\id COL COL- Goofa
\ide UTF-8
\h Qolaasiyasa
\toc3 Qola
\toc2 Qolaasiyasa
\toc1 Phawuloosi Qolaasiyasa Asaas Xaafida Kiitaa
\mt1 Phawuloosi Qolaasiyasa Asaas
\mt2 Xaafida Kiitaa
\imt Gaatha Qofaa
\ip Phawuloosa Qolaasiyasa asaas xaafida kiitay xaafettiday, Guutha Iisiyan, Efesoonappe doloha baggara de7iya Qolaasiyasa kataman de7iya woosa keethaassa. He woosa keetha essiday Phawuloosa gidonna ixxikokka, Roome biittan Iisiya waanna katama gidida Efesoonappe Wonggelaa oosanchchota kiittey iya gidiya gisho, Qolaasiyasaskka aawatethi iyaw de7ees. Qolaasiyasa woosa keethan, “Xoossaa eranawunne kumetha atotethaa demmanaw asi ubbay ayyaana wolqqatasinne maatatas goynnanaw koshshees” yaagiya worddo asttamaareti de7eyssa Phawuloosi si7is. He asttamaareti tamaarssiya harabay, qassi, “Asi ubbay qaxxaro daaniya wogatas haarettanawunne katha woga ubbaa naaganaw koshshees” yaagosona.
\ip Phawuloosi ha kiitaa xaafiday tuma ammano timirttiya tamaarssidi, entta worddo timirttiya laallanaassa. I zaarida zaarotappe waannatey, “Yesuus Kiristtoosi kumetha atotethaa immees; hara haymaanotetinne oosoti iyappe haassosona” yaageyssa. Xoossay Kiristtoosa baggara alamiya medhdhis. Qassi iya baggara zaaridi baakko ehana. Ha alamiyas atotetha ufayssay de7ey Kiristtoosa ammanonna. Hessa gisho, Phawuloosi ha gita timirttey ammaniyaa asaa de7on waanidi ooson pee7anaw bessiyako odees. Ha kiitaynne Efesoona asaas xaafida kiitay ba oykkida qofaninne kiitan woli daanosona. Ha nam77u maxaafata giddon de7iya dummatethay, Efesoonan Kiristtoosi woosa keethas huu7e, Qolaasiyasan Kiristtoosi medhetethaas huu7e.
\ip Ha kiitaa Phawuloosappe ekkidi Qolaasiyasa gathanaw bida Tikiqoosara issife de7ey Anasmoosa gideyssa besoy maaddiyabaa. Waanidi giikko, Phawuloosa Anasmoosa geetettiya ba oosanchchuwabaa Filmmoonas hara kiitaa xaafis.
\iot Qolaasiyasa kiitaa ayfe qofata
\io1 Gelo qofaa 1:1-8
\io1 Kiristtoosa kandduwanne oosuwa 1:9-2:19
\io1 Kiristtoosan de7iya ooratha de7o 2:20-4:6
\io1 Wurssetha sarothonne kuushsha qofaa 4:7-18
\ie
\c 1
\p
\v 1 Xoossaa shenen Kiristtoosi Yesuusa hawaare gidida Phawuloosinne nu ishaa Ximotiyoosi, 
\v 2 Qolaasiyasa kataman de7iya Kiristtoosan geeshshatasinne ammanettida asaas xaafida kiitaa.
\p Xoossaa nu Aawappe aadho keehatethaynne sarotethay hinttew gido.
\s Galata woosaa
\p
\v 3 Nuuni hinttew woossiya wode Xoossaa nu Godaa, Yesuus Kiristtoosa Aawa ubba wode galatoos. 
\v 4 Nuuni Kiristtoos Yesuusan de7iya hintte ammanuwanne geeshshata ubbaas de7iya hintte siiquwa si7ida. 
\v 5 Hessa hintte oothiday hintte ufayssay salon hinttew naagettida gishossa. Hintte tuma kiitta gidida Wonggelaa koyro ammanida wode he ufayssaa si7ideta. 
\v 6 Hintte he Wonggelaa si7ida wodenne Xoossaa aadho keehatethaa tumaa shaakki erida wodeppe doomidi hintte giddon haanidayssada biitta ubban diccishenne ayfishe de7ees.
\p
\v 7 Hintte hessa nuura issife Kiristtoosas oothiya ammanettida, dosettida Ephphaafirappe tamaarideta.\x - \xo 1:7 \xo*\xt Qola 4:12; Filmo 23\xt*\x* 
\v 8 I hessa bolla gujjidi Ayyaanay hinttew immida siiquwabaa nuus odis.
\p
\v 9 Hessa gisho, nuuni hinttebaa si7ida gallasaappe doomidi, Xoossay ba sheniya hinttena bessana melanne, Geeshsha Ayyaanay immiya eratethaaninne cinccatetha ubban hinttena kunthana mela ubba wode hinttew Xoossaa woossos. 
\v 10 Hessadakka, Goday koyeyssada hintte daana mela, ubba wode iya ufayssana mela, lo77o ooso ubban hintte ayfe ayfana melanne Xoossaa aathi erishe diccana mela Xoossaa woossos.
\p
\v 11 Xoossaa bonchcho wolqqay hintte ubbabaa genccanaadanne dandda7anaada ba minotethaa immidi hinttena ufaysso. 
\v 12 Qassi geeshshata poo7o kawotethaa laattana mela hinttena oothida Aawa galatite. 
\v 13 I nuna dhuma wolqqaafe ashshidi ba dosiya na7aa kawotethaako nuna ehis. 
\v 14 Iyan wozettidi iya suuthan nagara atotethi demmida.\x - \xo 1:14 \xo*\xt Efe 1:7\xt*\x*
\s Kiristtoosa dhoqqatethaa
\p
\v 15 Kiristtoosi benttonna Xoossaas tuma leemiso. I medhetetha ubbaafe bayra. 
\v 16 Ubbabay iya baggara medhettis. Benttiyabatinne benttonnabati, wolqqatinne godati, haareyssatinne maata aawati, saloninne sa7an de7iya ubbay iyawunne iya baggara medhettis. 
\v 17 I ubbabaappe kase de7ees. Ubbabay iyan ba bessan bessan oykettidi de7ees. 
\v 18 I ba asatethi gidida woosa keethas huu7e. I ubbaafe bolla gidanaw hayqoppe denddon sinthenne bayra.\x - \xo 1:18 \xo*\xt Efe 1:22-23\xt*\x*
\p
\v 19 Xoossay ba kumetha Xoossatethaara iyan daanaw koyis. 
\v 20 Qassi masqaliya bolla gussida ba na7aa suuthan sarotethi medhdhidi saloninne sa7an de7iya ubbaa iya baggara baara sigethis.\x - \xo 1:20 \xo*\xt Efe 2:16\xt*\x*
\p
\v 21 Hayssafe kase hintte qofaa iitatethay hinttena Xoossaafe shaakkisinne iyara morkke oothis; hintte oosoykka iita. 
\v 22 Shin ha77i Kiristtoosi ashon hayqqida hayquwa baggara Xoossay hinttena baara sigethidi, geeshshata, borey baynnayssatanne xillota oothis. 
\v 23 Hinttee, hintte ammanuwan qaaxxonna minnidinne xaphphidi daanaw bessees. Hintte Wonggelaa qaalaa si7ida wode ekkida ufayssaa minthi oykkite. He Wonggelay hintte si7idayssanne biitta ubban sabbakettidayssa. Ta, Phawuloosikka ha Wonggelaas oosanchcho gidas.
\s Phawuloosa hawaaretetha oosuwa
\p
\v 24 Taani hintte gisho ha77i ekkiya waayiyan ufayttays. Kiristtoosi iya asatethi gidida woosa keethaas ekkida waayiya taani ta ashuwan polays. 
\v 25 Xoossaa qaalaa hinttew polada odana mela taw imettida maatan woosa keethaas oosanchcho gidas. 
\v 26 Ha qaalay kase aadhdhida wodiyan yeletethaa ubbaafe geemmidi de7is. Shin ha77i Xoossay ha xuuraa ammaniyaa ubbaas qonccisis. 
\v 27 Xoossay Ayhude gidonna asaa giddon ha xuuraa bonchcho duretethaa qonccisis. Ikka bonchcho ufayssi gidida hintte giddon de7iya Kiristtoosa.
\p
\v 28 Hessa gisho, issi issi asi Kiristtoosan kumetha asi oothidi shiishanaw cinccatetha ubban asaa tamaarssoninne zoren Kiristtoosabaa sabbakoos. 
\v 29 Xoossay ba gita wolqqan tanan oothiya gisho, ha77i gakkanaw iya wolqqan baaxetaysinne daaburays.
\b
\c 2
\p
\v 1 Ta hinttewunne Loodoqiya kataman de7iya asaas, hessadakka tana ayfen be7iboonna asa ubbaas ay mela baaxetiyakko hintte erana mela koyays. 
\v 2 Ta baaxetiya gaasoykka entti bantta wozanan minnidi, siiqon qashettidi, polo gidida kumetha akeeka duretethaa demmidi Xoossaa xuuraa Kiristtoosa erana melassa. 
\v 3 Iyan Xoossay minjjida eraynne cinccatetha ubbay de7ees.
\p
\v 4 Ta hessa oonikka hinttena cimo qaalan balethonna mela koyada gays. 
\v 5 Ta hinttefe haakkada de7ikkoka ayyaanan hinttera de7ays. Hintte duussaa maaranne Kiristtoosa hintte minnidi ammaneyssa be7ada ufayttays.
\s Kiristtoosan de7iya kumetha de7o
\p
\v 6 Hintte Godaa Kiristtoos Yesuusa ekkidayssada iyan de7ite. 
\v 7 Iyan xapho yeddite; iyan keexettite. Hintte tamaaridayssada ammanon minnite; Xoossaas kumidi palahida galataa immite.
\p
\v 8 Kiristtoosappe gidonnashin, asa woganinne ha alamiya coo wogan katida timirttiyaninne asappe yida eratethan oonikka hinttena cimi balethidi di77onna mela naagettite. 
\v 9 Xoossaa Xoossatethay Kiristtoosa asatethan kumethi de7ees. 
\v 10 Hintteka maatasinne wolqqa ubbaas huu7e gidiya Kiristtoosan kumideta.
\p
\v 11 Hintte Kiristtoosa ammanidi qaxxarettideta. Hessika asa kushen gidonnashin, hinttena iita hanotethaafe diggiya Kiristtoosan oosettida qaxxaretethi. 
\v 12 Hintte xammaqettida wode Kiristtoosara issife moogettidi, Kiristtoosa hayqoppe denthida Xoossaa wolqqaa ammanidi, Kiristtoosara issife denddideta.\x - \xo 2:12 \xo*\xt Roome 6:4\xt*\x*
\p
\v 13 Hinttee, hintte nagaraa gishonne hintte ceega asatethaa qaxxarettonna gisho hayqqidi de7ishin, Xoossay hintte nagaraa atto gis. Kiristtoosara hinttew de7o immis.\x - \xo 2:13 \xo*\xt Efe 2:1-5\xt*\x* 
\v 14 I nuna mootiyanne nuura eqettiya, nu bolla xaafettida acuwa daakkidi masqaliya bolla dhishidi ogeppe diggis.\x - \xo 2:14 \xo*\xt Efe 2:15\xt*\x* 
\v 15 Kiristtoosi wolqqatanne maatata masqaliyan xoonidi, entta ola danccuwa bilisidi, di7ettida asada entta qonccen yuushshi bessis.
\p
\v 16 Hessa gisho, miyaban woykko uyiyaban, baale gallas woykko ageeni xeeriya qammaa bonchchon oonikka hintte bolla pirddofo.\x - \xo 2:16 \xo*\xt Roome 14:1-6\xt*\x* 
\v 17 Hayssati sinthafe yaanaw de7iyabatas eesho, shin tumay Kiristtoosaa. 
\v 18 Qoodheppe qommo ashkketethaninne kiitanchcho goynnon ceeqettiya oonikka hinttena hintte woytuwappe ashshofo. Hessa mela asi ba be7ida qonccethan nashettishe ba asho qofan coo otorttees. 
\v 19 Hessa mela asaas huu7e gidida Kiristtoosara gaytethi baawa. I asatetha ubbaa shayaninne kesson keson gathi oythidi muzidi dichchees. Xoossay hessa mela ogen asatetha ubbaas dichchi immees.\x - \xo 2:19 \xo*\xt Efe 4:16\xt*\x*
\s Ooratha de7o
\p
\v 20 Hintte Kiristtoosara hayqqidi ha alamiya haariya ayyaanata wolqqaafe la77a keyideta. Yaatin, ays shaakettonna asada gididi ha wogatas haretetii? 
\v 21 He wogati, “Oykkofa; laaccofa; bochchofa” geetetteyssata. 
\v 22 Ha ubbay asa woganne timirtte gidiya gisho ooso bolla pee7idaappe guye dhayana. 
\v 23 Ha kiitati bonchchonne cinccatethi daanidi benttanaw dandda7osona. Ha wogati Xoosse daro dosisiyaba, ashkkenne hintte asatethaa haarisiyabaa daanosona, shin nu iita amotetha bolla wolqqi enttaw baawa.
\c 3
\s Ooratha de7o
\p
\v 1 Hiza, hintte Kiristtoosara hayqoppe denddidayssada, Xoossaafe ushachcha baggan uttida Kiristtoosi de7iya bessan, salon de7iyabata koyite.\x - \xo 3:1 \xo*\xt Maz 110:1\xt*\x* 
\v 2 Salon de7eyssata bolla hintte qofaa wothiteppe attin sa7an de7iyabata bolla wothofite. 
\v 3 Hintte hayqon shaakettida mela ha alamiyappe shaakettideta. Hintte de7oy Kiristtoosara issife Xoossan geemmis. 
\v 4 Hinttew de7o gidida Kiristtoosi qoncciya wode he wode hintteka iyara bonchchon qonccana.
\p
\v 5 Hessa gisho, hinttenan de7iya alame amota wodhite. Hessatikka laymatethi, tunatethi, laymatanaw amotethi, eeqa goynno mela gidida uuzetethi. 
\v 6 Hayssata gaason Xoossaa hanqoy kiitettonna asaa bolla yaana. 
\v 7 Hintteka kase he iita ogiyan biya asaa gidon de7ishe hayssata oothideta.
\p
\v 8 Ha77i hintte hessata oothofite. Qassi hanqo, ixo, kachchi, zigirssinne borsso oda hinttefe diggit. 
\v 9 Ceega asatethaa iya oosuwara hinttefe qaarida gisho, issoy issuwas worddotoppite.\x - \xo 3:9 \xo*\xt Efe 4:22\xt*\x* 
\v 10 Xoossaa medho daaniya, eratethan laamettida ooratha asatethaa ma77ite.\x - \xo 3:10 \xo*\xt Medhe 1:26; Efe 4:24\xt*\x* 
\v 11 Ha ooratha medhetethan, Girike asi woykko Ayhude asi, qaxxarettiday woykko qaxxarettonnay, Barbaare asi \f + \fr 3:11 \fr*\fq Barbaare asi: \fq*\ft Guussay tamaariboonna woykko eronna woykko yelettida mela si7i gidi de7iya asi guussu.\ft*\f* woykko Iskute asi \f + \fr 3:11 \fr*\fq Iskute asi: \fq*\ft Guusay wozana mino asi woykko wozana iita asi guussu.\ft*\f* aylley woykko womaannoy baawa. Kiristtoosi ubbaa; I ubban de7ees.
\p
\v 12 Hessa gisho, Xoossan doorettida asada geeshshatanne dosettidayssata gididi, maarotethaa, keehatethaa, ashkketethanne dandda7a ma77ite.\x - \xo 3:12-13 \xo*\xt Efe 4:2\xt*\x* 
\v 13 Issoy issuwa dandda7ite. Oonikka ba laggiyan qohettidabay de7ikko iyaw atto go. Goday hinttew atto gidayssada hintteka wolis atto giite.\x - \xo 3:13 \xo*\xt Efe 4:32\xt*\x* 
\v 14 He ubbaa bolla ubbabaa issife shiishidi qachchiya siiqo ma77ite. 
\v 15 Xoossaa hinttena issi asi oothidi xeegiday, sarotethas gidiya gisho Kiristtoosa sarotethay hintte wozanaa haaro.
\p
\v 16 Kiristtoosa qaalay hintte wozanan kumidi de7o. Cinccatetha ubban issoy issuwa tamaarssitenne zorite. Mazmuren, sabaninne ayyaana yethan Xoossaa wozanappe galatishe yexxite.\x - \xo 3:16-17 \xo*\xt Efe 5:19-20\xt*\x* 
\v 17 Xoossaa Aawa Yesuusa baggara galatishe hintte odettiyabaa woykko oothiyabaa ubbaa Godaa Yesuusa sunthan oothite.
\s Ammaniya asaa duusaa
\p
\v 18 Machcheto, ammaniyaa asaas bessiyabaa gidiya gisho, hintte azinatas haarettite.\x - \xo 3:18 \xo*\xt Efe 5:22; 1Phexi 3:1\xt*\x*
\p
\v 19 Azinatoo, hintte machcheta siiqite; enttaw iitoppite.\x - \xo 3:19 \xo*\xt Efe 5:25; 1Phexi 3:7\xt*\x*
\p
\v 20 Nayto, hinttena yelidayssatas ubbaban kiitettite; hessi Godaa ufayssiyabaa.\x - \xo 3:20 \xo*\xt Efe 6:1\xt*\x*
\p
\v 21 Aawato, hintte nayti ufayssi qanxonna mela entta camethofite.\x - \xo 3:21 \xo*\xt Efe 6:4\xt*\x*
\p
\v 22 Aylletoo, sa7an hinttew goda gididayssatas ubbaban kiitettite. Godaa bonchchishe suure wozanappe kiitettidi entta ufayssiteppe attin asi be7o gidi oothofite.\x - \xo 3:22-25 \xo*\xt Efe 6:5-8\xt*\x* 
\v 23 Hintte oothiya ooso ubbaa asas gidonnashin, Godaas oothiya mela wozanappe oothite. 
\v 24 Godaappe laata woyto oothidi hintte ekkeyssa erite; hintte Godaa Kiristtoosa haggaazeeta. 
\v 25 Xoossay asa som77o be7idi pirddonna gisho, oonikka iita ooso oothiko ba iita oosuwa gisho zaaro ekkana.\x - \xo 3:22-25 \xo*\xt Efe 6:5-8\xt*\x*
\b
\c 4
\p
\v 1 Godato, hinttewuka qassi salon Goday de7eyssa eridi, hintte aylletas xillotethaninne issuwa issuwafe shaakkonna koshshiyabaa oothite.\x - \xo 4:1 \xo*\xt Efe 6:9\xt*\x*
\p
\v 2 Xoossaa barkkidi galatishe qanxonna woossite. 
\v 3 Xoossay ba qaalas pengge dooyana melanne taani hessa gaason qashon de7iya Kiristtoosa xuuraa awaajjana mela nuuskka woossite. 
\v 4 Qassi takka besseyssada qaala qonccisada odana mela taw Xoossaa woossite.
\p
\v 5 Injjetiya wode ubbaa go7ettishe ammanonna asaa matan cinccatethan de7ite.\x - \xo 4:5 \xo*\xt Efe 5:16\xt*\x* 
\v 6 Hintte asa ubbaas koshshiya zaaro imo erana mela hintte oday ubba wode aadho keehatethan kumidayssanne maxineda mal7iyabaa gidanaw bessees.
\s Wurssetha sarotaa
\p
\v 7 Nu siiqo ishay Tikiqoosi, taara issife Godaa oosuwan aylle gidida, ammanettiya oosanchchoy, ta de7uwabaa hinttew odana.\x - \xo 4:7 \xo*\xt Ha@O 20:4; 2Ximo 4:12\xt*\x*\x - \xo 4:7-8 \xo*\xt Efe 6:21-22\xt*\x* 
\v 8 Taani iya hintteko kiittiday, nu waanidi de7iyakko hinttew odidi hinttena minthethana melassa. 
\v 9 Anasmoosi, ammanettiya siiqo ishay, hintte baggay, iyara hintteko bees. Entti hayssan haniyaba ubbaa hinttew odana.\x - \xo 4:9 \xo*\xt Filmo 10-12\xt*\x*
\p
\v 10 Taara qashettida Arisxirokoosinne Barnnabaasa ishaa na7ay Marqqoosi, hinttena saro yaagosona. Ta hinttew kase odidayssada Marqqoosi hintteko biikko iya mokkite.\x - \xo 4:10 \xo*\xt Ha@O 19:29; 27:2; Filmo 24; Ha@O 12:12, 25; 13:13; 15:37-39\xt*\x* 
\v 11 Yesuusa giya Yasxxoosi hinttena saro saro yaagees. Xoossaa kawotethaa gisho taara oothiya asata giddofe Ayhude gididayssati ha heedzata; entti tana daro minthethidosona.
\p
\v 12 Hintte baggay, Kiristtoos Yesuusa aylley, Ephphaafiri hinttena saro saro yaagees. I hintte Xoossaa sinthan minnidi eqqanaadanne Xoossaa sheniya eridi polana mela ubba wode Xoossaa hintte gisho woossees.\x - \xo 4:12 \xo*\xt Qola 1:7; Filmo 23\xt*\x* 
\v 13 I hintte gishonne Loodoqiyaninne Hirapoolisa kataman de7iya asaa gisho daro daaburidayssa ta markkattays.
\p
\v 14 Nu siiqo ishay dottorey Luuqaasinne Deemasi, hinttena saro saro yaagosona.\x - \xo 4:14 \xo*\xt 2Ximo 4:10-11; Filmo 24\xt*\x* 
\v 15 Loodoqiyan de7iya nu ishatas, Nimfaasinne I keethan shiiqiya asaas nu sarothuwa odite.
\p
\v 16 Ha dabddaabbiya hintte nabbabidaappe guye, Loodoqiya woosa keethan nabbabisite. Hintteka Loodoqiya woosa keethay hinttew yeddiya dabddaabbiya nabbabite. 
\v 17 Qassi Arkkiphphaasa, “Goday new immida oosuwa polanayssa dogoppa” yaagidi qofisite.\x - \xo 4:17 \xo*\xt Filmo 2\xt*\x*
\p
\v 18 Taani, Phawuloosi, ha sarothuwa ta kushen xaafas. Ta qashuwa qoppite.
\p Xoossaa aadho keehatethay hinttera gido.