\id 2TH - Gawli Marathi
\ide UTF-8
\h ದೊನವ್ಯಾ ತೆಸಲೊನಿಕಾನಾ
\toc3 2 ಥೆಸಲೊನಿಕ್
\toc2 2 ತೆಸಲೊನಿಕ್
\toc1 ಪೌಲಾನಿ ತೆಸಲೊನಿಕಾನಾ ಲಿವ್‌ಲ್ಯಾಲ ದೊನ್ವ ಪತ್ರ
\mt2 ಪೌಲನು ತೆಸಲೊನಿಕದವರಿಗೆ ಬರೆದ ಎರಡನೆ ಪತ್ರಿಕೆ
\mt1 ಪೌಲಾನಿ ತೆಸಲೊನಿಕಾನಾ ಲಿವ್‌ಲ್ಯಾಲ ದೊನ್ವ ಪತ್ರ
\imt ವಳಕ್
\ip ಅಪೊಸ್ತಲ್ ಜಾ಼ಲ್ಯಾಲ್ಯಾ ಪೌಲಾನಿ ತೆಸಲೊನಿಕಾತ್‍ಲ್ಯಾನಾ ಲೀವ್‍ಲ್ಯಾಲ ದೊನ್ವ ಪತ್ರ\xt 1:1\xt* 1 ತೆಸಲೊನಿಕಾಲಾ ಲಿವಲ್ಯಾಲ್ಯಾ ಥೊಡ್ಯಾ ಯಳಾ ನಂತರ್ ಹ್ಯ ಪತ್ರ ಲಿವ್ಲ. ಯೇಸು ಕ್ರಿಸ್ತ್ ಜ಼ಲ್ಮನು 51 ವರ್ಸ ಜಾ಼ಲ್ಯಾ ನಂತರ್ ಹ್ಯ ಪತ್ರ ಲಿವ್ಲ. ಪೌಲಾನಿ ಹ್ಯ ಪತ್ರ ತೆಸಲೊನಿಕ್ ಸಬೆಲಾ ಲಿವ್ಲ ತವಾ ಪೌಲ್ ಕೊರಿಂತಾತ್ ಹುತ್ತಾ. ಪೌಲ್ ದೊನವ್ಯಾನಿ ಬರಿ ಖಬರ್ ಸಾಂಗಾಯಾ ಜಾ಼ತಾನಾ ಹಿ ಸಬಾ ಬ್ಯಾಂದ್ಲಿಹುತ್ತಿ \xt ಅಪೊಸ್ತಲ್ 17:1-10\xt* ಅಪೊಸ್ತಲಾಂಚ಼ ಪತ್ರ ಆಸ ಸಾಂಗ್ತ ಹೇ ಸಬೆತ್ ಥೊಡ ಯಹುದಿ ಆನಿ ಖುಬ್ ಗ್ರಿಕ್ ಹುತ್ತಿತ. ತೆಸಲೊನಿಕ್ ಸಬೆತ್ಲಿ ಸರ್ತ್ಯಾ ದಿಸಾಚೆ ಗುಸ್ಟಿತ್ ಆನಿ ಕ್ರಿಸ್ತಾಚಾ ದೊನವ್ಯಾ ಯನ್ಯಾಚೆ ಗುಸ್ಟಿತ್ ಕ್ಯಾಳ್ಜಿಚೆ ಗುಸ್ಟಿ ಯವಜ಼ಲ್ಯಾತಾ ಮನ್ಹುನ್ ಪೌಲಾನಿ ಹ್ಯಾ ದೊನವ್ಯಾ ಪತರ‍್ಯಾತ್ ಹ್ಯಚೆ ಗುಸ್ಟಿತ್ ಖುಬ್ ತೆಸಲೊನಿಕಾತ್‌ಲ್ಯಾನಾ ಲಿವ್‍ಲ್ಯಾ. ತೆಸಲೊನಿಕಾಚ಼ ಜ಼ವಜ಼ವಳ್ ಆರ್ದ್ಯಾ ಪುಸ್ತಕಾತ್ ಸರ್ತ್ಯಾ ದಿಸಾಚೆ ಗುಸ್ಟಿತ್ ಖುಬ್ ಲಿವ್‍ಲ್ಯಾ ಆನಿ ಆರ್ದ ಆಳಸೊಟ್ಯಾ ಫನಾಚೆ ಗುಸ್ಟಿತ್ ಹುಶಾರ್ಕಿ ದಿಲೆ ಸಗಳ್ಯಾಂಚಾನಿ ಆಪಲ್ಯಾ ಆಪಲ್ಯಾ ಆನಾಸಾಟಿ ಕಾಮ್ ಕರಾಯಾ ವ್ಹಯಿ ಮನ್ಹುನ್ ಹುಶಾರ್ಕಿ ದಿಲೆ \xt 3:6-10\xt*
\iot ಭಾಗ್
\io1 1. ಪೌಲಾನಿ ಹ್ಯಪತ್ರ ಆಪಲ್ಯಾಲಾ ಆನಿ ಸಂಗಚಾನಾ ವಳಕ್ ಕರುನ್ ದಿಯಿತ್ ಹ್ಯ ಸುರು ಕರ್ತೊ\ior 1:1-2 \ior*
\io1 2. ಮಂಗ್ ತೆಸಲೊನಿಕಾ ಸಬೆಚಿ ಯಾದ್ ಕರುನ್ ದೇವಾಲಾ ದನ್ಯವಾದ್ ಸಾಂಗಿತ್ ತ್ಯಂಚಿಸಾಟಿ ಮಾಗ್ನ ಕರ್ತೊ \ior 1:3-12\ior*
\io1 3. ಪೌಲಾನಿ ಸರ್ತ್ಯಾ ದಿಸಾಚೆ ಗುಸ್ಟಿತ್ ಸಾಂಗಲ್ಯಾ \ior 2 \ior*
\io1 ಮಂಗ್ ಆಳಸೊಟ್ಯಾ ಸ್ವಬಾವಾಚೆ ಆಡ್ವ ಆನಿ ಸಗ್‍ಳ್ಯಾಂಚಾನಿ ಕಾಮ್ ಕರಾಯಾ ವ್ಹಯಿ ಮನ್ಹುನ್ ಸಾಂಗ್ತೊ \ior 3:1-15 \ior*
\io1 4. ಪೌಲಾನಿ ಸಬೆಲಾ ಆನಿ ಯಂಗ್ದಾ ನಮಸ್ಕಾರ್ ಸಾಂಗಿತ್ ಹ್ಯ ಪತ್ರ ಸಪಿವ್ತೊ\ior 3:16-18 \ior*
\c 1
\p
\v 1 ಪೌಲ್ ಜಾ಼ಲ್ಯಾಲಾ ಮೀ ಹ್ಯ ಪತ್ರ ಲಿವ್‌ತ್ಯೊ ಮಾಜಿ ಸಂಗ ಸಿಲ್ವಾನ್ ತಿಮೊಥೆ ಹಾತ್ತ. ಬಾ ದೇವಾಪ ಆನಿ ಪ್ರಬು ಕ್ರಿಸ್ತ ಯೆಸುಪ ರಾಥ್ಯಾಲೆ ಥೆಸಲೊನಿಕಾಚಾ ಮೆಳ್ಯಾತ್‌ಲ್ಯಾ ಲೊಕಾನಾ,
\p
\v 2 ಆಮಚಾ಼ ಬಾ ಜಾ಼ಲ್ಯಾಲ್ಯಾ ದೇವಾಪ್ನಿಬಿ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಪ್ನಿಬಿ ತುಮಾನಾ ಕ್ರಪಾ ಶಾಂತಿ ವ್ಹವುನಿ.
\s ಕ್ರಿಸ್ತ ಆಲಾಕಿ ವ್ಹನಾರಾ ನ್ಯಾಯಿ
\p
\v 3 ಆಮ್ಚಾ ಬನ್ಹಿ ಬಾವ್ಹಾನು, ಆಮಿ ಖಾಯಿಮ್ ತುಮ್ಚೆ ಗುಶ್ಟಿತ್ ದೇವಾಲಾ ದನ್ಯವಾದ್ ಸಾಂಗ್ತಾವ್. ತಸ ಕರಾಯಾಸ್ ವ್ಹಯಿ; ಕಾಮಂಜೆ ತುಮಚಾ಼ ಇಸ್ವಾಸ್ ಆನಿ ಮಾಯಾ ಯಕಾಮಕಾವ ಖುಬ್ ವಾಡ್ತಿ. 
\v 4 ಆಸ ಆಸ್ಥಾನಾ ತುಮಾನಾ ಆಸ್‌ಲ್ಯಾಲಾ ಸಗ್ಳಾ ತರಾಸ್ ತುಮಿ ಖಾತ್ಯಾಲ ಕಸ್ಟ ದಿಸುನ್ ಆಲ್ಯಾಲ ತುಮಚ಼ ಥಂಡ್ಫನ್ ಇಸ್ವಾಸ್ ಯಾದ್ ಕರುನ್ ತುಮ್ಚೆ ಗುಶ್ಟಿತ್ ಆಮಿಸ್ ದೇವಾಚಾ ಮೇಳ್ಯಾತ್ ಮರೆದಿನಿ ಸಾಂಗ್ತಾವ್.
\p
\v 5 ದೇವ್ ನ್ಯಾಯಿ ನಿವಡ್‌ತ್ಯಾಲಾ ಶಾರ್ಕ ಹಾ ಮನ್ಹುನ್ ದಾವುನ್ ದೆತ. ಆನಿ ಹ್ಯಚಾ ಪ್ಯಾಯ್‌ದ್ಯಾಸಾಟಿ ಕಚಾಸಾಟಿ ತುಮಿ ಕಶ್ಟ ಖಾತಾಸಾ ತ್ಯಾ ರಾಜಾಲಾ ತುಮಿ ಚಾ಼ಂಗ್ಲಿ ಹಾಸಾ. 
\v 6 ದೇವ್ ಲೆಖ್ಯಾತ್ ಆಸ್‌ಲ್ಯಾಲ ಕರ್ತೊ ತುಮಾನಾ ಕೊನ್ ತರಾಸ್ ದೆತೊ ತ್ಯನಾ ದೇವ್ ಪರ್ತುನ್ ತರಾಸ್ ದೆತೊ. ತ್ಯೊ ನಿಂದಾ ಕರ್ತ್ಯಾಲ್ಯಾನಾ ನಿಂದಾ ಕರ್ತೊ, 
\v 7 ಆನಿ ತ್ಯೊ ತರಾಸ್ ಅನ್ಭವಸ್‌ತ್ಯಾಲ್ಯಾ ಆಮಾನಾ ಆನಿ ತುಮಾನಾ ತ್ಯೊ ಪರಿಹಾರ್ ದೆತೊ. ಹ್ಯ ತ್ಯೊ ಪ್ರಭು ಜಾ಼ಲ್ಯಾಲಾ ಕ್ರಿಸ್ತ ಯೇಸು ಮೊಟ್ಯಾ ದೆವ ದುತಾ ಸಂಗ ಸ್ವರ್ಗಾತ್ನಿ ದಿಸ್ಥಾನಾ ಕರ್ನಾರ್. 
\v 8 ತ್ಯೊ ಇಸ್‌ಥ್ಯಾಚೆ ಜೊ಼ತಿ ಸಂಗ ಕೊನ್ ದೇವಾಲಾ ನಕ್ವಾಟ್ ಕರ್ತೊ ಆನಿ ಆಮ್ಚಾ ಪ್ರಭು ಯೇಸುಚೆ ಬರೆ ಖಬರಿಚೆಗತ್ ಚಾ಼ಲತ್ ನಸ್‌ಲ್ಯಾಲ್ಯಾನಾ ಸಿಕ್ಷಾ ದಿಯಾ ಯತೊ. 
\v 9 ಪ್ರಭುಚೆ ಮೊರ್ನಿ ಆನಿ ಆಪ್ಲೆ ಮೊಟೆ ಮೈಮೆನಿ ದೇವ್ ತ್ಯನಾ ಯಗಳುನ್ ಖಾಯಿಮ್ಚಾ ನಾಶಾತ್ ಗ್ಯಾಲ್ಥೊ. 
\v 10 ಕವಾ ತ್ಯನಿ ತ್ಯಾ ದಿಸಾ ದಿಸಿ ಆಪ್‌ಲ್ಯಾ ಲೊಕಾಂಚಿಪ್ನಿ ಮೈಮೆ ಆನಿ ಇಸ್ವಾಸಾತ್ ಆಸ್‌ಲ್ಯಾಲ್ಯಾ ಸಗ್‌ಳ್ಯಾಂಚಿಪ್ನಿ ಮರ‍್ಯಾದ್ ಗಿಹ್ಯಾ ಯತೊ. ತ್ಯಾ ಲೊಕಾಂಚೆ ಮದ್ದಿ ತುಮಿಬಿ ರಾನ್ಹಾರ್, ಕಾ ಮಂಜೆ ಆಮಿ ತುಮಾನಾ ಸಾಂಗ್‌ಲ್ಯಾಲೆ ಖಬರಿವ ತುಮಿ ಇಸ್ವಾಸ್ ಥೆವ್ಲಾಸಾ. 
\v 11 ತ್ಯಾಸ್ ಕಾರ್ನಾನಿ ಕವಾಬಿ ತುಮ್ಚಿಪ ಮಾಗ್ನ ಕರ್ತಾವ್ ಕಚ಼ ಚಾಂಗಲ್ಯಾ ಮಾರ್ಗಾತ್ ತುಮಿ ಜೀವ್ನಾ ಕರಾಯಾ ವ್ಹಯಿ ಮನ್ಹುನ್ ದೇವಾನಿ ತುಮಾನಾ ಹಾಕಟ್ಲ ತ್ಯಾ ಮಾರ್ಗಾನಿ ಜೀವ್ನಾ ಕರಾಯಾ ಮಾಗ್ತಾವ್. ತ್ಯೊ ಆಪ್‌ಲ್ಯಾ ಪುರ‍್ಯಾ ಬಳಾನಿ ತುಮ್ಚಾ ಚಾ಼ಂಗಲ್ಯಾ ಆಶಾ ಪುರಿ ಕರುನ್ ಆನಿ ತುಮ್ಚಾ ಇಸ್ವಾಸಾಚಾ ಆಶಾ ಪುರಿ ಕರುನಿ. 
\v 12 ಆಸ ಜಾ಼ಲ್ಯಾವ ಆಮ್ಚಾ ದೇವಾಚೆ ಆನಿ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚೆ ಕ್ರಪೆನಿ ತುಮ್ಚಿಸ್ ಲಾಗುನ್ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸುಚಾ ನಾವಾಲಾ ಮೈಮಾ ವ್ಹಯಿಲ್ ತ್ಯಚಿಪ್ನಿ ತುಮಾನಾಬಿ ಗಾವ್ಹಲ್.
\c 2
\s ಬುರ್ಸಾ
\p
\v 1 ಮಾಜಾ ಬನ್ಹಿ ಬಾವ್ಹಾನು, ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ ಯನ್ಯಾಚೆ ಗುಶ್ಟಿತ್ ಆಮಿ ತ್ಯಚಿ ಸಂಗ ಮಿಳಾಚೆ ಗುಶ್ಟಿತ್ ಮಿ ತುಮ್ಚಿಪ ಮಾಗಚ಼ ಕ್ಯಾ ಮಂಜೆ, 
\v 2 ಪ್ರಭುಚ಼ ದೀಸ್ ಆತಾಸ್ ಜ಼ವಳ್ ಆಲ್ಯಾತ ಮನ್ಹುನ್ ಕುನಿತರಿ ಸಾಂಗ್ಲತ ತುಮಿ ಆಂದಿ ಕಳ್ವಳುನಕೊಸಾ ತುಮಿ ಯವ್‍ಜಾ಼ ಗುಂದ್ಳು ನಕೊಸಾ ಕಾ ಮಂಜೆ ಸಾಂಗ್‌ನ್ಯಾನಿ ಪ್ರವಾದನೆನಿ ಆನಿ ಪತ್‌ರ‍್ಯಾನಿ ಆಮಿ ತುಮಾನಾ ಹ್ಯಚೆ ಗುಶ್ಟಿತ್ ಸಿಕಿವ್‌ಲ್ಯಾ. 
\v 3 ಕಚೆ ತರನಿ ಕುನಿ ತುಮಾನಾ ಫಸ್ವು ನಾಹಿ ಆಸ ಬಗಾ ಕಾ ಮಂಜೆ ಆಂದಿ ಇಸ್ವಾಸ್ ಹಾಳ್ ಕರುನ್ ನಾಶಾಡಿಚಾ಼ ಲ್ಯೊಕ್ ಜಾ಼ಲ್ಯಾಲಾ ಅದರ್ಮಿ ಮಾನುಸ್ ಮಾಳಾಸ್ ಯಯಾಚೆ ಆಂದಿ ಸೆವಟ್‍ಚಾ಼ ತ್ಯೊ ದೀಸ್ ಯನಾರ್ ನಾಹಿ. 
\v 4 ತ್ಯೊ ಆಪ್‌ಲ್ಯಾಲಾ ಸಗ್‌ಳ್ಯಾ ಸಾಮ್ನಾಂಚೆವರ್ ಮನ್ಹುನ್ ಗೆಥೊ. ಆನಿ ತ್ಯಂಚಾ಼ ಇರೊದ್ ಕರ್ತೊ ತಿ ಸಾಮ್ನ ದೇವಾಚಿ ಜಾ಼ಲ್ಯಾತ ನಾಹಿತ ವವ್ಯಾಳುನ್ ಗಿಹ್ಯಾ ಚಾ಼ಂಗ್ಲಿ ಜಾ಼ಲ್ಯಾತ, ಕುಟ್ಪರ‍್ಯಾತ್ ಮಂಜೆ ದೇವ್ಳಾತ್ ಜಾ಼ವುನ್ ಸಿಂಹಾಸನಾವ ಬಸುನ್ ಆಪ್ನುಸ್ ದೇವ್ ಮನ್ಹುನ್ ಗೆಥೊ.
\p
\v 5 ಮೀ ತುಮ್ಚಿ ಸಂಗ ಆಸ್ಥಾನಾ ಹ್ಯಾ ಗುಶ್ಟಿ ಸಾಂಗ್‌ಲ್ಯಾಲೆ ಯದತ್ ನಾಹಿತಾ ಕ್ಯಾ? 
\v 6 ಆನಿ ಆತಾ ಹ್ಯ ಸಗ್ಳ ಘಡತ್ಯಾಲ ಶಾರ್ಕ್ಯಾ ಯಳಾಲಾ ದಿಸಾಯಾ ಕ್ಯಾ ಥಾಂಬಿವ್ತ ತ್ಯ ಸಗ್ಳ ತುಮಾನಾ ಠಾವ ಹಾ 
\v 7 ತ್ಯೊ ವಾದಿ ಆತಾಬಿ ಚು಼ರುನ್ ಆಪ್ಲಿ ಕಾಮ ಕರ್ತ್ಯಾಲಾ ಹಾ. ಹ್ಯ ಕೊನ್ ಥಾಂಬಿವ್‌ತ್ಯಾ ಆನಿ ತ್ಯ ಕುಟ್ಪರ‍್ಯಾತ್ ಥಾಂಬಿವ್ನಾರ್ ಮಂಜೆ ತ್ಯಲಾ ಥಾಂಬಿವ್‍ಲ್ಯಾಲ್ಯಾಲಾ ವಾಟನಿ ಕ್ಯಾಡ್ನರ್ ನಾಹಿ. 
\v 8 ವಾದಿ ದಿಸುನ್ ಯಯಿಲ್ ತ್ಯಲಾ ಯೇಸು ಆಪ್‌ಲ್ಯಾ ತೊಂಡಾಚಾ ವಾರ‍್ಯಾನಿ ಮೈಮೆನಿ ಯತಾನಾ ತ್ಯಲಾ ನಾಸ್ ಕರ್ನಾರ್. 
\v 9 ತ್ಯೊ ವಾದಿ ಯತಾನಾ ಸೈತಾನಾಚಾ ಬಳಾನಿ ಯನಾರ್, ಅನಿ ತ್ಯೊ ಮೊಸ್ ಕರ್ತ್ಯಾಲ್ಯಾ ಸಗ್ಳೆ ತರಚಾ ಮೊಟ್ಯಾ ಕಾಮಾನಿ ಚಮತ್ಕಾರ ಅತ್ಬುತ್ ಕಾಮ ಹ್ಯಂಚಾನಿ ಬುರ್ಸೆ ತರಚಿ ಸಗ್ಳಿ ಮೊಸಾನಿ ಬರುನ್ ನಾಸಾಚೆ ವಾಟವ ಆಸ್ನಾರ‍್ಯಾ ಸಗ್‌ಳ್ಯಾನಾ ವ್ಹನಾರ್ 
\v 10 ತ್ಯಚ಼ ಉಪಯೊಗ್ ಕಚಾಚಾ಼ ವಿರೊದ್ ಕರ್ತೊ ಮಂಜೆ ಕೊನ್ ನಾಸಾಚಾ ಮಾರ್ಗಾತ್ ಚು಼ಕುನ್ ಗೆಲ್ಯಾ. ತೇ ಚು಼ಕುನ್ ಗೆಲ್ಯಾತ ಕಾ ಮಂಜೆ ತ್ಯಂಚಾನಿ ಖರ‍್ಯಾಚಿ ಮಾಯಾ ಕಿಲಿನಾಹಿ; ತ್ಯಂಚಿ ರಕ್ಶನೆ ವ್ಹವುನಾಹಿ. 
\v 11 ಮನ್ಹುನ್ ದೇವಾನಿ ಚು಼ಕಿಚ಼ ಕಾಮ್ ಕರ್ತ್ಯಾಲ ಬಳ್ ತ್ಯಂಚಿಪ ಲಾವುನ್ ದೆತೊ. ಲಬಾಡ್ ಖರ ಆನಿ ಖರ ಲಬಾಡ್ ಮನ್ಹುನ್ ಇಸ್ವಾಸ್ ಥೆವ್‍ತ್ಯಾತ. 
\v 12 ಖರ‍್ಯಾವ ಇಸ್ವಾಸ್ ಥಿವಿನಸ್ಥಾನಾ ಬುರ್ಶಾ ಫನಾತ್ ಆನಂದ್ ವ್ಹತ್ಯಾಲಿ ಸಗ್ಳಿ ಹೇಸ್ ತರನಿ ನ್ಯಾಯಿ ತಿರ್ಮಾನಾತ್ ಗಾವ್ತಿಲ.
\s ತುಮಾನಾ ರಕ್ಶನೆಸಾಟಿ ನಿವಡ್‌ಲ್ಯಾ
\p
\v 13 ಮಾಯೆಚಾ ಬನ್ಹಿ ಬಾವ್ಹಾನು ತುಮಿ ಪವಿತ್ರಾತ್ಮಾನಿ ಶುದ್ ವ್ಹವುನ್ ಖರ‍್ಯಾವ ಇಸ್ವಾಸ್ ಥಿವುನ್ ರಕ್ಶನ್ ಗಿಹ್ಯಾಸಾಟಿ ದೆವಾನಿ ತುಮಾನಾ ಮುಳಾತ್ನಿ ನಿವಡುನ್ ಗೆತಲ್ಯಾತ ಮನ್ಹುನ್ ಆಮಿ ತುಮ್ಚೆ ಗುಸ್ಟಿತ್ ಖಾಯಿಮ್ ದೆವಾಲಾ ಉಪಕಾರಾಚಿ ಸ್ತುತಿ ಕರತ್ಯಾಲಿ ಜಾ಼ಲ್ಯಾವ್. 
\v 14 ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಿ ಮೈಮೆ ಕಮವಾಯಾ ವ್ಹಯಿ ಮನ್ಹುನ್ ಆಮ್ಚೆ ಬರೆ ಖಬರಿಸ್ ಲಾಗುನ್ ದೆವಾನಿ ತುಮಾನಾ ಹಾಕಟ್ಲ. 
\v 15 ಆಸ ಆಸ್ಥಾನಾ ಬನ್ಹಿ ಬಾವ್ಹಾನು ಘಟ್ ಉಬಿ ರಾವ್ಹಾ. ಆಮಿ ಬುಲಿನಿ ವ್ಹವುನಿ ಪತ್‌ರ‍್ಯಾನಿ ವ್ಹವುನಿ ತುಮಾನಾ ಸಾಂಗ್‌ಲ್ಯಾಲ್ಯಾ ಸಿಕಿವ್‌ನ್ಯಾತ್ ತುಮಿ ಘಟ್ ದರ್ಹುನ್ ರಾವ್ಹಾ.
\p
\v 16 ಆಮ್ಚಾ ಪ್ರಭು ಯೇಸು ಕ್ರಿಸ್ತ ಆನಿ ಆಮ್ಚಾ ಬಾ ದೇವಾನಿ ಆಮ್ಚಿ ಮಾಯಾ ಕಿಲಿ ಆನಿ ತ್ಯನಿ ಆಮಾನಾ ಆಪ್ಲೆ ಕ್ರಪೆತ್ ಶಾಸ್ವಾತ್ ಉಮೇದ್ ಆನಿ ಘಟ್ ಆಶಾ ದಿಲಿ. 
\v 17 ಕವಾಬಿ ಚಾ಼ಂಗ್ಲ ಕರಾಯಾ ಆನಿ ಸಾಂಗಾಯಾ ಧೀರ್ ಆನಿ ಬಳ್ ದಿವುನಿ.
\c 3
\s ಆಮ್ಚಿಸಾಟಿ ಮಾಗ್ನ ಕರಾ
\p
\v 1 ಸರ್ತ್ಯಾನಿ, ಬನ್ಹಿ ಬಾವ್ಹಾನು, ಆಮ್ಚಿ ಸಾಟಿ ಮಾಗ್ನ ಕರಾ ಪ್ರಭುಚ಼ ಸಬಾತ್ ಸಗ್ಳಿಕ್ಡ ಪಗಾಳ್ಯಾ ಶಾರ್ಕ ಕುಠ ಕುಠಬಿ ಚಾ಼ಟಕ್ಯಾನಿ ಪಗಳುನ್ ನಾವ್ ಗೆಥ್ಯಾ ಶಾರ್ಕ 
\v 2 ದೇವಾನಿ ಆಮಾನಾ ಬುದ್ದಿ ನಸ್‌ಲ್ಯಾಲ್ಯಾ ಬುರ್ಶಾ ಲೊಕಾಂಚಾ ಹಾತಾತ್ನಿ ಚು಼ಕ್ವಿ ಶಾರ್ಕ ಮಾಗ್ನ ಕರಾ ಸಗ್‌ಳ್ಯಾಂಚಿಪ ಕ್ರಿಸ್ತಾಚಾ಼ ಇಸ್ವಾಸ್ ನಾಹಿ ನವ್ಹ.
\p
\v 3 ಖರ ಪ್ರಭು ಇಸ್ವಾಸಾಚಾ಼ ತ್ಯೊ ತುಮಾನಾ ಘಟ್ ಕರುನ್ ತುಮಿ ಬುರ್ಶಾಚಾ ಹಾತಾತ್ ಗಾಹುನಾಹಿ ಆಸ ರ‍್ಯಾಕ್ನಾರ್ 
\v 4 ಆಮಾನಾ ಪ್ರಭುವ ಖುಬ್ ಇಸ್ವಾಸ್ ಹಾ ಆನಿ ಪುರಿ ಖಾತ್ರಿ ಹಾ ಆಮಿ ಕ್ಯಾ ತುಮಾನಾ ಸಾಂಗ್‌ಲ್ಯಾ ತುಮಿ ತಸಸ್ ಕರ್ತ್ಯಾಸಾ ಆನಿ ಕರೀತುಸ್ ರಾನ್ಹಾರ್.
\p
\v 5 ಪ್ರಭು ತುಮಾನಾ ದೆವಾಚೆ ಮಾಯೆತ್ ಕ್ರಿಸ್ತಾಚಾ ಥಂಡ್ಪನಾತ್ ರಾಹಿಸಾರ ಚಾ಼ಲ್ವುನಿ.
\s ಕಾಮ್ ಆನಿ ಜ಼ವಾಬ್ದಾರಿ
\p
\v 6 ಆಮ್ಚಾ ಬನ್ಹಿ ಬಾವ್ಹಾನು, ಆಮಿ ಸಿಕಿವ್‌ಲ್ಯಾಲ್ಯಾ ಸಿಕ್ಷನಾ ಶಾರ್ಕ ಆಂದಿ ಆಡ್ವ ವ್ಹವುನ್ ಚಾ಼ಲತ್ಯಾಲ್ಯಾ ಬಾವ್ಹಾಲಾ ತುಮಿ ದುರ್ ರಾಹ್ಯಾ ವ್ಹಯಿ ಮನ್ಹುನ್ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ ನಾವಾನಿ ತುಮಾನಾ ಸಾಂಗತ್ಯಾವ್. 
\v 7 ತುಮಿ ಆಮ್ಚಿಗತ್ ಕಸ ಚಾ಼ಲಾಯಾ ವ್ಹಯಿಸಾ ಮನ್ಹುನ್ ತುಮಾನಾಸ್ ಠಾವ ಹಾ. ಆಮಿ ತುಮ್ಚಿಗತ್ ಆಸ್ಥಾನಾ ಆಳ್ಸಿ ನವ್ಥಾಸಾ. 
\v 8 ಆಮಿ ಕುನಾಪ್ನಿ ಪೈಸ ಗೇತ್ಲ ನಾಹಿತ ಆನಿ ಪೈಸ ದಿಯಾಚೆ ಆಂದಿ ಕುನಾಪ್ನಿ ಜೆವಾನ್ ಖಾಲ ನಾಹಿ ಕಾ ಮಂಜೆ ತುಮ್ಚಾತ್ ಯಕಾಲಾಬಿ ವಜ಼ ವ್ಹವುನಾಹಿ ಮನ್ಹುನ್ ರ‍್ಯಾತ್ ದೀಸ್ ಕಾಮ್ ಕೇಲ. 
\v 9 ತುಮ್ಚಿಪ್ನಿ ಮಜ಼ತ್ ಕರುನ್ ಗಿಹ್ಯಾ ಆಮಾನಾ ಹುಕುಮ್ ನಾಹಿ ಮನ್ಹುನ್ ತಸ ಕೆಲ್ಯಾಲ ನವ್ಹ ತುಮಿ ಆಮ್ಚಿಗತ್ ವ್ಹಯಾ ವ್ಹಯಿಸಾ ಮನ್ಹುನ್ ತುಮಾನಾ ಸಮಜಾ಼ಯಾ ಕೇಲ. 
\v 10 ಯವ್ಡಸ್ ನವ್ಹ ಆಮಿ ತುಮ್ಚಿ ಸಂಗ ಆಸ್ಥಾನಾ ಕಾಮ್ ಕರಿನಸ್ನಾರ‍್ಯಾನಿ ಖಾವುನಾಹಿ ಮನ್ಹುನ್ ತುಮಾನಾ ಸಾಂಗ್‌ಲ್ಯಾ.
\p
\v 11 ಆಮಿ ಕಾ ಹ್ಯ ಸಾಂಗ್ತಾವ್ ಮಂಜೆ ತುಮ್ಚಾತ್ಲ ಥೊಡ ಜಾ಼ನ್ ಕಾಯ್ ಕಾಮ್ ಕರಾಚೆ ಆಂದಿ ದುಸ್‌ರ‍್ಯಾಂಚಾ ಕಾಮಾತ್ ಡುಯಿ ಗಾಲ್ಹುನ್ ಆಳ್ಸೊಟ ವ್ಹವುನ್ ರಾಥ್ಯಾತ ಮನ್ಹುನ್ ಬಾತ್ನಿ ಐಕ್ಲೆ. 
\v 12 ಆಸ್‌ಲ್ಯಾ ಲೊಕಾನಾ ಆಮಿ ಪ್ರಭು ಯೇಸು ಕ್ರಿಸ್ತಾಚಾ ನಾವಾನಿ ಆಮಿ ತಾಕಿತ್ ದಿವುನ್ ಆಜ್ಞೆ ದೆತಾವ್ ತೇ ಆಪ್ಲೆ ರಾಬ್ನುಕಿನಿ ಆಪ್ಲ ಆನ್ ಆಪ್ನುಸ್ ಕಮ್ವಾಯಾ ಸಾಂಗ್ತಾವ್.
\p
\v 13 ಮಾಜಾ ಬನ್ಹಿ ಬಾವ್ಹಾನು ತುಮಿ ತರಿ ಚಾ಼ಂಗ್ಲ ಕರ್ತ್ಯಾಲ್ಯಾತ್ ಠಕು ನಕೊಸಾ 
\v 14 ಹ್ಯಾ ಪತ್‌ರ‍್ಯಾನಿ ಸಾಂಗ್‌ಲ್ಯಾಲ್ಯಾ ಹ್ಯಾ ಸಬ್ದಾಂಚಿಗತ್ ಕೊನ್ತರಿ ಚಾ಼ಲ್ಲಾ ನಾಹಿತ ತ್ಯಚಿ ವಳಕ್ ಥಿವುನ್ ತ್ಯಲಾ ಲಾಜ಼್ ಯಯಿಜೊ಼ಗ ತ್ಯಚಿ ಸಂಗತ್ ಕರು ನಕೊಸಾ 
\v 15 ಫನ್ ತ್ಯಚಿಪ ವಾದಿ ಶಾರ್ಕಾ ಯವಾರ್ ಕರುನಕೊಸಾ ಹ್ಯಚಿಸ್ ಲಾಗುನ್ ಆಪ್ಲಾ ಇಸ್ವಾಸಿ ಬಾಹು ಮನ್ಹುನ್ ಸಮಜು಼ನ್ ಗಿಹುನ್ ಬುದ್ದಿ ಸಾಂಗಾ
\s ಸರ್ತ ಸಬಾತ್
\p
\v 16 ಥಂಡ್ಪನಾಚಾ಼ ಪ್ರಭು ಆಪ್ನುಸ್ ಸರ್ವ್ಯಾ ಕಾಲಾತ್ ಸಗ್ಳೆ ತರನಿ ತುಮಾನಾ ಶಾಂತಿ ದಿವುನಿ ಪ್ರಭು ತುಮ್ಚಿ ಸಂಗ ರಾಹುನಿ.
\p
\v 17 ಮಿ ಪೌಲ್ ಸ್ವತಾ ಮಾಜಾ ಹಾತಾನಿ ತುಮಾನಾ ವಂದನ್ ಲಿವ್‌ತ್ಯೊ. ಸಗ್‌ಳ್ಯಾ ಪತ್‌ರ‍್ಯಾತ್ನಿ ಹಿಸ್ ಮಾಜಿ ವಳಕ್, ಆಸಸ್ ಮಾಜ಼ ಲಿವ್ನ. 
\v 18 ಆಮ್ಚಾ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಿ ಕ್ರಪಾ ತುಮ್ಚೆ ಸಗ್‌ಳ್ಯಾಂಚೆ ಸಂಗ ರಾಹುನಿ.