\id 1JN - Gowlan
\ide UTF-8
\h 1यहून्ना
\toc3 1 यूहन्ना
\toc2 1 यूहन्ना
\toc1 1 यूहन्ना की पैयली चिट्ठी
\mt2 1 यहून्ना की चिट्ठी
\mt1 1 यहून्ना की चिट्ठी
\imt पैछान
\ip 1 यहून्ना की चिट्ठी प्रेरित यहून्ना द्वारा मसीह को जन्म का बाद 50 अरु 100 साल का बीच लिखी थी यहून्ना खुद लेखक रुप मे पैछान नी हइ लेकिन अरु यीशु को जी उठन का लिये एक गवाह हइ \xt 1:1-3\xt* यहून्ना की लिखक शैली यहून्ना रचित सुसमाचार जसो लेखन शैली जसो दिखस हइ असो मान्यो जास हइ कि यहून्ना जसो लिख्यो थो यहून्ना अरु चिठ्ठी 1 यहून्ना 2 यहून्ना का अरु 3 यहून्ना जबकी इफिस मे र्‍हेस हुये तीन चिठ्ठी हइ
\ip यहून्ना एक टेम मे सभी मसीह होन खे या चिठ्ठी लिखी थी जब चर्च दुन्याहोन को समेत से परेशानी हूइ र्‍हि थी बुलायो ज्ञान मान आला ये दुन्या खे मानतो थो कि यीशु पूरी रीति से भगवान थो लेकिन उ वास्तव मे मास अरु खुन को एक आंग का सात एक इन्सान नी थो, जबकी धरती पर यो करण का लिये यहून्ना यीशु का जिवन का लिये एक गवाह मान्यो जास हइ अरु उ अपना ही हात यीशु \xt 1:1-3\xt* खे छिन का बारे मे लिखस हइ अपनी खुशी\x + \xo 1:0 \xo*\xt 1 यूहन्ना 1:4 \xt*\x* पुरो करण का लिये पाप\x + \xo 1:0 \xo*\xt 1 यूहन्ना 2:26\xt*\x* से विश्वासीहोन की रक्षा करण का लिये कर्यो गयो थो,अरु विश्वासीहोन कि वे बची र्‍हिया हइ विश्वास दिलायु हइ \xt 5:13 \xt*.
\iot रुप रेखा
\io1 1. यहून्ना अपनी चिठ्ठी कि पैछान देस हइ अरु येखे लिखन को एक उद्देश्य बतास हइ \ior 1:1-4 \ior*
\io1 2. फिर उ बतास हइ कि कसो परमेश्वर को उजालो हइ अरु हमखे यीशु का जसो जीवन जीनो चास \ior 1:5—3:10\ior*
\io1 3. येका बाद उ हमखे एक दूसरा से प्रेम करण कि आज्ञा कि याद दिलास हइ \ior 3:11—5:12 \ior*
\io1 4. उ अपनी चिठ्ठी मे खतम करस हइ \ior 5:13-21\ior*
\c 1
\s जिवन को वचन
\p
\v 1 उ जिवन को वचन का बारे मे हम लिखस हइ जो पइइले से थो, जेखे हम ने सुन्यो अरु जेखे अपना आख से देख्यो, जेखे हम ने ध्यान से देख्यो अरु हात से छियो\x + \xo 1:1 \xo*\xt 1 यूहन्ना 1:1\xt*\x*. 
\v 2 यो जिवन प्रगट हुयो अरु हम ने ओका देख्यो अरु ओकी गवइ देस हइ अरु तुमखे अनन्त जिवन को समाचार देस हइ जो बाप का साथ थो अरु हम पर प्रगट हुयो\x + \xo 1:2 \xo*\xt यहून्ना 1:14\xt*\x*. 
\v 3 जो कुछ हम ने देख्यो अरु सुन्यो हइ ओको समाचार तुम खे भी देस हइ येका लिये कि तुम भी हमारा साथ हिस्सेदार हो अरु हमारो यो मीलन बाप का साथ अरु ओको बेटो यीशु मसीह का साथ हइ. 
\v 4 अरु या बातहोन हम येका लिये लिखस हइ कि हमारो आनंद पुरो हुइ जाये.
\s परमेश्वर उजालो हइ
\p
\v 5 जो समाचार हमने ओकासे सुन्यो अरु तुमखे सुनास हइ उ यो हइ कि परमेश्वर उजालो हइ अरु ओमे कुछ भी अन्धारो नी. 
\v 6 अगर हम बोल्ये कि ओका साथ हमारो हिस्सेदार हइ अरु फिर अंधारा मे चलीये ते हम झुठा हइ अरु सच्ची पर नी चलीये. 
\v 7 पर अगर जसो उ ज्योति मे हइ असो हम भी ज्योति मे चलिये ते हम एक दुसरा का साथ हिस्सेदार रखस हइ अरु ओको बेटो यीशु मसीह को खुन हम खे सब पाप से अच्छो करस हइ.
\p
\v 8 अगर हम बोल्ये कि हमारा मे पाप नी हइ ते हम अपना आप खे धोको देस हइ अरु हमारा मे सच्चाइ नी हइ. 
\v 9 अगर हम अपना पापहोन खे मानी ले ते उ हमारा पापहोन खे माफ करस अरु हम खे सब अधर्म से अच्छो करणा मे विश्वास योग्य अरु न्यायी हइ. 
\v 10 अगर हम बोल्ये कि हम ने पाप नी करीयो ते ओखे झुठो ठैरास हइ, अरु ओको वचन हम मे नी हइ.
\c 2
\s मसीहा हमारो मदतगार
\p
\v 1 हे मरा बच्चाहोन मी या बातहोन तुमखे येका लिये लिखुस हइ कि तुम पाप नी करणु. अरु अगर कोय पाप कर्ये ते बाप का पास हमारो एक मदतगार हइ अगर धर्मी यीशु मसीह 
\v 2 अरु हमारो पापहोन का बदला उ मर्यो हइ, अरु फक्त हमारो ही नी क्युकी पुरा संसार को पाप को भी.
\p
\v 3 अगर हम ओकी आज्ञा खे मान्ये ते येमे हम जानी लिये कि हम ओखे जानी गो हइ. 
\v 4 जो कोय यो बोलस हइ मी ओखे जानी गो हइ अरु ओकि आज्ञा खे नी माने उ झुठो हइ अरु ओमे सच्ची नी आय. 
\v 5 पर जो कोय ओका वचन पर चलस ओमे सच मेच परमेश्वर को प्रेम सिध्द हुयो हइ येमे से हम जानस हइ कि हम ओमे एक हइ. 
\v 6 जो कोय यो बोलस हइ कि मी ओमे बन्यो र्‍हियु हइ ओको होनु कि तुम भी ओसो ही चल्ये जसो यीशु मसीह चलतो थो.
\s नइ आज्ञा
\p
\v 7 हे मरा मसीह भैइ मी तुम खे कोय नवि आज्ञा नी लिखुस पर उ पुरानी आज्ञा जो पहिले से तुम खे मीली हइ या पुरानी आज्ञा हि वचन हइ जेखे तुम ने सुन्यो हइ. 
\v 8 फिर भी मी तुम खे नवि आज्ञा लिखुस हइ अरु यो ओमे अरु तुम मे सत्य ठैरी हइ, क्युकि अन्धर नीकली जास हइ अरु सच्चीइ की ज्योति चमकन लगी हइ.
\p
\v 9 जो कोय यो बोलस हइ कि मी ज्योति मे हइ अरु अपना भैइ से बैर रखस हइ उ अब तक अन्धार मे ही हइ. 
\v 10 जो कोय अपना भैइ से प्रेम रखस हइ उ ज्योति मे र्‍हेस हइ अरु कोय को ठोकर को करण नी बने. 
\v 11 पर जो अपना भैइ से बैर रखस हइ उ अन्धार मे हइ अरु अन्धार मे चलस हइ अरु नी जाने कि किधर जास हइ क्युकि अन्धार ने ओकी आखहोन अन्धी करी दी हइ.
\p
\v 12 हे बच्चाहोन मी तुमखे येका लिये लिखुस हइ कि ओका नाम से तुम्हारा पाप माफ हुया हइ. 
\v 13 हे पितरो मी तुमखे येका लिये लिखुस हइ कि जो पइले से हइ तुम ओखे जानस हइ. हे जवानहोन मी तुम खे येका लिये लिखुस हइ कि तुम ने उ पापी पर विजय पायो हइ हे जवानहोन मी तुमखे येका लिये लिखुस हइ कि तुम बाप खे जानी गा हइ.
\p
\v 14 हे पितरो मेने तुम खे येका लिये लिखुस हइ कि जो पइले से हइ तुम ओखे जानी गा हइ हे जवानहोन मी तुमखे येका लिये लिखुस हइ कि तुम बलवान हइ, अरु परमेश्वर को वचन तुम मे बन्यो र्‍हेस हइ अरु तुमने उ पापी पर विजय पायो हइ.
\p
\v 15 तुम नी संसार से अरु नी संसार मे चिजहोन से प्रेम रखस. अगर कोय संसार से प्रेम रखस हइ, ते ओमे बाप को प्रेम नी हइ. 
\v 16 क्युकि जो कुछ संसार मे हइ अगर आंग की अभिलाषा अरु जीवि को घमण्ड उ बाप का तरफ से नी पन संसार हि का तरफ से हइ. 
\v 17 संसार अरु ओकी अभिलाषाहोन दोय मीटी जास हइ पर जो परमेश्वर की इच्छा पर चलस हइ उ हमेशा जिन्दो र्‍हिये.
\s मसीह-विरोधी
\p
\v 18 हे पोर्याहोन, यो आखरी टेम हइ. अरु जसो तुमने सुन्यो हइ कि मसीह को विरोधी आन आलो हइ, ओका जसो अब भी भोत से मसीहा विरोधी उठी खे खडा हुया हइ येमे हम जानस हइ कि यो आखरी टेम मे हइ. 
\v 19 वे नीकल्या ते हमारा मेसे पर हम मे का थो नी. क्युकि अगर वे हमारा मे का था ते हमारा साथ र्‍हेता पर नीकल्या येका लिये गया कि यो प्रगट हुयो कि सब हम मे का नी.
\p
\v 20 पन तुम्हारो तो उ पवित्र से अभिषेक हुयो, हइ अरु तुम सब कुछ जानस हइ. 
\v 21 मे ने तुम खे येका लिये नी लिख्यो कि तुम सच्चाइ खे नी जानस पर येका लिये कि ओखे जानस हइ का अरु येका लिये कि कोय झुठ, सच्चाइ का तरफ से नी.
\p
\v 22 झूठो कोन हइ? फक्त उ जो यीशु मसीहा नी अरु मसीह को विरोधी उ हइ, जो बाप को अरु बेटा को इनकार करस हइ. 
\v 23 जो कोय बेटा को इनकार करस हइ ओका पास बाप भी नी. जो बेटा खे मानी लेस हइ, ओका पास बाप भी हइ.
\p
\v 24 जो संदेश तुम ने पइले से सुन्यो हइ अगर उ तुम मे बन्यो र्‍हिये ते तुम भी बेटा मे अरु बाप मे बन्या र्‍हिये. 
\v 25 अरु जोकी ओने हम से प्रतीज्ञा करी उ अनन्त जिवन हइ.
\p
\v 26 मे ने या बातहोन तुम खे उनका बारे मे लिखी हइ जो तुमखे भरमास हइ. 
\v 27 पन तुम्हारो उ पवित्र आत्मा जो ओका तरफ से कर्यो गयो तुम मे बन्यो र्‍हेस हइ. अरु तुम खे येको जरुरत नी. कि कोय तुम खे सिकाये क्युकी जसो उ पवित्र आत्मा जो ओका तरफ से कर्यो गयो तुमखे सब बातहोन सिखातो हइ अरु उ सत्य हइ अरु झुठो नी आय. अरु जसो ओने तुमखे सिखायो हइ ओसो ही तुम ओमे बन्या र्‍हेस हइ.
\p
\v 28 अब हे बच्चाहोन ओमे बन्या र्‍हेनु कि जब उ प्रगट हुये ते हम खे धीरज हो अरु हम ओका आना पर ओका सामने सरमीन्दा नी हुये. 
\v 29 अगर तुम जानस हइ कि उ न्यायी हइ, ते यो भी जानस हइ कि जो कोय सही काम करस हइ उ ओकासे जनम्यो हइ.
\c 3
\s परमेश्वर का बच्चा हइ
\p
\v 1 देख बाप ने हम से कसो प्रेम कर्यो हइ कि हम परमेश्वर कि सन्तान बोल्यो. अरु संसार मे हम भी ओने ओखे भी नी जान्यो 
\v 2 हे मरा मसीह भैइ अब हम परमेश्वर की सन्तान हइ, अरु अभी तक यो प्रगट नी हुयो कि हम खे कुछ हुये इत्तो जानस हइ कि जब उ प्रगट हुये ते हम ओका जसा हुये क्युकि ओका ओसो ही देख्ये जसो उ हइ. 
\v 3 अरु जो कोय ओका पर आस रखस हइ, उ अपना आप खे ओसो हि पवित्र करस हइ जसो उ पवित्र हइ.
\p
\v 4 जो कोय पाप करस हइ उ व्यवस्था को बुरो करस हइ. अरु पाप ते व्यवस्था को बुरो हइ. 
\v 5 तुम जानस हइ कि उ एका लिये प्रगट हुयो कि पाप खे हराये ओका प्रभाव मे पाप नी आय. 
\v 6 जो कोय ओमे बन्या र्‍हेस हइ उ पाप नी कर्‍हे. जो कोय पाप करस हइ, ओने ते ओखे देख्यो हइ अरु न ओखे जान्यो हइ,
\p
\v 7 हे बच्चाहोन कोय का भरम मे नी आनू जो दुन्या सही काम करस हइ उ ओका सामने न्यायी हइ. 
\v 8 जो कोय पाप करस हइ उ सैतान का तरफ से हइ क्युकि सैतान पहिले हि से पाप करतो आयो हइ परमेश्वर को बेटो एका लिये प्रगट हुयो कि सैतान काम होन खे नाश करस.
\p
\v 9 जो कोय परमेश्वर से जन्मे हइ उ पाप नी कर्‍हे क्युकि ओको बीज ओमे बन्यो र्‍हेस हइ अरु उ पाप करी ही नी सखे क्युकि परमेश्वर से जनम्यो हइ. 
\v 10 येका से ही परमेश्वर की सन्तान अरु सैतान की सन्तान जानो जास हइ. जो कोय धर्म को काम नी कर्‍हे उ परमेश्वर से नी अरु उ जो अपना भैइ से प्रेम नी रखे.
\s एक दुसरा से प्रेम रख
\p
\v 11 क्युकि जो समाचार तो ने पहिले से सुन्यो उ यो हइ कि हम एक दुसरा से प्रेम रख. 
\v 12 अरु कैन का जसो नी बन्नु जो उ पापी से थो अरु जेने अपना भैइ को खुन कर्यो अरु ओका कोनता कारण से यो करण कि ओका मे बुरा था, अरु ओका भैइ को काम सही थो.
\p
\v 13 हे भैइहोन अरु भैइनहोन अगर संसार तुम से बैर करस हइ ते अचम्भ नी करणु 
\v 14 हम जानस हइ कि हम मरन से पार हुय खे जिवन मे पोच्या हइ. क्युकि हम अपना भैइ से प्रेम रखस हइ जो प्रेम नी रखस उ मरन कि दशा मे र्‍हेस हइ. 
\v 15 जो कोय अपना भैइ भैइन से बैर रखस हइ उ हत्यारो हइ. अरु तुम जानस हइ कि कोय हत्यारो मे अनन्त जिवन नी ऱ्हे. 
\v 16 हम ने प्रेम येमे ही जान्यो कि ओने हमारा लिये अपनो जान दि दियो हइ. अरु हम खे भी अपना भैइ भैइन का लिये जान देन खे हुनु. 
\v 17 पर जो कोय का पास संसार कि दौलत हइ अरु अपना भैइ खे कन्गाल देखी, ओका पर तरस नी खाये, ते ओमे परमेश्वर को प्रेम कसो बन्यो र्‍हे सकस हइ. 
\v 18 हे बच्चाहोन हम वचन अरु जीभ से ही नी पर काम अरु सच्ची का वजेसे भी प्रेम कर्ये.
\s परमेश्वर का सामने हिम्मत
\p
\v 19 येमे से हम जान्ये कि हम सच्ची का हइ. अरु जो बात मे हमारो विवेक हम खे दोष दिये ओका बारे मे हम ओका सामने अपना अपना मन खे हिम्मत दि सकीये. 
\v 20 क्युकि परमेश्वर हमारा मन से बडो हइ अरु सब कुछ जानस हइ. 
\v 21 हे मरा मसीह भैइ अगर हमारा मन मे दोष नी दे ते हमखे परमेश्वर का सामने हिम्मत होस हइ. 
\v 22 अरु जो कुछ हम मानस हइ उ हम खे ओका से मीलस हइ, क्युकि हम खे ओकि आज्ञा खे मानस हइ अरु जे ओखे भास हइ उ करस हइ. 
\v 23 ओकी आज्ञा या हइ कि ओको बेटो यीशु मसीहा का नाम पर विश्वास करस अरु जसो मसीह ने हम खे आज्ञा दी हइ ओका जसो आपस मे प्रेम रखस. 
\v 24 जो ओकी आज्ञा खे मानस हइ, उ ओमे एक बन्यो र्‍हेस हइ अरु येमे से मंनजे उ आत्मा से जो ओने हम खे दियो हइ हम जानस हइ कि उ हम मे बन्यो र्हेस हइ.
\c 4
\s आत्माहोन खे परखनु
\p
\v 1 हे प्रियो हर एक आत्मा पर विश्वास नी करणु क्युकी आत्माहोन खे समज्हे कि वे परमेश्वर का तरफ से हइ कि नी. क्युकि भोत सा झुठा भविष्यव्दक्ताहोन पर जय मील्हे करी लियो हइ. 
\v 2 परमेश्वर को आत्मा तुम या रीति से पहचानी सकस हइ. जो आत्मा मानी लेस हइ कि यीशु मसीह शरीर मे हुइखे आयो हइ उ परमेश्वर का तरफ से हइ. 
\v 3 अरु जो आत्मा यीशु मसीह खे नी माने उ परमेश्वर का तरफ से नी. अरु उ ते मसीह की विरोधी की आत्मा हइ जेकी चर्चा तुम सुन्या चुक्या हइ उ आन आलो हइ अरु अभी संसार मे हइ
\p
\v 4 हे बच्चाहोन तुम परमेश्वर का हइ, अरु तुम ने ओका पर जय पायो हइ. क्युकि जो तुम मे हइ उ ओकासे जो संसार मे हइ, बडो हइ. 
\v 5 वे संसार का हइ, येका कारण वे संसार की बात बोलस हइ, अरु संसार उनकी सुनस हइ 
\v 6 हम परमेश्वर का हइ जे परमेश्वर खे जानस हइ उ हमारी हइ. जो परमेश्वर खे नी जाने उ हमारी नी सुने यो प्रकार हम सच्ची की आत्मा अरु भ्रम की आत्मा खे पहचानी लेस हइ.
\s परमेश्वर प्रेम हइ
\p
\v 7 हे मरा मसीह भैइ हम खे आपस मे प्रेम रखनु. क्युकि प्रेम परमेश्वर से हइ. जो कोय प्रेम करस हइ. उ परमेश्वर से जन्मे हइ अरु परमेश्वर खे जानस हइ. 
\v 8 जो प्रेम नी रखे उ परमेश्वर खे नी जाने क्युकि परमेश्वर प्रेम हइ. 
\v 9 जो प्रेम परमेश्वर हम से रखस हइ उ येका से प्रगट हुयो कि परमेश्वर ने अपनो एकलो तो बेटा खे संसार मे भेज्यो हइ कि हम ओका वजेसे जिवन पाये. 
\v 10 प्रेम ये मे नी कि हम ने परमेश्वर से प्रेम कर्यो, पर येमे हइ कि ओने हमसे प्रेम कर्यो अरु हमारो पापहोन को प्रायश्चित का लिये अपनो बेटा खे भेज्यो.
\p
\v 11 हे मरा मसीह भैइ जब परमेश्वर ने हम से असो प्रेम कर्यो ते हम खे भी आपस मे प्रेम रखन खे होनु. 
\v 12 परमेश्वर खे कभी कोय ने नी देख्यो अगर हम आपस मे प्रेम रख्ये ते परमेश्वर हम मे बन्यो र्‍हेस हइ, अरु ओको प्रेम हम मे पुरो हुइ गो हइ.
\p
\v 13 येमे से हम जानस हइ कि हम ओमे बन्या हइ, अरु उ हम मे. क्युकि ओने अपनी आत्मा दि हइ. 
\v 14 हमने देखी भी लियो अरु गवइ देस हइ कि बाप ने बेटा खे संसार को उद्धारकर्ता करीखे भेज्यो हइ. 
\v 15 जो कोय यो मानी लेस हइ कि यीशु मसीह परमेश्वर को बेटो हइ परमेश्वर ओमे बन्यो र्हेस हइ अरु उ परमेश्वर मे. 
\v 16 जो प्रेम परमेश्वर हम से रखस हइ ओखे हम जानी गा अरु हम खे ओको विश्वास हइ. परमेश्वर प्रेम हइ,
\p अरु जे प्रेम मे बन्या र्हेस हइ उ परमेश्वर मे बन्यो र्हेस, अरु परमेश्वर ओमे बन्यो र्हेस हइ. 
\v 17 येमे से प्रेम हमारा मे पुरो हुयो कि हमखे न्याय खे दिन हिम्मत हुये. क्युकि जसो उ हइ ओसो ही संसार मे हम भी हइ. 
\v 18 प्रेम मे डर नी र्‍हे अगर सिध्द प्रेम को डर दुर करी देस हइ. क्युकि डर को सम्बन्ध दण्ड से होस हइ, अरु जो डर करस हइ उ प्रेम, मे पूरो नी हुयो
\p
\v 19 हम येका लिये प्रेम करस हइ, कि पइले ओने हम से प्रेम कर्यो. 
\v 20 अगर कोय बोल्ये कि मी परमेश्वर से प्रेम रखुस हइ अरु अपना भैइ से बैर रखस ते उ झुठो हइ. क्युकि जो अपना भैइ से जेखे ओखे देख्यो हइ प्रेम नी रख्ये ते उ परमेश्वर से भी जेखे ओने नी देख्यो प्रेम नी रखी सक्हे. 
\v 21 ओकासे हमखे या आज्ञा मीली हइ, कि जो कोय परमेश्वर से प्रेम रखस हइ उ अपना भैइ अरु भैइन से भी प्रेम रख्ये.
\c 5
\s जगत पर जय पानु
\p
\v 1 जेको यो विश्वास हइ कि यीशु हि मसीह हइ, उ परमेश्वर से पइदा हुयो हइ. अरु जो कोय पइदा करण आला से प्रेम रखस हइ उ ओकासे भी प्रेम रखस हइ जो ओकासे पइदा हुया हइ. 
\v 2 जब हम परमेश्वर से प्रेम रखस हइ अरु ओकी आज्ञा खे मानस हइ, ते येका से हम जानस हइ कि हम परमेश्वर की सन्तानहोन से प्रेम रखस हइ. 
\v 3 क्युकि परमेश्वर का बच्चाहोन प्रेम रखनो यो हइ कि हम ओकि आज्ञा खे मानस अरु ओकि आज्ञाहोन कठिन नी. 
\v 4 क्युकि जो कुछ परमेश्वर से पइदा हुया हइ उ संसार पर जय मील्हे करस हइ. अरु उ विजय जेका से संसार पर जय मील्यो होस हइ हमारो विश्वास हइ. 
\v 5 संसार पर जय पान आलो कोन हइ? फक्त उ जेको यो विश्वास हइ कि यीशु मसीह परमेश्वर को बेटो हइ,
\s यीशु मसीह का बारे मे गवाही
\p
\v 6 यो हइ उ जो पानी अरु खुन का वजेसे आयो थो अगर यीशु मसीह उ फक्त पानी का वजेसे वरण पानी अरु खुन दोय अरु वा आत्मा का वजेसे आयो थो. 
\v 7 अरु जो गवइ देस हइ, उ आत्मा हइ. क्युकि आत्मा सच्ची हइ. 
\v 8 गवइ देन आला तीन हइ आत्मा अरु पानी, खुन. अरु तीनी एक ही बात से सेह मत हइ. 
\v 9 जब हम इन्सान की गवइ मानी लेस हइ, ते परमेश्वर की गवइ ओकासे बडीखे हइ. अरु परमेश्वर की गवइ या हइ कि अपना बेटा का बारे मे गवाही दी हइ. 
\v 10 जो परमेश्वर का बेटा पर भरोसो करस हइ उ अपना ही मे गवइ रखस हइ जेने परमेश्वर पर भरोसो नी कर्यो ओने ओखे झुठो ठहरायो, क्युकि ओने वा गवइ पर विश्वास नी कर्यो जे परमेश्वर ने अपना बेटा का बारे मे दि हइ. 
\v 11 अरु वा गवइ या हइ कि परमेश्वर ने हम खे अनन्त जिवन दियो हइ, अरु यो जिवन ओका बेटा मे हइ. 
\v 12 जेका पास बेटो हइ, ओका पास जिवन हइ अरु जेका पास परमेश्वर को बेटो नी, ओका पास जिवन भी नी.
\s अनन्त जिवन
\p
\v 13 मे ने तुमखे जो परमेश्वर का बेटा का नाम पर विश्वास करस हइ येका लिये लिख्यो हइ कि तुम जाननु कि अनन्त जिवन तुम्हारो हइ. 
\v 14 अरु हमखे ओका सामने जो हिम्मत होस हइ वा या हइ. कि अगर हम ओकी इच्छा का जसो कुछ मागस हइ ते उ हमारी सुनस हइ. 
\v 15 जब हम जानस हइ कि जो कुछ हम मागस हइ उ हमारी सुनस हइ ते यो भी जानस हइ कि जो कुछ हम ओकासे मागस उ पायो हइ.
\p
\v 16 अगर कोय अपना भैइ भैइन खे असो पाप करता देख्ये जेको फल मरण नी हुये ते बिंनती करणु अरु परमेश्वर ओखे उनका लिये जेने असो पाप कर्यो हइ जेको फल मरनो नी हुये जिवन दिये. पाप असो भी होस हइ जेको फल मरन हइ. ओका बारे मे मी प्रार्थना करण का लिये नी बोलु. 
\v 17 सब प्रकार को अधर्म तो पाप हइ, पण असो पाप भी हइ जेको फल मरण नी.
\p
\v 18 हम जानस हइ कि जो कोय परमेश्वर से पइदा हुयो हइ उ पाप नी कर्‍हे. पर जो परमेश्वर से पइदा हुयो, ओखे उ बच्य रखस हइ अरु उ दुष्ट ओखे छि नी पाये.
\p
\v 19 हम जानस हइ कि हम परमेश्वर से हइ अरु पुरो संसार सैतान का कब्जामे पड्यो हइ.
\p
\v 20 हम यो भी जानस हइ कि परमेश्वर को बेटो अय गो हइ अरु ओने हमखे समझ दि हइ कि हम ओकी सच्चाइ खे पइछान्ये. अरु हम ओमे जो सच्ची हइ अगर ओको बेटो यीशु मसीह मे र्हेस हइ सच्चो परमेश्वर अरु अनन्त जिवन यो हइ.
\p
\v 21 हे बच्चाहोन अपना आप खे मूर्ती से बचय रखनु.