\id TIT - Goofa
\ide UTF-8
\h Tito
\toc3 Tito
\toc2 Tito
\toc1 Phawuloosi Titos Xaafida Kiitaa
\mt1 Phawuloosi Titos
\mt2 Xaafida Kiitaa
\imt Gaatha Qofaa
\ip Titoy Ayhude gidonna asi, shin guyeppe ammanidi laamettidi, Phawuloosi Wonggelaa kiitaa oosuwa oothiya wode matan iya maaddida asi. He wode Titoy, woosa keethaa xeellanawunne naaganaw Qarxeese giya bessan attis. He kiitay heedzu ayfe qofata oykkees.
\ip 1) woosa keethaa aysiya asay, iita duussu de7iya Qarxeese asaa matan ay mela lo77o duussu daanaw koshshiyako Tito akeekisees.
\ip 2) woosa keethaa giddon de7iya dumma dumma cugeta, hessika, cima asata, yalaga addetanne aylleta waati tamaarssanaw bessiyako Tito zorees.
\ip 3) ammaniyaa asaa ammano duussabaa, hessika, sarotethaninne siiqon daanabaa, woosa keethaa giddofe ooshshi, palamaanne shaahotethi digganabaa Titos zore immees.
\iot Tito kiitaa ayfe qofata
\io1 Gelo qofaa 1:1-4
\io1 Woosa keethi kaalethiya asaa 1:5-16
\io1 Woosa keethan de7iya dumma dumma cugeta ooso 2:1-15
\io1 Zorenne naagiso 3:1-11
\io1 Kushsha qofaa 3:12-15
\ie
\c 1
\p
\v 1 Yesuus Kiristtoosa hawaareynne Xoossaa aylley, Phawuloosi, xaafida dabddaabbiya. Xoossay doorida asaa ammanuwa dichchanaadanne tuma ayyaana de7uwa waanidi daanekko bessiya tumaa eraakko entta kaalethanaw taani kiitettas. 
\v 2 He ammanoynne eratethay merinaa de7uwa ufayssaa bolla zemppis. Hessa daro wodeppe sinthe worddotonna Xoossay nuus immana gidi qaala gelis. 
\v 3 Nuna ashshiya Xoossay ba woden ha kiitaa odana mela taw hadara immis.
\p
\v 4 Nu kothe ammanuwan ta tuma na7aa gidida Tito,
\p Xoossaa Aawappenne nuna ashshiya Yesuus Kiristtoosappe aadho keehatethay, maarotethaynne sarotethay new gido.\x - \xo 1:4 \xo*\xt 2Qoro 8:23; Gala 2:3; 2Ximo 4:10\xt*\x*
\s Titoy Qarxeesen oothiya oosuwa
\p
\v 5 Taani nena Qarxeesen aggada yiday, neeni attidabaa giigisanaadanne taani kiittidayssada katamaa ubban woosa keetha cimata doorana melassa. 
\v 6 Cimi borettonnayssa, issi machche azinaa, maara dhayon woykko kiitetetha ixon asi boronna ammaniyaa nayti de7iya asi gidanaw bessees.\x - \xo 1:6-9 \xo*\xt 1Ximo 3:2-7\xt*\x* 
\v 7 Woosa keetha cimi Xoossaa oosuwa hadara ekkida gisho, borettonnayssa, otorttonayssa, elle yilottonnayssa, mathottonayssa, oda medhdhonayssanne bessonna go77as dafettonayssa gidanaw bessees. 
\v 8 Shin imathe mokkeyssa, lo77obaa ubbaa doseyssa, akeekanchcho, xillo, geeshshinne bana haareyssa gidanaw bessees. 
\v 9 Harata suure timirttiyan minthethanawunne he timirttiya ixxeyssata zaaranaw ba tamaarida tuma qaalan minnidi eqqanaw bessees.
\p
\v 10 Kiitettonayssati, pathonna oda odetteyssati, cimmeyssati ubbaka qaxxaretetha wogaa naagiya daro asati de7oosona. 
\v 11 Entti bessonna ogen miishe demmanaw koyidi, tamaarssanaw bessonnabaa tamaarssishe keetha asaa ubbaa iissiya gisho entta timirttiya teqqanaw bessees. 
\v 12 Entta nabetappe issoy, “Qarxeese asay ubba wode worddo odettoosona; iita do7atanne azalla yarambbata”\f + \fr 1:12 \fr*\fk Qarxeese asay ubba wode worddo odettoosona; iita do7atanne azalla yarambbata: \fk*\ft Hessa yaagidi odida nabey Eppimendesa geetettees.\ft*\f* yaagis. 
\v 13 Ha markkatethay tuma markkatethi. Hessa gisho, enttaw tuma ammanoy daana mela entta hanqetta. 
\v 14 Tuma kiitettonna asaa timirttiyanne Ayhudeta pathonna tossiya si7onna mela entta seera. 
\v 15 Banttaw geeshshi gididayssatas ubbay geeshshi, shin tunatasinne ammanonnaysstas entta qofaynne kahay tunida gisho, enttaw aybikka geeshshi gidenna. 
\v 16 Entti nu Xoossaa eroos goosona, shin bantta oosuwan iya kaddoosona. Entti Xoossan ixettidayssata, kiitettonayssatanne lo77o ooso ubbaas gidonnayssata.
\b
\c 2
\p
\v 1 Shin neeni suure timirttiya phalqqonna timirtte tamaarssanaw bessees. 
\v 2 Cima addeti banttana haareyssata, woppu gidayssata, bonchchettidayssata, ammanon, siiqoninne dandda7an, mino gidana mela zora. 
\v 3 Hessadakka, cima maccasay bantta duussan geeshshata, zigironnayssata, woyne ushshan haarettonnayssatanne lo77obaa tamaarsseyssata gidana mela tamaarssa. 
\v 4 Entti hessada hanikko yalaga maccasay bantta azinatanne bantta nayta siiqana mela tamaarssanaw dandda7osona. 
\v 5 Xoossaa qaalay borettonna mela banttana haareyssata, geeshshata, bantta son ootheyssata, keehatanne bantta azinatas kiitetteyssata gidana mela yalaga maccasaa tamaarssona.
\p
\v 6 Hessadakka, yalaga addati banttana haarana mela zora. 
\v 7 Neeni ne huu7en lo77o ooso ubban enttaw leemiso gida. Neeni ne timirttiyan eqqidayssanne ammanettidayssa gida. 
\v 8 Nu morkketi nuna zigiranaw gaasoyiyabay enttaw dhayin entti yeellatana mela neeni borettonna lo77o oda odetta.
\p
\v 9 Aylleti ubbaban bantta godatas kiitettana mela entta ufayssana melanne enttara palamonna mela zora. 
\v 10 Entti bantta godatappe kaysotoppo. Hessika, nuna ashshiya Xoossaa timirttey, ubba ogen dosettidayssa gidana mela bantta oothiya oosuwan ammanetteyssata gideyssa bessana mela entta zora.
\p
\v 11 Ase ashshiya Xoossaa aadho keehatethay asa ubbaas qonccis. 
\v 12 He aadho keehatethay, nu nagaranne ha alamiya amuwaa aggidi, ha wodiyan nuna haaridi, tuma ayyaana de7uwaninne xillotethan daana mela nuna tamaarssees. 
\v 13 Nuuni anjjettida ufayssaa gidida gita Xoossaanne nuna ashshiya Yesuus Kiristtoosa bonchcho qonccethaa naagoos. 
\v 14 Iita ooso ubbaafe nuna wozanawunne lo77obaa oothanaw amottiya ba geeshsha asi kessanaw nu gisho bana aathi immis.\x - \xo 2:14 \xo*\xt Maz 130:8; Kessa 19:5; Zaare 4:20; 7:6; 14:2; 1Phexi 2:9\xt*\x*
\p
\v 15 Neeni hayssa tamaarssa; kumetha maatan zora, seera; oonikka nena kadhoppo.
\c 3
\s Ammaniya asa ooso
\p
\v 1 Asay deriya haareyssatas, aawatethay de7eyssatas haarettanaw, kiitettanawunne lo77o ooso ubbaa oothanaw giigettidayssata gidana mela akeekisa. 
\v 2 Qassi entti oode bollaka iita odettonna mela, saro asi gidana mela, ashkketanne asa ubbaas qadhetteyssata gidana mela zora. 
\v 3 Nuuni kase eeyata, kiitettonayssata, balettidayssata, dumma dumma asho ufayssasinne amos ayllettidayssata. Nuuni iitatethaninne qanaaten kumidayssata; nu ase ixxeyssata, asikka nuna ixxeyssata. 
\v 4 Shin ashshiya Xoossaa keehatethaynne siiqoy qonccida wode, 
\v 5 nu oothida xillo oosuwa gisho gidonnashin, ba maarotethaa gisho nuna ashshis. Nuna I ashshiday, nam77antho yeletethaa meechchaninne Geeshsha Ayyaana baggara immida ooratha de7uwana. 
\v 6 He Ayyaana, Xoossay nuna ashshiya Yesuus Kiristtoosa baggara nu bolla darssidi gussis. 
\v 7 Ba aadho keehatethaa baggara nuna xillisidi merinaa de7uwa laata ufayssaa oykkana mela hessa oothis. 
\v 8 Ha qaalay ammanettida qaala. Xoossaa ammaneyssati lo77o ooso oothanaw giigidayssata gidana mela ne ha qaala miinthada odana mela ta koyays. Hayssati ase ubbaas lo77onne go77eyssata. 
\v 9 Shin eeyatetha palamappe, kochcha tayboppe, kachchafenne higge gaason denddiya ooshshaafe naagetta. Hessi go77inne wodhey baynnabaa. 
\v 10 Shaahotethi medhdhiya uraa koyro zora; nam77antho hanqetta hessafe guye iyappe haakka. 
\v 11 Hessa mela asi geellanne nagaranchcho; I ba bolla pirddeyssa era.
\s Wurssetha zore
\p
\v 12 Taani balggo yan shaaccanaw qoppida gisho, Arxemaasa woykko Tikiqoosa neekko kiittiya wode ne taakko Niqophiliyoona yaanaw minna.\x - \xo 3:12 \xo*\xt Ha@O 20:4; Efe 6:21-22; Qola 4:7-8; 2Ximo 4:12\xt*\x* 
\v 13 Higge eriya Zemaasinne Aphiloosi oge biya wode enttaw koshshiyabay pacconna mela entta maadda.\x - \xo 3:13 \xo*\xt Ha@O 18:24; 1Qoro 16:12\xt*\x* 
\v 14 Nu asaykka pathonna asi gididi attonna mela banttaw koshshiyabaa demmanaw lo77o ooso minnidi ooso tamaaro.
\p
\v 15 Taara de7iya ubbay nena saro goosona; ammanon nuna siiqiya asaa saro ga.
\p Xoossaa aadho keehatethay hintte ubbaara gido. Amin7i.