\id JAS - Gawli Marathi
\ide UTF-8
\h ಯಾಕೊಬ್
\toc3 ಯಾಕೊಬ್
\toc2 ಯಾಕೊಬ್
\toc1 ಯಾಕೊಬಾನಿ ಲಿವ್‌ಲ್ಯಾಲ ಪತ್ರ
\mt2 ಯಾಕೊಬನು ಬರೆದ ಪತ್ರಿಕೆ
\mt1 ಯಾಕೊಬಾನಿ ಲಿವ್‌ಲ್ಯಾಲ ಪತ್ರ
\imt ವಳಕ್
\ip ಯಾಕೊಬಾನಿ ಲಿವ್‌ಲ್ಯಾಲ ಪತ್ರ ಯಾಕೊಬ್ ಮನ್ಹುನ್ ಹಾಕಟ್ಯಾಲ್ಯಾ ಕುನಿ ಯಕಾನಿ ಲಿವ್‌ಲ್ಯಾ. ಖುಬ್ ಕರುನ್ ಹ್ಯೊ ಯೇಸುಚಾ಼ ಬಾಹು ಯಾಕೊಬ್ ಆಸಲ್, ತ್ಯೊ ಸುರ್ವಾತಾಚೆ ಸಭೆಚಾ಼ ಫುಡಾರಿ ಜಾ಼ಲ್ಯಾಲ್ಯಾ ಯೇರುಸಲೆಮಿಚೆ ಮಹಾ ಸಭೆತ್ ಆಸ್‌ಲ್ಯಾಲಾ ಜಾ಼ಲ್ಯಾ\xt ಅಪೊಸ್ತಲ್ 15:13\xt* ಅಪೊಸ್ತಲ್ ಪೌಲ್ ಸಾಹಿತ್ ಗಲಾತ್ಯಾನಾ ಲಿವ್‌ಲ್ಯಾಲ್ಯಾ ಪತ್‌ರ‍್ಯಾತ್ \xt ಗಲಾಥ್ಯ 2:9\xt* ಹ್ಯಲಾ ಯೊಕ್ ಸಭೆಚಾ಼ ಖಾಂಬ್ ಮನ್ಹುನ್ ಹಾಕಟೊ. ವಿದ್ವಾಂಸ್ ಯಾಕೊಬಾನಿ ಲಿವ್‌ಲ್ಯಾಲ್ಯಾ ಪತ್‌ರ‍್ಯಾತ್ ಕ್ರಿಸ್ತ್ ಜ಼ಲಾಮ್‌ಲ್ಯಾ ನಂತರ್ ಖುಬ್ ಕರುನ್ 50 ವರ್ಸಾತ್ ಲಿವ್‌ಲ್ಯಾ ಮನ್ಹುನ್ ಇಸ್ವಾಸ್ ಥೆವ್‌ತ್ಯಾತ. ಯಾಹೊಕ್ ಯೆರುಸಲೆಮಿಚೆ ಸಭೆತ್ ಯೊಕ್ ಫುಡಾರಿ ಜಾ಼ಲ್ಥಾ.
\ip ಖುಬ್ ಕರುನ್ ಹ್ಯೊ ತಿಥ ಜೀವ್ನಾಕರ್ತಾನಾ ಹ್ಯ ಪತ್ರ ಲಿವ್ಲ ಆಸಲ್ ಯಾಕೊಬಾನಿ ಹ್ಯ ಪತ್ರ ದುಸ್ರೆ ದುಸ್ರೆ ದೆಶೆತ್ ಪಗಳುನ್ ಗೆಲ್ಯಾಲ್ಯಾ ಬಾರಾ ಕುಳಾಂಚಾ ಉದ್ದೆಶಾನಿ ಲಿವ್‌ಲ್ಯಾ\xt 1:1 \xt*ಯಾಕೊಬಾಚಾ ಪತ್‌ರ‍್ಯಾತ್ ಆಸ್‌ಲ್ಯಾಲ ಸಿಕಿವ್ನ ಸಗ್ಳ ಕ್ರಿಸ್ತಾಚಾ ಇಸ್ವಾಸಿನಾ ಪೈಲ್ಯಾನಿಸ್ ಫನ್ “ಬಾರಾ ಆಳ್” ಮಂಥ್ಯಾಲಾ ಸಬ್ದಾಚಾ಼ ಉಪಯೋಗ್ ಯಾಕೊಬಾನಿ ಶಾರ್ಕಾ ಯೆಹುದಿ ಕ್ರಿಸ್ತಾಚಾ ಇಸ್ವಾಸಿನಾ ಲಿವ್ತೊ ಮನ್ಹುನ್ ದಾವುನ್ ದೆತ. ಕಾ ಮಂಜೆ ಹ್ಯ ಪುಸ್ತಕ್ ಖುಬ್ ವಾಚಿವ್‌ತ್ಯಾಲ್ಯಾನಾ ಪೊಚಾ಼ಯಾ ವ್ಹಯಿ ಜಾ಼ಲ್ಥ. ಹ್ಯಾತ್ ಖುಬ್ ಗುಶ್ಟಿ ಹಾತ್ತಾ. ಯಾಕೊಬಾನಿ ಇಸ್ವಾಸಾಚಾ಼ ಆನಿ ಕಾಮಾಚೆ ಮದ್ದಿ ಅಸ್‌ಲ್ಯಾಲಾ ಸಂಬಂದಾಚೆ ಗುಶ್ಟಿತ್ ಖುಬ್ ದ್ಯಾನ್ ದೆತೊ. ಖರಾ ಇಸ್ವಾಸ್ ಕಾಮಾನಿ ದಾವುನ್ ದೆತೊ \xt 2:17\xt* ತ್ಯನಿ ಸಾವ್ಕರ್ಕಿ ಲೊಕಾನಾ ಆಡ್ವಚಿ ಹುಶಾರ್ಕಿ ದೆತೊ. \xt 2:1-4\xt* ಆನಿ ಆಮಿ ಸಾಂಗ್‌ತ್ಯಾಲ್ಯಾಚೆ ಗುಶ್ಟಿತ್ ಹುಶಾರ್ಕಿ ರಾಹ್ಯಾ ವ್ಹಯಿ ಮನ್ಹುನ್ ಸಾಂಗುನ್ ದೆತೊ \xt 3:1-12 \xt*
\iot ಪಿಠಿಕೆ
\io1 1. ಯಾಕೊಬ್ ವಾಚಿವ್‌ತ್ಯಾಲ್ಯಾನ್ ವಂದನ್ ಕರ್ತೊ \ior 1:1 \ior*
\io1 2. ನಂತರ್ ತ್ಯೊ ಕಷ್ಟ ಯತಾನ್ ಸುಸ್ವುನ್ ಗಿಹ್ಯಾಲಾ ಕ್ರಿಸ್ತಾಚಾ ಇಸ್ವಾಸಿನಾ ಉಮೇದ್ ದೆತೊ\ior 1:2-27 \ior*
\io1 3. ನಂತರ್ ತ್ಯೊ ಕಾಮಾನಿ ಇಸ್ವಾಸ್ ದಾವಾಚಾ಼ ಕ್ಯವ್ಡಾ ವ್ಹಯಿ ಜಾ಼ಲ್ಯಾ ಮನ್ಹುನ್ ಸಾಂಗ್ತೊ \ior 2:1-26 \ior*
\io1 4. ಹ್ಯಚೆ ನಂತರ್ ಬೊಲ್ಯಾ ಕ್ಯವಡ್ಯಾ ಬಳಾಚಾ ಆಸ್‌ತ್ಯಾತಾ ಮನ್ಹಾಚ಼ ಸಾಂಗ್ತೊ \ior 3:12 \ior*
\io1 5. ತವಾ ಯಾಕೊಬಾ ದುನೆಚ಼ ಗಿನ್ಯಾನ್ ದೆವಾಚಾ ಗಿನ್ಯಾನ್ಯಾವ್ನಿ ಕ್ಯವ್ಡ ಯಗ್ಳ ಹಾ ಮನ್ಹಾಚ಼ ಫುಡುನ್ ಸಾಂಗ್ತೊ \ior 3:13—4:10 \ior*
\io1 6. ನಂತರ್ ತ್ಯೊ ಬಡಾಯಿ ಕರ್ತ್ಯಾಲ್ಯಾಂಚೆ ಆಡ್ವ ವಾಚಿವ್‌ತ್ಯಾಲ್ಯಾನಾ ಹುಶಾರ್ಕಿ ದೆತೊ \ior 4:11—5:6 \ior*
\io1 7. ವಚನಾತ್ ಥೊಡ್ಯಾ ಬ್ಯಾರ್ಕಾ ಸುಚ಼ನಾ ದಿಯಿತ್ ಪತ್ರ ಸುಪಿವ್ತೊ.\ior 5:7-20\ior*
\c 1
\p
\v 1 ದೇವಾಲಾಬಿ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಲಾಬಿ ಸೇವಕ್ ಜಾ಼ಲ್ಯಾಲಾ ಯಾಕೊಬ್ ದುಸರೆ ದೇಶೆತ್ ಪಗಾಳ್ಯಾಲ್ಯಾ ಇಸ್ರಾಯಲಾಂಚಾ ಬಾರಾ ಕುಳಾತ್‌ಲ್ಯಾನಾ ಲಿವ್‌ಲ್ಯಾಲ ಕ್ಯಾಮಂಜೆ, ತುಮಾನಾ ಬರ ವ್ಹವುನಿ.
\s ಇಸ್ವಾಸ್ ಆನಿ ಗಿನ್ಯಾನ್
\p
\v 2 ಮಾಜಾ ಬನ್ಹಿ ಬಾವ್ಹಾನು, ತುಮಿ ನಾನಾ ತರಚ಼ ತರಾಸ್ ಕ್ಯಾಡ್ನಾರ್ ತ್ಯ ನಿಸ್ಥ ಸಂತೊಶಾಚ಼ ಮನ್ಹುನ್ ಸಮಜಾ಼. 
\v 3 ಕಾ ಮಂಜೆ ತುಮ್ಚಾ ಇಸ್ವಾಸಾಲಾ ವ್ಹತ್ಯಾಲಿ ಪರೀಕ್ಷೆ ತುಮಾನಾ ಸಮಾದಾನ್ ಕರ್ತಿ ಮನ್ಹುನ್ ತುಮಾನಾ ಸಮಜು಼ನಿ. 
\v 4 ತ್ಯೊ ಸಮಾದಾನ್ ಪುರಾ ತುಮ್ಚಿಪ ದಿಸುನಿ, ತವಾ ತುಮಿ ಸರ್ವ್ಯಾ ಗುನಾಚ಼, ನಿರ್ದೊಸಿ, ಕಶಾತ್ ಕಮ್ಮಿ ನಸಲ್ಯಾಲಿ ವ್ಹನಾರ್. 
\v 5 ಫನ್ ತುಮ್ಚಿಪ ಕುನಾಪತರಿ ಗಿನ್ಯಾನ್ ಕಮ್ಮಿ ಆಸ್ಲತ ತ್ಯೊ ದೇವಾಪ ಮಾಗುನಿ, ತ್ಯ ತ್ಯಲಾ ಗಾವ್ನಾರ್.
\p ಕಾಮಂಜೆ ದೇವ್ ದಪಕ್ಯಾವಾಚೆ ಆಂದಿ ಸಗ್‌ಳ್ಯಾನಾ ಪುಕಟ್ ದೆನಾರಾ ಜಾ಼ಲ್ಯಾ. 
\v 6 ಫನ್ ದೇವಾಪ ಮಾಗ್ನಾರ‍್ಯಾನಿ ಥೊಡಾಬಿ ಸಂಸೆವ್ ನಸ್ಥಾನಾ ಇಸ್ವಾಸಾನಿ ಮಾಗುನಿ. ಸಂಸೆವ್ ಕರ್ನಾರಾ ವಾರ‍್ಯಾನಿ ಆದ್ಳುನ್ ಸಮಿಂದೊರಾಚಾ ಲಾಟಾಚೆಗತ್ ಹಿಕ್ಡ ತಿಕ್ಡ ಪಿರತ್ಯೊ. 
\v 7 ತ್ಯೊ ಮಾನುಸ್ ಆಪ್ನು ಪ್ರಭುಪ್ನಿ ಕಾಯ್ತರಿ ಗಾವ್ನಾರ್ ಮನ್ಹುನ್ ಯವ್‍ಜು಼ನಾಹಿ. 
\v 8 ಕಾಮಂಜೆ ತ್ಯೊ ದೊನ್ ಮನಾಚಾ಼, ತ್ಯಚಿ ಚಾ಼ಲ್ನುಕ್ ಶಾರ್ಕಿನಾಹಿ.
\s ಗರಿಬ್ ಆನಿ ಸಾವ್ಕೊರ
\p
\v 9 ಗರಿಬ್ ಆಸ್‌ಲ್ಯಾಲಾ ಬಾಹು ಆಪ್ನು ಸಾವ್ಕೊರ್ ಜಾ಼ಲ್ಹೊ ಮನ್ಹುನ್ ಸಂತೊಸ್ ವ್ಹವುನಿ. 
\v 10 ಸಾವ್ಕೊರ್ ಆಸ್ನಾರಾ ಆಪ್ನು ಗರಿಬ್ ಜಾ಼ಲ್ಹೊ ಮನ್ಹುನ್ ಸಂತೊಸ್ ವ್ಹವುನಿ; ಕಾಮಂಜೆ ಸಾವ್ಕೊರ್ ಗವ್ತಾಚಾ ಪುಲಾಚೆಗತ್ ನಾಹಿನಪಟ್ ವ್ಹನಾರ್. 
\v 11 ದಿಸ್ ಉಗಾವಲ್ಯಾ ನಂತರ್ ಜ಼ಳ್‌ತ್ಯಾಲ್ಯಾ ಉನಾನಿ ಆಳಿ ವಾಳುನ್, ಪುಲ್ಲ ಜ಼ಡುನ್ ತ್ಯಚಿ ಸೊಬಾ ನಾಹಿವ್ಹತಿ; ತಸಾಸ್ ಸಾವ್ಕೊರ್ ಆಪ್‌ಲ್ಯಾ ಯತ್ನಾತ್ ಪಡುನ್ ನಾಸ್ ವ್ಹವುನ್ ಜಾ಼ನಾರ್.
\p
\v 12 ಪರಿಕ್ಷೆ ಸುಸುನ್ ಗೆನ್ಹಾರಾ ಬರಾ. ತ್ಯೊ ಪರಿಕ್ಷೆತ್ ಘಟ್ ರಾಹುನ್ ಪ್ರಭು ಆಪ್ಲಿ ಮಾಯಾ ಕರ್ತ್ಯಾಲ್ಯಾನಾ ಸಬ್ದ ದಿಲ್ಯಾಸಾರಾ ಶಾಶ್ವತ್ ಜೀವಾಚ಼ ಕಿರಿಟ್ ಗೆನ್ಹಾರ್.
\s ಪರಿಕ್ಶಾ ಆನಿ ತರಾಸ್
\p
\v 13 ಕೊನ್ತರಿ ಪರಿಕ್ಶೆತ್ ಪಡ್‌ಲ್ಯಾ ನಂತರ್ ಹೀ ಪರಿಕ್ಶೆ ಆಪ್‌ಲ್ಯಾಲಾ ದೇವಾನಿ ದಿಲಿ ಮನ್ಹುನ್ ಸಾಂಗುನಾಹಿ. ಕಾಮಂಜೆ ದೇವ್ ಬುರ್ಶಾನಿ ಪರಿಕ್ಶೆ ದಿಯಿತ್ನಾಹಿ. ಆನಿ ತ್ಯೊ ಕುನಾಲಾಸ್ ಪರಿಕ್ಶೆ ಕರಿತ್ನಾಹಿ. 
\v 14 ಫನ್ ಪರ್ತೆಕ್ ಯೊಕ್ ಬುರ್ಶೆ ಆಶೆತ್ ಗಾಹುನ್ ಖುಳಾ ವ್ಹವುನ್ ಪರಿಕ್ಶೆತ್ ಗಾವ್ತೊ. 
\v 15 ತ್ಯಾ ನಂತರ್ ಬುರ್ಶಿ ಆಶಾ ಗರ್ವಾರ್ ರಾಹುನ್ ಪಾಪ್ ಜ಼ಲಾಮ್ತ. ಪಾಪ್ ಪುರ ವಾಡುನ್ ಮರಾನ್ ಆನ್ತ.
\p
\v 16 ಮಾಜಾ ಮಾಯಾಚಾ ಬನ್ಹಿ ಬಾವ್ಹಾನು, ಪಸುನಕೊಸಾ. 
\v 17 ಸಗ್ಳಿ ಚಾ಼ಂಗ್ಲಿ ವರ ಆನಿ ಉತ್ತಮ್ ವರ್ದಾನ ವೈನಿ ಮಂಜೆ ದೇವಾಪ್ನಿ ಯತ್ಯಾತ ತ್ಯನಿ ಆಬ್ಳಾಚ಼ ದಿವ ಉತ್ಪನ್ ಕೆಲ, ತ್ಯೊ ಬಧಾಲ್ನಾರ್ ನಾಹಿ. ಆನಿ ಕಚಾಸ್ ಕಾರ್ನಾಲಾ ಬದ್ಲಾವನೆಚಿ ಸಾವುಟ್ ಸಾಹಿತ್ ತ್ಯಚಿವ ಪಡತ್ ನಾಹಿ. 
\v 18 ದೇವಾನಿ ಆಪ್‌ಲ್ಯಾ ಮನಾಸಾರ ಖರ‍್ಯಾ ವಾಕ್ಯಾಸ್ ಲಾಗುನ್ ಜೀವ್ ದಿಲಾ ಮನ್ಹುನ್ ಆಮಿ ತ್ಯಚೆ ಸರ್ವೆ ಉತ್ಪತ್ಥಿತ್ ಪೈಲ ಫಳ್ ಜಾ಼ಲ್ಯಾವ್.
\s ಐಕಾಚ಼ ಆನಿ ಕರಾಚ಼
\p
\v 19 ಮಾಜಾ ಮಾಯಾಚಾ ಬನ್ಹಿ ಬಾವ್ಹಾನು, ತುಮಿ ಹ್ಯ ಶಾರ್ಕ ಸಮಜು಼ನ್ ಗೆವ್ಹಾ, ಪರ್ತೆಕ್ ಯೊಕ್ ಐಕಾಯಾ ಚು಼ರುಕ್ ರಾಹುನಿ, ಬೊಲ್‌ನ್ಯಾತ್ ಆನಿ ರಾಗಾತ್ ಥಂಡ್ಫನಾನಿ, ಸಮಾದಾನಾನಿ ರಾಹುನಿ. 
\v 20 ಕಾಮಂಜೆ ಮಾನ್ಸಾಲಾ ರಾಗ್ ಆಲಾಕಿ ದೇವ್ ಮಂತ್ಯಾಲ್ಯಾ ನೀಯತಿಚ಼ ಕಾಮ್ ಕರಾಯಾ ವ್ಹಯಿತ್ನಾಹಿ. 
\v 21 ಮನ್ಹುನ್ ಸಗ್ಳ ನೀಚ಼ಫನ್, ಸಗ್ಳ ಬುರ್ಸಫನ್ ಕಾಡುನ್ ಮನಾತ್ ಆಸ್‍ಲ್ಯಾಲ್ಯಾ ದೇವಾಚಾ ವಾಕ್ಯಾ ಮಾಯೇನಿ ಗೆವ್ಹಾ. ತ್ಯನಾ ತುಮ್‌ಚಾ಼ ಜೀವ್ ರಾಕಾಯಾವ್ಹತೊ.
\p
\v 22 ದೇವಾಚಾ ವಾಕ್ಯಾಸಾರಿ ಚಾ಼ಲಾ, ತ್ಯ ನಿಸ್ಥ ಐಕ್ನಾರಿ ತ್ಯವ್ಡಿಸ್ ವ್ಹವುನ್ ತುಮಾನಾಸ್ ತುಮಿ ಪಸ್ವುನ್ಗಿಹುನಕೊಸಾ. 
\v 23 ಕೊನ್ತರಿ ವಾಕ್ಯಾ ಐಕುನ್ ತ್ಯಚೆಗತ್ ಚಾ಼ಲ್ಯಾನಸ್‌ಲ್ಯಾವ ತ್ಯೊ ಆರ್ಶಾತ್ ಆಪ್ಲ ತ್ವಾಂಡ್ ಬಗ್‌ಲ್ಯಾಲ್ಯಾ ಮಾನಸಾಚೆಗತ್ ರಾನ್ಹಾರ್. 
\v 24 ಕಾಮಂಜೆ ಹ್ಯೊ ಆಪ್‌ಲ್ಯಾಲಾ ಆಪನುಸ್ ಬಗುನ್ ನಂತರ್ ಆಪ್ನು ಆಸಾಹಾ ಮನ್ಹುನ್ ತವಾಸ್ ಇಸಾರ‍್ನಾರ್. 
\v 25 ಫನ್ ಸುಟ್ನುಕ್ ದೇನಾರ ಪುರ ಧರ್ಮಶಾಸ್ತಾರ್ ದ್ಯಾನ್ ದಿವುನ್ ವಾಚ಼ವುನ್, ಇಚಾರ್ ಕರುನ್ ತ್ಯಚೆಗತ್ ಚಾ಼ಲ್ನಾರಾ ವಾಕ್ಯಾ ಐಕುನ್ ಇಸರುನ್ ಜಾ಼ಯಾಚೆ ಆಂದಿ ತ್ಯಚೆಗತ್ ಚಾ಼ಲತ್ ಆಪ್ಲೆ ಚಾ಼ಲ್ನುಕಿನಿ, ಕಾಮಾನಿ ಆಶೀರ್ವಾದ್ ಗೆನ್ಹಾರ್.
\p
\v 26 ಆಪ್‌ಲ್ಯಾಲಾ ಬಘತ್ ಮಂಥ್ಯಾಲಾ ಕೊನ್ತರಿ ಆಪ್ಲಿ ಜೀಬ್ ಆಪ್‌ಲ್ಯಾ ತಾಬ್ಯಾತ್ ದರ‍್ಹಾಚೆ ಆಂದಿ ಆಪಲ್ಯಾ ಮನಾಲಾ ಫಸಿವತ್ಯಾಲಾ ಜಾ಼ಲ್ಯಾವ ತ್ಯಚಿ ಬಕ್ತಿ ಫುಕಟ್ ಜಾ಼ಲೆ. 
\v 27 ತರಾಸಾತ್ ಆಸ್‌ಲ್ಯಾಲ್ಯಾ ಗತಿ ನಸಲ್ಯಾಲ್ಯಾನಾ, ವಿದ್ವೆಂಚಿ ಕ್ಯಾಳ್ಜಿಕರಾ ಆಸ್‌ಲ್ಯಾಲಾ ಹೆ ದುನೆಚಾ಼ ದೊಸ್ ಲಾಗುನಾಹಿ ಆಸಾ ಆಪ್‌ಲ್ಯಾಲಾ ಆಪ್ನು ರಾಕಾಚ಼ ಬಾ ಜಾ಼ಲ್ಯಾಲ್ಯಾ ದೇವಾಚೆ ಮೊರ‍್ಹ ಚಾ಼ಂಗ್ಲ, ನಿರ್ಮಳ್ ಜಾ಼ಲ್ಯಾಲಿ ಬಕ್ತಿ.
\c 2
\s ಬೇದ್ ಬಾವಾಚೆ ಗುಶ್ಟಿತ್ ಹುಶಾರ್ಕಿ
\p
\v 1 ಮಾಜಾ ಬನ್ಹಿ ಬಾವ್ಹಾನು, ಮೈಮೆಚಾ ಆಮ್‌ಚಾ಼ ಪ್ರಭು ಯೇಸು ಕ್ರಿಸ್ತಾವ ಇಸ್ವಾಸ್ ಥೆವ್‌ಲ್ಯಾಲಿ ತುಮಿ ಬೇದ್ ಬಾವ್ ಕರ್ತ್ಯಾಲಿ ರಾಹುನಾಹಿ. 
\v 2 ಕಸ ಮಂಜೆ ಯೊಕ್ ಮಾನುಸ್ ಸೊನ್ಯಾಚಾ ಆಂಕ್‌ಟ್ಯಾ ಆನಿ ಚಾ಼ಂಗ್ಲ ಕಪ್ಡ ಗಾಲುನ್ ತುಮ್ಚೆ ಮಂಡಳಿತ್ ಆಲಾಕಿ ಆನಿ ಯೊಕ್ ಗರಿಬ್ ಮಾನುಸ್ ಬುರ್ಸ ಕಪ್ಡ ಗಾಲುನ್ ಆಲಾಕಿ, 
\v 3 ತುಮಿ ಚಾ಼ಂಗ್ಲ ಕಪ್ಡ ಗಾಲುನ್ ಆಲ್ಯಾಲ್ಯಾಲಾ ಮರೆದಿನಿ ಬಗುನ್ ತ್ಯಲಾ ತುಮಿ ಮರೆದಿಚೆ ಕುರ್ಚಿವ ಬಸಾ ಮನ್ಹುನ್, ತ್ಯಾ ಗರಿಬಾಲಾ ತು ತಿತ್ಥ ಉಬಾರ‍್ಹಾ ನಾಹಿತ ಹಿತ ಪಾಯಾಪಲ್ಯಾ ಬಿಸನ್ಯಾಪ ಬಸ್ ಮನ್ಹುನ್ ಸಾಂಗಲ್ಯಾವ, 
\v 4 ತುಮಿ ತುಮ್ಚಾ ತುಮ್ಚಾತ್ ಬೇದ್ ಬಾವ್ ಕರ್ನಾರಿ ವ್ಹವುನ್, ಬುರ್ಶಾ ಇಚಾರಾಚೆಗತ್ ಚಾ಼ಲಾಯಾ ನಿರ್ಧಾರ್ ಕರ್ತಾಸಾ ನವ್ಹ ಕ್ಯಾ?
\p
\v 5 ಮಾಜೆ ಮಾಯೆಚಾ ಬನ್ಹಿ ಬಾವ್ಹಾನು, ಐಕಾ ದೇವ್ ಹೆ ದುನೆತ್ ಗರಿಬಾನಾ ಇಸ್ವಾಸಾತ್ ಸಾವ್ಕಾರ್ ಕರುನ್ ಆಪ್ಲಿ ಮಾಯಾ ಕರ್ತ್ಯಾಲ್ಯಾನಾ ಆಪ್ನು ಸಬ್ದ ದಿಲ್ಯಾಲ್ಯಾ ರಾಜಾತ್ ವಾರಸ್ದಾರ್ ರಾಹ್ಯಾವ್ಹಯಿ ಮನ್ಹುನ್ ನಿವಡ್ಲ ನಾಹಿ ಕ್ಯಾ? 
\v 6 ಫನ್ ತುಮಿ ಗರಿಬಾನಾ ಅವ್ಮಾನ್ ಕೆಲ್ಯಾಸಾ. ತುಮಾನಾ ದರುನ್ ನ್ಯಾಯಿ ಕರ್ತ್ಯಾತ ತಿತ್ಥ ವಡುನ್ ನೆನಾರ ಸಾವ್ಕಾರ್ ನವ್ಹತ ಕ್ಯಾ? 
\v 7 ತುಮಿ ಹಾಕಟ್‌ಲ್ಯಾಲ ತ್ಯಾ ಚಾ಼ಂಗಲ್ಯಾ ನಾವಾಚಿ ನಿಂದಾ ಕರ್ನಾರ ತೇಸ್ ನವ್ಹತ ಕ್ಯಾ?
\p
\v 8 ಫನ್ ಧರ್ಮಶಾಸ್ತಾರಾ ಶಾರ್ಕ, “ತುಜಾ ಸೆಜಾ಼ರ‍್ಯಾಚಿ ತುಜಿಗತುಸ್ ಮಾಯಾ ಕರಾಯಾವ್ಹಯಿ” ಮನ್ಹುನ್ ರಾಜಾಚಾ಼ ಹುಕುಮ್ ಫಾರಿಕ್ ಕೆಲ್ಯಾವ, ತುಮಿ ಬರ ತ್ಯ ಕರ್ತ್ಯಾಲಿ. 
\v 9 ಫನ್ ಯೆಕ ಯಳಿ ತ್ಯ ಸುಡುನ್ ತುಮಿ ಬೇದ್ ಬಾವ್ ಕರ್ನಾರಿ ಆಸ್ಲಾಸಾತ ಪಾಪ್ ಕರುನ್ ಗುನದಾರ್ ಮನ್ಹುನ್ ಧರ್ಮಶಾಸ್ತಾರಾಸಾರಿ ತೀರ್ಮಾನ್ ವ್ಹನಾರ್. 
\v 10 ಕಾ ಮಂಜೆ ಕುನಿತರಿ ಧರ್ಮಶಾಸ್ತಾರಾಚೆಗತ್ ಚಾ಼ಲುನ್ ತ್ಯಾತ್ಲೆ ಯಕಸ್ ಗುಸ್ಟಿತ್ ಚು಼ಕಲ್ಯಾವ ತಸ್ಲ ಸಗ್‌ಳ್ಯಾ ಗುಸ್ಟಿತ್ನಿ ಗುನ್ನದಾರ್ ವ್ಹತ್ಯಾತ. 
\v 11 ಕಾ ಮಂಜೆ ವ್ಯಬಿಚಾರ್ ಕರುನಾಹಿ ಮನ್ಹುನ್ ಸಾಂಗ್‌ಲ್ಯಾಲ್ಯಾನಿಸ್ ಮಾನ್ಸಾಚಾ಼ ಖುನ್ ಕರುನಾಹಿ ಮನ್ಹುನ್ ಸಾಂಗ್ಲ. ತ್ಯಾ ಕಾರ್ನಾನಿ ತು ವ್ಯಬಿಚಾರ್ ಕೇಲಾನಾಹಿತರಿ ಮಾನ್ಸಾಚಾ಼ ಖುನ್ ಕೆಲ್ಯಾವ ಧರ್ಮಶಾಸ್ತಾರ್ ವಲ್ಯಾಂಡಲ್ಯಾಲಾ ವ್ಹತ್ತೊ. 
\v 12 ತುಮಿ ಸುಟ್ನುಕ್ ಆಂತ್ಯಾಲ್ಯಾ ಧರ್ಮಶಾಸ್ತಾರಾ ಶಾರ್ಕ ತೀರ್ಪ ಗೆತಲ್ಯಾಲ್ಯಾನಾ ತಸಿಸ್ ಬೊಲಾ ಆನಿ ವಿಧೆಯ್ ವ್ಹವಾ. 
\v 13 ತುಮಿ ದುಸ್‌ರ‍್ಯಾನಾ ಕರುನಾ ದ್ಯಾವ್‌ತ್ಯಾಲಿ ರಾಹ್ಯಾ ವ್ಹಯಿಸಾ ನಾಹಿತ ತುಮಾನಾ ದೆವ್ ನ್ಯಾಯಿ ತಿರ್ಮಾನ್ ಕರ್ತ್ಯಾಲ್ಯಾ ಯಳಾತ್ ಕರುನಾ ದಾವಿತ್ ನಾಯಿ. ಕರುನಾ ದ್ಯಾವ್‍ತ್ಯಾಲಾ ಮಾನುಸ್ ದೇವ್ ನ್ಯಾಯಿ ತಿರ್ಮಾನ್ ಕರ್ತ್ಯಾಲ್ಯಾ ಯಳಾತ್ ತ್ಯೊ ಜಿತ್ತೊ.
\s ಇಸ್ವಾಸ್ ಆನಿ ಕಾಮ್
\p
\v 14 ಮಾಜಾ ಬನ್ಹಿ ಬಾವ್ಹಾನು, ಯಕಾನಿ ಆಪ್‍ಲ್ಯಾಲಾ ಇಸ್ವಾಸ್ ಹಾ ಮನ್ಹುನ್ ಸಾಂಗುನ್ ತ್ಯಚಿಗತ್ ಚಾ಼ಲ್ನ, ಕಾಮ ನಸ್‌ಲ್ಯಾಲಾ ಜಾ಼ಲಾತ ಉಪೆಗ್ ಕ್ಯಾ? ತಸ್ಲಾ ಇಸ್ವಾಸ್ ತ್ಯಲಾ ರ‍್ಯಾಕ್ನಾರ್ ಕ್ಯಾ? 
\v 15 ತುಮ್ಚಾತ್‌ಲ್ಯಾ ಯಕಾ ಬಾವ್ಹಾಲಾ ನಾಹಿತ ಯಕ ಬನ್ಹಿಲಾ ಗಾಲ್ಹಾಯಾ ಕಪ್ಡ ನಾಹಿತ ತ್ಯಾ ದಿಸಾಚ಼ ಜೇವಾನ್ ವ್ಹಯಿ ಜಾ಼ಲತ, 
\v 16 ತುಮ್ಚಾತ್ಲಾ ಯೊಕ್ ತ್ಯನಾ ಶರಿರಾಲಾ ವ್ಹಯಿ ಜಾ಼ಲ್ಯಾಲ ಪುರ್ನ ಕರಾಚೆ ಆಂದಿ ಸಮಾದಾನಾನಿ ಜಾ಼ವಾ, ತಾಪತ್ ಬಸಾ, ಪ್ವಾಟ್ ಬರ‍್ಹುನ್ ಖಾವಾ ಮನ್ಹುನ್ ಸಾಂಗಲ್ಯಾವ ಉಪೇಗ್ ಕ್ಯಾ? 
\v 17 ತಸಸ್ ಕಾಮಾಲಾ ನಸ್‌ಲ್ಯಾಲಾ ಇಸ್ವಾಸ್ ಮೆಲ್ಯಾಲಾ ಜಾ಼ಲ್ಯಾ.
\p
\v 18 ತರಿಬಿ ಯೊಕ್; ತುಲಾ ಇಸ್ವಾಸ್ ಹಾ ಆನಿ ಮನಾ ಕಾಮ ಹಾತ್ತ ತು ಕಾಮ್ ನಸ್ಥಾನಾ ತುಜಾ಼ ಇಸ್ವಾಸ್ ಮನಾ ದ್ಯಾವ್. ಮೀ ಮಾಜಾ ಕಾಮಾನಿ ಮಾಜಾ಼ ಇಸ್ವಾಸ್ ದ್ಯಾವ್ತೊ ಮನ್ಹುನ್ ಸಾಂಗನಾರ್ ನವ್ಹ. 
\v 19 ದೇವ್ ಯಕ್ಲಾಸ್ ಮನ್ಹುನ್ ತು ಇಸ್ವಾಸ್ ಥೆವ್ತೊಸ್. ತ್ಯ ಬರ ಫನ್ ಲಾಗಿರ್ ಸಾಹಿತ್ ತಸಿಸ್ ಇಸ್ವಾಸ್ ಕರುನ್ ವಾಡ್‌ತ್ಯಾತ. 
\v 20 ಬುದ್ದಿ ನಸ್‌ಲ್ಯಾಲಾ ಕಾಮ ನಸ್‌ಲ್ಯಾಲಾ ಇಸ್ವಾಸ್ ಉಪೆಗ್ ನಸ್‌ಲ್ಯಾಲಾ ಮನ್ಹುನ್ ತುಲಾ ಸಾಬಿತ್ ಕರಾಯಾ ವ್ಹಯಿ ಕ್ಯಾ? 
\v 21 ಆಮಚಾ಼ ವಡಿಲ್ ಜಾ಼ಲ್ಯಾಲ್ಯಾ ಅಬ್ರಹಾಮಾನಿ ಆಪ್ಲಾ ಲ್ಯೊಕ್ ಜಾ಼ಲ್ಯಾಲ್ಯಾ ಇಸಾಕಾಲಾ ಯಜ್ಞವೇದಿವ ದಿಲಾತವಾ ನೀಯತಿಚಾ಼ ಮನ್ಹುನ್ ತಿರ್ಮಾನ್ ಜಾ಼ಲ್ಯಾಲಾ ಇಸ್ವಾಸಾಚಾ ಕಾಮಾನಿಸ್ ನವ್ಹ ಕ್ಯಾ? 
\v 22 ತ್ಯಚಾ ಇಸ್ವಾಸಾನಿ ಕಾಮ್ ಕೆಲ ಆನಿ ತ್ಯಾ ಕಾಮಾನಿಸ್ ತ್ಯಚಾ಼ ಇಸ್ವಾಸ್ ಪುರ್ನ ಜಾ಼ಲ್ಹಾ. 
\v 23 “ಅಬ್ರಹಾಮಾನಿ ದೇವಾವ ಇಸ್ವಾಸ್ ಥೆವ್ಲಾ ಆನಿ ತ್ಯಚಾ಼ ಇಸ್ವಾಸ್ ತ್ಯಚಾ ಲೆಖ್ಯಾತ್ ನೀಯತಿಚಾ಼ ಮನ್ಹುನ್ ಮನ್‌ಲ್ಯಾಲ ಧರ್ಮಶಾಸ್ತಾರಾಚ಼ ಬೊಲ್ನ ಆಸ ಜಾ಼ಲ್ಹ”. \x - \xo 2:23 \xo*\xt ಉತ್ಪತಿ 15:6 \xt*\x* ಮನ್ಹುನ್ ಅಬ್ರಾಹಾಮಾಲಾ ದೇವಾಚಾ಼ ಸುಪ್ತಿ ಮನ್ಹುನ್ ಹಾಕಟ್ಲಾ. 
\v 24 ಮನ್ಹುನ್ ಮಾನ್ಸಾಚಾ ಕಾಮಾನಿ ನೀಯತಿಚಾ಼ ಮನ್ಹುನ್ ತಿರ್ಮಾನ್ ವ್ಹತ್ತೊ ತ್ಯ ಸುಡುನ್ ನಿಸ್‌ತ್ಯಾ ಇಸ್ವಾಸಾನಿ ನವ್ಹ ಮನ್ಹುನ್ ಬಗ್‌ತ್ಯಾಸಾ.
\p
\v 25 ತೇಸ್ ತರನಿ ವೆಬಿಚಾರಿ ಜಾ಼ಲ್ಯಾಲಿ ರಾಹಾಬ್ ಗುಡಾಚಾರಿನಾ ಆಪ್‌ಲ್ಯಾ ಗರ‍್ಹಾತ್ ಹಾಕ್ಟುನ್ ಗಿಹುನ್, ದುಸ್ರೆ ವಾಟನಿ ತ್ಯನಾ ಲಾವುನ್ ದಿಲ್ಯಾಲ್ಯಾ ಕಾಮಾನಿಸ್ ನೀಯತಿಚಿ ಮನ್ಹುನ್ ಗೆತಲ್ಯಾಲಿ ನವ್ಹ ಕ್ಯಾ?
\p
\v 26 ಆತ್ಮ ನಸ್‌ಲ್ಯಾಲ ಧಡ್ ಮೆಲ್ಯಾಲಸ್ ತಸಸ್ ಕಾಮಲಾ ನಸ್‌ಲ್ಯಾಲಾ ಇಸ್ವಾಸ್ ಮೆಲ್ಯಾಲಾ ಜಾ಼ಲ್ಯಾ.
\c 3
\s ಜೀಬ್
\p
\v 1 ಆಮ್ಚಾ ಬನ್ಹಿ ಬಾವ್ಹಾನು, ಸಿಕಿವ್ನಾರ‍್ಯಾ ಆಮಾನಾ ತರಾಸಾಚಾ಼ ನ್ಯಾಯಿ ತಿರ್ಪ್ ವ್ಹನಾರ್ ಮನ್ಹುನ್ ಸಮಜು಼ನ್ ಖುಬ್ ಜಾ಼ನ್ ಸಿಕಿವ್ನಾರ ವ್ಹವುನಕೊಸಾ. 
\v 2 ಖುಬ್ ಗುಸ್ಟಿತ್ನಿ ಆಮಿ ಸಗ್ಳ ಚು಼ಕ್ನಾರ ಜಾ಼ಲ್ಯಾವ್. ಯೊಕ್ ಸಬ್ದಾಲಾ ಚು಼ಕ್ಲಾನಾಹಿತ ತ್ಯೊ ಸಗ್‌ಳ್ಯಾ ಚಾ಼ಂಗಲ್ಯಾ ಗುನಾಚಾ಼ ಆಪ್ಲ ಸಗ್ಳ ಶರೀರ್ ಆಪ್‌ಲ್ಯಾ ತಾಬ್ಯಾತ್ ದರ್ನಾರಾ ಜಾ಼ಲ್ಯಾ. 
\v 3 ವಾರು ಆಮ್ಚಾ ಮನಾಸಾರ ಚಾ಼ಲಾಯಾಸಾಟಿ ತ್ಯಂಚಾ ತೊಂಡಾಲಾ ಲಗಾಮ್ ಗ್ಯಾಲ್ತಾವ್. ತವಾ ತ್ಯಂಚ಼ ಶರಿರ್ ಸಗ್ಳ ಆಮಾನಾ ವ್ಹಯಿತಿಕ್ಡ ಪರ್ತಾಯಾ ವ್ಹತ. \fig ಗೊಢಾ ಚಾ಼ಲಿವತ್ಯಾಲಾ|alt="Rider on a horse" src="lb00035c.tif" size="col" copy="Horace Knowles ©" ref="3:3"\fig*
\p
\v 4 ವ್ಹಡ್ಯಾ ಸಾಯಿತ್ ಬಗಾ. ತ್ಯಾ ಖುಬ್ ಮೊಟ್ಯಾ ಆಸ್‍ಲ್ಯಾತರಿ ಮೊಟ್ಯಾ ವಾರ‍್ಯಾನಿ ಹಲ್‌ತ್ಯಾತಾ. ಫನ್ ವ್ಹಡಿ ಚಾ಼ಲಿವ್ನಾರಾ ಖುಬ್ ಬಾರಿಕ್ ಚುಕಾನಿನಿ ಆಪಲ್ಯಾಲಾ ಜಾ಼ಯಾ ವ್ಹಯಿ ತಿಕ್ಡ ವ್ಹಡಿ ಪರತೊ. 
\v 5 ತಸಸ್ ಜೀಬ್ ಸಾಯಿತ್ ಬಾರಿಕ್ ಜಾ಼ಲಿತರಿ ಮೊಟ್ಯಾ ಕಾಮಾಚೆ ಗುಸ್ಟಿತ್ ಬಡಾಯಿ ಸಾಂಗ್ತಿ. ಇಸ್‍ತ್ಯಾಚ಼ ಬಾರಿಕ್ ಕಿಟಾಳ್ ಮೊಟ ರಾನ್ ಜಾಳ್ತ. 
\v 6 ಜೀಬ್ ಸಾಯಿತ್ ಇಸ್ತುಸ್. ಜೀಬ್ ನೀಯತ್ ನಸ್‌ಲ್ಯಾಲ್ಯಾಂಚೆ ಇರುದ್ ಹಾ ಆಮ್ಚಾ ಶರೀರಾಚಾ ಬಾಗಾತ್ನಿ ಮದ್ಯಿ ಥೆವ್ಲೆ. ತೀ ಶರೀರ್ ಸಗ್ಳ ಹಾಳ್ ಕರ್ತಿ. ಆಪ್ನುಸ್ ನರಕ್ ಮಂತ್ಯಾಲಾ ಇಸ್ತು ಲಾವುನ್ ಗಿಹಿತ್ ಸಗ್‍ಳ್ಯಾ ಜ಼ಲ್ಮಾಲಾ ಇಸ್ತು ಲ್ಯಾವ್ತಿ.
\p
\v 7 ಸಗ್ಳೆ ತರಚಿ ಜ಼ನಾವಾರ, ಪಾಕ್ರ, ಪೊಟಾನಿ ಜಾ಼ನಾರ ಕಿಡಮುಂಗ್, ಪಾನ್ಯಾತಲ್ಯಾ ಜ಼ನಾವರಾನಾ ಮಾನ್ಸ ತಾಬ್ಯಾತ್ ಆನ್ತಿಲ ಆನಿ ಆನ್‍ಲ್ಯಾತ. 
\v 8 ಫನ್ ಜಿಬ್ ಕುನಿ ಆಪ್‌ಲ್ಯಾ ತಾಬ್ಯಾತ್ ಆನ್ಲಿ ನಾಹಿ. ತೀ ಗಪ್ ರಾಹಿ ನಸ್‌ಲ್ಯಾಲಿ ಬುರ್ಸಿ ಜಾ಼ಲೆ. ತಿ ಮರ್ನಾಚಾ ಇಸಾನಿ ಬರ್ಲೆ. 
\v 9 ತೇಸ್ ಜಿಬಿನಿ ಆಮ್ಚಾ ಪ್ರಭುಲಾ ಆನಿ ಬಾ ದೇವಾಲಾ ಸ್ತುತಿ ಕರ್ತಾವ್ ಮನ್ಹುನ್ ದೇವಾಚಾ ರುಪಾಚೆಗತ್ ಕೆಲ್ಯಾಲ್ಯಾ ಮಾನ್ಸಾನಾ ಆಮಿ ಸರಾಪ್ತಾವ್. 
\v 10 ತ್ಯಾಸ್ ತೊಂಡಾನಿ ಸ್ತುತಿ ಆನಿ ಸರಾಪ ದುನಿಬಿ ಯತ್ಯಾತ! ಮಾಜಾ ಬನ್ಹಿ ಬಾವ್ಹಾನು, ಆಸ ವ್ಹವುನಾಹಿ. 
\v 11 ಗೊಡ್ ಆನಿ ಕಡು ಪಾನಿ ಯಕಾಸ್ ಜ಼ರ‍್ಯಾತ್ನಿ ಯತ ಕ್ಯಾ? 
\v 12 ಮಾಜಾ ಬನ್ಹಿ ಬಾವ್ಹಾನು, ಅಂಜುರಾಚ಼ ಜಾ಼ಡ್ ವಲಿವ್ ಫಳ್ ನಾಹಿತ ದರಾಕ್ಷಿಸೆ ಯಲಿಲಾ ಅಂಜುರಾಚ಼ ಫಳ್ ಲಾಗ್ ತಕ್ಯಾ? ನಾಹಿ! ತಸಸ್ ಖಾರಾಟ್ ಪಾನ್ಯಾಚಾ ಜ಼ರ‍್ಯಾತ್ನಿ ಗೊಡ್ ಪಾನಿ ಯಯಿತ್ನಾಹಿ.
\s ವೈಲ ಗಿನ್ಯಾನ್
\p
\v 13 ತುಮ್ಚಿಪ ಜ್ಞಾನಿ, ನಾಹಿತ ಶಾನ ಕೋನ್? ತಸ್ಲಾ ಚಾ಼ಂಗ್ಲೆ ಚಾ಼ಲ್ನುಕಿನಿ ಗಿನ್ಯಾನಾಚ಼ ಲಕ್ಷೆನ್ ಜಾ಼ಲ್ಯಾಲ ಥಂಡ್ಪನ್, ಸಮಾದಾನಾಚಾ ಕಾಮಾನಿ ತ್ಯ ದಾವುನಿ. 
\v 14 ಫನ್ ತುಮ್ಚಾ ಮನಾತ್ ಸ್ವಾರ್ತಫನ್ ಆನಿ ಕಡು ಇಸ್ ಆಸಲ್ತ ತುಮಿ ಖರ‍್ಯಾಚೆ ಆಡ್ವ ಲಬಾಡ್ ಬುಲುನ್ ವವ್ಯಾಳುನ್ ಗಿಹುನಕೊಸಾ. 
\v 15 ತ್ಯ ವೈನಿ ಆಲ್ಯಾಲ ಗಿನ್ಯಾನ್ ನವ್ಹ. ತ್ಯ ದರ್ತಿಲಾ ಸಂಬದ್ ಆಸ್‍ಲ್ಯಾಲ, ತ್ಯ ಆತ್ಮಿಕ್ ನವ್ಹ ತ್ಯ ಬುಥಾನ್ ಸಂಬಂದ್ ಆಸ್‌ಲ್ಯಾಲ. 
\v 16 ಖೊಟಪನ್, ಆನಿ ಸ್ವಾರ್ತಫನ್ ಕುಠ ರಾಥ ಥಿತ ಗೊಂದೊಳ್ ಆನಿ ಸರ್ವೆತರಚ಼ ನಾಲಾಯಿಕ್ ಫನ್ ರಾಥ. 
\v 17 ಫನ್ ವೈನಿ ಆಲ್ಯಾಲ ಗಿನ್ಯಾನ್ ಆಂದಿ ನಿರ್ಮಳ್ ಆಸ್‌ಲ್ಯಾಲ ತ್ಯಾ ನಂತರ , ಥಂಡ್ಪನಾಚ಼, ಸಮಾದಾನಾಚ಼, ಐಕ್‌ತ್ಯಾಲ ವ್ಹವುನ್, ಕರ್ನಾ ಆನಿ ಚಾ಼ಂಗಲ್ಯಾ ಫಳಾನಿ ಬರ್ಲ್ಯಾಲ, ಬೆದ್ ಬಾವ್ ನಸಲ್ಯಾಲ, ಕಪಟ್ ನಸ್‌ಲ್ಯಾಲ ಜಾ಼ಲ್ಯಾ 
\v 18 ಥಂಡ್ಪನ್ ಉತ್ಪತ್ತಿ ಕರ್ತ್ಯಾಲ ಥಂಡ್ಪನ್ ಮಂತ್ಯಾಲ ಬೀ ಪಿರುನ್ ನಿಯತ್ ಮಂತ್ಯಾಲ ಪಿಕ್ ಕ್ಯಾಪ್ನಾರ್.
\c 4
\s ದುನೆಚ಼ ಸುಪ್ತಿಫನ್
\p
\v 1 ತುಮ್ಚಿಪ ಕಳಿ ಬಾಂಡ್ನ, ಕುಟ್ನಿ ಯತ್ಯಾತ? ತುಮ್ಚಾ ಶರೀರಾನಿ ದಾವ್‍ತ್ಯಾಲ ಲಡತ್ಯಾಲ ಮನಾಚಾ ಬಾವ್ಹಾನಿ ಬುರ್ಶೆ ಆಶೆನಿ ಯತ ನವ್ಹ? 
\v 2 ತುಮ್ಚಾ ಮನಾತ್ ಆಸ್‍ಲ್ಯಾಲ ತುಮಾನಾ ಗಾವ್ಲನಾಹಿ. ತುಮಿ ಖುನ್ ಕೆಲಾಸಾತರಿ, ಖೊಟಪನ್ ಕೆಲಸಾತರಿ ಮನಾತ್ ಆಸ್‍ಲ್ಯಾಲ ಮಿಳ್ವಾಯಾ ಜಾ಼ಲ್ಹನಾಹಿ; ತುಮಿ ಜೊ಼ಂಬ್ತಾಸಾ, ಕಳಿ ಕರ್ತಾಸಾ. ಫನ್ ತುಮಿ ದೇವಾಪ ಮಾಗತ್ನಾಹಿಸಾ ಮನ್ಹುನ್ ತುಮಾನಾ ಕಾಯ್ ಗಾವತ್ನಾಹಿ. 
\v 3 ತುಮಿ ಮಾಗ್ಲಸಾತರಿ ಮಾಗ್‍ಲ್ಯಾಲ ತುಮ್ಚಾ ಸುಕಾಸಾಟಿ ವಾಯಿಟ್ ತರನಿ ವಾಪರ್ಲ್ಯಾಲ್ಯಾನಿ ಮಾಗ್ತಾಸಾ ಮನ್ಹುನ್ ತುಮಾನಾ ಮಿಳತ್ನಾಹಿ. 
\v 4 ವ್ಯಭಿಚಾರಿನು, ಹೆ ದುನೆಚ಼ ಸುಪ್ತಿಫನ್ ದೇವಾಲಾ ಆಡ್ವ ಮನ್ಹುನ್ ತುಮಾನಾ ಠಾವ ನಾಹಿಕ್ಯಾ? ಮನ್ಹುನ್ ದುನೆಚಾ಼ ಸುಪ್ತಿ ವ್ಹಯಾವ್ಹಯಿ ಮಂತ್ಯಾಲಾ ಆಪ್‍ಲ್ಯಾಲಾ ದೇವಾಚಾ಼ ವಾದಿ ಕರುನ್ಗೆತೊ. 
\v 5 ದೇವಾನಿ ಆಮ್ಚಿಪ ಥೆವ್‍ಲ್ಯಾಲ ಪವಿತ್ರಾತ್ಮ ಮರೆದಿನಿ ಆಸೆನಿ ಆಮ್ಚಿಸಾಟಿ ಮನಾನಿ ದರ್ಮಶಾಸ್ತಾರ್ ನಿಸ್ತ ಬೊಲ್ನ ತ್ಯವ್ಡಸ್ ಮನ್ಹುನ್ ತುಮಿ ಸಮಜು಼ನ್ ಗೆತಾಸಾಕ್ಯಾ? 
\v 6 ತ್ಯೊ ಆಮಾನಾ ಖುಬ್ ಕ್ರಪಾ ದೆನಾರ್. ಮನ್ಹುನ್, ದೇವ್ ಬಡಾಯಿಚಾನಾ ವಾದಿಜಾ಼ಲ್ಯಾ, ಗರಿಬಾನಾ ಕರ್ನಾದ್ಯಾವ್ನಾರ್ ಮನ್ಹುನ್ ಧರ್ಮಶಾಸ್ತಾರ್ ಸಾಂಗ್ತ.
\p
\v 7 ಆಸ ಆಸ್ತಾನಾ ತುಮಿ ದೇವಾಸಂಗ ರಾಹುನ್ ಸೈತಾನಾಲಾ ಆಡ್ಯಾವಾ, ತವಾ ತ್ಯೊ ತುಮಾನಾ ಸುಡುನ್ ಪಳುನ್ ಜಾ಼ಯಿಲ್. 
\v 8 ತುಮಿ ದೇವಾಪ ಯವಾ, ತವಾ ತ್ಯೊ ತುಮ್ಚಿಪ ಯಯಿಲ್. ಪಾಪಿನು, ತುಮ್‍ಚ಼ ಹಾತ್ ದುವ್ಹಾ; ಕಪ್ಟಿನು ತಿಮ್ಚಿ ಮನ ನಿರ್ಮಳ್ಕರಾ. 
\v 9 ರಡಾ, ಲೊಳಾ, ದುಖಗಾಳಾ; ತುಮಚ಼ ಹಾಸ್ನ ಸುಡುನ್ ಪ್ರಭುಚೆ ಕ್ರಪೆಸಾಟಿ ಲುಳುನ್ ಮಾಗಾ. ತುಮಚಾ಼ ಲೊಕಾತ್ಲಾ ಸಂತೊಶ್ ಸುಡುನ್ ಪ್ರಬುಲಾ ಗಿಹ್ಯಾ ಯತ್ನ ಕರಾ. 
\v 10 ಪ್ರಭುಚೆ ಮೊರ‍್ಹ ತುಮಿ ಬಾರಿಕ್‍ ವ್ಹವಾ; ತವಾ ತ್ಯೊ ತುಮಾನಾ ವರ್ ಉಚ಼ಲ್ನಾರ್.
\s ಯಕಾ ಬಾವ್ಹಾಚಾ಼ ನ್ಯಾಯಿ ಕರಾಚಾ಼
\p
\v 11 ಬನ್ಹಿ ಬಾವ್ಹಾನು ಯಕಾಮಕಾಚಿ ನಿಂದಾ ಕರು ನಕೊಸಾ. ಕಚಾನಿತರಿ ಆಪ್‍ಲ್ಯಾ ಬಾವ್ಹಾಚಿ ನಿಂದಾ ಕಿಲಿತ ನಾಹಿತ ಆಪ್‍ಲ್ಯಾ ಬಾವ್ಹಾಚೆ ಗುಸ್ಟಿತ್ ನ್ಯಾಯಿ ನಿವಡ್ಲಾತ ತ್ಯನಿ ದರ್ಮಶಾಸ್ತಾರಾಚಿ ನಿಂದಾ ಕರುನ್ ತ್ಯಚೆ ಗುಸ್ಟಿತ್ ತಿರ್ಮಾನ್ ಕೆಲ್ಯಾವ ತು ನ್ಯಾಯಿನಿವಡ್ನಾರಾ ವ್ಹನಾರ್ ನಾಹಿತ ತ್ಯ ಪ್ಯಾಳ್‍ತ್ಯಾಲಾ ನವ್ಹಸ್. 
\v 12 ದರ್ಮ ಶಾಸ್ತಾರ್ ದಿಲ್ಯಾಲಾ ನ್ಯಾಯಾದಿಪತಿ ಯೊಕುಸ್; ತ್ಯೊಸ್ ಉರಿವ್ನಾರಾ ಆನಿ ನಾಸ್ ಕರ್ನಾರಾ. ಆಸ ಆಸ್ತಾನಾ ತುಜಾ ಸೆಜಾ಼ರ‍್ಯಾಚೆ ಗುಸ್ಟಿತ್ ನ್ಯಾಯಿ ನಿವಡಾಯಾ ತು ಕೊನ್?
\s ಗಮೆಂಡಿಚೆ ಆಡ್ವಿ ಹುಶಾರ್ಕಿ
\p
\v 13 ಆಜ಼್ ನಾಹಿತ ಸಕಾಳ್ ಆಮಿ ಆಸ್ಲೆ ಪೆಠತ್ ಜಾ಼ವುನ್ ತಿಥ ಎಕ್ ವರಿಸ್ ರಾಹುನ್ ಯಾಪಾರ್ ಕರುನ್ ಲಾಬಾ ಗೆಥಾವ್ ಮಂಥ್ಯಾಲ್ಯಾನು ಐಕಾ.\fig ಯವಾರ್‍ದಾರ್ ಆನಿ ಗೆನ್ಹಾರ‍್ಯಾಂಚಾ಼ ಜಾ಼ಗಾ|alt="Customer, merchant with his wares" src="hk00172c.tif" size="col" copy="Horace Knowles ©" ref="4:13"\fig* 
\v 14 ಸಕಾಳ್ ಕ್ಯಾ ವ್ಹನಾರ್ ಮನ್ಹುನ್ ತುಮಾನಾ ಠಾವ ನಾಹಿ. ತುಮ್‍ಚಾ಼ ಜಿವ್ನಾ ಕಸ್ಲಾ? ತುಮಿ ಥೊಡಾ ಯೊಳ್ ದಿಸುನ್ ಮಂಗ್ ದಿಸ ನಸ್ನಾರೆ ವಾಪ ಸಾರಿ ಹಾಸಾ. 
\v 15 ಮನ್ಹುನ್ ತುಮಿ ತೆ ಸಬಾತ್ ಸುಡುನ್ ದೆವಾಚ಼ ಮನ್ ಆಸ್ಲತ ಆಮಿ ಜ಼ಗುನ್ ಹ್ಯ ಆನಿ ತ್ಯ ಕಾಮ್ ಕರ್ತಾವ್ ಮನ್ಹುನ್ ಸಾಂಗಾವ್ಹಯಿಸಾ. 
\v 16 ಖರ ತುಮಿ ತುಮ್ಚೆ ಬಡಾಯಿನಿ ತುಮ್ಚೆ ಗುಸ್ಟಿತ್ ವವ್ಯಾಳುನ್ ಗೆಥಾಸಾ. ತಸ್ಲ ವವ್ಯಾಳ್ನ ಬುರ್ಸ ಜಾ಼ಲ್ಯಾ. 
\v 17 ಮನ್ಹುನ್ ಚಾ಼ಂಗ್ಲ ಕರಾಯಾ ವ್ಹಯಿ ಮನ್ಹುನ್ ಠಾವ ಆಸುನ್ ತ್ಯ ಕರಾಚೆ ಆಂದಿ ರಾಥ್ಯಾಲಾ ಪಾಪ್ ಕರ್ತ್ಯಾಲಾ ಜಾ಼ಲ್ಯಾ.
\c 5
\s ಸಾವ್ಕಾರಾನಾ ಹುಶಾರ್ಕಿ
\p
\v 1 ಸಾವ್ಕಾರಾನು ಐಕಾ, ತುಮಾನಾ ಯತ್ಯಾಲ್ಯಾ ತರಾಸಾಸಾಟಿ ದುಖಗಾಳಾ, ಲೊಳಾ. 
\v 2 ತುಮ್ಚ಼ ಧನ್ ದವ್ಲತ್ ನಾಸ್ ಜಾ಼ಲ್ಯಾ. ತುಮ್ಚಾ ಕಪ್‌ಡ್ಯಾನಾ ಕಿರ್ವಿ ಲಾಗ್ಲೆ. 
\v 3 ತುಮ್ಚಾ ಸೊನ್ಯಾ, ಚಾ಼ಂದಿಲಾ ಟ್ಯಾಮ್ರ ಲಾಗ್‌ಲ್ಯಾ. ತ್ಯಂಚ಼ ಟ್ಯಾಮ್ರ ತುಮ್ಚೆ ಆಡ್ವ ಸಾಕ್ಷಿ ವ್ಹವುನ್, ಇಸತ್ಯಾಚೆಗತ್ ತುಮ್ಚ಼ ಮಾಸ್ ಖಾನಾರ್. ಸರ್ತ್ಯಾ ಯಳಾಸಾಟಿ ತುಮ್ಚಿ ಧನ್ ದವ್ಲತ್ ಕಮವುನ್ ಥೆವ್‍ಲ್ಯಾಸಾ.
\p
\v 4 ಐಕಾ ತುಮ್ಚಾ ಸೆತಾತ್ಲ ಪೀಕ್ ಕ್ಯಾಪ್‌ಲ್ಯಾಲ್ಯಾಂಚಿ ಕುಲ್ ದಿಯಾಚೆ ಆಂದಿ ಫಸಿವ್‍ಲ್ಯಾಸಾ. ತೆ ಕುಲಿಚಾ಼ ಆವಾಜ಼್ ಆನಿ ಪಿಕ್ ಕ್ಯಾಪ್‍ಲ್ಯಾಲ್ಯಾಂಚಾ಼ ಆವಾಜ಼್ ಸ್ವರ್ಗಾತಲ್ಯಾ ಸೈನ್ಯಾಂಚಾ ಮೊಟ್ಯಾ ದೆವಾಚಾ ಕಾನಾವ ಪೊಚ಼ಲ್ಯಾ. 
\v 5 ದರ್ಥಿವ ತುಮಿ ಸುಕಿ ವ್ಹವುನ್ ತುಮ್ಚಿ ಮನ ಫಾರಿಕ್ ಕರುನ್ ಜ಼ಗ್ಲಾಸಾ; ಬಲಿ ದಿಯಾಚಾ ದಿಸಾಸಾಟಿ ಖಾವುನ್ ಪಿವುನ್ ತಯಾರ್ ಕೆಲ್ಯಾ ಶಾರ್ಕಿ ತುಮ್ಚಿ ಮನ ಮಾತಿವ್‍ಲ್ಯಾಸಾ. 
\v 6 ತುಮಿ ಚು಼ಕ್ ನಸ್‌ಲ್ಯಾಲ್ಯಾಲಾ ದೊಶ್ ವಾವುನ್ ಮಾರುನ್ ಟ್ಯಾಕ್ಲಾಸಾ; ಫನ್ ತ್ಯೊತರಿ ತುಮಾನಾ ಇರೊದ್ ಕರಿತ್ನಾಹಿ.
\s ಥಂಡ್ಪನ್ ಆನಿ ಮಾಗ್ನ
\p
\v 7 ಬನ್ಹಿ ಬಾವ್ಹಾನು ಪ್ರಭು ಯಯಿಸ್ಪರ‍್ಯಾತ್ ಥಂಡ್ಪನಾನಿ ರಾವ್ಹಾ. ಸೆತ್ಕರ‍್ಯಾಲಾ ಬಗಾ ತ್ಯೊ ಆಪ್‍ಲ್ಯಾ ಸೆತಾತ್‍ಲ್ಯಾ ಕಿಮ್ತಿಚಾ ಪಿಕಾಸಾಟಿ ಮಾಗ್‍ಲ್ಯಾ ಮೊರ್ಲ್ಯಾ ಪಾವ್ಸಾಚಿ ವಾಟ್ಬಗಿತ್ ಥಂಡ್ಪನಾನಿ ರಾಥೊ. 
\v 8 ತುಮಿ ಥಂಡ್ಪನಾನಿ ರಾವ್ಹಾ, ತುಮ್ಚಿ ಮನ ಘಟ್ಕರಾ; ಕಾ ಮಂಜೆ ಪ್ರಭುಚ಼ ಯನ ಜ಼ವಳ್ ಆಲ.
\p
\v 9 ಬನ್ಹಿ ಬಾವ್ಹಾನು ತುಮಿ ಯಕಾಮಕಾವ ಚ಼ುಕ್ ವಾವು ನಕೊಸಾ; ಹ್ಯನಿ ತುಮ್‍ಚಾ಼ ನ್ಯಾಯಿ ಇಚಾರ್ ವ್ಹಯಿತ್ ನಾಹಿ. ನ್ಯಾಯಿ ನಿವಡ್ನಾರಾ ದಾರಾ ಮೊರ‍್ಹಸ್ ಉಬಾ ಹಾ. 
\v 10 ಬನ್ಹಿ ಬಾವ್ಹಾನು ತರಾಸ್ ಸಮಾದಾನಾನಿ ಸುಸುವುನ್ ಗಿಹ್ಯಾಚೆ ಗುಸ್ಟಿತ್ ದೆವಾಚೆ ಗುಸ್ಟಿತ್ ಬೊಲ್ಯಾಲ್ಯಾ ಪ್ರವಾದಿನಾ ಉದಾಹರನ್ ಥಿವುನ್ ಗೆವ್ಹಾ. 
\v 11 ದುಕ್ ಸುಸುವುನ್ ಗಿಹಿಲ್ ತ್ಯೊ ಬರಾ ಹ್ಯ ಲಕ್ಷೆತ್ ರಾಹುನಿ ತುಮಿ ಯೊಬಾಚಾ ಸಮಾದಾನಾಚೆ ಗುಸ್ಟಿತ್ ಐಕ್‍ಲ್ಯಾಸಾ ಪ್ರಭುನಿ ತ್ಯಲಾ ಸರ್ತ್ಯಾ ಯಳಾಲಾ ಕೆಲ್ಯಾಲ ಬಗುನ್ ಪ್ರಭು ಖುಬ್ ಕರ್ನಾ ಆಸ್ನಾರಾ ಆನಿ ದಯಾಳು ಜಾ಼ಲ್ಯಾ ಮನ್ಹುನ್ ಠಾವಾ ಹಾ.
\p
\v 12 ಮಾಜಾ ಬನ್ಹಿ ಬಾವ್ಹಾನು,ಆಂದಿ ಕರುನ್ ಶಪತ್ ಗಾಲು ಕೊಸಾ ಆಬ್ಳಾವ ವ್ಹವುನಿ ದರ್ಥಿವ ವ್ಹವುನಿ ಆನಿ ಕಶಾವಸ್ ಶಪ್ಪತ್ ಗಾಲು ನಕೊಸಾ ವ್ಹಯ್ ಮನ್ಹುನ್ ಸಾಂಗಾಚ಼ ಜಾ಼ಲತ ವ್ಹಯ್ ಮನ್ಹಾ ನಾಹಿ ಮನ್ಹುನ್ ಜಾ಼ಲತ ನಾಹಿ ಮನ್ಹಾ ಆಸ ಜಾ಼ಲ್ಯಾವ ತುಮಿ ನ್ಯಾಯಿ ಇಚಾರಾತ್ ಗಾವ್ನಾರ್ ನಾಹಿಸಾ.
\p
\v 13 ತುಮ್ಚಿಪ ಕೊನ್ತರಿ ತರಾಸ್ ಖಾತ್ಯಾಲಾ ಆಸ್ಲಾತ ಮಾಗ್ನ ಕರುನಿ ತುಮ್ಚಾತ್ ಕೊನ್ತರಿ ಸಂತೊಶ್ ವ್ಹನಾರಾ ಆಸ್ಲಾತ ತ್ಯೊ ದೇವಾಲಾ ಸ್ತುತಿ ಗೀತ್ ಸಾಂಗುನಿ. 
\v 14 ತುಮ್ಚಾತ್ ಕುನಾಲಾ ಬರ ನಸ್ಲತ, ತ್ಯೊ ಸಭೆಚಾ ಜಾಂತ್ಯಾನಾ ಹಾಕ್ಟುನ್ ಮಾಗ್ನ ಕರಾಯಾ ಇನಂತಿ ಕರುನಿ. ತ್ಯೊ ಪ್ರಭುಚಾ ನಾವಾನಿ ತ್ಯಲಾ ತ್ಯಾಲ್ ಲಾವುನ್ ತ್ಯಚಿಸಾಟಿ ದೇವಾಪ ಮಾಗ್ನ ಕರುನಿ. 
\v 15 ಇಸ್ವಾಸಾನಿ ಕೆಲ್ಯಾಲ ಮಾಗ್ನ ರೊಗಿಲಾ ಬರ ಕರ್ತ ಆನಿ ಪ್ರಭು ತ್ಯಲಾ ಉಠಿವ್ನಾರ್ ತ್ಯನಿ ಪಾಪ್ ಕೆಲ ಆಸ್ಲತ ಮಾಪ್ಕರ್ನಾರ್ 
\v 16 ಆಸ ಆಸ್ಥಾನಾ ತುಮಿ ಬರಿ ವ್ಹಯಾಲಾ ತುಮ್ಚಿ ಪಾಪ ಯಕಾಮಕಾಪ ಸಾಂಗುನ್ ಯಕಾಮಕಾಸಾಟಿ ಮಾಗ್ನ ಕರಾ ನಿಯೆತಿಚಾಚ಼ ಮನಾನಿ ಕೆಲ್ಯಾಲ ಮಾಗ್ನ ಬಳ್ ಆಸ್‌ಲ್ಯಾಲ ಆಸ್ಥ. 
\v 17 ಎಲಿಯಾ ಆಮ್ಚಿ ಶಾರ್ಕಾ ಯೊಕ್ ಮಾನುಸ್ ಜಾ಼ಲ್ಥಾ ತ್ಯನಿ ಪಾವುಸ್ ಯವುನಾಹಿ ಮನ್ಹುನ್ ಖರ‍್ಯಾ ಮಾನಾನಿ ಮಾಗ್ನ ಕೆಲ ತಿನ್ ವರ್ಸ ಸಾ ಮೈನ್ಹ ದರ್ಥಿವಿವ ಪಾವುಸ್ ಲಾಗ್ಲಾ ನಾಹಿ. 
\v 18 ಪರ್ತುನ್ ತ್ಯನಿ ಮಾಗ್ನ ಕೆಲತವಾ ಅಬ್ಳಾತ್ನಿ ಪಾವುಸ್ ಲಾಗ್ಲಾ ಆನಿ ದರ್ಥಿನಿ ಪರ್ತುನ್ ಪಿಕ್ ದಿಲ. 
\v 19 ಮಾಜಾ ಬನ್ಹಿ ಬಾವ್ಹಾನು ತುಮ್ಚಾತ್ ಕೊನ್ ತರಿ ಖರಾ ಮಾರ್ಗ ಸುಡುನ್ ಚಾ಼ಲ್ಯಾವ ದಿಸರ‍್ಯಾನಿ ತ್ಯಲಾ ನಿಟ್ ವಾಟವ ಆನ್‍ಲ್ಯಾವ 
\v 20 ಯಕಾ ಪಾಪಿಲಾ ಬುರ್ಸೆ ವಾಟವ್ನಿ ಚು಼ಕವುನ್ ಚಾ಼ಂಗ್ಲ ಸಾಂಗುನ್ ತ್ಯಚ಼ ಆತ್ಮ ಮರ‍್ನಾತ್ನಿ ಚುಕ್ವುನ್ ಖುಬ್ ಪಾಪ ಮಾಪ್ ಕರಾಯಾ ಲ್ಯಾವಲ್ಯಾಲಾ ಮನ್ಹುನ್ ಸಮಜು಼ನ್ ಗಿಹುನಿ.