\id 2PE - Gowlan
\ide UTF-8
\h 2पतरस
\toc3 2 पतरस
\toc2 2 पतरस
\toc1 2 पतरस कि दुसरी चिठ्ठी
\mt2 2 पतरस कि चिठ्ठी
\mt1 2 पतरस कि चिठ्ठी
\imt पैछान
\ip पतरस की दूसरी चिठ्ठी पैछान मे बोल्यो गयो हइ कि यो प्रेरित पतरस का वजेसे लिख्यो थो, लेकिन कोय विद्वान आज नी सोचतो कि यो सच्ची हइ. संभव हइ कि कोय अरु ने पतरस का तरफ से यो लिख्यो हय. लेखक को बोलनो हइ कि व्हा यीशु को जिवन का लिये एक गवय थी अरु विशेष रुप से बदलाव \xt 1:17-18\xt* का लिये एक अगर पतरस चिठ्ठी लिखी या संभावना हइ कि रोम मे 65-69 साल का बीच मसीह को जन्म का बाद लिख्यो थो, पतरस येका से पैयले कि व्हा मर्‍यो गयो. पतरस भी यो अपना दूसरी चिठ्ठी \xt 3:11\xt* भी बोल्यो पतरस चिठ्ठी का बाद लिखन की तारीक रखन बोल्यो हइ. उनने सब मसीहोन खे चिठ्ठी लिखी खे नाम लीखे बोलनु कर्‍यो.
\ip पतरस खे या चिठ्ठी लिखी हइ जबकी विश्वासिहोन खे अच्छो जिवन जीन का लिये प्रोत्साहित करण का लिये अरु वे झूटा मास्तर खे पालन नी चेतावनी दी. उनने वे दुन्या का नजर अंदाज करण का लिये प्रोत्साहित कर्‍यो जो बोली रो हइ कि जेका से वापस आना मे खुप लंबी टेम लगय रो हइ. येका अलावा उनने बोल्यो कि भगवान आराम से चलास नी हइ, लेकिन सभी को बचायो जानो चाहस हइ \xt 2 पतरस 3:8-9\xt* यो एक करण का लिये एक अच्छो जिवन \xt 3:14 \xt*ऱ्हेस हइ.
\iot रुप रेखा
\io1 1. पतरस खुद पैछान अरु अपना पतरस पते.\ior 1:1-2\ior*
\io1 2. तब व्हा उनने अच्छी जिंदगी जीन की याद दिलास हइ क्युकी परमेश्वर ने हम येका लिये माफि करीस हइ \ior 1:3-21 \ior*.
\io1 3. बावजुत व्हा झूटा मास्तर का खिलाफ चेतावनी देस हइ अरु बोलस हइ कि आखरी मे झूटो मास्तर को हुये. \ior 2:1-22\ior*
\io1 4. ओका बाद कि पतरस यीशु का लिये विश्वासिहोन खे प्रोत्साहित करण का अच्छो जिवन जीन को उकसास हइ \ior 3:1-17\ior*
\c 1
\s अभिवादन
\p
\v 1 शमौन पतरस का तरप से जो यीशु मसीह को चेलो अरु प्रेरित हइ वे दुन्या को नाम जिनने हमारो परमेश्वर अरु उध्दार करण यीशु मसीह की धार्मीकता का वजेसे हमारो सेवक जसो भोतकिमती विश्वास मील्यो हइ.
\p
\v 2 परमेश्वर अरु हमारो प्रभु यीशु कि पैछान का वजेसे अनुग्रह अरु शांती तरा मे भोत जादा से बडते जाये.
\s मसीहहोन को बुलानो
\p
\v 3 क्युकी परमेश्वर की इश्वरी सामर्थ्य ने सब कुछ जो जिवन अरु भक्ती से समन्ध रखस हइ, हम वोकी पैछान का वजेसे हइ, जेने हमखे अपनी य महिमा अरु सदगुण का जसो बुलायोस हइ. 
\v 4 जेका वजेसे वोने हम खुपमोल अरु भोत बडी प्रतीज्ञा दी हइ ताकी इनका वजेसे तुम वा भ्रटाचार से छुटकारो जो जगत मे बुरी अभिलाषाहोन से होस हइ, इश्वरी स्वभाव को हिस्सेदार हुइ जाव. 
\v 5 येका लिये तुम सब रंगेरंग कि इजा करीखे, विश्वास पर सदगुण, अरु सदगुण पर समज! 
\v 6 अरु तुमखे ज्ञान मे आत्मा खुद कि भक्ति, अरु आत्मा खुद मे धिरज, अरु धिरज मे परमेश्वर की भक्ति खे भक्ति. 
\v 7 अरु तुमारो परमेश्वर की भक्ति मे मसीह भैइचारा मे प्रेम कि भक्ति. 
\v 8 ये सब गुन की तुमखे जरुरत हइ अरु अगर ये गुन तुममे अगर भोतायत से हइ ते यो तुमखे हमारो प्रभु यीशु मसीह कि ज्ञान मे नीकम्मी अरु प्रभाकुलिल बनाह्ये. 
\v 9 पन अगर तुमखे या बात नी, ते तुमखे दुर नीगा नी तुम अंन्धो हय, तब तुम भुल चुक हुये की तुमखे पैयले का पाप खे धोयो गयो हइ.
\p
\v 10 येका लिये हे भैइहोन, अपनो बुलायो जानो, अरु चुनी लियो जानो, सिध्द करण को भली भाती इजा करते जाव, क्युकी अगर असो कर्हे ते कभी भी ठोकर नी खानको. 
\v 11 क्युकी या रीति से तुम हमारो प्रभु अरु उद्धारकर्ता यीशु मसीह का सदा राज मे बडो सम्मान का सात प्रवेश करण मील्हे.
\p
\v 12 येका लिये तुम या बात जानस हय, अरु जो सच्चीहोन वचन तुमखे मील्योस हइ, वोमे बन्या र्हेव, तेभी मी तुमखे या बात की याद दिलान खे कभी भी तैयार र्हीयु. 
\v 13 मी या अपना लिये अच्छो समजुस हय, की जब तक मी यो आंग मे जिन्दो हय, तब तक तुमखे यो बारे मे याद प्रेमा तो र्हीयु. 
\v 14 क्युकी यो जानुस हय, कि खुप झल्दी मे अपनो नाशवान आंग छोडन आलो हय. जसो कि हमारो प्रभु यीशु मसीह ने मेखे बतायो थो. 
\v 15 येका लिये मी अपनो पुरो जोर लगाह्यु कि मी मरी जाना का बाद भी तुम या सब बात खे कभी भी याद करी सकस.
\s मसीह की महिमा की आख से देख गवय
\p
\v 16 क्युकी जब हमने तुमखे अपना प्रभु यीशु मसी कि सामर्थ्य को अरु आन कि खबर दि थी ते व्हा हुशारी से गाडी वाली खे नीहोन को अनुकरण नी थो जब हमने खुद हि वोकी महानता खे देख्यो थो. 
\v 17 क्युकी जब ओको परमेश्वर बाप से सम्मान को अरु महिमा मीली अरु वु प्रतापमय महीमा मे से या बात अय, यो मरो प्रिय बेटो हइ, जेका से मी प्रसन्न हय\x + \xo 1:17 \xo*\xt मत्ती 17:1-5; मरकुस 9:2-7; लूका 9:28-35\xt*\x*. 
\v 18 जब हम वोका सात पवित्र टेकडा पर था, अरु बद्दल से अय या वाणी सुनी.
\p
\v 19 हमारा पास जो भविष्यव्दक्ताहोन को वचन हइ, व्हा या घटना से बडी रुख्यो. तुम यो अच्छो करस हय जो वोका पर घ्यान करस हय, की व्हा एक दिवो हइ, जो अंधारा जगा मे वा टेम्म तक उजालो देतो रेस हइ जब तक कि उजालो नी नीकल्यो, अरु फजर को तारो तुमारा मन मे नी चमकी उठ्यो. 
\v 20 सब से बडी बात या हइ कि तुमखे यो समजी लेन होनु कि पवित्रशास्त्र कि कोय भी भविष्यव्दाणी को भविष्यवक्ता का नीजी से दियो गयो स्पष्टिकरण नी हइ 
\v 21 क्युकी कोय भी भविष्यव्दाणी इन्सान का इच्छा से कभी नी हुयो पन भक्त झन पवित्र आत्मा का वजेसे जय खे परमेश्वर की तरप से बोलतो थो.
\c 2
\s झुटो मास्तर
\p
\v 1 जसो जो भुतकाल का दुन्या का बिच मे लुच्चो भविष्यव्दक्ता थो भटकन आलो अच्छो सिध्दात खे लाहे, अरु वु स्वामी खे नी बोल्हे जेने वोखे छुडयो असो कर्हे, अपना तुरुत विनास खे नियत्रन दिहे. 
\v 2 फिर भी घनय दुन्या वुनकी रस्ता पर चल्हे. अरु क्युकी जो वे करस हइ, दुसरी बुरी बात खे सच्ची‍ चाय की जगा बोल्हे. 
\v 3 वे लोभी का लिये बात खे तुमखे अपनो लाभ को कारण बनाह्ये अरु जो दण्ड कि आज्ञा वुन, पर पैयले से हुय गिस हइ, वोको आना मे कुछ भी देर नी, अरु वोको विनास नी.
\p
\v 4 क्युकी जब परमेश्वर ने स्वर्गदूत खे जिनने पाप कर्यो, वुन खे भी नी छोड्यो पन नरक मे भेजी खे अंधारा कुण्ड मे दाली दियो, क्युकी न्याय का दिन तक बन्दी रीयो. 
\v 5 अरु पैयला युग का जगत भी नी छोड्यो. जब भक्तिहीन जगत पर बडो पाणी को प्रलय भेज्यो, पन धर्म को प्रचार करण आलो नूह समेत आठ इन्सान खे बचय लीयो. 
\v 6 अरु सदोम अरु गमोरा का नगर खे अंगार से डण्ड दिखे, अंगार से भस्म करीखे ताकि वे आन आलो भक्तहीन दुन्या कि शिक्षा का वास्ते एक दृष्‍टान्‍त बन्हे. 
\v 7 अरु धर्मी लुत खे जो धर्मीहोन खे अनैतिक चालचलन से खुप दुख थो छुडय दियो. 
\v 8 क्युकी व्हा धर्मी वुन का बीच मे र्हेतो हुयो, अरु वुन का अधर्म काम खे देखी देखी खे, अरु सुनी सुनी खे, हर दिन अपनो सच्चा मन खे कसोय करतो थो. 
\v 9 ते प्रभु भक्त खे पेपर मे से नीकाली लेनू अरु अन्यायहोन खे न्याय का दिन तक डण्ड की दशा मे रखनो भी जानस हइ. 
\v 10 खास करी खे वोखे जो बुरी अभिलाषाहोन का पीछे आंग का जसो चलते, अरु प्रभुता खे तुच्छ जानस हइ
\p वे ढीठ अरु जिद्दी हइ, अरु उचो पद आला खे बुरो अच्छो बोलना से नी डरे, अरु वोकी मजाक करतो ऱ्हे. 
\v 11 तेभी स्वर्गदूत जो शक्ति अरु सामर्थ्य मे झुटो मास्तरहोन से बडो हइ, प्रभु का सामने वोखे बुरो अच्छो बोली खे दोस नी लगातो थो. 
\v 12 पन ये दुन्या बिना दिम्माक जनवर का जसो हइ, जो पकड्य जानो अरु नास होन का वास्ते पइदा हुयो हइ. अरु जो बात खे समजे नी, वोका बारे मे अरु बुरो अच्छो बोलस हइ, वे जंगल का जनवर का जसो खतम करी दिह्ये जाह्ये. 
\v 13 दुसरा को बुरो करण का बदल वोको बुरो हुये वोखे दिन दुपार भोग विलाप करणो अच्छो लगस हइ. यो कलंक अरु दोस हइ जब वे तुमारा सात खाते-पीस हइ, ते अपना तरप से पिरेम खाना खे, भोग विलाप करस हइ. 
\v 14 वुनकी आख मे व्यभिचारणी बसी हुयोस हइ, अरु वे पाप कर्यो बिना रुखी नी सका वे कमजोर दुन्या खे जाल मे फसय लेस हइ. वोका मन खे लोभी करण को अभ्यास हुय गयो हइ, वे परमेश्वर की‍ श्राप मे हइ. 
\v 15 वे सीधी रस्ता खे छोडी खे भटकी गया हइ. अरु बओर को बेटो बिलाम कि रस्ता पर अय गयो हइ. जेने बुरो काम कि मजबुरी खे लाड जान्यो. 
\v 16 अरु वोखे वोका पाप का बारे मे वोखे डाट पड्यो, ह्या तक कि अबोल गधी ने इन्सान की बोली से वु भविष्यव्दक्ता खे ओका बचपना से रोख्यो.
\p
\v 17 ये दुन्या सुको कुव्वा अरु तूफान खे उडाते हुये बद्दल हइ, परमेश्वर ने वोका वास्ते खुप खोल अन्धर रुखी गया हइ. 
\v 18 वे व्यर्थ धमंड की बात करी करी खे अनैतिक काम का वजेसे वोखे दुन्या खे आंग पर अभिलाषाहोन मे फसय लेस हइ. 
\v 19 वे वोखे स्वतंत्रता करण कि प्रतीज्ञा ते करस हइ, पन आप मेय ही भ्रटता को सेवक हइ कि क्युकी जो इन्सान जेकासे हारी गयोस हइ का उ वोको दास बनी जास हइ. 
\v 20 जब वे प्रभु अरु उद्धारकर्ता यीशु मसीह की पैछान का वजेसे जगत की दुसरा रंग की अशुध्दता से बची नीकल्या, अरु फिर वोमे फसी खे हरी गया, ते जुनी दशा पैयले से भी बुरी हुय गय हइ. 
\v 21 क्युकी धर्म का मार्ग खे नी जाननु ही वोका वासते यो अच्छो होतो, कि वोखे जानी खे, वु पवित्र आज्ञा से फिर जातो जो वोखे सोपी दीस गय थी. 
\v 22 उन पर या खावत बरोबर बठस हइ, कि कुत्तो अपनी उल्टी का तरप अरु नहलाइ हय सुअरनी चिखल मे सोना का वासते फिर चली जास हइ.
\c 3
\s प्रभु को डबल आन की वाचा
\p
\v 1 हे प्रिय दोस, अब मी तोखे या दूसरी चिठ्ठी लिखुस हय, अरु दो मे याद दि खे तुमारो शुध्द मन खे जागृत करुस हय, 
\v 2 कि तुम वा बात खे जो पवित्र भविष्यव्दक्ताहोन ने पैयले से कुछ हइ, अरु प्रभु उद्धारकर्ता कि वा आज्ञा खे याद करस जो तुमारा प्रेरित का वजेसे दियो गयो थो. 
\v 3 सब से पैयले यो समजी ले कि आखरी दिन मे हसी उडान आलो आयोस जो अपनी या अभिलाषाहोन का जसो चल्यो 
\v 4 अरु बोल्यो, “वोने आन कि प्रतीज्ञा करी थी, बोल्यो हइ वु? हमारो बापदादा से पैयले से मरी चुक्यो हइ, पर जबसे सृष्टि बनय हइ सब बात वसी की वसी चली अय रही हइ.” 
\v 5 वे तो जानी बुजी खे यो भुली गयो कि परमेश्वर का वचन का वजेसे बद्दल पैयले काल से बनय गयो हइ अरु पृथ्वी भी पाणी मे से बनी अरु पाणी मे रुखोस हइ, 
\v 6 यो कारण वु युग को जगत पाणी मे डुबी खे खत्म हुय गा. 
\v 7 पन बद्दल अरु पृथ्वी जो आज अस्तित्व मे हइ वोका आदेश का वजेसे अंगार का वजेसे खतम होन का लिये सुरक्षित हइ येखे वु दिन का लिये रख्यो जय रो हइ जब अन्यायी दुन्या को न्याय हुये अरु वे खतम करी दियो जाह्ये.
\p
\v 8 हे प्रेम दोस, या एक बात खे मत भुलनु की प्रभु कि नजर मे एक दिन हजार साल मे कोय फरक नी हइ. वोका लिये यो दिन भी बराबर हइ. 
\v 9 प्रभु अपनी प्रतीज्ञा का बारे मे देर नी कर्हे जसी कुछ दुन्या समजस हइ. पन तुमारा बारे मे धिर धरस हइ, अरु नी चाह्ये, कि कोय खतम हुये. क्युकी यो सब को मन फिराव को अवसर मील्हे.
\p
\v 10 पन प्रभु को दिन चोर का जसो अय जाह्येका वु दिन बद्दल गर्झना का सात नी दिखानो हुय जाह्ये वो का बाद बद्दल कि सब चिज पानी खे खतम हुय जाह्ये अरु पृथ्वी अरु वोका पर की बात गायब हुय जाह्ये. 
\v 11 जब कि ये सब चिजहोन, या रीति से खतम होन वाली हइ, ते तुमखे कोय रंग का दुन्या जिवन पवित्र अरु परमेश्वर का तरप सर्मपित होनो चाह्यो. 
\v 12 अरु परमेश्वर को वु दिन कि रस्ता कोय रीति से देखनो चाह्यो अरु वोखे झल्दी आन का लिये कोय इजा करणो चाह्यो, जो कारण बद्दल अंगार से खतम कर्‍यो जाह्येका अरु बद्दल की सब चिजहोन खुप गरम से तपीस खे गली जाह्ये. 
\v 13 पन वोकी प्रतीज्ञा का जसो हम एक नवो बद्दल अरु नवी पृथ्वी की आस देखस हइ जेम्मे धार्मीकता वास कऱ्हे.
\p
\v 14 येकालिये का हे लाड दोस, जब कि तुम वु दिन को इनतजार करी रा हय, ते अपनी तरप से पुरी कोशिश कर कि तुम शांती से परमेश्वर की नजर मे नीष्कलंक अरु नीर्दोष रुखनु. 
\v 15 हमारो प्रभु, धिरज खे वुनको उध्दार देन का लिये दि गय संधी समझ, जसो हमारो लाडेलो भैइ पौलुस ने ज्ञान से जो परमेश्वर ने वोखे दियो थो वोको इस्तमाल करीखे लिख्यो थो. 
\v 16 वोसो य वोने अपनी सब चिट्ठिहोन मे भी या बात लिखी हइ. जो थोडी बात असी हइ, जिन खे समझनो कठीन हइ, अरु अनपढ़ अरु चंचल दुन्या वुन को अर्थ खे भी पवित्रशास्त्र की दूसरी बात का जसी खीचा तानी खे अपनो य नास को कारन बनस हइ.
\p
\v 17 येका लिये हे लाडेला तुम दुन्या पैयले से या बात खे जानी खे हुशार ऱ्हेव ताकि अधर्मीहोन को भ्रम मे फस खे अपनी स्थिरता खे कोय हात से गमय नी दे. 
\v 18 पन हमारो प्रभु अरु उद्धारकर्ता यीशु मसीह का जसो अरु ज्ञान मे बडते जाव. वोकीय महिमा अब भी हुये खे अरु पिडमपिडि होते ऱ्हिये. आमीन.