\id PHP - GOOFA FULL BIBLE
\ide UTF-8
\h ፍልጵስዩሳ ኪታ
\toc1 ፍልጵስዩሳ ኪታ
\toc3 ፍልጵ
\toc2 ፍልጵስዩሳ
\mt1 ጳዉሎስ ፍልጵስዩሳ አሳስ
\mt2 ፃፍዳ ኪታ
\imt ጋ ቆፋ
\ip ጳዉሎስ ፍልጵስዩሳ አሳስ ፃፍዳ ኪታይ ፃፈትዳይ፥ ሮመ ካዎተን፥ ማቀዶነ ቢታን፥ ፍልጵስዩሳ ካታማን ደእያ ዎሳ ኬሳ። ሀ ኪታይ ፃፈትዳይ፥ ጳዉሎስ ቃሾ ኬን ደእያ ዎደ ሀራ አማንያ ኦሳንቾት እያ እፅዳ ዎደነ ፍልጵስዩሳ ዎሳ ኬን ደንድዳ ዎርዶ ትምርትያ ጋሶን እያ ዎዛናይ ዳሮ አዛንዳ ዎደ (\xt 1:21፤ 2:17፤ 3:10\xt*)። ግዶሽን፥ ጳዉሎስ የሱስ ክርስቶሳ ምንድ አማንያ ግሾ ሀ ኪታን ቆንጭድ በንተይ፥ ኡፋይስነ ኩመ አማነተ። ፍልጵስዩሳን ደእያ ዳሮ አሳይ ሮመፐ ድኤትድ ይዳ አስ። ኤንቲ ሮመ ቢታስ ምሸቶሶናነ ቢታ ሎይድ ናጎሶና። ኤንታፈ እሶት እሶት የሱሳ አማንዳ ግሾ፥ ባንታ ቢታ አሳን ጎደትዶሶና። ሄ ጎዳይ ኤንታ ቦላ መቶነ ማንቆተ ኤህስ (\xt ሀዋ 16:20-21\xt*)።
\ip ጳዉሎስ ሀ ኪታ ፃፍዳ ጋሶይ እያ መቱዋ ዎደ እያ ማዳናዉ አማንያ አሳይ እሞታ እያዉ የድዳ ግሾነ እያዉ ዎስዳ ግሾ፥ ኤንታ ጋላታናሳ። እያ ቦላነ ኤንታ ቦላ ዱማ ዱማ መቶይ ጋክዳባ ግድኮካ ኤንቲ ምነታና መላነ ኩመ አማነትድ ዳና መላ ኤንታ ምንስ። ጬቆነ ኦቶሮ አግድ፥ የሱስ ክርስቶሳ አሽከተን ኩማና መላ ምንድ ኤንታ አኬክሴስ።
\ip ኤንቲ የሱስ ክርስቶሳን ግድድ ደምዳ ደኦይ ፆሳ አ ኬሀተፈ ፑልትዳባነ አማኖን ኤክዳባፐ አትሽን አይሁደታ ዎጋ ናግድ ኤክዳባ ግዶናይሳ ኤንታ አኬክሴስ። የሱስ ክርስቶሳን ደእያ ኡባስ ፆሳይ እምያ ሳሩዋነ ኡፋይሳ ኤንታዉ ፃፌስ።
\ip ሀ ኪታይ ኡፋይስ፥ አማነተ፥ እስፈተነ አማኖን ምንድ ዱሱ ቆንጭስድ በሴስ። ዉርሰን ጳዉሎስ ፆሳ አማንያ አሳይ ሲቆን ዳና መላነ ክርስቶሳ ቆፋ ዳና መላ ኤንታ ዞሬስ (\xt 2:2፤ 4:2-3\xt*)።
\iot ማፃፋ አይፈ ቆፋታ
\io1 ገሎ ቆፋ (\ior 1:1-11\ior*)
\io1 ጳዉሎስ ሀንድ ደእያ ደኡዋ (\ior 1:12-30\ior*)
\io1 አሽከተ ዱሳ ሌምሶ (\ior 2:1-18\ior*)
\io1 ፅሞትዮሳስነ ኤጳፍራድቱሳ (\ior 2:19-30\ior*)
\io1 ሞርከታፐነ ኢታታፐ ናገተ (\ior 3:1—4:9\ior*)
\io1 ጳዉሎስ ፍልጵስዩሳ አሳ ጋላቴስ (\ior 4:10-20\ior*)
\io1 ሳሮነ አንጆ (\ior 4:21-23\ior*)
\c 1
\p
\v 1 ክርስቶስ የሱሳራ እስፍዳ ግሾ፥ ፆሳባ ግድዳ፥ ፍልጵስዩሳ ካታማን ደእያ ዎሳ ኬ ጭማታስነ ዳቆነታ ኡባስ። የሱስ ክርስቶሳ አይለ ግድዳ፥ ጳዉሎሳፐነ ፅሞትዮሳፐ ኪተትዳ ኪታ።\x - \xo 1:1 \xo*\xt ሀዋ 16:12.\xt*\x*
\p
\v 2 ኑ አዋ ፆሳፈነ ጎዳ የሱስ ክርስቶሳፐ አ ኬሀተይነ ሳሮተይ ህንተዉ ግዶ።
\s1 ጳዉሎሳ ጋላታ ዎሳ
\p
\v 3 ታኒ ህንተና ቆፕያ ዎደ ኡባን፥ ታ ፆሳ ጋላታይስ። 
\v 4 ታኒ ህንተ ኡባስ ፆሳ ዎስያ ዎደ ኡፋይሳን ዎሳይስ። 
\v 5 ህንተ ኮይሮ ጋላሳፐ ሀእ ጋካናዉ፥ ዎንገላ ማርካተይሳን ታራ እስፈ ግድድ፥ ታና ማድዳ ግሾ፥ ፆሳ ጋላታይስ። 
\v 6 ህንተ ግዶን ሎኦ ኦሶ ዶምዳ ፆሳይ፥ ክርስቶስ የሱሲ ስምያ ጋላሳይ ጋካናዉ፥ ፖላናይሳ ኤራይስ።
\p
\v 7 ህንተ ኡባ ዎደ ታ ዎዛናን ደኤታ። ታኒ ኡባ ዎደካ ሄሳዳ ቆፓናዉ በሴስ። ሀእ ታኒ ቃሾን ደአሸነ ቃሸታናፐ ስን ዎንገላ ናጎንነ ዎንገላ ምን ኤሶን ፆሳይ ታዉ ቃድዳ ቃዳ ህንተካ ታራ ሻከትደታ። 
\v 8 ታኒ ህንተና ኡባ ክርስቶስ የሱሳ ሲቁዋን አይ መላ ላሞትያኮ ፆሳይ ታዉ ማርካ።
\p
\v 9 ህንተ ሲቆይ ቱማ ኤራተራነ አኬካራ እስፈ ጉጅ ጉጅ ድጫና መላ ፆሳ ዎሳይስ። 
\v 10 ሄሳን ህንተ ሎኦባ ሻክድ፥ ዶረይሳታ፥ ክርስቶስ ስምያ ጋላሳን ጌሻታነ ቦረቶናይሳታ ግዳና። 
\v 11 ህንተ ደኦይ ፆሳ ቦንቹዋስነ ጋላታስ የሱስ ክርስቶሳ ባጋራ በንትያ ፅሎተ አይፍያን ኩምድ አይፋና።
\s1 ጳዉሎሳ ቃሾይ ዎንገላ ዳልግስስ
\p
\v 12 ታ እሻቶ፥ ታና ጋክዳ ኡባይ ዎንገላይ ዳልጋና መላ ቱማ ማድዳይሳ ህንተ ኤራና መላ ኮያይስ። 
\v 13 ታኒ ክርስቶሳ ግሾ ቃሸትዳይሳ፥ ካዎ ጋ ናገይሳትነ ሀይሳን ደእያ ሀራት ኡባይ ኤሮሶና።\x - \xo 1:13 \xo*\xt ሀዋ 28:30.\xt*\x* 
\v 14 ታ ቃሹዋ ጋሶን ኑ እሻታፐ ዳሮት ጎዳን ኬህ አማነትዶሶና። ሄሳ ግሾ፥ ፆሳ ቃላ ያሽ ባይና ካሰፐ ምንድ ኦዳና መላ ምኖተ ደምዶሶና።
\p
\v 15 ግዶሽን፥ እሶት እሶት ቃናተንነ ፓላማን ክርስቶሳባ ኦዶሶና፥ ሽን ሀራት ሱረ ዎዛናፐ ኦዶሶና። 
\v 16 ሱረ ዎዛናፐ ኦደይሳት፥ ፆሳይ ታዉ ዎንገላ ናጋና መላ ሀዳራ እምዳይሳ ኤርያ ግሾ፥ ሲቆን ኦዶሶና። 
\v 17 ሽን ታና ቃናተይሳት ታ ቃሹዋ ቦላ ሀራ መቶ ኤሀናባ ኤንታዉ ዳንን ባንታና ዶስድ ክርስቶሳባ ኦዶሶናፐ አትሽን፥ ቱማ ዎዛናፐ ኦዶኮና።
\p
\v 18 ሄስ አይኮካ መተና። ቱማ ኦገን ግድን ዎይኮ ዎርዶ ኦገን ግድን ሄ ኡባን ክርስቶስ ሳባከቴስ። ታና ሄስ ኡፋይሴስ። ቃስ ሀራባይ ታና ኡፋይስያባይ፥ 
\v 19 ታኒ ህንተ ዎሳንነ የሱስ ክርስቶሳ አያና ማዱዋን አታናይሳ ኤርያ ግሾ ታና ኡፋይሴስ። 
\v 20 ታ ግታ አሞይነ ኡፋይሳን ናግያ ናጎይ ታ ዬላቶና አታናይሳ። ሽን ኡባ ዎደ ኦይሳዳ፥ ሀእካ ታኒ ፓፃ ደእን ዎይኮ ሀይቅን ያዮና ታ ኩመ አሳተን ክርስቶስ ቦንቸታና ጋዳ ምኖተን ኦዳይስ። 
\v 21 ታ ደእኮካ ክርስቶሳ ፃላላስ ደአይስ፤ ቃስ ታ ሀይቅኮካ ታዉ አዳ ዎ። 
\v 22 ሽን ታ ፓፃ ደእኮ አይፈይ ደእያ ኦሶ ኦና። ሽን ፓፃ ደኤይሳፈነ ሀይቆፐ አዉሳ ዶራነኮ ታዉ ኤረተና። 
\v 23 ታኒ ሀ ናምአታፐ አዉሳ ዶራነኮ ኡንኤታስ። ሀ ደኡዋፐ ሻከታዳ ክርስቶሳራ እስፈ ዳናዉ አሞታይስ፤ ክርስቶሳራ እስፈ ደኤይስ ኡባፈ አዳ ሎኦ። 
\v 24 ሽን ታኒ ህንተ ግሾ ፓፃ ደኤይስ ህንተዉ ዳሮ ኮሽያባ።
\p
\v 25 ሄሳ ታኒ ጌሻዳ ኤራይስ፤ ታኒ፥ ህንተ አማኖን ድጫናዳነ ኡፋይታናዳ ህንተራ ፓፃ ዳና። 
\v 26 ሄሳ ግሾ፥ ታኒ ህንተኮ ስማዳ ያ ዎደ፥ ክርስቶስ የሱሳራ ህንተ ደእያ ደኡዋን ታናን ደእያ ጬቀተይ ህንተዉ ዳራና።
\p
\v 27 ኡባፈ አድ፥ ህንተ ክርስቶሳ ዎንገላስ ቦንቾ ኤህያ ደኦ ደእተ። ታ ህንተና በእን ዎይኮ በኦና እፅን፥ ህንተ እስ ቆፋን ምን ኤቅድ፥ ሀራት ዎንገላን አማናና መላ እስ ዎዛናን ግድድ እስፈ ባፀተይሳ ታ ስአና። 
\v 28 ህንተ ሞርከታስ ያዮፍተ። ኤንቲ ህንተራ ኤቀትያባ ግድኮ ሄስ ህንተዉ አቶተስ፥ ኤንታዉ ዮስ ፆሳፈ ግድዳ ማላ። 
\v 29 ክርስቶሳስ ኦያ ቃዳይ ህንተዉ እመትዳይ፥ ህንተ እያ አማናና መላ ፃላላ ግዶናሽን ህንተ እያ ግሾ መቶ ኤካና መላሳ። 
\v 30 ሄሳ ግሾ፥ ህንተ ታ ዋይያ ካሰ በእደታ፤ ሀእካ ታ ዋየተይሳ ስኤታ። ህንተካ ታ ዋይያ መላ ዋየተታ።\x - \xo 1:30 \xo*\xt ሀዋ 16:19-40.\xt*\x*
\c 2
\s1 ቱማ አሽከተ
\p
\v 1 ክርስቶሳን ህንተ ደእያ ደኦይ ህንተና ምንስ፤ ቃስ እያ ሲቆይካ ህንተና ምንስ። ጌሻ አያናራ ህንተዉ እስፈተ ደኤስ፤ ህንተ ሀራታስ ኬሄታነ ቃተታ። 
\v 2 ህዛ፥ ህንተ እስ ቆፋን፥ ሲቆን፥ እስ ዎዛናንነ አያናን እስኖ ግድድ ታና ፖሎ ኡፋይስተ። 
\v 3 ህንተና ዶሶን ዎይኮ ጬቀትያ ሀዳ አሞን እስባካ ኦፍተ። ሽን ህንተ እሶይ እሱዋፈ ግታታይስ ያግድ ቆፖና ህንተና ካዉሽተ። 
\v 4 ህንተ እሶይ እሶይ፥ ሀራ አስ ማድያባ ኮይተፐ አትሽን፥ ህንተና ማድያባ ፃላላ ኮዮፕተ።
\p
\v 5 ክርስቶስ የሱሳን ደእያ ቆፋይ ህንተናን ዳናዉ በሴስ።
\q1
\v 6 እያዉ ኡባ ዎደ ፆሳ ሀኖት ደኤስ።
\q2 ግዶሽን፥ እያ ፆሳራ እስኖ ኦያ ሀኖታ፥
\q2 ዎልቃን ኤካናዉ ኮይቤና።
\q1
\v 7 ግዶሽን፥ እ ባዉ ደእያ ቦንቹዋ ኡባ አግድ፥
\q2 አይለ መታ ኤክስ፤
\q2 አሰ ዳንድ ቆንጭስ።
\q1
\v 8 እ ባና ካዉሽስ፤
\q2 ሀይቃና ጋካናዉ፥
\q2 ሀር አቶሽን ማስቃልያ ቦላ
\q2 ሀይቃናዉ ኪተትስ።
\q1
\v 9 ሄሳ ግሾ፥ ፆሳይ እያ ዳሮ ቁ ቁ ኦስ፤
\q2 ቃስ ሱን ኡባፈካ አያ ቃ ሱን እሚስ።
\q1
\v 10 ሳሎንነ ሳአን፥
\q2 ሳአፐ ጋርሳን ደእያ ኡባይ፥
\q2 የሱሳ ሱን ቦንቹዋስ ጉልባታና።\x - \xo 2:10 \xo*\xt እሳ 45:23.\xt*\x*
\q1
\v 11 አሳ ኡባይ ባንታ እንፃርሳን፥
\q2 የሱስ ክርስቶሳ ጎዳ ያግድ፥
\q2 ፆሳ አዋ ቦንቹዋስ ማርካታና።
\s1 አላመስ ፖኦ ግዶ
\p
\v 12 ታ እሻቶ፥ ታኒ ህንተራ ደእያ ዎደ ኡባን ህንተ ኪተትዳይሳዳ፥ ሀእ ታኒ ህንተ ማታፐ ሃክንካ፥ ካሰይሳፈ አድ፥ ኪተታናዉ በሴስ። ፆሳስ ያሻንነ ኮኮርሳን ህንተ አቶተ ፖላናዉ ኦተ። 
\v 13 ፆሳይ፥ ህንተ እያዉ ኤሮ ግድ ኪተታና መላ ኡባ ዎደ ህንተ ግዶን ኦስ።
\p
\v 14 አይ ኦሶ ኦሸካ ዙዙሞና ዎይኮ ፓላሞና ኦተ። 
\v 15 ጌላነ ናጋራንቾ አሳ ግዶን ቦረቶናይሳታ፥ ጌሻታነ ፖኮይ ባይና ፆሳ ናይታዳ ግድተ። ህንተ ኤንታ ግዶን ሳሎ ፆልንቶዳ ፖእሸ፥\x - \xo 2:15 \xo*\xt ዛረ 32:5.\xt*\x* 
\v 16 ደኦ እምያ ኪታ ኤንታዉ ኦድተ። ሄ ዎደ ታ ዳቡርሳይነ ታ ኦሶይ መላ አትቦና ግሾ፥ ክርስቶስ ያ ጋላስ ታ ህንተናን ጬቀታና።
\p
\v 17 ህንተ ፆሳስ እምያ አማኖ እሞታ ቦላ ታ ሱይ ኡሻ ያርሾዳ\f + \fr 2:17 \fr*\fq ታ ሱይ ኡሻ ያርሾዳ፦ \fq*\ft እስ እስ ዎደ ያርሾ በሳን ያርሸትያ መሄ ያርሹዋ ቦላ ሃ ዎይኮ ዎይነ ኡሻይ ጉኬስ።\ft*\f* ጉክኮካ ታና ኡፋይሴስ። ህንተካ ታራ ኡፋይታና። 
\v 18 ሄሳዳ ህንተካ ኡፋይትድ ታናካ ኡፋይሳናዉ በሴስ።
\s1 ፅሞትዮሳነ ኤጳፍራድቱሳ
\p
\v 19 ታኒ ህንተ ደኡዋባ ስአዳ ኡፋይታናዉ ፅሞትዮሳ ህንተኮ ኤለሳዳ የዳና መላ ጎዳ የሱሲ ታና ማዳናይሳ አማነታይስ። 
\v 20 ህንተ ደኡዋስ ዎዛናፐ ቆፕያ እያ መላ አስ ሀር ኦንካ ባዋ። 
\v 21 ሀራት ባንታና ጎእያባ ኮዮሶናፐ አትሽን፥ የሱስ ክርስቶሲ ኮያባ ኦኮና። 
\v 22 እ ታራ እስፈ ግድድ ናእ ባ አዋስ ኦይሳዳ ዎንገላ ኦሶ ኦዳይሳነ አማነትያ አስ ግደይሳ ህንተ ኤሬታ። 
\v 23 ሄሳ ግሾ፥ ታባይ ሀንያባ በአዳ ኤለሳዳ እያ ህንተኮ የዳና ጋዳ ቆፓይስ። 
\v 24 ታኒ፥ ታ ሁጰን ማታ ዎደን ህንተኮ ባናይሳ ጎዳን አማነታይስ።
\p
\v 25 ሄሳዳካ፥ ታኒ፥ ታ እሻ ኤጳፍራድቱሳ፥ ታራ እስፈ ታ ባጋ ግድድ ኦዳይሳ፥ ኦለትዳይሳነ፥ ታና ማዳናዉ ህንተዉ ኪተትዳይሳ፥ ህንተኮ ኪታናዉ ቆፓስ። 
\v 26 እ ህንተና ኡባ በአናዉ ዳሮ ላሞቴስ። ቃስ እ ሀርገትዳይሳ ህንተ ስእዳ ግሾ፥ ባ ዎዛናን ዳሮ ኡንኤትስ። 
\v 27 እ ቱማ ሀርገትድ፥ ሀይቅ ክችድ አትስ። ሽን ፆሳይ እያዉ ቃትስ። እያ ፃላላስ ግዶናሽን፥ አዛኖይ አዛኖ ቦላ ጉዠቶናዳ ታዉካ ቃትስ።
\p
\v 28 ህዛ፥ ህንተ እያ ዛር በእድ ኡፋይታናዳ ታዉካ ታ ዎዛና ሴላይ እርፃናዳ ታኒ እያ ኤለሳዳ ህንተኮ የዳናዉ አሞታይስ። 
\v 29 ጎዳስ ሀጋዝያ አሳዳ እያ ኩመ ኡፋይሳን ሞክተ። ቃስ እያ መላ አሳ ኡባ ቦንችተ። 
\v 30 ህንተ ታ ማታን ግድድ ኦናዉ ዳንዳኦና ማድያ ማድድ ክርስቶሳ ኦሱዋ ግሾ፥ ባ ሸምፑዋስ ምሸቶና እፅድ ሀይቅ ክችድ አትስ።
\c 3
\s1 ቱማ ፅሎተ
\p
\v 1 ዉርሰን፥ ታ እሻቶ፥ ህንተ ጎዳባ ግድያ ግሾ፥ ኡፋይትተ። ታኒ ካሰ ፃፍዳይሳ ዛራዳ ፃፋናይስ ታና ዋይሰና፥ ሽን ህንተና ባላፐ ናጋና።
\p
\v 2 ኢታባ ኦያ ካናታፐ፥ ቃስ ቃፃረታናዉ ኮሼስ ግያ ኢታ አሳታፐ ናገትተ። 
\v 3 ኑኒ ፆሳ ጌሻ አያናን ጎይንያ ግሾነ ኑ ደኡዋን ክርስቶስ የሱሳን ጬቀትያ ግሾ፥ ቱማ ቃፃሮ ቃፃረትዳይሳታ። ኑኒ ካረ አሳተ ቦላ ኦሰትያባን ጬቀቶኮ።
\p
\v 4 ታ ካረ አሳተን ጬቀታናዉ ኮሽኮ ታ ዳሮባን ጬቀታናዉ ዳንዳአይስ። አይ አስካ ባ ካረ አሳተን ጬቀትያባይ ባዉ ደኤስ ግድ ቆፕኮ፥ ታኒ እያፐ ዳሮ አዳ ጬቀትያባይ ደኤስ። 
\v 5 ታኒ የለትዳ ሳምንታራ ቃፃረታስ። ታኒ የለታን እስራኤለ፤ ታኒ ብንያመ ኮቸ፤ ታኒ ዋላክ ባይና አይሁደ አሰ። አይሁደ ህገ ናጎን ግድኮ ታኒ ፋርሳወ።\x - \xo 3:5 \xo*\xt ሀዋ 23:6፤ 26:5፤ ሮመ 11:1.\xt*\x* 
\v 6 አይሁደ አማኑዋስ ምሸተን ግድኮ ታኒ ዎሳ ኬ የደስ። እስ አስ ህገ ናግድ ፅልያባ ግድኮ፥ ታናን ቦረይ በንትቤና።\x - \xo 3:6 \xo*\xt ሀዋ 8:3፤ 22:4፤ 26:9-11.\xt*\x*
\p
\v 7 ሽን ካሰ ታና ማዴስ ጋዳ ቆፕዳባ ኡባ፥ ክርስቶሳ ግሾ ጋዳ ማዶናባ ኦዳ ታይባስ። 
\v 8 ሄሳ ፃላላ ግዶናሽን፥ ታኒ ታ ጎዳ ክርስቶስ የሱሳ ኤረይስ ሀራባ ኡባፈ ዳሮ አያ ግሾ፥ ሄ ኡባ ዎይ ባይናባዳ ታይባስ። ታኒ እያ ግሾ ኡባባ ያስ። ክርስቶሳ ደማናዉ ኡባባ ዎራ ሆለትዳ ቡረዳ ታይባይስ። ታኒ የሱሳራ እስኖ ግዳስ። 
\v 9 ታኒ ህገስ ኪተታዳ ደምያ ታ ሁጰ ፅሎተ ታዉ ባዋ። ክርስቶሳ አማንን በንትያ ፅሎተይ፥ ፆሳ ማታፐ ያ ፅሎተይ ሀእ ታዉ ደኤስ። 
\v 10 ታኒ ክርስቶሳነ እያ ደንዶ ዎልቃ ኤራናዉ ኮያይስ። ታኒ እያ መቱዋ እያራ ሻከታናዉነ እያ ሀይቁዋን እያ ዳናናዉ አሞታይስ። 
\v 11 ሄሳዳካ፥ ሀይቆፐ ደንዳዳ መርናዉ ደኦን ዳናይሳ ኡፋይስ ኦይስ።
\s1 ጋፃ ጋካናዉ ዎፅተ
\p
\v 12 ታኒ ሀእ ጋፃ ጋካስ ዎይኮ ታናን ባል ባዋ ጊከ። ሽን ክርስቶስ የሱሲ ታና ኦይክዳ ግሾ ታኒ ታ ስንን ደእያ ዎይቱዋ ኦይካናዉ ዎፃይስነ ቡተታይስ። 
\v 13 ታ እሻቶ፥ ታኒ ሄሳ ደማስ ጋዳ ቆፕከ፥ ሽን ታኒ እስባ ኦይስ። ታፐ ጉየራ ደኤይሳ ዶጋዳ ስንን ደኤይሳ ኦይካናዉ ዛቱራይስ። 
\v 14 ሄሳ ግሾ፥ ታኒ ጋፃ ጋካናዉ ዎፃይስ። ፆሳይ ክርስቶስ የሱሳ ባጋራ ሳሎ ደኡዋስ ፄግዳ ዎይቱዋ ኤካናዉ ዳቡራይስ።
\p
\v 15 ህዛ፥ ኑኒ አያናን ጋሽትዳ ኡባይ ሄሳ ቆፓናዉ በሴስ። ህንተፈ ባጋታስ ዱማትያ ቆፍ ደእኮ፥ ሄሳካ ፆሳይ ህንተዉ ቆንጭሳና። 
\v 16 ግድኮካ፥ ኑኒ ሀኖ ጋካናዉ ደእዳ ደኡዋን፥ አነ ስን ቦስ።
\p
\v 17 ታ እሻቶ፥ ታና ዳንተ፤ ሄሳዳካ፥ ኑ ሌምሱዋ ካልያ አሳታ አኬክድ በእተ።\x - \xo 3:17 \xo*\xt 2 ቆሮ 4:16፤ 11:1.\xt*\x* 
\v 18 ታኒ ሄሳ ህንተዉ ካሰ ዳሮ ቶሆ ኦዳስ፥ ሽን ሀእካ ዛራዳ አፉን ኦዳይስ። ክርስቶሳ ማስቃልያስ ባንታና ሞርከ ኦዳ ዳሮ አሳት ደኦሶና። 
\v 19 ኤንታ ዉርሰይ ዮ፤ ኤንታ ኡሎይ ኤንታዉ ፆሰ። ዬላታናዉ በሲያባን ኤንቲ ጬቀቶሶና፤ ቃስ ሀ ሳአባ ፃላላ ቆፖሶና። 
\v 20 ኑ ቢታይ ሳሉዋና። ሳሎፐ ይድ ኑና አሽያ ጎዳ የሱስ ክርስቶሳ ናጎስ። 
\v 21 ክርስቶስ ኡባባ ባ ማታፐ ጋርሳን ኦናዉ ዳንዳእያ ባ ዎልቃን ኑ ዳቡራንቾ አሳተ ላምድ ባ ቦንቾ አሳተ ዳንሳና።
\c 4
\s1 ዉርሰ ዞረ
\p
\v 1 ታ እሻቶ፥ ታ ዶሰይሳቶ፥ ታ ላሞተይሳቶ፥ ታና ኡፋይሰይሳቶ፥ ታና ግታየይሳቶ፥ ህዛ፥ ጎዳን ምንድ ኤቅተ።
\p
\v 2 ኤዎዳነ ስንፅካ፥ ህንተ ናምአይ፥ እስ ቆፋን፥ ምችዳ ጎዳን ዳናዳ ታኒ ህንተና ዞራይስ። 
\v 3 ታራ ኦያ አማንይሶ፥ ኔኒ ሀ ማጫሳታ ማዳና መላ ታ ነና ዎሳይስ። ሀ ማጫሳት ታራ፥ ቀለምንፆሳራነ ኤንታ ሱንይ ፆሳ ደኦ ማፃፋን ፃፈትዳ ሀራታራ እስፈ ዎንገላ ኡባ በሳ ጋናዉ ዳቡርዶሶና።
\p
\v 4 ጎዳራ ህንተ ደእያ ደኡዋን ኡባ ዎደ ኡፋይትተ። ታኒ ሄሳ ጉጃዳካ ኦዳይስ፤ ኡፋይትተ።
\p
\v 5 አስ ኡባይ ህንተ አሽከተ ኤሮ፤ ጎዳይ ማታን ያና። 
\v 6 ህንተ ፆሳ ዎስያ ዎደ ኡባን እያ ጋላትሸ፥ ህንተና ኮሽያባ ኡባስ ዎስተፐ አትሽን፥ አይብባስካ ህርጎፍተ። 
\v 7 አሳ ኤራተ ኡባፈ አያ ፆሳ ሳሮተይ፥ ህንተ ዎዛናነ ህንተ ቆፋ ጎዳ የሱስ ክርስቶሳ ባጋራ ናጋና።
\p
\v 8 ዉርሰን፥ ታ እሻቶ፥ ህንተ ዎዛናን ሎኦባነ ጋላትስያባ ቆፕተ። ቱማ ግድያባ ኡባ፥ ቦንቾባ ኡባ፥ ቆሆ ግዶናባ ኡባ፥ ጌሻባ ኡባ፥ ሲቆባ ኡባነ ኡፋይስያባ ኡባ ቆፕተ። 
\v 9 ህንተ ታፐ ታማርዳባ፥ ኤክዳባ፥ ስእዳባነ በእዳባ ኡባ ኦተ። ሳሮተ እምያ ፆሳይ ህንተራ እስፈ ግዳና።
\s1 ጳዉሎስ ሺቅዳ እሞታስ ጋላትስ
\p
\v 10 ዳሮ ዎደፐ ጉየ፥ ህንተ ታባ ዛሪድ ቆፓናዉ ዶምዳ ግሾ ታኒ ጎዳን ዳሮ ኡፋይታይስ። ሄሳ ጉሳይ፥ ታዉ ቆፓናዉ ህንተዉ እንጀቶና እፅዳይሳፈ አትሽን፥ ታዉ ቆፋ አግበከታ። 
\v 11 ታኒ ሄሳ ታና መትዳ ግሾ ጊከ፤ ታዉ ደእያባይ ግዳና ጉሱ ታማራስ። 
\v 12 ታኒ መቶተትድ ደእያ ዱስ ኤራይስ፤ ቃስ ዱረትድ ደእያ ዱስካ ኤራይስ። አዉን ግድን ቃስ አይ ዎደካ ታኒ ካሎነ ኮሻ፥ ፓጨነ ፓላሀ ታማራስ። 
\v 13 ክርስቶስ ታዉ እምያ ዎልቃን ኡባባ ኦናዉ ዳንዳአይስ።
\p
\v 14 ግድኮካ፥ ህንተ ታ መቱዋ ታራ ኤክዳይሳን ሎኦ ኦደታ። 
\v 15 ፍልጵስዩሳ አሳቶ፥ ዎንገላ ኮይሮ ኦዳናዉ ታኒ ማቀዶነፐ ከይያ ዎደ እምያባንካ ኤክያባንካ ህንተ ዎሳ ኬፈ አትሽን፥ ሀር ታና ማድቦናይሳ ህንተ ኤሬታ።\x - \xo 4:15 \xo*\xt 2 ቆሮ 11:9.\xt*\x* 
\v 16 ተሰሎንቀን መቶይ ጋክዳ ዎደካ ታና ዛር ዛሪድ ማድደታ።\x - \xo 4:16 \xo*\xt ሀዋ 17:1.\xt*\x* 
\v 17 ታኒ፥ ህንተፈ እሞታ ኤካናዉ ኮያዳ ግዶናሽን፥ እሞፐ ያ አንጁዋ ህንተ ኤካና መላሳ።
\p
\v 18 ታኒ፥ ህንተ እምዳ ኡባነ ግድድ ፓላሄይሳ ኤካስ። ህንተ የድዳ ኡባ ኤጳፍራድቱሳፐ ኤካስ፤ ኮሽያባ ኡባይ ታዉ ደኤስ። ህንተ ታዉ የድዳ እሞይ ፆሳስ ሳዎ ቶንኩ ግያ፥ እ ዶስያ፥ እ ኡፋይትያ ያርሾ መላ።\x - \xo 4:18 \xo*\xt ከሳ 29:18.\xt*\x* 
\v 19 ታ ፆሳይ ባ ቦንቾ ዱረተፈ፥ ክርስቶስ የሱሳ ባጋራ ህንተዉ ኮሽያባ ኡባ እማና። 
\v 20 ኑ አዋ ፆሳስ መርናፐ መርና ጋካናዉ ቦንቾይ ግዶ። አምንእ።
\s1 ሳሮ
\p
\v 21 ክርስቶስ የሱሳ ባጋራ ፆሳባ ግድዳ ኡባ ሳሮ ጊተ። ታራ ደእያ እሻት ህንተና ሳሮ ጎሶና። 
\v 22 ፆሳባ ግድዳ አሳ ኡባይ፥ ኡባፈ አድ ካዋ ቄሳረ ኬን ደኤይሳት ህንተና ሳሮ ጎሶና።
\p
\v 23 ጎዳ የሱስ ክርስቶሳ አ ኬሀተይ ህንተራ ግዶ።