\id ROM ROM- Goofa
\ide UTF-8
\h Roome
\toc3 Roome
\toc2 Roome
\toc1 Phawuloosi Roome Asaas Xaafida Kiitaa
\mt1 Phawuloosi Roome Asaas
\mt2 Xaafida Kiitaa
\imt Gaatha Qofaa
\ip Hawaariya Phawuloosa kiitay Roome asaas xaafettiday, Phawuloosi Roomen de7iya woosa keethaa be7anaw qoppida gisho, I biya wode entti giigidi naagana mela oothanaassa. Phawuloosa qofay Roomen de7iya ammaneyssatara guutha wode oothidaappe guye, entti iya maaddin Isppeene baanassa. Ammanobaa i eridayssanne ammaniyaa asay he timirttiya ooson peeshshana mela qonccisidi xaafis. Ha maxaafan Phawuloosa kumetha kiitay ha qofaa oykkees.
\ip Phawuloosi Roomen de7iya ammaniyaa asata koyro sarothi simmidi, kaallidi enttaw woosseyssa odidaappe guye, ba kiitas gul77a qofay, “Wonggelan Xoossaa xillotethay qonccis; he xillotethay koyroppe wurssethi gakkanaw ammanon qonccis” gidi odees (1:17).
\ip Hessafe guye, he qofaa dalggisidi xaafees. Ayhudeta gidin Ayhude gidonna asaa gidin ubbay nagaras haarettidayssata gidiya gisho, entti Xoossaara sigettanaw koshshees. Asay Xoossaara sigettanaw dandda7ey Yesuus Kiristtoosaa ammanonna. Entti Xoossaara medhdhiya ha ooratha gaytethaa ayfey, ooratha de7o gideyssa Phawuloosi dalggisidi odees. Ammaniya asi Xoossaara saro de7ees; qassi Xoossaa Ayyaana baggara nagaraappenne hayqo wolqqaafe kessi ekkees. Shemppo 5-8 gakkanaw Phawuloosi Xoossaa higgeynne ammaniyaa asaa de7on oothiya Xoossaa Ayyaana wolqqaa qofay aybeekko odees. Hessafe kaallidi, Phawuloosi, “Xoossay asaa naytas qoppida qofaa giddon Ayhudetinne Ayhude gidonna asay waanidi issife waaxettanaw dandda7ii?” yaagiya oyshaas zaaro immanaw baaxetis.
\ip Qassi Ayhudeti Yesuusa ekkonna ixxiday Xoossaa qofaa gideyssa odees. Hessi haniday Yesuus Kiristtoosa baggara qonccisida aadho keehatethaa giddon asa zare ubbaa haphphana melassa. Gidoshin, Ayhudeti Yesuusa ekkana wodey yaanayssa Phawuloosi ammanees. Wurssethan Phawuloosi ammano de7o waanidi daanaw bessiyako odees. Xoossaas oothanabaa, ammaniyaa asati bantta biittaasinne bantta giddon issoy issuwas aawatethan oothanabaanne kaha gaason medhettiya oyshetabaa qonccisidi odees.
\iot Roome kiitaa ayfe qofata
\io1 Gelo qofaa 1:1-15
\io1 Roome kiitaa huu7e qofaa 1:16-17
\io1 Asa na7as atotethi koshsheyssa 1:18-3:20
\io1 Xoossay ase ashshiya ogiya 3:21-4:25
\io1 Kiristtoosan benttiya ooratha de7uwa 5:1-8:39
\io1 Isra7eeles Xoossaa qofaa 9:1-11:36
\io1 Ammaniya asaa duussaa 12:1-15:13
\io1 Kuushsha qofanne sarotho 15:14-16:27
\ie
\c 1
\p
\v 1 Yesuus Kiristtoosa aylle gidida, hawaare gidana mela xeegettidayssafenne Xoossaa Wonggelaa sabbakana mela doorettida Phawuloosi kiittida kiitaa.
\p
\v 2 Xoossay daro wodeppe sinthe ba nabeta baggara immana yaagida Wonggelay Xoossaa Geeshsha Maxaafatan xaafettis. 
\v 3 He Wonggelay ashon Dawite sheeshaappe yelettida, Xoossaa Na7aa, nu Godaa Yesuus Kiristtoosabaa. 
\v 4 Qassi I ba geeshsha Ayyaanan hayqoppe denddidi, Xoossaa Na7aa gideyssa gita wolqqan bessis. 
\v 5 Iya baggara Ayhude gidonna asay ubbay, ammanidi kiitettana mela Kiristtoosa sunthaa gisho, Xoossay aadho keehatethinne hawaaretetha maata nuus immis. 
\v 6 Yesuus Kiristtoosas gidana mela xeegettida asatappe baggati hinttena.
\p
\v 7 Roomen de7iya, Xoossay siiqeyssatasinne iya geeshsha dere gidana mela dooridayssatas.
\p Xoossaa nu Aawappenne Godaa Yesuus Kiristtoosappe aadho keehatethaynne sarotethay hinttew gido.
\s Galata woosaa
\p
\v 8 Ubbaafe koyrottada, hintte ammanoy biitta ubban si7ettida gisho, Yesuus Kiristtoosa baggara hintte gisho ta Xoossaa galatays. 
\v 9 Taani iya Na7aa wonggelabaa kumetha wozanan odiya Xoossay, taani ta woossan ubba wode hinttena qoppeyssas I markka. 
\v 10 Wurssethan, Xoossaa shene gidikko, taani hintteko baanaw ogey taw injjetana mela ubba wode woossays. 
\v 11 Taani hinttew Ayyaana imuwa shaakkanawunne hinttena be7anaw laamotays. 
\v 12 Hessika, taani hintte ammanuwan, qassi hintte ta ammanuwan minettana melassa.
\p
\v 13 Ta ishato, taani Ayhude gidonna asaappe ayfe demmidayssada, hinttefekka ayfe demmanaw hintteko baanaw qoppas, shin digettas.\x - \xo 1:13 \xo*\xt Ha@O 19:21\xt*\x* 
\v 14 Tamaarida asaasinne tamaariboonna asaas qassi cinccatasinne eeyatas taw acoy de7ees.
\p
\v 15 Hessa gisho, Roomen de7iya hinttewuka Wonggelaa odanaw amottays.
\s Wonggelay Xoossaa wolqqaa
\p
\v 16 Iya ammaniyaa ubbaa, koyrottidi Ayhudeta, kaallidi Ayhude gidonnayssata ashshanaw Wonggelay Xoossaa wolqqaa gidiya gisho, ta Wonggelan yeellatikke.\x - \xo 1:16 \xo*\xt Mar 8:38\xt*\x* 
\v 17 Xilloy ammanon de7on daana geetettidi Geeshsha Maxaafan xaafettis. Wonggelaan Xoossaa xillotethay qonccis; koyroppe wurssethi gakkanaw, asay xilley ammanonna.\x - \xo 1:17 \xo*\xt Ib 2:4\xt*\x*
\s Asa iitatethi
\p
\v 18 Tumay erettonna mela bantta iita ooson kammiya asaa bollanne nagara ubbaa bolla, Xoossaa hanqoy saloppe wodhdhees. 
\v 19 Xoossay enttaw qonccanaw bessiyabaa qonccisida gisho, entti Xoossabaa eroosona. 
\v 20 Alamey medhettosappe doomidi, asaas beettonna Xoossaa kanddoy, hessika iya merinaa wolqqaynne Xoossatethay iya medhetethan qonccidi de7iya gisho, asay bantta iitatethaas gaasoyiyabay baawa.
\p
\v 21 Entti Xoossaa erishe, iya bonchchibookonanne galatibookkona. Entta qofay maaddonnabaa gidis; entta akeekonna wozanay dhumis.\x - \xo 1:21 \xo*\xt Efe 4:17-18\xt*\x* 
\v 22 Entti banttana cinccata goosona, shin eeyata. 
\v 23 Entti hayqqonna Xoossaa goynnanayssa aggidi, hayqqiya asa medhon, kafota medhon, do7ata medhoninne ulora gooshettiyabata daanisidi oothida misileta goynnidosona.\x - \xo 1:23 \xo*\xt Zaare 4:16-18\xt*\x*
\p
\v 24 Hessa gisho, entti issoy issuwara borssobaa oothidi, bantta asatethaa kawushshana mela Xoossay entta wozanay amottiya tuna oosos entta yeggi aggis. 
\v 25 Hessi haniday entti Xoossaa tumaa worddon laammida gishonne medhdhida Xoossaa aggidi, medhetethi goynnida gishossa. Xoossay merinaw galatettidayssa. Amin7i.
\p
\v 26 Hessa gisho, Xoossay enttana entta borsso amuwaas yeggi aggis. Entta maccasay bantaw bessiya addera gaytethi aggidi, bessonnabaa hanidi maccasi maccasara gayttidosona. 
\v 27 Hessadakka, addeti bantaw bessiya maccasara gaytethi aggidi, addey addera gayttidosona. Addeti issoy issuwara amon xuugettidi, borssobaa oothidosona. Bantta oothida balaas bessiya pirddaa ekkidosona.
\p
\v 28 Entti Xoossaa erishe, hari attoshin iyabaa qoppanaw koyonna ixxida gisho, bessonnabaa oothana mela Xoossay enttana pathonna qofas aathi immis. 
\v 29 Enttan geellatethi, iitatethi, yiiqey, geney, qanaatey, shemppo wodhoy, palami, cimoynne iita amoy kumis. Entti zigireyssata, 
\v 30 asa sunthi iisseyssata, Xoossaa ixxeyssata, cayeyssata, otoreyssata, ceeqetteyssata, iitabaa oothanaw koyeyssatanne bantta aayesinne aawas kiitettonayssata, 
\v 31 akeekonnayssata, caaqo mentheyssata, siiqoy baynnayssata, qadhey baynnayssata. 
\v 32 Hayssata mela ootheyssatas hayqoy bessees giya Xoossaa higgiya erishe, hayssata oothoosona. Entti banttaw ooso xalaala gidonnashin, oothiya haratakka nashshoosona.
\c 2
\s Xoossaa xillo pirddaa
\p
\v 1 Hessa gisho, neno harata bolla pirddeysso, neeni gaasoyiyabay baawa. Neeni harata bolla pirddashe, he neeni pirddiya uraa mela oothiko, nee, ne bolla pirddaasa.\x - \xo 2:1 \xo*\xt Maato 7:1; Luuqa 6:37\xt*\x* 
\v 2 Hessa mela ooso ootheyssata bolla Xoossay xillo pirddaa pirddeyssa nu eroos. 
\v 3 Neno, hessa mela ooso ootheyssata bolla pirddeysso, entti ootheyssa mela ootheysso, neeni Xoossaa pirddaafe attanabaa daanii? 
\v 4 Woykko Xoossaa keehatethaa, genccaanne dandda7a darotethaa kadhayye? Xoossay new keehiday nena nagaraappe zaaranaw gideyssa erikkiyye?
\p
\v 5 Shin hinttew shuchcha wozaninne si7onna haythi de7ees. Hessa gisho, Xoossaa hanqoynne xillo pirdday qoncciya gallas, ne bolla pirdday darana mela oothaasa. 
\v 6 Xoossay issuwas issuwas iya oosuwa mela immana.\x - \xo 2:6 \xo*\xt Maz 62:12; Leemi 24:12\xt*\x* 
\v 7 Lo77o ooson minnidi, galataa, bonchchonne dhayonna de7uwa koyeyssatas Xoossay merinaa de7uwa immana. 
\v 8 Shin banttana siiqeyssata, tumaa ixxeyssatanne iitabaa oothanaw koyeyssata bolla Xoossaa hanqoynne pirdday yaana. 
\v 9 Iitabaa oothiya asay ubbaa, koyrottidi Ayhudeta, kaallidi Ayhude gidonna asaa metoynne waayey gakkana. 
\v 10 Shin Xoossay lo77o ooso oothiya ubbaas, koyrottidi Ayhudetas, kaallidi Ayhude gidonnayssatas galataa, bonchchonne sarotethaa immana. 
\v 11 Xoossay som77o be7idi ase shaakkenna.\x - \xo 2:11 \xo*\xt Zaare 10:17\xt*\x*
\p
\v 12 Higgey baynna nagara oothida ubbay higgey baynna dhayana. Higgey de7ishin, nagara oothida ubbay higgen pirddettana. 
\v 13 Xoossaa sinthan xilleyssati higge naageyssatappe attin higge sissa xalaala si7eyssata gidokkona. 
\v 14 Higgey baynna Ayhude gidonna asay medhon higgey kiitteyssa oothoosona. Enttaw xaafettida higgey baynna ixxikokka entti bantta wozanan higgiya eroosona. 
\v 15 Entta hanotay, higge kiitay entta wozanan xaafettidayssa bessees. Qassi entta kahay entta bolla markkattees. Entta qofay issi issi toho enttana bala gees; issi issi toho enttana likke gees. 
\v 16 Ta tamaarssida Wonggelaa mela Xoossay Yesuus Kiristtoosa baggara asa wozanan geemmida qofaa pirddiya wode hessi erettana.
\s Ayhudetanne entta higgiya
\p
\v 17 Shin ne nena Ayhude gaasa; higgen zemppaasa; Xoossan ceeqaasa. 
\v 18 Ne oothana mela Xoossay koyabay aybeekko eraasa. Higgiya tamaarida gisho, tuma gidiyabaa dooranaw eraasa. 
\v 19 Neeni qooqeta kaaletheyssa, qassi dhuman de7eyssatas poo7o gideyssa shaakka eraasa. 
\v 20 Neeni higgiyafe demmida eratethaaninne tumatethan eeyata eriseyssanne yoogata tamaarsseyssa gideyssa eraasa. 
\v 21 Yaatin, ne harata tamaarsseyssi ne nena ays tamaarssikii? Neeni, “Kaysotoppa” gashe, neeni ne huu7en kaysotayye? 
\v 22 Neeni, “Laammofa” gashe, neeni ne huu7en laammayye? Neeni eeqa ixxashe, eeqay de7iya keethaa bonqayye? 
\v 23 Neeni Xoossaa higgiyan ceeqettasa, shin higgiyas kiitettonna ixxada Xoossaa yeellayay? 
\v 24 Geeshsha Maxaafan, “Hintte gaason Xoossaa sunthay Ayhude gidonna asatan cayettees” geetettidi xaafettis.\x - \xo 2:24 \xo*\xt Isa 52:5\xt*\x*
\p
\v 25 Ne higges kiitettiko, ne qaxxaros maadey de7ees, shin neeni higgiyas kiitettonna ixxiko ne qaxxaretethay qaxxarettiboonna mela gidees. 
\v 26 Ayhude gidonna asi qaxxarettonna de7ishe, higgiyas kiitettiko, Xoossay iya qaxxarettida mela taybenne? 
\v 27 Hintte, Ayhude asati, hinttew xaafettida higgeynne qaxxaroy de7ishin, hintte higges kiitettonna ixxiko, Ayhude gidonna asay qaxxarettonna ixxikokka higges kiitettidi, hintte bolla pirddana.\f + \fr 2:27 \fr*\fq Hintte bolla pirddana: \fq*\ft entta hanotay woykko entta kiitetethay hintte bolla pirddana.\ft*\f*
\p
\v 28 Hiza, sunthan Ayhude gidida ubbay tuma Ayhude gidenna. Qassi kare asatethaa qaxxaroy tuma qaxxaro gidenna. 
\v 29 Shin tuma Ayhudetethi gaatha baggan Ayhude gideyssa. Tuma qaxxaretethi Xoossaa Ayyaanan oosettiya wozanaa qaxxaretethafe attin xaafettida higgiyan oosettiya asatetha qaxxaro gidenna. He uray galataa Xoossafe ekkeesippe attin asappe gidenna.\x - \xo 2:29 \xo*\xt Zaare 30:6\xt*\x*
\c 3
\s Ayhudeta ammanonna ixo
\p
\v 1 Yaatin, Ayhude gidon ay dummatethi de7ii? Woykko qaxxaretethan ay maadey de7ii? 
\v 2 Tumakka Ayhude gidoy daro ogera maaddees. Ubbaafe sinthe Xoossay ba qaala hadara Ayhudetas immis.
\p
\v 3 Yaatin, enttafe issoti issoti qaala ammanonna ixxiko, entta ixxoy Xoossaa ammanetethaa diggiyye? 
\v 4 Diggenna! Asa ubbay worddanchcho gidikkoka Xoossay tuma gido. Geeshsha Maxaafan,
\q1 “Ne qaalan ne xillasa;
\q2 nena mooteyssa pirddan lathaasa”
\m geetettidi xaafettis.\x - \xo 3:4 \xo*\xt Maz 51:4\xt*\x*
\p
\v 5 Yaatin, nu nagaray Xoossay xillo gideyssa bessiyabaa gidikko, nu woyganee? Xoossay nu nagara gisho, nu bolla pirddiko, likke gidenneyye? Hayssa taani asa qofatho gays. 
\v 6 Hessi ubbarakka hanenna. Hessada hanikko, Xoossay ha alamiya bolla waati pirddanee?
\p
\v 7 Shin ta worddotethay Xoossaa tumaa qonccisidi, iya bonchchuwa darssi bessiyabaa gidikko, yaatin, ays ta bolla nagaranchchoda pirddeetii? 
\v 8 Issi issi asay, “Lo77oy yaana mela iita oothoos” yaagidi tamaarssiyaada oothidi tana mootosona. Hessa mela asaa bolla yaa Xoossaa pirdday likke.
\s Asi ubbay nagaranchcho
\p
\v 9 Yaatin, nuuni woyganee? Nu Ayhudeti, Ayhude gidonnayssatappe aadhdhonaayye? Gidenna! Ayhude gidin, Ayhude gidonna attin ubbay nagaranchcho gideyssa taani kasetada hinttew odas.
\p
\v 10 Geeshsha Maxaafan,
\q1 “Xillo asi issoykka baawa.\x - \xo 3:10-12 \xo*\xt Maz 14:1-3; 53:1-3\xt*\x*
\q1
\v 11 Akeekiya asi baawa,
\q2 Xoossaa koyaa oonikka baawa.
\q1
\v 12 Asa ubbay Xoossaas zokko zaaridosona;
\q2 ubbay issife pathonnabaa gididosona.
\q1 Lo77o oothiya oonikka baawa;
\q2 issi asikka baawa.
\q1
\v 13 Entta doonappe keyaa qaalay,
\q2 dooyettida duufoppe keyaa xinqqo mela;
\q2 bantta inxarssan cimmoosona.
\q1 Entta doonappe ase wodhiya,
\q2 shoosha marzey keyees.\x - \xo 3:13 \xo*\xt Maz 5:9; 140:3\xt*\x*
\q1
\v 14 Entta doonan camo odaynne baadethi kumis.\x - \xo 3:14 \xo*\xt Maz 10:7\xt*\x*
\q1
\v 15 Entti suuthi gussanaw ellesoosona.\x - \xo 3:15-17 \xo*\xt Isa 59:7-8\xt*\x*
\q1
\v 16 Entta ogiyan dhayoynne qohoy de7ees.
\q1
\v 17 Entti sarotetha ogiya erokkona.
\q1
\v 18 Bantta de7uwan Xoossaas yayyokonna”
\m geetettidi xaafettis.\x - \xo 3:18 \xo*\xt Maz 36:1\xt*\x*
\p
\v 19 Ase ubbaa doona oythanawunne kumetha alamiya Xoossaa pirddaafe garssan shiishanaw, higgey imettiday higgefe garssan aqeyssatas gideyssa nu eroos. 
\v 20 Hessa gisho, oonikka higges kiitettidi Xoossaa sinthan xillanaw dandda7enna. Higgey asi ubbay nagaranchcho gideyssa bessees.\x - \xo 3:20 \xo*\xt Maz 143:2; Gala 2:16\xt*\x*
\s Xillotethi ammanonna
\p
\v 21 Shin ha77i Xoossay asi higgey baynnashin xilliya oge qonccisis. He ogiya Muse higgeynne nabeti markkattidosona. 
\v 22 Ha xillotethaa, Xoossay Yesuus Kiristtoosa baggara asa ubbaas shaakoy baynna immees.
\p
\v 23 Asa ubbay nagara oothidosona; Xoossay enttaw immida bonchchuwafe haakkidi attidosona. 
\v 24 Shin entti Xoossaa aadho keehatethan, woziya Kiristtoos Yesuusa baggara coo xillidosona. 
\v 25 Xoossay Yesuus Kiristtoosa yarshsho oothidi immiday, iya ammaniyaa ubbay iya suuthan nagara maarotethi demmana melassa. Xoossay hessa oothiday ba dandda7an kase nagaraa taybonna aggidi, ba xillotethaa bessanaassa. 
\v 26 Ha77i wodiyan Yesuusa ammaniyaa ubbaa xillisidi, Xoossay ba huu7en xillo gideyssa bessees.
\p
\v 27 Yaatin, nu ceeqettiyabay aybi de7ii? Aybikka baawa. Nuuni ceeqettey higges kiitettiya gishoyye? Akkay! Ammano gishossa. 
\v 28 Xoossay ase xillisey ammanonnappe attin higges kiitetethan gidonnayssa nu akeekos.
\p
\v 29 Woykko Xoossay Ayhudeta xalaala Xoosseyye? Ayhude gidonnayssatas Xoosse gidenneyye? Tuma, Ayhude gidonnayssataskka I Xoosse. 
\v 30 Xoossay issino; Ayhudetanne Ayhude gidonnayssata ammanon xillisey iya.\x - \xo 3:30 \xo*\xt Zaare 6:4; Gala 3:20\xt*\x* 
\v 31 Yaatin, nuuni higgiya ammano gisho shaaros guusseyye? Gidenna! Higgiya minthosippe attin.
\c 4
\s Abrahamey ammanon xillis
\p
\v 1 Yaatin, nu mayzay Abrahamey ay demmidee? 
\v 2 Abrahamey ooson xillidabaa gidiyakko, I ceeqettiyabay de7ees, gidoshin, Xoossaa sinthan ceeqettanaw dandda7enna. 
\v 3 Geeshsha Maxaafay, “Abrahamey Xoossaa ammanis; Xoossay hessa iyaw xillotethi oothidi ekkis” yaagees.\x - \xo 4:3 \xo*\xt Medhe 15:6; Gala 3:6\xt*\x*
\p
\v 4 Oothiya uray ekkiya daamozey, iya ooso wolqqaas cigettiya gateppe attin iyaw imota gidenna. 
\v 5 Shin ooso oothonna oonikka nagaranchchuwa xillisiya Xoossaa ammanikko, iya ammanoy iyaw xillotethi gididi taybettees. 
\v 6 Geeshsha Maxaafan Dawitey, oosoy baynna Xoossay xillisiya asati ay mela anjjettidaakko hayssada yaagidi qonccisees:
\q1
\v 7 “Entta balay atto geetettidayssatinne
\q2 entta nagaray kamettidayssati anjjettidayssata.\x - \xo 4:7-8 \xo*\xt Maz 32:1-2\xt*\x*
\q1
\v 8 Goday iya nagaraa taybonna asi anjjettidayssa” yaagees.
\p
\v 9 Yaatin, Dawitey odida anjjoy qaxxarettida asaa xalaalaseyye? Woykko qaxxarettiboona asaase? Nuuni, “Geeshsha Maxaafay, ‘Abrahamey Xoossaa ammanis; Xoossay hessa iyaw xillotethi oothidi ekkis’ yaagees” gida. 
\v 10 Yaatin, hessi awude hanidee? Abrahamey qaxxaretineyye? Woykko qaxxarettonna de7ishinee? Qaxxarettanaappe sinthe hanisippe attin guye gidenna.
\p
\v 11 Abrahamey qaxarettanaappe sinthe iya ammanoy iyaw xillotethi gididi taybettidayssa erisanaw, iya qaxxaroy malaata gidis. Hessa gisho, Abrahamey qaxxarettonna ammaneyssatasinne ammanon xilleyssata ubbaas aawa gidis.\x - \xo 4:11 \xo*\xt Medhe 17:10\xt*\x* 
\v 12 I qaxxarettidayssataskka aawa. Abrahamey enttaw aawa gididay entti qaxxarettida gisho, xalaalas gidonnashin, I qaxxaretanaappe sinthe ammanida ammanuwa entti kaallida gishossa.
\s Xoossaa ufayssay ammanon ekettees
\p
\v 13 Abrahamesinne iya sheeshas, “Alamiya ta hinttew immana” yaagida ufayssay, Abrahamey ammanon xillida gishossafe attin higge naagidi polida gisho gidenna.\x - \xo 4:13 \xo*\xt Medhe 17:4-6; 22:17-18; Gala 3:29\xt*\x* 
\v 14 Higges kiitettidayssati Xoossaa immana gida ufayssaa laataeyssata gidikko, asaa ammanoy maaddenna; Xoossaa ufayssayka hada gidis.\x - \xo 4:14 \xo*\xt Gala 3:18\xt*\x* 
\v 15 Higge menthoy Xoossaa hanqo ehees, shin higgey baynnason higge menthoy baawa.
\p
\v 16 Hessa gisho, Xoossay immida ufayssay ammanon ekettees. Ha ufayssay Abrahaame sheeshaa ubbaas Xoossaa aadho keehatethaa baggara imettidayssa qonccisees. Hessika higge naageyssata xalaalas gidonnashin, Abrahameda ammanida ubbaassa. Abrahamey nu ubbaas aawa.\x - \xo 4:16 \xo*\xt Gala 3:7\xt*\x* 
\v 17 Geeshsha Maxaafan, “Ta nena daro kawotethatas aawa oothas” geetettidi Abrahaame gisho, xaafettis. Ha ufayssay Abrahames imettiday hayqqidayssatas de7o immeysinne oorathabaa oothiya Xoossay iya gideyssa I ammanida gishossa.\x - \xo 4:17 \xo*\xt Medhe 17:5\xt*\x*
\p
\v 18 Xoossay Abrahames daro zerethi immanayssa caaqqis. Ufayssi oothanaw aykkoka dandda7ettona wode Abrahamey Xoossan ammanida gishonne ufayssi oothida gisho, daro kawotethatas aawa gidis.\x - \xo 4:18 \xo*\xt Medhe 15:5\xt*\x* 
\v 19 Abrahames xeetu laythi kumana hanikkoka, ba daaburida asatethaanne Saara na7a yelanaw dandda7onnayssa erishe ba ammanuwan daaburibeenna.\x - \xo 4:19 \xo*\xt Medhe 17:17\xt*\x*
\p
\v 20 Gidoshin, I ba ammanuwan minnidi Xoossaas bonchcho immisppe attin Xoossay immida ufayssaa ammanonna ixxidi, sidhibeenna. 
\v 21 Abrahamey, Xoossay caaqqida caaquwa polanayssa ba kumetha wozanan ammanis. 
\v 22 Hessa gisho, Xoossay iya ammanuwa xillotethan taybis.
\p
\v 23 Shin, “Iyaw xillotethan taybis” giya qaalay Abrahaame xalaalas xaafettibeenna. 
\v 24 He qaalay nu Godaa Yesuusa hayqoppe denthida Xoossaa ammaniyaa nuuskka nu ammanoy xillotethan taybettana mela xaafettis. 
\v 25 Xoossay iya nu nagara gisho, hayqos aathidi immis; I nuna xillisanaw hayqoppe denddis.\x - \xo 4:25 \xo*\xt Isa 53:4-5\xt*\x*
\c 5
\s Xoossan de7iya sarotethaa
\p
\v 1 Hiza, nu ammanon xillida gisho, nu Godaa Yesuus Kiristtoosa baggara Xoossaara nuus sarotethi de7ees. 
\v 2 Nuuni iya baggara ha77i nu eqqida aadho keehatethaa giddo ammanon gelida. Hessa gisho, nu Xoossaa bonchchuwa shaaketanaw de7iya ufayssan ceeqettoos.
\p
\v 3 Hessa xalaala gidonnashin, metoy dandda7a eheyssa nu eriya gisho, nu metuwankka ceeqettoos. 
\v 4 Qassi dandda7ay genccaa, genccay ufayssi immeyssa nu eroos. 
\v 5 Nuus immida Geeshsha Ayyaana baggara Xoossay ba siiquwa nu wozanan gussida gisho he ufayssay nuna yeellayenna.
\p
\v 6 Nuuni buroo daaburanchchota gididi de7ishin, Xoossaa wodey gakkin, Kiristtoosi nagaranchchota gisho hayqqis. 
\v 7 Xillo asa gisho hayqqana asi demmanayssi daro meto, shin keeha asa gisho hayqqana asi ooni eri benttonna aggenna. 
\v 8 Shin nuuni buroo nagaranchcho gididi de7ishin, Kiristtoosi nu gisho hayqqis. Hessi Xoossay nuna ay mela siiqiyakko iya siiquwa bessees. 
\v 9 Hiza, nuuni Kiristtoosa suuthan xillidabaa gidikko, ubbaafe aathidi iya baggara Xoossaa hanquwafe attana. 
\v 10 Nuuni Xoossaara kase morkke, shin iya Na7aa hayquwan iyara sigettida. Hessafe aathidi, ha77i nuuni Xoossaara sigettidaappe guye, iya na7aa de7uwa gaason nuuni attana. 
\v 11 Hessa xalaala gidonnashin, ha77i nuna Xoossaara sigethida nu Godaa Yesuus Kiristtoosa baggara nu Xoossan ceeqettoos.
\s Addaamenne Kiristtoosa
\p
\v 12 Addaame baggara nagari ha alamiya gelis. He nagaraa baggara hayqoy yis. Asi ubbay nagara oothida gisho hayqoy asa zare ubbaa gakkis.\x - \xo 5:12 \xo*\xt Medhe 3:6\xt*\x* 
\v 13 Higgey imettanaappe sinthe alamen nagari de7ees, shin higgey baynna wode nagari nagara gididi taybettenna. 
\v 14 Shin Addaameppe Muse gakkanaw hayqoy asa ubbaa haaris. Hari attoshin, Addaameda higges kiitettonna ixxidi, nagara oothiboonayssata bollaka hayqoy kawotis.
\p Addaamey yaana Yesuusas leemiso. 
\v 15 Shin Xoossaa aadho keehatethay Addaame nagara mela gidenna. Issi asa nagara baggara daro asay hayqqis. Shin Yesuus Kiristtoosa baggara Xoossaa aadho keehatethay asa ubbaas daridi imettis. 
\v 16 Addaame nagaraa giddoninne Xoossaa imotaa giddon daro dummatethi de7ees. Issi asa nagara gaason Xoossay iya bolla pirddis. Shin asay daro nagara oothinkka Xoossaa aadho keehatethay xillotethaa ehis. 
\v 17 Issi asa nagara gaason hayqoy asa ubbaa bolla kawotis. Shin Yesuus Kiristtoosa baggara Xoossaa aadho keehatethaanne xillotetha imota ekkiya ubbay, xoono de7on de7oosona.
\p
\v 18 Hiza, issi asi nagara oothida gaason asa ubbaa bolla pirddi yidayssada issi asi xillo oothida gaason, Xoossay ase ubbaa xillisidi enttaw de7o immees. 
\v 19 Issi asi kiitettonna ixxida gaason, daro asay nagaranchcho gididayssada issi asa kiitetethan daro asay xillana.
\p
\v 20 Asay nagara wolqqaa erana mela higgey yis, shin nagara wolqqay darida wode Xoossaa aadho keehatethay aadhdhi daris. 
\v 21 Nagari hayqo wolqqan kawotidayssa mela Xoossaa aadho keehatethay xillotethaa wolqqan kawotidi, nu Godaa Yesuus Kiristtoosa baggara nuna merinaa de7uwakko kaalethees.
\c 6
\s Nagaras hayqqidi Kiristtoosan de7o
\p
\v 1 Yaatin, nuuni woyganee? Xoossaa aadho keehatethay darana mela nagaran minnidi de7ino? 
\v 2 Akkay, nuuni nagaras hayqqidabaa gidikko, yaatin, nuuni hizappe waanidi nagaran daane? 
\v 3 Nu ubbay Kiristtoos Yesuusara issifanaw xammaqettida wode iya hayquwan iyara issifanaw xammaqettidayssa erekketiyye? 
\v 4 Nu xammaqettida wode Kiristtoosara hayqqidanne moogettida. Kiristtoosi Xoossaa Aawa bonchcho wolqqan hayqoppe denddidayssa mela nukka ooratha de7on daana.\x - \xo 6:4 \xo*\xt Qola 2:12\xt*\x*
\p
\v 5 Nu iya hayquwan iyara issino gidikko, hessadakka, iya dendduwan iyara issino gidana. 
\v 6 Nu hizappe nagaras aylle gidonna melanne nu nagaranchcho asatethaa wolqqay dhayana mela nu cima asatethay Kiristtoosara kaqettidayssa eroos. 
\v 7 Issi asi Kiristtoosan hayqqidabaa gidikko, I nagara wolqqafe la77a keyis. 
\v 8 Nuuni Kiristtoosara hayqqiko, iyara de7on daanayssa ammanoos. 
\v 9 Kiristtoosi hayqoppe denddida gisho, zaari I hayqqonnayssanne hayqoy sinthafe iya haaronnayssa nu eroos. 
\v 10 I hayqqida wode nagaras issitoho wurssethi gakkanaw hayqqis, shin ha77i de7on Xoossaas de7ees. 
\v 11 Hessadakka, hintte nagaras hayqqidi, Godaa Kiristtoos Yesuusa baggara Xoossaas de7on de7eyssa qoppite.
\p
\v 12 Hessa gisho, hinttee, hintte asatethaa amuwaas kiitettonna mela hayqqiya hintte asatethaa nagari haaroppo. 
\v 13 Qassi hintte asatethaa nagara oothanaw geellatetha miishe oothidi immofite. Shin hintte hayqoppe denddidi, de7on de7iya asada hintte asatethaa Xoossaas immite. Qassi hintte kumetha asatethaa xillo ooso oothanaw Xoossaas aathi immite. 
\v 14 Hintte Xoossaa aadho keehatethaa garssan de7eetappe attin higgefe garssan de7onna gisho nagari hinttena haaranaw bessenna.
\s Xillotetha aylle
\p
\v 15 Yaatin, nu woyganee? Higgefe garssan gidonnashin, Xoossaa aadho keehatethaa garssan de7iya gisho nagara oothaneeyye? Akkay! 
\v 16 Hintte issi asas kiitettanaw hinttena aylle oothidi immiya wode he hintte kiitetteyssas aylle gideyssa ereeta. Hessadakka, hintte nagaras kiitettiko, hinttew hayqo ehiya nagaraas aylle gideeta. Woykko hintte Xoossas kiitettiko xillotethi ehiya Xoossaas aylle gideeta. 
\v 17 Kase hintte nagaras aylle, shin ha77i hintte ekkida tuma timirttiyas kumetha wozanappe kiitettida gisho Xoossaas galati gido. 
\v 18 Hintte nagara aylletethaa qashoppe bilettidi xillotetha aylle gidideta.
\p
\v 19 Hinttee hintte qofan daaburanchcho gidiya gisho, taani oodeskka geliya ogen odays. Kase hinttee, hintte asatethaa tunanne iitabaa oothanaw aylle oothidi immidayssa mela ha77i hintte asatethaa geeshshi gidana mela xillotetha aylle oothidi immite.
\p
\v 20 Hintte nagaras ayllettidi de7iya wode xillotethas haaretteketa. 
\v 21 Hinttena ha77i yeellayiya beni hintte iita oosuwappe ay maade demmidetii? He oosota wurssethay hayqo. 
\v 22 Shin hintte nagara aylletethaa qashoppe bilettidi, Xoossaas aylle gidideta. Hessi hinttena geeshshi oothidi merinaa de7uwakko kaalethees. 
\v 23 Nagara gatey hayqo. Shin Xoossay, nu Godaa Kiristtoos Yesuusa baggara immiya imotay merinaa de7o.
\c 7
\s Eko gelo leemiso
\p
\v 1 Ta ishato, taani odey higge eriya asatassa. Higgey issi asi paxa de7iya wode ubban iya haarees. 
\v 2 Leemisos, azina gelida maccasiya I azinay paxa de7iya wode higgen iyara qashettasu. Shin I azinay hayqqiko iyara iya caaqqida caaqoy iyo haarenna. 
\v 3 Hessa gisho, iya ba azinay paxa de7ishin, hara adde gelikko, iya laammidaaro geetettawusu. Shin I azinay hayqqiko, caaqoy iyo haaronna gisho iya hara azina gelikko, iya laammidaaro geetettuku.
\p
\v 4 Hessa gisho, ta ishato, hintte Kiristtoosa asatethaa baggara higge wolqqaas hayqqidi, Xoossaas ayfe ayfanaw hayqoppe denddida Kiristtoosas gidideta. 
\v 5 Nu asho amoy nuna haarin, nu de7iya wode higgey gujji nagara oothana mela nuna denthethees. Nu asatethaa giddon iita amotethi de7iya gisho nuuni hayqo ayfe ayfana mela oothis. 
\v 6 Shin ha77i nuuni nuna qachchida higgiyas hayqqida gisho nuuni higge qashoppe bilettida. Hessa gisho, Geeshsha Ayyaana ogen Xoossaas kiitettosippe attin xaafettida cima higgiyas kiitettoko.
\s Higgenne nagara
\p
\v 7 Yaatin, nuuni woyganee? Higgey ba huu7en nagaree? Gidenna! Shin higgey nagari aybeekko tana erisis. Higgey, “Amottofa” goonnako, amotethi aybeekko taani erikke.\x - \xo 7:7 \xo*\xt Kessa 20:17; Zaare 5:21\xt*\x* 
\v 8 Shin ta ubbabaa amottana mela nagari higge baggara tanan oge demmis. Higgey bayneekko nagari hayqqidayssa.
\p
\v 9 Kase higgey baynna wode ta paxa, shin higgey imettida wode nagari paxin ta qassi hayqqas. 
\v 10 Taani de7on daana mela Xoossay immida higgey taw hayqo ehis. 
\v 11 Nagari higge baggara tana cimmiya ogiya demmidi wodhdhis.\x - \xo 7:11 \xo*\xt Medhe 3:13\xt*\x*
\p
\v 12 Hessa gisho, higgey geeshshi; iyan xaafettida kiitaykka geeshshi, xillonne lo77o.
\p
\v 13 Yaatin, lo77o gididabay ta bolla hayqo ehideyye? Gidenna! Shin nagari nagara gideyssi qonccana mela lo77oban maaddettidi taw hayqo ehis. Hessa gisho, nagara nagaratethay higge baggara aadhdhidi erettis.
\p
\v 14 Nuuni higgey ayyaanabaa gideyssa eroos. Shin taani nagaras bayzettida asho asi. 
\v 15 Taani oothiyabaa akeekikke; taani dosiyabaa oothanayssa aggada ta ixxiyabaa oothays.\x - \xo 7:15 \xo*\xt Gala 5:17\xt*\x* 
\v 16 Taani ixxiyabaa oothiyabaa gidikko, higgey lo77o gideyssa ta ma77ays. 
\v 17 Hessa gidikko, he oosuwa tanan de7iya nagaray oothaysippe attin ta oothike.
\p
\v 18 Tanan, hessika ta ashuwan lo77obay baynnayssa erays. Lo77obaa oothiya amotethi tanan de7ees, shin lo77obaa oothanaw dandda7ikke. 
\v 19 Taani ixxiya iitabaa oothaysippe attin ta dosiya lo77obaa oothike. 
\v 20 Taani ixxiyabaa oothiyabaa gidikko, hessa tanan de7iya nagaray ootheesippe attin oothey tana gidikke.
\p
\v 21 Hiza, ta lo77obaa oothanaw dosishin, iitabaa oosoy woga gideyssa demmas. 
\v 22 Taani ta wozanan Xoossaa higgiyan ufayttays. 
\v 23 Shin ta asatethaa giddon de7iya ta qofaa higgiyara olettiya dumma higge be7ays. He higgey ta asatethaa giddon oothiya nagara higgiyas tana aylle oothidi immis. 
\v 24 Taani waanida yibbata asee? Hayqos efiya ha asatethaafe tana ashshanay oonee? 
\v 25 Nu Godaa Yesuus Kiristtoosa baggara tana ashshiya Xoossaas galatay gido.
\p Hiza, taani ta qofan Xoossaa higgiyas haarettays; shin ta asatethan tana nagara oosisiya higgiyas haarettays.
\c 8
\s Geeshsha Ayyaanan de7o
\p
\v 1 Hessa gisho, Kiristtoos Yesuusan de7eyssati ha77i pirddettokona. 
\v 2 Kiristtoos Yesuusa baggara nuus de7o immiya Geeshsha Ayyaana higgey, tana nagaranne hayqo higge aylletethaafe kessis. 
\v 3 Nu nagara asatethaa gaason, higgey daaburanchcho gidiya gisho nuna ashshanaw dandda7ibeenna. Xoossay ba na7aa nagaranchcho asa leemison nagaras yarshsho gidana mela kiittidi hessa oothis. Yaatidi, Xoossay Kiristtoosa ashuwa baggara nagara, nagaranchcho asa giddon pirddis. 
\v 4 Xoossay hessa oothiday, nu asho amoy koyeyssada gidonnashin, Geeshsha Ayyaanay koyeyssada de7iya nu bolla higgiya xillo kiitay polettana melassa.
\p
\v 5 Bantta asho amuwaa kaallidi de7eyssati banttana ufayssiyabaa qoppoosona. Shin Geeshsha Ayyaana shenen de7eyssati Geeshsha Ayyaana ufayssiyabaa qoppoosona. 
\v 6 Nu qofay asho amos haarettiko hayqo ehees, shin ayyaana amos haarettiko de7onne sarotethi ehees. 
\v 7 Asho amos haarettiya asi Xoossaa higgiyas kiitettanaw koyonna gishonne kiitettanaw dandda7onna gisho, Xoossaara morkke. 
\v 8 Bantta asho amuwaas haaretteyssati Xoossaa ufayssanaw dandda7okkona.
\p
\v 9 Shin Xoossaa Ayyaanay hinttenan de7ikkonne hinttena haarikko, hintte Ayyaana shenen de7eetappe attin hintte asho amuwaas haaretteketa. Kiristtoosa Ayyaanay baynna oonikka Kiristtoosabaa gidenna. 
\v 10 Shin Kiristtoosi hinttenan de7ikko, hintte asatethay nagara gaason hayqqidayssa. Shin hintte ayyaanay xillotethaa gaason de7on de7ees. 
\v 11 Shin Yesuusa hayqoppe denthida Xoossaa Ayyaanay hinttenan de7ikko, Kiristtoosa hayqoppe denthida Xoossay, hinttenan de7iya ba Geeshsha Ayyaanan hayqqiya hintte asatethaas de7o immana.\x - \xo 8:11 \xo*\xt 1Qoro 3:16\xt*\x*
\p
\v 12 Hiza, ta ishato, nuuni nu asho amuwaa kaallidi daanaw bessenna. 
\v 13 Hinttee, hintte asho amuwaas de7ikko hayqqana, shin Geeshsha Ayyaana wolqqan nagara oosuwa wodhikko hintte de7on daana. 
\v 14 Xoossaa Ayyaanay kaalethiya ubbay Xoossaa nayta. 
\v 15 Nuuni, “Abbaa! Ta Aawaw” yaagidi xeegiya, Xoossaa nayta oothiya Geeshsha Ayyaana ekkidaappe attin zaaridi yashshan daanaw aylle oothiya ayyaana ekkibookko.\x - \xo 8:15 \xo*\xt Mar 14:36; Gala 4:6\xt*\x* 
\v 16 Xoossaa Ayyaanay nu ayyaanara gididi nuuni Xoossaa nayta gideyssa markkattees. 
\v 17 Nuuni iya nayta gidikko Xoossaa anjjuwaa laattana; Kiristtoosara wolla he anjjuwaa laattana. Qassi nuuni Kiristtoosara metuwa ekiko iyara wolla iya bonchchuwan shaakettana.
\s Yaana bonchchuwa
\p
\v 18 Nuuni ha77i waayettiya waayiya, sinthafe nuus qonccana bonchchuwara gathi be7ikko, ginisanaw dandda7ettenna gada qoppays. 
\v 19 Medhetetha ubbay Xoossaa nayta qonccethaa daro laamotidi naagoosona. 
\v 20 Medhetetha ubbay hada gidis; hessika, medhetethaa dooron gidonnashin, ufayssan naagana mela oothida Xoossaa shenen hanis.\x - \xo 8:20 \xo*\xt Medhe 3:17-19\xt*\x* 
\v 21 Medhetethay ba huu7en dhayo aylletethaafe wozettidi, Xoossaa naytara wolla bonchcho la77aa shaakettana. 
\v 22 Medhetethay issife hanno gakkanaw miixoy oykkida maccasada ooleninne un77an de7eyssa nu eroos. 
\v 23 Qassi hessa medhetethaa xalaala gidonnashin, Geeshsha Ayyaanaa bayra imotada ekkida nuuni, nu huu7en nu asatethaas wozo gidida Xoossaa nayta gidana ufayssaa naagishe nu asatethan oolos.\x - \xo 8:23 \xo*\xt 2Qoro 5:2-4\xt*\x* 
\v 24 Ha ufayssan nuuni attida. Shin nuuni ufayssi oothiyabay benttiya gidikko hessa ooni ufayssi oothi? 
\v 25 Shin nu be7onnaban demmana gidi ufayssan naagikko hessa dandda7an naagoos.
\p
\v 26 Hessada Geeshsha Ayyaanay nu daaburan maaddees. Nuuni Xoossaa waati woossanaw bessiyako erokko, shin Geeshsha Ayyaanay ba huu7en, asi odanaw dandda7ettona qaalan nuus gaannatees. 
\v 27 Qassi asa wozana eriya Xoossay Geeshsha Ayyaana qofay aybeekko erees. Geeshsha Ayyaanay Xoossaa sheniyada geeshshatas gaannatees.
\p
\v 28 Xoossaa siiqeyssatasinne iya sheniyada xeegettidayssatas Xoossay ubbaa lo77os ootheyssa eroos. 
\v 29 Xoossay koyrottidi eridayssati ba Na7aa daanana melanne na7aykka ammaneyssata giddon bayra gidana mela entta dummayidi wothis. 
\v 30 Xoossay koyrottidi dummayidayssata xeegis; he xeegidayssata xillisis; he xillisidayssata qassi bonchchis.
\s Xoossaa siiquwa
\p
\v 31 Yaatin, nu ha ubbaas woyganee? Xoossay nu bagga gidikko nuura oone eqettanay? 
\v 32 I hari attoshin, ba na7aas qadhettonashin, nu gisho aathi immis. Yaatin, ba na7aa nuus aathi immidayssi waanidi ubbabaa coo immenne?
\p
\v 33 Xoossay enttana xillisida gisho I dooridayssata oone mootanay? 
\v 34 Yaatin, entta bolla pirddanaw dandda7ey oonee? Oonikka baawa. Hayqoppe denddidi Xoossaa ushachchan uttida, Kiristtoos Yesuus, I nuus gaannatees.
\p
\v 35 Hiza, nuna Kiristtoosa siiquwappe shaakkanay oonee? Waayeyye woykko metoyye woykko goodeyye woykko kosheyye woykko kallotetheyye woykko yashsheyye woykko oleyye? 
\v 36 Geeshsha Maxaafan,
\q1 “Nuuni ne gisho gallasa kumethaa hayqqoos;
\q2 shukkas efiya dorssada taybettida”\x - \xo 8:36 \xo*\xt Maz 44:2\xt*\x*
\m geetettidi xaafettidayssa mela gidis.
\p
\v 37 Shin nuuni, nuna siiqida Kiristtoosan ha ubbaa polo xoonos.
\p
\v 38 Hessa gisho, hayqo gidin de7o gidin kiitanchchota gidin haareyssata gidin ha77i de7eyssa gidin sinthafe yaanayssa gidin wolqqaamata gidin, 
\v 39 salo wolqqaa gidin sa7a wolqqaa gidin ay medhetethi gidin nu Godaa, Kiristtoos Yesuusan de7iya Xoossaa siiquwappe nuna shaakkanaw dandda7onnayssa taani eras.
\c 9
\s Isra7eeleta dooretethaa
\p
\v 1 Taani Kiristtoosan tuma odays, worddotikke. Geeshsha Ayyaanay kaalethiya ta kahay taani worddotonnayssa taw markkattees. 
\v 2 Ta wozanan Isra7eeletas daro qadhettaysinne qamma gallas qoppays. 
\v 3 Taani, ta ishata gisho, Kiristtoosappe shaakettada Xoossaa qanggethafe garssan de7idaakko dosaysishin. 
\v 4 Entti Isra7eeleta, Xoossay entta ba nayta oothis, ba bonchchuwa enttaw qonccisis. Enttara caaqqis; higgiya enttaw immis. Entti Xoossaa goynnana tuma ogiya bessis; Xoossay ufayssa qaala enttaw immis.\x - \xo 9:4 \xo*\xt Kessa 4:22\xt*\x* 
\v 5 Entti yeletethan mayzata zare; qassi Kiristtoosi ashon entta zare gididi yis. Ubbaafe bolla gidida Xoossay merinaw galatetto. Amin7i!
\p
\v 6 Gidoshin, Xoossay gelida qaalay polettonna attis guussu gidenna. Isra7eele asa ubbay Xoossaa asi gidokkona. 
\v 7 Qassi Abrahaame zare ubbay Abrahaame nayta gidokkona. Xoossay Abrahames, “Ne zerethay Yisaaqa baggara xeegettana” yaagis.\x - \xo 9:7 \xo*\xt Medhe 21:12\xt*\x* 
\v 8 Hessa guussay ashon yelettida nayti ubbay Xoossaa nayta gidokkona. Shin tuma Isra7eele nayti Xoossay Abrahames gelida qaalada yelettida nayta. 
\v 9 Xoossay immana gidi gelida qaalay, “Taani wontto laythi hannoode yaana; Saarakka adde na7a yelana”\x - \xo 9:9 \xo*\xt Medhe 18:10\xt*\x* yaageyssa.
\p
\v 10 Hessa xalaala gidonnashin, Irbbiqinne Yisaaqi yelida mentte adde naytabaa akeekite. 
\v 11 Entti yelettanaappe woykko iita woykko lo77o oothanaappe sinthe Xoossaa dooroy ooson gidonnashin xeessan gideyssa qonccisanaw, 
\v 12 “Bayray kaaluwas kiitettana” yaagidi Goday Irbbiqas odis.\x - \xo 9:12 \xo*\xt Medhe 25:23\xt*\x* 
\v 13 Hessika Geeshsha Maxaafan, “Yayqooba dosas, Eesawe ixxas”\x - \xo 9:13 \xo*\xt Mil 1:2\xt*\x* geetettidi xaafettis.
\p
\v 14 Yaatin, nuuni woyganee? Xoossay ase asappe shaakkiyye? Gidenna. 
\v 15 Goday Musekko,
\q “Ta maaranaw koyidayssata maarana;
\q2 ta qadhettanaw koyidayssatas qadhettana”\x - \xo 9:15 \xo*\xt Kessa 33:19\xt*\x* yaagis. 
\v 16 Hiza, Xoossaa dooroy asa shenen woykko ooson gidonnashin iya maarotethaana.
\p
\v 17 Geeshsha Maxaafan, Gibxe kawuwakko, “Taani, ta wolqqaa nenan bessanawunne ta sunthay alame ubban erettana mela hessas nena kawothas”\x - \xo 9:17 \xo*\xt Kessa 9:16\xt*\x* geetettidi xaafettis. 
\v 18 Hiza, Xoossay maaranaw koyeyssa maarees; wozanaa muumisanaw koyeyssa wozanaa muumisees.
\s Xoossaa hanquwanne maarotethaa
\p
\v 19 Hinttefe issoy, “Yaatin, Xoossay ase iita ooso gisho ays borii? Xoossaa sheniya ixxas gaanay oonee?” yaagidi oychchanaw dandda7ees.
\p
\v 20 Shin ta ishaw, Xoossaara palamanaw neeni oonee? Urqqafe Medhettida miishey bana medhdhidayssa, “Tana hayssada oothada ays medhdhadi?”\x - \xo 9:20 \xo*\xt Isa 29:16; 45:9\xt*\x* gidi oychchanaw dandda7ii? 
\v 21 Woykko urqqa medhdheyssi issi urqqafe issuwa bonchcho miishe, hankkuwa qassi tooshe miishe oothidi medhdhanaw maati baawe?
\p
\v 22 Xoossay ba hanquwa bessanawunne ba wolqqaa erisanaw koyidi, pirddas giigida hanqo nayta daro genccan dandda7idaakko ne ay eray? 
\v 23 Hessa I oothiday koyrottidi bonchchoos giigisida, ba doorida naytas ba bonchchuwa qonccisanassa. 
\v 24 Ayhude gidin, woykko Ayhude gidonna asa ubbay Xoossan doorettida.
\p
\v 25 Nabiya Hose7e maxaafan,
\q1 “Ta ase gidonnayssata, ‘Ta ase’ gada xeegana.
\q2 Ta siiqaboonna deriya, ‘Siiqetidayssata’ gada xeegana.\x - \xo 9:25 \xo*\xt Hose 2:23\xt*\x*
\q1
\v 26 Entti, ‘Ta ase gidekketa’ geetetti xeegettida bessan,
\q2 ‘De7o Xoossaa nayta’ geetettidi xeegettana”\x - \xo 9:26 \xo*\xt Hose 1:10\xt*\x* yaagees.
\p
\v 27 Nabiya Isayaasi Isra7eele asaabaa,
\q1 “Isra7eele asay abbaa gaxan de7iya shafiyada darikkoka,
\q2 enttafe guutha asa xalaali attana.\x - \xo 9:27-28 \xo*\xt Isa 10:22-23\xt*\x*
\q1
\v 28 Goday alamiya ubbaa bolla ellesidi polo pirddaa pirddana.” 
\v 29 Qassika Isayaasi,
\q1 “Ubbaafe Wolqqaama Goday nuus guutha zerethi ashshonnabaa gidiyakko,
\q2 nuuni Soodomenne Gamoora katamaada dhayanashin”\x - \xo 9:29 \xo*\xt Isa 1:9\xt*\x*
\m yaagidi koyrottidi odis.
\p
\v 30 Yaatin, nu woyganee? Xillotethaa koyiboonna Ayhude gidonna asay ammanon xillotethi demmidosona. 
\v 31 Shin xillotethako gathiya higgey de7iya Isra7eele asay xillotethi demmibookkona. 
\v 32 Ays demmibookkonaa? Entti xillotethaa ammanon gidonnashin, ooson ekkanaw koyida gishossa. Yaaniya gisho, entti, “Dhubbiya shuchchan” dhubettidosona. 
\v 33 Geeshsha Maxaafan,
\q1 “Taani Xiyoonen dhubbi kunddisiya shuchchaa wothana.
\q2 Iyan ammaniyaa oonikka yeellatenna”\x - \xo 9:33 \xo*\xt Isa 28:16\xt*\x*
\m geetettidi xaafettis.
\b
\c 10
\p
\v 1 Ta ishato, ta kumetha wozanan ta amotteynne Xoossaa woossey Isra7eeley attana melassa. 
\v 2 Entti Xoossaas mishettosonashin, tuma eratethan mishettonnayssa ta markkattays. 
\v 3 Entti Xoossaa xillotethaa ogiya eronna ixxidi, bantta huu7e xillotethaa kaallidosonappe attin Xoossaa xillotethaa koyibookkona. 
\v 4 Asi ubbay ammanon xillana mela Kiristtoosi higgiya polis.
\s Atotethay ubbaassa
\p
\v 5 Asi higge naagidi ekkiya xillotethabaa Musey xaafishe, “Higge naagiya oonikka he higgiya naagida mela de7ees”\x - \xo 10:5 \xo*\xt Leewe 18:5\xt*\x* yaagis. 
\v 6 Shin ammanon ekkiya xillotethabaa geetettiday hayssa: “Ne wozanan, ‘Ooni salo keyanee?’ yaagoppa; hessi Kiristtoosa wodhisanaassa.\x - \xo 10:6-8 \xo*\xt Zaare 30:12-14\xt*\x* 
\v 7 Woykko, ‘Duge sa7a garssi wodhdhanay oonee?’ gooppa; hessi Kiristtoosa duufoppe kessanaassa. 
\v 8 Shin yaagidi xaafettis: ‘Xoossaa qaalay ne matana; ne doonaninne ne wozanan de7ees’ Nuuni hinttew odiya ammano qaalay hayssa.
\p
\v 9 “Yesuusi Goda” gada ne doonan markkatikonne Xoossay iya hayqoppe denthidayssa ne wozanan ammanikko, ne attana. 
\v 10 Asi ba wozanan ammanidi xillees; ba doonan markkattidi attees. 
\v 11 Geeshsha Maxaafay, “Iyan ammaniyaa oonikka yeellatenna”\x - \xo 10:11 \xo*\xt Isa 28:16\xt*\x* yaagees. 
\v 12 Issi Xoossay ubbaa Goda gidiya gisho, Ayhudeta giddoninne Ayhude gidonna asaa giddon dummatethi baawa. I bana xeegiya ubbaas daro keeha. 
\v 13 Geeshsha Maxaafay, “Godaa sunthaa xeegiya oonikka attana”\x - \xo 10:13 \xo*\xt Iyu 2:32\xt*\x* yaagees.
\p
\v 14 Yaatin, entti ammanonna de7ishe waanidi iya xeegana dandda7onna? Entti iyabaa si7onna de7ishe waattidi iya ammananaw dandda7onna? Qassi enttaw qaala odiya asi baynna de7ishin, waanidi si7anaw dandda7onnaa? 
\v 15 Kiitettida asi baynna de7ishin, qaalay waanidi odettanaw dandda7ii? Geeshsha Maxaafan, “Ufayssa Wonggelaa odiya asaa tohoti waanidi lo77onaa!”\x - \xo 10:15 \xo*\xt Isa 52:7\xt*\x* yaagidi xaafettis.
\p
\v 16 Shin Isayaasi, “Godaw, nu markkatethaa ooni ammanidee?”\x - \xo 10:16 \xo*\xt Isa 53:1\xt*\x* yaagidayssada, ubbay Wonggelaa ammanibookkona. 
\v 17 Hessa gisho, ammanoy sissafe yees; sissi Kiristtoosa qaalappe yees.
\p
\v 18 Gidoshin, Isra7eele asay qaala si7ibookkona guusseyye? Akkay si7idosona. Geeshsha Maxaafan,
\q1 “Entta qaalay biitta ubban si7ettis,
\q2 entta oday sa7aa gaxa gakkis”\x - \xo 10:18 \xo*\xt Maz 19:4\xt*\x* yaagettis. 
\v 19 Shin Isra7eele asay eribookkona guusseyye? Musey kase,
\q1 “Taani hinttena leqettida asan qiiroysana;
\q2 qassi eeya asan hinttena yiloyana”\x - \xo 10:19 \xo*\xt Zaare 32:21\xt*\x* yaagis.
\p
\v 20 Qassi Isayaasi,
\q1 “Tana koyiboonna asaas benttas;
\q2 tana oychchiboonna asaas qonccas”\x - \xo 10:20 \xo*\xt Isa 65:1\xt*\x*
\m yaagidi yayyonna odis.
\p
\v 21 Shin Isayaasi Isra7eeletabaa odishe,
\q1 “Ubbaa gallas kiitettonna asaasinne
\q2 tana ixxiya asaas ta kushiya miccas”\x - \xo 10:21 \xo*\xt Isa 65:2\xt*\x* yaagees.
\c 11
\s Xoossay Isra7eeleta aggibeenna
\p
\v 1 Ane ta oychchays: yaatin, Xoossay ba asaa aggideyye? Aggibeenna! Taani ta huu7en Isra7eele; Abrahaame sheeshi; Biniyame zare.\x - \xo 11:1 \xo*\xt Fil 3:5\xt*\x* 
\v 2 Xoossay koyro doorida ba asata yeggenna. Geeshsha Maxaafan, Eliyaasi Isra7eelata Xoossaa sinthan waati mootidaakko, hintte erekketii? 
\v 3 Eliyaasi, “Godaw, entti ne nabeta wodhidosona, ne yarshsho bessaaka laallidosona. Ta tarkka attas; entti tanakka wodhanaw koyoosona”\x - \xo 11:3 \xo*\xt 1Kawo 19:10, 14\xt*\x* yaagis.
\p
\v 4 Xoossay iyaw woygi zaaridee? “Ba7aale giya eeqas goynniboonna laappun mukulu asaa taw ashshas”\x - \xo 11:4 \xo*\xt 1Kawo 19:18\xt*\x* yaagis.
\p
\v 5 Hessadakka, ha wodiyan Xoossay ba aadho keehatethan doorida guutha Isra7eeleti de7oosona. 
\v 6 I entta dooriday ba aadho keehatethaanappe attin entta ooson gidenna. Dooroy ooson gidikko, iya aadho keehatethay tuma aadho keehatethi gidenna.
\p
\v 7 Yaatin, waanidee? Isra7eeleti bantta koyabaa demmibookkona, shin Xoossay doorida guuthati demmidosona. Attidayssati bantta wozanaa muumisidosona. 
\v 8 Hessika, Geeshsha Maxaafan,
\q1 “Entti bantta ayfiyaan be7onnaada
\q2 bantta haythan si7onnaada,
\q1 hanno gakkanaw enttaw
\q2 Xoossay azalla ayyaana immis”\x - \xo 11:8 \xo*\xt Zaare 29:4; Isa 29:10\xt*\x*
\m geetettidi xaafettidayssada hanis. 
\v 9 Qassi Dawitey,
\q1 “Entti miya gaytay entta xiheda oykko;
\q2 entta gufanthiya aafo gido;
\q2 entta iitatethay entta bolla gakko.\x - \xo 11:9-10 \xo*\xt Maz 69:22-23\xt*\x*
\q1
\v 10 Entti xeellonnaada entta ayfey goozetto;
\q2 ubba wode meton entti kuunidi de7o” yaagis.
\p
\v 11 Yaatin, Ayhudeti zaari denddonna mela kunddidonayye? Gidenna! Entta kunddethay Ayhude gidonna asay attana mela gaaso gidis. Hessika Ayhudeti entta bolla qanaatanaada oothis. 
\v 12 Ayhudeta nagaray alamiyas daro anjjo ehis; qassi entta kunddethay Ayhude gidonna asaas daro anjjo gidis. Yaatin, doorettida Ayhudeti kumethi attiyaa wode anjjoy ay mela daranddeshsha!
\p
\v 13 Taani, ha77i hinttew Ayhude gidonna asaas odays. Ayhude gidonna asaas hawaare gidada ootheyssan taani daro ceeqettays. 
\v 14 Ta hessa oothiday taw ashon zare gidida Isra7eeleta qiiroyada enttafe guuthata ashshanaassa. 
\v 15 Xoossay entta yeggida wode, ha alamey Xoossaara sigettis. Xoossay entta shiishi ekkiya wode hayqqida asi hayqoppe denddida mela gidees.
\p
\v 16 Koyro menthida baso uythay Xoossaas yarshshettidi geeshshi gidikko, muume uythayka geeshshi. Mithaas xaphoy geeshshi gidikko, tasheykka geeshshi. 
\v 17 Gaden tokkida shamaho tashe gidida Ayhudeti karettin, hintte bazzon dolida shamaho tashe gidida Ayhude gidonnayssati entta bessan dhanthettidi entta anjjuwaanne duretethaa shaakettideta. 
\v 18 Hiza, hintte tasheda karetti wodhdhida Ayhudeta bolla otorttofite. Hintte otorttiyabaa gidikko, xaphoy hinttena tookkesippe attin hintte xaphuwa tookkonayssa akeekite.
\p
\v 19 Neeni, “He tasheti karettiday, ta entta bessan dhanthettana melassa” gaanaw dandda7aasa. 
\v 20 Hessi tuma. Entti ammaniboonna gisho karettidosona. Neeni ammanida gisho he bessan eqqadasa. Neeni yayyanaw besseesppe attin otoranaw bessenna. 
\v 21 Xoossay medhon tashe gidida Ayhudetas qadhettonna ixxiko hinttewuka qadhettenna.
\p
\v 22 Hiza, Xoossay ay mela keehekonne ay mela yashshiyako be7a. I yashshey kiitettonayssata, qassi I keehey iya ammanidi minnidi eqqidayssatassa. Minnidi eqqonna ixxiko hintteka karettana. 
\v 23 Ayhudeti ammanikko, kase entti de7iya bessaa simmana. Xoossay entta zaaridi, wothanaw dandda7ees. 
\v 24 Hinttena bazzon de7iya shamaho gidida Ayhude gidonnayssata qanxidi, gaden tookettida shamahuwa bolla hinttena tokkiko, medhon gade shamaho gidida Ayhudeta bantta koyro bessan zaari tokkanaw waanidi dandda7ettenee?
\s Xoossaa maarotethay ubbaassa
\p
\v 25 Ta ishato, hintte hinttena eranchcho gidi ceeqettofite. Ta hinttew odiya issi xuuri de7ees. Hessika Isra7eeletappe baggay si7onna ixxiday wurssethi gakkanaw gidonnashin, attanaw de7iya Ayhude gidonna asay kumethi Xoossako yaana gakkanaassa. 
\v 26 Hessadakka, Isra7eele asay ubbay attana. Geeshsha Maxaafan,
\q1 “Nuna ashsheyssi Xiyooneppe yaana;
\q2 Yayqooba zerethaafe iita ubbaa diggana.\x - \xo 11:26 \xo*\xt Isa 59:20-21\xt*\x*
\q1
\v 27 Taani entta nagara atto giya wode
\q2 enttara caaqqana caaqoy hayssa”\x - \xo 11:27 \xo*\xt Isa 27:9\xt*\x*
\m geetettidi xaafettis.
\p
\v 28 Ayhudeti Wonggelaa ekkonna ixxidi, hintte gisho Xoossaara morkke gididosona. Gidoshin, ha77ika entti doorettidayssata, Xoossay entta aawata gisho entta dosees. 
\v 29 Xoossay ba imuwaninne ba xeessan qiirottenna. 
\v 30 Hintte Ayhude gidonnayssati kase Xoossaas kiitettibeekketa. Shin ha77i Ayhudeti kiitettonna ixxin, hintte Xoossaa maarotethaa ekkideta. 
\v 31 Hessadakka, hintte ekkida maarotethaa Ayhudeti ekkana mela ha77i Xoossaas kiitettonna ixxidosona. 
\v 32 Xoossay asa ubbaa ba maarotethaa bessanaw koyidi, asi ubbay kiitettonna ixxana mela oothis.
\p
\v 33 Xoossaa duretethaa, cinccatethaanne eratethaa akeekidi odanay oonee? Iya pirdday pilggettena, iya ogey erettenna.\x - \xo 11:33 \xo*\xt Isa 55:8\xt*\x* 
\v 34 Geeshsha Maxaafan,
\q1 “Godaa qofaa erey oonee?
\q2 Iya zoranaw dandda7ey oonee?\x - \xo 11:34 \xo*\xt Isa 40:13\xt*\x*
\q1
\v 35 Xoossaas tal77eynne
\q2 tal77iya zaaridi ekkey oonee?”\x - \xo 11:35 \xo*\xt Iyo 41:11\xt*\x*
\m yaagees.
\p
\v 36 Ubbaa I medhdhis; ubbay iyan de7ees; ubbay iya bonchchossa. Xoossaas merinaw bonchchoy gido. Amin7i.\x - \xo 11:36 \xo*\xt 1Qoro 8:6\xt*\x*
\c 12
\s Kiristtoosan ooratha de7o
\p
\v 1 Hiza, ta ishato, hinttee, hintte asatethaa Xoossaa ufayssiya, paxanne geeshsha yarshsho oothidi, immana mela taani hinttena Xoossaa maarotethan woossays. Xoossaa hintte goynnanaw bessiya tuma ogey hessa. 
\v 2 Lo77o, ufaysseyssanne polo gidida Xoossaa sheniya hintte shaakki eranaw hintte qofan laamettiteppe attin ha alamiya daanopite.
\p
\v 3 Xoossay hintte issuwas issuwas immida ammanuwa mela wozanaama asada qoppite. Qoppanaw besseyssafe aathidi hinttena dummayidi, otoron qoppofite gada taw imettida aadho keehatethan hinttew odays. 
\v 4 Nu issi asatethaa giddon dumma dumma kifileti de7oosona; he dumma dumma kifiletas dumma dumma oosoy de7ees.\x - \xo 12:4-5 \xo*\xt 1Qoro 12:12\xt*\x* 
\v 5 Hessada, nuuni daro asi gidikkok, Kiristtoosan issi asatethi gidida. Nuuni issi asatethi gididi dumma dumma kifileti issoy issuwara oykettida. 
\v 6 Nuus imettida aadho keehatethan dumma dumma imotati de7oosona. Nu imoy tinbbit odo gidikko, nuus de7iya ammanuwa mela odanaw bessees.\x - \xo 12:6-8 \xo*\xt 1Qoro 12:4-11\xt*\x* 
\v 7 Nu imoy harata maade gidikko, he oosuwan minnanaw bessees; tamaarsso gidikko, he tamaarssuwan minnanaw bessees. 
\v 8 Nu imoy harata minthetho gidikko, minnidi minthethanaw bessees. Nu imoy nuus de7iyabaappe haratas imo gidikko, wozanappe immanaw bessees. Nu imoy ayso gidikko, minnidi aysanaw bessees. Nu imoy haratas keeho gidikko, ufayssan keehanaw bessees.
\p
\v 9 Hintte siiqoy qoodheppe qommon gidanaw bessenna. Iitabaa ixxite; lo77obaa minthidi oykkite. 
\v 10 Issoy issuwara ishada siiqetite; issoy issuwa bonchchite. 
\v 11 Azallofit; hintte ayyaanan minnidi, Godaas oothite. 
\v 12 Xoossay immida ufayssan ufayttite; metuwa dandda7ite; ubba wode Xoossaa woossite. 
\v 13 Ammaniya geeshshata koshshiyaban maaddite; imathata mokkite.
\p
\v 14 Hinttena goodeyssata anjjite; anjjiteppe attin baaddofite.\x - \xo 12:14 \xo*\xt Maato 5:44; Luuqa 6:28\xt*\x* 
\v 15 Ufayttessatara ufayttite; yeekkeyssatara yeekkite. 
\v 16 Issoy issuwara issi qofan de7ite. Otoro qofaa aggidi, hinttena kawushshidi, kawushsha ooso oothite. Hintte hinttena cincca gidi qoppofite.\x - \xo 12:16 \xo*\xt Leemi 3:7\xt*\x*
\p
\v 17 Oonikka hinttew iitabaa oothiko, he uraas iita zaaroppite. Asa ubbaa sinthan nashisiya lo77o ooso oothite. 
\v 18 Asa ubbaara saron daanaw hinttew dandda7ettiya ubbaa oothite. 
\v 19 Ta ishato, hinttee, hintte huu7en asas halo keyoppite. Xoossay halo kessana mela iyaw aggaagite. Geeshsha Maxaafan,
\q1 “Taani halo kessana;
\q2 taani kushe zaarana”\x - \xo 12:19 \xo*\xt Zaare 32:35\xt*\x*
\m yaagees Goday, geetettidi xaafettis.
\p
\v 20 Shin Geeshsha Maxaafan,
\q1 “Ne morkkey koshattiko muza;
\q2 I saamotiko ushsha.
\q1 Neeni hessa oothiko iya huu7en
\q2 yeella tama bonqqo qolaasa”\x - \xo 12:20 \xo*\xt Leemi 25:21\xt*\x*
\m geetettidi xaafettis.
\p
\v 21 Iitaa lo77on xoonappe attin iitaan xoonettofa.
\c 13
\s Deriya ayseyssatas kiitetethi
\p
\v 1 Xoossaa shene gidonnashin maati imettonna gishonne ha77i de7iya shuumatikka Xoossaa shenen shuumettida gisho asi ubbay deriya ayseyssatas kiitettanaw bessees. 
\v 2 Hessa gisho, maatara de7eyssatas kiitettonna ixxiya oonikka Xoossaa kiitaa ixxees. Kiitettonna ixxiya oonikka ba bolla pirddaa ehees. 
\v 3 Ayseyssati iita ootheyssatappe attin lo77o ootheyssata yashshokona. Ayseyssatas yayyonna agganaw koyay? Yaakko lo77o ootha; entti nena galatana. 
\v 4 Entti new lo77obaa oothanaw shuumettida Xoossaa aylle. Shin neeni iitabaa oothiko, entti iitabaa oothidayssa seeriya gisho iyaw yayya. Entti iita ootheyssata seeridi, Xoossaa hanquwa qonccisiya Xoossaa aylle. 
\v 5 Hessa gisho, Xoossaa hanquwa xalaalas gidonnashin, hintte kahay markkattiya gisho deriya ayseyssatas kiitettanaw bessees.
\p
\v 6 Hintte giira giireykka hessassa. Deriya ayseyssati he oosuwa oothey, entti Xoossaa aylleta gidida gishossa.\x - \xo 13:6-7 \xo*\xt Maato 22:21; Mar 12:17; Luuqa 20:25\xt*\x* 
\v 7 Issuwas issuwas besseyssa immite. Giira giiranaw besseyssas giirite; qaraxa qanxanaw besseyssas qaraxa qanxite; yayyanaw besseyssas yayyite; bonchchoy besseyssa bonchchite.
\s Siiqetite
\p
\v 8 Issoy issuwara siiqetite. Siiqo acoppe attin hintte bolla hara acoy dooppo. Ase siiqiya oonikka higgey geyssa polis. 
\v 9 “Laammofa; wodhoppa; kaysotoppa; amottofa” giya kiitaynne hara kiita ubbay, “Ase ne huu7eda dosa” giya kiitan qashettis.\x - \xo 13:9 \xo*\xt Kessa 20:13-17; Zaare 5:17-19; Leewe 19:18\xt*\x* 
\v 10 Ase siiqiya oonikka iya bolla iitabaa oothenna. Hessa gisho, ase siiqeyssi higge kiitaa polis.
\p
\v 11 Dhiskkofe hintte barkkiya wodey ha77i gideyssa akeekidi hessa oothite. Nu attana wodey koyro nu ammanida wodiyappe ha77i nuukko matis. 
\v 12 Dhuma wodey aadhdhanaw hanees; wonttay matis. Hiza, nuuni dhuma ooso aggidi poo7o ola miishe oykkoos. 
\v 13 Ane gallas poo7on de7iya asada maaran de7oos. Mathoninne laymatethara gayttiya dumma dumma tuna oosotan, \f + \fr 13:13 \fr*\fk laymatethara gayttiya dumma dumma tuna oosotan: \fk*\ft woykko yethan, mathon, laymaton, qayxen gidoppo gidi billanaw dandda7ettees. Laymatethara gayttiya dumma dumma tuna oosoti asi Xoossaa haaroppe kare keyidi do7a kanddo ekkidi poliya ooso guussu.\ft*\f* palamaninne qanaaten gidoppo. 
\v 14 Godaa Yesuus Kiristtoosa kandduwa ma77ite; hintte nagaranchcho asatethay ba amuwaa polana mela iyaw qoppofite.
\c 14
\s Asa bolla pirddofite
\p
\v 1 Ammanon daaburida oonakka shiishi ekkiteppe attin iya qofaa bolla pirddofite.\x - \xo 14:1-6 \xo*\xt Qola 2:16\xt*\x* 
\v 2 Leemisos, ammanon minnida issi asi ay kathika maanaw dandda7ees. Shin ammanon daaburiya asi atakiltte xalaala mees. 
\v 3 Ubbabaa miya asi moonna uraa kadhoppo. Ubbabaa moonna asi miya uraa bolla pirddofo. Xoossay ubbaa miya uraa shiishi ekkis. 
\v 4 Hara asa aylle bolla pirddey neeni oonee? I daaburin woykko minnin ba Godaassa. Goday iya essanaw dandda7iya gisho I minnidi eqqana.
\p
\v 5 Qassi “Issi gallasay hara gallasappe aadhdhees” yaagidi qoppiya asi de7ees. Haray qassi, “Gallasati ubbay issi mela” gidi qoppees. Shin issoy issoy ba qofaa akeekidi qachcho. 
\v 6 Issi gallasaa hara gallasatappe aathidi bonchchiya oonikka Godaa bonchchoos gidi oothees. Ubba kathi miya asi Godaa bonchchoos gidi mees. I miya he kathaa gisho, Xoossaa galatees. Ubba kathi moonna asi Godaa bonchchoos moonna aggees; qassi moonna agon Xoossaa galatees. 
\v 7 Nuuppe oonikka baw deenna; qassi nu giddofe oonikka baw hayqqenna. 
\v 8 Nu de7on de7ikko Godaas de7oos; qassi hayqqikokka Godaas hayqqoos. Hiza, nu de7on de7in woykko hayqqin Godaassa.
\p
\v 9 Kiristtoosi hayqqidi hayqoppe denddiday, de7on de7eyssatasinne hayqqidayssatas Goda gidanaassa. 
\v 10 Yaatin, neeni ne ishaa bolla ays pirdday? Woykko neeni ne ishaa ays kadhay? Nuuni ubbay Xoossaa pirdda araata sinthan eqqana.\x - \xo 14:10 \xo*\xt 2Qoro 5:10\xt*\x*
\p
\v 11 Geeshsha Maxaafan Goday,
\q1 “Taani de7on de7ays;
\q2 asa ubbay ta sinthan gulbbatana;
\q2 taani Xoossaa gideyssa markkattana”\x - \xo 14:11 \xo*\xt Isa 45:23\xt*\x*
\m yaagees. 
\v 12 Hiza, nu oothidabaas nu huu7en huu7en Xoossaa sinthan shiiqidi zaaro immana.
\s Hara asi dhubethofa
\p
\v 13 Hessa gisho, nuuni issoy issuwa bolla pirddeyssa aggoos. Shin hintte ishaa dhubsidi woykko qaxxidi nagaran gelssiyaba oothonnaada naagettite. 
\v 14 Godaa Yesuusa ammaniyaa asada, ba huu7en tuna gidida kathi baynnayssa taani geeshshada erays. Shin issi asi issibaa tuna gidi qoppiko hessi iyaw tuna gidees. 
\v 15 Ne miya katha gisho ne ishaa dhubbiyabaa gidikko, Kiristtoosan de7iya ne ishaa siiqakka. Kiristtoosi iya gisho hayqqida uraa ne miya kathan iya ayyaana de7uwa dhaysssofa. 
\v 16 Hiza, hinttew de7iya la77atethaa harati borana mela oothofite. 
\v 17 Xoossaa kawotethay Geeshsha Ayyaanay immiya xillotethaa, sarotethaanne tuma ufayssife attin muussabaanne ushshubaa gidenna. 
\v 18 Hessada Kiristtoosas oothiya asi Xoossaa ufayssees; asankka anjjettees.
\p
\v 19 Hessa gisho, ane nuuni sarotethi benttiya ogiyanne issuwa issuwa ammanon minthiya ogiya koyoos. 
\v 20 Katha gisho gada Xoossaa oosuwa dhaysssofa. Ubba kathi meetetees, shin hara asi nagaran dhubsiya kathi muussi iita. 
\v 21 Ne ishay dhubettonna mela asho moonna woykko ushshu uyonna woykko ne ishaa dhubbiya harabaa oothonna agoy lo77o.
\p
\v 22 Hiza, ha ne ammanuwa ne giddoninne ne Xoossaa giddon naaga. Likke gidi qoppidabaa oothiya wode iya kahay mootonna uray anjjettidayssa. 
\v 23 Shin sidhishe miya uraas iya muussay ammanon gidonna gisho pirddettees. Ammanoy baynna oosettida ooso ubbay nagara.
\c 15
\s Harata ufayssanaw bessees
\p
\v 1 Nuuni ammanon minnidayssati daaburanchchota toohuwa tookkanaw bessees. Nuuni nuna ufayssanaw bessenna. 
\v 2 Nuuni nu ishaa ammanon miinthanaw iya maaddanawunne ufayssanaw bessees. 
\v 3 Kiristtoosi bana ufayssibeenna. Shin Geeshsha Maxaafan, “Asay nena cayida cashshay tana gakkis”\x - \xo 15:3 \xo*\xt Maz 69:9\xt*\x* geetetti xaafettidayssada hanis. 
\v 4 Geeshsha Maxaafay immiya genccaaninne minthethuwan nu ufayssaa ekkana mela Geeshsha Maxaafan xaafettida ubbay nuna tamaarssanaw xaafettis.
\p
\v 5 Genccaanne minotethi immiya Goday hintte Kiristtoos Yesuusa kaalliya wode issifetethi hinttew immo. 
\v 6 Hessika, nu Godaa Yesuus Kiristtoosa Aawa, Xoossaa, issi wozananinne issi qaalan hintte bonchchana melassa.
\s Wonggelay asa ubbaassa
\p
\v 7 Kiristtoosi hinttena ekkidayssada Xoossaa bonchchos issoy issuwa ekkite. 
\v 8 Xoossay beni aawatas immida ufayssay polettana melanne iya tumatethay erettana mela Kiristtoosi Ayhudeta aylle gididi yidayssa ta hinttew odays. 
\v 9 Kiristtoosi Ayhudeta aylle gidida hara gaasoy qassi Ayhude gidonna asati Xoossaa iya maarotethaa gisho galatana melassa. Geeshsha Maxaafan,
\q1 “Ta nena Ayhude gidonna asaa giddon galatana;
\q2 ne sunthaa sabbana”\x - \xo 15:9 \xo*\xt 2Saamu 22:50; Maz 18:49\xt*\x*
\m geetettidi xaafettidayssada hanis.
\p
\v 10 Qassi,
\q1 “Ayhude gidonna asato,
\q2 Xoossaa deriyara ufayttite”\x - \xo 15:10 \xo*\xt Zaare 32:43\xt*\x*
\m yaagettis.
\p
\v 11 Qassi zaaridi,
\q1 “Ayhude gidonna asato,
\q2 Godaa galatite;
\q2 kawotetha ubbay iya sabbite”\x - \xo 15:11 \xo*\xt Maz 117:1\xt*\x*
\m yaagettis.
\p
\v 12 Hessada Isayaasi,
\q1 “Isseyye zareppe yelettiya issoy yaana;
\q2 I kawotetha ubbaa haarana.
\q2 Entti bantta ufayssaa iya bolla wothana”\x - \xo 15:12 \xo*\xt Isa 11:10\xt*\x*
\m yaagees.
\p
\v 13 Geeshsha Ayyaana wolqqan hintte diccana mela ufayssi immiya Xoossay, hintte ammanuwa gaason hinttew ufayssinne sarotethi kumethi immo.
\s Phawuloosi xaafida gaasuwa
\p
\v 14 Ta ishato, hinttenan lo77otethinne eratethi kumidayssa qassi issoy issuwa zoranaw dandda7eyssa ta geeshshada erays. 
\v 15 Taani hinttena issi issibaa gujja akeekisanaw koyada yayyonna ha dabddaabbiya hinttew xaafas. 
\v 16 Taani Kiristtoos Yesuusa aylle gidada, Ayhude gidonna asaas kahineda oothada, Wonggelaa odana mela Xoossay taw aadho keehatethaa immis. Ayhude gidonna asay Geeshsha Ayyaanan geeyidi, Xoossaa ufayssiya yarshsho gidana mela Xoossay hessa oothis.
\p
\v 17 Taani Kiristtoos Yesuusan gidada Xoossaas oothiya oosuwan ceeqettays. 
\v 18 Ayhude gidonna asay Xoossaas kiitettanaada, Kiristtoosi ta qaalanne ta oosuwa baggara oothida oosuwappe attin hari ta ceeqettiyabay baawa. 
\v 19 Xoossay hessa malaataninne Geeshsha Ayyaana wolqqan waati oothidaakko ta hinttew odana. Taani Yerusalaameppe doomada, Ilwariqoone gakkanaw Kiristtoosa Wonggelaa sabbakas. 
\v 20 Taani hara asi baasida bessan keexanaw koyikke. Kiristtoosa sunthay xeegettiboonna bessan Wonggelaa odanaw amottays. 
\v 21 Geeshsha Maxaafan,
\q1 “Iyabay odettiboonna asati iya be7ana;
\q2 iyabaa si7iboonna asati akeekana”\x - \xo 15:21 \xo*\xt Isa 52:15\xt*\x*
\m geetettidi xaafettis.
\s Phawuloosi Roome baanaw qoppis
\p
\v 22 Hessa gaason, taani hintteko yaanaw dandda7abiikke.\x - \xo 15:22 \xo*\xt Roome 1:13\xt*\x* 
\v 23 Shin taani ha77i ha heeran ta oosuwa onggida gishonne daro laythafe doomada hinttena be7anaw laamotida gisho, 
\v 24 taani Isppeene bashe hinttena be7anaw qoppas. Qassi guutha wode hinttera ufayttidaappe guye, Isppeene biya wode hintte ta ogiyas tana maaddana mela koyays.
\p
\v 25 Shin ha77i taani Xoossaa asata maaddanaw Yerusalaame bays. 
\v 26 Maqedooniyanne Akkayan de7iya Xoossaa asati, Yerusalaamen de7iya manqota miishen maaddanaw koyida gishossa.\x - \xo 15:25-26 \xo*\xt 1Qoro 16:1-4\xt*\x* 
\v 27 Entti manqota maaddanayssi enttaw attonnabaa gidida gisho bantta huu7en hessa oothanaw qofa qachchidosona. Ayhudeti Ayhude gidonnayssatara ayyaana anjjuwa shaakettiko, entti qassi banttaw de7iyaban Ayhudeta maaddanaw bessees.\x - \xo 15:27 \xo*\xt 1Qoro 9:11\xt*\x* 
\v 28 Hessa gisho, taani he shiiqida miishiya enttaw immidaappe guye, Isppeene bashe hintte matara aadhdhana. 
\v 29 Taani hintteko biya wode Kiristtoosa anjjuwaan kumada baanayssa erays.
\p
\v 30 Ta ishato, taw Xoossaa woossishe ta baaxiyan taara eqqana mela Godaa Yesuus Kiristtoosaninne Geeshsha Ayyaana siiquwan hinttena woossays. 
\v 31 Xoossay tana Yihudan de7iya ammanonna asatappe ashshanaadanne Yerusalaamen ta oothana oosoy Xoossaa asata matan ekettana mela taw woossite. 
\v 32 Qassi Xoossay giikko, taani hintteko bada ufayssan hinttera shemppana mela taw woossite. 
\v 33 Sarotethaa Xoossay hintte ubbaara gido. Amin7i.
\c 16
\s Sarotho
\p
\v 1 Kinkkiriya kataman de7iya woosa keethan oothiya nu michchiya Feeba lo77o maccas gideyssa hintte erana mela koyays. 
\v 2 Hintte iyo ammaniyaa asati Godaa sunthan mokkanaw bessiya ammaniyaa asatappe issuwada mokkite. Iya hinttefe koyabaa ubbaa iyo maaddite. Iya ba huu7en daro asaa maaddasu; qassi tana ta huu7enkka daro maaddasu.
\p
\v 3 Kiristtoos Yesuusa oosuwa taara issife oothiya Phirisqilanne Aqiila saro giite.\x - \xo 16:3 \xo*\xt Ha@O 18:2\xt*\x* 
\v 4 Entti ta gisho bantta shemppuwa aathi immidosona. Ta xalaala gidonnashin, Ayhude gidonna asaa woosa keetha ubbay entta galatees. 
\v 5 Entta son shiiqiya ammaniyaa asaa saro giite.
\p Iisiya biittan Kiristtoosa koyro ammanida, ta dosiya Ephanexoosas ta sarothuwa odite.
\p
\v 6 Hintte gisho ooson daro daaburida Mayraamo saro giite. 
\v 7 Taara qasho keethan aathida ta Ayhude laggeta Anddroniqoosanne Yuniyasa saro giite. Entti Yesuusa hawaareta giddon erettidayssata. Qassi entti Kiristtoosa taappe sinthe ammanidosona.
\p
\v 8 Godan ammaniyaa ta siiqo laggiya, Amphiliyaxoosa saro giite. 
\v 9 Kiristtoosa oosuwa nuura issife oothiya Urbbaanoosenne ta dosiya Istakuusa saro giite. 
\v 10 Kiristtoosan ammanthiya aylliya Apheliisas ta sarothuwa odite. Arisxobuloosa soo asaas ta sarothuwa odite. 
\v 11 Ta Ayhude laggiya Herodiyoona saro giite.
\p Narssisasinne iya soo asaappe Kiristtoosa ammanidayssata saro giite.
\p
\v 12 Godaa oosuwan daaburiya Tirufaynanne Tirufoosa saro giite. Qassi Godaas daro daaburada oothiya, ta dosiya Persiiso saro giite. 
\v 13 Godaa oosuwan daro erettida Rufosasinne tana ba na7ada be7iya iya aayes ta sarothuwa odite.\x - \xo 16:13 \xo*\xt Mar 15:21\xt*\x* 
\v 14 Asinkiritoosas, Filoloogusas, Hermmeesas, Patirobaasasinne enttara de7iya ammaniyaa ishata ubbaas ta sarothuwa odite. 
\v 15 Filoloogusa, Yuuliya, Neeriya, iya michchiw, Olumppoosanne enttara de7iya ammaniyaa asa ubbaa saro giite.
\p
\v 16 Geeshsha yeeretethi yeerettishe, issoy issuwa sarothite. Kiristtoosa woosa keetha ubbay hinttena saro yaagosona.
\s Wurssetha zore
\p
\v 17 Ta ishato, hintte tamaarida timirttiya ixxidi, hintte giddon shaaketethinne meto medhdhiya asatappe naagettite. Enttafe haakkite. 
\v 18 Hessa mela asati banttaw oothosonappe attin nu Godaa Kiristtoosas oothokona. Bantta mal77iya doonaninne saphothiya qaalan aykko eronna asaa wozanaa balethoosona. 
\v 19 Wonggelaas hintte kiitettidayssa asa ubbay si7idayssi tana ufayssees. Shin hintte lo77obaa erana melanne iitabaappe haakkana mela ta koyays. 
\v 20 Sarotethaa Xoossay Xalahiya hintte tohuwappe garssan gaaci yeggana.
\p Nu Godaa Yesuus Kiristtoosa aadho keehatethay hinttera gido.
\p
\v 21 Taara oothiya Ximotiyoosi hinttena saro yaagees.\x - \xo 16:21 \xo*\xt Ha@O 16:1\xt*\x* Hessadakka, ta dabboti Luuqiyosi, Yaasoninne Sosphaxirosi hinttena saro yaagosona.
\p
\v 22 Taani, ha dabddaabbiya xaafida, Xarxiyoosi, hinttena Godaa sunthan saro yaagays.
\p
\v 23 Tana mokkidaynne woosa keetha ubbay iya son shiiqiya Gaayoosi, hinttena saro yaagees. Katamaa miishiya oykkiya Erasxoosinne nu ishaa Qarxoosi hinttena saro yaagosona.\x - \xo 16:23 \xo*\xt Ha@O 19:29; 1Qoro 1:14; 2Ximo 4:20\xt*\x* [ 
\v 24 Nu Godaa Yesuus Kiristtoosa aadho keehatethay hintte ubbaara gido. Amin7i.] \f + \fr 16:24 \fr*\ft Beni koyro maxaafatan paydo 24 deenna.\ft*\f*
\p
\v 25 Galatay Xoossaas gido. Taani, Yesuus Kiristtoosabaa odiya Wonggelaa qaalanne daro wodeppe qosettidi gam77ida tumatethan, Xoossay hinttena ammanon minthidi essanaw dandda7ees. 
\v 26 Shin ha77i he tumay qonccis. Kawotetha ubbay ammanidi kiitettana mela merinaa Xoossaa kiitan nabeti he tumabaa xaafidosona.
\p
\v 27 Yesuus Kiristtoosa baggara cinccatethi iya xalaalas de7iya, issi Xoossaas merinaw bonchchoy gido. Amin7i.