\id COL - Gawli Marathi
\ide UTF-8
\h ಕೊಲೊಸ್ಸೆ
\toc3 ಕೊಲೊಸ್ಸೆ
\toc2 ಕೊಲೊಸ್ಸೆ
\toc1 ಪೌಲಾನಿ ಕೊಲೊಸ್ಸೆತ್‌ಲ್ಯಾನಾ ಲಿವ್‌ಲ್ಯಾಲ ಪತ್ರ
\mt2 ಪೌಲನು ಕೊಲೊಸ್ಸೆದವರಿಗೆ ಬರೆದ ಪತ್ರಿಕೆ
\mt1 ಪೌಲಾನಿ ಕೊಲೊಸ್ಸೆತ್‌ಲ್ಯಾನಾ ಲಿವ್‌ಲ್ಯಾಲ ಪತ್ರ
\imt ವಳಕ್
\ip ಕೊಲೊಸ್ಸೆನಾ ಲಿವ್‌ಲ್ಯಾಲ ಪತ್ರ ಅಪೊಸ್ತಲ್ ಜಾ಼ಲ್ಯಾಲಾ ಪೌಲ್ ಲಿವ್ತೊ\xt 1:1 \xt*ತ್ಯನಿ ಹ್ಯ ಪತ್ರ ಕ್ರಿಸ್ತ ಜ಼ಲಾಮ್‌ಲ್ಯಾ ನಂತರ್ ಲ ಕರುನ್ 60 ವರ್ಸಾತ್ ಲಿವ್‌ಲ್ಯಾ ಹ್ಯಾ ಯಳಾತ್ ತ್ಯೊ ಲ ಕರುನ್ ರೊಮಾಚಾ ತುರುಂಗಾತ್ ಹುತ್ತಾ. ಕೊಲೊಸ್ಸೆತ್‌ಲ್ಯಾನಾ ಲಿವ್‌ಲ್ಯಾಲ ಪತ್ರ, ಎಪೆಸಾತ್‌ಲ್ಯಾನಾ ಲಿವ್‌ಲ್ಯಾಲ ಪತ್ರ ಆನಿ ಪಿಲೊಮೊನಾಲಾ ಲಿವ್‌ಲ್ಯಾಲ್ಯಾ ಪತ್‌ರ‍್ಯಾನಾ ತುರುಂಗಾತ್ಲಿ ಪತ್ರಿ ಮನ್ಹುನ್ ಹಾಕಟ್ಯಾತ ಕಾ ಮಂಜೆ ಹಿ ಪತ್ರಿ ಲಿವ್ತಾನಾ ತುರುಂಗಾತ್ ಹುತ್ತಾ. ಹ್ಯ ಪತ್ರ ತ್ಯನಿ ಕೊಲೊಸ್ಸೆ ಪೆಠತ್ಲೆ ಸಬೆಲಾ ಲಿವ್ತೊ. \xt 2:1 \xt*ಸಾಂಗ್‌ಲ್ಯಾ ಸಾರ ಕೊಲೊಸ್ಸೆ ಸಬೆ ಪೌಲಾನಿ ಸುರ್ವಾತ್ ಕಿಲಿ ನಾಹಿ, ಫನ್ ತ್ಯಚೆ ಗುಶ್ಟಿತ್ ಥುಡಿ ಜವಾಬ್ದಾರಿ ತ್ಯನಿ ಗಿತ್ಲಿ ಎಪಪ್ರೊದ್ ಕೊಲೊಸ್ಸೆತ್ಲಾ ಜಾ಼ಲ್ಥಾ ಮನ್ಹುನ್ ತ್ಯನಿಸ್ ಹಿ ಸಬೆ ಬಾಂದಾಯಾ ಸಾದ್ಯ ಹಾ.
\ip ಪೌಲಾನಿ ಸಭೆತ್ ಥೊಡ ಲಬಾಡ್ ಸಾಂಗ್ನ ಚಾ಼ಲತ್ಯಾ ಮನ್ಹುನ್ ಕ್ಯಾಳ್ಜಿ ಗೆತಲ್ಯಾಲಾ ಜಾ಼ಲ್ಥಾ. ಹ್ಯಾ ಪತ್‌ರ‍್ಯಾತ್ ಲ ತ್ಯ ಹೆ ಗುಶ್ಟಿತ್ ಲಿವ್‌ಲ್ಯಾ. ತಿಥ ಜ಼ುನ್ಯಾ ಕರಾರಾತ್‌ಲ್ಯಾ ಯೆಹುದಿಂಚ಼ ನ್ಯಾಮ್ ಇಸ್ವಾಸಿಂಚಾನಿ ಪಾಳಾಯಾ ವ್ಹಯಿ ಮನ್ಹುನ್ ಖುಬ್ ಕರುನ್ ಮುಂಜಿ ಕರಾಯಾ ವ್ಹಯಿ ಮನ್ಹುನ್ ಜು಼ಲ್ಮಿ ಕರ್ತ್ಯಾಲಾ ಯೆಹುದಿ ಇಸ್ವಾಸಿಂಚಾ಼ ಯೊಕ್ ತಂಡಾ ಹುತ್ತಾ. ಪೌಲಾನಿ ಖಾತ್ರಿ ಕರುನ್ ಇಸ್ವಾಸಿನಾ ದೇವಾಪ್ನಿ ಗಿಹ್ಯಾಲಾ ಕ್ರಿಸ್ತಾ ಸಿವಾರ್ ಕುನಾಚಿ ನಾಹಿತ ಕಶಾಚಿ ಗರಜ಼್ ನಾಹಿ ಆನಿ ತ್ಯ ಸಾಂಗ್ನ ಮನ್ಸಾಂಚೆ ಉಪೇಗ್ ನಸ್‌ಲ್ಯಾಲ್ಯಾ ಕಾರನಾವ ಆಸ್ಥ ಮನ್ಹುನ್ ಲಿವ್ತೊ \xt 2:8 \xt*
\iot ಪಿಠಿಕೆ
\io1 1. ಪೌಲ್ ಕೊಲೊಸ್ಸೆಚೆ ಸಭೆಲಾ ನಮಸ್ಕಾರ್ ಸಾಂಗಿತ್ ಪತ್ರ ಸುಪಿವ್ತೊ.\ior 1:1-2 \ior*
\io1 2. ನಂತರ್ ತ್ಯೊ ಕ್ರಿಸ್ತಾಚಿ ಸ್ರೆಶ್ಟತೆಚೆ ಗುಶ್ಟಿತ್ ಖುಬ್ ಕರುನ್ ಕೊಲೊಸ್ಸೆತ್ ಆಸ್‌ಲ್ಯಾಲ್ಯಾ ಲಬಾಡ್ ಸಾಂಗ್‌ನ್ಯಾಲಾ ಪ್ರತಿ ಉತ್ತರ್ ದೆತ್ಯಾಲ್ಯಾಚೆ ಗುಶ್ಟಿತ್ ಲಿವ್ತೊ \ior 1:3—3:4 \ior*
\io1 3. ತ್ಯಚಾ ಖುಬ್ ಪತ್‌ರ‍್ಯಾಚೆಗತ್ ಪೌಲ್ ಆಪ್ಲ ಅರ್ದ್ಯಾತ್ಲ ಅರ್ದ ಪತ್ರ ಇಸ್ವಾಸಿ ಜೀವ್ನಾ ಕರಾಯಾ ವ್ಹಯಿ ಜಾ಼ಲ್ಯಾಲ ಖಾತ್ರಿಚಾ ಸುಸ್ನಾ ದೆತೊ \ior 3:5—4:6\ior*
\io1 4. ಪೌಲ್ ನಮಸ್ಕಾರ್ ಕರ್ತ್ಯಾಲ್ಯಾಸ್ ಲಾಗುನ್ ಆನಿ ಪತ್ರ ದುಸ್ರೆ ಸಬೆತ್ ಜೊರಾನಿ ವಾಚ಼್ವಾಯಾ ಸುಸ್ನಾ ದಿಯಿತ್ ಪೌಲ್ ಪತ್ರ ಸುಪಿವ್ತೊ \ior 4:7-18 \ior*
\c 1
\p
\v 1 ದೇವಾಚಾ ಮನಾಚೆಗತ್ ಕ್ರಿಸ್ತ ಯೇಸುಚಾ಼ ಅಪೊಸ್ತಲ್ ಜಾ಼ಲ್ಯಾಲಾ ಪೌಲ್ ಆನಿ ಬಾಹು ಜಾ಼ಲ್ಯಾಲಾ ತಿಮೊಥಿ,
\p
\v 2 ಕೊಲೊಸ್ಸೆತ್ ಆಸ್‍ಲ್ಯಾಲ್ಯಾ ದೇವಾಚಾ ಲೊಕಾನಾ ಆನಿ ಕ್ರಿಸ್ತಾಪ ಇಸ್ವಾಸ್ ಆಸ್‍ಲ್ಯಾಲ್ಯಾ ಬನ್ಹಿ ಬಾವ್ಹಾನಾ ಲಿವಾಚ಼ ಕ್ಯಾ ಮಂಜೆ, ಆಮ್ಚಾ ಬಾಪ್ನಿ ತುಮಾನಾ ಕ್ರಪಾ ಆನಿ ಶಾಂತಿ ಗಾವುನಿ.
\s ದನ್ಯವಾದಾಚ಼ ಮಾಗ್ನ
\p
\v 3 ತುಮ್ಚಿಸಾಟಿ ಆಮಿ ಮಾಗ್ನ ಕರ್ತಾನಾ ತುಮ್ಚಿಸ್ ಲಾಗುನ್ ಆಮ್ಚಾ ಪ್ರಭು ಯೇಸು ಕ್ರಿಸ್ತಾಚಾ ಬಾ ದೇವಾಲಾ ದನ್ಯವಾದ್ ಕರ್ತಾವ್. 
\v 4 ಕಾ ಮಂಜೆ ತುಮಿ ಕ್ರಿಸ್ತ ಯೇಸುವ ಥೆವ್‌ಲ್ಯಾಲಾ ಇಸ್ವಾಸ್ ಆನಿ ದೇವಾಚಾ ಲೊಕಾಂಚಿವ ಥೆವ್‍ಲ್ಯಾಲೆ ಮಾಯಾಚೆ ಗುಶ್ಟಿತ್ ಆಮಿ ಐಕ್‍ಲ್ಯಾ. 
\v 5 ಸ್ವರ್ಗಾತ್ ತುಮ್ಚಿ ಸಾಟಿ ರ‍್ಯಾಕ್‌ಲ್ಯಾಲೆ ಆಸೆಚೆ ಗುಶ್ಟಿತ್ ಬರೆ ಖಬ್ರಿಚಾ ಖರ‍್ಯಾ ವಾಕ್ಯಾ ತುಮಿ ಆಂದಿಸ್ ಐಕ್‍ಲ್ಯಾಸಾ. 
\v 6 ತುಮಿ ಖರ‍್ಯಾತ್ ದೇವಾಚಿ ಕ್ರಪಾ ಐಕುನ್ ಸಮಜು಼ನ್ ಗೆತಲ್ಯಾಲ್ಯಾ ದಿಸಾದರ್ನಿ ತುಮ್ಚಿಪ ಆಲ್ಯಾಲೆ ತೆ ಬರೆ ಖಬ್ರಿನಿ ತುಮಾನಾ ಫಳ್ ದಿಲ್ಯಾ ಶಾರ್ಕ ದುನೆತ್ ಸಗ್ಳಿಕ್ಡ ಫಳ್ ದಿವುನ್ ಪಗಾಳತ್ಯಾ
\p
\v 7 ಹೀ ಬರಿ ಖಬರ್ ಕ್ರಿಸ್ತಾಚಾ ಇಸ್ವಾಸಾಚಾ಼ ಸೇವಕ್ ಆಮ್ಚೆ ಮಾಯೆಚಾ಼ ಜು಼ಡಿಚಾ಼ ಜಾ಼ಲ್ಯಾಲ್ಯಾ ಎಪಫ್ರಾಪ್ನಿ ತುಮಿ ಸಿಕ್‌ಲ್ಯಾಸಾ. 
\v 8 ಪವಿತ್ರಾತ್ಮಾನಿ ದಿಲ್ಯಾಲೆ ತುಮ್ಚೆ ಮಾಯೆಚೆ ಗುಶ್ಟಿತ್ ಸಾಂಗ್‍ಲ್ಯಾಲ ತ್ಯನಿಸ್.
\p
\v 9 ಆಸ ಆಸ್ತಾನಾ ಹೆ ತುಮ್ಚೆ ಮಾಯೆಚೆ಼ ಗುಶ್ಟಿತ್ ಆಮಿ ಐಕ್‍ಲ್ಯಾಲ್ಯಾ ದಿಸಾದರ್ನಿ ತುಮ್ಚಿಸಾಟಿ ಮಾಗ್ನಕರಾಚ಼ ಥಾಂಬ್ವಾಚೆ ಆಂದಿ, ತುಮಿ ಸಗ್ಳ ಗಿನ್ಯಾನಾನಿ ಬುದ್ದಿನಿ ಆತ್ಮಿಕ್ ಗಿನ್ಯಾನಾನಿ ಆನಿ ಸಮಜು಼ಕಿನಿ ಬರ‍್ಹಾಯಾ ವ್ಹಯಿಸಾ ಮನ್ಹುನ್, 
\v 10 ಪ್ರಭುಲಾ ಆವ್ಡಸಾರ ತುಮಿ ಚಾ಼ಂಗ್ಲಾ ಜೀವ್ನಾ ಕರಾಯಾ ವ್ಹಯಿಸಾ ಮನ್ಹುನ್, ಸಗ್‍ಳ್ಯಾ ಚಾ಼ಂಗಲ್ಯಾ ಕಾಮಾತ್ನಿ ಪ್ಯಾಯ್ದಾ ದಿಯಿತ್ ದೇವಾಚಾ ಗಿನ್ಯಾನಾನಿ ಬರುನ್ ರಾಯ್ಹಾವ್ಹಯಿ ಮನ್ಹುನ್, 
\v 11 ತ್ಯಚೆ ಮೈಮೆನಿ ಬರ್‌ಲ್ಯಾಚೆಗತ್ ಸಗ್ಳ ಬಳ್‍ ಗಿಹುನ್, ಸಗ್ಳ ಸಮಾಧಾನಾನಿ, ಖುಬ್ ಥಂಡ್ಪನಾನಿ ಸುಸ್ವುನ್ ಗಿಹ್ಯಾವ್ಹಯಿಸಾ ಮನ್ಹುನ್, 
\v 12 ದೇವಾಚಾ ಬಕ್ತಾಂಚೆಸಾಟಿ ಉಜೀಡ್‍ ಗೆತ್ಯಾಲ್ಯಾ ಆಮಾನಾ ಚಾ಼ಂಗ್ಲ ಮನ್ಹುನ್ ಕೆಲ್ಯಾಲ್ಯಾ ಬಾ ಜಾ಼ಲ್ಯಾಲ್ಯಾ ದೇವಾಲಾ ಸಂತೊಶಾನಿ ಕ್ರತಜ್ಞತಾಸ್ತುತಿ ಕರಾಯಾವ್ಹಯಿ ಮನ್ಹುನ್ ದೇವಾಪ ಮಾಕ್ತೊ. 
\v 13 ದೇವಾನಿ ಆಮಾನಾ ಆಂದಾರಾಚಾ ತಾಬ್ಯಾತ್ನಿ ಸುಡ್ವುನ್ ಆಪ್‌ಲ್ಯಾ ಮಾಯೆಚಾ ಲೆಕಾಚಾ ರಾಜಾತ್ ಆನ್ಲ. 
\v 14 ತ್ಯಚಿಪ್ನಿ ಆಮ್ಚಿ ಪಾಪ ಮಾಪ್ ಜಾ಼ಲಿತ ಆನಿ ಆಮಾನಾ ಸುಟ್ನುಕ್ ಮಿಳಾಲಿ.
\s ಮಾನುಸ್ ಆನಿ ಕ್ರಿಸ್ತಾಚ಼ ಕಾಮ್
\p
\v 15 ಕ್ರಿಸ್ತ ದಿಸತ್ ನಸ್‌ಲ್ಯಾಲ್ಯಾ ದೇವಾಚ಼ ರುಪ್ ಜಾ಼ಲ್ಯಾ, ಉತ್ಪತಿಲಾ ಸಗ್ಳೆ ಪೈಲಾ ಲ್ಯೊಕ್ ಜಾ಼ಲ್ಯಾ. 
\v 16 ಸ್ವರ್ಗಾತ್ ದರ್ತಿವ ಆಸ್‍ಲ್ಯಾಲ ದಿಸತ್ಯಾಲ ದಿಸತ್ ನಸ್‍ಲ್ಯಾಲ ಸಗ್ಳ, ಸಿಂಹಾಸನ್ ವ್ಹವುನಿ, ಪ್ರಭುತ್ವವ್ಹವುನಿ, ರಾಜ಼್‌ಬಾರ್‌ವ್ಹವುನಿ, ಹುಕುಮ್ ವ್ಹವುನಿ, ತ್ಯಚಿಪ್ನಿ ಆಲ್ಯಾಲ. ಸಗ್ಳ ತ್ಯಚಿಪ್ನಿಸ್ ತ್ಯಚಿಸಾಟಿಸ್ ಕೆಲ್ಯಾಲ. 
\v 17 ತ್ಯೊ ಸಗ್‌ಳ್ಯಾಂಚೆ ಆಂದಿ ಆಸ್‌ಲ್ಯಾಲಾ, ತ್ಯಚಿಪ ಸಗ್ಳ ಯೆಕ್ ವ್ಹವುನ್ ಹಾ. 
\v 18 ಸಬೆ ಮಂಥ್ಯಾಲ್ಯಾ ಶರೀರಾಲಾ ತ್ಯೊ ಡುಯಿಜಾ಼ಲ್ಯಾ, ತ್ಯೊಸ್ ಸುರ್ವಾತ್, ಸಗ್‌ಳ್ಯಾತ್ ತ್ಯೊ ಪೈಲಾ ವ್ಹಯಾಸಾಟಿ ಮೆಲ್ಯಾಲ್ಯಾತ್ನಿ ಪೈಲ್ಯಾನಿ ಉಟುನ್ ಆಲ್ಯಾಲಾ ತ್ಯೊಸ್. 
\v 19 ಕಾ ಮಂಜೆ ತ್ಯಚಿಪಸ್ ಸಗ್ಳ ರಾಹ್ಯಾವ್ಹಯಿ ಮನ್ಹುನ್, 
\v 20 ಆನಿ ತ್ಯೊ ಶಿಲ್ಬೆವ್‌ಲ್ಯಾ ರಕ್ತಾನಿ ಆಪ್ನು ಸಮಾಧಾನ್ ಕರುನ್, ದರ್ತಿವ ಸ್ವರ್ಗಾತ್ ಆಸ್‌ಲ್ಯಾಲ ಸಗ್ಳ ಆಪ್‌ಲ್ಯಾ ಲೆಕಾಸ್ ಲಾಗುನ್ ಆಪ್‌ಲ್ಯಾಲಾ ರಾಜಿ಼ ಕರುನ್ಗಿಯಾವ್ಹಯಿ ಮನ್ಹುನ್ ಬಾ ದೇವಾನಿ ಮನ್ಕೆಲ.
\p
\v 21 ಯಕಾ ಯಳಾತ್ ಯವ್ಡಸ್ ನವ್ಹ ತುಮಿ ದೇವಾಪ್ನಿ ದುರ್ ಹುತ್ತಾಸಾ ತುಮ್ಚಾ ಬುರ್ಶಾಕಾಮಾನಿ ಡಾವಾನಿ ತ್ಯಲಾ ವಾದಿಜಾ಼ಲ್ಯಾಸಾ. 
\v 22 ಆತಾತರಿ ದೇವ್ ತುಮಾನಾ ಯೇಸು ಕ್ರಿಸ್ತಾಚಾ ಶರೀರಾಚಾ ಮರ್ನಾಸ್ ಲಾಗುನ್ ರಾಜಿ ಕೆಲೆ. ದೇವಾನಿ ಆಪ್ಲಿಪ ತುಮಾನಾ ನಿರ್ಮಳ್, ದೊಸ್ ನಸ್‌ಲ್ಯಾಲ, ಚು಼ಕ್ ನಸ್‌ಲ್ಯಾಲ ವ್ಹವುನ್ ಉಬ ಕರಾಯಾಸಾಟಿ ಆಸ ಕೆಲ್ಯಾ. 
\v 23 ಆಬ್ಳಾಚೆ ಖಾಲ್ ಆಸ್‌ಲ್ಯಾಲ ಸಗ್ಳೆ ಉತ್ಪತಿಲಾ ಸಾಂಗ್‌ಲ್ಯಾಲ ಆನಿ ಐಕ್‌ಲ್ಯಾಲೆ ಬರೆ ಖಬ್ರಿನಿ ಗಾವಲ್ಯಾಲೆ ಆಶೆನಿ ಹಲಾಚೆ ಆಂದಿ ಇಸ್ವಾಸಾತ್ ರಾಯ್‌ಲ್ಯಾವ, ತುಮಿ ಪಾಯಾಜಾ಼ಲ್ಯಾಸಾ ಆನಿ ಘಟ್ ಆಸ್ನಾರಿ ವ್ಹಯಾ ವ್ಹಯಿಸಾ. ಹ್ಯಸ್ ಬರೆ ಖಬ್ರಿಲಾ ಪೌಲ್ ಮಂಥ್ಯಾಲಾ ಮಿ ಸೇವಕ್ ಜಾ಼ಲ್ಯೊ.
\s ಸಭೆಸಾಟಿ ಪೌಲಾಚ಼ ಸೇವೆಚ಼ ಕಾಮ್
\p
\v 24 ಆತಾ ಮಿ ತುಮ್ಚಿಸಾಟಿ ಖಾತ್ಯಾಲ್ಯಾ ತರಾಸಾತ್ ಮನಾ ಸಂತೊಸ್ ಹಾ. ಕ್ರಿಸ್ತಾಚಾ ದುಖಾತ್ ಕಮ್ಮಿ ಆಸ್‌ಲ್ಯಾಲ ತ್ಯಚೆ ಸಬೆ ಮಂಥ್ಯಾಲ್ಯಾ ಶರೀರಾಸಾಟಿ ಮಿ ಮಾಜಾ ಶರೀರಾತ್ ಅನ್ಬವಸುನ್ ಪುರ್ನ ಕರ್ತೊ. 
\v 25 ದೇವಾಚೆ ಯವಜ್ನಾ಼ಸಾರ ತುಮ್ಚಾ ಪ್ಯಾಯ್ದಾಸಾಟಿ ಮಿ ಸಬೆಲಾ ಸೇವಕ್‍ ಜಾ಼ಲೊ. ದೇವಾನಿ ಆಪ್ಲ ವಾಕ್ಯಾ ಸಗ್ಳ ಸಾಂಗಾಚ಼ ಕಾಮ್ ಮನಾದಿಲ್ಲ. 
\v 26 ಹ್ಯ ಆಡ್‌ಶಾ ಆಸ್‌ಲ್ಯಾಲ್ಯಾ ಖರ‍್ಯಾ ವಾಕ್ಯಾ ಪೈಲ್ಯಾ ಕಾಲಾದರ್ನಿ, ಪಿಡಿನ್ ಪಿಡಿ ದರ್ನಿ ಆಡಶಾ ಹುತ್ತ. ಫನ್ ಆತಾ ದೇವಾನಿ ತಿ ಆಪ್‌ಲ್ಯಾ ಲೊಕಾನಾ ದ್ಯಾವ್‌ಲ್ಯಾತ. 
\v 27 ಹ್ಯಾ ಗುಟಾಚಿ ಮೈಮೆ ಕ್ಯವ್ಡಿ ಮನ್ಹುನ್ ಸಗ್‌ಳ್ಯಾನಾ ಸಾಂಗಾಯಾ ದೇವಾಲಾ ಮನ್‍ ಜಾ಼ಲ್ಹ. ಹ್ಯ ಗುಟ್ ಕ್ಯಾ ಮನ್ಹುನ್ ಮೈಮೆಚೆ ಆಶೆಲಾ ಆಧಾರ್ ಜಾ಼ಲ್ಯಾಲಾ ಕ್ರಿಸ್ತ ತುಮ್ಚಿಪ ಹಾ. 
\v 28 ಆಮಿ ತ್ಯಚೆಸ್ ಗುಶ್ಟಿತ್ ಸಾಂಗ್ತಾವ್, ಸಗ್‌ಳ್ಯಾನಾ ಶಾನ್ಫನ್ ಸಾಂಗಿತ್, ಸರ್ವ್ಯಾನಾ ಪುರ‍್ಯಾ ಗಿನ್ಯಾನಾನಿ ಸಿಕ್ವಿತ್, ದೇವಾಚೆ಼ ಮೊರ್ಹ ಸಗ್‌ಳ್ಯಾನಾ ಕ್ರಿಸ್ತಾಪ ಸಗ್‌ಳ್ಯಾತ್ ಮೊರ‍್ಹ ಉಬ್ಬಿಕರಾಯಾ ಯತ್ನಕರ್ತ್ಯಾವ್. 
\v 29 ಹ್ಯಚಿಸಾಟಿ ಮಾಜಿಪ ಕಾಮ್‌ ಕರ್ನಾರ‍್ಯಾ ದೇವಾಚಾ ಬಳಾನಿ ಜ಼ಠುನ್ ಲಡ್ತೊ.
\c 2
\p
\v 1 ಆನಿ ಲವೊದಿಕಿತ್‌ಲ್ಯಾನಾಬಿ ಆನಿ ಮನಾ ಸಮುರ್ ಬಗ್‌ಲ್ಯಾ ನಸ್‌ಲ್ಯಾಲ್ಯಾ ಸಗ್‌ಳ್ಯಾನಾ, ಮನಾ ಖುಬ್ ಲಡಾಯಿ ಹಾ ಮನ್ಹುನ್ ತುಮಾನಾ ಠಾವ ರಾಹುನಿ. ಮನ್ಹುನ್ ಮನ್ ಕರ್ತೊ.
\p
\v 2 ಕಸ ಮಂಜೆ ತ್ಯಂಚಿ ಮನ ಮಾಯೆತ್ ಗಿಹುನ್ ಆದಾರ್ ಗಿಹುನ್ ಪುರ ಖಾತ್ರಿಚಾ಼ ಬಾಗ್ಯ ಗಿಹುನ್ ಬಾ ಜಾ಼ಲ್ಯಾಲ್ಯಾ ದೇವಾಚ಼ ಆನಿ ಕ್ರಿಸ್ತಾಚ಼ ಖರ ಸಮಜು಼ನ್ ಗಿಹ್ಯಾಚ಼ಸ್.
\p
\v 3 ಹ್ಯಾ ಕ್ರಿಸ್ತಾಪಸ್ ಗಿನ್ಯಾನ್ ಆನಿ ಬುದ್ದಿ ಸಗ್ಳಿ ದೌಲತ್ ದಡುನ್ ಹಾ. 
\v 4 ಕುನಿ ತುಮಾನಾ ಆಪ್ಲ ಮನ್ ಪರ್ತಾಚಾ ಬೊಲ್ಯಾಂಚಾನಿ ಪಸ್ವು ನಾಹಿ ಮನ್ಹುನ್ ಮಿ ತುಮಾನಾ ಹ್ಯ ಸಾಂಗ್ತೊ. 
\v 5 ಮಿ ಶರೀರಾನಿ ತುಮ್ಚಿಪ ನಸ್ಲೊತರಿ ಆತ್ಮಾನಿ ತುಮ್ಚಿ ಸಂಗ ರಾವ್ಹುನ್ ತುಮಿ ಶಾರ್ಕ ಚಾ಼ಲತ್ಯಾಲ ಆನಿ ಕ್ರಿಸ್ತಾಚಾ ಇಸ್ವಾಸಾತ್ ಘಟ್ ಉಬರಾಯಲ್ಯಾಲ ಬಗುನ್ ಸಂತೊಸ್‍ವ್ಹತೊ.
\s ಕ್ರಿಸ್ತಾಪ ಸಗ್ಳಾ ಜೀವ್ನಾ
\p
\v 6 ತುಮಿ ಪ್ರಭು ಜಾ಼ಲ್ಯಾಲ್ಯಾ ಕ್ರಿಸ್ತ ಯೇಸುಲಾ ಗೆತಲ್ಯಾಚೆಗತ್ ತ್ಯಚಿಪ ಆಸ್ನಾರಿ ವ್ಹವುನ್ ಜೀವ್ನಾಕರಾ.
\p
\v 7 ತ್ಯಚಿಪ ಖೊಲ್ ಮುಳ್ ಸುಡುನ್, ತ್ಯಚಿಪ ಬಾಂದುನ್ ಆನಿ ತುಮಾನಾ ಸಾಂಗ್‌ಲ್ಯಾಲ್ಯಾ ಶಿಕ್ಷನಾಸಾರ ಕ್ರಿಸ್ತಾಚಾ ಇಸ್ವಾಸಾತ್ ಘಟ್ ರಾವ್ಹುನ್ ದೇವಾಲಾ ಖುಬ್ ದನ್ಯವಾದ್ ಕರ್ನಾರಿ ವ್ಹವಾ.
\p
\v 8 ಫಸಿವತ್ಯಾಲ್ಯಾ ಆನಿ ಪ್ಯಾಯ್ದಾನಸ್‌ಲ್ಯಾಲ್ಯಾ ಸಗ್‌ಳ್ಯಾ ಶಿಕಿವ್‌ನ್ಯಾನಿ ಕುನಿ ತುಮಾನಾ ತಾಬ್ಯಾತ್ ಗಿಹ್ಯಾಚೆಆಂದಿ ಹುಶಾರ್ ರಾವ್ಹಾ. ಹ್ಯ ಮಾನ್ಸಾಚೆ ಸಂವಸ್ ಕ್ರತಿಲಾ ಆನಿ ಪರಂಪರಾ ಪೈಲ್ಯಾ ಶಿಕಿವ್‌ನ್ಯಾನಿ ಸಂಬಂಧ್ ಆಸ್‍ಲ್ಯಾಲಾ ಖರ ಕ್ರಿಸ್ತಾಲಾ ನವ್ಹ.
\p
\v 9 ದೇವಾಚ಼ ಸಗ್ಳ ಪುರ್ನಜಾ಼ಲ್ಯಾಲ್ಯಾ ಕ್ರಿಸ್ತಾಚಾ ಶರೀರಾತ್ ಜೀವ್ನಾಕರ್ತ್ಯಾ, 
\v 10 ತ್ಯೊ ಸಗ್‌ಳ್ಯಾ ಹುಕ್ಮಾನಾ ಆನಿ ಅಧಿಕಾರ‍್ಯಾನಾ ಸಗ್‌ಳ್ಯಾನಾ ಡುಯಿ ಜಾ಼ಲ್ಯಾ ಮನ್ಹುನ್ ತ್ಯಚಿಪ ರಾಹುನ್ ತುಮಿ ಪುರ್ನತಾ ಗೆತಲ್ಯಾಲಿ ಜಾ಼ಲ್ಯಾಸಾ. 
\v 11 ದೇವಾನಿ ತ್ಯಚ್ಯಿಪ ತುಮಾನಾ ಮಾನ್ಸಾಚಾ ಹಾತಾನಿ ಕರಾಯಾ ವ್ಹಯಿತ್ನಸ್‍ಲ್ಯಾಲಿ ಮುಂಜಿ ಕೆಲೆ. ಕ್ರಿಸ್ತಾಚಿ ಮುಂಜಿ ಶರೀರಾಚಾ಼ ಪಾಪಾಚಾ಼ ಸಭಾವ್ ಕಾಡಾಚಾ಼. 
\v 12 ತುಮಿ ಬಾಪ್ತಿಸ್ಮಾತ್ ಕ್ರಿಸ್ತಾ ಸಂಗ ಪುರ್ಲ್ಯಾಲಿ ಜಾ಼ಲ್ಯಾಸಾ, ಆನಿ ತ್ಯಲಾ ಮೆಲ್ಯಾಲ್ಯಾತ್ನಿ ಉಟ್‌ಲ್ಯಾಲೆ ದೇವಾಚೆ ತಾಕ್ತಿವ ಇಸ್ವಾಸ್ ಥೆವ್‌ಲ್ಯಾಲ್ಯಾಸ್ ಲಾಗುನ್ ತ್ಯಚೆ ಸಂಗ ತುಮಿ ಉಟುನ್ ಆಲ್ಯಾಸಾ. 
\v 13 ಗುನ್ನಾ ಕರ್ತ್ಯಾಲ್ಯಾನಿ ಆನಿ ಮುಂಜಿ ನಸ್‌ಲ್ಯಾಲ್ಯಾ ಶರೀರಾಚಾ ಭಾವ್ನಾನಿ ಮೇಲ್ಯಾಲ್ಯಾ ತುಮಾನಾ ದೇವಾನಿ ಕ್ರಿಸ್ತಾ ಸಂಗ ಜ಼ಗಿವಲ್ಯಾತ ಆನಿ ಆಮ್‍ಚ಼ ಗುನ್ನ ಸಗ್ಳ ಮಾಪ್ ಕೆಲ. 
\v 14 ಆಮ್ಚಿವ ಚು಼ಕ್ ವಾವ್‌ಲ್ಯಾಲೆ ಆಜ್ಞಚೆಗತ್ ಆಸ್‌ಲ್ಯಾಲ ಪತ್ರ ಕಾಡುನ್ ತ್ಯ ಶಿಲ್ಬೆವ ಮಾರುನ್ ನಾಹಿ ಆಸ ಕೆಲ.
\p
\v 15 ತ್ಯನಿ ರಾಜ಼್‌ಬಾರ್‌ ಆನಿ ಹುಕುಮ್ ಹಾತ್ಯಾರಿ ನಾಹಿ ಆಸಿ ಕರುನ್, ಆಪ್ಲೆ ಶಿಲ್ಬೆಸ್ ಲಾಗುನ್ ತ್ಯನಾ ಜಿತ್ ದಿವುನ್ ಪ್ರದರ್ಶನ್ ಕೆಲ.
\p
\v 16 ಆಸ ಆಸ್ತಾನಾ, ಖಾನ್ಯಾ ಪಿನ್ಯಾಚೆ ಗುಶ್ಟಿತ್ ಪವಿತ್ರ ದಿಸಾತ್ ಸನ್ ಆವಾಸ್ ಆನಿ ಸಬ್ಬತ್ ಪಾಳಾಚೆ ಗುಶ್ಟಿತ್ ತುಮಾನಾ ಗುನ್ಹದಾರ್ ಮನ್ಹುನ್ ಕುನಾಲಾ ಮನಾಯಾ ವ್ಹವುನಾಹಿ. 
\v 17 ಹೀ ಮೊರ‍್ಹ ಯತ್ಯಾಲ್ಯಾ ಕಾಮಾಂಚ಼ ಸಾವುಟ್ ಜಾ಼ಲ್ಯಾ, ಹ್ಯಂಚ಼ ಖರ ರುಪ್ ಕ್ರಿಸ್ತುಸ್. 
\v 18 ಕಪಟ್ ಪನಾಚೆ ಇಚೆವ ಮನ್ ಥಿವುನ್ ದೇವ್ದುತಾಚೆ ಆರಾಧನೆತ್ ಮನ್ ಜಾ಼ಲ್ಯಾಲ ಜಾ಼ಲ್ಥ, ದರ್ಶಾನ ಜಾ಼ಲ್ಯಾತ ಮನ್ಹುನ್ ಬಡಾಯಿ ಕರುನ್, ಹ್ಯಾ ಲೊಕಾತ್‌ಲ್ಯಾ ಗಿನ್ಯಾನಾನಿ, ಕಾರನ್ ನಸ್ತಾನಾ ಫುಗುನ್ ಆಸ್‌ಲ್ಯಾಲ್ಯಾನಾ ತುಮಾನಾ ಗಾವಲ್ಯಾಲ ಬಕ್ಷಿಸ್ ನಿಹು ದಿವುನಕೊಸಾ. 
\v 19 ಆಸ್ಲಾ ಕ್ರಿಸ್ತ್ ಮಂಥ್ಯಾಲೆ ಡುಯಿ ಸಂಗ ಸಂಬಂಧ್ ನಸ್‌ಲ್ಯಾಚೆಗತ್ ಹಾ, ಡುಯಿನಿಸ್ ಶರೀರ್ ಸಗ್ಳ ಸಿರನಿ ಸಾಂದ್ಯಾನಿ ವ್ಹಯಿತ್ಯ ಬಳ್ ಗಿಹುನ್, ಯೆಕ್ ಕೆಲ್ಯಾಲ ಶರೀರ್ ಕರುನ್, ದೇವಾನಿ ದಿಲ್ಯಾಲ್ಯಾ ಬಳಾನಿ ವಾಡತ್ ಯತ.
\s ಜ಼ಗಾಚ಼ ಮರಾಚ಼ ಕ್ರಿಸ್ತಾಸಂಗಸ್
\p
\v 20 ಆಕಾಸ್ಮಾತ್ ಹ್ಯಾ ಲೊಕಾತ್‍ಲ್ಯಾ ಪೈಲ್ಯಾ ಶಿಕ್ಷನಾಚೆ ವಾಟ್ನಿಸ್ ತುಮಿ ಕ್ರಿಸ್ತಾ ಸಂಗ ಮೆಲ್ಯಾಲಿ ಜಾ಼ಲ್ಯಾಸಾ ತ, ಆಜು಼ನ್ ಹ್ಯಾ ಲೊಕಾತ್‍ಲ್ಯಾ ಆಜ್ಞಾ ತುಮಿ ಕಾ ಪ್ಯಾಳ್ತಾಸಾ?
\p
\v 21 ಹ್ಯ ದರುನಕೊ, ಹ್ಯಚಿ ಚ಼ವ್ ಬಗುನಕೊ, ತ್ಯಲಾ ಆಪ್ಡು ನಕೊ ಮಂಥ್ಯಾಲೆ ಆಜ್ಞಸಾರ ಚಾ಼ಲಾಚ಼ ಕಾ? 
\v 22 ಹ್ಯಾ ಮಾನ್ಸಾಂಚಾ ಆಜ್ಞಾ ಆನಿ ಶಿಕಿವ್ನ ಉಪೆಗಾನಿ ನಾಸ್ ವ್ಹತ್ಯಾಲ್ಯಾ ಜಿನೊಸಾ ಶಾರ್ಕ ಹಾ. 
\v 23 ಆಸ್ಲಿ ಸಿಕಿವ್ನಿ ಮಾನ್ಸಾಚಾ ಯವಜ಼ನ್ಯಾನಿ ಆಚರನೆನಿ, ಕಪ್‍ಟ್ಯಾ ಫನಾನಿ ಆನಿ ಶರೀರಾಚೆ ಸಿಕ್ಷಾನಿ ಗಿನ್ಯಾನಾಚ಼ ಮನ್ಹುನ್ ದಿಸತ್ಯಾತ, ಫನ್ ಶರೀರಾಚಿ ಇಚ್ಚಾ ತಾಬ್ಯಾತ್ ಆಸ್ಥಾನಾ ಹ್ಯಂಚಾನಿ ಕಚಾ಼ ಪ್ಯಾಯ್ದಾ ವ್ಹಯಿತ್ನಾಹಿ.
\c 3
\p
\v 1 ತುಮಿ ಕ್ರಿಸ್ತಾ ಸಂಗ ಉಟಿವಲ್ಯಾಲ ಜಾ಼ಲಾ ಆಸ್ಲಾಸಾತ ಸ್ವರ್ಗಾತ್ಲ ಜಿನೊಸ್ ತ್ಯವ್ಡಸ್ ಸೊದಾ, ತಿಥ ಕ್ರಿಸ್ತ ದೇವಾಚೆ ಉಜ಼ವ್ಯಾಂಗ್ನಿ ಬಸ್‌ಲ್ಯಾ. 
\v 2 ದರ್ಥಿವ ಆಸ್‌ಲ್ಯಾಲ್ಯಾಚೆ ಗುಶ್ಟಿತ್ ನವ್ಹ, ಸ್ವರ್ಗಾತ್ ಆಸ್‌ಲ್ಯಾಲ್ಯಾಚೆ ಗುಶ್ಟಿತ್ ತುಮ್ಚ಼ ಧ್ಯಾನ್ ಥೆವಾ. 
\v 3 ಕಾ ಮಂಜೆ ತುಮಿ ಮರುನ್ ಆನಿಕ್ ತುಮಚಾ಼ ಜೀವ್ನಾ ಕ್ರಿಸ್ತಾ ಸಂಗ ದೇವಾಪ ಆಡಶಾ ಹಾ. 
\v 4 ತುಮಾನಾ ಜೀವ್‍ ಜಾ಼ಲ್ಯಾಲಾ ಕ್ರಿಸ್ತ್ ದಿಸ್ತಾನಾ ತುಮಿ ಸಾಯಿತ್ ತ್ಯಚಿ ಸಂಗ ಮೈಮೆತ್ ದಿಸ್ನಾರ್.
\s ಜು಼ನ್ನಾ ನವಾ ಜೀವ್ನಾ
\p
\v 5 ಮನ್ಹುನ್ ತುಮ್ಚಿಪ ಆಸ್‍ಲ್ಯಾಲ್ಯಾ ಹ್ಯಾಲೊಕಾತ್‍ಲ್ಯಾ ಆಶಾ ಮಂಜೆ, ವ್ಯಭಿಚಾರ್, ಪೊದ್ಡ, ಕಾಮಾಭಿಲಾಶೆ, ಬುರ್ಸಿ ಆಶಾ ಆನಿ ಪಾಶಾನ ಪುಜಾ಼ಲಾ ಶಾರ್ಕ ಆಸ್‌ಲ್ಯಾಲಿ ಬುರ್ಸಿ ಆಶಾ ಆಸ್ಲ ಸಗ್ಳ ಮಾರುನ್ ಟಾಕಾ. 
\v 6 ಹ್ಯಂಚಿಸ್ ಲಾಗುನ್ ಸಾಂಗ್‌ಲ್ಯಾಲ ಐಕಿತ್‌ ನಸ್‌ಲ್ಯಾಂಚಿವ ದೇವಾಚಾ಼ ರಾಗ್ ಯತೊ. 
\v 7 ಆಂದಿ ತುಮಿ ಸಾಯಿತ್ ತಸ್‌ಲ್ಯಾತ್ ಜೀವ್ನಾ ಕರೀತ್ ತ್ಯ ಚಾ಼ಲ್ವಿತಾಸಾ.
\p
\v 8 ಫನ್ ಆತಾತರಿ ಡಾವ್, ರಾಗ್, ಖೊಟಪನ್, ನಿಂದಾ ಆನಿ ಬುರ್ಸ ಬೊಲ್ನ ಸುಡುನ್ದೆವಾ. 
\v 9 ಯಕಾಮಕಾಲಾ ಲಬಾಡ್ ಸಾಂಗುನಕೊಸಾ, ಕಾ ಮಂಜೆ ತುಮಿ ಪೈಲ ಸಭಾವ್ ತ್ಯಚಾ ಕಾಮಾಸಕಟ್ ಕಾಡುನ್ ಟ್ಯಾಕ್‌ಲ್ಯಾಸಾ 
\v 10 ಆನಿ ನವಾ ಸಭಾವ್ ಗೆತಲ್ಯಾಸಾ. ಹ್ಯೊ ಸಭಾವ್ ಉತ್ಪನ್ ಕೆಲ್ಯಾಲ್ಯಾಚಾ ಗಿನ್ಯಾನಾನಿ ತ್ಯೊ ನವಾ ವ್ಹಯಿತ್ ಯತೊ. 
\v 11 ಹ್ಯಾ ಗಿನ್ಯಾನಾತ್ ಗ್ರೀಕ್ ಆನಿ ಯೆಹುದ್ಯಿ ಮನ್ಹುನ್ ಬೇದ್ ಭಾವ್ ನಾಹಿ, ಮುಂಜಿ ಕರುನ್ ಗೆತಲ್ಯಾಲಾ ಆನಿ ಮುಂಜಿ ಕರುನ್ ಗೆತಲ್ಯಾ ನಸ್‌ಲ್ಯಾಲಾ ಮನ್ಯಾಚಾ಼ ಬೇದ್ಬಾವ್ ನಾಹಿ, ವಳ್ಕಿಚಾ಼, ನವಳ್ಕಿಚಾ಼ ಮನ್ಯಾಚಾ಼ ಬೇದ್ಬಾವ್ ನಾಹಿ, ಗುಲಾಮ್, ಸ್ವತಂತ್ರಿ ಮನ್ಯಾಚಾ಼ ಬೇದ್ಬಾವ್ ನಾಹಿ, ತ್ಯಚೆ ಬದ್ಲಿಸ್ ಕ್ರಿಸ್ತುಸ್ ಸಗ್ಳ ಆನಿ ಸರ್ವ್ಯಾತ್ ರಾನ್ಹಾರಾ ಜಾ಼ಲ್ಯಾ.
\p
\v 12 ಆಸ ಆಸ್ತಾನಾ ದೇವಾನಿ ನಿವಡ್‌ಲ್ಯಾಲಿ ವ್ಹವುನ್, ಪವಿತ್ರ ಆನಿ ಮಾಯೆಚಿ ಜಾ಼ಲ್ಯಾಸಾ ಮನ್ಹುನ್ ಕರ್ನಾ, ದಯಾ, ಥಂಡ್ಫನ್, ಬಾರಿಕ್ ಫನ್, ಆನಿ ಖುಬ್ ಶಾಂತಿ ಮನ್ಯಾಚ಼ ಚಾ಼ಂಗಲ್ಯಾ ಗುನಾಂಚಾನಿ ಬರ‍್ಹುನ್ ರಾವ್ಹಾ. 
\v 13 ಯಕಾಮಕಾಲಾ ಸುಸ್ವುನ್ ಕುನಾಲಾತರಿ ಆನಿ ಯಕಾವ ಫಿರ‍್ಯಾತ್ ದಿಯಾ ಕಾರನ್ ಆಸ್ಲತರಿ, ಫಿರ‍್ಯಾತ್ ದಿಯಾಚೆ ಆಂದಿ ಮಾಪ್ ಕರಾ, ಪ್ರಭುನಿ ತುಮಾನಾ ಮಾಪ್ ಕೆಲ್ಯಾತಸ ತುಮಿ ಮಾಪ್ ಕರಾ. 
\v 14 ಹ್ಯ ಸಗ್ಳ ಯಕ್ ಕರುನ್ ಪುರ್ನ ಕರ್ತ್ಯಾಲೆ ಮಾಯೆನಿ ತುಮಾನಾಸ್ ತುಮಿ ಬರ‍್ಹುನ್ ಗೆವ್ಹಾ. 
\v 15 ಕ್ರಿಸ್ತಾಚ಼ ಥಂಡ್ಪನ್ ತುಮ್ಚಾ ಮನಾವ ಹುಕುಮ್ ಚಾ಼ಲ್ವುನಿ. ಹ್ಯನಿಸ್ ಥಂಡ್ಪನಾತ್ ಯಾಕ್ ಶರೀರ್ ವ್ಹವುನ್ ರಾಹ್ಯಾ ತುಮಾನಾ ಹಾಕಟ್‌ಲ್ಯಾ ಆನಿ ಯವ್ಡಸ್ ನವ್ಹ ಕ್ರತಜ್ಞತೆನಿ ರಾವ್ಹಾ. 
\v 16 ಕ್ರಿಸ್ತಾಚಾ ವಾಕ್ಯಾ ತುಮ್ಚಿಪ ಖುಬ್ ರಾಹುಂತಾ. ಸಗ್‌ಳ್ಯಾ ಗಿನ್ಯಾನಾನಿ ಯಕಾಮಕಾಲಾ ಸಿಕ್ವಿತ್ ಬುದ್ದಿ ಸಾಂಗಾ. ಕೀರ್ತನಾನಿ, ಸ್ತುತಿಚಾ ಸಬ್ದಾಂಚಾನಿ ಆನಿ ಆತ್ಮಿಕ್ ಗಿತಾಂಚಾನಿ ಆನಿ ತುಮ್ಚಾ ಮನಾತ್ ದೇವಾಲಾ ಕ್ರತಜ್ಞತೆನಿ ಗಿತ್ ಮನ್ಹಾ. 
\v 17 ತುಮಿ ಬುಲಿಚಾ಼ಲಿನಿ ವ್ಹವುನಿ ಕ್ಯಾ ಕೆಲಸಾತರಿ ತ್ಯ ಸಗ್ಳ ಪ್ರಭು ಯೇಸುಚಾ ನಾವಾನಿ ಕರಾ ಆನಿ ದೇವಾಲಾ ತ್ಯಚಿಸ್ ಲಾಗುನ್ ಕ್ರತಜ್ಞತಾಸ್ತುತಿ ಕರಾ.
\s ನವ್ಯಾ ಜೀವ್ನಾತ್ ಸ್ವತಾಚಾ಼ ಸಂಬಂದ್
\p
\v 18 ಬ್ಯಾಯ್ಕಾನು, ತುಮಿ ಪ್ರಭುಪ ಹಾಸಾ ತಸಿ ತುಮ್ಚಾ ದನ್ಗಾರಾಂಚಾ ಸಾಂಗ್‍ನ್ಯಾತ್ ರಾವ್ಹಾ.
\p
\v 19 ದನ್ಗಾರಾನು, ತುಮ್ಚೆ ದನ್ಗರಿಚಿ ಮಾಯಾಕರಾ, ತ್ಯಚಿಸಂಗ ಜೊ಼ರಾನಿ ದಬ್ಯಾವು ನಕೊಸಾ.
\p
\v 20 ಮುಲಾನು, ಸಗ್‌ಳ್ಯಾ ಗುಶ್ಟಿತ್ನಿ ಆಯಿ ಬಾನಿ ಸಾಂಗ್‌ಲ್ಯಾಲ ಐಕಾ, ಕಾಮಂಜೆ ಹ್ಯ ಪ್ರಭುಲಾ ಆವಾಡಲ್ಯಾಲ ಹಾ.
\p
\v 21 ಬಾಸಾನು, ತುಮ್ಚಾ ಮುಲಾನಾ ಡಾಸ್ಳುನ್ ತ್ಯಂಚ಼ ಮನ್ ದುಕ್ವುನಕೊಸಾ.
\p
\v 22 ಚಾ಼ಕ್ರಾನು, ಹೇ ದುನೆತ್‌ಲ್ಯಾ ತುಮ್ಚಾ ದನ್ಯಾಂಚಾನಿ ಸಾಂಗ್‌ಲ್ಯಾಲ ಕರಾ, ಮಾನ್ಸಾನಾ ಆವ್ಡಶಾರ್ಕ ದನ್ಹಿ ಬಗ್‌ತ್ಯಾಲಾ ಆಸ್ಥಾನಾ ತ್ಯವ್ಡಸ್ ಕಾಮ್ ಕರಾಚೆ ಆಂದಿ, ಪ್ರಭುಲಾ ಭಿಹುನ್ ಚಾ಼ಂಗಲ್ಯಾ ಮನಾನಿ ಕಾಮ್ ಕರಾ. 
\v 23 ತುಮಿ ಕಸ್ಲ ಕಾಮ್ ಕೆಲಾಸಾ ತರಿ ಮಾನ್ಸಾಸಾಟಿ ಮನ್ಹುನ್ ಕರಾಚೆ ಆಂದಿ ಪ್ರಭುಸಾಟಿ ಮನ್ಹುನ್ ಮನಾನಿ ಕರಾ. 
\v 24 ಪ್ರಭುಪ್ನಿ ತುಮಾನಾ ಗಾವಾಚ಼ ಪ್ರತಿಫಳ್ ತುಮಿ ಗೆನಾರ್ ಮನ್ಹುನ್ ಸಮಜು಼ನ್ ಪ್ರಭು ಕ್ರಿಸ್ತಾಚಿ ಸೇವಾ ಕರ್ನಾರಿ ವ್ಹವಾ. 
\v 25 ಅನ್ನೆವ್ ಕರ್ನಾರಾ ಆಪ್ನು ಕೆಲ್ಯಾಲ್ಯಾ ಅನ್ನೆವಾ ಶಾರ್ಕಿ ಸಿಕ್ಷಾ ಗೆನಾರ್ ಆನಿ ತ್ಯಚಾ಼ ಸಂಶೆವುಸ್ ನಾಹಿ.
\c 4
\p
\v 1 ದನ್ಯಾನು, ಸ್ವರ್ಗಾತ್ ತುಮಾನಾಬಿ ಯೊಕ್ ದನ್ಹಿ ಹಾ ಮನ್ಹುನ್ ಸಮಜು಼ನ್ ತುಮ್ಚಾ ಸೆವಕಾಂಚೆ ಸಂಗ ನೀಯೆತಿನಿ ನ್ಯಾಯಾನಿ ಚಾ಼ಲಾ.
\s ವಾಟ್ ದ್ಯಾವ್ನಾರಾ
\p
\v 2 ಚು಼ಕಾಚೆ ಆಂದಿ ಮಾಗ್ನ ಕರಿತ್, ಜಾ಼ಗ್ರುತಿನಿ ದೇವಾಲಾ ಕ್ರತಜ್ಞತಾಸ್ತುತಿ ಕರಾ. 
\v 3 ತ್ಯಾ ಯಳಾತ್ ಕ್ರಿಸ್ತಾಚಿ಼ ಗುಟ್ ಮಂಜೆ ಬರಿ ಖಬರ್ ಆಮಿ ಸಾಂಗಾಯಾ ದೇವಾನಿ ಆಮ್ಚಿ ಸಾಟಿ ದಾರ ಉಗ್ಡಾಯಾ ಮಾಗ್ನ ಕರಾ. ಹೆ ಬರೆ ಖಬ್ರಿಸ್ ಲಾಗುನ್ ಮಿ ತುಂರ್ಗಾತ್ ಹಾ ನವ್ಹ. 
\v 4 ಮಿ ತ್ಯಾ ಖರ‍್ಯಾಚಾ಼ ಅರ್ಥ ವ್ಹಯಿತಸ ಶಾರ್ಕಾ ಸಾಂಗಜೊ಼ಗ ದಾವುನ್ ದಿಯಾ ವ್ಹವುನಿ.
\p
\v 5 ಯೊಳ್ ಶಾರ್ಕಾ ವಾಪ್ರುನ್ ಇಸ್ವಾಸಾತ್ ನಸ್‌ಲ್ಯಾಲಾಂಚೆ ಸಂಗ ಗಿನ್ಯಾನಾನಿ ವಾಗಾ. 
\v 6 ತುಮ್‌ಚ಼ ಬೊಲ್ನ ಕವಾಬಿ ಕ್ರಪೆನಿ, ಚ಼ವಿಚ಼ ರಾಹುನಿ. ಆಸ ತುಮಿ ಪರ್ತೆಕಾಲಾ ಕ್ಯಾ ಕ್ಯಾ ಉತ್ತರ್‌ ದಿಯಾವ್ಹಯಿ ಮನ್ಹುನ್ ಸಮಾಜ಼್ನಾರ್.
\s ಸರ್ತ ಸಮಾರಮ್
\p
\v 7 ಮಾಯೆಚಾ಼ ಬಾಹು, ಇಸ್ವಾಸಾಚಾ಼ ಸೇವಕ್ ಮಾಜಾ ಗುಸ್ಟಿ ಸಗ್‍ಳ್ಯಾ ತುಮಾನಾ ಸಾಂಗ್ನಾರ್. 
\v 8 ತುಮಿ ಆಮ್ಚೆ ಗುಶ್ಟಿತ್ ಸಮಜು಼ನ್ ಗಿಹಿಸಾರ, ತ್ಯೊ ತುಮ್ಚಾ ಮಾನಾನಾ ಉಮೇದ್ ದೆನಾರ್. 
\v 9 ತ್ಯೊ ಇಸ್ವಾಸಾಚಾ಼ ಆನಿ ಮಾಯೆಚಾ಼ ಬಾಹು ಜಾ಼ಲ್ಯಾಲಾ ತುಮ್ಚಾಸ್ ಗಾವಾತಲ್ಯಾ ಓನೇಸಿಮಾ ಸಂಗ ಲಾವುನ್ ದಿಲ್ಯಾ. ತೇ ಹಿತ್ತ ವ್ಹತ್ಯಾಲ್ಯಾ ಗುಶ್ಟಿ ಸಗ್‍ಳ್ಯಾ ತುಮಾನಾ ಸಾಂಗ್ತಿಲ.
\p
\v 10 ಮಾಜೆ ಸಂಗ ತುಂರ್ಗಾತ್ಲಾ ಅರಿಸ್ತಾರ್ಕ್ ಆನಿ ಬಾರ್ನಬಾಚಾ ಬಾವ್ಹಾಚಾ಼ ಪಾವ್ನಾ ಜಾ಼ಲ್ಯಾಲಾ ಮಾರ್ಕ್ ತುಮಾನಾ ನಮಸ್ಕಾರ್ ಸಾಂಗ್ನಾರ್. ತ್ಯೊ ತುಮ್ಚಿಪ ಆಲ್ಯಾವ ತ್ಯಲಾ ಮಿಳ್ವುನ್ ಗೆವ್ಹಾ. ತ್ಯಚೆ ಗುಶ್ಟಿತ್ ಹು ಮನ್‍ಲ್ಯಾಸಾ ನವ್ಹ. 
\v 11 ಯುಸ್ತ ಮಂಥ್ಯಾಲಾ ಯೇಸು ಸಾಯಿತ್ ತುಮಾನಾ ನಮಸ್ಕಾರ್ ಸಾಂಗ್ತೊ. ಯೆಹುದಿ ಇಸ್ವಾಸಿ ಸಂಗ ಹೆ ತ್ಯವ್ಡಸ್ ದೇವಾಚಾ ರಾಜಾಸಾಟಿ ಮಾಜೆ ಸಂಗಚ಼ ಸೇವಕ್ ಜಾ಼ಲ್ಯಾತ, ಹಚಿಪ್ನಿ ಮನಾ ಸಮಾದಾನ್ ಗಾವ್ಲಾ.
\p
\v 12 ಕ್ರಿಸ್ತ ಯೇಸುಚಾ಼ ಸೇವಕ್ ಜಾ಼ಲ್ಯಾಲಾ ತುಮ್ಚಾ ಗಾವಾತ್ಲಾ ಎಪಫ್ರಾ ತುಮಾನಾ ನಮಸ್ಕಾರ್ ಸಾಂಗ್‌ತ್ಯೊ, ತುಮಿ ಶಾನ ವ್ಹವುನ್ ದೇವಾಚಾ ಮನಾತ್ ಪುರ‍್ಯಾ ಇಸ್ವಾಸಾನಿ ರಾಹ್ಯಾವ್ಹಯಿ ಮನ್ಹುನ್ ತುಮ್ಚಿಸಾಟಿ ಕವಾಬಿ ಮಾಗ್ನ ಕರ್ತೊ. 
\v 13 ಹ್ಯೊ ತುಮ್ಚಿಸಾಟಿ, ಲವೊದಿಕಿಯ ಆನಿ ಹಿರಿಯಪೊಲಿಯಾತ್‌ಲ್ಯಾಂಚೆಸಾಟಿ ಖುಬ್ ಖಟ್‌ಪಟ್ ಕರ್ತ್ಯೊ ಮನ್ಹುನ್ ಮಿ ಸಾಕ್ಷಿ ಸಾಂಗ್ತೊ. 
\v 14 ಮಾಯೆಚಾ಼ ವೈದ್ಯ ಜಾ಼ಲ್ಯಾಲಾ ಲುಕ್ ಆನಿ ದೇಮಾ ಹ್ಯಂಚಾನಿ ತುಮಾನಾ ಇಚಾರ್ಲ್ಯಾ.
\p
\v 15 ಲವೊದಿಕಿತ್ ಆಸ್‌ಲ್ಯಾಲ್ಯಾ ಬಾವ್ಹಾನಾ ಆನಿ ಬನ್ಹಿನಾ ನುಂಫಳಿಲಾ ಆನಿ ತ್ಯಿಚಾ ಗರ‍್ಹಾತ್ ಮಿಳುನ್ ಯತ್ಯಾಲೆ ಮಂಡಳಿಲಾ ಇಚಾರ್ಲ ಮನ್ಹುನ್ ಸಾಂಗಾ.
\p
\v 16 ತುಮಿ ಹ್ಯ ಪತ್ರ ವಾಚಿ಼ವ್‌ಲ್ಯಾ ನಂತರ್ ಲವೊದಿಕಿಚೆ಼ ಮಂಡಳಿತ್ ಹ್ಯ ವಾಚ್ವಾ಼ಯಾ ಲಾವಾ ಆನಿ ತ್ಯಾಸ್ ಯಳಾತ್ ಲವೊದಿಕಿತ್ನಿ ಆಲ್ಯಾಲ ಪತ್ರ ತುಮಿಬಿ ವಾಚ್ವಾ಼. 
\v 17 ಅರ್ಖಿಪಾಲಾ, ತು ಪ್ರಭುಪ್ನಿ ಗೆತಲ್ಯಾಲಿ ಸೇವಾ ಜಾ಼ಗ್ರುತಿನಿ ಚಾ಼ವ್ಲಾಯಾ ವ್ಹಯಿಸ್ ಮನ್ಹುನ್ ಸಾಂಗಾ.
\p
\v 18 ಹ್ಯ ಪೌಲ್ ಮಂಥ್ಯಾಲಾ ಮಿ ಮಾಜಾ ಹಾತಾನಿ ಲಿವ್‌ಲ್ಯಾಲಾ ನಮಸ್ಕಾರ್. ಮಿ ತುಂರ್ಗಾತ್ ಹಾ ಮನ್ಹುನ್ ಯಾದ್ಕರಾ. ಕ್ರಪಾ ತುಮ್ಚಿ ಸಂಗ ರಾಹಿನಿ.