\id 2JN - Gawli Marathi
\ide UTF-8
\h ಯೊಹಾನಾನಿ ಲಿವ್‌ಲ್ಯಾಲಿ ದೊನ್ವಿ ಪತ್ರಿಕೆ
\toc3 2 ಯೊಹಾನ್
\toc2 2 ಯೊಹಾನ್
\toc1 ಯೊಹಾನಾನಿ ಲಿವ್‌ಲ್ಯಾಲ ದೊನ್ವ ಪತ್ರ
\mt2 ಯೊಹಾನನು ಬರೆದ ಎರಡನೆ ಪತ್ರ
\mt1 ಯೊಹಾನಾನಿ ಲಿವ್‌ಲ್ಯಾಲ ದೊನ್ವ ಪತ್ರ
\imt ವಳಕ್
\ip ಯೊಹಾನಾನಿ ಲಿವಲ್ಯಾಲ ದೊನ್ವಪತ್ರ ಅಪೊಸ್ತಲ ಜಾ಼ಲ್ಯಾಲಾ ಯೊಹಾನ್ ಕ್ರಿಸ್ತ ಜ಼ಲಾಮಲ್ಯಾವ ಪನ್ನಾಸಾಸ್ನಿ ಶಂಬರ್ ವರ್ಸಾಂಚೆ ಮದಿ ಲಿವಲ್ಯಾ ಯೊಹಾನಾನಿ ಆಪ್ನಿಸ್ ಲಿವಲ್ಯಾ ಮನ್ಹುನ್ ದಾವುನ್ ದಿಲ್ಯಾಲ ನಾಹಿ, ಹ್ಯಚೆ ಬದ್ಲಿಸ್ ತ್ಯೊ ಆಪ್ನಿ ಯೊಕ್ ಜಾಂತಾ ಆಸಾ ಬುಲುನ್ ಗೆಥೊ\xt 1:1\xt* ಯೊಹಾನಾಚಾ ದೊನವ್ಯಾ ಪತ್‍ರ್ಯಾತ್ ಯೊಹಾನಾನಿ ಲಿವಲ್ಯಾಲೆ ಬರೆ ಖಬರಿತ್ ದಿಸುನ್ ಯತ್ಯಾಲೆ ಗುಸ್ಟಿತ್ ಖುಬ್ ಜ಼ವಳ್ ದಿಸುನ್ ಯತ.ಲತ್ಯ ಹ್ಯ ಯಕಾಮಕಾಚಿ ಮಾಯಾ ಕರಾ ಮಂತ್ಯಾಲೆ ಯೆಸುಬಿ ಆಪಲ್ಯಾ ಹುಕಮಾ ಶಾರ್ಕಾ ಚಾ಼ಲಾ ಮಂತ್ಯಾಲೆ ಗುಸ್ಟಿಂಚಾ಼ ವಿವರನ್ ಕರತ್ಯಾಚೆಗತ್ ದಿಸುನ್ ಯತ \xt 1:5-6,\xt*\xt ಯೋಹಾನ್ 15:1-9\xt* ಯೊಹಾನಾನಿ ಲಿವಲ್ಯಾಲಿ ಬರಿ ಖಬರ್ ಆನಿ ತ್ಯಚಿ ತಿನ್ ಪತ್ರಿ 1, 2, ಯೊಹಾನ್ ತ್ಯೊ ಎಪೆಸಾತ್ ಆಸ್ತಾನಾ ಯೊಹಾನಾನಿಸ್ ಲಿವಲ್ಯಾ ಆಸಾ ಇಸ್ವಾಸ್ ಹುತಾ.
\ip ಯೊಹಾನಾನಿ ಹ್ಯ ಪತ್ರ ನಿವಡಲ್ಯಾಲಿ ಬಾಯಿಲ್ಮಾನುಸ್ ಆನಿ ತಿಚಾ ಪೊರಾಂಚಾ ಉದೆಸಾನಿ ಲಿವಲ್ಯಾ.ತ್ಯನಿ ಹ್ಯ ಯಕಾ ತಂಡ್ಯಾಲಾ ಲಿವಲ್ಯಾ. ಲಬಾಡ ಸಿಕಿವತ್ಯಾಲ್ಯಾ ತಂಡ್ಯಾಚೆ ಗುಸ್ಟಿತ್ ಉಮೆದ ದಿಯಾಚಾ ಉದೆಶಾನಿ ಯೊಹಾನಾನಿ ಹ್ಯ ಪತ್ರ ಲಿವಲ್ಯಾ.
\iot ಭಾಗ್
\io1 1. ಯೊಹಾನ್ ವಾಚಿವತ್ಯಾಲ್ಯಾನಾ ನಮಸ್ಕಾರ್ ಕರಿತ್ ಆನಿ ಕುನಾಸಾಟಿ ಲಿವಲ್ಯಾ ಮನಹುನ್ ಸಾಂಗಿತ್ ಪತರ‍್ಯಾಚಿ ವಳಕ್ ಕರುನ್ ದೆತೊ\ior 1:1-3 \ior*
\io1 2. ಮಂಗ್ ತ್ಯೊ ತಂಡ್ಯಾಲಾ ಉಮೆದ್ ದೆತೊ ಆನಿ ಲ ಕಿಮ್ತಿಚಾ಼ ಹುಕುಮ್ ತ್ಯನಾ ಯಾದ್ ಕರುನ್ ದೆತೊ \ior 1:4-6 \ior*
\io1 3. ಮಂಗ್ ತ್ಯೊ ಲಬಾಡ್ ಸಿಕಿವನಾರ‍್ಯಾಂಚೆ ಆಡ್ವ ತ್ಯನಾ ಶಾನತ್ ದೆತೊ \ior 1:7-11 \ior*
\io1 4. ಯೊಹಾನ್ ಆಪ್ನಿ ಜಿವ್ನಾ ಕರ್ತ್ಯಾಲ್ಯಾ ಜಾ಼ಗ್ಯಾವಲ್ಯಾ ಇಸ್ವಾಸಿ ಲೊಕಾನಾ ನಮಸ್ಕಾರ್ ಸಾಂಗಿತ್ ಪತ್ರ ಸಪಿವತೊ\ior 1:12-13 \ior*
\c 1
\p
\v 1 ಸಬೆಚಾ಼ ಜಾಂತಾ ಜಾ಼ಲ್ಯಾಲಾ ಮಿ, ದೇವಾನಿ ನಿವಡ್‌ಲ್ಯಾಲ್ಯಾ ಆಯಿಸನಾ ಆನಿ ತಿಂಚಾ ಪೊರಾನಾ ಲಿವಾಚ಼ ಕ್ಯಾ ಮಂಜೆ; 
\v 2 ತುಮ್ಚಿಪ ಆಸ್‌ಲ್ಯಾಲ ಆನಿ ಖಾಯಿಮ್ ಆಮ್ಚಿ ಸಂಗ ಆಸ್‌ಲ್ಯಾಲ್ಯಾ ಖರ‍್ಯಾಸ್ ಲಾಗುನ್, ಮಿ ತುಮಾನಾ ಖರ‍್ಯಾನಿ ಮಾಯಾ ಕರ್ತೊ. ಮಿ ತ್ಯವ್ಡಾಸ್‌ನವ್ಹ, ಖರ‍್ಯಾಚಿ ಮಾಯಾ ಕರ್ತ್ಯಾಲಿ ಸಗ್ಳಿ ತುಮಾನಾ ಮಾಯಾ ಕರ್ತ್ಯಾತ.
\p
\v 3 ಬಾ ದೇವಾಪ್ನಿ, ದೇವಾಚಾ಼ ಲ್ಯೊಕ್ ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಪ್ನಿ, ಕ್ರಪಾ, ದಯಾ, ಥಂಡ್ಪನ್, ಖರ, ಮಾಯಾ ಖಾಯಿಮ್ ಆಮ್ಚಿ ಸಂಗ ರಾವ್ಹುನಿ.
\s ಖರ ಆನಿ ಮಾಯಾ
\p
\v 4 ಬಾಪ್ನಿ ಆಮಿ ಗೆತಲ್ಯಾಲೆ ಆಜ್ಞೆ ಶಾರ್ಕ, ತುಮ್ಚಾ ಪೊರಾತ್ನಿ ಥುಡಿ, ಖರ‍್ಯಾನಿ ಚಾ಼ಲತ್ಯಾಲಿ ಬಗುನ್ ಮಿ ಖುಬ್ ಸಂತೊಸ್ ಜಾ಼ಲಾ. 
\v 5 ಐಸಾನು, ಮಿ ನವಿ ಆಜ್ಞೆ ತುಮಾನಾ ಲಿವಿತ್ನಾಹಿ, ಆಂದಿ ದರ್ನಿ ಆಮಾನಾ ಆಸ್‌ಲ್ಯಾಲಿ ಆಜ್ಞೆ ತುಮಾನಾ ಲಿವ್ನಾರಾ ವ್ಹವುನ್; ಆಮಿ ಯಕಾ ಮಕಾಚಿ ಮಾಯಾ ಕರುಯಾ ಮನ್ಲಾ. 
\v 6 ದೇವಾಚೆ ಆಜ್ಞಾಂಚೆಗತ್ ವಾಗಾಚ಼ಸ್ ಮಾಯಾ ಜಾಲೆ. ಮಾಯೆನಿ ಚಾ಼ಲಾಯಾವ್ಹಯಿ ಮಂತ್ಯಾಲಿಸ್ ತುಮಿ ಪೈಲೆ ದರ್ನಿ ಐಕ್‌ಲ್ಯಾಲಿ ಆಜ್ಞೆ ಜಾಲೆ.
\p
\v 7 ಕಾ ಮಂಜೆ, ಯೇಸು ಕ್ರಿಸ್ತ ಮಾನುಸ್ ವ್ಹವುನ್ ಆಲಾ ಮನ್ಹುನ್ ಹುಮನಾಚೆ ಆಂದಿ ಆಸ್‌ಲ್ಯಾಲಿ ಖುಬ್ ಗಾತ್ ಕರ್ನಾರ ಲೊಕಾತ್ನಿ ನಿಗುನ್ ಆಲ್ಯಾತ. ಆಸ್ಲಸ್, ಯೇಸುಲಾ ಮಾನಿತ್ ನಸಲ್ಯಾಲ ಗತ್ ಕರೀತ್, ಕ್ರಿಸ್ತಾಚ಼ ವಾದಿ ಜಾ಼ಲ್ಯಾತ. 
\v 8 ತುಮಿ ಖಟ್ಪಟ್ ಕಾವುನ್ ಕೆಲ್ಯಾಲಿ, ಸಾಂಡುನ್ ಗಿಹ್ಯಾಚೆ಼ ಆಂದಿ ಪುರ ಪ್ರತಿ ಫಳ್ ಗಿಹ್ಯಿಸಾರ ಜಾ಼ಗ್ರುತ್‌ ರಾವ್ಹಾ
\p
\v 9 ಕ್ರಿಸ್ತಾಚಾ಼ ಶಿಕ್ಷನಾತ್ ರಾಹ್ಯಾಚೆ಼ ಆಂದಿ ತ್ಯ ವಲ್ಯಾಂಡುನ್ ಜಾ಼ನಾರ‍್ಯಾಲಾ ದೇವ್‍ನಾಹಿ. ತ್ಯಾ ಶಿಕಿವನ್ಯಾತ್ ರಾನಾರ‍್ಯಾಲಾ ಬಾಚಿ ಆನಿ ಲೆಕಾಚಿ ಮಾಯಾ ರಾತಿ. 
\v 10 ಹ್ಯ ಶಿಕ್ಷೆನ್ ವಲ್ಯಾಂಡ್ನಾರಾ ಕೊನ್ತರಿ ತುಮ್ಚಿಪ ಆಲಾತ ತ್ಯಲಾ ಗರ‍್ಹಾತ್ ಗಿಹುನಕೊಸಾ. ತ್ಯಲಾ ಬರ ವ್ಹವುನಿ ಮನ್ಹುನ್ ಸಾಂಗು ನಕೊಸಾ. 
\v 11 ಕಾ ಮಂಜೆ, ತ್ಯಲಾ ಬರ ವ್ಹವುನಿ ಮನ್ಹುನ್ ಸಾಂಗ್ನಾರಾ ತ್ಯಚಾ ಬುರ್ಶಾ ಕಾಮಾತ್ ಹಾ.
\s ಸರ್ತ್ಯಾ ಬೊಲ್ಯಾ
\p
\v 12 ತುಮಾನಾ ಲಿವಾಯಾ ಮನಾ ಖುಬ್ ಗುಶ್ಟಿ ಆಸ್‌ಲ್ಯಾತರಿ, ತ್ಯಾ ಸಾಯಿನಿ ಕಾಗ್ದಾವ ಲಿವುನ್ ಸಾಂಗಾಯಾ ಮನಾ ಮನ್‍ ನಾಹಿ. ಫನ್, ಮಿ ತುಮ್ಚಿಪ ಯವುನ್, ತುಮ್ಚಿ ಸಂಗ ಬೊಲಾಯಾ ಆಶಾ ಕರ್ತೊ. ತವಾ, ತುಮಚಾ಼ ಸಂತೊಸ್ ಪುರ್ನ ವ್ಹಯಿಲ್.
\p
\v 13 ದೇವಾನಿ ನಿವಡಲ್ಯಾಲೆ, ತುಮ್ಚೆ ಬನ್ಹಿಚಿ ಪೊರ ತುಮಾನಾ ನಮಸ್ಕಾರ್ ಸಾಂಗ್ನಾರ್.