\id HEB Gawli Marathi
\ide UTF-8
\h ಇಬ್ರಿಯ
\toc3 ಇಬ್ರಿಯ
\toc2 ಇಬ್ರಿಯ
\toc1 ಇಬ್ರಿಯಾತ್‌ಲ್ಯಾನಾ ಲಿವ್‌ಲ್ಯಾಲ ಪತ್ರ
\mt2 ಇಬ್ರಿಯದವರಿಗೆ ಬರೆದ ಪತ್ರಿಕೆ
\mt1 ಇಬ್ರಿಯಾತ್‌ಲ್ಯಾನಾ ಲಿವ್‌ಲ್ಯಾಲ ಪತ್ರ
\imt ವಳಕ್
\ip ಹಿಬ್ರಿಯಾನಾ ಲಿವ್‌ಲ್ಯಾಲ ಪುಸ್ತಕ್ ಯಾಕ್ ಉಮೇದ್ ದೇತ್ಯಾಲ ಪತ್ರ ಜಾ಼ಲ್ಯಾ. ಯೇಸು ಜು಼ನ್ಯಾ ಕರಾರಾತ್ ಖುಬ್ ಪ್ರವಾದನ್ ಆಸಿ ಸರ್ತಿ ಕಿಲಿ ಮಂಥ್ಯಾಲ ದಾವುನ್ ದೆತ. ಹ್ಯ ಪ್ರಸಂಗ್ ರುಪಾತ್ ಲಿವ್‌ಲ್ಯಾ ಹ್ಯಾತ್ ಯೇಸು ಜು಼ನ್ಯಾ ಕರಾರಾತ್ ಪ್ರವಾದನ್ ಆನಿ ಯೆಹುದಿ ಮಹಾ ಯಾಜಕಾಚ಼ ಕಾಮ್ ಕಸ ಸುಪಿವ್ಲ ಮನ್ಹುನ್ ಸಾಟ್ ವರ್ಸಾವ್ನಿ ಖುಬ್ ಜು಼ನ್ಯಾ ಕರಾರಾತ್ ವಪ್ಸಾಚ಼ ಜಾ಼ಲ್ಯಾ. ಹ್ಯ ಸಗ್ಳ ಹ್ಯಾ ಗುಶ್ಟಿತ್ನಿ ನಿರ್ಮಳ್ ದಾವುನ್ ದೆತ್ಯಾತಾ. ಹ್ಯಾ ಕಾರ್ನಾನಿ ಹ್ಯ ಪುಸ್ತಕ್ ಯೆಹುದಿ ಇಸ್ವಾಸಿನಾ ಉಮೇದ್ ದೆತ್ಯಾಲ ಪುಸ್ತಕ್ ಜಾ಼ಲ್ಯಾ. ಯೇಸುನಿ ಕಸ ಧರ್ಮಶಾಸ್ತಾರ್ ಪುರ್ನ ಕೇಲ ಮನ್ಹುನ್ ಯಾಜಕ್ ಆನಿ ಕವಾಸ್ ಮಾನ್ ದಿಯಾಚ಼ ವ್ಹಯಿ ಮನ್ಹುನ್ ನಾಹಿ ಮನ್ಯಾಚ಼ ಇಬ್ರಿಯಾ ಪುಸ್ತಕ್ ದಾವುನ್ ದೇತ. ಸಗ್‌ಳ್ಯಾ ಕಾಲಾಸಾಟಿ ಸಗ್‍ಳ್ಯಾ ಪಾಪಾಂಚೆಸಾಟಿ ಯೇಸು ಯಂಗ್ದಾ ಮೆಲಾ ದೇವಾವ ಇಸ್ವಾಸ್ ಥೆವಾಯಾ ಆನಿ ತ್ಯಚಿವಬಿ ಇಸ್ವಾಸ್ ಥೆವಾಯಾ ವ್ಹಯಿ ಮನ್ಹುನ್ ಕರ್ತ್ಯಾಲ್ಯಾ ಯೇಸು ಕ್ರಿಸ್ತಾಚೆ ಮಾಗ್ನಿ ಜಾ಼ಯಾ ಮನ್ಹುನ್ ಇಬ್ರಿಯಾ ಪುಸ್ತಕ್ ಆತಾಚಾ ಆಮ್ಚಾ ಕಾಲಾಚಾ ಇಸ್ವಾಸಿನಾ ಉಮೇದ್ ದೇತ. \xt 12:2 \xt*
\ip ಇಬ್ರಿಯಾ ಪುಸ್ತಕ್ ಕುನಿ ಲಿವ್‌ಲ್ಯಾ ಮನ್ಹುನ್ ಕುನಾಲಾಸ್ ಠಾವ ನಾಹಿ. ಫನ್ ವಿದ್ವಾಂಸ್ ಅಪೊಸ್ತಲ್ ಜಾ಼ಲ್ಯಾಲಾ ಪೌಲ್, ಲುಕ್ ನಾಹಿತ ಬಾರ್ನಬುಸ್ ಆಸಲ್ ಮನ್ಹುನ್ ಸಲಹಾ ದೆತ್ಯಾತ ಹ್ಯ ಲಿವ್‌ಲ್ಯಾಲಾ ಯೊಳ್ ಸಾಹಿತ ಠಾವಾ ನಾಹಿ. ಫನ್ ಖುಬ್ ಕರುನ್ ಕ್ರಿಸ್ತ್ ಜ಼ಲ್ಮುನ್ ಸತ್ತರ್ ವರ್ಸಾಚೆ ಆಂದಿಸ್ ಲಿವ್‌ಲ್ಯಾ ಮನ್ಹುನ್ ಇಸ್ವಾಸ್ ಥೆವ್‌ಲ್ಯಾ. ಸತ್ತರ್ ವರ್ಸಾತ್ ಯೆರುಸಲೇಮ್ ಪ್ಯಾಟ್ ನಾಸ್ ಕೆಲ್ತಿ. ಫನ್ ಲಿವ್‌ತ್ಯಾಲ್ಯಾನಿ ಹ್ಯಾ ಪತ್‌ರ‍್ಯಾತ್ ಯೆರೆಸಲೆಮ್ ನಾಸ್ ಕರ್ತ್ಯಾಚೆಗತ್ ಬೊಲ್‌ತ್ಯೊ ಇಬ್ರಿಯಾ ಪುಸ್ತಕ್ ರೊಮಾತ್ ಲಿವ್‌ಲ್ಯಾ \xt 13:24 \xt*ಆನಿ ಹ್ಯ ಖುಬ್ ಸಭೆತ್ನಿ ತ್ಯ ಸಾಂಗ್‌ಲ್ಯಾ.
\iot ಪಿಠಿಕೆ
\io1 1. ಲಿವ್‌ಲ್ಯಾತ್ಯಾಲಾ ದೇವಾಚ಼ ಪ್ರವಾದಿ ಆನಿ ದೇವ್ದುತಾಂಚಿವ್ನಿ ಮೊಟಾ ಮನ್ಹುನ್ ದಾವುನ್ ದೆತೊ. \ior 1:1—4:13 \ior*
\io1 2. ನಂತರ್ ತ್ಯೊ ಯೆರುಸಲೆಮಿಚಾ ದೇವ್ಳಾತ್ ಸೇವಾ ಕರೀತಾ ಯಾಜಕಾಂಚಿವ್ನಿಬಿ ಯೇಸು ಮೊಟಾ ಮನ್ಹುನ್ ದಾವುನ್ ದೆತೊ.\ior 4:14—7:28 \ior*
\io1 3. ದೇವಾನಿ ಮೊಶೆಸ್ ಲಾಗುನ್ ಆಪ್‌ಲ್ಯಾ ಲೊಕಾಂಚೆ ಸಂಗ ಕೆಲ್ಯಾಲ್ಯಾ ಜು಼ನ್ಯಾ ಕರಾರಾವ್ನಿ ಯೇಸುಚಿ ಸೇವಾ ಮುಟಿ ಜಾ಼ಲೆ ಮನ್ಹುನ್ ದಾವುನ್ ದೆತೊ.\ior 8:1—10:31 \ior*
\io1 4. ಯೇಸು ಸಗ್ಳೆ ತರನಿ ಮೊಟಾ ಮಂಥ್ಯಾಲ ವಿವರನ್ ಕೆಲ್ಯಾ ನಂತರ್ ಲಿವ್‌ತ್ಯಾಲಾ ಖುಬ್ ಉಪೇಗ್ ಆಸ್‌ಲ್ಯಾಲ ಮಾರ್ಗ ದರ್ಶಾನ್ ದೆತೊ. \ior 10:32—13:17 \ior*
\io1 5. ಸರ್ತ್ಯಾ ಯಳಾಲಾ ಲಿವ್‌ತ್ಯಾಲಾ ಥೊಡ್ಯಾ ಉಮೇದ್ ದೆತ್ಯಾಲ್ಯಾ ಬೊಲ್ಯಾ ಸಾಂಗುನ್ ನಮಸ್ಕಾರ್ ಸಾಂಗಿತ್ ಪತ್ರ ಸುಪಿವ್ತೊ. \ior 13:18-25 \ior*
\c 1
\s ದೇವಾಚ಼ ವಚನ್ ತ್ಯಚಾ ಲೇಕಾಸ್ ಲಾಗುನುಸ್
\p
\v 1 ಮಾಗ್‌ಲ್ಯಾ ಕಾಲಾತ್ ದೇವ್ ಖುಬ್ ಖೆಪಾ ಖುಬ್ ತರನಿ ಪ್ರವಾದಿಂಚಿಪ್ನಿ ಆಮ್ಚಾ ವಡ್ಲಾಚೆ ಸಂಗ ಬೊಲ್ಯಾ. 
\v 2 ಫನ್, ಹ್ಯಾ ಸರ್ತ್ಯಾ ದಿಸಾತ್ ಆಮ್ಚಿ ಸಂಗ ಆಪ್‌ಲ್ಯಾ ಲೇಕಾಚಾ ತೊಂಡಾನಿ ಬೊಲ್ಯಾ. ತ್ಯಲಾ ಸಗ್‍ಳ್ಯಾಚಾ಼ ದನ್ಹಿ ಮನ್ಹುನ್ ಥರಿವ್‍ಲ್ಯಾ ಆನಿ ತ್ಯಚಿಪ್ನಿಸ್ ಸಗ್ಳಿ ದುನ್ಯಾ ಉತ್ಪನ್ ಕೆಲೆ, ತ್ಯಚಿವ ಸಗ್‌ಳ್ಯಾವ ಹುಕುಮ್ ಚಾ಼ಲ್ವಾಯಾ ಸಾಟಿ ತ್ಯಲಾ ನಿವಡ್ಲಾ. 
\v 3 ದೇವಾಚಿ ಮೈಮಾ ತ್ಯಚಿಪ ಚ಼ಮಾಕ್ಲಿ. ತ್ಯೊ ದೇವಾಚಾ಼ ಪ್ರತಿರುಪ್ ಜಾ಼ಲ್ಯಾ. ತ್ಯೊ ಆಪ್ಲೆ ತಾಕ್ತಿಚೆ ಆಜ್ಞೆನಿ ದುನ್ಯಾ ಸಗ್ಳಿ ಚಾ಼ಲಿವ್ತೊ. ತ್ಯೊ ಲೊಕಾನಾ ತ್ಯಂಚಾ ಪಾಪಾತ್ನಿ ಶುದ್ದ ಕರುನ್ ನಂತರ ಸ್ವರ್ಗಾತ್ ಮೊಟ್ಯಾ ದೇವಾಚೆ ಉಜ಼ವ್ಯಾಂಗ್ನಿ ಬಸ್ಲಾ.
\s ದೇವಾಚಾ ಲೇಕಾಚ಼ ಚಾ಼ಂಗ್ಲ ಫನ್
\p
\v 4 ದೇವಾನಿ ತ್ಯಲಾ ದೇವ್‌ ದುತಾಂಚಿವ್ನಿ ಕ್ಯವ್ಡ ಮೊಟ ನಾವ್ದಿಲ. ತ್ಯೊ ದೇವ್‍ ದುತಾಂಚಿವ್ನಿ ಕ್ಯವ್ಡಾ ಮೊಟಾ ಜಾ಼ಲ್ಯಾ.
\p
\v 5 ಕಾ ಮಂಜೆ ದೇವಾನಿ ಕುಟಲ್ಯಾಸ್ ದುತಾನಾ ಹ್ಯಾ ಗುಶ್ಟಿ ಕವಾಸ್ ಸಾಂಗ್‍ಲ್ಯಾ ನಾಹಿತಾ:
\q1 “ತು ಮಾಜಾ಼ ಲ್ಯೊಕ್;
\q2 ಮಿ ತುಜಾ಼ ಬಾ ಜಾ಼ಲ್ಯೊ. ” \rq ಕೀರ್ತನೆ 2:7\rq*
\m ದೇವಾನಿ ಯಕಾ ದುತಾಲಾಬಿ ಕಂದಿಸ್ ಆಸ ಸಾಂಗ್ಲ ನಾಹಿ:
\q1 “ಮಿ ತ್ಯಚಾ ಬಾ ರಾಹನಾರ್,
\q2 ತ್ಯೊ ಮಾಜಾ಼ ಲ್ಯೊಕ್ ವ್ಹನಾರ್. ” \rq 2 ಸಾಮುವೆಲ 7:14 \rq*
\m
\v 6 ಫನ್ ದೇವಾನಿ ಆಂದಿ ಜ಼ಲಾಮ್‌ಲ್ಯಾಲ್ಯಾ ಆಪ್‍ಲ್ಯಾ ಲೇಕಾಲಾ ಹೆ ದುನೆತ್ ಆನಿಕ್ ಆನತಾನಾ,
\q1 “ಸ್ವರ್ಗಾತ್ಲ ಸಗ್ಳ ದೇವ್‌ ದುತ್ ತ್ಯಲಾ ವವ್ಯಾಳುಂತ. ”
\m
\v 7 ಫನ್ ದೇವಾನಿ ಆಪ್‌ಲ್ಯಾ ದುತಾನಾ ವಾರ.
\q2 “ಆನಿ ಆಪ್‌ಲ್ಯಾ ಸೇವಕಾನಾ ಇಸತ್ಯಾಚೆ ಜು಼ತಿಚೆಗತ್ ಕರ್ನಾರ್ ಮನ್ಹುನ್ ಸಾಂಗಲ್ಯಾ. ” \rq ಕೀರ್ತನೆ 104:4\rq*
\m
\v 8 ಫನ್ ದೇವಾನಿ ಆಪ್‍ಲ್ಯಾ ಲೆಕಾಚೆ ಗುಶ್ಟಿತ್ ಆಸ ಸಾಂಗ್‍ಲ್ಯಾ, “ದೇವಾ, ತುಜ಼ ಸಿಂಹಾಸನ ಕವಾಬಿ ರಾನಾರ್.
\q2 ತು ತುಜಾ ಲೊಕಾಂಚಿವ ನ್ಯಾಯಿಚಾ಼ ರಾಜ್ಬಾರ್ ಕರ್ನಾರ್.
\q1
\v 9 ತು ಚಾ಼ಂಗಲ್ಯಾಚಿ ಮಾಯಾ ಕರ್ನಾರ್, ಬುರ್ಶಾಂಚಿ ನಕ್ವಾಟ್ ಕರ್ನಾರ್.
\q2 ಮನ್ಹುನ್ ದೇವ್, ವ್ಹಯ್, ತುಜಾ಼ ದೇವುಸ್ ತುಲಾ ನಿವ್ಡುನ್
\q2 ತುಜೆ ಸಂಗಚಾಂಚಿವ್ನಿ ಖುಬ್ ಆನಂದ್ ಆನಿ ಮರ‍್ಯಾದ್ ದಿಲೆ,” \rq ಕೀರ್ತನೆ 45:6-7\rq*
\m
\v 10 ಯವ್ಡಸ್‌ನವ್ಹ ದೇವ್‌ ಆಸ ಮಂತ್ಯೊ:
\q1 “ಪ್ರಭು, ಪೈಲ್ಯಾನಿ ತು ಹಿ ದುನ್ಯಾ ಉತ್ಪನ್ ಕಿಲಿಸ್.
\q2 ಆಬಾಳ್ ತುಜಾ ಹಾತ್ಸ ಕಾಮ್ ಜಾ಼ಲ್ಯಾ.
\q1
\v 11 ಹ್ಯ ಸಗ್ಳ ನಾಹಿ ವ್ಹನಾರ್, ಫನ್ ತು ಕವಾಬಿ ಶಾಶ್ವತ್ ರಾನ್ಹಾರ್.
\q2 ಸಗ್ಳಿ ಸಾಮ್ನ ದಡೊಂತಾಚೆಗತ್ ಜು಼ನಿ ವ್ಹನಾರ್.
\q1
\v 12 ತು ತ್ಯ ಸಗ್ಳ ಜ಼ಘ್ಯಾಚೆಗತ್ ಘಡಿಕರುನ್ ಥೆವ್ನಾರ್.
\q2 ತೀ ದಡೊತಾಚೆಗತ್ ಬದಾಲ್‍ತ್ಯಾತ.
\q1 ಫನ್ ತು ಕಂದಿಸ್ ಬದಾಲ್ನಾರ್ ನಾಹಿ.
\q2 ತುಜಾ ಜೀವಾಲಾ ಸರ್ತ ಮನ್ಹಾಚ಼ ನಾಹಿ. ”
\p
\v 13 ದೇವಾನಿ ಕುಟಲ್ಯಾಸ್ ದುತಾಲಾ ಹ್ಯ ಸಗ್ಳ ಸಾಂಗ್ಲನಾಹಿ:
\q1 “ಮಿ ತುಜಾ ವಾದಿನಾ ತುಜಾ ಪಾಯಾತ್ಲ ಬಿಸ್ನ ಕರೀ ಪರತ್,
\q2 ತು ಮಾಜೆ ಉಜ಼ವ್ಯಾಂಗ್ನಿ ಬಸ್. ” \rq ಕೀರ್ತನೆ 110:1\rq*
\p
\v 14 ದೇವ್‌ದುತ್‌ ಸಗ್ಳ ದೇವಾಚಿ ಸೇವಾ ಕರ್ನಾರಿ ಆತ್ಮ ಜಾ಼ಲ್ಯಾತ ಆನಿ ರಕ್ಷನ್ ಗೆನಾರ‍್ಯಾ ಲೊಕಾಂಚೆ ಮಜ಼ತಿ ಸಾಟಿ ಲಾವುನ್ ದಿಲ್ಯಾಲ ಜಾ಼ಲ್ಯಾತ.
\c 2
\s ಮೊಟ ರಕ್ಷನ್
\p
\v 1 ಮನ್ಹುನ್ ಆಮಿ ಐಕ್‌ಲ್ಯಾಲ್ಯಾ ಗುಶ್ಟಿನಾ ಚು಼ಕುನಾಹಿ ಮನ್ಹುನ್ ಖುಭ್ ಲಕ್ಷೆ ದಿಯಾ ವ್ಹಯಿ. 
\v 2 ದೇವಾನಿ ಆಪ್‌ಲ್ಯಾ ದುತಾಂಚಾಂಪ್ನಿ ಆಮ್ಚಾ ವಡ್ಲಾನಾ ದಿಲ್ಯಾಲಾ ಸಂದೇಶ್ ಘಟ್ ರಾಹ್ಯಾ, ತ್ಯೊ ವಲ್ಯಾಂಡುನ್ ಕೆಲ್ಯಾಲೆ ಪರತೆಕ್ ಚು಼ಕಿಲಾ ಆನಿ ಸಾಂಗಲ್ಯಾಲ ಐಕಿತ್ ನಸಲ್ಯಾಲ್ಯಾಲಾ ಶಿಕ್ಷೆಚ಼ ಪ್ರತಿಫಳ್ ಗೆತಲ್ಯಾ. 
\v 3 ಆಮಚೆ ಮೊರ‍್ಹ ಥೆವಲ್ಯಾಲ ಖುಬ್ ಶ್ರೆಸ್ಟ್ ಜಾ಼ಲ್ಯಾಲ ರಕ್ಷೆನ್ ಆಮಿ ನಿಸ್ಕಾಳಜಿ ಕೆಲ್ಯಾವ ಚು಼ಕುವುನ್ ಗಿಹ್ಯಾಚ಼ ಕಸ? ಹ್ಯ ದೆವಾನಿ ಆಂದಿಸ್ ಸಾಂಗ್ಲ ಹುತ ಆನಿ ತ್ಯಚಿಪ್ನಿ ಐಕಲ್ಯಾಲ್ಯಾಂಚಾನಿ ಹ್ಯ ಆಮಾನಾ ಖರ ಕರುನ್ ದಿಲ್ಯಾ. 
\v 4 ತವಾಸ್, ದೇವಾನಿ ಸಗ್ಳೆ ತರಚಿ ಅದ್ಬುತ ಆನಿ ಚಮತ್ಕಾರ ಆನಿ ಆಪ್‌ಲ್ಯಾ ಮನಾ ಶಾರ್ಕ ಪವಿತ್ರಾತ್ಮಾಚಿ ವರ ದಿವುನ್ ದೆವಾನಿ ಆಪ್ನಿಸ್ ಸಾಕ್ಷಿ ಮಿಳಿವ್ಲಿ.
\s ಆಮಾನಾ ರಕ್ಷನೆತ್ ಮೊರ‍್ಹ ಚಾ಼ಲಿವ್ನಾರಾ
\p
\v 5 ಮೊರ‍್ಹ ಯತ್ಯಾಲಿ ನವಿ ದುನ್ಯಾ ಚಾ಼ಲ್ವಾಯಾ ದೇವಾನಿ ದೇವ್‌ ದುತಾನಾ ನಿವಡ್ಲ ನಾಹಿತ. ಆತಾ ಆಮಿ ತುಮಾನಾ ಸಾಂಗಾಚ಼ ತೆ ದುನೆಚ಼ಸ್. 
\v 6 ತ್ಯ ಪವಿತ್ರ ಪುತಿಕಾತ್ ಯಕಿಕ್ಡ ಆಸ ಸಾಂಗ್‌ಲ್ಯಾ:
\q1 “ದೇವಾ, ತು ಮಾನ್ಸಾಚಿ ಕಶಾಲಾ ಯಾದ್‌ ಕರಾಯಾ ವ್ಹಯಿ?
\q1 ತು ಮಾನ್ಸಾಚೆ ಸಾಟಿ ಕಾ ಕ್ಯಾಳ್ಜಿ ಕರಾಯಾ ವ್ಹಯಿ?
\q2 ತ್ಯೊ ತ್ಯವ್ಡಾ ಪಾಯ್ಜೆ ಆಸ್ನಾರಾ ಕ್ಯಾ?
\p
\v 7 ತು ತ್ಯಲಾ ದೇವ್‌ ದುತಾವ್ನಿ ಥೊಡಾಸ್ ಕಮ್ಮಿ ಕೆಲ್ಯಾಸ್.
\q2 ತು ತ್ಯಲಾ ಮೈಮಾ ಮರ‍್ಯಾದ್ ಕಿರೀಟ್ ಕರುನ್ ಥೆವ್‌ಲ್ಯಾಸ್.
\q1
\v 8 ತು ಸಗ್ಳ ತ್ಯಚಾ ತಾಬ್ಯಾತ್ ದಿಲ್ಯಾಸ್. ” \rq ಕೀರ್ತನೆ 8:4-6\rq*
\m ದೇವಾನಿ ಸಗ್ಳ ತ್ಯಚಾ ತಾಬ್ಯಾತ್ ದಿಲತ, ತ್ಯೊ ಚಾ಼ಲ್ವಾಚೆ ಆಂದಿಸ ಯಾಕ್ಬಿ ನಾಹಿ. ಫನ್ ಸರ್ವ್ಯಾವ ತ್ಯೊ ಚಾ಼ಲಿವತ್ಯಾಲಾ ಆಮಾನಾ ಆಜು಼ನ್ ದಿಸತ್ನಾಹಿ. 
\v 9 ಫನ್ ಯೇಸುಲಾ ದೇವ್‌ ದುತಾವ್ನಿ ಜ಼ರಾ ಕಮ್ಮಿ ಕೆಲಾ. ಕಾ ಮಂಜೆ ದೇವಾಚೆ ಕೃಪಾಸ್ ಲಾಗುನ್ ತ್ಯೊ ಸಗಳ್ಯಾಂಚೆ ಸಾಟಿ ತರಾಸ್ ಖಾವುನ್ ಮೆಲಾ. ಮೈಮಾ, ಮರೆದಿಚ಼ ಕಿರೀಟ ಗ್ಯಾತ್‌ಲ್ಯಾಲ್ಯಾಲಾ ಆಮಿ ಬಕ್ತಾವ್.
\p
\v 10 ಸರ್ವ ಉತ್ಪನ್ ಕೆಲ್ಯಾಲ ದೇವಾನಿಸ್. ಸರ್ವ ತ್ಯಚೆ ಮೈಮಾಸಾಟಿಸ್ ಘಡ್ಲ. ದೇವಾನಿ ಆಪ್ಲಿ ಜಾ಼ಲ್ಯಾಲ್ಯಾ ಖುಭ್ ಲೊಕಾನಾ ಮೀಳುನ್ ತ್ಯಂಚಿ ಸಂಗ ಆಪ್ಲಿ ಮೈಮಾ ವಾಟಾಯಾ ಮನ್‌ ಕೆಲ. ಮನ್ಹುನ್ ತ್ಯನಿ ತ್ಯನಾ ರಕ್ಷನೆಲಾ ಚಾ಼ಲ್ವಾಯಾ ಸಗ್ಳೆ ತರನಿ ಆಸ್ನಾರ‍್ಯಾ ಯಕಾಲಾ ಥೆವ್ಲಾ. ತ್ಯೊಸ್ ಯೇಸು. ದೇವಾನಿ ತ್ಯಲಾ ಕಷ್ಟಾಸ್ ಲಾಗುನ್ ಸರ್ವೆ ತರನಿ ರ‍್ಯಾಕ್ನಾರಾ ಕೆಲಾ.
\p
\v 11 ಲೊಕಾನಾ ಪರಿಶುದ್ ಕರ್ನಾರಾ ಯೇಸುಸ್ ಆನಿ ತ್ಯಚಿಪ್ನಿ ಪರಿಶುದ್ ವ್ಹನಾರಿ ಲೊಕ ಯಕಾಸ್ ಕುಟ್ಮಾತ್ಲಿ ಜಾಲ್ಯಾತ. ಮನ್ಹುನ್ ತ್ಯಾ ಲೊಕಾನಾ ಬನ್ಹಿ ಬಾಹು ಮನ್ಹುನ್ ಹಾಕ್ಟಾಯಾ ತ್ಯೊ ಲಾಜ಼ತ್ ನಾಹಿ. 
\v 12 ಯೇಸು ಸಾಂಗ್ತೊ:
\q1 “ದೇವಾ, ತುಜೆ ಗುಶ್ಟಿತ್ ಮಾಜಾ ಬನ್ಹಿ ಬಾವ್ಹಾನಾ ಸಾಂಗ್ತೊ;
\q2 ತುಜಾ ಲೊಕಾಂಚೆ ಮೊರ‍್ಹ ತುಜ಼ ಸ್ತೊತ್ರಾಚ಼ ಗೀತ್ ಗ್ಯಾವ್ತೊ. ”
\p
\v 13 ತ್ಯೊ ಆನಿಕ್ ಸಾಂಗ್ತೊ:
\q1 “ಮಿ ದೇವಾವ ಇಸ್ವಾಸ್ ಥೆವ್ತೊ. ”
\m ಆನಿ ತ್ಯೊ ಸಾಂಗ್ತೊ:
\q1 “ಮಿ ಹಿತ್ತ ಹಾ. ದೇವಾನಿ ಮನಾ ದಿಲ್ಯಾಲಿ ಪೊರ ಮಾಜಿ ಸಂಗ ಹಾತ್ತ. ” \rq ಯೆಶಾಯ್ 8:18\rq*
\p
\v 14 ತ್ಯಾ ಪೊರಾನಾ ಪರಪಂಚಾತ್ಲ ಶರೀರ್ ಗಾವ್ಲ ಮನ್ಹುನ್ ಯೇಸುನಿ ಆಪ್ನುಸ್ ತ್ಯಂಚಿಗತ್ ಜಾ಼ಲಾ. ತ್ಯೊ ಆಪ್‌ಲ್ಯಾ ಮರ್ನಾಸ್ ಲಾಗುನ್ ಮರ್ನಾಚಾ ಅಧಿಕಾರ‍್ಯಾಲಾ ಮಂಜೆ ಸೈತಾನಾಲಾ ನಾಸ್ ಕರುನ್, 
\v 15 ಆನಿ ತ್ಯನಾ ಸೊಡ್ವಾಯಾ ವ್ಹಯಿ ಮನ್ಹುನ್, ತ್ಯಂಚಿಗತ್ ವ್ಹವುನ್, ಮೆಲಾ,ಮರ್ನಾಚಾ ಭ್ಯಾನಿ, ಜೀವ್ನಾ ಸಗ್ಳಾ ಗುಲಾಮಾಂಚಿಗತ್ ಕರಿತಿತ. 
\v 16 ತ್ಯೊ ಮಜ಼ತ್ ಕರ್ತ್ಯಾಲಾ ಅಬ್ರಹಾಮಾಚೆ ಪಿಳ್ಗಿಲಾ ಸುಡುನ್ ದೇವ್‌ ದುತಾನಾ ನವ್ಹ. 
\v 17 ಹ್ಯಾ ಕಾರನಾನಿಸ್ ತ್ಯೊ ಸಗ್ಳೆ ತರನಿ ಅಪ್‍ಲ್ಯಾ ಬನ್ಹಿ ಬಾವ್ಹಾನು ಶಾರ್ಕ ವ್ಹಯಾ ವ್ಹಯಿ ಜಾ಼ಲಾ. ದೇವಾಚೆ ಸೇವೆತ್ ತ್ಯೊ ಲೊಕಾನಾ ಕರ್ನಾ ಆಸ್ನಾರಾ ಇಸ್ವಾಸಾಚಾ಼ ಜಾ಼ಲ್ಯಾಲಾ ಮೊರ್ಹ್ಯಾ ಯಾಜಕ್ ಜಾ಼ಲಾ. ಆಸಾ ತ್ಯೊ ಲೊಕಾಂಚಾ ಪಾಪಾಂಚೆಸಾಟಿ ಮಾಪಿ ಆನಾಯಾ ಜಾ಼ಲ. 
\v 18 ಆಪ್ನುಸ್ ಪರಿಕ್ಷೆತ್ ಗಾವುನ್ ತರಾಸಾತ್ ಗಾವ್ಲಾ ಮನ್ಹುನ್, ಪರಿಕ್ಷೆತ್ ಗಾವಲ್ಯಾಲ್ಯಾ ಲೊಕಾನಾ ಮಜ಼ತ್ ಕರಾಯಾ ಆತಾ ತ್ಯೊ ಖರಾ ಜಾ಼ಲ್ಯಾ.
\c 3
\s ಯೇಸು ಮೊಶೆವ್ನಿ ಮೊಟಾ
\p
\v 1 ಮನ್ಹುನ್ ಮಾಜಾ ಇಸ್ವಾಸಿ ಬನ್ಹಿ ಬಾವ್ಹಾನು, ಪರಿಶುದ್ದ್ ಲೊಕ ವ್ಹಯಾ ಸಾಟಿ ದೇವಾನಿ ಹಾಕಟ್ಯಾಲಿ ತುಮಿ ಯೇಸುಚೆ ಗುಶ್ಟಿತುಸ್ ಯವಜಾ಼. ದೇವಾನಿ ತ್ಯಲಾ ಆಮ್ಚಿಪ ಲಾವುನ್ ದಿಲಾ. ತ್ಯೊಸ್ ಆಮ್ಚಾ ಇಸ್ವಾಸಾಚಾ಼ ಪೈಲಾ ಯಾಜಕ್ 
\v 2 ಯೇಸುಲಾ ದೇವಾನಿ ಆಮ್ಚಿಪ ಲಾವುನ್ ದಿವುನ್, ತ್ಯಲಾ ಆಮ್‍ಚಾ಼ ಪೈಲಾ ಯಾಜಕ್ ಕೆಲಾ. ತ್ಯೊ ಮೊಶೆಚೆಗತ್ ದೇವಾಚಾ ಇಸ್ವಾಸಾಚಾ಼ ಜಾ಼ಲ್ತಾ. ದೇವಾಚಾ ಗರ‍್ಹಾತ್ ದೇವಾಚಾ ಮನಾಚೆಗತ್ ಕರಾಯಾ ಪಾಯ್ಜೆ ತ್ಯ ಸಗ್ಳ ತ್ಯನಿ ಕೆಲ.
\p
\v 3 ಯಕಾ ಮಾನ್ಸಾನಿ ಘರ್ ಬ್ಯಾಂದ್ಲ ತವಾ, ಲೊಕಾಂಚಾನಿ ಗರ‍್ಹಾವ್ನಿ ತ್ಯಲಾ ಲ ಮರ‍್ಯಾದ್ ದೆತ್ಯಾಚೆಗತ್ ಯೇಸುಲಾ ಮೊಶೆವ್ನಿ ಲ ಮರ‍್ಯಾದ್ ಗಾವ್ಲೆ. 
\v 4 ಪರತೆಕ್ ಘರ್ ಕುನಾಪ್ನಿ ತರಿ ಯಕಾಪ್ನಿಸ್ ಬ್ಯಾಂದ್‍ಲ್ಯಾಲ ರಾಹ್ಯಾ ವ್ಹಯಿ. ಫನ್ ದೇವಾನಿ ಸಗ್ಳ ನಿರ್ಮಾನ್ ಕೆಲ. 
\v 5 ದೇವಾಚಾ ಗರ‍್ಹಾತ್ ಸಗ್‍ಳ್ಯಾ ಮೊಶೆ ಸೇವಕಾಚೆಗತ್ ಇಸ್ವಾಸಾಚಾ಼ ಜಾ಼ಲ್ತಾ. ಮೊರ‍್ಹ ಸಾಂಗ್‍ತ್ಯಾಲ್ಯಾ ಗುಶ್ಟಿನಾ ತ್ಯೊ ವಳಕ್ ಜಾ಼ಲ್ತಾ. 
\v 6 ಕ್ರಿಸ್ತ ತರಿ ಲ್ಯೊಕ್ ವ್ಹವುನ್ ದೇವಾಚ಼ ಘರ್ ಚಾ಼ಲ್ವಾಚಾತ್ ಇಸ್ವಾಸಾಚಾ಼ ಜಾ಼ಲ್ಯಾ. ಆಮಿ ಆಮಾನಾ ಆಸ್‌ಲ್ಯಾಲೆ ಆಶೆತ್ ಘಟ್ ಗರ‍್ಹಾವ್ನಿ ರಾಹ್ಯಾಚ಼ ಜಾ಼ಲತ ದೇವಾಚಾ ಗರ‍್ಹಾತ್ಲಿ ಜಾ಼ಲ್ಯಾವ್.
\s ದೇವಾಚಾ ಲೊಕಾನಾ ಇಸ್ರಾಂತಿ
\p
\v 7 ಮನ್ಹುನ್ ಪವಿತ್ರಾತ್ಮ ಸಾಂಗತ್ಯಾ ಶಾರ್ಕ,
\q1 “ತುಮಿ ಆತಾ ದೇವಾಚಾ ಸಬ್ದಾಲಾ ಕಾನ್ ದಿಲಸಾತ,
\q2
\v 8 ಪೈಲ್ಯಾ ಕಾಲಾತ್ ತುಮ್ಚ಼ ವಡಿಲ್ ದೇವಾಲಾ ವೈರಿ ಜಾ಼ಲ್ಯಾ ಶಾರ್ಕ ತುಮ್ಚಿ ಮನ ಘಟ್‌ ಕರುನಕೊಸಾ.
\q2 ತಿಸಿ ತ್ಯಂಚಾನಿ ರಾನಾತ್ ದೇವಾಚಿ ಪಾರಕ್ ಕೆಲಿ.
\q1
\v 9 ಮಿ ರಾನಾತ್ ಚಾಳಿಸ್ ವರ್ಸಾ ಪರತ್ ಕೆಲ್ಯಾಲಿ ಕಾಮ ತುಮ್ಚಾ ವಡ್ಲಾಂಚಾನಿ ಬಗುನ್ಬಿ
\q2 ಮಾಜಿ ಆನಿ ಮಾಜಾ ಥಂಡ್ಫನಾಚಿ ಪಾರಕ್ ಕೆಲಿ.
\q1
\v 10 ಮನ್ಹುನ್ ತ್ಯಚಿವ ಮಿ ರಾಗ ಕೆಲಾ.
\q2 ‘ತ್ಯಂಚಾ ಯವಜ಼್ನಾ ಕವಾಬಿ ಚು಼ಕಿಚಾ ಜಾ಼ಲ್ಯಾತಾ.
\q2 ಮಾಜಿ ವಾಟ್ ತ್ಯಂಚಾನಿ ಸಮಜು಼ನುಸ್ ಗಿತ್ಲಿ ನಾಹಿ’ ಮನ್ಹುನ್ ಮಿ ಸಾಂಗ್ಲ.
\q1
\v 11 ‘ತಿ ಲೊಕ ಮಾಜಾ ಇಶ್ರಾಮ್ಯಾತ್ ಕಂದಿಸ್ ಜಾ಼ನಾರ್ ನಾಹಿತ’
\q2 ಮನ್ಹುನ್ ಮಿ ರಾಗಾನಿ ಶಪತ್ ಕಿಲಿ. ” \rq ಕೀರ್ತನೆ 95:7-11\rq*
\p
\v 12 ಮನ್ಹುನ್ ಬನ್ಹಿ ಬಾವ್ಹಾನು, ತುಮ್ಚಾತ್ ಕೊನ್ ಬುರ‍್ಸಾ ಇಚಾರ್ ಆಸ್‍ಲ್ಯಾಲ ವ್ಹವುನಾಹಿ ಆಸ, ಇಸ್ವಾಸ್ ನಸ್‌ಲ್ಯಾಲಾಚೆ ಗತ್, ಜೀವ್‌ ಆಸ್‌ಲ್ಯಾಲ್ಯಾ ದೇವಾಲಾ ದುರ್‌ ಕರುನಾಹಿ ಆಸ ಹುಶಾರ್ ರಾವ್ಹಾ. 
\v 13 ಫನ್ ಯಕಾಮಕಾಲಾ ಪರತೇಕ್ ದಿಸಿ ಸಮಜಾವಾ. “ಆಜ಼್” ಮನ್ಹುನ್ ಹಾಕಟ್ಯಾಲಾ ಆವ್ಕಾಸ್ ಆಸ್ಥಾನಾಸ್ ಹ್ಯ ಸಗ್ಳ ಕರಾ. ಪಾಪಾಚಾ಼ ಮ್ಹೊಸ್ ಕರತ್ಯಾಚೆಗತ್ ವ್ಹವುನಿ ತುಮಚಾತ್ ಕೊನ್ ಘಟ್ ಮನಾನಿ ರಾವ್ಹು ನಾಹಿ ಆಸ ಯಕಾ ಮಕಾಲಾ ಮಜ಼ತ್ ಕರಾ. 
\v 14 ಕಾ ಮಂಜೆ ಆಮಿ ಸಗ್ಳಿ ಯೇಕ್ ವ್ಹವುನ್ ಕ್ರಿಸ್ತಾಚೆ ವಾಟ್ನಿತ್ಲಿ ಜಾ಼ಲ್ಯಾವ್. ಸುರು ವ್ಹತಾನಾ ಆಮ್ಚಿಪ ಆಸ್‌ಲ್ಯಾಲಾ ಘಟ್ ಇಸ್ವಾಸ್ ಸರ್ತ್ಯಾ ಪರತ್ ಗಟ್ ದರ್ಲಾತ ಹ್ಯ ಖರ ವ್ಹನಾರ್.
\p
\v 15 ಪವಿತ್ರ ಪುತೀಕ್ ಕ್ಯಾ ಸಾಂಗ್ತ ಮಂಜೆ:
\q1 “ತುಮಿ ಆತಾ ದೇವಾಚಾ಼ ಸಬ್ದ ಐಕ್ಲಾಸಾತ ತುಮ್ಚಿ ಮನ ಘಟ್ ಕರು ನಕೊಸಾ,
\q2 ತುಮ್ಚ಼ ವಡಿಲ್ ದೇವಾಲಾ ವೈರಿ ಜಾ಼ಲ್ಯಾಚೆಗತ್ ಮಂಡ್ ವ್ಹವುನಕೊಸ್. ” \rq ಕೀರ್ತನೆ 95:7-8\rq*
\p
\v 16 ದೇವಾಚಾ಼ ಸಬ್ದ ಐಕುನ್ಬಿ ತ್ಯಲಾ ವೈರಿ ಜಾ಼ಲ್ಯಾಲಾ ಕೊನ್? ಮೊಶೆಸ್ ಲಾಗುನ್ ಈಜಿಪ್ತಾತ್ನಿ ಸುಟ್ಕ ಜಾ಼ಲ್ಯಾಲ ನವ್ಹತ ಕ್ಯಾ? 
\v 17 ಚಾಳಿಸ್ ವರ‍್ಸ ದೇವಾನಿ ಕುನಾವ ರಾಗ್ ಕೆಲಾ? ಪಾಪ್ ಕೇಲ್ಯಾಲ್ಯಾಂಚಿವ ನವ್ಹ ಕ್ಯಾ? ತಿ ಸಗ್ಳಿ ರಾನಾತ್ ಮಿಲಿತ. 
\v 18 ಮಾಜಾ ಇಸ್ರಾಮ್ಯಾತ್ ತಿ ಮಿಳನಾರುಸ್ ನಾಹಿತ ಮನ್ಹುನ್ ದೇವಾನಿ ಶಪತ್ ಕಿಲಿ ತವಾ, ತ್ಯೊ ಕುನಾ ಸಂಗ ಬೊಲತಾ ಆಪ್ಲ ಐಕಲ್ಯಾ ನಸ್‌ಲ್ಯಾಲ್ಯಾ ಲೊಕಾಂಚೆ ಗುಶ್ಟಿತ್ ನವ್ಹ ಕ್ಯಾ? \x - \xo 3:18 \xo*\xt ಕಿರ್ತನ್ 95:11\xt*\x* 
\v 19 ತ್ಯಂಚಿಪ ಇಸ್ವಾಸ್ ನಸ್‌ಲ್ಯಾಲ್ಯಾ ಕಾರ್ನಾನಿ ಇಸ್ರಾಮ್ಯಾತ್ ಜಾ಼ಯಾ ತ್ಯಾ ಲೊಕಾನಾ ಆವ್ಕಾಸ್ ಗಾವ್ಲಾ ನಾಹಿ.
\c 4
\p
\v 1 ದೇವಾನಿ ತ್ಯಾ ಲೊಕಾನಾ ದಿಲ್ಯಾಲಾ ಸಬ್ದ ಆಮ್ಚಿಪ ಆಜು಼ನ್ ಹಾ. ಆಮಿ ದೇವಾಚಾ ಇಸ್ರಾಮ್ಯಾತ್ ಜಾ಼ನಾರ್ ಮನ್ಯಾಚಾ಼ಸ್ ತ್ಯೊ ಸಬ್ದ. ಮನ್ಹುನ್ ಆಮ್ಚಿಪ ಕೊನ್ ತ್ಯಾ ಸಬ್ದಾಚ಼ ಫಳ್ ಗಿಹ್ಯಾಚೆ ಆಂದಿ ರಾಹುನಾಹಿ ಆಸ ಖುಬ್ ಹುಶಾರಿನಿ ರಾವುಯಾ. 
\v 2 ಕಾ ಮಂಜೆ ಬರಿ ಖಬರ್ ತ್ಯನಾ ಸಾಂಗಲ್ಯಾ ಶಾರ್ಕಿ ಆಮಾನಾಬಿ ಸಾಂಗ್ಲೆ. ತ್ಯಂಚಾನಿ ತ್ಯೊ ಸಂದೇಶ್ ಐಕ್ಲಾತರಿ ತ್ಯನಾ ಉಪೆಗ್ ಜಾ಼ಲ ನಾಹಿ. ಕಾ ಮಂಜೆ ತ್ಯಂಚಾ ಇಸ್ವಾಸಾತ್ ವಾಟದಾರ್ ಜಾ಼ಲ್ಹ ನಾಹಿತ. 
\v 3 ಇಸ್ವಾಸ್ ಥೆವ್ನಾರಿ ಆಮಿ ದೇವಾಚಾ ಇಸ್ರಾಮ್ಯಾತ್ ಮಿಳಾಯಾ ಠಿಕ್ ಜಾ಼ಲ್ಯಾವ್. ದೇವಾನಿ ಸಾಂಗ್‌ಲ್ಯಾ ಶಾರ್ಕ:
\q1 “ತೀ ಲೊಕ ಮಾಜಾ ಇಸ್ರಾಮ್ಯಾತ್ ಕಂದಿಸ್ ಜಾ಼ನಾರ್ ನಾಹಿತ ಮನ್ಹುನ್
\q2 ಮಿ ರಾಗಾನಿ ಶಪತ್ ಕಿಲಿ. \rq ಕೀರ್ತನೆ 95:11\rq*
\m ಹಿ ದುನ್ಯಾ ಉತ್ಪನ್ ಕೆಲ್ಯಾ ನಂತರ್ ಆಪ್ಲಿ ಕಾಮ್ ಸಪ್ಲಿತ ತರಿ ದೇವಾನಿ ಆಸ ಸಾಂಗ್ಲ. 
\v 4 ಪವಿತ್ರ ಪುತಿಕಾತ್ ಯಕಿಕ್ಡ ತ್ಯನಿ ಸಾತವ್ಯಾ ದಿಸಾಚೆ ಗುಶ್ಟಿತ್ ಆಸ ಸಾಂಗಲ್ಯಾ: “ಮನ್ಹುನ್ ದೇವಾನಿ ಆಪ್ಲಿ ಕಾಮ ಸಗ್ಳಿ ಸಪ್ವುನ್ ಸಾತ್ವೆದಿಸಿ ಇಸ್ರಾಂತಿ ಕಿಲಿ. ”\x - \xo 4:4 \xo*\xt ಉತ್ಪತಿ 2:1\xt*\x* 
\v 5 ಪವಿತ್ರ ಪುತೀಕಾತ್ ಆನಿ ಯಕಿಕ್ಡ ತ್ಯನಿ, “ತೀ ಲೊಕ ಮಾಜಾ ಇಸ್ರಾಮ್ಯಾತ್ ಕಂದಿಸ್ ಜಾ಼ನಾರ್ ನಾಹಿತ” ಮನ್ಹುನ್ ಸಾಂಗ್‌ಲ್ಯಾ.
\p
\v 6 ಮನ್ಹುನ್ ಥುಡಿಜ಼ನ ದೇವಾಚಾ ಇಸ್ರಾಮ್ಯಾತ್ ಜಾ಼ನಾರ್ ಮನ್ಹುನ್ ಆನೀಕ್ ಖರ ಜಾ಼ಲ. ಪನ್ ರಕ್ಷೆನಾಚಾ಼ ಮಾರೊಗ್ ಆಂದಿ ಐಯಿಕಲ್ಯಾಲಿ ಲೊಕ ಗಿಲಿನಾಹಿತ. ತ್ಯಂಚಾನಿ ಸಾಂಗಲ್ಯಾಲ ಐಕ್ಲ ನಾಹಿ ಮನ್ಹುನ್ ತೀ ಮಿಳಾಲಿ ನಾಹಿತ. 
\v 7 ಮನ್ಹುನ್ ತ್ಯನಿ ಆನಿ ಯೋಕ್ ಚಾ಼ಂಗ್ಲಾ ದಿಸ್ ಯವಜ್ಲಾ಼. ತ್ಯೊ “ಹ್ಯೊ ದಿಸ್” ಮನ್ಹುನ್ ಹಾಕಟಲ್ಯಾ. ತ್ಯನಿ ತ್ಯಾ ದಿಸಾಚೆ ಗುಶ್ಟಿತ್ ಖುಬ್ ಯಳಾಚೆ ಮಾಗ ದಾವೀದಾಪ್ನಿ ಸಾಂಗ್ಲ. ಪವಿತ್ರ ಪುತಿಕಾಚಾ಼ ಹ್ಯೊ ಬಾಗ್ ಆಮಿ ಆಂದಿ ಯಂಗ್ದಾ ಬಗ್ಲಾ:
\q1 “ತುಮಿ ಆತಾ ದೇವಾಚಾ಼ ಸಬ್ದ ಐಯಿಕ್ಲಾಸಾತ,
\q2 ತಿಮ್ಚಿ ಮನ ಘಟ್ ಕರು ನಕೊಸಾ. ” \rq ಕೀರ್ತನೆ 95:7-8\rq*
\p
\v 8 ದೇವಾನಿ ಸಬ್ದ ದಿಲ್ಯಾಲ್ಯಾ ಇಸ್ರಾಮ್ಯಾತ್ ಯೆಹೊಶ್ವಾನಿ ಲೊಕಾನಾ ಹಾಟ್ಕುನ್ ನಿಲಿತ ಇಸ್ರಾಂತಿಚಾ ಆನಿ ಯಕಾ ದಿಸಾಚೆಗುಸ್ಟಿತ್ ಸಾಂಗಿತ್ ನವ್ಥಾ. 
\v 9 ದೇವಚಾ ಲೊಕಾಂಚೆ ಸಾಟಿ ಆಸ್‌ಲ್ಯಾಲಾ ಸಬ್ಬತ್ ಮಂತ್ಯಾಲಿ ಇಸ್ರಾಂತಿ ಆನಿಕ್ ಯನಾರ್ ಮನ್ಹುನ್ ಹ್ಯ ದಾವುನ್ ದೆತ. 
\v 10 ತ್ಯನಿ ಆಪ್ಲ ಕಾಮ್ ಸಪಿವ್‌ಲ್ಯಾ ನಂತರ್ ಇಸ್ರಾಮಾ ಕೆಲಾ. ಮನ್ಹುನ್ ದೇವಾಚಾ ಇಸ್ರಾಮ್ಯಾತ್ ಜಾ಼ನಾರಾ ತ್ಯನಿ ಕೆಲ್ಯಾ ಶಾರ್ಕ ಆಪ್ಲ ಕಾಮ್ ಸಪಿವ್‌ಲ್ಯಾಲಾ ವ್ಹಯಾ ವ್ಹಯಿ. 
\v 11 ದೇವಚಾ ಇಸ್ರಾಮ್ಯಾತ್ ಜಾ಼ಯಾ ಆಮ್ಚಿಪ್ನಿ ವ್ಹಯಿಲ್ ತ್ಯವ್ಡಿ ಯತ್ನ ಕರುಯಾ. ತ್ಯಚ಼ ಐಕ್‍ಲ್ಯಾ ನಸ್‌ಲ್ಯಾಲಿ ತ್ಯಾ ಲೊಕಾಂಚೆಗತ್ ಆಮ್ಚಾತ್ ಕುನಿಸ್ ನಾಸ್ ವ್ಹವು ನಾಹಿ ಆಸ ಬಗುಯಾ.
\p
\v 12 ದೇವಾಚಾ಼ ವಾಕ್ಯಾ ಜೀವ್‌ ಆಸ್‍ಲ್ಯಾಲಾ, ಕಾಮ್‌ ಕರ್ತ್ಯಾಲಾ. ತ್ಯೊ ಲ ದಾರ‍್ಹಚಾ ಥಲ್ವಾರಾವ್ನಿ ಧಾರ್ ಆಸ್‍ಲ್ಯಾಲಾ ವ್ಹವುನ್ ಬೊಚ಼ತೊ. ಆತ್ಮ ಪರಾನ್ ಹಾಡ ಹ್ಯನಾ ಯಗಳ್ತೊ; ಆಮ್ಚಾ ಮನಾಚಾ಼ ಉದ್ದೆಶ್ ಆನಿ ಯವಜ್ನಾ಼ ಪಾರಕ್ ಕರ್ತೊ. 
\v 13 ದೇವಾಚೆ ನದ್ರಲಾ ಕಚಾ಼ಸ್ ಆಡ್‌ಶಾ ನಾಹಿ. ತ್ಯಚೆ ನದ್ರಲಾ ಸಗ್ಳ ಉಗಡುನ್ ಮಾಳಾವ್ ಹಾ. ಆಮಿ ಆಮ್ಚಾ ಜೀವ್ನಾಚಾ಼ ಲೆಖಾ ದಿಯಾ ವ್ಹಯಿತ್ಯೊ ತ್ಯಲಾಸ್.
\s ಯೇಸು ಮೊಟಾ ಮಹಾ ಯಾಜಕ್
\p
\v 14 ಆಬ್ಳ ವಲ್ಯಾಂಡುನ್ ಗೆಲ್ಯಾಲಾ ಯೊಕ್ ಮೊಟಾ ಮಹಾಯಾಜಕ್ ಆಮಾನಾ ಹಾ. ತ್ಯೊಸ್ ದೇವಾಚಾ಼ ಲೊಕ್ ಯೇಸು. ಮನ್ಹುನ್ ಆಮ್ಚಿಪ ಆಸ್‌ಲ್ಯಾಲ್ಯಾ ಇಸ್ವಾಸಾತ್ ದಿರ‍್ಹಾನಿ ಘಟ್ ರಾಹುಯಾ. 
\v 15 ಆಮ್‍ಚ಼ಾ ಮೊಟಾ ಮಹಾಯಾಜಕ್ ಜಾ಼ಲ್ಯಾಲಾ ಯೇಸು ಆಮಾನಾ ಬಳ್ ನಸ್‌ಲ್ಯಾಲ ಸಮಜು಼ನ್ ಗೆನಾರಾ ಜಾ಼ಲ್ಯಾ. ತ್ಯೊ ಹೆ ದುನೆತ್ ಹುತಾ ತವಾ, ಸಗ್ಳೆ ಗುಶ್ಟಿತ್ನಿ ಆಮ್ಚೆಗತುಸ್ ಪರೀಕ್ಷೆತ್ ಗಾವ್ಲಾ ಫನ್ ಪಾಪ್ ಕೆಲ ನಾಹಿ. 
\v 16 ಮನ್ಹುನ್ ದೇವಾಚಾ ಕ್ರುಪಾ ಸಿಂಹಾಸನಾಪ ದಿರಾನಿ ಯವುಯಾ. ತರಾಸಾತ್ ಆಸ್ಥಾನಾ ಆಮಾನಾ ಪಾಯ್ಜೆತಿ ಮಜ಼ತ್ ಆನಿ ಕರ್ನಾ ತ್ಯಚೆ ಕ್ರುಪೆನಿ ತಿಥ ಮಿಳ್ನಾರ್.
\c 5
\p
\v 1 ಪರತೆಕ್ ಯೆಹುದಿ ಮುಖ್ಯ ಯಾಜಕ್ ಮಾನ್ಸಾತ್ನಿ ನಿವ್ಡುನ್ ದೇವಾಲಾ ಸಮನ್ನ್ ಆಸ್‌ಲ್ಯಾಲಿ ಕಾಮ ಮಾನ್ಸಾಂಚೆ ಸಾಟಿ ಕರಾಯಾ ಥರಿವಲ್ಯಾ. ತ್ಯೊ ಯಾಜಕ್ ಪಾಪಾಂಚೆಸಾಟಿ ದೇವಾಲಾ ದಿನ್ಗಿ ಯಜ್ಞ ದಿಯಾ ವ್ಹಯಿತ. 
\v 2 ತ್ಯೊ ಸಗಳ್ಯಾ ಲೊಕಾಂಚೆಗತ್ ಬಳ್ ನಸ್‌ಲ್ಯಾಲಾ ಹಾ ಮನ್ಹುನ್ ಸಮಜು಼ನ್ ಗೆತಲ್ಯಾ ನಸ್‌ಲ್ಯಾಲಾ ಆನಿ ವಾಟ್ ಚು಼ಕಲ್ಯಾಲ್ಯಾ ಲೊಕಾಂಚೆ ಗುಶ್ಟಿತ್ ಥಂಡ್ಪನಾನಿ ಸೊಸ್ವಾಯಾ ಬಳ್ ಆಸ್ನಾರಾ ಜಾ಼ಲ್ಯಾ. 
\v 3 ಆಪ್ನು ಬಳ್ ನಸ್‌ಲ್ಯಾಲಾ ಹಾ ಮನ್ಹುನ್ ತ್ಯೊ ಮಾನ್ಸಾಂಚಾ ಪಾಪಾಂಚೆಸಾಟಿ ಆಪ್‍ಲ್ಯಾ ಸ್ವತಾಚಾ ಪಾಪಾಂಚೆ ಸಾಟಿ ಯಜ್ಞ ದೆತೊ. 
\v 4 ಮುಖ್ಯ ಯಾಜಕ್ ವ್ಹವುನ್ ನಿವಡ್‌ಲ್ಯಾಲಿ ಯೆಕ್ ಮರ‍್ಯಾದ್. ಪನ್ ಕೊನ್ ಆಪ್‌ಲ್ಯಾಲಾ ಆಪ್ನು ಹ್ಯಾ ಕಾಮಾಲಾ ನಿವ್ಡುನ್ ಗಿಹಿತ್ ನಾಹಿ. ದೇವಾನಿ ಆರೊನಾಲಾ ಹಾಕಟ್‌ಲ್ಯಾ ಶಾರ್ಕ, ತ್ಯಾ ಮಾನ್ಸಾಲಾ ಹಾಕಟಾಯಾ ವ್ಹಯಿ.
\p
\v 5 ಕ್ರಿಸ್ತಾಲಾ ಆಸಾಸ್ ನಿವಡ್ಲಾ ತ್ಯೊ ಉಜೀಡಾಚಾ಼ ಮುಖ್ಯ ಯಾಜಕ್ ವ್ಹವುನ್ ಆಪ್‌ಲ್ಯಾಲಾ ಆಪ್ನುಸ್ ನಿವ್ಡುನ್ ಗೆತ್ಲಾ ನಾಹಿ. ಪನ್ ದೇವಾನಿ ತ್ಯಲಾ ನಿವಡ್ಲಾ. ದೇವಾನಿ ಕ್ರಿಸ್ತಾಲಾ ಆಸ ಸಾಂಗ್ಲ:
\q1 “ತು ಮಾಜಾ಼ ಲ್ಯೊಕ್.
\q2 ಆಜ಼್ ಮಿ ತುಜಾ಼ ಬಾ ಜಾ಼ಲ್ಯೊ. ”
\p
\v 6 ಪವಿತ್ರ ಪುತಿಕಾತ್ ಆನಿ ಯಕಿಕ್ಡ ದೇವ್ ಆಸ ಮಂತ್ಯೊ:
\q1 “ತು ಮೆಲ್ಕಿಜೆದೇಕಾಚೆಗತ್ ಖಾಯಿಮ್
\q2 ಮುಖ್ಯ ಯಾಜಕ್ ವ್ಹನಾರ್. ” \fig ಮುಖ್ಯಯಾಜಕಾಚಾ಼ ಪೊಸೆಕ್ ಆನಿ ದುಫಾರತ್|alt="High priest with his priestly clothes and censer" src="hk00267c.tif" size="col" copy="Horace Knowles ©" ref="5:5"\fig*
\p
\v 7 ಕ್ರಿಸ್ತ ದರ್ತಿವ ಆಸ್ಥಾನಾ, ದೇವಾಪ ಮಾಗಾ,. ತ್ಯಲಾ ಮರ್ನಾತ್ನಿ ಪಾರ್ ಕರ್ತ್ಯಾಲಿ ತಾಕತ್ ದೇವಾಲಾ ಯಕಲ್ಯಾಲಾಸ್ ಹುತಿ. ಮನ್ಹುನ್ ತ್ಯನಿ ಜೊ಼ರಾನಿ ರಡತ್ ದೇವಾಪ ಮಾಗ್ನ ಕೆಲ. ದೇವಾಚಾ ಮನಾಚೆಗತ್ ತ್ಯನಿ ಸಗ್ಳ ಕೆಲ್ಯಾಲಾ ಜಾ಼ಲಾ ಆನಿ ಬಾರಿಕ್ಮನ್ ಜಾ಼ಲ್ಥ. ಮನ್ಹುನ್ ದೇವಾನಿ ತ್ಯಚಾ ಮಾಗ್‌ನ್ಯಾನಾ ಉತ್ತರ್ದಿಲಾ. 
\v 8 ತ್ಯೊ ದೇವಾಚಾ಼ ಲ್ಯೊಕ್ ಜಾ಼ಲ್ಯಾ. ತರಿ ತರಾಸಾತ್ ಗಾವುನ್, ಆಪ್ನು ಖಾಲ್ಯಾಲ್ಯಾ ತರಾಸಾಂಚಾನಿಸ್, ಐಕಲ್ಯಾಶಾರ‍್ಕ ಕರಾಚ಼ ಸಿಕ್ಲಾ. 
\v 9 ಆಸ ಆಸ್ಥಾನಾ ತ್ಯೊ ನಿರ್ಮಳ್ ಹುತಾ. ದೇವಾಚ಼ ಐಯಿಕ್ನಾರಿ ಲೊಕ ಸಗ್ಳಿ ಖಾಯಿಮ್ಚಿ ರಕ್ಷನ್ ಗಿಹ್ಯಾ ತ್ಯೊಸ್ ಕಾರನ್. 
\v 10 ದೇವಾನಿ ತ್ಯಲಾ ಮೆಲ್ಕಿಜೆದೇಕಾಚೆಗತ್ ಮುಖ್ಯ ಯಾಜಕ್ ಕೆಲಾ.
\s ಇಸ್ವಾಸ್ ಸುಡುನ್ ಜಾ಼ವುನಾಹಿ ಆಸಿ ಹುಶಾರ್ಕಿ
\p
\v 11 ಹೆ ಗುಶ್ಟಿತ್ ಆಮಿ ತುಮಾನಾ ಸಾಂಗಾಯಾ ಪಾಯ್‍ಜೆತ್ಯಾ ಖುಬ್ ಗುಶ್ಟಿ ಹಾತಾ. ಪನ್ ತುಮಿ ಹ್ಯ ಸಮಜು಼ನ್ ಗಿಹ್ಯಾ ಯತ್ನ ಕಿಲಿ ನಾಹಿಸಾ ಮನ್ಹುನ್ ಉಗ್ಡುನ್ ಸಾಂಗಾಯಾ ಆವಗಡ್ ಜಾ಼ಲ್ಯಾ. 
\v 12 ತುಮಾನಾ ಯೊಳ್ ಪಾಯ್ಜೆ ತ್ಯವ್ಡಾ ಹುತ್ತಾ ಮನ್ಹುನ್ ಇತ್‌ಕ್ಯಾತ್ ತುಮಿ ಮಾಸ್ತರ್ ವ್ಹಯಾ ವ್ಹಯಿತಾಸಾ. ಪನ್ ತುಮಿ ಯವ್‌ಡ್ಯಾತ್ ಸಿಕಿವ್‌ತ್ಯಾಲಿ ರಾಹ್ಯಾ ವ್ಹಯಿಸಾ ಆಸ ಆಸ್ಥಾನಾ ದೇವಾಚ಼ ಸಿಕಿವ್ನ ಆಂದಿಚಾ ಪಾಟ್ಯಾನಿ ಆನೀಕ್ ಸಿಕ್ವಾಯಾ ತುಮಾನಾ ಆನಿ ಯಕಾ ಮಾನ್ಸಾಚಿ ಗರಜ಼್ ಹಾ. ದುದಾಚೆಗತ್ ಆಸ್‌ಲ್ಯಾಲ ಸಿಕಿವ್ನ ಆಮಿ ತುಮಾನಾ ಕರಾಯಾ ವ್ಹಯಿ. ತುಮಿ ಘಟ್ ಜೆವಾನ್ ಖಾತ್ಯಾಲಿ ಜಾ಼ಲಾ ನಾಹಿಸಾ. 
\v 13 ತುಮಿ ದುದ್ ಪೀತ್ಯಾಲ್ಯಾ ಮುಲಾಂಚೆಗತ್ ಹಾಸಾ. ತುಮಾನಾ ಚಾ಼ಂಗಲ್ಯಾ ಆನಿ ಬುರ್‌ಶಾಂಚಾ ಸಿಕ್ಷಾನಾಂಚೆ ಗುಶ್ಟಿತ್ ಕಾಯೇಕ್ ಸಮಾಜ಼್ಲ ನಾಹಿ. 
\v 14 ಪನ್ ಗಟ್ ಜೆವಾನ್ ಗಿನ್ಯಾನ್ ಗೆತಲ್ಯಾಲಾನಾ ಸುಡುನ್ ಮುಲಾನಾ ನವ್ಹ. ಹ್ಯಂಚಾನಿ ಸಮಜು಼ನ್ ಆಪ್ಲಿ ಮನ ಆಪ್‍ಲ್ಯಾ ತಾಬ್ಯಾತ್ ದರುನ್ ಹಾತ ಮನ್ಹುನ್ ಚಾ಼ಂಗಲ್ಯಾಚಾ಼ ಬುರ್ಶಾಚಾ಼ ಫರಕ್ ಸಮಜು಼ನ್ ಗೆನ್ಹಾರಿ ಜಾ಼ಲ್ಯಾತ.
\c 6
\p
\v 1 ಆಮಿ ಆನಿ ಪರ್ತುನ್ ಪಾಯಾ ಗಾಲ್ಹಾಚಾ಼ ನಕೊ ಪಾಯಾ ಮನ್ಹುನ್ ಆಸ್‌ಲ್ಯಾಲಿ ಇಸ್ವಾಸಾಚಿ ಖರಿ ತುಮಾನಾ ಠಾವಿ ಹಾತ್ತ ಮರಾನ್ ಆಂತ್ಯಾಲ್ಯಾ ಬುರ್ಶಾ ಗುಶ್ಟಿ ಸುಡುನ್ ದಿಯಾ ವ್ಹಯಿತಾ. 
\v 2 ತ್ಯಾ ಯಳಾಲಾ ಆಮಾನಾ ಬಾಪ್ತಿಸ್ಮಾ , ಹಾತ್ ಥೇವ್ನ, ಮೇಲ್ಯಾಲಿ ಜಿತ್ತಿ ವ್ಹನ ಆನಿ ಖಾಯಿಮ್ ನ್ಯಾಯಿ ನಿವ್ಡಾಚಾ಼ ಹೆಂಚೆ ಗುಶ್ಟಿತ್ ಸಿಕಿವ್ಲಿತ. 
\v 3 ಆಮಿ ದೇವಾಚ಼ ಮನ್ ಆಸ್ಲತ ಆಸ ಮೊರ‍್ಹ ಜಾ಼ವಾವ.
\p
\v 4 ಕಾ ಮಂಜೆ ಕುನಿ ಯಂಗ್ದಾ ಉಜೀಡ್ ಗೆತಲ್ಯಾ ಆನಿ ಕುನಿ ಸ್ವರ್ಗಾತ್‌ಲ್ಯಾ ವರಾಚಿ ಚ಼ವ್ ಬಗ್ಲೆ ಆನಿ ಪವಿತ್ರಾತ್ಮಾತ್ ವಾಟದಾರ್ ಜಾ಼ಲ್ಯಾತ, 
\v 5 ಆನಿ ದೇವಾಚಾ ವಚ಼ನಾಚಾ ಚಾ಼ಂಗಲ್ಯಾ ಫನಾಚಿ ಚ಼ವ್ ಬಗ್ಲೆ ಆನಿ ಮೊರ‍್ಹ ಯನಾರ‍್ಯಾ ಕಾಲಾಚಾ ತಾಕ್ತಿಂಚ಼ ಅನ್ಬವ್ ಜಾ಼ಲ್ಯಾ 
\v 6 ಆನಿ ತೀ ಇಸ್ವಾಸಾತ್ ಪಡುನ್ ಗಿಲಿತತ ತ್ಯಂಚಿ ಆನಿಕ್ ಮನ ಪರ್ತುನ್ ಆನಾಯಾ ತೀ ಆಪ್‌ಲ್ಯಾ ನಸ್ಟಾಸಾಟಿ ದೇವಾಚಾ ಲೇಕಾಲಾ ಆನಿ ಯಂಗ್ದಾ ಶಿಲ್ಬೆವ ಗಾಲ್ನಾರ್ ಆನಿ ಸಗ್‌ಳ್ಯಾಂಚೆ ಮೊರ‍್ಹ ಅವ್ಮಾನ್ ಕರ್ತ್ಯಾತ.
\p
\v 7 ತೀ ಲೊಕ ಆಪ್ಲಿವ ತವಾಚೆ ತವಾಸ್ ಲಾಗಲ್ಯಾಲಾ ಪಾವುಸ್ ಮುರುನ್ ಗೆಥಲ್ಯಾಲೆ ಜೀಮ್ನಿಚೆಗತ್ ಹಾತ. ತ್ಯ ಕುನಾಪ್ನಿ ಕಾಮ್ ಕರುನ್ ಗೆಥೊ, ತ್ಯನಾ ವ್ಹಯಿ ಜಾ಼ಲ್ಯಾಲ ಪೀಕ್ ದೇತ, ತ್ಯ ದೇವಾಚ಼ ಆಶಿರ್ವಾದ್ ಗೆಥ. 
\v 8 ಪನ್ ತ್ಯ ಕಾಟ್ಯಾಂಚ಼ ರಾನ್ ಆನಿ ಗಾದ್ ಯವು ದಿಲತ ಉಪೆಗ್ ನಸ್‌ಲ್ಯಾಲ ವ್ಹವುನ್ ಸರಾಪಾತ್ ಗಾವ್ಥ. ತ್ಯ ಇಸ್‌ಥ್ಯಾನಿ ಜ಼ಳುನ್ ನಾಸ್ ವ್ಹನಾರ್.
\p
\v 9 ಮಾಯೆಚಾ ಸೊಪ್‌ತ್ಯಾನು, ಆಮಿ ಹ್ಯಾ ಗುಶ್ಟಿ ತುಮಾನಾ ಸಾಂಗತ್ಯಾಲ ಆಸ್ತಾನಾಬಿ ತುಮ್ಚಿಪ್ನಿ ಹ್ಯಚಿವ್ನಿ ಚಾ಼ಂಗ್ಲಿ ಕಾಮ ಬಕ್ತಾವ್. ರಕ್ಷನೆಲಾ ಪಾಯ್ಜೆ ಆಸ್‌ಲ್ಯಾಲಿ ಕಾಮ ತುಮಿ ಕರ್ತಾಸಾ ಮನ್ಹುನ್ ಆಮಿ ಘಟ್ ಇಸ್ವಾಸ್ ಥೆವ್‌ಲ್ಯಾ. 
\v 10 ದೇವ್ ನೀಯೆತಿಚಾ಼. ತುಮಿ ಕೆಲ್ಯಾಲಿ ಮಜ಼ತ್ ಆನಿ ದೇವಾಚಾ ಲೊಕಾನಾ ಮಜ಼ತ್ ಕರ್ತ್ಯಾಲ್ಯಾಸ್ ಲಾಗುನ್ ತುಮಿ ತ್ಯಲಾ ದ್ಯಾವ್‌ಲ್ಯಾಲಿ ಮಾಯಾ ತ್ಯೊ ಇಸ್ರತ್ ನಾಹಿ. 
\v 11 ತುಮ್ಚಾತ್ ಪರತೇಕ್ ಜಾ಼ನ್ ಆಪ್‍ಲ್ಯಾ ಸರ್ತ್ಯಾ ಜೀವ್ನಾಪರತ್ ಹಿಸ್ ಉಮೆದ್ ತಿವುನ್ ತುಮ್ಚಿ ಆಶಾ ದಾವುನ್ ದಿಯಾ ವ್ಹಯಿಸಾ ಮನ್ಹುನ್ ಮಿ ಖಾತ್ರಿ ಕರ್ತೊ. 
\v 12 ತುಮಿ ಆಳ್ಸಿ ವ್ಹವುನ್ ರಾಹ್ಯಾ ವ್ಹಯಿಸಾ ಮನ್ಯಾಚ಼ ಆಮ್‌ಚ಼ ಮನ್ ನವ್ಹ. ದೇವಾಚಾ ಸಬ್ದಾಚ಼ ಪಳ್ ಗೆನಾರ‍್ಯಾ ಲೊಕಾಂಚೆಗತ್ ತುಮಿ ರಾಹ್ಯಾ ವ್ಹಯಿಸಾ ಮನ್ಹುನ್ ಆಮ್‍ಚ಼ ಮನ್. ತ್ಯಾ ಲೊಕಾನಾ ಇಸ್ವಾಸ್ ಆನಿ ಥಂಡ್ಪನ್ ಹಾ ಮನ್ಹುನ್ ತ್ಯಂಚಾನಿ ದೇವಾಚಾ ಸಬ್ದಾಂಚೆಗತ್ ಪಳ್ ಗೆತ್ಲ.
\s ದೇವಾಚ಼ ವಾಗ್ದಾನ್
\p
\v 13 ದೇವಾನಿ ಅಬ್ರಹಾಮಾಲಾ ಯೊಕ್ ವಾಗ್ದಾನ್ ದಿಲಾ. ದೇವಾವ್ನಿ ಮೊಟಾ ನಾಹಿ. ಮನ್ಹುನ್, ಸ್ವತಾಚಾ ನಾವಾನಿ ಆಪ್ಲಿವ ಶಪತ್ ಥಿವ್ಲಿ. 
\v 14 ತ್ಯನಿ ತ್ಯನಾ, “ಮಿ ತುಲಾ ವಾಗ್ದಾನ್ ದೆತೊ ತುಲಾ ಆಶಿರ್ವಾದ್ ದಿಯಿಲ್ ಆನಿ ತುಜಿ ಪಿಳ್ಗಿ ಕರಿನ್. ” ಮನ್ಹುನ್ ಸಾಂಗ್ತೊ. 
\v 15 ಅಬ್ರಹಾಮಾನಿ ಹ್ಯ ಗಢಪರತ್ ಥಂಡ್ಪನಾನಿ ರ‍್ಯಾಖ್ಲ. ಮಂಗ್ ತ್ಯಲಾ ದೇವಾಚಾ ವಾಗ್ದಾನಾಚ಼ ಫಳ್ ಗಾವ್ಲ.
\p
\v 16 ಲೊಕ ಖರ‍್ಯಾನಿಸ್ ಆಪ್ಲಿವ್ನಿ ಮೊಟಾ ಆಸ್‌ಲ್ಯಾಲ್ಯಾವ್ನಿ ಶಪತ್ ಗ್ಯಾಲತ್ಯಾತ ಶಪತ್ ಘಟ್ ಕೆಲ್ಯಾವ ವಾದ್ ರಾಹಿತ್ನಾಹಿತ. 
\v 17 ತಸಸ್ ದೇವ್ ಆಪ್ಲ ವಾಗ್ದಾನ್ ಹುಕ್ಮಾನಿ ಗೆತ್ಯಾಲ್ಯಾ ಲೊಕಾನಾ ಆಪ್ಲ ತೀರ್ಮಾನ್ ಘಟ್ ಮನ್ಹುನ್ ದಾವುನ್ ದಿಯಾ ಶಪತ್ ದಿವುನ್ ಖರ ಕೆಲ. 
\v 18 ದೇವಾಚ಼ ವಾಗ್ದಾನ್ ಆನಿ ಶಪತ್ ಶಾಶ್ವತ್ ದೊನ್ ಆಧಾರ್ ಜಾ಼ಲ್ಯಾತ. ಹ್ಯಚೆ ಗುಶ್ಟಿತ್ ಆಮಾನಾ ಕಂದಿಸ್ ಮೊಸ್ ವ್ಹಯಿತ್ನಾಹಿ.
\p ಹ್ಯಚಿಸ್ಲಾಗುನ್, ದೇವಾಚೆ ರಕ್ಷನೆ ಸಾಟಿ ಪಳುನ್ ಆಲ್ಯಾಲ ಆಮಿ ಆಮ್ಚೆ ಆಶಾನಿ ರಾಹ್ಯಾ ಬಳಚಿ ಉಮೆದ್ ಜಾ಼ಲಿ. 
\v 19 ಹಿ ಆಶಾ ಆಮ್ಚಿ ಆತ್ಮ ಗಾತಾನಿ ತುಟುನ್ ಜಾ಼ವು ನಾಹಿ ಆಸ ರ‍್ಯಾಕ್‌ತ್ಯಾಲ ಬಳ್‍ ಆಸ್‍ಲ್ಯಾಲ ಘಟ್ ಗೊಕ್‌ಲ್ಯಾಚೆಗತ್ ಹಾ. ತ್ಯ ಸ್ವರ್ಗಾತ್‌ಲ್ಯಾ ಗರಾಚಾ ಪಡ್‌ದ್ಯಾಂಚೆ ಆಡ್‌ಶಾ ಮೊಟ್ಯಾ ಪವಿತ್ರ ಜಾ಼ಗ್ಯಾಚೆ ಆತ್ ಜಾ಼ತ. 
\v 20 ಯೇಸು ಆತಾಸ್ ತಿಥ ಜಾ಼ವುನ್, ತಸಾ ಚಾ಼ಲಾಯಾ ಸಾಟಿ ಮಾರೊಗ್ ದ್ಯಾವ್ಲಾ. ಯೇಸು ಮೆಲ್ಕಿಜೆದೇಕಾಚೆಗತ್ ಖಾಯಿಮ್‍ಚಾ಼ ರಾನ್ಹಾರಾ ಮುಖ್ಯ ಯಾಜಕ್ ಜಾ಼ಲ್ಯಾ.
\c 7
\s ಯಾಜಕ್ ಮೆಲ್ಕಿಜೆದೇಕ್
\p
\v 1 ಮೆಲ್ಕಿಜೆದೇಕ್ ಸಾಲೇಮಿಚಾ಼ ರಾಜಾ಼ ಜಾ಼ಲ್ತಾ ಆನಿ ಮೊಟ್ಯಾ ದೇವಾಚಾ಼ ಯಾಜಕ್ ಜಾ಼ಲ್ತಾ. ಅಬ್ರಹಾಮ್ ರಾಜಾನಾ ಹಾರ್ವುನ್ ಮಾಗಾರಾ ಯತಾನಾ ತ್ಯನಿ ಅಬ್ರಹಾಮಾಲಾ ಬೇಟ್‌ ವ್ಹವುನ್ ಆಶಿರ್ವಾದ್ ಕೆಲಾ. 
\v 2 ಅಬ್ರಹಾಮಾನಿ ತ್ಯಲಾ ಆಪ್ಲಿಪ ಆಸ್‌ಲ್ಯಾಲ್ಯಾ ಸಗ್‌ಳ್ಯಾ ಸಾಮ್ನಾತ್ಲಾ ಧಾತ್ಲಾ ಯೊಕ್ ವಾಟಾ ದಿಲಾ.
\p ಸಾಲೇಮಿಚಾ಼ ರಾಜಾ಼ ಜಾ಼ಲ್ಯಾಲಾ ಮೆಲ್ಕಿಜೆದೇಕ್ ನಾವಾಲಾ ದೊನ್ ಆರ್ಥ ಹಾತ್ತ. ಮೆಲ್ಕಿಜೆದೇಕ್ ಮಂಜೆ, “ನ್ಯಾಯಾಚಾ಼ ರಾಜಾ಼” ಮನ್ಹುನ್. “ಸಾಲೇಮಿಚಾ಼ ರಾಜಾ಼” ಮಂಜೆ “ಶಾಂತಿಚಾ಼ ರಾಜಾ಼” ಮನ್ಹುನ್ ಆರ್ಥ. 
\v 3 ಮೆಲ್ಕಿಜೆದೇಕಾಚಿ ಆಯಿ ಬಾ ಕೊನ್ ಮನ್ಹುನ್ ತ್ಯೊ ಕುಟ್ನಿ ಆಲ್ಯಾ ಮನ್ಹುನ್ ತ್ಯೊ ಕವಾ ಜ಼ಲಾಮ್‌ಲ್ಯಾ ಮನ್ಹುನ್ ತ್ಯೊ ಕವಾ ಮೆಲಾ ಮನ್ಹುನ್ ಕುಠಸ್ ಕಾಯ್ ಲಿವ್ಲ ನಾಹಿ. ತ್ಯೊ ದೇವಾಚಾ ಲೆಕಾಚೆಗತ್ ಖಾಯಿಮಚಾ಼ ಯಾಜಕ್ ಜಾ಼ಲ್ಯಾ.
\p
\v 4 ಮೆಲ್ಕಿಜೆದೇಕ್ ಕ್ಯವ್ಡಾ ಮೊಟಾ ಮನ್ಹುನ್ ಜ಼ರಾ ಯವಜಾ಼. ಆಮ್‍ಚಾ಼ ಪೈಲಾ ವಡಿಲ್ ಜಾ಼ಲ್ಯಾಲಾ ಅಬ್ರಹಾಮ್, ಲಡಾಯಿತ್ ಆಪ್ನು ಜಿತುನ್ ಆನಲ್ಯಾಲ್ಯಾತ್ಲಾ ದಾತ್ಲಾ ಯೊಕ್ ವಾಟಾ ತ್ಯಲಾ ದಿಲಾ. 
\v 5 ಲೇವಿಚಾ ಕುಳಾತ್ ಯಾಜಕ್ ವ್ಹನಾರ‍್ಯಾನಿ ಯೆಹುದ್ಯಾತ್ನಿ ದಾತ್ಲಾ ಯೊಕ್ ವಾಟಾ ಗಿಹ್ಯಾ ವ್ಹಯಿ ಮನ್ಹುನ್ ಧರ್ಮಶಾಸ್ತಾರ್ ಸಾಂಗ್ತ. ಯಾಜಕ್ ಆಪ್‌ಲ್ಯಾ ಸ್ವತಾಚಾ ಲೊಕಾಪ್ನಿಸ್ ಯೆಹುದಿ ತ್ಯ ಗೊಳಾ ಕರ್ತ್ಯಾತ ಆನಿ ತ್ಯಚಿ ಲೊಕ ಅಬ್ರಹಾಮಾಚಾ ಕುಟ್ಮಾತ್ಲಿ ಜಾ಼ಲ್ಯಾತ. 
\v 6 ಮೆಲ್ಕಿಜೆದೇಕ್ ಲೇವಿಚಾ ಕುಳಾತ್ಲಾ ನವ್ಹ. ಫನ್ ತ್ಯನಿ ಧಾತ್ಲಾ ಯೊಕ್ ವಾಟಾ ಅಬ್ರಹಾಮಾಪ್ನಿ ಗೆತ್ಲಾ. ದೇವಾಚ಼ ವಾಗ್ದಾನ್ ಗೆತಲ್ಯಾಲ್ಯಾ ಅಬ್ರಹಾಮಾಲಾ ತ್ಯನಿ ಆಶಿರ್ವಾದ್ ಕೆಲಾ. 
\v 7 ಆಶಿರ್ವಾದ್ ಗೆಥ್ಯಾಲ್ಯಾವ್ನಿ ಆಶಿರ್ವಾದ್ ಕರ್ತ್ಯಾಲಾ ಮೊಟಾ ಮನ್ಹುನ್ ಕೊನ್ ಸಂಶೆವ್ ಕರೀತ್ನಾಹಿತ.
\p
\v 8 ಯಾಜಕ್ ಧಾತ್ಲಾ ಯೊಕ್ ವಾಟಾ ಗೆತ್ಯಾತ. ಫನ್ ತೆ ಥೊಡ ದಿಸ್ ರಾವುನ್ ಮಂಗ್ ಮರತ್ಯಾತ. ಫನ್ ಅಬ್ರಹಾಮಾಪ್ನಿ ಧಾತ್ಲಾ ಯೊಕ್ ವಾಟಾ ಗೆತಲ್ಯಾಲಾ ಮೆಲ್ಕಿಜೆದೇಕ್ ಜೀತಾ ರಾನ್ಹಾರ್ ಮನ್ಹುನ್ ಸಾಕ್ಷಿ ದಿಲೆ. 
\v 9 ಲೇವಿ ಲೊಕಾಂಚಿಪ್ನಿ ಧಾತ್ಲಾ ಯೊಕ್ ವಾಟಾ ಗೆತ್ಯಾತ. ಫನ್ ಅಬ್ರಹಾಮಾನಿ ಮೆಲ್ಕಿಜೆದೇಕಾಲಾ ಧಾತ್ಲಾ ಯೊಕ್ ವಾಟಾ ದಿಲಾ ಮಂಜೆ, ಲೇವಿನಿಬಿ ದಿಲ್ಯಾಚೆಗತ್ ಜಾ಼ಲ ಮನ್ಹುನ್ ಪವಿತ್ರ ಗ್ರಂಥ ಸಾಂಗ್ತ.
\p
\v 10 ಲೇವಿ ಆಜು಼ನ್ ಜ಼ಲಾಮ್ಲಾ ನವ್ತಾ. ಫನ್ ಮೆಲ್ಕಿಜೆದೇಕ್ ಅಬ್ರಹಾಮಾಚೆ ಆಂದಿ ಆಲಾ ತವಾ, ಲೇವಿ ಅಬ್ರಾಹಾಮಾಚಾ ಶರೀರಾತ್ ಹುತ್ತಾ.
\p
\v 11 ಲೇವಿ ಕುಳಾಚಾ ಯಾಜಕ್ ಫನಾಚಾ ಆದಾರಾವ ಧರ್ಮಶಾಸ್ತಾರ್ ಲೊಕಾನಾದಿಲ. ಫನ್ ತ್ಯ ಯಾಜಕ್ ಫನಾನಿ ಲೊಕಾನಾ ಆತ್ಮಿಕಾತ್ ಪುರ್ನ ಕರಾಯಾ ಜಾ಼ಲನಾಹಿ. ಮನ್ಹುನ್ ದುಸ್ರೆ ತರಚಾ಼ ಯಾಜಕ್ ಯಯಾಚಾ಼ ಗರಜ಼್ ಹುತಿ ಮೆಲ್ಕಿಜೆದೇಕಾಚೆಗತ್ ಯಾಜಕುಸ್ ಫನ್ ಆರೊನಾಚೆಗತ್ ನವ್ಹ ಮನ್ಹುನ್ ತ್ಯಚಾ಼ ಆರ್ಥ. 
\v 12 ಯಾಜಕ್ಫನ್ ಬದಾಲತ, ತವಾ ಧರ್ಮಶಾಸ್ತಾರ್ ಸಾಹಿತ್ ಬದ್ಲಾಯಾಸ್ ವ್ಹಯಿ. 
\v 13 ಆಮಿ ಕ್ರಿಸ್ತಾಚೆ ಗುಶ್ಟಿತ್ ಹ್ಯ ಸಾಂಗ್‌ತ್ಯಾವ್. ತ್ಯೊ ದುಸರ‍್ಯಾ ಯಕಾ ಕುಳಾತ್ಲಾ. ತ್ಯಾ ಕುಳಾತಲ್ಯಾ ಕಚಾನಿಸ್ ಕವಾಸ್ ಯಾಜಕ್ ವ್ಹವುನ್ ಸೇವಾ ಕೀಲಿ ನವ್ತಿ. 
\v 14 ಆಮ್‍ಚಾ಼ ಪ್ರಭು ಕ್ರಿಸ್ತ ಯೆಹುದ ಕುಳಾತ್ನಿ ಆಲ್ಯಾಲಾ ಮನ್ಹುನ್ ಆಮಾನಾ ಖರ ಜಾ಼ಲ್ಯಾ. ತ್ಯಾ ಕುಳಾತಲ್ಯಾ ಯಾಜಕಾಂಚೆ ಗುಶ್ಟಿತ್ ಮೊಶೆನಿ ಆನಿ ಕಾಯೆಕ್ ಸಾಂಗ್ಲ ನಾಹಿ.
\s ಮೆಲ್ಕಿಜೆದೇಕಾಚೆಗತ್ ಆನಿ ಯೊಕ್ ಯಾಜಕ್
\p
\v 15 ಮೆಲ್ಕಿಜೆದೇಕಾಚೆಗತ್ ಆನಿ ಯೊಕ್ ಯಾಜಕ್ ಯೇಸು ಆಲ್ಯಾ ಮನ್ಹುನ್ ಹ್ಯ ಆನಿ ಇತ್ಕ ಖರ ಜಾ಼ಲ್ಯಾ. 
\v 16 ತ್ಯೊ ಯಾಜಕ್ ಜಾ಼ಲ್ಯಾಲಾ ವಂಶಾದರ್ನಿ ಆಲ್ಯಾಲ್ಯಾ ನೇಮಾನಿ ಆನಿ ಶಾಸ್ತಾರಾಂಚೆಗತ್ ನವ್ಹ. ತ್ಯೊ ನಾಸ್ ವ್ಹಯಿನಸ್ನಾರ‍್ಯಾ ಆಪಲ್ಯಾ ಜೀವಾಚಾ ಬಳಾನಿ ಯಾಜಕ್ ಜಾ಼ಲಾ. 
\v 17 ಪವಿತ್ರ ಪುತಿಕಾತ್ ತ್ಯಚೆ ಗುಶ್ಟಿತ್ ಆಸ ಸಾಂಗ್‌ಲ್ಯಾ: “ತು ಮೆಲ್ಕಿಜೆದೇಕಾಚೆಗತ್ ಖಾಯಿಮ್ ಯಾಜಕ್ ವ್ಹವುನ್ ರಾನ್ಹಾರ್. ”
\p
\v 18 ಜು಼ನಾ ನೇಮ್ ಬಳ್ ನಸ್‌ಲ್ಯಾಲ್ಲ ಉಪೆಗ್ ನಸ್‌ಲ್ಯಾಲ ಜಾ಼ಲ್ಯಾ ಮನ್ಹುನ್ ಥಾಂಬ್ಲ. 
\v 19 ಮೊಶೆಚಾ ಧರ್ಮಶಾಸ್ತಾರಾನಿ ಕಚ಼ಸ್ ಪುರ‍್ತಿ ಕರಾಯಾ ಆನ್ಲನಾಹಿ. ಆತಾ ಆಮಾನಾ ಚಾ಼ಂಗ್ಲಿ ಯೇಕ್ ಆಶಾ ದಿಲೆ. ಹಿ ಆಶಾ ಆಮಾನಾ ದೇವಾಪ ನೆನ್ಹಾರ್.
\p
\v 20 ದೇವಾನಿ ಯೇಸುಲಾ ಮುಖ್ಯ ಯಾಜಕ್ ಕೆಲಾ ತವಾ, ಯೊಕ್ ಸಬ್ದ ದಿಲಾ. ಫನ್ ದುಸ್ರ ಯಾಜಕ್ ಜಾ಼ಲ ತವಾ ತ್ಯನಿ ಸಬ್ದ ದಿಲಾನಾಹಿ. 
\v 21 ಕ್ರಿಸ್ತ ದೇವಾಚಾ ಸಬ್ದಾಚೆಗತ್ ಯಾಜಕ್ ಜಾ಼ಲಾ ದೇವಾನಿ ತ್ಯಲಾ ಸಾಂಗ್‌ಲ್ಯಾಲ ಕ್ಯಾ ಮಂಜೆ:
\q1 “‘ತು ಖಾಯಿಮ್ ಯಾಜಕ್‌ ವ್ಹನಾರ್’
\q2 ಮನ್ಹುನ್ ಪ್ರಭು ಮಂತ್ಯಾಲಾ ಮಿ ಸಬ್ದ ದಿಲಾ.
\q1 ಹ್ಯಚಿಸಾಟಿ ಮಿ ಕಂದಿಸ್ ಪರ್ತುನ್ ಗಿಹಿತ್ ನಾಹಿ. ” \rq ಕೀರ್ತನೆ 110:4\rq*
\m
\v 22 ದೇವಾನಿ ಆಪ್‌ಲ್ಯಾ ಲೊಕಾಂಚೆ ಸಂಗ ಕೆಲ್ಯಾಲ್ಯಾ ಚಾ಼ಂಗಲ್ಯಾ ಕರಾರಾಲಾ ಯೇಸುಸ್ ಆಧಾರ್ ಮನ್ಹುನ್ ಹ್ಯಚಾ಼ ಆರ್ಥ.
\p
\v 23 ಯವ್ಡಸ್ ನವ್ಹ ದುಸರ‍್ಯಾ ಯಾಜಕಾಂಚಾತ್ ಮರ್ನಾಚಾ ಕಾರ್ನಾನಿ ಯಕ್ಲಾಸ್ ಕವಾಬಿ ಯಾಜಕ್ ವ್ಹವುನ್ ಮೊರ‍್ಹ ಜಾ಼ಯಾ ಜಾ಼ಲ ನಾಹಿ. ಮನ್ಹುನ್ ತಿಥ ಖುಭ್ ಜಾ಼ನ್ ಯಾಜಕ್ ಹುತ್ತ. 
\v 24 ಫನ್ ಯೇಸು ಖಾಯಿಮ್ ರಾನ್ಹಾರಾ ಜಾ಼ಲ್ಯಾ. ತ್ಯೊ ಆಪ್ಲಿ ಯಾಜಕ್ ಸೇವಾ ಕಂದಿಸ್ ಥಾಂಬ್ವಿತ್ ನಾಹಿ. 
\v 25 ಮನ್ಹುನ್ ಆಪ್ಲಿಸ್ ಲಾಗುನ್ ದೇವಾಪ ಯತ್ಯಾಲ್ಯಾ ಲೊಕಾನಾ ಯೇಸು ಕವಾಬಿ ರ‍್ಯಾಕ್ನಾರ್. ಕಾ ಮಂಜೆ ತ್ಯೊ ಕಾಯಿಮ್ ರಾನ್ಹಾರಾ ಜಾ಼ಲ್ಯಾ ಆನಿ ಲೊಕ ದೇವಾಪ ಆಲಿಕಿ ಲೊಕಾನಾ ಮಜ಼ತ್ ಕರಾಯಾ ತಯಾರ್ ಹಾ.
\p
\v 26 ಯೇಸುಸ್ ಆಮಾನಾ ಪಾಯ್ಜೆ ಆಸ್ನಾರ್ ಮುಖ್ಯ ಯಾಜಕ್. ತ್ಯೊ ಪಾಪ್ ನಸ್ನಾರಾ ನಿರ‍್ಮಳ್ ನಿಷ್ಕಳಂಕ್ ಪಾಪಿಂಚಾ ಉಜೀಡಾತ್ ಗಾವ ನಸ್ನಾರಾ ಆಬ್ಳಾವ್ನಿ ವರ್ ಆಸ್ನಾರಾ ಜಾ಼ಲ್ಯಾ. 
\v 27 ತ್ಯೊ ದುಸರ‍್ಯಾ ಯಾಜಕಾಂಚೆಗತ್ ನವ್ಹ. ತೇ ತರಿ ಪರತೇಕ್ ದಿಸ್ ಯಜ್ಞ ದಿಯಾ ವ್ಹಯಿತ. ತ್ಯಂಚಾನಿ ಆಪ್‍ಲ್ಯಾ ಸ್ವತಾಚಾ ಪಾಪಾಂಚೆಸಾಟಿ ಯಜ್ಞ ದಿಲ್ಯಾ ನಂತರ್ ದುಸರ‍್ಯಾಂಚಾ ಪಾಪಾಂಚೆಸಾಟಿ ದಿಯಾ ವ್ಹಯಿ. ಫನ್ ಕ್ರಿಸ್ತಾನಿ ತಸ ಕರಾಯಾ ನಕೊ. ತ್ಯನಿ ಆಪ್‌ಲ್ಯಾಲಾಸ್ ಯಜ್ಞಕರುನ್ ದಿಯಾವ್ಹಯಿ ಯಂಗ್ದಾಸ್ ತ್ಯ ಕಾಮ್ ಕರುನ್ ಸಪಿವ್ಲ. 
\v 28 ಧರ್ಮಶಾಸ್ತಾರ್ ಮಾನ್ಸಾತ್ನಿ ಮುಖ್ಯಾ ಯಾಜಕಾನಾ ನಿವಡ್ತ. ನಿವಡ್‌ಲ್ಯಾಲಿ ಹಿ ಲೊಕ ಬಳ್ ನಸ್‌ಲ್ಯಾಲಿ ಜಾ಼ಲ್ಯಾತ. ಫನ್ ದೇವ್ ಧರ್ಮಶಾಸ್ತಾರಾಚೆ ನಂತರ್ ದಿಲ್ಯಾಲಾ ಸಬ್ದ ದೇವಾಚಾ ಲೇಕಾಲಾ ಮುಖ್ಯ ಯಾಜಕ್ ಮನ್ಹುನ್ ಕೆಲಾ. ತ್ಯಾ ಲೆಕಾನಿ ಕಂದಿತರಿ ಸಗ್ಳ ಪುರ‍್ನ ಕೆಲ್ಯಾ.
\c 8
\s ಯೇಸುಸ್ ಆಮಚಾ಼ ಮೊಟಾ ಯಾಜಕ್
\p
\v 1 ಆಮಿ ಸಾಂಗ್‌ತ್ಯಾಲ್ಯಾ ಗುಶ್ಟಿತ್ನಿ ಪೈಲಾ ಸಬ್ದ, ಕ್ಯಾ ಮಂಜೆ, ತುಮಾನಾ ಸಾಂಗ್‌ಲ್ಯಾ ಶಾರ್ಕ ಆಮಾನಾ ಯೊಕ್ ಪೈಲಾ ಯಾಜಕ್ ಹಾ. ತ್ಯೊ ಸ್ವರ್ಗಾತ್ ದೇವಾಚಾ ಸಿಂಹಾಸನಾಚಾ ಉಜ಼ವ್ಯಾಂಗ್ನಿ ಆತಾ ಬಸ್‌ಲ್ಯಾ. 
\v 2 ತ್ಯೊ ಮೊಟ್ಯಾ ಪವಿತ್ರ ಜಾ಼ಗ್ಯಾತ್ ಮಂಜೆ ಲೊಕಾಂಚಿಪ್ನಿ ವ್ಹಯಾಚೆ ಆಂದಿ, ದೇವಾಪ್ನಿಸ್ ನಿರ್ಮಾನ್ ಜಾ಼ಲ್ಯಾಲ ಕರಾ ದೇವ್ ದರ್ಶಾನ್ ದೇತ್ಯಾಲ್ಯಾ ಜಾ಼ಗ್ಯಾತ್ ಸೇವಾ ಕರ್‌ತ್ಯೊ.
\p
\v 3 ಪರತೇಕ್ ಪೈಲಾ ಯಾಜಕ್ ದೇವಾಲಾ ಯಜ್ಞ ಆನಿ ದಿನ್ಗಿ ಸಮರ್ಪನ್ ಕರಾಯಾ ಥರುನ್ ರಾಥೊ. ಮನ್ಹುನ್ ಹ್ಯನಿಬಿ ದೇವಾಲಾ ಕಾಯ್ತರಿ ಸಮರ್ಪನ್ ಕರಾಯಾ ವ್ಹಯಿ. 
\v 4 ತ್ಯೊ ಆಜು಼ನ್ ದರ್ತಿವ ಆಸ್ಥಾತ ಯಾಜಕ್ ವ್ಹವುನ್ ರಾಹಿತ್ ನವ್ತಾ. ಕಾ ಮಂಜೆ, ಧರ್ಮಶಾಸ್ತಾರಾ ಶಾರ್ಕ ದೇವಾಲಾ ದಿನ್ಗಿ ದೇತ್ಯಾಲ ಯಾಜಕ್ ಆತಾಸ್ ಹಿತ ಹಾತ. 
\v 5 ಪರಲೊಕಾತ್ ಆಸಲ್ಯಾಲ್ಯಾಂಚ಼ ಪ್ರತಿರುಪ್ ಸಾವುಟ್ ಜಾ಼ಲ್ಯಾಲ್ಯಾ ಗರ‍್ಹಾತ್ ತೆ ಸೆವಾ ಕರ್ತಾನಾ. ಮೊಶೆ ದೇವಾಚ಼ ಘರ್ ಬಾಂದಾಯಾ ಉಭಾ ರಾಯ್ಲಾ ತವಾ ದೇವಾನಿ ತ್ಯಲಾ, “ಮಿ ಕನ್ಯಾವ ದ್ಯಾವ್‌ಲ್ಯಾಸಾರ ಹುಶಾರಿನಿ ಕರಾಯಾ ವ್ಹಯಿ” ಮನ್ಹುನ್ ಸಾಂಗ್ಲ. 
\v 6 ಫನ್ ಯೇಸುಲಾ ದಿಲ್ಯಾಲ ಕಾಮ್ ತ್ಯಾ ಯಾಜಕಾನಾ ದಿಲ್ಯಾಲ್ಯಾ ಕಾಮಾವ್ನಿ ಖುಬ್ ಮೊಟ ಜಾ಼ಲ್ಯಾ. ಆಸಸ್ ಯೇಸುನಿ ಆಪ್‌ಲ್ಯಾ ಲೊಕಾಂಚೆ ಸಾಟಿ ದೇವಾಪ್ನಿ ಆನಲ್ಯಾಲಾ ನವಾ ಕರಾರ್ ಜು಼ನ್ಯಾವ್ನಿ ಬರಾ. ಚಾ಼ಂಗಲ್ಯಾ ಗುಶ್ಟಿಚಾ ಸಬ್ದಾಚಾ ಆದಾರಾವ ನವ್ವಾ ಕರಾರ್ ಕೆಲ್ಯಾ.
\p
\v 7 ಆಂದಿಚಾ ಕರಾರಾತ್ ಕಾಯೇಕ್ ದೊಸ್ ನಸ್‌ಲ್ಯಾವ, ದೊನ್ವಾ ಕರಾರ್ ವ್ಹಯಿ ನವ್ತಾ. 
\v 8 ಫನ್ ದೇವಾನಿ ಲೊಕಾಂಚಿಪ ಕಸ್ಲಾಕಿ ದೊಸ್ ಬಗುನ್ ಸಾಂಗ್‌ಲ್ಯಾಲ ಕ್ಯಾ ಮಂಜೆ:
\q1 “ಇಸ್ರಾಯೆಲಾಚೆ ಸಗ ಯೆಹೂದ್ಯಾಂಚೆ ಸಂಗ
\q2 ಮಿ ನವಾ ಕರಾರ್ ಕರಾಚಾ಼ ಯೊಳ್ ಯತ್ಯೊ ಮನ್ಹುನ್ ಪ್ರಭು ಸಾಂಗ್ತೊ.
\q1
\v 9 ತ್ಯೊ ತ್ಯಂಚಾ ವಡ್ಲಾನಾ ಮಿ ಈಜಿಪ್ಟಿತ್ನಿ ಹಾತ್ ದರುನ್ ಬಾಹಿರ್ ಆನಲ್ಯಾಲ್ಯಾ ದಿಸಾತ್
\q2 ತ್ಯಂಚಿ ಸಂಗ ಕೆಲ್ಯಾಲ್ಯಾ ಕರಾರಾಚೆಗತ್ ನವ್ಹ.
\q1 ಖರ ತ್ಯಂಚಾನಿ ತ್ಯ ಪ್ಯಾಳನಾಹಿ ಆನಿ
\q2 ತ್ಯಚಿ ಕ್ಯಾಳ್ಜಿ ಕಿಲಿನಾಹಿ ಮನ್ಹುನ್ ಪ್ರಭು ಸಾಗ್ತೊ.
\q1
\v 10 ಮಿ ಇಸ್ರಾಯೆಲಾಂಚೆ ಸಂಗ ಮೊರ‍್ಹ ಕರ್‌ತ್ಯಾಲಾ
\q2 ನವಾ ಕರಾರ್ ಆಸಾ ಹಾ:
\q1 ಮಾಜಾ ಆಜ್ಞಾ ತ್ಯಚಾ ಮನಾತ್ ತೆವ್ತೊ;
\q2 ತ್ಯಚೆ ಶಾತಿವ ಲಿವ್ತೊ;
\q1 ಮಿ ತ್ಯಚಾ಼ ದೇವ್;
\q2 ತೀ ಮಾಜಿ ಲೊಕ.
\q1
\v 11 ಪರ್ತೆಕಾನಿ ಬಾವ್ಹಾಲಾ ವ್ಹವುನಿ, ದುಸ್‍ರ್ಯಾನಾ ವ್ಹವುನಿ ಸಿಕ್ವಾಚ಼ ನಕೊ;
\q1 ದೇವಾಲಾ ಸಮಜು಼ನ್ ಗೆವ್ಹಾ ಮನ್ಹುನ್ ಸಾಂಗಾಚ಼ ನಕೊ. ಕಾ ಮಾಜೆ ನಾನ್ಹಾ ದರ್ನಿ ಥೊರಾ ಪರತ್ ಸಗ್ಳಿ ಮನಾ ಸಮಜು಼ನ್ ಗೆನಾರ್.
\q1
\v 12 ತೀ ಮಾಜೆ ಆಡ್ವಿ ಕರ್‌ತ್ಯಾಲಿ ಸಗ್ಳಿ ಬುರ್ಸಿ ಕಾಮ ಕರುನೆನಿ ಮಾಪ್‌ ಕರ್ತೊ;
\q2 ತ್ಯಚಿ ಪಾಪ ಯದತ್ ಆನಿತ್ ನಾಹಿ. ” \rq ಯೆರೆಮೀಯ 31:31-34\rq*
\p
\v 13 ದೇವಾನಿ ಹ್ಯೊ ನವಾ ಕರಾರ್ ಮನ್ಹುನ್ ಹಾಕಟ್ಲಾ. ಮನ್ಹುನ್ ಆಂದಿಚಾ ಕರಾರಾಲಾ ದೇವಾನಿ ಜು಼ನಾ ಕೆಲಾ. ಕಚ಼ ಜು಼ನ ವಾಪ್ರಾಯಾ ನಕೊ ಜಾ಼ಲ್ಯಾಲ ನಾಸ್ಟ ವ್ಹತ್ತ.
\c 9
\s ಜು಼ನ್ಯಾ ಕರಾರಾಚೆಗತ್ ವವ್ಯಾಳ್ನ
\p
\v 1 ಆಂದಿಚಾ ಕರಾರಾತ್ ವವ್ಯಾಳಾಚ಼ ನೆಮ್ ಹುತ್ತ. ತ್ಯಾತ್ ಮಾನ್ಸಾನಿ ವವ್ಯಾಳಾಲಾ ಕೆಲ್ಯಾಲಾ ಜಾ಼ಗಾ ಹುತಾ. 
\v 2 ಹ್ಯೊ ಜಾಗಾ ದೆವ್ಳಾಚೆ ಆತ್ ಹುತಾ. ತ್ಯಚಾ ಪೈಲ್ಯಾ ಜಾ಼ಗ್ಯಾಲಾ ನಿಚ಼ಳ್ ಜಾ಼ಗಾ ಮನ್ಹುನ್ ಹಾಕ್ಟಿತಿತ. ನಿಚ಼ಳ್ ಜಾ಼ಗ್ಯಾತ್ ದೀವಲ್ಯಾವ್ನ, ಆನಿ ದೇವಾಲಾ ದ್ಯಾವ್‌ಲ್ಯಾಲ್ಯಾ ಬಾಕ್ರಿ ಹುತ್ಯಾ.\fig ಪಾಕ್ಟಾಚಾ಼ ಆತ್ಲಾ ಜಾ಼ಗಾ |alt="Interior of tabernacle" src="bk00278c.tif" size="col" copy="Horace Knowles ©" ref="9:2"\fig* 
\v 3 ದೊನವ್ಯಾ ಪಡ್‌ದ್ಯಾಂಚೆ ಮಾಗ “ಮೊಟಾ ನಿಚ಼ಳ್ ಜಾ಼ಗಾ” ಮಂತ್ಯಾಲಾ. 
\v 4 ಮೊಟ್ಯಾ ನಿಚ಼ಳ್ ಜಾ಼ಗ್ಯಾತ್ ಧುಪ್ ಜಾ಼ಳಾಯಾ ಸೊನ್ಯಾಂಚಿ ಯಜ್ಞವೇದಿ ಹುತಿ. ನಾಹಿತ ಆಂದಿಚಾ಼ ಕರಾರ್ ಥೆವ್‌ಲ್ಯಾಲಿ ಪವಿತ್ರ ಪಿಟಿ ಹುತಿ. ತ್ಯಲಾ ಸೊನ್ಯಾಚಿ ತಗ್ಡ ಗ್ಯಾತ್ಲಿ ಹುತಿತ. ತ್ಯಚೆ ಆತ್ ಸೊನ್ಯಾಚಾ ಐದಾನಾತ್ ಥೆವ್‌ಲ್ಯಾಲಾ ಮನ್ನಾ ಆನಿ ಯಕಾ ಕಾಲಾತ್ ಕವ್ಳಿ ಪಾನ ಶೊಡ್‌ಲ್ಯಾಲಿ ಆರೊನಾಚಿ ಕಾಠಿ ಹುತ್ತಿ. ಆನೀಕ್ ತ್ಯಾ ಆಂದಿಚಾ ಕರಾರಾಚಾ ದಾ ಆಜ್ಞಾ ಲಿವ್‌ಲ್ಯಾಲ್ಯಾ ದೊನ್‌ ಡೊಂಡ್ಯಾಚಾ ಫಾತ್ರಿ ತ್ಯಾತ್ ಥೆವ್‌ಲ್ಯಾ ಹುತ್ಯಾ. 
\v 5 ತೆ ಪಿಟಿಚೆ ವರ್ ದೇವಾಚಿ ಆಸ್ಥಿ ದ್ಯಾವ್ನಾರ ಕೆರೂಬಿ ಹುತ್ತ. ಹೆ ಕೆರೂಬಿ ಕ್ರಪಾಸನ್ ಜಾ಼ಕ್ಕುನ್ ಗೆತ್ಲ ಹುತ್ತ. ಫನ್ ಹ್ಯಚೆ ಗುಶ್ಟಿತ್ ಸಗ್ಳ ಆಮಿ ಆತಾ ಸಾಂಗಾಯಾ ವ್ಹಯಿತ್ನಾಹಿ.
\p
\v 6 ಮಿ ತುಮಾನಾ ಉಗ್ಡುನ್ ಸಾಗ್‌ಲ್ಯಾ ಶಾರ್ಕ ಪಾಕ್ಟಾತ್ ಸಗ್ಳ ತಯಾರ್ ಕೇಲ್ತ. ಯಾಜಕ್ ಪರತೇಕ್‌ ದಿಸ್ ಆಪ್ನು ತ್ಯಚಿ ಕಾಮ ಕರಾಯಾ ಪೈಲ್ಯಾ ಸೊಪ್ಯಾತ್ ಜಾ಼ಯಿತ. 
\v 7 ಖರ ಪೈಲಾ ಯಾಜಕಾನಿ ತ್ಯವ್ಡಸ್ ದೊನವ್ಯಾ ಸೊಪ್ಯಾತ್ ಜಾಯಾಚ಼. ತ್ಯೊ ವರ್ಸಾತ್ನಿ ಯಗ್ದಾ ತ್ಯವ್ಡಾಸ್ ತ್ಯಾತ್ ಜಾ಼ಯಿತಾ. ತ್ಯೊ ಆಪ್ಲಿ ಸಂಗ ರಗಾತ್ ಗೀಹ್ಯಾಚೆ ಆಂದಿ ಕವಾಸ್ ತ್ಯಾತ್ ಜಾ಼ಯಿತ್ ನವ್ತಾ. ಆಪ್ಲಿ ಸಾಟಿ ಲೊಕಾಂಚಾನಿ ಸಮಜಾ಼ಚೆ ಆಂದಿ ಕೆಲ್ಯಾಲ್ಯಾ ಪಾಪಾಂಚೆ ಸಾಟಿ ತ್ಯೊ ತ್ಯ ರಗಾತ್ ಸಮರ್ಪನ್ ಕರಿತಾ.
\p
\v 8 ಪವಿತ್ರಾತ್ಮ ತ್ಯಾ ದೊನ್ ಸೊಪ್ಯಾಂಚ಼ ಸಾಂಗಾಚ಼ ಕ್ಯಾ ಮಂಜೆ, ಪೈಲಾ ಸೊಪಾ ತಿಥ ಆಸ ಪರತ್ ಮೊಟ್ಯಾ ಪವಿತ್ರ ಜಾ಼ಗ್ಯಾತ್ ಜಾ಼ಯಾಚಿ ವಾಟ್ ಉಗಡ್ಲಿಸ್ ನಾಹಿ. 
\v 9 ಆಜ಼್ ಆಮಾನಾ ಹಿ ಎಕ್ ಉದಾರನ್ ಜಾ಼ಲ್ಯಾ. ದೇವಾಲಾ ದ್ಯಾವ್‌ಲ್ಯಾಲಿ ದಿನ್ಗಿಸಾಟಿ ವ್ಹವುನಿ ಯಜ್ಞಸಾಟಿ ವ್ಹವುನಿ ದೇವಾಲಾ ವವ್ಯಾಳ್‌ತ್ಯಾಲ್ಯಾ ಮಾನ್ಸಾಲಾ ಪುರ ಕರಾಯಾ ವ್ಹಯಿತ್ ನವ್ತ ಮನ್ಹುನ್ ಹ್ಯ ದ್ಯಾವ್ತ. ತ್ಯಾ ಮಾನ್ಸಾಚ಼ ಮನ್ ನಿಚ಼ಳ್ ಕರಾಯಾ ತ್ಯಾ ಯಜ್ಞ ವೇದಿನಾ ವ್ಹಯಿತ್ ನವ್ತ. 
\v 10 ತ್ಯಾ ಯಜ್ಞ ಆನಿ ದೆನ್‌ಗ್ಯಾ ಖಾನ ಪಿನ ಚಾ಼ಂಗಲ್ಯಾ ಆಂಗುಳ್ಯಾ ತ್ಯಾ ಆಂಗಾಲಾ ವ್ಹಯಿ ಆಸ್ನಾರ ನೆಮ್ ಸುಡುನ್ ಲೊಕಾಂಚಾ ಕಾಜಾ಼ಲಾ ಸಮನ್ ಪಡ್‌ಲ್ಯಾಲ ನವ್ಹ. ಲೊಕಾನಾ ದೇವಾಚಿ ನವಿ ವಾಟ್ ಗಾವಾಚಾ ದಿಸಾ ಪರತ್, ತೀ ತ್ಯಚೆ ಗತ್ ಚಾ಼ಲುನ್ತ ಮನ್ಹುನ್ ತೇ ನೆಮ್ ದೇವಾನಿಸ್ ದಿಲ.
\p
\v 11 ಖರ ಕ್ರಿಸ್ತ ಆತಾಸ್ ಪೈಲಾ ಯಾಜಕ್ ವ್ಹವುನ್ ಆಲ್ಯಾ. ಆತಾ ಆಮಿ ಗೇತ್‌ಲ್ಯಾಲ್ಯಾ ಚಾ಼ಂಗಲ್ಯಾ ಗುಶ್ಟಿನಾ ತ್ಯೊ ಪೈಲಾ ಯಾಜಕ್ ಜಾ಼ಲ್ಯಾ. ದುಸ್ರ ಯಕಾ ತರಿ ಪಾಕ್ಟಾತ್ ಸೇವಾ ಕೇಲಿ. ಖರ ಕ್ರಿಸ್ತ ಪಾಕ್ಟಾತ್ ಸೇವಾ ಕರಾಚೆ ಆಂದಿ ತ್ಯಚಿವ್ನಿ ಚಾ಼ಂಗಲ್ಯಾ ಜಾ಼ಗ್ಯಾತ್ ಸೇವಾ ಕರ್ತೊ. ತ್ಯ ಆನಿ ಇತ್ಕ ಸಗ್ಳ ಜಾ಼ಲ್ಯಾಲ. ತ್ಯ ಮಾನ್ಸಾಂಚಾನಿ ಬ್ಯಾಂದ್‌ಲ್ಯಾಲ ನವ್ಹ. ದುನೆಲಾ ಮಿಸಾಳ್ಯಾಲ ನವ್ಹ. 
\v 12 ತ್ಯೊ ಯೆಕುಸ್ ಯೆಕ್ ಪಾವ್ಡಿ ಮೊಟ್ಯಾ ಪವಿತ್ರಜಾ಼ಗ್ಯಾತ್ ಗೆಲಾ. ತ್ಯೊ ಬೊಕ್ಡಾಚ಼ ಆನಿ ಪಾಡ್ಯಾಂಚ಼ ರಗಾತ್ ಗಿಹ್ಯಾಚೆ ಆಂದಿ ಆಪ್‌ಲ್ಯಾ ರಕ್ತಾನಿ ಮೊಟ್ಯಾ ಪವಿತ್ರ ಜಾ಼ಗ್ಯಾತ್ ಜಾ಼ವುನ್ ಆಮಾನಾ ಕವಾಸ್ ಆನಿಯಕಾಚಾ ತಾಬ್ಯಾತ್ ರಾವುನಾಹಿ ಆಸ ಕೆಲ.
\p
\v 13 ಬೊಕ್ಡಾಚಾ ಆನಿ ಪಾಡ್ಯಾಚಾ ರಗ್ತಾನಿ ಶುದ್ ನಸಲ್ಯಾಲ್ಯಾಂಚಿವ ಶಿಪಡತ್ಯಾಲೆ ವಾಸರಾಚೆ ರಾಖನಿ ಶರಿರ್ ಶುದ್ ಕರಾಚ಼ ಜಾ಼ಲ್ಯಾವ. 
\v 14 ಶಾಶ್ವತ್ ಆತಮ್ಯಾಪ್ನಿ ಆಪಲ್ಯಾಲಾ ಆಪ್ನಿಸ್ ದೊಸ್ ನಸಲ್ಯಾಲಾ ಮನ್ಹುನ್, ದೆವಾಲಾ ಸಮರ್ಪನ್ ಕೆಲ್ಯಾಲ್ಯಾ ಕ್ರಿಸ್ತಾಚ಼ ರಗಾತ್ ಖರ‍್ಯಾನಿಸ್ ಆಮಾನಾ ಉಪೆಗಿಚಿ ನಸಲ್ಯಾಲ್ಯಾ ಕಾಮಾತ್ನಿ ಸುಡ್ವುನ್, ಆಮಿ ಜಿವ್ ಆಸಲ್ಯಾಲ್ಯಾ ದೆವಾಲಾ ವವ್ಯಾಳಿಸಾರ ಆಮ್ಚ಼ ಮನ್ ನಿಚ಼ಳ್ ಕರ್ತ ನವ್ಹ?
\p
\v 15 ದೇವಾನಿ ಹಾಕಟ್‌ಲ್ಯಾಲಿ ಲೊಕ ದೇವಾಚಾ಼ ಸಬ್ದ ಜಾ಼ಲ್ಯಾಲಾ ಶಾಸ್ವತ್ ತರಾಸ್ ಗಿಹುಂತ ಮನ್ಹುನ್ ಕ್ರಿಸ್ತ ಹ್ಯಾ ನವ್ಯಾ ಕರಾರಾಲಾ ಜಾ಼ಮಿನ್ ಜಾ಼ಲ್ಹಾ. ಕಾ ಮಾಜೆ ಆಂದಿಚಾ ಕರಾರಾಚಾ ಕಾಲಾತ್ ಕೆಲ್ಯಾಲ್ಯಾ ಪಾಪಾನಿ ಲೊಕಾನಾ ಸುಟ್ಕಿ ಕರಾಯಾ ಕ್ರಿಸ್ತ ಮೆಲಾ.
\p
\v 16 ಮರ್ನಾಚ಼ ಪತ್ರ ಆಸ್ತಾನಾ ತ್ಯ ಲಿವಲ್ಯಾಲ್ಯಾಚ಼ ಮರಾನ್ ಖರ ಕರುನ್ ದಾವಾಯಾ ವ್ಹಯಿ. 
\v 17 ತ್ಯ ಲಿವಲ್ಯಾಲಾ ಆಜು಼ನ್ ಜ಼ಗ್ಲಾ ಆಸ್ಲಾತ ತ್ಯಲಾ ಕಾಯ್ ಕಿಮ್ಮತ್ ನಾಹಿ. ತ್ಯ ಲೀವ್ನಾರಾ ಮೆಲ್ಯಾ ನಂತರ್ ತ್ಯ ಉಪೇಗಾಲಾ ಯತ. 
\v 18 ದೆವಾನಿ ಆಪ್‌ಲ್ಯಾ ಲೊಕಾಂಚೆ ಸಂಗ ಕೆಲ್ಯಾಲಾ ಆಂದಿಚಾ಼ ಕರಾರ್ ಹ್ಯಲಾ ಮಿಳುನ್ ಹಾ. ಆಂದಿಚಾ಼ ಕರಾರ್ ಉಪೇಗಾಲಾ ಯಯಾ ರಗಾತ್ ದಾವಾಯಾ ವ್ಹಯಿ ವ್ಹತ್ತ. 
\v 19 ಆಂದಿ, ಮೊಶೆನಿ ಧರ್ಮಶಾಸ್ತಾರಾಚ಼ ಪರತೇಕ್ ಸಬ್ದ ಸಗಳ್ಯಾ ಲೊಕಾನಾ ಸಾಂಗ್‌ಲ್ಯಾ. ನಂತರ್ ತ್ಯನಿ ವಾಸ್ರಾಚ಼ ಅನಿ ಬೊಕ್ಡಾಚ಼ ರಗಾತ್ ಗಿಹೂನ್ ತ್ಯ ಪಾನ್ಯಾತ್ ಮಿಸಳ. ನಂತರ್ ಪಾನಿ ಆನಿ ರಗಾತ್ ಧರ್ಮಶಾಸ್ತಾರಾವ ಆನಿ ಲೊಕಾವ್ನಿ ಸಿಪಡ್ಲ ತಾಂಬ್ಡ ಕ್ಯಾಸ್ ಹಿಸ್ಸೊಪ್ ಜಾ಼ಢಾಚ಼ ಗೊಕ್ಲ ಗೇತ್ಲ. 
\v 20 ಸಿಪಡ್ತಾನಾ, “ತುಮಿ ಪಾಳಾಯಾ ವ್ಹಯಿಸಾ ಮನ್ಹುನ್ ದೇವಾನಿ ಸಾಂಗ್‌ಲ್ಯಾಲಾ ಕರಾರ್ ಹ್ಯ ರಗಾತ್ ಘಟ್ ಹಾ” ಮನ್ಹುನ್ ಸಾಂಗ್ಲ. 
\v 21 ತೆಸ್‌ತರನಿ, ಮೊಶೆನಿ ರಗಾತ್ ಪಾಕ್ಟಾವ್ನಿ ವವ್ಯಾಳಾಲಾ ವಾಪರ್ ತ್ಯಾಲ್ಯಾ ಸಂಗ್‌ಳ್ಯಾ ಸಾಮಾನಾವ್ನಿ ಸಿಪಡ್ಲ. 
\v 22 ಲ ಕರುನ್ ಪರತೇಕ್ ರಕ್ತಾನಿ ಪರಿಸುದ್ದ್ ವ್ಹಯಾ ವ್ಹಯಿ ಮನ್ಹುನ್ ಧರ್ಮಶಾಸ್ತಾರ್ ಸಾಂಗ್ತ. ರಗಾತ್ ನಸ್ತಾನಾ ಪಾಪ ಮಾಪ್ ಕರಾಯಾ ವ್ಹಯಿತ್ ನಾಹಿತ.
\s ಕ್ರಿಸ್ತಾಚಾ ಯಜ್ಞಾನಿ ಪಾಪ ದುರ್ ಕೇಲಿತ
\p
\v 23 ಹಿ ಸಾಮ್ನ ಸ್ವರ್ಗಾತ್‌ಲ್ಯಾ ಸಾಮ್ನಾಚೆಗತ್ ಹಾತ. ಹಿ ಜ಼ನಾವಾರಾಚಾ ಯಜ್ಞಾನಿ ಚಾ಼ಂಗ್ಲಿ ಕರಾಯಾ ವ್ಹಯಿತ. ಖರ ಸ್ವರ್ಗಾತ್ ಆಸ್‌ಲ್ಯಾಲಾ ಖರಾ ಆವ್ತಾರ್ ಚಾ಼ಂಗ್ಲ ಯಜ್ಞ ದಿಯಾ ವ್ಹಯಿ. 
\v 24 ಕ್ರಿಸ್ತ ಮೊಟ್ಯಾ ಪವಿತ್ರ ಜಾ಼ಗ್ಯಾತ್ ಗೆಲಾ. ಖರ ತ್ಯೊ ಮಾನ್ಸಾನಿ ಕೆಲ್ಯಾಲ್ಯಾ ಮೊಟ್ಯಾ ಪವಿತ್ರ ಜಾ಼ಗ್ಯಾವ ಗೆಲಾ ನಾಹಿ. ಹ್ಯೊ ಮೊಟಾ ಪವಿತ್ರ ಜಾ಼ಗಾ ಖರ‍್ಯಾಚಾ಼ ಆಕಾರ್ ತ್ಯವ್ಡಾಸ್ ಜಾ಼ಲ್ಯಾ. ತ್ಯೊ ಸ್ವರ್ಗಾತ್ ಗೆಲಾ; ಅಮಚೆ ಬಳಜು಼ರಿನಿ ಮಜ಼ತ್ ಕರಾಯಾ ಸಾಟಿ ಆತಾ ದೇವಾಪ ಹಾ.
\p
\v 25 ಪೈಲಾ ಯಜಕ್ ವರ್ಸಾ ವರ್ಸಾ ಜ಼ನಾವಾರಾಂಚ಼ ರಗಾತ್ ಗಿಹುನ್ ಮೊಟ್ಯಾ ಪವಿತ್ರ ಜಾ಼ಗ್ಯಾತ್ ಜಾ಼ತ್ಯಾಚೆಗತ್, ಕ್ರಿಸ್ತಾನಿ ಆಪಲ್ಯಾಲಾ ಖುಬ್ ಖೆಪಾ ಸಮರ್ಪನ್ ಕರಾಯಾ ತಿಥ ಗೆಲಾ ನಾಹಿ. 
\v 26 ಕ್ರಿಸ್ತಾನಿ ಖುಬ್ ಖೆಪಾ ಆಪ್‌ಲ್ಯಾಲಾ ಸಮರ್ಪನ್ ಕೆಲಾ ಆಸ್ಥತ, ಹಿ ದುನ್ಯಾ ಉತ್ಪನ್ ಜಾ಼ಲ್ಯಾ ದರ್ನಿ ತ್ಯನಿ ಖುಬ್ ಪಾವ್ಟಿ ತರಾಸ್ ಕಾಯಾ ವ್ಹಯಿ ಹುತಾ. ಖರ ಕ್ರಿಸ್ತ ಖುಬ್ ವರ್ಸಾಚೆ ಮಾಗ ಪಾಪ್ ನಾಹಿ ಆಸ ಕರಯಾ ಸಾಟಿ ಯವುನ್ ಯಂಗ್ದಾಸ್ ಆಪ್‌ಲ್ಯಾಲಾ ದಿಲಾ.
\p
\v 27 ಪರತೆಕ್ ಜಾ಼ನ್ ಯಗ್ದಾಸ್ ಮರ್ನಾರ್. ನಂತರ್ ತ್ಯನಾ ದೇವಾಪಸುನ್ ನ್ಯಾಯಿ ತೀರ್ಮಾನ್ ವ್ಹನರ್. 
\v 28 ತಸಾಸ್ ಕ್ರಿಸ್ಬಿತ ಖುಬ್ ಲೊಕಾಂಚಿ ಪಾಪ ಗಿಹ್ಯಾಸಾಟಿ ಯಗ್ದಾಸ್ ಸಮರ್ಪನ್ ಜಾ಼ಲಾ. ಕ್ರಿಸ್ತ ದೊನವ್ಯಾನಿ ದಿಸ್ನಾರ್ ತ್ಯೊ ಲೊಕಾನಾ ಪಾಪಾತ್ನಿ ಸುಟ್ಕಿ ಕರಾಯಾ ನವ್ಹ. ಆಪ್ಲಿ ವಾಟ್ ಬಗ್‌ತ್ಯಾಲ್ಯಾ ಲೊಕಾನಾ ರಕ್ಷನ್ ಕರಾಯಾಸ್.
\c 10
\p
\v 1 ಧರ್ಮಶಾಸ್ತಾರ್ ಮೊರ‍್ಹ ಯನಾರ‍್ಯಾ ಚಾ಼ಂಗಲ್ಯಾ ಗುಶ್ಟಿಂಚಾ಼ ಚಾ಼ಂಗ್ಲ ಸಾವುಟ್ ಜಾ಼ಲ್ಯಾ. ತ್ಯಂಚ಼ ಖರ ರುಪ್ ನವ್ಹ. ಪರ್ತೆಕ್ ವರ್ಷಿ ಯೆಕುಸ್ ತರಚ಼ ಯಜ್ಞ ದಿಯಾ ವ್ಹಯಿ ಮನ್ಹುನ್ ತ್ಯ ಲೊಕಾನಾ ಸಾಂಗ್ತ. ದೇವಾಲಾ ವವ್ಯಾಳಾಲಾ ಯನಾರಿ ಲೊಕ ತೆಸ್ ತರಚಿ ಯಜ್ಞ ದಾವಿತಿತ. ಖರ ತ್ಯಾ ಲೊಕಾನಾ ಧರ್ಮಶಾಸ್ತಾರಾನಿ ಕಂದಿಸ್ ದೊಸ್ ನಸ್ನಾರ ಕೆಲ ನಾಹಿ. 
\v 2 ತ್ಯನಿ ಲೊಕಾನಾ ಕಳಂಕನಸ್ನಾರಿ ಕೇಲಿತ, ತೀ ಯಜ್ಞ ಆತಾಸ್ ಥಾಂಬತಿತ. ತೀ ಲೊಕ ತವಾಸ್ ಅಪಲ್ಯಾ ಪಾಪಾತ್ನಿ ಸುಟ್ಕಿ ವ್ಹವುನ್ ಪರಿಶುದ್ ವ್ಹಯಿತೀತ. ಆಪ್ನು ಪಾಪಿ ಮನ್ಯಾಚ಼ ಅರು ತ್ಯನಾ ರಾಹಿತ್ ನವ್ತ. 
\v 3 ತೀ ಲೊಕ ಪರತೇಕ್ ವರ್ಷಿ ದೇನಾರಿ ಯಜ್ಞ ತ್ಯಚಾ ಪಾಪಾಚಿ ಯಾದ್ ಕರೀತ. 
\v 4 ಕಾ ಮಂಜೆ ತ್ಯಂಚಿ ಪಾಪ ಕಾಡುನ್ ಟಾಕಾಯಾ ಬೊಕಡಾಂಚಾ ಆನಿ ಪಾಡ್ಯಾಂಚಾ ರಕ್ತಾನಿ ವ್ಹಯಿತ್ನವ್ತ.
\p
\v 5 ಕ್ರಿಸ್ತ ಹೆ ದುನೆತ್ ದಿಸ್ಲಾ ತವಾ ಸಾಂಗ್‍ಲ್ಯಾಲ ಕ್ಯಾ ಮಂಜೆ:
\q1 “ದೇವಾ, ತುಲಾ ಯಜ್ಞ ನಿವಾದ್ ವ್ಹಯಿ ಜಾ಼ಲ್ಹನಾಹಿತ.
\q2 ಫನ್ ತು ಮಾಜಿಸಾಟಿ ಯಾಕ್ ಧಡ್ ತಯಾರ್ ಕರುನ್ ದಿಲ್ಯಾಸ್.
\q1
\v 6 ತುಲಾ ಸಗಳೆ ತರಚಾ ಹೊಮಾತ್ನಿ
\q2 ಪಾಪ್ ಪಾರಿಕ್ ಕರ್ತ್ಯಾಲ್ಯಾ ಯಜ್ಞಾತ್ನಿ ಸಂತೊಸ್ ವ್ಹಯಿತ್ ನಾಹಿಸ್.
\q1
\v 7 ತವಾ ಮಿ, ‘ದೇವಾ, ಹಾಬೊ ಹಿತ ಹಾ.
\q2 ಧರ್ಮಶಾಸ್ತಾರಾತ್ ಮಾಜೆ ಗುಶ್ಟಿತ್ ಲಿವ್‍ಲ್ಯಾ ಶಾರ್ಕಸ್
\q2 ತುಜಾ ಮನಾ ಶಾರ್ಕ ಕರಾಯಾ ಮಿ ಆಲ್ಯೊ’ ಮನ್ಹುನ್ ಸಾಗ್ಲ. \rq ಕೀರ್ತನೆ 40:6-8\rq*
\m
\v 8 ಪವಿತ್ರ ಪುತಿಕಾತ್ ಕ್ರಿಸ್ತಾನಿ ಆಂದಿ ಸಾಗ್‌ಲ್ಯಾಲ ಕ್ಯಾ ಮಂಜೆ: “ತುಲಾ ಯಜ್ಞ ನಿವಾದ್ ವ್ಹಯಿ ಜಾ಼ಲ ನಾಹಿತ. ತು ಸಗ್‌ಳ್ಯಾ ಹೊಮಾತ್ನಿ ಪಾಪ ಪಾರಿಕ್ ಕರಾಚಾ ಯಜ್ಞಾತ್ನಿ ಸಂತೊಸ್ ಜಾ಼ಲಾ ನಾಹಿಸ್” ಹಿ ಸಗ್ಳಿ ಧರ್ಮಶಾಸ್ತಾರ್ ಹುಕುಮ್ ದೆತ್ಯಾಲಿ ಯಜ್ಞ. 
\v 9 ನಂತರ್ ಕ್ರಿಸ್ತಾನಿ ಸಾಗ್‌ಲ್ಯಾಲ ಕ್ಯಾ ಮಂಜೆ, “ದೇವಾ, ಮಿ ಹಿತ ಹಾ. ತುಜಾ ಮನಾ ಶಾರ್ಕ ಕರಾಯಾ ಮಿ ಆಲ್ಯೊ. ” ಮನ್ಹುನ್ ದೇವ್ ಯಜ್ಞಾಚಿ ಆಂದಿಚಿ ಯವಸ್ಥಾ ಸರ್ತಿ ಕರುನ್, ನವಾ ಮಾರೊಗ್ ಚಾ಼ಲು ಕೆಲಾ. 
\v 10 ದೇವಾಚಾ ಮನಾ ಶಾರ್ಕ ಕಾಮ ಯೇಸು ಕ್ರಿಸ್ತಾನಿ ಕೇಲಿತ. ತ್ಯಾ ಕಾರ್ನಾನಿಸ್, ಯಜ್ಞ ವ್ಹವುನ್ ಅರ್ಪನ್ ವ್ಹವುನ್ ತ್ಯಚಾ ಶರೀರಾನಿ ಆಮಿ ನಿರ್ಮಳ್ ಜಾ಼ಲಾವ್. ತ್ಯನಿ ಶಾಶ್ವತ್ ಯಜ್ಞ ಯಂಗ್ದಾಸ್ ದಿಲ.\fig ಬಲಿಪಿಟಾವ ಜಾಳತ್ಯಾಲ ಬಲಿ|alt="Burnt offering on an altar" src="hk00256c.tif" size="col" copy="Horace Knowles ©" ref="10:10"\fig*
\p
\v 11 ಪರತೇಕ್ ದೀಸಿ ಯಾಜಕ್ ಉಬರಾಹುನ್ ಆಪ್‌ಲ್ಯಾ ಧರ್ಮಾಚಿ ಸೇವಾ ಕರ್ತ್ಯಾತ ತೇ ಪರ್ತುನ್ ಪರ್ತುನ್ ತೀಚ಼್ ಯಜ್ಞಾ ದೇತ್ಯಾತ. ಫನ್ ತ್ಯಂಚಿ ಪಾಪ ಕಾಡುನ್ ಟಾಕಾಯಾ ಯಜ್ಞಾಲಾ ಕಂದಿಸ್ ವ್ಹಯಿತ್ ನಾಹಿ. 
\v 12 ಫನ್ ಕ್ರಿಸ್ತ್ ಪಾಪಾಂಚೆ ಸಾಟಿ ಶಾಶ್ವತ್ ಯಜ್ಞಾ ಯಂಗ್ದಾಸ್ ಜಾ಼ಲಾ. ನಂತರ್ ತ್ಯೊ ದೇವಾಚೆ ಉಜ಼ವ್ಯಾಂಗ್ನಿ ಬಸ್ಲಾ 
\v 13 ವಾದಿನಾ ಆಪ್‌ಲ್ಯಾ ಪಾಯಾ ಖಾಲ್ ಗಾಲ್ಹಿಪರತ್ ಕ್ರಿಸ್ ರ‍್ಯಾಕ್‌ತ್ಯೊ. 
\v 14 ಯಕಾಸ್ ಯಜ್ಞಾನಿ ತ್ಯನಿ ಆಪ್‍ಲ್ಯಾ ಲೊಕಾನಾ ಕಳಂಕಾ ನಸಲ್ಯಾಲಿ ಕಿಲಿತ ಪರಿಶುದ್ ಜಾಲ್ಯಾಲಿ ಲೊಕ ಹಿಸ್ 
\v 15 ಪವಿತ್ರಾತ್‍ಮ್ಯಾನಿ ಆಮಾನಾ ಹ್ಯಚೆ ಗುಶ್ಟಿತ್ ಕಳಿವಲ್ಯಾ. ಆಂದಿ ತ್ಯೊ ಕ್ಯಾ ಸಾಂಗತ್ಯಾಲಾ ಮಂಜೆ:
\p
\v 16 “ಮೊರಲ್ಯಾ ದಿಸಾತ್ ಮಿ ಮಾಜಾ ಲೊಕಾಂಚಿ ಸಂಗ ಕೆಲ್ಯಾಲಾ ಕರಾರ್ ಆಸಾ ಹಾ ಮನ್ಹುನ್ ಪ್ರಬು ಸಾಂಗತ್ಯೊ. ಮಿ ಮಾಜಾ ಆಜ್ಞಾ ತ್ಯಂಚಾ ಮನಾತ್ ಥೆವ್ನಾರ್; ತ್ಯಂಚಾ ಮನಾತ್ ಲಿವ್ನಾರ್. ” \x - \xo 10:16 \xo*\xt ಯೆರೆಮೀಯ 31:33\xt*\x*
\p
\v 17 ಮಂಗ್ ತ್ಯೊ ಕ್ಯಾ ಸಾಂಗತ್ಯಾಲಾ ಮಂಜೆ: “ಮಿ ತ್ಯಂಚಿ ಪಾಪ ಆನಿ ತ್ಯಂಚಿ ಬುರ್ಸಿ ಕಾಮ ಮಾಪ್ಕರ‍್ತೊ. ತ್ಯಂಚಿ ಆನಿ ಕಂದಿಸ್ ಯಾದ್ ಕರೀತ್ನಾಹಿ. ”\x - \xo 10:17 \xo*\xt ಯೆರೆಮೀಯ 31:34\xt*\x* 
\v 18 ಹಿ ಸಗ್ಳಿ ಪಾಪ ಮಾಪ್ ಜಾ಼ಲ್ಯಾ ನಂತರ್ ‘ತ್ಯಂಚಿಸಾಟಿ ಆನಿಕ್ ಯಜ್ಞ ದಿಯಾಚಿ ಗರಜ಼್ ನಾಹಿ.
\s ದೆವಾಚೆ ಜ಼ವಳ್ ಯವಾ
\p
\v 19-20 ಬನ್ಹಿ ಬಾವ್ಹಾನು ‘ಆಮಿ ಮೊಟ್ಯಾ ಪವಿತ್ರ ಜಾ಼ಗ್ಯಾವ ಜಾ಼ಯಾ ಸುಟ್ಕಿ ಜಾ಼ಲ್ಯಾವ್ ಯೆಸುನಿ ಆಮ್ಚಿಸಾಟಿ ಉಗಡಲ್ಯಾಲೆ ನವೆ ವಾಟನಿ ಜಾ಼ನಾರ್. ತೀ ಜಿತ್ತಿ ವಾಟ್. ಕ್ರಿಸ್ತಾಚ಼ ಶರಿರ್ ಮಂಥ್ಯಾಲ್ಯಾ ಪಡ್‌ದ್ಯಾಸ್ ಲಾಗುನ್ ಹಿ ನವಿ ವಾಟ್ ಆಮಾನಾ ಮೊರ‍್ಹ ಗಿಹುನ್ ಜಾ಼ನಾರ್. 
\v 21 ದೇವಾಚ಼ ಘರ್ ಚಾ಼ಲ್ವಾಯಾ ಆಮಾನಾ ಚಾ಼ಂಗ್ಲಾ ಯಾಜಕ್ ರಾನ್ಹಾರ್. 
\v 22 ಆಮಿ ದುನ್ಹಾರಿ ವ್ಹವುನ್ ಬುರ್ಶಾ ಮನಾತ್ನಿ ಸುಟ್ಕಿ ಜಾ಼ಲ್ಯಾವ್. ಆಮ್‌ಚ಼ ಶರಿರ್ ಚಾ಼ಂಗಲ್ಯಾ ಪಾನ್ಯಾನಿ ದುತ್‌ಲ್ಯಾ. ಮನ್ಹುನ್ ಪುರ‍್ಯಾ ಇಸ್ವಾಸಾನಿ ನಿಚ಼ಳ್ ಮನಾನಿ ದೇವಾಪ ಯವುಯಾ. 
\v 23 ಆಮ್ಚಿಪ ಆಸ್‌ಲ್ಯಾಲಿ ಆಶಾ ಘಟ್ ರಾಖುನ್ ತ್ಯಚೆ ಗುಶ್ಟಿತ್ ಲೊಕಾನಾ ಸಾಂಗ್‌ತ್ಯಾಲ್ಯಾತ್ ಘಟ್ ರಾಹುಯಾ. ದೇವ್ ಆಪ್ಲ ವಾಗ್ದಾನ್ ಚಾ಼ಲಿವ್ನಾರ್ ಮನ್ಹಾಚಿ ಆಶಾ ಆಮ್ಚಾತ್ ರಾಹ್ಯಾ ವ್ಹಯಿ
\p
\v 24 ಯಕಾಮಕಾಚಿ ಕ್ಯಾಳ್ಜಿ ಕರುಯಾ, ತವಾ ಯಕಾಮಕಾಲಾ ಮಾಯಾ ದಾವಾಯಾ ಚಾ಼ಂಗ್ಲಿ ಕಾಮ ಕರಾಯಾ ಉಮೇದ್ ದಿಯಾ ವ್ಹತ್ತಿ. 
\v 25 ಆಮಿ ಸಬೇತ್ ಮಿಳುನ್ ಯಯಾಚ಼ ಸೊಡಾಚ಼ ನಾಹಿ ಥುಡಿ ಸಬೇತ್ ಯಯಿತ್ನಾಹಿತ. ಆಮಿ ಸಗಳ್ಯಾನಿ ಮಿಳುನ್ ಯವುನ್ ಯಕಾಮಕಾಲಾ ಉಮೇದ್ ದಿಯಾ ವ್ಹಯಿ. ಯೇಸು ದಿಸಾಚಾ಼ ದಿಸ್ ಜ಼ವಳ್ ಹಾ ಮನ್ಹುನ್ ತುಮಿ ಹ್ಯ ಆನಿಕ್ ಖುಬ್ ಕರಾಯಾ ವ್ಹಯಿಸಾ.
\p
\v 26 ಆಮಿ ಖರ ಸಮಜು಼ನ್ ಗೆತಲ್ಯಾ ನಂತರ್ಬಿ ಪಾಪ್ ಕರ್ತ್ಯಾಲಸ್ ರಾಯ್ಲಾವ್ತ, ಆಮ್ಚಿ ಪಾಪ ಕುಟ್ಲಸ್ ಯಜ್ಞ ಫಾಕಿತ್ ನಾಹಿ. 
\v 27 ಆಮಿ ಪಾಪಾತ್ನಿಸ್ ಚಾ಼ಲಾವ್ತ, ನ್ಯಾಯಿ ನಿವ್ಡಾಚಾ ಭ್ಯಾತ್ ಆನಿ ದೇವಾಚೆ ಆಡ್ವ ಜೀವ್ನಾ ಕರ್ತ್ಯಾಲ್ಯಾನಾ ಜಾಳ್ನಾರ‍್ಯಾ ಮೊಟ್ಯಾ ಇಸ್‌ತ್ಯಾಚಾ ಭ್ಯಾತ್ ಜೀವ್ನಾ ಕರಾಯಾ ವ್ಹಯಿ. 
\v 28 ಮೊಶೆಚಾ ಕರಾರಾಚೆಗತ್ ಚಾ಼ಲ್ಯಾ ನಸ್‌ಲ್ಯಾಲ ದೊಗ ಮಾನುಸ್ ನಾಹಿತ ತಿಗಾಂಚೆ ಸಾಕ್ಶಿನಿ ಚು಼ಕಿದಾರ್ ಮನ್ಹುನ್ ಥರಿವ್‌ಲ್ಯಾವ, ತ್ಯಲಾ ಮಾಪಿ ಗಾವತ್ ನವ್ಥಿ. ತ್ಯಲಾ ಮಾರುನ್ ಟಾಕಿತಿತ. 
\v 29 ಆಸ ಆಸ್ಥಾನಾ ದೇವಾಚೆ ಆಡ್ವ ಬೊಲ್‌ತ್ಯಾಲ್ಯಾ ಯಕಾ ಮಾನ್ಸಾಲಾ ತುಮಿ ಕ್ಯಾ ಕರಾಯಾ ವ್ಹಯಿ ಮನ್ಹುನ್ ಯವಸ್ಥಾಸಾ? ಖರ‍್ಯಾನಿಸ್ ತ್ಯಾ ಮಾನ್ಸಾಲಾ ಹ್ಯಚಿವ್ನಿ ಲ ಶಿಕ್ಷಾ ದಿಯಾ ವ್ಹಯಿ ನವ್ಹ? ವ್ಹಯ್, ನವ್ಯಾ ಕರಾರಾಚಾ ರಕ್ತಾಲಾ ಮರ‍್ಯಾದ್ ದಿಲ್ಯಾನಸ್‌ಲ್ಯಾಲ್ಯಾ ತ್ಯಾ ಮಾನ್ಸಾಲಾ ಖುಬ್ ಶಿಕ್ಷಾ ವ್ಹಯಾ ವ್ಹಯಿ ತ್ಯಾ ರಗ್ತಾನಿ ತ್ಯಲಾ ಪವಿತ್ರ ಕೆಲ. ದೇವಾಚಾ ಆತ್‌ಮ್ಯಾಲಾ ಮರ‍್ಯಾದ್ ದಿಯಿ ನಸ್ನಾರ‍್ಯಾ ತ್ಯಾ ಮಾನ್ಸಾಲಾ ಖುಬ್ ಶಿಕ್ಷಾ ವ್ಹಯಾ ವ್ಹಯಿ. 
\v 30 “ಲೊಕ ಕರ್ತ್ಯಾಲ್ಯಾ ಚು಼ಕಿಚಾ ಕಾಮಾಸಾಟಿ ಆಮಿ ತ್ಯನಾ ಖಡ್ಯಾವ್ತಾವ್. ಮಿ ವಾದಾಲಾ ವಾದ್ ಕರ್ತೊ” ಮನ್ಹುನ್ ದೇವಾನಿ ಸಾಂಗ್‌ಲ್ಯಾಲ ಆಮಾನಾ ಸಮಾಜ಼ಲ್ಯಾಲಸ್ ಹಾ. 
\v 31 “ಪ್ರಭು ಆಪ್‌ಲ್ಯಾ ಲೊಕಾಂಚಾ಼ ನ್ಯಾಯಿ ಕರ್ತೊ” ಮನ್ಹುನ್ ದೇವಾನಿ ಸಾಂಗ್‌ಲ್ಯಾ. ಜೀವ್ ಆಸ್ನಾರ‍್ಯಾ ದೇವಾಚಾ ಹಾತಾತ್ ಗಾವ್ಹಾಚ಼ ಪಾಪಿಲಾ ಖುಬ್ ತರಾಸಾಚ಼ ಜಾ಼ಲ್ಯಾ.
\p
\v 32 ತುಮಿ ಖರ ಸಮಜು಼ನ್ ಗೆತಲ್ಯಾಲ ತೆ ದಿಸ್ ಯಾದ್ ಕರಾ. ತುಮಿ ಖುಬ್ ತರಾಸಾತ್ ಲಡಾಯಿ ಕಿಲಿತರಿ, ಭಿಹ್ಯಾಚೆ ಆಂದಿ ಮೊರ‍್ಹ ಗೆಲ್ಯಾಸಾ. 
\v 33 ಥೊಡೆ ಪಾವ್ಟಿ ತುಮಾನಾ ರಾಗಾಚಾ ಗುಶ್ಟಿ ಸಾಂಗ್‌ಲ್ಯಾ ತರಿ ತಸಸ್ ಖುಬ್ ಲೊಕಾಂಚೆ ಮೊರ‍್ಹ ತುಮಾನಾ ತರಾಸ್ ದಿಲಾತರಿ ತೇಸ್ ತರನಿ ತರಾಸಾತ್ ಗಾವಲ್ಯಾಲ್ಯಾ ಲೊಕಾನಾ ಥೊಡಿ ಯಳಿ ಮಜ಼ತ್ ಕಿಲಿಸಾ. 
\v 34 ವ್ಹಯ್, ತುರಂಗಾತ್ ಆಸ್‌ಲ್ಯಾಲ್ಯಾ ಲೊಕಾನಾ ಮಜ಼ತ್ ಕಿಲಿಸಾ ಆನಿ ತ್ಯಂಚಾ಼ ತರಾಸ್ ಗೆತ್ಲಾಸಾ. ತುಮ್ಚಿ ಆಸ್ಥಿ ಸಗ್ಳಿ ತುಮ್ಚಿಪ್ನಿ ಕಾಡುನ್ ಗಿಹುನ್ ಗೆಲ ತರಿ ಸಂತೊಶಾನಿ ಹಾಸಾ ತ್ಯಚಿವ್ನಿ ಚಾ಼ಂಗ್ಲ ತ್ಯ ಖಾಯಿಮಚ಼ ಗಾವಲ್ಯಾ ಮನ್ಹುನ್ ತುಮಾನಾ ಸಮಾಜ಼ಲ್ಯಾಲ್ಯಾಸ್ ಲಾಗುನ್ ತುಮಿ ಸಂತೊಶಾನಿ ಹಾಸ್ಸಾ. 
\v 35 ಮಾಗ ಆಸ್‌ಲ್ಯಾಲಾ ಧಿರ್ ಸುಡುನಕೊಸಾ ತುಮ್ಚಾ ದಿರ‍್ಹಾಲಾ ಶಾರ್ಕ ಪ್ರತಿಫಳ್ ಮಿಳ್ನಾರ್ 
\v 36 ತುಮಿ ಥಂಡ್ಫನಾನಿ ರಾಹ್ಯಾ ವ್ಹಯಿಸಾ ತುಮಿ ದೇವಾಚಾ ಮನಾ ಶಾರ್ಕ ಕೆಲ್ಯಾ ನಂತರ ತ್ಯಚಾ ವಾಗ್ದಾನಾಚೆಗತ್ ತುಮಾನಾ ಪ್ರತಿಫಳ್ ಗಾವ್ನಾರ್. 
\v 37 ಧರ್ಮಶಾಸ್ತಾರ್ ಆಸ ಸಾಂಗ್‌ತ್ಯೊ “ಥೊಡ್ಯಾ ದಿಸಾತ್, ಯನಾರ್ ತ್ಯೊ ಉಸಿರ್ ಕರೀತ್ ನಾಹಿ.
\p
\v 38 ಲೊಕ ಇಸ್ವಾಸಾನಿ ಜ಼ಗ್ನಾರ್. ಫನ್ ತ್ಯೊ ಭ್ಯಾನಿ ಮಾಗ ಸರ್ಲಾತ ಮನಾ ತ್ಯಚಿಪ ಸಂತೊಶ್ ನಾಹಿ. ” 
\v 39 ಫನ್ ಆಮಿ ಮಾಗ ಸರ್ನಾರಿ ಲೊಕ ನವ್ಹ ಹಾಳ್ ವ್ಹನಾರಿ ಲೊಕಬಿ ನವ್ಹ. ಆಮಿ ಇಸ್ವಾಸಾಚಿ ಜಾ಼ಲ್ಯಾವ್ ಆನಿ ರಕ್ಷನ್ ಗೆನಾರ ಜಾ಼ಲ್ಯಾವ್.
\c 11
\s ಇಸ್ವಾಸ್
\p
\v 1 ಇಸ್ವಾಸಾವ ಆಮಿ ಆಶಾ ತೆವಲ್ಯಾಲ್ಯಾಚಾ಼ ಬರವಾಸಾ, ಆನೀಕ್ ಡೊಳ್ಯಾನಿ ದಿಸತ್ ನಸಲ್ಯಾಲ್ಯಾವ ಖಾತ್ರಿ ಜಾ಼ಲ್ಯೆ. 
\v 2 ಆಮ್‌ಚ಼ ಜಾಂತ ಆಪಲ್ಯಾ ಇಸ್ವಾಸಾನಿ ವ್ಹತ ಮನ್ಹುನ್ ದೇವಾನಿ ಚಾ಼ಂಗ್ಲನಾವ್ ಗೆತ್ಲ.
\p
\v 3 ದುನ್ಯಾ ದೇವಾಚೆ ಬೋಲಿನಿಸ್ ಗಡ್ಲಿ ಮನ್ಹುನ್ ಆಮಿ ಇಸ್ವಾಸಾನಿಸ್ ಸಮಜು಼ನ್ ಗೆತಲ್ಯಾ. ಹ್ಯಾ ಕಾರ್ನಾನಿ ದಿಸತ್ಯಾಲಿ ಹಿ ದುನ್ಯಾ ದಿಸತ್ಯಾಲ್ಯಾ ಜೀನ್ಸಾನಿ ಗಡ್ಲಿ ನಾಹಿ ಮನ್ಹುನ್ ಸಮಜು಼ನ್ ಗೆತಾವ್.
\p
\v 4 ಇಸ್ವಾಸಾನಿಸ್ ಹೇಬೆಲ್ ಕಾಯಿನಾಚಾ ಯಜ್ಞಾವ್ನಿ ಚಾ಼ಂಗ್ಲ ಯಜ್ಞ ದೇವಾಲಾ ದೆತೊ. ಹ್ಯಾಚಿಸ್ ಲಾಗುನ್ ತ್ಯೊ ನಿಯೆತಿಚಾ಼ ಮನ್ಹುನ್ ಗೆತೊ. ದೇವ್ ತ್ಯಚೆ ದಿನ್ಗಿಚೆ ಗುಶ್ಟಿತ್ ಬೊಲ್ತೊ. ತ್ಯೊ ಮರುನ್ ಗೆಲಾತರಿ , ತ್ಯಚಾ ಇಸ್ವಾಸಾಸ್ ಲಾಗುನ್ ಆಜು಼ನ್ ಬೊಲ್ನಾರಾ ಜಾ಼ಲ್ಯಾ.
\p
\v 5 ಇಸ್ವಾಸಾನಿಸ್ ಹನೊಕಾಲಾ ಮರಾಚೆ ಆಂದಿಸ್ ನೇಲಾ. ದೇವ್ ತ್ಯಲಾ ಗಿವ್ಹುನ್ ಗೆಲಾ ಮನ್ಹುನ್ ತ್ಯೊ ಕುನಾಲಾಸ್ ದಿಸ್ಲಾ ನಾಹಿ. ತ್ಯಲಾ ನಿಹ್ಯಾಚೆ ಆಂದಿ ದೇವಾಲಾ ವವ್ಯಾಳತ್ಯಾಲಾ ಜಾ಼ಲ್ತಾ ಮನ್ಹುನ್ ವಳಕ್ ಜಾ಼ಲ್ತಾ. 
\v 6 ಫನ್ ಇಸ್ವಾಸ್ ನಸ್ತಾನಾ ದೇವಾಲಾ ಸಂತೋಶ ವ್ಹಯಿತ್ನಾಹಿ. ಕಾ ಮಂಜೆ ದೇವಾಪ ಯ. ನಾರಾ ದೇವ್ ಹಾ ಆನಿ ಆಪಲ್ಯಾಲಾ ಶೊತ್ಯಾಲ್ಯಾನಾ ಪ್ರತಿ ಫಳ್ ದೇನಾರ್ ಮನ್ಹುನ್ ಇಸ್ವಾಸ್ ತೆವಾಯಾ ವ್ಹಯಿ
\p
\v 7 ಇಸ್ವಾಸಾನಿಸ್ ನೊಹಾ ಆಜು಼ನ್ ದಿಸತ್ ನಸಲ್ಯಾಲ್ಯಾಚೆ ಗುಶ್ಟಿಚ ದೇವಾಪ್ನಿ ದೈವೊಕ್ತಿ ಗಿಹುನ್, ಬ್ಯಾನಿ ಬಕ್ತಿನಿ ರಾವ್ಹುನ್ ಆಪಲ್ಯಾ ಗರಾತಲ್ಯಾಂಚೆ ರಕ್ಷೆನಿಸಾಟಿ ವ್ಹಡಿ ಬ್ಯಾಂದ್ಲಿ. ಇಸ್ವಾಸಾನಿಸ್ ತ್ಯೊ ಲೋಕಾತಲ್ಯಾನಾ ಶಿಕ್ಶಾತ್ ಗಾವ್ನಾರ್ ಮನ್ಹುನ್ ನಿರ್ದಾರ್ ಕೆಲಾ. ಆನಿ ಇಸ್ವಾಸಾಚಾ ಫಳಾಚೆ ನೀಯೆತಿಲಾ ವಾರಸ್ದಾರ್.
\p
\v 8 ಇಸ್ವಾಸಾನಿಸ್ ಅಬ್ರಹಾಮಾಲಾ ಹಾಕಟ್ಲಾ ತವಾ ಹು ಮನ್ಹುನ್ ಆಪ್ನು ಗಿಹ್ಯಾ ಪಾಯಜೆ ತ್ಯಾ ಜಾ಼ಗ್ಯಾವ ನಿಗುನ್ ಗೆಲಾ. ಆಪ್ನು ಕುಠ ಜಾ಼ಯಾಚ಼ ಮನ್ಹುನ್ ಠಾವ ನಸ್ತಾನಾ ಗೆಲಾ. 
\v 9 ಇಸ್ವಾಸಾನಿ ತ್ಯೊ ಸಬ್ದದಿಲ್ಯಾಲೆ ದುನೆತ್ ಆಲಾ ತವಾ, ತಿಥ ದುಸ್ರೆ ದುನೆತಲ್ಯಾಚೆಗತ್ ಪಾಕ್ಟಾತ್ನಿ ರಾವುನ್ ಪ್ರವಾಸಿ ವ್ಹವುನ್ ರಾಯ್ಲಾ. ತ್ಯಾಸ್ ಸಬ್ದಾಲಾ ಸಂಗಚಾ಼ ಇಸಾಕ್, ಯಾಕೊಬ್ ತ್ಯಚೆಗತ್ ಪಾಕ್ಟಾತ್ನಿ ರಾಯ್ಲ. 
\v 10 ಕಾ ಮಾಂಜೆ ತ್ಯೊ ಶಾಶ್ವಿತ್ ಪಾಯಾ ಆಸ್ನಾರಿ ಪ್ಯಾಟ್ ಮಂಜೆ ದೇವಾನಿ ಯವಜ಼ಲ್ಯಾಲಿ ಗಡಿವಲ್ಯಾಲೆ ಪೆಠಚಿ ವಾಟ್ ಬಗಿತಾ.
\p
\v 11 ಆಸ ಆಸ್ಥಾನಾ ಸಾರಾ ಸಬ್ದ ದೆನಾರರ‍್ಯಾಲಾ ಇಸ್ವಾಸಾಚಾ಼ ಮನ್ಹುನ್ ಆಪ್ನು ವ್ಹಯಾ ವ್ಹಯಿ ಆಸ್ಲಿ ತರಿ ಇಸ್ವಾಸಾನಿಸ್ ಗರ್ವಾರ್ ರಾಹ್ಯಾ ತಾಕತ್ ಮಿಳಾಲಿ. 
\v 12 ಮನ್ಹುನ್ ಮರಾಯಾ ಜಾ಼ಲ್ಯಾಲ್ಯಾ ಯಕಾಪ್ನಿ ಆಬ್ಳಾತಲ್ಯಾ ಚಾನ್ಯಾಂಚೆಗತ್ ಸಂಮಿದೊರಾಚೆ ಡೆಗಚೆ ಉಸ್ಕಚೆಗತ್ ಖುಬ್ ಪೊರ ಜ಼ಲಾಮ್ಲಿತ.
\p
\v 13 ಹ್ಯನಾ ಸಗಳ್ಯಾನಾ ಸಬ್ದ ದಿಲ್ಯಾಲ ಪಳ್ ಮಿಳಾಲನಾಹಿ. ಫನ್ ತ್ಯ ಸಗ್ಳ ದುರ್ನಿ ಬಗುನ್ ಆನಿ ಸಂತೋಶಾನಿ ಗಿಹ್ವುನ್ ಇಸ್ವಾಸಾನಿ ಮಿಲಿತ. ಆಪ್ನು ದರ್ತಿವ ದುಸ್ರೆ ದುನೆತಲ್ಯಾಚೆಗತ್ ಪ್ರವಾಸಾಚ಼ ಜಾ಼ಲ್ಯಾವ್ ಮನ್ಹುನ್ ಒಪ್ಲ. 
\v 14 ಆಸಲ್ಯಾ ಬೋಲ್ಯಾ ಬೋನ್ನಾರ ಆಪ್ನು ಸ್ವತಾಚಾ಼ ಗಾವ್ ಶೋತ್ಯಾತ ಮನ್ಹುನ್ ದ್ಯಾವ್ತ. 
\v 15 ಆಪ್ನು ಸುಡುನ್ ಆಲ್ಯಾಲೆ ದುನೆವ ಮನ್ ತೆವಲ್ಯಾಲ ಆಸ್ಲತ ತಿಥ ಮಾಗಾರಾ ಜಾ಼ಯಾಚಾ಼ ಅವಕಾಸ್ ತ್ಯನಾ ಹುತಾ. 
\v 16 ಫನ್ ತೆ ಪರಲೊಕ್ ಮಂತ್ಯಾಲೆ ಚಾ಼ಂಗ್ಲೆ ದುನೆಚಿ ವಾಟ್ ಬಗ್ನಾರ್. ಮನ್ಹುನ್ ದೇವ್ ತ್ಯಂಚಾ಼ ದೇವ್ ಮನ್ಹುನ್ ಗಿಹ್ಯಾ ಲಾಜಾ಼ಚೆ ಆಂದಿ, ತ್ಯಚಿ ಸಾಟಿ ಪ್ಯಾಟ್ ತಯಾರ್ ಕೆಲೆ. 
\v 17-18 ಅಬ್ರಹಾಮ್ ಪರೀಕ್ಶತ್ ಪಡ್ಲಾ ತವಾ ಇಸಾಕಾಲಾ ಇಸ್ವಾಸಾನಿಸ್ ದಿಲಾ. ತ್ಯೊ ಸಬ್ದ ಗೆತಲ್ಯಾಲಾ ತ್ಯೊ,
\p “ಇಸಾಕಾಪ್ನಿ ಜ಼ಲಾಮ್ನಾರಿ ತುಜಿ ಪಿಳ್ಗಿ ಮನ್ಹುನ್ ಗಿತಿಲ” ಮನ್ಹುನ್ ದೇವಾನಿ ತ್ಯಲಾ ಸಾಂಗ್ಲ ಆಪಲ್ಯಾ ಯಕಾ ಲೇಕಾಲಾ ದಿಲಾ. 
\v 19 ಮಾಜಾ಼ ಲ್ಯೊಕ್ ಮೆಲಾ ತರಿ ದೇವ್ ತ್ಯಲಾ ಜ಼ಗಿವ್ನಾರ್ ಮನ್ಹುನ್ ಸಮಜು಼ನ್ ಗೆತ್ಲ ಹುತ. ಆನಿ ಮೆಲ್ಯಾಲ್ಯಾತ್ನಿ ಜೀತಾ ವ್ಹವುನ್ ಆಲ್ಯಾಚೆಗತ್ ತ್ಯಲಾ ಗೆತ್ಲಾ. 
\v 20 ಇಸ್ವಾಸಾನಿಸ್ ಇಸಾಕ್ ಯಾಕೊಬ್ ಆನಿ ಏಸಾವಾಲಾ ಆಶಿರ್ವಾದ್ ಕೆಲಾ ತವಾ ಮೊರ‍್ಹ ವ್ಹನಾರೆ ಗುಶ್ಟಿಂಚಿ ಸುಸ್ನಾದಿಲಿ.
\p
\v 21 ಯಾಕೊಬ್ ಆಪ್ನು ಮರಾಚಾ ಯಳಾಲಾ ಇಸ್ವಾಸಾನಿಸ್ ಯೊಸೆಪಾಚಾ ದೊಗಾ ಪೊರಾನಾ ಆಶಿರ್ವಾದ್ ಕೆಲಾ. ಆಪ್ಲೆ ಕಾಠಿವ ವಡ್ಗುನ್ ದೇವಾಲಾ ವವ್ಯಾಳಾ.
\p
\v 22 ಯೊಸೆಪ್ ಆಪ್ನು ಮರಾಚಾ ಯಳಾಲಾ ಇಸ್ರಾಯಲ್ ಐಗುಪ್ತ ದುನೆತ್ನಿ ನಿಗಾಚೆ ಗುಶ್ಟಿತ್ ಇಸ್ವಾಸಾನಿ ಬುಲುನ್ ಆಪ್ಲಿ ಶರೀರ ಗಿವ್ಹುನ್ ಜಾ಼ಯಾಚೆ ಗುಶ್ಟಿತ್ ಆಜ್ಞಾದಿಲಿ.
\p
\v 23 ಮೊಶೆ ಜ಼ಲಾಮ್ಲಾ ತವಾ ತ್ಯಚೆ ಆಯಿ ಬಾನಿ ಮುಲ್ ಶಾದ್ರ ಹಾ ಆನಿ ಬಗುನ್ ರಾಜಾಚಾ ಹುಕ್ಮಾಲಾ ಬಿಹ್ಯಾಚೆ ಆಂದಿ ಇಸ್ವಾಸಾನಿಸ್ ತ್ಯಲಾ ತೀನ್ ಮೈನ್ಹ ಚು಼ರುನ್ ತೆವ್ಲಾ.
\p
\v 24 ಇಸ್ವಾಸಾನಿ ಮೊಶೆ ತೋರ್ಲಾ ಜಾ಼ಲ್ಯಾ ನಂತರ್ ಫರೋಹಾಚೆ ಲಿಕಿಚಾ಼ ಲ್ಯೊಕ್ ಮನ್ಹುನ್ ಗಿಹ್ಯಾಚ಼ ನಕೊ ಮನ್ಹುನ್ ಗೆತೊ. 
\v 25 ಥೊಡ್ಯಾ ದಿಸಾತ್ ಮರುನ್ ಜಾ಼ನಾರ‍್ಯಾ ಪಾಪತ್ ಪಡಾಚ಼ ಸುಡುನ್, ದೇವಾಚಾ ಪೊರಾಂಚೆ ಸಗ್ನಿ ತರಾಸ್ ಕಾಯಾಚಾ಼ ಬರಾ ಮನ್ಹುನ್ ತೀರ್ಮಾನ್ ಕೆಲಾ. 
\v 26 ಐಗುಪ್ತಾತ್ಲೆ ಸಗ್ಳೆ ದವ್ಲತಿವ್ನಿ, ಕ್ರಿಸ್ತಾಸಾಟಿ ಗಡಲ್ಯಾಲಿ ನಿಂದಾಸ್ ಚಾ಼ಂಗ್ಲಾ ಬಾಗ್ಯ ಮನ್ಹುನ್ ಗೆತೊ. ಕಾ ಮಂಜೆ ಮೊರ‍್ಹ ಯನಾರ‍್ಯಾ ಪ್ರತಿ ಫಳಾವ್ಹ ಡೊಳಾ ಹುತಾ.
\p
\v 27 ಇಸ್ವಾಸಾನಿ ತ್ಯೊ ರಾಜಾಚಾ ರಾಗಾಲಾ ಬಿಹ್ಯಾಚೆ ಆಂದಿ ಐಗುಪ್ತ ದುನ್ಯಾ ಸುಡುನ್ ಗೆಲಾ. ಕಾ ಮಂಜೆ ತ್ಯೊ ಜ಼ಳಾಕ್ನಾರ‍್ಯಾಲಾ ಬಗ್ನಾರ‍್ಯಾಚೆಗತ್ ಘಟ್ ಮನಾಚಾ಼ ಜಾ಼ಲ್ತಾ. 
\v 28 ಪೈಲ್ಯಾ ಮೂಲಾನಾ ಮಾರ್ನಾರಾ, ಇಸ್ರಾಯೇಲಾಚಾ ಪೈಲ್ಯಾ ಮೂಲಾನಾ ಹಾತ್ ಲಾವುನಾಹಿ ಆಸ, ಇಸ್ವಾಸಾನಿಸ್ ತ್ಯನಿ ವಲಾಂಡ್ಯಾಚ಼ ಆನಿ ರಗಾತ್ ಸಿಪ್ಡಾಚ಼ ಕೆಲ.
\p
\v 29 ಇಸ್ರಾಯಲಾಚಿ ಇಸ್ವಾಸಾನಿಸ್ ತಾಮ್ಡಾ ಸಮಿಂದೊರ್ ವಾಳ್ಕಿ ಜೀಮಿನ್ ವಲ್ಯಾಂಟ್ಯಾಚೆಗತ್ ವಲ್ಯಾಂಡುನ್ ಗಿಲಿತ. ಐಗುಪ್ತಾತಲ್ಯಾಂಚಾನಿ ತ್ಯ ವಲ್ಯಾಂಡಾಯಾ ಯತ್ನ ಕೇಲಿತ ತವಾ ಬುಡುನ್ ಗಿಲಿತ.
\p
\v 30 ಇಸ್ವಾಸಾನಿಸ್ ತೀ ಸಾತ್ ದಿಸಾ ಪರೆತ್ ಯೆರಿಕೊ ಪೆಟಚೆ ಬಿತ್ತಿಚೆ ಸರ್ ಬವ್ಹಾರಿ ಪಿರಲ್ಯಾ ನಂತರ್ ತ್ಯಾ ಪಡಲ್ಯಾ. 
\v 31 ಇಸ್ವಾಸಾನಿಸ್ ರಾಹಾಬಳ್ ಮಂತ್ಯಾಲಿ ಸೂಳಿ ಗೂಢಾಚಾರಾನಾ ಸಮಾಧಾನಾನಿ ಗಿವ್ಹುನ್, ಐಕತ್ ನಸಲ್ಯಾಲ್ಯಾಚೆ ಸಂಗ ಹಾಳ್ ವ್ಹಯಾಚೆ ಆಂದಿ ರಾಯ್ಲಿ.
\p
\v 32 ಆನಿ ಕ್ಯಾ ಸಾಂಗಾಯಾ ವ್ಹಯಿ? ಗಿದ್ಯೊನ್, ಬಾರಾಕ್ ಸಂಸೋನ್, ಯೆಪ್ತಾಹ, ದಾವೀದ್, ಸಮುವೆಲ್ ಆನಿ ಪ್ರವಾದಿಂಚೆ ಗುಶ್ಟಿಚ ಸಾಂಗಾಯಾ ವ್ಹಯಿತ ಆಮಾನಾ ಯೊಳ್ ಪುರನಾ. 
\v 33 ಇಸ್ವಾಸಾನಿಸ್ ತ್ಯಂಚಾನಿ ರಾಜ ಆಪ್ಲ ಕರುನ್ ಗೆತ್ಲ, ನೀಯತ್ ನಿರ್ಮಾನ್ ಕೆಲಿ, ಸಬ್ದ ಗೆತ್ಲಾ, ಸಿಂವಾಚಿ ತೊಂಡ ಬ್ಯಾದ್ಲಿ. 
\v 34 ಪೆಟ್ಯಾಲಾ ಇಸ್ತು ಬನ್ ಕೆಲಾ, ಕುಂಗ್ಳಿಚೆ ದಾರತ್ನಿ ಚು಼ಕ್ವುನ್ ಗೆತ್ಲ, ಬಳ್ ನಸಲ್ಯಾಲ ಆಸ್ಲತರಿ ಬಳಿವಾನ್ ಜಾ಼ಲ್ಲ, ಲಡಾಯಿತ್ ಪರಾಕ್ರಮ್ ಶಾಲಿ ಜಾ಼ಲ, ದುಸರೆ ದುನೆತಲ್ಯಾ ಸೈನ್ಯಾನಾ ಪಳ್ವುನ್ ಗ್ಯಾತ್ಲ. 
\v 35 ಬ್ಯಾಯ್ಕಾ ಮಾನ್ಸಾಂಚಾನಿ ಮರುನ್ ಗೆಲ್ಯಾಲ್ಯಾ ಆಪಲ್ಯಾನಾ ಜೀತ್ಯಿ ಪರ್ತುನ್ ಗಿತ್ಲಿತ. ಥೊಡ್ಯಾಂಚಾನಿ ಆಪ್ನು ತರಾಸ್ ಖಾತಾನಾ ಚಾ಼ಂಗ್ಲ ಪುನರುತ್ಥಾನ್ ಗಿಹ್ಯಾ ಸಾಟಿ, ಸುಟ್ನುಕಿಚಾ಼ ನಕಾರ್ ಕೆಲಾ. 
\v 36 ದುಸ್ರಿ ತುಡಿ ಹಿರ್ಮಟ್ನಾ, ಕೊರಡೆಚಾ಼ ಮಾರ್, ಬೀಡ್ಯಾ, ತುಂರ್ಗಾತ್ನಿ ರಾಯ್ಲ. 
\v 37 ಥೊಡ್ಯಾನಾ ಲೋಕಾಂಚಾನಿ ದೊಂಡ್ಯಾನಿ ಮಾರುನ್ ಟ್ಯಾಕ್ಲ, ಥೊಡ್ಯಾನಾ ಕರ್ಗಸಾನಿ ಕಾಪುನ್ ದೊನ್ ತುಕ್ಡ ಕರುನ್ ಮಾರುನ್ ಟ್ಯಾಕ್ಲ, ಥೊಡ್ಯಾನಾ ಕುಂಗ್ಳಿನಿ ಮಾರುನ್ ಟ್ಯಾಕ್ಲ, ಥೊಡ ಗರಬ್ತಿತಿ, ಜಾ಼ಚ಼್, ತರಾಸ್, ಹ್ಯ ಸಗ್ಳ ಸುಸ್ವುನ್ ಗೆನಾರ ವ್ಹವ್ಹುನ್ ಸೆಳ್ಯಾ ಮೆಡ್ರಾಂಚಿ ಚ಼ಮ್ಡಿ ಗ್ಯಾಲ್ನಾರ ವ್ಹವ್ಹುನ್ ಪಿರ್ಲ. 
\v 38 ಆಸಲ್ಯಾನಾ ಹಿ ದುನ್ಯಾ ಚಾ಼ಂಗ್ಲಿ ನವ್ತಿ. ತೇ ಆಪ್ಲೆ ದುನೆಚೆ ಉಸ್ಕಾಚಿ ಧರ್ತಿ, ಕನ, ಗಬಿ, ತಗಾತ್ನಿ ಪಿರ್ನಾರ ಜಾ಼ಲ್ತ.
\pi
\v 39 ಹ್ಯಾ ಸಗಳ್ಯಾಂಚಾನಿ ಆಪಲ್ಯಾ ಇಸ್ವಾಸಾಸ್ ಲಾಗುನ್ ಚಾ಼ಂಗ್ಲಿ ವಳಕ್ ಗಿತ್ಲಿ, ಸಬ್ದಾಚ಼ ಫಳ್ ಗೆತ್ಲ ನಾಹಿ. 
\v 40 ದೇವಾನಿ ಆಮ್ಚಿ ಸಾಟಿ ಚಾ಼ಂಗ್ಲಾ ಬಾಗ್ಯಾ ಕರುನ್, ಆಮಿ ಅಸ್ತಾನಾ ತೆ ಪುರ್ತಿ ವ್ಹವು ನಾಹಿತ ಮನ್ಹುನ್ ಥರಿವ್ಲ.
\c 12
\s ದೇವ್ ಆಮ್ಚಾ ಬಾ
\p
\v 1 ತ್ಯಚಿ ಸಾಟಿ ಯವ್ಡೆ ಸಾಕ್ಷಿಚಾ಼ ಮೊಟಾ ಹಿಂಡ್ ಡಂಗಾಚೆ ಗತ್ ಆಮ್ಚೆ ಸರ್ಬವ್ತಾ ಹುತಾ ಮನ್ಹುನ್ ಆಮಾನಾ ಆಡ್ವ ಯತ್ಯಾಲ ಸಗ್ಳ ವಜ಼, ಸರಳ್ ಕುಡುನ್ ಗೆತ್ಯಾಲ ಪಾಪಬಿ ಆಮಿ ಕಾಡುನ್ ಥಿವುನ್, 
\v 2 ಆಮ್ಚಿಪ ಇಸ್ವಾಸ್ ದೆನಾರಾ ತ್ಯ ಸರ್ವ ಕರ್ನಾರಾ ಜಾ಼ಲ್ಯಾಲ್ಯಾ ಯೇಸುವ ನದಾರ್ ಥಿವುನ್ ಆಮಾನಾ ತರಿವಲ್ಯಾಲ ಪಳ್ನ ಥಂಡಫನಾನಿ ಪಳುಯಾ. ತ್ಯನಿ ಆಪ್ಲೆ ಮೊರ‍್ಹ ತೆವಲ್ಯಾಲ್ಯಾ ಸಂತೋಶಾ ಸಾಟಿ ಲಾಜ಼ಚಿ ನಕ್ವಾಟ್ ಕರುನ್ ಶಿಲಬೆಚ಼ ಮರಾನ್ ಸುಸ್ವುನ್ ಗಿವ್ಹುನ್, ದೇವಾಚಾ ಸಿಂಹಾಸಾನಾಚೆ ಉಜ಼ವ್ಯಾಂಗ್ನಿ ಬಸಲ್ಯಾ.
\p
\v 3 ತುಮಿ ಮನಾಲಾ ದುಕ್ ವ್ಹವುನ್ ಬೇಜಾರ್ ವ್ಹಯಾಚೆ ಆಂದಿ ಯೇಸುಚೆ ಗುಶ್ಟಿತ್ ಯವಜಾ಼. ತ್ಯನಿ ಪಾಪಿಂಚಿಪ್ನಿ ಕ್ಯವ್ಡಾಕಿ ತರಾಸ್ ಸುಸಿವ್ಲಾ. 
\v 4 ತುಮಿ ಪಾಪಾಚೆ ಆಡ್ವಿ ಲಡ್‌ತ್ಯಾಲ್ಯಾಸ್ ಲಾಗುನ್ ರಗಾತ್ ಪಾಡಿ ಪರತ್ ಲಡ್ಲಾ ನಾಹಿಸಾ ನವ್ಹ. 
\v 5 ಪೊರಾನಾ ಸಾಂಗತ್ಯಾಚೆಗತ್ ತುಮಾನಾ ಸಾಂಗಲ್ಯಾಲ ಜಾ಼ಗ್ರುತಿಚಾ ಬೊಲ್ಯಾ ಇಸ್ರುನ್ ಗೆಲಾಸಾ ಕ್ಯಾ? ತ್ಯ ಕ್ಯಾ ಮಾಂಜೆ, “ಮಾಜಾ ಲೆಕಾ, ಪ್ರಬುಚೆ ಶಿಕ್ಷೆಚಾ಼ ಗಾಳ್ ಕರುನಕೊಸಾ. ತ್ಯನಿ ತುಲಾ ದಪಕ್ಯಾವ್ಲತ ಬೇಜಾರ್ ಕರುನಕೊಸಾ. ”
\p
\v 6 ಕಾ ಮಂಜೆ ಪ್ರಬು ಕುನಾಚಿ ಮಾಯಾ ಕರ್ತೊ ತ್ಯಾನಾ ಶಿಕ್ಷಾದೆತೊ. ಆಪ್ನು ಲೇಕಾಚೆಗತ್ ಗೆನಾರ‍್ಯಾ ಪರ್ತೆಕಾಲಾ ಮ್ಯಾರ್ತೊ ಮನ್ಹುನ್. 
\v 7 ತುಮ್ಚಾ ಬರ್ವಶಾಸಾಟಿ, ತುಮಾನಾ ಶಿಕ್ಷಾವ್ಹತೆ ಮನ್ಹುನ್ ತ್ಯ ಸುಸ್ವುನ್ ಗೆವ್ಹಾ. ದೇವ್ ತುಮಾನಾ ಲೆಕ್ರ ಮನ್ಹುನ್ ಚಾ಼ಲಿವ್ತೊ. ಕಾ ಮಂಜೆ ಬಾಪ್ನಿ ಶಿಕ್ಷಾಗೆನಾರಾ ಲ್ಯೊಕ್ ಕುಟಹಾ? 
\v 8 ಸಗಳ್ಯಾನಾ ವ್ಹಯಾವ್ಹಯಿ ಜಾ಼ಲ್ಯಾಲಿ ಶಿಕ್ಷಾ ತುಮಾನಾ ಜಾ಼ಲಿ ನಾಹಿತ ತುಮಿ ಬಳ್ ಜು಼ರಿನಿ ಜ಼ಲಾಮಲ್ಯಾಲಿ ಪೊರ ವ್ಹನಾರ್ ತ್ಯಚಿ ಪೊರ ನವ್ಹಸಾ. 
\v 9 ಹ್ಯ ಯವ್ಡಸ್ ನವ್ಹ ಆಮಾನಾ ಸಿಕ್ಷಾದಿಲ್ಯಾಲ್ಯಾ ಹ್ಯಾ ಲೋಕಾತಲ್ಯಾ ಬಾಸನಾ ಮರ‍್ಯಾದ್ ದೆತಾವ್‌ ನವ್ಹ. ಆಮ್ಚಾ ಆತಮ್ಯಾನಾ ಬಾ ಜಾ಼ಲ್ಯಾಲ್ಯಾಚ ಆಮಿ ಆಜು಼ನ್ ಖುಬ್ ಐಕುನ್ ಜೀವ್ನಾ ಕರಾಯಾ ವ್ಹಯಿ ನವ್ಹ? 
\v 10 ಆಮ್ಚಾ ಹ್ಯಾ ಲೋಕಾತಲ ಬಾಸ ಮನಾಲಾ ಶಾರ್ಕ ದಿಸ್ಲ ತವಾ ಥೊಡ ದಿಸ್ ತ್ಯವ್ಡಿಸ್ ಶಿಕ್ಷಾ ದಿಲಿ. ಫನ್ ದೇವ್ ಆಪಲ್ಯಾ ಚಾ಼ಂಗಲ್ಯಾತ ಪವಿತ್ರಸಭಾವ ಆಮಿ ಮಿಳಾಯಾ ವ್ಹಯಿ ಮನ್ಹುನ್ ಆಮ್ಚಾ ಬರ‍್ಯಾಸಾಟಿ ಶಿಕ್ಷಾ ದೆತೊ. 
\v 11 ಕುಟ್ಲಿಬಿ ಶಿಕ್ಷಾ ಸಗ್ಳಾವ್ನಿ ಸಂತೋಶಾನಿ ದಿಸಾಚೆ ಆಂದಿ, ಕಸ್ಟಾಚಿ ಕಸಿ ದಿಸ್ತಿ. ಫನ್ ಶಿಕ್ಷಾ ಗೆನಾರ, ಮೊರ‍್ಹ ಸಮಾದಾನಾಚ಼ ನ್ಯಾಯಿಪನಾಚ಼ ಫಳ್ ಗೆತ್ಯಾತ.
\s ಚಾ಼ಂಗಲ್ಯಾ ಮಾರ್ಗಾವ ಚಾ಼ಲಾ
\p
\v 12 ಮನ್ಹುನ್ ಪಡಲ್ಯಾಲ ಹಾತ್ ಆನಿ ವಾಡತ್ಯಾಲ್ಯಾ ನಡಗ್ಯಾನಾ ಗಟ್ ಕರಾ. 
\v 13 ತುಮ್ಚಾ ಪಾಯಾನಾ ನಿಟ್ ವಾಟ್ ಕರಾ ಆಸ ಕೆಲಸಾತ ಥ್ಯೊಟಕ್ಯಾ ಗ್ಯಾಲತ್ಯಾಲಾ ಪ್ಯಾ ಮುರ್ಕಾಟಾಚೆ ಆಂದಿ ಬರಾ ವ್ಹನಾರ್
\p
\v 14 ಸಗಳ್ಯಾಂಚೆ ಸಂಗ ಸಮಾದಾನಾನಿ ಜೀವ್ನಾ ಕರಾಯಾ ಆನಿ ಚಾ಼ಂಗ್ಲ ವ್ಹಯಾ ಯತ್ನ ಕರಾ. ಪರಿಶುದ್ ನಸ್ತಾನಾ ಕೊನುಸ್ ಪ್ರಬುಲಾ ಬಗ್ನಾರ್ ನಾಹಿ. 
\v 15 ತುಮ್ಚಾತ್ ಕೊನ್ ತರಿ ದೇವಾಚೆ ಕ್ರುಪಾನಿ ಚು಼ಕುನ್ ಮಾಗಾರಾ ಪರ್ತುನ್ ಜಾ಼ವು ನಾಹಿ ಆಸ, ಕಸ್ಲಿಸ್ ಕಡು ಮುಳಿ ತುಮ್ಚಾತ್ ಫುಟುನ್ ಸಮಾಧಾನ್ ನಾಹಿಸಾ ಕರುನ್ ಖುಬ್ ಜನಾನಾ ಬುರ್ಸ ವ್ಹವುನಾಹಿ ಆಸ ಬಗಾ. 
\v 16 ಕೊನ್ತರಿ ವ್ಯಬಿಚಾರಿ ವ್ಹವುನಿ, ಏಸಾವಾಚೆಗತ್ ಸಂಸಾರಾತ್ಲಾ ವ್ಹವುನಿ ತುಮ್ಚಿಪ ರಾವ್ಹು ನಾಹಿ ಆಸಿ ಜಾ಼ಗ್ರುತ್ ಗೆವ್ಹಾ. ತ್ಯಾ ಏಸಾವಾನಿ ಯಕಾಸ್ ಜೆವ್ನಾ ಸಾಟಿ ಆಪ್ಲಾ ಪೈಲಾ ಹಾಕ್ ಇಕುನ್ ಶೊಡ್ಲಾ. 
\v 17 ನಂತರ್ ಆಪಲ್ಯಾ ಬಾಚಾ಼ ಆಶಿರ್ವಾದ್ ಹಾಕಾನಿ ಗಿಹ್ಯಾ ವ್ಹಯಿ ಮನ್ಹುನ್ ರಡತ್ ಮಾಗ್ಲ ತರಿ,ಪಸ್ಚಾತಾಪಾಲಾ ಮಾರ್ಗ ನಸ್ತಾನಾ ಸುಡುನ್ ದಿಲ್ಯಾಲಾ ಮನ್ಹುನ್ ತುಮಾನಾ ಠಾವ ಹಾ.
\p
\v 18 ತುಮಿ ಜಾ಼ತ್ಯಾಲ್ಯಾ ಆನಿ ಇಸ್ತು ಲಾಗಲ್ಯಾಲ್ಯಾ ಸೀನಾಯಿ ಕನ್ಯಾಲಾ, ಕಾಳೊಕ್, ಢಗ್, ವಾರಮ್ಯೊಡ್, 
\v 19 ತುತುರಿಚಾ಼ ಆವಾಜ಼್, ಬುಲಿಚಾ಼ ಆವಾಜ಼್ ಹ್ಯಂಚಿಪ ತುಮಿ ಆಲ್ಯಾಲಿ ನವ್ಹ. ತ್ಯೊ ಆವಾಜ಼್ ಐಕಯ್ಲಾಲಿ ಆನಿ ಕಂದಿಸ್ ತ್ಯೊ ಆವಾಜ಼್ ಆಪ್ಲಿ ಸಂಗ ಬೊಲಾಚಾ಼ ನಕೊ ಮನ್ಹುನ್ ಮಾಕತ್ಯಾತ. 
\v 20 ಕಾ ಮಂಜೆ, “ಯಾಕ್ ಜ಼ನಾವಾರ್ ಕನ್ಯಾಪ ಗೆಲತ ತ್ಯಲಾ ದೊಂಡ್ಯಾನಿ ಮಾರುನ್ ಟಾಕಾಯಾ ವ್ಹಯಿ ಮನ್ಹುನ್” ವಿಧಿ ತ್ಯನಾ ಸುಸ್ವುನ್ ಗಿಹ್ಯಾ ಜಾ಼ಲ ನಾಹಿ. 
\v 21 ಯವ್ಡಸ್ ನವ್ಹ ತ್ಯ ದಿಸ್ನ ಖುಬ್ ಭ್ಯಾಚ಼ ಮನ್ಹುನ್ ಮೊಶೆ, “ತೀ ಬಿಹುನ್, ವಾಡ್ತ್ಯೊ” ಮನ್ಹುನ್ ಸಾಂಗ್ಲ.
\p
\v 22 ಫನ್ ತುಮಿ ಚೀಯೋನ್ ಗುಡ್ಯಾವಬಿ, ಜೀತ್ಯಾ ದೇವಾಚಿ ಪ್ಯಾಟ್ ಜಾ಼ಲ್ಯಾಲೆ ಸ್ವರ್ಗಾಚೆ ಯೆರುಸಲೇಮತ್ಬಿ, ಸಂತೋಸಾಚಾ ಉಮೆದಿಚಾ ಮೆಳ್ಯಾತ್ ಮಿಸಾಳ್ಯಾಲ್ಯಾ ಕುಠಿನಿ ದೇವ್ ದುತಾಪ್ನಿ, 
\v 23 ಸ್ವರ್ಗಾತ್ ನಾವ್ ದಾಕಲ್ ಜಾ಼ಲ್ಯಾಲ್ಯಾ ಪೈಲ್ಯಾ ಮುಲಾಚೆ ಸಬೆತ್, ಸಗಳ್ಯಾಂಚಾ಼ ನ್ಯಾಯಿ ಕರ್ನಾರ‍್ಯಾ ದೇವಾಚೆ ಮೊರ‍್ಹ, ಸರ್ವ ನ್ಯಾಯಿಚಾ ಆತಮ್ಯಾಪ್ನಿ, 
\v 24 ನವ್ಯಾ ಕರಾರಾಚೆ ಮದಲ್ಯಾ ಯೇಸುಪ, ಹೇಬೆಲಾಚಾ ರಕ್ತಾವ್ನಿ ಚಾ಼ಂಗ್ಲ ಕರುನ್ ಬೊಲತ್ಯಾಲ ಸಿಪಡಲ್ಯಾಲ್ಯಾ ರಕ್ತಾಪ ಆಲ್ಯಾಸಾ.
\p
\v 25 ಬೋಲತ್ಯಾಲ್ಯಾಲಾ ತುಮಿ ನಕಾರ್ ಕರುನಾಹಿ ಆಸ ಬಗಾ. ಕಾ ಮಂಜೆ ದರ್ತಿವ ಬೊಲ್ಯಾಲ್ಯಾಚಿ ನಕಾರ್ ಕರ್ನಾರಿ ಶಿಕ್ಷಾತ್ನಿ ಚು಼ಕ್ವುನ್ ಗಿಹ್ಯಾ ಜಾ಼ಲ ನಾಹಿತ, ಸ್ವರ್ಗಾತ್ನಿ ಬಗತ್ಯಾಲ್ಯಾಲಾ ಸುಡುನ್ ದುರ್ ಆಮಿ ಗೆಲ್ಯಾವ ಶಿಕ್ಷಾತ್ನಿ ಕಸ ಚು಼ಕ್ವುನ್ ಗೆನಾರ್? 
\v 26 ತ್ಯಚಾ಼ ಆವಾಜ಼್ ಆಲಾತವಾ ದರ್ತಿ ಹಾಲ್ಲಿ. ಆತಾತರಿ ತ್ಯೊ, “ಆನಿ ಯಗ್ದಾ ಮಿ ದರ್ತಿ ತ್ಯವ್ಡಿಸ್ ನವ್ಹ ಸ್ವರ್ಗಬಿ ಹಾಲಿವ್ನಾರ್” ಮನ್ಹುನ್ ಸಬ್ದ ದಿಲ್ಯಾ. 
\v 27 “ಆನಿ ಯಗ್ದಾ,” ಮನ್ಯಾಚಿ ಹಿ ಬುಲಿ ಯವಜಾ಼, ಹಾಲಿವಲ್ಯಾಲಿ ಸಾಮ್ನ ಹಾತಾನಿ ಕೆಲ್ಯಾಲಿ ಮನ್ಹುನ್ ಕಾಡುನ್ ಟಾಕಾಯಾ ಯತ್ಯಾತ ತ್ಯ ಠಾವ ಹಾ. ತವಾ, ಹಾಲಾಚೆ ಆಂದಿ ಆಸಲ್ಯಾಲಿ ಸಾಮ್ನ ಘಟ್ ಉಬಿ ರಾನ್ಹಾರ್
\p
\v 28 ಮನ್ಹುನ್ ಕುನಿಸ್ ಹಾಲಿವಲ್ಯಾ ನಸಲ್ಯಾಲ ರಾಜ್ ಗೆನಾರಿ ಆಮಿ ದಯಾ ಆಸ್ನಾರಿ ವ್ಹವುನ್, ತ್ಯಲಾ ಕರ್ತ್ಯಾಲಿ ಆರಾದನಾ ಬಕ್ತಿನಿ ಆನಿ ಭ್ಯಾನಿ ಕರುಯಾ. 
\v 29 ಕಾ ಮಂಜೆ ಆಮಚಾ಼ ದೇವ್ ಜಾಳತ್ಯಾಲಾ ಇಸ್ತು ಜಾ಼ಲ್ಯಾ.
\c 13
\s ದೇವಾಲಾ ಆವ್ಡಾಚ಼ ಕಸ
\p
\v 1 ತುಮಿ ಕ್ರಿಸ್ತಾಪ ಬನ್ಹಿ ಬಾಹು ಜಾ಼ಲ್ಯಾಸಾ ಮನ್ಹುನ್ ಯಕಾಮಕಾಚಿ ಮಾಯಾ ಕರಿತ್ ರಾವ್ಹಾ. 
\v 2 ಸತ್ಕಾರ್ ಕರಾ. ಥೊಡ್ಯಾಂಚಾನಿ ಸಮಜಾ಼ಚೆ ಆಂದಿ ದೇವ್‌ ದುತಾನಾ ಸತ್ಕಾರ್ ಕೆಲ್ಯಾ. 
\v 3 ತುರುಂಗಾತ್ ಆಸ್‌ಲ್ಯಾಲ್ಯಾ ಲೊಕಾನಾ ಇಸ್ರು ನಕೊಸಾ. ತುಮಿ ತ್ಯಂಚಿ ಸಂಗ ತುರುಂಗಾತ್ ಹಾಸಾ ಕ್ಯಾ ಮನ್ಯಾಚಿ ಯಾದ್‌ಕರಾ ಆನಿ ತರಾಸಾತ್ ಆಸ್ನಾರ‍್ಯಾ ಲೊಕಾನಾ ಇಸ್ರು ನಕೊಸಾ. ತುಮಿ ತ್ಯಚಿ ಸಂಗ ತರಾಸ್‌ ಖಾತ್ಯಾಸಾ ಕ್ಯಾ ಮನ್ಯಾಚಿ ಯಾದ್ ಕರಾ.
\p
\v 4 ಸಗಳ್ಯಾಂಚಾನಿ ಲಗಿನ್ ಮೊಟ ಮನ್ಹುನ್ ಸಮಜಾ಼ಯಾವ್ಹಯಿ ಆನಿ ಲಗಿನ್ ಜಾ಼ಲ್ಯಾ ನಂತರಚಾ಼ ಜಿವ್ನಾ ಶುದ್ ರಾಹ್ಯಾ ವ್ಹಯಿ. ಕಾ ಮಂಜೆ ಬಾಹಿರ್ಲೆ ಸಂಗತಿಚಾನಾ ಆನಿ ವ್ಯಬಿಚಾರಿನಾಬಿ ದೆವ್ ನ್ಯಾಯಿ ನಿವಡ್ನಾರ್ ಮನ್ಹುನ್ ಸಮಜು಼ನ್ ಗೆವ್ಹಾ.
\p
\v 5 ಪೈಶಾವ್ನಿ ತುಮಾನಾ ಲ ಮಾಯಾ ಆಸ್ಲಿತ ದೂರ್ಕರಾ. ತುಮ್ಚಿಪ ಆಸ್‌ಲ್ಯಾಲ್ಯಾತ್ನಿಸ್ ಸಮಾಧಾನಾನಿ ರಾವ್ಹಾ. ದೇವಾನಿ ಆಸ ಸಾಂಗ್‌ಲ್ಯಾ:
\q1 “ಮಿ ತುಮಚಾ಼ ಹಾತ್‌ ಕಂದಿಸ್ ಸುಡಿತ್ ನಾಹಿ.
\q1 ಮಿ ತುಮಾನಾ ಕಂದಿಸ್ ದುರ್ಕರಿತ್ ನಾಹಿ ಆನಿ ಕಂದಿಸ್ ಸುಡಿತ್ ನಾಹಿ. ” \rq ಧರ್ಮೋಪದೇಶ 31:6\rq*
\m
\v 6 ಮನ್ಹುನ್ ಆಮಿ ದಿರ‍್ಹಾನಿ ಆಸ ಸಾಂಗು ಸಕ್ತ:
\q1 “ಪ್ರಬು ಮನಾ ಮಜ಼ತ್ ಕರ್ನಾರಾ;
\q2 ಮಿ ಬಿಹಿತ್ ನಾಹಿ.
\q1 ಲೊಕಾನಾ ಮನಾ ಕಾಯೇಕ್ ಕರಾಯಾ ವ್ಹಯಿತ್ ನಾಹಿ. ” \rq ಕೀರ್ತನೆ 118:6\rq*
\p
\v 7 ತುಮ್ಚೆ ಸಭೆಚಾ ಜಾಂತ್ಯಾಂಚಿ ಯಾದ್ ಕರಾ. ತೆ ತುಮಾನಾ ದೇವಾಚಾ಼ ಸಂದೇಸ್ ಸಾಂಗುನ್. ಮರಸ್ ಪರತ್ ಕಸ ಚಾ಼ಲ್ಲ ಮನ್ಯಾಚಿ ಯಾದ್ ಕರಾ. ತ್ಯಂಚಾ ಇಸ್ವಾಸಾಚೆಗತ್ ತುಮಿ ಚಾ಼ಲಾ. 
\v 8 ಯೇಸು ಕ್ರಿಸ್ತ ಕ್ಯಾಲ್ಬಿ ಆಜ಼ಬಿ ಆನಿ ಖಾಯಿಮ್ ಯೆಕುಸ್ ತರನಿ ರಾನಾರ್. 
\v 9 ತುಮಾನಾ ಚು಼ಕಿಚೆ ವಾಟವ ನೆನಾರ‍್ಯಾ ದುಸ್‌ರ‍್ಯಾಂಚೆ ಬೊಲಿವ್ನಿ ಲಕ್ಷೆ ದಿವುನಕೊಸಾ. ತುಮ್ಚಿ ಮನ ದೇವಾಚೆ ಕ್ರಪೆನಿ ಬರುನ್ ರಾಹ್ಯಾ ವ್ಹಯಿತ ಜೆವ್ನಾಚಾ಼ ನೆಮ್ ಪ್ಯಾಳ್‌ತ್ಯಾಲ್ಯಾನಿ ನವ್ಹ. ತೆ ನ್ಯಾಮ್ ಪ್ಯಾಳ್ನಾರ‍್ಯಾ ಲೊಕಾನಾ ಮಜ಼ತ್ ವ್ಹಯಿತ್ ನಾಹಿ.
\p
\v 10 ಆಮಾನಾ ಯೆಕ್ ಯಜ್ಞವೆದಿ ಹಾ. ಹ್ಯೊ ನಿವದ್ ಖಾಯಾ ಬಿಡಾರಾತ್ ರಾವ್ಹುನ್ ಚಾ಼ಕ್ರಿ ಕರ್ತ್ಯಾಲ್ಯಾಲಾ ಹಾಕ್ ನಾಹಿ. 
\v 11 ಮೊಟಾ ಯಾಜಕ್ ದೊಸ್ ಕಾಡುನ್ ಟ್ಯಾಕ್‌ತ್ಯಾಲ್ಯಾ ಜ಼ನಾವಾರಾಚ಼ ರಗಾತ್ ಗಿವ್ಹುನ್ ಪವಿತ್ರ ಜಾ಼ಗ್ಯಾತ್ ಜಾ಼ತೊ, ಫನ್ ತ್ಯಾ ಜ಼ನಾವಾರಾಚ಼ ಧಡ್ ಯಸಿಚೆ ಬಾಹಿರ್ ಜ಼ಳ್ತ. 
\v 12 ತ್ಯಚೆಗತ್ ಯೇಸು ಸಾಹಿತ್ ಆಪ್‌ಲ್ಯಾ ರಕ್ತಾನಿ ಆಪ್‍ಲ್ಯಾ ಲೊಕಾನಾ ಪರಿಶುದ್ದ ಕರಾಯಾಸಾಟಿ ಯಸಿಚೆ ಬಾಹಿರ್ ಮೆಲಾ. 
\v 13 ಮನ್ಹುನ್ ಯಸಿಚೆ ಬಾಹಿರ್ ಜಾ಼ವುಯಾ ಆನಿ ತ್ಯಚಾ ಅವ್ಮಾನಾತ್ ವಾಟದಾರ್ ವ್ಹವುಯಾ. 
\v 14 ಕಾ ಮಂಜೆ ಹೇ ದುನೆತ್ ಖಾಯಿಮ್ಚಿ ಪ್ಯಾಟ್ ಆಮಾನಾ ನಾಹಿ. ಮೊರ‍್ಹ ಯನಾರೆ ಪೆಠಚಿ ವಾಟ್ ಬಗಿತ್ ಹಾವ್. 
\v 15 ಮನ್ಹುನ್ ಯೇಸುಸ್ ಲಾಗುನ್ ದೇವಾಲಾ ಸ್ತೊತ್ರ ಮಂಥ್ಯಾಲ ಯಜ್ಞ ಕವ್ವಾಬಿ ದಿವುಯಾ, ತ್ಯಲಾ ಆಮಿ ಪ್ರಭು ಮನ್ಹುನ್ ಇಸ್ವಾಸ್ ಥಿವುನ್ ತೊಂಡಾನಿ ಸಾಂಗಾಚ಼ ತ್ಯಸ್ ಆಮಿ ದೆನಾರ ಯಜ್ಞ ಜಾ಼ಲ್ಯಾ. 
\v 16 ಯವ್ಡಸ್ ನವ್ಹ ದುಸ್‌ರ‍್ಯಾನಾ ಚಾ಼ಂಗ್ಲ ಕರಾಚ಼, ದುಸ್‌ರ‍್ಯಾನಾ ಮಜ಼ತ್ ಕರಾಚಿ ಇಸ್ರು ನಕೊಸಾ. ಕಾ ಮಂಜೆ ಹ್ಯಾಸ್ ದೇವಾಲಾ ಆವಾಡಲ್ಯಾಲ್ಯಾ ಯಜ್ಞ.
\p
\v 17 ತುಮಾನಾ ಮೊರ‍್ಹ ಚಾ಼ಲಿವತ್ಯಾಲ್ಯಾಂಚಿ ಬುಲಿ ಐಕಾ, ತ್ಯಚಾ ಹಾತಾಕಾಲ್ ರಾವ್ಹಾ. ತೇ ಲೆಖಾ ದೆನಾರ ಜಾ಼ಲ್ಯಾತ ಮನ್ಹುನ್ ತುಮಚ಼ ಆತ್ಮ ರ‍್ಯಾಕ್ನಾರ ಜಾ಼ಲ್ಯಾತ. ತೆ ತರಾಸ್ ಖಾಯಾಚೆ ಆಂದಿ ಸಂತೊಶಾನಿ ಹ್ಯ ಕರಿ ಜೊ಼ಗ ಚಾ಼ಲಾ. ಕಾ ಮಂಜೆ ತೆ ತರಾಸಾನಿ ರಾಹ್ಯಾಚ಼ ತುಮಾನಾ ಉಪೆಗ್ ನಸ್‌ಲ್ಯಾಲ.
\p
\v 18 ಆಮ್ಚಿ ಸಾಟಿ ಮಾಗ್ನ ಕರಾ. ಆಮಿ ಸಗ್‌ಳ್ಯಾ ಗುಶ್ಟಿತ್ನಿ ನೀಯತಿನಿ ಚಾ಼ಲಾಯಾ ವ್ಹಯಿ ಮನ್ಹುನ್ ಮನ್ ಕರುನ್ ಚಾ಼ಂಗ್ಲ ಮನ್ ಹಾ ಮನ್ಹುನ್ ನಿರ್ಧಾರ್ ಕೆಲ್ಯಾ. 
\v 19 ಆನಿ ಮಿ ತುಮ್ಚಿಪ ಬಿಗಿನಿ ಪರ್ತುನ್ ಯಯಾ ವ್ಹಯಿ ಮನ್ಹುನ್ ದೇವಾಪ ಮಾಗ್ನ ಕರಾಯಾ ಮಿ ತುಮಾನಾ ಖುಭ್ ಇನಂತಿ ಕರ್ತೊ.
\s ಸರ್ತ ಮಾಗ್ನ
\p
\v 20 ದೇವಾನಿ , ಆಮ್ಚಾ ಪ್ರಭು ಯೇಸುಲಾ ಖಾಯಿಮ್ಚಾ ಕರಾರಾಚಾ ರಗ್ತಾನಿ ಮೆಲ್ಯಾಲ್ಯಾತ್ನಿ ಜಿತ್ತಾ ಕರುನ್ ಉಠಿವ್ಲಾ. ತ್ಯೊ ಮೆಂಡ್ರಾಂಚಾ಼ ಚಾ಼ಂಗ್ಲಾ ಕುರ್ಬುರ್ ಜಾ಼ಲ್ಯಾ, 
\v 21 ತುಮಿ ತ್ಯಚಾ ಮನಾಚೆಗತ್ ಕರ್ತ್ಯಾಲ ವ್ಹಯಾ ತ್ಯೊ ಸಗ್‌ಳ್ಯಾ ಚಾ಼ಂಗಲ್ಯಾ ಥಂಡ್ಪನಾಚಾ಼ ದೇವ್ ತುಮಿ ತ್ಯಚ಼ ಮನ್ ಪುರ್ನ ಕರಾಯಾ ಸಗಳ್ಯಾ ಚಾ಼ಂಗಲ್ಯಾ ಕಾರ್ಯಾನಾವ್ಹಯಿ ಜಾ಼ಲ್ಯಾಲಾ ಆನಕುಲ್ ತುಮಾನಾ ದಿವುನ್. ಯೇಸು ಕ್ರಿಸ್ತಾಸ್ ಲಾಗುನ್ ತ್ಯಚೆ ನದ್ರಲಾ ಆವಾಡತ್ಯಾಚೆಗತ್ ಕಾಮ್ ಕರ್ತ್ಯಾ, ತ್ಯಲಾ ಕವಾಬಿ ಮೈಮಾ ವ್ಹವುನಿ. ತಸಸ್ ವ್ಹವುನಿ.
\s ಸರ್ತ್ಯಾ ಬೊಲ್ಯಾ
\p
\v 22 ಮಾಜಾ ಬನ್ಹಿ ಬವ್ಹಾನು, ಉಮೇದಿಚ಼ ಹೆ ಸಂದೇಶ್ ಥಂಡ್ಫನಾನಿ ಐಕಾ ಮಂತೊ. ತುಮಾನಾ ಲಿವ್‌ಲ್ಯಾಲ ಹ್ಯ ಪತ್ರ ಬಾರಿಕ್ ಹಾ. 
\v 23 ಆಮ್‍ಚಾ಼ ಬಾಹು ಜಾ಼ಲ್ಯಾಲ್ಯಾ ತಿಮೊಥೆಲಾ ತುರುಂಗಾತ್ನಿ ಸುಟ್ನುಕ್ ಜಾ಼ಲಿ ಮನ್ಹುನ್ ತುಮಾನಾ ಠಾವ ರಾಹುನಿ ತ್ಯೊ ಬಿಗಿ ಆಲಾತ ಮಿಬಿ ತ್ಯಚಿ ಸಂಗ ಯವುನ್ ತುಮಾನಾ ಬಕ್ತೊ.
\p
\v 24 ತುಮ್ಚಾ ಸಗ್‌ಳ್ಯಾ ಸಬೆಚಾ ಜಾಂತ್ಯಾನಾ ಆನಿ ದೇವಾಚಾ ಲೊಕಾನಾ ಇಚಾರ್ಲ ಮನ್ಹುನ್ ಸಾಂಗಾ. ಇತಾಲ್ಯಾ ದೇಶೆತ್ಲಿ ಬನ್ಹಿ ಬಾಹು ತುಮಾನಾ ಇಚಾರತ್ಯಾತ. 
\v 25 ದೇವಾಚಿ ಕ್ರಪಾ ತುಮ್ಚೆ ಸಗ್‌ಳ್ಯಾಂಚಿಪ ರಾವ್ಹುನಿ. ತಸಸ್ ವ್ಹವುನಿ.