\id PSA - GOOFA FULL BIBLE
\ide UTF-8
\h ማዝሙረ ማፃፋ
\toc1 ማዝሙረ ማፃፋ
\toc3 ማዝ
\toc2 ማዝሙረ
\mt ማዝሙረ ማፃፋ
\imt ጋ ቆፋ
\ip ማዝሙረ ማፃፋይ፥ እስራኤለ አሳ ዎሳነ ጋላታ ማዝሙረታ ሺሽድ ኦይክስ። ዱማ ዱማ አሳት አዱሳ ዎደ ግዶን ሀ ማዝሙረታ ፃፍዶሶና። እስራኤለ አሳይ ሀ ማዝሙረታ ባንታ ጎይኖ ዎደታን ጎኤቶሶና። ጉየፐ እስራኤለ አሳይ ባንታ ጌሻ ማፃፋ ግዶን ገልስዶሶና።
\ip ሀ ማዝሙረት ዳሮ ቆሞ። ጋላታነ ዎሳ ማዝሙረታ፥ ጎይኖ ማዝሙረታ፥ ፆሳይ ማዳና መላ፥ ናጋና ማላነ ሳሮ ዎና መላ ቡዞ ደኦስነ ቢታ ኡባስ ዎስያ ዎሳታ፥ ናጋራ ማሮታስ ዎስያ ዎሳታነ ሀራታ ጋድ ኦይክዳ ማዝሙረ። ሀ ማዝሙረታፐ እሶት እሶት እስ ኡራ ዎዛናን ስኤትዳ ምሻታ ቆንጭሶሶና፤ ሀራት ቃስ ፆሳ አሳ ኡባይ ኮያባነ አሳ ኡባስ ስኤትያ ሀኖታታ በሲያ ማዝሙረ።
\ip የሱሲ ታማርስሸ ማዝሙረ ማፃፋፐ ኤክስ፤ ኦራ ጫቆ ማፃፋ ፃፈትካ ማዝሙረ ማፃፋፐ ጎኤትዶሶና። ዎሳ ኬ ኤቅዳ ዎደፐ ዶምን፥ ማዝሙረ ማፃፋይ ጎይኖ ዎደ አማንያ አሳይ ጎኤትያ ኤረትዳ ማፃፋ።
\iot ማፃፋ አይፈ ቆፋታ
\io1 ኮይሮ ማፃፋ (1—41)
\io1 ናምአን ማፃፋ (42—72)
\io1 ሄን ማፃፋ (73—89)
\io1 ኦይዳን ማፃፋ (90—106)
\io1 እቻሻን ማፃፋ (107—150)
\c 1
\ms ኮይሮ ማፃፋ
\mr (ማዝ 1—41)
\s1 ናምኡ ኦገታ
\p
\v 1 ኢታታ ዞርያን ቦናይ፥
\q2 ናጋራንቾታ ኦገን ኤቆናይ፥
\q2 ቀልቅሰይሳታ ሺቆን ኡቶናይ፥
\q1 እ አንጀትዳይሳ።
\q1
\v 2 ሽን እ ጎዳ ህግያን ኡፋይቴስ፤
\q2 እያ ህግያ ጋላስነ ቃማ ቆፔስ።
\q1
\v 3 እ ጎግያ ሃ ፃጶን ቶከትድ፥
\q2 ዎደን ዎደን አይፈ እምያ፥
\q2 እያ ሀይይ ቆለቶና ም መላ።
\q1 እ ኦያ ኡባይ እያዉ ፖለቴስ።
\q1
\v 4 ሽን ኢታት ሄሳ መላ ግዶኮና፤
\q2 ጫርኮይ ፕትድ ኤፍያ ሱላ መላ።
\q1
\v 5 ኢታት ፅሎ ፕርዳ በሳን ኤቆኮና፤
\q2 ናጋራንቾት ፅሎታ ዱላታን በንቶኮና።
\q1
\v 6 ጎዳይ ፅሎታ ኦግያ ኤሬስ፤
\q2 ሽን ኢታታ ኦገይ ያና።
\c 2
\s1 ጎዳን ትየትዳይሳ አይሱዋ
\p
\v 1 ካዎተት አይስ ደንዶና?
\q2 አሳይ አይስ ጮ ማቀቶና?
\q1
\v 2 ካዎት ጎዳ ቦላነ እ ትይዳይሳ ቦላ ደንድዶሶና፤
\q2 ደርያ ሃረይሳት ኤንታ ቦላ ሺቅዶሶና።
\q1
\v 3 “ኤንታ ሳንላታ ዱስ፤
\q2 ኤንታ ቃሾ ዎዶሩዋ ሆሎስ” ያግዶሶና።
\q1
\v 4 ሳሎን ኡትዳይስ ኤንታ ቦላ ሚጬስ፤
\q2 ጎዳይ ኤንታ ቀልቅሴስ።
\q1
\v 5 እ ባ ሀንቁዋን ኤንታ ዳጋንስ፤
\q2 ባ ይሉዋን ኤንታ ያሽሴስ።
\q1
\v 6 “ታ ጌሻ ዙማ ፅዮነ ቦላ
\q2 ታ ካዋ ካዎስ” ያጌስ ጎዳይ።
\q1
\v 7 ታኒ ጎዳ ህግያ አዋጃና፤
\q2 ጎዳይ ታና፥ “ኔኒ ታ ናኣ፤
\q2 ታኒ ሀች ነዉ አዋ ግዳስ።
\q1
\v 8 ነ ታና ኦይቻ፤
\q2 ታ ነዉ ካዎተታ እማና፤
\q2 ሳአ ኡባይ ነባ ግዳና።
\q1
\v 9 ኔኒ ብራታ ፃምአን ኤንታ መንና፤
\q2 መቃ ሚሸዳ ኤንታ ትንቸረና” ያግስ።
\q1
\v 10 ህዛ፥ ካዎቶ ኤዮፕተ፤
\q2 ሀ ሳኣ ሃረይሳቶ አኬክተ።
\q1
\v 11 ጎዳ ያሻን ጎይንተ፤
\q2 ኮኮርድ ኪተትተ።
\q1
\v 12 ጎዳይ ሀንቀትን ኦገን ህንተ ዮናዳ
\q2 እያ ቱማተን ጎይንተ።
\q1 እያ ሀንቆይ ኤሶን ኤፅ ከያና፤
\q2 እያን ቆሰትድ አትዳ ኡባይ አንጀትዳይሳታ።
\c 3
\s1 መቶ በእያ ኡራ ዎሳ
\d ዳዊቲ ባ ናአ አበሰሎመፐ ባቃትዳ ዎደ ፃፍዳ ማዝሙረ
\p
\v 1 አቤት ጎዳዉ፥ ታ ሞርከት አይ መላ ዳርዶና!
\q2 ታ ቦላ ደንደይሳት አፑነ!
\q1
\v 2 ዳሮት፥ “ፆሳይ እያ አሸና” ያግድ፥
\q2 ታባ ሃሳዮሶና። \qs ሳላህ \qs*\f + \fr 3:2 \fr*\ft ማዝሙረይ የፀትያ ዎደ አዝማቸስነ ፓይዶስ ግዶን ጎዳ ቦንቾስ ካኤትያ ሙዙቃ ካሰ። ሽን ቃላ ብርሸይ ኤረተና።\ft*\f*
\q1
\v 3 ሽን አቤት ጎዳዉ፥ ነ ታዉ ጎንዳለ፤
\q2 ታ ቦንቾይነ ታና ቁ ኦይ ነና።
\q1
\v 4 ታ ቃላ ቁ ኦዳ ጎዳኮ ዋሳይስ።
\q2 እ ባ ጌሻ ዙማፐ ታዉ ዛሬስ። \qs ሳላህ \qs*
\q1
\v 5 ጎዳይ ታና ናግያ ግሾ፥
\q2 ታ ዝንአስነ ስካስ
\q2 ህርግ ባይና ባርካስ።
\q1
\v 6 ኡባ በሳራ ታ ቦላ ደንድዳ፥
\q2 ዳሮ ሙኩሉ አሳስ ያይከ።
\q1
\v 7 አቤት ጎዳዉ፥ ደንዳ!
\q2 አቤት ታ ፆሳዉ ታና አሻ!
\q1 ታ ሞርከታ ጋጩዋ ሾጫ፤
\q2 ኢታታ አቻ መን።
\q1
\v 8 ፆኖይ ጎዳሳ፤
\q2 ጎዳዉ፥ ኔኒ ነ አሳ አንጃ። \qs ሳላህ \qs*
\c 4
\s1 ኡባ ዎደ ዎሳ
\d ዛማረታ ሀላቃስ ፃፈትዳ ዳዊታ ማዝሙረ
\d ዲን የፀትያ ማዝሙረ
\p
\v 1 አቤት ታና ፅልስያ ፆሳዉ፥
\q2 ታኒ ነና ፄግያ ዎደ ታዉ ኮያ።
\q1 ታኒ ኡንኤትዳ ዎደ ነ ታና ላአ ከሳዳሳ፤
\q2 ታዉ ቃታ፤ ታ ዎሳ ስአ።
\q1
\v 2 ህንተኖ አሳዉ፥ ህንተ አዉደ ጋካናዉ
\q2 ታ ቦንቹዋ ካዉሼቲ?
\q1 አዉደ ጋካናዉ ፓናባ ዶሴቲ?
\q2 አዉደ ጋካናዉ ዎርዶ ካሌቲ? \qs ሳላህ \qs*
\q1
\v 3 ጎዳይ አማነትያ አሳታ ባዉ ዱማይድ ዎዳይሳ ኤርተ፤
\q2 ታኒ ጎዳ ፄግያ ዎደ እ ታና ስኤስ።
\q1
\v 4 ሀንቀትተ፥ ሽን ናጋራ ኦፕተ፤
\q2 ህንተ ዝንእያ ዎደ
\q2 ህንተ ዎዛና ቆርተ፤ ስእ ጊተ። \qs ሳላህ \qs*
\q1
\v 5 ጎዳስ ልከ ያርሾ ያርሽተ፤
\q2 እያን አማነትተ።
\q1
\v 6 “ኑና ሎኦባ በሳናይ ኦኔ?”
\q2 ያግድ ዳሮት ኦይቾሶና፤
\q2 አቤት ጎዳዉ፥ ነ ኑና ኬሀ አይፈን ፄላ።
\q1
\v 7 ዳሮ ግስተፈነ ዎይነ ኡሻፈ
\q2 ነ ታ ዎዛናን ዎዳ ግታ ኡፋይሳይ አስ።
\q1
\v 8 አቤት ጎዳዉ፥ ነ ፃላል ታና ሳሮ ዎያ ግሾ፥
\q2 ታኒ ዝንአዳ ዎፑ ጋዳ ስካይስ።
\c 5
\s1 ዎንታ ዎሳ
\d ዛማረታ ሀላቃስ ፃፈትዳ ዳዊታ ማዝሙረ
\d ሱሱልኤን የፀትያ ማዝሙረ
\p
\v 1 አቤት ጎዳዉ፥ ታ ቃላ ስአ፤
\q2 ታ ኦልያ ቆፓ።
\q1
\v 2 ታ ካዋዉ፥ ታ ፆሳዉ ታ ዋሱዋ ስአ፤
\q2 ታ ማደ ኮያዳ ዎስያ ዎሳ ሀይዛ።
\q1
\v 3 አቤት ጎዳዉ፥ ዎንታ ዎንታ
\q2 ታ ቃላ ስኣሳ።
\q1 ዎንታ ዎንታ ታ ዎሳ ነ ስን ሺሻይስ፤
\q2 ታ ነ ዛሩዋ ናጋይስ።
\q1
\v 4 ኔኒ ኢታተን ኡፋይቶና ፆሰ፤
\q2 ኢታባይ ኔራ ዴና።
\q1
\v 5 ኦቶራንቾት ነ ስንን ኤቆኮና፤
\q2 ኢታባ ኦያ ኡባ ነ እፃሳ።
\q1
\v 6 ዎርዶ ኦደተይሳታ ነ ይሳሳ፤
\q2 ጎዳይ ሱ ጉሰይሳታነ
\q2 ጭመይሳታ እፄስ።
\q1
\v 7 ሽን ታ ነ ግታ ማሮተን ነ ኬ ገላና፤
\q2 ነ ጌሻ በሳኮ ስማዳ ነና ቦንቾን ጎይናና።
\q1
\v 8 አቤት ጎዳዉ፥ ታ ሞርከታ ግሾ ጋዳ፥
\q2 ታና ነ ፅሎተን ካለ፤
\q2 ነ ኦግያ ታ ስንን ሱርሳ።
\q1
\v 9 ኤንታ መተርሻን ቱም ባዋ፤
\q2 ኤንታ ዎዛናን ይሶይ ኩምስ።
\q1 ኤንታ ዶናይ ዶየትዳ ዱፎ መላ፤
\q2 ኤንቲ ባንታ እንፃርሳን ጭሞሶና።
\q1
\v 10 ኤንቲ ነ ቦላ ማካልዳ ግሾ፥
\q2 አቤት ፆሳዉ፥ ኤንታ ፕርዳ፤
\q1 ኤንታ ቶባይ ኤንታ ኤክድ ቦ፤
\q2 ኤንታ ዳሮ ናጋራ ግሾ ኤንታ የደ።
\q1
\v 11 ሽን ኔኮ ባቃትድ አትዳ ኡባይ ኡፋይቶ፤
\q2 ኤንቲ መርናዉ ኡፋይሳን የፆ።
\q1 ነ ሱን ዶስያ ኡባይ ነናን ኡፋይታና መላ፤
\q2 ኔኒ ኤንታ መርናዉ ናጋ።
\q1
\v 12 አቤት ጎዳዉ፥ ኔኒ ፅሎታ አንጃሳ፤
\q2 ጎንዳለን አሸይሳዳ ነ ኬሀተን እያ አሻ።
\c 6
\s1 ኡንአ ዎደ ዎሳ
\d ዛማረታ ሀላቃስ ፃፈትዳ ዳዊታ ማዝሙረ
\d ሆስፑን ሻያን የፀትያ ማዝሙረ
\p
\v 1 አቤት ጎዳዉ፥ ነ ይሉዋን ታና ሴሮፓ፤
\q2 ነ ሸንያን ታና ሀንቆፋ።
\q1
\v 2 አቤት ጎዳዉ፥ ታኒ ዳቡራንቾ ግድዳ ግሾ ታና ማራ፤
\q2 አቤት ጎዳዉ፥ ታ ዎዛናይ አርጋጭዳ ግሾ ታና ምን።
\q1
\v 3 ታ ሸምፕያ ዳሮ ኡንኤታሱ፤
\q2 ታና ማዳናዉ አዉደ ጋካናዉ ጋምአይ?
\q1
\v 4 አቤት ጎዳዉ፥ ኔኒ ስማዳ ታና አሻ፤
\q2 ነ ኬሀተ ዳሩዋን ታና ከሳ ኤካ።
\q1
\v 5 ሀይቅዳ አሳ ግዶፈ ነና ሀሳየይ ባዋ፤
\q2 ዱፎን ግድድ ነና ጋላተይ ኦኔ?
\q1
\v 6 ታኒ ኦለን ዳቡራስ፤
\q2 ቃማ ኩመ ዬካሸ ታ ሂፃ እርፅሳስ፤
\q2 ታ አርሳ አፉን ዎቅሳስ።
\q1
\v 7 ታ ሞርከታ ጋሶን ታ አይፈይ ሙልጫትስ፤
\q2 ታኒ አፉፅዳ ግሾ ደሞና እፅስ።
\q1
\v 8 ጎዳይ ታ ዬሁዋ ስእዳ ግሾ፥
\q2 ህንተኖ፥ ኢታ ኦይሳቶ ታፐ ሃክተ።
\q1
\v 9 ጎዳይ ታ ዋሱዋ ስእስ፤
\q2 ታ ዎሳ ኤክስ።
\q1
\v 10 ታ ሞርከት ኡባይ ዬላትዶሶና፤ ዳጋምዶሶና፤
\q2 ቆፖና ጉየ ስሚድ ካዉይዶሶና።
\c 7
\s1 መቶ ዎደ ፅሎ አሳ ዎሳ
\d ብንያመ ኮቻ ኩዛባ ዳዊታ ጎዳስ የፅዳ ማዝሙረ
\p
\v 1 አቤት ጎዳዉ ታ ፆሳዉ፥ ታ ነናን ቆሰታይስ፤
\q2 ታና የደያ ኡባፈ ታና አሻ።
\q1
\v 2 ኔኒ ታና አሾናባ ግድያኮ፥
\q2 ኤንቲ ታና ጋሞዳ ዛዛና፤
\q2 አሽያ አስ ባይና መንረናሽን።
\q1
\v 3 አቤት ጎዳዉ ታ ፆሳዉ፥
\q2 ታ ሀይሳ መላባ ኦዳባ ግድኮ፥
\q2 ታኒ አሰ ናቅዳባ ግድኮ፥
\q2
\v 4 ታ ላገታስ ሎኦ ግሾ ኢታ ዛርዳባ ግድኮ፥
\q2 ጋሶይ ባይና ታ ሞርክያ ቦንቅዳባ ግድኮ፥
\q2
\v 5 ታ ሞርከይ ታና የደድ ኦይኮ፤
\q2 ታና ሳአን የግድ የ፤
\q2 ታና ባናን ጎንዶርስድ ካዉሾ። \qs ሳላህ \qs*
\q1
\v 6 አቤት ጎዳዉ፥ ነ ሀንቁዋን ደንዳዳ፥
\q2 ኤፅያ ታ ሞርከታ ሀንቁዋ ቦላ ኤቃ፤
\q2 ታ ፆሳዉ፥ ታ ግሾ ባርካ፤
\q2 ኔኒ ፅሎ ፕርዳ ኮያሳ።
\q1
\v 7 አሳይ ነ ዩሾን ሺቆ፤
\q2 ኔኒ ኤንታፈ ቦላራ ሃራ።
\q1
\v 8 ጎዳይ ካዎተታ ቦላ ፕርዴስ፤
\q2 አቤት ጎዳዉ፥ ታ ፅሎተዳነ
\q2 ታ ሱረተዳ ፕርዳ።
\q1
\v 9 ቆፋነ ዎዛና ሻካዳ ኤርያ ፅሎ ፆሳዉ፥
\q2 ኢታታ ጌላ ሀኖታ ኔኒ ተቃ፤
\q2 ሽን ፅሉዋ ሳሮን ናጋ።
\q1
\v 10 ዎዛና ሱረታ አሽያ፥
\q2 ፆሳይ ታዉ ጎንዳለ።
\q1
\v 11 ፆሳይ ፅሎ ፕርደይሳ፤
\q2 እ ኡባ ዎደ ኢታታ ቦላ ሀንቀትያ ፆሳ።
\q1
\v 12 ኢታት ባንታ ኢታተፈ ስሞና እፅኮ፥
\q2 ፆሳይ ባ ማሻ ሌፈስ፤
\q2 ባ ዶንግያ ጊግሴስ።
\q1
\v 13 እ ባ ዎያ ኦላ ሚሸታ ጊግሴስ፤
\q2 ላፅያ ባ ዶንገ ቶራ ፕቴስ።
\q1
\v 14 ኢታት ቆሆ ቃንትድ፥
\q2 ገነ ዎደፅድ፥
\q2 ዎርዶ የሎሶና።
\q1
\v 15 ሀራ አሳስ ኦላ ቦክዳ አስ
\q2 ባ ቦክዳ ኦላን ባዉ ኩንዴስ።
\q1
\v 16 እያ ገነይ እያ ሁጰን ስሜስ።
\q2 እያ ጌላተይ እያ ሜስ።
\q1
\v 17 እያ ፅሎተ ግሾ ታኒ ጎዳ ሳባና፤
\q2 ኡባፈ ቃ ጎዳ ሱንስ
\q2 ታኒ ጋላታ ማዝሙረ የፃና።
\c 8
\s1 ያሽያ ፆሳ ቦንቹዋ
\d ዛማረታ ሀላቃስ ፃፈትዳ ዳዊታ ማዝሙረ
\d ሱሱልኤን የፀትያ ማዝሙረ
\q1
\v 1 አቤት ጎዳዉ ኑ ፆሳዉ፥
\q2 ነ ሱንይ ቢታ ኡባን ዋንድ ቦንቸትደ!
\q1 ኔኒ ነ ቦንቹዋ ሳሎፐ ቦላራ
\q2 ቁ ቁ ኦዳሳ።
\q1
\v 2 ኔኒ ነ ሞርከታ ግሾ
\q2 ነ ሞርክያነ ነና ማንደይሳ ስእ ኦናዉ፥
\q2 ጉ ናይታ ዶናን
\q2 ምያ ናይታ ዶናን ጋላታ\f + \fr 8:2 \fr*\fq ጋላታ፦ \fq*\ft እብራወ ዶናን ጉ ናይታ ጋላታን ምኖተ ሺሻሳ ጉሱ።\ft*\f* ኩንዳሳ።
\q1
\v 3 ኔኒ ነ ብራን መዳ ነ ሳሎታ፥
\q2 እያ በሳን በሳን ኔኒ ዎዳ አጌናነ
\q2 ፆልንቶታ ታኒ በእያ ዎደ፥
\q2
\v 4 ኔኒ አሳባ ቆፓናዉ አስ አይቤ?
\q2 ዎይኮ ኔኒ እያ ፆሞሳናዉ እ አይቤ?
\q1
\v 5 እያ ነ ኔፐ ጉራ ጉዳሳ፤
\q2 ቦንቾነ ግታተ ካላቻ
\q2 እያ ሁጰን ዎዳሳ።
\q1
\v 6 ነ መዳ መተ ኡባ፥
\q2 ሃራና መላ ነ እያ ሹማዳሳ፤
\q2 ኡባ እያ ቶሁዋፐ ጋርሳራ ዎዳሳ።
\q1
\v 7 ዶርሳታነ መሄታ፥
\q2 ዎራ ዶአታ ኡባ፥
\q2
\v 8 ሳሎ ካፎታ፥ አባ ሞሎታነ
\q2 ሃ ጋርሳን ቃፅያ ኡባ
\q2 እያዉ ሃርሳዳሳ።
\q1
\v 9 አቤት ጎዳዉ ኑ ፆሳዉ፥
\q2 ነ ሱንይ ቢታ ኡባን ዋንድ ቦንቸትደ!
\c 9
\s1 ኢታታ ቦላ ያና ፕርዳ
\d ዛማረታ ሀላቃስ ፃፈትዳ ዳዊታ ማዝሙረ
\d “ናአ ሀይቆን” ጌተትያ ጩን የፀትያ ማዝሙረ
\p
\v 1 አቤት ጎዳዉ፥ ታ ነና ታ ኩመ ዎዛናፐ ጋላታና፤
\q2 ኔኒ ኦዳ ማላልስያ ኦሶ ኡባ ኦዳና።
\q1
\v 2 ታኒ ነናን ኡፋይታና ሀሹ ጋና።
\q2 ኡባፈ ቃ ፆሳዉ፥
\q2 ታኒ ነ ሱንስ ጋላታ ማዝሙረ የፃና።
\q1
\v 3 ታ ሞርከት ጉየ ስምያ ዎደ፥
\q2 ነ ስንፈ በትድ ያና።
\q1
\v 4 ነ አራታን ኡታዳ ታዉ ፅሎ ፕርዳሳ፤
\q2 ታ ሞቱዋ ነ ፅሎተን ኦይካዳሳ።
\q1
\v 5 ኔኒ ካዎተታ ሴራዳሳ፤
\q2 ኢታታ ይሳዳሳ።
\q1 ኔኒ ኤንታ ሱን መርናዉ ቁቻዳሳ።
\q1
\v 6 ሞርከት መርናዉ ይዶሶና፤
\q2 ኤንታ ካታማታ ኩመ ላላዳሳ፤
\q2 ኤንቲ ኩመ ዶገትዶሶና።
\b
\q1
\v 7 ሽን ጎዳይ መርናዉ ካዎትድ ደኤስ፤
\q2 እ ባ አራታ ፕርዳስ ጊግስስ።
\q1
\v 8 ሀ ሳኣ ፅሎተን ፕርዳና፤
\q2 ደረታ ሱረተን አይሳና።
\b
\q1
\v 9 ጎዳይ ኡንኤትዳይሳታስ አትያ በሲ፤
\q2 መቶ ዎደ ገልድ አትያ ቆታ።
\q1
\v 10 ነና ኤረይሳት ነናን አማነቶሶና፤
\q2 ጎዳዉ፥ ነና ኮየይሳታ የጋ አጋካ።
\q1
\v 11 ፅዮነን ካዎትዳ ጎዳ ጋላትተ፤
\q2 እ ኦዳ ኦሱዋ አሳ ኡባስ ኦድተ።
\q1
\v 12 ሀሎ ከይያ ፆሳይ ጉክዳ ፅሎ ሱ ዶገና፤
\q2 ቦረትዳይሳታ ዋሱዋ ቀል ጌና።
\q1
\v 13 አቤት ጎዳዉ፥ ታዉ ቃታ፤
\q2 ታ ሞርከት ታ ቦላ ኤህያ መቱዋ በአ፤
\q2 ሀይቆፐ ታና አሻ።
\q1
\v 14 ፅዮነ አሳ ግዶን ታኒ ኤቃዳ፥
\q2 ነ ጋላታ ኦዳና፤
\q2 ነ አቶተን ኡፋይታና።
\q1
\v 15 ካዎተት ባንታ ቦክዳ ኦላን
\q2 ባንታዉ ኩንድዶሶና፤
\q2 ኤንቲ ዎዳ ፅሄይ ኤንታ ቶሁዋ ኦይክስ።
\q1
\v 16 ጎዳይ ባ ፅሎ ፕርዳን ኤረትስ፤
\q2 ኢታ አሳይ ባንታ ኢታ ኦሱዋን ኦይከትዶሶና። \qs ሳላህ \qs*
\q1
\v 17 ኢታት ዱፎ ባና፤
\q2 ፆሳ ዶግያ ካዎተት ኡባይ ኤንታዳ ሀናና።
\q1
\v 18 ማንቆይ ኡባ ዎደ ዶገትድ አተና፤
\q2 መቶታንቹዋ ኡፋይሳይ መርናዉ የና።
\q1
\v 19 አቤት ጎዳዉ ደንዳ፤ አስ ፆኖፖ!
\q2 ካዎተት ነ ስንን ፕርደቶ።
\q1
\v 20 አቤት ጎዳዉ ኤንታ ኔኒ ያሽሳ፤
\q2 ካዎተት አሰ ግደይሳ ኤሮ። \qs ሳላሀ።\qs*
\c 10
\s1 ሱረ ፕርዳ ኮሻ ዎሳ
\d ዳዊታ ማዝሙረ
\q1
\v 1 አቤት ጎዳዉ፥ አይስ ሃካዳ ኤቃይ?
\q2 መቶ ዎደ አይስ ኔኒ ጌማይ?
\q1
\v 2 ባ ኦቶሩዋን ኢታ አስ ማንቁዋ የደስ፤
\q2 ኤንቲ ባንታ ማቁዋን ባንታዉ ኦይከትዶሶና።
\q1
\v 3 ኢታ አስ ባ ኢታ አሙዋን ጬቀቴስ፤
\q2 ባ ኡዝያን ጎዳ ጫዬስነ ካስ።
\q1
\v 4 ኢታት ባንታ ኦቶሩዋን ፆሳ ኮዮኮና፤
\q2 ባንታ ቆፋን ፆሳስ በሰ እሞኮና።
\q1
\v 5 እያዉ ኡባ ዎደ እንጀቴስ፤
\q2 ነ ህገይ እያዉ ገለና፤
\q2 ባ ሞርከታ እ ቀልቅሴስ።
\q1
\v 6 ባ ዎዛናን፥ “ታና አይብካ ቃና
\q2 ታና መቶይ ጋከና” ያግድ ቆፔስ።
\q1
\v 7 እያ ዶናን ባደ፥
\q2 ዎርዶይነ ማንደ ኩምስ።
\q2 ገነይነ ኢታተ እያን እንፃርሳን ደኤስ።
\q1
\v 8 ጉታታን ዙግድ ኡቴስ፤
\q2 ሱረ አሳታ ዎናዉ ቆሰትድ ናጌስ፤
\q2 ዎልቅ ባይና ዳቡራንቾታ ዎቼስ።
\q1
\v 9 ባ ቆሰትዳ በሳን ጌምድ፥
\q2 ማንቁዋ ኦይካናዉ ጋሞዳ ዙጌስ፤
\q2 እያ ኦይክድ ባ ፅህያን ጎችድ ኤፌስ።
\q1
\v 10 ዎልቅ ባይና ማንቁዋ ሾጭድ የጌስ፤
\q2 እያ ቶሁዋ ጋርሳን እ ኩንዴስ።
\q1
\v 11 እ ባ ዎዛናን፥ “ፆሳይ ዶግስ።
\q2 ባ ሶምኡዋ ገንድ በኤና” ያጌስ።
\q1
\v 12 አቤት ጎዳዉ፥ ደንዳ!
\q2 ፆሳዉ፥ ነ ዎልቃማ ኩሽያ ደን፤
\q2 ማንቆታ ዶጎፓ።
\q1
\v 13 ኢታ አሳት ፆሰ አይስ ካኦና?
\q2 ባንታ ዎዛናን፥ “ፆሳይ ኑና ሴረና” አይስ ያጎና?
\b
\q1
\v 14 ሽን ፆሳዉ፥ ነ መቱዋነ ኡንኣ በኣሳ፤
\q2 ኔኒ ማዳናዉ ጊጋ ኡታዳሳ።
\q1 ኔኒ ይኦታስ ማደ፥
\q2 ቆሄትዳይ ነ ማዳና መላ
\q2 ባና ነዉ አድ እሜስ።
\q1
\v 15 ገነ አሳታ ዎልቃ መን፤
\q2 ኢታ አሳታ ሴራ፤
\q2 ዛሪድ ኤንታ ግዶን ኢታተ በንቶፎ።
\q1
\v 16 ጎዳይ መርናዉ ካዎትድ ደኤስ፤
\q2 ሀራ ካዎተት እያ ቢታፈ ያና።
\q1
\v 17 አቤት ጎዳዉ፥ ኔኒ አሽከታ አሙዋ ኩንሳ፤
\q2 ኤንታ ምን፤ ኤንታ ዎሳ ስአ።
\q1
\v 18 ይኦታነ ኡንኤትዳይሳታ ቆሆና መላ፥
\q2 ሳአን ደእያ ኦንካ ኤንታ ያሽሶና መላ፥
\q2 ኔኒ ኤንታዉ ፕርዳ።
\c 11
\s1 ፅሎ አሳ ጬቆ
\d ዛማረታ ሀላቃስ ፃፈትዳ ዳዊታ ማዝሙረ
\p
\v 1 ጎዳይ ታኒ ቆሰታዳ አትያ በሲ፤
\q2 ያትን አይስ “ካፎዳ ዙማኮ ባቃታ” ያገቲ?
\q1
\v 2 ናጋራንቾት ፅሎታ ማን ጫዳናዉ፥
\q2 ባንታ ዶንግያ ዋፅድ ኡትዶሶና።
\q1
\v 3 ባሶይ ዎድዳ ዎደ፥
\q2 ፅሎ አስ አይ ኦናዉ ዳንዳኢ?
\b
\q1
\v 4 ጎዳይ ባ ጌሻ በሳን ደኤስ፤
\q2 ሳሎን ባ አራታን ኡትድ አሳ ፄሌስ፤
\q2 ጎዳ አይፈይ አሳ ፕልጌስ፤ ዎቼስ።
\q1
\v 5 ጎዳይ ፅሉዋነ ዎርዱዋ ፕልጌስ፤
\q2 ኢታተ ዶሰይሳታ እፄስ።
\q1
\v 6 ጎዳይ ኢታታ ቦላ ኤፅያ ታማ ቦንቆነ
\q2 ዲነ ቡክሳና፤
\q2 ይስያ ጎተን ኤንታ ሴራና።
\q1
\v 7 ጎዳይ ፅሎ ግድዳ ግሾ፥ ፅሎተ ዶሴስ፤
\q2 ሱረ አሳት እያ ሶምኡዋ በአና።
\c 12
\s1 አላመ ኢታተፈ አተ ዎሳ
\d ዛማረታ ሀላቃስ ፃፈትዳ ዳዊታ ማዝሙረ
\p
\v 1 ፆሳ አስ ቢታፈ ዉርዳ ግሾ፥
\q2 አሳ ግዶን አማነተ ባይና ግሾ፥
\q2 ጎዳዉ ኑና ማዳርኪ?
\q1
\v 2 ኡባይ ዎርዶ ሃሳዮሶና፤
\q2 እሶይ እሱዋ ጭምያ እንፃርሳን
\q2 ናምኡ ዎዛናን ኦደቶሶና።
\q1
\v 3 አቤት ጎዳዉ፥ ጭምያ ዶና ጎርዳ፤
\q2 ኦቶሮን ጬቀትያ እንፃርሳ ተቃ።
\q1
\v 4 ኤንቲ፥ “ኑ እንፃርሳን ኑ ፆናና፤
\q2 ኑ ዶናይ ኑሳ፤
\q2 ኑስ ጎድ ኦኔ?” ያጎሶና።
\q1
\v 5 “ማንቆታ ኡንኣ ግሾነ፥
\q2 መቶታንቾታ ኦልያ ግሾ፥
\q2 ሀእ ታኒ ደንዳና፤
\q2 ኤንቲ አሞትያ ሳሮተ ኤንታዉ እማና” ያጌስ ጎዳይ።
\q1
\v 6 ጎዳ ቃላይ ጌሽ፤
\q2 ታማን ላፑን ቶሆ ሴርዳ ብራዳ ጌሽ።
\q1
\v 7 አቤት ጎዳዉ ኔኒ ኤንታ ናጋ፤
\q2 ሀይሳ መላ አሳፐ መርናዉ ኤንታ አሻ።
\q1
\v 8 ኢት አሳ ግዶን ቦንቸትያ ዎደ፥
\q2 ጌላ አሳት ጬቀትሸ ስመረቶሶና።
\c 13
\s1 ፆሳን ዘምፕያ ኡራ ዎሳ
\d ዛማረታ ሀላቃስ ፃፈትዳ ዳዊታ ማዝሙረ
\p
\v 1 አቤት ጎዳዉ አዉደ ጋካናዉ ታና ዶጋይ?
\q2 አዉደ ጋካናዉ ኔኒ ታፐ ጌማይ?
\q1
\v 2 ታ ሸምፕያ አዉደ ጋካናዉ ኡንኤታኔ?
\q2 ታ ዎዛናይ አዛኖን አዉደ ጋካናዉ ዳኔ?
\q2 ታ ሞርከይ ታ ቦላ አዉደ ጋካናዉ ጎባኔ?
\q1
\v 3 ጎዳዉ ታ ፆሳዉ፥
\q2 ሀእ ታና ፄላዳ ታዉ ዛራ።
\q1 ታ አይፍያ ፖእሳዳ፥
\q2 ታና ሀይቆፐ አሻ።
\q1
\v 4 ታ ሞርከት፥ “ኑኒ እያ ፆንዳ”፥
\q2 ያግድ ጬቀቶናዳ ተቃ፤
\q2 ታ ኩንደን ኤንቲ ኡፋይቶናዳ ድጋ።
\q1
\v 5 ሽን ታኒ ነ ማሮተን አማነታይስ፤
\q2 ኔኒ ታና አሽያ ግሾ ኡፋይታይስ።
\q1
\v 6 ነ ታዉ ኬህዳ ግሾ፥
\q2 ጎዳዉ፥ ታ ነዉ የፃና።
\c 14
\s1 ፆሰ ኤሮና አሳታ
\d ዛማረታ ሀላቃስ ፃፈትዳ ዳዊታ ማዝሙረ
\p
\v 1 ኤያት ባንታ ዎዛናን፥ “ፆሲ ባዋ” ያጎሶና፤
\q2 ኤንታ ደኦይ ኢትስ።
\q1 ኤንቲ እፀትዳባ ኦሶና፤
\q2 ሎኦባ ኦያ አስ ባዋ።
\q1
\v 2 አኬከይነ ፆሰ ኮየይ ደእያኮ በአናዉ፥
\q2 ጎዳይ ሳሎፐ ዱገ አሰ ፄሌስ።
\q1
\v 3 ሽን ኡባይ ዞኮ ዛርዶሶና፤
\q2 ኡባይ ጎኦናባ ግድዶሶና።
\q1 ሎኦባ ኦያ ኦንካ ባዋ፤
\q2 ሀር አቶሽን እስ አስካ ባዋ።
\q1
\v 4 አስ ካ መይሳዳ፥
\q2 ኤንቲ ታ አሳ ቦንቅድ ሞሶና፤
\q2 ሀ ኢታ አሳት አይባካ ኤሮኮና፤
\q2 ኤንቲ ፆሳ ዎሶኮና።
\q1
\v 5 ሽን ፆሳይ ፅሎ አሳራ ደእያ ግሾ፥
\q2 ኢታ አሳት ያሻን ኮኮሮሶና።
\q1
\v 6 ህንተ ማንቆታ ቆፋ ላሌታ፤
\q2 ሽን ጎዳይ ማንቆት ቆሰትድ አትያ በሰ።
\q1
\v 7 እስራኤለስ አቶተ ፅዮነፐ ዬረነ!
\q2 ጎዳይ ኤንታ ዱሳ ዛርያ ዎደ፥
\q1 ያይቆባ ኮቻይ ኡፋይታና፤
\q2 እስራኤለ አሳይ ሀሹ ጋና።
\c 15
\s1 ፆሲ ዶስያ አሳ ካንዶ
\d ዳዊታ ማዝሙረ
\p
\v 1 አቤት ጎዳዉ፥ ነ ዱንካንያን ጋምአናይ ኦኔ?
\q2 ነ ጌሻ ዙማ ቦላ ዳናይ ኦኔ?
\q1
\v 2 ሱረ ደኦ ደኤይ፥
\q2 ፅሎባ ኦይ፥
\q2 ባ ዎዛናፐ ቱማ ኦደተይ፥
\q2
\v 3 ሀራ አሳ ሱን ኢሶናይ፥
\q2 ባ ላግያ ቦላ ኢታባ ኦናይ፥
\q2 ባ ላግያ ዝግሮናይ፥
\q2
\v 4 ኢታ አሳታ ካይ፥
\q2 ጎዳ ያይያ አሳታ ቦንቸይ፥
\q2 ቆሄትድካ ባ ጫቁዋ ፖለይ፥
\q2
\v 5 ባ ሚሽያ የሎን ታልኦናይ፥
\q2 ፅሎ አስ ቆሀናዉ ዎፈ ኤኮናይ፥
\q2 ሀይሳታ ኦያ ኡራይ መርናዉ ቃፀና።
\c 16
\s1 ፆሳይ ታ ላታ
\d ዳዊታ ዎሳ
\p
\v 1 አቤት ፆሳዉ፥
\q2 ታ ኔኮ ባቃትያ ግሾ ታና ናጋ።
\q1
\v 2 ታኒ ፆሳ፥ “ኔኒ ታ ጎዳ፤
\q2 ኔፐ አትሽን፥ ሀር ሎኦባይ ታዉ ባዋ” ያጋስ።
\q1
\v 3 ሳአን ደእያ ጌሻት
\q2 አይ መላ ቦንቸትዶና!
\q2 ታ ኤንታራ እስፈ ኡፋይታይስ።
\q1
\v 4 ሀራ ፆሳታ ካለይሳት
\q2 ባንታ ቦላ መቶ ዳርሶሶና።
\q1 ሽን ታኒ ሀራ ፆሳታስ ሱ ያርሽከ፤
\q2 ታኒ ኤንታ ሱን ፄግከ።
\q1
\v 5 ታ ጎዳዉ ታ ላታይ ነና፤
\q2 ታዉ ኮሽያ ኡባ ታዉ እማሳ፤
\q2 ታ ደኡዋ ሳማይ ነና።
\q1
\v 6 ታና ጋክዳ ሳማይ አይ መላ ሎኦ!
\q2 ኤ ታ ላታይ ቱማ ሎኦ!
\q1
\v 7 ታና ዞርዳ ጎዳ ጋላታይስ፤
\q2 ቃማ ታ ዎዛናይ ታና ታማርሴስ።
\q1
\v 8 ታኒ ኡባ ዎደ ጎዳ ታ ስንን በአይስ፤
\q2 እ ታ ኡሻቻን ደእያ ግሾ ዳጋምከ።
\q1
\v 9 ሄሳ ግሾ፥ ታ ዎዛናይ ኡፋይቴስ፤
\q2 ታ እንፃርሳይ ጋላቴስ፤
\q2 ታ አሳተይ ህርግ ባይና ደኤስ።
\q1
\v 10 ታ ሸምፕዉ ስኦለን አጋካ፤
\q2 ነ ጌሻ ዎቃና መላ ኦካ።
\q1
\v 11 ታና ደኦ ኦግያ በሳሳ፤
\q2 ነ ስንን ኩመ ኡፋይስ ደኤስ፤
\q2 ነ ኡሻቻን መርና እንጀይ ደኤስ።
\c 17
\s1 ፅሎ አሳ ዎሳ
\d ዳዊታ ዎሳ
\p
\v 1 አቤት ጎዳዉ፥ ታ ፅሎ ማጋኑዋ ስአ፤
\q2 ታኒ ኔኮ ዋስያ ዋሱዋ ሀይዛ።
\q1 ጭሞን ግዶናሽን ቱማን፥
\q2 ዎስያ ዎሳ ዛራ።
\q1
\v 2 ነ ፅሎ ፕርዳይ ታዉ ቆንጮ፤
\q2 ነ አይፈይ ቱማ ፄሎ።
\q1
\v 3 ኔኒ ቃማ ታና ፆሞሳዳሳ፤
\q2 ታ ዎዛና ፓጫዳሳ።
\q1 ሽን ፓጫዳካ ታ ቦላ አይኮካ ደማባካ፤
\q2 ታ እንፃርሳይካ ባለትቤና።
\q1
\v 4 ታኒ ሀራ አሳታዳ ኢታባ ሃሳይከ፤
\q2 ታኒ ነ ቃላ ናግያ ግሾ፥ ገነ ኦግያ ካላብከ።
\q1
\v 5 ታ ቶሆይ በቶና መላ፥
\q2 ታ ታንጎይ ነ ኦግያፐ ጋፃ ከይቤና።
\b
\q1
\v 6 አቤት ፆሳዉ ታ ዎሳ ነ ስእያ ግሾ፥
\q2 ታኒ ነና ዎሳይስ።
\q1 ነ ሀይ ታኮ ዛራዳ፥
\q2 ታ ቃላ ስአ።
\q1
\v 7 ባንታ ሞርከታፐ ባቃተይሳታ፥
\q2 ነ ኡሻቻ ኩሸን ቆታዳ አሸይሶ፥
\q2 ነ ኬሀተ ማላልስያ ኦገን በሳ።
\q1
\v 8 ነ አይፈ ናኤ መላ ታና ናጋ፤
\q2 ነ ቀፍያ ጋርሳን ታና ቆሳ።
\q1
\v 9 ታና ኡንኤያ ኢታታፐ፤
\q2 ተቅድ ኦይክዳ ሞርከታፐ አሻ።
\q1
\v 10 ኤንታዉ ቃይ ባዋ፤
\q2 ኦቶሮን ሃሳዮሶና።
\q1
\v 11 ታና ጎድድ ኦይክዶሶና፤ ተቅዶሶና፤
\q2 ታና ቢታን ሆልድ የጋናዉ ፄሎሶና።
\q1
\v 12 ኤንቲ ምያባ ኮይያ ጋሞ መላ፤
\q2 ቆሰትድ ናግያ ዎዳላ ጋሞ መላ።
\b
\q1
\v 13 ጎዳዉ፥ ደንዳ፤
\q2 ታ ሞርከታራ ኤቀታዳ ኤንታ ሳአን የጋ፤
\q2 ነ ማሻን ኢታታ ኩሸፐ ታና አሻ።
\q1
\v 14 ጎዳዉ፥ ሀይሳ መላ አሳፐ ታና ቆሳ፤
\q2 ኤንታ ቃዳይ ሳአባ ግድዳ አሳፐ
\q2 ነ ኩሸን ታና አሻ።
\q1 ነ ምንጅዳ ሴራን ኤንታ ካልሳ፤
\q2 ሄ ሴራይ ኤንታ ናይታስ ግድድ፥
\q2 ኤንታ ናይታ ናይታስ ፓላሆ።
\q1
\v 15 ሽን ታኒ ፅሎተን ነ ሶምኡዋ በአና፤
\q2 ታ ባርክያ ዎደ ነ ማላ በአዳ ኡፋይታና።
\c 18
\s1 ፆኖ ማዝሙረ
\d ዛማረታ ሀላቃስ ፃፈትዳ ዳዊታ ማዝሙረ
\d ጎዳይ እያ ሞርከታፐነ ሳኦላ ኩሸፐ አሽዳ ዎደ ዳዊታ ጎዳስ የፅዳ ማዝሙረ
\p
\v 1 አቤት ጎዳዉ፥ ታ ዎልቃዉ፥
\q2 ታኒ ነና ዶሳይስ።
\q1
\v 2 ጎዳይ ታ ዛላ፤ ታ ሚፃ፤ ታና አሸይሳ፤
\q2 ታ ፆሳይ ታ እያኮ ባቃትያ ታ ዛላ።
\q1 እ ታዉ ጎንዳለ፤ ታና አሽያ ዎልቃ፤
\q2 ታኒ ቆሰታዳ አትያ በሰ።
\q1
\v 3 ጋላታ በሲያ ጎዳ ታ ፄጋይስ፤
\q2 ታ ሞርከታፐ ታኒ አታና።
\b
\q1
\v 4 ሀይቆ ዎዶሮይ ታና ጩልስ፤
\q2 ዮ ድኦይ ታና ዳጋንስ።
\q1
\v 5 ዱፎ ዎዶሮይ ታ ቦላ ፃፀትስ፤
\q2 ሀይቆ ፅሄይ ታና ኦይክስ።
\q1
\v 6 ታ ኡንአን ጎዳ ፄጋስ፤
\q2 ታና ማዳና መላ ታ ፆሳኮ ዋሳስ።
\q1 ባ ኬን ግድድ ታ ግርሳ ስእስ፤
\q2 ታ ዋሶይ እያ ሀይን ዎስ።
\b
\q1
\v 7 ፆሳይ ሀንቀትዳ ግሾ፥
\q2 ቢታይ ቃፅስ፤
\q2 ደረታ ፃጶይ ኮኮርስ።
\q1
\v 8 እያ ሲያፐ ሀንቆ ጩያይ ከይስ፤
\q2 እያ ዶናፐ ምያ ታማ ላጮይ ከይስ፤
\q2 እ ፁግያ ቦንቆ ጩትስ።
\q1
\v 9 ሳሉዋ ጳልቅድ ዎስ፤
\q2 እያ ቶሁዋፐ ጋርሳን ማ ሻር ደኤስ።
\q1
\v 10 ክሩበታ ቦላ ኡትድ ፓልስ፤
\q2 ጫርኮ ቀፈን ፑደ ደንድስ።
\q1
\v 11 ባና ማን ካምስ፤
\q2 እያ ዱንካነይ እራን ኩምዳ ሻራ።
\q1
\v 12 እያ ስንን ደእያ ግታ ፖኡዋፐ
\q2 ሻችነ ታማ ላጮይ ከይድ
\q2 ማ ሻራ ካንድ ብስ።
\q1
\v 13 ጎዳይ ዳዳዳ ሳሎፐ ጉምስ፤
\q2 ኡባፈ ቃ ፆሳይ ባ ግርሳ ስስስ፤
\q2 ዎልአንንነ ታማ ላጮን ቆንጭስ።
\q1
\v 14 ባ ዶንግያ ዱክድ ባ ሞርከታ ላልስ፤
\q2 ዎልአን ፖኦ ኪትድ ኤንታ የደስ።
\q1
\v 15 አቤት ጎዳዉ፥ ኔኒ ሴርዳ ዎደ፥
\q2 ሸነታዳ ፔኑቅዳ ዎደ፥
\q1 አባይ ዝንእዳ ቢታይ በንትስ፤
\q2 ሳአ ባሶይ ቆንጭስ።
\b
\q1
\v 16 ጎዳይ ቦላፈ ኩሽያ የድድ ታና ኦይክስ፤
\q2 ጪሞ ሃፈ ታና ዳፍድ ከስስ።
\q1
\v 17 ታ ቦላ ዳሮ ዎልቃምዳ
\q2 ታ ሞርከታፐነ
\q2 ታና እፀይሳታፐ አሽስ።
\q1
\v 18 ታ መቶትዳ ዎደ ኤንቲ ታ ቦላ ደንድዶሶና፤
\q2 ሽን ጎዳይ ታና ካትስስ።
\q1
\v 19 እ ታና ዳልጋ በሲ ከስስ፤
\q2 ታናን ኡፋይትዳ ግሾ ታና አሽስ።
\b
\q1
\v 20 ታ ፅሎተዳ ጎዳይ ታዉ ቃንፅስ፤
\q2 ታ ኩሸ ጌሻተዳ እ ታዉ ዛርስ።
\q1
\v 21 ታኒ ጎዳ ኦግያ ካላስ፤
\q2 ታ ፆሳ አጋዳ ካረ ከያብከ።
\q1
\v 22 ታኒ እያ ህግያ ኡባ ናጋስ፤
\q2 እያ ኪታ ፖሎ አጋብከ።
\q1
\v 23 ታኒ እያ ስንን ሱረ ደአስ፤
\q2 ታና ናጋራፐ ናጋስ።
\q1
\v 24 ጎዳይ ታ ፅሎተዳነ
\q2 ታ ኩሸ ጌሻተዳ ታዉ ዛርስ።
\b
\q1
\v 25 አማነተይሳታስ ነ አማነታሳ፤
\q2 ሱረታስ ነ ሱረ።
\q1
\v 26 ጌሻታስ ነ ጌሽ፤
\q2 ሽን ጌላታስ ነ ጌላ።
\q1
\v 27 አሽከታ አሻሳ፤
\q2 ሽን ኦቶራንቾታ ካዉሻሳ።
\q1
\v 28 አቤት ጎዳዉ፥ ነ ታዉ ፆምፓሳ፤
\q2 ታ ፆሳይ ታ ማ ፖእሳሳ።
\q1
\v 29 ነ ማዱዋን ታ ሞርከ ቶራ ቦላ ደንዳይስ፤
\q2 ታ ፆሳን ሚፃ ፄራራ ጉፓዳ አይስ።
\q1
\v 30 ፆሳ ኦገይ ፖሎ፤
\q2 ጎዳ ቃላይ ጌሽ፤
\q2 እያኮ ባቃትያ ኡባስ እ ጎንዳለ።
\q1
\v 31 ጎዳፐ አትሽን፥ ሀራ ፆሲ ኦኔ?
\q2 ኑ ፆሳፈ አትሽን፥ ሀራ ዛል ኦኔ?
\q1
\v 32 ታዉ ዎልቃ እመይነ
\q2 ታ ኦግያ ሳሮ ኦይ ፆሳ።
\q1
\v 33 እ ታ ቶሁዋ ገንኤ ቶሆዳ ምንስ፤
\q2 ቃ በሳን ህርግ ባይና ኤሴስ።
\q1
\v 34 ታ ኩሽያ ኦላ ታማርሴስ፤
\q2 ናሰ ብራታ ዶንግያ ዱካና መላ
\q2 ታ ቀስያ ምንስ።
\q1
\v 35 ታና አሽያ ነ ጎንዳልያ ታዉ እማዳሳ፤
\q2 ነ ኡሻቻ ኩሸይ ታና ዘምፕሴስ፤
\q2 ነ ሎኦ ኦይከይ ታና ግታዬስ።
\q1
\v 36 ታ ሄመትያ በሳ ዳልግሳዳሳ፤
\q2 ታ ቶሁዋ ሀርቹች ኤክቤና።
\q1
\v 37 ታ ሞርከታ የደዳ ኦይካስ፤
\q2 ኤንታ ይሶና ጉየ ስምከ።
\q1
\v 38 ኤንቲ ዛር ደንዶናዳ ሾጫስ፤
\q2 ኤንቲ ታ ቶሁዋ ጋርሳን ኩንድዶሶና።
\q1
\v 39 ኦላስ ታና ዳንጭሳዳሳ፤
\q2 ታራ ጋደተይሳታ ታዉ ጉልባትሳዳሳ።
\q1
\v 40 ታ ሞርከታ ታ ስንፈ ጉየ ዛራዳሳ፤
\q2 ታና እፀይሳታ ይሳስ።
\q1
\v 41 ማደ ኮይድ ዋስዶሶና፥
\q2 ሽን ኦንካ ኤንታ አሽቤና።
\q1 ጎዳ ኤንቲ ፄግዶሶና፥
\q2 ሽን እ ኤንታዉ ኮይቤና።
\q1
\v 42 ጫርኮይ ፕትድ ኤፍያ ባናዳ ኤንታ ሊቅሳስ፤
\q2 ኦገ ኡርቃዳ ኤንታ የስ።
\q1
\v 43 ገነ አሳፐ ታና አሻዳሳ፤
\q2 ታና ካዎተታ ቦላ ሹማዳሳ፤
\q2 ታ ኤሮና አሳይ ታዉ ሃረትዶሶና።
\q1
\v 44 ኤንቲ ታባ ስእድ ታዉ ኪተቶሶና፤
\q2 አላጋ ደረይ ታ ስንን ዝጌስ።
\q1
\v 45 ኤንቲ ካሀ ይዶሶና፤
\q2 ባንታ ሚፃፐ ኮኮርሸ ዮሶና።
\b
\q1
\v 46 ጎዳይ ደኤስ!
\q2 ፆሳይ፥ ታ ዛላይ ጋላተቶ!
\q2 ታና አሽያ ፆሳይ ቁ ቁ ጎ!
\q1
\v 47 እ ታዉ ሀሎ ከስያ ፆሳ፤
\q2 ካዎተታ ታ ጋርሳን ሃርሰይሳ።
\q1
\v 48 ታ ሞርከታፐ ታና አሸይሳ፤
\q2 ታና እፀይሳታ ቦላ ቁ ቁ ኦሳ፤
\q2 ኢታታፐ ታና አሻሳ።
\q1
\v 49 ሄሳ ግሾ፥ ጎዳዉ
\q2 ካዎተታ ግዶን ታኒ ነና ጋላታና፤
\q2 ነ ሱን ሳባና።
\q1
\v 50 እ ባ ካዋስ ፆኖ እሜስ፤
\q2 ባ ትይዳይሳስ፥ ዳዊታስነ እያ ኮቻስ፥
\q2 ባ ኬሀተ በሴስ።
\c 19
\s1 ፆሳ ህገን ቦረይ ባዋ
\d ዛማረታ ሀላቃስ ፃፈትዳ ዳዊታ ማዝሙረ
\p
\v 1 ሳሎት ፆሳ ቦንቹዋ ሃሳዮሶና፤
\q2 ሳሎ ጉፋንይ እያ ኩሸ ኦሱዋ አዋጄስ።
\q1
\v 2 እስ ጋላስ ሀራ ጋላሳስ ሄሳ ኦዴስ፤
\q2 እስ ቃም ሀራ ቃማስ ኤራተ ቆንጭሴስ።
\q1
\v 3 ኦድ ዎይኮ ቃል ባዋ፤
\q2 ኤንታ ግርሳይ ስኤተና።
\q1
\v 4 ግዶሽን ኤንታ ኦዳይ ሳአ ኡባን ላለትስ፤
\q2 ኤንታ ቃላይ ቢታ ጋፃ ጋክስ።
\q1 አው ደእያ በሲ ፆሳይ ሳሎን ጊግስስ።
\q1
\v 5 ባ ሶፐ ከይያ ምሽራዳ፥
\q2 ጋደ ዎፃናዉ ኡፋይትድ ጊግዳ አሳዳ፥
\q2 አዋይ ዎንታ ዎንታ ከዬስ።
\q1
\v 6 እስ ባጋ ሳሎ ጋፃፐ ከይድ፥
\q2 ሀራ ባጋ ሳሎ ጋፃ ጋካናዉ ቤስ፤
\q2 እያ ሱላፐ ጌምያባይ ባዋ።
\q1
\v 7 ጎዳ ህገይ ሱረ፤
\q2 ሸምፖ ዛሬስ።
\q1 ጎዳ ኪታይ አማነትዳይሳ፤
\q2 አኬክ ፓጭዳይሳታ ጭንጫ ኦስ።
\q1
\v 8 ጎዳ ዎጋይ ልከ፤
\q2 ዎዛና ኡፋይሴስ።
\q2 ጎዳ ኪታይ ጌሽ፤
\q2 አይፈ ፖእሴስ።
\q1
\v 9 ጎዳስ ያሽ ጌሽ፤
\q2 መርናዉ ኤቅድ ደኤስ።
\q2 ጎዳ ፕርዳይ ኩመ ቱማነ ፅሎ።
\q1
\v 10 ዎርቃፈ አድ ኮየቴስ፤
\q2 ዋላህ ባይና ዎርቃፈ አድ ሎኦ።
\q1 ኤሳፈ አድ ሎኦ
\q2 እልሎ ኤሳፈ አድ ማልኦ።
\q1
\v 11 ነ አይለይ ናገታና መላ ዞሬስ፤
\q2 ነ ህግያ ናጎይ ዳሮ ጎኤስ።
\q1
\v 12 ባ ቆሁዋ ደመይ ኦኔ?
\q2 አቤት ጎዳዉ፥ ጌምዳ ናጋራፐ ታና ጌሻ።
\q1
\v 13 ታና ነ አይልያ፥
\q2 ኤርሸ ኦያ ናጋራፐ ናጋ።
\q1 ናጋር ታና ሃሮና መላ ማዳ፤
\q2 ሄ ዎደ ታኒ ሱረ ግዳና፥
\q2 ግታ ባላፐ ጌያና።
\q1
\v 14 አቤት ጎዳዉ፥ ታ ዛላዉ፥ ታና ዎዘይሶ፤
\q2 ታ ዶናፐ ከይያ ቃላይነ
\q2 ታ ዎዛና ቆፋይ ነና ኡፋይስያባ ግዶ።
\c 20
\s1 ፆሳን አማነታ
\d ዛማረታ ሀላቃስ ፃፈትዳ ዳዊታ ማዝሙረ
\p
\v 1 መቶ ዎደ ጎዳይ ነና ስኦ፤
\q2 ያይቆባ ፆሳ ሱንይ ነና ናጎ።
\q1
\v 2 ባ ኬፈ ነዉ ማዶ ኪቶ፤
\q2 ፅዮነፐ ነና ካትሶ።
\q1
\v 3 እ ነ ያርሾ ኡባ ሀሳዮ፤
\q2 ነ ፁሳ ያርሹዋን ኡፋይቶ። \qs ሳላሀ \qs*
\q1
\v 4 ነ ዎዛና አሙዋ ነዉ እሞ፤
\q2 ነ ቆፋ ኡባ ፖሎ።
\q1
\v 5 ነ ፆኑዋን ኑና ኡፋይሶ፤
\q2 ኑ ፆሳ ሱንን ኑ ባንድራ ቁ ኦና፤
\q2 ነ ዎሳ ኡባ ጎዳይ ነዉ ዛሮ።
\q1
\v 6 ጎዳይ ባ ዶርዳ ካዋስ፥
\q2 ፆኖ እምዳይሳ ታኒ ቡሮ ኤራይስ።
\q1 እ ባ ጌሻ ሳሉዋን ስአና፤
\q2 ባ ኡሻቻ ኩሸን ግታ ፆኖ እያዉ እማና።
\q1
\v 7 እሶት እሶት ባንታ ኦላ ፓራ ጋርያን፥
\q2 ሀራት ባንታ ፓራን ጬቀቶሶና፤
\q2 ሽን ኑኒ ጎዳ ኑ ፆሳ ዎልቃን ጬቀቶስ።
\q1
\v 8 ኤንቲ በትድ ኩንዳና፤
\q2 ሽን ኑኒ ደንድድ ምን ኤቃና።
\q1
\v 9 አቤት ጎዳዉ፥ ካዋስ ፆኖ እማ፤
\q2 ኑኒ ነና ፄግያ ዎደ ስአ።
\c 21
\s1 ካዎይ ፆሳን ኡፋይቴስ
\d ዛማረታ ሀላቃስ ፃፈትዳ ዳዊታ ማዝሙረ
\p
\v 1 ጎዳዉ፥ ካዎይ ነ ዎልቃን ኡፋይቴስ፤
\q2 ነ እምዳ ፆኑዋን ሀሹ ጌስ።
\q1
\v 2 እያ ዎዛና አሙዋ እያዉ እማዳሳ፤
\q2 እያ መተርሻ ዎሳ እያ ድጋባካ። \qs ሳላሀ \qs*
\q1
\v 3 ሎኦ አንጆራ እያ ሞካሳ፤
\q2 ዋላህ ባይና ዎርቃ ካላቻ እያ ሁጰን ዎሳ።
\q1
\v 4 እ ነና ደኦ ኦይችስ፤
\q2 ዳሮ ላይነ አዱሳ ደኦ እማዳሳ።
\q1
\v 5 ኔኒ እያዉ ፆኖ እምዳ ግሾ፥
\q2 እያ ቦንቾይ ዳርስ፤
\q2 ግታተነ ቴማ እያዉ እማዳሳ።
\q1
\v 6 መርና አንጁዋ እያዉ እማዳሳ፤
\q2 ነ በንቱዋን እያ ኡፋይሳሳ።
\q1
\v 7 ካዎይ ጎዳን አማነቴስ፤
\q2 ኡባፈ ቃ ፆሳ ማሮታይ፥
\q2 እያራ ደእያ ግሾ እ ዳጋመና።
\q1
\v 8 ነ ኩሸይ ነ ሞርከታ፥
\q2 ነ ኡሻቻ ኩሸይ ነና እፀይሳታ ደማና።
\q1
\v 9 ነ ቆንጭያ ዎደ ጮጨ ታማዳ ኤንታ ፁጋና፤
\q2 ጎዳይ ባ ሀንቆ ሱሎን ኤንታ ምታና፤
\q2 እያ ታማይ ኤንታ ማና።
\q1
\v 10 ኔኒ ኤንታ ናይታ ቢታፈ፥
\q2 ኤንታ ኮቻ አሳ ግዶፈ ይሳና።
\q1
\v 11 ነ ሞርከት ነ ቦላ ቶቦሶና፤
\q2 ኢታባ ማቀቶሶና፥ ሽን ፖሎኮና።
\q1
\v 12 ኔኒ ኤንታ ነ ዶንግያን ዱካና፤
\q2 ኤንታ ጉየ ዛራዳ ጎዳና።
\q1
\v 13 ጎዳዉ፥ ነ ምኖተን ቁ ቁ ጋ፤
\q2 ነ ዎልቃ ግሾ ጋላታ ማዝሙረ የፆስ።
\c 22
\s1 ፅሎ አሳ መቶነ ኡፋይስ
\d ዛማረታ ሀላቃስ ፃፈትዳ ዳዊታ ማዝሙረ
\d “ጉራ ገንኤ” ጌተትያ ዲ ጩን የፀትዳ ማዝሙረ
\q1
\v 1 ታ ፆሳዉ፥ ታ ፆሳዉ፥ ታና አይስ አጋዲ?
\q2 ታና ማዳ ጋዳ ታ ነና ዎስያ ዎደ፥
\q2 አይስ ታፐ ሃካይ?
\q1
\v 2 ታ ፆሳዉ፥ ጋላስ ኩመ ታ ኔኮ ዋሳስ፤
\q2 ሽን ነ ታና አላካ።
\q2 ቃማ ኡባን ኔኮ ዋሳይስ፥
\q2 ሽን ዎፓተ ደምከ።
\q1
\v 3 ግዶሽን ኔኒ ጌሽ፤
\q2 እስራኤለ ጋላታይ ነ አራታ ዩሾን ደኤስ።
\q1
\v 4 ኑ አዋት ነናን አማነትዶሶና፤
\q2 ነናን አማነትን፥ ነ ኤንታ አሻዳሳ።
\q1
\v 5 ኔኮ ዋስድ አትዶሶና፤
\q2 ነናን አማነትድ ዬላትቦኮና።
\q1
\v 6 ሽን ታ አሰ ግድከ፤ ጉፁነ፤
\q2 ታ አሳን ካትዳይሳነ ቦረትዳይሳ።
\q1
\v 7 ታና በእያ ኡባይ ቀልቅሶሶና፤
\q2 ባንታ ሁጵያ ቃሸ ደሬቆሶና።
\q1
\v 8 “እ ጎዳን አማነትስ፤ አነ እያ አሾ፤
\q2 ጎዳይ እያ ዶስኮ፥ አነ እያ አሾ” ያጎሶና።
\q1
\v 9 ግዶሽን ታኒ ታ አየ ኡሎፐ
\q2 ሱረ የለታናዳ ኦዳይ ነና።
\q1 ታ አየ ን ምያ ዎደካ
\q2 ታና ናግዳይ ነና።
\q1
\v 10 ታ የለቶሶፐ ዶማዳ ነናን ድጫስ፤
\q2 ታ አየ ኡሎፐ ዶምን ነ ታ ፆሳ።
\q1
\v 11 መቶይ ታኮ ማትያ ግሾነ
\q2 ታና ማድያ አስ ባይና ግሾ፥
\q2 ሀእ ኔኒ ታፐ ሃኮፋ።
\q1
\v 12 ዳሮ ሞርከት ቃይጭያ ቦራዳ ታና ተቅዶሶና፤
\q2 ቃይጭያ ባሳነ ኮርማታዳ ታና ኦይክዶሶና።
\q1
\v 13 መንረድ ጉድያ ጋሞዳ
\q2 ባንታ ዶና ታ ቦላ ዶዮሶና።
\q1
\v 14 ታኒ ሃዳ ጎጋስ፤
\q2 ታ መቀይ ባ ከሱዋፐ ከይስ፤
\q2 ታ ዎዛናይ ኦይሳዳ ታ ጋን ትልእስ።
\q1
\v 15 ታ ቆይ ኩንአዳ መልስ፤
\q2 ታ እንፃርሳይ ኮቶኑዋራ ኦይከትስ፤
\q2 ነ ታና ሀይቅዳ አሳዳ ባናን የጋዳሳ።
\q1
\v 16 ካናት ታና ተቅዶሶና፤
\q2 ኢታ አሳት ታ ዩሹዋ ኦይክዶሶና፤
\q2 ታ ኩሸታነ ታ ቶሆታ ጫዶሶና።
\q1
\v 17 ታ መቀት ታይበቶሶና፤
\q2 ታ ሞርከት ታና ደሬቆሶና።
\q1
\v 18 ታ ማኡዋ ሻክድ ኤኮሶና፤
\q2 ታ አዱሳ ማኡዋ ቦላ ሳማ የጎሶና።
\q1
\v 19 ታ ጎዳዉ፥ ነ ታ ማታይ ታፐ ሃኮፋ፤
\q2 ታ ዎልቃዉ፥ ታና ማዳናዉ ኤለሳዳ ሃያ።
\q1
\v 20 ታና ማሻፈ ከሳ ኤካ፤
\q2 ታ አልኦ ደኡዋ ካናታፐ አሻ።
\q1
\v 21 ጋሞታ ዶናፐ ታና አሻ፤
\q2 ቃይጭያ ባዞ ቦራታ ካጨፐ ታና ናጋ።
\q1
\v 22 ታኒ ነ ሱን ታ እሻታስ ኦዳና፤
\q2 ኤንታ ሺቁዋን ነና ጋላታና።
\q1
\v 23 ህንተኖ፥ ጎዳ ያየሳቶ፥ እያ ጋላትተ፤
\q2 ህንተኖ፥ ያይቆባ ዛረቶ፥ እያ ቦንችተ።
\q1 ህንተኖ፥ እስራኤለ ኮቻቶ፥
\q2 ያሻን እያ ቁ ቁ ኦተ።
\q1
\v 24 እ ኡንኤትዳይሳ ካና፤
\q2 ኤንታ ቆሁዋ በእሸ ቀል ጌና።
\q1 ባ ሶምኡዋ ኤንታፈ ገንና፤
\q2 ኤንቲ እያኮ ዋስያ ዎደ፥
\q2 ኤንታዉ ዞኮ ዛርቤና።
\q1
\v 25 ታ ነ ሎኦ ኦሱዋ ግሾ ግታ ሺቆን ጋላታና፤
\q2 ታ ቃንገ ነዉ ያይያ አሳ ስንን ጋና።
\q1
\v 26 ማንቆት ምድ ካላና፤
\q2 ጎዳ ኮየይሳት እያ ጋላታና፤
\q2 ኤንቲ መርናዉ ኡፋይሳን ዳና።
\q1
\v 27 ሳአ ጋፃ ጋካናዉ ደእያ አሳ ኡባይ፥
\q2 አኬካን ጎዳኮ ስማና፤
\q2 አሳ ዛረ ኡባይ እያ ጎይናና።
\q1
\v 28 ማት ኡባይ ጎዳሳ፤
\q2 እ ካዎተታ ሃሬስ።
\q1
\v 29 ሳአን ደእያ ዱረ ኡባይ እያ ጎይናና፤
\q2 ባንታና ሀይቆፐ አሻናዉ ዳንዳኦናይሳትነ
\q2 ቢታን ስምያ ኡባይ እያዉ ጉልባታና።
\q1
\v 30 ያና የለታይ እያዉ ኪተታና፤
\q2 ስን የለታስ ጎዳባ ኦዳና።
\q1
\v 31 ቡሮ የለትቦና አሳስካ፥
\q2 እያ ጌሻተ ኦዳና።
\c 23
\s1 ፆሳይ ታና ሄሜስ
\d ዳዊታ ማዝሙረ
\p
\v 1 ጎዳይ ታ ሄንንቹዋ፤
\q2 ታዉ አይብካ ፓጨና።
\q1
\v 2 ታና አጫ ቆሮን ሸምፕሴስ፤
\q2 ዎፑ ግዳ ሃኮ ላጌስ።
\q1
\v 3 ታ ደኡዋ ኦራፅሴስ፤
\q2 ባ ሱን ግሾ ግድ፥
\q2 ታና ፅሎተ ኦግያ ካለስ።
\q1
\v 4 ነ ታ ጎዳይ ታራ ደእያ ግሾ፥
\q2 ታ ሳካና ማ ግዶራ ቢኮካ፥
\q2 ኢታባ ያይከ።
\q2 ነ ፃምአይነ ነ ጉፈይ ታና ምንሶና።
\q1
\v 5 ታ ሞርከታ ስንን ታዉ ግብራ ጊግሳሳ፤
\q2 ታና ሞካሸ፥ ታ ሁጰን ዛይተ ትያሳ፤
\q2 ታ ዋንጫይ ኩምድ ጎጋና ጋካናዉ ኩንሳ።
\q1
\v 6 ነ ኬሀተይነ ነ ማሮተይ
\q2 ታ ደኦ ላይ ኡባን ታና ካላና፤
\q2 ታኒ ጎዳ ኬን መርናዉ ዳና።
\c 24
\s1 ቦንቾ ካዋ
\d ዳዊታ ማዝሙረ
\p
\v 1 ሳአይነ ሳአን ደእያ ኡባይ ጎዳባ፤
\q2 አላመይነ እያን ደእያ አሳ ኡባይ እያሳ።
\q1
\v 2 እ ሳኣ ግታ አባ ቦላ ሂፅስ፤
\q2 ጪሞ ሃ ቦላ ምንድ ኤስስ።
\q1
\v 3 ጎዳ ዙማ ቦላ ከያናዉ ዳንዳኤይ ኦኔ?
\q2 እያ ጌሻ በሳን ኤቃናይ ኦኔ?
\q1
\v 4 እያ ኩሸይነ እያ ዎዛናይ ጌሽ ግድዳይሳ፤
\q2 ኤቃ ጎይኖናይሳ፥
\q2 ዎርዶ ጫቆናይሳ።
\q1
\v 5 እ ጎዳፐ አንጆ ኤካና፤
\q2 አሽያ ፆሳፈ ፅሎ ፕርዳ ደማና።
\q1
\v 6 ፆሳኮ ፄልያ አስነ
\q2 ያይቆባ ፆሳ ሶምኡዋ
\q2 ኮይያ አስ ሄሳ መላ አሰ። \qs ሳላሀ \qs*
\q1
\v 7 ቦንቾ ካዎይ ገላና መላ፥
\q2 ህንተኖ ፐንገቶ ዶየትተ፤
\q2 በን ፐንገት እያ ኡፋይሳን ሞክተ።
\q1
\v 8 ሄ ቦንቾ ካዎይ ኦኔ?
\q2 ምኖነ ዎልቃማ ግድዳ ጎዳ፤
\q2 ኦላን ዎልቃማ ግድዳ ጎዳ።
\q1
\v 9 ቦንቾ ካዎይ ገላና መላ፥
\q2 ህንተኖ ፐንገቶ ዶየትተ፤
\q2 በን ፐንገት እያ ኡፋይሳን ሞክተ።
\q1
\v 10 ሀ ቦንቾ ካዎይ ኦኔ?
\q2 ሀ ቦንቾ ካዎይ ሳሎ መተታ ጎዳ! \qs ሳላሀ። \qs*
\c 25
\s1 ኡንአ ዎደ ዎሳ
\d ዳዊታ ማዝሙረ
\p
\v 1 አቤት ጎዳዉ፥
\q2 ሸምፖፈ ታ ነና ዎሳይስ።
\q1
\v 2 አቤት ታ ፆሳዉ፥ ታ ነናን አማነታይስ፤
\q2 ታና ዬላዮፓ፤
\q2 ታ ሞርከታስ ታና አዳ እሞፋ።
\q1
\v 3 ነናን ኡፋይስ ኦይሳት ዬላቶኮና፤
\q2 ሽን ጋሶይ ባይና ገነይሳት ዬላታና።
\q1
\v 4 አቤት ጎዳዉ፥ ታና ነ ኦግያ በሳ፤
\q2 ነ ጌዶ ታና ካለ።
\q1
\v 5 ታና አሽያ ፆሳይ ነና ግድያ ግሾ፥
\q2 ነ ቱማተ ታና ካለነ ታማርሳ፤
\q2 ጋላስ ኩመ ታ ነናን ኡፋይስ ኦይስ።
\q1
\v 6 አቤት ጎዳዉ፥ በንፐ ደእያ
\q2 ነ ቃያነ ነ ኬሀተ ሀሳያ።
\q1
\v 7 ታ ናአተ ናጋራነ ኢታባ ሀሳዮፓ፤
\q2 አቤት ጎዳዉ፥ ነ ኬሀተነ ሎኦተ ሀሳያ።
\q1
\v 8 ጎዳይ ኬሀነ ሱረ ግድያ ግሾ፤
\q2 ናጋራንቾታ ባ ኦግያ ታማርሴስ።
\q1
\v 9 አሽከታ ሱረተን ካለስ፤
\q2 ኤንታና ባ ኦግያ ታማርሴስ።
\q1
\v 10 ጎዳ ጫቁዋነ
\q2 እያ ኪታ ናገይሳታስ
\q2 እያ ኦገ ኡባይ ቱማነ ኬሀ።
\q1
\v 11 አቤት ጎዳዉ፥ ታ ናጋራይ ዳሮ፤
\q2 ግዶሽን ነ ሱን ግሾ ታው አቶ ጋ።
\q1
\v 12 ጎዳ ያይያ አስ ኦኔ?
\q2 እ ካላናዉ በሲያ ኦግያ
\q2 ጎዳይ እያ ታማርሳና።
\q1
\v 13 እ ኡባ ዎደ ዱረተን ዳና፤
\q2 እያ ናይት ቢታ ላታና።
\q1
\v 14 ጎዳይ ያየይሳታስ ባ ፁራ ገንና፤
\q2 እ ኤንታዉ ባ ጫቁዋ ኤርሴስ።
\q1
\v 15 ጎዳይ ታ ቶሁዋ ፅሄፐ ናግያ ግሾ፥
\q2 ታ አይፈይ ማዶ ኤካናዉ ኡባ ዎደ እያኮ ፄሌስ።
\q1
\v 16 ጎዳዉ፥ ታኒ ብዛነ
\q2 መቶትዳ አስ ግድያ ግሾ፥
\q2 ታኮ ስማ፤ ነ ማሮተ ታና በሳ።
\q1
\v 17 ታዉ ህርግ ዳርስ፤
\q2 ታ መቱዋፐ ታና ነ አሻ።
\q1
\v 18 ታ መቱዋነ ታ ዋይያ በአ፤
\q2 ታ ናጋራ ኡባ አቶ ጋ።
\q1
\v 19 ታ ሞርከት አይ መላ ዳርዳኮ በአ፤
\q2 ኤንቲ ታና አይ መላ እፅያኮ ፄላ።
\q1
\v 20 ነ ታና ናጋ፤ ነ ታና አሻ፤
\q2 ታ ኔኮ ባቃትያ ግሾ ታና ዬላዮፓ።
\q1
\v 21 ታ ነናን ኡፋይስ ኦዳ ግሾ፥
\q2 ሱረተነ ቱማተ ታና ናጎ።
\q1
\v 22 አቤት ፆሳዉ፥ እስራኤለ አሳ
\q2 ኤንታ መቶ ኡባፈ ነ ዎዛ።
\c 26
\s1 ፅሎ አሳ ዎሳ
\d ዳዊታ ማዝሙረ
\p
\v 1 አቤት ጎዳዉ፥ ታ ሱረተን ሄመትዳ ግሾነ
\q2 ስይ ባይና ነናን አማነትዳ ግሾ፥
\q2 ታዉ ፕርዳ።
\q1
\v 2 አቤት ጎዳዉ፥ ታና ፓጫ፤
\q2 ታና ፕልጋዳ በአ፤
\q2 ታ ዎዛና ፆሞሳ።
\q1
\v 3 ነ ሲቆይ ታ ስንን ደእያ ግሾ፥
\q2 ታ ኡባ ዎደ ነ ቱማ ኦግያን ሄመታይስ።
\q1
\v 4 ጭምያ አሳራ ታ ኡትከ፤
\q2 ጩቦታ ማባራን ገልከ።
\q1
\v 5 ኢታታ ዱላታ ታ እፃይስ፤
\q2 ማካላቾታራ እስፈ ኡትከ።
\q1
\v 6 አቤት ጎዳዉ፥ ታ ፅሎተ በሳናዉ
\q2 ታ ኩሽያ ሜጫይስ፤
\q2 ነ ያርሾ በሳ ዩያይስ።
\q1
\v 7 ጋላታ ማዝሙረ የፃሸ
\q2 ነ ማላልስያ ኦሶ ኡባ ኦዳና።
\q1
\v 8 አቤት ጎዳዉ፥ ነ ኬነ፥
\q2 ነ ቦንቾይ አቅያ በሳ ታ ዶሳይስ።
\q1
\v 9 ታና ናጋራንቾታራ እስፈ ፕቶፋ፤
\q2 አሳ ሱ ጉሰይሳታራ ታ ሸምፑዋ ይሶፋ።
\q1
\v 10 ኤንታ ኩሸን ኢታ ሀልቾይ ደኤስ፤
\q2 ኤንታ ኡሻቻ ኩሸን ዎፈይ ኩምስ።
\q1
\v 11 ሽን ታ ሱረተን ሄመታና፤
\q2 ታና ዎዛ፤ ታዉ ቃታ።
\q1
\v 12 ታ ቶሆይ ደምባ በሳን ኤቅስ፤
\q2 ግታ ሺቁዋን ጎዳ ጋላታና።
\c 27
\s1 ፆሳራ ደእያ አሳ ፃላተ
\d ዳዊታ ማዝሙረ
\p
\v 1 ጎዳይ ታዉ ፖኦነ ታና አሸይሳ፤
\q2 ያትን፥ ታ ኦና ያያኔ?
\q1 ጎዳይ፥ ታ ደኦይ ናገትያ ሚፃ፤
\q2 ያትን፥ ታ አይስ ዳጋማኔ?
\q1
\v 2 ኢታ አሳት፥ ታና እፀይሳትነ ታ ሞርከት
\q2 ታና ዎናዉ ሆርዶፍያ ዎደ፥
\q2 ባንታዉ በትድ ኩንዳና።
\q1
\v 3 ሞርከ ቶር ታና ተቅኮ
\q2 ታ ዎዛናይ ያየና።
\q1 ኦል ታ ቦላ ደንድያኮካ፥
\q2 ታኒ ጎዳን አማነታይስ።
\q1
\v 4 ታ ጎዳ እስባ ኦይቻስ፤
\q2 ሄስካ፥ ታ ደኦ ላይ ኡባን
\q1 ጎዳ ኬን ደአናሳ፤
\q2 ጎዳ ሎኦተ በአናሳነ
\q2 እያ ኬን እያ ኮያናሳ።
\q1
\v 5 መቶ ጋላስ ታና ባ ደእያ በሳን ገንና፤
\q2 ባ ዱንካንያን ታና ቆሳና፤
\q2 ታና ቃ ዛላ ቦላ ኤሳና።
\q1
\v 6 ሄ ዎደ ታኒ ታና ተቅዳ
\q2 ታ ሞርከታፐ አዳ፥
\q2 ቁ ቁ ጋና።
\q1 ታኒ እያ ዱንካንያን
\q2 ኡፋይታሸ ያርሾ ያርሻና፤
\q2 ጎዳ ማዝሙረን ጋላታና።
\q1
\v 7 አቤት ጎዳዉ፥
\q2 ታ ነና ፄግያ ዎደ ነ ታዉ ኮያ፤
\q2 ታዉ ቃታ፤ ታና ስአ።
\q1
\v 8 ኔኒ፥ “ታ ሶምኡዋ ኮይተ” ጋዳሳ፥
\q2 ታ ዎዛናይ አቤት ጎዳዉ፥
\q2 “ታ ነ ሶምኡዋ ኮያና” ያግስ።
\q1
\v 9 ነ ሶምኡዋ ታፐ ገንፋ፤
\q2 ታና ማደይሶ፤ ነ ሸነታዳ
\q2 ታና ነ አይልያ ጉየ ዛሮፓ።
\q1 አቤት ታና አሽያ ፆሳዉ፥
\q2 ታና የጎፋ፤ አጎፋ።
\q1
\v 10 ታ አዋይነ ታ አይያ ታና አግኮካ
\q2 ጎዳይ ታና ሺሽድ ኤካና።
\q1
\v 11 አቤት ጎዳዉ፥ ታና ነ ኦግያ ታማርሳ፤
\q2 ታ ሞርከታ ግሾ ታና ሱረ ኦገ ካለ።
\q1
\v 12 ታና ማንድያ ዎርዶ ማርካት
\q2 ታ ቦላ ዎልቃን ደንድዳ ግሾ፥
\q2 ታና ታ ሞርከታ አሙዋስ አዳ እሞፋ።
\q1
\v 13 ታኒ ደኦን ደአሸ፥
\q2 ጎዳ ኬሀተ በአናይሳ አማናይስ።
\q1
\v 14 ጎዳን ኡፋይስ ኦ፤
\q2 ምና፥ ያዮፋ፤
\q2 ጎዳን ኡፋይስ ኦ።
\c 28
\s1 ፆሳይ ታዉ ጎንዳለነ ዎልቃ
\d ዳዊታ ማዝሙረ
\p
\v 1 አቤት ጎዳዉ፥ ታ ዛላዉ፥
\q2 ታ ነና ፄጋይስ፤
\q2 ነ ታዉ ስእ ጎፓ።
\q1 ነ ስእ ጊኮ፥
\q2 ታ ዱፎ ገልዳ አስ ግዳይስ።
\q1
\v 2 ማደ ኮያዳ ታ ዋስያ ዎደ፤
\q2 ኡባፈ ጌሻ ዱንካንያኮ፥
\q2 ታ ኩሽያ ምጭያ ዎደ ታ ዎሳ ስአ።
\q1
\v 3 ኢታ ኦያ ኢታ አሳታራ ታና ጋዳ ኦይኮፋ፤
\q2 ኤንቲ ባንታ ዎዛናን ገነ ቆፕሸ፥
\q2 ባንታ ዶናን ሳሮተ ሃሳዮሶና።
\q1
\v 4 ኤንታ ኦሱዋዳ ኤንታ ሴራ፤
\q2 ኤንታ ኢታተዳ ኤንታዉ ቃንፃ።
\q1 ኤንታ ኩሸ ኦሱዋዳ ኤንታ ፕርዳ፤
\q2 ኤንታዉ በሲያ ኢታ ኤንታዉ ዛራ።
\q1
\v 5 ኤንቲ ጎዳ ኦሱዋነ እያ ኩሸ መዋስ፥
\q2 በሰ እሞና ግሾ ጎዳይ ኤንታ ላላና፤
\q2 ዛሪድ ኤንታ ኬፀና።
\q1
\v 6 ታ ዎሳ ስእዳ ግሾ
\q2 ጎዳይ ጋላተቶ።
\q1
\v 7 ጎዳይ ታዉ ዎልቃነ ጎንዳለ፤
\q2 ታ ዎዛናይ እያን አማነቴስ፤
\q2 ታ እያን ማደታስ።
\q1 ታ ዎዛናይ እያን ኡፋይቴስ፤
\q2 ታ እያ ማዝሙረን ሳባና።
\q1
\v 8 ጎዳይ ባ አሳስ ዎልቃ፤
\q2 ባ ዶርድ ካዋ አሽያ ሚፃ።
\q1
\v 9 ጎዳዉ፥ ነ አሳ አሻ፤
\q2 ነባ ግድዳይሳታ አንጃ።
\q1 ኤንታ ሄመይ ነና ግዳ፤
\q2 ኤንታ መርናዉ ቶካ።
\c 29
\s1 ፆሳ ግታተ ሳቦ
\d ዳዊታ ማዝሙረ
\p
\v 1 ህንተኖ ሳሎ መተቶ፥
\q2 ቦንቾይነ ዎልቃይ ጎዳሳ ጊተ።
\q1
\v 2 ጎዳ ቦንቾ ሱን ጋላትተ፤
\q2 እያ ጌሻተ ቴማ ግሾ ጎዳ ጎይንተ።
\q1
\v 3 ጎዳ ጉንይ ሃታ ቦላ ስኤቴስ፤
\q2 ቦንቾ ፆሳይ ዳዳዳ ደቼስ፤
\q2 ጎዳይ ግታ ሃታ ቦላ ጉሜስ።
\q1
\v 4 ጎዳ ኮሽንቻይ ዎልቃማ፤
\q2 ጎዳ ግርሳይ ቴማራ ደኤስ።
\q1
\v 5 ጎዳ ግርሳይ ዝጋ መንስ፤
\q2 ልባኖሰን ደእያ ዝጋ መንስ።
\q1
\v 6 ልባኖሰ ደረታ ጋሎ ማራዳ ቡራቅሴስ፤
\q2 ስርዮና ደርያ\f + \fr 29:6 \fr*\fq ስርዮና ደርያ፦ \fq*\ft ሄርሞና ደርያስ ሀራ ሱን\ft*\f* መንዳ ጉፍሴስ።
\q1
\v 7 ጎዳ ግርሳይ ዎልአሜስ።
\q1
\v 8 ጎዳ ግርሳይ መላ ብታ ቃስ፤
\q2 ጎዳይ ቃደሳ መላ ብታ ኮኮርሴስ።
\q1
\v 9 ጎዳ ግርሳይ ዎላ ቃስ፤
\q2 ም ሀይ ቆቆፌስ።
\q1 እያ ኬን ደእያ ኡባይ፥
\q2 “ቦንቾይ ጎዳስ ግዶ” ያጌስ።
\q1
\v 10 ጎዳይ ድኦ ሃ ቦላ
\q2 ባ አራታ ዎድ ኡትስ፤
\q2 ጎዳይ ባ አራታን ኡትድ መርናዉ ካዎትስ።
\q1
\v 11 ጎዳይ ባ አሳስ ዎልቃ እሜስ።
\q2 ጎዳይ ባ አሳ ሳሮተን አንጄስ።
\c 30
\s1 ቆሆፐ አትዳ አሳ ጋላታ
\d ኬ አንጅሶስ ዳዊቲ የፅዳ ማዝሙረ
\p
\v 1 አቤት ጎዳዉ፥ ነ ታና ኦላፈ ከስዳ ግሾነ
\q2 ታ ሞርከት ኡፋይቶና መላ ኦዳ ግሾ፥
\q2 ታ ነና ቁ ቁ ኦና።
\q1
\v 2 አቤት ጎዳዉ፥ ታ ፆሳዉ ታና ማዳና መላ፥
\q2 ታ ነና ፄግን ነ ታና ፓዳሳ።
\q1
\v 3 አቤት ጎዳዉ፥ ዱፎ ገሎናዳ ታና ናጋዳሳ፤
\q2 ኦላን ዎናዳ ታና ፓፃ አሻዳሳ።
\q1
\v 4 ህንተኖ ፆሳ አሳዉ፥
\q2 ጎዳስ የፅተ፤
\q2 እያ ጌሻ ሱን ሳቢተ።
\q1
\v 5 እያ ሀንቆይ ጉ ዎደሳ፥
\q2 ሽን እያ ኬሀተይ ደኦ ላይ ኡባሳ።
\q1 ቃማ ዬክሸ አቅኮ፥
\q2 ዎንታ ዛው ባይና ኡፋይስ ግዴስ።
\q1
\v 6 ታ ናገታዳ ደኤይሳ ኤርዳ ዎደ
\q2 “ህዛ ታ ቃፅከ” ያጋስ።
\q1
\v 7 አቤት ጎዳዉ፥ ነ ታዉ ኬህዳ ዎደ፥
\q2 ዙማዳ ታና ምንዳ ኤሳዳሳ።
\q1 ሽን ነ ሶምኡዋ ሀራ ሶ ዛርዳ ዎደ፥
\q2 ታ ዳጋማስ።
\q1
\v 8 አቤት ጎዳዉ፥ ታ ነና ፄጋስ፤
\q2 ነና ማሮታ ዎሳስ፤
\q1
\v 9 “ታ ዱፎ ገልኮ ነና አይ ጎኢ?
\q2 ቢታ ግዶ ገልዳ አስ
\q2 ዋትድ ነና ጋላታናዉ ዳንዳኢ?
\q2 ነ አማነተ ዋትድ ማርካታኔ?
\q1
\v 10 አቤት ጎዳዉ፥ ነ ታና ስአ፤
\q2 ታዉ ቃታ።
\q2 አቤት ጎዳዉ፥ ነ ታዉ ማዶ ግዳ” ያጋስ።
\q1
\v 11 ታ ዬሁዋ የን ላማዳሳ፤
\q2 ካዮ ማኡዋ ታፐ ቃራዳ፥
\q2 ታና ኡፋይስ ማይዛዳሳ።
\q1
\v 12 ሄሳ ግሾ፥ ታ ነና ሳባና፤ ስእ ጊከ።
\q2 አቤት ጎዳዉ፥ ታ ፆሳዉ፥ ታ ነና መርናዉ ጋላታና።
\c 31
\s1 ታ ሸምፕዉ ነ ኩሸን ዎስ
\d ዛማረታ ሀላቃስ ፃፈትዳ ዳዊታ ማዝሙረ
\p
\v 1 አቤት ጎዳዉ፥ ታ ኔኮ ባቃታይስ፤
\q2 አዉደካ ታና ዬላዮፓ፤
\q2 ነ ፅሎተን ታና አሻ።
\q1
\v 2 ነ ሀይ ታኮ ዛራ፤
\q2 ኤለሳዳ ታና አሻ።
\q1 ኔኒ ታዉ ጌምያ ዛላ፤
\q2 ታና አሽያ ምኖ ሚፃ ግዳ።
\q1
\v 3 ኤ፥ ነ ታዉ ዛላነ ሚፃ፤
\q2 ነ ሱን ግሾ ታና ካለ፤
\q2 ኦግያ በሳ።
\q1
\v 4 ነ ታዉ ጌምያ በሰ ግድያ ግሾ፥
\q2 ኤንቲ ቆትድ ዎዳ ፅሄፐ ታና ናጋ።
\q1
\v 5 አቤት ጎዳዉ፥ ቱማ ፆሳዉ፥
\q2 ታ ሸምፑዋ ነ ኩሸን ዎይስ፤
\q2 ነ ታና ዎዛ።
\q1
\v 6 ፓና ኤቃታ ጎይነይሳታ ታ እፃይስ፤
\q2 ግዶሽን ታኒ ጎዳን አማነታይስ።
\q1
\v 7 ታ መቱዋነ ታ ኡንአ ነ በእዳ ግሾ
\q2 ታኒ መርናዉ ነ ሲቁዋን ኡፋይታና።
\q1
\v 8 ነ ታና ሞርከ ኩሸን አዳ እማባካ፤
\q2 ታ ቶሆታ ዳልጋ በሳን ኤሳዳሳ።
\q1
\v 9 አቤት ጎዳዉ፥ ታኒ መቶን ገልዳ ግሾ ታዉ ቃታ፤
\q2 ታ ዳሮ አዛንዳ ግሾ ታ አይፈይ ሙልጫትስ፤
\q2 ታ አሾይነ ታ ሸምፖይ ዳቡርስ።
\q1
\v 10 ታ ደኦይ አዛኖን፥ ታ ላይይ ኦለን ዉርስ፤
\q2 ዋየ ዳሮተን ታ ዎልቃይ ዉርስ፤
\q2 ታ መቀት አርጋጭዶሶና።
\q1
\v 11 ታ ሞርከታ ኡባስ ቅስ አታስ፤
\q2 ታ ሾሮታስ ዬላ ግዳስ።
\q1 ታ ላገታስ ዳጋንያባ ግዳስ፤
\q2 ታና በኤይሳት ታፐ ሃክዶሶና።
\q1
\v 12 ታ ሀይቅዳ አሳዳ ዶገታስ፤
\q2 መቃ ሚሸዳ ዎራ የገታስ።
\q1
\v 13 ታኒ ዳሮታ ካልካሻ ስአስ፤
\q2 ኡባ በሳራ ዳጋም ደኤስ።
\q1 ኤንቲ ታ ቦላ ቶቦሶና፤
\q2 ታና ዎናዉ ማቀቶሶና።
\q1
\v 14 ሽን ጎዳዉ፥ ታ ነናን አማነታና፤
\q2 ኔኒ ታ ፆሳ።
\q1
\v 15 ታ ደኦ ላይይ ነ ኩሽያና፤
\q2 ታና የደያ ታ ሞርከታ ኩሸፐ አሻ።
\q1
\v 16 ነ አይልያ ቦላ ነ ሶምኡዋ ፖእሳ፤
\q2 ነ ማሮተን ታና አሻ።
\q1
\v 17 አቤት ጎዳዉ፥ ታ ነና ፄግያ ግሾ፥
\q2 ታና ዬላዮፓ።
\q1 ሽን ኢታት ዬላቶ፤
\q2 ዱፎን ገልድ ስእ ጎ።
\q1
\v 18 ኦቶሮንነ ቦረን ፅሎታ ቦላ
\q2 ምንድ ሃሳያ ግሾ፥
\q2 ኤንታ ዎርዶ እንፃርሳ ስእ ኦ።
\q1
\v 19 ነና ያየይሳታስ ነ ምንጅዳ፥
\q2 ኔኮ ባቃተይሳታስ ነ ጊግስዳ፥
\q2 ኬሀተይ አይ መላ ዳሮ!
\q1
\v 20 ኔኒ ኤንታ ነ ስንን፥ ጌማ በሳን ገን ዎዳሳ፤
\q2 አሳ ኢታ ማቁዋፈ አሻሳ፤
\q2 ኢታ እንፃርሳፈ ነ ዱንካንያን ቆሳዳሳ።
\q1
\v 21 ሞርከይ ተቅዳ ካታማ ግዶን፥
\q2 ማላልስያ ባ ማሮተ ታና በስዳ፥
\q2 ጎዳይ ጋላተቶ።
\q1
\v 22 ታ ዳጋማዳ፥ “ነ ስንፈ ሃካስ” ጋስ፤
\q2 ሽን ታ ማዶ ኮያዳ ኔኮ ዋስዳ ዎደ፥
\q2 ታ ዋሱዋ ነ ስአዳሳ።
\q1
\v 23 ህንተኖ፥ ፆሳ አሳዉ፥ ጎዳ ዶስተ፤
\q2 ጎዳይ አማነተይሳታ ናጌስ፤
\q2 ሽን ኦቶራንቾታስ ኤንታ ጋትያ ቃንፄስ።
\q1
\v 24 ህንተኖ፥ ጎዳን ኡፋይስ ኦይሳቶ፥
\q2 ምንተ፤ ገንጭተ።
\c 32
\s1 ናጋር አቶ ጌተትዳ አስ አንጀትዳይሳ
\d ዳዊታ ትምርተ
\d አኬካን ፃፈትዳ ግንፆ
\p
\v 1 እያ ናጋራይ አቶ ጌተትዳይነ
\q2 እያ ናጋራይ ካመትዳ ኡራይ አንጀትዳይሳ።
\q1
\v 2 ጎዳይ እያ ኢታተ ታይቦና አስ፥
\q2 እያ ቆፋን ጭሞይ ባይና አስ አንጀትዳይሳ።
\q1
\v 3 ታኒ ታ ናጋራ ፓፆና አጋዳ፥
\q2 ኩመ ጋላስ ኦልዳይስ፥
\q2 ታ አሳተ ዳቡርስስ።
\q1
\v 4 ጋላስነ ቃማ ነ ኩሸይ ታና ዴፅስ፤
\q2 ሃ ይን ቦነ አዋን መልድባዳ፥
\q2 ታ ዎልቃይ ዉርስ። \qs ሳላሀ \qs*
\q1
\v 5 ታኒ ታ ናጋራ ነዉ ፓፃስ፤
\q2 ታ ናቁዋ ኔፐ ገንብከ።
\q1 “ታ ናጋራ ጎዳስ ፓፃና” ያጋስ፤
\q2 ታና ዴፅዳ ናጋራ አቶ ጋዳሳ። \qs ሳላሀ \qs*
\q1
\v 6 ሄሳ ግሾ፥ ፅሎ አስ ኦንካ፥
\q2 ነ በንትያ ዎደ ነና ዎሶ፤
\q2 ኢታ ድኦይ ያ ዎደ ሄ ኡራ ጋከና።
\q1
\v 7 ነ ታዉ ቆሰትያ በሲ፤
\q2 ነ ታና መቶፐ ናጋሳ።
\q2 አቶተ የ የፅያ አሳ
\q2 ታ ዩሹዋን ዎዳሳ። \qs ሳላሀ \qs*
\q1
\v 8 ፆሳይ፥ “ታ ነና ታማርሳና፤
\q2 ነ ባና ኦግያ በሳና፤
\q2 ታ ነና ዞራናነ ናጋና” ያጌስ።
\q1
\v 9 ብፃላንነ ፑሎን ኦይከቶና፤
\q2 ኪተቶና ዎዛን ባይና ባቁሎዳ
\q2 ዎይኮ ፓራዳ ሀኖፕተ።
\q1
\v 10 ኢታታስ ዋየይ ዳራና፤
\q2 ሽን ጎዳን አማነተይሳታ ሲቆይ ካማና።
\q1
\v 11 ህንተኖ፥ ፅሎቶ፥
\q2 ጎዳን ኡፋይትተነ ሀሹ ጊተ፤
\q2 ህንተኖ፥ ዎዛና ሱረቶ፥ እልልተ።
\c 33
\s1 ኬሀ ፆሳይ ሳበቶ
\p
\v 1 ህንተኖ፥ ፅሎቶ ጎዳስ ኡፋይሳን እልልተ፤
\q2 ሱረ አሳት እያ ጋላታናዉ በሴስ።
\q1
\v 2 ማስንቆን ጎዳ ጋላትተ፤
\q2 ታሙ ሻያን ዋፀትዳ ዲን የፅተ።
\q1
\v 3 ኦራ የ እያዉ የፅተ፤
\q2 ዲ ሎይድ ዲፅሸ እልልተ።
\b
\q1
\v 4 ጎዳ ቃላይ ቱማ፤
\q2 እያ ኦሶ ኡባይ አማነተይሳ።
\q1
\v 5 ጎዳይ ፅሎተነ ቱማ ፕርዳ ዶሴስ፤
\q2 እያ ማሮታይ ሳኣ ኩምስ።
\b
\q1
\v 6 ጎዳ ቃላን ሳሎት መትዶሶና፤
\q2 እያ ዶናፐ ከይያ ሸምፑዋን
\q2 ሳሎን ደእያ መተት የለትዶሶና።
\q1
\v 7 አባ ሃ እስ በሳን ኤልስስ፤
\q2 ጪሞ ሃ ምንጃ ኬን ዎስ።
\q1
\v 8 ሳአ ኡባይ ጎዳ ያዮ፤
\q2 አሳ ኡባይ ጎዳ ቦንቾ።
\q1
\v 9 እያ ኦዳን ኡባይ ሀንስ፤
\q2 እ ኪትን ምንድ ኤቅስ።
\q1
\v 10 ጎዳይ ካዎተታ ሀልቹዋ ሀዳ ኦስ፤
\q2 ኤንታ ቆፋ ላሌስ።
\q1
\v 11 ጎዳ ሀልቾይ መርናዉ ኤቅድ ደኤስ፤
\q2 እያ ዎዛና ቆፋይ የለተ ኡባሳ።
\q1
\v 12 ፆሳይ ኤንታዉ ጎዳ ግድዳ ካዎተይ፥
\q2 እ ባባ ኦድ ዶርዳ አሳይ አንጀትዳይሳታ።
\q1
\v 13 ጎዳይ ሳሎን ኡትድ ፄሌስ፤
\q2 አሳ ኮቸ ኡባ በኤስ።
\q1
\v 14 ጎዳይ ባ አራታን ኡትድ፥
\q2 ሳአን ደእያ ኡባ በኤስ።
\q1
\v 15 ኤንታ ዎዛና መዳይ እያ፤
\q2 ኤንቲ ኦያባ ኡባ እ ኤሬስ።
\q1
\v 16 ካዎይ ባ ዎታዳረ ዳሮተን አተና፤
\q2 ኦላንቾይ ባ ዎልቃ ምኖተን ከስ ኤከና።
\q1
\v 17 ፓራን ፆናና ግድ ናጎይ ሀዳ፤
\q2 እ ባ ምኖተን አሻናዉ ዳንዳኤና።
\q1
\v 18 ጎዳ አይፈት እያዉ ያያነ
\q2 እያ ማሮታን ኡፋይስ ኦያ አሳ በኦሶና።
\q1
\v 19 ሄስካ ኤንታ ሀይቆፐ አሻናሳነ
\q2 ኮሻ ዎደ ኤንታ ናጋናሳ።
\q1
\v 20 ኑኒ ጎዳ ኡፋይሳን ናጎስ፤
\q2 ኑና ማደይነ ኑ ጎንዳለይ እያ።
\q1
\v 21 እያ ጌሻ ሱንን ኑኒ አማነትያ ግሾ፥
\q2 ኑ ዎዛናይ እያን ኡፋይቴስ።
\q1
\v 22 ጎዳዉ፥ ኑኒ ነናን ኡፋይስ ኦዳይሳዳ፥
\q2 ነ ማሮታይ ኑ ቦላ ግዶ።
\c 34
\s1 ፆሳይ ኬሀ ግደይሳ በእተ
\d ዳዊቲ ጎሹ ዳንድ ሺቅዳ ግሾ፥ አብመለከ ስንፈ ጎደትድ ከይዳ ዎደ የፅዳ ማዝሙረ
\p
\v 1 ታኒ ኡባ ዎደ ጎዳ ጋላታና፤
\q2 እያ ጋላታይ ታ ዶናፐ ፓጨና።
\q1
\v 2 ታኒ ጎዳን ጬቀታይስ፤
\q2 አዳት ሄሳ ስእድ ኡፋይቶ።
\q1
\v 3 ታራ ጎዳ ቦንችተ፤
\q2 እያ ሱን እስፈ ቁ ቁ ኦስ።
\q1
\v 4 ታኒ ጎዳ ኮይን፥ እ ታዉ ዛርስ፤
\q2 ታ ያይያባ ኡባፈ ታና አሽስ።
\q1
\v 5 እያኮ ፄልያ ኡባይ ፖኦሶና፤
\q2 ኤንታ ሶምኦይ ዬላተና።
\q1
\v 6 ሀ ማንቆይ ዋስስ፤
\q2 ጎዳይ እያ ዋሱዋ ስእስ፤
\q2 እያ መቶ ኡባፈ እያ አሽስ።
\q1
\v 7 ጎዳ ኪታንቾይ እያዉ ያየይሳታ ናጌስ፤
\q2 ኤንታ ዩሾን ግድድ ኤንታ አሼስ።
\q1
\v 8 ጎዳይ ኬሀ ግደይሳ ላጭድ በእተ፤
\q2 እያኮ ባቃትያ አስ አንጀትዳይሳ።
\q1
\v 9 ህንተኖ፥ ጌሻ አሳዉ፥ ጎዳስ ያይተ፤
\q2 እያዉ ያየይሳታስ አይኮይካ ፓጨና።
\q1
\v 10 ጋሞት ምያባ ይድ ኮሻቶሶና፤
\q2 ሽን ጎዳ ኮየይሳታስ ሎኦባይ ፓጨና።
\q1
\v 11 ናይቶ፥ ሃ ዪተ፤ ስእተ፤
\q2 ታ ህንተና ጎዳ ያሽ ታማርሳና።
\q1
\v 12 ሎኦ ደኦ ዳናዉነ
\q2 ኬሀባ በአናዉ አዱሳ ላይ ዳናዉ፥
\q2 አሞተይ ኦኔ?
\q1
\v 13 ነ እንፃርሳይ ኢታባ ኦደቶናዳ፥
\q2 ነ ዶናይ ጭሞናዳ ተቃ።
\q1
\v 14 ኢታፐ ሃካ፤ ሎኦባ ኦ፤
\q2 ሳሮተ ኮያ፤ ካላ።
\q1
\v 15 ጎዳ አይፈይ ፅሎታ ፄሌስ፤
\q2 እያ ሀይይ ኤንታ ዋሱዋ ስኤስ።
\q1
\v 16 ኤንታ ቆፍስያባ ቢታፈ ይሳናዉ፥
\q2 ጎዳይ ኢታ ኦይሳታ ባ ሀንቆ አይፈን ፄሌስ።
\q1
\v 17 ፅሎት ዋሶሶና፤
\q2 ጎዳይ ኤንታ ዋሱዋ ስኤስ፤
\q2 እ ኤንታ መቶ ኡባፈ አሼስ።
\q1
\v 18 ዎዛን መቅዳይሳታስ ጎዳይ ማታና፤
\q2 እ ኡፋይስ ቃንፅዳይሳታ አሼስ።
\q1
\v 19 ፅሎ አሳስ መቶይ ዳሮ፤
\q2 ሽን ጎዳይ እያ ሄ ኡባፈ አሼስ።
\q1
\v 20 ጎዳይ እያ መቀታ ናግያ ግሾ፥
\q2 ኤንታፈ እሶይካ መቀና።
\q1
\v 21 ኢታታ ኤንታ ኢታተይ ዎና፤
\q2 ፅሎታ እፀይሳት ፕርደታና።
\q1
\v 22 ጎዳይ ባ አይለታ ዎዜስ፤
\q2 እያኮ ባቃትያ ኦንካ ፕርደተና።
\c 35
\s1 ብፃትዳ አሳ ዎሳ
\d ዳዊታ ማዝሙረ
\p
\v 1 ጎዳዉ፥ ታራ ባፀተይሳታራ ነ ባፀታ፤
\q2 ታና ኦለይሳታ ነ ኦላ።
\q1
\v 2 ጎንዳለነ ቶራ ኦይካዳ፥
\q2 ታና ማዳናዉ ደንዳ።
\q1
\v 3 ታና ጎደይሳታ ቦላ
\q2 ነ ቶራነ ማሻ ደን፤
\q2 ታኮ “ታ ነና አሸይሳ” ያጋ።
\q1
\v 4 ታ ሸምፑዋ ዎናዉ ኮየይሳት፥
\q2 ዬላቶ፤ ካዉዮ።
\q1 ታ ቦላ ኢታባ ማቀተይሳት፥
\q2 ካዉይድ ጉየ ስሞ።
\q1
\v 5 ጎዳ ኪታንቾይ ኤንታ የደያ ዎደ፥
\q2 ኤንቲ ጫርኮን ላለትያ ሱላዳ ሀኖ።
\q1
\v 6 ጎዳ ኪታንቾይ ኤንታ ጎድያ ዎደ፥
\q2 ኤንታ ኦገይ ማነ ሀል ግዶ።
\q1
\v 7 ጋሶይ ባይና ታና ኦይካናዉ ፅሄ ዎሶና፤
\q2 ታና ኩንድሳናዉ ኦላ ቦኮሶና።
\q1
\v 8 ኤሮና ደእሽን ኤንታ ቦላ ዮይ ዮ፤
\q2 ኤንቲ ዎዳ ፅሄይ ኤንታ ኦይኮ፤
\q2 ኤንቲ ቦክዳ ኦላን ኩንድድ ዮ።
\q1
\v 9 ሄ ዎደ ታኒ ጎዳን ኡፋይታና፤
\q2 እ አሽዳ ግሾ ሀሹ ጋና።
\q1
\v 10 ታ ኩመ አሳተይ ነና፥
\q2 “ጎዳዉ፥ ነ መል ኦኔ?
\q1 ማንቁዋ ዎልቃማ ኩሽያፐ ከሳ ኤካሳ፤
\q2 መቶታንቹዋነ ኡንኤትዳይሳ፥
\q2 ቦንቀይሳታ ኩሸፐ አሻሳ” ያጋና።
\q1
\v 11 ዎርዶ ማርካተይሳት ታ ቦላ ደንዶሶና፤
\q2 ታ ኤሮናባን ታና ሞቶሶና።
\q1
\v 12 ታ ሎኦ ኦዳ ግሾ ኢታ ዛርዶሶና፤
\q2 ታና ብዛ ኦዶሶና።
\q1
\v 13 ሽን ኤንቲ ሀርግዳ ዎደ ታኒ ካዮ ማኦ ማአስ፤
\q2 ታ አሳተ ፆማን ዳቡርሳስ፤
\q2 ታ ዎሳይ ዛሮ ደሞና አትስ።
\q1
\v 14 ታና ካዉሻዳ
\q2 ዳቦስ ዎይኮ እሻስ ዬከይሳዳ ዬካስ።
\q1 እስ አስ ባ አየስ ካዮተይሳዳ
\q2 ታ ሁጵያ ኦይካዳ ዬካስ።
\q1
\v 15 ሽን ታኒ በትዳ ዎደ ኡፋይትድ ሺቅዶሶና፤
\q2 ጋሶይ ባይና ታና ዋድ፥
\q2 አጎና እፅዶሶና።
\q1
\v 16 ኢታ አሳት ኦይሳዳ ኤንቲ ታና ቀልቅስዶሶና፤
\q2 ይሎትድ ባንታ አቻ ጋርጭዶሶና።
\q1
\v 17 ጎዳዉ፥ ኔኒ አዉደ ጋካናዉ፥
\q2 ስእ ጋዳ ፄላይ?
\q1 ኤንታ ኢታ ኦሱዋፐ ታና አሻ፤
\q2 ታ አልኦ ሸምፑዋ ሀ ጋሞታፐ ዎስሳ ኤካ።
\q1
\v 18 ሄ ዎደ ግታ ሺቆን ታ ነና ጋላታና፤
\q2 ዳሮ አሳይ ደእያ በሳን ነና ቦንቻና።
\b
\q1
\v 19 ጋሶይ ባይና ታና ሞርከይሳት ኡፋይቶፎ፤
\q2 ታና ጮ እፀይሳት ታ ቦላ ቃምኦቶፖ።
\q1
\v 20 ኤንቲ ሳሮባ ሃሳዮኮና፤
\q2 ስእ ግድ ደእያ አሳ ቦላ ኦዳ ፃፆሶና።
\q1
\v 21 ኤንቲ ባንታ ዶና ታ ቦላ ዶይድ፥
\q2 “ሀይሳ በአ፥ ነ ኦዳይሳ
\q2 ኑኒ ኑ አይፈን በእዳ” ያጎሶና።
\b
\q1
\v 22 ጎዳዉ፥ ኔኒ ሄሳ በአዳሳ፤
\q2 ስእ ጎፓ።
\q2 ጎዳዉ፥ ታፐ ሃኮፋ።
\q1
\v 23 ታ ፆሳዉ፥ ታ ጎዳዉ ታ ግሾ፥
\q2 ደንዳ፤ ባርካ፤
\q2 ታ ዶና ግዳዳ ሞተታ።
\q1
\v 24 ታ ጎዳዉ፥ ታ ፆሳዉ፥ ፅሎተን ታዉ ፕርዳ፤
\q2 ታ ሞርከታ ኡፋይሶፋ።
\q1
\v 25 ኤንቲ ባንታ ዎዛናን፥ “ሀሹ፥ ኑ አሞይ ፖለትስ፤
\q2 ኑኒ እያ ምትዳ” ጋና መላ ኦፋ።
\q1
\v 26 ታ ዋያን ኡፋይተይሳት፥ ዬላቶ፥ ካዉዮ፤
\q2 ታ ቦላ ጬቀተይሳት ዬላነ ካዉሸ ማኦ።
\q1
\v 27 ታ ፆኑዋ ዶሰይሳት ኡፋይቶ፤
\q2 እልሎ፤ ሀሹ ያጎ።
\q1 “ኡባ ዎደ ባ አይልያ ሳሮተን፥
\q2 ኡፋይትያ ጎዳይ ቁ ቁ ጎ” ያጎ።
\q1
\v 28 ታ እንፃርሳይ ነ ፅሎተነ ነ ጋላታ፥
\q2 ጋላሳ ኩመን ኦዴስ።
\c 36
\s1 አልኦ ግድዳ ፆሳ ሲቆ
\d ጎዳ አይለይ፥ ዳዊቲ ዛማረታ ሀላቃስ ፃፍዳ ማዝሙረ
\p
\v 1 ኢታ አስ ባ ዎዛናን ኢታባ ቆፔስ፤
\q2 እ ባ ዎዛናን ፆሳስ ያየና።
\q1
\v 2 እ ባና ዳሮ ናሽያ ግሾ፤
\q2 ባ ናጋራ በአናዉ ዎይኮ እፃናዉ ዳንዳኤና።
\q1
\v 3 እያ ዶናን ገነይነ ዎርዶይ ኩምስ፤
\q2 ጭንጫተነ ሎኦባ ኦሶ አግስ።
\q1
\v 4 ባ ሂፃን ዝንእድ ገነ ቆፔስ፤
\q2 ባና ሎኦ ግዶና ኦገን ካለስ፤
\q2 ኢታባ እፀና።
\q1
\v 5 ጎዳዉ፥ ነ ሲቆይ ሳሎታ ጋኬስ፤
\q2 ነ ቱማተይ ሻራፐ አስ።
\q1
\v 6 ነ ፅሎተይ ቃ ደረታፐ አስ፤
\q2 ነ ፕርዳይ አባ ጪሙዋፈ ዝቃ፤
\q2 ጎዳዉ፥ ኔኒ አሰነ ዶአ ናጋሳ።
\q1
\v 7 ፆሳዉ፥ ነ ሲቆይ አይ መላ አልኦ!
\q2 አሳይ ነ ቀፍያ ጋርሳን ቆሰትድ አቴስ።
\q1
\v 8 ኤንቲ ነ ግብራፐ ምድ ካሎሶና፤
\q2 ነ ኬሀተ ሻፋፐ ኡይድ አሎሶና።
\q1
\v 9 ደኦ ፑልቶይ ኔፐ ከዬስ፤
\q2 ነ ፖኡዋን ኑኒ ፖኦ በኦስ።
\q1
\v 10 ነና ኤረይሳታስ ነ ሲቆይ፥
\q2 ዎዛና ሱረታስ ነ ፅሎተይ ቃንፀተና።
\q1
\v 11 ኦቶራንቾታ ቶሆይ ታና የፎ፤
\q2 ናጋራንቾታ ኩሸይ ታና የደፎ።
\q1
\v 12 ኢታ አሳታ ኩንደ በእተ፤
\q2 ኤንቲ ኩንድዶሶና፤ ደንዳናዉ ዳንዳኦኮና።
\c 37
\s1 ፆሳይ ባ አሳ አገና
\d ዳዊታ ማዝሙረ
\p
\v 1 ኢታ ኦይሳታ ጋሶን ይሎቶፓ፤
\q2 ናጋራ ኦይሳታ ቃናቶፓ።
\q1
\v 2 ኤንቲ ማታዳ ኤሶን መላና፤
\q2 ቦንጮዳ ሹልድ ቆቆፈታና።
\q1
\v 3 ጎዳን አማነታ፤ ሎኦባ ኦ፤
\q2 ቢታ ቦላ ኡታ፤ ፓላህን ደአ።
\q1
\v 4 ጎዳን ኡፋይታ፤
\q2 እ ነ ዎዛና አሙዋ እማና።
\q1
\v 5 ነ ኦግያ ሀዳራ ጎዳስ እማ፤
\q2 እያን አማነታ፤ እ ነዉ ኦና።
\q1
\v 6 እ ነ ፅሎተ ዎንታ ፃልቀዳ፥
\q2 ነ ፕርዳ ሴታ ጋላሳ አዋዳ ፖእሳና።
\q1
\v 7 ጎዳ ስንን ስእ ጋዳ ደአ፤
\q2 ዳንዳአን ናጋ፤
\q2 ኢታ አሳታ ሀልቾይ ፖለትን በአዳ ይሎቶፓ።
\q1
\v 8 ሀንቆ አጋ፤ ይሎ ተቃ፤
\q2 ሄስ መቶን የጌስ።
\q1
\v 9 ኢታ ኦይሳት ቆለትድ ያና፤
\q2 ሽን ጎዳን ኡፋይስ ዎይሳት ቢታ ላታና።
\b
\q1
\v 10 ኢታ ኦይሳት ጉ ዎደፐ ጉየ ደኦኮና፤
\q2 ነ ኤንታ ኮያዳ ደማካ።
\q1
\v 11 ሽን አዳት ቢታ ላታና፤
\q2 ሳሮተን ኡፋይትድ ዳና።
\q1
\v 12 ኢታ አስ ሎኦ አስ ይሳናዉ ማቀቴስ፤
\q2 ባ አቻ ኤንታ ቦላ ጋርጬስ።
\q1
\v 13 ሽን ጎዳይ ኢታታ ቦላ ሚጬስ፤
\q2 ኤንታዉ ዮ ጋላስ የይሳ ኤሬስ።
\b
\q1
\v 14 ኢታ አሳት ማንቆታነ መቶታንቾታ ዎናዉ፥
\q2 ሱረ ሄመተይሳታ ሹካናዉ፥
\q2 ባንታ ማሻ ሾዶሶና፤
\q2 ባንታ ዶንግያ ዋፆሶና።
\q1
\v 15 ሽን ኤንታ ማሻይ ኤንታ ዎዛናን ገላና፤
\q2 ኤንታ ዶንገይ መቃና።
\b
\q1
\v 16 ፅሎ አሳስ ደእያ ጉባይ፥
\q2 ኢታ አሳስ ደእያ ዳሮባፐ ሎኦ።
\q1
\v 17 አይስ ጊኮ፥ ኢታታ ዎልቃይ መቃና፤
\q2 ሽን ጎዳይ ፅሎታ ዘምፕሴስ።
\q1
\v 18 ሱረ አሳታ ኦግያ ጎዳይ ኤሬስ፤
\q2 ኤንታ ላታይ መርናዉ ኤንታባ ግዳና።
\q1
\v 19 ኢታ ዎደ ሱረ አሳት ዬላቶኮና፤
\q2 ኮሻ ዎደ ኤንቲ ካልድ ማና።
\q1
\v 20 ሽን ኢታ አሳት ሀይቃና፤
\q2 ጎዳ ሞርከት ጪሻዳ ቆቆፈታና፤
\q2 ጩያዳ አይፈፐ ጌማና።
\b
\q1
\v 21 ኢታ አስ ታልእድ ዛረና፤
\q2 ሽን ፅሎ አስ ኬሀተን እሜስ።
\q1
\v 22 ጎዳን አንጀትዳይሳት ቢታ ላታና፤
\q2 ሽን እ ባድዳይሳት ያና።
\q1
\v 23 አሳ ኦገይ ጎዳ ኡፋይስኮ፥
\q2 ጎዳይ እያ ታንጉዋ ካለስ፤ ምንስ።
\q1
\v 24 እ በትኮካ ኩንደና፤
\q2 ጎዳይ እያ ኩሽያ ኦይክድ ካትሴስ።
\q1
\v 25 ታኒ ፓማስ፤ ሀእ ጭማስ፤
\q2 ሽን ፅሎ አስ የገትን፥
\q2 እያ ናይት ካ ዎስሽን በአብከ።
\q1
\v 26 እ ኡባ ዎደ ኬሀተን እሜስ፤
\q2 ጮ ታልኤስ፤
\q2 እያ ናይት ሀራታስ አንጆ ግዳና።
\q1
\v 27 ኢታፐ ሃካ፤ ሎኦ ኦ፤
\q2 ነ አዱሳ ላይ ዳና።
\q1
\v 28 ጎዳይ ፅሎ ፕርዳ ዶሴስ፤
\q2 አማነተይሳታ እ የገና።
\q1 ኤንቲ መርናዉ ናገቶሶና፤
\q2 ሽን ኢታታ ኮቻይ ያና።
\q1
\v 29 ፅሎት ቢታ ላታና፤
\q2 ያን መርናዉ ዳና።
\q1
\v 30 ፅሎ አሳ ዶናፐ ጭንጫተ ከዬስ፤
\q2 እያ እንፃርሳይ ፅሎ ኦደቴስ።
\q1
\v 31 ፆሳ ህገይ እያ ዎዛናን ደኤስ፤
\q2 እያ ቶሆይ በተና።
\q1
\v 32 ኢታ አስ ፅሎ አስ ጌዴስ፤
\q2 እያ ዎናዉ ኮዬስ።
\q1
\v 33 ሽን ጎዳይ እያ ኩሸን አድ እመና፤
\q2 ፕርደታናዉ ኤቅያ ዎደ እያ ቦላ ፕርድሰና።
\q1
\v 34 ጎዳን ኡፋይስ ኦ፥ እያ ኪታ ናጋ፤
\q2 ነና ቢታ ላትስድ ግታያና፤
\q2 ኢታ አሳት ይሽን ነ በአና።
\q1
\v 35 ናጋራንቾይ ልባኖሰ ዝጋዳ፥
\q2 ድጭድ ቁ ቁ ግን ታ በአስ።
\q1
\v 36 ሽን ታ ስማዳ ያን ደማብከ፤
\q2 ኮይንካ በንትቤና።
\q1
\v 37 ቦረይ ባይና አስ በአ፤
\q2 ሱረ አስ አኬካ፤
\q2 ሳሮ አሳስ ዉርሰይ ሎኦ ግዳና።
\q1
\v 38 ሽን ናጋራንቾት ያና፤
\q2 ኤንታ ዉርሰይ ኦማና።
\q1
\v 39 ፅሎታ አቶተይ ጎዳፐ ዬስ፤
\q2 እ መቶ ዎደ ኤንቲ ናገትድ አትያ በሰ።
\q1
\v 40 ጎዳይ ፅሎታ ማዴስ፤ አሼስ፤
\q2 ኤንቲ እያኮ ባቃትዳ ግሾ፥
\q2 እ ኤንታ ኢታታፐ አሼስ፤ ናጌስ።
\c 38
\s1 ፆሳዉ ታና አጎፋ
\d ዳዊቲ ፃፍዳ ቆፍሶ ማዝሙረ
\p
\v 1 አቤት ጎዳዉ፥ ነ ሸንያን ታና ሴሮፓ፤
\q2 ነ ይሉዋን ታና ሀንቆፋ።
\q1
\v 2 ነ ዶንገ ቶራይ ታና ጫድስ፤
\q2 ነ ኩሸይ ታና ዴፅስ።
\q1
\v 3 ነ ሀንቅዳ ግሾ ታ አሳተይ ቆሄትስ፤
\q2 ታ ናጋራ ጋሶን ታ መቀይ ሊቅስ።
\q1
\v 4 ታ ባላይ ታና ሙክስ፤
\q2 ደንዶና ግታ ቶሆዳ ታና ዴፄስ።
\q1
\v 5 ታ ኤያተን ኦዳ ናጋራ ግሾ፥
\q2 ታ ማዱንይ ፅንቅስ።
\q1
\v 6 ታ ሳአ ፄላስ፤ ሆካስ፤
\q2 ጋላስ ኩመ አዛናሸ ፔአስ።
\q1
\v 7 ታ አሾይ ፁጌስ፤
\q2 ታ አሳተይ ፓፃ ግደና።
\q1
\v 8 ታ ዳቡራስ፤ ሊቃስ፤
\q2 ታ ዎዛናይ ድርግያ ግሾ ኦላስ።
\q1
\v 9 አቤት ጎዳዉ፥ ታ ዎዛና አሞ ኡባ ኤራሳ፤
\q2 ታ ኦለይ ኔፐ ጌምቤና።
\q1
\v 10 ታ ዎዛናይ ድርጌስ፤
\q2 ታ ዎልቃይ ህት ግስ፤
\q2 ታ አይፍያ ፖኦይ ይስ።
\q1
\v 11 ታ ማዱን ጋሶን
\q2 ታ ሾሮትነ ታ ላገት ሃክድ ኤቅዶሶና፤
\q2 ታ ዳቦት ታፐ ሃክዶሶና።
\q1
\v 12 ታና ዎናዉ ኮየይሳት
\q2 ባንታ ፅህያ ታዉ የጎሶና።
\q1 ታና ቆሀናዉ ኮየይሳት፥
\q2 “ኑ ነና ደማና” ያግድ ማንዶሶና
\q2 ጋላስ ኩመ ታ ቦላ ቶቦሶና።
\q1
\v 13 ታ ቱለ አሳ መላ ስእከ፤
\q2 ሙመ አሳ መላ ዶና ፖግከ።
\q1
\v 14 ቱማ ሀይ ስኦና አስ፥
\q2 እንፃርስ ኦድድ ዛሮና አስ ግዳስ።
\q1
\v 15 ጎዳዉ፥ ታ ነና ኡፋይሳን ናጋይስ፤
\q2 ታ ጎዳዉ፥ ፆሳዉ ነ ታዉ ዛሮ እማ።
\q1
\v 16 ታኒ፥ “ታ ቶሆይ በትን፥
\q2 ኤንቲ ሀሹ ጋናዳነ
\q2 ታ ቦላ ጬቀታናዳ ኦፋ” ያጋስ።
\q1
\v 17 ታ ኩንዳና ሀናይስ፥
\q2 ታ ሳኮይ ታና አጎና እፅስ።
\q1
\v 18 ታ ናጋራ ፓፃይስ፤
\q2 ታ ናቁዋ ጋሶን አዛናይስ።
\q1
\v 19 ታ ሞርከት ግታነ ዎልቃማ፤
\q2 ታና ጮ እፀይሳት ዳሮ።
\q1
\v 20 ታኒ ሎኦባ ኦን ኢታ ዛረይሳት፥
\q2 ታ ሎኦባ ካልያ ግሾ ታራ ኤቀቶሶና።
\q1
\v 21 ጎዳዉ፥ ታና የጎፋ፤
\q2 ታ ፆሳዉ፥ ታፐ ሃኮፋ።
\q1
\v 22 ታና አሽያ ታ ጎዳዉ፥
\q2 ታና ማዳናዉ ኤለሳ።
\c 39
\s1 ግታ ፆሲ-ላፋ አስ
\d ዳዊቲ ዛማረታ ሀላቃ፥ ኤዶታመስ ፃፍዳ ማዝሙረ
\p
\v 1 ታኒ፥ “ታ እንፃርሳን ናጋራ ኦና መላ፥
\q2 ታ ኦግያ ናጋና።
\q1 ኢታ አሳት ታ ደእያ ዎደ፥
\q2 ታ ዶና ባራና” ያጋስ።
\q1
\v 2 ሽን ዶና ሙመዳ ስእ ጋስ፤
\q2 ሀር አቶሽን ሎኦባ ኦደተይሳ አጋስ፤
\q2 ሽን ታ ዋየይ ሃ ዳርስ።
\q1
\v 3 ታ ዎዛናይ ታ ጋን ቴልስ፤
\q2 ታ ቆፋይ ታማዳ ኤፅስ፤
\q2 ያትን ታ እንፃርሳን ሃሳያ ዶማስ።
\b
\q1
\v 4 ጎዳዉ፥ ታ ደኡዋ ዉርሰነ
\q2 ታ ዳናዉ አትዳ ጋላሳ ታና በሳ፤
\q2 ታ ደኦይ አይ መላ ቃንኮ ታና ኤርሳ።
\q1
\v 5 ኔኒ ታ ላይ ታካዳ ዎዳሳ፤
\q2 ታ ላይይ ነ ስንን ባይናባ መላ፤
\q2 ቱማ አስ ኡባይ እስ ሸምፖ መላ። \qs ሳላሀ \qs*
\q1
\v 6 ቱማ አስ አያ ኤሾ መላ፤
\q2 እ ጮ ዳቡሬስ፤ ሻሎ ሺሼስ፤
\q2 ሽን ኦን ጎኤታነኮ ኤረና።
\q1
\v 7 ጎዳዉ፥ ሀእ ታ ናገይ ኦኔ?
\q2 ታኒ ነናን ኡፋይስ ኦይስ።
\q1
\v 8 ታ ባላ ኡባፈ ታና አሻ፤
\q2 ኤያታን ታና ቶሽሶፓ።
\q1
\v 9 ሄሳ ኡባ ኦዳይ ነና ግድያ ግሾ
\q2 ታኒ ሙማስ፤ ዶናካ ፖጋብከ።
\q1
\v 10 ነ ፃምአ ታ ቦላፈ ደን፤
\q2 ምኖ ነ ኩሽያ ጋሶን ታ ዳቡራስ።
\q1
\v 11 አሰ እያ ናጋራ ግሾ ሴራሳ፤
\q2 እያ አልኦ ደኡዋ ብላዳ ዉርሳሳ፤
\q2 ቱማ አስ ኡባይ እስ ሸምፖ መላ። \qs ሳላሀ \qs*
\q1
\v 12 ጎዳዉ፥ ታ ዎሳ ስአ፤
\q2 ታና ማዳናዉ ታ ዋሱዋ ሀይዛ።
\q1 ታ አፉ በአዳ ስእ ጎፓ፤
\q2 ታኒ ታ አዋታዳ በተ አስነ እማ
\q2 ግዳዳ ኔራ ደአይስ።
\q1
\v 13 ታ ሻከታናፐነ ባናፐ ስን
\q2 ታኒ ኡፋይታና መላ ታና አጋ።
\c 40
\s1 ማደ ደማናዉ ዎስያ ዎሳ
\d ዛማረታ ሀላቃስ ዳዊቲ ፃፍዳ ማዝሙረ
\p
\v 1 ታኒ ጎዳ ዳንዳአን ናጋስ፤
\q2 እ ታኮ ስሚድ ታ ዋሱዋ ስእስ።
\q1
\v 2 ዮ ኦላፈ፥ ስልሞ ኡርቃፈ ታና ከስስ፤
\q2 ታ ቶሁዋ ዛላ ቦላ ኤስስ፤
\q2 ታ ሄመ ምንስ።
\q1
\v 3 ታ ዶናን ኦራ የ ዎስ፤
\q2 ሄስካ ኑ ፆሳይ ጋላተቶ ያገይሳ፤
\q2 ዳሮት በእድ ያያና፤ ጎዳን አማነታና።
\q1
\v 4 ጎዳን አማነትያ፥
\q2 ኦቶራንቾታ ፄሎናይ፥
\q2 ዎርዶታራ ሄመቶናይ፥
\q2 አንጀትዳ አስ።
\q1
\v 5 ጎዳዉ፥ ታ ፆሳዉ፥
\q2 ኔኒ ዳሮ ማላልስያባ ኦዳሳ፤
\q2 ኔራ ልከተይ ኦንካ ባዋ!
\q1 ኔኒ ኑስ ቆፕዳ ሎኦ ቆፋ፥
\q2 ኦንካ ታይባናዉ ዳንዳኦና፤
\q2 ሄስ ታኒ ኦድን ዉርያባ ግደና።
\q1
\v 6 ኔኒ ያርሾነ እሞ ኮያባካ፤
\q2 ሽን ነና ስአና መላ ታ ሀይ ዶያዳሳ፤
\q2 ፁሳ ያርሾነ ናጋራ ያርሾ ኮያባካ።
\q1
\v 7 ሄሳ ግሾ ታኒ፥ “ፃ ማፃፋን
\q2 ታባይ ፃፈትዳይሳዳ ታኒ ያስ።
\q1
\v 8 ታ ፆሳዉ፥ ታኒ ነ ሸንያ ኦናዉ ዶሳይስ፤
\q2 ነ ህገይ ታ ዎዛናን ደኤስ” ያጋስ።
\q1
\v 9 ግታ ሺቆን፥ ነ ፅሎተ ኦዳና፤
\q2 ጎዳዉ ኔኒ ኤረይሳዳ፥
\q2 ታኒ ማርካተይሳ አግከ።
\q1
\v 10 ታ ነ ፅሎተ ታ ዎዛናን ቆሳብከ፤
\q2 ነ አማነተነ ነ አሹዋ ኦዳስ።
\q1 ነ ሲቁዋነ ነ ቱማተ፥
\q2 ግታ ሺቁዋን ገንብከ።
\q1
\v 11 ጎዳዉ፥ ነ ማሮተ ታፐ ሃሶፋ፤
\q2 ነ ሲቆይነ ነ ቱማተይ፥
\q2 ታና ኡባ ዎደ ናጎ።
\q1
\v 12 ታይቦይ ባይና ኢታባይ ታና ተቅስ፤
\q2 ታ ባላይ ታና ጎዝስ፤
\q2 ታ ፄላናዉ ዳንዳእከ
\q1 ታ ናጋራይ ታ ሁጰ ብናናፐ ዳርስ፤
\q2 ታ ዎዛናይ ታ ግዶን ትልእስ።
\q1
\v 13 ጎዳዉ፥ ታና አሻናዉ ኤሮ ጋ፤
\q2 ታ ጎዳዉ፥ ታና ማዳናዉ ኤለሳ።
\q1
\v 14 ታና ዎናዉ ኮየይሳት ዬላቶ፥ ካዉዮ፤
\q2 ታ ቆሄተ አሞተይሳት ካዉይድ ጉየ ስሞ።
\q1
\v 15 ታኮ፥ “እያዉ ሀሹ፥ ሀሹ”
\q2 ገይሳት ፆነትድ ዬላቶ።
\q1
\v 16 ሽን ነና ኮይያ ኡባይ፥
\q2 ነናን ኡፋይቶ፤ ሀሹ ጎ።
\q1 ነ አቶተ ዶስያ ኡባይ፥
\q2 “ጎዳይ ግታ” ያጎ።
\q1
\v 17 ታኒ ማንቆነ መቶታንቾ፤
\q2 ሽን ጎዳይ ታባ ቆፖ!
\q1 ታና ማደይ አሸይ ነና፤
\q2 ታ ፆሳዉ፥ ጋምኦፋ።
\c 41
\s1 ሀርገትያነ ብዛ አሳ ዎሳ
\d ዛማረታ ሀላቃስ ፃፈትዳ ዳዊታ ማዝሙረ
\p
\v 1 ማንቁዋስ ቆፕያ አስ አንጀትዳይሳ፤
\q2 መቶ ጋላስ ጎዳይ እያ አሼስ።
\q1
\v 2 ጎዳይ እያ ናጌስ፥ ደኦን ዎስ፤
\q2 ቢታ ቦላ ጎዳይ እያ አንጄስ፤
\q2 ጎዳይ እያ፥ እያ ሞርከታ አሙዋስ አድ እመና።
\q1
\v 3 እ ሳከትድ ሂን ደእሽን ጎዳይ ማዴስ፤
\q2 ሀርግያፈ እያ ፓስ።
\q1
\v 4 ታኒ፥ “ጎዳዉ፥ ታ ነና ናቅዳ ግሾ፥
\q2 ታና ማራ፤
\q2 ታ ሀርግያፈ ታና ፓ” ያጋስ።
\q1
\v 5 ታ ሞርከት ኢታባ ታ ቦላ ሃሳይድ፥
\q2 “እ አዉደ ሀይቃንዴ?
\q2 እያ ሱንይ አዉደ ዶገታንዴ?” ያጎሶና።
\q1
\v 6 ታና በአናዉ ያ ኦንካ ዎርዶ ኦዴስ፤
\q2 ባ ዎዛናን ታና ዝግርያባ ሺሼስ፤
\q2 ካረ ከይድ ታ ሱን ኢሴስ።
\b
\q1
\v 7 ታና እፅያ ኡባይ እስፈ ታና ዝግሮሶና፤
\q2 ኢታባይ እያ ጋኬስ ግድ ቆፖሶና።
\q1
\v 8 “እያ ኢታ ሀርገይ ኦይክስ፤
\q2 እ ህዛ ሂፃፐ ደንደና” ያጎሶና።
\q1
\v 9 ሀር አቶሽን ታ አማነትያ ላገይ፥
\q2 ታራ ምዳይስ ታዉ ዞኮ ዛርስ።
\b
\q1
\v 10 ሽን ጎዳዉ ታና ማራ፤
\q2 ታ ኤንታዉ ኩሸ ዛራና መላ፥
\q2 ሀርገ ሂፃፐ ታና ደን።
\q1
\v 11 ታ ሞርከይ ታና ፆኖና ግሾ፥
\q2 ነ ታናን ኡፋይታናይሳ ታ ኤራይስ።
\q1
\v 12 ነ ታና ታ ሱረተ ግሾ ካትሳሳ፤
\q2 ነ ስንን ታና መርናዉ ዎሳ።
\q1
\v 13 ጎዳይ፥ እስራኤለ ፆሳይ፥
\q2 መርናፐ መርና ጋካናዉ ጋላተቶ።
\b
\qc አምንእ! አምንእ!
\c 42
\ms ናምአን ማፃፋ
\mr (ማዝ 42—72)
\s1 ጎደትያ አሳ ዎሳ
\d ቆረ ናይታ ትምርተ
\d አኬካን ፃፍዳ ማዝሙረ
\p
\v 1 ጋር ፑልቶ ሃ ላሞተይሳዳ፥
\q2 ፆሳዉ፥ ታ ሸምፕያ ነና ላሞታዉሱ።
\q1
\v 2 “ታ ሸምፕያ ፆሳ፥
\q2 ደኦ ፆሳ በአናዉ ሳሞታዉሱ፤
\q2 አዉደ ጋካዳ እያ ሶምኡዋ በኦ” ያጋዉሱ።
\q1
\v 3 አሳይ፥ “ነ ፆሳይ አዉን ደኢ?”
\q2 ግያ ዎደ፥
\q2 ጋላስነ ቃም ታዉ አፉ ካ ግድስ።
\b
\q1
\v 4 ታኒ ኤንታ ባኣለ ቦንቻናዉ ሺቅዳ፥ ዳሮ አሳ ካለዳ፥
\q2 ጋላታ የንነ እልልሳን ፆሳ ኬ በይሳ ቆፕያ ዎደ፥
\q2 ታ ዎዛናይ አዛኖን መቄስ።
\q1
\v 5 ታ ሸምፐ፥ አይስ አዛናይ?
\q2 አይስ ኡንኤታይ?
\q1 ነ ፆሳን ኡፋይስ ዎ፤
\q2 ታና አሽያ፥ ታ ፆሳ ታኒ ቡሮ ጋላታና።
\q1
\v 6 ታ ዎዛናይ አዛንስ፤
\q2 ሄሳ ግሾ ታኒ ዮርዳኖሰ ቢታን፥
\q1 አርሞና ቃን፥ ምዛረ ዙማን፥
\q2 ኤቃዳ ነና ቆፓና።
\q1
\v 7 ነ ሶሱዋ ጉንን ጪሞይ ጪሙዋ ፄጌስ፤
\q2 ነ ቤታይነ ነ ዙለይ ታ ቦላራ አስ።
\q1
\v 8 ጎዳይ ባ ሲቁዋ ጋላስ ታዉ ኪቴስ፤
\q2 ቃማ ጋላታ የይ ታራ ደኤስ፤
\q2 ታ ደኦ ፆሳ ዎሳና።
\q1
\v 9 ፆሳ፥ ታ ዛላኮ፥
\q2 “ታና አይስ ዶጋዲ?
\q1 ታ ሞርከት ታና ኡንኤን፥
\q2 ዬካሸ አይስ ሄመቶ” ያጋና።
\q1
\v 10 ታ ሞርከት፥ “ነ ፆሳይ አዉን ደኢ?”
\q2 ያግድ ጫይያ ዎደ ታ መቀይ መቄስ።
\q1
\v 11 ታ ሸምፐ አይስ አዛናይ?
\q2 አይስ ኡንኤታይ?
\q1 ፆሳን ኡፋይስ ዎ፤
\q2 ታና አሽያ፥ ታ ፆሳ ታ ቡሮ ጋላታና።
\c 43
\s1 ነ ፖኡዋነ ቱማተ ቆንጭሳ
\p
\v 1 ፆሳዉ ታዉ ፕርዳ፤
\q2 ነና ኤሮና ደረታራ ታ ግሾ ሞተታ፤
\q2 ጭምያ ኢታ አሳታፐ ታና አሻ።
\q1
\v 2 ፆሳዉ፥ ኔኒ ታኒ ቆሰታዳ አትያ ሚፃ፤
\q2 ነ ታና አይስ አጋዲ?
\q1 ታ ሞርከይ ታና ኡንኤን፥
\q2 አይስ ዬካሸ ቦ?
\q1
\v 3 ነ ፖኡዋነ ነ ቱማ ታዉ ኪታ፤
\q2 ኤንቲ ታና ካለድ ነ ጌሻ ደርያ፥
\q2 ነ ደእያ በሳ ታና ጋ።
\q1
\v 4 ሄ ዎደ ታኒ ፆሳ ያርሾ በሳኮ፤
\q2 ታና ኡፋይስያ ፆሳኮ ባና።
\q1 ፆሳዉ ታ ጎዳዉ፥
\q2 ታኒ ዲን ነና ሳባና።
\q1
\v 5 ታ ሸምፐ አይስ አዛናይ?
\q2 አይስ ኡንኤታይ?
\q1 ፆሳን ኡፋይስ ዎ፤
\q2 ታና አሽያ፥ ታ ፆሳ ታ ቡሮ ጋላታና።
\c 44
\s1 ኑና ማዳናዉ ኤለሳ
\d ቆረ ናይት ዛማረ ሀላቃስ ፃፍዳ ማዝሙረ
\d አኬካን ፃፍዳ ግንፆ
\q1
\v 1 ፆሳዉ፥ በን ዎደ ነ ኦዳባ ኑ ስእዳ፤
\q2 ኑ አዋታ ዎደ ነ ኦዳባ ኑስ ኦድዶሶና።
\q1
\v 2 ካዎተታ ነ ኩሸን ጎዳ ከሳዳሳ፤
\q2 ኑ አዋታ ኤንታ ቢታን ቶካዳሳ።
\q1 ሀራ ካዎተታ ሴራዳሳ፤
\q2 ሽን ኑ አዋታ አክሳዳሳ።
\q1
\v 3 ኤንቲ ባንታ ማሻን ኦልድ ሄ ቢታ ላትቦኮና፤
\q2 ኤንቲ ባንታ ምኖተን ፆንቦኮና።
\q1 ሽን ኔኒ ኤንታ ዶስዳ ግሾ፥
\q2 ኤንታ ነ ኡሻቻ ኩሸይ፥ ነ ቀሰይነ
\q2 ነ ሶምኡዋ ፖኦይ ፆንስስ።
\q1
\v 4 ያይቆባ ኮቻስ ፆኖ ኪትያ፥
\q2 ታ ካዎይነ ታ ፆሳይ ነና።
\q1
\v 5 ነናን ግድድ ኑ ሞርከታ ፆናና፤
\q2 ነ ሱንን ኑና እፀይሳታ የና።
\q1
\v 6 ታኒ ታ ቶራን አማነትከ፤
\q2 ታ ማሻይ ታና አሸና።
\q1
\v 7 ሽን ነ ኑና ኑ ሞርከታፐ አሻሳ፤
\q2 ኑና እፀይሳታ ኔኒ ካዉሻሳ።
\q1
\v 8 ኑኒ ኡባ ዎደ ፆሳን ጬቀታና፤
\q2 ነ ሱን መርናዉ ጋላታና። \qs ሳላሀ። \qs*
\b
\q1
\v 9 ሽን ሀእ ኑና አጋዳሳ፤ ካዉሻዳሳ፤
\q2 ኑ ኦላንቾታራ እስፈ ኦላስ ከያካ።
\q1
\v 10 ኑ ሞርከታ ስንፈ ኑና ባቃትሳዳሳ፤
\q2 ኑ እፀይሳት ኑና ቦንቅዶሶና።
\q1
\v 11 ኑና ዶርሳዳ ሹሀስ አ እማዳሳ፤
\q2 ካዎተታ ግዶን ኑና ላላዳሳ።
\q1
\v 12 ኔኒ ነ አሳ ላፋ ጋተን ባይዛዳሳ፤
\q2 አይ ዎካ ደማባካ።
\b
\q1
\v 13 ኑ ሾሮት ኑና ቦራናዳ ኦዳሳ፤
\q2 ኑ ሄራን ደኤይሳት ኑና ቅልቅሳናዳነ
\q2 ኑ ቦላ ሚጫናዳ ኦዳሳ።
\q1
\v 14 ኑና ካዎተታ ግዶን ሀይሰስ አጋዳሳ፤
\q2 ኤንቲ ባንታ ሁጵያ ኑ ቦላ
\q2 ቃና መላ ኦዳሳ።
\q1
\v 15 ጋላስ ኩመ ታኒ ቶሸታስ፤
\q2 ታ ሶምኡዋ ዬል ካምስ።
\q1
\v 16 ሄስ ሀንዳይ ታና ጫየይሳታነ ቦረይሳታ ጋሶንነ፥
\q2 ታ ሞርከታነ ታና ማንደይሳታ ጋሶና።
\b
\q1
\v 17 ኑኒ ነና ዶጎና ደእሽን፥
\q2 ነ ጫቁዋ መንና ደእሽን፥
\q2 ሀ ኡባይ ኑና ጋክስ።
\q1
\v 18 ኑ ዎዛናይ ነና አግቤና፤
\q2 ኑ ቶሆይ ነ ኦግያፐ ካረ ከይቤና።
\q1
\v 19 ሽን ኔኒ ኑና መንረዳ
\q2 ዶአ ኦላን የጋዳሳ፤
\q2 ሳካና ማን ካማዳሳ።
\b
\q1
\v 20 ኑ፥ ፆሳ ሱን ዶግዳባ ግድያኮ፥
\q2 ሀራ ፆሳታኮ ኑ ኩሽያ ምጭዳባ ግድያኮ፥
\q1
\v 21 ዎዛና ፁራ ፆሳይ ኤርያ ግሾ፥
\q2 እ ሀይሳ ፄልድ ደመኔ?
\q1
\v 22 ግዶሽን፥ ነ ግሾ ኡባ ጋላስ ሀይቆስ፤
\q2 ሹካናዉ ኤፍያ ዶርሳዳ ታይበትዳ።
\b
\q1
\v 23 ጎዳዉ፥ ደንዳ፥ አይስ ስካይ?
\q2 ደንዳ፥ መርናዉ ኑና አጎፋ።
\q1
\v 24 ነ ሶምኡዋ ኑፐ አይስ ገንይ?
\q2 ኑ ቆሁዋነ ኑ ኡንኣ አይስ ዶጋይ?
\b
\q1
\v 25 ኑኒ ባናን የገትዳ፤
\q2 ኑ አሳተይ ቢታራ ኦይከትስ።
\q1
\v 26 ጎዳዉ፥ ደንዳ፥ ኑና ማዳ፤
\q2 ነ ሲቁዋ ግሾ ጋዳ ኑና ዎዛ።
\c 45
\s1 ፆሳ አራታይ መርናሳ
\d ቆረ ናይት “ጪሸ” ጌተትያ ጩን ዛማረታ ሀላቃስ ፃፍዳ ማዝሙረ
\d አኬካን ፃፍዳ ሲቆ ማዝሙረ
\p
\v 1 ታኒ ታ የ ካዋስ ስሳና፤
\q2 ታ ዎዛናይ ሎኦ ቆፋ ፑልቴስ፤
\q2 ታ እንፃርሳይ ሎኦ ፃፍያ አሳ ብእረ መላ።
\b
\q1
\v 2 አሳ ኡባፈ ኔኒ ማላ ሎኦ፤
\q2 ነ መተርሻይ አ ኬሀተ ቃላን ኩምስ፤
\q2 ፆሳይ ነና መርናዉ አንጅስ።
\q1
\v 3 ዎልቃማ ካዋዉ፥ ነ ማሻ ዳንጫ፤
\q2 ቦንቾነ ቴማ ማአ።
\b
\q1
\v 4 ነ ቱማተ፥ ነ አዳተነ ነ ፅሎተ ግሾ፥
\q2 ነ ቴማ ማአዳ ፆናናዉ ደንዳ፤
\q2 ነ ኡሻቻ ኩሸይ ማላልስያባ በሶ።
\q1
\v 5 ነ ቶራት ቃራ፤
\q2 ኤንቲ ካዋ ሞርከታ ዎዛና ጫዶ፤
\q2 ካዎተት ነ ቶሁዋ ጋርሳን ኩንዶ።
\b
\q1
\v 6 ፆሳዉ፥ ነ አራታይ መርናዉ ደኤስ፤
\q2 ነ ካዎተ ፃምአይ ፅሎተ ፃምኣ።
\q1
\v 7 ኔኒ ፅሎተ ዶሳዳ ጌላተ እፃሳ፤
\q2 ሄሳ ግሾ፥ ፆሳይ፥ ነ ፆሳይ፥
\q2 ነ ላገታፐ አድ፥
\q2 ነና ኡፋይሳ ዛይተን ትይስ።
\q1
\v 8 ጎዳረ ኡን፥ ካርበንነ
\q2 ቡርጉደን ዋላከትዳ ሽቶን፥ ነ ማኦይ ፑከትስ።
\q1 ዳንጋርሳ ዛለን አሌቀትዳ፥
\q2 ነ ካዎ ጋን ዲፀትያ ዲይ ነና ኡፋይሴስ።
\q1
\v 9 ካዎ ኬን ደእያ ማጫሳታ ግዶን፤
\q2 ካዎታ ማጫ ናይት ደኦሶና።
\q1 ካውያ ኦፍራ ዎርቃን አሌቀታዳ፥
\q2 ኔፐ ኡሻቻ ባጋን ኤቃሱ።
\b
\q1
\v 10 ታ ናተ፥ ስአ፤ ዎዛናን ዎ፤
\q2 ነ ሀይ ሃ ዛራ፤
\q2 ነ ደርያነ ነ አዋ ኬ ዶጋ።
\q1
\v 11 ካዎይ ነ ማላን ኡፋይትስ፤
\q2 ነ ጎዳ ግድያ ግሾ እያ ቦንቻ።
\q1
\v 12 ፅሮሳ አሳይ ነዉ ዎይቶ ኤክድ ያና፤
\q2 ዱረት ነና አዳሻና።
\q1
\v 13 ካዋ ናእያ፥
\q2 ካዎ ኬን ዋና ሎአይ!
\q2 እ ያጋኖ ማኦይ ዎርቃን አሌቀትስ።
\q1
\v 14 ባ አሌቆ ማኡዋ ማአዳ፥
\q2 ካዋኮ ሞይዘታሱ።
\q1 እ ጌላኦ ላገት እዮ ካልድ፥
\q2 እያ ስን ኤክድ ይዶሶና።
\q1
\v 15 ኤንቲ ኡፋይትሸ ይድ፥
\q2 ካዎ ጋ ገሎሶና።
\b
\q1
\v 16 ካዋዉ፥ ነ አዋታ በሳ ነ ናይት ላታና፤
\q2 ቢታ ኡባን ነ ኤንታ ሹማና።
\q1
\v 17 ታ ነ ሱን የለታ ኡባን፥
\q2 ሀሳየታናዳ ኦና።
\q2 ሄሳ ግሾ፥ አሳይ መርናዉ ነና ጋላታና።
\c 46
\s1 ፆሳይ ኑራ ደኤስ
\d ቆረ ናይት ዛማረታ ሀላቃስ ፃፍዳ ማዝሙረ
\d “ጌላኦ ናይታ የ” ጌተትያ ጩን የፀትዳ ማዝሙረ
\p
\v 1 ፆሳይ ኑ ቆሰትድ አትያ፥
\q2 በሰነ ኑ ዎልቃ።
\q1 ኑና መቶይ ጋክያ ዎደ፥
\q2 እ ኑና ማዳናዉ ኡባ ዎደ ኑ ማታን ደኤስ።
\q1
\v 2 ሄሳ ግሾ፥ ቢታይ ቃፅያኮካ፥
\q2 ደረት አባን ኩንድያኮካ፥
\q2 ኑኒ ያዮኮ።
\q1
\v 3 አባይ ጉምድ ጎፖንትኮካ፥
\q2 እያ ዎልቃማ ዙልያን ደረት ኮኮርያኮካ፥
\q2 ኑኒ ዳጋሞኮ። \qs ሳላሀ። \qs*
\b
\q1
\v 4 ኡባፈ ቃ ፆሳይ ደእያ፥ ፆሳ ካታማ፥
\q2 ጌሻ በሳ፥ ኡፋይስያ እስ ሻፍ ደኤስ።
\q1
\v 5 ፆሳይ እያ ግዶን ደእያ ግሾ፥
\q2 ሄ ካታማይ ቃፀና፤
\q2 ዎንታ ጉራ ፆሳይ እያ ማዳና።
\q1
\v 6 ደረይ ዳጋምስ፤ ካዎተት ቃፆሶና፤
\q2 ፆሳይ ባ ቃላ ስስስ፤ ቢታይ ትልእስ።
\b
\q1
\v 7 ኡባፈ ዎልቃማ ጎዳይ ኑራ ደኤስ፤
\q2 ያይቆባ ፆሳይ ኑ ቆሰትድ አትያ በሰ። \qs ሳላሀ \qs*
\q1
\v 8 ሃ ዪተ፤ ጎዳ ኦሱዋ ፄልተ፤
\q2 ቢታ ዋትድ ይስዳኮ በእተ።
\q1
\v 9 እ ቢታ ቦላ ደእያ ኦላ ኡባ ተቄስ፤
\q2 ዶንገነ ቶራ መንስ፤
\q2 ጎንዳልያ\f + \fr 46:9 \fr*\fq ጎንዳልያ፦ \fq*\ft እብራወ ዶናን ሀረ ጋረ ጌተቴስ።\ft*\f* ታማን ፁጌስ።
\q1
\v 10 ዎፑ ጊተ፤ ታኒ ፆሰ ግደይሳ ኤርተ፤
\q2 ታኒ ካዎተታ ግዶን ቁ ቁ ጋና፤
\q2 ቢታ ቦላካ ቁ ቁ ጋና።
\q1
\v 11 ኡባፈ ዎልቃማ ጎዳይ ኑራ ደኤስ፤
\q2 ያይቆባ ፆሳይ ኑ ቆሰትድ አትያ በሰ። \qs ሳላሀ። \qs*
\c 47
\s1 ፆሳይ ሳአ ኡባ ጎዳ
\d ቆረ ናይታ ማዝሙረ
\p
\v 1 ደረ ኡባይ ህንተ ኩሽያ ባቅተ፤
\q2 ቃላ ቁ ኦድ ፆሳ ጋላትተ።
\q1
\v 2 ኡባፈ ቃ ጎዳይ ዋን ያሺ?
\q2 ቢታ ኡባን እ ግታ ካዎ።
\q1
\v 3 ደረታ ኑፐ ጋርሳራ፥
\q2 ካዎተታ ኑ ቶሁዋፐ ጋርሳን ሃርሴስ።
\q1
\v 4 እ ኑስ ላታ ቢታ ዶርስ፤
\q2 እ ዶስያ ያይቆብ
\q2 ሄ ቢታን ጬቀቴስ። \qs ሳላሀ። \qs*
\b
\q1
\v 5 ፆሳይ ኡፋይሳንነ እልልሳን ፑደ ደንድስ፥
\q2 ጎዳይ ሞይዘ ፑኖን ባ አራታን ከይስ።
\q1
\v 6 ፆሳስ ዛማርት፤ ኤ፥ እያዉ ዛማርተ፤
\q2 እያዉ ካዋስ ዛማርተ፤ ኤ፥ እያዉ ዛማርተ።
\q1
\v 7 ፆሳይ ቢታ ኡባ ካዎ ግድያ ግሾ፥
\q2 ጋላታን ሳቢተ።
\q1
\v 8 ፆሳይ ባ ጌሻ አራታን ኡትስ፥
\q2 ፆሳይ ካዎተታ ሃሬስ።
\q1
\v 9 ካዎተታ ሀላቃት፥
\q2 አብራሃመ ፆሳ አሳራ ሺቆሶና።
\q1 ቢታን ደእያ ዎልቃማ ኡባይ ፆሳባ
\q2 ግድያ ግሾ እ ኡባፈ ቁ ቁ ግስ።
\c 48
\s1 ፅዮነይ ኑ ፆሳ ዙማ
\d ቆረ ናይታ ማዝሙረ
\p
\v 1 ጎዳይ ግታ፤ ኑ ፆሳ ካታማን
\q2 እያ ጌሻ ዙማ ቦላ ግታ ጋላት እያዉ በሴስ።
\q1
\v 2 ቢታ ኡባ ኡፋይስ ግድዳ፥
\q2 ፑደሀ ባጋራ ደእያ ፅዮነ ደረይ፥
\q2 ቃነ ሎኦ፤
\q2 እ ግታ ካዋ ካታማ።
\q1
\v 3 ፆሳይ ሄ ግምብያ ግዶና፤
\q2 እካ እያዉ ገሸ ግደይሳ ኤርስስ።
\q1
\v 4 ካዎት ባንታ ቶራንቾታራ ሺቅዶሶና፤
\q2 ፅዮነ ኦላናዉ ይዶሶና።
\q1
\v 5 እያ በእድ ዳጋምዶሶና፤
\q2 ጉየ ስሚድ ባቃትዶሶና።
\q1
\v 6 ኤንቲ ያን ደእሸ ያሻን ኮኮርዶሶና፤
\q2 እቀ ኦይክዳ ማጫሳዳ እንፃፅዶሶና።
\q1
\v 7 ዶሎሀ ባጋ ዎልቃማ ጫርኮን
\q2 መቅያ ታርሰሳ ማርካበታ መላ ግድዶሶና።
\q1
\v 8 ኑ ስእዳይሳዳ፥
\q2 ኡባፈ ዎልቃማ ጎዳ ካታማን፥
\q2 ኑ ፆሳ ካታማን እ ኦዳባ በእዳ፤
\q2 ፆሳይ ሄ ካታማ መርናዉ ምንድ ናጌስ። \qs ሳላሀ \qs*
\q1
\v 9 አቤት ፆሳዉ፥ ነ ኬን
\q2 መርና ነ ሲቁዋ ቆፖስ።
\q1
\v 10 አቤት ፆሳዉ፥ ነ ሱንዳ
\q2 ነ ጋላታይ ሳኣ ጋፃ ጋክስ፤
\q2 ነ ኡሻቻ ኩሸይ ፅሎተን ኩምዳይሳ።
\q1
\v 11 ነ ፕርዳ ጋሶን ፅዮነ አሳይ ኡፋይቶ፤
\q2 ይሁዳ ኩመይ ኡፋይሳን እልሎ።
\q1
\v 12 ፅዮነ ዩሹዋን ሄመትተ፤
\q2 እ ድርሳ ዩይተ እ ሻኮታ ታይብተ።
\q1
\v 13 ያ የለታስ ኦዳና መላ
\q2 እያ ግምብያ አኬክተ፤ ሚፃታ ዎችተ።
\q1
\v 14 ህንተ፥ “መርናዉ ፆሳይ ኑ ፆሳ፤
\q2 እ ኑና ሀይቃና ጋካናዉ ካለና” ያግድ ኦድተ።
\c 49
\s1 መቶ ዎደይ ያሸና
\d ቆረ ናይት ዛማረታ ሀላቃስ ፃፍዳ ማዝሙረ
\p
\v 1 አሳ ኡባይ ሀይሳ ስእተ፤
\q2 ቢታ ቦላ ደኤይሳቶ፥
\q2 ኡባይ ሀይሳ ሀይዝተ።
\q1
\v 2 ቃይ ዝቃይ፥
\q2 ዱረይ ማንቆይ ስእተ።
\q1
\v 3 ታ ዎዛና ቆፋይ አኬካ እሜስ፤
\q2 ታ ዶናይ ጭንጫተ ቃላ ኦደቴስ።
\q1
\v 4 ታ ሀይ ሌምሶኮ ዛራና፤
\q2 ዲ ዲፃሸ፥ ታ ቃንእሽያ ብርሻና።
\q1
\v 5 መቶ ጋላሳይ ያ ዎደነ ጭምያ ሞርከት፤
\q2 ታና ተቅያ ዎደ ታ አይስ ባባይና?
\q1
\v 6 ባንታ ሻሉዋን አማነተይሳታነ
\q2 ባንታ ዱረተን ጬቀትያ
\q2 ታ ሞርከታ አይስ ባባይና?
\q1
\v 7 አይ አስካ ባና ዎዛናዉ፥
\q2 ዎይኮ ባ ሸምፑዋ ጋትያ
\q2 ፆሳስ ቃንፃናዉ ዳንዳኤና።
\q1
\v 8 አሳ ሸምፖ ጋተይ ዳሮ አልኦ፤
\q2 አይ ጋተ ቃንፅንካ ግደና።
\q1
\v 9 እ ሀይቆናዳነ ዱፎ ገሎናዳ፥
\q2 ዎይኮ እ ሀይቆናዳ ኦናዉ ጋከና።
\q1
\v 10 ኤያትነ ፓና አሳት ሀይቀይሳዳ፥
\q2 ጭንጫት ባንታ ሻሉዋ
\q2 ሀራታስ የግድ በይሳ አሳ ኡባይ በኤስ።
\q1
\v 11 ኤንቲ ባንታ ቢታ ባንታባ ጊኮካ፥
\q2 ዱፎይ መርናዉ ኤንታዉ ኬ ግዳና።
\q1
\v 12 አስ አይ ግታትኮካ ባ ግታተራ ካንና፤
\q2 እ ዶአዳ ሀይቄስ።
\q1
\v 13 ባንታርካ ባንታ ሁጰን አማነተይሳታ ቃዳይነ
\q2 ኤንቲ ግዳባ ቱማ ግያ ኤያታ ዉርሰይ ሀይሳ። \qs ሳላሀ \qs*
\q1
\v 14 ሹካስ ጊገትዳ ዶርሳታዳ፥
\q2 ሀይቆይ ኤንታ ዱፎ ካለስ።
\q1 ሱረት ኤንታ ዱፉዋ ቦላራ ሄመታና፤
\q2 ኤንታ አሳተይ ዱፎን ዎቃና፤
\q2 ኬፈ ከይድ ሃክድ ስኦለን አታና።
\q1
\v 15 ሽን ፆሳይ ታ ሸምፑዋ ዎዛና፤
\q2 እ ታና ሀይቆ ዎልቃፈ አሻና። \qs ሳላሀ \qs*
\q1
\v 16 አስ ዱረትያ ዎደነ
\q2 እያ ቦንቾይ ዳርያ ዎደ ያዮፋ።
\q1
\v 17 እ ሀይቅያ ዎደ አይኮካ ኤክድ ቤና፤
\q2 እያ ሻሎይ እያራ እስፈ ዱፎ ገለና።
\q1
\v 18 አስ ፓፃ ደእያ ዎደ ታዉ ኩምስ ጊኮ፥
\q2 ኡባባይ እያዉ እንጀትዳ ግሾ ጋላተትኮካ፥
\q2
\v 19 ስሚድ ፖኦ በኦና፥
\q2 ባ ማይዛታን ጋሄቴስ።
\q1
\v 20 ኤራተ ባይና ዱረትዳ አስ
\q2 ዶአዳ ጮ ያና።
\c 50
\s1 ፆሳይ ቱማ ዳይና
\d አሳፋ ማዝሙረ
\p
\v 1 ዎልቃማ ጎዳይ፥ ፆሳይ ኦዴስ፤
\q2 ዶሎሀፐ ዉሎሀ ጋካናዉ ቢታ ኡባ ፄጌስ።
\q1
\v 2 መን ፖሎ የገልስ ግድዳ
\q2 ፅዮነፐ ፆሳይ ፖኤስ።
\q1
\v 3 ኑ ፆሳይ ያና፤ ስእ ጌና፤
\q2 ኤፅያ ታማይ እያ ስንና፤
\q2 ዎልቃማ ጎተይ እያ ዩሹዋና።
\q1
\v 4 ፆሳይ ባ አሳ ፕርድያ ዎደ፥
\q2 ሳሎታነ ሳኣ ፄጌስ።
\q1
\v 5 “ያርሾን ታራ ጫቅዳ፥
\q2 ታ ጌሻታ ታኮ ሺሽተ” ያግስ።
\q1
\v 6 ፆሳይ ፕርድያ ግሾ፥
\q2 ሳሎት እያ ፅሎተ አዋጆሶና። \qs ሳላሀ \qs*
\q1
\v 7 “ታ አሳዉ፥ ስእተ፤ ታ ህንተዉ ኦዳይስ፤
\q2 እስራኤለ አሳዉ፥ ታ ነ ቦላ ማርካታና፤
\q2 ታኒ ፆሳይ፥ ነ ፆሳ።
\q1
\v 8 ነ ያርሹዋ ግሾነ
\q2 ነ ፁሳ ያርሹዋ ግሾ፥
\q2 ነና ቦርከ።
\q1
\v 9 ነ ዳራፐ ኮርማታ፥
\q2 ነ ግርብያፈ ኮለ ኤካናዉ ኮይከ።
\q1
\v 10 ዎራን ደእያ ዶአት ኡባይ ታባ፤
\q2 ሙኩሉ ዙማ ቦላ ደእያ መሄትካ ታሳ።
\q1
\v 11 ታኒ ቃ ደርያን ደእያ ካፎታ ኡባ ኤራይስ፤
\q2 ደንባን ደእያ መተት ታይሳታ።
\q1
\v 12 ታና ኮሻይኮካ ነና ኦይችከ፤
\q2 ሳእነ ሳአን ኩምዳባ ኡባይ ታባ።
\q1
\v 13 ታኒ ኮርማታ አሹዋ ማይናዬ?
\q2 ዎይኮ ዴሻታ ሱ ኡያናዬ?
\q1
\v 14 ፆሳስ ጋላታ ያርሾ እማ፤
\q2 ኡባፈ ቃ ፆሳስ ነ ቃንገ ጋ።
\q1
\v 15 መቶ ጋላስ ታና ፄጋ፤
\q2 ታ ነና አሻና፤ ነካ ታና ቦንቻና” ያጌስ።
\q1
\v 16 ሽን ፆሳይ ኢታ አሳ ሀይሳዳ ያጌስ፤
\q2 “ታ ህግያ ነ ናባባናዉ ነዉ አይ ማት ደኢ?
\q2 ዎይኮ ታ ጫቁዋ ነ ዶናን ቆንጭሳናዉ ነዉ አይ ማት ደኢ?
\q1
\v 17 ኔኒ ታ ትምርትያ እፃዳሳ፤
\q2 ታ ቃላ ጉየ የጋዳሳ።
\q1
\v 18 ካይሱዋ በእዳ ዎደ ኔኒ እያራ ዳቦታዳሳ፤
\q2 ላይማተይሳታ ማባራን ገላዳሳ።
\q1
\v 19 ነ ዶና ኢታባ ኦደታናዉ ብላ የዳዳሳ፤
\q2 ነ እንፃርሳይ ዎርዶ ሃሳያ ሜዘትስ።
\q1
\v 20 ኡታዳ ነ እሻ ዝግራዳሳ፤
\q2 ነ አየ ናኣ ቦላ ኢታባ ኦደታዳሳ።
\q1
\v 21 ነ ሀይሳ ኡባ ኦያ ዎደ፥
\q2 ታኒ ስእ ግዳ ግሾ
\q2 ታና ነ መላ ጋዳ ቆፓዳሳ።
\q2 ሽን ሀእ ታ ነና ሀንቃና፤
\q2 ነ ናጋራ ነ ስንን ታይባና።
\q1
\v 22 ህንተኖ፥ ፆሳ ዶገይሳቶ፥ ሀይሳ አኬክተ፤
\q2 ሄስ ሀኖና እፅኮ ታ ህንተና መንረና፤
\q2 ሄ ዎደ ህንተና አሻናይ ባዋ።
\q1
\v 23 ታዉ ጋላታ ያርሸይ ታና ቦንቼስ፤
\q2 ባ ኦግያ ሱርስዳ አሳስ
\q2 ታኒ ፆሳ አቶተ በሳና” ያጌስ።
\c 51
\s1 ታዉ ጌሻ ዎዛና እማ
\d ዳዊቲ ዛማረታ ሀላቃስ ፃፍዳ ማዝሙረ
\d ዳዊቲ በርሳበራ ላይማትዳ ዎደ ናብያ ናታን እያዉ ኦድ ስምን ዳዊቲ የፅዳ ማዝሙረ
\p
\v 1 አቤት ፆሳዉ፥ ነ መርና ሲቁዋዳ ታና ማራ፤
\q2 ነ ቃታ ዳሩዋ መላ ታ ናጋራ ቁቻ።
\q1
\v 2 ታ ኢታተፈ ታና ሜጫ፤
\q2 ታ ናጋራፐ ታና ጌሻ።
\q1
\v 3 ታኒ ታ ቆሁዋ ኤራይስ፤
\q2 ታ ናጋራይ ኡባ ዎደ ታ ስንና።
\q1
\v 4 ታኒ ነና፥ ነ ፃላላ ቆሀስ፤
\q2 ነ ስንን ኢታባ ኦስ።
\q1 ሄሳ ግሾ፥ ነ ሀንቁዋን ነ ልከ፤
\q2 ነ ፕርዳንካ ነ ፅሎ።
\q1
\v 5 ሄኮ ታ የለትያ ዎደ ናጋራንቾ፤
\q2 ታ አየ ኡሎን ቡሮ አትያ፥
\q2 ዎደፐ ዶማዳ ታኒ ናጋራንቾ።
\q1
\v 6 ኔኒ አሳ ዎዛናፐ ቱማተ ኮያሳ፤
\q2 ታ ጋ አሳተ ጭንጫተ ታማርሳ።
\q1
\v 7 ህሶጰ ቦንጮን ታና ዉርፃ፤ ታ ጌያና፤
\q2 ታና ሜጫ፤ ታ ሻቻፈ አዳ ቦፃና።
\q1
\v 8 ነ ታና ኡፋይስነ ሎኦባ ስሳ፤
\q2 ነ መንረዳ ታ መቀ ዛራዳ ኡፋይሳ።
\q1
\v 9 ነ ሶምኡዋ ታ ናጋራፐ ሀራ ሶ ዛራ፤
\q2 ታ ባላ ኡባ ቁቻ።
\q1
\v 10 አቤት ፆሳዉ፥ ጌሻ ዎዛና ታናን መ፤
\q2 ቃፆና አያና ታ ግዶን ኦራ።
\q1
\v 11 ታና ነ ስንፈ የጎፋ፤
\q2 ነ ጌሻ አያና ታፐ ኤኮፋ።
\q1
\v 12 ነ አቶተ ኡፋይሳ ታዉ ዛራ፤
\q2 ታ ነዉ ኪተታና መላ ታና ዘምፕሳ።
\q1
\v 13 ታ ሄ ዎደ ህገ መንይሳታ ነ ኦግያ ታማርሳና፤
\q2 ናጋራንቾትካ ኔኮ ስማና።
\q1
\v 14 አቤት ፆሳዉ፥ ታና አሽያ ፆሳዉ፥
\q2 ሱ ጉስያ ናጋራፐ ታና አሻ፤
\q2 ሄ ዎደ ታ እንፃርሳይ ነ ፅሎተ የፃና።
\q1
\v 15 አቤት ጎዳዉ፥ ታ ዶና ዶያ፤
\q2 ታ እንፃርሳይ ነ ጋላታ አዋጃና።
\q1
\v 16 ነ ያርሾን ኡፋይትያኮ፥ ታ ነዉ ያርሻናሽን፥
\q2 ነ ፁሳ ያርሾን ኡፋይታካ።
\q1
\v 17 ፆሳ ያርሾይ አዳ አያና፤
\q2 ፆሳዉ፥ ነ መቅዳነ
\q2 ካዉይዳ ዎዛና ካካ።
\q1
\v 18 አቤት ፆሳዉ፥ ዶሳን ፅዮነስ ኬሀ፤
\q2 የሩሳላመ ግምበታ ግምባ።
\q1
\v 19 ሄ ዎደ ነ ፅሎተ ያርሾንነ
\q2 ፁሳ ያርሾን ኡፋይታና።
\q1 ፖሎ ሽቂያ መሄ ያርሾን ኡፋይታና፤
\q2 ኮርማት ነ ያርሾ በሳን ያርሸታና።
\c 52
\s1 ፆሳ ሲቆይ መርናሳ
\d ዳዊቲ ዛማረታ ሀላቃስ አኬካን ፃፍዳ ግንፆ
\d ኤዶመ ቢታ አስ ግድዳ ዶይቅ ሳኦላኮ ብድ፥ “ዳዊቲ አብመለከ ሶ ብስ” ያግድ ኦድ ስምን፥ ዳዊቲ ፃፍዳ ማዝሙረ
\p
\v 1 ነኖ፥ ዎልቃማ ኡራዉ፥ ኢታተን አይስ ኦቶርታይ?
\q2 ነኖ ፆሳን ካትዳይሶ ኡባ ዎደ አይስ ጬቀታይ?
\q1
\v 2 ነኖ፥ ዎርዶ ኦደተይሶ፥
\q2 ነ ሀራታ ይሳናዉ ማቀታሳ፤
\q2 ነ እንፃርሳይ ቃራ ማቅላ መላ።
\q1
\v 3 ነ ሎኦ አጋዳ ኢታ ዶሳሳ፤
\q2 ቱማ አጋዳ ዎርዶ ኦደታሳ። \qs ሳላሀ \qs*
\q1
\v 4 ነኖ፥ ዎርዳንቹዋዉ፥
\q2 ነ ቦሻ ቃላ ኡባ ዶሳሳ።
\q1
\v 5 ፆሳይ ነና መርናዉ መንና፤
\q2 ፆሳይ ነና መንረናነ ነ ኬፈ ዳፍድ ከሳና፤
\q2 ነና ደኦን ደኤይሳታ ግዶፈ ሾድድ የጋና። \qs ሳላሀ \qs*
\q1
\v 6 ፅሎት ሄሳ በእድ ያያና፤
\q2 ኤንቲ ሀይሳዳ ያግድ፥ ነ ቦላ ሚጫና፤
\q1
\v 7 “ፆሳ ባዉ ገሸ ኦቦና፥
\q2 ባ ዱረተን አማነትዳ፥
\q2 ኢታ ኦሶን ምንዳ፥
\q2 አድያ ሀይሳ በእተ” ያጋና።
\q1
\v 8 ሽን ታኒ ፆሳ ኬን አጭያ ሻማሆ መላ፤
\q2 እያ ሲቁዋን ታኒ መርናዉ አማነታይስ።
\q1
\v 9 ነ ኦዳ ግሾ መርናዉ ታ ነና ጋላታና፤
\q2 ኔኒ ሎኦ ግድያ ግሾ ነ ሱንን ኡፋይስ ኦና፤
\q2 ጌሻታ ስንን ታ ነና ሳባና።
\c 53
\s1 ሎኦ ኦያ አስ ባዋ
\d ዳዊቲ ዛማረታ ሀላቃስ ፃፍዳ ትምርተ
\d አኬካን ፃፈትዳ ግንፆ
\p
\v 1 ኤያት ባንታ ዎዛናን፥ “ፆሲ ባዋ” ያጎሶና፤
\q2 ኤንታ ደኦይ ኢትስ፤ ኤንቲ ቱናባ ኦሶና፤
\q2 ሎኦባ ኦያ አስ እሶይካ ባዋ።
\q1
\v 2 ፆሳ ኮይያ ጭንጫ አስ ደእያኮ በአናዉ፥
\q2 ጎዳይ ሳሎፐ አሳ ፄሌስ።
\q1
\v 3 ኤንቲ ኡባይ ፆሳፈ ሃክዶሶና፤
\q2 ኡባይ እስፈ ቱንዶሶና።
\q1 ሎኦ ኦያ አስ ዴና፤
\q2 ሀር አቶሽን እስ አስካ ባዋ።
\q1
\v 4 አስ ካ መይሳዳ ታ አሳ መይሳት፥
\q2 ሀ ኢታ ኦያ አሳት ኤሮኮና?
\q2 ኤንቲ ፆሳ ፄጎኮና?
\q1
\v 5 ኤንቲ ዳጋም ኤሮና ዳጋማ ዳጋማና፤
\q2 ፆሳይ ባ አሳ ሞርከታ መቀ ላላና፤
\q2 ፆሳይ ኤንታ ካዳ ግሾ ኤንቲ ዬላታና።
\q1
\v 6 እስራኤለ አቶተይ ፅዮነፐ ዬረነ!
\q2 ፆሳይ ባ አሳ ድኡዋ ዛርያ ዎደ፥
\q1 ያይቆባ ዛረት ኡፋይቶ፤
\q2 እስራኤለ አሳይ ኡፋይሳን ሀሹ ጎ።
\c 54
\s1 ፆሳይ ታ ሸምፑዋ ናጌስ
\d ዳዊቲ ዛማረታ ሀላቃስ ዲን የፅዳ አኬካ ግንፆ
\d ዚፋ አሳት ሳኦላኮ ብድ፥ “ዳዊቲ ኑ ቢታን ቆሰትስ” ያግድ ኦድን፥ ዳዊቲ ፃፍዳ ማዝሙረ
\p
\v 1 አቤት ፆሳዉ፥ ነ ሱንን ታና አሻ፤
\q2 ነ ዎልቃን ታዉ ፕርዳ።
\q1
\v 2 አቤት ፆሳዉ፥ ታ ዎሳ ስአ፤
\q2 ታ ዶና ቃላ ሀይዛ።
\q1
\v 3 አላጋ አሳት ታ ቦላ ደንድዶሶና፤
\q2 ዳጋንያ አሳት ታና ዎናዉ ኮዮሶና፤
\q2 ኤንቲ ፆሳ ቆፖኮና። \qs ሳላሀ \qs*
\q1
\v 4 ፆሳይ ታዉ ማደ፤
\q2 ጎዳይ ታዉ ዘምፖ።
\q1
\v 5 አቤት ፆሳዉ፥ ታ ሞርከታ ኢታተ ኤንታ ቦላ ዛራ፤
\q2 ነ ቱማተ ግሾ ኤንታ ይሳ።
\q1
\v 6 አቤት ጎዳዉ፥ ታኒ ታ ዶሳን ነዉ ያርሻና፤
\q2 ነ ኬሀ ግድያ ግሾ ነ ሱን ጋላታና።
\q1
\v 7 ነ ታና፥ ታ መቶ ኡባፈ አሻዳሳ፤
\q2 ታ ሞርከታ ፆነተ ታ አይፈን በአስ።
\c 55
\s1 ነ ቶሁዋ ፆሳ ቦላ የጋ
\d ዳዊቲ ዛማረታ ሀላቃስ ዲን የፅዳ አኬካ ማዝሙረ
\p
\v 1 አቤት ፆሳዉ፥ ታ ዎሳ ስአ፤
\q2 ታ ማጋኑዋ ቀል ጎፓ።
\q1
\v 2 ታና ስአ፤ ታ ዎሳስ ዛሮ እማ፤
\q2 ታ ቆፋይ ታና ዋይስን፥ ታ ኡንኤታስ።
\q1
\v 3 ታ ሞርከታ ግርሳ ስአዳ ዳጋማስ፤
\q2 ኢታታ ማንድያ ጋሶን ኮኮራስ።
\q1 ኤንቲ ታ ቦላ መቶ ኤሆሶና፤
\q2 ይሎን ደንድድ ታና ሞርኮሶና።
\q1
\v 4 ታ ዎዛናይ ድርጌስ፤
\q2 ሀይቆ ህርጋይ ታና ዎስ።
\q1
\v 5 ታና ያሽነ ኮኮርስ ኦይክስ፤
\q2 ኢታ ዳጋም ታ ቦላ ዎስ።
\q1
\v 6 ሆለዳ ታዉ ቀፈይ ደእያኮ፥
\q2 ፓላዳ ሸምፖይ ደእያ በሲ ጋካናሽን።
\q1
\v 7 ታኒ ሃካዳ ባናሽን፤
\q2 ባዞን አቃናሽን። \qs ሳላሀ \qs*
\q1
\v 8 ታኒ ጎተፐነ ጫርኮፈ ባቃታዳ፥
\q2 ታ ቆሰትያ በሲ ደማናሽን።
\q1
\v 9 አቤት ጎዳዉ፥ ካታማ ግዶን
\q2 ኦሽነ ገነ በእዳ ግሾ
\q2 ኢታታ ኦዳ ላላ።
\q1
\v 10 ኢታት ጋላስነ ቃማ
\q2 ካታማ ግምበ ድርሳ ዩዮሶና፤
\q2 ዋየይነ መቶይ ካታማ ግዶን ደኤስ።
\q1
\v 11 ዮይ እያ ግዶን ደኤስ፤
\q2 ናቆይነ ጭሞይ እያ ዳባባፐ ሻከተና።
\q1
\v 12 ታና ጫየይ ታ ሞርክያ ግደና፤
\q2 እያ ግድያኮ ታ ዳንዳአናሽን።
\q1 ታ ቦላ ጬቀተይ ታና እፀይሳ ግደና፤
\q2 እያ ግድያኮ ታ እያፐ ቆሰታናሽን።
\q1
\v 13 ሽን ሄሳ ኦይ ነና፥
\q2 ታ ላግያ፤ ታ ዳቡዋነ ታ ሲቁዋ።
\q1
\v 14 ኑ እሶይ እሱዋራ ኡሎ ኦዳ ኦደትዳ፤
\q2 ፆሳ ኬን ዳባባን አሳራ እስፈ ስመረትዳ።
\q1
\v 15 ኤንታ ዎዛናን ኢታተ ደእያ ግሾ፥
\q2 ታ ሞርከት ቆፖና ሀይቆ፤
\q2 ኤንቲ ፓፃ ደእሸ ዱፎ ገሎ።
\q1
\v 16 ሽን ታኒ ፆሳ ፄጋና፤
\q2 ጎዳይ ታና አሻና።
\q1
\v 17 ዎንታ፥ ጋላስነ ኦማርስ ዋሳና፤
\q2 ታ መቱዋ እያዉ ኦዳና፤ እ ታና ስአና።
\q1
\v 18 ዳሮት ታና ሞርክኮካ፥
\q2 እ ታና ቶራፐ አሼስ።
\q1
\v 19 በንፐ ባ አራታን ኡትዳ ፆሳይ፥
\q2 ባንታ ኦግያ ላሞና ግሾነ
\q2 እያዉ ያዮና ግሾ ታና ስእድ ኤንታ ካዉሻና። \qs ሳላሀ \qs*
\q1
\v 20 ታ ላገይ ባ ዳቦታ ቆህስ፤
\q2 ኤንታራ ጫቅዳ ጫቁዋ መንስ።
\q1
\v 21 እያ ዶናይ ኦይሳፐ ሊቆ፤
\q2 ሽን ባ ዎዛናን ኦላ ደንስ።
\q1 እያ እንፃርሳይ ዛይተፐ አዳ ሹጎ፤
\q2 ሽን ቃንፃናዉ ጊግዳ ቃራ ማሻ መላ።
\q1
\v 22 ነ ቶሁዋ ፆሳ ቦላ የጋ፤
\q2 እ ነና ካትሳና።
\q1 ፆሳይ ፅሎት፥
\q2 ዳጋማና መላ ኦና።
\q1
\v 23 ሽን አቤት ፆሳዉ፥
\q2 ኢታ አሳታ ዎልቃማ ኦላን ሆላና።
\q1 ሱ ጉሰይሳትነ ጭመይሳት፥
\q2 ባንታ ላይፈ ባጋካ ደኦኮና፤
\q2 ሽን ታኒ ነናን አማነታና።
\c 56
\s1 ፆሳ ቦላ ዘምፓ
\d ፍልስፄመ አሳይ ጌተ ካታማን ዳዊታ ኦይክዳ ዎደ ዳዊቲ ዛማረታ ሀላቃስ ፃፍዳ ዎሳ
\d “ሃሆ በሳን ዎላ ቦላ ኡትዳ ሆሌስ” ጌተትያ ዲ ጩን የፀትዳ ዎሳ
\p
\v 1 አቤት ፆሳዉ፥ አሳይ ታና ኡንኤያ ግሾነ
\q2 ኡባ ዎደ ታ ሞርከት ታና የደያ ግሾ ታዉ ቃታ።
\q1
\v 2 ታ ሞርከት ኩመ ጋላስ ታና የኦሶና፤
\q2 ኦቶሮን ታና ኦልያ አሳይ ዳሮ።
\q1
\v 3 ታና ያሽያ ዎደ
\q2 ታ ነናን አማነታይስ።
\q1
\v 4 ታኒ ፆሳን አማነታይስ፤ ያይከ፤
\q2 እያ ቃላ ጋላትያ ፆሳን አማነታይስ፤
\q2 አስ ታና አይ ኦኔ?
\q1
\v 5 ኩመ ጋላሳን ታ ሞርከት ባላ ኮዮሶና፤
\q2 ታና ቆሀናዉ ኡባ ዎደ ቶቦሶና።
\q1
\v 6 ኤንቲ ታ ቦላ ማቀቶሶና፤
\q2 ታና ቆሀናዉ ጌዶሶና።
\q1 ታ ታንጎ ኡባ ካሎሶና፤
\q2 ታና ዎናዉ ኮዮሶና።
\q1
\v 7 ኤንቲ አይ ኦገራካ ከስ ኤካና መላ ኦፋ፤
\q2 ነ ሀንቁዋን ሄ ካዎተታ ካዉሻ።
\q1
\v 8 ታ ዋይያ ታይባ፤
\q2 ነ ታ አፉ ማካዳሳ፤
\q2 ኤንቲ ነ ማዝጋብያን ደኦኮና?
\q1
\v 9 ታ ነና ፄግያ ዎደ፥
\q2 ታ ሞርከት ጉየ ስማና፤
\q2 ፆሳይ ታ ባጋ ግደይሳ ታ ሄሳን ኤራይስ።
\q1
\v 10 ታ እያ ቃላ ጋላትያ ፆሳን፥
\q2 ታ እያ ቃላ ጋላትያ ጎዳን፥
\q2
\v 11 ታ ሄ ፆሳን አማነታይስ፤ ያይከ።
\q2 አስ ታና አይ ኦኔ?
\q1
\v 12 አቤት ፆሳዉ ታ ነዉ ቃንግዳባይ ደኤስ፤
\q2 ሄሳ ጋላታ ያርሾ ኦዳ ታ ነዉ እማና።
\q1
\v 13 ደኦን ደኤይሳታ ቦላ ፖእያ ፖኡዋን
\q2 ፆሳ ስንን ስመረታና መላ፥
\q2 ታ ሸምፑዋ ሀይቆፐ፥
\q2 ታ ቶሁዋ በፐ አሻዳሳ።
\c 57
\s1 ነ ቦንቾይ ሳአ ኡባን ግዶ
\d ዳዊቲ ሳኦላፐ ባቃትድ ጎንጎሎን ቆሰትዳ ዎደ ዛማረታ ሀላቃስ ፃፍዳ ዎሳ
\d “ይሶፋ” ጌተትያ ዲ ጩን የፀትዳ ዎሳ
\p
\v 1 ታና ማራ፤ አቤት ፆሳዉ፥
\q2 ታና ማራ፤ ታ ኔኮ ባቃታይስ።
\q1 ዮይ አና ጋካናዉ፥
\q2 ነ ቀፍያ ጋርሳን ቆሰታይስ።
\q1
\v 2 ታኒ ኡባፈ ቃ ፆሳኮ፥
\q2 ባ ቆፋ ኦያ ፆሳኮ ዋሳይስ።
\q1
\v 3 ፆሳይ ሳሎፐ ማዶ ኪትድ ታና አሻና፤
\q2 ታና የይሳታ ካዉሻና፤
\q1 ፆሳይ ባ ሲቁዋነ
\q2 ባ አማነተ ታዉ ኪታና። \qs ሳላሀ \qs*
\q1
\v 4 ታኒ ታ ሞርከታፐ ግዶን፥
\q2 አሰ ምያ ጋሞታፐ ግዶን ደአይስ።
\q1 ኤንታ አቻይ ቶራነ ዶንገ ቶራ መላ፤
\q2 ኤንታ እንፃርሳይ ቃራ ማሻ መላ።
\q1
\v 5 አቤት ፆሳዉ፥ ነ ሳሎፐ አዳ ቁ ቁ ጋ፤
\q2 ነ ቦንቾይ ሳአ ኡባ ካሞ።
\q1
\v 6 ኤንቲ ታ ቶሁዋስ ፅሄ ዎዶሶና፤
\q2 ታኒ ኡንኤታዳ ሆካስ።
\q1 ኤንቲ ታ ኦግያን ኦላ ቦክዶሶና፤
\q2 ሽን ሄ ኦላን ባንታዉ ኩንድዶሶና። \qs ሳላሀ \qs*
\q1
\v 7 ታ ዎዛናይ ምኖ፤
\q2 አቤት ፆሳዉ፥ ታ ዎዛናይ ምኖ፤
\q2 ታኒ ነና ማዝሙረን ሳባና።
\q1
\v 8 ታ ሸምፐ፥ ባርካ፤
\q2 ዲነ ማስንቆይ ደንድተ፤
\q2 ታኒ ጉራ ባርካና።
\q1
\v 9 አቤት ጎዳዉ፥ ታ ነና አሳ ግዶን ጋላታና፤
\q2 ካዎተታ ግዶን ነና ሳባና።
\q1
\v 10 ነ ሲቆይ ሳሎታፐ ቃ፤
\q2 ነ አማነተይ ሻራፐ ቦላ።
\q1
\v 11 አቤት ፆሳዉ፥ ነ ሳሎፐ አዳ ቁ ቁ ጋ፤
\q2 ነ ቦንቾይ ሳአ ኡባ ካሞ።
\c 58
\s1 ፆሳይ ሳአ ኡባ ፕርዳና
\d ዳዊቲ ዛማረታ ሀላቃስ ፃፍዳ ዎሳ
\d “ይሶፋ” ጌተትያ ዲ ጩን የፀትዳ ዎሳ
\p
\v 1 ደርያ ሃረይሳቶ፥ ቱማ ህንተ ልከ ኦደቴቲ?
\q2 አሳ ኡባስ ፅሎ ፕርዴቲ?
\q1
\v 2 ግደና፥ ህንተ ዎዛናን ኢታባ ሀልቼታ፤
\q2 ህንተ ኩሸይ ቢታ ቦላ ጌላባ ኦስ።
\q1
\v 3 ኢታ አስ አየ ኡሎፐ ዶምድ ሀሌስ፤
\q2 የለትዳ ጋላሳፐ ዶምድ፥
\q2 ባሌስነ ዎርዶ ኦደቴስ።
\q1
\v 4 ኤንቲ ሾሻዳ ዪሻራ ደኦሶና፤
\q2 ኤንቲ ቱለ ጎፐዳ ስኦኮና።
\q1
\v 5 ብተይስ አይ ጭንጫ ግድኮካ፥
\q2 ጎፐይ እያ ፄስ ስኤና።
\q1
\v 6 አቤት ፆሳዉ፥ ጋሞ አች ዳንያ ኤንታ አቻ መን፤
\q2 ጎዳዉ ኤንታ ሳክልያ ካ።
\q1
\v 7 ኤንቲ ጉክዳ ሃ ግዶ፤
\q2 ባንታ ዶንግያ ዱክያ ዎደ፥
\q2 ዶንገ ቶራ አይፈይ ዮ።
\q1
\v 8 ኤንቲ ማይድ ይያ  ሳሶዳ ሀኖ፤
\q2 አየ ኡሎፐ ሀይቅድ ዎያ፥
\q2 አዋ ፖኦ በኦና ቦሻዳ ሀኖ።
\q1
\v 9 ኤንቲ አጉን ግድድ ዳያናፐ ካሰ፥
\q2 ኤንቲ ቡሮ ፑቶ ግድድ ደእሽን፥
\q2 ኤንታ ባ ሀንቁዋን ይሳና።
\q1
\v 10 ናጋራንቾታ ቦላ ሀሎ ከይያ ዎደ ፅሎት ኡፋይታና፤
\q2 ኢታታ ሱን ባንታ ቶሁዋ ሜጨታና።
\q1
\v 11 ሄ ዎደ አሳይ፥
\q2 “ቱማ ፅሎታስ ዎይቶይ ደኤስ፤
\q2 ሳአ ቦላ ፕርድያ ፆሲ ደኤስ” ያጋና።
\c 59
\s1 ፆሳዉ ታና ታ ሞርከታፐ አሻ
\d ዳዊቲ ዎናዉ እያ ኬ ናጋና መላ ሳኦል አሰ ኪትን፥ ዳዊቲ ዛማረታ ሀላቃስ ፃፍዳ ዎሳ
\d “ይሶፋ” ጌተትያ ዲ ጩን የፀትዳ ዎሳ
\p
\v 1 አቤት ታ ፆሳዉ፥ ታ ሞርከታፐ ታና አሻ፤
\q2 ታ ቦላ ደንደይሳታፐ ታና ናጋ።
\q1
\v 2 ኢታ ኦይሳታፐ ታና አሻ፤
\q2 ሱ ጉስያ አሳታፐ ታና አሻ።
\q1
\v 3 አቤት ጎዳዉ፥ ኤንቲ ታና ዎናዉ
\q2 ዙግድ ናገይሳ በአ።
\q1 አቤት ጎዳዉ፥ ታ ናቁዋ ግሾ
\q2 ዎይኮ ታ ናጋራ ግሾ
\q2 ግዶናሽን ጮ ታ ቦላ ቶቦሶና።
\q1
\v 4 ታ አይ ባላካ ኦና ታና ቆሀናዉ ጊግዶሶና፤
\q2 ሄሳ በአ፤ ታና ማዳናዉ ደንዳ።
\q1
\v 5 አቤት ኡባፈ ዎልቃማ ፆሳዉ፥ ጎዳዉ፥
\q2 እስራኤለ ፆሳዉ፥ ካዎተታ ኡባ ፕርዳናዉ ባርካ፤
\q2 ኢታ ኦይሳታ ማሮፓ። \qs ሳላሀ \qs*
\q1
\v 6 ኤንቲ ካታማ ግዶን ዩይሸ ፔእድ፥
\q2 ካና ላውሸ ስሞሶና።
\q1
\v 7 ኤንታ ዶናፐ ከየይሳ በአ፤
\q2 ኤንታ እንፃርሳይ ማሻ መላ፤
\q2 አስ ኤንታና ስኤይሳ ቆፖኮና።
\q1
\v 8 ሽን አቤት ጎዳዉ፥ ነ ኤንታ ቦላ ሚጫሳ፤
\q2 ካዎተታ ኡባ ለቅሳሳ።
\q1
\v 9 ፆሳዉ፥ ነ ታ ሚፃ ግድያ ግሾ፥
\q2 ታ ነ ዎልቃን አማነታይስ።
\q1
\v 10 ታ ፆሳይ ባ ሲቁዋን ታኮ ያና፤
\q2 ታ ፆሳይ ታ ሞርከታ ፆነተ ታና በሳና።
\q1
\v 11 ታ አሳት ዶጎና መላ ነ ኤንታ ዎፓ።
\q2 አቤት ጎዳዉ፥ ኑ ጎንዳልያዉ፥
\q2 ነ ዎልቃን ኤንታ ላላነ ካዉሻ።
\q1
\v 12 ኤንታ ዶናፐ ከይያ ናጋራ ግሾ
\q2 ኤንታ እንፃርሳፈ ፑልትያ ቃላ ግሾ፥
\q2 ባንታ ኦቶሩዋን ኦይከቶ፤
\q1 ኤንታ ባደነ ዎርዱዋ ግሾ፥
\q2
\v 13 ነ ሀንቁዋን ኤንታ ይሳ፤
\q2 ኤንታ ኩመ ድጋ።
\q1 ሄሳን ፆሳይ ያይቆባ ዘረ ሃረይሳነ
\q2 ሳኣ ጋፃ ጋካናዉ ሃረይስ ኤረታና። \qs ሳላሀ \qs*
\q1
\v 14 ኤንቲ ካታማ ግዶን ዩይሸ ፔእድ፥
\q2 ካና ላውሸ ስሞሶና።
\q1
\v 15 ኤንቲ ምያባ ደማናዉ ቶይላቶሶና፤
\q2 ካሎና አትዳ ላውያ ካና ግዶሶና።
\q1
\v 16 ሽን ታኒ ነ ዎልቃ ሳባና፤
\q2 ዎንታ ነ ሲቁዋ የፃና።
\q1 ኔኒ ታዉ ታ ዋይያ ጋላስ፥
\q2 ታ ባቃታ አትያ በሰነ ሚፃ።
\q1
\v 17 አቤት ታዉ ዎልቃ ግድዳ ፆሳዉ፥
\q2 ታ ነና ሳባና።
\q1 ታ ቆሰታዳ አትያ በሳይነ
\q2 ሲቁዋ ታና በሲያ ፆሳይ ነና።
\c 60
\s1 ኑ ሞርከታፐ ኑና አሻ
\d ማሰጰፆመንነ ሶባላን ደእዳ አራመ አሳራ ኦለትዳ ዎደነ እዮኣብ ጉየ ስሚድ ማፅነ ዛንጋራን ታማነ ናምኡ ሙኩሉ ኤዶመ አሳ ዎዳ ዎደ ዳዊቲ ዛማረታ ሀላቃስ ፃፍዳ ዎሳ
\d “ጪሻ ጩ” ጌተትያ ማርካተ ዎሳ
\p
\v 1 አቤት ፆሳዉ፥ ነ ኑና አጋዳሳ፤
\q2 ኑና መንርዳሳ።
\q1 ነ ኑና ሀንቀታዳሳ፤
\q2 ሽን ሀእ ኑና ዛራ፥ ምን ኤሳ።
\q1
\v 2 ነ ቢታ ቃዳሳነ ዛእሳዳሳ፤
\q2 ቢታይ ኮኮርያ ግሾ፥ ነ እያ ዛኡዋ ኩን።
\q1
\v 3 ኔኒ ነ አሳ መቶ በሳዳሳ፤
\q2 ኑና ጋንድጋርስያ ዎይነ ኡሻዳሳ።
\q1
\v 4 ነዉ ያየይሳት ባንታ ሞርከ ዶንገፈ
\q2 አታና መላ ማላ እማዳሳ። \qs ሳላሀ \qs*
\q1
\v 5 ነ ሲቀይሳት አታና መላ፥
\q2 ነ ኡሻቻ ኩሸን
\q2 ኑና አሻ፤ ኑና አላ።
\q1
\v 6 ፆሳይ ባ ጌሻ በሳን ሀይሳዳ ያግስ፤
\q2 “ታኒ ፆናዳ ሴከማ ቢታ ሻካና፤
\q2 ሱኮታ ዛንጋራ ዋና።
\q1
\v 7 ጋላድ ታባ፤ ምናሰይካ ታሳ፤
\q2 ኤፍሬም ታ ሁጰ አሽያ ብራታ ቆቤ፤
\q2 ይሁድ ታ ካዎታ ፃምኣ።
\q1
\v 8 ሞአበይ ታ ሜጨትያ ከረ፤
\q2 ኤዶመይ ታባ ግደይሳ ኤርሳናዉ፥
\q2 ታ ጫማ እያ ቦላ ዎይስ፤
\q2 ታኒ ፍልስፄመ ፆናዳ ገሬራይስ” ያግስ።
\q1
\v 9 ግምበትዳ ካታማኮ ታና ኦነ ኤፋናይ?
\q2 ኤዶመ ጋካናዉ ታና ኦነ ካለናይ?
\q1
\v 10 አቤት ፆሳዉ፥ ኑና አግዳይ ነና ግድኪ?
\q2 አቤት ፆሳዉ ኔኒ ኑ ኦላንቾታራ ኦላስ ከያካ።
\q1
\v 11 አሳ ማዶይ ፓና ግሾ፥
\q2 ሞርከታራ ኦለታናዉ ነ ኑና ማዳ።
\q1
\v 12 ፆሳ ዎልቃን ኑ ሞርከታ ፆናና፤
\q2 እ ኑ ሞርከታ የና።
\c 61
\s1 ፆሳዉ ታና ዛላኮ ካለ
\d ዳዊታ ማዝሙረ
\p
\v 1 አቤት ፆሳዉ፥ ነ ታ ዎሳ ስአ፤
\q2 ታ ዎሳ ሀይዛ።
\q1
\v 2 ታኒ ቢታ ጋፃን ደእሽን፥
\q2 ታ ዎዛናይ ኡፋይስ ቃንፅዳ ዎደ፥
\q2 ታ ነና ፄጋይስ።
\q1 ታፐ ቃ ዛላኮ፥
\q2 ታና ካለ።
\q1
\v 3 ነ ታዉ ቆታነ
\q2 ታ ሞርከታፐ ናገትያ ምኖ ሚፃ።
\q1
\v 4 ታኒ ነ ዱንካንያን መርናዉ ዳርክናሽን!
\q2 ታኒ ነ ቀፍያ ሀጳ ጋርሳን ሳሮ አታርክናሽን! \qs ሳላሀ \qs*
\q1
\v 5 አቤት ፆሳዉ፥ ነ ታ ቃንገ ስአዳሳ፤
\q2 ነ ሱን ያየይሳታራ እስፈ ታዉ ላታ እማዳሳ።
\q1
\v 6 ካዋ ላይ አዱሳ፤
\q2 እ የለተፈ የለተ ጋካናዉ ደኦ።
\q1
\v 7 እ ፆሳ ስንን መርናዉ ካዎቶ፤
\q2 ነ ሲቁዋንነ ነ ቱማን እያ ናጋ።
\q1
\v 8 ሄሳ ግሾ ታ ቃንገ ጋላስ ጋላስ ጋና፤
\q2 ነ ሱን ኡባ ዎደ ሳባና።
\c 62
\s1 ፆሳ ፃላላን ኡፋይስ ዎ
\d ዳዊቲ ዛማረታ ሀላቃ ኤዶታመስ ፃፍዳ ማዝሙረ
\p
\v 1 ፆሳ ፃላላን ታ ሸምፖ ደማስ፤
\q2 ታ አቶተይ እያፐ ዬስ።
\q1
\v 2 እያ ፃላል ታ ዛላነ ታ አቶተ፤
\q2 እ ታ ቆሰትያ አትያ በሲ ግድያ ግሾ ዳጋምከ።
\q1
\v 3 ዎዳና ሀንያ ጎዳነ ቃፅያ ድርስ ዳንያ ኡራ ዎናዉ፥
\q2 ህንተ አዉደ ጋካናዉ ደንደቲ?
\q1
\v 4 ኤንቲ እያ ቦንቾ በሳፈ ደንናዉ ኮዮሶና፤
\q2 ኤንቲ ዎርዶን ኡፋይቶሶና።
\q1 ባንታ ዶናን አንጆሶና፤
\q2 ሽን ባንታ ዎዛናን ባዶሶና። \qs ሳላሀ \qs*
\q1
\v 5 ታ ሸምፐተ!
\q2 ፆሳ ፃላላ ስእ ጋዳ ናጋ፤
\q2 ታ ኡፋይሳይ እያፐ ዬስ።
\q1
\v 6 እያ ፃላል ታ ዛላነ ታ አቶተ፤
\q2 ታኒ ቆሰትያ በሲ ግድያ ግሾ ዳጋምከ።
\q1
\v 7 ታ አቶተይነ ታ ቦንቾይ ፆሳና፤
\q2 እ ታ ምኖ ዛላነ ታ ሚፃ።
\q1
\v 8 አሳዉ፥ ኡባ ዎደ ፆሳን አማነትተ፤
\q2 እ ህንተዉ ገሸ ግድያ ግሾ፥
\q2 ህንተ ቆፋ እያዉ ኦድተ። \qs ሳላሀ \qs*
\q1
\v 9 አስ፥ እስ ቶሆ ሸምፕያ ጫርኮ መላ፤
\q2 ጎባ አስ ኡባይ ማዶና ሀዳ።
\q1 ምዛነን ዎን ኤንቲ ጫርኮ መላ፤
\q2 ኤንቲ እስ ቶሆ ሸምፕያ ጫርኮፈ ካዉዮሶና።
\q1
\v 10 ቦንቀን አማነቶፍተ፤
\q2 ካይሶት ሺሽድ ዱረተን ኦቶርቶፍተ።
\q2 ህንተ ዱረተይ ዳርኮካ፥
\q2 ህንተ ዎዛና እያ ቦላ ዎፍተ።
\q1
\v 11 ፆሳይ እስ ቶሆ ኦድስ፤
\q2 ታኒ ናምኡ ኦዳ ስአስ፤
\q2 ዎልቅ ፆሳሳ።
\q1
\v 12 መርና ሲቆይ ፆሳባ፤
\q2 አቤት ጎዳዉ፥ ነ አሳ ኡባስ
\q2 እያ ኦሱዋዳ ኦሱዋዳ እማና።
\c 63
\s1 ታ ሸምፕያ ነና ሳሞታሱ
\d ይሁዳ መላ ቢታን ደእያ ዎደ ዳዊታ ማዝሙረ
\p
\v 1 አቤት ፆሳዉ፥ ነ ታ ፆሳ፤
\q2 ታ ዎዛናይ ነና ላሞቴስ፤
\q2 ታ አሾይካ ነና አሞቴስ።
\q1 ሃ ይድ ጳልቀትዳ ቢታዳ፥
\q2 ታ አሳተይ ነና ሳሞቴስ።
\q1
\v 2 ታ ነና ጌሻ በሳን ፄላስ፤
\q2 ነ ዎልቃነ ነ ቦንቹዋ ታኒ በአስ።
\q1
\v 3 ነ ሲቆይ ደኦፐ ሎእያ ግሾ፥
\q2 ታ እንፃርሳይ ነና ቦንቻና።
\q1
\v 4 ታ ደኦ ላይን ነና ጋላታና፤
\q2 ነ ሱንን ታ ኩሽያ ፑደ ምጫና።
\q1
\v 5 አስ ሎኦ ካ ምድ ካለይሳዳ ታ ነናን ካላና።
\q2 ታኒ ታ እንፃርሳን ኡፋይሳ የን ነና ጋላታና።
\q1
\v 6 ታኒ ታ ሂፃን ነና ሀሳያይስ፤
\q2 ቃማ ኩመን ነባ ቆፓይስ፤
\q1
\v 7 ነ ታና ማድያ ግሾ፥
\q2 ታ ነ ቀፍያ ኩያን ኡታዳ ኡፋይሳን የፃና።
\q1
\v 8 ታ ሸምፕያ ኔራ ኦይከታሱ፤
\q2 ነ ኡሻቻ ኩሸይ ታና ኦይክድ ናጌስ።
\q1
\v 9 ሽን ታና ዎናዉ ኮየይሳት፥
\q2 ቢታ ጋርሳን ሞገታና።
\q1
\v 10 ኤንቲ ማሻስ አድ እመታና፤
\q2 ኤንቲ ሱመስ ካሆ ግዳና።
\q1
\v 11 ሽን ካዎይ ፆሳን ኡፋይታና።
\q2 ፆሳ ሱንን ጫቅያ ኡባይ እያ ጋላታና፤
\q2 ሽን ዎርዳንቾታ ዶናይ ጎርደታና።
\c 64
\s1 ኢታታፐ ታና አሻ
\d ዛማረታ ሀላቃስ የፀትዳ ዳዊታ ማዝሙረ
\p
\v 1 አቤት ፆሳዉ፥ ታ ኡንአ ዎሳ ስአ፤
\q2 ታ ሞርከታ ማንደፈ፤ ታና አሻ።
\q1
\v 2 ናጋራንቾታ ማቆፈነ
\q2 ኢታታ ዱላታፐ ታና ገን።
\q1
\v 3 ኤንቲ ባንታ እንፃርሳ ማሻ መላ ሌፍዶሶና፤
\q2 ኢታ ቃላታ ዶንገ ቶራዳ ማልድ የዶሶና።
\q1
\v 4 ኤንቲ ቆሰትድ ፅሎ አስ ባንታ ዶንግያን ቆሆሶና፤
\q2 አኬክ ባይና ዱኮሶና፤ ያዮኮና።
\q1
\v 5 ኤንቲ ባንታ ኢታ ማቁዋስ
\q2 እሶይ እሱዋ ምንሶና።
\q1 ባንታ ፅህያ ዎና በሳ ኮዮሶና፤
\q2 ኤንቲ፥ “ኑና ኦን በአኔ?” ያጎሶና።
\q1
\v 6 ኤንቲ ኢታባ ማቀትሸ፥
\q2 “ኑኒ ሎኦ ማቆ ማቀትዳ” ያጎሶና፤
\q2 ሄስ አሳ ዎዛና ቆፍ ጪሞ ግደይሳ በሴስ።
\q1
\v 7 ሽን ፆሳይ ኤንታ ባ ዶንግያን ዱካና፤
\q2 ኤንቲ አኬኮና ማዱንፃና።
\q1
\v 8 ኤንታ ማቁዋ እ ኤንታ ቦላ ዛራና፤
\q2 ኤንታ በእያ ኡባይ ሁጰ ቃና።
\q1
\v 9 ሄ ዎደ አሳ ኡባይ ፆሳስ ያያና፤
\q2 እያ ኦሱዋ ኦዳናነ ዛር ዛር ቆፓና።
\q1
\v 10 ፅሎት ጎዳን ኡፋይቶ፤
\q2 እያኮ ባቃትድ አቶ፤
\q2 ዎዛና ሱረት ኡባይ እያ ጋላቶ።
\c 65
\s1 ፆሳይ ታ አቶተ
\d ዛማረታ ሀላቃስ የፀትዳ ዳዊታ ማዝሙረ
\p
\v 1 አቤት ፆሳዉ፥ ፅዮነን ነዉ ጋላት በሴስ፤
\q2 ኑኒ ኑ ቃንገ ነዉ ጋና።
\q1
\v 2 ኔኒ ዎሳ ስእያ ግሾ፥
\q2 አሳ ኡባይ ኔኮ ዮሶና።
\q1
\v 3 ኑ ናጋራይ ኑና ሙክዳ ዎደ፥
\q2 ነ ኑስ አቶተ እማዳሳ።
\q1
\v 4 ነ ዶርዳይሳትነ ነ ዳባባን ዳና መላ
\q2 ኔኮ ሺሽዳ አስ አንጀትዳይሳ።
\q1 ኑኒ ነ ሶን፥ ነ ጌሻ ዱንካንያን
\q2 ደእያ ሎኦባን ካሎስ።
\q1
\v 5 አቤት ኑ አቶተዉ፥
\q2 ማላልስያ ነ ፅሎ ኦሱዋን ኑስ ዛራ።
\q1 ሳኣ ጋፃፐ ጋፃ ጋካናዉ፥
\q2 ሃሆን ደእያ ኡባስ ነ ኡፋይስ።
\q1
\v 6 ኔኒ ነ ዎልቃን ደረታ ምንዳሳ፤
\q2 ነ ዎልቃ ዳንጫዳሳ።
\q1
\v 7 ኔኒ አባ ግርሳነ ቤታ ጉን ስእ ኦሳ፤
\q2 ያርክያ አሳ ዋሱዋ እርፅሳሳ።
\q1
\v 8 ነ ኦዳ ማላታ ግሾ፥
\q2 ሳኣ ጋፃ ጋካናዉ ደእያ አሳ ኡባይ ነዉ ያያና፤
\q2 ዶሎሀፐ ዉሎሀ ጋካናዉ ደእያ አሳ ኡባ ኡፋይሳዳሳ።
\q1
\v 9 ነ እራ እማዳ ቢታ ናጋሳ፤ ዳሮ ዱረያሳ፤
\q2 አሳስ ካይ ዶላና መላ
\q1 ፆሳ ሻፋይ ሃን ኩምዳይሳ፤
\q2 ሄሳዳ ኦዳ ነ ጊግሳዳሳ።
\q1
\v 10 ጎሻስ ሃ እማሳ፤
\q2 ቢታ ሹግሳዳ ኦላ ኩንሳ።
\q1 ነ እራን ዛራዳ እርፅሳሳ፤
\q2 ካይ ዶላና ድጫና መላ አንጃሳ።
\q1
\v 11 ላይ ካሎ ላይ ኦሳ፤
\q2 ነ አያ በሳ ኡባይ ኩምድ ፓላሀና።
\q1
\v 12 ሄን በሳታ ማታን ኩንሳ፤
\q2 ዙማታ ኡፋይስ ማይዛሳ።
\q1
\v 13 ነ ሄን በሳታ ዶርሳታ ኩንሳ፤
\q2 ዛንጋራ ቢታን ካ ኩንሳ፤
\q2 ኤንቲ ኡፋይሳን እልልሸ የፆሶና።
\c 66
\s1 ነ ኦሶት ማላልሴስ
\d ዛማረታ ሀላቃስ የፀትያ ሳባ ማዝሙረ
\p
\v 1 ቢታ ኡባይ ህንተ ቃላ ቁ ኦድ፥
\q2 ኡፋይሳን ፆሳ ጋላትተ።
\q1
\v 2 ፆሳ ሱንስ ቦንቾን የፅተ፤
\q2 ቦንቾ ጋላታ እያዉ እምተ።
\q1
\v 3 ፆሳስ ሀይሳዳ ያግተ፤
\q2 “ነ ኦሶት ዋንድ ማላልሲ?
\q1 ነ ዎልቃይ ዳርዳ ግሾ፥
\q2 ነ ሞርከት ያሻን ነ ስንን ኮኮሮሶና።
\q1
\v 4 ቢታ ኡባይ ነና ጎይኔስ፤
\q2 ነና ሳቤስ፤
\q2 ነ ሱንስ ጋላታን የፆሶና” ያግተ። \qs ሳላሀ \qs*
\q1
\v 5 ሃይተ፤ ፆሳይ ኦዳባ በእተ፤
\q2 አሳ ግዶን ማላልስያ ኦሶ ኦስ።
\q1
\v 6 እ አባ ሃ ሻክድ፥
\q2 ካሰ ኑ አዋት ዮርዳኖሰ ሻፋ ባንታ ቶሆን የድ መላ ቢታራ ፕንዶሶና።
\q2 ሄሳን እ ኦዳባን ኑኒ ኡፋይትዳ።
\q1
\v 7 እ ባ ዎልቃን መርናዉ ሃሬስ።
\q2 ካዎተታ ባ አይፈን ፄሌስ፤
\q2 ሄሳ ግሾ፥ ማካለይሳት እያ ቦላ ደንዶፎ። \qs ሳላሀ \qs*
\q1
\v 8 አሳዉ፥ ኑ ፆሳ ጋላትተ፤
\q2 ህንተ እያ ጋላትያ ጋላታይ ስኤቶ።
\q1
\v 9 እ ኑና ፓፃ ዎስ፤
\q2 ኑ ኩንዶና መላ ናግስ።
\q1
\v 10 አቤት ፆሳዉ ነ ኑና ፓጫዳሳ፤
\q2 ብር ታማን ፓጨትድ ጌየይሳዳ
\q2 ነ ኑና ጌሻዳሳ።
\q1
\v 11 ነ ኑና ፅሄን ገልሳዳሳ፤
\q2 ኑ ዞኮን ዴፆ ቶሆ ዎዳሳ።
\q1
\v 12 ሞርከት ኑ ሁጰራ ቶግድ አናዳ ኦዳሳ፤
\q2 ኑ ሃ ግዶራነ ታማ ግዶራ አዳ፤
\q2 ሽን ሀእ ኑና እንጀ በሲ ኤሀዳሳ።
\q1
\v 13 ታ ፁሳ ያርሾ ኤካዳ ነ ኬ ገላና፥
\q2 ታ ቃንገ ጋና።
\q1
\v 14 ታ መቶትዳ ዎደ ታ ዶናይ ግዳ ቃላ፥
\q2 ታ እንፃርሳፈ ከይዳ ቃንገ ጋና።
\q1
\v 15 ታ ነዉ ሞዋ፥ ፁሳ ያርሾ ኦዳ ሺሻና።
\q1 ማራዘታ ሳዎ ቶንኩ ግያ ያርሾ ኦዳ ሺሻና፤
\q2 ኮርማነ ኮለታ ነዉ ያርሻና። \qs ሳላሀ \qs*
\q1
\v 16 ህንተኖ፥ ፆሳስ ያየይሳቶ፥
\q2 ኡባይ ሃ ይድ፥ ስእተ፤
\q2 ፆሳይ ታዉ ኦዳባ ታ ህንተዉ ኦዳና።
\q1
\v 17 ታ ቃላ ቁ ኦዳ ዎሳስ፤
\q2 ታ እንፃርሳን እያ ጋላታስ።
\q1
\v 18 ታኒ ዎዛን ኤርሽን ናጋራ ገንዳባ ግድያኮ፥
\q2 ጎዳይ ታና ስኤና።
\q1
\v 19 ሽን ፆሳይ ቱማ ታና ስእስ፤
\q2 ታ ኦይሻ ዛርስ።
\q1
\v 20 ፆሳይ ታ ዎሳ እፅቦና ግሾ፥
\q2 ባ መርና ሲቁዋ
\q2 ታና ድግቦና ግሾ ጋላተቶ።
\c 67
\s1 ነ ሶምኡዋ ኑስ ፖእሳ
\d ዛማረታ ሀላቃስ ዲን የፀትዳ ሳባ ማዝሙረ
\p
\v 1 ፆሳይ ኑስ ቃቶ፤ ኑና አንጆ፤
\q2 እያ ሶምኦይ ኑ ቦላ ፖኦ። \qs ሳላሀ \qs*
\q1
\v 2 ነ ኦገይ ቢታ ቦላ፥
\q2 ነ አቶተ ዎልቃይ፥
\q2 ካዎተታ ኡባን ኤረቶ።
\q1
\v 3 አቤት ፆሳዉ፥ አሳይ ነና ጋላቶ፤
\q2 አሳ ኡባይ ነና ጋላቶ።
\q1
\v 4 ካዎተይ ማላለትድ ኡፋይሳን የፆ፤
\q2 አይስ ጊኮ፥ ኔኒ አሳስ ፅሎተን ፕርዳሳ፤
\q2 ሳአን ደእያ ካዎተታ ካለሳ። \qs ሳላሀ \qs*
\q1
\v 5 አቤት ፆሳዉ፥ አሳይ ነና ጋላቶ፤
\q2 ካዎተት ኡባይ ነና ጋላቶ።
\q1
\v 6 ቢታይ ካ እማና፤
\q2 ፆሳይ፥ ኑ ፆሳይ ኑና አንጅስ።
\q1
\v 7 ፆሳይ ኑና አንጅዳ ግሾ፥
\q2 ቢታ ጋፃ ጋካናዉ ደእያ አሳይ እያ ያዮ።
\c 68
\s1 ፆሳይ ባ ሞርከታ ላላና
\d ዛማረታ ሀላቃስ የፀትዳ ዳዊታ ማዝሙረ
\p
\v 1 ፆሳይ ደንዶ፤ እያ ሞርከት ላለቶ፤
\q2 እያ እፀይሳት እያ ስንፈ ባቃቶ።
\q1
\v 2 ጩያይ ጫርኮራ ደንድድ ይስያ መላ፥
\q2 ሙቃድ ታማን ትልኤይሳዳ፥
\q2 ኢታት ፆሳ ስንፈ ዮ።
\q1
\v 3 ሽን ፅሎት ሀሹ ጎ፤
\q2 ፆሳ ስንን ኡፋይቶ፤
\q2 ኡፋይሳን እልሎ።
\q1
\v 4 ፆሳስ የፅተ፤ እያ ሱን ሳቢተ፤
\q2 ሻራን በይሳስ ኦገ ከስተ፤
\q2 እያ ሱንይ ጎዳ፤ እያ ስንን ኡፋይትተ።
\q1
\v 5 ፆሳይ ባ ደእያ ጌሻ በሳን፥
\q2 ይኦታስ አዋ፤ አምኤታስ ዳይና።
\q1
\v 6 ፆሳይ ብዛታስ ሶ አስ እሜስ፤
\q2 ቃሾ ኬን ደኤይሳታ ብርሽድ፥ ዱረተን ዎስ፤
\q2 ሽን ማካላንቾት ቃቃ ቢታን ደኦሶና።
\q1
\v 7 አቤት ፆሳዉ፥ ኔኒ ነ አሳ ካለዳ ዎደ፥
\q2 ነ ኤንታራ መላ ቢታ ካንዳ ዎደ፥ \qs ሳላሀ \qs*
\q1
\v 8 ሲና ፆሳ ዩሳንነ፥
\q2 እስራኤለ ፆሳ ቆንጨን
\q2 ቢታይ ቃፅስ፤ ሳሎይ እራ እሚስ።
\q1
\v 9 አቤት ፆሳዉ ኔኒ እራ ዳርሳዳ ቡክሳዳሳ፤
\q2 ላድዳ ቢታ ዛራዳ ኦራሳ።
\q1
\v 10 ነ አሳይ ያን ዱሱ ኦይክስ፤
\q2 አቤት ፆሳዉ፥ ነ ኬሀተን ማንቆታስ
\q2 ኮሽያባ ጊግሳዳ እማዳሳ።
\q1
\v 11 ጎዳይ ኪትስ፤
\q2 ዳሮ ማጫሳት ሄ ኪታ ማርካትዶሶና።
\q1
\v 12 ካዎትነ ኤንታ ኦላንቾት
\q2 ባቃትድ ጉየ ስምዶሶና፤
\q2 ሶን አትዳ ማጫሳት ድኦ ሻከትዶሶና።
\q1
\v 13 ጶልያ ዎርቃ ቀፈራ ደእያ፥
\q2 ብራፐ መትዳ ሆለ ምስለ ድእድ ደምያ ዎደ
\q2 ህንተ ዶርሳ ከለን አይስ ዝንእደት?
\q1
\v 14 ኡባ ዳንዳእያ ፆሳይ ካዎታ ላልዳ ዎደ፥
\q2 ፃልሞና ዙማ ቦላ ሻቻ ቡክስስ።
\q1
\v 15 ባሳነ ዙማዉ፥
\q2 ዳሮ ፄር ደእያ ባሳነ ዙማዉ፥
\q1
\v 16 ዳሮ ፄራት ደእያ ዙማቶ፥
\q2 ፆሳይ ዶርዳ ዙማ
\q2 ህንተ አይስ ቃናትድ ፄሌቲ?
\q2 ጎዳይ እያን መርናዉ ዳና።
\q1
\v 17 ፆሳ ኦላ ፓራ ጋረት
\q2 ታሙ ሙኩሉ ቶሆ ታሙ ሙኩላን ታይበቴስ፤
\q2 ጎዳይ ሲና ዙማፐ ባ ጌሻ በሳ ይስ።
\q1
\v 18 ድኤትዳ ዳሮታ ኤክድ፥ ቃ ከይስ፤
\q2 አሳፐ፥ ሀር አቶሽን ማካላንቾታፐ እሞ ኤክስ፤
\q2 ጎዳይ ፆሳይ ያን ዳና።
\q1
\v 19 ጋላስ ጋላስ ኑ ቶሁዋ ቶክያ ጎዳይ ጋላተቶ፤
\q2 ፆሳይ ኑና አሸይሳ። \qs ሳላሀ \qs*
\q1
\v 20 ኑ ፆሳይ ኑና አሽያ ፆሳ ግደኔ?
\q2 ሀይቆፐ አሽያ ፆሳይ እያ።
\q1
\v 21 ፆሳይ ቱማ ባ ሞርከታ ሁጵያ ትንቻና፤
\q2 ናጋራ ኦገን ሄመትያ አሳ፥
\q2 ብናናን ካመትዳ ኤንታ ሊጵያ መንና።
\q1
\v 22 “ታኒ ህንተ ሞርከታ
\q2 ባሳነፐ ዛራዳ ኤሀና፤
\q2 ታ ኤንታ ጪሞ አባፈ ከሳዳ ጉየ ኤሀና።
\q1
\v 23 ሄስካ፥ ነ ሞርከታ ሱ ነ ቶሆይ የና መላነ
\q2 ነ ካናትካ ሞርከ ሱፈ ባንታ ግሹዋ ላጫና መላሳ” ያጌስ ጎዳይ።
\q1
\v 24 አቤት ፆሳዉ፥ ነ ሳልፐይ፥
\q2 ታ ፆሳይ ታ ካዎይ ሳልፐይ፥
\q2 ፆሳ ኬ ገልያ ዎደ ኡባስ በንቴስ።
\q1
\v 25 የፀይሳት ስንና፤ ዲፀይሳት ጉየና፤
\q2 ቃስ ካራቦ ባቅያ ጌላኦት ግዶና።
\q1
\v 26 ህንተ “ፆሳ ግታ ሺቆን ጋላትተ፤
\q2 ህንተኖ፥ እስራኤለ አሳዉ፥ ጎዳ ጋላትተ” ያጎሶና።
\q1
\v 27 ሄ ሳልፕያን ኡባፈ ካሎ ግድዳ
\q2 ብንያመ ኮቻይ ኮይሮ ታይበቶሶና።
\q1 ካልድ ይሁዳ ሀላቃት ባንታ ጩጋን ደኦሶና፤
\q2 ዉርሰን ዛብሎና ሀላቃትነ
\q2 ንፍታለመ ሀላቃት ታይበቶሶና።
\q1
\v 28 አቤት ፆሳዉ፥ ነ ዎልቃ ቆንጭሳ፤
\q2 ካሰ ነ ኑስ ኦዳይሳዳ፥
\q2 ነ ምኖተ በሳ።
\q1
\v 29 ሄሳ ግሾ፥ የሩሳላመን ደእያ
\q2 ነ ኬ ካዎት ይድ፥
\q2 ነዉ እሞታ እማና።
\q1
\v 30 ዶአዳ ማቃ ግዶን ደእያ ግብፀ አሳታ ኔኒ ሴራ፤
\q2 ቦሩነ ማራ ዉደ ዳንያ ካዎተታ ነ ሀንቀታ።
\q1 ኤንቲ ጉልባትድ፥ ባንታ ብራ ነዉ እማና ጋካናዉ፥
\q2 ኔኒ ኤንታ ሴራ፤ ኦለታናዉ ዬሞትያ አሳታ ላላ።
\q1
\v 31 ኪተትዳ ሀላቃት ግብፀፈ ያና፤
\q2 ቶጰይ ባ ኩሽያ ፆሳኮ ምጫና።
\q1
\v 32 ህንተኖ፥ ሳኣ ካዎተቶ፥
\q2 ፆሳስ የፅተ። \qs ሳላሀ \qs*
\q1
\v 33 በንፐ ደእያ ሳሎታፐ ቦላራ በይሳስ፤
\q2 ባ ዎልቃማ ግርሳን ባ ጉን ስሰይሳስ የፅተ።
\q1
\v 34 ፆሳ ዎልቃባ አዋጅተ፤
\q2 እያ ግታተይ እስራኤለ ቦላና፤
\q2 እያ ዎልቃይካ ሳሎና።
\q1
\v 35 ፆሳይ ባ ጌሻ አሳ ቦላ ማላልሴስ፤
\q2 እስራኤለ ፆሳይ ባ አሳስ
\q2 ምኖተነ ዎልቃ እሜስ።
\p ፆሳይ ጋላተቶ።
\c 69
\s1 ፆሳዉ ታና አሻ
\d ዳዊታ ማዝሙረ
\p
\v 1 ሃ ታዉ ቆ ጋክዳ ግሾ፥
\q2 አቤት ፆሳዉ፥ ታና አሻ።
\q1
\v 2 ኤቅያ በሲ ባይና ጪሞን ምተታስ፤
\q2 ጪሞ ሃ ግዶ ገላስ፤
\q2 ሃ ዙለይ ታ ቦላራ አስ።
\q1
\v 3 ማዶ ደማናዉ ዋሳሸ ዳቡራስ፤
\q2 ታ ኮቶኖይ መልስ።
\q1 ታ ፆሳ ፄልሽን፥
\q2 ታ አይፈይ ተልጁምስ።
\q1
\v 4 ታና ጮ እፀይሳት
\q2 ታ ሁጰ ብናናፐ ዳሮ፤
\q1 ዎርዶን ታና ሞርከይሳትነ
\q2 ይሳናዉ ኮየይሳት ዳሮ፤
\q2 ታ ካይሶቶናባ ዛራ ግዶሶና።
\q1
\v 5 አቤት ፆሳዉ፥ ታ ኤያተ ነ ኤራሳ፤
\q2 ታ ባላይ ኔፐ ጌምቤና።
\q1
\v 6 አቤት ኡባፈ ዎልቃማ ጎዳዉ፥
\q2 ነና ኡፋይሳን ናገይሳት
\q2 ታ ጋሶን ዬላቶፖ።
\q1 አቤት እስራኤለ ፆሳዉ፥
\q2 ነና ምንድ ኮየይሳት
\q2 ታ ጋሶን ካዉዮፎ።
\q1
\v 7 ታ ነ ግሾ ጫሸ ዳንዳአስ፤
\q2 ታ ሶምኦይ ዬላ ማእዳይ ነ ግሾሳ።
\q1
\v 8 ታኒ ታ እሻታስ እማ፥
\q2 ታ አየ ናይታስ አላጋ ግዳስ።
\q1
\v 9 ታኒ ነ ኬስ ምሸትያ ምሻይ
\q2 ታና ታማዳ ፁጌስ፤
\q2 ነና ጫይያ ጫሻይ ታ ቦላ ዎስ።
\q1
\v 10 ታኒ ፆማን ታና ካዉሽዳ ዎደ፥
\q2 ታና ጫይዶሶና።
\q1
\v 11 ታኒ ካዮ ማኦ ማእዳ ዎደ፥
\q2 ኤንታዉ ካሳስ አታስ።
\q1
\v 12 ካታማ ፐንገን ኡተይሳታስ ዝግርሳስ አታስ፤
\q2 ማተይሳት ታባ የ ከስዶሶና።
\q1
\v 13 ሽን ጎዳዉ፥ ታ ነና ዎሳይስ፤
\q2 አቤት ፆሳዉ፥ ነ ዶስያ ዎደ፥
\q2 ነ መርና ሲቁዋን፥
\q2 ነ አቶተን ታዉ ዛሮ እማ።
\q1
\v 14 ስልሞን ምተቶናዳ ታና አሻ፤
\q2 ታ ሞርከታፐ ታና አሻ፥
\q2 ጪሞ ሃን ምተተፈ ታና አሻ።
\q1
\v 15 ድኦ ሃይ ታና ሙኮፎ፤
\q2 ጪሞ ሃይ ታና ምቶፎ፤
\q2 ዝቃ ኦላይ ባ ዶና ታ ቦላ ጎርዶፎ።
\q1
\v 16 አቤት ጎዳዉ፥ ነ መርና ሲቁዋ ሎኦተን፥
\q2 ታዉ ዛሮ እማ፤
\q2 ነ ግታ ማሮታን ታኮ ስማ።
\q1
\v 17 ነ አይልያፈ ነ ሶምኡዋ ገንፋ፤
\q2 ታኒ ኡንአን ደእያ ግሾ
\q2 ታዉ ኤለ ዛሮ እማ።
\q1
\v 18 ታኮ ሺቃ፤ ታና ዎዛ፤
\q2 ታ ሞርከታፐ ታና ላአ ከሳ።
\q1
\v 19 ታ ጫሻ፥ ዬላነ
\q2 ካዉሻተ ነ ኤራሳ፤
\q2 ታ ሞርከታ ኡባ ነ በኣሳ።
\q1
\v 20 ጫሻይ ታና ሀርጋንቾ ኦስ፤
\q2 ታዉ ቃትያ አስ ኮያስ።
\q1 ሽን እስ አስካ ደማብከ፤
\q2 ታና ምንያ አስ ፄላስ፤ ሽን በንትቤና።
\q1
\v 21 ታ ካን ጪየ ዋላክዶሶና፤
\q2 ታ ሳሙዋስ ጫላ ኡሽ እምዶሶና።
\q1
\v 22 ኤንታ ጋይታይ ኤንታዉ ፅሄ ግዶ፤
\q2 ኤንታ ያርሾይ ኤንታዉ ፅሄ ግዶ።
\q1
\v 23 ፄሎናዳ ኤንታ አይፈይ ጎዘቶ፤
\q2 ኤንታ ዞኮይ ኩኖ።
\q1
\v 24 ነ ሀንቁዋ ኤንታ ቦላ ትጋ፤
\q2 ሱልያ ነ ሸነይ ኤንታ የደ።
\q1
\v 25 ኤንታ ካምበይ ካይስ ግዶ፤
\q2 ኤንታ ዱንካንያን ደእያ አስ ዮ።
\q1
\v 26 ነ ሴርዳይሳታ ኤንቲ የደዶሶና፤
\q2 ነ ማዱንፅስዳይሳታ ኤንቲ ዬሶሶና።
\q1
\v 27 ኤንቲ ናጋራ ቦላ ናጋራ ጉጃና መላ አጋጋ፤
\q2 ነ ማሮተፈ ኤንታ አይብካ ጋኮፎ።
\q1
\v 28 ኤንቲ ደኦ ማፃፋፐ ቁሸቶ፤
\q2 ፅሎ አሳራ ማዝጋበቶፎ።
\q1
\v 29 ታ ዋየንነ ኡንአን ደአይስ፤
\q2 አቤት ፆሳዉ፥ ታና አሻዳ፥
\q2 ሳሮ በሳን ዎ።
\q1
\v 30 ታኒ ፆሳ ሱን ማዝሙረን ጋላታና፤
\q2 ጋላታ እሞን እያ ግታያና።
\q1
\v 31 ሄስ ቦራ ያርሾፈ፥
\q2 ዎይኮ ካጫማ ኮርማ ያርሾፈ፥
\q2 አድ፥ ጎዳ ኡፋይሴስ።
\q1
\v 32 ናቀትዳይሳት ሄሳ በአና፤ ኡፋይታና፤
\q2 ህንተኖ፥ ፆሳ ኮየይሳቶ፥
\q2 ህንተ ዎዛናይ ምነቶ።
\q1
\v 33 ጎዳይ ማንቆታ ስኤስ፤
\q2 ቃሾ ኬን ደእያ ባ አሳ ካና።
\q1
\v 34 ሳሎይ፥ ሳእነ አባይ፥
\q2 እያ ግዶን ደእያ ዎፅ ቃፅያ ኡባይ ጎዳ ጋላቶ።
\q1
\v 35 ፆሳይ ፅዮነ አሻና፤
\q2 ይሁዳ ካታማ ዛሪድ ኬፃና፤
\q2 አሳይ ያን ዳናነ ቢታይካ ኤንታባ ግዳና።
\q1
\v 36 እያ አይለታ ናይት ሄ ቢታ ላታና፤
\q2 እያ ሱን ዶሰይሳት ያን ዳና።
\c 70
\s1 ፆሳዉ ታና ማዳናዉ ጋምኦፋ
\d ዳዊታ ቆፍሶ ማዝሙረ
\p
\v 1 አቤት ፆሳዉ ታና አሻናዉ ሃ ስማ፤
\q2 አቤት ጎዳዉ፥ ታና ማዳናዉ ኤለሳ።
\q1
\v 2 ታና ዎናዉ ኮየይሳት፥
\q2 ዬላቶናነ ሀንያባ ዮ።
\q1 ታ ቆሄተ አሞተይሳት፥
\q2 ካዉይድ ጉየ ስሞ።
\q1
\v 3 ታኮ እያዉ “ሀሹ! ሀሹ!”
\q2 ግዳይሳት ፆነትዳ ግሾ ዬላቶ።
\q1
\v 4 ነና ኮይያ ኡባይ
\q2 ነናን ኡፋይቶነ ማላለቶ።
\q1 ቃስ ነ አቶተ ዶስያ ኡባይ፥
\q2 “ፆሳይ ግታቶ” ያጎ።
\q1
\v 5 ታኒ ማንቆነ መቶታንቾ፤
\q2 አቤት ፆሳዉ፥ ኤለሳዳ ታኮ ሃያ።
\q1 ታ ማደይነ ታና አሸይ ነና ግድያ ግሾ፤
\q2 አቤት ጎዳዉ፥ ጋምኦፋ።
\c 71
\s1 ታኒ ዳቡርያ ዎደ ታና አጎፋ
\p
\v 1 ጎዳዉ፥ ታኒ ኔኮ ባቃታዳ አትያ ግሾ፥
\q2 አዉደካ ታና ዬላዮፓ።
\q1
\v 2 ነ ፅሎተን ታና ናጋ፤
\q2 ነ ሀይ ታኮ ዛራ፤ ታና አሻ።
\q1
\v 3 ኔኒ ታ ኡባ ዎደ ጌማዳ አትያ ዛላ
\q2 ታኒ ጌማዳ አታና መላ ምኖ ሚፃ ግዳ፤
\q2 ኤ፥ ኔኒ ታ ዛላነ ታ ሚፃ።
\q1
\v 4 ታ ፆሳዉ፥ ኢታታ ኩሸፐነ፥
\q2 ቃይ ባይና አሳታፐ ታና አሻ።
\q1
\v 5 አቤት ጎዳዉ፥ ታ ናአተፈ ዶማዳ፥
\q2 ኔኒ ታ ኡፋይሳነ ታ አማነተ።
\q1
\v 6 ታ የለትዳ ዎደፐ ዶማዳ ነናን ዘምፓስ፤
\q2 ታ አየ ኡሎፐ ታና ከስዳይ ነና፤
\q2 ታኒ ኡባ ዎደ ነና ጋላታና።
\q1
\v 7 ኔኒ ታ ቆሰታዳ አትያ በሲ ግድዳ ግሾ፥
\q2 ታ ደኦይ ዳሮ አሳስ ሌምሶ ግድስ።
\q1
\v 8 ጋላሳ ኡባን ታ ዶናይ
\q2 ነ ጋላታንነ ነ ቦንቹዋን ኩምስ።
\q1
\v 9 ታኒ ጭምዳ ዎደ ታና የጎፋ፤
\q2 ታ ዎልቃይ እፅዳ ዎደ ታና አጎፋ።
\q1
\v 10 ታ ሞርከት ታ ቦላ ቶቦሶና፤
\q2 ታና ዎናዉ ኮየይሳት ታ ቦላ ማቀቶሶና።
\q1
\v 11 ኤንቲ፥ “ፆሳይ እያ አግስ፤ የደድ ኦይኮስ፤
\q2 እያ አሻናይ ኦንካ ባዋ” ያጎሶና።
\q1
\v 12 ፆሳዉ፥ ታፐ ሃኮፋ
\q2 ታ ፆሳዉ፥ ታና ማዳናዉ ኤለሳ።
\q1
\v 13 ታና ሞተይሳት ዬላትድ ዮ፤
\q2 ታና ቆሀናዉ ኮየይሳት፥
\q2 ዬላነ ካዉሸ ማኦ።
\q1
\v 14 ሽን ታኒ ኡባ ዎደ ኡፋይሳን ነና ናጋና፤
\q2 ዛራ ዛራዳካ ነና ጋላታና።
\q1
\v 15 ነ ኦዳባ ታ ታይባናዉ ፆነትኮካ፥
\q2 ታ ዶናይ ጋላስ ኡባን ነ ፅሎተነ
\q2 ነ አቶተባ ኦዳና።
\q1
\v 16 ታኒ ኡባ ሃርያ ጎዳ ዎልቃን ያዳ፤
\q2 ነ ፃላላ ፅሎ ግደይሳ አዋጃና።
\q1
\v 17 ፆሳዉ፥ ኔኒ ታ ናአተፈ ዶማዳ ታና ታማርሳዳሳ፤
\q2 ሀእካ ነ ማላልስያ ኦሱዋ ታ ኦዳና።
\q1
\v 18 ፆሳዉ ነ ዎልቃነ ነ ምኖተን
\q2 ያ የለታ ኡባስ ኦዳና ጋካናዉ፥
\q2 ታኒ ጭማዳ ፑሉምኮካ ታና አጎፋ።
\q1
\v 19 ፆሳዉ፥ ነ ፅሎተይ ሳሎ ጋክስ፤
\q2 ግታባ ኦዳ ፆሲ፥ ነ መል ኦኔ?
\q1
\v 20 ኔኒ ታ ቦላ ዳሮ መቶ ኤሀዳሳ፤
\q2 ግዶሽን ታ ደኡዋ ዛራዳ ኦራፅሳዳሳ፤
\q2 ኔኒ ታና ቢታ ጋርሳፈ ከሳዳሳ።
\q1
\v 21 ኔኒ ታ ቦንቹዋ ዳርሳዳሳ፤
\q2 ታና ዛራዳ ምንዳሳ።
\q1
\v 22 ታ ፆሳዉ፥ ነ ቱማተ ግሾ፥
\q2 ታ ነና ዲን ጋላታና።
\q1 አቤት እስራኤለ ጌሻዉ፥
\q2 ታ ነና ማስንቆን ሳባና።
\q1
\v 23 ታ መተርሻይ ኡፋይሳን ቁ ኦድ የፄስ፤
\q2 ኔኒ ታና አሽዳ ግሾ ታኒ ነና ሳባና።
\q1
\v 24 ታና ቆሀናዉ ኮየይሳት ዬላትዳ ግሾነ
\q2 ካዉይዳ ግሾ ታ እንፃርሳይ ነ ፅሎ ማዱዋባ
\q2 ጋላስ ኡባን ኦዳና።
\c 72
\s1 ኡፋይሳን ናገትያ ካዋ
\d ሶሎሞነ ማዝሙረ
\p
\v 1 ፆሳዉ፥ ነ ሱረ ፕርዳ ካዋስ፥
\q2 ነ ፅሎተ ካዋ ናኣስ እማ።
\q1
\v 2 እ ነ አሳስ ፅሎተን ፕርዳና፤
\q2 ቆሄትዳይሳታስ ሱረን ዳይናታና።
\q1
\v 3 ደረት ዱረተ፥
\q2 ዙማት ፅሎተ አይፈ ነ አሳስ አይፎ።
\q1
\v 4 ካዎይ ቆሄትዳይሳታ ግሾ ሞተቶ፤
\q2 ማንቆታ አሾ፤ ኡንኤይሳታ መን።
\q1
\v 5 ፆሳዉ፥ እ አዋዳነ አጌናዳ ደኦ፤
\q2 የለተፈ የለተ ጋካናዉ ደኦ።
\q1
\v 6 ካዎይ ጎሻን ቡክያ እራ መላነ
\q2 ቢታ ካልስያ ፑሰ እራ መላ ግዶ።
\q1
\v 7 እያ ላይ ኡባን ፅሎ አሳት ዳዮ፤
\q2 አጌን ያና ጋካናዉ ሳሮተ ዳሮ።
\q1
\v 8 አባፈ አባ ጋካናዉ፥
\q2 ኤፍራፂሳ ሻፋፐ ሳኣ ጋፃ ጋካናዉ እ ሃሮ።
\q1
\v 9 ባዞን ደእያ አሳት እያ ጎይኖ፤
\q2 እያ ሞርከት ባና ላጮ።
\q1
\v 10 ታርሰሳነ ዩሾይ አባን ተቀትዳ ቢታታ፥
\q2 ካዎት እያዉ ጊራ ጊሮ፤
\q2 አራበነ ቶጰ ካዎት እያዉ እሞታ ኤሆ።
\q1
\v 11 ካዎት ኡባይ እያዉ ጉልባቶ፤
\q2 ካዎተት ኡባይ እያዉ ኪተቶ።
\q1
\v 12 እያኮ ዋስያ ማንቆታ፥ ቆሄትዳይሳታነ
\q2 ማዶይ ባይናይሳታ እ አሻና።
\q1
\v 13 ማንቆታስነ ዳቡራንቾታስ እ ቃቴስ፤
\q2 ማንቆታ ሸምፑዋ ሀይቆፐ አሼስ።
\q1
\v 14 ኤንታ ሱይ እያ ስንን አልኦ ግድያ ግሾ፥
\q2 እ፥ ኤንታ ቆሆፐነ ኢታፐ ዎዛና።
\q1
\v 15 ካዎይ ዳሮ ላይ ጋምኦ፤
\q2 አራበ ቢታ ዎርቃይ እያዉ ዮ።
\q1 አሳይ እያ ግሾ ኡባ ዎደ ዎሶ፤
\q2 ጋላስ ኡባን እ አንጀቶ።
\q1
\v 16 ቢታን ካ ፓላሆ፤
\q2 ደረት ካን ካመቶ።
\q1 ልባኖሰ ደርያ ቦላ ካ አይፍያዳ አይፎ፤
\q2 ደንብ ማታን ኩምያዳ አሳይ ካታማ ኩሞ።
\q1
\v 17 ካዋ ሱንይ መርናዉ ደኦ፤
\q2 አዋዳ ኡባ ዎደ ፄገትሸ ጋምኦ።
\q1 አሳ ኡባይ እያ ባጋራ አንጀታና፤
\q2 ካዎተት እያ “አንጀትዳይሳ” ያጋና።
\q1
\v 18 ማላልስያባ ባርካ ኦያ ጎዳይ፥ ፆሳይ
\q2 እስራኤለ ፆሳይ ጋላተቶ።
\q1
\v 19 እያ ቦንቾ ሱንይ መርናዉ ጋላተቶ፤
\q2 እያ ቦንቾይ ሳአ ኡባ ኩሞ።
\b
\qc አምንእ! አምንእ!
\b
\q1
\v 20 እሰየ ናኣ ዳዊታ ዎሳይ ሀይሳን ፖለትስ።
\c 73
\ms ሄን ማፃፋ
\mr (ማዝ 73—89)
\s1 ፆሳይ ታዉ ምኖተነ ግሾ
\d አሳፋ ማዝሙረ
\p
\v 1 ቱማ ፆሳይ እስራኤለስ ሎኦ፤
\q2 ዎዛና ጌሻታስ እ ኬሀ።
\q1
\v 2 ሽን ታ ቶሆይ በታናዉ ጉ አትስ፤
\q2 ታ ታንጎይ ሀልፃናዉ ማትስ።
\q1
\v 3 ሄስ ሀንዳይ ኢታ አሳትነ ኦቶራንቾት፥
\q2 ዱረትሽን ታኒ በአዳ ቃናትዳ ግሾሳ።
\q1
\v 4 ኤንታ ዋየይ ጋኮና ግሾ፥
\q2 ኤንታ አሳተይ ፓያነ ምኖ።
\q1
\v 5 ኤንቲ ሀራ አሳዳ ዋየቶኮና፤
\q2 ሀራ አሳዳ መቶን ሾጨቶኮና።
\q1
\v 6 ሄሳ ግሾ፥ ኦቶሮይ ኤንታዉ ቆ አሌቆ መላ፤
\q2 ቡቀ አፍላዳ ማእዶሶና።
\q1
\v 7 ኤንታ ዎዛናይ ኢታባ ፑልቴስ፤
\q2 ኤንታ ቆፋይ ኢታ ሀልቾን ኩምስ።
\q1
\v 8 ኤንቲ ቀልቅሶሶና፤ ኢታባ ሃሳዮሶና፤
\q2 ባንታ ኦቶሩዋን ሀራታ ኡንኤሶና።
\q1
\v 9 ባንታ ዶና ፆሳ ቦላ ዶዮሶና፤
\q2 ባንታ እንፃርሳ አሳ ቦላ አዱሶሶና።
\q1
\v 10 ሀር አቶሽን፥ ፆሳ አሳይ ኤንታኮ ስማና፤
\q2 ኤንቲ ኦድያባ ኤሶን አማናና።
\q1
\v 11 ኤንቲ፥ “ፆሲ አይኮ ኤሪ?
\q2 ኡባፈ ቃ ፆሳስ ኤራተ ደኢ?” ያጎሶና።
\q1
\v 12 ህዛ ኢታት ሀይሳ መላ፤
\q2 ኡባ ዎደ እንጀትን ደኦሶና፤
\q2 ኤንቲ ጉጅ ጉጅ ዱረቶሶና።
\q1
\v 13 ህዛ ታኒ ታ ዎዛና ጌሻተን ናግዳይ፥
\q2 ፅሎተ በሳናዉ ታ ኩሽያ ሜጨትዳይ መላ።
\q1
\v 14 ጋላሳ ኩመ ታኒ መቶን ሾጨታስ፤
\q2 ዎንታ ዎንታ ሴረታስ።
\q1
\v 15 ታኒ ኢታ አሳታዳ ኦደትዳኮ፥
\q2 ነ አሳስ አማነቶና አታናሽን።
\q1
\v 16 ታኒ ሀ ኡባ ኤራናዉ ቆፕያ ዎደ፥
\q2 ታዉ ዴፆ ግድስ።
\q1
\v 17 ሄስካ ታኒ ፆሳ ኬ ገላና ጋካናዉነ
\q2 ኢታ አሳታ ዉርሰ ቃዳ አኬካና ጋካናሳ።
\q1
\v 18 ቱማ ኔኒ ኤንታ ሀልፅያ በሳን ኡትሳዳሳ፤
\q2 ኤንቲ ኩንድድ ያና መላ ኦሳ።
\q1
\v 19 ኤንቲ ኤለስድ ይዶሶና፤
\q2 ዳጋማን እሶይ አቶና ዉርዶሶና።
\q1
\v 20 አሙሆይ ባርክያ ዎደ ባለተይሳዳ፥
\q2 አቤት ጎዳዉ፥ ኔኒ ደንድያ ዎደ፥
\q2 ኤንቲ ዶገታና።
\q1
\v 21 ታኒ ይሎትዳ ዎደነ
\q2 ታ ዎዛናን ጫመትዳ ዎደ፥
\q2
\v 22 አኬኮና ኤያ አስ ግዳስ፤
\q2 ነ ስንን መሄ ግዳስ።
\q1
\v 23 ሽን ታኒ ኡባ ዎደ ኔራ ደአይስ፤
\q2 ታ ኡሻቻ ኩሽያ ኔኒ ኦይካዳሳ።
\q1
\v 24 ነ ዞርያን ታና ካለሳ፤
\q2 ዉርሰን ታና ቦንቾን ኤካሳ።
\q1
\v 25 ታዉ ሳሎን ኔፐ አትሽን፥ ሀር ኦን ደኢ?
\q2 ታኒ ኔፐ አትሽን፥ ሳአን ሀራ አሞትከ።
\q1
\v 26 ታ ዎልቃይነ ታ ዎዛናይ ዳቡራናዉ ዳንዳኤስ፤
\q2 ሽን ፆሳይ ታ ዎዛና ምኖተነ
\q2 መርናዉ ታና ጋክዳ ሳማ።
\q1
\v 27 ኔፐ ሃከይሳት ያና፤
\q2 ነና ካደይሳታ ኡባ ነ ዉርሳና።
\q1
\v 28 ሽን ታዉ ፆሳኮ ሺቆይ ሎኦ፤
\q2 እያ ኦሶ ኡባ ታኒ ኦዳና መላ፥
\q2 ኡባ ሃርያ ጎዳ ቆሰትድ አትያ በሰ ኦስ።
\c 74
\s1 ፆሳዉ ነ ግሾ ሞተታ
\d አሳፋ ትምርተ
\d አኬካን ፃፍዳ ግንፆ
\p
\v 1 ፆሳዉ ኔኒ ኑና አይስ መርናዉ አጋዲ?
\q2 ነ ቆሩዋን ደእያ ነ ዶርሳታ ቦላ
\q2 ነ ሀንቆይ አይስ ኤፅዴ?
\q1
\v 2 ኔኒ በን ዶርዳ አሳ፥
\q2 ነዉ ቡዞ ኦዳ ዎዝዳ ኮቻታ ሀሳያ፤
\q2 ኔኒ ደእዳ ፅዮነ ዙማ ቆፓ።
\q1
\v 3 ላለትዳ ነ ኬ ያዳ ፄላ፤
\q2 ሞርከት ያን ደእያባ ኡባ ይስዶሶና።
\q1
\v 4 ነ ሞርከት ነ ኬን፥
\q2 “ኑ ፆንዳ” ያግድ ገሬርዶሶና።
\q2 ፆኖ ማላታ ግድዳ ባንታ ባንድራ ኤስዶሶና።
\q1
\v 5 ኤንቲ ም ቃንፃናዉ ዎራ ግዶን ኤቅድ፥
\q2 ባንታ ካልታ ደንዳ አሳታ ዳኖሶና።
\q1
\v 6 ኤንቲ ኩሸ ሂላን አሌቅዳ ኦሶታ ኡባ፥
\q2 ባንታ ካልታንነ ናርቃን መንረዶሶና።
\q1
\v 7 ነ ኬ ታማን ፁግድ ይስዶሶና፤
\q2 ነ ሱንይ ፄገትያ በሳ ቱንስዶሶና።
\q1
\v 8 ባንታ ዎዛናን፥ “ኑ ኩመ ይሳና” ያግዶሶና፤
\q2 ቢታን ደእያ አስ ፆሰ ጎይንያ በሳታ
\q2 ታማን ፁግዶሶና።
\q1
\v 9 ሄ ዎደ ማላት ኑስ እመተና፤
\q2 ናበይካ ዴና።
\q1 ሄስ አዉደ ጋካናዉ ጋምአነኮ፥
\q2 ኤርያ አስ ኑ ግዶን ባዋ።
\q1
\v 10 ፆሳዉ፥ ነ ሞርከት አዉደ ጋካናዉ፥
\q2 ነ ቦላ ቀልቅሳኔ?
\q2 ኤንቲ ነ ሱን መርናዉ ጫያኔ?
\q1
\v 11 ነ ኡሻቻ ኩሽያ አይስ ሺሻ ኤካይ?
\q2 ነ ኡሻቻ ኩሽያ ነ አፍላ ግዶፈ
\q2 ከሳዳ ኤንታ ይሳ።
\q1
\v 12 ግዶሽን፥ አቤት ፆሳዉ፥
\q2 ኔኒ በንፐ ታ ካዋ፤
\q2 ነ ዳሮ ዎደ አሻዳሳ።
\q1
\v 13 ነ ግታ ዎልቃን አባ ሻካዳሳ፤
\q2 እያ ግዶን ደእያ ዶኣ ሁጰታ ዶንጫዳሳ።
\q1
\v 14 ሌዋታነ ጌተትያ ዳውያ ሁጰታ ዶንጫዳ፥
\q2 እያ አሹዋ ባዞን ደእያ መተታስ
\q2 ካ ኦዳ እምዳይ ነና።
\q1
\v 15 ኔኒ ፑልቶታ ዶያ የዳዳሳ፤
\q2 ኡባ ዎደ ጎግያ ሻፋታ መልሳዳሳ።
\q1
\v 16 ጋላሳይ ነባ፤ ቃማይካ ነባ፤
\q2 አዋነ አጌና ኤንታ በሳን ዎዳይ ነና።
\q1
\v 17 ቢታስ ዛዋ ዎዳይ፥
\q2 ባልጎነ ቦነ መዳይ ነና።
\q1
\v 18 አቤት ጎዳዉ፥ ነ ሞርከት ነና ዋት ቀልቅስዳኮ፥
\q2 ኤያ አሳት ነ ሱን ዋት ጫይዳኮ ሀሳያ።
\q1
\v 19 ነ ሆልያ ሸምፑዋ ዶኣስ አዳ እሞፋ፤
\q2 መቶታንቾታ መርናዉ ዶጎፓ።
\q1
\v 20 ኑ ቢታን ደእያ ማ በሲ ኡባይ
\q2 ማካላንቾታን ኩምዳ ግሾ፥
\q2 ነ ኑስ ጫቅዳ ጫቁዋ ቆፓ።
\q1
\v 21 ቆሄትዳይሳታ ዬላዮፓ፤
\q2 ማንቆትነ መቶታንቾት ነ ሱን ጋላቶ።
\q1
\v 22 አቤት ፆሳዉ፥ ደንዳ፤ ሞተታ፤
\q2 ጋላስ ኩመ ኤያት ነና ቀልቅሰይሳ ሀሳያ።
\q1
\v 23 ነ ሞርከት ነ ቦላ ዋስያ ዋሱዋነ
\q2 ነና እፀይሳት ጬቀትያ ጬቁዋ አኬካ።
\c 75
\s1 ፆሳይ ሱረ ፕርዳና
\d አሳፍ ዛማረታ ሀላቃስ፥ “ይሶፋ” ጌተትያ ዲ ጩን የፅዳ ማዝሙረ
\p
\v 1 አቤት ፆሳዉ፥ ነዉ ጋላታ እሞስ፤
\q2 ነ ሱንይ ማታ ግድያ ግሾ ነና ጋላቶስ፤
\q2 አሳይ ነ ማላልስያ ኦሱዋ ኦዶሶና።
\q1
\v 2 ፆሳይ ሀይሳዳ ያጌስ፤
\q2 “ታኒ ፕርዳ እምያ ዎደ ዶራስ፤
\q2 ሱረ ፕርደይ ታና።
\q1
\v 3 ቢታይነ እያን ደእያ ኡባይ ቃፅኮካ፥
\q2 እያ ቱሳ ምን ኤሰይ ታና። \qs ሳላሀ \qs*
\q1
\v 4 ታኒ ኦቶራንቾታ፥ ‘ኦቶርቶፍተ’፤
\q2 ኢታታ፥ ‘ህንተ ካጭያ በሶፍተ።’
\q1
\v 5 ‘ህንተ ካጭያ ሳሎ ደንፍተ፤
\q2 ቆ ቃድ ሃሳዮፕተ’ ” ያጋና።
\q1
\v 6 ቦንቾይ ዶሎሀፐ ዎይኮ ዉሎሀፐ
\q2 ዎይኮ መላ ቢታፈ ዬና።
\q1
\v 7 ሽን ሱረ ፕርደይ ፆሳ፤
\q2 እ እሱዋ ቦላ ፕርዴስ፤ ሀንኩዋ ሻትንስ።
\q1
\v 8 ፆሳ ኩሸን እስ ዋንጭ ደኤስ፤
\q2 ሄ ዋንጫይ ፆሳ ሀንቆ
\q2 ዎይነ ኡሻን ኩምድ ኡትስ።
\q1 እ ሄ ኡሻፈ ትግን፥
\q2 ሳአን ደእያ ኢታ አሳት ሄሳ ኡያና፤
\q2 ኤንቲ ኦርጩዋ አሾና ፂጵድ ኡያና።
\q1
\v 9 ሽን ታኒ ያይቆባ ፆሳባ ኦዳና፤
\q2 እያ መርናዉ ሳባና።
\q1
\v 10 እ፥ ኢታ አሳታ ካጭያ መንና፤
\q2 ሽን ፅሎታ ካጨይ ቁ ቁ ጋና።
\c 76
\s1 ፆሳ ስንን ኤቃናይ ኦኔ?
\d አሳፍ ዛማረታ ሀላቃስ ዲን የፅዳ ማዝሙረ
\p
\v 1 ፆሳይ ይሁዳን ኤረትስ፤
\q2 እያ ሱንይ እስራኤለን ግታ።
\q1
\v 2 እያ ዱንካነይ ሳለማና፤
\q2 እ ደእያ በሳይ ፅዮነና።
\q1
\v 3 ያን ፆንገትያ ሞርከ ዶንግያ፥
\q2 ጎንዳለ፥ ማሸነ ኦላ ሚሸታ መንረስ። \qs ሳላሀ \qs*
\q1
\v 4 አቤት ፆሳዉ፥ ነ ቦንቾይ አይ መላ ግተ!
\q2 ኔኒ ነ ሞርከታ ፆናዳ ዙማፐ ስምያ ዎደ፥
\q2 ነ ቴማይ አይ መላ ያሽ!
\q1
\v 5 ጎባ ቶራንቾት ቦንቀትዶሶና፤
\q2 ኤንቲ ዎልቃማ ስኮ ስክዶሶና፤
\q2 ኤንታፈ እሶይካ ባ ኩሽያ ደንቤና።
\q1
\v 6 አቤት ያይቆባ ፆሳዉ፥ ነ ሴርዳ ዎደ፥
\q2 ፓራ አሳትነ ፓራት ኩንድድ አትዶሶና።
\q1
\v 7 ሽን አቤት ፆሳዉ፥ ኔኒ ያሻሳ፤
\q2 ነ ሀንቆይ ሱልያ ዎደ፥
\q2 ነ ስንን ኦነ ኤቃናይ?
\q1
\v 8 ኔኒ ፕርዳ ሳሎፐ ስስዳ ዎደ፥
\q2 ቢታይ ዳጋማን ስእ ግስ።
\q1
\v 9 ኔኒ ቢታን ቆሄትዳ አሳ አሻናዉነ
\q2 ኤንታዉ ፕርዳናዉ ደንድያ ዎደ ሄስ ሀንስ። \qs ሳላሀ \qs*
\q1
\v 10 ነ አሰ ሀንቅኮካ ነዉ ቦንቾ ግዴስ፤
\q2 ኦላፐ አትዳ አሳት ነ ባኣለ ቦንቻና።
\q1
\v 11 ጎዳስ ህንተ ፆሳስ ቃንገ ጋተ፤
\q2 ህንተኖ እያ ማታን ደእያ ካዎተቶ፥
\q2 ያሽያ እያዉ እሞታ ኤህተ።
\q1
\v 12 እ ሀላቃታ አያና ካዉሼስ፤
\q2 ዎልቃማ ካዎታካ ዳጋንስ።
\c 77
\s1 ታኒ መቶ ዎደ ፆሰ ኮያስ
\d አሳፍ ዛማረታ ሀላቃ ኤዶታመስ ፃፍዳ ማዝሙረ
\p
\v 1 ታኒ ፆሳ ማጋናይስ፤
\q2 ታና ስአ ጋዳ እያኮ ዋሳይስ።
\q1
\v 2 ታ መቱዋ ጋላሳን ጎዳ ኮያስ፤
\q2 ቃማ ኩመ ሸምፖይ ባይና ታ ኩሽያ ምጫስ፤
\q2 ግዶሽን፥ ታ ሸምፕያ ምናናዉ ዳንዳአቡኩ።
\q1
\v 3 ታኒ ፆሳባ ቆፕያ ዎደ ኦላይስ፤
\q2 ታኒ ዎ ደንዳ ዎደ ታ ሸምፖይ ዳቡሬስ። \qs ሳላሀ \qs*
\q1
\v 4 ቃማ ኩመ ታና ስኮ ድጋዳ አይሳዳሳ፤
\q2 ታ ኡንኤትዳ ግሾ ኦደታናዉ ዳንዳአብከ።
\q1
\v 5 ታኒ አዳ ጋላሳታ ቆፓስ፤
\q2 ካሰ ላይታ ሀሳያስ።
\q1
\v 6 ታኒ ቃማ ግታ ቆፋን አቃስ፤
\q2 ታ ዎዛናን ዎ ደንሸ፥
\q2 ሀይሳዳ ያጋዳ ታና ኦይቻስ፤
\q1
\v 7 “ፆሳይ ኑና መርናዉ አግደዬ?
\q2 ህዛፐ ጉየ እ ኑስ ኬሄነዬ?
\q1
\v 8 እያ ሲቆይ አትደዬ?
\q2 እ ኦድዳ ቃላ መርናዉ ፖለነዬ?
\q1
\v 9 ፆሳይ ባ ማሮታ ዶግደዬ?
\q2 ባ ቃያ ሀንቆን ላምደዬ?” ያጋዳ ኦይቻስ። \qs ሳላሀ \qs*
\q1
\v 10 ኡባፈ ቃ ፆሳዉ፥ ታና ኡንኤዳይ፥
\q2 ነ ኡሻቻ ኩሽያን ኑና ማዶ አግዳይሳ።
\q1
\v 11 ጎዳ ኦሶታ ታኒ ቆፓና፤
\q2 እ በን ኦዳ ማላልስያ ኦሶታ ሀሳያና።
\q1
\v 12 ነ ኦሶታ ታኒ ዛራ ዛራዳ ቆፓና፤
\q2 ነ ዎልቃማ ኦሶታ ታኒ ዎ ደንና።
\q1
\v 13 አቤት ፆሳዉ፥ ነ ኦገይ ጌሽ፤
\q2 ነ መላ ግታ ፆሲ ኦኔ?
\q1
\v 14 ኔኒ ማላልስያባ ኦያ ፆሳ፤
\q2 አሳ ግዶን ነ ዎልቃ ቆንጭሳሳ።
\q1
\v 15 ነ አሳ፥ ያይቆባነ ዮሰፋ ኮቻ
\q2 ነ ቀስያን ዎዛዳሳ። \qs ሳላሀ \qs*
\q1
\v 16 አቤት ፆሳዉ፥ ሃት ነና በእድ ያይዶሶና፤
\q2 አባ ጪሞትካ ኮኮርዶሶና።
\q1
\v 17 ሻራት ሃ ዱገ ትግዶሶና፤
\q2 ዳዳይ ሳሎን ጉምስ፤
\q2 ነ ዎልአንይ ያን ሀን ዎልአምስ።
\q1
\v 18 ነ ዳዳ ጉንይ ኡሹዋ ግዶን ጉምስ፤
\q2 ነ ዎልአንይ ሳኣ ፖእስስ፤
\q2 ቢታይ ቃፅስ፤ ኮኮርስ።
\q1
\v 19 ኔኒ አባ ግዶራ ሄመታሳ፤
\q2 ጪሞ አባ ግዶራ ካንሳ፤
\q2 ሽን ነ ቶሆይ የዳ በሳይ በንተና።
\q1
\v 20 ሙሰ ኩሸንነ አሮና ኩሸን
\q2 ነ አሳ ዶርሳ ዉደዳ ካለዳሳ።
\c 78
\s1 ካልያ የለተስ ኦዳ
\d አሳፍ አኬካን ፃፍዳ ግንፆ
\p
\v 1 ታ አሳዉ፥ ታ ትምርትያ ስእተ፤
\q2 ታ ዶናፐ ከይያ ቃላ ሀይዝድ ስእተ።
\q1
\v 2 ታኒ ታ ዶና ሌምሶን ዶያና፤
\q2 በንፐ ጌምዳ ፁራ ቆንጭሳና።
\q1
\v 3 ኑኒ ስእዳይሳነ ኤርዳይሳ፥
\q2 ኑ አዋት ኑስ ኦድዳይሳታ ኦዳና።
\q1
\v 4 ሄሳታ ኑኒ ኤንታ ናይታፐ ቆሶኮ፤
\q2 ጎዳስ በሲያ ጋላታ፥
\q2 እያ ዎልቃነ ማላልስያ እያ ኦሱዋ፥
\q2 ያና የለታስ ኦዳና።
\q1
\v 5 እ ያይቆባ ዘረስ ኪታ፥
\q2 እስራኤለ አሳስ ህግያ እሚስ።
\q1 ካሰ ኑ አዋት ባንታ ናይታ
\q2 ሄ ህግያ ታማርሳና መላ ኪትስ።
\q1
\v 6 ካልያ የለታይ ሄሳ ኤራና መላ፥
\q2 ኤንታ ናይትካ ባንታ ናይታስ
\q2 ቡሮ የለታና ናይታስ ኤርሳናሳ።
\q1
\v 7 ሄ ዎደ ኤንቲ ፆሳን አማነተና፤
\q2 እ ኦዳባ ባሎኮና፤ እያ ኪታ ናጋና።
\q1
\v 8 ኤንቲ ካሰ ባንታ አዋታዳ ዎዛና ሙመ የለታ፥
\q2 ጌላነ አማነቶና የለታ፥
\q2 ፆሳን ምንድ ኤቀና የለታ ግዶኮና።
\q1
\v 9 ኤፍሬማ አሳይ ዶንገ ዳንጭኮካ፥
\q2 ኦላ ጋላስ ጉየ ስምዶሶና።
\q1
\v 10 ኤንቲ ፆሳ ጫቁዋ ናግቦኮና፤
\q2 እያ ህግያን ሄመቶና እፅዶሶና።
\q1
\v 11 ኤንቲ እ ኦዳ ኦሱዋነ
\q2 እ በስዳ ማላታ ዶግዶሶና።
\q1
\v 12 እ ኤንታ አዋታ ስንን ግብፀ ቢታን፥
\q2 ፆኣነ ደንባን ማላታ ኦስ።
\q1
\v 13 አባ ሻክድ ግዶራ ኤንታ ፕንስ፤
\q2 ሃ ሻክድ ያን ሀን ጎዳዳ ኤስስ።
\q1
\v 14 እ ኤንታ ጋላስ ሻራን፥
\q2 ቃማ ታማ ፖኦን ካለስ።
\q1
\v 15 እ መላ ቢታን ዛላ ጳልቅድ፥
\q2 አባዳ ዳሮ ሃ ኤንታ ኡሽስ።
\q1
\v 16 ዛላፈ ሃ ፑልትስድ፥
\q2 ሻፋ ሃዳ ጎግስስ።
\q1
\v 17 ሽን ኤንቲ እያ ቦላ ናጋራ ጉጅድ ኦዶሶና፤
\q2 ኡባፈ ቃ ፆሳ ቦላ መላ ቢታን ማካልዶሶና።
\q1
\v 18 ባንታ አሞትዳ ካ ኦይችድ፥
\q2 ፆሳ ኤርሸ ፓጭዶሶና።
\q1
\v 19 ኤንቲ ፆሳ ቦላ ሀይሳዳ ያግድ ሃሳይዶሶና፤
\q2 “መላ ቢታን ፆሳይ ኑስ ካ ጊግሳናዉ ዳንዳኢ?
\q1
\v 20 ዛላ ሾጭን ፑልቶይ ከይድ
\q2 ሻፋ ሃ ጎግስ፤
\q2 ሽን እ ኑስ ካ እማናዉ ዳንዳኢ?
\q2 ዎይኮ ባ አሳስ አሾ እማናዉ ዳንዳኢ?” ያግዶሶና።
\q1
\v 21 ጎዳይ ሄሳ ስእዳ ዎደ ዳሮ ሀንቀትስ፤
\q2 ያይቆባ ኮቻታ ቦላ ታም ኤፅስ፤
\q2 እስራኤለ ቦላ እያ ሀንቆይ ዳርስ።
\q1
\v 22 ሄስካ ኤንቲ ፆሳን አማንቦኮና፤
\q2 ዎይኮ እያ አሹዋን አማነትቦኮና።
\q1
\v 23 ግዶሽን፥ ቃ ሳሉዋ ኪትስ፤
\q2 ሳሎ ፐንግያ ዶይስ።
\q1
\v 24 ኤንታ ሙዛናዉ ማና ቡክስስ፤
\q2 ሳሎ ካ ኤንታዉ እሚስ።
\q1
\v 25 ኪታንቾታ ካ አሳይ ምስ፤
\q2 ፆሳይ ኤንታዉ ምያባ ዳርስድ እሚስ።
\q1
\v 26 ዶሎሀ ጫርኮይ ጫርካና መላ ኦስ፤
\q2 ባ ዎልቃን ዱገሀ ጫርኩዋ ደንስ።
\q1
\v 27 እ አሳስ አሾ ቢታ ከስስ፤
\q2 ፓልያ ካፎታ አባ ጋፃ ሻፈዳ ቡክስስ።
\q1
\v 28 ኤንቲ ደእያ በሳን፥
\q2 ዱንካንያ ዩሾን ዎስስ።
\q1
\v 29 ኤንቲ አሞትዳይሳ ኤንታዉ እሚስ፤
\q2 ምድ ባንታ ጋንጅያ ጋዶሶና።
\q1
\v 30 ሽን ኤንቲ ባንታ አሙዋ አና ደእሽን፥
\q2 አሾይ ኤንታ ዶናን ቡሮ ደእሽን፥
\q1
\v 31 ፆሳ ሀንቆይ ኤንታ ቦላ ዎስ፤
\q2 ኤንታ ግዶፈ ዎልቃማ አሳታ ዎስ፤
\q2 እስራኤለፐ ናአተታ ክስ።
\q1
\v 32 ሄ ኡባይ ሀንንካ ናጋራ ኦሶ አግቦኮና፤
\q2 ዳሮ ማላታ ኦንካ አማንቦኮና።
\q1
\v 33 ሄሳ ግሾ፥ እ ኤንታ ጋላሳታ ሀዳ ኦስ፤
\q2 ኤንታ ላይታ ዳጋማን ኦንግስ።
\q1
\v 34 ፆሳይ ኤንታፈ ባጋ ዎያ ዎደ
\q2 እያ ኮይዶሶና፥
\q2 ባንታ ናጋራ ፓፅድ እያኮ ስምዶሶና።
\q1
\v 35 ፆሳይ ኤንታ ዛላ ግደይሳ፥
\q2 ኡባፈ ቃ ፆሳይ ኤንታ ዎዘይሳ፥
\q2 ግደይሳ ሀሳይዶሶና።
\q1
\v 36 ሽን ኤንቲ ባንታ እንፃርሳን ዎርዶትዶሶና፤
\q2 ባንታ ዶናን ጭምዶሶና።
\q1
\v 37 ኤንታ ዎዛናይ ፆሳን ምንድ ኤቀና፤
\q2 እያ ጫቁዋስ አማነቶኮና።
\q1
\v 38 ሽን እ ኤንታ ማርስ ኤንታ ናጋራ አቶ ግስ፤
\q2 ኤንታ ይስቤና።
\q1 ዳሮ ዎደ ባ ሀንቁዋ ተቅስ፤
\q2 ባ ጋዱዋ ኩመ ኤንታ ቦላ የድቤና።
\q1
\v 39 ኤንቲ ሀይቅያ አሾ ግደይሳነ
\q2 ከይድ ስሞና ሸምፖ ግደይሳ አኬክስ።
\q1
\v 40 ኤንቲ መላ ቢታን እያ ቦላ አፑን ቶሆ ማካልዶና!
\q2 መላ ቢታን እያ አፑን ቶሆ ላንጭስዶና!
\q1
\v 41 ኤንቲ ዛር ዛሪድ ፆሳ ፓጭዶሶና፤
\q2 እስራኤለ ጌሻ ይሎይዶሶና።
\q1
\v 42 ኤንታና ሞርከታ ኩሸፐ አሽዳ ጋላሳ፥
\q2 ኡንኤያ አሳፐ ዎዝዳ ዎልቃ ዶግዶሶና።
\q1
\v 43 እ ግብፀን ኦዳ ማላታ፥
\q2 ፆኣነ ደንባን ኦዳ
\q2 ማላልስያ ኦሱዋ ሀሳይቦኮና።
\q1
\v 44 ኤንታ ሻፋ ሃታ ሱ ላምስ፤
\q2 ሄሳ ግሾ፥ ግብፀ አሳይ ሻፋታፐ
\q2 ኡያናዉ ዳንዳእቦኮና።
\q1
\v 45 ኤንታ ዋይስያ ኡዱንፀታነ
\q2 ኤንታ ቢታ ይስያ ሾታ ኪትስ።
\q1
\v 46 ዶልዳ ካ ዱጎስ፥
\q2 ኤንቲ ዳቡርዳ አይፍያ ቦለስ እሚስ።
\q1
\v 47 ኤንታ ዎይንያ ሻቻን፥
\q2 ኤንታ ባላስያ ጫርኮን ይስስ።
\q1
\v 48 ኤንታ መሄታ ሻቻን ዎስ፤
\q2 ኤንታ ዶርሳታ ዳዳን ዉርስስ።
\q1
\v 49 ይስያ ኪታንቾ ጩጋራ፥
\q2 ባ ሱልያ ሀንቁዋ፥ ይሉዋ፥ እፁዋነ
\q2 ጋዱዋ ኤንታ ቦላ የድስ።
\q1
\v 50 ባ ሀንቁዋስ ኦገ ጊግስስ፤
\q2 ኤንታ ዮስ አድ እሚስ፤
\q2 ኤንታ ሀይቆፐ አሽቤና።
\q1
\v 51 ግብፀ ባይራ ናይታ ኡባ ሾጭስ፤
\q2 ካማ ዱንካነን ኮይሮ ናይታ ዎስ፤
\q1
\v 52 ሽን ባ አሳ ዶርሳዳ ከስስ፤
\q2 ዉደዳ መላ ቢታን ሄምስ።
\q1
\v 53 እ ኤንታ ሳሮ ካለዳ ግሾ ባብቦኮና፤
\q2 ሽን ኤንታ ሞርከታ አባይ ምትስ።
\q1
\v 54 እ ኤንታ ባ ጌሻ ቢታ፥
\q2 ባ ኡሻቻ ኩሸን ፆንድ ኦይክዳ ዙማ ቦላ ኤህስ።
\q1
\v 55 እ ኤንታ ስንፈ ካዎተታ ጎድስ፤
\q2 ኤንታ ቢታ እስራኤለ ኮቻታስ ላታ ኦድ ሻክስ፤
\q2 ባ አሳስ ኤንታ ኬ እሚስ።
\q1
\v 56 ግዶሽን፥ ኡባፈ ቃ ፆሳ ቦላ ማካልዶሶና፤
\q2 እያ ፓጭዶሶና፤ እያ ህግያ ኪተትቦኮና።
\q1
\v 57 ኤንቲ ባንታ አዋታዳ ጌላታነ
\q2 ምንድ ኤቆና አስ ግድዶሶና፤
\q2 ዎበ ቶራዳ ዎራ ዎዶሶና።
\q1
\v 58 ቃ ጎይኖ በሳታን እያ ይሎይዶሶና፤
\q2 ባንታ ኤቃታራ እያ ቃናትስዶሶና።
\q1
\v 59 ፆሳይ ሄሳ ስእዳ ዎደ ሸነትስ፤
\q2 እስራኤለ ኡባ ካስ።
\q1
\v 60 ሴሎን እ ደእያ ባ በሳ፥
\q2 አሳ ግዶን እ ደእያ ባ ዱንካንያ አግስ።
\q1
\v 61 ፆሳ ዎልቃስነ ቦንቹዋስ
\q2 ማላታ ግድዳ ታቦትያ
\q2 ሞርከታ ኩሸን አድ እሚስ።
\q1
\v 62 እ ባ አሳ ቦላ ሸነትስ፤
\q2 ኤንታ ማሻስ አድ እሚስ።
\q1
\v 63 ናአተት ኡባይ ታማን ሜተትዶሶና፤
\q2 ጌላኦት አዝና ገሎና አትዶሶና።
\q1
\v 64 ኤንታ ካህነት ማሻን ዉርዶሶና፤
\q2 ኤንታ ማቸት ዬኮና መላ ድገትዶሶና።
\q1
\v 65 ጎዳይ ስኮፈ ባርክያ አሳዳ ደንድስ፤
\q2 ዎይነ ኡሻ ማይ አዳ አሳዳ ሀንስ።
\q1
\v 66 እ ባ ሞርከታ ጉየ ዛሪድ ሾጭስ፤
\q2 ኤንታ መርናዉ ዬላይስ።
\q1
\v 67 ዮሰፋ ዱንካንያ ካስ፤
\q2 ኤፍሬማ ኮቻ ዶርቤና።
\q1
\v 68 ሽን ይሁዳ ኮቻነ
\q2 እ ዶስያ ፅዮነ ደርያ ዶርስ።
\q1
\v 69 ባ ኬ ሳሎዳ ቁ ኦድ ኬፅስ፤
\q2 ሳአዳ መርናዉ ኤስስ።
\q1
\v 70 ባ አይልያ ዳዊታ ዶርድ፥
\q2 ዶርሰ ሄምያ በሳፈ ኤክስ።
\q1
\v 71 ዶርሰ ሄምያ በሳፈ ደንድ፥
\q2 ባ አሳ ያይቆባ፥
\q2 ባ ላታ እስራኤለ ሄንናዉ ኤህስ።
\q1
\v 72 ዳዊቲ ኤንታ ሱረ ዎዛናን ሄምስ፤
\q2 ባ ጭንጫተን ካለስ።
\c 79
\s1 ጎዳዉ፥ አዉደ ጋካናሴ?
\d አሳፋ ማዝሙረ
\p
\v 1 ፆሳዉ፥ አይሁደ ግዶና አሳይ፥
\q2 ነ ቢታ ቦላ ደንድዶሶና፤
\q1 ነ ጌሻ ኬ ቱንስዶሶና፤
\q2 የሩሳላመ ላልዶሶና።
\q1
\v 2 ነ አይለታ አሀ ሳሎ ካፎታስ፥
\q2 ነ ጌሻታ አሹዋ ሳአ ዶአታስ እምዶሶና።
\q1
\v 3 ኤንታ ሱ የሩሳላመ ዩሾን
\q2 ሃዳ ጉስዶሶና፤
\q2 ኤንታ አሀ ሞግያ አስ ይስ።
\q1
\v 4 ኑ ሾሮታስ ኑኒ ሚቻስ፥
\q2 ኑ ሄራን ደእያ አሳስ ቀልቅሰስ አትዳ።
\q1
\v 5 ጎዳዉ፥ ሄስ አዉደ ጋካናዉ ሀናኔ?
\q2 ኔኒ ኑ ቦላ መርናዉ ሀንቀታዲ?
\q2 ነ ሀንቆይ ታማዳ ኤፅሸ ዳነዬ?
\q1
\v 6 ነና ኤሮና ደረታ ቦላ፥
\q2 ነ ሱን ፄጎና ካዎተታ ቦላ
\q2 ነ ሀንቁዋ ዛራ።
\q1
\v 7 ሄስካ ኤንቲ ያይቆባ ምዳ ግሾነ
\q2 ኤንቲ ደእያ በሳ ይስዳ ግሾሳ።
\q1
\v 8 ኑኒ ዳሮ መቶትዳ ግሾ፥
\q2 ኑ ማይዛታ ኢታተ ኑ ቦላ ታይቦፓ፤
\q2 ኤሶን ነ ማሮታ ኑስ ኪታ።
\q1
\v 9 አቤት ኑና አሽያ ፆሳዉ፥
\q2 ነ ቦንቾ ሱን ግሾ ኑና ማዳ።
\q1 ነ ሱን ግሾ ኑና አሻ፤
\q2 ኑ ናጋራ አቶ ጋ።
\q1
\v 10 ደረት፥ “ኤንታ ፆሳይ አዉን ደኢ?” አይስ ጋኔ?
\q2 ነ አይለታ ሱ ኤንቲ ጉስዳ ግሾ፤
\q2 ኔኒ ሀሎ ከየይሳ ኑ ፄልሽን፥
\q2 ኤንታ ግዶን ቆንጭሳ።
\q1
\v 11 ቃሾ አሳ ኦለይ ነ ስን ጋኮ፤
\q2 ሀይቆ ፕርደትዳይሳታ
\q2 ነ ዎልቃ ግታተን አሻ።
\q1
\v 12 ጎዳዉ፥ ኑ ሾሮት ነና ቶችዳ ግሾ፥
\q2 ላፑን ኩሸ ሀሎ ከያዳ ኤንታ ክኦን እድን።
\q1
\v 13 ሄ ዎደ ኑኒ ነ አሳይ፥ ነ ዶርሳት፥
\q2 መርናዉ ነና ጋላታና።
\q1 የለተፈ የለተ ጋካናዉ፥
\q2 ነ ፔሻ ኦዳና።
\c 80
\s1 ፆሳዉ፥ ኑና ኦራ
\d አሳፍ ዛማረታ ሀላቃስ ፃፍዳ ማዝሙረ
\d “ጪሻ ጩ” ጌተትያ ማርካተ ማዝሙረ
\p
\v 1 ዮሰፋ ዶርሳ ዉደዳ ካለይሶ፥
\q2 እስራኤለ ሄንንቹዋዉ ኑና ስአ።
\q1 ክሩበታ ቦላ ደእያ አራታን ኡትዳይሶ፥
\q2 ነ ፖኡዋን ቆንጫ።
\q1
\v 2 ኤፍሬማ፥ ብንያመነ ምናሰ ስንን በንታ፤
\q2 ነ ዎልቃ ቃዳ ኑና አሻናዉ ሃያ።
\q1
\v 3 ፆሳዉ ኑና ዛራ፤
\q2 ኑ አታናዳ ነ ሶምኡዋ ኑስ ፖእሳ።
\q1
\v 4 ኡባፈ ዎልቃማ ጎዳዉ ፆሳዉ፥
\q2 ነ አሳ ዎሳ ቦላ አዉደ ጋካናዉ ሸነታይ?
\q1
\v 5 ኔኒ ኤንታ ዬሆ ካዳ ሙዛዳሳ፤
\q2 አፉ ሃዳ ኡሻዳሳ።
\q1
\v 6 ኑ ሾሮት ኑ ቢታ ኤካናዉ
\q2 ባንታ ግዶን ኦያና መላ ኦዳሳ፤
\q2 ኑ ሞርከት ኑ ቦላ ሚጭዶሶና።
\q1
\v 7 ኡባፈ ዎልቃማ ፆሳዉ ኑና ዛራ፤
\q2 ኑ አታናዳ ነ ሶምኡዋ ኑስ ፖእሳ።
\q1
\v 8 ግብፀፈ ዎይነ ኤሀዳሳ፤
\q2 ካዎተታ የደዳ፥
\q2 ኤንታ ቢታን እያ ቶካዳሳ።
\q1
\v 9 ኔኒ ቢታ ቄፃዳሳ፤
\q2 እ ፃጶ የድድ፥ ዳይድ ቢታ ጋክስ።
\q1
\v 10 ደረት እያ ኩያን፥
\q2 ልባኖሰ ዝጋት እያ ታሽያን ካመትዶሶና።
\q1
\v 11 ባ ታሸታ መደትራነ አባ ጋካናዉ፥
\q2 ባ ፄራታ ኤፍራፂሳ ሻፋ ጋካናዉ የድስ።
\q1
\v 12 ያትን፥ ኦገራ አያ ኡባይ
\q2 እያ አይፍያ ዱናዳ፥
\q2 እያ ዩሾን ደእያ ግምብያ አይስ ላላዲ?
\q1
\v 13 ባዞ ጉዱንይ እያ ቦላ ጉፕስ፤
\q2 ዎራ ዶአት እያ ምዶሶና።
\q1
\v 14 ኡባፈ ዎልቃማ ፆሳዉ ኑኮ ስማ፤
\q2 ሳሎራ ዱገ ፄላዳ፤ ሀ ዎይንያ ናጋ።
\q1
\v 15 እ ነ ኡሻቻ ኩሸይ ቶክዳ ፃጶ፤
\q2 ኔኒ ነዉ ድችዳ ፑተ።
\q1
\v 16 ነ ሞርከት ነ ዎይንያ ቃንፅዶሶና፤
\q2 ታማን ፁግዶሶና፤
\q2 ኤንታ ነ ሀንቁዋን ይሳ።
\q1
\v 17 ነ ኩሸይ ነ ኡሻቻን ደእያ አሳ፥
\q2 ኔኒ ነዉ ድችዳ አሳ ናጎ።
\q1
\v 18 ህዛ ኑኒ ጉየ ስሞኮ፤
\q2 ኑና ፓፃ ዎ፤ ነ ሱን ጋላታና።
\q1
\v 19 ኡባፈ ዎልቃማ ጎዳዉ ፆሳዉ፥ ኑና ዛራ፤
\q2 ኑ አታናዳ ነ ሶምኡዋ ኑስ ፖእሳ።
\c 81
\s1 ሻቃራ ባኣለ ዎደ የፅያ ሳባ
\d ዛማረታ ሀላቃስ ፃፈትዳ ሱሱልኤን የፀትያ አሳፋ ማዝሙረ
\p
\v 1 ኑስ ዎልቃ ግድዳ ፆሳስ ኡፋይሳን የፅተ፤
\q2 ያይቆባ ፆሳስ እልልተ።
\q1
\v 2 የ ዶምተ፤ ካራቦ ባቅተ፤
\q2 ዲንነ ማስንቆን የፅተ።
\q1
\v 3 አጌን ፄርያ ዎደ፥
\q2 ቃስ ማ ኡትያ ዎደ፥
\q2 ባኣለ ጋላሳን ሞይዘ ፑንተ።
\q1
\v 4 ሄስ እስራኤለ ቢታን ህገ፤
\q2 ያይቆባ ፆሳይ እምዳ ዎጋ።
\q1
\v 5 እ ግብፀ ቢታ ሾጭዳ ዎደ፥
\q2 ዮሰፋ ኮቻስ ሀ ዎጋ አዋጅስ።
\b
\q1 ኤሮና ዶናን ሀይሳዳ ያግሽን ስአስ፤
\q1
\v 6 “ህንተ ሀሽያ ቶሆፐ፥
\q2 ህንተ ኩሽያ ኬሸፐ ሸምፕሳስ።
\q1
\v 7 ህንተ መቱዋን ታና ፄግደታ፤ ታ ህንተና አሻስ፤
\q2 ታኒ ደችያ ሻራ ግዶፈ ህንተና አላስ፤
\q2 ማርባ ፑልቱዋ ማታን ታ ህንተና ፓጫስ።” \qs ሳላሀ \qs*
\q1
\v 8 “ታ አሳዉ፥ ታ ህንተና ሴረይሳ ስእተ፤
\q2 እስራኤለ አሳዉ ህንተ ታና ስእኮ አይቤ?
\q1
\v 9 ህንተ ግዶን አላጋ ፆሲ ደኦፖ፤
\q2 ሀራ ፆሰ ጎይኖፍተ።
\q1
\v 10 ግብፀ ቢታፈ ህንተና ከስዳ፥
\q2 ታኒ ጎዳ ህንተ ፆሳ፤
\q1 ነ ዶና ሎይዳ ሀካንካ፤
\q2 ታኒ እያን ኩንና።
\b
\q1
\v 11 “ሽን ታ አሳይ ታና ስእቦኮና፤
\q2 እስራኤለይ ታዉ ኪተትቤና።
\q1
\v 12 ሄሳ ግሾ፥ ኤንቲ ባንታ ቆፋ ካላና መላ፥
\q2 ስሞና ኤንታ ዎዛናስ አዳ እማስ።
\q1
\v 13 ታ አሳይ ታና ስእዳኮ አይበ፤
\q2 እስራኤለይ ታ ኦግያ ካልዳኮ አይብ ደእ፤
\q1
\v 14 ታኒ ኤንታ ሞርከታ ኤሶን ፆናናሽን፤
\q2 ኤንታ እፀይሳታ ቦላ ታ ኩሽያ ደንናሽን።
\q1
\v 15 ጎዳ እፀይሳት እያ ስንን ሆካና፤
\q2 ኤንታ ሴራይ መርናዉ ግዳና።
\q1
\v 16 ታኒ ህንተና ሎኦ ግስተ ሙዛና፤
\q2 ዛላፈ ከይያ ኤሳን ህንተና ካልሳና።”
\c 82
\s1 ዳቡራንቹዋ አሻ
\d አሳፋ ማዝሙረ
\p
\v 1 ፆሳይ ሳሎ ሺቁዋ ግዶን፥
\q2 ፆሳት ሺቅዳ በሳን
\q2 ሀይሳዳ ያግድ ፕርዴስ።
\q1
\v 2 “ህንተ አዉደ ጋካናዉ ዎበ ፕርዳኔ?
\q2 አዉደ ጋካናዉ ኢታታ ባጋ ግዳኔ?” \qs ሳላሀ \qs*
\q1
\v 3 መቶታንቾታስነ አው ባይናይሳታስ ሞተትተ፤
\q2 ማንቆታነ ቆሄትዳ አሳ ማታ ናግስተ።
\q1
\v 4 ዳቡራንቾታነ መቶታንቾታ አሽተ፤
\q2 ኢታታ ኩሸፐ ኤንታ የግስተ።
\q1
\v 5 ህንተዉ ኤራተነ አኬክ ባዋ፤
\q2 ኤንቲ ማን ስመረቶሶና፤
\q2 ቢታ ባሶት ቃፅዶሶና።
\q1
\v 6 ታኒ፥ “ህንተ ፆሳታ፤
\q2 ኡባይ ኡባፈ ቃ ፆሳ ናይታ።
\q1
\v 7 ግዶሽን ህንተ አስ ሀይቀይሳዳ ሀይቃና፤
\q2 ሀራ ሀላቃት ኩንደይሳዳ ኩንዳና” ያጋስ።
\q1
\v 8 ፆሳዉ፥ ደንዳ፤ ቢታ ቦላ ፕርዳ፤
\q2 ካዎተት ኡባይ ነባ።
\c 83
\s1 ፆሳዉ ስእ ጎፓ
\d አሳፋ ማዝሙረ
\p
\v 1 አቤት ፆሳዉ፥ ስእ ጎፓ፤
\q2 ፆሳዉ ስርጵ ጎፓ፤ ሙሞፓ።
\q1
\v 2 ነ ሞርከት ነ ቦላ ደንደይሳ፥
\q2 ነና እፀይሳት ነ ቦላ ማካለይሳ በአ።
\q1
\v 3 ኤንቲ ነ አሳ ቦላ ጌማን ዱላቶሶና፤
\q2 ኔኒ ዶስያ አሳ ቦላ ማቀቶሶና።
\q1
\v 4 “ሃይተ፥ ኤንታ ካዎተ ይሶስ፤
\q2 እስራኤለ ጌተትያ ሱንይ መርናዉ ሀሳየቶና መላ ኦስ” ያጎሶና።
\q1
\v 5 ኤንቲ እስ ዎዛናን ግድድ ማቀቶሶና፤
\q2 ነ ቦላ ደንዳናዉ ጫቅዶሶና።
\q1
\v 6 ኤንቲ፥ ኤዶመነ እስማኤላ አሳ፥
\q2 ሞአበነ አጋር ኮቻታ፤
\q1
\v 7 ገባላነ አሞነ አሳ፥
\q2 አማለቃ፥ ፍልስፄመነ ፅሮሳ አሳ።
\q1
\v 8 አሶረት ኤንታራ ጋሄትዶሶና፤
\q2 አሶረት ሎፀ አሳስ ዎልቃማ ማዶ ግድዶሶና። \qs ሳላሀ \qs*
\q1
\v 9 ኔኒ፥ ምድያመ፥ ስሳራነ ያብና ቦላ
\q2 ቅሶና ሻፋን ኦዳይሳዳ ኤንታ ቦላ ኦ።
\q1
\v 10 ኤንቲ ኤንዶራን ይዶሶና፤
\q2 ኤንታ አሀይ ደንባን ዎቅድ አትስ።
\q1
\v 11 ኤንታ ሀላቃታ ኦሬባነ ዘባዳ ኦ፤
\q2 ኤንታ ሃረይሳታ ዛብሄላነ ስልማናዳ ይሳ።
\q1
\v 12 ኤንቲ፥ “ኑኒ ፆሳ አሳ ላታ
\q2 ኑስ ቡዞ ኦና” ያግዶሶና።
\q1
\v 13 ታ ፆሳዉ፥ ኤንታ ባናዳ ላላ፤
\q2 ጫርኮይ ኤፍያ ሱላዳ ኦ።
\q1
\v 14 ታም ዎራ መይሳዳ፥
\q2 ታማ ላጮይ ደርያ ፁገይሳዳ፥
\q2
\v 15 ነ ኡሹዋን ኤንታ የደ፤
\q2 ነ ጎትያን ኤንታ ዳጋን።
\q1
\v 16 ጎዳዉ፥ አሳይ ነ ሱን ኮያና መላ፥
\q2 ኤንታ ሶምኡዋ ዬላ ማይዛ።
\q1
\v 17 ኤንቲ መርናዉ ዬላቶ፤ ህርጎ፤
\q2 ካዉይድ ዮ።
\q1
\v 18 ነ ሱንይ ጎዳ ግድዳ ነ ፃላል፥
\q2 ኡባፈ ቃ ፆሳይ፥
\q2 ሳአ ኡባ ሃረይሳ ኤንቲ ኤሮ።
\c 84
\s1 ፆሳ ኬ ብሸ የፅያ ማዝሙረ
\d ዛማረታ ሀላቃስ ቆረ ናይት ፃፍዳ ሱሱልኤን የፀትያ ማዝሙረ
\p
\v 1 ኡባፈ ዎልቃማ ጎዳዉ፥
\q2 ነ ደእያ በሳይ ዋን ሎእ!
\q1
\v 2 ታኒ ጎዳ ኬ ዳባባ ላሞታይስ፤
\q2 ታ ኩመ አሳተይ
\q2 ደኦ ፆሳስ ኡፋይሳን የፄስ።
\q1
\v 3 ኡባፈ ዎልቃማ ጎዳዉ፥
\q2 ታ ካዋዉ፥ ታ ፆሳዉ፥
\q2 ነ ያርሾ በሳ ማታን
\q2 ቡበ ካፎይ ባዉ ደእያ በሲ ደማሱ፤
\q2 ሆለይካ ባ ናይታ ዎያ ኬ ኬፃሱ።
\q1
\v 4 ነ ኬን ደኤይሳትነ
\q2 መርናዉ ነና ሳበይሳት አንጀትዳይሳታ። \qs ሳላሀ \qs*
\q1
\v 5 ነና ባንታ ምኖተ ኦይሳት፥
\q2 ባንታ ዎዛና ፅዮነ ኦግያ ቦላ፥
\q2 ዎይሳት አንጀትዳይሳታ።
\q1
\v 6 ኤንቲ ዬሆ ዛንጋራራ አያ ዎደ፥
\q2 ሄ በሳይ ፑልቶይ ከይያ በሲ ግድስ፤
\q2 ቶርቸ እራይ ቡክድ ኦላ ኩንስ።
\q1
\v 7 ኤንቲ ዎልቃ ቦላ ዎልቃ ጉጅ ጉጅ ባና፤
\q2 እሶይ እሶይ ፆሳ ስንን ፅዮነን በንታና።
\q1
\v 8 ኡባፈ ዎልቃማ ጎዳዉ ፆሳዉ፥
\q2 ታ ዎሳ ኔኒ ስአ፤
\q2 ያይቆባ ፆሳዉ ሀይዛ። \qs ሳላሀ \qs*
\q1
\v 9 ፆሳዉ፥ ኑ ጎንዳልያ በአ፤
\q2 ነ ዶርዳ ካዋ ኬሀ አይፈን ፄላ።
\q1
\v 10 ታኒ ሀራ በሳን ሙኩሉ ጋላስ ዳናፐ፥
\q2 ነ ዳባባን እስ ጋላስ ደኤይስ ታዉ ሎኦ።
\q1 ኢታታ ዱንካንያን ዳናፐ፥
\q2 ፆሳ ኬ ፐንገ ናጎይ ታዉ ሎኦ።
\q1
\v 11 ጎዳ ፆሳይ ኑስ ጎንዳለነ ፖኦ፤
\q2 ኑስ ቦንቾነ ኬሀተ እሜስ፤
\q2 ሱረተን ሄመተይሳታ ሎኦባ ድገና።
\q1
\v 12 ኡባፈ ዎልቃማ ጎዳዉ፥
\q2 ነናን አማነተይሳት አንጀትዳይሳታ።
\c 85
\s1 ኑና ዛራዳ ደን
\d ዛማረታ ሀላቃስ ፃፈትዳ ቆረ ናይታ ማዝሙረ
\p
\v 1 ጎዳዉ፥ ኔኒ ነ ቢታስ ኬሀዳሳ፤
\q2 ያይቆባ ኮቻ ድኦፐ ጉየ ዛራዳሳ።
\q1
\v 2 ነ አሳ ናቁዋ አቶ ጋዳሳ፤
\q2 ኤንታ ናጋራ ኡባ ካማዳሳ። \qs ሳላሀ \qs*
\q1
\v 3 ነ ይሉዋ አጋዳሳ፤
\q2 ሱልያ ነ ሀንቁዋፈ ስማዳሳ።
\q1
\v 4 አቤት ኑና አሽያ ፆሳዉ፥
\q2 ኑና ጉየ ዛራ፤
\q2 ኑ ቦላ ላንጭዳይሳ አጋ።
\q1
\v 5 ኔኒ ኑ ቦላ መርናዉ ሸነታዬ?
\q2 ነ ሀንቁዋፈ ስምክዬ?
\q1
\v 6 ኑኒ ነናን ኡፋይታና መላ፥
\q2 ኑና ዛራዳ ኦራክዬ?
\q1
\v 7 አቤት ጎዳዉ፥ ነ መርና ሲቁዋ ኑና በሳ፤
\q2 ኑና አሻ።
\q1
\v 8 ጎዳ ፆሳይ ኦድያባ ታኒ ስአና፤
\q2 ኤንቲ ባንታ ኤያ ኦግያኮ ስሞና እፅኮ፥
\q2 እ ባ ጌሻ ደርያስ ሳሮተ ኦዴስ።
\q1
\v 9 እያ ቦንቾይ ኑ ቢታን ዳና መላ፥
\q2 ፆሳ ያየይሳታ አሻናዉ እ ማታን ደኤስ።
\q1
\v 10 ሲቆይነ ቱማተ ጋሄትዶሶና፤
\q2 ፅሎተነ ሳሮተ እድመትዶሶና።
\q1
\v 11 ቱማተ ሳኣፐ ፑደ ከዬስ፤
\q2 ፅሎተ ሳሎፐ ዱገ ፄሌስ።
\q1
\v 12 ፆሳይ ሎኦባ ኑስ እማና፤
\q2 ኑ ቢታይ ዳሮ ካ አይፋና።
\q1
\v 13 ፅሎተ ጎዳ ስንን ሄመታና፤
\q2 እያ ኦግያ ጊግሳና።
\c 86
\s1 ፆሳ ሲቆይ ግታ
\d ዳዊታ ዎሳ
\p
\v 1 ጎዳዉ፥ ታኒ ማንቆነ መቶታንቾ ግድያ ግሾ፥
\q2 ታ ዎሳ ስአዳ ታና አላ።
\q1
\v 2 ታ ነዉ ዱማትዳ አስ ግድያ ግሾ፥ ታና ደኦን ዎ፤
\q2 ነናን አማነትያ ታና፥ ነ አይልያ አሻ፤
\q2 ኔኒ ታ ፆሳ።
\q1
\v 3 ጎዳዉ፥ ጋላስ ኩመ ታ ኔኮ ዋስያ ግሾ፥
\q2 ታዉ ቃታ።
\q1
\v 4 ጎዳዉ፥ ታ ሸምፖይ ኔኮ ዋስያ ግሾ፥
\q2 ታና፥ ነ አይልያ ኡፋይሳ።
\q1
\v 5 ጎዳዉ፥ ኔኒ ኬሀነ አቶ ገይሳ፤
\q2 ነና ፄግያ ኡባስ ነ ሲቆይ ዳሮ።
\q1
\v 6 አቤት ጎዳዉ፥ ታ ዎሳ ስአ፤
\q2 ታ ዋሱዋ ሀይዛ።
\q1
\v 7 ነ ታ ዎሳስ ዛሮ እምያ ግሾ፥
\q2 ታ መቱዋ ጋላሳን ታ ኔኮ ዋሳና።
\q1
\v 8 ጎዳዉ፥ ፆሳታ ግዶን ነ መል ባዋ፤
\q2 ነ ኦሱዋራ ግነይ ባዋ።
\q1
\v 9 ጎዳዉ፥ ኔኒ መዳ ካዎተት ይድ፥
\q2 ነ ስንን ጉልባታና፤ ነ ሱን ቦንቻና።
\q1
\v 10 ኔኒ ግታ፤ ነ ማላልስያ ኦሶ ኦያ ግሾ
\q2 ፆሲ ነ ፃላላ።
\q1
\v 11 ጎዳዉ፥ ታ ነ ቱማን ሄመታና መላ፥
\q2 ታና ነ ኦግያ ታማርሳ።
\q1 ታኒ ነ ሱንስ ያያና መላ፥
\q2 ታዉ እስ ዎዛና እማ።
\q1
\v 12 ጎዳዉ ታ ፆሳዉ፥
\q2 ታኒ ነና ታ ኩመ ዎዛናን ጋላታና፤
\q2 ነ ሱን መርናዉ ቦንቻና።
\q1
\v 13 ነ ሲቆይ ታዉ ዳሮ፤
\q2 ታና ዱፎፐ አሻዳሳ።
\q1
\v 14 ፆሳዉ፥ ኦቶራንቾት ታ ቦላ ደንድዶሶና፤
\q2 ኢታ አሳታ ጩጋይ ታና ዎናዉ ኮዬስ፤
\q2 ኤንቲ ነና ዉዳ ጎኮና።
\q1
\v 15 ሽን አቤት ጎዳዉ፥
\q2 ኔኒ ቃትያነ ማርያ ፆሰ።
\q1 ኔኒ ሀንቀታናዉ ጋምኣሳ፤
\q2 ሲቆይነ አማነተ ዳርዳይሳ።
\q1
\v 16 ታኮ ስማዳ ታዉ ቃታ፤
\q2 ነ አይልያስ ዎልቃ እማ፤
\q2 ነ ጋንደ ናኣ ታና አሻ።
\q1
\v 17 ጎዳዉ፥ ነ ኬሀተ ማላታ ታና በሳ፤
\q2 ነ ታና ማደይሳነ ምንይሳ በእያ ዎደ፥
\q2 ታ ሞርከት ዬላታና።
\c 87
\s1 ፅዮነ ካታማ
\d ቆረ ናይታ ማዝሙረ
\q1
\v 1 ጎዳ ካታማይ፥
\q2 ጌሻ ደርያ ቦላ ኬፀትስ።
\q1
\v 2 ጎዳይ ፅዮነ ፐንገታ፥
\q2 ያይቆብ ደእያ ሀራ በሳታፐ አድ ዶሴስ።
\q1
\v 3 ነኖ ፆሳ ካታማዉ፥
\q2 ነ ግሾ ማላልስያባታ ሀይሳዳ ያግድ ኦድስ። \qs ሳላሀ \qs*
\q1
\v 4 “ታና ኤርያ ካዎተታ ግዶፈ፥
\q2 ታኒ ራባነ ባብሎነ ማዝጋባና።
\q1 ፍልስፄመይ፥ ፅሮስነ ቶጰይ፥
\q2 ያን የለትዶሶና።”
\b
\q1
\v 5 ፆሳይ ፅዮነስ፥
\q2 “ያ ደረይ ሀ ደረይ ፅዮነን የለትስ፤
\q2 ኡባፈ ቃ ፆሳይ እዮ ምንና” ያጌስ።
\q1
\v 6 ጎዳይ አሳ ማዝጋበን ፃፍያ ዎደ፥
\q2 “ሀይስ ፅዮነን የለትስ” ያጋና። \qs ሳላሀ \qs*
\q1
\v 7 ኤንቲ የፅሸነ ዱርሸ፥
\q2 “ኑ አንጆ ኡባይ ፅዮነፐ ፑልቴስ” ያጋና።
\c 88
\s1 ቃማነ ጋላስ ኔኮ ዋሳይስ
\d ዛማረታ ሀላቃስ ፃፈትዳ ቆረ ናይታ ማዝሙረ
\d አኬካን ፃፍዳ ግንፆ፤ አረ ማዝሙረ
\d እዝራኤላ አድያ ኤማና ማዝሙረ
\p
\v 1 ጎዳዉ፥ ታና አሽያ ፆሳዉ፥
\q2 ታኒ ጋላስ ኔኮ ዋሳይስ፤
\q2 ቃማ ነ ስንን ዬካይስ።
\q1
\v 2 ታ ዎሳይ ነ ስን ጋኮ፤
\q2 ነ ሀይይ ታ ዋሱዋ ስኦ።
\q1
\v 3 ታ ሸምፖይ መቶ ካልዳ ግሾ፥
\q2 ታ ደኦይ ዱፎኮ ማትስ።
\q1
\v 4 ዱፎ ገልያ አሳራ ታይበታስ፤
\q2 ዎልቅ ባይና አስ ግዳስ።
\q1
\v 5 ታኒ አሀታ ግዶን የገትዳ አሳ መላ፤
\q2 ሀይቅድ ዱፎን ዝንእዳ አሳ መላ።
\q1 ህዛፐ ኔኒ ሀሳዮና አስነ
\q2 ኔፐ ዱፅዳ አሳ መላ ግዳስ።
\q1
\v 6 ኔኒ ታና ጪሞን፥
\q2 ማ ኦላን የጋዳሳ።
\q1
\v 7 ነ ሀንቆይ ታና ዴፄስ፤
\q2 ነ ሀንቁዋ ቤታይ ታና ሙክስ። \qs ሳላሀ \qs*
\q1
\v 8 ኔኒ ታ ዳቦታ ታፐ ሃሳዳሳ፤
\q2 ኤንቲ ታና ሻተታና መላ ኦዳሳ።
\q1 ታና ተቅዶሶና፤
\q2 ከሳ ኤካናዉ ዳንዳእከ።
\q1
\v 9 ጎዳዉ፥ አዛኖን ታ አይፈይ ተልጁምስ፤
\q2 ኡባ ጋላስ ታኒ ኔኮ ዋሳይስ፤
\q2 ታ ኩሽያ ኔኮ ምጫስ።
\q1
\v 10 ሀይቅዳይሳታስ ነ ማላልስያባ ኦዬ?
\q2 ኤንቲ ደንድድ ነና ጋላቶናዬ? \qs ሳላሀ \qs*
\q1
\v 11 መርና ነ ሲቆይ ዱፎን፥
\q2 ነ አማነተይ ዮ በሳን ኦደትዬ?
\q1
\v 12 ነ ማላልስያ ኦሶይ ማን፥
\q2 ነ ፅሎተይ ዶገትዳ ቢታን ኤረትዬ?
\q1
\v 13 ጎዳዉ፥ ታ ኔኮ ዋሳይስ፤
\q2 ዎንታ ዎንታ ታ ዎሳይ ነ ስን ጋኬስ።
\q1
\v 14 ጎዳዉ፥ ነ ታና አይስ እፃይ?
\q2 ነ ሶምኡዋ ታፐ አይስ ገንይ?
\q1
\v 15 ናአተፈ ዶማዳ ታኒ ኡንኤታስ፤
\q2 ሀይቆስ ማታስ፤
\q2 ነ ታና ዳጋንን ኡፋይስ ቃንፃስ።
\q1
\v 16 ነ ሱልያ ሀንቆይ ታ ቦላ ኡሽስ፤
\q2 ነ ዳጋንይ ታና ይስስ።
\q1
\v 17 ኤንቲ ጋላስ ኩመ ድኦዳ ታና ተቅዶሶና፤
\q2 እስፈ ሺቅድ ታና ኦይክዶሶና።
\q1
\v 18 ታ ላገታነ
\q2 ታዉ ማታ አሳታ ታፐ ሃሳዳሳ፤
\q2 ታዉ ዳቦይ ማ ፃላላ።
\c 89
\s1 አማንያ ፆሳስ የፅተ
\d እዝራኤላ አድያ ኤታና ማዝሙረ
\d አኬካን ፃፍዳ ግንፆ
\p
\v 1 ጎዳዉ፥ ነ ሲቁዋባ ታኒ መርናዉ የፃና፤
\q2 ነ አማነተ የለታ ኡባስ አዋጃና።
\q1
\v 2 ነ ሲቆይ መርናዉ ኤቅዳይሳነ
\q2 ቱማተ ኔኒ ሳሎን ምንዳ ኤስዳይሳ ኦዳና።
\q1
\v 3 ኔኒ፥ “ታ ዶርዳይሳራ ቃላ ገላስ፤
\q2 ታ አይልያ ዳዊታስ ሀይሳዳ ያጋዳ ጫቃስ፤
\q1
\v 4 ‘ታኒ ነ ኮቻ መርናዉ ካዎና፤
\q2 ነ አራታ የለታ ኡባን ምንና’ ” ያጋዳሳ። \qs ሳላሀ \qs*
\q1
\v 5 ጎዳዉ፥ ሳሎት ነ ማላልስያ ኦሱዋ አዋጆ፤
\q2 ጌሻታ ሺቆይ ነ አማነተ ኦዶ።
\q1
\v 6 ሳሎን ጎዳራ ልከታናዉ ዳንዳኤይ ኦኔ?
\q2 ሳሎ መተታ ግዶን ጎዳ መል ኦኔ?
\q1
\v 7 ጌሻታ ሺቁዋን ፆሳይ ያሽሴስ፤
\q2 እያ ዩሹዋን ደእያ ኡባፈ አድ ዳጋንስ።
\q1
\v 8 ኡባፈ ዎልቃማ ጎዳዉ ፆሳዉ፥
\q2 ነ መላ ዎልቃም ኦኔ?
\q2 ጎዳዉ፥ ኔኒ ኡባባን አማነታሳ።
\q1
\v 9 ኔኒ ጉምያ አባ ዎልቃ ኪታሳ፤
\q2 ደንድያ ዙልያ ስእ ኦሳ።
\q1
\v 10 ራኣባ ጌተትያ ዶአ መንረዳሳ፤
\q2 ነ ሞርከታ ነ ዎልቃማ ቀስያን ላላዳሳ።
\q1
\v 11 ሳሎይነ ሳእ ነባ፤
\q2 አላምያነ እያን ደእያ ኡባ መዳይ ነና።
\q1
\v 12 ፑደሀነ ዱገሀ ነ መዳሳ፤
\q2 ታቦረነ አርሞና ዙማት፥
\q2 ኡፋይሳን ነ ሱን ሳቦሶና።
\q1
\v 13 ነዉ ዎልቃማ ቀሰይ ደኤስ፤
\q2 ነ ኩሸይ ምኖ፤
\q2 ነ ኡሻቻ ኩሸይ ቁ ግስ።
\q1
\v 14 ፅሎተነ ሱረ ፕርድ ነ አራታስ ባሶ፤
\q2 ሲቆይነ ቱማተ ነ ስንን ቦሶና።
\q1
\v 15 ጎዳዉ፥ ኡፋይሳን እልለይሳትነ
\q2 ነ ሶምኡዋ ፖኡዋን ሄመተይሳት አንጀትዳይሳታ።
\q1
\v 16 ነ ሱንን ጋላስ ኩመ ኡፋይቶሶና፤
\q2 ኤንቲ ነ ፅሎተ ቁ ቁ ኦሶና።
\q1
\v 17 ኤንቲ ጬቀትያ ዎልቃይ ነና፤
\q2 ነ ቴማን ኑ ካጨይ ቁ ቁ ግስ።
\q1
\v 18 ኑ ጎንዳለይ ኑ ጎዳ ኩሸና፤
\q2 ኑ ካዎይካ እስራኤለ ጌሻ ኩሸና።
\q1
\v 19 በን ኔኒ፥ ነ አማነትዳ አሳስ
\q2 ቆንጨን ሀይሳዳ ያጋዳሳ።
\q1 “ታኒ እስ ኦላንቹዋ ማዳስ፤
\q2 አሳ ግዶፈ ዶረትዳይሳ ቁ ቁ ኦስ።
\q1
\v 20 ታ አይልያ ዳዊታ ደማስ፤
\q2 ታ ጌሻ ዛይትያ ትያዳ እያ ካዎስ።
\q1
\v 21 ታ ኩሸ እያራ ዳና፤
\q2 ታ ቀሰይ እያ ምንና።
\q1
\v 22 እያ አይ ሞርከይካ ጊርሰና፤
\q2 አይ ኢታ አስካ እያ ሃረና።
\q1
\v 23 እያ ሞርከታ ታ እያ ስንን ትንቸረና፤
\q2 እያ እፀይሳታ ሾጫ የጋና።
\q1
\v 24 ታ ቱማተይነ ታ ሲቆይ እያራ ግዳና፤
\q2 ታ ሱንን እያ ካጨይ ቁ ቁ ጋና።
\q1
\v 25 ታኒ እያ ካዎተ መደትራነ አባ፥
\q2 እያ ዛዋ ሻፋታ ጋካናዉ አሳና።
\q1
\v 26 እ ታና፥ ‘ኔኒ ታ አዋ፥ ታ ፆሳ፤
\q2 ታና አሽያ ዛላ’ ያግድ ፄጋና።
\q1
\v 27 ታኒ እያ ባይራ ናአ ኦና፤
\q2 ሳአን ደእያ ካዎታ ኡባፈ እያ ግታያና።
\q1
\v 28 ታኒ ታ ሲቁዋ መርናዉ እያዉ ናጋና፤
\q2 ታኒ እያራ ጫቅዳ ጫቁዋ ምንና።
\q1
\v 29 ታኒ እያ ኮቻ መርናዉ ምንዳ ኤሳና፤
\q2 እያ አራታ ሳሎዳ ጋምእሳና።”
\b
\q1
\v 30 “ሽን እያ ኮቻት ታ ህግያ አግኮ፥
\q2 ኤንቲ ታ ዎጋዳ ሄመቶና እፅኮ፥
\q2
\v 31 ታ አዋጁዋ ሻርኮ፥
\q2 ታ ኪታ ናጎና እፅኮ፥
\q2
\v 32 ታኒ ኤንታ ናጋራ ግሾ ፃምአን፥
\q2 ኤንታ ኢታተ ግሾ ልሶን ሴራና።
\q1
\v 33 ሽን ታኒ ታ ሲቁዋ እያፐ ኤክከ፤
\q2 ታኒ እያዉ መርናዉ አማነታና።
\q1
\v 34 ታኒ ኤንታራ ጫቅዳ ጫቁዋ መንከ፤
\q2 ታ ዶናፐ ከይዳ ቃላ ላምከ።
\q1
\v 35 ታኒ እስ ቶሆ ታ ጌሻተን ጫቅዳ ግሾ፥
\q2 ዳዊታስ ዎርዶትከ።
\q1
\v 36 እያ ኮቻይ መርናዉ ዳና፤
\q2 እያ አራታይ ታ ስንን አዋዳ ጋምአና።
\q1
\v 37 ሳሎን አማነትያ ማርካ ግድዳ አጌናዳ፥
\q2 እያ ካዎተይ መርናዉ ምንድ ዳና” ያጋዳሳ። \qs ሳላሀ \qs*
\q1
\v 38 ሽን ሀእ ነ ትይዳ ካዋ ቦላ ሀንቀታዳሳ፤
\q2 እያ እፃዳሳ፤ አጋዳሳ።
\q1
\v 39 ነ አይልያራ ጫቅዳ ጫቁዋ መንዳሳ፤
\q2 እያ ካላቻ ባናን ሆላዳ ቱንሳዳሳ።
\q1
\v 40 እያ ካታማ ግምበ ድርሳ ላላዳሳ፤
\q2 እያ ሚፃ ይሳዳሳ።
\q1
\v 41 ኦገራ አያ ኡባይ እያ ቦንቅዶሶና፤
\q2 እ ባ ሾሮታስ ሚቻስ አትስ።
\q1
\v 42 እያ ሞርከታስ ፆኖ እማዳሳ፥
\q2 ኤንታ ኡባ ኡፋይሳዳሳ።
\q1
\v 43 እያ ማሻ ፄራ ቃላምአዳሳ፤
\q2 እያ ኦላን ማዳባካ።
\q1
\v 44 እያ ካዎታ ፃምኣ እያ ኩሸፐ ኤካዳሳ፤
\q2 እያ አራታ ቢታን ሆላዳሳ።
\q1
\v 45 እያ ያላጋተ ዎድያ ቃምሳዳሳ፤
\q2 እያ ዬላ ማይዛዳሳ። \qs ሳላሀ \qs*
\q1
\v 46 ጎዳዉ፥ ኔኒ አዉደ ጋካናዉ ጋምአይ?
\q2 ኔኒ መርናዉ ጌማኔ?
\q2 ነ ሀንቆይ ታማዳ አዉደ ጋካናዉ ኤፃኔ?
\q1
\v 47 ታ ላይይ አይ መላ ቃንኮ ቆፓ፤
\q2 አሳ ኡባ ጮ መላ መድ!
\q1
\v 48 ሀይቆፐ አታናዉ ዳንዳእያ አስ ደኢ?
\q2 ዱፎ ገሎና ዳናዉ ዳንዳኤይ ኦኔ? \qs ሳላሀ \qs*
\q1
\v 49 ጎዳዉ፥ ኔኒ ነ ቱማተን ዳዊታስ ጫቅዳ፥
\q2 ነ ሲቆይ አዉን ደኢ?
\q1
\v 50 ጎዳዉ፥ ነ አይለይ አይ መላ ቦረትዳኮ በአ፤
\q2 አሳ ኡባ ቦርያ ዋታ ዳንዳእዳኮ ሀሳያ።
\q1
\v 51 ጎዳዉ፥ ነ ሞርከት ቀልቅስዳይሳ፥
\q2 ነ ትይዳ ካዋ ታንጎን ታንጎን ቦረይሳ በአ።
\q1
\v 52 ጎዳይ መርናዉ ጋላተቶ!
\b
\qc አምንእ! አምንእ!
\c 90
\ms ኦይዳን ማፃፋ
\mr (ማዝ 90—106)
\s1 መርናዉ ደእያ ፆሳ
\d ፆሳ አስ ግድዳ ሙሰ ዎሳ
\p
\v 1 ጎዳዉ፥ ኔኒ የለታፐ የለታ ጋካናዉ፥
\q2 ኑኒ ደእያ በሲ ግዳዳሳ።
\q1
\v 2 ደረት መታናፐ ካሰ፥
\q2 ሳእ ኦሰታናፐ ካሰ፥
\q2 መርናፐ መርና ጋካናዉ ነ ፆሰ።
\q1
\v 3 ኔኒ፥ “አሳ ናይቶ፥ ጉየ ቢታኮ ስምተ” ያጋዳ፥
\q2 ኤንታ መትዳ ቢታኮ ጉየ ዛራሳ።
\q1
\v 4 ሙኩሉ ላይ ዝነ አዳ ጋላሳ መላ፤
\q2 ዎይኮ እስ ቃማ ግዶን እስ ሳተ መላ።
\q1
\v 5 ኔኒ አሳ ቆፖና ድኦዳ ኤፋሳ፤
\q2 ኤንቲ አሙሆ መላ፤
\q2 ዎንታ ዎንታ ዶልያ ማታ መላ።
\q1
\v 6 ማት ዎንታ ድጭድ ጭዬስ፤
\q2 ኦማርስያ ዎደ ሹልድ መሌስ።
\q1
\v 7 ኑኒ ነ ይሉዋን ዉርዳ፤
\q2 ነ ሀንቁዋ ሱሎን ዳጋምዳ።
\q1
\v 8 ኑ ኢታ ኦሱዋ ነ ስንን ዎዳሳ፤
\q2 ኑ ጌምዳ ናጋራ ነ ሶምኡዋ ፖኡዋን ዎዳሳ።
\q1
\v 9 ኑ ጋላሳ ኡባይ ነ ሀንቁዋን አስ፤
\q2 ኑ ላይ ኦለን ዉርሶስ።
\q1
\v 10 ኑ ደኦ ላይይ ላፑን ታማ፤
\q2 ዎይኮ ዳርኮ ሆስፑን ታማ።
\q1 ሄስካ መቶይነ ዋየይ ኩምዳይሳ፤
\q2 ኑ ላይይ ኤሶን ዉሬስ፤ ኑካ ኤሶን አኦስ።
\q1
\v 11 ነ ሀንቁዋ ዎልቃ ኤረይ ኦኔ?
\q2 ነ ሀንቁዋ ሱሎይ ዎልቃማ።
\q1
\v 12 ኑ ላይ ማራ ኦገን ኑ ጎኤታና መላ፥
\q2 ኑና ጭንጫተ ታማርሳ።
\q1
\v 13 ጎዳዉ፥ ነ ሀንቆይ አዉደ ጋካናሴ?
\q2 ሀያና ነ አይለታስ ቃታ።
\q1
\v 14 ኑ ላይ ኡባን
\q2 ኑ ኡፋይታናዳነ የፃናዳ፥
\q2 ዎንታ ዎንታ ነ ሲቁዋ ኑና ካልሳ።
\q1
\v 15 ነ ኑና መቶዳ ጋላሳታ ኬና፥
\q2 ኑኒ ኡንኤትዳ ላይታ ኬና ኑና ኡፋይሳ።
\q1
\v 16 ኑስ ነ አይለታስ ነ ኦሶይ ቆንጮ፤
\q2 ነ ቦንቾይ ኤንታ ናይታስ በንቶ።
\q1
\v 17 ጎዳ ኑ ፆሳ ኬሀተይ ኑ ቦላ ግዶ፤
\q2 ኑ ኩሸ ኦሶ ኡባ ኑስ አይፍሳ፤
\q2 ኤ፥ ኑ ኩሸ ኦሶ ኡባ አይፍሳ።
\c 91
\s1 ፆሳ ናጎ
\p
\v 1 ኡባፈ ቃ ፆሳን ናገትድ ደኤይ፥
\q2 ኡባፈ ዎልቃማ ፆሳ ኩያን አቄስ።
\q1
\v 2 እ ጎዳ፥ “ኔኒ ታዉ ሚፃነ ቆሰታ አትያ በሲ፥
\q2 ኔኒ ታና አማንያ ታ ፆሳ” ያጋና።
\q1
\v 3 እ ነና ሻንካንቾታ ፅሄፐ፥
\q2 ዎድ ኦንግያ ጋዶፐ አሻና።
\q1
\v 4 እ ባ ባለታን ነና ካማና፤
\q2 እያ ቀፍያ ጋርሳን ኔኒ ቆሰታዳ አታና፤
\q2 እያ አማነተይ ነዉ ጎንዳለነ ካተ።
\q1
\v 5 ኔኒ ቃማ ዳጋንያባስ፥
\q2 ዎይኮ ጋላስ ፆንገትያ ቶራስ ያያካ።
\q1
\v 6 ኔኒ ማን ኦይክያ ሀርገ፥
\q2 ዎይኮ ጋላሳ ሴታን ኦንግያ ጋዶ ህርጋካ።
\q1
\v 7 ሙኩላይ ነ ምየን፥
\q2 ታሙ ሙኩላይ ነ ኡሻቻን ኩንዳና፤
\q2 ሽን ነና አይብካ ቦቸና።
\q1
\v 8 ኢታት ሴረትሽን፥
\q2 ኔኒ ነ አይፈ ፃላላን በአና።
\q1
\v 9 ኔኒ ጎዳ ነዉ ቆሰታዳ አትያ በሲ ኦዳ ግሾነ፥
\q1 ኡባፈ ቃ ፆሳ ነ ደእያ በሲ ኦዳ ግሾ፥
\q2
\v 10 ኢታባይ ነና ቦቸና፤
\q2 ጋዶይ ነ ኬኮ ሺቀና።
\q1
\v 11 ነ ኦገ ኡባን ነና ናጋና መላ፥
\q2 ፆሳይ ባ ኪታንቾታ ኪታና።
\q1
\v 12 ነ ቶሆይ ሹቻን በቶና መላ፥
\q2 ኪታንቾት ባንታ ኩሸን ነና ደንና።
\q1
\v 13 ኔኒ ጋሞነ ሾሻ ቦላ ሄመታና፤
\q2 ዎዳላ ጋሞነ ኢታ ሾሻ የና።
\q1
\v 14 ፆሳይ፥
\q2 “እ ታና ሲቅዳ ግሾ ታኒ እያ አሻና፤
\q2 ታ ሱን ኤርያ ግሾ ታኒ እያ ናጋና።
\q1
\v 15 እ ታና ፄግያ ዎደ ታኒ እያዉ ኮያና፤
\q2 መቶ ዎደ ታኒ እያራ ግዳና፤
\q2 ታኒ እያ አሻናነ ቦንቻና።
\q1
\v 16 ታኒ እያ ላይ አዱሳና፤
\q2 ታ አቶተ እያ በሳና” ያጌስ።
\c 92
\s1 ፆሳ ኦሶይ ግታ
\d ሳምባታ ጋላሳ ማዝሙረ
\p
\v 1 ጎዳ ጋላቶይ ሎኦ፤
\q2 ኡባፈ ቃ ፆሳዉ፥
\q2 ነ ሱን ሳቦይ ሎኦ።
\q1
\v 2 ዎንታ ዎንታ ነ ሲቁዋ ኦዶይ፥
\q2 ቃማ ነ አማነተ አዋጆይ ሎኦ።
\q1
\v 3 ታሙ ሻያን ዋፀትዳ ዲን
\q2 ማስንቆ ካእሸ ነና ጋላቶይ ሎኦ።
\q1
\v 4 ታኒ ነ ኦሱዋን ኡፋይትዳ ግሾ፥
\q2 ነ ኩሸ ኦሱዋ ግሾ ነና ጋላታይስ።
\q1
\v 5 ጎዳዉ፥ ነ ኦሶይ አይ መላ ግተ!
\q2 ነ ቆፋይ አይ መላ ጪሞ!
\q1
\v 6 ኤያ አስ ኤራናዉ ዳንዳኤና፤
\q2 ዎዛን ባይና አስ አኬካናዉ ዳንዳኤና።
\q1
\v 7 ኢታት ማታዳ ድጭኮካ፥
\q2 ኢታ ኦይሳት ዳይኮካ፥
\q2 ኤንቲ መርናዉ ያና።
\q1
\v 8 ሽን አቤት ጎዳዉ፥
\q2 ኔኒ መርናዉ ኡባፈ ቃ።
\q1
\v 9 አቤት ጎዳዉ፥ ቱማ ነ ሞርከት ያና፤
\q2 ኢታ ኦያ ኡባይ ፕስክ ጋና።
\q1
\v 10 ታ ካጭያ መን ካጨዳ ቁ ኦዳሳ፤
\q2 ሎኦ ዛይተ ታ ሁጰን ትያዳሳ።
\q1
\v 11 ታ ሞርከት ፆነትሽን ታ አይፈን በአስ፤
\q2 ታና ኡንኤይሳት ዋስሽን ታ ሀይን ስአስ።
\q1
\v 12 ፅሎት ዛምባዳ ድጫና፤
\q2 ልባኖሰ ዝጋዳ ዳያና።
\q1
\v 13 ኤንቲ ጎዳ ኬን ቶከትዳ ም መላ፤
\q2 ኤንቲ ኑ ፆሳ ዳባባን ዳና።
\q1
\v 14 ኤንቲ ጬግድካ አይፋና፤
\q2 ኤንቲ እርፃነ ጭልኦ ግድድ ዳና።
\q1
\v 15 ኤንቲ፥ “ጎዳይ ሱረ፤
\q2 እ ታ ዛላ፤ እያን ኢታተ ባዋ” ያጋና።
\c 93
\s1 ፆሳይ ሃሬስ
\p
\v 1 ጎዳይ ካዎትስ!
\q2 ፆሳይ ቦንቾ ማእስ፤ ዎልቃ ዳንጭስ፤
\q2 ሳእ ምንድ ኤቅስ፤ ቃፀና።
\q1
\v 2 ነ አራታይ በንፐ ኤቅድ ደኤስ፤
\q2 ኔኒ መርናዉ ደኣሳ።
\q1
\v 3 ጎዳዉ፥ ሻፋይ ጉምስ፤
\q2 ሃይ ባ ጉን ቁ ኦስ
\q2 ሃ ዙልያ ግርሳይ ስኤትስ።
\q1
\v 4 ሳሎን ደእያ ጎዳይ፥
\q2 ዳሮ ሃ ጉንፈ፥
\q2 አባ ዙልያፐ አድ ዎልቃማ።
\q1
\v 5 አቤት ጎዳዉ፥ ነ ህገይ አማነትዳይሳ፤
\q2 ነ ኬይ መርናዉ ጌሻተን አሌቃና።
\c 94
\s1 ፆሳይ ባ አሳ አገና
\p
\v 1 ጎዳዉ፥ ኔኒ ሀሎ ከይያ ፆሲ፤
\q2 ኩሸ ዛርያ ፆሳዉ፥ ነ ቦንቹዋ በሳ።
\q1
\v 2 አቤት ሳኣ ፕርድያ ፆሳዉ ደንዳ፤
\q2 ኦቶራንቾታስ በሲያ ሴራ እማ።
\q1
\v 3 ጎዳዉ፥ አዉደ ጋካናዉ ጋምአይ?
\q2 ኢታት አዉደ ጋካናዉ ኡፋይታኔ?
\q1
\v 4 ኢታ ኦይሳት ኦቶሮ ቃላ ሃሳዮሶና፤
\q2 ኤንቲ ጮ ጬቀቶሶና።
\q1
\v 5 ጎዳዉ፥ ኤንቲ ነ አሳ ሊቅሶሶና፤
\q2 ኤንቲ ነ ላታ ናቆሶና።
\q1
\v 6 አምኤታነ በታንቾታ ዎኦሶና፤
\q2 አው ባይና ናይታ ሙጮሶና።
\q1
\v 7 ኤንቲ፥ “ጎዳይ ኑና በኤና፤
\q2 ያይቆባ ፆሳይ አኬከና” ያጎሶና።
\q1
\v 8 ህንተኖ፥ አሳ ግዶፈ ኤያቶ፥ አኬክተ!
\q2 ህንተኖ፥ ኤያቶ ህንተ ጭንጫ ግዳናይ አዉዴ?
\q1
\v 9 ሀይ ኦዳ ፆሳይ ስኤኔ?
\q2 አይፈ መዳ ጎዳይ በኤኔ?
\q1
\v 10 ካዎተታ ሴርያ ፆሳይ ሴረኔ?
\q2 አሰ ኤራተ ታማርስያ እ፥ ኤረኔ?
\q1
\v 11 ጎዳይ አሳ ቆፍ ፓናባነ
\q2 ሀዳ ግደይሳ ኤሬስ።
\q1
\v 12 አቤት ጎዳዉ፥ ኔኒ ሴርያ አስነ
\q2 ነ ህግያ ታማርስያ አስ አንጀትዳይሳ።
\q1
\v 13 ኢታት ኩንድያ ኦላይ ቦከታና ጋካናዉ፥
\q2 መቶ ጋላስ ኔኒ እያ ሸምፕሳሳ።
\q1
\v 14 ፆሳይ ባ አሳ የገና፤
\q2 እ ባ ላታ አገና።
\q1
\v 15 ፕርድ ስሚድ ፅሎተ ቦላ ኤቃና፤
\q2 ዎዛና ሱረት ኡባይ ፅሎ ፕርዳ ካላና።
\q1
\v 16 ማካላንቾታ ቦላ ታ ግሾ ደንደይ ኦኔ?
\q2 ኢታ ኦይሳታራ ታ ግሾ ኤቀተይ ኦኔ?
\q1
\v 17 ጎዳይ ታና ማዶናኮ፥
\q2 ታኒ ኤሶን ዱፎ ገላዳ አታናሽን።
\q1
\v 18 ታኒ፥ “ታ ቶሆይ ሀልፅስ” ግዳ ዎደ፥
\q2 ነ ሲቆይ ታና ካትስስ።
\q1
\v 19 ታ ዎዛናን ኡንኤተ ኩምዳ ዎደ፥
\q2 ኔኒ ታና ዎፑ ኦዳ ኡፋይሳሳ።
\q1
\v 20 ህገ ሻርያ ጌላ ዳይናታራ
\q2 ጌላ አሳራ ኔኒ ሃሼታይ?
\q1
\v 21 ፅሎታ ዎናዉ ኤንቲ ቶቦሶና፤
\q2 ሱረታ ቦላ ሀይቆ ፕርዶሶና።
\q1
\v 22 ግዶሽን ጎዳይ ታ ሚፃ፤
\q2 ታ ፆሳይ ታኒ ቆሰታዳ አትያ ዛላ።
\q1
\v 23 ኤንታ ኢታተ ግሾ እ ኤንታ ሴራና፤
\q2 ኤንታ ናጋራ ግሾ እ ኤንታ ይሳና፤
\q2 ጎዳይ ኑ ፆሳይ ኤንታ ይሳና።
\c 95
\s1 ፆሳስ ጋላታ ማዝሙረ የፅተ
\p
\v 1 ሃይተ፤ አነ ጎዳ ሳቦስ፤
\q2 ኑና አሽያ ዛላስ ኡፋይሳን እልሎስ።
\q1
\v 2 እያ ስን ጋላታራ ሺቆስ።
\q2 ጋላታ ማዝሙረ ኡፋይሳን የፆስ።
\q1
\v 3 ጎዳይ ዎልቃማ ፆሰ፤
\q2 ፆሳታ ኡባ ቦላ ግታ ካዎ።
\q1
\v 4 ቢታ ጪሞት እያ ቃቃን ደኦሶና፤
\q2 ደርያ ፄራት እያባ።
\q1
\v 5 እ መዳ ግሾ አባይ እያባ፤
\q2 መላ ቢታ እያ ኩሸይ ኦስ።
\q1
\v 6 ሃይተ፤ አነ ጉፋንድ እያ ጎይኖስ፤
\q2 ኑና መዳ ጎዳ ስንን ጉልባቶስ።
\q1
\v 7 እ ኑ ፆሳ፤
\q2 ኑኒ እያ ቆሮን ደእያ ደረታ፤
\q2 ኑኒ እ ሄምያ እያ ዶርሳታ።
\q2 ጎዳይ ገይሳ ሀች ህንተ ስእኮ፥
\q1
\v 8 ካሰ ህንተ ማይዛት ማርባን ሀንዳይሳዳ፥
\q2 ሄ ጋላስ ማሳን ባንታ ዎዛና ምንዳይሳዳ፥
\q2 ህንተ፥ ህንተ ዎዛና ምንፍተ።
\q1
\v 9 ኤንቲ ታ ማላልስያ ኦሱዋ በእድካ፥
\q2 ታና ፓጭዶሶና፤ ታራ ኤቀትዶሶና።
\q1
\v 10 ታኒ ሄ የለታ ቦላ ኦይታሙ ላይ ሻተታስ፤
\q2 “ኤንቲ ኡባ ዎደ ባንታ ዎዛናን ባልያ አሳታ፤
\q2 ኤንቲ ታ ኦግያ ኤሮኮና” ያጋስ።
\q1
\v 11 ሄሳ ግሾ፥ “ኤንቲ ታ ሸምፖ በሳ ገሎኮና”
\q2 ያጋዳ ታ ሀንቁዋን ጫቃስ።
\c 96
\s1 ፆሳ ጌሻተን ጎይንተ
\p
\v 1 ጎዳስ ኦራ ማዝሙረ የፅተ፤
\q2 ሳአን ደእያ አሳ ኡባይ ጎዳስ የፅተ።
\q1
\v 2 ጎዳስ የፅተ፤ እያ ሱን ሳቢተ፤
\q2 እያ አሹዋ ጋላስ ጋላስ ኦድተ።
\q1
\v 3 ካዎተታ ግዶን እያ ቦንቹዋ፥
\q2 አሳ ኡባ ግዶን እያ ማላልስያ ኦሱዋ አዋጅተ።
\q1
\v 4 ጎዳይ ግታ ግድያ ግሾ እያዉ ግታ ጋላቲ በሴስ፤
\q2 ፆሳታ ኡባፈ አድ ያየታናዉ በሴስ።
\q1
\v 5 ሀራ ካዎተታ ፆሳት ኡባይ ኤቃታ፤
\q2 ሽን ጎዳይ ሳሎታ መዳ ፆሳ።
\q1
\v 6 ቦንቾይነ ሳብ እያ ዩሾን ደኤስ፤
\q2 ምኖተነ ፑላተ እያ ኬን ደኤስ።
\q1
\v 7 ቢታን ደእያ አሳ ዛረ ኡባይ ጎዳባ ኦድተ፤
\q2 ቦንቾይነ ዎልቅ ጎዳባ ጊተ።
\q1
\v 8 እያ ሱንስ በሲያ ቦንቹዋ ጎዳስ ኤህተ፤
\q2 ያርሾ ኤክድ እያ ዳባባ ገልተ።
\q1
\v 9 እያ ጌሻተ ቴሙዋን ጎዳ ጎይንተ፤
\q2 ቢታን ደእያ አሳዉ ኡባይ እያ ስንን ኮኮርተ።
\q1
\v 10 ካዎተታ ግዶን፥ “ጎዳይ ካዎትስ!
\q2 ሳአይ ምንድ ኤቅስ፤ ቃፀና፤
\q2 እ አሳ ቦላ ሱረ ፕርዳና” ያግተ።
\q1
\v 11 ሳሎት ኡፋይቶ፤ ሳእካ ሀሹ ጎ፤
\q2 አባይነ እያ ግዶን ደእያ ኡባይ ጉሞ።
\q1
\v 12 ጎሻይነ እያን ደእያ ኡባይ ኡፋይቶ!
\q2 ዎራን ደእያ ም ኡባይ ኡፋይሳን የፆ።
\q1
\v 13 ጎዳይ ያ ግሾ እያ ስንን የፆ፤
\q2 እ ሳአ ቦላ ፕርዳናዉ ዬስ።
\q1 እ ሀ ሳኣ ቦላ ፅሎተን፥
\q2 አሳ ቦላ ቱማተን ፕርዳና።
\c 97
\s1 ፆሳይ ኡባ ቦላ ጎዳ
\p
\v 1 ጎዳይ ካዎትዳ ግሾ ሳአን ደእያ አሳይ ኡፋይቶ፤
\q2 ዩሾይ አባን ተቀትዳ ቢታት ኡፋይቶ።
\q1
\v 2 ሻርነ ሳካና ም እያ ዩሹዋን ደኤስ፤
\q2 ፅሎተነ ቱማተ እያ አራታ ባሶ።
\q1
\v 3 ታም እያ ስንራ ቤስ፤
\q2 እያ ዩሹዋን ደእያ ሞርከታ ፁጌስ።
\q1
\v 4 እያ ዎልአንይ ብታ ኡባ ፖእሴስ፤
\q2 ቢታይ ሄሳ በእድ ኮኮሬስ።
\q1
\v 5 ደረት ጎዳ ስንን፥
\q2 ሳኣ ኡባ ጎዳ ስንን ሙቃዳዳ ትልእዶሶና።
\q1
\v 6 ሳሎት እያ ፅሎተ አዋጆሶና፤
\q2 አሳ ኡባይ እያ ቦንቹዋ በኦሶና።
\q1
\v 7 ኤቃታ ጎይነይሳትነ
\q2 ኤንታን ጬቀተይሳት ኡባይ ዬላቶ፤
\q2 ኤቃት ኡባይ ጎዳስ ጉልባቶ።
\q1
\v 8 አቤት ጎዳዉ፥ ፅዮነይ
\q2 ነ ፅሎ ፕርዳ ስእድ ኡፋይቴስ፤
\q2 ይሁዳ ማጫ ናይትካ ሀሹ ጎሶና።
\q1
\v 9 አቤት ጎዳዉ፥ ኔኒ ሳአ ኡባ ቦላ ቃ፤
\q2 ፆሳታ ኡባፈ ኔኒ ቁ ጋዳሳ።
\q1
\v 10 ጎዳ ዶሰይሳቶ፥ ኢታ እፅተ፤
\q2 እያን አማነተይሳታ ሸምፑዋ እ ናጌስ፤
\q2 ኢታታ ኩሸፐ ኤንታ አሼስ።
\q1
\v 11 ፅሎታ ቦላ ፖኦይ ፖኤስ፤
\q2 ዎዛና ሱረታስ ኡፋይስ ደኤስ።
\q1
\v 12 ህንተኖ ፅሎቶ፥ ጎዳን ኡፋይትተ፤
\q2 እያ ጌሻ ሱን ጋላትተ።
\c 98
\s1 ፆሳስ ኡፋይሳን እልልተ
\d ማዝሙረ
\p
\v 1 ጎዳይ ማላልስያባ ኦዳ ግሾ፥
\q2 እያዉ ኦራ ማዝሙረ የፅተ።
\q2 እያ ኡሻቻ ኩሸይ፥ እያ ጌሻ ቀሰይ
\q2 እያዉ ፆኖ እሚስ።
\q1
\v 2 ጎዳይ ባ ፆኑዋ ኤርስስ፤
\q2 ባ ፅሎተ ካዎተታስ ቆንጭስስ።
\q1
\v 3 እ እስራኤለ አሳ ሲቀይሳነ
\q2 ኤንታዉ አማነተይሳ ሀሳይስ።
\q1 ሳኣ ጋፃ ጋካናዉ ደእያ አሳ ኡባይ
\q2 ኑ ፆሳ አቶተ በእዶሶና።
\q1
\v 4 ሳአ ቦላ ደእያ አሳዉ፥
\q2 ጎዳስ ኡፋይሳን የፅተ፤
\q2 ኡፋይሳን እልልሸ ሳቢተ።
\q1
\v 5 ጎዳስ ዲ ዲፅተ፤
\q2 ዲንነ ማዝሙረን ጎዳ ሳቢተ።
\q1
\v 6 ሱሱልኤነ ሞይዘ ፑንሸ፥
\q2 ኡፋይሳን ጎዳ ኑ ካዋ ስንን የፅተ።
\q1
\v 7 አባይነ አባ ግዶን ኩምዳ ኡባይ ጉሞ፤
\q2 ሳአይነ ሳኣ ቦላ ደእያ ኡባይ የፆ።
\q1
\v 8 ሻፋት ባንታ ኩሽያ ባቆ፤
\q2 ዙማት እስፈ ጎዳ ስንን ኡፋይሳን የፆ።
\q1
\v 9 ጎዳይ ሳኣ ቦላ ፕርዳናዉ ዬስ፤
\q2 እ ሀ ሳኣ ቦላ ፅሎተን
\q2 አሳ ቦላ ሱረተን ፕርዳና።
\c 99
\s1 ኑ ፆሳይ ጌሽ
\p
\v 1 ጎዳይ ካዎትዳ ግሾ ካዎተት ኮኮሮ፤
\q2 አራታ ቦላ ክሩበታ ግዶን ኡትዳ ግሾ፤
\q2 ቢታይ ቃፆ።
\q1
\v 2 ጎዳይ ፅዮነን ግታ፤
\q2 ካዎተ ኡባፈ
\q2 እ ቁ ቁ ግስ።
\q1
\v 3 ያሽያ እያ ግታ ሱን ኡባይ ጋላቶ፤
\q2 እ ጌሽ።
\q1
\v 4 ኔኒ፥ ዎልቃማ ካዎይ ሱረ ፕርዳ ዶሳሳ።
\q2 ኔኒ ያይቆባ ሱረተን ምንዳሳ።
\q2 ፅሎተ ኤሳዳሳ።
\q1
\v 5 ጎዳ፥ ኑ ፆሳ ቁ ቁ ኦተ፤
\q2 እያ ቶሆይ የያ በሳን እያ ጎይንተ፤
\q2 እ ጌሽ።
\q1
\v 6 ሙሰይነ አሮን እያ ካህነታ ግዶፈ ኮይሮታ፤
\q2 ሳሜል እያ ዎስዳይሳታፐ እሱዋ።
\q2 ኤንቲ ጎዳኮ ዋስዶሶና፤
\q2 እ ኤንታ ስእስ።
\q1
\v 7 እ ሻራ ቱሳ ግዶራ ኤንታዉ ሃሳይስ፤
\q2 እ እምዳ ህግያነ ዎጋ ናግዶሶና።
\q1
\v 8 አቤት ጎዳዉ፥ ኑ ፆሳዉ፥
\q2 ነ ኤንታ ዎሳ ስአዳሳ።
\q1 ነ ኤንታና ማራዳሳ፤
\q2 ግዶሽን፥ ኤንታ ናጋራ ግሾ ኤንታ ሴራዳሳ።
\q1
\v 9 ጎዳይ ኑ ፆሳይ፥ ጌሽ ግድያ ግሾ፥
\q2 እያ ቁ ቁ ኦተ፤
\q2 እያ ጌሻ ዙማ ቦላ እያ ጎይንተ።
\c 100
\s1 ፆሳ ሲቆይ መርናሳ
\d ጋላታ ማዝሙረ
\p
\v 1 ቢታን ደእያ አሳ ኡባይ፥
\q2 ጎዳስ ኡፋይሳን እልልተ።
\q1
\v 2 ጎዳስ ኡፋይሳን ሀጋዝተ፤
\q2 ኡፋይሳ የራ እያ ስን ሺቅተ።
\q1
\v 3 ጎዳይ ፆሰ ግደይሳ ኤርተ፤
\q2 ኑና መዳይ እያ፤ ኑ እያባ፤
\q2 ኑኒ እያ አሰነ እያ ቆሮን ሄመትያ ዶርሳታ።
\q1
\v 4 እያ ፐንግያ ጋላታራ ገልተ፥
\q2 እያ ዳባባ ሳባራ ቢተ፤
\q2 እያ ጋላትተነ እያ ሱን አንጅተ።
\q1
\v 5 ጎዳይ ኬሀ፤
\q2 እያ ሲቆይ መርናሳ፤
\q2 እያ አማነተይ የለታፐ የለታ ጋካናሳ።
\c 101
\s1 ታኒ ሱረ ኦገ ሄመታና
\d ዳዊታ ማዝሙረ
\p
\v 1 ታ ነ ሲቁዋባነ ነ ፅሎ ፕርዳባ የፃና፤
\q2 ጎዳዉ፥ ታ ነና ማዝሙረን ጋላታና።
\q1
\v 2 ታኒ ሱረ ኦግያን ዳና፤
\q2 ኔኒ ታኮ አዉደ ያኔ?
\q2 ታኒ ታ ኬን ሱረተን ሄመታና።
\q1
\v 3 ታኒ ታ አይፈይ ኢታባ ፄለና፤
\q2 ፆሳፈ ሃክዳ አሳ ኦሱዋ እፃይስ፤
\q2 ኤንቲ ታራ ጋሄቶኮና።
\q1
\v 4 ዎዛና ጌላተ ታፐ ሃኮ፤
\q2 ኢታተስ በሰ እምከ።
\q1
\v 5 ጌማን ባ ላግያ ዝግርያ ኡራ ስእ ኦና፤
\q2 ኦቶርትያነ ጬቀትያ አስ ታኒ ዳንዳእከ።
\q1
\v 6 ኤንቲ ታራ ዳና መላ፥
\q2 ቢታ ቦላ ደእያ አማነትያ አሳታ
\q1 ታኒ ኬሀ አይፈን ፄላይስ፤
\q2 ሱረተን ሄመትያ አስ ታዉ ኪተቴስ።
\q1
\v 7 ጭምያ አስ ታ ኬን ዴና፤
\q2 ዎርዶ ሃሳያ አስ ታ ስንን ኤቀና።
\q1
\v 8 ቢታን ደእያ ኢታ አሳ፥
\q2 ታኒ ጋላስ ጋላስ ስእ ኦና።
\q2 ኢታ ኦይሳታ ኡባ
\q2 ታኒ ጎዳ ካታማፐ ሾዳና።
\c 102
\s1 ነ ሶምኡዋ ታፐ ገንፋ
\d ኡንኤትዳ ዎደ ፆሳ ስንን ዎስዳ አሳ ዎሳ
\p
\v 1 ጎዳዉ፥ ታ ዎሳ ስአ፤
\q2 ታ ዋሶይ ኔኮ ጋኮ።
\q1
\v 2 ታ ዋይያ ጋላስ ነ ሶምኡዋ ታፐ ገንፋ፤
\q2 ነ ሀይ ታኮ ዛራ፤
\q2 ታኒ ኔኮ ዋስያ ዎደ፥ ታና ኤሶን አላ።
\q1
\v 3 ታ ላይይ ጩያዳ ዬስ፤
\q2 ታ መቀይ ታማዳ ኤፄስ።
\q1
\v 4 ታ ዎዛናይ ቡጭድ የግዳ ማታዳ መልስ፤
\q2 ካካ ታዉ ሜተተና።
\q1
\v 5 ታኒ ታ ቃላ ቁ ኦዳ ኦልዳ ግሾ፤
\q2 ታ ጎጋይ መቀራ ኦይከትስ።
\q1
\v 6 ታኒ ዎራን ደእያ ሶሎ መላ፥
\q2 ካይሳ ኬን ደእያ ጉቶ መላ።
\q1
\v 7 ታኒ ዝንእን ስኮይ ዬና፤
\q2 ታኒ ኬ ሁጰን ባርካ ኡትዳ ካፎ ግዳስ።
\q1
\v 8 ታ ሞርከት ጋላስ ኩመ ታና ጫዮሶና፤
\q2 ታና ቀልቅሰይሳት ታ ሱንን ባዶሶና።
\q1
\v 9 ብዶይ ታዉ ካ ግድስ፤
\q2 ታ አፉይ ታ ኡሻራ ዋላከትስ።
\q1
\v 10 ሄስ ሀንዳይ ነ ሀንቆይነ ነ ይሎይ፥
\q2 ታና ደንድ ዎራ ሆልዳ ግሾሳ።
\q1
\v 11 ታ ላይይ ኦማርሳ ኩያ መላ ኤለስድ አስ፤
\q2 ታኒ ማታዳ ሹላይስ።
\q1
\v 12 ሽን ጎዳዉ፥ ኔኒ ነ አራታን መርናዉ ኡታዳሳ፤
\q2 ነ ሱንይ የለታፐ የለታ ጋካናዉ ሀሳየታና።
\q1
\v 13 ኔኒ እዮ ማርያ ዎደይ ጋክዳ ግሾ፤
\q2 ደንዳዳ ፅዮነስ ቃታ፤
\q2 ኔኒ ዶርዳ ዎደይ ጋክስ።
\q1
\v 14 እ ሹቻት ነ ኦሳንቾታስ አልኦ፤
\q2 እ ቢታይካ ኤንታ ቃስ።
\q1
\v 15 ካዎተት ጎዳ ሱንስ ያያና፤
\q2 ሳኣ ካዎት እያ ቦንቹዋስ ዳጋማና።
\q1
\v 16 ጎዳይ ፅዮነ ዛሪድ ኬፃና፤
\q2 ባ ግታተ በሳና።
\q1
\v 17 እ ማንቆታ ዎሳ ስአና፤
\q2 ኤንታ ኦይሻ ካና።
\q1
\v 18 ቡሮ የለታና አሳይ ጎዳ ጋላታና መላ፥
\q2 ሀይስ ያ የለታስ ፃፈቶ።
\q1
\v 19 ጎዳይ ቃን ደእያ
\q2 ባ ጌሻ በሳፈ ፄልስ፤
\q2 ሳሎን ግድድ ሳኣ ፆሞሴስ።
\q1
\v 20 ሄስካ ቃሸትዳ አሳ ዋሱዋ ስአናዉነ
\q2 ሀይቆ ፕርደትዳ አሳ ብርሻናሳ።
\q1
\v 21 ሄሳ ግሾ፥ ጎዳ ሱንይ ፅዮነን ኦደታና፤
\q2 እያ ጋላታይ የሩሳላመን አዋጀታና።
\q1
\v 22 ደረይነ ካዎተይ ሺቅድ፥
\q2 ጎዳስ ሄ ዎደ ጎይናና።
\q1
\v 23 ታኒ ናአተን ደእሽን፥
\q2 ታ ዎልቃ እፅስስ፤ ታ ላይ ቃምስስ።
\q1
\v 24 ታኒ፥ “ታ ፆሳዉ፥
\q2 ታ ላይ ግዶ ዛዋን ታና ኮፋ” ያጋይስ።
\q2 ጎዳዉ፥ ኔኒ የለታፐ የለታ ጋካናዉ ደኣሳ።
\q1
\v 25 ኔኒ በን ሳኣ መዳሳ፤
\q2 ሳሎይካ ነ ኩሸ ኦሶ።
\q1
\v 26 ሀይሳቲ ኡባይ ያና፤ ሽን ኔኒ ዳና፤
\q2 ኤንቲ ኡባይ አፍላዳ ዉራና።
\q1 ኔኒ ኤንታ ጩርቃ አፍላዳ ላማና፤
\q2 ኤንትካ አና።
\q1
\v 27 ሽን ኔኒ ነና፤
\q2 ነ ላይይ ዉረና።
\q1
\v 28 ነ አይለታ ናይታ ኔኒ ሳሮ ዎሳ፤
\q2 ኤንታ ኮቻይ ነ ስንን ምንድ ዳና።
\c 103
\s1 ታ ሸምፐ ፆሳ ጋላታ
\d ዳዊታ ማዝሙረ
\p
\v 1 ታ ሸምፐ ጎዳ ጋላታ!
\q2 ታ ኩመ አሳተዉ፥ እያ ጌሻ ሱን ጋላታ።
\q1
\v 2 ታ ሸምፐ ጎዳ ጋላታ!
\q2 እ ነዉ ኦዳ ኬሀተ ኡባ ዶጎፓ።
\q1
\v 3 እ ነ ናጋራ ኡባ አቶ ጌስ፤
\q2 ነ ሀርገ ኡባፈ ነና ፓስ።
\q1
\v 4 እ ነና ሀይቆፐ አሼስ፤
\q2 ሲቆንነ ማሮታን ነና አንጄስ።
\q1
\v 5 ነ ያላጋተይ አርጋንዳ ኦራፃና መላ፥
\q2 ነ ደኡዋ ሎኦባን ካልሴስ።
\q1
\v 6 ጎዳይ ቆሄትዳይሳታስ
\q2 ፅሎተንነ ሱረን ፕርዴስ።
\q1
\v 7 እ ባ ኦግያ ሙሰ፥
\q2 ባ ኦሱዋ እስራኤለ አሳ ኤርስስ።
\q1
\v 8 ጎዳይ ቃተይሳነ ማረይሳ፤
\q2 ሀንቀታናዉ ኤሶተና፤ እያ ሲቆይ ዳሮ።
\q1
\v 9 እ ኡባ ዎደ ሴረና፤
\q2 መርናዉ ሀንቀተና።
\q1
\v 10 እ ኑስ ኑ ናጋራዳ ኦና፤
\q2 ኑ ኢታተ መላ ዛረና።
\q1
\v 11 ሳሎይ ሳአፐ ቀይሳዳ፥
\q2 ጎዳ ያየይሳታስ እያ ሲቆይ ግታ።
\q1
\v 12 ዶሎሀፐ ዉሎህ ሃከይሳዳ፥
\q2 ጎዳይ ኑ ናጋራ ኑፐ ሃሴስ።
\q1
\v 13 አው ባ ናይታስ ቃተይሳዳ፥
\q2 ጎዳይ ባዉ ያየይሳታስ ቃቴስ።
\q1
\v 14 ኑኒ አይብፐ መትዳኮ እ ኤሬስ፤
\q2 ኑኒ ቢታ ግደይሳ እ አኬከስ።
\q1
\v 15 አስ ባዉ ማታ መላ፤
\q2 እ ባዞ ጪሻዳ ጭዬስ።
\q1
\v 16 ጫርኮይ እያ ቦላ ጫርክያ ዎደ ዬስ፤
\q2 እ ዶልዳ በሳይ ዛሪድ ኤረተና።
\q1
\v 17 ሽን ጎዳስ ያየይሳታስ
\q2 እያ ሲቆይ መርናፐ መርና ጋካናሳ፤
\q2 እያ ፅሎተይ ናአ ናአ ጋካናሳ።
\q1
\v 18 ሄስ ሀነይ እያ ጫቁዋ ናገይሳታነ
\q2 እያ ኪታ ፖላናዉ ምነይሳታሳ።
\q1
\v 19 ጎዳይ ሳሎታን ባ አራታ ኤስስ፤
\q2 እያ ካዎተይ ኡባ ሃሬስ።
\q1
\v 20 ህንተኖ፥ እያ ኪታንቻቶ፥
\q2 እያ ኪታ ናግያ ዎልቃማቶ፥
\q2 እ ኦድያባ ስኤይሳቶ፥ ጎዳ ጋላትተ!
\q1
\v 21 ህንተኖ ሳሎን ደእያ ምኖቶ፥
\q2 እያ ሸንያ ፖለይሳቶ፥ ጎዳ ጋላትተ!
\q1
\v 22 ህንተኖ፥ እ ሃርያ በሳ ኡባን፥
\q2 ደእያ መተቶ፥ ጎዳ ጋላትተ!
\q2 ታ ሸምፐ ጎዳ ጋላታ!
\c 104
\s1 ፆሳይ ባ መተ ሄሜስ
\p
\v 1 ታ ሸምፐ፥ ጎዳ ጋላታ፤
\q2 አቤት ጎዳዉ፥ ታ ፆሳዉ ነ ግታ፤
\q2 ኔኒ ቦንቾነ ቴማ ማአዳሳ።
\q1
\v 2 ፖኦ አፍላዳ ጉሉንታዳሳ፤
\q2 ኔኒ ሳሉዋ ዱንካነዳ ቶላዳሳ።
\q1
\v 3 ነ ኬ ሳሎ ቦላ ኬፃሳ፤
\q2 ሻራ ፓራ ጋረ ከሳሳ፤
\q2 ጫርኮ ቀፈ ቦላ ኡታዳ ባሳ።
\q1
\v 4 ጫርኮይ ነዉ ኪታንቾ፥
\q2 ታማ ላጮ ነዉ ኦሳንቾ ኦሳ።
\q1
\v 5 ነ፥ ሳኣ እያ ባሱዋ ቦላ ኤሳዳሳ፤
\q2 ሄሳ ግሾ መርናዉ ቃፀና።
\q1
\v 6 ጪሞ አባይ አፍላዳ ቢታ ካምስ፤
\q2 ሃይ ግታ ደረታ ካምስ።
\q1
\v 7 ነ ሀንቀትን ሃት ባቃትዶሶና፤
\q2 ነ ደሹዋ ስእዳ ዎደ ቆሰትዶሶና።
\q1
\v 8 ኤንቲ ደረታ ቦላነ ዛንጋራታ ግዶ፥
\q2 ነ ኤንታዉ ጊግስዳ በሳ ጎግዶሶና።
\q1
\v 9 ሃት ስሚድ ቢታ ካሞናዳ፥
\q2 ኤንቲ አናዉ ዳንዳኦና ዛዋ ዎዳሳ።
\q1
\v 10 ኔኒ፥ ፑልቶት ዛንጋራን ጎጋናዳ ኦዳሳ፤
\q2 ሻፋ ሃት ደረታ ግዶራ ጎጎሶና።
\q1
\v 11 ባዞ ዶአት ኡባይ እያፐ ኡዮሶና፤
\q2 ባዞ ሀረት እያፐ ሳሞ አሎሶና።
\q1
\v 12 ሳሎ ካፎት ሄ ሃ ማታን ባንታ ኬ ኬፅድ፥
\q2 ታሽያ ግዶን የፆሶና።
\q1
\v 13 ነ ግታ ደረታ ቦላ ሳሎፐ እራ ቡክሳሳ፤
\q2 እያ ኩሸ ኦሶ አይፈን ቢትያ ካላሱ።
\q1
\v 14 ኔኒ መሄስ ማታ፥ አሳስ ካ ዶልሳሳ፤
\q2 ሄሳን አሳይ ቢታ ኦድ፥ ካ ሺሼስ። 
\v 15 አሳ ዎዛና ኡፋይስያ ዎይነ፥
\q2 ሶምኦ ጭልእስያ ዛይተነ
\q2 ዎልቃ እምያ ካ ዶልሳሳ።
\q1
\v 16 ጎዳ ምት፥
\q2 እ ቶክዳ ልባኖሰ ዝጋት፥
\q2 ዳሮ እራ ደሞሶና።
\q1
\v 17 ካፎት ባንታ ኬ ያን ኬፆሶና፤
\q2 ፅሎት ፂዳ ቦላ ኬፅድ ደኦሶና።
\q1
\v 18 ቃ ደረታ ቦላ ጋራት ደኦሶና፤
\q2 ጉፓለት ሹቻ ቆጶን ቆሰቶሶና።
\q1
\v 19 ዎደ ታይቡዋ ኤርሳና መላ፥
\q2 ነ አጌና መዳሳ፤
\q2 አዋይ ባ ዉልያ ዎድያ ኤሬስ።
\q1
\v 20 ኔኒ ማ መዳሳ፤ ቃማ ኦዳሳ፤
\q2 ሄ ማን ዎራ ዶእ ኡባይ ከዬስ።
\q1
\v 21 ዎዳላ ጋሞት ሻንካትሸ ጉዶሶና፤
\q2 ኤንቲ ባንታዉ ምያባ ፆሳፈ ኮዮሶና።
\q1
\v 22 አው ዶልያ ዎደ ጉየ ስሞሶና፤
\q2 ባንታ በሳ ገልድ ዝንኦሶና።
\q1
\v 23 ሄ ዎደ አስ ባ ኦሶስ ከዬስ፤
\q2 ሳእ ቃማና ጋካናዉ ኦስ።
\q1
\v 24 አቤት ጎዳዉ፥ ነ ኦሶይ አይ መላ ዳሮ፤
\q2 ነ ጭንጫተን ነ ኤንታ ኡባ መዳሳ፤
\q2 ሳእ ነ መዳባን ኩምስ።
\q1
\v 25 ሄኮ፥ አባይ ግታነ ዳልጋ፤
\q2 ታይቦይ ባይና ቃፅያ መተን፥
\q2 ግታታነ ጉ መተን ኩምድ ደኤስ።
\q1
\v 26 እያ ቦላ ማርካበት ቦሶና፤
\q2 ነ መዳ ሌዋታነ ጌተትያ ዳወይ እያን ካኤስ።
\q1
\v 27 ነ ኤንታዉ ኮሽያ ዎድያን
\q2 ምያባ እማና መላ፥
\q2 ኤንቲ ኡባይ ነና ፄሎሶና።
\q1
\v 28 ነ ኤንታዉ እምን ኤንቲ ማፆሶና፤
\q2 ኔኒ ነ ኩሽያ ምጭን፥
\q2 ኤንቲ ሎኦባ ካሎሶና።
\q1
\v 29 ኔኒ ነ ሶምኡዋ ገንያ ዎደ ዳጋሞሶና፤
\q2 ኔኒ ሸምፑዋ ኤክያ ዎደ ሀይቅድ፥
\q2 ባንታ ቢታ ስሞሶና።
\q1
\v 30 ሽን ኔኒ ነ ሸምፑዋ እምያ ዎደ፥
\q2 ኤንቲ መቶሶና፤ ቢታ ኦራፅሳሳ።
\q1
\v 31 ጎዳ ቦንቾይ መርናዉ ደኦ፤
\q2 ጎዳይ ባ ኦሱዋን ኡፋይቶ።
\q1
\v 32 እ ቢታ ፄልያ ዎደ ቢታይ ቃፄስ፤
\q2 እ ደረታ ቦችያ ዎደ ደረት ጩዮሶና።
\q1
\v 33 ታ ደኦ ላይ ኡባን ጎዳስ የፃና፤
\q2 ታ ፓፃ ደእያ ዎደ ኡባን ታ ፆሳ ዛማራና።
\q1
\v 34 ታኒ ጎዳን ኡፋይትያ ግሾ፥
\q2 ታ ቆፋይ እያ ኡፋይሶ።
\q1
\v 35 ናጋራንቾት ቢታፈ ዮ፤
\q2 ኢታ ኦይሳት ደኦፖ።
\q1 ታ ሸምፐ፥ ጎዳ ጋላታ፤
\q2 ጎዳይ ጋላተቶ።
\c 105
\s1 ፆሳ ግታ ኦሱዋ ኦድተ
\p
\v 1 ጎዳ ጋላትተ፤ እያ ሱን ፄግተ፤
\q2 እ ኦዳባ ካዎተታስ ኦድተ።
\q1
\v 2 እያ ሳቢተ፤ ጋላታ ማዝሙረ የፅተ፤
\q2 ማላልስያ እያ ኦሶ ኡባ ኦድተ።
\q1
\v 3 እያ ጌሻ ሱንን ጬቅተ፤
\q2 ጎዳ ኮየይሳታ ዎዛናይ ኡፋይቶ።
\q1
\v 4 ጎዳነ እያ ዎልቃን አማነትተ፤
\q2 ኡባ ዎደ እያ ኮይተ።
\q1
\v 5-6 ህንተኖ፥ እያ አይልያ አብራሃመ ዛረቶ፥
\q2 ዶረትዳ ያይቆባ ናይቶ፥
\q1 እ ኦዳ ማላልስያባታ፥
\q2 እያ ማላታነ ሱረ ፕርዳ ሀሳይተ።
\q1
\v 7 እ ጎዳ፥ ኑ ፆሳ፤
\q2 እያ ፕርዳይ ቢታ ኡባ ቦላና።
\q1
\v 8 እ ባ ጫቁዋ መርናዉ፥
\q2 ባ ገልዳ ቃላ ሙኩሉ የለታ ጋካናዉ ናጌስ።
\q1
\v 9 እ አብራሃመራ ጫቅዳ ኡፋይሳ ቃላ፥
\q2 ይሳቃስ ገልዳ ኡፋይሳ ቃላ፥
\q1
\v 10 ያይቆባስ ዎጋ፥
\q2 እስራኤለስ መርና ጫቁዋ
\q2 ኦድ ምንስ።
\q1
\v 11 እ፥ “ካናነ ቢታ ነዉ እማና፤
\q2 እ ነ ኮቻ ጋክዳ ላታ ግዳና” ያግስ።
\q1
\v 12 ፆሳ አሳት ታይቦን ጉነ
\q2 ካናነ ቢታን በተ አስ ግድድ ደእያ ዎደ፥
\q1
\v 13 እስ ደርያፐ ሀራ ደርያ፥
\q2 እስ ካዎተፈ ሀራ ካዎተ ዩይዶሶና።
\q1
\v 14 ፆሳይ ኦንካ ኤንታ ኡንኤና መላ ኦቤና፤
\q2 ኤንታ ግሾ ካዎታ ሴርስ።
\q1
\v 15 “ታ ትይዳይሳታ ቦቾፍተ፤
\q2 ታ ናበታ ቆሆፕተ” ያግስ።
\q1
\v 16 ጎዳይ ቢታን ኮሻ የድድ፥
\q2 ኤንታ ካ ኡባ ይስስ።
\q1
\v 17 ሽን እ ባ አሳ አሻናዉ፥
\q2 እስ አድያ ግብፀ ኪትስ፤
\q2 ሄ ኡራይ አይለ ግድድ ባይዘትዳ ዮሰፋ።
\q1
\v 18 እያ ቶሆት ብራታን ዱፀትዶሶና፤
\q2 እ ሳንላታን ቃሸትስ።
\q1
\v 19 እ ካሰ ኦድዳይስ ቱማታና ጋካናዉ፥
\q2 ጎዳ ቃላይ እያ ፓጭስ።
\q1
\v 20 ሄሳፈ ጉየ ግብፀ ካዎይ አሰ የድድ፥
\q2 እያ ቃሾ ኬፈ ከስስ።
\q1
\v 21 እያ ባ ኬ ቦላ ጎዳ ኦስ፤
\q2 ባዉ ደእያ ኡባ ቦላ ሹምስ።
\q1
\v 22 ባ ሞርናታ ዞራና መላ፥
\q2 ባ ጭማታ ጭንጫተ ታማርሳና መላ ሹምስ።
\q1
\v 23 እስራኤለይ ግብፀ ብስ፤
\q2 ያይቆብ ካማ ቢታን ኡትስ።
\q1
\v 24 ጎዳይ ባ አሳ ዳርስስ፤
\q2 ኤንታ ሞርከታፐ አድ ኤንታ ምንስ።
\q1
\v 25 ባ አሳ እፃና መላ ግብፀ አሳ ዎዛና ላምስ፤
\q2 ባ አይለታ ጭማና መላ ኦስ።
\q1
\v 26 ባ አይልያ ሙሰነ
\q2 ባ ዶርዳ አሮና ኤንታኮ ኪትስ።
\q1
\v 27 ኤንቲ ግብፀ አሳ ስንን ማላታ፥
\q2 ካማ ቢታን ማላልስያባ ኦዶሶና።
\q1
\v 28 ጎዳይ ማ ኪትድ፥ ቢታ ምስስ፤
\q2 ሽን ግብፀ አሳይ እያ ኪታ ፖልቦኮና።
\q1
\v 29 ኤንታ ሃ ሱ ላምድ፥
\q2 ሞሎታ ዎስ።
\q1
\v 30 ኤንታ ቢታ ኡባ፥
\q2 ካዎ ጋካ ሾ ኩንስ።
\q1
\v 31 እ ኪትን፥ ኡዱንፀነ ቢነ
\q2 ኤንታ ቢታ ኡባ ቦላ ቢነይ ዎስ።
\q1
\v 32 እራ ግሾ ኤንታ ቢታ ቦላ
\q2 ሻች፥ ዳዳነ ዎልአን ቡክስስ።
\q1
\v 33 እ ኤንታ ዎይንያነ ባላስያ ሾጭስ፤
\q2 ኤንታ ቢታን ደእያ ም መንረስ።
\q1
\v 34 እ ኪትን፥ ቦለይነ
\q2 ታይቦይ ባይና ዱጎይ ከይስ።
\q1
\v 35 ኤንታ ቢታን ዶልዳ ካ ኡባ ምስ፤
\q2 ጋደን ደእያ ጭልኦባ ኡባ ይስስ።
\q1
\v 36 ጎዳይ ግብፀ አሳ ባይራ ናይታ ኡባ ዎስ፤
\q2 ኮይሮ የለትዳ ኡባ ይስስ።
\q1
\v 37 ሄሳፈ ጉየ፥ እስራኤለ አሳ
\q2 ዎርቃነ ብራ አሌቆራ ከስስ፤
\q2 ኤንታ ኮቻ ግዶፈ ጉየ አትዳይ ኦንካ ባዋ።
\q1
\v 38 ግብፀ አሳይ ኤንታዉ ያይዳ ግሾ፥
\q2 ኤንታ ከሳን ኡፋይትዶሶና።
\q1
\v 39 ጎዳይ ኤንታ ካማናዉ ሻራ ምጭስ፤
\q2 ቃማ ኤንታዉ ፖእሳናዉ ታማ ጊግስስ።
\q1
\v 40 ኤንቲ ምያባ ኦይችዳ ዎደ፥
\q2 ኩራቾ ዳንያ ካፎታ ኤንታዉ የድስ፤
\q2 ኤንታ ሳሎ ካ ካልስስ።
\q1
\v 41 እ ሹቻ ጳልቅን፥ ሃ ፑልትስ፤
\q2 መላ ቢታን ሻፋዳ ጎግስ።
\q1
\v 42 እ ባ አይልያ አብራሃመስ፥
\q2 ገልዳ ጌሻ ቃላ ሀሳይስ።
\q1
\v 43 እ ባ አሳ ኡፋይሳን፥
\q2 ባ ዶርዳይሳታ እልልሳን ከስስ።
\q1
\v 44 እ ኤንታዉ አላጋ ካዎተታ ቢታ እሚስ፤
\q2 ሀራት ዳቡርዳ ጎሻ ላትዶሶና።
\q1
\v 45 እ ሄሳ ኦዳይ ኤንቲ እያ ዎጋ
\q2 እያ ህግያ ናጋናነ ኦና መላሳ።
\q2 ጎዳ ጋላተቶ!
\c 106
\s1 ፆሳይ ግታ፥ እያ ጋላትተ
\p
\v 1 ጎዳ ጋላትተ!
\q1 እ ኬሀ ግድያ ግሾነ
\q2 እያ ሲቆይ መርናሳ ግድያ ግሾ፥
\q2 ጎዳ ጋላትተ።
\q1
\v 2 ጎዳይ ኦዳ ዎልቃማ ኦሶ ኦዳናዉ፥
\q2 ዎይኮ እያ ጋላታ ኡባ ቆንጭሳናዉ
\q2 ዳንዳኤይ ኦኔ?
\q1
\v 3 ፕርዳ ናገይሳትነ
\q2 ኡባ ቶሆ ፅሎባ ኦይሳት አንጀትዳሳታ።
\q1
\v 4 አቤት ጎዳዉ፥ ኔኒ ነ አሳስ ኬህያ ዎደ ታና ቆፓ፤
\q2 ኤንታ ኔኒ አሽያ ዎደ ታና አላ።
\q1
\v 5 ሄስካ ነ ዶርዳ አሳ ድቻ ታ በአና መላ፥
\q2 ነ አሳ ኡፋይሳን ታኒ ኡፋይታና መላነ
\q2 ነ አሳራ እስፈ ታኒ ጋላታና መላሳ።
\q1
\v 6 ኑኒ ኑ አዋታዳ ናጋራ ኦዳ፤
\q2 ኑ ባልዳ፤ ኢታባ ኦዳ።
\q1
\v 7 ኑ አዋት ግብፀን ደእያ ዎደ፥
\q2 ማላልስያ ነ ኦሱዋ ቆፕቦኮና።
\q1 ነ ሲቁዋ ዳሮተ ኤንቲ ሀሳይቦኮና፤
\q2 ዞኦ አባ ማታን እያ ቦላ ማካልዶሶና።
\q1
\v 8 ግዶሽን፥ እ ባ ሱን ግሾ፥
\q2 ባ ግታ ዎልቃ ኤርሳናዉ ኤንታ አሽስ።
\q1
\v 9 እ ዞኦ አባ ኪትን፥ አባይ መልስ፤
\q2 መላ ቢታራ ካንድ አያዳ፥
\q2 ጪሞ ግዶራ ኤንታ ካለድ ፕንስ።
\q1
\v 10 እ ኤንታ እፀይሳታ ኩሸፐ አሽስ፤
\q2 ሞርከታ ኩሸፐ ኤንታ ዎዝስ።
\q1
\v 11 ኤንታ ሞርከታ ሃይ ምትስ፤
\q2 ኤንታፈ እሶይካ አትቤና።
\q1
\v 12 ሄ ዎደ ኤንቲ እያ ኡፋይሳ ቃላ አማንዶሶና፤
\q2 እያ ማዝሙረን ሳቦሶና።
\q1
\v 13 ግዶሽን፥ ኤንቲ እ ኦዳባ ዶግዶሶና፤
\q2 እ ዞርያ ኦግያ ናግድ ባናዉ ዶስቦኮና።
\q1
\v 14 መላ ቢታን ደእሸ ዳሮ አሞትዶሶና፤
\q2 መላ ቢታን ፆሳ ፓጭዶሶና።
\q1
\v 15 ኤንቲ ዎስዳይሳ እ እሚስ፤
\q2 ሽን ኢታ ሀርገ ኤንታ ግዶ ኪትስ።
\q1
\v 16 መላ ቢታን ዱንካነን ደእሸ ሙሰነ
\q2 ጎዳስ ዱማትዳ አሮና ቃናትዶሶና።
\q1
\v 17 ቢታይ ዶየትድ ዳታነ ምትስ፤
\q2 አቤሮ እያ ኬ አሳራ ሞግስ።
\q1
\v 18 ኤንታ ማባራ ግዶን ታም ኤፅስ፤
\q2 ላጮይ ሄ ኢታ አሳታ ፁግስ።
\q1
\v 19 ኮሬባ ዙማን ዎርቃፈ
\q2 ማራ ምስለ መዶሶና፤
\q2 ሄ ምስልያ ጎይንዶሶና።
\q1
\v 20 ኤንቲ፥ ባንታ ቦንቾ ፆሳ
\q2 ማታ ምያ መሄ ምስለን ላምዶሶና።
\q1
\v 21 ኤንቲ ግብፀን ግታ ኦሶ ኦዳነ
\q2 ኤንታና አሽዳ ፆሳ ዶግዶሶና።
\q1
\v 22 ካማ ቢታን ኦሰትዳ ማላልስያባነ
\q2 ዞኦ አባን ሀንዳ ማላታ ኦዳሳ።
\q1
\v 23 ሄሳ ግሾ፥ ፆሳይ ኤንታ ይሳና ግስ፤
\q2 ሽን ይሶና መላ እያ ሀንቆ ዛራናዉ፥
\q2 ፆሳይ ዶርዳ ሙሰይ ግዶን ኤቅስ።
\q1
\v 24 ሄሳፈ ጉየ፥ ኤንቲ
\q2 እያ ቃላ አማኖና ግሾ፥
\q2 ሄ ሎኦ ቢታ ካዶሶና።
\q1
\v 25 ኤንቲ ባንታ ዱንካንያ ግዶን ዙዙምዶሶና
\q2 ጎዳ ቃላስ ኪተትቦኮና።
\q1
\v 26 ሄሳ ግሾ፥ እ ኤንታ ባዞን የጋናዉ፥
\q2 ባ ኩሽያ ደንድ ጫቅስ።
\q1
\v 27 ኤንታ ኮቻ ካዎተታ ግዶን
\q2 የጋናዉነ ቢታ ቦላ ላላናዉ ጫቅስ።
\q1
\v 28 ሄሳፈ ጉየ፥ ኤንቲ ብኤል-ፋጎራ ኤቃ ጎይነይሳታራ እስፈ ጋሄትዶሶና፤
\q2 ሸምፖይ ባይና ኤቃታስ ያርሸትዳ ያርሹዋ ምዶሶና።
\q1
\v 29 ባንታ ኦሱዋን ጎዳ ሀንቀዶሶና፤
\q2 ሄሳ ጋሶን ኤንታ ግዶን ኢታ ሀርገይ ዎስ።
\q1
\v 30 ሽን ፕንሃስ ደንድድ፥
\q2 ኤንታ ናጋራ ፕርድን፥
\q2 ኢታ ሀርገይ ኤንታ ቦላፈ ክችስ።
\q1
\v 31 ሄስካ፥ እያዉ፥ የለተፈ የለተ ጋካናዉ
\q2 መርናዉ ፅሎተ ግድድ ታይበትስ።
\q1
\v 32 ማርባ ፑልቱዋ ማታን ጎዳ ሀንቀዶሶና፤
\q2 ኤንታ ጋሶን ሙሰ ቦላ መቶይ ጋክስ።
\q1
\v 33 ኤንቲ እያ ይሎይዶሶና፤
\q2 ሙሰ ዶናፐ በሰና ቃላይ ከይስ።
\q1
\v 34 ጎዳይ ይስተ ግን፥
\q2 ኤንቲ ካናነ አሳታ ይስቦኮና።
\q1
\v 35 ሄ ፓላባፐ፥ ኤንቲ ሄ አሳታራ
\q2 ዋላከትዶሶና፤
\q2 ኤንታ ደኦ ዎጋ ካልዶሶና።
\q1
\v 36 ፆሳ አሳት ኤንታ ኤቃ ጎይንዶሶና፤
\q2 ሄስ ኤንታዉ ፅሄ ግድስ።
\q1
\v 37 ኤንቲ ባንታ አደነ ማጫ ናይታ
\q2 ቱና አያናታስ ያርሽዶሶና።
\q1
\v 38 ኤንቲ ፅሎ ሱ ካናነ ኤቃታስ ያርሽድ፥
\q2 ባንታ አደነ ማጫ ናይታ ሱ ጉስዶሶና፤
\q2 ሄ ሱን ቢታይ ቱንስ።
\q1
\v 39 ሄሳዳ ኤንቲ ባንታ ኦሶን ቱንዶሶና፤
\q2 ባንታ ሀኖታን ባንታ ላይማ ከስዶሶና።
\q1
\v 40 ሄሳ ግሾ፥ ጎዳ ሀንቆይ
\q2 እያ አሳ ቦላ ኤፅስ፤
\q2 እ ባ ላታ ሻተትስ።
\q1
\v 41 እ ኤንታ አላጋ ኩሸን አድ እሚስ፤
\q2 ኤንታ ሞርከት ኤንታ ሃርዶሶና።
\q1
\v 42 ኤንታ ሞርከት ኤንታ ኡንኤዶሶና
\q2 ባንታ ሸነን ኤንታ አይስዶሶና።
\q1
\v 43 እ ኤንታ ዳሮ ዎደ አሽስ፤
\q2 ሽን ኤንቲ ባንታ ማካላ አጎና እፅዶሶና፤
\q2 ባንታ ናጋራ ጋሶን ይዶሶና።
\q1
\v 44 ግዶሽን፥ እ ኤንታ ዋሱዋ ስእስ፤
\q2 ኤንታ ዋይያ ቆፕስ።
\q1
\v 45 እ ኤንታ ግሾ፥ ባ ኡፋይሳ ቃላ ሀሳይስ፤
\q2 ባ ሲቁዋ ዳሩዋን ኤንታ ማርስ።
\q1
\v 46 ኤንታ ድእዳ ኡባይ፥
\q2 ኤንታዉ ቃታና መላ ኦስ።
\q1
\v 47 ኑኒ ነ ጌሻ ሱን ጋላታና መላ
\q2 አቤት ጎዳዉ፥ ኑ ፆሳዉ፥ ኑና አሻ።
\q1 ነ ቦንቹዋን ኑ ጬቀታና መላ፥
\q2 ካዎተታ ግዶፈ ኑና ሺሻ።
\q1
\v 48 እስራኤለ ጎዳይ፥ ፆሳይ፥
\q2 መርናፐ መርና ጋካናዉ ጋላተቶ!
\q2 አሳ ኡባይ፥ “አምንእ” ያጎ።
\q2 ጎዳ ጋላትተ!
\c 107
\ms እቻሻን ማፃፋ
\mr (ማዝ 107—150)
\s1 መቶ ዎደ ኤለ ጋክያ ፆሳ
\q1
\v 1 እ ኬሀ ግድያ ግሾነ
\q2 እያ ሲቆይ መርናስ ግዲያ ግሾ፤
\q2 ጎዳ ጋላትተ
\q1
\v 2 ጎዳይ አሽዳይሳት፥
\q2 ሞርከ ኩሸፐ ከስ ኤክዳይሳት
\q2 ሀይሳዳ ያግድ ኦደቶ።
\q1
\v 3 ኤንቲ ዶሎሀፐነ ዉሎሀፐ፥
\q2 ፑደሀፐነ ዱገሀፐ
\q2 ቢታ ኡባፈ ሺቅዳይሳታ።
\q1
\v 4 ኤንታፈ እሶት እሶት መላ ቢታን ዩይዶሶና።
\q2 ባንታ ደእያ ካታማ ብያ ኦግያ
\q2 ደማናዉ ዳንዳእቦኮና።
\q1
\v 5 ኤንቲ ኮሻትዶሶና፤ ሳሞትዶሶና፤
\q2 ኤንቲ ኡንኤትዶሶና።
\q1
\v 6 ኤንቲ መቶትዳ ዎደ፥
\q2 ጎዳኮ ዋስዶሶና፤
\q2 እ ኤንታ ዋይያፐ ኤንታ አሽስ።
\q1
\v 7 ኤንቲ ዳና ካታማ ጋካናዉ፥
\q2 ኤንታ ሱረ ኦገን ካለስ።
\q1
\v 8 መርና እያ ሲቁዋ ግሾነ
\q2 እ ኤንታዉ ኦዳ ማላልስያ ኦሱዋ ግሾ
\q2 ኤንቲ ጎዳ ጋላቶ።
\q1
\v 9 እ ሳሞትዳይሳታ አልሴስ፤
\q2 ኮሻትዳይሳታ ሎኦባ ካልሴስ።
\q1
\v 10 እሶት እሶት ሳካና ማን ኡትዶሶና፤
\q2 ብራታ ሳንላታን ዋይዶሶና።
\q1
\v 11 ሄስ ሀንዳይ ኤንቲ ኡባፈ ቃ ፆሳ፥
\q2 ኪታ ቦላ ማካልዳ ግሾነ
\q2 እያ ዞርያ ካዳ ግሾሳ።
\q1
\v 12 እ ኤንታ ዋየ ኦሶን ዳቡርስስ፤
\q2 ኤንታ ማድያ አስ ይን ኩንድዶሶና፤
\q1
\v 13 ኤንቲ መቶትዳ ዎደ፥
\q2 ጎዳኮ ዋስዶሶና፤
\q2 እ ኤንታ ዋያፐ ኤንታ አሽስ።
\q1
\v 14 እ ኤንታ ሳካና ማፐ ከስስ፤
\q2 ኤንቲ ቃሸትዳ ሳንላታ ዱስ።
\q1
\v 15 እያ ሲቁዋ ግሾነ
\q2 እ ኤንታዉ ኦዳ ማላልስያ ኦሱዋ ግሾ
\q2 ኤንቲ ጎዳ ጋላቶ።
\q1
\v 16 እ ናሰ ብራታ ፐንገታ መንስ፤
\q2 ብራታ ካሶታ ቃንፅስ።
\q1
\v 17 እሶት እሶት ኤያ ግድዶሶና፤
\q2 ባንታ ኦዳ ናጋራ ጋሶን
\q2 ባንታ ኢታተ ጋሶን መቶትዶሶና።
\q1
\v 18 ኤንቲ ካ እፅዳ ግሾ
\q2 ሀይቆስ ጋክዶሶና።
\q1
\v 19 ኤንቲ መቶትዳ ዎደ፥
\q2 ጎዳኮ ዋስዶሶና፤
\q2 እ ኤንታ ዋያፐ ኤንታ አሽስ።
\q1
\v 20 እ ባ ቃላ ኪትድ ኤንታ ፓስ፤
\q2 ዱፎፐ ኤንታ አሽስ።
\q1
\v 21 እያ ሲቁዋ ግሾነ
\q2 እ ኤንታዉ ኦዳ ማላልስያ ኦሱዋ ግሾ
\q2 ኤንቲ ጎዳ ጋላቶ።
\q1
\v 22 ኤንቲ እያዉ ጋላታ ያርሾ ሺሾ፤
\q2 ኡፋይሳ የን እያ ኦሱዋ ኦዶ።
\q1
\v 23 እሶት እሶት ማርካበን አባ ቦላራ ብዶሶና፤
\q2 አባ ቦላ ባንታ ኦሱዋ ኦዶሶና።
\q1
\v 24 ኤንቲ ጎዳ ኦሱዋ በእዶሶና፤
\q2 ጪሞ አባን ኦዳ ማላልስያባ ፄልዶሶና።
\q1
\v 25 እ ኪትዳ ዎደ ጎተይ ደንድስ፤
\q2 አባ ዙለይ ቃፅስ።
\q1
\v 26 ኤንቲ ፑደ ደንድዶሶና፤
\q2 ዱገ ጪሞን ዎዶሶና፤
\q2 ኢታ መቶይ ጋክን ኤንታ ዎዛናይ ትልእስ።
\q1
\v 27 ኤንቲ ማትዳ አሳዳ
\q2 በትድ ጋንድጋርዶሶና፤
\q2 ኤንታ ኤራይ ማይስ።
\q1
\v 28 ኤንቲ መቶትዳ ዎደ፥
\q2 ጎዳኮ ዋስዶሶና፤
\q2 እ ኤንታ ዋያፐ ኤንታ አሽስ።
\q1
\v 29 እ ጎትያ ስእ ኦስ፤
\q2 አባ ቤታ ስርጵ ኦስ።
\q1
\v 30 ስእ ግዳ ግሾ ኡፋይትዶሶና፤
\q2 ኤንቲ ኮይዳ ካታማ ጎዳይ ጋስ።
\q1
\v 31 እያ ሲቁዋ ግሾነ
\q2 እ ኤንታዉ ኦዳ ማላልስያ ኦሱዋ ግሾ
\q2 ኤንቲ ጎዳ ጋላቶ።
\q1
\v 32 ደርያ ሺቁዋን እያ ግታተ አዋጆ፤
\q2 ጭማታ ዱላታን እያ ጋላቶ።
\q1
\v 33 ጎዳይ ሻፋታ መልስስ፤
\q2 ፑልቶት ጎጎናዳ ተቅስ።
\q1
\v 34 ሄ በሳን ደእያ አሳ ኢታተ ግሾ፥
\q2 አራዳ ቢታ ቁኤ ከስስ።
\q1
\v 35 እ መላ ቢታን ሃ ኤልስስ፤
\q2 መላ ቢታን ፑልቶይ ቃናዳ ኦስ።
\q1
\v 36 ኮሻትዳ አሳ ሄ በሳን ዎስ፤
\q2 ባንታዉ ዳና ካታማ ያን ኬፅዶሶና።
\q1
\v 37 ኤንቲ ባንታ ጎሻን ዘርዶሶና፤
\q2 ዎይነ ቶክዶሶና፤
\q2 ዳሮ ሙሩቶ ሺሽዶሶና።
\q1
\v 38 እ ኤንታ አንጅን ኤንቲ ዳርዶሶና፤
\q2 ኤንታ መህያ ታይቡዋ ጉቤና።
\q1
\v 39 ኤንቲ ፆነትያ ዎደነ ኡንኤትያ ዎደ፥
\q2 መቶንነ አዛኖን ካዉይያ ዎደ፥
\q1
\v 40 ጎዳይ ኤንታ ሀላቃታ ካዉሽስ፤
\q2 መላ ቢታን ቶይላታና መላ ኦስ።
\q1
\v 41 ሽን ማንቆታ መቶፐ ከስስ፤
\q2 ኤንታ ሶ አሳ ዶርሳ ዉደዳ ዳርስስ።
\q1
\v 42 ሱረ አሳይ ሄሳ በእድ ኡፋይቶሶና፤
\q2 ሽን ኢታ አሳይ ዬላትድ ስእ ጎሶና።
\q1
\v 43 ጭንጫት ሀይሳ ኡባ አኬኮ፤
\q2 ጎዳ ሲቁዋ ቆፖ።
\c 108
\s1 ፆሳይ ኑ ባጋ
\d ዳዊታ ማዝሙረ
\q1
\v 1 ታ ዎዛናይ ምንድ ደኤስ፤
\q2 አቤት ፆሳዉ፥ ታ ዎዛናይ ምንድ ደኤስ።
\q2 ታ ነዉ የፃና፤ ነና ሳባና።
\q1
\v 2 ታ ሸምፐ፥ ባርካ፤
\q2 ዲነ ማስንቆይ ደንዳ፤
\q2 ታ ዎንታ ጉራ ደንዳና።
\q1
\v 3 አቤት ጎዳዉ፥ ታ ነና አሳ ግዶን ጋላታና፤
\q2 ካዎተ ግዶን ነና ሳባና።
\q1
\v 4 ነ መርና ሲቆይ ሳሎፐ ቃ፤
\q2 ነ አማነተይ ሻራፐ ቃ።
\q1
\v 5 አቤት ፆሳዉ፥ ሳሎፐ ቦላራ ነ ቁ ቁ ጋ፤
\q2 ነ ቦንቾይ ሳአ ኡባ ቦላ ግዶ።
\q1
\v 6 ነ ዶሰይሳት አታና መላ፥
\q2 ነ ኡሻቻ ኩሸን ኑና አሻ፤
\q2 ኔኒ ታ ዎሳ ስአ።
\q1
\v 7 ፆሳይ ባ ጌሻ በሳን ሀይሳዳ ያግስ፤
\q2 “ታ ፆናዳ ሴከማ ሻካና፤
\q2 ሱኮታ ዛንጋራ ግሻና።
\q1
\v 8 ጋላድነ ምናሰይ ታባ፤
\q2 ኤፍሬም ታ ሁጰን ዎያ ኡከ፤
\q2 ይሁድ ታ ካዎታ ፃምኣ።
\q1
\v 9 ሞአበይ ታ ሜጨትያ ጋባተ፤
\q2 ኤዶመይ ታባ ግደይሳ ኤርሳናዉ
\q2 ታ ጫማ እያ ቦላ ዎና።
\q2 ፍልስፄመ ፆናዳ ገሬራና” ያግስ።
\q1
\v 10 ጎዳዉ፥ ግምበትዳ ካታማኮ፥ ታና ኤፋናይ ኦኔ?
\q2 ኤዶመ ጋካናዉ ታና ካለናይ ኦኔ?
\q1
\v 11 አቤት ፆሳዉ፥ ኑና አግዳይ ነና ግድኪ?
\q2 አቤት ፆሳዉ፥ ነ ኑ ቶራንቾታራ ኦላስ ከያካ።
\q1
\v 12 አሳ ማዶይ ፓና ግሾ፥
\q2 ሞርክያ ኦላናዉ ነ ኑና ማዳ።
\q1
\v 13 ፆሳ ዎልቃን ኑ ሞርከታ ፆናና፤
\q2 ኑ ሞርከታ ካዉሻናይ እያ።
\c 109
\s1 ታ ፆሳዉ ታና አሻ
\d ዳዊታ ማዝሙረ
\p
\v 1 አቤት ታ ነና ጋላትያ ፆሳዉ፥
\q2 ነ ታዉ ስእ ጎፓ።
\q1
\v 2 ኢታ አሳትነ ዎርዳንቾት፥
\q2 ባንታ ዶና ታ ቦላ ዶይዶሶና፤
\q2 ባንታ ዎርዶ እንፃርሳን ታ ቦላ ሃሳዮሶና።
\q1
\v 3 እፆን ታ ዩሹዋ ተቅዶሶና፤
\q2 ጋሶይ ባይና ታና ኦልዶሶና።
\q1
\v 4 ታ ኤንታ ዶሳይስነ ኤንታዉ ዎሳይስ፤
\q2 ግዶሽን፥ ኤንቲ ታና ሞቶሶና።
\q1
\v 5 ታ ሎኦ ኦን፥ ታዉ ኢታ ዛሮሶና፤
\q2 ታ ኤንታ ዶስን፥ ኤንቲ ታና እፆሶና።
\q1
\v 6 ታ ሞርክያ ቦላ ኢታ ዳይና ሹማ፤
\q2 ሞታንቾይ እያ ኡሻቻን ኤቆ።
\q1
\v 7 እያ ፕልግያ ዎደ እ ባላ ግድድ በንቶ፤
\q2 እያ ዎሳይ እያዉ ጎመ ግዶ።
\q1
\v 8 እያ ላይይ ቃሞ፤
\q2 እያ ሹማተ ሀር ኤኮ።
\q1
\v 9 እያ ናይት ይኦ ግዶ፤
\q2 እያ ማችያ አምኦ ግዶ።
\q1
\v 10 እያ ናይት ዎሳንቾ ግድድ ቶይላቶ፤
\q2 ባንታ ደእያ ሁምፓ ኬፈ ጎደቶ።
\q1
\v 11 እያ ሻሎ ኡባ አጮይ ኦይኮ፤
\q2 እ ዳቡርድ ከስዳባ ኡባ አላግ ቦንቆ።
\q1
\v 12 ኦንካ እያዉ ኬሆፖ፤
\q2 እያ ናይታስ ቃትያ አስ በንቶፎ።
\q1
\v 13 እያ ናይት ኡባይ ሀይቅድ ዉሮ፤
\q2 ካልያ የለተን እያ ሱንይ ዶገቶ።
\q1
\v 14 እያ አዋታ ናጋራይ ጎዳ ስንን ቆፈቶ፤
\q2 እያ አየ ናጋራይ ቁሸቶፎ።
\q1
\v 15 ጎዳይ ኤንታ ናጋራ ኡባ ዎደ ቆፖ፤
\q2 ኤንቲ ሳአ ቦላ ሀሳየቶፎ።
\q1
\v 16 እ ኬሀ ኦናዉ ፖሎ ቆፕቤና፤
\q2 ማንቆታ፥ መቶታንቾታ፥
\q2 ቆሄትዳይሳታ ጎድድ ዎስ።
\q1
\v 17 እ ባዳናዉ ዶስዳ ግሾ፥
\q2 እ ባደትዳይሳ ግዶ።
\q2 እ አንጃናዉ ዶሶና ግሾ፥
\q2 እያ አንጆይ እያፐ ሃክስ።
\q1
\v 18 ባደ እያ አፍላዳ ማእስ፤
\q2 እያ ባደ ሃዳ እያ ቦላ ላክስስ፤
\q2 ዛይተዳ እያ መቀ ግዶ ገሎ።
\q1
\v 19 አፍላዳ እያ ካሞ፤
\q2 ዳንጮዳ ኡባ ዎደ እያ ፄሳን ደኦ።
\q1
\v 20 ሀ ታና ሞተይሳነ
\q2 ታ ቦላ ኢታ ኦደተይሳታ
\q2 ጎዳይ ሄሳዳ ኦድ ሴሮ።
\q1
\v 21 ሽን አቤት ኡባ ሃርያ ጎዳዉ፥
\q2 ነ ሱን ግሾ ታና ማዳ።
\q1 ነ መርና ሲቁዋነ
\q2 ነ ኬሀተ ግሾ ታና አሻ።
\q1
\v 22 ታኒ ማንቆነ መቶታንቾ አስ፤
\q2 ታ ዎዛናይ ማዱንፅስ።
\q1
\v 23 ታ ኦማርሳ ኩያዳ ያና ሀናይስ፤
\q2 ታ ቦለዳ ቆቆፈታስ።
\q1
\v 24 ፆማን ታ ጉልባታይ ዳቡርስ፤
\q2 ታ አሳተይ ላፍን መቀ አትስ።
\q1
\v 25 ታና ሞተይሳታስ ቀልቅሰስ አታስ፤
\q2 ታና በእድ፥ ባንታ ሁጵያ ቃሶና።
\q1
\v 26 አቤት ጎዳዉ ታ ፆሳዉ፥ ታና ማዳ፤
\q2 መርና ነ ሲቁዋዳ ታና አሻ።
\q1
\v 27 ነ ኩሸይ ሀይሳ ኦዳይሳነ፥
\q2 ነ ሀይሳ ኦዳይሳ ታ ሞርከት ኤሮ።
\q1
\v 28 ኤንቲ ታና ባዶሶና፥ ሽን ነ ታና አንጃና፤
\q2 ታና ጎደይሳት ዬላቶ፤ ሽን ነ ታና ኡፋይሳ።
\q1
\v 29 ታና ሞተይሳት ዬላ ማኦ፤
\q2 ባንታ ካዉሻ አፍላዳ ማኦ።
\q1
\v 30 ታኒ ታ እንፃርሳን ጎዳ ጋላታና፤
\q2 ደርያ ሺቁዋን እያ ሳባና።
\q1
\v 31 እ ማንቆታ ግሾ ሞተቴስ፤
\q2 ሀይቆስ ፕርደትዳይሳታ አሼስ።
\c 110
\s1 ፆሳይ ታ ምየና
\d ዳዊታ ማዝሙረ
\p
\v 1 ጎዳይ ታ ጎዳ፥ “ታ ነ ሞርከታ ነ ቶሆይ
\q2 የያ በሲ ኦና ጋካናዉ፥
\q2 ሀይሳን ታፐ ኡሻቻ ባጋን ኡታ” ያግስ።
\q1
\v 2 ጎዳዉ ነ ምኖተ ፃምአ ፅዮነፐ የዳ፤
\q2 “ነ ሞርከታ ሃራ” ያጋና።
\q1
\v 3 ነ ሃርያ ጋላስ ነ ደረይ ዶስድ ነዉ ሃረታና፤
\q2 ነ ጌሻ ማኡዋ ማአዳ፥
\q2 ዎንታ ፃልቀዳ ነ ኩመ ዎልቃን ጶላና።
\q1
\v 4 ጎዳይ፥ “ማልከፃደቅ ካህነ ግድዳይሳዳ፥
\q2 ነ መርናዉ ካህነ ግዳና” ያግድ ጫቅስ፤
\q2 እያ ጫቆይ ላመተና።
\q1
\v 5 ጎዳይ ነ ኡሻቻን ደኤስ፤
\q2 ባ ሀንቁዋ ጋላስ ካዎታ ትንቸረና።
\q1
\v 6 እ ካዎተታ ቦላ ፕርዳና፤
\q2 ኦላ ደንባታ አሀ ፃላላ ኦና፤
\q2 ቢታ ኡባን ደእያ ካዎታ ይሳና።
\q1
\v 7 ካዎይ ኦገ ላንቀን ደእያ ፑልቱዋፈ ኡይድ፥
\q2 እ ባ ሁጵያ ቁ ኦና።
\c 111
\s1 ፆሳ ጋላትተ
\p
\v 1 ጎዳ ጋላትተ፤
\q2 ሱረታ ሺቆን
\q2 ታ ኩመ ዎዛናን ጎዳ ጋላታና።
\q1
\v 2 ጎዳ ኦሶት አይ መላ ግተ!
\q2 ኤንታን ኡፋይትያ ኡባይ ኤንታ ቆፔስ።
\q1
\v 3 እያ ኦሶት ቦንቾንነ ቴማን ኩምስ፤
\q2 እያ ፅሎተይ መርናዉ ደኤስ።
\q1
\v 4 እያ ማላልስያ ኦሶይ ሀሳየትሸ ዳናዳ ኦስ፤
\q2 እ ኬሀነ ቃትያ ጎዳ።
\q1
\v 5 ባዉ ያየይሳታስ ካ እሜስ፤
\q2 ባ ጫቆ ቃላ መርናዉ ባለተና።
\q1
\v 6 አላጋታ ቢታ ባ አሳስ አድ እምድ፥
\q2 ባ ግታ ዎልቃ ባ አሳ በስስ።
\q1
\v 7 እያ ኩሸ ኦሶት ቱማነ ሱረ፤
\q2 እያ ዎጋ ኡባይ አማነትዳይሳ።
\q1
\v 8 ኤንቲ መርናዉ ኤቅድ ደኦሶና፤
\q2 ቱማተንነ ሱረተን እመትዶሶና።
\q1
\v 9 እ ባ አሳ ዎዝስ፤
\q2 ጫቁዋ ኤንታራ መርናዉ ኤስስ፤
\q2 እያ ሱንይ ጌሽነ ያሸይሳ።
\q1
\v 10 ጭንጫተስ ኮይሮይ ጎዳስ ያሽ፤
\q2 እያ ዎጋ ናገይሳታስ ሎኦ አኬክ ደኤስ።
\q2 ጎዳይ መርናዉ ጋላተቶ!
\c 112
\s1 ፅሎይ ቃፀና
\p
\v 1 ጎዳ ጋላትተ፤
\q2 ጎዳስ ያየይስነ
\q2 እያ ኪታ ናገይስ አንጀትዳይሳ።
\q1
\v 2 እያ ናይት ቢታን ዎልቃማ ግዳና፤
\q2 ሱረ አሳ የለታይ አንጀታና።
\q1
\v 3 ሻሎይነ ዱረተ እያ ኬን ደኤስ፤
\q2 እያ ፅሎተይ መርናዉ ዳና።
\q1
\v 4 ኬሀ፥ ፅሎነ ቃትያ አሳስ፥
\q2 ማ ግዶን ፖኦይ ፖኤስ።
\q1
\v 5 ኬሀተን ጮ ታልእያ ኡራስ፥
\q2 ባ ኦሱዋ ሱረተን ኦያ ኡራስ
\q2 ኬሀባይ ያና።
\q1
\v 6 ፅሎ አስ አዉደካ ኩንደና፤
\q2 እ መርናዉ ሀሳየታና።
\q1
\v 7 እያ ዎዛናይ ህርጎና ግሾነ
\q2 እ ጎዳን አማነትያ ግሾ፥
\q2 ኢታባ ስእኮካ እ ዳጋመና፤
\q1
\v 8 እያ ዎዛናይ ምኖ ግድያ ግሾ ያየና፤
\q2 ዉርሰን እያ ሞርከት ፆነትን በአና።
\q1
\v 9 እ ማንቁዋስ ዳርስድ እሜስ፤
\q2 እያ ፅሎተይ መርናዉ ደኤስ፤
\q2 እያ ካጨይ ቦንቾን ቁ ቁ ጋና።
\q1
\v 10 ኢታ አስ ሄሳ በእድ ይሎቴስ፤
\q2 መተርሸ ሳፅሸ ጮ ዬስ፤
\q2 ኢታ አሳ አሞይ ጮ አታና።
\c 113
\s1 ኑ ፆሳ መል ኦኔ?
\q1
\v 1 ጎዳ ጋላትተ፤
\q2 ህንተኖ፥ ጎዳ አይለቶ፥
\q2 ጎዳ ሱን ጋላትተ።
\q1
\v 2 ጎዳ ሱንይ፥
\q2 ሀችፈ መርና ጋካናዉ ጋላተቶ።
\q1
\v 3 አዋይ ዶልያሱዋፐ ዉልያሱዋ ጋካናዉ፥
\q2 ጎዳ ሱንይ ጋላተቶ።
\q1
\v 4 ጎዳይ ካዎተ ኡባ ሃሬስ፤
\q2 እያ ቦንቾይ ሳሉዋፐ ቃ።
\q1
\v 5 ጎዳ ኑ ፆሳ መል ኦኔ?
\q2 እ ቦላ ቃን ባ አራታን ኡትስ።
\q1
\v 6 እ ሳሎታነ ሳኣ በአናዉ
\q2 ዱገ ሆኬስ።
\q1
\v 7 እ ማንቁዋ ባናፐ ቁ ኦስ፤
\q2 መቶታንቹዋ ብዶፐ ደንስ።
\q1
\v 8 ሞርናታራ ላገ ኦስ፤
\q2 ሀላቃታራ ቃ በሳን ኡትሴስ።
\q1
\v 9 ማይን ማጫስዉ ናይታ አዮ ኦድ፥
\q2 ኡፋይስድ እ ኬን እዮ ቦንችሴስ።
\b
\p ጎዳ ጋላትተ!
\c 114
\s1 እያ ስንን ያሻን ኮኮርተ
\q1
\v 1 እስራኤለ አሳይ ግብፀ ቢታፈ ከይዳ ዎደ፥
\q2 ያይቆባ ሼሻይ አላጋ ቃላን፥
\q2 ሃሳያ አሳ አግድ ብዳ ዎደ፥
\q1
\v 2 ይሁዳ አሳይ ጎዳስ ጌሻ አስ ግድስ፤
\q2 እስራኤለ አሳይ እያዉ ሃረትስ።
\q1
\v 3 አባይ ሄሳ በእድ ባቃትስ፤
\q2 ዮርዳኖሰ ሻፋይ ጉየ ስምስ።
\q1
\v 4 ደረት ዴሻዳ ጉፕዶሶና፤
\q2 ዙማት ዶርሳ ማራዳ ዶዝግዶሶና።
\q1
\v 5 አባዉ፥ ነ አይስ ባቃታዲ?
\q2 ዮርዳኖሰ፥ ነ አይስ ጉየ ስማዲ?
\q1
\v 6 ደረቶ፥ ዴሻዳ አይስ ጉፕደቲ?
\q2 ዙማቶ፥ ዶርሳዳ አይስ ዶዝግደቲ?
\q1
\v 7 ነኖ ቢታዉ፥ ጎዳ ስንን፥
\q2 ያይቆባ ፆሳ ስንን ኮኮራ።
\q1
\v 8 እ ዛላ ኤለ ሃ ከሴስ፤
\q2 ምኖ ዛላ ሃ ፑልቶ ኦስ።
\c 115
\s1 ኑ ፆሳይ ዱማ
\q1
\v 1 አቤት ጎዳዉ፥ ኑ ግሾ ግዶናሽን፥
\q2 ነ ሲቁዋነ ነ አማነተ ግሾ፥
\q2 ነ ሱን ቦንቻ።
\q1
\v 2 አይስ ካዎተት፥
\q2 “ኤንታ ፆሳይ አዉኔ?” ያጋኔ?
\q1
\v 3 ኑ ፆሳይ ሳሎን ደኤስ፤
\q2 ባ ዶስዳባ ኡባ ኦስ።
\q1
\v 4 ሽን ኤንታ ኤቃት አሰ ኩሸን ኦሰትዶሶና፤
\q2 ኤንቲ ብራፐነ ዎርቃፈ መትዶሶና።
\q1
\v 5 ኤንታዉ ዶን ደኤስ፥ ሽን ሃሳዮኮና፤
\q2 አይፈይ ደኤስ፥ ሽን ፄሎኮና።
\q1
\v 6 ኤንታዉ ሀይ ደኤስ፥ ሽን ስኦኮና፤
\q2 ሲይ ደኤስ፥ ሽን ስንጎኮና።
\q1
\v 7 ኤንታዉ ኩሸይ ደኤስ፥ ሽን ቦች ኤሮኮና፤
\q2 ቶሆይ ደኤስ፥ ሽን ሄመቶኮና፤
\q2 ኤንታ ሲፅናራ ኮሽንች ከየና።
\q1
\v 8 ኤንታ መይሳትነ
\q2 ኤንታ አማነተይሳት ኤንታ መላ ግዶ።
\q1
\v 9 እስራኤለ አሳዉ፥ ጎዳን አማነትተ፤
\q2 ህንተና ማደይነ ህንተ ጎንዳለይ እያ።
\q1
\v 10 አሮና ኬ አሳዉ፥ ጎዳን አማነትተ፤
\q2 ህንተና ማደይነ ህንተ ጎንዳለይ እያ።
\q1
\v 11 ጎዳስ ያየይሳቶ፥ ጎዳን አማነትተ፤
\q2 ህንተና ማደይነ ህንተ ጎንዳለይ እያ።
\q1
\v 12 ጎዳይ ኑና ቆፔስ፤ እ ኑና አንጃና፤
\q2 እ እስራኤለ አሳ አንጃና፤
\q2 እ አሮና ኬ አሳ አንጃና።
\q1
\v 13 ጎዳስ ያየይሳታ፥
\q2 እ ጉ ግታ አንጃና።
\q1
\v 14 ጎዳይ ህንተና ዳርሶ፤
\q2 ህንተናነ ህንተ ናይታ አንጆ።
\q1
\v 15 ሳሉዋነ ሳኣ መዳ
\q2 ጎዳይ ህንተና አንጆ።
\q1
\v 16 ሳሎይ ፆሳባ፤
\q2 ሽን ሳአ አሳስ እሚስ።
\q1
\v 17 ሀይቅዳይሳት ጎዳ ጋላቶኮና፤
\q2 ዱፎን ዝንእዳይሳት እያ ሳቦኮና።
\q1
\v 18 ሽን ኑኒ፥ ደኦን ደኤይሳት፥
\q2 ሀችፈ መርና ጋካናዉ፥
\q2 ጎዳ ጋላቶስ።
\q2 ጎዳ ጋላትተ።
\c 116
\s1 ሀይቆፐ አትዳ አሳ ጋላታ
\p
\v 1 ጎዳይ ታ ዋሱዋነ ታ ዎሳ ስእዳ ግሾ፥
\q2 ታኒ እያ ዶሳይስ።
\q1
\v 2 እ ባ ሀይ ታኮ ዛርዳ ግሾ፥
\q2 ታ ደኦ ላይ ኡባን እያ ፄጋና።
\q1
\v 3 ሀይቆይ ፅሄዳ ታና ተቅስ፤
\q2 ዱፎ ህርጋይ ታና ኦይክስ፤
\q2 ኡንእነ መቶይ ታና ቃችስ።
\q1
\v 4 ሄ ዎደ፥ “አቤት ጎዳዉ፥ ታና አሻ”
\q2 ያጋዳ ጎዳ ሱን ፄጋስ።
\q1
\v 5 ጎዳይ ኬሀነ ፅሎ፤
\q2 ኑ ፆሳይ ቃቴስ።
\q1
\v 6 ጎዳይ አሽከታ ናጌስ፤
\q2 ታ መቶትዳ ዎደ ታና አሽስ።
\q1
\v 7 ጎዳይ ነዉ ኬሀ ግድያ ግሾ፥
\q2 ህዛ ታ ሸምፐ፥ ዎፑ ጋ።
\q1
\v 8 ጎዳይ ታ ሸምፑዋ ሀይቆፐ፥
\q2 ታ አይፍያ አፉፈ፥
\q2 ታ ቶሁዋ በፐ አሽስ።
\q1
\v 9 ታኒ ደኦን ደኤይሳታ ግዶን፥
\q2 ጎዳ ስንን ሄመታይስ።
\q1
\v 10 ታኒ፥ “ዳሮ ዋየታስ” ግዳ ዎደ፥
\q2 ታ አማኑዋ አጋብከ።
\q1
\v 11 ታዉ ሳእ ሀድርዳ ዎደ፥
\q2 “አስ ኡባይ ዎርዳንቾ” ያጋስ።
\q1
\v 12 እ ታዉ ኬህዳ ኬሀተ ግሾ
\q2 ጎዳስ አይ ቃንፃናዉ ዳንዳእያና?
\q1
\v 13 ጎዳይ ታና አሽዳ ግሾ ጋላታና፥
\q2 ፁአ ዎይነ ኡሻ ያርሾ ኦዳ ሺሻና።
\q1
\v 14 እያ አሳ ኡባ ስንን
\q2 ታ ቃንገ ጎዳስ ጋና።
\q1
\v 15 ጌሻታ ሀይቆይ
\q2 ጎዳ ስንን፥ ዳሮ አልኦ።
\q1
\v 16 አቤት ጎዳዉ፥ ታኒ ነ አይለ፤
\q2 ታኒ ነ አይለ፥ ነ ጋንደ ናኣ፤
\q2 ታና ቃሾፐ ነ ብርሻዳሳ።
\q1
\v 17 ጎዳዉ፥ ታ ጋላታ ያርሾ ነዉ ያርሻና፤
\q2 ነ ሱን ፄጋና።
\q1
\v 18 አሳ ኡባ ስንን
\q2 ታ ቃንገ ጎዳስ ጋና።
\q1
\v 19 የሩሳላመን ደእያ ፆሳ ኬ ዳባባን፥
\q2 ታ ቃንገ ጋና።
\q2 ጎዳ ጋላትተ።
\c 117
\s1 ሃ ዪተ ጎዳ ጋላታና
\q1
\v 1 ካዎተት ኡባይ ጎዳ ጋላትተ፤
\q2 አሳ ኡባይ እያ ሳቢተ።
\q1
\v 2 እያ ሲቆይ ኑስ ምኖ፤
\q2 እያ አማነተይ መርናሳ።
\q2 ጎዳ ጋላትተ።
\c 118
\s1 እያ ሲቆይ መርናሳ
\p
\v 1 ጎዳይ ኬሀ ግድያ ግሾ ጋላትተ፤
\q2 እያ ሲቆይ መርናሳ።
\q1
\v 2 እስራኤለ አሳይ፥
\q2 “እያ ሲቆይ መርናሳ” ያጎ።
\q1
\v 3 አሮና ኬ አሳይ፥
\q2 “እያ ሲቆይ መርናሳ” ያጎ።
\q1
\v 4 ጎዳስ ያይያ ኡባይ፥
\q2 “እያ ሲቆይ መርናሳ” ያጎ።
\q1
\v 5 ታ ኡንኤትዳ ዎደ ጎዳኮ ዋሳስ፤
\q2 እ ታ ዋሱዋ ስእድ ታና ላአ ከስስ።
\q1
\v 6 ጎዳይ ታራ ደእያ ግሾ ታ ያይከ፤
\q2 አስ ታና አይ ኦኔ?
\q1
\v 7 ጎዳይ ታና ማዳናዉ ታራ ደኤስ፤
\q2 ታ ሞርከታ ፆነተ ታ በአና።
\q1
\v 8 አሳን አማነታናፐ
\q2 ጎዳን ጌምድ አተይስ ሎኦ።
\q1
\v 9 ግታ አሳን አማነታናፐ
\q2 ጎዳን ጌምድ አተይስ ሎኦ።
\q1
\v 10 ካዎተት ኡባይ ታና ተቅድ ኦይክዶሶና፤
\q2 ሽን ጎዳ ሱንን ታ ኤንታ ፆናስ።
\q1
\v 11 ኤንቲ ታ ዩሹዋ ተቅዶሶና፤
\q2 ሽን ጎዳ ሱንን ታ ኤንታ ፆናስ።
\q1
\v 12 ኤንቲ ታ ዩሹዋ ማዳ ተቅዶሶና፤
\q2 ሽን ቡረይ ታማን ኤፀይሳዳ ኤፅድ ይዶሶና፤
\q2 ጎዳ ሱንን ታ ኤንታ ይሳስ።
\q1
\v 13 ታኒ ሱገታዳ ኩንዳናዉ ጋካስ፤
\q2 ሽን ጎዳይ ታና ማድስ።
\q1
\v 14 ጎዳይ ታ ምኖተነ የ፤
\q2 እ ታና አሸይሳ ግድስ።
\q1
\v 15 ፅሎታ ዱንካንያን ኦላ ፆንድ፥
\q2 ስምያ አሳ ኡፋይሳስ ግያባ ስእተ፤
\q2 ጎዳ ኡሻቻ ኩሸይ ግታባ ኦስ።
\q1
\v 16 ጎዳ ኡሻቻ ኩሸይ ፆኖ እሚስ፤
\q2 ጎዳ ኡሻቻ ኩሸይ ግታባ ኦስ።
\q1
\v 17 ታኒ ሀይቅከ፤ ደኦን ዳና፤
\q2 ጎዳይ ኦዳባ አዋጃና።
\q1
\v 18 ጎዳይ ታና ኢታ ሴራ ሴርስ፤
\q2 ሽን ሀይቆስ አድ እምቤና።
\q1
\v 19 ታኒ ግዶ ገላዳ ጎዳ ጋላታና መላ፥
\q2 ፅሎተ ፐንገታ ታዉ ዶይተ።
\q1
\v 20 ሀይስ ጎዳ ፐንገ፤
\q2 ፅሎት እያራ ገሎሶና።
\q1
\v 21 ጎዳዉ፥ ነ ታና ስእዳ ግሾነ
\q2 ታዉ ፆኖ እምዳ ግሾ ታ ነና ጋላታይስ።
\q1
\v 22 ግምበይሳት ካድ የግዳ ሹቻይ፥
\q2 ጎዳ ፃጱዋ ምንያ ሹቹ ግድስ።
\q1
\v 23 ሀይስ ጎዳ ኦሶ፤
\q2 ኑ አይፍያስ ማላልስያባ።
\q1
\v 24 ሀይስ ጋላሳይ ጎዳይ ኦዳ ጋላስ፤
\q2 አነ ኑኒ እያን ኡፋይቶስነ እልሎስ።
\q1
\v 25 ጎዳዉ፥ ሀእ ኑና አሻ፤
\q2 ጎዳዉ፥ ሀእ ኑስ እንጀያ።
\q1
\v 26 ጎዳ ሱንን ያ አስ አንጀትዳይሳ ግዶ፤
\q2 ኑኒ ፆሳ ኬፈ ህንተና አንጆስ።
\q1
\v 27 ጎዳይ ፆሳ፤ እ ኑ ቦላ ፖእስስ፤
\q2 ያርሾ በሳን ደእያ ካጭያኮ ከይተ፤
\q2 እርፃ ታሸ ኦይክድ ባኣለ ቦንችተ።
\q1
\v 28 ኔኒ ታ ፆሳ፤ ታ ነና ጋላታና፤
\q2 ኔኒ ታ ፆሳ፤ ታ ነና ሳባና።
\q1
\v 29 ጎዳይ ኬሀ ግድያ ግሾ እያ ጋላትተ፤
\q2 እያ ሲቆይ መርናሳ።
\c 119
\s1 ነ ህገይ ታ ቶሁዋስ ፖኦ
\qa አሌፍ
\p
\v 1 ባንታ ኦግያን ቦረይ ባይናይሳትነ
\q2 ጎዳ ዎጋዳ ሄመተይሳት አንጀትዳይሳታ።
\q1
\v 2 እያ ኪታ ናገይሳትነ
\q2 ባንታ ኩመ ዎዛናን
\q2 እያ ኮየይሳት አንጀትዳይሳታ።
\q1
\v 3 ኤንቲ ባላ ኦድ ኤሮኮና፤
\q2 ጎዳ ኦግያን ሄመቶሶና።
\q1
\v 4 ነ ኪታ አማነትድ ናጋና መላ፥
\q2 ኔኒ ኑና ኪታዳሳ።
\q1
\v 5 ነ ዎጋ ናጋዳ
\q2 ታ ኦገይ ምናና መላ ኮያይስ።
\q1
\v 6 ነ ኪታ ኡባ አኬካዳ፥
\q2 ታ ፖሎ ዬላትከ።
\q1
\v 7 ነ ፅሎ ፕርዳ ታ ታማርዳ ዎደ፥
\q2 ታ ነና ሱረ ዎዛናን ጋላታና።
\q1
\v 8 ታ ነ ህግያ ናጋና፤
\q2 ታና ፖሎ የጎፋ።
\qa ቤት
\q1
\v 9 ያላጋይ ባ ኦግያ ዋትድ፥
\q2 ጌሻተን ናጋናዉ ዳንዳኢ?
\q2 ነ ቃላ ኪተትኮ ዳንዳኤስ።
\q1
\v 10 ታ ኩመ ዎዛናን ነና ኮያስ፤
\q2 ነ ኪታፐ ካረ ከዮናዳ ታና ናጋ።
\q1
\v 11 ታኒ ነ ቦላ ናጋራ ኦና መላ
\q2 ነ ቃላ ታ ዎዛናን ቆሳስ።
\q1
\v 12 አቤት ጎዳዉ፥ ነ ጋላተታ፤
\q2 ነ አዋጁዋ ታና ታማርሳ።
\q1
\v 13 ነ ዶናፐ ከይያ ፕርዳ ኡባ
\q2 ታኒ ታ እንፃርሳን ኦዳና።
\q1
\v 14 ዱረተን ኡፋይተይሳፈ አዳ፥
\q2 ታ ነ ህግያን ኡፋይታይስ።
\q1
\v 15 ነ ዎጋታ ዛራ ዛራዳ ቆፓይስ
\q2 ነ ኦግያ ሎይዳ አኬካይስ።
\q1
\v 16 ታኒ ነ ህግያን ኡፋይታይስ፤
\q2 ነ ቃላ ዶግከ።
\qa ጋመል
\q1
\v 17 ታኒ ደኦን ዳና መላነ ነ ቃላ ኪተታና መላ
\q2 ታዉ ነ አይልያስ ሎኦባ ኦ።
\q1
\v 18 ነ ህግያን ደእያ ማላልስያ ቱማተ
\q2 ታ በአና መላ ታ አይፍያ ዶያ።
\q1
\v 19 ታኒ ሀ ሳአን እማ፤
\q2 ነ ኪታ ታፐ ገንፋ።
\q1
\v 20 ታ ሸምፕያ ኡባ ዎደ
\q2 ነ ፕርዳ ላሞታሸ ሀይቃሱ።
\q1
\v 21 ኦቶረይሳታ፥ ባደትዳይሳታነ፥
\q2 ነ ኪታፐ ካረ ከየይሳታ ነ ሴራሳ።
\q1
\v 22 ታኒ ኔኒ ኦድዳይሳ ኦዳ ግሾ፥
\q2 ኤንታ ጫሻነ ቦርያ ታ ቦላፈ ድጋ።
\q1
\v 23 ሀር አቶሽን ሀላቃት ሺቅድ፥
\q2 ታ ቦላ ማቀትኮካ፥
\q2 ታኒ፥ ነ ኦሳንቾይ፥
\q2 ነ አዋጁዋ ዛራ ዛራዳ ቆፓና።
\q1
\v 24 ነ ማርካተይ ታና ኡፋይሴስ፤
\q2 እ ታና ዞሬስ።
\qa ዳለት
\q1
\v 25 ታኒ ሀይቃና ሀናይስ፤
\q2 ነ ግዳ ቃላዳ ታና አሻ።
\q1
\v 26 ታኒ ታ ኦግያባ ነዉ ኦድን፥
\q2 ነ ታና ስአዳሳ፤
\q2 ህዛ ነ አዋጁዋ ታና ታማርሳ።
\q1
\v 27 ነ ዎጋ ታና አኬክሳ፤
\q2 ማላልስያ ኦሱዋ
\q2 ታኒ ዛራ ዛራዳ ቆፓና።
\q1
\v 28 አዛኖይ ዳርዳ ግሾ ታ ሸምፖይ ዳቡርስ፤
\q2 ኔኒ ግዳ ቃላዳ ታና ምን።
\q1
\v 29 ዎርዶ ኦገ ታፐ ሃሳ፤
\q2 ነ ኬሀተን ነ ህግያ ታና ታማርሳ።
\q1
\v 30 ታኒ ቱማ ኦገ ዶራስ፤
\q2 ነ ፕርዳ ሀይዛስ።
\q1
\v 31 አቤት ጎዳዉ፥ ታ ነ ህግያ ምንዳ ኦይካስ፤
\q2 ህዛ ታና ዬላዮፓ!
\q1
\v 32 ታ ዎዛና ላአ ከስዳ ግሾ፥
\q2 ታኒ ነ ህግያ ኦግያን ዎፃይስ።
\qa ሄ
\q1
\v 33 አቤት ጎዳዉ፥
\q2 ነ አዋጁዋ ብርሸ ታና ታማርሳ፤
\q2 ታኒ ዉርሰ ጋካናዉ እያ ናጋና።
\q1
\v 34 ታኒ ነ ህግያ ናጋና መላነ
\q2 ታ ኩመ ዎዛናፐ እያዉ ክተታና መላ፥
\q2 ነ ታዉ አኬካ እማ።
\q1
\v 35 ታኒ እያን ኡፋይትያ ግሾ፥
\q2 ነ ኪታ ኦግያን ታና ካለ፤
\q1
\v 36 ታ ዎዛና አሙዋኮ ግዶናሽን፥
\q2 ነ ህግያኮ ታና ዛራ።
\q1
\v 37 ፓናባ ፄሎና መላ፥
\q2 ታ አይፈታ ተቃ፤
\q2 ነ ኦግያን ታ ደኡዋ ኦራፅሳ።
\q1
\v 38 ነዉ ያያና መላ፥
\q2 ነ ገልዳ ቃላ፥ ታዉ ነ አይልያስ፥ ፖላ።
\q1
\v 39 ታና ያሽያ ጫሻ ታፐ ድጋ፤
\q2 ነ ፕርዳይ አይ መላ ሎኦ!
\q1
\v 40 ታኒ ነ ዎጋ ናጋናዉ አሞታይስ፤
\q2 ኔኒ ፅሎ ግድያ ግሾ፥
\q2 ታ ደኡዋ ኦራፅሳ።
\qa ዋዉ
\q1
\v 41 አቤት ጎዳዉ፥ ነ ሲቁዋ ታና በሳ፤
\q2 ኔኒ ገልዳ ቃላዳ ታና አሻ።
\q1
\v 42 ታኒ ነ ቃላን አማነትያ ግሾ፥
\q2 ታና ጫየይሳታ ዛራናዉ ዳንዳአይስ።
\q1
\v 43 ታኒ ነ ፕርዳ ኡፋይስ ኦዳ ግሾ፥
\q2 ታ እንፃርሳፈ ቱማተ ቃላ ይሶፋ።
\q1
\v 44 ታኒ መሪ መርናዉ
\q2 ነ ህግያ ኪተታና።
\q1
\v 45 ታኒ ነ ዎጋ ፖልያ ግሾ፥
\q2 አሆን ሄመታና።
\q1
\v 46 ታኒ ካዎታ ስንን ኤቃዳ፥
\q2 ኔኒ ግዳባ ኦዳሸ ዬላትከ።
\q1
\v 47 ታኒ ነ ኪታታ ዶሳይስ፥
\q2 ኤንታን ኡፋይታይስ።
\q1
\v 48 ታኒ ዶስያ ነ ኪታ ቦንቻይስ፤
\q2 ነ አዋጁዋ ዛራ ዛራዳ ቆፓና።
\qa ዛዉ
\q1
\v 49 ኔኒ ታዉ፥ ነ አይልያስ፥
\q2 እምዳ ቃላ ቆፓ፤
\q2 ነ ቃላን ታኒ ኡፋይስ ኦይስ።
\q1
\v 50 ነ ቃላይ ታና ደኦን ዎስ፤
\q2 እ መቶ ዎደ ታና ምንስ።
\q1
\v 51 ኦቶራንቾት ታና ልከፈ አድ ጫዮሶና፤
\q2 ሽን ታኒ ነ ህግያፈ ሸርእ ጊከ።
\q1
\v 52 አቤት ጎዳዉ፥
\q2 በንፐ ደእያ ነ ፕርዳ ታኒ ሀሳያይስ፤
\q2 ሄሳን ታኒ ምነታይስ።
\q1
\v 53 ኢታት ነ ህግያ ኪተቶናይሳ በእን፥
\q2 ታና ይሎይ ዎስ።
\q1
\v 54 ታኒ ደእያ አላጋ ቢታን
\q2 ነ አዋጆይ ታዉ የ ግድስ።
\q1
\v 55 አቤት ጎዳዉ፥
\q2 ታኒ ቃማ ነ ሱን ቆፓይስ፤
\q2 ነ ህግያ ናጋይስ።
\q1
\v 56 ታ ነ ዎጋ ናጋና፤
\q2 እ ታዉ ኦሶ ግድስ።
\qa ሄት
\q1
\v 57 አቤት ጎዳዉ፥ ታ ሳማይ ነና፤
\q2 ታ ነ ህግያ ናጋናዉ ቃንፃስ።
\q1
\v 58 ታ ኩመ ዎዛናን ነና ዎሳይስ፤
\q2 ነ ገልዳ ቃላዳ ታዉ ቃታ።
\q1
\v 59 ታኒ ታ ኦግያ አኬካ ፄላዳ፥
\q2 ነ ህግያ ካላናዉ ስማስ።
\q1
\v 60 ታኒ ነ ኪታ ናጋናዉ፥
\q2 ኤሶታናፐ አትሽን፥ ጋምእከ።
\q1
\v 61 ኢታት ታዉ ፅሄ የግኮካ፥
\q2 ታኒ ነ ህግያ ዶግከ።
\q1
\v 62 ነ ፅሎ ፕርዳ ግሾ፥ ነና ጋላታናዉ፥
\q2 ታኒ ግድ ብላሄ ደንዳይስ።
\q1
\v 63 ታኒ ነዉ ያየይሳታ ኡባስነ
\q2 ነ ዎጋ ናገይሳታ ዳቦ።
\q1
\v 64 አቤት ጎዳዉ፥ ሳእ ነ ሲቁዋን ኩምስ፤
\q2 ነ አዋጁዋ ታና ታማርሳ።
\qa ፄት
\q1
\v 65 አቤት ጎዳዉ፥ ነ ገልዳ ቃላዳ
\q2 ታዉ ነ አይልያስ ኬሀባ ኦዳሳ።
\q1
\v 66 ታኒ ነ ኪታታን አማነትያ ግሾ፥
\q2 ሎኦ ፕርዳነ ኤራተ ታና ታማርሳ።
\q1
\v 67 ታኒ ሴረታናፐ ካሰ ካረ ሄመታስ፤
\q2 ሽን ሀእ ነ ቃላስ ኪተታይስ።
\q1
\v 68 ኔኒ ኬሀ፤ ኔኒ ኬሀባ ኦሳ፤
\q2 ነ አዋጁዋ ታና ታማርሳ።
\q1
\v 69 ኦቶራንቾት ታ ሱን ዎርዶን ኢሶሶና፤
\q2 ሽን ታ ነ ዎጋ ታ ኩመ ዎዛናን ናጋና።
\q1
\v 70 ኤንታ ዎዛናይ ኩም ዶጭስ፤
\q2 ሽን ታኒ ነ ህግያን ኡፋይታይስ።
\q1
\v 71 ነ ህግያ ታማራና መላ
\q2 ነ ታና ሴርዳይስ ታዉ ሎኦ ግድስ።
\q1
\v 72 ዳሮ ዎርቃፈነ ብራፐ፥
\q2 ነ ዶናፐ ከይያ ህገይ ታዉ አስ።
\qa ዮድ
\q1
\v 73 ታና ነ ኩሸይ መስ፤ ነ ኩሸይ ጊግስስ፤
\q2 ነ ኪታ ታማራና መላ ታዉ አኬካ እማ።
\q1
\v 74 ታኒ ነ ቃላን ኡፋይስ ኦዳ ግሾ፥
\q2 ነና ቦንቸይሳት ታና በእድ ኡፋይቶ።
\q1
\v 75 አቤት ጎዳዉ፥ ነ ፕርዳይ ፅሎ ግደይሳ ኤራስ፤
\q2 ነ ታና ሴርዳይ አማነተን ግደይሳ ታ አኬካስ።
\q1
\v 76 ታዉ ነ አይልያስ ግዳ ቃላዳ፥
\q2 ነ ሲቆይ ታና ምን።
\q1
\v 77 ነ ህገይ ታና ኡፋይስያ ግሾ፥
\q2 ታኒ ደኦን ዳና መላ ታዉ ቃታ።
\q1
\v 78 ኦቶራንቾት ታና ዎርዶን ሞትያ ግሾ ዬላቶ፤
\q2 ታኒ ነ ዎጋ ዛራ ዛራዳ ቆፓይስ።
\q1
\v 79 ነዉ ያየይሳትነ
\q2 ነ ማርካተ ኤረይሳት ታኮ ዮ።
\q1
\v 80 ታ ዬላቶና መላ፥
\q2 ታ ዎዛናይ ነ ህግያን ቦረይ ባይናይሳ ግዶ።
\qa ካፍ
\q1
\v 81 ኔኒ ታና አሻና መላ፥
\q2 ታኒ ናጋሸ ዳቡራስ፤
\q2 ታኒ ነ ቃላን ኡፋይስ ኦይስ።
\q1
\v 82 ኔኒ ግዳ ቃላይ ፖለትን
\q2 በአናዉ ናግሽን ታ አይፈይ ተልጁምስ።
\q2 “ነ ታና አዉደ ምንነ” ያጋስ።
\q1
\v 83 ጩያን ካቀትዳ ኦጎሮዳ ጉንዳስ፤
\q2 ግዶሽን ነ አዋጁዋ ባላቢከ።
\q1
\v 84 ታኒ ነ አይለይ አዉደ ጋካናዉ ናጎ?
\q2 ታና የደይሳታ ነ አዉደ ፕርዳኔ?
\q1
\v 85 ነ ህግያ ናጎና ኦቶራንቾት
\q2 ታና ኦይካናዉ ኦላ ቦኮሶና።
\q1
\v 86 ነ ኪታ ኡባይ አማንይሳታ፤
\q2 ጋሶይ ባይና አሳይ ታና የደያ ግሾ
\q2 ታና ማዳ።
\q1
\v 87 ኤንቲ ታና ዎ ድግድ አግዶሶና፤
\q2 ሽን ታ ነ ዎጋ አጋብከ።
\q1
\v 88 ነ ሲቁዋን ታ ደኡዋ ናጋ፤
\q2 ታ ነ ኪታ ናጋና።
\qa ላመድ
\q1
\v 89 አቤት ጎዳዉ፥ ነ ቃላይ መርናሳ፤
\q2 እ ሳሎን ምንድ ደኤስ።
\q1
\v 90 የለታፐ የለታ ጋካናዉ ነ አማነታሳ፤
\q2 ነ ሀ ሳኣ ምንዳ ኤሳዳሳ፤ እካ ምንድ ደኤስ።
\q1
\v 91 ኡባይ ነ አይለ ግድያ ግሾ፥
\q2 ሀች ጋካናዉ ኡባይ ነ ኪታዳ ምንድ ደኤስ፤
\q1
\v 92 ነ ህገይ ታና ኡፋይሶናባ ግድያኮ፥
\q2 ታ ዋያን ታ ያናሽን።
\q1
\v 93 ታኒ ነ ዎጋ ኩመ ዶግከ፤
\q2 ኔኒ እያን ታና ደኦን ዎዳሳ።
\q1
\v 94 ታኒ ነባ ግድያ ግሾ ታና አሻ፤
\q2 ታኒ ነ ዎጋ ናጋናዉ ኮያይስ።
\q1
\v 95 ኢታት ታና ይሳናዉ ዙግድ ናጎሶና፤
\q2 ሽን ታኒ ኔና ቆፓይስ።
\q1
\v 96 ፖሎ ጌተትዳባ ኡባስ ዛው ደኤይሳ ታ በአስ፤
\q2 ሽን ፖሎ ግድዳ ህግያስ ዛው ባዋ።
\qa ሜም
\q1
\v 97 ታኒ ነ ህግያ ዋናዳ ዶስያና!
\q2 ኩመ ጋላስ ታኒ እያ ቆፓይስ።
\q1
\v 98 ነ ኪታይ ኡባ ዎደ ታራ ደእያ ግሾ፥
\q2 ታ ሞርከታፐ አድ ታና አኬካ ከሶሶና።
\q1
\v 99 ታኒ ኔ ህግያ ቆፕያ ግሾ፥
\q2 ታ አስታማረታፐ አዳ ጭንጫተ ታዉ ደኤስ።
\q1
\v 100 ታኒ ነ ዎጋ ኪተትያ ግሾ፥
\q2 ጭማታፐ አዳ አኬካይስ።
\q1
\v 101 ታኒ ነ ቃላ ኪተታናዉ ኮይያ ግሾ፥
\q2 ታ ቶሁዋ ኢታ ኦገ ኡባፈ ናጋስ።
\q1
\v 102 ኔኒ ታና ታማርስዳ ግሾ፥
\q2 ታ ነ ህግያፈ ጋፃ ከይከ።
\q1
\v 103 ነ ቃላይ ዋንድ ማልእ!
\q2 እልሎ ኤሳፈ አድ ማልኤስ።
\q1
\v 104 ነ ዎጋፐ አኬካ ደማስ፤
\q2 ሄሳ ግሾ፥ ጌላ ኦገ ኡባ እፃስ።
\qa ኖን
\q1
\v 105 ነ ቃላይ ታ ቶሁዋስ ፆምፐ፥
\q2 ታ ኦግያስ ፖኦ።
\q1
\v 106 ነ ፅሎ ፕርዳዳ ዳናዉ፥
\q2 ታ ጫቅዳ ጫቁዋ ምንና።
\q1
\v 107 አቤት ጎዳዉ፥ ታ ዋየይ ዳሮ፤
\q2 ነ ኡፋይሳ ቃላዳ ታና ደኦን ዎ።
\q1
\v 108 አቤት ጎዳዉ፥
\q2 ታ ጋላታ ያርሹዋ ኤካ፤
\q2 ታና ነ ፕርዳ ታማርሳ።
\q1
\v 109 ታ ሸምፖይ ኡባ ዎደ መቶን ደኤስ፤
\q2 ሽን ታኒ ነ ህግያ ዶግከ።
\q1
\v 110 ኢታት ታዉ ግተ የግዶሶና፤
\q2 ሽን ታኒ ነ ዎጋፐ ካረ ከያብከ።
\q1
\v 111 ነ ህገይ ታዉ መርና ሻሎ፤
\q2 እ ታ ዎዛናስ ኡፋይስ እሜስ።
\q1
\v 112 ታ ሀይቃና ጋካናዉ
\q2 ነ አዋጁዋዳ ኦናዉ ቆፋ ቃቻስ።
\qa ሳምከት
\q1
\v 113 ታኒ ናምኡ ቆፍ ደእያ አሳ እፃይስ፤
\q2 ሽን ነ ህግያ ዶሳይስ።
\q1
\v 114 ነ ታዉ ጎንዳለነ ቆሰታዳ አትያ በሰ
\q2 ታኒ ነ ቃላን ኡፋይስ ኦይስ።
\q1
\v 115 ታኒ ታ ፆሳ ኪታ ናጋና መላ፥
\q2 ህንተኖ፥ ኢታ ኦያ ኡባይ ታፐ ሃክተ።
\q1
\v 116 ታኒ ደኦን ዳና መላ
\q2 ነ ኡፋይሳ ቃላዳ ታና ምን፤
\q2 ታ ኡፋይሳ ምሶፓ።
\q1
\v 117 ታ ሳሮ ዳና መላ ታና ዘምፕሳ፤
\q2 ታ ኡባ ዎደ ነ አዋጁዋ ስአና።
\q1
\v 118 ነ አዋጁዋፈ ሃከይሳታ ነ ኮያካ፤
\q2 ኤንታ ጭሞይ ሀዳ።
\q1
\v 119 ኢታታ ኡባ ነ ፕቶዳ ታይባሳ፤
\q2 ሄሳ ግሾ፥ ታኒ ነ ኪታ ዶሳይስ።
\q1
\v 120 ታ አሳተይ ያሻን ነዉ ኮኮሬስ፤
\q2 ታ ነ ህግያ ዳሮ ያያይስ።
\qa ኤ
\q1
\v 121 ታ ሱረነ ፅሎ ኦስ፤
\q2 ታና ታ ሞርከታስ አዳ እሞፋ።
\q1
\v 122 ታና ነ አይልያ ማዳናዉ ጫቃ፤
\q2 ታና ኦቶራንቾት ኡንኤና መላ ኦፋ።
\q1
\v 123 ነ ታና አሻና ጋዳ ታ ፄልሽን፥
\q2 ነ ፅሎ ቃላ ታ ናግሽን፥
\q2 ታ አይፈይ ተልጁምስ።
\q1
\v 124 ታዉ ነ አይልያስ፥ ነ ሲቁዋዳ ኦ፤
\q2 ነ ህግያ ታና ታማርሳ።
\q1
\v 125 ታና ነ አይልያ ነ ሲቁዋ በሳ፤
\q2 ነ ዎጋ ኤራና መላ ታዉ አኬካ እማ።
\q1
\v 126 አቤት ጎዳዉ፥ አሳይ ነ ህግያ መንዳ ግሾ፥
\q2 ነ ፕርዳና ዎደይ ሀእ ጋክስ።
\q1
\v 127 ታኒ ነ ኪታ ዎርቃፈ አዳ ዶሳይስ፤
\q2 ኤ፥ ዋላህ ባይና ዎርቃፈ አዳ ዶሳይስ።
\q1
\v 128 ሄሳ ግሾ፥ ታ ነ ዎጋታ ኡባ ካላይስ፤
\q2 ጌላ ኦገ ኡባ እፃስ።
\qa ፐ
\q1
\v 129 ነ ዎጋ ኡባይ ማላልስያባ፤
\q2 ሄሳ ግሾ፥ ታ እያ ኪተታይስ።
\q1
\v 130 ነ ቃላ ብርሸይ ፖኦ እሜስ፤
\q2 ጭንጫተ ፓጭዳይሳታስ አኬካ እሜስ።
\q1
\v 131 ታኒ ነ ኪታ ሳሞታዳ፥
\q2 ታ ዶና ዶያስ።
\q1
\v 132 ሃ ታኮ ስማ፤
\q2 ነና ዶሰይሳታስ ነ ኦይሳዳ ታዉ ቃታ።
\q1
\v 133 ነ ኡፋይሳ ቃላዳ ታ ሄመ ሱርሳ፤
\q2 ናጋር ታና ሃራና መላ ኦፋ።
\q1
\v 134 ታ ነ ዎጋ ኪተታና መላ
\q2 ታና ኡንኤይሳታ ኩሸፐ ዎዛ።
\q1
\v 135 ነ አይልያ ታ ቦላ ነ ሶምኡዋ ፖእሳ፤
\q2 ነ ህግያ ታማርሳ።
\q1
\v 136 አሳይ ነ ህግያ መንዳ ግሾ፥
\q2 ታ አፉይ ሃዳ ጎጌስ።
\qa ፃደ
\q1
\v 137 አቤት ጎዳዉ፥ ነ ፅሎ፤
\q2 ነ ፕርዳይ ሱረ።
\q1
\v 138 ነ ህገይ ፅሎ፤
\q2 አይ ዎደካ አማነቴስ።
\q1
\v 139 ታ ሞርከት ነ ቃላ ቶችዳ ግሾ፥
\q2 ታ ምሻይ ታማዳ ኤፅድ ከይስ።
\q1
\v 140 ነ ኡፋይሳ ቃላይ ዳሮ አማነቴስ፤
\q2 ታ ነ አይለይ ዳሮ ዶሳይስ።
\q1
\v 141 ታኒ ፓናነ ካትዳ አስ፤
\q2 ግዶሽን ታ ነ ዎጋ ዶግከ።
\q1
\v 142 ነ ፅሎተይ መርናዉ ደኤስ፤
\q2 ነ ህገይ ቱማ።
\q1
\v 143 መቶይነ ኡንእ ታና ጋክስ፤
\q2 ሽን ነ ኪታት ታና ኡፋይሶሶና።
\q1
\v 144 ነ ዎጋይ መርናዉ ፅሎ፤
\q2 ታ ደኦን ዳና መላ ታዉ አኬካ እማ።
\qa ቆፍ
\q1
\v 145 አቤት ጎዳዉ፥ ታ ኩመ ዎዛናፐ
\q2 ኔኮ ዋሳስ፤ ታና አላ፤
\q2 ታ ነ አዋጁዋ ናጋና።
\q1
\v 146 ታ ኔኮ ዋሳስ፤ ታና አሻ፤
\q2 ታ ነ ህግያ ናጋና።
\q1
\v 147 ፃልቀይ ጫሮና ዎንታ ደንዳዳ፥
\q2 ታና ማዳ ጋዳ ኔኮ ዋሳይስ፤
\q2 ነ ገልዳ ቃላን ኡፋይስ ዎይስ።
\q1
\v 148 ነ ቃላባ ዛራ ዛራ ቆፓናዉ፥
\q2 ቃማ ኡታ አቃይስ።
\q1
\v 149 አቤት ጎዳዉ፥ ነ ሲቁዋ ግሾ፥ ታና ስአ፤
\q2 ነ ፅሎ ፕርዳዳ ታና ደኦን ዎ።
\q1
\v 150 ታና የደያ ኢታት ታኮ ማቶሶና፤
\q2 ሽን ኤንቲ ነ ህግያፈ ሃኮሶና።
\q1
\v 151 ሽን አቤት ጎዳዉ፥ ነ ታዉ ማታን ደኣሳ፤
\q2 ነ ኪታ ኡባይ ቱማ።
\q1
\v 152 ታኒ በንፐ ዶማዳ፥ ነ ህግያ ታማራስ፤
\q2 ነ እያ መርናዉ ምንዳ ኤሳዳሳ።
\qa ሬስ
\q1
\v 153 ታ ነ ህግያ ዶጎና ግሾ፥
\q2 ታ መቱዋ በአዳ ታና አሻ፤
\q1
\v 154 ታ ግሾ ሞተታዳ ታና ዎዛ፤
\q2 ነ ኡፋይሳ ቃላዳ ታና ደኦን ዎ።
\q1
\v 155 ነ ህግያ ኤንቲ ኤኮና ግሾ፥
\q2 ኢታት አቶተ ደሞኮና።
\q1
\v 156 አቤት ጎዳዉ፥ ነ ቃይ ዳሮ፤
\q2 ነ ፅሎ ፕርዳዳ ታና ደኦን ዎ።
\q1
\v 157 ታና እፀይሳትነ የደይሳት ዳሮ፤
\q2 ሽን ታ ነ ህግያፈ ጋፃ ከይከ።
\q1
\v 158 ኤንቲ ነ ኪታ ናጎና ግሾ፥
\q2 ታ ነና ካደይሳታ በአዳ ሻተታስ።
\q1
\v 159 አቤት ጎዳዉ፥ ታ ነ ዎጋ ዶሰይሳ በአ፤
\q2 ነ ሲቁዋዳ ታና ደኦን ዎ።
\q1
\v 160 ነ ቃላይ ቱማ፤
\q2 ነ ፅሎ ፕርዳይ መርናዉ ደኤስ።
\qa ሳን
\q1
\v 161 ሀላቃት ታና ጮ የደሶና፤
\q2 ሽን ታ ዎዛናይ ነ ቃላ ያዬስ።
\q1
\v 162 ዳሮባ ድእዳ አስ ኡፋይተይሳዳ፥
\q2 ነ ኡፋይሳ ቃላን ታ ኡፋይታይስ።
\q1
\v 163 ታኒ ዎርዶ እፃይስ፤ ሻተታይስ፤
\q2 ሽን ነ ህግያ ዶሳይስ።
\q1
\v 164 ነ ፅሎ ፕርዳ ግሾ፥
\q2 ታ ነና ጋላስ ላፑን ቶሆ ጋላታይስ።
\q1
\v 165 ነ ህግያ ዶሰይሳታስ ፖሎ ሳሮተ ደኤስ፤
\q2 ኤንታ አይብካ በናዉ ዳንዳኤና።
\q1
\v 166 አቤት ጎዳዉ፥ ታ ነ አቶተ ኡፋይሳን ናጋይስ፤
\q2 ነ ኪታ ካላይስ።
\q1
\v 167 ታኒ ነ ህግያ ናጋይስ፤
\q2 ታ ኩመ ዎዛናፐ ዶሳይስ።
\q1
\v 168 ታ ኦገ ኡባ ነ በእያ ግሾ፥
\q2 ታኒ ነ ህግያነ ነ ዎጋ ናጋና፤
\qa ታዉ
\q1
\v 169 አቤት ጎዳዉ፥ ታ ዋሶይ ነ ስን ጋኮ፤
\q2 ነ ኡፋይሳ ቃላዳ ታዉ አኬካ እማ።
\q1
\v 170 ታ ዎሳይ ነ ስን ጋኮ፤
\q2 ነ ኡፋይሳ ቃላዳ ታና አሻ።
\q1
\v 171 ኔኒ ነ አዋጁዋ ታና ታማርስያ ግሾ፥
\q2 ታ ዶናፐ ጋላት ፑልታና።
\q1
\v 172 ነ ኪታ ኡባይ ፅሎ ግድያ ግሾ፥
\q2 ታ እንፃርሳይ ነ ቃላባ የፃና።
\q1
\v 173 ታኒ ነ ዎጋ ዶርዳ ግሾ፥
\q2 ነ ኩሸይ ታና ማዳናዉ ጊግዳይሳ ግዶ።
\q1
\v 174 አቤት ጎዳዉ፥ ነ አሻና መላ ታ ላሞታይስ፤
\q2 ነ ህገይ ታና ኡፋይሴስ።
\q1
\v 175 ታኒ ነና ጋላታና መላ፥
\q2 ታና ደኦን ዎ፤
\q2 ነ ፕርዳይ ታና ማዶ።
\q1
\v 176 ታኒ ይዳ ዶርሳዳ ቶይላታስ፤
\q2 ታና ነ አይልያ ኮያ፤
\q2 ታ ነ ኪታ ዶግከ።
\c 120
\s1 ታ ፆሳዉ ታና አላ
\d ፑደ ከይሸ የፅያ ማዝሙረ
\p
\v 1 መቶ ዎደ ታኒ ጎዳ ፄግን
\q2 እ ታዉ ኮይስ።
\q1
\v 2 ጎዳዉ፥ ዎርዶ ዶናፐነ
\q2 ጭምያ እንፃርሳፈ ታና አሻ።
\q1
\v 3 ህንተኖ፥ ዎርዳንቾቶ፥
\q2 ጎዳይ ህንተና ዋትኮ ሎኦ?
\q2 እ ህንተና ዋትድ ሴርኮ ሎኦ?
\q1
\v 4 እ ህንተና ሌፈትዳ ኦላ ቶራን ጫዳና፤
\q2 ፂፋ ቦንቆን ህንተና ፁጋና።
\q1
\v 5 ታ ሞሳሀን ደእያ ግሾነ
\q2 ቀዳረ ዱንካነን ኡትዳ ግሾ ታና አየ!
\q1
\v 6 ሳሮተ እፅያ አሳራ
\q2 ታኒ ዳሮ ዎደ ደአስ።
\q1
\v 7 ታኒ ሳሮ አስ፤
\q2 ሽን ታ ሳሮተባ ሃሳያ ዎደ፥
\q2 ኤንቲ ኦላባ ሃሳዮሶና።
\c 121
\s1 ታዉ ማደይ ፆሳፈ ዬስ
\d ፑደ ከይሸ የፅያ ማዝሙረ
\p
\v 1 ታዉ ማዶይ አዉፐ ያነ ጋዳ፥
\q2 ታኒ ደረታኮ ፄላስ።
\q1
\v 2 ታዉ ማዶይ
\q2 ሳሎነ ሳኣ መዳ ጎዳፐ ዬስ።
\q1
\v 3 እ ነ ቶሁዋ ሀርችሰና፤
\q2 ነና ናገይስ ስከና።
\q1
\v 4 እስራኤለ ናገይስ
\q2 ዝንኤናነ ስከና።
\q1
\v 5 ጎዳይ ነና ናገይሳ፤
\q2 ነ ኡሻቻን ግድድ፥ ነዉ ኩያ ግዳና።
\q1
\v 6 ጋላስ አው ነና ሜና፤
\q2 ቃማ አጌን ነና ቆሄና።
\q1
\v 7 ጎዳይ ቆህያባ ኡባፈ ነና ናጋና፤
\q2 እ ነና ሳሮ ዎና።
\q1
\v 8 ጎዳይ ነ ከሳነ ነ ገሉዋ፥
\q2 ሀችፈ መርናዉ ናጋና።
\c 122
\s1 አነ ፆሳ ኬ ቦስ
\d ዳዊቲ ፑደ ከይሸ የፅያ ማዝሙረ
\p
\v 1 ኤንቲ ታና፥ “አነ ፆሳ ኬ ቦስ” ያግን፥
\q2 ታና ኡፋይስስ።
\q1
\v 2 የሩሳላመ፥
\q2 ኑኒ ነ ፐንገታራ ገልድ ኤቅዳ።
\q1
\v 3 የሩሳላመይ
\q2 ዳንታዳ ምና ኬፀትዳ ሎኦ ካታማ።
\q1
\v 4 ጎዳ ኪታ ማራን እስራኤለ ዛረት፥
\q2 ጎዳ ጋላታናዉ ሄ ካታማ ዮሶና።
\q1
\v 5 ዳዊታ ኮቻፈ ካዎትዳ ኡባይ፥
\q2 ባንታ አሳስ ፕርዳናዉ ያን ኡቶሶና።
\q1
\v 6 የሩሳላመ ሳሮተስ ሀይሳዳ ያግድ ዎስተ፤
\q2 “ነና ዶስያ ኡባይ አንጀቶ።
\q1
\v 7 ነ ግምበታ ግዶን ሳሮይ ግዶ፤
\q2 ነ ካዎ ኬን ዎፓተ ደኦ” ያግተ።
\q1
\v 8 ታ እሻታነ ታ ዳቦታ ግሾ፥
\q2 “ነ ግዶን ሳሮይ ደኦ” ያጋና።
\q1
\v 9 ጎዳ ኑ ፆሳ ኬ ግሾ፥
\q2 ነዉ ሎኦባ አሞታይስ።
\c 123
\s1 ኑ አይፈይ ኑ ፆሳ ቦላና
\d ፑደ ከይሸ የፅያ ማዝሙረ
\p
\v 1 ሳሎን፥ ነ አራታ ቦላ ኡትዳይሶ፥
\q2 ታኒ ፑደ ኔኮ ፄላይስ።
\q1
\v 2 አደ አይለይ ባ ጎዳ ኩሸ ፄለይሳዳ፥
\q2 ማጫ አይልያ ባ ጎዳተ ኩሸ በኤይሳዳ፥
\q2 ኔኒ ኑና ማራና ጋካናዉ፥
\q2 ኑ አይፈይ ጎዳኮ፥ ኑ ፆሳኮ ፄሌስ።
\q1
\v 3 ኑስ ካይ ዳርዳ ግሾ፥ ኑና ማራ፤
\q2 አቤት ጎዳዉ፥ ኑና ማራ።
\q1
\v 4 ኑኒ ኦቶራንቾታ ጫሻነ
\q2 ሳጶታ ካያ ካልዳ።
\c 124
\s1 ጎዳይ ኑራ ደኤስ
\d ዳዊቲ ፑደ ከይሸ የፅያ ማዝሙረ
\p
\v 1 ጎዳይ ኑራ ግዶናኮ፥ ኑ ዋናኔ?
\q2 እስራኤለይ ሀይሳዳ ያግድ ዛሮ፤
\q1
\v 2 “ጎዳይ ኑራ ግዶናኮ፥
\q2 ኑ ቦላ አሳይ ደንድዳ ዎደ፥
\q2
\v 3 ኤንታ ሀንቆይ ኑ ቦላ ሱልን፥
\q2 ኑና ፓፃ ምታናሽን።
\q1
\v 4 ድኦይ ኑና ኤፋናሽን፤
\q2 ሻፋ ሃይ ኑና ምታናሽን።
\q1
\v 5 ክፃ ሃይ ኑና ማናሽን” ያጎ።
\q1
\v 6 ኑና ኑ ሞርከታ አቻስ
\q2 አድ እምቦና ጎዳይ ጋላተቶ።
\q1
\v 7 ካፎይ ሻንካ ግተፐ ከስ ኤከይሳዳ፥
\q2 ኑኒ ከስ ኤክዳ፤
\q2 ፅሄይ መቅስ፥ ኑኒ ከስ ኤክዳ።
\q1
\v 8 ሳሎነ ሳኣ መዳ፥
\q2 ጎዳ ሱንን ኑስ ማዶይ ዬስ።
\c 125
\s1 ፆሳይ ባ አሳ ዩሾና
\d ፑደ ከይሸ የፅያ ማዝሙረ
\q1
\v 1 ጎዳን አማነተይሳት ቃፃናዉ ዳንዳኦና፥
\q2 መርናዉ ደእያ ፅዮነ ዙማ መላ።
\q1
\v 2 ደረት የሩሳላመ ዩሾን ደኤይሳዳ፥
\q2 ሀችፈ መርና ጋካናዉ፥
\q2 ጎዳይ ባ አሳ ዩሾን ደኤስ።
\q1
\v 3 ፅሎት ባንታ ኩሽያ ኢታባስ ደንና መላ
\q2 ኢታታ አይሶ ፃምአይ ፅሎታ ቢታን ጋምኤና።
\q1
\v 4 አቤት ጎዳዉ፥ ኬሀ አሳታስነ
\q2 ዎዛና ሱረ አሳታስ ሎኦባ ኦ።
\q1
\v 5 ሽን ኔኒ ኢታ አሳታ ሴርያ ዎደ፥
\q2 ነ ኦግያ አግዳ አሳካ ሴራ።
\p እስራኤለስ ሳሮይ ግዶ።
\c 126
\s1 ፆሳዉ ኑና ዛራዳ ጋሽትሳ
\d ፑደ ከይሸ የፅያ ማዝሙረ
\p
\v 1 ጎዳይ ድኦፐ ዛሪድ
\q2 ኑና ፅዮነ ኤህዳ ዎደ
\q2 ኑስ አሙሆ ዳንስ።
\q1
\v 2 ኑ ዶናይ ሚቻን፥
\q2 ኑ እንፃርሳይ ኡፋይሳ የን ኩምስ።
\q1 ሄ ዎደ ካዎተት ባንታ ግዶን፥
\q2 “ጎዳይ ኤንታዉ ግታባ ኦስ” ያግዶሶና።
\q1
\v 3 ቱማ ጎዳይ ኑስ ግታባ ኦስ፤
\q2 ኑካ ዳሮ ኡፋይትዳ።
\q1
\v 4 ጎዳዉ፥ ነገበ መላ ቢታን እራ ቡክሳዳ፥
\q2 ሻፋ ዛራዳ ኩንይሳዳ፥
\q2 ኑ ዱሳ ኦራ።
\q1
\v 5 ዬክሸ ዘርዳይሳት፥
\q2 ኡፋይሳን የፅሸ ጫካና።
\q1
\v 6 ዘረ ቶክድ ዬክሸ ብዳይሳት፥
\q2 ኡፋይሳ የ የፅሸ፥
\q2 ምርቀ ቶክድ ስማና።
\c 127
\s1 ኬ ኬፀይ ፆሰ
\d ሶሎሞነይ ፑደ ከይሸ የፅያ ማዝሙረ
\p
\v 1 ጎዳይ ኬ ኬፆና እፅኮ፥
\q2 ኬፀይሳት ጮ ዳቡሮሶና።
\q1 ጎዳይ ካታማ ናጎና እፅኮ፥
\q2 ናገይሳት ጮ ዳቡሮሶና።
\q1
\v 2 ዱሳስ ኮሽያባ ደማናዉ፥
\q2 ዎንታ ጉራ ደንዶይ፥
\q2 ኦማርስ ዳሮ ቃምስድ ገሎይ ሀዳ።
\q1 ጎዳይ ባ ዶሰይሳታስ
\q2 ሸምፖ\f + \fr 127:2 \fr*\fq ሸምፖ፦ \fq*\ft ዎይኮ ስኮ\ft*\f* እሜስ።
\q1
\v 3 ናይት ጎዳ እሞታ፤
\q2 የሎት ቱማ ዎይቶ።
\q1
\v 4 እስ አስ ናአተን የልዳ አደ ናይት፥
\q2 ኦላንቾ ኩሸን ደእያ ቶራ መላ።
\q1
\v 5 እያ ኮሮጆት ሀ ዪሻታን ኩምዳ አስ አንጀትዳይሳ፤
\q2 እ ባ ሞርከታራ ካታማ ፐንገን፥
\q2 ሞተትያ ዎደ ሻትመና።
\c 128
\s1 ፆሰ ባብያ አስ አንጀትዳይሳ
\d ፑደ ከይሸ የፅያ ማዝሙረ
\p
\v 1 ጎዳስ ያየይሳትነ እያ ኦግያን
\q2 ሄመተይሳት ኡባይ አንጀትዳይሳታ።
\q1
\v 2 ኔኒ ነ ዳቡራ አይፈ ማና፤
\q2 ኡፋይታናነ ዱረታና።
\q1
\v 3 ነ ማችያ ነ ሶን አይፈ
\q2 ዱርኩክዳ ዎይነ መላ ግዳና።
\q1 ነ ናይት ነ ጋይታ ዩሾን
\q2 ሻማሆ አጫ መላ ግዳና።
\q1
\v 4 ጎዳስ ያይያ አስ
\q2 ቱማ ሄሳዳ አንጀታና።
\q1
\v 5 ጎዳይ ነና ፅዮነፐ አንጆ!
\q2 ኔኒ ደእዳ ላይ ኡባን
\q2 የሩሳላመ ሎኦተ ነና በሶ!
\q1
\v 6 ነ ናይታ ናይታ በአ!
\q2 እስራኤለስ ሳሮይ ግዶ!
\c 129
\s1 ናአተፈ ዶምድ ታና ኡንኤዶሶና
\d ፑደ ከይሸ የፅያ ማዝሙረ
\p
\v 1 እስራኤለይ ሀይሳዳ ያጎ፤
\q1 “ታ ናአተፈ ዶምድ፥
\q2 ታ ሞርከት ታና ኡንኤዶሶና።
\q1
\v 2 ኤ፥ ኤንቲ ታ ናአተፈ ዶምድ፥
\q2 ታና ኡንኤዶሶና፤
\q2 ሽን ኤንቲ ታና ፆንቦኮና።
\q1
\v 3 ታ ዞኩዋ ፁርቃፈን ሾጭድ፥
\q2 ጎሻ ጋደ ዳንስዶሶና”።
\q1
\v 4 ሽን ጎዳይ ፅሎ ግድያ ግሾ
\q2 ኢታታ ዎዶሩዋ ዱሰረ የግስ።
\q1
\v 5 ፅዮነ እፅያ ኡባይ
\q2 ዬላትድ ጉየ ስሞ።
\q1
\v 6 ኬ ሁጰን ዶልዳ፥
\q2 ድጮና መልዳ ማታ መላ ግዶ።
\q1
\v 7 ሄ ማታ ቡጫናዉ ኩሸን ዳንከይ
\q2 ዎይኮ ምርቃናዉ ኦይከይ ባዋ።
\q1
\v 8 ኦገራ አይሳት፥
\q2 “ጎዳይ ዎልቃ እሞ” ግን፥
\q2 ጫከይሳት “ጎድ አንጆ” ግያባይ ዴና።
\c 130
\s1 ታ ሸምፕያ ነና ናጋዉሱ
\d ፑደ ከይሸ የፅያ ማዝሙረ
\p
\v 1 ጎዳዉ፥ ታኒ መቶ ጪሞን ደአሸ፥
\q2 ኔኮ ዋሳይስ።
\q1
\v 2 ጎዳዉ፥ ታ ዋሱዋ ስአ፤
\q2 ታ ዎሳ ነ ሀይይ ሀይዞ።
\q1
\v 3 ፆሳዉ፥ ኑ ናጋራ ነ ፃፋ ኦይክዳኮ፥
\q2 ጎዳዉ፥ ኦን ፕርዳፈ አታናዉ ዳንዳኢ?
\q1
\v 4 ሽን ኑኒ ነዉ ያያና መላ፥
\q2 ኑ ናጋራ አቶ ያጋሳ።
\q1
\v 5 ታኒ ጎዳ ላሞታን ናጋይስ፤
\q2 ታ ሸምፕያ ላሞታን ናጋዉሱ፤
\q2 ታኒ እያ ቃላን ኡፋይስ ዎይስ።
\q1
\v 6 ሳእ አዉደ ዎንታነ ግድ፥
\q2 ናግያ ዎታዳረፐ አዳ፥
\q2 ታኒ ጎዳ ላሞታን ናጋይስ።
\q1
\v 7 እያ ሲቆይ መርናሳ ግድያ ግሾነ
\q2 እያን ኩመ አቶተ ደእያ ግሾ
\q2 እስራኤለ፥ ጎዳን ኡፋይስ ኦ፤
\q1
\v 8 ጎዳይ እስራኤለ፥
\q2 እያ ናጋራ ኡባፈ አሻና።
\c 131
\s1 ፆሳን አማነታ
\d ፑደ ከይሸ ዳዊቲ የፅያ ማዝሙረ
\p
\v 1 ጎዳዉ፥ ታ ዎዛናይ ኦቶርተና፤
\q2 ታ አይፈይካ ኦቶሮን ፄለና።
\q1 ታ ቆፋን ግታታና ጋዳ ኮያብከ፤
\q2 ጋሄቶናባ ኤካና ጋዳ ዛቱራብከ።
\q1
\v 2 ን ዱፅዳ ናእ
\q2 ባ አየ ክኦን ስእ ገይሳዳ ታ ስእ ጋስ።
\q1 ዋየ አግዳ ናአዳ፥
\q2 ታ ሸምፖይ ታ ጋን ዎፑ ግስ።
\q1
\v 3 እስራኤለ፥ ሀችፈ መርና ጋካናዉ
\q2 ጎዳን ኡፋይስ ኦ።
\c 132
\s1 ፆሳይ ፅዮነ ዶርስ
\d ፑደ ከይሸ የፅያ ማዝሙረ
\p
\v 1 ጎዳዉ፥ ዳዊታነ
\q2 እ ዳንዳእዳ መቱዋ ኡባ ቆፓ።
\q1
\v 2 ጎዳስ እ ጫቅዳይሳ፥
\q2 ዎልቃማ ግድዳ ያይቆባ ፆሳስ፥
\q2 እ ኦድዳይሳ ሀሳያ።
\q1
\v 3-5 ጎዳስ በሰ ጊግሳና ጋካናዉ፥
\q2 ዎልቃማ ግድዳ ያይቆባ ፆሳስ፥
\q2 ኬ ኬፃና ጋካናዉ፥
\q2 ታ ሶ ገልከ፤
\q2 ታ ሂፃን ዝንእከ።
\q1 ታ አይፈይ ቅልምኤና፥
\q2 ዎይኮ ታና ስኮይ ኤከና።
\q1
\v 6 ኑኒ ታቦትያባ
\q2 ኤፍራታን ስእዳ፤
\q2 ይኣርመ ቢታን እያ ደምዳ።
\q1
\v 7 “አነ እ ደእያ በሳ ቦስ፤
\q2 እያ ቶሆይ የያ በሳን
\q2 እያ ጎይኖስ።”
\q1
\v 8 ጎዳዉ፥ ደንዳ!
\q2 ነ ምኖተ ማላ ግድዳ
\q2 ነ ታቦትያራ ነ ኬ ገላ።
\q1
\v 9 ነ ካህነት ፅሎተ ማኦ፤
\q2 ነ አሳይ ኡፋይሳን የፆ።
\q1
\v 10 ነ አይልያ ዳዊታ ግሾ፥
\q2 ኔኒ ትይዳ ካዋ አጎፋ።
\q1
\v 11 ጎዳይ ዳዊታስ ላመቶና ጫቆ
\q2 ሀይሳዳ ያግድ ጫቅስ፤
\q1 “ነ ጉልባታፐ ከይዳ፥
\q2 ነ ናይታፐ እሱዋ ነ አራታን ኡትሳና።
\q1
\v 12 ነ ናይት ታ ጫቁዋነ
\q2 ታ ታማርስያ ትምርትያ ናግኮ፥
\q2 ኤንታ ናይት ነ አራታን መርናዉ ኡታና” ያግስ።
\q1
\v 13 ጎዳይ ፅዮነ ዶርስ፤
\q2 ባዉ ደእያ በሲ ኦናዉ አሞትድ፥
\q2 ሀይሳዳ ያግስ፤
\q1
\v 14 “ሀይስ ታ መርናዉ ደእያ በሰ፤
\q2 ታኒ አሞትዳ ግሾ ሀይሳን ዳና።
\q1
\v 15 ታኒ ዳሮ ካ እማዳ ፅዮነ አንጃና፤
\q2 እያን ደእያ ማንቆታካ ካ ካልሳና።
\q1
\v 16 እያን ደእያ ካህነታ አቶተ ማይዛና፤
\q2 እያን ደእያ ፅሎት ኡፋይሳን የፃና።
\q1
\v 17 ሄ በሳን ዳዊታ ዘርያፐ ካዎ ከሳና፤
\q2 ታኒ ትይዳ ካዋ ካዎተን ጋምእሳና።
\q1
\v 18 ታኒ እያ ሞርከታ ዬላ ማይዛና፤
\q2 ሽን እያ ሁጰን ደእያ ካላቻይ ጶላና” ያጋስ።
\c 133
\s1 እስፈተ ጎአ
\d ዳዊቲ ፑደ ከይሸ የፅያ ማዝሙረ
\q1
\v 1 እሻት እስፈተን ደኤይስ፥
\q2 ዋን ሎእ ዋን ኡፋይስ!
\q1
\v 2 ሄስ ሁጰን ትግን፥ ቡቻራ ጎግያ፥
\q2 አሮና ቡቻራ ጎግድ
\q2 እያ ሀሽያ ጋክያ አልኦ ዛይተ መላ።
\q1
\v 3 ሄስ አርሞና ዙማፐ
\q2 ፅዮነ ደረታ ጋካናዉ
\q2 ዎያ አካ መላ።
\q1 ጎዳይ ያን አንጁዋነ፥
\q2 ደኡዋ መርናዉ እሚስ።
\c 134
\s1 ሃ ዪተ ጎዳ አንጅተ
\d ፑደ ከይሸ የፅያ ማዝሙረ
\p
\v 1 ህንተኖ፥ ጎዳ አይለቶ፥
\q2 ጎዳ ኬን ቃማ ኦይሳቶ፥
\q2 ኡባይ ይድ ጎዳ ጋላትተ።
\q1
\v 2 ፆሳ ኬን
\q2 ህንተ ኩሽያ ምጭድ፥
\q2 ጎዳ ጋላትተ።
\q1
\v 3 ሳሉዋነ ሳኣ መዳ ጎዳይ
\q2 ህንተና ፅዮነፐ አንጆ።
\c 135
\s1 ፆሳ ሱንይ መርናዉ ኤረቴስ
\p
\v 1 ጎዳ ጋላትተ!
\q1 ህንተኖ፥ ጎዳ አይለቶ፥
\q2 ጎዳ ሱን ጋላትተ!
\q1
\v 2 ህንተኖ፥ ጎዳ ኬን፥
\q2 ኑ ፆሳ ኬ ዳባባን ኤቀይሳቶ፥
\q2 ጎዳ ጋላትተ!
\q1
\v 3 እ ኬሀ ግድያ ግሾ ጎዳ ጋላትተ!
\q2 እ ሎኦ ግድያ ግሾ እያ ሱን ሳቢተ!
\q1
\v 4 ጎዳይ ያይቆባ ባባ፥
\q2 እስራኤለ ባዉ ቡዞ ኦድ ዶርስ።
\q1
\v 5 ጎዳይ ግታ ግደይሳነ
\q2 ኑ ጎዳይ፥ ፆሳታ ኡባፈ አይሳ
\q2 ታኒ ኤራይስ።
\q1
\v 6 ሳሎን ሳአን፥ አባንነ እያ ግዶን
\q2 ጎዳይ ባ ዶስዳባ ኡባ ኦስ።
\q1
\v 7 ሻራ ሳኣ ጋፃፐ ደንስ፤
\q2 ዎልአን እራራ ኪቴስ፤
\q2 ጫርኮ ባ ምንጃ ኬፈ ከሴስ።
\q1
\v 8 ግብፀ ቢታን አሳፐ መሄ ጋካናዉ፥
\q2 ባይራ የለትዳ ኡባ ዎስ።
\q1
\v 9 ነኖ ግብፀ፥
\q2 ፓሮናነ እያ አይለታ ኡባ ሴራናዉ
\q2 ማላታታነ ማላልስያባታ ኪትስ።
\q1
\v 10 እ ዳሮ ካዎተታ ይስስ፤
\q2 ዎልቃማ ካዎታ ዎስ።
\q1
\v 11 አሞረ ካዋ ስሆና
\q2 ባሳነ ካዋ ኦገነ
\q2 ካናነ ካዎታ ኡባ ዎስ።
\q1
\v 12 ኤንታ ቢታ ባ አሳ፥
\q2 እስራኤለ ላትስስ።
\q1
\v 13 ጎዳዉ፥ ነ ሱንይ መርናዉ ዳና፤
\q2 የለታፐ የለታ ጋካናዉ ነ ሀሳየታና።
\q1
\v 14 ጎዳይ ባ አሳስ ፕርዳና፤
\q2 እ ባ አይለታስ ቃታና።
\q1
\v 15 ካዎተታ ኤቃት አሳ ኩሸ ኦሶታ፤
\q2 ብራፐነ ዎርቃፈ መትዳይሳታ።
\q1
\v 16 ኤንታዉ ዶን ደኤስ፥ ሽን ሃሳዮኮና፤
\q2 አይፈይ ደኤስ፥ ሽን ፄሎኮና።
\q1
\v 17 ሀይ ደኤስ፥ ሽን ስኦኮና፤
\q2 ኤንታ ሲን ሸምፖይ ባዋ።
\q1
\v 18 ኤንታ መዳይሳትነ
\q2 ኤንታን አማነተይሳት
\q2 ኡባይ ኤንታዳ ሀኖ።
\q1
\v 19 እስራኤለ አሳዉ ጎዳ ጋላትተ፤
\q2 አሮና ሶ አሳዉ ጎዳ ጋላትተ።
\q1
\v 20 ሌወ ሶ አሳዉ ጎዳ ጋላትተ፤
\q2 ጎዳ ያየይሳቶ ኡባይ ጎዳ ጋላትተ።
\q1
\v 21 የሩሳላመን ደእያ ጎዳይ
\q2 ፅዮነን ጋላተቶ!
\q2 ጎዳ ጋላትተ!
\c 136
\s1 እያ ማሮተይ መርናሳ
\q1
\v 1 ጎዳ ጋላትተ!
\qr እ ኬሀ፤ እያ ሲቆይ መርናሳ።
\q1
\v 2 ፆሳታ ፆሳ ጋላትተ!
\qr እያ ሲቆይ መርናሳ።
\q1
\v 3 ጎዳታ ጎዳ ጋላትተ!
\qr እያ ሲቆይ መርናሳ።
\q1
\v 4 እያ ፃላል ግታ ማላልስያባ ኦስ፤
\qr እያ ሲቆይ መርናሳ።
\q1
\v 5 ባ ጭንጫተን ሳሎታ መስ፤
\qr እያ ሲቆይ መርናሳ።
\q1
\v 6 ሃ ቦላ ቢታ ምጭስ፤
\qr እያ ሲቆይ መርናሳ።
\q1
\v 7 ግታ ፖኦታ መስ፤
\q2 እያ ሲቆይ መርናሳ።
\q1
\v 8 አው ጋላስ ሃራና መላ ኦስ፤
\qr እያ ሲቆይ መርናሳ።
\q1
\v 9 አጌንነ ፆልንቶት
\q2 ቃማ ሃራና መላ ኦስ፤
\qr እያ ሲቆይ መርናሳ።
\q1
\v 10 ግብፀ ቢታን ባይራታ ዎስ፤
\qr እያ ሲቆይ መርናሳ።
\q1
\v 11 እስራኤለ አሳ ግብፀፈ ካለድ ከስስ፤
\qr እያ ሲቆይ መርናሳ።
\q1
\v 12 ባ ምኖ ኩሽያን፥
\q2 ባ ዎልቃማ ቀስያን ሀይሳ ኦስ፤
\qr እያ ሲቆይ መርናሳ።
\q1
\v 13 ዞኦ አባ ሻክስ፤
\qr እያ ሲቆይ መርናሳ።
\q1
\v 14 እስራኤለ አሳ ሄ አባ ግዶራ ፕንስ፤
\qr እያ ሲቆይ መርናሳ።
\q1
\v 15 ግብፀ ካዋነ እያ ኦላንቾታ
\q2 ዞኦ አባን ሙክስስ፤
\qr እያ ሲቆይ መርናሳ።
\q1
\v 16 እ ባ አሳ መላ ቢታራ ካለስ፤
\qr እያ ሲቆይ መርናሳ።
\q1
\v 17 ግታ ካዎታ ሾጭስ፤
\qr እያ ሲቆይ መርናሳ።
\q1
\v 18 ዎልቃማ ካዎታ ዎስ፤
\qr እያ ሲቆይ መርናሳ።
\q1
\v 19 አሞረ ካዋ ስሆና ዎስ፤
\qr እያ ሲቆይ መርናሳ።
\q1
\v 20 ባሳነ ካዋ ኦገ ዎስ፤
\qr ሲቆይ መርናሳ።
\q1
\v 21 ኤንታ ቢታ ባ አሳ ላትስስ፤
\qr እያ ሲቆይ መርናሳ።
\q1
\v 22 ባ አይልያ እስራኤለ ላትስስ፤
\qr እያ ሲቆይ መርናሳ።
\q1
\v 23 ኑ ካዉይዳ ዎደ ኑና ቆፕስ፤
\qr እያ ሲቆይ መርናሳ።
\q1
\v 24 ኑና ኑ ሞርከታፐ አሽስ፤
\qr እያ ሲቆይ መርናሳ።
\q1
\v 25 መተ ኡባስ ካ እሜስ፤
\qr እያ ሲቆይ መርናሳ።
\q1
\v 26 ሳሎ ፆሳ ጋላትተ!
\qr እያ ሲቆይ መርናሳ።
\c 137
\s1 አይለተን ደእያ አሳ ዬሆ
\q1
\v 1 ባብሎነ ሻፋታ ማታን ኡትድ፥
\q2 ፅዮነ ቆፕዳ ዎደ ዬክዳ።
\q1
\v 2 ሄ በሳን ኑኒ
\q2 ኑ ዲ ሃ ጋፃን ድጭያ፥
\q2 ምታ ቦላ ካቅዳ።
\q1
\v 3 ኑና ድእዳ አሳት ኑኒ የፅድ፥
\q2 ኤንታ ኡፋይሳና መላ
\q2 “ፅዮነ የታፐ እሱዋ አነ ኑስ የፅተ” ያግዶሶና።
\q1
\v 4 ጎዳ የ ኑኒ አላጋ ቢታን
\q2 ዋት የፃኔ?
\q1
\v 5 የሩሳላመ ታኒ ነና ዶግኮ፥
\q2 ታ ኡሻቻ ኩሸይ ታና ባሎ።
\q1
\v 6 ታኒ ነና ሀሳዮና አግኮ፥
\q2 ታ ግታ ኡፋይስ ግድዳ የሩሳላመ ዶሶና እፅኮ፥
\q2 ታ እንፃርሳይ ኮቶኑዋራ ኦይከቶ።
\q1
\v 7 ጎዳዉ፥ የሩሳላመ ድኤትያ ጋላስ
\q2 ኤዶመ አሳይ ኦዳይሳ ሀሳያ፤
\q1 ኤንቲ፥ “ላልተ! ላልተ!
\q2 ህርክ ፃጱዋ ጋካናዉ ላልተ!”
\m ያግዳይሳ ዶጎፓ።
\q1
\v 8 ባብሎነ፥ ኔኒ ያና!
\q2 ኔኒ ኑ ቦላ ኦዳ ኢታ ኦሱዋስ
\q2 ሀሎ ከሰይስ አንጀትዳይሳ።
\q1
\v 9 ነ ጉ ናይታ ኦይክድ፥
\q2 ዛላ ቦላ ሾጨይስ አንጀትዳይሳ።
\c 138
\s1 ፆሳ ጋላትተ
\d ዳዊታ ማዝሙረ
\p
\v 1 ጎዳዉ፥ ታ ኩመ ዎዛናን ነና ጋላታና፤
\q2 ፆሳታ ስንን ነና ሳባና።
\q1
\v 2 ነ ጌሻ ኬኮ ስማዳ ነና ጎይናና፤
\q2 ነ ሲቁዋ ግሾነ ነ ቱማተ ግሾ ጋላታና።
\q1 ነ ሱን ግሾነ
\q2 ነ ቃላ ቃተ ግሾ ጋላታና።
\q1
\v 3 ታኒ ፄግዳ ዎደ ነ ታዉ ኮያዳሳ፤
\q2 ነ ምኖተን ታና ምንዳሳ።
\q1
\v 4 ጎዳዉ፥ ነ ዶናፐ ከይያ ቃላ ስእያ ዎደ፥
\q2 ሳአን ደእያ ካዎት ኡባይ ነና ጋላቶ።
\q1
\v 5 ጎዳ ቦንቾይ ግታ ግድያ ግሾ፥
\q2 ኤንቲ ጎዳ ኦግያባ የፆ።
\q1
\v 6 ጎዳይ ቦላ ቃን ደእኮካ፥
\q2 ማንቆታ ኬሀ አይፈን ፄሌስ፤
\q2 ሽን ኦቶራንቾታ ሃሆን ኤሬስ።
\q1
\v 7 ታኒ መቶ ግዶራ ሄመትኮካ፥
\q2 ኔኒ ታና ናጋሳ።
\q1 ታ ሞርከታ ሀንቁዋ ቦላ ነ ኩሽያ ምጫሳ፤
\q2 ነ ኡሻቻ ኩሽያን ታና አሻሳ።
\q1
\v 8 ጎዳይ ታዉ ገልዳ ቃላ ፖላና፤
\q2 ጎዳዉ፥ ነ ሲቆይ መርናሳ፤
\q2 ነ ኩሸ ኦሱዋ የጋ አጎፋ።
\c 139
\s1 ታ ዎዛና ፕልጋዳ በአ
\d ዳዊታ ማዝሙረ
\p
\v 1 ጎዳዉ፥ ኔኒ ታና ፕልጋዳ ኤራዳሳ።
\q1
\v 2 ኔኒ ታ ኡተነ ታ ኤቁዋ ኤራሳ፤
\q2 ታ ቆፋ ኡባ ሃሆን አኬካሳ።
\q1
\v 3 ታኒ ብያ በሳነ ሸምፕያ በሳ ፆሞሳሳ፤
\q2 ታ ኦገታ ኡባ ኤራሳ።
\q1
\v 4 ጎዳዉ፥ ታኒ ታ እንፃርሳን
\q2 እስ ቃላ ኦደታናፐ ስን፥
\q2 ታ ቆፋ ኡባ ኤራሳ።
\q1
\v 5 ኔኒ ታ ዩሹዋን ደኣሳ፤
\q2 ነ ኩሽያ ታ ቦላ ዎሳ።
\q1
\v 6 ነ ኤራተይ ታና ዳሮ ማላልሴስ፤
\q2 ታ አኬካፐ ቃ።
\q1
\v 7 ታ ነ አያናፐ አዉ ባቃታኔ?
\q2 ነ ስንፈ አዉ ባኔ?
\q1
\v 8 ፑደ ሳሎ ከይኮ ነ ያን ደኣሳ!
\q2 ዱገ ስኦለ ዎኮካ ነ ያን ደኣሳ።
\q1
\v 9 ዶሎሀ ባጋ ፓላዳ ቢኮ፥
\q2 ዎይኮ ዉሎሀ ባጋን ሃካዳ ደእኮ፥
\q2
\v 10 ያን ነ ኩሸይ ታና ካለስ፤
\q2 ነ ኡሻቻ ኩሸይ ታና ዘምፕሴስ።
\q1
\v 11 “ማዉ ታና ገን፤
\q2 ጋላሳዉ ቃማ ላመታ” ግያኮካ፥
\q2
\v 12 ሳካና ም ነዉ መና፤
\q2 ቃም ጋላሳዳ ፖኤስ፤
\q2 ነዉ ም ፖኦ መላ።
\q1
\v 13 ኔኒ ታ ግዶ አሳተ መዳሳ፤
\q2 ታ አየ ኡሎን ታና ኔኒ ትላዳሳ።
\q1
\v 14 ኔኒ ታና ማላልስያባነ
\q2 የገልስ ኦዳ መዳ ግሾ፥
\q2 ታኒ ነና ጋላታይስ።
\q1 ነ ኦሶት ማላልሴስ!
\q2 ታኒ ሄሳ ሎይዳ ኤራይስ።
\q1
\v 15 ታኒ ጌማ በሳን መትያ ዎደ፥
\q2 ታ መቀይ ኔፐ ጌምቤና።
\q1 ታ አሳተይ ታ አየ ኡሎን ጪሞ ግዶን
\q2 ሂላን አሌቀትድ ኦሰትያ ዎደ፥
\q2
\v 16 ነ አይፈት ጊጎና ታ አሳተ በእዶሶና።
\q2 ቡሮ እሶይካ ዶመቶና ደእሽን፥
\q2 ነ ታዉ ቡዞይዳ ጋላሳ ኡባይ
\q2 ነ ማዝጋበን ፃፈትዶሶና።
\q1
\v 17 ፆሳዉ፥ ነ ታዉ ቆፕያ ቆፋይ
\q2 ዋንዳ ቦንቾ!
\q2 ኤንታ ታይቦይ ዋንድ ዳርደ!
\q1
\v 18 ታኒ ኤንታ ታይብያኮ ሻፈፐ ዳሮ፤
\q2 ታኒ ባርክያ ዎደ ሀእካ ኔራ ደአስ።
\q1
\v 19 ፆሳዉ፥ ኔኒ ኢታታ ዎያኮ አይበ!
\q2 ሱ ጉስያ አሳት ታፐ ሃኮ!
\q1
\v 20 ኤንቲ ነ ቦላ ኢታባ ሃሳዮሶና፤
\q2 ነ ሞርከት ነ ሱን ኢሶሶና።
\q1
\v 21 ጎዳዉ፥ ነና እፀይሳታ ታ እፅክና?
\q2 ነ ቦላ ደንደይሳታ ታ ሻተትክና?
\q1
\v 22 ታኒ ኤንታ ኩመ እፃይስ፤
\q2 ኤንታ ታኒ ታ ሞርከዳ ታይባይስ።
\q1
\v 23 ፆሳዉ፥ ታና ፕልጋዳ ታ ዎዛና ኤራ፤
\q2 ታና ኡንኤዳ ታ ቆፋ በአ።
\q1
\v 24 ታናን ኢታባይ ደእኮ ፄላ፤
\q2 መርና ኦግያን ታና ካለ።
\c 140
\s1 ኢታ አሳ ኩሸፐ ታና አሻ
\d ዳዊታ ማዝሙረ
\p
\v 1 ጎዳዉ፥ ኢታታፐ ታና አሻ፤
\q2 ማካላንቾታፐ ታና ናጋ።
\q1
\v 2 ኤንቲ ኢታ ኦናዉ ማቀቶሶና፤
\q2 ጋላስ ጋላስ ኦላ ደንሶና።
\q1
\v 3 ባንታ እንፃርሳ ሾሻ እንፃርሳዳ ቃራዮሶና፤
\q2 ኤንታ ዶናን ዎያ ማርዘይ ደኤስ። \qs ሳላሀ \qs*
\q1
\v 4 ጎዳዉ፥ ኢታታ ኩሸፐ ታና አሻ፤
\q2 ታ ቶሁዋ ቃፃናዉ ቆፕያ
\q2 ማካላንቾታፐ ታና ናጋ።
\q1
\v 5 ኦቶራንቾ አሳት ታዉ ፅሄ ዎሶና፤
\q2 ግተ ሂፆሶና፤
\q2 ታና ኦይካናዉ ግተ የጎሶና። \qs ሳላሀ \qs*
\q1
\v 6 ጎዳ፥ “ኔኒ ታ ፆሳ” ጋና፤
\q2 ጎዳዉ፥ ታ ዎሳ ስአ።
\q1
\v 7 ኡባ ሃርያ ጎዳዉ፥
\q2 ታና አሽያ ምኑዋዉ፥
\q2 ኦላ ጋላስ ታዉ ጎንዳለ ግዳዳሳ።
\q1
\v 8 ጎዳዉ፥ ኢታታስ ኤንታ አሙዋ እሞፋ፤
\q2 ኤንቲ ኦቶርቶና መላ ኤንታ ማቁዋ ፖልሶፓ። \qs ሳላሀ \qs*
\q1
\v 9 ታ ሞርከታን ታና ፆንሶፓ፤
\q2 ኤንታ ዶናፐ ከይያ ኢታይ
\q2 ኤንታ ቦላ ስሞ።
\q1
\v 10 ኤንታ ቦላ ፁግያ ታማ ቦንቆይ ቆለቶ፤
\q2 ኤንቲ ታማ ኦላን የገቶ፤
\q2 ከያናዉ ዳንዳኦና ኦላ ሆለቶ።
\q1
\v 11 ዮያማት ቢታ ቦላ ደኦፖ፤
\q2 ቡቀይሳታ ኢታባይ የደድ ኦይኮ።
\q1
\v 12 ጎዳይ ማንቆታስ ፕርደይሳነ
\q2 መቶታንቾታስ ሞተተይሳ ኤራይስ።
\q1
\v 13 ፅሎት ቱማ ነ ሱን ጋላታና፤
\q2 ሱረ አሳት ነ ስንን ዳና።
\c 141
\s1 ነ ሀይ ታኮ ዛራ
\d ዳዊታ ማዝሙረ
\p
\v 1 ጎዳዉ፥ ታኒ ነና ፄጋይስ፤
\q2 ታና ማዳናዉ ኤለሳ፤
\q2 ታ ኔኮ ዋስያ ዎደ ታና ስአ!
\q1
\v 2 ታ ዎሳይ እፃነዳ ነ ስን ሺቆ፤
\q2 ታ ኩሸ ምጨይ ኦማርሳ ያርሾ መላ ግዶ።
\q1
\v 3 ጎዳዉ፥ ታ ዶና ናግያ አስ ዎ፤
\q2 ታ መተርሻ ፐንግያ ናጋ።
\q1
\v 4 ኢታ ኦያ አሳታራ ኢታ ኦና መላ፥
\q2 ታ ዎዛና ኢታኮ ዛሮፓ፤
\q2 ኤንታ ግብራ ታና ሙዞፓ።
\q1
\v 5 ፅሎ አስ ታና ሴሮ፥ ሄስ ታዉ ኬሀተ፥
\q2 እ ታና ሀንቀቶ፥ ሄስ ታ ሁጰን ዛይተ ትዮ መላ።
\q1 ታ ዎዛናይ ሄሳ እፀና፤
\q2 ታ ዎሳይ ኡባ ዎደ ኤንታ ኢታ ኦሱዋ ቦላና።
\q1
\v 6 ኤንታ ዳይናት አፎ ሆለትያ ዎደ፥
\q2 ታ ቃላይ ቱማ ግደይሳ ኤንቲ ኤራና።
\q1
\v 7 ኤንቲ፥ “አስ ቢታ ጎየይሳዳነ ጳሻ ላለይሳዳ፥
\q2 ኑ መቀይ ዱፎ ዶናን ላለታና” ያጎሶና።
\q1
\v 8 ኡባ ሃርያ ጎዳዉ፥
\q2 ታ አይፈይ ነና ፄሌስ።
\q1 ታኒ ኔኮ ባቃታይስ፤
\q2 ታና ሀይቆስ አዳ እሞፋ።
\q1
\v 9 ኤንቲ ታዉ የግዳ ግትያፐነ
\q2 ኢታ ኦይሳታ ፅህያፐ ታና ናጋ።
\q1
\v 10 ታኒ ሳሮ አን፥
\q2 ኢታት ባንታ ዎዳ ግትያን ኦይከቶ።
\c 142
\s1 ኔኒ ታዉ ቆሰትያ በሲ
\d ዳዊቲ ጎንጎሎን ደእያ ዎደ ፃፍዳ ትምርተ
\p
\v 1 ታ ቃላ ቁ ኦዳ ጎዳኮ ዋሳይስ፤
\q2 ማሮታ ደማናዉ እያ ዎሳይስ።
\q1
\v 2 ታ ኦይሻ ኡባ እያ በሳይስ፤
\q2 ታ መቱዋ ኡባ እያዉ ኦዳይስ።
\q1
\v 3 ታኒ ሄትዳ ዎደ ነ ታ ኦግያ ኤራሳ፤
\q2 ታ ኦግያን ግተ የግድ ዎዶሶና።
\q1
\v 4 ታኒ ታ ዩሹዋ ፄልያ ዎደ፥
\q2 ታና ማደይ እሶይካ ባዋ።
\q2 ታኒ ቆሰታዳ አትያ በሲ ባዋ፤
\q2 ታና ናግያ ኦንካ ባዋ።
\q1
\v 5 ጎዳዉ፥ ታኒ ኔኮ ዋሳይስ፤
\q2 ታኒ፥ “ነ ታዉ ባቃታዳ አትያ በሲ፤
\q2 ደኦን ደኤይሳታ ቢታን ታ ሳማይ ነና” ያጋስ።
\q1
\v 6 ታኒ ዳሮ መቶትያ ግሾ፥
\q2 ታ ዋሱዋ ስአ።
\q1 ታና የደይሳት ዎልቃምዳ ግሾ፥
\q2 ታና ኤንታፈ አሻ።
\q1
\v 7 ታ ነ ሱን ጋላታና መላ፥
\q2 ታና ቃሾፐ ብርሻ።
\q1 ኔኒ ታዉ ኬሀ ግድያ ግሾ፥
\q2 ፅሎት ታ ዩሾን ሺቃና።
\c 143
\s1 ታ ሸምፕያ ነና ኮያዉሱ
\d ዳዊታ ማዝሙረ
\p
\v 1 ጎዳዉ፥ ታ ዎሳ ስአ፤
\q2 ማሮታ ደማናዉ ታ ዋሰይሳ ሀይዛ።
\q1 ኔኒ ፅሎተንነ ነ አማነተን
\q2 ታዉ ዛሮ እማ።
\q1
\v 2 ነ ስንን ፅሎ አስ ባይና ግሾ
\q2 ታና ነ አይልያ ፕርዳስ ሺሾፓ።
\q1
\v 3 ታና ታ ሞርከይ የደድ፥
\q2 ትንቸረድ ሳአን የግስ።
\q1 በን ሀይቅዳ አሳዳ
\q2 ታና ማን ዎስ።
\q1
\v 4 ሄሳ ግሾ ታኒ ሄታስ፤
\q2 ታ ዎዛናይካ ትልእስ።
\q1
\v 5 ታኒ በን ዎደታ ሀሳያይስ፤
\q2 ነ ኦዳ ኦሶ ኡባ ቆፓይስ፤
\q2 ነ ኩሸ ኦሶ ኡባ አኬካይስ።
\q1
\v 6 ታኒ ታ ኩሽያ ኔኮ ምጫስ፤
\q2 መላ ቢት ሃ ኮየይሳዳ፥
\q2 ታ ሸምፖይ ነና ሳሞቴስ። \qs ሳላሀ \qs*
\q1
\v 7 ጎዳዉ፥ ታ ዎዛናይ ሄትዳ ግሾ
\q2 ታዉ ዛሮ እማናዉ ኤለሳ።
\q1 ታኒ ዱፎን ገልያ አሳዳ ሀኖና መላ
\q2 ነ ሶምኡዋ ታፐ ገንፋ።
\q1
\v 8 ታኒ ነናን አማነትያ ግሾ፥
\q2 ዎንታ ዎንታ ነ ሲቁዋባ ታና በሳ።
\q1 ታኒ ታ ሸምፑዋፈ ነና ዎስያ ግሾ፥
\q2 ታ ባና ኦግያ ታና በሳ።
\q1
\v 9 ጎዳዉ፥ ታኒ ነዉ ማጋንዳ ግሾ፥
\q2 ታ ሞርከታፐ ታና አሻ።
\q1
\v 10 ኔኒ ታ ፆሳ ግድያ ግሾ፥
\q2 ታ ነ ሸንያ ኦና መላ ታና ታማርሳ፤
\q2 ነ ሎኦ አያናይ ሱረ ኦግያን ታና ካለ።
\q1
\v 11 ጎዳዉ፥ ነ ሱን ግሾ ታና አሻ፤
\q2 ነ ፅሎተን ታና መቶፐ ከሳ።
\q1
\v 12 ነ ሲቁዋን ታ ሞርከታ ዎ፤
\q2 ታ ነ አይለ ግድያ ግሾ
\q2 ታና ኡንኤይሳታ ኡባ ይሳ።
\c 144
\s1 ፆሳይ ታዉ ሚፃ
\d ዳዊታ ማዝሙረ
\p
\v 1 ጎዳይ፥ ታ ዛላይ፥ ጋላተቶ!
\q2 ታ ኩሽያ ኦላ ታማርሴስ፤
\q2 ታ ብራታ ቶራስ ጊግሴስ።
\q1
\v 2 እ ታ ሲቆ ፆሳነ ታ ቆሰታ አትያ በሰ፤
\q2 ታ ሚፃነ ታና አሸይሳ።
\q1 ታ ጎንዳለነ ታኒ ባቃታዳ አትያ በሰ፤
\q2 እ ካዎተት ታዉ ሃረታና መላ ኦስ።
\q1
\v 3 ጎዳዉ፥ ኔኒ እያዉ ቆፓናዉ አስ አይቤ?
\q2 ነ ዎዛናን እያዉ በሰ እማናዉ አሳ ናእ አይቤ?
\q1
\v 4 አስ እስ ቶሆ ጫርክያ ጫርኮ መላ፤
\q2 እያ ጋላሳት አያ ኩያ መላ።
\q1
\v 5 ጎዳዉ፥ ሳሉዋ ጳልቃዳ ዱገ ዎ!
\q2 ደረታ ቦቻ፤ ኤንቲ ጩዮ!
\q1
\v 6 ዎልአን የዳዳ ነ ሞርከታ ላላ፤
\q2 ነ ዶንግያ ዪሻን ዱካዳ ኤንታ የደ።
\q1
\v 7 ቦላራ ነ ኩሽያ የዳዳ፥
\q2 ታና ዎልቃማ ሃፈ ጎቻዳ ከሳ፤
\q2 አላጋ አሳታ ኩሸፐ ታና ዎስሳ።
\q1
\v 8 ኤንቲ ቱማ ሃሳይድ ኤሮኮና፤
\q2 ባንታ ኡሻቻ ኩሽያ ደንድ
\q2 ዎርዶን ጫቆሶና።
\q1
\v 9 ፆሳዉ ታኒ ነዉ ኦራ ማዝሙረ የፃና፤
\q2 ታሙ ሻያን ዋፀትዳ ዲን የፃና።
\q1
\v 10 ካዎታስ ፆኖ እማሳ፤
\q2 ነ አይልያ ዳዊታ አሻሳ።
\q1
\v 11 ታና ኢታ ማሻፈ አሻ፤
\q2 አላጋ አሳታ ኩሸፐ ታና ዎስሳ።
\q1 ኤንታ ዶናይ ዎርዶን፥
\q2 ኤንታ ኡሻቻ ኩሸይ ጭሞን ኩምስ።
\q1
\v 12 ኑ አደ ናይት ባንታ ናአተን፥
\q2 ሎኦ ድጭያ ም መላ ግዶ።
\q1 ኑ ማጫ ናይት ካዎ ጋ አሌቅሳናዉ፥
\q2 ኦሰትዳ ቱቀ መላ ግዶ።
\q1
\v 13 ኑ ሻለት ዱማ ዱማ ካ ቆሞን ኩሞ፤
\q2 ሄመትያ በሳን ደእያ ኑ ዶርሳት
\q2 ሙኩላንነ ታሙ ሙኩላን የሎ።
\q1
\v 14 ኑ ሚዛት ብራይሶ፤
\q2 አዉጫዮና የለትድ ዳሮ፤
\q2 ኑ ኦገታን ዋሶይ ስኤቶፎ።
\q1
\v 15 ሀ አንጆት ጋክያ አሳት ቱማ አንጀትዳይሳታ፤
\q2 ፆሳይ ኤንታዉ ጎዳ ግድዳ አሳት አንጀትዳይሳታ።
\c 145
\s1 ፆሳይ ግታ
\d ዳዊታ ጋላታ ማዝሙረ
\p
\v 1 ታ ፆሳዉ፥ ታ ካዋዉ፥ ታ ነና ግታያና፤
\q2 ነ ሱን መርናዉ ጋላታና።
\q1
\v 2 ታኒ ነና ኡባ ጋላስ ሳባና፤
\q2 ነ ሱን መርናዉ ጋላታና።
\q1
\v 3 ጎዳይ ግታ፤ አ ጋላት እያዉ በሴስ፤
\q2 እያ ግታተይ አሳ ቆፋፐ አስ።
\q1
\v 4 እስ የለታይ ሀራ የለታስ ነ ኦሱዋ ኦዳና፤
\q2 ነ ማላልስያ ኦሶታ አዋጃና።
\q1
\v 5 ኤንቲ ነ ቦንቹዋ፥ ነ ቴማነ
\q2 ነ ግታተ ኦዳና።
\q2 ታኒ ነ ማላልስያ ኦሱዋ
\q2 ዛራ ዛራዳ ቆፓና።
\q1
\v 6 ማላልስያ ግታ ነ ኦሱዋባ ኦዳና፤
\q2 ታኒ ነ ግታተ አዋጃና።
\q1
\v 7 ኤንቲ ነ ኬሀተ ዳሮተ ኦዳና፤
\q2 ነ ፅሎተባ ኡፋይሳን የፃና።
\q1
\v 8 ጎዳይ ኬሀነ ቃተይሳ፤
\q2 ሀንቀታናዉ ኤለሰና፤ ሲቆን ኩምዳይሳ።
\q1
\v 9 ጎዳይ ኡባስ ኬሀ፤
\q2 እ ባ መተ ኡባስ ቃቴስ።
\q1
\v 10 ጎዳዉ፥ መተ ኡባይ ነና ጋላታና፤
\q2 ነ አሳ ኡባይ ነና ሳባና።
\q1
\v 11 ኤንቲ ነ ካዎተ ቦንቹዋባ ኦዳና፤
\q2 ነ ዎልቃባ ኦዳና።
\q1
\v 12 ሄሳን ኤንቲ ነ ዎልቃማ ኦሱዋባነ
\q2 ነ ካዎተ ቦንቾ ቴማባ ኤርሳና።
\q1
\v 13 ነ ካዎተይ መርና ካዎተ፤
\q2 ነ ማታይ የለታ ኡባ ሃሬስ።
\q2 ጎዳይ ባ ግዳ ቃላ ኡባን አማነቴስ፤
\q2 ባ ኦሶ ኡባን ኬሀ።
\q1
\v 14 ጎዳይ ኩንዳናዉ ገድጋደይሳታ ካትሴስ፤
\q2 ኩንድዳይሳታ ደንስ።
\q1
\v 15 ኡባ አይፈይ ነና ፄሌስ፤
\q2 ኤንታዉ ኮሽያ ዎደን ካ እማሳ።
\q1
\v 16 ኔኒ ነ ኩሽያ ምጫዳ፥
\q2 መተ ኡባ አሞ አላሳ።
\q1
\v 17 ፆሳይ ባ ኦገ ኡባን ፅሎ፤
\q2 ባ ኦሶ ኡባን ኬሀ።
\q1
\v 18 ጎዳይ ባና ፄግያ ኡባስ፥
\q2 ቱማን ባና ፄግያ ኡባስ ማታን ደኤስ።
\q1
\v 19 እ ባዉ ያየይሳታ አሙዋ ኩንስ፤
\q2 ኤንታ ዋሱዋ ስእድ አሼስ።
\q1
\v 20 ጎዳይ ባና ዶሰይሳታ ኡባ ናጌስ፤
\q2 ሽን ኢታታ ኡባ ይሳና።
\q1
\v 21 ታኒ ታ ዶናን ጎዳ ጋላታና፤
\q2 መተ ኡባይ እያ ጌሻ ሱን
\q2 መርናዉ ጋላቶ!
\c 146
\s1 ካዎታን አማነቶፍተ
\q1
\v 1 ጎዳ ጋላትተ!
\q2 ታ ሸምፐ ጎዳ ጋላታ!
\q1
\v 2 ታ ደኦ ላይ ኡባን ጎዳ ጋላታና፤
\q2 ታ ደእዳ ዎደ ኡባን ታ ፆሳ ሳባና።
\q1
\v 3 ሀላቃታን አማነቶፍተ፤
\q2 አሻናዉ ዳንዳኦና አሳ ናአን ጬቀቶፍተ።
\q1
\v 4 ኤንታ ሸምፖይ ከይያ ዎደ ቢታኮ ስሞሶና፤
\q2 ኤንታ ሀልቾይ ኡባይ ሄ ጋላስ አስ።
\q1
\v 5 ያይቆባ ፆሳይ ማድያ አስነ
\q2 ጎዳ፥ ባ ፆሳን ኡፋይስ ኦያ አስ አንጀትዳይሳ።
\q1
\v 6 ጎዳይ ሳሎነ ሳኣ፥
\q2 አባነ እያ ግዶን ደእያ ኡባ መስ፤
\q2 ፆሳይ መርናዉ አማነቴስ።
\q1
\v 7 ጎዳይ ኡንኤትዳይሳታስ ፕርዴስ፤
\q2 ኮሻትዳይሳታስ ካ እሜስ፤
\q2 ጎዳይ ቃሸትዳይሳታ ብርሼስ፤
\q1
\v 8 ጎዳይ ቆቀታ ፄልሴስ።
\q2 ጎዳይ ኩንድዳይሳታ ደንስ፤
\q2 ጎዳይ ፅሎታ ዶሴስ።
\q1
\v 9 ጎዳይ በተ አሳታ ናጌስ፤
\q2 አምኤታነ ይኦ ናይታ ማዴስ፤
\q2 ሽን ኢታታ ኦግያ ይሴስ።
\q1
\v 10 ጎዳይ መርናዉ ካዎታና፤
\q2 ፅዮነ፥ ነ ፆሳይ፥
\q2 የለተፈ የለተ ጋካናዉ ካዎታና።
\q2 ጎዳ ጋላትተ!
\c 147
\s1 ፆሳይ መቅዳ ዎዛና ኮሌስ
\p
\v 1 ጎዳ ጋላትተ!
\q2 ኑ ፆሳ ሳቦይ ሎኦ፤
\q2 እያ ሳቦይ ኡፋይስያባነ በሲያባ።
\q1
\v 2 ጎዳይ የሩሳላመ ኦራና፤
\q2 እስራኤለፐ ድኤትዳይሳታ ሺሻና።
\q1
\v 3 ዎዛን መቅዳይሳታ ኮሌስ፤
\q2 ኤንታ ማዱን ፓስ።
\q1
\v 4 እ ፆልንቶታ ታይቡዋ ኤሬስ፤
\q2 ኤንታ ኡባ ኤንታ ሱንን ሱንን ፄጌስ።
\q1
\v 5 ኑ ጎዳይ ግታ፤ እ ዎልቃማ፤
\q2 እያ አኬካስ ዛው ባዋ።
\q1
\v 6 ጎዳይ አዳታ ዘምፕሴስ፤
\q2 ሽን ኢታታ ሳአን የጌስ።
\q1
\v 7 ጎዳስ ጋላታ የ የፅተ፤
\q2 ኑ ፆሳስ ዲን የፅተ።
\q1
\v 8 እ ሳሉዋ ሻራ ማይዜስ፤
\q2 ቢታስ እራ እሜስ፤
\q2 ዙማታ ቦላ ማታ ዶልሴስ።
\q1
\v 9 መሄታስ ካ፥
\q2 ኮሻትድ ዋስያ ቁሮ ናይታስ
\q2 ምያባ እሜስ።
\q1
\v 10 እ ፓራታ ዎልቃንነ
\q2 ቶራንቾታ ምኖተን ኡፋይተና።
\q1
\v 11 ሽን ጎዳይ ባዉ ያየይሳታንነ
\q2 እያ ማሮታን አማነተይሳታን ኡፋይቴስ።
\q1
\v 12 የሩሳላመ፥ ጎዳ ጋላታ!
\q2 ፅዮነ፥ ነ ፆሳ ጋላታ!
\q1
\v 13 እ ነ ፐንግያ ኮበታ ምንና፤
\q2 ነ ግዶን ደእያ ነ አሳ አንጃና።
\q1
\v 14 እ ነ ዛዋ ሳሮተን ናጋና፤
\q2 ነና ሎኦ ግስተን ካልሳና።
\q1
\v 15 እ ባ ኪታ ቢታስ የዴስ፤
\q2 እያ ቃላይ ኤሶን ጋኬስ።
\q1
\v 16 እ ሻች ቡሉኮዳ ምጬስ፤
\q2 ጫጋና ብዶዳ ላሌስ።
\q1
\v 17 እ ሻቻ ሹቻዳ ሆሌስ፤
\q2 እያ ሜጉዋን ኦንካ ኤቃናዉ ዳንዳኤና።
\q1
\v 18 እ ባ ቃላ ኪትድ ሻቻ ማይሴስ።
\q2 እ ጫርኩዋ ኪትን ሃ ጎጌስ።
\q1
\v 19 እ ባ ቃላ ያይቆባስ፥
\q2 ባ ህግያነ ዎጋ
\q2 እስራኤለስ አዋጄስ።
\q1
\v 20 እ ሀራ ካዎተታስ ሄሳ ኦቤና፤
\q2 ኤንቲ እያ ህግያ ኤሮኮና።
\q2 ጎዳ ጋላትተ!
\c 148
\s1 ፆሳ ሱን ጋላትተ
\q1
\v 1 ጎዳ ጋላትተ!
\q2 ሳሎፐ ጎዳ ጋላትተ፤
\q2 ቦላ ቃን እያ ጋላትተ።
\q1
\v 2 እያ ኪታንቾት ኡባይ እያ ጋላትተ፤
\q2 ሳሎን ደእያ እያ ኦላንቾት ኡባይ እያ ጋላትተ።
\q1
\v 3 አዋይ፥ አጌናይ እያ ጋላትተ፤
\q2 ፖእያ ፆልንቶት ኡባይ እያ ጋላትተ።
\q1
\v 4 ቃ ሳሎት እያ ጋላትተ፤
\q2 ሳሎፐ ቦላራ ደእያ ሃት እያ ጋላትተ።
\q1
\v 5 ኤንቲ ኡባይ ጎዳ ሱን ጋላቶ፤
\q2 እ ኪትን ኤንቲ መትዶሶና።
\q1
\v 6 እ ኤንታ መርናዉ ኤንታ በሳን በሳን ዎስ፤
\q2 ሻረቶና ህገ ኤንታዉ እሚስ።
\q1
\v 7 ሳአፐ ጎዳ ጋላትተ!
\q2 አባን ደእያ ግታ መተቶ፤
\q2 አባ ጪሞቶ ኡባይ እያ ጋላትተ።
\q1
\v 8 ዎልአንዉ፥ ሻቻዉ፥ ሻራዉ፥
\q2 ጫጋናዉ፥ እያ ኪታ ፖልያ ጫርኩዋዉ፥
\q2 ኡባይ እያ ጋላትተ።
\q1
\v 9 ደረቶ፥ ዙማቶ፥
\q2 ሜተትያ አይፈ አይፍያ ምቶ፥ ዝጋቶ፥
\q2 ኡባይ እያ ጋላትተ።
\q1
\v 10 መሄቶ፥ ዶአቶ፥
\q2 ሳአራ ጎሸትያ መተቶ፥
\q2 ፓልያ ካፎቶ ኡባይ እያ ጋላትተ።
\q1
\v 11 ካዎቶ፥ ካዎተቶ፥
\q2 ሀላቃቶ፥ ደርያ ሃረይሳቶ፥
\q2 ኡባይ እያ ጋላትተ።
\q1
\v 12 ፓንቶ፥ ጌላኦቶ፥ ጭማቶ፥ ናይቶ፥
\q2 ኡባይ እያ ጋላትተ።
\q1
\v 13 እያ ሱንይ ኡባፈ ቃ ግድያ ግሾነ
\q2 እያ ቦንቾይ ሳሎታፐነ ሳአፐ ቃ ግድያ ግሾ፥
\q2 ኤንቲ ኡባይ ጎዳ ሱን ጋላቶ።
\q1
\v 14 እያዉ ማታ ግድዳ እስራኤለ፥
\q2 እ ቁ ቁ ኦስ፤
\q2 እያ ጋላታና መላ ኤንታ ምንስ።
\q2 ጎዳ ጋላትተ!
\c 149
\s1 ፆሳስ ኦራ ማዝሙረ የፅተ
\p
\v 1 ጎዳ ጋላትተ!
\q2 ጎዳስ ኦራ የ የፅተ!
\q2 ፅሎታ ሺቁዋን እያ ሳቢተ!
\q1
\v 2 እስራኤለይ ባንታና መዳይሳን ኡፋይቶ፤
\q2 ፅዮነይ ባንታ ካዋን ሀሹ ጎ።
\q1
\v 3 ዱርሸ፥ ካራቦ ባቅሸ፥
\q2 ዲ ዲፅሸ እያ ሱን ሳቦ።
\q1
\v 4 ጎዳይ ባ አሳን ኡፋይቴስ፤
\q2 አዳታስ ፆኖ እምድ ኤንታ ቦንቼስ።
\q1
\v 5 ነ አሳይ ባንታ ፆኑዋን ኡፋይቶ፤
\q2 ቃማ ኩመ ኡፋይሳን የፆ።
\q1
\v 6 ኤንታ ዶናን ፆሳ ጋላታይ፥
\q2 ኤንታ ኩሽያን ናምኡ ባጋ ቃራ ማሽ ደኦ።
\q1
\v 7 ሄሳን ኤንቲ ካዎተታ ቦላ ሀሎ ከያና፤
\q2 አሳ ሴራና።
\q1
\v 8 ኤንታ ካዎታ ሳንላታን፥
\q2 ኤንታ ሞርናታ ብራታን ቃቻና።
\q1
\v 9 ኤንታ ቦላ ፃፈትዳ ፕርዳ ፖላና፤
\q2 ሄስ ፆሳ አሳታ ኡባስ ፆኖ።
\q2 ጎዳ ጋላትተ!
\c 150
\s1 መተ ኡባይ ፆሳ ጋላቶ
\q1
\v 1 ጎዳ ጋላትተ!
\q2 እያ ጌሻ ኬን ፆሳ ጋላትተ፤
\q2 ቃ ሳሎን እያ ጋላትተ።
\q1
\v 2 እያ ዎልቃማ ኦሶታ ግሾ እያ ጋላትተ፤
\q2 ኡባፈ አያ እያ ግታተስ እያ ጋላትተ።
\q1
\v 3 ሞይዘ ፑንሸ እያ ጋላትተ፤
\q2 ዲንነ ማስንቆን እያ ጋላትተ።
\q1
\v 4 ካራቦ ባቅሸነ ዱርሸ እያ ጋላትተ፤
\q2 ዲ ዲፅሸ፥ ሱሱልኤ ፑንሸ እያ ጋላትተ።
\q1
\v 5 ዳላ ቃሸ እያ ጋላትተ፤
\q2 ዎልቃማ ዳላ ግርሳን እያ ጋላትተ።
\q1
\v 6 ሸምፖራ ደእያ ኡባይ
\q2 ጎዳ ጋላትተ!
\q2 ጎዳይ ጋላተቶ!