\id REV - GOOFA FULL BIBLE
\ide UTF-8
\h ዮሃንሳ ቆንጨ
\toc1 ዮሃንሳ ቆንጨ
\toc3 ቆን
\toc2 ቆን
\mt ዮሃንሳ ቆንጨ
\imt ጋ ቆፋ
\ip ዮሃንሳ ቆንጨይ ፃፈትዳይ፥ አማንያ አሳይ የሱስ ክርስቶሳ ባንታዉ ጎዳ ኦድ፥ ጌሻተን ደእዳ ግሾ፥ መቶይነ ዋየይ ጋክዳ ዎደና። ፃፈይ ዉድድ ፄልዳ አይፈ ቆፋይ፥ አማንያ አሳ ኡፋይሳይ ኩመ ግዳና መላ ኤንታ ምንድ፥ ኤንታ ጋክዳ ጎዳነ መቱዋ ግዶን ባንታ አማኑዋን ምንድ ኤቃና መላ ደንናሳ።
\ip ማፃፋን ዳርያ ክፍለይ ዳሮነ ካል ካልድ ይዳ ቆንጨታ ኦይኬስ። ሀ ቆንጨት ሄ ዎደ ደእያ አሳስ ገሌስ፥ ሽን ሀራታስ ፁራ ግድድ ጋምእስ። ኤንቲ ኦደትዳይነ ቆንጭዳይ ሌምሶ ኦዳና። ሀ ማፃፋን ደእያ ታይቦት፥ ማካ ሚሸትነ ዶአት ደረታነ አያና መተታ ሌምሶ። ማዝሙረ አዝማቸይ ስም ስሚድ የፀተይሳዳ፥ ሀ ማፃፋን ደእያ ሁጰ ቆፋት ዱማ ዱማ ቆንጨታ ባጋራ ዱማ ዱማ ኦገን ስም ስም ሺቅዶሶና። ሀ ማፃፋ ብርሸስ ዱማ ዱማ ቆፋይ ደእኮካ፥ እያዉ ሁጰ ቆፋይ ቆንጨ። ሄስካ፥ “ፆሳይ ጎዳ ክርስቶሳ ባጋራ ዛረና ኦገን ባ ሞርከታ፥ ፃላሄራ ጉጅድ፥ እስቶሆነ ዉርሰ ፆናና። ሄ ፆኑዋፐ ጉየ፥ እያዉ አማነትድ ደእዳ ባ አሳ ኦራ ሳሎነ ኦራ ሳአ አንጆ ላትሳና” ያጌስ።
\iot ማፃፋ አይፈ ቆፋታ
\io1 ዮሃንሳ ሃሳያ (\ior 1:1-8\ior*)
\io1 የሱሲ ላፑን ዎሳ ኬታ ግዶን (\ior 1:9-20\ior*)
\io1 ላፑን ዎሳ ኬታስ ፃፈትዳ ኪታ (\ior 2:1—3:22\ior*)
\io1 ሳሎን ሀንዳ ጎይኖ ቆንጨ (\ior 4:1-11\ior*)
\io1 ፃ ማፃፋነ ላፑን ማታመታ (\ior 5:1—6:17\ior*)
\io1 ፆሳ አራታ ስንን ጎይኖ ማራ (\ior 7:1-17\ior*)
\io1 ላፑን ሞይዘታ (\ior 8:2—11:19\ior*)
\io1 ዳውያነ ናምኡ ዶአታ (\ior 12:1—13:18\ior*)
\io1 ዱማ ዱማ ቆንጨታ (\ior 14:1—15:8\ior*)
\io1 ላፑን ሀንቆ ፁአታ (\ior 16:1-21\ior*)
\io1 ባብሎነ ኩንደ፥ ዶአነ ዎርዶ ናበ (\ior 17:1—20:10\ior*)
\io1 ዉርሰ ፕርዳ (\ior 20:11-15\ior*)
\io1 ኦራ ሳሎነ ሳአ (\ior 21:1-8\ior*)
\io1 ኦራ የሩሳላመ (\ior 21:9—22:5\ior*)
\io1 ክርስቶስ ስሚድ ያና (\ior 22:6-21\ior*)
\c 1
\p
\v 1 ኤሶን ሀናናዉ ደእያባ ባ አይለታ በሳና መላ ፆሳይ እያዉ እምዳ የሱስ ክርስቶሳ ቆንጨይ ሀይሳ። የሱሲ ባ ኪታንቹዋ ኪትድ፥ ባ አይልያ ዮሃንሳስ ቆንጭስስ። 
\v 2 ዮሃንስ ፆሳ ኪታ፥ የሱስ ክርስቶሲ ኦዳባነ ኦድዳባ ኡባ ማርካትስ። 
\v 3 ሀ ኡባይ ሀናናዉ ዎደይ ማትዳ ግሾ፥ ሀ ትንብተ ቃላ ናባብያ ኦንካ አንጀትዳይሳ፤ ቃስ ሀ ቃላ ስኤይሳትነ ፃፈትዳ ኪታ ናግያ ኡባይ አንጀትዳይሳታ።
\s1 ዎሳ ኬታስ ኪተትዳ ሳሮ
\p
\v 4-5 ሀ ዳብዳበይ፥ ዮሃንሳፐ፥ ኢሰ ቢታን ደእያ ላፑን ዎሳ ኬታስ ፃፈትስ። ካሰካ፥ ሀእካ ደእያ፥ ስንፈካ ያናዉ ደእያ ፆሳፈ፥ ቃስ እያ አራታ ስንን ደእያ ላፑን አያናታፐ፥ ሄሳዳካ፥ ሀይቆፐ ደንዶን ኮይሮ ግድዳይሳፈ፥ ሳኣ ካዎታ ሃርያ አማነትያ ማርካ ግድዳ የሱስ ክርስቶሳፐ፥ አ ኬሀተይነ ሳሮተይ ህንተዉ ግዶ።\x - \xo 1:4-5 \xo*\xt ከሳ 3:14፤ ቆን 4:5.\xt*\x*
\p የሱሲ ኑና ሲቄስ፥ ቃስ ባ ሱን ናጋራ አይለተፈ ኑና ላአ ከስስ።\x - \xo 1:4-5 \xo*\xt እሳ 55:4፤ ማዝ 89:27.\xt*\x* 
\v 6 ኑኒ ፆሳ እያ አዋስ ኦና መላ ኑና ካዎተ ካህነ ኦስ። እያዉ መርናፐ መርና ጋካናዉ ቦንቾይነ ዎልቃይ ግዶ። አምንእ።\x - \xo 1:6 \xo*\xt ከሳ 19:6፤ ቆን 5:10.\xt*\x*
\p
\v 7 ሄኮ፥ የሱሲ ሻራራ ዬስ። አሳ ኡባይ ሀር አቶሽን፥ እያ ጫድዳ አሳይካ እያ በአና። ሳአን ደእያ አሳ ኡባይ እያ ግሾ ዬካና። ሄስ ቱማ ሀናና! አምንእ።\x - \xo 1:7 \xo*\xt ዳነ 7:13፤ ማቶ 24:30፤ ማር 13:26፤ ሉቃ 21:27፤ 1 ተሰ 4:17፤ ዛካ 12:10፤ ዮሀ 19:34.\xt*\x*
\p
\v 8 “ካሰካ፥ ሀእካ ደኤይስ፥ ስንፈካ ያና ጎዳይ፥ ኡባፈ ዎልቃማ ፆሳይ፥ አልፋነ ኦመግ ታና”\f + \fr 1:8 \fr*\fq አልፋነ ኦመጋ፦ \fq*\ft ግርከ ዶናን አልፋነ ኦመግ ኮይሮነ ዉርሰ ፕዳለታ፤ ብርሸይካ ኮይሮነ ዉርሰ ጉሱ።\ft*\f* ያጌስ ጎዳ ፆሳይ።\x - \xo 1:8 \xo*\xt ቆን 22:13፤ ከሳ 3:14.\xt*\x*
\s1 ጎዳ ቆንጨ
\p
\v 9 ታኒ፥ ዮሃንስ፥ ህንተ እሻይ፥ ህንተራ እስፈ የሱሳን ዋይያ፥ እያ ካዎተነ እያ ዳንዳኣ በአስ። ታኒ ፆሳ ቃላ ግሾነ የሱሳባ ማርካትዳ ግሾ፥ ዩሾይ አባን ተቀትዳ ቢታን፥ ፓፅሞን ደአይስ። 
\v 10 ጎዳ ጋላሳን ታ ጌሻ አያናን ሃረታዳ ደአይስ፤ ታፐ ጉየራ ሞይዘ ፑኖ መላ ግታ ግርስ ስአስ። 
\v 11 ሄ ግርሳይ ታና፥ “ነ በኤይሳ ማፃፋን ፃፋዳ፥ ኢሰን ደእያ ላፑን ዎሳ ኬታስ:- ኤፈሶና፥ ሳምርኔሳ፥ ጳርጋሞና፥ ትያትሮና፥ ሳርዴሳ፥ ፍላደልፍያነ ሎዶቀ የዳ” ያግስ።
\p
\v 12 ታኒ ታዉ ኦድያ ግርሳ በአናዉ ጉየ ስማዳ ፆምፐ ዎያ ላፑን ዎርቃ ኮጫታ በአስ። 
\v 13 ሄ ኮጫታ ግዶን አሳ ናአ ዳነይሳ በአስ። እ አዱሳ አፍላ ባ ቶሁዋ ጋ ማእስ፥ ዎርቃ ዳንጮን ባ ትራ ዳንጭስ።\x - \xo 1:13 \xo*\xt ዳነ 7:13፤ ዳነ 10:5.\xt*\x* 
\v 14 እያ ሁጰይነ እያ ብናናይ ቦ ዶርሳ እክሰ መላ ዎይኮ ሻቻ መላ ቦ፤ እያ አይፈይ ታማ ላጮ ዳኔስ።\x - \xo 1:14 \xo*\xt ዳነ 7:9.\xt*\x*\x - \xo 1:14 \xo*\xt ዳነ 10:6.\xt*\x* 
\v 15 እያ ቶሆይ ታማን ሴርድ ዞእዳ ናሰ ብራታ ዳኔስ፤ እያ ግርሳይካ ግታ ሻፋ ኮሽንቻ መላ።\x - \xo 1:15 \xo*\xt ህዝ 1:24፤ 43:2.\xt*\x* 
\v 16 እ ባ ኡሻቻ ኩሸን ላፑን ፆልንቶታ ኦይክስ። እያ ዶናፐ ናምኡ ባጋራ ቃራትዳ ማሻይ ከዬስ። እያ ሶምኦይ ሴታ ጋላሳ አዋ አይፈ ዳኔስ።
\p
\v 17 ታኒ እያ በእዳ ዎደ ሀይቅዳ አሳዳ ሀናዳ እያ ቶሁዋ ማታን ኩንዳስ። እ ባ ኡሻቻ ኩሽያ ታ ቦላ ዎድ፥ “ያዮፋ፤ ኮይሮይነ ዉርሰይ ታና።\x - \xo 1:17 \xo*\xt እሳ 44:6፤ 48:12፤ ቆን 2:8፤ 22:13.\xt*\x* 
\v 18 ታኒ ደኦን ደአይስ፤ ታኒ ሀይቃስ፥ ሽን ሄኮ መር መርናዉካ ደኦን ደአይስ። ሀይቆነ ስኦለ ቁልፐይ ታ ኩሸና። 
\v 19 ህዛ፥ ሀእ ሀንያባነ ስንፈ ሀናናባ ነ በእዳባ ፃፋ። 
\v 20 ኔኒ ታ ኡሻቻ ኩሸን በእዳ ላፑን ፆልንቶታነ ላፑን ዎርቃ ኮጫታ ብርሸይ ሀይሳ፦ ላፑን ፆልንቶት ላፑን ዎሳ ኬታ ኪታንቾታ፤ ላፑን ዎርቃ ኮጫት ላፑን ዎሳ ኬታ።”
\c 2
\s1 ኤፈሶና ዎሳ ኬ
\p
\v 1 “ኤፈሶና ዎሳ ኬ ኪታንቹዋስ ሀይሳዳ ያጋዳ ፃፋ።
\pi ባ ኡሻቻ ኩሸን ላፑን ፆልንቶታ ኦይክዳይስነ ላፑን ዎርቃ ኮጫታ ግዶራ ሄመተይስ ሀይሳዳ ያጌስ፦ 
\v 2 ታኒ ነ ኦሱዋ፥ ነ ዳቡራነ ነ ገንጫ ኤራይስ። ኔኒ ኢታ አሳታባ ገንጫናዉ ዳንዳአቦናይሳ ኤራይስ። ቃስ ሀዋረ ግዶናሽን ባንታና፥ ሀዋረ ገይሳታ ፕልጋ ኤራዳ ኤንቲ ዎርዳንቾ ግደይሳ ደምዳይሳ ታ ኤራይስ። 
\v 3 ኔኒ ገንጫዳሳ፤ ታ ሱን ግሾ መቶ ዳንዳአዳሳ፤ ፆነታባካ። 
\v 4 ግዶሽን፥ ሀእ ታ ነና ቦርያባይ ደኤስ፤ ሄስካ ኔኒ፥ ነ ኮይሮ ሲቁዋ አጋዳሳ። 
\v 5 ህዛ፥ ነ አይ መላ ቃ በሳፈ ኩንድዳኮ አኬካ! ነ ናጋራፐ ስማ፤ ኔኒ ካሰ ኦያ ኦሱዋ ኦ። ኔኒ ነ ናጋራፐ ስሞና እፅኮ፥ ነ ፆምፐ ዎያ ኮጫ እያ በሳፈ ኤካና። 
\v 6 ሀእ ታ ነና ናሽያ እስባይ ደኤስ፤ ታ እፅያ ንቆላዌታ ኦሱዋ ነካ እፃዳሳ።
\pi
\v 7 ጌሻ አያናይ ዎሳ ኬታስ ግያባ ስአናዉ ሀይ ደእያ ኦንካ ስኦ። ፆንያ ኦንካ ፆሳ ጋናትያን ደእያ ደኦ ም አይፈፐ ማና መላ ማታ እማና።”\x - \xo 2:7 \xo*\xt መ 2:9፤ ቆን 22:2፤ ህዝ 28:13፤ 31:8.\xt*\x*
\s1 ሳምርኔሳ ዎሳ ኬ
\p
\v 8 ሳምርኔሳ ዎሳ ኬ ኪታንቹዋስ ሀይሳዳ ያጋዳ ፃፋ።
\pi “ኮይሮይነ ዉርሰይ፥ ሀይቅዳይስነ ሀይቆፐ ደንድዳይስ ሀይሳዳ ያጌስ፦\x - \xo 2:8 \xo*\xt እሳ 44:6፤ 48:12፤ ቆን 1:17፤ 22:13.\xt*\x*
\pi
\v 9 ታኒ ነ ዋያነ ነ ማንቆተ ኤራይስ፤ ግዶሽን ኔኒ ዱረ። አይሁደ ግዶናሽን ባንታና አይሁደ ገይሳት ጫይያ ጫሻ ታ ኤራይስ፥ ሽን ኤንቲ ፃላሄ ማባራን ደኦሶና። 
\v 10 ኔኒ ኤካናዉ ደእያ ዋይያ ባቦፋ። ፃላሄይ ህንተፈ እሶታ እሶታ ፓጫናዉ ቃሾ ኬን የጋና፤ ታሙ ጋላስ ጋካናዉ ህንተ ዋየታና። ሀይቃና ጋካናዉ አማነትዳይሳ ግዳ፤ ታ ነዉ ደኦ ካላቻ እማና።”
\pi
\v 11 “ጌሻ አያናይ ዎሳ ኬታስ ግያባ ስአናዉ ሀይ ደእያ ኦንካ ስኦ። ፆንያ ኦንካ ናምአን ሀይቁዋን ቆሄተና።”\x - \xo 2:11 \xo*\xt ቆን 20:14፤ 21:8.\xt*\x*
\s1 ጳርጋሞና ዎሳ ኬ
\p
\v 12 “ጳርጋሞና ዎሳ ኬ ኪታንቹዋስ ሀይሳዳ ያጋዳ ፃፋ።
\pi ናምኡ ባጋራ ቃራትዳ ማሻይ ደኤይስ ሀይሳዳ ያጌስ፦ 
\v 13 ታኒ ነ ደእያ በሳ ኤራይስ፤ ኔኒ ፃላሄ አራታይ ደእያ በሳን ደኣሳ፤ ታ ሱን ምን ናጋዳሳ። ሀር አቶሽን፥ ፃላሄይ ደእያ ህንተ ካታማን ሀይቅዳ ታ አማነትዳ ማርካይ፥ አንትጳስ፥ ደእያ ዎደካ አማኑዋ አጋባካ።
\pi
\v 14 ግዶሽን፥ ታ ነና ቦርያ ጉባት ደኦሶና። ሄስካ እስራኤለ አሳይ ኤቃስ ያርሸትዳ ካ ምድ ቱናና መላነ ላይማተ ናጋራ ኦና መላ ባላቃ ታማርስዳ ባላማ ትምርትያ ኤክዳ እስ እስ አሳት ኔራ ደኦሶና።\x - \xo 2:14 \xo*\xt ታይቦ 22:5.\xt*\x* 
\v 15 ሄሳዳካ፥ ንቆላዌታ ትምርትያ ታማርያ አሳት ኔራ ደኦሶና። 
\v 16 ሄሳ ግሾ፥ ኔኒ ነ ናጋራፐ ስማ። ሄስ ሀኖና እፅኮ፥ ታ ኔኮ ኤለሳ ያዳ ሄ አሳታ ታ ዶናፐ ከይያ ማሻን ኦላና።”
\pi
\v 17 ጌሻ አያናይ ዎሳ ኬታስ ግያባ ስአናዉ ሀይ ደእያ ኦንካ ስኦ። ፆንያ ኦደስካ ቆሰትድ ደእያ ማናፈ\f + \fr 2:17 \fr*\fq ማና፦ \fq*\ft እስራኤለ አሳይ መላ ቢታን ሄመትያ ዎደ ሳሎፐ ፆሳይ ኤንታዉ እምዳ ዱማ ካ ዎይኮ ኪታንቾ ካ።\ft*\f* እማና። ቃስ ኤክያ ኡራፐ አትሽን፥ ሀራ አስ ኤሮና ኦራ ሱንይ ፃፈትዳ ቦ ሹቹ ታኒ እያዉ እማና።\x - \xo 2:17 \xo*\xt ከሳ 16:14.\xt*\x*
\s1 ትያትሮና ዎሳ ኬ
\p
\v 18 “ትያትሮና ዎሳ ኬ ኪታንቹዋስ ሀይሳዳ ያጋዳ ፃፋ።
\pi ታማ ላጮ ዳንያ አይፈይ ደኤይስ፥ ቃስ ታማን ሴርዳ ናሰ ብራታ ዳንያ ቶሆይ ደኤይስ፥ ፆሳ ናአይ፥ ሀይሳዳ ያጌስ፦ 
\v 19 ታኒ ነ ኦሱዋ፥ ነ ሲቁዋ፥ ነ አማኑዋ፥ ነ ኦሱዋነ ነ ገንጫ ኤራይስ። ኔኒ ኮይሮ ኦይሳፈ ሀእ አዳ ኦይሳካ ኤራይስ።
\pi
\v 20 ግዶሽን፥ ታ ነና ቦርያ እስባይ ደኤስ፤ ባና ናበ ግያ ማጫስዉ፥ ኤልዛቤሎ፥ አይኮካ ጋባካ። ሄ ማጫስያ ኤቃስ ያርሸትዳ ካ ምድ ቱናናዳነ ላይማታናዳ ኦዳ ታ አይለታ ባለሱ።\x - \xo 2:20 \xo*\xt 1 ካዎ 16:31፤ 2 ካዎ 9:22.\xt*\x* 
\v 21 እያ ባ ናጋራፐ ስማና መላ ታ እዉ ዎደ እማስ፥ ሽን እያ ስማናዉ ኮያቡኩ። 
\v 22 ኤንቲ እ ባላ ኦግያፐ ስሞና እፅኮ፥ ታ እዮ ኢታ ሀርገን የጋና፤ ኢራ ላይማተይሳትካ ኢታ ዋየ ዋየታና። 
\v 23 ታኒ እ ናይታ ዎና፤ ቃስ ዎሳ ኬ ኡባይ ታ አሳ ቆፋነ አሳ ዎዛና ኤረይሳ ግደይሳ ኤራና። ታ እሱዋስ እሱዋስ ህንተ ኦሱዋዳ ኦሱዋዳ እማና።”\x - \xo 2:23 \xo*\xt ማዝ 7:9፤ ኤርም 17:10፤ ማዝ 62:12.\xt*\x* 
\v 24 ሽን ትያትሮናን ደእያ ሀራታ፥ ሄ ኢታ ትምርትያ ኤክቦናይሳታነ፥ “ፃላሄ ግታ ፁራ” ጌተትያ ሀ ትምርትያ ታማርቦና ህንተና ሀራ ዴፆ ቶሆ ቶስከ። 
\v 25 ግዶሽን፥ ታ ያና ጋካናዉ ህንተዉ ደእያባ ምን ናግተ።
\pi
\v 26 ፆነይሳስነ ዉርሰ ጋካናዉ ታዉ ኪተትያ ኦደስካ ካዎተታ ሃራና መላ ማታ እማና።\x - \xo 2:26 \xo*\xt ማዝ 2:8-9.\xt*\x*
\q1
\v 27 “እ ኤንታ ብራታ ፃምአን ሃራና፤
\q2 መቃ ሚሸዳካ መንረና።”
\pi ሄ ማታይ ታኒ ታ አዋፐ ኤክዳ ማታ መላ። 
\v 28 ቃስ ታ እያዉ ባካላ ፆልንቶ እማና። 
\v 29 ጌሻ አያናይ ዎሳ ኬታስ ግያባ ስእያ ሀይ ደእያ ኦንካ ስኦ። \fig Seven Churches of Asia|alt="Seven Churches of Asia (Available in b/w for Revelation also" src="gogE GPS_SevenChurches_Multi-1.jpg" size="span" copy="GPS" ref="1:4--3:14"\fig*
\c 3
\s1 ሳርዴሳ ዎሳ ኬ
\p
\v 1 “ሳርዴሳ ዎሳ ኬ ኪታንቹዋስ ሀይሳዳ ያጋዳ ፃፋ።
\pi ላፑን ፆሳ አያናታነ ላፑን ፆልንቶታ ኦይክዳይስ ሀይሳዳ ያጌስ፦ ታኒ ነ ኦሱዋ ኤራይስ፤ አስ ነና ፓፃ ደኤስ ጊኮካ፥ ነ ሀይቃዳሳ። 
\v 2 ባርካ፤ አትዳ ጉባነ ሀይቃናዉ ማትዳባ ምን። ነ ኦሶይ ፆሳ ስንን ፖሎ ግዶናይሳ ደማስ። 
\v 3 ህዛ፥ ነ ኤክዳባነ ስእዳባ አኬካ፤ ናጋ፤ ነ ናጋራፐ ስማ። ኔኒ ባርኮና እፅኮ ታ ካይሶዳ ያና፤ ታ አይ ዎደ ያነኮ ነ ኤራካ።\x - \xo 3:3 \xo*\xt ማቶ 24:43.\xt*\x*
\pi
\v 4 ሽን ባንታ ማኡዋ ቅታዮና ጉ አሳት ሳርዴሳን ደኦሶና። ኤንታዉ በሲያባ ግድያ ግሾ ቦ ማኦ ማእድ ኤንቲ ታራ ሄመታና። 
\v 5 ፆንያ ኦንካ ኤንታይሳዳ ቦ ማኦ ማአና። ታኒ እያ ሱን ደኦ ማፃፋፐ ቁችከ። ታኒ ታ አዋ ስንንነ እያ ኪታንቾታ ስንን እ ታባ ግደይሳ ማርካታና።\x - \xo 3:5 \xo*\xt ከሳ 32:32.\xt*\x* 
\v 6 ጌሻ አያናይ ዎሳ ኬታስ ግያባ ስእያ ሀይ ደእያ ኦንካ ስኦ።
\s1 ፍላደልፍያ ዎሳ ኬ
\p
\v 7 “ፍላደልፍያ ዎሳ ኬ ኪታንቹዋስ ሀይሳዳ ያጋዳ ፃፋ።
\pi ጌሻይነ ቱማንቾይ፥ ዳዊታ ቁልፕያ ባ ኩሸን ኦይክዳይስ፥ ሀይሳዳ ያጌስ፦ እ ጎርድን ኦንካ ዶያናዉ ዳንዳኤና፤ ቃስ እ ዶይን ኦንካ ጎርዳናዉ ዳንዳኤና።\x - \xo 3:7 \xo*\xt እሳ 22:22፤ እዮ 12:14.\xt*\x* 
\v 8 ታኒ ነ ኦሱዋ ኤራስ፤ ሄኮ ታ ነ ስንን ኦንካ ጎርዳናዉ ዳንዳኦና ዶያ ፐንገ ዎስ። ነ ዎልቃይ ጉ ግድኮካ፥ ታ ቃላ ናጋዳሳ፤ ታና ካዳባካ። 
\v 9 አይሁደ ግዶናሽን፥ ባንታና አይሁደ ግያ ዎርዶታነ ፃላሄ ባጋታ ኔኮ ኤሀናነ ነ ስንን ጉልባትሳና። ታ ነና ዶሰይሳ ኤንታና ኤርሳና።\x - \xo 3:9 \xo*\xt እሳ 49:23፤ 60:14፤ እሳ 43:4.\xt*\x* 
\v 10 ኔኒ፥ ‘ገንጫ’ ጋዳ ታ ኪትዳ ኪታ ናግዳ ግሾ፥ ኩመ አላምያ ፓጫናዉ ያ ዋየ ዎድያፐ ታኒ ነና ናጋና።
\pi
\v 11 ታኒ ኤለሳዳ ያና፤ ኦንካ ነ ካላቻ ኤኮና መላ ነዉ ደእያባ ምንዳ ኦይካ። 
\v 12 ፆንዳይሳ ታ ፆሳ ኬን ቱሱ ኦና፤ እ ያን መርናዉ ዳና። ታኒ ታ ፆሳ ሱንነ ታ ፆሳ ካታማ ሱን እያ ቦላ ፃፋና፤ እያካ ታ ፆሳ ማታፐ ዎያ ኦራ የሩሳላመ። ቃስ ታኒ ታ ኦራ ሱንካ እ ቦላ ፃፋና።\x - \xo 3:12 \xo*\xt ቆን 21:2፤ እሳ 62:2፤ 65:15.\xt*\x* 
\v 13 ጌሻ አያናይ ዎሳ ኬታስ ግያባ ስእያ ሀይ ደእያ ኦንካ ስኦ።
\s1 ሎዶቀ ዎሳ ኬ
\p
\v 14 “ሎዶቀ ዎሳ ኬ ኪታንቹዋስ ሀይሳዳ ያጋዳ ፃፋ።
\b
\pi አምንእ ግድዳ አማነትዳ ቱማ ማርካይ፥ ፆሳ መተ ሃረይስ ሀይሳዳ ያጌስ፦\x - \xo 3:14 \xo*\xt ሌም 8:22.\xt*\x* 
\v 15 ታኒ ነ ኦሱዋ ኡባ ኤራይስ፤ ኔኒ እርፃ ዎይኮ ምሻ ግዳካ፤ ኔኒ ናምኣፈ እሱዋ ግድኮ ሎኦ! 
\v 16 ኔኒ እርፃ ዎይኮ ምሻ ግዶናሽን፥ ቦልኦ ግድያ ግሾ ታ ነና ታ ዶናፐ ጩታና ሀናይስ። 
\v 17 ህዛ፥ ኔኒ፥ ‘ታኒ ዱረ፥ ሻሎራ ደአይስ፥ ታዉ አይብባይካ ፓጭቤና’ ያጋሳ። ሽን ኔኒ መቶታንቾ፥ ማንቆ፥ ቆቀነ ካሎትዳ አስ ግደይሳ ኤራካ። 
\v 18 ሄሳ ግሾ፥ ነ ዱረታናዉ ታማን ጌይዳ ዎርቃ፥ ነ ዬላ ካሉዋ ካማናዉ ቦ ማኦነ ሎይ ፄላናዉ ዳንዳእስያ አይፈ ለ ታፐ ሻማና መላ ነና ታ ዞራይስ።
\pi
\v 19 ታ ዶሰይሳ ሴራይስነ ሀንቃይስ፤ ህዛ ምና፤ ነ ናጋራፐ ስማ።\x - \xo 3:19 \xo*\xt ሌም 3:12፤ እብራ 12:6.\xt*\x* 
\v 20 ሄኮ፥ ታ ካረን ኤቃዳ ፄጋይስ። ኦንካ ታ ፄሳ ስእድ፥ ዉላ ዶይኮ፥ እያኮ ገላና፤ እያራ እስፈ ካ ማና፤ እካ ታራ እስፈ ማና።
\pi
\v 21 ታ ፆናዳ ታ አዋራ እያ አራታን ኡትዳይሳዳ ፆንዳይ ታራ ታ አራታን ኡታና መላ ማታ እማና። 
\v 22 ጌሻ አያናይ ዎሳ ኬታስ ግያባ ስእያ ሀይ ደኤይ ኦንካ ስኦ” ያግስ።
\c 4
\s1 ሳሎን ደእያ አራታ
\p
\v 1 ሄሳፈ ጉየ፥ ታኒ ሳሎ ፄልያ ዎደ ዶየትዳ ፐንገ በአስ። ቃስ ታ ካሰ ስእዳ ሞይዘ ግርሳ መላይ ታኮ፥ “ሀ ከያ፤ ሀይሳፈ ጉየ፥ ሀናናዉ ደእያባ ታ ነና በሳና” ያግስ። 
\v 2 ሄ ዎደ ታ አያናን ሃረታዳ ደአይስ። ሄኮ፥ ሳሉዋን አራታ ቦላ እሶይ ኡትዳይሳ በአስ።\x - \xo 4:2 \xo*\xt ህዝ 1:26-28፤ 10:1.\xt*\x* 
\v 3 ሄ ኡትዳይሳ ማላይ ያስጰደነ ሳርድዮነ አልኦ ሹቻ መላ። እያ አራታ ዩሹዋን አልኦ ማርግደ ሹች ዳንያ ዙል ደኤስ። 
\v 4 ሄ አራታ ዩሹዋን ላታማነ ኦይዱ አራታት ደኦሶና፤ ኤንታ ቦላ ቦ ማኦ ማእድ፥ ሁጰን ዎርቃ ካላቻ ዎዳ ላታማነ ኦይዱ ጭማት ኡትዶሶና። 
\v 5 አራታፐ ዎልአን፥ ጉንነ ደሾይ ከዬስ። አራታ ስንን ላፑን ፖእያ ፆምፐት ደኦሶና፤ ኤንቲ ላፑን ፆሳ አያናታ።\x - \xo 4:5 \xo*\xt ከሳ 19:16፤ ቆን 1:4፤ ቆን 8:5፤ 11:19፤ 16:18፤ ህዝ 1:13፤ ዛካ 4:2.\xt*\x* 
\v 6 አራታ ስንን ብርለ ዳንያ ጶልያ ቡርጩኮ አባይ ደኤስ።\x - \xo 4:6 \xo*\xt ህዝ 1:22.\xt*\x*\x - \xo 4:6 \xo*\xt ህዝ 1:5-10፤ 10:14.\xt*\x*
\p ስንራነ ጉየራ አይፈይ ደእያ ኦይዱ ደኦራ ደእያ መተት አራታ ዩሹዋንነ አራታ ግዶን ደኦሶና። 
\v 7 ኮይሮ መተ መይ ጋሞ ዳኔስ፤ ናምአንይ ቦር ዳኔስ፤ ሄንይ አሰ ዳኔስ፤ ቃስ ኦይዳንይ ፕራያ አርጋን ዳኔስ። 
\v 8 ኦይዱ መተታ ኡባስ ኡሱፑን ቀፈይ ደኤስ፤ ኤንታ አሳተ ኡባይ አይፈን ኩምስ።\x - \xo 4:8 \xo*\xt ህዝ 1:18፤ 10:12፤ እሳ 6:2.\xt*\x* ኤንቲ ቃማነ ጋላስ ቃንፆና፥
\qc “ጌሻዉ፥ ጌሻዉ፥ ጌሻዉ፥
\qc ጎዳዉ፥ ኡባፈ ዎልቃማ ፆሳዉ፥
\qc ካሰካ፥ ሀእካ ደኤይሶ፥ ስንፈ ያናይሶ”
\m ያጎሶና። 
\v 9 ሄ መተት አራታን ኡትዳይሳስነ መርናዉ ደኤይሳስ ሳባ፥ ቦንቾነ ጋላታ እምዳ ዎደ፥ 
\v 10 ላታማነ ኦይዱ ጭማት አራታን ኡትዳይሳነ መርናዉ ደኤይሳ ስንን ጉፋንድ ጎይንዶሶና፤ ባንታ ካላቻ አራታ ስንን ዎድ፥
\q1
\v 11 “ኑ ጎዳዉ፥ ኑ ፆሳዉ፥
\q2 ኔኒ ቦንቾ፥ ሳባነ ዎልቃ ኤካናዉ በሳሳ።
\q1 ኔኒ ኡባ መዳሳ፤
\q2 ኡባባይ ነ ሸንያዳ ሀንስ፥ መትስ”
\m ያግዶሶና።
\c 5
\s1 ዶርሳነ ፃ ማፃፋ
\p
\v 1 ሄሳፈ ጉየ፥ አራታ ቦላ ኡትዳይሳ ኡሻቻ ኩሸን ግዶራነ ካረራ ፃፈትዳ ላፑን ማታመን ጎርደትዳ ፃ ማፃፋ በአስ።\x - \xo 5:1 \xo*\xt ህዝ 2:9.\xt*\x* 
\v 2 እስ ምኖ ኪታንቾይ ባ ቃላ ቁ ኦድ፥ “ማታምያ ብላናዉነ ማፃፋ ዶያናዉ በሰይ ኦኔ?” ያግድ አዋጅሽን በአስ። 
\v 3 ሽን ሳሎን ግድን ሳአን ዎይኮ ሳአፐ ጋርሳን ግድን ሄ ፃ ማፃፋ ብላናዉነ ግዱዋ በአናዉ ዳንዳኤይ ኦንካ በንትቤና። 
\v 4 ፃ ማፃፋ ብላናዉነ እያ ግዱዋ በአናዉ በሲያ አስ ይዳ ግሾ ታ ዳሮ ዬካስ። 
\v 5 ያትን፥ ጭማታፐ እሶይ ታኮ፥ “ዬኮፋ! ሄኮ፥ ይሁዳ ኮቸ ግድያ ጋሞይ፥ ዳዊታ ሼሻይ፥ ላፑን ማታመታ ብላናዉነ ማፃፋ ዶያናዉ ዳንዳእስ” ያግስ።\x - \xo 5:5 \xo*\xt መ 49:9፤ እሳ 11:1.\xt*\x*
\p
\v 6 ሄሳፈ ጉየ፥ ሹከትዳ ዶርሳይ አራታስ፥ ኦይዱ ደኦን ደእያ መተታስነ ጭማታስ ግዶን፥ ኤቅዳይሳ በአስ። እያዉ ላፑን ካጨትነ ላፑን አይፈት ደኦሶና። ሄሳት ሳአ ኡባ ኪተትዳ ፆሳ ላፑን አያናታ።\x - \xo 5:6 \xo*\xt እሳ 53:7፤ ዛካ 4:10.\xt*\x* 
\v 7 ሄ ዶርሳይ ብድ፥ አራታ ቦላ ኡትዳይሳ ኡሻቻ ኩሸፐ ፃ ማፃፋ ኤክስ። 
\v 8 እ ሄ ፃ ማፃፋ ኤክዳ ዎደ፥ ደኦን ደእያ ኦይዱ መተትነ ላታማነ ኦይዱ ጭማት ዶርሳ ስንን ኩንድዶሶና። ኤንቲ እሶይ እሶይ ዲነ ጌሻታ ዎሳ ግድዳ እፃነይ ኩምዳ ዎርቃ ሻተ ኦይክዶሶና።\x - \xo 5:8 \xo*\xt ማዝ 141:2.\xt*\x* 
\v 9 ኤንቲ፥
\q1 “ፃ ማፃፋ ኤካናዉ፥
\q2 ማታመታ ብላናዉ ነዉ በሴስ።\x - \xo 5:9 \xo*\xt ማዝ 33:3፤ 98:1፤ እሳ 42:10.\xt*\x*
\q1 አይስ ጊኮ፥ ኔኒ ሹከታዳሳ፤
\q2 ኮቸ ኡባፈ፥ ዱማ ዱማ ዶናፐ፥
\q2 ያራታፐነ ካዎተታ ኡባፈ
\q2 ነ ሱን ፆሳስ ዎዛዳሳ።
\q1
\v 10 ኤንቲ እያ ፆሳ አዋስ ኦና መላ
\q2 ኤንታና ካህነ ካዎተ ኦዳሳ።
\q1 ኤንትካ ቢታ ኡባ ሃራና”
\m ያግድ ኦራ ማዝሙረ የፅዶሶና።\x - \xo 5:10 \xo*\xt ከሳ 19:6፤ ቆን 1:6.\xt*\x*
\p
\v 11 ታ በእያ ዎደ ሙኩሉ ቶሆ ሙኩሉነ ታሙ ሙኩሉ ቶሆ ታሙ ሙኩሉ ግድያ ኪታንቾታ ግርሳ ስአስ። ኤንትካ አራታ፥ ኦይዱ ደኦን ደእያ መተታነ፥ ጭማታ ዩሹዋን ኤቅዶሶና።\x - \xo 5:11 \xo*\xt ዳነ 7:10.\xt*\x* 
\v 12 ሄ ኪታንቾት ቁ ግዳ ቃላን፥
\q1 “ሹከትዳ ዶርሳይ ዎልቃ፥ ዱረተ፥
\q2 ጭንጫተነ ምኖተ፥
\q2 ቦንቾ፥ ሳባነ ጋላታ ኤካናዉ በሴስ”
\m ያግዶሶና።
\p
\v 13 ሄሳፈ ጉየ፥ ሳአን፥ ሳሎን፥ ሳአፐ ጋርሳንነ አባ ግዶን ደእያ መተ ኡባይ፥
\q1 “አራታ ቦላ ኡትዳይሳስነ ዶርሳስ፥
\q2 ጋላታይ፥ ቦንቾይ፥ ሳብነ ዎልቅ፥
\q2 መር መርናዉ ግዶ”
\m ያግድ የፅሽን ስአስ።
\p
\v 14 ኦይዱ ደኦን ደእያ መተት፥ “አምንእ” ያግዶሶና፤ ቃስ ጭማት ጉፋንድ ጎይንዶሶና።
\c 6
\s1 ላፑን ማታመታ ዶየተ
\p
\v 1 ዶርሳይ ላፑን ማታመታፐ እሱዋ ዶይሽን በአስ። ቃስ ኦይዱ ደኦን ደእያ መተታፐ እሶይ፥ ዳዳ ደሾ ዳንያ ግርሳን፥ “ሃያ!” ያግሽን ስአስ። 
\v 2 ሄኮ ቦ ፓራ በአስ። ሄ ፓራ ቶግዳይስ ዶንገ ኦይክስ፤ እያ ሁጰን ካላች ደኤስ። እካ ፆንሸ ፆናናዉ ከይስ።\x - \xo 6:2 \xo*\xt ዛካ 1:7.\xt*\x*
\p
\v 3 ቃስ ዶርሳይ ናምአን ማታምያ ዶይዳ ዎደ ደኦን ደእያ ናምአን መተይ፥ “ሃያ!” ያግሽን ስአስ። 
\v 4 ቃስ ሀራ ስሀ ዞኦ ፓር ከይስ። ሄ ፓራ ቶግዳይሳስ ሳአፐ ሳሮ ይሳና መላነ አሳይ ዎል ዉርሳና መላ ማትነ ግታ ማሻይ እመትስ።\x - \xo 6:4 \xo*\xt ዛካ 1:7.\xt*\x*
\p
\v 5 ዶርሳይ ሄን ማታምያ ዶይዳ ዎደ ደኦን ደእያ ሄን መተይ፥ “ሃያ!” ያግሽን ስአስ። ሄኮ ካሬ ፓራ በአስ፤ እካ ባ ኩሸን ምዛነ ኦይክስ።\x - \xo 6:5 \xo*\xt ዛካ 6:2.\xt*\x* 
\v 6 ኦይዱ ደኦን ደእያ መተታ ግዶፈ፥ “እስ ጋላሳ ኦሶስ ዳሞዘ፥ ባጋ ክሎ ግስተ፤ ቃስ እስ ጋላሳ ኦሶስ ዳሞዘ፥ እስ ክሎነ ባጋ ባንጋ ግዶ። ሽን ዛይትያነ ዎይንያ ቆሆፓ” ያግሽን ስአስ።
\p
\v 7 ዶርሳይ ኦይዳን ማታምያ ዶይዳ ዎደ ኦይዳን ደኦን ደእያ መተይ፥ “ሃያ!” ያግሽን ስአስ። 
\v 8 ሄኮ ዋንጮ ፓራ በአስ። ሄ ፓራ ቶግዳይሳ ሱንይ ሀይቆ፤ እያ ጌዶ ስኦለይ ካሌስ። ኤንታዉ አላመፐ ኦይዳን ኩሽያ ኦላን፥ ኮሻን፥ ጋዶንነ ዶአን ዎሳና መላ ማት እመትስ።\x - \xo 6:8 \xo*\xt ህዝ 14:21.\xt*\x*
\p
\v 9 ዶርሳይ እቻሻን ማታምያ ዶይዳ ዎደ ኤንቲ ፆሳ ቃላ ኦድዳ ግሾነ ባንታ ማርካተን አማነትዳ ግሾ ሹከትዳ አሳ ሸምፖታ ያርሾ በሳፈ ጋርሳን በአስ። 
\v 10 ኤንቲ ባንታ ቃላ ቁ ኦድ፥ “ኡባ ሃርያ ጎዳዉ፥ ጌሻዉ፥ ቱማንቹዋዉ፥ ሳአን ደእያ አሳ ቦላ ነ ፕርዳናይነ ኑ ሱ ግሾ ሀሎ ከያናይ አዉዴ?” ያግዶሶና። 
\v 11 ኤንታ እሱዋስ እሱዋስ ቦ ማኦይ እመትስ። ኤንታይሳዳ ሀንድ ሀይቃናዉ በሲያ ኤንታ ላገታ ታይቦይ ኩማና ጋካናዉ ጉ ዎደ ሸምፓና መላ ኤንታዉ ኦደትስ።
\p
\v 12 ዶርሳይ ኡሱፑን ማታምያ ዶይዳ ዎደ ታ በአስ፤ ዎልቃማ ቢታ ቃፆይ ሀንስ። አዋ አይፈይ ካሬፅድ ካዮ ማኦ መላ ግድስ። አጌናይካ ዞእድ ሱ ዳንስ።\x - \xo 6:12 \xo*\xt ቆን 11:13፤ 16:18፤ እሳ 13:10፤ ኤርም 2:10.\xt*\x* 
\v 13 ዎልቃማ ጫርኮይ ጫርክድ ባላሰ ም ቃዉኤ አይፍያ ቆቆፈይሳዳ ሳሉዋ ፆልንቶት ሳአን ቆቆፈትዶሶና።\x - \xo 6:13 \xo*\xt እሳ 34:4.\xt*\x* 
\v 14 ሳሎይ ፃ ማፃፋዳ ፃፀትድ አስ፤ ዙማይነ ዩሾይ አባን ተቀትዳ ቢታት ባንታ በሳፈ ይዶሶና።\x - \xo 6:14 \xo*\xt ቆን 16:20.\xt*\x* 
\v 15 ቢታ ካዎት፥ ደርያ ሃረይሳት፥ ኦላ ካለይሳት፥ ዱረት፥ ዎልቃማት፥ አይለትነ፥ ዎማኖት ጎንጎሎንነ ደረ ቦላ ደእያ ዛላ ሆምኦን ቆሰትዶሶና።\x - \xo 6:15 \xo*\xt እሳ 2:19.\xt*\x* 
\v 16 ኤንትካ ዙማኮነ ዛላኮ፥ “ኑ ቦላ ዎተ፤ ኑና ቆስተ፤ አራታን ኡትዳይሳ አይፍያፐነ ዶርሳ ሀንቁዋፈ ኑና ገንተ።\x - \xo 6:16 \xo*\xt ሆሰ 10:8፤ ሉቃ 23:30.\xt*\x* 
\v 17 ህዛ፥ ግታ ሀንቆ ጋላሳይ ጋክስ፤ ዳንዳእድ ኤቃናይ ኦኔ?” ያግዶሶና።\x - \xo 6:17 \xo*\xt ኤርም 2:11፤ ምልክ 3:2.\xt*\x*
\c 7
\s1 144,000 አሳት ማለትዶሶና
\p
\v 1 ሄሳፈ ጉየ፥ ኦይዱ ኪታንቾት ኦይዱ ሳኣ ጋፃን ኤቅዳይሳታ በአስ። ሄ ኪታንቾት ሳአ ቦላ ዎይኮ አባ ቦላ ዎይኮ አይ ም ቦላ ጫርኮይ ኦይዱ ሳኣ ጋፃፐ ጫርኮና መላ ተቅዶሶና።\x - \xo 7:1 \xo*\xt ኤርም 49:36፤ ዳነ 7:2፤ ዛካ 6:5.\xt*\x* 
\v 2 ቃስ ደኦ ፆሳ ማታምያ ኦይክዳ ሀራ ኪታንቾይ ዶሎሀ ባጋፈ ከየይሳ በአስ። ሄ ኪታንቾይ ባ ቃላ ቁ ኦድ፥ ሳኣነ አባ ቆሀናዉ ዎልቅ እመትዳ ኦይዱ ኪታንቾታ፥ 
\v 3 ፄግድ፥ “ኑኒ ፆሳ አይለታ ሶምኦን ማታምያ ዎና ጋካናዉ ቢታ ዎይኮ አባ ዎይኮ ም ቆሆፕተ” ያግስ።\x - \xo 7:3 \xo*\xt ህዝ 9:4.\xt*\x*
\p
\v 4 ያትን፥ ታኒ ፆሳ ማታመይ ሶምኦን ዎሰትዳይሳታ ፓይዱዋ ስአስ። እስራኤለ ማይዛታ ኡባፈ 144,000 አሳስ ሶምኦን ማታመ ዎስ።
\q1
\v 5 ይሁዳ ኮቻፈ ታማነ ናምኡ ሙኩሉ፥
\q1 ሮቤላ ኮቻፈ ታማነ ናምኡ ሙኩሉ፥
\q1 ጋደ ኮቻፈ ታማነ ናምኡ ሙኩሉ፥
\q1
\v 6 አሴራ ኮቻፈ ታማነ ናምኡ ሙኩሉ፥
\q1 ንፍታለመ ኮቻፈ ታማነ ናምኡ ሙኩሉ፥
\q1 ምናሰ ኮቻፈ ታማነ ናምኡ ሙኩሉ፥
\q1
\v 7 ስሞና ኮቻፈ ታማነ ናምኡ ሙኩሉ፤
\q1 ሌወ ኮቻፈ ታማነ ናምኡ ሙኩሉ፥
\q1 ይሳኮራ ኮቻፈ ታማነ ናምኡ ሙኩሉ፥
\q1
\v 8 ዛብሎና ኮቻፈ ታማነ ናምኡ ሙኩሉ፥
\q1 ዮሰፋ ኮቻፈ ታማነ ናምኡ ሙኩሉ፥
\q1 ብንያመ ኮቻፈ ታማነ ናምኡ ሙኩሉ፥
\m አሳ ሶምኦን ማታመ ዎስ።
\s1 ቦ ማኦ ማእዳ አሳታ
\p
\v 9 ሄሳፈ ጉየ፥ ኮቸ ኡባፈ፥ ካዎተ ኡባፈ፥ ያራ ኡባፈነ ዱማ ዱማ ዶናፐ ዛው ባይና ዳሮ አሳ በአስ። ሄ አሳይ ቦ ማኦ ማእድ፥ ዛምባ ሀይ ባንታ ኩሸን ኦይክድ፥ አራታ ስንንነ ዶርሳ ስንን ኤቅዶሶና። 
\v 10 ኤንቲ ባንታ ቃላ ቁ ኦድ፥ “አቶተይ አራታን ኡትዳ ኑ ፆሳፈነ ዶርሳፈ ዬስ” ያግዶሶና።
\p
\v 11 ኪታንቾት ኡባይ አራታ፥ ጭማታነ ኦይዱ መተታ ዩሹዋን ኤቅዶሶና። ኤንቲ አራታ ስንን ጉፋንድ ፆሳ ጎይንዶሶና።
\q1
\v 12 “አምንእ!
\q2 አንጆይ፥ ቦንቾይ፥ ጭንጫተ፥ ጋላት፥ ሳብ
\q2 ዎልቅ፥ ምኖተ መር መርናዉ ኑ ፆሳስ ግዶ።
\q1 አምንእ!”
\m ያግዶሶና።
\p
\v 13 ጭማታፐ እሶይ ታኮ፥ “ሀ ቦ ማኡዋ ማእዳ አሳት ኦናንቴ? ኤንቲ አዉፐ ይዶና?” ያግድ ኦይችስ።
\p
\v 14 ታኒ ዛራዳ፥ “ጎዳዉ፥ ነ ኤራሳ” ያጋስ።
\p እካ ታኮ፥ “ሀይሳቲ ዳሮ ዋየ ዋይድ አዳይሳታ። ኤንቲ ባንታ ማኡዋ ዶርሳ ሱን ሜጭድ ጌሽዶሶና።\x - \xo 7:14 \xo*\xt ዳነ 12:1፤ ማቶ 24:21፤ ማር 13:19.\xt*\x* 
\v 15 ሄሳ ግሾ፥
\q2 ኤንቲ ፆሳ አራታ ስንን ግድድ
\q2 ቃማነ ጋላስ እያ ኬን ኦሶና፤
\q2 አራታ ቦላ ኡትዳይስ ኤንታዉ ኩያ ግዳና።
\q1
\v 16 ህዛፐ ጉየ፥ ኤንቲ ኮሻቶኮና፥ ሳሞቶኮና።
\q2 አው ዎይኮ ምሽ ኤንታ ሜና።\x - \xo 7:16 \xo*\xt እሳ 49:10.\xt*\x*
\q1
\v 17 አራታ ግዶን ኡትዳ ዶርሳይ ኤንታ ሄማና።
\q2 ደኦ ፑልቶ ሃኮ ኤንታ ካለና።\x - \xo 7:17 \xo*\xt ማዝ 23:1፤ ህዝ 34:23፤ ማዝ 23:2፤ እሳ 49:10፤ እሳ 25:8.\xt*\x*
\q1 ፆሳይ ኤንታ አይፈፐ አፉ ኡባ ቁቻና”
\m ያግስ።
\c 8
\s1 ላፑን ማታመይ ዶየትስ
\p
\v 1 ዶርሳይ ላፑን ማታምያ ዶይዳ ዎደ ባጋ ሳተ ግደይሳ መላ ሳሎይ ስእ ግስ።
\p
\v 2 ሄሳፈ ጉየ፥ ታኒ ላፑን ሞይዘት እመትዳ ላፑን ኪታንቾታ ፆሳ ስንን ኤቅዳይሳታ በአስ።
\p
\v 3 እፃነ ጩይስያ ዎርቃ ሻተ ኦይክዳ ሀራ ኪታንቾይ ይድ፥ ያርሾ በሳ ማታን ኤቅስ። እ አራታ ስንን ደእያ ዎርቃ ያርሾ በሳ ቦላ ጌሻታ ኡባ ዎሳራ ጉጅድ ያርሻና መላ እያዉ ዳሮ እፃነይ እመትስ። 
\v 4 እፃንያ ጩያይ ጌሻታ ዎሳራ እስፈ ኪታንቹዋ ኩሸፐ ፑደ ፆሳኮ ከይስ። 
\v 5 ሄሳፈ ጉየ፥ ኪታንቾይ እፃነ ጩይስያ ሻትያ ኤክድ፥ እያን ያርሾ በሳፈ ቦንቆ ታማ ኩንድ ሳአ ዱገ ሆልስ። ያትን ደሾይ፥ ዎልአን፥ ግርስነ ቢታ ቃፆይ ሀንስ።\x - \xo 8:5 \xo*\xt ሌወ 16:12፤ ህዝ 10:2፤ ከሳ 19:16፤ ቆን 11:19፤ 16:18.\xt*\x*
\s1 ላፑን ሞይዘታ
\p
\v 6 ሄሳፈ ጉየ፥ ላፑን ኪታንቾት ባንታ ሞይዝያ ፑናናዉ ጊገትዶሶና።
\p
\v 7 ኮይሮ ኪታንቾይ ባ ሞይዝያ ፑንያ ዎደ ሻችነ ሱራ ዋላከትዳ ታም ሳሎፐ ቡክስ። ሳኣፐ ስኮይ ፁገትስ፤ ምፈ ስኮይ ፁገትስ፤ ጭልኦ ማታ ኡባይ ፁገትስ።\x - \xo 8:7 \xo*\xt ከሳ 9:23-25፤ ህዝ 38:22.\xt*\x*
\p
\v 8 ናምአን ኪታንቾይ ባ ሞይዝያ ፑንዳ ዎደ ዎልቃማ ዙማ ዳንያባይ ታማን ኤፅሸ አባን የገትስ። ያትን፥ አባፈ ስኮይ ሱ ግድስ። 
\v 9 አባን ደኦን ደእያ መተፈ ስኮይ ሀይቅስ፤ ማርካበታፐ ስኮይ ይስ።
\p
\v 10 ሄን ኪታንቾይ ባ ሞይዝያ ፑንዳ ዎደ ፆምፐዳ ኤፅያ ዎልቃማ ፆልንቶይ ሻፋፐ ስኩዋ ቦላነ ፑልቶታ ቦላ ሳሎፐ ዎስ።\x - \xo 8:10 \xo*\xt እሳ 14:12.\xt*\x* 
\v 11 ሄ ፆልንቱዋ ሱንይ ጫሞ ጌተቴስ። ሃፈ ስኩዋ ጫምስስ፤ ሃይ ጫምዳ ግሾ፥ ዳሮ አሳይ ሄ ሃ ኡይድ ሀይቅዶሶና።\x - \xo 8:11 \xo*\xt ኤርም 9:15.\xt*\x*
\p
\v 12 ኦይዳን ኪታንቾይ ባ ሞይዝያ ፑንስ። አዋፐ፥ አጌናፐነ ፆልንቶታፐ ስኩዋ ደችስ፤ ኤንታ ፖኡዋፐ ስኮይ ምስ። ጋላሳፐ ስኮይ፥ ቃማፈካ ስኮይ ምስ።\x - \xo 8:12 \xo*\xt እሳ 13:10፤ ህዝ 32:7፤ እዩ 2:10.\xt*\x*
\p
\v 13 እስ አርጋን ሳሎ ቁ ግድ፥ ፕራሽን በአስ። ሄ አርጋንይ ባ ቃላ ቁ ኦድ፥ “አትዳ ሄ ኪታንቾት ባንታ ሞይዝያ ፑናናዉ ደእያ ግሾ፥ ሳአን ደእያ አሳ አየ! አየ! አየ!” ያግሽን ስአስ።
\b
\c 9
\p
\v 1 ሄሳፈ ጉየ፥ እቻሻን ኪታንቾይ ባ ሞይዝያ ፑንን ሳሎፐ ዱገ ሳአ ኩንድዳ ፆልንቶ በአስ። ሄ ፆልንቱዋስ ዎልቃማ ኦላ ቁልፐይ እመትስ። 
\v 2 ፆልንቶይ ኦላ ዶይዳ ዎደ ዳልጋ ጮጨፐ ከይያ ጩያ መላ ጩያይ ሄ ኦላፈ ከይስ። ሄ ኦላፈ ከይዳ ጩያን አውነ ሳሎይ ምዶሶና።\x - \xo 9:2 \xo*\xt መ 19:28.\xt*\x*
\p
\v 3 ሄ ጩያፐ ቦለይ ከይድ ሳአን ዎስ። ሳአን ደእያ ኮርነታስ ደእያ ዎልቃ መላ ዎልቃይ ቦለታስ እመትስ።\x - \xo 9:3 \xo*\xt ከሳ 10:12.\xt*\x* 
\v 4 ፆሳ ማታመይ ሶምኦን ባይና አሳ ፃላላፐ አትሽን፥ ሳአን ደእያ ማታ ዎይኮ ም ዎይኮ አይ ጭልኦባ ግድን ቆሆና መላ ቦለታስ ኦደትስ።\x - \xo 9:4 \xo*\xt ህዝ 9:4.\xt*\x* 
\v 5 ቦለት አሳ እቻሹ አጌና ጋካናዉ ፓፃ ካአና መላ ማት እመትስፐ አትሽን፥ አሳ ዎና መላ ግደና። ኮርነይ አሰ ዱክን ዛመይሳ መላ ቦለይ ዱክድ ዛምሴስ። 
\v 6 ሄ ጋላሳታን አሳይ ሀይቆ ኮያና፥ ሽን ደመና። ኤንቲ ሀይቃናዉ አሞታና፥ ሽን ሀይቆይ ኤንታፈ ሃካና።\x - \xo 9:6 \xo*\xt እዮ 3:21፤ ኤርም 8:3.\xt*\x*
\p
\v 7 ቦለይ ኦላስ ጊግድ ኡትዳ ፓራ ዳኔስ። ቦልያ ሁጰን ዎርቃ ካላች ደኤስ፤ ኤንታ ሶምኦይካ አሳ ሶምኦ ዳኔስ።\x - \xo 9:7 \xo*\xt እዩ 2:4.\xt*\x* 
\v 8 እያ ብናናይ ማጫሳ ብናና መላ አዱሰ። ኤንታ አቻይካ ጋሞ አች ዳኔስ።\x - \xo 9:8 \xo*\xt እዩ 1:6.\xt*\x* 
\v 9 ኤንታዉ ትራ ቦላ ዎያ ብራታ ፁሩረይ ደኤስ፤ ኤንታ ቀፍያ ግርሳይ ኦለታናዉ ጋላብያ ፓራነ ፓራ ጋርያ ግርሳ መላ።\x - \xo 9:9 \xo*\xt እዩ 2:5.\xt*\x* 
\v 10 ኤንታዉ ኮርነ ጎይና ዳንያ ጎይንነ ዱክያ ዪሽ ደኤስ። ሄ ጎይናን እቻሹ አጌና አሳ ቆሀና መላ ማት እመትስ። 
\v 11 ኤንታና ሃርያ ካዎይ ደኤስ፤ ሄ ካዎይ ኦላ ኪታንቹዋ። እያ ሱንይ እብራወ ዶናን አብዶና፤ ቃስ ግርከ ዶናን አጶልዮና ጌተቴስ። እያ ሱን ብርሸይ “ይሰይሳ” ጉሱ።
\p
\v 12 ኮይሮ አየይ አስ፤ ሄኮ፥ ቡሮ ሀራ ናምኡ አየት ኤሶን ሀናና።
\p
\v 13 ኡሱፑን ኪታንቾይ ባ ሞይዝያ ፑንስ። ፆሳ ስንን ኤቅዳ፥ ዎርቃ ያርሾ በሳን ደእያ ኦይዱ ካጨታፐ እስ ግርስ ስአስ።\x - \xo 9:13 \xo*\xt ከሳ 30:1.\xt*\x* 
\v 14 ሄ ግርሳይ ሞይዘ ኦይክዳ ኡሱፑን ኪታንቹዋኮ፥ “ኤፍራፂሳ ጌተትያ ግታ ሻፋን ቃሸትዳ ኦይዱ ኪታንቾታ ብርሻ” ያግስ። 
\v 15 ቢታ ቦላ ደእያ አሳፐ ስኩዋ ዎና መላ ሄ ሳትያስ፥ ሄ ጋላሳስ፥ ሄ አጌናስነ ሄ ላይስ ጊግድ ኡትዳ ኦይዱ ኪታንቾት ብርሸትዶሶና። 
\v 16 ኦላ ፓራ ቶግያ ኦላንቾታ ፓይዶይ ዳሮ ፄቱ ምሎነ ግደይሳ ስአስ።
\p
\v 17 ቃስ ታ ቆንጨን ፓራታነ ሄ ፓራታ ቶግዳ አሳ በአስ። ሄ አሳይ ትራን ዎያ ብራታ ፁሩረይ ታማ ቦንቆ መላ ዞኦ፥ ያክንተ መላ፥ ካሬ ካሎሰ መላነ ዲነ መላ ጭሊሎ። ፓራታ ሁጰይ ጋሞ ሁጰ መላ፤ ኤንታ ዶናፐ ታም፥ ጩይነ ዲነይ ከይስ። 
\v 18 ፓራታ ዶናፐ ከይዳ ታማን፥ ጩያንነ ዲንያን ሄ ሄ ጋዶታን ሳአን ደእያ አሳፐ ስኮይ ሀይቅስ። 
\v 19 ሄ ፓራታ ዎልቃይ ኤንታ ዶና ግዶንነ ጎይናን ደኤስ። ኤንታ ጎይናይካ ሾሻ ሁጰ መላ፤ ኤንቲ እያራ አሳ ቆሆሶና።
\p
\v 20 ሀ ጋዶታፐ አትዳይሳት ባንታ ኩሸ ኦሱዋፐ ስምቦኮና። ኤንቲ ቱና አያናን ዎርቃፈ፥ ብራፐ፥ ናሰ ብራታፐነ ሹቻፈ ኦሰትዳ ኤቃስ ጎይኖሶና።\x - \xo 9:20 \xo*\xt ማዝ 115:4.\xt*\x* ፄላናዉ፥ ስአናዉ፥ ሄመታናዉ ዳንዳኦና ኤቃታስ ጎይነይሳ አግቦኮና። 
\v 21 አሳይ ዎይሳ፥ ብተይሳ፥ ላይማተይሳነ ካይሰይሳ አግድ ማሮታ ኦይችቦኮና።
\c 10
\s1 ኪታንቾነ ጉ ማፃፋ
\p
\v 1 ሄሳፈ ጉየ፥ ታ ሀራ ዎልቃማ ኪታንቾይ ሳሎፐ ሳአ ዎሽን በአስ። እ ሻራ ማእስ፤ እያ ሁጵያ ቦላ ዙል ደኤስ። እያ ሶምኦይ አዋ መላ፤ እያ ቶሆይ ታማ ቱሳ መላ። 
\v 2 ሄ ኪታንቾይ ዶያ ደእያ እስ ጉ ፃ ማፃፋ ባ ኩሸን ኦይክድ፥ ባ ኡሻቻ ቶሁዋ አባ ቦላ፥ ባ ሀድርሳ ቶሁዋ ቢታ ቦላ ኤስስ። 
\v 3 ጉድያ ጋሞዳ ባ ቃላ ቁ ኦድ ዋስስ። እ ዋስዳ ዎደ ላፑን ዳዳት ባንታ ጉን ስስዶሶና።
\p
\v 4 ላፑን ዳዳት ኦደትዳ ዎደ ታ ፃፋናዉ ጊገታስ። ሽን ሳሎፐ፥ “ላፑን ዳዳት ኦድዳይሳ ማታመን ጎርዳፈ አትሽን፥ ፃፎፓ” ግያ ግርሳ ስአስ።
\p
\v 5 ያትድ፥ አባ ቦላነ ቢታ ቦላ ኤቅዳ፥ ታ በእዳ ኪታንቾይ፥ ባ ኡሻቻ ኩሽያ ሳሎ ፑደ ምጭስ።\x - \xo 10:5 \xo*\xt ከሳ 20:11፤ ዛረ 32:40፤ ዳነ 12:7፤ አሞ 3:7.\xt*\x* 
\v 6 እ ምጭድ ሳሎንነ እያ ግዶን ደእያ ኡባ፥ ሳአንነ እያ ግዶን ደእያ ኡባ፥ አባነ እያ ግዶን ደእያ ኡባ መዳ፥ መርናዉ ደእያ ፆሳ ሱንን ጫቅድ፥ “ህዛፐ ጉየ፥ ፆሳይ ጋምኤና። 
\v 7 ሽን ላፑን ኪታንቾይ ባ ሞይዝያ ፑንያ ዎደ ፆሳይ ባ አይለ ግድዳ ናበታ ባጋራ ቆንጭስዳ ፁራ ቆፋይ ፖለታና” ያግስ።
\p
\v 8 ሄሳፈ ጉየ፥ አባ ቦላነ ቢታ ቦላ ኤቅድ፥ “እያ ኩሸን ዶየትድ ደእያ ፃ ማፃፋ ኪታንቹዋ ኩሸፐ ኤካ” ያግድ ናምአን ታዉ ኦድሽን ስአስ።\x - \xo 10:8 \xo*\xt ህዝ 2:8—3:3.\xt*\x*
\p
\v 9 ታኒ ሄ ኪታንቹዋኮ ባዳ፥ ጉ ፃ ማፃፋ እማ ጋዳ ኦይቻስ። እ ታኮ፥ “ኤካዳ ማ፤ እ ነ ኡሎን ጫማና፥ ሽን ነ ዶናን ኤሳዳ ማልአና” ያግስ።
\p
\v 10 ታኒ ኪታንቹዋ ኩሸፐ ሄ ጉ ፃ ማፃፋ ኤካዳ ማስ፤ ታ ዶናን ኤሳዳ ማልእስ፥ ሽን ታ ኡሎን ጫምስ። 
\v 11 ሄሳፈ ጉየ፥ ታኮ፥ “ኔኒ ያራ ኡባስ፥ ደረ ኡባስ፥ ዱማ ዱማ ዶናን ኦደተይሳታስነ ካዎታስ ትንብተ ዛራ ኦዳናዉ በሴስ” ያግስ።
\c 11
\s1 ናምኡ ማርካታ
\p
\v 1 ሄሳፈ ጉየ፥ ታዉ ዋ ፃምአ እምድ፥ “ባዳ ፆሳ ኬነ ያርሾ በሳ ዋ፤ ያን ጎይንያ አሳታካ ፓይዳ።\x - \xo 11:1 \xo*\xt ህዝ 40:3፤ ዛካ 2:1.\xt*\x* 
\v 2 ሽን ፆሳ ኬ ካረ ዳባባይ አይሁደ ግዶና አሳስ እመትዳ ግሾ ዋና አጋጋ። አይሁደ ግዶና አሳይ ጌሻ ካታማ ኦይታማነ ናምኡ አጌና ሃራና።\x - \xo 11:2 \xo*\xt ሉቃ 21:24.\xt*\x* 
\v 3 ታኒ ካዮ ማኦ ማእዳ ታ ናምኡ ማርካታ ኪታና፤ ኤንቲ 1,260 ጋላስ ትንብተ ኦዳና” ያግስ።
\p
\v 4 ሄ ናምኡ ማርካት አላምያ ጎዳ ስንን ኤቅያ ናምኡ ሻማሆ ምታነ ናምኡ ፆምፐ ዎያ ኮጫታ።\x - \xo 11:4 \xo*\xt ዛካ 4:3.\xt*\x* 
\v 5 ኦንካ ኤንታ ቆሀናዉ ኮይኮ ኤንታ ዶናፐ ታም ከይድ፥ ኤንታ ሞርከታ ይሴስ። ኤንታ ቆሀናዉ ኮይያ ኦንካ ሄሳዳ ሀይቃና። 
\v 6 ኤንቲ ትንብተ ኦድያ ዎደ እር ቡኮና መላ ሳሉዋ ጎርዳናዉ ኤንታዉ ማት ደኤስ። ኤንታዉ ሃ ሱ ከሳናዉ፥ ቃስ ኤንቲ ኮይዳ መላ ቢታ ዱማ ዱማ ጋዶን ይሳናዉ ኤንታዉ ማት ደኤስ።\x - \xo 11:6 \xo*\xt 1 ካዎ 17:1፤ ከሳ 7:17.\xt*\x*
\p
\v 7 ኤንቲ ባንታ ማርካተ ኦንግዳፐ ጉየ፥ ኦላፈ ከይያ ዶአይ ኤንታና ኦላና። ሄ ዶአይ ኤንታ ፆናና፤ ዎና።\x - \xo 11:7 \xo*\xt ዳነ 7:7፤ ቆን 13:5.\xt*\x* 
\v 8 ኤንታ ጎዳይ ማስቃልያ ቦላ ካቀትዳ ግታ ካታማ ኦግያ ቦላ ኤንታ አሀይ የገታና። ሄ ካታማይ ሌምሶን ሶዶመ ዎይኮ ግብፀ ጌተትድ ፄገቴስ።\x - \xo 11:8 \xo*\xt እሳ 1:9.\xt*\x* 
\v 9 ቃስ ኮቸ ኡባፈ፥ ያራ ኡባፈ፥ ዱማ ዱማ ዶናፐነ ካዎተ ኡባፈ ይዳ አሳይ ኤንታ አሀ ሄ ጋላስነ ባጋ ጋካናዉ በአና። ኤንታ አሀይ ሞገቶና መላ አሳይ ድጋና። 
\v 10 ሀ ናምኡ ናበት ሳአን ደእያ አሳ ዋይስዳ ግሾ አሳይ ኤንታ ሀይቁዋን ኡፋይታና። ባንታ ኡፋይሳ በሳናዉ እሶይ እሱዋስ እሞታ እማና።
\p
\v 11 ሄ ጋላስነ ባጋፈ ጉየ፥ ደኦ አያናይ ፆሳ ማታፐ ይድ ኤንታን ገልን፥ ኤንቲ ደንድ ኤቅዶሶና። ኤንታ በእዳ ኡባይ ግታ ያሽ ያይዶሶና።\x - \xo 11:11 \xo*\xt ህዝ 37:10.\xt*\x* 
\v 12 ሄሳፈ ጉየ፥ ሄ ናምኡ ናበት፥ “ሃ ፑደ ከይተ” ግያ ቃላ ሳሎፐ ስእዶሶና። ኤንታ ሞርከት ኤንታና በእሽን፥ ኤንቲ ሻራን ገልድ ፑደ ሳሎ ብዶሶና።\x - \xo 11:12 \xo*\xt 2 ካዎ 2:11.\xt*\x*
\p
\v 13 ሄ ሳትያን ቢታይ ዎልቃማ ቃፆ ቃፅን፥ ካታማፐ ታማን ኩሸይ ይስ። ቃስ ቢታ ቃፆን ላፑን ሙኩሉ አሳይ ሀይቅስ። አትዳ አሳይ ዳሮ ኮኮርድ ባብድ፤ ሳሎ ፆሳስ ቦንቾ እምዶሶና።\x - \xo 11:13 \xo*\xt ቆን 6:12፤ 16:18.\xt*\x*
\p
\v 14 ናምአን አየይ አስ፥ ሽን ሄኮ ሄን አየይ ኤሶን ያና።
\s1 ላፑን ሞይዘ
\p
\v 15 ላፑን ኪታንቾይ ባ ሞይዝያ ፑንስ። ሳሎፐ፥ “ሳኣ ካዎተይ ኑ ጎዳስነ ክርስቶሳስ ግድስ፤ እ መርናፐ መርና ጋካናዉ ሃራና” ግያ ዎልቃማ ቃላይ ስኤትስ።\x - \xo 11:15 \xo*\xt ከሳ 15:18፤ ዳነ 2:44፤ 7:14.\xt*\x* 
\v 16 ያትን፥ ፆሳ ስንን፥ ባንታ አራታን ኡትዳ ላታማነ ኦይዱ ጭማት ጉፋንድ፥ ፆሳስ ጎይንድ፥
\q1
\v 17 “ሀእካ ካሰካ ደኤይሶ፥
\q1 ጎዳዉ፥ ኡባፈ ዎልቃማ ፆሳዉ፥
\q2 ኔኒ ግታ ዎልቃ ኦይካዳሳ።
\q1 ኔኒ ሃራናዉ ዶምዳ ግሾ፥
\q2 ኑኒ ነና ጋላቶስ።\x - \xo 11:17 \xo*\xt ከሳ 3:14.\xt*\x*
\q1
\v 18 አይሁደ ግዶና አሳይ ሀንቀትዶሶና፥
\q2 ሽን ነ ሀንቆይ ይስ።\x - \xo 11:18 \xo*\xt ማዝ 2:5፤ 110:5፤ 115:13.\xt*\x*
\q1 ሀይቅዳይሳታ ቦላ ነ ፕርድያ ዎደይ ጋክስ፤
\q2 ኔኒ ነ አይለታ፥ ናበታስ
\q2 ጌሻታስነ ነ ሱንስ ያየይሳታስ፥
\q2 ጉታስነ ግታታስ፥ ኤንታ ኦሱዋዳ እምያ ዎደይ ጋክስ።
\q1 አላምያ ይሰይሳታ ይስያ ዎደይ ይስ”
\m ያግዶሶና።
\p
\v 19 ሳሎን ደእያ ፆሳ ኬይ ዶየትስ፤ እያ ግዶን ፆሳ ጫቆ ታቦተይ በንትስ። ቃስ ዎልአን ዎልአምስ፥ ደሾይ ደችስ፤ ዳዳይ ቅስ፤ ቢት ቃፅስ፤ ሻች ቡክስ።\x - \xo 11:19 \xo*\xt ቆን 8:5፤ 16:18፥ 21.\xt*\x*
\c 12
\s1 ማጫስዉነ ዳውያ
\p
\v 1 ሄሳፈ ጉየ፥ ሳሎን ዎልቃማ ማላት በንትስ። አዋ ማአዳ፥ አጌና ቦላ ኤቃዳ፥ ታማነ ናምኡ ፆልንቶ ካላቻ ባ ሁጰን ዎዳ ደእያ፥ እስ ማጫስያ በንታሱ። 
\v 2 ሄ ማጫስያ ቃን፤ ሽን እዮ እቀ ኦይክን ኡንኤታዳ ዋሳሱ።
\p
\v 3 ቃስ ሀራ ማላት ሳሎን በንትስ። ላፑን ሁጰትነ ታሙ ካጨት ደእያ ግታ ዞኦ ዳወይ በንትስ። እ ባ ሁጰታ ቦላ ላፑን ካላቻ ዎስ።\x - \xo 12:3 \xo*\xt ዳነ 7:7.\xt*\x* 
\v 4 ሄ ዳወይ ባ ጎይናን ፆልንቶታፐ ስኩዋ ሳሎፐ ዳፍድ ሳአን የግስ። ሄ ዳወይ ናአይ የለት ዎዳ መላ ምታናዉ ኮይድ፥ የላናዉ ኤቀትያ ማጫሰ ስንን ኤቅስ።\x - \xo 12:4 \xo*\xt ዳነ 8:10.\xt*\x*
\p
\v 5 ሄ ማጫስያ ካዎተ ኡባ ብራታ ፃምአን ሃራናዉ ደእያ አደ ናአ የላሱ። ናአይ ፆሳኮነ እያ አራታኮ ፑደ ኤከትስ።\x - \xo 12:5 \xo*\xt እሳ 66:7፤ ማዝ 2:9.\xt*\x* 
\v 6 ማጫስያ 1,260 ጋላስ ጋካናዉ እዮ ናጋና መላ ፆሳይ እዉ ጊግስ ዎዳ በሳ መላ ቢታ ባቃታሱ።
\p
\v 7 ሳሎን ኦል መትስ። ምካኤል ባ ኪታንቾታራ ዳውያራ ኦለትስ፤ ዳወይ ባ ኪታንቾታራ ግድድ ዛር ኦለትስ።\x - \xo 12:7 \xo*\xt ዳነ 10:13.\xt*\x* 
\v 8 ሽን ዳወይ ፆነትድ ሳሎን ኤንታዉ ደእያ በሲ ይዶሶና። 
\v 9 ግታ ዳወይ፥ በን ሾሻይ፥ ሳአን የገትስ። እካ ዳቡሎሳ ዎይኮ ፃላሄ ጌተትያ አላምያ ባለይሳ። እ ባ ኪታንቾታራ እስፈ ዱገ አላምያ የገትስ።\x - \xo 12:9 \xo*\xt መ 3:1፤ ሉቃ 10:18.\xt*\x*
\p
\v 10 ሄሳፈ ጉየ፥ ሳሎን ሀይሳዳ ግያ ቃላ ስአስ።
\q1 “ሀእ አቶተይ፥ ዎልቃይነ ካዎተይ፥ ኑ ፆሳሳ፤
\q2 ማታይ ክርስቶሳስ ግድስ።
\q1 ህዛ፥ ቃማነ ጋላስ ፆሳ ስንን፥
\q2 ኑ እሻታ ሞተይስ ሳሎፐ ዱገ ሆለትስ።\x - \xo 12:10 \xo*\xt እዮ 1:9.\xt*\x*
\q1
\v 11 ኤንቲ ዶርሳ ሱንነ ባንታ ማርካተ ቃላን፥
\q2 እያ ኦልድ ፆንዶሶና።
\q1 ኤንቲ ባንታ ሸምፑዋስ ምሸቶና
\q2 ባንታና ሀይቆስ አድ እምዶሶና።
\q1
\v 12 ሄሳ ግሾ፥ ሳሎንነ እያ ግዶን ደኤይሳቶ ኡፋይትተ።
\q2 ሽን ቢታነ አባ አየ!
\q1 ህዛ፥ ፃላሄይ ባዉ ጉ ዎደይ አትዳይሳ ኤርዳ ግሾ፥
\q2 ዎልቃማ ሀንቆን ህንተኮ ዎስ”
\m ያግስ።
\p
\v 13 ቃስ ዳወይ ባና ሳአ የግዳይሳ በእዳ ዎደ አደ ናአ የልዳ ማጫስዉ ጎድስ። 
\v 14 ማጫስዉ ሾሻይ ቆሆና መላ ሄ ላይነ ባጋ ማሸነ ኡያሸ እያ ናገትያ በሲ መላ ቢታ ፕራዳ ባና መላ ናምኡ ዎልቃማ አርጋን ቀፈይ እዉ እመትስ።\x - \xo 12:14 \xo*\xt ዳነ 7:25፤ 12:7.\xt*\x*
\p
\v 15 ያትድ፥ ማጫስዉ ድኦይ ድእድ ኤፋና መላ ዳወይ ሻፋ ሃ መላ ባ ዶናፐ ማጫሰ ጉየራ ጮይስ። 
\v 16 ሽን ቢታይ ማጫስዉ ማድስ፤ ቢታይ ባ ዶና ዶይድ ዳውያ ዶናፐ ከይዳ ሃ ምትስ። 
\v 17 ሄ ዳወይ ማጫሰ ቦላ ዳሮ ሀንቀትድ፥ እ ኮቻታ፥ ፆሳ ኪታ ናገይሳታነ የሱሲ ቆንጭስዳ ቱማስ አማነትዳይሳታ ኦላናዉ ብድ። 
\v 18 አባ ጋፃን ደእያ ሻፍያን ኤቅስ።
\c 13
\s1 ናምኡ ዶአታ
\p
\v 1 ሄሳፈ ጉየ፥ እስ ዶአይ አባፈ ከይሽን በአስ። እያዉ ታሙ ካጨይነ ላፑን ሁጰይ ደኤስ። ሄ ታሙ ካጨታ ቦላ ታሙ ካላቻት ደኦሶና። ሄ ሁጰታ ቦላ ፆሳ ጫሻ ሱንት ፃፈትድ ኡትስ።\x - \xo 13:1 \xo*\xt ዳነ 7:3፤ ቆን 17:3.\xt*\x* 
\v 2 ታ በእዳ ዶአይ ማሄ ዳኔስ፤ እያ ቶሆይ ባባን ቶሆ መላ፤ እያ ዶናይካ ጋሞ ዶና ዳኔስ። ዳወይ ባ ዎልቃ፥ ባ አራታነ ባ ግታ ማታ ሄ ዶኣስ እሚስ።\x - \xo 13:2 \xo*\xt ዳነ 7:4.\xt*\x*
\p
\v 3 ሄ ዶኣ ሁጵያፐ እሱዋ ቦላ ሀይቆስ ጋያ ማዱን በአስ፥ ሽን ሄ ማዱንይ ፓፅስ። አላምያ አሳ ኡባይ ማላለትድ ሄ ዶኣ ካልስ። 
\v 4 ዳወይ ባ ማታ ዶኣስ እምዳ ግሾ አሳ ኡባይ ዳውያ ጎይንዶሶና። ቃስ አሳይ፥ “ዶኣ መል ኦኔ? እያራ ኦለታናዉ ዳንዳኤይ ኦኔ?” ያግድ ዶኣስ ጎይንዶሶና።
\p
\v 5 ሄ ዶኣስ ኦቶርታና መላነ ጫያና መላ ዶን እመትስ፤ ኦይታማነ ናምኡ አጌና ሃራና መላ ማት እያዉ እመትስ።\x - \xo 13:5 \xo*\xt ዳነ 7:8፥ 25፤ 11:36.\xt*\x* 
\v 6 ሄ ዶአይ ፆሳ፥ እያ ሱን፥ እ ደእያ በሳነ ሳሎን ደእያ ኡባ ባደ ኦይክስ። 
\v 7 ሄ ዶአይ ጌሻታራ ኦለትድ፥ ኤንታና ፆናና መላ ዎልቅ እያዉ እመትስ። ያራ ኡባ፥ ደረ ኡባ፥ ዱማ ዱማ ዶና ኡባ ቦላነ ኮቸ ኡባ ቦላ ማት እያዉ እመትስ።\x - \xo 13:7 \xo*\xt ዳነ 7:21.\xt*\x* 
\v 8 አላመይ መቶሳፐ ዶምድ፥ ሹከትዳ ዶርሳ ደኦ ማፃፋን ኤንታ ሱንይ ፃፈቶና ሀ ሳአን ደእያ አሳ ኡባይ ሄ ዶኣስ ጎይናና።\x - \xo 13:8 \xo*\xt ማዝ 69:28.\xt*\x*
\p
\v 9 ስእያ ሀይ ደእያ አስ ስኦ። 
\v 10 ኦንካ ድኤታናዉ ደኤይ ድኤቴስ። ማሻን ሀይቃናዉ ደኤይ ማሻን ሹከታና። ሄሳንካ ጌሻታ ዳንዳአይነ አማኖይ ኤረታና።\x - \xo 13:10 \xo*\xt ኤርም 15:2፤ 43:11.\xt*\x*
\p
\v 11 ቃስካ፥ ሀራ ዶእ ሳአፐ ከይሽን በአስ። እያዉ ዶርሳ ካጨ ዳንያ ናምኡ ካጨይ ደኤስ፤ እያ ኦዳይ ዳወ ኦዳ መላ። 
\v 12 ሄ ዶአይ ኮይሮ ዶኣ በሳን፥ እያ ማታን ኦስ። እካ ሀይቆስ ጋያ ማዱንፈ ፓፅዳ ኮይሮ ዶኣስ፤ ቢታን ደእያ አሳ ኡባይ ጎይናና መላ ኦስ። 
\v 13 ሄ ናምአን ዶአይ ሀር አቶሽን፥ ታማ ሳሎፐ አሳ ኡባ ስንን ዎሳና ጋካናዉ ግታ ማላታታ ኦስ። 
\v 14 ኮይሮ ዶኣ በሳን ኦና መላ፥ እያዉ እመትዳ ማላታታን ሳአን ደእያ አሳ ኡባ እ ባለስ። ማሻን ማዱንፅድ ፓፅዳ ዶኣ ቦንቾስ ምስለ ጊግሳና መላ ኤንታና ኪትስ። 
\v 15 ናምአን ዶአይ ኮይሮ ዶኣ ምስልያስ ሸምፖ እምድ ኦደታና መላነ እያዉ ጎይኖናይሳት ሀይቃና መላ ኦያ ማት እመትስ።
\p
\v 16 ሄ ናምአን ዶአይ ግትነ ጉ፥ ማንቆይነ ዱረይ፥ ዎማኖይነ አይለይ ባ ኡሻቻ ኩሸን ዎይኮ ባ ሶምኦን ማላ ዎና መላ ኦስ። 
\v 17 ሄ ዶኣ ሱንይ ዎይኮ እያ ሱን ፓይዱዋ ማላይ ባይና አስ ኦንካ ባይዛናዉነ ሻማናዉ ዳንዳኤና።
\p
\v 18 ጭንጫተ ኮሸይ ሄሳና። ኤራተ ደእያ ኦንካ ሄ ዶኣ ፓይዱዋ ብርሸ ኤሮ፤ ሄ ፓይዶይ አሳ ሱን። ሄ ፓይዶይ ኡሱፑን ፄታነ ኡሱፑን ታማነ ኡሱፑና።
\c 14
\s1 ዶርሳነ 144,000 አሳታ
\p
\v 1 ሄሳፈ ጉየ፥ ዶርሳይ ፅዮነ ዙማ ቦላ ኤቅዳይሳ በአስ። እያራ እያ ሱንይነ እያ አዋ ሱንይ ኤንታ ሶምኦን ፃፈትዳ፥ 144,000 አሳይ ደኤስ።\x - \xo 14:1 \xo*\xt ህዝ 9:4፤ ቆን 7:3.\xt*\x* 
\v 2 ሳሎፐ ግታ ሃ ጉንነ ዳዳ ጉን ዳንያ ዎልቃማ ግርስ ስአስ። ቃስ ታ ስእዳ ግርሳይ ዲ ዲፅሽን ስኤትያ ግርሳ መላ። 
\v 3 144,000 አሳይ አራታ ስንን፥ ኦይዱ ደኦን ደእያ መተታ ስንንነ ጭማታ ስንን ኤቅድ ኤንታፈ ሀራ ኦንካ ታማራናዉ ዳንዳኦና ኦራ ማዝሙረ የፅዶሶና። 
\v 4 ሀይሳቲ ማጫሳራ ባንታና ቱንሶና ናግዳ ጌሻታ። ኤንቲ ዶርሳይ ብያ በሲ ኡባ ካሎሶና። ኤንቲ ፆሳስነ ዶርሳስ ባይራ ግድድ፥ ሺቃናዉ ሳአ አሳ ግዶፈ ዎዘትዶሶና። 
\v 5 ኤንቲ ዎርዶይነ ቦረይ ባይና አሳታ።\x - \xo 14:5 \xo*\xt ሶፎ 3:13.\xt*\x*
\s1 ሄ ኪታንቾታ
\p
\v 6 ሄሳፈ ጉየ፥ መርና ዎንገላ ሳአ ቦላ ደእያ ካዎተ ኡባስ፥ ኮቸ ኡባስ፥ ያራ ኡባስነ ዱማ ዱማ ዶና ኡባስ ማርካታናዉ ሳሎራ ፕራያ ሀራ ኪታንቾ በአስ። 
\v 7 ሄ ኪታንቾይ ባ ቃላ ቁ ኦድ፥ “ፆሳይ አላምያ ፕርድያ ሳተይ ጋክዳ ግሾ ፆሳስ ያይተ፤ እያ ቦንችተ። ሳሎ፥ ሳኣ፥ አባነ ፑልቶ ሃ መዳ ፆሳ ጎይንተ” ያግስ።
\p
\v 8 ኮይሮይሳ ካልድ ሀራ ናምአን ኪታንቾይ፥ “ደረ ኡባ ቱናነ ማይያ ዎይነ ኡሽዳ፥ ግታ ባብሎነይ ኩንዳሱ! ኩንዳሱ!” ያግድ ዋስስ።\x - \xo 14:8 \xo*\xt እሳ 21:9፤ ኤርም 51:8፤ ቆን 18:2.\xt*\x*
\p
\v 9 ሄን ኪታንቾይ ኤንታ ካልድ፥ ባ ቃላ ቁ ኦድ፥ “ዶኣነ እያ ምስልያ ጎይንያ ቃስ እያ ማላ ባ ሶምኦን ዎይኮ ባ ኩሸን ዎያ ኦንካ ደእኮ፥ 
\v 10 እያ ሀንቆ ፁአን ኩምዳ ፆሳ ሀንቆ ዎይንያ ኡያና። ኤንቲ ጌሻ ኪታንቾታ ስንንነ ዶርሳ ስንን ኤፅያ ዲነ ታማን ዋየታና።\x - \xo 14:10 \xo*\xt እሳ 51:17፤ መ 19:24፤ ህዝ 38:22.\xt*\x* 
\v 11 ኤንታ ዋይያ ጩያይ መር መርናዉ ጩይሸ ዳና። ዶኣነ እያ ምስልያ ጎይነይ ቃስ ሄ ዶኣ ሱን ማላይ ደእያ ኦንካ ቃማነ ጋላስ ሸምፖይ ባይና ካኤታና” ያግስ።\x - \xo 14:11 \xo*\xt እሳ 34:10.\xt*\x*
\p
\v 12 ፆሳ ኪታ ናገይሳትነ የሱሳ አማነተይሳት ገንጭያ ምኖተይ ቆንጭያ ዎደይ ሄሳ።
\p
\v 13 ሄሳፈ ጉየ፥ “ህዛፐ ጎዳን ሀይቀይሳት አንጀትዳይሳታ” ግያ ቃላ ሳሎፐ ስአስ።
\p አያናይ፥ “ኤ ቱማ፥ ኤንታ ኦሶይ ኤንታ ካልያ ግሾ፥ ኤንቲ ባንታ ዳቡራፐ ሸምፓና” ያጌስ።
\s1 ካ ሺሾ ዎደ
\p
\v 14 ሄሳፈ ጉየ፥ ቦ ሻራ ቦላ ኡትዳ አሳ ናአ ዳነይሳ በአስ። እ ባ ሁጰን ዎርቃ ካላቻ ዎስ፤ ቃስ ባ ኩሸን ባጫ ኦይክስ።\x - \xo 14:14 \xo*\xt ዳነ 7:13-14.\xt*\x* 
\v 15 ሀራ ኪታንቾይ ፆሳ ኬፈ ከይድ፥ ሻራ ቦላ ኡትዳይሳኮ ባ ቃላ ቁ ኦድ፥ “ካ ሺሾ ዎደይ ጋክዳ ግሾ ነ ባጫ የዳዳ ካ ጫካ፤ ሳአን ደእያ ካይ ጋክስ” ያግስ።\x - \xo 14:15 \xo*\xt እዩ 3:13.\xt*\x* 
\v 16 ያትን ሻራ ቦላ ኡትዳይስ ባ ባጫ ሳአ የድድ፥ ሳአን ደእያ ካ ጫክስ።
\p
\v 17 ቃስካ ሳሎን ደእያ ፆሳ ኬፈ ሀራ ኪታንቾይ ከይስ፤ እያዉካ ኦጮ ባጭ ደኤስ።
\p
\v 18 ታማ ቦላ ማት ደእያ ሀራ ኪታንቾይ ያርሾ በሳፈ ከይስ። እ ባ ቃላ ቁ ኦድ ኦጮ ባጫ ኦይክዳ ኪታንቹዋኮ፥ “ዎይነ አይፈይ ቴርዳ ግሾ ኔኒ ኦጮ ባጫ የዳዳ፥ ሳአን ደእያ ዎይንያፐ ቃንፃ” ያግስ። 
\v 19 ሄ ኪታንቾይ ባ ባጫ የድድ፥ ሳአን ደእያ ዎይንያፐ ቃንፅድ፥ ፆሳ ግታ ሀንቁዋ ጉምእያ በሳን የግስ። 
\v 20 ኤንቲ ካታማፐ ጋፃን ደእያ ዎይነ አይፈ ጉምእያ በሳን የትዶሶና። ሱ ዎይነ ጉምእያ በሳፈ ከይድ እስ ሙኩሉነ ኡሱፑን ፄቱ ክሎ ምትረ መላ ሃክድ፥ ፓራ ፑሎ ጋክድ፥ ቁ ግድ ኤልስ።\x - \xo 14:20 \xo*\xt እሳ 63:3፤ ምላ 1:15፤ ቆን 19:15.\xt*\x*
\c 15
\s1 ዉርሰ ቦሻታ
\p
\v 1 ታኒ ሳሎን ሀራ ግታነ ማላልስያ ማላታ በአስ። ፆሳ ዉርሰ ሀንቁዋ ቆንጭስያ ላፑን ቦሻታ ኦይክዳ ላፑን ኪታንቾት ደኦሶና።
\p
\v 2 ቃስ ታማራ ዋላከትዳ ቡርጩኮ አባ ዳነይሳ በአስ። ሄ አባ ጋፃን ዶኣ፥ እያ ምስልያነ እያ ሱን ታይቡዋ ፆንዳይሳታ በአስ። ፆሳይ ኤንታዉ እምዳ ዲ ኦይክድ ኤቅዶሶና። 
\v 3 ኤንቲ ፆሳ አይልያ ሙሰ ማዝሙርያነ ዶርሳ ማዝሙርያ ሀይሳዳ ያግድ የፆሶና።
\q1 “ጎዳዉ፥ ኡባፈ ዎልቃማ ፆሳዉ፥
\q2 ነ ኦሶይ ግታነ ማላልስያባ።
\q1 ደረ ኡባ ካዋዉ፥
\q2 ነ ኦገይ ፅሎነ ቱማ።\x - \xo 15:3 \xo*\xt ከሳ 15:1.\xt*\x*
\q1
\v 4 ጌሽ ነ ፃላላ ግድያ ግሾ፥
\q2 ጎዳዉ፥ ነዉ ያዮናይነ
\q2 ነ ሱን ቦንቾናይ ኦኔ?
\q1 ነ ፅሎ ኦሶይ አሳ ኡባስ ቆንጨ ግድያ ግሾ፥
\q2 ካዎተ ኡባይ ነ ስን ይድ ጎይናና”
\m ያግድ የፆሶና።\x - \xo 15:4 \xo*\xt ኤርም 10:7፤ ማዝ 86:9.\xt*\x*
\p
\v 5 ሄሳፈ ጉየ፥ ሳሎን ዶየትድ ደእያ ፆሳ ኬ፥ እካ ማርካተ ዱንካንያ በአስ።\x - \xo 15:5 \xo*\xt ከሳ 38:21.\xt*\x* 
\v 6 ላፑን ቦሻታ ኦይክዳ ላፑን ኪታንቾት ፆሳ ኬፈ ከይዶሶና። ኤንቲ ጌሽነ ጶልያ ሊኖ ማኦ ማእዶሶና፤ ባንታ ትራን ዎርቃ ዳንጮ ዳንጭዶሶና። 
\v 7 ኦይዱ መተታፐ እሶይ፥ መርናዉ ደእያ ፆሳ ሀንቆይ ኩምዳ ላፑን ዎርቃ ፁአታ ላፑን ኪታንቾታስ እሚስ። 
\v 8 ፆሳ ቦንቹዋፈነ እያ ዎልቃፈ ደንዶይሳን ፆሳ ኬይ ጩያን ኩምስ። ላፑን ኪታንቾት ኦይክዳ ላፑን ቦሻት ፖለታና ጋካናዉ ፆሳ ኬ ኦንካ ገላናዉ ዳንዳእቤና።\x - \xo 15:8 \xo*\xt ከሳ 40:34፤ 1 ካዎ 8:10.\xt*\x*
\c 16
\s1 ፆሳ ሀንቆይ ኩምዳ ፁአታ
\p
\v 1 ሄሳፈ ጉየ፥ ፆሳ ኬፈ ላፑን ኪታንቾታኮ፥ “ብድ ፆሳ ሀንቁዋ ላፑን ፁአታፐ ሳአን ጉስተ” ያግድ፥ ኦድያ ዎልቃማ ቃላ ስአስ።
\p
\v 2 ኮይሮ ኪታንቾይ ብድ፥ ባ ፁአን ደኤይሳ ሳአን ጉስን፥ ዶኣ ማላይ ደኤይሳታ ቦላነ እያ ምስልያ ጎይንዳይሳታ ቦላ ኢታነ ዛምያ ማዱን ከይስ።\x - \xo 16:2 \xo*\xt ከሳ 9:10.\xt*\x*
\p
\v 3 ናምአን ኪታንቾይ ባ ፁአን ደኤይሳ አባን ጉስን፥ አባይ ሀይቅዳ አሳ ሱ ዳንስ። ቃስ አባን ደእያ መተ ኡባይ ሀይቅስ።
\p
\v 4 ሄን ኪታንቾይ ባ ፁአን ደኤይሳ ሻፋታንነ ፑልቶ ሃታን ጉስን፥ ሃት ሱ ግድዶሶና።\x - \xo 16:4 \xo*\xt ከሳ 7:17.\xt*\x* 
\v 5 ሄሳፈ ጉየ፥ ሃ ቦላ ማት ደእያ ኪታንቾይ ሀይሳዳ ያግሽን ስአስ።
\q1 “ሀእካ በንካ ደእያ ጌሻዉ፥\x - \xo 16:5 \xo*\xt ከሳ 3:14.\xt*\x*
\q2 ሀይሳዳ ነ ፕርድዳ ግሾ ኔኒ ፅሎ።
\q1
\v 6 ኤንቲ ጌሻታ ሱነ ናበታ ሱ ጉስዳ ግሾ፥
\q2 ኤንቲ ሱ ኡያና መላ ኦዳሳ።
\q1 ኤንቲ ባንታዉ በሲያባ ኤክዶሶና”
\m ያግስ። 
\v 7 ያርሾ በሳፈ፥
\q1 “ጎዳዉ፥ ኡባፈ ዎልቃማ ፆሳዉ፥
\q2 ነ ፕርዳይ ቱማነ ፅሎ”
\m ግያ ቃላ ስአስ።
\p
\v 8 ኦይዳን ኪታንቾይ ባ ፁአን ደኤይሳ አዋ ቦላ ጉስን፥ አዋይ ባ ሴላን አሳ ፁጋና መላ አዋስ ዎልቅ እመትስ። 
\v 9 አሳይ ዎልቃማ ሴላን ፁገትድ፥ ሄ ቦሻታ ቦላ ማት ደእያ ፆሳ ሱን ባድዶሶና፤ ባንታ ናጋራፐ ስሚድ ፆሳ ቦንችቦኮና።
\p
\v 10 እቻሻን ኪታንቾይ ባ ፁአን ደኤይሳ ዶኣ አራታ ቦላ ጉስን፥ ሄ ዶኣ ካዎተይ ምስ። አሳይ ኡንኣ ግሾ፥ ባንታ እንፃርሳ ሳፆሶና።\x - \xo 16:10 \xo*\xt ከሳ 10:21.\xt*\x* 
\v 11 ቃስ አሳይ ኡንኣ ግሾነ ማዱን ግሾ፥ ሳሎ ፆሳ ባድዶሶና፤ ባንታ ኦዳ ናጋራፐ ስምቦኮና።
\p
\v 12 ኡሱፑን ኪታንቾይ ባ ፁአን ደኤይሳ ግታ ኤፍራፂሳ ሻፋን ጉስን፥ ዶሎሀ ባጋፈ ያና ካዎታስ ኦገይ ጊጋና መላ ሃይ መልስ።\x - \xo 16:12 \xo*\xt እሳ 11:15.\xt*\x* 
\v 13 ሄሳፈ ጉየ፥ ሾ ዳንያ ሄ ቱና አያናት ዳውያ ዶናፐ፥ ዶኣ ዶናፐነ ዎርዶ ናብያ ዶናፐ ከይሽን በአስ። 
\v 14 ኤንቲ ማላታታ ኦያ ቱና አያናታ። ሄ ሄ ቱና አያናት ኡባፈ ዎልቃማ ፆሳ ግታ ጋላሳን ሀናናዉ ደእያ ኦላስ ሺሻናዉ አላመ ካዎታ ኡባኮ ባና።
\p
\v 15 “ሄኮ፥ ታ ካይሶዳ ያና! አሳ ስንን ካሎቶናዳነ ዬላቶናዳ ባርክድ፥ ባ ማኡዋ ናግያ ኡራይ አንጀትዳይሳ!” ያግስ።\x - \xo 16:15 \xo*\xt ማቶ 24:43.\xt*\x*
\p
\v 16 ሄ ቱና አያናት ካዎታ እብራወ ዶናን አርማገዶነ ጌተትያ በሳን ሺሽዶሶና።\x - \xo 16:16 \xo*\xt 2 ካዎ 23:29፤ ዛካ 12:11.\xt*\x*
\p
\v 17 ላፑን ኪታንቾይ ባ ፁአን ደኤይሳ ጫርኮ ቦላ ጉስን፥ ፆሳ ኬን ደእያ አራታፐ፥ “ፖለትስ” ግያ ዎልቃማ ቃላይ ይስ። 
\v 18 ሄሳፈ ዎልአን ዎልአምስ፤ ዳዳይ ቅስ፥ ቢታይ ቃፅስ። አስ ሳአን መቶሳፐ ቢት ሄሳ መላ ቃፆ ቃፅቤና። ሄስ ኡባፈ አዳ ቃፆ።\x - \xo 16:18 \xo*\xt ቆን 8:5፤ 11:13.\xt*\x* 
\v 19 ግታ ካታማይ ሄ ከይድ ሻከትስ፤ ቢታ ኡባን ደእያ ካታማት ይዶሶና። ፆሳይ ግታ ካታማ ባብሎነ ቆፕድ፥ ባ ኢታ ሀንቆ ዎይነ ኡሻይ ኩምዳ ፁኣ እዉ እሚስ።\x - \xo 16:19 \xo*\xt እሳ 51:17.\xt*\x* 
\v 20 ዩሾይ አባን ተቀትዳ ቢታት ይዶሶና፤ ደረትካ በንትቦኮና።\x - \xo 16:20 \xo*\xt ቆን 6:14.\xt*\x* 
\v 21 አሳ ቦላ ኦይታማነ እቻሹ ክሎ ግራመ መላ ዴፅያ ዎልቃማ ሻች ሳሎፐ ቡክስ። ቦሻይ ዳሮ ኢታ ግድያ ግሾ አሳይ ሻቻ ቦሻ ግሾ ፆሳ ባድዶሶና።\x - \xo 16:21 \xo*\xt ከሳ 9:23.\xt*\x*
\c 17
\s1 ግታ ላይማ ማጫስዉ
\p
\v 1 ላፑን ፁአታ ኦይክዳ ላፑን ኪታንቾታፐ እሶይ ታኮ ይድ፥ “ሃያ፤ ዳሮ ሃታ ቦላ ኡትዳ ግታ ላይማትያ ማጫሰ ቦላ ያናዉ ደእያ ፕርዳ ታ ነና በሳና።\x - \xo 17:1 \xo*\xt ኤርም 51:13.\xt*\x* 
\v 2 አላምያ ካዎት ኢራ ላይማትዶሶና፤ አላመን ደእያ አሳይካ እ ላይማተ ዎይንያ ኡይድ ማትዶሶና” ያግስ።\x - \xo 17:2 \xo*\xt እሳ 23:17፤ ኤርም 51:7.\xt*\x*
\p
\v 3 ሄ ኪታንቾይ ታና ጌሻ አያናን መላ ቢታ ኤፍስ። ያን እስ ማጫስያ ጫሻ ሱንይ እ ቦላ ኡባን ፃፈትድ ኡትዳ፥ ዞኦ ዶኣ ቶግዳሮ በአስ፤ ሄ ዶኣስ ላፑን ሁጰይነ ታሙ ካጨይ ደኤስ።\x - \xo 17:3 \xo*\xt ቆን 13:1.\xt*\x* 
\v 4 ሄ ማጫስያ ካሎሰ ማኦነ ዞኦ ማኦ ማአሱ፤ እያ ዎርቃን፥ ቦንቾ ሹቻንነ እንቆ ጌተትያ አልኦ ሹቻን አሌቀታሱ። እያ ባ ኩሸን ቦርስያባነ ላይማተ ቱናተን ኩምዳ ዎርቃ ፁአ ኦይካሱ።\x - \xo 17:4 \xo*\xt ኤርም 51:7.\xt*\x* 
\v 5 እ ሶምኦን ፁራ ኦሶ ብርሸይ ደእያ ሱንይ፥ “ግታ ባብሎነይ፥ ላይማተስነ ሳአን ደእያ ቱናባ ኡባስ አዮ” ግያ ፁፈይ ፃፈትድ ኡትስ። 
\v 6 ቃስ ሄ ማጫስያ ጌሻታ ሱነ የሱሳስ ማርካትሸ ሀይቅዳይሳታ ሱ ኡያዳ ማትዳሮ ታ በአዳ ማላለታስ።
\p
\v 7 ኪታንቾይ ታኮ፥ “ኔኒ አይስ ማላለታይ? ታኒ ነዉ ማጫሰ ፁራ ኦዳነ እያ ቶክዳ ላፑን ሁጰይነ ታሙ ካጨይ ደእያ ዶኣ ፁራ ኦዳ ኦዳና። 
\v 8 ኔኒ በእዳ ዶአይ ኮይሮ ደኤስ፥ ሽን ሀእ ባዋ። ሄ ዶአይ ጪሞ ኦላፈ ከይድ ዮስ ባና። ሳእ መቶሳፐ ዶምድ፥ ደኦ ማፃፋን ኤንታ ሱንይ ፃፈትቦና ሳአን ደእያ አሳይ፥ ዶኣ በእድ ማላለታና። ህዛ፥ እ ካሰ ደኤስ፤ ሀእ ባዋ፥ ሽን ስንፈ ያና።\x - \xo 17:8 \xo*\xt ዳነ 7:7፤ ቆን 11:7፤ ማዝ 69:28.\xt*\x*
\p
\v 9 “ሀይስ ጭንጫተነ አኬካ ኮዬስ። ላፑን ሁጰት ማጫስያ ኡትያ ላፑን ደረታ፤ ሄሳት ቃስ ላፑን ካዎታ። 
\v 10 ኤንታፈ እቻሹ ካዎት ኩንድዶሶና። እሶይ ሀእ ጋካናዉ ሃሬስ፤ ሀንኮ ካዎይ ይቤና። እ ይድ ጉ ዎደ ታካናዉ በሴስ። 
\v 11 ስን ደእዳ ዶአይ፥ ሀእ ባይናይስ፥ እ ባ ሁጰን ሆስፑን ዶኣ። እ ላፑን ዶአታፐ እሱዋ፤ እ ያናዉ ቤስ።
\p
\v 12 “ኔኒ በእዳ ታሙ ካጨት ሃሮ ዶምቦና ታሙ ካዎታ። ሽን ኤንቲ ዶኣራ እስፈ እስ ሳተ ካዎትድ ሃራናዉ ኤንታዉ ማት እመታና።\x - \xo 17:12 \xo*\xt ዳነ 7:24.\xt*\x* 
\v 13 ኤንታ ኡባስ እስ ቆፋይ ደኤስ፤ ኤንቲ ባንታ ዎልቃነ ባንታ ማታ ዶኣስ እማና። 
\v 14 ኤንቲ ዶርሳራ ኦለታና፥ ሽን ዶርሳይ ጎዳታ ጎዳነ ካዎታ ካዎ ግድያ ግሾ፥ እ ፄግዳይሳት፥ ዶርዳይሳትነ አማነትዳይሳት ሄ ካዎታ ፆናና” ያግስ።
\p
\v 15 ኪታንቾይ ቃስካ ታኮ፥ “ላይማትያራ ኡትዳ ሄ ኔኒ በእዳ ሃት ያራታ፥ ካዎተታ፥ ዘረታነ ዱማ ዱማ ዶናን ኦደተይሳታ። 
\v 16 ቃስ ኔኒ በእዳ ታሙ ካጨይነ ዶአይ ላይማትያሮ እፃና። ኤንቲ እዉ ደእያ ኡባባ ኤካና። ቃስ እዮ ካሎ አሻናነ እ አሹዋ ምድጋና፤ ያትድ ኤንቲ እዮ ታማን ፁጋና። 
\v 17 ህዛ፥ ፆሳ ቃላይ ፖለታና ጋካናዉ ኤንታ ቆፋይ እስኖ ግዳና መላ ኤንቲ ባንታ አይስያ ዎልቃ ዶኣስ እማናዳነ ፆሳይ ቆፕዳይሳ ኤንቲ ኦናዳ ኤንታ ዎዛናን ፆሳይ አሞ ዎስ። 
\v 18 ሄ ኔኒ በእዳ ማጫስያ ሳአ ካዎታ ሃርያ ግታ ካታምዉ” ያግስ።
\c 18
\s1 ባብሎነ ኩንደ
\p
\v 1 ያትድ፥ ግታ ማት ደእያ ሀራ ኪታንቾይ ሳሎፐ ዎሽን ታ በአስ። ሄ ኪታንቹዋ ቦንቾይ ሳአ ፖእስስ። 
\v 2 ሄ ኪታንቾይ ባ ቃላ ቁ ኦድ፥
\q1 “እያ ኩንዳሱ! ግታ ባብሎነይ ኩንዳሱ!
\q2 ባብሎነይ ቱና አያናት አቅያ በሲ ግዳሱ።
\q1 ዱማ ዱማ ኢታባታስ ኬ ግዳሱ፤
\q2 ቱና ካፎትነ ዶአት ሸምፕያ በሲ ግዳሱ።\x - \xo 18:2 \xo*\xt እሳ 21:9፤ ኤርም 51:8፤ ቆን 14:8፤ እሳ 13:21፤ ኤርም 50:39.\xt*\x*
\q1
\v 3 አሳ ኮቸ ኡባ ባ ላይማተ ዎይንያ ኡሻሱ።
\q2 ሳኣ ካዎት ኢራ ላይማትዶሶና።
\q1 እ ሚኮተፈ ደንዶይሳን
\q2 ቢታን ደእያ ዛልአንቾት ዱረትዶሶና”
\m ያግስ።\x - \xo 18:3 \xo*\xt እሳ 23:17፤ ኤርም 51:7.\xt*\x*
\p
\v 4 ሄሳፈ ጉየ፥ ታ ሳሎፐ ሀይሳዳ ግያ ሀራ ቃላ ስአስ።
\q1 “እ ናጋራ ኢራ ኮፆና መላነ፥
\q2 እያ ኤካናዉ ደእያ ሴራ ህንተ ኤኮና መላ፥
\q2 ታ ደርያዉ ኢፐ ከይተ።\x - \xo 18:4 \xo*\xt እሳ 23:17፤ ኤርም 51:7.\xt*\x*
\q1
\v 5 ህዛ፥ እ ናጋራይ ሳሎ ጋካናዉ ዶረትስ።
\q2 ፆሳይ እ ናቁዋ አኬክስ።\x - \xo 18:5 \xo*\xt መ 18:20.\xt*\x*
\q1
\v 6 እያ እምዳይሳ መላ ዛሪድ እዉ እምተ።
\q2 እያ ኦዳ ኦሱዋስ ናምኡ ኩሸ እዉ ዛርተ።
\q2 እያ ጊግስዳ ኡሻ ቦላ ህንተ ናምኡ ኩሸ ማይያ ኡሻ እ ፁአን ኩንተ።\x - \xo 18:6 \xo*\xt ማዝ 137:8፤ ኤርም 50:29.\xt*\x*
\q1
\v 7 እያ ባዉ ቦንቸትዳይሳዳነ እዉ እንጀትዳይሳ መላ፥
\q2 እዮ መቶተነ ካዮይተ።
\q1 እያ ባ ዎዛናን፥
\q2 ‘ታኒ ካዌዳ ኡታስ፤ ታ አዝን ባይና ማጫስ ግድከ፤
\q2 ታኒ ኡባካ ካዮትከ’ ያጋሱ።
\q1
\v 8 ሄሳ ግሾ፥ ቦሻ ኡባይ፥
\q2 ሀርገይ፥ ካዮይነ ኮሽ እዮ እስ ጋላስ ኦይካና።
\q1 ቃስ እያ ታማን ፁገታና፤
\q2 አይስ ጊኮ፥ እ ቦላ ፕርድያ ፆሳይ ዎልቃማ”
\m ያግስ።\x - \xo 18:8 \xo*\xt እሳ 47:7-9.\xt*\x*
\p
\v 9 “ኢራ ላይማትዳይሳትነ እ ሚኮተን ደእዳ፥ አላምያ ካዎት ሄ ካታምያ ፁገትን ከይያ ጩያ በእዳ ዎደ እዉ ዋስድ ዬካና።\x - \xo 18:9 \xo*\xt ህዝ 26:16-17.\xt*\x* 
\v 10 ኤንቲ ሄ ካታመ ዋይያ በእድ ያይዳ ግሾ፥ ሃክ ኤቅድ፥
\q1 “ ‘ሀ ግታ ካታመ! ዎልቃማ ካታመ!
\q2 ባብሎነ፥ ነና አየ!
\q1 ኔኒ እስ ሳተ ግዶን ነ ፕርዳ ኤካዳሳ’ ያጋና።
\p
\v 11 “ኤንታ ማርካብያ ጫና ህዛፐ ሻምያ አስ ባይና ግሾ፥ ሳአን ደእያ ዛልአንቾት ሄ ካታማስ ዋሳናነ ካዮታና።\x - \xo 18:11 \xo*\xt ህዝ 27:31.\xt*\x* 
\v 12 ኤንታ ዎርቃ፥ ብራ፥ ቦንቾ ሹቹ፥ አልኦ ሹቻ፥ ካሎሰ ማኦ፥ ሊኖ ማኦ፥ ሃረ ማኦ፥ ዞኦ ማኦ፥ ዱማ ዱማ ሳዎ ም፥ ዳንጋርሳ ዛለ፥ አልኦ ም፥ ናሰ ብራታ፥ ጎለ ሹቹ፥\x - \xo 18:12 \xo*\xt ህዝ 27:12-13፥ 22.\xt*\x* 
\v 13 ቃራፋ፥ ቅማመ፥ እፃነ፥ ካርበ፥ ሽቶ፥ ዎይነ፥ ዛይተ፥ ሎኦ ለ፥ ግስተ፥ መሄ፥ ዶርሰ፥ ፓራ፥ ፓራ ጋረ፥ አይለታነ ሀራ አሳታ ሻምያ ኦንካ ባዋ።
\p
\v 14 “ዛልአንቾት ማጫሴኮ፥ ‘ኔኒ አሞትዳ ሎኦባ ኡባይ ኔፐ ይስ። ነ አቆይነ አሌቀትዳባ ኡባይ ኔፐ ሃክስ። ኔኒ ዛራዳ ኤንታ ኡባ ደማካ’ ያግዶሶና። 
\v 15 ሄ ካታማን ዛልእድ ዱረትዳ ዛልአንቾት እ መቱዋ ባብድ ኢፐ ሃክድ ኤቃና። ኤንቲ ዬካናነ ካዮታና።\x - \xo 18:15 \xo*\xt ህዝ 27:31.\xt*\x* 
\v 16 ቃስ፥
\q1 “ ‘ሊኖ፥ ካሎሰ ማኦነ ዞኦ ማኦ ማአዳ፥
\q2 ዎርቃን፥ ቦንቾ ሹቻንነ እንቆ ጌተትያ አልኦ ሹቻን አሌቀትዳ፥
\q2 ሄ ግታ ካታሜስ አየ! 
\v 17 ሀይሳ መላ ግታ ሻሎ ኡባይ እስ ሳተ ግዶን ይስ’ ያግዶሶና።
\p “ማርካብያ ላግያ ኡባይ፥ ማርካብያን ብያ ኡባይ፥ ማርካብያ ቦላ ኦያ ኡባይነ አባን ዛልእያ ኡባይ ሃክ ኤቅዶሶና።\x - \xo 18:17 \xo*\xt እሳ 23:14፤ ህዝ 27:26.\xt*\x* 
\v 18 ሄ ካታምያ ፁገትን ከይያ ጩያ በእዳ ዎደ፥ ‘ሀ ግታ ካታምዉ ዳንያ ሀራ ካታም ደእሻ?’ ያግዶሶና።\x - \xo 18:18 \xo*\xt ህዝ 27:32.\xt*\x* 
\v 19 ኤንቲ ባንታ ሁጰን ባና ቆልድ፥ ዋስዶሶናነ ካዮትዶሶና።
\q1 “ ‘አባ ቦላ ማርካበት ደእያ ኡባይ፥
\q2 እ ሻሉዋን ዱረትዳ ኡባይ፥
\q2 ሄ ካታምያ እስ ሳተን ይዳ ግሾ፥
\q2 አየ! አየ!
\q1
\v 20 ሳሉዋዉ፥ እ ዩዋን ኡፋይታ!
\q2 ጌሻቶ፥ ሀዋረቶ፥ ናበቶ፥
\q1 ፆሳይ ህንተ ግሾ እ ቦላ ፕርድዳ ግሾ ኡፋይትተ’ ያግዶሶና።”\x - \xo 18:20 \xo*\xt ህዝ 27:30፤ ዛረ 32:43፤ ኤርም 51:48.\xt*\x*
\p
\v 21 ያትን፥ ምኖ ኪታንቾይ ዎፃ ዳንያ ግታ ሹቹ ደንድ አባን ሆልሸ፥ “ግታ ካታምያ ባብሎነይ ዎልቃን ሆለታዳ ሀይሳዳ ኩንዳና፤ እያ ሀችፈ ጉየ ኡባካ በንቱኩ።\x - \xo 18:21 \xo*\xt ኤርም 51:63.\xt*\x* 
\v 22 ዲ ዲፀይሳትነ የፀይሳት፥ ሱሱልኤነ ሞይዘ ፑነይሳት፥ ህዛፐ ጉየ ነ ግዶን ኡባካ ስኤቶኮና። አይ ኮቻ ዛልኤ ዛልእያ አስካ ነ ግዶን በንተና። ዎፃ ግርስ ህዛፐ ጉየ ነ ግዶን ስኤተና።\x - \xo 18:22 \xo*\xt እሳ 24:8፤ ህዝ 26:13.\xt*\x*\x - \xo 18:22 \xo*\xt ኤርም 7:34፤ 25:10.\xt*\x* 
\v 23 ፆምፐ ፖኦይ ዛሪድ ነ ግዶን ፖኤና። ማቾ ኤከይስነ አዝና ገልያር ቃል ህዛፐ ጉየ ነ ግዶን ስኤተና። ነ ዛልአንቾት ቢታ ኡባን ኤረትዳ ዎልቃማታ። ነ ብታን ካዎተታ ኡባ ጭማዳሳ” ያግስ።
\p
\v 24 ናበታ ሱይ፥ ጌሻታ ሱይነ ቢታ ቦላ ሀይቅዳ አሳ ኡባ ሱይ እ ግዶን በንትዳ ግሾ ባብሎነይ ፕርደታሱ።\x - \xo 18:24 \xo*\xt ኤርም 51:49.\xt*\x*
\b
\c 19
\p
\v 1 ያትን፥ ሳሎን ዳሮ አሳይ፥
\q1 “ፆሳይ ጋላተቶ!
\q2 አቶተይ፥ ቦንቾይነ ዎልቃይ ኑ ፆሳስ ግዶ።
\q1
\v 2 እያ ፕርዳይ ቱማነ ፅሎ።
\q2 ሳኣ ቱንስዳ ኢታ ላይምዉ ፆሳይ ፕርድስ።
\q1 ፆሳይ ባ አይለታ ሱ ኢፐ አችስ”
\m ያግሽን ስአስ።\x - \xo 19:2 \xo*\xt ዛረ 32:43፤ 2 ካዎ 9:7.\xt*\x*
\p
\v 3 ሄ አሳይ ዛሪድ ባንታ ቃላ ቁ ኦድ፥
\q1 “ፆሳ ጋላት ጋኮ።
\q2 ሄ ካታምያ መርናዉ ጩያሸ ዳና”
\m ያግዶሶና።\x - \xo 19:3 \xo*\xt እሳ 34:10.\xt*\x*
\p
\v 4 ላታማነ ኦይዱ ጭማትነ ደኦን ደእያ ኦይዱ መተት አራታን ኡትዳ ፆሳስ ጉፋንድ፥
\q1 “አምንእ! ፆሳ ጋላት ጋኮ”
\m ያግድ ጎይንዶሶና።
\p
\v 5 ያትን፥
\q1 “ፆሳ አይለት፥
\q2 ፆሰ ያይያ ጉነ ግት ኡባይ፥
\q2 ኑ ፆሳ ጋላትተ”
\m ግያ ቃላይ አራታፐ ከይስ።\x - \xo 19:5 \xo*\xt ማዝ 115:13.\xt*\x*
\p
\v 6 ያትን፥ ዳሮ አሳዳ ዎጫምያ፥ ዎልቃማ ሻፋዳ ጉምያ፥ ዳዳዳ ደችያ ግርሳይ፥
\q1 “ፆሳ ጋላት ጋኮ፤
\q2 ኑ ጎዳይ፥ ኡባፈ ዎልቃማ ፆሳይ ካዎትስ።\x - \xo 19:6 \xo*\xt ህዝ 1:24፤ ማዝ 93:1፤ 97:1፤ 99:1.\xt*\x*
\q1
\v 7 ዶርሳ ያጋኖይ ጋክዳ ግሾነ እያ ገልያራ ጊግዳ ግሾ፥
\q2 ኑ ኡፋይቶስ፥ ጋላቶስነ ዶርሳ ቦንቾስ።
\q1
\v 8 ገሎስ ጊግዳራ ጶልያነ ጌሽ ግድዳ
\q2 ሊኖ ማአና መላ እዉ እመትስ”
\m ያግሽን ታ ስአስ። (ሊኖ ማኦይ ጌሻታ ፅሎ ኦሶ ሌምሶ።)
\p
\v 9 ሄሳፈ ጉየ፥ ኪታንቾይ ታኮ፥ “ዶርሳ ያጋኖ ፄገትዳይሳት አንጀትዳይሳታ” ጋዳ ፃፋ። ሄ ኪታንቾይ ጉጅድ፥ “ሀይስ ፆሳ ቱማ ቃላ” ያግስ።\x - \xo 19:9 \xo*\xt ማቶ 22:2.\xt*\x*
\p
\v 10 ሄ ዎደ ታ እያ ጎይናናዉ እያ ቶሁዋ ቦላ ኩንዳስ። ሽን እ፥ “ሄሳ ኦፋ! ታኒ የሱሳባ ማርካትያ ነ መላነ ነ እሻታ መላ። ነ ፆሳ ጎይና” ያግስ። ህዛ፥ የሱሳባ ማርካትዳይሳታስ ናበተ አያን ደኤስ።
\s1 ቦ ፓራ ቶግዳይሳ
\p
\v 11 ያትን፥ ሳሎይ ዶየትን፥ ያን ቦ ፓር ደኤይሳ በአስ። ሄ ፓራ ቶግዳይስ አማነትዳይሳነ ቱማንቾ ጌተቴስ። እ ፅሎተን ፕርደስነ ኦለቴስ።\x - \xo 19:11 \xo*\xt ህዝ 1:1.\xt*\x* 
\v 12 እያ አይፈይ ታማ ላጮ ዳኔስ፤ እያ ሁጰን ዳሮ ካላች ደኤስ። እያ ቦላ እ አትሽን፥ ሀር ኦንካ ኤሮና ፃፈትዳ ሱን ደኤስ።\x - \xo 19:12 \xo*\xt ዳነ 10:6.\xt*\x* 
\v 13 እ ሱን ሙከትዳ ማኦ ማእስ፤ እያ ሱንይካ ፆሳ ቃላ። 
\v 14 ጶልያነ ጌሽ ግድዳ ሊኖ ማእዳ ሳሎ ኦላንቾት ቦ ፓራታ ቶግድ እያ ጌዶ ካሎሶና። 
\v 15 ካዎተታ ቃንፅያ ቃራ ማሻይ እያ ዶናፐ ከዬስ። እ ብራታ ፃምአን አሳ ሃራና። ኡባፈ ዎልቃማ ፆሳ ሀንቆ ዎይነ ኡሻ ጉምእያ በሳ እ የና።\x - \xo 19:15 \xo*\xt ማዝ 2:9፤ እሳ 63:3፤ እዩ 3:13፤ ቆን 14:20.\xt*\x* 
\v 16 እያ ማኡዋ ቦላነ እያ ዎድርያ ቦላ፥ “ካዎታ ካዋነ ጎዳታ ጎዳ” ግያ ሱንይ ፃፈትስ።
\p
\v 17 ሄሳፈ ጉየ፥ እስ ኪታንቾይ አዋ ቦላ ኤቅዳይሳ በአስ። ሄ ኪታንቾይ ሳሎራ ፕራያ ካፎ ኡባስ ባ ቃላ ቁ ኦድ፥ “ሃ ዪተ! ፆሳ ግብራ ማናዉ እስ በሲ ሺቅተ።\x - \xo 19:17 \xo*\xt ህዝ 39:17-20.\xt*\x* 
\v 18 ይድ ካዎታ አሹዋ፥ ሻላቃታ አሹዋ፥ ዎታዳረታ አሹዋ፥ ፓራታ አሹዋ፥ ፓራታ ቶገይሳታ አሹዋ፥ አሳ ኡባ አሹዋ፥ አይለታ አሹዋ፥ ዎማኖታ አሹዋ፥ ግታታነ ጉታ አሹዋ ሚተ” ያግስ።
\p
\v 19 ዶአይ፥ ፓራ ቶግዳይሳራነ እያ ኦላንቾታራ ኦለታናዉ ሳአ ካዎትነ ኤንታ ኦላንቾት እስ በሲ ሺቅዳሽን በአስ። 
\v 20 ሽን ሄ ዶአይነ እያ ሱንን ማላታታ ኦዳ ዎርዶ ናበይ እያራ እስፈ ኦይከትስ። ሄ ማላታታን ዶኣ ማላይ ደኤይሳታነ እያ ምስልያ ጎይነይሳታ እ ባለስ። ዶአይነ ዎርዶ ናበይ ናምአይካ ዲነን ኤፅያ ታማ አባን ፓፃ የገትዶሶና።\x - \xo 19:20 \xo*\xt ቆን 13:1-18.\xt*\x* 
\v 21 አትዳይሳት ፓራ ቶግዳይሳ ዶናፐ ከይያ ማሻን ሀይቅዶሶና። ካፎት ኡባይ ኤንታ አሹዋ ምድ ካልዶሶና።
\c 20
\s1 ሙኩሉ ላይ
\p
\v 1 ዛው ባይና ኦላ ቁልፕያነ ግታ ሳንላታ ባ ኩሸን ኦይክዳ እስ ኪታንቾይ ሳሎፐ ዎሽን በአስ። 
\v 2 እ ዳውያ ኦይክድ ሙኩሉ ላይስ ቃችስ። ሄ ዳወይ ኮይሮ ሾሻ፥ ዳቡሎሳ ዎይኮ ፃላሄ።\x - \xo 20:2 \xo*\xt መ 3:1.\xt*\x* 
\v 3 ኪታንቾይ ዛው ባይና ኦላን እያ የግድ፥ ሙኩሉ ላይ ዉራና ጋካናዉ ካዎተታ ዛር ባለና መላ ቁልፐን ጎርድድ አታምስ። ሄሳፈ ጉየ፥ ዳወይ ጉ ዎደስ ብለታናዉ በሴስ።
\p
\v 4 ሄሳፈ ጉየ፥ አራታታነ አራታታ ቦላ ኡትድ ፕርዳና መላ ማት እመትዳይሳታ በአስ። የሱሳስ ማርካትዳ ግሾነ ፆሳ ቃላ ኦድዳ ግሾ ባንታ ቆያ ጎይረትዳ አሳ ሸምፑዋ በአስ። ኤንቲ ዶኣ ዎይኮ ዶኣ ምስልያ ጎይንቦኮና። ኤንቲ ዶኣ ማላ ባንታ ሶምኦን ዎይኮ ባንታ ኩሸን ዎቦኮና። ኤንቲ ሀይቆፐ ደንድድ ክርስቶሳራ እስፈ ሙኩሉ ላይ ሃርዶሶና።\x - \xo 20:4 \xo*\xt ዳነ 7:9.\xt*\x* 
\v 5 ሀይስ ኮይሮ ደንዱዋ፤ አትዳ ሀንኮ ሀይቅዳይሳት ሙኩሉ ላይይ ዉራና ጋካናዉ ሀይቆፐ ደንድቦኮና። 
\v 6 ኮይሮ ደንዱዋስ ቃድ ደኤይሳት አንጀትዳይሳታነ ጌሻታ። ኤንታ ቦላ ናምአን ሀይቁዋስ ዎልቅ ባዋ። ኤንቲ ፆሳስነ ክርስቶሳስ ካህነ ግዳና፤ እያራ እስፈ ሙኩሉ ላይ ሃራና።
\s1 ፃላሄ ፆነተ
\p
\v 7 ሙኩሉ ላይይ ዉርዳፐ ጉየ ፃላሄይ ቃሾፐ ብለታና። 
\v 8 እ ሳኣ ጋፃፐ ጋፃ ጋካናዉ ደእያ ካዎተታ፥ ኤንትካ፥ ጎገነ ማጎገ ጌተተይሳታ ባለድ ኦላስ ሺሻናዉ ከያና። ኤንታ ፓይዶይ አባ ጋፃን ደእያ ሻፈ መላ።\x - \xo 20:8 \xo*\xt ህዝ 38:2.\xt*\x* 
\v 9 ኤንቲ ቢታ ኡባን ላለትድ፥ ጌሻታ ሄራነ ፆሳይ ዶስያ ካታማ ተቅዶሶና። ሽን ታም ሳሎፐ ዎድ ኤንታና ምስ።
\p
\v 10 ኤንታ ባለዳ ፃላሄይ፥ ዶአይነ ዎርዶ ናበይ የገትዳ ኤፅያ ዲነ ታማ አባን የገትስ። ኤንቲ ቃማነ ጋላስ መርናዉ ፓፃ ካኤታና።
\s1 ዉርሰ ፕርዳ
\p
\v 11 ሄሳፈ ጉየ፥ ግታ ቦ አራታ ቦላ ኡትዳይሳ በአስ። ሳእነ ሳሎይ እያ ስንፈ ባቃትዶሶና፤ ኤንቲ ዛር በንትቦኮና።\x - \xo 20:11 \xo*\xt ዳነ 7:9-10.\xt*\x* 
\v 12 ሀይቅዳይሳት፥ ግታትነ ጉት አራታ ስንን ኤቅዳይሳታ በአስ፤ ማፃፋት ዶየትዶሶና፤ ቃስ ደኦ ማፃፋ ግድዳ ሀራ ማፃፍ ዶየትስ። ሀይቅዳይሳት ማፃፋን ፃፈትዳ ባንታ ኦሱዋዳ ፕርዳ ኤክዶሶና። 
\v 13 አባይ ባ ግዶን ደእያ ሀይቅዳይሳታ እሚስ፤ ሀይቆይነ ስኦለይ ባንታ ግዶን ደእያ ሀይቅዳይሳታ እምዶሶና። እስ እስ አስ ባ ኦሱዋዳ ፕርዳ ኤክስ። 
\v 14 ያትን፥ ሀይቆይነ ስኦለይ ታማ አባን የገትዶሶና። ሄ ታማ አባይ ናምአን ሀይቆ። 
\v 15 ደኦ ማፃፋን እያ ሱንይ ፃፈትቦና አስ ኦንካ ታማ አባን የገትስ።
\c 21
\s1 ኦራ ሳሎነ ኦራ ሳአ
\p
\v 1 ታኒ ኦራ ሳሎነ ኦራ ሳአ በአስ። ኮይሮ ሳሎይነ ኮይሮ ሳእ ይስ፤ አባይካ ይስ።\x - \xo 21:1 \xo*\xt እሳ 65:17፤ 66:22፤ 2 ጰፅ 3:13.\xt*\x* 
\v 2 ጌሻ ካታምያ፥ ኦራ የሩሳላመይ፥ አዝና ገላናዉ አሌቀታዳ ጊጋዳ ደእያ ማጫሳዳ ሳሎፐ ፆሳ ማታፐ ዱገ ዎሽን በአስ።\x - \xo 21:2 \xo*\xt እሳ 52:1፤ ቆን 3:12፤ እሳ 61:10.\xt*\x*
\p
\v 3 አራታፐ ሀይሳዳ ያግድ፥ ኦድያ ግታ ቃላ ስአስ፤ “ፆሳ ኬይ አሳራ ደኤስ፤ ፆሳይ ባ ቦንቹዋራ አሳራ እስፈ ዳና። ኤንቲ እያ ደረ ግዳና፤ ፆሳይ ባ ሁጰን ኤንታራ ዳና፤ እ ኤንታ ፆሳ ግዳና።\x - \xo 21:3 \xo*\xt ህዝ 37:27፤ ሌወ 26:11.\xt*\x* 
\v 4 ፆሳይ ኤንታ አይፈፐ አፉ ኡባ ቁቻና። ህዛፐ ሀይቆይ ዎይኮ ካዮይ ዎይኮ ዋሶይ ዎይኮ ዋየይ ዴና። ጋልአይ ኡባይ አስ” ያግስ።\x - \xo 21:4 \xo*\xt እሳ 25:8፤ እሳ 35:10፤ 65:19.\xt*\x*
\p
\v 5 አራታ ቦላ ኡትዳይስ፥ “ታኒ ኡባ ኦራ ኦና” ያግስ። ቃስ ዛሪድ ታኮ፥ “ታኒ ኦደይስ አማንይሳነ ቱማ ግድያ ግሾ ፃፋ” ያግስ። 
\v 6 ቃስ ታኮ፥ “ፖለትስ! ታኒ አልፋነ ኦመጋ፤ ዶመነ ፖሎ።\x - \xo 21:6 \xo*\xt እሳ 55:1.\xt*\x* ሳሞትዳ ኦናካ ደኦ ሃ ፑልቶፈ ጋተ ቃንፆና ጮ ኡሻና። 
\v 7 ፆንያ ኦንካ ሄሳ ኡባ ላታና፤ ታኒ እያዉ ፆሳ ግዳና፤ እካ ታ ናአ ግዳና።\x - \xo 21:7 \xo*\xt 2 ሳሜ 7:14፤ ማዝ 89:26.\xt*\x* 
\v 8 ሽን ያሻንቾታ፥ አማነቶናይሳታ፥ ቱናታ፥ ሸምፖ ዎይሳታ፥ ላይማተይሳታ፥ ብተይሳታ፥ ኤቃ ጎይነይሳታነ ዎርዳንቾታ ቃዳይ ዲነይ ኤፅያ ታማ አባን ግዳና። ሄስ ናምአን ሀይቆ” ያግስ።
\p
\v 9 ላፑን ዉርሰ ቦሻት ኩምዳ ላፑን ፁአታ ኦይክዳ ላፑን ኪታንቾታፐ እሶይ ታኮ ይድ፥ “ሃያ፥ ታኒ ነና ገሎስ ጊግዳ ዶርሳ ማችዉ በሳና” ያግስ። 
\v 10 ኪታንቾይ ታና ዙማ ሁጰ ጌሻ አያናን ከስድ፥ ጌሻ ካታማይ፥ የሩሳላመይ፥ ሳሎፐ ፆሳ ማታፐ ዱገ ዎሽን በስስ።\x - \xo 21:10 \xo*\xt ህዝ 40:1.\xt*\x* 
\v 11 ሄ ካታማይ ፆሳ ቦንቾን ፖኤስ። ሄ ካታማ ፖኦይ ያስጵደ ጌተትያ አልኦ ሹቻ መላ፤ ጌሻ ብርለዳ ጶሌስ። 
\v 12 ሄ ካታማ ድርሳይ ዎልቃማነ አዱሰ። እያዉ ታማነ ናምኡ ፐንገትነ ሄ ፐንገታ ናግያ ታማነ ናምኡ ኪታንቾት ደኦሶና። ፐንገታ ቦላ ታማነ ናምኡ እስራኤለ ዘረታ ሱንይ ፃፈትስ።\x - \xo 21:12 \xo*\xt ህዝ 48:30-35.\xt*\x* 
\v 13 ዶሎሀ ባጋራ ሄ ፐንገት፥ ፑደሀ ባጋራ ሄ ፐንገት፥ ዱገሀ ባጋራ ሄ ፐንገትነ ዉሎሀ ባጋራ ሄ ፐንገት ደኦሶና። 
\v 14 ካታማ ግምበ ድርሳይ ታማነ ናምኡ ሹቻ ባሶታ ቦላ ኤቅስ። ኤንታ ቦላ ታማነ ናምኡ ዶርሳ ሀዋረታ ሱንይ ፃፈትስ።
\p
\v 15 ታዉ ኦድያ ኪታንቹዋስ፥ ካታማ፥ እያ ፐንገታነ እያ ድርሳ ዋያ ዎርቃ ፃምአይ ደኤስ።\x - \xo 21:15 \xo*\xt ህዝ 40:3.\xt*\x* 
\v 16 ካታማስ ኦይዱ ማዛነት ደኦሶና፤ ካታማ ጌሳይነ ጎምፓይ እስ ግና። ኪታንቾይ ካታማ ባ ፃምአን ዋን፥ ካታማይ ታማነ ናምኡ ሙኩሉ ክሎ ምትረ ግድስ፤ ካታማ ጌሳይ፥ ጎምፓይነ ቃተይ እስ ግና። 
\v 17 ኪታንቾይ ቃስ ድርሳ ዋን፥ ኪታንቾይ ጎኤትያ አሳ ኩሸን እስ ፄታነ ኦይታማነ ኦይዱ ዋ ግድስ።
\p
\v 18 ካታማ ድርሳይ ያስጵደ ጌተትያ ሹቻን ድረትስ። ካታማይ ማስቶተዳ ጶልያ ዋላህ ባይና ዎርቃን ኦሰትስ። 
\v 19 ካታማ ድርሳ ባሶይ ኡባ ቆሞ ቦንቸትዳ ሹቻን አሌቀትስ። ኮይሮ ሂፀትዳ ሹቻይ ያስጵደ፥ ናምአንይ ሳንፓረ፥ ሄንይ ከልቀዶነ፥ ኦይዳንይ ባሉረ፥ 
\v 20 እቻሻንይ ሳርዶንክሳ፥ ኡሱፑንይ ሳርድዮነ፥ ላፑንይ ክርስትሎበ፥ ሆስፑንይ ብርለ፥ ኡዱፉንይ ቶጳዘ፥ ታማንይ ክርስጵራስሰ፥ ታማነ እስንይ ያክንተ፥ ታማነ ናምአንይ አመተስፅኖሳ።
\p
\v 21 ታማነ ናምኡ ፐንገታስ ታማነ ናምኡ አልኦ ሹች ደኤስ። እስ እስ ፐንገይ እስ አልኦ ሹቻን ኦሰትስ። ካታማ ዎጋ ኦገይ ማስቶተዳ ጶልያ ዋላህ ባይና ዎርቃፈ ኦሰትስ።\x - \xo 21:21 \xo*\xt እሳ 54:11-12.\xt*\x*
\p
\v 22 ጎዳይ፥ ኡባፈ ዎልቃማ ፆሳይነ ዶርሳይ ካታማስ ኬ ግድያ ግሾ፥ ታ ሄ ካታማን ፆሳ ኬ በአብከ። 
\v 23 ፆሳ ቦንቾይ ሄ ካታማስ ፖእያ ግሾነ ዶርሳይ እያዉ ፆምፐ ግድያ ግሾ ካታማስ አዋ ዎይኮ አጌና ፖኦ ኮሸና።\x - \xo 21:23 \xo*\xt እሳ 60:19.\xt*\x* 
\v 24 ካዎተት ሄ ካታማ ፖኦን ሄመታና፤ ካዎትካ ባንታ ቦንቹዋ ያ ኤሀና።\x - \xo 21:24 \xo*\xt እሳ 60:3.\xt*\x* 
\v 25 ቃም ያን ባይና ግሾ ካታማ ፐንገት ኡባ ጋላስ ዶያ ግዳና፤ ኡባራካ ጎርደቶኮና።\x - \xo 21:25 \xo*\xt እሳ 60:11.\xt*\x* 
\v 26 ካዎተታ ግታተይነ ቦንቾይ ሄ ካታማ ያና። 
\v 27 ዶርሳ ደኦ ማፃፋን ሱንይ ፃፈትዳይሳታ ፃላል አትሽን፥ ቱናባ ዎይኮ ዬላያባ ኦይ ዎይኮ ዎርዶተይ ኦንካ ሄ ካታማ ገለና።\x - \xo 21:27 \xo*\xt እሳ 52:1፤ ህዝ 44:9.\xt*\x*
\b
\c 22
\p
\v 1 ያትድ፥ ኪታንቾይ ታና ፆሳ ካዎተ አራታፐነ ዶርሳ ካዎተ አራታፐ ጎግያ ማስቶተዳ ጶልያ ደኦ ሃ ሻፋ በስስ።\x - \xo 22:1 \xo*\xt ህዝ 47:1፤ ዛካ 14:8.\xt*\x* 
\v 2 ሄ ሻፋይ ካታማ ኦግያ ግዶራ ዱገ ጎጌስ። ሻፋፐ ሄፍን ባጋራነ ሀፍን ባጋራ አጌናን እስ ቶሆ፤ ላይን ታማነ ናምኡ ቶሆ አይፍያ ደኦ ም ደኤስ። ሄ ም ቦንጮይ ካዎተታ ኡባ ሀርገፈ ፓስ።\x - \xo 22:2 \xo*\xt መ 2:9.\xt*\x*
\p
\v 3 ሄ ካታማን አይብ ባደካ ዴና። ፆሳ ካዎተ አራታይነ ዶርሳ ካዎተ አራታይ ሄ ካታማን ዳና። ፆሳ አይለት ፆሳስ ኦና።\x - \xo 22:3 \xo*\xt ዛካ 14:10.\xt*\x* 
\v 4 ኤንቲ እያ ሶምኡዋ በአና፤ እያ ሱንይ ኤንታ ሶምኦን ፃፈታና። 
\v 5 ህዛፐ ቃም ዴና፤ ጎዳ ፆሳይ ኤንታዉ ፆምፐ ግድያ ግሾ ኤንታዉ ፆምፐ ዎይኮ አዋ ፖኦ ኮሸና። ኤንቲ መር መርናዉ ካዎታና።\x - \xo 22:5 \xo*\xt እሳ 60:19፤ ዳነ 7:18.\xt*\x*
\s1 የሱሳ ዩሳ
\p
\v 6 ኪታንቾይ ታኮ፥ “ሀ ታ ኦድያ ቃላይ ቱማነ አማንይሳ። ጎዳይ፥ ናበታ ባ ጌሻ አያናን ኪትያ ፆሳይ፥ ማታን ሀናናባ ባ አይለታ በሳናዉ ባ ኪታንቹዋ ኪትስ” ያግስ። 
\v 7 የሱሲ፥ “ሄኮ ታ ኤለሳዳ ያና፤ ሀ ማፃፋን ደእያ ትንብተ ቃላ ናግያ ኦንካ አንጀትዳይሳ” ያግስ።
\p
\v 8 ታኒ፥ ዮሃንስ፥ ሄ ኡባባ ስአስ፤ በአስ። ታኒ ሄሳ ስእዳ ዎደነ በእዳ ዎደ ሄሳ ታና በስዳ ኪታንቹዋ ጎይናናዉ እያ ቶሁዋ ቦላ ኩንዳስ። 
\v 9 ሽን ኪታንቾይ ታኮ፥ “ሄሳ ኦፋ! ታኒ ኔዳ፥ ናበታዳ ነ እሻታዳነ ሀ ማፃፋን ደእያ ኡባ ኪተትያ አይለታ መላ፤ ፆሳ ጎይና” ያግስ።
\p
\v 10 ኪታንቾይ ዛሪድ፥ “ሀ ኡባይ ፖለትያ ዎደይ ማታትዳ ግሾ ሀ ማፃፋን ፃፈትዳ ትንብተ ቃላ ማታመን ጎርዶፋ። 
\v 11 ኢታ ኦይ ጉጅድ ኢታ ኦ፤ ቱነይ ጉጅድ ቱኖ። ሎኦ ኦይ ጉጅድ ሎኦ ኦ፤ ጌየይ ጉጅድ ጌዮ” ያግስ።\x - \xo 22:11 \xo*\xt ዳነ 12:10.\xt*\x*
\p
\v 12 የሱሲ፥ “ሄኮ፥ ታኒ ኤለሳዳ ያና። እሱዋስ እሱዋስ እያ ኦሱዋዳ እማናዉ ታ ዎይቶይ ታራ ደኤስ።\x - \xo 22:12 \xo*\xt እሳ 40:10፤ 62:11፤ ማዝ 28:4፤ ኤርም 17:10.\xt*\x* 
\v 13 ታኒ አልፋነ ኦመጋ፤ ኮይሮነ ዉርሰ፤ ዶመነ ፖሎ።\x - \xo 22:13 \xo*\xt ቆን 1:8፥ 17፤ 2:8፤ እሳ 44:6፤ 48:12.\xt*\x*
\p
\v 14 “ባንታ ማኡዋ ሜጭድ ጌሸይሳት አንጀትዳይሳታ። ደኦ ም አይፍያ ማናዉነ ካታማ ፐንግያራ ገላናዉ ኤንታዉ ማት እመትስ።\x - \xo 22:14 \xo*\xt መ 2:9፤ 3:22.\xt*\x* 
\v 15 ሽን ካናት፥ ብተይሳት፥ ላይማተይሳት፥ ሸምፖ ዎይሳት፥ ኤቃ ጎይነይሳት፥ ዎርዶ ዶሰይሳትነ ኦይሳት ካረን ደኦሶና።
\p
\v 16 “ታኒ፥ የሱሲ፥ ሀ ማርካተ ህንተዉ፥ ዎሳ ኬታስ ኦዳና መላ ታ ኪታንቹዋ ኪታስ። ታኒ ዳዊታ ሼሽነ ኮቸ። ታኒ ፖእያ ጉራ ባካላ” ያግስ።\x - \xo 22:16 \xo*\xt እሳ 11:1.\xt*\x*
\p
\v 17 ጌሻ አያናይነ ገላናዉ ጊግዳ ማጫስያ፥ “ሃያ” ያጎሶና። ቃስ ሀይሳ ስእያ ኦንካ፥ “ሃያ” ያጎ። ሳሞትዳ ኦንካ ሃዮ፤ ደኦ ሃ ኮይያ ኦንካ ጮ ኤኮ።\x - \xo 22:17 \xo*\xt እሳ 55:1.\xt*\x*
\p
\v 18 ታኒ ሀ ማፃፋን ፃፈትዳ ትንብተ ቃላ ስእያ ኦናካ ዞራይስ። ኦንካ ሀ ቃላ ቦላ እስባ ጉጅኮ፥ ፆሳይ ሀ ማፃፋን ፃፈትዳ ቦሻ እያ ቦላ ጉጃና።\x - \xo 22:18 \xo*\xt ዛረ 4:2፤ 12:32.\xt*\x* 
\v 19 ኦንካ ማፃፋን ደእያ ትንብተ ቃላፐ እስባ ፓጭስኮ፥ ፆሳይ ሀ ማፃፋን ፃፈትዳ ደኦ ም አይፍያፐነ ጌሻ ካታማፐ እያ ቃዳ ፓጭሳና።
\p
\v 20 ሀ ኡባ ማርካተይስ፥ “ቱማ፥ ታኒ ኤለሳዳ ያና” ያጌስ።
\p አምንእ፤ ጎዳ የሱሳ፥ ሃያ።
\p
\v 21 ጎዳ የሱስ ክርስቶሳ አ ኬሀተይ ህንተ ኡባራ ግዶ። አምንእ።