\id 1PE - Goofa
\ide UTF-8
\h 1Phexiroosa
\toc3 1Phexi
\toc2 1Phexiroosa
\toc1 Phexiroosi Xaafida Koyro Kiitaa
\mt1 Phexiroosi Xaafida
\mt2 Koyro Kiitaa
\imt Gaatha qofaa
\ip Hawaariya Phexiroosi xaafida koyro kiitay xaafettiday, “Doorettida Xoossaa Asata” geetetti xeegettidayssatasinne Guutha Iisiyan pudeha baggan laalettida ammaniyaa asatassa. Ha kiitaa ayfe qofay ammano gaason metoynne waayey gakkida asaa minthethanaassa. Ha maxaafaa xaafey, hessa oothey, iya hayquwa, iya dendduwa, iya nam77antho yuussaa odiya Yesuus Kiristtoosa Wonggelaa qaala entta hassaysees. Yesuus Kiristtoosa de7uwa leemiso oothi xeellidi, metuwa dandda7an kanthanaada entta qofisees. Hessara gathidi, metoy entta ammanuwa geeshshatethaa paacceyssanne, “Yesuus Kiristtoosi qoncciya gallas” bessiya woyto entti ekkanaw de7eyssa hassaysees.
\ip Xaafey, entti meto dandda7ana mela minthetheyssa bolla Kiristtoosa kaalliya asati de7eyssada daana mela qofisees.
\iot 1Phexiroosa kiitaa ayfe qofata
\io1 Sarotho 1:1-2
\io1 Xoossay nuus immida atotethaa 1:3-12
\io1 Geeshshatetha duussu 1:13-2:10
\io1 Meto wode ammaniyaa asay hananaw bessiyabaa 2:11-4:19
\io1 Cimatasinne na7atethatas imettida zore 5:1-11
\io1 Kuushsha qofaa 5:12-14
\ie
\c 1
\p
\v 1 Taani, Yesuus Kiristtoosa hawaarey Phexiroosi; Phanxoosan, Galaatiyan, Qaphadooqiyan, Iisiyaninne Bitiiniyan betanchchoda laalettidi de7iya Xoossay doorida, asaas ha dabddaabbiya xaafas. 
\v 2 Yesuus Kiristtoosas hintte kiitettana melanne iya suuthan geeyana mela, Xoossaa Aaway ba kase eran dooridayssatasinne Geeshsha Ayyaanan geeyida, hinttew aadho keehatethaynne sarotethay gido.
\s Dhayonna ufayssaa
\p
\v 3 Yesuus Kiristtoosa hayqoppe denthidi ba gita maarotethan nam77antho yeletethaanne dhayonna ufayssaa immida nu Godaa Yesuus Kiristtoosa Aaway, Xoossay galatetto. 
\v 4 Qassi Xoossay hinttew dhayonna, iitonnanne buuqqonna laata salon giigisis. 
\v 5 He laatay wode wurssethan qonccanaw de7iya atotethaas Xoossaa wolqqan ammanon hinttew naagettidi de7ees.
\p
\v 6 Ha77i guutha wodes hintte dumma dumma paacen un77ettikokka hessan ufayttite. 
\v 7 He paacey hinttena gakkiday, taman yeggin dhayiya worqqafe hintte ammanoy aadhonne tuma gideyssa bessanaassa. He paacettida ammanuwan Yesuus Kiristtoosi qoncciya wode galataa, bonchchonne saba hintte ekkana. 
\v 8 Hintte Yesuusa be7ibeekketa, shin iya siiqeta. Hintte ha77i iya be7iboonnabaa gidikkoka, iya ammaneeta. Qassi odan qonccisanaw dandda7ettona ufayssaninne bonchchon kumideta. 
\v 9 Hintte ammanon naagiya hintte shemppuwa atotethaa ekkana.
\p
\v 10 Aadho keehatethaa baggara hinttew giigida ha atotethaabaa nabeti eranaw gita koshshaninne naagon koyidosona. 
\v 11 Enttan de7iya Kiristtoosa Ayyaanay iya waayabanne hessafe guye yaana bonchchuwabaa kasetidi markkattishe, awude woykko waanidi hananeekko akeekan pilggidosona. 
\v 12 Nabeti odida tinbbitey banttaw gidonnashin, hinttew gideyssa Xoossay hinttew qonccisis. Ha77i asay hinttew odida Wonggelaa saloppe kiitettida Geeshsha Ayyaana wolqqan hinttew odidosona. Kiitanchchotika hessa be7anaw amottidosona.
\s Geeshshatethan de7ite
\p
\v 13 Hessa gisho, oosos hinttena giigisite; hinttena haarite. Yesuus Kiristtoosi qoncciya wode hintte ekkana aadho keehatethaa ufayssan naagite. 
\v 14 Xoossaa naytada iyaw kiitettite; hintte kase eronna oothida iita amuwaa kaallofite. 
\v 15 Shin hinttena xeegida Xoossay geeshshi gididayssada hintteka hintte duussa ubban geeshshi gidite. 
\v 16 Geeshsha Maxaafan, “Taani geeshshi gidida gisho hintteka geeshshi gidite” geetetti xaafettis.\x - \xo 1:16 \xo*\xt Leewe 11:44-45; 19:2\xt*\x*
\p
\v 17 Asa som77o be7onna iya oosuwada pirddiya Xoossaa, “Nu Aawaw” gidi xeegiyabaa gidikko, ha sa7aa imathatetha duussaa yashshatethan de7ite. 
\v 18 Hinttee, hintte aawatappe laattida pathonna de7uwappe wozettidayssi, dhaya biran woykko worqqan gidonnayssa ereeta. 
\v 19 Borey woykko borssoy baynna dorssa suuthada al77o gidida Kiristtoosa suuthan wozettideta. 
\v 20 Xoossay alamey medhettanaappe kase Kiristtoosa dooris, shin ha wurssetha wodiyan Kiristtoosi hintte gisho qonccis. 
\v 21 Hintte ammanoynne hintte ufayssay Xoossan gidana mela iya hayqoppe denthidi, bonchchida Kiristtoosa baggara Xoossan ammaneeta.
\p
\v 22 Hintte tumatethaas kiitettidi hinttenatethaa geeshshideta. Hintte issoy issuwa wozanappe siiqeta, shin ha77ika tuma wozanappe minthidi siiqite.
\p
\v 23 Hintte nam77antho yelettiday dhayiya zerethafe gidonnashin, merinaw de7iya Xoossaa qaalan dhayonna zerethaafe yelettideta. 
\v 24 Xoossaa qaalay,
\q1 “Asi ubbay maata mela;
\q2 iya bonchcho ubbay ciishsha mela.
\q1 Maatay melees, ciishshaykka qolettees.\x - \xo 1:24-25 \xo*\xt Isa 40:6-8\xt*\x*
\q1
\v 25 Shin Godaa qaalay merinaw de7ees” yaagees. Hinttew odettida Wonggelaa qaalay hayssa.
\c 2
\s De7o shuchchinne geeshsha dere
\p
\v 1 Hiza, iitatethi ubbaa, cimo ubbaa, cubbotethi qanaatenne zigirssi ubbaa hinttefe diggite. 
\v 2-3 Goday keeha gideyssa hintte eridi meezetidayssada ha77i yelettida guutha naytada hintte atotethan diccishe baanaw Xoossaa geeshsha qaala maathaa ubba wode amottite.\x - \xo 2:2-3 \xo*\xt Maz 34:8\xt*\x*
\p
\v 4 Asan borettidi Xoossan doorettida al77o gidida de7o shuchchaa, Godaa Yesuusakko shiiqite. 
\v 5 Hintte Ayyaana keethi keexettiya de7o shuchchata. Hintte Yesuus Kiristtoosa baggara Xoossaa ufayssiya ayyaana yarshsho yarshshiya geeshsha kahineta. 
\v 6 Geeshsha Maxaafan,
\q1 “Hekko, taani Xiyoone kataman godaa xaphuwa minthiya,
\q2 doorettida, al77o shuchchaa wothas;
\q1 iyan ammaniyaa oonikka yeellatenna” yaagees.\x - \xo 2:6 \xo*\xt Isa 28:16\xt*\x* 
\v 7 Ha shuchchay hinttew ammaneyssatas al77o, shin ammanonnayssatas,
\q1 “Gimbbeyssati kadhidi ixxida shuchchay
\q2 godaa xaphuwa minthiya,
\q2 ubbaafe aadhdhiya shuchchu gidis.”\x - \xo 2:7 \xo*\xt Maz 118:22\xt*\x*
\m
\v 8 Qassika,
\q1 “Ha shuchchay asa dhubbiya shuchchaanne asa kunddisiya zaalla” yaagees. Entti hessas qaadettida gisho Xoossaa qaalaa kiitettonna ixxidi dhubettidosona.\x - \xo 2:8 \xo*\xt Isa 8:14-15\xt*\x*
\p
\v 9 Shin Xoossay dhumappe malaalisiya ba poo7uwakko hinttena xeegiday, hintte iya lo77otethaa haratas odanaw doorettida zare, kawo kahine, geeshsha derenne Xoossaa dumma dere.\x - \xo 2:9 \xo*\xt Kessa 19:5-6; Isa 43:20-21; Zaare 4:20; 7:6; 14:2; Tito 2:14; Isa 9:2\xt*\x* 
\v 10 Hintte kase Xoossaa dere gidekketa, shin ha77i hintte iya dere. Hintte kase maarotetha demmibeekketa, shin ha77i maarotetha demmideta.\x - \xo 2:10 \xo*\xt Hose 2:23\xt*\x*
\s Xoossaa aylleda de7o
\p
\v 11 Ta ishato, hintte ha sa7an imathenne betanchcho gididayssada hintte shemppuwa oliya asho amoppe haakkana mela taani hinttena woossays. 
\v 12 Ammanonna asay hinttena iita oothiya asada zigiryaa wode Xoossay nuna be7anaw yaa gallas, entti hintte lo77o oosuwa be7idi Xoossaa galatana mela hinttew lo77o de7oy de7o.
\p
\v 13 Godaa gisho gidi maatara de7iya asatas haarettite; ubbaafe bolla gidiya gisho kawuwaskka haarettite. 
\v 14 Entti iita ootheyssata seeranawunne lo77o ootheyssata sabbanw kawuwappe kiitettida gisho deriya ayseyssatas haarettite. 
\v 15 Hinttee, hintte lo77o oosuwan eronna eeya asaa doona oythanayssi Xoossaa shene. 
\v 16 Xoossaa aylle gididi la77atethan de7iteppe attin hintte la77atethaa iita oosos kama oothofite. 
\v 17 Asa ubbaa bonchchite; ammaniyaa asaa siiqite; Xoossaa yayyite; kawo bonchchite.
\s Kiristtoos waaya leemisuwa
\p
\v 18 Aylletoo lo77o godatasinne keeha godata xalaalas gidonnashin, iitaataskka bonchchon haarettite. 
\v 19 Asi Xoossaa gisho gidi bessonna waaye waayettiko Xoossay iya anjjana. 
\v 20 Shin hintte nagara oothin hinttena dechchiya wode hintte dandda7ikko hinttew ay galati de7ii? Shin lo77obaa oothidi waaye dandda7ikko Xoossay hinttena hessas anjjana. 
\v 21 Xoossay hinttena xeegiday hessa gishossa; Kiristtoosi hinttew waayettis; hintte iya kaallana mela, hinttew leemiso gidis. 
\v 22 I nagara oothibeenna; iya doonankka worddoy benttibeenna.\x - \xo 2:22 \xo*\xt Isa 53:9\xt*\x* 
\v 23 Entti iya cayaa wode, zaaridi cayibeenna. Shin waaye ekkishe xillo pirddiya Xoossaas ba pirdda aggaagisppe attin manddibeenna.\x - \xo 2:23: \xo*\xt Isa 53:7\xt*\x* 
\v 24 Nuuni nagaras hayqqidi xillotethas daana mela Kiristtoosi ba ashuwan nu nagaraa masqaliya bolla tookkis; hintte iya madunthan paxideta.\x - \xo 2:24 \xo*\xt Isa 53:5\xt*\x* 
\v 25 Kase hintte oge balidi dhayida dorssa mela, shin ha77i hintte shemppuwa heemmeyssakkonne naageyssakko simmideta.\x - \xo 2:25 \xo*\xt Isa 53:6\xt*\x*
\c 3
\s Azinabaanne machchibaa
\p
\v 1-2 Hessadakka, machcheto, hintte azinatappe Xoossaa qaalas kiitettonayssati de7ikkoka aykkoka odettonashin, hintte yashshatethaanne hintte geeshsha de7uwa be7idi ammanana mela enttaw haarettite.\x - \xo 3:1-2 \xo*\xt Efe 5:22; Qola 3:18\xt*\x* 
\v 3 Hinttee, hintte huu7e pixoninne worqqa aason woykko lo77o ma7on hintte bolla asatethaa loyson gidoppo.\x - \xo 3:3 \xo*\xt 1Ximo 2:9\xt*\x* 
\v 4 Shin hintte wozanaa giddon de7iya yegelsatethay Xoossaa sinthan hinttew daro al77o gididi dhayonna, ashkkenne woppu gida ayyaana gido. 
\v 5 Xoossay immana gidayssa ammanida geeshsha maccasati bini wode bantta azinatas haarettidi, banttana hessada daro loythidosona. 
\v 6 Hessada Saara Abrahaame, “Ta godaw” yaagada xeegashe, iyaw kiitettasu; hintteka aykkoka yayyonna lo77obaa oothiko I nayta.\x - \xo 3:6 \xo*\xt Medhe 18:12\xt*\x*
\p
\v 7 Azinatoo, hintte machcheti hinttefe daaburanchcho medheta gideyssa eridi, enttana bonchchite; hintte woosa dhubbonna mela Xoossay immida de7uwa entti hinttera issife laattiya gisho entta bonchchite.\x - \xo 3:7 \xo*\xt Efe 5:25; Qola 3:19\xt*\x*
\s Lo77o oothidi meto eko
\p
\v 8 Wurssethan, ubbay issi qofan de7ite. Issoy issuwas qadhettishe, ishatada siiqetite; qassi issoy issuwas keeheyssatanne hintte huu7iya kawushsheyssata gidite. 
\v 9 Iita gishos iita woykko cashshaa gisho cayidi zaaroppite; hessa aggidi, Xoossay hinttew anjjuwaa immanaw hinttena xeegida gisho anjjite. 
\v 10 Ays giikko, Geeshsha Maxaafay,
\q1 “De7o doseynne lo77o wode be7anaw koyey oona gidikkoka ba inxarssan iitabaanne worddo odetteyssa aggo.\x - \xo 3:10-12 \xo*\xt Maz 34:12-16\xt*\x*
\q1
\v 11 Iitabaa ootheyssa aggidi lo77obaa ootho; sarotethaakka keehi koyonne kaallo.
\q1
\v 12 Godaa ayfey xillotakko xeellees; qassi I ubba wode entta woosaa haayzees. Shin Goday iitabaa ootheyssata ba hanqo som77uwan xeellees” yaagees.
\p
\v 13 Hintte lo77obaa oothanaw amottikko hinttena qohanay oonee? 
\v 14 Hari attoshin, xillotetha gisho hintte waayettiko anjjettidayssata. Asas yayyofitenne hirggofite.\x - \xo 3:14-15 \xo*\xt Maato 5:10; Isa 8:12-13\xt*\x* 
\v 15 Kiristtoosa hintte wozanan bonchchitenne godayite. Xoossay hinttew immida ufayssaas gaaso oychchiya oodeskka zaaro immanaw ubba wode giigi uttite, shin hessa ashkketethaninne yashshatethan oothite. 
\v 16 Qassi Kiristtoosan hintte de7iya lo77o de7uwa iitabaa oothidabaada, hinttena cayaa asay zigiryaaban yeellatana mela hintte kahay geeshshi gido. 
\v 17 Xoossay gidabaa gidikko iitabaa oothida gisho waaye ekkeyssafe lo77obaa oothida gisho waaye ekkeyssi lo77o. 
\v 18 Kiristtoosi nuna Xoossaakko shiishanaw baw xillo gididi de7ishe, nagaranchchota gisho issi toho nagara ubbaas hayqqis; I ba asatethan hayqqis, shin ayyaanan paxis. 
\v 19 Qassi he ayyaanan I bidi qashon de7iya shemppotas qaala odis. 
\v 20 Nohey markkabiya keexiya wode he shemppoti Xoossaas kiitettonna ixxidosona, shin Xoossay enttana dandda7ii gam77is. Hosppun asa xalaali markkabiyan gelidi, bashsha haathaafe attidosona.\x - \xo 3:20 \xo*\xt Medhe 6:1-7:24\xt*\x* 
\v 21 He bashsha haathay ha77i hinttena ashshiya xinqqate leemiso gidis. Ha xinqqatey bolla qita meecco gidonnashin, lo77o kaha Xoossaafe ekkanaw iya woossiya oge gididi, Kiristtoosa dendduwa baggara hinttena ashshees. 
\v 22 I salo bidi Xoossaa ushachchan uttidi, kiitanchchota, maata aawatanne wolqqaamata haarees.
\c 4
\s Xoossas de7o
\p
\v 1 Hessa gisho, Kiristtoosi ba ashuwan nuus waayettida gisho hintteka he qofan hinttena danccisidi minnidi eqqite. Kiristtoosa gisho gidi ba ashuwan waaye ekkida uray nagara oothike gidi qanxida asi. 
\v 2 He uray ba attida laythan Xoossaa shene oothanaw koyeesippe attin iita asho amon deenna. 
\v 3 Kase hintte ammanonna asay de7idayssada de7ideta. Hintte iita amon, laymatethan, mathon, tunatethi denthethiya yethan, pokkiya eeqa goynnon kase de7ida duussay gidana. 
\v 4 Ammanonna asaara hintte shori baynna oosuwa oothonna gisho malaalettidi hinttena cayoosona. 
\v 5 Shin entti paxata bollanne hayqqida asaa bolla pirddanaw de7iya Xoossaas zaaro immana. 
\v 6 Hayqqida asaas Wonggelay sabbakettiday hayssa gishossa. Entti asatho bantta ashuwan pirddettana qassi bantta ayyaanan Xoossaatho de7on daana.
\p
\v 7 Hiza, ubbabaas wurssethay matattis. Hessa gisho, woossanaw dandda7ettana mela woppu gida wozani de7o; maarara de7ite. 
\v 8 Siiqoy daro nagara kammiya gisho, ubbaafe aathidi issoy issuwara wozanappe siiqetite.\x - \xo 4:8 \xo*\xt Leemi 10:12\xt*\x* 
\v 9 Zuuzummonna issoy issuwa imathatethan mokkite. 
\v 10 Hintte Xoossaafe dumma dumma aadho keehatethaa imota ekkidayssada hintte issoy issoy he imuwa bessiyada oykkidi issoy issuwa haggaazite. 
\v 11 Yesuus Kiristtoosa baggara ubbaban Xoossay galatettana mela oonikka odiyabaa gidikko Xoossaafe qaala ekkidaada odo. Qassi oonikka maaddiyabaa gidikko Xoossay iyaw immiya wolqqaada maaddo. Bonchchoynne wolqqay merinaappe merinaa gakkanaw iyaw gido. Amin7i.
\s Ammano gaason gakkiya waaya
\p
\v 12 Ta baggatoo, hintte tamada xuuggiya waaye paaciya giddora aadhdhiya wode oorathabay hanidaada malaalettofite. 
\v 13 Shin iya bonchchoy qoncciya wode hintte ufayssay gita gidana mela Kiristtoosa waayiya hintte ekkeyssan ufayttite. 
\v 14 Kiristtoosa sunthaa gisho asi hinttena cayaa wode, Xoossaa bonchcho Ayyaanay hintte bolla shemppiya gisho hintte anjjettidayssata. 
\v 15 Hinttefe waaye ekkiya oonikka shemppo wodhidaada woykko kaysotidaada woykko iita oothidaada woykko gelssonnaban gelidaada hanidi waayettofo. 
\v 16 Gidoshin, ammano gisho waayettiko Kiristtoosa sunthaa gisho Xoossaa galatoppe attin yeellatoppo.
\p
\v 17 Pirddi Xoossaa asaa bolla doomettiya wodey gakkis. Hiza, he pirdday koyro nu bolla doomiyabaa gidikko, Xoossaa Wonggelaas Kiitettonna asaa wurssethay ay gidanee? 
\v 18 Xilloy un77an attiyaabaa gidikko, makkalanchchoynne nagaranchchoy yaatin waananee?\x - \xo 4:18 \xo*\xt Leemi 11:31\xt*\x* 
\v 19 Hessa gisho, Xoossaa sheneda waaye ekkeyssati bantta shemppuwa hadaraa banttana medhdhida, ammanthiya Xoossaas immishe lo77obaa ootho.
\c 5
\s Cimatasinne yalagatas imettida zore
\p
\v 1 Hiza, woosa keethaa cimatara cima gididayssi, Kiristtoosa waayiya markkatteysinne qonccanaw de7iya bonchchuwa shaakettanaw de7iya taani, hintte giddon de7iya cimata zorays. 
\v 2 Hintte aawatethaafe garssan de7iya Xoossaa wudiya heemmite. Xoossay koyeyssada dosanaappe attin un77ettidi heemmofite. Qassi miishe koshshan gidonnashin, haggaazanaw de7iya lo77o qofan heemmite.\x - \xo 5:2 \xo*\xt Yoha 21:15-17\xt*\x* 
\v 3 Hintte aawatethaafe garssan de7iya wudiyas leemiso giditeppe attin godatoppite. 
\v 4 Heemmeyssata halaqay qoncciya wode qolettonna bonchcho kallachcha hintte ekkana.
\p
\v 5 Hessadakka, yalagato, cimatas haarettite. Hintte issoy issuwas ashkke gidite. Geeshsha Maxaafan, “Xoossay otoranchchota ixxees, shin ashkketas aadho keehatethaa immees” yaagees.\x - \xo 5:5 \xo*\xt Leemi 3:34\xt*\x* 
\v 6 Xoossay ba wode hinttena bonchchana mela wolqqaama Xoossaa kusheppe garssan hinttena kawushshite.\x - \xo 5:6 \xo*\xt Maato 23:12; Luuqa 14:11; 18:14\xt*\x* 
\v 7 I hinttew qoppiya gisho hinttena hirggisiya ubbaa iya bolla yeggite.
\p
\v 8 Hintte morkkey Xalahey, mittiyabaa koyidi, gaammoda gudishe hintte matara yuuya gisho hinttena haaritenne barkkite. 
\v 9 Alamen de7iya hintte ishati hessada waaye ekkeyssa eridi, ammanon minnidi, Xalahiyara eqettite. 
\v 10 Ba merinaa bonchchuwas Kiristtoos Yesuusa baggara hinttena xeegida aadho keehatetha ubbaa Xoossay, guutha wodes hintte waayettidappe guye, I ba huu7en hinttena shiishana, katisana, minthidi essana, xaalisana. 
\v 11 Merinaappe merinaa gakkanaw Xoossay kawoto. Amin7i.
\s Wurssetha sarotho
\p
\v 12 Ammanettida ishaa gada ta ekkiya Sillaase baggara ha dabddaabbiya hinttew qanthan xaafas. Ta hessa hinttew xaafiday, hinttena zoranawunne Xoossaa aadho keehatethay tuma gideyssa markkattanaassa. He aadho keehatethan minnidi eqqite.\x - \xo 5:12 \xo*\xt Ha@O 15:22, 40\xt*\x*
\p
\v 13 Hinttera issife doorettida Baabiloonen \f + \fr 5:13 \fr*\fq Baabiloonen: \fq*\ft Ha bessan Babiloone geetettiday Roome katama gidonna aggenna.\ft*\f* de7iya woosa keetha asaynne ta na7aa Marqqoosi hinttena, “Saro saro” yaagees.\x - \xo 5:13 \xo*\xt Ha@O 12:12, 25; 13:13; 15:37-39; Qola 4:10; Filmo 24\xt*\x* 
\v 14 Siiqo yeeretetha yeerettishe, issoy issuwa sarothite.
\p Kiristtoosan de7iya hintte ubbaas saroy gido. Amin7i.