\id 1CO - Goofa
\ide UTF-8
\h 1Qoronttoosa
\toc3 1Qoro
\toc2 1Qoronttoosa
\toc1 Phawuloosi Qoronttoosa Asaas Xaafida Koyro Kiitaa
\mt1 Phawuloosi Qoronttoosa Asaas
\mt2 Xaafida Koyro Kiitaa
\imt Gaatha Qofaa
\ip Phawuloosi Qoronttoosa asaas xaafida koyro kiitay xaafettiday, Phawuloosi Qoronttoosan essida woosa keethan ammaniyaa asaa de7oninne ammano bolla denddida metuwas zaaro immanaassa. He wode Qoronttoosa katamay biittan de7iya dumma dumma asay de7iya Girike katamanne Akkaya giya Roome awurajjaas waanna katama. He katamay zal77en erettida, wogan minnida, dumma dumma iita de7on dalggidayssanne haymaanote darotethan erettidayssa.
\ip Hawaarey minthidi odanaw koyiday, he woosa keethaa giddon medhettida shaahotethabaa, dumma dumma iita de7obaa, laymatethabaa, eko gelobaa, woosa keethaa wogabaa, Geeshsha Ayyaana imotatabaanne hayqoppe denddobaa. Wonggelay ha oyshata waati zaariyakko hawaarey naagidi odees.
\ip Siiqoy Xoossay ba asaas immida aadho imota gideyssa shemppo tammanne heedzay qonccisees; qassi shemppo tammanne heedzay ha maxaafan daro erettida kifile geetettidi erettees.
\iot 1Qoronttoosa kiitaa ayfe qofata
\io1 Gelo qofaa 1:1-9
\io1 Ammaniya asaa giddon medhettida shaaketethaa 1:9-4:21
\io1 Laymatethinne soo asaa de7o wogaa 5:1-7:40
\io1 Ammaniya asaanne ammanonna asaa 8:1-11:1
\io1 Woosa keethinne goynno wogaa 11:2-14:40
\io1 Kiristtoosa dendduwanne ammaniyaa asaa dendduwa 15:1-58
\io1 Yihudan de7iya metootettida ammaniyaa asaas maado 16:1-4
\io1 Kuushsha qofaa 16:5-24
\ie
\c 1
\p
\v 1 Xoossaa sheniyan Yesuus Kiristtoosa hawaare gidanaw xeegettida Phawuloosinne, nu ishaa Sostenisi, 
\v 2 Qoronttoosan de7iya Xoossaa woosa keethaas, Yesuus Kiristtoosan geeyidayssatasinne geeshshi gidana mela xeegettidayssatas; qassi enttasinne nuus Goda gidiya nu Godaa Yesuus Kiristtoosa sunthaa ubba bessan xeegiya ubbaas;\x - \xo 1:2 \xo*\xt Ha@O 18:1\xt*\x*
\p
\v 3 Xoossay, nu Aawaynne Goday Yesuus Kiristtoosi hinttew aadho keehatethaanne sarotethaa immo.
\s Phawuloosi Xoossaa galatees
\p
\v 4 Xoossay Kiristtoos Yesuusa baggara hinttew immida aadho keehatethaa gisho, taani ubba wode Xoossaa galatays. 
\v 5 Iyan odaninne eratetha ubban hintte durettideta. 
\v 6 Taani Kiristtoosabaa markkattidayssi tuma gideyssa hessi qonccisees. 
\v 7 Hessa gisho, hintte nu Godaa Yesuus Kiristtoosa yuussaa naagishe de7ishin, ay ayyaana imoykka hinttew paccenna. 
\v 8 Nu Godaa Yesuus Kiristtoosi simmiya wode hintte borettonnayssata gidana mela I wurssethi gakkanaw hinttena miinthana. 
\v 9 Ba Na7aa, nu Godaa Yesuus Kiristtoosara issifetethay daana mela hinttena xeegida Xoossay ammanettidayssa.
\s Woosa keethan de7iya shaahuwa
\p
\v 10 Ta ishato, hintte gidon shaaketethi doonnaada hintte issi wozananinne issi qofan issino gididi, daana mela nu Godaa Yesuus Kiristtoosa sunthan ta hinttena woossays. 
\v 11 Ta ishato, Qelo7e soo asay hintte giddon ooshshi de7eyssa taw odidosona. 
\v 12 Hinttefe issoti issoti, “Taani Phawuloosassa; taani Aphiloosassa; taani Phexiroosassa; taani Kiristtoosassa” yaageeta.\x - \xo 1:12 \xo*\xt Ha@O 18:24\xt*\x* 
\v 13 Kiristtoosi shaakettideyye? Hintte gisho, masqaliya bolla kaqettiday Phawulooseyye? Woykko hintte Phawuloosa sunthan xammaqettidetiyye?
\p
\v 14 Taani Qarisphoosinne Gaayoosi attin hinttefe oonakka xammaqaboonna gisho, Xoossaa galatays.\x - \xo 1:14 \xo*\xt Ha@O 18:8; Ha@O 19:29; Roome 16:23\xt*\x* 
\v 15 Hessa gisho, oonikka hinttena ta sunthan xammaqettideta gaanaw dandda7enna. [ 
\v 16 Qassi Isxifaanose soo asaakka ta xammaqidayssa akeekays, shin haraa oona xammaqidaakko hassayikke.] \x - \xo 1:16 \xo*\xt 1Qoro 16:15\xt*\x* 
\v 17 Kiristtoosi tana kiittiday Wonggelaa odana melassafe attin xammaqana mela gidenna. Kiristtoosi masqaliya bolla hayqqidayssi hada gidonna mela taani asa cinccatetha qaalan odikke.
\s Kiristtoosi Xoossaa wolqqaanne cinccatethaa
\p
\v 18 Kiristtoosi masqaliya bolla hayqqidayssa odiya qaalay dhayeyssatas eeyatethi, shin nuus atteyssatas Xoossaa wolqqaa. 
\v 19 Geeshsha Maxaafan,
\q1 “Taani cinccata cinccatethaa dhayssana;
\q2 akeekanchchota akeekaa balethana”
\m yaagees.\x - \xo 1:19 \xo*\xt Isa 29:14\xt*\x*
\p
\v 20 Yaatin, cincci awun de7ii? Higge asttamaarey awun de7ii? Woykko ha sa7aa eranchchoy awun de7ii? Xoossay ha sa7aa cinccatethaa eeyatethi oothibeennee?\x - \xo 1:20 \xo*\xt Iyo 12:17; Isa 19:12; 33:18; 44:25\xt*\x*
\p
\v 21 Ha sa7aa asay bantta cinccatethan Xoossaa eronna mela ba cinccatethan diggidi, eeyatethan taybettiya, nuuni odiya qaalan ammaneyssata ashshanaw Xoossaa shene gidis. 
\v 22 Ayhudeti malaata be7anaw koyoosona; qassi Giriketi cinccatethi koyoosona. 
\v 23 Shin nuuni masqale bolla kaqettida Kiristtoosa sabbakoos. Hessi Ayhudatas dhube; qassi Giriketas eeyatethi. 
\v 24 Shin Xoossay xeegidayssatas, Ayhude gidin, Girike gidin Kiristtoosi Xoossaa wolqqaanne iya cinccatethaa. 
\v 25 Xoossaa eeyatethay asa cinccatethafe aadhdhees; qassi Xoossaa daaburay asa minotethafe minnees.
\p
\v 26 Hiza, ta ishato, Xoossay hinttena xeegiya wode hintte ay mela aseekko qoppite. Asa qofan hintte giddon cinccati, wolqqaamatinne dhoqqa zareti dookkona. 
\v 27 Shin Xoossay cinccata yeellayanaw alamen de7iya eeyata dooris; qassi minota yeellayanaw alamen de7iya daaburanchchota dooris. 
\v 28 Xoossay ha alamiyan gita geetettidabaa dhayssanaw, ha sa7aa kawushshabaa, kadhettidabaanne pathonnabaa dooris. 
\v 29 Oonikka Xoossaa sinthan ceeqqettonna mela hessa oothis. 
\v 30 Shin Xoossay hinttew Kiristtoos Yesuusara issifetethi daana mela oothis. I nuus Xoossaafe cinccatethi, xillotethi, geeshshatethinne atotethi gidis. 
\v 31 Hessa gisho, Geeshsha Maxaafan, “Ceeqettiya oonikka Godan ceeqqo” yaagees.\x - \xo 1:31 \xo*\xt Er 9:24\xt*\x*
\c 2
\s Kiristtoosa kaqetethaa
\p
\v 1 Ta ishato, taani koyro Xoossaa qaala hinttew odashe yida wode, doona bilatethaninne cinccatethan yabiikke. 
\v 2 Taani hinttera de7iya wode masqaliya bolla kaqettida Yesuus Kiristtoosappe attin harabaa eranaw koyikke gada ta qofa qachchas. 
\v 3 Ta hinttera de7iya wode daaburan, yashshaninne daro kokkorssan de7as.\x - \xo 2:3 \xo*\xt Ha@O 18:9\xt*\x* 
\v 4 Ta kiitaynne ta timirttey doona bilatethaninne cinccatethan gidonnashin, Geeshsha Ayyaana wolqqaa qonccisethaana. 
\v 5 Hessika, hintte ammanoy Xoossaa wolqqaanappe attin asa cinccatethan zempponna melassa.
\s Xoossaa cinccatethaa
\p
\v 6 Ayyaanan de7on diccidayssatas nuuni cinccatethaa qaalan odoos. Shin he cinccatethay, ha sa7aa cinccatethaa woykko dhayanaw de7iya ha sa7aa haareyssata cinccatethaa gidenna. 
\v 7 Shin nuuni odiya cinccetethay, daro wodeppe sinthe Xoossay nu bonchchuwas giigisidayssanne geemmidi de7iya xuura cinccatethaa. 
\v 8 Ha sa7aa haareyssatappe oonikka ha cinccatethaa eribeenna. Entti eridabaa gidiyakko, bonchcho Godaa masqaliya bolla kaqqokona. 
\v 9 Shin Geeshsha Maxaafan,
\q1 “Ayfey be7iboonnabaa,
\q1 haythi si7iboonnabaa,
\q1 wozani qoppiboonabaa,
\q2 Xoossay bana siiqeyssatas giigisis” yaagees.\x - \xo 2:9 \xo*\xt Isa 64:4\xt*\x*
\m
\v 10 Xoossay ba xuuraa ba Ayyaana baggara nuus qonccisis. Geeshsha Ayyaanay hari attoshin geemmida Xoossaa xuura ubbaa pilggees. 
\v 11 Asan de7iya asa ayyaanaappe attin asabaa oonikka erenna. Hessadakka, Xoossabaa Xoossaa Ayyaanaappe attin oonikka erenna. 
\v 12 Xoossay nuus coo immidabaa nu erana mela Xoossaa Ayyaanaa ekkidappe attin ha sa7aa ayyaana ekkibookko.
\p
\v 13 Nuuni ayyaanabaa, ayyaana asatas asa cinccatethan gidonnashin, Xoossaa Ayyaanay immiya cinccatethan tamaarssos. 
\v 14 Shin Geeshsha Ayyaanay baynna asi Xoossaa Ayyaana imotata ekkenna. Hessi iyaw eeyatethi; ubbay Geeshsha Ayyaanan pilggettiya gisho, I eranaw dandda7enna. 
\v 15 Shin Geeshsha Ayyaani de7iya asi ubbabaa pilggees, shin iya oonikka pilggenna. 
\v 16 Geeshsha Maxaafan,
\q1 “Godaa wozanaa erey oonee?
\q2 Iya zoranaw dandda7ey oonee?”
\m geetettidi xaafettidayssa mela. Shin nuus Kiristtoosa wozani de7ees.\x - \xo 2:16 \xo*\xt Isa 40:13\xt*\x*
\c 3
\s Xoossaa oosanchchota
\p
\v 1 Ta ishato, hintte Kiristtoosan buroo yooganne ammanonna asaatho de7iya gisho, taani ayyaanabaa hinttew odanaw dandda7abiikke. 
\v 2 Hintte mino kathi maanaw dandda7iboonna gisho, taani hinttena maathi paahas; ha77ika dandda7ibeekketa.\x - \xo 3:2 \xo*\xt Ib 5:12-13\xt*\x* 
\v 3 Ha77ika hintte ammanonna asada de7eeta. Hintte giddon de7iya qanaateynne palamay hintte ammanonna asada de7eyssa erisenne? Hintte ammanonna asada haneeta. 
\v 4 Hinttefe issoy, “Taani Phawuloosassa” haray qassi, “Taani Aphiloosassa” giikko, ammanonna asa mela gidekketii?\x - \xo 3:4 \xo*\xt 1Qoro 1:12\xt*\x*
\p
\v 5 Yaatin, Aphiloosi oonee? Phawuloosi oonee? Nuuni hinttena ammanthida Xoossaa oosaanchchota. Xoossay issuwas issuwas immida oosuwa mela oothiya oosanchchota gidokkonaayye? 
\v 6 Ta tokkas; Aphiloosi haathe ushshis, shin dichchey Xoossaa.\x - \xo 3:6 \xo*\xt Ha@O 18:4-11, 24-28\xt*\x* 
\v 7 Hessa gisho, dichchida Xoossaafe attin tokkayka haathe ushsheyka aykkoka gidenna. 
\v 8 Tokkeynne haathe ushshey woli mela, shin issoy issoy ba oosuwa mela Xoossay immiya woytuwa ekkana. 
\v 9 Nuuni issife Xoossaas oothiya iya oosanchchota gidiya gisho, hintte Xoossaa shooqa; Xoossaa keethi. 
\v 10 Xoossay taw immida aadho keehatethaa mela hiillanchcho anaaxeda baasuwa yeggas. Hara uray iya bolla keexes. Shin iya bolla keexiya oonikka waattidi keexiyako, baw naagetto. 
\v 11 Issi toho yegettida baasuwappe hara baaso yegganaw oonikka dandda7enna. He baasoykka Yesuus Kiristtoosa. 
\v 12 Shin ha baasuwa bolla oonikka worqqan woykko biran gidin, al77o shuchchan woykko mithan gidin, maatan woykko maqan keexiko, 
\v 13 issi issi asi he baasuwa bolla aybin keexidaakko pirdda gallas taman paacettidi qonccana. 
\v 14 Oonikka he baasuwa bolla keexida keethay taman xuugettonna attiko, ba woytuwa ekkana. 
\v 15 Shin oode oosoykka taman xuugetiko, he uraas woytoy baawa. Gidoshin, I ba huu7en tamappe kessi ekkida asada attana.
\p
\v 16 Hintte Xoossaa keethi gideyssanne Xoossaa Ayyaanay hinttenan de7eyssa erekketii?\x - \xo 3:16 \xo*\xt 1Qoro 6:19; 2Qoro 6:16\xt*\x* 
\v 17 Oonikka Xoossaa keethi laallikko, Xoossaykka iya laallana. Xoossaa keethay geeshshi; he keethayka hinttena.
\p
\v 18 Oonikka bana cimmofo. Ha sa7aa cinccatethan bana cincca oothidi ekkiya oonikka Xoossaa sinthan cincca gidanaw eeya gido. 
\v 19 Ha sa7aa cinccatethay Xoossaa sinthan eeyatethi. Geeshsha Maxaafan,
\q1 “Xoossay cinccata entta gene qofan oykkees” yaagees.\x - \xo 3:19 \xo*\xt Iyo 5:13\xt*\x*
\q1
\v 20 Qassi, “Cinccata qofay maaddonnabaa gideyssa Goday erees” yaagees.\x - \xo 3:20 \xo*\xt Maz 94:11\xt*\x*
\p
\v 21 Hessa gisho, ubbay hinttessa gidiya gisho, oonikka asan ceeqettofo. 
\v 22 Phawuloosi, Aphiloosinne Phexiroosi, ha alamey, de7oy, hayqoy, ha77i de7ey, sinthafe yaanayssi, ubbay hinttessa. 
\v 23 Hintte Kiristtoosassa; Kiristtoosikka Xoossassa.
\c 4
\s Kiristtoosa hawaareta
\p
\v 1 Asay nuna Kiristtoosa aylledanne Xoossaa xuuraa qonccisanaw hadari imettida asada oothidi qoppo. 
\v 2 He hadaraa ekkida asati bantta Godaas ammanettidayssata gidanaw bessees. 
\v 3 Shin hintte woykko haray tana pirddiko, taw aykkoka gidenna. Haray atto, takka ta bolla pirddike. 
\v 4 Ta kahay geeshshi, shin hessi ta polo xillo gideyssa bessenna. Ta bolla pirddanay Godaa xalaala. 
\v 5 Hessa gisho, wodey gakkonna, Goday yoonna oode bollaka pirddofite. I dhuman geemmidabaa poo7o kessenna; asa wozanan qosettida qofa qonccisana. He wode, issoy issoy Xoossaafe galataa ekkana.
\p
\v 6 Ta ishato, hintte gisho, Aphiloosanne tana leemiso oothada hinttew odas. Hessa ta oothiday, “Xaafettidayssafe aadhdhofa” yaagiya zoriya hintte nuuppe tamaarana melassa. Hessa gisho, oonikka issuwa sabbidi hankkuwa kadhanaw bessenna. 
\v 7 Ne haratappe aybin aadhdhay? Neeni ekkaboonnabay aybi de7ii? Yaatin, neeni ekkidabaa hara asappe ekkida gidikko, ekkiboonna asada ays ceqettay?
\p
\v 8 Ha77i hintte kallideta. Ha77i hintte durettideta. Nuuni baynna hintte xalaala kawotideta. Hintte tuma kawotidabaa gidiyakko, nukka hinttera kawotanashin. 
\v 9 Xoossay nuna hawaareta, hayqo pirddettida asada asa ubbaafe nuna guye aathida taw daanees. Nuuni ha alamiyas, kiitanchchotasinne asaas kaassaba gidida.
\p
\v 10 Nuuni Kiristtoosa gisho eeya gidida, shin hintte Kiristtoosan cinccata gidideta. Nuuni daaburanchcho, shin hintte mino gidideta. Hintte bonchchettideta, shin nuuni tooshettida. 
\v 11 Ha77i gakkanaw nu koshattoos, saamottoos, kallottoos, wadhettoos; daana soo dhayidi toylattoos. 
\v 12 Nuuni nu kushen oothi aqoos. Nuna asi baaddiya wode anjjoos; nuna gooddiya wode dandda7os.\x - \xo 4:12 \xo*\xt Ha@O 18:3\xt*\x* 
\v 13 Nu bolla iitabaa odettiya wode lo77o qaala zaaroos. Nu ha77i gakkanaw ha alamiya pitonne wora yegettiya buure gidida.
\p
\v 14 Taani hessa xaafiday, ta siiqiya naytada, hinttena zoranaw xaafasippe attin yeellayanaw gidenna. 
\v 15 Kiristtoosan hinttena dichchiya tayboppe bolla gidida kaaletheyssati de7ikkoka, hinttew issi aawu de7ees. Ta hinttena Kiristtoos Yesuusa Wonggelaan yelas. 
\v 16 Hiza, hintte tana leemiso oothidi kaallana mela hinttena woossays.\x - \xo 4:16 \xo*\xt 1Qoro 11:1; Fil 3:17\xt*\x* 
\v 17 Hessa gisho, ammanettida, ta siiqiya, Godan ta na7aa, Ximotiyoosa hintteko kiittas. I dumma dumma bessan de7iya woosa keethan ta tamaarssida, Kiristtoosa Yesuusan de7iya ta ogiya hinttena hassayisana.
\p
\v 18 Taani hintteko yoonnabaa daanin, otoriya issi issi asati de7oosona. 
\v 19 Shin Goday giikko, mata wode taani hintteko baana. He wode otoranchchota odaa xalaala gidonnashin, entta wolqqaaka erana. 
\v 20 Xoossaa kawotethay oda gidonnashin, wolqqaa. 
\v 21 Taani hintteko xam77ara booyye woykko siiqoranne ashkke ayyaanara bo? Awussa dooreti?
\c 5
\s Ammaniya asa giddon de7iya yeellayiya ooso
\p
\v 1 Hintte giddon laymatethi de7eyssi zigirettees. Hessa mela laymatethi hari attoshin, ammanonna asaykka oothokona. Hintte giddon ba aawa machcheera tunida asi de7ees.\x - \xo 5:1 \xo*\xt Zaare 22:30\xt*\x* 
\v 2 Hessan hintte qiirottanawunne yeellatanaw bessennee shin, otorttideta. Hessa mela borssobaa oothida uraa hintte giddofe kessanaw bessennee?
\p
\v 3 Taani ashon hinttera doona ixxikokka ayyaanan ta hinttera de7ays. Taani hinttera de7iya asada hanada hessa mela oosuwa oothida uraa bolla pirddas. 
\v 4 Nu Godaa Yesuus Kiristtoosa sunthan hintte shiiqiya wode taani ayyaanan hinttera daana. Hessan Godaa Yesuus Kiristtoosa wolqqay hinttera gidana. 
\v 5 He uraa nagara ashoy \f + \fr 5:5 \fr*\fq nagara ashoy: \fq*\ft nagara medhoy woykko nagara asatethay.\ft*\f* dhayidi, iya ayyaanay Godaa Yesuusa pirdda gallasan attana mela I Xalahes aadhdhi imetto.
\p
\v 6 Hintte ceeqoy lo77o gidenna. Guutha irshshoy munuqa ubbaa dentheyssa erekketiyye?\x - \xo 5:6 \xo*\xt Gala 5:9\xt*\x* 
\v 7 Hintte ha77i irshshoy baynna munuqa gidana mela, nagara irshshuwaa hinttefe kessite. Nu Faasika dorssaa gidida Kiristtoosi yarshshettis.\x - \xo 5:7 \xo*\xt Kessa 12:5\xt*\x* 
\v 8 Hessi gisho, geneynne iitatethi de7iya irshshuwaara gidonnashin, tumatethinne geeshshatethi de7iya uythara nu baaliya bonchchoos.\x - \xo 5:8 \xo*\xt Kessa 13:7; Zaare 16:3\xt*\x*
\p
\v 9 Ta kase xaafida dabddaabbiyan hintte laymatiya asaara gayttonna mela hinttew odas. 
\v 10 Hessa guussay ha alamiyan de7iya laymateyssatara woykko uuzetara woykko kaysotara woykko eeqa goynneyssatara polo gayttofite guussu gidenna. Hessa gidikko, ha alamiyappe hintte keyanaw bessees shin attis. 
\v 11 Shin ammanays yaagishe laymateyssatara woykko uuzetara woykko eeqa goynneyssatara woykko cayeyssatara woykko mathotteyssatara woykko kaysotara gayttofite gada hinttew odays. Hessa mela asara hari attoshin, kathika mooppite.
\p
\v 12 Woosa keethafe karera de7eyssata bolla pirddanaw tana aybe gathey? Woosa keethan de7eyssata bolla hintte pirddeketiyye? 
\v 13 Shin karera de7eyssata bolla Xoossay pirddana. He iitabaa oothiya uraa hintte giddofe kessite.\x - \xo 5:13 \xo*\xt Zaare 13:5; 17:7\xt*\x*
\c 6
\s Ammaniya asaa giddon de7iya mooto
\p
\v 1 Hintte giddofe issoy issuwara mootoy de7ikko, hessa ammaniyaa asaa sinthan pirddettanayssa aggidi ammanonna asa sinthan pirddettanaw waanidi bii? 
\v 2 Geeshshati alamiya bolla pirddanayssa hintte erekketii? Yaatin, hintte alamiya bolla pirddiyabaa gidikko, hayssa mela guuthabaa pirddanaw waanidi dandda7ekketii? 
\v 3 Nuuni kiitanchchota bolla pirddanayssa erekketii? Yaatin, ha sa7a duussabaa bolla pirddanayssi hinttena waanidi xoonii? 
\v 4 Yaatin, hessa mela metoy hintte giddon Medhettiko, woosa keetha ayfen kadhettida asaa sinthan pirddettanaw waati efeetii? 
\v 5 Taani hinttena yeellayanaw hessa gays. Hintte giddon kaccettida asata sigethanaw dandda7iya akeeka asi baawe? 
\v 6 Yaatin, issi ammaneyssi hankko ammaneyssa pirdda keethan ammanonna asaa sinthan mootanaw bessii?
\p
\v 7 Hiza, hintte issoy issuwa mootiyabaa gidikko hessi hintte kunddethaa bessees. Hessafe hintte qohettikonne cimettiko keehenne? 
\v 8 Shin hintte woli giddon ammaneyssati issoy issuwa qoheetanne cimmeeta.
\p
\v 9 Geellati Xoossaa kawotethaa laattonayssa hintte erekketii? Hinttena cimmofite; laymateyssati woykko eeqa goynneyssati woykko qayxeyssati woykko addera addera gaytteyssati, 
\v 10 woykko kaysoti woykko uuzeti woykko mathotteyssati woykko cayeyssati woykko bonqeyssati Xoossaa kawotethaa laattokona. 
\v 11 Hinttefe issi issi asati kase hessa mela. Shin hintte ha77i Godaa Yesuus Kiristtoosa sunthaaninne Xoossaa Ayyaanan meecettideta; geeyideta; xillideta.
\s Hintte asatethan Xoossaa bonchchite
\p
\v 12 Hintte, “Nu koyidabaa oothanaw dandda7os” yaageta. Shin ubbay hinttena maaddenna. Taani koyidabaa ubbaa oothanaw dandda7ays, shin aybikka tana haarenna.\x - \xo 6:12 \xo*\xt 1Qoro 10:23\xt*\x* 
\v 13 Hintte, “Kathi ulossa; uloykka kathassa” yaageta. Shin Xoossay uluwaka kathaaka dhayssanayssa ta hinttew odays. Nu asatethay Godaassafe attin laymatethassa gidenna. Godaykka nu asatethaassa. 
\v 14 Xoossay Godaa hayqoppe denthidayssada, nunakka hayqoppe ba wolqqan denthana.
\p
\v 15 Hintte asatethay Kiristtoosa asatethaafe baggaa gideyssa erekketii? Yaatin, taani Kiristtoosa asatethaafe baggaa efada laymatetha bolla gidana mela ootho? Hanenna! 
\v 16 Laymatiya uray i gayttiya aseera issi asatethi gideyssa erekketii? Geeshsha Maxaafan, “Entti nam77ay issi bolla gidana” geetettidi xaafettis.\x - \xo 6:16 \xo*\xt Medhe 2:24\xt*\x* 
\v 17 Shin Godaara issifiya uray iyara ayyaanan issino gidees.
\p
\v 18 Laymatethafe haakkite. Issi uray oothiya hara nagaray iya asatethaafe karera oosettees, shin laymatiya asi ba asatethaa bolla nagara oothees. 
\v 19 Hintte asatethay Xoossay hinttew immida hinttenan de7iya Geeshsha Ayyaana keethi gideyssa erekketii? Hintte hinttebaa gidekketa.\x - \xo 6:19 \xo*\xt 1Qoro 3:16; 2Qoro 6:16\xt*\x* 
\v 20 Xoossay hinttena gaten shammis. Hessa gisho, hintte asatethan Xoossaa bonchchite.
\c 7
\s Eko gelobaa
\p
\v 1 Hintte taw xaafida dabddaabbiyas zaaroy hayssa. Issi asi machchonna de7ikko lo77o. 
\v 2 Shin laymatethafe attanaw issi issi addey machcho ekko; qassi issi issi maccasas azini de7o.
\p
\v 3 Azinay ba machchees, qassi machchiya ba azinaas bessiyabaa kuntho. 
\v 4 Machchees ba asatethaa bolla iw maati baawa, shin maatay I azinaassa. Hessadakka, azinaas iya asatethaa bolla maati baawa, shin maatay machcheessa. 
\v 5 Hintte woosan guutha wode gam77anaw zoretethan gidonna ixxiko, issoy issuwa diggofite. Hessa gaason hinttenatethaa haaranaw xoonettin, Xalahey hinttena paacconna mela issife de7ite. 
\v 6 Shin taani hinttena zoranaw hayssa gaysippe attin kiita gidenna. 
\v 7 Asi ubbay taada machcho ekkonna de7iyakko dosays, shin Xoossay issuwas issuwas immida dumma imoti de7ees. Issuwas hayssa mela hankkuwas hessa mela imoti de7ees.
\p
\v 8 Machcho ekkiboonnayssatasinne azina geliboonnayssatas qassi am77etas taani gey, taada ekkonna woykko gelonna de7ite gada zorays. 
\v 9 Shin amon xuugetteyssafe ekkeysinne geleyssi lo77o gidiya gisho, entti banttana haaranaw dandda7onna ixxiko, ekkonne gelo.
\p
\v 10 Taani ekkidayssatanne gelidayssata hayssada gada zorays; tana gidikke Goday kiittees; machchiya ba azinaappe shaakettofo.\x - \xo 7:10-11 \xo*\xt Maato 5:32; 19:9; Mar 10:11-12; Luuqa 16:18\xt*\x* 
\v 11 Shin shaakettiko hara azina gelonna barkka de7o woykko ba azinaara giigo. Azinay ba machchiw billofo.
\p
\v 12 Shin haratas Godaa gidonnashin, taani hayssada gays. Ammanonna machcha de7iya ammaniyaa azini de7ikko, iya machchiya iyara issife daanaw koykko iyo billofo. 
\v 13 Qassi ammanonna azini de7iya ammaniyaa machchaa de7ikko, I azinay iira issife daanaw koykko iyappe bilettofo. 
\v 14 Ammanonna azinay ba ammaniyaa machche baggara geeyees; qassi ammanonna machchiya ba ammaniyaa azina baggara geeyawusu. Hessi baynneeko, hintte nayti tuna gidoosona, shin ha77i entti geeshshi. 
\v 15 Shin ammanonna azinay woykko machchiya billanaw koykko billo. Ammaniya machchiya woykko azinay hessa melaban qashettokona. Xoossay nuna sarotethan daana mela xeegis. 
\v 16 Ammaniya machchete, neeni ammanonna ne azinaa ashshaneekko ay eray? Woykko ammaniyaa azinaw, neeni ammanonna ne machchiw ashshaneekko ay eray?
\s Xoossay hinttena xeegidayssada de7ite
\p
\v 17 Issi issi asi Goday iyaw immida imotaadanne Xoossay iya xeegidayssada de7o. Woosa keetha ubban taani tamaarssida wogay hayssa. 
\v 18 Oonikka qaxxarettidi ammanidabaa gidikko, qaxxarettonaada hanoppo. Qaxxarettonna ammanida oonikka de7ikko, qaxxarettanaw koyoppo. 
\v 19 Xoossa kiitaa polanaw besseesppe attin qaxxarettin qaxxarettonna aggin aykkoka maaddenna.
\p
\v 20 Issi issi asi Xoossay bana xeegiya wode de7eyssada de7o. 
\v 21 Xoossay nena xeegiya wode neeni aylle? Aykkoy baawa hessas un77ettofa. Shin neeni aylletethafe la77a keyanaw dandda7ikko yeda keya. 
\v 22 Aylle gidi de7ishe Godan xeegettida asi Godan aylletethaafe la77a keyis. Hessadakka, aylle gidonna de7ishe, Godan xeegettida asi Kiristtoosa aylle. 
\v 23 Xoossay hinttena gaten shammida gisho asa aylle gidoppite. 
\v 24 Ta ishato, hintte issoy issoy xeegettiya wode de7iya de7uwan Xoossaara issife de7ite.
\s Ekkiboonna, geliboonna asaabanne am77etabaa
\p
\v 25 Geela7otabaa Goday tana kiittidabay baawa. Shin Goday taw immida maarotethaa mela taani hinttena zorays. 
\v 26 Hiza, ha77i metuwa gisho, ekkonna woykko gelonna duussi taw lo77o daanees. 
\v 27 Ne machcho ekkidabaa gidikko, billanaw koyoppa. Ne machcho ekkaboonnabaa gidikko, ekkanaw koyoppa. 
\v 28 Shin ne machcho ekkiko nagari baawa. Hessada geela7iyakka azina gelikko nagari baawa. Shin ekkiya geliya asaas ha sa7an daro metoy de7iya gisho hintte hessafe attana mela ta koyays.
\p
\v 29 Ta ishato, ta gey hessa; wodey wuris. Hizappe sinthe machcha de7eyssi machcho ekkonayssada de7o. 
\v 30 Yeekkeyssati yeekkonaada, ufaytteyssati ufayttonaada, shammeyssati aykkoka baynnaada banttana taybo. 
\v 31 Ha sa7aa shaluwan maadetteyssati maadettiboonaada hano. Ha alamiya malay aadhdhana.
\p
\v 32 Hintte hirggi baynna daana mela ta dosays. Machcho ekkiboonnayssi Godaa ufayssanaw koyaa gisho, Godabaa qoppees. 
\v 33 Shin machcho ekkidayssi ba machchiw ufayssanaw koyaa gisho, ha sa7abaa qoppees. 
\v 34 Iya qofay nam77an shaakettees. Azina gelaboonna geela7iya ba asatethaaninne ba shemppuwan geeyada Godaa ufayssanaw koyaa gisho, Godaaba qoppawusu. Shin azinaa gelidaara ba azinaa ufayssanaw koyaa gisho, sa7abaa qoppawusu.
\p
\v 35 Taani hessa hinttew odey, hintte maadettana melassafe attin hinttena un77ethanaw gidenna. Shin hintte qofay shaakettonna maaran de7idi Godaa ufayssiyabaa hintte oothana mela taani odays.
\p
\v 36 Oonikka ba oychchida geela7ees gelo wodey aadhdhis gidi iyo agganaw qoppiko, hessi qassi iw lo77o gidonnayssi iyaw si7ettiko, ba koyidayssa ootho; entti eketto, geletto; hessan nagari baawa. 
\v 37 Shin issi asi un77ethiyabay dhayin, ba wozanan minnidi, bana haaridi, ba oychchida geela7iw ekkenaw agganaw koykko loythis. 
\v 38 Hessa gisho, geela7iw ekkiya uray loythis; qassi ekkonna uray daro loythis.
\p
\v 39 Machchiya ba azinay paxa de7iya wode ubban iyara qashettasu. Shin I azinay hayqqiko, ba dosida azina gelanaw dandda7awusu. Gidoshin, iya geliya addey ammaniyaa asi gidanaw bessees. 
\v 40 Ta qofan gidikko, iya gelonna de7ikko ufayssan daana. Qassi taw, ta bolla Xoossaa Ayyaanay de7iya daanees.
\c 8
\s Eeqas yarshshettida kathabaa
\p
\v 1 Eeqas yarshshettiya kathabaa gidikko nu ubbay eroos. Eratethi otorssees, shin siiqoy dichchees. 
\v 2 Oonikka bana erays gidi qoppiko, I buroo eranaw besseyssa eribeenna. 
\v 3 Shin oonikka Xoossaa siiqikko I Xoossaa matan erettidayssa.
\p
\v 4 Hessa gisho, eeqas yarshshettida kathi muussabaa gidikko ha alamiyan Godi issi Xoossaafe attin hari baynna gisho, eeqi pathonnabaa gidonnayssa nuuni eroos. 
\v 5 Xoosse gidonnashin, saloninne sa7an xoosse geetetti xeegettiya daro xoossatinne godati de7ikkoka, 
\v 6 ubbabaa medhdhida, nu iyabaa gidida, issi Xoossay, Aaway, nuus de7ees. Ubbay iya baggara medhettida, nukka iya baggara de7o demmida issi Goday, Yesuus Kiristtoosi nuus de7ees.
\p
\v 7 Shin hayssa erey ubbaa gidenna. Issi issi asay eeqa goynnora meezetida gisho, kathi miya wode eeqas yarshshettidabaa oothidi ekkoosona. He wode entta kahay daabura gidiya gisho tunees. 
\v 8 Shin kathi nuna Xoossaara dabboyenna. Nu monna aggidi aykkoka qohettoko; qassi midi dumma go7ettoko.
\p
\v 9 Shin hintte koyidabaa maanaw la77atethi hinttew de7ikkoka hessi ammanon minnonnayssata dhubbonna mela naagettite. 
\v 10 Neeni nena eranchcho gada eeqas yarshshettida kathi maanaw eeqa keethan uttidashin, ammanon minnonayssi nena be7ikko hessi iya eeqas yarshshettida kathi maana mela denthetheneyye? 
\v 11 Hiza, ne eratethaa gaason Kiristtoosi iya gisho hayqqida, ammanon minnonna ne ishay, dhays. 
\v 12 Hessada oothidi, ammanon minnonna hintte ishata qohishenne entta kaha madunxisishe Kiristtoosa qoheeta. 
\v 13 Hessa gisho, kathi ta ishaa dhubbiyabaa gidikko, I dhubettonna mela asho ubbarakka miikke.
\c 9
\s Hawaareta maata
\p
\v 1 Taani yeda de7iya asi gidikkinaa? Ta hawaare gidikkinaa? Taani nu Godaa Yesuus Kiristtoosa be7abiikkina? Hintte Godan ta daabura ayfe gidekketii? 
\v 2 Hintte Godaaba gidiya gisho ta haratas hawaare gidonna ixxikokka, hinttew hawaare gideyssas hintte markka.
\p
\v 3 Tana hawaare gidenna geyssatas ta immiya zaaroy hayssa. 
\v 4 Nu hinttefe maanawunne uyanaw tuma nuus maati baawe? 
\v 5 Hankko hawaaretada, Godaa ishatadanne Phexiroosada, ammaniyaa nu machcheta ekki hamuttanaw nuus maati baawe? 
\v 6 Woykko oothidi maanaw bessey taaranne Barnnabaasa xalaalee? 
\v 7 Ba miishen wotaaddaretathi oothey oonee? Woykko woyne tokkidi, iya ayfe moonnay oonee? Woykko wude heemmishe, he wudiyappe maathi uyonnay oonee?
\p
\v 8 Taani hessa asa qofatho gaynayye? Higgey qassi hessa geenne? 
\v 9 Muse Higgiyan, “Wudumman kathaa yedhdhiya booraa doona qachchofa” geetettidi xaafettis. Yaatin Xoossay hessa booras qoppidi gidee?\x - \xo 9:9 \xo*\xt Zaare 25:4; 1Ximo 5:18\xt*\x* 
\v 10 Xoossay hessa giday nuus qoppidi gidennee? Ee nu gishossa. Goyeysika, kathaa geeshsheysika bana gakkeyssa ekkana gidi ufayssan oothanaw bessees geetettidi tuma nu gisho xaafettis. 
\v 11 Nuuni hintte giddon ayyaana zerethi zerida gidikko ashos koshshiyabaa nu hinttefe ekkiko, hessi gitabaye?\x - \xo 9:11 \xo*\xt Roome 15:27\xt*\x* 
\v 12 Harati hessa hinttefe ekkanaw enttaw maati de7ikko, nuus enttayssafe aadhdhiya maati de7ees.
\p Shin nuuni Kiristtoosa Wonggelaas dhube gidonna mela, ubbaa genccoosippe attin he maatan go7ettibookko. 
\v 13 Xoossaa keethan oothiya asati bantta kathaa Xoossa Keethafe ekkeyssa erekketii? Qassi yarshsho bessan ootheyssati yarshshuwafe ekkeyssa erekketii?\x - \xo 9:13 \xo*\xt Zaare 18:1-3\xt*\x* 
\v 14 Hessadakka, Wonggelaa markkatteyssati duussas koshshiyabaa Wonggelaappe ekkana mela Goday kiittis.\x - \xo 9:14 \xo*\xt Maato 10:10; Luuqa 10:7\xt*\x*
\rem fig 20 fig*
\p
\v 15 Shin taani ha maata ubban aykkoka go7ettabiikke. Taani hessa xaafiday ta maata bonchchisanaw koyada gidenna. Oonikka ta ceequwa hada oothanayssafe hayqoy taw lo77o. 
\v 16 Taani Wonggelaa odey kiitettida gishossafe attin tana ceeqisiyabaa gidenna. Wonggelaa odonna ixxiko, tana ayye. 
\v 17 Taani Wonggelaa dosada sabbakikko taw woytoy de7ees. Shin taani Wonggelaa dosonna kiitettada sabbakiyabaa gidikko hessa Xoossay taw hadara immis. 
\v 18 Yaatin, ta woytoy aybee? Taani Wonggelaa sabbakiya wode ta maatan go7ettonna Wonggelaa coo sabbakeyssi taw woyto.
\p
\v 19 Taani oodeskka aylle gidikke, shin darota ashshanaw ubbaas aylle gidas. 
\v 20 Taani Ayhudeta ashshanaw enttara entta gidas. Ta huu7en higgefe garssan de7ikke, shin higgefe garssan de7eyssata ashshanaw higgefe garssan de7iya asi gidas. 
\v 21 Xoossaa higgiyafe kare keyonna, Kiristtoosa higgiyas kiitettashe, higgey baynnayssata ashshanaw higgey baynna asada gidas. 
\v 22 Taani daaburanchchota ashshanaw daaburanchcho gidas. Taani guuthata ashshanaw ubbaara ubbaa hanas. 
\v 23 Taani Wonggelaa anjjuwaa shaakettanaw, ha ubbaa Wonggelaa gisho, hanas.
\p
\v 24 Wothan gaaddetiya ubbay woxxees, shin issuwa xalaali woyto ekkeyssa erekketii? Hessada hintteka woytuwa ekkanaw woxxite. 
\v 25 Gaaddetiya asa ubbay ubbaban banttana haarees. Entti hessa daaburey dhayiya kallachcha woyto ekkanaassa. Shin nuuni daaburey merinaa kallachcha woytuwa ekkanaassa. 
\v 26 Hessa gisho, taani qofi baynna asada woxxike. Carkko yimppiya asada coo kushe yeddike. 
\v 27 Shin taani haratas Wonggelaa sabbakidaappe guye ta huu7en yeggettida asi gidonna mela ta asatethaa wolqqan haarada taw kiitettana mela oothays.
\c 10
\s Eeqa goynnofite
\p
\v 1 Ta ishato, taani hintte hayssa akeekana mela koyays. Nu aawati ubbay shaarappe garssara hamuttidosona; ubbay abbaa pinnidosona.\x - \xo 10:1 \xo*\xt Kessa 13:21-22; 14:22-29\xt*\x* 
\v 2 Entti Musera issifanaw shaaraninne abban xammaqettidosna. 
\v 3 Entti ubbay issi ayyaana kathaa midosona.\x - \xo 10:3 \xo*\xt Kessa 16:35\xt*\x* 
\v 4 Qassi ubbay issi ayyaana ushshaa uyidosona. Entti banttana kaalliya ayyaana zaallafe pulttida ushshaa uyidosona; he zaallayka Kiristtoosa.\x - \xo 10:4 \xo*\xt Kessa 17:6; Tay 20:11\xt*\x* 
\v 5 Shin Xoossay enttafe darotan ufayttiboonna gisho, entta ahay bazzo biittan wodhdhidi attis.\x - \xo 10:5 \xo*\xt Tay 14:29-30\xt*\x*
\p
\v 6 Entti iitabaa amottidayssada, nukka iitabaa amottonna mela hessi ubbay nuus leemiso gidis.\x - \xo 10:6 \xo*\xt Tay 11:4\xt*\x* 
\v 7 Geeshsha Maxaafan, “Asay maanawunne uyanaw uttidosona; qassi yexxanaw denddidosona” geetettidayssada enttafe issoti issoti eeqas goynnidayssa mela hintte eeqas goynnofite.\x - \xo 10:7 \xo*\xt Kessa 32:6\xt*\x* 
\v 8 Enttafe issoti issoti laymatidayssada nu laymatanaw bessenna. Hessa gaason enttafe issi gallas laatamanne heedzu mukulay hayqqis.\x - \xo 10:8 \xo*\xt Tay 25:1-18\xt*\x* 
\v 9 Enttafe issoti issoti Godaa paaccidi shooshan dukettidi hayqqidayssada nu Godaa paaccanaw bessenna.\x - \xo 10:9 \xo*\xt Tay 21:5-6\xt*\x* 
\v 10 Enttafe issoti issoti zuuzummidi hayqo ehiya kiitanchchuwan dhayidayssada hintteka zuuzummofite.\x - \xo 10:10 \xo*\xt Tay 16:41-49\xt*\x*
\p
\v 11 Ha entta bolla gakkida ubbay nu naagettana mela nuus leemiso gidis. Qassi wode wurssethaa bolla de7iya nuus timirtte gidana mela ha ubbay xaafettis.
\p
\v 12 Hessa gisho, ta eqqas giya oonikka kunddonna mela bana naago. 
\v 13 Ase ubbaa gakkiya paaceppe attin dumma paacey hinttena gakkibeenna. Hintte wolqqay dandda7eyssafe aadhdhiya paacen hintte paacettana mela aathi immonna Xoossay ammanettidayssa. Hinttena paacey gakkiya wode he paaciya I hinttena dandda7isana. Qassi he paaciyappe hintte keyana ogiya I giigisana.
\p
\v 14 Hiza, ta al77o ishato, eeqa goynnofe haakkite. 
\v 15 Hintte wozanaama asi gidida gisho ta hayssa odays. Taani geyssi tuma gideyssa hinttee hintte huu7en pirddite. 
\v 16 Nuuni Xoossaa galatidi shaakettiya anjjo xuu7ay Kiristtoosa suuthaara issifetethi de7eyssa gidenneyye? Qassi nuuni bathiya uythay Kiristtoosa ashuwara issifetethi de7eyssa gidenneyye?\x - \xo 10:16 \xo*\xt Maato 26:26-28; Mar 14:22-24; Luuqa 22:19-20\xt*\x* 
\v 17 Nuuni daro gidikkoka uythay issino, nu he issi uythaa shaakettiya gisho issi asatethi.
\p
\v 18 Ane Isra7eele asay oothidayssa akeekite. Yarshshettida yarshshuwa meyssati yarshsho bessaara issifetethi baaweyye?\x - \xo 10:18 \xo*\xt Leewe 7:6\xt*\x* 
\v 19 Taani ay gaanaw koyada gaynaa? Eeqas yarshshettida kathay woykko eeqay pathiyabaa gidenna. 
\v 20 Entti yarshshey Xoossaas gidonnashin, tuna ayyaanatassa. Hessa gisho, hinttew tuna ayyaanatara issifetethi daana mela koyikke.\x - \xo 10:20 \xo*\xt Zaare 32:17\xt*\x* 
\v 21 Hintte Godaa xuu7appe uyishe, qassi tuna ayyaanata xuu7appe uyanaw dandda7ekketa. Godaa gaytappe mishe qassi tuna ayyaanata gaytappe maanaw dandda7ekketa. 
\v 22 Nu hessa oothidi Godaa yiloynoo? Nu iyappe aadhdhiya minoyye?\x - \xo 10:22 \xo*\xt Zaare 32:21\xt*\x*
\p
\v 23 Hintte, “Ubbabaa oothonna mela diggiyabay baawa” geeta, shin ubbay maaddenna. Hintte, “Ubbabaa oothonna mela diggiyabay baawa” geeta, shin ubbabay dichchenna.\x - \xo 10:23 \xo*\xt 1Qoro 6:12\xt*\x* 
\v 24 Issi issi asi, hara asi maaddiyabaa qoppanaw bessesppe attin bana maaddiyabaa xalaala qoppofo.
\p
\v 25 Hintte kahaa sidhen gelssiya oysha denthonna giyan bayzettiya ashuwa coo miite. 
\v 26 Ays giikko, “Sa7aynne sa7an de7iya ubbay Godaassa.”\x - \xo 10:26 \xo*\xt Maz 24:1\xt*\x*
\p
\v 27 Issi ammanonna asi hinttena imatanaw koyidi xeegikko baanaw koykko biite. Hintte kahan medhettiya oyshan sidhonna hintte sinthe aathiyabaa ubbaa miite. 
\v 28 Shin issi asi, “Hayssi eeqas yarshshettidabaa” giikko, he hinttew odida addiya gishonne hintte kaha gisho he kathaa mooppite. 
\v 29 Taani, kaha gisho gey he hinttew odida uraa kaha guussufe attin hintte kaha gidenna.
\p Hara asa kaha gisho gada taani ta la77atethaa bolla ays pirddo? 
\v 30 Taani miya kathaa Xoossaa galatada miikko balidaada ays borettiyana?
\p
\v 31 Hiza, hintte ay miikko ay uyikko, woykko ay oothikokka ubbabaa Xoossaa bonchchos oothite. 
\v 32 Ayhudeta gidin Giriketa gidin woykko Xoossaa woosa keethi gidin ooddeskka dhube gidoppite. 
\v 33 Taani ubba wode darota ashshanaw entti maaddettiya oge koyaysippe attin tana maaddiya oge koyikke.
\b
\c 11
\p
\v 1 Taani Kiristtoosa leemisuwa kaalleyssada, hintteka tana kaallite.\x - \xo 11:1 \xo*\xt 1Qoro 4:16; Fil 3:17\xt*\x*
\s Goynno maara
\p
\v 2 Hintte ubbaban tana qoopiya gishonne ta tamaarssida timirttiya minthidi naagida gisho ta hinttena galatays. 
\v 3 Shin Kiristtoosi adde ubbaas huu7e, addey maccasas huu7e, qassi Xoossay Kiristtoosas huu7e gideyssa hintte erana mela ta koyays. 
\v 4 Ba huu7iya guulunttidi Xoossaa woossiya woykko tinbbite odiya addey ubbay huu7e gidida Kiristtoosa toochchees. 
\v 5 Ba huu7iya qaconna Xoossaa woossiya woykko tinbbite odiya maccasiya huu7e gidida ba azinaa toochchawusu. Ba huu7iya qaconna maccasiya ba huu7iya meedettida maccasa mela.
\p
\v 6 Maccasi ba huu7iya qaconna ixxiko, ba huu7iya qanxetto. Shin iw huu7iya qanxoy woykko meedoy borsso, gidikko ba huu7iya qaco. 
\v 7 Addey Xoossaa leemisonne Xoossaa bonchcho gidiya gisho, ba huu7iya qachchanaw bessenna, shin maccasi addes bonchcho.\x - \xo 11:7 \xo*\xt Medhe 1:26-27\xt*\x* 
\v 8 Maccasi addefe medhettasuppe attin addey maccasappe medhettibeenna.\x - \xo 11:8-9 \xo*\xt Medhe 2:18-23\xt*\x* 
\v 9 Maccasi addes medhettisippe attin addey maccasas medhettibeenna. 
\v 10 Hayssa gishonne kiitanchchota gisho maccasi baw maati de7eyssa bessiya malla ba huu7en qacanaw bessees.
\p
\v 11 Shin Godaa qofan maccasi addey baynna deenna; addeyka maccasi baynna de7enna. 
\v 12 Maccasi addefe medhettidayssada addeyka maccasappe yelettis. Shin ubbabaykka Xoossafe medhettis.
\p
\v 13 Ane hintte pirddite. Maccasi ba huu7e qaconna Xoossaa woossanaw bessii? 
\v 14 Addey ba huu7iya dichchiko iyaw borsso gideyssa hari attoshin medhetethi hinttena tamaarssenne? 
\v 15 Shin maccasi ba huu7iya dichchiko iw bonchcho gidennee? Maccasas huu7ey imettiday iya bana kammana melassa. 
\v 16 Shin hayssa bolla palamanaw koyaa asi de7ikko, nuus gidin woykko Xoossaa woosa keethatas gidin hayssafe hara wogi baawa.
\s Godaa kahuwa ekkiya maara
\r (Maato 26:26-29; Mar 14:22-25; Luuqa 22:14-20)
\p
\v 17 Hintte issife shiiqey go77as gidonnashin qohos gidiya gisho ha77i ta immiya kiitan hinttena nashshike. 
\v 18 Ta koyro si7iday, hintte woosa keethan shiiqiya wode hintte giddon shaahetethi de7eyssa. He ta si7idayssafe baggay tuma gideyssa ammanays. 
\v 19 Hintte giddofe tumi de7eyssati oonanteeko erettana mela hintte giddon shaakoy daanayssi attenna. 
\v 20 Hintte issife shiiqiya wode hintte shiiqey Godaa kahuwa maanassa gidenna. 
\v 21 Hintte kathi miya wode issoy issuwa naagonna bayssa bayssa miya gisho issoy koshattees hankkoy qassi mathottees. 
\v 22 Tuma hintte maanawunne uyanaw hinttew keethi baawe? Woykko Xoossaa woosa keethaa kadhetii? Aykkoy baynna manqota yeellayeetii? Ta hinttena woygo? Hayssas ta hinttena nashshoo? Nashshike.
\p
\v 23 Taani hinttew immida timirttiya Godaappe ekkas. Goday Yesuusi aadhdhidi imettiya qamman uythaa ekkidi, 
\v 24 Xoossaa galatis. Uythaa bathidi “He7ite; miite. Hayssi hinttew imettiya ta ashuwa. Hayssa mishe tana hassayite” yaagis. 
\v 25 Hessadakka, kahuwa midi simmin, xuu7aa ekkidi, “Hayssi xuu7ay ta suuthan eqqiya ooratha caaquwa. Hintte iyappe uyaa wode ubban tana hassayite” yaagis.\x - \xo 11:25 \xo*\xt Kessa 24:6-8; Er 31:31-34\xt*\x* 
\v 26 Hintte ha uythaa miya wodenne ha xuu7aa uyaa wode ubban Goday yaana gakkanaw iya hayquwa odeeta.
\p
\v 27 Hessa gisho, bessonna ogiyan Godaa uythaa miya woykko Godaa xuu7aa uyaa oonikka iya ashuwanne suuthaa toochchida gisho ba nagaran oyshettees. 
\v 28 Shin asi bana paacco. Yaatidi uythaa mo; xuu7appeka uyo. 
\v 29 Godaa ashuwabaa shaakki eronna, uythaa meynne xuu7appe uyey, ba bolla pirdda meesinne uyees. 
\v 30 Hessa gisho, hintte giddofe daroti daaburidosona; harggidosona; qassi unddenna asati hayqqidosona. 
\v 31 Shin nu nuna paaci be7idabaa gidiyakko, nu bolla pirddettanashin. 
\v 32 Alamey pirddettiya wode nu alamiyara pirddettonna mela ha77i Goday nuna seeres.
\p
\v 33 Hessa gisho, ta ishato, Godaa kahuwa maanaw hintte shiiqiya wode issoy issuwa gathi ekkite. 
\v 34 Hintte shiiqoy pirddas gidonna mela koshattida oonikka de7ikko, ba son mo.
\p Attidabaa taani yaa bada hinttew odana.
\c 12
\s Geeshsha Ayyaana imotata
\p
\v 1 Ta ishato, Geeshsha Ayyaana imotatabaa hintte erana mela ta koyas. 
\v 2 Hintte Xoossaa ammanonna wode dooni baynna eeqatan gooshettidi, hintte eronna soo bidayssa ereeta. 
\v 3 Xoossaa Ayyaanay kaalethiya asi oonikka, “Yesuusi qanggetto” yaagenna. Qassi Geeshsha Ayyaanay kaalethonna de7ishin, oonikka, “Yesuusi Goda” gaanaw dandda7onayssa hintte erana mela koyays.
\p
\v 4 Dumma dumma Ayyaana imotati de7oosona, shin imotata immiya Ayyaanay issuwa.\x - \xo 12:4-11 \xo*\xt Roome 12:6-8\xt*\x* 
\v 5 Nu Godaas oothiya dumma dumma oosoti de7oosona, shin Goday issuwa. 
\v 6 Nu Godaas oothiya dumma dumma ogeti de7oosona, shin he ogetan oothiya asa ubban oothiya Xoossay issuwa. 
\v 7 Shin issuwas issuwas imettida imotatan harata maaddana mela Geeshsha Ayyaanay qonccees.
\p
\v 8 Geeshsha Ayyaanay issuwas cinccatethi kumida qaala immees; qassi issuwas eratethi kumida qaala immees. 
\v 9 He Geeshsha Ayyaanay issuwas ammano, hankkuwas qassi pathiya wolqqaa immees. 
\v 10 Geeshsha Ayyaanay issuwas malaata oothiya wolqqaa, issuwas tinbbite odiya wolqqaa immees. Issuwas ayyaanappe ayyaana shaakki eriya wolqqaa, issuwas dumma dumma doonan odiya wolqqaa, qassi issuwas dumma dumma doonan odettidayssa birshshiya wolqqaa immees. 
\v 11 Shin ha ubbaa oothey he issi Geeshsha Ayyaana. I koyaa mela issi issi asaas dumma dumma imota immees.
\s Asatethaanne dumma dumma billiteta
\p
\v 12 Issi asatethan daro billiteti de7oosona, shin he dumma dumma billiteti issi asatethi gidoosona. Hessadakka, Kiristtoosi dumma dumma billiteti de7iya asatethaa mela.\x - \xo 12:12 \xo*\xt Roome 12:4-5\xt*\x* 
\v 13 Nuuni Ayhude gidin Girike gidin aylle gidin womaano gidin, ubbay issi asatethi gidanaw Geeshsha Ayyaanan xammaqettida. Qassi nu ubbay issi Geeshsha Ayyaana ekkida.
\p
\v 14 Nu asatethan dumma dumma billiteti de7oosonappe attin issi billite gidenna. 
\v 15 Tohoy, “Taani kushe gidonna gisho billite gidikke” giikko, I hessa gida gisho billitetethay attiyye? 
\v 16 Haythi, “Taani ayfe gidonna gisho billite gidikke” giikko, I hessa gida gisho asatethaafe issi billite gideyssi attiyye? 
\v 17 Asatetha ubbay ayfe xalaala gididaakko, nu aybin si7anee? Qassi asatethi ubbay haytha xalaala gididaakko nu aybin singganee?
\p
\v 18 Shin Xoossay ba koyidayssada, asatethaa giddon dumma dumma billiteta wothis. 
\v 19 Ubbay issi billite gididaakko asatethi waanidi daanee? 
\v 20 Shin billiteti daro gidikkoka, asatethay issuwa.
\p
\v 21 Ayfey kushekko, “Ne taw koshshakka” gaanaw dandda7enna. Woykko huu7ey tohokko, “Ne taw koshshakka” gaanaw dandda7enna. 
\v 22 Shin daabura daaniya asatethaa billiteti nuus aadhdhidi koshshosona. 
\v 23 Bonchcho koshshenna gidi nu qoppiya nu billitetappe baggata daro bonchchoos. Qassi nu borssettiya nu asatethaa billiteta aathi bonchchidi naagoos. 
\v 24 Nu be7in borssonna asatethaa billitetas bonchcho koshshenna. Shin Xoossay nu asatethaa billiteta wolira gasethidi borssiya billitetas aadhdhiya bonchcho immis. 
\v 25 Asatethaa billiteti issoy issuwara shaako medhdhonna wolis qoppana mela oothidi medhdhis. 
\v 26 Asatethaa billitetappe issoy sakettiko billiteti ubbay iyara sakettoosona. Asatethaa billitetappe issoy bonchchetiko billiteti ubbay iyara ufayttoosona.
\p
\v 27 Hintte ubbay Kiristtoosa asatethi; qassi hintte issoy issoy iya billiteta. 
\v 28 Woosa keethan Xoossay, koyro hawaareta, nam77antho nabeta, heedzantho asttamaareta, kaallidi malaata ootheyssata, patheyssata, harata maaddeyssata, woosa keetha ayseyssatanne, dumma dumma doonan haasayeyssata wothis.\x - \xo 12:28 \xo*\xt Efe 4:11\xt*\x*
\m
\v 29 Ubbay hawaare? Ubbay nabe? Ubbay asttamaare? Ubbay malaata oothi? 
\v 30 Ubbay pathiyye? Ubbay dumma dumma doonan odetti? Ubbay dumma dumma doonan odettoyssa birshshi? 
\v 31 Shin ubbaafe aadhdhiya imotaa minthidi koyite.
\p Qassi ubbaafe aadhdhiya ogiya ta hinttena bessana.
\c 13
\s Tuma siiqo
\p
\v 1 Taani asa qaalanne kiitanchcho qaala odettanaw dandda7ikkoka, taw siiqoy dhayikko, coo giiriya daala mela. 
\v 2 Tinbbite odiya imoy taw de7ikkoka, xuura ubbaa erikkoka, eratethi ubbay de7ikkoka, qassi deriya denthidi harasoo efiya ammanoy taw de7ikkoka, siiqoy dhayikko, ta aykkoka gidikke.\x - \xo 13:2 \xo*\xt Maato 17:20; 21:21; Mar 11:23\xt*\x* 
\v 3 Taw de7iyaba ubbaa manqotas immikokka, hari attoshin, tana tamas aatha immikokka, siiqoy dhayikko tana aykkoka maaddenna.
\p
\v 4 Siiqoy dandda7anchcho. Siiqoy keeha. Siiqoy qanaatenna. Siiqoy ceeqettenna. Siiqoy otorenna. 
\v 5 Siiqoy bessonnabaa oothenna. Siiqoy uuzettenna. Siiqoy yilotenna. Siiqoy ba qoho paydenna. 
\v 6 Siiqoy tuman ufayttesippe attin worddon ufayttenna. 
\v 7 Siiqoy ubbaa dandda7ees; ubbaa ammanees; lo77obay hanana gidi, ufayssan naagees; ubbaa genccees.
\p
\v 8 Siiqoy wurssethi gakkanaw dhayenna. Shin tinbbitey attana; dumma dumma doonan odetteyssi attana; eratethika aadhdhana. 
\v 9 Nu eratethaafe guuthi eroos; tinbbitiyappe baggaa odoos. 
\v 10 Shin polo gididayssi yaa wode polo gidonnayssi attana.
\p
\v 11 Taani na7a de7iya wode na7ada haasays; na7ada qoppays; na7ada akeekays. Ta kahaamida wode na7atetha hanuwa aggas. 
\v 12 Ha77i poo7oy baynna son masttoten be7eyssada be7oos, shin he wode nu qonccen be7ana. Ha77i nu eratethaafe guutha eroos, shin he wode Xoossay nuna ereyssada polo erana.
\p
\v 13 Hiza, ammanoy, ufayssinne siiqoy, ha heedzati eqqidi daana. Shin hayssatappe aadhdhey siiqo.
\c 14
\s Tinbbitenne dumma dumma doona
\p
\v 1 Siiqo kaallite. Ayyaana imotata minthidi koyite; ubbaafe aathidi, tinbbite imotaa minthidi koyite. 
\v 2 Dumma dumma doonan odettiya asi Xoossaas odeesippe attin asas odenna. Shin asas qoncciboonna xuuraa Ayyaana wolqqan odettiya gisho, oonikka I odetteyssa akeekenna. 
\v 3 Shin tinbbite odeyssati ase dichchanaw, minthethanawunne miinthanaw asas odees. 
\v 4 Dumma dumma doonan odiya asi bana dichchees. Shin tinbbite odiya asi woosa keethaa dichchees.
\p
\v 5 Hintte ubbay dumma dumma doonan odettiyako ta dosays, shin tinbbite odanayssa aathada dosays. Dumma dumma doonan odetteyssa woosa keethi dichchanaw birshshiya asi dhayikko, dumma dumma doona odetteyassafe tinbbite odeyssi aadhdhees.
\p
\v 6 Shin ta ishato, taani hintteko bada, qonccethan woykko eratethan woykko tinbbite odon woykko timirtten gidonnashin, dumma dumma doonan odettiko hinttena ay maaddanee? 
\v 7 Dumma dumma yetha miishetas issi qommo girssi de7ikko, suusul77e girssinne diitha girssi waattidi shaakki eranee? 
\v 8 Qassi moyze punoy geeyidi erettonna ixxiko olas giigettey oonee? 
\v 9 Hessadakka, dumma dumma doonan hintte odetteyssi qoncce gidonna ixxiko hintte odeyssa ooni eranee? Hessi carkkos odiya mela.
\p
\v 10 Ha alamiyan daro doonati de7oosona; he ubbaas birshshethi de7ees. 
\v 11 Shin issi asi odettiya doona taani eronna ixxiko I taw imathe gidees; takka iyaw imathe gidays. 
\v 12 Hessadakka, Geeshsha Ayyaana imotaa hintte ekkanaw minthidi koykko, woosa keethi dichchanaw ubbaafe aadhdhiya imotaa koyite.
\p
\v 13 Dumma dumma doonan odettiya asi ba odaa birshshanaw birshshetha imotay imettana mela Xoossaa woosso. 
\v 14 Taani dumma dumma doonan Xoossaa woossiko, ta ayyaanay woossees, shin ta wozanay aykkoka go7ettenna. 
\v 15 Yaatin, ta ay oothanaw koshshii? Taani ta ayyaanan woossays; ta wozanankka woossays. Taani ta ayyaanan yexxays; ta wozanankka yexxays. 
\v 16 Hessa gidonna ixxiko neeni ne ayyaanan Xoossaa galatiya wode he bessan neeni geyssa eronna asi ne galateyssa woygidi, “Amin7i” gaanee? 
\v 17 Neeni Xoossaa galateyssi lo77o, shin hara asi maaddenna.
\p
\v 18 Ta hintte ubbaafe aathada dumma dumma doonan odettiya gisho Xoossaa galatays. 
\v 19 Shin taani woosa keethan harata tamaarssanaw dumma dumma doonan tammu mukulu qaala odettanaappe ichchashu qaala erettiya doonan odettanaw dosays.
\p
\v 20 Ta ishato, hintte qofan naytada hanoppite. Hintte iitabaas naytada haniteppe attin hintte qofan kahaamata gidite. 
\v 21 Goday, Geeshsha Maxaafan,
\q1 “Taani ha asaas,
\q2 dumma dumma doonan odettiya asaaninne
\q2 imatha inxarssan odettiya asan odana.
\q1 Shin hessi haninikka tana si7okkona” yaagees.\x - \xo 14:21 \xo*\xt Isa 28:11-12\xt*\x*
\p
\v 22 Hiza, dumma dumma doonan haasayoy, ammanonna asaas malla gideesippe attin ammaniyaa asaassa gidenna. Tinbbitey ammaniyaa asaas malla gideesippe attin ammanonna asaassa gidenna.
\p
\v 23 Woosa keethaa asay issife shiiqiya wode, ubbay dumma dumma doonan odettiko eronna woykko ammanonna asay hintte shiiquwa yidi, “Hayssati gooyosona” gokkonayye? 
\v 24 Shin eronna woykko ammanonna asay woosa keethi yaa wode asay tinbbite odishin, si7ikko ba nagaraa akeekana; qassi I si7ida qaalan pirddettana. 
\v 25 Entti iya wozanan geemmida qofaa qonccisana. Hessadakka, “Tuma Xoossay hintte giddon de7ees” yaagidi markkattidi, gufannidi Xoossaas goynnana.
\s Goynno maara
\p
\v 26 Ta ishato, nu woyginoo? Hintte issife shiiqiya wode issuwas mazmurey de7ees; issuwas tamaarsso imoti de7ees; issuwas qonccethi de7ees; issuwas dumma dumma doonan haasayoy de7ees; issuwas birshshetha imoti de7ees. He ubbay woosa keethi dichchiyabaa gidanaw bessees. 
\v 27 Dumma dumma doonan odettiya asati de7ikko, nam77a woykko darikko heedza gididi maaran maaran haasayanaw bessees. Entti odetteyssa hara asi birshsho. 
\v 28 Shin birshshiya asi dhayikko, dumma dumma doonan odetteyssi woosa keethan si7i go. Bawunne ba Xoossaas odo.
\p
\v 29 Tinbbite odeyssati nam77a woykko heedza gididi odo. Qassi harati entti giyabaa pirddona. 
\v 30 He shiiquwan de7iya hara asas issibay qoncciko kase odetteyssi si7i go. 
\v 31 Ubbay tamaarana melanne ubbay minnana mela maaran maaran tinbbite odanaw dandda7eeta. 
\v 32 Nabeta ayyaanay nabetas kiitettees. 
\v 33 Geeshshata woosa keetha ubbay meezetidayssada Xoossay sarotetha Xoossaafe attin cabbo Xoossi gidenna.
\p
\v 34 Maccasi woosa keethan si7i go. Muse higgey geyssada entti haarettofe attin woosa keethan odanaw enttaw maati baawa. 
\v 35 Maccasi woosa keethan haasayoy borsso gidiya gisho issibaa eranaw koykko son bantta azinata oychchonna.
\p
\v 36 Xoossaa qaalaa koyro hintte ehidetii? Woykko Xoossaa qaalay hintte xalaalakko yidee? 
\v 37 Oonikka bana nabe woykko bana Xoossaa asi gidi qoppiko, taani hinttew xaafeyssi Godaa kiitta gideyssa akeeko. 
\v 38 Shin oonikka akeekonna ixxiko ikka akeekettofo.
\p
\v 39 Hessa gisho, ta ishato, tinbbite odanaw minthidi amottite; qassi dumma dumma doonan odetteyssaka diggofite. 
\v 40 Shin ubbayka woganinne maaran gido.
\c 15
\s Kiristtoosa hayqoppe dendduwa
\p
\v 1 Ta ishato, ta hinttew markkattida Wonggelaa hintte ekkidayssanne hintte ammanoy iyan eqqidayssa hintte akeekana mela ta koyays. 
\v 2 Ta tamaarssida Wonggelaa minthidi oykkiko hintte iyan attana. Hessi hanonna ixxiko hintte ammanaoy hada gidana.
\p
\v 3 Taani ekkida ubbaafe aadhdhiya kiitaa kasetada hinttew immas. Hessika, Geeshsha Maxaafay geyssada, Kiristtoosi nu nagaraa gisho hayqqis.\x - \xo 15:3 \xo*\xt Isa 53:5-12\xt*\x* 
\v 4 Moogettis; Geeshsha Maxaafay geyssada, heedzantho gallasan hayqoppe denddis.\x - \xo 15:4 \xo*\xt Maz 16:8-10; Maato 12:40; Ha@O 2:24-32\xt*\x* 
\v 5 Phexiroosas qonccis. Hessafe guye, tammanne nam77u hawaaretas qonccis.\x - \xo 15:5 \xo*\xt Maato 28:16-17; Mar 16:14; Luuqa 24:34, 36; Yoha 20:19\xt*\x* 
\v 6 Hessafe guye, ichchashu xeetappe dariya asaas issitoho qonccis. Enttafe dariya baggay ha77i gakkanaw paxa de7oosona, shin guuthati hayqqidosona. 
\v 7 Hessafe guye, Yayqoobas qonccis; guyeppe ba hawaareta ubbaas qonccis.
\p
\v 8 Qassi wurssethan awuccaya mela gidida taw qonccis.\x - \xo 15:8 \xo*\xt Ha@O 9:3-6\xt*\x* 
\v 9 Taani Yesuusa hawaareta ubbaafe laafa. Taani Xoossaa woosa keethaa gooddida gisho Yesuusa hawaare geetettada xeegettanaw bessonnayssa.\x - \xo 15:9 \xo*\xt Ha@O 8:3\xt*\x* 
\v 10 Shin Xoossaa aadho keehatethan ta ha77i gididayssa gidas; I taw immida aadho keehatethay mela attibeenna. Taani hankko hawaaretappe aathada daaburas. Shin taara de7iya Xoossaa aadho keehatethay oothisppe attin tana gidikke. 
\v 11 Hiza, tana gidin woykko entti tamaarssa gidin nu ubbay odeyssi hessa; hintteka he kiitaa ammanideta.
\s Haqoppe denddo
\p
\v 12 Kiristtoosi hayqoppe denddidayssa nu sabbakiya wode hinttefe issoti issoti yaatin, woygidi, “Hayqoppe denddoy baawa” yaagonaa? 
\v 13 Hayqoppe denddoy baynnabaa gidikko Kiristtoosi hayqoppe denddibeenna guussu. 
\v 14 Kiristtoosi hayqoppe denddiboonnabaa gidikko nu timirttey qassi hintte ammanoykka hada. 
\v 15 Hayqoppe denddoy baynnashin, nuuni Xoossay, “Kiristtoosa hayqoppe denthis” yaagidi sabbakishe Xoossaa worddanchcho markkatta gidida guussu. 
\v 16 Hayqqida asay hayqoppe denddiboonnabaa gidikko hiza, Kiristtoosi hayqoppe denddibeenna. 
\v 17 Kiristtoosi hayqoppe denddiboonnabaa gidikko, hintte ammanoy hada; qassi hintte ha77i gakkanaw hintte nagaran de7eeta. 
\v 18 Hiza, Kiristtoosa ammanidi hayqqidayssatikka dhayidosona guussu. 
\v 19 Nuuni ha alamiya de7uwa xalaalas Kiristtoosan ufayssi oothidabaa gidikko, ha sa7an de7iya asa ubbaafe nubay aadhdhida yibbata.
\p
\v 20 Shin Kiristtoosi hayqqidayssatas hayqoppe denddon bayra gididi tuma denddis. 
\v 21 Hayqoy issi asa baggara ha alamiya yidayssada hayqoppe denddoy issi asa baggara yis. 
\v 22 Addaame baggara asa ubbay hayqqidayssada Kiristtoosa baggara asa ubbay de7on daana. 
\v 23 Shin issoy issoy ba maaran maaran denddana. Kiristtoosi ubbaafe kasetidi denddis; hessafe guye, Kiristtoosayssati I yaa wode denddana.
\p
\v 24 Hessafe guye, Kiristtoosi haareyssa, maatanne wolqqa ubbaa dhayssidi, kawotethaa Xoossaa Aawas immiya wode wodiya wurssethay yaana. 
\v 25 Xoossay iya morkketa ubbaa iya tohuwappe garssan wothana gakkanaw Kiristtoosi haaranaw bessees.\x - \xo 15:25 \xo*\xt Maz 110:1\xt*\x* 
\v 26 Wurssethan I dhayssanaw de7iya morkkey hayqo. 
\v 27 Geeshsha Maxaafan, “Xoossay ubbabaa iya maatappe garssan haarisis” geetettidi xaafettis. Shin ubbaa iya maatappe garssan haarisis geyssi, ubbabaa iya maatappe garssan haarisida Xoossaa gujjenna.\x - \xo 15:27 \xo*\xt Maz 8:6\xt*\x* 
\v 28 Ubbabay Kiristtoosa maatappe garssan haarettidaappe guye Kiristtoosi qassi ba huu7en ubbabaa baw haarisida Xoossaas haarettana. He wode Xoossay ba xalaala ubbaa haarana.
\p
\v 29 Hayqqidayssati denddonabaa gidikko entta gisho asaas aybi wodhey de7ii? Hayqqidayssati denddonabaa gidikko yaatin, ays, asay hayqqidayssata gisho xammaqettoona?
\p
\v 30 Yaatin, nuuni ays ubba wode nunatethaa metos aathi immoonaa? 
\v 31 Ta ishato, ta gallas gallas hayqos aadhdhada imettays. Hessika, Godaa Kiristtoos Yesuusan de7iya de7uwa issifetethan hinttenan ceeqqiya gishossa. 
\v 32 Asa qofatho gidikko, taani Efesoonan do7ara butetidayssi tana ay maaddii? Hayqqidayssati hayqoppe denddonnabaa gidikko, “Wontto nu hayqqiya gisho hachchi maana uyana” yaagiya asaa mela gidoos.\x - \xo 15:32 \xo*\xt Isa 22:13\xt*\x*
\p
\v 33 Cimettofite! Iita laggetethi lo77o amaliya iissees. 
\v 34 Hintte akeekaakko simmite. Nagara oothofite. Hinttefe issi issi asay Xoossaa erokkonna. Taani hinttena yeellayanaw hessa gays.
\s Denddo asatethi
\p
\v 35 Issi asi, “Hayqqida asay waanidi denddanee? Entti ay mela asatethaara yaanee?” yaagonna aggenna. 
\v 36 Neno eeyaw, neeni biittan zeriya zerethay hayqqonna dolenna. 
\v 37 Neeni zerey gistte gidin woykko hara katha qommo ayfe xalaala zerasaappe attin dolida dolaa gidenna. 
\v 38 Shin Xoossay zerethaas ba dosida mela medhetethi immees. Dumma dumma zerethaas dumma dumma asatethi immees. 
\v 39 Medhetetha ubbaa ashoy issino gidenna. Shin asa ashoy issuwa; mehe ashoy dumma; kafota ashoy dumma; qassi molo ashoy dumma.
\p
\v 40 Salo asatethi de7ees; qassi sa7a asatethi de7ees. Shin salo asatetha bonchchoy dumma; qassi sa7a asatetha bonchchoy dumma. 
\v 41 Awa bonchchoy dumma; ageena bonchchoy dumma; xoolinttota bonchchoy dumma; issi xoolinttoy hankko xoolintuwafe bonchchon dummatees.
\p
\v 42 Hayqqidayssati hayqoppe denddiya wode hessada hanana. Hayqqiya asatethay zerettees; hayqqonna asatethi gididi denddees. 
\v 43 Tooshen zerettidi, bonchchon denddana; daaburan zerettidi, wolqqan denddana. 
\v 44 Medhetetha asatethay zerettidi, ayyaana asatethi gididi denddana. Medheta asatethi de7ikko, ayyaana asatethi \f + \fr 15:44 \fr*\fq Ayyaana asatethi: \fq*\ft Geeshsha Ayyaanay haarida woykko Geeshsha Ayyaanay de7o immida asatethi guussu.\ft*\f* de7ees.
\p
\v 45 Hessadakka, Geeshsha Maxaafan, “Koyro addey, Addaamey, paxa de7iya ase gididi medhettis”\x - \xo 15:45 \xo*\xt Medhe 2:7\xt*\x* yaagees. Shin wurssetha Addaamey, Kiristtoosi, de7o immiya ayyaanaa gidis. 
\v 46 Shin medheta asi koyro yin, guyeppe ayyaana asi yisippe attin ayyaana asi koyro yibeenna. 
\v 47 Koyro Addaamey biittafe medhettida biitta asi; nam77antho Addaamey saloppe yida salo asi. 
\v 48 Biittafe medhettidayssati biittafe medhettidayssa daanosona. Saloyssati saloppe yidayssa daanosona. 
\v 49 Nuuni biittafe medhettida addiya daaneyssa mela saloppe yida addiya daanana.
\p
\v 50 Ta ishato, ta geyssi hessa; ha77i nu ma77ida asatethay Xoossaa kawotethaa laattanaw dandda7enna. Wooqiya asatethay wooqonna asatethaa laattenna.
\p
\v 51 Ta hinttew issi xuura odana. Nu ubbay hayqqoko, shin wurssethan ubbay laamettana. 
\v 52 Moyzey punettiya wode, ayfey qiphi xeellanaw hassayonna laamettana. Hayqqida asay wooqonna asi gididi denddana; nukka laamettana.\x - \xo 15:51-52 \xo*\xt 1Tese 4:15-17\xt*\x* 
\v 53 Hayssi wooqeyssi wooqonnayssa, hayssi hayqqeyssi hayqqonnayssa ma77anaw bessees.
\p
\v 54 Hayssi wooqeyssi wooqonnayssa, qassi hayssi hayqqeyssi hayqqonnayssa ma77iya wode he wode, Geeshsha Maxaafan, “Hayqoy xoonon mitettis”\x - \xo 15:54 \xo*\xt Isa 25:8\xt*\x* giya qaalay polettana. 
\v 55 Hessadakka,
\q1 “Hayqo, ne xoonoy awun de7ii?
\q2 Hayqo, ne qohiya wolqqay awun de7ii?”\x - \xo 15:55 \xo*\xt Hose 13:14\xt*\x*
\m gida qaalay polettana. 
\v 56 Hayqoy dukkiya wolqqay nagara; qassi nagara wolqqay higge. 
\v 57 Shin nu Godaa Yesuus Kiristtoosa baggara nuus xoono immiya Xoossaa galati gakko.
\p
\v 58 Hessa gisho, ta siiqo ishato, qaaxxonna minnidi eqqite. Godaa oosuwan hintte daabureyssi coo gidonnayssa eridi ubba wode Godaa oosuwa azallonna oothite.
\c 16
\s Ammaniya Asaas shiiqida maaduwa
\p
\v 1 Ammaniya asaas miishe shiishobaa Galaatiya woosa keethatas taani kiittidayssada hintteka oothite.\x - \xo 16:1 \xo*\xt Roome 15:25-26\xt*\x* 
\v 2 Miishiya shiishoy ta hintteko biya wode gidonna mela issoy issoy saaminttafe koyro gallas, wogga wode, wogga wode, ba demmeyssafe kessidi ba son dagayo. 
\v 3 Taani yaa bida wode miishiya Yerusalaame gathana mela hintte dooriya asaas dabddaabbe immada entta Yerusalaame kiittana. 
\v 4 Enttara ta buussay koshshiyabaa gidikko entti taara baanaw dandda7osona.
\s Phawuloosa qofaa
\p
\v 5 Taani Maqedooniyara aadhdhanaw qoppida gisho, yaa bada hintteko yaana.\x - \xo 16:5 \xo*\xt Ha@O 19:21\xt*\x* 
\v 6 Ta biyaso aw gidikkoka, ta buussan hintte tana maaddana mela hintte matan guutha wode gam77onna aggike. Balggo ageenata hintte matan aathonna waaya aggana. 
\v 7 Taani ogera aadhdhashe hinttena be7anaw koyikke. Goday giikko, hintte matan guutha wode takkanaw qoppays.
\p
\v 8 Shin taani Phenxeqosxe Baaley gakkanaw Efesoonan gam77ana. 
\v 9 Taw oosoy kumida dalgga penggey dooyettis, shin daro eqettiya morkketi de7oosona.\x - \xo 16:8-9 \xo*\xt Leewe 23:15-21; Zaare 16:9-11; Ha@O 19:8-10\xt*\x*
\p
\v 10 I ta mela Godaa ooso oothiya asi gidiya gisho, Ximotiyoosi hintteko biikko, hintte matan I hirggonna daana mela oothite.\x - \xo 16:10 \xo*\xt 1Qoro 4:17\xt*\x* 
\v 11 Oonikka iya kadhoppo. I taakko saro simmana mela iya maaddidi moyzite. Taani I hankko ammaneyssatara simmanayssa naagays.
\p
\v 12 Nu ishaa Aphiloosi hankko ammaneyssatara hintteko baana mela ta iya mintha woossas. Ha77i hintteko baanaw koyibeenna, shin iyaw injjetiya wode hintteko baana.
\s Wurssetha zorenne sarotho
\p
\v 13 Barkkite; Ammanon eqqite; xaalite; minnite. 
\v 14 Ooso ubbaa siiqon oothite.
\p
\v 15 Ta ishato, Isxifaanoseynne iya soo asay Akkayan entti koyro ammanidayssata gideyssanne ammaneyssata maaddanaw banttana aathi immidayssa hintte ereeta.\x - \xo 16:15 \xo*\xt 1Qoro 1:16\xt*\x* 
\v 16 Hintteka entta mela asaasinne, enttara ooson daaburiya ubbaas kiitettana mela ta hinttena woossays.
\p
\v 17 Isxifaanosey, Forchchunaasinne Akkayqoosi taakko yoyssi tana ufayssis. Hintte baynna bessan entti hinttena gididi ta pacaa kunthidosona. 
\v 18 Entti hinttena ufayssidayssada tanakka ufayssidosona. Hessa mela asata dogoppite.
\p
\v 19 Iisiya woosa keetha asay hinttena saro goosona. Aqiilinne Phirisqila bantta son shiiqiya woosa keethaa asaara issife hinttena Godaa sunthan wozanappe sarothoosona.\x - \xo 16:19 \xo*\xt Ha@O 18:2\xt*\x* 
\v 20 Ammaniya ishati ubbay hinttena saro yaagosona.
\p Geeshsha yeeretethi yeerettishe issoy issuwa sarothite. 
\v 21 Taani, Phawuloosi, ha sarothuwa ta kushen xaafas.
\p
\v 22 Godaa dosonna asi de7ikko, qanggettidayssa gido. Nu Godaw, haaya!
\p
\v 23 Godaa Yesuus Kiristtoosa aadho keehatethay hinttera gido.
\p
\v 24 Ta siiqoy Kiristtoos Yesuusan de7iya hintte ubbaara gido. Amin7i.