\id HEB - Gowlan
\ide UTF-8
\h इब्रानीहोन
\toc3 इब्रानीहोन
\toc2 इब्रानीहोन
\toc1 इब्रानीहोन का नाम चिठ्ठी
\mt2 इब्रानीयो खे नाम चिठ्ठी
\mt1 इब्रानीहोन का नाम चिठ्ठी
\imt पैछान
\ip यीशु जुन्ना नीयम खुप भविष्यवानी कसी करतो थो यो बतानवाला इब्रानीहोन कि चिठ्टी हय एक धिरज देन वाली किताब हइ, एक उपदेस का बरोबर इनकी गिनती करणा मे अय. भविष्यवानी अरु यहूदी मुख्य याजकहोन कर्तव्य यीशु मसीह कसी पुरी करीस हय सपा दिखान वाली साट से जादा जुन्ना नीयम का बारे मे या किताब हइ, ह्या कारण से या किताब यहूदी दुन्या का लिये प्रोत्साहित देनआला असो मानन लग्या हइ. याजक होन ह्या से आगे यज्ञ करण की गरज नी हय यीशु पवित्रशास्त्र कसी पुरी करतो थो येका पर से या किताब सपा कर्‍यो गयो हइ. सब पाप का लिये एक बार अरु सब काल यज्ञ असो यीशु हुइ गो. या किताब मे से हमखे असो समजस की, यीशु मसीह प्रभु पर विश्वास करणा मे हमारा लिये बरोबर करुस.\xt 12:2\xt* असी रिती से यो जमाना मे हम मसीह विश्वासीहोन या किताब बडी प्रोत्साहित हइ. हम उनका पर भुली रास हय.
\ip इब्रानीहोन का नाम चिठ्ठी कोने लिखी हुये हमखे मालुम नी तेभी कुछ पडनवाला को मानणो हइ की वे प्रेरितो पत्रस लुका अरु बार्णबास असा प्रभु खे सेवकहोन ने लिखी हुये. ओसोय या किताब कब लिखी गय हय याभी हमखे मालुम नी का तेभी खुप अभ्यास असो मानस कि जभी यरुशलेम शहर मे 70 वा साल खत्म करणा मे आयो तेभी या किताब मे यरुशलेम को वर्णन असी रितीसे करणा मे आयो हइ कि जसो कुछ तो खत्म हुयोय नी थो या किताब खुप मंडलीहोन मे फिरीखे पड्यो गयो असो. ते रोम शहर मेसे लिखी हुये \xt 13:24\xt*.
\iot रुप रेखा
\io1 1. लेखक असो बतय देस की यीशु यो प्रभु को खबर अरु स्वर्गदूत येकासे बडो हइ \ior 1:1—4:13\ior*.
\io1 2. येका बाद मे असो बताह्ये की , जो याजक यरुशलेम कइ मन्दिर मे सेवा करस ओकासे जादा यीशु बडो हइ \ior 4:14—7:28\ior*
\io1 3. मूसा खे दि वाली आज्ञा का वजेसे जो जुन्ना नीयम प्रभु ने उनका दुन्या करी वाली ओका सभी यीशु कि सेवा बडि हइ \ior 8:1—10:31\ior*.
\io1 4. यीशु ह्या हर एक बात मे बडो हइ ह्या सपा करणा का बाद लेखक जादा दिन मे व्यवाहार का बारेमे सुचना कर्‍हे \ior 10:32—13:17\ior*
\io1 5. आखरी मे कुछ बोध अरु हाजीर करीखे लेखक या चिठ्टी बतायो करतो थो \ior 13:18-25\ior*
\c 1
\s परमेश्वर को वचन बेटा का वजेसे
\p
\v 1 पैयले का जमाना मे परमेश्वर ने बापदादाहोन से थोडो-थोडो करीखे अरु तरह-तरह से भविष्यव्दक्ताहोन का वजेसे बात करी. 
\v 2 यो आखरी दिनहोन मे हम से बेटा का वजेसे बातहोन करी. जेने ओने भोत चिजहोन को वारिस ठैरायो अरु ओका वजेसे ओने पुरी जगत की रचना करी हइ. 
\v 3 उ परमेश्वर की महिमा को उजालो अरु ओका तत्व को चिन्ह हइ. अरु सब चिजहोन खे अपनो सामर्थ्य को वचन से संभालस हइ. उ इन्सान जात का पाप खे धौइ खे माफ दिखे स्वर्ग मे जैखे महामहिम का जवना जगा बैठ्यो.
\s परमेश्वर का बेटा की महानता
\p
\v 4 या प्रकार बेटा स्वर्गदूत से महान बन्यो गयो उ प्रकार जसो परमेश्वर ने ओखे स्वर्गदूत से उत्तम नाम दियो. 
\v 5 क्युकि परमेश्वर ने कोय भी स्वर्गदूत से असो नी बोल्यो.
\q1 “तु मरो बेटो हइ.
\q2 आज मी तरो बाप बन्यो हइ”
\m अरु नी कोय स्वर्गदूत से बोल्यो हइ.
\q1 “मी तरो बाप बन्यु
\q2 अरु तू मरो बेटो हुये?”
\m
\v 6 पन जब परमेश्वर ओका पइलो जन्मे बच्चा खे जगत मे भेजस हइ,
\q1 परमेश्वर का सब स्वर्गदूत ओकी उपासना
\q2 करस.
\q1
\v 7 अरु स्वर्गदूत का बारे मे यो बोल्यो हइ,
\q2 “व्हा अपना दुत खे हवा,
\q3 अरु अपना सेवकहोन कि आत्मा भकभक अंगार
\q4 बनस हइ.”
\q1
\v 8 पन परमेश्वर बेटा का बारे मे बोलस हइ,
\q1 हे परमेश्वर. तरी राजगद्दी पिडमपिडि र्‍हिये;
\q2 तरो शासन तरा दुन्याहोन पर न्याय का साथ र्‍हिये.
\p
\v 9 तो ने सच्ची से धार्मीकता अरु बुरो काम से दुर रख्यो;
\q2 यो कारण परमेश्वर. तरो परमेश्वर ने
\q2 आनंद का तेल से अभिषेक करन का वजेसे तरा सोप्तीहोन से बडीखे चुन्यो.
\m
\v 10 परमेश्वर यो भी बोलस हइ.
\q1 हे प्रभु सुरवात मे तो ने धरती को पय्यो डाल्यो,
\q2 अरु स्वर्ग तरा हाथहोन को कारीगर हइ.
\q1
\v 11 वे तो खतम हुइ जाये, पन तु बन्यो ऱ्हीहे:
\q1 परमेश्वर बोलस हइ. “उ अपना दूतहोन खे हवा मे उडास.
\q2 अरु अपना सेवकहोन खे भगभग अंगार बनास हइ\x + \xo 1:11 \xo*\xt भजन संहिता 102:25-27\xt*\x*.”
\q1
\v 12 हे भैइ अरु बहीन हुशार र्हेनु कि तुम मे असो बुरो
\q2 अरु अविश्वासी लम्बा मन नी होनु, जो तुमखे जिन्दो
\q1 परमेश्वर से दुर हटन खे लि जाये.
\q1
\v 13 अरु स्वर्गदुत मे से परमेश्वर ने कोका से कब
\q2 बोल्यो, तु मरा जवना बठ,
\q1 जब तक “कि मि तरा बैरिहोन के तरा पायहोन का
\q2 नीचे को पिडो नी बनय दियो”.\x + \xo 1:13 \xo*\xt भजन संहिता 110:1\xt*\x*
\m
\v 14 क्युकि हम मसीह कि आत्मा से सेवक हुया हइ, अगर हम अपना पैयला भरोसा पर आखरी तक मजबुत से बन्या र्‍हिये.
\c 2
\s महान उध्दार
\p
\v 1 यो कारण होनु कि हम उन सच्ची बातहोन पर जो हम ने सुनी हइ, अरु भी चेतावनी से मन लगाए, असो नी हुये कि भैयकी खे उनसे दुर चली जाये . 
\v 2 जो सुसमाचार हमारा बापदादा का स्वर्गदूत से मील्यो उ सच्चो जेन्हे ओको अनुकरन नी कर्‍यो उनखे अच्छी शिक्षा मीली. 
\v 3 ते हम कसा बची सकस हइ अगर हम महान उध्दार पर हमारो ध्यान नी जेका बारे मे हमखे पैयले प्रभु ने बतायो, अरु जेने ओखे सुन्यो ओने हमखे यो साबित कर्यो कि उ उध्दार सच्चो हइ. 
\v 4 अरु साथ ही परमेश्वर भी अपनी इच्छा का अनुसार चिन्हहोन, अरु अदभुत कामहोन का अरु नाना प्रकार का सामर्थ्य का कामहोन अरु पवित्र आत्मा का वरदानहोन खे बाटन का वजेसे येकी गवय देतो र्‍हियो.
\s हमारो उध्दारकर्तो परमेश्वर
\p
\v 5 परमेश्वर ने उ आन आला जगत की जेकी बातचीत हम करी र्‍हा हइ, स्वर्गदूत का अधीकार मे नी कर्यो.
\q1
\v 6 क्युकी कोय ने बोली खे या गवय दी हइ, ते इन्सान
\q2 को हइ कि तू ओकी याद करस हइ या इन्सान को हइ कि तू ओकी चिन्ता करस हइ.
\q1
\v 7 तोने ओखे स्वर्गदूत
\q2 से कम कर्यो; तो ने ओका पर महिमा अरु आदर को मुकुट रख्यो. भजन 8.6
\q2
\v 8 तोने ओखे अपना हाथहोन का कामहोन पर अधिकार दियो.
\p येकालिये जब कि ओने सब कुछ भी रखी नी छोड्यो जो ओका अधीन नी हइ. पर हम अब तक सब कुछ ओका अधीन नी देखे. 
\v 9 पर हम यीशु मसीह खे जो स्वर्गदूत से कुछ काम कर्यो गयो थो, मरन को दुख उठान का कारण महिमा अरु आदर कि टोपी पेनी हुयो हइ ताकी परमेश्वर को अनुग्रह से उ हर एक इन्सान का लिये मऱ्यो. 
\v 10 यो परमेश्वर का लिये सही लग्यो जेने सब बातहोन खे बनय खे सब सम्भाल्यो यीशु खे भी दुखहोन का वजेसे ताकि भोत सो सनातन ओकी महिमा मे भागी हुये क्युकि यीशु हि उ एक हइ उनका उध्दार का तरफ लीखे आस हइ.
\p
\v 11 उ इन्सानहोन खे पापहोन से पवित्र करस हइ अरु उ जो पवित्र कर्या हुया सब को बाप एक हि हइ येकालिये यीशु उनखे अपनो परिवार बोलना से नी लाजु.
\q1
\v 12 उ परमेश्वर बोलस हइ “मी तरो नाम
\q2 अपना भैइ अरु बहीन खे सुनायु मंडली का बीच मे मी तरी प्रशंसा कर्यु.”
\p
\v 13 अरु उ यो भी बोलस “मी मरो विश्वास परमेश्वर पर रख्यु.” अरु मी ह्या परमेश्वर ने दिया हुया “सन्तान का साथ हइ .”
\p
\v 14 येकालिये जब कि दुन्या मास अरु खुन का हिस्सेदार हइ, ते उ तुम भी उनका समान उनको मीलन हुइ गयो. ताकि मरन का वजेसे ओखे जेखे मरन पर शक्ति मीली भी, मनजे सैतान खे खत्म करी दे. 
\v 15 अरु जेत्ता मरन को डर का कारण जिवन भर गुलामी मे फस्या था, उनखे छुड्य लेनु. 
\v 16 क्युकि यो स्पष्ट नी हइ कि स्वर्गदूत खे नी क्युकी अब्राहम का बस खे मदत करस हइ. 
\v 17 यो कारन उनखे होनु थो, कि सब बातहोन मे अपना भैइ का जसा बन्नु; जेकासे वे बातहोन मे जो परमेश्वर से सम्बन्ध रखस हइ, एक दयालु अरु विश्वासयोग्य महायाजक बन्नू ताकि दुन्या का पापहोन कि माफी का लिये प्रायश्चित बन्नु. 
\v 18 क्युकि जब सैतान ने परिक्षा की हालत मे दुख उठायो, ते उ ओकि भी मदत करी सकस हइ जेकी परिक्षा होस.
\c 3
\s यीशु मूसा से बडो
\p
\v 1 अरु मरा पवित्र भैइहोन तुम जो स्वर्गीय बुलाना मे साती दार हुये, उ प्रेरित अरु परमेश्वर का द्वारा बुलाया गया हइ, तुम अपनो ध्यान यीशु पर लगैइ खे रखनु. 
\v 2 उ जने ओखे चुन्यो वहा परमेश्वर का प्रती विश्वास योग्य थो ठिक असो जसो मूसा ने अपना काम का प्रती परमेश्वर का घराना मे विश्वास-लायक थो. 
\v 3 जसो घर बनानआलो एक इन्सान घर से अधिक खुद आदर को पात्र होस हइ उ रीति से यीशु भी मूसा से अधिक आदर को पात्र मान्यो गयो. 
\v 4 क्युकि हर एक घर खे कोय न कोय बनान आलो होस हइ, पन जेने सब कुछ बनायो उ परमेश्वर हइ. 
\v 5 मूसा तो परमेश्वर का पूरा घर मे सेवक का समान विश्वासयोग्य र्हीयो कि जो बातहोन को वर्णन होन आलो थो, उन की गवय दे. ओने वा बातहोन बोली जो भविष्य मे परमेश्वर का द्वारा बोली जान आली थी. 
\v 6 पन मसीह बेटो होन का नातासे परमेश्वर को घर को अधिकारी हइ; अरु परमेश्वर को घरनो हम हइ, अगर हम हिम्मत पर अरु अपना आस का घमण्ड पर आखरी तक मजबुत से र्हिया.
\s परमेश्वर का दुन्याहोन को आराम
\p
\v 7 येकालिये जसो पवित्र आत्मा बोलस हइ,
\q1 “अगर आज तुम परमेश्वर की अवाज सुन्ये,
\q2
\v 8 ते अपना मन खे कठोर नी करनु,
\q2 जसो तुम्हारा बुजुरुखहोन ने
\q2 जब उनकी मरुस्थल मे परीक्षा हुइ री थी परमेश्वर का खिलाफ बगावत करी थी
\q1
\v 9 परमेश्वर बोलस हइ वहा उनने मरी परिक्षा का तरफ परख्यो अरु मरा कामहोन खे देख्यो जेखे मेने चालीस साल तक देख्यो.
\q1
\v 10 यो कारण मी उ टाइम का दुन्याहोन से गुस्सा र्हियो,
\q2 अरु बोल्यो इनको मन हमेशा से ही प्रमाणित
\q2 अरु मरी आज्ञा खे ठुकरान आला
\q1 या मरी रस्ता समजे नी हइ.
\q1
\v 11 तब मेने गुस्सा मे अयखे कसम-खैइ,
\q2 वे मरा आराम स्थान मे कभी प्रवेश करी नी सखे .”
\p
\v 12 हे भैइ अरु बहीन, चौक्नय र्हेनु कि तुम मे असो बुरो अरु अविश्वासी मन नी होनु, जे तुमखे जिन्दो परमेश्वर से दुर हटैखे लि जाये. 
\v 13 येका बदला जब तक “आज का दिन” बोल्यो जास हइ, तुम हर दिन एक दूसरा खे प्रोत्साहित र्‍हिया, असो नी हुये कि तुम मे से कोय झन पाप का छल मे अय-खे कठोर हुइ जाये. 
\v 14 क्युकि हम मसीह का भागीदारी हुया हइ, अगर हम अपना पैयला भरोसा पर आखरी तक मजबुत से बन्या र्‍हिये.
\p
\v 15 जसो शास्त्र बोलस हइ ,
\q1 “अगर आज तुम ओको बोल सुन्ये ते अपना मन खे कठोर नी
\q2 करनु, जसो कि बगावत का दिनहोन
\q2 मे तुम्हारा बुजुरुखहोन ने कर्यो थो.”
\p
\v 16 भलो कोन हइ जेने परमेश्वर की वाणी सुनी अरु उनका खिलाफ बगावत कर्यो? का वे कोन था, जेने मूसा ने मीस्र से बचैइ खे नीकाल्यो थो? 
\v 17 अरु परमेश्वर चालीस साल तक कोनता इन्सान से घुस्सा र्‍हियो? का उन से जेने पाप कर्यो, अरु उनकी लाश जंगल मे पडि र्‍हिये? 
\v 18 अरु परमेश्वर कोखा लिये कसम खैइ कि तुम मरा आराम स्थान मे प्रवेश नी करी सखे ? का फक्त उनसे जेने आज्ञा नी मानी? 
\v 19 यो प्रकार हम देखस हइ कि वे अविश्वासी का कारण आराम कि जगा पर प्रवेश नी करी सक्या.
\c 4
\p
\v 1 येका लिये जब कि उनका आराम प्रवेश करण की प्रतीज्ञा अब तक हइ ते हम डरन खे होनु असो नी हुये कि तुम मे से कोय झन बाहेर र्‍हि जाये. 
\v 2 क्युकि हम भी जसो सुसमाचार सुन्यो जसो उन्ने सुन्यो थो जो संदेश उन्ने सुन्यो थो उनका लिये कोइ किमत नी थी, क्युकि उन्ने सुन्यो तब विश्वास से स्वीकार नी कर्यो. 
\v 3 हम जो विश्वासी हइ उ आराम खे जेखे परमेश्वर ने प्रतीज्ञा करी थी ओखे हम याद करता शामील नी हुइ पाये ओने यो बोल्यो थो, जबकी जगत कि नीर्मीती करण का बाद ओको काम पुरो हूइ गयो थो, जसो कि परमेश्वर ने बोल्यो हइ मेने घुस्सा मे येका पर कसम लिखे बोल्यो थो कि ओने यो बोल्यो. 
\v 4 क्युकि सातवा दिन का बारे मे ओने शास्त्र मे बोल्यो हइ कि “परमेश्वर ने अपना पुरा काम होन खे खत्म करी खे सातवा दिन मे अराम कर्यो.” 
\v 5 अरु या प्रकार फिर यो बोलस हइ “वे मरा आराम स्थान मे प्रवेश करी नी पाये.” जेखे मेने उनखे देन को ठैरायो हइ. 
\v 6 ते अब या बात बाकी हइ कि खे तनो अरु हइ जो वा आराम मे प्रवेश कर्ये अरु जिनको पैयले सुसमाचार सुन्यो थो किक्यु उनन्हे विश्वास नी कर्यो किक्यु उनने विश्वास नी थो क्युकि दुसरा का लिये आराम करण का वजेसे अभी भी खुल्यो हइ,
\q1
\v 7 येका लिये उ कोय खास दिन खे ठैरेय खे
\q2 इत्ता दिन का बाद दाउद की किताब मे ओखे. आज को दिन बोलस हइ. जसो पैयले बोल्यो गयो, “अगर आज तुम ओको बोल सुन्ये ते अपना मन खे कठोर नी करणू.”
\p
\v 8 अगर यहोशू उनखे आराम दिन मे लि गयो जेकी प्रतीज्ञा करी थी, ते परमेश्वर का बाद मे कोइ दिन का बारे मे उ बोलस. 
\v 9 ते जो भी जसो परमेश्वर सातवा दिन आराम करस हइ वसो हि परमेश्वर का दुन्याहोन का लिये व्हा आराम बाकी हइ. 
\v 10 क्युकि जे कोय भी परमेश्वर मे प्रतीज्ञा कर्यो हुया आराम मे प्रवेश करस हइ, उ ओका काम होन मे आराम पाये ये वैइ प्रकार जसो परमेश्वर ने ओका काम होन से आराम पायो हइ. 
\v 11 येका लिये हम वा आराम मे प्रवेश करण की कोशीस करणु कि असो नी हुये कि कोय झन उनका ओका जसा विश्वास कि कमी का वजेसे गिरी पड्या.
\p
\v 12 क्युकि परमेश्वर को वचन जिन्दो अरु क्रिया शील खे अरु हर एक दोधारी तलवार से भी भोत तेज हइ. अरु जान अरु आत्मा को अरु जोड़-जोड़ खे अलग करी खे आर-पार हइ अरु मन की भावना अरु बिचार जानस हइ. 
\v 13 सृष्टी की कोय चिज परमेश्वर का आख का सामने जेखे हम खे हिसाब किताब देनो हइ हर चिज बीना आवरन कि खुली हुइ हइ अरु कुछ भी ओझ ल नी हइ.
\s यीशु महान बडो याजक
\p
\v 14 येका लिये जब हमारो असो बडो महायाजक हइ जो स्वर्ग से हुइ खे गयो हइ, मंनजे परमेश्वर को बेटो यीशु ते ओको हम अपना विश्वास हमने मीली कर्यो हइ द्दढता से थामे र्‍हेनु. 
\v 15 क्युकि हमारो असो महायाजक नी जो हमारो नीर्बलताहोन मे हमारा साथ सैतान को दुख नी हुइ सकस क्युकी उ सब बातहोन मे हमारा जसा परख्यो गयो तेभी नीष्पाप निकल्यो. 
\v 16 येका लिये आनू कि हम अनुग्रह को राजगद्दी का पास मे हिम्मत बाधी खे चल्यो की हम पर दया होस अरु उ अनुग्रह पाये जो गरज का टेम मे हमारी मदत करणू.
\c 5
\p
\v 1 क्युकि हर एक महायाजक इन्सानहोन मे से नीयुक्त कर्यो जास हइ कि उनको प्रतीनीधित्व करीखे परमेश्वर कि सेवा करीखे पाप दान को अर्पन करी सक्ये. 
\v 2 वे अनाडीहोन अरु भूल्या भटक्या का साथ नर्मी से व्यवहार करी सकस हइ येका लिये कि उ तुम भी नीर्बलता से घेर्यो हइ. 
\v 3 येका लिये ओका होनु कि जसा इन्सानहोन का लिये ओसो ही अपना लिये भी पाप बलि चडायो करस. 
\v 4 यो मुख्य याजक का आदर को पद कोय अपना आप नी लिखे जब तक कि हारुन का सामने परमेश्वर का तरफ से ठैरायो नी जाये.
\p
\v 5 ओसो ही मसीह ने भी महायाजक को आदर को पद अपना आप नी लियो बल्की
\q1 “परमेश्वर ओखे बोलस हइ
\q1 तु मरो बेटो हइ
\q2 आज मी तरो बाप बन्यो हइ. 
\v 6 यो प्रकार उ दूसरा जगा मे भी बोलस हइ,
\q1 तू मलिकिसिदक कि रीति
\q2 पर पिडमपिडि का लिये याजक ठैरेये.” \fig महायाजक अपना पुजारी का कपडा अरु धुप दानी का साथ|alt="High priest with his priestly clothes and censer" src="HK00267C.TIF" size="col" copy="Horace Knowles ©" ref="5:5"\fig*
\p
\v 7 यीशु ने अपना आंग मे र्‍हेन का दिनहोन मे उचो बोल मे रोइखे अरु आख से आसु बोहय-बोहय खे ओका से जो मरन से बच्यै सकतो थो, प्रार्थनाहोन अरु प्रार्थना करीखे अरु भक्ति अरु नम्रताकरण ओकि सुनी गइ. 
\v 8 बेटो होना पर भी ओने दुख उठैखे आज्ञा को पालन करणो सिख्यो. 
\v 9 अरु सिध्द बनी अपना सब आज्ञा मानन आला का लिये सनातन को उध्दार हुइ गयो. 
\v 10 अरु ओखे परमेश्वर का तरफ से मलिकिसिदक की रीति पर महायाजक को पद मील्यो.
\s विश्वास से भटकी जाना का खिलाफ चेतावनी
\p
\v 11 येका बारे मे हम खे भोत सी बातहोन बोलनू हइ, पन जेको वर्णन करणो कठिन हइ क्युकि तुम समझना मे भोत धिमे हुया. 
\v 12 टेम का बिचार से ते तुम मास्तर हुइ जान खे होनु थो, तेभी यो जरुरी हुइ गयो हइ कि कोय तुम खे परमेश्वर का वचन खे आदि शिक्षा फिर से सिकइ. तुम ते असा हुइ गया हइ कि तुमने अनाज खान का बजाय तुम खे अभी अब तक दूध पीनु पडस हइ. 
\v 13 क्युकि दूध पिनआला बच्चा ही हइ अरु ओखे सही गलत को कोय धार्मीकता को अनुभव नी होय. 
\v 14 पर ठोस खानो समझदारहोन का लिये हइ, उनने अपना अनुभव करन को अच्छा बुरा को ज्ञान करणो सीखी लियो हइ.
\c 6
\p
\v 1 येका लिये आओ मसीह की शिक्षा की सुरवात की बातहोन खे छोडी खे हम सिध्दन्ता का तरफ आगे बडता जाए, अरु मर्या हुया काम होन से मन फिराव को अरु परमेश्वर पर विश्वास करणु. 
\v 2 अरु बापत्सिमा अरु हात रखनु, अरु मर्या हुया, पुनरुत्थान होना पर, अरु आखरी न्याय की शिक्षा रुपी पायो फिर से नी डालनु. 
\v 3 अगर परमेश्वर चाये ते हम योही कर्ये.
\p
\v 4 क्युकि जेने एक बार उजालो देख्यो हइ, अरु जे स्वर्गीय वरदान को स्वाद चकी चुक्या हइ अरु पवित्र आत्मा को भागीदार हूइ गया हइ 
\v 5 अरु परमेश्वर को उत्तम वचन को अरु आन आलो जगत का सामर्थ्य को स्वाद चकी चुक्या हइ. 
\v 6 अगर वे विश्वास से भटकी जाए ते उनका फिर से मन फिराव का लिये वापस लानो असंभव हइ. क्युकि वे परमेश्वर को बेटो अपना लिये फिर क्रुस पर चडास हइ अरु प्रगट मे ओका पर कलंक लगास हइ.
\p
\v 7 क्युकि जो जमीन बारीश का पानी खे जोओ पर बार-बार गीरस हइ, पी पी खे जो इन्सानहोन का लिये उ जोतन-बोन आला खे उपयोगी फसल प्रदान करस हइ उ परमेश्वर को आशीर्वाद पास हइ. 
\v 8 पर अगर वा झाडि अरु काटा उगास हइ, ते नीकम्मी अरु स्त्रापित होना पर हइ, अरु ओको अन्त जलायो जानो हइ.
\p
\v 9 पर हे प्रिय दोस्त पन हम या बातहोन बोलस हइ तेभी तुम्हारा बारे मे हम येका से अच्छी अरु उध्दार वाली बातहोन को भरोसो करस हइ. 
\v 10 क्युकि परमेश्वर अन्यायी नी कि तुम्हारो काम अरु उ प्रेम खे भुली जायेका जो तुम ने ओका नाम का लिये या रीति से दिखायो कि मसीह इन्सानहोन की सेवा का तरफ करी भी रो हइ. 
\v 11 पर हम भोत चाहस हइ कि तुम मे से हर एक जन आखरी तक पूरा विश्वास का लिये असो ही कोशीस करतो र्हिया. 
\v 12 हम नी चाहस कि ताकि तुम आलसी नी हुइ जानु, क्युकी उनको अनुकरण करणू जो विश्वास अरु धीरज का वजेसे प्रतीज्ञाहोन को वारिस होस हइ.
\s परमेश्वर की अटल प्रतीज्ञा
\p
\v 13 परमेश्वर ने अब्राहम से प्रतीज्ञा करता टेम जब कसम खान का लिये कोय खे अपना से बडो नी पायो ते अपनी ही कसम खय खे बोल्यो. 
\v 14 “मी सचमुच तोखे भोत आशिर्वाद दियु, अरु तरी सन्तान खे बडाते जायु.” 
\v 15 अरु या रीति से अब्राहम ने धीरज धरी खे परमेश्वर ने करी हुइ प्रतीज्ञाहोन को फल प्राप्त कऱ्यो. 
\v 16 इन्सान तो अपना से कोय बडा की कसम खाया करस हइ, अरु उनका हर एक विवाद को फैसलो आखरी कसम पक्को कर्यो जास हइ. 
\v 17 येका लिये जब परमेश्वर ने प्रतीज्ञाहोन का वारिसहोन पर अरु भी सफा रीति से प्रगट करणो चाहुस कि ओको उद्देश बदली नी सक्ता ते कसम खे बीच मे लय. 
\v 18 ताकि दो बीना बदल बातहोन का वजेसे जेका विषय मे परमेश्वर खे झुठो ठैरानो अनहोनो हुये दुढता से हमारो हिम्मत बंधी जाये जो पाय पडन लेन का येका लिये दौड्या हइ कि ओकी आस खे जे सामने रखी हुइ हइ मील्हे करणु. 
\v 19 उ आसा हमारो जिव मन का लिये असो लंगर हइ जो स्थिर अरु द्दढ़ हइ अरु परदा का अंदर तक पहुचस हइ. 
\v 20 जहा यीशु ने मलिकिसिदक की रीति पर पिडमपिडि को महायाजक बन्यो हइ.
\c 7
\s मलिकिसिदक याजक
\p
\v 1 यो मलिकिसिदक शालोम को राजा थो, अरु परमप्रधान परमेश्वर को याजक थो. जब अब्राहाम राजा खे युध्द से पराजित करीखे वापस अय रो थो तब उ अब्राहम से मील्यो अरु ओखे आशिर्वाद दियो. 
\v 2 अब्राहम ने सब चिजहोन को दसवो भाग भी दियो. यो पैयले अपना नाम का अर्थ का जसो धर्म को राजा अरु फिर शालोम पन शांती को राजो हइ. 
\v 3 ओका बाप का माय का अरु बुर्जुकहोन को कोय इतिहास नी मीलस हइ, ओका जिवन अथवा मरन को भी कोय उल्लेख नी हइ पन परमेश्वर को बेटा खे जसा ही हमेशा का लिये याजक बन्यो र्हेस हइ.
\p
\v 4 अब येका पर ध्यान करणू कि उ कसो महान थो जेको कुल पति अब्राहम ने लूटीखे अच्छा से अच्छा माल को दसवो भाग दियो. 
\v 5 लेवी की सन्तान मे से जो याजक को पद पास हइ, उनखे आज्ञा मीली हइ कि इन्सानहोन मंनजे अपना इस्राएली भैइ से चाये वे अब्राहम का आंग से क्यु नी जन्मो हइ, व्यवस्था का जसो दसवो हिस्सो ले. 
\v 6 पर मलिकिसिदक ने जो लेवी को वंश को भी नी थो, अरु उ अब्राहम खे आशिर्वाद दियो जेका पास परमेश्वर की प्रतीज्ञाहोन थी. 
\v 7 येमे कोय शक नी कि जो आशीर्वाद देस हइ उ आशिर्वाद लेन आला से बडो होस हइ. 
\v 8 अरु ह्या तो मनहार इन्सान दसवो भाग लेस हइ पर वहा उ लेस हइ, जेकी गवइ दी जास हइ, कि उ जिन्दो हइ. 
\v 9 ते हम यो भी बोली सकस हइ कि लेवी ने भी जो दसवो हिस्सो लेस हइ, अब्राहम का वजेसे दसवो हिस्सो दियो. 
\v 10 क्युकि जो टेम मलिकिसिदक ने ओका बाप से भेंट करीखे उ टेम उ अपना बाप का आंग मे थो.
\p
\v 11 अगर लेवीय याजक पद का वजेसे सिध्दि मील्हे हुइ सकस जेका सहारा इन्सानहोन खे व्यवस्था मीली थी ते फिर जरुरत थी कि दुसरो याजक मलिकिसिदक कि रीति पर खडो होनु, अरु हारुन कि रीति खे नी बोल्योह्ये? 
\v 12 क्युकि जब याजक को पद बदल्यो जास हइ, ते व्यवस्था को भी बदलनो जरुरती हइ. 
\v 13 क्युकि जो हमारा प्रभु का बारे मे या बात बोली जास हइ कि उ दूसरा गोत को हइ, जेमे से कोय ने वेदी की सेवा नी करी. 
\v 14 ते प्रगट हइ कि हमारो प्रभु यहूदा को गोत मे से जन्म लियो हइ, अरु या गोत का बारे मे मूसा ने याजक पद की कुछ बातचित नी करी.
\s मलाकीसिदक का जसो एक याजक
\p
\v 15 हमारो दावो अरु भी पुरा सफा तराह से प्रगट हुइ जास हइ, जब मलिकिसिदक का समान एक अरु याजक पइदा हुइ जास हइ. 
\v 16 जो आंग की आज्ञा से अरु नीयमहोन का जसो पर अविनाशी जिवन की सामर्थ्य का जसो नीयुक्त हुयो हइ. 
\v 17 क्युकि ओका बारे मे या गवइ दी गइ हइ, “तू मलिकिसिदक कि रीति पर पिडमपिडि याजक हइ.” 
\v 18 यो प्रकार पयली आज्ञा रद्द दियो गयो क्युकि उ नीर्बल अरु कोय काम को नी थो. 
\v 19 येका लिये कि क्युकि मूसा की व्यवस्था ने कोय कि बात की पुरी सिद्धि नी करी सक्यो अरु अब ओका जगा पर एक अशी उत्तम आस रखी गइ हइ जेका वजेसे हम परमेश्वर का सामने जैय सकस हइ.
\p
\v 20 मसीहा की नीयुक्ति परमेश्वर कि कसम का वजेसे हुइ, बल्की दुसरा कि कसम का बिना ही याजक बनायो गयो थो.
\q1
\v 21 पन यीशु परमेश्वर की कसम का साथ ओका
\q2 तरफ से जेने ओका बारे मे बोल्यो,
\q1 “प्रभु ने कसम ली हइ अरु उ अपनो मन कभी नी बदल्ये तु पिडमपिडी का लिये याजक ठैर्ये.”\x + \xo 7:21 \xo*\xt भजन संहिता 110:4\xt*\x*
\p
\v 22 अरु या बदलाव यीशु एक उत्तम वाचा को हामी बनी गयो
\p
\v 23 असा भोत सा याजक हुया करता था, पन मृत्यु ने उनका अपना पदवी पर कायम नी र्हेन दियो. 
\v 24 पन यीशु अमर हइ अरु ओको याजक को काम भी पिडमपिडि का लिये बन्यो र्‍हेन आलो हइ. 
\v 25 येका लिये जे ओका वजेसे परमेश्वर का पास आस हइ, उ उनको पूरो उध्दार करणा मे समर्थ हइ, क्युकि यीशु उनका लिये प्रार्थना करण खे हमेशा जिन्दो हइ.
\p
\v 26 असो ही महायाजक हमारा जरुतहोन खे पुरो करी सकस हइ. उ पवित्र हइ, उ नीर्दोश हइ, अरु ओमे कोय पाप नी की जो पापिहोन से अलग र्हेस हइ स्वर्ग से भी ओखे उचो उठायो गयो हइ. 
\v 27 वे महायाजक का समान ओखे जरुरी नी कि हर दिन पैयले अपना पापहोन अरु फिर इन्सानहोन का पाप का लिये बलिदान चडाये. क्युकि ओने अपना आपखे बलिदान चडैय, एक ही बार मे पूरो करी दियो. 
\v 28 मूसा कि व्यवस्था ते अधुरो इन्सान खे महायाजक नीयुक्ति करस हइ, पन परमेश्वर की प्रतीज्ञा ओका कसम का साथ बनी गइ हइ, या प्रतीज्ञा ने प्रमुख याजक का रुप मे बेटा होन खे नीयुक्त कर्यो हइ, जो पिडमपिडि का लिये परिपुर्ण बन्यो र्हेस हइ.
\c 8
\s यीशु हमारो महायाजक
\p
\v 1 जो कुछ करी र्‍हा हइ उनकी मुख्य बातहोन या हइ. नीश्चित ही हमारा पास असो महायाजक हइ, जो स्वर्ग मे महामहिम को जवना हात सिंहासन पर विराजमान हइ. 
\v 2 अरु पवित्र जगा मे मंनजे सच्चा झोपडि मे जेखे परमेश्वर ने स्थापना करी थी नी इन्सान ने वा जगा महायाजक को काम करस हइ.
\p
\v 3 क्युकि हर एक महायाजक दान अरु बलिदान परमेश्वर खे चडान का लिये ठैरायो जास हइ, यो करण जरुरी हइ कि या याजक का पास भी कुछ चडान का लिये हुये. 
\v 4 अगर उ धरती पर होतो ते कभी याजक नी होतो, क्युकि उ पैयले से ही असो याजक हइ जो यहूदीया व्यवस्था का जसो दान चडान आला हइ. 
\v 5 जो येमे हइ ओकी एक छाय अरु झलक हइ, यो असो प्रकार हइ जब मूसा पवित्र झोपडि को नीर्माण करण आलो हि थो तब परमेश्वर ने ओखे बोल्यो थो “ध्यान ऱ्हे कि तु हर चिज ठिक उ प्रतीरुप का जसो बनानु कि जो तोखे पहाड पर दिखायो गयो थो.” 
\v 6 पर अब जो याजक पन कि सेवा यीशु खे मीली हुइ हइ, उ उनकी सेवा कार्य से बडी हइ क्युकि उ जो वाचा को मध्यस्थ हइ, उ पुराना वाचा से अच्छो हइ, क्युकि यो अच्छो चिजहोन कि प्रतीज्ञाहोन पर आधारीत हइ.
\p
\v 7 क्युकि अगर उ पयली वाचा नीर्दोष मे कोय गलती नी होती ते दुसरा वाचा कि जरुरत नी होती.
\q1
\v 8 पन परमेश्वर खे वे इन्सानहोन मे दोष मील्यो अरु उ बोलस हइ,
\q2 प्रभु बोलस हइ, देखनु वे दिन आस हइ
\q3 कि मी इस्राएल का घराना का साथ,
\q2 अरु यहूदा का घराना का साथ नवी वाचा बाध्यु.
\q1
\v 9 यो प्रभु वाचा का समान नी हुये खे
\q2 जो मेने उनका बापदादाहोन का साथ वा टेम बाधी थी,
\q1 जब मी ओको हात पकडी खे उनखे मीस्र देस से नीकाली लायु.
\q2 क्युकि वे मरी वाचा से विश्वास योग्य नी र्हिये जेखे मेने उनका साथ बाधी थी,
\q3 येका लिये मेने उन पर ध्यान नी लगायो.
\q1
\v 10 फिर प्रभु बोलस हइ, कि जो वाचा मे
\q2 उ दिनहोन का बाद इस्राएल
\q3 का घरना का साथ बाध्यु उ
\q1 यो हइ कि अपनो व्यवस्था का उनका मन मे डाल्यु,
\q2 अरु ओखे उनका ह्रदय पर लिख्यु
\q1 अरु मी उनको परमेश्वर ठैर्यू
\q2 अरु वे मरा इन्सान ठैर्ये.
\q1
\v 11 अरु हर एक अपना दोस्तहोन खे
\q2 अरु अपना भैइ अरु बहीन खे या शिक्षा नी देनु,
\q2 कि तू प्रभु खे पहिचान
\q1 क्युकि छोटा से बडा तक मेखे जानी
\q2 लिये.
\q1
\v 12 क्युकि मी उनका बुरोकाम का बारे मे
\q2 दयावन्त हुयु
\q1 अरु कभी उनको पाप याद नी
\q2 रख्यु.
\p
\v 13 पयली आत्मा खे जुन्नो करी दियो या वाचा खे बोली खे पयली वाचा खे जुन्नी करी दियु अरु जो जुन्नो अरु जिर्ण हुइ जास हइ उ ते फिर जल्दी ही मीटी जास हइ.
\c 9
\s सांसारीक अरु स्‍वर्गीय उपासना
\p
\v 1 वा परइली वाचा मे भी उपास करण को नीयम थो, तथा एक पवित्र जगा थी. 
\v 2 क्युकि एक झोपडि खडी करी गय थी, पैयले खोलि मे दिवो अरु मेज खे अरु जेका पर दान की रोटीहोन थी. अरु वा पवित्र जगा कैलातो थो. 
\v 3 दूसरा परदा का पीछे एक अरु झोपडि थी, जो परम पवित्र जगा बोल्यो जातो थो. 
\v 4 येमे सुगंधित धूपदानी का लिये सोन्ना की वेदी अरु सोन्ना से मड्यो हुयो वाचा को सन्दूक मे सोन्ना को बन्यो मन्ना को पात्र थो, अरु हारुन की वा लकडी जेमे अंकुर उगायो थो तथा दो पत्थर जेका पर आज्ञाहोन लिखी हुइ थी था. 
\v 5 ओका उपर दो तेजमय करुब था, जो प्रायश्चित का झाकना पर छाय कर्या हुया था. इन का एक-एक करीखे वर्णन करण को अवसर नी हइ. \fig आराधनालय का मडप को अन्दर को भाग|alt="Interior of tabernacle" src="BK00278C.TIF" size="span" copy="Horace Knowles ©" ref="9:2"\fig*
\p
\v 6 सब कुछ यो प्रकार ठिक हुइ जाना पर अपना सेवा को काम पुरो करतो थो, या चिजहोन या रीति से तैयार हुइ गया. उ पैयले झोपडि मे याजक हर टेम प्रवेश करीखे सेवा को काम खत्म करस हइ. 
\v 7 किन्तु परदा का अंदर कि दुसरी छपरी मे फक्त प्रमे खे महायाजक साल भर मे एक बार जास हइ, अरु बिना खुन का वजेसे प्रवेश नी करतो थो बिना समझ मे कर्यो गयो पापहोन को परमेश्वर खे दान चडायो करतो थो. 
\v 8 येका का वजेसे जब तक पयली झोपडि खडी हइ तब परम पवित्र जगा कि रस्ता खुली नी गय थी प्रगट नी हुयो. 
\v 9 या झोपडि वर्तमान टेम का लिये एक बुरो हइ जेका से असी दान अरु बलिदान चडायो जास हइ जेका से आराधना करण आला खे विवेक दृष्‍टान्‍त से सिध्द नी हुइ सकस हइ. 
\v 10 क्युकि वे फक्त खान पीन का चिजहोन अरु थोडो-थोडो स्नान-विधी का आधार पर आत्मा को नीयम हइ, जो नवी टेम तक का लिये नीयुक्त कर्यो गयो हइ. 
\v 11 पन जब मसीह आन आलो अच्छी अच्छी चिजहोन को महायाजक का रुप मे आयो, ते ओने अरु भी बडा अरु सिद्ध झोपडि से हूइ खे जो हात को बनायो हुयो मंनजे या सृष्टि को नी. 
\v 12 अरु बकराहोन अरु पिल्लाहोन का खुन का वजेसे नी पर अपना ही खुन का वजेसे एक ही बार पवित्र जगा मे प्रवेश कर्यो अरु सनातन काल को छुटकारो मील्हे. 
\v 13 क्युकि जब बकराहोन अरु बैलहोन को खुन अरु पिल्ला कि राख खे अपवित्र इन्सानहोन पर छिडक्यो जानो आंग की अच्छा का लिये उनखे पवित्र करस हइ. 
\v 14 ते मसीह को खुन जेने अपना आप खे सनातन आत्मा का वजेसे परमेश्वर का सामने नीर्दोष चडायो, तुम्हारा विवेक खे मार्या हुया काम होन से क्यु नी अच्छो कर्ये ताकि तुम जिन्दो परमेश्वर की सेवा करणू.
\p
\v 15 यो करण ताकी पयली वाचा को मध्यस्थ हइ, ताकि ओको मरना का वजेसे जो पयली वाचा को अधीन कर्यो गयो पापहोन से छुटकारो मीलन का लिये हुयो हइ, बुलाया हुया दुन्या प्रतीज्ञा का अनुसार फिरोती पैसा उ अपनो जान दि सक्ये.
\p
\v 16 जहा तक वसीहत नामा को सवाल हइ वहा तक जेने ओखे बनायो गयो हइ ओकी बुध्दि खे बनानो जरुरती हइ, 
\v 17 क्युकि कोय वसीहत नामो तेभी लिखन आला मरना पर पक्को हुयो हइ, अरु जब तक लिखन आला जिन्दो र्‍हेस हइ उ कभी प्रभावी नी होय. 
\v 18 येका लिये पयली वाचा भी बिना खुन को इस्तेमाल का वजेसे प्रभावीत ठैर्या. 
\v 19 पैयले मूसा सब दुन्या कि व्यवस्था कि किताब की हर एक आज्ञा सुन्ये चुक्यो ते ओने बैल अरु बकराहोन को खुन लिखे पानी अरु लाल उन अरु जूफा का साथ वा किताब पर अरु सब दुन्याहोन पर छिडकी दियो, 
\v 20 अरु बोल्यो, उ वाचा को खुन हइ, जेकी आज्ञा परमेश्वर ने तुम्हारा लिये दियो हइ, 
\v 21 अरु या रीति से ओने झोपडि अरु सेवा खे सब आराधना कि चिज पर खुन छिडक्यो, 
\v 22 वास्तव मे व्यवस्था का जसो खुन से नजीकपास सब चिजहोन अच्छो कर्यो जास हइ, अरु बिना खुन बोहाए पापहोन खे माफ नी कर्हे.
\s मसीहा को बलिदान का वजेसे पाप-माफ
\p
\v 23 येका लिये जरुरी हइ कि स्वर्ग मे की चिजहोन का जसो यो बलिदानहोन का वजेसे अच्छो कर्यो जाये पर स्वर्ग मे की चिजहोन खुद इनका से उत्तम बलिदान का वजेसे शुध्द कर्यो जास, 
\v 24 क्युकि मसीह ने परमेश्वर का हात से बनायो हुया पवित्र जगा मे जो सच्चा पवित्र जगा को नमूनो हइ, प्रवेश नी कर्यो पर स्वर्ग ही मे प्रवेश कर्यो, ताकि हमारा लिये अब परमेश्वर का सामने दिखाइ देनू, 
\v 25 यो नी कि उ अपना आप खे बार-बार चडायो, जसो कि महायाजक हर साल दूसरा को खुन लिये पवित्र जगा मे प्रवेश कर्यो करस हइ, 
\v 26 नी ते जगत की रचना से लिखे बार-बार दुख उठानु पडस. पर अब युग का आखरी मे उ एक ही बार प्रगट हुयो हइ, ताकि अपना ही बलिदान का वजेसे पाप खे दूर करी दे, 
\v 27 अरु जसो इन्सान का लिये एक बार मरनो अरु ओका बाद न्याय को होनो नीयुक्त हइ, 
\v 28 ओसो हि मसीह भी भोत पाप खे उठै लेन का लिये एक बार बलिदान हुयो. अरु जो ओकी रस्ता देखस हइ उनका उध्दार का लिये पर अब दूसरी बार प्रगट हुये ते पापहोन को वहन करण का लिये नी पाप खे दुर करण की जो ओकी रस्ता देखी रा हइ उनखे उध्दार देन का लिये.
\c 10
\s सिध्द बलिदान
\p
\v 1 क्युकि व्यवस्था खे जेमे आन आली अच्छी चिजहोन को छाय हइ पर उनको असली स्वरुप खे येका लिये वे एक ही रंग को बलिदान का वजेसे जो हर साल अचूक चडाय जास हइ, पास आन आला खे कभी भी सिध्द नी करी सक्ये. 
\v 2 नी ते उनको चडानो बन्द क्यु नी हूइ जाय? येका लिये जब सेवा करण आला एक ही बार अच्छो हुइ जास, ते फिर उनको विवेक से उनका पाप नी ठैराय. 
\v 3 पन उनका वजेसे हर साल पाप खे याद कर्यो जास हइ, 
\v 4 क्युकि यो अनहोनो हइ कि बैलहोन अरु बकराहोन को खुन पाप खे दूर कर्येका
\p
\v 5 या कारनउ जगत मे आतो टेम बोलस हइ,
\q1 बलिदान अरु भेंट तोने नी हुनु,
\q2 पर मरा लिये एक आंग तैयार कर्यो,
\q1
\v 6 होम-बलिहोन अरु
\q2 पाप-बलिहोन से तू खुश नी हुयो,
\q1
\v 7 तब मे ने बोल्यो, देख मी अयगो हइ,
\q2 पवित्र-शास्त्र की किताब मे मरा बारे मे लिख्यो हइ,
\q2 ताकि हे परमेश्वर, तरी इच्छा पूरी करण का लिये आयो हइ, 
\v 8 उपर ते उ बोलस हइ, “नी तोने बलिदान अरु भेंट अरु होम-बलिहोन अरु पाप-बलिहोन खे चायो, अरु नी उनसे प्रसन्न हुयो” अगर या बलिदान ते व्यवस्था का जसो चडायो जास हइ, 
\v 9 फिर यो भी बोल्यो हइ, “देख मी अयगो हइ, ताकि हे परमेश्वर तरी इच्छा पूरी करण का लिये आयो हइ,” 
\v 10 परमेश्वर कि इच्छा से हम यीशु मसीह को आंग खे एक ही बार बलिदान चडाय जान का वजेसे पवित्र कर्यो गयो हइ. \fig वेदी पर होमबलि|alt="Burnt offering on an altar" src="HK00256C.TIF" size="col" copy="Horace Knowles ©" ref="10:10"\fig*
\p
\v 11 हर एक याजक का रुप मे खडो हूइ, हरदिन सेवा करस हइ, अरु एक ही प्रकार को बलिदान, जो पाप खे कभी भी दूर नी करी सखे बार-बार चडास हइ, 
\v 12 पन यो इन्सान तो पाप को बदलो एक ही बलिदान सदा का लिये चड्यैइ, परमेश्वर का जवना तरप जयखे बठौ, 
\v 13 अरु वा टेम मे से ओकी रस्ता देखस हइ, कि ओका दुशमनहोन ओका पाय का नीचे को पीडो बन्ये का 
\v 14 क्युकी ओने एक ही चडा ओका वजेसे उनका पवित्र कर्यो जास हइ, सदा का लिये सिध्द करी दियो हइ,
\p
\v 15 अरु पवित्र आत्मा भी हम खे या गवइ देस हइ. क्युकी ओने पैयले बोल्यो थो,
\q1
\v 16 “प्रभु बोलस हइ कि जे वाचा मी
\q2 वा दिनहोन खे या बात उनसे बाध्यु उ यो हइ कि
\q1 मी अपना नीयमहोन खे उनका दिल पर लिख्यु
\q2 अरु मी उनका मन मे डाल्यु,” 
\v 17 फिर उ यो बोलस हइ, “मी उनका पाप को अरु उनका अधर्म काम होन खे फिर कभी याद नी कर्यु,” 
\v 18 अरु जब उनकी माफ हूइ गइ हइ, ते फिर पाप को बलिदान नी र्हियो.
\s परमेश्वर का पास जाये
\p
\v 19 येका लिये हे भैइ अरु बहीन जब हम, यीशु को खुन का वजेसे उ नवी अरु जीवते मार्ग से पवित्र जगा मे प्रवेश करणा को हिम्मत हूइ गयो हइ, 
\v 20 जो ओने परदा मंनजे अपना आंग मे से हूइ का हमारा लिये अभिषेक कर्यो हइ, 
\v 21 अरु येका लिये कि हमारो असो महान याजक हइ, जे परमेश्वर खे घर को अधिकारी हइ, 
\v 22 ते ओका हम सच्चा मन अरु पूरा विश्वास का साथ खे अरु विवेक को दोष दूर करण का लिये दिल पर लिखे अरु आंग खे शुध्द पाणी से धोइखे परमेश्वर का सामने जायेका 
\v 23 आओ हम अपना आस खे अंगीकार खे रख मजबूत से थाम्येका क्युकि जेने प्रतीज्ञा करी हइ, उ विश्वासयोग्य. 
\v 24 अरु प्रेम अरु भला काम होन मे ओका खे नख लिये हम एक दूसरा की चिन्ता कर्या करणू, 
\v 25 अरु एक दूसरा का साथ जमा होनु नी छोडनु, जसो कि केत्ता कि रीति हइ, पर एक दूसरा को प्रोत्साहित करणु तुम देखी रा कि प्रभु को दिन पास अय रो हइ.
\p
\v 26 क्युकि सच्ची कि पैछान मील्हे करण का बाद अगर हम जानी बूझी खे पाप करता र्‍हिये का ते पापहोन का लिये फिर कोय बलिदान बाकी नी, 
\v 27 सजा को एक भयानक रस्ता देखनू अरु अंगार कि जलन बाकी हइ न्याय जो विरोधीहोन खे भस्म करी दियेका 
\v 28 जब मूसा की व्यवस्था खे नी माननआला खे दो या तीन झन की गवाह होन पर बीना दया को मारी डाल्यो जास हइ, 
\v 29 ते सोची ले कि उ केतना अरु भी भारी सजा को योग्य ठैरीयेका जेने परमेश्वर का बेटा का पाय से रौद्यो अरु वाचा का खुन खे जेका वजेसे उ पवित्र ठैरायो गयो थो, अपवित्र जान्यो हइ, अरु अनुग्रह की आत्मा खे अपमान कर्यो, 
\v 30 क्युकि हम जानस हइ, “जेने बोल्यो, बदलो लेनो मरो काम हइ, मी ही बदलो दियु”; अरु फिर यो कि “प्रभु अपना इन्सानहोन को न्याय कर्यु.” 
\v 31 जिन्दा परमेश्वर का हातहोन मे पडनो भयानक बात हइ,
\p
\v 32 पन उ पिछला दिनहोन खे याद करणू, जे मे तुम उजालो देखे, दुखहोन का बडा संघर्ष मे स्तिर र्‍हेनू, 
\v 33 कभी कभी ते यों कि तुम नीन्दा अरु क्लेश सैता हूये तमाशो बन्ये का अरु कभी यों कि तुम उनका हिस्सेदार हूये जेकी दुर्दशा करी जास हइ, 
\v 34 क्युकि तुम कैदिहोन का दुख मे भी दुखी हइ, अरु अपनी दौलत भी खुशी से लुटय दि. यो जानी कि तुम्हारा पास एक अरु भी उत्तम अरु सदा का लिये बनी र्‍हिये. 
\v 35 येका लिये अपनी हिम्मत नी छोडनु क्युकि ओको प्रतीफल बडो हइ, 
\v 36 क्युकि तुम खे धीरज धरनो जरुरी हइ, ताकि परमेश्वर कि इच्छा खे पूरी करीखे तुम प्रतीज्ञाहोन को फल पाये
\q1
\v 37 “क्युकि वचन बोलस हइ,
\q2 भोत जल्दी जेखे आनो हइ उ
\q2 जल्दी आह्ये उ देर नी लगाय.
\q1
\v 38 पर मरो धर्मी झन विश्वास से जिन्दो र्‍हियेका
\q2 अरु अगर उ पीछे हटी जाये ते
\q2 मरो मन ओका से प्रसन्न नी हूये” 
\v 39 पर हम बाजु आला को नाश हूइ जाये पर विश्वास करण आला हइ कि जान खे बचानु.
\c 11
\s विश्वास
\p
\v 1 विश्वास आस करी हुइ चिजहोन को नीश्चय खे अरु अनदेखी चिजहोन को प्रमान हइ. 
\v 2 क्युकि यो करण बुजरुक दुन्या को उनको परमेश्वर कि सहमती करी थी.
\p
\v 3 विश्वास ही से हम जानी जास हइ कि पुरी जगत की रचना परमेश्वर का बोल का वजेसे हुइ हइ, पर ह्या जो बातहोन दिखइ देस हइ उ बिना देखे चिजहोन बनइ गइ हइ.
\p
\v 4 विश्वास ही से हाबिल ने परमेश्वर खे कैन से अच्छो बलि चडायो थो, अरु ओका विश्वास का वजेसे हि धार्मीक इन्सान होना का दान से परमेश्वर से सहमती मीली थी क्युकि परमेश्वर खुद ही उनको दो कि सहमती देस हइ. येको मतलब हाबील आज विश्वासकरण आज भी बोलस हइ यदापि उ मरी चुक्यो हइ.
\p
\v 5 विश्वास ही से हनोक उठै लियो गयो कि मरन खे नी देखनू, अरु ओको पतो कोय खे नी मील्यो क्युकि परमेश्वर ने ओखे उठै लियो थो, अरु ओखे उठैइ जाना से पैयले ओकी या गवइ दि गइ थी कि ओने परमेश्वर खे प्रसन्न कर्यो हइ. 
\v 6 अरु विश्वास से परमेश्वर का बिना ओखे प्रसन्न करणो अनहोनो हइ. क्युकि परमेश्वर का पास आन आला को विश्वास करण खे होनु कि परमेश्वर को अस्तित्व उनने खे प्रतीफल देस हइ जो ओखे खोजस हइ.
\p
\v 7 विश्वास हि से नूह ने वा बातहोन का बारे मे जो उ टेम मे देखइ नी दियो थो चेतावनी मीलीगी-भक्ति का साथ अपना घराना का बचाव का लिये डोंगा बनायो, अरु ओका वजेसे ओने जगत खे दोषी ठैरायो अरु उ धर्म को वारिस हुयो जो विश्वास से होस हइ.
\p
\v 8 विश्वास ही से अब्राहम जब बुलायो गयो ते आज्ञा मानीखे असी जगा नीकली गइ जेमे मीरास मे लेन आला था. अरु यो नी जानतो थो कि मी किधर जायु हइ. 
\v 9 विश्वासकरण ही जो धरती खे वचन देन को ओका पर ओने एक अनजाना पर देस का समान अपनो घर बन्य खे मण्डप कर्यो, उ झोपडिहोन मे ओसो र्हियो जसो इसहाक अरु याकूब र्हिया था जो ओका साथ परमेश्वर कि उ प्रतीज्ञाहोन उत्तरा अधीकारी र्हिया था. 
\v 10 अब्राहम वा जगापर पय्या नगर कि रस्ता देखी रो थो, जेखे परमेश्वर ने आखे आकार दिखे बनायो सदा द्रुड र्हेन आली पायो डाल्यो.
\p
\v 11 विश्वास से करना अब्राहम जो बुढ्ढो हुइगो थो सारा जो बांझ थी फिर भी माय बाप बन्या. ओने परमेश्वर कि प्रतीज्ञा मे तुम पर भरोसो कर्यो. 
\v 12 येका करना अब्राहम से ही जे मर्या जसा था, आकाश का तराहोन अरु समुदर की रेत का जसो अनगिनत वंश पइदा हुया.
\p
\v 13 विश्वास का मन मे लिये ये पुरा दुन्या मरी गया उनने प्रतीज्ञाहोन करी हुइ चिजहोन नी पाइ, पर उनने दुर से देख्यो अरु उनको स्वागत कर्यो तथा उनने यो मानी लियो वे धरती पर परदेशी अरु बाहरी हइ. 
\v 14 वे दुन्या जो असी बातहोन बोलस हइ, वे दिखास हइ कि वे असा देश कि खोज मे हइ की जो अपनी हइ. 
\v 15 अगर वे देश का बारे मे जेखे वे छोडी चुक्या हइ उनको लोटन को र्हेतो पर भि असो नी सोचता था. 
\v 16 पन वे एक अच्छो मंनजे स्वर्गीय देश को अभिलाषी हइ. येका लिये परमेश्वर उनको परमेश्वर कैलाना मे उनसे नी लाजे, क्युकि ओने उनका लिये एक नगर तैयार कर्यो हइ.
\p
\v 17 विश्वास ही से अब्राहम ने, परख्यो जाना का टेम मे इसहाक खे बलिदान चडायो, अरु जेने प्रतीज्ञाहोन खे सच मान्यो थो. 
\v 18 अरु जेका से यो बोल्यो “गयो थो कि इसहाक का वजेसे वंस कैलाये” उ अपना एकलौता खे चडान लग्यो. 
\v 19 अब्राहम ने सोच्यो थो परमेश्वर इसहाक खे भी जिन्दो सकस हइ असो दे की जाये कि एक प्रकार से अब्राहम ने मरन का दृष्‍टान्‍त से फिर वापस आयो.
\p
\v 20 विश्वास ही से इसहाक ने याकूब अरु एसाव खे आन आली बातहोन का बारे मे आशिर्वाद दियो.
\p
\v 21 विश्वास ही से याकूब ने मरता तटेम यूसुफ का दो बेटा मे से एक एक खे आशिर्वाद दियो, अरु अपना लकडी का माथा पर सहारो लिखे नमस्कार कर्यो.
\p
\v 22 विश्वास ही से यूसुफ ने जब उ मरना पर थो, ते इस्राएल की सन्तान खे नीकली जान की चर्चा करी, अरु अपनी अस्तीहोन का बारे मे आज्ञा दी.
\p
\v 23 विश्वास ही से मूसा का माय बाप ने ओखे पइदा होन का बाद तीन महीना तक लूकायो रख्यो, क्युकि उनने देख्यो कि बच्चो सुन्दर हइ अरु वे राजा की आज्ञा से नी डरनु.
\p
\v 24 विश्वास ही से मूसा ने सयानो हूइ, फिरौन की बेटी को बेटो बोलना से इनकार कर्यो. 
\v 25 येका लिये कि ओखे पाप मे थोडा दिन को सुख भोगना से परमेश्वर का दुन्याहोन का साथ दुख भोगनो जादा अच्छो लग्यो. 
\v 26 ओने मसीह का वजेसे नीन्दित होना को मीस्र का भण्डार से बडो धन समझ्यो, क्युकि ओकी आखहोन फल पान की तरफ लगी थी.
\p
\v 27 विश्वास ही से राजा की गुस्सा से नी डरी, ओने मीस्र खे छोडी दियो, क्युकि उ अनदेख्यो मान्यो देखते हूये मजबूत र्‍हियो. 
\v 28 विश्वास ही से ओने फसह अरु खुन छिडकना की विधी मान्यो, कि पहिलौठा खे खत्म करण आलो इस्राएलिहोन पर हात नी डालनु.
\p
\v 29 विश्वास ही से वे लाल समुदर का पार असो उतरी गा कि जसो सूखी जमीन पर से. अरु जब मीस्रिहोन ने वसो हि करणू चाह्ये ते सब डूबी मर्या.
\p
\v 30 विश्वास ही से यरीहो का शहरपनाह, जब वे सात दिन तक ओको चक्कर लगायो, ते इस्राएलीहोन गिरी पडी. 
\v 31 विश्वास ही से राहाब वेश्या आज्ञा नी मानन आला का साथ खत्म नी हूइ, येका लिये कि ओने भेदिहोन खे कुसल से रख्यो थो.
\p
\v 32 अब अरु बोल्यो? क्युकि टेम नी र्‍हियो कि गिदोन को, अरु बाराक, अरु शिमशोन, अरु यिफतह, अरु दाउद, अरु शमूएल, अरु भविष्यव्दक्ताहोन को वर्णन कर्यु. 
\v 33 उनने विश्वासका वजेसे राज्य को धर्म काम कर्यो. प्रतीज्ञाहोन करी हूइ चिजहोन मीली कर्हे. सेर को मुडो बन्द कर्यो. 
\v 34 धदकति अंगार की लपट खे शांत कर्यो. तलवार की धार से बची नीकल्या. नीर्बताहोन मे बलवान हूया खे झगडा मे वीर नीकल्या. विदेशिहोन कि सैनीकहोन पर विजय मीली गइ.
\p
\v 35 बयहोन ने अपना मर्या हुया खे फिर जिन्दो पायो. केत्ता ते मार खाते खाते मरी गया अरु छुटकारो नी चाह्ये, येका लिये कि अच्छो पुनरुत्थान को भागी हूया. 
\v 36 कोय एक मजाक मे उडाये जाये अरु कोडा खाना क्युकी बांधी जायेका अरु बन्दीगृह मे पडना का वजेसे परख्खे गया. 
\v 37 उन पर पत्थर मार्ये जाये. चीरी खे दो भाग करी दिया गया. उनकी तलवार से मार्ये गया. वे कंगाली मे अरु क्लेश मे अरु दुख भोगता हुये मेडाहोन अरु बकरीहोन की खालहोन ओड्ये हुया इधर-उधर मारे मारे फिर्ये. 
\v 38 अरु जंगलहोन, अरु टेकडीहोन, अरु गुफाहोन मे अरु धरती की दरारहोन मे भटकता फिर्या. जगत उनका योग्य नी थो.
\p
\v 39 विश्वास का वजेसे या सब का बारे मे अच्छी गवइ दि गइ, तेभी उनने प्रतीज्ञाहोन करी हुइ चिज नी मीली. 
\v 40 क्युकि परमेश्वर ने हमारा लिये पैयले से एक अच्छी बात ठैराइ, कि वे हमारा बीना सिध्दता खे नी पहुच्या.
\c 12
\s परमेश्वर हमारो बाप
\p
\v 1 यो कारन जब कि गवाह होन को असो बडो बद्दल हम खे घेर्यो हुयो हइ, ते ओका हर एक रोखन आली चिज अरु उलझान आला पाप खे दूर करी खे उ दौड जेमे हम दौडनु हइ धीरज से दौडनु. 
\v 2 अरु विश्वास को कर्तो अरु सिध्द करण आला यीशु का तरफ ताकता र्‍हियेका जेने वा खुशी का लिये जो ओने आगे धर्यो थो, लाज की कुछ चिन्ता नी करी खे क्रुस को दुख उठायो, अरु परमेश्वर का राजगद्दी का जवना तरफ जयखे बठौ.
\p
\v 3 येका लिये ओ पर ध्यान करणू, जेने अपना विरोध मे पापीहोन को येतनो विरोध सह लियो कि तुम नीराश मन हुइ, हिम्मत नी छोड़ देनू. 
\v 4 तुम ने पाप से लडते हुए ओका से एसी मतभेद नी करी कि तुम्हारा खुन बोहायो. 
\v 5 अरु तुम वा उपदेश खे जो तुम खे बेटाहोन का समान दियो जास हइ, भूली गा हइ?
\q1 “हे मरा बेटा प्रभु को ताडनना की हलकी बात नी जानी खे अरु जब उ तोखे घुटना से
\q2 साहस नी छोडनु.
\q1
\v 6 क्युकि प्रभु जेका से प्रेम करस हइ, ओकी ताडनो भी करस हइ,
\q2 अरु जेखे बेटो बन्यइ लेस हइ, ओखे कोडा भी लगास हइ.”
\p
\v 7 तुम दुख खे ताडनो समझी खे सैइले. परमेश्वर तुम खे बेटो जानी खे तुम्हारा साथ बर्ताव करस हइ, उ कोन सो बेटो हइ जेखे ताडनो बाप नी करस? 
\v 8 अगर उ ताडनो जेको भागीदार सब होस हइ, तुमारी नी हुये ते तुम बेटो नी पर व्यभिचार का बच्चा ठैर्ये. 
\v 9 फिर जब कि हमारा शरीर पर बाप भी हमारो ताडनो करस हइ अरु हमने उनको सम्मान कर्यो, ते आत्मा को बाप, अरु भी अधीन नी ऱ्हिये जेका से जिन्दो र्‍हिये? 
\v 10 वे तो अपनो अपनो समजी खे जसो थोडा दिन का लिये ताडनो करतो थो, पर उ तो हमारा भला का लिये करस हइ, कि हम भी ओकि पवित्रता को हिस्सेदार हुय जाये. 
\v 11 वर्तमान मे हर प्रकार कि ताडनो खुशी कि नी पर दुख ही कि बातहोन दिखाइ पडस हइ. तेभी ओखे सहते सहते पक्को हुइ गयो हइ कि बाद मे उनखे शांती का सात धर्म को प्रतीफल मील्योस हइ.
\s नीर्देश अरु चेतावनी
\p
\v 12 येका लिये ढीला हात अरु नीर्बल घुटना खे सीधो कर, 
\v 13 अरु अपना पाय का लिये सीधी रस्ता बनानु कि लंगडाहोन भटक नी जाये पर अच्छो भलो हुइ गया.
\p
\v 14 सब का साथ शांती का साथ र्‍हेनू अरु पवित्र जिवन जीन का लिये हर प्रकार क्युकि येका बीना प्रभु खे देख नी सक्ये. 
\v 15 अपना आप कि चौकसी करणु ताकी कोय परमेश्वर का झाड का जसा बडनु क्युकि ओका विश से तंटा परदा नी हुये. 
\v 16 अनैतिक अरु अधर्मीक एसाव का जसो अधर्मी हुये जेने एक बार का खाना का बदला अपनो बडो बेटो होन को पद ओने बेची डाल्यो ओका बाद तुम जानस हइ की जब ओने अपना बाप से रोइखे पानो ते अयोग्य कर्यो गयो. 
\v 17 तुमखे जानस हुये कि बाद मे जब ओने आशीर्वाद पानो चाह्ये ते अयोग्य गिन्यो गयो, अरु आसु बोह्य बोहय खे ढुडना पर भी मन पर भी मन फिराव को मौको ओखे नी मील्यो.
\p
\v 18 अब अंगार का जसो इस्राइली दुन्या गय था असो अब जलस हुये टेकडी का पास जेखे महसुस कर्यो जैइ सकतो थो नी अंधारो अरु नी ते उदास अरु नी ते आंध का पास आह्ये तुम ते, 
\v 19 अरु पिपडी की आवाज अरु बोलनआला को असा बोल का पास नी अउ जेखे सुननआला ने प्रार्थना करी कि आब हम से अरु बात नी करी जाये. 
\v 20 क्युकि वे ओको ज्ञान खे नी सही सक्या “अगर कोय जनवर भी टेकडा खे पकड्ये ते ओका पर फत्तर मार्यो जाह्ये.” 
\v 21 अरु उ दर्शन असो डरावनो थो कि मूसा ने बोल्यो, मी खुप डरुस अरु कापुस हइ.
\p
\v 22 पर तुम सिय्योन का टेकडा का पास अरु जिन्दो परमेश्वर का नगर मे स्वर्गीय येरुशलेम का पास लाखो स्वर्गदूत का पास अय पोच्यो हइ. 
\v 23 अरु वे पैयला बोल कि साधारण सभा अरु सब मंडली जेको नाम स्वर्ग मे लिख्यो हुयो हइ, अरु सब को न्याय परमेश्वर का पास अरु सिद्ध कर्यो हुयो धर्मीहोन की आत्मा. 
\v 24 अरु जो नवी वाचा को मध्यस्थ यीशु अरु छिडकाव को उ खुन का पास आया हइ, जो हाबिल को खुन से उत्तम बातहोन बोलस हइ.
\p
\v 25 सावधान र्‍हेनु, अरु वे बोलन आला से मुडो नी फेरनू, क्युकि वे दुन्या जब धरती पर का चेतावनी देन आला से मुडो मोडी खे नी बची सक्ये ते हम स्वर्ग पर से चेतावनी देन आला से मुडो मोडीखे कसा बची सक्ये. 
\v 26 उ टेम ते उनका बोल ने धरती खे हलय दियो, पर अब ओने या प्रतीज्ञा की हइ कि एक बार फिर मेने फक्त पृथ्वी का बद्दल खे हलय दियू. 
\v 27 अरु यो बोल खे एक बार फिर या बात खे प्रगट करस हइ कि जो चिज हलायो जास हइ, वे सृजी हुइ चिजहोन हानीकारण टली जाये. ताकि जो चिजहोन हलायो नी जाये वे अटल बनी र्‍हिये. हाग्गै 2.6
\p
\v 28 यो कारण हम यो राज्य खे परइ जो हलन को नी कृतज्ञ हुये कि अरु भक्ति अरु डर सहित परमेश्वर की असी आराधना कर्ये जेका से उ प्रसन्न होस हइ. 
\v 29 क्युकि हमारो परमेश्वर भस्म करण आलो अंगार हइ.
\c 13
\s परमेश्वर खे कसो खुश करणु
\p
\v 1 एक दुसरा मे विश्वासी भैइहोन को प्रेम बन्यो र्‍हेनु. 
\v 2 मीजवान-सत्कार करणु नी भूलनु. क्युकि येका वजेसे कुछ दुन्याहोन अनजाना मे स्वर्गदूत को आदर-सत्कार कर्यो हइ. 
\v 3 कैदिहोन कि असी याद लिखे मान्यो उनका सात तुम भी कैदी हइ, अरु जिनका सात बुरो बर्ताव कर्यो जास हइ, उनखे भी यो समजीखे याद दियो करणु कि हमारो भी आंग हइ.
\p
\v 4 भ्याव सब मे आदर कि बातहोन समझी जा अरु अदमी लुगइ विश्वास योग्य र्‍हिये क्युकि परमेश्वर व्यभिचार पापिहोन को न्याय कर्ये.
\p
\v 5 तुम्हारो प्रभाव लोभ रहित हुइ खे अरु जो कुछ तुम्हारा पास हइ, ओका पर मगन करणु. क्युकि ओने खुद हि बोल्यो हइ, “मी तोखे कभी नी छोड्यु, अरु नी कभी त्याग्यु.”
\q1
\v 6 येका लिये हम नीडर हुइ खे बोलस हइ,
\q2 “प्रभु मरो मदतगार हइ,
\q1 मी नी डर्यु इन्सानहोन मरो का करी सकस हइ.”
\p
\v 7 जो तुम्हारो मुखीया थो, जेने तुमखे परमेश्वर को वचन सुनायो हइ, उनखे याद रखनु. अरु ध्यान से उनका चाल चलन को अन्त देखीखे उनको विश्वास को अनुकरण करणू. 
\v 8 यीशु मसीह कल अरु आज अरु पिडमपिडि एक जसो हइ. 
\v 9 नाना प्रकार को अनजान शिक्षा से दुर र्‍हेनो भलो हइ, यो अच्छो हइ कि यो परमेश्वर को अनुग्रह का नीयम होन का खिलाप विचित्र उपदेशहोन से नी भरमाये जाये क्युकि मन को अनुग्रह से मजबुत र्‍हेनु भलो हइ, नी कि वा खान की चिजहोन से जेका से काम रखनआला का कुछ लाभ नी हुयो हइ.
\p
\v 10 हमारी एक असी वेदी हइ जेका पर से खान को अधिकार वे दुन्याहोन खे नी जो झोपडि कि सेवा करस हइ. 
\v 11 क्युकि जो जनवरहोन को खुन महायाजक पाप-बलि का लिये महा पवित्र जगा मे लीखे जास हइ, उनका जनवरहोन आंगार कि झोपडि कि छाय का बाहेर जलायो जास हइ. 
\v 12 यो कारण यीशु ने भी दुन्याहोन खे अपनो ही खुन का वजेसे पवित्र करण का लिये फाटक का भैहिर दुख ओका पास से नीकली चलनु. 
\v 13 येका लिए ओकि नीन्दा अपना उपर लिये हुयो छाय खे भैहीर जनवरहोन का पास नीकल्यो चल्यो. 
\v 14 क्युकि यो हमारो कोय स्थाइ नगर नी क्युकि हम एक आन आला नगर का खोज मे हइ. 
\v 15 येका लिए हम ओका वजेसे स्तुतिरुपी बलिदान का मंनजे वा होठहोन को फल जो उनका नाम को अंगीकार करस हइ, परमेश्वर खे यीशु का वजेसे चडायो करणु. 
\v 16 भलाइ करणु अरु एक दुसरा कि मदत करणु दिखानु नी भूलनू, क्युकि परमेश्वर असी बलिदान से प्रसन्न होस हइ.
\p
\v 17 अपना मुखीयाहोन की आज्ञा मान्नु अरु उनका आदेशहोन पर चलनु, क्युकि वे उनका समान तुम्हारा जान का लिये जागता र्‍हेस हइ जिन खे हिसाब देनू पड्ये वे यो काम खुशी से कर्येका कि ठंडी सास लिखे क्युकि या दशा मे तुमखे लाभ नी होनु.
\p
\v 18 हमारा लिए प्रार्थना करता र्‍हिये क्युकि हम का विश्वास हइ कि हमारो विवेक शुध्द हइ. अरु हम सब बातहोन मे अच्छी चाल चलनो चाहस हइ. 
\v 19 प्रार्थना करण का लिये मी तुमसे अरु भी उत्साहित करुस हइ, ताकि मी जल्दी तुमारा पास फिर अय सक्यु.
\s आखरी कि दो बात
\p
\v 20 अब शांती दाता परमेश्वर जो हमारो प्रभु यीशु को मेडाहोन को महान रखवालो हइ सनातन वाचा को खुन का गुन से मर्या हुया मे से जिलाय खे लि आयो. 
\v 21 तुम खे हर एक अच्छी बात मे सिध्द कर्ये जेका से तुम ओकी इच्छा पूरी करणू, अरु जो कुछ ओका पास हइ ओखे यीशु मसीह का वजेसे हम मे पइदा कर्येका ओकी महिमा पिडमपिडि होती र्‍हियेका आमेन.
\p
\v 22 हे भैइ मी तुम से प्रार्थना करुस हइ अरु प्रोत्साहन को संदेश धिरज का साथ सुन्नु कि यो जादा लंबो नी हइ. 
\v 23 तुम खे यो याद र्‍हिये कि तीमुथियुस खे हमारो भैइ छुटी गया हइ अरु अगर उ जल्दी अय गयो थो मी ओका साथ तुम से भेंट कर्यू.
\p
\v 24 अपना सब अगुओं अरु सब पवित्र दुन्याहोन खे नमस्कार बोल्यो. इटली आला तुम खे नमस्कार बोल्यो हइ.
\p
\v 25 तुम सब पर अनुग्रह होतो र्‍हिये. आमेन