\id ROM - GOOFA FULL BIBLE
\ide UTF-8
\h ሮመ ኪታ
\toc1 ሮመ ኪታ
\toc3 ሮመ
\toc2 ሮመ
\mt1 ጳዉሎስ ሮመ አሳስ
\mt2 ፃፍዳ ኪታ
\imt ጋ ቆፋ
\ip ሀዋርያ ጳዉሎሳ ኪታይ ሮመ አሳስ ፃፈትዳይ፥ ጳዉሎስ ሮመን ደእያ ዎሳ ኬ በአናዉ ቆፕዳ ግሾ፥ እ ብያ ዎደ ኤንቲ ጊግድ ናጋና መላ ኦናሳ። ጳዉሎሳ ቆፋይ ሮመን ደእያ አማነይሳታራ ጉ ዎደ ኦዳፐ ጉየ፥ ኤንቲ እያ ማድን እስፔነ ባናሳ። ሮመ ኪታን አማኖባ እ ኤርዳይሳ፥ አማንያ አሳይ ሄ ትምርትያ ኦሶን ፔሻና መላ ቆንጭስድ ፃፍስ።
\ip ጳዉሎስ ሮመን ደእያ አማንያ አሳ ኮይሮ ሳሮ ስሚድ፥ ካልድ ኤንታዉ ዎሰይሳ ኦዴስ። ኢያ ኪታስ ጉልአ ቆፋይ፥ “ዎንገላን ፆሳ ፅሎተይ ቆንጭስ፤ ሄ ፅሎተይ ኮይሮፐ ዉርሰ ጋካናዉ አማኖን ቆንጭስ” ግድ ኦዴስ (\xt 1:17\xt*)።
\ip ሄሳፈ ጉየ፥ ሄ ቆፋ ዳልግስድ ፃፌስ። አይሁደታ ግድን አይሁደ ግዶና አሰ ግድን፥ ኡባይ ናጋር ሃርን ደእዳ ግሾ፥ ኤንቲ ፆሳራ ስገታናዉ ኮሼስ። አሳይ ፆሳራ ስገታናዉ ዳንዳኤይ የሱስ ክርስቶሳ አማኖና። ኤንቲ ፆሳራ መያ ኦራ ጋሄተ አይፈይ፥ ኦራ ደኦ ግደይሳ ጳዉሎስ ዳልግስድ ኦዴስ። አማንያ አስ ፆሳራ ሳሮ ደኤስ፤ ቃስ ፆሳ አያና ባጋራ ናጋራፐነ ሀይቆ ዎልቃፈ ከስ ኤኬስ። ሸምፖ 5-8 ጋካናዉ ጳዉሎስ ፆሳ ህገይነ አማንያ አሳ ደኦን ኦያ ፆሳ አያና ዎልቃ ቆፋይ አይበኮ ኦዴስ። ሄሳፈ ካልድ፥ ጳዉሎስ፥ “ፆሳይ አሳ ናአስ ቆፕዳ ቆፋ ግዶን አይሁደትነ አይሁደ ግዶና አሳይ ዋንድ እስፈ ዋፀታናዉ ዳንዳኢ?” ግያ ኦይሻስ ዛሮ እማናዉ ባፀትስ።
\ip ቃስ አይሁደት የሱሳ ኤኮና እፅዳይ ፆሳ ቆፋ ግደይሳ ኦዴስ። ሄስ ሀንዳይ የሱስ ክርስቶሳ ባጋራ ቆንጭስዳ አ ኬሀተ ግዶን አሳ ዛረ ኡባ ሀጳና መላሳ። ግዶሽን፥ አይሁደት የሱሳ ኤካና ዎደይ ያናይሳ ጳዉሎስ አማኔስ። ዉርሰን ጳዉሎስ አማኖ ደኦ ዋንድ ዳናዉ በሲያኮ ኦዴስ። ፆሳስ ኦናባ፥ አማንያ አሳት ባንታ ቢታስነ ባንታ ግዶን እሶይ እሱዋስ አዋተን ኦናባነ ካሃ ጋሶን መትያ ኦይሸታባ ቆንጭስድ ኦዴስ።
\iot ማፃፋ አይፈ ቆፋታ
\io1 ገሎ ቆፋ (\ior 1:1-15\ior*)
\io1 ሮመ ኪታ ሁጰ ቆፋ (\ior 1:16-17\ior*)
\io1 አሳ ናአስ አቶተ ኮሼስ (\ior 1:18—3:20\ior*)
\io1 ፆሲ አሰ አሽያ ኦገ (\ior 3:21—4:25\ior*)
\io1 ክርስቶሳን በንትያ ኦራ ደኦ (\ior 5:1—8:39\ior*)
\io1 ፆሲ እስራኤለስ ቆፕያ ቆፋ (\ior 9:1—11:36\ior*)
\io1 አማንያ አሳ ዱሳ (\ior 12:1—15:13\ior*)
\io1 ኩሻ ቆፋነ ሳሮ (\ior 15:14—16:27\ior*)
\c 1
\p
\v 1 የሱስ ክርስቶሳ አይለ ግድዳ፥ ሀዋረ ግዳና መላ ፄገትዳይሳፈነ ፆሳ ዎንገላ ሳባካና መላ ዶረትዳ ጳዉሎስ ኪትዳ ኪታ።
\p
\v 2 ፆሳይ ዳሮ ዎደፐ ስን ባ ናበታ ባጋራ እማና ያግዳ ፆሳ ዎንገላይ ጌሻ ማፃፋታን ፃፈትስ። 
\v 3 ሄ ዎንገላይ አሾን ዳዊታ ሼሻፐ የለትዳ፥ ፆሳ ናኣ፥ ኑ ጎዳ የሱስ ክርስቶሳባ። 
\v 4 ቃስ እ ባ ጌሻ አያናን ሀይቆፐ ደንድድ፥ ፆሳ ናኣ ግደይሳ ግታ ዎልቃን በስስ። 
\v 5 እያ ባጋራ አይሁደ ግዶና አሳ ኡባይ፥ አማንድ ኪተታና መላ ክርስቶሳ ሱን ግሾ፥ ፆሳይ አ ኬሀተነ ሀዋረተ ማታ ኑስ እሚስ። 
\v 6 የሱስ ክርስቶሳስ ግዳና መላ ፄገትዳ አሳታፐ ባጋት ህንተና።
\p
\v 7 ሮመን ደእያ፥ ፆሳይ ሲቀይሳታስነ እያ ጌሻ ደረ ግዳና መላ ዶርዳይሳታስ።
\p ፆሳ ኑ አዋፐነ ጎዳ የሱስ ክርስቶሳፐ አ ኬሀተይነ ሳሮተይ ህንተዉ ግዶ።
\s1 ጋላታ ዎሳ
\p
\v 8 ኡባፈ ኮይሮታዳ፥ ህንተ አማኖይ ቢታ ኡባን ስኤትዳ ግሾ፥ የሱስ ክርስቶሳ ባጋራ ህንተ ግሾ ታ ፆሳ ጋላታይስ። 
\v 9 ታኒ እያ ናኣ ዎንገላባ ኩመ ዎዛናን ኦድያ ፆሳይ፥ ታኒ ታ ዎሳን ኡባ ዎደ ህንተና ቆፐይሳስ እ ማርካ። 
\v 10 ዉርሰን፥ ፆሳ ሸነ ግድኮ፥ ታኒ ህንተኮ ባናዉ ኦገይ ታዉ እንጀታና መላ ኡባ ዎደ ዎሳይስ። 
\v 11 ታኒ ህንተዉ አያና እሙዋ ሻካናዉነ ህንተና በአናዉ ላሞታይስ። 
\v 12 ሄስካ፥ ታኒ ህንተ አማኑዋን፥ ቃስ ህንተ ታ አማኑዋን ምነታና መላሳ።
\p
\v 13 ታ እሻቶ፥ ታኒ አይሁደ ግዶና አሳፐ አይፈ ደምዳይሳዳ፥ ህንተፈካ አይፈ ደማናዉ ህንተኮ ባናዉ ቆፓስ፥ ሽን ድገታስ።\x - \xo 1:13 \xo*\xt ሀዋ 19:21.\xt*\x* 
\v 14 ታማርዳ አሳስነ ታማርቦና አሳስ ቃስ ጭንጫታስነ ኤያታስ ታዉ አጮይ ደኤስ።
\p
\v 15 ሄሳ ግሾ፥ ሮመን ደእያ ህንተዉካ ዎንገላ ኦዳናዉ አሞታይስ።
\s1 ዎንገል ፆሳ ዎልቃ
\p
\v 16 እያ አማንያ ኡባ፥ ኮይሮትድ አይሁደታ፥ ካልድ አይሁደ ግዶናይሳታ አሻናዉ ዎንገላይ ፆሳ ዎልቃ ግድያ ግሾ፥ ታ ዎንገላን ዬላትከ።\x - \xo 1:16 \xo*\xt ማር 8:38.\xt*\x* 
\v 17 ፅሎይ አማኖን ደኦን ዳና ጌተትድ ጌሻ ማፃፋን ፃፈትስ። ዎንገላን ፆሳ ፅሎተይ ቆንጭስ፤ ኮይሮፐ ዉርሰ ጋካናዉ፥ አሳይ ፅለይ አማኖና።\x - \xo 1:17 \xo*\xt እብራ 2:4.\xt*\x*
\s1 አሳ ኢታተ
\p
\v 18 ቱማይ ኤረቶና መላ ባንታ ኢታ ኦሶን ካምያ አሳ ቦላነ ናጋራ ኡባ ቦላ፥ ፆሳ ሀንቆይ ሳሎፐ ዎስ። 
\v 19 ፆሳይ ኤንታዉ ቆንጫናዉ በሲያባ ቆንጭስዳ ግሾ፥ ኤንቲ ፆሳባ ኤሮሶና። 
\v 20 አላመይ መቶሳፐ ዶምድ፥ አሳስ በንቶና ፆሳ ካንዶይ፥ ሄስካ እያ መርና ዎልቃይነ ፆሳተይ እያ መተን ቆንጭድ ደእያ ግሾ፥ አሳይ ባንታ ኢታተስ ጋሶያባይ ባዋ።
\p
\v 21 ኤንቲ ፆሳ ኤርሸ፥ እያ ቦንችቦኮናነ ጋላትቦኮና። ኤንታ ቆፋይ ማዶናባ ግድስ፤ ኤንታ አኬኮና ዎዛናይ ምስ።\x - \xo 1:21 \xo*\xt ኤፈ 4:17-18.\xt*\x* 
\v 22 ኤንቲ ባንታና ጭንጫታ ጎሶና፥ ሽን ኤያታ። 
\v 23 ኤንቲ ሀይቆና ፆሳ ጎይናናይሳ አግድ፥ ሀይቅያ አሳ መን፥ ካፎታ መን፥ ዶአታ መንነ ኡሎራ ጎሸትያባታ ዳንስድ ኦዳ ምስለታ ጎይንዶሶና።\x - \xo 1:23 \xo*\xt ዛረ 4:16-18.\xt*\x*
\p
\v 24 ሄሳ ግሾ፥ ኤንቲ እሶይ እሱዋራ ቦርሶባ ኦድ፥ ባንታ አሳተ ካዉሻና መላ ፆሳይ ኤንታ ዎዛናይ አሞትያ ቱና ኦሶስ ኤንታ የግ አግስ። 
\v 25 ሄስ ሀንዳይ ኤንቲ ፆሳ ቱማ ዎርዶን ላምዳ ግሾነ መዳ ፆሳ አግድ፥ መተ ጎይንዳ ግሾሳ። ፆሳይ መርናዉ ጋላተትዳይሳ። አምንእ።
\p
\v 26 ሄሳ ግሾ፥ ፆሳይ ኤንታና ኤንታ ቦርሶ አሙዋስ የግ አግስ። ኤንታ ማጫሳይ ባንታዉ በሲያ አደራ ጋሄተ አግድ፥ በሶናባ ሀንድ ማጫስ ማጫሳራ ጋሄትዶሶና። 
\v 27 ሄሳዳካ፥ አደት ባንታዉ በሲያ ማጫሳራ ጋሄተ አግድ፥ አደይ አደራ ጋሄትዶሶና። አደት እሶይ እሱዋራ አሞን ፁገትድ፥ ቦርሶባ ኦዶሶና። ባንታ ኦዳ ናጋራስ በሲያ ፕርዳ ኤክዶሶና።
\p
\v 28 ኤንቲ ፆሳ ኤርሸ፥ ሀር አቶሽን እያባ ቆፓናዉ ኮዮና እፅዳ ግሾ፥ በሶናባ ኦና መላ ፆሳይ ኤንታና ፓና ቆፋስ አድ እሚስ። 
\v 29 ኤንታን ጌላተ፥ ኢታተ፥ ዪቀይ፥ ገነይ፥ ቃናተይ፥ ሸምፖ ዎይ፥ ፓላም፥ ጭሞይነ ኢታ አሞይ ኩምስ። ኤንቲ ዝግረይሳታ፥ 
\v 30 አሳ ሱን ኢሰይሳታ፥ ፆሳ እፀይሳታ፥ ጫየይሳታ፥ ኦቶረይሳታ፥ ጬቀተይሳታ፥ ኢታባ ኦናዉ ኮየይሳታነ ባንታ አየስነ አዋስ ኪተቶናይሳታ፥ 
\v 31 አኬኮናይሳታ፥ ጫቆ መንይሳታ፥ ሲቆይ ባይናይሳታ፥ ቃይ ባይናይሳታ። 
\v 32 ሀይሳታ መላ ኦይሳታስ ሀይቆይ በሴስ ግያ ፆሳ ህግያ ኤርሸ፥ ሀይሳታ ኦሶና። ኤንቲ ባንታዉ ኦሶ ፃላላ ግዶናሽን፥ ኦያ ሀራታካ ናሾሶና።
\c 2
\s1 ፆሳ ፅሎ ፕርዳ
\p
\v 1 ሄሳ ግሾ፥ ነኖ ሀራታ ቦላ ፕርደይሶ፥ ኔኒ ጋሶያባይ ባዋ። ኔኒ ሀራታ ቦላ ፕርዳሸ፥ ሄ ኔኒ ፕርድያ ኡራ መላ ኦኮ፥ ኔኒ፥ ነ ቦላ ፕርዳሳ።\x - \xo 2:1 \xo*\xt ማቶ 7:1፤ ሉቃ 6:37.\xt*\x* 
\v 2 ሄሳ መላ ኦሶ ኦይሳታ ቦላ ፆሳይ ፅሎ ፕርዳ ፕርደይሳ ኑ ኤሮስ። 
\v 3 ነኖ፥ ሄሳ መላ ኦሶ ኦይሳታ ቦላ ፕርደይሶ፥ ኤንቲ ኦይሳ መላ ኦይሶ፥ ኔኒ ፆሳ ፕርዳፈ አታናባ ዳኒ? 
\v 4 ዎይኮ ፆሳ ኬሀተ፥ ገንጫነ ዳንዳአ ዳሮተ ካዬ? ፆሳይ ነዉ ኬህዳይ ነና ናጋራፐ ዛራናዉ ግደይሳ ኤርክዬ?
\p
\v 5 ሽን ህንተዉ ሹቻ ዎዛንነ ስኦና ሀይ ደኤስ። ሄሳ ግሾ፥ ፆሳ ሀንቆይነ ፅሎ ፕርዳይ ቆንጭያ ጋላስ፥ ነ ቦላ ፕርዳይ ዳራና መላ ኦሳ። 
\v 6 ፆሳይ እሱዋስ እሱዋስ እያ ኦሱዋ መላ እማና።\x - \xo 2:6 \xo*\xt ማዝ 62:12፤ ሌም 24:12.\xt*\x* 
\v 7 ሎኦ ኦሶን ምንድ፥ ጋላታ፥ ቦንቾነ ዮና ደኡዋ ኮየይሳታስ ፆሳይ መርና ደኡዋ እማና። 
\v 8 ሽን ባንታና ሲቀይሳታ፥ ቱማ እፀይሳታነ ኢታባ ኦናዉ ኮየይሳታ ቦላ ፆሳ ሀንቆይነ ፕርዳይ ያና። 
\v 9 ኢታባ ኦያ አሳ ኡባ፥ ኮይሮትድ አይሁደታ፥ ካልድ አይሁደ ግዶና አሳ መቶይነ ዋየይ ጋካና። 
\v 10 ሽን ፆሳይ ሎኦ ኦሶ ኦያ ኡባስ፥ ኮይሮትድ አይሁደታስ፥ ካልድ አይሁደ ግዶናይሳታስ ጋላታ፥ ቦንቾነ ሳሮተ እማና። 
\v 11 ፆሳይ ሶምኦ በእድ አሰ ሻከና።\x - \xo 2:11 \xo*\xt ዛረ 10:17.\xt*\x*
\p
\v 12 ህገይ ባይና ናጋራ ኦዳ ኡባይ ህገይ ባይና ያና። ህገይ ደእሽን፥ ናጋራ ኦዳ ኡባይ ህገን ፕርደታና። 
\v 13 ፆሳ ስንን ፅለይሳት ህገ ናገይሳታፐ አትሽን፥ ህገ ስሳ ፃላላ ስኤይሳታ ግዶኮና። 
\v 14 ህገይ ባይና አይሁደ ግዶና አሳይ መን ህገይ ኪተይሳ ኦሶና። ኤንታዉ ፃፈትዳ ህገይ ባይና እፅኮካ ኤንቲ ባንታ ዎዛናን ህግያ ኤሮሶና። 
\v 15 ኤንታ ሀኖታይ፥ ህገ ኪታይ ኤንታ ዎዛናን ፃፈትዳይሳ በሴስ። ቃስ ኤንታ ካሀይ ኤንታ ቦላ ማርካቴስ። ኤንታ ቆፋይ እስ እስ ቶሆ ኤንታና ባላ ጌስ፤ እስ እስ ቶሆ ኤንታና ልከ ጌስ። 
\v 16 ታ ታማርስዳ ዎንገላ መላ ፆሳይ የሱስ ክርስቶሳ ባጋራ አሳ ዎዛናን ጌምዳ ቆፋ ፕርድያ ዎደ ሄስ ኤረታና።
\s1 አይሁደታነ ኤንታ ህግያ
\p
\v 17 ሽን ነ ነና አይሁደ ጋሳ፤ ህገን ዘምፓሳ፤ ፆሳን ጬቃሳ። 
\v 18 ነ ኦና መላ ፆሳይ ኮይያባይ አይበኮ ኤራሳ። ህግያ ታማርዳ ግሾ፥ ቱማ ግድያባ ዶራናዉ ኤራሳ። 
\v 19 ኔኒ ቆቀታ ካለይሳ፥ ቃስ ማን ደኤይሳታስ ፖኦ ግደይሳ ሻካ ኤራሳ። 
\v 20 ኔኒ ህግያፈ ደምዳ ኤራተንነ ቱማተን ኤያታ ኤርሰይሳነ ዮጋታ ታማርሰይሳ ግደይሳ ኤራሳ። 
\v 21 ያትን፥ ነ ሀራታ ታማርሰይስ ነ ነና አይስ ታማርስኪ? ኔኒ፥ “ካይሶቶፓ” ጋሸ፥ ኔኒ ነ ሁጰን ካይሶታዬ? 
\v 22 ኔኒ፥ “ላሞፋ” ጋሸ፥ ኔኒ ነ ሁጰን ላማዬ? ኔኒ ኤቃ እፃሸ፥ ኤቃይ ደእያ ኬ ቦንቃዬ? 
\v 23 ኔኒ ፆሳ ህግያን ጬቀታሳ፥ ሽን ህግያስ ኪተቶና እፃዳ ፆሳ ዬላያይ? 
\v 24 ጌሻ ማፃፋን፥ “ህንተ ጋሶን ፆሳ ሱንይ አይሁደ ግዶና አሳታን ጫየቴስ” ጌተትድ ፃፈትስ።\x - \xo 2:24 \xo*\xt እሳ 59:7-8.\xt*\x*
\p
\v 25 ነ ህገስ ኪተትኮ፥ ነ ቃፃረተስ ማደይ ደኤስ፥ ሽን ኔኒ ህግያስ ኪተቶና እፅኮ ነ ቃፃረተይ ቃፃረትቦና መላ ግዴስ። 
\v 26 አይሁደ ግዶና አስ ቃፃረቶና ደእሸ፥ ህግያስ ኪተትኮ፥ ፆሳይ እያ ቃፃረትዳ መላ ታይበኔ? 
\v 27 ህንተ፥ አይሁደ አሳት፥ ህንተዉ ፃፈትዳ ህገይነ ቃፃሮይ ደእሽን፥ ህንተ ህገስ ኪተቶና እፅኮ፥ አይሁደ ግዶና አሳይ ቃፃረቶና እፅኮካ ህገስ ኪተትድ፥ ህንተ ቦላ ፕርዳና።\f + \fr 2:27 \fr*\fq ህንተ ቦላ ፕርዳና፦ \fq*\ft ኤንታ ሀኖታይ ዎይኮ ኤንታ ኪተተይ ህንተ ቦላ ፕርዳና።\ft*\f*
\p
\v 28 ህዛ፥ ሱንን አይሁደ ግድዳ ኡባይ ቱማ አይሁደ ግደና። ቃስ ካረ አሳተ ቃፃሮይ ቱማ ቃፃሮ ግደና። 
\v 29 ሽን ቱማ አይሁደተ ጋ ባጋን አይሁደ ግደይሳ። ቱማ ቃፃረተ ፆሳ አያናን ኦሰትያ ዎዛና ቃፃረተፈ አትሽን፥ ፃፈትዳ ህግያን ኦሰትያ አሳተ ቃፃሮ ግደና። ሄ ኡራይ ጋላታ ፆሳፈ ኤኬስፐ አትሽን፥ አሳፐ ግደና።\x - \xo 2:29 \xo*\xt ዛረ 30:6.\xt*\x*
\c 3
\s1 አይሁደታ አማኖ እፆ
\p
\v 1 ያትን፥ አይሁደ ግዶን አይ ዱማተ ደኢ? ዎይኮ ቃፃረተን አይ ማደይ ደኢ? 
\v 2 ቱማካ አይሁደ ግዶይ ዳሮ ኦገራ ማዴስ። ኡባፈ ስን ፆሳይ ባ ቃላ ሀዳራ አይሁደታስ እሚስ።
\p
\v 3 ያትን፥ ኤንታፈ እሶት እሶት ቃላ አማኖና እፅኮ፥ ኤንታ እፆይ ፆሳ አማነተ ድግዬ? 
\v 4 ድገና! አሳ ኡባይ ዎርዳንቾ ግድኮካ ፆሳይ ቱማ ግዶ። ጌሻ ማፃፋን፥
\q1 “ነ ቃላን ነ ፅላሳ፤
\q2 ነና ሞተይሳ ፕርዳን ላሳ”
\m ጌተትድ ፃፈትስ።\x - \xo 3:4 \xo*\xt ማዝ 51:4.\xt*\x*
\p
\v 5 ያትን፥ ኑ ናጋራይ ፆሳይ ፅሎ ግደይሳ በሲያባ ግድኮ፥ ኑ ዎይጋኔ? ፆሳይ ኑ ናጋራ ግሾ፥ ኑ ቦላ ፕርድኮ፥ ልከ ግደነዬ? ሀይሳ ታኒ አሳ ቆፋ ጋይስ። 
\v 6 ሄስ ኡባራካ ሀነና። ሄሳዳ ሀንኮ፥ ፆሳይ ሀ አላምያ ቦላ ዋት ፕርዳኔ?
\p
\v 7 ሽን ታ ዎርዶተይ ፆሳ ቱማ ቆንጭስድ፥ እያ ቦንቹዋ ዳርስ በሲያባ ግድኮ፥ ያትን፥ አይስ ታ ቦላ ናጋራንቾዳ ፕርዴቲ? 
\v 8 እስ እስ አሳይ፥ “ሎኦይ ያና መላ ኢታ ኦስ” ያግድ ታማርስያዳ ኦድ ታና ሞቶሶና። ሄሳ መላ አሳ ቦላ ያ ፆሳ ፕርዳይ ልከ።
\s1 አስ ኡባይ ናጋራንቾ
\p
\v 9 ያትን፥ ኑኒ ዎይጋኔ? ኑ አይሁደት፥ አይሁደ ግዶናይሳታፐ አናዬ? ግደና! አይሁደ ግድን፥ አይሁደ ግዶና እፅን ኡባይ ናጋራንቾ ግደይሳ ታኒ ካሰታዳ ህንተዉ ኦዳስ።
\p
\v 10 ጌሻ ማፃፋን፥
\q1 “ፅሎ አስ እሶይካ ባዋ።\x - \xo 3:10 \xo*\xt ማዝ 14:1-3፤ 53:1-3.\xt*\x*
\q1
\v 11 አኬክያ አስ ባዋ፥
\q2 ፆሳ ኮይያ ኦንካ ባዋ።
\q1
\v 12 አሳ ኡባይ ፆሳስ ዞኮ ዛርዶሶና፤
\q2 ኡባይ እስፈ ፓናባ ግድዶሶና።
\q1 ሎኦ ኦያ ኦንካ ባዋ፤
\q2 እስ አስካ ባዋ።
\q1
\v 13 ኤንታ ዶናፐ ከይያ ቃላይ፥
\q2 ዶየትዳ ዱፎፐ ከይያ ፅንቆ መላ፤
\q2 ባንታ እንፃርሳን ጭሞሶና።
\q1 ኤንታ ዶናፐ አሰ ዎያ፥
\q2 ሾሻ ማርዘይ ከዬስ።\x - \xo 3:13 \xo*\xt ማዝ 5:9፤ 140:3.\xt*\x*
\q1
\v 14 ኤንታ ዶናን ጫሞ ኦዳይነ ባደ ኩምስ።\x - \xo 3:14 \xo*\xt ማዝ 10:7.\xt*\x*
\q1
\v 15 ኤንቲ ሱ ጉሳናዉ ኤለሶሶና።\x - \xo 3:15 \xo*\xt እሳ 59:7-8.\xt*\x*
\q1
\v 16 ኤንታ ኦግያን ዮይነ ቆሆይ ደኤስ።
\q1
\v 17 ኤንቲ ሳሮተ ኦግያ ኤሮኮና።
\q1
\v 18 ባንታ ደኡዋን ፆሳስ ያዮኮና”
\m ጌተትድ ፃፈትስ።\x - \xo 3:18 \xo*\xt ማዝ 36:1.\xt*\x*
\p
\v 19 አሰ ኡባ ዶና ኦይናዉነ ኩመ አላምያ ፆሳ ፕርዳፈ ጋርሳን ሺሻናዉ፥ ህገይ እመትዳይ ህገፈ ጋርሳን አቀይሳታስ ግደይሳ ኑ ኤሮስ። 
\v 20 ሄሳ ግሾ፥ ኦንካ ህገስ ኪተትድ ፆሳ ስንን ፅላናዉ ዳንዳኤና። ህገይ አስ ኡባይ ናጋራንቾ ግደይሳ በሴስ።\x - \xo 3:20 \xo*\xt ማዝ 143:2፤ ጋላ 2:16.\xt*\x*
\s1 ፅሎተ አማኖና
\p
\v 21 ሽን ሀእ ፆሳይ አስ ህገይ ባይናሽን ፅልያ ኦገ ቆንጭስስ። ሄ ኦግያ ሙሰ ህገይነ ናበት ማርካትዶሶና። 
\v 22 ሀ ፅሎተ፥ ፆሳይ የሱስ ክርስቶሳ ባጋራ አሳ ኡባስ ሻኮይ ባይና እሜስ።
\p
\v 23 አሳ ኡባይ ናጋራ ኦዶሶና፤ ፆሳይ ኤንታዉ እምዳ ቦንቹዋፈ ሃክድ አትዶሶና። 
\v 24 ሽን ኤንቲ ፆሳ አ ኬሀተን፥ ዎዝያ ክርስቶስ የሱሳ ባጋራ ጮ ፅልዶሶና። 
\v 25 ፆሳይ የሱስ ክርስቶሳ ያርሾ ኦድ እምዳይ፥ እያ አማንያ ኡባይ እያ ሱን ናጋራ አቶተ ደማና መላሳ። ፆሳይ ሄሳ ኦዳይ ባ ዳንዳአን ካሰ ናጋራ ታይቦና አግድ፥ ባ ፅሎተ በሳናሳ። 
\v 26 ሀእ ዎድያን የሱሳ አማንያ ኡባ ፅልስድ፥ ፆሳይ ባ ሁጰን ፅሎ ግደይሳ በሴስ።
\p
\v 27 ያትን፥ ኑ ጬቀትያባይ አይብ ደኢ? አይብካ ባዋ። ኑኒ ጬቀተይ ህገስ ኪተትያ ግሾዬ? አካይ! አማኖ ግሾሳ። 
\v 28 ፆሳይ አሰ ፅልሰይ አማኖናፐ አትሽን፥ ህገስ ኪተተን ግዶናይሳ ኑ አኬኮስ።
\p
\v 29 ዎይኮ ፆሳይ አይሁደታ ፃላላ ፆሰዬ? አይሁደ ግዶናይሳታስ ፆሰ ግደነዬ? ቱማ፥ አይሁደ ግዶናይሳታስካ እ ፆሰ። 
\v 30 ፆሳይ እሶ፤ አይሁደታነ አይሁደ ግዶናይሳታ አማኖን ፅልሰይ እያ።\x - \xo 3:30 \xo*\xt ዛረ 6:4፤ ጋላ 3:20.\xt*\x* 
\v 31 ያትን፥ ኑኒ ህግያ አማኖ ግሾ ሻሮስ ጉሰዬ? ግደና! ህግያ ምንስፐ አትሽን።
\c 4
\s1 አብራሃመይ አማኖን ፅልስ
\p
\v 1 ያትን፥ ኑ ማይዛይ አብራሃመይ አይ ደምዴ? 
\v 2 አብራሃመይ ኦሶን ፅልዳባ ግድያኮ፥ እ ጬቀትያባይ ደኤስ፥ ግዶሽን፥ ፆሳ ስንን ጬቀታናዉ ዳንዳኤና። 
\v 3 ጌሻ ማፃፋይ፥ “አብራሃመይ ፆሳ አማንስ፤ ፆሳይ ሄሳ እያዉ ፅሎተ ኦድ ኤክስ” ያጌስ።\x - \xo 4:3 \xo*\xt መ 15:6፤ ጋላ 3:6.\xt*\x*
\p
\v 4 ኦያ ኡራይ ኤክያ ዳሞዘይ፥ እያ ኦሶ ዎልቃስ ጭገትያ ጋተፐ አትሽን፥ እያዉ እሞታ ግደና። 
\v 5 ሽን ኦሶ ኦና ኦንካ ናጋራንቹዋ ፅልስያ ፆሳ አማንኮ፥ እያ አማኖይ እያዉ ፅሎተ ግድድ ታይበቴስ። 
\v 6 ጌሻ ማፃፋን ዳዊቲ፥ ኦሶይ ባይና ፆሳይ ፅልስያ አሳት አይ መላ አንጀትዳኮ ሀይሳዳ ያግድ ቆንጭሴስ፦
\q1
\v 7 “ኤንታ ባላይ አቶ ጌተትዳይሳትነ
\q2 ኤንታ ናጋራይ ካመትዳይሳት አንጀትዳይሳታ።\x - \xo 4:7 \xo*\xt ማዝ 32:1-2.\xt*\x*
\q1
\v 8 ጎዳይ እያ ናጋራ ታይቦና አስ አንጀትዳይሳ” ያጌስ።
\p
\v 9 ያትን፥ ዳዊቲ ኦድዳ አንጆይ ቃፃረትዳ አሳ ፃላላሰዬ? ዎይኮ ቃፃረትቦና አሳሴ? ኑኒ፥ “ጌሻ ማፃፋይ፥ ‘አብራሃመይ ፆሳ አማንስ፤ ፆሳይ ሄሳ እያዉ ፅሎተ ኦድ ኤክስ’ ያጌስ” ግዳ። 
\v 10 ያትን፥ ሄስ አዉደ ሀንዴ? አብራሃመይ ቃፃረትነዬ? ዎይኮ ቃፃረቶና ደእሽኔ? ቃፃረታናፐ ስን ሀንስፐ አትሽን፥ ጉየ ግደና።
\p
\v 11 አብራሃመይ ቃፃረታናፐ ስን እያ አማኖይ እያዉ ፅሎተ ግድድ ታይበትዳይሳ ኤርሳናዉ፥ እያ ቃፃሮይ ማላታ ግድስ። ሄሳ ግሾ፥ አብራሃመይ ቃፃረቶና አማነይሳታስነ አማኖን ፅለይሳታ ኡባስ አዋ ግድስ።\x - \xo 4:11 \xo*\xt መ 17:10.\xt*\x* 
\v 12 እ ቃፃረትዳይሳታስካ አዋ። አብራሃመይ ኤንታዉ አዋ ግድዳይ ኤንቲ ቃፃረትዳ ግሾ፥ ፃላላስ ግዶናሽን፥ እ ቃፃረታናፐ ስን አማንዳ አማኑዋ ኤንቲ ካልዳ ግሾሳ።
\p
\v 13 አብራሃመስነ እያ ሼሻስ፥ “አላምያ ታ ህንተዉ እማና” ያግዳ ኡፋይሳይ፥ አብራሃመይ አማኖን ፅልዳ ግሾሳፈ አትሽን፥ ህገ ናግድ ፖልዳ ግሾ ግደና።\x - \xo 4:13 \xo*\xt መ 17:4-6፤ 22:17-18፤ ጋላ 3:29.\xt*\x* 
\v 14 ህገስ ኪተትዳይሳት ፆሳይ እማና ግዳ ኡፋይሳ ላተይሳታ ግድኮ፥ አሳ አማኖይ ማደና፤ ፆሳ ኡፋይሳይ ሀዳ ግድስ።\x - \xo 4:14 \xo*\xt ጋላ 3:18.\xt*\x* 
\v 15 ህገ መንይ ፆሳ ሀንቆ ኤሄስ፥ ሽን ህገይ ባይናሶን ህገ መንይ ባዋ።
\p
\v 16 ሄሳ ግሾ፥ ፆሳይ እምዳ ኡፋይሳይ አማኖን ኤከቴስ። ሀ ኡፋይሳይ አብራሃመ ሼሻ ኡባስ ፆሳ አ ኬሀተ ባጋራ እመትዳይሳ ቆንጭሴስ። ሄስካ ህገ ናገይሳታ ፃላላስ ግዶናሽን፥ አብራሃመዳ አማንዳ ኡባሳ። አብራሃመይ ኑ ኡባስ አዋ።\x - \xo 4:16 \xo*\xt ጋላ 3:7.\xt*\x* 
\v 17 ጌሻ ማፃፋን፥ “ታ ነና ዳሮ ካዎተታስ አዋ ኦስ” ጌተትድ አብራሃመ ግሾ፥ ፃፈትስ። ሀ ኡፋይሳይ አብራሃመስ እመትዳይ ሀይቅዳይሳታስ ደኦ እመይስነ ኦራባ ኦያ ፆሳይ እያ ግደይሳ እ አማንዳ ግሾሳ።\x - \xo 4:17 \xo*\xt መ 17:5.\xt*\x*
\p
\v 18 ፆሳይ አብራሃመስ ዳሮ ኮቸ እማናይሳ ጫቅስ። ኡፋይስ ኦናዉ አይኮካ ዳንዳኤቶና ዎደ አብራሃመይ ፆሳን አማንዳ ግሾነ ኡፋይስ ኦዳ ግሾ፥ ዳሮ ካዎተታስ አዋ ግድስ።\x - \xo 4:18 \xo*\xt መ 15:5.\xt*\x* 
\v 19 አብራሃመስ ፄቱ ላይ ኩማና ሀንኮካ፥ ባ ዳቡርዳ አሳተነ ሳራ ናአ የላናዉ ዳንዳኦናይሳ ኤርሸ ባ አማኑዋን ዳቡርቤና።\x - \xo 4:19 \xo*\xt መ 17:17.\xt*\x*
\p
\v 20 ግዶሽን፥ እ ባ አማኑዋን ምንድ ፆሳስ ቦንቾ እሚስፐ አትሽን፥ ፆሳይ እምዳ ኡፋይሳ አማኖና እፅድ፥ ስቤና። 
\v 21 አብራሃመይ፥ ፆሳይ ጫቅዳ ጫቁዋ ፖላናይሳ ባ ኩመ ዎዛናን አማንስ። 
\v 22 ሄሳ ግሾ፥ ፆሳይ እያ አማኑዋ ፅሎተን ታይብስ።
\p
\v 23 ሽን፥ “እያዉ ፅሎተን ታይብስ” ግያ ቃላይ አብራሃመ ፃላላስ ፃፈትቤና። 
\v 24 ሄ ቃላይ ኑ ጎዳ የሱሳ ሀይቆፐ ደንዳ ፆሳ አማንያ ኑስካ ኑ አማኖይ ፅሎተን ታይበታና መላ ፃፈትስ። 
\v 25 ፆሳይ እያ ኑ ናጋራ ግሾ፥ ሀይቆስ አድ እሚስ፤ እ ኑና ፅልሳናዉ ሀይቆፐ ደንድስ።\x - \xo 4:25 \xo*\xt እሳ 53:4-5.\xt*\x*
\c 5
\s1 ፆሳን ደእያ ሳሮተ
\p
\v 1 ህዛ፥ ኑ አማኖን ፅልዳ ግሾ፥ ኑ ጎዳ የሱስ ክርስቶሳ ባጋራ ፆሳራ ኑስ ሳሮተ ደኤስ። 
\v 2 ኑኒ እያ ባጋራ ሀእ ኑ ኤቅዳ አ ኬሀተ ግዶ አማኖን ገልዳ። ሄሳ ግሾ፥ ኑ ፆሳ ቦንቹዋ ሻከታናዉ ደእያ ኡፋይሳን ጬቀቶስ።
\p
\v 3 ሄሳ ፃላላ ግዶናሽን፥ መቶይ ዳንዳአ ኤሄይሳ ኑ ኤርያ ግሾ፥ ኑ መቱዋንካ ጬቀቶስ። 
\v 4 ቃስ ዳንዳአይ ገንጫ፥ ገንጫይ ኡፋይስ እመይሳ ኑ ኤሮስ። 
\v 5 ኑስ እምዳ ጌሻ አያና ባጋራ ፆሳይ ባ ሲቁዋ ኑ ዎዛናን ጉስዳ ግሾ ሄ ኡፋይሳይ ኑና ዬላየና።
\p
\v 6 ኑኒ ቡሮ ዳቡራንቾታ ግድድ ደእሽን፥ ፆሳ ዎደይ ጋክን፥ ክርስቶስ ናጋራንቾታ ግሾ ሀይቅስ። 
\v 7 ፅሎ አሳ ግሾ ሀይቃና አስ ደማናይስ ዳሮ መቶ፥ ሽን ኬሀ አሳ ግሾ ሀይቃና አስ ኦን ኤር በንቶና አገና። 
\v 8 ሽን ኑኒ ቡሮ ናጋራንቾ ግድድ ደእሽን፥ ክርስቶስ ኑ ግሾ ሀይቅስ። ሄስ ፆሳይ ኑና አይ መላ ሲቅያኮ እያ ሲቁዋ በሴስ። 
\v 9 ህዛ፥ ኑኒ ክርስቶሳ ሱን ፅልዳባ ግድኮ፥ ኡባፈ አድ እያ ባጋራ ፆሳ ሀንቁዋፈ አታና። 
\v 10 ኑኒ ፆሳራ ካሰ ሞርከ፥ ሽን እያ ናኣ ሀይቁዋን እያራ ስገትዳ። ሄሳፈ አድ፥ ሀእ ኑኒ ፆሳራ ስገትዳፐ ጉየ፥ እያ ናኣ ደኡዋ ጋሶን ኑኒ አታና። 
\v 11 ሄሳ ፃላላ ግዶናሽን፥ ሀእ ኑና ፆሳራ ስገዳ ኑ ጎዳ የሱስ ክርስቶሳ ባጋራ ኑ ፆሳን ጬቀቶስ።
\s1 አዳመነ ክርስቶሳ
\p
\v 12 አዳመ ባጋራ ናጋር ሀ አላምያ ገልስ። ሄ ናጋራ ባጋራ ሀይቆይ ይስ። አስ ኡባይ ናጋራ ኦዳ ግሾ ሀይቆይ አሳ ዛረ ኡባ ጋክስ።\x - \xo 5:12 \xo*\xt መ 3:6.\xt*\x* 
\v 13 ህገይ እመታናፐ ስን አላመን ናጋር ደኤስ፥ ሽን ህገይ ባይና ዎደ ናጋር ናጋራ ግድድ ታይበተና። 
\v 14 ሽን አዳመፐ ሙሰ ጋካናዉ ሀይቆይ አሳ ኡባ ሃርስ። ሀር አቶሽን፥ አዳመዳ ህገስ ኪተቶና እፅድ፥ ናጋራ ኦቦናይሳታ ቦላካ ሀይቆይ ካዎትስ።
\p አዳመይ ያና የሱሳስ ሌምሶ። 
\v 15 ሽን ፆሳ አ ኬሀተይ አዳመ ናጋራ መላ ግደና። እስ አሳ ናጋራ ባጋራ ዳሮ አሳይ ሀይቅስ። ሽን የሱስ ክርስቶሳ ባጋራ ፆሳ አ ኬሀተይ አሳ ኡባስ ዳርድ እመትስ። 
\v 16 አዳመ ናጋራ ግዶንነ ፆሳ እሞታ ግዶን ዳሮ ዱማተ ደኤስ። እስ አሳ ናጋራ ጋሶን ፆሳይ እያ ቦላ ፕርድስ። ሽን አሳይ ዳሮ ናጋራ ኦንካ ፆሳ አ ኬሀተይ ፅሎተ ኤህስ። 
\v 17 እስ አሳ ናጋራ ጋሶን ሀይቆይ አሳ ኡባ ቦላ ካዎትስ። ሽን የሱስ ክርስቶሳ ባጋራ ፆሳ አ ኬሀተነ ፅሎተ እሞታ ኤክያ ኡባይ፥ ፆኖ ደኦን ደኦሶና።
\p
\v 18 ህዛ፥ እስ አስ ናጋራ ኦዳ ጋሶን አሳ ኡባ ቦላ ፕርድ ይዳይሳዳ እስ አስ ፅሎ ኦዳ ጋሶን፥ ፆሳይ አሰ ኡባ ፅልስድ ኤንታዉ ደኦ እሜስ። 
\v 19 እስ አስ ኪተቶና እፅዳ ጋሶን፥ ዳሮ አሳይ ናጋራንቾ ግድዳይሳዳ እስ አሳ ኪተተን ዳሮ አሳይ ፅላና።
\p
\v 20 አሳይ ናጋራ ዎልቃ ኤራና መላ ህገይ ይስ፥ ሽን ናጋራ ዎልቃይ ዳርዳ ዎደ ፆሳ አ ኬሀተይ አድ ዳርስ። 
\v 21 ናጋር ሀይቆ ዎልቃን ካዎትዳይሳ መላ ፆሳ አ ኬሀተይ ፅሎተ ዎልቃን ካዎትድ፥ ኑ ጎዳ የሱስ ክርስቶሳ ባጋራ ኑና መርና ደኡዋኮ ካለስ።
\c 6
\s1 ናጋራስ ሀይቆ ክርስቶሳስ ደኦ
\p
\v 1 ያትን፥ ኑኒ ዎይጋኔ? ፆሳ አ ኬሀተይ ዳራና መላ ናጋራን ምንድ ደእኖ? 
\v 2 አካይ፥ ኑኒ ናጋራስ ሀይቅዳባ ግድኮ፥ ያትን፥ ኑኒ ህዛፐ ዋንድ ናጋራን ዳኔ? 
\v 3 ኑ ኡባይ ክርስቶስ የሱሳራ እስፋናዉ ፃማቀትዳ ዎደ እያ ሀይቁዋን እያራ እስፋናዉ ፃማቀትዳይሳ ኤረከትዬ? 
\v 4 ኑ ፃማቀትዳ ዎደ ክርስቶሳራ ሀይቅዳነ ሞገትዳ። ክርስቶስ ፆሳ አዋ ቦንቾ ዎልቃን ሀይቆፐ ደንድዳይሳ መላ ኑካ ኦራ ደኦን ዳና።\x - \xo 6:4 \xo*\xt ቆላ 2:12.\xt*\x*
\p
\v 5 ኑ እያ ሀይቁዋን እያራ እስኖ ግድኮ፥ ሄሳዳካ፥ እያ ደንዱዋን እያራ እስኖ ግዳና። 
\v 6 ኑ ህዛፐ ናጋራስ አይለ ግዶና መላነ ኑ ናጋራንቾ አሳተ ዎልቃይ ያና መላ ኑ ጭማ አሳተይ ክርስቶሳራ ካቀትዳይሳ ኤሮስ። 
\v 7 እስ አስ ክርስቶሳን ሀይቅዳባ ግድኮ፥ እ ናጋራ ዎልቃፈ ላአ ከይስ። 
\v 8 ኑኒ ክርስቶሳራ ሀይቅኮ፥ እያራ ደኦን ዳናይሳ አማኖስ። 
\v 9 ክርስቶስ ሀይቆፐ ደንድዳ ግሾ፥ ዛር እ ሀይቆናይሳነ ሀይቆይ ስንፈ እያ ሃሮናይሳ ኑ ኤሮስ። 
\v 10 እ ሀይቅዳ ዎደ ናጋራስ እስቶሆ ዉርሰ ጋካናዉ ሀይቅስ፥ ሽን ሀእ ደኦን ፆሳስ ደኤስ። 
\v 11 ሄሳዳካ፥ ህንተ ናጋራስ ሀይቅድ፥ ጎዳ ክርስቶስ የሱሳ ባጋራ ፆሳስ ደኦን ደኤይሳ ቆፕተ።
\p
\v 12 ሄሳ ግሾ፥ ህንተ፥ ህንተ አሳተ አሙዋስ ኪተቶና መላ ሀይቅያ ህንተ አሳተ ናጋር ሃሮፖ። 
\v 13 ቃስ ህንተ አሳተ ናጋራ ኦናዉ ጌላተ ሚሸ ኦድ እሞፍተ። ሽን ህንተ ሀይቆፐ ደንድድ፥ ደኦን ደእያ አሳዳ ህንተ አሳተ ፆሳስ እምተ። ቃስ ህንተ ኩመ አሳተ ፅሎ ኦሶ ኦናዉ ፆሳስ አድ እምተ። 
\v 14 ህንተ ፆሳ አ ኬሀተ ጋርሳን ደኤታፐ አትሽን፥ ህገፈ ጋርሳን ደኦና ግሾ ናጋር ህንተና ሃራናዉ በሰና።
\s1 ፅሎተ አይለ
\p
\v 15 ያትን፥ ኑ ዎይጋኔ? ህገፈ ጋርሳን ግዶናሽን፥ ፆሳ አ ኬሀተ ጋርሳን ደእያ ግሾ ናጋራ ኦነዬ? አካይ፥! 
\v 16 ህንተ እስ አሳስ ኪተታናዉ ህንተና አይለ ኦድ እምያ ዎደ ሄ ህንተ ኪተተይሳስ አይለ ግደይሳ ኤሬታ። ሄሳዳካ፥ ህንተ ናጋራስ ኪተትኮ፥ ህንተዉ ሀይቆ ኤህያ ናጋራስ አይለ ግዴታ። ዎይኮ ህንተ ፆሳስ ኪተትኮ ፅሎተ ኤህያ ፆሳስ አይለ ግዴታ። 
\v 17 ካሰ ህንተ ናጋራስ አይለ፥ ሽን ሀእ ህንተ ኤክዳ ቱማ ትምርትያስ ኩመ ዎዛናፐ ኪተትዳ ግሾ ፆሳስ ጋላት ግዶ። 
\v 18 ህንተ ናጋራ አይለተ ቃሾፐ ብለትድ ፅሎተ አይለ ግድደታ።
\p
\v 19 ህንተ ህንተ ቆፋን ዳቡራንቾ ግድያ ግሾ፥ ታኒ ኦደስካ ገልያ ኦገን ኦዳይስ። ካሰ ህንተ፥ ህንተ አሳተ ቱናነ ኢታባ ኦናዉ አይለ ኦድ እምዳይሳ መላ ሀእ ህንተ አሳተ ጌሽ ግዳና መላ ፅሎተ አይለ ኦድ እምተ።
\p
\v 20 ህንተ ናጋራስ አይለትድ ደእያ ዎደ ፅሎተስ ሃረተከታ። 
\v 21 ህንተና ሀእ ዬላይያ በን ህንተ ኢታ ኦሱዋፐ አይ ማደ ደምደቲ? ሄ ኦሶታ ዉርሰይ ሀይቆ። 
\v 22 ሽን ህንተ ናጋራ አይለተ ቃሾፐ ብለትድ፥ ፆሳስ አይለ ግድደታ። ሄስ ህንተና ጌሽ ኦድ መርና ደኡዋኮ ካለስ። 
\v 23 ናጋራ ጋተይ ሀይቆ። ሽን ፆሳይ፥ ኑ ጎዳ ክርስቶስ የሱሳ ባጋራ እምያ እሞታይ መርና ደኦ።
\c 7
\s1 ኤኮ ገሎ ሌምሶ
\p
\v 1 ታ እሻቶ፥ ታኒ ኦደይ ህገ ኤርያ አሳታሳ። ህገይ እስ አስ ፓፃ ደእያ ዎደ ኡባን እያ ሃሬስ። 
\v 2 ሌምሶስ፥ አዝና ገልዳ ማጫስያ እ አዝናይ ፓፃ ደእያ ዎደ ህገን እያራ ቃሸታሱ። ሽን እ አዝናይ ሀይቅኮ እያራ እያ ጫቅዳ ጫቆይ እዮ ሃረና። 
\v 3 ሄሳ ግሾ፥ እያ ባ አዝናይ ፓፃ ደእሽን፥ ሀራ አደ ገልኮ፥ እያ ላምዳሮ ጌተታዉሱ። ሽን እ አዝናይ ሀይቅኮ፥ ጫቆይ እዮ ሃሮና ግሾ እያ ሀራ አዝና ገልኮ፥ እያ ላምዳሮ ጌተቱኩ።
\p
\v 4 ሄሳ ግሾ፥ ታ እሻቶ፥ ህንተ ክርስቶሳ አሳተ ባጋራ ህገ ዎልቃስ ሀይቅድ፥ ፆሳስ አይፈ አይፋናዉ ሀይቆፐ ደንድዳ ክርስቶሳስ ግድደታ። 
\v 5 ኑ አሾ አሞይ ኑና ሃርን፥ ኑ ደእያ ዎደ ህገይ ጉጅ ናጋራ ኦና መላ ኑና ደንስ። ኑ አሳተ ግዶን ኢታ አሞተ ደእያ ግሾ ኑኒ ሀይቆ አይፈ አይፋና መላ ኦስ። 
\v 6 ሽን ሀእ ኑኒ ኑና ቃችዳ ህግያስ ሀይቅዳ ግሾ ኑኒ ህገ ቃሾፐ ብለትዳ። ሄሳ ግሾ፥ ጌሻ አያና ኦገን ፆሳስ ኪተቶስፐ አትሽን፥ ፃፈትዳ ጭማ ህግያስ ኪተቶኮ።
\s1 ህገነ ናጋራ
\p
\v 7 ያትን፥ ኑኒ ዎይጋኔ? ህገይ ባ ሁጰን ናጋሬ? ግደና! ሽን ህገይ ናጋር አይበኮ ታና ኤርስስ። ህገይ፥ “አሞቶፋ” ጎናኮ፥ አሞተ አይበኮ ታኒ ኤርከ።\x - \xo 7:7 \xo*\xt ከሳ 20:17፤ ዛረ 5:21.\xt*\x* 
\v 8 ሽን ታ ኡባባ አሞታና መላ ናጋር ህገ ባጋራ ታናን ኦገ ደምስ። ህገይ ባይነኮ ናጋር ሀይቅዳይሳ።
\p
\v 9 ካሰ ህገይ ባይና ዎደ ታ ፓፃ፥ ሽን ህገይ እመትዳ ዎደ ናጋር ፓፅን ታ ቃስ ሀይቃስ። 
\v 10 ታኒ ደኦን ዳና መላ ፆሳይ እምዳ ህገይ ታዉ ሀይቆ ኤህስ። 
\v 11 ናጋር ህገ ባጋራ ታና ጭምያ ኦግያ ደምድ፥ ዎስ።\x - \xo 7:11 \xo*\xt መ 3:13.\xt*\x*
\p
\v 12 ሄሳ ግሾ፥ ህገይ ጌሽ፤ እያን ፃፈትዳ ኪታይካ ጌሽ፥ ፅሎነ ሎኦ።
\p
\v 13 ያትን፥ ሎኦ ግድዳባይ ታ ቦላ ሀይቆ ኤህደዬ? ግደና! ሽን ናጋር ናጋራ ግደይስ ቆንጫና መላ ሎኦባን ማደትድ ታዉ ሀይቆ ኤህስ። ሄሳ ግሾ፥ ናጋራ ናጋራተይ ህገ ባጋራ አድ ኤረትስ።
\p
\v 14 ኑኒ ህገይ አያናባ ግደይሳ ኤሮስ። ሽን ታኒ ናጋራስ ባይዘትዳ አሾ አስ። 
\v 15 ታኒ ኦያባ አኬክከ፤ ታኒ ዶስያባ ኦናይሳ አጋዳ ታ እፅያባ ኦይስ።\x - \xo 7:15 \xo*\xt ጋላ 5:17.\xt*\x* 
\v 16 ታኒ እፅያባ ኦያ ግድኮ፥ ህገይ ሎኦ ግደይሳ ታ ማአይስ። 
\v 17 ሄሳ ግድኮ፥ ሄ ኦሱዋ ታናን ደእያ ናጋራይ ኦይስፐ አትሽን፥ ታ ኦከ።
\p
\v 18 ታናን፥ ሄስካ ታ አሹዋን ሎኦባይ ባይናይሳ ኤራይስ። ሎኦባ ኦያ አሞተ ታናን ደኤስ፥ ሽን ሎኦባ ኦናዉ ዳንዳእከ። 
\v 19 ታኒ እፅያ ኢታባ ኦይስፐ አትሽን፥ ታ ዶስያ ሎኦባ ኦከ። 
\v 20 ታኒ እፅያባ ኦያ ግድኮ፥ ሄሳ ታናን ደእያ ናጋራይ ኦስፐ አትሽን፥ ኦይ ታና ግድከ።
\p
\v 21 ህዛ፥ ታ ሎኦባ ኦናዉ ዶስሽን፥ ኢታባ ኦሶይ ዎጋ ግደይሳ ደማስ። 
\v 22 ታኒ ታ ዎዛናን ፆሳ ህግያን ኡፋይታይስ። 
\v 23 ሽን ታ አሳተ ግዶን ደእያ ታ ቆፋ ህግያራ ኦለትያ ዱማ ህገ በአይስ። ሄ ህገይ ታ አሳተ ግዶን ኦያ ናጋራ ህግያስ ታና አይለ ኦድ እሚስ። 
\v 24 ታኒ ዋንዳ ይባታ አሴ? ሀይቆስ ኤፍያ ሀ አሳተፈ ታና አሻናይ ኦኔ? 
\v 25 ኑ ጎዳ የሱስ ክርስቶሳ ባጋራ ታና አሽያ ፆሳስ ጋላታይ ግዶ።
\p ህዛ፥ ታኒ ታ ቆፋን ፆሳ ህግያስ ሃረታይስ፤ ሽን ታ አሳተን ታና ናጋራ ኦስስያ ህግያስ ሃረታይስ።
\c 8
\s1 ጌሻ አያናን ደኦ
\p
\v 1 ሄሳ ግሾ፥ ክርስቶስ የሱሳን ደኤይሳት ሀእ ፕርደቶኮና። 
\v 2 ክርስቶስ የሱሳ ባጋራ ኑስ ደኦ እምያ ጌሻ አያና ህገይ፥ ታና ናጋራነ ሀይቆ ህገ አይለተፈ ከስስ። 
\v 3 ኑ ናጋራ አሳተ ጋሶን፥ ህገይ ዳቡራንቾ ግድያ ግሾ ኑና አሻናዉ ዳንዳእቤና። ፆሳይ ባ ናኣ ናጋራንቾ አሳ ሌምሶን ናጋራስ ያርሾ ግዳና መላ ኪትድ ሄሳ ኦስ። ያትድ፥ ፆሳይ ክርስቶሳ አሹዋ ባጋራ ናጋራ፥ ናጋራንቾ አሳ ግዶን ፕርድስ። 
\v 4 ፆሳይ ሄሳ ኦዳይ፥ ኑ አሾ አሞይ ኮየይሳዳ ግዶናሽን፥ ጌሻ አያናይ ኮየይሳዳ ደእያ ኑ ቦላ ህግያ ፅሎ ኪታይ ፖለታና መላሳ።
\p
\v 5 ባንታ አሾ አሙዋ ካልድ ደኤይሳት ባንታና ኡፋይስያባ ቆፖሶና። ሽን ጌሻ አያና ሸነን ደኤይሳት ጌሻ አያና ኡፋይስያባ ቆፖሶና። 
\v 6 ኑ ቆፋይ አሾ አሞስ ሃረትኮ ሀይቆ ኤሄስ፥ ሽን አያና አሞስ ሃረትኮ ደኦነ ሳሮተ ኤሄስ። 
\v 7 አሾ አሞስ ሃረትያ አስ ፆሳ ህግያስ ኪተታናዉ ኮዮና ግሾነ ኪተታናዉ ዳንዳኦና ግሾ፥ ፆሳራ ሞርከ። 
\v 8 ባንታ አሾ አሙዋስ ሃረተይሳት ፆሳ ኡፋይሳናዉ ዳንዳኦኮና።
\p
\v 9 ሽን ፆሳ አያናይ ህንተናን ደእኮነ ህንተና ሃርኮ፥ ህንተ አያና ሸነን ደኤታፐ አትሽን፥ ህንተ አሾ አሙዋስ ሃረተከታ። ክርስቶሳ አያናይ ባይና ኦንካ ክርስቶሳባ ግደና። 
\v 10 ሽን ክርስቶስ ህንተናን ደእኮ፥ ህንተ አሳተይ ናጋራ ጋሶን ሀይቅዳይሳ። ሽን ህንተ አያናይ ፅሎተ ጋሶን ደኦን ደኤስ። 
\v 11 ሽን የሱሳ ሀይቆፐ ደንዳ ፆሳ አያናይ ህንተናን ደእኮ፥ ክርስቶሳ ሀይቆፐ ደንዳ ፆሳይ፥ ህንተናን ደእያ ባ ጌሻ አያናን ሀይቅያ ህንተ አሳተስ ደኦ እማና።\x - \xo 8:11 \xo*\xt 2 ቆሮ 3:16.\xt*\x*
\p
\v 12 ህዛ፥ ታ እሻቶ፥ ኑኒ ኑ አሾ አሙዋ ካልድ ዳናዉ በሰና። 
\v 13 ህንተ፥ ህንተ አሾ አሙዋስ ደእኮ ሀይቃና፥ ሽን ጌሻ አያና ዎልቃን ናጋራ ኦሱዋ ዎኮ ህንተ ደኦን ዳና። 
\v 14 ፆሳ አያናይ ካለያ ኡባይ ፆሳ ናይታ። 
\v 15 ኑኒ፥ “አባ፥ ታ አዋዉ” ያግድ ፄግያ፥ ፆሳ ናይታ ኦያ ጌሻ አያና ኤክዳፐ አትሽን፥ ዛሪድ ያሻን ዳናዉ አይለ ኦያ አያና ኤክቦኮ።\x - \xo 8:15 \xo*\xt ማር 14:36፤ ጋላ 4:6.\xt*\x* 
\v 16 ፆሳ አያናይ ኑ አያናራ ግድድ ኑኒ ፆሳ ናይታ ግደይሳ ማርካቴስ። 
\v 17 ኑኒ እያ ናይታ ግድኮ ፆሳ አንጁዋ ላታና፤ ክርስቶሳራ ዎላ ሄ አንጁዋ ላታና። ቃስ ኑኒ ክርስቶሳራ መቱዋ ኤክኮ እያራ ዎላ እያ ቦንቹዋን ሻከታና።
\s1 ያና ቦንቹዋ
\p
\v 18 ኑኒ ሀእ ዋየትያ ዋይያ፥ ስንፈ ኑስ ቆንጫና ቦንቹዋራ ጋ በእኮ፥ ግንሳናዉ ዳንዳኤተና ጋዳ ቆፓይስ። 
\v 19 መተ ኡባይ ፆሳ ናይታ ቆንጨ ዳሮ ላሞትድ ናጎሶና። 
\v 20 መተ ኡባይ ሀዳ ግድስ፤ ሄስካ፥ መተ ዶሮን ግዶናሽን፥ ኡፋይሳን ናጋና መላ ኦዳ ፆሳ ሸነን ሀንስ።\x - \xo 8:20 \xo*\xt መ 3:17-19.\xt*\x* 
\v 21 መተይ ባ ሁጰን ዮ አይለተፈ ዎዘትድ፥ ፆሳ ናይታራ ዎላ ቦንቾ ላአ ሻከታና። 
\v 22 መተይ እስፈ ሀኖ ጋካናዉ እቀ ኦይክዳ ማጫሳዳ ኦለንነ ኡንአን ደኤይሳ ኑ ኤሮስ። 
\v 23 ቃስ ሄሳ መተ ፃላላ ግዶናሽን፥ ጌሻ አያና ባይራ እሞታዳ ኤክዳ ኑኒ፥ ኑ ሁጰን ኑ አሳተስ ዎዞ ግድዳ ፆሳ ናይታ ግዳና ኡፋይሳ ናግሸ ኑ አሳተን ኦሎስ።\x - \xo 8:23 \xo*\xt 2 ቆሮ 5:2-4.\xt*\x* 
\v 24 ሀ ኡፋይሳን ኑኒ አትዳ። ሽን ኑኒ ኡፋይስ ኦያባይ በንትያ ግድኮ ሄሳ ኦን ኡፋይስ ኦ? 
\v 25 ሽን ኑ በኦናባ ደማና ግድ ኡፋይሳን ናግኮ ሄሳ ዳንዳአን ናጎስ።
\p
\v 26 ሄሳዳ ጌሻ አያናይ ኑ ዳቡራን ማዴስ። ኑኒ ፆሳ ዋት ዎሳናዉ በሲያኮ ኤሮኮ፥ ሽን ጌሻ አያናይ ባ ሁጰን፥ አስ ኦዳናዉ ዳንዳኤቶና ቃላን ኑስ ጋናቴስ። 
\v 27 ቃስ አሳ ዎዛና ኤርያ ፆሳይ ጌሻ አያና ቆፋይ አይበኮ ኤሬስ። ጌሻ አያናይ ፆሳ ሸንያዳ ጌሻታስ ጋናቴስ።
\p
\v 28 ፆሳ ሲቀይሳታስነ እያ ሸንያዳ ፄገትዳይሳታስ ፆሳይ ኡባ ሎኦስ ኦይሳ ኤሮስ። 
\v 29 ፆሳይ ኮይሮትድ ኤርዳይሳት ባ ናኣ ዳናና መላነ ናአይካ አማነይሳታ ግዶን ባይራ ግዳና መላ ኤንታ ዱማይድ ዎስ። 
\v 30 ፆሳይ ኮይሮትድ ዱማይዳይሳታ ፄግስ፤ ሄ ፄግዳይሳታ ፅልስስ፤ ሄ ፅልስዳይሳታ ቃስ ቦንችስ።
\s1 ፆሳ ሲቆ
\p
\v 31 ያትን፥ ኑ ሀ ኡባስ ዎይጋኔ? ፆሳይ ኑ ባጋ ግድኮ ኑራ ኦነ ኤቀታናይ? 
\v 32 እ ሀር አቶሽን፥ ባ ናኣስ ቃቶናሽን፥ ኑ ግሾ አድ እሚስ። ያትን፥ ባ ናኣ ኑስ አድ እምዳይስ ዋንድ ኡባባ ጮ እመኔ?
\p
\v 33 ፆሳይ ኤንታና ፅልስዳ ግሾ እ ዶርዳይሳታ ኦነ ሞታናይ? 
\v 34 ያትን፥ ኤንታ ቦላ ፕርዳናዉ ዳንዳኤይ ኦኔ? ኦንካ ባዋ። ሀይቆፐ ደንድድ ፆሳ ኡሻቻን ኡትዳ፥ ክርስቶስ የሱሲ፥ እ ኑስ ጋናቴስ።
\p
\v 35 ህዛ፥ ኑና ክርስቶሳ ሲቁዋፐ ሻካናይ ኦኔ? ዋየየ ዎይኮ መቶየ ዎይኮ ጎደየ ዎይኮ ኮሸየ ዎይኮ ካሎተየ ዎይኮ ያሸየ ዎይኮ ኦለዬ? 
\v 36 ጌሻ ማፃፋን፥
\q1 “ኑኒ ነ ግሾ ኩመ ጋላስ ሀይቆስ፤
\q2 ሹካስ ኤፍያ ዶርሳዳ ታይበትዳ”\x - \xo 8:36 \xo*\xt ማዝ 44:2.\xt*\x*
\m ጌተትድ ፃፈትዳይሳ መላ ግድስ።
\p
\v 37 ሽን ኑኒ፥ ኑና ሲቅዳ ክርስቶሳን ሀ ኡባ ፖሎ ፆኖስ።
\p
\v 38 ሄሳ ግሾ፥ ሀይቆ ግድን ደኦ ግድን ኪታንቾታ ግድን ሃረይሳታ ግድን ሀእ ደኤይሳ ግድን ስንፈ ያናይሳ ግድን ዎልቃማታ ግድን፥ 
\v 39 ሳሎ ዎልቃ ግድን ሳአ ዎልቃ ግድን አይ መተ ግድን ኑ ጎዳ፥ ክርስቶስ የሱሳን ደእያ ፆሳ ሲቁዋፐ ኑና ሻካናዉ ዳንዳኦናይሳ ታኒ ኤራስ።
\c 9
\s1 እስራኤለ ዶረተ
\p
\v 1 ታኒ ክርስቶሳን ቱማ ኦዳይስ፥ ዎርዶትከ። ጌሻ አያናይ ካለያ ታ ካሀይ ታኒ ዎርዶቶናይሳ ታዉ ማርካቴስ። 
\v 2 ታ ዎዛናን እስራኤለታስ ዳሮ ቃታይስነ ቃማ ጋላስ ቆፓይስ። 
\v 3 ታኒ፥ ታ እሻታ ግሾ፥ ክርስቶሳፐ ሻከታዳ ፆሳ ባደፈ ጋርሳን ደእዳኮ ዶሳይስሽን። 
\v 4 ኤንቲ እስራኤለታ፥ ፆሳይ ኤንታ ባ ናይታ ኦስ፥ ባ ቦንቹዋ ኤንታዉ ቆንጭስስ። ኤንታራ ጫቅስ፤ ህግያ ኤንታዉ እሚስ። ኤንቲ ፆሳ ጎይናና ቱማ ኦግያ በስስ፤ ፆሳይ ኡፋይሳ ቃላ ኤንታዉ እሚስ።\x - \xo 9:4 \xo*\xt ከሳ 4:22.\xt*\x* 
\v 5 ኤንቲ የለተን ማይዛታ ኮቸ፤ ቃስ ክርስቶስ አሾን ኤንታ ኮቸ ግድድ ይስ። ኡባፈ ቦላ ግድዳ ፆሳይ መርናዉ ጋላተቶ። አምንእ!
\p
\v 6 ግዶሽን፥ ፆሳይ ገልዳ ቃላይ ፖለቶና አትስ ጉሱ ግደና። እስራኤለ አሳ ኡባይ ፆሳ አስ ግዶኮና። 
\v 7 ቃስ አብራሃመ ዛረ ኡባይ አብራሃመ ናይታ ግዶኮና። ፆሳይ አብራሃመስ፥ “ነ ኮቻይ ይሳቃ ባጋራ ፄገታና” ያግስ።\x - \xo 9:7 \xo*\xt መ 21:12.\xt*\x* 
\v 8 ሄሳ ጉሳይ አሾን የለትዳ ናይት ኡባይ ፆሳ ናይታ ግዶኮና። ሽን ቱማ እስራኤለ ናይት ፆሳይ አብራሃመስ ገልዳ ቃላዳ የለትዳ ናይታ።\x - \xo 9:8 \xo*\xt መ 21:12.\xt*\x* 
\v 9 ፆሳይ እማና ግድ ገልዳ ቃላይ፥ “ታኒ ዎንቶ ላይ ሀኖደ ያና፤ ሳራካ አደ ናአ የላና”\x - \xo 9:9 \xo*\xt መ 18:10.\xt*\x* ያገይሳ።
\p
\v 10 ሄሳ ፃላላ ግዶናሽን፥ እርብቅነ ይሳቅ የልዳ መንተ አደ ናይታባ አኬክተ። 
\v 11 ኤንቲ የለታናፐ ዎይኮ ኢታ ዎይኮ ሎኦ ኦናፐ ስን ፆሳ ዶሮይ ኦሶን ግዶናሽን ፄሳን ግደይሳ ቆንጭሳናዉ፥ 
\v 12 “ባይራይ ካሉዋስ ኪተታና” ያግድ ጎዳይ እርብቃስ ኦድስ።\x - \xo 9:12 \xo*\xt መ 25:23.\xt*\x* 
\v 13 ሄስካ ጌሻ ማፃፋን፥ “ያይቆባ ዶሳስ፥ ኤሳዌ እፃስ”\x - \xo 9:13 \xo*\xt ምልክ 1:2.\xt*\x* ጌተትድ ፃፈትስ።
\p
\v 14 ያትን፥ ኑኒ ዎይጋኔ? ፆሳይ አሰ አሳፐ ሻክዬ? ግደና። 
\v 15 ጎዳይ ሙሰኮ፥
\q1 “ታ ማራናዉ ኮይዳይሳታ ማራና፤
\q2 ታ ቃታናዉ ኮይዳይሳታስ ቃታና”\x - \xo 9:15 \xo*\xt ከሳ 33:19.\xt*\x* ያግስ።
\m
\v 16 ህዛ፥ ፆሳ ዶሮይ አሳ ሸነን ዎይኮ ኦሶን ግዶናሽን እያ ማሮተና።
\p
\v 17 ጌሻ ማፃፋን፥ ግብፀ ካዋኮ፥ “ታኒ፥ ታ ዎልቃ ነናን በሳናዉነ ታ ሱንይ አላመ ኡባን ኤረታና መላ ሄሳስ ነና ካዎስ”\x - \xo 9:17 \xo*\xt ከሳ 9:16.\xt*\x* ጌተትድ ፃፈትስ። 
\v 18 ህዛ፥ ፆሳይ ማራናዉ ኮየይሳ ማሬስ፤ ዎዛና ሙምሳናዉ ኮየይሳ ዎዛና ሙምሴስ።
\s1 ፆሳ ሀንቆነ ማሮተ
\p
\v 19 ህንተፈ እሶይ፥ “ያትን፥ ፆሳይ አሰ ኢታ ኦሶ ግሾ አይስ ቦሪ? ፆሳ ሸንያ እፃስ ጋናይ ኦኔ?” ያግድ ኦይቻናዉ ዳንዳኤስ።
\p
\v 20 ሽን ታ እሻዉ፥ ፆሳራ ፓላማናዉ ኔኒ ኦኔ? ኡርቃፈ መትዳ ሚሸይ ባና መዳይሳ፥ “ታና ሀይሳዳ ኦዳ አይስ መዲ?”\x - \xo 9:20 \xo*\xt እሳ 29:16፤ 45:9.\xt*\x* ግድ ኦይቻናዉ ዳንዳኢ? 
\v 21 ዎይኮ ኡርቃ መይስ እስ ኡርቃፈ እሱዋ ቦንቾ ሚሸ፥ ሀንኩዋ ቃስ ቶሸ ሚሸ ኦድ መናዉ ማት ባዌ?
\p
\v 22 ፆሳይ ባ ሀንቁዋ በሳናዉነ ባ ዎልቃ ኤርሳናዉ ኮይድ፥ ፕርዳስ ጊግዳ ሀንቆ ናይታ ዳሮ ገንጫን ዳንዳእዳኮ ነ አይ ኤራይ? 
\v 23 ሄሳ እ ኦዳይ ኮይሮትድ ቦንቾስ ጊግስዳ፥ ባ ዶርዳ ናይታስ ባ ቦንቹዋ ቆንጭሳናሳ። 
\v 24 አይሁደ ግድን፥ ዎይኮ አይሁደ ግዶና አሳ ኡባይ ፆሳን ዶረትዳ።
\p
\v 25 ናብያ ሆሰ ማፃፋን፥
\q1 “ታ አሰ ግዶናይሳታ፥ ‘ታ አሰ’ ጋዳ ፄጋና።
\q2 ታ ሲቃቦና ደርያ፥ ‘ሲቀትዳይሳታ’ ጋዳ ፄጋና።\x - \xo 9:25 \xo*\xt ሆሰ 2:23.\xt*\x*
\q1
\v 26 ኤንቲ፥ ‘ታ አሰ ግደከታ’ ጌተትድ ፄገትዳ በሳን፥
\q2 ‘ደኦ ፆሳ ናይታ’ ጌተትድ ፄገታና”\x - \xo 9:26 \xo*\xt ሆሰ 1:10.\xt*\x* ያጌስ።
\p
\v 27 ናብያ እሳያስ እስራኤለ አሳባ፥
\q1 “እስራኤለ አሳይ አባ ጋፃን ደእያ ሻፈዳ ዳርኮካ፥
\q2 ኤንታፈ ጉ አሳ ፃላል አታና።\x - \xo 9:27 \xo*\xt እሳ 10:22-23.\xt*\x*
\q1
\v 28 ጎዳይ አላምያ ኡባ ቦላ ኤለስድ ፖሎ ፕርዳ ፕርዳና።”
\p
\v 29 ቃስካ እሳያስ፥
\q1 “ኡባፈ ዎልቃማ ጎዳይ ኑስ ጉ ኮቸ አሾናባ ግድያኮ፥
\q2 ኑኒ ሶዶመነ ጋሞራ ካታማዳ ያናሽን”\x - \xo 9:29 \xo*\xt እሳ 1:9.\xt*\x*
\m ያግድ ኮይሮትድ ኦድስ።
\p
\v 30 ያትን፥ ኑ ዎይጋኔ? ፅሎተ ኮይቦና አይሁደ ግዶና አሳይ አማኖን ፅሎተ ደምዶሶና። 
\v 31 ሽን ፅሎተኮ ጋያ ህገይ ደእያ እስራኤለ አሳይ ፅሎተ ደምቦኮና። 
\v 32 አይስ ደምቦኮና? ኤንቲ ፅሎተ አማኖን ግዶናሽን፥ ኦሶን ኤካናዉ ኮይዳ ግሾሳ። ያንያ ግሾ፥ ኤንቲ፥ “ብያ ሹቻን” በትዶሶና። 
\v 33 ጌሻ ማፃፋን፥
\q1 “ታኒ ፅዮነን ቢ ኩንድስያ ሹቻ ዎና።
\q2 እያን አማንያ ኦንካ ዬላተና”\x - \xo 9:33 \xo*\xt እሳ 28:16.\xt*\x*
\m ጌተትድ ፃፈትስ።
\b
\c 10
\p
\v 1 ታ እሻቶ፥ ታ ኩመ ዎዛናን ታ አሞተይነ ፆሰ ዎሰይ እስራኤለይ አታና መላሳ። 
\v 2 ኤንቲ ፆሳስ ምሸቶሶናሽን፥ ቱማ ኤራተን ምሸቶናይሳ ታ ማርካታይስ። 
\v 3 ኤንቲ ፆሳ ፅሎተ ኦግያ ኤሮና እፅድ፥ ባንታ ሁጰ ፅሎተ ካልዶሶናፐ አትሽን፥ ፆሳ ፅሎተ ኮይቦኮና። 
\v 4 አስ ኡባይ አማኖን ፅላና መላ ክርስቶስ ህግያ ፖልስ።
\s1 አቶተ ኡባሳ
\p
\v 5 አስ ህገ ናግድ ኤክያ ፅሎተባ ሙሰይ ፃፍሸ፥ “ህገ ናግያ ኦንካ ሄ ህግያ ናግዳ መላ ደኤስ”\x - \xo 10:5 \xo*\xt ሌወ 18:5.\xt*\x* ያግስ። 
\v 6 ሽን አማኖን ኤክያ ፅሎተባ ጌተትዳይ ሀይሳ፦ “ነ ዎዛናን፥ ‘ኦን ሳሎ ከያኔ?’ ያጎፓ፤ ሄስ ክርስቶሳ ዎሳናሳ።\x - \xo 10:6 \xo*\xt ዛረ 30:12-14.\xt*\x* 
\v 7 ዎይኮ፥ ‘ዱገ ሳአ ጋርስ ዎናይ ኦኔ?’ ጎፓ፤ ሄስ ክርስቶሳ ዱፎፐ ከሳናሳ። 
\v 8 ሽን ያግድ ፃፈትስ፦ ‘ፆሳ ቃላይ ነ ማታና፤ ነ ዶናንነ ነ ዎዛናን ደኤስ’ ኑኒ ህንተዉ ኦድያ አማኖ ቃላይ ሀይሳ።
\p
\v 9 “የሱሲ ጎዳ” ጋዳ ነ ዶናን ማርካትኮነ ፆሳይ እያ ሀይቆፐ ደንዳይሳ ነ ዎዛናን አማንኮ፥ ነ አታና። 
\v 10 አስ ባ ዎዛናን አማንድ ፅሌስ፤ ባ ዶናን ማርካትድ አቴስ። 
\v 11 ጌሻ ማፃፋይ፥ “እያን አማንያ ኦንካ ዬላተና”\x - \xo 10:11 \xo*\xt እሳ 28:16.\xt*\x* ያጌስ። 
\v 12 እስ ፆሳይ ኡባ ጎዳ ግድያ ግሾ፥ አይሁደታ ግዶንነ አይሁደ ግዶና አሳ ግዶን ዱማተ ባዋ። እ ባና ፄግያ ኡባስ ዳሮ ኬሀ። 
\v 13 ጌሻ ማፃፋይ፥ “ጎዳ ሱን ፄግያ ኦንካ አታና”\x - \xo 10:13 \xo*\xt እዩ 2:32.\xt*\x* ያጌስ።
\p
\v 14 ያትን፥ ኤንቲ አማኖና ደእሸ ዋንድ እያ ፄጋናዉ ዳንዳኦና? ኤንቲ እያባ ስኦና ደእሸ ዋትድ እያ አማናናዉ ዳንዳኦና? ቃስ ኤንታዉ ቃላ ኦድያ አስ ባይና ደእሽን፥ ዋንድ ስአናዉ ዳንዳኦና? 
\v 15 ኪተትዳ አስ ባይና ደእሽን፥ ቃላይ ዋንድ ኦደታናዉ ዳንዳኢ? ጌሻ ማፃፋን፥ “ኡፋይሳ ዎንገላ ኦድያ አሳ ቶሆት ዋንድ ሎኦና!”\x - \xo 10:15 \xo*\xt እሳ 52:7.\xt*\x* ያግድ ፃፈትስ።
\p
\v 16 ሽን እሳያስ፥ “ጎዳዉ፥ ኑ ማርካተ ኦን አማንዴ?”\x - \xo 10:16 \xo*\xt እሳ 53:1.\xt*\x* ያግዳይሳዳ፥ ኡባይ ዎንገላ አማንቦኮና። 
\v 17 ሄሳ ግሾ፥ አማኖይ ስሳፈ ዬስ፤ ስስ ክርስቶሳ ቃላፐ ዬስ።
\p
\v 18 ግዶሽን፥ እስራኤለ አሳይ ቃላ ስእቦኮና ጉሰዬ? አካይ፥ ስእዶሶና። ጌሻ ማፃፋን፥
\q1 “ኤንታ ቃላይ ቢታ ኡባን ስኤትስ፥
\q2 ኤንታ ኦዳይ ሳኣ ጋፃ ጋክስ”\x - \xo 10:18 \xo*\xt ማዝ 19:4.\xt*\x*
\m ያገትስ። 
\v 19 ሽን እስራኤለ አሳይ ኤርቦኮና ጉሰዬ? ሙሰይ ካሰ፥
\q1 “ታኒ ህንተና ለቀትዳ አሳን ቂሮይሳና፤
\q2 ቃስ ኤያ አሳን ህንተና ይሎያና”\x - \xo 10:19 \xo*\xt ዛረ 32:21.\xt*\x* ያግስ።
\p
\v 20 ቃስ እሳያስ፥
\q1 “ታና ኮይቦና አሳስ በንታስ፤
\q2 ታና ኦይችቦና አሳስ ቆንጫስ”\x - \xo 10:20 \xo*\xt እሳ 65:1.\xt*\x*
\m ያግድ ያዮና ኦድስ።
\p
\v 21 ሽን እሳያስ እስራኤለታባ ኦድሸ፥
\q1 “ኡባ ጋላስ ኪተቶና አሳስነ
\q2 ታና እፅያ አሳስ ታ ኩሽያ ምጫስ”\x - \xo 10:21 \xo*\xt እሳ 65:2.\xt*\x* ያጌስ።
\c 11
\s1 ፆሲ እስራኤለታ አግቤና
\p
\v 1 አነ ታ ኦይቻይስ፦ ያትን፥ ፆሳይ ባ አሳ አግደዬ? አግቤና! ታኒ ታ ሁጰን እስራኤለ፤ አብራሃመ ሼሽ፤ ብንያመ ኮቸ።\x - \xo 11:1 \xo*\xt ፍልጵ 3:5.\xt*\x* 
\v 2 ፆሳይ ኮይሮ ዶርዳ ባ አሳታ የገና። ጌሻ ማፃፋን፥ ኤልያስ እስራኤለታ ፆሳ ስንን ዋት ሞትዳኮ፥ ህንተ ኤረከቲ? 
\v 3 ኤልያስ፥ “ጎዳዉ፥ ኤንቲ ነ ናበታ ዎዶሶና፥ ነ ያርሾ በሳካ ላልዶሶና። ታ ታርካ አታስ፤ ኤንቲ ታናካ ዎናዉ ኮዮሶና”\x - \xo 11:3 \xo*\xt 1 ካዎ 19:10፥ 14.\xt*\x* ያግስ።
\p
\v 4 ፆሳይ እያዉ ዎይግድ ዛርዴ? “ባኣለ ጌተትያ ኤቃስ ጎይንቦና ላፑን ሙኩሉ አሳ ታዉ አሻስ”\x - \xo 11:4 \xo*\xt 1 ካዎ 19:18.\xt*\x* ያግስ።
\p
\v 5 ሄሳዳካ፥ ሀ ዎድያን ፆሳይ ባ አ ኬሀተን ዶርዳ ጉ እስራኤለት ደኦሶና። 
\v 6 እ ኤንታ ዶርዳይ ባ አ ኬሀተናፐ አትሽን፥ ኤንታ ኦሶን ግደና። ዶሮይ ኦሶን ግድኮ፥ እያ አ ኬሀተይ ቱማ አ ኬሀተ ግደና።
\p
\v 7 ያትን፥ ዋንዴ? እስራኤለት ባንታ ኮያባ ደምቦኮና፥ ሽን ፆሳይ ዶርዳ ጉት ደምዶሶና። አትዳይሳት ባንታ ዎዛና ሙምስዶሶና። 
\v 8 ሄስካ፥ ጌሻ ማፃፋን፥
\q1 “ኤንቲ ባንታ አይፍያን በኦናዳ
\q2 ባንታ ሀይን ስኦናዳ፥
\q2 ሀኖ ጋካናዉ ኤንታዉ
\q2 ፆሳይ አዛላ አያና እሚስ”\x - \xo 11:8 \xo*\xt ዛረ 29:4፤ እሳ 29:10.\xt*\x*
\m ጌተትድ ፃፈትዳይሳዳ ሀንስ። 
\v 9 ቃስ ዳዊቲ፥
\q1 “ኤንቲ ምያ ጋይታይ ኤንታ ፅሄዳ ኦይኮ፤
\q2 ኤንታ ጉፋንያ አፎ ግዶ፤
\q2 ኤንታ ኢታተይ ኤንታ ቦላ ጋኮ።\x - \xo 11:9 \xo*\xt ማዝ 69:22-23.\xt*\x*
\q1
\v 10 ኤንቲ ፄሎናዳ ኤንታ አይፈይ ጎዘቶ፤
\q2 ኡባ ዎደ መቶን ኤንቲ ኩንድ ደኦ” ያግስ።
\p
\v 11 ያትን፥ አይሁደት ዛር ደንዶና መላ ኩንድዶናዬ? ግደና! ኤንታ ኩንደይ አይሁደ ግዶና አሳይ አታና መላ ጋሶ ግድስ። ሄስካ አይሁደት ኤንታ ቦላ ቃናታናዳ ኦስ። 
\v 12 አይሁደታ ናጋራይ አላምያስ ዳሮ አንጆ ኤህስ፤ ቃስ ኤንታ ኩንደይ አይሁደ ግዶና አሳስ ዳሮ አንጆ ግድስ። ያትን፥ ዶረትዳ አይሁደት ኩመ አትያ ዎደ አንጆይ አይ መላ ዳራንዴሻ!
\p
\v 13 ታኒ፥ ሀእ ህንተዉ አይሁደ ግዶና አሳስ ኦዳይስ። አይሁደ ግዶና አሳስ ሀዋረ ግዳዳ ኦይሳን ታኒ ዳሮ ጬቀታይስ። 
\v 14 ታ ሄሳ ኦዳይ ታዉ አሾን ኮቸ ግድዳ እስራኤለታ ቂሮያዳ ኤንታፈ ጉታ አሻናሳ። 
\v 15 ፆሳይ ኤንታ የግዳ ዎደ፥ ሀ አላመይ ፆሳራ ስገትስ። ፆሳይ ኤንታ ሺሽ ኤክያ ዎደ ሀይቅዳ አስ ሀይቆፐ ደንድዳ መላ ግዴስ።
\p
\v 16 ኮይሮ መንዳ ባሶ ኡይይ ፆሳስ ያርሸትድ ጌሽ ግድኮ፥ ሙመ ኡይይካ ጌሽ። ምስ ፃጶይ ጌሽ ግድኮ፥ ታሸይካ ጌሽ። 
\v 17 ጋደን ቶክዳ ሻማሆ ታሸ ግድዳ አይሁደት ካረትን፥ ህንተ ባዞን ዶልዳ ሻማሆ ታሸ ግድዳ አይሁደ ግዶናይሳት ኤንታ በሳን ንትድ ኤንታ አንጁዋነ ዱረተ ሻከትደታ። 
\v 18 ህዛ፥ ህንተ ታሸዳ ካረትድ ዎዳ አይሁደታ ቦላ ኦቶርቶፍተ። ህንተ ኦቶርትያባ ግድኮ፥ ፃጶይ ህንተና ቶከስፐ አትሽን፥ ህንተ ፃጱዋ ቶኮናይሳ አኬክተ።
\p
\v 19 ኔኒ፥ “ሄ ታሸት ካረትዳይ፥ ታ ኤንታ በሳን ንታና መላሳ” ጋናዉ ዳንዳኣሳ። 
\v 20 ሄስ ቱማ። ኤንቲ አማንቦና ግሾ ካረትዶሶና። ኔኒ አማንዳ ግሾ ሄ በሳን ኤቃዳሳ። ኔኒ ያያናዉ በሴስፐ አትሽን፥ ኦቶራናዉ በሰና። 
\v 21 ፆሳይ መን ታሸ ግድዳ አይሁደታስ ቃቶና እፅኮ ህንተዉካ ቃተና።
\p
\v 22 ህዛ፥ ፆሳይ አይ መላ ኬሄኮነ አይ መላ ያሽያኮ በአ። እ ያሸይ ኪተቶናይሳታ፥ ቃስ እ ኬሄይ እያ አማንድ ምንድ ኤቅዳይሳታሳ። ምንድ ኤቆና እፅኮ ህንተካ ካረታና። 
\v 23 አይሁደት አማንኮ፥ ካሰ ኤንቲ ደእያ በሳ ስማና። ፆሳይ ኤንታ ዛሪድ፥ ዎናዉ ዳንዳኤስ። 
\v 24 ህንተና ባዞን ደእያ ሻማሆ ግድዳ አይሁደ ግዶናይሳታ ቃንፅድ፥ ጋደን ቶከትዳ ሻማሁዋ ቦላ ህንተና ቶክኮ፥ መን ጋደ ሻማሆ ግድዳ አይሁደታ ባንታ ኮይሮ በሳን ዛር ቶካናዉ ዋንድ ዳንዳኤተኔ?\fig ሻማሆ ምነ እያ አይፍያ|alt="Olive tree with its fruits" src="BK00119B.tif" size="span" ref="11:24"\fig*
\s1 ፆሳ ማሮተ ኡባሳ
\p
\v 25 ታ እሻቶ፥ ህንተ ህንተና ኤራንቾ ግድ ጬቀቶፍተ። ታ ህንተዉ ኦድያ እስ ፁር ደኤስ። ሄስካ እስራኤለታፐ ባጋይ ስኦና እፅዳይ ዉርሰ ጋካናዉ ግዶናሽን፥ አታናዉ ደእያ አይሁደ ግዶና አሳይ ኩመ ፆሳኮ ያና ጋካናሳ። 
\v 26 ሄሳዳካ፥ እስራኤለ አሳ ኡባይ አታና። ጌሻ ማፃፋን፥
\q1 “ኑና አሸይስ ፅዮነፐ ያና፤
\q2 ያይቆባ ኮቻፈ ኢታ ኡባ ድጋና።\x - \xo 11:26 \xo*\xt እሳ 59:20-21.\xt*\x*
\q1
\v 27 ታኒ ኤንታ ናጋራ አቶ ግያ ዎደ
\q2 ኤንታራ ጫቃና ጫቆይ ሀይሳ”\x - \xo 11:27 \xo*\xt እሳ 27:9.\xt*\x*
\m ጌተትድ ፃፈትስ።
\p
\v 28 አይሁደት ዎንገላ ኤኮና እፅድ፥ ህንተ ግሾ ፆሳራ ሞርከ ግድዶሶና። ግዶሽን፥ ሀእካ ኤንቲ ዶረትዳይሳታ፥ ፆሳይ ኤንታ አዋታ ግሾ ኤንታ ዶሴስ። 
\v 29 ፆሳይ ባ እሙዋንነ ባ ፄሳን ቂሮተና። 
\v 30 ህንተ አይሁደ ግዶናይሳት ካሰ ፆሳስ ኪተትበከታ። ሽን ሀእ አይሁደት ኪተቶና እፅን፥ ህንተ ፆሳ ማሮተ ኤክደታ። 
\v 31 ሄሳዳካ፥ ህንተ ኤክዳ ማሮተ አይሁደት ኤካና መላ ሀእ ፆሳስ ኪተቶና እፅዶሶና። 
\v 32 ፆሳይ አሳ ኡባ ባ ማሮተ በሳናዉ ኮይድ፥ አስ ኡባይ ኪተቶና እፃና መላ ኦስ።
\p
\v 33 ፆሳ ዱረተ፥ ጭንጫተነ ኤራተ አኬክድ ኦዳናይ ኦኔ? እያ ፕርዳይ ፕልገተና፥ እያ ኦገይ ኤረተና።\x - \xo 11:33 \xo*\xt እሳ 55:8.\xt*\x* 
\v 34 ጌሻ ማፃፋን፥
\q1 “ጎዳ ቆፋ ኤረይ ኦኔ?
\q2 እያ ዞራናዉ ዳንዳኤይ ኦኔ?\x - \xo 11:34 \xo*\xt እሳ 40:13.\xt*\x*
\q1
\v 35 ፆሳስ ታልኤይነ
\q2 ታልእያ ዛሪድ ኤከይ ኦኔ?”\x - \xo 11:35 \xo*\xt እዮ 41:11.\xt*\x*
\m ያጌስ።
\p
\v 36 ኡባ እ መስ፤ ኡባይ እያን ደኤስ፤ ኡባይ እያ ቦንቾሳ። ፆሳስ መርናዉ ቦንቾይ ግዶ። አምንእ።\x - \xo 11:36 \xo*\xt 2 ቆሮ 8:6.\xt*\x*
\c 12
\s1 ደኦ ያርሾ
\p
\v 1 ህዛ፥ ታ እሻቶ፥ ህንተ፥ ህንተ አሳተ ፆሳ ኡፋይስያ፥ ደኦነ ጌሻ ያርሾ ኦድ፥ እማና መላ ታኒ ህንተና ፆሳ ማሮተን ዎሳይስ። ፆሳ ህንተ ጎይናናዉ በሲያ ቱማ ኦገይ ሄሳ። 
\v 2 ሎኦ፥ ኡፋይሰይሳነ ፖሎ ግድዳ ፆሳ ሸንያ ህንተ ሻክ ኤራናዉ ህንተ ቆፋን ላመትተፐ አትሽን፥ ሀ አላምያ ዳኖፕተ።
\p
\v 3 ፆሳይ ህንተ እሱዋስ እሱዋስ እምዳ አማኑዋ መላ ዎዛናማ አሳዳ ቆፕተ። ቆፓናዉ በሰይሳፈ አድ ህንተና ዱማይድ፥ ኦቶሮን ቆፖፍተ ጋዳ ታዉ እመትዳ አ ኬሀተን ህንተዉ ኦዳይስ። 
\v 4 ኑ እስ አሳተ ግዶን ዱማ ዱማ ክፍለት ደኦሶና፤ ሄ ዱማ ዱማ ክፍለታስ ዱማ ዱማ ኦሶይ ደኤስ።\x - \xo 12:4 \xo*\xt 2 ቆሮ 12:12.\xt*\x* 
\v 5 ሄሳዳ፥ ኑኒ ዳሮ አስ ግድኮካ፥ ክርስቶሳን እስ አሳተ ግድዳ። ኑኒ እስ አሳተ ግድድ ዱማ ዱማ ክፍለት እሶይ እሱዋራ ኦይከትዳ። 
\v 6 ኑስ እመትዳ አ ኬሀተን ዱማ ዱማ እሞታት ደኦሶና። ኑ እሞይ ትንብት ኦዶ ግድኮ፥ ኑስ ደእያ አማኑዋ መላ ኦዳናዉ በሴስ።\x - \xo 12:6 \xo*\xt 2 ቆሮ 12:4-11.\xt*\x* 
\v 7 ኑ እሞይ ሀራታ ማደ ግድኮ፥ ሄ ኦሱዋን ምናናዉ በሴስ፤ ታማርሶ ግድኮ፥ ሄ ታማርሱዋን ምናናዉ በሴስ። 
\v 8 ኑ እሞይ ሀራታ ምን ግድኮ፥ ምንድ ምንናዉ በሴስ። ኑ እሞይ ኑስ ደእያባፐ ሀራታስ እሞ ግድኮ፥ ዎዛናፐ እማናዉ በሴስ። ኑ እሞይ አይሶ ግድኮ፥ ምንድ አይሳናዉ በሴስ። ኑ እሞይ ሀራታስ ኬሆ ግድኮ፥ ኡፋይሳን ኬሀናዉ በሴስ።
\p
\v 9 ህንተ ሲቆይ ቆፐ ቆሞን ግዳናዉ በሰና። ኢታባ እፅተ፤ ሎኦባ ምንድ ኦይክተ። 
\v 10 እሶይ እሱዋራ እሻዳ ሲቀትተ፤ እሶይ እሱዋ ቦንችተ። 
\v 11 አዛሎፍተ፤ ህንተ አያናን ምንድ፥ ጎዳስ ኦተ። 
\v 12 ፆሳይ እምዳ ኡፋይሳን ኡፋይትተ፤ መቱዋ ዳንዳእተ፤ ኡባ ዎደ ፆሳ ዎስተ። 
\v 13 አማንያ ጌሻታ ኮሽያባን ማድተ፤ እማታ ሞክተ።
\p
\v 14 ህንተና ጎደይሳታ አንጅተ፤ አንጅተፐ አትሽን፥ ባዶፍተ።\x - \xo 12:14 \xo*\xt ማቶ 5:44፤ ሉቃ 6:28.\xt*\x* 
\v 15 ኡፋይተይሳታራ ኡፋይትተ፤ ዬከይሳታራ ዬክተ። 
\v 16 እሶይ እሱዋራ እስ ቆፋን ደእተ። ኦቶሮ ቆፋ አግድ፥ ህንተና ካዉሽድ፥ ካዉሻ ኦሶ ኦተ። ህንተ ህንተና ጭንጫ ግድ ቆፖፍተ።\x - \xo 12:16 \xo*\xt ሌም 3:7.\xt*\x*
\p
\v 17 ኦንካ ህንተዉ ኢታባ ኦኮ፥ ሄ ኡራስ ኢታ ዛሮፕተ። አሳ ኡባ ስንን ናሽስያ ሎኦ ኦሶ ኦተ። 
\v 18 አሳ ኡባራ ሳሮን ዳናዉ ህንተዉ ዳንዳኤትያ ኡባ ኦተ። 
\v 19 ታ እሻቶ፥ ህንተ፥ ህንተ ሁጰን አሳስ ሀሎ ከዮፕተ። ፆሳይ ሀሎ ከሳና መላ እያዉ አጋግተ። ጌሻ ማፃፋን፥
\q1 “ታኒ ሀሎ ከሳና፤
\q2 ታኒ ኩሸ ዛራና”\x - \xo 12:19 \xo*\xt ዛረ 32:35.\xt*\x*
\m ያጌስ ጎዳይ፥ ጌተትድ ፃፈትስ።
\p
\v 20 ሽን ጌሻ ማፃፋን፥
\q1 “ነ ሞርከይ ኮሻትኮ ሙዛ፤
\q2 እ ሳሞትኮ ኡሻ።
\q1 ኔኒ ሄሳ ኦኮ እያ ሁጰን
\q2 ዬላ ታማ ቦንቆ ቆላሳ”\x - \xo 12:20 \xo*\xt ሌም 25:21.\xt*\x*
\m ጌተትድ ፃፈትስ።
\p
\v 21 ኢታ ሎኦን ፆናፐ አትሽን፥ ኢታን ፆነቶፋ።
\c 13
\s1 ደርያ አይሰይሳታስ ኪተተ
\p
\v 1 ፆሳ ሸነ ግዶናሽን ማት እመቶና ግሾነ ሀእ ደእያ ሹማትካ ፆሳ ሸነን ሹመትዳ ግሾ አስ ኡባይ ደርያ አይሰይሳታስ ኪተታናዉ በሴስ። 
\v 2 ሄሳ ግሾ፥ ማታራ ደኤይሳታስ ኪተቶና እፅያ ኦንካ ፆሳ ኪታ እፄስ። ኪተቶና እፅያ ኦንካ ባ ቦላ ፕርዳ ኤሄስ። 
\v 3 አይሰይሳት ኢታ ኦይሳታፐ አትሽን፥ ሎኦ ኦይሳታ ያሾኮና። አይሰይሳታስ ያዮና አጋናዉ ኮያይ? ያኮ ሎኦ ኦ፤ ኤንቲ ነና ጋላታና። 
\v 4 ኤንቲ ነዉ ሎኦባ ኦናዉ ሹመትዳ ፆሳ አይለ። ሽን ኔኒ ኢታባ ኦኮ፥ ኤንቲ ኢታባ ኦዳይሳ ሴርያ ግሾ እያዉ ያያ። ኤንቲ ኢታ ኦይሳታ ሴርድ፥ ፆሳ ሀንቁዋ ቆንጭስያ ፆሳ አይለ። 
\v 5 ሄሳ ግሾ፥ ፆሳ ሀንቁዋ ፃላላስ ግዶናሽን፥ ህንተ ካሀይ ማርካትያ ግሾ ደርያ አይሰይሳታስ ኪተታናዉ በሴስ።
\p
\v 6 ህንተ ጊራ ጊረይካ ሄሳሳ። ደርያ አይሰይሳት ሄ ኦሱዋ ኦይ፥ ኤንቲ ፆሳ አይለታ ግድዳ ግሾሳ።\x - \xo 13:6 \xo*\xt ማቶ 22:21፤ ማር 12:17፤ ሉቃ 20:25.\xt*\x* 
\v 7 እሱዋስ እሱዋስ በሰይሳ እምተ። ጊራ ጊራናዉ በሰይሳስ ጊርተ፤ ቃራፃ ቃንፃናዉ በሰይሳስ ቃራፃ ቃንፅተ፤ ያያናዉ በሰይሳስ ያይተ፤ ቦንቾይ በሰይሳ ቦንችተ።
\s1 እሶይ እሱዋራ ዶሰትተ
\p
\v 8 እሶይ እሱዋራ ሲቀትተ። ሲቆ አጮፐ አትሽን፥ ህንተ ቦላ ሀራ አጮይ ዶፖ። አሰ ሲቅያ ኦንካ ህገይ ገይሳ ፖልስ። 
\v 9 “ላሞፋ፤ ዎፓ፤ ካይሶቶፓ፤ አሞቶፋ” ግያ ኪታይነ ሀራ ኪታ ኡባይ፥ “አሰ ነ ሁጰዳ ዶሳ” ግያ ኪታን ቃሸትስ።\x - \xo 13:9 \xo*\xt ከሳ 20:13-17፤ ዛረ 5:17-19፤ ሌወ 19:18.\xt*\x* 
\v 10 አሰ ሲቅያ ኦንካ እያ ቦላ ኢታባ ኦና። ሄሳ ግሾ፥ አሰ ሲቀይስ ህገ ኪታ ፖልስ።
\p
\v 11 ስኮፈ ህንተ ባርክያ ዎደይ ሀእ ግደይሳ አኬክድ ሄሳ ኦተ። ኑ አታና ዎደይ ኮይሮ ኑ አማንዳ ዎድያፐ ሀእ ኑኮ ማትስ። 
\v 12 ማ ዎደይ አናዉ ሀኔስ፤ ዎንታይ ማትስ። ህዛ፥ ኑኒ ማ ኦሶ አግድ ፖኦ ኦላ ሚሸ ኦይኮስ። 
\v 13 አነ ጋላስ ፖኦን ደእያ አሳዳ ማራን ደኦስ። ማንነ ላይማተራ ጋሄትያ ዱማ ዱማ ቱና ኦሶታን፥\f + \fr 13:13 \fr*\fk ላይማተራ ጋሄትያ ዱማ ዱማ ቱና ኦሶታን፦ \fk*\ft ዎይኮ የን፥ ማን፥ ላይማቶን፥ ቃይፀን ግዶፖ ግድ ብላናዉ ዳንዳኤቴስ። ላይማተራ ጋሄትያ ዱማ ዱማ ቱና ኦሶት አስ ፆሳ ሃሮፐ ካረ ከይድ ዶአ ካንዶ ኤክድ ፖልያ ኦሶ ጉሱ።\ft*\f* ፓላማንነ ቃናተን ግዶፖ። 
\v 14 ጎዳ የሱስ ክርስቶሳ ካንዱዋ ማእተ፤ ህንተ ናጋራንቾ አሳተይ ባ አሙዋ ፖላና መላ እያዉ ቆፖፍተ።
\c 14
\s1 አሳ ቦላ ፕርዶፍተ
\p
\v 1 አማኖን ዳቡርዳ ኦናካ ሺሽ ኤክተፐ አትሽን፥ እያ ቆፋ ቦላ ፕርዶፍተ።\x - \xo 14:1 \xo*\xt ቆላ 2:16.\xt*\x* 
\v 2 ሌምሶስ፥ አማኖን ምንዳ እስ አስ አይ ካካ ማናዉ ዳንዳኤስ። ሽን አማኖን ዳቡርያ አስ አታክልተ ፃላላ ሜስ። 
\v 3 ኡባባ ምያ አስ ሞና ኡራ ካፖ። ኡባባ ሞና አስ ምያ ኡራ ቦላ ፕርዶፎ። ፆሳይ ኡባ ምያ ኡራ ሺሽ ኤክስ። 
\v 4 ሀራ አሳ አይለ ቦላ ፕርደይ ኔኒ ኦኔ? እ ዳቡርን ዎይኮ ምንን ባ ጎዳሳ። ጎዳይ እያ ኤሳናዉ ዳንዳእያ ግሾ እ ምንድ ኤቃና።
\p
\v 5 ቃስ “እስ ጋላሳይ ሀራ ጋላሳፐ አስ” ያግድ ቆፕያ አስ ደኤስ። ሀራይ ቃስ፥ “ጋላሳት ኡባይ እስ መላ” ግድ ቆፔስ። ሽን እሶይ እሶይ ባ ቆፋ አኬክድ ቃቾ። 
\v 6 እስ ጋላሳ ሀራ ጋላሳታፐ አድ ቦንችያ ኦንካ ጎዳ ቦንቾስ ግድ ኦስ። ኡባ ካ ምያ አስ ጎዳ ቦንቾስ ግድ ሜስ። እ ምያ ሄ ካ ግሾ፥ ፆሳ ጋላቴስ። ኡባ ካ ሞና አስ ጎዳ ቦንቾስ ሞና አጌስ፤ ቃስ ሞና አጎን ፆሰ ጋላቴስ። 
\v 7 ኑፐ ኦንካ ባዉ ዴና፤ ቃስ ኑ ግዶፈ ኦንካ ባዉ ሀይቀና። 
\v 8 ኑ ደኦን ደእኮ ጎዳስ ደኦስ፤ ቃስ ሀይቅኮካ ጎዳስ ሀይቆስ። ህዛ፥ ኑ ደኦን ደእን ዎይኮ ሀይቅን ጎዳሳ።
\p
\v 9 ክርስቶስ ሀይቅድ ሀይቆፐ ደንድዳይ፥ ደኦን ደኤይሳታስነ ሀይቅዳይሳታስ ጎዳ ግዳናሳ። 
\v 10 ያትን፥ ኔኒ ነ እሻ ቦላ አይስ ፕርዳይ? ዎይኮ ኔኒ ነ እሻ አይስ ካይ? ኑኒ ኡባይ ፆሳ ፕርዳ አራታ ስንን ኤቃና።\x - \xo 14:10 \xo*\xt 2 ቆሮ 5:10.\xt*\x*
\p
\v 11 ጌሻ ማፃፋን ጎዳይ፥
\q1 “ታኒ ደኦን ደአይስ፤
\q2 አሳ ኡባይ ታ ስንን ጉልባታና፤
\q2 ታኒ ፆሳ ግደይሳ ማርካታና”\x - \xo 14:11 \xo*\xt እሳ 45:23.\xt*\x*
\m ያጌስ። 
\v 12 ህዛ፥ ኑ ኦዳባስ ኑ ሁጰን ሁጰን ፆሳ ስንን ሺቅድ ዛሮ እማና።
\s1 ሀራ አስ በፋ
\p
\v 13 ሄሳ ግሾ፥ ኑኒ እሶይ እሱዋ ቦላ ፕርደይሳ አጎስ። ሽን ህንተ እሻ ብስድ ዎይኮ ቃፅድ ናጋራን ገልስያባ ኦናዳ ናገትተ። 
\v 14 ጎዳ የሱሳ አማንያ አሳዳ፥ ባ ሁጰን ቱና ግድዳ ካ ባይናይሳ ታኒ ጌሻዳ ኤራይስ። ሽን እስ አስ እስባ ቱና ግድ ቆፕኮ ሄስ እያዉ ቱና ግዴስ። 
\v 15 ነ ምያ ካ ግሾ ነ እሻ ብያባ ግድኮ፥ ክርስቶሳን ደእያ ነ እሻ ሲቃካ። ክርስቶስ እያ ግሾ ሀይቅዳ ኡራ ነ ምያ ካን እያ አያና ደኡዋ ይሶፋ። 
\v 16 ህዛ፥ ህንተዉ ደእያ ላአተ ሀራት ቦራና መላ ኦፍተ። 
\v 17 ፆሳ ካዎተይ ጌሻ አያናይ እምያ ፅሎተ፥ ሳሮተነ ቱማ ኡፋይስፈ አትሽን፥ ሙሳባነ ኡሻባ ግደና። 
\v 18 ሄሳዳ ክርስቶሳስ ኦያ አስ ፆሳ ኡፋይሴስ፤ አሳንካ አንጀቴስ።
\p
\v 19 ሄሳ ግሾ፥ አነ ኑኒ ሳሮተ በንትያ ኦግያነ እሱዋ እሱዋ አማኖን ምንያ ኦግያ ኮዮስ። 
\v 20 ካ ግሾ ጋዳ ፆሳ ኦሱዋ ይሶፋ። ኡባ ካ ሜተቴስ፥ ሽን ሀራ አስ ናጋራን ብስያ ካ ሙስ ኢታ። 
\v 21 ነ እሻይ በቶና መላ አሾ ሞና ዎይኮ ኡሹ ኡዮና ዎይኮ ነ እሻ ብያ ሀራባ ኦና አጎይ ሎኦ።
\p
\v 22 ህዛ፥ ሀ ነ አማኑዋ ነ ግዶንነ ነ ፆሳ ግዶን ናጋ። ልከ ግድ ቆፕዳባ ኦያ ዎደ እያ ካሀይ ሞቶና ኡራይ አንጀትዳይሳ። 
\v 23 ሽን ስሸ ምያ ኡራስ እያ ሙሳይ አማኖን ግዶና ግሾ ፕርደቴስ። አማኖይ ባይና ኦሰትዳ ኦሶ ኡባይ ናጋራ።
\c 15
\p
\v 1 ኑኒ አማኖን ምንዳይሳት ዳቡራንቾታ ቶሁዋ ቶካናዉ በሴስ። ኑኒ ኑና ኡፋይሳናዉ በሰና። 
\v 2 ኑኒ ኑ እሻ አማኖን ምንናዉ እያ ማዳናዉነ ኡፋይሳናዉ በሴስ። 
\v 3 ክርስቶስ ባና ኡፋይስቤና። ሽን ጌሻ ማፃፋን፥ “አሳይ ነና ጫይዳ ጫሻይ ታና ጋክስ”\x - \xo 15:3 \xo*\xt ማዝ 69:9.\xt*\x* ጌተትድ ፃፈትዳይሳዳ ሀንስ። 
\v 4 ጌሻ ማፃፋይ እምያ ገንጫንነ ምንዋን ኑ ኡፋይሳ ኤካና መላ ጌሻ ማፃፋን ፃፈትዳ ኡባይ ኑና ታማርሳናዉ ፃፈትስ።
\p
\v 5 ገንጫነ ምኖተ እምያ ጎዳይ ህንተ ክርስቶስ የሱሳ ካልያ ዎደ እስፈተ ህንተዉ እሞ። 
\v 6 ሄስካ፥ ኑ ጎዳ የሱስ ክርስቶሳ አዋ፥ ፆሳ፥ እስ ዎዛናንነ እስ ቃላን ህንተ ቦንቻና መላሳ።
\s1 ዎንገል አሳ ኡባሳ
\p
\v 7 ክርስቶስ ህንተና ኤክዳይሳዳ ፆሳ ቦንቾስ እሶይ እሱዋ ኤክተ። 
\v 8 ፆሳይ በን አዋታስ እምዳ ኡፋይሳይ ፖለታና መላነ እያ ቱማተይ ኤረታና መላ ክርስቶስ አይሁደታ አይለ ግድድ ይዳይሳ ታ ህንተዉ ኦዳይስ። 
\v 9 ክርስቶስ አይሁደታ አይለ ግድዳ ሀራ ጋሶይ ቃስ አይሁደ ግዶና አሳት ፆሳ እያ ማሮተ ግሾ ጋላታና መላሳ። ጌሻ ማፃፋን፥
\q1 “ታ ነና አይሁደ ግዶና አሳ ግዶን ጋላታና፤
\q2 ነ ሱን ሳባና”\x - \xo 15:9 \xo*\xt 2 ሳሜ 22:50፤ ማዝ 18:49.\xt*\x*
\m ጌተትድ ፃፈትዳይሳዳ ሀንስ።
\p
\v 10 ቃስ፥
\q1 “አይሁደ ግዶና አሳቶ፥
\q2 ፆሳ ደርያራ ኡፋይትተ”\x - \xo 15:10 \xo*\xt ዛረ 32:43.\xt*\x*
\m ያገትስ።
\p
\v 11 ቃስ ዛሪድ፥
\q1 “አይሁደ ግዶና አሳቶ፥
\q2 ጎዳ ጋላትተ፤
\q2 ካዎተ ኡባይ እያ ሳቢተ”\x - \xo 15:11 \xo*\xt ማዝ 117:1.\xt*\x*
\m ያገትስ።
\p
\v 12 ሄሳዳ እሳያስ፥
\q1 “እሰየ ኮቻፈ የለትያ እሶይ ያና፤
\q2 እ ካዎተ ኡባ ሃራና።
\q2 ኤንቲ ባንታ ኡፋይሳ እያ ቦላ ዎና”\x - \xo 15:12 \xo*\xt እሳ 11:10.\xt*\x*
\m ያጌስ።
\p
\v 13 ጌሻ አያና ዎልቃን ህንተ ድጫና መላ ኡፋይስ እምያ ፆሳይ፥ ህንተ አማኑዋ ጋሶን ህንተዉ ኡፋይስነ ሳሮተ ኩመ እሞ።
\s1 ጳዉሎስ ኪታ ፃፍዳ ጋሶ
\p
\v 14 ታ እሻቶ፥ ህንተናን ሎኦተነ ኤራተ ኩምዳይሳ ቃስ እሶይ እሱዋ ዞራናዉ ዳንዳኤይሳ ታ ጌሻዳ ኤራይስ። 
\v 15 ታኒ ህንተና እስ እስባ ጉጃ አኬክሳናዉ ኮያዳ ያዮና ሀ ዳብዳብያ ህንተዉ ፃፋስ። 
\v 16 ታኒ ክርስቶስ የሱሳ አይለ ግዳዳ፥ አይሁደ ግዶና አሳስ ካህነዳ ኦዳ፥ ዎንገላ ኦዳና መላ ፆሳይ ታዉ አ ኬሀተ እሚስ። አይሁደ ግዶና አሳይ ጌሻ አያናን ጌይድ፥ ፆሳ ኡፋይስያ ያርሾ ግዳና መላ ፆሳይ ሄሳ ኦስ።
\p
\v 17 ታኒ ክርስቶስ የሱሳን ግዳዳ ፆሳስ ኦያ ኦሱዋን ጬቀታይስ። 
\v 18 አይሁደ ግዶና አሳይ ፆሳስ ኪተታናዳ፥ ክርስቶስ ታ ቃላነ ታ ኦሱዋ ባጋራ ኦዳ ኦሱዋፐ አትሽን፥ ሀር ታ ጬቀትያባይ ባዋ። 
\v 19 ፆሳይ ሄሳ ማላታንነ ጌሻ አያና ዎልቃን ዋት ኦዳኮ ታ ህንተዉ ኦዳና። ታኒ የሩሳላመፐ ዶማዳ፥ እልዋርቆነ ጋካናዉ ክርስቶሳ ዎንገላ ሳባካስ። 
\v 20 ታኒ ሀራ አስ ባስዳ በሳን ኬፃናዉ ኮይከ። ክርስቶሳ ሱንይ ፄገትቦና በሳን ዎንገላ ኦዳናዉ አሞታይስ። 
\v 21 ጌሻ ማፃፋን፥
\q1 “እያባይ ኦደትቦና አሳት እያ በአና፤
\q2 እያባ ስእቦና አሳት አኬካና”\x - \xo 15:21 \xo*\xt እሳ 52:15.\xt*\x*
\m ጌተትድ ፃፈትስ።
\p
\v 22 ሄሳ ጋሶን፥ ታኒ ህንተኮ ያናዉ ዳንዳአብከ።\x - \xo 15:22 \xo*\xt ሮመ 1:13.\xt*\x* 
\v 23 ሽን ታኒ ሀእ ሀ ሄራን ታ ኦሱዋ ኦንግዳ ግሾነ ዳሮ ላይፈ ዶማዳ ህንተና በአናዉ ላሞትዳ ግሾ፥ 
\v 24 ታኒ እስፔነ ባሸ ህንተና በአናዉ ቆፓስ። ቃስ ጉ ዎደ ህንተራ ኡፋይትዳፐ ጉየ፥ እስፔነ ብያ ዎደ ህንተ ታ ኦግያስ ታና ማዳና መላ ኮያይስ።
\p
\v 25 ሽን ሀእ ታኒ ፆሳ አሳታ ማዳናዉ የሩሳላመ ባይስ። 
\v 26 ማቀዶነነ አካያን ደእያ ፆሳ አሳት፥ የሩሳላመን ደእያ ማንቆታ ሚሸን ማዳናዉ ኮይዳ ግሾሳ። 
\v 27 ኤንቲ ማንቆታ ማዳናይስ ኤንታዉ አቶናባ ግድዳ ግሾ ባንታ ሁጰን ሄሳ ኦናዉ ቆፋ ቃችዶሶና። አይሁደት አይሁደ ግዶናይሳታራ አያና አንጁዋ ሻከትኮ፥ ኤንቲ ቃስ ባንታዉ ደእያባን አይሁደታ ማዳናዉ በሴስ።\x - \xo 15:27 \xo*\xt 2 ቆሮ 9:11.\xt*\x* 
\v 28 ሄሳ ግሾ፥ ታኒ ሄ ሺቅዳ ሚሽያ ኤንታዉ እምዳፐ ጉየ፥ እስፔነ ባሸ ህንተ ማታራ አና። 
\v 29 ታኒ ህንተኮ ብያ ዎደ ክርስቶሳ አንጁዋን ኩማዳ ባናይሳ ኤራይስ።
\p
\v 30 ታ እሻቶ፥ ታዉ ፆሳ ዎስሸ ታ ባፅያን ታራ ኤቃና መላ ጎዳ የሱስ ክርስቶሳንነ ጌሻ አያና ሲቁዋን ህንተና ዎሳይስ። 
\v 31 ፆሳይ ታና ይሁዳን ደእያ አማኖና አሳታፐ አሻናዳነ የሩሳላመን ታ ኦና ኦሶይ ፆሳ አሳታ ማታን ኤከታና መላ ታዉ ዎስተ። 
\v 32 ቃስ ፆሳይ ጊኮ፥ ታኒ ህንተኮ ባዳ ኡፋይሳን ህንተራ ሸምፓና መላ ታዉ ዎስተ። 
\v 33 ሳሮተ ፆሳይ ህንተ ኡባራ ግዶ። አምንእ።
\c 16
\s1 ሳሮ
\p
\v 1 ክንክረ ካታማን ደእያ ዎሳ ኬን ኦያ ኑ ምችያ ፌበና ሎኦ ማጫስ ግደይሳ ህንተ ኤራና መላ ኮያይስ። 
\v 2 ህንተ እዮ አማንያ አሳት ጎዳ ሱንን ሞካናዉ በሲያ አማንያ አሳታፐ እሱዋዳ ሞክተ። እያ ህንተፈ ኮያባ ኡባ እዮ ማድተ። እያ ባ ሁጰን ዳሮ አሳ ማዳሱ፤ ቃስ ታና ታ ሁጰንካ ዳሮ ማዳሱ።
\p
\v 3 ክርስቶስ የሱሳ ኦሱዋ ታራ እስፈ ኦያ ጵርስቅላነ አቅላ ሳሮ ጊተ።\x - \xo 16:3 \xo*\xt ሀዋ 18:2.\xt*\x* 
\v 4 ኤንቲ ታ ግሾ ባንታ ሸምፑዋ አድ እምዶሶና። ታ ፃላላ ግዶናሽን፥ አይሁደ ግዶና አሳ ዎሳ ኬ ኡባይ ኤንታ ጋላቴስ። 
\v 5 ኤንታ ሶን ሺቅያ አማንያ አሳ ሳሮ ጊተ።
\p ኢሰ ቢታን ክርስቶሳ ኮይሮ አማንዳ፥ ታ ዶስያ ኤጳነፆሳስ ታ ሳሮዋ ኦድተ።
\p
\v 6 ህንተ ግሾ ኦሶን ዳሮ ዳቡርዳ ማይራሞ ሳሮ ጊተ። 
\v 7 ታራ ቃሾ ኬን አዳ ታ አይሁደ ላገታ አንድራንቆሳነ ዩንያሳ ሳሮ ጊተ። ኤንቲ የሱሳ ሀዋረታ ግዶን ኤረትዳይሳታ። ቃስ ኤንቲ ክርስቶሳ ታፐ ስን አማንዶሶና።
\p
\v 8 ጎዳን አማንያ ታ ሲቆ ላግያ፥ ጵልያፆና ሳሮ ጊተ። 
\v 9 ክርስቶሳ ኦሱዋ ኑራ እስፈ ኦያ ኡርባኖሳነ ታ ዶስያ እስታኩሳ ሳሮ ጊተ። 
\v 10 ክርስቶሳን አማንያ አይልያ አጰልሳስ ታ ሳሮዋ ኦድተ። አርስፆቡሎሳ ሶ አሳስ ታ ሳሮዋ ኦድተ። 
\v 11 ታ አይሁደ ላግያ ሄሮድዮና ሳሮ ጊተ።
\p ናርስሳስነ እያ ሶ አሳፐ ክርስቶሳ አማንዳይሳታ ሳሮ ጊተ።
\p
\v 12 ጎዳ ኦሱዋን ዳቡርያ ትሩፋይናነ ትሩፎሳ ሳሮ ጊተ። ቃስ ጎዳስ ዳሮ ዳቡራዳ ኦያ፥ ታ ዶስያ ፃርስዶ ሳሮ ጊተ። 
\v 13 ጎዳ ኦሱዋን ዳሮ ኤረትዳ ሩፎሳስነ ታና ባ ናአዳ በእያ እያ አየስ ታ ሳሮዋ ኦድተ።\x - \xo 16:13 \xo*\xt ማር 15:21.\xt*\x* 
\v 14 አስቃርፆናስ፥ አፍለሶንጳስ፥ ሄርሜሳስ፥ ጳፅሮባናስ፥ ሄርማስነ ኤንታራ ደእያ አማንያ እሻታ ኡባስ ታ ሳሮዋ ኦድተ። 
\v 15 ፍሎሎጉሳ፥ ዩላ፥ ኔራ፥ እያ ምችዉ፥ አልንፆሳነ ኤንታራ ደእያ አማንያ አሳ ኡባ ሳሮ ጊተ።
\p
\v 16 ጌሻ ዬረተ ዬረትሸ፥ እሶይ እሱዋ ሳሮተ። ክርስቶሳ ዎሳ ኬ ኡባይ ህንተና ሳሮ ያጎሶና።
\s1 ዉርሰ ዞረ
\p
\v 17 ታ እሻቶ፥ ህንተ ታማርዳ ትምርትያ እፅድ፥ ህንተ ግዶን ሻከተነ መቶ መያ አሳታፐ ናገትተ። ኤንታፈ ሃክተ። 
\v 18 ሄሳ መላ አሳት ባንታዉ ኦሶናፐ አትሽን፥ ኑ ጎዳ ክርስቶሳስ ኦኮና። ባንታ ማልእያ ዶናንነ ሳጶያ ቃላን አይኮ ኤሮና አሳ ዎዛና ባለሶና። 
\v 19 ዎንገላስ ህንተ ኪተትዳይሳ አሳ ኡባይ ስእዳይስ ታና ኡፋይሴስ። ሽን ህንተ ሎኦባ ኤራና መላነ ኢታባፐ ሃካና መላ ታ ኮያይስ። 
\v 20 ሳሮተ ፆሳይ ፃላህያ ህንተ ቶሁዋፐ ጋርሳን ጋጭ የጋና።
\p ኑ ጎዳ የሱስ ክርስቶሳ አ ኬሀተይ ህንተራ ግዶ።
\p
\v 21 ታራ ኦያ ፅሞትዮስ ህንተና ሳሮ ያጌስ።\x - \xo 16:21 \xo*\xt ሀዋ 16:1.\xt*\x* ሄሳዳካ፥ ታ ዳቦት ሉቅዮስ፥ ያሶንነ ሶስጳፅሮስ ህንተና ሳሮ ያጎሶና።
\p
\v 22 ታኒ፥ ሀ ዳብዳብያ ፃፍዳ፥ ፃርፅዮስ፥ ህንተና ጎዳ ሱንን ሳሮ ያጋይስ።
\p
\v 23 ታና ሞክዳይነ ዎሳ ኬ ኡባይ እያ ሶን ሺቅያ ጋዮስ፥ ህንተና ሳሮ ያጌስ። ካታማ ሚሽያ ኦይክያ ኤራስፆስነ ኑ እሻ ቃርፆስ ህንተና ሳሮ ያጎሶና።\x - \xo 16:23 \xo*\xt ሀዋ 19:29፤ 2 ቆሮ 1:14፤ 2 ፅሞ 4:20.\xt*\x* 
\v 24 [ኑ ጎዳ የሱስ ክርስቶሳ አ ኬሀተይ ህንተ ኡባራ ግዶ። አምንእ።]\f + \fr 16:24 \fr*\ft በን ኮይሮ ማፃፋታን ፓይዶ 24 ዴና።\ft*\f*\x - \xo 16:24 \xo*\xt ሀዋ 19:29፤ 2 ቆሮ 1:14፤ 2 ፅሞ 4:20.\xt*\x*
\p
\v 25 ጋላታይ ፆሳስ ግዶ። ታኒ፥ የሱስ ክርስቶሳባ ኦድያ ዎንገላ ቃላነ ዳሮ ዎደፐ ቆሰትድ ጋምእዳ ቱማተን፥ ፆሳይ ህንተና አማኖን ምንድ ኤሳናዉ ዳንዳኤስ። 
\v 26 ሽን ሀእ ሄ ቱማይ ቆንጭስ። ካዎተ ኡባይ አማንድ ኪተታና መላ መርና ፆሳ ኪታን ናበት ሄ ቱማባ ፃፍዶሶና።
\p
\v 27 የሱስ ክርስቶሳ ባጋራ ጭንጫተ እያ ፃላላስ ደእያ፥ እስ ፆሳስ መርናዉ ቦንቾይ ግዶ። አምንእ።