\id 1JN - Gawli Marathi
\ide UTF-8
\h 1 ಯೊಹಾನ್
\toc3 1 ಯೊಹಾನ್
\toc2 1 ಯೊಹಾನ್
\toc1 ಯೊಹಾನಾನಿ ಲಿವ್‌ಲ್ಯಾಲ ಪೈಲ ಪತ್ರ
\mt2 ಯೊಹಾನನು ಬರೆದ ಮೊದಲನೆಯ ಪತ್ರ
\mt1 ಯೊಹಾನಾನಿ ಲಿವ್‌ಲ್ಯಾಲ ಪೈಲ ಪತ್ರ
\imt ವಳಕ್
\ip ಯೊಹಾನಿ ಲಿವ್‍ಲ್ಯಾಲ ಪೈಲ ಪತ್ರ ಅಪೊಸ್ತಲ್ ಯೊಹಾನಾನಿ ಕ್ರಿಸ್ತ ಜ಼ಲ್ಮುನ್ ನಂತರ್ 50 ಆನಿ 100 ವರ್ಸಾಚೆ ಮದ್ದಿ ಲಿವ್‌ಲ್ಯಾ. ಯೊಹಾನಾನಿ ಆಪ್ನುಸ್ ಲಿವ್‌ಲ್ಯಾಲ ಮನ್ಹುನ್ ದಾವುನ್ ದಿಲ ನಾಹಿ. ಫನ್ ಪೈಲ ಅದ್ಯಾಯ್ ತ್ಯೊ ಯೊಕ್ ಯೇಸುಚಾ ಜೀವ್ನಾಚ಼ ಆನಿ ಮರುನ್ ಜಿತ್ತಿ ವ್ಹಯಾಚ಼ ಡೊಳ್ಯಾನಿ ಬಗ್‌ಲ್ಯಾಲಾ ಸಾಕ್ಷಿ ಜಾ಼ಲ್ಯಾ ಮನ್ಹುನ್ ದಾವುನ್ ದೆತ. ಯೊಹಾನಾನಿ ಲಿವ್‌ಲ್ಯಾಲ್ಯಾ ಪೈಲ್ಯಾ ಪತ್‌ರ‍್ಯಾತ್ ಲಿವ್‍ಲ್ಯಾಲಿ ಥಿರಿ ಯೊಹಾನಾನಿ ಲಿವ್‌ಲ್ಯಾಲೆ ಬರೆ ಖಬರಿಚಾ ಲಿವ್‌ನ್ಯಾಚೆ ಥಿರಿಲಾ ಖುಬ್ ಜ಼ವಳ್ ಹಾ ಯೊಹಾನಾನಿ ಲಿವ್‌ಲ್ಯಾಲಿ ಬರಿ ಖಬರ್ ಯೊಹಾನಾನಿಸ್ ಲಿವ್ಲೆ ಮನ್ಹುನ್ ಇಸ್ವಾಸ್ ಹಾ ಆನಿ ಯೊಹಾನಾನಿ ಲಿವ್‌ಲ್ಯಾಲ ಪೈಲ ಪತ್ರ, ದೊನ್ವ ಪತ್ರ ಆನಿ ತಿನ್ವ ಪತ್ರ ಸಾಹಿತ್ ತ್ಯೊ ಎಫೆಸಾತ್ ಜೀವ್ನಾ
\c 1
\s ಜೀವಾಚ಼ ಸಬ್ದ
\p
\v 1 ಆಮಿ ತುಮಾನಾ ಸಾಂಗ್‌ತ್ಯಾಲ ಜೀವಾಚ಼ ಸಬ್ದ ಪೈಲೆದರ್ನ್ಹಿ ಆಸ್‌ಲ್ಯಾಲ. ಮೀ ತೇ ಕಾನಾನಿ ಐಕುನ್, ಡೊಳ್ಯಾನಿ ಬಗುನ್, ಮನ್ ಥಿವುನ್ ಗಿಹುನ್ ಹಾತ್ ಲ್ಯಾವ್‌ಲ್ಯಾಲ ಜಾ಼ಲ್ಯಾ. 
\v 2 ತ್ಯೊ ಜೀವ್ ಪ್ರಕಟ್ ಜಾ಼ಲ್ಹಾ. ಬಾಪ ಆಸುನ್ ಆಮಾನಾ ಪ್ರಕಟ್ ಜಾ಼ಲ್ಯಾಲ್ಯಾ ತ್ಯಾ ಶಾಶ್ವತ್ ಜೀವಾಲಾ ಆಮಿ ಬಗುನ್ ತ್ಯಚೆ ಗುಶ್ಟಿತ್ ಸಾಕ್ಷಿ ಸಾಂಗುನ್ ತ್ಯ ತುಮಾನಾ ಸಾಂಗ್‌ಲ್ಯಾ. 
\v 3 ಆಮ್ಚಿಪ ಆಸ್‌ಲ್ಯಾಲೆ ಯಕಿತ್ ತುಮಿಬಿ ಮಿಳಾಯಾ ವ್ಹಯಿಸಾ ಮನ್ಹುನ್ ಆಮಿ ಬಗುನ್ ಐಕಲ್ಯಾಲ ತುಮಾನಾ ಸಾಂಗ್ತಾವ್. ಆಮ್ಚಿಪ ಆಸ್‌ಲ್ಯಾಲಿ ಯಕಿ ಬಾಪ ಆನಿ ತ್ಯಚಾ಼ ಲ್ಯೊಕ್ ಜಾ಼ಲ್ಯಾಲ್ಯಾ ಕ್ರಿಸ್ತಾಪಬಿ ರಾಯ್‌ಲ್ಯಾಲಿ ಜಾ಼ಲೆ. 
\v 4 ತುಮಚಾ಼ ಸಂತೊಶ್ ಪುರಾ ವ್ಹಯಾ ವ್ಹಯಿ ಮನ್ಹುನ್ ಆಮಿ ಹ್ಯ ತುಮಾನಾ ಲಿವ್‌ತ್ಯಾವ್.
\s ದೇವುಸ್ ಉಜಿಡ್
\p
\v 5 ಆಮಿ ತ್ಯಚಿಪ್ನಿ ಐಕುನ್ ತುಮಾನಾ ಸಾಂಗ್‍ತ್ಯಾಲಾ ಸಂದೆಶ್ ಕಚಾ಼ ಮಂಜೆ; ದೇವ್ ಉಜಿ಼ಡ್ ಜಾ಼ಲ್ಯಾ; ಆನಿ ತ್ಯಚಿಪ ಜ಼ರಾಬಿ ಆಂದಾರ್ ನಾಹಿ. 
\v 6 ಆಮಿ ದೇವಾಪ ಚಾ಼ಂಗ್ಲ ಹಾವ್ ಮನ್ಹುನ್ ಸಾಂಗಿತ್ ಆಂದಾರಾತ್ ಚಾ಼ಲ್ಲಾವ್ತ ಲಬ್ಡಿ ಜಾ಼ಲ್ಯಾವ್. ಖರ‍್ಯಾನಿ ಚಾ಼ಲತ್ಯಾಲಿ ನವ್ಹ ಮನ್ಹುನ್ ಸಮಜು಼ನ್ ಯತ. 
\v 7 ಫನ್ ತ್ಯೊ ಉಜಿಡಾತ್ ಆಸ್‌ಲ್ಯಾಚೆಗತ್ ಆಮಿಬಿ ಉಜಿಡಾತ್ ಚಾ಼ಲ್ಯಾವ ಆಮಿ ಯಕಾಮಕಾ ಸಂಗ ಚಾ಼ಂಗ್ಲಿ ರಾಥಾವ್. ತ್ಯಚಾ಼ ಯೊಕುಸ್ ಲ್ಯೊಕ್ ಜಾ಼ಲ್ಯಾಲ್ಯಾ ಯೇಸುಚ಼ ರಗಾತ್ ಆಮಾನಾ ಸಗ್‌ಳ್ಯಾ ಪಾಪಾತ್ನಿ ಸುಡ್ವುನ್ ನಿರ್ಮಳ್ ಕರ್ತ.
\p
\v 8 ಆಮ್ಚಿಪ ಪಾಪ್ ನಾಹಿ ಮನ್ಹುನ್ ಆಮಿ ಸಾಂಗ್ಲತ ಆಮಚಾ಼ ಆಮಿಸ್ ಘಾತ್ ಕರುನ್ ಗೆತಲ್ಯಾಚೆಗತ್ ಜಾ಼ಲ್ಹ ಆನಿ ಖರ ತ್ಯ ಆಮ್ಚಿಪ ನಾಹಿ ಮನ್ಹುನ್ ಸಮಾಸ್ತ. 
\v 9 ಆಮಿ ಆಮ್ಚಿ ಪಾಪ ಕಬುಲ್ ವ್ಹವುನ್ ದೇವಾಪ ಸಾಂಗ್ಲಿತತ ತ್ಯೊ ಇಸ್ವಾಸಾಚಾ಼ ಆನಿ ನಿಯತಿಚಾ಼ ಮನ್ಹುನ್ ಆಮ್ಚಿ ಪಾಪ ಮಾಪ್ ಕರುನ್ ಸಗ್‌ಳ್ಯಾ ಬುರ್ಶಾ ಫನಾತ್ನಿ ಆಮಾನಾ ನಿರ್ಮಳ್ ಕರ್ನಾರ್. 
\v 10 ಆಮಿ ಪಾಪ ಕಿಲಿ ನಾಹಿತ ಮನ್ಹುನ್ ಸಾಂಗ್‌ಲ್ಯಾವ ತ್ಯಲಾ ಲಬ್ಡಾ ಕೆಲ್ಯಾಚೆಗತ್ ವ್ಹತ್ತ ಆನಿ ತ್ಯಚ಼ ಸಬ್ದ ಆಮ್ಚಿಪ ರಾಹಿತ್ನಾಹಿತ.
\c 2
\s ಕ್ರಿಸ್ತ್ ಆನಿ ಮಜ಼ತ್ ಕರತ್ಯಾಲಾ
\p
\v 1 ಮಾಜಾ ಬನ್ಹಿ ಬಾವ್ಹಾನು, ತುಮಿ ಪಾಪ್ ಕರಾಚೆ ಆಂದಿ ರಾಹ್ಯಾ ಹ್ಯ ತುಮಾನಾ ಲಿವ್‌ತ್ಯೊ. ಕುನಿತರಿ ಪಾಪ್ ಕೆಲತ ಬಾಪ ನಿಯತಿಚಾ಼ ಯೇಸು ಕ್ರಿಸ್ತ್ ಮಂಥ್ಯಾಲಾ ಮಜ಼ತ್ದಾರ್ ಆಮ್ಚಿಪ ಹಾ. 
\v 2 ತ್ಯೊ ಆಮ್ಚಾ ಪಾಪಾಂಚೆ ಸಾಟಿ ಪ್ರಾಯಶ್ಚಿತ್ ಯಜ್ಞಜಾ಼ಲ್ಯಾ. ಆಮ್ಚಾ ಪಾಪಾನಾ ತ್ಯವ್ಡಾಸ್ ನವ್ಹ ಸಗ್‌ಳ್ಯಾ ಲೊಕಾಂಚಾ ಪಾಪಾನಾಬಿ ಪ್ರಾಯಶ್ಚಿತ್ ಜಾ಼ಲ್ಯಾ.
\p
\v 3 ಆಮಿ ತ್ಯಚಾ ಆಜ್ಞಾ ಸಮಜು಼ನ್ ಚಾ಼ಲತ್ಯಾವ್ ಮನ್ಹುನ್ ತ್ಯೊ ಆಮಾನಾ ಠವಾ ಹಾ ಮನ್ಹುನ್ ಸಮಜು಼ನ್ ಗೆಥಾವ್. 
\v 4 ಯೊಕ್, ಮೀ ತ್ಯಲಾ ಸಮಜು಼ನ್ ಗೆತಲ್ಯಾ ಮನ್ಹುನ್ ಸಾಂಗುನ್ ತ್ಯಚೆ ಆಜ್ಞಾಚೆಗತ್ ಚಾ಼ಲಾ ನಾಹಿತ ತ್ಯೊ ಲಬ್ಡಾ ಜಾ಼ಲ್ಯಾ. ಖರ ಮನ್ಹಾಚ಼ ತ್ಯಂಚಿಪ ನಾಹಿ. 
\v 5 ಕೊನ್ತರಿ ತ್ಯಚಾ ಸಬ್ದಾಂಚೆಗತ್ ಚಾ಼ಲಾತ ತ್ಯಚಿಪ ಖರ‍್ಯಾನಿಸ್ ದೇವಾಚಿ ವೈಲಿ ಮಾಯಾ ಪುರಿ ಜಾ಼ಲೆ. ಆಸ್‌ಲ್ಯಾ ಕಾಮಾತ್ನಿ ಆಮಿ ತ್ಯಚಿಪ ಹಾವ್ ಮನ್ಹುನ್ ಸಮಜು಼ನ್ ಗೆಥಾವ್. 
\v 6 ತ್ಯಚಿಪ ಹಾವ್ ಮನ್ಹುನ್ ಸಾಂಗ್‌ತ್ಯಾಲಾ ಕ್ರಿಸ್ತ ಚಾ಼ಲ್ಯಾಚೆಗತುಸ್ ಆಪ್ನು ಚಾ಼ಲಾಯಾಬಿ ಘಟ್ ಜಾ಼ಲ್ಯಾ.
\s ನವಿ ಆದ್ನೆ
\p
\v 7 ಬನ್ಹಿ ಬಾವ್ಹಾನು ಮೀ ತುಮಾನಾ ಲಿವಾಚ಼ ನವ ನವ್ಹ. ಆಂದಿಸ್ಟಾವ್ನಿ ಆಸ್‌ಲ್ಯಾಲಿ ಜು಼ನ್ನಿ ಆಜ್ಞೆ ಜಾ಼ಲೆ; ಹಿ ಜ಼ುನಿ ಆಜ್ಞೆ ತುಮಿ ಐಕ್‌ಲ್ಯಾಲಿ ವಾಕ್ಯಾಸ್. 
\v 8 ಫನ್ ಮೀ ತುಮಾನಾ ಲಿವಾಚಿ ನವಿ ಆಜ್ಞೆಸ್; ಹಿ ತುಮ್ಚಿಪಬಿ ಆನಿ ತ್ಯಚಿಪಬಿ ಖರಿ ಹಾ; ಕಸ ಮಂಜೆ ಆಂದಾರ್ ಸಾಂಡುನ್ ಜಾ಼ತೊ, ಖರ‍್ಯಾಚಾ಼ ಉಜಿಡ್ ಆತಾ ದಿಸ್ತೊ.
\p
\v 9 ಉಜಿಡಾತ ಹಾ ಮನ್ಹುನ್ ಸಮಜು಼ನ್ ಆಪಲ್ಯಾ ಬಾವ್ಹಾಚಾ಼ ರಾಗ್ ಕರತ್ಯಾಲಾ ಆಜು಼ನ್ ಆಂದಾರಾತ್ ಹಾ 
\v 10 ಆಪ್‌ಲ್ಯಾ ಬಾವ್ಹಾನಾ ಮಾಯಾ ಕರ್ತ್ಯಾಲಾ ಉಜಿಡಾತ್ ಹಾ. ಆನಿ ತ್ಯಚಿಪ ವಿರೊದ್ ಕಾಯೇಕ್ ನಾಹಿ. 
\v 11 ಆಪ್‌ಲ್ಯಾ ಭಾವ್ಹಾನಾ ದ್ವೆಶ್ ಕರ್ತ್ಯಾಲಾ ಆಂದಾರಾತ್ ಹಾ. ಆಂದಾರಾತ್ ಚಾ಼ಲ್ತೊ. ಆಂದಾರಾನಿ ತ್ಯಚ಼ ಡೊಳ ಕುರ್ಡ ಕೆಲ ತ್ಯನಿ ಆಪ್ನು ಕುಠ ಜಾ಼ತ್ಯೊ ಮನ್ಹುನ್ ತ್ಯಲಾ ಸಮಜ಼ನಾ.
\p
\v 12 ಮಾಯೆಚಾ ಪೊರಾನು, ಕ್ರಿಸ್ತಾಸ್ ಲಾಗುನ್ ತುಮ್ಚಿ ಪಾಪ ಮಾಪ್ ಕೆಲ್ಯಾತ ಮನ್ಹುನ್ ಮೀ ತುಮಾನಾ ಲಿವ್‍ತ್ಯೊ. 
\v 13 ಬಾನು, ಪೈಲೆ ಠಾವ್ನಿ ಆಸ್‌ಲ್ಯಾಲಾ ತುಮಾನಾ ಠಾವಾ ಹಾ ಮನ್ಹುನ್ ಮೀ ತುಮಾನಾ ಲಿವ್‍ತ್ಯೊ. ದ್ಯಾನ್‌ಗ್ಯಾನು, ತುಮಿ ಬುರ್ಶಾಲಾ ಜಿಕಲ್ಯಾಸಾ ಮನ್ಹುನ್ ತುಮಾನಾ ಲಿವ್‌ತ್ಯೊ.
\p ಪೊರಾನು, ತುಮಿ ಬಾಲಾ ಸಮಾಜ಼ಲ್ಯಾಸಾ ಮನ್ಹುನ್ ತುಮಾನಾ ಲಿವ್‍ತ್ಯೊ.
\p
\v 14 ಬಾನು, ಆಂದಿ ಆಸ್‌ಲ್ಯಾಲಾ ತುಮಾನಾ ಠಾವಾ ಹಾ ಮನ್ಹುನ್ ತುಮಾನಾ ಲಿವ್‌ಲ್ಯಾ. ದ್ಯಾನ್‌ಗ್ಯಾನು, ತುಮಿ ಬಳಾಚ಼ ಹಾಸಾ ಮನ್ಹುನ್ ದೇವಾಚಾ ವಾಕ್ಯಾ ತುಮ್ಚಿಪ ಹತಾ ಮನ್ಹುನ್ ತುಮಿ ಬುರ್ಶಾಲಾ ಜಿಕಲ್ಯಾಸಾ ಮನ್ಹುನ್ ಮಿ ತುಮಾನಾ ಲಿವ್‌ತ್ಯೊ.
\p
\v 15 ದುನೆಲಾ ವ್ಹವುನಿ ದುನೆತ್ ಆಸ್‌ಲ್ಯಾಲ್ಯಾಲಾ ವ್ಹವುನಿ ಮಾಯಾ ಕರುನಾಹಿ. ಕಚಾನಿ ತರಿ ದುನೆಲಾ ಮಾಯಾ ಕಿಲಿತ ಬಾವ್ಲಿ ಮಾಯಾ ತ್ಯಚಿಪ ನಾಹಿ. 
\v 16 ದುನೆತ್ ಆಸ್‌ಲ್ಯಾಲಿ ಶರೀರಾಚಿ ಆಶಾ, ಡೊಳ್ಯಾಚಿ ಆಶಾ, ಬಾಳೆವಾಚಿ ಗರ್ವಿ, ಹ್ಯ ಬಾಲಾ ಸಮನ್ ನಾಹಿ. ದುನೆಲಾ ಸಮನ್ ಹಾ. 
\v 17 ದುನ್ಯಾ ಆನಿ ತಿಚಿ ಆಶಾ ಹಾಳ್ ವ್ಹವುನ್ ಜಾ಼ತಿ. ಫನ್ ದೇವಾಚ಼ ಚಿತ್ತ ಪುರ್ನ ಕರ್ತ್ಯಾಲಾ ಶಾಸ್ವತ್ ರಾನ್ಹಾರ್.
\s ಕ್ರಿಸ್ತಾಚ಼ ವಿರೊದಿ
\p
\v 18 ಮಾಯೆಚಾ ಪೊರಾನು, ಹ್ಯೊ ಸರ್ತ್ಯಾಚಾ಼ ಕಾಲ್ ಜಾ಼ಲ್ಯಾ. ಕ್ರಿಸ್ತ್ ವಿರೊದಿ ಯತ್ಯಾತ ಮನ್ಹುನ್ ತುಮಿ ಐಕ್‌ಲ್ಯಾಸಾ ಆತಾಸ್ ಕ್ರಿಸ್ತ್ ವಿರೊದಿ ಖುಬ್ ಹಾತ 
\v 19 ತೇ ಆಮ್ಚಿಪ್ನಿ ನಿಗುನ್ ಗೆಲ್ಯಾಲ. ಕಾ ಮಂಜೆ ತೇ ಆಮಚ಼ ನವ್ಹತ, ತೆ ಆಮಚ಼ ಆಸ್ತತ ಆಮ್ಚಿ ಸಂಗಸ್ ರಾಯ್ಲ ಆಸ್ತ. ಫನ್ ತೇ ಆಮ್ಚಿಪ್ನಿ ನಿಗುನ್ ಗೇಲ ಮನ್ಹುನ್ ತೇ ಸಗ್ಳ ಆಮಚ಼ ನವ್ಹತ ಮನ್ಹುನ್ ಚಾ಼ಂಗ್ಲ ದಿಸುನ್ ಆಲ್ಯಾ.
\p
\v 20 ಫನ್ ತುಮಿ ಪವಿತ್ರ ಜಾ಼ಲ್ಯಾಲ್ಯಾಪ್ನಿ ಅಭಿಶೆಕ್ ಗೆತಲ್ಯಾಲಿ ಜಾ಼ಲ್ಯಾಸಾ ಮನ್ಯಾಚ಼ ಖರ ಸಮಾಜ಼ಲ್ಯಾಲಿ ಜಾ಼ಲ್ಯಾಸಾ. 
\v 21 ತುಮಿ ಖರ ಸಮಜು಼ನ್ ಗೆತಲ್ಯಾಲಿ ನವ್ಸಾಹ. ತುಮಿ ಖರ ಸಮಜು಼ನ್ ಗೆತಲ್ಯಾಲ್ಯಾಸ್ ಲಾಗುನ್ ಕಚ಼ ಲಬಾಡ್ ಖರ‍್ಯಾನಿ ಜ಼ಲ್ಮುನ್ ಯನಾರ್ ನಾಹಿ ಮನ್ಹುನ್ ತುಮಿ ಸಮಾಜ಼ಲ್ಯಾಲಿ ಜಾ಼ಲ್ಯಾಸಾ ಮನ್ಹುನ್ ಮಿ ತುಮಾನಾ ಲಿವ್‌ಲ್ಯಾ.
\p
\v 22 ಲಬ್ಡಾ ಕೊನ್? ಯೇಸುಲಾ ಕ್ರಿಸ್ತ್ ನವ್ಹ ಮಂಥ್ಯಾಲಾಸ್ ಲಬ್ಡಾ ಜಾ಼ಲ್ಯಾ ನಾಹಿತ ದುಸ್ರಾ ಕೊನ್ ವ್ಹಯಾ ವ್ಹಯಿಲ್? ಬಾಲಾ ಲೇಕಾಲಾ ನಕ್ವಾಟ್ ಕರ್ತ್ಯಾಲಾ ಕ್ರಿಸ್ತ್ ವಿರೊದಿ ಜಾ಼ಲ್ಯಾ. 
\v 23 ಕೊನ್ ದೇವಾಚಾ ಲೇಕಾಲಾ ನಕ್ವಾಟ್ ಕರ್ತೊ ತ್ಯೊ ದೇವಾಚಾ಼ ನವ್ಹ. ಕೊನ್ ಲೇಕಾಲಾ ಮ್ಯಾನ್ತೊ ತ್ಯೊ ಬಾ ಜಾ಼ಲ್ಯಾಲ್ಯಾ ದೇವಾಪ್ಲಾ ಜಾ಼ಲ್ಯಾ.
\p
\v 24 ತುಮಿ ತರಿ ಕಚ಼ ಸಿಕಿವ್ನ ಆಂದಿಸ್ಟಾವ್ನಿ ಐಕ್‌ಲ್ಯಾಸಾ ತ್ಯ ತುಮ್ಚಿಪ ರಾಹುನಿ. ಆಂದಿಸ್ಟಾವ್ನಿ ತುಮಿ ಐಕ್‌ಲ್ಯಾಲ ತುಮ್ಚಿಪ ರಾಯ್ಲತ ತುಮಿ ಸಾಹಿತ್ ಲೇಕಾಪಬಿ ಬಾ ಜಾ಼ಲ್ಯಾಲ್ಯಾ ದೇವಾಪಬಿ ರಾಯ್‌ಲ್ಯಾಸಾ. 
\v 25 ತ್ಯನಿ ತುಮಾನಾ ಕೇಲ್ಯಾಲ ವಾಗ್ದಾನ್ ತ್ಯ ಕ್ಯಾ ಮಂಜೆ ಶಾಶ್ವತ್ ಜೀವ್ ಜಾ಼ಲ್ಯಾ.
\p
\v 26 ತುಮಾನಾ ಚಾ಼ಂಗ್ಲೆ ವಾಟವ್ನಿ ಚು಼ಕ್ವುನ್ ಚು಼ಕಿಚೆ ವಾಟವ ವಡ್‌ತ್ಯಾಲ್ಯಾಂಚೆ ಗುಶ್ಟಿತ್ ಹ್ಯ ಮಿ ತುಮಾನಾ ಲಿವ್‌ಲ್ಯಾ. 
\v 27 ಫನ್ ತುಮಿ ತ್ಯಚಿಪ್ನಿ ಗೆತಲ್ಯಾಲ ಅಭಿಶೇಕ್ ತುಮ್ಚಿಪ ಹಾ ಮನ್ಹುನ್ ಕುನಿ ತುಮಾನಾ ಸಾಂಗಾಚ಼ ವ್ಹಯಿ ಜಾ಼ಲ್ಹ ನಾಹಿ. ತ್ಯನಿ ತುಮಾನಾ ಕೆಲ್ಯಾಲ ಅಭಿಶೇಕುಸ್ ತುಮಾನಾ ಸಗ್ಳೆ ಗುಶ್ಟಿತ್ ಸಾಂಗ್‌ತ್ಯಾಲ ಜಾ಼ಲ್ಯಾ ತ್ಯ ಲಬಾಡ್ ನವ್ಹ ಖರ ಜಾ಼ಲ್ಯಾ. ತ್ಯನಿ ತುಮಾನಾ ಸಾಂಗ್‌ಲ್ಯಾಲ್ಯಾನಿಸ್ ತ್ಯಚಿ ರಾನ್ಹಾರ್.
\p
\v 28 ಮಾಯೆಚಾ ಪೊರಾನು, ತ್ಯೊ ಪ್ರತ್ಯಕ್ಷ ವ್ಹತಾನಾ ಆಮಿ ತ್ಯಚಾ ಯನ್ಯಾತ್ ತ್ಯಚೆ ಮೊರ‍್ಹ ಉಬಿರಾಹ್ಯಾ ಲಾಜಾ಼ಚೆ ಆಂದಿಸ್ ದಿರ‍್ಹಾನಿ ಆಸ್‌ಲ್ಯಾಚೆಗತ್ ತ್ಯಚಿಪ ರಾಹುಯಾ. 
\v 29 ತ್ಯೊ ನಿಯತಿಚಾ಼ ಹಾ ಮನ್ಹುನ್ ತುಮಾನಾ ಸಮಾಜ಼್ಲ ಆಸ್ಲತ ನಿಯತಿಚೆಗತ್ ಚಾ಼ಲತ್ಯಾಲಾ ಪರತೇಕ್ ಯೊಕ್ ತ್ಯಚಿಪ್ನಿ ಜ಼ಲಾಮ್‌ಲ್ಯಾಲಾ ಮನ್ಹುನ್ ತುಮಾನಾ ಸಮಾಜ್ನಾ಼ರ್.
\c 3
\s ದೇವಾಚಿ ಪೊರ
\p
\v 1 ಆಮಿ ದೇವಾಚಿ ಪೊರ ಮನ್ಹುನ್ ಗೆತಲ್ಯಾವ ಬಾನಿ ಕಸ್ಲಿ ಮಾಯಾ ಆಮ್ಚಿವ ಥೆವ್ಲೆ ನವ್ಹ! ಆಮಿ ತ್ಯಚಿ ಪೊರ ಜಾ಼ಲ್ಯಾವ್. ದುನೆನಿ ತ್ಯಲಾ ಸಮ್ಜು಼ನ್ ಗಿಹ್ಯಾಚೆ ಆಂದಿಸ್ ಹಾ ಮನ್ಹುನ್ ಆಮಾನಾ ಸಮಜು಼ನ್ ಗಿಹಿತ್ನಾಹಿ. 
\v 2 ಮಾಯೆಚಾನು, ಆಮಿ ಆತಾ ದೇವಾಚಿ ಪೊರ ಜಾ಼ಲ್ಯಾವ್. ಮೊರ‍್ಹ ಆಮಿ ಕಸ್ಲಿ ಆಸ್ಥಾವ್ ಮನ್ಹುನ್ ಆಜು಼ನ್ ಸಮಾಜ಼್ಲ ನಾಹಿ. ಫನ್ ಕ್ರಿಸ್ತ್ ಪ್ರತ್ಯಕ್ಷ ವ್ಹತಾನಾ ಆಮಿ ತ್ಯಚಿಗತ್ ರಾನ್ಹಾರ್ ಠಾವಹಾ. ಕಾ ಮಂಜೆ ತ್ಯೊ ಆಸ್‌ಲ್ಯಾಲ್ಯಾಸ್ ಲಾಗುನ್ ತ್ಯಲಾ ಬಗ್ನಾರ್. 
\v 3 ತ್ಯಚಿವ ಆಶಾ ಥೆವ್‌ಲ್ಯಾಲಾ ಪರತೇಕ್ ಯೊಕ್ ತ್ಯೊ ಬರಾ ಮನ್ಹುನ್ ಆಪ್‌ಲ್ಯಾಲಾ ಆಪ್ನು ಶುದ್ದಕರುನ್ ಗೆಥೊ.
\p
\v 4 ಪಾಪ್ ಕರ್ತ್ಯಾಲಾ ಪರತೇಕ್ ಯೊಕ್ ಅಧರ್ಮ ಕರ್ತ್ಯಾಲಾ ಜಾ಼ಲ್ಯಾ; ಪಾಪ್ ಅಧರ್ಮಸ್. 
\v 5 ಪಾಪ ನಿವಾರನ್ ಕರಾಯಾ ಕ್ರಿಸ್ತ್ ಪ್ರತ್ಯಕ್ಷ ಜಾ಼ಲ್ಯಾ ಮನ್ಹುನ್ ಆನಿ ತ್ಯಚಿಪ ಪಾಪ್ ನಾಹಿ ಮನ್ಹುನ್ ತುಮಾನಾ ಠಾವ ಹಾ. 
\v 6 ತ್ಯಚಿಪ ರಾಯ್‌ಲ್ಯಾಲಾ ಪಾಪ್ ಕರಿತ್ನಾಹಿ; ಪಾಪ್ ಕರ್ತ್ಯಾಲ್ಯಾನಿ ತ್ಯಲಾ ಬಗ್ಲಾ ನಾಹಿ, ಸಮಾಜ಼ಲ್ಯಾಲಾಬಿ ನವ್ಹ.
\p
\v 7 ಮಾಯೆಚಾ ಪೊರಾನು, ಕುನಿ ತುಮನಾ ಫಸವು ನಾಹಿ. ಕ್ರಿಸ್ತ ಕಸಾ ನಿಯತಿಚಾ಼ ಹುತ್ತಾ ತಸಾಸ್ ನೀಯತಿಚೆಗತ್ ಚಾ಼ಲತ್ಯಾಲಾ ನಿಯತಿಚಾ಼ ಜಾ಼ಲ್ಯಾ. 
\v 8 ಪಾಪ್ ಕರ್ತ್ಯಾಲಾ ಸೈತಾನಾಲಾ ಸಮನ್ ಆಸ್‌ಲ್ಯಾಲಾ ಜಾ಼ಲ್ಯಾ. ಕಾ ಮಂಜೆ ಪೈಲೆ ದರ್ನಿ ಸೈತಾನ್ ಪಾಪ್ ಕರ್ತ್ಯಾಲಾ ಜಾ಼ಲ್ಯಾ. ಮನ್ಹುನ್ ಸೈತಾನಾಚಿ ಕಾಮ ನಾಸ್ ಕರಯಾಸಾಟಿ ದೇವಾಚಾ಼ ಲ್ಯೊಕ್ ಪ್ರತ್ಯಕ್ಷ ಜಾ಼ಲ್ಹಾ.
\p
\v 9 ದೇವಾಪ್ನಿ ಜ಼ಲಾಮ್‌ಲ್ಯಾಲಾ ಪಾಪ್ ಕರೀತ್ನಾಹಿ. ಕಾ ಮಂಜೆ ದೇವಾಚಾ಼ ಸ್ವಭಾವ್ ತ್ಯಚಿಪ ಹಾ. ತ್ಯೊ ದೇವಾಪ್ನಿ ಜ಼ಲಾಮ್‌ಲ್ಯಾ ಮನ್ಹುನ್ ಪಾಪ್ ಕರೀತ್ನಾಹಿ. 
\v 10 ಮನ್ಹುನ್ ದೇವಾಚಿ ಪೊರ ಕೊನ್ ಆನಿ ಸೈತಾನಾಚಿ ಪೊರ ಕೊನ್ ಮನ್ಹುನ್ ಹ್ಯಂಚಿಪ್ನಿ ಸಮಜು಼ನ್ ಯತ. ನಿಯತಿಚೆಗತ್ ಚಾ಼ಲತ್ ನಸ್‌ಲ್ಯಾಲಾ ಆಪ್‌ಲ್ಯಾ ಬಾವ್ಹಾಂಚಿ ಮಾಯಾ ಕರಿತ್ ನಸ್ನಾರ ದೇವಾಲಾ ಸಮನ್ ನಾಹಿ.
\p
\v 11 ಆಮಿ ಯಕಾ ಮಕಾಚಿ ಮಾಯಾ ಕರಾಯಾ ವ್ಹಯಿ ಮನ್ಹುನ್ ತುಮಿ ಆಂದಿಸ್ಟಾವ್ನಿ ಐಕ್‌ಲ್ಯಾಲಾ ಸಂದೆಶ್ ಜಾ಼ಲ್ಯಾ. 
\v 12 ಬುರ್ಸಾ ವ್ಹವುನ್ ಆಪ್‌ಲ್ಯಾ ದಾಕ್‌ಟ್ಯಾ ಬಾವ್ಹಾಲಾ ಮಾರುನ್ ಟ್ಯಾಕ್‌ಲ್ಯಾಲಾ ಕಾಯಿನಾಚೆಗತ್ ಆಮಿ ರಾಹುಯಾ ನಕೊ. ತ್ಯನಿ ಕಾ ದಾಕ್‌ಟ್ಯಾ ಬಾವ್ಹಾಲಾ ಮಾರುನ್ ಟ್ಯಾಕ್ಲಾ? ಆಪ್ಲಿ ಕಾಮ ಬುರ್ಸಿ ಆನಿ ತ್ಯಚಾ ದಾಕ್‌ಟ್ಯಾ ಬಾವ್ಹಾಚಿ ಕಾಮ ನಿಯತಿಚಿ ಜಾ಼ಲ್ಯಾತ ಮನ್ಹುನುಸ್.
\p
\v 13 ಮಾಜಾ ಬಾವ್ಹಾನು, ದುನೆನಿ ತುಮಚಾ಼ ರಾಗ್ ಕೆಲಾತ ತುಮಿ ಗಾಬ್ರುನಕೊಸಾ. 
\v 14 ಆಮಿ ತರಿ ಕ್ರಿಸ್ತಾಪಲ್ಯಾ ಬಾವ್ಹಾನಾ ಮಾಯಾ ಕರ್ತ್ಯಾಲ ಜಾ಼ಲ್ಯಾವ್ ಮನ್ಹುನ್ ಮರ್ನಾತ್ನಿ ಪಾರ್ ವ್ಹವುನ್ ಶಾಶ್ವತ್ ಜೀವ್ನಾತ್ ಮಿಳಾಲ್ಯಾವ್ ತ್ಯ ಆಮಾನಾ ಠಾವ ಹಾ. ಆಪ್‌ಲ್ಯಾ ಬಾವ್ಹಾಚಿ ಮಾಯಾ ಕರಿತ್ ನಸ್ನಾರಾ ಮರ್ನಾತುಸ್ ಹಾ. 
\v 15 ಆಪ್‌ಲ್ಯಾ ಬಾವ್ಹಾಚಾ಼ ರಾಗ್ ಕರ್ತ್ಯಾಲಾ ಖುನ್ಸಿ ಜಾ಼ಲ್ಯಾ. ಆನಿ ಕಚಾ ಖುನ್ಶಾಪ ಶಾಶ್ವತ್ ಜೀವ್ ನಾಹಿ ಮನ್ಹುನ್ ತುಮಾನಾ ಠಾವಹಾ. 
\v 16 ಕ್ರಿಸ್ತಾನಿ ಆಮ್ಚಿಸಾಟಿ ಆಪ್ಲಾ ಜೀವ್ ದಿಲಾ ಮನ್ಹುನ್ ದೇವಾಚಿ ಮಾಯಾ ಆಸ್ಲಿಸ್ ಮನ್ಹುನ್ ಆಮಾನಾ ಸಮಜು಼ನ್ ಆಲ್ಯಾ. ಆಮಿ ಸಾಹಿತ್ ಬಾವ್ಹಾಂಚೆ ಸಾಟಿ ಆಮಚಾ಼ ಜೀವ್ ದಿಯಾ ಹವ್ಸನಿ ಹಾವ್. 
\v 17 ಫನ್ ಹೇ ದುನೆತ್ ಸಂಪತ್ ಆಸ್‌ಲ್ಯಾಲಾ ಕೊನ್ತರಿ ತರಾಸಾತ್ ಆಸ್‌ಲ್ಯಾಲ್ಯಾ ಬಾವ್ಹಾಲಾ ಬಗುನ್ ಕನಿಕರಾ ದಾವಾಚೆ ಆಂದಿ ಶೊಡ್ಲಾತ ದೇವಾಚಿ ಮಾಯಾ ತ್ಯಚಿಪ ರಾಹ್ಯಾ ವ್ಹಯಿಲ್ ಕ್ಯಾ? 
\v 18 ಮಾಜೆ ಮಾಯೆಚಾ ಪೊರಾನು, ತುಮಿ ನಿಸ್ತೆ ಬುಲಿನಿ ವ್ಹವುನಿ, ತೊಂಡಾನಿ ಸಾಂಗ್‌ತ್ಯಾಲ್ಯಾನಿ ವ್ಹವುನಿ, ಮಾಯಾ ಕರ್ತ್ಯಾಲಿ ಜಾ಼ಲಾಸಾತ ಕಾಮಾನಿ ಆನಿ ಖರೆ ಮಾಯೆನಿ ಮಾಯಾ ಕರ್ತ್ಯಾಲಿ ವ್ಹವುನ್ ರಾಹ್ಯಾ ವ್ಹಯಿಸಾ.
\s ದೇವಾಪ ದಯೆ
\p
\v 19 ಆಮಿ ಖರಿ ಹಾವ್ ಮನ್ಹುನ್ ಆಮಾನಾ ಠಾವ ಹಾ, ಆಮಚ಼ ಮನ್ ದೇವಾಚಾ ಸಮಾದಾನಾತ್ ದೊಶ್ ನಸ್ಥಾನಾ ರಾನ್ಹಾರ್ 
\v 20 ಕಾ ಮಂಜೆ ಆಮಚಾ ಮನಾನಿ ಕಚೆತರಿ ಗುಶ್ಟಿತ್ ಆಮಿ ದೊಶಿ ಮನ್ಹುನ್ ಥರಿವಲ್ಯಾವ, ದೇವಾಲಾ ಆಮ್ಚಿ ಮನ ಠಾವಿ ಹಾತ್ತ ಮನ್ಹುನ್ ಆಮ್ಚ ಮನ್ ತ್ಯಚಿಪ ಘಟ್ ಕರಯಾ ವ್ಹಯಿಲ್. 
\v 21 ಮಾಯೆಚಾನು ಆಮ್ಚಿ ಮನ ದೊಶಿ ಮನ್ಹುನ್ ಖಡ್ಯಾವುನ್ ಚಾ಼ಲ್ಲಾಸಾತ ದೇವಾಚೆ ಮೊರ‍್ಹ ಆಮಾನಾ ಬರವಸಾ ಗಾವ್ತೊ. 
\v 22 ತ್ಯಚಾ ಆಜ್ಞಾ ಗಿಹುನ್ ತ್ಯಲಾ ಆವಾಡತ್ಯಾಲಿ ಕಾಮ ಕೆಲ್ಯಾವ ಆಮಿ ಕ್ಯಾ ಮಾಗ್ಲ ತರಿ ತ್ಯಚಿಪ್ನಿ ಗೆನ್ಹಾರ್. 
\v 23 ದೇವಾಚಿ ಆಜ್ಞೆ ಕಚಿ ಮಂಜೆ ಆಮಿ ತ್ಯಚಾ಼ ಲ್ಯೊಕ್ ಜಾ಼ಲ್ಯಾಲ್ಯಾ ಯೇಸುಕ್ರಿಸ್ತಾಲಾ ನಂಬುನ್ ತ್ಯನಿ ಆಮಾನಾ ದಿಲ್ಯಾಲೆ ಆಜ್ಞೆನಿ ಯಕಾಮಕಾಲಾ ಮಾಯಾ ಕರಾಯಾ ವ್ಹಯಿ. 
\v 24 ತ್ಯಚೆ ಆಜ್ಞೆ ಶಾರ್ಕ ಚಾ಼ಲತ್ಯಾಲಾ ತ್ಯಚಿಪ ರಾಥೊ ಆನಿ ದೇವ್ ತ್ಯಚಿಪ ರಾಥೊ. ತ್ಯೊ ತ್ಯಚಿಪ ರಾಥೊ. ಆಮ್ಚಿಪ ಹಾ ಮನ್ಹುನ್ ತ್ಯನಿ ಆಮಾನಾ ದಿಲ್ಯಾಲ್ಯಾ ಆತ್‌ಮ್ಯಾನಿ ಆಮಾನಾ ಠಾವ ಹಾ.
\c 4
\s ಖರ‍ ಆತ್ಮ ಆನಿ ಬುರ್ಸ ಆತ್ಮ
\p
\v 1 ಬನ್ಹಿ ಬಾವ್ಹಾನು, ಖುಬ್ ಲಬಾಡ್ ಪ್ರವಾದಿ ದುನೆತ್ ಆಲ್ಯಾತ ಮನ್ಹುನ್ ತುಮಿ ಸಗ್‍ಳ್ಯಾ ಆತ್‌ಮ್ಯಾಂಚಾ ಬೊಲ್ಯಾಂಚಿವ ಇಸ್ವಾಸ್ ಥೆವಾಚೆ ಆಂದಿ ತ್ಯಾತ್ಯಾ ಬೊಲ್ಯಾ ದೇವಾಪ್ನಿ ಆಲ್ಯಾಲ್ಯಾ ಕ್ಯಾ ನವ್ಹತಾ ಮನ್ಹುನ್ ಪಾರಕ್ ಕರಾಯಾ ವ್ಹಯಿಸಾ. 
\v 2 ದೇವಾಚಾ ಆತಮ್ಯಾನಿ ಸಾಂಗಲ್ಯಾಲ್ಯಾ ಬೊಲ್ಯಾ ಮನ್ಹುನ್ ಸಮಜು಼ನ್ ಗಿಹ್ಯಾಚ಼ ಕಸ ಮಂಜೆ, ಯೇಸು ಕ್ರಿಸ್ತ ಮಾನ್ಸಾಚ಼ ರುಪ್ ಗಿಹುನ್ ಆಲಾ ಮನ್ಹುನ್ ವ್ಹಯ್ ಮನ್ಹಾಚ಼ ಆತ್ಮ ದೇವಾಚಾ ಆತ್‌ಮ್ಯಾಪ್ನಿ ಆಲ್ಯಾಲ ಜಾ಼ಲ್ಯಾ. 
\v 3 ಯೇಸು ಕ್ರಿಸ್ತಾಲಾ ವ್ಹಯ್ ಮನ್ಹಿತ್ ನಸ್‌ಲ್ಯಾಲ ಪರತೇಕ್ ಯಾಕ್ ಆತ್ಮ ದೇವಾಪ್ನಿ ಆಲ್ಯಾಲ ನವ್ಹ. ತ್ಯ ಕ್ರಿಸ್ತಾಚೆ ಆಡ್ವ ಆತ್ಮ ಜಾ಼ಲ್ಯಾ. ತ್ಯ ಆತಾ ಲೊಕಾತ್ ಹಾ.
\p
\v 4 ಮಾಯೆಚಾ ಪೊರಾನು, ತುಮಿ ತರಿ ದೇವಾಚಿ ಹಾಸಾ. ಆನಿ ದುನೆತ್ ಆಸ್‌ಲ್ಯಾಲ್ಯಾವ್ನಿ ತುಮ್ಚಿಪ ಆಸ್‌ಲ್ಯಾಲಾ ಮೊಟಾ ಹಾ ಮನ್ಹುನ್ ತುಮಿ ತ್ಯಾ ಲಬಾಡ್ ಪ್ರವಾದಿಂಚ಼ ಆತ್ಮ ಜಿಕಲ್ಯಾಸಾ. 
\v 5 ತೇ ದುನೆತ್ಲ ಜಾ಼ಲ್ಯಾತ. ಮನ್ಹುನ್ ತೇ ಹ್ಯಾ ಲೊಕಾತ್ಸ್ಲ ಬೊಲ್‌ತ್ಯಾತ ಆನಿ ದುನೆತ್ಲಿ ತ್ಯಂಚ಼ ಬೊಲ್ನ ಐಕ್‌ತ್ಯಾತ. 
\v 6 ಆಮಿ ತರಿ ದೇವಾಪ್ಲಿ ಜಾ಼ಲ್ಯಾವ್. ದೇವ್ ಠಾವಾ ಆಸ್‌ಲ್ಯಾಲಿ ಆಮ್ಚ಼ ಬೊಲ್ನ ಐಕ್‌ತ್ಯಾತ. ದೇವಾಲಾ ಸಂಬಂದ್ ನಸ್‌ಲ್ಯಾಲಿ ಆಮ್ಚ಼ ಬೊಲ್ನ ಐಕಿತ್ ನಾಹಿತ. ಹ್ಯನಿಸ್ ಖರ ಆತ್ಮ ಕಚ಼ ಆನಿ ಖೊಟ ಆತ್ಮ ಕಚ಼ ಮನ್ಹುನ್ ಆಮಿ ಸಮಜು಼ನ್ ಗೆಥಾವ್.
\s ದೇವ್ ಮಾಯೆಚಾ಼
\p
\v 7 ಮಾಯೆಚಾನು, ಆಮಿ ಯಕಾಮಕಾಲಾ ಮಾಯಾ ಕರುಯಾ. ಮಾಯಾ ದೇವಾಪ್ನಿ ಆಲ್ಯಾಲಿ ಜಾ಼ಲೆ ಆನಿ ಮಾಯಾ ಕರ್ತ್ಯಾಲ ಪರ್ತೇಕ್ ಯೊಕ್ ದೇವಾಪ್ನಿ ಜ಼ಲಾಮ್‌ಲ್ಯಾಲಾ ದೇವ್ ಠಾವಾ ಆಸ್‌ಲ್ಯಾಲಾ ಜಾ಼ಲ್ಯಾ. 
\v 8 ಮಾಯಾ ನಸ್‌ಲ್ಯಾಲಾ ದೇವಾಲಾ ಠಾವಾ ನಸ್‌ಲ್ಯಾಲಾ. ಕಾ ಮಂಜೆ ದೇವ್ ಮಾಯೆಚ಼ ರುಪ್ ಜಾ಼ಲ್ಯಾ. 
\v 9 ಆಮಿ ತ್ಯಚಿಸ್ ಲಾಗುನ್ ಜೀವ್ನಾ ಕರಾಯಾ ದೇವಾಲಾ ಆಪ್‌ಲ್ಯಾ ಯಕ್‌ಲ್ಯಾಸ್ ಲೇಕಾಲಾ ದುನೆತ್ ಲಾವುನ್ ದಿಲ್ಯಾಲ್ಯಾಸ್ ಲಾಗುನುಸ್ ದೇವಾಚಿ ಮಾಯಾ ಆಮ್ಚಿಪ ದಿಸ್ಲೆ. 
\v 10 ಆಮಿ ದೇವಾಲಾ ಮಾಯಾ ಕಿಲಿ ನಾಹಿ, ತರಿಬಿ ತ್ಯನಿ ಆಮ್ಚಿ ಮಾಯಾ ಕರುನ್ ಆಮ್ಚಾ ಪಾಪಾನಾ ಪ್ರಾಯಶ್ಚಿತ್ ಬಲಿ ವ್ಹವುನ್ ಆಪ್‌ಲ್ಯಾ ಲೆಕಾಲಾ ಲಾವುನ್ ದಿಲ್ಯಾಲ್ಯಾಸ್ ಲಾಗುನ್ ತ್ಯಚಿ ಖರಿ ಮಾಯಾ ದಿಸುನ್ ಯತಿ.
\p
\v 11 ಮಾಯೆಚಾನು, ದೇವಾನಿ ಆಮಾನಾ ಆಸಿ ಮಾಯಾ ಕೆಲ್ಯಾವ ಆಮಿ ಸಾಹಿತ್ ಯಕಾಮಕಾಲಾ ಮಾಯೆ ಕರಾಚಾ ಲಾಜಿಮಾತ್ ಹಾವ್. 
\v 12 ದೇವಾಲಾ ಕುನಿ ಕಂದಿ ಬಗ್ಲಾನಾಹಿ. ಆಮಿ ಯಕಾಮಕಾಲಾ ಮಾಯಾ ಕಿಲಿತ ದೇವ್ ಆಮ್ಚಿಪ ಹಾ, ಆನಿ ತ್ಯಚಿ ಮಾಯಾ ಆಮ್ಚಿಪ ಪುರಿಜಾ಼ಲೆ.
\p
\v 13 ದೇವಾನಿ ಆಮಾನಾ ಆಪ್ಲ ಆತ್ಮ ದಿಲ್ಯಾ ಮನ್ಹುನ್ ಆಮಿ ತ್ಯಚಿಪ ಹಾವ್ ಆನಿ ತ್ಯೊ ಆಮ್ಚಿಪ ಹಾ ಮನ್ಹುನ್ ಸಮಜು಼ನ್ ಗೆಥಾವ್. 
\v 14 ಬಾನಿ ಆಪ್‌ಲ್ಯಾ ಲೇಕಾಲಾ ದುನೆ ರ‍್ಯಾಕ್‌ತ್ಯಾಲ್ಯಾಲಾ ಲಾವುನ್ ದಿಲ್ಯಾಲಾ ಆಮಿ ಸಮಜು಼ನ್ ಗೆತಲ್ಯಾ ಆನಿ ತ್ಯಚೆ ಗುಶ್ಟಿತ್ ಆಮಿ ಸಾಕ್ಷಿ ಸಾಂಗ್ತಾವ್. 
\v 15 ಯೇಸು ಕ್ರಿಸ್ತ ದೇವಾಚಾ಼ ಲ್ಯೊಕ್ ಜಾ಼ಲ್ಯಾ ಮನ್ಹುನ್ ಕೊನ್ ವ್ಹಯ್ ಮಂಥೊ ತ್ಯಂಚಿಪ ದೇವ್ ಹಾ. ಆನಿ ತ್ಯೊ ದೇವಾಪ ಹಾ. 
\v 16 ಆಸಿಸ್ ದೇವಾನಿ ಆಮ್ಚಿವ ಥೆವ್‌ಲ್ಯಾಲಿ ಮಾಯಾ ಆಮಿ ಸಮಜು಼ನ್ ಗೆತಲೆ. ತ್ಯಚಿವ ಇಸ್ವಾಸ್ ಥೆವಲ್ಯಾವ್. ದೇವ್ ಮಾಯೆಚ಼ ರುಪ, ಮಾಯೆತ್ ರಾಥ್ಯಾಲಾ ದೇವಾಪ ರಾನ್ಹಾರ್. ದೇವ್ ತ್ಯಚಿಪ ಹಾ. 
\v 17 ನ್ಯಾಯಿ ತಿರ್ಮಾನಾಚಾ ದಿಸಾತ್ ಆಮಿ ದಿರ‍್ಹಾನಿ ರಾಹ್ಯಾ ವ್ಹಯಿ ಮನ್ಹುನ್ ತ್ಯಚಿ ಮಾಯಾ ಆಮ್ಚಿಪ ಪುರಿ ಜಾ಼ಲೆ. ಹ್ಯಾ ಲೊಕಾತ್ ಆಮಚಾ಼ ಜೀವ್ನಾ ಕ್ರಿಸ್ತ ಯೇಸುಚಾ ಜೀವ್ನಾಚೆಗತ್ ರಾಥ್ಯಾಲ್ಯಾಸ್ ಲಾಗುನ್ ತ್ಯೊ ಬರವಾಸಾ ಆಮಾನಾ ಹಾ. 
\v 18 ಮಾಯೆ ಹಾ ತಿಥ ಭೆ ನಾಹಿ. ಭೆ ಹಾ ತಿಥ ತರಾಸ್ ಹಾತ್ತ. ಫನ್ ಪುರಿ ಮಾಯಾ ಭ್ಯಾಲಾ ಮಾರುನ್ ಪಳ್ವುನ್ ಗ್ಯಾಲ್ತಿ. ಬಿಥ್ಯಾಲಾ ಪುರಾ ಮಾಯೆತ್ ನಸ್‌ಲ್ಯಾಲಾಸ್.
\p
\v 19 ದೇವಾನಿ ಆಂದಿ ಆಮ್ಚಿ ಮಾಯಾ ಕಿಲಿ ಮನ್ಹುನ್ ಆಮಿ ತ್ಯಲಾ ಮಾಯಾ ಕರ್ತಾವ್. 
\v 20 ಯಕ್ಲಾ, ಮೀ ದೇವಾಚಿ ಮಾಯಾ ಕರ್ತೊ ಮನ್ಹುನ್ ಸಾಂಗುನ್ ಆಪ್‌ಲ್ಯಾ ಬಾವ್ಹಾಂಚಾ಼ ರಾಗ್ ಕೆಲಾತ ತ್ಯೊ ಲಬ್ಡಾ ಜಾ಼ಲ್ಯಾ. ಕಾ ಮಂಜೆ ಆಪ್ಲಿಸಂಗ ಆಸ್‌ಲ್ಯಾಲ್ಯಾ ಬಾವ್ಹಾಚಿ ಮಾಯಾ ಕರಿನಸ್ನಾರಾ, ಆಪ್‌ಲ್ಯಾಲಾ ದಿಸತ್ ನಸ್‌ಲ್ಯಾಲ್ಯಾ ದೇವಾಚಿ ಕಸಾ ಮಾಯಾ ಕರ್ನಾರ್? 
\v 21 ದೇವಾಚಿ ಮಾಯಾ ಕರ್ತ್ಯಾಲ್ಯಾನಿ, ಆಪ್‌ಲ್ಯಾ ಬಾವ್ಹಾಚಿಬಿ ಮಾಯಾ ಕರಾಯಾ ವ್ಹಯಿ ಮಂಥ್ಯಾಲಿ ಆಜ್ಞಾ ಆಮಿ ತ್ಯಚಿಪ್ನಿ ಗೆತ್ಲೆ.
\c 5
\s ಕ್ರಿಸ್ತಾವ ಇಸ್ವಾಸ ಥೆವಲ್ಯಾಲಿ ದುನೆ ಜಿಕತ್ಯಾತ
\p
\v 1 ಯೆಸುಸ್ ಕ್ರಿಸ್ತ್ ಮನ್ಹುನ್ ಇಸ್ವಾಸ್ ಥೆವತ್ಯಾಲಾ ಪರತೆಕ್ ಯೊಕ್ ದೆವಾಪ್ನಿ ಜ಼ಲಾಮಲ್ಯಾಲಾ ಜಾ಼ಲ್ಯಾ. ಕೊನ್ ಆಪಲ್ಯಾಲಾ ಜ಼ಲ್ಮ ದಿಲ್ಯಾಲ್ಯಾಬಾಚಿ ಮಾಯಾ ಕರ್ತೊ, ತ್ಯೊ ಬಾಪ್ನಿ ಜ಼ಲಾಮಲ್ಯಾಲ್ಯಾ ಸಗಳ್ಯಾಂಚಿ ಮಾಯಾ ಕರ್ತೊ. 
\v 2 ಆಮಿ ದೆವಾಚಿ ಮಾಯಾ ಕರುನ್ ತ್ಯಚಾ ಆಜ್ಞಾ ಪ್ಯಾಳಲ್ಯಾಲ್ಯಾನಿಸ್ ದೆವಾಚಾ ಪೊರಾಂಚಿ ಮಾಯಾ ಕರ್ತಾವ್ ಮನ್ಹುನ್ ಸಮಜು಼ನ್ ಗೆಥಾವ್. 
\v 3 ದೆವಾವ್ಲಿ ಮಾಯಾ ಕಚಿ ಮಂಜೆ ತ್ಯಚಾ ಆಜ್ಞಾ ಪಾಳಾಚಾಸ್. ತ್ಯಚಾ ಆಜ್ಞಾ ತರಾಸಾಚಾ ನವ್ಹತಾ. 
\v 4 ಕಾ ಮಂಜೆ ದೆವಾಪ್ನಿ ಜ಼ಲಾಮಲ್ಯಾಲಾ ದುನೆ ಜಿಕ್ತೊ. ದುನೆಲಾ ಜಿಕತ್ಯಾಲಾ ಆಮಚಾ಼ ಇಸ್ವಾಸುಸ. 
\v 5 ಯೆಸು ಕ್ರಿಸ್ತ ದೆವಾಚಾ಼ ಲ್ಯೊಕ್ ವ್ಹಯ್ ಮನ್ಹುನ್ ಇಸ್ವಾಸ್ ಥೆವಲ್ಯಾಲ್ಯಾನಾ ಸುಡುನ್ ಆನಿ ಕೊನ್ ದುನೆ ಜಿಕತ್ಯಾಲಿ ಜಾ಼ಲ್ಯಾತ.
\s ಯೆಸುಚೆ ಗುಸ್ಟಿತ್ ಸಾಕ್ಷಿ
\p
\v 6 ಹ್ಯೊ ಮಂಜೆ ಯೇಸು ಕ್ರಿಸ್ತ ಪಾನ್ಯಾನಿ, ರಕ್ತಾನಿ ಆಲ್ಯಾಲಾ. ಪಾನ್ಯಾನಿ ತ್ಯವ್ಡಾಸ್ ನವ್ಹ ಪಾನ್ಯಾನಿ, ರಕ್ತಾನಿ ಸಾಕ್ಷಿ ಗೆತಲ್ಯಾಲಾ ಜಾ಼ಲ್ಯಾ. ಆತ್ಮ ಸಾಕ್ಷಿ ದೇತ. ಕಾ ಮಂಜೆ ಆತ್ಮ ಖರ‍್ಯಾಚ಼ ರುಪ್. 
\v 7 ಯವ್ಡಸ್ ನವ್ಹ ಸಾಕ್ಷಿ ದೇತ್ಯಾಲ ತೀಗ ಜಾ಼ನ್ ಹಾತ್ತ. 
\v 8 ಆತ್ಮ, ಪಾನಿ, ರಗಾತ್ ಮಂಥ್ಯಾಲ್ಯಾ ತೀನ್ ಸಾಕ್ಷಿ ಹಾತ್ತಾ. ಹ್ಯಾ ತೀನಿಂಚ಼ಬಿ ಯಾಕುಸ್ ಮನ್ಹ. 
\v 9 ಆಮಿ ಮಾನ್ಸಾಚಿ ಸಾಕ್ಷಿ ವ್ಹಯ್ ಮಂಥಾವ್, ತಸಿಸ್ ದೇವಾಚಿ ಸಾಕ್ಷಿಬಿ ತ್ಯಚಿವ್ನಿ ಶ್ರೆಸ್ಟ ಹಾ. ಕಾ ಮಂಜೆ ದೇವಾನಿ ದಿಲ್ಯಾಲಿ ಸಾಕ್ಷಿ ಆಪ್‌ಲ್ಯಾ ಲೇಕಾಚಿ ಜಾ಼ಲೆ. 
\v 10 ದೇವಾಚಾ ಲೇಕಾವ ಇಸ್ವಾಸ್ ಥೆವ್‌ಲ್ಯಾಲಾ ತೀ ಸಾಕ್ಷಿ ಆಪ್ಲಿಪಸ್ ಗೆತ್ಲೆ. ದೇವಾವ ಇಸ್ವಾಸ್ ಥಿವಿ ನಸ್ನಾರ‍್ಯಾಲಾ ಲಬ್ಡಾ ಮನ್ಹುನ್ ಕೆಲ್ಯಾ. ಕಸ ಮಂಜೆ ದೇವಾನಿ ಆಪ್‌ಲ್ಯಾ ಲೇಕಾಚೆ ತರ್ಪಿ ದಿಲ್ಯಾಲೆ ಸಾಕ್ಷಿವ ತ್ಯನಿ ಇಸ್ವಾಸ್ ಥೆವ್ಲಾ ನಾಹಿ. 
\v 11 ತೀ ಸಾಕ್ಷಿ ಕಚಿ ಮಂಜೆ, ದೇವಾನಿ ಆಮಾನಾ ಶಾಶ್ವತ್ ಜೀವ್ ದಿಲ್ಯಾ. ತ್ಯೊ ಜೀವ್ ತ್ಯಚಾ ಲೇಕಾಪ ಹಾ. 
\v 12 ಕೊನ್ ದೇವಾಚಾ ಲೇಕಾವ ಇಸ್ವಾಸ್ ಥೆವ್‌ತ್ಯಾತ ತ್ಯಂಚಿಪ ತ್ಯೊ ಜೀವ್ ಹಾ, ಫನ್ ಕೊನ್ ದೇವಾಚಾ ಲೇಕಾವ ಇಸ್ವಾಸ್ ಥಿವಿತ್ನಾಹಿ ತ್ಯಂಚಿಪ ತ್ಯೊ ಜೀವ್ ನಾಹಿ.
\s ಶಾಶ್ವತ್ ಜೀವ್
\p
\v 13 ದೇವಾಚಾ ಲೇಕಾಚಾ ನಾವಾವ ಇಸ್ವಾಸ್ ಥೆವ್‌ಲ್ಯಾಲ್ಯಾ ತುಮ್ಚಿಪ ತ್ಯೊ ಶಾಶ್ವತ್ ಜೀವ್ ಹಾ ಮನ್ಹುನ್ ಠಾವ ವ್ಹಯಾಸಾಟಿ ತುಮಾನಾ ಹ್ಯಾ ಗುಶ್ಟಿ ಲಿವ್‌ಲ್ಯಾತಾ. 
\v 14 ಆನಿ ದೇವಾಚಾ ಮನಾಶಾರ್ಕ ಕಾಯ್ತರಿ ಮಾಗ್ಲತ ತ್ಯೊ ತುಮಚ಼ ಮಾಗ್ನ ಐಕ್ತೊ ಮನ್ಹುನ್ ತ್ಯಚಿವ ಆಮಾನಾ ಇಸ್ವಾಸ್ ಹಾ. 
\v 15 ಆಮಿ ಕ್ಯಾ ಮಾಗ್ಲ ತರಿ ತ್ಯೊ ಆಮಚ಼ ಮಾಗ್ನ ಐಕ್ತೊ ಮನ್ಹುನ್ ಆಮಾನಾ ಸಮಾಜ಼್‌ಲ್ಯಾ, ಆಮಿ ಮಾಗ್‌ಲ್ಯಾಲ ತ್ಯಚಿಪ್ನಿ ಆಮಾನಾ ಗಾವ್ತ ಮನ್ಹುನ್ ಆಮಾನಾ ಠಾವಹಾ.
\p
\v 16 ಕೊನ್ತರಿ ಆಪ್ಲಾ ಬಾಹು ಮರಾನ್ ನಸ್‌ಲ್ಯಾಲ ಪಾಪ್ ಕರ್ತ್ಯಾಲಾ ದಿಸಲ್ಯಾವ ತ್ಯೊ ದೇವಾಪ ಮಾಗುನಿ. ತವಾ ದೇವ್ ಮರಾನ್ ನಸ್‌ಲ್ಯಾಲ ಪಾಪ್ ಕರ್ತ್ಯಾಲ್ಯಾನಾ ಜೀವ್ ದೇನಾರ್. ಮರ್ನಾಚ಼ ಪಾಪ್ ಹಾ ಹ್ಯಾ ಪಾಪಾಚೆ ಗುಶ್ಟಿತ್ ತ್ಯನಿ ಮಾಗಾಯಾ ವ್ಹಯಿ ಮನ್ಹುನ್ ಮಿ ಸಾಂಗಿತ್ ನಾಹಿ. 
\v 17 ನೀಯೆತಿಚೆ ಆಡ್ವ ಆಸಲ್ಯಾಲ ಸಗ್ಳ ಪಾಪ್ ಜಾ಼ಲ್ಯಾ. ತರೀಬಿ ಮರಾನ್ ನಸ್‌ಲ್ಯಾಲ ಪಾಪ್ ಹಾ.
\p
\v 18 ದೇವಾಪ್ನಿ ಜ಼ಲಾಮ್‌ಲ್ಯಾಲಾ ಪಾಪ್ ಕರೀತ್ ನಾಹಿ ಮನ್ಹುನ್ ಆಮಾನಾ ಠಾವ ಹಾ. ದೇವಾಪ್ನಿ ಜ಼ಲಾಮ್‌ಲ್ಯಾಲಾ ಆಪ್‌ಲ್ಯಾಲಾ ಆಪ್ನು ರ‍್ಯಾಕ್ನಾರ್. ನಾಸ್ಕಾ ತ್ಯಲಾ ಹಾತ್ ಲಾವಿತ್ ನಾಹಿ.
\p
\v 19 ಸಗ್ಳಿ ದುನೆ ನಾಸಕ್ಯಾಚಾ ತಾಬ್ಯಾತ್ ಆಸ್ಲಿ ತರಿಬಿ ಆಮಿ ದೇವಾಲಾ ಸಮ್ಮನ್ ಆಸ್‌ಲ್ಯಾಲಿ ಮನ್ಹುನ್ ಆಮಾನಾ ಠಾವ ಹಾ
\p
\v 20 ದೇವಾಚಾ಼ ಲ್ಯೊಕ್ ಹೇ ದುನೆತ್ ಯವುನ್ ಆಮಿ ಖರ‍್ಯಾಲಾ ಸಮಜು಼ನ್ ಗೆತಲ್ಯಾ ಸಾರ ಆಮಾನಾ ಗಿನ್ಯಾನ್ ದಿಲ್ಯಾ ಮನ್ಹುನ್ ಆಮಾನಾ ಠಾವ ಹಾ, ಆನಿ ಆಮಿ ದೇವಾಚಾ಼ ಲ್ಯೊಕ್ ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಪ ರಾಥ್ಯಾಲಿ ವ್ಹವುನ್ ಖರಾ ದೇವ್ ಜಾ಼ಲ್ಯಾಲ್ಯಾಪ ಹಾವ್. ಹ್ಯೊ ಕ್ರಿಸ್ತುಸ್ ಖರಾ ದೇವ್, ಶಾಶ್ವತ್ ಜೀವ್ ಜಾ಼ಲ್ಯಾ.
\p
\v 21 ಮಾಯೆಚಾ ಪೊರಾನು, ಪಾಶಾನಾಂಚಿಪ್ನಿ ದುರ್ ರಾಹ್ಯಾ ತುಮಾನಾ ರಾಖಾ.