\id JAS - Goofa
\ide UTF-8
\h Yayqooba
\toc3 Yay
\toc2 Yayqooba
\toc1 Yayqoobi Xaafida Kiitaa
\mt Yayqoobi Xaafida Kiitaa
\imt Gaatha Qofaa
\ip Yayqooba kiitay, ammaniyaa asi gallas gallas ba de7uwa kaalethiya qofata oykkis. Ha kiitay xaafettiday, biitta ubban laalettida tammanne nam77u Ayhude zerethaassa. Ha maxaafaa xaafey, cinccatethi nuuni ooson peeshshiya hiillaa, ammaniyaa asaa mokobaanne lo77o kanddos oge bessiya odata misileda qonccisees.
\ip Yayqooba kiitay, Manqotethabaa, duretethabaa, paacebaa, lo77o kanddobaa, qanaatebaa, ammanobaa, lo77o oosobaa, inxarssa haarobaa, cinccatethabaa, issoy issuwara ooshshabaa, otorobaa, ashkketethabaa, hara asa bolla pirddabaa, ceeqetethabaa, genccabaa, woosabaanne ammaniyaa asi oothanaw bessiyabaa ubbaa qoridi xaafis.
\ip Yayqooba kiitay, ammano de7on ammanoy ooson pee7iya hanotata qonccisidi bessees.
\iot Yayqooba kiitaa ayfe qofata
\io1 Sarotho 1:1
\io1 Ammanonne cinccatethi 1:2-8
\io1 Manqotethinne duretethi 1:9-11
\io1 Paace 1:12-18
\io1 Xoossaa qaala sissinne ooson peesho 1:19-27
\io1 Ase asappe dummayo koshshonayssa 2:1-13
\io1 Ammanonne ooso 2:14-26
\io1 Inxarssi haarobaa 3:1-18
\io1 Ammaniya asinne ha alamiya 4:1-5:6
\io1 Dumma dumma zoreta 5:7-20
\ie
\c 1
\p
\v 1 Xoossaanne Godaa Yesuus Kiristtoosa aylley, Yayqoobi, biitta ubban laalettida tammanne nam77u sheeshatas kiittida kiita.\x - \xo 1:1 \xo*\xt Maato 13:55; Mar 6:3; Ha@O 15:13; Gala 1:19\xt*\x*
\p Saro, ay mela de7eetii?
\s Ammanonne cinccatethi
\p
\v 2 Ta ishato, hinttena dumma dumma paacey gakkiya wode hintte lo77obaa demmidaada kumetha ufayssan ekkite. 
\v 3 Hintte ammanuwa paacetethay dandda7a hinttew immeyssa ereeta. 
\v 4 Hintte wurssethi gakkanaw dandda7ikko aybi pacey baynna polonne kumethi gideta. 
\v 5 Hinttefe oodeskka cinccatethi dhayikko Xoossaa woosso. Iyaw imettana. Xoossay oonakka boronna ubbaas keehatethan immiya Xoosse. 
\v 6 Shin I woossiya wode sidhonna ammanon Xoossaa woosso. Sidhiya oonikka carkkoy sugin qaaxxiya abbaa zule mela. 
\v 7-8 Nam77u qofi de7eynne ba ogiyan eqqonna oonikka Godaappe aykkoka demmana gidi qoppofo.
\s Manqo asaanne dure asaa
\p
\v 9 Ammaniya manqo asati, Xoossay enttana dhoqqu oothiya wode ufaytto. 
\v 10 Qassi ammaniyaa dure asati Xoossay enttana ziqqi oothiya wode ufaytto. Dure asati ciishshada dhayana.\x - \xo 1:10-11 \xo*\xt Isa 40:6-7\xt*\x* 
\v 11 Away ba mishaara keyidi maataa melisin, ciishshay serees; iya lo77otethayka dhayees. Hessadakka, dure asati bantta oosuwan daaburishe dhayana.
\s Ase gakkiya paaciya
\p
\v 12 Metuwa xoonidi aadhdhidaappe guye, Xoossay bana siiqeyssatas immana gidi qaala gelida de7o kallachcha ekkana gisho, meton gencciya asi anjjettidayssa. 
\v 13 Oonikka paacettiya wode, “Tana Xoossay paaces” gooppo. Xoossay iitan paacettenna; qassi I oonakka paaccenna. 
\v 14 Shin issi issi asi ba iita amuwaan gooshettiya wodenne cimettiya wode paacettees. 
\v 15 Hessafe guye, amotethi qanthattidi nagara yelees; qassi nagari diccidi hayqo yelees.
\p
\v 16 Ta siiqo ishato, cimettofite. 
\v 17 Lo77o imoynne kumetha anjjo ubbay saloppenne saluwa poo7uwa medhdhida Xoossaa aawappe yees. Xoossay kuyada ubba wode laamettenna. 
\v 18 Nuuni, iya medhetethaas koyro gidana mela nuna tuma qaalan ba shenen yelis.
\s Sissinne ooso
\p
\v 19 Ta siiqo ishato, hayssa akeekite. Asi ubbay si7anaw elleso, shin odettanawunne hanqettanaw ellesoppo. 
\v 20 Asa hanqoy Xoossay koyaa xillotethaa ehenna. 
\v 21 Hessa gisho, tuna hanotanne iitatetha ubbaa diggidi, Xoossay hintte wozanan tokkida hintte shemppuwa ashshanaw dandda7iya qaala aadatethan ekkite.
\p
\v 22 Shin Xoossaa qaala ooson peeshshiteppe attin sissa xalaalan hinttena cimmofite. 
\v 23 Qaalaa si7idi oothonna asi, I ba som77uwa masttoten be7iya asa mela. 
\v 24 I ba som77uwa be7idi bees, shin I ay daaniyakko ellesi dogees. 
\v 25 Shin oonikka aylletethafe kessiya polo higgiya akeekan be7idi, kaallidi naagey, si7idayssa dogonna ooson peeshshiya uray, ba ooso ubban anjjettana.
\p
\v 26 Ba inxarssaa naagonna ammanays giya uray bana cimmees; iya ammanoy hada. 
\v 27 Xoossaa Aawa sinthan borey baynna geeshsha ammanoy hayssa: aaya aawu baynna naytanne am77eta maadonne alamiya tunaappe bana naago.
\c 2
\s Ase shaakkofa
\p
\v 1 Ta ishato, hintte nu bonchcho Godaa Yesuus Kiristtoosa ammaniyabaa gidikko, asa som77o xeellidi ase bonchchofite. 
\v 2 Leemisos, worqqa migiddo aathidi, lo77o ma7o ma77ida dure asi hintte shiiquwa yis. Qassi curqqa ma7o ma77ida manqo asikka yis. 
\v 3 Lo77o ma7o ma77ida addiya hintte aathi bonchchidi, “Ne hayssan lo77iya oydiyan utta” gidi, qassi manqo addiya, “Ne yan eqqa woykko hayssan ta tohuwa matan sa7an utta” geeta. 
\v 4 Yaatin, hinttee, hintte giddon shaaketethi medhdheyssatanne iita qofara de7iya daynnata mela gidekketiyye?
\p
\v 5 Ta siiqo ishato, si7ite. Ammanon dure gidana melanne bana siiqeyssatas immana gida salo kawotethaa laattana mela ha sa7an de7iya manqota Xoossay dooribeenneyye? 
\v 6 Shin hintte manqota toochcheeta. Hinttena un77etheyssati dureta gidokkonaayye? Hinttena daynna sinthi goochcheyssati entta gidokkonaayye? 
\v 7 Hintte xeegettida lo77o Godaa sunthaa cayeyssati entta gidokkonaayye?
\p
\v 8 Shin Geeshsha Maxaafan, “Ase ubbaa nena ne doseyssada dosa” geetettidi xaafettida Xoossaa kawotethaa higgiya hintte polikko lo77o ootheeta.\x - \xo 2:8 \xo*\xt Leewe 19:18\xt*\x* 
\v 9 Shin hintte asa som77o xeellidi bonchchiko, nagara ootheeta qassi higgey hinttena higge menthida asada pirddana. 
\v 10 Oonikka higge ubbaafe issuwa menthidi, attida ubbaa naagikko ubbaa menthidaada taybettees. 
\v 11 “Laammofa” gida Goday, qassi “Wodhoppa” gis. Shin neeni laammonna aggada wodhidabaa gidikko, higgiya menthadasa.\x - \xo 2:11 \xo*\xt Kessa 20:13-14; Zaare 5:17-18\xt*\x* 
\v 12 Aylletethafe kessiya higgiya sinthan pirdda ekkanaw de7iya asada odetitenne oothite. 
\v 13 Ase maaronna oonakka Xoossay maaronna pirddana. Shin maarotethay pirddaa xoonees.
\s Ammanonne ooso
\p
\v 14 Ta ishato, hinttefe issi asi taw ammanoy de7ees gidi, ba ammanuwa ooson bessonna ixxiko iya ay maaddanee? Iya ammanoy iya ashshanaw dandda7ii? 
\v 15 Leemisos issi ishay woykko issi michchiya kallotikonne enttaw miyabay dhayikko, 
\v 16 hinttefe issi asi enttako, “Saro biite! Tama kayite! Kallidi miite!” gidi, koshshiyabaa enttaw immonna ixxiko entta ay maaddii? 
\v 17 Hessa gisho, oosoy baynna ammanoy barkka hayqqidayssa.
\p
\v 18 Shin issi asi, “New ammanoy de7ees; qassi taw oosoy de7ees. Neeni ne ammanuwa ne oosuwappe shaakkada tana bessa; takka ta ammanuwa ta oosuwan nena bessana” gaana. 
\v 19 Neeni, issi Xoossay de7eyssa ammanaasa; hessi lo77o. Tuna ayyaanatikka ammanoosona; yashshan kokkorosona. 
\v 20 Neno eeyaw! Ammanoy oosoppe shaakettidi maaddonnayssa eranaw koyay? 
\v 21 Nu aawa Abrahamey, ba na7aa Yisaaqa yarshsho bessaa bolla wothida wode ba oosuwan xillibeenne?\x - \xo 2:21 \xo*\xt Medhe 22:1-14\xt*\x* 
\v 22 Iya ammanoynne iya oosoy issife oothidayssa be7ikki? Iya ammanoy iya oosuwan polettis. 
\v 23 Geeshsha Maxaafay, “Abrahamey Xoossaa ammanis. Xoossay hessa iyaw xillotethi oothidi taybis” gidayssi polettis. Qassi I Xoossaa dabbo geetettidi xeegettis.\x - \xo 2:23 \xo*\xt Medhe 15:6; 2Taari 20:7; Isa 41:8\xt*\x* 
\v 24 Asi ammano xalaalan gidonnashin, ooson xilleyssa be7aasa.
\p
\v 25 Hessadakka, laymiya Ra7aaba Isra7eeleppe kiitettidayssata mokkada hara ogera entta moyzida wode ba oosuwan xillabeekke?\x - \xo 2:25 \xo*\xt Iya 2:1-21\xt*\x*
\p
\v 26 Shemppoy shaakettida asatethay hayqo gideyssada, oosoy shaakettida ammanoykka hayqqidayssa.
\c 3
\s Inxarssi naago
\p
\v 1 Ta ishato, hinttefe daroti asttamaare gidoppo. Nu, asttamaareti haratappe aadhdhiya pirddaa ekkanayssa hintte ereeta. 
\v 2 Nu ubbay daroban balettoos. Ba odan balettonna oonikka banatethaa naaganaw dandda7iya polo asi. 
\v 3 Parati nuus kiitettana mela bixaala barssidi nuuni koyaa bessi ubbaa efoos. 
\v 4 Markkabey hessa mela gita gidishe wolqqaama carkkuwan sugettikokka, entta laaggeyssi ba koyaa bessi zaaridi laaggiya guutha mithan laagettidi bees. 
\v 5 Hessada inxarssi asatethaa giddon guutha gidikkoka daro gitaban ceeqettees.
\p Guutha tami daro gita woraa xuuggees. 
\v 6 Inxarssi tama mela. Inxarssi nu asatethaa giddon iitan kumida alame; asatetha ubbaa tunisees. Gaannameppe keyaa tamada nu de7uwa wotha ubbaa xuuggees. 
\v 7 Do7atanne kafota, ulora gooshetteyssatanne abban de7iya medhetethata ubbaa asi haarees; enttika haarettidosona. 
\v 8 Shin oonikka inxarssi haaranaw dandda7ibeenna. Inxarssi wodhiya marzey kumida haarettonna iita medhetethi. 
\v 9 Nu inxarssan, nu, Godaanne Xoossaa galatoos. Qassi iyara Xoossaa leemison Medhettida asaa qanggoos. 
\v 10 Issi doonappe galatinne qanggethi keyees. Ta ishato, hessada hananaw bessenna.\x - \xo 3:9-10 \xo*\xt Medhe 1:26\xt*\x* 
\v 11 Pulttoy issi ollaafe mal7iya haathinne cammiya haathi pulttanaw dandda7ii? 
\v 12 Ta ishato, balase mithi shamaho ayfanaw dandda7ii? Woykko woyne mithi balase mitha ayfe ayfanaw dandda7ii? Camo haathafe mal7o haathi keyanaw dandda7enna.
\s Salo cinccatethaanne sa7a cinccatethaa
\p
\v 13 Hintte giddon cinccinne akeekanchchoy oonee? Ba lo77o de7uwa, ashkketethaninne cinccatethan oosettida ooson besso. 
\v 14 Shin hintte wozanan cammiya qanaateynne bana dosoy de7ikko ceeqettofite; tumaa bolla worddotoppite. 
\v 15 Hessa mela cinccatethay saloppe yidabaa gidonnashin, hessi asabaa, alamebaa, xalahebaa. 
\v 16 Qanaateynne bana dosoy de7iya son ooshshinne iita ooso ubbay de7oosona. 
\v 17 Shin bollafe yaa cinccatethay ubbaafe sinthe geeshshi. Qassi sarotethi, aadatethi, si7idi ekkeyssa, qadhetteyssa, lo77o ayfey kumidayssa, ase shaakkonnayssanne cubbotethi baynnayssa. 
\v 18 Sarotethaa doseyssati sarotethi zeridi xillotethi buuccosona.
\c 4
\s Ha alamiyara dabbotoppite
\p
\v 1 Ooshshinne oli hintte giddo awuppe yii? Entti yey hintte asatethaa haaranaw olettiya hintte asho amuwaappe gidenneyye? 
\v 2 Hintte amotteeta, shin demmeketa; hessa gisho, wodheeta. Minthi koyeeta, shin demmanaw dandda7ekketa; hessa gisho, ooyetteetanne oletteeta. Hintte Xoossaa woossonna gisho koyabaa demmeketa. 
\v 3 Hintte woosseta, shin demmeketa. Hintte asho amuwaa polanaw wobbe ogen woossiya gisho demmeketa. 
\v 4 Hinttenoo, laymateyssato! Ha alamiya dosey Xoossara morkke gideyssa erekketii? Ha alamiyara dabbotanaw koyey oonikka Xoossaara morkke. 
\v 5 Geeshsha Maxaafay, “Xoossay nunan daana mela oothida Ayyaanay, nuuni iyaw buzo gidana mela amottees” gidayssa coo gidabaa daanii? 
\v 6 Shin Geeshsha Maxaafay, “Xoossay otoranchchota ixxees, shin banttana kawushsheyssatas maarotethaa immees” yaagiya gisho, Xoossay maarotethaa darssidi immees.\x - \xo 4:6 \xo*\xt Leemi 3:34\xt*\x*
\p
\v 7 Hessa gisho, Xoossaas haarettite; Xalahiyara eqettite; I hinttefe haakkana. 
\v 8 Xoossaakko shiiqite; I hintteko shiiqana. Hinttenoo, nagaranchchoto, hintte kushiya meecettite; nam77u qofi de7eyssato, hintte wozanaa geeshshite. 
\v 9 Kayottite, yeekkitenne afuxite. Hintte miichchay yeehon, hintte ufayssay azzanon laameto. 
\v 10 Godaa sinthan hinttenatethaa kawushshite; hinttena dhoqqu dhoqqu oothana.
\s Asa bolla pirddofite
\p
\v 11 Ta ishato, issoy issuwa zigiroppite. Ba ishaa zigireynne iya bolla pirddey higge zigireesinne higge bolla pirddees. Neeni higge bolla pirddiko higge bolla pirddeyssa gidaasappe attin higge poleyssa gidakka. 
\v 12 Higge immeynne pirddey Xoossaa xalaala. Ashshanawunne dhayssanaw dandda7ey iya. Yaatin, ne asa bolla pirddey neeni oonee?
\s Ceeqettofite
\p
\v 13 Hintte, “Nuuni hachchi woykko wontto ya katamaa woykko ha katamaa baana; yan laythi uttana; zal77idi wodhisana” yaageyssato, si7ite.\x - \xo 4:13-14 \xo*\xt Leemi 27:1\xt*\x* 
\v 14 Wontto aybi hananeekko hintte erekketa. Hintte de7oy waananekko erey oonee? Hintte guutha wode benttidi dhayiya akka mela. 
\v 15 Hessa aggidi, “Goday giikko nuuni daana; hayssa woykko hessa oothana” yaaganaw bessees. 
\v 16 Shin hintte ha77i otortteetanne ceeqetteeta. Hessa mela ceeqo ubbay iita.
\p
\v 17 Hessa gisho, lo77obaa oothanaw erishe oothonna uraas hessi nagara.
\c 5
\s Duretas imettida zore
\p
\v 1 Hinttenoo, dureto, hintte bolla iita metoy yaa gisho yeekkitenne zeleelite. 
\v 2 Hintte shaloy buuqqis; hintte afilaykka bilan meetettis.\x - \xo 5:2-3 \xo*\xt Maato 6:19\xt*\x* 
\v 3 Hintte worqqaynne hintte biray shi7is. He shi7ay hintte bolla markka gidana. I hintte asatethaa tamada maana. Hintte ha wurida qammatan hinttew shalo dagayeeta. 
\v 4 Hintte gaden oothi pee7ida asaa kera miishiya qanxibeekketa. Hessi hintte bolla waasses. He asata waasoy wolqqaama Godaa haythan si7ettis.\x - \xo 5:4 \xo*\xt Zaare 24:14-15\xt*\x* 
\v 5 Ha sa7an hintte ulo xalaalas qoppidi, injjen de7ideta. Shukas giigettida meheda hinttena dhiikkideta. 
\v 6 Hinttera eqettanaw dandda7onna xillo asa bolla pirddideta iya wodhideta.
\s Genccanne woosaa
\p
\v 7 Ta ishato, Goday yaana gakkanaw genccite. Goshshanchchoy torchche iraynne sila iray yaana gakkanaw genccidi al77o kathaa naagidi waati gathi ekkiyako qoppite. 
\v 8 He goshshanchchuwada hintteka genccite. Godaa yuussay matattida gisho ufayssan naagite.
\p
\v 9 Ta ishato, Xoossay hintte bolla pirddonna mela issoy issuwa bolla zuuzummofite. Pirddeyssi penggen eqqis. 
\v 10 Ta ishato, waayan genccida, Godaa sunthan odida nabeta leemiso oothidi ekkite. 
\v 11 Dandda7an genccidayssata nuuni anjjettidayssata goos. Iyoobey waanidi genccidaako hintte si7ideta. Goday wurssethan iya waati maaddidaakko be7ideta. I maarotinne qadhey kumida Godaa gidiya gisho hessa oothis.\x - \xo 5:11 \xo*\xt Iyo 1:21-22; 2:10; Maz 103:8\xt*\x*
\p
\v 12 Shin ubbaafe sinthe, ta ishato, saluwan gidin woykko sa7an gidin woykko hara aybinkka caaqqofite. Xoossaa pirddan hintte gelonnaada hintte oday ee gidikko, “Ee” giite; akkay gidikko, “Akkay” giite.\x - \xo 5:12 \xo*\xt Maato 5:34-37\xt*\x*
\p
\v 13 Hintte giddon meto gakkiya oonikka de7ikko Xoossaa woosso. Ufayttiya oonikka de7ikko galatan yexxo. 
\v 14 Hinttefe harggettiya oonikka de7ikko woosa keetha cimata xeego. Entti Godaa sunthan shamaho zayte tiyidi iyaw Xoossaa woosso. 
\v 15 Ammanon woossida woosay hargganchchuwa pathana. Goday iya, harggiyafe denthana; I nagara oothidabaa gidikkoka Goday iya maarana. 
\v 16 Hessa gisho, hintte paxana mela hintte nagara issoy issuwas paaxitenne issoy issuwas woossite. Xillo asa woosay wolqqaama ooso oothees. 
\v 17 Eliyaasi nu mela ase. Iri sa7an bukkonna mela minthidi Xoossaa woossin heedzu laythinne usuppun ageena sa7an iri bukkibeenna.\x - \xo 5:17 \xo*\xt 1Kawo 17:1; 18:1\xt*\x* 
\v 18 Zaaridi I Xoossaa woossin saloppe iri bukkis; sa7aykka kathi mokkis.\x - \xo 5:18 \xo*\xt 1Kawo 18:42-45\xt*\x*
\p
\v 19 Ta ishato, hinttefe oonikka tuma ogiyappe buutikko, haray iya tumaakko zaarikko, 
\v 20 nagaranchchuwa iya bala ogiyappe zaariya oonikka, iya shemppuwa hayqoppe ashsheyssanne iya daro nagaraas maarota immeyssa ero.\x - \xo 5:20 \xo*\xt Leemi 10:12; 1Phexi 4:8\xt*\x*