಗೆಲಾ.
\s ಯಾಯಿರಾಚಿ ಲೇಕ್ ಆನಿ ಯೆಸುಚಾ ಕಪಡ್ಯಾಲಾ ಹಾತ್ ಲ್ಯಾವಲ್ಯಾಲಿ ಬಾಯಿಲ್ ಮಾನುಸ್
\r (ಮತ್ತಾಯ್ 9:18-26; ಮಾರ್ಕ್ 5:21-43)
\p
\v 40 ಮಂಗ್ ಯೇಸು ಪರತ್ ಆನಿ ಯಕ ದರವ ಆಲಾ ತವಾ ಲೊಕ್ ಸಮುದಾಯಾನಿ ತ್ಯಲಾ ಸ್ವಾಗತ್ ಕೆಲಾ; ಕಾ ಮಂಜೆ ತೀ ಸಗ್ಳಿ ತ್ಯಚಿ ವಾಟ್ ಬಗಿತ್ ಹುತ್ತಿತ. 
\v 41 ತವಾ ಯಾಯಿರ್ ನಾವಾಚಾ಼ ಯೊಕ್ ಮಾನುಸ್ ಆಲಾ ತ್ಯೊ ಸಭಾಸ್ಥಾನಚ಼ಾ ಅಧಿಕಾರಿ ಹುತ್ತಾ. ತ್ಯನಿ ಯೇಸುಚಾ ಪಾಯಾತ್ ಪಡುನ್ ತ್ಯನಿ ಆಪ್‌ಲ್ಯಾ ಗರ‍್ಹಾತ್ ಯಯಾ ಇನಂತಿ ಕಿಲಿ. 
\v 42 ಕಾ ಮಂಜೆ ತ್ಯಲಾ ಸುಮಾರ್ ಬಾರಾ ವರ್ಸಾಚಿ ಯೇಕುಸ್ ಲೇಕ್ ಹುತ್ತಿ ತಿ ಮರಾಯಾ ಜಾ಼ಲ್ಥಿ
\p ತವಾ ಯೇಸು ತ್ಯಂಚಿ ಸಂಗ ಜಾ಼ತಾನಾ ಲೊಕ ತ್ಯಚೆ ಸರ್ಬೌತ ಜ಼ಮ್ಲಿ ಹುತ್ತಿತ. 
\v 43 ತ್ಯಾ ಹಿಂಡಾತ್ ಯೇಕ್ ಬ್ಯಾಯ್ಕಾ ಮಾನುಸ್ ಬಾರಾ ವರ್ಸಾದರ್ನಿ ರಗಾತ್ ಜಾ಼ಯಿತ್ ಆಸ್‌ಲ್ಯಾಲ್ಯಾ ರೊಗಾತ್ನಿ ತರಾಸ್ ಖಾಯಿತಿ ತಿನಿ ತೀಚಿಪ್ಲ ಆಸ್‌ಲ್ಯಾಲ ಪೈಸ ಸಗ್ಳ ಸಪಿವ್ಲ ಖರ ಕುನಾಲಾಸ್ ಬರ ಕರಾಯಾ ಜಾ಼ಲ ನಾಹಿ, 
\v 44 ಯೇಸುಚೆ ಮಾಗ ಯವುನ್ ತ್ಯಚಾ ಕಪ್‌ಡ್ಯಾಲಾ ಹಾತ್ ಲ್ಯಾವ್ಲಾ ತವಾಸ್ ತಿಚ಼ ರಗಾತ್ ಜಾ಼ತ್ಯಾಲ ಥಾಂಬ್ಲ 
\v 45 ಫನ್ ಯೇಸು ಮನ್ಲಾ ಮನಾ ಕುನಿ ಹಾತ್‍ ಲ್ಯಾವ್ಲಾಸಾ? ತವಾ ಸಗ್ಳಿ
\p ಜ಼ನ ಮಿ ನವ ಮಿ ನವ ಮನ್ಹಿತಿತ ತವಾ ಪೇತ್ರ, “ಪ್ರಭು ಲೊಕಾಂಚಿ ಗರ್ದಿ ತುಜೆ ಸರ್‌ಬವಾರಿ ಹಾ” ಮನ್ಲ.
\p
\v 46 ಫನ್ ಯೇಸು, “ಕುನಿತರಿ ಮನಾ ಹಾತ್ ಲ್ಯಾವ್‌ಲ್ಯಾ ಮಾಜಿಪ್ನಿ ದೇವಾಚ಼ ಬಳ್ ಗೆಲ ಹ್ಯ ಮನಾ ಸಮಾಜ಼್ಲ” ಮನ್ಲಾ 
\v 47 ಮಂಗ್ ಮಿ ದಡುನ್ ರಾಹಿಲೆ ನಾಹಿ ಮನ್ಹುನ್ ಸಮಜು಼ನ್ ತೀ ಬ್ಯಾಯ್ಕೊ ಮಾನುಸ್ ಕ್ಯಾಪ್ರ ಬರ‍್ಹುನ್ ಮೊರ‍್ಹ ಯವುನ್ ತ್ಯಚಾ ಪಾಯಾತ್ ಪಡುನ್ ಆಪ್ನು ಕ್ಯಾ ಕಾರ್ನಾನಿ ತ್ಯಲಾ ಹಾತ್ ಲ್ಯಾವ್ಲಾ ತವಾಸ್ ಕಸಿ ಬರಿ ಜಾ಼ಲಿ ತ್ಯ ತಿನಿ ಸಗ್‍ಳ್ಯಾ ಲೊಕಾಂಚೆ ಮೊರ‍್ಹ ಸಾಂಗ್ಲ.
\p
\v 48 ತವಾ ಯೇಸು ತಿಲಾ, “ಲಿಕಿ, ತುಜಾ ಇಸ್ವಾಸಾನಿ ತುಲಾ ಬರ ಕೆಲ್ಯಾ ಶಾಂತಿನಿ ಜಾ಼” ಮನ್ಲಾ.
\p
\v 49 ಯೇಸು ಬೊಲತ್ ಆಸ್ಥಾನಾ ಸಬಾಮಂದಿರಾತ್ಲಾ ಅಧಿಕಾರಿಚಾ ಗರ‍್ಹಾಕ್ಲಾ ಯೊಕ್ ಯವುನ್ ತ್ಯಾ ಅಧಿಕಾರ‍್ಯಾಲಾ, “ತುಜಿ ಲೇಕ್ ಮಿಲಿ ಆನಿ ಆತಾ ಪ್ರಭುಲಾ ಕಾಂಬು ನಕೊಸ್” ಮನ್ಲಾ.
\p
\v 50 ತ್ಯ ಐಕುನ್ ಯೇಸು ಯಾಯಿರಾಲಾ ಮನ್ಲಾ, “ಭಿಹುನಕೊ ಇಸ್ವಾಸ್ ತ್ಯವ್ಡಾಸ್ ರಾಹುನಿ ಮಂಜೆ ತಿ ಬರಿ ವ್ಹಯಿಲ್. ”
\p
\v 51 ನಂತರ್ ತ್ಯಾ ಗರ‍್ಹಾತ್ ಆಲ ತವಾ ಯೇಸು, ಪೇತ್ರ, ಯೊಹಾನ್, ಯಾಕೊಬ್, ಆನಿ ಪುರಿಚಿ ಆಯಿ ಬಾ ಹೆಂಚಿ ಸಿವಾರ್ ಆನಿ ಕುನಾಲಾ ಆಪ್ಲಿ ಸಂಗ ಆತ್ ಯವುದಿಲ ನಾಹಿತ. 
\v 52 ಮೆಲ್ಯಾಲೆ ಪುರಿಸಾಟಿ ಸಗ್ಳಿ ಲೊಕ ರಡತ್ ಹುತ್ತಿತ ಆನಿ ದುಃಖಾತ್ ಹುತ್ತಿತ ಫನ್ ಯೇಸು ಮನ್ಲಾ, “ರಡುನಕೊಸಾ ಕಾ ಮಂಜೆ ತಿ ಮೀಲಿ ನಾಹಿ ನಿಜ಼ಲೆ. ”
\p
\v 53 ಫನ್ ಪ್ಯೊರ್ ಮೆಲ್ಯಾಲಿ ಸಮ್ಜುನ್ ತೀ ಲೊಕ ಸಗ್ಳಿ ಯೇಸುಲಾ ಹಸಾಯಾ ಲಾಗ್ಲಿತ. 
\v 54 ಮಂಗ್ ಯೇಸುನಿ ತಿಚಾ಼ ಹಾತ್ ದರ‍್ಹುನ್ “ಬಾಯಾ ಉಟ್” ಮನ್ಲಾ. 
\v 55 ತವಾಸ್ ತಿಚಾ಼ ಜೀವ್ ಪರತ್ ಆಲಾ ಆನಿ ತಿ ತವಾಸ್ ಉಟ್ಲಿ ಮಂಗ್ ತಿಲಾ ಕಾಯ್ತರಿ ಖಾಯಾ ದೇವಾ ಮನ್ಹುನ್ ಯೇಸುನಿ ಸಾಂಗ್ಲ. 
\v 56 ತವಾ ಪುರಿಚಿ ಆಯಿಬಾ ಗಾಭಾರ್ಲಿತ: “ಫನ್ ಹಿ ಗಡ್‌ಲ್ಯಾಲಿ ಗ್ಯೊಶ್ಟ್ ಕುನಾಲಾ ಸಾಂಗು ನಕೊಸಾ” ಆಸ ಯೇಸುನಿ ತ್ಯನಾ ಖಡ್ಯಾವ್ಲ.
\c 9
\s ಯೇಸುನಿ ಬಾರಾ ಅಪೊಸ್ತಲಾನಾ ಲಾವುನ್ ದಿಲ್ಯಾಲ
\r (ಮತ್ತಾಯ್ 10:5-15; ಮಾರ್ಕ್ 6:7-13)
\p
\v 1 ಮಂಗ್ ಯೇಸುನಿ ಬಾರಾಜಾ಼ನ್ ಅಪೊಸ್ತಲಾನಾ ಯಕಾನ್ಸಿ ಹಾಕ್ಟುನ್ ಸಗ್ಳಿ ಲಾಗಿರ ಕಾಡಾಯಾ ಆನಿ ರ‍್ವಾಗ್ ಬರ ಕರಾಯಾ ಬಳ್ ಆನಿ ಹುಕುಮ್ ದಿಲಾ. 
\v 2 ಆನಿ ತ್ಯನಾ ದೇವಾಚಾ ರಾಜಾಚಿ ಖಬರ್ ಸಾಂಗಾಯಾ ಆನಿ ರೊಗಿನಾ ಬರ ಕರಾಯಾ ಲಾವುನ್ ದಿಲ. 
\v 3 ಯೇಸುನಿ ತ್ಯನಾ ಸಾಂಗ್ಲ, “ಪ್ರವಾಸಾಲಾ ಜಾ಼ತಾನಾ ಕಾಠಿ ಜು಼ಳ್ಹಿ ಬಾಖರಿ ನಾಹಿತ ಪೈಸ ಗಿಹುನಕೊಸಾ. ಅಗಾವ ಆಂಗ್ಯಾ ಗಿಹುನಕೊಸಾ. 
\v 4 ಕಚಾ ಗರ‍್ಹಾತ್ ತುಮಿ ಜಾ಼ಸಿಲಾ ತ್ಯಾ ಗರ‍್ಹಾತುಸ್ ರಾವ್ಹಾ, 
\v 5 ಕೊನ್ ತುಮಾನಾ ಹಾಕ್ಟಿತ್ ನಾಹಿ ತ್ಯಂಚೆ ಆಡ್ವ ಸಾಕ್ಶಿ ರಾವ್ಹಾವ ಮನ್ಹುನ್ ತುಮಿ ತ್ಯಾ ಗಾವಾತ್ನಿ ನಿಗುನ್ ಜಾ಼ತಾನಾ ತುಮ್ಚಾ ಪಾಯಾಚಿ ಧುಳ್ ತಿಥ ಜಾ಼ಢಾ ತೀಸ್ ತುಮಾನಾ ವಳಕ್ ವ್ಹವುನ್ ರಾಹುನಿ” ಮನ್ಲಾ
\p
\v 6 ಮಂಗ್ ತೆ ನಿಗುನ್ ಸಗ್ಳಿಕ್ಡ ಖಬರ್ ಸಾಂಗಿತ್ ಆನಿ ರ‍್ವಾಗ್ ಬರ ಕರೀತ್ ಗಾವಾಗಾವಾನಿ ಫಿರಾಯಾಲಾಗ್ಲ.
\s ಹೆರೊದ್ ರಾಜಾಚಿ ಗಡಬಡ್
\r (ಮತ್ತಾಯ್ 14:1-12; ಮಾರ್ಕ್ 6:14-29)
\p
\v 7 ತವಾ ಜಾ಼ಲ್ಯಾಲ್ಯಾ ಸಗ್‌ಳ್ಯಾ ಗುಶ್ಟಿ ಮಂಡಳಿಚಾ ಹೆರೊದಾನಿ ಐಕ್‍ಲ್ಯಾ ಆನಿ ತ್ಯೊ ಮೊಟೆ ಗಡಬಡಿತ್ ಪಡ್ಲಾ. ಕಾ ಮಂಜೆ ಬಾಪ್ತಿಸ್ಮಾ ಯೊಹಾನ್ ಮರುನ್ ಉಟ್‍ಲ್ಯಾ ಆಸ ಥುಡಿ ಲೊಕ ಮನ್ಹಿತಿತ. 
\v 8 ಕಾಯ್ ಥುಡಿ, “ಯಲಿಯಾ ದಿಸ್ಲಾ” ಮನ್ಹಿತಿತ. ಆನಿ ಕಾಯ್ ಥುಡಿ, “ಪೈಲ್ಯಾ ಕಾಲಾತ್ಲಾ ಪ್ರವಾದಿತ್ಲಾ ಕೊನ್ತರಿ ಪುನಾ ಉಠುನ್ ಅಲ್ಯಾ” ಆಸಿ ಮನ್ಹಿತಿತ. 
\v 9 ಫನ್ ಹೆರೊದ್, “ಮಿಚ್ ಯೊಹಾನಾಚಿ ಮಾನ್ ಮ್ಯಾರ್ಲೆ ಆನಿ ಹ್ಯೊ ಕೊನ್? ಆಸ್‌ಲ್ಯಾ ಗುಶ್ಟಿ ಮಿ ಐಕ್‌ತ್ಯೊ ಮನ್ಹುನ್ ತ್ಯಲಾ ಬಗಾಯಾ ಯೇಳ್ ಬಗಿತ್ ಹುತ್ತಾ.
\s ಯೇಸುನಿ ಪಾಚ಼್ ಹಾಜಾ಼ರ್ ಲೊಕಾನಾ ಜೆವಾನ್ ದಿಲ್ಯಾಲ
\r (ಮತ್ತಾಯ್ 14:13-21; ಮಾರ್ಕ್ 6:30-44; ಯೊಹಾನ್ 6:1-14)
\p
\v 10 ಮಂಗ್ ಅಪೊಸ್ತಲಾಂಚಾನಿ ಪರತ್ ಯವುನ್ ಆಪ್ನು ಕ್ಯಾ ಕ್ಯಾ ಕೆಲ ತ್ಯ ತ್ಯ ಪುಡುನ್ ಸಾಂಗ್ಲ. ತವಾ ಯೇಸುನಿ ತ್ಯನಾ ಸಂಗ ಗಿಹುನ್ ಬೆತ್ಸಾಯಿದ ನಾವಾಚಾ ಗಾವಾಕ್ಡ ಯಕಾನ್ಸಿ ಜಾ಼ಗ್ಯಾವ ಗೆಲಾ. 
\v 11 ಹ್ಯ ಸಮಜು಼ನ್ ಲೊಕಾಂಚಾ಼ ಹಿಂಡ್ ತ್ಯಚೆ ಮಾಗ್ನಿ ಗೆಲಾ ತವಾ ತ್ಯನಾ ಸ್ವಾಗತ್ ಕರುನ್ ತ್ಯೊ ತ್ಯಂಚೆ ಸಂಗ ದೇವಾಚಾ ರಾಜಾಚಾ ಗುಶ್ಟಿ ಬೊಲತ್ ಹುತ್ತಾ, ಆನಿ ಕುನಾಲಾ ಬರ ವ್ಹಯಾಚ಼ ವ್ಹಯಿ ಹುತ್ತ. ತ್ಯನಾ ಬರ ಕರೀತ್ ಹುತ್ತಾ.
\p
\v 12 ದೀಸ್ ಮಾವ್ಳತ್ ಆಲಾ ತವಾ ತೇ ಬಾರಾಜಾ಼ನ್ ಅಪೊಸ್ತಲ್‍ ಕಡಸ್ ಯವುನ್ ಯೇಸುಲಾ ಮನ್ಲ, “ಲೊಕಾನಾ ಹುಕುಮ್ದೆ ಮಂಜೆ ತಿ ಬೌಥಚಾ ಗಾವಾತ್ನಿ ಆನಿ ಸೆತಾತ್ನಿ ಜಾ಼ವುನ್ ಖಾನ್ಯಾಚಿ ಸುಯಿ ಕರುಂತ ಕಾ ಮಂಜೆ ಆಮಿ ಯಾಕಾನ್ಸಿ ಜಾ಼ಗ್ಯಾವ ಹಾವ್. ”
\p
\v 13 ಫನ್ ಯೇಸು ತ್ಯನಾ, “ತುಮಿಸ್ ತ್ಯನಾ ಖಾಯಾದೆವಾ” ಮನ್ಲಾ. ತವಾ ತೆ, “ಆಮಿ ಹ್ಯಾ ಸಗ್‍ಳ್ಯಾ ಲೊಕಾಂಚಿ ಸಾಟಿ ಜೆವಾನ್ ಇಕತ್ ಆನಾ ವ್ಹಯಿ ಕಾ ಮಂಜೆ ಪಾಚ಼್ ಬಾಕ್‌ರ‍್ಯಾ ಆನಿ ದೊನ್ ಮಾಸ ಯವ್‌ಡ್ಯಾ ಸಿವಾರ್ ಆಮ್ಚಿಪ ಕಾಯ್ ನಾಹಿ” ಮನ್ಲ. 
\v 14 ಕಾ ಮಂಜೆ ತೇ ಜ಼ವಳ್ ಜ಼ವಳ್ ಪಾಚ಼್ ಹಾಜಾ಼ರ್ ಗಡಿ ಮಾನುಸುಸ್ ಹುತ್ತ ತವಾ ಯೇಸುನಿ ಆಪ್‌ಲ್ಯಾ ಅಪೊಸ್ತಲಾನಾ ಸಾಂಗ್ಲ ಪನ್ನಾ ಪನ್ನಾಸ್ ಲೊಕಾಂಚಾ ಪಂಗ್ತಿ ಬಸ್ವಾ.
\p
\v 15 ತ್ಯಂಚಾನಿ ತಸ ಕರುನ್ ಸಗ್‌ಳ್ಯಾನಾ ಬಸಿವ್ಲಿತ. 
\v 16 ತವಾ ಯೇಸುನಿ ತ್ಯಾ ಪಾಚ಼್ ಬಾಕ್‌ರ‍್ಯಾ ದೊನ್ ಮಾಸ ಗಿಹುನ್, ಪರಲೊಕಾಕ್ಡ ಬಗುನ್, ತ್ಯನಾ ಆಶಿರ್ವಾದ್ ಕೆಲಾ ಆನಿ ತ್ಯಂಚ಼ ತುಕ್ಡ ಕರುನ್ ತೆ ಲೊಕಾನಾ ವಾಡಾಯಾ ಅಪೊಸ್ತಲಾಂಚಿಪ ದಿಲ. 
\v 17 ತವಾ ಸಗ್ಳಿ ಜ಼ನ ಜಿವುನ್ ತ್ರಪ್ತ ಜಾ಼ಲ್ಹಿತ ಆನಿ ತ್ಯಂಚಾನಿ ಉರ್ಲ್ಯಾಲ ತುಕ್ಡ ಬರ್ಲತೆ ಬಾರಾ ಬುಟ್ಯಾ ಜಾ಼ಲ.
\s ಪೇತ್ರಾಚಾ಼ ಇಸ್ವಾಸ್
\r (ಮತ್ತಾಯ್ 16:13-19; ಮಾರ್ಕ್ 8:27-29)
\p
\v 18 ಯಂಗ್ದಾ ಯೇಸು ಯಕಾನ್ಸಿ ಮಾಗ್ನ ಕರೀತ್ ಆಸ್ಥಾನಾ ತ್ಯಚ಼ ಅಪೊಸ್ತಲ ಸಂಗ ಹುತ್ತ ತವಾ ಯೇಸುನಿ ತ್ಯನಾ “ಲೊಕ ಮನಾ ಕೊನ್ ಮಂಥ್ಯಾತ? ಮನ್ಹುನ್ ಇಚಾರ್ಲ.
\p
\v 19 ಮಂಗ್ ತ್ಯಂಚಾನಿ, “ಬಾಪ್ತಿಸ್ಮಾ ಯೊಹಾನ್ ಮಂತ್ಯಾತ; ಆನಿ ಕಾಯ್ ಥುಡಿ ಯಲಿಯಾ ಮಂಥ್ಯಾತ; ಆನಿ ಕಾಯ್ ಥುಡಿ ಪೈಲ್ಯಾ ಕಾಲಾತ್‌ಲ್ಯಾ ಪ್ರವಾದಿತ್ಲಾ ಕೊನ್ಯೊಕ್ ಪುನ್ಹಾ ಉಠುನ್ ಆಲ್ಯಾ ಮಂಥ್ಯಾತ” ಮನ್ಲ.
\p
\v 20 ಯೇಸುನಿ ತ್ಯಾನಾ, ಫನ್ ತುಮಿ ಮಿ ಕೊನ್ ಮಂಥಸಾ? ತವಾ ಪೇತ್ರ, “ತು ದೇವಾಚಾ಼ ಕ್ರಿಸ್ತ” ಮನ್ಲಾ.
\s ಯೇಸುಚ಼ ಮರಾನ್ ಆನಿ ಪುನರುಥಾನಾಚ಼ ಭವಿಶ್
\r (ಮತ್ತಾಯ್ 16:21-28; ಮಾರ್ಕ್ 8:9-30)
\p
\v 21 ಮಂಗ್ ಹ್ಯ ಕುನಾಲಾ ಸಮಜು಼ನಾಹಿ ಮನ್ಹುನ್ ಯೇಸುನಿ ತ್ಯನಾ ಖಡ್ಯಾವ್ಲ. 
\v 22 ಆನಿ ಮಾನ್ಸಾಚಾ ಲೇಕಾನಿ ಖುಬ್ ತರಾಸ್ ಖಾವಾವ ಆನಿ ವಡ್ಲಾಂಚಿಪ್ನಿ ಮುಖ್ಯ ಯಾಜಕ್ ಆನಿ ದರ್ಮಶಾಸ್ತ್ರಾಚ಼ ಶಾನ ರಾಗ್ ಕರುನ್ ಜೀವಾನಿ ಮಾರ‍್ನಾರ್ ಆನಿ ತಿನ್ವೆ ದಿಸಿ ಪರತ್ ಉಟ್ನಾರ್ ಮನ್ಲಾ.
\p
\v 23 ಮನ್ಹುನ್ ಯೇಸು ಸಗ್‌ಳ್ಯಾನಾ ಮನ್ಲಾ, “ಜ಼ರ್ ಕೊನ್ ಮಾಜೆ ಮಾಗ್ನಿ ಯಯಾ ಬಗ್ತೊ ತ್ಯನಿ ಆಪ್ಲಾ ಜೀವ್ ಇಸ್ರುನ್ ದರೊಜ್ ಆಪ್ಲಿ ಶಿಲ್ಬೆ ಉಚ್ಲು಼ನ್ ಗಿಹುನ್ ಮಾಜೆ ಮಾಗ್ನಿ ಯವಾವ. 
\v 24 ಕೊನ್ ಆಪ್ಲಾ ಜೀವ್ ಉರ್ವಾಯಾ ಬಗ್ತೊ ತ್ಯೊ ಜೀವಾಲಾ ಮುಕಲ್, ಫನ್ ಕೊನ್ ಮಾಜಿಸ್ ಲಾಗುನ್ ಆಪ್‌ಲ್ಯಾ ಜೀವಾಲಾ ಮುಕಲ್ ತ್ಯಲಾ ಪರತ್ ಮಿಳಲ್. 
\v 25 ಯಕಾ ಮಾನ್ಸಾನಿ ಸಗ್ಳಾ ಪರಪಂಚಾ ಮಿಳ್ವುನ್ ಸ್ವತಾ ಆಪ್ಲಾ ಜೀವ್ ನಾಸ್ ಕರುನ್ ಗೆತ್ಲಾಕಿ ತ್ಯಲಾ ಕ್ಯಾ ಫ್ಯಾಯ್ದಾ? 
\v 26 ಕೊನ್ ಮನಾ ಆನಿ ಮಾಜಾ ಸಬ್ದಾನಾ ಲಾಜ಼ತೊ ತ್ಯಲಾ ಮಾನ್ಸಾಚಾ಼ ಲ್ಯೊಕ್ ಆಪಲ್ಯಾ ಬಾ ದೆವಾಚಾ಼, ಆನಿ ಸ್ವರ್ಗಾಚ಼ ಪವಿತ್ರ ದೇವ್‌ ಧುತಾಂಚಾ ಗೌರವಾನಿ ಯತಾನಾ ಲಾಜ಼ಲ್‌. 
\v 27 ಮಿ ಖರ ಸಾಂಗ್ತೊ ಹಿತ ಉಬಿ ಆಸ್ನಾರ‍್ಯಾತ್ ಕಾಯ್ ಥುಡಿ ದೇವಾಚ಼ ರಾಜ ಬಗಿ ಪರ್ಯಾತ್ ಮರ್ನಾರ್ ನಾಹಿತ ಮನ್ಲಾ.
\s ಯೇಸುಚ಼ ರುಪ್ ಬದಾಲ್ಯಾಲ
\r (ಮತ್ತಾಯ್ 17:1-8; ಮಾರ್ಕ್ 9:2-8)
\p
\v 28 ಹ್ಯಾ ಬೊಲ್‌ನ್ಯಾ ನಂತರ್ ಆಟ್ ದಿಸಾನಿ ಪೇತ್ರಾ, ಯೊಹಾನ್, ಆನಿ ಯಾಕೊಬ್, ಹ್ಯನಾ ಸಂಗ ಗಿಹುನ್ ಯೇಸು ಗುಢ್ಯಾವ ಮಾಗ್ನ ಕರಾಯಾ ಗೆಲಾ. 
\v 29 ಆನಿ ತ್ಯೊ ಮಾಗ್ನ ಕರೀತ್ ಆಸ್ಥಾನಾ ತ್ಯಚ಼ ತ್ವಾಂಡ್ ಬದಲುನ್ ತ್ಯಚ಼ ಕಪ್ಡ ಪಾಂಡ್ರ ಚ಼ಕ್ಚ಼ಕಿತ್ ಜಾ಼ಲ. 
\v 30 ತವಾಸ್ ಮೊಶೆ ಆನಿ ಯಲಿಯಾ ಹೆ ದೊಗಜಾ಼ನ್ ತ್ಯಚಿ ಸಂಗ ಬೊಲತ್ ಹುತ್ತ.
\p
\v 31 ತೆ ದೊಗ ಚ಼ಕ್ಚ಼ಕಿತ್ ದಿಸ್ಲ ಆನಿ ಯೆರುಸಲೇಮಿತ್ ವ್ಹಯಾಚಾ ಮರನಾಚ಼ ಯೇಸು ಸಂಗ ಬೊಲತ್ ಹುತ್ತ. 
\v 32 ತವಾ ಪೇತ್ರ ಆನಿ ತ್ಯಚ಼ ಸುಪ್ತಿ ಪೆಂಗತ. ಫನ್ ತೆ ಜಾ಼ಗ ಜಾ಼ಲ ಆನಿ ತ್ಯನಾ ತಚಿ ಮೈಮಾ ಆನಿ ತ್ಯಚೆ ಸಂಗ ಉಬ ರಾಹಿಲ್ಯಾಲ ದೊಗ ಮಾನುಸ್ ದಿಸಲ. 
\v 33 ಮಂಗ್ ತೆ ದೊಗ ಯೇಸುಪ್ನಿ ಜಾ಼ತಾ ಆಸ್ಥಾನಾ ಪೇತ್ರ ಯೇಸುಲಾ “ಪ್ರಭು ಆಮಿ ಹಿತ್ತಸ್ ರಾಯ್‌ಲ್ಯಾವ ಬರಹಾ ಆಮಿ ತೀನ್ ಖೊಪ್ಟ ಕರುಯಾ ತುಜೆ ಸಾಟಿ ಯಾಕ್ ಮೊಶೆ ಸಾಟಿ ಯಾಕ್ ಆನಿ ಯಲಿಯಾ ಸಾಟಿ ಯಾಕ್” ಮನ್ಲಾ ಹ್ಯ ಬೊಲತ್ಯಾಲ ತ್ಯಚ಼ ತ್ಯಲಾಸ್ ಸಮಾಜ಼್ಲ ನವ್ತ.
\p
\v 34 ತ್ಯೊ ಹ್ಯ ಬೊಲತ್ ಆಸ್ಥಾನಾಸ್ ಢಗ್ ಯವುನ್ ತ್ಯಂಚಿವ ಉತಾರ್ಲಾ ಆನಿ ತೆ ಢಗಾತ್ ಬರ್ಲ ತವಾ ಹೆ ಬಿಹ್ಯಾಲ. 
\v 35 ತವಾಸ್ ಢಗಾತ್ನಿ, “ಹ್ಯೊ ಮಾಜಾ಼ ಲ್ಯೊಕ್ ಮಿ ನಿವಡ್‌ಲ್ಯಾಲಾ ಹಾ ಹ್ಯಚ಼ ತುಮಿ ಐಕಾ” ಆಸಾ ಸಬ್ದ ಆಲಾ. 
\v 36 ಹ್ಯೊ ಸಬ್ದ ಆಲಾ ತವಾ ಯೇಸು ಯಕ್ಲಾಸ್ ದಿಸ್ಲಾ ಹ್ಯಾ ನಂತರ್ ತೆ ಗಪ್ ರಾಹಿಲ ಆನಿ ತ್ಯಂಚಾನಿ ಬಗಲ್ಯಾ ಹುತ್ಯಾ ತ್ಯಾತ್ಲಿ ಎಕ್ಬಿ ತ್ಯಾ ದಿಸಾತ್ ತ್ಯಂಚಾನಿ ಕುನಾಲಾ ಸಾಂಗ್ಲಿ ನಾಹಿ.
\s ಭುತ್ ಲಾಗ್‌ಲ್ಯಾಲ್ಯಾ ಪ್ಯೊರಗ್ಯಾಲಾ ಯೇಸುನಿ ಬರಕೆಲ್ಯಾಲ
\r (ಮತ್ತಾಯ್ 17:14-18; ಮಾರ್ಕ್ 9:14-27)
\p
\v 37 ಮಂಗ್ ದುಸರೆ ದಿಸಿ ತೆ ತಿಗ ತ್ಯಾ ಗುಢ್ಯಾವ್ನಿ ಖಾಲ್ ಆಲ್ಯಾವ ಮೊಟಾ ಲೊಕಾಂಚಾ಼ ಹಿಂಡ್ ತ್ಯಲಾ ಯವುನ್ ಭೇಟ್ಲಾ.
\p
\v 38 ತವಾ ಹಿಂಡಾತ್ಲಾ ಯೊಕ್ ಮಾನುಸ್ ಮೊಟ್ಯಾನಿ ವರ್ಡುನ್ “ಪ್ರಭು ಮಿ ತುಮ್ಚಿಪ ಮಾಗ್ನ ಕರ್ತೊ ಮಾಜಾ ಲೇಕಾಲಾ ಬಗ್ ಕಾ ಮಂಜೆ ಹ್ಯೊ ಮಾಜಾ಼ ಯಕ್ಲಾಸ್ ಯೊಕ್ ಲ್ಯೊಕ್ ಹಾ” ಮನ್ಲಾ. 
\v 39 “ಆನಿ ಯಾಕ್ ಭುಥ್ ಹ್ಯಲಾ ದರ್ಥ ಆನಿ ಹ್ಯೊ ಯಕಾಯಖಿ ವರಾಡ್ತೊ ಆನಿ ಹ್ಯಚಾ ತೊಂಡಾತ್ನಿ ಫ್ಯೊಸ್ ಯತೊ ತ್ಯ ಹ್ಯಲಾ ಖುಬ್ ತರಾಸ್ ದೇತ. 
\v 40 ಹ್ಯ ಕಾಡುನ್ ಟಾಕಾ ಮನ್ಹುನ್ ತುಜಾ ಅಪೊಸ್ತಲಾನಾ ಸಾಂಗ್ಲ ಫನ್ ತ್ಯ ತ್ಯನಾ ಕಾಡಾ ವ್ಹಯಿನಾ. ”
\p
\v 41 ಯೇಸು ಮನ್ಲಾ “ಇಸ್ವಾಸ್ ನಸ್‌ಲ್ಯಾಲಿ ಆನಿ ಬುರ್ಸಿ ಲೊಕ ತುಮಿ ಮಿ ಕುಟ್ಪರ‍್ಯಾತ್ ತುಮ್ಚಿ ಸಂಗ ರಾಹು ಆನಿ ತುಮಾನಾ ಸುಸುವು? ತು ತುಜಾ ಪ್ಯೊರ್ಗ್ಯಾಲಾ ಹಿಕ್ಡ ಗಿಹುನ್ ಯೇ? ಮನ್ಲಾ.
\p
\v 42 ತ್ಯೊ ಪ್ಯೊರ್ಗಾ ಜ಼ವಳ್ ಯತಾನಾ ಲಾಗಿರಾನಿ ತ್ಯಲಾ ಆಪಟ್ಲಾ ಆನಿ ಪಿಳುನ್ ಟ್ಯಾಕ್ಲಾ ಫನ್ ಯೇಸುನಿ ತ್ಯಾ ಲಾಗಿರಾಲಾ ದಪ್‌ಕ್ಯಾವ್ಲ ಆನಿ ಪ್ಯೊರ್ಗ್ಯಾಲಾ ಬರಾ ಕರುನ್ ತ್ಯಚಾ ಬಾಚಾ ತಾಬ್ಯಾತ್ ಪರ್ತುನ್ ದಿಲಾ. 
\v 43 ದೇವಾಚ಼ ಹ್ಯ ಮೊಟ ಕಾಮ್ ಬಗುನ್ ಸಗ್ಳಿ ಲೊಕ ಗಾಭಾರ್ಲಿತ.
\s ಯೇಸುನಿ ಆಪ್ಲ ಮರಾನ್ ಆನಿ ಯಂಗ್ದಾ ಸಾಂಗ್‌ಲ್ಯಾಲ
\r (ಮತ್ತಾಯ್ 17:22-23; ಮಾರ್ಕ್ 9:30-32)
\p
\v 44 “ತುಮಿ ಹ್ಯಾ ಗುಶ್ಟಿ ಲಕ್ಶೆತ್ ಥೆವಾ ಮಾನ್ಸಾಚಾ ಲೇಕಾಲಾ ಲೊಕಾಂಚಾ ಹಾತಾತ್ ದರುನ್ ದೆನಾರ್. ” 
\v 45 ಹಿ ಗ್ಯೊಶ್ಟ್ ಅಪೊಸ್ತಲಾನಾ ಸಮಾಜ್ಲಿ ನಾಹಿ ಹಿ ತ್ಯನಾ ಸಮಜು಼ ನಾಹಿ ಮನ್ಹುನ್ ಗಪ್ಚಿಪ್ ಥಿವ್ಲಿ ಹುತ್ತಿ. ಆನಿ ಹಿ ಗ್ಯೊಶ್ಟ್ ತ್ಯಲಾ ಇಚಾರಾಯಾ ತೆ ಬಿಹಿತ್ ಹುತ್ತ.
\s ದೇವಾಚಾ ರಾಜಾತ್ ಕೊನ್ ಮೊಟಾ
\r (ಮತ್ತಾಯ್ 18:1-5; ಮಾರ್ಕ್ 9:33-37)
\p
\v 46 ಮಂಗ್ ಆಪ್‌ಲ್ಯಾತ್ ಮೊಟಾ ಕೊನ್ ತ್ಯಚಾ಼ ಅಪೊಸ್ತಲಾತ್ ಇಚಾರ್ ಸುರು ಜಾ಼ಲ್ಥಾ. 
\v 47 ಯೇಸುನಿ ತ್ಯಂಚಾ ಮನಾತ್ಲಾ ಇಚಾರ್ ವಳ್ಕುನ್ ಯಕಾ ಬಾರಿಕ್ ಮುಲಾಲಾ ಗಿಹುನ್ ತ್ಯಲಾ ಆಪ್ಲೆ ಜ಼ವಳ್ ಉಬಕೆಲ. 
\v 48 ಆನಿ ತ್ಯನಾ “ಜೆ ಕೊನ್ ಹ್ಯಾ ಮುಲಾಲಾ ಮಾಜಾ ನಾವಾನಿ ಸ್ವಿಕಾರ್ ಕರ್ತೊ ತ್ಯೊ ಮನಾ ಸ್ವಿಕಾರ್ ಕರ್ತೊ ಆನಿ ಜೆ ಕೊನ್ ಮನಾ ಸ್ವಿಕಾರ್ ಕರ್ತೊ ತ್ಯೊ ಕಚಾನಿ ಮನಾ ಲಾವುನ್ ದಿಲ್ಯಾ ತ್ಯಲಾ ಸ್ವಿಕಾರ್ ಕರ್ತೊ ಕಾ ಮಂಜೆ ತುಮ್ಚಾತ್ ಕೊನ್ ಬಾರಿಕ್ ವ್ಹಯಿಲ್ ತ್ಯೊಸ್ ಮೊಟಾ ವ್ಹಯಿಲ್ ಮನ್ಲಾ.
\s ಕೊನ್ ತುಮಚಾ಼ ವಾದಿ ನಸ್ಥೊ ತ್ಯೊ ತುಮಚಾ಼ಸ್ ವ್ಹತೊ
\r (ಮಾರ್ಕ್ 9:38-40)
\p
\v 49 ಯೊಹಾನ್ ಯೇಸುಲಾ ಮನ್ಲಾ, “ಪ್ರಭು ಆಮಿ ಯೊಕ್ ಮಾನುಸ್ ತುಜಾ ನಾವಾನಿ ಲಾಗಿರ ಕ್ಯಾಡತ್ಯಾಲಾ ಬಗ್ಲಾ ತವಾ ಆಮಿ ತ್ಯಲಾ ಆಡ್ಯಾವ್ಲಾ ಕಾ ಮಂಜೆ ತ್ಯೊ ಆಮ್ಚೆ ಸಂಗ ನಸಲ್ಯಾಲಾ”.
\p
\v 50 ಯೇಸು ಯೊಹಾನಾಲಾ ಆನಿ ತ್ಯಚಾ ಸಗ್‌ಳ್ಯಾ ಅಪೊಸ್ತಲಾನಾ, ಮನ್ಲಾ. “ತ್ಯಲಾ ಆಡ್ಯಾವು ನಕೊಸಾ ಕಾ ಮಂಜೆ ತುಮಚಾ಼ ವೈರಿ ನಸ್ನಾರಾ ತುಮಚಾ಼ಸ್ ತ್ಯೊ”
\s ಸಮಾರ‍್ಯಾಂಚಾನಿ ಯೇಸುಲಾ ಸ್ವಾಗತ್ ಕೆಲಾ ನಾಹಿ
\p
\v 51 ತವಾ ಯೇಸುಚಾ಼ ಸ್ವರ್ಗಾತ್ ವರ್ ಜಾ಼ಯಾಚಾ಼ ಯೊಳ್ ಜ಼ವಳ್ ಆಲಾ ತವಾ ತ್ಯನಿ ಯೆರುಸಲೇಮಿತ್ ಜಾ಼ಯಾಲಾ ಘಟ್ ಮನ್ ಕೆಲ. 
\v 52 ಆನಿ ತ್ಯನಿ ಆಪ್ಲೆ ಮೊರ‍್ಹ ಸಾಂಗ್ ಸಾಂಗ್‌ತ್ಯಾಲ್ಯಾನಾ ಲಾವುನ್ ದಿಲ ತವಾ ತೆ ನಿಗುನ್ ತ್ಯಚಿ ಸಾಟಿ ಸಗ್ಳ ತಯಾರಿ ಕರಾಯಾ ಸಮಾರ‍್ಯಾಚಾ ಯಕಾ ಗಾವಾತ್ ಗೆಲ. 
\v 53 ಫನ್ ತಿಥಲ್ಯಾ ಲೊಕಾಂಚಾನಿ ತ್ಯಂಚಾ಼ ಸ್ವಾಗತ್ ಕೆಲಾ ನಾಹಿ ಕಾ ಮಂಜೆ ತ್ಯೊ ಯೆರುಸಲೇಮಿಕ್ಡ ಜಾ಼ಯಾಚಾ಼ ಹುತ್ತಾ. 
\v 54 ಹ್ಯ ಬಗುನ್ ತ್ಯಚ಼ ಶಿಶಾ ಯಾಕೊಬ್ ಆನಿ ಯೊಹಾನ್ ದೊಗಾಂಚಾನಿ ಸಾಂಗ್ಲ, “ಪ್ರಭು ತುಲಾ ಮನ್‌ ಆಸ್ಲತ ಪರಲೊಕಾತ್ನಿ ಇಸ್ತು ಪಡುನ್ ತ್ಯಂಚಾ಼ ನಾಸ್ ವ್ಹವುನಿ ಮಂಥಾವ್? ಮನ್ಲ.
\p
\v 55 ಯೇಸುನಿ ಪರ್ತುನ್ ತ್ಯನಾ ದಪ್‌ಕ್ಯಾವ್ಲ \f + \fr 9:55 \fr*\ft ಆನಿ ತ್ಯನಾ ಮನ್ಲಾ ತುಮಿ ಕಸ್ಲ ಆತ್ಮ ಗೆತಲ್ಯಾಸಾ? ತುಮಾನಾ ಠಾವ ನಾಹಿ ಕ್ಯಾ ಮಾನ್ಸಾಚಾ಼ ಲ್ಯೊಕ್ ಆಲ್ಯಾಲಾ ಮಾನ್ಸಾನಾ ಹಾಳ್ ಕರಾಯಾ ನವ್ಹ ತ್ಯನಾ ರಕ್ಶನ್ ಕರಾಯಾ ಆಲ್ಯಾಲಾ. \ft*\f* 
\v 56 ಮಂಗ್ ತೇ ದಿಸರ‍್ಯಾ ಗಾವಾತ್ ಗೆಲ
\s ಯೇಸುಚೆ ಮಾಗ್ನಿ ಗೆಲ್ಯಾಲ್ಯಾಲಾ ಪ್ಯಾಯ್ದಾ
\r (ಮತ್ತಾಯ್ 8:19-22)
\p
\v 57 ತೇ ವಾಟನಿ ಜಾ಼ತಾ ಆಸ್ಥಾನಾ ಯಕ್ಲಾ ಯೇಸುಲಾ, “ತು ಕುಠ ಜಾ಼ಸಿಲ್ ತಿಥ ಮಿ ತುಜೆ ಮಾಗ್ನಿ ಯತೊ” ಮನ್ಲಾ.
\p
\v 58 ತವಾ ಯೇಸು ತ್ಯಲಾ, “ಕೊಲ್ಯಾನಾ ಗಭಿ ಹಾತ್ತಾ ಆನಿ ಪಾಕ್ರಾನಾ ಕುಟಿ ಹಾತ್ತ ಫನ್ ಮಾನ್ಸಾಚಾ ಲೇಕಾಲಾ ಡುಯಿ ಟೆಕ್ವಾಯಾಬಿ ಜಾ಼ಗಾ ನಾಹಿ” ಮನ್ಲಾ. \fig ಕೊಲ್ಯಾಂಚಿ ಘಬ್|alt="Fox with kits in a hole" src="bk00051c.tif" size="col" copy="bk00051c" ref="9:58"\fig*
\p
\v 59 ಆನಿ ದುಸರ‍್ಯಾ ಯಕಾಲಾ ಮಾಜೆ ಮಾಗ್ನಿ ಯೆ ಮನ್ಲಾ, ಫನ್ ತ್ಯೊ “ಪ್ರಭು ಆಂದಿ ಮನಾ ಮಾಜಾ ಬಾಚೆ ಮಾತಿಲಾ ಜಾ಼ವುನ್ ಯತೊ” ಮನ್ಲಾ.
\p
\v 60 ಯೇಸು ತ್ಯಲಾ ಮನ್ಲಾ, “ಮೆಲ್ಯಾಲ್ಯಾನಾ ಆಪ್ಲಿ ಮೆಲ್ಯಾಲಿ ಪುರುಂತ ತು ಜಾ಼ವುನ್ ದೇವಾಚಾ ರಾಜಾಚಿ ಗ್ಯೊಶ್ಟ್ ಸಾಂಗ್. ”
\p
\v 61 ತ್ಯಾ ನಂತರ್ ಆನಿ ಯಕ್ಲಾ ಮನ್ಲಾ, “ಪ್ರಭು ಮಿ ತುಜೆ ಮಾಗ್ನಿ ಯತೊ ಫನ್ ಆಂದಿ ಮಿ ಮಾಜಾ ಗರ್ಚಾ ಮಾನ್ಸಾನಾ ಸಾಂಗುನ್ ಯತೊ.
\p
\v 62 ಯೇಸು ತ್ಯಲಾ, “ಕುನಿ ನಾಂಗರಿವ ಹಾತ್ ಥೆವಲ್ಯಾ ತ್ಯನಿ ಮಾಗ ಬಗಲ್ಯಾವ ತ್ಯೊ ದೇವಾಚಾ ರಾಜಾತ್ ಕಾಮ ಕರಾಯಾ ಲಾಯಕ್ ನಾಹಿ ಮನ್ಲಾ.
\c 10
\s ಯೇಸುನಿ ಸತ್ತರಾವ ದೊನ್ ಜ಼ನಾನಾ ಲಾವುನ್ ದಿಲ್ಯಾಲ
\p
\v 1 ಹ್ಯಾ ನಂತರ್ ಯೇಸುನಿ ಆನಿ ಸತ್ತರಾವ ದೊನ್ ಜ಼ನಾನಾ ನೆಮುನ್ ಕಚಾ ಕಚಾ ಗಾವಾತ್ ಕಚಾ ಕಚಾ ಜಾ಼ಗ್ಯಾವ ಯೇಸು ಆಪ್ನು ಸ್ವತಾ ಜಾ಼ಯಾಚಾ಼ ಹುತ್ತಾ. ತಿಥ ಆಂದಿಸ್ ದೊಗಾ ದೊಗಾನಾ ಲಾವುನ್ ದಿಲ. 
\v 2 ತವಾ ಯೇಸು ತ್ಯನಾ, “ಪೀಕ್ ಖುಬ್, ಹಾ ಫನ್ ಕಾಮ್ಯಾರ ಥೊಡ ಹಾತ್ತ. ಪಿಕಾಚಾ ದನ್ಯಾನಿ ಆಪ್‌ಲ್ಯಾ ಪಿಕಾಸಾಟಿ ಕಾಮ್ಯಾರ ಲಾವುನ್ ದೇವಾವ ಮನ್ಹುನ್ ದೇವಾಪ ಮಾಗ್ನ ಕರಾ” ಮನ್ಲಾ. 
\v 3 “ಜಾ಼ವಾ ಕೂಳಿಸನ್ಯಾತ್ನಿ ಬಕರಿ ಗ್ಯಾತ್‌ಲ್ಯಾಚೆಗತ್ ಮಿ ತುಮಾನಾ ಲಾವುನ್ ದೇತೊ ಬಗಾ. 
\v 4 ಪೈಶಾಚಿ ಪಿಸ್ವಿ ಜು಼ಳ್ಹಿ ನಾಹಿತ ವ್ಹಾನಾ ಸಂಗ ಗಿಹುನಕೊಸಾ. ವಾಟವ ಕುನಾಲಾ ನಮಸ್ಕಾರ್ ಕರುನಕೊಸಾ.
\p
\v 5 ಆನಿ ಕಚಾ ಯಕಾ ಗರ‍್ಹಾತ್ ಜಾ಼ಸಿಲಾ ತ್ಯಾ ಗರ‍್ಹಾತ್ ಸಮಾದಾನ್ ರಾಹುನಿ ಮನ್ಹಾ. 
\v 6 ತಿಥ ಕೊನ್ ಸಮಾದಾನಾಚಾ಼ ಮಾನುಸ್ ಆಸ್ಲಾತ ತುಮಚಾ಼ ಸಮಾದಾನ್ ತ್ಯಚಿಪ ರಾಹಿಲ್, ನಸ್ಲಾತ ಪರತ್ ಯಯಿಲ್. 
\v 7 ತ್ಯಚಾ ಗರ‍್ಹಾತ್ ವಸ್ತಿಲಾ ರಾಹುನ್ ತಿ ಕ್ಯಾ ದಿತಿಲ ತ್ಯ ಖಾವುನ್ ಪಿವುನ್ ರಾವ್ಹಾ ಕಾ ಮಂಜೆ ಆಳ್ ಆಪ್ಲೆ ಮಜು಼ರಿಲಾ ಯೊಗ್ಯ ಹಾ ಗರ‍್ಹ ಬದಲು ನಕೊಸಾ. 
\v 8 ಕಚಾಬಿ ಗಾವಾತ್ ತುಮಿ ಗೆಲಾಸಾಕಿ ತ್ಯಂಚಾನಿ ತುಮಾನಾ ಹಾಕಟ್ಲತ ತಿ ತುಮಾನಾ ಕ್ಯಾ ವ್ಯಾಡ್ತಿಲ ತ್ಯ ಖಾವಾ.
\p
\v 9 ತ್ಯಾತ್ ಕೊನ್ ದುಖನ್ಕರಿ ಹಾ ತ್ಯನಾ ಬರಿ ಕರಾ ಆನಿ ತ್ಯನಾ ದೇವಾಚ಼ ರಾಜ ತುಮ್ಚೆ ಜ಼ವಳ್ ಆಲ್ಯಾ ಮನ್ಹುನ್ ಸಾಂಗಾ.
\p
\v 10 ಆನಿ ತುಮಿ ಕಚಾಬಿ ಗಾವಾತ್ ಗೆಲಾಸಾ ಆನಿ ತ್ಯಂಚಾನಿ ತುಮಾನಾ ಹಾಕಟ್ಲ ನಾಹಿತ ತಿತ್ಲೆ ಪಾಂದಿವ ಜಾ಼ವುನ್ ಆಸ ಮನ್ಹಾ. 
\v 11 ಆಮ್ಚಾ ಪಾಯಾನಾ ಲಾಗ್‌ಲ್ಯಾಲಿ ತುಮ್ಚಾ ಗಾವಾಚಿ ಧುಳ್ಬಿ ತುಮ್ಚಿ ತುಮಾನಾಸ್ ಜಾ಼ಢುನ್ ಟ್ಯಾಕ್ತಾವ್ ಫನ್ ದೇವಾಚ಼ ರಾಜ ಜ಼ವಳ್ ಆಲ್ಯಾ ಹ್ಯ ಲಕ್ಶೆತ್ ಥೆವಾ ಮನ್ಹುನ್ ಸಾಂಗ್ಲ. 
\v 12 ಮಿ ತುಮಾನಾ ಸಾಂಗ್ತೊ ತ್ಯಾ ನ್ಯಾಯಿ ನಿವ್ಡಾಚಾ ದಿಸಾದಿಸಿ ತಸಲ್ಯಾ ಗಾವಾಚಿ ಹಾಕಿಗತ್ ಸದೊಮ್ ಗಾವಾಚೆ ಹಾಕಿ ಗತಿವ್ನಿ ಕಠಿನ್ ವ್ಹಯಿಲ್ ಮನ್ಲಾ.
\s ಇಸ್ವಾಸ್ ನಸ್‍ಲ್ಯಾಲಿ ಗಾವ
\r (ಮತ್ತಾಯ್ 11:20-24)
\p
\v 13 “ಖೊರಾಜಿನಿ, ಬೆತ್ಸಾಯಿದಾ ತುಜಿ಼ ದುರದೇಸ್ನಾ ಕ್ಯಾ ಸಾಂಗು; ಕಾ ಮಂಜೆ ತುಮ್ಚೆ ಮದ್ದಿ ಗಡಲ್ಯಾಲಿ ಪರಾಕ್ರಮಾಚಿ ಕಾಮ ತುರ್ ಆನಿ ಸಿದೊನಾತ್ನಿ ಗಡಲಿ ಆಸ್ಥಿತ ತ್ಯಂಚಾನಿ ತವಾಸ್ ಚಿಲಾಚ಼ ಗೊನ್ತಾ ಬಾಂದುನ್ ರಾಖ್ ಆಂಗಾವ ಗಿಹುನ್ ಬಸುನ್ ಪಶ್ಚಾತಾಪ್ ಪಡ್ಲಿ ಆಸ್ಥಿತ. 
\v 14 ಹ್ಯಚಿಸ್ ಲಾಗುನ್ ನ್ಯಾಯಿ ನಿವ್ಡಾಚಾ ದಿಸಾತ್ ದೇವ್ ತುಮ್ಚೆ ಪರಾಸ್ ತುರ್ ಆನಿ ಸಿದೊನ್ ಗಾವಾಂಚಿವ ಕರ್ನಾದಾವಿಲ್.
\p
\v 15 ಆನಿ ಕಪೆರ್ನೌಮ ತು ಪರಲೊಕಾತ್ ಚ಼ಡ್ಸಿಲ್ ಕ್ಯಾ? ನಾಹಿ! ತು ನರಕಾತ್ ಉತಾರ್ಸಿಲ್.
\p
\v 16 ಕಚಾ಼ ತುಮ್ಚ಼ ಐಕ್ತೊ ತ್ಯೊ ಮಾಜ಼ ಐಕ್ತೊ ಆನಿ ಕಚಾ಼ ತುಮಾನಾ ನಾಖರ್ತೊ ತ್ಯೊ ಮನಾ ನಾಖರ್ತೊ ಆನಿ ಕಚಾ಼ ಮನಾ ನಾಖರ್ತೊ ತ್ಯೊ ಕಚಾನಿ ಮನಾ ಲಾವುನ್ ದಿಲ್ಯಾ ತ್ಯಲಾ ನಾಖರ್ತೊ” ಮನ್ಲಾ.
\s ಸತ್ತರಾವ ದೊನ್ ಜಾ಼ನ್ ಮಾಗಾರ ಆಲ್ಯಾಲ
\p
\v 17 ಮಂಗ್ ತೆ ಸತ್ತರಾವ ದೊನ್ ಜಾ಼ನ್ ಆನಂದಾನಿ ಪರತ್ ಯವುನ್ ಮನ್ಲ, “ಪ್ರಭು ತುಜಾ ನಾವಾನಿ ಭುಥ ದಿಕಿಲ್ ಆಮ್ಚಾ ತಾಬ್ಯಾತ್ ರಾಥ್ಯಾತ. ”
\p
\v 18 ತವಾ ಯೇಸು ತ್ಯನಾ ಮನ್ಲಾ, “ಸೈತಾನ್ ಪರಲೊಕಾತ್ನಿ ಇಜ಼ಚೆಗತ್ ಪಾಕ್ಕನ್ ಪಡ್‌ಲ್ಯಾಲ ಬಗಲ್ಯಾ. 
\v 19 ಬಗಾ ಮಿ ತುಮಾನಾ ಸಾಪ್ ಆನಿ ಇಚು಼ ಹ್ಯನಾ ತುಡುವಾಯಾ ಆನಿ ವೈರಿಚಾ ಸಗ್‌ಳ್ಯಾ ಬಳಾವರ್ ಹಾಕ್ ದಿಲ್ಯಾ ತುಮಾನಾ ಕಾಯೇಕ್ ಅನ್ನೆವ್ ವ್ಹಯಿತ್ನಾಹಿ. 
\v 20 ಫನ್ ಬುಥ ತುಮ್ಚಾ ತಾಬ್ಯಾತ್ ರಾಥ್ಯಾತ ಮನ್ಹುನ್ ಆನಂದ್ ವ್ಹವುನಕೊಸಾ ತುಮ್ಚಿ ನಾವ ಸ್ವರ್ಗಾತ್ ಲಿವ್‌ಲ್ಯಾಲಿ ಹಾತ್ತ ಹ್ಯಚಾ಼ ಆನಂದ್ ಕರಾ ಮನ್ಲಾ.
\s ಯೇಸುಲಾ ಜಾ಼ಲ್ಯಾಲಾ ಆನಂದ್
\r (ಮತ್ತಾಯ್ 11:25-27; 13:16-17)
\p
\v 21 ತೆ ಗಟ್ಕಲಾ ಯೇಸು ಪವಿತ್ರ ಆತ್ಮಾಚೆ ಹೌಸನಿ ಮನ್ಲಾ, “ಬಾ ಸ್ವರ್ಗಾಚಾ ಆನಿ ಪ್ರತ್ವಿಚಾ ಪ್ರಭು ಮಿ ತುಲಾ ವವ್ಯಾಳ್ತೊ ಕಾ ಮಂಜೆ ಜ್ಞಾನಿ ಆನಿ ಶಿಕ್‌ಲ್ಯಾಲ್ಯಾಂಚಿಪ್ನಿ ಹ್ಯಾ ಗುಶ್ಟಿ ಗಪ್ ಥಿವುನ್ ತ್ಯಾ ತು ಕಾಯ್ ಸಿಕ್‌ಲ್ಯಾ ನಸ್‍ಲ್ಯಾಲ್ಯಾನಾ ಉಗ್ಡುನ್ ದಾವಾಚ಼ ತುಲಾ ಬರ ದಿಸ್ಲ ಮನ್ಹುನ್ ತುಲಾ ವವ್ಯಾಳ್ತೊ.
\p
\v 22 ಮಾಜಾ ಬಾನಿ ಸಗ್ಳ ಮಾಜಾ ತಾಬ್ಯಾತ್ ದಿಲ್ಯಾ, ಲ್ಯೊಕ್ ಕೊನ್ ಹಾ ಹ್ಯ ಬಾ ವಾಚು಼ನ್ ಕುನಾಲಾ ಠಾವ ನಾಹಿ ಆನಿ ಬಾ ಕೊನ್ ಹಾ ಹ್ಯ ಲೇಕಾಲಾ ತ್ಯವ್ಡಸ್ ಠಾವ ಆನಿ ಕಚಾಲಾ ತ್ಯೊ ಉಗ್ಡುನ್ ದಾವಾಚಿ ಲೇಕಾಚಿ ಇಚ್ಚಾ ಆಸಲ್ ತ್ಯಚೆ ವಾಚು಼ನ್ ಕುನಾಲಾ ಠಾವ ನಾಹಿ” ಮನ್ಲಾ.
\p
\v 23 ಯೇಸು ಶಿಶಾಂಚಿಕ್ಡ ಪರ್ತುನ್‍ ತೇ ಯಕಾನ್ಸಿ ಆಸ್ಥಾನಾ ತ್ಯನಾ ಕ್ಯಾ ಸಾಂಗ್ಲ ಮಂಜೆ “ಹ್ಯಾ ಗುಶ್ಟಿ ಬಗ್‌ತ್ಯಾಲ ತುಮಿ ಕ್ಯವ್ಡ ಬರ. ” 
\v 24 ಹ್ಯಚಿಸ್ ಲಾಗುನ್ ತುಮಾನಾ ಸಾಂಗ್ತೊ ತುಮಿ ಬಗ್‌ತ್ಯಾಲಿ ಕಾಮ್ ಬಗನ್ಯಾಚಿ ಇಚಾ ಖುಬ್ ಪ್ರವಾದಿಂಚಾನಿ ಆನಿ ರಾಜಾಂಚಾನಿ ಕಿಲಿ ತರಿ ತ್ಯನಾ ಬಗಾಯಾ ಮಿಳಾಲಿ ನಾಹಿ ಆನಿ ತುಮಿ ಐಕಿತ್ ಹಾಸಾ ತ್ಯ ಐಕಾನ್ಯಾಚಿ ಇಚಾ ಕಿಲಿ ತರಿ ತ್ಯನಾ ಐಕಾಯಾ ಮಿಳಾಲ ನಾಹಿ.
\s ಚಾ಼ಂಗಲ್ಯಾ ಸಮಾರ‍್ಯಾಚಿ ಕ್ಯಾಯ್ನಿ
\p
\v 25 ಮಂಗ್ ಬಗಾ ಯೊಕ್ ಶಾಸ್ತ್ರಿ ಉಬಾ ರಾಯ್ಲಾ ಆನಿ ಯೇಸುಚಿ ಪಾರಕ್ ಕರಾಯಾಸಾಟಿ ಮನ್ಲಾ, “ಪ್ರಭು, ಕ್ಯಾ ಕೆಲ್ಯಾವ ಮನಾ ಶಾಶ್ವತ್ ಜೀವನ್ ಮಿಳಲ್?
\p
\v 26 ಯೇಸು ತ್ಯಲಾ “ಮೋಸೆಚಾ ಧರ್ಮ ಶಾಸ್ತಾರಾತ್ ಕ್ಯಾ ಲಿವ್‌ಲ್ಯಾಲ ಹಾ? ತು ಕ್ಯಾ ಸಮಜು಼ನ್ ಗೆತ್ಲಸ್? ಮನ್ಲಾ.
\p
\v 27 ತವಾ ಶಾಸ್ತ್ರಿ, “ತು ತುಜಾ಼ ದೇವ್ ಪರಮೇಶ್ವರಾಚಿ ಪುರ‍್ಯಾ ಮನಾನಿ ಪುರ‍್ಯಾ ಜಿ಼ವಾನಿ ಪುರ‍್ಯಾ ಬಳಾನಿ ಆನಿ ಪುರ‍್ಯಾ ಮನಾನಿ ಮಾಯಾ ಕರ್ ಆನಿ ತುಜಿ಼ಗತ್ ತುಜಾ ಸೆಜಾರ‍್ಯಾಚಿ ಮಾಯಾ ಕರ್ ಆಸ ಲಿವಲ್ಯಾ” ಮನ್ಲಾ.
\p
\v 28 ಯೇಸುನಿ ಶಾಸ್ತ್ರಿಲಾ, “ಉತ್ತರ್ ತು ಠಿಕ್ ದಿಲಾಸ್ ಮನ್ಲಾ. ಹ್ಯಚ಼್ ಕರ್ ಮಂಜೆ ಜ಼ಗಸಿಲ್” ಮನ್ಲಾ. 
\v 29 ಫನ್ ಆಪ್ನು ನಿತಿವಂತ್ ಮನ್ಹುನ್ ಗಿಹ್ಯಾಚಿ ಇಚಾ ದರುನ್ ತ್ಯೊ ಯೇಸುಲಾ, “ಫನ್ ಮಾಜಾ಼ ಸೇಜಾ಼ರಿ ಕೊನ್? ಮನ್ಲಾ.
\p
\v 30 ಯೇಸುನಿ ಉತ್ತರ್ ದಿಲಾ, ಯೊಕ್ ಮಾನುಸ್ ಯೆರುಸಲೇಮಿತ್ನಿ ಖಾಲ್ ಉತುರುನ್ ಯೆರಿಕೊಸ್ ಜಾ಼ಯಿತ್ ಆಸ್ಥಾನಾ ಚೊ಼ರಾಂಚಾ ಹಾತಾತ್ ಗಾವ್ಲಾ ತ್ಯಂಚಾನಿ ತ್ಯಚ಼ ಕಪ್ಡ ಕಾಡುನ್ ಗಿಹುನ್ ತ್ಯಲಾ ಮ್ಯಾರ್ಲಾ ಆನಿ ತ್ಯಲಾ ಆಡ್ಕಾಚಾ಼ ಮಾರುನ್ ಗೆಲಾ. 
\v 31 ತವಾಸ್ ಯೊಕ್ ಯೆಹುದ್ಯ ಯಾಜಕ್ ತೆ ವಾಟನಿ ಖಾಲ್ ಜಾ಼ಯಿತ್ ಹುತ್ತಾ; ತ್ಯನಿ ತ್ಯಲಾ ಬಗುನ್ ದುಸರೆ ಬಾಜು಼ಕ್ನಿ ಗೆಲಾ. 
\v 32 ತಸಾಸ್ ಯೊಕ್ ಲೆವಿ ತಿಥ ಆಲಾ ತ್ಯಲಾ ಬಗುನ್ ತ್ಯೊಬಿ ದುಸರೆ ಬಾಜು಼ಕ್ನಿ ಗೆಲಾ. 
\v 33 ಫನ್ ಯೊಕ್ ಸಮಾರ‍್ಯಾ ಆಲಾ ತೆ ವಾಟನಿ ಯತಾನಾ ತ್ಯೊ ಹುತ್ತಾ ತಿಥ ಆಲಾ ಆನಿ ತ್ಯಲಾ ಬಗುನ್ ತ್ಯಚಿ಼ವ ತ್ಯಲಾ ಕರ್ನಾ ಆಲಿ. 
\v 34 ತ್ಯೊ ಜ಼ವಳ್ ಜಾ಼ವುನ್ ತ್ಯಚಾ ಗಾವ್ಹಾನಾ ತ್ಯಾಲ್ ಆನಿ ದರಾಕ್ಶಿಚಾ ರಸ್ ಲಾವುನ್ ಬ್ಯಾಂದಲಾ ಆನಿ ತ್ಯಲಾ ಆಪ್‌ಲ್ಯಾ ಗಾಡ್ವಾವರ್ ಬಸ್ವುನ್ ದವಖಾನ್ಯಾತ್ ಆನ್ಲಾ ಆನಿ ತ್ಯಚಿ ಕ್ಯಾಳ್ಜಿ ಗಿತ್ಲಿ. 
\v 35 ದುಸರೆ ದಿಸಿ ತ್ಯನಿ ದೊನ್ ರುಪಯಿ ಕಾಡುನ್ ದವಖನ್ಯಾತಲ್ಯಾ ರಕ್ಶಕಾಲಾ ದಿವುನ್ ಹ್ಯಚಿ ಕ್ಯಾಳ್ಜಿ ಘೇ ಆನಿ ಹ್ಯಚಿವ್ನಿ ? ಆಗಾವ್ ಖರ್ಚ಼ ಜಾ಼ಲ್ಯಾಲಾ ಮಿ ಪರತ್ ತುಲಾ ದೇತೊ” ಮನ್ಲಾ.
\p
\v 36 ತವಾ ಯೇಸು “ತುಜಾ ಮನ್ಯಾನಿ ಚೊ಼ರಾಂಚಾ ಹಾತಾತ್ ಗಾವಲ್ಯಾಲ್ಯಾ ಮಾನ್ಸಾಚಾ಼ ಸೇಜಾ಼ರಿ ಹ್ಯಾ ತಿಗಾತ್ ಕೊನ್ ಜಾ಼ಲಾ?
\p
\v 37 ತವಾ ಶಾಸ್ತ್ರಿ, “ತ್ಯಚಿ಼ವ ದಯಾ ದ್ಯಾವ್‌ಲ್ಯಾಲಾ” ಮನ್ಲಾ. ತವಾ ಯೇಸು ತ್ಯಲಾ “ಜಾ಼ ಆನಿ ತು ಬಿ ತಸಸ್ ಕರ್” ಮನ್ಲಾ.
\s ಯೇಸುನಿ ಮಾರ್ಥಾಲಾ ಆನಿ ಮರಿಯಾಲಾ ಭೆಟ್ ದಿಲ್ಯಾಲಿ
\p
\v 38 ಮಂಗ್ ತೆ ಮೊರ‍್ಹ ಜಾ಼ಯಿತ್ ಆಸ್ಥಾನಾ ತ್ಯೊ ಯಕಾ ಗಾವಾತ್ ಆಲಾ ತವಾ ಮಾರ್ಥಾ ನಾವಾಚಿ಼ ಯೇಕ ಬಾಯಿಲ್ ಮಾನ್ಸಾನಿ ತ್ಯಲಾ ಆಪ್‌ಲ್ಯಾ ಗರ‍್ಹಾತ್ ಹಾಕಟ್ಲಾ. 
\v 39 ತಿಲಾ ಮರಿಯಾ ನಾವಾಚಿ ಯೇಕ್ ಭನ್ ಹುತ್ತಿ ತಿ ಪ್ರಭುಚಾ ಪಾಯಾಕ್ಡ ಬಸುನ್ ತ್ಯಚ಼ ಬೊಲ್ನ ಐಕಿತ್ ರಾಹಿಲಿ. 
\v 40 ತವಾ ಮಾರ್ಥಾಲಾ ಖುಬ್ ಕಾಮ್ ಲಾಗ್ಲ ಮನ್ಹುನ್ ತಿಚ಼ ತಾರಾಂಗನ್ ಜಾ಼ಲ ಆನಿ ತಿ ಮೊರ‍್ಹ ಯವುನ್, “ಪ್ರಭು ಮಾಜೆ ಭನ್ಹಿನಿ ಮಾಜಿವ ಯಕ್ಲಿವಸ್ ಕಾಮಾಚಾ಼ ಭಾರ್ ಟ್ಯಾಕ್ಲಾ ಹ್ಯ ತುಲಾ ಬರ ದಿಸ್ತ ಕ್ಯಾ? ಮನಾ ಮಜ಼ತ್ ಕರಾಯಾ ಸಾಂಗ್” ಮನ್ಲಿ. 
\v 41 ಪ್ರಭು ತಿಲಾ, “ಮಾರ್ಥಾ ಮಾರ್ಥಾ ತು ಖುಬ್ ಗುಶ್ಟಿಂಚಿ ಯವಜ್ನಾ಼ ಆನಿ ಗಡಬಡ್ ಕರ್ತೆಸ್. 
\v 42 ಫನ್ ಥೊಡ್ಯಾ ತ್ಯವ್‍ಡ್ಯಾಸ್ ಗುಶ್ಟಿ ಉಪೆಗಿಚಾ ಹಾತ್ತಾ. ಮರಿಯಾನಿ ಯೇಕುಸ್ ಚಾ಼ಂಗ್ಲಿ ನಿವುಡುನ್ ಗೆತ್ಲೆ ತಿ ತಿಚಿಪ್ನಿ ಕಾಡುನ್ ಗಿಹ್ಯಾ ವ್ಹನಾರ್ ನಾಹಿ” ಮನ್ಲಾ.
\c 11
\s ಯೇಸುನಿ ಮಾಗ್ನ ಕರಾಯಾ ಸಿಕಿವ್‍ಲ್ಯಾಲ
\r (ಮತ್ತಾಯ್ 6:9-13; 7:11)
\p
\v 1 ಮಂಗ್ ಯಕಸಿ ಯಕಾ ಜಾ಼ಗ್ಯಾವ ಮಾಗ್ನ ಕರೀತ್ ಹುತ್ತಾ ತ್ಯ ತ್ಯನಿ ಸಪಿವ್‌ಲ್ಯಾವ ತ್ಯಚಾ ಶಿಶಾತ್ಲಾ ಯೊಕ್ ಮನ್ಲಾ, “ಪ್ರಭು ಯೊಹಾನಾನಿ ಕಸ ಆಪ್‌ಲ್ಯಾ ಶಿಶಾನಾ ಮಾಗ್ನ ಕರಾಚ಼ ಶಿಕಿವ್‍ಲ್ಯಾ ತಸ ತು ಆಮಾನಾ ಸಿಕಿವ್. ”
\p
\v 2 ತವಾ ಯೇಸು ತ್ಯನಾ ಮನ್ಲಾ. “ತುಮಿ ಮಾಗ್ನ ಕರ್ತಾನಾ
\q1 ಸ್ವರ್ಗಾತ್‌ಲ್ಯಾ ಆಮ್ಚಾ ಬಾ ದೆವಾ, ತುಜ಼ ನಾವ್ ಪವಿತ್ರ ಮನ್ಹಾವ.
\q1 ತುಜ಼ ರಾಜೆ ಯವಾವ.
\q1
\v 3 ಆಮ್‌ಚ಼ ಖಾಯಿಮಚ಼ ಜೆವಾನ್ ಆಮಾನಾ ಖಾಯಿಮ್ ದೇ.
\q1
\v 4 ಆನಿ ಆಮ್ಚಿ ಪಾಪ ಮಾಪ್ ಕರ್
\q2 ಕಾ ಮಂಜೆ ಆಮಾನಾ ಚು಼ಕ್ ಕೆಲ್ಯಾಲ್ಯಾ ಪರ್ತೇಕಾಲಾ ಆಮಿ ಮಾಪ್ ಕರ್ತಾವ್.
\q1 ಆನಿ ಆಮಾನಾ ಪರಿಕ್ಶೆತ್ ಗಾಲುನಕೊಸ್.
\p
\v 5 ಆನಿ ಯೇಸು ಶಿಶಾನಾ ಮನ್ಲಾ, “ತುಮ್ಚಾತ್‍ಲ್ಯಾ ಯಕಾಲಾ ಯೊಕ್ ಸುಪ್ತಿ ಆಸ್ಥೊ ತ್ಯೊ ತ್ಯಚಿಪ ಅರ್ದೆ ರಾತಿತ್ ಜಾ಼ವುನ್ ತ್ಯಲಾ ಸೊಪ್‌ತ್ಯಾ ಮನಾ ತೀನ್ ಬಾಕ್‌ರ‍್ಯಾ ಉಸ್‌ನ್ಯಾ ದೇ. 
\v 6 ಕಾ ಮಂಜೆ ಮಾಜಾ಼ ಯೊಕ್ ಸುಪ್ತಿ ಮಾಜಾ ಗರ‍್ಹಾತ್ ಆಲ್ಯಾ ಆನಿ ತ್ಯಲಾ ಖಾಯಾ ದಿಯಾ ಮಾಜಿಪ ಕಾಯ್ ನಾಹಿ. 
\v 7 ತವಾ ತ್ಯೊ ಆತ್ನಿ, “ಮನಾ ತರಾಸ್ ದಿವುನಕೋಸ್ ಆತಾ ದಾರ್ ಲ್ಯಾವ್‌ಲ್ಯಾ ಆನಿ ಮಾಜಿ ಪ್ಯೂರ್ಗಿ ಮಾಜಿಪ ನಿಜ಼ಲ್ಯಾತ ಮಿ ಉಠುನ್ ತುಲಾ ಕಾಯ್ ದಿಯಾ ವ್ಹಯಿತ್ ನಾಹಿ” ಮನ್ಹಿಲ್. 
\v 8 ಮಿ ತುಮಾನಾ ಸಾಂಗ್ತೊ, ತ್ಯೊ ತ್ಯಚಾ಼ ಸುಪ್ತಿ ಜಾ಼ಲಾತರಿ ತ್ಯಲಾ ತ್ಯೊ ಉಠುನ್ ದೇನಾರ್ ನಾಹಿ ಫನ್ ತ್ಯಚಾ ಜಾ಼ಚಾ಼ನಿ ತ್ಯೊ ಉಠುನ್ ತ್ಯಲಾ ಪಾಯ್ಜೆ ತ್ಯವ್ಡ ದೇನಾರ್. ಮನ್ಲಾ 
\v 9 ಮಿ ತುಮಾನಾ ಸಾಂಗ್ತೊ, ಮಾಗಾ ತವಾ ದೇವ್ ತುಮಾನಾ ದೆನಾರ್ ಸೋದಾ ತವಾ ತುಮಾನಾ ಗಾವ್ನಾರ್ ದಾರ್ ವಾಜ಼್ವಾ ತವಾ ತುಮ್ಚೆ ಸಾಟಿ ದಾರ್ ಉಗಡ್ತಿಲ. 
\v 10 ಕಾ ಮಂಜೆ ಕೊನ್ ಮಾಗ್ತೊ ತ್ಯಲಾ ದೆನಾರ್ ಕೊನ್ ಶೊಥೊ ತ್ಯಲಾ ಗಾವ್ಥ ಕೊನ್ ದಾರ್ ಬಡಿವ್ತೊ ತ್ಯಲಾ ಉಗಾಡ್ತ. 
\v 11 ತುಮ್ಚಾತ್ ಆಸ್ಲಾ ಕುನಾಚಾ಼ ಬಾ ಹಾಕ್ಯಾ, ತ್ಯೊ ಆಪ್‌ಲ್ಯಾ ಮುಲಾನಿ ಮಾಸ ಮಾಗ್ಲತ ತ್ಯಲಾ ಮಾಸಾ ದಿಯಾಚಾ಼ ಸುಡುನ್ ಸಾಪ್ ದಿಯಿಲ್ ಕ್ಯಾ? 
\v 12 ನಾಹಿತ ಆಂಡ ಮಾಗ್‌ಲ್ಯಾಲ ಆಸ್ಥಾನಾ ತ್ಯಲಾ ಇಚು಼ ದಿಯಿಲ್ ಕ್ಯಾ? 
\v 13 ತುಮಿ ವಾಯಿಟ್ ಆಸ್ಥಾನಾ ತುಮಿ ತುಮ್ಚಾ ಮುಲಾನಾ ಚಾ಼ಂಗ್ಲ ದಿಯಾ, ಗಿಹ್ಯಾ ಕಳತ ತ ಸ್ವರ್ಗಾತಲ್ಯಾ ಬಾಪ ಕೊನ್ ಮಾಗತೊ ತ್ಯಲಾ ತ್ಯೊ ಕಿತ್ಕ ಇಸೆಸ್ ಕರುನ್ ಪವಿತ್ರಾತ್ಮ ದಿಯಿಲ್. ”
\s ಯೇಸು ಆನಿ ಬೆಲ್ಜೆಬುಲ್
\r (ಮತ್ತಾಯ್ 12:22-30; ಮಾರ್ಕ್ 3:20-27)
\p
\v 14 ಯಕಸಿ ಯೇಸು ಯಾಕ್ ಭುತ್ ಕಾಡಿತ್ ಹುತ್ತಾ. ತ್ಯ ಮುಖ ಹುತ್ತ ತವಾ ಭುತ್ ನಿಗಲ್ಯಾವರ್ ಮುಖಾ ಬೋಲಾ ಲಾಗ್ಲಾ ತ್ಯ ಬಗುನ್ ಲೊಕ ಗಾಭಾರ್ಲಿತ. 
\v 15 ಫನ್ ತ್ಯಾತ್ಲ ಕಿತೀಕಿ ಜಾ಼ನ್ ಮನ್ಲ, “ಹ್ಯೊ ಭುಥಾಂಚಾ಼ ದನ್ಹಿ ಬೆಲ್ಜೆಬುಲ್ ಹ್ಯಚಾ ಬಳಾನಿ ಹ್ಯೊ ಭುಥ ಕ್ಯಾಡತ್ಯೊ ಮನ್ಲ.
\p
\v 16 ಆನಿ ದುಸರ ಥೊಡ ಜಾ಼ನ್ ಯೇಸುಚಿ ಪರಿಕ್ಶೆ ಕರುನ್ ಬಗಾಯಾ, “ತ್ಯಚಿಪ ಯೇಕ್ ವಳಕ್ ದ್ಯಾವ್” ಮನ್ಲ. 
\v 17 ಫನ್ ಯೇಸುನಿ ತ್ಯಂಚಾ ಮನಾತ್ಲಾ ಇಚಾರ್ ವಳ್ಕುನ್ ತ್ಯನಾ ಮನ್ಲಾ, “ಆಪ್‌ಲ್ಯಾತ್ ಫುಟ್ ಪಡ್‌ಲ್ಯಾಲ ಪರ್ತೇಕ್ ರಾಜ ಹಾಳ್ ಪಡ್ತ ಆನಿ ಗರ‍್ಹಾವ ಘರ್ ಪಡ್ತ. 
\v 18 ಸೈತಾನಾತ್ನಿ ದುಯಿ ಪಡ್ಲಿಕಿ ತ್ಯಂಚ಼ ರಾಜ ಕಸ ಟಿಕಲ್? ಕಾ ಮಂಜೆ ಮಿ ಬೆಲ್ಜೆಬುಲಾಚಾ ಬಳಾನಿ ಭುಥ ಕ್ಯಾಡ್ತೊ ಆಸ ತುಮಿ ಮಂಥಾಸಾ. 
\v 19 ಫನ್ ಮಿ ಬೆಲ್ಜೆಬುಲಾಚಾ ಬಳಾನಿ ಭುಥ ಕಾಡಿತ್ ಆಸಲ್ ತ ತುಮ್ಚಿ ಲೊಕ ಕುನಾಚಾ ಬಳಾನಿ ಕ್ಯಾಡತ್ಯಾತ? ಮನ್ಹುನ್ ತುಮ್ಚಿ ಲೊಕ ತುಮ್ಚಿಸ್ ಚು಼ಕ್ ಮನ್ಹಾರ್; 
\v 20 ಫನ್ ಮಿ ಜ಼ರ್ ದೇವಾಚಾ ಬಳಾನಿ ಭುಥ ಕ್ಯಾಡತ್ಯಾಲಾ ಹಾ ತ ದೇವಾಚ಼ ರಾಜೆ ತುಮ್ಚಿಪ ಆಲ್ಯಾಲ ಹಾ.
\p
\v 21 ಹಾತ್ಯಾರಿ ಗಿಹುನ್ ಬಳ್ ಆಸಲ್ಯಾಲಾ ಮಾನುಸ್ ಆಪ್ಲ ಘರ್ ರಾಖಿತ್ ಆಸ್ಥಾನಾ ತ್ಯಚಾ಼ ಮ್ಹಾಲ್ ಮಾಥಾ ಶಾರ್ಕಾ ರಾಥೊ.
\p
\v 22 ಫನ್ ತ್ಯಚಿವ್ನಿ ಬಳಾಚಾ಼ ಮಾನುಸ್ ತ್ಯಚಿಪ ಯವುನ್ ತ್ಯಲಾ ದರ್ತೊ ತವಾ ಕಚಾ ಹತ್ಯಾರ‍್ಯಾಂಚಿವ ತ್ಯನಿ ಇಸ್ವಾಸ್ ಥೆವ್ಲಾ ಹುತ್ತಾ ತಿ ಹ್ಯೊ ಗಿಹುನ್ ಜಾ಼ತೊ ಆನಿ ತ್ಯಚ಼ ನೆಲ್ಯಾಲ ಸಗ್ಳ ವಾಟುನ್ ಟ್ಯಾಕ್ತೊ. 
\v 23 ಕೊನ್ ಮಾಜಾ಼ ನಸ್ತೊ ತ್ಯೊ ಮಾಜಾ಼ ವಾದಿ ವ್ಹತೊ; ಆನಿ ಕಚಾ಼ ಮಾಜಿ ಸಂಗ ಜು಼ಡಿತ್ ನಾಹಿ ತ್ಯೊ ಉದಳ್ತೊ.
\s ದುರಾತ್ಮ ಮಾಗಾರ ಯಯಾಚ
\r (ಮತ್ತಾಯ್ 12:43-45)
\p
\v 24 ಯಕಾ ಮಾನ್ಸಾತ್ನಿ ಭುತ್ ನಿಗಾಲ ಮಂಜೆ ತ್ಯ ಇಸ್ರಾಮಾ ಸುದಿತ್ ಪಾನಿ ನಸ್‌ಲ್ಯಾಲ್ಯಾ ಜಾ಼ಗ್ಯಾವ್ನಿ ಫಿರತ್ ರಾಥ ಇಸ್ರಾಮಾ ಗಾವ್ಲಾ ನಾಹಿ ಮನ್ಹುನ್ ತ್ಯ ಮಿ ಸುಡುನ್ ಆಲ್ಯಾಲ್ಯಾ ಮಾನ್ಸಾಚೆ ಆತ್ ಪರತ್ ಜಾ಼ತೊ ಮಂಥ. 
\v 25 ಆನಿ ಯವುನ್ ತ್ಯ ಗರ್ ಲುಟುನ್ ಶಾದ್ರ ಕೆಲ್ಯಾಲ ಬಗುನ್ 
\v 26 ತ್ಯ ಭುತ್ ಜಾ಼ವುನ್ ಆಪ್ಲಿಪ್ನಿ ವಾಯಿಟ್ ಆಸ್‌ಲ್ಯಾಲಿ ದುಸ್ರಿ ಸಾತ್ ಭುಥ ಗಿಹುನ್ ಯನಾರ್ ತೀ ತ್ಯಾ ಮಾನ್ಸಾತ್ ಬರ್ಹುನ್ ತಿಥ ರಾನ್ಹಾರ್ ಮಂಗ್ ತ್ಯಾ ಮಾನ್ಸಾಚಿ ಸೆವಟ್ಚಿ ಪರಸ್ಥಿತಿ ಪೈಲ್ಯಾವ್ನಿ ವಾಯಿಟ್ ವ್ಹತ್ತಿ” ಮನ್ಲಾ,
\s ಖರಾ ಸಮಾಧಾನ್
\r (ಮತ್ತಾಯ್ 12:38-42)
\p
\v 27 ಮಂಗ್ ಆಸ ಜಾ಼ಲ. ಯೇಸು ಹ್ಯಾ ಗುಶ್ಟಿ ಬೊಲತ್ ಆಸ್ಥಾನಾ ಮಾನ್ಸಾತ್ಲಿ ಯೇಕ್ ಬ್ಯಾಯ್ಕೊ ಮಾನುಸ್ ಮೊಟ್ಯಾನಿ ತ್ಯಲಾ “ತುಲಾ ಜ಼ಲ್ಮ ದಿವುನ್ ಬಾಳಗ್‌ಲ್ಯಾಲಿ ಬ್ಯಾಯ್ಕಾ ಮಾನುಸ್ ಖುಬ್ ಬರಿ” ಮನ್ಲಿ.
\p
\v 28 ತವಾ ಯೇಸು, ತ್ಯಚೆ ಪಕ್ಶಿ ಕೊನ್ ದೇವಾಚಿ ವಚ್ನ ಐಕ್ತೊ ಆನಿ ಪ್ಯಾಳ್ತೊ ತ್ಯೊಸ್ ಖುಬ್ ಬರಾ” ಮನ್ಲಾ.
\s ಅದ್ಬುತ್ ದಾವಾಯಾ ಸಾಂಗ್‌ಲ್ಯಾಲ
\r (ಮತ್ತಾಯ್ 12:38-42)
\p
\v 29 ತವಾ ಲೊಕ ತ್ಯಚಿಪ ಯಕಜಾ಼ಗಿ ಜ಼ಮತ್ ಆಸ್ಥಾನಾ ಯೇಸು ಆಸ ಮನ್ಹಾಯಾ ಲಾಗ್ಲಾ ಹಿ ಪಿಳ್ಗಿ ಬುರ್ಸಿ ಪಿಳ್ಗಿ ಹಾ ಹಿ ಅದ್ಬುತ್ ಮಾಗ್ತೆ ಫನ್ ಯೊನಾಚಾ ಅದ್ಬುತಾ ಶಿವಾರ್ ದಿಸಿರಾ ಅದ್ಬುತ್ ಹ್ಯನಾ ಮಿಳ್ನಾರ್ ನಾಹಿ. 
\v 30 ಕಾ ಮಂಜೆ ಯೊನಾ ಕಸಾ ನಿನೆವೆವಾಲ್ಯಾನಾ ವಳಕ್ ಜಾ಼ಲಾ ತಸಾ ಮಾನ್ಸಾಚಾ಼ ಲ್ಯೊಕ್ ಹೆ ಪಿಳ್ಗಿಲಾ ವ್ಹಯಿಲ್. 
\v 31 ಶೆಬತ್ಲಿ ರಾನಿ ನ್ಯಾಯಿಚಾ ಯಳಾತ್ ಹೆ ಪಿಳ್ಗಿಚಾ ಲೊಕಾ ಸಂಗ ಉಠುನ್ ತ್ಯಂಚಿವ ಚು಼ಕ್ ಥರವಿಲ್: ಕಾ ಮಂಜೆ ಸೊಲೊಮನಾಚ಼ ಗಿನ್ಯಾನ್ ಐಕಾಯಾ ತಿ ಪ್ರತ್ವಿಚಾ ಮುಳಾತ್ನಿ ಆಲಿ ಆನಿ ಮಿ ತುಮಾನಾ ಕ್ಯಾ ಸಾಂಗಾಚ಼ ಮಂಜೆ ಬಗಾ ಸಲೊಮೊನಾವ್ನಿ ಥೊರ್ಲಾ ಯೊಕ್ ಹಿತ ಹಾ. 
\v 32 ನಿನೆವೆಚಿ ಲೊಕ ನ್ಯಾಯಿಚಾ ಯಳಾತ್ ಹೆ ಪಿಳ್ಗಿ ಸಂಗ ಉಬಿ ರಾಹುನ್ ಹೆ ಪಿಳ್ಗಿವ ಚು಼ಕ್ ಥರಿವ್ನಾರ್ ಕಾ ಮಂಜೆ ಪ್ರವಾದಿ ಜಾ಼ಲ್ಯಾಲಾ ಯೋನಾಚಾ ಉಪದೆಸಾನಿ ಪಶ್ಚತಾಪ್ ಜಾ಼ಲಾ; ಫನ್ ಬಗಾ ಮಿ ತುಮಾನಾ ಸಾಂಗ್ತೊ ಯೊನಾವ್ನಿ ಥೊರ್ಲಾ ಯೊಕ್ ಹಿಥ ಹಾ.
\s ಅಂಗಾಲಾ ಉಜಿಡ್
\r (ಮತ್ತಾಯ್ 5:15; 6:22-23)
\p
\v 33 ದೀವಾ ಲಾವುನ್ ಕೊನ್ ಐದಾನಾ ಬುಡಿ ನಾಹಿತ ಕಶಾಚೆ ಆಡ್‌ಶಾ ಥಿವಿತ್ ನಾಹಿ, ತ್ಯೊ ಆತ್ ಯತ್ಯಾಲ್ಯಾನಾ ಉಜಿಡ್ ದಿಸಾಯಾ ವ್ಹಯಿ ಮನ್ಹು‍ನ್ ದಿವಲವನ್ಯಾವ ಥೆವ್‌ತ್ಯಾತ.
\p
\v 34 ತುಜಾ ಅಂಗಾಚಾ಼ ದಿವಾ ತುಜ಼ ಡೊಳ, ತುಜ಼ ಡೊಳ ನಿರ್ದೊಸ್ ಆಸ್‍ಲ್ಯಾವ ತುಜ಼ ಆಂಗ್ ಸಗ್ಳ ಉಜಿಡಾಸ್ ರಾಥ; ದೊಶ್ ರಾಹಿಲ್ ತರ್ ತುಜ಼ ಆಂಗ್ ಬಿ ಆಂದಾರಾತ್ ರಾಥ. 
\v 35 ತುಮ್ಚೆ ಮದ್ಲಾ ಉಜಿಡ್ ಆಂದಾರ್ ವ್ಹವು ನಾಹಿ ಆಸ ಬಗಾ. 
\v 36 ತುಜ಼ ಸಗ್ಳ ಆಂಗ್ ಉಜಿಡಾಸ್ ರಾಹಿಲ್ ಆನಿ ತ್ಯಚಾ಼ ಕಚಾ಼ಸ್ ಜಾ಼ಗಾ ಆಂದಾರಾತ್ ನಸ್ನಾರ್, ಆಕಾಸ್ಮಾತ್ ತುಮಚ಼ ಆಂಗ್ ಉಜಿಡಾನಿ ಬರ್ಲ್ಯಾವ ತುಮ್ಚಾ ಆಂಗಾಚಾ಼ ಕಚಾ಼ಸ್ ಜಾ಼ಗಾ ಆಂದಾರಾತ್ ರಾಹಿತ್ನಾಹಿ ತವಾ ತುಮಚ಼ ಆಂಗ್ ಸಗ್ಳ ಉಜಿಡಾತ್ ರಾಥ.
\s ಯೇಸುನಿ ಫರಿಸಾಯಾನಾ ಆನಿ ಧರ್ಮಪೊದೇಶಾಕಾನಾ ಖಡ್ಯಾವ್ಲ
\r (ಮತ್ತಾಯ್ 23:1-36; ಮಾರ್ಕ್ 12:38-40)
\p
\v 37 ಯೇಸು ಬೊಲತಾ ಇತ್‍ಕ್ಯಾತ್ ಯಕಾ ಪರಿಸಾಯಾನಿ ತ್ಯಲಾ ಆಪ್ಲಿಕ್ಡ ಜೆವ್ನಾಲಾ ಹಾಕಟ್ಲಾ ತವಾ ಯೇಸು ಆತ್ ಜಾ಼ವುನ್ ಜೆವ್ನಾಲಾ ಬಸ್ಲಾ. 
\v 38 ಯೇಸುನಿ ಜೆವಾಚೆ ಆಂದಿ ಹಾತ್ ಪ್ಯಾ ದುತ್ಲ ನಾಹಿತ ಹ್ಯ ಬಗುನ್ ಪರಿಸಾಯಾಲಾ ಆಜಾಬ್ ವಾಟ್ಲ. 
\v 39 ಫನ್ ಪ್ರಭು ತ್ಯಲಾ ಮನ್ಲಾ, “ತುಮಿ ಪರಿಸಾಯಾಚಾ ತಾಟಾ ಬಾಹೀರ‍್ನಿ ಚಾ಼ಂಗಲ್ಯಾ ಕರ್ತಾಸಾ ಫನ್ ತುಮಚಾ಼ ಆತ್ಲಾ ಜಾ಼ಗಾ ಮೊಸಾನಿ ಆನಿ ಬುರ್ಶಾಫನಾನಿ ಬರ್ಹುನ್ ಹಾ. 
\v 40 ತುಮಿ ಬುದ್ದಿ ನಸ್‍ಲ್ಯಾಲ್ಯಾ ಮಾನ್ಸಾನು ದೇವಾನಿ ಬಾಹಿರ್ಲಾ ಜಾ಼ಗಾ ಕೆಲಾ ತ್ಯನಿಸ್ ಆತ್ಲಾ ಜಾ಼ಗಾ ಕೆಲ್ಯಾಲಾ ನವ್ಹ ಕ್ಯಾ? 
\v 41 ಮನ್ಹುನ್ ಐದಾನಾತ್ನಿ ಆಸ್‍ಲ್ಯಾಲ ಗರಿಬಾನಾ ದಾನ್ ದರ್ಮ ಕರಾ ತವಾ ತುಮಿ ಕ್ಯಾಯ್‌ದ್ಯಾ ಶಾರ್ಕಿ ಬರಿ ವ್ಹನಾರ್.
\p
\v 42 ಆರ ಫರಿಸಾಯಾನು ತುಮ್ಚಿ ಹಾಕಿಗತ್ ಕ್ಯಾ ಸಾಂಗು, ತುಮಿ ದೇವಾಲಾ ತುಮ್ಚೆ ಬಾಗತ್‍ಲ್ಯಾ ಪುದಿನಾ, ಸತಾಪ, ಆನಿ ಪರ್ತೇಕ್ ಬಾಝಿಂಚಾ ಧಾತ್ಲಾ ಯೊಕ್ ಭಾಗ್ ದೇತಾಸಾ ಫನ್ ನ್ಯಾಯಿ ಆನಿ ದೇವಾಚಿ ಮಾಯಾ ಇಸಾರ್ತಾಸಾ ಹ್ಯಾ ಗುಶ್ಟಿ ಕರಾಚಾ ಹುಥ್ಯಾ ಸೊಡಾಚಾ ನವ್‌ಥ್ಯಾ.
\p
\v 43 ಪರಿಸಾಯಾನು ತುಮ್ಚಿ ಹಾಕಿಗತ್ ಕ್ಯಾ ಸಾಂಗು, ಸಭಾಸ್ಥಾನಾತ್‍ ಚಾ಼ಂಗ್ಲ ಮನ್ಹುನ್ ಗಿಹ್ಯಾಚ಼ ಆನಿ ಬಾಜಾ಼ರಾತ್ನಿ ಲೊಕಾಂಚಿಪ್ನಿ ನಮಸ್ಕಾರ್ ಕರುನ್ ಗಹ್ಯಾಚ಼ ತುಮಾನಾ ಆವಾಡ್ತ. 
\v 44 ಕಸ್ಲಿ ಲೊಕ ತುಮಿ ಕಾ ಮಂಜೆ ಜಿಮ್ನಿಚಿಗತ್ ಜಾ಼ಲ್ಯಾಲೆ ಮಸುರ್ಡಿಚಿಗತ್ ಹಾಸಾ ತ್ಯಂಚಿವರ್ ಚಾ಼ಲತ್ಯಾಲ್ಯಾ ಲೊಕಾನಾ ಹ್ಯಾ ಮಸುರ್ಡ್ಯಾ ಮನ್ಹುನ್ ಸಮ್ಜ಼ತ್ ನಾಹಿತಾ ಮನ್ಲಾ.
\p
\v 45 ಹ್ಯ ಐಕುನ್ ಯಕಾ ದರ್ಮೊಪದೇಶಕಾನಿ ಯೇಸುಲಾ “ಪ್ರಭು ಹೆ ಸಬಾತ್ ಬುಲುನ್ ಆಮ್ಚಿ ನಿಂದಾ ಕೆಲ್ಯಾಚೆಗತ್ ಜಾ಼ಲಿ ಮನ್ಲಾ.
\p
\v 46 ತವಾ ಯೇಸು ಧರ್ಮೊಪದೇಶಕನಾ ತುಮ್ಚಿ ದುರ್ದೇಸ್ನಾ ಕ್ಯಾ ಸಾಂಗು? ತುಮಿ ಲೊಕಾಂಚಿವ ಉಚ಼್ಲತ್ ನಾಹಿ ಯವ್ಡ ವಜ಼ ವಾವ್ತಾಸಾ; ತುಮಿ ತರಿ ತ್ಯಾ ವಜಾಲಾ ಯಾಕ್ ಬ್ವಾಟ್ ಸಾಹಿತ್ ಲಾವಿತ್ ನಾಹಿಸಾ 
\v 47 ತುಮಿ ಕಸ್ಲ ಮಾನುಸ್? ತುಮಿ ಪ್ರವಾದಿಂಚಿ ಥಡಿ ಬ್ಯಾಂತಾಸಾ; ಫನ್ ತ್ಯನಾ ಮ್ಯಾರ್ಲ್ಯಾಲ ತುಮ್ಚಾ ವಡ್ಲಾಂಚಾನಿಸ್! 
\v 48 ಮನ್ಹುನ್ ತುಮ್ಚಾ ವಡ್ಲಾಂಚಾನಿ ಕೆಲ್ಯಾಲ್ಯಾ ಕಾಮಾನಾ ತುಮಿಸ್ ಸಾಕ್ಶಿ ಆನಿ ತ್ಯಂಚಿ ಕಾಮ ತುಮಿ ವಪ್‌ಲ್ಯಾ ಶಾರ್ಕಿ ಜಾ಼ಲ್ಹಿತ ಕಾ ಮಂಜೆ ತ್ಯಂಚಾನಿ ಪ್ರವಾದಿನಾ ಮ್ಯಾರ್ಲ ತುಮಿ ತ್ಯಂಚಿ ಥಡಿ ಬ್ಯಾಂಥಾಸಾ. 
\v 49 ಮನ್ಹುನ್ ದೇವಾಚ಼ ಗಿನ್ಯಾನ್ ಕ್ಯಾ ಸಾಂಗ್ತ ಮನ್‌ಲ್ಯಾವ “ಮಿ ತ್ಯಂಚಿಪ ಪ್ರವಾದಿನಾ ಆನಿ ಚಾ಼ಂಗ್ಲಿ ಖಬರ್ ಸಾಂಗ್‌ತ್ಯಾಲ್ಯಾನಾ ಲಾವುನ್ ದೇನಾರ್ ತ್ಯಾತ್‌ಲ್ಯಾ ಥೊಡ್ಯಾನಾ ಮಾರುನ್ ಟ್ಯಾಕ್ನಾರ್ ಆನಿ ಥೊಡ್ಯಾನಾ ತರಾಸ್ ದೇನಾರ್. 
\v 50 ಪೈಲೆ ದರ್ನಿ ಮ್ಯಾರ್‌ಲ್ಯಾಲ ಸಗ್ಳ ಪ್ರವಾದಿನಾ ಆನಿ ಚಾ಼ಂಗ್ಲಿ ಖಬರ್ ಸಾಂಗ್‌ತ್ಯಾಲ್ಯಾಂಚಾ ಮರ‍್ನಾತ್ ಗಾವಲ್ಯಾಲ್ಯಾ ಲೋಕಾನು ತುಮಾನಾ ಶಿಕ್ಷಾ ವ್ಹನಾರ್.
\p
\v 51 ಹೆಬೆಲಾಲಾ ಮ್ಯಾರ್ಲ್ಯಾ ದರ‍್ನಿ ಯಜ್ಞ ವೆದಿ ಆನಿ ಪವಿತ್ರ ಸ್ಥಾನ್ ಹ್ಯಂಚೆ ಮದ್ದಿ ಜಕರಿಯಾಲಾ ಮ್ಯಾರ್ಲ್ಯಾಪರ‍್ಯಾತ್ ಸಗ್‍ಳ್ಯಾ ಪ್ರವಾದಿಂಚಾ ಮರ್ನಾಚಿ ಸಿಕ್ಸೆ ಹೆ ಪಿಳ್ಗಿಲಾ ವ್ಹನಾರ್ ಮನ್ಹುನ್ ತುಮಾನಾ ಸಾಂಗ್ತೊ.
\p
\v 52 ಆರ ದರ್ಮೊಪದೇಶಕಾನು ತುಮಿ ಕಸ್ಲ ಮಾನುಸ್ ಗಿನ್ಯಾನಾಚಾ ಗರ್ಹಾಚಿ ಚಾವಿ ಚುರ್ಲಿಸಾ ಆನಿ ತುಮಿ ಆತ್ ಗೆಲಾ ನಾಹಿಸಾ; ಆತ್ ಜಾ಼ತ್ಯಾಲ್ಯಾನಾ ಆಡ್ವ ರಾಯ್‌ಲ್ಯಾಸಾ ಮನ್ಲಾ.
\p
\v 53 ಮಂಗ್ ಯೇಸು ತಿಥ್ನಿ ಬಾಹಿರ್ ಆಲಾ ತವಾ ಶಾಸ್ತ್ರಿ ಆನಿ ಫರಿಸಾಯ್ ತ್ಯಲಾ ಖುಬ್ ಆಡ್ವ ವ್ಹವುನ್ ಕಿತಿತರಿ ಗುಶ್ಟಿತ್ ತ್ಯಲಾ ಆಡ್ವ ತಿಡ್ವ ಪ್ರಶ್ನೆ ಇಚಾರಾಯಾ ಯವ್ಜಿತ 
\v 54 ಆನಿ ತ್ಯಚಾ ಸಬ್ದಾತ್ನಿ ಕಾಯ್ ತರಿ ಚು಼ಕ್ ದರಾಯಾ ವ್ಹಯಿ ಮನ್ಹುನ್ ತ್ಯಲಾ ಬಗಿತ್ ಹುತ್ತ.
\c 12
\s ಕಪಟ್ಯಾಫನಾಲಾ ಹುಶಾರ್ಫನ್
\r (ಮತ್ತಾಯ್ 10:26-27)
\p
\v 1 ತವಾಸ್ ಖುಬ್ ಲೊಕಾಂಚಿ ಗರ್ದಿ ಜಾ಼ಲಿ ಆನಿ ತೀ ಯಕಾಮಕಾಲಾ ತುಡುವಾಯಾ ಲಾಗ್ಲಿತ; ತವಾ ಯೇಸು ಆಂದಿ ಆಪ್‌ಲ್ಯಾ ಶಿಶಾನಾ ಸಾಂಗಾಯಾಲಾಗ್ಲಾ ತುಮಿ ಪರಿಸಾಯಾಂಚಾ ಕಪಟ್ ಫನಾಚಾ ಆಂಬಾಟ್ ಪಿಠಾಚೆ ಗುಶ್ಟಿತ್ ಹುಶಾರ್ ರಾವ್ಹಾ.
\p
\v 2 ಜಾ಼ಕ್‌ಲ್ಯಾಲ ಸಗ್ಳ ಉಗಡ್ನಾರ್, ಜಾ಼ಕ್‍ಲ್ಯಾಲ ಸಗ್ಳ ಮಾಳಾವ ಯನಾರ್. 
\v 3 ತುಮಿ ಆಂದಾರಾತ ಬೋಲ್ಯಾಲ ಉಜಿಡಾಸ್ ಐಕು ಯಯಿಲ್ ಆನಿ ಆತ್ ಸೊಪ್ಯಾತ್ ಕಾನಾತ್ ಸಾಂಗ್‍ಲ್ಯಾಲ ಬಾಹಿರ್ ಮಾಳಿವ ಜೊ಼ರಾನಿ ಪಗಳುನ್ ಯಯಿಲ್.
\s ಕುನಾಲಾ ಬಿಯಾ ವ್ಹಯಿ
\r (ಮತ್ತಾಯ್ 10:28-31)
\p
\v 4 ಮಾಜಾ ಸೊಪ್‌ತ್ಯಾನು “ಮಿ ತುಮಾನಾ ಸಾಂಗ್ತೊ ಧಡ್ ಮಾರುನ್ ಟ್ಯಾಕ್ತಿಲ ಖರ ತ್ಯನಾ ಆನಿ ಕಾಯ್ ಕರಾ ವ್ಹಯಿತ್ ನಾಹಿ ತ್ಯನಾ ಬಿಹುನಕೋಸಾ. 
\v 5 ಫನ್ ತುಮಿ ಕುನಾಲಾ ಬಿಹ್ಯಾ ವ್ಹಯಿಸಾ ತ್ಯ ಮಿ ತುಮಾನಾ ಸಾಂಗ್ತೊ ಮೆಲ್ಯಾ ನಂತರ್ ನರಕಾತ್ ಟಾಕಾಚಾ಼ ಅಧಿಕಾರ್ ಆಸ್ನಾರ‍್ಯಾ ದೇವಾಲಾ ಬಿವ್ಹಾ.
\p
\v 6 “ಪಾಚ಼್ ಚಿಮ್ನಿ ಪಾಕ್ರ ದೊನ್ ದಮ್‍ಡ್ಯಾನಾ ಇಕ್ಲಿತ? ತರಿ. ತ್ಯಾತ್ಲ ಯಾಕ್ಬಿ ದೇವ್ ಇಸ್ರತ್ ನಾಹಿ. 
\v 7 ತ್ಯಚಿ ಸಾಟಿ ತುಮ್ಚೆ ಡುಯಿತ್ಲ ಕ್ಯಾಸ್ ಸಾಹಿತ್ ಸಗ್ಳ ಮೇಜ಼ಲ್ಯಾಲ ಹಾತ್ತ ಬಿಹು ನಕೊಸಾ ಖುಬ್ ಚಿಮನ್ಯಾ ಪಾಕ್ರಾಂಚಿವ್ನಿ ತುಮಿ ಕಿಮ್ತಿಚಿ ಹಾಸಾ.
\s ಯೇಸುಚೆ ಗುಶ್ಟಿತ್ ಲಾಜಾ಼ಚ಼
\r (ಮತ್ತಾಯ್ 10:32-33; 12:32; 10:19-20)
\p
\v 8 ಮಿ ತುಮಾನಾ ಸಾಂಗ್ತೊ ಕೊನ್ ಮಾನ್ಸಾಂಚೆ ಮೊರ‍್ಹ ಮನಾ ಆಪ್ಲಾ ಮಂತೊ ತ್ಯಲಾ ಮಾನ್ಸಾಚಾ಼ ಲ್ಯೊಕ್ಬಿ ದೇವ್ದುತಾಚೆ ಮೊರ‍್ಹ ಆಪ್ಲಾ ಮನ್ಥೊ. 
\v 9 ಖರ ಕಚಾ಼ ಮನಾ ಲೊಕಾಂಚೆ ಮೊರ‍್ಹ ನಕ್ವಾಟ್ತೊ ತ್ಯಲಾ ಮಾನ್ಸಾಚಾ ಲ್ಯೊಕ್ ಬಿ ದೇವ್ದುತಾಂಚೆ ಮೊರ‍್ಹ ನಕ್ವಾಟ್ನಾರ್.
\p
\v 10 ಆನಿ ಜೇ ಕೊನ್ ಮಾನ್ಸಾಚಾ ಲೇಕಾಚೆ ಆಡ್ವ ಕಾಯ್ ತರಿ ಬೊಲಲ್ ತ್ಯಲಾ ತ್ಯಚಿ ಮಾಪಿ ವ್ಹಯಿಲ್ ಫನ್ ಕೊನ್ ಪವಿತ್ರಾ ಆತ್ಮಾಚೆ ಆಡ್ವ ಬುರ್ಸ ಬೋಲಲ್ ತ್ಯಲಾ ತ್ಯಚಿ ಮಾಪ್ ವ್ಹನಾರ್ ನಾಹಿ.
\p
\v 11 “ತ್ಯಂಚಾನಿ ತುಮಾನಾ ಸಭಾಸ್ಥಾನಾತ್ ಸರಕಾರಾಚಾ ಅಧಿಕಾರಾಂಚೆ ಮೊರ‍್ಹ ನಿಥಿಲ ತವಾ ಕಸಾ ಕ್ಯಾ ಉತ್ತರ್ ದೆವಾವ ನಾಹಿತ ಕ್ಯಾ ಬೋಲಾವ ಹ್ಯಚಿ ಕ್ಯಾಳ್ಜಿ ಕರುನಕೊಸಾ 
\v 12 ಕಾ ಮಂಜೆ ಕ್ಯಾ ಬೊಲಾಚ಼ ತ್ಯ ಪವಿತ್ರಾತ್ಮಾ ತೆ ಗಟ್ಕಲಾ ತುಮಾನಾ ಸಿಕ್ವಿಲ್. ”
\s ಪಿಶಾ ಸಾವ್ಕಾರಾಚಿ ಕ್ಯಾಯ್ನಿ
\p
\v 13 ತವಾ ಲೊಕಾತ್‌ಲ್ಯಾ ಯಕಾನಿ, ಯೇಸುಲಾ, “ಪ್ರಭು ಮನಾ ಮಾಜಾ ಬಾನಿ ಸುಡುನ್ ಗೆಲ್ಯಾಲೆ ಆಸ್ಥಿತ್ಲಿ ವಾಟ್ನಿ ದಿಯಾ ಮಾಜಾ ಬಾವ್ಹಾಲಾ ಸಾಂಗ್” ಮನ್ಲಾ.
\p
\v 14 ಯೇಸು ತ್ಯಲಾ “ಸೊಪ್‌ತ್ಯಾ ಮಿ ತುಮಚಾ಼ ನ್ಯಾಯಿ ಕರತ್ಯಾಲಾ ನಾಹಿತ ವಾಟ್ನಿ ಕರ್ನಾರಾ ಮನ್ಹುನ್ ಕಚಾನಿ ಥರಿವ್ಲಾಸಾ? ಮನ್ಲಾ. 
\v 15 ಯೊಕ್ ಮಾನುಸ್ ತ್ಯಚಿಪ ಆಸ್‌ಲ್ಯಾಲ್ಯಾ ದಾಗಿ‌ನ್ಯಾನಿ ಸಾವ್ಕೋರ್ ವ್ಹಯಿತ್ ನಾಹಿ
\p
\v 16 ಆನಿ ಯೇಸುನಿ ತ್ಯನಾ ಯೇಕ್ ಕ್ಯಾಯ್ನಿ ಸಾಂಗ್ಲಿ; ತಿಥ ಯೊಕ್ ಸಾವ್ಕೋರ್ ಮಾನುಸ್ ಹುತ್ತಾ ತ್ಯಚಾ ಸೇತಾತ್ ಪೀಕ್ ಆಲ 
\v 17 ತವಾ ತ್ಯೊ ಆಪ್‌ಲ್ಯಾ ಮನಾತ್ ಮನ್ಲಾ, “ಆತಾ ಮಿ ಕ್ಯಾ ಕರು? ಕಾ ಮಂಜೆ ದಾನ ಥೆವಾಯಾ ಜಾ಼ಗಾ ನಾಹಿ. ” 
\v 18 ಮಂಗ್ ತ್ಯೊ ಮನ್ಲಾ, “ಮಿ ಆಸ ಕರ್ತೊ ಮಿ ಮಾಜ಼ ಕಳಾಂಜ಼್ ಮುಡುನ್ ಮೊಟ ಬ್ಯಾಂಥೊ; ಆನಿ ತ್ಯಾತ್ನಿ ಮಾಜ಼ ಸಗ್ಳ ದಾನ ಸಾಠಿವ್ತೊ. 
\v 19 ಮಂಗ್ ಮಿ ಮಾಜಾ ಜಿ಼ವಾಲಾ ಮನ್ಹಿನ್ ಎ ಜಿ಼ವಾ ತುಲಾ ಖುಬ್ ವರ್ಸ ವ್ಹಯಿ ಜೊ಼ಗಾ ಮ್ಹಾಲ್ ಥೆವ್‍ಲ್ಯಾಲಾ ಹಾ; ಆರಾಮ್ ರ‍್ಹಾ; ಖಾ ಪೀ ಆನಂದ್ ಕರ್. 
\v 20 ಫನ್ ದೇವ್ ತ್ಯಲಾ ಮನ್ಲಾ ಆರ ಖುಳ್ಯಾ ಆಜ಼್ ರ‍್ಯಾಚಾ಼ ತುಜಾ಼ ಜೀವ್ ತುಜಿಪ್ನಿ ನಿಹ್ಯಾ ಯತಿಲ ತವಾ ತು ಕಮಿವ್‌ಲ್ಯಾಲ ಸಗ್ಳ ಕುನಾಚ಼ತರಿ ವ್ಹಯಿಲ್?
\p
\v 21 ಕೊನ್ ಆಪ್ಲಿ ಸಾಟಿ ಧನ್ ಕಮುವುನ್ ಥೆವ್ತೊ ತ್ಯೊ ದೇವಾಚೆ ನದ್ರಲಾ ಸಾವ್ಕೋರ್ ನವ್ಹ.
\s ದೇವಾವ ಇಸ್ವಾಸ್ ಥೆವ್
\r (ಮತ್ತಾಯ್ 6:25-34)
\p
\v 22 ತವಾ ಯೇಸು ಆಪ್‌ಲ್ಯಾ ಶಿಶಾನಾ ಮನ್ಲಾ. “ಮಿ ತುಮಾನಾ ಸಾಂಗ್ತೊ ಆಪ್ನು ಕ್ಯಾ ಖಾಯಾಚ ಆಸ ಆಪ್‌ಲ್ಯಾ ಜಿ಼ವಾಚಿ ನಾಹಿತ ಆಪ್ನು ಕ್ಯಾ ಗಾಲ್ಹಾವ ಆಶಿ ಕಪ್‌ಡ್ಯಾಂಚಿ ಕ್ಯಾಳ್ಜಿ ಕರುನಕೊಸಾ.
\p
\v 23 ಕಾ ಮಂಜೆ ಆನಾವ್ನಿ ಜೀವ್ ಆನಿ ಕಪ್‌ಡ್ಯಾವ್ನಿ ಧಡ್ ಮೊಟ ಹಾ 
\v 24 ಕಾವ್‍ಳ್ಯಾಂಚಾ಼ ಇಚಾರ್ ಕರಾ ತೆ ಪಿರಿತ್ ನಾಹಿತ, ಕಾಪಿತ್ ನಾಹಿತ ತ್ಯಂಚ಼ ಕಳಾಂಜ಼್ ಆನಿ ಟುಪ್ಲಿ ನಾಹಿತ ಫನ್ ದೇವ್ ತ್ಯನಾ ಬಾಳಕ್ತೊ ಪಾಕ್ರಾಂಚಿವ್ನಿ ತುಮಿ ಖುಬ್ ಕಿಮ್ತಿಚಿ ಹಾಸಾ!.
\p
\v 25 ತ್ಯಂಚಿ ಕ್ಯಾಳ್ಜಿ ಕರುನ್ ಆಪ್ಲಿ ವಯೆ ವಾಡ್ವಾಯಾ ತುಮ್ಚಾತ್ ಕುನಾಲಾ ವ್ಹನಾರ್? 
\v 26 ಮನ್ಹುನ್ ಯಗ್ದಮ್ ನ್ಹಾನ್ ಗ್ಯೊಶ್ಟ್ ದಿಖಿಲ್ ತುಮ್ಚಿಪ್ನಿ ವ್ಹಯಿತ್ ನಾಹಿ ತ ದಿಸರ‍್ಯಾ ಮೊಟ್ಯಾ ಗುಶ್ಟಿಚಿ ಕ್ಯಾಳ್ಜಿ ಕಾ ಕರೀತ್ ಬಸ್ತಾಸಾ? 
\v 27 ರಾನಾತ್ಲಿ ಫುಲ ಕಸಿ ವಾಡ್‍ತ್ಯಾತ ಹ್ಯಚಾ಼ ಇಚಾರ್ ಕರಾ; ತೀ ರಾಬತ್ ನಾಹಿತ ವವಿತ್ ನಾಹಿತ ತರಿ ಹ್ಯಾ ಫುಲ್ಲಾತ್‌ಲ್ಯಾ ಯಕಾ ಫುಲಾಲಾ ಆಸ್‍ಲ್ಯಾಲಿ ಸೊಬಾ ಸೊಲೊಮನ್ ರಾಜಾಲಾಬಿ ನವ್ಥಿ. 
\v 28 ಆರ ಇಸ್ವಾಸ್ ನಸ್‌ಲ್ಯಾಲ್ಯಾ ಲೋಕಾನು ರಾನಾತ್ಲ ಗವಾತ್ ಆಜ಼್ ಹಾ ಆನಿ ಸಕಾಳ್ ಜ಼ಳುನ್ ಜಾ಼ತ ತ್ಯಲಾ ದೇವ್ ಆಸಾ ಸುಬಿವ್ತೊ ತ ಹ್ಯಚಿವ್ನಿ ಖುಬ್ ತುಮಾನಾ ನಿಸ್ವಿಲ್,
\p
\v 29 ಕ್ಯಾ ಖಾಯಾಚ಼? ಕ್ಯಾ ಪಿಯಾಚ಼? ಹ್ಯಚೆ ಮಾಗ ಲಾಗು ನಕೊಸಾ ನಾಹಿತ್ ಮನಾತ್ ಯವಜು಼ನ್ ಗಿಹುನಕೊಸಾ. 
\v 30 ಹ್ಯಾ ಸಗ್‍ಳ್ಯಾ ಪರಪಂಚಾತ್ಲಿ ಲೊಕ ಖಟ್ಪಟ್ ಕರ್ತ್ಯಾತ ಫನ್ ತುಮಾನಾ ತ್ಯಚಿ ಗರಜ಼್ ಹಾ ಮನ್ಹು‍ನ್ ತುಮ್ಚಾ ಸ್ವರ್ಗಾತ್‍ಲ್ಯಾ ಬಾ ದೆವಾಲಾ ಠಾವ ಹಾ. 
\v 31 ಫನ್ ತುಮಿ ಆಂದಿ ತ್ಯಚ಼ ರಾಜೆ ಮೀಳ್ವಾಯಾ ಜ಼ಠಾ ಮಂಜೆ ತ್ಯಚೆ ಸಂಗ ಹ್ಯ ಸಗ್ಳ ತುಮಾನಾ ಮಿಳಲ್.
\s ಸ್ವರ್ಗಾತ್ಲಿ ಸಾವ್ಕರ್ಕಿ
\r (ಮತ್ತಾಯ್ 6:19-21)
\p
\v 32 ಯೇ ಬಾರಿಕ್ ಹಿಂಡಾ ಬಿಹುನಕೋಸ್ ಕಾ ಮಂಜೆ ತುಮಾನಾ ತ್ಯ ರಾಜೆ ದಿಯಾ ತುಮ್ಚಾ ಸ್ವರ್ಗಾತ್‍ಲ್ಯಾ ಬಾ ದೇವಾಲಾ ಮನ್ ಹಾ. 
\v 33 ತುಮಚ಼ ಕ್ಯಾ ಹಾ ತ್ಯ ಇಕುನ್ ಗರಿಬಾನಾ ದಾನ್ ಧರ್ಮ ಕರಾ ತಸಸ್ ಸ್ವರ್ಗಾತ್ ಫಾಟುನ್ ಜಾ಼ಯಿ ನಸ್‍ಲ್ಯಾಲ್ಯಾ ಪಿಸವ್ಯಾ ಪುಸುನ್ ಜಾ಼ಯಿ ನಸ್‍ಲ್ಯಾಲಿ ಆಸ್ಥಿ ಕರಾ ತಿಥ ಚೊ಼ರ್ ಯಯಿತ್ ನಾಹಿ ಕಸರ್ ಲಾಗತ್ ನಾಹಿ. 
\v 34 ಕಾ ಮಂಜೆ ಕುಠ ತುಮಚ಼ ಧನ್ ತಿಥ ತುಮಚ಼ ಮನ್ ಹಾ.
\s ಜಾ಼ಗ್ರುತ್ ರಾಥ್ಯಾಲ್ಯಾ ಸೇವಕಾಚಿ ಕ್ಯಾಯ್ನಿ
\r (ಮತ್ತಾಯ್ 24:42-44)
\p
\v 35 ತುಮಚ಼ ಕಪ್ಡ ಗಾಲ್ಹುನ್ ದಿವ ಲಾವುನ್ ತಯಾರ್ ರಾವ್ಹಾ. 
\v 36 ದನ್ಹಿ ಲಗನಾವ್ನಿ ಯವುನ್ ದಾರ್ ವಾಜಿವ್ತೊ ತವಾಸ್ ತುಮಿ ತ್ಯಚಿ ಸಾಟಿ ಉಗಡಾಯಾ ವ್ಹಯಿ ಮನ್ಹುನ್ ತ್ಯೊ ಯಯಾಚಿ ವಾಟ್ ಬಗ್‌ತ್ಯಾಲ್ಯಾ ಸೇವಕಾಚೆಗತ್ ತುಮಿ ರಾವ್ಹಾ. 
\v 37 ದನ್ಹಿ ಆಲ್ಯಾವ ಕಚಾ ಚಾ಼ಕೊರ್ ಜಾ಼ಗಾ ಆಸ್‌ಲ್ಯಾಲಾ ದೀಸಲ್ ತ್ಯೊ ಬರಾ; ಮಿ ತುಮಾನಾ ಖರ‍್ಯಾನಿ ಸಾಂಗ್ತೊ; ತ್ಯೊಸ್ ಆಪ್ನು ತ್ಯನಾ ಜೆವಾಯಾ ಬಸ್ವಿಲ್ ಆನಿ ಆಪ್ಲಿ ಆಂಗಿ ಕಾಡುನ್ ತ್ಯಂಚಿ ಸೇವಾ ಕರಿಲ್.
\p
\v 38 ತೇ ಆಳ್ ಆಪ್ಲಾ ದನ್ಹಿ ಮದ್ಲೆ ರಾತಿಚಾ಼ ಖುಬ್ ಯೊಳ್ ಕರುನ್ ಯಯಿಲ್ ತವಾ ತ್ಯಲಾ ಜಾ಼ಗಾ ದೀಸಲ್ ತ ತ್ಯಲಾ ಕ್ಯವ್ಡಾ ಆನಂದ್ ವ್ಹನಾರ್. 
\v 39 ಆನಿ ಹ್ಯ ಲಕ್ಶೆತ್ ಗೆವಾ, ಆಮ್ಕೆ ಗಟ್ಕಲಾ ಚೊ಼ರ್ ಯಯಿಲ್ ಹ್ಯ ಗರ‍್ಹಾಚಾ ದನ್ಯಾಲಾ ಸಮಾಜ಼್ಲ ಆಸ್ಥತ ತ್ಯೊ ಜಾ಼ಗಾ ರಾಹುನ್ ಆಪ್ಲ ಘರ್ ಚು಼ರು ದಿಲ ನಸ್ತ. 
\v 40 ತಸಸ್ ತುಮಿ ಸಾಹಿತ್ ತಯಾರ್ ರಾವ್ಹಾ ಕಾ ಮಂಜೆ ತುಮಿ ಯವ್ಜಿ ನಸ್‍ಲ್ಯಾಲೆ ಗಟ್ಕಲಾ ಮಾನ್ಸಾಚಾ಼ ಲ್ಯೊಕ್ ಯಯಿಲ್.
\s ಇಸ್ವಾಸ್ ಆಸ್‌ಲ್ಯಾಲಾ ಇಸ್ವಾಸ್ ನಸ್‌ಲ್ಯಾಲಾ ಚಾ಼ಕೊರ್
\r (ಮತ್ತಾಯ್ 24:45-51)
\p
\v 41 ತವಾ ಪೇತ್ರ ಮನ್ಲಾ, “ಪ್ರಭು ಹಿ ವಳಕ್ ತು ಆಮಾನಾ ತ್ಯವ್ಡಿಸ್ ಸಾಂಗ್‌ತ್ಯೊಸ್? ಕ್ಯಾ ಸಗ್‌ಳ್ಯಾನಾ ಸಾಂಗ್ತೊಸ್?
\p
\v 42 ತವಾ ಪ್ರಭು ಮನ್ಲಾ, “ದನ್ಹಿ ಆಪ್‌ಲ್ಯಾ ಕುಟ್ಮಾಲಾ ಶಾರ್‌ಕ್ಯಾ ಯಳಾಲಾ ಸಾಮಾನ್ ತಯಾರ್ ಕರುನ್ ದಿಯಾಲಾ ಕುನಾಲಾ ಥರ್ವಿಲ್ ಆಸ ಇಸ್ವಾಸಾಚಾ಼ ಆನಿ ಶಾನಾ ಗರ‍್ಹಾತ್ಲಾ ಕಾಮಾಚಾ಼ ಮಾನುಸ್ ಕೊನ್? 
\v 43 ತ್ಯಚಾ಼ ದನ್ಹಿ ಮಾಗಾರಾ ಯಯಿಲ್ ತವಾ ತ್ಯೊ ಆಳ್ ತಸ ಕರ್ತ್ಯಾಲಾ ದಿಸಲ್ ತವಾ ತ್ಯಾ ಆಳಾಲಾ ಖುಬ್ ಬರ ವಾಟ್ನಾರ್” 
\v 44 ಮಿ ತುಮಾನಾ ಖರ ಸಾಂಗ್ತೊ, ತ್ಯಲಾ ದನ್ಹಿ ಆಪ್‌ಲ್ಯಾ ಸಗ್‌ಳ್ಯಾವ ಅಧಿಕಾರ್ ದಿಯಿಲ್. 
\v 45 ಫನ್ ಆಪ್ಲಾ ದನ್ಹಿ ಯಯಾ ಉಸಿರ್ ಹಾ ಆಸ ಆಪ್‌ಲ್ಯಾ ಮನಾತ್ ಮನ್ಹುನ್ ಕಚಾ಼ ಆಳ್ ಚಾ಼ಕ್ರಾಲಾ ಆನಿ ಚಾ಼ಕ್ರಿನಿಲಾ ಮಾರ್‌ಜೊ಼ಡ್ ಕರ್ತೊ ಆನಿ ಖಾವುನ್ ಪಿವುನ್ ನಿಸೇತ್ ರಾಹಿಲ್. 
\v 46 ಆನಿ ತ್ಯಾ ಆಳಾಲಾ ಠಾವಿ ನಸ್‌ಲ್ಯಾಲೆ ಗಟ್ಕಲಾ ತ್ಯಚಾ಼ ದನ್ಹಿ ಯವುನ್ ತ್ಯಲಾ ಶಿಕ್ಶಾದಿವುನ್ ಇಸ್ವಾಸ್ ನಸ್‌ಲ್ಯಾಲ್ಯಾ ಲೊಕಾಂಚೆ ಸಂಗ ಗ್ಯಾಲ್ನಾರ್. 
\v 47 ಆಪ್‌ಲ್ಯಾ ದನ್ಯಾಚಿ ಇಚಾ ಕ್ಯಾ ಮನ್ಹುನ್ ಠಾವಿ ಆಸುನ್ ತ್ಯಾ ಆಳಾನಿ ತಯಾರ್ ಕಿಲಿ ನಾಹಿ ಮಂಜೆ. ತ್ಯಚಾ ಮನಾಶಾರ್ಕ ಕೇಲನಾಹಿ ತ್ಯಲಾ ಖುಬ್ ತಡಾಕ ಮ್ಯಾರ್ಲ. 
\v 48 ದನ್‌ಹ್ಯಾಪ್ನಿ ತಡಾಕ ಗಿಹ್ಯಾಚ಼ ಬರ ಫನ್ ಕಚಾನಿ ತಡಾಕ ಗಿಹಿ ಜೊ಼ಗ ಕಾಮ್ ಠಾವ ನಸ್ಥಾನಾ ಕೆಲ್ಯಾ ತ್ಯಲಾ ಥೊಡ ಮಿಳ್ತಿಲ ಜೆ ಕಚಾಲಾ ಖುಬ್ ದಿಲ್ಯಾಲ ಹಾ ತ್ಯಚಿಪ್ನಿ ಖುಬ್ ಗೆನಾರ್ ಆನಿ ಕಚಾಪ ಖುಬ್ ಜವಾಬ್ದಾರಿ ದಿಲ್ಯಾಲಿ ಹಾ ತ್ಯಚಿಪ್ನಿ ಆನಿ ಖುಬ್ ಮಾಗ್ನಾರ್.
\s ದುಯಿಲಾ ಯೇಸು ಕಾರನ್
\r (ಮತ್ತಾಯ್ 10:34-36)
\p
\v 49 “ಮಿ ದರ್ಥಿವ ಆಗ್ ಪೆಟ್ವಾಯಾ ಆಲ್ಯೊ ತೀ ಹ್ಯಚೆ ಆಂದಿ ಪೆಟ್ಲೆ ಮಂಥೊ! 
\v 50 ಮನಾ ದುಸ್ರೆ ತರನಿ ಬಾಪ್ತಿಸ್ಮಾ ವ್ಹಯಾಚಿ ಹಾ ತಿ ವ್ಹಯಿಸ್ ಪರ‍್ಯಾತ್ ಮಿ ಮೊಟ್ಯಾ ಪೆಚಾಟಾತ್ ಹಾ.
\p
\v 51 “ಮಿ ದರ್ಥಿವ ಶಾಂತ್ ಕರನ್ಯಾಸ್ ಆಲ್ಯೊ ಆಸ ತುಮಾನಾ ವಾಟ್ಯಾ ಕ್ಯಾ? ನಾಹಿ ಮಿ ದುಯಿ ಗಾಲಾಯಾ ಆಲ್ಯೊ” ಮನ್ಹುನ್ ಮಿ ತುಮಾನಾ ಸಾಂಗ್ತೊ. 
\v 52 ಆತಾಚಾನ್ ಯಕಾ ಗರ‍್ಹಾತಲ್ಯಾ ಪಾಚ಼್ ಜ಼ನಾತ್ ದೊಗಾಂಚೆ ಆಡ್ವ ತಿಗ ಆನಿ ತಿಗಾಂಚೆ ಆಡ್ವ ದೊಗ ಆಸಿ ದುಯಿ ಪಡಲ್.
\q1
\v 53 ಲೇಕಾಚೆ ಆಡ್ವಾವ ಬಾ ಆನಿ
\q2 ಬಾಚೆ ಆಡ್ವಾ ಲ್ಯೊಕ್
\q2 ಲೀಕಿಚೆ ಆಡ್ವಿ ಆಯಿ
\q1 ಆನಿ ಆಯಿಚೆ ಆಡ್ವಿ ಲೇಕ್
\q2 ಸುನಚೆ ಆಡ್ವಿ ಸಾಸೊ ಆನಿ
\q2 ಸಾಸೊಚೆ ಆಡ್ವಿ ಸುನ್ ಆಸಿ ದುಯಿ ಪಡಲ್.
\s ಯೊಳ್ ಸಮಜಾ಼ಚಾ಼
\r (ಮತ್ತಾಯ್ 16:2-3)
\p
\v 54 ಆನಿ ಯೇಸು ಲೊಕಾನಾ ಮನ್ಲಾ, “ತುಮಿ ಢಗ್ ಪಶ್ಚಿಮಾತ್ನಿ ವರ್ ಯತ್ಯಾಲಾ ಬಗ್ತಾಸಾ ತವಾಸ್ ತುಮಿ ಪಾವುಸ್ ಯತ್ಯೊ ಮಂಥಾಸಾ ಆನಿ ತಸಸ್ ವ್ಹತ್ತ 
\v 55 ದಕ್ಶಿನಾತ್ನಿ ವಾರ ಸುಟ್ಟ ತವಾ ಗರ್ಮಿ ವ್ಹನಾರ್ ಆಸ ತುಮಿ ಮನ್ಥಾಸಾ ಆನಿ ತಸ್ಸಸ್ ವ್ಹತ್ತ. 
\v 56 ಆರ ಕುಸಡ್ಯಾನು ತುಮಾನಾ ಅಬ್ಳಾತ್ಲ ಆನಿ ದರ್ಥಿವ್ಲ ಹವಾಮಾನ್ ಸಮಾಸ್ತ ಆನಿ ಹ್ಯಾ ಯಳಾಚಾ಼ ಅರ್ಥ ಫುಡುನ್ ಸಾಂಗಾಯಾ ತುಮಾನಾ ಕಾ ಠಾವಾ ನಾಹಿ?
\s ಯಕಿ ವ್ಹಯಾಚ಼
\r (ಮತ್ತಾಯ್ 5:25-26)
\p
\v 57 ಚಾ಼ಂಗ್ಲ ಕರಾಯಾ ತುಮಾನಾ ತುಮಿಸ್ ಕಾ ಪರಿಕ್ಶೆ ಕರುನ್ ಗಿಹಿತ್ನಾಹಿಸಾ? 
\v 58 ತು ತುಜಾ ವಾದಿ ಸಂಗ ಮೊಟ್ಯಾ ಮಾನ್ಸಾಪ ಜಾ಼ತಾನಾ ವಾಟತುಸ್ ತ್ಯಂಚಿ ಸಂಗ ಯಕಿ ವ್ಹಯಾ ಯತ್ನ ಕರ್; ನಾಹಿತ ತ್ಯೊ ತುಲಾ ನ್ಯಾಯಿ ಕರ್ತ್ಯಾಲ್ಯಾಪ ವಡುನ್ ನಿಹಿಲ್; ಆನಿ ನ್ಯಾಯಿ ಕರ್ತ್ಯಾಲಾ ತುಲಾ ಪೊಲ್ಸಾಚಾ ಹತಾತ್ ದೆನಾರ್ ಆನಿ ತೇ ಕುಂಡುನ್ ಗ್ಯಾಲತಿಲ. 
\v 59 ತು ತುಜಿ ಸೆವಟ್ಚಿ ದಮಡಿ ಫಿಡಿ ಪರೆತ್ ತು ತಿತ್ನಿ ಬಾಹಿರ್ ಯಯಾ ವ್ಹಯಿತ್ನಾಹಿ ಮನ್ಹುನ್ ತುಲಾ ಡಾಚು಼ನ್ ಸಾಂಗ್ತೊ.
\c 13
\s ಪಶ್ಚಾತಾಪ್ ಪಡಾ ನಾಹಿತ ಮರಾ
\p
\v 1 ತ್ಯಾ ಯಳಾತ್ ತಿಥ ಆಸ್‍ಲ್ಯಾಲಿ ಥುಡಿ ಲೊಕ ಯವುನ್ ಪಿಲಾತಾನಿ ಗಲಿಲಾಯಾ ಕರಾಂಚ಼ ರಗಾತ್ ತ್ಯಂಚಾನಿ ಅರ್ಪನ್ ಕೆಲ್ಯಾಲ್ಯಾ ಯಜ್ಞಾತ್ ಮಿಸಳ್ಯಾ ಮನ್ಹುನ್ ಯೇಸುಲಾ ಕಳಿವ್ಲ. 
\v 2 ಮಂಗ್ ಯೇಸುನಿ ತ್ಯನಾ ಸಾಂಗ್ಲ ಗಲಿಲಾಯಾತ್ ಮ್ಯಾರ್ಲ್ಯಾಲಿ ದಿಸ್ರಿ ಖುಬ್ ಪಾಪಿ ಮನ್ಹುನ್ ತುಮಿ ಸಮಜು಼ನ್ ಗೆಥಾಸ ಕ್ಯಾ? 
\v 3 ತಸ ಸಮಜು಼ನಕೋಸಾ ಜ಼ರ್ ತುಮಿ ಪಶ್ಚಾತಾಪಾನಿ ದೇವಾಕ್ಡ ಪರಾತ್ಲಾ ನಾಹಿಸಾ ತ ತುಮಚಾ಼ ಸಗ್‌ಳ್ಯಾಂಚಾ಼ ತ್ಯಂಚಿಗತ್ ನಾಸ್ ವ್ಹನಾರ್! 
\v 4 ತ್ಯಾ ಆಟ್ರಾ ಜ಼ನಾವ ಶಿಲೊಹಾತ್ಲಾ ಬುರುಜ್ ಪಡ್ಲಾ ಆನಿ ತೇ ಠಾರ್ ಮೆಲ ತೆ ಯೆರುಸಲೇಮಿತ್ ರಾಥ್ಯಾಲ್ಯಾ ಸಗ್‌ಳ್ಯಾ ಲೊಕಾಂಚಿವ್ನಿ ಅದಿಕ್ ಅಪರಾದಿ ಹುತ್ತ ಆಸ ತುಮಾನಾ ವಾಟ ಕ್ಯಾ? 
\v 5 ಮಿ ತುಮಾನಾ ಸಾಂಗ್ತೊ, ತಸ ನವ್ಥ ಫನ್ ಜ಼ರ್ ತುಮಿ ತುಮ್ಚಾ ಪಾಪಾತ್ನಿ ಪರಾತ್ಲಾ ನಾಹಿಸಾತ ತುಮ್ಚಾ ಸಗ್‌ಳ್ಯಾಂಚಾ಼ ತ್ಯಂಚಿಗತ್ ನಾಸ್ ವ್ಹನಾರ್!” ಮನ್ಲಾ.
\s ಫಳ್ ದಿಯಿತ್ ನಸ್‌ಲ್ಯಾಲ್ಯಾ ಅಂಜು಼ರಾಚಾ ಜಾ಼ಢಾಚಿ ಕ್ಯಾಯ್ನಿ
\p
\v 6 ಯೇಸುನಿ ಹಿ ಕ್ಯಾಯ್ನಿ ಸಾಂಗ್ಲಿ: “ಯಕಾ ಮಾನ್ಸಾನಿ ಆಪ್‌ಲ್ಯಾ ದರಾಕ್ಶಿಚಾ ಮಳ್ಯಾತ್ ಅಂಜು಼ರಾಚ಼ ಜಾ಼ಡ್ ಲ್ಯಾವ್ಲ ಹುತ್ತ. ತ್ಯಲಾ ತ್ಯೊ ಯಂಗ್ದಾ ಫಳ್ ಬಗಾಯಾ ಆಲಾ ಖರ ತ್ಯಲಾ ಕಾಯ್ ದಿಸ್ಲ ನಾಹಿ. 
\v 7 ತವಾ ತ್ಯನಿ ಕಾಮ್ಯಾರ‍್ಯಾಲಾ ಹಾಕ್ಟುನ್ ಬಗ್ ಮಿ ಹ್ಯ ಝ಼ಾಡ್ ಫಳ್ ದಿಯಿಲ್ ಮನ್ಹುನ್ ತೀನ್ ವರ್ಸಾ ಠಾವ್ನಿ ಯತ್ಯೊ ಫನ್ ಕಾಯ್ ಗಾವ್ಲ ನಾಹಿ ತ್ಯ ತುಡುನ್ ಟ್ಯಾಕ್ ಉಗಸ್ ತ್ಯನಿ ಜಾ಼ಗಾತರಿ ಕಾ ಆಡ್ಯಾವಾಚಾ಼? ಮನ್ಲಾ. 
\v 8 ತವಾ ತ್ಯೊ ಕಾಮ್ಯಾರಾ, “ಧನ್ಯಾ ಯವ್ಡ ವರಿಸ್ ತ್ಯ ರಾಹು‍ನಿ ಮಂಜೆ ಮಿ ತ್ಯಚೆ ಬೌತ ಖಾಂದುನ್ ಖತ್ ಗ್ಯಾಲ್ಥೊ; 
\v 9 ತವಾ ಮೊರ್ಲ್ಯಾ ವರ್ಸಾತ್ ಆಂಜು಼ರಾಚ಼ ಫಳ್ ಆಲ ತ ಬರ, ನಾಹಿತ ಮಿ ತ್ಯಲಾ ತುಡುನ್ ಟ್ಯಾಕ್ತೊ” ಮನ್ಲಾ.
\s ಸಬ್ಬತಾ ದಿಸಿ ಯೇಸುಪ್ನಿ ಬರಿ ಜಾ಼ಲ್ಯಾಲಿ ಬ್ಯಾಯ್ಕಾ ಮಾನುಸ್
\p
\v 10 ಯೇಸು ಸಬ್ಬತ್ ದಿಸಾದಿಸಿ ಯಕಾ ಸಭಾಸ್ಥಾನಾತ್ ಸಿಕ್ವಿತ್ ಹುತ್ತಾ.
\p
\v 11 ಆಟ್ರಾ ವರ್ಸಾ ದ್ನರಿ ಬರ್ಶಾ ಆತ್‌ಮ್ಯಾನಿ ಕಂಬಾರ್ ವಾಕುನ್ ಸೀಕ್ ಪಡ್‌ಲ್ಯಾಲಿ ಯೇಕ್ ಬಾಯಿಲ್ ಮಾನುಸ್ ಹುತ್ತಿ. 
\v 12 ಯೇಸುನಿ ತಿಲಾ ಬಗುನ್ ಹಾಕ್ಟುನ್ “ಬಾಯಿ ತು ತುಜಾ ರೊಗಾತ್ನಿ ಸುಟ್ಕಿ ಜಾ಼ಲಿಸ್” ಮನ್ಲಾ. 
\v 13 ಯೇಸುನಿ ತಿಚಿವರ್ ಹಾತ್ ಥೆವ್ತಾನಾಸ್ ತಿ ನಿಟ್ ಜಾ಼ಲಿ ಆನಿ ದೇವಾಚಿ ಮೈಮಾ ಗಾವಾಲಾಗ್ಲಿ.
\p
\v 14 ಯೇಸುನಿ ಸಬ್ಬತಾ ದಿಸಿ ರೊಗ್ ಬರಾ ಕೆಲಾ ಮನ್ಹುನ್ ಸಬಾಮಂದಿರಾತ್ಲಾ ಅಧಿಕಾರಿ ರಾಗ್ ಕರುನ್ ಲೊಕ್ ಸಮುದಾಯಾಲಾ ಮನ್ಲಾ, “ವ್ಹಯಿತ್ಯ ಕಾಮ್ ಕರಾಯಾ ಸಾ ದೀಸ್ ಹಾತ್ತ ತವಾ ತ್ಯಾ ದಿಸಾತ್ ಯವುನ್ ಬರ ವ್ಹವುನ್ ಜಾ಼ವಾ ಸಬ್ಬತಾ ದಿಸಿ ತ್ಯವ್ಡ ನಕೊ.
\p
\v 15 ಫನ್ ಯೇಸು ತ್ಯಲಾ ಮನ್ಲಾ, “ಕುಸಡ್ಯಾನು ತುಮ್ಚಾತ್ಲಾ ಪರ್ತೇಕ್ ಜಾ಼ನ್ ಆಪ್ಲಾ ಬೈಲ್ ಕಿವಾ ಗಾಡಾವ್ ಸಬ್ಬತಾ ದಿಸಿ ಗೊಟ್ಯಾತ್ನಿ ಸುಡುನ್ ಪಾನ್ಯಾತ್ ನೆಥ್ಯಾತ ನವ್ಹ? 
\v 16 ಹಿ ಬಾಯಿ ಅಬ್ರಹಾಮಾಚಾ ವಂಶಾತ್ಲಿ ಹಿಲಾ ಸೈತಾನಾನಿ ಆಟ್ರಾ ವರ್ಸ ಬಾಂದುನ್ ಥಿವ್ಲಿಹುತ್ತಿ ಸಬ್ಬತಾ ದಿಸಿ ಹಿಲಾ ಹ್ಯಾ ಬಾಂದಾನಾತ್ನಿ ಶೊಡ್‌ಲ್ಯಾಲ ಬರ ನವ್ಹ ಕ್ಯಾ? 
\v 17 ತ್ಯೊ ಹ್ಯ ಬೊಲ್ತಾನಾ ತ್ಯಚ಼ ಸಗ್ಳ ವಾದಿ ಫಸ್ಲ ಆನಿ ತ್ಯನಿ ತಿಥ ಚಮತ್ಕಾರಿಚಿ ಕಾಮ ಕಿಲಿತ ತವಾ ಸಗ್‌ಳ್ಯಾನಾ ಆನಂದ್ ಜಾ಼ಲಾ ಹುತ್ತಾ.
\s ಮೌರಿಚಿ ಕ್ಯಾಯ್ನಿ
\r (ಮತ್ತಾಯ್ 13:31-32; ಮಾರ್ಕ್ 4:30-32)
\p
\v 18 ಯೇಸು ಕ್ಯಾ ಮನ್ಲಾ ಮಂಜೆ “ದೇವಾಚ಼ ರಾಜೆ ಕಶಾ ಶಾರ್ಕ ಹಾ? ಮಿ ತ್ಯಲಾ ಕಶಾಚಿ ಉದಾರನ್ ದಿವು? 
\v 19 ದೇವಾಚ಼ ರಾಜೆ ಮೌರಿಚಾ ದಾನ್ಯಾ ಶಾರ್ಕ ಹಾ. ತ್ಯ ಯಕಾ ಮಾನ್ಸಾನಿ ಗಿಹುನ್ ಆಪ್‌ಲ್ಯಾ ಶೆತಾತ್ ಪೇರ್ಲ ತ್ಯ ಉಗವುನ್ ಮೊಟಾ ಡಾಳ್ಹಾ ಜಾ಼ಲ್ಹಾ. ಆನಿ ಆಬ್ಳಾತ್ಲಿ ಪಾಕ್ರ ತ್ಯಚಾ ಖಾಂಡ್ಯಾವ್ನಿ ಕುಟಿ ಕರುನ್ ರಾಹ್ಯಾ ಲಾಗ್ಲಿತ.
\s ಅಂಬಾಟ್ ಫಿಟಾಚಿ ಕ್ಯಾಯ್ನಿ
\r (ಮತ್ತಾಯ್ 13:33)
\p
\v 20 ತ್ಯೊ ಆನಿಕ್ ಮನ್ಲಾ, ಮಿ ದೇವಾಚಾ ರಾಜಾಲಾ ಕ್ಯಾ ಉದಾರನ್ ದಿವು? 
\v 21 ತ್ಯ ಅಂಬಾಟ್ ಫಿಠಾಚೆಗತ್ ಹಾ, ತ್ಯ ಯಕ ಬಾಯಿಲ್ ಮಾನ್ಸಾನಿ ಗಿಹುನ್ ತೀನ್ ಶೇರ್ ಪಿಠಾತ್ ಮಿಸಳ್ಳ ನಂತರ್ ತ್ಯ ಸಗ್ಳ ಪೀಟ್ ಫುಗ್ಲ.
\s ಬ್ಯಾರ್ಕ ದಾರ್
\r (ಮತ್ತಾಯ್ 7:13-14; 21:23)
\p
\v 22 ಯೇಸು ಗಾವಾ ಗಾವಾನಿ ಖೆಡ್ಯಾ ಖೆಡ್ಯಾನಿ ಶಿಕ್ಶನ್ ದಿಯಿತ್ ಯೆರುಸಲೇಮಿಕ್ಡ ಜಾ಼ಯಿತಾ.
\p
\v 23 ತವಾ ಯಕ್ಲಾ ಯೇಸುಲಾ “ಪ್ರಭು ರಕ್ಷನ್ ವ್ಹಯಾಚಿ ಆಸ್‌ಲ್ಯಾಲಿ ಥೂಡಿಸ್ ಲೊಕ ಹಾತ್ತ ಕ್ಯಾ? ಮನ್ಲಾ. 
\v 24 ಯೇಸು ತ್ಯಲಾ ಮನ್ಲಾ, “ಆವಳ್ ದಾರಾನಿ ಆತ್ ಜಾ಼ಯಾಲಾ ಯತ್ನ ಕರಾ, ಕಾ ಮಂಜೆ ಮಿ ತುಮಾನಾ ಸಾಂಗ್ತೊ ಖುಬ್ ಲೊಕ ಆತ್ ಜಾ಼ಯಾಲಾ ಬಗ್ತಿಲ ಫನ್ ತ್ಯನಾ ಜಾ಼ಯಾ ವ್ಹನಾರ್ ನಾಹಿ. 
\v 25 ಗರ‍್ಹಾಚಾ ದನ್‌ಹ್ಯಾನಿ ಉಠುನ್ ದಾರ್ ಜಾಕಲ್ಯಾ ನಂತರ್ ತುಮಿ ಬಾಹಿರ್ ಉಬಿ ರಾಹುನ್ ದಾರ್ ಬಡವಿತ್, “ಪ್ರಭು ಆಮ್ಚಿ ಸಾಟಿ ದಾರ್ ಉಗಡ್ ಮನ್ಸಿಲಾ ತವಾ ತ್ಯೊ ತುಮಾನಾ ತುಮಿ ಕೊನ್ ತ್ಯ ಮನಾ ಠಾವಿ ನಾಹಿಸಾ” ಮನ್ಹುನ್ ಉತ್ತರ್ ದಿಯಿಲ್.
\p
\v 26 ತವಾ ತುಮಿ ಮನ್ಹಾಯಾ ಲಾಗ್ಸಿಲಾ, “ಆಮಿ ತುಜಿ ಸಂಗ ಖಾನ ಪಿನ ಕೆಲ್ಯಾ ಆನಿ ತು ಆಮ್ಚಾ ಗಾವಾತ್ ಶಿಕ್ಶನ್ ದಿಲಸ್. 
\v 27 ಫನ್ ತ್ಯೊ ಮನ್ಹಿಲ್, “ಮಿ ತುಮಾನಾ ಸಾಂಗ್ತೊ ತುಮಿ ಕೊನ್ ಕುಟ್ಲಿ ಹಾಸಾ ಹ್ಯ ಮನಾ ಠಾವ ನಾಹಿ ತುಮಿ ಬುರ್ಸಿ ಲೊಕ ಮಾಜಿಪ್ನಿ ದುರ್ ಜಾ಼ವಾ.
\p
\v 28 ತುಮಿ ದೇವಾಚಾ ರಾಜಾತ್ನಿ ಬಾಹಿರ್ ಗಾಲ್ಹುನ್ ಅಬ್ರಹಾಮ್, ಇಸಾಕ್, ಯಾಕೊಬ್, ಆನಿ ಸಗ್‌ಳ್ಯಾ ಪ್ರವಾದಿನಾ ದೇವಾಚಾ ರಾಜಾತ್ ಆಸ್‌ಲ್ಯಾಲಿ ಬಗ್ಸಿಲಾ ತುಮಾನಾ ಬಾಹಿರ್ ಗ್ಯಾಲ್ನಾರ್ ತವಾ ತಿಥ ರಡ್ನಾರ್ ಆನಿ ದಾತ್ ಖಾನಾರ್ ಮನ್ಲಾ. 
\v 29 ಪೂರ್ವಾಕ್ನಿ ಪಶ್ಚಿಮಾಕ್ನಿ ಆನಿ ಉತ್ತರಾಕ್ನಿ ದಕ್ಶಿನಾಕ್ನಿ ಲೊಕ ಯವುನ್ ದೇವಾಚಾ ರಾಜಾತ್ ಜೆವಾನ್ ಖಾಯಾಲಾ ಬಸ್ತಿಲ. 
\v 30 ಆನಿ ಬಗಾ ಪೈಲಿ ಆಸ್‌ಲ್ಯಾಲಿ ಥುಡಿಜನ ಸೆವಟ್ಚಿ ವ್ಹನಾರ್ ಆನಿ ಸೆವಟ್ಚಿ ಜಾ಼ಲ್ಯಾಲಿ ಥುಡಿಜನ ಪೈಲಿ ವ್ಹನಾರ್ ಮನ್ಲಾ.
\s ಯೇರುಸಲೇಮಾಸಾಟಿ ಯೇಸುಚಿ ಮಾಯಾ
\r (ಮತ್ತಾಯ್ 23:37-39)
\p
\v 31 ತೆ ಗಟ್ಕಲಾ ಥೊಡ ಫರಿಸಾಯ್ ಯೇಸುಪ ಯವುನ್ ಮನ್ಲ, “ಹಿತ್ನಿ ನಿಗುನ್ ಜಾ಼ ಕಾ ಮಂಜೆ ಹೆರೊದ್ ತುಲಾ ಜಿ಼ವಾನಿ ಮಾರಾಯಾ ಬಗತ್ಯಾಲಾ ಹಾ. ” 
\v 32 ಯೇಸು ತ್ಯನಾ ಮನ್ಲಾ, “ತ್ಯಾ ಕೊಲ್ಯಾಲಾ ಜಾ಼ವುನ್ ಸಾಂಗಾ ಬಗಾ ಮಿ ಆಜ಼್ ಆನಿ ಸಕಾಳ್ ಭುಥ ಕ್ಯಾಡ್ತೊ ರೊಗ್ ಬರಾಕರ್ತೊ ಆನಿ ತಿನ್ವೆ ದಿಸಿ ಮಿ ಸಗ್ಳ ಸಪಿವ್ತೊ, 
\v 33 ತರಿ ಮಿ ಆಜ಼್ ಸಕಾಳ್ ನಾಹಿತ ಪರ್ವಾದಿಸಿ ಮೊರ‍್ಹ ಜಾ಼ಯಾ ಪಾಯ್ಜೆ ಕಾ ಮಂಜೆ ಯೆರುಸಲೇಮಿಚೆ ಬಾಹಿರ್ ಪ್ರವಾದಿಚಾ಼ ನಾಸ್ ವ್ಹನಾರ್.
\p
\v 34 ಯೆರುಸಲೇಮೆ, ಯೇರುಸಲೇಮೆ ಪ್ರವಾದಿಚಾ಼ ಘಾತ್ ಕರ್ನಾರೆ ಆನಿ ತುಜಿಪ ಲಾವುನ್ ದಿಲ್ಯಾಲ್ಯಾನಾ ದೊಂಢ ಮಾರ್ನಾರೆ! ಕುಂಬ್ಡಿ ಕಸಿ ಆಪ್ಲಿ ಪಿಲಿ ಪಖಾ ಖಾಲ್ ಯಕಿಕ್ಡ ಕರೀತ್ ಆಸ್ಥಿ ತಸ ತುಜಾ ಮುಲಾ ಬಾಳಾನಾ ಯಕಿಕ್ಡ ಕರಾಚಿ ಖುಬ್ ಮಾಜಿ ಇಚ್ಚಾ ವ್ಹತ್ತಿ ಫನ್ ತುಮ್ಚಿ ಇಚ್ಚಾ ನವ್ಥಿ! 
\v 35 ಬಗಾ ತುಮಚ಼ ಘರ್ ಮೊಕ್ಳ ವ್ಹನಾರ್ ಮಿ ತುಮಾನಾ ಸಾಂಗ್ತೊ ಪ್ರಬುಚಾ ನಾವಾನಿ ಯನಾರ‍್ಯಾಲಾ ಧನ್ಯವಾದ್ ವ್ಹವುನಿ ಆಸ ತುಮಿ ಮನ್ಹಿಸ್ ಪರ‍್ಯಾತ್ ಮಿ ತುಮ್ಚೆ ನದ್ರಲಾ ಪಡ್ನಾರ್ ನಾಹಿ. ಮನ್ಲಾ.
\c 14
\s ಯೇಸುನಿ ಯಕಾ ರೊಗಿಲಾ ಬರ ಕೆಲ್ಯಾಲ
\p
\v 1 ಯೇಸು ಯಕಾ ಸಬ್ಬತ್ ದಿಸಾದಿಸಿ ಪರಿಸಾಯಾತ್‌ಲ್ಯಾ ಯಕಾ ಅಧಿಕಾರಿಚಾ ಗರ‍್ಹಾತ್ ಜೆವ್ನಾಲಾ ಗೆಲಾ ತವಾ ಥುಡಿ ಲೊಕ ಯೇಸುಚೆ ಪಾಳತಿವ ಬಸ್ಲಿ ಹುತಿತ. 
\v 2 ಆನಿ ಹಾತ್ ಪ್ಯಾ ಸುಜ್‌ಲ್ಯಾಲಾ ಮಾನುಸ್ ಯೇಸುಚೆ ಮೊರ‍್ಹ ಹುತ್ತಾ. 
\v 3 ಯೇಸುನಿ ಶಾಸ್ತ್ರಿನಾ ಆನಿ ಫರಿಸಾಯಾನಾ ಸಬ್ಬತಾ ದಿಸಿ ರೊಗ್ ಬರಾ ಕರಾಚಾ಼ ಯೊಗ್ಯ ಕ್ಯಾ ನಾಹಿ? ಮನ್ಹುನ್ ಇಚಾರ್ಲ.
\p
\v 4 ತವಾ ತೇ ಗಪ್ ರಾಹಿಲ ಮಂಗ್ ಯೇಸುನಿ ತ್ಯಲಾ ಜ಼ವಳ ಗಿಹುನ್ ಬರಾ ಕೆಲಾ ಆನಿ ಲಾವುನ್ ದಿಲಾ. 
\v 5 ಮಂಗ್ ಯೇಸು ತ್ಯನಾ ಮನ್ಲಾ, “ತುಮ್ಚಾತ್ ಕುನಾಚಾ಼ತರಿ ಪ್ಯೊರ್ಗಾ ನಾಹಿತ ಬೈಲ್ ಬಾವಿತ್ ಪಡ್ಲಾ ತ ತುಮಿ ತ್ಯಲಾ ಸಬ್ಬತಾದಿಸಿ ತಾಬಡ್ತೊಬ್ ಬಾಹಿರ್ ಕಾಡಿತ್ ನಾಹಿಸಾ ಕ್ಯಾ?
\p
\v 6 ತವಾ ತ್ಯನಾ ತ್ಯಚಾ ತ್ಯಾ ಪ್ರಶ್ನೆಲಾ ಉತ್ತರ್ ದಿಯಾಲಾ ವ್ಹಯಿನಾ.
\s ಬಾರಿಕ್ ಫನ್ ಆನಿ ಚಾ಼ಕ್ರಿ
\p
\v 7 ತವಾ ಹಾಕಟ್‌ಲ್ಯಾಲಿ ಲೊಕ ಚಾ಼ಂಗ್ಲ ಜಾ಼ಗ ನಿವುಡುನ್ ಹುತ್ತಿತ ತ್ಯ ಬಗುನ್ ಯೇಸುನಿ ಹಿ ಕ್ಯಾಯ್ನಿ ಸಾಂಗ್ಲಿ. 
\v 8 ಕುನಿ ತರಿ ತುಲಾ ಲಗ್ನಾಚಾ ಜೆವ್ನಾಲಾ ಹಾಕಟ್ಲತ ಚಾ಼ಂಗಲ್ಯಾ ಜಾ಼ಗ್ಯಾವ ಬಸು ನಕೊ ಆಕಾಸ್ಮಾತ್ ತುಜಿವ್ನಿ ಮೊಟ್ಯಾ ಮರೆದಿಚಾ ಮಾನ್ಸಾಲಾ ತ್ಯನಿ ಹಾಕಟ್‍ಲ್ಯಾಲ ರಾಹಿಲ್. 
\v 9 ಮಂಗ್ ಕಚಾನಿ ತುಲಾ ಆನಿ ತ್ಯಲಾ ಹಾಕಟ್ಲ ಹುತ್ತ ತ್ಯೊ ತುಜಿಪ ಯವುನ್ ಹ್ಯಲಾ ಜಾ಼ಗಾ ದೇ ಮನ್ಹಿಲ್ ತವಾ ತು ಮರ‍್ಯಾದ್ ನಸ್ಥಾನಾ ತವಾಸ್ ಆಗ್ದಿ ಖಾಲ್ಚಾ ಜಾ಼ಗ್ಯಾವ ಜಾ಼ವುನ್ ಬಸ್ಸಿಲ್. 
\v 10 ಫನ್ ತುಲಾ ಹಾಕಟ್‍ಲ್ಯಾಲ್ಯಾಲಾ ತು ಜಾ಼ವುನ್ ಆಗ್ದಿ ಖಾಲ್ಚಾ ಜಾ಼ಗ್ಯಾವ ಭಸ್. ಮಂಜೆ ಕಚಾನಿ ತುಲಾ ಹಾಕಟ್ಲ ಹುತ್ತ ತ್ಯೊ ಯವುನ್ ತುಲಾ ಸೊಪ್‌ತ್ಯಾ ವರ್ ಯವುನ್ ಭಸ್ ಮನ್ಹಿಲ್ ತವಾ ತುಜೆ ಸಂಗ ಜೆವ್ನಾಲಾ ಬಸ್‍ಲ್ಯಾಲ್ಯಾಂಚೆ ಮೊರ‍್ಹ ತುಲಾ ಮಾನ್ ಯಯಿಲ್. 
\v 11 ಕಾ ಮಂಜೆ ಕೊನ್ ಆಪ್‌ಲ್ಯಾಲಾ ಆಪ್ನುಸ್ ಮೊಟಾ ಮನ್ಹುನ್ ಗೆಥೊ ತ್ಯೊ ಬಾರಿಕ್ ವ್ಹತೊ ಆನಿ ಬಾರಿಕ್ ರಾಹಿಲ್ ತ್ಯೊ ಮೊಟಾ ವ್ಹತೊ ಮನ್ಲಾ.
\p
\v 12 ಮಂಗ್ ಯೇಸು ಕಚಾನಿ ಆಪ್‌ಲ್ಯಾಲಾ ಹಾಕಟ್ಲಾ ಹುತ್ತಾ ತ್ಯಲಾಬಿ ಮನ್ಲಾ, “ತು ದುಪ್ಯಾರ್ಚಾ ಜೆವ್ನಾಲಾ ನಾಹಿತ ಶಾಂಚಾ ಜೆವ್ನಾಲಾ ತುಜಾ ಸೊಪ್‌ತ್ಯಾನಾ ನಾಹಿತ ತುಜಾ ಬಾವ್ಹಾನಾ ನಾಹಿತ ತುಜೆ ಮಾಯೆ ದಾಯೆಲಾ ಸಾವ್ಕಾರ್ ಆಸ್‍ಲ್ಯಾಲ್ಯಾ ಸೆಜಾ಼ರ‍್ಯಾನಾ ಹಾಕಟುನಕೊ ತೀ ತುಲಾ ಸಾಹಿತ್ ಹಾಕಟ್ತಿಲ ಆನಿ ತುಮ್ಚಿ ಫಿಟಾಪಿಟ್ ವ್ಹಯಿಲ್. ” 
\v 13 ತುಮಿ ಜೆವಾನ್ ಗಾಲ್ಹಾಚ಼ ತವಾ ಗರಿಬಾನಾ ಲುಲ್ಯಾನಾ ಆಂದ್‌ಳ್ಯಾನಾ ಹಾಕ್ಟಾ. 
\v 14 ಮಂಜೆ ತುಮಿ ಬರ ವ್ಹನಾರ್ ಕಾ ಮಂಜೆ ತುಮಾನಾ ಫಿಟಾಪಿಟ್ ಕರಾಯಾ ತ್ಯಂಚಿಪ ಕಾಯ್ ನಾಹಿತರಿ ಮರ್ನಾತ್ನಿ ಉಠುನ್ ಯತಾನಾ ದೇವ ತುಲಾ ಆಶಿರ್ವಾದ್ ಕರಿಲ್.
\s ಮೊಟ್ಯಾ ಸನಾಚ಼ ಜೆವಾನ್
\r (ಮತ್ತಾಯ್ 22:1-10)
\p
\v 15 ಯೇಸು ಸಂಗ ಜೆವ್ನಾಲಾ ಬಸ್‌ಲ್ಯಾಲ್ಯಾತ್ ಯಕಾನಿ ಹೆ ಸಬಾತ್ ಐಕುನ್ ಸ್ವರ್ಗಾಚಾ ರಾಜಾತ್ ಕೊನ್ ಜೆವಾನ್ ಖಾಯಿಲ್ ತ್ಯೊ ಬರಾ ಮನ್ಲಾ. 
\v 16 ಯೇಸು ತ್ಯಲಾ ಮನ್ಲಾ, “ಯಕಾ ಮಾನ್ಸಾನಿ ಜೆವಾನ್ ಕೆಲ ತವಾ ಖುಬ್ ಲೊಕಾನಾ ಹಾಕಟ್ಲ. 
\v 17 ಆನಿ ಜೆವ್ನಾಚಾ ಯಳಾಲಾ ಆತಾ ಯವಾ ಜೆವಾನ್ ತಯಾರ್ ಜಾ಼ಲ್ಯಾ ಆಸ ಆಂದಿ ಹಾಕಟ್‍ಲ್ಯಾಲ್ಯಾನಾ ಸಾಂಗಾಯಾ ತ್ಯನಿ ಆಪ್‌ಲ್ಯಾ ಯಕಾ ಆಳಾಲಾ ಲಾವುನ್ ದಿಲಾ.
\p
\v 18 ತವಾ ತೆ ಸಗ್ಳ ಶಾರ್ಕ ಎಕುಸ್ ತರನಿ ಸಾಂಗಾಯಾ ಲಾಗ್ಲ ಆಂದಿಚಾನಿ, “ಮಿ ಶಾತ್ ಇಕತ್ ಗೆತಲ್ಯಾ ತ್ಯ ಮಿ ಜಾ಼ವುನ್ ಬಗಾ ವ್ಹಯಿ ಮನಾ ಮಾಪ್ ಕರಾ ಮನ್ಹುನ್ ಸಾಂಗ್ಲ. 
\v 19 ದಿಸ್ರಾ ಮನ್ಲಾ, “ಬೈಲಾಂಚಾ ಪಾಚ಼್ ಜೊ಼ಡ್ಯಾ ಇಕತ್ ಗೆತಲ್ಯಾತಾ ತ್ಯಾ ತಪಾಸಾಲಾ ಮಿ ಜಾ಼ತ್ಯೊ ಮನಾ ಮಾಪ್ ಕರಾ ಆಸಿ ಮಿ ವಿನಂತಿ ಕರ್ತೊ” ಮನ್ಲಾ. 
\v 20 ಆನಿ ಯೊಕ್ ಮನ್ಲಾ, “ಮಿ ಲಗಿನ್ ಜಾ಼ಲ್ಯೊ ಮನ್ಹುನ್ ಮನಾ ಯಯಾ ವ್ಹಯಿತ್ ನಾಹಿ.
\p
\v 21 ಮಂಗ್ ತ್ಯಾ ಆಳಾನಿ ಯವುನ್ ಆಪ್‌ಲ್ಯಾ ದನ್ಯಾಲಾ ಹ್ಯಾ ಹಾಕಿಗತಿ ಸಾಂಗ್‌ಲ್ಯಾ ತವಾ ತ್ಯಲಾರಾಗ್ ಆಲಾ ಆನಿ ತ್ಯೊ ಆಪ್‌ಲ್ಯಾ ಆಳಾಲಾ ಮನ್ಲಾ, “ಗಾವಾಚೆ ಪಾಂದಿವ್ನಿ ಸಾಂದಿತ್ನಿ ಜಾ಼ ಆನಿ ಗರಿಬ್ ಲಂಗಡಿ ಆಂದ್ಳಿ ಹ್ಯನಾ ಹಿಥ ಗಿಹುನ್ ಯೇ. ” 
\v 22 ಆಳ್ ಮನ್ಲಾ, “ದನ್ಯಾ ತುಮಿ ಸಾಂಗ್‍ಲ್ಯಾ ಶಾರ್ಕ ಜಾ಼ಲ್ಯಾ ಫನ್ ಆಜು಼ನ್ ಜೆವಾನ ಖಾಯಾ ಖುಬ್ ಜಾ಼ಗಾ ಹಾ. ” 
\v 23 ದನ್ಹಿ ಆಳಾಲಾ ಮನ್ಲಾ, “ಮಾಜ಼ ಘರ್ ಬರ್ಹಾಯಾ ವ್ಹಯಿ ಮನ್ಹುನ್ ತು ವಾಟವ್ನಿ ಆನಿ ಸೇತಾತ್ನಿ ರೊಡಾಕ್ನಿ ಜಾ಼ವುನ್ ಲೊಕಾನಾ ಖಟ್ಪಟ್ ಕರುನ್ ಗಿಹುನ್ ಯೇ; 
\v 24 ಕಾ ಮಂಜೆ ಮಿ ತುಮಾನಾ ಸಾಂಗ್ತೊ, ಆಂದಿ ಸಾಂಗ್‍ಲ್ಯಾಲ್ಯಾ ಮಾನ್ಸಾತ್‍ಲ್ಯಾ ಯಕಾಲಾ ಬಿ ಮಾಜಾ ಜೆವ್ನಾತ್ಲ ಕಾಯ್ ಚ಼ವ್ ಬಗಾಯಾ ಮಿಳ್ನಾರ್ ನಾಹಿ.
\s ಶಿಶಾ ವ್ಹಯಾ ವ್ಹಯಿ ಜಾ಼ಲ್ಯಾಲಿ ಕಿಮ್ಮತ್
\r (ಮತ್ತಾಯ್ 10:37-38)
\p
\v 25 ಯಕಸಿ ಯೇಸು ಸಂಗ ಖುಬ್ ಲೊಕ ಜಾ಼ಯಿತ್ ಹುತ್ತಿತ ತವಾ ಯೇಸು ತ್ಯಂಚಿಕ್ಡ ಗುಳ್ಹುನ್ ಮನ್ಲಾ, 
\v 26 “ಕೊನ್ ತರಿ ಮಾಜೆ ಮಾಗ್ನಿ ಯವುನ್ ಮಾಜೆ ಪಕ್ಶಿ ಆಪ್ಲಿ ಆಯಿ ಬಾ ಬ್ಯಾಯ್ಕೊ ಪೊರ ಬಾಹು ಭನ್ಹಿ ಹ್ಯನಾ ಆನಿ ಆಪ್ಲಾ ಜೀವ್ ಸಾಹಿತ್ ಇಸ್ರನಸ್ನಾರಾ ಮಾಜಾ಼ ಶಿಶಾ ವ್ಹಯಿತ್ ನಾಹಿ. ” 
\v 27 ಕೊನ್ ಆಪ್ಲಿ ಶಿಲ್ಬೆ ಆಪ್ನು ಗಿಹುನ್ ಮಾಜೆ ಮಾಗ್ನಿ ಯಯಿತ್ ನಾಹಿ ತ್ಯಲಾ ಮಾಜಾ಼ ಶಿಶಾ ವ್ಹಯಾ ವ್ಹಯಿತ್ ನಾಹಿ. 
\v 28 ತುಮ್ಚಾತ್ ಕೊನ್ ಆಸಾ ಹಾ ಕ್ಯಾ ತ್ಯಲಾ ಘರ್ ಬಾಂದಾಚ಼ ಇಚಾ ಹಾ ತ ತ್ಯೊ ಆಂದಿ ಬಸುನ್ ಖರ್ಚಾಚಾ಼ ಆಂದಾಜ಼್ ಗಾಲ್ಹುನ್ ಆಪ್ಲಿಪ ತ್ಯ ಪುರಾ ಕರಾಯಾ ವ್ಹಯಿ ಯವ್ಡ ಪೈಸ ಹಾತ ಕ್ಯಾ ನಾಹಿ ಹ್ಯ ಬಗಿತ್ ನಾಹಿ ಕ್ಯಾ? 
\v 29 ನಾಹಿತ ತಸಾಸ್ ಬಾಂದಾಯಾ ಲಾಗಲ್ತ ಪಾಯಾ ಗ್ಯಾತ್‍ಲ್ಯಾವ ತ್ಯಲಾ ಜ಼ರ್ ತ್ಯ ಪುರಾ ಕರಾ ಜಾ಼ಲ ನಾಹಿ ಮಂಜೆ ಬಗ್ನಾರಿ ಸಗ್ಳಿ ಲೊಕ ತ್ಯಲಾ ಹಾಸ್ತಿಲ. 
\v 30 ಹ್ಯೊ ಮಾನುಸ್ ಬಾಂದಾಯಾ ಲಾಗ್ಲಾ ಖರ ಕಾಮ್ ಪುರ ಕರಾಜಾ಼ಲ ನಾಹಿ.
\p
\v 31 ನಾಹಿತ ಯೊಕ್ ರಾಜಾ಼ ದುಸರ‍್ಯಾ ರಾಜಾ ಸಂಗ ಲಡಾಯಿ ಖೆಳಾಯಾ ಜಾ಼ಯಾಚೆ ಆಂದಿ ಬಸೂನ್ ಇಚಾರ್ ಕರೀತ್ ನಾಹಿ ಕ್ಯಾ? ತ್ಯೊ ಈಸ್ ಹಾಜಾ಼ರ್ ಸೈನ್ಯಾ ಗಿಹುನ್ ಮಾಜಿ಼ವ ಯತೊ ತ್ಯಚಿವ ಮಿ ಧಾ ಹಾಜಾ಼ರ್ ಸೈನ್ಯಾ ಗಿಹುನ್ ಜಾ಼ಯಾ ಯಯಿಲ್ ಕ್ಯಾ? 
\v 32 ಜಾ಼ಯಾ ಯಯಿತ್ ನಾಹಿ ತವಾ ತ್ಯೊ ದುರ್ ಆಸ್ಥಾನಾಸ್ ಹ್ಯೊ ವಕಿಲ್ ಲಾವುನ್ ದಿವುನ್ ಯಕ್ಕಿ ವ್ಹಯಾಚ಼ ಬೊಲ್ನ ಸುರು ಕರಿಲ್. 
\v 33 ತಸಸ್ ಯೇಸುನಿ ತ್ಯನಾ ಆಸ ಸಾಂಗುನ್ ಸಪಿವ್ಲ ತುಮ್ಚಾತ್ ಕೊನ್ ಆಪ್‌ಲ್ಯಾ ಸರ್ವ್ಯಾಚಾ಼ ಇಚಾರ್ ಕರೀತ್ ನಾಹಿ ತ್ಯಲಾ ಮಾಜಾ಼ ಶಿಶಾ ವ್ಹಯಾ ಯಯಿತ್ ನಾಹಿ.
\s ಕಿಮ್ಮತ್ ನಸ್‌ಲ್ಯಾಲ ಮೀಟ್
\r (ಮತ್ತಾಯ್ 5:13; ಮಾರ್ಕ್ 9:50)
\p
\v 34 ಮಿಟ್ ಚಾ಼ಂಗ್ಲ ಜಿನೊಸ್ ಫನ್ ಮಿಟಾಚಿ ಚ಼ವ್ ಗಿಲಿತ ತ್ಯಲಾ ಆನಿ ಕಶಾನಿ ಚ಼ವ್ ಆನಾಯಾ ವ್ಹಯಿಲ್? 
\v 35 ತ್ಯ ಮಾತಿತ್ ನಾಹಿತ ಉಕಿರಡ್ಯಾತ್ ಟಾಕಾಯಾ ಉಪೆಗ್ ನಾಹಿ; ತ್ಯ ಬಾಹಿರ್ ಟಾಕುನ್ ದೆತ್ಯಾತ ಕಚಾಲಾ ಐಕಾಯಾ ಕಾನ್ ಹಾತ್ತ ತ್ಯೊ ಐಕುನಿ” ಮನ್ಲಾ.
\c 15
\s ಚು಼ಕ್‌ಲ್ಯಾಲ ಮಿಂಡ್ರು
\r (ಮತ್ತಾಯ್ 18:12-14)
\p
\v 1 ಯಕಸಿ ಸಗ್ಳ ಜ಼ಖತ್ದಾರ್ ಆನಿ ಪಾಪಿ ತ್ಯಚಿ ಬೂಲಿ ಐಕಾಯಾ ತ್ಯಚಿಪ ಆಲ್ತಿತ. 
\v 2 ತವಾ ಫರಿಸಾಯ್ ಆನಿ ಕ್ಯಾಯ್ದ ಸಾಂಗ್‌ತ್ಯಾಲ, “ಹ್ಯೊ ಪಾಪಿನಾ ಜ಼ವಳ್ ಹಾಕ್ಟುನ್ ತ್ಯಂಚೆ ಸಂಗ ಖಾತೊ” ಮನ್ಲ.
\p
\v 3 ಮಂಗ್ ಯೇಸುನಿ ತ್ಯನಾ ಯೇಕ್ ಕ್ಯಾಯ್ನಿ ಸಾಂಗ್ಲಿ.
\p
\v 4 ತ್ಯ ಕ್ಯಾ ಮಂಜೆ ತುಮ್ಚಾತ್ ಕಚಾ಼ತರಿ ಮಾನುಸ್ ಆಪ್‌ಲ್ಯಾಲಾ ಶೆಂಬರ್ ಮೆಂಡ್ರ ಆಸ್ಥಾನಾ ತ್ಯಾತ್ಲ ಯಾಕ್ ಚು಼ಕುನ್ ಗೆಲಕಿ ತ್ಯೊ ನವದಾವ ನವು ಮೆಂಡ್ರ ರಾನಾತ್ ಸುಡುನ್ ಚು಼ಕುನ್ ಗೆಲ್ಯಾಲ ಗಾವ್ಹಸ್ ಪರ‍್ಯಾತ್ ತ್ಯಲಾ ಸುದಿತ್ ಜಾ಼ಯಾಚೆ ಆಂದಿ ರಾಥೊ ಕ್ಯಾ?
\p
\v 5 ಗಾವ್ಲಕಿ ತ್ಯೊ ಆನಂದ್ ಜಾ಼ಲಾ ಆನಿ ತ್ಯಲಾ ಆಪ್‌ಲ್ಯಾ ಖಾಂದ್ಯಾವ ಗಿಹುನ್ 
\v 6 ಗರ‍್ಹಾತ್ ಯವುನ್ ಸೊಪ್‌ತ್ಯಾನಾ ಆಜು಼ಬಾಜು಼ಚಾನಾ ಜ಼ಮುವುನ್, “ಚು಼ಕುನ್ ಗೆಲ್ಯಾಲ ಮೆಂಡಾರ್ ಗಾವ್ಲ ಮಾಜಿ ಸಂಗ ಆನಂದ್ ವ್ಹವಾ” ಮನ್ಹುನ್ ತ್ಯನಾ ಸಾಂಗ್ನಾರ್. 
\v 7 ತಸಸ್ ದೇವಾಕ್ಡ ಚು಼ಕ್ ವಪುನ್ ಪರ್ತಾಯಾ ಗರಜ಼್ ನಸನಾರ‍್ಯಾ ನವದಾವ ನವು ಜ಼ನ ನಿಯತಿಂಚಿಗತ್ ದೇವಾಕ್ಡ ಚು಼ಕ್ ವಪುನ್ ಪರಾತ್ಯಾಲ್ಯಾ ಯಕಾ ಪಾಪಿಚೆ ಗುಶ್ಟಿತ್ ಪರಲೊಕಾತ್ ಆನಂದ್ ವ್ಹಯಿಲ್ ಮನ್ಹುನ್ ಮಿ ತುಮಾನಾ ಸಾಂಗ್ತೊ.
\s ಸಾಂಡ್‌ಲ್ಯಾಲಿ ದಮ್ಡಿ
\p
\v 8 ಯೆಕ್ ಬಾಯಿಲ್ ಮಾನುಸ್ ಆಪ್ಲಿಪ ಧಾ ಚಾ಼ಂದಿಚಾ ಪಾವಲ್ಯಾ ರಾಹುನ್ ಯೇಕ್ ಪಾವಲಿ ಸಾಂಡ್ಲಿಕಿ ದಿವಾ ಲಾವುನ್ ಘರ್ ಲುಟುನ್ ಗಾವ್ಹಸ್ ಪರ‍್ಯಾತ್ ತ್ಯ ಜಾ಼ಗೃತಿನಿ ಸೊದಾಚೆ ಆಂದಿ ರಾಹಿಲ್ ಕ್ಯಾ? 
\v 9 ತಿಲಾ ತೀ ಪಾವ್ಲಿ ಗಾವಲ್ಯಾ ನಂತರ್ ತಿ ಆಪ್‌ಲ್ಯಾ ಸುಪ್ತಿನಿನಾ ಸೆಜಾ಼ರ‍್ನಿನಾ ಗೊಳಾಕರುನ್ ಸಾಂಡ್‍ಲ್ಯಾಲಿ ಪಾವ್ಲಿ ಗಾವ್ಲಿ ಮಾಜಿ ಸಂಗ ಆನಂದ್ ಕರಾ ಮನ್ಹುನ್ ಸಾಂಗಿಲ್ ನವ್ಹ. 
\v 10 ತಸಸ್ ಯೊಕ್ ಪಾಪಿ ದೇವಾಕ್ಡ ಚು಼ಕ್ ವಪುನ್ ಪರಾತ್ಯಾಲೆ ಗುಶ್ಟಿತ್ ದೇವ್ ಧುತಾಂಚೆ ಮೊರ‍್ಹ ಆನಂದ್ ವ್ಹಯಿಲ್ ಮನ್ಹುನ್ ತುಮಾನಾ ಸಾಂಗ್ತೊ” ಮನ್ಲಾ.
\s ಸಾಂಡ್‍ಲ್ಯಾಲಾ ಲ್ಯೊಕ್
\p
\v 11 ಆನಿ ಯೇಸುನಿ ಆನಿ ಕ್ಯಾ ಸಾಂಗ್ಲ ಮಂಜೆ, “ಯಕಾ ಮಾನ್ಸಾಲಾ ದೊಗ ಲ್ಯಾಕ್ ಹುತ್ತ 
\v 12 ತ್ಯಾತ್ಲಾ ದಾಕ್ಟಾ ಲ್ಯೊಕ್ ಬಾಲಾ, “ಬಾ ಆಸ್ಥಿತ್ ಮಾಜಿ ಯಯಾಚಿ ವಾಟ್ನಿ ದೇ” ಮನ್ಲಾ ತವಾ ಬಾನಿ, ಆಸ್ಥಿ ವಾಟುನ್ ದಿಲಿ.
\p
\v 13 ಥೊಡ ದೀಸ್ ಜಾ಼ಲ ತವಾ ದಾಕ್ಟಾ ಲ್ಯೊಕ್ ಆಪ್ಲೆ ವಾಟ್ನಿಚಿ ಸಗ್ಳಿ ಆಸ್ಥಿ ಇಕುನ್ ಪೈಸ ಗಿಹುನ್ ದುರ್ಚೆ ದೇಶೆತ್ ಗೆಲಾ ಆನಿ ತಿಥ ಫಟಿಂಗ್ ವ್ಹವುನ್ ಆಪ್ಲ ಪೈಸ ಸಗ್ಳ ಉದಳ್ಳ. 
\v 14 ತ್ಯನಿ ಆಪ್ಲ ಸಗ್ಳ ಉದಳ್ಯಾ ನಂತರ್ ತೇ ದೇಶೆತ್ ಮೊಟ ಬರ್ಗಾಲ್ ಪಡ್ಲ ತವಾ ತ್ಯಲಾ ಗತಿ ನಾಹಿ ಜಾ಼ಲಿ. 
\v 15 ಮಂಗ್ ತ್ಯೊ ತೇ ದೇಶೆತ್‍ಲ್ಯಾ ಯಕಾಪ ಜಾ಼ವುನ್ ತ್ಯಲಾ ಲಾಗುನ್ ರಾಯ್‍ಲ್ಹಾ, ತ್ಯನಿ ತ್ಯಲಾ ಆಪ್‌ಲ್ಯಾ ಸೇತಾತ್ ಡುಕ್ರ ಚಾ಼ರಾಯಾ ಲಾವುನ್ ದಿಲಾ 
\v 16 ತವಾ ಡುಕ್ರ ಗಡ್ಡ ಖಾಯಿತ್ ಆಸ್ಥಾನಾ ತ್ಯಾತ್ಲ ಗಡ್ಡ ತರಿ ಖಾವುನ್ ಪ್ವಾಟ್ ಬರುಯಾ ಆಸ ತ್ಯಲಾ ಖುಬ್ ಮನ್ ವ್ಹಯಿ; ತ್ಯಲಾ ಕೊನ್ ಕಾಯ್ ದಿಯಿತ್ ನವ್ತ.
\p
\v 17 ನಂತರ್ ತ್ಯಲಾ ಚು಼ಕಿಚಿ ಅಕ್ಕಲ್ ಯವುನ್ ತ್ಯೊ, “ಮಾಜಾ ಬಾಪ ಖುಬ್ ಜಾ಼ನ್ ಕುಲ್‍ಕರ‍್ಯಾ ಲೊಕಾನಾ ವ್ಹಯಿ ತ್ಯವ್ಡ ಆನ್ ಹಾ; ಮಿ ತರಿ ಹಿತ್ತ ಬುಖನಿ ಮರ್ತ್ಯೊ 
\v 18 ಹಿತ್ನಿ ನಿಗುನ್ ಮಾಜಾ ಬಾಪ ಜಾ಼ತೊ ಆನಿ ತ್ಯಲಾ, “ಬಾ ಮಿ ದೇವಾಚೆ ಆನಿ ತುಜೆ ಮೊರ‍್ಹ ಚು಼ಕ್ ಕಿಲಿ” ಆನಿ ತುಜಾ಼ ಲ್ಯೊಕ್ ಮನ್ಹುನ್ ಗಿಹ್ಯಾ ಯೊಗ್ಯ ನಾಹಿ.
\p
\v 19 “ಮನಾ ತುಜಾ ಕುಲ್ಕರ‍್ಯಾತಲ್ಯಾ ಯಕಾಚೆಗತ್ ಕರ್” ಮನ್ಹುನ್ ಸಾಂಗ್ತೊ ಆಸ ಯವುಜು಼ನ್ ನಿಗುನ್ ಆಪ್‌ಲ್ಯಾ ಬಾಪ ಆಲಾ. 
\v 20 ತ್ಯೊ ಆಜು಼ನ್ ದುರ್ ಆಸ್ಥಾನಾಸ್ ತ್ಯಚಾ ಬಾನಿ ತ್ಯಲಾ ಬಗುನ್
\p ಕನಿಕಾರಾನಿ ಪಳತ್ ಯವುನ್ ತ್ಯಚಾ ಗಳ್ಯಾತ್ ಯಾಂಗ್ ಗಾಲ್ಹುನ್ ತ್ಯಲಾ ಖುಬ್ ಮುಖ ದಿಲ. 
\v 21 ಫನ್ ಲ್ಯೊಕ್ ತ್ಯಲಾ, “ಬಾ ದೇವಾಚೆ ಆನಿ ತುಜೆ ಮೊರ‍್ಹ ಚು಼ಕ್ ಕಿಲಿ. ಆತಾ ಮಿ ತುಜಾ಼ ಲ್ಯೊಕ್ ಮನ್ಹುನ್ ಗಿಹ್ಯಾ ಚಾ಼ಂಗ್ಲ ನಾಹಿ” ಮನ್ಲಾ. 
\v 22 ತವಾಸ್ ಬಾನಿ ಆಪ್‌ಲ್ಯಾ ಆಳಾನಾ ಹಾಕ್ಟುನ್ ಚಾ಼ಂಗ್ಲ “ಜ಼ಘಾ ಆನುನ್ ಹ್ಯಲಾ ಗಾಲ್ಹಾ ಹ್ಯಚಾ ಹಾತಾತ್ ಆಂಗ್ಟಿ ಆನಿ ಪಾಯಾತ್ ವ್ಹಾನಾ ಗಾಲ್ಹಾ. 
\v 23 ಆನಿ ಮಾತ್‍ಲ್ಯಾಲ ಮಿಂಡುರ್ ಆನುನ್ ಕಾಪಾ ಆಮಿ ಆನಂದಾನಿ ಜೆವಾನ್ ಕರುಯಾ 
\v 24 ಕಾ ಮಂಜೆ ಹ್ಯೊ ಮಾಜಾ಼ ಲ್ಯೊಕ್ ಮೆಲಾ ಹುತ್ತಾ, ತ್ಯೊ ಆನಿಕ್ ಜಿತ್ತಾ ಜಾ಼ಲ್ಯಾ; ಚು಼ಕ್ಲಾ ಹುತ್ತಾ ತ್ಯೊ ಗಾವಲ್ಯಾ” ಮನ್ಲಾ. ತವಾ ತೆ ಮಜೆನಿ ಜೆವಾನ್ ಕರಾಯಾ ಲಾಗ್ಲ 
\v 25 ಫನ್ ತ್ಯಚಾ಼ ಥೊರ‍್ಲಾ ಲ್ಯೊಕ್ ಸೆತಾತ್ ಹುತ್ತಾ, ತ್ಯೊ ಗರ‍್ಹಾಚೆ ಜ಼ವಳ್ ಜ಼ವಳ್ ಯತಾನಾ ವಾಜಾ಼ಪ್ ನಾಚ಼್ನ ಗಾನ ಐಕ್ಲ 
\v 26 ಆನಿ ಆಳಾತ್‍ಲ್ಯಾ ಯಕಾಲಾ ಆಪ್ಲಿಪ ಹಾಕ್ಟುನ್, “ಹ್ಯ ಕ್ಯಾ” ಮನ್ಹು‍ನ್ ಇಚಾರ್ಲ 
\v 27 ಆಳಾನಿ ತ್ಯಲಾ, “ತುಜಾ಼ ಬಾಹು ಮಾಗಾರಾ ಆಲ್ಯಾ ಮನ್ಹುನ್ ತುಜಾ ಬಾನಿ ತ್ಯ ಮಾತ್‍ಲ್ಯಾಲ ಮಿಂಡುರ್ ಕ್ಯಾಪ್‍ಲ್ಯಾ” ಮನ್ಹುನ್ ಸಾಂಗ್ಲ.
\p
\v 28 ಹ್ಯ ಐಕುನ್ ತ್ಯಲಾ ರಾಗ್ ಯವುನ್ ಆತ್ ಜಾ಼ಯಿನಾ, ತವಾ ತ್ಯಚಾ ಬಾನಿ ಬಾಹಿರ್ ಯವುನ್ ತ್ಯಲಾ ಆತ್ ಯೆ ಮನ್ಹುನ್ ಇನಂತಿ ಕಿಲಿ. 
\v 29 ಫನ್ ತ್ಯೊ ಆಪ್‌ಲ್ಯಾ ಬಾಲಾ, “ಬಗ್ ಯವ್ಡಿ ವರ್ಸ ಮಿ ತುಜಿ಼ ಚಾ಼ಕ್ರಿ ಕಿಲಿ ಆನಿ ಮಿ ತುಜಾ಼ ಯೊಕ್ ಸಬೋತ್ ವಲ್ಯಾಂಡ್ಲಾ ನಾಹಿ; ತರಿಬಿ ಮಿ ಮಾಜಾ ಸೊಪ್‌ತ್ಯಾಂಚೆ ಸಂಗ ಮಾಜಾ ಕರಾಯಾ ತು ಕಂದಿಸ್ ಮನಾ ಯಾಕ್ ಬಕ್ರ ಸಾಹಿತ್ ದಿಲ ನಾಹಿಸ್. 
\v 30 ಫನ್ ತ್ಯನಿ ಸುಳ್ಯಾನಾ ಗಿಹುನ್ ತುಜಿ ಆಸ್ಥಿ ಆನಿ ಪೈಸ ಹಾಳ್ ಕೆಲ್ಯಾಲಾ ತುಜಾ಼ ಲ್ಯೊಕ್ ಆಲಾ ತವಾ ಮಾತ್‍ಲ್ಯಾಲ ಮಿಂಡುರ್ ತ್ಯಲಾ ಕ್ಯಾಪ್‍ಲ್ಯಾಸ್” ಮನ್ಲಾ.
\p
\v 31 ತವಾ ಬಾ ಮನ್ಲಾ, “ಲೇಕಾ ತು ಖಾಯಿಮ್ ಮಾಜಿ ಸಂಗ ಹಾಸ್ ಆನಿ ಮಾಜ಼ ಸಗ್ಳ ತುಜ಼ಸ್ 
\v 32 ಫನ್ ಮಜಾ ಕರಾಚಿ ಬರ ಹಾ. ಕಾ ಮಂಜೆ ಹ್ಯೊ ತುಜಾ಼ ಬಾಹು ಮೆಲ್ಯಾಚೆಗತ್ ಜಾ಼ಲ್ಥಾ ಪರ್ತುನ್ ಜಿತ್ತಾ ವ್ಹವುನ್ ಆಲಾ; ಚು಼ಕುನ್ ಗೆಲ್ತಾ ಗಾವ್ಲಾ” ಮನ್ಹುನ್ ಸಾಂಗ್ಲ.
\c 16
\s ಇಸ್ವಾಸ್ ನಸ್‌ಲ್ಯಾಲಾ ಚಾ಼ಕೊರ್
\p
\v 1 ಯೇಸುನಿ ಆಪ್‌ಲ್ಯಾ ಶಿಶಾನಾ ಕ್ಯಾ ಸಾಂಗ್ಲ ಮಂಜೆ ಯಕಾ ಸಾವ್ಕಾರಾಲಾ ಯೊಕ್ ಘರ್ ಚಾ಼ಕೊರ್ ಹುತ್ತಾ. ಹ್ಯಚಿ ಖಬರ್‍ ಧನ್ಯಾಪ, “ಹ್ಯೊ ತುಜಿ ಆಸ್ಥಿ ಹಾಳ್ ಕರ್ತ್ಯೊ” ಮನ್ಹು‍ನ್ ಕಚಾನಿ ಚಾ಼ಡಿ ಸಾಂಗ್ಲಿ 
\v 2 ತವಾ ದನ್‍ಹ್ಯಾನಿ ತ್ಯಲಾ ಹಾಕ್ಟುನ್ ಹ್ಯ‍ ಕ್ಯಾ ಮಿ ತಿಜಿ಼ ಖಬರ್ ಐಕಾಚಿ? ತು ಗರ‍್ಹಾಚಾ ಲೆಖಾ ಸಾಂಗ್; ತು ಆಚ್ಚಾನ್ ಗರ‍್ಹಾಚಾ಼ ಚಾ಼ಕೊರ್ ವ್ಹವುನ್ ರಾಹ್ಯಾ ವ್ಹಯಿತ್ ನಾಹಿ” ಮನ್ಹು‍ನ್ ಸಾಂಗ್ಲ. 
\v 3 ತವಾ ತ್ಯಾ ಚಾ಼ಕ್ರಾನಿ, “ಮಿ ಕ್ಯಾ ಕರು? ಮಾಜಾ಼ ದನ್ಹಿ ಮಾಜಿಪ್ನಿ ಹ್ಯ ಕಾಮ್ ಕಾಡುನ್ ಗೆಥ್ಯೊ ನವ್ಹ ಖಾಂದಾಯಾ ಮನಾ ಬಳ್ ನಾಹಿ; ಭೀಕ್ ಮಾಗಾಯಾ ಮನಾ ಲಾಜ಼್ ವಾಟ್ಟಿ. 
\v 4 ಹ್ಯಾ ಕಾಮಾವ್ನಿ ಮನಾ ಕ್ಯಾಡ್ಲಕಿ ಲೊಕಾಂಚಾನಿ ಮನಾ ಆಪ್‌ಲ್ಯಾ ಗರ‍್ಹಾತ್ನಿ ಗಿಹ್ಯಾಸಾಟಿ ಮಿ ಕ್ಯಾ ಕರಾ ವ್ಹಯಿ” ತ್ಯ ಸಮಾಜ಼್ಲ ಮನ್ಹುನ್ ಯವುಜು಼ನ್ 
\v 5 ಆಪ್‌ಲ್ಯಾ ದನ್ಯಾಚಾ ರಿನ್ಕರ‍್ಯಾತ್‍ಲ್ಯಾ ಪರ್ತೆಕಾಲಾ ಹಾಕ್ಟುನ್ ಪೈಲ್ಯಾಲಾ, “ತು ಮಾಜಾ ದನ್ಯಾಲಾ ಕ್ಯಾ ದಿಯಾಚ಼ ಹಾ” ಮನ್ಹುನ್ ಇಚಾರ್ಲ 
\v 6 ತವಾ ತ್ಯನಿ, “ಸೆಂಬರ್ ಡಬ್ಬ ತ್ಯಾಲ್” ಮನ್ಲಾ ತವಾ ತ್ಯೊ ತ್ಯಲಾ ಹ್ಯ ತುಜ಼ ಪತ್ರ ಗಿಹುನ್ ಬಿಗಿನಿ ಪನ್ನಾಸ್ ಡಬ್ಬ ಲಿವ್” ಮನ್ಹುನ್ ಸಾಂಗ್ಲ. 
\v 7 ಮಂಗ್ ಆನಿ ಯಕಾಲಾ ತು ಕ್ಯಾ ದಿಯಾ ವ್ಹಯಿ ಮನ್ಹುನ್ ಇಚಾರ್ಲ ತವಾ ತ್ಯೊ, “ಹಜಾ಼ರ್ ಚಿಲ ಘಹು” ಮನ್ಲಾ ತವಾ ತ್ಯಲಾ, “ಹ್ಯ ತುಜ಼ ಪತ್ರ ಗಿಹುನ್ ಆಟ್ಸೆ ಚಿಲ ಲಿವ್” ಮನ್ಹುನ್ ಸಾಂಗ್ಲ. 
\v 8 ದನ್ಯಾನಿ ಹ್ಯ ಐಕುನ್ ಚು಼ಕ್ ಕೆಲ್ಯಾಲ್ಯಾ ತ್ಯಾ ಚಾ಼ಕ್ರಾಲಾ, ‘ಹ್ಯನಿ ಶಾನ್ಫನ್ಕೆಲ ಮನ್ಹುನ್ ತ್ಯಲಾ ವವ್ಯಾಳಾ ಕಾ ಮಂಜೆ ಹೆ ದುನೆತ್ಲಿ ಬುರ್ಸಿ ಲೊಕ ಆಪ್ಲಿ ಕಾಮ ಕರಾಯಾ ದೇವಾಚಾ ರಾಜಾತ್‌ಲ್ಯಾ ಲೊಕಾವ್ನಿ ಶಾನಿ ಹಾತ್ತ.
\p
\v 9 ಮಿ ತುಮಾನಾ ಸಾಂಗ್ತೊ ತುಮಾನಾ ಹ್ಯಾ ಲೊಕಾತ್ಲೆ ಆಸ್ಥಿತ್ನಿ ಅನ್ಯಾಯ್ ಕರ್ತ್ಯಾಲ ಸುಪ್ತಿ ಜೊ಼ಡಾ ಹಿ ಆಸ್ಥಿ ಸಪ್ಲಿಕಿ ತುಮಾನಾ ಶಾಶ್ವತಾಚಾ ಗರ‍್ಹಾತ್ ಹಾಕಟ್ತಿಲ. 
\v 10 ಥೊಡ್ಯಾವ ಇಸ್ವಾಸಿ ಜಾ಼ಲ್ಯಾಲಾ ಮೊಟ್ಯಾವ ಬಿ ಇಸ್ವಾಸಿ ವ್ಹನಾರ್; ಥೊಡ್ಯಾವ ಖೊಟಾ ಜಾ಼ಲ್ಯಾಲಾ ಮೊಟ್ಯಾತ್ ಬಿ ಖೊಟಾ ವ್ಹನಾರ್. 
\v 11 ಆಸ ಆಸ್ಥಾನಾ ಪ್ರಪಂಚಾತ್‌ಲ್ಯಾ ಆಸ್ಥಿ ಗುಶ್ಟಿತ್ ತುಮಿ ಖರ‍್ಯಾನಿ ಇಸ್ವಾಸ್ ನಸ್ನಾರ ಜಾ಼ಲ್ಯಾವ ಸ್ವರ್ಗಾಚಿ ಆಸ್ಥಿ ತುಮ್ಚಾ ತಾಬ್ಯಾತ್ ಕೊನ್ ದೇನಾರ್?
\p
\v 12 ಆನಿ ಯಕಾಚೆ ಆಸ್ಥಿಚೆ ಗುಶ್ಟಿತ್ ತುಮಿ ಇಸ್ವಾಸಿ ನವ್ಹ ಜಾ಼ಲ್ಯಾವ ತುಜಿ ಆಸ್ಥಿ ತುಮಾನಾ ಕೊನ್ ದೇನಾರ್?
\p
\v 13 ಕಚಾ಼ಸ್ ಆಳ್ ದೊಗಾ ದನ್ಯಾಂಚಿ ಚಾ಼ಕ್ರಿ ಕರೀತ್ ನಾಹಿ; ತ್ಯೊ ಯಕಾಚಾ಼ ರಾಗ್ ಕರುನ್ ಆನಿ ಯಕಾಚಿ ಮಾಯಾ ಕರಿಲ್, ನಾಹಿತ ಯಕಾ ಸಂಗ ರಾಹುನ್ ಆನಿ ಯಕಾಲಾ ಸುಡುನ್ ದಿಯಿಲ್, ತುಮಿ ದೇವಾಲಾಬಿ ಆನಿ ಪೈಶಾನಾಬಿ ಸಂಗ ಅನುಭವಸಾಯಾ ವ್ಹಯಿತ್ ನಾಹಿ” ಮನ್ಲಾ.
\s ಯೇಸುಚ಼ ಸಬಾತ್
\r (ಮತ್ತಾಯ್ 11:12-13; 5:31-32; ಮಾರ್ಕ್ 10:11-12)
\p
\v 14 ಫರಿಸಾಯಾಂಚಾನಿ ಹೆ ಸಗ್ಳ ಸಬಾತ್ ಐಕುನ್ ಆಪ್ನು ಪೈಶಾಚೆ ಆಸೆಚ಼ ಹುತ್ತ ಮನ್ಹುನ್ ಯೇಸುಲಾ ಹಾಸಾಯಾಲಾಗ್ಲ. 
\v 15 ತವಾ ಯೇಸುನಿ ತ್ಯನಾ ಕ್ಯಾ ಸಾಂಗ್ಲ ಮಂಜೆ, “ಮಾನ್ಸಾಂಚೆ ಮೊರ‍್ಹ ಆಪ್ನು ಚಾ಼ಂಗ್ಲ ಮನ್ಹುನ್ ದಾವುನ್ ದೆತ್ಯಾಲ ತುಮಿ ಖರ ದೇವಾನಿ ತುಮಚ಼ ಮನ್ ಸಮಜು಼ನ್ ಗೆತಲ್ಯಾ ಲೊಕಾಂಚೆ ನದ್ರಲಾ ಚಾ಼ಂಗ್ಲ ಜಾ಼ಲ್ಯಾಲ ದೇವಾಚೆ ನದ್ರತ್ ಬಾದ್ ಜಾ಼ಲ್ಯಾ.
\p
\v 16 ಮೊಶೆಚ಼ ದರ್ಮ ಶಾಸ್ತಾರ್ ಆನಿ ಪ್ರವಾದಿ ಬಾಪ್ತಿಸ್ಮಾ ಯೊಹಾನಾ ಪರ‍್ಯಾತುಸ್ ಹ್ಯಾಂಗ್ನಿ ದೇವಾಚಾ ರಾಜಾಚಿ ಬರಿ ಖಬರ್ ಉಗ್ಡುನ್ ದೆ ತ್ಯೊ ತ್ಯಾತ್ ಸಗ್ಳಿ ಲೊಕ ಜಾ಼ಯಾ ಯತ್ನ ಕರ್ತ್ಯಾತ.
\p
\v 17 ಆಬಾಳ್ ದರ್ಥಿ ಪುಸುನ್ ಜಾ಼ಯಿಲ್ ಫನ್ ದರ್ಮ ಶಾಸ್ತಾರಾತ್ಲಾ ಯೊಕ್ ಸಬೋತ್ ಸಾಹಿತ್ ಪುಸುನ್ ಜಾ಼ನಾರ್ ನಾಹಿ.
\p
\v 18 ಆಪ್ಲಿ ಬ್ಯಾಯ್ಕೊ ಸುಡುನ್ ದುಸ್ರಿಲಾ ಲಗಿನ್ ಕರುನ್ ಗೆಥ್ಯಾಲಾ ಪರ್ತೇಕ್ ಯೊಕ್ ರಾಂಡ್ ಸಂಗತ್ ಕರ್ತ್ಯಾಲಾ ಜಾ಼ಲ್ಯಾ; ಆನಿ ಘೊ ಶೊಡ್‍ಲ್ಯಾಲಿಲಾ ಲಗಿನ್ ಕರುನ್ ಗೆನಾರಾ ರಾಂಡ್ ಸಂಗತ್ ಕರ್ತ್ಯಾಲಾ ಜಾ಼ಲಾ.
\s ಸಾವ್ಕೊರ್ ಆನಿ ಲಾಜರ್
\p
\v 19 ಯೊಕ್ ಸಾವ್ಕೊರ್ ಮಾನುಸ್ ಹುತ್ತಾ ತ್ಯೊ ಸಗ್‍ಳ್ಯಾಂಚಿವ್ನಿ ಚಾ಼ಂಗ್ಲ ಕಿಮ್ತಿಚ಼ ಆಸ್‍ಲ್ಯಾಲ ಕಪಡ ಗಾಲುನ್ ಖಾಯಿಮ್ ಶಾದ್ರಾ ವ್ಹವುನ್ ಆರಾಮ್ ರಾಹಿತಾ. 
\v 20 ತ್ಯಚಾ ಗರ‍್ಹಾಚಾ ದಾರಾ ಮೊರ‍್ಹ ಲಾಜ಼ರ್ ಮಂಥ್ಯಾಲಾ ಯೊಕ್ ಬಿಖಾರಿ ಮಾನುಸ್ ತ್ಯಚಾ ಬಾಹಿರ್‌ಲ್ಯಾ ದಾರಾವ ಪಡುನ್ ಹುತ್ತಾ. 
\v 21 ಹ್ಯೊ ಆಂಗ್ ಬರ‍್ಹುನ್ ಖಾಂಡ್ಕ ಜಾ಼ಲ್ಯಾಲಾ; ಸಾವ್ಕಾರಾನಿ ಖಾವುನ್ ಟ್ಯಾಕ್‌ಲ್ಯಾಲ ಉಸ್ಟ ಖಾವುನ್ ಪ್ವಾಟ್ ಬರಾವ ಮನ್ಹುನ್ ಹುತ್ತಾ; ಆನಿ ಕುತ್ರಿ ಯವುನ್ ತ್ಯಚಿ ಖಾಂಡ್ಕ ಚಾ಼ಟಿತಿತ. 
\v 22 ಆಸ ಆಸ್ಥಾನಾ ಥೊಡ್ಯಾ ದಿಸಾನಿ ಬಿಖಾರಿ ಮಾನುಸ್ ಮೆಲಾ, ಪರಲೋಕಾಚಾ ಧುತಾಂಚಾನಿ ತ್ಯಲಾ ನಿಹುನ್ ಅಬ್ರಹಾಮಾಚೆ ಕಡಸ್ ಬಸಿವ್ಲಾ. ಆನಿ ತ್ಯೊ ಸಾವ್ಕೊರ್ ಮಾನುಸ್ ಬಿ ಮೆಲಾ; ತ್ಯಚಿ ಉತ್ತರ್ ಕ್ರಿಯಾ ಕಿಲಿ. 
\v 23 ತ್ಯೊ ನರಕಾತ್ ಯಾಪ್ ಖಾತಾನಾ ನದಾರ್ ವರ್ ಕರೂನ್ ದುರ್ನಿ ಅಬ್ರಹಾಮಾಲಾ ಆನಿ ತ್ಯಚೆ ಕಡಸ್ ಆಸ್‌ಲ್ಯಾಲ್ಯಾ ಲಾಜ಼ರಾಲಾ ಬಗ್ಲಾ. 
\v 24 ತವಾ ತ್ಯೊ, “ಬಾ ಅಬ್ರಹಾಮಾ ಮಾಜಿವ ದಯೆ ಥೆವುನ್ ಲಾಜ಼ರಲಾ ಮಾಜಿಪ ಲಾವುನ್ ದೇ; ತ್ಯೊ ಆಪ್‌ಲ್ಯಾ ಬೊಟಾಚ಼ ಟ್ವಾಕ್ ಪಾನ್ಯಾತ್ ಬುಡುವುನ್ ಮಾಜಿ಼ ಜಿಬ್ ತಂಡ ಕರಾಯಾ ಹೆ ಜ಼ಳ್ಹಿತ್ ಯಾಪ್ ಖಾತ್ಯೊ” ಮನ್ಹುನ್ ವರ್ಡುನ್ ಸಾಂಗ್ಲ.
\p
\v 25 ಫನ್ ಅಬ್ರಹಾಮ್, “ಮುಲಾ ತು ಯವಜ಼ಲ್ಯಾಲ ಸಗ್ಳ ಸುಕ್ ತುಜಾ ಜೀವ್ನಾತ್ ಜಿತ್ತಾ ಆಸ್ಥಾನಾ ಖಾಲ್ಯಾಸ್ ತಸಸ್ ಲಾಜ಼ರಾನಿ ಯಾಪ್ ಖಾಲ್ಯಾತ ತೆ ಯದತ್ ಆನುನ್ ಘೇ ಆತಾ ಹಿತ್ತ ಹ್ಯಲಾ ಸುಕ್ ಹಾ ಫನ್ ತುಲಾ ಯಾಪ್ ಹಾತ್ತ,
\p
\v 26 ಹ್ಯ ಯವ್ಡಸ್ ನವ್ಹ ಆಮ್ಚೆ ತುಮ್ಚೆ ಮದ್ದಿ ಯೊಕ್ ಮೊಟಾ ಘಾಟ್ ಹಾ ಹ್ಯಚಿಸ್ ಲಾಗುನ್ ಹಿಕುನಿ ತುಮ್ಚಿಪ ಜಾ಼ಯಾ ವ್ಹಯಿ ಮನ್‌ಲ್ಯಾಲಿ ಜಾ಼ಯಿತ್ ನಾಹಿತ ಆನಿ ತಿಕುನಿ ಆಮ್ಚಿಪ ಕುನಾಲಾ ವಲ್ಯಾಂಡುನ್ ಯಯಾ ವ್ಹಯಿತ್ ನಾಹಿ” ಮನ್ಲಾ. 
\v 27 ತವಾ ಸಾವ್ಕೊರ್ ಮಾನುಸ್ ಅಬ್ರಹಾಮಾಲಾ “ತಸಜಾ಼ಲ್ಯಾ ಲಾಜ಼ರಾಲಾ ಮಾಜಾ ಬಾಚಾ ಗರ‍್ಹಾತ್ ಲಾವುನ್ ದೇ ಮನ್ಹುನ್ ತುಜಿಪ ಮಾಗ್ನ ಕರ್ತೊ. 
\v 28 ಮನಾ ಪಾಚ಼್ ಜಾ಼ನ್ ಬಾಹು ಹಾತ್ತ; ತೇ ಸಾಹಿತ್ ಹ್ಯಾ ಯಪಾತ್ನಿ ಯತಿಲ; ಯವುನಾಹಿ ಆಸ ತ್ಯನಿ ಆಪ್ನು ಬಗ್‍ಲ್ಯಾಲ ತ್ಯನಾ ಚಾ಼ಂಗ್ಲ ಸಾಂಗುನಿ” ಮನ್ಲಾ. 
\v 29 “ಫನ್ ಅಬ್ರಹಾಮ್ ಮೊಶೆಚ಼ ದರ್ಮಶಾಸ್ತಾರ್ ಆನಿ ಪ್ರವಾದಿಂಚಿ ಗ್ರಂಥ ತ್ಯಂಚಿಪ ಹಾತ್ತ ತೀ ಐಕುಂತ” ಮನ್ಲಾ. 
\v 30 ತವಾ ತ್ಯೊ, “ಬಾ ಅಬ್ರಹಾಮಾ ತಸ ನವ್ಹ; ಮೆಲ್ಯಾಲ್ಯಾತ್ನಿ ಯಕ್ಲಾ ತ್ಯಂಚಿಪ ಗೆಲ್ಯಾವ ತೇ ಪಾಪಾತ್ನಿ ಮಾಗಾರ ದೇವಾಕ್ಡ ಪರಾತ್ತಿಲ” ಮನ್ಲಾ. 
\v 31 ಅಬ್ರಹಾಮಾನಿ ತ್ಯಲಾ, “ತ್ಯಂಚಾನಿ ಮೊಶೆಚ಼ ಆನಿ ಪ್ರವಾದಿಂಚ಼ ಸಬಾತ್ ಐಕ್ಲ ನಾಹಿ ಮಂಜೆ ಮೆಲ್ಯಾಲಾ ಯಕ್ಲಾ ಜಿತ್ತಾ ವ್ಹವುನ್ ಉಟ್ಲಾತರಿ ತೆ ಖರ ದರಿತ್ ನಾಹಿತ” ಮನ್ಹುನ್ ಸಾಂಗ್ಲ.
\c 17
\s ಪಾಪ್
\r (ಮತ್ತಾಯ್ 18:6-7; 21:22; ಮಾರ್ಕ್ 9:42)
\p
\v 1 ಯೇಸು ಆಪ್‌ಲ್ಯಾ ಶಿಶಾನಾ ಮನ್ಲಾ, “ಲೊಕ ಪಾಪ ಕರಾಚಾ ಸಂಗತಿ ಯಯಾಚಾ ಹಾತಾ ಫನ್ ಹ್ಯಾ ಯತ್ಯಾಲ್ಯಾ ಗುಶ್ಟಿ ನಾಹಿತ ಹ್ಯಾ ಗುಶ್ಟಿನಾ ಕಾರನ್ ಜಾ಼ಲ್ಯಾಲ್ಯಾ ಮಾನ್ಸಾಚಿ ಗತ್ ಚಾ಼ಂಗ್ಲಿ ರಾಹಿತ್ನಾಹಿ? 
\v 2 ತ್ಯೊ ಹ್ಯಾ ಬ್ಯಾರ್ಕ್ಯಾತ್‍ಲ್ಯಾ ಯಕಾಲಾ ಪಾಪಾತ್ ಪಾಡಾಚೆ ವಾಟ್ನಿಚ಼ ತ್ಯಚಾ ಗಳ್ಯಾತ್ ಜಾ಼ತ್ಯಾಚಾ಼ ದೊಂಢಾ ಬಾಂದುನ್ ಸಮಿಂದೊರಾತ್ ಟಾಕುನ್ ದಿಯಾಚ಼ ಬರ.
\p
\v 3 ತುಮ್ಚೆ ಗುಶ್ಟಿತ್ ಸಂಬಾಳುನ್ ರಾವ್ಹಾ! ತುಜಾ ಬಾವ್ಹಾನಿ ಚು಼ಕ್ ಕಿಲಿತರ್ ತ್ಯಲಾ ದಪ್‌ಕ್ಯಾವ್. ತ್ಯೊ ಚು಼ಕ್ ವಪುನ್ ಆಲಾತ ತ್ಯಚಿ ಚು಼ಕ್ ಮಾಪ್ ಕರುನ್ ಶೊಡ್. 
\v 4 ತ್ಯನಿ ದಿಸಾಲಾ ಸಾತ್ ಖೆಪಾ ತುಜೆ ಆಡ್ವಾ ಚು಼ಕ್ ಕರುನ್ ಸಾತ್ ಖೆಪಾಬಿ ತುಜಿ಼ಕ್ಡ ಪರ್ತುನ್ ಮಾಜಿ ಚು಼ಕ್ ಜಾ಼ಲಿ ಮಾಪ್ಕರ್ ಮನ್ಹುನ್ ಸಾಂಗ್ಲತ ತ್ಯಲಾ ಮಾಪ್ ಕರ್ ಮನ್ಲಾ.
\s ಇಸ್ವಾಸ್
\p
\v 5 ಅಪೊಸ್ತಲಾಂಚಾನಿ ಪ್ರಭುಲಾ, “ಆಮಚಾ಼ ಇಸ್ವಾಸ್ ವಾಡಿವ್” ಮನ್ಹುನ್ ಸಾಂಗ್ಲ.
\p
\v 6 ತವಾ ಪ್ರಭುನಿ, “ಮೌರ‍್ಹಿ ಇತ್ಕಾ ಇಸ್ವಾಸ್ ತುಮಾನಾ ರಾಯ್‍ಲ್ಯಾವ ತುಮಿ ಹ್ಯಾ ಹುಂಬ್ರಾಚಾ ಜಾ಼ಢಾಲಾ, ‘ತು ಮುಳಾ ಸಾಹಿತ್ ಉಪ್ಟುನ್ ಜಾ಼ವುನ್ ಸಮಿಂದೊರಾತ್ ಉಬ ರ‍್ಹಾ ಮನ್ಹುನ್ ಸಾಂಗ್‍ಲ್ಯಾವಬಿ ತ್ಯ ತುಮಚಾ಼ ಸಬೊತ್ ಐಕ್ನಾರ್
\s ಯಕಾ ಆಳಾಚ಼ ಕಾಮ್
\p
\v 7 ತುಮ್ಚಾತ್ ಕಚಾಲಾ ತರಿ ಶಾತ್ ನಾಂಗರ‍್ನಾರಾ ನಾಹಿತ ಬಕ್ರಿ ವಳ್‍ತ್ಯಲಾ ಆಳ್ ಆಸ್‍ಲ್ಯಾವ ತ್ಯೊ ಸೆತಾತ್ನಿ ಗರ‍್ಹಾತ್ ಅಲ್ಯಾಲ್ಯಾ ತ್ಯಾ ಆಳಾಲಾ, ‘ತು ಪಾಟ್ನಿ ಯವುನ್ ಖಾಯಾ ಬಸ್ ಮನ್ಹುನ್ ಸಾಂಗಿಲ್ ಕ್ಯಾ? 
\v 8 ನಾಹಿ! ತಸ ಸಾಂಗಾಚ಼ ಸುಡುನ್, ‘ತು ಮನಾ ಜೆವ್ನಾಲಾ ಕಾಯ್ತರಿ ತಯಾರ್‍ ಕರ್ ಮಿ ಖಾವುನ್ ಪಿವುನ್ ವ್ಹಯಿಸ್ ಪರ‍್ಯಾತ್ ಮಾಜಿ ಚಾ಼ಕ್ರಿ ಕರ್ ಮಂಗ್ ತು ಖಾ ಪಿ’ ಮನ್ಹುನ್ ಸಾಂಗ್ನಾರ್ ನವ್ಹ. 
\v 9 ಆಪ್ನು ಸಾಂಗ್‌ಲ್ಯಾ ಶಾರ್ಕ ಕೆಲ್ಯಾಲ್ಯಾ ತ್ಯಾ ಆಳಾಲಾ ತುಜಿಪ್ನಿ ಮಜ಼ತ್ ಜಾ಼ಲಿ ಮನ್ಹುನ್ ಸಾಂಗಿಲ್ ಕ್ಯಾ? 
\v 10 ತುಮಿ ತುಮಾನಾ ಸಾಂಗ್‍ಲ್ಯಾಲ ಸಗ್ಳ ಕೆಲ್ಯಾ ನಂತರ್ ಆಮಿ ಸಾದರನ್ ಆಳ್, ಕರಾ ವ್ಹಯಿ ಆಸ್‍ಲ್ಯಾಲಸ್ ಕೆಲ್ಯಾ ಮನ್ಹಾ” ಮನ್ಹುನ್ ಸಾಂಗ್ಲ.
\s ಯೇಸುನಿ ಧಾ ಜ಼ನಾನಾ ಬರ ಕೆಲ್ಯಾಲ
\p
\v 11 ಯೇಸು ಯೆರುಸಲೇಮಿತ್ ಜಾ಼ತ್ಯಾಲಾ ಆಸ್ಥಾನಾ ಸಮಾರ‍್ಯ ಗಲಿಲಾಯ್ ಸಿಮಂಚೆ ಮದ್ನಿ ಗೆಲಾ. 
\v 12 ಯಕಾ ಖೆಡ್ಯಾ ಗಾವಾತ್ ಆಲಾ ತವಾ ಧಾ ಜಾ಼ನ್ ಕುಶ್ಟ ರೊಗಿ ತ್ಯಚೆ ಮೊರ‍್ಹ ಯವುನ್ ದುರ್ ಉಬರಾಹುನ್, 
\v 13 “ಯೇಸು! ಪ್ರಭು! ಆಮ್ಚಿವ ಕರ್ನಾ ಥೆವ್” ಮನ್ಹುನ್ ವರ್ಡುನ್ ಸಾಂಗ್ಲ.
\p
\v 14 ಯೇಸುನಿ ತ್ಯನಾ ಬಗುನ್, “ತುಮಿ ಜಾ಼ವುನ್ ತುಮ್ಚಾ ಯಾಜಕಾಲಾ ಆಂಗ್ ದಾವಾ” ಮನ್ಹುನ್ ಸಾಂಗ್ಲ. ತೇ ಜಾ಼ತಾನಾಸ್ ಬರ ಜಾ಼ಲ. 
\v 15 ತ್ಯಾತ್‍ಲ್ಯಾ ಯಕಾನಿ ಆಪ್‌ಲ್ಯಾಲಾ ಬರ ಜಾ಼ಲ್ಯಾಲ ಬಗುನ್ ಮೊಟ್ಯಾನಿ ದೇವಾಲಾ ವವ್ಯಾಳಿತ್ ಮಾಗಾರಾ ಆಲಾ 
\v 16 ಆನಿ ತ್ಯೊ ಯೇಸುಚಾ ಪಾಯಾತ್ ಪಡುನ್ ತ್ಯಲಾ ಉಪ್ಕಾರ್ ಸಾಂಗ್ಲಾ ತ್ಯೊ ಸಮಾರ‍್ಯಾತ್ಲಾ. 
\v 17 ಯೇಸುನಿ ಹ್ಯ ಬಗುನ್, “ಧಾ ಜಾ಼ನ್ಬಿ ಬರ ಜಾ಼ಲ್ಥ ನವ್ಹ? ಆನಿ ರಾಯ್‍ಲ್ಯಾಲ ನವುಜಾ಼ನ್ ಕುಠ? 
\v 18 ಪ್ರಭುಲಾ ವವ್ಯಾಳಾಲಾ ಹ್ಯೊ ದುಸ್ರೆ ದೆಶಾತ್ಲಾ ಸುಡುನ್ ಆನಿ ಕಚಾ಼ಸ್ ಮಾಗಾರಾ ಪರ್ತುನ್ ಆಲಾ ನಾಹಿ ಕ್ಯಾ? 
\v 19 ಮನ್ಹು‍ನ್ ಸಾಂಗುನ್ ತ್ಯಲಾ, “ಉಠುನ್ ಜಾ಼ ತುಜಾ ಇಸ್ವಾಸಾನಿ ತುಲಾ ಬರ ಕೆಲ್ಯಾ ಮನ್ಹುನ್ ಸಾಂಗ್ಲ.
\s ದೇವಾಚಾ ರಾಜಾಚ಼ ಯನ
\r (ಮತ್ತಾಯ್ 24:23-28,37-41)
\p
\v 20 ಯಕಸಿ ಥೊಡ್ಯಾ ಫರಿಸಾಯಂಚಾನಿ ಯೇಸುಲಾ, “ದೇವಾಚ಼ ರಾಜೆ ಕವಾ ಯನಾರ್” ಮನ್ಹುನ್ ಇಚಾರ್ಲ ತವಾ ತ್ಯೊ ತ್ಯನಾ, “ದೇವಾಚ಼ ರಾಜೆ ಯತ್ಯಾಲ ಧ್ಯಾನ್ತಿವುನ್ ಕುನಾಲಾ ವಳ್ಕಾಯಾ ವ್ಹಯಿತ್ ನಾಹಿ, 
\v 21 “ಹಾಬ ಹಿತ್ತ ಹಾ, ಥಬ ತಿಥ ಹಾ, ಮನ್ಹುನ್ ಸಾಂಗಾಯಾ ವ್ಹಯಿತ್ ನಾಹಿ; ದೇವಾಚ಼ ರಾಜೆ ತುಮ್ಚಿಪಸ್ ಹಾ ಮನ್ಹುನ್ ಸಮಜು಼ನ್ ಗೆವ್ಹಾ” ಮನ್ಹುನ್ ಉತ್ತರ್ ದಿಲಾ.
\p
\v 22 ಆನಿ ತ್ಯನಿ ಆಪ್‌ಲ್ಯಾ ಶಿಶಾನಾ ಕ್ಯಾ ಸಾಂಗ್ಲ ಮಂಜೆ, “ಯೊಕ್ ಟಾಯಿಮ್ ಯನಾರ್ ತ್ಯಾತ್ ತುಮಿ ಮಾನ್ಸಾಚಾ ಲೇಕಾಚಾ ದಿಸಾತ್ ಯೊಕ್ ದಿಸ್ ಬಗಾಯಾ ವ್ಹಯಿ ಮನ್ಹುನ್ ಆಶಾ ಕಿಲಿಸಾ ತರಿ ತ್ಯೊ ಬಗಾಚೆ ಆಂದಿ ರಾಸಿಲಾ.
\p
\v 23 ಲೊಕಾಂಚಾನಿ ತುಮಾನಾ, ‘ಥಬೊ, ತಿಥ ಹಾ, ಹಬೊ ಹಿತ್ತ ಹಾ!’ ಮನ್ಹುನ್ ಸಾಂಗ್ಲ ತರ್ ತುಮಿ ಜಾ಼ವು ನಕೊಸಾ. 
\v 24 ಕಾ ಮಂಜೆ ಅಬ್ಳಾತ್ ಚ಼ಕ್ಮಕ್‍ತ್ಯಾಲೆ ಇಜ಼ಚೆಗತ್ ಹಾ ತೀ ಯವುನ್ ಯಕಿಕ್ನಿ ಆನಿ ಯಕಿಕ್ಡ ಕಸಾ ಉಜಿಡ್ ದಿಸ್ತೊ ತಸಾಸ್ ಮಾನ್ಸಾಚಾ಼ ಲ್ಯೊಕ್ ಮಿ ಯತಾನಾ ತುಮಾನಾ ಸಮಾಜ್ನಾ಼ರ್. 
\v 25 ಫನ್ ಆಂದಿ ತ್ಯನಿ ಖುಬ್ ಯಾಪ್ ಖಾವುನ್ ಹೆ ಪಿಳ್ಗಿಚಾ ಲೊಕಾಂಚಿಪ್ನಿ ನಾಖರುನ್ ಗಿಹ್ಯಾ ವ್ಹಯಿ.
\p
\v 26 ನೊಹಾಚಾ\f + \fr 17:26 \fr*\ft ಆದಿಕಾಂಡ 18, 19 ಅದ್ಯಾಯ್\ft*\f* ದಿಸಾತ್ ಜಾ಼ಲ್ಯಾ ಶಾರ್ಕ ಮಾನ್ಸಾಚಾ ಲೇಕಾಚಾ ದಿಸಾತ್ಬಿ ಚಾ಼ಲ್ನಾರ್. 
\v 27 ನೊಹಾ ವ್ಹಡಿತ್ ಗೆಲ್ಯಾಲ್ಯಾ ದಿಸಾ ಪರ‍್ಯಾತ್ ಲೊಕ ಖಾಯಿತಿತ, ಪಿಯಿತಿತ, ಲಗ್ನ ಕರುನ್ ದಿಯಿತಿತ, ತವಾ ಪ್ರಳಯ್ ಯವುನ್ ಸಗ್‌ಳ್ಯಾಂಚಾ಼ ನಾಸ್ ಕೆಲಾ.
\p
\v 28 ಆನಿ ಲೊಟಾಚಾ ದಿಸಾತ್ ಆಸಸ್‍ ಹುತ ತಿ ಲೊಕ ಖಾಯಿತ್, ಪಿಯಿತ್ ಹುತ್ತಿತ, ನಿಹಿತಿತ, ಇಕಿತಿತ, ಪಿರಿತಿತ, ಗರ‍್ಹ ಬಾಂದಿತಿತ, 
\v 29 ಫನ್ ಲೊಟಾ ಸೊದೊಮ್ ಗಾವ್ ಸುಡುನ್ ಗೆಲ್ಯಾಲ್ಯಾ ದಿಸಾದಿಸಿ ಆಬ್ಳಾತ್ನಿ ಇಸ್ತು\f + \fr 17:29 \fr*\ft ವಾರ‍್ಯಾನಿ ಪೇಟ್ಯಾಲ ಹಳದ ಸಾಮಾನ್ \ft*\f* ಆನಿ ಇಂಗಾಳ್ ಪಡುನ್ ತ್ಯನಾ ಸಗ್‍ಳ್ಯಾನಾ ನಾಸ್ ಕೆಲಾ. 
\v 30 ಮಾನ್ಸಾಚಾ಼ ಲ್ಯೊಕ್ ಯತ್ಯಾಲ್ಯಾ ದಿಸಾತ್ ತಸಸ್ ವ್ಹನಾರ್.
\p
\v 31 ತ್ಯಾ ದಿಸಾತ್ ಮಾಳಿವ ಆಸ್‍ಲ್ಯಾಲಾ ಆಪ್ಲಾ ದಾಗಿನಾ ಗಿಹ್ಯಾ ಉತ್ರುನ್ ಯವು ನಾಹಿ; ತಸಸ್ ಸೆತಾತ್ ಆಸ್‍ಲ್ಯಾಲಾ ಸಾಹಿತ್ ಪರ್ತುನ್ ಗರ‍್ಹಾತ್ ಮಾಗಾರಾ ಜಾ಼ವು ನಾಹಿ. 
\v 32 ದೇವಾನಿ ಶಿಕ್ಶೆ ದಿಲ್ಯಾಲೆ ಲೊಟಾಚೆ ಬ್ಯಾಯ್ಕೊಚಿ ಯಾದ್ ಕರಾ 
\v 33 ಆಪ್ಲಾ ಜೀವ್ ಉರ್ವಾ ವ್ಹಯಿ ಮನ್‍ಲ್ಯಾಲಾ ಜೀವ್ ಸಾಂಡುನ್ ಗೆನಾರ್; ಆನಿ ಜೀವ್ ಸಾಂಡುನ್ ಗೆತಲ್ಯಾಲ್ಯಾನಿ ಜೀವ್ ರಾಖುನ್ ಗೆನಾರ್.
\p
\v 34 “ತೇ ರಾತಿತ್ ಯಕಾ ಪಲಂಗಾವ ದೊಗ ರಾನ್ಹಾರ್; ತ್ಯಾತ್‌ಲ್ಯಾ ಯಕಾಲಾ ನೆನ್ಹಾರ್ ಆನಿ ಯಕಾಲಾ ತಿಥಸ್ ಥೆವ್ನಾರ್ 
\v 35 ದುಗಿ ಬ್ಯಾಯ್ಕಾ ಯಕಾಸ್ ಜಾ಼ತ್ಯಾವ ದಳ್ನಾರ್; ಯಕಿ ಲಾ ನೇನ್ಹಾರ್ ಆನಿ ಯಕಿಲಾ ಸುಡುನ್ ಜಾ಼ನಾರ್ ಮನ್ಲಾ. 
\v 36 \f + \fr 17:36 \fr*\ft ಲುಕಾನಿ ಲಿವ್‌ಲ್ಯಾಲೆ ಬರೆ ಖಬ್ರಿಚಾ ಥೊಡ್ಯಾ ಪ್ರತಿತ್ನಿ 36 ವಚ಼ನ್ ಗ್ಯಾತ್‌ಲ್ಯಾಲ ಹಾ ದೊಗ ಗಡಿ ಯಕಾ ಸೇತಾತ್ ರಾಥ್ಯಾತ. ಯಕಾಲಾ ನೆನ್ಹಾರ್ ಆನಿ ಯಕಾಲಾ ತಿಥಸ್ ಥೆವ್ನಾರ್. \ft*\f*
\p
\v 37 ಹ್ಯಾ ಸಬ್ದಾಲಾ ಶಿಶಾಂಚಾನಿ, “ಪ್ರಭು ತ್ಯ ಕುಠ ವ್ಹನಾರ್ ಮನ್ಹು‍ನ್ ಇಚಾರ್ಲ ತ್ಯಲಾ ಯೇಸುನಿ ತ್ಯನಾ ಮಡ ಕುಠ ತಿಥ ಗಿದ್ಡ ಜ಼ಮತ್ಯಾತ ಮನ್ಹುನ್ ಉತ್ತರ್ ದಿಲಾ.
\c 18
\s ವಿದ್ವೆಚಿ ಆನಿ ನ್ಯಾಯಿ ಕರ್ತ್ಯಾಲ್ಯಾಚಿ ಕ್ಯಾಯ್ನಿ
\p
\v 1 ಯೇಸುನಿ ಆಪ್‌ಲ್ಯಾ ಶಿಶಾನಾ ಬೆಜಾರ್ ಕರಾಚೆ ಆಂದಿ ಕವಾಬಿ ಮಾಗ್ನ ಕರಾವ ಹೆ ಗುಶ್ಟಿತ್ ಯೇಕ್ ಕ್ಯಾಯ್ನಿ ಸಾಂಗ್ಲಿ. 
\v 2 ತೀ ಕ್ಯಾ ಮಂಜೆ, “ಯಕ್ಕಾ ಗಾವಾತ್ ಯೊಕ್ ನ್ಯಾಯಿ ಕರ್ತ್ಯಾಲಾ ಹುತ್ತಾ. ತ್ಯೊ ದೇವಾಲಾ ಬಿಹಿ ನಸ್ನಾರಾ ಮಾನ್ಸಾಂಚಿಕ್ಡ ಲಕ್ಶೆ ಕರೀತ್ ನಸ್ನಾರಾ ಹುತ್ತಾ. 
\v 3 ತ್ಯಾಚ್ ಗಾವಾತ್ ಯೇಕ್ ವಿದ್ವಾ ಹುತ್ತಿ. ತಿ ತ್ಯಚಿಪ ಕಾಯಿಮ್ ಯವುನ್, “ಮಾಜಾ ವಾದಿಪ್ನಿ ನ್ಯಾಯಿ ಕರುನ್ ಮನಾ ಸುಡಿವ್” ಮನ್ಹುನ್ ಸಾಂಗಿತ್ ಹುತ್ತಿ. 
\v 4 ತ್ಯನಿ ಥೊಡ ದಿಸ್ ಮನ್‌ಕೆಲ ನಾಹಿ. ತ್ಯಾ ನಂತರ್ ತ್ಯನಿ ಮಿ ದೇವಾಲಾ ಬಿಥ್ಯಾಲೊ ನವ್ಹ, ಮಾನ್ಸಾಂಚಿಕ್ಡ ಲಕ್ಶೆ ದೆತ್ಯಾಲೊ ನವ್ಹ. 
\v 5 ಫನ್ ಹಿ ವಿದ್ವಾ ಮನಾ ಕಾಂಬಿವ್ತೆ ಮನ್ಹುನ್ ಹಿಚಾ಼ ನ್ಯಾಯಿ ಕರಿನ್ ನಾಹಿತ ಹಿ ಖಾಯಿಮ್ ಯವುನ್ ಮನಾಸ್ ಕಾಂಬ್ವಿಲ್” ಮನ್ಹುನ್ ಆಪ್‌ಲ್ಯಾ ಮನಾತ್ ಮನ್ಲಾ.
\p
\v 6 ಪ್ರಭುನಿ ಹಿ ಕ್ಯಾಯ್ನಿ ಸಾಂಗ್‌ಲ್ಯಾ ನಂತರ್ ಆಪ್‌ಲ್ಯಾ ಶಿಶಾನಾ ಐಕಾ ಅನ್ಯಾಯ್ ಕರ್ತ್ಯಾಲ್ಯಾ ನ್ಯಾಯಾದಿಪತಿನಿ ಕ್ಯಾ ಸಾಂಗ್ಲ. 
\v 7 ರ‍್ಯಾತ್ ದೀಸ್ ಖಾಯಿಮ್ ಮಾಗ್ನ ಕರ್ತ್ಯಾಲ್ಯಾ ಆಪ್‌ಲ್ಯಾ ಲೊಕಾನಾ ದೇವ್ ನ್ಯಾಯಾ ದೀತ್ ನಾಹಿಕ್ಯಾ? ತ್ಯೊ ಮಜ಼ತ್ ಕರಾಯಾ ಲೇಟ್ ಕರಿಲ್ ಕ್ಯಾ? 
\v 8 ತ್ಯನಾ ಬೀಗಿ ನ್ಯಾಯಿ ಕರಿಲ್ ಮನ್ಹುನ್ ತುಮಾನಾ ಸಾಂಗ್ತೊ. ಆಸ ಆಸ್ಥನಾ ಮಾನ್ಸಾಚಾ ಲ್ಯೊಕ್ ಯಯಿಲ್ ತವಾ ದರ್ಥಿವ ಇಸ್ವಾಸ್ ಬಗಿಲ್? ಮನ್ಲಾ.
\s ಫರಿಸಾಯ್ ಆನಿ ಜ಼ಖತ್ ದಾರಾಂಚಿ ಕ್ಯಾಯ್ನಿ
\p
\v 9 ಆನಿ ಆಪ್ನುಸ್ ಚಾ಼ಂಗ್ಲ ಮನ್ಹುನ್ ಆಪ್ಲಿವ ಇಸ್ವಾಸ್ ಥಿವುನ್ ರಾಯ್‍ಲ್ಯಾಲ್ಯಾನಾ ನಿಯತ್ ನಸ್ನಾರಿ ಮಂಥ್ಯಾಲ್ಯಾ ಥೊಡ್ಯಾನಾ ಯೇಕ್ ಕ್ಯಾಯ್ನಿ ಸಾಂಗ್ಲಿ. 
\v 10 ತಿ ಕ್ಯಾ ಮಂಜೆ, “ಮಾಗ್ನ ಕರಾ ವ್ಹಯಿ ಮನ್ಹು‍ನ್ ದೊನ್ ಮಾನುಸ್ ದೇವ್ಳಾತ್ ಗೆಲ; ಯೊಕ್ ಫರಿಸಾಯ್ ಆನಿ ಯೊಕ್ ಜ಼ಖತ್ ದಾರ್. 
\v 11 ಫರಿಸಾಯ್ ಉಬಾರಾಹುನ್ ಮಾಗ್ನ ಕರ್ತಾನಾ ಆಪ್‌ಲ್ಯಾ ಮನಾತ್, “ದೇವಾ ಸುಲುನ್ ಖಾತ್ಯಾಲ್ಯಾ ಚು಼ಕ್ ಕರ್ತ್ಯಾಲ್ಯಾ ರಾಂಡ್‍ ಸಂಗತ್ ಕರ್ತ್ಯಾಲ್ಯಾ ದಿಸರ‍್ಯಾ ಲೊಕಾಂಚಿಗತ್ ಮಿ ನವ್ಹ, ಹ್ಯಾ ಜ಼ಖತ್ ದಾರಾಚಿಗತ್ ಬಿ ನವ್ಹ ಮನ್ಹುನ್ ತುಲಾ ಉಪ್ಕಾರ್ ಕರ್ತೊ 
\v 12 ವಾರಾತ್ನಿ ದೊಂದಾ ಉಪಾಸ್ ಕರ್ತೊ; ಮಿ ಕಮಿವ್‍ಲ್ಯಾಲ್ಯಾ ಪರ್ತೆಕಾತ್ ಧಾತ್ಲಾ ಯೊಕ್ ಭಾಗ್ ದೆತೊ” ಮನ್ಲಾ. 
\v 13 ಫನ್ ತ್ಯೊ ಜ಼ಖತ್ ದಾರ್ ದುರ್ ಉಬಾರಾಹುನ್ ಆಬ್ಳಾಕ್ಡ ಡೊಳ ಉಗ್ಡುನ್ ಬಗಾಯಾ ದಿಕಿಲ್ ಮನ್‌ ನಸ್ಥಾನಾ ಶಾತಿ ಬಡವುನ್ ಗಿಹಿತ್, “ದೇವಾ ಪಾಪಿ ಆಸ್‍ಲ್ಯಾಲ್ಯಾ ಮಾಜಿವ ಕರ್ನಾ ಥೆವ್” ಮನ್ಲಾ. 
\v 14 ದೆವಾಚೆ ನದ್ರಲಾ ಹ್ಯೊ ನಿಯತಿಚಾ಼ ಮನ್ಹು‍ನ್ ಥರುನ್ ಆಪ್‌ಲ್ಯಾ ಗರ‍್ಹಾತ್ ಗೆಲಾ ತ್ಯೊ ಫರಿಸಾಯ್ ತಸಾ ವ್ಹವುನ್ ಗೆಲಾ ನಾಹಿ ಮನ್ಹುನ್ ತುಮಾನಾ ಸಾಂಗ್ತೊ. ಆಪ್‌ಲ್ಯಾಲಾ ಆಪ್ನು ಥೊರ್ ಮಂಥೊ ತ್ಯೊ ನ್ಹಾನ್ ವ್ಹಯಿಲ್; ಆನಿ ಆಪ್‌ಲ್ಯಾತ್ ಆಪ್ನು ನ್ಹಾನ್ ಮನ್ಹುನ್ ರಾಹಿಲ್ ತ್ಯೊ ಥೊರ್ ವ್ಹಯಿಲ್ ಮನ್ಲಾ.
\s ನ್ಹಾನ್ ಮುಲಾನಾ ಯೇಸುಚಾ಼ ಆಶಿರ್ವಾದ್
\r (ಮತ್ತಾಯ್ 19:13-15; ಮಾರ್ಕ್ 10:13-16)
\p
\v 15 ಥೊಡ್ಯಾಂಚಾನಿ ಆಪ್‌ಲ್ಯಾ ಬಾರಿಕ್ ಮುಲಾನಾ ಯೇಸುಪ್ನಿ ಹಾತ್ ಲಾವುನ್ ಗಿಹ್ಯಾ ವ್ಹಯಿ ಮನ್ಹುನ್ ಯೇಸುಪ ಆಂತ್ಯಾಲಿ ತ್ಯಚಾ ಶಿಶಾಂಚಾನಿ ಬಗುನ್ ತ್ಯನಾ ದಪ್‌ಕ್ಯಾವ್ಲಿತ. 
\v 16 ಫನ್ ಯೇಸುನಿ ತ್ಯಾ ಮುಲಾನಾ ಆಪ್ಲಿಪ ಹಾಕ್ಟುನ್, ಆಸಾ ಮನ್ಲಾ “ಮುಲಾನಾ ಮಾಜಿ಼ಪ ಯವುದೇವಾ; ತ್ಯನಾ ಆಡ್ಯಾವು ನಕೊಸಾ ದೇವಾಚ಼ ರಾಜೆ ಆಸ್‍ಲ್ಯಾಂಚ಼ಸ್. 
\v 17 ಆನಿ ಮಿ ತುಮಾನಾ ಖರ ಸಾಂಗ್ತೊ ಕೊನ್ ಪೋರಾಚೆ ಬಾವ್ನನಿ ದೇವಾಚ಼ ರಾಜೆ ಗಿಹಿತ್ ನಾಹಿ ತ್ಯೊ ತ್ಯಾತ್ ಜಾ಼ಯಿತ್ ನಾಹಿ ಮನ್ಲಾ.
\s ಸಾವ್ಕೋರ್ ಮಾನುಸ್
\r (ಮತ್ತಾಯ್ 19:16-30; ಮಾರ್ಕ್ 10:17-31)
\p
\v 18 ಯೊಕ್ ಯೆಹುದ್ಯಾಂಚಾ಼ ಅಧಿಕಾರಿ ಯವುನ್, “ಚಾ಼ಂಗಲ್ಯಾ ಗುರು ಮನಾ ಶಾಶ್ವತ್ ಜೀವ್ ಗಾವಾ ವ್ಹಯಿತ ಮಿ ಕ್ಯಾ ಕರಾ ವ್ಹಯಿ? ಮನ್ಹುನ್ ಯೇಸುಲಾ ಇಚಾರ್ಲ.
\p
\v 19 ತವಾ ಯೇಸು ತ್ಯಲಾ, “ಮನಾ ಚಾ಼ಂಗ್ಲ ಮನ್ಹುನ್ ಕಾ ಮಂಥೊಸ್? ದೇವ್ ಯೊಕುಸ್ ಚಾ಼ಂಗ್ಲಾ. 
\v 20 ರಾಂಡ್ ಸಂಗತ್ ಕರುನಾಹಿ ಖುನ್ ಕರುನಾಹಿ; ಚು಼ರಿ ಕರುನಾಹಿ; ಲಬಾಡ್ ಸಾಕ್ಶಿ ಸಾಂಗು ನಾಹಿ ಆಯಿ ಬಾಲಾ ಮರ‍್ಯಾದ್ ದಿಯಾ ವ್ಹಯಿ ಹ್ಯಾ ಆಜ್ಞಾ ಠಾವ್ಯಾ ಹಾತಾ ತ್ಯವ್‍ಡ್ಯಾಸ್ ಮನ್ಹುನ್ ಸಾಂಗ್ಲ.
\p
\v 21 ತವಾ ತ್ಯೊಮಾನುಸ್, “ಮಿ ನ್ಹಾನ್ಪಸ್ನಿ ಹ್ಯಂಚಿ ಶಾರ್ಕಾ ಚಾ಼ಲತ್ ಆಲ್ಯೊ” ಮನ್ಹುನ್ ಮನ್ಲಾ ತವಾ.
\p
\v 22 ಯೇಸು ತ್ಯ ಐಕುನ್ ತ್ಯಲಾ, “ಆಜು಼ನ್ ತುಲಾ ಯಾಕ್ ಕಮ್ಮಿ ಜಾ಼ಲ್ಯಾ; ತುಜ಼ ಆಸ್‌ಲ್ಯಾಲ ಸಗ್ಳ ಇಕುನ್ ಪೈಸ ಗರಿಬಾನಾ ವಾಟುನ್ ದೇ; ಪರಲೊಕಾತ್ ತುಲಾ ಸಂಪತ್ ಗಾವಲ್ ತು ಯವುನ್ ಮಾಜೆ ಮಾಗ ಲಾಗ್ ಮನ್ಹುನ್ ಸಾಂಗ್ಲ. 
\v 23 ತ್ಯೊ ಮಾನುಸ್ ಖುಬ್ ಸಾವ್ಕೊರ್ ಹುತ್ತಾ ಮನ್ಹುನ್ ಹ್ಯ ಐಕುನ್ ಖುಬ್ ದುಃಕ್ ಜಾ಼ಲಾ.
\p
\v 24 ತವಾ ಯೇಸುನಿ ತ್ಯಲಾ ಬಗುನ್, “ಸಾವ್ಕೊರ್ ಮಾನುಸ್ ದೇವಾಚಾ ರಾಜಾತ್ ಜಾ಼ಯಾಚ಼ ಕ್ಯವ್ಡ ಕಠಿನ್ ಹಾ. 
\v 25 ಸಾವ್ಕೊರ್ ಮಾನುಸ್ ದೇವಾಚಾ ರಾಜಾತ್ ಜಾ಼ಯಾಚೆ ವಾಟ್ನಿಚ಼ ಹುಟ್ ಸುಚಾ ಡೋಳ್ಯಾತ್ನಿ ಜಾ಼ಯಾಚ಼ ಸಲ್ಪ” ಮನ್ಲಾ.
\p
\v 26 ಯೇಸುಚ಼ ಹೆ ಸಬಾತ್ ಐಕ್‍ಲ್ಯಾಲ, “ಆಸ ಜಾ಼ಲ್ಯಾ ಕುನಾಲಾ ರಕ್ಶನ್ ವ್ಹಯಿಲ್” ಮನ್ಹುನ್ ಇಚಾರ್ಲ. 
\v 27 ತವಾ ಯೇಸುನಿ ತ್ಯನಾ, “ಮಾನ್ಸಾನಾ ವ್ಹಯಿತ್ ನಸ್‍ಲ್ಯಾಲ ದೇವಾಲಾ ವ್ಹತ ಮನ್ಲಾ.
\p
\v 28 ತವಾ ಪೇತ್ರ, “ಆತಾ ಆಮಿ ಆಮ್ಚಿ ಘರ್ ದಾರ ಸೂಡುನ್ ತುಜೆ ಮಾಗ್ನಿ ಆಲ್ಯಾವ್” ಮನ್ಲಾ.
\p
\v 29 ತವಾ ಯೇಸು ತ್ಯನಾ, “ತುಮಾನಾ ಖರ ಸಾಂಗ್ತೊ. ಕೊನ್ ದೇವಾಚಾ ರಾಜಾ ಸಾಟಿ ಘರ್, ಬ್ಯಾಯ್ಕೊ ಬಾಹು ಆಯಿ ಬಾ ಪೊರಾನಾ ಸುಡುನ್ ಹಾ. 
\v 30 ತ್ಯಲಾ ಆತಾಚಾ ಕಾಲಾತ್ ಖುಬ್ ವಾಟ್ನಿ ಗಾವ್ನಾರ್; ಆನಿ ಮೊರ್ಲೆ ದುನೆತ್ ಶಾಶ್ವತ್ ಜೀವ್ ಮಿಳ್ನಾರ್” ಮನ್ಹುನ್ ಸಾಂಗ್ಲ.
\s ಯೇಸುನಿ ಆಪ್‌ಲ್ಯಾ ಮರ್ನಾಚಾ಼ ಭವಿಶಾ ತಿನ್‍ವ್ಯಾನಿ ಸಾಂಗ್‌ಲ್ಯಾಲ
\r (ಮತ್ತಾಯ್ 20:17-19; ಮಾರ್ಕ್ 10:32-34)
\p
\v 31 ಯೇಸುನಿ ಆಪ್‌ಲ್ಯಾ ಬಾರಾ ಜಾ಼ನ್ ಶಿಶಾನಾ ಹಾಕ್ಟುನ್ ತ್ಯನಾ, “ಬಗಾ ಆಮಿ ಯೆರುಸಲೇಮಿತ್ ಜಾ಼ತ್ಯಾವ್ ಆನಿ ಮಾನ್ಸಾಚಾ ಲೇಕಾಚೆ ಗುಶ್ಟಿತ್ ಪ್ರವಾದಿಂಚಾನಿ ಲಿವ್‍ಲ್ಯಾಲ ಸಗ್ಳ ತ್ಯಚಿಪ ಗಡ್ನಾರ್. 
\v 32 “ತ್ಯಲಾ ಯೆಹುದ್ಯ ನಸ್‍ಲ್ಯಾಲ್ಯಾ ದಿಸರ‍್ಯಾ ಲೊಕಾಂಚಾ ತಾಬ್ಯಾತ್ ದೇನಾರ್ ತೀ ತ್ಯಚಿ ನಿಂದಾ ಕರ್ನಾರ್ ಸಿವ್ಯಾದೇನಾರ್ ಥುಕ್ನಾರ್ 
\v 33 ಕಾಟ್ಯಾಚಾ ಬಾರ‍್ಕುಲಾನಿ ಮಾರುನ್ ಜೀವ್ ಕ್ಯಾಡ್ನಾರ್. ಆನಿ ತೀನ್ ದಿಸಾ ನಂತರ್ ತ್ಯೊ ಪರತ್ ಜಿತ್ತಾ ವ್ಹವುನ್ ಉಠುನ್ ಯನಾರ್” ಮನ್ಹುನ್ ಸಾಂಗ್ಲ.
\p
\v 34 ಫನ್ ಶಿಶಾಂಚಾನಿ ಹ್ಯಾತ್ಲಿ ಯೇಕ್ ಗ್ಯೊಶ್ಟ್ ಬಿ ಸಮಜು಼ನ್ ಗಿತ್ಲಿ ನಾಹಿ ಹ್ಯಾ ಗುಶ್ಟಿ ತ್ಯನಾ ಆಡ್‍ಶಾ ಹುತ್ಯಾ.
\s ಯೇಸುನಿ ಆಂದ್‍ಳ್ಯಾಲಾ ನದಾರ್ ದಿಲ್ಯಾಲಿ
\r (ಮತ್ತಾಯ್ 20:29-34; ಮಾರ್ಕ್ 10:46-52)
\p
\v 35 ಯೇಸು ಯೆರಿಕೊಚೆ ಜ಼ವಳ್ ಆಲಾ ತವಾ ವಾಟಚೆ ಕಡಸ್ ಬಸುನ್ ಭೀಕ್ ಮಾಗ್‍ತ್ಯಾಲಾ ಯೊಕ್ ಕುರ್ಡಾ ಹುತ್ತಾ. 
\v 36 ತ್ಯನಿ ವಾಟನಿ ಹಿಂಡಾನಿ ಜಾ಼ತ್ಯಾಲ್ಯಾ ಲೊಕಾಂಚ಼ ಸಬ್ದ ಐಕುನ್ ಹ್ಯ ಕ್ಯಾ ಮನ್ಹುನ್ ಇಚಾರ್ಲ.
\p
\v 37 ತ್ಯಂಚಾನಿ ತ್ಯಲಾ, “ನಜ಼ರೇತಿಚಾ಼ ಯೇಸು ಹೆ ವಾಟನಿ ಜಾ಼ತ್ಯೊ” ಮನ್ಹುನ್ ಸಾಂಗ್ಲ.
\p
\v 38 ತವಾ ತ್ಯೊ ಕುರ್ಡಾ “ಯೇಸುಗಾ ದಾವಿದಾಚಾ ಲೇಕಾ ಮಾಜಿವ ಕರ್ನಾ ದ್ಯಾವ್” ಮನ್ಹುನ್ ಜೊ಼ರಾನಿ ಮನ್ಲಾ.
\p
\v 39 ಮೊರ‍್ಹ ಜಾ಼ತ್ಯಾಲ್ಯಾ ಲೊಕಾಂಚಾನಿ ಗಪ್ ರ‍್ಹಾ ಮನ್ಹು‍ನ್ ತ್ಯಲಾ ದಪ್‌ಕ್ಯಾವ್ಲಾ ತವಾ ತ್ಯೊ, “ದಾವಿದಾಚಾ ಲೇಕಾ, ಮಾಜಿವ ಕರ್ನಾ ಥೆವ್” ಮನ್ಹುನ್ ಆನಿಕ್ ವರಾಡ್ಲಾ.
\p
\v 40 ತವಾ ಯೇಸು ಉಬಾರಾಹುನ್ ತ್ಯಲಾ ಆಪ್ಲಿಪ ಹಾಕ್ಟುನ್ ಆನಾಯಾ ಸಾಂಗ್ಲ 
\v 41 ತ್ಯೊ ಜ಼ವಳ್ ಆಲಾ ತವಾ ಯೇಸುನಿ ತ್ಯಲಾ, “ಮಿ ತುಲಾ ಕ್ಯಾ ಕರಾ ವ್ಹಯಿ ಮಂಥೊಸ್” ಮನ್ಹುನ್ ಇಚಾರ್ಲ್ಯಾಲ್ಯಾಲಾ ತ್ಯನಿ, “ಮಿ ಆನಿಕ್ ಸಗ್ಳ ಬಗಿ ಜೊ಼ಗ ಕರ್” ಮನ್ಲಾ.
\p
\v 42 ಯೇಸು ತ್ಯಲಾ, “ತುಲಾ ದಿಸುನಿ; ತುಜಾ ಇಸ್ವಾಸಾನಿ ತುಲಾ ಬರಾ ಕೆಲ್ಯಾ” ಮನ್ಲಾ.
\p
\v 43 ತವಾಸ್ ತ್ಯಲಾ ದಿಸಾಯಾಲಾಗ್ಲ ತ್ಯೊ ದೇವಾಲಾ ವವ್ಯಾಳಿತ್ ಯೇಸುಚೆ ಮಾಗ್ನಿ ಗೆಲಾ ಲೊಕ ಸಗ್ಳಿ ಚಾ಼ಲ್ಯಾಲಿ ಹಾಕಿಗತ್ ಬಗುನ್ ದೇವಾಲಾ ಉಪ್ಕಾರ್ ಕರಾಯಾ ಲಾಗ್ಲಿತ.
\c 19
\s ಯೇಸು ಆನಿ ಜಖಾಯಾ
\p
\v 1 ಯಂಗ್ದಾ ಯೇಸು ಯೆರಿಕೊ ಗಾವಾತ್ ಬರ್ಹುನ್ ತಿಥ್ನಿ ಮೊರ‍್ಹ ಜಾ಼ಯಿತ್ ಹುತ್ತಾ. 
\v 2 ತಿಥ ಜಖಾಯಾ ಮಂಥ್ಯಾಲಾ ಯೊಕ್ ಮಾನುಸ್ ಹುತ್ತಾ; ತ್ಯೊ ಜಖತಿಚಾ಼ ಗುತ್ಕಿ ಗೆಥ್ಯಾಲಾ ಆನಿ ಸಾವ್ಕೊರ್ 
\v 3 ತ್ಯೊ ಯೇಸು ಕೊನ್ ಮನ್ಹುನ್ ಬಗಾಯಾ ಖಟಪಟ್ ಕರೀತಾ ಫನ್ ಗರ್ದಿಸ್ ಲಾಗುನ್ ತ್ಯಚ಼ ಕಾಯ್ ಚಾ಼ಲನಾ ಕಾ ಮಂಜೆ ತ್ಯೊ ಗಿಡ್ಡಾ ಹುತ್ತಾ. 
\v 4 ಮನ್ಹುನ್ ಯೇಸುಲಾ ಬಗಾಯಾಸಾಟಿ ಮೊರ‍್ಹ ಪಳತ್ ಜಾ಼ವುನ್ ತ್ಯೊ ತಿಥ ಯೆರಿಕೋಚೆ ವಾಟವ್‍ಲ್ಯಾ ವಡಾಚಾ ಜಾ಼ಢಾವ ಚ಼ಡುನ್ ಬಸ್ಲಾ ಹುತ್ತಾ ಯೇಸು ತೆ ವಾಟನಿ ಜಾ಼ಯಾಚಾ಼ ಹುತ್ತಾ. 
\v 5 ಯೇಸು ತಿಥ ಯವುನ್ ವರ್ ಬಗುನ್, “ಜಕಾಯಾ ಪಾಟ್ನಿ ಉತುರುನ್ ಯೇ, ಮಿ ಹೆ ಯಳಿ ತುಜಾ ಗರ‍್ಹಾತ್ ರಾಹ್ಯಾ ವ್ಹಯಿ” ಮನ್ಹುನ್ ತ್ಯಲಾ ಸಾಂಗ್ಲ.
\p
\v 6 ತವಾ ತ್ಯೊ ಪಾಟ್ನಿ ಉತುರುನ್ ಯವುನ್ ಯೇಸುಲಾ ಆನಂದಾನಿ ಹಾಕಟ್ಲಾ. 
\v 7 ಹ್ಯ ಬಗ್‌ಲ್ಯಾಲಿ ಸಗ್ಳಿಜ಼ನ, “ಹ್ಯೊ ಪಾಪಿಚಾ ಗರ‍್ಹಾತ್ ರಾಹ್ಯಾ ಗೆಲ್ಯಾ” ಮನ್ಹುನ್ ಟೂರ್ ಟೂರ‍್ಲಿತ.
\p
\v 8 ಫನ್ ಜಕಾಯಾ ಉಬಾ ರಾಹುನ್ ಸ್ವಾಮಿಲಾ, “ಪ್ರಭು ಬಗ್, ಮಾಜೆ ಆಸ್ಥಿತ್ಲಿ ಆರ್ದಿ ಗರಿಬಾನಾ ದೇತೊ; ಆನಿ ಮಿ ಅನ್ಯಾಯಾನಿ ಕುನಾಪ್ನಿ ಕಾಯ್ ತರಿ ವಡುನ್ ಗೆತ್ಲ ಆಸ್ಲತ ಚಾರ್ ಫಟ್ ಮಾಗಾರ ದೇತೊ” ಮನ್ಹುನ್ ಸಾಂಗ್ಲ.
\p
\v 9 ಹ್ಯ ಐಕುನ್ ಯೇಸು, “ಹೆ ಯಳಿ ಹ್ಯಾ ಗರ‍್ಹಾಚ಼ ರಕ್ಶನ್ ಜಾ಼ಲ; ಹ್ಯೊ ಸಾಹಿತ್ ಅಬ್ರಹಾಮಾಚಾ ವಂಶಾತ್ಲಾ ನವ್ಹ ಕ್ಯಾ? 
\v 10 ಕಾ ಮಂಜೆ ಮಾನ್ಸಾಚಾ಼ ಲ್ಯೊಕ್ ಚು಼ಕುನ್ ಗೆಲ್ಯಾಲ್ಯಾಲಾ ಸೂದುನ್ ರಾಕಾಯಾ ಆಲ್ಯಾ” ಮನ್ಹುನ್ ಸಾಂಗ್‍ಲ್ಯಾ.
\s ಸೊನ್ಯಾಚಾ಼ ಪೈಸಾ ಸಾಂಡ್‌ಲ್ಯಾಲ್ಯಾಚಿ ಕ್ಯಾಯ್ನಿ
\r (ಮತ್ತಾಯ್ 25:14-30)
\p
\v 11 ತೆ ಹ್ಯಾ ಗುಶ್ಟಿ ಐಕಿತ್ ಆಸ್ಥಾನಾ ಯೇಸು ಯೆರುಸಲೇಮಿಲಾ ಜ಼ವಳ್ ಜಾ಼ಲ್ಥಾ ಮನ್ಹುನ್ ದೇವಾಚ಼ ರಾಜೆ ತವಾಸ್ ಪ್ರತ್ಯಕ್ಷ ವ್ಹಯಾಚೆಗತ್ ಹಾ ಮನ್ಹುನ್ ತ್ಯಂಚಾನಿ ಸಮಜು಼ನ್ ಗೆತ್ಲ ಹುತ್ತ ಮನ್ಹುನ್ ಆನಿ ಯೇಕ್ ಕ್ಯಾಯ್ನಿ ಸಾಂಗ್ಲಿ. 
\v 12 ತೀ ಕ್ಯಾ ಮಂಜೆ, “ಯೊಕ್ ಮೊಟ್ಯಾ ಗರಾನ್ಯಾಚಾ಼ ಮಾನುಸ್ ಆಪ್ನು ರಾಜಾ಼ ವ್ಹವುನ್ ಪರತ್ ಯಯಾ ವ್ಹಯಿ ಮನ್ಹುನ್ ದುರ್ಚೆ ದೇಶೆತ್ ನಿಗಾಲ. 
\v 13 ಜಾ಼ತಾನಾ ಆಪ್‌ಲ್ಯಾ ಆಳಾತ್‍ಲ್ಯಾ ಧಾ ಜ಼ನಾನಾ ಹಾಕ್ಟುನ್ ತ್ಯನಾ ಧಾ ಸೊನ್ಯಾಚ಼ ಆನ\f + \fr 19:13 \fr*\ft ಗ್ರೀಕ್ \ft*\f* ದಿವುನ್ ಮಿ ಯಯಿ ಪರ‍್ಯಾತ್ ದಂಧಾ ಕರುನ್ ರಾವ್ಹಾ ಮನ್ಹುನ್ ಸಾಂಗ್ಲ. 
\v 14 ಫನ್ ತ್ಯಚಾ ಗಾವಾತಲ್ಯಾ ಮಾನ್ಸಾಂಚಾನಿ ತ್ಯಚಿವ ರಾಗ್ ಕರುನ್ ತ್ಯಚೆ ಮಾಗ್ನಿ ವಕಿಲ್ ಲಾವುನ್ ದಿವುನ್ ಹ್ಯೊ ಆಮಾನಾ ರಾಜಾ಼ ವ್ಹಯಾಚಾ಼ ಆಮ್ಚಾ ಮನಾತ್ ನಾಹಿ ಮನ್ಹುನ್ ಸಾಂಗಾಯಾ ಲ್ಯಾವ್ಲ.
\p
\v 15 ತ್ಯಾ ನಂತರ್ ತ್ಯೊ ರಾಜಾ಼ ವ್ಹವುನ್ ಮಾಗಾರಾ ಯವುನ್ ಆಪ್ನು ಪೈಸ ದಿಲ್ಯಾಲ್ಯಾ ಆಳಾಂಚಾನಿ ದಂದಾಕರುನ್ ಕ್ಯವ್ಡಾ ಕ್ಯವ್ಡಾ ಪ್ಯಾಯ್ದಾ ಕೆಲ್ಯಾ ಮನ್ಹುನ್ ಸಮಜಾ಼ಯಾ ತ್ಯನಾ ಆಪ್ಲಿಪ ಹಾಕಟ್ಲ. 
\v 16 ಪೈಲಾ ತ್ಯಚೆ ಮೊರ‍್ಹ ಯವುನ್, “ದನ್ಯಾ, ತು ದಿಲ್ಯಾಲ್ಯಾ ಅನ್ಯಾನಿ ಧಾ ಆನ ಕಮಿವ್‍ಲ್ಯಾತ” ಮನ್ಲಾ. 
\v 17 ತವಾ ತ್ಯೊ ತ್ಯಲಾ, ಶಬಾಸ್! ತು ಚಾ಼ಂಗ್ಲಾ ಆಳ್; ತು ನಖಾಡೆ ಗುಶ್ಟಿತ್ ಇಸ್ವಾಸಾನಿ ರಾಯ್ಲಾಸ್ ಮನ್ಹುನ್ ಧಾ ಗಾವಾಂಚಿವ ಅಧಿಕಾರಿ ಹೋ ಮನ್ಹುನ್ ಸಾಂಗ್ಲ. 
\v 18 ದೊನ್ವಾ ಯವುನ್, “ದನ್ಯಾ ತು ದಿಲ್ಯಾಲ್ಯಾ ಯಕಾ ಆನ್ಯಾನಿ ಪಾಚ಼್ ಆನ ಮಿಳಿವ್ಲ” ಮನ್ಲಾ.
\p
\v 19 ತವಾ ತ್ಯೊ ತ್ಯಲಾ, “ತು ದಿಖಿಲ್ ಪಾಚ಼್ ಗಾವಾಂಚಿವ ಆದಿಕಾರಿ ರ‍್ಹಾ ಮನ್ಹುನ್ ಸಾಂಗ್ಲ. 
\v 20 ಮಂಗ್ ಆನಿ ಯೊಕ್ ಯವುನ್, “ದನ್ಯಾ ಹಬ ತು ದಿಲ್ಯಾಲ ಸೊನ್ಯಾಚ಼ ಆನ ಹ್ಯ ಫಡಕ್ಯಾತ್ ಬಾಂದುನ್ ಥೆವ್‍ಲ್ಯಾತ. 
\v 21 ತು ಥೆವ್‍ಲ್ಯಾ ನಸ್‍ಲ್ಯಾಲ ಉಚ್ಲು಼ನ್ ಗಿಹುನ್ ಜಾ಼ನಾರಾ ಪಿರಿನಸ್ತಾನಾ ಕ್ಯಾಪ್ನಾರಾ ಖುಬ್ ಬಾದ್ ಮಾನುಸ್ ಮನ್ಹುನ್ ತುಲಾ ಬಿಹುನ್” ಮನ್ಲಾ.
\p
\v 22 ತ್ಯೊ ದನ್ಹಿ, “ತು ಬರ್ಸಾ ಆಳ್ ತುಜಾ ಬೊಲ್‍ನ್ಯಾವಸ್ ತುಜಾ಼ ನ್ಯಾಯಿ ಕರ್ತೊ ಮಿ ಥಿವಿನಸ್‍ಲ್ಯಾಲ ಉಚ್ಲು಼ನ್ ನೆನ್ಹಾರಾ ಪಿರಿ ನಸ್ಥಾನಾ ಕ್ಯಾಪ್ನಾರ್ ಮಾನುಸ್ ಮನ್ಹುನ್ ಸಮಾಜ಼್ಲಾಸ್? 
\v 23 ತಸ ಜಾ಼ಲ್ಯಾ ತು ಮಾಜ಼ ಸೊನ್ಯಾಚ಼ ಆನ ಬಡ್ಡಿನಿ ಕಾ ದಿಲನಾಹಿತ? ಮಿ ಮಂಗ್ ಯವುನ್ ತೆ ಬಡ್ಡಿನಿ ಗಿಹಿತೊ ಮನ್ಹು‍ನ್ ಸಾಂಗುನ್ 
\v 24 ಕಡಸ್ ಉಬಿರಾಯ್‍ಲ್ಯಾಲ್ಯಾನಾ ತೆ ಆನ ಹ್ಯಚಿಪ್ನಿ ಗಿಹುನ್ ಧಾ ಆನ ಆಸ್‍ಲ್ಯಾಲ್ಯಾಲಾ ದೆವಾ ಮನ್ಹು‍ನ್ ಸಾಂಗ್ಲ. 
\v 25 ತವಾ ತೆ, “ದನ್ಯಾ ಧಾ ಆನ ತ್ಯಚಿಪ ಹಾತ್ತ ನವ್ಹ” ಮನ್ಲ.
\p
\v 26 ತ್ಯಲಾ ತ್ಯೊ ಕಚಾಪ ಥೊಡ ಹಾ ತ್ಯಲಾ ಆನಿ ದೆನಾರ್ ಕಚಾಪ ಕಾಯ್ ನಾಹಿ ತ್ಯಚಿಪ್ನಿ ಆಸ್‌ಲ್ಯಾ ಸಗ್ಳ ಕಾಡುನ್ ಗೆನಾರ್” ಮನ್ಹುನ್ ಮಿ ತುಮಾನಾ ಸಾಂಗ್ತೊ. 
\v 27 ಆನಿ ಮಿ ಆಪ್ಲಾ ರಾಜಾ಼ ವ್ಹಯಾಚ಼ ಮನಾತ್ ನಾಹಿ ಮನ್ಹುನ್ ಸಾಂಗ್‍ಲ್ಯಾಲ್ಯಾ ತ್ಯಾ ಮಾಜಾ ವೈರಿನಾ ಹಿತ್ತ ಮಾಜೆ ಮೊರ‍್ಹ ಆನುನ್ ಮಾರುನ್ ಟಾಕಾ” ಮನ್ಲಾ.
\s ಯೆರುಸಲೇಮಿತ್ ರಾಜಾಚೆಗತ್ ಯೇಸುಚಾ಼ ಪರವೆಸ್
\r (ಮತ್ತಾಯ್ 21:1-11; ಮಾರ್ಕ್ 11:1-11; ಯೊಹಾನ್ 12:12-19)
\p
\v 28 ಯೇಸುನಿ ಹೆ ಸಬಾತ್ ಸಾಂಗ್‍ಲ್ಯಾ ನಂತರ್ ಯೆರುಸಲೆಮಿಕ್ಡ ಮೊರ‍್ಹ ಗೆಲಾ.
\p
\v 29 ನಂತರ್ ತ್ಯೊ ಒಲೀವ್ ತೆಲಾಚಾ ಜಾ಼ಢಾಂಚಾ಼ ಗುಢಾ ಮಂಥ್ಯಾಲ್ಯಾ ಗುಢ್ಯಾಚೆ ಜ಼ವಳ್ ಆಸ್‍ಲ್ಯಾಲೆ ಬೆತ್ಸೆಬಾ ಆನಿ ಬೆತಾನ್ಯಾಚೆ ಜ಼ವಳ್ ಆಲಾ ತವಾ ಶಿಶಾತ್‍ಲ್ಯಾ ದೊಗಾನಾ ಹಾಕ್ಟುನ್ ತುಮ್ಚೆ ಮೊರ‍್ಹ ಆಸ್‍ಲ್ಯಾಲ್ಯಾ ಗಾವಾತ್ ಜಾ಼ವಾ; 
\v 30 ತುಮಿ ತಿಥ ಜಾ಼ತಾನಾಸ್ ತಿಥ ಬಾಂದ್‍ಲ್ಯಾಲ ಯಾಕ್ ಗಾಡ್ವಾಚ಼ ಪ್ವಾರ್ ದಿಸಲ್: ಆಜು಼ನ್ ಪರ‍್ಯಾತ್ ತ್ಯಚಿವ ಕೊನ್ ಬಸ್ಲ ನಾಹಿ; ತ್ಯ ಸುಡುನ್ ದರುನ್ ಆನಾ 
\v 31 ಕಚಾನಿ ತರಿ ತುಮಾನಾ ಕಾ ತ್ಯ ಶೊಡ್ತಾಸಾ ಮನ್ಹುನ್ ಇಚಾರ್ಲತ ಹ್ಯ ಪ್ರಭುಲಾ ವ್ಹಯಿ ಜಾ಼ಲ್ಯಾ ಮನ್ಹಾ. ಮನ್ಹುನ್ ಸಾಂಗುನ್ ಲಾವುನ್ ದಿಲ.
\p
\v 32 ಲಾವುನ್ ದಿಲ್ಯಾಲ್ಯಾಂಚಾನಿ ಜಾ಼ವುನ್ ತ್ಯನಿ ಆಪ್‌ಲ್ಯಾನಾ ಸಾಂಗ್‍ಲ್ಯಾ ಶಾರ್ಕ ಗಾಡ್ವಾಲಾ ಬಗ್ಲ. 
\v 33 ತೆ ದೊಗ ಶಿಶಾ ಗಾಡ್ವಾಚಾ಼ ಪೆಟಾ ಶೊಡ್ತಾ ಆಸ್ಥಾನಾ ತ್ಯಚಾ ದನ್ಯಾನಿ, “ತ್ಯಲಾ ಕಾ ಶೊಡ್ತಾಸಾ” ಮನ್ಹುನ್ ತ್ಯನಾ ಇಚಾರ್ಲ್ಯಾಲ್ಯಾಲಾ
\p
\v 34 ತ್ಯಂಚಾನಿ, “ಹ್ಯ ಪ್ರಭುಲಾ ವ್ಹಯಿಜಾ಼ಲ್ಯಾ ಮನ್ಹುನ್ ಸಾಂಗ್ಲ. 
\v 35 ತ್ಯಾ ಗಾಡ್ವಾಲಾ ಶಿಶಾಂಚಾನಿ ಯೇಸುಪ ಆನುನ್ ಆಪ್ಲ ಕಪ್ಡ ತ್ಯಚಿವ ಗಾಲ್ಹುನ್ ಯೇಸುಲಾ ಬಸಿವ್ಲಾ. 
\v 36 ಯೇಸು ಜಾ಼ಯಿತ್ ಆಸ್ಥಾನಾ ಲೊಕಾಂಚಾನಿ ಆಪ್ಲ ಕಪ್ಡ ವಾಟವ ಹಾತರ‍್ಲ. \fig ಯೆರುಸಲೆಮಿತ್ ಯೆಸುಚ಼ ಜಯೊತ್ಸವಾನಿ ಜಾ಼ನ|alt="Jesus’ Triumphant entry to Jerusalem" src="lb00315c.tif" size="col" copy="Horace Knowles ©" ref="19:36"\fig*
\p
\v 37 ತ್ಯೊ ಯೆರಸಲೇಮಿಚೆ ಜ಼ವಳ್ ಆಲಾ ತವಾ ಒಲೀವ್ ತೆಲಾಚಾ ಜಾ಼ಢಾಚಾ ಗುಢ್ಯಾಚೆ ಉತಾರ್ಡಿಸ್ ಆಲಾ ತವಾ ಶಿಶಾಂಚಿ ಮಂಡಳಿ ಆನಂದ್ ವ್ಹವುನ್ ಆಪ್ನು ಬಗ್‍ಲ್ಯಾಲ್ಯಾ ಸಗ್‍ಳ್ಯಾ ಮೊಟ್ಯಾ ಕಾರ‍್ಯಾಂಚೆ ಗುಶ್ಟಿತ್ ದೇವಾಲಾ ವವ್ಯಾಳ್ಳಾ
\q1
\v 38 ದೇವಾಚಾ ನಾವಾನಿ ಯನಾರ‍್ಯಾ ರಾಜಾಲಾ ಆಶಿರ್ವಾದ್ ಪರಲೊಕಾತ್ ಶಾಂತಿ
\q1 ವರ್ಲೆ ದುನೆತ್ ಶಾಂತಿ ಗೌರವ್ ಮನ್ಹುನ್ ಮೊಟ್ಯಾನಿ ದೇವಾಲಾ ವವ್ಯಾಳಾಲಾ ಲಾಗ್ಲಿತ.
\p
\v 39 ತವಾ ಲೊಕಾತ್ನಿ ಥೊಡ ಫರಿಸಾಯಂಚಾನಿ ಯೇಸುಲಾ “ಪ್ರಭು ತುಜಾ ಶಿಶಾನಾ ದಪ್‌ಕ್ಯಾವ್” ಮನ್ಹುನ್ ಸಾಂಗ್‍ಲ್ಯಾಲ್ಯಾಲಾ.
\p
\v 40 ಯೇಸು, “ಹಿ ಲೊಕ ಗಪ್‍ ರಾಯ್ಲಿತತ ಹೆ ದೊಂಢ ವರಾಡ್ನಾರ್ ಮನ್ಹುನ್ ತುಮಾನಾ ಸಾಂಗ್ತೊ” ಮನ್ಲಾ.
\s ಯೇಸು ಯೇರುಸಲೇಮಿ ಸಾಟಿ ರಡ್‍ಲ್ಯಾಲಾ
\p
\v 41 ಮಂಗ್ ಯೇಸು ಯೇರುಸಲೆಮಿಚೆ ಜ಼ವಳ್ ಆಲಾ ತವಾ ತ್ಯ ಶಾರ್ ಬಗುನ್ ರಡತ್. 
\v 42 ಆಸ ಮನ್ಲಾ ತು ತರಿ ಸಮಾದಾನಾಲಾ ವ್ಹಯಿ ಜಾ಼ಲ್ಯಾಲ್ಯಾ ಹ್ಯಾ ದಿಸಾದಿಸಿ ಸಮಜು಼ನ್ ಗೆತ್ಲ ಆಸ್ಥತ ಖುಬ್ ಬರ ಹುತ್ತ ಫನ್ ಆತಾ ತ್ಯ ತುಜಾ ಡೊಳ್ಯಾನಾ ಆಡ್‌ಶಾ ಜಾ಼ಲ್ಯಾ.
\p
\v 43 ಕಾ ಮಂಜೆ ತ್ಯೊ ಯೊಳ್ ತುಮ್ಚಿವ ಆಲ್ಯಾ ವೈರಿ ಸರ್ಬವ್ಹಾರ ಕುಡುನ್ ತುಮಾನಾ ದರ್ಥಿಲ ಆನಿ ಸಗ್‌ಳ್ಯಾ ವಾಟಾ ಜಾ಼ಗ್ತಿಲಾ. 
\v 44 ತೇ ತುಲಾ ಪುರ್ತಿ ನಾಸ್ ಕರ್ನಾರ್ ತುಜೆ ಗ್ವಾಡ್ಯಾಂಚೆ ಆತ್ ಆಸ್‌ಲ್ಯಾಲ್ಯಾ ಲೊಕಾನಾ ನಾಸ್ ಕರ್ನಾರ್ ಯಕಾ ದೊಂಡ್ಯಾವ ಯೊಕ್ ದೊಂಢಾ ರಾನ್ಹಾರ್ ನಾಹಿ ಕಾ ಮಂಜೆ ದೇವ್ ತುಲಾ ರಕ್ಶನ್ ಕರಾಯಾ ಆಲಾ ತ್ಯ ತುಮಿ ವಳಕ್ಲ ನಾಹಿಸಾ.
\s ಯೇಸು ದೇವ್ಳಾತ್ ಗೆಲ್ಯಾಲಾ
\r (ಮತ್ತಾಯ್ 21:12-17; ಮಾರ್ಕ್ 11:15-19; ಯೊಹಾನ್ 2:13-22)
\p
\v 45 ಮಂಗ್ ಯೇಸು ದೇವ್ಳಾತ್ ಜಾ಼ವುನ್ ಇಕರ‍್ಯಾನಾ ತಿಥ್ನಿ ಬಾಹಿರ್ ಗಾಲಾಯಾ ಲಾಗುನ್ 
\v 46 ತ್ಯನಾ ಮಾಜ಼ ದಿವುಳ್ ಮಾಗ್ನ ಕರ್‌ತ್ಯಾಲ ದಿವುಳ್ ವ್ಹನಾರ್ ಮನ್ಹುನ್ ಧರ್ಮ ಶಾಸ್ತಾರಾತ್ ಲಿವ್‍ಲ್ಯಾ ನವ್ಹ; ಫನ್ ತುಮಿ ತ್ಯ ಚೊ಼ರಾಂಚಿ ಘಬ್ ಕೆಲೆಸಾ ಮನ್ಲಾ
\p
\v 47 ಆನಿ ಯೇಸು ಖಾಯಿಮ್ ದೇವ್ಳಾತ್ ಸಿಕ್ವಿತ್ ಹುತ್ತಾ. ತ್ಯವ್‍ಡ್ಯಾತ್ ದೊನ್ವಾ ಯಾಜಕ್ ಕ್ಯಾಯ್ದದಾರ್ ಲೊಕಾಂಚ಼ ಜಾಂತ ತ್ಯಲಾ ಠಾರ್ ಮಾರಾಯಾ ಯೊಳ್ ಸುದಿತ 
\v 48 ಫನ್ ಲೊಕ ತ್ಯಲಾ ಖಿಟುನ್ ತ್ಯಚ಼ ಶಿಕ್ಶನ್ ದ್ಯಾನ್ ದಿವುನ್ ಐಕಿತಿತ ಮನ್ಹು‍ನ್ ಕ್ಯಾ ಕರಾವ್ಹಯಿ ತ್ಯ ತ್ಯನಾ ಸಮ್‍ಜ಼ನಾ.
\c 20
\s ಯೇಸುಚಾ ಅಧಿಕಾರಾವ ಪ್ರಶ್ನೆ
\r (ಮತ್ತಾಯ್ 21:23-27; ಮಾರ್ಕ್ 11:27-33)
\p
\v 1 ಯಕಸಿ ಯೇಸು ದೇವ್ಳಾತ್ ಲೊಕಾನಾ ಉಪದೆಸ್ ಕರೀತ್ ಬರಿ ಖಬರ್ ಸಾಂಗ್ತಾನಾ ದೊನ್ವಾ ಯಾಜಕ್ ಕ್ಯಾಯ್ದವಾಲ್ಯಾನಾ ಮಂಡಳಿಚಾ ಜಾಂತ್ಯಾನಾ ಜ಼ಮವುನ್ 
\v 2 ಪಾಟ್ಕನ್ ಯವುನ್, “ತು ಕಚಾ ಹಖಾನಿ ಹ್ಯ ಸಗ್ಳ ಕರ್ತೊಸ್? ಹ್ಯೊ ಹಾಖ್ ತುಲಾ ಕುನಿ ದಿಲಾ ಆಮಾನಾ ಸಾಂಗ್? ಮನ್ಹುನ್ ತ್ಯಲಾ ಇಚಾರ್ಲ.
\p
\v 3 ತವಾ ಯೇಸು ತ್ಯನಾ, “ಮಿ ದಿಖಿಲ್ ತುಮಾನಾ ಯೊಕ್ ಸಬೊತ್ ಇಚಾರ್ತೊ ಮನಾ ಸಾಂಗಾ. 
\v 4 ಲೊಕಾನಾ ಬಾಪ್ತಿಸ್ಮಾ ದಿಯಾಚಾ಼ ಹುಕುಮ್ ಯೊಹಾನಾಲಾ ಪರಲೊಕಾತ್ನಿ ಆಲಾ ಕ್ಯಾ ಮಾನ್ಸಾಂಚಾಪ್ನಿ ಆಲಾ? ಮನ್ಹುನ್ ಇಚಾರ್ಲ.
\p
\v 5 ತವಾ ತೇ, “ದೇವಾಪ್ನಿ ಆಲಾ ಮನ್ಹುನ್ ಆಮಿ ಸಾಂಗ್‍ಲ್ಯಾವ ತುಮಿ ತ್ಯಚಿವ ಕಾ ಇಸ್ವಾಸ್ ಥೆವ್ಲಾ ನಾಹಿಸಾ? ಮನ್ಹಾರ್. 
\v 6 ಮಾನ್ಸಾಂಚಿಪ್ನಿ ಆಲಾ ಮನ್‍ಲ್ಯಾವ ಲೊಕ ಸಗ್ಳಿ ಯೊಹಾನಾಲಾ ಪ್ರವಾದಿ ಮನ್ಹಿತಿತ ಮನ್ಹುನ್ ತೀ ಆಮಾನಾ ದೊಂಡ್ಯಾನಿ ಮಾರುನ್ ಟ್ಯಾಕ್ತಿಲ” ಮನ್ಹುನ್ ಆಪ್‌ಲ್ಯಾ ಆಪ್‌ಲ್ಯಾತ್ ಬುಲುನ್ ಗಿಹುನ್. 
\v 7 “ತ್ಯೊ ಕುಟ್ನಿ ಆಲ್ಯಾ ಆಮಾನಾ ಠಾವಾ ನಾಹಿ” ಮನ್ಹುನ್ ಉತ್ತರ್ ದಿಲಾ.
\p
\v 8 ತವಾ ಯೇಸು ತ್ಯನಾ, “ಹ್ಯ ಸಗ್ಳ ಕಚಾ ಹುಕ್ಮಾನಿ ಕರ್ತೊ ತ್ಯ ಮಿ ತುಮಾನಾ ಸಾಂಗಿತ್ ನಾಹಿ” ಮನ್ಲಾ.
\s ದರಾಕ್ಶಿಚಾ ಮಳ್ಯಾಚಿ ಕ್ಯಾಯ್ನಿ
\r (ಮತ್ತಾಯ್ 21:33-46; ಮಾರ್ಕ್ 12:1-12)
\p
\v 9 ತವಾ ಯೇಸು ಲೊಕಾನಾ ಯೇಕ್ ಕ್ಯಾಯ್ನಿ ಸಾಂಗಾಯಾ ಲಾಗ್ಲಾ ತೀ ಕ್ಯಾ ಮಂಜೆ, “ಯಕಾ ಮಾನ್ಸಾನಿ ಯೊಕ್ ದರಾಕ್ಶಿಚಾ಼ ಮಳಾ ಲಾವುನ್ ತ್ಯೊ ದಿಸರ‍್ಯಾನಾ ಖಂಡಾನಿ ದಿವುನ್ ಆಪ್ನು ದುಸ್ರೆ ದೆಶೆತ್ ಜಾ಼ವುನ್ ತಿಥ ಖುಬ್ ದಿಸ್ ಹುತ್ತಾ.
\p
\v 10 ಸುಗ್ಗಿ ಆಲಿ ತವಾ ದನ್‌ಹ್ಯಾನಿ ದರಾಕ್ಷಿಚಾ ಮಳ್ಯಾಚಾ಼ ಆಪ್ಲಾ ಖಂಡ್ ದೇವಾ ಮನ್ಹುನ್ ತ್ಯಂಚಿಪ ಆಪ್‌ಲ್ಯಾ ಯಕಾ ಆಳಾಲಾ ಲಾವುನ್ ದಿಲಾ; ತವಾ ತ್ಯಾ ಖಂಡ್ ಕರ‍್ಯಾನಿ ತ್ಯಲಾ ಬಡವುನ್ ರಿಕಾಮಾ ಲಾವುನ್ ದಿಲಾ. 
\v 11 ಆನಿಕ್ ದನ್ಯಾನಿ ದಿಸರ‍್ಯಾ ಯಕಾ ಆಳಾಲಾ ಲಾವುನ್ ದಿಲಾ; ತ್ಯಲಾಬಿ ತ್ಯನಿ ಬಡವುನ್ ತ್ಯಚಿ ಮರ‍್ಯಾದ್ ಕಾಡುನ್ ರಿಕಾಮಾ ಲಾವುನ್ ದಿಲಾ.
\p
\v 12 ಆನಿಕ್ ದನ್ಯಾನಿ ತಿನವ್ಯಾಲಾ ಲಾವುನ್ ದಿಲಾ ತ್ಯಲಾಬಿ ತ್ಯನಿ ಘಾವ್ ವ್ಹಯಿ ಜೊ಼ಗಾ ಮಾರುನ್ ಬಾಹಿರ್ ಗ್ಯಾತ್ಲಾ. 
\v 13 ತವಾ ತ್ಯಾ ದರಾಕ್ಶಿಚಾ ಮಳ್ಯಾಚಾ ದನ್ಹಿ, “ಮಿ ಕ್ಯಾ ಕರು? ಮಾಜಾ ಲ್ಯಾಡ್‍ಕ್ಯಾ ಲೇಕಾಲಾ ಲಾವುನ್ ದೇತೊ ಯೇಕ್ ವೆಳಿ ತ್ಯಲಾತರಿ ಮರ‍್ಯಾದ್ ದಿತಿಲ” ಮನ್ಲಾ. 
\v 14 ಖರ ಲಾವುನ್ ದಿಲಾ ತವಾ ತ್ಯಾ ಖಂಡ್ ವಾಲ್ಯಾಂಚಾನಿ‌ ತ್ಯಲಾ ಬಗುನ್, “ಹ್ಯೊಸ್ ವಾರಸ್ ದಾರ್ ಹ್ಯಲಾ ಮಾರುನ್ ಟಾಕುಯಾ ಹ್ಯಚಿ ಆಸ್ಥಿ ಆಮ್ಚಿ ವ್ಹವುನಿ” ಮನ್ಹುನ್ ಯಕಾ ಮಕಾ ಸಂಗ ಬುಲುನ್ ಗಿಹುನ್. 
\v 15 ತ್ಯಲಾ ದರಾಕ್ಶಿಚಾ ಮಳ್ಯಾತ್ನಿ ಬಾಹಿರ್ ಡಕ್ಲುನ್ ಮಾರುನ್ ಟ್ಯಾಕ್ಲಾ ತಸ ಜಾ಼ಲ್ಯಾ ದರಾಕ್ಶಿಚಾ ಮಳ್ಯಾಚಾ಼ ದನ್ಹಿ ಖಂಡ್ ವಾಲ್ಯಾನಾ ಕ್ಯಾ ಕರ್ನಾರ್? ಮನ್ಹುನ್ ಯೇಸುನಿ ಇಚಾರ್ಲ. 
\v 16 ತ್ಯೊ ಯವುನ್ ತ್ಯಾ ಖಂಡ್ವಾಲ್ಯಾನಾ ಮಾರುನ್ ಟಾಕುನ್ ಆಪ್ಲಾ ಮಳಾ ದಿಸರ‍್ಯಾ ಲೊಕಾನಾ ಖಂಡಾನಿ ದಿಯಿಲ್ ಮನ್ಲಾ. ಹ್ಯ ಲೊಕಾಂಚಾನಿ ಐಕುನ್, “ತಸ ವ್ಹವು ನಾಹಿ”
\p
\v 17 ಮನ್ಲಿತ ಖರ ಯೇಸುನಿ ತ್ಯನಾ ನದಾರ್ ಥಿವುನ್, “ತಸ ಜಾ಼ಲ್ಯಾ ಘರ್ ಬ್ಯಾಂತ್ಯಾಲ್ಯಾನಿ ನಕೊ ಮನ್ಹುನ್ ಶೊಡ್‍ಲ್ಯಾಲಾ ದೊಂಡ್ಹಾಸ್ ಕೊನ್ಯಾಲಾ ವ್ಹಯಿ ಜಾ಼ಲಾ ಮನ್ಹುನ್ ಕ್ಯಾಯ್‌ದ್ಯಾತ್ ಲಿವ್‍ಲ್ಯಾಲ್ಯಾ ಸಬ್ದಾಚಾ಼ ಆರ್ಥ ಕ್ಯಾ?
\p
\v 18 ಹ್ಯಾ ದೊಂಡ್ಯಾವ ಪಡ್‍ತ್ಯಾಲ್ಯಾ ಪರ್ತೆಕಾಚ಼ ತುಕ್ಡ ತುಕ್ಡ ವ್ಹನಾರ್; ಹ್ಯೊ\f + \fr 20:18 \fr*\ft ಯೇಸುನಿ ಹ್ಯಚಾ಼ ಅರ್ಥ ಆಸ ಸಾಂಗ್ಲಾ ಯೇಸುಲಾ ನಕ್ವಾಟ್ ಕೆಲಾತ ಆಪ್‌ಲ್ಯಾಲಾ ಆಪ್ನುಸ್ ಮೊಸ್ ಕರುನ್ ಗೆಥ್ಯಾತ ತ್ಯೊಸ್ ರಕ್ಶನೆಚಾ಼ ಮಾರ್ಗ ಜಾ಼ಲ್ಯಾ. \ft*\f* ಕುನಾ ಕುನಾವ ಪಡಲ್ ತ್ಯಚಿ ಪುಡಿ ಪುಡಿ ವ್ಹನಾರ್!” ಮನ್ಲಾ.
\s ಕರ್ ದೇನ್ಯಾಚಾ಼ ಪ್ರಶ್ನೆ
\r (ಮತ್ತಾಯ್ 22:15-22; ಮಾರ್ಕ್ 12:13-17)
\p
\v 19 ಕ್ಯಾಯ್ದದಾರ್ ಆನಿ ಮುಖ್ಯ ಯಾಜಕಾಂಚಾನಿ ಹೆ ಸಬಾತ್ ಐಕುನ್, “ಆಮ್ಚಿಸ್ ಲಾಗುನುಸ್ ಹಿ ಕ್ಯಾಯ್ನಿ ಸಾಂಗ್ಲಿ” ಮನ್ಹುನ್ ಸಮಜು಼ನ್ ತೇಸ್ ಗಟ್ಕಲಾ ತ್ಯಲಾ ದರಾಯಾ ಯೇಳ್ ಶುದ್ಲಿ; ಫನ್ ತ್ಯನಾ ಜಾ಼ಲ ನಾಹಿ ತೆ ಲೊಕಾನಾ ಬಿಹ್ಯಾಲ.
\p
\v 20 ಮಂಗ್ ತೇ ಯೇಸುಲಾ ರೊಮ್ ಅಧಿಕಾರ‍್ಯಾಚೆ ತಾವ್ಡತ್ ದಿಯಾ ವ್ಹಯಿ ಮನ್ಹುನ್ ನಿಯೆತಿಚಾಂಚೆಗತ್ ನಾಟಕ್ಯಾ ಲೊಕಾನಾ ತ್ಯಚೆ ಗುಶ್ಟಿತ್ ಕಾಯ್ ತರಿ ಚು಼ಕ್ ದರಾಯಾ ಲಂಚಾ಼ ದಿವುನ್ ಯೇಸುಪ ಲಾವುನ್ ದಿಲ. 
\v 21 ಹೆ ಮನ್ಲ, “ಪ್ರಭು ತು ಠಿಕ್ ಬೊಲ್ತೊಸ್, ಆನಿ ಸಿಕಿವ್ತೊಸ್ ತು ತ್ವಾಂಡ್ ಬಗುನ್ ನವ್ಹ ದೇವಾಚಾ಼ ಮಾರ್ಗ ಖರಾ ಸಾಂಗ್ತೊಸ್ ಮನ್ಹುನ್ ಠಾವ ಹಾ, ಮಾನ್ಸಾವ ದೇವಾಚಾ ಉದ್ದೆಸ್ ಕ್ಯಾ ಹಾ. ಮನ್ಹುನ್ ಸಾಂಗ್ತೊಸ್ ಮನ್ಲ. 
\v 22 ರೊಮ್ ಚಕ್ರವರ್ತಿಲಾ ಕರ್ ದಿಯಾಚ಼ ಹಾ ಕ್ಯಾ ನಾಹಿ? ಮನ್ಹುನ್ ಇಚಾರ್ಲ.
\p
\v 23 ಯೇಸುನಿ ತ್ಯಂಚ಼ ಕಪಟ್ ಫನ್ ವಳ್ಕುನ್ ತ್ಯನಾ, 
\v 24 “ಮನಾ ಯೊಕ್ ಚಾ಼ಂದಿಚಾ಼ ಪೈಸಾ ದಾವಾ ಹ್ಯಚಿವ ಕುನಾಚಾ಼ ಮುಖಾಡಾ ಆನಿ ಲಿವ್ನ ಹಾ” ಮನ್ಹುನ್ ಇಚಾರ್ಲ್ಯಾಲ್ಯಾಲಾ ತೇ, “ಕೈಸರಾಚಾ಼” ಮನ್ಲ. 
\v 25 ಯೇಸು ತ್ಯನಾ, “ತಸ ಜಾ಼ಲ್ಯಾ ಕೈಸರಾಚ಼ ಕೈಸರಾಲಾ ದೇವಾ ಆನಿ ದೇವಾಚ಼ ದೇವಾಲಾ ದೇವಾ” ಮನ್ಹುನ್ ಸಾಂಗ್ಲ.
\p
\v 26 ತವಾ ತ್ಯನಾ ಲೊಕಾಂಚೆ ಹುಜು಼ರ್ ತ್ಯಚಾ ಬೊಲ್‍ನ್ಯಾತ್ ಕಾಯ್ ಚು಼ಕ್ ದರಾಯಾ ವ್ಹಯಿನಾ ಆನಿ ತ್ಯನಿ ದಿಲ್ಯಾಲ್ಯಾ ಉತ್ತರಾಲಾ ಆಜಾಬ್ ವ್ಹವುನ್ ಗಪ್ ಜಾ಼ಲ.
\s ಮೆಲ್ಯಾಲ್ಯಾತ್ನಿ ಪರತುನ್ ಜಿತ್ತಾ ವ್ಹತ್ಯಾಲ್ಯಾಚಾ಼ ಪ್ರಶ್ನೆ
\r (ಮತ್ತಾಯ್ 22:23-33; ಮಾರ್ಕ್ 12:18-27)
\p
\v 27 ಮಂಗ್ ಮರ್ನಾತ್ನಿ ಉಠುನ್ ಯಯಿತ್ನಾಹಿತ ಮಂಥ್ಯಾಲ್ಯಾ ಸದುಕಾಯಾತಲ್ಯಾ ಥೊಡ್ಯಾಂಚಾನಿ ಯವುನ್
\p
\v 28 ತ್ಯಲಾ ಯೆಕ್ ಪ್ರಶ್ನೆ ಇಚಾರ್ಲಿ ಪ್ರಭು ಮೊಶೆನಿ ಆಮಾನಾ ಆಸ ಲಿವುನ್ ಥೆವ್‌ಲ್ಯಾ ಯೊಕ್ ಮಾನುಸ್ ಮರುನ್ ತ್ಯಚೆ ಬ್ಯಾಯ್ಕೊಲಾ ಪೊರ ನಸ್ಥಾನಾ ತ್ಯಚಾ ಬಾವ್ಹಾನಿ ತ್ಯಚೆ ಬ್ಯಾಯ್ಕೊಲಾ ಲಗಿನ್ ವ್ಹವುನ್ ತಿಲಾ ಪೊರ ಜಾ಼ಲ್ಹಿತಕಿ ತೀ ಪೊರ ಮೆಲ್ಯಾಲ್ಯಾಚಿ ವ್ಹತ್ಯಾತ? 
\v 29 ತಸ ಸಾತ್ ಜಾ಼ನ್ ಬಾಹು ರಾಯ್ಲತರಿ ಆಂದಿಚಾನಿ ಲಗಿನ್ ವ್ಹವುನ್ ಪೊರ ನಸ್ಥಾನಾ ಮೆಲಾ.
\p
\v 30 ದೋನ್ವಾಬಿ ತಸಾಸ್ ವ್ಹವುನ್ ಮೆಲಾ 
\v 31 ತಿನ್ವಾಬಿ ತಿಲಾ ಲಗಿನ್ ಜಾ಼ಲಾ ಆಸ್ಹಸ್ ಸಾತ್ ಜ಼ನಾಂಚಾನಿ ಲಗಿನ್ ವ್ಹವುನ್ ಪೊರ ನಸ್ಥಾನಾ ಮೇಲ್ಹ. 
\v 32 ಮಾಗ್ನಿ ತೀ ಬಾಯಿಲ್ ಮಾನುಸ್ ಬಿ ಮೀಲಿ, 
\v 33 ತಸ ಜಾ಼ಲ್ಯಾ ಮರ್ನಾತ್ನಿ ಉಠುನ್ ಯತ್ತಾನಾ ತೀ ಬಾಯಿಲ್ ಮಾನುಸ್ ತ್ಯಾತ್‌ಲ್ಯಾ ಕಚಾಚಿ ಬ್ಯಾಯ್ಕೊ ವ್ಹವುನ್ ರಾನ್ಹಾರ್? ತಿಲಾ ಸಾತ್ ಜಾ಼ನ್ ಬಿ ಯಕಾ ಮಾಗ ಯೆಕ್ ಲಗಿನ್ ಜಾ಼ಲ್ಯಾತ ನವ್ಹ” ಮನ್ಲ.
\p
\v 34 ಯೇಸುನಿ ತ್ಯನಾ, “ಹ್ಯಾ ಪ್ರಪಂಚಾತ್ಲಿ ಗಡಿ ಆನಿ ಬ್ಯಾಯ್ಕಾ ಮಾನ್ಸ ಲಗಿನ್ ಕರುನ್ ಗೆಥ್ಯಾತ. 
\v 35 ಫನ್ ಪ್ರಪಂಚಾತ್ಲಿ ಮರ್ನಾತ್ನಿ ಉಠುನ್ ಯಯಾ ಚಾ಼ಂಗ್ಲ ಆಸ್‌ಲ್ಯಾಲಿ ಥುಡಿ ಲೊಕ ಉಠುನ್ ಯವುನ್ ಜೀವ್ನಾ ಕರ್ತ್ಯಾತ ಆನಿ ಲಗಿನ ಕರುನ ಗಿಹಿತ್ ನಾಹಿತ. 
\v 36 ತಿಥ್ನಿ ಮೊರ‍್ಹ ತಿ ಮರನಾಲಾ ಥರತ್ ನಾಹಿತ ಮರ್ನಾತ್ನಿ ಉಠುನ್ ಯವುನ್ ದೇವ್ ದುತಾಂಚೆಗತ್ ವ್ಹವುನ್ ದೇವಾಚಿ ಮುಲ ಜಾ಼ಲ್ಯಾತ ಮೆಲ್ಯಾಲಿ ಜಿತ್ತಿ ವ್ಹವುನ್ ಉಟ್ಯಾತ 
\v 37 ಮನ್ಹುನ್ ಮೊಶೆನಿ” ಸಾಂಗ್‍ಲ್ಯಾ. ತ್ಯನಿ ಜಾ಼ಳಿಚಿ ಖನ್ಕತಿ ಆಸ್‍ಲ್ಯಾಲ್ಯಾ ಆಜ್ಞಾತ್ ಪರಮೇಶ್ವರಾಲಾ ಅಬ್ರಹಾಮಾಚಾ಼ ದೇವ್ ಇಸಾಕಾಚಾ ದೇವ್, ಯಾಕೊಬಾಚಾ ದೇವ್, ಮನ್ಹುನ್ ಸಾಂಗ್‍ಲ್ಯಾ 
\v 38 ದೇವ್ ಜಿತ್ಯಾನಾ ದೇವ್ ಜಾ಼ಲ್ಯಾ ತ್ಯ ಸೂಡುನ್ ಜೀವ್ ನಸ್‍ನಾರ‍್ಯಾಲಾ ನವ್ಹ. ತ್ಯಲಾ ಸಗ್ಳಿ ಜ಼ಗನಾರಿ ಮನ್ಹುನ್ ಸಾಂಗ್ಲ.
\p
\v 39 ಶಾಸ್ತ್ರಿತ್ಲ ಥೊಡ, “ಪ್ರಭು ಚಾ಼ಂಗ್ಲ ಸಾಂಗ್ಲಸ್ ಮನ್ಲ. 
\v 40 ತ್ಯಲಾ ಆನಿಕಾಯ್ ಇಚಾರಾಯಾ ತ್ಯನಾ ಧಿರ್ ಜಾ಼ಲಾ ನಾಹಿ ಮನ್ಹುನ್ ಕುನಿ ಪ್ರಶ್ನೆ ಇಚಾರ್ಲ ನಾಹಿತ.
\s ಮೆಶೆಚಾ಼ ಪ್ರಶ್ನೆ?
\r (ಮತ್ತಾಯ್ 22:41-46; ಮಾರ್ಕ್ 12:35-37)
\p
\v 41 ತವಾ ಯೇಸು, “ಯನಾರಾ ಕ್ರಿಸ್ತ ದಾವಿದಾಚಾ ವಂಶಾಚಾ ಮಂಥ್ಯಾತ ನವ್ಹ, ತ್ಯ ಕಸ ವ್ಹಯಿಲ್? 
\v 42 ಕಿರ್ತನೆತ್ ದಾವಿದುಸ್ ಸಾಂಗ್‍ತ್ಯೊ ಪರಮೇಶ್ವರಾನಿ ಮಾಜಾ ದನ್ಯಾಲಾ ಕ್ಯಾ ಸಾಂಗ್ಲ. ಮಂಜೆ ಮಾಜೆ ಉಜ಼ವ್ಯಾಂಗ್ನಿ ಬಸುನ್ ರ‍್ಹಾ. 
\v 43 ಮಿ ತುಜಾ ವೈರಿನಾ ತುಜಾ ಪಾಯಾ ಬುಡಿ ಥಿವಿ ಪರ‍್ಯಾತ್
\p
\v 44 ದಾವಿದ್ ಮೆಶಾಯಾಲಾ ದನ್ಹಿ ಮನ್‌ಲ್ಯಾವ ಯೇಸು ದಾವಿದಾಚಾ ವಂಶಾವಳಿತ್ಲಾ ಕಸಾ ವ್ಹನಾರ್” ಮನ್ಹುನ್ ಇಚಾರ್ಲ.
\s ಧರ್ಮೊಪದೇಶಕಾಂಚೆ ಗುಸ್ಟಿತ್ ಯೇಸುನಿ ಹುಶಾರ್ ರಾವ್ಹಾ ಮನ್ಹುನ್ ಸಾಂಗ್‌ಲ್ಯಾಲ
\r (ಮತ್ತಾಯ್ 23:1-36; ಮಾರ್ಕ್ 12:38-40; ಲುಕ್ 11:37-54)
\p
\v 45 ಮಂಗ್ ಲೊಕ ಸಗ್ಳಿ ಐಕ್ತಾ ಆಸ್ಥಾನಾ ತ್ಯನಿ ಆಪ್‌ಲ್ಯಾ ಶಿಶಾನಾ ಕ್ಯಾ ಸಾಂಗ್ಲ ಮಂಜೆ. 
\v 46 ಕ್ಯಾಯ್ದ ವಾಲ್ಯಾಂಚೆ ಗುಶ್ಟಿತ್ ಹುಶಾರ್ ರಾವ್ಹಾ ತೇ ಲಾಮ್ ಜ಼ಘ ಗಾಲ್ಹುನ್ ಫಿರಾಯಾ ಮನ್‌ ಕರ್ತ್ಯಾಲ ಬಾಜಾ಼ರಾತ್ನಿ ಪಾಂದಿತ್ನಿ ನಮಸ್ಕಾರ್ ಸಭಾಸ್ಥಾನಾತ್ ಪೈಲಾ ಜಾ಼ಗಾ ಜೆ಼ವ್ನಾಚೆ ಪಂಗತಿತ್ ಪೈಲಾ ಜಾ಼ಗಾ ಬಗ್‌ತ್ಯಾತ. 
\v 47 ತೇ ವಿದ್ವೆಂಚ಼ ಪೈಸ ಕಾಡುನ್ ಗೆಥ್ಯಾತ ದೇವಾಪ ಲಾಮ್ ಲಾಮ್ ಮಾಗ್ನಿ ಕರ್ತ್ಯಾತ ಆಸ್‍ಲ್ಯಾನಾ ಖುಬ್ ಮುಟಿ ಸಿಕ್ಶಾ ವ್ಹನಾರ್” ಮನ್ಲಾ.
\c 21
\s ವಿದವೆಚಿ ದಿನ್ಗಿ
\r (ಮಾರ್ಕ್ 12:41-44)
\p
\v 1 ಯೇಸುನಿ ನದಾರ್ ವರ್ ಕರುನ್ ಬಗ್ಲ ತವಾ ಥೊಡಿ ಸಾವ್ಕಾರ್ ಲೊಕ ದೇವ್ಳಾತ್ಲೆ ಪಿಟಿತ್ ದಿನ್ಗಿ ಗ್ಯಾಲತ್ಯಾಲಿ ದಿಸ್ಲಿತ. 
\v 2 ತವಾ ಯೇಕ್ ಗರಿಬ್ ವಿದವೆನಿ ದೊನ್ ಆನ ಗ್ಯಾತ್ಲ. 
\v 3 ತೆ ಯೇಸುನಿ ಬಗುನ್, “ತುಮಾನಾ ಖರ‍್ಯಾನಿ ಸಾಂಗ್ತೊ ಹೆ ಗರಿಬ್ ವಿದವೆನಿ ಸಗ್‍ಳ್ಯಾಂಚಿವ್ನಿ ಜಾಸ್ಥಿ ಗ್ಯಾತ್ಲ” ಮನ್ಲಾ. 
\v 4 ಕಸ ಮಂಜೆ ತ್ಯಾ ಸಗ್‍ಳ್ಯಾಂಚಾನಿ ಆಪ್‌ಲ್ಯಾನಾ ಪುರೊ ವ್ಹವುನ್ ಉರ್‌ಲ್ಯಾಲ್ಯಾತ್ಲ ದಿನ್ಗಿ ದಿಲೆ; ಹಿನಿ ಆಪ್ಲೆ ಗರಿಬ್ ತಿತ್ ಆಪ್‌ಲ್ಯಾ ಜೀವ್ನಾಲಾ ಆಸ್‍ಲ್ಯಾಲ ಸಗ್ಳ ದಿಲ್ಯಾ” ಮನ್ಲಾ.
\s ಯೇಸುನಿ ದೇವ್ಳಾಚಾ಼ ನಾಸ್ ವ್ಹಯಾಚಾ಼ ಸಾಂಗ್‌ಲ್ಯಾಲ
\r (ಮತ್ತಾಯ್ 24:1-2; ಮಾರ್ಕ್ 13:1-2)
\p
\v 5 ಶಿಶಾತ್ಲ ಥೊಡ ಜಾ಼ನ್ ದೀವುಳ್ ಚಾ಼ಂಗಲ್ಯಾ ದೊಂಡ್ಯಾಂಚಾನಿ ಆನಿ ಮಾಗ್ನ ಕೆಲ್ಯಾಲ್ಯಾ ದಾಗಿನ್ಯಾಂಚಾನಿ ಸುಬಿವ್‍ಲ್ಯಾ!” ಮನ್ಲ. 
\v 6 ಫನ್ ಯೇಸುನಿ ತ್ಯನಾ, “ತುಮಿ ಹ್ಯ ಸಗ್ಳ ಬಗ್ತಾಸಾ ಹಿತ್ತ ದೊಂಡ್ಯಾವರ್ ದೊಂಢ ರಾಹ್ಯಾಚೆ ಆಂದಿ ಸಗ್ಳ ಪಾಡುನ್ ಗಾಲ್ಹಾಚ಼ ದಿಸ್ ಯನಾರ್” ಮನ್ಲಾ.
\s ತರಾಸ್ ಆನಿ ಜಾ಼ಚ್
\r (ಮತ್ತಾಯ್ 24:3-14; ಮಾರ್ಕ್ 13:3-13)
\p
\v 7 ತವಾ ಶಿಶಾಂಚಾನಿ, “ಪ್ರಭು ತ್ಯ ಕವಾ ವ್ಹನಾರ್? ತ್ಯ ವ್ಹತಾನಾ ಕ್ಯಾ ವಳಕ್ ದಿಸ್ನಾರ್? ಮನ್ಹುನ್ ತ್ಯಲಾ ಇಚಾರ್ಲ.
\p
\v 8 ತವಾ ಯೇಸುನಿ ಕ್ಯಾ ಸಾಂಗ್ಲ ಮಂಜೆ, “ತುಮಿ ಫಸು ನಾಹಿ ಆಸ ಬಗಾ ಕಾ ಮಂಜೆ ಖುಬ್ ಜಾ಼ನ್ ಯವುನ್ ಮಾಜ಼ ನಾವ್ ಸಾಂಗುನ್ ಮಿಚ್ ಕ್ರಿಸ್ತ ಮಿಚ್ ಕ್ರಿಸ್ತ ಮನ್ಹುನ್ ತೆ ದಿಸ್ ಜ಼ವಳ್ ಆಲ ಮನ್ಹುನ್ ಸಾಂಗ್ತಿಲ: ತ್ಯಂಚೆ ಮಾಗ್ನಿ ಜಾ಼ವು ನಕೊಸಾ, 
\v 9 ತ್ಯವ್ಡಸ್ ನವ್ಹ ಮಾರಾಮಾರ‍್ಯಾ ಗೊಂದೊಳ್ ವ್ಹತ್ಯಾಲ ತುಮಿ ಐಕ್ತಾನಾ ಗಾಬ್ರು ನಕೊಸಾ; ಕಾ ಮಂಜೆ ಹ್ಯ ಸಗ್ಳ ಆಂದಿ ವ್ಹಯಾಚಿ ಗರಜ಼್ ಹಾ; ಫನ್ ತವಾಸ್ ಸಮಾಪ್ತ್ ವ್ಹನಾರ್ ನಾಹಿ ಮನ್ಲಾ.
\p
\v 10 ಮಂಗ್ ಯೇಸುನಿ ತ್ಯನಾ ಕ್ಯಾ ಸಾಂಗ್ಲ ಮನ್‌ಲ್ಯಾವ, “ದೇಶಾಂಚೆ ವರ್ ದಿಸ್ರಿ ದೇಶಾ ರಾಜಾಂಚೆ ಆಡ್ವ ದಿಸ್ರಾ ರಾಜ಼ ಉಟ್ನಾರ್. 
\v 11 ಆನಿ ಮೊಟಾ ಭೂಕಂಪ ವ್ಹನಾರ್; ಜಾ಼ಗ ಜಾ಼ಗ ಬರ್ಗಾಲ್ ಪಡ್ನಾರ್; ಉಪದ್ರವಾತ್ ಆನಿ ಆಬ್ಳಾತ್ ಮುಟಿ ಕಾಮ ಗಡ್ನಾರ್. 
\v 12 ಫನ್ ಹ್ಯ ಸಗ್ಳ ವ್ಹಯಾಚೆ ಆಂದಿ ತೆ ತುಮಾನಾ ದರುನ್ ಸಭಾಸ್ಥಾನಾತ್ ಆನಿ ಕಚ್ಚೆರಿತ್ ಕುಂಡುನ್ ಅಧಿಕಾರ‍್ಯಾಂಚಾ ತಾಬ್ಯಾತ್ ದಿವುನ್ ಮಾಜಾ ನಾವಾಪಸುನ್ ರಾಜಾಂಚೆ ಮೊರ‍್ಹ ಜಾ಼ಚ಼್ ದೇನಾರ್ 
\v 13 ಹಿ ಬರಿ ಖಬರ್ ಸಾಂಗಾಯಾ ತುಮಾನಾ ಉಪೆಗ್ ವ್ಹನಾರ್ 
\v 14 ತ್ಯಾ ಯಳಾಲಾ ಕ್ಯಾ ಉತ್ತರ್ ದಿಯಾ ವ್ಹಯಿ ಮನ್ಹುನ್ ತುಮಿ ಆಂದಿಸ್ ಕ್ಯಾಳ್ಜಿ ಕರುನಕೊಸಾ. 
\v 15 ಕಾ ಮಂಜೆ ತುಮ್ಚ ವಾದಿ ಸಗ್ಳ ಮೊರ‍್ಹ ಉಬರಾಹ್ಯಾ ಮೊರ‍್ಹ ಬೊಲಾಯಾ ವ್ಹವುನಾಹಿ ಆಸ್ಲ ಬೊಲ್‌ನ್ಯಾಚ಼ ಗಿನ್ಯಾನ್ ಮೀಸ್ ತುಮಾನಾ ದೆತೊ 
\v 16 ಫನ್ ತುಮ್ಚೆ ಆಯಿಬಾ, ಬಾಹು, ಮಾಯಾದಯಾಚ಼, ಸುಪ್ತಿ, ತುಮಾನಾ ದರೂನ್ ದೆನಾರ್ ಆನಿ ತುಮ್ಚಾತ್‍ಲ್ಯಾ ಖುಬ್ ಜ಼ನಾನಾ ಜೀವಾನಿ ಮ್ಯಾರ‍್ನಾರ್. 
\v 17 ಆನಿ ಮಾಜಿಸ್ ಲಾಗುನ್ ಸಗ್ಳಿ ಲೊಕ ತುಮಚಾ಼ ರಾಗ್‌ ಕರ್ನಾರ್ 
\v 18 ಫನ್ ತುಮ್ಚೆ ಡುಯಿತ್ಲಾ ಯೊಕ್ ಕ್ಯೊಸ್ ಸಾಹಿತ್ ನಾಸ್ ವ್ಹನಾರ್ ನಾಹಿ 
\v 19 ತುಮಿ ಇಸ್ವಾಸಾತ್ ಘಟ್ ದಿರ‍್ಹಾನಿ ರಾವಾ ತವಾ ತುಮಚಾ಼ ಜೀವ್ ಮಿಳಿವ್ಸಿಲಾ.
\s ಯೇಸುನಿ ಯೇರುಸಲೇಮಿಚಾ಼ ನಾಸ್ ವ್ಹಯಾಚ಼ ಸಾಂಗ್‌ಲ್ಯಾಲ
\r (ಮತ್ತಾಯ್ 24:15-21; ಮಾರ್ಕ್ 13:14-19)
\p
\v 20 ಫನ್ ಯೆರುಸಲೇಮಿತ್ ಸೈನ್ಯಾಂಚಾ಼ ಯಡಾ ಪಡ್‍ಲ್ಯಾಲಾ ತುಮಿ ಬಗ್ತಾನಾ ತ್ಯ ನಾಸ್ ವ್ಹಯಾಚಾ಼ ಕಾಲ್ ಜ಼ವಳ್ ಆಲ್ಯಾ ಮನ್ಹುನ್ ಸಮ್ಜುನ್ ಗೆವ್ಹಾ.
\p
\v 21 ತವಾ ಯುದಾಯಾತ್ ಆಸ್‍ಲ್ಯಾಲಿ ಗುಢ್ಯಾಂಚಿವ ಪಳುನ್ ಜಾ಼ವುಂತ; ಕೊನ್ ಪೆಠತ್ ಆಸ್‌ಲ್ಯಾಲಿ ಪ್ಯಾಟ್ ಸುಡುನ್ ಜಾ಼ವುಂತ. ಸೇತಾತ್ನಿ ಆಸ್‌ಲ್ಯಾಲಿ ಪೆಠ್ಹತ್ನಿ ಜಾ಼ವು ನಾಹಿತ.
\p
\v 22 ಕಾ ಮಂಜೆ ಕ್ಯಾಯ್‌ದ್ಯಾತ್ ಲಿವಲ್ಯಾಲ ಸಗ್ಳ ಗಢಾಯಾ ವ್ಹಯಿ ಮನ್ಹುನ್ ತೇ ದಂಡಾಚ಼ ದೀಸ್ ಜಾ಼ಲ್ಯಾತ. 
\v 23 ತ್ಯಾ ದಿಸಾತ್ ಗರ್ವಾರ್ ಕರ್ನಿನಾ ತಾನ್ಯಾ ಬ್ಯಾಯ್ಕಾನಾ ವ್ಹತ್ಯಾಲಾ ತರಾಸ್ ಕ್ಯಾ ಸಾಂಗು? ಹೆ ಸಿಮವ ಮೊಟಾ ಸಂಕಟ್ ಯಯಿಲ್ ಹ್ಯಾ ಲೊಕಾಂಚಿವ ದೇವಾಚಿ ಮುಟಿ ಸಿಕ್ಶೆ ಯನಾರ್. 
\v 24 ತಿ ಥಲವಾರಾಂಚಿವ ಪಡ್ತಿಲ; ತ್ಯನಾ ಪರದೇಶೆತ್ನಿ ದರುನ್ ನೆನ್ಹಾರ್ ಪರ‍್ದೇಶೆತ್‍ಲ್ಯಾಂಚಾ಼ ಟಾಯಿಮ್ ಸಪ ಪರ‍್ಯಾತ್ ಯೆರುಸಲೇಮ್ ಪರದೇಶೆತ್‍ಲ್ಯಾಂಚಿಪ್ನಿ ತುಡುವುನ್ ಗಿಹುನ್ ರಾನ್ಹಾರ್.
\s ಮಾನ್ಸಾಚಾ ಲೇಕಾಚ಼ ಯನ
\r (ಮತ್ತಾಯ್ 24:29-31; ಮಾರ್ಕ್ 13:24-27)
\p
\v 25 ಆನಿ ದಿಸ್ ಚಾ಼ಂದ್ ಚಾನ್ಯಾತ್ನಿ ವಿಚಿತ್ರ ವಳಕ್ ದಿಸ್ನಾರ್ ದರ್ಥಿವ ಸಗ್‌ಳ್ಯಾ ದೇಶಾತ್ನಿ ತರಾಸ್ ಯನಾರ್ ಸಮಿಂದೋರಾಚ ಆನಿ ಲ್ವಾಟಾಂಚೆ ಆವಾಜಾ಼ನಿ ಲೊಕಾನಾ ಭೆ ಬರ್ನಾರ್. 
\v 26 ಆಬ್ಳಾತ್ಲಿ ಬಳ ಡಳಮಳ್ಳಿತ ಮನ್ಹುನ್ ಮಾನ್ಸ ಬಿಹುನ್ ಪರಪಂಚಾತ್ ಕ್ಯಾ ಯತ್ಯಾ ಮನ್ಹುನ್ ಬಿಹ್ಯಾಲಿತ. 
\v 27 ತ್ಯಾಸ್ ಯಳಾಲಾ ಮಾನ್ಸಾಚಾ಼ ಲ್ಯೊಕ್ ಬಳಾನಿ ಮೊಟೆ ಮೈಮೆನಿ ಡಘಾತ್ನಿ ಯತ್ಯಾಲಾ ತೀ ಬಗ್ನಾರ್.
\p
\v 28 ಫನ್ ಹ್ಯ ವ್ಹತಾನಾ ವರ್‍ ಬಗಾ, ತುಮ್ಚಿ ಡುಯಿ ಉಚ಼್ಲಾ ತುಮ್ಚಿ ಸುಟ್ನುಕ್ ಜ಼ವಳ್ ಆಲೆ ಮನ್ಲಾ.
\s ಅಂಜು಼ರಾಚಾ ಜಾ಼ಢಾಚಾ಼ ಪಾಠಾ
\r (ಮತ್ತಾಯ್ 24:32-35; ಮಾರ್ಕ್ 13:28-31)
\p
\v 29 ಯೇಸುನಿ ತ್ಯನಾ ಯೇಕ ಕ್ಯಾಯ್ನಿನಿ ಕ್ಯಾ ಸಾಂಗ್ಲ ಮಂಜೆ, “ಅಂಜು಼ರಾಚ಼ ಆನಿ ದುಸ್ರಿ ಜಾ಼ಡ ಬಗಾ 
\v 30 ತೀ ಪಾಲಾವ್ಲಿತ ಮಂಜೆ ತ್ಯ ತುಮಿ ಬಗುನ್ ಆತಾ ಉನಾಳಾ ಜ಼ವಳ್ ಆಲಾ ಮನ್ಹುನ್ ತುಮಿಸ್ ಸಮಜು಼ನ್ ಗೆಥಾಸಾ. 
\v 31 ತಸಸ್ ತುಮಿ ಹ್ಯ ಸಗ್ಳ ವ್ಹತ್ಯಾಲ ಬಗ್ತಾನಾ ದೇವಾಚ ರಾಜೆ ಖುಬ್ ಜ಼ವಳ್ ಹಾ ಮನ್ಹುನ್ ಸಮಜು಼ನ್ ಗೆವ್ಹಾ.
\p
\v 32 ಸಗ್ಳ ಹಿ ಗ್ಯೊಶ್ಟ್ ವ್ಹಯಿ ಪರ್ಯಾತ್ ಹಿ ಪಿಳ್ಗಿ ಮರುನ್ ಜಾ಼ನಾರುಸ್ ನಾಹಿ ಮನ್ಹುನ್ ತುಮಾನಾ ಖರ‍್ಯಾನಿ ಸಾಂಗ್ತೊ. 
\v 33 “ದರ್ಥಿ ಆಬಾಳ್ ಪುಸುನ್ ಜಾ಼ತಿಲ ಫನ್ ಮಾಜ಼ ಸಬಾತ್ ಕಂದಿಸ್ ಪುಸುನ್ ಜಾ಼ನಾರುಸ್ ನಾಹಿತ.
\s ಜಾ಼ಗರಾವ್ಹಾ
\p
\v 34 ತುಮ್ಚೆ ಗುಶ್ಟಿತ್ ಸಂಬಾಳುನ್ ರಾವ್ಹಾ. ಖಾದಿ ಪಿದಿನಿ ಪರಪಂಚಾಚೆ ಕ್ಯಾಳ್ಜಿನಿ ತುಮ್ಚಿ ಮನ್ ಬರ‍್ಹುನ್ ಜಾ಼ವುನ್ ತ್ಯೊ ದಿಸ್ ತುಮ್ಚಿವ ಆಚಾನಕ್ ಯಯಿಲ್.
\p
\v 35 ತ್ಯೊ ದಿಸ್ ಸಗ್‍ಳ್ಯಾ ಲೊಕಾಂಚಿವ ಫ್ಯಾಸ್‌ಕ್ಯಾಚೆಗತ್ ಯನಾರ್. 
\v 36 ಫನ್ ಯಯಿ ಆಸ್‍ನಾರ‍್ಯಾ ಹ್ಯಾ ಸಗ್‌ಳ್ಯಾ ಗುಶ್ಟಿತ್ನಿ ಚು಼ಕ್ವುನ್ ಗಿಹ್ಯಾ ಮಾನ್ಸಾಚಾ ಲೇಕಾಚೆ ಮೊರ‍್ಹ ಉಬಿರಾಹ್ಯಾ ತುಮಿ ಪುರಾ ಶಕ್ತ ವ್ಹಯಿ ಜೊ಼ಗ ಸಗ್‍ಳ್ಯಾ ಕಾಲಾತ್ ಜಾ಼ಗಿ ರಾಹುನ್ ದೇವಾಪ ಮಾಗ್ನ ಕರೀತ್ ಸಂಬಾಳುನ್ ರಾವ್ಹಾ ಮನ್ಲಾ.
\p
\v 37 ಯೇಸು ದಿಸಾಚಾ಼ ದೇವ್ಳಾತ್ ಶಿಕ್ವಿತ್ ರ‍್ಯಾಚಾ ಬಾಹಿರ್ ಜಾ಼ವುನ್ ಒಲೀವ್ ಜಾ಼ಢಾಚಾ ಗುಢ್ಯಾವ ರಾಹಿತ್ ಹುತ್ತಾ. 
\v 38 ಲೊಕ ಸಗ್ಳಿ ತ್ಯಚ಼ ಸಿಕ್ಶನ್ ಐಕಾಯಾ ವ್ಹಯಿ ಮನ್ಹುನ್ ಖಾಯಿಮ್ ಸಕಾಳ್ಚಿ ದೇವ್ಳಾತ್ ತ್ಯಚಿಪ ಯಯಿತಿತ.
\c 22
\s ಯೇಸುಲಾ ಮಾರಾಯಾ ಪಾರಕ್ ಕೆಲ್ಯಾಲಿ
\r (ಮತ್ತಾಯ್ 26:1-5; ಮಾರ್ಕ್ 14:1-2; ಯೊಹಾನ್ 11:45-53)
\p
\v 1 ಆಂಬಾಟ್ ನಸ್‍ಲ್ಯಾಲ್ಯಾ ಬಾಕ್‌ರ‍್ಯಾ ಖಾತ್ಯಾಲಾ ವಲಾಂಡ್ಯಾಚಾ಼ ಸನ್ ಜ಼ವಳ್ ಆಲ್ತಾ.
\p
\v 2 ತವಾ ದೊನ್ವಾ ಯಾಜಕ್ ಆನಿ ಕ್ಯಾಯ್ದವಾಲ ಯೇಸುಲಾ ಠಾರ್ ಮಾರಾಯಾ ವ್ಹಯಿ ಮನ್ಹಿತ ಫನ್ ಮಾನ್ಸಾನಾ ಬಿಹುನ್ ಹ್ಯಚಾ಼ ಕಸಾ ಘಾತ್ ಕರಾಚಾ಼ ಮನ್ಹುನ್ ಇಚಾರ್ ಕರೀತ.
\s ಯುದ್ ಯೇಸುಲಾ ದರುನ್ ದೆತೊ ಮನ್‌ಲ್ಯಾಲಾ
\r (ಮತ್ತಾಯ್ 26:14-16; ಮಾರ್ಕ್ 14:10-11)
\p
\v 3 ತವಾ ಬಾರಾ ಜಾ಼ನ್ ಶಿಶಾತ್ಲಾ ಯುದ್ ಮಂಥ್ಯಾಲ್ಯಾತ್ ಸೈತಾನ್ ಬರ‍್ಲ. 
\v 4 ತವಾ ಯುದ್ ದೊನವ್ಯಾ ಯಾಜಕಾಂಚಿಕ್ಡ ಆನಿ ದೇವ್ಳಾಚಾ ಅಧಿಕಾರ‍್ಯಾಂಚಿಕ್ಡ ಗೆಲಾ ಆನಿ ತ್ಯಂಚಾ ಹಾತಾತ್ ಯೇಸುಲಾ ಕಸಾ ದರುನ್ ದಿಯಾಚಾ಼ ಹ್ಯ ತ್ಯನಿ ತ್ಯಂಚಿ ಸಂಗ ಬೊಲ್ಲಾ. 
\v 5 ತವಾ ತ್ಯನಾ ಆನಂದ್ ಜಾ಼ಲಾ ಆನಿ ತ್ಯಂಚಾನಿ ತ್ಯಲಾ ಪೈಸ ದಿಯಾಚಾ಼ ಕರಾರ್ ಕೆಲಾ 
\v 6 ತ್ಯಲಾ ತ್ಯೊ ಹು ಮನ್ಲಾ ಆನಿ ಲೊಕಾಂಚಿ ಗರ್ದಿನಸ್ಹಲ್ ತವಾ ತ್ಯಂಚಾ ಹಾತಾತ್ ಯೇಸುಲಾ ದರುನ್ ದಿಯಾ ಯೇಳ್ ತ್ಯೊ ಬಗಾಯಾ ಲಾಗ್ಲಾ.
\s ವಲಾಂಡ್ಯಾಚಾ ಸನಾಚಾ ಜೆವ್ನಾಚಿ ಯೇಸುಚಿ ತಯಾರಿ
\r (ಮತ್ತಾಯ್ 26:17-25; ಮಾರ್ಕ್ 14:12-21; ಯೊಹಾನ್ 13:21-30)
\p
\v 7 ಮಂಗ್ ವಲಾಂಡ್ಯಾಚ಼ ಯಜ್ಞಪಶು ಮಾರಾಚ಼ ಆಂಬಾಟ್ ನಸ್‍ಲ್ಯಾಲ್ಯಾ ಬಾಕ್‌ರ‍್ಯಾ ಖಾಯಾಚಾ಼ ತ್ಯೊ ದಿಸ್ ಆಲಾ 
\v 8 ತವಾ ಯೇಸು ಪೇತ್ರಾಲಾ ಆನಿ ಯೊಹಾನಾಲಾ, “ತುಮಿ ಜಾ಼ವುನ್ ಆಮಿ ವಲಾಂಡ್ಯಾಚ಼ ಜೆವಾನ್ ಕರಾಯಾ ತಯಾರಿ ಕರಾ ಮನ್ಹುನ್ ಸಾಂಗುನ್ ತ್ಯನಾ ಲಾವುನ್ ದಿಲ
\p
\v 9 ತೇ ಆಮಿ ಕುಠ ತಯಾರಿ ಕರಾವ ಮಂಥೊಸ್? ಮನ್ಲ
\p
\v 10 ತವಾ ಯೇಸು ತ್ಯನಾ, “ತುಮಿ ಯೇರುಸಲೆಮ್ ಪೆಠತ್ ಗೆಲಾಸಾಕಿ ಯೊಕ್ ಮಾನುಸ್ ಬರಲ್ಯಾಲಿ ಗಾಘರ್ ಗಿಹುನ್ ತುಮ್ಚೆ ಮೊರ‍್ಹ ಯಯಿಲ್ ತ್ಯೊ ಜಾ಼ತ್ಯಾಲ್ಯಾ ಗರ‍್ಹಾತ್ ತುಮಿ ತ್ಯಚೆ ಮಾಗ್ನಿ ಜಾ಼ವುನ್ 
\v 11 ತ್ಯಾ ಗರ‍್ಹಾಚಾ ದನ್‍ಹ್ಯಾಲಾ, “ಆಮ್ಚಾ ಪ್ರಭುನಿ ಆಪ್‌ಲ್ಯಾ ಶಿಶಾಂಚಿ ಸಂಗ ವಲಾಂಡ್ಯಾಚ಼ ಜೆವಾನ್ ಕರಾಯಾ ಜೆವ್ನಾಚಿ ಖುಲಿ ಕುಠ ಮನ್ಹು‍ನ್ ಇಚಾರಾ 
\v 12 ತ್ಯೊ ಸಗ್ಳ ಸಾಮಾನ್ ಆಂದಿಸ್ ಥೆವ್‍ಲ್ಯಾಲ ಮಾಳಿವ ಮುಟಿ ಖುಲಿ ತುಮಾನಾ ದಾವಿಲ್; ತಿಥ ತಯಾರ್ ಕರಾ ಮನ್ಹುನ್ ಸಾಂಗುನ್ ಲಾವುನ್ ದಿಲ.
\p
\v 13 ತೆ ನಿಗಾಲ ಆನಿ ಯೇಸುನಿ ಆಪ್‌ಲ್ಯಾನಾ ಸಾಂಗ್‍ಲ್ಯಾ ಶಾರ್ಕ ಬಗುನ್ ವಲಾಂಡ್ಯಾಚ಼ ಜೆವಾನ್ ತಯಾರ್ ಕೆಲ.
\s ಪ್ರಭುಚ಼ ರಾತಿಚ಼ ಜೆವಾನ್
\r (ಮತ್ತಾಯ್ 26:26-30; ಮಾರ್ಕ್ 14:22-26; 1 ಕೋರಿಂಥ್ 11:23-25)
\p
\v 14 ಜೆವ್ನಾಚಾ಼ ಯೊಳ್ ಆಲಾ ತವಾ ಯೇಸು ಆಪ್‌ಲ್ಯಾ ಬಾರಾ ಅಪೊಸ್ತಲಾಂಚೆ ಸಂಗ ಜೆವಾಯಾ ಬಸ್ಲಾ. 
\v 15 ತವಾ ಯೇಸುನಿ ತ್ಯನಾ, “ಮಿ ತರಾಸ್ ಖಾಯಾಚೆ ಆಂದಿ ತುಮ್ಚೆ ಸಂಗ ಹ್ಯ ವಲಾಂಡ್ಯಾಚ಼ ಜೆವಾನ್ ಖಾಯಾ ಖುಬ್ ಹಾವುಸ್ ಹಾ. 
\v 16 ಮಿ ತುಮಾನಾ ಸಾಂಗ್ತೊ ಹ್ಯಚಾ಼ ಖರಾ ಆರ್ಥ ದೇವಾಚಾ ರಾಜಾತ್ ಗಢ ಪರ‍್ಯಾತ್ ಮಿ ಹಿತ್ನಿ ಮೊರ‍್ಹ ವಲಾಂಡ್ಯಾಚ಼ ಜೆವಾನ್ ಖಾನಾರ್ ನಾಹಿ” ಮನ್ಹುನ್ ಸಾಂಗ್ಲ.
\p
\v 17 ತ್ಯಾ ನಂತರ್ ಯೇಸುನಿ ದರಾಕ್ಶಿಚಾ ರಸಾಚ಼ ಲ್ಯೊಟ್ಕ ಗಿಹುನ್ ದೇವಾಲಾ ಸ್ತೊತ್ರ ಕರುನ್, “ಹ್ಯ ಗಿಹುನ್ ತುಮಿ ವಾಟುನ್ ಗೆವ್ಹಾ. 
\v 18 ಆಚಾನಿ ದೇವಾಚ಼ ರಾಜೆ ಯಯಿ ಪರ‍್ಯಾತ್ ಮಿ ಆನಿ ಆಂಬಾಟ್ ಜಾ಼ಲ್ಯಾಲಾ ದರಾಕ್ಶಿಚಾ಼ ರಸ್ ಪಿನಾರುಸ್ ನಾಹಿ ಮನ್ಹುನ್ ತುಮಾನಾ ಮಿ ಸಾಂಗ್ತೊ” ಮನ್ಲಾ.
\p
\v 19 ಮಂಗ್ ತ್ಯನಿ ಬಾಖ್ರಿ ಗಿಹುನ್ ದೇವಾಲಾ ಉಪ್ಕಾರ್ ಕರುನ್ ಮುಡುನ್ ತ್ಯನಾ ದಿವುನ್, “ಹ್ಯ ತುಮ್ಚಿ ಸಾಟಿ ದಿಲ್ಯಾಲ ಮಾಜ಼ ಧಡ್; ಮಾಜಿ ಯಾದ್ ಕಾಡಾಯಾ ಆಸ ಕರಾ” ಮನ್ಲಾ. 
\v 20 ಜೆವಾನ್ ಜಾ಼ಲ್ಯಾ ನಂತರ್ ಯೇಸುನಿ ತಸಸ್ ಲ್ಯೊಟ್ಕ ಗಿಹುನ್, “ಹ್ಯ ಲ್ಯೊಟ್ಕ ತುಮ್ಚಿ ಸಾಟಿ ಶಾಂಡ್ನಾರ‍್ಯಾ ಮಾಜಾ ರಕ್ತಾನಿ ಕೆಲ್ಯಾಲಾ ನವಾ ಕರಾರ್ ದಾವುನ್ ದೆತ್ಯೊ.
\p
\v 21 “ಫನ್, ಬಗಾ! ಮನಾ ದರ‍್ಹುನ್ ದೆನಾರ್ ಮಾಜಿಸಂಗ ಮೆಜಾ಼ವ ಹಾತ್ ಥಿವುನ್ ಖಾತ್ಯೊ. 
\v 22 ದೇವಾಚಾ ಮನಾಶಾರ್ಕ ಮಾನ್ಸಾಚಾ಼ ಲ್ಯೊಕ್ ನಿಗುನ್ ಜಾ಼ನಾರ್ ತ್ಯ ಖರ; ಫನ್ ತ್ಯಲಾ ದರುನ್ ದೆನಾರ‍್ಯಾ ಮಾನ್ಸಾಚಿ ಹಾಕಿಗತ್ ಕ್ಯಾ ಸಾಂಗು” ಮನ್ಲಾ.
\p
\v 23 ಹ್ಯ ಐಕುನ್ ತೆ, “ಆಸ್ಲ ಕಾಮ್ ಕರಾ ವ್ಹಯಿ ಮನ್‌ಲ್ಯಾಲಾ ಆಮ್ಚಾತ್ ಕೊನ್ ಆಸಲ್” ಮನ್ಹುನ್ ಯಕಾಮಕಾಲಾ ಇಚಾರಾಯಾ ಲಾಗ್ಲ.
\s ಮೊಟ್ಯಾಫನಾಚಾ಼ ವಾದ್ ವಿವಾದ್
\p
\v 24 ಮಂಗ್ ಶಿಶಾಂಚಾ಼ ಆಪ್‌ಲ್ಯಾತ್ ಕಚಾ಼ ಥೊರ‍್ಲಾ ಮನ್ಹುನ್ ಗಿಹಿಲ್ ಹೆ ಗುಶ್ಟಿತ್ ವಾದ್ ವಿವಾದ್ ಚಾ಼ಲ್ಲಾ. 
\v 25 ತವಾ ಯೇಸು ತ್ಯನಾ, “ದುಸ್ರೆ ದೆಸೆಚ಼ ರಾಜ಼ ಆಪ್‌ಲ್ಯಾ ಬಳಾನಿ ಆಪ್‌ಲ್ಯಾ ಲೊಕಾನಾ ಹಾಕಾನಿ ಚಾ಼ಲಿವತ್ಯಾತ ಆನಿ ಅಧಿಕಾರಿ ಲೊಕಾಂಚ಼ ಸುಪ್ತಿ ಮನ್ಹುನ್ ಗೆಥ್ಯಾತ. 
\v 26 ತುಮ್ಚಾತ್ ತಸ ರಾಹು ನಾಹಿ; ತುಮ್ಚಾತ್ ಥೊರ‍್ಲಾ ಬ್ಯಾರ್‌ಕ್ಯಾಂಚಿಗತ್ ವ್ಹಯಾ ವ್ಹಯಿ ದನ್ಹಿ ಆಳಾಚೆಗತ್ ವ್ಹಯಾ ವ್ಹಯಿ 
\v 27 ಕಚಾ಼ ಥೊರ‍್ಲಾ; ಖಾಯಾ ಬಸ್‍ಲ್ಯಾಲಾ ಕ್ಯಾ ಸೇವಾ ಕರ್ನಾರಾ? ಖಾಯಾ ಬಸ್‍ಲ್ಯಾಲಾಸ್ ಫನ್ ಮಿ ತುಮ್ಚಾತ್ ಸೆವಕಾಚೆಗತ್ ಹಾ.
\p
\v 28 ತುಮಿ ಮಾಜಾ ಸಗ್‌ಳ್ಯಾ ತರಾಸಾತ್ ಮಾಜಿಸಂಗ ಖಾಯಿಮ್ ಆಸ್‍ಲ್ಯಾಲ
\p
\v 29 ಮನ್ಹುನ್ ಮಾಜಾ ಪರಮೇಶ್ವರ್ ಬಾನಿ ಮನಾ ಹಾಕ್ ದಿಲ್ಯಾ ಶಾರ್ಕಾ ಮಿ ತುಮಾನಾ ದೆತೋ. 
\v 30 ಮಾಜಾ ರಾಜಾತ್ ತುಮಿ ಮಾಜಾ ಮೆಜಾವ ಜೆವಾನ್ ಖಾನಾರ್ ಪಿನಾರ್; ಆನಿ ರಾಜಾಚೆ ಖುರ್ಚಾಂಚಾವ್ನಿ ಬಸುನ್ ಇಸ್ರಾಯಲಾಚಾ ಬಾರಾ ಕುಳಾನಾ ನ್ಯಾಯಿ ನಿವಡ್ನಾರ್.
\s ಯೇಸುನಿ ಪೇತ್ರಾಚ಼ ಆಂದಿಸ್ ಸಾಂಗ್‌ಲ್ಯಾಲ
\r (ಮತ್ತಾಯ್ 26:31-35; ಮಾರ್ಕ್ 14:27-31; ಯೊಹಾನ್ 13:36-38)
\p
\v 31 ಸಿಮೊನಾ ಸಿಮೊನಾ ಐಕ್ ಸೈತಾನಾನಿ ತುಮಾನಾ ಚಾ಼ಂಗಲ್ಯಾತ್ನಿ ಬುರ್ಸ ಕಾಡಾಯಾ ಮಾಜಿಪ್ನಿ ಹುಕುಮ್ ಮಾಗ್‌ಲ್ಯಾ ತ್ಯೊ ಕಸಾ ಮಂಜೆ ತ್ಯ ಬುರ್ಶಾತ್ನಿ ಚಾ಼ಂಗ್ಲ ಕಾಡಾಯಾ ಕಸಾ ಯೊಕ್ ಸೇತ್ಕರಿ ಘಹು ಸಡ್ತೊ ತಸ. 
\v 32 ಫನ್ ಸಿಮೊನಾ ತುಜಾ಼ ಇಸ್ವಾಸ್ ಠಕು ನಾಹಿ ಮನ್ಹುನ್ ಮಿ ತುಜೆ ಗುಶ್ಟಿತ್ ದೇವಾಪ ಮಾಗುನ್ ಗೆತ್ಲ ಆನಿ ತು ಪರಾತ್‍ಲ್ಯಾ ನಂತರ್ ತುಜಾ ಬಾವ್ಹಾನಾ ಧೀರ್ ದೇ ಮನ್ಹುನ್ ಸಾಂಗ್ಲ.
\p
\v 33 ಫನ್ ಪೇತ್ರಾ, “ಪ್ರಭು ತುಜಿ ಸಂಗ ತುರುಂಗಾತ್ ಜಾ಼ಯಾಬಿ ಮರಾಯಾಬಿ ಮಿ ಉಬಾ ಹಾ” ಮನ್ಲಾ. 
\v 34 ಯೇಸು, “ಪೇತ್ರಾ, ಮಾಜೆ ಗುಶ್ಟಿತ್ ಆಜ಼್ ಸಕಾಳಚಾ಼, ‘ಹ್ಯೊ ಮನಾ ಠಾವಾ ನಾಹಿ’ ಮನ್ಹು‍ನ್ ತು ತೀನ್ ಖೆಪಾ ಸಾಂಗಿ ಪರ‍್ಯಾತ್ ಕೊಂಬ್ಡಾ ಬವ್ನಾರ್ ನಾಹಿ ಆಸ ತುಲಾ ಸಾಂಗ್ತೊ” ಮನ್ಲಾ.
\s ಪೈಶಾಚಿ ಪಿಸ್ವಿ ಆನಿ ಕುಂಗ್ಳಿ
\p
\v 35 ಆನಿ ಯೇಸುನಿ ಆಪ್‌ಲ್ಯಾ ಶಿಶಾನಾ, “ತುಮಾನಾ ಪೈಶಾಚಿ ಪಿಸ್ವಿ, ಜು಼ಳ್ಹಿ ವ್ಹಾನಾ ನಸ್ಥಾನಾ ಮಿ ಲಾವುನ್ ದಿಲ ತವಾ ತುಮಾನಾ ಕಾಯ್ತರಿ ಕಮ್ಮಿ ಜಾ಼ಲ ಕ್ಯಾ” ಮನ್ಹುನ್ ಇಚಾರ್ಲ. ತವಾ ತೇ, “ಕಾಯ್‍ ನಾಹಿ” ಮನ್ಹುನ್ ಉತ್ತರ್ ದಿಲಾ.
\p
\v 36 ತ್ಯಲಾ ಯೇಸು, “ಆತಾತರಿ ಕಚಾಪ ಪಿಸ್ವಿ ಹಾ ತ್ಯನಿ ಗೆವ್ಹಾವಿ ಜು಼ಳ್ಹಿ ಗೆವ್ಹಾವಿ ಆನಿ ಕಚಾಪ ಹತ್ಯಾರ್ ನಾಹಿ ತ್ಯನಿ ಆಪ್ಲ ಕಪ್ಡ ಇಕುನ್ ಹತ್ಯಾರ ಗೆವ್ಹಾವ. 
\v 37 ಕಾ ಮಂಜೆ, ‘ತ್ಯೊ ಅಪರಾದಿತಲ್ಯಾ ಯಕಾಚೆಗತ್ ಥರ್ಲಾ ಹುತ್ತಾ ಮನ್ಹುನ್ ಪ್ರವಾದಿಂಚಾನಿ ಲಿವ್‌ಲ್ಯಾಲ್ಯಾ ಪುಸ್ತಕಾತ್ಲ ಸಬಾತ್ ಮಾಜಿವ ಗಢಾ ವ್ಹಯಿ ಜಾ಼ಲ್ಯಾತ ಮನ್ಹುನ್ ತುಮಾನಾ ಸಾಂಗ್ತೊ; ಮಾಜಿ ಗ್ಯೊಶ್ಟ್ ಸಪಾಯಾ ಪಾಯ್ಜೆ” ಮನ್ಹುನ್ ಸಾಂಗ್ಲ.
\p
\v 38 ತವಾ ಶಿಶಾ, “ಪ್ರಭು ಹಾಬಿ ಹಿತ್ತ ದೊನ್ ಹತ್ಯಾರಿ ಹಾತ್ತ” ಮನ್ಲ ತವಾ ಯೇಸು ತ್ಯನಾ, “ತ್ಯವ್ಡಿ ಪುರೊ” ಮನ್ಲಾ.
\s ಯೇಸು ಒಲೀವ್ ಗುಢ್ಯಾವ ಮಾಗ್ನ ಕರ್ತ್ಯಾಲಾ
\r (ಮತ್ತಾಯ್ 26:36-46; ಮಾರ್ಕ್ 14:32-42)
\p
\v 39 ಮಂಗ್ ಯೇಸು ನಿಗುನ್ ಯೆರುಸಲೆಮ್ ಪ್ಯಾಟ್ ಸುಡುನ್ ಖಾಯಿಮ್ಚಿಗತ್ ಒಲೀವ್ ಜಾ಼ಢಾಂಚಾ ಗುಢ್ಯಾವ ಗೆಲಾ ಆನಿ ಶಿಶಾಬಿ ತ್ಯಚೆ ಮಾಗ್ನಿ ಗೆಲ. 
\v 40 ತ್ಯೊ ತ್ಯಾ ಠಿಕಾನ್ಯಾವ ಆಲಾ ತವಾ ಯೇಸುನಿ ತ್ಯನಾ, “ತುಮಿ ಪರಿಕ್ಷೆತ್ ಗಾವು ನಾಹಿ ಆಸ ದೇವಾಪ ಮಾಗ್ನ ಕರಾ ಮನ್ಹುನ್ ಸಾಂಗ್ಲ.
\p
\v 41 ಮಂಗ್ ಯೇಸು ತ್ಯನಾ ಸೂಡುನ್ ದೊಂಡ್ಯಾಚಾ ಹೊಲ್ಪಾಟ್ಯಾ ಇತ್ಕಾ ದುರ್ ಜಾ಼ವುನ್ ನಡ್ಗ ಟಿಕುವುನ್,
\p
\v 42 “ಬಾ ದೇವಾ ತುಲಾ ಮನ್ ಆಸ್ಲತ ಹ್ಯ ತರಾಸಾಚ಼ ಐದಾನ್ ಮಾಜಿಪ್ನಿ ಕ್ಯಾಡ್; ಕಸ ಬಿ ಮಾಜಾ ಮನಾ ಶಾರ್ಕ ನವ್ಹ ತುಜಾ ಮನಾಚೆಗತ್ ವ್ಹವುನಿ” ಆಸ ಮಾಗ್ನ ಕೆಲ. 
\v 43 ತವಾ ಪರಲೊಕಾತ್ನಿ ಆಲ್ಯಾಲಾ ಯೊಕ್ ದೇವ್ ಧುತ್ ತ್ಯಲಾ ದಿಸುನ್ ಧೀರ್ ದಿಲಾ. 
\v 44 ತ್ಯೊ ಮನಾಲಾ ಬೆಜಾರ್ ವ್ಹವುನ್ ಆಜು಼ನ್ ಮನಾನಿ ಮಾಗ್ನ ಕರ್ತಾನಾ ತ್ಯಚಾ಼ ಘಾಮ್ ದರ್ಥಿವ ಪಡ್‍ತ್ಯಾಲ್ಯಾ ರಕ್ತಾಚಾ ಮೊಟ್ಯಾ ಠೆಮಾಚೆಗತ್ ಹುತ್ತಾ. 
\v 45 ಯೇಸುನಿ ಮಾಗ್ನ ಸಪ್ವುನ್ ಉಠುನ್ ಶಿಶಾಂಚಿಪ ಯವುನ್ ಹ್ಯನಾ ನಿಜ಼್ ಲಾಗ್‌ಲ್ಯಾಲಿ ಬಗುನ್ ದುಃಖಾನಿ ಬರ‍್ಹುನ್. 
\v 46 ತ್ಯೊ ಶಿಶಾನಾ, “ತುಮಿ ನಿಸ್‍ತ್ಯಾಲ ಕ್ಯಾ? ಉಠಾ ಪರಿಕ್ಶೆತ್ ಗಾಹು ನಾಹಿ ಆಸ ಮಾಗ್ನ ಕರಾ” ಮನ್ಹುನ್‍ ಸಾಂಗ್ಲ.
\s ಯೇಸುಲಾ ದರಾಚಾ಼
\r (ಮತ್ತಾಯ್ 26:47-56; ಮಾರ್ಕ್ 14:43-50; ಯೊಹಾನ್ 18:3-11)
\p
\v 47 ಯೇಸು ಆಜು಼ನ್ ಬೊಲ್ತಾ ಆಸ್ಥಾನಾಸ್ ತಿಥ ಮಾನ್ಸಾಂಚಾ಼ ಹಿಂಡ್ ದಿಸ್ಲಾ. ಬಾರಾಜಾ಼ನ್ ಶಿಶಾತ್ಲಾ ಯಕ್ಲಾ ಯುದ್ ಮಂಥ್ಯಾಲಾ ತ್ಯಾ ಲೊಕಾಂಚೆ ಮೊರ‍್ಹ ಮೊರ‍್ಹ ಲಾಗ್ಲಾ ಆನಿ ತ್ಯನಿ ಯೇಸುಚಾ಼ ಮುಖಾ ಗೆತ್ಲಾ. 
\v 48 ತವಾ ಯೇಸು ತ್ಯಲಾ, “ಯುದಾ ಯೊಕ್ ಮುಖಾ ಗಿಹುನ್ ಮಾನ್ಸಾಚಾ ಲೇಕಾಲಾ ದರುನ್ ದೇತೊಸ್ ಕ್ಯಾ? ಮನ್ಹುನ್ ಇಚಾರ್ಲ.
\p
\v 49 ತ್ಯಚೆ ಮೊರ‍್ಹ ಗಡ್ನಾರ ಸಮಜು಼ನ್, “ಪ್ರಭು ಆಮಿ ಹಾತ್ಯಾರಿ ಗೆವ್ಹಾವಕ್ಯಾ? ಮನ್ಹುನ್ ಇಚಾರ್ಲ 
\v 50 ತ್ಯಾತ್‍ಲ್ಯಾ ಯಕಾನಿ ಮದ್‌ಲ್ಯಾ ಯಾಜಕಾಚಾ ಆಳಾಲಾ ಮಾರುನ್ ತ್ಯಚಾ಼ ಉಜ್ವಾ಼ ಕಾನ್ ತ್ಯೊಡ್ಲಾ. 
\v 51 ಫನ್ ಯೇಸುನಿ ಯವ್‍ಡ್ಯಾವಸ್ ಸೊಡಾ ಮನ್ಹುನ್ ಸಾಂಗುನ್ ತ್ಯಾ ಕಾನಾಲಾ ಹಾತ್ ಲಾವುನ್ ತ್ಯಲಾ ಬರಾ ಕೆಲಾ. 
\v 52 ಮಂಗ್ ಯೇಸು ಆಪ್‌ಲ್ಯಾಲಾ ದರಾಯಾ ಆಲ್ಯಾಲ್ಯಾ ಮದ್‌ಲ್ಯಾ ಯಾಜಕಾಲಾ ದೇವ್ಳಾಚಾ ಸರದಾರಾನಾ ಆನಿ ವಡ್ಲಾನಾ, “ಚೊ಼ರಾಲಾ ದರಾಯಾ ಆಲ್ಯಾಚೆಗತ್ ಹಾತ್ಯಾರಿ ಟೊನ ಗಿಹುನ್ ಆಲ್ಯಾಸಾ? 
\v 53 ಮಿ ಖಾಯಿಮ್ ದೇವ್ಳಾತ್ ತುಮ್ಚಿ ಸಂಗ ಆಸ್ಥಾನಾ ತುಮಿ ಮನಾ ದರ್ಲಾ ನಾಹಿಸಾ, ಫನ್ ಹ್ಯೊ ತುಮಚಾ಼ ಯೊಳ್, ಹ್ಯಚಿವ ಆಂದಾರಾಚಿ ಸತ್ತಾ ಹಾ ಮನ್ಹುನ್ ಸಾಂಗ್ಲ.
\s ಪೇತ್ರಾ ಯೇಸುಲಾ ನಾಖಾರ್ತೊ
\r (ಮತ್ತಾಯ್ 26:57-58; ಮಾರ್ಕ್ 14:53-54; ಯೊಹಾನ್ 18:12-18)
\p
\v 54 ತ್ಯಂಚಾನಿ ಯೇಸುಲಾ ದರುನ್ ಮುಖ್ಯ ಯಾಜಕಾಚಾ ಗರ‍್ಹಾತ್ ಗಿಹುನ್ ಗಿಲಿತ; ಪೇತ್ರಾ ದುರ್ನಿ ಮಾಗ್ನಿ ಮಾಗ್ನಿ ಜಾ಼ಯಿತಾ. 
\v 55 ಆಂಗ್ನಾತ್ ಮದ್ದಿ ತ್ಯಂಚಾನಿ ಇಸ್ತು ಕರುನ್ ಯಕಿಕ್ಡ ಜ಼ಮುನ್ ತಾಪತ್ ಬಸ್ತಾನಾ ತ್ಯಂಚೆ ಮದ್ದಿ ಪೇತ್ರಾಬಿ ಬಸ್ಲಾ. 
\v 56 ತ್ಯೊ ಉಜಿಡಾಕ್ಡ ತ್ವಾಂಡ್ ಕರುನ್ ಬಸ್‍ಲ್ಯಾಲಾ ಆಸ್ಥಾನಾ ಯಕ ದಾಸಿನಿ ತ್ಯಲಾ ಶಾರ್ಕ ಬಗುನ್ ಹ್ಯೊ ಸಾಹಿತ್ ಯೇಸುಚೆ ಸಂಗ ಆಸ್‍ಲ್ಯಾಲಾ ಮನ್ಲಿ.
\p
\v 57 ಫನ್ ಪೇತ್ರ, “ಮನಾ ತ್ಯಚಿ ವಳಕ್ ನಾಹಿಗ ಬಾಯಿ ಮನ್ಹುನ್ ಸಾಂಗ್ಲ.
\p
\v 58 ಥೊಡ್ಯಾ ಯಳಾ ನಂತರ್ ಯಾಕಾ ಆಳಾನಿ ತ್ಯಲಾ ಬಗು‍ನ್, “ತು ದಿಕಿಲ್ ತ್ಯಂಚಾತ್ಲಾ ಯೊಕ್ ಮನ್ಲಾ ತವಾ ಪೇತ್ರ, “ನವ್ಹ” ಮನ್ಲಾ.
\p
\v 59 ಖುಬ್ ಥೊಡಾ ಯಕಾ ತಾಸಾ ನಂತರ್ ಆನಿಯಕ್ಲಾ, “ಖರ‍್ಯಾನಿಸ್ ಹ್ಯೊ ದಿಖಿಲ್ ತ್ಯಚಿ ಸಂಗ ಆಸ್‍ಲ್ಯಾಲಾಸ್ ಹ್ಯೊ ಗಲಿಲಾಯಾತ್ಲಾಸ್” ಮನ್ಹು‍ನ್ ಖಾತ್ರಿನಿ ಮನ್ಲಾ.
\p
\v 60 ಫನ್ ಪೇತ್ರ, “ತು ಸಾಂಗ್‍ತ್ಯಾಲ ಕ್ಯಾತ್ಯ ಮನಾ ಠಾವಸ್ ನಾಹಿ” ಮನ್ಲಾ ತ್ಯೊ ಹ್ಯೊ ಸಬೊತ್ ಬೊಲ್ತಾ ಆಸ್ಥಾನಾ ಕೊಂಬ್ಡಾ ಬವಾಲಾ. 
\v 61 ಪ್ರಭುನಿ ಮಾಗಾರಾ ಪರ್ತುನ್ ಪೇತ್ರಾಕ್ಡ ನದಾರ್ ಕಿಲಿ ತವಾ ಪೇತ್ರಾ, “ಆಜ಼್ ರ‍್ಯಾಚಾ಼ ಕೊಂಬ್ಡಾ ಬವಾಚೆ ಆಂದಿ ತೀನ್ ಖೆಪಾ ಮಾಜೆ ಯಸಿ ತ್ಯೊ ಮನಾ ಠಾವಾ ನಾಹಿ ಮನ್ಹುನ್ ಸಾಂಗ್ಸಿಲ್” ಮನ್ಹುನ್ ಪ್ರಭುನಿ ಸಾಂಗ್‍ಲ್ಯಾಲಾ ಸಬೊತ್ ಯವುಜು಼ನ್ 
\v 62 ಬಾಹಿರ್ ಜಾ಼ವುನ್ ಮೊಟ್ಯಾ ದುಖಾನಿ ರಡ್ಲಾ.
\s ಯೇಸುಚಿ ನಿಂದಾ ಕೆಲ್ಯಾಲಿ ಆನಿ ಮ್ಯಾರ್ಲ್ಯಾಲಾ
\r (ಮತ್ತಾಯ್ 26:67-68; ಮಾರ್ಕ್ 14:65)
\p
\v 63 ಮಂಗ್ ಯೇಸುಲಾ ರ‍್ಯಾಕ್‌ತ್ಯಾಲ ತ್ಯಚಿ ಮಸ್ಕರಿ ಕರೀತ. 
\v 64 ತ್ಯಚ಼ ಡೊಳ ಬಾಂದುನ್ ಮಾರುನ್ “ತುಲಾ ಮ್ಯಾರ್ಲ್ಯಾಲ ಕುನಿ ತ್ಯ ಸಾಂಗ್? ಮನ್ಹುನ್ ತ್ಯಲಾ ಇಚಾರ್ಲ. 
\v 65 ತ್ಯಲಾ ಆಜು಼ನ್ ಖುಬ್ ಬಾದ್ ಸಬಾತ್ ಬುಲುನ್ ತ್ಯಂಚಾನಿ ತ್ಯಚಿ ನಿಂದಾ ಕಿಲಿ.
\s ಯೇಸುಲಾ ಜಾಂತ್ಯಾಂಚೆ ಮೊರ‍್ಹ ಹಾಕಟ್‌ಲ್ಯಾಲಾ
\r (ಮತ್ತಾಯ್ 26:59-66; ಮಾರ್ಕ್ 14:55-64; ಯೊಹಾನ್ 18:19-24)
\p
\v 66 ದಿಸ್ರೆ ದಿಸಿ ಉಜಾ಼ಡಲ್ಯಾ ನಂತರ್ ಯೆಹುದ್ಯಾಂಚ಼ ಮುಖ್ಯ ಯಾಜಕ್, ಕ್ಯಾಯ್ದದಾರ್, ಜಾಂತ ಜ಼ಮುನ್ ತ್ಯಲಾ ಆಪ್ಲೆ ನ್ಯಾಯಿ ಕರ್ತ್ಯಾಲೆ ಸಭೆತ್ ಆನುನ್ ತ್ಯಂಚೆ ಮೊರ‍್ಹ ಉಬಾ ಕೆಲಾ. 
\v 67 “ತು ಕ್ರಿಸ್ತ ಆಸ್ಲಾಸ್ತ ಆಮಾನಾ ಸಾಂಗ್” ಮನ್ಲ
\p ತ್ಯೊ ತ್ಯನಾ, ಮಿ ತುಮಾನಾ ಸಾಂಗ್ಲಕಿ ತುಮಿ ಖರ ದರ‍್ನಾರ್ ನಾಹಿಸಾ. 
\v 68 ಮಿ ತುಮಾನಾ ಕಾಯ್ತರಿ ಇಚಾರ್ಲತ ತುಮಿ ಉತ್ತರ್ ದಿಯಿತ್ ನಾಹಿಸಾ. 
\v 69 ಫನ್ ಆತಾಚಾನ್ ಮಾನ್ಸಾಚಾ಼ ಲ್ಯೊಕ್ ಸರ್ವಶಕ್ತ ಜಾ಼ಲ್ಯಾಲ್ಯಾ ದೇವಾಚೆ ಉಜ಼ವ್ಯಾಂಗ್ನಿ ಬಸ್ನಾರ್ ಮನ್ಹುನ್ ಸಾಂಗ್ಲ.
\p
\v 70 ತವಾ ಸಗ್ಳಿ, “ತಸ ಜಾ಼ಲ್ಯಾ ತು ದೇವಾಚಾ಼ ಲ್ಯೊಕ್ ಕ್ಯಾ? ಮನ್ಹುನ್ ಇಚಾರ್ಲ್ಯಾಲ್ಯಾಲಾ ತ್ಯನಿ ತ್ಯನಾ, “ಮಿ ತ್ಯೊಸ್ ಮನ್ಹುನ್ ತುಮಿಸ್ ಸಾಂಗ್ತಾಸಾ” ಮನ್ಹುನ್ ಸಾಂಗ್ಲ.
\p
\v 71 ತವಾ ತೇ, “ಆಮಾನಾ ಆನಿ ಸಾಕ್ಶಿ ಕಶಾಲಾ ವ್ಹಯಿ ಆಮಿಸ್ ಹ್ಯಚಾ ತೊಂಡಾನಿ ಐಕ್‍ಲ್ಯಾ ನವ್ಹ” ಮನ್ಲ.
\c 23
\s ಪಿಲಾತಾಚೆ ಮೊರ‍್ಹ ಯೇಸುಲಾ ಆನುನ್ ಉಬಾ ಕೆಲ್ಯಾಲಾ
\r (ಮತ್ತಾಯ್ 27:1-2; ಮಾರ್ಕ್ 15:1-5; ಯೊಹಾನ್ 18:28-38)
\p
\v 1 ತಿಥ ಜ಼ಮಲ್ಯಾಲಿ ಸಗ್ಳಿ ಲೊಕ ಉಠುನ್ ಯೇಸುಲಾ ಪಿಲಾತಾಪ ಗಿಹುನ್ ಗಿಲಿತ. 
\v 2 ಹ್ಯೊ ಆಪ್ನುಸ್ ಕ್ರಿಸ್ತ ಮನ್ಹುನ್ ಯೊಕ್ ರಾಜಾ಼ ಜಾ಼ಲ್ಯೊ ಮನ್ಹುನ್ ಸಾಂಗಿತ್ ಕೈಸರಾಲಾ ತೆರಗೆ ದಿಯಾಚಿ ನಾಹಿ ಮನ್ಹುನ್ ಸಾಂಗಿತ್ ಆಮ್ಚಾ ಮಾನ್ಸಾನಾ ವಾಕ್ಡೆ ವಾಟವ ನೆಥ್ಯಾಲಾ ಆಮಿ ಬಗ್‍ಲ್ಯಾ ಮನ್ಹುನ್ ತ್ಯಚಿವ ಚು಼ಕಿ ಸಾಂಗಾಯಾ ಲಾಗ್ಲ.
\p
\v 3 ಪಿಲಾತಾನಿ ತ್ಯಲಾ, ತು ಯೆಹುದ್ಯಾಂಚಾ ರಾಜಾ಼ ವ್ಹಯ್ ಕ್ಯಾ? ಮನ್ಹುನ್ ಇಚಾರ್ಲ್ಯಾಲ್ಯಾಲಾ ಯೇಸು, “ತುಸ್ ಸಾಂಗ್‍ಲ್ಯಾಸ್” ಮನ್ಹುನ್ ಉತ್ತರ್ ದಿಲಾ.
\p
\v 4 ಪಿಲಾತಾನಿ ಮುಖ್ಯ ಯಾಜಕಾನಾ ಆನಿ ಲೊಕಾನಾ, “ಹ್ಯಾ ಮಾನ್ಸಾಪ ಮನಾ ಕಾಯ್ ಗುನ್ನಾ ದಿಸತ್ ನಾಹಿ” ಮನ್ಹುನ್ ಸಾಂಗ್ಲ.
\p
\v 5 ತ್ಯಲಾ ತೇ, “ಗಲಿಲಾಯಾತ್ ಸುರುಕರುನ್ ಹಿತ್ಪರ‍್ಯಾತ್ ಯುದಾಯ್ ಸಿಮೆತ್ ಸಗ್ಳೆ ಹ್ಯೊ ಶಿಕ್ಶನ್ ದಿಯಿತ್ ಲೊಕಾನಾ ವಾಕ್ಡೆ ವಾಟನಿ ನೆಥ್ಯೊ” ಮನ್ಹುನ್ ಆನಿಕ್ ತ್ಯಂಚಾನಿ ಡಾಚುನ್ ಸಾಂಗ್ಲ.
\s ಹೆರೊದಾಚೆ ಮೊರ‍್ಹ ಯೇಸು
\p
\v 6 ಹ್ಯ ಪಿಲಾತಾನಿ ಐಕುನ್, ಹ್ಯೊ ಮಾನುಸ್ ಗಲಿಲಾಯಾತ್ಲಾ ಕ್ಯಾ ಮನ್ಹುನ್ ಇಚಾರ್ಲ 
\v 7 ಯೇಸು ಹೆರೊದಾಚಾ ಅಧಿಕಾರಾತ್ ಆಸ್‍ಲ್ಯಾಲಾ ಮನ್ಹುನ್ ಸಮಜು಼ನ್ ತ್ಯಲಾ ತ್ಯಚಿಪ ಲಾವುನ್ ದಿಲಾ. ಹೆರೊದ್ ತ್ಯಾ ದಿಸಾತ್ ಯೆರುಸಲೇಮಿತುಸ್ ಹುತ್ತಾ.
\p
\v 8 ಹೆರೊದಾನಿ ಯೇಸುಲಾ ಬಗ್ಲಾ ತವಾ ಖುಬ್ ಆನಂದ್ ಜಾ಼ಲಾ; ಕಾ ಮಂಜೆ ತ್ಯಚೆ ಗುಶ್ಟಿತ್ ಕಿತಿತರಿ ಗುಶ್ಟಿ ಐಕ್‍ಲ್ಯಾ ಹುತ್ಯಾ ಮನ್ಹುನ್ ತ್ಯಲಾ ಬಗಾ ವ್ಹಯಿ ಮನ್ಹುನ್ ಖುಬ್ ದಿಸಾಠಾವ್ನಿ ತ್ಯಚಾ ಮನಾತ್ ಹುತ್ತ. ತ್ಯಚಿಪ್ನಿ ಕಾಯ್ತರಿ ಯಾಕ್ ಮೊಟ ಕಾರ‍್ಯಾ ವ್ಹತ್ಯಾಲ ಬಗಾಹ್ವಯಿ ಮನ್ಹುನ್ ಮನ್ ಕೆಲ್ತ. 
\v 9 ಫನ್ ಹೆರೊದಾನಿ ಖುಬ್ ಸಬ್ದಾನಿ ಯೇಸುಲಾ ಪ್ರಶ್ನೆ ಇಚಾರ್ಲ ತರಿ ಯೇಸುನಿ ತ್ಯಲಾ ಕಾಯ್ ಉತ್ತರ್ ದಿಲಾ ನಾಹಿ. 
\v 10 ಮುಖ್ಯ ಯಾಜಕ್ ಆನಿ ಕ್ಯಾಯ್ದದಾರ್ ಉಬರಾಹುನ್ ತ್ಯಚಿವ ಖುಬ್ ಚು಼ಕಿ ಸಾಂಗಿತ. 
\v 11 ಮಂಗ್ ಹೆರೊದಾನಿ ಆಪ್‌ಲ್ಯಾ ಸಿಪಾಯಿನಾ ಗಿಹುನ್ ಯೇಸುಲಾ ನಾಖಾರುನ್ ನಿಂದಾ ಕರುನ್ ಚಾ಼ಂಗ್ಲ ಕಪ್ಡ ಗಾಲ್ಹುನ್ ಪರತ್ ಆನಿ ಪಿಲಾತಾಕ್ಡ ಲಾವುನ್ ದಿಲಾ. 
\v 12 ತೇ ದಿಸಿಸ್ ಹೆರೊದ್ ಆನಿ ಪಿಲಾತ್ ದೊಗ ಸುಪ್ತಿ ಜಾ಼ಲ; ತ್ಯಚೆ ಆಂದಿ ವಾದಿ ಜಾ಼ಲ್ಥ.
\s ಯೇಸುಲಾ ಮರ್ನಾಚಿ ಸಿಕ್ಶೆ
\r (ಮತ್ತಾಯ್ 27:15-26; ಮಾರ್ಕ್ 15:6-15; ಯೊಹಾನ್ 18:19-39)
\p
\v 13 ಮಂಗ್ ಪಿಲಾತಾನಿ ಮುಖ್ಯ ಯಾಜಕಾನಾ ಆನಿ ಅಧಿಕಾರಿನಾ ಪ್ರಜೆಲಾ ಯಂಗ್ದಾಸ್ ಹಾಕ್ಟುನ್ 
\v 14 ತ್ಯನಾ, “ಹ್ಯೊ ಮಾನುಸ್ ಲೊಕಾನಾ ವಾಕ್ಡೆ ವಾಟವ ನೆಥ್ಯಾಲಾ ಮನ್ಹುನ್ ಹ್ಯಲಾ ಮಾಜಿಕ್ಡ ಆನ್‍ಲ್ಯಾಸಾ ನವ್ಹ; ತುಮಿ ಹ್ಯಚಿವ ವಾವ್‍ಲ್ಯಾಲ್ಯಾ ಚು಼ಕಿಂಚಿ ತುಮ್ಚೆ ಮೊರ‍್ಹಸ್ ಪಾರಕ್ ಕಿಲಿ ಫನ್ ಹ್ಯಚಿಪ ಯೇಕ್ ಚು಼ಕ್ ದಿಖಿಲ್ ಮನಾ ದಿಸ್ಲಿ ನಾಹಿ. 
\v 15 ಹೆರೊದಾಲಾ ಸಾಹಿತ್ ತ್ಯಚಿಪ ಚು಼ಕ್ ದಿಸ್ಲಿ ನಾಹಿ; ತ್ಯನಿ ಹ್ಯಲಾ ಪರ್ತುನ್ ಮಾಜಿ಼ ಪಸ್ ಲಾವುನ್ ದಿಲ್ಯಾ ಹ್ಯನಿ ಮರ‍್ನಾಚೆ ಶಿಕ್ಶೆ ಜೊ಼ಗಿ ಚು಼ಕ್ ಕಾಯ್ ಕೆಲ್ಯಾಲಿ ನಾಹಿ ಮನ್ಹುನ್ ಜಾ಼ಲ. 
\v 16 ಮನ್ಹುನ್ ಮಿ ಹ್ಯಲಾ ಕಾಟ್ಯಾಚಾ ಬಾರ‍್ಕುಲಾನಿ ಮಾರುನ್ ಸುಡುನ್ ದೆತೊ ಮನ್ಹುನ್ ಸಾಂಗ್ಲ. 
\v 17 ವಲ್ಯಾಂಡ್ಯಾಚಾ ಸನಾದಿಸಿ ಪಿಲಾತಾನಿ ಲೊಕಾನಾ ಕೈದಿಲಾ ಸೊಡಾಚ಼ ಹುತ್ತ. \f + \fr 23:17 \fr*\ft ಥೊಡ್ಯಾ ಗ್ರೀಕ್ ಪ್ರತಿತ್ನಿ ಸತ್ರಾವ ವಚನ್ ಗ್ಯಾತ್‌ಲ್ಯಾಲ ನಾಹಿ. ಮಾರ್ಕ್ 15. 6\ft*\f*
\p
\v 18 ಫನ್ ತ್ಯಂಚಾನಿ, “ತ್ಯಲಾ ಮಾರುನ್ ಟ್ಯಾಕ್ ಆಮಾನಾ ಬರಬ್ಬಾಲಾ ಸುಡುನ್ ದೆ ಮನ್ಹುನ್ ಯಂಗ್ದಾಸ್ ವರಾಡ್ಲಿತ. 
\v 19 (ಹ್ಯಾ ಬರಭಾಲಾ ತ್ಯಾ ಶೆರಾತ್ ಚಾ಼ಲ್ಯಾಲ್ಯಾ ಯಕಾ ದಂಗ್ಯಾಸ್ ಲಾಗುನ್ ಆನಿ ಖುನ್ ಕೆಲ್ಯಾಲ್ಯಾಸ್ ಲಾಗುನ್ ಕ್ಯೊಂಡ್ಲಾ ಹುತ್ತಾ.)
\p
\v 20 ಪಿಲಾತ್ ಯೇಸುಲಾ ಸೊಡ್ವಾಯಾ ವ್ಹಯಿ ಮನ್ಹುನ್ ಪರತ್ ಆನಿ ತ್ಯಂಚಿ ಸಂಗ ಬೊಲ್ಲಾ. 
\v 21 ಫನ್ ತೇ, “ತ್ಯಲಾ ಶಿಲ್ಬೆವ ಟ್ಯಾಂಗ್ ಶಿಲ್ಬೆವ ಟ್ಯಾಂಗ್ ಮನ್ಹುನ್ ವರ್ಡತಿತ
\p
\v 22 ಪಿಲಾತ್ ತಿನ್‍ವ್ಯಾನಿ, “ಕ್ಯಾ ವಾಯಿಟ್ ಕೆಲ? ಮಿ ಹ್ಯಚಿಪ ಮರ್ನಾಚೆ ಶಿಕ್ಶೆಜೊ಼ಗಿ ಚು಼ಕ್ ಕಾಯ್ ಬಗ್ಲಿ ನಾಹಿ ಮನ್ಹು‍ನ್ ಹ್ಯಲಾ ಮಾರು‍ನ್ ಸುಡುನ್ ದೇತೊ ಮನ್ಹುನ್ ತ್ಯನಾ ಸಾಂಗ್ಲ.
\p
\v 23 ಫನ್ ತ್ಯಂಚಾನಿ ಮೊಟ್ಯಾನಿ ಗಾನ್ಹಾ ಕರೀತ್, “ತ್ಯಲಾ ಶಿಲ್ಬೆವ ಟಾಂಗಾ ವ್ಹಯಿ ಮನ್ಹುನ್ ಬಳ್ ಕೆಲ; ತ್ಯಂಚಾ ಗಾನ್ಯಾ ಶಾರ್ಕ ಜಾ಼ಲ. 
\v 24 ಪಿಲಾತ್, “ತುಮಿ ಮಾಗ್‍ಲ್ಯಾ ಶಾರ್ಕಸ್ ವ್ಹವುನಿ ಮನ್ಹುನ್ ಸಾಂಗುನ್ ತ್ಯಲಾ ಮಾರಾಯಾ ದಿಲಾ. 
\v 25 ದಂಗಾ ಆನಿ ಖುನ್ ಕೆಲ್ಯಾಲ್ಯಾಸ್ ಲಾಗುನ್ ಕ್ಯೊಂಡ್‍ಲ್ಯಾಲ್ಯಾ ತ್ಯಾ ಮಾನ್ಸಾಲಾ ತ್ಯಂಚಾನಿ ಮಾಗ್‍ಲ್ಯಾ ಶಾರ್ಕ ಸುಡುನ್ ದಿವುನ್ ಯೇಸುಲಾ ತ್ಯಂಚಾ ಮನಾ ಶಾರ್ಕ ಕೆಲಾ.
\s ಯೇಸುಲಾ ಶಿಲಬೆವ ಗ್ಯಾತ್‌ಲ್ಯಾಲಾ
\r (ಮತ್ತಾಯ್ 27:32-44; ಮಾರ್ಕ್ 15:21-32; ಯೊಹಾನ್ 19:17-19)
\p
\v 26 ಸೈನಿಕ್ ಯೇಸುಲಾ ಗಿಹುನ್ ಜಾ಼ತಾನಾ ಸೆತಾತ್ನಿ ಗಾವಾತ್ ಯತ್ಯಾಲಾ ಸಿಮೊನ್ ಮಂಥ್ಯಾಲ್ಯಾಲಾ ದರುನ್ ಶಿಲ್ಬೆ ತ್ಯಚಿವ ಥಿವುನ್ ಯೇಸುಚೆ ಮಾಗ್ನಿ ಗಿಹುನ್ ಯಯಿ ಸಾರ ಕೆಲ.
\p
\v 27 ಖುಬ್ ಲೊಕ ಆನಿ ಬ್ಯಾಯ್ಕಾ ಮಾನ್ಸ ಜ಼ಮುನ್ ತ್ಯಚೆ ಮಾಗ್ನಿ ಆಲಿತ ತೀ ಬ್ಯಾಯ್ಕಾ ಮಾನ್ಸ ಶಾತಿ ಬಡುವುನ್ ಗಿಹಿತ್ ತ್ಯಚೆ ಸಾಟಿ ರಡತಿತ. 
\v 28 ತವಾ ಯೇಸು ತ್ಯಂಚಿಕ್ಡ ಪರ್ತುನ್, “ಯೆರುಸಲೇಮಿಚಾ ಬ್ಯಾಯ್ಕಾ ಮಾನ್ಸಾನು, ಮಾಜಿ ಸಾಟಿ ರಡುನಕೋಸಾ ತುಮ್ಚಿ ಸಾಟಿ ತುಮ್ಚಾ ಲೇಕ್ರಾಂಚೆ ಸಾಟಿ ರಡಾ. 
\v 29 ಕಾ ಮಂಜೆ ಪ್ಯುರ್ಗಿ ನಸ್ನಾರ‍್ಯಾ ಥಾನ ಪಾಜಿ಼ ನಸ್ನಾರ‍್ಯಾ ಬರ‍್ಯಾ ಮನ್ಹುನ್ ಲೊಕಾಂಚಾನಿ ಸಾಂಗಾಚ಼ ದೀಸ್ ಯನಾರ್. ” 
\v 30 ತ್ಯಾ ದೀಸಾತ್ ಲೊಕ, “ಕನ್ಯಾನು ಆಮ್ಚಿವ ಪಡಾ; ಗುಢ್ಯಾನು ಆಮಾನಾ ಜಾ಼ಖುನ್ ಗೆವ್ಹಾ” ಮನ್ಹಾರ್. 
\v 31 ಝಾ಼ಡ್ ವಲ್ಲ ಆಸ್ಥಾನಾ ಯವ್ಡ ಕೆಲ ತ ಝಾ಼ಡ್ ವಾಳ್ಯಾವ ಕ್ಯಾ ವ್ಹಯಿಲ್? ಮನ್ಲಾ.
\p
\v 32 ಯೇಸುಚೆ ಸಂಗ ದುಸ್‌ರ‍್ಯಾ ದೊಗಾಜ಼ನಾನಾ ಮಾರಾಯಾ ನೆಲ ತೇ ಅಪರಾದಿ ಹುತ್ತ. 
\v 33 ತೇ ಕಫಾಲ್ ಮಂಥ್ಯಾಲ್ಯಾ ಠಿಕಾನ್ಯಾವ ಆಲ ತವಾ ತಿಥ ಯೇಸುಲಾ ಆನಿ ತ್ಯಾ ಅಪರಾಧಿನಾ ಶಿಲ್ಬೆವ ಗ್ಯಾತ್ಲ, ಯಕಾಲಾ ತ್ಯಚೆ ಉಜ಼ವ್ಯಾಂಗ್ನಿ ಆನಿ ಯಕಾಲಾ ತ್ಯಚೆ ಡಾವ್ಯಾಂಗ್ನಿ ಗ್ಯಾತ್ಲ. 
\v 34 ತವಾ ಯೇಸು, “ಬಾ ದೇವಾ, ತ್ಯನಾ ಮಾಪ್ ಕರ್;
\p ಆಪ್ನು ಕ್ಯಾ ಕರ್ತ್ಯಾತ ತ್ಯ ತ್ಯನಾ ಠಾವ ನಾಹಿ” ಮನ್ಲ. ನಂತರ್ ತ್ಯಚ಼ ಕಪ್ಡ ಚೀಟಿ ಗಾಲ್ಹುನ್ ವಾಟುನ್ ಗೆತ್ಲ 
\v 35 ತಿಥ ಲೊಕ ಬಗಿತ್ ರಾಹಿಲಿತ ಆನಿ ಅಧಿಕಾರಿ ಮಸ್ಕರಿ ಕರೀತ, “ತ್ಯನಿ ಆನಿ ಯಕಾಲಾ ಉರಿವಲ್ಯಾ; ತ್ಯೊ ದೇವಾನಿ ನಿವಡ್‍ಲ್ಯಾಲಾ ಕ್ರಿಸ್ತ ಆಸ್ಲಾತ ಆಪ್‌ಲ್ಯಾಲಾ ಆಪ್ನುಸ್ ಉರ್ವುನಿ” ಮನ್ಲ.
\p
\v 36 ಸಿಪಾಯಿಂಚಾನಿ ತ್ಯಚಿ ಮಸ್ಕರಿ ಕಿಲಿ; ತೇ ತ್ಯಚಿಪ ಯವುನ್ ಆಂಬಾಟ್ ದರಾಕ್ಶಿಚಾ಼ ರಸ್ ದಿವುನ್ 
\v 37 “ತು ಯೆಹುದ್ಯಾಂಚಾ಼ ರಾಜಾ಼ ಆಸ್ಲಾಸ್ತ ತುಲಾ ಉರ್ವುನ್ ಘೇ” ಮನ್ಲ.
\p
\v 38 ಆನಿ ಯೇಸುಚೆ ಶಿಲಬೆವ, “ಹ್ಯೊ ಯೆಹುದ್ಯಾಂಚಾ಼ ರಾಜಾ಼” ಮನ್ಹುನ್ ಫಳಿವ ಲಿವುನ್ ಲ್ಯಾವ್ಲ ಹುತ್ತ. 
\v 39 ಟ್ಯಾಂಗ್‍ಲ್ಯಾಲ್ಯಾ ತ್ಯಾ ಅಪರಾದ್ಯಾತ್ಲಾ ಯಕ್ಲಾ ತ್ಯಲಾ ಸರ್ಪತ್: “ತು ಕ್ರಿಸ್ತ ನವ್ಹಕ್ಯಾ? ತುಲಾಬಿ ಉರಿವ್ ಆನಿ ಆಮಾನಾಬಿ ಉರಿವ್” ಮನಲ್ಯಾಲ್ಯಾಲಾ
\p
\v 40 ದೋನವ್ಯಾ ಅಪರಾದಿನಿ ತ್ಯಲಾ ದಪ್‍ಕ್ಯಾವುನ್, “ತುಲಾ ಹಿ ಶಿಕ್ಶಾ ಜಾ಼ಲಿತರಿ ದೇವಾಲಾ ಬಿಹಿತ್ ನಾಹಿಸ್ ಕ್ಯಾ? 
\v 41 ಆಮಿ ತರಿ ಖರ‍್ಯಾನಿ ಶಿಕ್ಶೆತ್ ಹಾವ್, ಆಮಿ ಕೆಲ್ಯಾಲೆ ಚು಼ಕಿ ಶಾರ್ಕಿ ಶಿಕ್ಶೆ ಮಿಳಾಲೆ ಹ್ಯನಿ ತರಿ ತಸ್ಲಿ ಕಾಯೇಕ್ ಚು಼ಕ್ ಕೆಲಿ ನಾಹಿ” ಮನ್ಲಾ. 
\v 42 ನಂತರ್ ತ್ಯೊ ಯೇಸುಲಾ, “ಯೇಸು ತು ತುಜ಼ ರಾಜೆ ಗಿಹುನ್ ಯತಾನಾ ಮಾಜಿ ಯಾದ್ ಕರ್” ಮನ್ಲಾ.
\p
\v 43 ತ್ಯಲಾ ಯೇಸುನಿ, “ತು ಆಜು಼ಸ್ ಮಾಜಿ಼ ಸಂಗ ಸ್ವರ್ಗಾತ್ ರಾಸಿಲ್ ಮನ್ಹುನ್ ತುಲಾ ಖರ‍್ಯಾನಿ ಸಾಂಗ್ತೊ” ಮನ್ಹುನ್ ಉತ್ತರ್ ದಿಲಾ.
\s ಯೇಸುಚ಼ ಮರಾನ್
\r (ಮತ್ತಾಯ್ 27:45-56; ಮಾರ್ಕ್ 15:33-41; ಯೊಹಾನ್ 19:28-30)
\p
\v 44 ತಿತ್‍ಕ್ಯಾತ್ ದ್ಯೊಪ್ಯಾರ್ ಜಾ಼ಲ್ತಿ ಆನಿ ದಿಸಾವ ಆಂದಾರ್ ಯವುನ್ ತೀನ್ ಗಂಟ್ಯಾ ಪರ‍್ಯಾತ್ ಸಗ್ಳೆ ದುನೆಬ ಆಂದಾರ್ ಪಡ್ಲಾ. 
\v 45 ಆನಿ ದೇವ್ಳಾತ್ಲಾ ಪಡ್ದಾ ಮದ್ದಿಸ್ ಫಾಟ್ಲಾ ಆನಿ ದೊನ್ ಭಾಗ್ ಜಾ಼ಲ. 
\v 46 ಮಂಗ್ ಯೇಸು, “ಬಾ ದೇವಾ ಮಾಜ಼ ಆತ್ಮ ತುಜಾ ಹಾತಾತ್ ದೇತೊ” ಮನ್ಹುನ್ ಜೊ಼ರಾನಿ ವರಾಡ್ಲಾ ಹ್ಯ ಸಾಂಗ್‍ಲ್ಯಾ ನಂತರ್ ಪರಾನ್ ಶೊಡ್ಲಾ.
\p
\v 47 ಹ್ಯ ಸಗ್ಳ ಜಾ಼ಲ್ಯಾಲ ಸೈನ್ಯಾಚಾ ಅಧಿಕಾರ‍್ಯಾನಿ ಬಗುನ್, “ಖರ‍್ಯಾನಿಸ್ ಹ್ಯೊಮಾನುಸ್ ನಿಯತಿಚಾ಼ ಮನ್ಹುನ್ ದೇವಾಲಾ ವವ್ಯಾಳಾ.
\p
\v 48 ಹ್ಯ ಬಗಾಯಾ ಜ಼ಮಲ್ಯಾಲಿ ಲೊಕ ಸಗ್ಳಿ ಚಾ಼ಲ್ಯಾಲ ಸಗ್ಳ ಬಗುನ್ ದುಃಖಾನಿ ಶಾತಿ ಬಡುವುನ್ ಗಿಹಿತ್ ಮಾಗಾರಿ ಗರ‍್ಹಾತ್ ಗಿಲಿತ.
\p
\v 49 ಆನಿ ಯೇಸುಚೆ ವಳ್ಖಿಚಿ ಸಗ್ಳಿ ಗಲಿಲಾಯಾತ್ನಿ ತ್ಯಚೆ ಮಾಗ್ನಿ ಆಲ್ಯಾಲ್ಯಾ ಬ್ಯಾಯ್ಕಾ ಮಾನ್ಸ ದುರ್ ಉಬ್ಯಾ ರಾಹುನ್ ಹಿ ಕಾಮ ಬಗಿತಿತ.
\s ಯೇಸುಚಿ ಸಮಾದಿ
\r (ಮತ್ತಾಯ್ 27:57-61; ಮಾರ್ಕ್ 15:42-47; ಯೊಹಾನ್ 19:38-42)
\p
\v 50-51 ಯೇಹುದ್ಯಾಂಚಾ ಅರಿಮತಾಯ್ ಗಾವಾತ್ಲಾ ಯೊಕ್ ಮಾನುಸ್ ಹುತ್ತಾ; ತ್ಯಚ಼ ನಾವ್ ಯೊಸೆಪ್, ತ್ಯೊ ನ್ಯಾಯ್ ಸಭೆತ್ಲಾ ಚಾ಼ಂಗ್ಲ ಧರ್ಮಾಚಾ಼ ದೇವಾಚಾ ರಾಜಾಚ಼ ಯನ ಬಗ್‌ತ್ಯಾಲಾ ನ್ಯಾಯ್ ಸಭೆಚಾ ಇಚಾರಾಚಾ ಕಾಮಾತ್ ಡುಯಿ ದಿಲಿ ನವ್ತಿ. 
\v 52 ತ್ಯನಿ ಪಿಲಾತಾಪ ಜಾ಼ವುನ್ ಯೇಸುಚ಼ ಮಡ ಆಪ್‌ಲ್ಯಾಲಾ ದಿಯಾ ವ್ಹಯಿ ಮನ್ಹುನ್ ಮಾಗುನ್ ಗೆತ್ಲ. 
\v 53 ತ್ಯ ಉತುರುನ್ ಚಾ಼ಂಗಲ್ಯಾ ಕಪ್‌ಡ್ಯಾನಿ ಗುಂಡ್ಯಾಳುನ್ ಖಡ್ಕಾತ್ ಖ್ಯಾಂದ್‍ಲ್ಯಾಲೆ ಮಸುರ್ಡಿತ್ ಥೆವ್ಲ. ತ್ಯಾತ್ ತಿತ್‍ತ್ಪರ‍್ಯಾತ್ ಕುನಾಲಾ ಥೆವ್ಲಾ ನವ್ಥ. 
\v 54 ತ್ಯೊ ದೀಸ್ ತಯಾರಿಚಾ಼ ದೀಸ್ ಜಾ಼ಲ್ಥಾ; ಆನಿ ಸಬ್ಬತ್ ದಿಸ್ ಸುರು ವ್ಹಯಾಚಾ಼ ಯೊಳ್ ತ್ಯವ್ಡಾಸ್ ಹುತ್ತಾ.
\p
\v 55 ಆಸ ಆಸ್ಥಾನಾ ಗಲಿಲಾಯಾತ್ನಿ ತ್ಯಚೆ ಸಂಗ ಆಲ್ಯಾಲಿ ಬ್ಯಾಯ್ಕಾ ಮಾನ್ಸಾ ಯೋಸೆಪಾಚೆ ಸಂಗಸ್ ಮಾಗ್ನಿ ಜಾ಼ವುನ್ ತಿ ಮಸುರ್ಡಿ ಆನಿ ತ್ಯಚ಼ ಮಡ ಥೆವ್‍ಲ್ಯಾಲ ಬಗ್ಲ 
\v 56 ಆನಿ ಮಾಗಾರ‍್ಯಾ ಯವುನ್ ಚಾ಼ಂಗ್ಲ ದ್ರವ್ಯ ಆನಿ ವಾಸಾಚ಼ ತ್ಯಾಲ್ ತಯಾರ್ ಕೆಲ
\p ಸಬ್ಬತಾ ದೀಸಿ ತ್ಯಂಚಾನಿ ಇಸ್ರಾಂತಿ ಗೆತ್ಲಿ ಕಾ ಮಂಜೆ ಮೊಶೆಚಾ ಕ್ಯಾಯ್‌ದ್ಯಾತ್ ಸಾಂಗ್‌ಲ್ಯಾ ಶಾರ್ಕ ಸಬ್ಬತಾ ದಿಸಿ ಇಸ್ರಾಂತಿ ಗಿಹ್ಯಾಚಿ ಹುತ್ತಿ.
\c 24
\s ಯೇಸು ಪುನರುತ್ಥಾನ್
\r (ಮತ್ತಾಯ್ 28:1-10; ಮಾರ್ಕ್ 16:1-8; ಯೊಹಾನ್ 20:1-10)
\p
\v 1 ತೀ ಬ್ಯಾಯ್ಕಾ ಮಾನ್ಸ ಸಬ್ಬತ್ ದಿಸಾತ್ ಕ್ಯಾಯ್‌ದ್ಯಾಚೆಗತ್ ಇಶ್ರಾಂತಿ ಗಿಹುನ್ ಆಯಿತ್ವಾರಿ\f + \fr 24:1 \fr*\ft ಯೆಹುದ್ಯಾಂಚಿ ಐತ್ವಾರ್ ವಾರಾಚಾ಼ ಪೈಲಾ ದೀಸ್ ಮನ್ಹುನ್ ಮಂಥ್ಯಾತ\ft*\f* ಸಕಾಳ್ಚ ಆಜು಼ನ್ ಕಾಳೊಕ್ ಆಸ್ಥಾನಾಸ್ ಆಪ್ನು ತಯಾರ್ ಕೆಲ್ಯಾಲ ವಾಸಾಚ಼ ತ್ಯಾಲ್ ಗಿಹುನ್ ಮಸುರ್ಡಿಪ ಆಲ್ಯಾ. 
\v 2 ತವಾ ಮಸುರ್ಡಿವ ಜಾಕ್‍ಲ್ಯಾಲಾ ದೊಂಢಾ ತಿಥ್ನಿ ಡಖಲ್ಯಾಲಾ ಬಗುನ್. 
\v 3 ಮಸುರ್ಡಿತ್ ಜಾ಼ವುನ್ ಬಕ್ತಾನಾ ಪ್ರಭು ಯೇಸುಚ಼ ಮಡ ದಿಸ್ಲ ನಾಹಿ. 
\v 4 ಹೆ ಗುಶ್ಟಿತ್ ತ್ಯನಾ ಗಡಗಬಡ್ ಜಾ಼ಲಿ ತವಾ ಚ಼ಕ್ಮಕ್ ತ್ಯಾಲ ಕಪ್ಡ ಗಾಲ್ಹುನ್ ದೊಗ ಗಡಿ ಗಾಪ್ನ ತ್ಯಂಚಿಪ ಉಬ ರಾಹಿಲ. 
\v 5 ತೀ ಬ್ಯಾಯ್ಕಾ ಮಾನ್ಸ ಭಿಹುನ್ ಆಪ್ಲಿ ತೊಂಡ ಖಾಲ್ ಕರುನ್ ಆಸ್ಥಾನಾ ತೇ ಗಡಿ ತ್ಯನಾ, “ಮರುನ್ ಜಿ಼ತ್ತಾ ಜಾ಼ಲ್ಯಾಲ್ಯಾಲಾ ಸೊದಾಚ಼ ಕ್ಯಾ? 
\v 6 ತ್ಯೊ ಹಿತ್ತ ನಾಹಿ ಉಟ್‌ಲ್ಯಾ ತ್ಯೊ ಆಜು಼ನ್ ಗಲಿಲಾಯಾತ್ ಆಸ್ಥಾನಾ ತುಮಾನಾ ಸಾಂಗ್‍ಲ್ಯಾಲ ಯಾದ್ ಕರಾ? 
\v 7 ಮಾನ್ಸಾಚಾ಼ ಲ್ಯೊಕ್ ಪಾಪಿ ಮಾನ್ಸಾಂಚಾ ಹಾತಾತ್ ದಿವುನ್ ಶಿಲ್ಬೆವ ಗಾಲ್ಹುನ್ ತಿನ್ವೆ ದಿಸಿ ಉಠು‍ನ್ ಯನಾರ್” ಮನ್ಹುನ್ ಸಾಂಗ್ಲ.
\p
\v 8 ತವಾ ತ್ಯಾ ಬಾಯಿಲ್ ಮಾನ್ಸಾನಾ ತೇ ಸಬಾತ್ ಯದತ್ ಆಲ
\p
\v 9 ಆನಿ ಮಸುರ್ಡಿಪ್ನಿ ಮಾಗಾರ‍್ಯಾ ಜಾ಼ವುನ್ ತಿ ಖಬರ್ ಆಕ್ರಾ ಜಾ಼ನ್ ಶಿಶಾನಾ ಆನಿ ಬಾಕಿ ಸಗ್‍ಳ್ಯಾನಾ ಸಾಂಗ್ಲ. 
\v 10 ತೀ ಬ್ಯಾಯ್ಕಾ ಮಾನ್ಸ ಕೊನ್ ಕೊನ್ ಮಂಜೆ ಮಗ್ದಲಾಚಿ ಮರಿಯಾ, ಯೊಹಾನಿ, ಯಾಕೊಬಾಚಿ ಆಯಿ ಮರಿಯಾ ಹ್ಯಾಚ್ ಹ್ಯಂಚೆ ಸಂಗ ಆಸ್‍ಲ್ಯಾಲ್ಯಾ ದಿಸರ‍್ಯಾ ಬ್ಯಾಯ್ಕಾ ಮಾನ್ಸಾಂಚಾನಿ ಸಾಹಿತ್ ಶಿಶಾನಾ ತೀ ಖಬರ್ ಸಾಂಗ್ಲಿ. 
\v 11 ತ್ಯಂಚಾನಿ ಖರ ದರ್ಲ ನಾಹಿ; ತೇ ಸಬಾತ್ ತ್ಯನಾ ಮಸ್ಕರಿ ಆಸ ವಾಟ್ಲ. 
\v 12 ಫನ್ ಪೇತ್ರಾ ಉಠುನ್ ಮಸುರ್ಡಿಪ ಪಳತ್ ಜಾ಼ವುನ್ ವಾಕುನ್ ಬಗುನ್ ಮಡ್ಯಾಲಾ ಬ್ಯಾಂದ್‌ಲ್ಯಾಲಾ ಕಪ್ಡಾ ತ್ಯವ್ಡಾಸ್ ಬಗುನ್ ಚಾ಼ಲ್ಯಾಲೆ ಖಬರಿಲಾ ಆಪ್‌ಲ್ಯಾತ್ ಗಾಬ್ರುನ್ ನಿಗುನ್ ಗೆಲಾ.
\s ಎಮ್ಮಾಹುಚೆ ವಾಟವ
\r (ಮಾರ್ಕ್ 16:12-13)
\p
\v 13 ತೇಸ್ ದಿಸಿ ಯೇಸುಚೆ ಮಾಗ್ನಿ ಜಾ಼ತ್ಯಾಲ್ಯಾತ್ಲ ದೊಗ ಜಾ಼ನ್ ಯೆರುಸಲೇಮಿತ್ ಸಾತ್ ಮೈಲ್ ದುರ್ ಆಸ್‍ಲ್ಯಾಲೆ ಎಮ್ಮಾಹು ಮಂಥ್ಯಾಲ್ಯಾ ಖೆಡ್ಯಾಸ್ ಜಾ಼ಯಿತ. 
\v 14 ಚಾ಼ಲ್ಯಾಲ್ಯಾ ಹ್ಯಾ ಸಗ್‍ಳ್ಯಾ ಕಾಮಾ ಬದಲ್ ಬೊಲತ
\p
\v 15 ತ್ಯಂಚಾ ಬೊಲ್‍ನ್ಯಾತ್ ಇಚಾರ್ ಕರ್ತಾನಾ ಯೇಸು ಆಪ್ನುಸ್ ಜ಼ವಳ್ ಯವುನ್ ತ್ಯಂಚೆ ಸಂಗ ಗೆಲಾ 
\v 16 ಫನ್ ತ್ಯಂಚಾನಿ ಯೇಸುಲಾ ವಳಕ್ಲಾ ನಾಹಿ, 
\v 17 ಯೇಸುನಿ ತ್ಯನಾ, “ತುಮಿ ಯಕಾಮಾಕಾಲಾ ವಾಟನಿ ಜಾ಼ತಾನಾ ಕ್ಯಾ ಬೊಲತಾಸಾ?
\p ತವಾ ತೆ ಬೆಜಾರ್ ಕರುನ್ ಉಬ ರಾಯ್ಲ. 
\v 18 ತ್ಯಂಚಾತ್ ಕ್ಲೆಯೊಪ್ ಮಂಥ್ಯಾಲಾ ಯಕ್ಲಾ ತ್ಯಲಾ, “ಯೆರುಸಲೇಮಿತ್ ಆಲ್ಯಾಲ್ಯಾ ದುಸ್ರಿಕ್‍ಲ್ಯಾ ಸಗ್‍ಳ್ಯಾನಾ ಹ್ಯಾ ದಿಸಾತ್ ತ್ಯಾತ್ ಚಾ಼ಲ್ಯಾಲ್ಯಾ ಖಬರಿ ಠಾವ್ಯಾ ಹಾತ್ತಾ ಆನಿ ತುಲಾ ತ್ಯವ್ಡಸ್ ಠಾವ ನಾಹಿ ಕ್ಯಾ” ಮನ್ಹುನ್ ಇಚಾರ್ಲ.
\p
\v 19 ತವಾ ಯೇಸುನಿ ತ್ಯನಾ,
\p “ಕ್ಯಾ ಖಬರ್? ಮನ್ಹುನ್ ಇಚಾರ್ಲ ತ್ಯಲಾ ತೇ, “ನಜ಼ರೇತಿಚಾ ಯೇಸುಚಿ ಖಬರ್ ತ್ಯೊ ದೇವಾಚೆ ಮೊರ‍್ಹ ಆನಿ ಮಾನ್ಸಾಂಚೆ ಮೊರ‍್ಹ ಬಳಾಲಾ ಆನಿ ಬೊಲ್‍ನ್ಯಾಲಾ ಬರಾ ಪ್ರವಾದಿ ಹುತ್ತಾ ಆನಿ ತ್ಯನಿ ಸಾಂಗ್‌ಲ್ಯಾಚೆಗತ್ ಕೆಲ್ಯಾ. 
\v 20 ತ್ಯಲಾ ದೊನವ್ಯಾ ಯಾಜಕಾಂಚಾನಿ ಆಮ್ಚಾ ಅಧಿಕಾರಿಂಚಾನಿ ಮರ‍್ನಾಚಿ ಶಿಕ್ಶೆ ದಿವುನ್ ತ್ಯಲಾ ಶಿಲ್ಬೆವ ಗ್ಯಾತ್ಲಾ. 
\v 21 ಆಮಿ ತರಿ ಇಸ್ರಾಯಲ್ ಲೊಕಾನಾ ಶೊಡ್ನಾರಾ ತ್ಯೊಸ್ ಮನ್ಹುನ್ ಸಮಜು಼ನ್ ಗೆತಲ್ಯಾ ತ್ಯವ್ಡಸ್ ತ್ಯ ಕಾಮ್ ವ್ಹವುನ್ ಆಜ಼್ ತೀನ್ ದಿಸ್ ಜಾ಼ಲ. 
\v 22 ಫನ್ ಆಮ್ಚಾತ್ಲಿ ಥುಡಿ ಬ್ಯಾಯ್ಕಾ ಮಾನ್ಸ ಉಜಾ಼ಡ್ತಾನಾ ಮಸುರ್ಡಿಪ ಜಾ಼ವುನ್ 
\v 23 ತ್ಯಚ಼ ಮಡ ತಿಥ ದಿಸ ನಸ್ಥಾನಾ ತಿಥ್ನಿ ಯವುನ್ ಆಪ್‌ಲ್ಯಾಲಾ ದೇವ್ದುತಾಂಚ಼ ದರ್ಶಾನ್ ಜಾ಼ಲ ಆನಿ ತ್ಯೊ ಜ಼ಗಲ್ಯಾ ಮನ್ಹುನ್ ತ್ಯಂಚಾನಿ ಸಾಂಗ್‍ಲ್ಯಾ ಮನ್ಹುನ್ ಸಾಂಗುನ್ ಆಮಾನಾ. 
\v 24 ಆಮ್ಚಿ ಸಂಗ ಆಸ್‍ಲ್ಯಾಲಿ ಥುಡಿ ಮಸುರ್ಡಿಪ ಜಾ಼ವುನ್ ತ್ಯಾ ಬಾಯಿಲ್ ಮಾನ್ಸಾನಿ ಸಾಂಗ್‍ಲ್ಯಾ ಶಾರ್ಕ ಬಗ್ಲ; ಮಸುರ್ಡಿ ಮುಕ್ಳಿ ಹುತ್ತಿ. ತ್ಯಲಾ ಮತರ್ ಬಗ್ಲಾನಾಹಿ ಮನ್ಹುನ್ ಸಾಂಗ್ಲ.
\p
\v 25 ತವಾ ಯೇಸು ತ್ಯನಾ, “ಆರ ಆಕಲ್ ಸಾಂಡ್ಯಾನು ಪ್ರವಾದಿಂಚಾನಿ ಸಾಂಗ್‍ಲ್ಯಾಲ್ಯಾ ಸಗ್‍ಳ್ಯಾವ ಇಸ್ವಾಸ್ ಥಿವಿ ನಸ್‍ಲ್ಯಾಲ್ಯಾ ಮದ್ದಡ್ ಮಾನ್ಸಾನು. 
\v 26 ಕ್ರಿಸ್ತಾನಿ ಆಸ್ಲ ತರಾಸ್ ಗಿವುನ್ ಆಪ್ಲೆ ಮೊಟೆ ಪದ್ವಿತ್ ಜಾ಼ಯಾಚಿ಼ ನಡ್ ಹುತ್ತಿ ನವ್ಹ ಮನ್ಹುನ್ ಸಾಂಗುನ್
\p
\v 27 ಮೊಶೆಚ಼ ಆನಿ ಸಗ್‍ಳ್ಯಾ ಪ್ರವಾದಿಂಚಾ ಪುತಿಕಾತ್ನಿ ಆಪ್ಲೆ ಖಬರಿಚಾ ವಳಕಿ ತ್ಯನಾ ಫುಡುನ್ ಸಾಂಗ್‍ಲ್ಯಾ.
\p
\v 28 ತೆ ಜಾ಼ತ್ಯಾಲ್ಯಾ ಗಾವಾಚೆ ಜ಼ವಳ್ ಆಲ ತವಾ ತ್ಯೊ ಮೊರ‍್ಹ ಜಾ಼ತ್ಯಾಲ್ಯಾಚೆಗತ್ ದಿಸ್ಲಾ.
\p
\v 29 ಫನ್ ತ್ಯಂಚಾನಿ, “ಆಮ್ಚಿ ಸಂಗ ರ‍್ಹಾ ಶಾಂಜ಼್ ಜಾ಼ಲ್ಹೆ ದೀಸ್ ಮಾವ್ಳತ್ ಆಲಾ” ಮನ್ಹುನ್ ತ್ಯಲಾ ಸಾಂಗುನ್ ಬಳ್ಕೆಲ ತವಾ ತ್ಯೊ ತ್ಯಂಚಿ ಸಂಗ ರಾಹ್ಯಾ ಗಾವಾತ್ ಗೆಲಾ. 
\v 30 ಯೇಸು ತ್ಯಂಚಿ ಸಂಗ ಖಾಯಾ ಬಸ್ಲಾ ತವಾ ಬಾಕ್ರಿ ಗಿಹುನ್ ದೇವಾಲಾ ಉಪ್ಕಾರ್ ಕರುನ್ ಮುಡುನ್ ತ್ಯನಾ ದಿಲಿ, 
\v 31 ತವಾ ತ್ಯಂಚ಼ ಡೊಳ ಉಗಾಡ್ಲ. ಆನಿ ತ್ಯಂಚಾನಿ ತ್ಯಲಾ ವಳಕ್ಲಾ; ತ್ಯೊ ತ್ಯಂಚಾ ಡೊಳ್ಯಾನಾ ಆಡಶಾ ಜಾ಼ಲಾ. 
\v 32 ತವಾ ತೇ ಯಕಾಮಕಾಲಾ, “ತ್ಯೊ ವಾಟವ ಆಮ್ಚೆ ಸಂಗ ಬೊಲ್ಲಾ ತವಾ ಪ್ರವಾದಿಂಚಾ ಪುತೀಕಾಚ಼ ಅರ್ಥ ಆಮಾನಾ ಫುಡುನ್ ಸಾಂಗ್ಲ. ತವಾ ಆಮ್‌ಚ಼ ಮನ್ ಆತ್ಲೆ ಆತ್ ಉಖ್ಳತ ನವ್ಹ? ಮನ್ಲ.
\p
\v 33 ತವಾಸ್ ತೇ ದೊಗ ಉಠುನ್ ಯೆರುಸಲೇಮಿತ್ ಮಾಗಾರ ಪರ್ತುನ್ ಗೆಲ. ತಿಥ ಆಕ್ರಾಜಾ಼ನ್ ಶಿಶಾ ತ್ಯಂಚಿ ಸಂಗ ಆಸ್‍ಲ್ಯಾಲ ಯಕಿಕ್ಡ ಜ಼ಮ್ಲ 
\v 34 “ಪ್ರಭು ಮೆಲ್ಯಾಲ್ಯಾತ್ನಿ ಉಟ್‍ಲ್ಯಾಲಾ ಖರ; ತ್ಯೊ ಸಿಮೊನಾಲಾ ದಿಸ್ಲಾ ಮನ್ಹುನ್ ಸಾಂಗಿತ್ ಹುತ್ತ.
\p
\v 35 ತ್ಯ ಬಗುನ್ ತ್ಯಂಚಾನಿ ವಾಟವ ಚಾ಼ಲ್ಯಾಲಿ ಖನ್ಕತ್ ಆನಿ ಬಾಕ್ರಿ ಮ್ಯೊಡ್ತಾನಾ ಆಪ್ನು ತ್ಯಲಾ ವಳಕ್‍ಲ್ಯಾಲ ಫುಡುನ್ ಸಾಂಗ್ಲ.
\s ಯೇಸು ಆಪಲ್ಯಾ ಶಿಶಾನಾ ದಿಸಲ್ಯಾಲಾ
\r (ಮತ್ತಾಯ್ 28:16-20; ಮಾರ್ಕ್ 16:14-18; ಯೊಹಾನ್ 20:19-23; ಅಪೊಸ್ತಲ್ 1:6-8)
\p
\v 36 ತೇ ಹಿ ಖನ್ಕತ್ ಬೊಲ್ತಾನಾ ತ್ಯಂಚೆ ಮದ್ದಿ ಯೇಸು ಪಾಕ್ಕನ್ ಉಬಾರಾಹುನ್ “ತುಮಾನಾ ಸಮಾದಾನ್ ವ್ಹವುನಿ” ಮನ್ಹುನ್ ತ್ಯನಾ ಸಾಂಗ್ಲ.
\p
\v 37 ತೇ ಬಿಹುನ್ ಆಪ್ನು ಬಗ್‍ತ್ಯಾಲ ಭುತ್ ಮನ್ಹುನ್ ಸಮಜು಼ನ್ ಗೆತ್ಲ. 
\v 38 ಯೇಸುನಿ ತ್ಯನಾ, “ಕಾ ಬಿಹ್ಯಾಲಾಸಾ? ತುಮ್ಚಾ ಮನಾತ್ನಿ ಅನ್ಮಾನ್ ಕಾ ಯತೊ? 
\v 39 ಮಾಜ಼ ಹಾತ್ ಪ್ಯಾ ಬಗಾ, ಮಿಸ್ ನವ್ಹ. ಮನಾ ಹಾತ್ ಲಾವುನ್ ಬಗಾ, ತುಮಾನಾ ದಿಸತ್ಯಾ ಶಾರ್ಕ ಮನಾ ಹಾಡ್ ಮಾಸ್ ಹಾತ್ತ; ತ್ಯ ಭುಥಾಲಾ ನಾಹಿ ಮನ್ಹುನ್ ಸಾಂಗ್ಲ.
\p
\v 40 ತ್ಯ ಸಾಂಗ್‍ಲ್ಯಾ ನಂತರ್ ತ್ಯನಿ ತ್ಯನಾ ಆಪ್ಲ ಹಾತ್ ಪ್ಯಾ ದ್ಯಾವ್ಲ\f + \fr 24:40 \fr*\ft ಥೊಡ್ಯಾ ಗ್ರೀಕ್ ಪ್ರತೀತ್ ಹಿ ವಾಕ್ಯಾ ಹಾ ಥೊಡ್ಯಾ ಗ್ರೀಕ್ ಪ್ರತಿತ್ ಹಿ ವಾಕ್ಯಾ ನಾಹಿ. \ft*\f*. 
\v 41 ಫನ್ ತೇ ಆನಂದ್ ಜಾ಼ಲ್ಯಾಲ್ಯಾಸ್ ಲಾಗುನ್ ತ್ಯನಾ ಖರ ದರ್ಲ ನಾಹಿ ಮನ್ಹುನ್ ತ್ಯನಿ ಖಾತ್ಯಾಲಾ ಜಿನೊಸ್ ಕಾಯ್ ತರಿ ಹಿತ್ತ ತುಮ್ಚಿಪ ಹಾ ಕ್ಯಾ ಮನ್ಹುನ್ ತ್ಯನಾ ಇಚಾರ್ಲ. 
\v 42 ತವಾ ತ್ಯಂಚಾನಿ ಬ್ಯಾಜ಼ಲ್ಯಾಲ್ಯಾ ಬಾಂಗ್‍ಡ್ಯಾಚಾ಼ ಯೊಕ್ ತುಕ್ಡಾ ತ್ಯಲಾ ದಿಲಾ. 
\v 43 ತ್ಯನಿ ಗಿಹುನ್ ತ್ಯಂಚೆ ಮೊರ‍್ಹ ಖಾಲಾ
\p
\v 44 ಮಂಗ್ ತ್ಯೊ, “ಮಿ ತುಮ್ಚೆ ಸಂಗ ಆಸ್ಥಾನಾ ಹ್ಯ ಸಗ್ಳ ತುಮಾನಾ ಸಾಂಗ್ಲ ನವ್ತ ಕ್ಯಾ? ಮಾಜಿ ಖಬರ್ ಮೊಶೆಚಾ ಕ್ಯಾಯ್‌ದ್ಯಾತ್ ಪ್ರವಾದಿಂಚಾ ಗ್ರಂಥಾತ್ ಕಿರ್ತಾನಾತ್ನಿ ಲಿವ್‍ಲ್ಯಾಲ ಸಗ್ಳ ವ್ಹಯಾಚಿ ನಡ್ ಹಾ ಮನ್ಹು‍ನ್ ತುಮಾನಾ ಸಾಂಗ್ಲ ನವ್ಥ” ಮನ್ಲಾ.
\p
\v 45 ತ್ಯಾ ನಂತರ್ ತ್ಯಂಚಾನಿ ಧರ್ಮ ಶಾಸ್ತಾರಾತ್ಲ ಸಬಾತ್ ಸಮಜ಼ ಜೊ಼ಗ ತ್ಯನಿ ತ್ಯಂಚ಼ ಗಿನ್ಯಾನ್ ಉಗ್ಡುನ್. 
\v 46 ತ್ಯನಾ, “ಕ್ರಿಸ್ತ ತರಾಸ್ ಗಿವುನ್ ಮರುನ್ ತಿನ್ವೆ ದಿಸಿ ಜಿತ್ತಾ ವ್ಹವುನ್ ಉಠುನ್ ಯನಾರ್ ಮನ್ಹು‍ನ್. 
\v 47 ಪಾಪ್‍ ಮಾಪ್ ಕರಾಯಾ ಪಶ್ಚಾತಾಪಾನಿ ದೇವಾಕ್ಡ ಪರ್ತಾಹ್ವಯಿ ಆನಿ ತ್ಯಚಿ ಬರಿ ಖಬರ್ ಹೆ ಸಬಾತ್ ಯೆರುಸಲೇಮಿ ದರ‍್ನಿ ಸಗ್‍ಳ್ಯಾ ಪರಪಂಚಾತ್ ತ್ಯಚಾ ನಾವಾನಿ ತ್ಯಚಿ ಖಬರ್ ಸಾಂಗ್ನಾರ್ ಮನ್ಹುನ್ ಲಿವ್‍ಲ್ಯಾ. 
\v 48 ಹೆ ಗುಶ್ಟಿನಾ ತುಮಿಸ್ ಸಾಕ್ಶಿ ವ್ಹನಾರ್.
\p
\v 49 ಆನಿ ಆತಾ ಮಾಜಾ ಬಾನಿ ತುಮಾನಾ ಯೊಕ್ ಸಬ್ದ ದಿಲ್ಯಾ ತ್ಯೊ ತುಮಾನಾ ಲಾವುನ್ ದೇತೊ. ದೇವ್ ಪರಲೊಕಾತ್ನಿ ತುಮಾನಾ ಬಳ್ ದಿಯಿ ಪರ‍್ಯಾತ್ ಹೆ ಯೇರುಲೇಮಿತುಸ್ ರಾಖಿತ್ ರಾವ್ಹಾ ಮನ್ಹುನ್ ಸಾಂಗ್ಲ.
\s ಯೇಸುಚ಼ ಪರಲೊಕಾತ್ ಜಾ಼ನ
\r (ಮಾರ್ಕ್ 16:19-20; ಅಪೊಸ್ತಲ್ 1:9-11)
\p
\v 50 ಆನಿ ಯೇಸುನಿ ತೆ ಪೆಠ್ಹತ್ನಿ ಬಾಹಿರ್ ತ್ಯನಾ ಬೆತಾನ್ಯಾ ಯವ್‌ಡ್ಯಾತ್ ತ್ಯನಾ ಗಿಹುನ್ ಜಾ಼ವುನ್ ಆಪ್ಲ ಹಾತ್ ಉಚ್ಲು಼ನ್ ತ್ಯನಾ ಆಶಿರ್ವಾದ್ ಕೆಲಾ. 
\v 51 ಆಶಿರ್ವಾದ್ ಕರ್ತಾನಾ ತ್ಯೊ ತ್ಯನಾ ಸುಡುನ್ ಪರಲೊಕಾತ್ ಗೆಲಾ. 
\v 52 ತ್ಯಂಚಾನಿ ತ್ಯಲಾ ಆರಾದನ್\f + \fr 24:52 \fr*\ft ಥೊಡ್ಯಾ ಗ್ರೀಕ್ ಪ್ರತಿತ್ನಿ ಲಿವ್‌ಲ್ಯಾ ಆನಿ ಥೊಡ್ಯಾ ಗ್ರೀಕ್ ಪ್ರತಿತ್ನಿ ಗ್ಯಾತ್‌ಲ್ಯಾ. \ft*\f* ಕರುನ್ ಮೊಟ್ಯಾ ಹೌಸನಿ ಯೆರುಸಲೇಮಿತ್ ಪರತ್ ಗೆಲ. 
\v 53 ಆನಿ ತೇ ದೇವ್ಳಾತ್ ದೇವಾಲಾ ಖಾಯಿಮ್ ವವ್ಯಾಳಿತ್ ರಾಯ್ಲ.