\id PHM - GOOFA FULL BIBLE
\ide UTF-8
\h ፍልሞና ኪታ
\toc1 ፍልሞና ኪታ
\toc3 ፍልሞ
\toc2 ፍልሞና
\mt1 ጳዉሎስ ፍልሞናስ
\mt2 ፃፍዳ ኪታ
\imt ጋ ቆፋ
\ip ፍልሞን ኤረትዳ አማንያ አስ። እ ቆላስያሳ ዎሳ ኬ አስ ግዶና አተና። ፍልሞናስ አናስሞሳ ጌተትያ አይለይ ደኤስ። ሄ አይለይ ባ ጎዳፐ በትድ ብዳ ዎደ ቃሾ ኬን ደእያ ጳዉሎሳራ ጋሄትስ። አናስሞስ የሱሳ አማናና መላ ኦዳይ ጳዉሎሳ። ጳዉሎስ፥ ፍልሞናስ ፃፍዳ ዳብዳበይ፥ ፍልሞን ጉየ ስሚድ፥ እያኮ ብያ ባ አይልያራ ስገታና መላ አኬክሴስ። ጉጅድካ ሀእ አናስሞስ አማንያ አስ ግድዳ ግሾ፥ ህዛፐ ጉየ፥ አማንያ እሻዳ እያ ሞክድ ኤካና መላፐ አትሽን፥ አይለዳ እያ ታይቦና መላ እያዉ ኦዴስ።
\iot ማፃፋ አይፈ ቆፋታ
\io1 ሳሮ (1-3)
\io1 አናስሞሳ ግሾ ጳዉሎስ ፍልሞና ዎሰይሳ (4-22)
\io1 ሳሮነ አንጆ (22-25)
\c 1
\p
\v 1 ታኒ ጳዉሎስ፥ የሱስ ክርስቶሳ ግሾ ቃሾን ደኤይስነ ኑ እሻ ፅሞትዮስ፥ ኑራ ኦያ ኑኒ ዶስያ ፍልሞናስ፥ 
\v 2 ነ ሶን ሺቅያ ዎሳ ኬታስ፥ ኑ ምቸ አፍብያስነ ኑራ እስፈ ደእያ ዎታዳረ አርክጳሳስ ፃፍዳ ኪታ።\x - \xo 2 \xo*\xt ቆላ 4:17.\xt*\x*
\p
\v 3 ፆሳ ኑ አዋፐነ ኑ ጎዳ የሱስ ክርስቶሳፐ አ ኬሀተይነ ሳሮተይ ህንተዉ ግዶ።
\s1 ፍልሞና ሲቁዋነ አማኑዋ
\p
\v 4-5 ኔኒ ጌሻታ ዶሰይሳነ ጎዳ የሱሳ አማነይሳ ታኒ ስእያ ግሾ፥ ፆሳ ዎሳሸ ነና ቆፕያ ዎደ ኡባን ታ ፆሳ ጋላታይስ። 
\v 6 ኔኒ ነ አማኑዋ ሀራታስ ሻከይስ ኑስ ክርስቶስ የሱሳ ባጋራ ያ ሎኦባ ኡባ ኤርሳና መላ ታኒ ፆሳ ዎሳይስ። 
\v 7 ጌሻታ ዎዛናይ ነ ኦሱዋን ምንዳ ግሾ፥ ታ እሻዉ፥ ታኒ ነ ሲቁዋን ዳሮ ኡፋይስነ ምን ደማስ።
\s1 ጳዉሎስ ፍልሞና ዎሴስ
\p
\v 8 ሄሳ ግሾ፥ ኔኒ ኦናዉ በሲያባ ኦና መላ ነና ኪታናዉ ክርስቶሳ ባጋራ ታዉ ምኖተይ ደኤስ። 
\v 9 ታኒ፥ ጭማይ ጳዉሎስ፥ ክርስቶስ የሱሳስ ሀእካ ቃሾን ደኤይስ፥ ሲቆን ነና ዎሳይስ። 
\v 10 ታኒ ቃሾን ደአሸ እያዉ ዞርያ አዋ ግዳዳ ታ ናኣ አናስሞሳ ግሾ ነና ዎሳይስ።\x - \xo 10 \xo*\xt ቆላ 4:9.\xt*\x* 
\v 11 እ ካሰ ነና ማደና፥ ሽን ሀእ ነናካ ታናካ ቱማ ማድያ አስ።
\p
\v 12-13 ታኒ ዎዛናፐ ዶስያ አናስሞሳ ኔኮ የዳይስ። ታኒ ዎንገላ ግሾ ቃሸትዳሽን፥ ነ ግሾ ታዉ ኦድ ታና ማዳና መላ ታ ማታን እያ አሻናዉ ኮያስ። 
\v 14 ሽን ነ ሸነዳ ኦናዉ ኮያስፐ አትሽን፥ ኔራ ዞረቶና ዎልቃን አይኮካ ኦናዉ ኮይከ።
\p
\v 15 አናስሞስ ጉ ዎደ ኔፐ ሻከትዳይስ፥ ኦን ኤር ስሚድ ኡባ ዎደ ኔራ ደኦና አገና። 
\v 16 ህዛ፥ ሀይሳፈ ጉየ አናስሞስ አይለ ግዶናሽን፥ አይለፈ እ ዳሮ አስ። እ ታዉ አይ መላ ሲቆ እሸ! ቃስ እ ነዉ አሳ ባጋራካ ጎዳ ባጋራካ አዳ እሻ።
\p
\v 17 ህዛ፥ ኔኒ ታና ነ ላገ ግያባ ግድኮ ታና ሞከይሳዳ እያ ሞካ። 
\v 18 እ ነና ቆህዳባይ ዎይኮ እ አጮትዳባይ ደእኮ ታፐ ኤካ። 
\v 19 ሄ አጩዋ ታ ቃንፃና ጋዳ ታኒ ጳዉሎስ፥ ታ ኩሸን ፃፋይስ። ኔኒ ታዉ ነ ሸምፑዋ አጮታ ኡትዳይሳ ታኒ ነና አኬክሳናዉ ኮሸና።
\p
\v 20 ታ እሻዉ፥ ጎዳ ባጋራ ኔፐ ማደ ደማናዉ ኮያይስ። ክርስቶሳ ባጋራ ታና ምን። 
\v 21 ታኒ ግዳይሳፈ ዳሮ ኔኒ ኦናይሳ ኤራዳ ቃስ ነ ታዉ ኪተታናይሳ አማናዳ ሀይሳ ፃፋይስ።
\p
\v 22 ፆሳይ ህንተ ዎሳ ስእድ ታና ህንተኮ ጉየ ዛራና ጋዳ ቆፕያ ግሾ፥ ታዉ እማ ሸምፕያ ኬ ጊግሳ።
\s1 ሳሮ
\p
\v 23 ክርስቶስ የሱሳ ግሾ ታራ ቃሾን ደእያ ኤጳፍር ነና ሳሮ ሳሮ ጌስ።\x - \xo 23 \xo*\xt ቆላ 1:7፤ 4:12.\xt*\x* 
\v 24 ቃስ ታራ እስፈ ኦያ ማርቆስ፥ አርስፅሮኮስ፥ ዴማስነ ሉቃስ ነና ሳሮ ጎሶና።\x - \xo 24 \xo*\xt ሀዋ 12:12፥ 25፤ 13:13፤ 15:37-39፤ 19:29፤ 27:2፤ ቆላ 4:10፥ 14፤ 2 ፅሞ 4:10-11.\xt*\x*
\p
\v 25 ጎዳ የሱስ ክርስቶሳ አ ኬሀተይ ህንተ አያናራ ግዶ።