\id EPH Gawli Marathi
\ide UTF-8
\h ಎಫೆಸ
\toc3 ಎಫೆಸ
\toc2 ಎಫೆಸಾತ್‌ಲ್ಯಾನಾ
\toc1 ಪೌಲಾನಿ ಎಫೆಸಾತ್‌ಲ್ಯಾನಾ ಲಿವ್‌ಲ್ಯಾಲ ಪತ್ರ
\mt2 ಪೌಲನು ಎಪೆಸದವರಿಗೆ ಬರೆದ ಪತ್ರಿಕೆ
\mt1 ಪೌಲಾನಿ ಎಫೆಸಾತ್‌ಲ್ಯಾನಾ ಲಿವ್‌ಲ್ಯಾಲ ಪತ್ರ
\imt ವಳಕ್
\ip ಎಫೆಸಾತ್‌ಲ್ಯಾನಾ ಲಿವ್‌ಲ್ಯಾಲ ಪತ್ರ ಕ್ರಿಸ್ತ ಜ಼ಲಾಮ್‌ಲ್ಯಾ ನಂತರ್ ಲ ಕರುನ್ 60 ವರ್ಸಾತ್ ಲಿವ್‌ಲ್ಯಾ ಕೊಲೊಸ್ಸೆತ್‌ಲ್ಯಾನಾ ಲಿವ್‌ಲ್ಯಾಲ ಪತ್ರ ಹ್ಯಾಸ್ ಯಳಾತ್ ಲಿವ್‌ಲ್ಯಾ ಮಂಥ್ಯಾತ. ಲಿವ್‌ತ್ಯಾಲಾ ಆಪ್ನುಸ್ ಅಪೊಸ್ತಲ್ ಪೌಲ್ ಮನ್ಹುನ್ ಗೆತೊ \xt 1:1 \xt*ಕೊಲೊಸ್ಸೆತ್ ಆಸ್‌ಲ್ಯಾಚೆಗತ್ ಸ್ವತಾಚ಼ ನಮಸ್ಕಾರ್ ಎಫೆಸಾತ್‌ಲ್ಯಾನಾ ಲಿವ್‌ಲ್ಯಾಲ್ಯಾ ಪತ್‌ರ‍್ಯಾತ್ ದಿಸುನ್ ಆಲ ದ್ಯಾನ್ ಕರ್ತ್ಯಾಲ ಹ್ಯ ಪತ್ರ ಪೌಲಾನಿಸ್ ಲಿವ್‌ಲ್ಯಾ ಮಂಥ್ಯಾತ. ಹ್ಯಾ ಕಾರ್ನಾನಿ ಹ್ಯ ಪತ್ರ ತ್ಯಾ ಪ್ರಾಂತ್ಯಾತ್ ಖುಬ್ ಸಬೆನಾ ಪಗಳ. ಪೌಲ್ ಹ್ಯ ಪತ್ರ ಲಿವ್ತಾನಾ ಆಪ್ನು ತುರುಂಗಾತ್ ಹಾ ಮನ್ಹುನ್ ಸಾಂಗ್ತೊ \xt 3:1\xt* \xt 4:1\xt*\xt 6:20\xt*ಪೌಲಾನಿ ಹ್ಯ ಪತ್ರ ಎಫೆಸಾತಲ್ಯಾ ಸಭೆನಾ ಬೆಠಾಯಾ ಜಾ಼ತ್ಯಾಲ್ಯಾ ತುಖಿಕಾಪ ದಿವುನ್ ಲಾವುನ್ ದಿಲ \xt 6:21-22 \xt*
\ip ಎಫೆಸಾ ಪ್ಯಾಟ್ ಯೆಕ್ ಮುಟಿ ಪ್ಯಾಟ್ ವ್ಹವುನ್ ರೊಮ್ ಸಾಮ್ರಾಜಾಚಾ ಆಶಾಮೈನರ್ ಪ್ರಾಂತ್ಯಾಚಿ ರಾಜ್ದಾನಿ ಜಾ಼ಲ್ಥಿ. ಎಫೆಸಾ ಪ್ಯಾಟ್ ಗ್ರೀಕ್ ದೇವೆತೆ ಜಾ಼ಲ್ಯಾಲಿ ಆರ್ತೆಮಿಚಾ ದೇವ್ಳಾನಿ ಪ್ರಸಿದ್ದ ಜಾ಼ಲ್ಥಿ \xt ಅಪೊಸ್ತಲ್ 19:23-31 \xt*ಎಫೆಸಾ ಪೆಠತ್ಲಿ ಸಭಾ ಸುರ್ವಾತಾತ್ ಬಳಾನಿ ರಾಹುನ್ ನಂತರ್ ಸರ್ತ್ಯಾಲಾ ಜ಼ಾಖಾಚಾ ಲೆಖ್ಯಾತ್ ಆಲ್ತಿ \xt ದರ್ಶಾನ್ 2:1-7 \xt*
\ip ಪೌಲ್ ಅರ್ದ್ಯಾನ್ ಅರ್ದ್ಯಾ ಪತರ‍್ಯಾತ್ ದೇವಾನಿ ಆಪ್‌ಲ್ಯಾ ಲೊಕಾನಾ ಕಸಿ ನಿವಡ್ಲಿತ ಆನಿ ಯೇಸು ಕ್ರಿಸ್ತಾಸ್ ಲಾಗುನ್ ತ್ಯಂಚಾ ಪಾಪಾತ್ನಿ ಕಸಿ ರ‍್ಯಾಕ್ಲಿತ ಮನ್ಹುನ್ ವಿವರನಾ ಕರ್ತೊ. ತ್ಯೊ ಸಬೆ ಕ್ರಿಸ್ತಾಚ಼ ಶರೀರ್ ಆನಿ ಕ್ರಿಸ್ತ್ ತ್ಯಚಿ ಡುಯಿ ಜಾ಼ಲ್ಯಾ ಆನಿ ಕ್ರಿಸ್ತ್ ಕೊನ್ಯಾವ್ಲಾ ಧೊಂಡಾ ಜಾ಼ಲ್ಯಾಲ್ಯಾ ಬಾಂದ್ನಾಲಾ ಮಿಳಿವ್ತೊ. ಹ್ಯಾ ಪತ್‌ರ‍್ಯಾಚಾ ದೊನವ್ಯಾ ಅರದ್ಯಾ ಭಾಗಾತ್ ಪೌಲ್ ಕ್ರಿಸ್ತಾಚಾ಼ ಜೀವ್ನಾ ಕಸಾ ಕರಾಚಾ಼ ಮನ್ಹುನ್ ಪಾರಕ್ ದೊತೊ.
\iot ಪಿಠಿಕೆ
\io1 1. ಪೌಲ್ ಆಪ್ಲಿ ವಳಕ್ ಕರ್ತೊ ಆನಿ ಎಫೆಸಾತ್‌ಲ್ಯಾನಾ ನಮಸ್ಕಾರ್ ಸಾಂಗ್ತೊ \ior 1:1-2 \ior*
\io1 2. ನಂತರ್ ತ್ಯೊ ಕ್ರಿಸ್ತಾಪ ಸಬೆನಾ ಆಸ್‌ಲ್ಯಾಲೆ ಸಂಬಂದಾಚೆ ಗುಶ್ಟಿತ್ ವಿವರನ್ ಕರ್ತೊ \ior 1:3—3:21 \ior*
\io1 3. ನಂತರ್ ಪೌಲಾನಿ ಇಸ್ವಾಸಿ ಕಸಿ ಜಿವ್ನಾ ಕರಾಯಾ ವ್ಹಯಿತ ಮನ್ಹುನ್ ಲಿವ್ತೊ \ior 4:1—6:20 \ior*
\io1 4. ಸರ್ತ್ಯಾಲಾ ಪೌಲ್ ಥೊಡ್ಯಾ ಪಾರ್ಕೀ ದೆತೊ \ior 6:21-24 \ior*
\c 1
\p
\v 1 ದೇವಾಚಾ ಮನಾನಿ ಕ್ರಿಸ್ತ ಯೇಸುಚಾ಼ ಯೊಕ್ ಅಪೊಸ್ತಲ್ ಜಾ಼ಲ್ಯಾಲಾ ಪೌಲ್ ಎಫೆಸಾತ್ ಆಸ್‌ಲ್ಯಾಲ್ಯಾ ದೇವಾಚಾ ಲೊಕಾನಾ ಕ್ರಿಸ್ತ್ ಯೇಸುವ ಇಸ್ವಾಸ್ ಥೆವ್‌ಲ್ಯಾಲ್ಯಾನಾ, 
\v 2 ಆಮ್ಚಾ ಬಾ ದೇವಾಪ್ನಿ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಪ್ನಿ ತುಮಾನಾ ಕ್ರಪಾ ಶಾಂತಿ ಗಾವುನಿ.
\s ಕ್ರಿಸ್ತಾಪ್ಲಾ ಆತ್ಮಿಕ್ ಆಶಿರ್ವಾದ್
\p
\v 3 ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ಼ ದೇವ್ ಬಾ ಜಾ಼ಲ್ಯಾಲ್ಯಾಲಾ ದನ್ಯವಾದ್ ವ್ಹವುನಿ, ತ್ಯನಿ ಸ್ವರ್ಗಾತ್ ಸಗ್ಳಾ ಆತ್ಮಿಕ್ ಆಶಿರ್ವಾದ್ ಆಮಾನಾ ಕ್ರಿಸ್ತಾಪ್ನಿ ದಿಲ್ಯಾ. 
\v 4 ದುನ್ಯಾ ಉತ್ಪನ್ ವ್ಹಯಾಚೆ಼ ಆಂದಿ ದೇವಾನಿ ಕ್ರಿಸ್ತಾಪ ಆಮಾನಾ ತ್ಯಚಿ ಮೊರ‍್ಹ ನಿರ್ಮಳ್ ದೊಶ್ ನಸ್ನಾರ್ ವ್ಹಯಾ ವ್ಹಯಿ ಮನ್ಹುನ್ ನಿವಡ್ಲಿತ ಕಾ ಮಂಜೆ ಹಿ ತ್ಯಚಿ ಮಾಯಾ ಜಾ಼ಲೆ. 
\v 5 ದೇವಾನಿ ಆಂದಿಸ್ಟಾವ್ನಿ ಯೇಸು ಕ್ರಿಸ್ತಾಸ್ ಲಾಗುನ್ ಆಮಾನಾ ಆಪ್ಲಿ ಪೊರ ಕರುನ್ ಗಿಹ್ಯಾಸಾಟಿ ಆಪ್ಲೆ ಪುರೆ ದಯೆನಿ ಮನಾನಿ ಯೇಸು ಕ್ರಿಸ್ತಾಸ್ ಲಾಗುನ್ ಆಮಾನಾ ಆಪ್ಲಿ ಪೊರ ಕರುನ್ ದತ್ತಕ್ ಗಿಹ್ಯಾ ಮಾಯೆನಿ ಆಂದಿಸ್ ತಿರ್ಮಾನ್ ಕೆಲಾ. 
\v 6 ಯವಾ ಆಮಿ ದೇವಾಚೆ ಮೈಮೆಚೆ ಕ್ರುಪೆಸಾಟಿ ಸ್ತುತಿ ಕರುಯಾ ಕಾ ಮಂಜೆ ತ್ಯನಿ ಆಪ್‌ಲ್ಯಾ ಮಾಯೆಚಾ ಲೆಕಾಪ್ನಿ ಆಮಾನಾ ಫುಕಟ್ ವರ್ ದಿಲ್ಯಾ. 
\v 7 ಯೇಸು ಕ್ರಿಸ್ತಾನಿ ಆಮ್ಚಿಸಾಟಿ ಪ್ಯಾಡ್‌ಲ್ಯಾಲ್ಯಾ ರಕ್ತಾಸ್ ಲಾಗುನ್ ಆಮಾನಾ ದೇವಾಚೆ ಮೊಟೆ ಕ್ರುಪೆಚೆ ಸಾವ್ಕರ್ಕಿಸ್ ಲಾಗುನ್ ಪಾಪ ಮಾಪಿ ಕರಾಚಿ಼ ಸುಟ್ನುಕ್ ಗಾವ್ಲಿ. 
\v 8 ತ್ಯನಿ ಆಮಾನಾ ಆಪಲ್ಯಾ ಸಗಳ್ಯಾ ಗಿನ್ಯಾನ್ ಆನಿ ಬುದ್ದಿ ಸಂಗ ಫುಸ್ಕಳ್ ವತಲ್ಯಾ. 
\v 9 ದೇವಾನಿ ಆಪ್ನು ನಿರ್ದಾರ್ ಕೆಲ್ಯಾಲ ಕೆಲ, ಆನಿ ಕ್ರಿಸ್ತಾಪ್ನಿ ಆತಾಸ್ ಪುರ್ನ ವ್ಹಯಾಲಾ ನಿರ್ದಾರ್ ಕೆಲ್ಯಾಲೆ ಆಪ್ಲೆ ಗುಟಚಿ ಯವಜ್ನಾ಼ ಆಮಾನಾ ಸಾಂಗ್ಲಿ. 
\v 10 ಹಿ ಯವಜ್ನಾ಼ ದೇವಾನಿ ಶಾರ್ಕ್ಯಾ ಯಳಾತ್ ಪುರ್ನ ಕರ್ನಾರ್ ಸ್ವರ್ಗಾತ್ ಆನಿ ದರ್ಥಿವ ಆಸ್‍ಲ್ಯಾಲಿ ಸಗ್ಳಿ ಉತ್ಪತ್ತಿ ಕ್ರಿಸ್ತಾಲಾ ಡುಯಿ ಕರುನ್ ಯೇಕ್ ಕರ್ನಾರ್.
\p
\v 11 ಆನಿ ಆಪಲ್ಯಾ ಮನಾತಲ್ಯಾ ಉದೆಸಾ ಶಾರ್ಕ ಕಾಮ ಚಾ಼ಲಿವ್ನಾರಾ ಆಪ್ಲೆ ಯವಜ಼್ನಾ ಶಾರ್ಕ ಆಂದಿಸ್ ಥರಿವಲ್ಯಾಲ್ಯಾ ಆಮಾನಾ ಕ್ರಿಸ್ತಾಪ ಆಪ್ಲಿ ಸ್ವತಾಚಿ ಲೊಕಕರುನ್ ನಿವಡ್ಲಿತ. 
\v 12 ಮನ್ಹುನ್ ಕ್ರಿಸ್ತಾವ ಆಂದಿಸ್ ಆಶಾ ಥೆವಲ್ಯಾಲಿ ಆಮಿ ತ್ಯಚೆ ಮೈಮಾಲಾ ವವ್ಯಾಳತ್ಯಾಲಿ ರಾಹ್ಯಾವ್ಹಯಿ ಮನ್ಹುನ್ ಆಸ ಕೆಲ.
\p
\v 13 ಆನಿ ತುಮಿ ಸಾಹಿತ್ ಖರಿ ವಾಕ್ಯಾ ಐಕುನ್, ದೇವಾಚಿ ಲೊಕ ಜಾ಼ಲ್ಯಾಸಾ, ಬರಿ ಖಬರಿನಿ ತುಮಾನಾ ಸುಟ್ನುಕ್ ಆನ್ಲಿ. ತುಮಿ ಕ್ರಿಸ್ತಾವ ಇಸ್ವಾಸ್ ಥೆವ್‍ಲ್ಯಾಸಾ, ಆನಿ ದೇವಾನಿ ಆಪ್ನು ವಾಗ್ದಾನ್ ಕೆಲ್ಯಾಲ ಪವಿತ್ರಾತ್ಮ ತುಮಾನಾ ದಿಲ್ಯಾಲ್ಯಾಸ್ ಲಾಗುನ್ ಆಪ್ಲಾ ಸಿಖಾ ಗಾಲ್ಹುನ್ ವಳಕ್ ಕೆಲೆ. 
\v 14 ತ್ಯ ಆತ್ಮ ದೇವಾನಿ ಆಪ್‌ಲ್ಯಾ ಸ್ವತಾಚಾ ಲೊಕಾನಾ ವಾಗ್ದಾನ್ ಕೆಲ್ಯಾಲಾ ಆಮಿ ಗಿಹ್ಯಾ ಸಾಟಿ ಪವಿತ್ರಾತ್ಮ ಖಾತ್ರಿ ಜ಼ಾಲ್ಯಾ. ಸುಟ್ನುಕ್‍ ವ್ಹತಿ ಮನ್ಹಾಯಾ ಪವಿತ್ರಾತ್ಮ ಆಮ್ಚಾ ಹಾಕಾಲಾ ಖಾತ್ರಿ ಜಾ಼ಲ್ಯಾ. ಹ್ಯನಿಸ್ ದೇವಾಲಾ ಮೈಮಾ ಕರುಯಾ.
\s ಪೌಲಾಚ಼ ಮಾಗ್ನ
\p
\v 15 ಮನ್ಹುನ್ ಪ್ರಭು ಯೇಸುಪ ತುಮಚಾ಼ ಇಸ್ವಾಸ್ ಆನಿ ಸಗ್ಳ ತ್ಯಚಾ ಲೊಕಾಂಚೆ ಸಾಟಿ ಆಸ್‌ಲ್ಯಾಲೆ ಮಾಯೆಚೆ ಗುಶ್ಟಿತ್ ಮೀ ಐಕ್‍ಲ್ಯಾ, 
\v 16 ಮೀ ತುಮ್ಚಿ ಸಾಟಿ ದೇವಾಲಾ ದನ್ಯವಾದ್ ಸಾಂಗಾಚ಼ ಥಾಂಬಿವ್ಲ ನಾಹಿ ಮಾಜಾ ಮಾಗ್‌ನ್ಯಾತ್ ತುಮಾನಾ ಯಾದ್ ಕರ್ತೊ. 
\v 17 ಮಿ ಮಾಗ್ನ ಕರ್ತೊ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ಼ ದೇವ್ ತುಮಾನಾ ವಿವೇಕ್ ಆನಿ ದೈವಿಕ್ ದರ್ಶಾನಾಚಾ ಆತಮ್ಯಾಚ಼ ಬಳ್ ದಿವುನಿ ಹ್ಯನಿ ತುಮಿ ತ್ಯಾ ಮೈಮೆಚಾ ಮೊಟ್ಯಾ ಬಾಲಾ ಸುಮಜು಼ನ್ ಗಿಹ್ಯಾ ವ್ಹಯಿಲ್. 
\v 18 ಮಿ ಮಾಗಾಚ಼ ಕ್ಯಾ ಮಂಜೆ ತುಮಚಾ ಮನಾತ್ಲ ಡೊಳ ಉಗಡುನ್, ತ್ಯಚಾ ಹಾಕಟನ್ಯಾಚಿ ಆಶಾ ಕಸ್ಲಿ ಮನ್ಹುನ್ ಆನಿ ದೆವಾಚಾ ಪೊರಾಂಚಿಪ ಆಸಲ್ಯಾಲ್ಯಾ ಸ್ವಾಸತ್ಯಾಚಿ ಮೈಮಾ ಕಸ್ಲಿ ಮನ್ಹುನ್. 
\v 19 ಆನಿ ಇಸ್ವಾಸಿ ಜಾ಼ಲ್ಯಾಲಿ ಆಮಿ ತ್ಯಚಿ ತಾಕತ್ ಕ್ಯವ್ಡಿ ಮುಟಿ ಜಾ಼ಲೆ ತೀ ಆಮ್ಚಿಪ ಕಾಮ್ ಕರ್ತೆ ಹೀ ತಾಕತ್ ಆಮ್ಚಿಪ ಮೊಟೆ ತಾಕ್ತಿಚೆಗತ್ ಕಾಮ ಕರ್ನಾರ್ ಬಳ್ ಜಾ಼ಲ್ಯಾ.
\p
\v 20 ಹೆ ಮೊಟೆ ತಾಕ್ತಿನಿಸ್ ದೇವಾನಿ ಕ್ರಿಸ್ತಾಲಾ ಮರ್ನಾತ್ನಿ ಉಟ್ವುನ್, ಆನಿ ಸ್ವರ್ಗಾಚಾ ರಾಜಾತ್ ಆಪ್ಲೆ ಉಜ಼ವ್ಯಾಂಗ್ನಿ ಬಸಿವ್ಲಾ. 
\v 21 ಪೈಲ ಫನ್ ಅಧಿಕಾರ್ ಸಾಮರ್ಥ್ಯ ಪ್ರಭುತ್ವ ತ್ಯೊ ಯನಾರ‍್ಯಾ ಲೊಕಾತ್ ತ್ಯಲಾ ಪದ್ವಿ ದಿಲೆ.
\p
\v 22 ಆನಿ ದೇವಾನಿ ಸರ್ವ ಕ್ರಿಸ್ತಾಚಾ ಪಾಯಾತ್‍ ದಿವುನ್, ಮಂಡಳಿ ಸಾಟಿ ಸಗ್‌ಳ್ಯಾವ ತ್ಯಲಾ ಡುಯಿ ಕರುನ್ ಥರಿವ್‌ಲ್ಯಾ. 
\v 23 ಮಂಡಳಿ ಕ್ರಿಸ್ತಾಚ಼ ಶರೀರ್‌ ಜಾ಼ಲೆ, ಸಗ್ಳೆ ತರನಿ ಸಗ್‍ಳ್ಯಾಲಾ ತ್ಯಚಿ ಸಗ್ಳ ಪುರ್ನ ಕರ್ತ.
\c 2
\s ಮರಾನಾತ್ನಿ ಜೀವಾಕ್ಡ
\p
\v 1 ಯಕಾ ಕಾಲಾತ್ ತುಮಿ ಅಪರಾದ್ ಆನಿ ಪಾಪಾಚಾ ಕಾರ್ನಾನಿ ಆತ್ಮಿಕಾನಿ ಮರುನ್ ಗೆಲ್ಯಾಸಾ. 
\v 2 ತ್ಯಾ ಯಳಾತ್ ತುಮಿ ಹ್ಯಾ ಲೊಕಾತಲ್ಯಾ ಬುರ್ಶಾ ಮಾರ್ಗಾನಿ ಚಾ಼ಲತ್ ತ್ಯಾ ಆತಮ್ಯಾಚೆ ಮಾಗ್ನಿ ಚಾ಼ಲತಾಸಾ ವಾಯು ಮಂಡಳಾತ್ ಆದಿಕಾರ್ ಚಾ಼ಲಿವತ್ಯಾಲ್ಯಾ ಅಧಿಪತಿಲಾ ಮಂಜೆ ಕೊನ್ ದೇವಾಚಾ ಆಜ್ಞಾ ಪಾಳಿತ್ ನಾಹಿತ ತ್ಯಂಚಾತ್ ತ್ಯಸ್ ಆತ್ಮ ಕಾಮ್ ಕರ್ತ್ಯಾ. 
\v 3 ಆಮಿ ಸಗ್ಳಿ ಆಂಧಿ ತ್ಯಂಚೆಗತ್ ಹುತಾವ್, ಮನಾಚಾ ಆಶೆತ್ ಗಾವುನ್, ಶರಿರಾಚಾ ಆನಿ ಮನಾಚಾ ಆಶಾ ಫಾರಿಕ್ ಕರಿತ್ ಆಲಾವ್. ಆಮಿ ಸಾಹಿತ್ ದುಸ್‌ರ‍್ಯಾಂಚೆಗತುಸ್ ಸಜ಼್ ದೇವಾಚಾ ರಾಗಾತ್ ಗಾವಲ್ಯಾವ್.
\p
\v 4 ಫನ್ ದೇವಾಚಿ ದಯಾ ಮುಟಿ ಆನಿ ಆಮ್ಚಿಸಾಟಿ ಆಪ್ಲಿ ಮುಟಿ ಮಾಯಾ ದ್ಯಾವ್ಲೆ. 
\v 5 ತ್ಯಾ ಯಳಾತ್ ಪಾಪಾಚಾ ಕರ್ನಾನಿ ಆಮಿ ಆತ್ಮಿಕಾನಿ ಮರುನ್ ಗೆಲ್ಯಾವ್ ಕ್ರಿಸ್ತಾ ಸಂಗ ಆಮಾನಾಬಿ ಜಿತ್ತಿ ಕಿಲಿತ. ದೇವಾಚೆ ಕ್ರುಪೆನಿಸ್ ತುಮಿ ರಕ್ಶನ್ ಗೆತಲ್ಯಾಲಿ ಜಾ಼ಲ್ಯಾಸಾ. 
\v 6 ಚಾ಼ಲ್ವಾಯಾ ಕ್ರಿಸ್ತ ಯೇಸುಚೆ ಯಕಿನಿ ದೇವಾನಿ ಆಮಾನಾ ಮೆಲ್ಯಾಲ್ಯಾತ್ನಿ ಉಠಿವಲ್ಯಾ. ಆನಿ ಸ್ವರ್ಗಾತ್ ತ್ಯಚಿ ಸಂಗ ಬಸಿವ್ಲಿತ. 
\v 7 ತ್ಯನಿ ಆಮಾನಾ ಕ್ರಿಸ್ತ ಯೇಸುಪ ಹ್ಯಾ ಕಾಲತ್ಬಿ ಆನಿ ಯತ್ಯಾಲ್ಯಾ ಸಗ್‌ಳ್ಯಾ ಕಾಲಾತ್ ಆನಿ ಸಾಂಗಾಯಾ ವ್ಹಯಿತ್ ನಾಹಿ ಯವ್ಡಿ ತ್ಯಚಿ ಮುಟಿ ಕ್ರುಪಾ ಆನಿ ಮಾಯಾ ದಿಯಾ ಸಾಟಿ ತ್ಯನಿ ಆಸ ಕೆಲ. 
\v 8 ಇಸ್ವಾಸಾಸ್ಲಾಗುನ್ ಕ್ರುಪೆನಿಸ್ ತುಮಿ ರಕ್ಶನ್ ಗೆತಲ್ಯಾಸಾ. ಹೀ ರಕ್ಷೆನ್ ತುಮ್ಚಿಪ್ನಿ ಆಲ್ಯಾಲಿ ನವ್ಹ, ತ್ಯ ದೇವಾಚ಼ ದಾನುಸ್. 
\v 9 ಹಿ ರಕ್ಷನ್ ಪುನ್ಯಾಚಾ ಕಾಮಾನಿ ಆಲ್ಯಾಲಿ ನವ್ಹ , ಮನ್ಹುನ್ ವವ್ಯಾಳುನ್‍ ಗಿಹ್ಯಾ ಕುನಾಲಾಸ್ ಆವ್ಕಾಸ್ ನಾಹಿ. 
\v 10 ಆಮಿತರಿ ದೆವಾನಿ ಬನಿವಲ್ಯಾಲಿ ಜಾ಼ಲ್ಯಾವ್ ದೆವಾನಿ ಆಂದಿಸ್ ಆಮಚಿಸಾಟಿ ಯವಜ಼ಲ್ಯಾಲಿ ಚಾ಼ಂಗಲಿ ಕಾಮ ಕರತ್ಯಾಲಿ ವ್ಹವುನ್ ಜ಼ಗಾಯಾ ವ್ಹಯಿ ಮನ್ಹುನ್ ಯೆಸು ಕ್ರಿಸ್ತಾಪ ಸ್ರಸ್ಟಿ ಜಾ಼ಲ್ಯಾವ್.
\s ಕ್ರಿಸ್ತಾಪ ಎಕುಸ್
\r (ಕೊಲೊಸ್ಸೆ 1:21-29)
\p
\v 11 ಜ಼ಲಾಮಲ್ಯಾ ದರ್ನಿ ತುಮಿ ಯೆಹುದಿ ನಸ್‌ಲ್ಯಾಲಿ ಜಾ಼ಲ್ತಾಸಾ ತ್ಯ ತುಮಾನಾ ಯಾದ್ ರಾಹುನಿ. ಶರಿರಾಲಾ ಮಾನ್ಸಾಪ್ನಿ ಮುಂಜಿ ಕರುನ್ ಗಿಹುನ್ ಮುಂಜ಼ ಮನ್ಹುನ್ ಗೆಥ್ಯಾಲ್ಯಾಂಚಿಪ್ನಿ ಮುಂಜಿ ನಸಲ್ಯಾಲಿ ಮನ್ಹುನ್ ಗೆತಲ್ಯಾಸಾ. 
\v 12 ಮಾಗ್‌ಲ್ಯಾ ಕಾಲಾತ್ ತುಮಿ ಕ್ರಿಸ್ತಾಪ್ನಿ ದುರ್ ಹುತ್ತಾಸಾ, ತುಮಿ ದೇವಾಪ್ನಿ ನಿವಡ್‌ಲ್ಯಾಲಿ ಲೊಕ ವ್ಹವುನ್ ನವ್ಥಾಸಾ, ದೇವಾನಿ ಆಪ್‌ಲ್ಯಾ ಲೊಕಾಸಂಗ ಕೆಲ್ಯಾಲ್ಯಾ ವಾಗ್ದಾನ್ ಕೆಲ್ಯಾಲ್ಯಾ ಕರಾರಾತ್ ತುಮಿ ವಾಟ ದಾರ್ ನವ್ಥಾಸಾ ಕಸ್ಲಿ ಆಶಾ ನಸ್‌ಲ್ಯಾಲಿ ಹುತ್ತಾಸಾ ಆನಿ ದೇವ್ ನಸ್‌ಲ್ಯಾಲಿ ಜಾ಼ಲ್ತಾಸಾ. 
\v 13 ಫನ್ ಆತಾತರಿ ತುಮಿ, ದೇವಾಪ್ನಿ ದುರ್ ಹುತ್ತಾಸಾ ಕ್ರಿಸ್ತಾಚೆ ಬಲಿಚಾ ಕರ್ನಾನಿ ಕ್ರಿಸ್ತ ಯೇಸುಪ ಆಸ್‍ಲ್ಯಾಲೆ ಯಕಿತ್ ದೇವಾಚೆ ಜ಼ವಳ್ ಆನ್‌ಲ್ಯಾತ. 
\v 14 ಯೆಹುದಿ ಆನಿ ಯೆಹುದಿ ನಸ್‌ಲ್ಯಾಲಿ ಯಕಾಮಕಾಲಾ ಆಡ್ವಿ ಜಾ಼ಲ್ತಿತ ಆನಿ ದುಯಿ ಜಾ಼ಲ್ಥಿ ತೀ ಕಸಿ ಮನ್‌ಲ್ಯಾವ ತ್ಯಂಚೆ ಮದ್ದಿ ಯೇಕ್ ಭೀತ್ ಆಸ್‌ಲ್ಯಾಚೆಗತ್ ಹುತ್ತ. ಫನ್ ಕ್ರಿಸ್ತಾನಿ ಆಪ್ಲ ಸ್ವತಾಚ಼ ಶರಿರ್ ಬಲಿದಾನ್ ಕರುನ್ ತೀ ಆಡ್ವಿ ಜಾ಼ಲ್ಯಾಲಿ ಭೀತ್ ಪ್ಯಾಡ್ಲಿ 
\v 15 ತ್ಯೊ ಯೆಹುದ್ಯಾಂಚ಼ ಧರ್ಮಶಾಸ್ತಾರ್ ತ್ಯಚಾ ಆಜ್ಞಾ ಆನಿ ನೆಮಾ ಸಂಗ ನಾಹಿ ಕೆಲಿ, ದೊನ್ ಆಸ್‌ಲ್ಯಾಲ ಅಪ್ಲಿಪ ಎಕ್ ಕರುನ್ ನವ ಮಾನುಸ್‍ ಕೆಲ. ಆಸಾ ತ್ಯನಿ ಥಂಡ್ಪನ್ ಕೆಲಾ.
\p
\v 16 ಆಮ್ಚಿವ ಆಸ್‌ಲ್ಯಾಲಾ ರಾಗ್ ಆಪ್ಲೆ ಶಿಲ್ಬೆವ ನಾಹಿಕರುನ್, ತೆ ಶಿಲ್ಬೆಸ್ ಲಾಗುನ್ ಯೆಹುದ್ಯಾಂಚ಼ ಆನಿ ಯೆಹುದಿ ನಸ್‌ಲ್ಯಾಲ್ಯಾಂಚ಼ ಯಾಕುಸ್ ಶರೀರ್ ಕರುನ್ ದೇವಾಸಂಗ ಯಕಿ ಕೆಲೆ. 
\v 17 ಯವ್ಡಸ್‍ನವ್ಹ ತ್ಯನಿ ಯವುನ್ ದುರ್ ಆಸ್‌ಲ್ಯಾಲ್ಯಾ ತುಮಾನಾ ಆನಿ ಜ಼ವಳ್ಚಾನಾ ಸಮಾದಾನಾಚಿ ಬರಿ ಖಬರ್ ಸಾಂಗ್ಲಿ. 
\v 18 ಕ್ರಿಸ್ತಾಪ್ನಿ ಯೆಹುದಿ ಆನಿ ಯೆಹುದಿ ನಸ್‌ಲ್ಯಾಲ ಆಮಿ ಆನಿ ತುಮಿ ಯಕುಸ್ ಆತ್ಮ ಗೆತಲ್ಯಾಲ ವ್ಹವುನ್ ಬಾಪ ಜಾ಼ಯಾ ವಾಟ ಜಾ಼ಲಿ.
\p
\v 19 ಆಸ ಆಸ್ಥಾನಾ ತುಮಿ ಹಿತ್ನಿ ಮೊರ‍್ಹ ಪರದೇಶತ್ಲಿ ದುಸ್ರಿಲೊಕ ವ್ಹಯಾಚೆ಼ ಆಂದಿ ದೇವಾಚಾ ಪೊರಾಂಚೆ ಸಂಗ ಎಕಾಸ್ ಕುಟ್ಮಾತ್ಲಿ ದೇವಾಚಾ ಗರಾತ್ಲಿ ಜಾ಼ಲ್ಯಾಸಾ. 
\v 20 ಅಪೊಸ್ತಲ್ ಪ್ರವಾದಿ ಮಂಥ್ಯಾಲ್ಯಾ ಪಾಯಾವ ತುಮಿ ದೇವ್ಳಾಚೆಗತ್ ಬ್ಯಾಂದ್‌ಲ್ಯಾ. ಕ್ರಿಸ್ತ ಯೇಸುಸ್ ವ್ಹಯಿ ಜಾ಼ಲ್ಯಾಲಾ ಕೊನ್ಯಾಚಾ಼ ದೊಂಢಾ. 
\v 21 ತ್ಯಚಿಪ ಬಿತಿಚ಼ ಸಗ್ಳ ಭಾಗ್ ಯಕಾಲಾ ಎಕ್ ಮಿಳುನ್, ಬಿತ್ ವಾಡತ್ ಪ್ರಭುಪ ಪವಿತ್ರ ದಿವುಳ್‌ ವ್ಹತಿ. 
\v 22 ತ್ಯಚಿಪ ತುಮಿ ಸಾಹಿತ್ ಪವಿತ್ರಾತ್ಮಾಸ್ ಲಾಗುನ್ ದೇವಾಲಾ ರಾಹ್ಯಾಲಾದಿವುಳ್ ವ್ಹಯಿತ್ ಆಮ್ಚಿ ಸಂಗ ಬಾಂದುನ್ ಗಿಹಿತ್ ಹಾಸಾ.
\c 3
\s ಯೆಹುದಿ ನಸ್‌ಲ್ಯಾನಾ ಸಿಕಿವ್‌ತ್ಯಾಲಾ ಪೌಲ್
\p
\v 1 ಆಸ ಆಸ್ಥಾನಾ ಪೌಲ್ ಮಂಥ್ಯಾಲಾ ಮೀ ಯೆಹುದಿ ನಸ್‌ಲ್ಯಾಲ್ಯಾ ತುಮ್ಚಿಸ್ ಲಾಗುನ್ ಕ್ರಿಸ್ತ ಯೇಸುಸಾಟಿ ತುರುಂಗಾತ್ ಗೆಲ್ಯೊ. 
\v 2 ತುಮ್‌ಚಿ಼ ಸಾಟಿ ಕಾಮ್ ಪಾರ್ ಕರಾಯಾ ದೇವಾನಿ ಮನಾ ಕ್ರುಪೆನಿ ದಿಲ್ಯಾಲಾ ರಾಜ್ ಬಾರ್ ತುಮಿ ಐಕ್‌ಲ್ಯಾಸಾ, 
\v 3 ತ್ಯನಿ ಖರ ಚು಼ರುನ್ ನಸ್‌ಲ್ಯಾಲ ಮನಾ ಸಾಂಗ್‌ಲ್ಯಾ. ಮನ್ಹುನ್ ತ್ಯಚೆ ಗುಸ್ಟಿತ್ ಮೀ ಆಂದಿಸ್ ತುಮಾನಾ ಬಾರಿಕ್ ಕರುನ್ ಲಿವ್‌ಲ್ಯಾ. 
\v 4 ಆನಿ ಮಿ ಲಿವ್‌ಲ್ಯಾಲ ತುಮಿ ವಾಚ್ವು಼ನ್ ಬಗ್‌ಲ್ಯಾವ ಕ್ರಿಸ್ತಾಚೆ ಖರ‍್ಯಾಚೆ ಗುಸ್ಟಿತ್ ಮನಾ ಆಸ್‌ಲ್ಯಾಲ ಗಿಹುನ್ ತುಮಿ ಸಮಜು಼ನ್ ಗಿಹ್ಯಾ ವ್ಹಯಿಲ್. 
\v 5 ತೀ ಗುಟ್ ಹ್ಯಾ ಕಾಲಾತ್ ದೇವಾಚಾ ಪವಿತ್ರ ಅಪೊಸ್ತಲಾನಾಬಿ ಪ್ರವಾದಿನಾಬಿ ಪವಿತ್ರಾತ್ಮಾನಿ ಸಾಂಗ್‌ಲ್ಯಾ ಶಾರ್ಕ ದುಸ್‌ರ‍್ಯಾ ಕಾಲಾತ್ ಆಸ್‌ಲ್ಯಾಲ್ಯಾ ಲೊಕಾನಾ ಸಾಂಗ್ಲನಾಹಿ. 
\v 6 ತಿ ಗುಟ್ ಕ್ಯಾ ಮಂಜೆ, ಯೆಹುದಿ ನಸ್‌ಲ್ಯಾಲಿ ಬರೆ ಖಬ್ರಿಸ್ ಲಾಗುನ್ ಕ್ರಿಸ್ತ ಯೇಸುವ ದೇವಾಚಾ ಪೊರಾ ಸಂಗ್ನಿ ಯಕಾಸ್ ಶರೀರಾಚ಼ ಭಾಗ್, ಸಬ್ದಾತ್ ವಾಟದಾರ್ ಜಾ಼ಲ್ಯಾತ.
\p
\v 7 ದೇವಾನಿ ಅಪ್ಲೆ ತಾಕ್ತಿನಿ ಮನಾ ದಿಲ್ಯಾಲಿ ತ್ಯಚೆ ಕ್ರುಪೆಚಾ ದಾನಾನಿ ಮೀ ಹೇ ಬರೆ ಖಬ್ರಿಲಾ ಸೇವಕ್‍ ಜಾ಼ಲೊ. 
\v 8 ಸಗ್‌ಳ್ಯಾ ದೇವಾಚಾ ಲೊಕಾತ್ ಮಿ ಕಾಯ್ ನವ್ಹ ಮನ್ಹುನ್ ಜಾ಼ಲೊ ತರಿ ಕ್ರಿಸ್ತಾಚಾ ಸಮಜ಼ತ್ ನಸ್‌ಲ್ಯಾಲಿ ಸಾವ್ಕರ್ಕಿಚಿ ಬರಿ ಖಬರ್ ಯೆಹುದಿ ನಸ್‌ಲ್ಯಾಲ್ಯಾ ಲೊಕಾನಾ ಸಾಂಗಿ ಶಾರ್ಕ ಯೆಕ್ ಸೌಬಾಗ್ಯ ಮನಾ ದಿಲೆ 
\v 9 ತಸಸ್ ಸರ್ವ ಉತ್ಪನ್ ಕೆಲ್ಯಾಲ್ಯಾ ದೇವಾಪ ಪೈಲೆ ದರ್ನಿ ಚು಼ರುನ್ ಆಸ್‌ಲ್ಯಾಲ್ಯಾ ಖರ‍್ಯಾಚಿ ಯವಜ್ನಾ಼ ಸಗ್‌ಳ್ಯಾನಾ ದಿಲೆ. 
\v 10 ಮನ್ಹುನ್ ಸಭೆಸ್ ಲಾಗುನ್ ದೇವಾಚ಼ ಗಿನ್ಯಾನ್ ತ್ಯಚಿ ಸಾವ್ಕರ್ಕಿ ಆತಾ ಹ್ಯಾ ಸ್ವರ್ಗಾತ್ ಆಸ್‌ಲ್ಯಾಲ್ಯಾ ರಾಜಾನಾ, ಅಧಿಕಾರಿನಾ ದಾವುನ್ ದಿಯಾ ವ್ಹಯಿ ಜಾ಼ಲ್ಥ. 
\v 11 ಆಮ್ಚಾ ಪ್ರಭು ಯೇಸು ಕ್ರಿಸ್ತಾಸ್ ಲಾಗುನ್ ಆಪ್ನು ಖಾಯಿಮ್ಚಾ ಉದ್ದೆಶಾಚೆಗತ್ ದೇವಾನಿ ಹ್ಯ ಸಗ್ಳ ಕೆಲ. 
\v 12 ದೇವಾಚೆ ಮೊರ‍್ಹ ಮಿಳಾಯಾ ಆಮಾನಾ ಆಸ್‌ಲ್ಯಾಲಿ ಆಶಾ ಧೀರ್ ಕ್ರಿಸ್ತಾವ ಥೆವ್‌ಲ್ಯಾಲ್ಯಾ ಇಸ್ವಾಸಾಸ್ ಲಾಗುನ್ ತ್ಯಚಿಪಸ್ ಆಮಾನಾ ಹಾ. 
\v 13 ಮನ್ಹುನ್ ತುಮ್ಚಿಸ್ ಲಾಗುನ್ ಮನಾ ಆಲ್ಯಾಲಾ ತರಾಸ್ ಬಗುನ್ ತುಮಿ ಭಿಹು ನಕೊಸಾ ಮನ್ಹುನ್ ತುಮ್ಚಿಪ ಮಾಕ್ತೊ. ಹ್ಯ ತರಾಸ್ ತುಮಾನಾ ಮರ‍್ಯಾದ್ ಆಂತ್ಯಾತ.
\s ಎಫೆಸಾತ್‌ಲ್ಯಾಂಚೆ ಸಾಟಿ ಮಾಗ್ನ
\p
\v 14 ಆಸ ಆಸ್ಥಾನಾ. ತ್ಯಾ ಬಾಚೆ ಮೊರ‍್ಹ ಮೀ ನಡ್ಗ ಟಿಕ್ವುನ್, 
\v 15 ತ್ಯಾ ಬಾಪ್ನಿ ದರ್ತಿವ ಆನಿ ಸ್ವರ್ಗಾತ್ ಆಸ್‌ಲ್ಯಾಲ್ಯಾ ಪರ್ತೆಕ್ ಕುಟ್ಮಾನಿ ನಾವ್ ಗೆತಲ್ಯಾ. 
\v 16 ತುಮಿ ದೇವಾಚಾ ಆತಮ್ಯಾಸ್ ಲಾಗುನ್ ಮನಾತ್ ವಿಶೆಶ್ ಬಳ್ ಗಿಹ್ಯಾಲಾ ಮಾಗ್ನ ಕರ್ತೊ, 
\v 17 ಕ್ರಿಸ್ತ ತುಮ್ಚಾ ಇಸ್ವಾಸಾಸ್ ಲಾಗುನ್ ತುಮ್ಚಾ ಮನಾತ್ನಿ ಹಾ ಮನ್ಹುನ್,ತ್ಯೊ ಆಪ್ಲೆ ಮೊಟೆ ಮೈಮೆಚೆಗತ್ ದಿವುನಿ. 
\v 18 ತುಮಿ ದೇವಾಚೆ ಮಾಯೆತ್ ರಾಹುನ್, ದೇವಾಚಾ ಪೊರಾಂಚೆ ಮಾಯೆತ್ ರಾಹುನ್ ಕ್ರಿಸ್ತಾಚಿ ಮಾಯೆ ಕ್ಯವ್ಡಿ ರುಂದ್, ಲಾಮ್, ಉಚ಼್, ಖೊಲ್ ಸಮಜು಼ನ್ ಗಿಹ್ಯಾ ಬಳ್ ತುಮ್ಚಿಪ ರಾಹುನಿ. 
\v 19 ಮಾಜೆ ಸಮ್‌ಜು಼ಕಿವ್ನಿ ಚ಼ಡ್ ಆಸ್‌ಲ್ಯಾಲಿ ಕ್ರಿಸ್ತಾಚಿ ಮಾಯಾ ಸಮ್‍ಜು಼ನ್ ಗಿಹುನ್, ದೇವಾಚಾ ಸರ್ವ್ಯಾ ಪರ‍್ಯಾತ್ ಪುರ್ನವ್ಹಯಿ ಸಾರ ದೇವ್ ತುಮಾನಾ ದಿವುನಿ ಮನ್ಹುನ್ ತ್ಯಚಿಪ ಮಾಕ್ತೊ.
\p
\v 20 ಆಮ್ಚಿಪ ಕಾಮ್ ಕರ್ನಾರಾ ಆಪ್‌ಲ್ಯಾ ಬಳಾಚೆಗತ್ ಆಮಿ ಮಾಗ್‌ಲ್ಯಾಲ್ಯಾವ್ನಿ ಆನಿ ಯವಜ಼್‌ಲ್ಯಾಲ್ಯಾವ್ನಿ ಮೊಟ ಕಾಮ ಕರಾಯಾ ಶಕ್ಯಾ ಆಸ್‌ಲ್ಯಾಲ್ಯಾ ದೆವಾಲಾ 
\v 21 ಸಭೆತ್ ಆನಿ ಕ್ರಿಸ್ತ ಯೇಸುಪ ಪಿಡಿನ್ ಪಿಡಿ ಪರ‍್ಯಾತ್ ಖಾಯಿಮ್ ಮೈಮಾ ವ್ಹವುನಿ. ತಸಸ್ ವ್ಹವುನಿ.
\c 4
\s ಶರೀರಾತ್ ಯಕಿ
\p
\v 1 ತುಮಾನಾ ದೇವಾನಿ ಹಾಕಟ್‌ಲ್ಯಾತ ತ್ಯಚಿಸ್ಲಾಗುನ್ ಚಾ಼ಂಗ್ಲಿ ಜೀವ್ನಾ ಕರಾಯಾ ವ್ಹಯಿಸಾ ಮನ್ಹುನ್, ಪ್ರಭುಚೆ ಸೇವೆಸ್ಲಾಗುನ್ ತುಂರ್ಗಾತ್ ಆಸ್‌ಲ್ಯಾಲಾ ಮೀ ತುಮಚಿಪ ಮಾಕ್ತೊ. 
\v 2 ತುಮಿ ಬಾರಿಕ್ ವ್ಹವುನ್, ಸಾದಿ ವ್ಹವುನ್ ಖುಬ್ ಥಂಡ್ಪನಾನಿ ರಾಹುನ, ಮಾಯೆನಿ ಯಕಾ ಮಕಾಲಾ ಸುಸ್ವುನ್‍ಗೆವಾ. 
\v 3 ಥಂಡ್ಪನಾಚಾ ಬಾಂದ್ನಾತ್ ಗಾವುನ್ ಪವಿತ್ರಾತ್ಮಾನಿ ಜಾ಼ಲ್ಯಾಲಿ ಯಕಿ ರಾಕಾಯಾ ಹುರ‍್ಪಾನಿ ರಾವ್ಹಾ. 
\v 4 ತುಮಾನಾ ಹಾಕಟ್ಲಿತ ತವಾ ಯಕಸ್ ಆಸೆಸಾಟಿ ಹಾಕಟ್‌ಲ್ಯಾಚೆಗತ್, ತುಮಿ ಸಗ್ಳಿ ಯಕಾಸ್ ಶರೀರಾತ್ ಮಿಸಾಳ್ಯಾಲಿ, ಯಾಕುಸ್ ಆತ್ಮ ಗೆತಲ್ಯಾಲಿ, 
\v 5 ತುಮಾನಾ ಸಗ್‍ಳ್ಯಾನಾ ಪ್ರಭು ಯೊಕುಸ್, ಇಸ್ವಾಸ್ ಯೊಕುಸ್, ಬಾಪ್ತಿಸ್ಮಾ ಯೆಕುಸ್, 
\v 6 ಸಗ್‌ಳ್ಯಾನಾ ಬಾ ಜಾ಼ಲ್ಯಾಲಾ ದೇವ್ ಯೊಕುಸ್. ತ್ಯೊ ಸಗ್‌ಳ್ಯಾಂಚೆ ವರ್ ರಾಥ್ಯಾಲಾ, ಸಗ್‍ಳ್ಯಾಂಚಾಪ್ನಿ ಕಾಮ ಕರ್ನಾರಾ, ಸಗ್‌ಳ್ಯಾಪ್ನಿ ರಾನಾರಾ ಜಾ಼ಲ್ಯಾ.
\p
\v 7 ಫನ್ ಕ್ರಿಸ್ತಾಚಾ ವರಾಚಾ ಮಾಪಾ ಶಾರ್ಕ ಪರತೆಕಾಲಾ ಕ್ರುಪಾವರ ದಿಲ್ಯಾ. 
\v 8 ಮನ್ಹುನ್ ಪವಿತ್ರ ಗ್ರಂತಾತ್ ಆಸ ಲಿವಲ್ಯಾ,
\q1 ತ್ಯೊ ವರ್ ಗೆಲಾತವಾ
\q1 ಆಪ್ನು ತುರುಂಗಾತ್‌ಲ್ಯಾನಾ ದರುನ್ ನಿವ್ಹುನ್
\q1 ಮಾನ್ಸಾನಾ ವರ ದಿಲಿತ.
\p
\v 9 ವರ್ ಗೆಲಾ ಮನ್ಹುನ್ ಸಾಂಗ್‌ಲ್ಯಾಲ್ಯಾಚಾ಼ ಅರ್ಥ ಕ್ಯಾ? ದರ್ತಿಚಾ ತ್ಯಾ ಜಾ಼ಗ್ಯಾತ್ ಉತಾರ‍್ಲಾ ಹುತಾ ಮನ್ಹುನ್ ಸಾಂಗ್‌ಲ್ಯಾ ಶಾರ್ಕ ಜಾ಼ಲನಾಹಿ ಕ್ಯಾ? 
\v 10 ಖಾಲ್ ಉತ್ರುನ್ ಆಲ್ಯಾಲಾ, ತ್ಯೊಸ್ ಸಗಳಿಕ್ಡ ರಾಹ್ಯಾ ಸಗಳ್ಯಾ ಸ್ವರ್ಗಾವ್ನಿ ವೈಲ್ಯಾ ಠಿಕಾನ್ಯಾವ ಚ಼ಡ್ಲಾ. 
\v 11 ತ್ಯನಿ ಥೊಡ್ಯಾನಾ ಅಪೊಸ್ತಲ್, ಥೊಡ್ಯಾನಾ ಪ್ರವಾದಿ, ಥೊಡ್ಯಾನಾ ಬರಿ ಖಬರ್ ಸಾಂಗ್ನಾರ, ಥೊಡ್ಯಾನಾ ಸಭಾ ಚಾ಼ಲಿವ್ನಾರ, ಸಿಕಿವ್ನಾರ ತರಿವ್ಲ. 
\v 12 ಸೆವೆಚಾ ಕಾಮಾಸಾಟಿ ದೆವಾಚಾ ಲೊಕಾನಾ ತಯಾರ ಕರಾ ಕ್ರಿಸ್ತಾಚ಼ ಶರಿರ್ ಬಾಂದಾಯಾಸಾಟಿ, ತ್ಯನಿ ಆಸ ಕೆಲ 
\v 13 ಮನ್ಹುನ್ ಸಗ್ಳಿ ಯಕಾಸ್ ಇಸ್ವಾಸಾನಿ ದೇವಾಚಾ ಲೇಕಾಚೆ ಗುಶ್ಟಿತ್ ಗಿನ್ಯಾನಾನಿ ಯೇಕ್ ವ್ಹಯಿ ಪರ‍್ಯಾತ್ ಹಿ ಸೇವಾ ಮೊರ‍್ಹ ಜಾ಼ಯಾ ವ್ಹಯಿ. ಆಮಿ ಪರಿ ಪುರ್ನ ವ್ಹಯಿ ಪರ‍್ಯಾತ್ ಮಂಜೆ ಕ್ರಿಸ್ತಾಚಾ ಸರ್ವ್ಯಾತ್ ಪೊಚ಼ ಪರ‍್ಯಾತ್ ಮೊರ‍್ಹ ಜಾ಼ಯಾ ವ್ಹಯಿ. 
\v 14 ಮನ್ಹುನ್ ಆಮಿ ಹಿತ್ನಿ ಮೊರ‍್ಹ ಮುಲಾಚೆ಼ಗತ್ ನಸಾವ, ಬುರಶಾ ಮಾನ್ಸಾಚಾ ಕಪಟ್ಫನಾನಿ, ಪಿತುರಿತ್ ಗಾವುನ್, ತರ ತರಚಾ ಸಿಕಿವ್‌ನ್ಯಾನಿ ಕಂಗಾಲ್ ವ್ಹವುನ್ ವಾರ‍್ಯಾನಿ ಹಿಕ್ಡ ತಿಕ್ಡ ಫಿರ್ತ್ಯಾಚೆಗತ್ ವ್ಹಯಾಚೆ಼ ಆಂದಿ, 
\v 15 ಮಾಯಾನಿ ಖರತ್ಯ ಬೊಲತ್ ಸಗ್ಳೆ ಗುಸ್ಟಿತ್ನಿ ಡುಯಿ ಜಾ಼ಲ್ಯಾಲ್ಯಾ ಕ್ರಿಸ್ತಾಪ ವಾಡುಯಾ. 
\v 16 ಶರೀರ್ ಸಗ್ಳ ತ್ಯಚಿಪ್ನಿ ಪರತೆಕ್ ಸಾಂದ್ಯಾನಿ ಗಟ್ ಜು಼ಡುವುನ್ ಗಿಹುನ್ ಎಕ್ ರಾಹುನ್ , ಪರತೆಕ್ ಭಾಗ್ ಆಪ್ಲ ಆಪ್ಲ ಕಾಮ್ ಕರ್ತ್ಯಾಲ್ಯಾಸ್ ಲಾಗುನ್ ಶರೀರ್ ಮಾಯೆತ್ ವಾಡತ್ ಆರೊಗ್ಯವಾನ್ ರಾತ.
\s ಕ್ರಿಸ್ತಾಪ ನವಾ ಜೀವ್ನಾ
\r (ಕೊಲೊಸ್ಸೆ 3:5-17)
\p
\v 17 ಮನ್ಹುನ್ ಮೀ ಪ್ರಭುಪ ಸಾಂಗಾಚ಼ ಕ್ಯಾ ಮಂಜೆ ಇಸ್ವಾಸಾತ್ ನಸಲ್ಯಾಲಿ ಲೊಕ ಚಾ಼ಲತ್ಯಾಸಾರಿ ತುಮಿ ಹಿತ್ನಿ ಮೊರ‍್ಹ ಚಾ಼ಲುನಾಹಿ. ತೀ ಉಪೆಗ್ ನಸಲ್ಯಾಲೆ ಬುದಿನಿ ಚಾ಼ಲತ್ಯಾತ. 
\v 18 ತ್ಯಂಚಾ ಮನಾನಾ ಆಂದಾರ್ ಆಲ್ಯಾ, ತೀ ಆಪ್ಲೆ ಹಾಟಿಸ್ಲಾಗುನ್ ಆನಿ ಆಪ್‌ಲ್ಯಾ ಖುಳ್ಯಾ ಪನಾಸ್ಲಾಗುನ್ ದೇವಾಪ್ನಿ ಗಾವ್ನಾರ‍್ಯಾ ಜೀವ್ನಾತ್ನಿ ದುರ್ ಜಾ಼ಲ್ಯಾತ. 
\v 19 ತೀ ಮರ‍್ಯಾದ್ ಸುಡುನ್ ಆಪಲ್ಯಾಲಾ ಬುರಶಾಚಾ ತಾಬ್ಯಾತ್ ದಿವುನ್ ಹೌರ ಫನ್ ಕರತ್ಯಾಲಿ ಜಾ಼ಲ್ಯಾತ.
\p
\v 20 ಫನ್ ತುಮಿ ತರಿ ಕ್ರಿಸ್ತಾಚೆ ಗುಸ್ಟಿತ್ ತಸ್ಲ ಸಿಕ್ಲಾ ನಾಹಿಸಾ. 
\v 21 ಕಾ ಮಂಜೆ ಖರ‍್ಯಾನಿಸ್ ತುಮಿ ತ್ಯಚೆ ಗುಶ್ಟಿತ್ ತುಮಿ ಐಕ್‌ಲ್ಯಾಸಾ ಆನಿ ಯೇಸುವ ಆಸ್‌ಲ್ಯಾಲ್ಯಾ ಖರ‍್ಯಾತ್ ತುಮಿ ಸಿಕ್‌ಲ್ಯಾಸಾ. 
\v 22 ಮನ್ಹುನ್ ತುಮಿ ತುಮ್ಚೆ ಪೈಲೆ ಚಾ಼ಲ್ನುಕಿಶಾರ್ಕಿ ಚಾ಼ಲಾಚೆ ಆಂದಿ ತಿ ಸೊಡಾಯಾ ವ್ಹಯಿಸಾ. ತಿ ಕಪಟ್ಪನಾಚೆ ಆಶಾನಿ ನಾಸ್ ವ್ಹತ್ಯಾಲಿ. 
\v 23 ತುಮಿ ತುಮ್‍ಚ಼ ಮನ್ ಪುರ ನವಿನಿ ಬದ್ಲಾ. 
\v 24 ಆನಿ , ನವಾ ಸಭಾವ್ ಗೆವಾ ತ್ಯೊ ಸಭಾವ್ ದೇವಾ ಶಾರ್ಕಾ ಖರ‍್ಯಾನಿ ನಿಯತಿಚಾ಼ ವ್ಹವುನ್, ಪವಿತ್ರ ಕೆಲ್ಯಾ.
\p
\v 25 ಮನ್ಹುನ್ ಪರತೆಕ್ ಯೊಕ್ ಆಪ್‌ಲ್ಯಾ ಯಕಾ ಮಕಾಚೆ ಸಂಗ ಲಬಾಡ್ ಸುಡುನ್ ಖರತ್ಯ ಬುಲುನಿ. ಕಾ ಮಂಜೆ ಆಮಿ ಪರತೆಕ್ ಜಾ಼ನ್ ಯಕಾಸ್ ಶರೀರಾಚ಼ ಭಾಗ್ ಜಾ಼ಲ್ಯಾವ್. 
\v 26 ರಾಗ್ ಕೆಲಾಸಾತರಿ ಪಾಪ್ ಕರುನಕೊಸಾ, ದೀಸ್ ಮಾವ್ಳಾಚೆ ಆಂದಿ ತುಮ್‍ಚಾ಼ ರಾಗ್ ನಿವ್ಳುನಿ. 
\v 27 ಸೈತಾನಾಲಾ ಜಾ಼ಗಾ ದಿವುನಕೊಸಾ. 
\v 28 ಚು಼ರಿ ಕರ್ನಾರಾ ಹಿತ್ನಿ ಮೊರ‍್ಹ ಚು಼ರಿ ಕರಾಚೆ ಆಂದಿ ಚಾ಼ಂಗ್ಲ ಕಾಮ್ ಕರುನಿ. ತವಾ ಗರಿಬಾನಾ ದಿಯಾ ತ್ಯಲಾ ವ್ಹನಾರ್. 
\v 29 ತುಮ್ಚಾ ತೊಂಡಾತ್ನಿ ಕಸ್ಲಸ್ ಬುರ್ಸ ಸಬಾತ್ ಯವುನಾಹಿತ. ಭಕ್ತಿ ವಾಡಾಯಾ ವ್ಹಯಿಜಾ಼ಲ್ಯಾಲ್ಯಾ ಬೊಲ್ಯಾ ಬೊಲ್ಯಾವ ಐಕ್‌ತ್ಯಾಲ್ಯಾನಾ ಬರ ರಾಹಿಲ್. 
\v 30 ದೇವಾಚಾ ಪವಿತ್ರಾತ್ಮಾಲಾ ದುಕ್ವು ನಕೊಸಾ. ತ್ಯಚಿಪ್ನಿಸ್ ಸುಟ್ನುಕಿಚಾ ದಿಸಾಸಾಟಿ ಸಿಕಾ ಗೆತಲ್ಯಾಸಾನವ್ಹ. 
\v 31 ಸಗ್ಳ ವಾದ್, ರಾಗ್, ಸಂತಾಪ್, ಬಾಂಡಾನ್, ನಿಂದಾ ಹ್ಯ ಸಗ್ಳೆ ತರಚ಼ ನೀಚ಼್ ಪನ್ ತುಮ್ಚಿಪ್ನಿ ದುರ್ ಕರಾ. 
\v 32 ಹ್ಯಚೆ ಬದಲ್ ಯಕಾಮಕಾಸಂಗ ದಯೆನಿ, ಕರ್ನಾನಿ ರಾವ್ಹಾ. ದೇವಾನಿ ತುಮಾನಾ ಕ್ರಿಸ್ತಾಪ ಮಾಪ್ ಕೆಲ್ಯಾ ಶಾರ್ಕ ತುಮಿ ಯಕಾ ಮಕಾಲಾ ಮಾಪ್‍ಕರಾ.
\c 5
\s ಉಜಿಡಾತ್
\p
\v 1 ತುಮಿ ದೇವಾಚಿ ಮಾಯೆಚಿ ಪೊರ ಜಾ಼ಲ್ಯಾಸಾ ಮನ್ಹುನ್ ತುಮಿ ತ್ಯಚೆಗತ್ ಚಾ಼ಲಾಯಾ ವ್ಹಯಿಸಾ. 
\v 2 ಕ್ರಿಸ್ತಾನಿ ಆಮ್ಚಿ ಮಾಯಾ ಕಿಲಿ ಆಮ್ಚೆ ಸಗ್‌ಳ್ಯಾಂಚೆ ಸಾಟಿ ಆಪ್‌ಲ್ಯಾಲಾಸ್ ದೇವಾಲಾ ಚಾ಼ಂಗಲ್ಯಾ ವಾಸಾಚಿ ದಿನ್ಗಿ ಯಜ್ಞ ದಿಲ್ಯಾ ಶಾರ್ಕ ತುಮಿ ಮಾಯೆನಿ ಚಾ಼ಲಾ.
\p
\v 3 ವ್ಯಭಿಚಾರ್ ಆನಿ ಕಸ್ಲೆ ತರಸ ಬುರ್ಸ ಪನ್ ನಾಹಿತ ಪೈಶಾಚಿ಼ ಆಶಾ ಹ್ಯಾಂಚಿ ಖಬರ್ ತುಮ್ಚಿಪ ರಾವುನಾಹಿ, ಹ್ಯಾತ್ನಿ ದುರ್ ರಾಹ್ಯಾಚ಼ ದೇವಾಚಾ ಪೊರಾನಾ ಬರ. 
\v 4 ಬುರ್ಶಾ ಬೊಲ್ಯಾ, ಖುಳ್ಯಾ ಬೊಲ್ಯಾ, ನಿಂದಾ ಹಿ ನಕೊತ. ಹಿ ದೆವಾಲಾ ಆವ್ಡತ್ನಾಹಿತ ಹ್ಯಂಚೆ ಬದಲ್ ತ್ಯಲಾ ಕ್ರತಜ್ಞತಾಸ್ತುತಿ ಕರಾ. 
\v 5 ವ್ಯಬಿಚಾರಿಲಾ , ಬುರ್ಸೆ ಚಾಳಿಚಾಲಾ, ಪಾಶಾನ ಪುಜ಼್‌ತ್ಯಾಲ್ಯಾಲಾ ಕ್ರಿಸ್ತಾಚಾ ಆನಿ ದೇವಾಚಾ ರಾಜಾತ್ ವಾಟ್ನಿ ನಾಹಿ ಮನ್ಹುನ್ ತುಮಾನಾ ಖರ ಟಾವ ರಾವುನಿ.
\p
\v 6 ಆದಾರ್ ನಸಲ್ಯಾಲ್ಯಾ ಬೊಲ್‌ನ್ಯಾನಿ ಕುನಿ ತುಮಾನಾ ಪಸ್ವುನಾಹಿ, ಆಸ್‌ಲ್ಯಾ ಕಾಮಾಸ್ಲಾಗುನ್ ದೇವಾಚಾ಼ ರಾಗ್ ತ್ಯಚ಼ ಐಕ್‌ಲ್ಯಾ ನಸ್‌ಲ್ಯಾಲ್ಯಾವ್ನಿ ಯತೊ. 
\v 7 ಮನ್ಹುನ್ ತುಮಿ ತ್ಯಂಚಿ ಸಂಗ ಎಕ್ ವ್ಹವು ನಕೊಸಾ.
\p
\v 8 ಕಾ ಮಂಜೆ ತುಮಿ ಮಾಗ್‌ಲ್ಯಾ ಕಾಲಾತ್ ಆಂದಾರಾತ್ ಹುತಾಸಾ, ಫನ್ ಆತಾ ತುಮಿ ಪ್ರಭುಪ ರಾವುನ್ ಉಜೀಡ್ ಜಾ಼ಲ್ಯಾಸಾ. ಉಜೀಡಾತಲ್ಯಾಂಚೆಗತ್ ಚಾ಼ಲಾ. 
\v 9 ಉಜೀಡಾಚ಼ ಪಳ್ ಮಜ಼ತೀತ್ ನೀಯೆತೀತ್ ಖರ‍್ಯಾತ್ ದಿಸುನ್ ಯತ. 
\v 10 ಪ್ರಭುಲಾ ಕಶಾನಿ ಸಂತೊಸ್ ವ್ಹಯಿಲ್ ಹ್ಯಚಿ ಪಾರಕ್ ಕರಾ. 
\v 11 ಉಪೇಗ್ ನಸ್‌ಲ್ಯಾಲ್ಯಾ ಆಂದಾರಾಚಾ ಕಾಮಾತ್ ವಾಟದಾರ್ ವ್ಹವು ನಕೊಸಾ ತೀ ಉಜಿಡಾಸ್ ಆನಾ. 
\v 12 ತೀ ಲೊಕ ಚು಼ರುನ್ ಕರ್ತ್ಯಾಲ್ಯಾ ಕಾಮಾಚ಼ ಸಾಂಗಾಯಾಬಿ ಲಾಜ಼್ವಾಟೆ. 
\v 13 ಉಜೀಡಾತ್ ಸಗ್‌ಳ್ಯಾ ಕಾಮಾಚ಼ ಖರ ಘುನ್ ಬಾಹಿರ್ ಪಡ್‌ತ್ಯಾತ.
\q2
\v 14 ಕಾ ಮಂಜೆ ಸಗ್ಳ ಬಾಹಿರ್ ಪ್ಯಾಡ್ನಾರಾ ಉಜೀಡುಸ್ ,
\q2 ನಿಜ಼ಲ್ಯಾಲ್ಯಾ, ಜಾ಼ಗಾ ಹೊ!
\q2 ಮೆಲ್ಯಾಲ್ಯಾತ್ನಿ ಉಟ್!
\q2 ತವಾ ಕ್ರಿಸ್ತಾಚಾ಼ ಉಜಿಡ ತುಜಿಪ ದಿಸಲ್.
\p
\v 15 ಮನ್ಹುನ್ ತುಮಿ ಕಸ ಜ಼ಗಾಚ಼ತ್ಯ ಶಾರ್ಕ ಬಗಾ. ಖುಳ್ಯಾಂಚೆಗತ್ ಜ಼ಗು ನಕೊಸಾ ಶಾನ್ಯಾಂಚಿಗತ್ ವ್ಹವಾ. 
\v 16 ಹೇ ತುಮಿ ಆಸಲ್ಯಾಲ ದಿಸ್ ಬುರ್ಸ ಹಾತ ಮನ್ಹುನ್ ಯೊಳ್ ಹಾಳ್ ಕರಾಚೆ ಆಂದಿ ಉಪೇಗ್ ಕರಾ. 
\v 17 ಆನಿ ಖುಳ್ಯಾಚೆಗತ್ ಚಾ಼ಲಾಚೆ಼ ಆಂದಿ ಪ್ರಭುಚ಼ ಮನ್ ಕ್ಯಾ ಮನ್ಹುನ್ ಸಮಜ಼ುನ್ ಗೆವಾ.
\p
\v 18 ದರಾಕ್ಷಿಚಾ಼ ರಸ್ ಪಿವುನ್ ಜಿಂಗತ್ ರಾವುನಕೊಸಾ. ತ್ಯನಿ ಹಾಳ್ ವ್ಹಯಾ ವ್ಹತ. ಫನ್ ಪವಿತ್ರಾತ್ಮಾನಿ ಬರುನ್, 
\v 19 ಕೀರ್ತನಾನಿ, ಸ್ತುತಿ ಗಿತಾನಿ, ಮನಾತಲ್ಯಾ ಗಿತಾಂಚಾನಿ ಯಕಾಮಕಾಸಂಗ ಬೊಲಾ ತುಮ್ಚಾ ಮನಾತ್ ಪ್ರಭುಲಾ ವವ್ಯಾಳಾ. 
\v 20 ಕವಾಬಿ ಸಗ್‌ಳ್ಯಾ ಕಾಮಾಸಾಟಿ ಆಮ್ಚಾ ಪ್ರಭು ಯೇಸು ಕ್ರಿಸ್ತಾಚಾ ನಾವಾನಿ ಬಾ ದೇವಾಲಾ ಸ್ತೊತ್ರಕರಾ.
\s ಘೊಬಯ್ಲ
\r (ಕೊಲೊಸ್ಸೆ 3:18—4:1)
\p
\v 21 ಕ್ರಿಸ್ತಾಚಾ ಭ್ಯಾನಿ ರಾಹುನ್ , ಯಕಾ ಮಕಾಚಾ ಆಧಾರಾನಿ ರಾವ್ಹಾ.
\p
\v 22 ಬ್ಯಾಯ್ಕಾನು, ತುಮಿ ಪ್ರಭುಲಾ ಕಸಿ ತಸಿ ತುಮ್ಚಾ ಘ್ವಾಂಚಾ ಹಾತಾಕಾಲ್ ಹಾಸಾ. 
\v 23 ಕ್ರಿಸ್ತ ಮಂಡಳಿಲಾ ಡುಯಿ ಹಾ ತಸಾಸ್ ಘೊ ದನ್ಗರಿಲಾ ಡುಯಿ ಜಾ಼ಲ್ಯಾ. ಕ್ರಿಸ್ತ ಆಪ್ನುಸ್ ಮಂಡಳಿಚಾ ಶರೀರಾಲಾ ರಕ್ಷಕ್ ಜಾ಼ಲ್ಯಾ. 
\v 24 ಮಂಡಳಿ ಕಸಿ ಕ್ರಿಸ್ತಾಚಾ ಹಾತಾಕಾಲ್ ಹಾ ತಸಿಸ್ ಬ್ಯಾಯ್ಕಾಂಚಾನಿ ಸಗ್ಳೆ ಗುಸ್ಟಿತ್ ಆಪ್‍ಲ್ಯಾ ಘ್ವಾಂಚಾ ಹಾತಾಕಾಲ್ ರಾಹ್ಯಾವ್ಹಯಿ.
\p
\v 25 ಘ್ವಾಸಾನು, ಕ್ರಿಸ್ತಾನಿ ಮಂಡಳಿಚಿ ಕಸಿ ಮಾಯಾಕೆಲೆ ತಸಿಸ್ ತುಮ್ಚೆ ಬ್ಯಾಯ್ಕಾಂಚಿ ಮಾಯಾ ಕರಾ. ಹ್ಯಚಿಸಾಟಿ ತ್ಯನಿ ಆಪಲ್ಯಾಲಾ ಬಲಿ ದಿಲ್ಯಾ 
\v 26 ಹ್ಯಚಿಸಾಟಿ ತ್ಯನಿ ಸಬೆಲಾ ದೆವಾಚಾ ವಚ಼ನಾಶಾರ್ಕ ಪಾನ್ಯಾನಿ ದುಹುನ್ ಶುದ್ ಕರುನ್ ಪವಿತ್ರ ಕರಯಾ ವ್ಹಯಿ ಮನ್ಹುನ್ ಆಪಲ್ಯಾಲಾ ಆಪ್ನು ಬಲಿ ದಿಲ್ಯಾ. 
\v 27 ಮನ್ಹುನ್ ತಿಲಾ ಕಸ್ಲಾ ಡಾಗ್ ಆನಿಯಾಕ್ ನಾಹಿಚೆಗತ್ ನಿರ್ಮಳ್, ನಿರ್ದೊಷ್ ನಸ್ನಾರಿ , ಮೈಮಾ ಆಸ್ನಾರಿ ಮಂಡಳಿ ಕರುನ್ ಆಪ್ಲೆ ಮೊರ‍್ಹ ಉಬಿ ಕರಾಯಾವ್ಹಯಿ ಮನ್ಹುನ್ ವಾಕ್ಯಾ ಸಾಂಗುನ್ ಪಾನ್ಯಾನಿ ಬಾಪ್ತಿಸ್ಮಾ ದಿವುನ್ ಶುದ್ಧ್ ಕೆಲಿತ. 
\v 28 ತಸಸ್ ಘ್ವಾಂಚಾನಿ ಸಾಯಿತ್ ಆಪ್‌ಲ್ಯಾ ಸ್ವತಾಚಾ ಶರೀರಾಚಿ ಮಾಯಾ ಕರತ್ಯಾತ ತಸಸ್ ಆಪ್ಲೆ ಬ್ಯಾಯ್ಕಾಂಚಿ ಮಾಯಾ ಕರ್ನಾರ ಜಾ಼ಲ್ಯಾತ. ಆಪ್ಲೆ ದನ್ಗರಿಚಿ ಮಾಯಾ ಕರ್ನಾರಾ ಆಪ್ಲಿ ಮಾಯಾ ಕರ್ನಾರಾ ಜಾ಼ಲ್ಯಾ. 
\v 29 ಕುನಿಸ್ ಕವಾಸ್ ಸ್ವತಾಚಾ ಶರೀರಾಚಾ಼ ರಾಗ್ ಕೆಲಾನಾಹಿ ನವ್ಹ, ಸಗ್‌ಳ್ಯಾಂಚಾನಿ ಆಪ್ಲ ಶರೀರ್ ಬಾಳ್ಗುನ್ ಕ್ಯಾಳ್ಜಿ ಕರ್ತ್ಯಾತ ಮಂಡಳಿ ಮಂತ್ಯಾಲ ಹ್ಯ ಶರೀರ್ ಕ್ರಿಸ್ತಾನಿ ತಸಸ್ ಬಾಳ್ಗುನ್ ಕ್ಯಾಳ್ಜಿ ಕರಿತ್ ಆಲ್ಯಾ. 
\v 30 ಮನ್ಹುನ್ ಮಂಡಳಿ ಮಂತ್ಯಾಲ್ಯಾ ಶರೀರಾಲಾ ಆಮಿ ಭಾಗ್ ಜಾ಼ಲ್ಯಾವ್. 
\v 31 ಹ್ಯಾ ಕಾರ್ನಾನಿ\x - \xo 5:31 \xo*\xt ಉತ್ಪತಿ 2:24\xt*\x* ಘೊ ಆಪ್ಲೆ ಐ ಬಾಲಾ ಸುಡುನ್ ಆಪ್ಲೆ ಬ್ಯಾಯ್ಕೊಸಂಗ ರಾನಾರ್, ತೀ ದೊಗ ಯಾಕುಸ್ ಶರೀರ್ ಜಾ಼ಲ್ಯಾತ. ಮನ್ಹುನ್ ಲಿವ್‌ಲ್ಯಾನವ್ಹ. 
\v 32 ಮೀ ಕ್ರಿಸ್ತಾಲಾಬಿ ಮಂಡಳಿಲಾಬಿ ಆಸ್‌ಲ್ಯಾಲೆ ಯಕಿಚೆ ಗುಸ್ಟಿತ್ ಬೊಲ್ತೊ, ಆಜು಼ನ್ ಪರೆತ್ ಚು಼ರುನ್ ಆಸ್‌ಲ್ಯಾಲೆ ಹೆ ಗುಟಚಾ಼ ಆರ್ಥ ಖುಬ್ ಕಿಮ್ತಿಚಾ಼. 
\v 33 ಫನ್ ತುಮ್ಚಿಪ ಪರತೆಕ್ ಘ್ವಾನಿ ಆಪ್ಲಿ ಮಾಯಾ ಕರ್ತ್ಯಾಚೆಗತ್ ಆಪ್ಲೆಬ್ಯಾಯ್ಕೊಚಿ ಮಾಯಾ ಕರಾಯಾವ್ಹಯಿ. ಪರತೆಕ್ ಬ್ಯಾಯ್ಕೊನಿ ಆಪ್‌ಲ್ಯಾ ಘ್ವಾಸಂಗ ಮರೆದಿನಿ ಚಾ಼ಲಾಯಾವ್ಹಯಿ.
\c 6
\s ಐ ಬಾ ಆನಿ ಪೊರ
\p
\v 1 ಪೊರಾನು, ತುಮಿ ಪ್ರಭುಪ ಆಸ್‌ಲ್ಯಾಚೆಗತ್ ತುಮ್ಚೆ ಐ ಬಾಚ಼ ಐಕಾ ಹ್ಯ ಚಾಂಗ್ಲ. 
\v 2 ವಾಗ್ದಾನ್ ಕೆಲ್ಯಾಲ್ಯಾಲಿ ಆಂದಿಚಿ಼ ಆಜ್ಞೆ ಐಕಾ, ತುಜೆ ಐ ಬಾಲಾ ಮರ‍್ಯಾದ್ ದಿಯಾವ್ಹಯಿ;\x - \xo 6:2 \xo*\xt ಇಮೊಚನ್ 20:12\xt*\x* 
\v 3 ಮರ‍್ಯಾದ್ ದಿಲ್ಯಾವ ತುಲಾ ಬರ ವ್ಹನಾರ್, ತು ದರ್ತಿವ ಖುಬ್ ದಿಸ್ ಜ಼ಗ್ನಾರ್.
\p
\v 4 ಬಾಸಾನು, ತುಮ್ಚಾ ಪೊರಾನಾ ರಾಗ್ ಆನಾಚೆ಼ ಆಂದಿ, ಪ್ರಭುಲಾ ಆವ್ಡಸಾರ ತ್ಯನಾ ಶಿಸ್ತಿತ್ ಆನಿ ಶಿಕ್ಷನಾತ್ ವಾಡ್ವಾ.
\s ಸಾವ್ಕಾರ್ ಆನಿ ಗುಲಾಮ್
\p
\v 5 ಗುಲಾಮಾನು, ಕ್ರಿಸ್ತಾಚ಼ ಐಕ್ತಾಸಾ ತಸಿಸ್ ದರ್ಥಿವ ತುಮಾನಾ ಸಾವ್ಕಾರ್ ಜಾ಼ಲ್ಯಾಲ್ಯಾನಾ ಮನಾತ್ ಭಿವುನ್ ಕ್ಯಾಪ್ರಿ ಬರುನ್ ಚಾ಼ಂಗಲ್ಯಾ ಮನಾನಿ ಐಕಾ. 
\v 6 ಮಾನ್ಸಾಲಾ ಬಗಾಯಾಸಾಟಿ ಮಾಲಕ್ ಬಕ್ತಾ ಆಸ್ತಾನಾ ತ್ಯವ್ಡಿಸ್ ಚಾ಼ಕ್ರಿ ಕರಾಚೆ಼ ಆಂದಿ, ಕ್ರಿಸ್ತಾಚಾ ಗುಲಾಮಾ ಶಾರ್ಕ ದೇವಾಚ಼ ಚಿತ್ತ್ ಮನಾ ಪಸುನ್ ಕರಾ. 
\v 7 ತುಮಿ ಕರತ್ಯಾಲಿ ಸೇವಾ ಮಾನ್ಸಾಚಿ ನವ್ಹ, ಪ್ರಭುಚಿ ಕರ್ತ್ಯಾವ್ ಮನ್ಹುನ್ ಮನಾ ಪಸುನ್ ಕರಾ. 
\v 8 ಕಾ ಮಂಜೆ ಪರ್ತೆಕ್ ಯೊಕ್ ಮಾನುಸ್ ಗುಲಾಮ್ ವ್ಹವುನಿ ಸ್ವತಂತ್ರ ವ್ಹವುನಿ ಆಪ್ನು ಕಸ್ಲ ದೆತೊ ತ್ಯಂಚ಼ ಪ್ರತಿ ಪಳ್ ಪ್ರಭುಪ್ನಿ ಗೆನಾರ್ ಮನ್ಹುನ್ ತುಮಾನಾ ಸಮಾಜ಼್‍ಲ್ಯಾ ನವ್ಹ.
\p
\v 9 ದನ್ಯಾನು, ತುಮ್ಚಾ ಗುಲಾಮಾಚೆ ಗುಸ್ಟಿತ್ ತೆಸ್ ತರನಿ ಚಾ಼ಲಾ. ಸ್ವರ್ಗಾತ್ ತುಮಾನಾಬಿ ತ್ಯನಾಬಿ ದನ್ಹಿ ಹಾ ಮನ್ಹುನ್ ತ್ಯಂಚಿಪ ಪಕ್ಷಪಾತ್ ನಾಹಿ ಮನ್ಹುನ್ ಸಮ್‌ಜು಼ನ್ ತುಮ್ಚಾ ಗುಲಾಮಾನಾ ಬ್ಯಾ ಗಾಲಾಚ಼ ಸುಡುನ್ ದೆವಾ.
\s ದೇವಾಚಿ಼ ಶಸ್ತ್ರ
\p
\v 10 ಸರ್ತ ಸಬಾತ್ ಕ್ಯಾ ಮಂಜೆ , ತುಮಿ ಪ್ರಭುಪ ತ್ಯಚ಼ ಖುಬ್ ಬಳ್ ಗೆವಾ. 
\v 11 ಸೈತಾನಾಚೆ ಯವಜ಼ನಾಲಾ ಆಡ್ವ ಉಬ ರಾಹ್ಯಾ ವ್ಹಯಿಸಾರ ದೇವಾನಿ ದಿಲ್ಯಾಲಿ ಸರ್ವಿ ಶಸ್ತ್ರ ಗಾಲಾ. \fig ರೊಮಾಂಚಾ಼ ಸಿಪಾಯಿ |alt="Roman soldier" src="lb00196c.tif" size="col" copy="Horace Knowles ©" ref="6:11"\fig* 
\v 12 ಆಮಚಿ ಲಡಾಯಿ ಮಾನ್ಸಾಚೆ ಸಂಗ ನವ್ಹ. ರಾಜಾವ್ನಿ, ಅಧಿಕಾರ‍್ಯಾವ್ನಿ, ಹ್ಯಾ ಅಂದಾರಾಚಾ ಲೊಕಾತ್‌ಲ್ಯಾ ಅಧಿಕಾರ‍್ಯಾವ, ಆಬ್ಳಾತ್‌ಲ್ಯಾ ಬುರ್ಶಾ ಸೈನ್ಯಾವ, ಆಮಿ ಲಡ್ನಾರಿ ಜಾ಼ಲ್ಯಾವ್. 
\v 13 ಮನ್ಹುನ್ ತ್ಯಾ ಬುರ್ಶಾ ದಿಸಾತ್ ವಾದಿಂಚೆ ಮೊರ‍್ಹ ಉಬರಾಹ್ಯಾ ಕರಾಯಾ ವ್ಹಯಿತ್ಯ ಸಗ್ಳ ಕರುನ್ ಗಟ್ ಉಬರಾಹ್ಯಾ ವ್ಹಯಿಸಾರ ದೇವಾನಿ ದಿಲ್ಯಾಲಿ ಸರ್ವಿ ಶಸ್ತ್ರ ಗಾಲುನ್‌ಗೆವಾ.
\p
\v 14 ಖರ ಮಂತ್ಯಾಲಾ ಪಟಾ ತುಮ್ಚೆ ಕಂಬ್ರಸ್ ಬಾದುನ್, ನೀಯೆತ್ ಮಂತ್ಯಾಲ ಶಾತಿಚಾ಼ ಕವಚಾ ಗಾಲುನ್, 
\v 15 ಥಂಡ್ಪನಾಚಿ಼ ಬರಿ ಖಬರ್ ಸಾಂಗಾಯಾ ತಯಾರ್ ಜಾ಼ಲ್ಯಾಲ್ಯಾ ವ್ಹಾನಾ ಪಾಯಾತ್ ಗಾಲುನ್ ಉಬಿರಾವ್ಹಾ. 
\v 16 ಸಗ್‌ಳ್ಯಾಚೆ ಆಂದಿ ಇಸ್ವಾಸಾಚ಼ ಡಾಲ ಹಾತಾತ್ ದರಾ. ತ್ಯನಿ ತುಮಿ ವೈರಿಚಾ ಇಸ್‌ತ್ಯಾಂಚ಼ ಬಾನ್ ಇಜ್ವಾ಼ಯಾ ವ್ಹಯಿಲ್. 
\v 17 ಆನಿ ರಕ್ಷನಾಚ಼ ಶಿರಸ್ತ್ರಾನ್ ಡುಯಿವ ಥಿವುನ್ ಪವಿತ್ರಾತ್ಮ ದೆತ್ಯಾಲ ದೇವಾಚಿ಼ ವಾಕ್ಯಾ ಮಂತ್ಯಾಲ ಹಾತ್ಯಾರ ಹಾತಾತ್ ದರಾ. 
\v 18 ತುಮಿ ಪವಿತ್ರಾತ್ಮಾನಿ ಬರುನ್ ಸಗ್‌ಳ್ಯಾ ಯಳಾತ್ ಸಗ್ಳೆತರಚಾ ಮಾಗ್‌ನ್ಯಾನಿ ಕ್ರತಜ್ಞಾನಿ ದೇವಾಲಾ ಮಾಗ್ನ ಕರಾ. ಹ್ಯಾತ್ ಶಾಶ್ವತ್ ಮನಾನಿ ಬರುನ್ ದೇವಾಚಾ ಪೊರಾಂಚೆ ಗುಸ್ಟಿತ್ ಖಾಯಿಮ್ ಮಾಗ್ನ ಕರಿತ್ ಜಾ಼ಗ್ರುತ್‌ರಾವ್ಹಾ. 
\v 19 ಆನಿ ಮಾಜಿ಼ ಸಾಟಿ ಸಾಯಿತ್ ಮಾಗ್ನ ಕರಾ. ಮೀ ಬೊಲ್ತಾನಾ ಪೈಲ್ಯಾ ಕಾಲಾತ್ ಚು಼ರುನ್ ಆಸ್‍ಲ್ಯಾಲ ಬರೆ ಖಬ್ರಿಚ಼ ಖರ ಬ್ಯಾ ನಸ್ತಾನಾ ಸಾಂಗಾಯಾ ಪಾಯ್ಜೆತ್ಯಾ ಬೊಲ್ಯಾ ದೇವ್ ಮನಾ ದಿವುನಿ ಮನ್ಹುನ್ ಮಾಗ್ನ ಕರಾ. 
\v 20 ತಿ ಬರಿ ಖಬರ್ ಗಿಹುನ್ ಜಾ಼ತ್ಯಾಲಾ ವಕಿಲ್ ಮೀ ತುರುಂಗಾತ್ ಹಾ ನವ್ಹ. ತ್ಯಚೆ ಗುಸ್ಟಿತ್ ಮೀ ಬೊಲಾಯಾ ವ್ಹಯಿ ಆಸ ಧೀರಾನಿ ಬೊಲಾಯಾ ಮಾಜಿಸಾಟಿ ಮಾಗ್ನ ಕರಾ.
\s ಸರ್ತ್ಯಾ ಬೊಲ್ಯಾ
\p
\v 21 ಮಾಜೆ ಗುಸ್ಟಿತ್ ಮಾಜ಼ ಕಾಮ್‍ ತುಮಾನಾ ಸಮಜ಼ ಸಾರ ಮಾಯೆಚಾ಼ ಬಾಹು ಪ್ರಭುವ ಇಸ್ವಾಸಾಚಾ ಸೇವಕ್ ಜಾ಼ಲ್ಯಾಲಾ ತುಖಿಕ್ ತುಮಾನಾ ಸಗ್ಳ ಸಾಂಗ್ನಾರ್. 
\v 22 ತುಮಿ ಆಮ್ಚಾ ಗುಸ್ಟಿ ಸಮಜು಼ನ್ ಗಿಹಿಸಾರ, ತ್ಯೊ ತುಮ್ಚಿ ಮನ ಸಮ್‌ಜಾವಿ ಶಾರ್ಕ ತ್ಯಲಾ ತುಮ್ಚಿಪ ಲಾವುನ್‌ದಿಲ್ಯಾ.
\p
\v 23 ಬಾ ದೇವಾಪ್ನಿ ಪ್ರಭು ಯೇಸು ಕ್ರಿಸ್ತಾಪ್ನಿ ಥಂಡ್ಪನ್, ಇಸ್ವಾಸಾನಿ ಬರ್ಲ್ಯಾಲಿ ಮಾಯಾ ಸಗ್‌ಳ್ಯಾ ಇಸ್ವಾಸಿ ಬನ್ಹಿ ಬಾವ್ಹಾನಾ ಲಾಬುನಿ. 
\v 24 ಆಮ್ಚಾ ಪ್ರಭು ಯೇಸು ಕ್ರಿಸ್ತಾಲಾ ಖಾಯಿಮ್ ಮಾಯಾ ಕರ್ನಾರ‍್ಯಾ ಸಗ್‌ಳ್ಯಾಂಚಿವ ದೇವಾಚಿ಼ ಕ್ರಪಾ ರಾಹುನಿ.