\id 1CO - Gawli Marathi
\ide UTF-8
\h 1 ಕೋರಿಂಥ್
\toc3 1 ಕೊರಿಂಥ
\toc2 1 ಕೋರಿಂಥ್
\toc1 ಪೌಲಾನಿ ಕೋರಿಂಥಾತಲ್ಯಾನಾ ಲಿವ್‍ಲ್ಯಾಲ ಪೈಲ ಪತ್ರ
\mt2 ಪೌಲನು ಕೋರಿಂಥದವರಿಗೆ ಬರೆದ ಮೊದಲನೆಯ ಪತ್ರಿಕೆ
\mt1 ಪೌಲಾನಿ ಕೋರಿಂಥಾತಾಲ್ಯಾನಾ ಲಿವ್‍ಲ್ಯಾಲ ಪೈಲ ಪತ್ರ
\imt ವಳಕ್
\ip ಕ್ರಿಸ್ತ್ ಜ಼ಲ್ಮುನ್ 55 ವರ್ಸ ಜಾ಼ಲ್ಯಾ ನಂತರ್ ಅಪೊಸ್ತಲ್ ಜಾ಼ಲ್ಯಾಲ್ಯಾ ಪೌಲಾನಿ ಕೋರಿಂತಾಲಾ ಲಿವಲ್ಯಾಲ ಪೈಲ ಪತ್ರ \xt 1:1\xt* ಪೌಲಾನಿ ಕೊರಿಂಥ್ಯಾ ಸಭೆಲಾ ಲಿವಾಚ಼ ಹ್ಯ ಪೈಲ ಪತ್ರ ಜಾ಼ಲ್ಯಾ. ಹ್ಯ ಪತ್ರ ತ್ಯೊ ಯೆಪೆಸಾತ್ ರಾಹುನ್ ಕೊರಿಂಥ್ಯ ಸಭೆತ್‍ಲ್ಯಾನಾ ಸಾಂಗ್ತೆಲೆ ವಾಟಸ್ ಮೆಕೊದೊನಿಯಾ ಮಂಥ್ಯಾಲಾ ಜಾ಼ಗಾ ಬಗ್ತಾವ್ \xt 16:5-9\xt*
\ip ಹ್ಯ ಪತ್ರ ಪೌಲಾನಿ ಸಭೆಚಾ ಥೊಡ್ಯಾ ಮಾನ್ಸಾಪ್ನಿ ಐಕ್‌ಲ್ಯಾಲೆ ಗುಶ್ಟಿತ್ ಉತ್ತರ್ ದಿವುನ್ ಲಿವ್‌ಲ್ಯಾ. ಸಭೆತ್ ಖುಬ್ ಶಾರ್ಕ ನಸ್‌ಲ್ಯಾಲ ಚಾ಼ಲ್ನ ಮಂಜೆ ಭಾಗ್ ಆನಿ ಅನೈತಿಕ್ ಲೈಂಗಿಕ್ ಸಂಬದಾಚೆ ಗುಶ್ಟಿನಿ ಖುಬ್ ಪಗಾಳ ಸಭಾ ಹ್ಯೊ ತರಾಸ್ ಗಿಹ್ಯಾಚಾ ಚ಼ಮತ್ಕಾರಾಚ಼ ನವ್ಹ 1 ಕೊರಿಂಥ್ಯಾಚಾ ಪತ್‌ರ‍್ಯಾತ್ ಮಾಯೆಲಾ ಸಂಬಂದ್ ಆಸ್‌ಲ್ಯಾಲ ಖುಬ್ ವ್ಹಯಿ ಜಾ಼ಲ್ಯಾಲ 13 ಅದ್ಯಾಯ್ ಜಾ಼ಲ್ಯಾ.
\is ಪಿಠಿಕೆ
\io1 1. ಪೌಲಾನಿ ಕೊರಿಂಥ ಸಭೆತ್‌ಲ್ಯಾನಾ ನಮಸ್ಕಾರ್ ಸಾಂಗ್ತೊ ಆನಿ ತ್ಯಂಚಿಸಾಟಿ ದೇವಾಲಾ ದನ್ಯವಾದ್ ಸಾಂಗ್ತೊ\ior 1:1-9 \ior*
\io1 2. ನಂತರ್ ತ್ಯೊ ಕೊರಿಂಥ ಸಭೆ ಭಾಗ್ ಜಾ಼ಲ್ಯಾಲೆ ಗುಶ್ಟಿತ್ ಆಪ್ಲಾ ಉತ್ತರ್ ದೇತೊ \ior 1:10—4:21 \ior*
\io1 3. ನಂತರ್ ತ್ಯೊ ಅನೈತಿಕ್ ಲೈಂಗಿಕ್ ಸಂಬಂದ್ ಆನಿ ಯಕಾಮಕಾಲಾ ನ್ಯಾಯಿಚೆ ಸಭೆತ್ ನಿಹ್ಯಾಚೆ ಗುಶ್ಟಿತ್ ಸಾಂಗ್ತೊ \ior 5:6 \ior*
\io1 4. ಆನಿ ನಂತರ್ ತ್ಯೊ ಲಗಿನ್, ಪಾಶಾನಾನಾ ಬಲಿ ದಿಯಾಚಿ, ಯಕಿಕ್ಡ ಮಿಳುನ್ ವವ್ಯಾಳಾಚ಼, ಆತ್ಮಿಕಾನಿ ದಿಯಾಚ಼ ಆನಿ ಮರುನ್ ಜಿತ್ತಿ ವ್ಹವುನ್ ಯಯಾಚೆ ಗುಶ್ಟಿತ್ ಮಾರ್ಗ ದರ್ಶಾನ್ ದೆತೊ.\ior 7—15 \ior*
\io1 5. ಸರ್ತ್ಯಾಲಾ ತ್ಯನಿ ಥುಡಿ ಉಪಯೇಗ್ ಆಸ್‌ಲ್ಯಾಲಿ ವಯಕ್ತಿಕ್ ಗುಶ್ಟಿ ಸಾಂಗಿತ್ ಪತ್ರ ಸುಪಿವ್ತೊ \ior 16 \ior*
\c 1
\p
\v 1 ಪೌಲ್ ಲಿವತ್ಯಾಲ ಪತ್ರ. ಕ್ರಿಸ್ತ್ ಯೇಸುಚಾ಼ ಅಪೋಸ್ತಲ್‌ ವ್ಹಯಾಲಾ ಮೀ ದೇವಾಚಾ ಮನಾಶಾರ್ಕಾ ಹಾಕಟ್‍ಲ್ಯಾಲಾ ಜಾ಼ಲ್ಯೊ. ಮೀ ಹ್ಯ ಪತ್ರ ಕ್ರಿಸ್ತಾಪ್ನಿ ಆಮಚಾ಼ ಬಾಹು ಜಾ಼ಲ್ಯಾಲ್ಯಾ ಸೊಸ್ತೆನಾಸಂಗ ಲಿವ್‌ತ್ಯೊ.
\p
\v 2 ಕ್ರಿಸ್ತ ಯೆಸುಪ್ನಿ ಪವಿತ್ರ ಕೆಲ್ಯಾಲೆ ಕೋರಿಂತಾತ್ಲೆ ದೇವಾಚೆ ಸಬೆಚಾನಾ ಹ್ಯ ಪತ್ರ ಲಿವ್‌ತ್ಯೊ. ತುಮಿ ದೇವಾಚಿ ಪವಿತ್ರ ಲೊಕ ವ್ಹಯಾಲಾ ಹಾಕಟ್‌ಲ್ಯಾಲಿ ಜಾ಼ಲ್ಯಾಸಾ. ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ ನಾವಾವ ಇಸ್ವಾಸ್ ಥೆವ್‌ತ್ಯಾಲ್ಯಾ ಸಗ್‌ಳ್ಯಾ ಲೊಕಾಂಚೆ ಸಂಗ ತುಮಿಬಿ ಹಾಕಟ್‍ಲ್ಯಾಲಿ ಜಾ಼ಲ್ಯಾಸಾ. ಯೇಸು ಕ್ರಿಸ್ತ ತ್ಯನಾಬಿ ಆಮಾನಾಬಿ ಪ್ರಭುಜಾ಼ಲ್ಯಾ.
\p
\v 3 ಆಮಚಾ಼ ಬಾ ಜಾ಼ಲ್ಯಾಲ್ಯಾ ದೆವಾಪ್ನಿಬಿ ಪ್ರಭುಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಪ್ನಿಬಿ ತುಮಾನಾ ಕ್ರಪಾ ಆನಿ ಶಾಂತಿ ಗಾಹುನಿ.
\s ಯೇಸುಪ್ನಿ ಆಶಿರ್ವಾದ್
\p
\v 4 ದೇವಾನಿ ಯೇಸು ಕ್ರಿಸ್ತಾಪ್ನಿ ತುಮಾನಾ ದಿಲ್ಯಾಲೆ ಕ್ರುಪೆಸ್ಲಾಗುನ್ ಮೀ ತುಮ್ಚಿಸಾಟಿ ದೇವಾಲಾ ಕವಾಬಿ ಉಪ್ಕಾರಾಚಿ ಸ್ತುತಿ ಪ್ಯಾವ್ತೊ. 
\v 5 ಕಾ ಮಂಜೆ ಯೇಸುಪ್ನಿ ಸಗ್ಳಾ ಆಶೀರ್ವಾದ್ ಗೆತಲ್ಯಾಲಿ ತುಮಿ ಬೊಲ್‌ನ್ಯಾತ್ ಗಿನ್ಯಾನ್‌ ಆಸ್ನಾರಿ ಜಾ಼ಲ್ಯಾಸಾ. 
\v 6 ಯೇಸು ಕ್ರಿಸ್ತಾಚ಼ ವಚ಼ನ್ ತುಮ್ಚಿಪ ಖರ‍್ಯಾನಿ ಘಟ್ ಹಾ ಮನ್ಹುನ್. 
\v 7 ಆಮ್‌ಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ ದೊನವ್ಯಾ ಯನ್ಯಾಚಿ ವಾಟ್ ಬಗ್‌ತ್ಯಾಲಿ ಆನಿ ದೆವಾಪ್ನಿ ಆಲ್ಯಾಲ ಪರತೆಕ್ಯಾಕ್ ಆತ್ಮಿಕ್ ದಾನ್ ಗೆತಲ್ಯಾಲಿ ಜಾ಼ಲ್ಯಾಸಾ. 
\v 8 ಯೇಸು ತುಮಾನಾ ಸರ್ತ್ಯಾಪರೆತ್ ಧಿರ್ ದಿವುನ್ ರ‍್ಯಾಕ್ನಾರ್. ಆಮಚ಼ಾ ಪ್ರಭು ಜಾ಼ಲ್ಯಾಲಾ ಯೇಸು ಕ್ರಿಸ್ತ್ ನ್ಯಾಯಿ ನಿವ್ಡಾಚಾ ದಿಸಾತ್ ತುಮಿ ನಿರ್ದೊಶಿ ವ್ಹವುನ್ರಾನಾರ್. 
\v 9 ದೇವ್ ಇಸ್ವಾಸಾಚಾ಼ ಜಾ಼ಲ್ಯಾ. ದೇವಾಚಾ಼ ಲ್ಯೊಕ್‌ಜಾ಼ಲ್ಯಾಲಾ ಆನಿ ಪ್ರಭುಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ ಜೀ಼ವ್ನಾತ್ ವಾಟ್ನಿಗಿಹ್ಯಾ ವ್ಹಯಿ ಮನ್ಹುನ್ ತುಮಾನಾ ಹಾಕಟ್‌ಲ್ಯಾಲ ತ್ಯನಿಸ್.
\s ಕೊರಿಂತ್ ಸಭೆತ್ ಫುಟ್‌ ಜಾ಼ಲ್ಯಾಲಿ
\p
\v 10 ಬನ್ಹಿ ಬಾವ್ಹಾನು, ಆಮ್‌ಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ ನಾವಾನಿ ಮೀ ತುಮ್ಚಿಪ ಮಾಗಾಚ಼ ಕ್ಯಾ ಮಂಜೆ, ಕಳ್ ಬಾಂಢಾನ್ ನಸ್ತಾನಾ ಬೆದ್‌ ಬಾವ್ ನಸ್ತಾನಾ ಯಕಾ ಮನಾನಿಸ್ ಯಕಾ ಉದ್ದೇಸಾನಿ ತುಮಿ ಯಕಾಮನಾನಿ ರಾವ್ಹಾ.
\p
\v 11 ಮಾಜಾ ಬಾವ್ಹಾ ಬನ್ಹಿನು, ಕ್ಲೊಯೆಚಾ ಗರ್ಹಾತ್ನಿ ಆಲ್ಯಾಲ್ಯಾ ಥೊಡ್ಯಾಂಚಾನಿ. ತುಮ್ಚೆಮದ್ದಿ ಕಳ್ ಬಾಂಢ್ನ ಹಾತ್ತ ಮನ್ಹುನ್ ಮನಾ ಸಾಂಗ್ಲ. 
\v 12 ಮಂಜೆ, ತುಮ್ಚಾತ್ ಯೊಕ್, “ಮೀ ಪೌಲಾಚೆಮಾಗ್ನಿ ಜಾ಼ತ್ಯೊ” ಮನ್ಹುನ್ ಸಾಂಗತ್ಯೊ; ಆನಿಯೋಕ್, “ಮೀ ಅಪೊಲೊಸಾಚೆ ಮಾಗ್ನಿ ಜಾ಼ತೊ” ಮನ್ಹುನ್ ಸಾಂಗತ್ಯೊ. ಆನಿಯೊಕ್, “ಮೀ ಪೇತ್ರಾಚೆ ಮಾಗ್ನಿ ಜಾ಼ತೊ” ಮನ್ಹುನ್ ಸಾಂಗತ್ಯೊ. ಆನಿಯೊಕ್, “ಮೀ ಕ್ರಿಸ್ತಾಚೆ ಮಾಗ್ನಿ ಜಾ಼ತೊ. ” ಮನ್ಹುನ್ ಸಾಂಗತ್ಯೊ. 
\v 13 ಕ್ರಿಸ್ತಾಚಿ ವಾಟ್ನಿ ಕೆಲೆ ಕ್ಯಾ? ಪೌಲ್ ತುಮ್ಚೆಸಾಟಿ ಸಿಲಬೆವ ಮೆಲಾಕ್ಯಾ? ತುಮಿ ಪೌಲಾಚಾ ನಾವಾನಿ ಬಾಪ್ತಿಸ್ಮಾ ಗಿತ್ಲಿಸಾಕ್ಯಾ? ನಾಹಿ.
\p
\v 14 ತುಮ್ಚಾತ್ ಕ್ರಿಸ್ತ್ ಆನಿ ಗಾಯಾ ಹ್ಯನಾಸುಡುನ್ ದಿಸರ‍್ಯಾ ಕುನಾಲಾಸ್ ಮೀ ಬಾಪ್ತಿಸ್ಮಾ ದಿಲಿನಾಹಿ ಮನ್ಹುನ್ ದೇವಾಲಾ ದನ್ಯವಾದ್ ಕರ್ತೊ, 
\v 15 ಮಾಜಾ ನಾವಾನಿ ಬಾಪ್ತಿಸ್ಮಾ ಗೆತ್ಲೆ ಮನ್ಹುನ್ ಸಾಂಗಾಯಾ ತುಮ್ಚಾತ್ ಕುನಾಲಾ ಆತಾ ವ್ಹಯಿತ್ನಾಹಿ. 
\v 16 ಸ್ತೆಪನಾಚಾ ಗರ‍್ಹಾತಲ್ಯಾನಾ ಸುಡುನ್ ದಿಸರ‍್ಯಾ ಕುನಾಲಾ ಬಾಪ್ತಿಸ್ಮಾ ದಿಲ್ಯಾಲಿ ಮನಾ ಯಾದ್ ನಾಹಿ. 
\v 17 ಕ್ರಿಸ್ತಾನಿ ಮನಾ ಲಾವುನ್ ದಿಲ್ಯಾಲಾ ಬಾಪ್ತಿಸ್ಮಾ ದಿಯಾ ನವ್ಹ, ಯೇಸುಚಿ ಬರಿ ಖಬರ್ ಸಾಂಗಾಯಾ ತ್ಯವ್ಡಸ್. ಫನ್ ಗಿನ್ಯಾನಾನಿ ಸಾಂಗಾಯಾ ಲಾವುನ್ ದಿಲಾನಾಹಿ. ಮೀ ಕಾಯ್ತರಿ ಪರ್ಪಂಚಾಚಾ ಗಿನ್ಯಾನಾನಿ ಬರಿಖಬರ್ ಸಾಂಗಲ್ಯಾಲಿ ಜಾ಼ಲ್ಯಾವ, ಕ್ರಿಸ್ತಾಚಿ ಸಿಲಬೆ ಆರ್ಥ ನಸ್‌ಲ್ಯಾಲಿ ವ್ಹನಾರ್.
\s ದೇವಾಚ಼ ಗಿನ್ಯಾನ್ ಆನಿ ಕ್ರಿಸ್ತಾಚ಼ ಬಳ್
\p
\v 18 ನಾಶಾಡಿಚೆ ವಾಟವ ಆಸಲ್ಯಾಲ್ಯಾ ಲೊಕಾನಾ ಶಿಲಬೆಚಿ ಬರಿ ಖಬರ್ ಮುರ್ಕ್ ಫನ್ ಜಾ಼ಲೆ. ಆನಿ ರಕ್ಶನೆಚೆ ವಾಟವ ಆಸಲ್ಯಾಲ್ಯಾ ಆಮಾನಾತರಿ ತ್ಯ ದೇವಾಚ಼ ಬಳ್ ಜಾ಼ಲ್ಯಾ. 
\v 19 ಪವಿತ್ರ ಪುತೀಕಾತ್ ಆಸ ಲಿವಲ್ಯಾ:
\q “ಶಾನ್ಯಾಂಚ಼ ಶಾನ್ಪನ್ ನಾಸ್ ಕರ್ನಾರ್.
\q1 ಶಾನ್ಯಾಂಚಾ ಶಾನ್ಫನಾಲಾ ಕಿಮತ್ ನಸಲ್ಯಾಚೆಗತ್ ಕರ್ನಾರ್. ” ಯೆಶಾಯ 29:14
\p
\v 20 ಶಾನಾ ಕುಠಹಾ? ಶಿಕ್ಷೆನ್ದಾರ್ ಕುಠಹಾ? ಹ್ಯಾ ಕಾಲಾತ್ಲಾ ಪುರಾನ್ವಾಲಾ ಕುಠಹಾ? ದೇವಾನಿ ಪರ್ಪಂಚಾಚ಼ ಗಿನ್ಯಾನ್ ಮುರ್ಕ ಮನ್ಹುನ್ ಥರಿವ್ಲ ನಾಹಿ ಕ್ಯಾ? 
\v 21 ಹ್ಯ ದೇವಾಚಾ ಗಿನ್ಯಾನ್ಯಾಚೆಗತ್. ಪರ್ಪಂಚಾನಿ ಆಪಲ್ಯಾ ಸ್ವತಾಚಾ ಗಿನ್ಯಾನಾನಿ ದೇವಾಲಾ ಸಮಜು಼ನ್ ಗೆತ್ಲಾನವ್ತಾ. ಮನ್ಹುನ್ ಮುರ್ಕಫನಾಚೆಗತ್ ದಿಸತ್ಯಾಲ್ಯಾ ಸಮಾಚಾರಾಸ್ಲಾಗುನ್ ಇಸ್ವಾಸ್ ಥೆವತ್ಯಾಲ್ಯಾನಾ ರಕ್ಶನ್ಕರಾಚ಼ ದೇವಾಲಾ ಚಾ಼ಂಗ್ಲವಾಟ್ಲ.
\p
\v 22 ಯೆಹುದಿ ಚಮತ್ಕಾರಿಚಿ ಕಾಮ ಇಚಾರತ್ಯಾತ. ಗ್ರೀಕ್ ಲೊಕಾನಾ ಗಿನ್ಯಾನ್ ವ್ಹಯಿಜಾ಼ಲ್ಯಾ. 
\v 23 ಆಮೀತರಿ, ಶಿಲ್ಬೆವ ಗ್ಯಾತಲ್ಯಾಲ್ಯಾ ಕ್ರಿಸ್ತಾಚೆಗುಸ್ಟಿತ್ ಸಿಕಿವ್ತಾವ್. ಹ್ಯ ಯೆಹುದ್ಯಾನಾ ಮುಟಿ ಅಡಚ಼ನ್ ಜಾ಼ಲೆ; ಯಹುದಿ ನಸಲ್ಯಾಲ್ಯಾ ಲೊಕಾನಾ ಮುರ್ಕ್ಪನಾಚೆಗತ್ ದಿಸತ್ಯಾ. 
\v 24 ದೇವಾನಿ ಹಾಕಟ್‌ಲ್ಯಾಲಿ ಲೊಕ ಯೆಹುದಿ ಆಸ್ಲಿತತರಿ ಯಹುದಿ ನಸ್ಲಿತತರಿ ತ್ಯನಾ ಕ್ರಿಸ್ತ್ ದೇವಾಚ಼ ಬಳ್ ಜಾ಼ಲ್ಯಾ; ಆನಿ ದೇವಾಚ಼ ಗಿನ್ಯಾನ್‌ಜಾ಼ಲ್ಯಾ. 
\v 25 ದೇವಾಚ಼ ಮುರ್ಕ್ಫನ್ ಸಾಹಿತ್ ಮಾನ್ಸಾಂಚಾ ಗಿನ್ಯಾನಾವ್ನಿ ಮೊಟ ಜಾ಼ಲ್ಯಾ. ದೇವಾಚ಼ ಬಳ್ನಸಲ್ಯಾಲ ಸಾಹಿತ್ ಮಾನ್ಸಾಂಚಾ ಬಳಾವ್ನಿ ಖುಬ್ ಮೊಟ ಬಳ್ ಜಾ಼ಲ್ಯಾ.
\p
\v 26 ಬಾವ್ಹಾ ಬನ್ಹಿನು, ದೇವಾನಿ ತುಮಾನಾ ಹಾಕಟ್ಲತವಾ ತುಮಿ ಕಸಿ ಹುತ್ತಾಸಾತಿ ಯಾದ್ಕರಾ. ಪರ್ಪಂಚಾಚಾ ಲೆಕ್ಯಾತ್ ತುಮಿ ತುಮ್ಚಾತ್ ಖುಬ್ಜ಼ನ ಶಾನಿನವ್ತಿತ; ಆದಿಕಾರಿನವ್ತಿತ; ಮೊಟ್ಯಾ ಕುಳಾತ್ಲಿ ನವ್ತಿತ. 
\v 27 ಫನ್ ದೇವಾನಿ ಹ್ಯಾಲೋಕಾಚಾ ಶಾನ್ಯಾನಾ ಲಾಜ಼್ವಾಟಾಯಾಸಾಟಿ ಖುಳ್ಯಾನಾ ನಿವಡ್‌ಲ್ಯಾತ; ಬಳಿನಾ ಲಾಜ಼್ವಾಟಾಯಾ ಬಳ್ನಸಲ್ಯಾಲ್ಯಾನಾ ನಿವಡಲ್ಯಾತ. 
\v 28 ಪರ್ಪಂಚಾ ಕಚ಼ ಬರ ನವಮಂತೊ ಕಚಾಚಾ಼ ರಾಗ್ ಕರ್ತೊ ಆನಿ ಫ್ಯಾಯ್ದಾ ನಸ್‌ಲ್ಯಾಲ ಮಂತೊ ತ್ಯ ದೇವಾನಿ ನಿವ್ಡುನ್ ಗೆತ್ಲ. ಪರ್ಪಂಚಾ ಕಚ಼ ಬರ ಮನ್ಹುನ್ ಯವಸ್ತೊ ತ್ಯ ಹಾಳ್ಕರಾಲಾ ದೇವಾನಿ ಆಸಕೆಲ. 
\v 29 ಆಸ ಆಸ್ತಾನಾ ದೇವಾಚೆ ಮೊರ್ಹ ಮೊಟ ಫನ್ಗಿಹ್ಯಾ ಕುನಾಲಾ ನಾಹಿ. 
\v 30 ತುಮಾನಾ ಕ್ರಿಸ್ತ ಯೆಸುಪ ಯೆಕ್ ಕೆಲ್ಯಾಲಾ ದೇವಾನಿಸ್. ಕ್ರಿಸ್ತ ಆಮ್ಚಿಸಾಟಿ ದೇವಾಪ್ನಿ ಆಲ್ಯಾಲ ಗಿನ್ಯಾನ್‌ಜಾ಼ಲ್ಯಾ. ಆಮಿ ನಿಯೆತಿಚಿ ವ್ಹವುನ್ ರಾಯಾ, ಪಾಪಾತ್ನಿ ಸುಟ್ಕಿವ್ಹಯಾ ಆನಿ ಪವಿತ್ರ ವ್ಹಯಾ ಕ್ರಿಸ್ತುಸ್ ಮುಳ್ ಜಾ಼ಲ್ಯಾ. 
\v 31 ಮನ್ಹುನ್ ಪವಿತ್ರ ಪುತಿಕಾತ್ ಆಸ ಲಿವ್‌ಲ್ಯಾ, “ಮೊಟಫನ್ ಗೆತ್ಯಾಲ್ಯಾನಿ ಪ್ರಭುಪ ತ್ಯವ್ಡಸ್ ಮೊಟಫನ್ ಗಿಯಾವ್ಹಯಿ. ” \x - \xo 1:31 \xo*\xt 2 ಕೊರಿಂಥ 10:17\xt*\x*
\c 2
\s ಶಿಲ್ಬೆವ ಗ್ಯಾತಲ್ಯಾಲ್ಯಾ ಕ್ರಿಸ್ತಾಚಾ಼ ಸಮಾಚಾರ್
\p
\v 1 ಮಾಜೆ ಬನ್ಹಿ ಬಾವ್ಹಾನು, ಮೀ ತುಮ್ಚಿಪ ಆಲ್ತೊ ತವಾ, ತುಮಾನಾ ದೇವಾಚ಼ ಖರ‍್ಯಾಚ಼ ಗುಟ್ ಸಾಂಗ್ಲ. ಫನ್ ಮೀ ಮೊಟ್ಯಾ ಬೊಲ್ಯಾ ಮೊಟ ಗಿನ್ಯಾನ ವ್ಹವುನಿ ವಾಫರ್ಲನಾಹಿ. 
\v 2 ಮೀ ತುಮ್ಚಿಸಂಗ ಆಸ್ತಾನಾ ಯೇಸು ಕ್ರಿಸ್ತಾಚ಼ ಆನಿ ತ್ಯಚೆ ಶಿಲ್ಬೆಚೆ ವೈಲ ಮರಾನುಸ್ ದುಸರ‍್ಯಾ ಖಬರಿ ಇಸರುನ್‌ ಜ಼ಾಯಾ ಮನ್ಕೆಲ. 
\v 3 ಮೀ ತುಮ್ಚಿಪ ಆಲ್ತೊತವಾ ಬಳ್‌ನಸಲ್ಯಾಲಾ ಜಾ಼ಲ್ತೊ; ಬಿಹುನ್ ಕ್ಯಾಪ್ರ ಬರ್ಲ. 
\v 4 ಮಾಜ಼ ಶಿಕ್ಷೆನ್ ವ್ಹವುನಿ ಬುಲಿವ್ಹವುನಿ ಲೊಕಾನಾ ಜು಼ಲ್ಮಿಕರ್ತ್ಯಾಲ ಗಿನ್ಯಾನ್ಯಾಚಾ ಸಬ್ದಾಂಚಿವ ಆದಾರ್‌ನವ್ತಾ. ಫನ್ ಪವಿತ್ರಾತ್ಮಾನಿ ದಿಲ್ಯಾಲ ಬಳುಸ್ ಮಾಜಾ ಶಿಕ್ಷಾನಾಲಾ ಆದಾರ್‌ ಜಾ಼ಲ್ತ. 
\v 5 ತುಮ್‍ಚಾ಼ ಇಸ್ವಾಸ್ ಮಾನ್ಸಾಚಾ ಗಿನ್ಯಾನಾವ ಆದಾರ್ ವ್ಹಯಾಚೆ ಆಂದಿ ದೇವಾಚಾ ಬಳಾವ ಆದಾರ್ ವ್ಹಯಾವ್ಹಯಿ ಮನ್ಹುನ್ ಮೀ ಆಸ ಕೆಲ.
\s ದೇವಾಚ಼ ಗಿನ್ಯಾನ್
\p
\v 6 ಫನ್ ಶಾನ್ಯಾಂಚೆ ಮದ್ದಿ ಗಿನ್ಯಾನುಸ್ ವ್ಹಯಿ ಜಾ಼ಲ್ಯಾಲ್ಯಾ ಬೊಲ್ಯಾ ಸಾಂಗ್ತಾವ. ತ್ಯ ಹ್ಯಾ ಲೊಕಾತ್ಲ ಗಿನ್ಯಾನ್ ನವ್ಹ, ನಾಸ್ ವ್ಹನಾರ‍್ಯಾ ಹ್ಯಾ ಲೊಕಾತ್‌ಲ್ಯಾ ಅದಿಕಾರ‍್ಯಾಂಚ಼ ಗಿನ್ಯಾನ್ ನವ್ಹ. 
\v 7 ಆಜು಼ನ್ಪರ‍್ಯಾತ್ ದಡುನ್ ಆಸಲ್ಯಾಲ ಸಾಂಗತಾನಾ ದೇವಾಚ಼ ಗಿನ್ಯಾನುಸ್ ಸಾಂಗತಾವ್. ತ್ಯ ಕಚ಼ ಮಂಜೆ ದೇವಾನಿ ಆಮಚೆ ಮರೆದಿ ಸಾಟಿ ದುನ್ಯಾ ಉತ್ಪನ್‍ವ್ಹಯಾಚೆ ಆಂದಿಸ್ ಥರ್ವುನ್ ದಡಿವ್‍ಲ್ಯಾಲ್ಯಾ ದೇವಾಚಾ ಗಿನ್ಯಾನಾಚಿ ಗುಠುಸ್ ಜಾ಼ಲೆ. 
\v 8 ಹ್ಯ ಹ್ಯಾ ಲೊಕಾತಲ್ಯಾ ಅದಿಕಾರ‍್ಯಾನಾ ಕುನಾಲಾ ಸಮಾಜ಼ಲ ನವ್ತ; ಸಮಾಜ಼ಲ ಆಸ್ತತ ತೇ ಮೈಮಾ ಆಸಲ್ಯಾಲ್ಯಾ ಪ್ರಭುಲಾ ಶಿಲ್ಬೆವ ಗಾಲಾಯಾ ಲಾವಿತ್ನವ್ತ; 
\v 9 ಫನ್ ದೇವಾಚಾ ವಚ಼ನಾತ್ ಲಿವಲ್ಯಾಶಾರ್ಕ,
\p “ದೇವಾನಿ ಆಪ್ಲಿ ಮಾಯಾ ಕರ್ತ್ಯಾಲ್ಯಾಂಚಿಸಾಟಿ ತಯಾರ್ ಕೆಲ್ಯಾಲ ಸಗ್ಳ ಡೊಳ್ಯಾನಾ ದಿಸ್ಲನಾಹಿ, ಕಾನಾನಾ ಐಕ್ವಾಲನಾಹಿ, ತ್ಯಚಿ ಬಾವ್ನಾ ಮಾನ್ಸಾಚಾ ಮನಾಸ್ ಲಾಗ್ಲಿ ನಾಹಿ. 
\v 10 ಆಮಾನಾತರಿ ದೇವಾನಿ ಆಪ್‍ಲ್ಯಾ ಆತ್‍ಮ್ಯಾನಿ ತ್ಯ ದಾವುನ್ದಿಲ. ತ್ಯೊ ಆತ್ಮ ಸಗ್‌ಳ್ಯಾ ಖಬರಿ, ದೇವಾಚಾ ಆತ್‌ಲ್ಯಾ ಖಬರಿಸಾಹಿತ್ ಜ಼ಪುನ್ ಬಗ್ನಾರಾ ಜಾ಼ಲ್ಯಾ. 
\v 11 ಮಾನ್ಸಾಚೆ ಆತ್ಲ ಯವಜ಼್ನಾ ತ್ಯಚಿಪ ಆಸ್‌ಲ್ಯಾಲ್ಯಾ ಮಾನುಸ್ ಫನಾಲಾ ಸುಡುನ್ ಆನಿಕುನಾಲಾ ಸಮಾಜ಼್ನಾರ್? ತಸಸ್ ದೇವಾಚಿ ಯವಜ಼್ನಾ ದೇವಾಚಾ ಆತ್‌ಮ್ಯಾಲಾ ಸುಡುನ್ ದಿಸರ‍್ಯಾ ಕುನಾಲಾಸ್ ಸಮಜಾ಼ಯಾ ವ್ಹಯಿತ್ ನಾಹಿತಾ. 
\v 12 ಆಮಿ ಹ್ಯಾ ಲೊಕಾಚ಼ ಆತ್ಮ ಗಿಹ್ಯಾಚ಼ ಸುಡುನ್ ದೇವಾನಿ ಆಮಾನಾ ಫುಕಟ್ದಿಲ್ಯಾಲ ವರ ಸಮಜಾ಼ಯಾ ದೇವಾಪ್ನಿ ಆಲ್ಯಾಲ ಆತ್ಮಸ್ ಗೆತಲ್ಯಾಲಿ ಜಾ಼ಲ್ಯಾವ್. 
\v 13 ಹಿ ಮಾನ್ಸಾಚ಼ ಗಿನ್ಯಾನಾನಿ ಸಿಕಿವ್‍ಲ್ಯಾಲ್ಯಾ ಸಬ್ದಾಂಚಾನಿ ಸಾಂಗಾಚ಼ ಸುಡುನ್ ಪವಿತ್ರಾತ್ಮಾನಿ
\p ಶಿಕಿವಲ್ಯಾಲ್ಯಾ ಸಬ್ದಾಂಚಾನಿ ಸಾಂಗುನ್ ಮನಾತ್ ಆಸಲ್ಯಾಲಿ ಚಾ಼ಂಗ್ಲೆ ತರನಿ ಸಿಕಿವ್ತಾವ್. 
\v 14 ಪ್ರಪಂಚಾತ್ಲಾ ಜಾ಼ಲ್ಯಾಲಾ ಮಾನುಸ್ ದೇವಾಚಾ ಆತ್‌ಮ್ಯಾಚಾ ಗುಸ್ಟಿ ನಕೊಮಂತೊ; ತ್ಯಾ ತ್ಯಲಾ ಖುಳೆ ಬುಲಿಚೆಗತ್ ದಿಸತ್ಯಾತಾ; ಆನಿ ತ್ಯೊ ತ್ಯ ಮಾನಿತ್ ನಾಹಿ. 
\v 15 ದೇವಾಚಾ ಆತ್‌ಮ್ಯಾನಿ ಚಾ಼ಲ್ವುನ್ಗೆನಾರಾ ಸಗ್‌ಳ್ಯಾಂಚಿ ಪಾರಕ್ ಸಮಜು಼ನ್ಗೆತೊ;ತ್ಯಚಿ ಪಾರಕ್ ಕುನಾಲಾ ಕರುನ್ ಗಿಹ್ಯಾ ವ್ಹಯಿತ್ ನಾಹಿ. 
\v 16 “ಪ್ರಭುಚ಼ ಮನ್ ಸಮಜು಼ನ್ ತ್ಯಲಾ ಶಿಕಿವ್ನಾರಾ ಕೊನ್ ತ್ಯಲಾ? ಮನ್ಹುನ್ ಲಿವಲ್ಯಾ. ಆಮಿತರಿ ಕ್ರಿಸ್ತಾಚ಼ ಮನ್ ಗೆತಲ್ಯಾ.
\c 3
\s ಮಾನ್ಸಾಚಿ ಪದ್ದತ್ ಕರಾಚಿ ಶಾರ್ಕಿ ನವ್ಹ
\p
\v 1 ಹ್ಯಚಿ ಸಾಟಿ ಬನ್ಹಿ ಬಾವ್ಹಾನು, ಮೀತರಿ ಮನಾತ್‌ಲ್ಯಾ ಲೊಕಾಂಚೆ ಸಂಗ ಬೊಲತ್ಯಾಚೆಗತ್ ತುಮ್ಚಿಸಂಗ ಬೊಲಾಚ಼ ಸುಡುನ್ ಪರ್ಪಂಚಾತ್ಲಿ ಕ್ರಿಸ್ತಾಚೆಗುಸ್ಟಿತ್ ತಾನ್ಯಾ ಮುಲಾಶಾರ್ಕ ತುಮ್ಚಿಸಂಗ ಬೊಲಾವ್ಹಯಿಜಾ಼ಲ. 
\v 2 ತುಮಾನಾ ದುದ್‍ಪ್ಯಾಜ಼್ಲ ಘಟ್ ಆನ್ ದಿಲ ನಾಹಿ. ಘಟ್ ಆನ್ ಖಾಯಾ ತುಮಾನಾ ವ್ಹಯಿತ್ನಾಹಿ. ಆಜು಼ನ್ಬಿ ಖಾಯಾ ವ್ಹಯಿತ್ನಾಹಿ. 
\v 3 ಕಾಮಂಜೆ ತುಮಿ ಆಜು಼ನ್ ಪರ್ಪಂಚಾತ್ಲಿಹಾಸಾ. ತುಮ್ಚಿಪ ಖೊಟಫನ್ ಕಳಿ ಆಸ್ತಾನಾ, ತುಮಿ ಪರ್ಪಂಚಾತ್ಲಿವ್ಹವುನ್ ನಿಸ್ಥಿ ದುಸ್‍ರ‍್ಯಾ ಮಾನ್ಸಾಂಚಿಗತ್ ಚಾ಼ಲ್ತಾಸಾ ನವ್ಹ? 
\v 4 ತುಮ್ಚಾತ್ ಯಕ್ಲಾ, “ಮೀ ಪೌಲಾಚ಼ಾ” ಮನ್ಹುನ್, ಆನಿಯೊಕ್, “ಮೀ ಅಪೊಲೊಸಾಚಾ಼” ಮನ್ಹುನ್ ಸಾಂಗ್ತಾ ಆಸ್ತಾನಾ ತುಮಿ ಆಜು಼ನ್ ಹ್ಯಾ ಪ್ರಪಂಚಾತ್ಲಿ ನವ್ಹ ಕ್ಯಾ?
\s ಶಿಶಾಂಚಿವ್ಲಿ ಜವಾಬ್ದಾರಿ
\p
\v 5 ತಸಜ಼ಾಲ್ಯಾವ ಅಪೊಲೊಸ್ ಕೊನ್? ಪೌಲ್ ಕೊನ್? ತ್ಯಂಚೆ ಸೆವೆಸ್ಲಾಗುನ ತುಮಿ ಕ್ರಿಸ್ತಾವ ಇಸ್ವಾಸ್ ಥೆವಲ್ಯಾಲಿ ಜಾ಼ಲಾಸಾ ಪ್ರಭುನಿ ಪರ್ತೆಕ್‍ ಯಕಾಲಾ ದಿಲ್ಯಾಶಾರ್ಕ ತೆ ಸೆವೆಕರ್ತ್ಯಾಲ ಜಾ಼ಲ್ಯಾತ. 
\v 6 ಮೀ ಆಳಲ್ಯಾವ್ಲ. ಅಪೊಲೊಸಾನಿ ಪಾನಿ ಗ್ಯಾತ್ಲ. ಫನ್ ತ್ಯಲಾ ಬಾಳಗಲ್ಯಾಲ ದೇವಾನಿಸ್. 
\v 7 ಆಸ ಆಸ್ತಾನಾ ಲ್ಯಾವ್‍ತ್ಯಾಲಾ, ಪಾನಿವತ್ಯಾಲಾ ಮೊಟಾನವ್ಹ ಬಾಳಗಲ್ಯಾಲಾ ದೇವುಸ್ ಮೊಟಾ. 
\v 8 ಲ್ಯಾವತ್ಯಾಲಾ, ಪಾನಿಗ್ಯಾಲ್‍ತ್ಯಾಲಾ ಯೆಕುಸ್ ಜಾ಼ಲ್ಯಾತ. ಫನ್ ಪರ್ತೆಕ್ ಯಕಾಲಾ ತ್ಯಚಾತ್ಯಚಾ ತರಾಸಾಶಾರ್ಕಿ ಕುಲ್ ಗಾವ್ನಾರ್. 
\v 9 ಆಮಿ ದೇವಾಚೆ ಸಂಗಚಿ ಕಾಮ್ಯಾರಿ. ತುಮಿ ದೇವಾಚ಼ ದಿವುಳ್ ಆನಿ ಶಾತ್ ಜಾ಼ಲ್ಯಾಸಾ.
\p
\v 10 ದೇವಾನಿ ಮನಾ ದಿಲ್ಯಾಲೆ ಕ್ರಪೆಚೆಗತ್ ಮೀ ಶಾನಾ ಚಾ಼ಂಗಲಾ ಸಿಕ್‍ಲ್ಯಾಲ್ಯಾ ಸುತಾರಾಚೆಗತ್ ಪಾಯಾ ಗ್ಯಾತ್‍ಲ್ಯಾ. ದಿಸರಾ ಯೊಕ್ ಯವುನ್ ತ್ಯಚಿವ ಭೀತ್ ಬ್ಯಾಂತೊ. ಫನ್ ಆಪ್ನು ತ್ಯಚಿವ ಕಸ ಬ್ಯಾಂತ್ಯೊ ಮನ್ಹುನ್ ಪರ್ತೆಕಾನಿ ಕ್ಯಾಳ್ಜಿನಿ ರಾಹ್ಯಾವ್ಹಯಿ. 
\v 11 ಯೇಸುಕ್ರಿಸ್ತ ಮಂತ್ಯಾಲಾ ಪಾಯಾಸುಡುನ್ ಆನಿಯೊಕ್ ಪಾಯಾ ಕೊನ್ ಗ್ಯಾಲನಾರ‍್ನಾಹಿ. \x - \xo 3:11 \xo*\xt ಯೆಶಾಯ್ 28:16\xt*\x* 
\v 12 ತ್ಯಾ ಪಾಯಾವ ಸೊನ, ಚಾ಼ಂದಿ, ಕಿಮ್ತಿಚ಼ ದೊಂಢ, ಲಾಕ್ಡ, ಗವಾತ್, ಬ್ಯಾಂಡ್ ಹ್ಯಾತಲ್ಯಾ ಕಶಾನಿ ಬ್ಯಾಂದ್ಲತರಿ, 
\v 13 ತ್ಯಚ಼ ತ್ಯಚ಼ ಕಾಮ್ ದಿಸುನ್ ಯನಾರ್. ಕ್ರಿಸ್ತ ನ್ಯಾಯಿ ನಿವ್ಡಾಯಾ ಯಯಾಚಾ಼ ದಿಸ್ ಇಸತ್ಯಾಸಂಗ ಉಗ್ವುನ್ ತ್ಯ ಕಾಮ್ ಶಾರ್ಕ ದ್ಯಾವ್ನಾರ್. ತ್ಯಚ಼ ತ್ಯಚ಼ ಕಾಮ್ ಕಸ್ಲ ಮನ್ಹುನ್ ತ್ಯೊ ಇಸ್ತು ಚಾಂಗ್ಲಿ ಪಾರಕ್ ಕರ್ನಾರ್. 
\v 14 ಯಕಾನಿ ತ್ಯಾ ಪಾಯಾವ ಘರ್ ಬ್ಯಾಂದ್‍ಲ್ಯಾಲ ರಾಯ್ಲತ ತ್ಯಲಾ ಪ್ರತಿಫಳ ಗಾವ್ನಾರ್. 
\v 15 ಯಕಾಚ಼ ಕಾಮ್ ಜ಼ಳುನ್ ಗೆಲ್ಯಾವ ತ್ಯಲಾ ಲುಕ್ಷಾನ್‍ ವ್ಹನಾರ್. ಆಪ್ಲತರಿ ರಕ್ಶನ್‍ ವ್ಹನಾರ್. ಫನ್ ಇಸತ್ಯಾತ್ನಿ ಚ಼ುಕ್ವುನ್‍ ಗೆತಲ್ಯಾಲ್ಯಾಚೆಗತ್ ರಾನ್ಹಾರ್.
\p
\v 16 ತುಮಿ ದೇವಾಚ಼ ದಿವುಳ್ ಜಾ಼ಲ್ಯಾಸಾ ಮನ್ಹುನ್ ದೇವ್ ತುಮ್ಚಿಪ ಹಾ ಹ್ಯ ತುಮಾನಾ ಠಾವ ನಾಹಿಕ್ಯಾ? 
\v 17 ಕಚಾನಿತರಿ ದೇವಾಚ಼ ದಿವುಳ್ ನಾಸ್ಕೆಲತ ದೇವ್ ತ್ಯಲಾ ನಾಸ್ಕರ್ನಾರ್. ಕಾಮಂಝೆ ದೇವಾಚ಼ ದಿವುಳ್ ಪವಿತ್ರಜಾ಼ಲ್ಯಾಲ ತ್ಯ ದಿವುಳ್ ತುಮಿಸ್‍ ಜಾ಼ಲ್ಯಾಸಾ.
\s ದುನಿಯಾಚಾ ಗಿನ್ಯಾನಾನಿ ಚುಕ್ವುನ್ ಗೆವ್ಹಾ
\p
\v 18 ಕಚಾನಿ ಆಪಲ್ಯಾಲಾ ಆಪ್ನುಸ್ ದೊಖಾ ದಿವುನ್ ಗಿಹುನಕೊಸ್ ತುಮ್ಚಾತ್ಲಾ ಕಚಾ಼ ತರಿ ದುನೆಸ್ಲಾಗುನ್ ಶಾನಾಜಾ಼ಲ್ಯೊ ಮನ್ಹುನ್ ಸಮ್‍ಜು಼ನ್ ಗೆತ್ಲತ ತ್ಯೊ ಶಾನಾವ್ಹಯಾ “ಖುಳಾ ವ್ಹಯಾ ವ್ಹಯಿ”
\p
\v 19 ಕಾಮಂಝೆ ಹ್ಯಾ ಲೊಕಾಚ಼ ಗಿನ್ಯಾನ್ ದೇವಾಚೆ ಮೊರ‍್ಹ ಖುಳಾ ಜಾ಼ಲ್ಯಾ. ತ್ಯೊ ಶಾನ್ಯಾನಾ ತ್ಯಂಚೆ ಬುರ್ಸೆ ಚತ್ರಾಯಿತ್ನಿ ದರ್ನಾರ್ ಮನ್ಹುನ್ ಪವಿತ್ರ ಪುತಿಕಾತ್ ಸಾಂಗ್ತ. \x - \xo 3:19 \xo*\xt ಯೊಬ 5:13\xt*\x* 
\v 20 ಆನಿ ಪವಿತ್ರ ಶಾಸ್ತಾರ್ ಸಾಂಗ್ತ, “ಶಾನ್ಯಾಂಚಿ ಯವಜ್ನಾ ಫ್ಯಾಯ್ದಾನಸಲ್ಯಾಲಿ ಮನ್ಹುನ್ ಪ್ರಭು ಸಮ್ಜುನ್‍ಗೆಥೊ ಮನ್ಹುನ್” ಲಿವಲ್ಯಾನವ್ಹ\x - \xo 3:20 \xo*\xt ಕಿರ್ತನ್ 94:11\xt*\x* 
\v 21 ತ್ಯಾಸ್ ಲಾಗುನ್ ಮಾನ್ಸಾಂಚೆಗುಸ್ಟಿತ್ ಕಚಾನಿ ವವ್ಯಾಳುನ್‍ ಗಿಹುನಾಹಿ. ಕಾಮಂಝೆ ಸಗ್ಳ ತುಮ್ಚಿಸಾಟಿ ಹಾ. 
\v 22 ಪೌಲ್‍ ವ್ಹವುನಿ, ಅಪೊಲೊಸ್‍ವ್ಹವುನಿ, ಪೇತ್ರಾವ್ಹವುನಿ ದುನ್ಯಾವ್ಹವುನಿ, ಜೀವ್‍ವ್ಹವುನಿ ಮರಾನ್‍ವ್ಹವುನಿ ಆತಾಚಾ ಖನ್ಕತಿವ್ಹವುಂತಾ ಮೊರಲ್ಯಾ ಖನ್ಕತಿವ್ಹವುಂತಾ ಸಗ್ಳ ತುಮ್ಚ಼ಸ್. 
\v 23 ತುಮಿತರಿ ಕ್ರಿಸ್ತಾಚಿ, ಕ್ರಿಸ್ತ ದೇವಾಚಾ಼.
\c 4
\s ಕ್ರಿಸ್ತಾಚ಼ ಸೇವಕ್
\p
\v 1 ಲೊಕ ಆಮಾನಾ ಕ್ರಿಸ್ತಾಚ಼ ಸೆವಕ್ ಮನ್ಹುನ್ ದೇವಾಚೆ ಗುಟಚ಼ ಖರ‍್ಯಾ ಆರ್ತಾಂಚೆ ಗುಸ್ಟಿತ್ ದೇವಾಚಾ ಗರ‍್ಹಾತ್ಲಾ ಸೇವಕ್ ಮನ್ಹುನ್ ಸಮ್‍ಜು಼ಂತ. 
\v 2 ಆಸ್‌ಲ್ಯಾ ಸೇವಕಾನಿ ಆಪ್‌ಲ್ಯಾ ದನ್ಯಾಲಾ ಇಸ್ವಾಸಾಚಾ಼ ವ್ಹವುನ್ ರಾಹ್ಯಾ ವ್ಹಯಿ. 
\v 3 ಮನಾತರಿ ತುಮ್ಚಿಪ್ನಿವ್ಹವುನಿ ನಾಹಿತ ಮಾನ್ಸಾನಿ ಕೆಲ್ಯಾಲಾ ಇಚಾರ್ ಮನಾ ಮೊಟಾ ನವ್ಹ. ಮಾಜಾ಼ ಮೀಸ್ ನ್ಯಾಯಿ ತಿರ್ಮಾನ್ ಕರುನ್ ಗಿಹಿತ್ನಾಹಿ. 
\v 4 ಮಾಜಿಪ ದೊಸ್ ‍ಹಾ ಮನ್ಹುನ್ ಮಾಜಾ ಮನಾಲಾ ದಿಸತ್ನಾಹಿತರಿ ಮೀ ದೊಸ್‍ ನಸ್ನಾರಾ ಮನ್ಹುನ್ ಥರ್ವಿಸಾನಾಹಿ. ಮಾಜಾ಼ ನ್ಯಾಯಿ ತಿರ್ಮಾನ್ ಕರ್ನಾರಾ ಪ್ರಭು ಯಕ್ಲಾಸ್. 
\v 5 ಮನ್ಹುನ್ ಪ್ರಭು ಯಯಾಚಾ ಯಳಾಚೆ ಆಂದಿ ಕಶಾಚಾ಼ ನ್ಯಾಯಿ ತಿರ್ಮಾನ್ ಕರುನಕೊಸಾ. ತ್ಯೊ ಆಂದಾರಾತ್ ಆಸಲ್ಯಾಲಿ ಕಾಮ ಉಜಿಡಾಸ್ ಆನ್ನಾರ್. ಮನಾತ್ಲಿ ಯವಜ಼್ನಾ ಉಗಡ್ನಾರ್. ತವಾ ಪರತೆಕಾಲಾ ಯನಾರಿ ಮರ‍್ಯಾದ್ ದೇವಾಪ್ನಿ ಗಾವ್ನಾರ್.
\p
\v 6 ಬನ್ಹಿ ಬಾವ್ಹಾನು, ಮೀ ತುಮ್ಚಿಸಾಟಿ ಮನಾಬಿ ಅಪೊಲೊಸಲಾಬಿ ಹೇ ನೇಮ್ ಸಗ್ಳ ಸಮ್‍ಜು಼ನ್ ಸಾಂಗ್‌ಲ್ಯಾತ. ಮನ್ಹುನ್ ತುಮಿ “ದರ್ಮಶಾಸ್ತಾರಾತ್ ಲಿವಲ್ಯಾಲ ವಲ್ಯಾಂಡುನ್ ಜಾ಼ಯಾಚ಼ನಾಹಿ,” ಮಂತ್ಯಾಲ್ಯಾ ಹ್ಯಾ ವಾಕ್ಯಾಚಾ಼ ಆರ್ತ ತುಮ್ಚಿಪ್ನಿ ಶಿಕುನ್, ತುಮ್ಚಿಪ್ಲಾ ಕೊನ್ತರಿ ಯಕಾಲಾ ಇರೊದ್ ಕರುನ ಆನಿ ಯಕಾಪ ಜಾ಼ವುನ್ ಗರ್ವಿ ಕರುನಾಹಿ. 
\v 7 ತುಲಾ ಸಗಳ್ಯಾಂಚಿವ್ನಿ ಮೊಟಾ ಕೆಲ್ಯಾಲಾ ಕುನಿ? ದೇವಾಪ್ನಿ ಗೆತಲ್ಯಾನಸಲ್ಯಾಲ ತುಜಿಪ ಯಾಕ್ತರಿ ಹಾಕ್ಯಾ? ಗೆತಲ್ಯಾನಂತರ್ ಗೆತಲ್ಯಾನಸಲ್ಯಾಚೆಗತ್ ಕಾ ಬಡಾಯಿ ಕರತೊಸ್?
\p
\v 8 ಯವ್ಡೆ ಬಿಗಿ ತುಮಿ ತ್ರಪ್ತಜಾ಼ಲಾಸಾ!. ಯವ್ಡೆ ಬಿಗಿ ಸಾವ್ಕಾರ್ ಜಾ಼ಲ್ಯಾಸಾ. ಆಮ್ಚಿ ಮಜ಼ತ್ನಸ್ತಾನಾ ರಾಜಾಂಚೆಗತ್ ಜಾ಼ಲಾಸಾ!. ತುಮಿ ಖರ‍್ಯಾನಿ ರಾಜ್ಬಾರ‍್ಕರತ್ಯಾಲಿ ಆಸ್ಥಾಸಾತ ಮನಾ ಸಮಾದಾನ್‍ ಜಾ಼ಲಾ ಆಸ್ಥಾ!. ತವಾ ಆಮಿಸಾಹಿತ್ ತುಮ್ಚಿಸಂಗ ರಾಜ್‍ ಚಾ಼ಲ್ವಿತಾವ್!. 
\v 9 ತಸವ್ಹಯಾಚೆಆಂದಿ ದೇವಾನಿ ಆಪೊಸ್ತಲ್ ಜಾ಼ಲ್ಯಾಲ್ಯಾ ಆಮಾನಾ ಮರ್ನಾಚಾ಼ ತಿರ್ಮಾನ್ ಜಾ಼ಲ್ಯಾಚೆಗತ್ ದ್ಯಾವಲ್ಯಾ ಮನ್ಹುನ್ ಮನಾ ವಾಟ್ಯಾ. ಆಮಿ ದುನೆತ್ ದೇವ್ದುತಾನಾ, ಮಾನ್ಸಾನಾ ದುನೆಲಾಸಗಳೆ ಹಾಸಾಯಾ ಜಾ಼ಲಾವ್. 
\v 10 ಆಮಿತರಿ ಕ್ರಿಸ್ತಾಸಾಟಿ ಖುಳಜಾ಼ಲ್ಯಾವ್. ತುಮಿ ಕ್ರಿಸ್ತಾಪ್ನಿ ಶಾನಜಾ಼ಲ್ಯಾಸಾ. ಆಮಿ ಬಳ್‍ಮೊಡ, ತುಮಿ ಬಳಿ, ತುಮಿ ಮರೆದಿಚ಼, ಆಮಿ ನಿಂದದಾರ್. 
\v 11 ಹೆ ಯಳಪರ‍್ಯಾತ್ ಆಮಿ ಬುಖಚ಼, ತಾನಚ಼, ಕಪ್ಡನಸ್ನಾರ, ಮಾರ್ಖಾನಾರ, ಗರ್ಹನಸ್ನಾರ, 
\v 12 ಆಮಿ ಸ್ವತಾ ಕಾಮ್ ಕರುನ್ ಪ್ವಾಟ್ ಬರ್‌ತ್ಯಾಲ ಜಾ಼ಲ್ಯಾವ. ಸರಾಪತ್ಯಾಲ್ಯಾನಾ ಆಶೀರ್ವಾದ್ ಕರ್ತಾವ್. ಲೊಕ ಜಾ಼ಚ಼್ ಕರ್ತಾನಾ ಸುಸ್ವುನ್ ಗೆಥಾವ್. 
\v 13 ಚು಼ಕ್ ವಾವ್‍ತ್ಯಾಲ್ಯಾನಾ ಮಾಯೆನಿ ಬುಲಿವ್ತಾವ್. ಆಮಿ ಆಜು಼ನ್ಪರ‍್ಯಾತ್ ದುನೆಚಾ಼ ಕ್ಯೊರ್ ಸಗಳ್ಯಾವ್ನಿ ಖಾಲ್‍ ಮಂತ್ಯಾಚೆಗತ್ ಜಾ಼ಲ್ಯಾವ್.
\p
\v 14 ತುಮಾನಾ ಲಾಜ಼್ ವಾಟಾಯಾಸಾಟಿ ನವ್ಹ ಮಾಜೆ ಮಾಯೆಚಿ ಪೊರ ಮನ್ಹುನ್ ಸಮಜು಼ನ್ ತುಮಾನಾ ಶಾನ್ಪನ್ ಸಾಂಗಾಯಾಸಾಟಿ ಹೆ ಸಬಾತ್ ಲಿವಲ್ಯಾತ. 
\v 15 ತುಮಾನಾ ಕ್ರಿಸ್ತಾಪ ಸಿಕಿವ್ನಾರ ಧಾಹಾಜಾ಼ರ್ ಜಾ಼ನ್ ಆಸ್ಲತರಿ ಬಾಸ ಖುಬ್ ಜಾ಼ನ್ ನಾಹಿತ ಮೀಸ್ ತುಮಾನಾ ಬರೆಖಬರಿನಿ ಕ್ರಿಸ್ತ ಯೆಸುಪ್ನಿ ಗೆತಲ್ಯಾಲಾ ಆತ್ಮಿಕ್ ಬಾ ಜ಼ಾಲ್ಯೊ. 
\v 16 ಮನ್ಹುನ್ ಮಾಜಿಗತ್ ಚಾ಼ಲಾ ಮನ್ಹುನ್ ತುಮಾನಾ ಸಾಂಗ್ತೊ. 
\v 17 ಹ್ಯಾ ಕಾರ್ನಾಸ್ಲಾಗುನ್ ಪ್ರಭುಪ ಮಾಜೆ ಮಾಯೆಚಾ಼ ಆನಿ ಇಸ್ವಾಸಾಚಾ಼ ಲ್ಯೊಕ್ ಜಾ಼ಲ್ಯಾಲ್ಯಾ ತಿಮೊತ್ಯಾಲಾ ತುಮ್ಚಿಪ ಲಾವುನ್ದಿಲ್ಯಾ. ಮೀ ಪರ್ತೆಕ್ ಸಬೆತ್, ಕುಠಬಿ ಸಾಂಗತ್ಯಾಶಾರ್ಕ ಕ್ರಿಸ್ತಾಪ ಆಸ್‍ಲ್ಯಾಲಿ ಮಾಜಿ ಚಾ಼ಲ್ನುಕ್ ತ್ಯೊ ತುಮಾನಾ ಯಾದ್ ಕರ್ನಾರ್.
\p
\v 18 ತಮ್ಚಾತ್ ಥುಡಿಜ಼ನ ಪೌಲ್ ಆಮ್ಚಿಪ ಯಯಿತ್ನಾಹಿ ಮನ್ಹುನ್ ಸಮಜ಼ುನ್ ಬಡಾಯಿಕರತ್ಯಾತ. 
\v 19 ಫನ್ ದೇವಾಚ಼ ಚಿತ್‍ಜಾ಼ಲ್ಯಾವ ಮೀ ಬಿಗಿನಿ ತುಮ್ಚಿಪ ಯವುನ್ ಬಡಾಯಿ ಕರ್ತ್ಯಾಲ್ಯಾಂಚ಼ ಸಬಾತ್ ತ್ಯವ್ಡಸ್ನವ್ಹ ತ್ಯಂಚ಼ ಬಳ್ ಮಿ ಬಗ್ತೊ. 
\v 20 ಕಾ ಮಂಜೆ ದೇವಾಚ಼ ರಾಜೆ ಸಬ್ದಾವ ನವ್ಹ ಬಳಾವ ಹಾ. 
\v 21 ತುಮ್ಚ಼ ಮನ್ ಕ್ಯಾ? ಯತ್ತಾಟಿಗಿಹುನ್ ತುಮ್ಚಿಪ ಯವು ಕ್ಯಾ? ಮಾಯೆನಿ ಥಂಡ್ಮನಾನಿ ಜಾ಼ಲ್ಯಾಲಾ ವ್ಹವುನ್ ಯವು ಕ್ಯಾ?
\c 5
\s ಸಬೆತ್ ಚಾ಼ಲ್ಯಾಲ ವ್ಯಬಿಚಾರ್
\p
\v 1 ತುಮ್ಚಿಪ ವ್ಯಬಿಚಾರ್ ಹಾ ಮನ್ಹುನ್ ಖಬರ್ ಮೀ ಐಕ್ಲೆ. ಯಕಾನಿ ಆಪ್ಲೆ ಸೌತರ್ ಆಯಿಲಾ ಥಿವುನ್ ಗೆತ್ಲೆಕಾನು. ತಸ್ಲಿ ಕಾಮ ದಿಸರ‍್ಯಾ ಲೊಕಾತ್ನಿಬಿ ನಾಹಿತ. 
\v 2 ಆಸ ಆಸ್ಥಾನಾ ತುಮಾನಾ ದುಃಖ ವ್ಹಯಾಚೆ ಆಂದಿ, ಹ್ಯ ಕಾಮ್ ಕೆಲ್ಯಾಲ್ಯಾಲಾ ತುಮ್ಚಿಪ್ನಿ ಬಾಹಿರ್ ಗಾಲ್ಹಾಚೆ ಆಂದಿ ಬಡಾಯಿ ಕರ್ತಾಸಾ. 
\v 3 ಮಾಜ಼ ಧಡ್ ತುಮ್ಚಿಪ್ನಿ ದುರ್ ಆಸ್ಲತರಿ, ಆತಮ್ಯಾನಿ ಜ಼ವಳ್ ರಾಹುನ್ ಹಿ ಕಾಮ ಕೆಲ್ಯಾಲ್ಯಾಲಾ ತವಾಸ್ ತಿರ್ಮಾನ್ ಕೆಲಾ. 
\v 4 ಆಮ್‍ಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೆಸುಚಾನಾವಾನಿ ತುಮಿ ಸಗ್ಳಿ ಜ಼ಮುನ್ ಯತಾನಾ ಮೀ ಆತ್‍ಮ್ಯಾನಿ ತಮ್ಚಿಸಂಗ ರಾಥೊ. 
\v 5 ತ್ಯಲಾ ಸೈತಾನಾಚಾ ತಾಬ್ಯಾತ್ ದೇವಾ ಕಾಮಂಝೆ ಪ್ರಭು ಜಾ಼ಲ್ಯಾಲಾ ಯೇಸು ದಿಸುನ್ ಯಯಾಚಾ ದಿಸಾತ್ ತಸಲ್ಯಾಂಚ಼ ಆತ್ಮ ರಕ್ಶನ್‍ವ್ಹಯಾ ತ್ಯಚಾ ಶರೀರಾಚಿ ಭಾವ್ನಾ ನಾಸ್ ವ್ಹಯಿಶಾರ್ಕ ಪ್ರಭು ಜಾ಼ಲ್ಯಾಲ್ಯಾ ಯೇಸುಚಾ ಬಳಾನಿ ತಿರ್ಮಾನ್ಕೆಲ್ಯಾ.
\p
\v 6 ತುಮಿ ಬಡಾಯಿಕರಾಚಿ ಬರ ನವ್ಹ. ಥೊಡ ಆಂಬಾಟ್ ಮಿಸಳ್ಳತ ಪೀಟ್ ಸಗ್ಳ ಆಂಬಾಟ್ ವ್ಹತ ಮನ್ಹುನ್ ತುಮಾನಾ ಠಾವ ನಾಹಿ ಕ್ಯಾ? 
\v 7 ಪಾಪಾನಿ ಬರ್‌ಲ್ಯಾಲಾ ಜು಼ನ್ನ ಅಂಬಾಟ್ ಕಾಡುನ್ ಟಾಕುನ್ ತುಮಿ ಸಗ್ಳೆ ತರನಿ ನಿಶ್ಚಳ್ ವ್ಹವಾ. ಕಾಮಂಝೆ ಆತಾಸ್ ಆಮ್ಚಾ ವಲಾಂಡ್ಯಾಲಾ ಬಕ್ರ ತ್ಯೊಡ್‍ಲ್ಯಾ; ತ್ಯ ಬಕ್ರ ಕಚ಼ ಮಂಜೆ ಕ್ರಿಸ್ತುಸ್. 
\v 8 ಮನ್ಹುನ್ ಆಮಿ ಜು಼ನ್ನಾ ಆಂಬಾಟ್ ಸೊಡಾ ಮಂಜೆ ಬುರ್ಸಾ ಮಾರ್ಗ ಆನಿ ನಿಚ಼್ ಮಂತ್ಯಾಲ ಆಂಬಾಟ್ ಸೊಡಾ ಥಿವುನ್ ಗಿಯಾಚೆಆಂದಿ ಪ್ರಾಮಾಣಿಕ್ ಪನ್ ಆನಿ ಖರ ಮಂತ್ಯಾಲ ಪುಗ್‌ಲ್ಯಾ ನಸ್‌ಲ್ಯಾಲಿ ಬಾಕ್ರಿ ಗಿಹುನ್ ವಲಾಂಡ್ಯಾಚಾ಼ ಸನ್ ಕರುಯಾ.
\p
\v 9 ವ್ಯಬಿಚಾರ್ ಕರುನಾಹಿ ಮನ್ಹುನ್ ಮಾಜಾ ಪತ್‍ರ‍್ಯಾತ್ ಲಿವ್‍ಲ್ಯಾ. 
\v 10 ತ್ಯ ಹೆ ದುನೆತ್ಲಿ ವ್ಯಬಿಚಾರ್ ಕರ್ತ್ಯಾಲಿ, ಆಶಾ ಕರ್ತ್ಯಾಲಿ, ಸುಲುನ್ ಖಾತ್ಯಾಲಿ, ಪಾಶಾನ ಪುಜ಼್‌ತ್ಯಾಲಿ, ಆಸ್‍ಲ್ಯಾಂಚಾ಼ ಸವಾಸ್ ಸುಡುನ್ದಿಯಾವ್ಹಯಿ ಮಂಥ್ಯಾಲಾ ಅರ್ಥ ನವ್ಹ; ತಸ ಸೊಡಾಚ಼ ಜಾ಼ಲ್ಯಾ ತುಮಿ ಹಿ ದುನ್ಯಾ ಸುಡುನ್ ಜಾ಼ಯಾ ವ್ಹಯಿ. 
\v 11 ಫನ್ ಕ್ರಿಸ್ತಾಚಾ಼ ಬಾಹು ಮನ್ಹುನ್ ಗೆತಲ್ಯಾಲಾ, ವ್ಯಬಿಚಾರ್ ಕರ್ತ್ಯಾಲಾ, ಆಶಾ ಕರ್ತ್ಯಾಲಾ, ಪಾಶಾನ ಪುಜ಼್‌ತ್ಯಾಲಾ, ಕಳ್‍ಪೆಟ್ವ, ಪಿದೊಡಾ, ಸುಲುನ್ ಖಾತ್ಯಾಲಾ ಜಾ಼ಲಾ ಆಸ್ಲಾತ ತ್ಯಚಿ ಸಂಗತ್ ಕರುನಾಹಿ. ತಸ್‍ಲ್ಯಾಂಚಿ ಸಂಗ ಜೆವಾನ್ ಸಾಹಿತ್ ಖಾವುನಾಹಿ ಮನ್ಹುನ್ ಲಿವ್‍ಲ್ಯಾ.
\p
\v 12 ಸಬೆಚೆ ಬಾಹಿರ್ ಆಸ್‍ಲ್ಯಾಲ್ಯಾನಾ ನ್ಯಾಯಿ ನಿವ್ಡಾಯಾ ಕ್ಯಾ ಹುಕುಮ್‍ ಹಾ? ಆತ್‌ಲ್ಯಾಂಚಾ಼ ನ್ಯಾಯಿ ನಿವಡ್‌ತ್ಯಾಲ ತುಮಿಸ್ ನವ್ಹ ಕ್ಯಾ?
\p
\v 13 ಬಾಹಿರ್ ಆಸ್‌ಲ್ಯಾಲ್ಯಾಂಚಾ಼ ನ್ಯಾಯಿ ನಿವಡ್‌ತ್ಯಾಲಾ ದೇವುಸ್. “ತುಮ್ಚೆಮದಿ ಆಸ್‌ಲ್ಯಾಲ್ಯಾ ತ್ಯಾ ಬುರ್ಶಾ ಮಾನ್ಸಾಲಾ ಕಾಡುನ್‍ ಟಾಕಾ. ”
\c 6
\s ಸಂಗಚಾ ಕ್ರಿಸ್ತ ಲೊಕಾಂಚಾನಿ ಕೆಲ್ಯಾಲಿ ಬಾಂಡ್ನ
\p
\v 1 ತುಮ್ಚಿಪ ಯಕಾಲಾ ಆನಿಯಕಾವ ಕಾಯ್ತರಿ ವಾದ್‍ಆಸ್ಲಾತ ನ್ಯಾಯಿ ನಿವ್ಡಾಯಾ ದೇವಾಚಾ ಲೊಕಾಂಚೆ ಮೊರ‍್ಹ ಗಿಹುನ್ ಜಾ಼ಯಾಚೆ ಆಂದಿ ದಿಸರ‍್ಯಾ ಲೊಕಾಂಚೆ ಮೊರ‍್ಹ ಗಿಹುನ್ ಜಾ಼ನಾರ್ ಕ್ಯಾ? 
\v 2 ದೇವಾಚಿ ಲೊಕ ದುನೆಚಾ಼ ನ್ಯಾಯಿ ನಿವಡ್‌ತ್ಯಾಲಿ ಮನ್ಹುನ್ ತುಮಾನಾ ಠಾವನಾಹಿ ಕ್ಯಾ? ದುನೆಚಾ಼ ತಿರ್ಮಾನ್ ತುಮ್ಚಿಪ್ನಿ ವ್ಹಯಾಚ಼ಾ ಆಸ್ತಾನಾ ಬಾರಿಕ್ ಬಾರಿಕ್ ಗುಸ್ಟಿಂಚಾ಼ ತಿರ್ಮಾನ್ ತುಮಾನಾ ವ್ಹಯಿತ್ ನಾಹಿ ಕ್ಯಾ? 
\v 3 ಆಮಿ ದೇವ್ ದುತಾಂಚಾ಼ಬಿ ತಿರ್ಮಾನ್ ಕರ್ನಾರ್ ಮನ್ಹುನ್ ತುಮಾನಾ ಠಾವನಾಹಿ ಕ್ಯಾ? ತಸಜಾ಼ಲ್ಯಾವ ಹೆ ದುನೆತ್‍ಲ್ಯಾ ಜಿವ್ನಾಚೆ ಗುಸ್ಟಿತ್ ಆಮಿ ಆನಿ ಖುಬ್ ನ್ಯಾಯಿ ತಿರ್ಮಾನ್ ಕರಾವ ನವ್ಹ? 
\v 4 ಹೆ ದುನೆಚಾ ಜಿವ್ನಾಲಾ ಸಮಂದ್ ಆಸ್‌ಲ್ಯಾಲ್ಯಾ ಗುಸ್ಟಿಂಚಾ಼ ತಿರ್ಮಾನ್ ಕರಾಯಾ ತುಮಾನಾ ಹಾಕಟ್ಲಾ ಅಸ್ಲತ ಆಸ್‌ಲ್ಯಾ ಗುಸ್ಟಿಂಚಾ಼ ತಿರ್ಮಾನ್ ಕರಾಯಾ ಸಬೆತ್ ಇಸೊಬಾತ್ ನಸ್‌ಲ್ಯಾಲ್ಯಾನಾ ಥರಿವ್ಸಿಲಾ ಕ್ಯಾ? 
\v 5 ತುಮಾನಾ ಲಾಜ಼ವಾಟಾಯಾ ಸಾಟಿ ಹ್ಯ ಸಾಂಗ್‌ತ್ಯೊ. ಆಪ್‍ಲ್ಯಾ ಬಾವ್ಹಾಂಚಾ಼ ನ್ಯಾಯಿ ನಿವಡ್ನಾರಾ ಶಾನಾ ತುಮ್ಚಿಪ ಯೊಕ್ಬಿ ನಾಹಿ ಕ್ಯಾ? 
\v 6 ಫನ್ ತ್ಯಚೆ ಬದ್ಲಿಸ್ ಯೊಕ್ ಇಸ್ವಾಸಿ ಆನಿಯಕಾ ಇಸ್ವಾಸಿಚೆ ಆಡ್ವಾ ಕೊರ್ಟಾತ್ ಜಾ಼ಯಾಚ಼ ನಾಹಿತ ತ್ಯ ಅಇಸ್ವಾಸಿಂಚೆ ಮೊರ‍್ಹ ನಿಹ್ಯಾಚ಼ ಶಾರ್ಕ ಕ್ಯಾ?
\p
\v 7 ತುಮ್ಚಿಪ ವಾದ್ ವಿವಾದ್ ಆಸ್ಲತ ತುಮಿ ಹಾರಲ್ಯಾಲ ಮನ್ಹುನ್ ಸಮಜಾ಼ಯಾ ಹಿಸ್ ವಳಕ್ ಜಾ಼ಲೆ ಕ್ಯಾ ತ್ಯಚಿವ್ನಿ ಅನ್ನೆವ್ ಸುಸ್ವುನ್ ಗಿಹಿತ್ ನಾಹಿಸಾ ಕಾ? ಮೊಸ್ ಆನಿ ತ್ಯನಿ ಜಾ಼ಲ್ಯಾಲಿ ಲುಕ್ಷಾನ್ ಕಾ ಸುಸ್ವುನಾಹಿ? 
\v 8 ಫನ್ ತುಮಿ ತುಮ್ಚಾ ಸ್ವತಾಚಾ ಬನ್ಹಿ ಬಾವ್ಹಾನಾ ಅನ್ನೆವ್ ಆನಿ ಮೊಸ್ ಕೆಲ್ಯಾಸಾ. 
\v 9 ನಿಯತ್ ನಸ್‍ಲ್ಯಾಲಿ ದೇವಾಚಾ ರಾಜಾತ್ ಮಿಳತ್ ನಾಹಿತ ಮನ್ಹುನ್ ತುಮಾನಾ ಠಾವ ನಾಹಿ ಕ್ಯಾ? ತುಮ್ಚಿ ತುಮಿಸ್ ಫಸುನಕೊಸಾ ಜಾರ್ಪನ್ ಕರ್ತ್ಯಾಲ ಪಾಶಾನ ಪುಜ಼್‌ತ್ಯಾಲ ದುಸ್ರೆ ಬ್ಯಾಯ್ಕೊಪ ಆನಿ ದುಸ್‌ರ‍್ಯಾ ಗಡ್ಯಾಪ ಜಾ಼ಯಾಚ಼ ಆನಿ ಸಲಿಂಗಾಮಿ, 
\v 10 ಚೊರತ್ಯಾಲ, ಆಶಾ ಕರ್ತ್ಯಾಲ, ಪಿದೊಡ, ಕಳ್‍ ಪೆಟ್ವ, ಸುಲುನ್ ಖಾನಾರ ಹ್ಯಾತ್ಲಾ ಯೊಕ್ಬಿ ದೇವಾಚಾ ರಾಜಾತ್ ಜಾ಼ನಾರ್ ನಾಹಿತ. 
\v 11 ತುಮ್ಚಾತ್ ಥೊಡಜಾ಼ನ್ ತಸ್ಲ ಹುತ್ತಾಸಾ. ಫನ್ ತುಮಿ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ ನಾವಾನಿ ಆನಿ ಆಮ್ಚಾ ದೇವಾಚಾ ಆತ್‍ಮ್ಯಾನಿ ಧುಹುನ್, ನಿಶ್ಚಳ್ ಜಾ಼ಲ್ಯಾಸಾ, ದೇವಾಪ್ನಿ ನಿಯೆತಿಚ಼ ಮನ್ಹುನ್ ಥರ್ಲ್ಯಾಸಾ.
\s ಶರೀರಾನಿ ದೇವಾಲಾ ಮಹಿಮಾ
\p
\v 12 “ಸಗ್ಳಿ ಕಾಮ ಕರಾಯಾ ಮನಾ ಹುಕುಮ್‍ ಹಾ,” ಫನ್ ಸಗ್ಳಿ ಪ್ಯಾಯ್ದಾಚಿ ನವ್ಹತ. ಫನ್ ಮಿ ಕಚಾಚಾ ತಾಬ್ಯಾತ್ ನಾಹಿ. ” 
\v 13 “ಖಾತ್ಯಾಲ ಜಿನೊಸ್ ಪೊಟಾಸಾಟಿ ಆನಿ ಪ್ವಾಟ್ ಖಾತ್ಯಾಲ್ಯಾ ಜಿನ್ಸಾಸಾಟಿ” ಹಾತ. ದೇವ್ ಹ್ಯಾ ದುನಿನಾಬಿ ನಾಸ್ ಕರ್ನಾರ್. ಫನ್ ಶರೀರ್ ವ್ಯಬಿಚಾರಾಸಾಟಿ ನವ್ಹ ಪ್ರಭುಸಾಟಿ ಹಾ. ಪ್ರಭು ಶರೀರಾಸಾಟಿ ಹಾ. 
\v 14 ದೇವಾನಿ ಪ್ರಭುಲಾ ಆಪ್‌ಲ್ಯಾ ಬಳಾನಿ ಮರ‍್ನಾತ್ನಿ ಉಠಿವಲ್ಯಾ ಶಾರ್ಕ ಆಮಾನಬಿ ಆಪ್‍ಲ್ಯಾ ಬಳಾನಿ ಉಠಿವ್ನಾರ್.
\p
\v 15 ತುಮಚಿ಼ ಶರೀರ ಕ್ರಿಸ್ತಾಚ಼ ಶರೀರಾಚ಼ ಭಾಗ್ ಜಾ಼ಲ್ಯಾತ ಮನ್ಹುನ್ ತುಮಾನಾ ಸಮಾಜ್ಲ ನಾಹಿ ಕ್ಯಾ? ಆಸ ಆಸ್ತಾನಾ ಕ್ರಿಸ್ತಾಚ಼ ಶರೀರ ಜಾ಼ಲ್ಯಾಲ್ಯಾನಾ ಕಾಡುನ್ ಸುಳಿಚಾ ಶರೀರಾ ಸಂಗ ಮೀಳ್ವಾಚ಼ ಶಾರ್ಕ ಕ್ಯಾ? ಕಂದಿಸ್ ತಸ ಕರಾಚ಼ ನಾಹಿ. 
\v 16 ಸುಳಿಸಂಗ ಮಿಳಾಲ್ಯಾಲಾ ತಿಚಿಸಂಗ ಯಾಕ್ ಶರೀರ‍ ಜಾ಼ಲ್ಯಾ ಮನ್ಹುನ್ ತುಮಾನಾ ಠಾವನಾಹಿ ಕ್ಯಾ? “ತೀ ದೊಗ ಯಾಕ್ ಶರೀರ್ ವ್ಹವುನ್ ರಾನಾರ್ ಮನ್ಹುನ್” ದೇವಾಚ಼ಾ ಸಬ್ದ ಸಾಂಗ್‍ತ್ಯೊ ನವ್ಹ. 
\v 17 ಫನ್ ಪ್ರಭು ಸಂಗ ಮಿಸಾಳ್ಯಾಲಾ ತ್ಯಚಿಸಂಗ ಯಾಕ್ ಆತ್ಮ ವ್ಹತೊ.
\p
\v 18 ಅನೈತಿಕ್ ಶರೀರಿಕ್ ಸಂಬದ್ ಸುಡುನ್ ದುರ್ ಪಳುನ್ ಜಾ಼ವಾ. ಮಾನ್ಸಕರತ್ಯಾಲಿ ಸಗ್ಳಿ ಪಾಪಾಚಿ ಕಾಮ ಶರೀರಾಚೆ ಬಾಹಿರ್ ಜಾ಼ಲ್ಯಾತ, ಫನ್ ಅನೈತಿಕ್ ಶರೀರಿಕ್ ಸಂಬದ್ ಕರತ್ಯಾಲಾ ಆಪ್‍ಲ್ಯಾ ಸ್ವತಾಚಾ ಶರೀರಾಲಾ ವೈರಿವ್ಹವುನ್ ಪಾಪ್ ಕರ್ತೊ. 
\v 19 ತುಮಿ ತುಮ್ಚಿ ಸ್ವತಾಚಿ ಆಸ್ತಿ ನವ್ಹಸಾ ಮನ್ಹುನ್ ಆನಿ ದೇವಾನಿ ದಿಲ್ಯಾಲ ಪವಿತ್ರಾತ್ಮ ತುಮ್ಚೆ ಆತ್ ಹಾ ಮನ್ಹುನ್ ತುಮ್‍ಚ಼ ಶರೀರ್ ದೇವಾಚ಼ ಪವಿತ್ರ ಘರ್ ಜಾ಼ಲ್ಯಾ ಮನ್ಹುನ್ ತುಮಾನಾ ಠಾವನಾಹಿ ಕ್ಯಾ? 
\v 20 ತುಮಾನಾ ಖುಬ್ ಕಿಮ್ತಿನಿ ಇಕತ್ ಗೆತಲ್ಯಾಲಿ ಮನ್ಹುನ್ ತುಮ್ಚಾ ಶರೀರಾನಿ ದೇವಾಲಾ ಮರ‍್ಯಾದ್ ದೆವಾ.
\c 7
\s ಲಗ್ನಾಚೆ ಗುಸ್ಟಿತ್ ಸಿಕಿವ್ನ
\p
\v 1 ತುಮಿ ಲಿವುನ್ ಲಾವುನ್ದಿಲ್ಯಾಲೆ ಗುಶ್ಟಿಂಚ಼ ಮಾಜ಼ ಮನ್ಹ ಕ್ಯಾ ಮಂಜೆ; ಯಕಾ ಮಾನ್ಸಾನಿ ಲಗಿನ್ ಜಾ಼ಲ್ಯಾ ನಸ್‌ಲ್ಯಾಲ ಬರ; 
\v 2 ಫನ್ ಅನೈತಿಕ್ ಶರೀರಿಕ್ ಸಂಬಂದಾನಿ ಪರಿಕ್ಷೆಲಾ ಆವಕಾಸ್ ದಿವುನಾಹಿ ಮನ್ಹುನ್ ಪರ್ತೆಕ್‍ ಯಕಾಲಾ ಆಪ್ಲಿ ಸ್ವತಾಚಿ ಬ್ಯಾಯ್ಕೊ ರಾಹುನಿ ಆನಿ ಪರ್ತೆಕ್‍ ಯಕಿಲಾ ಆಪ್ಲಾ ಸ್ವತಾಚಾ಼ ಘೊ ರಾಹುನಿ. 
\v 3 ಘ್ವಾನಿ ಬ್ಯಾಯ್ಕೊಲಾ, ತಸಸ್ ಬ್ಯಾಯ್ಕೊನಿ ಘ್ವಾಲಾ ದಿಯಾಚ಼ ತ್ಯ ದಿವುನ್ ಮನ್ ಥಂಡ್ ಕರುನಿ. 
\v 4 ಬ್ಯಾಯ್ಕೊಲಾ ಆಪ್‍ಲ್ಯಾ ಶರೀರಾವ ಹುಕುಮ್ ನಾಹಿ ತ್ಯೊ ಘ್ವಾಲಾ ಹಾ. ತಸಸ್ ಬಾಪಯಾಲಾ ಆಪ್‍ಲ್ಯಾ ಶರೀರಾವ ಹುಕುಮ್ ನಾಹಿ ತ್ಯೊ ಬ್ಯಾಯ್ಕೊಲಾ ಹಾ. 
\v 5 ಮಾಗ್ನ ಕರಾಯಾ ಯೊಳ್ ದಿಯಾಸಾಟಿ ತುಮಿ ಥೊಡಾಯೊಳ್ ಯಕಾಮಕಾಲಾ ಸುಡುನ್ ರಾವಾವ ತ್ಯ ಸುಡುನ್ ಖಾಯಿಮ್ ತಸ ಕರಾಚ಼ ನಾಹಿ. ಸೈತಾನ್ ತುಮಿ ತುಮ್ಚಾ ತಾಬ್ಯಾತ್ ನಾಹಿಸಾ ತ್ಯ ಬಗುನ್ ತುಮಾನಾ ಮೊಹಾತ್ ಪಾಡುನಾಹಿ ಆಸಿ ಆನಿಕ್ ಮಿಳಾ.
\p
\v 6 ಆಸ ಕರಾವ ಮನ್ಹುನ್ ಮಿ ಸಾಂಗ್‍ತ್ಯಾಲಿ ಪಾರಕ್ ನವ್ಹ, ಮಾಜ಼ ಮನ್ಹ ತ್ಯವ್ಡಸ್. 
\v 7 ಮಾಜಿಗತುಸ್ ಸಗ್‍ಳ್ಯಾ ಲೊಕಾಂಚಾನಿ ರಾಹ್ಯಾವ್ಹಯಿ ಮನ್ಹುನ್ ಮಾಜ಼ ಮನ್ ಫನ್ ಯಕಾನಿ ಯೆಕ್ತರನಿ ಆನಿ ಯಕಾನಿ ಯೆಕ್ತರನಿ ದೇವಾಪ್ನಿ ಇಶೇಶ್ ವರ ಗೆತಲ್ಯಾ.
\p
\v 8 ಲಗಿನ್ ಜಾ಼ಲ್ಯಾನಸಲ್ಯಾಲ್ಯಾಂಚೆ ಆನಿ ವಿದವೆಂಚೆ ಗುಸ್ಟಿತ್ ಮಿ ಕ್ಯಾ ಸಾಂಗಾಚ಼ ಮಂಜೆ, ಮಾಜಿಗತ್ ರಾಹ್ಯಾಚ಼ ತ್ಯನಾ ಬರ. 
\v 9 ತ್ಯಂಚಾನಿ ಆಪ್ನು ಆಪ್‍ಲ್ಯಾ ತಾಬ್ಯಾತ್ ರಾಹ್ಯಾ ವ್ಹಯಿತ್ ನಸ್ಲತ ಲಗಿನ್‍ ವ್ಹವಾವ. ಕಾ ಮಂಜೆ ಕಾಮತಾಪ ವ್ಹಯಾಚೆ ವಾಟ್ನಿಚ಼ ಲಗಿನ್‍ ಜಾ಼ಲ್ಯಾಲ ಬರ.
\p
\v 10 ಲಗಿನ್‍ ಜಾ಼ಲ್ಯಾಲ್ಯಾನಾ ಮಾಜಾ಼ ಹುಕುಮ್‍ ನವ್ಹ ಪ್ರಭುಚಿ ಆದ್ನೆ ಕ್ಯಾ ಮಂಜೆ ದನ್ಗರಿನಿ ಘ್ವಾಲಾ ಸುಡುನ್‍ ಜಾ಼ಯಾಚ಼ ನಾಹಿ. 
\v 11 ಆಕಾಸ್ಮಾತ್ ಸುಡುನ್ ಗಿಲಿತ ಲಗಿನ್ ವ್ಹಯಾಚೆ ಆಂದಿ ರಾಹ್ಯಾವ್ಹಯಿ, ನಾಹಿತ ಘ್ವಾ ಸಂಗ ಬರ ರಾಹ್ಯಾವ್ಹಯಿ ಆನಿ ಘ್ವಾನಿ ಬ್ಯಾಯ್ಕೊಲಾ ಶೊಡ್ಸುಟಿ ದಿಯಾಚಿನಾಹಿ.
\p
\v 12 ಉರಲ್ಯಾಲ್ಯಾಂಚೆ ಗುಸ್ಟಿತ್ ಪ್ರಭುಚ಼ ಸಬಾತ್ ನವ್ಹತ ಫನ್ ಮೀ ಕ್ಯಾ ಸಾಂಗಾಚ಼ ಮಂಜೆ, ಯಕಾ ಬಾವ್ಹಾಲಾ ಕ್ರಿಸ್ತಾವ ಇಸ್ವಾಸ್ ನಸಲ್ಯಾಲಿ ಬ್ಯಾಯ್ಕೊ ಆಸ್ತಾನಾ ತೀ ತ್ಯಚಿಸಂಗ ಸಂಸಾರ್ ಕರಾಯಾ ಯೆಕ್‍ ಜಾ಼ಲ್ಯಾವ ತ್ಯನಿ ತಿಲಾ ಶೊಡ್ಸುಟಿ ದಿಯಾಚಿ ನಾಹಿ. 
\v 13 ತಸಸ್ ಯೆಕ್‍ ಬಾಯಿಲ್ ಮಾನ್ಸಾಲಾ ಕ್ರಿಸ್ತಾವ ಇಸ್ವಾಸ್ ನಸಲ್ಯಾಲಾ ಘೊ ಆಸ್ತಾನಾ ತ್ಯೊ ತಿಚಿಸಂಗ ಸಂಸಾರ್ ಕರಾಯಾ ಯೆಕ್‍ ಜಾ಼ಲ್ಯಾವ ತಿನಿ ತ್ಯಲಾ ಶೊಡ್ಸುಟಿ ದಿಯಾಚಿ ನಾಹಿ. 
\v 14 ಕಾ ಮಂಜೆ ಕ್ರಿಸ್ತಾವ ಇಸ್ವಾಸ್ ನಸಲ್ಯಾಲಾ ಘೊ ಆಪಲೆ ದನ್ಗರಿಸ್ ಲಾಗುನ್ ಪವಿತ್ರ ವ್ಹತೊ ಆನಿ ಕ್ರಿಸ್ತಾವ ಇಸ್ವಾಸ್ ನಸಲ್ಯಾಲಿ ಬ್ಯಾಯ್ಕೊ ಆಪ್‍ಲ್ಯಾ ಗ್ವಾಸ್ ಲಾಗುನ್ ಪವಿತ್ರ ವ್ಹತಿ. ತಸ ನಸ್ತತ ತುಮ್ಚಿ ಪೊರ ಪವಿತ್ರ ವ್ಹಯಿತ್ ನವ್ತಿತ. ಆತಾ ತೀ ಪವಿತ್ರ ಜಾ಼ಲ್ಯಾತ. 
\v 15 ಫನ್ ಕ್ರಿಸ್ತಾವ ಇಸ್ವಾಸ್ ನಸಲ್ಯಾಲಿ ಬ್ಯಾಯ್ಕೊ ಸುಡುನ್‍ ಜಾ಼ಯಾಚಿ ಆಸ್ಲಿತ ಜಾ಼ವುನಿ ಆಸ್‍ಲ್ಯಾ ಯಳಾಲಾ ಕ್ರಿಸ್ತ ಬಾಹು ವ್ಹವುನಿ ಭನ್‍ ವ್ಹವುನಿ ಸಮ್ಮನ್ ನವ್ಹ. ಸಮಾದಾನಾನಿ ರಾಹ್ಯಾ ದೇವಾನಿ ಆಮಾನಾ ಹಾಕಟಲ್ಯಾ. 
\v 16 ಬಾಯಿಲ್ ಮಾನ್ಸಾ, ತು ತುಜಾ ಘ್ವಾಲಾ ಕಸಾ ರಕ್ಶನೆತ್ ಆನ್ನಾರ್? ಗಡ್ಯಾ , ತು ತುಜೆ ಬ್ಯಾಯ್ಕೊಲಾ ರಕ್ಶನೆತ್ ಕಸಿ ಆನ್ನಾರ್?
\s ದೇವಾನಿ ಹಾಕಟ್‌ಲ್ಯಾಚೆಗತ್ ಚಾ಼ಲುನಿ
\p
\v 17 ಫನ್ ಪ್ರಭುನಿ ಪರತೆಕ್‍ ಯಕಾಲಾ ಥರಿವ್‍ಲ್ಯಾಲೆ ಜವಾಬ್ದಾರಿಲಾ ಆನಿ ದೇವಾನಿ ತ್ಯನಾ ಕಶಾಲಾ ಹಾಕಟ್‌ಲ್ಯಾತ ತ್ಯಚಿಗತ್ ಜಿವ್ನಾಕರ್. ಆಸ ಸಗ್ಳೆ ಸಬೆತ್ನಿ ಚಾ಼ಲ್ವಾಯಾವ್ಹಯಿ ಮನ್ಹುನ್ ಮಿ ಸಾಂಗ್ತೊ. 
\v 18 ದೇವಾನಿ ಹಾಕಟ್ಲ ಹುತ ತವಾ ಕಚಾ಼ತರಿ ಮುಂಜಿ ಜಾ಼ಲ್ಯಾಲಾ ಆಸ್ಲಾತ ತ್ಯೊ ಮುಂಜಿ ನಸಲ್ಯಾಲ್ಯಾಚೆಗತ್ ವ್ಹವುನಾಹಿ. ದೇವಾನಿ ಹಾಕಟ್ಲಾ ತವಾ ಮುಂಜಿ ಜಾ಼ಲ್ಯಾಲಾ ನಸ್ಲಾತ ತ್ಯನಿ ಮುಂಜಿ ಕರುನ್ ಗಿಹುನಾಹಿ. 
\v 19 ಮುಂಜಿ ಆಸಲ್ಯಾಲಾ ಮುಂಜಿ ನಸಲ್ಯಾಲಾ ಪ್ರಮುಕ್ ನವ್ಹ. ದೇವಾಚೆ ಆದ್‍ನ್ಯಾಂಚೆಗತ್ ಚಾ಼ಲಾಚ಼ಸ್ ಮುಖ್ಯಾಜ಼ಾಲ್ಯಾ. 
\v 20 ದೇವಾನಿ ಹಾಕಟ್ಲತವಾ ಪರತೆಕ್‍ ಯೊಕ್ ಕಸಾ ಹುತ್ತಾ ತಸಾಸ್ ರಾಹ್ಯಾವ್ಹಯಿ. 
\v 21 ದೇವಾನಿ ಹಾಕಟ್ಲತವಾ ತು ಆನಿಯಕಾಚಾ ಹಾತಾಖಾಲ ಹುತಾಸ್ ಕ್ಯಾ? ತ್ಯಚಿ ಚಿಂತಾ ಕರುನಕೊ ಫನ್ ಸುಡ್ವುನ್ ಗಿಯಾ ಶಕ್ಯಾಜಾ಼ಲತ ತು ಸ್ವತಂತ್ರ ಹೊ. 
\v 22 ಕಚಾ಼ತರಿ ಚಾ಼ಕೊರ್ ಆಸ್ತಾನಾ ಪ್ರಭುನಿ ಹಾಕಟ್ಲಾ ಆಸ್ಲಾತ ತ್ಯಲಾ ಪ್ರಭುನಿ ಸುಡಿವ್ಲಾ ಮನ್ಹುನ್ ತ್ಯೊ ಸ್ವತಂತ್ರಜಾ಼ಲ್ಯಾ. ತಸಸ್ ಕಚಾ಼ ಸ್ವತಂತ್ರ ಆಸ್ತಾನಾ ಹಾಕಟಲ್ಯಾ ತ್ಯೊ ಕ್ರಿಸ್ತಾಚ಼ಾ ಚಾ಼ಕೊರ್ ಜಾ಼ಲ್ಯಾ. 
\v 23 ತುಮಿ ಇಕತ್ ಗೆತಲ್ಯಾಲಿ. ಮಾನ್ಸಾಚ಼ ಚಾ಼ಕೊರ್ ವ್ಹವುನಕೊಸ್. 
\v 24 ಬನ್ಹಿ ಬಾವ್ಹಾನು, ಪರ‍ತೆಕ್‍ ಯಕಾಲಾ ಹಾಕಟ್ಲತವಾ ಕಸಾ ಹುತ್ತಾ ತಸಾಸ್ ದೇವಾಚೆ ಮೋರ‍್ಹ ಉಬಾರಾಹುನಿ.
\s ಲಗಿನ್‍ ಜಾ಼ಲ್ಯಾನಸಲ್ಯಾಲಿ ಆನಿ ಘೊ ಮೆಲ್ಯಾಲ್ಯಾಚ಼ ಸಿಕಿವ್ನ
\p
\v 25 ಲಗಿನ್ ವ್ಹಯಾಚೆ ಆಂದಿ ಆಸ್‌ಲ್ಯಾಲೆ ಕನ್ಯಾಂಚೆ ಗುಸ್ಟಿತ್ ದೇವಾಪ್ನಿ ಆಲ್ಯಾಲಿ ಆದ್ನೆ ಮನಾ ಕಚಿಸ್ ನಾಹಿ. ಫನ್ ಮೀ ಇಸ್ವಾಸಾಚಾ಼ ವ್ಹವುನ್ ರಾಯಾ ದೇವಾಪ್ನಿ ಕರ್ನಾ ಗೆತಲ್ಯಾಲಾ ವ್ಹವುನ್ ಮಾಜ಼ ಮನ್ಹ ಸಾಂಗ್ತೊ.
\p
\v 26 ಆತಾಚಾ ಕಸ್ಟಾಚಾ ಕಾಲಾಸ್ ಲಾಗುನ್ ಆಂದಿಚೆಗತುಸ್ ರಾಹ್ಯಾಚ಼ ಬರ ಮನ್ಹುನ್ ಮೀ ಮಂಥೊ. 
\v 27 ತು ಲಗಿನ್‍ ಜಾ಼ಲ್ಯಾಲಾ ಆಸ್ಲಾಸ್ತ ಸುಡುನ್ ಗಿಯಾ ಯತ್ನ ಕರುನಕೊಸ್. ತು ಲಗಿನ್‍ ಜಾ಼ಲಾ ನಸ್ಲಾಸ್ತ ಬ್ಯಾಯ್ಕೊ ಕರುನ್ಗಿಯಾ ಯತ್ನ ಕರುನಕೊಸ್. 
\v 28 ಯಕ್ ವೆಳಿ ತು ಲಗಿನ್ ಕರುನ್ ಗೆತ್ಲಸ್ತರಿ ತ್ಯ ಪಾಪ್ ನವ್ಹ. ಕನ್ಯಾ ಲಗಿನ್‍ ಜಾ಼ಲಿತರಿ ಪಾಪ್ ನವ್ಹ. ಫನ್ ಲಗಿನ್‍ ಜಾ಼ಲ್ಯಾಲ್ಯಾನಾ ಖುಬ್ ತರಾಸ್‍ ಯನಾರ್. ತೆ ತುಮಾನಾ ಯವು ನಾಹಿತ ಮನ್ಹುನ್ ಮಾಜ಼ ಮನ್ಹ ಜಾ಼ಲ್ಯಾ.
\p
\v 29 ಬನ್ಹಿ ಬಾವ್ಹಾನು, ಮೀ ಸಾಂಗಾಚ಼ ಕ್ಯಾ ಮಂಜೆ, ಯೊಳ ಖುಬ್‍ ಕಮ್ಮಿಹಾ ಮನ್ಹುನ್ ಹಿತ್ನಿ ಮೊರ‍್ಹ ಬ್ಯಾಯ್ಕೊ ಆಸಲ್ಯಾಲ ಬ್ಯಾಯ್ಕೊ ನಸಲ್ಯಾಲ್ಯಾಚೆಗತ್ ಜೀವ್ನಾ ಕರಾಯಾ ವ್ಹಯಿ. 
\v 30 ರಡ್‍ತ್ಯಾಲ ರಡತ್ ನಸಲ್ಯಾಚೆಗತ್ ರಾವ್ಹಾ, ಸಮಾದಾನಾನಿ ಆಸ್‍ಲ್ಯಾಲ ಸಮಾದಾನ್‍ ನಸಲ್ಯಾಲ್ಯಾಚೆಗತ್ ರಾವ್ಹಾ, ಇಕತ್ ಗೆತ್ಯಾಲ ಆಪ್ಲ ಸ್ವತಾಚ಼ ಕಾಯ್ ನಸಲ್ಯಾಲ್ಯಾಚೆಗತ್ ರಾವ್ಹಾ, 
\v 31 ದುನ್ಯಾ ಅನ್ಬವಸತ್ಯಾಲ್ಯಾಂಚಾನಿ ತಿ ಸಗ್ಳಿ ಅನ್ಬವಿಸ್‍ಲ್ಯಾ ನಸ್‍ಲ್ಯಾಲ್ಯಾಚೆಗತ್ ರಾಹ್ಯಾ ವ್ಹಯಿ. ಕಾ ಮಂಜೆ ಹೆ ದುನೆಚ಼ ರುಪ್ ಹಾಳ್ ವ್ಹವುನ್‍ ಜಾ಼ನಾರ್.
\p
\v 32 ಫನ್ ತುಮಿ ಚಿಂತಾ ನಸ್‍ಲ್ಯಾಲಿ ವ್ಹವುನ್ ರಾಯಾ ವ್ಹಯಿಸಾ ಮನ್ಹುನ್ ಮಾಜ಼ ಮನ್. ಲಗಿನ್‍ ಜಾ಼ಲ್ಯಾ ನಸಲ್ಯಾಲಾ ಆಪ್ನು ಪ್ರಭುಲಾ ಕಸಾ ಆವ್ಡಾಯಾ ವ್ಹಯಿ ಮನ್ಹುನ್ ಪ್ರಭುಚಾ ಕಾಮಾಂಚೆ ಗುಸ್ಟಿತ್ ಚಿಂತಾ ಕರ‍್ತೊ. 
\v 33 ಫನ್ ಲಗಿನ್‍ ಜಾ಼ಲ್ಯಾಲಾ ಆಪ್ಲೆ ದನ್ಗರಿಲಾ ಕಸಿ ಆವ್ಡಾಯಾ ಪಾಯ್ಜೆ ಮನ್ಹುನ್ ಪ್ರಪಂಚಾತ್ಲೆ ಗುಸ್ಟಿಂಚಿ ಚಿಂತಾ ಕರ‍್ತೊ. 
\v 34 ತಸಸ್ ಲಗಿನ್ ಜಾ಼ಲ್ಯಾನಸ್‌ಲ್ಯಾಲಿಲಾಬಿ, ಕನೆಲಾ ಫರಕ್ ಹಾ. ಲಗಿನ್‍ ಜಾ಼ಲ್ಯಾ ನಸ್‍ಲ್ಯಾಲಿ ಆಪ್ನು ಶರೀರ್ ಆತ್‍ಮ್ಯಾನಿ ಕಸಿ ಪವಿತ್ರ ರಾಹ್ಯಾವ್ಹಯಿ ಮನ್ಹುನ್ ಪ್ರಭುಚೆ ಗುಸ್ಟಿತ್ ಚಿಂತಾ ಕರ‍್ತಿ. ಫನ್ ಲಗಿನ್‍ ಜಾ಼ಲ್ಯಾಲಿ ಆಪ್‍ಲ್ಯಾ ಘ್ವಾಲಾ ಕಸಿ ಆವ್ಡಾಯಾ ಮನ್ಹುನ್ ಪರಪಂಚಾಚಿ ಚಿಂತಾ ಕರ‍್ತಿ. 
\v 35 ಮೀ ತುಮಾನಾ ಬಳ್‍ಜು಼ರಿನಿ ಹ್ಯ ಸಾಂಗತ್ಯಾಲೊ ನಾಹಿ. ತುಮಿ ಚ಼ಂಚ಼ಳ್ಮನಾಚ಼ ವ್ಹಯಾಚೆಆಂದಿ ಪ್ರಭುಲಾ ಚಾ಼ಂಗ್ಲ ವ್ಹವುನ್, ಮನ್‍ ಆಸ್‍ಲ್ಯಾಲ ವ್ಹವುನ್ ನಿಸ್ಟುರಾನಿ ಚಾ಼ಲಾವ್ಹಯಿಸಾ ಮನ್ಹುನ್ ತುಮ್ಚಾ ಫ್ಯಾಯ್‍ದ್ಯಾಸಾಟಿಸ್ ಸಾಂಗ್‍ತ್ಯೊ.
\p
\v 36 ಯಕಾನಿ ಸಾಕಾರ್ ಸಾಡಿ ಕರುನ್ ಲಗಿನ್‍ ಕೆಲ್ಯಾ ನಸ್‌ಲ್ಯಾಲ್ಯಾಲಾ ಮರ‍್ಯಾದ್ ನಾಹಿ ಮನ್ಹುನ್ ಸಮ್‍ಜು಼ನ್ ಗೆತ್ಲತ ಆನಿ ವಯೆ ಸಪ್‍ತ್ಯಾ ಮನ್ಹುನ್ ಲಗಿನ್ಕರಾಯಾ ವ್ಹಯಿ ಆಸ ದಿಸ್ಲತ ಆಪಲ್ಯಾ ಮಾನಾಚೆಗತ್ ಲಗಿನ್ ವ್ಹವಾವ. ತ್ಯ ಪಾಪ್ ನವ್ಹ. 
\v 37 ಫನ್ ಯಕಾನಿ ಘಟ್ ಮನ್ ಕರುನ್ ಜು಼ಲ್ಮಿಕಾಯ್ ನಸ್ತಾನಾ ಆಪ್‌ಲ್ಯಾ ಮನಾ ಶಾರ್ಕ ಚಾ಼ಲ್ವಾಯಾ ಹುಕುಮ್ ಆಸ್ನಾರಾ ವ್ಹವುನ್ ಲಗಿನ್ ಕರಿತ್ ನಾಹಿ ಮನ್ಹುನ್ ಆಪ್ನಿ ತಿರ್ಮಾನ್ ಕೆಲಾತ ತ್ಯನಿ ತಸಸ್ ಕರಾಚ಼ ಬರ. 
\v 38 ತಸಜಾ಼ಲ್ಯಾ ಲಗಿನ್ ಕರುನ್ ದೆತ್ಯಾಲಾ ಚಾ಼ಂಗ್ಲ ಕರ್ತ್ಯೊ, ಲಗಿನ್ ಕರುನ್ ದಿಯಿನಸ್ನಾರಾ ಆಜು಼ನ್‍ ಚಾ಼ಂಗ್ಲ ಕರ್ತ್ಯೊ.
\p
\v 39 ಆಯಾವ್‍ಕರಿನ್ ಆಪ್ಲಾ ಘೊ ಜಿತ್ತಾ ಆಸಸ್ಪರ‍್ಯಾತ್ ತ್ಯಚಾ ತಾಬ್ಯಾತ್‍ ರಾಥಿ. ಘೊ ಮೆಲ್ಯಾವ ತಿನಿ ಕಚಾಲಾಬಿ ಲಗಿನ್ ವಯಾ ಸ್ವತಂತ್ರಹಾ. ಫನ್ ಪ್ರಭುವ ಇಸ್ವಾಸ್ ಆಸ್‍ಲ್ಯಾಲ್ಯಾಲಾ ವ್ಹಯಾವ್ಹಯಿ. 
\v 40 ಫನ್ ಲಗಿನ್ ವ್ಹಯಾಚೆ ಆಂದಿ ತಸಸ್‍ ರಾಹ್ಯಾಚ಼ ತಿಲಾ ಖುಬ್ ಆನಂದ್ ವ್ಹಯಿಲ್ ಆಸ ಮಾಜ಼ ಮನ್ಹ. ಮನಾಬಿ ದೇವಾಚ಼ ಆತ್ಮ ಹಾ ಮನ್ಹುನ್ ಸಮ್‍ಜು಼ನ್ ಗೆತೊ.
\c 8
\s ಪಾಶಾನಾನಾ ಥೆವಲ್ಯಾಲ್ಯಾ ಜೆವ್ನಾಚೆ ಗುಸ್ಟಿಚ಼ ಸಿಕಿವ್ನ
\p
\v 1 ಪಾಶಾನಾನಾ ಥೆವಲ್ಯಾಲ್ಯಾ ಖಾತ್ಯಾಲ್ಯಾ ಜಿನ್ಸಾಂಚೆ ಗುಸ್ಟಿತ್. “ಆಮಾನಾ ಸಗಳ್ಯಾನಾ ಗಿನ್ಯಾನ್ ಹಾ ಮನ್ಹುನ್” ಠಾವಹಾ. ಗಿನ್ಯಾನ್ ಫುಗಿವ್ತ, ಫನ್ ಮಾಯಾ ಬಕ್ತಿ ವಾಡಿವ್ತಿ. 
\v 2 ಯಕಾನಿ ಆಪ್ನಿ ಕಾಯ್ತರಿ ಸಮ್‍ಜು಼ನ್ ಗೆತಲ್ಯಾ ಮನ್ಹುನ್ ಮನ್ಲಾತ ತ್ಯನಿ ಸಮಜಾ಼ಯಾ ವ್ಹಯಿ ಆಸಲ್ಯಾಲ ಆಜು಼ನ್ ಸಮ್‍ಜು಼ನ್ ಗೆತಲ್ಯಾಲ ನಸ್ತ. 
\v 3 ಫನ್ ಕಚಾ಼ ದೇವಾಚಿ ಮಾಯಾ ಕರ‍್ತೊ ತ್ಯಲಾ ದೇವ್ ವಳಕ್ತೊ.
\p
\v 4 ಮನ್ಹುನ್ ಪಾಶಾನಾನಾ ಥೆವ್‍ಲ್ಯಾಲಾ ಖಾತ್ಯಾಲಾ ಜಿನೊಸ್ ಖಾಯಾಚೆ ಗುಸ್ಟಿತ್ “ದುನೆತ್ ಪಾಶಾನ ಕಾಯ್ ನವ್ಹತ ಮನ್ಹುನ್” ಆನಿ “ಯೊಕುಸ್ ದೇವ್‍ ಹಾ ತ್ಯೊ ಸುಡುನ್ ದಿಸರಾ ದೇವ್ ನಾಹಿ ಮನ್ಹುನ್” ಠಾವ ಹಾ. 
\v 5 ಖರ‍್ಯಾನಿ ಆಬಳಾತ್ ವ್ಹವುನಿ ದರ್ಥಿವ ವ್ಹವುನಿ ದ್ಯಾವ್‍ ಮನ್ಹುನ್ ಗೆತ್ಯಾಲಿ ಖುಬ್ ಆಸಲಿತ ತರಿ, “ದ್ಯಾವ್ ಮನ್ಹುನ್ ಪ್ರಭು ಮನ್ಹುನ್ ಪುಜ಼್‍ತ್ಯಾಲಿ” ಖುಬ್ ಆಸ್ತಿಲ. 
\v 6 ಆಮಾನಾತರಿ ಯೊಕುಸ್ ಬಾ ದೇವ್; ತ್ಯೊಸ್ ಸಗ್‍ಳ್ಯಾಲಾ ಕಾರನ್; ಆಮಿ ಜಿವ್ನಾ ಕರ್ತ್ಯಾಲಿ ತ್ಯಚಿಸಾಟಿಸ್, ಆನಿ ಯೊಕುಸ್ ಪ್ರಭು ಜಾ಼ಲ್ಯಾಲಾ ಯೇಸು ಕ್ರಿಸ್ತ ಆಮಾನಾ ಹಾ. ತ್ಯಚಿಪ್ನಿಸ್ ಸಗ್ಳ ಉತ್ಪನ್ ಜಾ಼ಲ್ಯಾ. ಆಮಿ ತ್ಯಚಿಪ್ನಿ ಆಮಿ ಜ಼ಗತ್ಯಾವ್.
\p
\v 7 ತರಿಬಿ ಹ್ಯ ಗಿನ್ಯಾನ್ ಸಗ್‍ಳ್ಯಾನಾ ನಾಹಿ. ಮನ್ಹುನ್, ಥುಡಿಜ಼ನ ಆಜು಼ನ್ ಪಾಶಾನಾಂಚಿಪ ಜಾ಼ಯಾಚಿ ಸವ ಹಾ ಆನಿ ಆಪ್ನು ಖಾತ್ಯಾಲ ಹ್ಯ ಜೆವಾನ್ ಪಾಶಾನಾನಾ ದಿಲ್ಯಾಲ ಮನ್ಹುನ್ ಖಾತ್ಯಾತ; ತ್ಯಂಚಾ ಮನಾಚೆ ಸಾಕ್ಸಿಚಿ ಬಳ್‍ಮ್ಯೊಡ್‍ ಜಾ಼ಲೆ ಮನ್ಹುನ್ ಬಾದ್‍ ಜಾ಼ಲ್ಯಾ. 
\v 8 ಫನ್ ಖಾನ್ಯಾನಿ ಆಮಿ ದೇವಾಲಾ ಜ಼ವಳ್ ವ್ಹಯಿತ್ ನಾಹಿ. ಖಾಲ್ಯಾ ನಸ್‌ಲ್ಯಾಲ್ಯಾನಿ ಲುಕ್ಷಾನ್‍ ನಾಹಿ, ಖಾಲ್ಯಾಲ್ಯಾನಿ ಫ್ಯಾಯ್ದಾಬಿ ನಾಹಿ.
\p
\v 9 ಫನ್ ಹ್ಯ ತುಮ್ಚ಼ ಸ್ವಾತಂತ್ರ್ಯ ಇಸ್ವಾಸಾತ್ ಕಮ್ಮಿ ಆಸ್‌ಲ್ಯಾಲ್ಯಾಲಾ ಆಡ್ವ ವ್ಹವು ನಾಹಿ ಆಸ ಜಾ಼ಗ್ರುತ್ರಾವ್ಹಾ. 
\v 10 ಶಾನಾ ಆಸ್‌ಲ್ಯಾಲಾ ತುಸ್ ಪಾಶಾನಾಂಚಾ ಜಾ಼ಗ್ಯಾವ ಖಾಯಾ ಬಸ್‌ಲ್ಯಾಲಾ, ಇಸ್ವಾಸಾತ್ ಕಮ್ಮಿ ಆಸ್‌ಲ್ಯಾಲಾ ಕೊನ್ತರಿ ಬಗಿಲ್ತ. ತ್ಯೊಬಿ ಪಾಶಾನಾನಾ ಥೆವ್‍ಲ್ಯಾಲ ಜೆವಾನ್ ಖಾಯಾ ಧಿರ್ ಕರ‍್ನಾರ್ ನವ್ಹ ಕ್ಯಾ? 
\v 11 ಆಸ ಹ್ಯಾ ತುಜಾ ಗಿನ್ಯಾನಾನಿ ತ್ಯೊ ಇಸ್ವಾಸ್ ನಸ್‌ಲ್ಯಾಲಾ ಹಾಳ್ ವ್ಹನಾರ್. ತ್ಯಚಿಸಾಟಿಬಿ ಕ್ರಿಸ್ತಾನಿ ಆಪ್ಲಾ ಪರಾನ್ ದಿಲ್ಯಾನವ್ಹ. 
\v 12 ಆಸಸ್ತಾನಾ ತುಮಿ ಬನ್ಹಿ ಬಾವ್ಹಾಂಚೆ ಆಡ್ವ ಪಾಪ್ ಕರುನ್ ತ್ಯಂಚ಼ ಬಳ್‍ ನಾಹಿ ಜಾ಼ಲ್ಯಾಲ್ಯಾ ಇಸ್ವಾಸಿಲಾ ದುಕಿವ್‌ಲ್ಯಾವ ತುಮಿ ಕ್ರಿಸ್ತಾಚೆ ಆಡ್ವ ಪಾಪ್ ಕರ್ತ್ಯಾಲ ವ್ಹತಾಸಾ. 
\v 13 ಮನ್ಹುನ್ ಖಾತ್ಯಾಲಾ ಜಿನೊಸ್ ಮಾಜಾ ಬಾವ್ಹಾಲಾ ಆಡ್ವ ವ್ಹಯಾಚ಼ ಜಾ಼ಲ್ಯಾ ಮಿ ಕಂದಿಸ್ ಮಾಸ್ ಖಾನಾರ್ ನಾಹಿ; ಮೀ ಮಾಜಾ ಬಾವ್ಹಾಲಾ ಆಡ್ವಾ ವ್ಹನಾರ್ ನಾಹಿ.
\c 9
\s ಅಪೊಸ್ತಲಾಂಚಾ಼ ಹುಕುಮ್ ಆನಿ ಕರ್ತ್ಯೊವ್
\p
\v 1 ಮೀ ಸ್ವತಂತ್ರಿ ನವ್ಹ ಕ್ಯಾ? ಮೀ ಅಪೊಸ್ತಲ್ ನವ್ಹ ಕ್ಯಾ? ಆಮ್‍ಚ಼ಾ ಪ್ರಭು ಯೇಸುಲಾ ಮೀ ಬಗ್ಲಾ ನಾಹಿ ಕ್ಯಾ? ಮೀ ಪ್ರಭುಚಿ ಕೆಲ್ಯಾಲೆ ಸೆವೆಚ಼ ಪ್ರತಿಫಳ್ ತುಮಿಸ್ ನವ್ಹಸಾ ಕ್ಯಾ? 
\v 2 ದಿಸರ‍್ಯಾನಾ ಮಿ ಅಪೊಸ್ತಲ್ ನಸ್ಲೊತರಿ ತುಮಾನಾ ಅಪೊಸ್ತಲ್‍ ಜಾ಼ಲ್ಯೊ. ಮಿ ಪ್ರಭುಚಾ಼ ಅಪೊಸ್ತಲ್ಫನಾಚಾ಼ ಮನ್ಹಾಯಾ ತುಮಿಸ್ ಮಾಜಾ಼ ಸಿಖಾ ಜಾ಼ಲ್ಯಾಸಾ.
\p
\v 3 ಮಾಜಿ ಚೌ಼ಕಸಿ ಕರ್ತ್ಯಾಲ್ಯಾನಾ ಮಾಜಾ಼ ಉತ್ರಾ ಕ್ಯಾಮಂಜೆ, 
\v 4 ಖಾಯಾ ಪಿಯಾಲಾ ಆಮಾನಾ ಹುಕುಮ್ ನಾಹಿ ಕ್ಯಾ? 
\v 5 ಕ್ರಿಸ್ತ ಇಸ್ವಾಸಿ ಬ್ಯಾಯ್ಕೊ ಕರುನ್ ಫಿರಾಯಾ ದಿಸರ‍್ಯಾ ಅಪೊಸ್ತಲಾಂಚೆಗತ್, ಪ್ರಭುಪ್‍ಲ್ಯಾ ಬಾವ್ಹಾಂಚೆಗತ್, ಆನಿ ಪೇತ್ರಾಚೆಗತ್ ಆಮಾನಾ ಹುಕುಮ್ ನಾಹಿ ಕ್ಯಾ? 
\v 6 ನಾಹಿತ, ರಾಬಾಚೆ ಆಂದಿ ಜಿವ್ನಾಕರಾಯಾ ಮನಾ ಬಾರ್ನಬಾಲಾ ಹುಕುಮ್ ನಾಹಿ ಕ್ಯಾ? 
\v 7 ಕಚಾ಼ ಸಿಪಾಯಿ ಸ್ವತಾಚಾ ಖರ್ಚಾ಼ನಿ ಸೆವೆ ಕರ್ತೊ ಕ್ಯಾ? ದರಾಕ್ಷಿಚಾ಼ ಮಳಾ ಕೆಲ್ಯಾಲಾ ತ್ಯಚ಼ ಫಳ್ ಖಾಲ್ಯಾಖಿರಿ ರಾಥೊ ಕ್ಯಾ? ಬಕ್‌ರ‍್ಯಾಂಚಾ಼ ಖಾಂಡ್ ಬಾಳಗ್ನಾರಾ ತ್ಯಂಚ಼ ದುದ್ ಪಿಯಾಚೆ ಆಂದಿ ರಾಹಿಲ್ ಕ್ಯಾ?
\p
\v 8 ಮೀ ಮನ್‍ಲ್ಯಾಲ ಲೊಕಾತ್ಲ ಮನ್ಹ ಕ್ಯಾ? ದರ್ಮ ಶಾಸ್ತಾರ‍್ಬಿ ಹ್ಯ ಸಾಂಗಿತ್ನಾಹಿ ಕ್ಯಾ? 
\v 9 “ಮಳ್ನಿಚಾ ಖಳ್ಯಾವ ಬೈಲಾಲಾ ಮುಸ್ಕ ಗಾಲ್ಹುನಾಹಿ ಮನ್ಹುನ್” ಮೊಶೆಚಾ ದರ್ಮಶಾಸ್ತಾರಾತ್ ಲಿವ್‍ಲ್ಯಾ. ದೇವ್ ಕ್ಯಾಳ್ಜಿ ಕರ್ತ್ಯಾಲಾ ಬೈಲಾಚಿ ಕ್ಯಾ? 
\v 10 ವ್ಹಯ್ ಹ್ಯ ಖರ‍್ಯಾನಿಸ್ ಆಮ್ಚಿಸಾಟಿ ತ್ಯೊ ಸಾಂಗ್ತೊ ಆನಿ ಲಿವ್‌ಲ್ಯಾ ನವ್ಹ? ನಾಂಗರ್‌ತ್ಯಾಲ್ಯಾನಿ ಪಿಕಾತ್ ಆಪ್ಲೆ ವಾಟ್ನಿಚೆ ಆಸೆನಿ ನಾಂಗ್ರಾಯಾವ್ಹಯಿ, ತಸಸ್ ಮಳ್‍ತ್ಯಾಲ್ಯಾನಿ ಆಪಲ್ಯಾಲಾ ಲಾನಿತ್ ವಾಟ್ನಿ ಗಾವ್ನಾರ್ ಮನ್ಹುನ್ ಆಸೆನಿ ಮಳಾಯಾವ್ಹಯಿ. 
\v 11 ಆಮಿ ತುಮ್ಚಿಪ ಆತ್ಮಿಕ್ ಬೀ ಪೆರಲ್ಯಾ ತುಮ್ಚಿಪ್ನಿ ಶಾರೀರಿಕ್ ಪಿಕ್ ಕಾಪಾಚ಼ ಮುಟಿ ಗ್ಯೊಸ್ಟ ಕ್ಯಾ? 
\v 12 ಹ್ಯೊ ಹುಕುಮ್ ದಿಸರ‍್ಯಾನಾ ತುಮ್ಚಿವ ಆಸ್ಲಾತ ಆಮಾನಾ ಆನಿಕ್ ಖುಬ್ ರಾಹ್ಯಾವ್ಹಯಿ ನವ್ಹ? ತರಿಬಿ ಆಮಿ ತ್ಯೊ ಹುಕುಮ್ ಚಾ಼ಲಿವ್ಲಾ ನಾಹಿ, ಕ್ರಿಸ್ತಾಚೆ ಬರೆಖಬ್ರಿಲಾ ಆಡ್ವವ್ಹವು ನಾಹಿ ಮನ್ಹುನ್ ಸಗ್ಳ ಸುಸ್ವುನ್ ಗೆತ್ಲ. 
\v 13 ದೇವ್ಳಾತ್ ಸೆವಾ ಕರತ್ಯಾಲ್ಯಾಂಚಾನಿ ದೇವ್ಳಾತ್ನಿಸ್ ಆಪ್ಲಾ ಜಿವ್ನಾ ಚಾ಼ಲ್ವಾವ್ಹಯಿ ಮನ್ಹುನ್ ಆನಿ ಯಜ್ಞವೆದಿಪ ಸೆವೆ ಕರ್ತ್ಯಾಲ್ಯಾಂಚಾನಿ ತೆ ವೆದಿಕಿಪ ಯತ್ಯಾಲ್ಯಾ ಜಿನ್ಸಾಂಚ಼ ವಾಟದಾರ್ ಮನ್ಹುನ್ ತುಮಾನಾ ಠಾವನಾಹಿ ಕ್ಯಾ? 
\v 14 ತಸಸ್ ಬರಿಖಬರ್ ಸಾಂಗ್‌ತ್ಯಾಲ್ಯಾಂಚಾನಿ ತಿನಿಸ್ ಆಪ್ಲಾ ಜಿವ್ನಾ ಚಾ಼ಲ್ವಾವ್ಹಯಿ ಮನ್ಹುನ್ ಪ್ರಭುನಿ ಆಜ್ಞಾ ದಿಲೆ.
\p
\v 15 ಮೀ ತರಿ ಹ್ಯಾತ್ಲಾ ಯೊಕ್ಬಿ ಹುಕುಮ್ ಚಾ಼ಲಿವ್ಲಾ ನಾಹಿ. ಮನಾ ಕಾಯ್ತರಿ ಗಾಹುನಿ ಮನ್ಹುನ್ ಮೀ ಹ್ಯ ಲಿವತ್ಯಾಲೊನಾಹಿ. ಕಚಾನಿತರಿ ಹ್ಯೊ ಹುಕುಮ್ ವಲಾಂಡ್ಯಾಚೆ ವಾಟ್ನಿಚ಼ ಮೆಲ್ಯಾಲ ಬರ. 
\v 16 ಮೀ ಬರಿಖಬರ್ ಸಾಂಗ್ಲಿತರಿ ವವ್ಯಾಳುನ್ ಗಿಯಾ ಮನಾ ಆವ್ಕಾಸ್ ನಾಹಿ; ಸಾಂಗಾಯವ್ಹಯಿ ಮನ್ಯಾಚ಼ ವಜ಼ ಮಾಜಿವಹಾ, ಮೀ ಬರಿಖಬರ್ ಸಾಂಗ್ಲಿನಾಹಿ ಮಂಜೆ ಮಾಜಿ ಹಾಕಿಗತ್ ಕ್ಯಾ ಮನ್ಹುನ್ ಸಾಂಗು! 
\v 17 ಮೀ ಮಾಜಾ ಮನಾನಿ ಹ್ಯ ಕಾಮ್ ಕೆಲ್ಯಾವ ಮನಾ ಪ್ರತಿಫಳ್ ಗಾವ್ಹಲ್; ಆನಿ ಮನಾನಿ ನಾಹಿ ಕೆಲ ತರಿಬಿ ಹ್ಯ ಕಾಮ್ ಮಾಜಾ ತಾಬ್ಯಾತ್ ದಿಲ್ಯಾ. 
\v 18 ತಸ ಜಾ಼ಲ್ಯಾ ಮನಾ ಗಾವ್ಹಾಚ಼ ಬಕ್ಷಿಸ್‍ ಕ್ಯಾ? ಮೀ ಬರಿಖಬರ್ ಸಾಂಗತಾನಾ ತ್ಯಚ಼ ಗಾವಲ್ಯಾಲ ಪ್ರತಿಫಳ್ ಗಿಹ್ಯಾಚೆ ಆಂದಿ ತಿ ಫುಕಟ್ ಸಾಂಗಾಚ಼ಸ್ ಮನಾ ಗಾವಲ್ಯಾಲ್ಯಾ ಅವ್ಕಾಸಾಚ಼ ಪ್ರತಿಫಳ್‍ ಜಾ಼ಲ್ಯಾ.
\p
\v 19 ಮನಾ ಸಗ್ಳೆ ಗುಶ್ಟಿಂಚಿವ ಸ್ವತಂತ್ರ ಆಸ್ಲತರಿ ಖುಬ್‍ ಲೊಕ ಕಮ್ವಾಯಾ ವ್ಹಯಿತ ಮನ್ಹುನ್ ಮೀ ಸಗ್‍ಳ್ಯಾಂಚಾ಼ ಆಳ್‍ ಜಾ಼ಲ್ಯೊ. 
\v 20 ಯೆಹುದ್ಯಾನಾ ಕಮ್ವಾಯಾಸಾಟಿ ಯಹುದ್ಯಾಂಚಿಗತ್ ಜಾ಼ಲೊ. ಮೀ ದರ್ಮಶಾಸ್ತಾರಾಚಾ ತಾಬ್ಯಾತ್ ನಸ್ಲೊತರಿ, ದರ್ಮಶಾಸ್ತಾರಾಚಾ ತಾಬ್ಯಾತ್ ಆಸ್‍ಲ್ಯಾಲ್ಯಾನಾ ಕಮ್ವಾಯಾ ತ್ಯಂಚಿಸಾಟಿ ದರ್ಮಶಾತಾರಾಚಾ ತಾಬ್ಯಾತ್ ಜಾ಼ಲೊ. 
\v 21 ಮೀ ದೇವಾಚ಼ ದರ್ಮಶಾಸ್ತಾರ್ ನಸ್‍ಲ್ಯಾಲೊ ನವ್ಹ, ಕ್ರಿಸ್ತಾಚಾ ನೆಮಾತ್ಲಾಸ್; ಫನ್ ಯೆಹುದಿ ನಸ್‌ಲ್ಯಾಲ್ಯಾನಾ ಕಮ್ವಾಯಾ ಸಾಟಿ ಮಿಬಿ ಯೆಹುದಿ ನಸ್‌ಲ್ಯಾಚೆಗತ್ ಜಾ಼ಲೊ. 
\v 22 ಇಸ್ವಾಸಾತ್ ಬಳ್ ನಸ್‍ಲ್ಯಾಲ್ಯಾನಾ ಕಮ್ವಾಯಾಸಾಟಿ ಬಳ್ ನಸ್‍ಲ್ಯಾಲಾ ಜ಼ಾಲೊ. ಕಚೆತರನಿಬಿ ಥೊಡ್ಯಾನಾ ರಕ್ಶನ್ ಕರಾಯಾ ವ್ಹಯಿ ಮನ್ಹುನ್ ಸಗ್‍ಳ್ಯಾಂಚೆಗತ್‍ ಜಾ಼ಲೊ.
\p
\v 23 ಹ್ಯ ಸಗ್ಳ ಬರೆಖಬ್ರಿಸಾಟಿ ಕರುನ್, ಮೀ ಸಗಳ್ಯಾಂಚಿಸಂಗ ಬರೆಖಬ್ರಿಚಾ ಆಶಿರ್ವಾದಾತ್ ವಾಟ್ನಿ ಗಿಹ್ಯಾವ್ಹಯಿ ಮನ್ಹುನ್ ಹ್ಯ ಕೆಲ. 
\v 24 ಖೆಳಾಯಾ ಆಂಗ್ನಾತ್ ಖುಬ್‍ಜಾ಼ನ ಯತ್ಯಾತ, ಫನ್ ಯಕಾಲಾ ತ್ಯವಡಸ್ ಬಕ್ಷಿಸ್ ಗಾವ್ತ ಮನ್ಹುನ್ ತುಮಾನಾ ಠಾವನಾಹಿ ಕ್ಯಾ? ತಸಸ್ ತುಮಿಬಿ ಬಕ್ಷಿಸ್ ಗಿಯಾವ್ಹಯಿ ಮನ್ಹುನ್ ಪಳಾ. 
\v 25 ಪರ್ತೆಕ್ ಖೆಳ್ಕರಿ ಆಪ್ಲೆ ಶಿಕ್‌ತ್ಯಾಲೆ ಸಗ್ಳೆ ಗುಶ್ಟಿತ್ನಿ ಸಮಾದಾನಾನಿ ರಾಥೊ. ತೆ ಬಾವುನ್‍ ಜಾ಼ತ್ಯಾಲಿ ಮಾಳ್ ಗಿಹ್ಯಾ ಸಾದನ್ ಕರ್ತ್ಯಾತ. ಆಮಿ ತರಿ ಶಾಸ್ವತ್ ಮಾಳಸಾಟಿ ಸಾದನ್ ಕರ್ತಾವ್. 
\v 26 ಮನ್ಹುನ್ ಮೀ ಸಾಹಿತ್ ಮುಜ್ರಾ಼ ನಸ್‍ಲ್ಯಾಚೆಗತ್ ಪಳತ್ ನಾಹಿ; ವಾರ‍್ಯಾಸಂಗ ಲಡ್‍ತ್ಯಾಚೆಗತ್ ಲಡತ್ ನಾಹಿ. 
\v 27 ಸಗ್‍ಳ್ಯಾನಾ ಸಾಂಗುನ್ ಮೀಸ್ ಅಯೋಗ್ಯ ವ್ಹವುನಾಹಿ ಆಸಾ, ಮಾಜಾ ಶರೀರಾಲಾ ಶಿಕ್ಷಾದಿವುನ್ ತಾಬ್ಯಾತ್‍ ಥಿವುನ್ ಗೆತೊ.
\c 10
\s ಪಾಶಾನಾಂಚೆ ಗುಶ್ಟಿತ್ ಜಾ಼ಗೃತ್
\p
\v 1 ಬನ್ಹಿ ಬಾವ್ಹಾನು, ಮೀ ತುಮಾನಾ ಯಾದ್ ಕರಾಯಾ ವ್ಹಯಿ ಮಂಥ್ಯಾಲ ಕ್ಯಾ ಮಂಜೆ, ಆಮ್‍ಚ಼ ವಡಿಲ್ ಸಗ್ಳ ಡಘಾಚೆ ಖಾಲ್‍ ರಾಹುನ್ ಸಮಿಂದೊರ್ ವಲ್ಯಾಂಡುನ್ ಗೆಲ. 
\v 2 ತ್ಯಂಚಾನಿ ಮೊಶೆಚೆಮಾಗ್ನಿ ಜಾ಼ಯಾಸಾಟಿ ಡಘಾತ್ನಿ ಸಮಿಂದೊರಾತ್ ಬಾಪ್ತಿಸ್ಮಾ ಗಿತ್ಲಿ. 
\v 3 ತ್ಯಂಚಾನಿ ಸಗಳ್ಯಾಂಚಾನಿ ಯಾಕುಸ್ ಆತ್ಮಿಕ್ ಜೆವಾನ್ ಖಾಲ. 
\v 4 ತ್ಯಂಚಾನಿ ಸಗ್‌ಳ್ಯಾಂಚಾನಿ ದೆವಾಚ಼ ಯಾಕುಸ್ ಪಾನಿ ಪಿಯಾಲ. ಕಸ ಮಂಜೆ ತ್ಯಂಚೆ ಮಾಗ ಲಾಗ್‌ಲ್ಯಾಲೆ ದೇವಾಚೆ ದುಂಢಿತ್ನಿ ಆಲ್ಯಾಲ ಪಾನಿ ಪಿಯಿತ. ತಿ ಧ್ಯೊಂಡ್ ಕ್ರಿಸ್ತುಸ್ ಜಾ಼ಲ್ತಾ. 
\v 5 ತರಿಬಿ ತ್ಯಾತ್ ಖುಬ್‍ಜ಼ಾನ್ ದೆವಾಚಾ ಮನಾಸ್ ಆಲ ನಾಹಿತ. ಮನ್ಹುನ್ ತ್ಯನಾ ತ್ಯುಡ್ಲಿತ ಆನಿ ತ್ಯಂಚಿ ಮಡಿ ರಾನಾತ್ ಪಡ್ಲಿತ.
\p
\v 6 ತ್ಯಂಚಾನಿ ಬುರ್ಶಾ ಗುಸ್ಟಿ ಯವಜ಼ಲ್ಯಾ ಶಾರ್ಕ್ಯಾ ಆಮಿ ಯವಜು಼ ನಾಹಿ ಮನ್ಹುನ್ ಹ್ಯಾ ಗುಸ್ಟಿ ಆಮಾನಾ ವಳಕ್‍ಜಾ಼ಲೆ. 
\v 7 ತ್ಯಂಚಾತ್‍ಥೋಡ ಪಾಶಾನ್ ಪುಜ಼್‌ತ್ಯಾಲ ಜಾ಼ಲ್ತ, “ಲೊಕ ಖಾಯಾಲಾ, ಪಿಯಾಲಾ ಬಸ್ಲಿತ. ಬುರ್ಶಾ ಶಾರೀರಿಕ್ ಸಂಬಂದಾತ್ ನಾಚಾ಼ಯಾ ಉಟ್ಲಿತ” ಮನ್ಹುನ್ ಲಿವ್‍ಲ್ಯಾ ನವ್ಹ. ತುಮಿ ತ್ಯಂಚಿಗತ್ ಪಾಶಾನ್ ಪುಜ಼್‌ತ್ಯಾಲ ವ್ಹವುನಕೊಸಾ. 
\v 8 ತ್ಯಾತ್‍ಲ್ಯಾ ಥೊಡ್ಯಾಂಚಾನಿ ವ್ಯಬಿಚಾರ್ ಕರುನ್ ಯಕಾಸ್ ದಿಸಾತ್ ಇಸಾವ ತಿನ್‍ ಹಾಜಾ಼ರ್ ಲೊಕ ಮಿಲಿತ. ತ್ಯಂಚಿಗತ್ ಆಮಿ ವ್ಯಬಿಚಾರ್ ಕರಾಚೆಆಂದಿ ರಾಹುಯಾ. 
\v 9 ತ್ಯಾತ್‍ಲ್ಯಾ ಥೊಡ್ಯಾಂಚಾನಿ ಪ್ರಭುಚಿ ಪರಿಕ್ಷೆ ಕರುನ್ ಸಾಪಾಂಚಿಪ್ನಿ ನಾಸ್‍ಜಾ಼ಲ. ಆಮಿ ಪರಿಕ್ಷೆ ಕರುಯಾನಕೊ. 
\v 10 ಆನಿ ತ್ಯಾತ್‌ಲ್ಯಾ ಥೊಡ್ಯಾಂಚಾನಿ ಟುರ್ಟುರುನ್ ತ್ಯೊಡ್‌ಲ್ಯಾಲ್ಯಾ ದುತಾಚಾ ಹಾತಾತ್ನಿ ನಾಸ್‍ಜಾ಼ಲಿತ. ತುಮಿ ಟುರ್ಟುರು ನಕೊಸಾ.
\p
\v 11 ತ್ಯಂಚಿಸಂಗ ಗಡ್‍ಲ್ಯಾಲ್ಯಾ ಹ್ಯಾ ಗುಸ್ಟಿ ದಿಸರ‍್ಯಾನಾ ಉದಾರನ್ ಜಾ಼ಲ್ಯಾತಾ. ಆನಿ ಸರ್ತ್ಯಾಯಳಾತ್ ಆಲ್ಯಾಲ್ಯಾ ಆಮಾನಾ ಹೆ ಹುಶಾರ‍್ಕಿಚ಼ ಸಬಾತ್‍ ವ್ಹವುನ್ ಲಿವ್‍ಲ್ಯಾತ.
\p
\v 12 ಮನ್ಹುನ್ ಉಬಾರಾಯಲ್ಯೊ ಮಂತ್ಯಾಲಾ ಪಡುನಾಹಿ ಆಸಾ ಹುಶಾರ್ ರಾಹುನಿ. 
\v 13 ಮಾನ್ಸಾನಾ ಸಜ಼್ ಯತ್ಯಾಲ್ಯಾ ಪರಿಕ್ಷಾ ಸುಡುನ್ ದುಸ್ರಕಾಯ್ ತುಮಾನಾ ಜಾ಼ಲ್ಹ ನಾಹಿ ನವ್ಹ. ದೇವ್ ಇಸ್ವಾಸಿ. ತುಮ್ಚಾ ಬಳಾವ್ನಿ ಮುಟಿ ಪರಿಕ್ಷೆ ಯವುನಾಹಿ ಆಸಿ ತುಮಿ ತಿ ಸುಸ್ವುನ್ ಗಿಹ್ಯಾವ್ಹಯಿಶಾರ್ಕಿ ಪರಿಕ್ಷೆ ಯತಾನಾಸ್ ಚು಼ಕ್ವುನ್ ಗಿಹ್ಯಾಚಿ ವಾಟ್ ತಯಾರ್ ಕರ್ನಾರ್.
\p
\v 14 ಮನ್ಹುನ್ ಬನ್ಹಿ ಬಾವ್ಹಾನು, ಪಾಶಾನ್ ಪುಜ಼್‌ತ್ಯಾಲ್ಯಾತ್ನಿ ಸುಡುನ್ ದುರ್ ರಾವ್ಹಾ. 
\v 15 ತುಮಿ ಸಮಾಜ಼ತ್ಯಾಲ ಮನ್ಹುನ್ ಹ್ಯ ಸಾಂಗ್‍ತ್ಯೊ. ಮೀ ಸಾಂಗ್‍ತ್ಯಾಲ ತುಮಿಸ್ ಯವ್‍ಜಾ಼. 
\v 16 ಆಮಿ ಪ್ರಭುಚಾ ಬೊಜನಾತ್ ವಾಫರ್ತ್ಯಾಲ ಐದಾನ್ ಆನಿ ಪ್ರಭುಲಾ ದನ್ಯಾವಾದ್ ಕರ್ತಾವ್ ಕ್ರಿಸ್ತಾಚಾ ರಕ್ತಾತ್ ವಾಟ್ನಿದಾರ್ ಜಾ಼ಲ್ಯಾವ್. ಆಮಿ ಬಾಖ್ರಿ ಮುಡುನ್ ಖಾಯಾಚಿ ಕ್ರಿಸ್ತಾಚಾ ಶರೀರಾತ್ ವಾಟ್ನಿದಾರ್ ಜಾ಼ಲ್ಯಾವ್. 
\v 17 ಬಾಖ್ರಿ ಯೆಕ್ ಆಸ್‍ಲ್ಯಾಚೆಗತ್ ಖುಬ್‍ ಜ಼ನ ಜಾ಼ಲ್ಯಾಲಿ ಆಮಿ ಸಗ್ಳಿ ಯಕಾ ಶರೀರಾಚೆಗತ್ ಹಾವ್. ಕಾಮಂಝೆ ಆಮಿ ಸಗ್ಳಿ ತೀ ಯಕ್ ಬಾಖ್ರಿಸ್ ವಾಟುನ್ ಖಾತಾವ್.
\p
\v 18 ಇಸ್ರಾಯೆಲ್ ಲೊಕಾನಾ ಯಾದ್ ಕರಾ. ಯಜ್ಞ ಕೆಲ್ಯಾಲ ಖಾತ್ಯಾಲ ಯಜ್ಞವೆದಿಸಂಗ ವಾಟ್ನಿದಾರ್ ಜಾ಼ಲ್ಯಾತ ನವ್ಹ. 
\v 19 ತಸಜಾ಼ಲ್ಯಾ ಮೀ ಕ್ಯಾ ಸಾಂಗ್‍ಲ್ಯಾಸಾರ ಜಾ಼ಲ ಪಾಶಾನಾನಾ ಥೆವಲ್ಯಾಲ್ಯಾ ಖಾತ್ಯಾಲಾ ಜಿನೊಸಾಲಾ ಕಿಮ್ಮತ್ ಹಾ ಕ್ಯಾ? ನಾಹಿತ ಪಾಶಾನಾಲಾ ಕಿಮ್ಮತ್ ಹಾ ಆಸ ಮಾಜ಼ ಮನ್ಹ ಕ್ಯಾ? ನವ್ಹ, 
\v 20 ಫನ್ ದಿಸ್ರಿ ಲೊಕ ಆಪ್ನು ದೇತ್ಯಾಲಿ ಬಲಿ ದೇವಾಲಾ ನವ್ಹತ, ಭುಥಾನಾ ದೆತ್ಯಾತ ಮನ್ಹುನ್ ಮಾಜ಼ ಮನ್ಹ, ತುಮಿ ಬುಥಾಂಚಿಸಂಗ ವಾಟ್ನಿದಾರ‍‍ವ್ಹವುನ್ ರಾಹ್ಯಾವ್ಹಯಿ! ಮನ್ಹುನ್ ಮಾಜ಼ ಮನ್‍ ನವ್ಹ. 
\v 21 ತುಮಿ ಪ್ರಭು ಪಿತ್ಯಾಲ್ಯಾ ಐದಾನಾತ್ ಆನಿ ಭುಥ ಪಿತ್ಯಾಲ್ಯಾ ಐದಾನಾತ್ ಪಿಯಾ ವ್ಹಯಿತ್ ನಾಹಿ. ಪ್ರಭುಚೆ ಪಂಕ್ತಿತ್ ಆನಿ ಬುಥಾಂಚೆ ಪಂಕ್ತಿತ್ ಖಾಯಾ ವ್ಹಯಿತ್ ನಾಹಿ. 
\v 22 ಪ್ರಭುಲಾ ರಾಗ್ ಯಯಿಸಾ ಕರುನ್ ಚಿಡಿವ್ಲಾ ಮಂಥ್ಯಾವ್‍ ಕ್ಯಾ? ತ್ಯಚಿವ್ನಿ ಆಮಿ ಬಳಿ ಕ್ಯಾ?
\s ತುಮಾನಾ ಆಸಲ್ಯಾಲ ಸ್ವತಂತ್ರ ದೆವಾಚೆ ಮಹಿಮೆಸಾಟಿ ವಾಪ್ರಾ
\p
\v 23 “ಸಗ್ಳಿ ಕಾಮ ಕರಾಯಾ ಮನಾ ಹುಕುಮ್ ಹಾ. ” ಫನ್ ಸಗ್ಳಿ ಉಪೆಗಿಚಿ ನಸತ್ಯಾತ. “ಸಗ್ಳಿ ಕಾಮ ಕರಾಯಾ ಹುಕುಮ್ ಹಾ” ಫನ್ ಸಗ್ಳಿ ಲೊಕಾನಾ ಬಕ್ತಿತ್ ಚಾ಼ಲ್ವಿತ್ ನಾಹಿತ. 
\v 24 ಪರತೆಕ್‍ ಯಕಾನಿ ಆಪ್ಲ ಸುಕ್ ಯವಜಾ಼ಚ಼ ಸುಡುನ್ ದುಸ್‍ರ್ಯಾಂಚ಼ ಸುಕಾಸಾಟಿಬಿ ಯವಜಾ಼ವ.
\p
\v 25 ಮಾಸಾಚೆ ಆಂಗಡಿತ್ ಇಕತ್ಯಾಲ ಕ್ಯಾ ಆಸ್ಲತರಿ ತ್ಯ ಮನಾತ್ ಸಂಸೆವ್ ಯಯಾಚೆ ಆಂದಿ ಖಾವಾ. 
\v 26 “ದರ್ಥಿ ಆನಿ ತಿಥ ಆಸ್‍ಲ್ಯಾಲ ಸಗ್ಳ ಪ್ರಭುಚ಼ಸ್ ನವ್ಹ.
\p ” 
\v 27 ಕ್ರಿಸ್ತಾವ ಇಸ್ವಾಸ್ ಥೆವ್‍ಲ್ಯಾ ನಸ್‍ಲ್ಯಾಲ್ಯಾ ಯಕಾನಿ ತುಮಾನಾ ಖಾಯಾಲಾ ಹಾಕಟಲ್ಯಾವ ಜಾ಼ಯಾ ತುಮಾನಾ ಮನ್ ಆಸ್ಲತ ತುಮಾನಾ ಕ್ಯಾ ವ್ಯಾಡ್ಲತರಿ ಮನಾತ್ ಇಚಾರ್ ಕರಾಚೆಆಂದಿ ತ್ಯ ಖಾವಾ. 
\v 28 ಫನ್ ಯಕಾನಿ ತುಮಾನಾ “ಹ್ಯ ಪಾಶಾನಾನಾ ಬಲಿದಿಲ್ಯಾಲ” ಮನ್ಹುನ್ ಸಾಂಗ್ಲತ ತ್ಯನಿ ಹಿ ಖಬರ್ ಸಾಂಗ್ಲಿ ಮನ್ಹುನ್ ಆನಿ ತ್ಯಚಾ, ಮನಾಸ್ಲಾಗುನ್ ತ್ಯ ಖಾವುನಕೊಸಾ. 
\v 29 ತ್ಯ ತುಜಾ ಮನಾಸ್ಲಾಗುನ್ ನವ್ಹ; ಆನಿ ಯಕಾಚಾ ಮನಾನಿ ಸಾಂಗ್‍ಲ್ಯಾ.
\p ಆನಿ ಯಕಾಚಾ ಮನಾಸ್ ಲಾಗುನ್ ಮಾಜಾ ಇಸ್ವಾಸಾಚಾ಼ ಇಚಾರ್ ಕಾ ವ್ಹಯಾವ್ಹಯಿ? 
\v 30 ಮಿ ಪ್ರಭುಲಾ ದನ್ಯಾವಾದ್ ಕರುನ್ ಖಾಲ್ಯಾವ ದುಸ್ರ ಕೊನ್ ತ್ಯ ಚು಼ಕ್ ಮನ್ಹಾರ್?
\p
\v 31 ಆಸ ಆಸ್ತಾನಾ ತುಮಿ ಖಾಲ, ಪಿಲ, ಆನಿಕಾಯ್ ಕೆಲತರಿ ಸಗ್ಳ ದೆವಾಚೆ ಮೈಮೆಸಾಟಿ ಕರಾ. 
\v 32 ಯೆಹುದ್ಯಾನಾ ಆನಿ ಯೆಹುದಿ ನಸ್‌ಲ್ಯಾಲ್ಯಾನಾ ದೆವಾಚೆ ಸಬೆಲಾ ಆಡ್ವಿ ವ್ಹವುನಕೊಸಾ. 
\v 33 ಮೀತರಿ ಮಾಜಾ ಫ್ಯಾಯ್‍ದ್ಯಾಚಿ ಚಿಂತಾ ಕರಾಚೆಆಂದಿ ಸಗ್‍ಳ್ಯಾ ಮಾನ್ಸಾಂಚ಼ ರಕ್ಶನ್ ವ್ಹಯಾವ್ಹಯಿ ಮನ್ಹುನ್ ತ್ಯಂಚಾ ಉಪೆಗಾಸಾಟಿ ಚಿಂತಾಕರುನ್, ಸಗ್‍ಳ್ಯಾನಾ ಸಗ್ಳೆ ಗುಶ್ಟಿತ್ನಿ ಬರಾಜಾ಼ಲ್ಯೊ.
\c 11
\p
\v 1 ಮೀ ಕ್ರಿಸ್ತಾಶಾರ್ಕಾ ಚಾ಼ಲತ್ಯೊ ತಸಸ್ ತುಮಿ ಮನಾ ಬಗುನ್ ಚಾ಼ಲಾ.
\s ಆರಾದನೆತ್ ಡುಯಿ ಜಾ಼ಕಾಚೆ ಗುಶ್ಟಿತ್
\p
\v 2 ತುಮಿ ಸಗ್‍ಳ್ಯಾತ್ ಮನಾ ಯಾದ್ ಕರುನ್ ಮಿ ತುಮಾನಾ ಸಾಂಗುನ್ ದಿಲ್ಯಾಲ್ಯಾ ಗುಸ್ಟಿಂಚೆಗತ್ ಚಾ಼ಲ್ತಾಸಾ ಮನ್ಹುನ್ ತುಮಾನಾ ವವ್ಯಾಳ್ತೊ. 
\v 3 ಫನ್ ತುಮಾನಾ ಯೆಕ್ ಗ್ಯೊಸ್ಟ್ ಸಮಜು಼ನ್ ರಾಹ್ಯಾವ್ಹಯಿ ಮನ್ಹುನ್ ಮಾಜ಼ ಮನ್. ತಿ ಕ್ಯಾ ಮಂಜೆ ಪರ್ತೆಕ್ ಪುರುಶಾಲಾ ಕ್ರಿಸ್ತ ಡುಯಿಜಾ಼ಲ್ಯಾ. ಸ್ತ್ರಿಲಾ ಪುರುಶ್ ಡುಯಿ ಜಾ಼ಲ್ಯಾ. ಕ್ರಿಸ್ತಾಲಾ ದೇವ್ ಡುಯಿಜಾಲ್ಯಾ. 
\v 4 ಡುಯಿ ಜಾ಼ಖುನ್ಗಿಹುನ್ ಮಾಗ್ನವ್ಹವುನಿ, ಪ್ರವಾದನೆ ವ್ಹವುನಿ ಕರ್‌ತ್ಯಾಲಾ ಪುರುಶ್ ಆಪ್‍ಲ್ಯಾ ಕ್ರಿಸ್ತಾಲಾ ಅವಮಾನ್ ಕರ‍್ತೊ. 
\v 5 ಡುಯಿವ ಪದೊರ್ ಗಿಯಾಚೆ ಆಂದಿ ಮಾಗ್ನ ನಾಹಿತ ಪ್ರವಾದನೆ ಕರ್ತ್ಯಾಲಿ ಬಾಯಿಲ್ ಮಾನುಸ್ ಆಪ್‍ಲ್ಯಾ ಘ್ವಾಲಾ ಆವಮಾನ್ ಕರ‍್ತಿ. ಬಾಯಿಲ್ ಮಾನ್ಸಾನಿ ಪದೊರ್ ನಸ್ತಾನಾ ರಾಹ್ಯಾಚ಼ ಡುಯಿ ಬುಳುಸುನ್ ಗಿಯಾಚ಼ ಯಾಕುಸ್. 
\v 6 ಬಾಯಿಲ್ ಮಾನ್ಸಾನಿ ಪದೊರ್ ಗೆತ್ಲಾನಾಹಿತ ತಿನಿ ಕ್ಯಾಸ್ ಕಾಡುನ್ಟಾಕಾಯಾ ವ್ಹಯಿತ ತ್ಯವ್ಡಸ್. ಫನ್ ಕ್ಯಾಸ್ ಕಾತ್ರಾಚ಼ ವ್ಹವುನಿ ಡುಯಿ ಬುಳಿಕರುನ್ ಗಿಯಾಚಿ ವ್ಹವುನಿ ಬಾಯಿಲ್ ಮಾನ್ಸಾಲಾ ಲಾಜ಼್ ವಾಟಿಜಾ಼ಲ್ಯಾ ತಿನಿ ಪದೊರ್ ಗೆವ್ಹಾವ. 
\v 7 ಪುರುಶ್ ದೇವಾಚ಼ ಪ್ರತಿರುಪ್ ಆನಿ ಮರ‍್ಯಾದ್ ಜಾ಼ಲ್ಯಾ ಮನ್ಹುನ್ ಡುಯಿ ಜಾ಼ಖುನ್ ಗಿಹುನಾಹಿ. ಬಾಯಿಲ್ ಮಾನುಸ್ತರಿ ಪುರುಶಾಚಿ ಮರ‍್ಯಾದ್ ಜಾ಼ಲೆ. 
\v 8 ಪುರುಶ್ ಬಾಯಿಲ್ ಮಾನ್ಸಾಪ್ನಿ ಉತ್ಪನ್ ಜಾ಼ಲ್ಹಾನಾಹಿ. ಬಾಯಿಲ್ ಮಾನುಸ್ ಪುರಾಶಾಪ್ನಿ ಉತ್ಪನ್ ಜಾ಼ಲಿ. 
\v 9 ಆನಿ ಪುರುಶ್ ಬಾಯಿಲ್ ಮಾನ್ಸಾಸಾಟಿ ಸ್ರಸ್ಟಿ ಕೆಲಾನಾಹಿ, ಫನ್ ಬಾಯಿಲ್ಮಾನುಸ್ ಪುರಶಾಸಾಟಿಸ್ ಸ್ರಸ್ಟಿಕೆಲೆ. 
\v 10 ಆಸ ಆಸ್ತಾನಾ ದುತಾಂಚಿಸ್ ಲಾಗುನ್ ಬಾಯಿಲ್ ಮಾನ್ಸಾನಿ ಪುರಶಾಚಾ ಹುಕುಮ್ ದ್ಯಾವ್‍ತ್ಯಾಲಾ ಪದೊರ್ ಡುಯಿವ ಗಿಯಾವ್ಹಯಿ. 
\v 11 ತರಿಬಿ ಪ್ರಭುಚೆ ಗುಸ್ಟಿತ್ ಪುರುಶ್ ನಸ್ತಾನಾ ಬಾಯಿಲ್ ಮಾನುಸ್, ಬಾಯಿಲ್ ಮಾನುಸ್ ನಸ್ತಾನಾ ಪುರುಶ್ ನಾಹಿ. 
\v 12 ಬಾಯಿಲ್ ಮಾನುಸ್ ಪುರುಶಾಪ್ನಿ ಉತ್ಪನ್ ಜಾ಼ಲಿ. ತಸಸ್ ಪುರುಶ್ ಬಾಯಿಲ್ ಮಾನ್ಸಾಪ್ನಿ ಜ಼ಲ್ಮ ಯತೊ. ಫನ್ ದೇವಾನಿಸ್ ಸಗ್ಳ ಉತ್ಪನ್ ಕೆಲ್ಯಾಲ.
\p
\v 13 ತುಮ್ಚಾತ್ ತುಮಿಸ್ ಯವ್‍ಜು಼ನ್ ತುಮ್ಚಿ ತುಮಿಸ್ ಪಾರಕ್ ಕರಾ. ಬಾಯಿಲ್ ಮಾನ್ಸಾನಿ ಡುಯಿವ ಪದೊರ್ ಗಿಯಾಚೆಆಂದಿ ದೇವಾಪ ಮಾಗ್ನ ಕರಾಚ಼ ಬರ ಕ್ಯಾ? 
\v 14 ಪುರುಶಾನಿ ಕ್ಯಾಸ್ ಲಾಮ್ ವಾಡಿವ್ಲಕಿ ತೆ ತ್ಯಲಾ ಅವಮಾನ್ ಜಾಲ್ಯಾ, 
\v 15 ಬಾಯಿಲ್ ಮಾನ್ಸಾನಿ ಲಾಮ್ ಕ್ಯಾಸ್ ವಾಡಿವ್ಲತ ತೆ ತಿಲಾ ಮರ‍್ಯಾದ್ ಆಂತ್ಯಾತ ಮನ್ಹುನ್ ಸಜ಼್ ತುಮಾನಾ ಸಮಾಜ಼್ತ ನವ್ಹ? 
\v 16 ಕಚಾನಿತರಿ ಹ್ಯಚೆಯಸಿ ವಾದ್ ಕರಾಚಾ಼ ಆಸ್ಲಾತ ಆಸ್ಲಿ ಚಾಳಿ ತುಮ್ಚಿಪ ನಾಹಿ ಆನಿ ದೆವಾಚೆ ಸಬೆತ್ನಿಬಿ ನಾಹಿ ಮನ್ಹುನ್ ಸಮ್‍ಜು಼ನ್ ಗೆವ್ಹಾ.
\s ಪ್ರಬುಚಾ ಜೆವ್‍ನಾಚ಼ ಸಿಕಿವ್ನ
\r (ಮತ್ತಾಯ್ 26:26-29; ಮಾರ್ಕ್ 14:22-25; ಲುಕ್ 22:14-20)
\p
\v 17 ಮಿ ತುಮಾನಾ ಹುಕುಮ್ ದೆತಾನಾ ತುಮಾನಾ ವವ್ಯಾಳಿತ್ ನಾಹಿ. ಕಾಮಂಜೆ ತುಮಿ ಸಗ್ಳಿ ಯಕಿಕ್ಡ ಜ಼ಮುನ್ ಯತ್ಯಾಲಿ ನಾಸ್ ಕರಾಯಾ ಬರ‍್ಯಾಲಾ ನವ್ಹ. 
\v 18 ಕಸ ಮಂಜೆ ಆಂದಿ ತುಮಿ ಸಬಾ ಜ಼ಮುನ್ ಯತಾನಾ ತುಮ್ಚಿಪ ಮೊಡ್ಕಫನ್, ಬೆದ್ಭಾವ್ ಯತ್ಯಾತ ಮನ್ಹುನ್ ಐಕ್‍ಲ್ಯಾ. ಆನಿ ಹ್ಯ ಜ಼ರಾ ಖರ ಮನ್ಹುನ್ ಗೆತೊ. 
\v 19 ತುಮ್ಚಾತ್ಲಿ ಥುಡಿಜ಼ನ ಬರಿ ದಿಸುನ್‍ ಯಯಾ ದಿಸ್ರಾ ಇಚಾರ್ ಕರಾಯಾ ವ್ಹಯಿಕ್ಯಾ. 
\v 20 ತುಮಿ ಸಗ್ಳಿ ಜ಼ಮುನ್ ಯತಾನಾ ಖಾತ್ಯಾಲ ಜೆವಾನ್ ಪ್ರಭುಚ಼ ಜೆವಾನ್ ನವ್ಹ. 
\v 21 ಜೆವಾನ್ ಕಾತಾನಾ ಪರತೆಕ್ ಯೊಕ್ ಆಪ್ನಿ ಆನ್‍ಲ್ಯಾಲ ದಿಸರ‍್ಯಾಚೆ ಆಂದಿ ಖಾತೊ. ಆಸಾ ಯೊಕ್ ಉಪಾಸಿರಾಥೊ ಆನಿಯೊಕ್ ಪಿವುನ್ ಗುಂಗಿತ್ ರಾತೊ. 
\v 22 ತುಮಾನಾ ಖಾಯಾ, ಪಿಯಾ ಗರ‍್ಹ ನಾಹಿತ ಕ್ಯಾ? ನಾಹಿತ ದೆವಾಚೆ ಸಬೆಲಾ ಗಾಳ್ ಕರುನ್ ಕಾಯ್ ನಸ್‍ಲ್ಯಾಲ್ಯಾನಾ ಅವಮಾನ್ ಕರತಾಸಾ ಕ್ಯಾ? ಮೀ ತುಮಾನಾ ಕ್ಯಾ ಸಾಂಗು? ಮೀ ತುಮಾನಾ ವವ್ಯಾಳು ಕ್ಯಾ? ಹೆ ಗುಸ್ಟಿಲಾ ವವ್ಯಾಳಿತ್ ನಾಹಿ.
\p
\v 23 ಮಿ ತುಮಾನಾ ಸಾಂಗ್‍ಲ್ಯಾಲ ಶಿಕ್ಷೆನ್ ಪ್ರಭಪ್ನಿ ಆಲ್ಯಾಲ. ತ್ಯ ಕ್ಯಾಮಂಜೆ, ಪ್ರಭು ಯೇಸು ಆಪ್‍ಲ್ಯಾಲಾ ದರುನ್ ದಿಲ್ಯಾಲೆ ರಾತಿತ್ ಬಾಖ್ರಿ ಗಿಹುನ್, 
\v 24 ದೇವಾಲಾ ಸ್ತೊತ್ರ ಕರುನ್ ತಿ ಮುಡುನ್, “ಹ್ಯ ತುಮ್ಚಿಸಾಟಿ ಆಸ್‍ಲ್ಯಾಲ ಮಾಜ಼ ಶರೀರ್, ಮಾಜಿ ಯಾದ್ ಕರಾಯಾ ಆಸಕರಾ” ಮನ್ಲಾ. 
\v 25 ಖಾವುನ್ ಜಾ಼ಲ್ಯಾ ನಂತರ್ ತ್ಯನಿ \f + \fr 11:25 \fr*\f*ತಸಸ್ ಪಿತ್ಯಾಲ ಐದಾನ್ ಗಿಹುನ್, “ಹ್ಯ ಪಿತ್ಯಾಲ ಐದಾನ್ ಮಾಜಾ ರಕ್ತಾನಿ ಥರಲ್ಯಾಲಾ ನವಾ ಕರಾರ್ ದ್ಯಾವ್ತ. ತುಮಿ ಹ್ಯಾತ್ ಪಿತಾನಾ ಮಾಜಿ ಯಾದ್ ಕರಾಯಾಸಾಟಿ ಪಿವಾ” ಮನ್ಲಾ.
\p
\v 26 ತುಮಿ ಹಿ ಬಾಕ್ರಿ ಖಾವುನ್ ಹ್ಯಾ ಐದಾನಾತ್ ಪಿತಾನಾ ಪರತೆಕ್ ಪಾವ್ಟಿ ಪ್ರಭುಚ಼ ಮರಾನ್ ತ್ಯೊ ಯಯಿಸ್ ಪರ‍್ಯಾತ್ ಸಾಂಗಿತ್ ರಾವ್ಹಾ. 
\v 27 ಆಸಾಸ್ತಾನಾ ಕಚಾನಿತರಿ ವಾಯಿಟ್‍ ವ್ಹವುನ್ ಪ್ರಭುಚಿ ಬಾಕ್ರಿ ಖಾಲ್ಯಾವ ನಾಹಿತ ತ್ಯಚಾ ಐದಾನಾತ್ ಪಿಯಾಲ್ಯಾವ ತ್ಯನಿ ಪ್ರಭುಚಾ ಶರೀರಾಲಾ ಆನಿ ಪ್ರಭುಚಾ ರಕ್ತಾಲಾ ದೊಸಿ ಥರ್ನಾರ್. 
\v 28 ಪರತೆಕ್ ಮಾನ್ಸಾನಿ ಆಪ್‍ಲ್ಯಾಲಾ ಪರಿಕ್ಷೆ ಕರುನ್ ತಿ ಬಾಖ್ರಿ ಗಿಹುನ್ ಖಾವುನಿ, ತ್ಯಾ ಐದಾನಾತ್ ಪಿವುನಿ. 
\v 29 ಕಾ ಮಂಜೆ ಪ್ರಭುಚ಼ ಶರೀರ್ ದೇವಾಲಾ ಸ್ತೊತ್ರ ಕರುನ್ ತಿ ಮುಡುನ್, ಸಮ್‍ಜಾ಼ಚೆ ಆಂದಿ ಖಾತ್ಯಾ, ಪಿತ್ಯಾಲಾ ನ್ಯಾಯಿ ನಿವಡ್ತಾನಾ ಗಾವ್ನಾರ್. 
\v 30 ಹ್ಯಾ ಕಾರ್ನಾನಿಸ್ ತುಮ್ಚಿಪ ಖುಬ್‍ಜಾ಼ನ್ ಬಳಮ್ಯೊಡ ಆನಿ ರೊಗಿಸ್ಟ ವ್ಹನಾರ್ ಆನಿ ಖುಬ್‍ಜಾ಼ನ ಮೆಲ್ಯಾತ. 
\v 31 ಆಮ್ಚಿ ಆಮಿ ಪರಿಕ್ಷೆ ಕಿಲಿತ ನ್ಯಾಯಿ ತಿರ್ಮಾನಾತ್ ಗಾವ್ನಾರ್ ನಾಹಿ. 
\v 32 ಫನ್ ಆಮಿ ಪ್ರಭುಪ್ನಿ ನ್ಯಾಯಿ ತಿರ್ಮಾನಾತ್ ಆಸ್ತಾನಾ ತ್ಯೊ, ಆಮಾನಾ ಲೊಕಾತ್‌ಲ್ಯಾಂಚಿಸಂಗ ಗುನ್ನದಾರ‍ ಆಸ ಥರುನಾಹಿ ಮನ್ಹುನ್ ಆಮಾನಾ ಸಿಸ್ತಿನಿ ರಾಹ್ಯಾ ಆಮಾನಾ ಶಿಕ್ಷೆ ದೆತೊ.
\p
\v 33 ಮನ್ಹುನ್ ಮಾಜೆ ಬನ್ಹಿ ಬಾವ್ಹಾನು, ಹ್ಯ ಜೆವಾನ್ ಖಾಯಾ ಜ಼ಮುನ್ ಯತಾನಾ ಯಕಾಮಕಾಸಾಟಿ ಥಾಂಬಾ. 
\v 34 ಖ್ಯಾಂದ್ರಾ ಬುಖ್ಯಾಲಾತ ತ್ಯೊ ಗರ‍್ಹಾತುಸ್ ಖಾವುನಿ ತುಮಿ ಜ಼ಮುನ್ ಆಲ್ಯಾಲಿ ನ್ಯಾಯಿ ತಿರ್ಮಾನಾಲಾ ಕಾರನ್‍ ವ್ಹವುನಾಹಿ. ಆನಿ ರಾಯಲ್ಯಾಲ್ಯಾ ಗುಸ್ಟಿ ಮಿ ಆಲ್ಯಾವ ಸಾಂಗ್ತೊ. \fig ಯೆಸು ಆಪಲ್ಯಾ ಸಿಶಾಂಚಿಸಂಗ ವಲಾಂಡ್ಯಾಚ಼ ಜೆವಾನ್ ಖಾತ್ಯಾಲಾ |alt="Jesus eating the Passover meal with his disciples" src="lb00320c.tif" size="col" copy="Horace Knowles ©" ref="11:23"\fig*
\c 12
\s ಪವಿತ್ರಾತ್ಮಾಚಿ ವರ
\p
\v 1 ಬನ್ಹಿ ಬಾವ್ಹಾನು ಪವಿತ್ರಾತ್ಮಾನಿ ವ್ಹನಾರ‍್ಯಾ ವರಾಚೆ ಗುಶ್ಟಿತ್ ತುಮಾನಾ ಸಮ್‌ಜು಼ನ್ ರಾಹ್ಯಾ ವ್ಹಯಿ ಮನ್ಹುನ್ ಮೀ ಮನ್ ಕರ್ತೊ. 
\v 2 ತುಮಿ ಅನ್ಯಲೊಕ ಆಸ್ತಾನಾ ಮುಕ್ಯಾ ಪಾಶಾನಾಂಚಿಪ ಜಾ಼ಯಿತಾಸಾ ಮನ್ಹುನ್ ತುಮಾನಾ ಠಾವ ಹಾ. 
\v 3 ಆಸ ಆಸ್ತಾನಾ ಮೀ ತುಮಾನಾ ಸಾಂಗ್‌ತ್ಯಾಲ ಐಕಾ. ದೇವಾಚಾ ಆತ್‌ಮ್ಯಾನಿ ಬರುನ್ ಬೊಲ್ನಾರಾ ಕಚಾ಼ ಮಾನುಸ್ “ಯೇಸುಲಾ ಸರಾಪ್ ಲಾಗ್‌ಲ್ಯಾ ಮನ್ಹುನ್ ಸಾಂಗಿತ್ ನಾಹಿತ. ಆನಿ ಪವಿತ್ರಾತ್ಮಾಚಾ ಸಾಂಗ್‍ನ್ಯಾನಿ ಸುಡುನ್ ಕುಟ್ಲಾಸ್ ಮಾನುಸ್ “ಯೇಸುಲಾ ಪ್ರಭು ಮನ್ಹುನ್” ಸಾಂಗಿತ್ನಾಹಿ.
\p
\v 4 ಆತ್ಮಿಕ್ ವರ ನಿರಾನಿರಾಳಿ ಹಾತ. ಫನ್ ತೀ ದೇನಾರ ದೇವಾಚ಼ ಆತ್ಮಸ್. 
\v 5 ಸೇವಾ ಕರಾಚಿ ನಿರಾನಿರಾಳಿ ಹಾ ಫನ್ ತೀ ಯಕಾಸ್ ಪ್ರಭುಚಿ. 
\v 6 ಕಾಮ ನಿರಾನಿರಾಳಿ ಹಾತ ಫನ್ ಸಗಳ್ಯಾಪ್ನಿ ಸಗ್ಳಿ ಕಾಮ ಕರ್ನಾರಾ ದೇವ್ ಯಕ್ಲಾಸ್. 
\v 7 ಫನ್ ಪರ್ತೆಕಾಪ ದಿಸುನ್ ಯನಾರ ದೇವಾಚಾ ಆತ್ಮಾಚಿ ವರ ಸಗಳ್ಯಾಂಚಾ ಬರ‍್ಯಾ ಸಾಟಿ ದಿಲ್ಯಾತ. 
\v 8 ಯಕಾಲಾ ದೇವಾಚಾ ಆತ್‍ಮ್ಯಾಪ್ನಿ ಬೊಲ್ಯಾ ಬೊಲಾಯಾ ಅಕ್ಕಲ್ ಗಾವ್ತಿ ಆನಿ ಯಕಾಲಾ ಗಿನ್ಯಾನಾಚ಼ ವರ ಗಾವ್ತ. 
\v 9 ಆನಿ ಯಕಾಲಾ ತ್ಯಾ ಆತ್‍ಮ್ಯಾನಿಸ್ ಇಸ್ವಾಸ್ ಆನಿ ಯಕಾಲಾ ತ್ಯಾ ಯಕಾ ಆತ್‍ಮ್ಯಾನಿಸ್ ಖುಬ್ ತರಚ಼ ರ‍್ವಾಗ್ ಬರಕರಾಚ ವರ, 
\v 10 ಆನಿ ಯಕಾಲಾ ಮೊಟಿ ಕಾಮ ಕರಾಚ಼ ವರ್, ಆನಿ ಯಕಾಲಾ ಪ್ರವಾದನ್ ವರ್, ಆನಿ ಯಕಾಲಾ ಆತ್ಮ ಸಮಜು಼ನ್ ಗಿಹ್ಯಾಚ಼ವರ, ಆನಿ ಯಕಾಲಾ ದುಸರ‍್ಯಾ ದುಸರ‍್ಯಾ ಬಾಶಾ ಬೊಲಾಚ಼ ವರ, ಆನಿ ಯಕಾಲಾ ಬಾಶೆಚಾ಼ ಅರ್ಥ ಉಗುಡುನ್ ಸಾಂಗಾಚ಼ ವರ ದಿಲ್ಯಾ. 
\v 11 ಫನ್ ಹ್ಯಾ ಸಗ್‍ಳ್ಯಾತ್ನಿ ಕಾಮ್ ಕರ್ನಾರಾ ತ್ಯೊ ಯಕ್ಲಾಸ್ ಆತ್ಮ ವರ ಸಗ್ಳಿ ಆಪ್‍ಲ್ಯಾ ಮನಾಶಾರ್ಕ ಯಕಾಯಕಾಲಾ ವಾಟುನ್ ದೆನಾರಾ ಜಾ಼ಲ್ಯಾ
\s ಯಾಕ್ ಶರೀರ್ ಖುಬ್ ಭಾಗ್
\p
\v 12 ಕಸ ಶರೀರ್ ಯಾಕ್ ತ್ಯಲಾ ಆಂಗ ಖುಬ್ ಹಾತ. ಆನಿ ಆಂಗ ಖುಬ್ ಆಸ್ಲಿತ ತರಿ ತ್ಯ ಯಾಕುಸ್ ಶರೀರ್ ಜಾ಼ಲ್ಯಾ ತಸಾಸ್ ಕ್ರಿಸ್ತಬಿ ಹಾ. 
\v 13 ಯೆಹುದಿ ವ್ಹವುಂತ, ಗ್ರಿಕ್ ವ್ಹವುಂತ, ಗುಲಾಮ್ ವ್ಹವುಂತ, ಸ್ವತಂತ್ರಿ ವ್ಹವುಂತ ಆಮಿ ಸಗ್ಳಿ ಎಕುಸ್ ಶರೀರ್ ವ್ಹಯಾಸಾಟಿ ಯಕಾ ಆತ್‍ಮ್ಯಾಪಸ್ ಬಾಪ್ತಿಸ್ಮಾ ಗಿತ್ಲಿ. ಯಾಕುಸ್ ಆತ್ಮ ಆಮಾನಾ ಸಗ್‍ಳ್ಯಾನಾ ಪಿಯಾದಿಲ.
\p
\v 14 ಶರೀರ್ ಯೊಕುಸ್ ಭಾಗ್ ನವ್ಹ. ಖುಬ್ ಭಾಗ್ ಆಸ್‍ಲ್ಯಾಲ ಜಾ಼ಲ್ಯಾ. 
\v 15 “ಮಿ ಹಾತ್ನವ್ಹ ಮನ್ಹುನ್ ಶರೀರಾಲಾ ಮಿಸಳುನ್ ನಾಹಿ ಮನ್ಹುನ್” ಪಾಯಾನಿ ಸಾಂಗ್ಲತರಿ ತ್ಯೊ ಶರೀರಾಲಾ ಮಿಳಾಚೆ ಆಂದಿ ಹಾ ಕ್ಯಾ? 
\v 16 “ಮಿ ಡೊಳಾ ನವ್ಹ ಕಾನ್ ಮಿ ಶರೀರಾಲಾ ಮಿಳುನ್ ನಾಹಿ ಮನ್ಹುನ್” ಕಾನಾನಿ ಸಾಂಗ್ಲತರಿ ತ್ಯೊ ಶರೀರಾಲಾ ಮಿಳಾಚೆ ಆಂದಿ ಹಾ ಕ್ಯಾ? 
\v 17 ಶರೀರ್ ಸಗ್ಳ ಡೊಳಾ ಜಾ಼ಲ್ಯಾವ ತುಮಿ ಕಾಯ್ ಸಾಂಗಾಚಾ಼ ನವ್ತಾಸಾ. ಶರೀರ್ ಸಗ್ಳ ನಾಕ್ ಜಾ಼ಲ್ಯಾವ ತುಮಾನಾ ಕಶಾಚಾ಼ ವಾಸ್ ಗಿಯಾ ವ್ಹಯಾಚಾ಼ ನವ್ಥಾ. 
\v 18 ಫನ್ ದೇವಾನಿ ತ್ಯಾ ಶರೀರಾತ್ಲ ಪರ್ತೆಕಾ ಯಾಕ್ ಆಪಲ್ಯಾಲಾ ಶಾರ್ಕ ದಿಸಲ್ಯಾಚೆಗತ್ ಶರಿರಾತ್ ಥೆವಲ್ಯಾ. 
\v 19 ತಿ ಸಗ್ಳಿ ಯೊಕುಸ್ ಭಾಗ ಜಾ಼ಲ್ಯಾವ ಶರೀರ್ ಕುಠಹಾ? 
\v 20 ಭಾಗ್ ಖುಬ್ ಜಾ಼ಲ್ಯಾತ ಫನ್ ಶರೀರ್ ಯಾಕುಸ್.
\p
\v 21 ಡೊಳ, ಹಾತಾನಾ, “ತುಜಿ ಮನಾ ಗರಜ಼್ ನಾಹಿ ಮನ್ಹುನ್ ಡುಯಿ, “ಪಾಯಾನಾ ತುಮ್ಚಿ ಮನಾ ಗರಜ಼್ ನಾಹಿ ಮನ್ಹುನ್” ಸಾಂಗಾಯಾ ವ್ಹಯಿತ್ನಾಹಿ. 
\v 22 ಶರೀರಾತ್ಲ ಬಳ್‍ನಸ್‌ಲ್ಯಾಲ ಭಾಗ್ಬಿ ಖುಬ್ ಮುಖ್ಯ ವ್ಹಯಿನವ್ಹ? 
\v 23 ಆನಿ ಆಮಿ ಶರೀರಾತ್ ಥೊಡೆ ಮರೆದಿಚ಼ ಮಂಥ್ಯಾಲ ಬಾಘಾನಾ ಕಪಡ್ಯಾನಿ ಖುಬ್ ಮರ‍್ಯಾದ್ ದೆನಾರ್. ಆಸ ಕಮ್ಮಿ ಮರೆದಿಚಾ ಬಾಘಾನಾ ಖುಬ್ ಮರ‍್ಯಾದ್ ಗಾವ್ಥಿ ನವ್ಹ. 
\v 24 ಖುಬ್ ಶಾದ್‍ರ‍್ಯಾ ಬಾಘಾನಾ ಆಸಲಿ ಇಶೆಸ್ ದೆಕ್ರೆಕಿಚಿ ಗರಜ಼್ ನಾಹಿ. ಫನ್ ದೇವಾನಿ ಭಾಗ್ ಎಕ್ ಕೆಲ್ಯಾತ ಆನಿ ನಾವಡ್ಯಾ ಬಾಘಾನಾ ಖುಬ್ ಮರ‍್ಯಾದ್ ದಿಲೆ. 
\v 25 ಆಮ್ಚ಼ ಶರೀರ್ ನಿರಾನಿರಾಳ ಭಾಗ್ ವ್ಹವುನಾಹಿ ಆಸ ಯಕಾಮಕಾಚಿ ಕ್ಯಾಳ್ಜಿ ಕರಿ ಶಾರ್ಕ ದೇವಾನಿ ಕೆಲ. 
\v 26 ಯಕಾ ಬಾಘಾಲಾ ದುಕ್ ಜಾ಼ಲತ ಸಗ್‍ಳ್ಯಾ ಬಾಘಾನಾ ದುಕ್ ವ್ಹತ. ಯಕಾ ಬಾಘಾಲಾ ಆನಂದ್ ಗಾವ್ಲಾತ ಸಗ್‍ಳ್ಯಾ ಬಾಘಾನಾ ಆನಂದ್ ವ್ಹತೊ.
\p
\v 27 ತುಮಿ ಕ್ರಿಸ್ತಾಚ಼ ಶರೀರ್ ಆನಿ ಯೊಕ್ ಯೊಕ್ ತ್ಯಚಾ಼ ಭಾಗ್ ಜಾ಼ಲ್ಯಾಸಾ. 
\v 28 ದೇವಾನಿ ಆಪ್ಲೆ ಸಬೆತ್ ಪೈಲ್ಯಾನಿ ಅಪೊಸ್ತಲಾನಾ, ದೊನವ್ಯಾನಿ ಪ್ರವಾದಿನಾ, ತಿನ್‌ವ್ಯಾನಿ ಮಾಸ್ತರಾನಾ ಥೆವ್‌ಲ್ಯಾತ. ಮಂಗ್ ಮುಟಿ ಕಾಮ ಕರಾಚ಼ ಬಳ್, ನಿರಾನಿರಾಳ ರ‍್ವಾಗ್ ಬರಕರಾಚ಼ ವರ, ದಿಸರ‍್ಯಾನಾ ಮಜ಼ತ್ ಕರತ್ಯಾಲ ಗುನ್, ಕಾಮ ಪುರಕರಾಚ಼ ಗಿನ್ಯಾನ್ ಆನಿ ದಿಸರ‍್ಯಾ ದಿಸರ‍್ಯಾ ಬಾಶಾ ಬೊಲಾಚ಼ ವರ ತ್ಯನಾ ತ್ಯನಾ ದಿಸ್ರಿ ದಿಸ್ರಿ ದಿಲ್ಯಾತ. 
\v 29 ಸಗ್ಳ ಅಪೊಸ್ತಲ್ ಕ್ಯಾ? ಸಗ್ಳ ಪ್ರವಾದಿ ಕ್ಯಾ? ಸಗ್ಳ ಮಾಸ್ತರ್ ಕ್ಯಾ? ಸಗ್ಳ ಮುಟಿ ಕಾಮ ಕರ್ತ್ಯಾಲ ಕ್ಯಾ? 
\v 30 ರ‍್ವಾಗ್ ಬರ ಕರತ್ಯಾಲ ವರ ಸಗ್‍ಳ್ಯಾನಾ ಹಾ ಕ್ಯಾ? ಸಗ್ಳ ದಿಸರ‍್ಯಾ ದಿಸರ‍್ಯಾ ಬಾಶಾ ಬೊಲ್‍ತ್ಯಾಲಿ ಕ್ಯಾ? ದಿಸರ‍್ಯಾ ಬಾಶೆಂಚಾ಼ ಆರ್ತ ಸಾಂಗಾಯಾ ಸಗ್‍ಳ್ಯಾನಾ ಬಳ್ ಹಾ ಕ್ಯಾ? 
\v 31 ಹ್ಯಾತ್ನಿ ಬರ ವರಾ ಗಿಹ್ಯಾ ಮನ್ ಕರಾ.
\p ಆಜು಼ನ್ ಸಗ್‍ಳ್ಯಾತ್ ಚಾ಼ಂಗ್ಲಾ ಮಾರ‍್ಗ ಯೊಕ್ ತುಮಾನಾ ದ್ಯಾವ್ತೊ.
\c 13
\s ಮಾಯಾ ಮುಟಿ
\p
\v 1 ಮೀ ಮಾನ್ಸಾಚಾ ಬೊಲ್ಯಾ, ದೇವ್ ದುತಾಚಾ ಬೊಲ್ಯಾ ಬೊಲ್‌ತ್ಯಾಲೊ ಜಾ಼ಲೊ ತರಿ ಮಾಯಾ ನಸ್ನಾರಾ ಜಾ಼ಲೊತ ವಾಜ್‍಼ತ್ಯಾಲ್ಯಾ ಥಾಳ್ಯಾಚೆಗತ್ , ನಾಹಿತ ವಾಜ್‍಼ತ್ಯಾಲೆ ಗಾಠಚೆಗತ್ ಜಾ಼ಲ್ಯೊ. 
\v 2 ಮನಾ ಪ್ರವಾದನ್ ವರ ಆಸ್ಲ ತರಿ, ಸಗ್ಳ ದಡುನ್ ಆಸ್‌ಲ್ಯಾಲ , ಸಗ್ಳೆ ತರಚಿ ವಿದ್ಯಾ ಸಮಾಜ್ಲಿ ತರಿ, ಡೊಂಗೊರ್ ಹಾಲ್ವಿಜೊ಼ಗಾ ಇಸ್ವಾಸ್ ಆಸುನ್, ಮಾಯಾ ನಸ್‌ಲ್ಯಾವ ಮೀ ಕಾಯ್ ನಸ್ನಾರಾ ಜಾ಼ಲ್ಯೊ. 
\v 3 ಮಾಜಿಪ ಆಸ್‌ಲ್ಯಾಲ ಸಗ್ಳ ಗರಿಬಾನಾ ದಾನ್ ಕೆಲ ತರಿ, ಸಗ್ಳ ಮಾಜ಼ ಧಡ್ ಗಮೆಂಡಿಲಾ ದಿಲತ, ಮಾಯಾ ಮನಾ ನಸ್ಲಿತ ಮನಾ ಕಾಯ್ ಪ್ಯಾಯ್ದಾ ನಾಹಿ. ಮೀ ಮೊಕ್ಳಾ.
\p
\v 4 ಮಾಯಾ ಖುಬ್ ಸಮಾಧಾನಾಚಿ, ದಯಾ ಆಸ್ನಾರಿ. ಮಾಯಾ ಖೊಟಫನ್ ಕರಿತ್ನಾಹಿ, ಸೆಬಾಸ್ಕಿ ಗಿಹಿತ್ನಾಹಿ. ಗಮ್ಹೆಂಡಿ ಕರಿತ್ ನಾಹಿ, 
\v 5 ರಿತ್ ಸುಡುನ್ ಚಾ಼ಲತ್ನಾಹಿ. ಸ್ವತಾಚಿ ಯವಜ಼್ನಾ ಕರಿತ್ನಾಹಿ. ಸಿರ್ಕ್ಯಾನ್ ರಾಗ್ ಕರಿತ್ನಾಹಿ. ಅಪಕಾರ್ ಮನಾತ್ ತಿವಿತ್ನಾಹಿ. 
\v 6 ಖೊಟ್ಯಾತ್ ಆನಂದ್ ವ್ಹಯಿತ್ನಾಹಿ ಫನ್ ಖರ‍್ಯಾತ್ ಆನಂದ್ ವ್ಹತೊ. 
\v 7 ಸಗ್‌ಳ್ಯಾಚಾ಼ ಸಮ್ ಗಿತಿ. ಸಗಳ್ಯಾಚಾ಼ ಇಸ್ವಾಸ್ ಕರ್ತಿ. ಸಗ್‌ಳ್ಯಾಚಿ ಆಶಾ ಕರ್ತಿ. ಸಗ್ಳ ಸುಸಿವ್ತಿ.
\p
\v 8 ಮಾಯಾ ಕಂದಿಸ್ ಮರತ್ನಾಹಿ. ಪ್ರವಾದನ್ ವರ ನಾಹಿ ವ್ಹತಿಲಾ. ದುಸರ‍್ಯಾ ಬೊಲ್ಯಾ ಉಬ್ಯಾ ರಾತಿಲಾ. ಸಮಜು಼ಕ್ ನಾಹಿ ವ್ಹಯಿಲ್. 
\v 9 ಆರ್ದ ಮುರ್ದ ಸಮಜು಼ನ್ ಗೆತಾವ್; ಆರ್ದ ಮುರ್ದ ಪ್ರವಾದನ್ ಕರ್ತಾವ್. 
\v 10 ಫನ್ ಸರ್ವ ಆಲಕಿ ಆರ್ದ ಮುರ್ದ ನಾಹಿ ವ್ಹನಾರ್.
\p
\v 11 ಮೀ ಬಾಳ್ ಆಸ್ತಾನಾ ಬಾಳಾಚೆಗತ್ ಬೊಲ್ಲೊ. ಬಾಳಾಚೆಗತ್ ಯವಜ಼್ಲ. ಬಾಳಾಚೆಗತ್ ಅನ್ಬವ್ ಕೆಲಾ. ದ್ಯಾನ್ಗಾ ಜಾ಼ಲೊ ತವಾ ಬಾಳ್ಫನಾಚ಼ ಸುಡುನ್ ದಿಲ. 
\v 12 ಆತಾ ಆರ್ಶಾತ್ ದಿಸತ್ಯಾಚೆಗತ್ ದೇವಾಚ ತ್ವಾಂಡ್ ಆಮಾನಾ ಆಂದಕ್ ದಿಸ್ತ, ಫನ್ ತವಾ ತ್ಯಲಾ ಸಮುರ‍್ಯಾ ಬಗ್ನಾರ್. ಆತಾ ಆರ್ದ ಮುರ್ದ ಮನಾ ಸಮಾಜ಼ಲ್ಯಾ. ಫನ್ ತವಾ ದೇವಾನಿ ಮನಾ ಸಗ್ಳ ಸಮಜು಼ನ್ ಗೆತಲ್ಯಾಚೆಗತ್ ಮೀ ಸಗ್ಳ ಸಮಜು಼ನ್ ಗೆನಾರ್.
\p
\v 13 ಆಸ ಆಸ್ತಾನಾ, ಇಸ್ವಾಸ್, ಆಶಾ, ಮಾಯಾ ಹೀ ತಿನುಸ್ ಥಾಂಬತ್ಯಾತ. ಹ್ಯಾತ್ನಿ ಮುಟಿ ಮಾಯಾಸ್.
\c 14
\s ಪವಿತ್ರಾತಮ್ಯಾಚಿ ಇಶೇಶ್ ವರ
\p
\v 1 ಖಾಯಿಮ್ ಮಾಯೆನಿ ರಾವ್ಹಾ ಆನಿ ಪವಿತ್ರಾತಮ್ಯಾನಿ ವ್ಹನಾರಿ ವರ, ತ್ಯಾತ್ ಲ ಕರುನ್ ಪ್ರವಾದನ್ ವರಾವ ದ್ಯಾನ್ ದೇವಾ. 
\v 2 ದುಸ್ರಿ ಬಾಶಾ ಬೊಲ್ನಾರ‍್ಯಾ ದೇವಾ ಸಂಗ ಬೊಲ್ತೊ ಫನ್ ಮಾನ್ಸಾಚೆ ಸಂಗ ನವ್ಹ. ತ್ಯೊ ಆತ್‌ಮ್ಯಾನಿ ಬರುನ್ ದಡುನ್ ಆಸ್‌ಲ್ಯಾಲ್ಯಾ ಗುಶ್ಟಿಸ್ ಬೊಲ್ತೊ. ತ್ಯೊ ಬೊಲ್‌ತ್ಯಾಲ್ಯಾ ಬೊಲ್ಯಾ ಕೊನ್ ಸಮಜು಼ನ್ ಗಿಹಿತ್ ನಾಹಿತ. 
\v 3 ಫನ್ ಪ್ರವಾದನ್ ಸಾಂಗ್ನಾರಾ ತ್ಯಚಾ ಬೊಲನ್ಯಾನಿ, ಪ್ರಭುಚೆ ಭಕ್ತಿತ್ ವಾಡಾಯಾ, ಉಮೆದ್ ಸಮ್ಜಾವ್ನ ಉತ್ಪನ್ ಕರ್ತ್ಯಾತ. 
\v 4 ದುಸ್ರಿ ಬಾಶಾ ಬೊಲ್ನಾರಾ ಆಪ್‍ಲ್ಯಾಲಾಸ್ ಆಪ್ನು ಆತ್‍ಮ್ಯಾತ್ ವಾಡ್ವುನ್ ಗೆಥೊ, ಫನ್ ಪ್ರವಾದನ್ ಕರ್ನಾರಾ ಸಬೆ ವಾಡಾಯಾ ಮಜ಼ತ್ ಕರ್ತೊ.
\p
\v 5 ತುಮಿ ಸಗ್ಳಿ ದುಸ್ರಿ ಬಾಶಾ ಬೊಲಾಯಾ ವ್ಹಯಿಸಾ ಮನ್ಹುನ್ ಮೀ ಮನ್ ಕೆಲ ತರಿ, ತ್ಯಚಿವ್ನಿ ತುಮಿ ಪ್ರವಾದನ್ ಕರಾಯಾ ವ್ಹಯಿಸಾ ಮನ್ಹುನ್ ಮಾಜ಼ ಮನ್. ದುಸ್ರಿ ಬಾಶಾ ಬೊಲ್ನಾರಾ ಸಬೆ ವಾಡಾಯಾಸಾಟಿ ತೆ ದುಸ್ರೆ ಬಾಶೆಚಾ಼ ಅರ್ಥ ಉಗುಡುನ್ ಸಾಂಗ್ಲಾ ನಾಹಿತ ತ್ಯಚಿವ್ನಿ ಪ್ರವಾದನ್ ಕರ್ನಾರಾ ಚಾ಼ಂಗ್ಲಾ 
\v 6 ಫನ್ ಬನ್ಹಿ ಬಾವ್ಹಾನು, ಮೀ ತುಮ್ಚಿಪ ಯವುನ್ ದೇವಾನಿ ಸಾಂಗ್‌ಲ್ಯಾಲ ಸಾಂಗಾಚೆ ಆಂದಿ, ಗಿನ್ಯಾನಾಚಾ ವಾಕ್ಯಾ ಸಾಂಗಾಚೆ ಆಂದಿ, ಪ್ರವಾದನ್ ಸಾಂಗಾಚೆ ಆಂದಿ, ಶಿಕ್ಶೆನ್ ದಿಯಾಚೆ ಆಂದಿ, ದುಸ್‌ರ‍್ಯಾ ಬಾಶಾ ತ್ಯವ್‌ಡ್ಯಾಸ್ ಬೊಲ್‌ತ್ಯಾಲೊ ಜಾ಼ಲೊತ ಮಾಜಿಪ್ನಿ ತುಮಾನಾ ಕ್ಯಾ ಪ್ಯಾಯ್ದಾ ವ್ಹನಾರ್?
\p
\v 7 ಮುಳ್ಳಿ, ಇನಾ ಹ್ಯಾ ಜೀವ್ ನಸ್ನಾರ‍್ಯಾ ವಾಜ಼್ಪಾಂಚಾ ನಾದಾತ್ನಿ ಕಾಯ್ ಫರಕ್ ನಸ್‌ಲ್ಯಾವ; ವಾಜಿವ್‌ಲ್ಯಾಲ ವಾಜಾ಼ಪ್ ಆಮ್ಕಸ್ ಮನ್ಹುನ್ ಕಸ ಸಮಾಜ಼್ನಾರ್? 
\v 8 ತುತ್ತುರಿಚಾ಼ ನಾದ್ ಶಾರ್ಕಾ ವಳಾಕ್‌ಲ್ಯಾ ನಸ್‌ಲ್ಯಾವ ಕೊನ್ ಲಡಾಯಿಲಾ ತಯಾರ್ ವ್ಹನಾರ್? 
\v 9 ತಸಸ್ ತುಮಿಬಿ ಚಾ಼ಂಗ್ಲಿ ಬಾಶಾ ತುಮ್ಚಾ ತೊಂಡಾನಿ ಬೊಲ್ಲಾನಾಹಿಸಾತ, ತುಮ್ಚೆ ಬುಲಿಚಾ಼ ಅರ್ಥ ಕಸ ಸಮ್‌ಜು಼ನ್ ಗಿಹ್ಯಾ ವ್ಹನಾರ್? ತುಮಿ ವಾರ‍್ಯಾಸಂಗ ಬೊಲ್ಯಾಚೆಗತ್ ವ್ಹನಾರ್. 
\v 10 ದುನೆತ್ ಖುಬ್ ಬಾಶಾ ಹಾತಾ, ತ್ಯಾತ್ನಿ ಯೆಕ್ಬಿ ಅರ್ಥ ನಸ್‌ಲ್ಯಾಲಿ ನವ್ಹ. 
\v 11 ಬಾಶೆಚಾ಼ ಅರ್ಥ ಮನಾ ಸಮಾಜ಼್ಲಾ ನಾಹಿತ ಬೊಲ್ನಾರ‍್ಯಾಲಾ ಮೀ ದುಸ್ರೆ ಬಾಶೆತ್‌ಲ್ಯಾಚೆಗತ್ ರಾನ್ಹಾರ್; ಬೊಲ್ನಾರಾ ಮನಾ ದುಸ್ರೆ ಬಾಶೆತ್ಲೆಚೆಗತ್ ರಾನ್ಹಾರ್. 
\v 12 ತಸಸ್ ತುಮಿ ಆತ್ಮಿಕ್‍ ವರಾ ಸಾಟಿ ಖುಬ್ ಮನ್ ಹಾ ಮನ್ಹುನ್ ಸಬೆಲಾ ಖುಬ್ ವಾಡ್ವಾಯಾ ಖಟ್ಪಟ್ ಕರಾ. \fig ಗಿತಾಂಚಿ ವಾಜ಼ಪ|alt="musical instruments" src="hk00188c.tif" size="col" copy="Horace Knowles ©" ref="14:7"\fig*
\p
\v 13 ಮನ್ಹುನ್ ದುಸ್ರಿ ಬಾಶಾ ಬೊಲ್ನಾರಾ ಆಪಲ್ಯಾಲ್ಲಾ ತ್ಯಚಾ಼ ಅರ್ಥ ಉಗ್ಡುನ್ ಸಾಂಗ್‌ತ್ಯಾಲ್ಯಾ ವರಾ ಸಾಟಿ ದೇವಾಪ ಮಾಗುನಿ. 
\v 14 ಕಾ ಮಂಜೆ ಮೀ ದುಸ್ರೆ ಬಾಶೆತ್ ದೇವಾಪ ಮಾಗ್ನ ಕೆಲತ ಮಾಜ಼ ಆತ್ಮಸಾಯಿತ್ ಮಾಗ್ನ ಕರಿತ್ರಾತ. ಪನ್ ಮಾಜ಼ ಮನ್ ಫ್ಯಾಯ್ದಾ ನಸ್‌ಲ್ಯಾಲ ವ್ಹನಾರ್. 
\v 15 ಮನ್ಹುನ್ ಮೀ ತರಿ ಆತಮ್ಯಾನಿ ಮಾಗ್ನ ಕರ್ನಾರ್, ಮನಾನಿ ಮಾಗ್ನ ಕರ್ನಾರ್; ಆತಮ್ಯಾನಿ ಗಾನ ಗ್ಯಾವ್ತೊ, ಮನಾನಿಬಿ ಗಾನ ಗ್ಯಾವ್ತೊ, 
\v 16 ತು ಆತಮ್ಯಾನಿ ತ್ಯವ್ಡಸ್ ದೇವಾಲಾ ವವ್ಯಾಳಾಸ್ತ ತು ಸಾಂಗ್‌ಲ್ಯಾಲ ಸಮಾಜ಼ಲ್ಯಾ ನಸ್‌ಲ್ಯಾಲಾ ಆನಿ ಯಕಾಲಾ ತು ಕೆಲ್ಯಾಲ್ಯ ಕ್ರತಜ್ಞತಾ ಸ್ತುತಿಲಾ ತ್ಯೊ “ತಸಸ್ ವ್ಹವ್ಹುನಿ” ಮನ್ಹುನ್ ಕಸಾ ಸಾಂಗಿಲ್? ತು ಬೋಲ್ಯಾಲ ತ್ಯಲಾ ಸಮಾಜ್ನಾ಼ರ್ ನಾಹಿ ನವ್ಹ? 
\v 17 ತು ಕ್ಯವ್ಡಿ ಚಾ಼ಂಗ್ಲಿ ಕ್ರತಜ್ಞತಾ ಸ್ತುತಿ ಕಿಲಿತರಿ, ತ್ಯನಿ ದುಸ್ರಾ ಯೊಕ್ ಬಕ್ತಿತ್ ವಾಡತ್ನಾಹಿ.
\p
\v 18 ಮೀ ತುಮ್ಚೆ ಸಗ್‌ಳ್ಯಾವ್ನಿ ದುಸ್‌ರ‍್ಯಾ ಬಾಶಾ ಬೊಲ್ತೊ ಮನ್ಹುನ್ ದೇವಾಲಾ ವವ್ಯಾಳ್ತೊ. 
\v 19 ಸಬೆತ್ ದುಸ್ರೆ ಬಾಶೆವ್ನಿ ಧಾ ಹಾಜಾ಼ರ್ ಶಬ್ದ ಬೊಲಾಚೆಪಕ್ಷಿ, ದುಸ್‌ರ‍್ಯಾನಾ ಸಮಜ಼ಶಾರ್ಕ ಮಾಜಾ ಮನಾನಿ ಪಾಚು಼ಸ್ ಶಬ್ದ ಬೊಲಾಚ಼ ಬರ.
\p
\v 20 ಬನ್ಹಿ ಬಾವ್ಹಾನು, ಬಾಳಾಂಚೆಗತ್ ಯವಜು಼ ನಕೊಸಾ; ಬುರ್ಶಾಚೆ ಗುಶ್ಟಿತ್ ಮುಲಾಚೆಗತ್ ರಾವ್ಹಾ; ಮೊಟ್ಯಾಂಚೆಗತ್ ಯವಜ಼್ನಾ ಕರಾ. 
\v 21 ದುಸರ‍್ಯಾ ಬಾಶೆಂಚಿಸ್ ಲಾಗುನ್ ದುಸರೆ ದುನೆತ್‌ಲ್ಯಾಂಚಾ ತೊಂಡಾನಿ ಮೀ ಹ್ಯಾ ಲೊಕಾಂಚೆ ಸಂಗ ಬೊಲ್ನಾರ್;
\p ಫನ್ ತೀ ಮಾಜೆ ಬುಲಿಲಾ ಕಾನ್ ದೆನಾರ್ ನಾಹಿತ ಮನ್ಹುನ್ ಪ್ರಭು ಸಾಂಗ್ತೊ ಆಸ” ಧರ್ಮಶಾಸ್ತಾರಾತ್ ಲಿವ್‌ಲ್ಯಾ. \x - \xo 14:21 \xo*\xt ಯೆಶಾಯ್ 28:11-12\xt*\x* 
\v 22 ಮನ್ಹುನ್ ದುಸ್ರಿ ಬಾಶಾ ಬೊಲಾಚಿ ಯೇಸುವ ಇಸ್ವಾಸ್ ತಿವಿತ್ ನಸ್‌ಲ್ಯಾಲ್ಯಾನಾ ಸುಸ್ನಾ ಜಾ಼ಲೆ ಖರ ಯೇಸುವ ಇಸ್ವಾಸ್ ಥೆವ್‌ಲ್ಯಾಲ್ಯಾನಾ ಸುಸ್ನಾ ನವ್ಹ ಫನ್ ಪ್ರವಾದನ್ ಯೇಸುವ ಇಸ್ವಾಸ್ ಥಿವಿನಸ್‍ಲ್ಯಾಲ್ಯಾನಾ ನವ್ಹ ಇಸ್ವಾಸ್ ಥೆವ್‌ಲ್ಯಾಲ್ಯಾನಾಸ್ ಹಾ ಮನ್ಹುನ್ ಸಮಜು಼ನ್ ಗಿಹ್ಯಾ ವ್ಹಯಿ.
\p
\v 23 ಆಸ ಆಸ್ತಾನಾ ಸಬೆ ಸಗ್‌ಳ್ಯಾ ಯಕಿಕ್ಡ ಮಿಳಾಲ್ಯಾಕಿ ಸಗ್ಳಿ ದುಸರ‍್ಯಾ ಬೊಲ್ಯಾ ಬುಲಿತತ ಹೀ ಬುಲಿ ಸಮಾಜ಼ಲ್ಯಾ ನಸ್‌ಲ್ಯಾಲಿ ದುಸ್ರಿ ಪ್ರಭುವ ಇಸ್ವಾಸ್‍ ನಸ್‌ಲ್ಯಾಲಿ ಆತ್ ಯವುನ್ ಬಗುನ್, ತುಮಾನಾ ಖುಳ ದರ್ಲ್ಯಾ ಮನ್ಹುನ್ ಸಾಂಗ್ನಾರ್ ನಾಹಿತ ಕ್ಯಾ? 
\v 24 ಫನ್ ತುಮಿ ಸಗ್ಳಿ ಪ್ರವಾದನ್ ಕರಾಯಾ ಕ್ರಿಸ್ತಾವ ಇಸ್ವಾಸ್‍ ನಸ್‌ಲ್ಯಾಲಾ, ವಳಕ್ ನಸ್‌ಲ್ಯಾಲಾ ಆತ್ ಆಲಾತ ತ್ಯನಿ ಸಗ್‌ಳ್ಯಾಂಚಿ ಬುಲಿ ಐಕುನ್ ಆಪ್ನು ಪಾಪಿ ಮನ್ಹುನ್ ಸಮಜು಼ನ್ ಗಿಹಿಲ್, ನ್ಯಾಯಿ ತಿರ್ಮಾನ್ ಕರಿಲ್ 
\v 25 ತ್ಯಚಾ ಮನಾತ್ ಆಸ್‌ಲ್ಯಾಲ ಬಾಹಿರ್ ಪಡ್ನಾರ್; ತ್ಯೊ ಆಡ್ವಾ ಪಡುನ್ ದೇವಾಲಾ ವವ್ಯಾಳುನ್, ದೇವ್ ತುಮ್ಚಿಪ ಖರ‍್ಯಾನಿ ಹಾ ಮನ್ಹುನ್ ಸಾಂಗ್ನಾರ್.
\s ಸಬೆತ್ ಸಗ್ಳಿ ಯವಸ್ತಿತ್ ಚಾ಼ಲಾಯಾ ವ್ಹಯಿ ಮನ್ಹುನ್ ಸಿಕಿವ್ನ
\p
\v 26 ಬನ್ಹಿ ಬಾವ್ಹಾನು ಮಿ ಸಾಂಗಾಚ಼ ಕ್ಯಾ ಮಂಜೆ, ತುಮಿ ಸಬೆತ್ ಮಿಳುನ್ ಯತಾನಾ ಯಕ್ಲಾ ಗಿತ್ ಮನ್‌ತ್ಯಾಲಾ, ಯಕ್ಲಾ ಶಿಕ್ಶಾನ್ ದೆತ್ಯಾಲಾ, ಯಕ್ಲಾ ಆಪ್‌ಲ್ಯಾಲಾ ದೇವಾನಿ ದ್ಯಾವ್‌ಲ್ಯಾಲ ಸಾಂಗ್‌ತ್ಯಾಲಾ, ಆನಿ ಯಕ್ಲಾ ದುಸ್ರಿ ಬಾಶಾ ಬೊಲ್ನಾರಾ, ಯಕ್ಲಾ ತ್ಯಚಾ಼ ಅರ್ಥ ಸಾಂಗು ಸಕ್ತೊ. ತುಮಿ ಕ್ಯಾ ಕೆಲಸಾತರಿ ಸಬೆ ಬಕ್ತಿತ್ ವಾಡಸಿ ಕರಾ. 
\v 27 ದುಸ್ರಿ ಬಾಶೆ ಬೊಲಾಚಿ ಜಾ಼ಲಿತ ದೊಗ ನಾಹಿತ ಗರಜ಼್ ಆಸ್ಲಿತ ತಿಗಾವ್ನಿ ಆಗಾವ್ ನಸ್ತಾನಾ ಯಕಾ ಯಕಾನಿಸ್ ಬೊಲಾಯಾ ವ್ಹಯಿ; ಆನಿ ಯಕಾನಿ ತ್ಯಚಾ಼ ಅರ್ಥ ಸಾಂಗಾಯಾವ್ಹಯಿ. 
\v 28 ಅರ್ಥ ಸಾಗ್ನಾರಾ ನಸ್ಲಾತ ದುಸ್ರಿ ಬಾಶಾ ಬೊಲ್ನಾರಾ ಸಬೆತ್ ಗಪ್ ರಾಹುನಿ; ಆಪ್ಲೆ ಆಪ್ನು ದೇವಾ ಸಂಗ ಬುಲುನಿ. 
\v 29 ದೊಗ ತಿಗ ಪ್ರವಾದಿ ಬುಲುನ್ತ, ಬಾಕಿಚ಼ ಐಕಿತ್ ಇಚಾರ್ ಕರುಂತ. 
\v 30 ಬಸ್‌ಲ್ಯಾಲ್ಯಾ ಆನಿ ಯಕಾಲಾ ದೇವಾಚ಼ ಪ್ರಕಟನ್ ಜಾ಼ಲತ ಆಂದಿಚಾ಼ ಗಪ್ ರಾವ್ಹುನಿ 
\v 31 ತುಮಿ ಸಗಳ್ಯಾಂಚಾನಿ ಯಕಾ ಯಕಾನಿ ಪ್ರವಾದನ್ ಕಿಲಿತ ಸಗ್ಳಿ ಸಿಕ್ತಿಲ, ಸಗ್‌ಳ್ಯಾನಾ ಉಮೆದ್ ಯಯಿಲ್. 
\v 32 ಪ್ರವಾದಿಂಚಿ ಆತ್ಮ ಪ್ರವಾದಿಂಚಾ ತಾಬ್ಯಾತ್ ಆಸ್‌ತ್ಯಾತ. 
\v 33 ದೇವ್ ಸಮಾದಾನಾಲಾ ಕಾರನ್ ಜಾ಼ಲ್ಯಾ ಗಲಿಬಲಿಲಾ ಕಾರನ್ ನವ್ಹ 
\v 34 ದೇವಾಚಿ ಪೊರ ಸಗ್ಳೆ ಸಬೆತ್ ಆಸ್‌ಲ್ಯಾಚೆಗತ್ ಬ್ಯಾಯ್ಕಾಮಾನ್ಸ ಸಬೆತ್ ಗಪ್ ರಾಹ್ಯಾವ್ಹಯಿತ; ಬೊಲಾಯಾ ತ್ಯನಾ ಆವ್ಕಾಸ್ ನಾಹಿ; ತೀ ಸಾಂಗ್‌ಲ್ಯಾಲ ಐಕ್‌ತ್ಯಾಲಿ ರಾಹ್ಯಾ ವ್ಹಯಿತ; ಧರ್ಮಶಾಸ್ತಾರಾತ್ ಆಸಸ್ ಸಾಂಗ್‌ಲ್ಯಾ ನವ್ಹ. 
\v 35 ತ್ಯಂಚಾನಿ ಕಾಯ್ ತರಿ ಸಮಜು಼ನ್ ಗಿಹ್ಯಾವ್ಹಯಿ ಮನ್ಲಿತತ ಗರ‍್ಹಾತ್ ಆಪಲ್ಯಾ ದನ್ಗಾರಾಲಾ ಇಚಾರುಂತ. ಬ್ಯಾಯ್ಕಾಮಾನ್ಸಾನಿ ಸಬೆತ್ ಬೊಲಾಚ಼ ಲಾಜ಼ಚಿ ಗ್ಯೊಸ್ಟ್
\p
\v 36 ದೇವಾಚಿ ವಾಕ್ಯಾ ತುಮ್ಚಿಪ್ನಿಸ್ ನಿಗಾಲಿ ಕ್ಯಾ? ತುಮಾನಾ ತ್ಯವ್ಡಿಸ್ ಆಲ್ಯಾಲಿ ಕ್ಯಾ? 
\v 37 ಕುನಿತರಿ ಆಪ್‌ಲ್ಯಾಲಾ ಆಪ್ನು ಪ್ರವಾದಿ ಮನ್ಹುನ್ ನಾಹಿತ ಆತ್ಮಿಕ್ ಮಾನುಸ್ ಮನ್ಹುನ್ ಗೆತ್ಲಾತ ಮೀ ತುಮಾನಾ ಲಿವ್‌ಲ್ಯಾಲ ಸಗ್ಳ ಪ್ರಭುಚಿ ಆಜ್ಞಾ ಮನ್ಹುನ್ ಚಾ಼ಂಗ್ಲ ಸಮಜು಼ನ್ ಗಿವ್ಹುನಿ. 
\v 38 ಕುನಿ ತರಿ ಆಪ್‍ಲ್ಯಾಲಾ ಹ್ಯ ಠಾವನಾಹಿ ಮನ್‌ಲ್ಯಾವ ತ್ಯೊ ಟಾವ ನಾಹಿಚೆಗತ್ ರಾವ್ಹುನಿ.
\p
\v 39 ಮನ್ಹುನ್ ಮಾಜೆ ಬನ್ಹಿ ಬಾವ್ಹಾನು, ಪ್ರವಾದನ್ ವರ ಮನ್ ಥಿವುನ್ ಬಗಾ, ಆನಿ ದುಸ್ರಿ ಬಾಶಾ ಬೊಲ್ನಾರ‍್ಯಾನಾ ಆಡ್ಯಾವು ನಕೊಸಾ. 
\v 40 ಫನ್ ಸಗ್ಳ ಚಾ಼ಂಗ್ಲೆ ತರನಿ ಆನಿ ನೆಮಾನಿ ಚಾ಼ಲುನಿ.
\c 15
\s ಕ್ರಿಸ್ತಾಚ಼ ಪುನರುಥಾನ್
\p
\v 1 ಬನ್ಹಿ ಬಾವ್ಹಾನು, ಮೀ ತುಮಾನಾ ಸಾಂಗ್‌ಲ್ಯಾಲಿ ಬರಿ ಖಬರ್ ತುಮ್ಚೆ ಯದತ್ ಆನ್ತೊ; ತುಮಿ ತೀ ವ್ಹಯ್ ಮನ್ಹುನ್ ಗಿವ್ಹುನ್, ತ್ಯಾತ್ ಉಬಿಹಾಸಾ. 
\v 2 ಮೀ ತುಮಾನಾ ಸಾಂಗ್‌ಲ್ಯಾಲಿ ಬರಿ ಖಬರ್ ತುಮಿ ಘಟ್ ದರುನ್ ರಾಯ್‌ಲ್ಯಾವ ತುಮಾನಾ ರಕ್ಶನ್ ವ್ಹನಾರ್. ನಾಹಿತ ತುಮಚಾ಼ ಇಸ್ವಾಸ್ ಪುಖಟ್ ವ್ಹನಾರ್.
\p
\v 3 ಮೀ ಆಂದಿ ಸಾಂಗ್‌ಲ್ಯಾಲ್ಯಾ ಗುಶ್ಟಿತ್ ಪಾಯ್ಜೆ ಆಸ್‌ಲ್ಯಾಲಿ ಗ್ಯೊಶ್ಟುಸ್ ತುಮಾನಾ ಸಾಂಗ್ಲೆ ತೀ ಕ್ಯಾ ಮನ್‌ಲ್ಯಾವ ಧರ್ಮಶಾಸ್ತಾರಾತ್ ಸಾಂಗ್‌ಲ್ಯಾಚೆಗತ್ ಪ್ರಭು ಆಮ್ಚಾ ಪಾಪಾಂಚೆಸಾಟಿ ಮೆಲಾ; 
\v 4 ಪುರ್ಲಾ; ಧರ್ಮಶಾಸ್ತಾರಾಚೆಗತುಸ್ ತಿನ್ವೆ ದಿಸಿ ಉಟಿವ್ಲಾ. 
\v 5 ನಂತರ್ ಪೇತ್ರಾಲಾ ಆನಿ ತ್ಯಚಾ ಬಾರಾ ಜಾ಼ನ್ ಅಪೊಸ್ತಲಾನಾ ದಿಸ್ಲಾ. 
\v 6 ನಂತರ್ ಯಂಗ್ದಾಸ್ ಪಾಚೆವ್ನಿ ಖುಬ್ ಲೊಕಾನಾ ದಿಸ್ಲಾ. ಹ್ಯಾತ್ ಖುಬ್ ಜಾ಼ನ್ ಆಜು಼ನ್ ಜೀವ್ನಾ ಕರಿತ್ ಹಾತ, ಫನ್ ತುಡಿಜ಼ನ ಮೆಲ್ಯಾತ. 
\v 7 ನಂತರ್ ತ್ಯೊ ಯಾಕೊಬಾಲಾ ಆನಿ ಸಗ್‍ಳ್ಯಾ ಅಪೊಸ್ತಲಾನಾಬಿ ದಿಸ್ಲಾ.
\p
\v 8 ಫನ್ ಸೆವಟಚ಼ ದಿಸ್ ಬರ‍್ಹಾಚೆ ಆಂದಿ ಜ಼ಲಾಮ್‌ಲ್ಯಾಲ್ಯಾ ಬಾಳಾಚೆಗತ್ ಆಸ್‌ಲ್ಯಾಲ್ಯಾ ಮನಾಬಿ ತ್ಯೊ ದಿಸ್ಲಾ. 
\v 9 ಮೀತರಿ ಅಪೊಸ್ತಲಾಂಚಾತ್ ಖಾಲಸಾ; ಮೀ ದೇವಾಚೆ ಸಬೆಲಾ ತರಾಸ್ ದಿಲ್ಯಾಲಾ ಮನ್ಹುನ್ ಅಪೊಸ್ತಲ್ ಮನ್ಹುನ್ ಗಿಹ್ಯಾ ಲಾಯಿಕ್ ನಾಹಿ. 
\v 10 ಫನ್ ಮೀ ಆತಾ ಕಸ್ಲಾ ಹಾ ತ್ಯೊ ದೇವಾಚೆ ಕ್ರಪೆನಿಸ್ ಆನಿ ತ್ಯಚಿ ಕ್ರಪಾ ಮಾಜಿಪ ಪುಕಟ್ ಜಾ಼ಲಿನಾಹಿ. ಮೀ ತ್ಯಂಚಿವ್ನಿ ಲ ಖಟ್ಪಟ್ ಕಿಲಿ. ಫನ್ ಕಟ್ಪಟ್ ಕೆಲ್ಯಾಲಾ ಮಿ ನವ್ಹ, ಮಾಜೆ ಸಂಗ್ನಿ ಆಸ್‌ಲ್ಯಾಲಿ ದೇವಾಚಿ ಕ್ರಪಾಸ್. 
\v 11 ಮನ್ಹುನ್ ಮೀ ನಾಹಿತ ತ್ಯಂಚಾನಿ ವ್ಹವ್ಹುನಿ, ಆಸಿಸ್ ಬರಿ ಖಬರ್ ಸಾಂಗ್ಲೆ; ತಿಚಿವ ತುಮಿ ಇಸ್ವಾಸ್ ಥೆವ್ಲಾಸಾ.
\s ಮೆಲ್ಯಾಲಿ ಜಿತ್ತಿ ವ್ಹಯಾಚ಼
\p
\v 12 ಪ್ರಭು ಮೆಲ್ಯಾಲ್ಯಾತ್ನಿ ಉಠ್‌ಲ್ಯಾ ಮನ್ಹುನ್ ಸಾಂಗ್‌ತ್ಯಾಲ್ಯಾತ್, ತುಮ್ಚಾತ್ಲಿ ಥುಡಿ ಮೆಲ್ಯಾಲಿ ಜಿತ್ತಿ ವ್ಹಯಿತ್ನಾಹಿತ ಮನ್ಹುನ್ ಸಾಂಗಾಚ಼ ತರಿ ಕಸ? 
\v 13 ಮೆಲ್ಯಾಲಿ ಜಿತ್ತಿ ವ್ಹಯಿತ್ನಾಹಿತ ಮನ್ಹುನ್ ಖರ ಜಾ಼ಲ್ಯಾವ ಪ್ರಭು ಸಾಯಿತ್ ಉಠುನ್ ಆಲಾ ನಾಹಿ. 
\v 14 ಪ್ರಭು ಉಠುನ್ ಆಲ್ಯಾ ನಸ್‌ಲ್ಯಾವ ಆಮಚ಼ ಸಾಂಗ್ನ ಫುಕಟ್ ಆನಿ ತುಮ್‍ಚಾ಼ ಇಸ್ವಾಸ್ ಸಾಯಿತ್ ಫುಕಟ್ ಜಾ಼ಲ್ಯಾ. 
\v 15 ಯವ್ಡಸ್ ನವ್ಹ ಮೆಲ್ಯಾಲಿ ಉಟುನ್ ಯನಾರ್ ನಾಹಿತ ಮನ್ಹುನ್ ಖರ ಜಾ಼ಲ್ಯಾವ ದೇವಾನಿ ಪ್ರಭುಲಾ ಉಠಿವ್ಲಾಸ್ ನಾಹಿ; ಉಟಿವಲ್ಯಾ ಮನ್ಹುನ್ ವಳಕ್ ದಿಲ್ಯಾಲ ಆಮಿ ದೇವಾಚೆ ಗುಶ್ಟಿತ್ ಲಬಾಡ್ ವಳಕ್ ಸಾಂಗ್‌ತ್ಯಾಚೆಗತ್ ದಿಸಾವ. 
\v 16 ಮೆಲ್ಯಾಲಿ ಉಟುನ್ ಆಲ್ಯಾ ನಸ್‌ಲ್ಯಾವ ಪ್ರಭು ಸಾಯಿತ್ ಉಟುನ್ ಆಲಾನಾಹಿ. 
\v 17 ಪ್ರಭು ಉಟುನ್ ಆಲಾ ನಸ್ತಾತ ತುಮಚಾ಼ ಇಸ್ವಾಸ್ ಉಗಸ್ ಜಾ಼ಲ್ಯಾ, ತಸಸ್ ತುಮಿ ಆಜು಼ನ್ ತುಮ್ಚಾ ಪಾಪಾತ್ನಿಸ್ ಹಾಸಾ. 
\v 18 ಹ್ಯ ತ್ಯವ್ಡಸ್ ನವ್ಹ ಪ್ರಭುಪ ಮೆಲ್ಯಾಲಿ ಹಾಳ್ ಜಾ಼ಲಿತ ಮನ್ಹುನ್ ಆರ್ಥ. 
\v 19 ಪ್ರಭುಪ ಆಮಾನಾ ಆಸ್‌ಲ್ಯಾಲಿ ಆಶಾ ನಿಸ್ತಿ ಹ್ಯಾ ಜಿವ್ನಾ ಸಾಟಿ ತ್ಯವ್ಡಿಸ್ ಆಸ್ಲಿತ ಆಮಿ ಖೊಟ್ಯಾ ನಸಿಬಾಚ಼ ವ್ಹನಾರ್.
\p
\v 20 ಫನ್ ಪ್ರಭು ಮೆಲ್ಯಾಲ್ಯಾತ್ನಿ ಉಠುನ್ ಆಲ್ಯಾಲ್ಯಾತ್. ಪೈಲ ಪಳ್ ಜಾ಼ಲಾ. 
\v 21 ಮಾನ್ಸಾಸ್ ಲಾಗುನ್ ಮರಾನ್ ಆಲ ಮನ್ಹುನ್, ಮಾನ್ಸಾಸ್ ಲಾಗುನುಸ್ ಮೆಲ್ಯಾಲ್ಯಾನಾ ಜೀವ್ ಗಾವಲ್ಯಾ. 
\v 22 ಆದಾಮಾಸ್ ಲಾಗುನ್ ಸಗ್ಳಿ ಮೆಲ್ಯಾಲಿ ಜಾ಼ಲಿತ ತಸಿಸ್ ಯೇಸು ಕ್ರಿಸ್ತಾಪ್ನಿ ಸಗ್ಳಿ ಜಿವಂತ್ ಉಟ್ಲಿತ. 
\v 23 ಫನ್ ಪರ್ತೆಕ್ ಜಾ಼ನ್ ಆಪ್ಲೆ ಪಾಳಿನಿ ಉಟುನ್ ಯನಾರ್. ಪ್ರಭು ಪೈಲ ಫಳ್ ಜಾ಼ಲಾ; ನಂತರ್ ಪ್ರಭುಚಿ ತ್ಯಚಾ ಯನ್ಯಾಲಾ ಜಿಥಿ ವ್ಹವುನ್ ಉಟುನ್ ಯನಾರ್. 
\v 24 ನಂತರ್ ತ್ಯೊ ಸಗ್ಳಾ ಅಧಿಕಾರ್, ಸಗಳ್ಯಾ ಆಜ್ಞಾ ಆನಿ ಬಳ್ ನಾಸ್ ಕರುನ್ ಬಾ ದೇವಾಪ ರಾಜೆ ಒಪ್ಸುನ್ ದೆತಾನಾ ಸಮಾಪ್ತಿ ವ್ಹನಾರ್. 
\v 25 ಕಾ ಮಂಜೆ ದೇವ್ ಸಗ್‍ಳ್ಯಾ ವಾದಿನಾ ಆಪ್‌ಲ್ಯಾ ಪಾಯಾಚೆ ಖಾಲ್ ಗಾಲಿ ಪರ‍್ಯಾತ್ ಕ್ರಿಸ್ತಾನಿ ರಾಜ಼್ಬಾರ್ ಕರಾಯಾವ್ಹಯಿ. \x - \xo 15:25 \xo*\xt ಕಿರ್ತನ್ 110:1\xt*\x* 
\v 26 ನಾಸ್ ವ್ಹನಾರಾ ಸರ್ತಾ ವಾದಿ ಮರಾನ್ ಜಾ಼ಲ್ಯಾ. 
\v 27 “ದೇವಾನಿ ಸಗ್ಳ ತ್ಯಚಾ ಪಾಯಾತ್ ಗಾಲುನ್ ತ್ಯಲಾ ದಿಲ್ಯಾ. ” ಫನ್ ಸಗ್ಳ ತ್ಯಲಾ ದಿಲ್ಯಾ” ಮನ್ಹುನ್ ಸಾಂಗ್ತಾನಾ ಸಗ್ಳ ದೆನಾರಾ ತ್ಯಾತ್ ಮಿಳುನ್ ನಾಹಿ ಮನ್ಹುನ್ ಠಾವ ಹಾ. 
\v 28 ಸಗ್ಳ ತ್ಯಚ಼ ಜಾ಼ಲ್ಯಾ ನಂತರ್ ಲೆಕಾನಿ ಸಗ್ಳ ಆಪ್‌ಲ್ಯಾಲಾ ದಿಲ್ಯಾಲ್ಯಾಲಾ ಆಪ್ನುಸ್ ವಪ್ಸುನ್ ದೆನಾರ್; ಆಸಾ ದೇವುಸ್ ಸಗ್‌ಳ್ಯಾಂಚಿವ ಸಗ್ಳೆ ತರನಿ ರಾಜ್‍಼ಭಾರ್ ಚಾ಼ಲಿವ್ನಾರ್.
\p
\v 29 ಮೆಲ್ಯಾಲಿ ಜಿತ್ತಿ ನಾಹಿ ಜಾ಼ಲ್ಯಾವ ಮೆಲ್ಯಾಲ್ಯಾಂಚೆ ಸಾಟಿ ಬಾಪ್ತಿಸ್ಮಾ ಗೆನಾರಿ ಕ್ಯಾ ಕರ್ನಾರ್? ಮೆಲ್ಯಾಲಿ ಉಟುನ್ ಯನಾರುಸ್ ನಾಹಿತ ತ್ಯ ಖರ ಜಾ಼ಲ್ಯಾವ ಕಾ ತ್ಯಂಚಿಸಾಟಿ ಬಾಪ್ತಿಸ್ಮಾ ಗೆತ್ಯಾತ. 
\v 30 ಆಮಿ ಸಾಯಿತ್ ಕಾ ಪರ್ತೆಕ್ ಯಳಿ ಅಪಾಯಾತ್ ಹಾವ್? 
\v 31 ಬನ್ಹಿ ಬಾವ್ಹಾನು ಮಿ ತುಮಾನಾ, ಆಮ್ಚಾ ಪ್ರಭು ಯೇಸು ಕ್ರಿಸ್ತಾಪ ತುಮ್ಚಿಸಾಟಿ ಮನಾ ಆಸ್‍ಲ್ಯಾಲೆ ಮರೆದಿಸ್ ಲಾಗುನ್ ಮೀ ಖಾಯಿಮ್ ಮರ್ತ್ಯೊ ತ್ಯ ಖರ ಮನ್ಹುನ್ ಸಾಂಗ್ತೊ. 
\v 32 ಮೀ ಎಫೆಸಾತ್ ಜ಼ನಾವಾರಾ ಸಂಗ ಲಡಾಯಿ ಕೆಲ್ಯಾಲಿ ಖಾಲಿ ಮಾನ್ಸಾಂಚಿಸಾಟಿ ಜಾ಼ಲ್ಯಾವ ಮನಾ ಕ್ಯಾ ಪ್ಯಾಯ್ದಾ? ಮೆಲ್ಯಾಲಿ ಉಠುನ್ ಯನಾರ‍್ನಾಹಿತ ತ, “ಆಮಿ ಖಾವುನ್, ಪಿವುನ್, ಸಕಾಳ್ ಆಮಿ ಮರ್ನಾರ್ ನವ್ಹ. ” \x - \xo 15:32 \xo*\xt ಯೆಶಾಯ್ 22:13\xt*\x*
\p
\v 33 ಫಸುನಕೊಸಾ; “ಬುರ್ಸಿ ಸಂಗತ್ ಚಾ಼ಂಗ್ಲಿ ಚಾ಼ಲ್ನುಕ್ ನಾಸಿವ್‍ತ್ಯಾತ. ” 
\v 34 ಚಾ಼ಂಗ್ಲಿ ಯವಜ್ನಾ಼ ಕರಾ! ನೀಯತಿಚ಼ ವ್ಹವುನ್ ಜಾ಼ಗ್ರುತ್ ರಾವ್ಹಾ. ಪಾಪ್ ಕರುನಕೊಸಾ. ಥೊಡ್ಯಾನಾ ದೇವಾಚೆ ಗುಶ್ಟಿತ್ ಗಿನ್ಯಾನುಸ್ ನಾಹಿ; ತುಮಾನಾ ಲಾಜ಼್ ಯವುನಿ ಮನ್ಹುನ್ ಹ್ಯ ಸಾಂಗ್ತೊ.
\s ಜಿತ್ತ ವ್ಹವುನ್ ಆಲ್ಯಾಲ ಶರೀರ್
\p
\v 35 “ಮೆಲ್ಯಾಲಿ ಪರ್ತುನ್ ಜೀತಿ ಕರಾಯಾ ಕಸ ವ್ಹನಾರ್? ಕಸ್‌ಲ್ಯಾ ಶರೀರಾನಿ ಯತ್ಯಾತ? ಮನ್ಹುನ್ ಕೊನ್ ತರಿ ಇಚಾರಿಲ್. 
\v 36 ಬುದ್ದಿ ನಸ್‌ಲ್ಯಾಲ್ಯಾ ಖುಳ್ಯಾ; ತು ಪೆರ್ಲ್ಯಾಲ ಬಿ ಮೆಲ ನಾಹಿತ, ತ್ಯ ಇರ್ಡಲ್ ಕ್ಯಾ? ನಾಹಿ. 
\v 37 ಬಗ್; ಯೆಕ್ ವೆಳಿ ಗವ್ಹಾಚಾ಼ ದಾನಾ ವ್ಹವ್ಹುನಿ ದುಸ್ರ ಕಸ್ಲತ್ಯ ಬಿ ವ್ಹವ್ಹುನಿ ಪೆರ್ತಾನಾ ನಿಸ್ಥ ದಾನ ಸುಡುನ್ ಮೊರ್ಹ ಇರಾಡತ್ಯಾಲ ಡಾಳ ಪಿರಿತ್ ನಾಹಿತ. 
\v 38 ಫನ್ ದೇವಾನಿ ಆಪ್‍ಲ್ಯಾ ಮನಾಚೆಗತ್ ತ್ಯಲಾ ಶರೀರ್ ದೆತೊ. ಯಕಾ ಯಕಾ ಬ್ಯಾಲಾಬಿ ತ್ಯಚಿಜೊ಼ಗ ಶರೀರ್ ದೆತೊ. \x - \xo 15:38 \xo*\xt ಉತ್ಪತಿ 1:11\xt*\x*
\p
\v 39 ಸಗ್ಳಿ ಆಂಗ ಯೆಕುಸ್ ತರಚಿ ನವ್ಹತ; ಮಾನ್ಸಾಚ಼ ಶರೀರ್ ದುಸ್ರ, ಜ಼ನಾವಾರಾಚ ಶರೀರ್ ದುಸ್ರ, ಪಾಕ್ರಾಂಚ಼ ಶರೀರ್ ದುಸ್ರ, ಮಾಶಾಂಚ಼ ದುಸ್ರ.
\p
\v 40 ಯವ್ಡಸ್ ನವ್ಹ ಸ್ವರ್ಗಾಚಿ ಶರೀರ್ ಹಾತ, ಹ್ಯಾ ಲೊಕಾಚಿ ಶರೀರ್ ಹಾತ, ಫನ್ ಸ್ವರ್ಗಾಚಾ ಶರೀರಾಂಚಿ ಮೈಮಾ ದುಸ್ರಿ, ಹ್ಯಾ ಲೊಕಾಚಾ ಶರೀರಾಂಚಿ ಮೈಮಾ ದುಸ್ರಿ. 
\v 41 ದಿಸಾಚಾ಼ ಉಜಿಡ್ ಯೆಕ್ ತರನಿ ಜಾ಼ಲಾತ, ಚಾ಼ಂದಾಚಾ಼ ಉಜಿಡ್ ಆನಿ ಯೆಕ್ ತರನಿ, ತಸಸ್ ಚಾನ್ಯಾತ್ನಿಬಿ ಫರಕ್ ಹಾ ಆನಿ ಚಾನ್ಯಾತ್ನಿಬಿ ಉಜಿಡ್ ದುಸ್ರಾ ದುಸ್ರಾಸ್ ಹಾ.
\p
\v 42 ಮೆಲ್ಯಾಲಿ ತಸಿಸ್ ಜಿತ್ತಿ ವ್ಹನಾರ್. ಪುರ್ಲ್ಯಾಲಾ ಪುಸುನ್ ಜಾ಼ನಾರ. ಮೆಲ್ಯಾಲ್ಯಾತ್ಲಿ ಜಿತ್ತಿ ವ್ಹನಾರ್. 
\v 43 ಅಪಮಾನಾತ್ ಪುರ್ಲ್ಯಾಲಾ, ಮೈಮೆನಿ ಜಿತ್ತಾ ವ್ಹನಾರ್; ಬಳ್ ನಸ್ತಾನಾ ಪುರ್ಲ್ಯಾಲಾ, ಬಳ್ ಗಿವ್ಹುನ್ ಜಿತ್ತಾ ವ್ಹನಾರ್; 
\v 44 ಪುರ್ಲ್ಯಾಲ ಲೊಕಿಕ್ ಶರೀರ್ ವ್ಹವುನ್ ಪುರ್ಲ, ಮೆಲ್ಯಾಲ್ಯಾತ್ಲಿ ಜಿತ್ತಿ ವ್ಹನಾರ್ ಆತ್ಮಿಕ್ ಶರೀರ್. ಲೊಕಿಕ್ ಶರೀರ್ ರಾಹ್ಯಾಚ಼ ಜಾ಼ಲ್ಯಾವ ಆತ್ಮಿಕ್ ಶರೀರಾತ್ನಿ ಉಠುನ್ ಯನಾರ್. 
\v 45 “ಪೈಲಾ ಮಾನುಸ್ ಜಾ಼ಲ್ಯಾಲಾ ಆದಾಮ್ ಜೀವ್ ಆಸ್‌ಲ್ಯಾಲಾ ಮಾನುಸ್” ಸೆವಟಚ಼ಾ ಆದಾಮ್ ತರಿ ಜೀವ್ ದೆನಾರಾ ಆತ್ಮ ಜಾ಼ಲಾ. ಮನ್ಹುನ್ ಪವಿತ್ರ ಪುತೀಕಾತ್ ಲಿವ್‌ಲ್ಯಾನವ್ಹ. 
\v 46 ಆತ್ಮಿಕ್ ಜಾ಼ಲ್ಯಾಲ ಆಂದಿ ಆಲ್ಯಾಲ ನವ್ಹ, ಲೊಕಿಕ್ ಜಾ಼ಲ್ಯಾಲ ಆಂದಿಚ಼; ನಂತರ್ ಆತ್ಮಿಕ್ ಜಾ಼ಲ್ಯಾಲ. 
\v 47 ಆಂದಿಚಾ ಮಾನಸಾಲಾ ಮಾತಿನಿ ಕೆಲಾ; ತ್ಯೊ ಧರ್ತಿಚಾ಼ ದೊನ್ವಾ ಮಾನುಸ್ ಸ್ವರ್ಗಾತ್ನಿ ಆಲ್ಯಾಲಾ. 
\v 48 ಕೊನ್ ದರ್ಥಿಚಾ಼ ಹಾ ತ್ಯಲಾ ಮಾತಿನಿ ಜ಼ಲಾಮಲ್ಯಾಲಾ ಕಸ್ಲಾ ಮಾತಿಲಾಸ್ ಸಂಮಂದ್ ಆಸ್ನಾರಿ ತಸಲಿಸ್ ವ್ಹತ್ಯಾತ; ಕೊನ್ ಸ್ವರ್ಗಾತ್ನಿ ಆಲ್ಯಾಲಾ ಹಾ ತ್ಯೊ ಸ್ವರ್ಗಾಚಾ಼. 
\v 49 ಆಮಿ ಮಾತಿನಿ ಜ಼ಲಾಮ್‍ಲ್ಯಾಲ್ಯಾಚ಼ ರುಪ್ ಗೆತಲ್ಯಾ ಶಾರ್ಕ ಸ್ವರ್ಗಾತ್ನಿ ಆಲ್ಯಾಲ್ಯಾಚ಼ ರುಪ್ ಗೆನಾರ್.
\p
\v 50 ಮಾಯೆಚಾ ಬನ್ಹಿ ಬಾವ್ಹಾನಿ, ಮೀ ಸಾಂಗಚ಼ ಕ್ಯಾ ಮಂಜೆ, ರಗಾತ್ ಮಾಸ್ ದೇವಾಚಾ ರಾಜಾತ್ ಜಾ಼ನಾರ್ ನಾಹಿ; ತಸಸ್, ಪುಸುನ್ ಜಾ಼ನಾರ‍್ಯಾಲಾ ನಾಸ್ ವ್ಹವುನ್ ಜಾ಼ತ್ಯಾಲ ನಾಸ್ ವ್ಹಯಿ ನಸ್‌ಲ್ಯಾಲ್ಯಾತ್ ಮಿಸ್ಳತ್ ನಾಹಿ.
\p
\v 51 ಬಗಾ! ಆಜು಼ನ್ ಪರೆತ್ ಚು಼ರುನ್ ಆಸ್‌ಲ್ಯಾಲ್ಯಾ ಗುಶ್ಟಿ ಮೀ ತುಮಾನಾ ಸಾಂಗ್ತೊ, ಆಮಿ ಸಗ್ಳಿ ಮರ್ನಾರ್ ನಾಹಿ, ಬದಾಲ್ನಾರ್. 
\v 52 ಸರ್ತೆ ತುತ್ತುರಿಚಾ಼ ಆವಾಜ಼್ ಯತಾನಾ, ಚಾ಼ಟಕ್ಯಾನ್, ಪಾಪ್ನಿ ಹಲಾಚೆ ಆಂದಿ ಆಮಿ ಸಗ್ಳಿ ಬದಾಲ್ನಾರ್. ವ್ಹಯ್, ತುತ್ತೂರಿ ಐಕುಯವುನ್ ಶಾಶ್ವತ್ ಜಿವಾಸಾಟಿ ಮೆಲ್ಯಾಲಿ ಪರ್ತುನ್ ಉಟ್ನಾರ್, ಆಮಿ ಬದಾಲ್ನಾರ್. 
\v 53 ನಾಸ್ ವ್ಹತ್ಯಾಲ ಹ್ಯ ಶರೀರ್ ನಾಸ್ ವ್ಹಯಿ ನಸ್‌ಲ್ಯಾಲ ಶರೀರ್ ವ್ಹನಾರ್, ಮರ್ನಾತ್ ಆಸ್‌ಲ್ಯಾಲ ಹ್ಯ ಶರೀರ್ ಮರಾಚೆ ಆಂದಿ ರಾಹ್ಯಾ ವ್ಹಯಿಜಾ಼ಲ್ಯಾ. 
\v 54 ಹಾಳ್ ವ್ಹನಾರ ಹ್ಯ ಶರೀರ್ ಹಾಳ್ ವ್ಹಯಾಚೆ ಆಂದಿ ರಾನ್ಹಾರ್ ತವಾಮರ್ನಾಚಾ ಹಾತಾತ್ ಆಸಲ್ಯಾಲ ಹ್ಯ ಶರಿರ್ ಶಾಶ್ವತ್ ರಾಯಲ್ಯಾವ ಲಿವಲ್ಯಲ ಸಬ್ದ ಗಡ್ನಾರ್.
\p
\v 55 “ಎ! ಮರ್ನಾ ತುಜಿ ಜೀತ್ ಕುಠ? ಎ! ಮರ್ನಾ ತುಜ಼ ಇಸಾಚ಼ ನೆಜ಼ ಕುಠ ಹಾ? 
\v 56 ಮರನಾಚಾ ಇಸಾಚ಼ ನಿಜ಼ ಪಾಪುಸ್; ಪಾಪಾಲಾ ಧರ್ಮಶಾಸ್ತಾರಾನಿ ಬಳ್ ಗಾವ್ತ. 
\v 57 ಫನ್ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಸ್ ಲಾಗುನ್ ಆಮಾನಾ ಜೀತ್ ದೆನಾರ‍್ಯಾ ದೇವಾಲಾ ಖಾಯಿಮ್ ಮೈಮಾ ವ್ಹವುನಿ.
\p
\v 58 ಮನ್ಹುನ್, ಬನ್ಹಿ ಬಾವ್ಹಾನು, ಘಟ್ ಮನಾನಿ ರಾವ್ಹಾ ಚಿಂತಾ ನಸ್ತಾನಾ ರಾವ್ಹಾ. ಕಾ ಮಂಜೆ ತುಮಿ ಪ್ರಭುಚೆ ಸೇವೆತ್ ಗೆತ್ಯಾಲಾ ತರಾಸ್ ಉಗಸ್ ವ್ಹಯಿತ್ ನಾಹಿ. ತ್ಯ ಸಮಜು಼ನ್ ಪ್ರಭುಚ಼ ಕಾಮ್ ಖಾಯಿಮ್ ಹಾವ್ಸನಿ ಆನಿ ಖಾಯಿಮ್ ಮನ್ ತೆವುನ್ ಕರ್ನಾರಿ ವ್ಹವಾ.
\c 16
\s ಇಸ್ವಾಸಿನಾ ಕರಾಚಾ಼ ದಾನ್
\p
\v 1 ಆತಾ ದೇವಾಚಾ ಪೊರಾಂಚೆ ಸಾಟಿ ಪೈಸ ಮಿಳ್ವುನ್ ತೆವಾಚಾ ಇಚಾರಾಚೆ ಗುಶ್ಟಿತ್, ಮೀ ಗಲಾತ್ಯಾತ್ಲೆ ಸಭೆನಾ ಸಾಂಗ್‌ಲ್ಯಾ ಶಾರ್ಕ ತುಮಿ ಕರಾ. 
\v 2 ತುಮಚಾತ್ ಪರ್ತೆಕ್ ಯೊಕ್ ಆಪ್‌ಲ್ಯಾಲಾ ಆಲ್ಯಾಲ್ಯಾ ಪಗಾರಾತ್ ವ್ಹಯಿಲ್ ತ್ಯವ್ಡ ಆಯಿತ್ವಾರಾದಿಸಿ ಮಿಳ್ವುನ್ ಆಪ್‌ಲ್ಯಾ ಗರಾತ್ ಥೆವಾಯಾ ವ್ಹಯಿ. ಹ್ಯನಿ ಮೀ ಆಲೊಕಿ ಪೈಸ ಗೊಳಾ ಕರಾಯಾ ವ್ಹಯಿ ಮನ್ಹುನ್ ನಾಹಿ. 
\v 3 ಆನಿ ಮೀ ಆಲ್ಯಾವ ತುಮಿ ಕುನಾಲಾ ನೀಯತಿಚಾ಼ ಮನ್ಹುನ್ ದ್ಯಾವ್ಸಿಲಾ, ತ್ಯಚಿ ಸಂಗ ತುಮ್ಚಿ ದಿನ್ಗಿ ಯೆರುಸಲೆಮತ್ ಗಿವುನ್ ಜಾ಼ಯಾ ಪತ್ರ ದಿವುನ್ ಲಾವುನ್ ದೆತೊ’ 
\v 4 ಆನಿ ಮೀ ಸಾಯಿತ್ ಜಾ಼ಯಾಚ಼ ಶಾರ್ಕ ದಿಸ್ಲತ ತ್ಯಂಚಾನಿ ಮಾಜೆ ಸಂಗ ಯವಾವತ.
\s ಜಾ಼ಯಾಚಿ ಯವಜ್ನಾ಼
\p
\v 5 ಮೀ ಮಕೆದೊನ್ಯಾ ಸಿಮಾ ವಲ್ಯಾಂಡುನ್ ಜಾ಼ತಾನಾ ತುಮ್ಚಿಪ ಯವುನ್ ರಾನ್ಹಾರ್. 
\v 6 ನಾಹಿತ ತುಮ್ಚಿಪ ಥಂಡಿಚ಼ ದಿಸ್ ಗಾಲಿವ್ನಾರ್; ತಸಾಸ್ ಮೀ ಜಾ಼ಯಾ ಪಾಯ್ಜೆತ್ಯಾ ಜಾ಼ಗ್ಯಾವ ತುಮಿ ಮನಾ ಲಾವುನ್ ದಿಯಾ ಮಜ಼ತ್ ಕರಾವಿ. 
\v 7 ಮೀ ಜಾ಼ಯಾಚಾ ಹ್ಯಾ ತೊಡ್ಯಾ ಯಳಾತ್ ತುಮಾನಾ ಬಗಾಯಾ ಮನ್ ಕರಿತ್ನಾಹಿ. ಪ್ರಭುಚಾ಼ ಹುಕುಮ್ ಜಾ಼ಲಾತ ತುಮ್ಚಿಪ ಥೊಡೆರೊಜ್ ರಾಹ್ಯಾ ಮನ್ ಕರ್ತೊ.
\p
\v 8 ಪಂಚಾಶತ್ತಮಾಚಾ\f + \fr 16:8 \fr*\ft ವಲಾಂಡ್ಯಾಚಾ ಸನಾ ದರ್ನಿ ಪನ್ನಾಸ್‌ವ್ಯಾ ದಿಸಾ ಪರ‍್ಯಾತ್ ಕರ್ತ್ಯಾಲ್ಯಾ ಸನಾಲಾ ಪಂಚಶತಮಾನ್ ಮಂಥ್ಯಾತ\ft*\f* ದಿಸಾಚಾ ಸನಾ ಪರತ್ ಎಫೆಸಾತ್ ರಾತೊ; 
\v 9 ಕಾಮಂಝೆ ಸೇವೆ ಕರಾಯಾ ಚಾ಼ಂಗ್ಲಾ ಅವ್ಕಾಸ್ ಗಾವಲ್ಯಾ. ತಸಸ್ ವಾದಿ ಖುಬ್ ಜಾ಼ನ್ ಹಾತ.
\p
\v 10 ತಿಮೊಥೆ ಆಲ್ಯಾವ ತ್ಯೊ ತುಮ್ಚಿಪ ಭೆ ನಸ್ತಾನಾ ರಾಹಿಜೊ಼ಗಾ ಬಗಾ; ತ್ಯೊ ಸಾಯಿತ್ ಮಾಜೆಗತುಸ್ ಪ್ರಭುಚಿ ಸೇವಾ ಕರ್ತ್ಯೊ ನವ್ಹ. 
\v 11 ಮನ್ಹುನ್ ಕುನಿಸ್ ತ್ಯಚಾ಼ ನಕಾರ್ ಕರುನಾಹಿ. ತ್ಯೊ ಮಾಜಿಪ ಯಯಿಜೊ಼ಗಾ ತ್ಯಲಾ ಥಂಡ್ಪನಾನಿ ಲಾವುನ್ ದೇವಾ; ತ್ಯೊ ಬಾವ್ಹಾಚೆ ಸಂಗ ಯತ್ಯೊ ಮನ್ಹುನ್ ವಾಟ್ ಬಕ್‌ತ್ಯೊ.
\p
\v 12 ಬಾವ್ಹು ಅಪೊಲೊಸಾಚೆ ಗುಶ್ಟಿತ್; ತ್ಯೊ ಬಾವ್ಹಾಂಚೆ ಸಂಗ ತುಮಾನಾ ಭೇಟ್ ಕರಾಯಾ ವ್ಹಯಿತ ಮನ್ಹುನ್ ಮೀ ಖುಬ್ ತರನಿ ತ್ಯಲಾ ಉಮೆದ್ ದಿಲೆ. ಫನ್ ತ್ಯನಿ ಆತಾ ಯಯಿತ್ನಾಹಿ ಮನ್ಹುನ್ ನಿರ್ಧಾರ್ ಕೇಲಾ. ಫನ್ ಚಾ಼ಂಗ್ಲಾ ಅವ್ಕಾಸ್ ಗಾವ್ಲಾಕಿ ಯನಾರ್.
\s ಸರ್ತ್ಯಾ ಬೊಲ್ಯಾ
\p
\v 13 ಜಾ಼ಗ್ರುತ್ ರಾವ್ಹಾ, ಕ್ರಿಸ್ತಾಚಾ ಇಸ್ವಾಸಾತ್ ಗಟ್ ಉಬಿರಾವ್ಹಾ. ಧೀರ್ ಗೆವ್ಹಾ, ಬಳ್ ಗೆವ್ಹಾ. 
\v 14 ತುಮಿ ಕರ್ತ್ಯಾಲ ಸಗ್ಳ ಮಾಯಾನಿ ಕರಾ.
\p
\v 15 ಸ್ತೆಪಾಚಾ ಗರಾತ್ಲಿ ಅಖಾಯಾತ್ಲಿ ಪೈಲ ಇಸ್ವಾಸಿ ಮನ್ಹುನ್ ಆನಿ ತೀ ದೇವಾಚಾ ಲೊಕಾಂಚೆ ಸೇವೆಸಾಟಿ ಆಪ್‌ಲ್ಯಾಲಾ ದಿಲ್ಯಾ ಮನ್ಹುನ್ ತುಮಾನಾ ಠಾವ ಹಾ. 
\v 16 ಮೀ ತುಮ್ಚಿಪ ಮಾಗಾಚ಼ ಕ್ಯಾ ಮಂಜೆ, ಸೇವೆತ್ ಲೊಕಾನಾ ಮಜ಼ತ್ ಕರ್ತ್ಯಾಲ ಆನಿ ಖಟ್ಪಟ್ ಕಾತ್ಯಾಲ್ಯಾಂಚೆ ಸಗ್‌ಳ್ಯಾಂಚೆ ಸಂಗ ಕಾಮ್ ಕರಾ. ತುಮಾನಾ ತುಮಿಸ್ ಒಪ್ಸುನ್ ದೆವಾ.
\p
\v 17 ಸ್ತೆಫಾ, ಪೊರ್ತುನಾತೊಸ್, ಅಖಾಯಿಕ್ ಆಲ್ಯಾಲ ಮನಾ ಖುಬ್ ಆನಂದ್ ಜಾ಼ಲಾ. ತುಮ್ಚಿಪ್ನಿ ಜಾ಼ಲ್ಯಾಲಿ ಲುಕ್ಶಾನ್ ತ್ಯಂಚಾನಿ ಬರ್ಲಿ. 
\v 18 ತ್ಯಂಚಾನಿ ಮಾಜ಼ ಆತ್ಮ ಆನಿ ತುಮ್ಚಿ ಆತ್ಮಿ ಥಂಡ್ ಕೆಲಿತ ನವ್ಹ. ಆಸ ಆಸ್ತಾನಾ ಆಸ್‌ಲ್ಯಾನಾ ವಳಕ್ ಕರಾ.
\p
\v 19 ಆಶೆ ಸೀಮಚಾ ಸಭೆಚಿ ತುಮಾನಾ ಇಚಾರತ್ಯಾತ. ಅಕ್ವಿಲ್ ಆನಿ ಪ್ರಿಸ್ಕಿಲ್ಲ್ ಆಪ್‍ಲ್ಯಾ ಗರಾತ್ ಮಿಳ್‌ತ್ಯಾಲೆ ಸಭೆತ್‍ಲ್ಯಾಂಚೆ ಸಂಗ ಪ್ರಭುಚಾ ನಾವಾನಿ ಖುಬ್ ತುಮಾನಾ ಇಚಾರ್ತ್ಯಾತ. 
\v 20 ಬನ್ಹಿ ಬಾಹು ಸಗ್ಳ ತುಮಾನಾ ಬಾತ್ನಿ ಸಾಂಗತ್ಯಾತ.
\p ಯಕಾಮಕಾಲಾ ಬೆಠಾ ಆನಿ ಬಾತ್ನಿ ಇಚಾರಾ.
\p
\v 21 ಪೌಲ್ ಮಂತ್ಯಾಲಾ ಮೀ ಮಾಜಾ ಹಾತಾನಿ ವಂದನ್ ಲಿವ್‌ಲ್ಯಾ.
\p
\v 22 ಕುನಿ ತರಿ ಪ್ರಭುಚಿ ಮಾಯಾ ಕಿಲಿನಾಹಿತ ತ್ಯೊ ಸರಾಪ್ ಆಸ್ನಾರಾ ವ್ಹವ್ಹುನಿ. ಆಮ್ಚಾ ಪ್ರಭು ಎ!
\p
\v 23 ಪ್ರಭು ಯೇಸು ಕ್ರಿಸ್ತಾಚಿ ಕ್ರಪಾ ತುಮ್ಚಿ ಸಂಗ ರಾಹುನಿ
\p
\v 24 ಕ್ರಿಸ್ತ ಯೇಸುಪ ಮಾಜಿ ಮಾಯಾ ತುಮ್ಚಿ ಸಂಗ ರಾಹುನಿ. ತಸಸ್ ವ್ಹವುನಿ.