\id TIT - GOOFA FULL BOBLE
\ide UTF-8
\h ትቶ ኪታ
\toc1 ትቶ ኪታ
\toc3 ትቶ
\toc2 ትቶ
\mt1 ጳዉሎስ ትቶስ
\mt2 ፃፍዳ ኪታ
\imt ጋ ቆፋ
\ip ትቶይ አይሁደ ግዶና አስ፥ ሽን ጉየፐ አማንድ፥ ጳዉሎስ ዎንገላ ኦሶ ኦያ ዎደ ማታን እያ ማድዳ አስ። ሄ ዎደ ትቶይ፥ ዎሳ ኬ ፄላናዉነ ናጋናዉ ቃርፄሳ ዎሳ ኬን አትስ። ሀ ኪታይ ሄ አይፈ ቆፋታ ኦይኬስ።
\ipi 1. ዎሳ ኬ አይስያ አሳይ፥ ኢታ ዱሱ ደእያ ቃርፄሳ አሳ ማታን አይ መላ ሎኦ ዱሱ ዳናዉ ኮሽያኮ ትቶ አኬክሴስ።
\ipi 2. ዎሳ ኬ ግዶን ደእያ ዱማ ዱማ ጩጋታ፥ ሄስካ፥ ጭማ አሳታ፥ ዶን አደታነ አይለታ ዋት ታማርሳናዉ በሲያኮ ትቶ ዞሬስ።
\ipi 3. አማንያ አስ አማኖን ዋንድ ዳነኮ፥ ሄስካ፥ ሳሮተንነ ሲቆን ዳናባ፥ ዎሳ ኬ ግዶፈ ኦሽ፥ ፓላማነ ሻሄተ ድጋናባ ትቶስ ዞረ እሜስ።
\iot ማፃፋ አይፈ ቆፋታ
\io1 ገሎ ቆፋ (\ior 1:1-4\ior*)
\io1 ዎሳ ኬ ካለያ አሳስ እመትዳ ኪታ (\ior 1:5-16\ior*)
\io1 ዱማ ዱማ ጩጋታ እመትዳ ዞረ (\ior 2:1—3:11\ior*)
\io1 ዞረነ ሳሮ (\ior 3:12-15\ior*)
\c 1
\p
\v 1 የሱስ ክርስቶሳ ሀዋረይነ ፆሳ አይለይ፥ ጳዉሎስ፥ ፃፍዳ ዳብዳብያ። ፆሳይ ዶርዳ አሳ አማኑዋ ድቻናዳነ ቱማ አያና ደኡዋ ዋንድ ዳነኮ በሲያ ቱማ ኤራኮ ኤንታ ካለናዉ ታኒ ኪተታስ። 
\v 2 ሄ አማኖይነ ኤራተይ መርና ደኡዋ ኡፋይሳ ቦላ ዘምፕስ። ሄሳ ዳሮ ዎደፐ ስን ዎርዶቶና ፆሳይ ኑስ እማና ግድ ቃላ ገልስ። 
\v 3 ኑና አሽያ ፆሳይ ባ ዎደን ሀ ኪታ ኦዳና መላ ታዉ ሀዳራ እሚስ።
\p
\v 4 ኑ ኮ አማኑዋን ታ ቱማ ናኣ ግድዳ ትቶ፥
\p ፆሳ አዋፐነ ኑና አሽያ የሱስ ክርስቶሳፐ አ ኬሀተይ፥ ማሮተይነ ሳሮተይ ነዉ ግዶ።\x - \xo 1:4 \xo*\xt 2 ቆሮ 8:23፤ ጋላ 2:3፤ 2 ፅሞ 4:10.\xt*\x*
\s1 ትቶይ ቃርፄሳን
\p
\v 5 ታኒ ነና ቃርፄሳን አጋዳ ይዳይ፥ ኔኒ አትዳባ ጊግሳናዳነ ታኒ ኪትዳይሳዳ ካታማ ኡባን ዎሳ ኬ ጭማታ ዶራና መላሳ። 
\v 6 ጭም ቦረቶናይሳ፥ እስ ማቸ አዝና፥ ማራ ዮን ዎይኮ ኪተተ እፆን አስ ቦሮና አማንያ ናይት ደእያ አስ ግዳናዉ በሴስ።\x - \xo 1:6 \xo*\xt 1 ፅሞ 3:2-7.\xt*\x* 
\v 7 ዎሳ ኬ ጭም ፆሳ ኦሱዋ ሀዳራ ኤክዳ ግሾ፥ ቦረቶናይሳ፥ ኦቶርቶናይሳ፥ ኤለ ይሎቶናይሳ፥ ማቶናይሳ፥ ኦዳ መናይሳነ በሶና ጎአስ ዳፈቶናይሳ ግዳናዉ በሴስ። 
\v 8 ሽን እማ ሞከይሳ፥ ሎኦባ ኡባ ዶሰይሳ፥ አኬካንቾ፥ ፅሎ፥ ጌሽነ ባና ሃረይሳ ግዳናዉ በሴስ። 
\v 9 ሀራታ ሱረ ትምርትያን ምንናዉነ ሄ ትምርትያ እፀይሳታ ዛራናዉ ባ ታማርዳ ቱማ ቃላን ምንድ ኤቃናዉ በሴስ።
\p
\v 10 ኪተቶናይሳት፥ ፓና ኦዳ ኦደተይሳት፥ ጭመይሳት ኡባካ ቃፃረተ ዎጋ ናግያ ዳሮ አሳት ደኦሶና። 
\v 11 ኤንቲ በሶና ኦገን ሚሸ ደማናዉ ኮይድ፥ ታማርሳናዉ በሶናባ ታማርስሸ ኬ አሳ ኡባ ኢስያ ግሾ ኤንታ ትምርትያ ተቃናዉ በሴስ። 
\v 12 ኤንታ ናበታፐ እሶይ፥ “ቃርፄሳ አሳይ ኡባ ዎደ ዎርዶ ኦደቶሶና፤ ኢታ ዶአታነ አዛላ ያራምባታ”\f + \fr 1:12 \fr*\fk ቃርፄሳ አሳይ ኡባ ዎደ ዎርዶ ኦደቶሶና፤ ኢታ ዶአታነ አዛላ ያራምባታ፦ \fk*\ft ሄሳ ያግድ ኦድዳ ናበይ ኤጵመንዴሳ ጌተቴስ።\ft*\f* ያግስ። 
\v 13 ሀ ማርካተይ ቱማ ማርካተ። ሄሳ ግሾ፥ ኤንታዉ ቱማ አማኖይ ዳና መላ ኤንታ ሀንቀታ። 
\v 14 ቱማ እፅያ አሳ ትምርትያነ አይሁደታ ፓና ቶስያ ስኦና መላ ኤንታ ሴራ። 
\v 15 ባንታዉ ጌሽ ግድዳይሳታስ ኡባይ ጌሽ፥ ሽን ቱናታስነ አማኖናይሳታስ ኤንታ ቆፋይነ ካሀይ ቱንዳ ግሾ፥ ኤንታዉ አይብካ ጌሽ ግደና። 
\v 16 ኤንቲ ኑ ፆሳ ኤሮስ ጎሶና፥ ሽን ባንታ ኦሱዋን እያ ካዶሶና። ኤንቲ ፆሳን እፀትዳይሳታ፥ ኪተቶናይሳታነ ሎኦ ኦሶ ኡባስ ግዶናይሳታ።
\b
\c 2
\s1 ዱማ ዱማ ኪታ
\p
\v 1 ሽን ኔኒ ሱረ ትምርትያ ጳልቆና ትምርተ ታማርሳናዉ በሴስ። 
\v 2 ጭማ አደት ባንታና ሃረይሳታ፥ ዎፑ ግዳይሳታ፥ ቦንቸትዳይሳታ፥ አማኖን፥ ሲቆንነ ዳንዳአን፥ ምኖ ግዳና መላ ዞራ። 
\v 3 ሄሳዳካ፥ ጭማ ማጫሳይ ባንታ ዱሳን ጌሻታ፥ ዝግሮናይሳታ፥ ዎይነ ኡሻን ሃረቶናይሳታነ ሎኦባ ታማርሰይሳታ ግዳና መላ ታማርሳ። 
\v 4 ኤንቲ ሄሳዳ ሀንኮ ያላጋ ማጫሳይ ባንታ አዝናታነ ባንታ ናይታ ሲቃና መላ ታማርሳናዉ ዳንዳኦሶና። 
\v 5 ፆሳ ቃላይ ቦረቶና መላ ባንታና ሃረይሳታ፥ ጌሻታ፥ ባንታ ሶን ኦይሳታ፥ ኬሀታነ ባንታ አዝናታስ ኪተተይሳታ ግዳና መላ ያላጋ ማጫሳ ታማርሶና።
\p
\v 6 ሄሳዳካ፥ ዶን አደት ባንታና ሃራና መላ ዞራ። 
\v 7 ኔኒ ነ ሁጰን ሎኦ ኦሶ ኡባን ኤንታዉ ሌምሶ ግዳ። ኔኒ ነ ትምርትያን ኤቅዳይሳነ አማነትዳይሳ ግዳ። 
\v 8 ኑ ሞርከት ኑና ዝግራናዉ ጋሶያባይ ኤንታዉ ይን ኤንቲ ዬላታና መላ ኔኒ ቦረቶና ሎኦ ኦዳ ኦዴታ።
\p
\v 9 አይለት ኡባባን ባንታ ጎዳታስ ኪተታና መላ ኤንታ ኡፋይሳና መላነ ኤንታራ ፓላሞና መላ ዞራ። 
\v 10 ኤንቲ ባንታ ጎዳታፐ ካይሶቶፖ። ሄስካ፥ ኑና አሽያ ፆሳ ትምርተይ፥ ኡባ ኦገን ዶሰትዳይሳ ግዳና መላ ባንታ ኦያ ኦሱዋን አማነተይሳታ ግደይሳ በሳና መላ ኤንታ ዞራ።
\p
\v 11 አሰ አሽያ ፆሳ አ ኬሀተይ አሳ ኡባስ ቆንጭስ። 
\v 12 ሄ አ ኬሀተይ፥ ኑ ናጋራነ ሀ አላምያ አሙዋ አግድ፥ ሀ ዎድያን ኑና ሃርድ፥ ቱማ አያና ደኡዋንነ ፅሎተን ዳና መላ ኑና ታማርሴስ። 
\v 13 ኑኒ አንጀትዳ ኡፋይሳ ግድዳ ግታ ፆሳነ ኑና አሽያ የሱስ ክርስቶሳ ቦንቾ ቆንጨ ናጎስ። 
\v 14 ኢታ ኦሶ ኡባፈ ኑና ዎዛናዉነ ሎኦባ ኦናዉ አሞትያ ባ ጌሻ አስ ከሳናዉ ኑ ግሾ ባና አድ እሚስ።\x - \xo 2:14 \xo*\xt ማዝ 130:8፤ ከሳ 19:5፤ ዛረ 4:20፤ 7:6፤ 14:2፤ 1 ጰፅ 2:9.\xt*\x*
\p
\v 15 ኔኒ ሀይሳ ታማርሳ፤ ኩመ ማታን ዞራ፥ ሴራ፤ ኦንካ ነና ካፖ።
\c 3
\s1 ጎእያ ኦሶታ
\p
\v 1 አሳይ ደርያ ሃረይሳታስ፥ አዋተይ ደኤይሳታስ ሃረታናዉ፥ ኪተታናዉነ ሎኦ ኦሶ ኡባ ኦናዉ ጊገትዳይሳታ ግዳና መላ አኬክሳ። 
\v 2 ቃስ ኤንቲ ኦደ ቦላካ ኢታ ኦደቶና መላ፥ ሳሮ አስ ግዳና መላ፥ አሽከታነ አሳ ኡባስ ቃተይሳታ ግዳና መላ ዞራ። 
\v 3 ኑኒ ካሰ ኤያታ፥ ኪተቶናይሳታ፥ ባለትዳይሳታ፥ ዱማ ዱማ አሾ ኡፋይሳስነ አሞስ አይለትዳይሳታ። ኑኒ ኢታተንነ ቃናተን ኩምዳይሳታ፤ ኑ አሰ እፀይሳታ፥ አስካ ኑና እፀይሳታ። 
\v 4 ሽን አሽያ ፆሳ ኬሀተይነ ሲቆይ ቆንጭዳ ዎደ፥ 
\v 5 ኑ ኦዳ ፅሎ ኦሱዋ ግሾ ግዶናሽን፥ ባ ማሮተ ግሾ ኑና አሽስ። ኑና እ አሽዳይ፥ ናምአን የለተ ሜቻንነ ጌሻ አያና ባጋራ እምዳ ኦራ ደኡዋና። 
\v 6 ሄ አያና፥ ፆሳይ ኑና አሽያ የሱስ ክርስቶሳ ባጋራ ኑ ቦላ ዳርስድ ጉስስ። 
\v 7 ባ አ ኬሀተ ባጋራ ኑና ፅልስድ መርና ደኡዋ ላታ ኡፋይሳ ኦይካና መላ ሄሳ ኦስ። 
\v 8 ሀ ቃላይ አማነትዳ ቃላ። ፆሳ አማነይሳት ሎኦ ኦሶ ኦናዉ ጊግዳይሳታ ግዳና መላ ነ ሀ ቃላ ምንዳ ኦዳና መላ ታ ኮያይስ። ሀይሳቲ አሰ ኡባስ ሎኦነ ጎኤይሳታ። 
\v 9 ሽን ኤያተ ፓላማፐ፥ ኮቻ ታይቦፐ፥ ካቻፈነ ህገ ጋሶን ደንድያ ኦሻፈ ናገታ። ሄስ ጎእነ ዎይ ባይናባ። 
\v 10 ሻሄተ መያ ኡራ ኮይሮ ዞራ፤ ናምአን ሀንቀታ፥ ሄሳፈ ጉየ፥ እያፐ ሃካ። 
\v 11 ሄሳ መላ አስ ጌላነ ናጋራንቾ፤ እ ባ ቦላ ፕርደይሳ ኤራ።
\s1 ዉርሰ ዞረ
\p
\v 12 ታኒ ባልጎ ያን ሻጫናዉ ቆፕዳ ግሾ፥ አርፀማሳ ዎይኮ ትክቆሳ ኔኮ ኪትያ ዎደ ነ ታኮ ንቆጵልዮና ያናዉ ምና።\x - \xo 3:12 \xo*\xt ሀዋ 20:4፤ ኤፈ 6:21-22፤ ቆላ 4:7-8፤ 2 ፅሞ 4:12.\xt*\x* 
\v 13 ህገ ኤርያ ዜማስነ አጵሎስ ኦገ ብያ ዎደ ኤንታዉ ኮሽያባይ ፓጮና መላ ኤንታ ማዳ። 
\v 14 ኑ አሳይካ ፓና አስ ግድድ አቶና መላ ባንታዉ ኮሽያባ ደማና መላ ሎኦ ኦሶ ኦናዉ ምንድ ታማሮ።
\p
\v 15 ታራ ደእያ ኡባይ ነና ሳሮ ጎሶና፤ አማኖን ኑና ሲቅያ አሳ ሳሮ ጋ።
\p ፆሳ አ ኬሀተይ ህንተ ኡባራ ግዶ። አምንእ።