\id PRO - GOOFA FULL BIBLE
\ide UTF-8
\h ሌምሶ ማፃፋ
\toc1 ሌምሶ ማፃፋ
\toc3 ሌም
\toc2 ሌምሶ
\mt ሌምሶ ማፃፋ
\imt ጋ ቆፋ
\ip ሌምሶ ማፃፋይ ሀይሰነ ሌምሶ ኦዳን ጊግዳ፥ ዱሳ ዎጋነ አማኖ ትምርተ። ሀ ማፃፋፐ ዳሮ ባጋይ ጋላስ ጋላስ አሰ ጋክያ ሀኖታታ ኦዴስ። ማፃፋይ ኮይሮ ዶምሸ፥ “ፆሳስ ያሻተ ጭንጫተስ ኮይሮ” (1:7) ያግስ። ሀ ማፃፋይ ታማርሰይ፥ አማኖ ዎጋን አስ ኦናባ ፃላላ ግዶናሽን፥ አስ ባ ጋላሳ ዱሳን ሀናናዉ በሲያ ሎኦ ካንዱዋነ ኦናዉ በሲያ ሎኦ ኦሶ ጉጅድ ታማርሴስ።
\ip ሌምሶ ማፃፋታፐ ባጋይ አሳ ቡዞ ደኦባ ኦዴስ፤ ባጋይ እስ ሶ አሳ ዱሳባ ኦዴስ፤ ባጋይ ኦሶባነ ዛልኤባ ኦዴስ። ሌምሶ ማፃፋይ ፆሰ ቦንችያ አስ “ጭንጫ” ግድ፥ ፆሰ ኤሮና አስ “ኤያ” ጌስ። ሌምሶ ማፃፋይ አሽከተባ፥ ጭንጫተባ፥ ዳንዳአባ ቃባነ አማነተባ ዳሮ ትምርተ ታማርሴስ።
\iot ማፃፋ አይፈ ቆፋታ
\io1 ሌምሶታ ጎአ (\ior 1:1—9:18\ior*)
\io1 ሶሎሞነ ሌምሶታ (\ior 10:1—24:34\ior*)
\io1 ዱማ ዱማ ሌምሶታ (\ior 25:1—29:27\ior*)
\io1 አጉራ ሌምሶታ (\ior 30:1-33\ior*)
\io1 ልሙኤላ አየ ትምርተ (\ior 31:1-31\ior*)
\c 1
\s1 ሌምሶ ጎአ
\p
\v 1 ሀይሳቲ እስራኤለ ካዋ ዳዊታ ናኣ ሶሎሞነ ሌምሶታ። 
\v 2 ሌምሶት አሳይ ጭንጫተ፥ ሴራነ ኤራ ሃሳያ አኬካናዉ ማዶሶና። 
\v 3 ኤንቲ ጭንጫተ፥ ፅሎተ፥ ሱረ ፕርድነ ሱረ ዎዛን ዳና መላ ታማርሶሶና። 
\v 4 ኤያታስ አኬካ እሜስ፤ ናአተታስ ኤራተነ ካሃማተ እሜስ። 
\v 5 ጭንጫት ሀ ሌምሶታ ስእድ፥ ኤራ ጉጆሶና፤ አኬካንቾት ሎኦ ዞረ ኤኮሶና። 
\v 6 ሄሳን ሌምሶታነ ኤንታ ብርሸ፥ ጭንጫተ ኦዳነ ኤንታ ቃንእሸታ አኬካናዉ ዳንዳኤቴስ።
\p
\v 7 ጎዳስ ያሽ ጭንጫተስ ዶመ፤ ሽን ኤያት ጭንጫተነ ሴራ ካኦሶና።
\s1 ጭንጫተ ነዉ ሚሸ ኦ
\q1
\v 8 ታ ናአዉ፥ ነ አዋ ዞርያ ስአ፤
\q2 ነ አየ ትምርትያ ካፓ።
\q1
\v 9 ሄስ ነ ሁጵያስ ቦንቾ ካላቻ፤
\q2 ነ ቆያስ ጎዝዳ ግዳና።
\p
\v 10 ታ ናአዉ፥ ነና ናጋራንቾት
\q2 ጭምኮ ኤሮ ጎፓ።
\q1
\v 11 ኤንቲ፥ “ኑራ የ፤
\q2 አሰ ዎናዉ ሆክድ ናጎስ፤
\q2 ፅሎታ ዎናዉ ቆሰቶስ።
\q1
\v 12 ስኦለይ ምተይሳዳ ኑካ ኤንታ ፓፃ ምቶስ፤
\q2 ኑ ኤንታ ኦላን የገትያ አሳዳ ኦና።
\q1
\v 13 ኑኒ አልኦ ሚሸ ኡባ ደማና፤
\q2 ኑ ኬ ቦንቀ ሚሸን ኩንና።
\q1
\v 14 ኑራ ላገታ፤
\q2 ኑ ደምዳባ እስፈ ሻከታና” ያጋና።
\q1
\v 15 ታ ናአዉ፥ ኤንታራ ሄመቶፋ፤
\q2 ኤንታ ኦግያራ ባናዉ ነ ቶሁዋ ደንፋ።
\q1
\v 16 ኤንቲ ኢታባ ኦናዉ ዎፆሶና፤
\q2 አሳ ሱ ጉሳናዉ ያ ሃ ጎሶና።
\q1
\v 17 ካፎይ ፄልሽን፥
\q2 እያ ኦይካናዉ ግተ የገ ማደና።
\q1
\v 18 ሽን ኤንቲ ባንታ ሱ ጉሳናዉ ሆኮሶና፤
\q2 ባንታ ሸምፑዋ ዎናዉ ቆሰቶሶና።
\q1
\v 19 ገነን ጎአ ደምያ አሳ ዉርሰ ሄሳ መላ፤
\q2 ኤንቲ ሺሽዳ ሻሎይ ኤንታ ሸምፑዋ ኤኬስ።
\s1 ጭንጫተ ፄጌስ
\q1
\v 20 ጭንጫተ ዳጋላ ቦላ ኤቃዳ ፄጋዉሱ፤
\q2 ዳባባን ባ ቃላ ቁ ኦዳ ስሳዉሱ። 
\v 21 ጭንጫተ አስ ሺቅያ በሳን ኤቃዳ ፄጋዉሱ፤
\q2 ካታማ ገልያ ፐንገን ኤቃዳ ሀይሳዳ ያጋዉሱ።
\q1
\v 22 “ህንተኖ፥ አኬክ ፓጭዳይሳቶ፥
\q2 ህንተ አዉደ ጋካናዉ ኤያ ግድድ ዳኔ?
\q1 ቀልቅሰይሳቶ፥ አዉደ ጋካናዉ ኡፋይታኔ?
\q2 ኤያቶ፥ አዉደ ጋካናዉ ኤራተ እፃኔ?
\q1
\v 23 ታ ሴራ ህንተ ስእዳባ ግድያኮ፥
\q2 ታኒ ታ ኤራ ህንተ ቦላ ጉሳና፤
\q2 ታ ቃላካ ህንተና ታማርሳና።
\q1
\v 24 ሽን ታ ፄግዳ ዎደ ህንተ ኮዮና እፅዳ ግሾ፤
\q2 ታኒ ኩሸ ምጭን ኦንካ አኬክቦና ግሾ፤
\q1
\v 25 ታ ዞርያ ህንተ ካዳ ግሾ፤
\q2 ታ ሴራካ ኤክቦና ግሾ፤
\q1
\v 26 ህንተና መቶይ ጋክያ ዎደ ታ ሚጫና፤
\q2 ህንተ ዳጋማን ኮኮርያ ዎደ ታ ቀልቅሳና። 
\v 27 ጋዶይ ኡሾዳ ህንተ ቦላ ያ ዎደ፥
\q2 መቶይ ጎተዳ ህንተ ቦላ ኤቅያ ዎደ፥
\q2 ኡንእነ ዋየይ ህንተ ቦላ ጋክያ ዎደ፥
\q2 ታኒ ህንተና ቀልቅሳና።
\p
\v 28 “ሄ ዎደ ኤንቲ ታና ፄጋና፤ ሽን ታ ኮይከ፤
\q2 ኤንቲ ታና ምንድ ኮያና፤ ሽን ደሞኮና። 
\v 29 ኤንቲ ኤራተ እፅዳ ግሾ፤
\q2 ጎዳ ያሽ ዶርቦና ግሾ፥ 
\v 30 ታ ዞርያ ኤክቦና ግሾ፤
\q2 ታ ሴራ ካዳ ግሾ፤ 
\v 31 ኤንቲ ባንታ ኦሱዋ አይፍያ ማና፤
\q2 ባንታ ቆፋ አይፍያ ካላና። 
\v 32 አኬክ ፓጭዳይሳታ ጭንጫተፈ ሃከይስ ዎስ፤
\q2 ኤያታ ቀል ጉስ ይሴስ። 
\v 33 ሽን ታ ኦድያባ ስእያ ኡባይ ሳሮ ዳና፤
\q2 መቶ ህርጋፈካ ሸምፓና።”
\c 2
\s1 ጭንጫተ ጎአ
\p
\v 1 ታ ናአዉ፥ ታ ትምርትያ ነ ኤክኮ፤
\q2 ታ ኪታ ነ ዎዛናን ዎኮ፤ 
\v 2 ነ ሀይ ጭንጫተኮ ዛርኮ፤
\q2 ነ ዎዛና አኬካኮ ዛርኮ፤
\q1
\v 3 ኤራተ ፄግኮ፤
\q2 አኬካ ቁ ኦዳ ፄግኮ፤
\q1
\v 4 ብራ ዎይኮ ጌምዳ ሚሸ ኮየይሳዳ፥
\q2 ኔኒ ኤራተ ኮይኮ፥
\q1
\v 5 ሄ ዎደ ኔኒ ጎዳስ ያሽ ጉስ አይበኮ ኤራና፤
\q2 ፆሳ ሎይዳ ኤራና።
\q1
\v 6 ጎዳይ ጭንጫተ እሜስ፤
\q2 እያፐ ኤራተነ አኬክ በንቴስ።
\q1
\v 7 እ ሱረታስ ማድያ ዞረ ምንጄስ፤
\q2 ቦረይ ባይናይሳታስ ጎንዳለ ግዴስ።
\q1
\v 8 ሱረ ፕርዳ ኦግያ ናጌስ፤
\q2 እያዉ አማነተይሳታ ኦግያ ምንስ።
\q1
\v 9 ሄ ዎደ ኔኒ ፅሎተ፥ ሱረ ፕርዳ፥
\q2 ሱረ ኦገነ ሎኦ ኦሶይ አይበኮ አኬካና።
\q1
\v 10 ጭንጫተ ነ ዎዛና ግዶ ገላና፤
\q2 ኤራተ ነዉ ኡፋይስ ግዳና።
\q1
\v 11 ሻክድ ኤሮይ ነና ናጋና፤
\q2 አኬክ ነና ካማና።
\q1
\v 12 ጭንጫተ ነና ኢታ አሳታ ኦግያፐ ናጋና፤
\q2 ጌላ ኦዳፐ ነና አሻና።
\q1
\v 13 ኤንቲ ናጋራ ማን ዳናዉ፥
\q2 ፅሎተ ኦግያ አግዶሶና።
\q1
\v 14 ኢታ ኦሶን ኡፋይቶሶና፤
\q2 ጌላተን ሀሹ ጎሶና።
\q1
\v 15 ኤንታ ኦሶይ ምርቀ፤
\q2 ኤንታ ደኦይ ጌላ።
\q1
\v 16 ጭንጫተ ላይማ ማጫሳፐ፥
\q2 ቃላን ጭምያ ላገፈ ነና አሻና።
\q1
\v 17 እያ ባ ናአተ አዝና አጋጋሱ፤
\q2 ፆሳ ስንን ጫቅዳ ጫቁዋ ዶጋሱ።
\q1
\v 18 እ ሶ ኦገይ ሀይቆኮ ጋስ፤
\q2 ኢኮ ቡስ ሞይትለታኮ ጋስ።
\q1
\v 19 ኢኮ ብያ ኦንካ ጉየ ስመና፤
\q2 ደኦ ኦገ ደመና።
\q1
\v 20 ሄሳ አጋዳ፥ ሎኦ አሳታ ሌምሱዋ ካላ፤
\q2 ፅሎ አሳታ ሄመ ናጋ።
\q1
\v 21 ሱረ አሳትነ ቦረይ ባይናይሳት፥
\q2 ቢታን አዱሳ ላይ ዳና።
\q1
\v 22 ሽን ኢታት ቢታፈ ሾደታና፤
\q2 አማነቶናይሳት ያና።
\c 3
\s1 ጎዳን አማነታ
\q1
\v 1 ታ ናአዉ፥ ታ ትምርትያ ዶጎፓ፤
\q2 ታ ኪታ ነ ዎዛናን ዎ።
\q1
\v 2 ኤንቲ ነ ላይ አዱሳና፤
\q2 እንጀነ ሳሮተ ነዉ ጉጃና።
\q1
\v 3 ሲቆይነ ቱማተ ኔፐ ሃኮፎ፤
\q2 ኤንታ ነ ቆን ቃቻ፤ ነ ዎዛናን ፃፋ።
\q1
\v 4 ሄሳ ኦኮ ነ ፆሳነ አሳ ስንን
\q2 ሳበታናነ ናሸታና።
\q1
\v 5 ነ ኩመ ዎዛናን ጎዳ አማነታ፤
\q2 ነ አኬካን ዘምፖፋ።
\q1
\v 6 ነ ኦሶ ኡባን እያ ስንያ፤
\q2 እ ነና ሱረ ኦገ ካለና።
\q1
\v 7 ነና ነ ሁጰን ጭንጫ ኦፋ፤
\q2 ጎዳ ያያ፤ ኢታፐ ሃካ።
\q1
\v 8 ሄስ ነ አሳተስ ፓያተ ኤሀና፤
\q2 ነ መቀካ ፃልሳና።
\q1
\v 9 ነ ሻሉዋን ጎዳ ቦንቻ፤
\q2 ኮይሮ አይፍዳ ካፈ
\q2 ባይራ እማዳ እያ ቦንቻ።
\q1
\v 10 ሄሳ ነ ኦኮ፥ ነ ሻልያን ካ ኩማና፤
\q2 ነ ዳሎይ ዎይነ ኡሻን ኩምድ ፓላሀና።
\p
\v 11 ታ ናአዉ፥ ጎዳ ሴራ ካፓ፤
\q2 እ ነና ሴርያ ዎደ ላንጮፋ።
\q1
\v 12 አዋይ ባ ዶስያ ናአ ሴረይሳዳ፥
\q2 ጎዳይ ባ ዶስያ ኡራ ሴሬስ።
\q1
\v 13 ጭንጫተ ደመይነ፥
\q2 አኬካ ባዉ ሚሸ ኦያ ኡራይ አንጀትዳይሳ።
\q1
\v 14 ጭንጫተ ብራፐ አድ ጎኤስ፤
\q2 ዎርቃፈ አድ ማዴስ።
\q1
\v 15 ጭንጫተ ዎርቃፈ አድ አልኦ፤
\q2 ነ ደማናዉ አሞትያ ኡባይ ጭንጫተራ ግነና።
\q1
\v 16 ጭንጫተ ኡሻቻ ኩሸን አዱሳ ላይ፥
\q2 ሀድርሳ ኩሸን ዱረተነ ቦንቾ ኦይካሱ።
\q1
\v 17 እ ኦገት ኡፋይስያ ኦገታ፤
\q2 እ ሆሮጋይ ሳሮ ሆሮጋ።
\q1
\v 18 እያ ባና ኦይከይሳታስ ደኦ ም፤
\q2 እዮ ምንድ ኦይክያ ኡባይ አንጀትዳይሳታ።
\q1
\v 19 ጎዳይ ባ ጭንጫተን ሳኣ መስ፤
\q2 ባ አኬካን ሳሎታ ምንስ።
\q1
\v 20 እያ ኤራተን ሻፋት ጎጎሶና፤
\q2 ሻራታፐ እር ቡኬስ።
\q1
\v 21 ታ ናአዉ፥ ሱረ ፕርዳነ
\q2 ሻክድ ኤሮ ምንዳ ኦይካ
\q2 ኤንቲ ኔፐ ሻከቶፎ።
\q1
\v 22 ኤንቲ ነዉ ደኦ ግዳና፤
\q2 እንጀነ ኡፋይስ እማና።
\q1
\v 23 ሄ ዎደ ነ ህርግ ባይና ሄመታና፤
\q2 ነ ቶሆይ በተና።
\q1
\v 24 ኔኒ ዝንእያ ዎደ ያያካ፤
\q2 ቃማ ኩመ ማልኦ ስኮ ስካና።
\q1
\v 25 አኬኮና ጋክያ ጋዶስ ያያካ፤
\q2 ኢታት ይያ ዩዋን ዳጋማካ።
\q1
\v 26 ጎዳይ ነዉ ዘምፖ ግዳና፤
\q2 ነ ቶሆይ ፅሄን ኦይከቶናዳ እ ናጋና።
\q1
\v 27 ነዉ ዎልቅ ደእሽን፥
\q2 መቶትዳ ኡራስ ሎኦባ ኦሶ አጎፋ።
\q1
\v 28 ሀእ ማዳናዉ ዳንዳአሸ ነ ሾሩዋ፥
\q2 “ስማዳ ያ፤ ታ ነዉ ዎንቶ እማና” ያጎፓ። 
\v 29 ነና አማነትድ፥ ነ ማታን ደእያ፥
\q2 ነ ሾሩዋ ቦላ ገነ ኦፋ።
\q1
\v 30 ነና ቆሆና ደእሽን፥
\q2 አሰ ጮ ሞቶፓ።
\q1
\v 31 ገነ ኦያ አሳታ ቃናቶፓ፤
\q2 ኤንታ ኢታ ኦሱዋ ካሎፋ።
\q1
\v 32 ጎዳይ ኢታ ኦያ አሳታ እፄስ፤
\q2 ሽን ሱረታ ዶሴስ።
\q1
\v 33 ጎዳይ ኢታ ኦያ አሳ ኬ ባዴስ፤
\q2 ሽን ሱረባ ኦያ አሳ ኬ አንጄስ።
\q1
\v 34 ኦቶሮን ቀልቅሰይሳታ ጎዳይ ቀልቅሴስ፤
\q2 ሽን ባንታና ካዉሸይሳታ ሳቤስ።
\q1
\v 35 ጭንጫት ቦንቾ ደማና፤
\q2 ሽን ኤያት ካዉያና።
\c 4
\s1 ጭንጫተ ኡባፈ ቦላ
\q1
\v 1 ታ ናይቶ፥ ህንተ አዋ ዞርያ ስእተ፤
\q2 ሎይ ስእተ፤ ህንተ አኬካ ደማና።
\q1
\v 2 ታ ህንተዉ ሎኦ ትምርተ እምያ ግሾ፥
\q2 ታ ትምርትያ ካፕተ።
\q1
\v 3 ታካ ታ አዋስ ናአ፤
\q2 ታ አየስ እያ ዶስያ እስ ናአ።
\q1
\v 4 ታ አዋይ ታና ሀይሳዳ ያግድ ታማርስስ፤
\q2 “ታ ኦዳይ ነዉ ገሎ፤ ታ ኪታ ናጋ፤
\q2 ኔኒ ሄሳ ኦኮ ደኦን ዳና።
\q1
\v 5 ጭንጫተነ አኬካ ደማናዉ ምና፤
\q2 ታ ነዉ ኦድያባ ዶጎፓ፤ እያፐ ካረ ከዮፓ።
\q1
\v 6 ጭንጫተስ ዞኮ ዛሮፓ፤ እያ ነና አሻና፤
\q2 እዮ ዶሳ፤ እያ ነና ናጋና።
\q1
\v 7 ጭንጫተ አያ ግሾ እዮ ደማ፤
\q2 ነዉ ደእያባ ዉርስድ ኤክኮካ አኬካ ደማ።
\q1
\v 8 ነ እዮ ቦንቻ፤
\q2 እያ ነና ቁ ቁ ኦና፤
\q2 ነ እዮ ኦይክኮ፥ እያ ነና ቦንቻና።
\q1
\v 9 እያ ነ ሁጵያስ ሳባ ግዳና፤
\q2 ቦንቾ ካላቻ እማና” ያግስ።
\q1
\v 10 ታ ናአዉ፥ ስአ፤ ታ ኦደይሳ ኤካ፤
\q2 ነ ላይይ አዱቃና።
\q1
\v 11 ታኒ ነና ጭንጫተ ኦገ ካለና፤
\q2 ሱረ ሆሮጋ በሳና።
\q1
\v 12 ነ ሄመትያ ዎደ ብያባይ ዴና፤
\q2 ዎፅያኮካ በታካ።
\q1
\v 13 ታ ትምርትያ ሎይ ናጋ፤ የዶፋ፤
\q2 ትምርተይ ነዉ ደኦ እምያ ግሾ ሎይ ናጋ።
\q1
\v 14 ናጋራንቾታ ኦግያራ ቦፓ፤
\q2 ኢታ አሳታ ኦግያን ሄመቶፋ።
\q1
\v 15 እያፐ ሃካ፤ እያን ሄመቶፋ፤
\q2 ጉየ ስማ፤ ነ ኦግያን ባ።
\q1
\v 16 ኤንቲ ኢታባ ኦና ደእሽን ስኮይ ኤከና፤
\q2 ኤንቲ አሰ ቦና ደእሽን ስኮይ ኤፈና።
\q1
\v 17 ኤንቲ ናጋራ ካዳ ሞሶና፤
\q2 ጌላተ ኡሻዳ ኡዮሶና።
\q1
\v 18 ፅሎታ ኦገይ ሴታ ጋላስ ጋካናዉ፥
\q2 ጉጅ ጉጅ ፖእያ ዎንታ ፃልቀ መላ።
\q1
\v 19 ሽን ጌላታ ኦገይ ሳካና ማ መላ፤
\q2 ኤንቲ አይብን በትያኮካ ኤሮኮና።
\q1
\v 20 ታ ናአዉ፥ ታ ኦደይሳ ስአ፤
\q2 ነ ሀይ ታኮ ዛራ።
\q1
\v 21 ነ አይፍያ ስንፈ ሃሶፋ፤
\q2 ነ ዎዛናን ናጋ።
\q1
\v 22 ኤንታ ደምያ ኡባስ ኤንቲ ደኦ፤
\q2 ኤንቲ አሳተስ ፓያተ እሞሶና።
\q1
\v 23 ደኦይ እያፐ ፑልትያ ግሾ፥
\q2 ኡባፈ አዳ ነ ዎዛና ምንዳ ናጋ።
\q1
\v 24 ነ ዶናፐ ኢታ ሃሳያ ድጋ፤
\q2 ዎርዶ ሃሳያ ነ ማታፐ ሃሳ።
\q1
\v 25 ስት ጋዳ ስን ፄላ፤
\q2 ነ አይፈይ ነ ስንን ደእያባ
\q2 ትሽ ኦድ ፄሎ።
\q1
\v 26 ነ ቶሁዋ ኦግያ ጊግሳ፤
\q2 ሱረ ኦገ ፃላላን ሄመታ።
\q1
\v 27 ሱረ ኦገፐ ኡሻች ሀድርስ ጎፓ፤
\q2 ነ ቶሆይ ኢታ ኦገ ቦናዳ ናጋ።
\c 5
\s1 ላይማተፈ ሃካ
\q1
\v 1 ታ ናአዉ፥ ታ ጭንጫተ ሀይዛ ስአ፤
\q2 ነ ሀይ ታ ትምርትያኮ ዛራ።
\q1
\v 2 ሄስ ነና ዎዛናማ ኦና፤
\q2 ነ ኦዳይ ነ ኤራተ ቆንጭሳና።
\q1
\v 3 ላይማ ማጫሳ እንፃርሳፈ እልሎ ኤስ ፆኬስ፤
\q2 እ ኦዳይ ኦይሳፐ አድ ሎፅኬስ።
\q1
\v 4 ሽን ዉርሰን እያ ጎዳረ ኡዳ ጫማዉሱ፤
\q2 ናምኡ ባጋራ ቃንፅያ ማሻዳ ቃራ።
\q1
\v 5 እ ቶሆይ ሀይቆኮ ቤስ፤
\q2 እ ታንጎይ ዱፎ ጋስ።
\q1
\v 6 እያ ደኦ ኦገ ቆፑኩ፤ እ ኦገይ ጌላ፤
\q2 ሽን ጌላ ግደይሳ እያ ኤሩኩ።
\q1
\v 7 ታ ናአዉ፥ ታና ስአ፤
\q2 ታ ኦደይሳፈ ከዮፓ።
\q1
\v 8 ላይማ ማጫሳ ሄራ ቦፕተ፤
\q2 እ ኬ ፐንግያኮ ሺቆፕተ።
\q1
\v 9 ሄስ ሀኖና እፅኮ ህንተ ቦንቹዋ ሀራት ኤካና፤
\q2 ናአተን ዎዛና ምኖ አሳ ኩሸን ህንተ ሀይቃና።
\q1
\v 10 ህንተ አቁዋ አላጋት ኤካና፤
\q2 ህንተ ዳቡራድ ሺሽዳባይ ሀራ አሳስ ግዳና።
\q1
\v 11 ዉርሰን ህንተ አሾይነ
\q2 ህንተ አሳተይ ዉርን ህንተ ዬካና።
\q1
\v 12 ህንተ ያጋና፤ “ታ አይስ ትምርተ እፃድና?
\q2 ታ ዎዛናይ ሴራ አይስ ካዴ?
\q1
\v 13 ታኒ ታ አስታማረታ ስአብከ፤
\q2 ታና ዞረይሳታ ዞርያ ኤካብከ።
\q1
\v 14 ሄሳ ግሾ፥ ታ አሳይ ሺቅዳ ሺቁዋን፥
\q2 ካዉያናዉ ማታስ” ያጋና።
\q1
\v 15 ኔኒ ነ ፑልቱዋፈ ሃ ኡያ፤
\q2 ነ ማቸ ፃላላ ሲቃ።
\q1
\v 16 ነ ፑልቱዋ ዳባባን፥
\q2 ነ ኦላ ሃ ደንባን አይስ ጉሳይ?
\q1
\v 17 ኤንታ ነዉ ቡዞ ኦ፤
\q2 ሀራ አላጋ ኡራራ ኮፆፋ።
\q1
\v 18 ነ ፑልቶይ ነዉ አንጀቶ፤
\q2 ነ ናአተ ማቸራ ኡፋይታ።
\q1
\v 19 ሎእያ ጋረዳንነ ኡፋይስያ ገንኤዳ
\q2 እ ንይ ኡባ ዎደ ነና አሎ፤
\q2 ኡባ ዎደ እ ሲቆይ ነና ድኦ።
\q1
\v 20 ታ ናአዉ፥ ላይማ ማጫሳን አይስ ድኤታይ?
\q2 ሀራ አሳ ማቾ አይስ ቆማይ?
\q1
\v 21 አስ ኦያባ ኡባ ጎዳይ በኤስ፤
\q2 እ ሄመትያ ሆሮጋ ኡባ ፄሌስ።
\q1
\v 22 ናጋራንቹዋ እ ኦዳ ናጋራይ ኦይኬስ፤
\q2 እያ ናጋራ ግተይ እያ ቃቼስ።
\q1
\v 23 እ ባ ኤያተን ይስ፤
\q2 ባና ናግቦና ግሾ ሀይቅስ።
\c 6
\s1 ኤያተፈ ሃካ
\p
\v 1 ታ ናአዉ፥ ሚሸ ታልእዳ ነ ሾሩዋስ ዋሰ ገልዳባ ግድኮ፥
\q2 ሀራ አሳስ ኩሸ ባቃዳ ጫቅዳባ ግድኮ፥
\q2
\v 2 ነ ጫቅዳ ነ ጫቁዋን ፅሄን ገልዳባ ግድኮ፥
\q2 ነ ዶናፐ ከይዳ ቃላን ኦይከትዳባ ግድኮ፥
\q2
\v 3 ህዛ ነ ሾሩዋ ኩሸን ገላዳሳ።
\q1 ሄሳ ግሾ፥ ታ ናአዉ፥ እያፐ ከያናዉ ኮይኮ፥
\q2 ነ ሾሩዋ ሶ ባዳ ዋሰተ
\q2 ነ ቦላፈ ዎና መላ አዳሻዳ እያ ዎሳ።
\q1
\v 4 ሄሳ ኦና ደአሸ ዝንኦፋ፤
\q2 ስኮይካ ነና ኤኮፎ።
\q1
\v 5 ሻንካፈ ገንኤይ ከስ ኤክያዳ፥
\q2 ግተፐ ካፎይ አትያዳ ነና አሻ።
\q1
\v 6 ነኖ አዛላዉ፥ ዝማዶኮ ባ፤
\q2 እያፐ ጭንጫተ ታማራ።
\q1
\v 7 ዝማዶታ ኪተይ ባዋ፥
\q2 ሀላቅ ዎይኮ ኤንታ ሃረይ ባዋ።
\q1
\v 8 ሽን ባንታዉ ማናባ ቦነ ምንጆሶና፤
\q2 ካ ጫክያ ዎደ ባንታዉ ኮሽያ ካ ሺሾሶና።
\q1
\v 9 ነኖ አዛላዉ፥ ነ አዉደ ጋካናዉ ስካይ?
\q2 ነ ስኮፈ አዉደ ባርካኔ?
\q1
\v 10 ኔኒ “ጉ ዝንአና፤ ጉ ስካና፤
\q2 ኩሸ ሺሻ ኤካዳ ጉ ሸምፓና” ያጋሳ።
\q1
\v 11 ሄ ዎደ ማንቆተ ፓንጋዳ፥
\q2 ፓጭ ኦላ ሚሸ ኦይክዳ አሳዳ ነ ቦላ ያና።
\q1
\v 12 ላፋነ ኢታ አስ ዩይድ ኦዳ ምርቄስ፤
\q1
\v 13 እ ባ አይፈን ቃምኦቴስ፤
\q2 ባ ቶሆን በሴስ፤ ባ ብራን ማሌስ።
\q1
\v 14 እያ ኡሎን ጌላተ ደኤስ፤ ኢታባ ቆፔስ፤
\q2 ኡባ ዎደ ኦሹ መስ።
\q1
\v 15 ሄሳ ግሾ ዮይ አኬኮና እያ ቦላ ያና፤
\q2 እ ሀሳዮና መቃና፤ ዛሪድ ፓፀና።
\q1
\v 16 ጎዳይ እፅያ ኡሱፑን ቆሞት ደኦሶና፤
\q2 እ ሻተትያ ቆሞት ላፑና፤
\q2
\v 17 ካድ ፄልያ አይፈ፥
\q2 ዎርዶትያ እንፃርስ፥
\q2 ፅሎ አሳታ ዎያ ኩሸ፥
\q2
\v 18 ኢታባ ማቅያ ዎዛና፥
\q2 ኢታባኮ ዎፃናዉ ኤሶትያ ቶሆ፥
\q1
\v 19 ዎርዶ ቦላ ዎርዶ ጉጅያ ዎርዶ ማርካ፥
\q2 እሻታ ግዶን ኦሽ መያ አስ።
\s1 ላይማተፈ ናገታ
\p
\v 20 ታ ናአዉ፥ ነ አዋ ኪታ ፖላ፤
\q2 ነ አየ ትምርትያ አጎፋ።
\q1
\v 21 ኤንታ ኡባ ዎደ ነ ዎዛናን ኦይካ፤
\q2 ነ ቆያን ቃቻ።
\q1
\v 22 ነ ሄመትያ ዎደ ኤንቲ ነና ካለና፤
\q2 ነ ዝንእያ ዎደ፥ ኤንቲ ነና ናጋና፤
\q2 ነ ባርክያ ዎደ ኤንቲ ነና ዞራና።
\q1
\v 23 ጎዳ ኪታይ ፆምፐ፤ እያ ትምርተይ ፖኦ፤
\q2 እያ ሴራይ ደኦኮ ኤፍያ ኦገ።
\q1
\v 24 ሀ ትምርተት ኢታ ማጫፈነ
\q2 ሀራ ጭምያ ማጫሳ እንፃርሳፈ ነና ናጋና።
\q1
\v 25 እ ማላ ሎኦተይ ነና ቃፎ፤
\q2 እ ቃምኦቶይ ነና ድኦፎ።
\q1
\v 26 እስ አደይ ጉ ሚሸን ላይማ ማጫስ ደማናዉ ዳንዳኤስ፤
\q2 ሽን ሀራ አሳ ማቾ ላገይ ሸምፖ ኤኬስ።
\q1
\v 27 ታማ እድምን
\q2 እያ ማኦይ ሜተቶና አተይ ደኢ?
\q1
\v 28 ታማ ቦንቆ የን፥
\q2 እያ ቶሆይ ፁገቶና አተይ ደኢ?
\q1
\v 29 አሳ ማቾ ላገያ ኡራይ ሄሳ መላ፤
\q2 እዮ ቦችያ ኡባይ ሴረቶና አተና።
\q1
\v 30 ካይሶይ ኮሻትድ ማናዉ ካይስኮ፥
\q2 አስ እያ ቦረና።
\q1
\v 31 ሽን እ ኦይከትያባ ግድኮ፥
\q2 ላፑን ኩሸ ቃንፃና፤
\q2 ባ ሶን ደእያ ሚሸ ኡባ እማና።
\q1
\v 32 ሽን ማጫሳራ ላይማትያ አስ ዎዛን ባይና አስ፤
\q2 ሄ ኡራይ ባ ሸምፑዋ ይሴስ።
\q1
\v 33 ደሸነ ካዉሽ እያ ቃዳ፤
\q2 ዬል እያፐ ቁሸተና።
\q1
\v 34 ቃናተይ አዝናስ ይሎ ደንስ፤
\q2 ሀሎ ከስያ ዎደ እዉ ቃተና።
\q1
\v 35 እ አይ አጫካ ኤከና፤
\q2 አይ መላ እሞትካ እያ ሀንቁዋ ዶሽሰና።
\c 7
\s1 ላይማ ማጫሳፐ ናገታ
\p
\v 1 ታ ናአዉ፥ ታ ቃላ ናጋ፤
\q2 ታ ኪታ ነ ዎዛናን ዎ።
\q1
\v 2 ደኦን ዳናዉ ታ ኪታ ኦ፤
\q2 ታ ትምርትያ ነ አይፈ ናኤዳ ናጋ።
\q2
\v 3 ነ ኩሸን ኤንታ ቃቻ፤
\q2 ነ ዎዛናን ኤንታ ፃፋ።
\q1
\v 4 ጭንጫተ ነ ምችዳ፥
\q2 አኬካ ነ ማታ ዳቦዳ ፄላ።
\q1
\v 5 ኤንቲ ነና ላይማ ማጫሳፐነ
\q2 ባ ቃላን ጭምያ ሀራ ማጫሳፐ ናጋና።
\q1
\v 6 እስ ጋላስ ታ ማስኮተራ ካረ ፄላስ።
\q1
\v 7 ኤራተ ፓጭዳ ናአተታ በአስ፤
\q2 ኤንታ ግዶፈ እሶይ ዳሮ ኤያ።
\q1
\v 8 ሄ ናአተይ ኦገራ ብሸ፥
\q2 እስ ላይማ ማጫሰ ኬ ማታራ አስ፤
\q2 እ ሶ ኤፍያ ኦግያ ስሚድ እ ሶኮ ብስ።
\q1
\v 9 ሄ ዎደ ሳእ ላዴስ።
\q1
\v 10 ማጫስያ እያ ደማሱ፤
\q2 እያ ላይማ ግደይሳ እ ማኦይ ኤርሴስ፤
\q2 እያ አሳ ጭማናዉ ሀልቻዳ ከያሱ።
\q1
\v 11 እያ ፃልታማነ ዬል ባይና ማጫስ፤
\q2 ሶን ዎፑ ጋዳ ኡቱኩ።
\q1
\v 12 እያ እስ ቶሆ ኦገን፥ እስ ቶሆ ግያን፥
\q2 እስ ቶሆ ዳባባን ኤቃዳ ናጋዉሱ።
\q1
\v 13 እያ ሄ ናአተ ቆማዳ ዬራሱ፤
\q2 እያ ትሽ ኦዳ ፄላሸ ሀይሳዳ ያጋሱ፤
\q1
\v 14 “ታኒ ታ ያርሹዋ ያርሻዳ፥
\q2 ታ ቃንገ ሀች ጋስ።
\q1
\v 15 ያታዳ ነና ሞካናዉ ከያስ፤
\q2 ነና ዳሮ ኮያስ፤ ህዛ ነና ደማስ።
\q1
\v 16 ታኒ ግብፀፈ ይዳ፥
\q2 አሌቀትዳ አፍላ ሂፃስ።
\q1
\v 17 ታኒ ታ ሂፃ፥
\q2 ካርበፈ፥ አልሙነፐነ ቃራፋፐ፥
\q2 ኦሰትዳ ሽቱዋ ፑካስ።
\q1
\v 18 ሃያ፤ ዎንታና ጋካናዉ ሲቆ አሎስ፤
\q2 ቆመትድ ኡፋይቶስ።
\q1
\v 19 ታ አዝናይ ሶን ዴና፤
\q2 ሃሆ ቢታ ብስ።
\q1
\v 20 ሚሸ ካርፂታ ኩንድ ብዳ ግሾ፥
\q2 አጌና ኩሞና ሶ ስመና” ያጋሱ።
\p
\v 21 ባ ማልኦ ኦዳን እያ ባለሱ፤
\q2 ባ ሊቆ እንፃርሳን እያ ጭማሱ።
\q1
\v 22 ቦር ሹከታናዉ በይሳዳ፥
\q2 ጋር ኤሶትድ ፅሄን ገለይሳዳ፥
\q2 እ እዮ ካልድ ብስ።
\q1
\v 23 ቶር እያ ዎዛና ጫድዳዳ ሀንስ፤
\q2 ግተ ግዶ ገልዳ ካፎ ዳንስ፤
\q2 ሄስ ኡባይ እያ ሸምፑዋ ይሳናዉ ሀነይሳ ኤርቤና።
\q1
\v 24 ህዛ ታ ናአዉ፥ ታና ስአ፤
\q2 ታ ዶናፐ ከይያ ቃላ ሀይዛ።
\q2
\v 25 ነ ዎዛናይ ማጫሳ ጌዶ ቦፖ፤
\q2 እ ኦግያን ገላዳ ዮፓ።
\q1
\v 26 እያ ጫዳ የግዳይሳት ዳሮ፤
\q2 እያ ዎዳይሳት ጉ ግዶኮና።
\q1
\v 27 እ ሶይ ዱፎኮ ኤፍያ ኦገ፤
\q2 ሀይቆኮ ካለያ ሆሮጋ።
\c 8
\s1 ጭንጫተ ኦገ
\q1
\v 1 ጭንጫተ ፄጋዉሱ፤ ስእተ፤
\q2 አኬክ ባ ቃላ ቁ ኦዳ ስሳዉሱ።
\q1
\v 2 ኦገ ዶናን ደእያ ዙማታ ቦላነ
\q2 ዳጋላ ኦግያን እያ ኤቃዉሱ።
\q1
\v 3 ድርሳ ፐንገ ማታን፥ ካታማ ገልያ ፐንገን ኤቃዳ፥
\q2 ባ ቃላ ቁ ኦዳ ሀይሳዳ ያጋዉሱ።
\q1
\v 4 አሳዉ፥ ታ ህንተና ፄጋይስ፤
\q2 አሳ ኮቸ ኡባ ፄጋይስ።
\q1
\v 5 ህንተኖ ኤራተህ ባይናይሳቶ ኤራተ ታማርተ፤
\q2 ህንተኖ ኤያቶ፥ አኬካ ደምተ።
\q1
\v 6 ታኒ ሎኦባ ኦድያ ግሾ ስእተ፤
\q2 ታ ዶናፐ ሱረባይ ከዬስ።
\q1
\v 7 ታኒ ቱማ ኦደታይስ፤
\q2 ዎርዶይ ታ ማታን እፀትዳባ።
\q1
\v 8 ታ ኦዳይ ቱማ፤
\q2 ጌላ ዎይኮ ምርቀ ግደና።
\q1
\v 9 አኬክ ደእያ ኡራስ ታ ኦዳይ ልከ፤
\q2 ኤር ደእያ ኡራስ ታ ኦዳይ ቆንጨ።
\q1
\v 10 ብራፐ አድ ታ ዞርያ ዶርተ፤
\q2 ጌሻ ዎርቃፈ አድ ኤራተ ዶርተ።
\q1
\v 11 ጭንጫተ ዞኦ አልኦ ሹቻፈ አስ፤
\q2 ነ አሞትያ ኡባይ ኢራ ልከተና።
\q1
\v 12 ታዉ፥ ጭንጫተስ አኬክ ደኤስ፤
\q2 ኤራተነ ሻክድ ኤሮይ ታባ።
\q1
\v 13 ጎዳስ ያሽ ኢታተ እፆ፤
\q2 ታኒ ኦቶሮነ ጬቀተ እፃይስ፤
\q2 ኢታ ኦገነ ዎርዶ ኦዳ ዶስከ።
\q1
\v 14 ዞረይነ ሎኦ ኤራይ ታባ፤
\q2 አኬክነ ዎልቅ ታዉ ደኤስ።
\q1
\v 15 ካዎት ታ ባጋራ ካዎቶሶና፤
\q2 ሃረይሳት ሱረ ህገ ታ ባጋራ ከሶሶና።
\q1
\v 16 ሀላቃት ታ ማድን ደርያ ሃሮሶና፤
\q2 ቢታ አይስያ ግታ አሳታ ታ ማዳይስ።
\q1
\v 17 ታና ዶሰይሳታ ታ ዶሳይስ፤
\q2 ታና ምንድ ኮየይሳት ደማና።
\q1
\v 18 ዱረተነ ቦንቾይ ታራ ደኦሶና፤
\q2 ዉሮና ሻሎይነ እንጀይ ታ ማታና።
\q1
\v 19 ህንተ ታፐ ደምያ ጎአይ፥
\q2 ጌሻ ዎርቃፈነ ብራፐ አስ።
\q1
\v 20 ታ ፅሎተ ኦገን ሄመታይስ፤
\q2 ሱረ ፕርዳ ኦግያራ ካንይስ።
\q1
\v 21 ታና ዶሰይሳታስ ታ ሻሎ እማና፤
\q2 ኤንታ ኬ ዱረተን ኩንና።
\p
\v 22 “ጎዳይ ታና ኡባፈ ኮይሮ መስ፤
\q2 በንፐካ እያ ኦሱዋስ ዶመይ ታና።
\q1
\v 23 አላመይ መታናፐ ካሰ
\q2 ታኒ ሹመታስ።
\q1
\v 24 አባይ ባይና ዎደ፥ ፑልቶት ቆና
\q2 ደእሽን ታ የለታስ።
\q1
\v 25 ደረትነ ዙማት መታናፐ
\q2 ስን ታ የለታስ። 
\v 26 ጎዳይ ሳኣነ ሳአን ደእያ ኡባ መናፐ ስን
\q2 ዎይኮ ኮይሮ ኮጰ ቢታይ ኦሰታናፐ ስን ታ የለታስ።
\q1
\v 27 ጎዳይ ሳሎታ ምጭዳ ዎደ፥
\q2 አባታፐ ቦላራ ሳሎ ጉፋን ጊግስዳ ዎደ፥
\q2 ታኒ ያን ደአይስ።
\q1
\v 28 ጎዳይ ሻራታ ቦላራ ዎዳ ዎደ፥
\q2 አባ ፑልቶታ ስዳ ዎደ፥
\q2
\v 29 አባ ሃት እመትዳ ዛዋፐ ፕንድ፥ ቦላ አናዳ፥
\q2 እ ኤንታ ኪትዳ ዎደ ሳኣ ባሱዋ ምንዳ ዎደ፥
\q2 ታኒ ያን ደአይስ።
\q1
\v 30 ሄ ዎደ ታ እያ ማታን ዋና ኦሳንቾ፤
\q2 ኡባ ዎደ ታ እያ ኡፋይሳይስ፤
\q2 ታዉካ እያ ስንን ኡፋይታይስ።
\q1
\v 31 እ መዳ አላምያን ኡፋይታይስ፤
\q2 አሳ ናይትካ ታና ኡፋይሶሶና።
\b
\q1
\v 32 “ህዛ ታ ናይቶ፥ ስእተ፤
\q2 ታ ኦደይሳዳ ኦይሳት አንጀትዳይሳታ።
\q1
\v 33 ታ ትምርትያ ስእተ፤ ጭንጫ ግድተ፤
\q2 ስእዳባ ዶጎፕተ።
\q1
\v 34 ታኒ ኦድዳባ ስእያ ኡራይ፥
\q2 ጋላስ ጋላስ ታ ፐንግያን በንትያ ኡራይ፥
\q2 ታ ፐንግያን ናግያ ኡራይ አንጀትዳይሳ።
\q1
\v 35 ታና ደምዳይ ደኦ ደሜስ፤
\q2 ጎዳፐ ሳባ ኤኬስ።
\q1
\v 36 ሽን ታና ደሞና ኡራይ ባና ቆሄስ፤
\q2 ታና እፅያ ኡባይ ሀይቆ ዶሴስ።”
\c 9
\s1 ጭንጫተ፥ ኤራተነ ኤያተ
\q1
\v 1 ጭንጫተ ባ ኬ ኬፃሱ፤
\q2 ላፑን ቱሳታ ባ ኬስ ኤሳሱ።
\q1
\v 2 እያ ባ ጊግስያ ግብራስ ሞ መሄ ሹካሱ፤
\q2 ዎይነ አጋሱ፤ ጋይታ አሳ ስን አሱ።
\q1
\v 3 አሳ ፄጋናዉ ባ አይለታ ኪታሱ፤
\q2 ኦሳንቾት ካታማ ቃ በሳን ኤቅድ፥ 
\v 4 ህንተኖ፥ ኤር ፓጭዳይሳቶ ሃ ገልተ! ኤያታኮ ሀይሳዳ ያጋሱ። 
\v 5 “ሃ ዪተ፤ ታ ካ ሚተ፤
\q2 ታ አግዳ ዎይንያ ኡይተ። 
\v 6 ህንተ ኤያተ አግድ ደኦን ደእተ፤
\q2 አኬክድ ሄመትተ” ያጋሱ።
\p
\v 7 ቀልቅስያ ኡራ ሴርያ አስ ጫሸ ኤኬስ፤
\q2 ኢታ ኡራ ዞርያ አስ ባዉ ቆሄቴስ።
\q1
\v 8 ቀልቅስያ ኡራ ዞሮፓ፤ እ ነና እፃና፤
\q2 ጭንጫ ኡራ ዞራ፤ እ ነና ዶሳና። 
\v 9 ጭንጫተ ኡራ ታማርሳ፤ እ ጭንጫ ግዳና፤
\q2 ፅሎ ኡራ ታማርሳ፤ እ ኤራ ጉጃና።
\p
\v 10 ጎዳስ ያሽ ጭንጫተስ ዶመ፥ ጌሻ ጎዳ ኤሮይ አኬካ።
\q1
\v 11 ታ ጋሶን ነ ላይይ ዳራና፤
\q2 ነ ደኦ ላይይ አዱቃና።
\q1
\v 12 ነ ጭንጫ ግድኮ፥ ጎኤተይ ነና፤
\q2 ነ ቀልቅስያ አስ ግድኮ ነና ቆሃሳ።
\p
\v 13 ኤያ ማጫስ ዋሶ ዳራዉሱ፤
\q2 እዉ ዬል ባዋ፤ እያ አይኮካ ኤሩኩ።
\q1
\v 14 እያ ባ ካረን ዎይኮ ካታማ ቃ በሳን ኡታዉሱ። 
\v 15 ባንታ ኦግያ ብያ አሳ ፄጋዳ፥ 
\v 16 “ህንተኖ፥ ኤር ፓጭዳይሳቶ
\q2 ታኮ ሃ ዪተ” ያጋሱ። ኤር ባይናይሳታኮ፥ 
\v 17 “ካይስድ ኡያ ሃ ማልኤስ፤
\q2 ጌማን ምያ ካ ሎኤስ” ያጋሱ።
\q1
\v 18 ሽን ሀይቅዳ አሳይ ያን ደኤይሳ፥
\q2 እ እማትካ ዱፎን ደኤይሳ እ ኤረና።
\c 10
\s1 ሶሎሞነ ሌምሶታ
\p
\v 1 ሀይሳቲ ሶሎሞነ ሌምሶታ።
\q1 ጭንጫ ናእ ባ አዋ ኡፋይሴስ፤
\q2 ሽን ኤያ ናእ ባ አይዉ አዛንስ።
\q1
\v 2 ናጋራን ደምዳ ሚሸይ ጎኤና፤
\q2 ሽን ፅሎተ ሀይቆፐ አሼስ።
\q1
\v 3 ጎዳይ ፅሎታ ኮሻይሰና፤
\q2 ሽን ናጋራንቾታ አሙዋ ፖልሰና።
\q1
\v 4 አዛላተ ማንቅሴስ፤
\q2 ሽን ምንድ ኦሶይ ዱረዬስ።
\q1
\v 5 ጭንጫ አስ ባ ካ ቦነ ሺሼስ፤
\q2 ሽን ካ ጫክያ ዎደ ስክያ አስ ካዉዬስ።
\q1
\v 6 ፅሎ አስ አንጀቴስ፤
\q2 ሽን ናጋራንቾ አስ
\q2 ባ ማካላተ ዶናን ገንስ።
\q1
\v 7 ፅሉዋ ሱንይ አንጆን ፄገትሸ ደኤስ፤
\q2 ሽን ናጋራንቾታ ሱንይ ኤለ ዶገቴስ።
\p
\v 8 ጭንጫ አስ ኪትዳባ ኦስ፤
\q2 ሽን ኤያ አስ ዮኮ ቤስ።
\q1
\v 9 ሱረ አስ ሳሮ ደኤስ፤
\q2 ሽን ጌላ አስ ባ ጎመን ኦይከቴስ።
\q1
\v 10 ገነ አይፈን ቃምኦትያ አስ መቶ ኤሄስ፤
\q2 ሽን ያዮና ሴርያ አስ ሳሮተ መስ።
\p
\v 11 ፅሎ አሳ ኦድ ደኦ ፑልቶ፤
\q2 ሽን ናጋራንቾ አሳ ኦድ ማካላ ገንስ።
\q1
\v 12 እፆይ ፓላማ ደንስ፤
\q2 ሽን ሲቆይ ባላ ኡባ ካሜስ።
\q1
\v 13 ዎዛናማ አስ ጭንጫተን ኦዴስ፤
\q2 ሽን ኤያ አሳ ዞኮይ ፃምአስ አቴስ።
\q1
\v 14 ጭንጫት ኤራተ ዳጋዮሶና፤
\q2 ሽን ኤያታ ዶናይ ዮ ዳፌስ።
\q1
\v 15 ዱረ አሳ ሚሸይ ድረትዳ ካታማዳ ናጌስ፤
\q2 ሽን ማንቆተ ማንቆታ ይሴስ።
\q1
\v 16 ፅሎ አሳ ኦሶይ እያ ደኦ፤
\q2 ሽን ኢታ አሳ ዉርሰይ ዮ።
\q1
\v 17 ሴርን ስምያ አስ ደኦ ኦገን ሄመቴስ፤
\q2 ሽን ሴርን እፅያ አስ ባሌስ።
\q1
\v 18 እፆ ካምያ አስ ዎርዳንቾ፤
\q2 ዝግርስ ላልያ አስ ኤያ።
\q1
\v 19 ዳሮ ሃሳያ ግዶን ናጋር የና፤
\q2 ሽን ባ ዶና ሺሽያ አስ ጭንጫ።
\q1
\v 20 ፅሎ አሳ እንፃርስ ጌሻ ብራ መላ፤
\q2 ሽን ኢታ አሳ ዎዛን ኢታባን ኩምስ።
\q1
\v 21 ፅሎ አሳ ኦድ ዳሮ አሳ ጎኤስ፤
\q2 ሽን ኤያት ባንታ ፓጫ ዎዛናን ሀይቆሶና።
\q1
\v 22 ጎዳ አንጆይ ዱረ ከሴስ፤
\q2 ሄ ዱረተ ቦላ መቶ ጉጀና።
\q1
\v 23 ኤያ ኡራስ ኢታባ ኦሶይ ካሳ መላ፤
\q2 ሽን ዎዛናማ አስ ጭንጫተን ኡፋይቴስ።
\q1
\v 24 ኢታ አስ ህርግዳባይ እያ ቦላ ጋካና፤
\q2 ሽን ፅሎይ አሞትዳባይ እመታና።
\q1
\v 25 ጎተይ አያ ዎደ ናጋራንቾይ በንተና፤
\q2 ሽን ፅሎት መርናዉ ምንድ ዳና።
\q1
\v 26 ጫላባይ አቸ፥ ጩይ አይፈ ቆሄይሳዳ፥
\q2 አዛላ አስ ኪትዳይሳ ይሎዬስ። 
\v 27 ጎዳስ ያሽ ላይ አዱሴስ፤
\q2 ሽን ናጋራንቾታ ላይይ ቃሜስ።
\q1
\v 28 ፅሎ አስ ኡፋይስ ያና ግድ ናጌስ፤
\q2 ሽን ናጋራንቾታ ኡፋይሳይ ያና።
\q1
\v 29 ጎዳ ኦገይ ፅሎታስ ባቃትድ አትያ በሰ፤
\q2 ሽን ኢታ ኦያ አሳስ ዮ።
\q1
\v 30 ፅሎት ኡባ ዎደ ቃፆኮና፤
\q2 ሽን ኢታት ቢታ ቦላ ዶኮና።
\q1
\v 31 ፅሎ አስ ጭንጫተን ኦዴስ፤
\q2 ሽን ጌላባ ኦደትያ እንፃርስ ቃንፀታና
\q1
\v 32 ፅሎ አሳ እንፃርስ በሲያ ሃሳያ ኤሬስ፤
\q2 ሽን ኢታ አሳ ኦዳይ ዎበ።
\c 11
\q1
\v 1 ጎዳይ ዎርዶ ምዛነ እፄስ፤
\q2 ሽን ልከ ምዛነን ኡፋይቴስ።
\q1
\v 2 ኦቶሮይ ያ ዎደ ካዉሻተ ዬስ፤
\q2 ሽን አሽከተን ጭንጫተ ዬስ።
\q1
\v 3 ፅሎታ ኤንታ ሱረተይ ካለስ፤
\q2 ሽን ኢታ አሳታ ኤንታ ጌላተይ ይስስ።
\q1
\v 4 ሀንቆ ጋላስ ዱረተ ጎኤና፤
\q2 ሽን ፅሎተ ሀይቆፐ አሼስ።
\q1
\v 5 ቦረይ ባይና ኡራ ኦግያ ፅሎተይ ሱርሴስ፤
\q2 ሽን ኢታ ኡራይ ባ ኢታተን ኩንዴስ።
\p
\v 6 ሱረታ ኤንታ ፅሎተይ አሼስ፤ ሽን አማነቶናይሳታ ኤንታ አሞይ ፅሄ ግድድ ኦይካና።
\p
\v 7 ኢታ አስ ሀይቅያ ዎደ፥ እ ናግያ ኡፋይሳይ እያራ እስፈ ሀይቄስ፤ እ ባ ዎልቃን ጬቀትያባይ ኡባይካ ዬስ።
\p
\v 8 ፅሎይ መቶፐ አቴስ፤ እያ ግሾ ኢታ ቦላ መቶይ ዬስ።
\p
\v 9 ፆሳ ካድዳ አስ ባ ዶናን አሳ ይስስ፤ ሽን ፅሎት ኤራን ከስ ኤኮሶና።
\p
\v 10 ፅሎት ቦንቸትያ ዎደ፥ ካታማይ ኡፋይቴስ፤ ቃስ ኢታት ሀይቅያ ዎደ፥ ሀሹ ጌስ።
\p
\v 11 ፅሎታ አንጁዋ ጋሶን ካታማይ ድጬስ፤ ሽን ኢታ ኡራ ኦድ ካታማ ይስስ።
\p
\v 12 ባ ሾሩዋ ካያ ኡራስ ዎዛን ባዋ፤ ሽን አኬካንቾ ኡራይ ስእ ጌስ።
\p
\v 13 ዝግርያ አስ ፁራ ላሌስ፤ ሽን አማነትያ አስ ፁራ ገንስ።
\p
\v 14 ካለያባይ ይኮ፥ ካዎተይ ኩንዴስ፤ ሽን ዳሮ ዞረይሳት ደእኮ፥ ሳሮይ ደኤስ።
\p
\v 15 ኤረና ኡራስ ዋሰ ግድያ አስ ቱማፐ መቶታና፤ ሄሳፈ ዋሰ ግዶና እፀይስ ሎኦ።
\p
\v 16 ኡሎ ኬሀ ማጫስ ቦንቸታዉሱ፤ ሽን ኢታ አስ ዱረተ ፃላላ ዱረቴስ።
\p
\v 17 ኬሀ አስ ባዉ ሎኦባ ኦስ፤ ሽን ዎዛና ምኖ አስ ባና ቆሄስ።
\p
\v 18 ኢታ አስ ደምያ ሚሸይ ጭሞ፤ ሽን ፅሎተ ዘርያ ኡራይ ቱማ ዎይቶ ጫካና።
\p
\v 19 ፅሎተን ምንድ ደእያ ኡራይ ፓፃ ደአና፤ ሽን ኢታተ ካልያ ኡራይ ሀይቃና።
\p
\v 20 ጎዳይ ኢታ ቆፋይ ደእያ አሳታ እፄስ፤ ሽን ሱረ ሄመተይሳታን ኡፋይቴስ።
\p
\v 21 ኢታ አስ ሴረቶና አተና፤ ሽን ፅሎታ ኮቻይ አታና።
\q1
\v 22 ቆፍ ባይና ማላ ሎኦ ማጫ ፑላተይ
\q2 ጉዱን ስን አዳ ዎርቃ መላ።
\p
\v 23 ፅሎታ አሙዋስ ፖሎይ ሎኦ ፃላላ፤ ሽን ኢታታ አሙዋስ ፖሎይ ሀንቆ ፃላላ።
\p
\v 24 እስ እስ አሳት ባንታ ሚሸ አሳስ ጮ ኬሆሶና፤ ሽን ኤንታ አቆይ ሃ ዳሬስ። ሀራ አሳት ቃስ ባንታ ሚሻስ ፓላ ኡዘቶሶና፤ ሽን ኤንታ አቆይ ያ ፓጬስ።
\p
\v 25 ኬሀ አስ ዱረታና፤ ሀራታ ማድያ አስ ማደታና።
\p
\v 26 ካ አልእን ባይዛናዉ ምንጅያ ኡራ አሳይ ባዴስ። ሽን ባ ካ አሳይ ኮይያ ዎደ ባይዝያ ኡራ አንጄስ።
\p
\v 27 ሎኦባ ምንድ ኮይያ ኡራይ ኡፋይሳ ደሜስ፤ ሽን ኢታባ ኮይያ ኡራ ኢታባይ ደሜስ።
\p
\v 28 ባ ዱረተ አማነትያ አስ ኩንዳና፤ ሽን ፅሎት ባልጎ ምዳ።
\p
\v 29 ባ ሶ አሳ ቦላ ቡቀ ደንያ ኡራይ ጎኤትያባይ አይብካ ባዋ። ኤያትካ ጭንጫታስ አይለ ግዳና።
\p
\v 30 ፅሎ አስ ደኦ አይፈ አይፍያ ም መላ፤ ሸምፖ አሸይሳት ጭንጫታ።
\p
\v 31 ፅሎት ሳአን ባንታ ኦሶ ጋተ ኤክያባ ግድኮ፥ ኢታትነ ናጋራንቻት ባንታ ኦሱዋስ ኤካና ጋተይ ዋንድ ዳራንዴሻ!
\c 12
\p
\v 1 ሴራ ዶስያ ኡራይ ኤራተ ዶሴስ፤ ሽን ሴራ እፅያ ኡራይ ኤያ።
\p
\v 2 ሎኦ አስ ጎዳፐ ሳባ ደሜስ፤ ሽን ጎዳይ ገናንቾታ ፕርዴስ።
\p
\v 3 አስ ኢታተን ምንድ ኤቀና፤
\q2 ሽን ፅሎታ ፃጶይ ቃፀና።
\p
\v 4 ዎዛናማ ማችያ ባ አዝናስ ካላቻ መላ፤
\p ሽን ባ አዝና ካዉሽያ ማችያ መቀ ምያ አጃጀ መላ።
\p
\v 5 ፅሉዋ ቆፋይ ሱረ፤ ሽን ኢታታ ዞረይ ጭሞ።
\p
\v 6 ኢታታ ዞረታይ አሳ ቆሀናሳ፤ ሽን ፅሎታ ዞረታይ ኤንታ አሻናሳ።
\p
\v 7 ኢታ አሳት ኩንዳና፤ ኤንታዉ ዘረካ አተና፤ ሽን ፅሎታ ኮቻይ ምንድ ደአና።
\p
\v 8 አስ ባ ጭንጫተ መላ ጋላተቴስ፤ ሽን ጌላ ቆፋይ ደእያ አስ ካቴስ።
\p
\v 9 ዱረ አስ ዳንድ፥ መቶን ደእያ አሳፐ ጮ አሳ ዳንድ፥ ኦድ ባ ደኦ ሱግያ አስ ኬሀ።
\p
\v 10 ፅሎ አስ ባ መሄስ ቃቴስ፥ ሽን ዎዛና ምኖ አሳስ ቃይ ባዋ።
\p
\v 11 ባ ቢታ ምን ኦያ ኡራይ ካ ካሌስ፤ ሽን ፓናባ የደያ ኡራይ አኬክ ፓጭዳይሳ።
\p
\v 12 ኢታት ናጋራንቾ አሳታ ድአናዉ አሞቶሶና፤ ሽን ፅሎታ ፃጶይ ዳይድ ደአና።
\p
\v 13 ኢታ አሳ እያ ዶናፐ ከይዳ ኦድ ፅሄ ግድድ ኦይኬስ፤ ሽን ፅሎይ መቶፐ ከስ ኤኬስ።
\p
\v 14 አስ ባ ዶናፐ ከይያ ቃላን ሎኦባ ካሌስ፤ ባ ኦዳ ኦሶ ጋትያ ኤኬስ።
\p
\v 15 ኤያ አስ ብያ ቡሳይ አዉ እያ ሁጰን ልከ ዳኔስ፤ ሽን ጭንጫ አስ ዞረ ስኤስ።
\p
\v 16 ኤያ ኡራ ሀንቆይ ኤለስድ ኤረቴስ፤ ሽን ጭንጫ አስ ጫሸ ዉዳ ጌና።
\p
\v 17 ቱማ ሃሳይያ አስ ሱረባ ኦዴስ፤ ሽን ዎርዶ ማርካይ ዎርዶ ኦዴስ።
\p
\v 18 አኬኮና ኦደትያ ኦድ ማሻዳ ጫዴስ፤
\q2 ሽን ጭንጫ እንፃርሳይ ፓስ።
\p
\v 19 ዎርዶ ኦድ ጉ ዎደሳ፤ ሽን ቱማ ኦድ መርናዉ ደአና።
\p
\v 20 ኢታ ቆፕያ አሳ ዎዛናን ጭሞይ ደኤስ፤
\q2 ሽን ሳሮባ ዞረተይሳታ ዎዛናን ኡፋይሳይ ኩሜስ።
\p
\v 21 ፅሎታ መቶይ ጋከና፤ ሽን ኢታታስ መቶይ ዳራና።
\p
\v 22 ጎዳይ ዎርዳንቾታ እፄስ፤ ሽን ቱማንቾ አሳታን እ ኡፋይቴስ።
\p
\v 23 ጭንጫ አስ ባ ኤራ ቆቴስ፤ ሽን ኤያት ባንታ ኤያተ ኦዶሶና።
\p
\v 24 ምንድ ኦያ ኡራይ ደረ ሃሬስ፤ ሽን አዛላ አስ ሃረቴስ።
\p
\v 25 ኡንአን ኩምዳ ዎዛን አዛኖ ኤሄስ፤ ሽን ኬሀ ኦድ እያ ኡፋይሴስ።
\p
\v 26 ፅሎ አስ ባ ሾሩዋ ዞርድ፥ ሱረ ኦገ ካለስ፤ ሽን ኢታት ኦገ ቱማፐ ሃሴስ።
\p
\v 27 አዛላ አስ ሻንካትድ ኤህዳ አሾ ካና፤
\q2 ሽን ምንድ ኦያ ኡራይ ባ ሚሽያስ ምሸቴስ።
\p
\v 28 ፅሎተ ኦገን ደኦይ ደኤስ፤ ሄ ኦገን ሀይቆይ ባዋ።
\c 13
\p
\v 1 ኤራንቾ ናአይ ባ አዋ ሴራ ስኤስ፤ ሽን ቀልቅሰይስ ሴራ ኤከና።
\p
\v 2 አስ ባ ዶናፐ ከይያ ቃላን ሎኦባ ኤኬስ፤ ሽን አማነቶናይሳት ማካላባ አሞቶሶና።
\p
\v 3 ባ ዶና ናግያ ኡራይ ባ ሸምፑዋ ናጌስ፤
\q2 ሽን ኤሶን ሃሳያ ኡራይ ባና ይሴስ።
\p
\v 4 አዛላይ አሞቴስ፤ አሞትኮነ አይባካ ደመና፤ ሽን ምንድ ኦይሳት ካላና።
\p
\v 5 ፅሎ አሳት ዎርዶ ኦዳ እፆሶና። ሽን ኢታ አሳታ ኦድ ዬላዬስነ ካዉሼስ።
\p
\v 6 ሱረ ደኡዋ ደእያ ኡራ እያ ፅሎተይ ናጌስ፤ ሽን ናጋራንቾ እያ ናጋራይ ኦንጌስ።
\p
\v 7 ባና ዱረ ዳንስያ አስ ደኤስ፤ ሽን እያዉ አይብነ ባዋ፤ ቃስ ባና ማንቆ ዳንስያ አስ ደኤስ፤ ሽን እያዉ ዳሮ አቆይ ደኤስ።
\p
\v 8 አስ ባ ሚሸን ባ ሸምፖ ዎዛናዉ ዳንዳኤስ፤ ሽን ማንቁዋ ያሽስያባይ ባዋ።
\p
\v 9 ፅሎታ ፖኦይ ጶሌስ፤
\q2 ሽን ኢታታ ፆምፐይ ቶአና።
\p
\v 10 ኦቶሮይ ኦሽ የሌስ፤ ሽን ዞረ ኤከይሳት ጭንጫታ።
\p
\v 11 ዳቡር ባይና ደምዳ ሚሸይ ኤሶን ዬስ፤ ሽን ምን ኦድ ደምዳ አቆይ፥ ዳር ዳርድ ቤስ።
\p
\v 12 ኮይያባይ ፖለቶና ጋምኤይስ አዛንስ፤ ሽን አሞትዳባይ ፖለተይስ ኡፋይሴስ።
\p
\v 13 ዞረ ካያ ኡራይ መቶን ገሌስ፤ ሽን ኪታ ቦንችያ ኡራይ ሳሮ ደአና።
\p
\v 14 ጭንጫተ እምያ ትምርተይ ደኦ ፑልቶ፤ ህገይ አሰ ሀይቆ ፅሄፐ ከስ ኤካናዉ ማዴስ።
\p
\v 15 አኬክ ደእያ ኡራይ ቦንቸቴስ፤ ሽን አማነቶና እፆይ ቆሆስ ጋስ።
\p
\v 16 ጭንጫ አስ ኡባይ ኤራን ኦስ፤ ሽን ኤይ ባ ኤያተ ቆንጭሴስ።
\p
\v 17 ኢታ አሳት ኪተትድ፥ መቶን ገሎሶና፤ ሽን አማንያ አሳት ኪተትድ፥ ሳሮተ ኤሆሶና።
\p
\v 18 ሴራ እፅያ አስ ማንቄስነ ዬላቴስ፤
\q2 ሽን ሴራ ኤክያ ኡራይ ቦንቸቴስ።
\p
\v 19 አሞትዳባይ ፖለተይስ ዳሮ ኡፋይሴስ፤
\q2 ሽን ኢታት ኢታባፐ ሃካናዉ ኮዮኮና።
\p
\v 20 ጭንጫ አሳራ ሄመትያ አስ ጭንጫ ግዴስ፤
\q2 ሽን ኤያ አሳራ ሄመትያ አስ መቶን ገሌስ።
\p
\v 21 ናጋራንቾታ ኢታ ቃዳይ ካሌስ፤
\q2 ሽን ዱረተ ፅሎታ ዎይቶ።
\p
\v 22 ሎኦ አስ ባ ናይታ ናይታ ላትሴስ፤
\q2 ሽን ናጋራንቹዋ አቆይ ፅሉዋስ ዳጋየቴስ።
\p
\v 23 ማንቁዋ ጎሻይ ዳሮ ካ አይፈናዉ ዳንዳኤስ፤
\q2 ሽን ሱረ ፕርዳ ፓጫን ዬስ።
\p
\v 24 ፕርጮን ሴራናዉ ዶሶና አስ ባ ናኣ እፄስ፤
\q2 ሽን ባ ናኣ ሲቅያ ኡራይ ምንድ ሴሬስ።
\p
\v 25 ፅሎይ፥ ኡሎይ ካላና ጋካናዉ ሜስ፤
\q2 ሽን ናጋራንቾይ ኡባ ዎደ ኮሻታና።
\c 14
\p
\v 1 ጭንጫ ማጫስ ባ ኬ ኬፃዉሱ፤
\q2 ሽን ኤያ ማጫስያ ባ ኬ ባ ኩሸን ላላዉሱ።
\p
\v 2 ሱረ ሄመትያ አስ ጎዳ ያዬስ፤
\q2 ሽን ባ ኦገ ጌላይያ አስ ጎዳ ካስ።
\p
\v 3 ኤያ ኦድ እያ ዞኩዋስ ፃምአ ኤሄስ፤
\q2 ሽን ጭንጫታ እንፃርሳይ ኤንታ ናጌስ።
\p
\v 4 ቦር ባይና እፅኮ ሻለይ ካይስ ግዴስ፤
\q2 ሽን ጎሻ ቦር ደእኮ፥ ነ ሻለይ ካን ኩሜስ።
\p
\v 5 አማነትያ ማርክ ኡባ ዎደ ቱማ ኦዴስ፤
\q2 ሽን ዎርዶ ማርክ ዎርዶ ፃላላ ኦደቴስ።
\p
\v 6 ቀልቅስያ አስ ጭንጫተ ኮዬስ፥ ሽን ደመና፤
\q2 አኬክ ደእያ አስ ኤራተ ደሞይ ዋይሰና።
\p
\v 7 ኤያ አሳፐ ሃካ፤
\q2 ኔኒ እያ ኦዳፐ ኤራተ ደማካ።
\p
\v 8 ጭንጫ አስ ጭንጫ ግድያ ባ ኦያባ ኤሬስ፤
\q2 ሽን ኤያ አሳ ኤያተይ እያ ባለስ።
\p
\v 9 ኤያት ናጋራ ኦሸ፥ ቂሮታናይሳ አግድ ቀልቅሶሶና፤
\q2 ሽን ሱረት ባንታ ናጋራይ አቶ ጌተታናዉ ኮዮሶና።
\p
\v 10 እስ እስ ዎዛን ባ አዛኑዋ ኤሬስ፤
\q2 እያ ኡፋይሳ ኦንካ እያራ ኮፀና።
\p
\v 11 ኢታታ ኬይ ላለታና፤
\q2 ሽን ሱረታ ኬይ ምንድ ዳና።
\p
\v 12 አሳስ ልከ ዳንያ ኦገይ ደኤስ፤
\q2 ሽን እያ ዉርሰይ ሀይቆኮ ጋስ።
\p
\v 13 ሚቻ ዎደካ ዎዛናን አዛኖይ ደኤስ፤
\q2 ኡፋይሳ ዉርሰይ አዛኖ ግዳናዉ ዳንዳኤስ።
\p
\v 14 ኢታ አስ ባ ኢታ ኦሱዋ ጋተ ኤካና፤
\q2 ሎኦ አስካ ባ ሎኦ ኦሱዋ ጋተ ኤካና።
\p
\v 15 ኤያ አስ ኡባባ አማኔስ፤
\q2 ሽን ጭንጫ አስ አኬክድ ታንጌስ።
\p
\v 16 ጭንጫ አስ ጎዳ ያዬስ፤ ኢታፐ ሃኬስ፤
\q2 ሽን ኤያ አስ ኤሶተስነ ኢታፐ ናገተና።
\p
\v 17 ኤለ ሀንቀትያ አስ ኤያ ኦሶ ኦስ፤
\q2 ሽን ጭንጫ አስ ዳንዳአንቾ።
\p
\v 18 አኬክ ባይና አስ ባ ኤያተ ጋትያ ኤኮሶና፤
\q2 ሽን ጭንጫ አስ ኤራተ ካላቻዳ ጎፆሶና።
\p
\v 19 ኢታት ሎኦታ ስንን ጉልባታና፤
\q2 ናጋራንቻት ፅሎታ ፐንገን ሆካና።
\p
\v 20 ማንቆይ ባ ሾሩዋን እፀቴስ፤
\q2 ሽን ዱረታስ ዳሮ ላገት ደኦሶና።
\p
\v 21 ባ ሾሩዋ ካያ አስ ናጋራ ኦስ፤
\q2 ሽን ማንቁዋ ማድያ አስ አንጀትዳይሳ።
\p
\v 22 ኢታባ ማቀተይሳት ባሎሶና ግዶኮና?
\q2 ሽን ሎኦባ ኦናዉ ሀልቸይሳት
\q2 አማነተነ ሲቆ ደሞሶና።
\p
\v 23 ምንድ ኦያ ኦሶ ኡባን ዎይ ደኤስ፤
\q2 ሽን ጮ ኦድ ማንቆተ ኤሄስ።
\p
\v 24 ጭንጫታስ ኤንታ ዱረተይ ኤንታዉ ካላቻ፤
\q2 ሽን ኤያት ጉጅ ጉጅ ኤዮሶና።
\p
\v 25 ቱማ ማርክ ሸምፖ አሼስ፤
\q2 ሽን ዎርዶ ማርክ ባለስ።
\p
\v 26 ጎዳ ያይያ አሳስ ምኖ ሚፃይ ደኤስ፤
\q2 እያ ናይታስ ባቃትድ አትያ በሲ ደኤስ።
\p
\v 27 ጎዳ ያሽ ደኦ ፑልቶ፤
\q2 ሀይቆ ፅሄፐ አሰ አሼስ።
\p
\v 28 ካዎ ግታተ እ ሃርያ አሳ ዳሮተና፤
\q2 ሽን ሃረትያ አስ ይኮ እካ ፓና።
\p
\v 29 ዳንዳአንቾ አሳስ ግታ አኬክ ደኤስ፤
\q2 ሽን ኤለ ሀንቀትያ አስ ባ ኤያተ ቆንጭሴስ።
\p
\v 30 ሳሮ ዎዛን አሳተስ ፓያተ እሜስ፤
\q2 ሽን ቃናተይ አሳተስ አጃጀ ሀርገ መላ።
\p
\v 31 ማንቆታ ናቅያ አስ ኤንታ መዳይሳ ጫዬስ፤
\q2 ሽን መቶታንቾታስ ኬህያ አስ ፆሳ ቦንቼስ።
\p
\v 32 ኢታት ባንታ ኢታ ኦሶን ኩንዳና፤
\q2 ሽን ፅሎታስ ሀይቆፐ አትያ ሚፅ ደኤስ።
\p
\v 33 አኬካንቾ አሳ ዎዛናን ጭንጫተ ኩምስ፤
\q2 ሽን ኤያት ጭንጫተ አይበኮ ኤሮኮና።
\p
\v 34 ፅሎተ እስ ካዎተ ቁ ቁ ኦስ፤
\q2 ሽን ናጋር አይ አስካ ካዉሼስ።
\p
\v 35 ኤራንቾ አይለታን ካዎይ ኡፋይቴስ፤
\q2 ሽን ዬላያ አይለይ ካዋ ሀንቀስ።
\c 15
\p
\v 1 ሊቆ እንፃርስ ሀንቆ ዛርብሴስ፤
\q2 ሽን ዶምኤያ ቃል ሀንቆ ደንስ።
\q1
\v 2 ጭንጫታ እንፃርሳይ ኤራ ፑላዬስ፤
\q2 ሽን ኤያታ ዶናይ ኤያተ ፑልትሴስ።
\q1
\v 3 ጎዳ አይፈት ኡባ በሲ ፄሎሶና፤
\q2 ኢታታነ ሎኦታ ሻክድ በኦሶና።
\q1
\v 4 ሎኦ ኦድ ደኦ ም መላ፤
\q2 ሽን ጌላ ኦድ አያና መንስ።
\p
\v 5 ኤይ ባ አዋ ሴራ ካስ፤
\q2 ሽን ባ አዋ ሴራ ኤክያ አስ ጭንጫ።
\q1
\v 6 ፅሎ ኡራ ኬን ዳሮ ሚሸይ ደኤስ፤
\q2 ሽን ኢታታ ሶ ገልያ ሚሸይ መቶ ኤሄስ።
\q1
\v 7 ጭንጫታ ዶናይ ኤራ ዘሬስ፤
\q2 ሽን ኤያታ ዎዛናይ ሄሳ መላ ግደና።
\q1
\v 8 ጎዳይ ኢታታ ያርሹዋ እፄስ፤
\q2 ሽን ሱረታ ዎሳን እ ኡፋይቴስ።
\q1
\v 9 ጎዳይ ኢታ አሳታ ኦግያ እፄስ፤
\q2 ሽን ፅሎተ ካለይሳታ እ ዶሴስ።
\q1
\v 10 ልከ ኦግያ አግዳ አስ ፕርድ ናጌስ፤
\q2 ሴራ እፅያ አስ ሀይቄስ።
\p
\v 11 ዱፎይነ ዮይ ጎዳ ስንን ቆንጨ፤
\q2 ያትን፥ አሳ ዎዛና ቆፋይ ዋን እያፐ ጌማኔ?
\q1
\v 12 ቀልቅስያ አስ ሴራ ዶሰና፤
\q2 ጭንጫታፐ ዞረ ኦይቸና።
\q1
\v 13 ዎዛን ኡፋይትን፥ ሶምኦይ ፖኤስ፤
\q2 ሽን ዎዛን አዛንኮ፥ አያን መቄስ።
\q1
\v 14 አኬካ ዎዛን ደእያ አስ ኤራተ ኮዬስ፤
\q2 ሽን ኤያት ባንታ ኤያተን ኡፋይቶሶና።
\p
\v 15 ማንቆታ ደኦይ ኡባ ዎደ ባፀ፤
\q2 ሽን ኡፋይትያ አስ ኡባ ዎደ አለስ።
\q1
\v 16 ኦሻራ ደእያ ግታ አቆፐ
\q2 ጎዳ ያሻራ ደእያ ጉባይ ኬሀ።
\q1
\v 17 ኦሽ ደእያ በሳን ሞ አሾ ማናፐ
\q2 ሲቆይ ደእያ በሳን ሳን ኬሀ።
\q1
\v 18 ሀንቆይ ኦሽ ከሴስ፤
\q2 ሽን ዳንዳእ ኦሽ እርፅሴስ።
\q1
\v 19 አዛላ አሳ ኦገይ አጉንን ድረትስ፤
\q2 ሽን ሱረ አሳ ኦገይ ጊጋ።
\q1
\v 20 ጭንጫ ናእ ባ አዋ ኡፋይሴስ፤
\q2 ሽን ኤያ ናእ ባ አይዉ ካስ።
\q1
\v 21 ዎዛን ባይና አስ ባ ኤያተን ኡፋይቴስ፤
\q2 ሽን ዎዛናማ አስ በሲያ ባ ኦስ።
\p
\v 22 ዞረይ ይኮ፥ ቆፕዳባይ ሀድሬስ፤
\q2 ዳሮ ዞረይ ደእያ በሳን ቆፕዳባይ ፖለቴስ።
\q1
\v 23 ኦይሻስ በሲያ ዛሮ እሞይ ሄ ኡራ ኡፋይሴስ፤
\q2 ባ ዎደን ኦደትያ ኦድ አይ መላ ኡፋይስ!
\q1
\v 24 ጋርሳን ደእያ ስኦለፐ አታና መላ
\q2 ደኦ ኦገይ አኬካ ኡራ ፑደ ካለስ።
\q1
\v 25 ጎዳይ ኦቶራንቾታ ኬ ላላና፤
\q2 ሽን አምኤ ዛዋ ናጌስ።
\q1
\v 26 ጎዳይ ኢታታ ቆፋ እፄስ፤
\q2 ሽን ጌሻ ቃላን እ ኡፋይቴስ።
\q1
\v 27 ዎርዶን ዎ ደማናዉ አልያ አስ
\q2 ባ ሶ አሳ ቦላ መቶ ኤሄስ፤
\q2 ሽን ዎፈ እፅያ አስ ደኦን ዳና።
\q1
\v 28 ፅሎ አስ ኦደታናፔ ስንትድ ቆፔስ፤
\q2 ሽን ኢታታ እንፃርሳፐ ኢታባይ ፑልቴስ።
\p
\v 29 ጎዳይ ኢታታፐ ሃኬስ፤
\q2 ሽን ፅሎታ ዎሳ ስኤስ።
\p
\v 30 ሶምኦይ ፓሽክን ዎዛን ኡፋይቴስ፤
\q2 ምሽራቾይ መቀ ምንስ።
\q1
\v 31 ደኦ እምያ ዞረ ስእያ አስ
\q2 ጭንጫተራ እስፈ ዳና።
\q1
\v 32 ሴራ እፅያ አስ ባና ቆሄስ፤
\q2 ሽን ሴራ ኤክያ አስ አኬካ ደሜስ።
\q1
\v 33 ጎዳስ ያሽ ጭንጫተ ታማርሴስ፤
\q2 አሽከተ ቦንቾፈ ስንቴስ።
\c 16
\p
\v 1 አስ ባ ዎዛናን ሀልቼስ፤
\q2 ሽን ልከ ዛሮይ ጎዳፐ በንቴስ።
\q1
\v 2 አስ ኦያ ኦሶ ኡባይ እያዉ ልከ ዳኔስ፤
\q2 ሽን ጎዳይ ደንዶ ቆፋ በኤስ።
\q1
\v 3 ነ ኦሶ ኡባ ጎዳስ ሀዳራ እማ፤
\q2 ኔኒ ቆፕዳባይ ፖለታና።
\q1
\v 4 ጎዳይ ኡባባይ ቆፕዳይሳ ባና መላ ኦስ፤
\q2 ሀንኮካ፥ ማካላንቾታ ዉርሰይ ዮ።
\q1
\v 5 ጎዳይ ኦቶራንቾታ እፄስ፤
\q2 ኤንቲ ሴረቶና አቶኮና።
\q1
\v 6 ሲቆንነ አማነተን ናጋር አቶ ጌተቴስ፤
\q2 ጎዳስ ያይድ አስ ኢታባፐ አቴስ።
\q1
\v 7 አሳ ሄመ ጎዳ ኡፋይስያባ ግድኮ፥
\q2 እ ባ ሞርከታራ ሳሮ ዳናዳ ኦስ።
\q1
\v 8 ፅሎተን በንትያ ጉባይ፥
\q2 ዎርዶን ደምያ ዳሮ ዎፐ ሎኦ።
\q1
\v 9 አስ ዎዛናን ባ ኦናባ ሀልቼስ፤
\q2 ሽን ሀልቾይ ጎዳ ማደን ፖለቴስ።
\q1
\v 10 ካዎይ ፆሳፈ ኤክዳ ማታን ፕርዴስ፤
\q2 እያ እንፃርሳይ ሱረ ፕርዴስ።
\q1
\v 11 ግና ምዛነትነ ማካ ሚሸት ጎዳባ፤
\q2 ባይዝያባ ኡባን ገነይ ዶና መላ ጎዳይ ኮዬስ።
\p
\v 12 ካዎት ኢታ ኦሶ እፆሶና፤
\q2 ኤንታ አራታይ ፅሎተን ኤቄስ።
\q1
\v 13 ካዎት ፅሎ እንፃርሳን ኡፋይቶሶና፤
\q2 ቱማ ሃሳያ ኡራ ዶሶሶና።
\q1
\v 14 ካዋ ሀንቆይ ሀይቆ ኪታንቾ መላ፤
\q2 ሽን ጭንጫ አስ ሀንቁዋ እርፅሴስ።
\q1
\v 15 ካዋ ሶምኦይ ፖእኮ ደኦይ ደኤስ፤
\q2 እያ ሎኦተይ እራ ኤህያ ሻራ መላ።
\q1
\v 16 ጭንጫተ ደሞይ ዎርቃ ደሞፐ አስ፤
\q2 አኬካ ደሞይ ብራ ደሞፐ ሎኦ።
\q1
\v 17 ሱረታ ኦገይ ኢታፐ ሃኮ፤
\q2 ባ ሄመ ናግያ ኡራይ ባ ሸምፑዋ ናጌስ።
\q1
\v 18 ኦቶሮይ ዮ ካለስ፤
\q2 ጬቀተ ኩንደ ኤሄስ።
\q1
\v 19 ኦቶራንቾታራ ድኦ ሻከታናፐ፥
\q2 አሽከ ግድድ ማንቅድ ደኤይስ ሎኦ።
\q1
\v 20 ዞረ ስእያ ኡራስ እ ኦያባ ኡባይ እንጀታና፤
\q2 ጎዳን አማነትያ ኡራይ አንጀታና።
\q1
\v 21 ባ ቆፋን ጭንጫ ግድዳ አስ አኬካንቾ ጌተቴስ፤
\q2 ሎኦ ቃል ኤራተ ጉጄስ።
\q1
\v 22 ጭንጫ አሳስ ኤራተ ደኦ ፑልቶ መላ፤
\q2 ሽን ኤያታ ሴሮይ ጮ ዎደ ዉርሴስ።
\q1
\v 23 ጭንጫ አስ ኦደታናፐ ስን ቆፔስ፤
\q2 እያ መተርሻይ ኤራተ ጉጄስ።
\q1
\v 24 ሎኦ ቃል ኤሳ እልሎዳ ማልኤስ፤
\q2 ሸምፖስ ማልኦ፤ መቀስ ፓፆ ግዴስ።
\q1
\v 25 አሳስ ሱረ ዳንያ ኦገይ ደኤስ፤
\q2 ሽን ዉርሰን ሀይቆኮ ጋስ።
\q1
\v 26 አስ ምንድ ኦና መላ ኦይ ካ አሞ፤
\q2 ኮሽ ምንድ ኦና መላ ደንስ።
\q1
\v 27 ካዉሻ አስ ኢታባ ሀልቼስ፤
\q2 እያ ኦዳይ ታማዳ ፁጌስ።
\q1
\v 28 ዎበ አስ ኦሽ ደንስ፤
\q2 ዝግርስ አማነትያ ላገታ ሻኬስ።
\q1
\v 29 ገነ አስ ባ ሾሩዋ ጭሜስ፤
\q2 ሎኦ ግዶና ኦገ ካለስ።
\q1
\v 30 ባ አይፈን ቃምኦትያ አስ ጌላባ ቆፔስ፤
\q2 ባ መተርሻ ሳፅድ ማንድያ አስ ኢታባ ኦስ።
\q1
\v 31 ፑሉምዳ ሁጰይ ቦንቾ ካላቻ፤
\q2 ሄስካ በንተይ ፅሎ ደኦ ደእና።
\q1
\v 32 ዎልቃማ አስ ግዳናፐ ዳንዳአ አስ ግዶይ ሎኦ፥
\q2 ዳሮ ካታማታ ኦልድ ኦይካናፐ ባና ሃሮይ አስ።
\q1
\v 33 አስ ሳማ የጌስ፤
\q2 ሽን ዉርሰ ዛሮይ ጎዳፐ በንቴስ።
\c 17
\p
\v 1 ኦሽ ደእያ በሳን ደእያ ግታ ግብራፐ
\q2 ሳሮይነ ዎፕ ደእያ በሳን ኡይ ፖቆይ ሎኦ።
\q1
\v 2 ጭንጫ አይለይ ፓና ባ ጎዳ ናኣ ሃሬስ፤
\q2 እያ እሻታራ እስፈ ላታ ሻከቴስ።
\q1
\v 3 ዎርቅነ ብር ታማን ፓጨተይሳዳ፤
\q2 ጎዳይ አሳ ዎዛና ፓጬስ።
\q1
\v 4 ኢታ አስ ኢታ ሃሳያ ስኤስ፤
\q2 ዎርዳንቾይ ዎርዶ ሃሳያ ሀይዜስ።
\q1
\v 5 ማንቆታ ቦላ ቀልቅስያ አስ ኤንታ መዳ ፆሳ ጫዬስ፤
\q2 ሀራ አስ ጋክያ መቶን ኡፋይትያ አስ ሴረቶና አተና።
\q1
\v 6 ናአ ናእ ጭማ አሳስ ካላቻ፤
\q2 አዋት ባንታ ናይታስ ቦንቾ።
\q1
\v 7 ሎኦ ኦድ ኤያ አሳስ ጊገና፤
\q2 ሄሳዳካ ዎርዶ ኦድ አይሰይሳስ ጊገና።
\q1
\v 8 ዎፈ እመይሳስ ዎፈይ ብታ መላ፤
\q2 እ ብያ በሳ ኡባይ እያዉ እንጀቴስ።
\q1
\v 9 ቆሆ ገንያ ኡራይ ሲቆ ኮዬስ፤
\q2 ሽን ኦዳ ዛሪድ ዛሪድ ዎጭያ ኡራይ፥
\q2 አማነትያ ላገታ ሻኬስ።
\q1
\v 10 ኤያይ ፄቱ ቶሆ ልሶን ሾጭን ኤረይሳፈ፤
\q2 አኬክ ደእያ አሳስ ጮ ሀንቆይ ኤራ እሜስ።
\q1
\v 11 ኢታ አስ ኡባ ዎደ ጌላ፤
\q2 ቃይ ባይና አስ እያ ቦላ ኪተታና።
\q1
\v 12 ኤያራ እያ ኤያተን ጋሄታናፐ
\q2 ማራት ኤከትዳ ማሄራ ጋሄተ ሎኦ።
\q1
\v 13 ሎኦ ኦዳይሳስ ኢታ ኩሸ ዛርያ
\q2 ኡራ ሶፐ ኢታባይ ክቸና።
\q1
\v 14 ኦሽ ዶምሸ ሃ ዋ መንይሳ መላ፤
\q2 ሄሳ ግሾ ኦሽ ዶማናፐ ኮይሮታዳ ፓላማ አጋ።
\q1
\v 15 ናጋራንቹዋ ፅልሶይነ
\q2 ፅሉዋ ቦላ ፕርዶይ፥
\q2 ናምአይካ ጎዳይ እፅያ ኦሶ።
\q1
\v 16 ጭንጫተ ደማናዉ አሞይ ባይና ደእሽን፥
\q2 ኤያ ኩሸን ደእያ ሚሸይ አይ እያ ማዲ?
\q1
\v 17 ላገይ ኡባ ዎደካ ላገ፤
\q2 እሽ መቶ ዎደ ማዳናዉ የለቴስ።
\q1
\v 18 አኬክ ባይና አስ ኤሮና ኡራ
\q2 አጩዋ ቃንፃናዉ ዋሰ ግዴስ።
\q1
\v 19 ኦሹ ዶስያ አስ ናጋራ ዶሴስ፤
\q2 ኡባ ዎደ ጬቀትያ አስ ባ ቦላ ዮ ፄጌስ።
\p
\v 20 ዎበ ቆፍ ደእያ አስ ሎኦባ ደመና፤
\q2 ባ እንፃርሳን ጭምያ አስ መቶን ገሌስ።
\q1
\v 21 ኤያ ናአ የልዳ አው አዛኔስ፤
\q2 ኤያ ናአ አዋስ ኡፋይስ ዴና።
\q1
\v 22 ኡፋይትያ ዎዛን አሳስ ሎኦ ለ፤
\q2 ሽን መቅዳ ዎዛን አሳስ ዎልቃ ይሴስ።
\q1
\v 23 ኢታ አስ ፕርዳ ጌላያናዉ
\q2 ጌማን ዎፈ ኤኬስ።
\q1
\v 24 አኬካ አስ ጭንጫተ ባ ስንፈ ሃሰና፤
\q2 ሽን ኤያ አሳ አይፈይ ሳአ ጋፃ ዩዬስ።
\q1
\v 25 ኤያ ናእ ባ አዋ አዛንስ፤
\q2 ባ አይዉካ ጫምሴስ።
\q1
\v 26 ፅሎ አስ ሴሮይ በሰና፤
\q2 ሱረ አስ ሾጮይ ሎኦ ግደና።
\q1
\v 27 ጉ ቃላ ሃሳያ አስ ኤራንቾ፤
\q2 ዎፓ አያን ደእያ አስ አኬካንቾ።
\q1
\v 28 ኤያ አስ ስእ ጊኮ ጭንጫ ዳኔስ፤
\q2 ባ ዶና ዶዮና እፅኮ ኤራንቾ ዳኔስ።
\c 18
\p
\v 1 ሻሄተ ኮይያ አስ ባ አሙዋ ካሌስ፤
\q2 ሱረ ቆፋ ኡባ እፄስ።
\q1
\v 2 ኤያ አስ ባ ቆፋ ፃላላ ቆንጭሳናዉ ዶሴስ፤
\q2 ሀራ አሳፐ ኤራ ኤካናዉ ዶሰና።
\q1
\v 3 ኢታተ ያ ዎደ ካይ ዬስ፤
\q2 ካዉሻተ ያ ዎደ ዬል ዬስ።
\q1
\v 4 አሳ ዶናፐ ከያ ኦድ፥
\q2 ጪሞ ሃ መላ፤
\q2 ጭንጫተ ጎግያ ፑልቶ መላ።
\q1
\v 5 ናቅዳ ኡራ ማድድ፥ ፅሉዋ ፕርዳ
\q2 ጌላየይስ ሎኦ ግደና።
\q1
\v 6 ኤያ አሳ ኦድ ኦሹ ደንስ፤
\q2 እያ ዶናይ ዋ ፄጌስ።
\q1
\v 7 ኤያ አሳ ኦድ ባና ቆሄስ፤
\q2 እያ ኦዳይ ፅሄ ግድድ እያ ኦይኬስ።
\q1
\v 8 ዝግርስ ማልኦ ካ መላ፤
\q2 ኡፋይስሸ ዱገ ጋንጀ ጋኬስ።
\q1
\v 9 አዛላ አስ
\q2 ይስያ አሳፐ አይባካ ዱማተና።
\q1
\v 10 ጎዳ ሱንይ ምኖ ግምበ መላ፤
\q2 ፅሎ አስ ያ ዎፅድ ሳሮ አቴስ።
\p
\v 11 ዱረ አሳታ ዱረተይ ግምበትዳ ካታማ መላ፤
\q2 ኤንታ ቆፋን ኤንታ ዱረተይ
\q2 ምኖ ድርሳዳ ኤንታ ናግያባ ዳኔስ።
\q1
\v 12 ኦቶሮይ ኩንደፈ ስንቴስ፤
\q2 አሽከተ ቦንቾ ኤሄስ።
\q1
\v 13 ስኦና ደእሸ ዛሮ እሞይ፥
\q2 ሄ ኡራስ ኤያተነ ዬላ።
\q1
\v 14 ዳና ግድ ቆፕኮ፥ እያ አያናይ ሀርገ ዳንዳእሴስ፤
\q2 ሽን ኡፋይስ ቃንፅኮ እያ ማደይ ባዋ።
\q1
\v 15 አኬካ አስ ኤራተ ኮዬስ፤
\q2 ጭንጫ አሳ ሀይ ጭንጫተ ስኤስ።
\q1
\v 16 እሞት እመይሳስ ኦገ ዶዬስ፤
\q2 ግታ አሳታራ ኤርሴስ።
\q1
\v 17 ዳይና ስንን ኮይሮ ሺቅድ ሞትያ ኡራይ፥
\q2 እያ ሞርከይ ይን፥ እያ ኦይቻና ጋካናዉ፥
\q2 ኡባ ዎደ ባና ፅሎ ግድ ቆፔስ።
\q1
\v 18 ሳማ የገ ፓላማ ተቄስ፤
\q2 ናምኡ ፓላምያ አሳታ ሻኬስ።
\q1
\v 19 ቆሄትዳ እሻይ ግምበትዳ
\q2 ካታማፐ አድ ምኔስ፤
\q2 እያ ፓላማይ ብራታ ጎርደ መላ።
\q1
\v 20 አስ ባ ዶና ኦዳን ባ ኡሎ ኩንስ፤
\q2 ባ እንፃርሳ አይፈን ካሌስ።
\q1
\v 21 ሀይቆይነ ደኦይ እንፃርሳና፤
\q2 ኔኒ ነ እንፃርሳ አይፍያ ማና።
\q1
\v 22 ማቾ ደምዳይ ሎኦባ ደምስ፤
\q2 እ፥ ጎዳፐ ቴማ ደሜስ።
\q1
\v 23 ማንቆ አስ አዳሽድ ኦደቴስ፤
\q2 ሽን ዱረ አስ ኦቶሮን ዛሬስ።
\q1
\v 24 ዳሮ ላገይ ደእያ አስ ባ ቦላ መቶ ኤሄስ፤
\q2 ሽን እሻፐ አድ ማታትያ ላገይ ደኤስ።
\c 19
\p
\v 1 ባ ዶናን ዎርዶትያ ኤያ አሳፐ
\q2 ባ ደኡዋን ቦረይ ባይና ማንቆይ ሎኦ።
\q1
\v 2 ኤር ባይና ዳፈተ ሎኦ ግደና፤
\q2 ኤሶ ዳሮይ ኦገ ባለስ።
\q1
\v 3 አስ ባ ኤያተን ባ ደኡዋ ኢሴስ፤
\q2 ያትድ ጎዳ ቦላ ይሎቴስ።
\q1
\v 4 ዱረተ ዳሮ ላገ ሺሼስ፤
\q2 ሽን ማንቆተ ደእያ ላገታ ዱስ።
\q1
\v 5 ዎርዶ ማርክ ሴረቶና አተና፤
\q2 ዎርዶ ኦደተይ ከስ ኤከና።
\q1
\v 6 ዳሮ አሳይ ሹማ ሶምኦ ኮዮሶና፤
\q2 እሞታ እምያ አሳራ አስ ኡባይ ዳቦቴስ።
\q1
\v 7 ማንቆ አስ ሀር አቶሽን እያ እሻት እፆሶና፤
\q2 እያ ላገት እያፐ ሃኮሶና፤
\q2 እ ኤንታ አዳሽንካ ኤንቲ እያ ኮዮኮና።
\q1
\v 8 ጭንጫተ ደምያ አስ ባ ሸምፑዋ ዶሴስ፤
\q2 ኤራተ ምንድ ኦይክያ ኡራስ እንጀቴስ።
\q1
\v 9 ዎርዶ ማርክ ሴረቶና አተና፤
\q2 ዎርዶ ኦደተይ ያና።
\q1
\v 10 ኤያ አሳስ እንጀ ደኦይ በሰና፤
\q2 አይለይ ሀላቃታ ሃሮይ ዳሮ ኢታ።
\q1
\v 11 ጭንጫተ አሰ ዳንዳአ ታማርሴስ፤
\q2 ቆሆ ካድ አ ቦንችሴስ።
\q1
\v 12 ካዋ ሀንቆይ ጋሞ ጉደ መላ፤
\q2 ሽን እያ ናሾይ ማታ አጭስያ አካ መላ።
\q1
\v 13 ኤያ ናእ ባ አዋ ይሴስ፤
\q2 ዶናማ ማቻ ፆክያ ኬ መላ።
\q1
\v 14 አስ ኬነ ሻሎ አዉፐ ላቴስ፤
\q2 ሽን አኬካ ማቾ ጎዳይ እሜስ።
\q1
\v 15 አዛላተ ስኮ ኤሄስ፤
\q2 ኦሶ ኦና አስ ኮሻቴስ።
\q1
\v 16 ኪታ ናግያ አስ ባ ሸምፑዋ ናጌስ፤
\q2 ሽን ቀል ግያ አስ ሀይቄስ።
\q1
\v 17 ማንቆስ ኬህያ አስ ጎዳስ ታልኤስ፤
\q2 ጎዳይ ሄ ሎኦ ኦሱዋ ግሾ ዎይቴስ።
\q1
\v 18 ስሞ ኡፋይስ ደእሽን ነ ናይታ ሴራ፤
\q2 ሴሮና እፅኮ፥ ነ ኤንታ ይሳሳ።
\q1
\v 19 ኤለ ሸነትያ አስ ባ ጋትያ ኤካናዉ በሴስ፤
\q2 ኔኒ እያ እስ ቶሆ አሽያባ ግድኮ፥
\q2 ሀራ ዎደካ ነ እያ ሄሳዳ አሻናይስ አተና።
\q1
\v 20 ዞረ ስአ፤ ታማራናዉ ኮያ፤
\q2 ኔኒ ዉርሰ ጋካናዉ ጭንጫ ግዳና።
\q1
\v 21 አስ ዳሮባ ሀልቼስ፤
\q2 ሽን ጎዳይ ግዳባይ ፖለቴስ።
\q1
\v 22 አሳፐ ኮየተይ አማነተ፤
\q2 ዎርዶ ግዳናፐ ማንቆ ግደይስ ሎኦ።
\q1
\v 23 ጎዳስ ያሽ ደኦኮ ካለስ፤
\q2 እያ ያይያ አስ ካልድ ደኤስ፤ ኢት እያ ቦቸና።
\q1
\v 24 እስ እስ አስ ዳሮ አዛላ፤
\q2 ሀር አቶሽን ዎፀን ቱሽክዳ
\q2 ኡይ ፑደ ባራናዉ ዋየቴስ።
\q1
\v 25 ኔኒ ቀልቅስያ አስ ሾጭኮ፥
\q2 አኬክ ፓጭዳይስ ጭንጫተ ታማራና፤
\q2 አኬካ አስ ነ ሀንቀትኮ፥ እ ኤራተ ደማና።
\q1
\v 26 ባ አዋ ቦንቅያ ናአይ፥
\q2 ባ አይዉ የደያ ናአይ፥
\q2 ዬላነ ካዉሻተ ኤህያ ናአ።
\q1
\v 27 ታ ናአዉ፥ ነ ዞረ ስኦና እፅኮ፥
\q2 ኤራ ኦግያፐ ሃካሳ።
\q1
\v 28 ዎርዶ ማርክ ሱረ ፕርዳ ቦላ ቀልቅሴስ፤
\q2 ኢታ አሳ ዶን ኢታተ ምቴስ።
\q1
\v 29 ቀልቅስያ አሳስ ፕርዳ
\q2 ኤያታስ ዋ ኮሼስ።
\c 20
\p
\v 1 ማያ ኡሽ ኤያነ ኦሻንቾ ኦስ፤
\q2 ኡሻን ባለትያ አስ ጭንጫ ግዳናዉ ዳንዳኤና።
\p
\v 2 ካዎ ሀንቆይ ጋሞ ጉደ መላ፤
\q2 እያ ይሎይያ አስ ባ ሸምፑዋ ቦላ ፕርዴስ።
\q1
\v 3 ፓላማፐ ሃከይስ ቦንቾ፤
\q2 ሽን ኤያ አስ ኦየታናዉ ኤለሴስ።
\q1
\v 4 አዛላ ጎሻንቾይ ዎደ ናግድ ጎየና፤
\q2 ካ ጫክያ ዎደ እ ዎሳናዉ ኮዬስ፤
\q2 ሽን አይባካ ደመና።
\p
\v 5 አሳ ዎዛና ሀልቾይ ጪሞ ሃ መላ፤
\q2 ሽን ዎዛናማ አስ ዱቅድ ከሴስ።
\q1
\v 6 ዳሮ አሳት ባንታ ሎኦተ ኦዶሶና፤
\q2 ሽን ቱማ አማነትያ አስ ደማናይ ኦኔ?
\q1
\v 7 ፅሎ አስ ቦረይ ባይና ደኦ ደኤስ፤
\q2 እያ ካልያ እያ ናይት አንጀትዳይሳታ።
\q1
\v 8 ካዎይ ፕርዳናዉ ባ አራታን ኡትያ ዎደ፥
\q2 ኢታ ኡባ ባ አይፈን ሀርቅድ ከሴስ።
\q1
\v 9 “ታ ዎዛናይ ጌሽ፤ ታናን ናጋር ባዋ”
\q2 ጋናዉ ዳንዳእያ አስ ዳነሻ?
\q1
\v 10 ጎዳይ ዎርዶ ምዛነነ
\q2 ግና ግዶና ማካ ሚሸን ጎኤተይሳታ እፄስ።
\q1
\v 11 ናእ ጌሽነ ሱረ ግደይስ
\q2 እ ኦያ ኦሶን ኤረቴስ።
\q1
\v 12 ስእያ ሀይነ ፄልያ አይፈ፥
\q2 ጎዳይ መስ።
\q1
\v 13 ስኮን ነ ዎደ ዉርስኮ ነ ማንቃና፤
\q2 ምናዳ ኦኮ ነ ካ ካላና።
\q1
\v 14 ሻምያ አስ፥ “ቆሄስ! ቆሄስ!” ያጌስ፤
\q2 ሽን ብዳፐ ጉየ፥ “ገላን ሻማስ” ያግድ ጬቀቴስ።
\q1
\v 15 ዎርቀይ ኩምስ፤ አልኦ ሹችካ በንቴስ፤
\q2 ሽን ኤር ኩምዳ እንፃርስ ኡባፈ አዳ አሌቆ።
\q1
\v 16 ኤሮና አሳስ ዋሰ ገልያ ኡራ ማኡዋ ቃር ኤክተ፤
\q2 እማ አሳስ ዋሰ ገልያ ኡራ ማኦ ኦይክተ።
\q1
\v 17 ዎርዶን ደምዳ ካ ማልኤስ፤
\q2 ሽን አቅድ ፔእሸ ዶናን አጨዳ ሀኔስ።
\q1
\v 18 ዞረ ኤካዳ ነ ቆፋ ቃቻ፤
\q2 ዞረ ኤኮና ደአሸ ኦላ ቦፓ።
\q1
\v 19 ዝግርያ አስ ፁራ ገንና፤
\q2 ሄሳ ግሾ ጮ ሃሳያ አሳፐ ሃካ።
\q1
\v 20 ባ አዋ ዎይኮ ባ አይዉ ባድያ አሳ፥
\q2 ደኦ ፆምፐይ ሳካና ማን ቶአና።
\q1
\v 21 ኮይሮራ ኤሶን ሺቅዳ ሻሎይ
\q2 ዉርሰን አንጀተና።
\q1
\v 22 ነና ቆህዳ ኡራ ቆሀዳ ዛራና ጎፓ፤
\q2 ጎዳን አማነታ፤ እ ነና አሻና።
\q1
\v 23 ጎዳይ ናምኡ ቆሞ ምዛነ እፄስ፤
\q2 ዎርዶ ምዛነይ እያ ኡፋይሰና።
\q1
\v 24 አሳይ ባና ኦግያ ጎዳይ ካለስ፤
\q2 ያትን፥ አስ ባ ደኦን ባና ኦግያ
\q2 ዋትድ አኬካናዉ ዳንዳኢ?
\p
\v 25 ኤሶን፥ “ሀይሳ ታኒ ፆሳስ እማስ” ጉስነ
\q2 ጉየፐ ቂሮተ አሳስ ፅሄ።
\q1
\v 26 ጭንጫ ካዎይ ጌላታ ሻክድ ኤሬስ፤
\q2 እ ኤንታ ቃቶና ሴሬስ።
\q1
\v 27 አሳ አያን ጎዳስ ፆምፐ፤
\q2 እያ ጋ አሳተ ኡባ ፕልግድ ፄሌስ።
\q1
\v 28 ሲቆይነ አማነተ ካዋ ናጎሶና፤
\q2 እያ አራታይ ቱማ ፕርዳን ምኔስ።
\q1
\v 29 ያላጋታ ቦንቾይ ኤንታ ዎልቃ፤
\q2 ጭማታ ቦንቾይ ኤንታ ፑሉን።
\q1
\v 30 ምኖ ሴር ኢታተ ሾዴስ፤
\q2 ዋይ ኢታ ዎዛና ላሜስ።
\c 21
\p
\v 1 ካዎ ዎዛን ጎዳ ኩሸና፤
\q2 እያ ዎዛና ዋ ሃዳ
\q2 ባ ኮይዳ ሶ ዛሬስ።
\q1
\v 2 አስ ኦያባ ኡባይ እያዉ ልከ ዳኔስ፤
\q2 ሽን ጎዳይ እያ ዎዛና ቆፋ ፓጬስ።
\q1
\v 3 ያርሾ ያርሻናፐ አድ፥
\q2 ፅሎነ ሱረ ኦይሳ ጎዳይ ዶሴስ።
\q1
\v 4 ኢታት ኦቶሮንነ ጬቀተን ኤረቶሶና፤
\q2 ሄስ ቃስ ናጋራ።
\q1
\v 5 ምኖ ኦያ አሳ ሀልቾይ ዱረዬስ፤
\q2 ሽን ኤሶትያ ኡባይ ማንቄስ።
\q1
\v 6 ዎርዶን ዳጋይዳ ሻሎይ ፐንቶዳ ዬስ፤
\q2 ሄሳ ኮየይሳት ሀይቆ ኮዮሶና።
\q1
\v 7 ኢታት ሱረባ ኦናዉ ኮዮና ግሾ፥
\q2 ኤንታ ጌላ ኦሶይ ኤንታ ኤክድ ቤስ።
\q1
\v 8 ናጋራንቾት ጌላ ኦገን ሄመቶሶና፤
\q2 ሽን ጌሻት ሱረባ ኦሶና።
\q1
\v 9 ዶናትያ ማችራ እስ ኬን ዳናፐ
\q2 ካረ ዳርማቻን ዱስ ሎኦ።
\q1
\v 10 ኢታት ኢታባ ኦናዉ አሞቶሶና፤
\q2 ባንታ ሾሮታስ ቃቶኮና።
\q1
\v 11 ቀልቅስያ አስ ሴረትያ ዎደ
\q2 ዎዛን ባይና ኡራይ ጭንጫተ ታማሬስ፤
\q2 ዎዛናማ ኡራይ ኤራ ደሜስ።
\q1
\v 12 ፅሎ ፆሳይ ኢታታ ሶን ኦሰትያባ ኡባ በኤስ፤
\q2 ኤንታ ሽር የግድ ይሴስ።
\q1
\v 13 ማንቆታ ዋሱዋ ስአናፐ ግድ፥
\q2 ባ ሀይ ቱጭያ ኡራይ፥ እካ ዋሳና፤
\q2 እ ዋስን አልያ አስ ያና።
\q1
\v 14 ጌማን እምያ እሞይ ሀንቆ ዶሽሴስ፤
\q2 ቆሳን እምዳ ዎፈይ ሀንቆ እርፅሴስ።
\q1
\v 15 ሱረ ፕርድ ፕርደትያ ዎደ፥
\q2 ፅሎት ኡፋይቶሶና፤
\q2 ሽን ኢታ ኦይሳታ ዳጋንስ።
\q1
\v 16 አኬካ ኦግያ ሃክያ ኡራ
\q2 ሀይቆይ ናጌስ።
\q1
\v 17 እንጀትን ዳና ግያ ኡራይ ማንቄስ፤
\q2 ዎይነነ ዛይተ ዶስያ ኡራይ ዱረተና።
\q1
\v 18 ፆሳ አሳታ አሻናዉ ኢታ አሳት ሴረቶሶና፤
\q2 አማነቶና አሳት ሱረ አሳታ ግሾ ሴረቶሶና።
\p
\v 19 ዶናትያነ ይሎትያ ማችራ ዳናፐ
\q2 ባዞን ደኦይ ሎኦ።
\q1
\v 20 ዎዛናማ ኡራ ሶን ማልኦ ቁምነ ኦይስ ምንጀቴስ፤
\q2 ሽን ኤያ አስ ደእያባ ኡባ ምድጌስ።
\q1
\v 21 ፅሎተነ ሲቆ ኮይያ ኡራ ላይይ አዱቄስ፤
\q2 ሄ ኡራይ ፅሎተነ ቦንቾ ደሜስ።
\q1
\v 22 ዎዛናማ አስ ዎልቃማ ኦላንቾታ ካታማ ኦልድ ኦይኬስ፤
\q2 ኤንቲ አማነትያ ምኖ ሚፃ ላሌስ።
\q1
\v 23 ባ ዶናነ ባ እንፃርሳ
\q2 ናግያ አስ ባና መቶፐ ናጌስ።
\q1
\v 24 ኦቶረይነ ጬቀተይ ቀልቅስያ አስ፤
\q2 እ ኦቶራንቾ ግድዳ ግሾ አሳስ ቆፐና።
\q1
\v 25 ኦናዉ ኮዮና ግሾ
\q2 አዛላ አሞይ ዎስ።
\q1
\v 26 አዛላ አስ ኡባ ዎደ ዳሮባ ደማናዉ አሞቴስ፤
\q2 ሽን ፅሎይ ባዉ አሾና እሜስ።
\q1
\v 27 ጎዳይ ኢታታ ያርሹዋ እፄስ፤
\q2 ኤንቲ እያዉ ኢታ ቆፋን ሺሽያ ያርሹዋ አድ እፄስ።
\q1
\v 28 ዎርዶ ማርክ ያና፤
\q2 ሽን ቱማ ማርክ ኤቅድ ዳና።
\q1
\v 29 ኢታ አስ በሶና ፃላ ፃሌስ፤
\q2 ሽን ሱረ አስ ዩሽ ቆፔስ።
\q1
\v 30 አስ ባ ጭንጫተን፥ አኬካንነ ዞረን
\q2 ጎዳራ ኤቀታናዉ ዳንዳኤና።
\q1
\v 31 ኦላስ ፓራ ኮራናዉ ዳንዳኤቴስ፤
\q2 ሽን ፆኖይ ጎዳባ።
\c 22
\p
\v 1 ሎኦ ሱን ዳሮ ዱረተፈ አስ፤
\q2 ቦንቾይ ብራፐነ ዎርቃፈ አስ።
\q1
\v 2 ዱረነ ማንቆ ጎዳይ መስ፤
\q2 ሄሳን ኤንቲ ናምአይ እስኖ።
\q1
\v 3 ጭንጫ አስ ኢታ በእድ ቆሰትድ አቴስ፤
\q2 ሽን አኬክ ባይና አስ መቶን ገልድ ቆሄቴስ።
\q1
\v 4 አሽከተነ ጎዳ ያሽ፥
\q2 ዱረተ፥ ቦንቾነ ደኦ እሜስ።
\q1
\v 5 ኢታታ ኦገን አጉንነ ፅሄይ ደኤስ፤
\q2 ሽን ባና ናግያ አስ ኤንታፈ ሃኬስ።
\q1
\v 6 ናእ ዋንድ ዳናዉ በሲያኮ ታማርሳ፤
\q2 እ ጭምያ ዎደካ እያፐ ሃከና።
\q1
\v 7 ዱረይ ማንቁዋ ሃሬስ፤
\q2 ታልኤ ኤክዳይ ታልኤ እምዳይሳስ አይለ ግዴስ።
\q1
\v 8 ናጋራ ዘርያ ኡራይ ዋየ ጫኬስ፤
\q2 እያ ሀንቆ ፃምአይ መቃና።
\q1
\v 9 ባ ካ ማንቆታስ ሻክያ ግሾ
\q2 ኬሀ አስ አንጀታና።
\q1
\v 10 ቀልቅስያ አስ ድግኮ፥
\q2 ፓላም፥ ኦሽነ ጫሽ አታና።
\q1
\v 11 ዎዛን ጌሽ ግድዳ አስነ
\q2 ሎኦ ኦዳ ዶስያ አስ ካዎራ ዳቦቴስ።
\q1
\v 12 ጎዳ አይፈይ ኤራተ ናጌስ፤
\q2 ሽን ዎርዳንቾታ ቃላ ሽር የጌስ።
\q1
\v 13 አዛላ አስ፥ “ካረን ጋሞይ ደኤስ፤
\q2 ታና ኦገን ማና” ያጌስ።
\q1
\v 14 ላይማ ማጫሳ ዶን ዎልቃማ ኦላ መላ፤
\q2 ጎዳይ ሀንቀትዳይሳት እያን ኩንዶሶና።
\q1
\v 15 ኤያተ ናአ ዎዛናን ደኤስ፤
\q2 ሽን ፕርጮይ እያፐ ሃሴስ።
\q1
\v 16 ሻሎ ሺሻናዉ ማንቁዋ ናቀይነ
\q2 ዱረ አሳስ እሞታ እምያ ናምአይ ማንቃና።
\s1 ሀስታሙ ጭንጫ ዞረታ
\r (22:17—24:22)
\p
\v 17 ነ ሀይ ዛራዳ ጭንጫታ ቃላ ስአ፤
\q2 ነ ዎዛና ታ ትምርትያኮ ዛራ።
\q1
\v 18 ኤንታ ነ ዎዛናን ዎኮነ
\q2 ነ ዶናን ኤንታ ሃሳይኮ፥ ነ ኡፋይታና።
\q1
\v 19 ነ አማኖይ ጎዳን ግዳና መላ፥
\q2 ታኒ ነና ሀች ታማርሳይስ።
\q1
\v 20 ታኒ ነዉ ዞረነ ኤራተ ኩምዳ
\q2 ሀስታሙ ሌምሶታ ፃፋስ።
\q1
\v 21 ነና ኪትዳይሳስ ልከ ዛሮ ዛራና መላ፥
\q2 ታኒ ነና ቱማተ ታማርሳስ።
\s2 1
\q1
\v 22 ማንቆታስ አይብካ ባይና ግሾ፥ ኤንታ ቦንቆፋ፤
\q2 ፕርዳን ኤንታ ማታ ይሶፋ።
\q1
\v 23 ጎዳይ ኤንታ ግሾ ሞተታና፤
\q2 ኤንታ ቦንቅዳይሳታ እ ቦንቃና።
\s2 2
\q1
\v 24 ይሎትያ ኡራራ ላገቶፓ፤
\q2 ኤለ ሸነትያ ኡራራ ሄመቶፋ።
\q1
\v 25 ኔኒ እያ ይሉዋራ ሜዘትኮ፥
\q2 ጉየፐ አጋናዉ ዳንዳአካ።
\s2 3
\q1
\v 26 አሳ አጮ ታ ቃንፃና ጋዳ
\q2 ዋሰ ግዶፓ።
\q1
\v 27 ነ ቃንፅያባ ይኮ፥
\q2 ነ ዝንእያ ሂፃይ አቶና፥
\q2 ነዉ ደእያባ ኡባይ ኤከታና።
\s2 4
\q1
\v 28 ነ ማይዛት ቶክዳ
\q2 በን ዛዋ ሾዶፋ።
\s2 5
\q1
\v 29 ባ ኦሱዋን ሎህዳ አስ በአዲ?
\q2 እ ጮ አሳታስ ግዶናሽን ካዎታስ ኦስ።
\c 23
\s2 6
\p
\v 1 ሀላቃራ ካ ማናዉ ኡትያ ዎደ፥
\q2 ኔራ ደኤይሳ አኬካ።
\q1
\v 2 ኔኒ ዳሮ ያራምባ አስ ግድኮ ናገታ።
\q1
\v 3 እ ነና ፓጫናዉ ዳንዳእያ ግሾ፥
\q2 ማልኦ ካስ ያረቶፓ።
\s2 7
\q1
\v 4 ዱረታና ጋዳ ዳቡሮፓ፤
\q2 ነ ቆፋ ሃራናዉ ጭንጫ ግዳ።
\q1
\v 5 ሄሳ መላ ዱረተ ነ ፄልሽን ያና፤
\q2 ቀፈ ከስድ አርጋንዳ ሳሎ ፓላና።
\s2 8
\q1
\v 6 ኡዘ አሳ ካ ሞፓ፤
\q2 እያ ማልኦ ካይ ነና አሞዮፖ።
\q1
\v 7 ቆፐ ቆሞን “ማ፤ ኡያ” ጌስ፤
\q2 ሽን እያ ዎዛናይ ኔራ ግደና።
\q1
\v 8 ነ ምዳ ጉ ካካ ጮያና፤
\q2 ነ ጋላታይ መላ ግዳና።
\s2 9
\q1
\v 9 ነ ጭንጫተ ሃሳያ ካያ ግሾ፥
\q2 ኤያ አሳስ ፓፃባ ሃሳዮፓ።
\s2 10
\q1
\v 10 በን ዛዋ ሾዶፋ፤
\q2 ይኦ ናይታ ዛዋ ሱጎፓ።
\q1
\v 11 ኤንታ አሽያ ጎዳይ ምኖ ግድያ ግሾ፤
\q2 እ፥ ኤንታ ግሾ ኔራ ሞተታና።
\s2 11
\q1
\v 12 ነ ዎዛና ዞረ ቃላኮ፥
\q2 ነ ሀይ ትምርተኮ ዛራ።
\s2 12
\q1
\v 13 ናአ ሴሮና አጎፋ፤
\q2 ነ እያ ፕርጮን ሾጭኮ እ ሀይቀና።
\q1
\v 14 ነ እያ ፕርጮን ሾጭኮ፥
\q2 እያ ሸምፑዋ ሀይቆፐ አሻሳ።
\s2 13
\q1
\v 15 ታ ናአዉ፥ ነ ዎዛናይ ጭንጫ ግድኮ፥
\q2 ታ ዎዛናይ ኡፋይታና።
\q1
\v 16 ነ እንፃርሳይ ሱረባ ሃሳያ ዎደ፥
\q2 ታ ጋ አሳተይ ኡፋይቴስ።
\s2 14
\q1
\v 17 ናጋራንቾታ ቃናቶፓ፤
\q2 ሽን ኡባ ዎደ ጎዳ ያያ።
\q1
\v 18 ያትኮ ነዉ ስን ደኦይ ሱራና፤
\q2 ነ ኡፋይሳይ የና።
\s2 15
\q1
\v 19 ታ ናአዉ፥ ስአ፤ ጭንጫ ግዳ፤
\q2 ነ ዎዛና ሱረ ኦግያን ናጋ።
\q1
\v 20 ዳሮ ዎይነ ኡሹ ኡየይሳታራነ
\q2 አሾ ማናዉ ያረተይሳታራ ሄመቶፋ።
\q1
\v 21 ማተይሳትነ ያራምባት ማንቃና፤
\q2 ስኮ ዳሮይ ጩርቃ ማይዜስ።
\s2 16
\q1
\v 22 ነና የልዳ ነ አዋይ ኦድያባ ስአ፤
\q2 ነ አይያ ጭምዳ ዎደ ካፓ።
\q1
\v 23 ቱማ፥ ጭንጫ፥ ሴራነ
\q2 አኬካ ሻማፈ አትሽን፥ ባይዞፓ።
\q1
\v 24 ፅሎ ናአ አው ዳሮ ኡፋይቴስ፤
\q2 ዎዛናማ ናአ የልዳ አስ እያን ጬቀቴስ።
\q1
\v 25 ነ አዋይነ ነ አይያ ነናን ኡፋይቶ፤
\q2 ነና የልዳራ ሀሹ ጎ።
\s2 17
\q1
\v 26 ታ ናአዉ፥ ነ ዎዛና ታዉ እማ፤
\q2 ነ አይፈት ታ ኦግያ ካሎ።
\q1
\v 27 ላይማ ማጫስ ጪሞ ሃ መላ፤
\q2 ላገ ማጫስ ፁን ኦላ መላ።
\q1
\v 28 እያ ፓኖዳ ዙጋዳ ናጋዉሱ፤
\q2 አማነቶና አደታ ዳርሳዉሱ።
\s2 18
\q1
\v 29 ዋሶይ ኦሴ? አዛኖይ ኦሴ?
\q2 ኦሽ ኦሴ? ዙዙን ኦሴ?
\q1 ጋሶይ ባይና ማዱንፀ ኦሴ?
\q2 አይፈ ዞኦይ ኦሴ?
\q1
\v 30 ዎይነ ኡሹ ኡይሸ ዎደ ኦንገይሳታሳ ግደኔ?
\q2 ዋላሄትዳ ዎይነ ኡሻ
\q2 ጋንፅድ በኤይሳታሳ ግደኔ?
\q1
\v 31 ዎይነ ኡሽ ዞእዳ ዎደ፥
\q2 እያ ማላይ ብርለ ግዶን ጶልያ ዎደ፥
\q2 ኡይን ማልእሸ ገልያ ዎደ እያ ፄሎፋ።
\q1
\v 32 ዉርሰን ሾሻዳ እ ዱኬስ፤
\q2 ኢታ ሾሻዳ ባ ማርዝያ ፑኬስ።
\q1
\v 33 ነ አይፈይ በእ ኤሮናባ በአና፤
\q2 ነ ዎዛናይ ሱረ ቆፓናዉ ዳንዳኤና።
\q1
\v 34 ኔኒ አባ ግዶን ዝንእዳ፥
\q2 ማርካብያ ቱሳ ቦላ ካትዳ አሰ ዳናሳ።
\q1
\v 35 ኔኒ፥ “ኤንቲ ታና ደችዶሶና፤
\q2 ሽን ታ ቆሄታብከ።
\q1 ኤንቲ ታና ዋዶሶና፤
\q2 ሽን ታዉ ኤረትቤና።
\q1 ሀራ ኡሹ ኡያናዉ
\q2 ታኒ አዉደ ደንዳኔ?” ያጋና።
\c 24
\s2 19
\q1
\v 1 ታ ናአዉ፥ ኢታ አሳታ ቃናቶፓ፤
\q2 ኤንታራ ላገታናዉ አሞቶፋ።
\q1
\v 2 ኤንቲ ኡባ ዎደ ኢታባ ማቀቶሶና፤
\q2 ባንታ እንፃርሳን ገነ ሃሳዮሶና።
\s2 20
\q1
\v 3 ኬ ጭንጫተን ኬፀቴስ፤
\q2 አኬካን ምኔስ።
\q1
\v 4 ኤር ደእኮ፥ ቆልእ
\q2 አልኦባንነ ሎኦባን ኩሜስ።
\s2 21
\q1
\v 5 ጭንጫ አስ ዎልቃማ አሳፐ አስ፤
\q2 ኤራ አስ ምኖ አሳፐ ሎኦ።
\q1
\v 6 ኦላስ ከያናፐ ኮይሮ ሀልቻናዉ ኮሼስ፤
\q2 ዳሮ ዞረ ዞርያ አሳታን ፆኖይ በንቴስ።
\s2 22
\q1
\v 7 ኤያ አስ ጭንጫተ አኬካናዉ ዳንዳኤና፤
\q2 ሺቆ በሳን እ ኦድያባይ አይብካ ባዋ።
\s2 23
\q1
\v 8 ኢታ ኦናዉ ቆፕያ አስ
\q2 ገነ አስ ጌተቴስ።
\q1
\v 9 ኤያ አሳ ቆፍ ናጋራ፤
\q2 ቀልቅስያ አስ እፀቴስ።
\s2 24
\q1
\v 10 መቶ ዎደ ነ ዶልእኮ፥
\q2 ነ ዎልቃይ ጉ።
\s2 25
\q1
\v 11 ፕርድ ባይና ሀይቆስ በይሳታ አሻ፤
\q2 ሹከታናዉ ብያ ዎደ ስእ ጋዳ ፄሎፋ።
\q1
\v 12 ነ፥ “ታ ሄሳ ኤርከ” ግኮ፥
\q2 ዎዛና ኤርያ እ፥ በኤኔ?
\q1 ነ ደኡዋ ናገይስ ኤረኔ?
\q2 አሳ ኡባስ እያ ኦሱዋዳ ኦሱዋዳ ዛረኔ?
\s2 26
\q1
\v 13 ታ ናአዉ፥ ኤስ ሎኦ ግድያ ግሾ፥
\q2 ኤስ ማ፤ እልሎ ኤስ ማልኤስ።
\q1
\v 14 ጭንጫተካ ሄሳዳ
\q2 ነ ሸምፑዋስ ማልኦ ግደይሳ ኤራ።
\q1 ኔኒ እያ ደምያባ ግድኮ፥
\q2 ስንራ ያና ኬሀይ ነባ፤
\q2 ነ ኡፋይሳይ የና።
\s2 27
\p
\v 15 ፅሎ አሳ ኬ ቦንቃናዉ ናጎፓ፤
\q2 እያ አቁዋ ይሳናዉ ደንዶፋ።
\q1
\v 16 ፅሎ አስ ላፑን ቶሆ ኩንድኮካ ደንዴስ፤
\q2 ሽን ኢታት ጋዶን ያና።
\s2 28
\q1
\v 17 ነ ሞርከይ ኩንድያ ዎደ ኡፋይቶፋ፤
\q2 እ በትያ ዎደ ሀሹ ጎፓ።
\q1
\v 18 ጎዳይ ሄሳ በእድ ኡፋይተና፤
\q2 እያ ሀንቀቶና አጋጋና።
\s2 29
\q1
\v 19 ኢታ ኦይሳታ ጋሶን ህርጎፋ፤
\q2 ኤንታ መላ ግዳርክና ጋዳ ቆፖፋ።
\q1
\v 20 ኢታ አሳስ ስንራ ያና ኬህ ባዋ፤
\q2 ኢታታ ፆምፐይ ቶአና።
\s2 30
\q1
\v 21 ታ ናአዉ፥ ጎዳነ ካዋ ያያ፤
\q2 ኤንታ ቦላ ማካለይሳታራ ሄመቶፋ።
\q1
\v 22 ሄሳ መላ አሳታ ቆፖና መቶይ ጋኬስ፤
\q2 ካዋፐነ ጎዳፐ ያና መቶ ኦነ ኤረይ?
\s1 ሀራ ጭንጫ ዞረታ
\p
\v 23 ጭንጫት ጉጅድ ሀይሳዳ ያግዶሶና፤
\q1 ሶምኦ በእድ ፕርዶይ ሎኦ ግደና።
\q1
\v 24 ቆህዳይሳ ሎኦ ኦዳሳ
\q2 ግያ ዳይና፥ አስ ባዳና፤
\q2 ካዎተት እያ እፃና።
\q1
\v 25 ቆህዳይሳ ነ ባላ
\q2 ግያ ዳይናት ሎኦባ ኤካና
\q2 ዳሮ አንጆ ደማና።
\q1
\v 26 ቱማ ዛሮ ዛርያ አስ፥
\q2 ቱማ ላገ መላ።
\q1
\v 27 ካሰታዳ ነ ጋድያ ጎያ፤ ካ ዘራ፤
\q2 ሄሳፈ ጉየ፥ ነ ኬ ኬፃ።
\q1
\v 28 ነ ሾሩዋ ቦላ ጋሶይ ባይና ማርካቶፋ፤
\q2 ነ ዶናን ጭሞፋ።
\q1
\v 29 “እ ታዉ ኦዳይሳዳ ታ እያዉ ኦና፤
\q2 ታ እያዉ ኩሸ ዛራና” ያጎፓ።
\q1
\v 30 ታኒ ቦዛ አሳ ጎሻራ አስ፤
\q2 አዛላ አድያ ዎይነ ጋደራ ካንስ።
\q1
\v 31 አጉንነ ሻራፍ ጎዝ ዎስ፤
\q2 ዩሾን ደእያ ድርሳይካ ላለትስ።
\q1
\v 32 ታኒ እያ በእዳ ዎደ ቆፓስ፤
\q2 እያፐ ትምርተ ኤካስ።
\q1
\v 33 ኔኒ ጉ ሊጳ፤ ጉ ስካ፤
\q2 ነ ኩሽያ ሺሻዳ ጉ ሸምፓ።
\q1
\v 34 ሽን ማንቆተ ፓኖዳ ያና፤
\q2 ዱሳ ዋየይ ኦላ ሚሸ ኦይክዳ አሳዳ ፑቱ ጋና።
\c 25
\s1 ሀራ ሶሎሞነ ሌምሶታ
\p
\v 1 ሀይሳቲ ይሁዳ ካዋ ህዝቅያሳ አሳት ዱቅድ ፃፍዳ ሶሎሞነ ሌምሶታ።
\q1
\v 2 ፁራ ገንይ ፆሳስ ቦንቾ፤
\q2 ፁራ ፕልግድ ከሶይ ካዎታስ ቦንቾ።
\q1
\v 3 ሳሎይ ቁ ግዳይሳዳነ
\q2 ሳእ ዝቃ ግድዳይሳዳ
\q2 ካዎታ ቆፋ አስ ኤራናዉ ዳንዳኤና።
\q1
\v 4 ብራፐ ቅታ ድጋ፤
\q2 ሄሳፈ ጉየ፥ ሂላንቾይ ሎይና።
\q1
\v 5 ካዎ ስንፈ ኢታ አሳታ ድጋ፤
\q2 እያ አራታይ ፅሎተን ምንድ ኤቃና።
\q1
\v 6 ካዎ ስንን ኤቅያ ዎደ ጬቀቶፋ፤
\q2 ግታ አሳታ ግዶን ነዉ በሰ ኮዮፓ።
\q1
\v 7 ኔፐ ግታትያ አሳስ በሰ እማናዉ
\q2 ሀላቃይ ነና ደንን፥ ካዉየይሳፈ፥
\q2 እ ነና፥ “ሀ ቃ በሳን ኡታ” ገይስ ሎኦ።
\q1
\v 8 ነ አይፈን በእዳባ ማርካታናዉ
\q2 ዳይና ስን ባናዉ ኤለሶፓ።
\q1 ነ ማርካታ ስምን ሀራ አስ
\q2 ነ ማርካተይ ባላ ግደይሳ ቆንጭስኮ፥ ነ ዬላታና።
\q1
\v 9 ነ ግዶንነ ነ ሾሩዋ ግዶን ፓላም መትኮ፥
\q2 እያራ ኦደታዳ ነ ፓላማ ዉርሳ፤
\q2 ሀራ አሳ ፁራ ቆንጭሶፓ።
\q1
\v 10 ሄስ ሀኖና እፅኮ ነ ኦደይሳ ስእዳ አስ
\q2 ነና ካዉሻና፤
\q2 ነ ሱንይ ዛሪድ ስሞናዳ ኢታና።
\q1
\v 11 በሲያ ዎደ ኦደትዳ ልከ ቃል፥
\q2 ብራ ሚሸ ቦላ ትገትዳ ዎርቃ አሌቆ መላ።
\q1
\v 12 ኤራ አስ ዞርያ ዞረ ስእያ ሀይስ፥
\q2 ሄስ ዎርቃፈ ዎይኮ ጌሻ ዎርቃፈ
\q2 ኦሰትዳ አሌቆ መላ።
\q1
\v 13 ካ ጫክያ ዎደ እርፃ ሃ ኡይን አለይሳዳ፥
\q2 አማንያ ኪታንቾይ ባና ኪቶይሳ ኡፋይሴስ።
\q1
\v 14 እሞናባ እማና ግድ ጬቀትያ አስ
\q2 እር ባይና ሻራነ ጫርኮ መላ።
\q1
\v 15 ዳንዳአ አስ ሀላቃ ኦድድ ማይዜስ፤
\q2 ሊቆ ቃል መቀ ካን ገሌስ።
\q1
\v 16 ኤስ ደምኮ ካላና ጋካናዉ ማ፤
\q2 ሽን ዳርስኮ ነና ጮሻና።
\q1
\v 17 ነና ኡፍሸ እፆናዳ፥
\q2 ነ ሾሩዋ ሶ ኡባ ዎደ ቦፓ።
\q1
\v 18 ባ ሾሩዋ ቦላ ዎርዶን ማርካትያ አስ፥
\q2 ፃምእ፥ ማሽነ ቶር ቆሄይሳዳ ቆሄስ።
\p
\v 19 መቶ ዎደ አማነቶና አሳን ዘምፖይ፥
\q2 ቃፅያ አቻን ጮምያነ
\q2 ስልዳ ቶሆን ሄመተይሳ መላ።
\q1
\v 20 አዛንዳ አሳስ የ የፅያ አስ፥
\q2 ሜጎ ዎደ ማኦ ቃርያነ
\q2 ማዱን ቦላ ጫላባ ትግያ አሳ መላ።
\q1
\v 21 ነ ሞርከይ ኮሻትኮ ሙዛ፤
\q2 ሳሞትኮ ኡሻ።
\q1
\v 22 ነ ሄሳ ኦኮ እያ ሁጰን ታማ ቦንቆ
\q2 ካሽድ ቆለይሳ መላ፤
\q2 ጎዳይ ነና ዎይታና።
\q1
\v 23 ዶሎሀ ባጋ ጫርኮይ እራ ኤሄይሳዳ፥
\q2 ዝግርስ ሀንቆ ኤሄስ።
\q1
\v 24 ዶናትያ ማችራ እስ ኬን ዳናፐ
\q2 ካረ ባራንዳን ዱስ ሎኦ።
\q1
\v 25 ዳቡርዳ አስ እርፃ ሃ ኡይድ አለይሳዳ፥
\q2 ሃሆ ቢታፈ ያ ሎኦ ኦድ ኡፋይሴስ።
\q1
\v 26 ኢታ አሳ ስንን ጉልባትያ ፅሎ አስ፥
\q2 ቡሎትዳ ፑልቶነ ኢትዳ ኦላ ሃ መላ።
\q1
\v 27 ዳሮ ኤስ ሙስ ሎኦ ግደና፤
\q2 ሄሳዳካ፥ ባ ቦንቾ ኮሽ ቦንችሰና።
\q1
\v 28 ባና ሃሮና አስ
\q2 ድርስ ላለትዳ ካታማ መላ።
\c 26
\p
\v 1 ቦነ ሻች፥ ካ ጫክያ ዎደ እር ኮሾናይሳዳ፥
\q2 ኤያስ ቦንቾ ኮሸና።
\q1
\v 2 ካፎት ያነ ሃነ ፕራሸ አሰ ቆሆናይሳዳ፥
\q2 ጋሶይ ባይና ባድያ ባደ አሰ ጋከና።
\q1
\v 3 ፓራስ ልሶ፥ ሀረስ ብፃላ ኮሸይሳዳ
\q2 ኤያ አሳ ዞኮስ ፃምአ ኮሼስ።
\q1
\v 4 ኤያ አሳስ እያ ኤያተዳ ዛሮፓ፤
\q2 ዛርኮ ነ እያ መላ ግዳና።
\q1
\v 5 ኤያ አሳስ እያ ኤያተ ቆንጭሳዳ ዛራ፤
\q2 ሄስ ሀኖና እፅኮ እ ባና ጭንጫ ግድ ቆፓና።
\q1
\v 6 ኤያ አሳ ቦላ ኪታ የዶይ፥
\q2 ባ ቶሆ ቃንፅ የገይሳ መላ
\q2 ዎይኮ ዎያባ ኡየይሳ መላ።
\q1
\v 7 ኤያ አሳ ሌምሶይ፥
\q2 ስልዳ ቶሆ መላ ማደና።
\q1
\v 8 ኤያ አሳስ ቦንቾ እሞይ፥
\q2 ሹቹ ያምባርሻን ቃች ዎድ
\q2 ያምባራናዉ ፓጭያ አሳ መላ።
\p
\v 9 ኤያ አሳ ሌምሶይ
\q2 ማትዳ አስ ባ ኩሸ ጫድዳ አጉን
\q2 ከሳናዉ ባፀተይሳ መላ።
\p
\v 10 ኤያ አሳ ዎይኮ ባ ኦገ ብያ አስ
\q2 ኡነ ኦስሳናዉ ቃፃርያ አስ
\q2 ባ ቶራ ሻራን ፆንግያ አሳ መላ።
\p
\v 11 ካን ባ ጮሻኮ ጉየ ስሚድ ላጨይሳዳ፥
\q2 ኤያ አስ ባ ኤያተ ዛር ዛር ቆንጭሴስ።
\p
\v 12 ባና ጭንጫ ኦድ ፄልያ አሳፐ
\q2 ኤያ አሳስ ሎኦ ቃድ ደኤስ።
\p
\v 13 “አዛላ አስ ኦገን ጋሞይ ደኤስ፤
\q2 ያሽያ ጋሞይ ኦገን ዩዬስ” ያጌስ።
\p
\v 14 ሳንቅ ማፃፈ ቦላ ያነ ሃነ ቃፀይሳዳ፥
\q2 አዛላ አስ ባ ሂፃን ያነ ሃነ ሽረቴስ።
\p
\v 15 እስ እስ አዛላ አስ ሀር አቶሽን፥
\q2 ዎፀን ቱሽድ ባራናዉ ዋየቴስ።
\p
\v 16 አዛላ አስ ማርካራ ኦድያ ላፑን ጭንጫታፐ
\q2 ባና አዳ ጭንጫ ግድ ቆፔስ።
\p
\v 17 ባና ጋያባይ ባይናባን ፓላምያ አስ
\q2 ኦገራ ብያ ካና ሀይ ኦይክያ አሳ መላ።
\p
\v 18-19 ባ ሾሩዋ፥ “ታኒ ካሰ ጋይስ”
\q2 ያግድ ጭምያ አስ፥
\q2 ጎይድ ቦንቆ ታማ ሆልያ፥
\q2 ዎይኮ ዎያ ዶንገ ቶራ ዱክያ አሳ መላ።
\p
\v 20 ም ዉርኮ ታም ቶኤስ፤
\q2 ዝግርስ ይኮ ኦሽ አቴስ።
\p
\v 21 ፂፍ ቦንቆ ዳርሰይሳዳነ
\q2 ም ታማ ዳርሰይሳዳ
\q2 ፓላማ ዳርስያ አስ ኦሹ ዳርሴስ።
\p
\v 22 ዝግርሳ ቃል ማልኦ ካ መላ
\q2 ኡፋይስሸ ዱገ ጋንጀ ቤስ።
\p
\v 23 ዎዛናን ኢታባይ ደእሽን፥
\q2 ባ እንፃርሳን ጭሞ ቃላ ሃሳያ አስ
\q2 ብራን ላንፀትዳ ኡርቃ ሚሸ መላ።
\p
\v 24 ገነ አስ ባ ዎዛናን ደእያ ኢታተ
\q2 ባ እንፃርሳን ገንስ።
\p
\v 25 እያ ዎዛናን ላፑን ቱናት ኩምዳ ግሾ፥
\q2 እ ሎኦ ቃላ ሃሳይኮካ እያ አማኖፓ።
\p
\v 26 ባ ሞርከተ እ ገንኮካ፥
\q2 እ ኦያ ኢታይ ዳባባን ቆንጫና።
\p
\v 27 ሀራታስ ኦላ ቦክያ አስ ሄ ኦላን ባዉ ኩንዳና፤
\q2 ሀራታ ቦላ ሹቹ ጎንዶርስያ አሳ ቦላ
\q2 ሄ ሹቻይ ስሚድ ጎንዶረታና።
\p
\v 28 ዎርዶትያ እንፃርስ ባ ቆህዳ አሳታ እፄስ፤
\q2 ጭሞ ኦድ ኩንደ ካለስ።
\c 27
\p
\v 1 ዎንቶይ ኤሀናባ ነ ኤሮና ግሾ
\q2 ዎንቶባን ጬቀቶፋ።
\q1
\v 2 ሀራ አስ ነና ጋላቶፐ አትሽን ኔኒ ነና ጋላቶፓ፤
\q2 አስ ነ ግሾ ማርካቶፈ አትሽን፥ ኔኒ ነ ኬሀተባ ኦዶፓ።
\q1
\v 3 ሹች ግታ ቶሆ፤ ሻፈይ ዴፆ፤
\q2 ሽን ኤያ አስ መያ ኦሽ
\q2 ናምኣፈካ ዴፄስ።
\q1
\v 4 ሀንቆስ ቃይ ባዋ፤
\q2 ይሎይ ይስያ ድኦ መላ፤
\q2 ሽን ቃናተይ ኡባፈ ኢታ።
\q1
\v 5 ጌምዳ ሲቆፐ
\q2 ባልያ ዎደ ቆንጨን ሀንቀተ ሎኦ።
\p
\v 6 ሞርከይ ነና ታሙ ቶሆ ዬራናፐ
\q2 ሲቆይ ነና ማዱንፅሰይስ ሎኦ።
\q1
\v 7 ካልዳ አስ እልሎ ኤስ ሻቴስ፤
\q2 ሽን ኮሻትዳ ኡራ ጫምያባይ ማልኤስ።
\q1
\v 8 ባ ሶ አግድ ዩይያ አስ፥
\q2 ባ ኬ አጋዳ ፓልያ ካፎ መላ።
\q1
\v 9 ሽቶይነ ሳውያ እፃነይ አሰ ኡፋይሰይሳዳ
\q2 ሲቆ ላገ ዞረይ ሄሳዳ ኡፋይሴስ።
\q1
\v 10 ነ ላገታነ ነ አዋ ላገታ አጎፋ፤
\q2 ነ መቶትዳ ዎደ ነ እሻ ሶ ቦፓ፤
\q2 ሃሆን ደእያ እሻፐ ማታን ደእያ ሾሮይ ሎኦ።
\q1
\v 11 ታ ናአዉ፥ ጭንጫ ግዳ፤ ታና ኡፋይሳ፤
\q2 ታና ካያ አሳስ ታ ዛሮ እማና።
\q1
\v 12 ጭንጫ አስ መቶይ ያ ዎደ በእድ ቆሰቴስ፤
\q2 ሽን አኬክ ባይና አስ ብድ መቶን ገሌስ፤
\q2 ያትድ ጉየፐ ቂሮቴስ።
\q1
\v 13 ኤሮና አሳስ ዋሰ ገልያ ኡራ ማኡዋ ቃር ኤክተ፤
\q2 እማ አሳስ ዋሰ ገልዳ ኡራ ማኡዋ ኦይክተ።
\q1
\v 14 ዎንታ ጉራ ባ ቃላ ቁ ኦድ፥
\q2 ባ ሾሩዋ ሳሮተይ እያ ባድያ አሳ መላ።
\q1
\v 15 ዶናትያ ማቻነ
\q2 አያ ኬ እስኖ።
\q1
\v 16 ጫርኮ ተቃናዉ፥ ዛይተ ኩጭድ ኦይካናዉ ዳንዳኤቶናይሳዳ፥
\q2 እዮ ስእ ኦናዉ ዳንዳኤተና።
\q1
\v 17 ብራት ብራታ ፖሸይሳዳ፥
\q2 አስ እሶይ እሱዋፈ ታማሬስ።
\q1
\v 18 ባላሰ ም ሎይድ ናግያ አስ እያ አይፈ ማና፤
\q2 ባ ሀላቃ ካቦያ ኦሳንቾይ ቦንቸታና።
\q1
\v 19 ሃ ማስቶተዳ ሶምኦ በሰይሳዳ፥
\q2 አሳ ዎዛን እያ ኦናተ በሴስ።
\q1
\v 20 ሀይቆይነ ዱፎይ ካል ኤሮናይሳዳ፥
\q2 አሳ አይፈይ ካልድ ኤረና።
\q1
\v 21 ብርነ ዎርቀይ ታማን ፓጨትድ ጌየይሳዳ፥
\q2 አስ ባ ኤክያ ጋላታን ፓጨቴስ።
\q1
\v 22 ካ ኡዱላን ጫደይሳዳ፥
\q2 ኤያ አስ ኡዱላን ጫድያኮካ
\q2 እያፐ ኤያተይ ክቸና።
\q1
\v 23 ነ ዶርሳታ ሀኖታ ሎይዳ ኤራ፤
\q2 ነ ዉድያካ አኬካዳ ሄማ።
\q1
\v 24 አይስ ጊኮ፥ ዱረተ መርናዉ ዴና፤
\q2 ካላችካ የለተፈ የለተስ አና።
\p
\v 25 መላ ማታይ ቡጨትን፥ አጫ ማት ከያ ዎደ፥
\q2 ደርያ ቦላ ደእያ ማታይ ሺቅዳፐ ጉየ፥
\q2
\v 26 ዶርሳታ እክሰፐ ነ ነዉ ማኦ ከሳና፤
\q2 ዴሻታ ባይዛዳ ጋደ ሻማና።
\q1
\v 27 አትዳ ዴሻታ ማይ ነዉ፥
\q2 ነ ሶ አሳስነ ነ ማጫ አይለታስ ካ ግዳና።
\c 28
\p
\v 1 ኢታት ኦንካ የደና ባቃቶሶና፤
\q2 ሽን ፅሎት ጋሞ መላ ያዮና ደኦሶና።
\q1
\v 2 እስ ካዎተይ ማካልኮ፥ ሃረይሳት ዳሮሶና፤
\q2 ሽን ካለይስ ጭንጫነ አኬካንቾ ግድኮ፥
\q2 ሳሮተነ ዎፕ ደኤስ።
\q1
\v 3 ማንቆታ ኡንኤያ ካዎይ
\q2 ካ ይስያ ዎልቃማ እራ መላ።
\q1
\v 4 ህገ ቦንቾና አስ ኢታ አሳ ሳቤስ፤
\q2 ሽን ህገ ቦንችያ አስ ኢታ አሳ እፄስ።
\q1
\v 5 ኢታ አሳታስ ሱረ ፕርድ ገለና፤
\q2 ሽን ጎዳ ጎይንያ አስ ኡባ አኬከስ።
\p
\v 6 ዱረ ግድድ ጭምያ አስ ግዳናፐ፥
\q2 ማንቆ ግድድ ሱረ ግደይስ ሎኦ።
\p
\v 7 ህገ ናግያ ናአይ አኬካ ናአ፤
\q2 ሽን ፓና አሳራ ሄመተይ ባ አዋ ዬላዬስ።
\p
\v 8 ምሸ የሎን ታልኤይነ አሰ ቦንቅድ ዱረትያ አስ
\q2 ሄ አቁዋ ማንቆታስ ኬህያ አሳስ ሺሼስ።
\q1
\v 9 ህገ ስአናፐ ግድ ባ ሀይ ቱጭያ፥
\q2 ኡራ ዎሳይ ጎዳ ስንን እፀትዳባ።
\q1
\v 10 ሱረታ ኢታ ኦገን ካለያ ኡራይ
\q2 ባ ቦክዳ ኦላን ኩንዳና፤
\q2 ሽን ጌሻት ሎኦባ ላታና።
\q1
\v 11 ዱረ አስ ባና ጭንጫ ግድ ቆፔስ፤
\q2 ሽን አኬክ ደእያ ማንቆይ እያ ፓጬስ።
\q1
\v 12 ፅሎት ፆንያ ዎደ አሳ ኡባይ ኡፋይቴስ፤
\q2 ሽን ኢታት ማታ ኦይክያ ዎደ አሳይ ቆሰቴስ።
\q1
\v 13 ባ ናጋራ ገንያ አስ አጨና፤
\q2 ሽን ፓፀይነ ናጋራ አገይ ማሮታ ኤካና።
\q1
\v 14 ጎዳ ኡባ ዎደ ያይያ አስ አንጀትዳይሳ፤
\q2 ሽን ባ ዎዛና ምንያ አስ መቶን ገላና።
\q1
\v 15 ማንቆ አሳ ሃርያ ኢታ ሀላቃይ፥
\q2 ጉድያ ጋሞነ ኮሻትዳ ባባን መላ።
\q1
\v 16 አኬክ ባይና ካዎይ ባ ደርያ ቆሄስ፤
\q2 ሽን አሰ ቆሆና ሀላቅ ዳሮ ላይ ሃራና።
\q1
\v 17 አሰ ዎያ አስ ሀይቃና ጋካናዉ ባቃትሸ ደኤስ፤
\q2 እያ ኦንካ ማደና።
\q1
\v 18 ቦረይ ባይና ሄመትያ አስ ቆሄተና፤
\q2 ሽን ጌላ አስ አኬኮና ኩንዳና።
\q1
\v 19 ምንድ ኦያ አስ ካ ካሌስ፤
\q2 ሽን ፓና አሞ ካልያ አስ ማንቆተ ላታና።
\q1
\v 20 አማነትያ ኡራይ ዳሮ አንጀታና፤
\q2 ሽን ዱረታናዉ ዎፅያ አስ መቶ በአና።
\q1
\v 21 ሶምኦ በእድ ፕርዶይ ሎኦ ግደና፤
\q2 ሽን አስ ባሶ ኡይ ግሾ ግድ ቆሄስ።
\q1
\v 22 ያረ አስ ዱረታናዉ ባቀቴስ፤
\q2 ማንቆተ አኬኮና ኦይካናይሳ ኤረና።
\q1
\v 23 አሰ ጮ ሳቢያ አሳፐ
\q2 ሀንቀትያ አስ ጉየፐ ጋላተቴስ።
\q1
\v 24 ባ አዋነ ባ አይዉ ካይሶትድ፥ “ናጋራ ኦብከ”
\q2 ግያ አስነ ደምዳባ ይስያ አስ እስኖ።
\q1
\v 25 ኡዘ አስ ኦሽ ደንስ፤
\q2 ሽን ጎዳን አማነትያ አስ ካሌስ።
\q1
\v 26 ባናን አማነትያ አስ ኤያ፤
\q2 ሽን ጭንጫተን ሄመተያ አስ ሳሮ ደኤስ።
\q1
\v 27 ማንቆስ እምያ አስ መቶተና፤
\q2 ሽን ኤንታ በአናፐ ግድ ቅልምኤይ ባደታና።
\q1
\v 28 ኢታ አሳት ሹመትያ ዎደ አሳይ ቆሰቴስ፤
\q2 ሽን ኤንቲ ይያ ዎደ ፅሎት ዳሮሶና።
\c 29
\p
\v 1 ዳሮ ዎደ ሴረትድ ስሞና አስ
\q2 ሀሳዮና መቃና፤
\q2 ሄ ኡራስ ፓፆይ ባዋ።
\q1
\v 2 ፅሎ አሳት ሹመትያ ዎደ አሳይ ኡፋይቴስ፤
\q2 ሽን ኢታት ቢታ ሃርያ ዎደ አሳይ ኡንኤቴስ።
\q1
\v 3 ጭንጫተ ዶስያ አስ ባ አዋ ኡፋይሴስ፤
\q2 ሽን ላይማ ማጫሳ ሄራን ዩይያ አስ ባ ሚሽያ ዉርሴስ።
\q1
\v 4 ቱማ ፕርዳን ካዎይ ባ ካዎተ ዎፑ ኦስ፤
\q2 ሽን ዎፈ ኤክያ ካዎይ ባ ካዎተ ይሴስ።
\q1
\v 5 ባ ሾሩዋ ጭሞን ሳቢያ አስ፥
\q2 ባ ቶሆስ ፅሄ የጌስ።
\q1
\v 6 ኢታ አስ ባ ናጋራን ኦይከቴስ፤
\q2 ሽን ፅሎ አስ ኡፋይቴስ፥ የፄስ።
\q1
\v 7 ፅሎ አስ ማንቆታስ ሱረ ፕርዴስ፤
\q2 ሽን ኢታ አሳት ሄሳ ኤሮኮና።
\q1
\v 8 ጫይያ አሳት ካታማን ኦሹ ደንሶና፤
\q2 ሽን ጭንጫ አሳት ሀንቆ እርፅሶሶና።
\q1
\v 9 ጭንጫ አስ ኤያ አሳ ፕርደ ኬ ኤፍኮ፥
\q2 ኤያይ ሀንቀቴስ፤ ቅስ፤ እያዉ ሳሮይ ባዋ።
\q1
\v 10 ሱ ጉሳናዉ ሳሞትያ አሳት ሱረ አስ እፆሶና፤
\q2 ፅሎ አሳ ዎናዉ ኮዮሶና።
\q1
\v 11 ኤያ አስ ባ ሀንቁዋ የድ በሴስ፤
\q2 ሽን ጭንጫ አስ ባና ሃሬስ።
\q1
\v 12 ሹማይ ዎርዶ ኦዳ ስእያባ ግድኮ፥
\q2 እያ ሞርናት ኡባይ ኢታ ግዶሶና።
\q1
\v 13 ማንቆይነ አሰ ናቅያ አስ እስባ ኮፆሶና፤
\q2 ኤንታ ናምኣስ አይፈ እምዳይ ጎዳ።
\q1
\v 14 ካዎይ ማንቆታስ ሱረ ፕርድኮ፥
\q2 እ ባ አራታን ጋምአና።
\q1
\v 15 ፕርጮን ሴር ናይታስ ጭንጫተ እሜስ፤
\q2 ሽን የዳን ድጭዳ ናእ ባ አይዉ ካዉሼስ።
\q1
\v 16 ኢታ አሳት ዳርያ ዎደ ናጋር ዳሬስ፤
\q2 ሽን ፅሎት ኤንታ ኩንደ በአና።
\q1
\v 17 ነ ናኣ ሴራ፤
\q2 እ ነዉ ሳሮ እማና፤
\q2 እ ነና ኡፋይሳና።
\q1
\v 18 ቆንጨ ባይና እፅኮ ደረይ የዳ ግዴስ፤
\q2 ሽን ህገ ናግያ አስ አንጀትዳይሳ።
\q1
\v 19 አይለይ ጮ ኦዳ ፃላላን ሴረተና፤
\q2 እያዉ ገልያኮካ እ ኪተተና።
\q1
\v 20 ኤሶን ሃሳያ አስ በአ ኤራይ?
\q2 እያፐ ኤያ አሳስ ኡፋይስ ደኤስ።
\q1
\v 21 ነ አይልያ ናአ የዳ ድችኮ፥
\q2 እያ ዉርሰይ አዛኖ ግዳና።
\q1
\v 22 ሀንቀትያ አስ ኦሹ ደንስ፤
\q2 ኤለ ይሎትያ አስ ዳሮ ናጋራ ኦስ።
\q1
\v 23 ኦቶሮይ አሰ ካዉሼስ፤
\q2 ሽን አሽከ አያን ደእያ አስ ቦንቸቴስ።
\q1
\v 24 ካይሶራ ላገትያ አስ ባና እፅያ አስ፤
\q2 እ ዳባባን ቱማ ኦድኮ ሴረቴስ፤
\q2 እ ቱማ ኦዶና እፅኮ ጎዳን ባደታና።
\q1
\v 25 አሳስ ያሽ ሄ ኡራስ ፅሄ ግዴስ፤
\q2 ሽን ጎዳን አማነትያ አስ ሳሮ ደኤስ።
\q1
\v 26 ዳሮት ማት ደእያ አሳፐ ማደ ኮዮሶና፤
\q2 ሽን ሱረ ፕርድ ጎዳፐ በንቴስ።
\q1
\v 27 ፅሎት ናጋራንቾታ ሻተቶሶና፤
\q2 ኢታት ሱረ አሳ እፆሶና።
\c 30
\s1 አጉራ ሌምሶታ
\p
\v 1 ያቀ ናኣ አጉራ ሌምሶት ሀይሳፈ ካልድ ፃፈትዳይሳታ። አጉር እትኤላስነ ኡካላስ ሀይሳ ሃሳይስ። 
\v 2 ታኒ አሳ ኡባፈ አዳ ኤያ፤
\q2 አሳስ ደእያ አኬክ ታዉ ዴና።
\q1
\v 3 ታኒ ጭንጫተ ታማራብከ፤
\q2 ጌሻ ፆሳባካ ኤርከ።
\q1
\v 4 ሳሎ ፑደ ከይድ ዱገ ዎዳይ ኦኔ?
\q2 ጫርኮ ባ ኩሸን ኦይክዳይ፥
\q2 ሃ ባ አፍላን ዪጭዳይ፥
\q2 ሳኣ ጋፃ ምንድ ኤስዳይ ኦኔ?
\q1 እያ ሱንይ ኦኔ?
\q2 እያ ናኣ ሱንይ ኦኔ?
\q2 እያ ኤርያ ግድኮ አነ ታዉ ኦዳ?
\q1
\v 5 ፆሳ ቃላን ቦረይ ባዋ፤ ኡባይ ቱማ
\q2 እያን አማነትያ ኡባስ እ ጎንዳለ።
\q1
\v 6 እያ ቃላ ቦላ አይባካ ጉጆፋ፤
\q2 ጉጅኮ እ ነና ሴራና፤
\q2 ነ ዎርዳንቾ ግደይሳ እ ቆንጭሳና።
\q1
\v 7 ጎዳዉ፥ ታ ነና ናምኡባ ኦይቻይስ፤
\q2 ታ ሀይቃና ጋካናዉ ኤንታ ታና ድጎፋ።
\q1
\v 8 ታ አሰ ጭሞና መላነ ዎርዶ ሃሳዮና መላ ታና ናጋ፤
\q2 ታዉ ኮሽያ ካ እማፈ አትሽን፥ ታና ዱረ ዎይኮ ማንቆ ኦፋ።
\q1
\v 9 ዱረ ግዳዳ፥ “ጎዳይ ኦኔ?” ጋዳ ነና ካዳና፤
\q2 ማንቆ ግዳዳ፥ ካይሳዳ ታ ፆሳ ሱን ጫይሳና።
\q1
\v 10 ነና ባዶና መላነ
\q2 እያ ባደይ ነዉ ጎመ ግዶና መላ፥
\q2 አይልያ እያ ጎዳራ ዝግሮፓ።
\q1
\v 11 ባ አዋ ባድያነ ባ አይዉ አንጆና የለተ ደኤስ።
\q1
\v 12 ዳሮ ቱና ግድ ኡትድ
\q2 ባንታና ጌሽ ኦያ አሳት ደኦሶና።
\q1
\v 13 ኦቶሮን ኩምዳ አሳትነ
\q2 አሰ ካድ ፄልያ አሳት ደኦሶና።
\q1
\v 14 ኤንታ አቻይ ማሸ ግድን፥
\q2 ኤንታ ጋጮይ ቶራ ግድን፥
\q2 ማንቆታነ መቶታንቾታ ናቅድ፥
\q2 ኤንታባ ቦንቅያ አሳት ደኦሶና።
\q1
\v 15 ኡላስ ናምኡ ማጫ ናይት ደኦሶና፤
\q2 ኤንቲ፥ “ሀማ! ሀማ!” ያግድ ዋሶሶና።
\q1 ካልድ ኤሮና ሄባት ደኦሶና፤
\q2 ኦይዳንይ ቃስ “ግዳና” ግድ ኤረና።
\q1
\v 16 ሄሳት፥
\q2 ዱፎ፥
\q2 ማይንዳ ማጫስ፥
\q2 ሃ ካልድ ኤሮና መላ ቢታነ፥
\q2 “ግዳና!” ግድ ኤሮና ታማ።
\q1
\v 17 ባ አዋ ለቅያ ናኣ አይፍያ፥
\q2 ባ አይያ ጭምን ካያ ናኣ አይፍያ፥
\q2 ዛንጋራን ደእያ ቁሮት ዎጫና፤
\q2 እያ አሹዋ አንኮት ማና።
\q1
\v 18 ታና ሄባት ማላልሶሶና፤
\q2 ኦይዳንይ ኡባ ታዉ ገለና።
\q1
\v 19 ሄሳት፥
\q2 ሳሎራ ፓልያ አርጋን፥
\q2 ዛላ ቦላራ ኮልፅያ ሾሽ
\q2 አባ ቦላራ ብያ ማርካበነ
\q2 ጌላኦራ ስቆ ኦይከትዳ አደ።
\q1
\v 20 ላይማ ማጫስ ሀንያ ሀኖይካ ሄሳ መላ፤
\q2 እያ ማሱ፤ ሽን ባ ዶና ቁቻዳ፥
\q2 “ታኒ አይኮካ ባላቢከ” ያጋዉሱ።
\q1
\v 21 ሄባን ቢት ቃፄስ፤
\q2 ኦይዳንዋ ኡባ ቶካናዉ ዳንዳኤተና።
\q1
\v 22 ሄሳትካ፥
\q2 አይለይ ካዎትዳ ዎደ፥
\q2 ኤያ አስ ካ ካልዳ ዎደ፥
\q2
\v 23 አስ እፅዳ ማጫስ አዝና ገልዳ ዎደነ
\q2 ማጫ አይልያ ባ ጎዳትዉ ላትዳ ዎደ መትያ ሀኖታ።
\q1
\v 24 ሳአ ቦላ ኦይዱ ጉ መተት ደኦሶና፤
\q2 ሽን ኤንቲ አዳ ጭንጫ።
\q1
\v 25 ሄሳትካ፥
\q1 ጩንጫለይ ዎልቅ ባይና መተ፤
\q2 ሽን ባንታዉ ምያባ ቦነ ሺሽድ፥ ምንጆሶና።
\q1
\v 26 ጉፓለት ዎልቅ ባይናይሳታ፤
\q2 ሽን ባንታ ኬ ዛላ ቆጶን ኬፆሶና።
\q1
\v 27 ቦለታስ ካዎይ ባዋ፤
\q2 ሽን ኤንቲ ኡባይ ማራን ዛቶሶና።
\q1
\v 28 ዛረት ኩሸን ኦይከቶሶና፤
\q2 ሽን ካዎ ጋን ደኦሶና።
\q1
\v 29 ባንታ ማታ በስሸ ሄመትያ ሄ መተት ደኦሶና፤
\q2 ኦይዳንይ ሎኦ ሄመ ሄመቴስ።
\q1
\v 30 ሄስካ፥
\q2 ዶአ ኡባፈ ምኖነ ያሽ ኤሮና ጋሞ።
\q1
\v 31 ማጫ ኩቶታ ግዶን ሄመትያ አደ ኩቶ፥
\q2 ዉደ ካለያ ዴሻ ኮለ፤
\q2 ባ ኦላንቾታ ግዶን ቆንጨን ኤቅያ ካዋ።
\q1
\v 32 ኔኒ ኤያዳ ኦቶርትዳባ ግድኮካ፥
\q2 ኢታ ኦናዉ ሀልችዳባ ግድኮ፥
\q2 አነ ታክ ጋዳ ቆፓ።
\q1
\v 33 ማ ቡከይ ኦይሱ ከሰይሳዳ፥
\q2 ሲ ድችን ሱ የይሳዳ፥
\q2 ሀንቆ ደንይ ኦሹ ኤሄስ።
\c 31
\s1 ካዋ ልሙኤላ ሌምሶታ
\p
\v 1 ሀይሳፈ ካልድ ፃፈትዳ ሌምሶይ፥ ካዋ ልሙኤላ አይያ ካዋ ልሙኤላ ታማርስዳይሳ።
\q1
\v 2 ታ ናአዉ፥ ታ ኡሎፐ ዎዳይሶ፥
\q2 ታኒ ቃንገታዳ የልዳይሶ፥
\q2
\v 3 ማጫሳን ነ ዎልቃ ዉርሶፋ፤
\q2 ካዎታ ይስያ ማጫሳታን ነ ምኖተ ይሶፋ።
\q1
\v 4 “ልሙኤላ፥ ዎይነ ኡሽ ካዎታስ በሰና፤
\q2 ማይያ ኡሽ ሹማታስ በሰና።
\q1
\v 5 ኤንቲ ኡያ ዎደ ህገ ባሎሶና፤
\q2 ናቀትዳ አሳ ማታ ቀል ጎሶና።
\q1
\v 6 ማያ ኡሹ ሀይቃና ሀንያ ኡራስነ
\q2 ሳእ ኢትዳ ኡራስ እምተ።
\q1
\v 7 ኤንቲ ባንታ ማንቆተነ
\q2 ባንታ ዋይያ ዶጋናዉ ኡዮ።
\q1
\v 8 ባንታ ግሾ ኦደታናዉ ዳንዳኦና አሳ ግሾ ነ ኦዴታ፤
\q2 ማድያ አስ ባይናይሳታ ግሾ ነ ኤቃ።
\q1
\v 9 ኤንታ ምየን ኤቃዳ ኤንታዉ ሱረ ፕርዳ፤
\q2 ማንቆታነ መቶታንቾታ ማታ ናጋ” ያጋዳ ታማርሳሱ።
\s1 ዎዛናማ ማቾ
\p
\v 10 “ዎዛናማ ማቾ ኦን ደማናዉ ዳንዳኢ?
\q2 እ ጋተይ ዞኦ አልኦ ሹቻፈ አስ።
\q1
\v 11 እ አዝናይ እዮ አማነቴስ፤
\q2 እያዉ ኮሽያባፐ አይብካ ፓጨና።
\q1
\v 12 እያ ባ ደኦ ላይ ኡባን፥
\q2 እያዉ ሎኦባፐ አትሽን፥ ኢታባ ኦኩ።
\q1
\v 13 ሱፈነ ሊኖ ኮያዳ፥
\q2 ኡፋይታሸ ባ ኩሸን ኦዉሱ።
\q1
\v 14 እያ ዛልአንቾታ ማርካበ መላ፤
\q2 ባ ካ ሃሆ ቢታፈ ሺሻዉሱ።
\q1
\v 15 እያ ባ ሶ አሳስ ካ ጊግሳናዉነ
\q2 ባ ማጫ አይለታስ ኦሶ እማናዉ፥
\q2 ሳእ ዎንቶና ደእሽን ደንዳዉሱ።
\q1
\v 16 ሎኦ ጋደ ኮያዳ ሻማዉሱ፤
\q2 ባ ኩሸን ኦዳ ደምዳ
\q2 ሚሸን ዎይነ ቶካዉሱ።
\q1
\v 17 እያ ባ ፄሳ ምንዳ ዳንጫዉሱ፤
\q2 ባ ቀስያ ኦሶስ ምንዉሱ።
\q1
\v 18 እያ ዎ ደማናዉ ምናዳ ዛልአዉሱ፤
\q2 እያ ኦሸ ቃምስያ ግሾ እ ፆምፐይ ቶኤና።
\q1
\v 19 እያ ባ ህንርትያ ኦይካዉሱ፤
\q2 ባ ብራን ሎይዳ ሱቃዉሱ።
\q1
\v 20 እያ ማንቆታስነ መቶታንቾታስ እማዉሱ።
\q1
\v 21 እ ሶ አሳ ኡባይ ሆእያ ማኦ ማእያ ግሾ፥
\q2 ሻች ቡክኮካ እያ ህርጉኩ።
\q1
\v 22 አልጋ ቦላ ሂፅያ ማኦ ስካዉሱ፤
\q2 ሊኖፐ ኦሰትዳ ኦቻ ቴራ ዳንያ ማኦ ማአዉሱ።
\q1
\v 23 ቢታ ጭማት ሺቅያ ዱቡሻን
\q2 እ አዝናይ ቦንቸትዳ አስ።
\q1
\v 24 ሊኖፐ ማኦነ ዳንጮ ኦዳ፥
\q2 ዛልአንቾታስ ባይዛዉሱ።
\q1
\v 25 እያ ምኖነ ቦንቾ አስ፤
\q2 ያና ላይ ኡባን ኡፋይታዳ ደአዉሱ።
\q1
\v 26 ጭንጫተን ባ ዶና ዶያዉሱ፤
\q2 አማንያ ዞረይ እ እንፃርሳን ደኤስ።
\q1
\v 27 እያ ባ ሶ አሳ ደኡዋ እንጀያናዉ ኡባ ዎደ ኦዉሱ፤
\q2 አዛላተ እ ቦላ በንትድ ኤረና።
\q1
\v 28 እ ናይት ደንድድ፥ እዮ ናሾሶና፤
\q2 እ አዝናይ እዮ ያግድ ጋላቴስ፤
\q1
\v 29 ሎኦባ ኦያ ዳሮ ማጫሳት ደኦሶና፤
\q2 ሽን ነ ኤንታ ኡባፈ አሳ” ያጌስ።
\q1
\v 30 ማል ጭሜስ፤
\q2 የገልሳተ ያና።
\q1 ሽን ጎዳ ያይያ ማጫስያ፥
\q2 እያ አንጀትዳሮ።
\q1
\v 31 እያ ኦዳባ ኡባስ እዮ ዎይትተ፤
\q2 እ ኦሶ ኡባይ ዳባባን እዮ ጋላትሶ።