\id 1PE - Gawli Marathi
\ide UTF-8
\h 1 ಪೇತ್ರಾನಿ
\toc3 1 ಪೇತ್ರ
\toc2 1 ಪೇತ್ರ
\toc1 ಪೇತ್ರಾನಿ ಲಿವ್‍ಲ್ಯಾಲ ಪೈಲ ಪತ್ರ
\mt2 ಪೇತ್ರನು ಬರೆದ ಮೊದಲನೆಯ ಪತ್ರ
\mt1 ಪೇತ್ರಾನಿ ಲಿವ್‍ಲ್ಯಾಲ ಪೈಲ ಪತ್ರ
\imt ವಳಕ್
\ip ಪೇತ್ರಾನಿ ಲಿವ್‌ಲ್ಯಾಲ ಪೈಲ ಪತ್ರ ಅಪೊಸ್ತಲ್ ಜಾ಼ಲ್ಯಾಲ್ಯಾ ಪೌಲಾನಿ ಲಿವ್‌ಲ್ಯಾ. ಪೇತ್ರಾನಿ ಹ್ಯ ಪತ್ರ ಸುರ್ವಾತ್ ಕರ್ತಾನಾ ಆಪ್ನು ಕೊನ್ ಆನಿ ಕುನಾಲಾ ಲಿವ್ತೊ ಮನ್ಹುನ್ ಸಾಂಗಲ್ಯಾ. ತ್ಯನಿ ಹ್ಯ ಪತ್ರ ವಳಕ್ ನಸ್‌ಲ್ಯಾಲಿ ಮನ್ಹುನ್ ತ್ಯನಿ ಹಾಕಟಾನಾ ಕ್ರಿಸ್ತ್ ಇಸ್ವಾಸಿನಾ ಲಿವ್‌ಲ್ಯಾ. \xt 1:1,\xt* \xt 1:17\xt*,\xt 2:1 \xt*ಆಪ್‌ಲ್ಯಾ ವಾಚಿವ್‌ತ್ಯಾಲ್ಯಾನಾ ಖುಬ್ ಪಾವ್ಟಿ ಹೆ ತರನಿ ಹಾಕಟೊ ಕಾ ಮಂಜೆ ತಿ ಸಗ್ಳಿ ದುಸ್ರೆ ದುಸ್ರೆ ದೆಶೆತ್ ಪಗಳುನ್ ಗಿಲ್ತಿತ. ಕಾ ಮಂಜೆ ಹ್ಯ ಪತ್ರ ಪೌಲಾನಿ ಕಸ್‌ಲ್ಯಾನಾ ಲಿವ್‌ಲ್ಯಾ ಪತ್‌ರ‍್ಯಾಚೆ ರಿತುಸ್ ಖುಬ್ ಗುಶ್ಟಿ ಸಾಂಗ್ತ. ಖುಬ್ ಲೊಕ ಪೇತ್ರಾನಿ ಲಿವ್‌ಲ್ಯಾಲ ಪೈಲ ಪತ್ರ ಎಫೆಸಾನಾ ಲಿವ್‌ಲ್ಯಾಲ್ಯಾ ಪತ್‌ರ‍್ಯಾಚೆ ನಂತರ್ ಮಂಜೆ ಕ್ರಿಸ್ತ್ ಜ಼ಲ್ಮುನ್ ಜ಼ವ ಜ಼ವಳ್ 65 ವರ್ಸಾತ್ ಲಿವ್‌ಲ್ಯಾ ಮನ್ಹುನ್ ಇಸ್ವಾಸ್ ಥೆವ್‌ತ್ಯಾತ. ಪೇತ್ರಾನಿ ಹ್ಯ ಪತ್ರ ಆಪ್ನು ಬಾಬಿಲೊನ್ ಮನ್ಹುನ್ ಹಾಕಟ್ಯಾಲ್ಯಾ ರೊಮ್ ಪೆಠತ್ ಲಿವ್‌ಲ್ಯಾ\xt 5:13 \xt*
\ip ಪೇತ್ರಾನಿ ತುಮಾನಾ ಉಮೇದ್ ದಿಯಾ ಆನಿ ಹ್ಯ ಖರ‍್ಯಾ ದೇವಾಚಿ ಕ್ರಪಾ ಮನ್ಹುನ್ ಆನಿ ಸಾಕ್ಷಿ ದಿಯಾ ಮನ್ಹುನ್ ಸಾಂಗ್‌ತ್ಯಾಲ್ಯಾನಿ ಆಪ್ನು ಲಿವ್‌ಲ್ಯಾಲ್ಯಾ ಪತ್‍ರ‍್ಯಾಚಾ಼ ಉದೇಶ್ ದಾವುನ್ ದೆತೊ \xt 5:12 \xt*
\iot ಭಾಗ್
\io1 1. ಪೆತ್ರಾ ಆಪ್ಲಿ ವಳಕ್ ಕರುನ್ ದೆತೊ ಆನಿ ಆಪ್ಲಿ ವಾಚಿವತ್ಯಾಲಿ ಲೊಕ ಕೊನ್ ಮನ್ಹುನ್ ದ್ಯಾವತೊ\ior 1—2 \ior*
\io1 2. ತಿಸಿ ತ್ಯೊ ಸಗಳ್ಯಾಂಚಾನಿ ವಾಟ್ನಿ ಗೆತಲ್ಯಾಲ ವ್ಹವುನ್ ಹುತ ರಾಖಾಯಾ ಸಾಟಿ ತ್ಯಂಚಾ ಜಿವಾಚಾ ದೆವಾಲಾ ದನ್ಯವಾದ್ ಕರ್ತೊ\ior 1:3—2:10 \ior*
\io1 3. ಮಂಗ್ ತ್ಯೊ ಹೆ ಜಗತಿತ್ ಇಸ್ವಾಸಿಂಚಾನಿ ಕಸಾ ಜಿವ್ನಾ ಕರಾಚಾ಼ ಆನಿ ಲ ಸಂದರ್ಬಾಂಚೆ ಗುಸ್ಟಿತ್ನಿ ಮಂಜೆ ನವರಾ ಬ್ಯಾಯ್ಕೊ ಗುಲಾಮ್ ದನ್ಹಿ ಆಸಲ್ಯಾ ಗುಸ್ಟಿಶಾರಕ್ಯಾ ಸುಸ್ನಾ ದೆತೊ\ior 2:11—4:11 \ior*
\io1 4. ಮಂಗ್ ಪೆತ್ರಾ ತರಾಸ್ ಯತಾನಾ ಸಮಾದಾನಾನಿ ರಾಹ್ಯಾ ಉಮೆದ್ ದೆತೊ \ior 4:12—5:11 \ior*
\io1 ಹಿತ ತ್ಯೊ ಆಪ್ಲ ಪತ್ರ ಸಪಿವ್ತೊ\ior 5:12-14 \ior*
\c 1
\p
\v 1 ಯೇಸು ಕ್ರಿಸ್ತಾಚಾ಼ ಅಪೊಸ್ತಲ್ ಜಾ಼ಲ್ಯಾಲ್ಯಾ ಪೇತ್ರಾನಿ, ಪೊಂತ, ಗಲಾತ್ಯ, ಕಪ್ಪದೊಕ್ಯ, ಆಶಾ, ಭಿಥುನ್ಯ ಮಂಥ್ಯಾಲೆ ಸೀಮತ್ನಿ ಪಗ್ಳುನ್ ಗೆಲ್ಯಾಲ್ಯಾ ಪರದೇಸಿ ಜಾ಼ಲ್ಯಾಲಿ ದೇವಾಚಾ ಲೊಕಾನಾ ಮಂಜೆ, 
\v 2 ಪವಿತ್ರಾತ್ಮಾನಿ ನಿವಡ್‌ಲ್ಯಾಲಿ ವ್ಹವುನ್, ಐಕಾಯಾವ್ಹಯಿ ಮನ್ಹುನ್, ಯೇಸು ಕ್ರಿಸ್ತಾಚ಼ ರಗಾತ್ ಸಿಪ್ಡುನ್, ಬಾ ದೇವಾಚಾ ಭವಿಶಾಚಾ ಗಿನ್ಯಾನಾನಿ ನಿವಡ್‌ಲ್ಯಾಲ್ಯಾನಾ ಲಿವಾಚ಼ ಕ್ಯಾ ಮಂಜೆ ತುಮನಾ ಕ್ರಪಾ ಥಂಡ್ಪನ್ ಖುಬ್ ವ್ಹವುನಿ.
\s ಎಕ್ ಮೂಟಿ ಆಶಾ
\p
\v 3 ಆಮಚಾ಼ ಪ್ರಭು ಯೇಸು ಕ್ರಿಸ್ತಾಚಾ಼ ಬಾ ದೇವ್ ಜಾ಼ಲ್ಯಾಲ್ಯಾಲಾ ಸ್ತೊತ್ರ ವ್ಹವುನಿ. ತ್ಯನಿ ಯೇಸು ಕ್ರಿಸ್ತಾಲಾ ಮೆಲ್ಯಾಲ್ಯಾತ್ನಿ ಉಟಿವಲ್ಯಾಲ್ಯಾತ್, ಆಪ್ಲೆ ಮೊಟೆ ಕರ್ನಾನಿ ಆಮಾನಾ ಪರ್ತುನ್ ಜ಼ಗ್ನಾರಿ ಕರುನ್ ಪರ್ತುನ್ ಜ಼ಲ್ಮದಿವುನ್ ಜೀವಾಚಿ ಆಶಾ ಆಮ್ಚಿಪ ವಾಡ್ವುನ್, 
\v 4 ಆಮಾನಾ ನಾಹಿಸ, ಕಳಂಕಾ, ನಾಸ್ ನಸ್ನಾರಾ ಹಾಕ್ ಮೊರ‍್ಹ ಬಗ್ನಾರಿ ಕಿಲಿತ. ತ್ಯೊ ಹಾಕ್ ತುಮ್ಚಿ ಸಾಟಿ ಸ್ವರ್ಗಾತ್ ಥೆವ್‌ಲ್ಯಾ. 
\v 5 ಸರ್ತ್ಯಾಕಾಲಾತ್ ದಿಸಾಯಾ ತಯಾರ್ಜಾ಼ಲ್ಯಾಲಿ ರಕ್ಷನ್ ಇಸ್ವಾಸ್ ಥೆವ್ನಾರ‍್ಯಾ ತುಮಾನಾ ಗಾವ್ಹಾಯಾ ವ್ಹಯಿ ಮನ್ಹುನ್ ದೇವ್ ತುಮಾನಾ ಆಪ್‌ಲ್ಯಾ ಬಳಾನಿ ರ‍್ಯಾಕ್ನಾರ್. 
\v 6 ಆನಿ ತುಮಿ ಥೊಡ ದಿಸ್ ಗರಜ಼್ ಆಲಿತ ತರ ತರಚಾ ತರಾಸಾತ್ನಿ ದುಖ್ ಜಾ಼ಲತರಿ ಸಂತೊಶಾನಿ ಹಾಸಾ. 
\v 7 ನಾಸ್ ವ್ಹತ್ಯಾಲ, ಇಸ್‌ತ್ಯಾತ್ ಕಡಿವಲ್ಯಾಲ್ಯಾ ಸೊನ್ಯಾವ್ನಿ ಖುಬ್ ಕಿಮ್ತಿಚಾ಼ ತುಮಚಾ಼ ಇಸ್ವಾಸ್ ಹ್ಯಾ ಕಷ್ಟಾತ್ನಿ ಪಾರ್ಕುನ್ ಯೇಸು ಕ್ರಿಸ್ತ ದಿಸ್ತಾನಾ ತುಮಾನಾ ವವ್ಯಾಳ್ನ, ಮರ‍್ಯಾದ್, ಮೈಮಾ ಆನಾರ ಜಾ಼ಲ್ಯಾ. 
\v 8 ತುಮಿ ತ್ಯಲಾ ಡೊಳ್ಯಾನಿ ಬಗ್ಲಾ ನಸ್ಲಾಸಾತರಿ ತ್ಯಚಿ ಮಾಯಾ ಕರ್ತಾಸಾ. ತುಮಿ ಆತಾ ತ್ಯಲಾ ಬಗ್ಲಾ ನಸ್ಲಾಸಾತರಿ ತ್ಯಚಿವ ಇಸ್ವಾಸ್ ಥಿವುನ್, ತುಮ್ಚಾ ಇಸ್ವಾಸಾಚ಼ ಸರ್ತ ಫಳ್ ಜಾ಼ಲ್ಯಾಲ್ಯಾ ಆತ್ಮಾಚಿ ರಕ್ಶನ್ ಗೆನಾರಿ ವ್ಹವುನ್ ಸಾಂಗಾಯಾ ವ್ಹಯಿತ್ನಾಹಿ ತಸ್ಲೆ ಮೈಮಾಚಾ ಸಂತೊಶಾನಿ ಹಾವ್ಸಿ ವ್ಹತಾಸಾ. 
\v 9 ತುಮ್ಚಾ ಇಸ್ವಾಸಾಚ಼ ಸರ್ತ ಫಳ್ ಜಾ಼ಲ್ಯಾಲ್ಯಾ ಆತ್ಮಾಚಿ ರಕ್ಶನ್ ಗೆನಾರಿ ವ್ಹವುನ್ ಸಾಂಗಾಯಾ ವ್ಹಯಿತ್ನಾಹಿ ತಸ್ಲೆ ಮೈಮಾಚಾ ಸಂತೊಶಾನಿ ಉಲಾಸ್‌ವ್ಹತೊ.
\p
\v 10 ದೇವಾನಿ ತುಮನಾ ದ್ಯಾವ್‌ಲ್ಯಾಲೆ ಕ್ರಪಾಚೆ ಗುಸ್ಟಿತ್ ಆಂದಿಸ್ ಸಾಂಗಲ್ಯಾಲ್ಯಾ ಪ್ರವಾದಿಂಚಾನಿ ಹೇ ರಕ್ಶನಾಚೆ ಗುಸ್ಟಿತ್ ಶಾರ್ಕಾ ಇಚಾರ್ಕರುನ್ ಶೊದ್ಲ. 
\v 11 ಆಪ್ಲಿಪ ಆಸ್‌ಲ್ಯಾಲ ಕ್ರಿಸ್ತಾಚ಼ ಆತ್ಮ ಕ್ರಿಸ್ತಾಲಾ ಯಯಾ ವ್ಹಯಿಜಾ಼ಲ್ಯಾಲ ತರಾಸ್ ತ್ಯಾ ನಂತರ್ ಗಾವ್ನಾರಿ ಮೈಮಾ ಆಂದಿಸ್ ಸಾಂಗ್ಲಿ ತವಾ ತ್ಯೊ ಕಚಾ಼ ಯೊಳ್ ನಾಹಿತ ಕಸ್ಲಾ ಯೊಳ್ ದ್ಯಾವ್ನಾರ್ ಮನ್ಹುನ್ ತ್ಯಂಚಾನಿ ಇಚಾರ್ ಕೆಲಾ. 
\v 12 ಫನ್ ಹ್ಯಾ ಗುಸ್ಟಿ ಆಂದಿ ಸಾಂಗ್‌ಲ್ಯಾಲ್ಯಾನಿ ಆಪ್ಲಿ ಸಾಟಿ ನವ್ಹ ತುಮ್ಚಿ ಸಾಟಿಸ್ ಸೇವಾ ಕರ್ನಾರ ಜಾ಼ಲ್ಯಾತ ಮನ್ಹುನ್ ತ್ಯನಾ ದಿಸಲ್ಯಾ. ತ್ಯಂಚಾನಿ ಆಂದಿ ಸಾಂಗಲ್ಯಾಲ್ಯಾ ಗುಶ್ಟಿಸ್ ಆತಾ ಗಡ್‌ತ್ಯಾತಾ ಮಂಥ್ಯಾಲಿ ಖಬರ್ ಸ್ವರ್ಗಾತ್ನಿ ಆಲ್ಯಾಲ್ಯಾ ಪವಿತ್ರಾತ್ಮಾಚಾ ಬಳಾನಿ ತುಮಾನಾ ಬರಿ ಖಬರ್ ಸಾಂಗ್‌ಲ್ಯಾಲ್ಯಾನಿಸ್ ತುಮಾನಾ ಮುಟಿ ಕೆಲ್ಯಾತ. ದೇವ್ದುತ್ ಹ್ಯಾ ಗುಸ್ಟಿ ಲಕ್ಷಾ ಥಿವುನ್ ಬಗಾಯಾ ವ್ಹಯಿ ಮನ್ಹುನ್ ಮನ್ ಕರ್ತ್ಯಾತ.
\s ಪರಿಶುದ್ಧ ಜೀವ್ನಾಲಾ ಹಾಕಟ್‌ಲ್ಯಾಲ
\p
\v 13 ಮನ್ಹುನ್ ತುಮಿ ತುಮಚ಼ ಮನ್ ಗಟ್ ಕರುನ್, ಚಾ಼ಂಗಲ್ಯಾ ಮನಾಚ಼ ವ್ಹವುನ್ ಯೇಸು ಕ್ರಿಸ್ತ ದಿಸ್ತಾನಾ ತುಮಾನಾ ಗಾವ್ನಾರೆ ಕ್ರಪೆವ ತುಮ್ಚಿ ಪುರಿ ಆಶಾ ಥೆವಾ. 
\v 14 ಶಾನ್ಯಾ ಪೊರಾಂಚೆಗತ್ ಚಾ಼ಲಾ, ಗಿನ್ಯಾನ್ ಯಯಾಚೆ ಆಂದಿ ತುಮಾನಾ ಆಸ್‌ಲ್ಯಾಲೆ ಬುರ್ಸೆ ಆಶೆಚೆಗತ್ ಆಜು಼ನ್ ಚಾ಼ಲಾಚೆ ಆಂದಿ, 
\v 15 ತುಮಾನಾ ಹಾಕಟ್ನಾರಾ ನಿರ್ಮಳ್ ಹಾ ತಸಾಸ್ ತುಮಿ ಐಕುನ್ ತ್ಯಲಾ ತುಮ್ಚೆ ಸಗ್ಳೆ ಚಾ಼ಲ್ನುಕಿತ್ ಪರಿಶುದ್ಧ್ ವ್ಹವಾ. 
\v 16 ಕಾ ಮಂಜೆ, ಮೀ ಪರಿಶುದ್ಧ್ ಹಾ ತಸಾಸ್ ತುಮಿ ಪರಿಶುದ್ಧ್ ವ್ಹಯಾ ವ್ಹಯಿಸಾ ಮನ್ಹುನ್ ಪವಿತ್ರ ಗ್ರಂಥಾತ್ ಲಿವ್‌ಲ್ಯಾನವ್ಹ.
\p
\v 17 ಪರ್ತೆಕಾಚಿ ಚಾ಼ಲ್ನುಕ್ ಬಗುನ್ ಬೆದ್ ಬಾವ್ ನಸ್ತಾನಾ ತೀರ್ಮಾನ್ ಕರ್ನಾರ‍್ಯಾಲಾ ತುಮಿ ಬಾ ಮನ್ಹುನ್ ಹಾಕಟ್ಯಾಸಾ ಮನ್ಹುನ್ ಹ್ಯಾ ಲೊಕಾತ್ಲ ತುಮಚ಼ ಪರವಾಸಾಚ಼ ದಿಸ್ ಭ್ಯಾನಿ ಭಕ್ತಿನಿ ಗಾಲಾ. 
\v 18 ತುಮ್ಚಾ ವಡ್ಲಾಂಚಾಪ್ನಿ ಆಲ್ಯಾಲ ಉಗಚೆ ಪದ್ಧತಿಚೆ ಚಾ಼ಲ್ನುಕಿನಿ ತುಮಾನಾ ಸುಟ್ನುಕ್ ಕೆಲ್ಯಾಲಿ ಸೊನ ಚಾ಼ಂದಿ, ಖುಬ್ ತರಚಾ ನಾಸ್ ವ್ಹನಾರ‍್ಯಾ ಸಾಮಾನಾಚಾಂನಿನವ್ಹ. 
\v 19 ಯೇಸು ಕ್ರಿಸ್ತ ಮಂಥ್ಯಾಲ್ಯಾ ನಿರ್ದೊಷಿ, ನಿರ್ಮಳ್ ಜಾ಼ಲ್ಯಾಲ್ಯಾ ಮೆಂಡ್ರಾಚಾ ಪೊರಾಚಾ ಕಿಮ್ತಿಚಾ ರಕ್ತಾನಿಸ್ ಮನ್ಹುನ್ ತುಮಾನಾ ಠಾವ ಹಾ ನವ್ಹ. 
\v 20 ತ್ಯೊ ದುನ್ಯಾ ಉತ್ಪನ್ ವ್ಹಯಾಚೆ ಆಂದಿಸ್ ನಿವ್ಡುನ್ ಹ್ಯಾ ಸರ್ತ್ಯಾ ಕಾಲಾತ್ ತುಮ್ಚಿ ಸಾಟಿ ದಿಸ್ಲಾ. 
\v 21 ತ್ಯಲಾ ಮೆಲ್ಯಾಲ್ಯಾತ್ನಿ ಉಟ್ವುನ್ ತ್ಯಲಾ ಮೈಮಾ ದಿಲ್ಯಾಲ್ಯಾ ದೇವಾಪ ತುಮಿ ತ್ಯಚಿಸ್ಲಾಗುನ್ ಇಸ್ವಾಸ್ ಥೆವ್ನಾರಿ ಜಾ಼ಲ್ಯಾಸಾ ತ್ಯವ್ಡಿಸ್. ಮನ್ಹುನ್ ತುಮಚಾ಼ ಇಸ್ವಾಸ್ ಆಶಾ ದೇವಾಪಸ್ ಹಾ.
\p
\v 22 ತುಮಿ ಖರ ಐಕುನ್ ತುಮ್ಚಿ ಆತ್ಮ ನಿರ್ಮಳ್ ಕರುನ್ ಗೆತಲ್ಯಾಸಾ ಮನ್ಹುನ್ ಕಪಟ್ ನಸ್‌ಲ್ಯಾಲ್ಯಾ ಬಾವ್ಹಾಚಿ ಮಾಯಾಕರಾ. ಆಸ ಆಸ್ಥಾನಾ ಯಕಾ ಮಕಾಲಾ ನಿರ್ಮಳ್ ಮನಾನಿ, ಪುರ‍್ಯಾ ಮನಾನಿ ಮಾಯಾ ಕರಾ. 
\v 23 ಕಾ ಮಂಜೆ ತುಮಿ ನವಿನಿ ಜ಼ಲಾಮ್‌ಲ್ಯಾಲಿ ನಾಸ್ ವ್ಹನಾರಿ ವಾಕ್ಯಾನಿ ನವ್ಹ. ಫನ್ ನಾಸ್ ವ್ಹಯಿ ನಸ್ನಾರೆ ವಾಕ್ಯಾನಿಸ್. ತೀ ಖಾಯಿಮ್ ಜೀವ್ ಆಸ್ನಾರೆ ದೇವಾಚೆ಼ ವಾಕ್ಯಾಸ್ ಲಾಗುನ್ ಗಾವ್ಲಿ. 
\v 24 ಕಾ ಮಂಜೆ ಪವಿತ್ರ ಪುತಿಕಾತ್ ಲಿವ್‌ಲ್ಯಾ ಶಾರ್ಕ:
\q1 ಮಾನ್ಸ ಸಗ್ಳಿ ಗವ್ತಾಚೆಗತ್ ಹಾತ.
\q2 ತ್ಯಂಚಿ ಮೈಮಾ ಗವ್ತಾಚಾ ಪುಲಾಚೆಗತ್ ಹಾ.
\q1 ಗವಾತ್ ವಾಳುನ್ ಜಾ಼ನಾರ್ ತ್ಯಚ಼ ಪುಲ್ ಪಡುನ್ ಜಾ಼ನಾರ್.
\q2
\v 25 ಫನ್ ಪ್ರಭುಚಿ ಬುಲಿ ಖಾಯಿಮ್ ರಾನ್ಹಾರ್.
\m ತಿ ಬುಲಿ ಕಚಿ ಮನ್‌ಲ್ಯಾವ ತುಮಾನಾ ಸಾಂಗ್‌ಲ್ಯಾಲೆ ಬರೆ ಖಬ್ರಿಚ಼ ವಾಕ್ಯಾಸ್.
\c 2
\s ಪವಿತ್ರ ಲೊಕ ಆನಿ ಜೀವ್‌ ಆಸ್ನಾರಾ ದೊಂಡಾ
\p
\v 1 ಮನ್ಹುನ್ ಸಗ್ಳ ಬುರ್ಸ ಫನ್, ಸಗ್ಳಾ ಮೊಸ್, ಕಪಟ್ಪನ್, ಖೊಟಪನ್, ಸಗ್ಳೆ ತರಚಾ ನಿಂದಾ ಸುಡುನ್‍ ದೆವಾ. 
\v 2 ನವಿನಿ ಜ಼ಲಾಮಲ್ಯಾಲ್ಯಾ ಮುಲಾಂಚೆಗತ್ ತುಮಿ ದೇವಾಚಿ ವಾಕ್ಯಾ ಮಂಥ್ಯಾಲ ನಿರ್ಮಳ ಆತ್ಮೀಕ್ ದುದಾಚಿ ಆಶಾ ಕರಾ. ತ್ಯನಿ ರಕ್ಷನೆತ್ ವಾಡ್ಸಿಲಾ. 
\v 3 ಕಾ ಮಂಜೆ ಪ್ರಭು ದಯಾ ಆಸ್ನಾರಾ ಮನ್ಹುನ್ ತುಮಾನಾ ಆನ್‌ಭವ್ ಜಾ಼ಲ್ಯಾ.
\p
\v 4 ತುಮಿ ಜೀವಾಚಾ ದೊಂಡ್ಯಾಪ ಆಲ್ಯಾಸಾ. ತ್ಯೊ ದೊಂಡಾ ಲೊಕಾನಾ ನಕೊಜಾ಼ಲಾ ಫನ್ ತ್ಯೊ ದೇವಾನಿ ನಿವಡ್‌ಲ್ಯಾಲಾ ಆನಿ ತ್ಯಲಾ ಕಿಮ್ತಿಚಾ಼ ಜಾ಼ಲ್ಯಾ. 
\v 5 ತುಮಿ ಸಾಯಿತ್ ಜೀವಾಚಾ಼ ದೊಂಡಾ ವ್ಹವುನ್ ಆತ್ಮೀಕ್ ದಿವುಳ್ ವ್ಹಯಾ ಬ್ಯಾಂತ್ಯಾಲಿ ಹಾಸಾ. ಯೇಸು ಕ್ರಿಸ್ತಾಸ್ ಲಾಗುನ್ ದೇವಾಲಾ ಪಾಯ್ಜೆತ್ಯ ಆತ್ಮೀಕ್ ಯಜ್ಞ ದಿಯಾ ಪವಿತ್ರ ಯಾಜಕಾಚೆಗತ್ ಹಾಸಾ. 
\v 6 ಬಗಾ, ಚೀಯೊನಾತ್ ಕೊನ್ಯಾಚಾ಼ ದೊಂಡಾ ಥೆವ್ತೊ.
\q2 ತ್ಯೊ ನಿವಡಲ್ಯಾಲಾ ಆನಿ ಖುಬ್ ಕಿಮ್ತಿಚಾ಼.
\q2 ತ್ಯಚಿವ ಇಸ್ವಾಸ್ ಥೆವ್ನಾರ‍್ಯಾಚಿ ಹಿರ್ಮಟ್ನಾ ವ್ಹನಾರುಸ್ ನಾಹಿ
\m ಮನ್ಹುನ್ ಪವಿತ್ರ ಪುತಿಕಾತ್ ಲಿವ್‌ಲ್ಯಾ.
\p
\v 7 ಮನ್ಹುನ್ ಇಸ್ವಾಸ್ ಥೆವ್ನಾರ‍್ಯಾ ತುಮಾನಾ ಹ್ಯೊ ದೊಂಡಾ ಕಿಮ್ತಿಚಾ಼. ಫನ್ ಇಸ್ವಾಸ್ ನಸ್ನಾರ‍್ಯಾನಾ,
\q1 ಘರ್ ಬ್ಯಾನಾರ‍್ಯಾನಿ ನಕೊ ಮನ್ಹುನ್ ಟ್ಯಾಕ್‌ಲ್ಯಾಲಾ ದೊಂಡಾಸ್
\q2 ಕೊನ್ಯಾಲಾ ಮುದಮ್ ವ್ಹಯಿ ಜಾ಼ಲ್ಯಾ
\p
\v 8 ಆನಿ ಪವಿತ್ರ ಗ್ರಂಥಾತ್ ಆನಿ ಯಕಿಕ್ಡ ಲಿವ್‌ಲ್ಯಾಲ ಕ್ಯಾ ಮಂಜೆ,
\q1 ತ್ಯೊ ಲೊಕಾನಾ ಠ್ಯಾಸ್ ಲಾಗತ್ಯಾಲಾ ದೊಂಡಾ
\q1 ಪ್ಯಾಡತ್ಯಾಲಿ ದ್ಯೊಂಡ್.
\m ತ್ಯಂಚಾನಿ ದೇವಾಚ಼ ಸಬ್ದ ಐಕ್ಲನಾಹಿತ ಮನ್ಹುನ್ ಠ್ಯಾಸ್ ಲಾಗುನ್ ಪಡ್‍ತ್ಯಾತ. ತ್ಯಚಿ ಸಾಟಿಸ್ ತ್ಯನಾ ನಿವಡ್‌ಲ್ಯಾತ.
\p
\v 9 ತುಮಾನಾ ಆಂದಾರಾತ್ನಿ ಆಪ್‌ಲ್ಯಾ ಮೊಟ್ಯಾ ಉಜೀಡಾತ್ ಹಾಕಟ್‍ಲ್ಯಾಲ್ಯಾಚಿ ಚಾ಼ಂಗ್ಲಿ ಕಾಮ ಸಾಂಗಾಯಾ ತುಮಿ ದೇವಾಪ್ನಿ ನಿವಡ್‌ಲ್ಯಾಲಿ ಲೊಕ ರಾಜಾಚಾ ವಂಶಾತ್ಲ ಯಾಜಕ್, ನಿರ್ಮಳ್ ಲೊಕ, ದೇವಾಚಿ ಸ್ವತಾಚಿ ಪೊರ ಜಾ಼ಲ್ಯಾಸಾ. 
\v 10 ಆಂದಿ ತುಮಿ ದೆವಾಚಿ ವ್ಹವುನ್ ನವ್ತಾಸಾ. ಆತಾತರಿ ತುಮಿ ದೇವಾಚಿ ಲೊಕ ಜಾ಼ಲ್ಯಾಸಾ. ಆಂದಿ ತುಮಿ ಕರ್ನಾ ನಸ್‌ಲ್ಯಾಲಿ ಜಾ಼ಲ್ತಾಸಾ. ಆತಾತರಿ ಕರ್ನಾ ಗೆತಲ್ಯಾಲಿ ಜಾ಼ಲ್ಯಾಸಾ.
\s ದೇವಾಚ಼ ಗುಲಾಮ್
\p
\v 11 ಮಾಯೆಚಾನು, ಪ್ರವಾಸಿ ಆನಿ ದುಸರೆ ದೇಶೆಚಿ ಜಾ಼ಲ್ಯಾಲಿ ತುಮಿ ತುಮ್ಚಾ ಆತ್‌ಮ್ಯಾಚೆ ಆಡ್ವ ಲಡ್ನಾರ ಶಾರೀರಿಕ್ ಬುರ್ಸೆ ಆಶೆತ್ನಿ ದುರ್ ರಾಹ್ಯಾ ವ್ಹಯಿಸಾ ಮನ್ಹುನ್ ಮೀ ತುಮ್ಚಿಪ ಮಾಕ್ತೊ. 
\v 12 ತುಮಚ಼ ವಾಗ್ನ ದುಸ್‍ರ್ಯಾ ಲೊಕಾಂಚೆ ಮೊರ‍್ಹ ಚಾ಼ಂಗ್ಲ ರಾಹುನಿ, ತವಾ ತೀ ಕಚೆ ಗುಸ್ಟಿಸ್ಲಾಗುನ್ ತುಮಾನಾ ಬುರ್ಸಿ ಮನ್ಹುನ್ ನಿಂದಾ ಕರ್ತ್ಯಾತ ತೇ ತುಮ್ಚೆ ಗುಸ್ಟಿತುಸ್ ತುಮ್ಚಿ ಚಾ಼ಂಗಲಿ ಕಾಮ ಡೊಳ್ಯಾನಿ ಬಗುನ್ ತ್ಯಚಾ ಯಯಾಚಾ ದಿಸಾತ್ ತೀ ದೇವಾಲಾ ವವ್ಯಾಳ್ನಾರ್.
\p
\v 13 ಮಾನ್ಸಾನಿ ನಿವಡ್‌ಲ್ಯಾಲ್ಯಾ ಪರ್ತೆಕ್ ಅಧಿಕಾರಾಲಾ ಪ್ರಭುಸ್ ಲಾಗುನ್ ತುಮಿ ಐಕಾ. ಸರ್ವಾ ಅಧಿಕಾರ್ ಆಸ್‌ಲ್ಯಾಲ್ಯಾ ರಾಜಾಲಾ ವ್ಹವುನಿ 
\v 14 ನಾಹಿತ ರಾಜಾಪ್ನಿ ಬುರ್ಸಿ ಚಾ಼ಲ್ನಾರ‍್ಯಾನಾ ಶಿಕ್ಷಾದಿಯಾ ಚಾ಼ಂಗ್ಲಿ ಚಾ಼ಲ್ನಾರ‍್ಯಾನಾ ಉಮೇದ್ ದಿಯಾ ಲಾವುನ್ ದಿಲ್ಯಾಲಾ ಅಧಿದತಿ ವ್ಹವುನಿ ತುಮಿ ತ್ಯಚ಼ ಐಕಾ. 
\v 15 ಸಮಜಾ಼ಚೆ ಆಂದಿ ಬೊಲ್ನಾರ‍್ಯಾ ಖುಳ್ಯಾ ಲೊಕಾಂಚ಼ ಥ್ವಾಂಡ್ ತುಮಿ ಚಾ಼ಂಗಲ್ಯಾ ಚಾ಼ಲನ್ಯಾನಿ ಆವ್ಡಾಯಾವ್ಹಯಿ ಮನ್ಹುನ್ ದೇವಾಚ಼ ಮನ್. 
\v 16 ಸ್ವತಂತ್ರಾಚೆಗತ್ ಚಾ಼ಲಾ, ಫನ್ ಬುರ್ಸ ಫನ್ ಆಡಶಾ ಕರಾಯಾ ತುಮಿ ಸ್ವತಂತ್ರ ವಾಪ್ರು ನಕೊಸಾ, ಫನ್ ತುಮಿ ದೇವಾಚಾ ಗುಲಾಮಾಚೆಗತ್ ಚಾ಼ಲಾ. 
\v 17 ಸಗ್‌ಳ್ಯಾನಾ ಮರ‍್ಯಾದ್ ದೇವಾ. ಬನ್ಹಿ ಬಾವ್ಹಾಚಿ ಮಾಯಾ ಕರಾ. ದೇವಾಲಾ ಭೀವಾ. ರಾಜಾಲಾ ಮರ‍್ಯಾದ್ ದೇವಾ.
\s ಕ್ರಿಸ್ತಾಚೆ ಸೇವೆಚಾ಼ ಆರ‍್ತ
\p
\v 18 ಸೇವಕಾನು, ತುಮ್ಚಾ ದನ್ಯಾಂಚಾನಿ ಸಾಂಗಲ್ಯಾಲ ಪುರೆ ಮರೆದಿನಿ ಕರಾ. ಚಾ಼ಂಗಲ್ಯಾ ಮನಾಚ಼ ಆಸಲ್ಯಾಲ್ಯಾನಾ ತ್ಯವ್ಡಸ್ ನವ್ಹ ಕಟುರ್ ಮನಾಚಾಂಚ಼ಬಿ ಐಕಾ. 
\v 19 ಯಕಾಲಾ ಅನ್ಯಾಯಾನಿ ತರಾಸ್ ವ್ಹತಾನಾ ದೇವ್ ಬಕ್ತೊ ಮನ್ಹುನ್ ಸಮಜು಼ನ್ ತ್ಯೊ ತರಾಸ್ ತ್ಯನಿ ಸುಸ್ವುನ್ ಗೆತಲ್ಯಾವ ತ್ಯ ಬರ. 
\v 20 ಚು಼ಕ್ ಕರುನ್ ಮಾರ್ ಖಾತಾನಾ ತುಮಿ ಸುಸ್ವುನ್ ಗೆತಲ್ಯಾವ ತ್ಯಾತ್ ಕ್ಯಾ ಮೊಟಫನ್? ಫನ್ ಬರ ಕರುನ್ ತರಾಸ್ ಯತಾನಾ ತ್ಯೊ ತುಮಿ ಸುಸ್ವುನ್ ಗೆತಲ್ಯಾವ ತ್ಯೊ ದೇವಾಚೆ ಮೊರ‍್ಹ ಮೊಟ ಜಾ಼ಲ್ಯಾ. 
\v 21 ಹ್ಯಚಿ ಸಾಟಿಸ್ ತುಮಾನಾ ಹಾಕಟ್‌ಲ್ಯಾತ. ಕ್ರಿಸ್ತ ಸಾಯಿತ್ ತುಮ್ಚಿ ಸಾಟಿ ತರಾಸ್ ಖಾವುನ್ ತುಮಿ ತ್ಯಚೆ ಪ್ಯಾಯಶಾರಿನಿ ಚಾ಼ಲಾಯಾ ವ್ಹಯಿಸಾ ಮನ್ಹುನ್ ವಾಟ್ ದಾವುನ್ ಗೇಲಾ 
\v 22 ತ್ಯನಿ ಕಸ್ಲಸ್ ಪಾಪ್ ಕೇಲನಾಹಿ, ತ್ಯಚಾ ತೊಂಡಾತ್ ಕಸ್ಲಸ್ ಕಪಟ್ ಫನ್ ಗಾವ್ಲನಾಹಿ. 
\v 23 ಶಿವ್ಯಾದೆನಾರ‍್ಯಾನಾ ತ್ಯನಿ ಪರ್ತುನ್ ಶಿವ್ಯಾದಿಲ್ಯಾನಾಹಿತಾ, ತ್ಯನಿ ತರಾಸ್ ಖಾವುನ್ ಕುನಾಲಾಸ್ ಭ್ಯಾಗಾಲಾಚೆ ಆಂದಿ ಖರ‍್ಯಾನಿ ತೀರ್ಪ ಕರ್ನಾರ‍್ಯಾಲಾ ಆಪ್ಲ ಕಾಮ್ ದಿಲ. 
\v 24 ಆಮಿ ಪಾಪಾಸಾಟಿ ಮರುನ್ ನೀಯತಿಚಿ ವ್ಹವುನ್ ಜೀವ್ನಾ ಕರಾಯಾಸಾಟಿ ತ್ಯೊ ಆಮ್‌ಚ಼ ಪಾಪ ಆಪ್ನುಸ್ ಆಪ್ಲಿವ ಗಿಹುನ್ ಶಿಲ್ಬೆವ ಮೇಲಾ. ತ್ಯಚಿವ ಬಸ್‍ಲ್ಯಾಲ್ಯಾ ಮಾರಾನಿ ಆಮಾನಾ ಬರ ಜಾ಼ಲ. 
\v 25 ತುಮಿ ವಾಟ್ ಚು಼ಕುನ್ ಗೇಲ್ಯಾಲ್ಯಾ ಮೆಂಡ್ರಾಚೆಗತ್ ಆಸ್‍ಲ್ಯಾಲಿ. ಫನ್ ಆತಾ ತುಮಿ ಪರ್ತುನ್ ತುಮ್ಚಾ ಆತಮ್ಯಾಚಾ಼ ಕುರ್ಬುರ್ ಜಾ಼ಲ್ಯಾಲ್ಯಾಪ ಆಲ್ಯಾಸಾ.
\c 3
\s ನವ್ರಾ ಬ್ಯಾಯ್ಕೊ
\p
\v 1 ತೆಸ್ ತರನಿ ಬ್ಯಾಯ್ಕಾನು, ತುಮ್ಚಾ ದನ್ಗಾರಾಂಚ಼ ಐಕಾ. ತ್ಯಾತ್ಲ ಥೊಡ ದೇವಾಚಾ ವಾಕ್ಯಾಚೆಗತ್ ಚಾ಼ಲ್ಲನಾಹಿತ ತರಿ 
\v 2 ತುಮಿ ನಿರ್ಮಳ್ ವ್ಹವುನ್, ಮರೆದಿನಿ ಚಾ಼ಲತ್ಯಾಲಿ ತ್ಯಂಚಾನಿ ಬಗುನ್ ವಾಕ್ಯಾ ಠಾವ್ಯಾ ನಸಲ್ಯಾತರಿ ಆಪಲ್ಯಾ ದನ್ಗರಿ ಜಾ಼ಲ್ಯಾಲ್ಯಾ ತುಮ್ಚೆ ಚಾ಼ಂಗ್ಲೆ ಚಾ಼ಲಿನಿ ಚಾ಼ಂಗ್ಲೆ ವಾಟವ ಯತಿಲ. 
\v 3 ಯನಿ ಗಾಲ್ಹಾಚಿ, ಸೊನ್ಯಾಚ಼ ದಾಗಿನ ಗಾಲಾಚ಼, ಕಿಮ್ತಿಚ಼ ಕಪ್ಡ ವಾಪ್ರಾಚ಼ ಹ್ಯಂಚಿ ಬಾಹಿರ್ಲಿ ಸೊಬಾ ತುಮ್ಚಿ ರಾಹುನಾಹಿ. 
\v 4 ಫನ್ ದೇವಾಚೆ ನದ್ರತ್ ಕಿಮ್ತಿಚ಼ ಆನಿ ಖಾಯಿಮಚ಼ ಜಾ಼ಲ್ಯಾಲ ಚಾ಼ಂಗಲ್ಯಾ ಗುನಾಚಾ ಆನಿ ಥಂಡ್ ಮನ್ ಮಂಥ್ಯಾಲ ಆತ್ಲ ಸೊನ ತುಮಚಿ ಸೊಬಾ ವ್ಹವುನಿ. 
\v 5 ಪೈಲ್ಯಾಕಾಲಾತ್ ದೇವಾವ ಇಸ್ವಾಸ್ ಥೆವ್‌ಲ್ಯಾಲ್ಯಾ ಭಕ್ತಿನಿ ಸಾಹಿತ್ ಆಶಾಸ್ ಅಪ್‌ಲ್ಯಾನಾ ಸೊಬಾಕರಿತ್ಯಾ. ತ್ಯಾ ಆಪ್‌ಲ್ಯಾ ಆಪ್‌ಲ್ಯಾ ಘ್ವಾಂಚಾನಿ ಸಾಂಗಲ್ಯಾಲ್ಯಾ ಐಕಿತ್ಯಾ. 
\v 6 ಸಾರಾಳ್ ತಸಿಸ್ ಅಬ್ರಹಾಮಾಚ಼ ಐಕುನ್ ತ್ಯಲಾ ಘೊ ಮನ್ಹುನ್ ಹಾಕ್ಟಿತಿ. ತುಮಿ ಚಾ಼ಂಗ್ಲ ಕರುನ್ ಕಸ್‌ಲ್ಯಾಸ್ ಭ್ಯಾಲಾ ಬೀಹಿತ್ನಾಹಿಸಾತ ತುಮಿ ತಿಚಾ ಲಿಕಿ ವ್ಹಸಿಲಾ.
\p
\v 7 ತೆಸ್ ತರನಿ ಘ್ವಾಸಾನು, ಬ್ಯಾಯ್ಕಾಮಾನುಸ್ ತುಮ್ಚಿವ್ನಿ ಬಳ್ನಸ್‌ಲ್ಯಾಲ ಮನ್ಹುನ್ ಸಮಜು಼ನ್, ತುಮ್ಚೆ ದನ್ಗರಿಂಚೆ ಸಂಗ ನಾಜು಼ಕ್ಪನಾನಿ ಚಾ಼ಲಾ, ತ್ಯಾ ಕಾಯಿಮ್ಚಾ ಜೀವಾಚಾ ವರಲಾ ತುಮ್ಚಿ ಸಂಗ ವಾರಿಸ್ ಮನ್ಹುನ್ ಸಮಜು಼ನ್ ತ್ಯನಾ ಮರ‍್ಯಾದ್ ದೇವಾ. ಆಸ ಕೇಲ್ಯಾವ ತುಮ್ಚಾ ಮಾಗ್‌ನ್ಯಾತ್ ಆಡಚ಼ನ್ ಯಯಿತ್ನಾಹಿ.
\s ನೀಯತಿಸಾಟಿ ತರಾಸ್ ಖಾಯಾಚಾ಼
\p
\v 8 ಸೇವಟ್ ತುಮಿ ಸಗ್ಳಿ ಯಕಾ ಮನಾನಿ, ಯಕಾ ಮಕಾವ ಕರ್ನಾ ದಾವಾ, ಬನ್ಹಿ ಬಾವ್ಹಾಚೆಗತ್ ಯಕಾ ಮಕಾಚಿ಼ ಮಾಯಾ ಕರಾ, ಕರ್ನಾ, ಆನಿ ಮಾಯೆಚಿ ವ್ಹವುನ್ ರಾವ್ಹ. 
\v 9 ನಾಸಾಲಾ ನಾಸ್, ನಿಂದಲಾ ನಿಂದಾ ಕರಾಚೆ ಆಂದಿ ಆಶಿರ್ವಾದ್ ಕರಾ. ಹ್ಯಚಿಸಾಟಿ ದೇವಾನಿ ತುಮಾನಾ ಹಾಕಟ್‌ಲ್ಯಾ ನವ್ಹ. ಆಸ ಕೇಲ್ಯಾವ ತುಮಿ ಆಶಿರ್ವಾದ್ ಪುಕಟ್ ಗೆನಾರ್. 
\v 10 ಕಾ ಮಂಜೆ ಪವಿತ್ರ ಪುತಿಕಾತ್ ಲಿವ್‌ಲ್ಯಾಶಾರ್ಕ,
\q1 ಜೀವಾಚಿ ಆಶಾ ಕರಿತ್
\q2 ಚಾ಼ಂಗ್ಲದಿಸ್ ಬಗಾಯಾ ವಾಟ್ ಬಗ್ನಾರಾ
\q2 ಬುರ್ಸ ಬೊಲಾಚೆ ಆಂದಿ
\q2 ಅಪ್ಲಿ ಜೀಬ್ ಮೊಸಾಚಾ ಬೊಲ್ಯಾ ಬೊಲಾಚೆ ಆಂದಿ ವಟ್ ಘಟ್ ದರುಂತ. 
\v 11 ತ್ಯೊ ಬುರ್ಸ ಸುಡುನ್ ಚಾ಼ಂಗ್ಲ ಕರುನಿ.
\q2 ಥಂಡ್ಪನಾನಿ ಆಶಿರ್ವಾದ್ ಕರುನ್ ತ್ಯಚಿ ಸಾಟಿ ಯತ್ನ ಕರುನಿ.
\q2
\v 12 ಕಾ ಮಂಜೆ ಪ್ರಭು ನೀಯತಿಂಚಾನಾ ಬ್ಯಾನ್ತೊ
\q2 ಆನಿ ತ್ಯೊ ತ್ಯಚಾ ಮಾಗ್‌ನ್ಯಾಲಾ ಕಾನ್ ದೆತೊ.
\q2 ಫನ್ ಖೆಡಶಾನಾ ಪ್ರಭು ದುರ್ ರಾಥೊ.
\p
\v 13 ತುಮಾನಾ ಚಾ಼ಂಗ್ಲ ಕರಾಯಾ ಮನ್ ಆಸ್ಲತ ತುಮಾನಾ ಬುರ್ಸ ಕರ್ನಾರಾ ಕೊನ್ ಹಾ? 
\v 14 ಎಕ್ ಯಳಿ ತುಮಿ ನೀಯತಿಸ್ ಲಾಗುನ್ ತರಾಸ್ ಖಾಲ್ಯಾವ ತುಮಿ ಬರ. ತ್ಯಂಚಾ ಭ್ಯಾಲಾ ಭೀಹು ನಕೊಸಾ, ತಳ್ಮಳು ನಕೊಸಾ. 
\v 15 ಫನ್ ಕ್ರಿಸ್ತಲಾ ಪ್ರಭು ಮನ್ಹುನ್ ತುಮ್ಚಾ ಮನಾತ್ ದಾವಾ. ತುಮ್ಚಿಪ್ಲೆ ಆಶೆಲಾ ಆಧಾರ್ ಕ್ಯಾ ಮನ್ಹುನ್ ಇಚಾರ್ನಾರ‍್ಯಾನಾ ಉತ್ತರ್ ದಿಯಾ ಕವಾಬಿ ತಯಾರ್ ರಾವ್ಹಾ. ಪನ್ ತ್ಯ ಚಾ಼ಂಗಲ್ಯಾ ಮನಾನಿ ಆನಿ ಮರೆದಿನಿ ಸಾಂಗಾ. 
\v 16 ಚಾ಼ಂಗಲ್ಯಾ ಮನಾಚಿ ವ್ಹವಾ ತವಾ ಕ್ರಿಸ್ತಾಪ್ಲಿ ತುಮ್ಚೆ ಚಾ಼ಂಗ್ಲೆ ಚಾ಼ಲ್ನುಕಿಚೆ ಗುಸ್ಟಿತ್ ಬುರ್ಸ ಬೊಲ್ನಾರಿ ತುಮಾನಾ ನಿಂದಾ ಕರಾಯಾ ಲಾಜ್ನಾ಼ರ್. 
\v 17 ಬುರಶಾ ಚಾ಼ಲನ್ಯಾಚಿ ವ್ಹವುನ್ ತರಾಸ್ ಖಾಯಾಚೆ ಆಂದಿ ಚಾ಼ಂಗಲ್ಯಾ ಚಾ಼ಲನ್ಯಾಚಿ ವ್ಹವುನ್ ದೇವಾಚಾ ಮನಾ ಶಾರ್ಕಾ ತರಾಸ್ ಕಾಯಾಚಾ಼ ಬರಾ. 
\v 18 ಕ್ರಿಸ್ತ ಸಾಯಿತ್ ನಿಯತಿಚಾ಼ ವ್ಹವುನ್ ನೀಯತ್ ನಸ್‌ಲ್ಯಾಂಚೆ ಸಾಟಿ ಜೀವ್ ದಿವುನ್ ಆಮಾನಾ ದೇವಾಪ ಮೀಳ್ವಾಯಾ ಸಾಟಿ ಯಂಗ್ದಾಸ್ ಪಾಪ್ ಕಾಡುನ್ ಟಾಕಾಯಾ ತರಾಸ್ ಖಾವುನ್. ತ್ಯೊ ಶರೀರಾನಿ ಮೇಲಾ, ಆತಮ್ಯಾನಿ ಪರ್ತುನ್ ಜಿತಾಜಾ಼ಲಾ. 
\v 19 ಆನಿ ತ್ಯೊ ಆತ್‍ಮ್ಯಾಚಾ ರುಪಾನಿ ತುರಂಗಾತ್‌ಲ್ಯಾ ಆತ್‌ಮ್ಯಾಪ್ನಿ ಜಾ಼ವುನ್ ಬರಿ ಖಬರ್ ಸಾಂಗ್ತೊ. 
\v 20 ಮಂಜೆ ಪೈಲ್ಯಾ ಕಾಲಾತ್ ನೊಹಾನಿ ವ್ಹಡಿ ಬ್ಯಾಂದ್ತಾನಾ ದೇವಾನಿ ಖುಬ್ ಥಂಡ್ಪನಾನಿ ರ‍್ಯಾಕ್ಲ ತವಾ ತ್ಯಂಚಾನಿ ತ್ಯಚ಼ ಐಕ್ಲನಾಹಿ. ತೆ ವ್ಹಡಿತ್ ಆಸ್‌ಲ್ಯಾಲಿ ಆಟ್ ಲೊಕ ತ್ಯವ್ಡಿಸ್ ಪಾನ್ಯಾತ್ನಿ ರಾಯ್ಲಿತ. 
\v 21 ತ್ಯಾ ಪಾನ್ಯಾಚಾ಼ ಬಾಪ್ತಿಸ್ಮಾ ಯೇಸು ಕ್ರಿಸ್ತಾಚಾ ಪುನ್‌ರುತ್ಥಾನಾಸ್ಲಾಗುನ್ ಆತಾ ಆಮಾನಾ ರ‍್ಯಾಕ್ತ. ತ್ಯ ಆಂಗಾವ್ಲಾ ಮೋಳ್ ಗಾಲ್ನಾರ ನವ್ಹ. ಫನ್ ಚಾ಼ಂಗ್ಲಿ ಮನಾಚಿ ಸಾಕ್ಷಿ ವ್ಹಯಿ ಮನ್ಹುನ್ ದೇವಾಪ ಮಾಗಾಚ಼ ಜಾ಼ಲ್ಯಾ. 
\v 22 ತ್ಯೊ ಸ್ವರ್ಗಾತ್ ಜಾ಼ವುನ್ ದೇವಾಚೆ ಉಜ಼ವ್ಯಾಂಗ್ನಿ ಹಾ, ದೇವ್ ದುತ್, ಅಧಿಕಾರಿ ಆನಿ ಬಳ ತ್ಯಚಾ ತಾಬ್ಯಾತ್ ಹಾತ.
\c 4
\s ಜೀವ್ನಾ ಬದಾಲ್ಯಾಲಾ
\p
\v 1 ಕ್ರಿಸ್ತಾನಿ ಆಮ್ಚಿ ಸಾಟಿ ಆಪ್‌ಲ್ಯಾ ಶರೀರಾತ್ ತರಾಸ್ ಖಾಲಾ ಮನ್ಹುನ್ ತುಮಿ ಸಾಯಿತ್ ತೆಸ್ ತರನಿ ತರಾಸ್ ಖಾಯಾ ತಯಾರ್ ವ್ಹವಾ. ಕಾ ಮಂಜೆ ಶರೀರಾತ್ ತರಾಸ್ ಖಾಲ್ಯಾಲಾ ಪಾಪ್ ಕರ್ತ್ಯಾಲ ಥಾಂಬಿವ್‍ಲ್ಯಾಲಾ ಜಾ಼ಲ್ಯಾ. 
\v 2 ಮನ್ಹುನ್ ರಾಯಲ್ಯಾಲ ಅಪ್ಲಾ ಜೀವ್ ಆಸಪರತ್ ಆನಿ ಮಾನ್ಸಾಚೆ ಆಶೆ ಶಾರ್ಕಾ ಜೀವ್ನಾ ಕರಾಯಾ ಯತ್ನ ಕರ್ನಾರ್. 
\v 3 ತುಮಿ ಅವಮಾನ್, ಬುರ್ಸಿ ಆಶಾ, ಪಿದೊಡಫನ್, ದೌಂದವಫನ, ಪಿವುನ್ ಬೊಲಾಚ಼, ಪಾಶಾನ ಪುಜಾ಼ಚಿ, ಹ್ಯ ಸಗ್ಳ ಚಾ಼ಲ್ವಾಚಾತ್ಬಿ ದುಸ್‌ರ‍್ಯಾ ಲೊಕಾನಾ ಆವ್ಡಸಾರಿ ಬುರ್ಸಿ ಕಾಮ ಕರ್ತ್ಯಾಲ್ಯಾತ್ ಯೊಳ್ ಕ್ಯಾಡ್‌ಲ್ಯಾಲಾ ಪುರ. 
\v 4 ತ್ಯಂಚಾನಿ ಕೆಲ್ಯಾಲ್ಯಾ ಖುಬ್ ಪಟಿಂಗ್ಪನಾತ್ ತುಮಿ ಮಿಸಳಾಚೆ ಆಂದಿ ಹಾಸಾ ಮನ್ಹುನ್ ತೀ ಆಜಾಬ್ ವ್ಹವುನ್ ತುಮಚಾ಼ ರಾಗ್ ಕರ್‌ತ್ಯಾತ. 
\v 5 ತೀ ಜಿತ್ತಿ ಆಸ್‌ಲ್ಯಾಲ್ಯಾನಾಬಿ ಮೇಲ್ಯಾಲ್ಯಾನಾಬಿ ನ್ಯಾಯಿ ನಿವ್ಡಾಯಾ ತಯಾರ್ ಆಸ್‌ಲ್ಯಾಲ್ಯಾಲಾ ಉತ್ತರ್ ದಿಯಾವ್ಹಯಿ. 
\v 6 ಮೇಲ್ಯಾಲಿ ಮಾನ್ಸಾಚೆ ಜಾ಼ತಿಲಾ ಯತ್ಯಾಲ್ಯಾ ಮರಾನ್ ಮಂಥ್ಯಾಲಾ ತಿರ್ಮಾನ್ ಶರೀರಾನಿ ಆಸ್ತಾನಾ ಗೆತಲ್ಯಾ. ತೀ ಆತ್‌ಮ್ಯಾನಿ ದೇವಾಚೆಗತ್ ಜೀವ್ನಾ ಕರಾಯಾಸಾಟಿ ತ್ಯನಾಬಿ ಬರಿಖಬರ್ ಸಾಂಗ್ಲಿ.
\s ದೇವಾಚ಼ ಜೇವಾನ್
\p
\v 7 ಸಗ್‌ಳ್ಯಾಚ಼ ಸರ್ತ ಜ಼ವಳ್ ಜಾ಼ಲ್ಯಾ. ಮನ್ಹುನ್ ತುಮಿ ಆತ್ಮಿ ತಾಬ್ಯಾತ್ ದರುನ್ ಕವಾಬಿ ಮಾಗ್‌ನ್ಯಾಲಾ ತಯಾರ್ ಆಸ್‌ಲ್ಯಾಚೆಗತ್ ಥಂಡ್ಪನಾನಿ ರಾವ್ಹಾ. 
\v 8 ಸಗ್‌ಳ್ಯಾಂಚೆ ಆಂದಿ ತುಮ್ಚಾ ತುಮ್ಚಾತ್ ಇಸ್ವಾಸಾಚಿ ಮಾಯಾ ರಾಹುನಿ. ಮಾಯಾ ಖುಬ್ ಪಾಪ ಜಾಕ್ತಿ. 
\v 9 ಟುರಟುರಾಚೆ ಆಂದಿ ಯಕಾಮಕಾಚಿ ಚಾ಼ಕ್ರಿ ಕರಾ. 
\v 10 ತುಮಿ ಸಗ್ಳಿ ದೇವಾಚಾ ತರತರಚಾ ವರಾಂಚೆ ಗುಸ್ಟಿತ್ ಚಾ಼ಂಗ್ಲೆ ಪಾರ್ಕಿಚಿ ವ್ಹವುನ್ ಪರ್ತೆಕಾನಿ ಆಪ್ನು ಗೆತಲ್ಯಾಲ ಕ್ರುಪೆಚೆ ವರ್ ಸಗ್‍ಳ್ಯಾಂಚೆ ಸೇವೆತ್ ವಾಪ್ರುನಿ. 
\v 11 ಯೊಕ್ ಸಾಂಗ್ನಾರಾ ಜಾ಼ಲಾತ ದೇವಾಚಿ ವಚ಼್ನ ಸಾಂಗಿತ್ ರಾಹುನಿ. ಯೊಕ್ ಸೇವಾ ಕರ್ನಾರಾ ಜಾ಼ಲಾತ ದೇವಾಚಾ ಬಳಾಶಾರ್ಕಾ ಕರುನಿ. ಹ್ಯಾ ಸಗ್‌ಳ್ಯಾನಿ ಯೇಸು ಕ್ರಿಸ್ತಾಸ್ಲಾಗುನ್ ದೇವಾಲಾ ಸ್ತೊತ್ರ ವ್ಹನಾರ್. ಯೇಸುಕ್ರಿಸ್ತಾಲಾ ಮೈಮಾ ಆನಿ ಮರ‍್ಯಾದ್ ಸರ್ವ್ಯಾ ಕಾಲಾತ್ ರಾನಾರ್ ತಸಸ್ ವ್ಹವುನಿ.
\s ಕ್ರಿಸ್ತಾಚಾ಼ ವ್ಹವುನ್ ತರಾಸ್ ಸುಸ್ವುನ್ ಗಿಹ್ಯಾಚಾ಼
\p
\v 12 ಮಾಯೆಚಾನು, ತುಮ್ಚಿ ಪರಿಕ್ಷಾ ಕರಾಯಾ ಸಾಟಿ ಇಸ್‌ತ್ಯಾಂಚಿ ಪರಿಕ್ಷಾ ಯತಾನಾ ತುಮಿ ಆಜಾಬ್ ವ್ಹವು ನಕೊಸಾ. ಖುಬ್ ಗುಸ್ಟಿ ಯತಿಲಾ ಮನ್ಹುನ್ ಸಮಜು಼ನ್ ಗಿಹುನಕೊಸಾ. 
\v 13 ಫನ್ ತುಮಿ ಕ್ಯವಡ್ಯಾ ಪರತ್ ಕ್ರಿಸ್ತಾಚಾ಼ ತರಾಸ್ ಖಾನಾರ ಜಾ಼ಲ್ಯಾಸಾ ತ್ಯವ್‌ಡ್ಯಾ ಪರತ್ ಸಂತೊಸ್‌ ವ್ಹವಾ. ಮನ್ಹುನ್ ತ್ಯಚಿ ಮೈಮಾ ದಿಸ್ತಾನಾ ತುಮಿ ಸಂತೊಸ್‌ ವ್ಹವಾ. 
\v 14 ತುಮಾನಾ ಕ್ರಿಸ್ತಾಚಾ ನಾವಾಸ್ ಲಾಗುನ್ ಆವ್ಮಾನ್ ವ್ಹಯಿತ್ ಆಸ್ಲಾಸಾತ ತುಮಿ ಬರ. ಮೈಮೆಚ಼ ಆತ್ಮ ಜಾ಼ಲ್ಯಾಲ ದೇವಾಚ಼ ಆತ್ಮ ತುಮ್ಚಿಪ ಹಾ ನವ್ಹ. 
\v 15 ತುಮ್ಚಿಪ ಕೊನ್‌ತರಿ ಖುನ್ಸಿ, ಚೊ಼ರ್, ನಿಚ಼್, ದುಸ್‌ರ‍್ಯಾಚಾ ಕಾಮಾತ್ ಡುಯಿ ಗಾಲುನ್ ಗುನ್ಹದಾರ್ ವ್ಹವುನಾಹಿ. 
\v 16 ಫನ್ ಕ್ರಿಸ್ತ ವ್ಹವುನ್ ತರಾಸ್ ಖಾಲ್ಯಾವ ತ್ಯೊ ಲಾಜಾ಼ಚೆ ಆಂದಿ ತ್ಯಾ ನಾವಾನಿಸ್ ದೇವಾಲಾ ವವ್ಯಾಳುನಿ.
\p
\v 17 ನ್ಯಾಯಿ ನಿವ್ಡಾಚಾ಼ ಯೊಳ್ ಆಲ್ಯಾ. ತ್ಯೊ ಯೊಳ್ ದೇವಾಚಾ ಘರಾತುಸ್ ಸುರು ಜಾ಼ಲ್ಯಾ ನವ್ಹ. ತ್ಯೊ ತುಮ್ಚಿಪ ಸುರು ವ್ಹಯಾಚಾ಼ ಆಸ್ಲಾತ, ದೇವಾಚೆ ಬರೆ ಖಬ್ರಿವ ಇಸ್ವಾಸ್ ನಸ್‌ಲ್ಯಾಲ್ಯಾಚ಼ ಸರ್ತ ಕಸ ಹಾ? 
\v 18 ನೀಯತಿಚಾ಼ ರಕ್ಷನ್ ಗಿಹ್ಯಾಚಾ಼ ತರಾಸ್ ಜಾ಼ಲ್ಯಾವ, ಭಕ್ತಿ ನಸ್‌ಲ್ಯಾಲ್ಯಾನಿ ಆನಿ ಪಾಪಿನಿ ರಕ್ಷನ್ ಗಿಹ್ಯಾಚ಼ ಕಸ? ಮನ್ಹುನ್ ವಚ಼ನಾತ್ ಲಿವ್‌ಲ್ಯಾ.
\p
\v 19 ಆಸ ಆಸ್ಥಾನಾ ದೇವಾಚಾ ಮನಾ ಶಾರ್ಕಾ ತರಾಸ್ ಖಾನಾರಿ ಚಾ಼ಂಗ್ಲ ಕರುನ್ ಆಪ್ಲಿ ಆತ್ಮಿ ಇಸ್ವಾಸಾಚಾ ಉತ್ಪತಿಚಾ ಪ್ರಭುಪ ದಿವುನಿ.
\c 5
\s ದೇವಾಚಿ಼ ಮೆಂಡ್ರ ರಾಕಾಚಿ
\p
\v 1 ಮಂಡಳಿಚಾ ಜಾ಼ಂತ್ಯಾನು, ಸಂಗಚಾ಼ ಜಾಂತಾ ಜಾ಼ಲ್ಯಾಲಾ ಮೀ ಕ್ರಿಸ್ತಾಚಾ಼ ತರಾಸ್ ಡೊಳ್ಯಾನಿ ಬಗ್ಲಾ, ಹಿತ್ನಿ ಮೊರ‍್ಹ ದಿಸ್ನಾರೆ ಮೈಮೆತ್ ವಾಟದಾರ್ ವ್ಹವುನ್ ತುಮಾನಾ ಉಮೇದ್ ದಿವುನ್ ಸಾಂಗಾಚ಼ ಕ್ಯಾ ಮಂಜೆ, 
\v 2 ತುಮಚಾ ತಾಬ್ಯಾತ್ ಆಸಲ್ಯಾಲಿ ದೇವಾಚಿ ಮೆಂಡ್ರ ರಾಖಾ. ಬಳಜು಼ರಿನಿ ನವ್ಹ ದೇವಾಚಾ ಮನಾಚೆಗತ್ ಮನ್ಥಿವುನ್ , ನೀಚ಼್‍ಜಾ಼ಲ್ಯಾಲ್ಯಾ ಪೈಶಾಚೆ ಆಶೆನಿ ನವ್ಹ, ಚಾ಼ಂಗಲ್ಯಾ ಮನಾನಿ ರಾಖಾ. 
\v 3 ತುಮ್ಚಾ ತಾಬ್ಯಾತ್ ದಿಲ್ಯಾಲ್ಯಾಂಚಿವ ಹುಕುಮ್ ಚಾ಼ಲಿವತ್ಯಾಲ್ಯಾಂಚಿಗತ್ ಕರಾಚೆ ಆಂದಿ ಮೆಂಡ್ರಾನಾ ಚಾ಼ಂಗ್ಲ ಚಾ಼ಲಾ. 
\v 4 ಪ್ರದಾನ್ ಕುರ್ಬುರ್ ದಿಸ್ತಾನಾ ತುಮಿ ಕಂದಿಸ್ ವಾಳತ್ ನಸ್‍ಲ್ಯಾಲ ಮೈಮೆಚ಼ ಕಿರೀಟ್ ಗೇನಾರ್.
\p
\v 5 ಪ್ಯೊರ್‌ಗ್ಯಾನು, ತೇಸ್ ತರನಿ ಜಾನ್‍ತ್ಯಾಂಚ಼ ಐಕಾ. ತುಮಿ ಸಗ್ಳಿ ಗರಿಬ್ ಮನಾಚ಼ ಕಪ್ಡ ಗಾಲುನ್ ಯಕಾ ಮಕಾಚಿ಼ ಚಾ಼ಕ್ರಿ ಕರಾ. ಕಾ ಮಂಜೆ ದೇವ್ ಗರ್ವಿಂಚಾ಼ ಇರೊದ್ ಕರ್ತೊ. ಗರಿಬಾನಾತರಿ ಕ್ರಪೆ ದೆತೊ. 
\v 6 ಆಸ ಆಸ್ಥಾನಾ ದೇವಾಚಾ ಬಳಾಚಾ ಹಾತಾಚೆಕಾಲ್ ತುಮಿ ರಾವ್ಹಾ. ತ್ಯೊ ಶಾರ್ಕ್ಯಾ ದಿಸಾತ್ ತುಮಾನಾ ವರ್ ಆನಾರ್. 
\v 7 ತುಮ್ಚಿ ಕ್ಯಾಳ್ಜಿ ತ್ಯಚಿವ ಗಾಲಾ ತ್ಯೊ ತುಮ್ಚಿ ಸಾಟಿ ಕ್ಯಾಳ್ಜಿ ಕರ್ತೊ.
\p
\v 8 ಚಾ಼ಂಗಲ್ಯಾ ಮನಾನಿ ಜಾ಼ಗ್ರುತ್ ರಾವ್ಹಾ. ತುಮಚ಼ಾ ವಾದಿ ಜಾ಼ಲ್ಯಾಲಾ ಸೈತಾನ್ ವರಾಡ್‌ತ್ಯಾಲ್ಯಾ ಸಿಂಹಾಚೆಗತ್ ಕುನಾಲಾ ಗಿಳು ಮನ್ಹುನ್ ಸುದಿತ್ ಪಿರತ್ಯೊ. 
\v 9 ತುಮಿ ಇಸ್ವಾಸಾತ್ ಗಟ್ ರಾಹುನ್ ತ್ಯಲಾ ಭ್ಯಾ ಗಾಲಾ. ದರ್ತಿವ ಆಸ್‌ಲ್ಯಾಲ ತುಮಚ಼ ಬಾಹು ತಸ್ಲಾಸ್ ತರಾಸ್ ಖಾತ್ಯಾತ ಮನ್ಹುನ್ ತುಮಾನಾ ಠಾವ ಹಾ. 
\v 10 ಕ್ರಿಸ್ತಾಪ ತುಮಾನಾ ಆಪ್ಲೆ ಖಾಯಿಮ್ಚೆ ಮೈಮೆತ್ ಹಾಕಟ್‌ಲ್ಯಾಲೆ ಕ್ರಪೆಚಾ಼ ದೇವ್ ಆಪ್ನುಸ್, ತುಮಿ ಥೊಡಾ ಯೊಳ್ ತರಾಸ್ ಖಾಲ್ಯಾ ನಂತರ್ ತುಮಾನಾ ಕಸ್ಲೆ ಪರಸ್ಥಿತಿತ್ ಆನುನ್ ಗಟ್ ಕರ್ನಾರ್. 
\v 11 ತ್ಯಚಾ಼ ರಾಜ್ ಭಾರ್ ಕಂದಿಬಿ ರಾಹುನಿ. ತಸಸ್ ವ್ಹವುನಿ.
\s ಸರ್ತ ನಮಸ್ಕಾರ್
\p
\v 12 ತುಮಾನಾ ಉಮೇದ್ ದಿಯಾಲಾ ಹಿಸ್ ದೇವಾಚಿ ಖರಿ ಕ್ರಪಾ ಮನ್ಹುನ್ ಸಾಕ್ಷಿ ಸಾಂಗಾಯಾಬಿ ಮೀ ಶಾರ್ಕ ಲಿವುನ್, ಇಸ್ವಾಸಾಚಾ಼ ಬಾಹು ಮನ್ಹುನ್ ಮೀ ಮಂಥ್ಯಾಲ್ಯಾ ಸಿಲ್ವಾನಾಚಾ ಹಾತಾತ್ ಹ್ಯ ಲಾವುನ್ದಿಲ್ಯಾ. ಹೇ ಖರೆ ಕ್ರುಪೆತ್ ಉಬಿ ರಾವ್ಹಾ.
\p
\v 13 ದೇವಾನಿ ತುಮ್ಚಿ ಸಂಗ ನಿವಡ್‌ಲ್ಯಾಲಿ ಬಾಬಿಲೊನಾತ್ಲಿ ಮಂಡಳಿ ತುಮಾನಾ ನಮಸ್ಕಾರ್ ಕರತೆ. ಮಾಜಾ಼ ಲ್ಯೊಕ್ ಜಾ಼ಲ್ಯಾಲಾ ಮಾರ್ಕ್ ಸಾಯಿತ್ ತುಮಾನಾ ನಮಸ್ಕಾರ್ ಕರತ್ಯೊ. 
\v 14 ಮಾಯೆನಿ ಮುಕಾ ದಿವುನ್ ಯಕಾ ಮಕಾಲಾ ನಮಸ್ಕಾರ್ ಕರಾ. ಕ್ರಿಸ್ತಾಪ ಆಸ್‌ಲ್ಯಾಲ್ಯಾ ತುಮಾನಾ ಸಗ್‌ಳ್ಯಾನಾ ಸಮಾಧಾನ್ ವ್ಹವುನಿ.