\id 2PE - Gawli Marathi
\ide UTF-8
\h 2 ಪೇತ್ರ
\toc3 2 ಪೇತ್ರ
\toc2 2 ಪೇತ್ರ
\toc1 ಪೇತ್ರಾನಿ ಲಿವ್‍ಲ್ಯಾಲ ದೊನ್ವ ಪತ್ರ
\mt2 ಪೇತ್ರನು ಬರೆದ ಎರಡನೆ ಪತ್ರ
\mt1 ಪೇತ್ರಾನಿ ಲಿವ್‍ಲ್ಯಾಲ ದೊನ್ವ ಪತ್ರ
\imt ವಳಕ್
\ip ಪೇತ್ರಾನಿ ಲಿವಲ್ಯಾಲ ದೊನ್ವ ಪತ್ರ ಅಪೊಸ್ತಲ್ ಜಾ಼ಲ್ಯಾಲ್ಯಾ ಪೆತ್ರಾನಿಸ್ ಲಿವಲ್ಯಾ ಮನ್ಹುನ್ ಹ್ಯ ಪತ್ರ ದಾವುನ್ ದೆತ. ಖರ ಲತಿ ಲೊಕ ಆಜು಼ನ್ಬಿ ಹ್ಯ ಖರ ಮನಿಂತ ಪೆತ್ರಾಸಾಟಿ ದುಸರ‍್ಯಾನಿ ಕುನಿಯಕಾನಿ ಲಿವ್ಲ ಆಸಲ್ ಯೆಸುಚಾ಼ ಜಿವ್ನಾ ಆನಿ ಲಕರುನ್ ಆಪಲ್ಯಾ ಡೊಳ್ಯಾನಿ ಬಗಲ್ಯಾಲಿ ಸಾಕ್ಸಿ ವ್ಹವುನ್ ಹಾ ಮನ್ಹುನ್ ಸಾಂಗ್ತ.\xt 1:1 \xt*ಎಕ್ ವೆಳಿ ಪೆತ್ರಾನಿ ಪತ್ರ ಲಿವಲ ಆಸ್ಲತ ತ್ಯನಿ ಪೆಠತ್ರಾಹುನ್ ಲಿವ್ಲ ಆಸಲ್ ಆನಿ ಹ್ಯ ಪತ್ರ ಕ್ರಿಸ್ತ ಜ಼ಲಾಮಲ್ಯಾವ ಸಾಟಾವರ್ ಪಾಚಾ಼ಸ್ನಿ ಸಾಟಾವರ್ನವು ವರ್ಸಾಂಚೆ ಮದಿ ಲಿವ್ಲ ಆಸಲ್ ತ್ಯ ತ್ಯಚಾ ಮರ್ನಾಚೆ ಆಂದಿ ಪೆತ್ರಾನಿ ಹ್ಯ ಆಪನಿ ಲಿವಲ್ಯಾಲ ದೊನ್ವ ಪತ್ರ ಮಂತ್ಯಾತ \xt 3:1\xt* ಆಸ ಹ್ಯ ಪತ್ರ ಲಿವಲ್ಯಾಲಿ ತಾರಿಕ್ ಪೆತ್ರಾನಿ ಲಿವ್ಲೆ ಪಯಲ ಪತ್ರ ಜಾ಼ಲ್ಯಾ ನಂತರ್ ಥೆವಾಯಾ ಲಗತ. ಹ್ಯ ಪತ್ರ ಕ್ರಿಸ್ತಾಚಾ ಸಗಳ್ಯಾ ಇಸ್ವಾಸಿಂಚಾ ಉದೆಸಾನಿ ಲಿವಲ.
\ip ಪೆತ್ರಾನಿ ಇಸ್ವಾಸಿನಾ ಚಾ಼ಂಗ್ಲಾ ಜಿವ್ನಾ ಕರಾಯಾ ಉಮೆದ ಯಯಾ ಆನಿ ಲಬಾಡ ಸಿಕಿವತ್ಯಾಲ್ಯಾಂಚೆಗತ್ ಚಾ಼ಲು ನಾಹಿ ಆಸ ಶಾನತ್ ದಿಯಾ ಲಿವಲ್ಯಾ\xt 2 \xt*ತ್ಯನಿ ಯೆಸು ಪರ್ತುನ್ ಯಯಾ ಖುಬ್ ಯೊಳ್ ಗೆನ್ಹಾರ್ ಮನ್ಹುನ್ ಸಾಂಗತ್ಯಾಲ್ಯಾ ಲೊಕಾಂಚಿವ ದ್ಯಾನ್ ದಿವುನಕೊಸಾ ಮನ್ಹುನ್ ತ್ಯನಾ ಉಮೆದ್ ದಿಲಿ. ಹ್ಯಚೆ ಬದ್ಲಿಸ್ ದೆವ್ ಸಾವ್ಕಾಸ್ ನಾಹಿ ಖರ ಪರ್ತೆಕಾನಿ ರಕ್ಷೆನ್ ಗಿಹ್ಯಾಚಿ ಖಬರ ಉಚ಼ಲುನ ದರ್ಲೆ ದೊನ್ವಾ ಪೆತ್ರ 3:8-9 ಹ್ಯಾಸ್ಲಾಗುನ್ ಚಾ಼ಂಗ್ಲಾ ಜಿವ್ನಾ ಕರಾಯಾ ವ್ಹಯಿ\xt 3:14 \xt*
\iot ಭಾಗ್
\io1 1 ಪೆತ್ರಾನಿ ಆಪ್ಲಿ ವಳಕ್ ಕರುನ್ ದಿಲ್ಯಾಲಿ ಆನಿ ಆಪ್ಲಿ ವಾಚಿವತ್ಯಾಲ್ಯಾನಾ ಕೊನ್ ಮನ್ಹುನ್ ದಾವುನ್ ದೆತೊ\ior 1:1-2 \ior*
\io1 2 ಮಂಗ್ ತ್ಯೊ ದೆವಾನಿ ಆಮಾನಾ ದಿಲ್ಯಾ ಶಾರ್ಕಾ ಬರಾ ಜಿವ್ನಾ ಕರಾಯಾ ವ್ಹಯಿ ಮನ್ಹುನ್ ಯಾದಕರ್ತೊ\ior 1:3-21 \ior*
\io1 3 ಮಂಗ್ ಲಬಾಡ್ ಸಿಕಿವತ್ಯಾಲ್ಯಾಂಚೆ ಆಡ್ವ ಶಾನತ್ ದೆತೊ ಸರ್ತಾನಾ ಲಬಾಡ್ ಸಿಕಿವತ್ಯಾಲ್ಯಾನಾ ಕ್ಯಾ ವ್ಹನಾರ್ ಮನ್ಹುನ್ ಸಾಂಗತೊ\ior 2:1-22 \ior*
\io1 4 ಮಂಗ್ ತ್ಯೊ ಇಸ್ವಾಸಿನಾ ಯೆಸುಚಾ ದೊನವ್ಯಾ ಯನ್ಯಾಚೆ ತಯಾರಿಸಾಟಿ ಚಾ಼ಂಗ್ಲಾ ಜಿವ್ನಾ ಕರಾಯಾ ವ್ಹಯಿ ಮನ್ಹುನ್ ಉಮೆದ್ ದಿಯಿತ್ ಆಪ್ಲ ಹ್ಯ ಪತ್ರ ಸಪಿವ್ತೊ \ior 3:17 \ior*
\c 1
\s ನಮಸ್ಕಾರ್
\p
\v 1 ಯೇಸು ಕ್ರಿಸ್ತಾಚಾ಼ ಸೇವಕ್ ಆನಿ ಅಪೊಸ್ತಲ್ ಜಾ಼ಲ್ಯಾಲಾ ಸಿಮೆಯೊನ್ ಪೇತ್ರಾ ಆಮಚಾ಼ ದೇವ್ ಆನಿ ರ‍್ಯಾಕ್ನಾರಾ ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚೆ ನಿಯತಿನಿ ಆಮ್ಚಿಗತುಸ್ ಬರಾ ಇಸ್ವಾಸ್ ಗೆತಲ್ಯಾಲ್ಯಾನಾ ಲಿವಾಚ಼ ಕ್ಯಾ ಮಂಜೆ,
\p
\v 2 ದೇವಾಚೆ ಗುಶ್ಟಿತ್, ಆನಿ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚೆ ಗುಶ್ಟಿಚಿ ಆಸ್‌ಲ್ಯಾಲ್ಯಾ ಅಕ್ಲತ್ ತುಮಾನಾ ಕ್ರಪಾ, ಶಾಂತಿ ಖುಬ್ ಗಾಹುನಿ.
\s ದೇವಾಚ಼ ಹಾಕಟ್ನ ಆನಿ ನಿವಡ್ನ
\p
\v 3 ಆಮಾನಾ ಆಪ್ಲೆ ಮೈಮೆನಿಬಿ, ಗುನಾನಿಬಿ ಹಾಕಟ್‌ಲ್ಯಾಲ್ಯಾ ದೇವಾಚೆ ಗುಶ್ಟಿತ್ ಯೇಸುಚಾ ಚಾ಼ಂಗಲ್ಯಾ ಬಳಾನಿ ಆಮಾನಾ ದೇವಾಚ಼ ಗಿನ್ಯಾನ್ ದಿಲ್ಯಾಲ್ಯಾಸ್ ಲಾಗುನ್ ಜೀವಾಲಾಬಿ, ಬಕ್ತಿಲಾಬಿ ವ್ಹಯಿಜಾ಼ಲ್ಯಾಲ ಸಗ್ಳ ದಿಲ್ಯಾ ಮನ್ಹುನ್ ಆಮಾನಾ ಠಾವ ಹಾ. 
\v 4 ತುಮಿ ದುನೆತ್ ಬುರ್ಶೆ ಆಶೆನಿ ವ್ಹನಾರ‍್ಯಾ ಬುರ್ಶಾ ಫನಾಲಾ ದುರ್ ವ್ಹವುನ್ ದೇವಾಚಾ ಸ್ವಬಾವಾತ್ ವಾಟದಾರ್ ವ್ಹವಾವ ಮನ್ಯಾಚಾ ಉದ್ದೆಶಾನಿ ದೇವಾನಿ ಆಪ್ಲ ಖುಬ್ ಮತ್ವಾಚ಼ ಆನಿ ಕಿಮ್ತಿಚ಼ ವಾಗ್ದಾನ್ ಆಮಾನಾ ದಿಲ್ಯಾ. 
\v 5 ಹ್ಯಾ ಕಾರ್ನಾನಿಸ್ ತುಮಿ ಪುರಿ ಬಳ್‌ ಆಸ್‌ಲ್ಯಾಲಿ ವ್ಹವುನ್ ತುಮಾನಾ ಆಸ್‌ಲ್ಯಾಲ್ಯಾ ಇಸ್ವಾಸಾನಿ ಚಾ಼ಂಗ್ಲಾ ಗುನ್, ಚಾ಼ಂಗಲ್ಯಾ ಗುನಾಲಾ ಗಿನ್ಯಾನ್ಬಿ, 
\v 6 ಗಿನ್ಯಾನಾಲಾ ದಮೆಬಿ, ದಮೆಲಾ ಥಂಡ್ಫನ್ಬಿ, 
\v 7 ಥಂಡ್ಫನಾಲಾ ಬಕ್ತಿಬಿ, ಬಕ್ತಿಲಾ ಬಾವ್ಹಾಚ಼ ಸುಪ್ತಿಫನ್ಬಿ, ಬನ್ಹಿ ಬಾವ್ಹಾಚಾ ಸುಪ್ತಿಫನಾಲಾ ಮಾಯಾಬಿ ಮಿಳವಾ. 
\v 8 ಹಿ ತುಮ್ಚಿಪ ರಾಹುನ್ ವಾಡತ್ ಆಲಿತತ, ಆಮ್‍ಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚೆ ಗುಶ್ಟಿಚೆ ಅಕ್ಲತ್ ತುಮಿ ಮಜ಼ತ್ ಕರಿನಸ್ನಾರಿ, ಉಪೇಗ್ ನಸ್ನಾರಿ ವ್ಹವುನಾಹಿ ಆಸ ಕರ್ತ. 
\v 9 ಹ್ಯ ಸಗ್ಳ ನಸ್‌ಲ್ಯಾಲಾ ಅಂದ್ಳಾ ಜಾ಼ಲ್ಯಾ. ತ್ಯೊ ದುರ್ಚ಼ ದಿಸನಸ್ನಾರಾ ವ್ಹವುನ್ಬಿ ಆಪ್‌ಲ್ಯಾ ಮಾಗ್‌ಲ್ಯಾ ಪಾಪಾಂಚ಼ ಪರಿಹಾರ್ ಆಪ್ನು ಶುದ್ದ ಜಾ಼ಲ್ಯಾಲಾ ಇಸಾರ್ಲ್ಯಾ.
\p
\v 10 ಮನ್ಹುನ್ ಬನ್ಹಿ ಬಾವ್ಹಾನು, ದೇವಾಪ ತುಮ್ಚ಼ ಹಾಕಟ್ನಬಿ, ಥರಿವ್‌ಲ್ಯಾಲ ಘಟ್ ಕರಾಯಾ ಯತ್ನ ಕರಾ. ಕಾ ಮಂಜೆ ತುಮಿ ಆಸ ಕೆಲ್ಯಾವ ಕಂದೀಸ್ ತುಮಿ ಇಸ್ವಾಸಾತ್ ಪಡತ್ನಾಹಿಸಾ. 
\v 11 ಆಸ ಆಸ್ಥಾನಾ ಆಮಚಾ಼ ಪ್ರಭು, ರ‍್ಯಾಕ್ನಾರಾ ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ ಶಾಶ್ವತ್ ರಾಜಾತ್ ತುಮಾನಾ ಆಡಚ಼ನ್ ನಸ್ತಾನಾ ಜಾ಼ಯಾವ್ಹನಾರ್.
\p
\v 12 ಮನ್ಹುನ್ ತುಮಿ ಹ್ಯಾ ಗುಸ್ಟಿ ಸಮಜು಼ನ್ ತುಮಾನಾ ಗಾವಲ್ಯಾಲ್ಯಾ ಖರ‍್ಯಾತ್ ಗಟ್ ಆಸ್ಲತರಿ ತೀ ತುಮಾನಾ ಯಾದ್‍ಕರಾಯಾ ಮೀ ಕವಾಬಿ ತಯಾರ್ ಹಾ. 
\v 13 ಹೆ ದುನೆತ್ ಮಿ ಜೀವ್ನಾ ಕರಿಪರತ್ ತುಮ್ಚಿ ಯಾದ್‌ ಕರುನ್ ಸಾಂಗಾಚ಼ ಬರ ಮನ್ಹುನ್ ಕೇಲ್ಯಾ. 
\v 14 ಕಾ ಮಂಜೆ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾನಿ ಮನಾ ಸಾಂಗಲ್ಯಾಸಾರ ಮೀ ಹ್ಯ ಶರೀರ್ ಸುಡುನ್ ಜಾ಼ಯಾಚಾ಼ ದಿಸ್ ಜ಼ವಳ್ ಆಲ್ಯಾ ಮನ್ಹುನ್ ಠಾವಾ ಹಾ. 
\v 15 ತುಮಿ ಮೀ ಮೆಲ್ಯಾ ನಂತರ್ಬಿ ಹ್ಯಂಚಿ ಯಾದ್ ಕರಾಯಾ ವ್ಹಯಿಸಾ ಮನ್ಹುನ್ ಮೀ ಮನ್ಕರ್ತೊ.
\s ಕ್ರಿಸ್ತಾಚೆ ಮೈಮೆಚಾ಼ ಸಾಕ್ಷಿದಾರ್
\p
\v 16 ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚ಼ ಬಳ್, ದಿಸ್ನ ತುಮಾನಾ ಸಾಂಗ್‌ಲ್ಯಾಲ್ಯಾತ್ ಚ಼ಮತ್ಕಾರಾನಿ ಘಡಿವಲ್ಯಾಲ್ಯಾ ಕ್ಯಾಯ್‍ನ್ಯಾಂಚೆಗತ್ ಆಮಿ ಚಾ಼ಲಾವ್ ನಾಹಿ. ತ್ಯಚಿ ಚಮತ್ಕಾರ ಡೊಳ್ಯಾನಿ ಬಗುನ್ ತೀ ಸಾಂಗ್ತಾವ್. 
\v 17 ಕಾ ಮಂಜೆ, ಹ್ಯೊ ಮಾಯಾಚಾ಼ ಮಾಜಾ಼ ಲ್ಯೊಕ್, ಹ್ಯೊ ಮನಾ ಆವಾಡಲ್ಯಾ ಮಂಥ್ಯಾಲಾ ಆವಾಜ಼್ ಮೊಟೆ ಮೈಮಾನಿ ತ್ಯಲಾ ಗಾವಲ್ಯಾಲ್ಯಾತ್ ತ್ಯನಿ ಬಾ ದೇವಾಪ್ನಿ ಮರ‍್ಯಾದ್, ಮೈಮಾ ಗೇತ್ಲೆನವ್ಹ. 
\v 18 ಆಮಿ ಪರಿಶುದ್ಧ್ ಪರ್ವತಾವ ತ್ಯಚಿ ಸಂಗ ಆಸ್ತಾನಾ ಸ್ವರ್ಗಾತ್ನಿ ಆಲ್ಯಾಲಾ ತ್ಯೊ ಸಬ್ದ ಆಮಿ ಐಕ್ಲಾ.
\p
\v 19 ಯವ್ಡಸ್ನವ್ಹ ಪ್ರವಾದನ್ ವಾಕ್ಯಾ ಖುಬ್ ಘಟ್ ಗಾವಲ್ಯಾತಾ. ತ್ಯೊ ದಿಸ್ ಪಾಂಡ್ರ ವ್ಹಯಿಪರತ್ ಆನಿ ಉಜಿಡಾಚಿ ಚಾನ್ನಿ ತುಮ್ಚಾ ಮನಾತ್ ಉಗ್ವಪರತ್ ತ್ಯೊ ಆಂದಾರಾತ್ ಉಜಿಡ್ ದೇನಾರಾ ದಿವಾ ಮನ್ಹುನ್ ತ್ಯಚಿವ ಲಕ್ಷ ದಿಲ್ಯಾವ ಬರ. 
\v 20 ಕುಟ್ಲಿಸ್ ಪ್ರವಾದನ್ ವಾಕ್ಯಾ ನಿಸ್ತಿ ಮಾನ್ಸಾಚೆ ಸ್ವತಾಚೆ ಬುದ್ಧಿನಿ ಉಗುಡುನ್ ಸಾಂಗಾಯಾ ವ್ಹಯಿತ್ನಾಹಿ ಹ್ಯ ಆಂದಿ ಸಮಜು಼ನ್ ಗೇವಾ. 
\v 21 ಕಾ ಮಂಜೆ ಕಚಿಸ್ ಪ್ರವಾದನೆ ಕಂದಿಸ್ ಮಾನ್ಸಾಚಾ ಯವಜ್ನಿನಿ ಗಡ್ಲಿನಾಹಿ. ಫನ್ ಮಾನ್ಸ ಪವಿತ್ರಾತ್ಮಾಚಾ ಸಾಂಗ್‌ನ್ಯಾನಿ ದೇವಾನಿ ದಿಲ್ಯಾಲ್ಯಾನಿಸ್ ಬೊಲ್ಯಾತ.
\c 2
\s ಲಬಾಡ್ ಸಿಕಿವ್‌ತ್ಯಾಲ
\p
\v 1 ಫನ್ ಇಸ್ರಾಯೇಲ್ ಲೊಕಾಂಚೆ ಸಂಗ ಲಬಾಡ್ ಪ್ರವಾದಿ ಸಾಯಿತ್‍ ಹುತ್ತ. ತಸಸ್ ತುಮ್ಚೆ ಮದ್ಧಿ ಲಬಾಡ್ ಸಿಕಿವ್ನಾರ ಹಾತ. ತೇ ನಾಶಾಡಿಚಿ ಬುರ್ಸಿ ಸಿಕಿವ್ನಿ ಚು಼ರುನ್ ಆತ್‍ ಆನ್ನಾರ್ ಆಪ್‍ಲ್ಯಾಲಾ ಶೊಡ್‌ಲ್ಯಾಲ್ಯಾಲಾ ನಕಾರ್ ಕರ್ನಾರಿ ವ್ಹವುನ್ ಬಿಗಿನಿ ಆಪ್ಲಿವ ನಾಸ್ ವಡುನ್ ಗೆನಾರ್. 
\v 2 ತ್ಯಚೆ ಬುರ್ಸೆ ವಾಟವ ಖುಬ್ ಜ಼ನ ಚಾ಼ಲ್ನಾರ್. ಹ್ಯಚಿಸ್ಲಾಗುನ್ ಖರೆ ವಾಟಚಿ ನಿಂದಾ ವ್ಹನಾರ್. 
\v 3 ತೀ ಪೈಶಾಚೆ ಆಶೆನಿ ಬನಾವಟ್ ಗುಸ್ಟಿ ರಚ಼ವಿತ್ ತುಮಾನಾ ಇಕುನ್ ಪ್ಯಾಯ್ದಾ ಕಾಡಾಯವ್ಹಯಿ ಮನ್ನಾರ. ಲಂದಿಚಾನಿ ತಸ್‌ಲ್ಯಾನಾ ಆಸ್‌ಲ್ಯಾಲೆ ಸಿಕ್ಷೆಚಾ಼ ತೀರ್ಮಾನ್ ಚು಼ಕಾಚೆ ಆಂದಿ ಯತ್ಯೊ. ತ್ಯನಾ ಯನಾರಾ ನಾಸ್ ಜೆಪಾಟಾಕಿತ್ನಾಹಿ.
\p
\v 4 ಕಸಾ ಮಂಜೆ ದೇವ್ದುತಾಂಚಾನಿ ಪಾಪ್ ಕೆಲ ತವಾ ದೇವಾನಿ ತ್ಯನಾ ಸೊಡಾಚೆಆಂದಿ ನರ‍್ಕಾತ್ ಡಕ್ಲುನ್ ನ್ಯಾಯಿಸಾಟಿ ಸರಪೊಳ್ಯಾನಿ ಬಾಂದುನ್ ಆಂದಾರಾತ್ ಗ್ಯಾತ್ಲ. 
\v 5 ತ್ಯನಿ ಬಕ್ತಿ ನಸಲ್ಯಾಲಿ ಪೈಲಿ ದುನ್ಯಾ ಉಗಸ್ಸೊಡಾಚೆಆಂದಿ ತ್ಯಂಚಿವ ಪಾನ್ಯಾಚಾ಼ ನಾಸ್ ಆನ್ಲಾ. ಫನ್ ನಿಯೆತಿಚಿ ಖಬರ್ ಸಾಂಗ್ನಾರ‍್ಯಾ ನೊಹಾಲಾ ಆನಿ ತ್ಯಚಿ ಸಂಗ ಆಸಲ್ಯಾಲ್ಯಾ ದುಸ್‌ರ‍್ಯಾ ಸಾತ್ ಲೊಕಾನಾ ತ್ಯವ್ಡಿಸ್ ಥೀವ್ಲಿತ. 
\v 6 ತ್ಯನಿ ಸೊದೊಮ್ ಗೊಮೊರ್ ಪ್ಯಾಟ್ ಜಾ಼ಳುನ್ ರಾಕ್ಕರುನ್ ಹಿತ್ನಿ ಮೊರ‍್ಹ ಬಕ್ತಿ ನಸಲ್ಯಾಲ್ಯಾಚೆಗತ್ ಜೀವ್ನಾ ಕರ್ನಾರ‍್ಯಾನಾ ಯನಾರಿ ಬುರ್ಸಿಗತ್ ದಾವಾಯಾ ಸಾಟಿ ಉದಾಹರನ್ ತ್ಯನಾ ಸಿಕ್ಷಾದಿಲಿ. 
\v 7 ಫನ್ ದೆವ್ ತೆ ಬುರ್ಶೆ ಅನೈತಿಕ್ ಚಾ಼ಲ್ನುಕಿಲಾ ರಡ್ಲಾ ನೀಯತಿಚಾ ಲೊಟಾ ಮಂಥ್ಯಾಲ್ಯಾಲಾ ರ‍್ಯಾಕ್ಲಾ. 
\v 8 ಕಾಮಂಜೆ ತ್ಯೊ ನೀಯತಿಚಾ಼ ಮಾನುಸ್ ತ್ಯಂಚೆ ಮದ್ದಿ ರಾಹುನ್ ತ್ಯಂಚಿ ಅನ್ಯಾಯಾಚಿ ಕಾಮ ಬಗಿತ್ ಐಕಿತ್ ತ್ಯಂಚಿಸ್ ಲಾಗುನ್ ಖಾಯಿಮ್ ಆಪ್‌ಲ್ಯಾ ನೀಯತಿಚಾ ಆತ್ಮಾತ್ ಖುಬ್ ರಡ್ಲಾ. 
\v 9 ಪ್ರಭು ಇಸ್ವಾಸಿನಾ ಪರಿಕ್ಷೆತ್ನಿ ರಾಕಾಯಾ ನಿಯತ್ ನಸ್‍ಲ್ಯಾಲ್ಯಾನಾ ಸಿಕ್ಷಾದಿಯಾ ಸಾಟಿ ನ್ಯಾಯಿಚಾ ದಿಸಾಪರತ್ ಥೆವ್ನಾರಾ ಜಾ಼ಲ್ಯಾ. 
\v 10 ಆಂದಿ ಶರೀರಾಚಿ ಲಾಜ಼್ ನಸಲಾಲೆ ಆಶೆತ್ ಚಾ಼ಲುನ್ ದೇವಾಚಿ ಪದ್ವಿ ನಕ್ವಾಟ್ ಕರ್ನಾರ‍್ಯಾನಾ ಆಸಾಸ್ ಸಿಕ್ಷಾದೆನಾರ್. ಹೀ ಕುನಾಲಾ ಬಿಹ್ಯಾಚೆ ಆಂದಿ ಮನಾತ್ ಯಯಿಲ್ತಸಿ ರಾತ್ಯಾತ. ಮೈಮಾಚೆ ಪದ್ವಿತ್ ಆಸಲ್ಯಾಲ್ಯಾನಾ ದೀರ‍್ಹಾನಿ ಸಿವ್ಯಾದೆತ್ಯಾತ. 
\v 11 ದೇವ್ದುತ್ ಬಳಾನಿ ಗಿನ್ಯಾನಾನಿ ಮೊಟ ಆಸ್ಲತರಿ ಪ್ರಬುಚೆ ಮೊರ‍್ಹ ತ್ಯಂಚೆ ಆಡ್ವ , ನಿಂದಾ ಸಾಂಗಿನಸ್ತಾನಾ,ತೆ ಗಮ್ಹೆಂಡಿಚ಼ ಮೈಮೆಚೆ ಪದವಿವ ದೊಶ್ ವಾವಾಯಾ ಮಾಗ ಸರತ್ನಾಹಿ. 
\v 12 ಸಜಾ಼ವಾರಿ ಕುಂಡುನ್ ಹಾಳವ್ಹಯಾ ಜ಼ಲಾಮಲ್ಯಾಲ ಗಿನ್ಯಾನ್ ನಸಲ್ಯಾಲ್ಯಾ ಜ಼ನಾವಾರಾಚೆಗತ್ ಹೇ ಬುರ್ಸ ಸಿಕಿವ್ನಾರ ಆಪಲ್ಯಾಲಾ ಸಮಾಜ಼ಲ್ಯಾ ನಸಲ್ಯಾಲ್ಯಾ ಗುಸ್ಟಿನಾ ನಿಂದಾಕರ್ನಾರ ಜಾ಼ಲ್ಯಾತ. ಹೇ ಆಪಲ್ಯಾ ಬುರ್ಶಾ ಪನಾನಿ ಆಪ್ನುಸ್ ಹಾಳ್ ವ್ಹನಾರ್. 
\v 13 ಆಪಲ್ಯಾ ಬುರ್ಶೆ ವಾಟಸ್ ಲಾಗುನ್ ಬುರ್ಸ ಫಳ್ ಮಿಳಲ್. ಮನ್ ಯಯಿಲ್ತಸ ದಿಸ್ ಗಾಲ್ವಾಚ಼ ಸುಕ್ ಮಂತ್ಯಾತ. ಹೇ ತುಮ್ಚಿ ಸಂಗ ಜೆವ್ತಾನಾ ಮೊಸ್ ಕರುನ್ ಖಾವುನ್ ಪಿವುನ್ ಕಳಂಕಾಲಾ ನಿಂದಲಾ ಕಾರನ್ ಜಾ಼ಲ್ಯಾತ. 
\v 14 ಹೇ ವ್ಯಭಿಚಾರಿಲಾ ಬಗುನ್ ಸಂತೊಸ್ ಕರ್ನಾರ, ಪಾಪ್ ಬಗುನ್ ಸಮಾಧಾನ್ ಜಾ಼ಲ್ಯಾಲ ಡೊಳಆಸ್ನಾರ, ಚ಼ಂಚ಼ಳ್ ಮನ್ ಆಸಲ್ಯಾಲ್ಯಾನಾ ಮಳ್ ಕರ್ನಾರ, ಪೈಶಾಚೆ ಆಶೆತ್ ಮನ್ ಆಸಲ್ಯಾಲ, ದೇವಾಚಾ ಶಾಪಾತ್ ಹಾತ್ತ. 
\v 15 ಹ್ಯಂಚಾನಿ ಚಾ಼ಂಗ್ಲಾ ಮಾರ್ಗ ಶೊಡಲ್ಯಾಲ. ವಾಟ್ ಚು಼ಕಲ್ಯಾಲ ಆನಿ ಬೇಯೊರಿಚಾ಼ ಲ್ಯೊಕ್ ಜಾ಼ಲ್ಯಾಲಾ ಬಿಳಾಮಾಚಿ ವಾಟ್ ದರ್ನಾರ ಜಾ಼ಲ್ಯಾತ. ಹ್ಯೊ ಬಿಳಾಮ್ ವಾಯಿಟ್ ವಾಟನಿ ಗಾವತ್ಯಾಲ್ಯಾ ಪಗಾರಾಚಿ ಮಾಯಾ ಕರ್ತೊ. 
\v 16 ಫನ್ ತ್ಯಚಾ ಬುರ್ಶಾ ಕಾಮಾಲಾ ಖಡ್ಯಾವ್ಲಾ. ಮುಖ ಗಾಡಾವ್ ಮಾನ್ಸಾಚೆಗತ್ ಬುಲುನ್ ತ್ಯಾ ಪ್ರವಾದಿಚಾ ಖುಳ ಫನ್ ಥಾಂಬಿವ್ಲ.
\p
\v 17 ತೇ ವಾಳ್ಯಾಲ್ಯಾ ಪಾನ್ಯಾಚೆ ಜ಼ರ‍್ಯಾಚೆಗತ್ ಹಾತ್ತ, ವಾರ‍್ಯಾನಿ ವುಡುನ್ ಜಾ಼ನಾರ ಢಗ್ ಜಾ಼ಲ್ಯಾತ. ಆಸಲ್ಯಾಂಚೆ ಸಾಟಿ ಆಂದಾರಾಚಾ಼ ಜಾ಼ಗಾ ರಾಕುನ್ ಥೆವಲ್ಯಾ. 
\v 18 ನಾಶಾಡಿಚೆ ವಾಟನಿ ಚಾ಼ಲತ್ಯಾಲ್ಯಾಚಾ ಸವಾಸಾನಿ ನವಿನಿ ಚು಼ಕ್ವುನ್ ಗೆತಲ್ಯಾಲ್ಯಾಚೆ ಸಂಗ ಹೇ ಆದಾರ ನಸಲ್ಯಾಲ್ಯಾ ಪೊಕ್ಳಿಕ್ ಗುಸ್ಟಿ ಬುಲುನ್ ಬುರ್ಸ ವ್ಯಭಿಚಾರ್ ಉತ್ಪನ್ ಕರುನ್ ಖುಬ್ ಮೊಚಾ಼ಟ್ಫನಾನಿ ತ್ಯನಾ ಖುಳಿ ಕರ್ತ್ಯಾತ. 
\v 19 ಹೇ ಸ್ವತಂತ್ರ ದೆತಾವ್ ಮನ್ಹುನ್ ತ್ಯನಾ ಸಬ್ದ ದೆತ್ಯಾತ. ಫನ್ ತೇಸ್ ಬುರ್ಶಾಲಾ ಗುಲಾಮ್ ಜಾ಼ಲ್ಯಾತ. ಯಕ್ಲಾ ಕಶಾಲಾ ಹಾರ‍್ನಾರ್ ತ್ಯೊ ತ್ಯಚಾ ಗುಲಾಮ್ ಜಾ಼ಲ್ಯಾ ತ್ಯಾವ್ಡಾಸ್. 
\v 20 ಪ್ರಬು ರಾಕ್ನಿ ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚೆ ಗುಸ್ಟಿತ್ ಸಮಜು಼ನ್ ಗಿಹುನ್ ದುನೆತಲ್ಯಾ ಪೊದಡ್ಯಾಪನಾತ್ನಿ ಚು಼ಕ್ವುನ್ ಗೆತಲ್ಯಾಲ ಪರ್ತುನ್ ತ್ಯಾತ್ ಗಾವುನ್ ಹಾರ್ಲಿತತ ತ್ಯಚಿ ಸರ್ತಿ ಪರಸ್ಥಿತಿ ಪೈಲ್ಯಾವ್ನಿ ಬುರ್ಸಿ ವ್ಹನಾರ್. 
\v 21 ತೇ ನೀಯತಿಚಾ ವಾಟಾ ಸಮಜು಼ನ್ ಆಪಲ್ಯಾನಾ ದಿಲ್ಯಾಲ್ಯಾ ನಿರ್ಮಳ್ ಆಜ್ಞಾ ಸುಡುನ್ ದುರ್ ಜಾ಼ಯಾಚೆ ವಾಟ್ನಿಚ಼ ತ್ಯೊ ಮಾರ್ಗ ಸಮಾಜ಼ಲಾ ನಸ್ತಾತ ಬರ ಹುತ. 
\v 22 ಕುತ್ರ ಆಪ್ನು ವಕ್‌ಲ್ಯಾಲ ಚಾ಼ಟಾಯಾ ಮಾಗಾರ ಪರಾತ್ಲ. ಆನಿ ದುತಲ್ಯಾಲಾ ಡುಕೊರ್ ಚಿಕ್ಲಾತ್ ಲೊಳಾಯಾ ಗೆಲಾ. ಮಂತ್ಯಾಲ ಮನ್ಹ ತ್ಯನಾ ಚಾ಼ಂಗ್ಲ ಸೊಬ್ತ.
\c 3
\s ಪ್ರಭುಚಾ ಯನ್ಯಾಚ಼ ವಾಗ್ದಾನ್
\p
\v 1 ಮಾಯೆಚಾನು, ಹ್ಯ ಮಿ ತುಮಾನಾ ಲಿವಾಚ಼ ದೊನ್ವ ಪತ್ರ. ಆನಿ ಹ್ಯಾ ದುನಿ ಪತ್‌ರ‍್ಯಾತ್ನಿ ತುಮ್ಚಾ ಮನಾತ್ ನಿರ್ಮಳ್ ಯವಜ್ನಾ಼ ಉಠಾಯಾ ಸಾಟಿ ಯತ್ನ ಕರಿತ್ ಹ್ಯಾ ಸಗ್‌ಳ್ಯಾ ಗುಶ್ಟಿ ತುಮ್ಚೆ ಯದತ್ ಆಂತ್ಯೊ. 
\v 2 ಖುಬ್ ಪೈಲ್ಯಾ ಕಾಲಾತ್ನಿ ಪವಿತ್ರ ಪ್ರವಾದಿಂಚಾನಿ ಬೊಲ್ಯಾಲ್ಯಾ ಬೊಲ್ಯಾ ಆನಿ ಪ್ರಭು ರಕ್ಷಕಾಪ್ನಿ ಆಲ್ಯಾಲಿ ಆಜ್ಞಾ ತುಮ್ಚಾ ಅಪೊಸ್ತಲಾಸ್ ಲಾಗುನ್ ತುಮಾನಾ ದಿಲ್ಯಾಲ ತುಮ್ಚೆ ಯದತ್ ಆನಾಯಾ ಮನ್ ಕರ್ತೊ.
\p
\v 3 ಆಂದಿ ತುಮಾನಾ ಯಾದ್ ರಾಹುನಿ ಹ್ಯಾ ಸರ್ತ್ಯಾ ದಿಸಾತ್ ಆಪ್‍ಲ್ಯಾ ಹೌರ‍್ಯಾ ಫನಾನಿ ಚಾ಼ಲತ್ಯಾಲ ಥಟಾ ಕರ್ತ್ಯಾಲ ಯವುನ್ ಥಟಾ ಕರಿತ್, 
\v 4 ತ್ಯಚೆ ಯನ್ಯಾಚೆ ಗುಸ್ಟಿಚ಼ ಸಬ್ದ ಕ್ಯಾ ಜಾ಼ಲ್ಹ? ಆಮಚ಼ ವಾಡವಡಿಲ್ ಮೆಲ್ಯಾ ನಂತರ್; “ಸರ್ವ ಉತ್ಪತಿಚೆ ಸುರ್ವಾತಾತ್ ಆಸಲ್ಯಾಲ್ಯಾಚೆಗತ್ ಹಾ ನವ್ಹ? ಮನ್ಹುನ್ ನಿಂದಾಕರಿತ್ ಸಾಂಗಿತ. 
\v 5 ಫನ್ ಪೈಲ್ಯಾ ಕಾಲಾತ್ ಆಬಾಳ್ ದೇವಾಚೆ ಗುಶ್ಟಿನಿಸ್ ಉತ್ಪನ್ ಜಾ಼ಲ್ಹ ಆನಿ ಪಾನ್ಯಾನಿ ಧರ್ಥಿ ಕಿಲಿ ಆನಿ ತ್ಯಚೆ ಸರಬವ್ಹಾರ್ ಪಾನಿ ಥೆವ್ಲ ಮಂತ್ಯಾಲ ತೆ ಪಾಯ್ಜೆ ಮನ್ಹುನ್ ಇಸಾರತ್ಯಾತ. 
\v 6 ತ್ಯಾಸ್ ಪಾನ್ಯಾತ್ ಬುಡುನ್ ತವಾಚಿ ದುನ್ಯಾ ನಾಸ್ ಜಾ಼ಲಿ. 
\v 7 ಫನ್ ಆತಾಚಿ ದರ್ತಿ ಆಬಾಳ್ ತೆಸ್ ವಾಕ್ಯಾನಿ ಇಸತ್ಯಾನಿ ನಾಸಕರಾಯಾ ಥೆವಲ್ಯಾ. ತೀ ನ್ಯಾಯಿ ನಿವ್ಡಾಯಾ ಆನಿ ನಾಸ್ ಕರಾಯಾ ಸಾಟಿ ಥೆವ್‍ಲ್ಯಾ.
\p
\v 8 ಮಾಯೆಚಾನು, ಪ್ರಬುಚಾ ಲೆಖ್ಯಾತ್ ಯೊಕ್ ದಿಸ್ ಹಾಜಾ಼ರ್ ವರ್ಸಾಚೆಗತ್ ಹಾಜಾ಼ರ್ ವರ್ಸ ಯೆಕ್ ದಿಸಾಚೆಗತ್ ಹಾತ ಮನ್ಹುನ್ ಇಸ್ರು ನಕೊಸಾ. 
\v 9 ಪ್ರಭುನಿ ಆಪ್ನು ದಿಲ್ಯಾಲ್ಯಾ ಸಬ್ದ ಸಾರ ಕರಾಯಾ ಉಸಿರ್ ಕರ್ತೊ ಮನ್ಹುನ್ ಥೊಡ್ಯಾಚಾಂನಿ ಸಮಜು಼ನ್ ಗೆತಲ್ಯಾ ಶಾರ್ಕ ತ್ಯೊ ಉಸಿರ್ ಕರ್ತ್ಯಾಲಾ ನವ್ಹ. ಕೊನ್ ಯೊಕ್ ನಾಸ್ ವ್ಹಯಾಲಾ ತ್ಯಲಾ ಮನ್ ನಾಹಿ ಸಗ್‍ಳ್ಯಾನಾ ಪಶ್ಚಾತಾಪ್ ವ್ಹಯಾವ್ಹಯಿ ಮನ್ಹುನ್ ಮನ್ ಕರುನ್ ತುಮ್ಚೆ ಗುಸ್ಟಿತ್ ಖುಬ್ ಥಂಡ್ಪನಾನಿ ಹಾ.
\p
\v 10 ಫನ್ ಪ್ರಬುಚಾ಼ ದಿಸ್ ಚೊ಼ರಾಚೆಗತ್ ಯನಾರ್. ತಿಸಿ ಆಬ್ಳ ಮೊಟ್ಯಾನಿ ನಾಹಿವ್ಹನಾರ್. ಉತ್ಪನ್ ಜಾ಼ಲ್ಯಾಲ ಸಗ್ಳ ತಾಪುನ್ ನಾಹಿವ್ಹನಾರ್. ದರ್ತಿ ಆನಿ ತ್ಯಾತ್ ಆಸಲ್ಯಾಲಿ ಕಾಮ ಜ಼ಳುನ್ ಜಾ಼ನಾರ್.
\p
\v 11 ಹ್ಯಾ ಸಗಳ್ಯಾ ಗುಸ್ಟಿ ನಾಹಿ ವ್ಹನಾರ್ ಮನ್ಹುನ್ ತುಮಿ ಕಸ್ಲಿ ವ್ಹಯಾವ್ಹಯಿಸಾ? ನಿರ್ಮಳ್ ಆನಿ ಬಕ್ತಿ ಆಸ್ನಾರಿವ್ಹವುನ್ ರಾಹ್ಯಾ ವ್ಹಯಿಸಾ. 
\v 12 ದೇವ್ ಯತ್ಯಾಲ್ಯಾ ದಿಸಾಚಿ ವಾಟ್ ಬಗಿತ್ ಆಶೆನಿ ರಾತ್ಯಾಲ್ಯಾ ತ್ಯಾ ದಿಸಾತ್ ಆಬಾಳ್ ಇಸತ್ಯಾನಿ ನಾಸ್ ವ್ಹನಾರ್. ಲ ಉಬನಿ ಪೈಲ ಉತ್ಪನ್ ಜಾ಼ಲ್ಯಾಲ ಸಗ್ಳ ತಾಪುನ್ ಕಡುನ್ ಜಾ಼ನಾರ್. 
\v 13 ಫನ್ ಆಮಿ ದೇವಾಚಾ ಸಬ್ದಾ ಸಾರ ನವಿ ಆಬ್ಳ ಆನಿ ನವೆ ದರ್ತಿಚಿ ವಾಟ್ ಬಗತ್ಯಾವ್. ತ್ಯಾತ್ನಿ ದೇವಾಚಿ ನೀಯತ್ ಹಾ.
\p
\v 14 ಮನ್ಹುನ್ ಮಾಯೆಚಾನು, ತುಮಿ ಹ್ಯ ಸಗಳ್ಯಾಚಿ ವಾಟ್ ಬಗತ್ಯಾಸಾ ಮನ್ಹುನ್ ತ್ಯಚಿ ಸಂಗ ಥಂಡ್ಪನಾನಿ ಪರಿಶುದ್ದ ಆನಿ ದೊಸ್ ನಸಲ್ಯಾಲಿ ವ್ಹವುನ್ ತ್ಯಲಾ ದಿಸಾಯಾ ಯತ್ನಕರಾ. 
\v 15 ತುಮಾನಾ ಠಾವ ರಾಹುನಿ ಆಮ್ಚಾ ಪ್ರಭುಚ಼ ಥಂಡ್ಪನ್ ಆಮ್ಚಾ ರಕ್ಷನಾಸಾರ ಹಾ ಮನ್ಹುನ್ ಸಮಜಾ಼. ಆಮಚಾ಼ ಮಾಯಾಚಾ಼ ಬಾಹು ಜಾ಼ಲ್ಯಾಲ್ಯಾ ಪೌಲಾನಿಬಿ ಆಪ್‍ಲ್ಯಾಲಾ ದೇವಾನಿ ದಿಲ್ಯಾಲ್ಯಾ ಗಿನ್ಯಾನಾಸಾರ ತುಮಾನಾ ಲಿವ್‍ಲ್ಯಾ. 
\v 16 ತ್ಯನಿ ಆಪ್ಲೆ ಸಗ್ಳೆ ಪತ್ರಿಕೆತ್ನಿ ಹ್ಯಾ ಗುಸ್ಟಿಚ಼ಸ್ ಸಾಂಗಲ್ಯಾ. ತ್ಯಾ ಪತರ‍್ಯಾತ್ ಆಸಲ್ಯಾಲ್ಯಾ ಥೊಡ್ಯಾ ಗುಸ್ಟಿ ತುಮಾನಾ ಸಮಜು಼ನ್ ಗಿಹ್ಯಾ ಕಠಿನ್ ಹಾತಾ. ಸಿಕ್ಷಾನ್ ನಸಲ್ಯಾಲ, ಚ಼ಂಚ಼ಳ್ ಮನಾಚ಼ ಜಾ಼ಲ್ಯಾಲ ರಾಯಲ್ಯಾಲ್ಯಾ ಪುತಿಕಾಂಚೆಗತ್ ಹ್ಯಚಾ಼ ಚು಼ಕಿಚಾ಼ ಅರ್ಥ ದಿವುನ್ ಆಪ್‍ಲ್ಯಾಲಾ ನಾಸ್ ಕರುನ್ ಗೆತ್ಯಾತ.
\p
\v 17 ಮನ್ಹುನ್ ಮಾಯೆಚಾನು, ತುಮಿ ಹ್ಯಾ ಗುಸ್ಟಿ ಆಂದಿ ದರ್ನಿ ಸಮಜು಼ನ್ ಗೆತಲ್ಯಾಸಾ ಮನ್ಹುನ್ ನೀಯತ ನಸಲ್ಯಾಲ್ಯಾ ಲೊಕಾಂಚಾ ಇಚಾರಾತ್ ಗಾಹುನ್ ತುಮಚಾ಼ ಗಟ್ ಆಸಲ್ಯಾಲಾ ಇಸ್ವಾಸ್ ಹಾಲುನಾಹಿಸಾ ಜ಼ಪುನ್ ರಾವ್ಹಾ. 
\v 18 ಆಮಚಾ಼ ಪ್ರಭು ಆನಿ ರಾಕನ್ದಾರ್ ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚೆ ಗುಸ್ಟಿಚೆ ಕ್ರಪೆತ್ ಗಿನ್ಯಾನಾತ್ ತುಮಿ ವಾಡತ್ ರಾವ್ಹಾ. ತ್ಯಲಾ ಆತಾಬಿ ಖಾಯಿಮ್ ಮೈಮಾ ವ್ಹವುನಿ. ತಸಸ್ ವ್ಹವುನಿ.