\id NUM - GOOFA FULL BIBLE
\ide UTF-8
\h ታይቦ ማፃፋ
\toc1 ታይቦ ማፃፋ
\toc3 ታይቦ
\toc2 ታይቦ
\mt ታይቦ ማፃፋ
\imt ጋ ቆፋ
\ip ታይቦ ማፃፋይ፥ እስራኤለ አሳይ ሲና ዙማፐ ደንድዳ ዎደፐ ዶምድ፥ ፆሳይ ኤንታዉ እማና ግድ ቃላ ገልዳ ቢታስ ዶሎሀ ባጋ ዛዋ ጋካናዉ ሄመትዳ ኦይታሙ ላይ ታርከ ኦዴስ። ማፃፋ ሱንይ፥ እስራኤለ አሳይ ሲና ዙማፐ ደንድድ ባናፐ ስን፥ እስ የለታፐ ጉየ ዮርዳኖሰ ሻፋፐ ዶሎሀ ባጋን፥ ሞአበ ቢታን፥ ሙሰይ አሳ ታይብዳ ታይቡዋ በሴስ። ናምኡ ታይቦታፐ ግዶን ደእያ ዎደን፥ እስራኤለ አሳይ ካናነፐ ዱገሀ ባጋ ዛዋን ደእያ ቃደስ-ባርነ ማትድ ደኤስ። ግዶሽን፥ ኤንቲ ፆሳይ እማና ግዳ ቢታ ያራ ገላናዉ ዳንዳእቦኮና። ሄሳ ግሾ፥ ኤንቲ ሄ ሄራን ዳሮ ላይ አዳፐ ጉየ፥ ዮርዳኖሰ ሻፋፐ ዶሎሀ ባጋራ ደእያ ቢታ ጋክዶሶና። ኤንታፈ ባጋይ ያን ዳናዉ ቆፋ ቃችን፥ አትዳ አሳይ ዮርዳኖሰ ፕንድ፥ ካናነ ባናዉ ባንታና ጊግስዶሶና።
\ip ታይቦ ማፃፋይ፥ ዳሮ መቶይ ጋክያ ዎደ ያይያነ ኡፋይስ ቃንፅያ አሳ ታርከ በሴስ። ፆሳ ቦላነ ኤንታ ካለና መላ ፆሳይ ዶርዳ ሙሰ ቦላ ጌላተን ደንድዳ አሳ ታርከ ቆንጭሴስ። አሳይ ዳቡራንቾነ ኪተቶና ደረ ግድኮካ፥ ፆሳይ አማንያ ፆሰ ግድድ፥ ኤንታ ናግድ ዎዳይሳ ታርከይ ኦዴስ። ሄሳዳካ፥ ሙሰይ እስ እስ ቶሆ ዳንዳአ ይኮካ፥ ምኖ አማኖይ እያዉ ደእያ ግሾ፥ ፆሳስነ አሳስ አማነትድ ኦያ አስ ግድድ በንትስ።
\iot ማፃፋ አይፈ ቆፋታ
\io1 ኮይሮ ታይቡዋ (\ior 1:1—4:49\ior*)
\io1 ሌወታነ ዱማ ዱማ ህገ (\ior 5:1—8:26\ior*)
\io1 ፓስካ ባኣለ (\ior 9:1-23\ior*)
\io1 ሲና ዙማፐ ሞአበ ጋካናዉ ሄመትዳ ሄመ (\ior 10:1—15:41\ior*)
\io1 አሳ ጌላተ (\ior 16:1—17:13\ior*)
\io1 ካህነታነ ሌወታ (\ior 18:1—19:22\ior*)
\io1 ሞአበ ጋካናዉ ሄመትዳ ሄመ (\ior 20:1—21:35\ior*)
\io1 ባላማነ ባላቃ (\ior 22:1—24:25\ior*)
\io1 አሳ አማነቶና እፁዋነ ናምአን ታይቡዋ (\ior 25:1—26:65\ior*)
\io1 ሰሎጳዳ ማጫ ናይታነ እያሱ ዶረተ (\ior 27:1-23\ior*)
\io1 ዱማ ዱማ ህገታነ ባኣለ ዎደ ያርሾታ (\ior 28:1—30:16\ior*)
\io1 ምድያመታ ፆነተነ ዮርዳኖሰ ፕነ (\ior 31:1—36:13\ior*)
\c 1
\s1 ኮይሮ እስራኤለ አሳ ታይበተ
\p
\v 1 እስራኤለ አሳይ ግብፀ ቢታፈ ከይዳ ናምአን ላይን፥ ናምአን አጌናን፥ ሄ አጌና ኮይሮ ጋላሳን፥ ጎዳይ ሲና መላ ቢታን ጌሻ ዱንካንያን ሙሰኮ ሀይሳዳ ያግስ፤ 
\v 2 “ኔራነ አሮናራ እስራኤለ አሳ ኡባ ኤንታ ኮቻን ኮቻን፥ ቃስ ኤንታ ሶ አሳን አሳን ታይባድ፥ አደ አሳ ሱን ፃፍተ። 
\v 3 ላይ ላታማነ እያፐ ቦላ ግድዳ፥ ኦለታናዉ ዳንዳእያ እስራኤለ አሳ ኡባ ታይብተ። 
\v 4 ኮቻፐ ኮቻፐ እስ እስ አስ ባ ሶ አሳስ ሀላቃ ግድድ ህንተና ማዶ። 
\v 5 ህንተና ማዳና አሳ ሱንይ ሀይሳፈ ካልድ ፃፈትዳይሳ።
\li1 ሮቤላፐ፥ ሻደኡራ ናኣ ኤልፁራ፤ 
\v 6 ስሞናፐ ሱርሳዳያ ናአ ሳሉምኤላ፤
\li1
\v 7 ይሁዳፐ አምናዳበ ናኣ ናአሶና፤
\li1
\v 8 ይሳኮራፐ ዙአራ ናኣ ናትናኤላ፤
\li1
\v 9 ዛብሎናፐ ሄሎና ናኣ ኤልኣባ፤
\li1
\v 10 ዮሰፋ ናይታፐ፥
\li1 ኤፍሬማፐ አምሁዳ ናኣ ኤልሻማአ፤
\li1 ምናሰፐ ፓዳዙራ ናኣ ጋማልኤላ፤
\li1
\v 11 ብንያመፐ ጋድዮና ናኣ አብዳና፤
\li1
\v 12 ዳናፐ አምሳዳያ ናኣ አክኤዘራ፤
\li1
\v 13 አሴራፐ ኦክራና ናኣ ፓግኤላ፤
\li1
\v 14 ጋዳፐ ራጉኤላ ናኣ ኤልያሳፋ፤
\li1
\v 15 ንፍታለመፐ ኤናና ናአ አክራ፤
\li1
\v 16 ሀ አሳይ ባንታ አዋታ ኬ አሳፐ ካለናዉ ዶረትዳ እስራኤለ ያራታ ሀላቃታ” ያግስ።
\p
\v 17 ያትን ሙሰይነ አሮን ሄ ዶረትዳ አሳታ ኤክድ፥ 
\v 18 ናምአን አጌናን ኮይሮ ጋላሳን ኩመ ማባራ ፄግድ ሺሽዶሶና። አሳይ ባንታ ኮቻን ኮቻን፥ ቃስ ባንታ ሶ አሳን አሳን ላታሙ ላይነ እያፐ ቦላ ግድዳ አደ ኡባይ ፃፈትስ። 
\v 19 ጎዳይ እያ ኪትዳይሳዳ ሙሰይ ኤንታ ሲና መላ ቢታን ታይብስ።
\p
\v 20-21 ኦለታናዉ ዳንዳእያ አደ ኡባይ፥ ላታሙ ላይነ እያፐ ቦላ ግድዳ አደ ኡባይ ታይበትድ ሁጰን ሁጰን ፃፈትዶሶና። ኤንቲ ባንታ ኮቻን ኮቻንነ ባንታ ሶ አሳን ሻከትድ ሀይሳፈ ካልድ ደእያ ታይቦ ማራን ማዝጋበትዶሶና።
\li1 ባይራ ናኣ ሮቤላፐ 46,500 
\v 22-23 ስሞናፐ 59,300
\li1
\v 24-25 ጋዳፐ 45,650
\li1
\v 26-27 ይሁዳፐ 74,600
\li1
\v 28-29 ይሳኮራፐ 54,400
\li1
\v 30-31 ዛብሎናፐ 57,400
\li1
\v 32-33 ዮሰፋ ናኣ ኤፍሬማፐ 40,500
\li1
\v 34-35 ዮሰፋ ናኣ ምናሰፐ 32,200
\li1
\v 36-37 ብንያመፐ 35,400
\li1
\v 38-39 ዳነፐ 62,700
\li1
\v 40-41 አሴራፐ 41,500
\li1
\v 42-43 ንፍታለመፐ 53,400
\p
\v 44 ሙሰይ፥ አሮንነ ባንታ ሶ አሳፐ አሳፐ ዶረትዳ ታማነ ናምኡ እስራኤለ ኮቻ ሀላቃት ታይብዳ አሳይ ሀይሳታ። 
\v 45 ኦለታናዉ ዳንዳእያ አደ ኡባይ፥ ላታሙ ላይነ እያፐ ቦላ ግድዳ አሳይ ባንታ ሶ አሳን አሳን ታይበትዶሶና። 
\v 46 ኩመ አሳ ታይቦይ 603,550.
\p
\v 47 ሽን ሌወ ኮቻት ታይበትቦኮና። 
\v 48 ጋሶይካ ካሰ ጎዳይ ሙሰኮ ሀይሳዳ ያግስ፤ 
\v 49 “ሌወ ኮቻታ ታይቦፓ፤ ኤንታ አትዳ እስራኤለ አሳ ታይቦን ገልሶፋ። 
\v 50 ሌወታ፥ ጌሻ ዱንካንያንነ እያን ደእያ ሚሸታ ኡባ ቦላ ሀላቃ ኦዳ ሹማ። ኤንቲ ዱንካንያነ እያን ደእያ ሚሸታ ቶካና፤ እያ ግዶን ኦናነ እያ ዩሾን ዱንካናና። 
\v 51 ጌሻ ዱንካነይ ሾደትያ ዎደ ሌወት ሾዶ፤ ጌሻ ዱንካነይ ኤቅያ ዎደ ሌወት ኤሶ፤ ኤንታፈ ሀር ኦንካ እያኮ ሺቅኮ ሀይቆ። 
\v 52 ሀንኮ እስራኤለ አሳይ ባንታ ሄራንነ ባንታ ጩጋን ጩጋን ሻከትድ፥ ባንታ ዱንካንያ ዱንካኖና። 
\v 53 ሽን ጎዳ ሀንቆይ እስራኤለ ማባራ ቦላ ዎና መላ ሌወት ዱንካንያ ዩሹዋን ባንታ ዱንካንያ ዱንካንድ ናጎ” ያግስ። 
\v 54 እስራኤለ አሳይ ጎዳይ ሙሰ ኪትዳ ኡባ ኦዶሶና።
\c 2
\s1 እስራኤለ ኮቻታ ማራ
\p
\v 1 ጎዳይ ሙሰነ አሮና ሀይሳዳ ያግስ፤ 
\v 2 እስራኤለ አሳይ ባንታ ኮቻን ኮቻን ማላነ ባንታ ኮቻ ኮቻ ኤርስያ ባንድራ ካልድ፥ ጌሻ ዱንካንያፐ ጉ ሃክድ እያ ዩሹዋን ዱንካኖና።
\p
\v 3 ዶሎሀ ባጋራ ይሁዳ ኮቻይ ባንታ ማላ ካልድ ዱንካኖና። ይሁዳ ኮቻ ካለይ አምናዳበ ናኣ ናአሶና። 
\v 4 እያ ጩጋ ታይቦይ 74,600.
\m
\v 5 ይሁዳ ጋክድ ዱንካናናይ ይሳኮረ ኮቻ። ይሳኮራ ኮቻ ካለይ ዙአራ ናኣ ናትናኤላ። 
\v 6 እያ ጩጋ ታይቦይ 54,400.
\m
\v 7 እያፐ ካልድ ዛብሎና ኮቻይ ዱንካኔስ። ዛብሎና ኮቻ ካለይ ሄሎና ናኣ ኤልኣባ። 
\v 8 እያ ጩጋ ታይቦይ 57,400
\m
\v 9 ይሁዳ ባጋን ዱንካንዳ ኦላንቾታ ታይቦይ 186,400. እስራኤለ አሳይ ጉታ የድድ ብያ ዎደ ኮይሮት ከየይ ኤንታ።
\p
\v 10 ዱገሀ ባጋራ ሮቤላ ኮቻይ ባንታ ማላ ካልድ ዱንካኖና። ኤንታ ካለይ ሳድዮራ ናኣ ኤልሱራ። 
\v 11 እያ ጩጋ ታይቦይ 46,500. 
\v 12 ሮቤላ ጋክድ ዱንካነይ ስሞና ኮቻ። ስሞና ኮቻ ካለይ ዙርሻዳያ ናአ ሳሉምኤላ። 
\v 13 እያ ጩጋ ታይቦይ 59,300.
\m
\v 14 እያፐ ካልድ ጋደ ኮቻይ ዱንካኔስ። ኤንታ ካለይ ደኡኤላ ናኣ ኤልያሳፋ። 
\v 15 ኤንታ ጩጋ ታይቦይ 45,650.
\m
\v 16 ሮቤላ፥ ባጋን ዱንካንዳ ኦላንቾታ ታይቦይ 151,450. እስራኤለ አሳይ ጉታ የድድ ብያ ዎደ ናምአን ከየይ ኤንታ።
\p
\v 17 ሄሳፈ ጉየ ኮይሮ ከይያ ይሁዳ ጩጋፐነ ናምአን ከይያ ሮቤላ ጩጋፐ ግዶን ጌሻ ዱንካንያ ቶክድ ሌወት ገሎሶና። እስ እስ ኮቻይ ባንታ ዱንካንዳ ማራን ባንታ ማላ ኦይክድ ከዮ።
\p
\v 18 ዉሎሀ ባጋራ ኤፍሬማ ባጋይ ባንታ ማላ ካልድ ዱንካኖና። ኤንታና ካለይ አምሁዳ ናኣ ኤልሻማአ። 
\v 19 ኤንታ ጩጋ ታይቦይ 40,500. 
\v 20 ኤንታ ጋክድ ምናሰ ኮቻይ ዱንካኔስ። ኤንታና ካለይ ፓዳዙራ ናኣ ጋማልኤላ። 
\v 21 ኤንታ ኦላንቾታ ታይቦይ 32,200. 
\v 22 እያፐ ካልድ ዱንካነይ ብንያመ ኮቻ። ብንያመ ኮቻ ካለይ ግድኦና ናኣ አብዳና። 
\v 23 ኤንታ ጩጋ ታይቦይ 35,400. 
\v 24 ኤፍሬማ ባጋን ዱንካንዳ ኦላንቾታ ታይቦይ 108,100. እስራኤለ አሳይ ጉታ የድድ ብያ ዎደ ሄን ከየይ ኤንታ።
\p
\v 25 ፑደሀ ባጋራ ዳነ ኮቻይ ባንታ ማላ ካልድ ዱንካኖና። ኤንታና ካለይ አምሳዳያ ናኣ አክኤዘራ። 
\v 26 ኤንታ ጩጋ ታይቦይ 62,700. 
\v 27 ኤንታና ጋክድ አሴራ ኮቻይ ዱንካኔስ። አሴራ ኮቻ ካለይ ኦክራና ናኣ ፓግኤላ። 
\v 28 ኤንታ ጩጋ ታይቦይ 41,500. 
\v 29 እያፐ ካልድ ንፍታለመ ኮቻይ ዱንካኔስ። ንፍታለመ ኮቻ ካለይ ኤናና ናኣ አክራ። 
\v 30 ኤንታ ጩጋ ታይቦይ 53,400
\m
\v 31 ዳነ ባጋን ዱንካንዳ ኦላንቾታ ታይቦይ 157,600. እስራኤለ አሳይ ጉታ የድድ ብያ ዎደ ዉርሰን ከየይ ኤንታ።
\p
\v 32 ባንታ ኮቻን ኮቻን ሻከትድ ታይበትዳ እስራኤለ ኦላንቾታ ታይቦይ 603,550. 
\v 33 ሽን ጎዳይ ሙሰ ኪትዳይሳዳ፥ ሌወት ሀራ እስራኤለ አሳራ ታይበትቦኮና። 
\v 34 እስራኤለ አሳይ፥ ጎዳይ ሙሰ ኪትዳባ ኡባ ኦዶሶና። ኤንቲ ባንታ ማላ ካልድ ዱንካንዶሶና፤ ቃስ ባንታ ኮቻነ ባንታ ሶ አሳ አሳ ካልድ ከዮሶና።
\c 3
\s1 አሮና አደ ናይታ
\p
\v 1 ጎዳይ ሲና ዙማ ቦላ ሙሰራ ኦደትያ ዎደ ደእያ አሮናነ ሙሰ ሶ አሳይ ሀይሳፈ ካልድ ፃፈትዳይሳ። 
\v 2 አሮና አደ ናይታ ሱንይ፥ ባይራይ ናዳባ፥ ካለይ አብዮዳ፥ አላዛራነ እታማራ። 
\v 3 ሄ አሮና አደ ናይት ኡባይ፥ ካህነ ግድድ ኦናዉ ትየትድ ሹመትዶሶና። 
\v 4 ሽን ኤንታ ግዶፈ ናዳበይነ አብዮድ ሲና መላ ቢታን ጎዳ ስንን ጌሽ ግዶና ታማን ያርሾ ያርሽድ ሀይቅዶሶና። ኤንታዉ ናእ ባዋ። ሄሳ ግሾ፥ ኤንታ አዋይ አሮን ፓፃ ደእዳ ላይ ኡባን አላዛርነ እታማራ ፃላል ካህነ ግድድ ኦዶሶና።
\s1 ሌወታ ኦሶ
\p
\v 5 ጎዳይ ሙሰኮ፥ 
\v 6 “ሌወ ኮቻታ ኤሀዳ ካህንያ አሮና ማዳና መላ ኤንታ እያ ስን ሺሻ። 
\v 7 ኤንቲ አሮናነ እስራኤለ ማባራ ኡባ ጌሻ ዱንካንያ ስንን ዱማ ዱማ ኦሶ ኦድ ማዶ። 
\v 8 ኤንቲ ጌሻ ዱንካንያ ግዶን ደእያ ሚሸ ኡባ አዋተን አይሶ። እስራኤለ አሳ ግሾ ጌሻ ዱንካንያ ግዶን ኦሶ ኡባ ኤንቲ ኦና። 
\v 9 አሮናነ እያ አደ ናይታ ማዳና መላ ሌወታ ሹማ። ኤንቲ እስራኤለ አሳ ግዶፈ ሻከትድ አሮና ማዳና መላ እመትዶሶና። 
\v 10 አሮናነ እያ አደ ናይታ ካህነ ኦዳ ሹማ። ኤንታፈ ሀራ አስ ኦንካ ጌሻ ዱንካንያኮ ሺቅኮ ሀይቆ” ያግስ።
\p
\v 11 ቃስ ጎዳይ ሙሰኮ፥ 
\v 12 “ታኒ እስራኤለን የለትያ ባይራ አደ ናይታ ግሾ ሌወታ ኤካስ። ሌወት ታባ። 
\v 13 አይስ ጊኮ፥ ባይራ የለትዳ ኡባይ ታባ። ታ ግብፀ ቢታን ባይራ የለትዳ ኡባ ዎዳ ጋላሳን፥ እስራኤለን ባይራ የለትዳባ ኡባ አሰ ግድን፥ መሄ ግድን፥ ታዉ ዱማያስ። ኤንቲ ታባ ግዳና። ታኒ ጎዳ” ያግስ።
\s1 ሌወታ ታይቡዋ
\p
\v 14 ቃስካ ጎዳይ ሙሰኮ ሲና መላ ቢታን፥ 
\v 15 “ሌወታ ኤንታ ኮቻን፥ ቃስ ኤንታ ሶ አሳን አሳን ታይባ። የለትን እስ አጌናነ እያፐ ቦላ ግድዳ አደ ናይታ ኡባ ታይባ” ያግስ። 
\v 16 ያትን ጎዳይ ኪትዳይሳዳ ሙሰይ ኤንታ ታይብስ።
\p
\v 17 ሌወ አደ ናይት ገድሶና፥ ቃሀታ ማራራ። 
\v 18 ገድሶና አደ ናይት ልብናነ ሳመአ ጌተቶሶና። 
\v 19 ቃሃታ አደ ናይት አምራማ፥ ይዝሃራ፥ ከብሮናነ ኡዝኤላ። 
\v 20 መራራ አደ ናይት ማህላነ ሙሳ ጌተቶሶና። ሌወታ ማይዛት ሀይሳታ።
\p
\v 21 ናምኡ ገድሶና ኮቻት ልብናነ ስምአ። 
\v 22 የለትን እስ አጌናነ እያፐ ቦላ ግድዳ አደ ናይታ ታይቦይ 7,500. 
\v 23 ገድሶና ኮቻት ጌሻ ዱንካንያፐ ጉየን ዉሎሀ ባጋን ዱንካንዶሶና። 
\v 24 ገድሶና ኮቻ ሶ አሳ ሀላቃይ ላኤላ ናኣ ኤልያሳፋ። 
\v 25 ገድሶና ኮቻስ ጌሻ ዱንካንያ ቦላ ደእያ አዋተይ፥ ዱንካንያ፥ ጋ ካማ፥ ካረ ካማ፥ ዉላ ማጋራጁዋ፥ 
\v 26 ዱንካንያ ዩሾን ደእያ ዳባባ ማጋራጁዋ፥ ያርሾ በሳ ማጋራጁዋ፥ ዳባባ ዉላ ማጋራጁዋ፥ ዎዶሮታነ እያን ጎኤትያ ሚሸታ ኡባ አዋተን አይሶሶና።
\p
\v 27 ቃሃታ ኮቻት አምራማ፥ ይዝሃራ፥ ከብሮናነ ኡዝኤላ። 
\v 28 የለትን እስ አጌናነ እያፐ ቦላ ግድዳ አደ ናይታ ታይቦይ 8,600. ቃሃታ ኮቻት ጌሻ ዱንካንያ አዋተን ናጎሶና። 
\v 29 ቃሃታ ኮቻት ጌሻ ዱንካንያፐ ዱገሀ ባጋራ ዱንካንዶሶና። 
\v 30 ቃሃታ ኮቻ ካለይ ኡዝኤላ ናኣ ኤልዛፋና። 
\v 31 ኤንቲ ታቦትያ፥ ፃርጴዛ፥ ፆምፐ ዎያ ኮጫ፥ ያርሽሶ በሳ፥ ካህነት ጎኤትያ ጌሻ ዱንካንያ ሚሸታ፥ ኡባፈ ጌሻ በሳ ገልያ ዉላ ቦላ ደእያ ማጋራጁዋ አዋተን አይሶ። 
\v 32 ሌወታ ሀላቃይ ካህንያ አሮና ናኣ አላዛራ። እ ጌሻ በሳን ኦይሳታስ ሹማ።
\p
\v 33 መራራ ኮቻት ማህላነ ሙሳ። 
\v 34 የለትን እስ አጌናነ እያፐ ቦላ ግድዳ አደ ናይታ ታይቦይ 6,200. 
\v 35 መራራ ኮቻ ካለይ አብካላ ናኣ ዙርኤላ። መራራ ኮቻይ ጌሻ ዱንካንያፐ ፑደሀ ባጋራ ዱንካንዶሶና። 
\v 36 መራራ ኮቻይ ዱንካንያ ቱቀታ፥ ልዮታ፥ ቱሳታነ ቱሳት ኤቅያ ገዳታ፥ ሄሳዳካ ግዶን ኮሽያ ሚሸታ ኡባ ኤንቲ አዋተን አይሶሶና። 
\v 37 ጉጅድካ፥ ዱንካንያ ዩሾን ደእያ ዳባባ ቱሳታነ ኤንታ ገዳታ፥ ሸታነ ዎዶሮታ አዋተን አይሶሶና።
\p
\v 38 ጌሻ ዱንካንያ ስንን ዶሎሀ ባጋራ ሙሰይ፥ አሮንነ እያ አደ ናይት ዱንካንዶሶና። ጌሻ ዱንካንያ ግዶን እስራኤላ አሳ ግሾ ኦሰትያ ኦሶ ኡባ ኤንቲ አዋተን አይሶሶና። ሀራ አስ ጌሻ ዱንካንያኮ ሺቅኮ ሀይቆ።
\p
\v 39 ጎዳይ፥ ሙሰነ አሮና ኪትዳይሳ መላ እስ አጌናነ እያፐ ቦላ ግድዳ ሌወታ አደ ናይታ ታይቦይ 22,000.
\s1 ባይራ አደ ናይታ ዎዞ
\p
\v 40 ጎዳይ ሙሰኮ፥ “የለትን እስ አጌናነ እያፐ ቦላ ግድዳ እስራኤለ ባይራ አደ ናይታ ታይባዳ ኤንታ ሱን ፃፋ። 
\v 41 እስራኤለ ባይራ አደ ናይታ በሳን ሌወታ፥ ቃስ እስራኤለ ባይራ መህያ በሳን ሌወታ ባይራ መህያ ታዉ ኤካ። ታኒ ጎዳ” ያግስ። 
\v 42 ጎዳይ ሙሰ ኪትዳይሳዳ እስራኤለን ባይራ የለትዳ ኡባ ታይብስ። 
\v 43 የለትን እስ አጌናነ እያፐ ቦላ ግድዳ ባይራ አደ ናይታ ታይቦይ 22,273.
\p
\v 44 ጎዳይ ሙሰኮ፥ 
\v 45 “እስራኤለ ባይራ አደ ናይታ በሳን ሌወታ ታዉ ዱማያ። ቃስ እስራኤለ ባይራ መሄታ በሳን ሌወታ ባይራ መህያ ታዉ ዱማያ፤ ታኒ ጎዳ። 
\v 46 እስራኤለ ባይራ አደ ናይታ ታይቦይ ሌወታ ባይራ አደ ናይታ ታይቡዋፐ 273 አያ ግሾ ሄ አትዳይሳታ ታዉ ዎዛ። 
\v 47 እሱዋስ እሱዋስ ጌሻ ዱንካነን ኤረትዳ ምዛነን እቻሹ ብራ ሳንትመን ዎዛ። 
\v 48 ሄ ዎዞ ሚሽያ አሮናስነ እያ አደ ናይታስ እማ” ያግስ። 
\v 49 ፓላህዳይሳታ ዎዞ ሚሽያ ሙሰይ ሺሽስ። 
\v 50 ጌሻ ዱንካንያ ምዛንያ ልከን እስራኤለ ባይራ አደ ናይታ ዎዞ ሚሽያ 1,365 ብራ ሳንትመ ኤክስ። 
\v 51 ጎዳይ ኪትዳይሳዳ ሙሰይ ዎዞ ሚሽያ አሮናስነ እያ አደ ናይታስ እሚስ።
\c 4
\s1 ቃኣታ ኮቻስ እመትዳ ኦሶ
\p
\v 1 ጎዳይ ሙሰነ አሮና ሀይሳዳ ያግስ፤ 
\v 2 “ሌወ ኮቻታፐ ቃሃታ ኮቻታነ ኤንታ ሶ አሳ አሳ ሻካዳ ታይባ። 
\v 3 ላይ 30-50 ጋክዳ አደ ኡባ ጌሻ ዱንካንያን ኦናዉ ዳንዳኤይሳታ ታይባ። 
\v 4 ቃሃታ ኮቻት ጌሻ ዱንካንያን ኦና ኦሶይ ዱንካንያን ጎኤትያ ጌሻ ሚሸታ አዋተን ናጎ።
\p
\v 5 “አሳይ ጉታፐ ባናዉ ደንድያ ዎደ አሮንነ እያ አደ ናይት ጌሻ ዱንካንያ ግዶ ገልድ፥ ጫቆ ታቦትያ ስንን ደእያ ማጋራጁዋ ዎስድ ሄ ጫቆ ታቦትያ እያራ ፃፆ። 
\v 6 ሄ ካማ ቦላ ሊቆ ጋልባ ካሞ፤ እያ ቦላ ጉጅድ ካሎሰ ጫርቀ ካሞ፤ ቶክያ ካሶታ ሳጋዮታን አ።
\p
\v 7 “ጎዳስ ሺቅያ ኡይ ዎያ ፃርጴዛ ቦላ ካሎሰ ጫርቀ ካሞ። ፃርጴዛ ቦላ ሳነታ፥ ጭልፓታ፥ ፁአታነ ዎይነ ኡሻ ያርሹዋ ዱቅያ ኦቶታ ዎና። ኡይይ ኡባ ዎደ ፃርጴዛ ቦላ ደኦ። 
\v 8 ሄ ኡባ ቦላ ዞኦ ጫርቀ ካምድ እያ ቦላ ቃስ ሊቆ ጋልባ ካሞ፤ ሄሳፈ ካልድ ቶክያ ካሶታ ሳጋዮታን አ።
\p
\v 9 “ካሎሰ ጫርቀ ኤክድ ፆምፐ ዎያ ኮጫ፥ እያ ፆምፐታራ፥ እያ ቃጰታራ፥ ብዶ ከስያ ከረታራነ ዛይተ ትግያ ፃሮታራ ኡባ ካሞ። 
\v 10 ያትድ እያ ሚሸታ ኡባ ሊቆ ጋልባን ካምድ ቶክያ አርሳ ቦላ ዎና።
\p
\v 11 “ካልድ ዎርቃ ያርሾ ሳፅንያ ካሎሰ ጫርቀን ካሞ፤ ቃስ እያ ቦላራ ሊቆ ጋልባ የጎ። ያትድ ቶክያ ካሶታ ሳጋዮታን አ። 
\v 12 ሄሳዳካ፥ ጌሻ ዱንካንያ ግዶን ጎኤትያ ሚሸታ ኡባ ካሎሰ ጫርቀን ፃፆ፤ እያ ቦላ ሊቆ ጋልባ የግድ፥ ቶክያ አልጋ ቦላ ዎ።
\p
\v 13 “ናሰ ያርሾ በሳፈ ብዱዋ ፕትድ እያ ቦላ ኦቻ ቴራ ዳንያ ጫርቀ ካሞ። 
\v 14 ያርሾ በሳን ጎኤትያ ሚሸታ ኡባ፤ ታማ ጮጨታ፥ አሾ ቃጰታ፥ አካፋታነ ሃ ከረታ እያ ቦላ ዎድ፥ ሊቆ ጋልባ ካሞ። ያትድ ቶክያ ካሶታ ሳጋዮታን አ። 
\v 15 አሮንነ እያ አደ ናይት፥ ጌሻባታነ እያን ጎኤትያ ጌሻ ሚሸታ ኡባ ካምዳፐ ጉየ እስራኤለ አሳይ ጉታፐ ደንድያ ዎደ ቃሃታ ኮቻይ ይድ ቶኮ። ሽን ኤንቲ ሀይቆና መላ ጌሻ ሚሸታ ቦቾፎ። ጌሻ ዱንካነይ በሳፈ ደንድያ ዎደ ቃሃታ ኮቻስ ደእያ አዋተይ ሀይሳ።
\p
\v 16 “ካህንያ አሮና ናአይ አላዛር ፆምፐ ዛይትያ፥ ሳውያ እፃንያ፥ ያርሾ ካነ ትዮ ዛይትያ፥ ሄሳዳካ ጌሻ ዱንካንያን ደእያ ዱማ ዱማ ጌሻ ሚሸታ ኡባ ቦላ አዋተ ደኤስ” ያግስ።
\p
\v 17 ጎዳይ ሙሰኮነ አሮናኮ፥ 
\v 18 “ቃሃታ ኮቻይ ሌወ ኮቻ ግዶፈ ሀይቅድ ያና መላ ኦፍተ። 
\v 19 ኡባፈ ጌሻ ሚሽያኮ ሺቅድ ሀይቆና መላ አሮንነ እያ አደ ናይት ጌሻ ዱንካንያ ግዶ ገልድ፥ ቆሃታ ኮቻይ ሁጰን ሁጰን ኦና ኦሱዋነ ቶካና ቶሁዋ ሻክድ በሶ። 
\v 20 ቃሃታ ኮቻይ ሀይቆናዳ ጌሻ ሚሸታ በአናዉ ጉ ዎደስካ ዱንካንያ ግዶ ገሎፖ” ያግስ።
\s1 ገድሶና ኮቻስ እመትዳ ኦሶ
\p
\v 21 ጎዳይ ሙሰኮ፥ 
\v 22 “ሌወ ኮቻፈ ገድሶና ኮቻነ ኤንታ ሶ አሳ አሳ ሻካዳ ታይባ። 
\v 23 ላይ 30-50 ጋክዳ አደ ኡባ ጌሻ ዱንካንያ ግዶን ኦናዉ ዳንዳኤይሳታ ታይባ። 
\v 24 ገድሶና ኮቻት ኦና ኦሶይ ሀይሳፈ ካልድ ደኤይሳ፤ 
\v 25 ኤንቲ ጌሻ ዱንካንያ ጋ ካማ፥ ካረ ካማ፥ ቦላራ የገትያ ሊቆ ዶአ ጋልባ፥ ገልያ ዉላ ቦላ ካቀትያ ማጋራጁዋ ቶኮ። 
\v 26 ሄሳዳካ ጌሻ ዱንካንያነ ያርሾ በሳ ዩሹዋን ደእያ ዳባባ ማጋራጆታ፥ ዳባባ ገልያ ዉላ ቦላ ደእያ ገሸታ፥ ዎዶሮታነ እያዉ ጎኤትያ ሚሸታ ኡባ ቶኮ። ገድሶና ኮቻይ ሚሸታን ኦናዉ በሲያ ኦሶ ኡባ ኦ። 
\v 27 ቶሆ ግድን፥ ሀራ ኦሶ ግድን፥ ኤንቲ ኦያ ኦሶ ኡባ አሮንነ እያ አደ ናይት ኤንታ ካል ኦስሶ። ኤንቲ ቶካናዉ በሲያባታ ኡባ ነ አዋተን ኤንታዉ ግሻ። 
\v 28 ጌሻ ዱንካንያ ግዶን ገድሶና ኮቻይ ኦና ኦሶይ ሀይሳ። ኤንታ ኦሱዋ ካህንያ አሮና ናአይ እታማር ካልድ ኦስሶ።
\s1 ማራራ ኮቻስ እመትዳ ኦሶ
\p
\v 29 “ሌወ ኮቻፈ መራራ ኮቻነ ኤንታ ሶ አሳ አሳ ሻካዳ ታይባ። 
\v 30 ላይ 30-50 ጋክዳ አደ ኡባ ጌሻ ዱንካንያ ግዶን ኦናዉ ዳንዳኤይሳታ ታይባ።
\p
\v 31 “ኤንቲ ዱንካንያ ቱቀታ፥ ልዮታ፥ ቱሳታ፥ ዱንካንያ ገዳታ፥ 
\v 32 ዱንካንያ ዩሾን ዳባባን ኤቅያ ቱሳታ፥ ሄ ቱሳታ ገዳታ፥ ሸታ፥ ዎዶሮታነ እያን ኮሽያ ሚሸታ ኡባ ቶኮ። እሶይ እሶይ ቶካናዉ በሲያ ሚሽያ እያ ሱንን ሻካዳ ግሻ። 
\v 33 ጌሻ ዱንካንያ ግዶን መራራ ኮቻይ ኦና ኦሶይ ሀይሳ። ኤንቲ ኦና ኦሶ ኡባ ካህንያ አሮና ናኣ እታማር አዋተን ካልድ ኦስሶ” ያግስ።
\s1 ሌወ ኮቻ ታይቡዋ
\p
\v 34 ሙሰይ፥ አሮንነ እስራኤለ ሀላቃት ቃሃታ ኮቻ ኤንታ ሶ አሳን አሳን ሻክድ ታይብዶሶና። 
\v 35 ላይ 30-50 ጋክዳ አደ ኡባ ጌሻ ዱንካንያ ግዶን ኦናዉ ዳንዳኤይሳታ ታይብዶሶና። 
\v 36 ኤንታ ታይቦይ 2,750. 
\v 37 ጎዳይ ሙሰ ኪትዳይሳዳ ጌሻ ዱንካንያ ግዶን ኦና መላ ሙሰይነ አሮን ታይብዳ ቃሃታ ኮቻት ሀይሳታ።
\p
\v 38 ገድሶና ኮቻት ባንታ ሶ አሳን አሳን ሻከትድ ታይበትዶሶና። 
\v 39 ላይ 30-50 ጋክዳ አደት ኡባ ጌሻ ዱንካንያ ግዶን ኦናዉ ዳንዳኤይሳታ 
\v 40 ታይቦይ 2,630. 
\v 41 ጎዳይ ሙሰ ኪትዳይሳዳ ጌሻ ዱንካንያ ግዶን ኦና መላ ሙሰይነ አሮን ታይብዳ ገድሶና ኮቻት ሀይሳታ።
\p
\v 42 መራራ ኮቻት ባንታ ሶ አሳን አሳን ሻከትድ ታይበትዶሶና። 
\v 43 ላይ 30-50 ጋክዳ አደት ኡባይ፥ ጌሻ ዱንካንያ ግዶን ኦናዉ ዳንዳኤይሳታ 
\v 44 ታይቦይ 3,200. 
\v 45 ጎዳይ ሙሰ ኪትዳይሳዳ ጌሻ ዱንካንያ ግዶን ኦና መላ ሙሰይነ አሮን ታይብዳ መራራ ኮቻት ሀይሳታ።
\p
\v 46 ሙሰይ፥ አሮንነ እስራኤለ ሀላቃት ሌወታ ኡባ ኤንታ ኮቻንነ ኤንታ ሶ አሳን አሳን ሻክድ ታይባ። 
\v 47 ላይ 30-50 ጋክዳ አደት ኡባይ፥ ጌሻ ዱንካንያ ግዶን ኦናዉኑነ ሚሸታ ቶካናዉ ዳንዳእያ፥ 
\v 48 ሌወታ ታይቦይ 8,580. 
\v 49 ጎዳይ ሙሰ ኪትዳይሳዳ፥ ኤንቲ ሁጰን ሁጰን ታይበትዶሶና። ሄሳዳካ ጎዳይ ሙሰ ኪትዳይሳዳ ኤንቲ ኦና ኦሶይነ ቶካና ቶሆይ እመትስ።
\c 5
\s1 ጌሻ ጉታ
\p
\v 1 ጎዳይ ሙሰኮ፥ 
\v 2 “እስራኤለ አሳይ ባሮ ሀርገን ኦይከትዳ አስ ዎይኮ አሳተፈ ጎግያባይ ደእያ አስ ዎይኮ አሀ ቦችድ ቱንዳ አስ ኦናካ ባንታ ጉታፐ ከሳና መላ ኪታ። 
\v 3 ታ ኤንታ ግዶን ደእያ ጉታ ቱንሶና መላ ሀ ጌሽ ግዶና አሳት ማጫ ግድን አደ ኤንታ ግዶፈ ከሳዳ ጎዳ” ያግስ። 
\v 4 ጎዳይ ሙሰ ኪትዳይሳዳ እስራኤለ አሳይ ኤንታ ኡባ ጉታፐ ከስድ ጎድዶሶና።
\s1 ናቆ አጫ
\p
\v 5 ጎዳይ ሙሰኮ፥ 
\v 6 “ኔኒ እስራኤለ አሳስ ሀይሳ ኦዳ፤ አደ ግድን ዎይኮ ማጭ ግድን ኦንካ ጎዳስ አማነቶና እፅድ ሀራ አስ ናቅኮ ሄ ኡራይ ባላ ኦስ። 
\v 7 እ ባ ናጋራ ፓፆ፤ ባ ናጋራ አጭያ ኩመ አጫ ቦላ ፄታፐ ላታሙ ኩሸ ጉጅድ እ ናቅዳ ኡራስ ጭጎ። 
\v 8 ሽን ሄ ናቀትዳ ኡራይ ሀይቅዳባ ግድኮ፥ አጫ ኤካናዉ ማታ ዳቦይ እያዉ ይኮ፥ ሄ አጫይ ጎዳስ ግድድ ካህንያስ እመቶ። ሄ አጫ ቦላ ጉጅድ እያ ናጋራ አቶተስ ቆሆ ያርሾስ ግድያ ማራዘ ዶርስ እሞ። 
\v 9 ቃስ እስራኤለ አሳይ ጎዳስ እምያ ጌሻ እሞ ኡባይ ሄ ካህንያስ ግዶ። 
\v 10 እስ እስ አስ እምያ ጌሻ እሞታይ ሄ ኡራባ፥ ሽን ካህንያስ እምኮ ሄ እሞታይ ካህንያሳ” ያግስ።
\s1 አዝን ስያ ማችዉ
\p
\v 11 ጎዳይ ሙሰኮ፥ 
\v 12 “እስራኤለ አሳስ ያጋዳ ኦዳ፤ እስ አድያ ማችያ ካረ ሄመታዳ እያዉ አማነቶና እፅኮ፥ 
\v 13 ሀራ አደራ አቅኮ፥ ቃስ ሄሳ እያ ባ አዝናፐ ቆስኮ፥ እያ ላይማትሽን በእዳ ማርክ ባይናባ ግድኮ፥ 
\v 14 እ አዝናይ እዮ ቱናሱ ግድ ስኮ፥ ዎይኮ እያ ቱኖና ደእሽን እ ባ ማችዉ ስኮ፥ 
\v 15 ሄ አደይ ባ ማችዉ ካህንያኮ ኤፎ። እ ግሾ ያርሻናዉ እስ ክሎ ግራመ ባንጋ ለ ኤፎ። ሄ አደይ ባ ማችዉ ስዳ ግሾ፥ እ ቆሁዋ ቆንጭስያ ካ ያርሾ ግድያ ግሾ፥ ልያ ቦላ ዛይተ ትጎፖ፤ እፃነ እያ ቦላ ዎፎ።”
\p
\v 16 ካህነይ ሄ ማጫስዉ ጎዳ ስንን ኤሶ። 
\v 17 ጌሻ ሃ ከረን ኤኮ። ጌሻ ዱንካንያ ዉይግያፐ ቢታ ኤክድ ሄ ሃን ጉጆ። 
\v 18 ሄ ማጫስዉ ጎዳ ስንን ኤሶ፤ ሄ ማጫሰ ሁጵያ ብልድ ስዳ ግሾ ያርሸትያ ቆሁዋ ቆንጭስያ ካ ያርሾ እ ኩሸን ዎ፤ ቃስ ካህነይ ባ ኩሸን ባደ ኤህያ ጫሞ ሃ ከረን ኦይኮ። 
\v 19 ሄሳፈ ጉየ ማጫስዉ ያግድ ጫቅሶ፤ “ኔኒ ሀራ አደራ አቃቦናባ ግድኮ፥ ነናተ ቱንሳቦናባ ግድኮ፥ ባደ ኤህያ ሃይ ነዉ ጎመ ግዶፖ። 
\v 20 ሽን ኔኒ ነ አዝና አጋዳ ሀራ አደራ አቃዳ ቱንዳባ ግድኮ፥ 
\v 21 ጎዳይ ነ የሎ ኬ ጉንድስድ፥ ነ ኡሉዋ ጋቢስድ ነ አሳ ስንን ነና ባደትዳባ ኦ። 
\v 22 ሀ ባደ ኤህያ ሃይ ነ ኡሉዋን ገልድ ነ ኡሉዋ ጋቢሶ፤ ነ የሎ ኬ ጉንድሶ” ያግድ ጫቅሶ።
\p ማጫስያ፥ “አምንእ፥ ሄስ ታና ጋኮ” ያጎ።
\p
\v 23 “ሀይሳፈ ጉየ፥ ካህነይ ሄ ባደ ፃፎ፤ ሄ ፃፍዳይሳ ከርያን ደእያ ሃን ሜጮ። 
\v 24 ቃንገ ኤህያ ሃ ማጫስዉ ኡሻናፐ ስን፥ 
\v 25 ካህነይ ማጫሰ ኩሸፐ ያርሾ ልያ ኤክድ፥ ደን ያርሾ ኦድ ጎዳስ ያርሾ። 
\v 26 ካህነይ ያርሾ ካፈ ዞለ ኤክድ ባላ ቆንጭስያ ያርሾ ኦድ ያርሾ በሳን ፁጎ። ሄሳፈ ጉየ፥ ማጫስዉ ሄ ሃ ኡሾ። 
\v 27 እያ ባ አዝናስ አማነቶና እፃዳ ቱንዳባ ግድኮ ባደ ሃይ እ ኡሉዋን ጫሞ ሳሆ መ። እ ኡሎይ ጋባና፤ እ የሎ ኬይካ ጉንዳና፤ እያ ባ አሳ ግዶን ባደትዳሮ ግዳና። 
\v 28 እያ ቱናቦናባነ ፅሎ ማጫስ ግድኮ፥ እያ ጌሽ ግዳና፤ ናአ የላናዉ ዳንዳአዉሱ።
\p
\v 29-30 “እስ አስ ባ ማችዉ ላይማታሱ ግድ ስኮ ዎይኮ ቃናትኮ ያርሾ በሲ ኤህድ እዮ ኤሶ። ካህነይ ሄ ዎጋ ኡባ እ ቦላ ፖሎ። 
\v 31 አዝናይ፥ ቆሆይ ባይናባ ግዳና፥ ሽን ማችያ ባ ናጋራ ጋሶን ጋክያ ዋየ ኡባ ቶካና” ያግስ።
\c 6
\s1 ናዝራወ ዎጋ
\p
\v 1 ጎዳይ ሙሰኮ፥ 
\v 2 “እስራኤለ አሳ ሀይሳዳ ጋዳ ኪታ፤ አደ ግድን ዎይኮ ማጫ ባና ጎዳስ ዱማይድ ናዝራወ ግዳናዉ ቃንግኮ፥ 
\v 3 ዎይነ ዎይኮ ሀራ ማይያ ኡሽ ኡዮፖ። ጫላባነ ማያባ ኡዮፖ፤ ዎይነ ቴራ፥ ትያነ መላ ሞፖ። 
\v 4 እ ባና ጎዳስ ዱማይዳ ዎደ ኡባን፥ ዎይነ አይፍያ ግድን ፖቁዋ ግድን ዎይኮ ኮቻ ግድን ሞፖ።
\p
\v 5 “እ ባና ጎዳስ ዱማይዳ ዎደ ኡባን፥ ባ ሁጵያ ሜደቶፎ ዎይኮ ቃንፀቶፎ። እ ባ ሁጰ ብናና አዱስድ ድቾ። እ ባና ጎዳስ ዱማይዳ ዎደይ ፖለታና ጋካናዉ ጌሽ ግዳናዉ ኮሼስ። 
\v 6 እ ባና ጎዳስ ዱማይዳ ዎደን ኡባን አሀኮ ሺቆፖ። 
\v 7 እ ባና ዱማይዳይሳ ኤርሰይ እያ ሁጵያ ግድያ ግሾ፥ እያ አዋይ ዎይኮ እያ አይያ ዎይኮ እያ እሻይ ዎይኮ እያ ምችያ ሀይቅኮ ኤንታ አሀ ቦችድ ባና ቱንሶፖ። 
\v 8 እ ባና ጎዳስ ዱማይዳ ዎደ ኡባን ጎዳስ ጌሽ።
\p
\v 9 “አስ እያ ማታን ቆፖና ሀይቅኮ፥ ጎዳስ ጌሽ ግድዳ ባ ሁጵያ ቱንስኮ ላፑን ጋላስ ጋምእድ ባ ሁጵያ ሜደቶ። 
\v 10 ሆስፑን ጋላሳን ናምኡ ሆለታ ዎይኮ ናምኡ ኩራቾታ ጌሻ ዱንካንያ ፐንገን ደእያ ካህንያስ ኤሆ። 
\v 11 ናዝራወይ አሀ ቦችድ ቱንዳ ግሾ ናጋራፐ እያ ጌሻናዉ ካህነይ ሆለታፐ እሱዋ ናጋራ ያርሾ፥ ሀንኩዋ ቃስ ፁሳ ያርሾ ኦድ ያርሾ። ሄ ጋላስ እ ባ ሁጵያ ዎጋዳ ዛሪድ ጎዳስ ጌሾ፤ 
\v 12 እ ባና ዛሪድ ጎዳስ ዱማዮ። ያትድ እስ ላይ ማራዘ ናቆ ያርሾ ኦድ ያርሾ። እ ጎዳስ ዱማይዳ ሁጰይ ቱንዳ ግሾ፥ ካሰ እ ባና ጎዳስ ዱማይድ ደእዳ ዎደይ ታይበተና።
\p
\v 13 “እስ ናዝራወይ ባ ቃንገ ዎድያ ኦንግዳ ዎደ ፖላና ዎጋይ ሀይሳ፤ ጌሻ ዱንካንያ ፐንገ ብድ፤ 
\v 14 ቦረይ ባይና እስ ላይ ዶርሳ ኡርገ ፁሳ ያርሾስ፥ እስ ላይ ኡዞ ዶርስ ናጋራ ያርሾስ፥ እስ ማራዘ እስፈተ ያርሾስ ሄ በሳ ኤሆ። 
\v 15 ቃስ ካ ያርሾነ ኡሻ ያርሾ ኤንታራ እስፈ ያርሻናዉ ኤሆ። ሄ ካ ያርሾይ እርሾይ ገልቦና ሎኦ ለ ሻማሆ ዛይተራ ኡከትዳ ኦርደ ኡይነ ሻማሆ ዛይተን ትየትዳ ሌኦ ጋይታን ኤሆ።
\p
\v 16 “ካህነይ ሄ ኡባ ናጋራ ያርሾነ ፁሳ ያርሾ ኦድ ጎዳስ ያርሾ። 
\v 17 ካህነይ ማራዝያ ጋይታን ደእያ ኡይራ ጎዳስ እስፈተ ያርሾ ኦድ ያርሾ፤ ካልድ ካ ያርሹዋነ ኡሻ ያርሹዋ ያርሾ። 
\v 18 ናዝራወይ ጎዳስ ዱማይዳ ባ ሁጵያ ጌሻ ዱንካንያ ፐንገን ሜደትድ፥ ብናና እስፈተ ያርሾይ ኤፅያ ታማን የጎ።
\p
\v 19 “ናዝራወይ ባ ሁጵያ ሜደትዳፐ ጉየ፥ ካህነይ ዶይሰትዳ ማራዝያ ገዳ አሹዋ ጋይታን ደእያ ኦርደ ኡይፈነ ሌኦ ኡይፈ ኤክድ፥ ናዝራውያ ኩሸን ዎ። 
\v 20 ያትድ ካህነይ ሄ ኡባ ዩሾ ያርሾ ኦድ፥ ጎዳስ ያርሾ። ሄ ኡባይ ካህንያ ግሾ ግድያ አንጋሱዋራነ ገዳራ ካህንያስ ጌሻ ያርሾ ግዴስ። ሄሳፈ ጎዳስ ናዝራወይ ዎይነ ኡሻ ኡዮ። 
\v 21 ህዛ ጎዳስ ባና ዱማይዳ ናዝራወይ ኦና መላ እመትዳ ዎጋይ ሀይሳ። ሽን ናዝራወይ ያርሻናዉ ኮሽያ ያርሾታፐ አድ እማናዉ ቃንግዳባ ግድኮ፥ ባ ቃንገ ጋናዉ ኮሼስ” ያግስ።
\s1 ካህነት አንጅያ አንጁዋ
\p
\v 22 ጎዳይ ሙሰኮ፥ 
\v 23 “አሮንነ እያ አደ ናይት እስራኤለ አሳ አንጅያ ዎደ ሀይሳዳ ያግድ አንጅተ ያጋ፤
\q1
\v 24 “ ‘ጎዳይ ህንተና አንጆ፥ ጎዳይ ህንተና ናጎ፤
\q1
\v 25 ጎዳይ ባ ሶምኡዋ ህንተዉ ፖእሶ፤ እ ህንተዉ ቃቶ፤
\q1
\v 26 ጎዳይ ባ ኬሀ አይፍያን ፄሎ፤ እ ህንተዉ ሳሮተ እሞ’ ያግድ አንጅተ” ያጋ።
\p
\v 27 “ኤንቲ እስራኤለ አሳ ታ ሱንን አንጅያ ዎደ ታ ኤንታ አንጃና” ያግስ።
\c 7
\s1 ጌሻ ዱንካንያ አንጅሶ እሞታታ
\p
\v 1 ሙሰይ ጌሻ ዱንካንያ ቶክድ ኦንግዳ ዎደ ሄ ዱንካንያነ እያ ሚሽያ፥ ያርሾ በሳነ እያ ሚሽያ ኡባ ዛይተን ትይድ ጌሽስ። 
\v 2 ሄሳፈ ጉየ፥ እስራኤለ አሳ ኮቻን ኮቻን ታይብድ ካለያ ዎደ ሀላቃ ግድዳ ኡባይ፥ 
\v 3 ጎዳስ እሞታ ሺሽዶሶና። ኤንቲ እምዳ እሞታይ ናምኡ ሀላቃ ሱንን እስ ፓራ ጋረ፥ ቃስ እስ እስ ሀላቃ ሱንን እስ እስ ቦሩ ኦድ፥ ኡሱፑን ጋረታነ ታማነ ናምኡ ቦራታ ጌሻ ዱንካንያ ኤህዶሶና።
\p
\v 4 ጎዳይ ሙሰኮ፥ 
\v 5 “ጌሻ ዱንካንያ ኦሱዋስ ጎአና መላ ኔኒ ሄ እሞታ ኤንታፈ ኤካዳ፥ ኤንታ ኦሱዋስ ኦሱዋስ ኮሸይሳዳ ሻካዳ ሌወታስ እማ” ያግስ። 
\v 6 ሄሳ ግሾ፥ ሙሰይ ጋረታነ ቦራታ ኤክድ ሌወታስ እሚስ። 
\v 7 ገድሶና ኮቻስ ኮሸይሳዳ ሻክድ ኤንታ ኦሱዋስ ናምኡ ጋረታነ ኦይዱ ቦራታ እሚስ። 
\v 8 መራራ ኮቻስ ኮሸይሳዳ ሻክድ፥ ኤንታ ኦሱዋስ ኡይዱ ጋረታነ ሆስፑን ቦራታ እሚስ። ኤንታ ኦሱዋ አዋተን ካለይ ካህንያ አሮና ናኣ እታማራ። 
\v 9 ሽን ቃሃታ ኮቻ ኦሶይ ዱንካንያ ጌሻ ሚሸታ ሀሸን ቶሆ ግድያ ግሾ ሙሰይ ኤንታዉ ፓራ ጋረነ ቦሩ እምቤና።
\p
\v 10 ሙሰይ ያርሾ በሲ ጎዳስ ዱማይዳ ጋላስ ሀላቃት ያርሾ በሳ ስን ባንታ እሞታ ኤህዶሶና። 
\v 11 ጎዳይ ሙሰኮ፥ “እስ እስ ጋላስ እስ እስ ሀላቃይ ያርሾ በሲ ጎዳስ ዱማያናዉ ባ እሞታ እሞ” ያግስ።
\m
\v 12 ኮይሮ ጋላስ ባ እሞታ ኤህዳይ ይሁዳ ኮቻፈ አምናዳበ ናኣ ናአሶና።
\p
\v 13 ናአሶን ኤህዳ እሞታይ ጌሻ ዱንካነን ኤረትዳ ምዛነን 1,500 ግራመ ብራፐ ኦሰትዳ ፕጫ ሳነ፥ 800 ግራመ ብራፐ ኦሰትዳ ኦላትያ ሳነ፥ ናምኣካ ካ ያርሾ ያርሻናዉ ዛይተራ ዋላከትዳ ሎኦ ለ ኩምዳይሳ፤ 
\v 14 ቃስ 110 ግራመ ዎርቃፈ ኦሰትዳ እፃነይ ኩምዳ ሻተ፤ 
\v 15 ፁሳ ያርሾስ፥ እስ ዎፋኖ፥ እስ ማራዘ፥ እስ ላይ ኡርገ ዶርስ፤ 
\v 16 ናጋራ ያርሾስ እስ ኮለ፤ 
\v 17 እስፈተ ያርሾስ ናምኡ ቦራታ፥ እቻሹ ማራዘታ፥ እቻሹ ኮለታነ እቻሹ ኡርገ ዶርሳታ ኤህስ።
\m ካልያ ሀንኮ ሀላቃትካ አምናዳበ ናአይ ናአሶን እምዳይሳዳ ባንታ እሞታ ኤህዶሶና።
\p
\v 18-23 ናምአን ጋላሳን ይሳኮራ ኮቻፈ ዙአራ ናአይ ናትናኤል ባ እሞታ ኤህስ።
\p
\v 24-29 ሄን ጋላሳን ዛብሎና ኮቻፈ ሄሎና ናአይ ኤልኣብ ባ እሞታ ኤህስ።
\p
\v 30-35 ኦይዳን ጋላሳን ሮቤላ፥ ኮቻፈ ሻደኡራ ናአይ ኤልዙር ባ እሞታ ኤህስ።
\p
\v 36-40 እቻሻን ጋላሳን ስሞና ኮቻፈ ዙርሻዳያ ናአይ ሳሉምኤል ባ እሞታ ኤህስ።
\p
\v 41-47 ኡሱፑን ጋላሳን ጋደ ኮቻፈ ራጉኤላ ናአይ ኤልያሳፍ ባ እሞታ ኤህስ።
\p
\v 48-53 ላፑን ጋላሳን ኤፍሬማ ኮቻፈ አምሁዳ ናአይ ኤልሻማእ ባ እሞታ ኤህስ።
\p
\v 54-59 ሆስፑን ጋላሳን ምናሰ ኮቻፈ ፓዳዙራ ናአይ ጋማልኤል ባ እሞታ ኤህስ።
\p
\v 60-65 ኡዱፉን ጋላሳን ብንያመ ኮቻፈ ግዳኦና ናአይ አብዳን ባ እሞታ ኤህስ።
\p
\v 66-71 ታማን ጋላሳን ዳነ ኮቻፈ አምሳዳያ ናአይ አክኤዘር ባ እሞታ ኤህስ።
\p
\v 72-77 ታማነ እስን ጋላሳን አሴራ ኮቻፈ ኦክራና ናአይ ፓግኤል ባ እሞታ ኤህስ።
\p
\v 78-83 ታማነ ናምአን ጋላሳን ንፍታለመ ኮቻፈ ኤናና ናአይ አክራ ባ እሞታ ኤህስ።
\p
\v 84 ያርሾ በሳይ ትየትያ ዎደ ጎዳስ ዱማያናዉ እስራኤለ ሀላቃት ኤህዳ እሞታይ ሀይሳፈ ካልድ ደኤይሳ።
\p ብራፐ ኦሰትዳ ታማነ ናምኡ ፕጫ ሳነታነ ኦላትያ ሳነታ፤ ዎርቃፈ ኦሰትዳ ታማነ ናምኡ እፃነይ ኩምዳ ሻተታ ኤህዶሶና። 
\v 85 እሶይ እሶይ 1,500 ግራመ ብራፐ ኦሰትዳ ፕጫ ሳነ፤ ቃስ እሶይ እሶይ 800 ግራመ ብራፐ ኦሰትዳ ኦላትያ ሳነ፥ ጌሻ ዱንካነን ኤረትዳ ምዛነን ሄ ኡባ 28 ክሎ ግራመ ኤህዶሶና። 
\v 86 እፃነይ ኩምዳ ታማነ ናምኡ ዎርቃ ሻተታ 1.4 ክሎ ግራመ ጌሻ ዱንካነን ኤረትዳ ምዛነን ሺሽዶሶና። 
\v 87 ፁሳ ያርሾስ ሺቅዳ መሄይ ካ ያርሹዋራ ዎላ ታማነ ናምኡ ዎፋኖታ፥ ታማነ ናምኡ ማራዘ፥ ታማነ ናምኡ እስ ላይ ኡርገ ዶርስነ፥ ታማነ ናምኡ ኮለታ ናጋራ ያርሾስ ሺሽዶሶና። 
\v 88 እስፈተ ያርሾስ ላታማነ ኦይዱ ቦራት፥ ኡሱፑን ታሙ ማራዘታ፥ ኡሱፑን ታሙ ኮለታ፥ ኡሱፑን ታሙ እስ ላይ ኡርገ ዶርሳታ ሺሽዶሶና። ጌሻ ዱንካንያ ዱማያናዉ ትያ ዎደ ሺቅዳ ያርሾት ሀይሳታ።
\p
\v 89 ሙሰይ ጎዳራ ኦደታናዉ ጌሻ ዱንካንያ ገልያ ዎደ ጫቆ ታቦትያ ካማ ቦላ ደእያ ናምኡ ክሩበታፐ ግዶን ግድድ ጎዳይ ኦድሽን ስእስ።
\c 8
\s1 ፆምፐታ ኡተ ማራ
\p
\v 1 ጎዳይ ሙሰኮ፥ 
\v 2 “አሮን ላፑን ፆምፐታ ኮጫ ቦላ ዎያ ዎደ ፖኦይ ስን ባጋራ ደእያ ሄራ ፖእሳና መላ ኦድ ዎ ጋዳ ኦዳ” ያግስ።
\p
\v 3 ጎዳይ ሙሰ ኪትዳይሳዳ፥ አሮን ፆምፐታ ኮጫ ቦላ ዎድ ስን ባጋራ ደእያ ሄራ ፖእሳና መላ ኦስ። 
\v 4 ፆምፐ ዎያ ኮጫይ፥ ጎዳይ ሙሰ በስዳይሳዳ ቶማፐ ብድ ቦላ ጪሻ ጋካናዉ ቆፀትዳ ዎርቃፈ ኦሰትስ።
\s1 ሌወታ ጌሾ ዎጋ
\p
\v 5 ጎዳይ ሙሰኮ፥ 
\v 6 “እስራኤለ አሳ ግዶፈ ሌወታ ሻካዳ ዎጋዳ ኤንታ ጌሻ። 
\v 7 ኔኒ ኤንታ ጌሻናዉ ሀይሳዳ ኦ፤ ጌሽያ ሃ ኤካዳ ኤንታ ቦላ ዉርፃ፤ ኤንቲ ባንታ አሳተ ኡባ ሜደቶ፤ ባንታ ማኡዋ ሜጮ፤ ያንድ ኤንቲ ዎጋዳ ጌሽ ግዳና። 
\v 8 ካልድ ኤንቲ እስ ዎፋኖነ ካ ያርሾስ ግድያ ዛይተራ ዋላሄትዳ ሎኦ ለ ኤኮ፤ ቃስ ኔኒ ናጋራ ያርሾስ ሀራ እስ ዎፋኖ ኤካ። 
\v 9 ሄሳፈ ጉየ እስራኤለ አሳ ኡባ ሺሻዳ፥ ሌወታ ጌሻ ዱንካንያ ስን ኤሀዳ ኤሳ። 
\v 10 እስራኤለ አሳይ ኤንታ ሁጵያ ቦላ ባንታ ኩሽያ ዎ። 
\v 11 ሌወት እስራኤለ አሳ ግዶፈ ታዉ ዱማትድ ኦና መላ ዩሾ ያርሾ ኦድ አሮን ታ ስን ሺሾ። 
\v 12 ሌወት ባንታ ኩሽያ ናምኡ ዎፋኖታ ሁጰን ዎ። ሌወታ ናጋራ አቶተስ እሱዋ ናጋራ ያርሾ፥ ቃስ ሀንኩዋ ፁሳ ያርሾ ኦዳ ጎዳስ ያርሻ።
\p
\v 13 “ሌወታ ሻካዳ ታዉ ዱማያ፤ አሮናነ እያ አደ ናይታ ኤንታ ቦላ ሹማ። 
\v 14 ሄሳዳ ኦዳ ሌወታ እስራኤለ አሳፐ ታዉ ዱማያ፤ ኤንቲ ታባ ግዳና።
\p
\v 15 “ኔኒ ኤንታ ጌሽዳፐነ ዱማይዳፐ ጉየ ሌወት ጌሻ ዱንካንያን ባንታ ኦሱዋ ኦናዉ ዮ። 
\v 16 እስራኤለ አሳ ግዶፈ ኩመ ኤንቲ ታዉ እመትዶሶና፤ እስራኤለን ባይራ የለትዳ አደ ናይታ በሳን ሌወታ ታዉ ኤካስ። 
\v 17 እስራኤለ አሳ ግዶን ባይራ የለትዳ አሰ ግድን መሄ ግድን ኡባይ ታባ። ታኒ ግብፀ ቢታን ባይራ ኡባ ዎዳ ዎደ ኤንታ ታዉ ዱማያስ። 
\v 18 እስራኤለን ባይራ የለትዳ አደ ናይታ በሳን ታዉ ሌወታ ኤካስ። 
\v 19 እስራኤለ አሳ ግዶፈ ሌወታ አሮናስነ እያ አደ ናይታስ እማስ። እስራኤለ አሳይ ጌሻ ዱንካንያኮ ሺቅድ ቆሄቶና መላ ሌወት እስራኤለ አሳ ግሾ ጌሻ ዱንካንያን ኦናዉነ ናጋራ አቶተ ኤሀናዉ ዶረትዶሶና” ያግስ።
\p
\v 20 ጎዳይ ሙሰ ኪትዳይሳዳ፥ ሙሰይ፥ አሮንነ እስራኤለ አሳ ኡባይ ሌወታ ዱማይዶሶና። 
\v 21 ሌወት ባንታና ጌሽዶሶና፤ ባንታ ማኡዋ ሜጭዶሶና። አሮን ኤንታ ጎዳስ ዱማ እሞ ኦድ ሺሽስ፤ ኤንታዉ ናጋራ አቶተስ ያርሽድ ኤንታ ጌሽስ። 
\v 22 ሄሳፈ ጉየ፥ ሌወት አሮናነ እያ አደ ናይታ አዋተ ጋርሳን ግድድ ጌሻ ዱንካንያ ግዶን ባንታ ኦሱዋ ኦናዉ ይዶሶና። ጎዳይ ሙሰ ሌወታ ዱማያናዉ ኪትዳይሳዳ ኤንቲ ኦዶሶና።
\p
\v 23 ጎዳይ ሙሰኮ፥ 
\v 24 “ሀይስ ሌወት ኦና ዎጋ፤ ላይ ላታማነ እቻሻነ እያፐ ቦላ ግድዳ ሌወ አደ ኡባይ ጌሻ ዱንካንያን ኦናዉ ዮ። 
\v 25 ሽን ላይ እሻታሙ ግድያ ዎደ ባንታ ኦሱዋፐ ሸምፖ፤ ዛር ኦፎ። 
\v 26 ኤንቲ ጌሻ ዱንካንያን ኦያ ባንታ እሻታ ኦ ማዳናዉ ዳንዳኦሶና። ሽን ኤንቲ ባንታዉ አይ ኦሶካ ኦፎ። ህዛ ኔኒ ሌወታ ሀይሳዳ ኦስሳ” ያግስ።
\c 9
\s1 ፓስካ ባኣለ
\p
\v 1 እስራኤለ አሳይ ግብፀፈ ከይዳ ናምአን ላይን ኮይሮ አጌናን ሲና መላ ቢታን ጎዳይ ሙሰኮ ሀይሳዳ ያግስ፤ 
\v 2 “እስራኤለ አሳይ ፓስካ ባኣለ እያ ቃማን ቦንቾ። 
\v 3 ሀ አጌናን ታማነ ኦይዳን ጋላሳን እያ ቃማን ኦማርስ እያ ዎጋ ኡባዳነ እያ ኪታ ኡባዳ ቦንቾ” ያግስ። 
\v 4 ሄሳ ግሾ፥ ሙሰይ እስራኤለ አሳይ ፓስካ ባኣለ ቦንቻና መላ ኤንታዉ ኦድስ። 
\v 5 ጎዳይ ሙሰ ኪትዳይሳዳ፥ እስራኤለ አሳይ ኮይሮ አጌናን ታማነ ኦይዳን ጋላሳን፥ ኦማርስ ሲና መላ ቢታን ፓስካ ባኣለ ቦንችዶሶና።
\p
\v 6 ሽን ኤንታፈ ባጋት አሀ ቦችድ ቱንዳ ግሾ ሄ ጋላስ ፓስካ ባኣለ ቦንቻናዉ ዳንዳእቦኮና። ሄሳ ግሾ፥ ኤንቲ ሄ ጋላስ ሙሰኮነ አሮናኮ ይድ፥ 
\v 7 “ኑኒ አሀ ቦችዳ ግሾ ቱንዳ፥ ሽን ሄ ቃማን ሀራ እስራኤለ አሳራ ጎዳስ ያርሾ ያርሾና መላ አይስ ድገትዶ?” ያግዶሶና።
\p
\v 8 ሙሰይ ዛሪድ፥ “ጎዳይ ህንተባ ታዉ ኦዳና ጋካናዉ ጋምእሽተ” ያግስ።
\p
\v 9 ጎዳይ ሙሰኮ፥ 
\v 10 “እስራኤለ አሳኮ ሀይሳዳ ያጋ፤ ህንተፈ ዎይኮ ህንተ ኮቻፈ ኦንካ አሀ ቦችድ ቱንኮ ዎይኮ ኦገትዳባ ግድኮ፥ ፓስካ ባኣለ ቦንቻናዉ ዳንዳኤስ። 
\v 11 ናምአን አጌናን ታማነ ኦይዳን ጋላስ ኦማርስ ፓስካ ባኣለ ቦንቾ። ፓስካ ዶርሳ ኡይራነ ጫሞ ቦንጮራ ሞ። 
\v 12 ሳአይ ዎንታና ጋካናዉ ዶርሳ አሹዋፐ አይብካ አቶፎ፤ ቃስ እያ መቀፈ እሱዋካ መንፎ። ፓስካ ባልያ ዎጋ ኡባ ኦ። 
\v 13 ሽን ጌሽነ ኦገቶና አስ ፓስካ ቦንቾና እፅኮ፥ እ ታ አሳ ግዶፈ ኩረቶ። ጎዳ ያርሹዋ እያ ቃማን ያርሽቦና ግሾ ባ ናጋራ ግሾ ፕርዳ ኤኬስ።
\p
\v 14 “ህንተ ግዶን ደእያ በተ አስ ፓስካ ባኣለ ቦንቻናዉ ኮይኮ፥ ፓስካ ዎጋዳ ቦንቾ። በታንቾይነ ቢታ አዉ ናእ ኡባይ ሄ ዎጋ ኦ” ያግስ።
\s1 ታማ ሻራ
\p
\v 15 ጌሻ ዱንካነይ ቶከትዳ ጋላስ ሻራይ ጌሻ ዱንካንያ ማእስ። ኦማርሳፈ ዶምድ፥ ዎንታ ጋካናዉ ጌሻ ዱንካንያ ቦላራ ደእያ ሻራይ ታማ ዳኔስ። 
\v 16 ሄሳዳ ጋላስ ጋላስ ሻራይ ማኤስ፤ ቃማ ቃማ ሄ ሻራይ ታማዳ ፖኤስ። 
\v 17 ሄ ሻራይ ጌሻ ዱንካንያ ቦላፈ ደንድያ ዎደ ኡባን እስራኤለ አሳይ ባንታ ዱንካንዳ ጉታፐ ደንዶሶና። ቃስ ሄ ሻራይ ዎያ በሳን እስራኤለ አሳይ ዱንካኖሶና። 
\v 18 እስራኤለ አሳይ ጎዳ ኪታን ጉታፐ ደንዶሶና፤ ቃስ ጎዳ ኪታን ዱንካኖሶና። ሻራይ ጌሻ ዱንካንያ ቦላ ጋምእያ ዎደ ኡባን ባንታ ዱንካንዳ ጉታን ጋምኦሶና። 
\v 19 ሻራይ ጌሻ ዱንካንያ ቦላ ዳሮ ጋላስ ጋምእኮካ፥ እስራኤለ አሳይ ጎዳ ኪታ ናጎሶናፐ አትሽን፥ አዉካ ቦኮና። 
\v 20 እስ እስ ቶሆ ሻራይ ጌሻ ዱንካንያ ቦላ ጉ ጋላስ ጋምኤስ። ግድኮካ ኤንቲ ጎዳ ኪታን ዱንካኖሶና፤ ቃስ ጎዳ ኪታን ጉታፐ ደንዶሶና። 
\v 21 እስ እስ ቶሆ ሻራይ ኦማርሳፈ ዎንታና ጋካናዉ ፃላላ ጋምኤስ፤ ሻራይ ደንድያ ዎደ ኤንቲ ደንዶሶና። ጋላስ ግድን፥ ቃማ ግድን፥ ሻራይ ደንድያ ዎደ ኤንቲ ደንዶሶና። 
\v 22 ሻራይ ጌሻ ዱንካንያ ቦላ ናምኡ ጋላስ ግድን ዎይኮ እስ አጌና ዎይኮ እስ ላይ ጋምእን እስራኤለ አሳይ ባንታ ዱንካንዳ ጉታን ጋምኦሶናፐ አትሽን፥ ቦኮና። ሽን ሻራይ ደንድያ ዎደ ኤንትካ ደንዶሶና። 
\v 23 ጎዳይ ሙሰ ኪትዳይሳዳ ኤንቲ ጎዳ ኪታን ዱንካኖሶና ቃስ ጎዳ ኪታን ጉታፐ ደንድድ ቦሶና።
\c 10
\s1 ብራ ብራታፐ ኦሰትዳ ሞይዘታ
\p
\v 1 ጎዳይ ሙሰኮ፥ 
\v 2 አሳ ሺቆስ ፄጋናዉነ ዱንካንዳ ጉታፐ ደንናዉ ማድያ ናምኡ ሞይዘታ ብራፐ ቆፃዳ መ። 
\v 3 ሀ ናምኡ ሞይዘት ፑነትያ ዎደ አሳ ኡባይ ጌሻ ዱንካንያ ፐንገን ኔኮ ሺቆ። 
\v 4 ሽን እስ ሞይዘ ፃላል ፑነትኮ፥ እስራኤለ ኮቻ ሀላቃት ነ ስን ሺቆ። 
\v 5 ሞይዘይ ኮይሮ ፑነትያ ዎደ ጌሻ ዱንካንያፐ ዶሎሀ ባጋን ዱንካንዳ ኮቻይ ደንዶ። 
\v 6 ሞይዘይ ናምአን ፑነትያ ዎደ ዱገሀ ባጋን ዱንካንዳ ኮቻይ ደንዶ። ሞይዘይ ሄሳ ፑነትያ ዎደ ጉታፐ ደንዳናዉ ማላ ግዶ። 
\v 7 አሳ ሺሻናዉ ሞይዘ ፑና፥ ሽን ሀንኮይሳዳ ዱማ ማላራ ፑኖፋ። 
\v 8 ካህነት፥ አሮና ናይት ሞይዘ ፑኖ። ሀይስ ነዉነ ያና የለተ ኡባስ መርና ዎጋ ግዶ።
\p
\v 9 “ህንተ ጋድያ ቦላ ኦላ ደንዳ ህንተ ሞርክያራ ህንተ ኦለታናዉ ከይያ ዎደ ሄ ሞይዘታ ጎችድ ፑንተ። ሄ ዎደ ጎዳይ፥ ህንተ ፆሳይ ህንተና አኬክድ፥ ህንተ ሞርከታፐ አሻና። 
\v 10 ህንተ ኡፋይሳ ጋላሳታን ሄስካ አጌና ፄሮን፥ ኤረትዳ ባለታን፥ ፁሳ ያርሾ ዎደንነ እስፈተ ያርሾ ዎደ ሞይዘ ፑንተ። ሄስ ፆሳ ስንን ህንተና አኬክስያባ ግዳና። ታኒ ጎዳ፥ ህንተ ፆሳ” ያግስ።
\s1 እስራኤለት ሲና የድድ ደንዱዋ
\p
\v 11 አሳይ ግብፀፈ ከይን፥ ናምአን ላይን፥ ናምአን አጌናን፥ ላታማን ጋላሳን፥ ሻራይ ጌሻ ዱንካንያ ቦላፈ ደንድስ። 
\v 12 ያትን አሳይ ሲና መላ ቢታፈ ማራን ማራን ደንድዶሶና፤ ሻራይ ፓራና መላ ቢታ ጋክድ ዎስ። 
\v 13 ጎዳይ ሙሰ ኪትዳይሳዳ ኤንቲ ባናዉ ኮይሮ ደንድዶሶና።
\p
\v 14 ኮይሮ ይሁዳ ኮቻ ባጋን ዱንካንዳ ኮቻይ ባንታ ማላ ኤክድ ከይዶሶና። ኤንታና ካለይ አምናዳበ ናኣ ናአሶና። 
\v 15 ይሳኮራ ኮቻ ካለይ ዙአራ ናኣ ናትናኤላ። 
\v 16 ዛብሎና ኮቻ ካለይ ሄሎና ናኣ ኤልኣባ።
\p
\v 17 ያትን፥ ጌሻ ዱንካነይ ሾደትን፥ ገድሶና ኮቻትነ መራራ ኮቻት ቶክድ ደንድዶሶና።
\p
\v 18 ካልድ ሮቤላ ኮቻ ባጋን ዱንካንዳ ኮቻይ ባንታ ማላ ኦይክደ ከይዶሶና። ሮቤላ ኮቻ ካለይ ሻደኡራ ናኣ ኤልዙራ። 
\v 19 ስሞና ኮቻ ካለይ ዙርሻዳያ ናኣ ሳሉምኤላ። 
\v 20 ጋደ ኮቻ ካለይ ራጉኤላ ናኣ ኤልያሳፋ።
\p
\v 21 ያትን ቃሃታ ኮቻይ ጌሻ ሚሸታ ቶክድ ደንድዶሶና። ኤንቲ ካልያ ጉታ ጋካናፐ ስን ጌሻ ዱንካነይ ቶከትድ ኡቴስ።
\p
\v 22 ካልድ ኤፍሬማ ኮቻ ባጋን ዱንካንዳ ኮቻት ባንታ ማላ ኦይክድ ከዮሶና። ኤፍሬማ ኮቻ ካለይ አምሁዳ ናኣ ኤልሻማአ። 
\v 23 ምናሰ ኮቻ ካለይ ፓዳዙራ ናኣ ጋማልኤላ። 
\v 24 ብንያመ ኮቻ ካለይ ጋድዮና ናኣ አብዳና።
\p
\v 25 ዉርሰን ዳነ ኮቻ ባጋን ዱንካንዳ ኮቻይ፥ ኡባስ ጉየ ባጋራ ካተ ግድድ፥ ባንታ ማላ ኦይክድ ከይዶሶና። ዳነ ኮቻ ካለይ አምሳዳያ ናኣ አክኤዘራ። 
\v 26 አሴራ ኮቻ ካለይ ኦክራና ናኣ ፓግኤላ። 
\v 27 ንፍታለመ ኮቻ ካለይ ኤናና ናኣ አክራ። 
\v 28 እስራኤለ አሳይ ባንታ ዘረን ዘረን ጉታፐ ደንድድ ብያ ማራይ ሄሳ።
\p
\v 29 ሙሰይ ምድያመ አድያ ራጉኤላ ናኣ ሆባባኮ፥ “ጎዳይ ኑስ እማና ግዳ ቢታ ላታናዉ ቦስ፤ ጎዳይ እስራኤለ አንጃና ግዳ ግሾ ኑራ የ፤ ኑኒ ነዉ ሎኦባ ኦና” ያግስ።
\p
\v 30 ያትን ሆባብ፥ “አካይ፥ ታኒ ታ ቢታ ታ ዳቦታኮ ባና” ያግስ።
\p
\v 31 ሙሰይ ዛሪድ፥ “ሀያና፥ ኑና የጋዳ ቦፓ። ኑ ብያ መላ ቢታን ኑኒ ዱንካናና በሳ ነ ኤራሳ፤ ኑ ባና ኦግያ ኑና ካለናዉ ዳንዳኣሳ። 
\v 32 ኔኒ ኑራ ቢኮ፥ ጎዳይ ኑስ እምያ አንጁዋ ኡባ ኑ ኔው ሻካና” ያግስ።
\p
\v 33 አሳይ ጎዳ ዙማፐ ደንድድ፥ ሄ ጋላሳ ኦገ ብዶሶና። ጎዳ ጫቆ ታቦተይ ኤንቲ ሸምፓና በሲ ኮይሸ ሄ ጋላስ ኤንታፈ ስን ስን ብስ። 
\v 34 ኤንቲ ዱንካንዳ ጉታፐ ደንድያ ዎደ ኡባን ጎዳ ሻራይ ጋላስ ጋላስ ኤንታፈ ቦላራ ደኤስ። 
\v 35 ታቦተይ ደንድያ ዎደ ኡባን ሙሰይ፥ “አቤት ጎዳዉ፥ ደንዳ፤ ነ ሞርከት ላለቶ፤ ነና እፀይሳት ነ ስንፈ ባቃቶ” ያጌስ። 
\v 36 ታቦተይ ሸምፕያ ዎደ ኡባን ሙሰይ፥ “አቤት ጎዳዉ፥ ዳሮ ሙኩላን ታይበትያ እስራኤለ አሳኮ ስማ” ያጌስ።
\c 11
\s1 ጎዳፐ ይዳ ታማ
\p
\v 1 እስራኤለ አሳይ ባንታና ጋክዳ መቱዋን ጎዳ ቦላ ዙዙምዶሶና። ኤንታ ዙዙን ጎዳይ ስእዳ ዎደ እያ ሀንቆይ ኤፅን፥ ፁግያ ታማ ኤንታ ቦላ የድስ፤ ሄ ታማይ ኤንቲ ዱንካንዳ ጉታፐ እስ ባጋ ጋፃ ምስ። 
\v 2 ያትን ሙሰይ ኤንታ ግሾ ጎዳ ዎሳና መላ ኤንቲ ሙሰኮ ይድ ዬክዶሶና። ሙሰይ ዎስን ታማይ ቶእስ። 
\v 3 ጎዳ ታማይ ኤንታ ግዶን ኤፅዳ ግሾ፥ ሄ በሳይ ታቤራ\f + \fr 11:3 \fr*\fq ታቤራ፦ \fq*\ft ጉሳይ “ታማ ፁስ” ጉሱ።\ft*\f* ጌተትድ ፄገትስ።
\p
\v 4 እስራኤለታራ ግብፀፈ ከይዳ ዱማ ዱማ ደረይ ሀራ ካ ማናዉ ዳሮ አሞትዶሶና። ኤንቲ፥ “ኑ አሾ አዉፐ ደማኔ? 
\v 5 ኑኒ ግብፀን ደእያ ዎደ ሚሸ ቃንፆና ምያ ሞሉዋ፥ ሌህያ፥ ሀባበ፥ ሹንኩርተ፥ ምስካት ባይና ሹንኩርተነ ቱሙዋ ሀሳዮስ። 
\v 6 ሽን ሀእ ኑ ቆይ ጎርደትስ፤ ኑ አይፈይካ ሀ ማናፈ አትሽን፥ ሀራባ አይባካ በኤና” ያግድ ዬክዶሶና።
\p
\v 7 ማናይ ዴቦ አይፈ ዳኔስ፤ እያ ማላይ ቦ አድልኤ ጪሸ ዳኔስ። 
\v 8 ማናይ ቃማ ዎስ፤ አሳይ ዩይድ እያ ማፅድ ዎፃን ጋጭድ ዎይኮ ኡዱላን ጫድድ ካሶና። ያትድ ኡኮሶና፤ እያ ማልኦይ ሻማሆ ዛይተራ ኡከትዳ ኡይ መላ። 
\v 9 ማን ቃማ ኤንታ ጉታን አካራ ዎስ።
\p
\v 10 አሳይ ባንታ ዱንካንያ ፐንገን ፐንገን ኤቅድ ዬክሽን ሙሰይ ስእስ። ኤንቲ ጎዳ ሀንቁዋ ደንዳ ግሾ፥ ሙሰይ ኡንኤትስ። 
\v 11 ሙሰይ ጎዳኮ፥ “ነ አይልያ፥ ታ ቦላ አይስ ሀ መቱዋ ኤሀዲ? ነ ታናን አይስ ኡፋይታብኪ? ነ ሀ አሳ ኡባ ቶሁዋ ታ ቦላ አይስ ዎዲ? 
\v 12 ሀ አሳ ኡባ ታ ቃንታድናዬ? ዎይኮ ኤንታ ታ የላድናዬ? ነ ኤንታ ማይዛታስ፥ እማና ጋዳ ጫቅዳ ቢታ ጋ ጋዳ ናአ እድማዳ ድችያ አሴዳ ታ ክኦን አይስ ኤንታ የጋዲ? 
\v 13 ሀ አሳ ኡባስ ታ አሾ አዉፐ ኤሀኔ? ኤንቲ ታኮ ይድ፥ ‘ማናዉ ኑስ አሾ እማ’ ያግድ ዬኮሶና። 
\v 14 ታኒ ሀ አሳ ኡባ ታርካ ቶካናዉ ዳንዳእከ፤ ታዉ ሄስ ዴፆ ቶሆ። 
\v 15 ህዛ ኔኒ ታና ሀይሳዳ ኦናፐ ታዉ ቃታ፤ ሀእ ታና ዎ፤ ሀ መቱዋፐ ታ ሸምፓ አጋና” ያግስ።
\s1 ላፑን ታሙ አሳ ዶረተ
\p
\v 16 ጎዳይ ሙሰኮ፥ “አሳ ካለናዉ ዳንዳእያ እስራኤለ ሀላቃታፐ ላፑን ታሙ ጭማታ ዶራ። ኤንታ ጌሻ ዱንካንያኮ ኤሀዳ ነ ማታን ኤሳ። 
\v 17 ታኒ ዎዳ ኔራ ያን ኦደታና፤ ታ ነዉ እምዳ አያናፐ ሻካዳ ኤንታ ቦላ ዎና። ኔኒ አሳ ቶሁዋ ነርካ ቶኮና መላ ኤንቲ ነና ማዳና።
\p
\v 18 “ኔኒ አሳኮ ሀይሳዳ ያጋ፤ ‘ዎንቶ ህንተ አሾ ማና ግሾ ህንተና ጌሽተ። ኑ አሾ አዉፐ ደማኔ? ኑስ ግብፀን ሳእ ሎኦሽን’ ያግድ ህንተ ዬክዳ ዬሁዋ ጎዳይ ስእስ። ሀእ ጎዳይ አሾ እማና፤ ህንተካ ማና። 
\v 19 ህንተ ማናይ እስ ጋላስ ዎይኮ ናምኡ ጋላስ ዎይኮ እቻሹ ጋላስ ዎይኮ ታሙ ጋላስ ዎይኮ ላታሙ ጋላስ ፃላላ ግደና። 
\v 20 ሽን ‘ህንተ ግዶን ደእያ ጎዳ ህንተ ካዳ ግሾነ ግብፀፈ ከዮና አትዳኮ ኑስ ሎኦሽን ግዳ ግሾ፥ ህንተዉ ሲራ ከያና ጋካናዉነ ህንተ ሳለታና ጋካናዉ እስ አጌና ኩመ ህንተ አሾ ማና’ ያጋ” ያግስ።
\p
\v 21 ሽን ሙሰይ ጎዳኮ፥ “ሄኮ፥ ታ 600,000 አሳ ካለሸ ደአይስ። ኔኒ እስ አጌና ኩመ ኤንቲ አሾ ማና መላ እማና ጋሳ። 
\v 22 ሚዛ ዉደነ ዶርሳ ዉደ ኡባ ሹክን ኤንታዉ ግዳኔ? አባን ደእያ ሞሎ ኡባ ሺሽያኮ ኤንታዉ ግዳኔ?” ያግስ።
\p
\v 23 ያትን፥ ጎዳይ ሙሰኮ፥ “ጎዳ ኩሸይ ቃንዬ? ታኒ ነዉ ኦድያባይ ቱሜኮነ ዎርዶኮ ኔኒ ሀእ በአና” ያግስ።
\p
\v 24 ሄሳ ግሾ ሙሰይ ካረ ከይድ፥ ጎዳይ ግዳይሳ አሳስ ኦድስ። እስራኤለ ጭማታፐ ላፑን ታሙ አሳ ሺሽድ፥ ጌሻ ዱንካንያ ዩሾን ኤስስ። 
\v 25 ያትን፥ ጎዳይ ሻራራ ዎድ እያራ ኦደትስ፤ እያ ቦላ ደእያ አያናፐ ኤክድ፥ ሄ ላፑን ታሙ ጭማታ ቦላ ዎስ። አያናይ ኤንታ ቦላ ሸምፕዳ ዎደ ኤንቲ ናበዳ ትንብተ ኦድዶሶና። ሽን ሄሳፈ ጉየ ዛሪድ ትንብተ ኦድቦኮና።
\p
\v 26 ሄ ላፑን ታሙ ጭማታራ ፃፈትዳ አሳታፐ ኤልዳዳነ ሞዳዳ ጌተትያ ናምአት ዱንካንዳ ጉታን አትድ ጌሻ ዱንካንያኮ ይቦኮና። ሽን ኤንታ ቦላካ አያናይ ዎን፥ ዱንካንዳ ጉታን ትንብተ ኦድዶሶና። 
\v 27 እስ ፓን አደይ ሙሰኮ ዎፅ ይድ፥ “ኤልዳድነ ሞዳድ ዱንካንዳ ጉታን ትንብተ ኦዶሶና” ያግስ።
\p
\v 28 ያንን፥ ባ ናአተፈ ዶምድ፥ ሙሰ ማድያ ናወ ናኣ እያሱይ ሙሰኮ፥ “ታ ጎዳዉ፥ ሙሰ፥ ኤንታ ተቃ” ያግስ።
\p
\v 29 ሽን ሙሰይ ዛሪድ፥ “ታ ግሾ ነ ቃናታይ? ጎዳይ ባ አሳ ኡባ ቦላ ባ አያና ዎድ ናበዳ ትንብተ ኦድስያባ ግድያኮ ታ ኡፋይታይስ” ያግስ። 
\v 30 ያትድ፥ ሙሰይነ እስራኤለ ጭማት ዱንካንዳ ጉታ ስምዶሶና።
\p
\v 31 ቆፖና ጎዳይ ጫርኮ ደንድ፥ ሳአፐ ናምኡ ዋ መላ ቁ ግድ ፕራያ ኩራቾታ አባፈ ኤህስ። ኤንታ ዱንካንያ ዩሹዋን ኡባ ባጋራ እስ ጋላሳ ኦገ መላ ሳአን ዎዶሶና። 
\v 32 ሄ ጋላስነ ሄ ቃማ ኡባ፥ ቃስ ዎንተ ጋላስካ አሳይ ካረ ከይድ፥ ሄ ኩራቾታ ኦይክድ ሺሽዶሶና። ኤንታፈ ኦንካ 10 ክሎ ግራመፐ ጉ ሺሽበና። ኤንቲ ዱንካንያ ጉታ ዩሾን መልሳናዉ ምጭዶሶና። 
\v 33 ሽን አሾይ ቡሮ ኤንታ ዶናን ደእሽንነ ሜተትድ ዉሮና ደእሽን፥ ጎዳ ሀንቆይ አሳ ቦላ ኤፅስ፤ ጎዳይ አሳ ዎልቃማ ቦሻን ሾጭስ። 
\v 34 አሾ አሞትድ ሀይቅዳ አሳ ኤንቲ ሄ በሳን ሞግዳ ግሾ ሄ በሳይ ከብሮት-ሀታባ\f + \fr 11:34 \fr*\fq ከብሮት-ሀታባ፦ ሀ ሱን ብርሸይ “አሞ ዱፎ” ጉሱ።\fq*\f* ጌተትድ ሱንትስ። 
\v 35 አሳይ ሄ በሳፈ ደንድ ብድ ሀፀሮታ ጌተትያ በሳን ዱንካንዶሶና።
\c 12
\s1 አሮንነ ማይራማ ሙሰራ ኤቀትዶሶና
\p
\v 1 ሙሰይ ቶጰ ቢታ ማጫስ ኤክዳ ግሾ፥ ማይራማነ አሮን ሙሰ ያግድ ቦርዶሶና። 
\v 2 “ጎዳይ ሙሰ ባጋራ ፃላላ ኦደትዴ? እ ኑ ባጋራ ኦድቤኔ?” ያግዶሶና። ጎዳይ ኤንቲ ግዳይሳ ስእስ። 
\v 3 ሙሰይ ቢታን ደእያ አሳ ኡባፈ አያ አዳ አስ።
\p
\v 4 ቆፖና ጎዳይ ሙሰ፥ አሮናነ ማይራሞ፥ “ህንተ ሄት ጌሻ ዱንካንያኮ ከይተ” ያግስ። ኤንትካ ከይዶሶና። 
\v 5 ጎዳይ ሻራ ቱሳራ ዎድ ጌሻ ዱንካንያ ፐንገን ኤቅድ፥ አሮና! ማይራመ! ያግድ ፄግስ። ኤንቲ ናምአይ እያ ስን ሺቅን፥ 
\v 6 ጎዳይ፥ “ታ ኦደይሳ ስእተ፤ ህንተ ግዶን ናበይ ደእኮ፥ ታ እያዉ ቆንጫይስ፤ ቃስ እያዉ አሙሆን ኦዳይስ። 
\v 7 ሽን ታ አይለይ ሙሰ ሄሳዳ ግደና፤ እ ታ ኬ ኡባን አማነትዳይሳ። 
\v 8 ታኒ ሙሰራ ሶምኦን ኦደታስፐ አትሽን፥ ሌምሶን ኦድከ። እ ታ ማላ በኤስ። ያትን፥ ህንተ ታ አይልያ ሙሰ ቦራናዉ አይስ ያይበከቲ?” ያግስ።
\p
\v 9 ጎዳ ሀንቆይ ኤንታ ቦላ ኤፅን፥ እ ኤንታ አግድ ብስ። 
\v 10 ሻራይ ጌሻ ዱንካንያ ቦላፈ ደንድዳ ዎደ ማይራማ ባሮ ሀርገን ምልፅ ጋዳ ቦፃሱ። አሮን ኢኮ ስሚድ ፄልያ ዎደ ባሮ ሀርገን ኦይከትዳሮ በእስ። 
\v 11 አሮን ሙሰኮ፥ “ሀይ ታ ጎዳዉ፥ ኑኒ ኤያተን ኦዳ ናጋራስ ኑና ሀይሳዳ ሴሮፓ። 
\v 12 እዮ ባ አየ ኡሎፐ ከይያ ዎደ እ አሳተፈ ባጋይ ሜተትን፥ ሀይቅድ የለትዳ ናአ መላ ኦፋ” ያግስ።
\p
\v 13 ያትን፥ ሙሰይ፥ “አቤት ጎዳዉ፥ እዮ ፓርክ” ያግድ ጎዳ ዎስስ።
\p
\v 14 ጎዳይ ሙሰኮ፥ “እ አዋይ እ ሶምኦን ጩትያባ ግድያኮ፥ እያ ላፑን ጋላስ ዬላራ ጋምአዉሱ ግድኬ? ሄሳ ግሾ፥ ላፑን ጋላስ ዱንካንያ ጉታፐ እዮ ጋፃ ከሳዳ ዱማ በሳን ዎ፤ ሄሳፈ ጉየ ስማዳ ዮ” ያግስ። 
\v 15 ያትን፥ ማይራማ ዱንካንያ ጉታፐ ጋፃ ከያዳ ላፑን ጋላስ ኡታሱ። እያ ስማና ጋካናዉ አሳይ ጉታ አግድ ባናዉ ደንድቤና። 
\v 16 ሄሳፈ ጉየ፥ አሳይ ሀፀሮታ ጌተትያ በሳፈ ደንድድ፥ ፓራና መላ ቢታን ዱንካንዶሶና።
\c 13
\s1 ካናነ ዎቻናዉ ኪተትዳ አሳታ
\p
\v 1 ጎዳይ ሙሰኮ፥ 
\v 2 “ታኒ እስራኤለታስ እማና ካናነ ቢታ ዎቻና መላ ታማነ ናምኡ እስራኤለ ኮቻፈ እስ እስ አስ ሀላቃ ኦዳ ኪታ” ያግስ።
\p
\v 3 ያትን ሙሰይ ጎዳይ ኪትዳይሳዳ ፓራና መላ ቢታፈ እስራኤለ ኮቻፈ ታማነ ናምኡ ሀላቃታ ኪትስ። 
\v 4 ኤንታ ሱንይ ሀይሳፈ ካልድ ፃፈትዳይሳታ።
\li1 ሮቤላ ኮቻፈ ዛኩራ ናኣ ሳሙአ፤
\li1
\v 5 ስሞና ኮቻፈ ሆራ ናኣ ሻፋፃ፤
\li1
\v 6 ይሁዳ ኮቻፈ ዮፎና ናኣ ካለባ፤
\li1
\v 7 ይሳኮራ ኮቻፈ ዮሰፋ ናኣ ይግኣላ፤
\li1
\v 8 ኤፍሬማ ኮቻፈ ናወ ናኣ አውሰ፤
\li1
\v 9 ብንያመ ኮቻፈ ራፉ ናኣ ፋልፃ፤
\li1
\v 10 ዛብሎና ኮቻፈ ሶዳ ናኣ ጋድኤላ፤
\li1
\v 11 ዮሰፋ ናኣ ምናሰ ኮቻፈ ሱሳ ናኣ ጋደ፤
\li1
\v 12 ዳነ ኮቻፈ ጋማላ ናኣ አምኤላ፤
\li1
\v 13 አሴራ ኮቻፈ ምካኤላ ናኣ ሳቱራ፤
\li1
\v 14 ንፍታለመ ኮቻፈ ዋፍሳ ናኣ ናህባ፤
\li1
\v 15 ጋደ ኮቻፈ ማካ ናኣ ገኡኤላ።
\m
\v 16 ሄ ቢታ ዎቻና መላ ሙሰይ ኪትዳ አሳታ ሱንይ ሀይሳታ። ሙሰይ ናወ ናኣ አውሰ ሱን እያሱ ግድ ሱን ላምስ።
\p
\v 17 ሙሰይ ኤንታ፥ “ነገበ መላ ቢታ ካንድ ፑደ ደረይ ዳርያ ቢታ ከይተ። 
\v 18 ቢታይ አይ መላ ቢታኮ፥ አሳይ አይ መላ ምኖኮነ ታይቦን ጉኮ ዳሮኮ በእተ። 
\v 19 ኤንቲ ደእያ ቢታይ ሎኦኮ ኢተኮ፥ ኤንታ ካታማት ድረትዳኮነ መላ ደእያኮ፥ 
\v 20 ቢታይ አራደኮ ላደኮ፥ ቢታይ ዎራን ካመትዳኮነ ቁኤኮ በእተ። ምንተ፤ ሄ ቢታን ደእያ ካ አይፍያፐ ኤኮና ዮፕተ” ያግስ። ሄ ዎደይ ዎይነይ ቴርድ ማፀትያ ዎደ።
\p
\v 21 ኤንቲ ከይድ ሲና መላ ቢታፈ ዶምድ፥ ለቦ-ሀማታ ማታን ደእያ ረሆባ ጋካናዉ ደእያ ቢታ ዎችዶሶና። 
\v 22 ነገበ መላ ቢታ ካንድ፥ ከብሮና ጋክዶሶና። ሄ በሳን አክማና፥ ሰሳያነ ታልማያ ጌተትያ ኤናቃ ኮቻት ደኦሶና። ከብሮን ግብፀን ደእያ ፆኣነ ካታማፐ ላፑን ላይ ኮይሮትድ ኬፀትስ።
\p
\v 23 ያራ ካንድ፥ ኤሽኮላ ዛንጋራ ብድ ጋክያ ዎደ ቴራ ዎይነ ታሽያራ ቃንፅዶሶና። ሄ ታሸይ ዴፆ ግድያ ግሾ ናምኡ አስ ካሶ አድ ቶክዶሶና። እያ ቦላ ጉጅድ ኦሮማነነ ባላሰ ም አይፈ ኤክድ ይዶሶና። 
\v 24 እስራኤለ አሳይ ሄ በሳፈ ዎይነ ታሽያ ቃንፅዳ ግሾ ሄ በሳ ኤሽኮላ ዛንጋራ ግድ ፄግዶሶና።
\p
\v 25 ኤንቲ ሄ ቢታ ኦይታሙ ጋላስ ዎችድ ጉየ ስምዶሶና። 
\v 26 ፓራና መላ ቢታን ቃደሳን ደእያ ሙሰኮ፥ አሮናኮነ እስራኤለ ማባራ ኡባኮ ይዶሶና። ኤንቲ በእዳባ አሳ ኡባስ ኦድዶሶና፤ ሄ ቢታፈ ኤክድ ይዳ አይፍያካ ኤንታ በስዶሶና።
\p
\v 27 ኤንቲ ሙሰኮ፥ “ኔኒ ኑና የድዳ ቢታ ብዳ፤ ሄ ቢታን ማነ ኤስ ጎጌስ፤ ሄ ቢታ አይፍያካ ሀይሳ በአ። 
\v 28 ሽን ሄ ቢታን ደእያ አሳይ ዎልቃማ፤ ኤንታ ካታማትካ ግምበ ድርሳን ድረትዳይሳታነ ግታ። ኑኒ ኡባፈ አድ ኤናቃ ኮቻታ ያን በእዳ። 
\v 29 አማለቃት ነገበ መላ ቢታን፤ ህተትነ፥ ያቡሰት ደረይ ዳርያ አሞረታ ቢታን፤ ቃስ ካናነት መደትራነ አባ ዶናንነ ዮርዳኖሰ ሻፋ ጋፃን ደኦሶና” ያግዶሶና።
\p
\v 30 ያትን ካለብ አሳ ሙሰ ስንን ስእ ኦድ፥ “ኑኒ ፆናናዉ ዳንዳእያ ግሾ፥ ሀእ ከይድ ሄ ቢታ የግስድ አነ ኦይኮስ” ያግስ።
\p
\v 31 ሽን ካለባራ ብዳ አሳት፥ “ሄ ቢታ አሳይ ኑፐ አድ ምንያ ግሾ፥ ኑኒ ኤንታ ፆናናዉ ዳንዳኦኮ” ያግዶሶና። 
\v 32 ኤንቲ ዩይድ ዎችዳ ቢታባ እስራኤለ አሳስ ሀይሳዳ ያግድ ኢታ ኦዳ ኦድዶሶና። “ኑኒ ዎችዳ ቢታይ ያን ደእያ አሳካ ምያ ቢታ፤ ያን ደእያ አሳይካ ዳሮ አዱሰ። 
\v 33 ኑኒ ያን ኤናቃ ኮቸ ግድዳ ንፍልመ አሳታ በእዳ። ኤንታ በእዳ አይፈን ኑና ፄልያ ዎደ ኑኒ ፃቆ መላ፤ ኤንትካ ኑና ሄሳዳ በኦሶና” ያግዶሶና።
\c 14
\s1 አሳ ዙዙን
\p
\v 1 ሄ ዎደ ቃማ ማባራ ኡባይ ባንታ ቃላ ቁ ኦድ ዬክዶሶና። 
\v 2 እስራኤለ አሳይ ሙሰ ቦላነ አሮና ቦላ ዙዙምዶሶና። ኩመ ማባራይ፥ “ኑኒ ግብፀ ቢታን ደእሸ ዎይኮ ሀ መላ ቢታን ሀይቅዳ ግዶርኮ። 
\v 3 ኑኒ ማሻን ዉራና መላ ጎዳይ ሀ ቢታ ኑና አይስ ኤሂ? ኑ ማቸትነ ኑ ናይት ድኤታና፤ ሄሳ ሀናናፐ ጉየ ግብፀ ስሞይ ኑስ ኬሄኔ?” ያግዶሶና። 
\v 4 ኤንቲ እሶይ እሱዋኮ፥ “ኑና ካለያ አስ ዶርድ ጉየ ግብፀ ስሞስ” ያግዶሶና።
\p
\v 5 ያትን፥ ሙሰይነ አሮን ሄ በሳን ሺቅዳ እስራኤለ ማባራ ስንን ሶምኦራ ሳአን ጉፋንዶሶና። 
\v 6 ቢታ ዎቻናዉ ብዳ አሳ ግዶፈ ናወ ናኣ እያሱይነ ዮፎና ናኣ ካለብ ባንታ ማኡዋ ፔዶሶና። 
\v 7 እስራኤለ ማባራኮ፥ “ኑኒ ካን ከይድ ዎችዳ ቢታይ ዳሮ ሎኦ። 
\v 8 ጎዳይ ኑናን ኡፋይትያባ ግድኮ ማነ ኤስ ጎግያ ቢታ ኑና ገልሳና፤ ሄ ቢታ ኑስ እማና። 
\v 9 ሄሳ ግሾ፥ ጎዳ ቦላ ማካሎፍተ። ሄ ቢታ አሳስ ያዮፍተ፤ ኤንቲ ኑስ ኦይካ ግዶኮና። ኤንታዉ ኤሾይ ባዋ፤ ጎዳይ ኑራ ደኤስ፤ ህንተ ኤንታዉ ያዮፍተ” ያግዶሶና። 
\v 10 ያትን እስራኤለ ማባራይ ኤንታ ሹቻን ጫዳናዉ ደንድስ።
\p ሄ ዎደ ጎዳ ቦንቾይ ፆሳ ዱንካንያን እስራኤለ አሳ ኡባስ ቆንጭስ። 
\v 11 ጎዳይ ሙሰኮ፥ “ሀ አሳይ ታና ካይ አዉደ ጋካናሴ? ታኒ ኤንታ ግዶን ኦዳ ማላታታ በእሸ፥ አዉደ ጋካናዉ ታናን አማኖና እፃኔ? 
\v 12 ታኒ ኤንታ ጋዶን ሾጫዳ ይሳና፥ ሽን ነና ኤንታፈ ዳርያነ ምንያ ካዎተስ አዋ ኦና” ያግስ።
\p
\v 13 ሙሰይ ዛሪድ ጎዳኮ፥ “ኔኒ ነ ዎልቃን ሀ አሳ ግብፀፈ ከስዳይሳ ኤርያ ግብፀት ሄሳ ስእኮ ዎይጋኔ? 
\v 14 ኤንቲ ሄ ቢታን ደእያ አሳስ ሄሳ ኦዳና። አቤት ጎዳዉ፥ ኔኒ ሀ አሳራ ደኤይሳ ኤንቲ ስእዶሶና። አቤት ጎዳዉ፥ ኑኒ ነና በእዳይሳ፥ ነ ሻራይ ኑ ቦላ ኩያትዳይሳነ ጋላስ ሻራ ቱሳን፥ ቃማ ታማ ቱሳን ኔኒ ኑና ካለዳይሳ ኤንቲ በእዶሶና። 
\v 15 ያትን፥ ሀእ ኔኒ ሀ አሳ ኡባ እስ ቶሆ ዎ ይስያባ ግድኮ ነ ካሰ ኦዳይሳ ስእዳ ካዎተት፥ 
\v 16 ‘ጎዳይ፥ ሀ አሳስ እማና ግድ ጫቅዳ ቢታ ኤንታ ገልሳናዉ ዳንዳእቦና ግሾ መላ ቢታን ዎ ይስስ ያግድ’ ኦዳና።
\p
\v 17 “ሄሳ ግሾ፥ ጎዳዉ፥ ነ ዎልቃ ኑና በሳ፤ ነ ኑስ ገልዳ ቃላ ቆፓ። 
\v 18 ‘ጎዳይ ኤለ ሀንቀተና፤ ማሮትነ ሲቆይ ኩምዳይሳ ናጋራነ ጌላተ አቶ ገይሳ፤ ሽን ባልዳ ኡራ ሴሮና አገና። የልዳይሳታ ናጋራ ግሾ ሄንነ ኦይዳን የለተ ጋካናዉ ናይታ ሴራና’ ያጋዳሳ። 
\v 19 ሀ አሳይ ግብፀፈ ከዮሶፐ ዶማዳ ሀች ጋካናዉ ኤንታ ማርዳይሳዳ ነ መርና ሲቁዋን ሀ አሳ ናጋራ አቶ ጋርክ” ያግስ።
\p
\v 20 ጎዳይ ዛሪድ፥ “ነ ኦይችዳይሳዳ ታ ኤንታ ማራና። 
\v 21 ሽን ታ ደኦ ግደይሳዳነ ታ ቦንቾይ ሳአ ኡባ ኩምዳይሳዳ፥ 
\v 22 ሀ አሳፐ እስ አስካ ሄ ቢታ በኤና። ግብፀ ቢታንነ መላ ቢታን ኦዳ ማላታታ ሀ አሳት በእዶሶና፤ ሽን ኤንቲ ታሙ ቶሆ ታና ፓጭድ ታዉ ኪተቶና እፅዶሶና። 
\v 23 ሄሳ ግሾ፥ ታ ኤንታ ማይዛታስ እማና ጋዳ ጫቅዳ ቢታ ታና ካዳይሳታፐ እሶይካ ገለና። 
\v 24 ሽን ታ አይለይ ካለብ ኤንታፈ ዱማትያ ግሾነ ታና ፖሎ ዎዛናፐ ካልዳ ግሾ፥ እ ካሰ ዎችዳ ቢታ እያዉ እማና፤ እያ ዘረይካ ሄ ቢታ ላታና። 
\v 25 ሽን ሀእ አማለቃትነ ካናነት ዛንጋራን ደእያ ግሾ፥ ዎንቶ ዞኦ አባኮ ኤፍያ ኦግያ ኦይክድ መላ ቢታ ጉየ ስምተ” ያግስ።
\s1 ዙዙምዳ አሳ ሴረተ
\p
\v 26 ጎዳይ ሙሰኮነ አሮናኮ፥ 
\v 27 “ሀ ኢታ አሳይ ታ ቦላ አዉደ ጋካናዉ ዙዙማኔ? ታኒ እስራኤለ አሳ ዙዙን ስአስ። 
\v 28 ሄሳ ግሾ፥ ኔኒ ኤንታዉ ሀይሳዳ ጋዳ ኦዳ፤ ‘ታኒ ታ ደኡዋን ጫቃይስ፤ ህንተ ግዳይሳዳ ታ ህንተዉ ኦና።’ ታኒ፥ ጎዳይ ሀይሳ ኦዳይስ። 
\v 29 አሳይ ታይበትያ ዎደ ላይ ላታማነ እያፐ ቦላ ግድዳ አስ ኡባይ ታ ቦላ ዙዙምዳ ግሾ፥ ህንተ አሀይ ሀ መላ ቢታን ኩንዳና። 
\v 30 ዮፎና ናአ ካለባፐነ ናወ ናአ እያሱፐ አትሽን፥ ህንተፈ ኦንካ ታ ህንተና ላትሳናዉ ጫቅዳ ሄ ቢታ ገለና። 
\v 31 ህንተ፥ ‘ኑ ናይት ድኤት አታና’ ግዳ ህንተ ናይታ፥ ሄ ህንተ ካዳ ቢታ ገልሳና፤ ሄ ቢታይ ኤንታዉ ላታ ግዳና። 
\v 32 ሽን ህንተ አሀይ ሀ መላ ቢታን ኩንድድ አታና። 
\v 33 ህንተ አማነትቦና ግሾ፥ ህንተፈ ዉርሰ አሀይ ሀ መላ ቢታን ኩንዳና ጋካናዉ፥ ህንተ ናይት ሀ መላ ቢታን ዋየትሸ ኦይታሙ ላይ ዶርሰ ሄማና። 
\v 34 ህንተ ቢታ ዎችዳ ኦይታሙ ጋላሳ ታይቦን፥ እስ ጋላሳስ እስ ላይ፥ ኦይታሙ ላይ ህንተ ናጋራ ግሾ ዋየታና፤ ሄ ዎደ ታ ህንተ ቦላ አይ መላ ሀንቀትዳኮ ህንተ ኤራና። 
\v 35 እስፈ ታ ቦላ ደንድዳ ሀ ኢታ ማባራ ቦላ ታ ሀይሳዳ ኦና፤ ኤንቲ ሀ መላ ቢታን ኩንድ አታና ሀይሳን ኤንቲ ሀይቃና፤ ታ ጎዳይ ሀይሳ ኦዳይስ” ያግስ።
\p
\v 36 ሄ ቢታ ዎቻና መላ ሙሰይ ኪትዳ አሳት ስሚድ፥ ሄ ቢታባ ኢታ ኦዳ ኦድድ፥ ሙሰ ቦላ አሳይ ዙዙማና መላ ኦዳይሳት፥ 
\v 37 ጎዳ ስንን ቦሻን ሀይቅዶሶና። 
\v 38 ሄ ቢታ ዎቻናዉ ብዳ አሳፐ ዮፎና ናአይ ካለብነ ናወ ናአይ እያሱ ፃላል አትዶሶና።
\p
\v 39 ሙሰይ ሄሳ እስራኤለ አሳስ ኦድዳ ዎደ አሳይ ዳሮ ዬክስ። 
\v 40 ዎንተ ጋላስ ዎንታ ጉራ ደንድድ፥ ገዘ ቢታ ከይድ፥ “ኑኒ ናጋራ ኦዳ፥ ሽን ሀእ ጎዳይ ኑስ እማና ግዳ በሳ ፑደ ከያና” ያግዶሶና።
\p
\v 41 ሽን ሙሰይ ኤንታኮ፥ “ጎዳ ኪታ ህንተ አይስ መንቲ? ህንተዉ ሀነና። 
\v 42 ጎዳይ ህንተራ ዶና ግሾ፥ ቦፕተ፤ ህንተ ሞርከት ህንተና ፆናና። 
\v 43 አማለቃ አሳራነ ካናነ አሳራ ህንተ ኦለትድ ማሻን ሀይቃና። ጎዳስ ህንተ ኪተቶና እፅዳ ግሾ፥ ጎዳይ ህንተራ ዴና” ያግስ።
\p
\v 44 ሽን ኤንቲ ጎዳ ጫቆ ታቦተይነ ሙሰይ ጉታፐ ደንዶና ደእሽን፥ ደረይ ዳርያ ቢታ ባናዉ ምንድ ደንድዶሶና። 
\v 45 ያንን ደረይ ዳርያ ቢታን ደእያ አማለቃ አሳይነ ካናነ አሳይ ኤንታ ኦላን ፆንድ፥ ሆርማ ጋካናዉ ኤንታ የደዶሶና።
\c 15
\s1 ያርሾ ዎጋ
\p
\v 1 ጎዳይ ሙሰኮ፥ 
\v 2 “እስራኤለ አሳ ሀይሳዳ ያጋ፤ ህንተ ዳና መላ ታ ህንተዉ እምያ ቢታ ገልያ ዎደ፥ 
\v 3 ፁሳ ያርሾ ግድን ዎይኮ ጋሶ ያርሾ ግድን ዎይኮ ዶሳን ያርሽያ ያርሾ ግድን ዎይኮ ባኣለ ጋላሳ ያርሾ ግድን፥ መሄፐ ዎይኮ ዶርሳፈ ጎዳስ ታማን ፁገትያ ሳውያ ያርሾ ያርሽተ። 
\v 4 ያርሹዋ ያርሽያ ኡራይ ካ ያርሹዋስ እስ ክሎ ግራመ ሎኦ ለ ሳይሶ ልትሮ ሻማሆ ዛይተን ሙኑቀትዳይሳ ኤሆ። 
\v 5 ቃስ ፁሳ ያርሾስ ዎይኮ ሀራ ያርሾስ ኤህያ እስ እስ ዶርሳራ ሳይሶ ልትሮ ዎይነ ኡሻ ያርሾ ኦድ ጊግስተ። 
\v 6 ማራዘ ያርሽያ ዎደ ናምኡ ክሎ ግራመ ሎኦ ለ እስ ልትሮነ ባጋ ሻማሆ ዛይተን ሙኑቀትዳይሳ ኤህተ። 
\v 7 ኡሻ ያርሹዋስ ስኮ ልትሮ ዎይነ ኡሻ ያርሹዋስ ኤህተ። ሄስ ጎዳስ ሳውያ ያርሾ ግዳና። 
\v 8 ጋሶ ዎይኮ እስፈተ ያርሾስ ዎፋኖ ፁሳ ያርሾ ኦዳ ጎዳስ ያርሽያ ዎደ፥ 
\v 9 ዎፋኑዋራ እስፈ ሄ ክሎ ግራመ ሎኦ ለ፥ ናምኡ ልትሮ ሻማሆ ዛይተን ሙኑቀትዳይሳ ካ ያርሾ ኦዳ ኤሀ። 
\v 10 ኡሻ ያርሹዋስ ባጋ ልትሮ ዎይነ ኡሻ ኤህተ። ሄስ ጎዳስ ሳውያ ፁሳ ያርሾ ግዳና።
\p
\v 11 “እስ እስ ዎፋኖይ ዎይኮ እስ እስ ማራዘይ ዎይኮ እስ እስ ኮለይ ያርሸትያ ዎደ ሀይሳዳ ሀንድ ኦሰቶ። 
\v 12 ዳሮ መሄይ ያርሸትያ ዎደ ያርሸትያ ካ ያርሾይካ ሄሳዳ ዳሮ። 
\v 13 እስራኤለ አስ ግድዳ ኦንካ ሳውያ ፁሳ ያርሾ ጎዳስ ያርሽያ ዎደ ኡባን ሀይሳዳ ኦናዉ ኮሼስ። 
\v 14 ያና የለተን ህንተ ግዶን ደእያ በተ ዎይኮ ሀራ አስ ኦንካ ሳውያ ፁሳ ያርሾ ጎዳስ ያርሻናዉ ኮይኮ ሄሳዳ ኦናዉ ኮሼስ። 
\v 15 ህንተዉነ ህንተ ግዶን ደእያ በተ አሳስ ሄ ዎጋይ እስኖ፤ ሄስ ያና የለተስካ ኤቅድ ዳና ዎጋ፤ ህንተካ በተ አሳትካ ጎዳ ስንን እስኖ። 
\v 16 ህንተዉነ ህንተ ግዶን ደእያ በተ አሳስ ህገይነ ዎጋይ እስኖ” ያግስ።
\p
\v 17 ጎዳይ ሙሰኮ፥ 
\v 18 “እስራኤለ አሳስ ሀይሳዳ ጋዳ ኦዳ፤ ታኒ ህንተና ኤፍያ ቢታ ህንተ ገልድ፥ 
\v 19 ሄ ቢታን ካፅያ ካ ህንተ ምያ ዎደ ሄ ካፈ ፄራ ከስድ ህንተ ጎዳስ ያርሽተ። 
\v 20 ሄስካ፥ ባይራ ካፅዳ ካፈ ኡክዳ ኮይሮ ኡይ፥ ግድሽን፥ ካ ቡክያ ዉዱማፈ እምያ ያርሾ ኦድ ያርሽተ። 
\v 21 የለተ ኡባን ህንተ ቢታን ካፅዳ ካፈ ኮይሩዋ ኡክድ ጎዳስ ያርሾ ያርሽተ።
\p
\v 22 “ጎዳይ፥ ሙሰስ ኦድዳ ኪታ ህንተ ኤሮና እፅድ ናጎና አትኮ፥ 
\v 23 ዎይኮ ጎዳይ እያ ባጋራ እምዳ ኪታ ኡባ፥ ጎዳይ እምዳ ጋላሳፐ ዶምድ ያና የለተ ጋካናዉ ናጎና እፅኮ፥ 
\v 24 ቃስ ሄሳ እስራኤለ ማባራይ ኤሮና ኦዳባ ግድኮ ማባራ ኡባይ ጎዳስ እስ ዎፋኖ ሳውያ ፁሳ ያርሾ ኦድ፥ ዎጋይ ኪተይሳዳ ካ ያርሹዋራነ ኡሻ ያርሹዋራ ያርሾ፤ ቃስ ናጋራ ያርሾ ኦድ እስ ኮለ ያርሾ። 
\v 25 ካህነይ ኩመ እስራኤለ ማባራስ ናጋራ አቶተ ያርሾ ሺሼስ። ኤንቲ ኤሮና ባልዳ ባንታ ናቁዋ ግሾ ጎዳስ ፁሳ ያርሾነ ናጋራ ያርሾ ያርሽዳ ግሾ ኤንታ ናጋራይ አቶ ጌተታና። 
\v 26 እስራኤለ ማባራይነ ኤንታ ግዶን ደእያ በተ አሳይ ኤሮና ሄ ባላ ኦዳ ግሾ አሳ ኡባ ናጋራይ አቶ ጌተታና።
\p
\v 27 “እስ አስ ኤሮና ናጋራ ኦኮ እስ ላይ ኮለ ናጋራ ያርሾ ኦድ ያርሾ። 
\v 28 ኤሮና ደእሸ ናጋራ ኦዳ ኡራስ ካህነይ ጎዳ ስንን ናጋራ አቶተ ዎጋ ፖሎ፤ እያ ናጋራይ አቶ ጌተታና። 
\v 29 ኤሮና ናጋራ ኦዳ ኡራስ ካህነይ ጎዳ ስንን ናጋራ አቶተ ዎጋ ፖሎ፤ እያ ናጋራይ አቶ ጌተታና።
\p
\v 30 “ሽን እስራኤለ አስ ግድን ዎይኮ በተ አስ ግድን ኤርሸ ኦቶሮን ናጋራ ኦያ ኡራይ ጎዳ ጫዬስ። ሄ ኡራይ ደርያ ግዶፈ ዮ። 
\v 31 ሄ ኡራይ ጎዳ ኪታ ኤርሸ ካዳ ግሾነ እያ ኪታ ካዉሽዳ ግሾ እያዉ ዮይ በሴስ። እያ ባላይ እያ ቦላ ግዶ” ያግስ።
\s1 ሳምባታ መንዳ ኡራ
\p
\v 32 እስ ጋላስ እስራኤለ አሳይ መላ ቢታን ደእሽን፥ እስ ኡራይ ሳምባታ ጋላስ ም ምፅሸ ኦይከትስ። 
\v 33 ሄ ኡራ አሳይ ሙሰኮ፥ አሮናኮነ እስራኤለ ማባራኮ ኤህዶሶና። 
\v 34 ኤንቲ እያ ቦላ ኦናባ ኤርቦና ግሾ ቃሾን ጋምእስዶሶና። 
\v 35 ሄሳፈ ጉየ ጎዳይ ሙሰኮ፥ “ሀ ኡራይ ሀይቃናዉ በሴስ፤ እስራኤለ ማባራይ ባንታ ጉታፐ ጋፃ ከስድ ሹቻን ጫድድ ዎ” ያግስ። 
\v 36 ያትን እስራኤለ ማባራ ኡባይ ጎዳይ ሙሰ ኪትዳይሳዳ፥ ጉታፐ ጋፃ ከስድ ሹቻን ጫድድ ዎዶሶና።
\s1 አፍላ ማጫራ ዎጋ
\p
\v 37 ጎዳይ ሙሰኮ፥ 
\v 38 “እስራኤለ አሳስ ሀይሳዳ ጋዳ ኦዳ፤ ህንተነ ያና የለተይ ህንተ አፍላ ጋፃን ማጫራ ከስድ ሄ ማጫራ ጋፃን ካሎሰ ቃጭና ስክተ። 
\v 39 ሄ ማጫራ ህንተ በእያ ዎደ ኡባን ታ ኪታታ፥ አኬክድ ፖሌታ፤ ታፐ ሃክድ ህንተ አይፍያ አሙዋነ ህንተ ዎዛና ቆፋ ካልድ ላመተከታ። 
\v 40 ሄ ማጫራ በእድ ህንተ ታ ኪታ ኡባ አኬክድ ፖላናነ ፆሳስ ዱማትዳይሳታ ግዳና። 
\v 41 ታኒ ጎዳ፥ ህንተ ፆሳ፤ ታ ህንተ ፆሳ ግዳናዉ ህንተና ግብፀፈ ከሳስ። ታኒ ጎዳ፥ ህንተ ፆሳ ያጋ” ያግስ።
\c 16
\s1 ቆረ፥ ዳታነነ አቤሮ
\p
\v 1 ሌወ ኮቻፈ ቃሃታ ኮቸ ግድዳ ይስአራ ናአይ ቆረይ፥ ሮቤላ ኮቻፈ ኤልኣባ ናይት ዳታነይነ አቤሮይ ቃስ ፋለታ ናአይ ኦን፥ 
\v 2 ሙሰ ቦላ ደንድዶሶና። ኤንታራ ናምኡ ፄታነ እሻታሙ አሳት ደኦሶና፤ ሄ አሳት አሳን ኤረትዳይሳታነ ማባራ ካለይሳታ። 
\v 3 ኤንቲ ሙሰነ አሮና ስን ሺቅድ፥ “ህንተ ዳርስደታ፤ ማባራ ኡባይ ጌሽ፤ ጎዳይ ኤንታራ ደኤስ። ያትን፥ ጎዳ ማባራ ቦላ ህንተና አይስ ቁ ቁ ኦቲ?” ያግዶሶና።
\p
\v 4 ሙሰይ ሄሳ ስእዳ ዎደ ጎዳ ስንን ጉፋንስ። 
\v 5 ቆረኮነ እያ ጩጋኮ፥ “ጎዳይ ዎንቶ ዎንታ ኦን እያ ባገኮነ ኦን ጌሸኮ በሳና፤ ሄ እ ዶርዳ ኡራ ባኮ ሺሻና፤ ሄ ኡራይ እያኮ ሺቃና። 
\v 6 ዎንቶ ዎንታ ኔራነ ነ አሳራ ሀይሳ ኦተ፤ እፃነ ጩይስያ ሚሸ ኤክድ፥ 
\v 7 ቦንቆ ታማ እያን ዎድ፥ ጎዳ ስንን እፃነ ጩይስተ። ጎዳይ ዶርያ ኡራይ እ ጌሽ ግዳና። ህንተ፥ ሌወት ዛዋፐ አደታ።”
\p
\v 8 ቃስካ ሙሰይ ቆረኮ፥ “ህንተ ሌወት ስእተ። 
\v 9 እስራኤለ ፆሳይ ህንተና ባ ማባራ ግዶፈ ዱማይድ፥ ጌሻ ዱንካንያን ኦና መላነ ባ አሳ ስንን ኤቅድ ሀጋዛና መላ ባኮ ሺሽዳይስ ህንተዉ ጉፅዴ? 
\v 10 እ ህንተናነ ህንተ እሻታ ሌወታ ኡባ ባኮ ሺሽስ፤ ሽን ሀእ ህንተ ካህነታ በሳ ኮዬታ። 
\v 11 ኔንነ ነ ጩጋ ኡባይ ጎዳ ቦላ ማካልድ ደንድደታ፤ ህንተ እያ ቦላ ዙዙማናዉ እ አሮን ኦኔ?” ያግስ።
\p
\v 12 “ያትድ፥ ሙሰይ፥ ኤልኣባ ናይታ፥ ዳታነነ አቤሮ ፄግስስ፤ ሽን ኤንቲ፥ ‘ኑኒ ቦኮ’ ያግዶሶና። 
\v 13 ኔኒ መላ ቢታን ኑና ዎናዉ ማነ ኤስ ጎግያ ቢታፈ ኑና ከስዳይስ ጉፅስ ጋዳ ሀእ ኑ ቦላ ሀላቃ ግዳናዉ ኮያይ? 
\v 14 ኔኒ ኑና ማነ ኤስ ጎግያ ቢታ ገልሳባካ፤ ዎይኮ ኔኒ ኑስ ላታ ኦዳ ጎሻ ጋደነ ዎይነ ጋደ እማባካ፤ ኔኒ ኑና ጭማሳ፤ ኑኒ ቦኮ” ያግዶሶና።
\p
\v 15 ያትን፥ ሙሰይ ዳሮ ሀንቀትድ፥ ጎዳኮ፥ “ኔኒ ኤንታ ያርሹዋ ኤኮፋ፤ ታ ኤንታፈ እሱዋካ ቆሀብከ፤ ቃስ ሀር አቶሽን እስ ሀረካ ኤንታፈ ኤካብከ” ያግስ።
\p
\v 16 ቃስ ሙሰይ ቆረኮ፥ “ዎንቶ ኔራነ ነ አሳራ ሄሳዳ አሮንካ ጎዳ ስን ሺቅተ። 
\v 17 እስ እስ አስ ባ እፃነ ጩይስያ ሚሽያ ኤኮ፤ እፃነካ እያን ዎ፤ ኡባይ እስፈ ናምኡ ፄታነ እሻታሙ እፃነ ጩይስያ ሚሸ ግዴስ፤ እፃነ እያን ዎድ ጎዳ ስን ሺሾ። ኔኒነ አሮን ህንተ እፃንያ ሄሳዳ ሺሽተ” ያግስ። 
\v 18 ያትን፥ እስ እስ አስ ባ ሚሸን እፃነነ ታማ ቦንቆ ዎድ ጌሻ ዱንካንያ ፐንገን ሙሰራነ አሮናራ እስፈ ኤቅዶሶና። 
\v 19 ቆረይ ባ አሳራ ጌሻ ዱንካንያ ፐንገን ሙሰ ስንንነ አሮና ስንን ኤቅዶሶና። ሄ ዎደ ጎዳ ቦንቾይ ኩመ ማባራስ ቆንጭስ። 
\v 20 ጎዳይ ሙሰኮነ አሮናኮ፥ 
\v 21 “ታኒ እስ ቶሆ ሀ አሳ ይሳና ግሾ፥ ኤንታፈ ሻከትተ” ያግስ።
\p
\v 22 ሽን ሙሰይነ አሮን ሳአን ጉፋንድ፥ “አቤት ፆሳዉ፥ አሳ ሸምፖ ኡባ መዳ ፆሳዉ፥ እስ አስ ናጋራ ኦኮ፥ ኔኒ ኩመ ማባራ ሀንቀታዬ?” ያግዶሶና።
\p
\v 23 ያትን፥ ጎዳይ ሙሰኮ፥ 
\v 24 “አሳስ ‘ቆረ፥ ዳታነነ አቤሮ ዱንካንያ ማታፐ ክችተ’ ጋዳ ኦዳ” ያግስ።
\p
\v 25 ሙሰይ ደንድድ፥ ዳታነኮነ አቤሮኮ ብን፥ እስራኤለ ጭማት እያ ካልዶሶና። 
\v 26 እ ማባራኮ፥ “ሀ ኢታ አሳ ዱንካንያ ማታፐ ክችተ፤ ኤንታባ አይብባካ ቦቾፍተ። አካይ፥ ጊኮ፥ ኤንታ ናጋራ ጋሶን ህንተካ ፕተትድ ያና” ያግድ ምንድ ኦድስ።
\p
\v 27 ያትን አሳይ ቆረ፥ ዳታነነ አቤሮ ዱንካንያ ማታፐ ክችዶሶና። ዳታነይነ አቤሮይ ካረ ከይድ፥ ባንታ ማቸታራነ ባንታ ናይታራ ባንታ ዱንካነታ ፐንገን ኤቅዶሶና። 
\v 28 ሙሰይ አሳኮ፥ “ታኒ ሀ ኦሶ ኡባ ኦና መላ፥ ጎዳይ ታና ኪትዳይሳነ ታኒ ታ ሸነን ኦናይሳ ህንተ ኤራናይ ሀይሳና። 
\v 29 ሀ አሳት አስ ሀይቀይሳዳ ሀይቅኮ ዎይኮ አሳ ቦላ ጋክያባ ፃላል ኤንታ ቦላ ጋክኮ ጎዳይ ታና ኪትቤና። 
\v 30 ሽን፥ ጎዳይ ኦራባ ኦድ፥ ቢታይ ዶየትድ ኤንታነ ኤንታዉ ደእያባ ኡባ ምትኮነ ኤንቲ ፓፃ ደእሸ ዱፎ ገልኮ ሄ ዎደ ሀ አሳት ጎዳ ካዳይሳ ህንተ ኤራና” ያግስ።
\p
\v 31 እ ያግድ ኦንግዳ ዎደ ኤንቲ ኤቅዳ ቢታይ ዶየትድ፥ 
\v 32 ኤንታነ ኤንታ ሶ አሳ፥ ቆረ ጩጋ ኡባነ ኤንታዉ ደእያባ ኡባ ምትስ። 
\v 33 ያትን ኤንቲ ባንታዉ ደእያባ ኡባራ ፓፃ ደእሸ፥ ዱፎ ገልዶሶና። ቢታይ ኤንታ ቦላ ጎርደትስ፤ ኤንቲ ማባራ ግዶፈ ይዶሶና። 
\v 34 ኤንታ ዋሱዋ ጋሶን ኤንታ ማታን ደእያ እስራኤለ አሳ ኡባይ፥ “ቢታይ ኑናካ ምታና ሀኔስ” ያግድ ባቃትዶሶና።
\p
\v 35 ቃስ ታም ጎዳ ማታፐ ይድ እፃነ ጩይስያ ናምኡ ፄታነ እሻታሙ አሳ ምስ።
\p
\v 36 ሄሳፈ ጉየ ጎዳይ ሙሰኮ፥ 
\v 37 “ካህነይ፥ አሮና ናኣ አላዛር ናሰ ብራታፐ ኦሰትዳ እፃነ ጩይስያ ሚሸታ ፁገትዳ አሳፐ ኤክድ፥ ሄ ሚሸት ጌሽ ግድያ ግሾ፥ ቦንቆ ታማ ሀራ ሶ ኤፍድ ላላና መላ ኦዳ። 
\v 38 ሄ ሚሸት ባንታ ደኡዋ ይሳናዉ ናጋራ ኦዳ አሳይ እፃነ ጩይስያ ሚሸ። ሄ ሚሸት ጎዳስ እመትዳ ግሾነ ጌሽ ግድያ ግሾ ሌእሳ ቆፃዳ ያርሾ በሳ ላንፃ። ሄስ እስራኤለ አሳስ ናግሶ ማላ ግዶ” ያግስ።
\p
\v 39 ያትን ካህነይ አላዛር እፃነ ጩይስያ ሚሸታ ኤክድ ያርሾ በሳ ላንፃናዉ ሌእስድ ቆፅስ። 
\v 40 ጎዳይ ሙሰ ባጋራ ኪትዳይሳዳ፥ አሮና ኮቸ ግዶና ኦንካ ጎዳ ስንን እፃነ ጩይሳናዉ ሺቆና መላ፥ እፃስ ጊኮ፥ ቆረ ቦላነ እያ ካለይሳታ ቦላ ጋክዳይስ እያ ጋኮና መላ እስራኤለ አሳ አኬክሳናዉ ሀይሳታ ኦስ።
\p
\v 41 ዎንተ ጋላስ እስራኤለ ማባራ ኡባይ፥ “ጎዳ አሳ ህንተ ዎደታ” ያግድ ሙሰ ቦላነ አሮና ቦላ ዙዙምዶሶና። 
\v 42 ኤንቲ ሙሰነ አሮና ቦላ ደንዳናዉ ሺቅድ፥ ኤንቲ ጌሻ ዱንካንያ ፄልያ ዎደ ሻራይ ጌሻ ዱንካንያ ካምን፥ ጎዳ ቦንቾይ ቆንጭስ።
\p
\v 43 ሄሳፈ ጉየ፥ ሙሰይነ አሮን ጌሻ ዱንካንያ ስን ይድ ኤቅዶሶና። 
\v 44 ያትን ጎዳይ ሙሰኮ፥ 
\v 45 “ሀ አሳ ግዶፈ ክችተ፤ ታ ኤንታ እስ ቶሆን ይሳና” ያግስ።
\p ሙሰይነ አሮን ሳአን ጉፋንዶሶና። 
\v 46 ሙሰይ አሮናኮ፥ “እፃነ ጩይስያ ነ ሚሽያ ኤካዳ ያርሾ በሳፈ ቦንቆ ታማ ኤካዳ እያን ዎ፤ እያ ቦላ እፃነ ጉጃዳ እስራኤለ ማባራኮ ኤፋ። ጎዳ ሀንቆይ እያ ማታፐ ከይ ክችስ፤ ቦሻይካ ዶምስ” ያግስ። 
\v 47 ያትን አሮን፥ ሙሰይ ኪትዳይሳዳ ባ እፃነ ጩይስያ ሚሽያ ኤክድ ማባራ ግዶ ዎፅድ ገልስ። ቦሻይ አሳ ዎ ኦይክስ ሽን፥ አሮን እፃነ ጩይስድ አሳስ አቶተ ኤህስ። 
\v 48 ያትድ፥ እ ሀይቅዳይሳታነ ፓፃታ ግዶን ኤቅን፥ ቦሻይ አግስ። 
\v 49 ቆረ ጋሶን ሀይቅዳ አሳይ አትሽን፥ ሄ ቦሻን ሀይቅዳ አሳ ታይቦይ 14,700. 
\v 50 ቦሻይ ኤቅዳፐ ጉየ፥ አሮን ጌሻ ዱንካንያ ፐንገን ደእያ ሙሰኮ ስምስ።
\c 17
\s1 አሮና ፃምአ አጨ
\p
\v 1 ጎዳይ ሙሰኮ፥ 
\v 2 “እስራኤለ አሳይ እስ እስ ኮቻ ሀላቃታፐ እስ እስ ፃምአ ኤክድ ታማነ ናምኡ ፃምአ ነዉ ኤሀና መላ ኤንታዉ ኦዳ። ሄ ፃምኣ ቦላ እስ እስ አሳ ሱን ፃፋ። 
\v 3 እስ እስ ኮቻ ሀላቃስ እስ ፃምአ ኮሽያ ግሾ፥ ሌወ ፃምኣ ቦላ አሮና ሱን ፃፋ። 
\v 4 ሄ ፃምአታ ጌሻ ዱንካንያ ግዶን ታ ኔራ ጋሄትያ ታቦትያ ስንን ዎ። 
\v 5 ታ ዶርያ ኡራ ፃምአይ አጫና፤ ሄሳዳ ኦዳ ህንተ ቦላ እስራኤለ አሳ ዙዙን ታ ተቃና” ያግስ።
\p
\v 6 ሄሳ ሙሰይ እስራኤለ አሳስ ኦድን፥ ታማነ ናምኡ ሀላቃት ሁጰን ሁጰን እስ እስ ፃምአ ኤህዶሶና። አሮና ፃምአይካ ሄ ፃምአታ ግዶን ደኤስ። 
\v 7 ሙሰይ ሄ ፃምአታ ኡባ ጌሻ ዱንካንያ ግዶን ጎዳ ስንን ዎስ።
\p
\v 8 ዎንተ ጋላስ ሙሰይ ጌሻ ዱንካንያ ግዶ ገልያ ዎደ ሌወ ኮቸ ግድዳ አሮና ፃምአይ አጭዳይሳ፥ ጋምቡፅዳይሳ፥ ጪይዳይሳነ ላዉዘ ም አይፈ አይፍዳይሳ በእስ። 
\v 9 ሙሰይ ፃምአ ኡባ ጎዳ ስንፈ ኤህድ እስራኤለ አሳ በስስ። ኤንቲ ሀንዳባ በእዳፐ ጉየ እስ እስ ሀላቃይ ባንታ ፃምኣ ፃምኣ ኤክዶሶና። 
\v 10 ጎዳይ ሙሰኮ፥ “አሮና ፃምኣ ታቦትያ ስንን ዛራዳ ዎ። ማካልዳ እስራኤለ አሳይ ታ ቦላ ዙዙን አጎና እፅኮ ሀይቃናይሳ ኤንታዉ ማላታ ኦዳ ዎ” ያግስ። 
\v 11 ሙሰይ፥ ጎዳይ ኪትዳይሳዳ ኦስ።
\p
\v 12 እስራኤለ አሳይ ሙሰኮ፥ “ሄሳ ግድኮ፥ ኑ ኡባይ ሀይቃና፤ ያና። 
\v 13 ጌሻ ዱንካንያኮ ሺቅያ ኡባይ ሀይቃና ግድኮ፥ ኑ ኡባይካ ሀይቆስ ጉሰዬ?” ያግዶሶና።
\c 18
\s1 ካህነታነ ሌወታ ኦሱዋ
\p
\v 1 ጎዳይ አሮናኮ፥ “ጌሻ ዱንካንያን ኦሰትያ ናጋራስ ኔኒ፥ ነ አደ ናይትነ ነ አዋ ሶ አሳይ ኦይሸታና፤ ህንተ ካህነተ ኦሱዋን ፖለትያ ናጋራ ነነ ነ አደ ናይታ ፃላል ኦይሸታና። 
\v 2 ኔንነ ነ አደ ናይት ጌሻ ዱንካንያ ስንን ኦያ ዎደ ህንተና ኦድ ማዳና መላ ሌወ ኮቸ ግድዳ ነ ዳቦታ ኤሀ። 
\v 3 ኤንቲ ህንተፈ ጋርሳን ጌሻ ዱንካንያ ኦሶ ኡባ ኦና፤ ሽን ኤንትካ ህንተካ ሀይቆና መላ ኤንቲ ጌሻ ዱንካንያ ሚሽያኮነ ያርሾ በሳኮ ሺቆፖ። 
\v 4 ኤንቲ ህንተራ እስፈ ግድድ ጌሻ ዱንካንያን ደእያ ኦሶ ኡባ ኦ። ሽን ሌወታፐ አትሽን፥ ሀራ አስ ኦንካ ህንተ ደእያ በሳ ሺቆፖ። 
\v 5 ዛሪድ እስራኤለ አሳ ቦላ ሀንቆይ ዎና መላ ጌሻ ዱንካንያንነ ያርሾ በሳን ኦሰትያ ኦሱዋ ህንተ ፃላላ ኦተ። 
\v 6 ሌወታ፥ ህንተ ዳቦታ፥ እስራኤለ አሳ ግዶፈ ታ ዶራስ። ኤንቲ ጌሻ ዱንካንያ ኦሱዋ ኦና መላ ታኒ ኤንታ ታዉ ዱማያስ። 
\v 7 ሽን ያርሾ በሳንነ ማጋራጁዋፈ ጋ ባጋን ደእያ ኦሱዋ ነነ ነ አደ ናይታ ፃላል ኦተ። ካህነተ ኦሱዋ ታኒ ህንተዉ እሞታ ኦዳ እማስ፤ ሀራ አስ ኦንካ ሄ በሳ ሺቅኮ ሀይቆ” ያግስ።
\p
\v 8 ጎዳይ አሮናኮ፥ “እስራኤለ አሳይ ታዉ እምያ ጌሻ እሞታ ኡባ ታ ነዉ እማስ። ታኒ ነዉነ ነ አደ ናይታስ መርና ግሾ ኦዳ እማስ። 
\v 9 ታዉ እመትያ ዳሮ ጌሻ እሙዋፐ ታማን ፁገቶና ባጋይ ህንተባ ግዳና። ኤንቲ ታዉ እምያ ጌሻ እሞ ኡባይ ካ ያርሾ ግድን ናጋራ ያርሾ ግድን ናቆ ያርሾ ግድን ነዉነ ነ አደ ናይታስ ግዳና። 
\v 10 ህንተ ሄሳ ጌሻ በሳን ሚተ፤ አደ ኡባይ ሄሳ ሞ፤ ሄስ ህንተዉ ጌሽ ግዳና።
\p
\v 11 “ቃስ እስራኤለ አሳይ ታዉ ያርሽያ ዩሾ ያርሾ ኡባ ነዉ፥ ነ አደ ናይታስነ ነ ማጫ ናይታስ መርናዉ ግሾ ኦዳ እማስ፤ ህንተ ሶ አሳ ግዶን ዎጋዳ ቱና ግዶና ኡባይ ሄሳ ሞ።
\p
\v 12 “እስራኤለ አሳይ ታዉ ባይራ ኦድ እምያ ኮይሮ አይፍያፐ፥ ሻማሆ ዛይተ ኡባ፥ ያላጋ ዎይነ ኡባነ ካ ኡባ ነዉ እማስ። 
\v 13 ኤንቲ ጎዳስ ኤህያ ጋደን ኮይሮ ጋክዳ አይፈይ ህንተሳ፤ ህንተ ሶ አሳ ግዶን ዎጋዳ ቱና ግዶና ኡባይ ሄሳ ሞ።
\p
\v 14 “እስራኤለ አሳ ግዶፈ ጎዳስ ዱማትዳ ኡባይ ህንተሳ። 
\v 15 ባይራ የለትዳ አስ ዎይኮ መሄይ እስራኤለ አሳይ ጎዳስ እምዳ ኡባይ ህንተሳ። ሽን ባይራ የለትዳ አደ ናአነ ባይራ የለትዳ ጌሽ ግዶና መሄ ህንተ ዎዛናዉ በሴስ። 
\v 16 እስ አጌና ናይታ ዎዛናዉ ጌሻ ዱንካነን ኤረትዳ ምዛነን እቻሹ ብራ ሳንትመ ዎዞ ጋተ ቃንፅተ። 
\v 17 ሽን ኤንቲ ጌሽ ግድያ ግሾ መሄ፥ ዶርሰነ ዴሻ ባይራ ህንተ ዎዛናዉ ኮሸና። ኤንታ ሱ ያርሾ በሳ ቦላ ጉሳ፤ ጎዳስ ሳውያ ፁሳ ያርሾ ኦዳ ኤንታ ሞ አሹዋ ታማን ፁጋ። 
\v 18 አንጋሶይነ ኡሻቻ ገዳይ ዩሾ ያርሾን ነባ ግድዳይሳዳ ኤንታ አሾይካ ነባ። 
\v 19 እስራኤለ አሳይ ጎዳስ እምያ ጌሻ ያርሾ ኡባ ነዉ፥ ነ አደ ናይታስነ ነ ማጫ ናይታስ መርናዉ ግሾ ኦዳ እማስ። ሄስ ታኒ ኔራነ ነ ኮቻራ ጫቅያ መርና ጫቁዋ።”
\p
\v 20 ቃስካ ጎዳይ አሮናኮ፥ “ኤንታ ቢታፈ ነና ጋክያ ግሾይ ዎይኮ ላት ባዋ፤ እስራኤለ አሳ ግዶን ነ ላታይነ ነና ጋክያ ግሾይ ታና።”
\p
\v 21 ጎዳይ፥ “ሌወት ጌሻ ዱንካንያን ኦያ ኦሱዋስ ዳሞዘ ግዳና መላ እስራኤለ አሳይ ታዉ ኤህያ አስራታ ኡባ ኤንታዉ እማስ። 
\v 22 ሀችፈ ዶምድ እስራኤለ አሳይ ባንታ ናጋራ ጋሶን ሀይቆና መላ ጌሻ ዱንካንያኮ ሺቆፖ። 
\v 23 ጌሻ ዱንካንያ ግዶን ኦይሳትነ እያ ግዶን ፖለትያ ናጋራ ቶከይ ሌወታ። ሄስ የለተ ኡባስ መርና ዎጋ። ሌወታስ እስራኤለ አሳ ግዶን ላት ባዋ። 
\v 24 ሄሳ ግሾ፥ እስራኤለ አሳይ ጎዳስ እምያ አስራታ፥ ታ ሌወታስ እማስ። ታኒ፥ ኤንታዉ እስራኤለ አሳ ግዶን ላት ባዋ ግዳይ ሄሳሳ” ያግስ።
\p
\v 25 ቃስ ጎዳይ ሙሰኮ፥ 
\v 26 “ኔኒ ሌወታኮ ሀይሳዳ ያጋ፤ ታኒ ህንተዉ ላታ ኦዳ እምዳ አስራታ ህንተ እስራኤለ አሳፐ ኤክያ ዎደ ህንተ ሄ አስራታፐ አስራታ ጎዳስ እምተ። 
\v 27 ህንተ እሞይ ዉዱማፈ ሺቅዳ ካዳ ዎይኮ ጉምእያ በሳፈ ሀእ ከይዳ ዎይነዳ ህንተዉ ታይበታና። 
\v 28 ሄሳዳካ እስራኤለ አሳፐ ህንተ ኤክያ አስራታ ኡባፈ ዱማ እሞ ጎዳስ እምተ፤ ህንተ አስራታፐ ጎዳ ግሾ ግድዳ እሞታ ካህንያ አሮናስ እምተ። 
\v 29 ህንተ ኤክያ እሞታ ኡባፈ ሎኡዋነ ጌሻ ጎዳስ ግሾ ኦድ እማናዉ በሴስ። 
\v 30 ኡባፈ ሎኦ እሙዋ ህንተ እምያ ዎደ አትዳይስ ህንተዉ ቡከትያ ዉዱማ ካዳነ ጉምኤትያ ዎይንያዳ ታይበታና። 
\v 31 አትዳይስ ጌሻ ዱንካንያን ህንተ ኦያ ኦሱዋስ ዳሞዘ ግድያ ግሾ ህንተነ ህንተ ሶ አሳይ አዉንካ ማናዉ ዳንዳኤታ። 
\v 32 ሎኦ ባጋ ጎዳስ እምዳፐ ጉየ ህንተ ሚኮ ሄስ ህንተዉ ናጋራ ግደና። ሎኦ ባጋ ከሶና ደእሸ ሄ እሞታፐ ምድ ህንተ እስራኤለ አሳ እሞታ ቱንሶና መላ ናገትተ፤ ሄሳ ህንተ ኦና እፅኮ ህንተ ሀይቃና” ያጋዳ ሌወታስ ኦዳ።
\c 19
\s1 ጌሾ ሃ
\p
\v 1 ጎዳይ ሙሰኮነ አሮናኮ፥ 
\v 2 “ጎዳይ ህግያን ኪተትዳ ዎጋይ ሀይሳ፤ ቦርሶይ ባይና፥ እ ጋናን ቃምባር ዎቦና ዞኦ ኡሱ ኤሀና መላ እስራኤለ አሳስ ኦድተ። 
\v 3 ካህንያ አላዛራስ እዮ እምተ፤ ጉታፐ እዮ ጋፃ ከስድ ካህንያ ስንን ሹኮ። 
\v 4 ካህነይ አላዛር እ ሱፈ ጉራ ኤክድ ባ ብራያን ጌሻ ዱንካንያኮ ስሚድ ላፑን ቶሆ ዉርፆ። 
\v 5 ካህነይ በእሽን ኡስያ ፁገቶ፤ ጋልባይ፥ አሾይ፥ ሱይነ ቶጨይ ፁገቶ። 
\v 6 ካህነይ ዝጋ ም፥ ህሶጰ ታሸነ ዞኦ ቃጭና ኤክድ ኡስያ ኤፅያ ታማን የጎ። 
\v 7 ሄሳፈ ጉየ ካህነይ ባ ማኡዋነ ባ አሳተ ሜጨትድ ጉታ ገሎ፤ ሽን ኦማርስ ጋካናዉ ዎጋዳ ቱና ግዳና። 
\v 8 ሄ ኡስዉ ፁግዳይስ ባ ማኡዋነ ባ አሳተ ሜጨቶ፤ እካ ኦማርስ ጋካናዉ ዎጋዳ ቱና ግዳና።
\p
\v 9 “ሄሳፈ ጉየ፥ ሀራ ጌሻ አስ ኡስያ ፁገትዳ ብዱዋ ሺሽድ ጉታፐ ጋፃን ጌሻ በሳን ዎ። እስራኤለ አሳይ ቱናተፈ ጌሽያ ሃን ጎኤታናዉ ሄስ ናገትድ ኡታና፤ ሄስ ናጋራፐ ጌሻናዉ ጎኤስ። 
\v 10 ቃስ ኡሴ ብዱዋ ሺሽዳ ኡራይካ ባ ማኡዋ ሜጮ፤ እ ኦማርስ ጋካናዉ ዎጋዳ ቱና ግዳና። ሀ ዎጋይ እስራኤለ አሳስነ ኤንታ ግዶን ደእያ ሀራ ደረ አሳስ መርና ዎጋ ግዳና።
\p
\v 11 “አሀ ቦችያ ኦንካ ላፑን ጋላስ ዎጋዳ ቱና ግዳና። 
\v 12 ቱናተፈ ጌሽያ ሃን ሄን ጋላስነ ላፑን ጋላስ እ ባና ጌሾ፤ ሄሳፈ ጉየ፥ እ ዎጋዳ ጌሽ ግዳና። ሽን ሄን ጋላስነ ላፑን ጋላስ እ ባና ጌሾና እፅኮ እ ጌሽ ግደና። 
\v 13 ሀይቅዳ አሳ አሀ ቦችያ ኦንካ ባና ጌሾና እፅኮ እ ጎዳ ዱንካንያ ቱንሴስ፤ ሄ ኡራይ እስራኤለ አሳ ግዶፈ ኩረቶ። ቱናተፈ ጌሽያ ሃይ እያ ቦላ ዉርፀትቦና ግሾ እ ቱና፤ እ ቱና ግድድ ጋምኤስ።
\p
\v 14 “እስ አስ ዱንካንያ ግዶን ሀይቅኮ ኦና ዎጋይ ሀይሳ፤ ዱንካንያ ግዶ ገልያ ኦንካ፥ ቃስ ዱንካንያ ግዶን ደእያ ኦንካ ላፑን ጋላስ ጋካናዉ ቱና ግዳና። 
\v 15 ሄሳዳካ፥ ካመቶና ዶያ ደእያ ሚሸ ኡባይ ቱና ግዳና። 
\v 16 ቃስ ደንባን ሀይቅዳ አሳ አሀ ዎይኮ ሀርገትድ ሀይቅዳ አሳ አሀ ዎይኮ መቀ ዎይኮ ዱፎ ቦችያ ኦንካ ላፑን ጋላስ ጋካናዉ ቱና ግዳና።
\p
\v 17 “ቱናተፈ ጌሻናዉ ፁገትዳ ኡሴ ብዱዋፐ ጉራ ኤካዳ ኦቶን የጋዳ ፑልቶ ሃ እያ ቦላ ትጋ። 
\v 18 ጌሻ አስ ህሶጰ ውርጮ ኤክድ ሃን ናቅ ከስድ፥ ዱንካንያ፥ እያ ግዶን ደእያ ሚሽያነ አሳ ኡባ ቦላ ዉርፆ። ቃስ ሀይቅዳ አሳ አሀ ዎይኮ መቀ ዎይኮ ዱፎ ዎይኮ ሀርገት ሀይቅዳ አስ ቦችዳ አሳ ቦላ ዉርፆ። 
\v 19 ጌይዳ አስ ሄን ጋላስነ ላፑን ጋላስ ጌይቦና ኡራ ቦላ ዉርፆ። እ ላፑን ጋላስ ሄ ኡራ ቱናተፈ ጌሾ፤ ሄ ጌይዳ አደይ፥ ባ ማኡዋነ ባ አሳተ ሜጨቶ፤ ሄ ጋላስ ኦማርስ እ ጌሽ ግዳና።
\p
\v 20 “ሽን ቱና ኡራይ ባና ጌሾና እፅኮ፥ ሄ ኡራይ ጌሻ ዱንካንያ ቱንስዳ ግሾ፥ እስራኤለ አሳ ግዶፈ ኩረቶ፤ ቱናተፈ ጌሽያ ሃይ እያ ቦላ ዉርፀትቦና ግሾ እ ቱና። 
\v 21 ሀይስ ህንተዉ መርና ዎጋ ግዳና። ቱናተፈ ጌሽያ ሃ ዉርፅያ ኡራይ ባ ማኡዋ ሜጮ፤ ቃስ ቱናተፈ ጌሽያ ሃ ቦችያ ኦንካ ኦማርስ ጋካናዉ ቱና ግዳና። 
\v 22 ቱና ኡራይ ቦችያ አይብባይካ ቱኔስ፤ ቃስ ሄ ሚሽያ ቦችያ ኦንካ ኦማርስ ጋካናዉ ቱና ግዴስ” ያግስ።
\c 20
\s1 ዛላፈ ፑልትዳ ሃ
\r (ከሳ 17:1-7)
\p
\v 1 ኮይሮ አጌናን እስራኤለ አሳ ኡባይ ሲና መላ ቢታ ጋክድ፥ ቃደሳ ጌተትያ በሳን ዱንካንዶሶና። ማይራማ ያን ሀይቃዳ ሞገታሱ።
\p
\v 2 ሄ በሳን አሳስ ሃ ይን፥ አሳይ ሙሰ ቦላነ አሮና ቦላ ደንድዶሶና። 
\v 3 ኤንቲ፥ “ኑ እሻት ጎዳ ስንን ሀይቅዳ ዎደ ኑካ ሀይቅዳ ግዶርኮሽን። 
\v 4 ኑነ ኑ መሄይ ሀ መላ ቢታን ሀይቃና መላ ጎዳ ማባራ ሀ በሳ አይስ ኤህደቲ? 
\v 5 ግብፀፈ ከስድ ሀ ኢታ በሳ ኑና አይስ ኤህደቲ? ሀይሳን ካ ዎይኮ ባላሰይ ዎይኮ ዎይነይ ዎይኮ ኦሮማነይ ባዋ፤ ሀር አቶሽን ኡየትያ ሃካ ሀይሳን ባዋ” ያግድ ሙሰራ ካጨትዶሶና።
\p
\v 6 ያትን ሙሰይነ አሮን አሳ ማታፐ ጌሻ ዱንካንያ ፐንገ ብድ ሳአን ጉፋንዶሶና፤ ጎዳ ቦንቾይካ ኤንታዉ ቆንጭስ። 
\v 7 ጎዳይ ሙሰኮ፥ 
\v 8 “ነ ፃምአ ኤካ፤ ኔራነ ነ እሻ አሮናራ ማባራ ሺሽተ። ኤንታ ስንን ዛላይ ሃ ከሳና መላ ኦዳ። ህንተ ዛላፈ ሃ ከስድ፥ ኤንታነ ኤንታ መህያ ኡሻና” ያግስ። 
\v 9 ጎዳይ ኪትዳይሳዳ ሙሰይ ጎዳ ስንፈ ፃምኣ ኤክስ።
\p
\v 10 ሙሰይነ አሮን ማባራ ዛላ ስንን ሺቃና መላ ኦድ፥ አሳኮ፥ “ህንተኖ ጌላቶ፥ ስእተ፤ ሀ ዛላፈ ህንተዉ ኑኒ ቱማ ሃ ከሳኔ?” ያግስ። 
\v 11 ሙሰይ ባ ፃምአ ደንድ ዛላ ናምኡ ቶሆ ሾጭስ፤ ሃ ቅድ ከይን ኤንትነ ኤንታ መሄት ኡይዶሶና።
\p
\v 12 ሽን ጎዳይ ሙሰኮነ አሮናኮ፥ “እስራኤለ አሳ ስንን ህንተ ታ ጌሻተ በሳናዉ አማነትቦና ግሾ ታ ኤንታዉ እምያ ቢታ ሀ አሳ ካለድ ህንተ ገለከታ” ያግስ።
\p
\v 13 እስራኤለ አሳይ ጎዳራ ካጨትዳ ግሾነ ጎዳይ ባ ጌሻተ ኤንታ ግዶን ቆንጭስዳ ግሾ ሄ በሳይ ማርባ\f + \fr 20:13 \fr*\fq ማርባ፦ \fq*\ft ካጨተ ጉሱ።\ft*\f* ሃ ጌተትስ።
\s1 እስራኤለት ኤዶመራ አ ድገትዶሶና
\p
\v 14 ኤዶመ ካዋኮ ሙሰይ ቃደሳፐ ሀይሳዳ ያግድ ኪታ የድስ። “ነ እሻይ እስራኤለይ ሀይሳዳ ያጌስ፤ ኑና ጋክዳ መቶ ኡባ ነ ስአዳሳ። 
\v 15 ኑ ማይዛት ዱገ ግብፀ ዎዶሶና፤ ያን ኑኒ ዳሮ ላይ ደእዳ። ግብፀት ኑናነ ኑ አዋታ ኡንኤዶሶና። 
\v 16 ኑኒ ጎዳኮ ዋስን፥ እ ኑ ዋሱዋ ስእድ፥ ባ ኪታንቹዋ ኪትድ ኑና ግብፀፈ ከስስ። ሀእ ኑኒ ነ ቢታ ጋፃን ደእያ ቃደሳ ካታማን ደኦስ። 
\v 17 ሀያና፥ ኑኒ ነ ቢታራ ካንድ አና መላ ኦርክ፤ ኑኒ ኦገፐ ጋፃ ከዮኮ፤ ነ ጎሻ ዎይኮ ዎይነ ጋደ ግዶ ገሎኮ፤ ኑኒ ሃ ኦላፈ ሃ ኡዮኮ። ኑኒ ካዎ ኦገ ኦይክድ ባና፤ ኑኒ ነ ቢታራ ካንድ አና ጋካናዉ ሀድርስ ዎይኮ ኡሻች ጎኮ” ያግስ።
\p
\v 18 ሽን ኤዶመ አሳይ፥ “ኑ ቢታራ ካንሶኮ፤ ህንተ ሀይሳራ ካንናዉ ቆፕኮ፥ ኑኒ ደንድድ ህንተና ኦላና” ያግዶሶና።
\p
\v 19 ያትን እስራኤለ አሳይ፥ “ኑኒ ካዎ ኦግያራ ባና፤ ኑኒ ዎይኮ ኑ መሄይ ህንተ ሃፈ ኡይኮ፥ ኑኒ ሄሳስ ጋተ ጭጋና፤ ኑኒ ቶሆራ አ ፃላላ ኮዮስ፤ ሀራባ አይኮካ ኮዮኮ” ያግዶሶና።
\p
\v 20 ኤዶመ አሳይ ዛሪድ፥ “ህንተ ሀይሳራ አናዉ ዳንዳኤከታ” ያግስ። ካልድ፥ ዳሮነ ዎልቃማ ኦላንቾታ ኤክድ እስራኤለ አሳ ኦላናዉ ከይስ። 
\v 21 ኤዶመ አሳይ ባንታ ቢታራ እስራኤለ አሳ አና እፅን፥ እስራኤለ አሳይ ስሚድ ሀራ ኦገራ ብዶሶና።
\p
\v 22 እስራኤለ አሳ ኡባይ ቃደሳፐ ደንድድ ሆራ ዙማኮ ብዶሶና። 
\v 23 ኤዶመ ዛዋን ደእያ ሆራ ዙማን፥ ጎዳይ ሙሰኮነ አሮናኮ፥ 
\v 24 “አሮን ባ ማይዛታን ጋሄትያ ዎደይ ጋክስ። ህንተ ናምአይ ማርባ ሃ ማታን ታ ኪታ ቦላ ጌላትዳ ግሾ እስራኤለ አሳስ ታ እምያ ቢታ እ ገለና። 
\v 25 አሮናነ እያ ናኣ አላዛራ ኤካዳ ሆራ ዙማ ቦላ ከያ። 
\v 26 አሮና ካህነተ ማኡዋ ቃራዳ፥ እያ ናኣ አላዛራ ማይዛ። አሮን ያን ሀይቃና” ያግስ።
\p
\v 27 ጎዳይ ኪትዳይሳዳ ሙሰይ ኦስ፤ እስራኤለ አሳ ኡባይ በእሽን፥ ኤንቲ ሆራ ዙማ ቦላ ከይዶሶና። 
\v 28 ሙሰይ አሮና ካህነተ ማኡዋ ቃርድ እያ ናኣ አላዛራ ማይዝስ። አሮን ሄ ዙማ ሁጰን ሀይቅስ። ሙሰይነ አላዛር ዙማፐ ዎዶሶና። 
\v 29 አሮን ሀይቅዳይሳ እስራኤለ አሳይ ኤርዳ ዎደ እስራኤለ አሳይ አሮናስ ሀስታሙ ጋላስ ዬክዶሶና።
\c 21
\s1 አራዳ ፆነተ
\p
\v 1 ካናነ ቢታን፥ ነገበ መላ ቢታን ደእያ አራዳ ካዎይ፥ እስራኤለ አሳይ አታርማ ኤፍያ ኦግያራ የይሳ ስእዳ ዎደ እስራኤለ አሳራ ኦለትድ ኤንታፈ ጉ አሳ ድእዶሶና። 
\v 2 ሄ ዎደ እስራኤለ አሳይ፥ “ኔኒ ሀ አሳ ኑ ኩሸን አዳ እምኮ፥ ኑኒ ኤንታነ ኤንታ ካታማታ ኩመ ይሳና” ያግድ ጎዳስ ቃንግዶሶና። 
\v 3 ጎዳይ እስራኤለ አሳ ዎሳ ስእድ፥ ካናነታ ኤንታ ኩሸን አድ እምን፥ ኤንቲ ካናነታነ ኤንታ ካታማታ ኩመ ይስዶሶና። ሄሳ ግሾ፥ ሄ በሳይ ሆርማ\f + \fr 21:3 \fr*\fq ሆርማ፦ \fq*\ft ኩመ ዎይኮ ፖሎ ይሶ ጉሱ\ft*\f* ጌተትድ ሱንትስ።
\s1 ናሰ ብራታፐ ኦሰትዳ ሾሹ
\p
\v 4 እስራኤለ አሳይ ሆራ ዙማፐ ደንድድ፥ ኤዶመ ቢታ ዩሹዋራ ባናዉ ዞኦ አባኮ ኤፍያ ኦግያራ ብዶሶና፤ ሽን ኦገ ቦላ አሳስ ዳንዳአይ ዉርስ። 
\v 5 አሳይ፥ “ኑኒ መላ ቢታ ሀይቃና መላ ግብፀፈ ኑና አይስ ከስደቲ? ካ ባዋ፤ ሃ ባዋ፤ ሀ ኢታ ካይ ኑና ሻትስ” ያግድ ፆሳ ቦላነ ሙሰ ቦላ ዙዙምዶሶና።
\p
\v 6 ያትን፥ ጎዳይ አሳ ግዶ ማርዘራ ደእያ ሾሽ የድን፥ እስራኤለ አሳፐ ዳሮት ዱከትድ ሀይቅዶሶና። 
\v 7 አሳይ ሙሰኮ ይድ፥ “ኑኒ ጎዳ ቦላነ ነ ቦላ ዙዙምድ፥ ናጋራ ኦዳ። ጎዳይ ሀ ሾሻታ ኑፐ ሃሳና መላ ኑስ ዎሳርክ” ያግዶሶና። ያትን፥ ሙሰይ አሳ ግሾ ዎስስ።
\p
\v 8 ሄ ዎደ ጎዳይ ሙሰኮ፥ “ናሰ ብራታፐ ሾሽ መዳ፥ ኤንታ ስንን ም ቦላ ካቃ፤ ሾሻን ዱከትዳ ኦንካ እያ በእኮ ፓፃና” ያግስ። 
\v 9 ያትን፥ ሙሰይ ናሰ ብራታፐ ሾሽ መድ፥ ም ቦላ ካቅስ። ሾሻን ዱከትዳ አሳ ኡባይ ናሰ ብራታ ሾሻ በእድ ፓፅዶሶና።
\s1 ሆራ ዙማፐ ሞአበ ጋካናዉ
\p
\v 10 እስራኤለ አሳይ ሆራፐ ደንድድ ኦቦታ ጌተትያ በሳን ዱንካንዶሶና። 
\v 11 ኦቦታፐ ደንድድ፥ ሞአበፐ ስን ባጋን ደእያ መላ ቢታን፥ ዶሎሀ ባጋን አባሪማን ዱንካንዶሶና። 
\v 12 ያፐ ደንድድ፥ ዛሬዳ ዛንጋራን ዱንካንዶሶና። 
\v 13 ያፐ ደንድድ፥ አሞረታ ቢታ ጋፃ ጋካናዉ ደእያ መላ ቢታን አርኖና ሻፋፐ ሄፍንን ዱንካንዶሶና። አርኖና ሻፋይ ሞአበ ቢታስነ አሞረ ቢታስ ግዶን ደእያ ዛዋ። 
\v 14 ሄሳ ግሾ፥ ጎዳ ኦላ ታርክያ ኦድያ ማፃፋን፥ “ሱፋ ሄራን ደእያ ዋሄባ ካታማነ አርኖና ሻፋ ዛንጋራ፥ 
\v 15 ኤራ ካታማነ ሞአበ ቢታ ዛዋ ጋካናዉ ደእያ ዛንጋራ” ያገትድ ፃፈትስ።
\p
\v 16 ኤንቲ ያፐ ደንድድ፥ ጎዳይ ሙሰኮ፥ “አሳ ሺሻ፤ ታ ኤንታዉ ሃ እማና” ያግድ ኦድዳ ቤራ ጌተትያ ሃ ኦላኮ ብዶሶና።
\p
\v 17 ሄ ዎደ እስራኤለ አሳይ ሀ ማዝሙርያ የፅዶሶና።
\q1 “ሃ ኦላዉ፥ ፑልታ፤
\q2 ህንተካ የፅተ።
\q1
\v 18 ሀላቃት ቦክዳ ሃ ኦላስ፥
\q2 ካለይሳት ካዎተ ፃምአንነ ባንታ ፃምአን
\q2 ቦክዳ ሃ ኦላስ የፅተ” ያግስ።
\p ኤንቲ ሄ መላ ቢታፈ ደንድድ ማታና ጌተትያ በሳ ብዶሶና። 
\v 19 ማታናፐ ናህልኤላ፥ ናሀልኤላፐ ባሞታ ጌተትያ በሳ ብዶሶና። 
\v 20 ባሞታፐ ደንድድ፥ ሞአበን ደእያ ዛንጋራ ብዶሶና፤ ሄ ዛንጋራይ ፕስጋ ዙማፐ ጋርሳን ባዙዋ ግናን ደኤስ።
\s1 ስሆናነ ኦገ ፆነተ
\p
\v 21 ሄሳፈ ጉየ፥ እስራኤለ አሳይ አሞረ ካዋ ስሆነኮ ሀይሳዳ ያግድ ኪታ የድዶሶና። 
\v 22 “ሀያና፥ ኑ ነ ቢታራ ካንድ አና መላ ኦርክ፤ ኑኒ ኦገፐ ጋፃ ከዮኮ፤ ነ ጎሻ ዎይኮ ዎይነ ጋደ ግዶ ገሎኮ፤ ኑኒ ሃ ኦላፈ ሃ ኡዮኮ። ኑኒ ነ ቢታራ ካንድ አና ጋካናዉ ሀድርስ ዎይኮ ኡሻች ጎኮ” ያግስ።
\p
\v 23 ስሆነይ እስራኤለ አሳይ ባ ቢታራ ካንና መላ ድግስ። እ ባ ኦላንቾታ ኡባ ሺሽድ፥ እስራኤለ አሳ ኦላናዉ መላ ቢታ ብስ፤ ያሃፃ ጌተትያ በሳ ብድ እስራኤለ አሳራ ኦለትስ። 
\v 24 እስራኤለ አሳይ ኦላን አሞረታፐ ዳሮታ ማሻን ዎድ፥ አርኖና ሻፋፐ ዶምድ፥ አሞነታ ዛዋን ደእያ ያቦቃ ሻፋ ጋካናዉ ኦይክስ። አሞነ አሳ ቢታ ዛዋይ ግምበትድ ደእያ ግሾ፥ ኤንቲ ያ ገልቦኮና። 
\v 25 እስራኤለ አሳይ አሞረታ፥ ሀሰቦናነ እያ ዩሹዋን ደእያ ካታማታ ኡባ ፆን ኤክድ ያን ኡትዶሶና። 
\v 26 ሀሰቦና ካታማይ አሞረታ ካዋ ስሆነ ኡትያ ካታማ። ስሆነይ ካሰ ሞአበ ቢታ ካዋ ኦልድ፥ አርኖና ሻፋ ጋካናዉ ደእያ ቢታ ኡባ ኤክስ።
\p
\v 27 ሄሳ ግሾ፥ ሌምሶን ሀይሳዳ ያግዶሶና፤
\q1 “ሀሰቦናኮ ሃይተ፤
\q2 ሀ ካታማይ ዛሪድ ኬፀቶ፤
\q1 ስሆነ ካታማይ
\q2 ካሰ ባ በሳ ስሞ።
\q1
\v 28 ታም ሀሰቦናፐ ከይስ፤
\q2 ላጮይ ስሆና ካታማን በንትስ፤
\q1 ሞአበን ደእያ ኤራ ይስስ፤
\q2 አርኖና ቃ በሳታ ምስ።
\q1
\v 29 ሞአበ፥ ነና አየ!
\q2 ካሞሻ አሳይ ይደታ።
\q1 ህንተ አደ ናይት ባቃታናዳ፥
\q2 ህንተ ማጫ ናይት ድኤታናዳ፥
\q2 አሞረታ ካዋ ስሆነስ እሚስ።
\q1
\v 30 ኑኒ ህንተ ኮቻታ ሀሰቦናፐ ዶምድ፥
\q2 ድቦና ጋካናዉ ኩመ ይስዳ።
\q1 መደባ ማታን ደእያ ኖፋ ጋካናዉ
\q2 ደእያ ኡባ ታም ይስስ” ያግዶሶና።
\p
\v 31 ያትድ፥ እስራኤለ አሳይ አሞረታ ቢታን ደእዶሶና። 
\v 32 ቃስ ሙሰይ ዎቸይሳታ ያእዜራ ካታማ የድን፥ እስራኤለ አሳይ ሄ ካታማነ እያ ሄራን ደእያ ጉ ካታማታ ኦይክድ፥ ያን ደእያ አሞረታ ከስድ ጎድዶሶና።
\p
\v 33 ሄሳፈ ጉየ፥ እስራኤለ አሳይ ስሚድ፥ ባሳነ ኤፍያ ኦግያራ ከይዶሶና። ባሳነ ካዎይ ኦገይ ባ ኦላንቾታራ ኤድራአ ካታማን ኤንታራ ኦለታናዉ ከይስ። 
\v 34 ሽን ጎዳይ ሙሰኮ፥ “ሀ ኡራስ ባቦፋ፤ ህዛ፥ ካዋ ኦገ፥ እያ አሳነ እያ ቢታ ኡባ ነ ኩሸን አዳ እማስ። ሀሰቦናን ኡትድ ሃርዳ አሞረታ ካዋ ስሆነ ቦላ ኦይሳዳ ኔኒ እያ ቦላ ኦና” ያግስ። 
\v 35 ሄሳ ግሾ፥ እስራኤለ አሳይ ኦገ፥ እያ ናይታነ እያ አሳ ኡባ እሶይ አቶና ዎድ እያ ቢታ ላትዶሶና።
\c 22
\s1 ባላቅ ባላማ ፄግስስ
\p
\v 1 እስራኤለ አሳይ ደንድድ፥ እያርኮ ግናን፥ ዮርዳኖሰፐ ሄፍንን ደእያ ሞአበ ደንባን ዱንካንዶሶና።
\p
\v 2 እስራኤለ አሳይ አሞረታ ቦላ ኦዳይሳ ኡባ ስፎራ ናአይ ባላቅ ስእስ። 
\v 3 እስራኤለ አሳይ ዳሮ ግድዳ ግሾ፥ ሞአበት ዳሮ ዳጋምድ ያይዶሶና። 
\v 4 ሞአበት ምድያመ ጭማታኮ፥ “ቦር ማታ ፕትድ ምድ ይሰይሳዳ ሀ ዉደ አሳይ ኑ ዩሹዋን ደእያ ኡባ ምድ ይሳና” ያግዶሶና።
\p ሄ ዎደ ሞአበ ካዎይ፥ ስፎራ ናአይ ባላቅ፥ 
\v 5 አማዋ ቢታን፥ ኤፍራፂሳ ሻፋ ማታን፥ ፓቶራ ካታማን ደእያ ብኦራ ናኣ ባላማኮ ሀይሳዳ ያግድ ኪትስ። “ግብፀፈ ከይዳ ዳሮ አሳይ ቢታ ኡባ ማእድ፥ ታ ማታን ዱንካንዶሶና። 
\v 6 ኤንቲ ታፐ ዳሮ ዎልቃማ ግድያ ግሾ፥ ሀያና ያዳ ኤንታ ባዳርክ። ኦን ኤር፥ ታ ኤንታ ፆናናዉነ ቢታፈ ከሳናዉ ዳንዳአና። ህዛ፥ ኔኒ አንጀይስ አንጀተይሳ ቃስ ኔኒ ባደይስ ባደትዳባ ግደይሳ ታኒ ኤራይስ” ያግስ።
\p
\v 7 ሞአበ ጭማትነ ምድያመ ጭማት ባደ ሚሽያ ኤክድ ባላማኮ ብድ ባላቅ ግዳይሳ እያዉ ኦድዶሶና። 
\v 8 ባላም ኤንታኮ፥ “ሀች ቃማ ሀይሳን አቅተ፤ ጎዳይ ታዉ ኦደይሳ ታ ህንተዉ ኦዳና” ያግስ። ያንን፥ ሞአበ ሀላቃት ባላማራ ጋምእዶሶና።
\p
\v 9 ፆሳይ ባላማ፥ “ሀይሳቲ ኔራ ደእያ አሳት ኦኔ?” ያግድ ኦይችስ።
\p
\v 10 ባላም ፆሳኮ፥ “ሞአበ ካዎይ፥ ስፎራ ናአይ ባላቅ፥ 
\v 11 ‘ግብፀፈ ከይዳ ዳሮ አሳይ፥ ኤንቲ ቢታ ኡባ ኩምዶሶና። ኔኒ ያዳ፥ ኤንታ ባዳርክ። ኦን ኤር፥ ታ ኤንታ ፆናናዉነ ቢታፈ ከሳናዉ ዳንዳኦና አግከ’ ያግድ ኤንታ ታኮ ኪትስ” ያግስ።
\p
\v 12 ያትን ፆሳይ ባላማኮ፥ “ኔኒ ኤንታራ ቦፓ፤ እስራኤለ አሳይ አንጀትዳ ደረ ግድያ ግሾ፥ ኔኒ ኤንታ ባዶፋ” ያግስ።
\p
\v 13 ዎንተ ጋላስ ዎንታ ባላም ደንድድ፥ ባላቃ ሀላቃታኮ፥ “ታኒ ህንተራ ቦናዳ ጎዳይ ድግዳ ግሾ፥ ህንተ ቢታ ስምተ” ያግስ።
\p
\v 14 ሞአበ ሀላቃት ባላቃኮ ጉየ ስሚድ፥ “ባላም ኑራ ዮና እፅስ” ያግዶሶና።
\p
\v 15 ዛሪድ ባላቅ ካሰይሳታፐ አ ቦንቸትዳነ ታይቦን ዳሮ ሀላቃታ እያኮ ኪትስ። 
\v 16 ኤንቲ ባላማኮ ብድ፥ “ስፎራ ናአይ ባላቅ፥ ‘ኔኒ ታኮ ያናይሳ ነና አይብካ ተቆፎ። 
\v 17 ታ ነዉ ዳሮ ዎይቶ እማና፤ ነ ኦይችያባ ኡባ ታ ነዉ ኦና። ሀያና ያዳ ሀ አሳ ባዳርክ’ ያግስ” ያግድ ኦድዶሶና።
\p
\v 18 ሽን ባላም ኤንታኮ፥ “ባላቅ ሀር አቶሽን ባ ካዎተን ኩምዳ ብራነ ዎርቃ ታዉ እምያባ ግድኮካ ጎዳ፥ ታ ፆሳ ኪታ መንዳ አይኮካ ፓጭሳናዉ ዎይኮ ጉጃናዉ ዳንዳእከ። 
\v 19 ጎዳይ ታዉ በሲያ ሀራባይ ደእኮ ታ ኤራና መላ ህንተካ ሀች ቃማ ሀይሳን አቅተ” ያግስ።
\p
\v 20 ሄ ቃማ ፆሳይ ባላማኮ፥ “ሀ አሳይ ነና ፄጋናዉ ይዳ ግሾ፥ ኔኒ ኤንታራ ባ፤ ሽን ታ ነዉ ኦደይሳ ፃላላ ኦ” ያግስ።
\s1 ባላማነ እያ ሃሪዉ
\p
\v 21 ያትን ዎንተ ጋላስ ባላም ባ ሃሪው ኮርድ ሞአበ ሀላቃታራ ብስ። 
\v 22 ሽን እ ብያ ግሾ ፆሳይ ሀንቀትስ። ሄ ዎደ ባላም ባ ሃሪው ቶግድ፥ ባ ናምኡ አይለታራ ብሽን ጎዳ ኪታንቾይ እያ ተቃናዉ ኦገን ኤቅስ። 
\v 23 ጎዳ ኪታንቾይ ማሻ ሾድድ ኦገን ኤቅዳይሳ ሀሪያ በአዳ፥ ኦግያ አጋዳ ጎሻ ግዶ ገላሱ። ባላም ሀሪው ኦገን ዛራናዉ ሾጭስ።
\p
\v 24 ያትን፥ ጎዳ ኪታንቾይ ናምኡ ዎይነ ጋደታፐ ግዶን ያ ባጋራነ ሀ ባጋራ ግምበን ድረትዳ ፁን ኦገን ኤቅስ። 
\v 25 ሀርያ ጎዳ ኪታንቹዋ በእዳ ዎደ ግምበ ድርሳኮ ሺቅዳ፥ ባላማ ቶሁዋ ግምበ ድርሳራ ኦይሱ፤ ያትን እ ሃሪው ናምአን ሾጭስ።
\p
\v 26 ሄሳፈ ጉየ፥ ጎዳ ኪታንቾይ ስን አድ፥ ሀድርስ ዎይኮ ኡሻች ስማናዉ ኦገይ ባይና ፁን በሳን ኤቅስ። 
\v 27 ሀርያ ጎዳ ኪታንቹዋ በአዳ፥ ባላም ቶግድ ደእሽን ዝንአሱ፤ ባላም ዳሮ ይሎትድ፥ ባ ፃምአን ሃሪው ሾጭስ። 
\v 28 ሄሳፈ ጉየ፥ ጎዳይ ሀረይ ዶና ዶይን፥ ሀርያ ባላማ፥ “ታ ነዉ አይ ኢስን ታና ሄ ቶሆ ሾጫዲ?” ያጋሱ።
\p
\v 29 ባላም ዛሪድ፥ “ኔኒ ታና ይሎይዳ ግሾሳ፤ ታ ኩሸን ማሽ ደእያባ ግድያኮ ታ ነና ሀእ ዎናሽን” ያግስ።
\p
\v 30 ሃሪያ ባላማኮ፥ “ኔኒ ሀች ጋካናዉ ቶግያ ነ ሃሪው ግድክና? ታኒ ነዉ ሀይሳዳ ሀና ኤርያና?” ያጋሱ።
\p ባላም ዛሪድ፥ “ሀና ኤራካ” ያግስ።
\p
\v 31 ሄ ዎደ ጎዳይ ባላማ አይፍያ ዶይን፥ ጎዳ ኪታንቾይ ሾደትዳ ማሻ ኦይክድ ኦገን ኤቅዳይሳ በእስ። እ ልች ግድ ሶምኦራ ሳአን ጉፋንስ። 
\v 32 ጎዳ ኪታንቾይ፥ “ነ ሃሪው ሄ ቶሆ አይስ ሾጫዲ? ነ ኦገይ ታ ስንን ጌላ ግድያ ግሾ ታ ነና ተቃናዉ ያስ። 
\v 33 ሀርያ ታና በአዳ ታ ስንፈ ሄ ቶሆ ሀራ ሶ ስማሱ። ሀርያ ሀራ ሶ ስማቦናባ ግድያኮ፥ ሀኖደ ታ ነና ዎዳ ሀርው አሻናሽን” ያግስ።
\p
\v 34 ባላም ዛሪድ፥ “ታኒ ናጋራ ኦስ፤ ኔኒ ታና ተቃናዉ ኦገ ቦላ ኤቅዳይሳ ታ ኤራብከ። ነ ዶሶናባ ግድኮ ታ ሀእ ጉየ ስማና” ያግስ።
\p
\v 35 ሽን ኪታንቾይ ባላማኮ፥ “ኔኒ ሀ አሳታራ ባ፤ ሽን ታ ነዉ ኦደይሳ ፃላላ ኦዳ” ያግስ። ያትን፥ ባላም ባላቃ ቢታ ሀላቃታራ ብስ።
\p
\v 36 ባላም የይሳ ባላቅ ስእዳ ዎደ አርኖና ሻፋ ጋፃን ባ ቢታ ዛዋን ደእያ ሞአበታ ካታማን እያ ሞካናዉ ብስ። 
\v 37 ባላቅ ባላማኮ፥ “ኔኒ ኤለሳዳ ያና መላ ታ ኪታብክና? ኔኒ አይስ ታኮ ኤለሳዳ ያብኪ? ታኒ ነዉ ኩሸ ዛራናዉ ዳንዳእክና?” ያግስ።
\p
\v 38 ባላም ባላቃኮ፥ “ሄኮ፥ ሀእ ታ ኔኮ ያስ፤ ሽን ታ አይኮካ ታፐ ጋናዉ ዳንዳእከ። ፆሳይ ታና ኦዳ ግዳባ ፃላላ ኦዳና” ያግስ። 
\v 39 ያትን፥ ባላም ባላቃራ ቅርያት-ሀፆታ ካታማ ብስ። 
\v 40 ያን ባላቅ መሄነ ዶርሰ ያርሽድ፥ አሹዋፐ ጉራ ባላማስነ እያራ ደእያ ሀላቃታስ እሚስ።
\p
\v 41 ዎንተ ጋላስ ባላቅ ባላማ ባሞት-ባኣል ጌተትያ በሳ ከስስ፤ ባላም ያን ኤቅድ እስራኤለ አሳፐ ባጋ በእስ።
\c 23
\s1 ባላማ ኮይሮ ሃሳያ
\p
\v 1 ባላም ባላቃኮ፥ “ሀይሳን ታዉ ላፑን ያርሾ በሳታ ግምባ፤ ቃስ ላፑን ኮርማታነ ላፑን ማራዘታ ታዉ ጊግሳ” ያግስ። 
\v 2 ባላም ግዳይሳዳ ባላቅ ኦስ፤ ኤንቲ ናምአይ እስ እስ ያርሾ በሳን እስ ኮርማነ እስ ማራዘ ያርሽዶሶና።
\p
\v 3 ያትድ፥ ባላም ባላቃኮ፥ “ኔኒ ነ ያርሹዋ ማታን ደኣሻ፤ ታኒ ገደ ባና። ኦን ኤር ጎዳይ ታራ ጋሄታናዉ ዮና አገና፤ እ ታዉ ቆንጭስያባ ኡባ ታ ነዉ ኦዳና” ያግድ እስ ደረ ቦላ ከይስ። 
\v 4 ያን ፆሳይ ባላማራ ጋሄትን፥ ባላም፥ “ታኒ ላፑን ያርሾ በሳታ ጊግሳስ፤ እስ እስ ያርሾ በሳን እስ ኮርማነ እስ ማራዘ ያርሻስ” ያግስ።
\p
\v 5 ባላም ጋናባ ጎዳይ እያዉ ኦድድ፥ “ኔኒ ባላቃኮ ስማዳ እያዉ ሀ ኪታ ኦዳ” ያግስ። 
\v 6 ባላም ስምያ ዎደ ባላቅ ሞአበ ሀላቃታ ኡባራ ባ ያርሹዋ ማታን ኤቅስ።
\p
\v 7 ባላም ሀይሳዳ ያግድ ትንብተ ኦድስ፤
\q1 “ሞአበ ካዎይ፥ ባላቅ፥ ዶሎሀ ባጋ ደረታፐ፥
\q2 ሶረ ቢታፈ ታና ኤህስ፤
\q1 ‘ሃ ያ፤ ያይቆባ ታዉ ባዳ፤
\q2 እስራኤለ አሳ ባዳ’ ያግስ።
\q1
\v 8 ፆሲ ባድቦናይሳ ታ ዋታዳ ባዶ?
\q1 ጎዳይ፥ ባድቦናይሳ ታ ዋታዳ ባዶ?
\q1
\v 9 ታ ቃ ዛላ ሁጰን ኤቃዳ ኤንታ ፄላይስ፤
\q2 ዙማ ቦላ ኤቃዳ ኤንታ በአይስ።
\q1 ኤንቲ ባንታርካ ደእያ ደረ፤
\q2 ኤንቲ ሀራ ካዎተታፐ ዱማ ግደይሳ ኤሮሶና።
\q1
\v 10 ያይቆባ ባና ኦን ታይብ ኦንጋኔ?
\q2 እስራኤለ ሳይሱዋ ኦን ታይብ ካንኔ?
\q1 ፅሎታ ሀይቁዋ ታ ሀይቃርክና፤
\q2 ታ ዉርሰይ ኤንታይሳዳ ሀኖ” ያግስ።
\p
\v 11 ባላቅ ባላማኮ፥ “ኔኒ ታ ቦላ ኦያባይ አይቤ? ታኒ ነና ታ ሞርከታ ባዳና መላ ኤሀስ፥ ሽን ኔኒ ኤንታ አንጃዳሳ፤ ሀራባ አይኮካ ኦባካ” ያግስ።
\p
\v 12 ባላም ዛሪድ፥ “ጎዳይ ታዉ ኦደይሳፈ ሀራ ኦዶዬ?” ያግስ።
\s1 ባላማ ናምአን ሃሳያ
\p
\v 13 ባላቅ ባላማኮ፥ “ኤንታ ኔኒ በአናዉ ዳንዳእያ ሀራ በሲ ታራ የ፤ ያንካ ነ ኤንታፈ ጉራ በኣሳፐ አትሽን፥ ኡባ በአካ። ኔኒ ያን ኤቃዳ ኤንታ ባዳርክ” ያግስ። 
\v 14 ፕስጋ ደርያ ሁጰን ደእያ ፆፍማ ደምባ ኤፍስ። ያን ላፑን ያርሾ በሳታ ግምብድ፥ እስ እስ ያርሾ በሳን እስ ኮርማነ እስ ማራዘ ያርሽስ።
\p
\v 15 ባላም ባላቃኮ፥ “ኔኒ ሀይሳን ነ ያርሹዋ ማታን ደኣሻ፤ ታኒ ጎዳራ ጋሄታናዉ ገደ ባና” ያግስ።
\p
\v 16 ጎዳይ ባላማራ ጋሄትድ፥ “ኔኒ ባላቃኮ ስማዳ እያዉ ሀ ኪታ ኦዳ” ያግስ።
\p
\v 17 ባላም ስሚድ ያ ዎደ ባላቅ ሞአበ ቢታ ሀላቃታራ ያርሹዋ ማታን ኤቅዳይሳ ደምስ። ባላቅ እያኮ፥ “ጎዳይ ነዉ አይ ኦድዴ?” ያግስ።
\p
\v 18 ባላም ሀይሳዳ ያግድ ትንብተ ኦድስ፤
\q1 “ስፎራ ናአዉ፥ ባላቃ፥ ደንዳ፤
\q2 ታ ኦደይሳ ሎይዳ ስአ።
\q1
\v 19 ዎርዶታናዉ ፆሳይ አሰ ግደና፤
\q2 ባ ቆፋ ላማናዉ አሳ ናአ ግደና።
\q1 ኦድድ፥ ባ ኦድዳይሳ ኦኔ?
\q2 ዎይኮ ባ ግዳይሳ ፖለኔ?
\q1
\v 20 ታኒ አንጃናዉ ኪታ ኤካስ፤
\q2 እ አንጅስ፤ ታ ላማናዉ ዳንዳእከ።
\q1
\v 21 ያይቆባ ኮቻ ቦላ ኢታባይ ዬና፤
\q2 እስራኤለ አሳ መቶይ ጋከና።
\q1 ጎዳይ፥ ኤንታ ፆሳይ ኤንታራ ደኤስ፤
\q2 እ ኤንታዉ ካዎ ግደይሳ አዋጆሶና።
\q1
\v 22 ፆሳይ ኤንታ ግብፀፈ ከስስ፤
\q2 እ ምኖ መንዳ ኤንታዉ ኦለቴስ።
\q1
\v 23 ያይቆባ ኮቻ ቦላ ብት ኦና፤
\q2 እስራኤለ አሳ ቆሀና ሙሩኖይ ባዋ።
\q1 ሄኮ፥ ያይቆባስነ እስራኤለስ
\q2 ‘ፆሳይ ኦዳባ በእተ’ ያጋና።
\q1
\v 24 ሀ አሳይ ማጫ ጋሞዳ ደንዴስ፤
\q2 ባ ኦይክዳባ ማና ጋካናዉ፥
\q2 ባ ዎዳይሳ ሱ ኡያና ጋካናዉ፥
\q2 ሸምፖና ጋሞዳ ደንዶሶና” ያግስ።
\p
\v 25 ያትን፥ ባላቅ ባላማኮ፥ “ነ ኤንታ ኡባካ ባዶፋ፤ ኡባካ አንጆፋ” ያግስ።
\p
\v 26 ባላም ዛሪድ፥ “ታኒ ጎዳይ ግያባ ፃላላ ኦና ጋዳ ነዉ ኦዳብክና?” ያግስ።
\s1 ባላማ ሄን ሃሳያ
\p
\v 27 ባላቅ ባላማኮ፥ “ሃያ፤ ታ ነና ሀራ በሲ ኤፋና። ኦን ኤር፥ ሄሳን ፆሳይ ኡፋይትድ፥ ኔኒ ያን ኤቃዳ ኤንታ ባዳና መላ ኦናዉ ዳንዳኤስ” ያግስ። 
\v 28 ባላቅ ባላማ ባዙዋ ዱገ ፄልያ ፓኦራ ዙማ ቦላ ኤፍስ።
\p
\v 29 ባላም፥ “ኔኒ ሀይሳን ታዉ ላፑን ያርሾ በሳታ ግምባ፤ ቃስ ላፑን ኮርማታነ ላፑን ማራዘታ ታዉ ጊግሳ” ያግስ። 
\v 30 ባላም ግዳይሳዳ ባላቅ ኦስ፤ እስ እስ ያርሾ በሳን እስ ኮርማነ እስ ማራዘ ያርሽስ።
\c 24
\p
\v 1 ባላም እስራኤለ አንጀይስ ጎዳ ኡፋይስዳይሳ እ በእዳ ዎደ ካሰ እ ኦይሳዳ ብታ ማላ ኮይቤና፥ ሽን ባ ሶምኡዋ መላ ቢታኮ ዛርስ። 
\v 2 እ ቁ ግድ ፄልያ ዎደ እስራኤለ አሳይ ባ ኮቻን ኮቻን ዱንካንድ ኡትዳይሳ በእያ ዎደ ፆሳ አያናይ እያ ቦላ ዎስ። 
\v 3 እ ሀይሳዳ ያግድ ትንብተ ኦድስ፤
\q1 “ብኦራ ናኣ ባላማ ትንብትያ፤
\q2 እያ አይፈይ ዶየትን ፄልያ አድያ ትንብትያ፤
\q1
\v 4 ፆሳይ ግያባ ስኤይሳ ትንብትያ፤
\q2 እ ሶምኦራ ጉፋንን፥ እያ አይፈይ ዶየትዳይስ፤
\q2 ኡባ ዳንዳእያ ፆሳ ቆንጨ በእዳ አድያ ትንብተይ ሀይሳ።
\q1
\v 5 ያይቆባ፥ ነ ዱንካነት፥
\q2 እስራኤለ፥ ነ ጉታት፥
\q2 አይባ ሎኦና።
\q1
\v 6 ኤንቲ ምጨትዳ ዛንጋራዳ፥
\q2 ሻፋ ጋፃን ደእያ አታክልትያ በሳዳ፥
\q2 ጎዳይ ቶክዳ ጎዳረ ኡዳ፥
\q2 ሃ ጋፃን ደእያ ዝጋ ምዳ ሀኖሶና።
\q1
\v 7 ኤንታ ፁጋይ ሃን ኩማና፤
\q2 ኤንታ ኮቻይ ግድያ ሃ ደማና።
\q1 ኤንታ ካዎይ ካዋ አጋጋፐ አና፤
\q2 ኤንታ ካዎተይ ቦንቸታና።
\q1
\v 8 ፆሳይ ኤንታ ግብፀፈ ከስስ፤
\q2 እ ምኖ መንዳ ኤንታዉ ኦለቴስ።
\q1 ኤንታ ሞርከታ መንረስ፤
\q2 ኤንታ መቀ ጋጬስ፤
\q2 ባ ዶንግያን ጫዴስ።
\q1
\v 9 ኤንቲ ጋሞዳ ዝንእዶሶና፤
\q2 ማጫ ጋሞዳ ዛቁልዶሶና፤
\q2 ኤንታ ቦሸቻናዉ ዳንዳኤይ ኦኔ?
\q1 ኤንታ አንጅያ ኡባይ አንጀታና፤
\q2 ኤንታ ባድያ ኡባይ ባደታና” ያግስ።
\p
\v 10 ያትን፥ ባላቅ ባላማ ቦላ ይሎትስ። ባ ኩሽያ ባቅድ ባላማኮ፥ “ታ ሞርከታ ባዳና መላ ታ ነና ኤሀስ፥ ሽን ኔኒ ሄ ቶሆ ኤንታ አንጃዳሳ። 
\v 11 ሀእ ኤለሳዳ ነ ሶ ባ፤ ታ ነና ዳሮባ ዎይታና ጋስ፥ ሽን ኔኒ ዎይቱዋ ኤኮና መላ ጎዳይ ነና ድግስ” ያግስ።
\p
\v 12 ባላም ባላቃኮ ዛሪድ፥ “ኔኒ ታኮ ኪትዳ አሳኮ፥ 
\v 13 ‘ባላቅ ሀር አቶሽን ባ ካዎተን ኩምዳ ብራነ ዎርቃ ታዉ እምያባ ግድኮካ ጎዳይ ኦድዳይሳ መንዳ ሎኦ ዎይኮ ኢታ ታ ሸነን ኦናዉ ዳንዳእከ። ታኒ ጎዳይ ግያባ ፃላላ ኦዳና’ ጋዳ ነዉ ኦዳብክናዬ?” ያግስ።
\s1 ባላማ ኦይዳን ሃሳያ
\p
\v 14 ባላም ባላቃኮ፥ “ታኒ ሀእ ታ አሳኮ ባይስ፤ ሽን ነ ሃያ፤ እስራኤለ አሳይ ያና ዎድያን ነ አሳ ኦናባ ታ ነዉ ኦዳና” ያግስ። 
\v 15 እ ባ ትንብትያ ሀይሳዳ ያግድ ኦድስ፤
\q1 “እያ አይፈይ ትሽ ኦድ ፄልያ፥
\q2 ብኦራ ናኣ ባላማ ትንብተይ ሀይሳ።
\q1
\v 16 ሀይስ ፆሳይ ግያባ ስኤይሳ ትንብትያ፥
\q2 ኡባ ዳንዳእያ ፆሳፈ
\q2 ግድዳ ኤራተ ደእያ ኡራይ።
\q1 ልች ግድ ሶምኦራ ጉፋንን፥
\q2 እያ አይፈይ ዶየትዳይስነ
\q1 ኡባ ዳንዳእያ ፆሳ
\q2 ቆንጨ በኤይሳ ትንብተይ ሀይሳ።
\b
\q1
\v 17 “ታኒ እያ በአይስ፥ ሽን ዎደይ ሀእ ግደና፤
\q2 ታ እያ ፄላይስ፥ ሽን ማታን ዴና።
\q1 ያይቆባ ሼሻፐ ፆልንቶይ ከያና፤
\q2 እስራኤለፐ ካዎተ ፃምአይ ከያና።
\q1 ሞአበ አሳ ሶምኡዋ እ ጋጫና፤
\q2 ሴታ አሳ ኡባ ሁጵያ እ ትንቻና።
\q1
\v 18 ኤዶመይ ፆነታና፤
\q2 እያ ሞርከይ ሳይረይ ኦይከታና፤
\q2 ሽን እስራኤለይ ምን ምን ባና።
\q1
\v 19 ያይቆባፐ ሃረይስ ከያና፤
\q2 ካታማን ፓፃ አትዳይሳታ ይሳና” ያግስ።
\p
\v 20 ሄሳፈ ጉየ፥ ባላም አማለቃ በእድ ሀይሳዳ ያግድ ትንብተ ኦድስ፤
\q1 “አማለቅ ካዎተታ ግዶን ኮይሮ፥
\q2 ሽን ኤንታ ዉርሰይ ዮ” ያግስ።
\p
\v 21 ቃስ ባላም ቄና በእድ ሀይሳዳ ያግድ ትንብተ ኦድስ።
\q1 “ህንተ ደእያ በሳይ ሳሮ በሲ፤
\q2 ህንተ ኬይ ዛላ ቦላ ኬፀትስ።
\q1
\v 22 ሽን አሶረት ህንተና ድእያ ዎደ፥
\q2 ህንተ ቄና አሳይ ያና” ያግስ።
\p
\v 23 ዉርሰን ባላም ሀይሳዳ ያግድ ትንብተ ኦድስ፤
\q1 “ፆሳይ ሄሳ ኦያ ዎደ፥
\q2 ኦን ደኦን ዳናዉ ዳንዳኢ?
\q1
\v 24 ማርካበት ቆጵሮሳፐ ያና፤
\q2 ኤንቲ አሶረነ ኤቤራ ፆናና፤
\q2 ሽን ኤንትካ ቃስ ያና” ያግስ።
\p
\v 25 ሄሳፈ ጉየ፥ ባላም ደንድድ ባ ሶ ስምስ፤ ባላቅካ ባ ኦግያ ብስ።
\c 25
\s1 ሞአበት እስራኤለታ ባለዶሶና
\p
\v 1 እስራኤለ አሳይ ሴፅማ ጌተትያ በሳን ዱንካንድ ደእሽን፥ እስራኤለ አደት ሞአበ ማጫታራ ላይማቶ ዶምዶሶና። 
\v 2 ሄ ማጫሳት ባንታ ፆሳታ ያርሹዋ ማና መላ ፄግዶሶና። ኤንቲ ሄ ያርሾ ካ ምድ ኤንታ ፆሳታ ጎይንዶሶና። 
\v 3 እስራኤለት ብኤል-ፋጎራ ጌተትያ ኤቃ ጎይንዳ ግሾ ጎዳይ ኤንታ ቦላ ሀንቀትስ። 
\v 4 ያትን፥ ጎዳይ ሙሰኮ፥ “ጎዳ ሀንቆይ እስራኤለፐ ስማና መላ ካለያ አሳ ኡባ ኤፋዳ ሴታ ጋላስ ጎዳ ስንን ካቃ” ያግስ። 
\v 5 ሙሰይ እስራኤለ ዳይናታኮ፥ “ህንተ እሶይ እሶይ ብኤል-ፋጎራ ጌተትያ ኤቃ ጎይንዳ አሳ ኡባ ዎተ” ያግስ።
\p
\v 6 ሙሰይነ ማባራይ ኡባይ ጌሻ ዱንካንያ ፐንገን ዬክሽን፥ እስራኤለታፐ እሶይ ምድያመ ማጫስዉ ኤንታ ስንራ አድ፥ ባ ኬ አሳኮ ኤህስ። 
\v 7 ካህንያ አሮና ናኣ አላዛራ ናአይ ፕንሃስ ሄሳ በእዳ ዎደ ማባራ ግዶፈ ደንድድ፥ ቶራ ኤክድ፥ 
\v 8 እስራኤለ አድያ ካልድ ዱንካንያ ግዶ ገልድ፥ ኡራነ ማጫስዉ ቶራን ጫድድ ካን ከስስ። ሄስ ሀንን እስራኤለታ ዉርስያ ጋዶይ ኤቅስ። 
\v 9 ሽን ሄ ጋዶይ ላታማነ ኦይዱ ሙኩሉ አሳ ዎስ።
\p
\v 10 ጎዳይ ሙሰኮ፥ 
\v 11 “ካህንያ አሮና ናኣ አላዛራ ናአይ ፕንሃስ እስራኤለ አሳ ግዶን ታኒ ታ ቦንቹዋስ ምሸተይሳዳ ምሸትዳ ግሾ፥ ታኒ ህንተ ቦላ ሀንቀትዳ ሀንቁዋ ዶሽስስ። ታኒ ታ ቃናትያን ኤንታ ፖሎ ይሳብከ። 
\v 12 ሄሳ ግሾ፥ ታኒ ታ ሳሮተ ጫቁዋ እያራ ጫቃናይሳ ፕንሃሳስ ኦዳ። 
\v 13 እ ባ ፆሳ ቦንቹዋስ ምሸትዳ ግሾነ እስራኤለ አሳስ ናጋራ አቶተ ኤህዳ ግሾ፥ እነ እያ ኮቻይ መርናዉ ካህነ ግዳና” ያግስ።
\p
\v 14 ምድያመ ማጫሴራ ሀይቅዳ ኡራ ሱንይ ሳሉ ናኣ ዝምራ ጌተቴስ። ሳሉ ስሞና ኮቻን እስ ኮቻ ሀላቃ። 
\v 15 ሀይቅዳ ምድያመ ማጫሰ ሱንይ ኮዝቦ፤ እ አዋይ ዙር ምድያመታ ኮቻ ሀላቃ።
\p
\v 16 ጎዳይ ሙሰኮ፥ 
\v 17 “ምድያመ ቢታ አሳ ሞርክድ ኤንታ ዎተ። 
\v 18 ኤንቲ ህንተና ሞርክድ ፓኦራን ጭምዶሶና ቃስ ቦሻ ጋላስ ፓኦራን ሀይቅዳ ምድያመታ ኮቻ ሀላቃ ናኤ ኮዝብ ጋሶን ህንተና ሞርክዶሶና” ያግስ።
\c 26
\s1 ናምአን እስራኤለ አሳ ታይበተ
\p
\v 1 ቦሻፐ ጉየ፥ ጎዳይ ሙሰኮነ ካህንያ አሮና ናኣ አላዛራኮ፥ 
\v 2 “ላይ ላታማነ እያፐ ቦላ ግድዳ እስራኤለታ፥ ኦላናዉ ዳንዳኤይሳታ ኡባ፥ ኤንታ ኬን ኬን ታይብተ” ያግስ።
\p
\v 3 ያትን፥ ሙሰይነ ካህነይ አላዛር ዮርዳኖሰ ሻፋፐ ሄፍንን፥ እያርኮ ማታን፥ ሞአበ ደንባን አሳ ሺሽድ፥ 
\v 4 “ጎዳይ ሙሰ ኪትዳይሳዳ፥ ላይ ላታማነ እያፐ ቦላ አሳ ታይብዶሶና።”
\p ግብፀፈ ከይዳ እስራኤለ አሳይ ሀይሳታ።
\p
\v 5 እስራኤለ ባይራ ናኣ ሮቤላ ኮቻት ባንታ ኮቻን ኮቻን፥ ሀኖካ ኮቻ፥ ፋሉ ኮቻ፥ 
\v 6 ሄስሮና ኮቻነ ካርማ ኮቻ፤ 
\v 7 ሀይሳቲ ሮቤላ ኮቻታ፤ ኤንታ ኩመ ታይቦይ 43,730. 
\v 8 ፋሉ ናአይ ኤልኣባ፤ 
\v 9 ኤልኣባ አደ ናይት ነሙኤላ፥ ዳታነነ አቤሮ። ዳታንነ አቤሮይ ማባራይ ዶርዳይሳታ፥ ሽን ኤንቲ ቆረነ እያ ካለይሳታራ ቶቢድ ጎዳ ቦላ ማካልድ ሙሰ ቦላነ አሮና ቦላ ደንድዶሶና። 
\v 10 ቢታይ ዶየትድ ኤንታ ቆረራ እስፈ ምትስ፤ ኤንታ ካልያ 250 አሳ ታም ምን ሀይቅዶሶና። ያትን፥ ሀራት ኤንታ በእድ ናገታና መላ ማላ ግድዶሶና። 
\v 11 ሽን ቆረ አደ ናይት ኡባይ ሀይቅድ ይቦኮና።
\p
\v 12 ስሞና ዘረይ ባንታ ኮቻን ኮቻን፥ ነሙኤላ ኮቻ፥ ያምና ኮቻ፥ ያክና ኮቻ፥ 
\v 13 ዛራ ኮቻነ ሳኡላ ኮቻ። 
\v 14 ሀይሳቲ ስሞና ኮቻታ፤ ኤንታ ኩመ ታይቦይ 22,200.
\p
\v 15 ጋደ ዘረይ ባንታ ኮቻ ኮቻን፥ ፅፎና ኮቻ፥ ሀግ ኮቻ፥ ሹና ኮቻ፥ 
\v 16 ኤስና ኮቻ፥ ኤራ ኮቻ፥ 
\v 17 አሮዳ ኮቻነ አርኤላ ኮቻ። 
\v 18 ሀይሳቲ ጋደ ኮቻታ፤ ኤንታ ኩመ ታይቦይ 40,500.
\p
\v 19 ይሁዳ አደ ናይት ኤርነ ኦናን ካናነ ቢታን ሀይቅዶሶና። 
\v 20 ይሁዳ ኮቻት ባንታ ኮቻን ኮቻን፥ ሴላ ኮቻ፥ ፋረሳ ኮቻነ ዛራ ኮቻ። 
\v 21 ፋረሳ ኮቻይ ሄስሮናነ ሀሙላ። 
\v 22 ሀይሳቲ ይሁዳ ኮቻታ፤ ኤንታ ኩመ ታይቦይ 76,500.
\p
\v 23 ይሳኮራ ዘረይ ባንታ ኮቻን ኮቻን፥ ቶላ ኮቻ፥ ፑአ ኮቻ፥ 
\v 24 ያሱባ ኮቻነ ሽምሮና ኮቻ። 
\v 25 ሀይሳቲ ይሳኮራ ኮቻታ፤ ኤንታ ኩመ ታይቦይ 64,300.
\p
\v 26 ዛብሎና ዘረይ ባንታ ኮቻን ኮቻን፥ ሳረዳ ኮቻ፥ ኤሎና ኮቻነ ያህላላ ኮቻ። 
\v 27 ሀይሳቲ ዛብሎና ኮቻታ፤ ኤንታ ኩመ ታይቦይ 60,500.
\p
\v 28 ዮሰፋ ናይታ ምናሰነ ኤፍሬማ ኮቻት ባንታ ኮቻን ኮቻን፥ 
\v 29 ምናሰይ ማክራ የልስ፥ ማክር ጋላዳ የልስ። 
\v 30 ጋላዳ ኮቻት፥ እዘራ ኮቸ፥ ከለጋ ኮቸ፥ 
\v 31 አስርኤላ ኮቸ፥ ሴከማ ኮቻ፥ 
\v 32 ሻምዳ ኮቸነ ሄፌራ ኮቸ። 
\v 33 ሄፌራ ናአይ ሰሎጳድ ማጫ ናአ ፃላላ የልስ፤ እያዉ አደ ናእ ባዋ። ሰሎጳዳ ማጫ ናይታ ሱንይ ማህሎ፥ ኖኦ፥ ሆግሎ፥ ምልኮነ ትርፆ። 
\v 34 ሀይሳቲ ምናሰ ኮቻታ፤ ኤንታ ኩመ ታይቦይ 52,700.
\p
\v 35 ኤፍሬማ ዘረይ ባንታ ኮቻን ኮቻን፥ ሹቱላ ኮቻ፥ በከራ ኮቻ፥ ታሀና ኮቻታነ 
\v 36 ሹቱላ ናኣ ኤራና ኮቻታ። 
\v 37 ሀይሳቲ ኤፍሬማ ኮቻታ፤ ኤንታ ኩመ ታይቦይ 32,500. ዮሰፋ ኮቻት ባንታ ኮቻን ኮቻን ሀይሳታ።
\p
\v 38 ብንያመ ዘረይ ባንታ ኮቻን ኮቻን፥ ቤላ ኮቻ፥ አስቤላ ኮቻ፥ አክራ ኮቻ፥ 
\v 39 ሹፋማ ኮቻ፥ ሁፋማ ኮቻ፥ 
\v 40 ቤላ ናኣ አራዳ ኮቻነ ቤላ ናኣ ናማነ ኮቻ። 
\v 41 ሀይሳቲ ብንያመ ኮቻታ፤ ኤንታ ኩመ ታይቦይ 45,600.
\p
\v 42 ዳነ ዘረይ ሳማ ኮቻ። 
\v 43 ሹሃማ ኮቻ ኩመ ታይቦይ 64,400.
\p
\v 44 አሴራ ዘረይ ባንታ ኮቻን ኮቻን፥ ይምና ኮቻ፥ ይስዋ ኮቻ፥ በርአ ኮቻ፥ 
\v 45 በርአ ናአ ሄቤራ ኮቻነ በርአ ናኣ ማልክኤላ ኮቻ። 
\v 46 አሴራስ ሳራሆ ጌተትያ ማጫ ናእ ደአዉሱ። 
\v 47 ሀይሳቲ አሴራ ኮቻታ፤ ኤንታ ኩመ ታይቦይ 53,400.
\p
\v 48 ንፍታለመ ዘረይ ባንታ ኮቻን ኮቻን፥ ያህፄላ ኮቻ፥ ጉና ኮቻ፥ 
\v 49 የፀራ ኮቻነ ሽለመ ኮቻ። 
\v 50 ሀይሳቲ ንፍታለመ ኮቻታ፤ ኤንታ ኩመ ታይቦይ 45,400.
\p
\v 51 ታይበትዳ እስራኤለ አደ አሳ ታይቦይ ኩመ 601,730.
\p
\v 52 ጎዳይ ሙሰኮ፥ 
\v 53 “ሀ ኮቻታስ ኤንታ ሱን ሱን ታይቡዋን ቢታ ሻካዳ ላታ ኦዳ ኤንታዉ እማ። 
\v 54 ታይቦን ዳረይሳታስ ዳርሳዳ ቃስ ታይቦን ጉፀይሳታስ ጉዳ እማ። ኡባይካ ፃፈትዳ ባንታ ታይቡዋ ኬና ኤኮ። 
\v 55 ሽን ቢታይ ሳማን ሻከቶ፤ እስ እስ ኮቻይ ላታ ኤከይ ባ ኮቻ ሱንን ግዶ። 
\v 56 እስ እስ ላታይ ታይቦን ዳሮታ ግዶንነ ታይቦን ጉታ ግዶን ሳማን ሻከቴስ” ያግስ።
\p
\v 57 ባንታ ዘረን ዘረን ታይበትዳ ሌወ ኮቻት ሀይሳታ፤ ገድሶና ኮቻ፥ ቃሃታ ኮቻነ መራራ ኮቻ። 
\v 58 ሀይሳቲካ ቃስ ሌወ ኮቻታ፤ ልብና ኮቻ፥ ከብሮና ኮቻ፥ ሞሆላ ኮቻ፥ ሙሰ ኮቻነ ቆረ ኮቻ። ቃሃት አምራማ የልስ። 
\v 59 አምራማ ማቸ ሱንይ ዮከቤዶ፤ እያ ግብፀን ሌወፐ የለትዳ ሌወ ናአ። እያ አሮና፥ ሙሰነ ኤንታ ምችዉ ማይራሞ የላሱ። 
\v 60 አሮናስ ናዳበ፥ አብዮዳ፥ አላዛራነ እታማራ ጌተትያ ኦይዱ ናይት ደኦሶና። 
\v 61 ሽን ናዳበይነ አብዮድ ጎዳ ስንን ጌሽ ግዶና ታማን ያርሾ ያርሽዳ ግሾ ቦሻን ሀይቅዶሶና። 
\v 62 ላይ እስ አጌናነ እያፐ ቦላ ግድዳ ሌወ አደ ናይታ ታይቦይ ላታማነ ሄ ሙኩላ። እስራኤለ አሳ ግዶን ኤንታዉ ላታ ቢት እመትቦና ግሾ ኤንቲ እስራኤለታራ ታይበትቦኮና።
\p
\v 63 ዮርዳኖሰ ሻፋፐ ሄፍንን፥ እያርኮ ማታን፥ ሞአበ ደንባን ሙሰይነ ካህነይ አላዛር እስራኤለ አሳ ታይብዳ ዎደ ታይበትዳ አሳይ ሀይሳ። 
\v 64 ሙሰይነ ካህነይ አሮን ኮይሮ ሲና መላ ቢታን እስራኤለ ታይብዳ ዎደ ታይበትዳ አሳፐ መፅ እስ አስካ አትቤና። 
\v 65 ጎዳይ ሀ እስራኤለታባ፥ “ኤንቲ ኡባይ መላ ቢታን ሀይቃና” ያግድ ኦድዳ ግሾ፥ ዮፎና ናኣ ካለባፐነ ናወ ናኣ እያሱፐ አትሽን፥ ሀር እስ አስካ አትቤና።
\c 27
\s1 ሰሎጳዳ ማጫ ናይታ ኦይሻ
\p
\v 1 ሰሎጳድ ሄፌራ ናአ፤ ሄፌር ጋላዳ ናአ፤ ጋላድ ማክራ ናአ፤ ማክር ምናሰ ናአ፤ ምናሰይ ዮሰፋ ናአ። ሰሎጳዳ ማጫ ናይት ማህሎ፥ ኖኦ፥ ሆግሎ፥ ምልኮነ ትርፆ። 
\v 2 ሀ ማጫ ናይት ጌሻ ዱንካንያ ፐንገን ሙሰ ስንን፥ ካህንያ አላዛራ ስንን፥ ሀላቃታ ስንንነ ማባራ ኡባ ስንን ኤቅድ፥ 
\v 3 “ኑ አዋይ መላ ቢታን ሀይቅስ፤ እ ባ ናጋራ ጋሶን ሀይቅስፐ አትሽን፥ ጎዳ ቦላ ደንድዳ ቆረ ካለይሳታ ግዶን ዴና። እያዉ አደ ናእ ባዋ። 
\v 4 ያትን፥ ኑ አዋይ አደ ናአ የልቦና ግሾ እያ ሱንይ እያ ኮቻ ግዶፈ ዋንድ ዪ? ኑ አዋ ዳቦታ ግዶን ኑስ ላታ ቢታ እማ” ግዶሶና።
\p
\v 5 ያትን፥ ሙሰይ ኤንታ ኦይሻ ጎዳ ስን ሺሽስ። 
\v 6 ጎዳይ ሙሰኮ፥ 
\v 7 “ሰሎጳዳ ማጫ ናይታ ኦይሻይ ልከ፤ ኤንታ አዋ ዳቦታ ግዶን ኔኒ ኤንታዉ ላታ ቢታ እማ፤ እያ ግሾይ ኤንታ ላታ ግዶ። 
\v 8 ቃስ እስራኤለ አሳኮ፥ ‘እስ አስ አደ ናአ የሎና ሀይቅኮ እያ ማጫ ናይት ላቶ። 
\v 9 እያዉ ማጫ ናእ ባይናባ ግድኮ እያ እሻት ላቶ። 
\v 10 እያዉ እሽ ባይናባ ግድኮ እያ አዋ እሻት ላቶ። 
\v 11 እያዉ አዋ እሽ ባይናባ ግድኮ እያ ማታ ዳቦይ ላቶ። ታኒ ጎዳይ ነና ኪትዳይሳዳ ሀይስ እስራኤለ አሳስ ዎጋ ግዶ’ ” ያግስ።
\s1 ሙሰ በሳን እያሱ ዶረተ
\p
\v 12 ጎዳይ ሙሰኮ፥ “አባሪማ ዙማ ቦላ ከያዳ ታ እስራኤለ አሳስ እምዳ ቢታ በአ። 
\v 13 ነ በእዳፐ ጉየ፥ ነ እሻ አሮናዳ ነካ ሀይቃዳ ነ ማይዛታን ጋሄታና። 
\v 14 ፂና መላ ቢታን፥ ማርባ ሃ ማታን አሳይ ታ ቦላ ዙዙምዳ ዎደ ህንተ ናምአይ ኤንታ ስንን ታና ጌሽ ኦድ ቦንችቤከታ” ያግስ። (ማርባ ሃይ ፂና መላ ቢታን፥ ቃደሳ ጌተትያ በሳን ደእያ ፑልቶ።)
\p
\v 15 ሙሰይ ጎዳኮ፥ 
\v 16 “አሳ ኡባስ ደኦ እምያ ጎዳ ፆሳዉ፥ ነ አሳይ ሄንንቾይ ባይና ዉደ መላ ግዶናዳ፥ 
\v 17 ሀ አሳ ስንን ከያነ ገልያ ቃስ ኤንታ ካለድ ከስያነ ገልስያ እስ አስ ሀ ማባራ ቦላ ሹማ” ያግስ።
\p
\v 18 ጎዳይ ሙሰኮ፥ “አያናይ እያን ደእያ ናወ ናኣ እያሱ ኤካዳ ነ ኩሽያ እያ ቦላ ዎ። 
\v 19 እያ ካህንያ አላዛራ ስንንነ ማባራ ኡባ ስንን ኤሳዳ ኤንቲ በእሽን ሹማ። 
\v 20 እስራኤለ ኡባይ እያዉ ኪተታና መላ ነ ማታፐ እያዉ ሻካዳ እማ። 
\v 21 እካ ኡሪመን ጎዳ ሸንያ ኦይችድ ሻክያ ካህንያ አላዛራ ስንን ኤቆ። እያሱይነ እስራኤለ ማባራይ ኡባይ አላዛራ ኪታን ከዮነ ገሎ” ያግስ።
\p
\v 22 ሙሰይ ጎዳይ ኪትዳይሳዳ ኦስ፤ እያሱ ኤፍድ፥ ካህንያ አላዛራ ስንንነ ማባራ ኡባ ስንን ኤስስ። 
\v 23 ጎዳይ ኪትዳይሳዳ ሙሰይ ባ ኩሽያ እያ ቦላ ዎድ ሹምስ።
\c 28
\s1 ጋላሳ ያርሹዋ
\r (ከሳ 29:38-46)
\p
\v 1 ጎዳይ ሙሰኮ፥ 
\v 2 “እስራኤለ አሳ ሀይሳዳ ያጋዳ ኪታ፤ ፁገትያ ሳውያ ካ ያርሾ ዎደን ዎደን ታዉ ያርሽተ። 
\v 3 ጎዳስ ታማን ፁገትድ ያርሸትያ ያርሾይ ሀይሳ፤ ኩመ ቦላራ ደእያ እስ ላይ ኩምዳ ናምኡ ማራዘታ ዎንታ ዎንታ ፁሳ ያርሾ ኦድ ያርሽተ። 
\v 4 ማራዘታፐ እሱዋ ዎንታ እሱዋ ቃስ ኦማርስ ያርሽተ። 
\v 5 ቃስ ሄ ማራዝያራ እስ ልትሮ ሻማሆ ዛይተን ሙኑቀትዳ እስ ክሎ ግራመ ሎኦ ግስተ ለ ካ ያርሾ ያርሽተ። 
\v 6 ሀይስ ጎዳ ኡፋይስያ ፁሳ ያርሾ። እካ ሲና ዙማ ቦላ ያርሸትዳ ኮይሮ ፁሳ ያርሾ። 
\v 7 ኮይሮ ማራዝያራ እስ ልትሮ ጫላ ዎይነ ኡሻ ያርሾ ኦድ ያርሾ በሳን ጎዳስ ጉስተ። 
\v 8 ኦማርስ ናምአን ማራዝያ ያርሽያ ዎደ ኮይሮይሳ መላ ካ ያርሹዋነ ኡሻ ያርሹዋ ጉጅድ ያርሽተ። እካ ጎዳ ኡፋይስያ ሳዎ ያርሾ ግዳና።”
\s1 ሳምባታ ያርሾ
\p
\v 9 “ሳምባታ ጋላስ ቦረይ ባይና እስ ላይ ኩምዳ ናምኡ ማራዘታ ዛይተን ሙኑቀትዳ ናምኡ ክሎ ግራመ ሎኦ ግስተ ለ ኤክድ ካ ያርሾነ ኡሻ ያርሾ ኦድ ያርሽተ። 
\v 10 ጋላስ ጋላስ ያርሸትያ ፁሳ ያርሹዋ ቦላ ሳምባታን ሳምባታን ህንተ ያርሻና ፁሳ ያርሾይነ ኡሻ ያርሾይ ሀይሳ።”
\s1 አጌና ፄሮ ያርሾ
\p
\v 11 “አጌን ፄርያ ኮይሮ ጋላስ ናምኡ ዎፋኖታ፥ እስ ማራዘነ እስ ላይ ኩምዳ ቦረይ ባይና ላፑን ዶርሳ ኡርገታ ፁሳ ያርሾ ኦድ ጎዳስ ያርሽተ። 
\v 12 እስ እስ ዎፋኑዋራ ሻማሆ ዛይተን ሙኑቀትዳ ሄ ክሎ ግራመ ግድያ ሎኦ ግስተ ለራ ካ ያርሾ ኦድ ያርሽተ። ቃስ ሻማሆ ዛይተን ሙኑቀትዳ ናምኡ ክሎ ግራመ ግድያ ሎኦ ግስተ ልያ ማራዝያራ ዎላ ያርሻ። 
\v 13 ላፑን ማራዘታፐ እስ እስ ማራዘ ሻማሆ ዛይተን ሙኑቀትዳ እስ ክሎ ግራመ ሎኦ ግስተ ለራ ፁገትያ ሳውያ ካ ያርሾ ኦዳ ጎዳስ ያርሻ። 
\v 14 ቃስ ኡሻ ያርሹዋ እስ እስ ዎፋኑዋስ ናምኡ ልትሮ ዎይነ፥ እስ ማራዝያስ እስ ልትሮነ ባጋ ዎይነ ኡሻነ እስ እስ ዶርሳ ኡርግያስ እስ ልትሮ ግድያ ዎይነ ኡሽ ሺሽተ። ሀይስ ላይ ግዶን አጌን ፄርያ ኮይሮ ጋላሳን ኦሰትያ ፁሳ ያርሾ። 
\v 15 ጋላስ ጋላስ ያርሸትያ ፁሳ ያርሹዋ ቦላነ ኡሻ ያርሹዋ ቦላ እስ ኮለ ናጋራ ያርሾ ኦድ ጎዳስ ያርሽተ።”
\s1 ፓስካ ያርሾ
\r (ሌወ 23:5-14)
\p
\v 16 “ኮይሮ አጌናን ታማነ ኦይዳን ጋላሳይ ጎዳ ፓስካ ቦንችያ ጋላስ ግዶ። 
\v 17 ቃስ ሄ አጌናን ታማነ እቻሻን ጋላሳን ኡይ ባለይ ቦንቸቴስ፤ ሄ ጋላሳፐ ዶምድ ላፑን ጋላስ ጋካናዉ እርሾይ ገልቦና ኡይ ሚተ። 
\v 18 ሄ ጋላሳታፐ ኮይሮ ጋላሳን ጎይናናዉ ሺቅተ፤ ሄ ጋላሳን አይ ኦሶካ ኦፍተ። 
\v 19 ቦረይ ባይና ናምኡ ዎፋኖታ፥ እስ ማራዘነ እስ ላይ ኩምዳ ላፑን ዶርሳ ኡርገታ ፁሳ ያርሾ ኦድ ጎዳስ ያርሽተ። 
\v 20 እስ ዎፋኑዋራ ሻማሆ ዛይተን ሙኑቀትዳ ሄ ክሎ ግራመ ሎኦ ግስተ ለ፥ እስ ማራዝያራ ናምኡ ክሎ ግራመ ለነ 
\v 21 ላፑን ዶርሳ ኡርገታፐ እስ እስ ዶርሳራ እስ ክሎ ግራመ ለ ያርሽተ። 
\v 22 ቃስ እስ ዴሽ ደርያ ናጋራስ አቶተ ግዳና መላ ናጋራ ያርሾ ኦድ ያርሽተ። 
\v 23 ሄሳ ኡባ ዎደ ጋላስ ጋላስ ያርሸትያ ያርሹዋ ቦላ ጉጅድ ያርሽተ። 
\v 24 ኡባ ዎደ ኦሰትያ ፁሳ ያርሹዋ ቦላነ ኡሻ ያርሹዋ ቦላ ጉጅድ ላፑን ጋላስ ጎዳስ ሳውያ ካ ያርሾ ኦድ ያርሽተ። 
\v 25 ላፑን ጋላሳን ጎይኖስ ሺቅተ፤ ሄ ጋላስ አይ ኦሶካ ኦፍተ።”
\s1 ካ ሺሾ ባኣለ
\r (ሌወ 23:15-22)
\p
\v 26 “ካ ሺሾ ባኣለ ሳምንታን ኮይሮ ጋላስ ጎይኖስ ሺቅያ ዎደ ህንተ ኦራ ካፈ ያርሾ ያርሽተ፤ ሄ ዎደ አይ ኦሶካ ኦፍተ። 
\v 27 ናምኡ ዎፋኖታ፥ እስ ማራዝያነ እስ ላይ ኩምዳ ላፑን ዶርሳ ኡርገታ ጎዳስ ሳውያ ፁሳ ያርሾ ኦድ ያርሽተ። 
\v 28 እስ እስ ዎፋኑዋራ ሻማሆ ዛይተን ሙኑቀትዳ ሄ ክሎ ግራመ ሎኦ ግስተ ለ፥ እስ ዶርሳ ኡርግያራ ናምኡ ክሎ ግራመ ለነ 
\v 29 ላፑን ዶርሳ ኡርገታፐ እስ እስ ኡርግያራ እስ ክሎ ግራመ ግስተ ለ ኤክድ ያርሽተ። 
\v 30 እያ ቦላ ጉጅድ እስ ኮለ ናጋራ አቶ ያርሾ ኦድ ያርሽተ። 
\v 31 ጋላስ ጋላስ ያርሸትያ ያርሹዋ ቦላነ ኡሻ ያርሹዋ ቦላ ካ ያርሾ ያርሽተ። ህንተ ያርሽያ መሄት ቦረይ ባይናባ ግዶ።”
\c 29
\s1 ሞይዘ ፑኖ ያርሾ
\p
\v 1 “ላፑን አጌናስ ኮይሮ ጋላሳን ጎይናናዉ ሺቅተ፤ አይ ኦሶካ ኦፍተ፤ ሄ ጋላሳይ ሞይዘይ ፑነትያ ጋላስ። 
\v 2 ቦረይ ባይና እስ ዎፋኖ፥ እስ ማራዘነ እስ ላይ ኩምዳ ላፑን ዶርሳ ኡርገታ ሳውያ ፁሳ ያርሾ ኦድ ጎዳስ ያርሽተ። 
\v 3 ሄ ዎፋኑዋራ ሻማሆ ዛይተን ሙኑቀትዳ ሄ ክሎ ግራመ ሎኦ ግስተ ለ፥ እስ ማራዝያራ ናምኡ ክሎ ግራመ ግስተ ለነ፥ 
\v 4 ላፑን ዶርሳ ኡርገታፐ እስ እስ ኡርግያራ እስ ክሎ ግራመ ለ ያርሽተ። 
\v 5 ቃስ እስ ኮለ ህንተዉ ናጋራ አቶተስ ያርሽተ። 
\v 6 ዎጋይ ኪተይሳ፥ አጌና ፄሮን ያርሸትያ ፁሳ ያርሾ ቦላ፥ ካ ያርሾ ቦላ፥ ጋላስ ጋላስ ያርሸትያ ፁሳ ካ ያርሾ ቦላነ ኡሻ ያርሾ ቦላ ጉጅድ ያርሽተ፤ ሄስ ጎዳ ሳውያ ፁሳ ያርሾ።
\s1 ናጋራ አቶተ ያርሾ
\p
\v 7 “ላፑን አጌናን ታማን ጋላሳን አይ ኦሶካ ኦፍተ፤ ህንተና ካዉሽድ ጎይኖስ ሺቅተ። 
\v 8 ቦረይ ባይና እስ ዎፋኖ፥ እስ ማራዘነ እስ ላይ ኩምዳ ላፑን ዶርሳ ኡርገታ ሳውያ ፁሳ ያርሾ ኦድ ጎዳስ ያርሽተ። 
\v 9 ካ ያርሾ ኦድ እስ ዎፋኖራ ሻማሆ ዛይተን ሄ ክሎ ግራመ ሎኦ ግስተ ለ፥ እስ ዶርሳ ኡርግያራ ናምኡ ክሎ ግራመ ለነ 
\v 10 ላፑን ዶርሳ ኡርገታፐ እስ እስ ኡርግያራ እስ ክሎ ግራመ ለ ያርሽተ። 
\v 11 ቃስ ናጋራ ያርሾ ኦድ እስ ኮለ ያርሽተ። ናጋራ አቶ ያርሹዋ ቦላ፥ ጋላስ ጋላስ ያርሸትያ ፁሳ ያርሹዋ ቦላ፥ ካ ያርሹዋ ቦላነ ኡሻ ያርሹዋ ቦላ ሄሳ ጉጅድ ያርሽተ።
\s1 ሻቃራ ባኣለ ያርሾ
\r (ሌወ 23:33-44)
\p
\v 12 “ላፑን አጌናን ታማነ እቻሻን ጋላሳን፥ ዴፆ ኦሶ ኦፍተ፤ ላፑን ጋላስ ኩመ ጎዳ ቦንቻናዉ ሻቃራ ባኣለ ቦንችተ። 
\v 13 ቦረይ ባይና ታማነ ሄ ዎፋኖታ፥ ናምኡ ማራዘታ፥ እስ ላይ ኩምዳ ታማነ ኦይዱ ዶርሳ ኡርገታ ሳውያ ፁሳ ያርሾ ኦድ ጎዳስ ያርሽተ። 
\v 14 ካ ያርሾ ግዳና መላ ታማነ ሄ ዎፋኖታፐ እስ እስ ዎፋኑዋራ ሻማሆ ዛይተን ሙኑቀትዳ ሄ ክሎ ግራመ ሎኦ ግስተ ለ፥ ናምኡ ማራዘታፐ እስ እስ ኡርግያራ ናምኡ ክሎ ግራመ ለነ 
\v 15 ታማነ ኦይዱ ዶርሳ ኡርገታፐ እስ እስ ኡርግያራ እስ ክሎ ግራመ ለ ያርሽተ። 
\v 16 ቃስ ናጋራ ያርሹዋስ እስ ኮለ ያርሽተ። ሄስ ጋላስ ጋላስ ፁሳ ያርሹዋ ቦላ፥ ካ ያርሹዋ ቦላነ ኡሻ ያርሾ ቦላ ጉጅድካ ያርሽተ።
\p
\v 17 “ናምአን ጋላሳን ታማነ ናምኡ ቦረይ ባይና ዎፋኖታ፥ ናምኡ ማራዘታነ እስ ላይ ኩምዳ ታማነ ኦይዱ ኡርገታ ያርሽተ። 
\v 18 ዎፋኖታራ፥ ማራዘታራነ ዶርሳ ኡርገታራ ካ ያርሹዋነ ኡሻ ያርሹዋ ዎጋይ ኪተይሳ መላ ኤንታ ታይቡዋዳ ያርሽተ። 
\v 19 ጋላስ ጋላስ ያርሸትያ ፁሳ ያርሹዋ ቦላ፥ ካ ያርሹዋ ቦላነ ኡሻ ያርሹዋ ቦላ ጉጅድ ናጋራ ያርሹዋስ እስ ኮለ ያርሽተ።
\p
\v 20 “ሄን ጋላሳን ቦረይ ባይና ታማነ እስ ዎፋኖታ፥ ናምኡ ማራዘታ እስ ላይ ኩምዳ ታማነ ኦይዱ ዶርሳ ኡርገታ ያርሽተ። 
\v 21 ዎፋኖታራ፥ ማራዘታራነ ዶርሳ ኡርገታራ ካ ያርሹዋነ ኡሻ ያርሹዋ ዎጋይ ኪተይሳ መላ ኤንታ ታይቡዋዳ ያርሽተ። 
\v 22 ጋላስ ጋላስ ያርሸትያ ፁሳ ያርሹዋ ቦላ፥ ካ ያርሹዋ ቦላነ ኡሻ ያርሹዋ ቦላ ናጋራ ያርሾስ እስ ኮለ ጉጅድ ያርሽተ።
\p
\v 23 “ኦይዳን ጋላሳን ቦረይ ባይና ታሙ ዎፋኖታ፥ ናምኡ ማራዘታነ እስ ላይ ኩምዳ ታማነ ኦይዱ ዶርሳ ኡርገታ ያርሽተ። 
\v 24 ዎፋኖታራ፥ ማራዘታራነ ዶርሳ ኡርገታራ ካ ያርሹዋነ ኡሻ ያርሹዋ ዎጋይ ኪተይሳ መላ ኤንታ ታይቡዋዳ ያርሽተ። 
\v 25 ጋላስ ጋላስ ያርሸትያ ፁሳ ያርሹዋ ቦላ፥ ካ ያርሹዋ ቦላነ ኡሻ ያርሹዋ ቦላ ጉጅድ ናጋራ ያርሾስ እስ ኮለ ያርሽተ።
\p
\v 26 “እቻሻን ጋላሳን ቦረይ ባይና ኡዱፉን ዎፋኖታ፥ ናምኡ ማራዘታነ እስ ላይ ኩምዳ ታማነ ኦይዱ ዶርሳ ኡርገታ ያርሽተ። 
\v 27 ዎፋኖታራ፥ ማራዘታራነ ዶርሳ ኡርገታራ ካ ያርሹዋነ ኡሻ ያርሹዋ ዎጋይ ኪተይሳዳ ኤንታ ታይቡዋዳ ያርሽተ። 
\v 28 ጋላስ ጋላስ ያርሸትያ ፁሳ ያርሹዋ ቦላ፥ ካ ያርሹዋ ቦላነ ኡሻ ያርሹዋ ቦላ ጉጅድ ናጋራ ያርሾስ እስ ኮለ ያርሽተ።
\p
\v 29 “ኡሱፑን ጋላሳን ቦረይ ባይና ሆስፑን ዎፋኖታ፥ ናምኡ ማራዘታነ እስ ላይ ኩምዳ ታማነ ኦይዱ ዶርሳ ኡርገታ ያርሽተ። 
\v 30 ዎፋኖታራ፥ ማራዘታራነ ዶርሳ ኡርገታራ ካ ያርሹዋነ ኡሻ ያርሹዋ ዎጋይ ኪተይሳ መላ ኤንታ ታይቡዋዳ ያርሽተ። 
\v 31 ጋላስ ጋላስ ያርሸትያ ፁሳ ያርሹዋ ቦላ፥ ካ ያርሹዋ ቦላነ ኡሻ ያርሹዋ ቦላ ጉጅድ ናጋራ ያርሾስ እስ ኮለ ያርሽተ።
\p
\v 32 “ላፑን ጋላሳን ላፑን ዎፋኖታ፥ ናምኡ ማራዘታነ እስ ላይ ኩምዳ ታማነ ኦይዱ ዶርሳ ኡርገታ ያርሽተ። 
\v 33 ዎፋኖታራ፥ ማራዘታራነ ዶርሳ ኡርገታራ ካ ያርሹዋነ ኡሻ ያርሹዋ ዎጋይ ኪተይሳ መላ ኤንታ ታይቡዋዳ ያርሽተ። 
\v 34 ጋላስ ጋላስ ያርሸትያ ፁሳ ያርሹዋ ቦላ፥ ካ ያርሹዋ ቦላነ ኡሻ ያርሹዋ ቦላ ጉጅድ ናጋራ ያርሾስ እስ ኮለ ያርሽተ።
\p
\v 35 “ሆስፑን ጋላሳን ጎይናናዉ ሺቅተ፤ አይ ኦሶካ ኦፍተ። 
\v 36 ቦረይ ባይና እስ ዎፋኖ፥ እስ ማራዘ፥ እስ ላይ ኩምዳ ላፑን ዶርሳ ኡርገታ ሳውያ ፁሳ ያርሾ ኦድ ጎዳስ ያርሽተ። 
\v 37 ዎፋኖታራ፥ ማራዘታራነ ዶርሳ ኡርገታራ ካ ያርሹዋነ ኡሻ ያርሹዋ ዎጋይ ኪተይሳዳ ኤንታ ታይቡዋዳ ያርሽተ። 
\v 38 ጋላስ ጋላስ ያርሸትያ ፁሳ ያርሹዋ ቦላ፥ ካ ያርሹዋ ቦላነ ኡሻ ያርሹዋ ቦላ ጉጅድ ናጋራ ያርሾስ እስ ኮለ ያርሽተ።
\p
\v 39 “ህንተ ጋሶ ያርሹዋ ቦላነ ህንተ ዶሳ ያርሹዋ ቦላ ፁሳ ያርሾ፥ ካ ያርሾ፥ ኡሻ ያርሾነ እስፈተ ያርሾ ባልያ ቦንቻናዉ ኪተትዳ ዎድያን ያርሽተ” ያግስ።
\p
\v 40 ሙሰይ፥ ጎዳይ ባና ኪትዳይሳ ኡባ እስራኤለ አሳስ ኦድስ።
\c 30
\s1 ጋሶ ዎጋ
\p
\v 1 ሙሰይ እስራኤለ ዘረ ሀላቃታኮ፥ “ጎዳ ኪታይ ሀይሳ፤ 
\v 2 እስ አስ ጎዳስ እስባ ኦናዉ ጫቅኮ ዎይኮ እስባፐ ባና ናጋናዉ ቃንግኮ ጉየ ጎና ፖሎ።
\p
\v 3 “ባ አዋ ሶን ደእያ ጌላእያ ጎዳስ እስባ ኦናዉ ጫቅኮ ዎይኮ እስባፐ ባና ናጋናዉ ቃንግኮ፥ 
\v 4 እ አዋይ እያ ጫቅዳይሳ ዎይኮ እያ ቃንገትዳይሳ ስእድ፥ እዮ ድጎና እፅኮ፥ እያ ፖላናዉ ኮሼስ። 
\v 5 ሽን እ አዋይ ሄሳ ስእድ እዮ ድግኮ እ ጫቆይነ እ ቃንገይ አታናዉ ዳንዳኤስ። እ አዋይ እዮ ድግዳ ግሾ ጎዳይ እዉ አቶ ጋና።
\p
\v 6 “ገሎና ማጫ ናእያ ጫቃዳ ደአሸ ዎይኮ እስባፐ ባና ናጋናዉ ቃንገታዳ ደአሸ አዝና ገልኮ፥ 
\v 7 እ አዝናይ ሄሳ ስእድ እዮ ድጎና እፅኮ እያ ባ ጫቁዋነ ባ ቃንገ ፖላናዉ ኮሼስ። 
\v 8 ሽን እ አዝናይ ሄሳ ስእድ እዮ ድግኮ እያ ጫቅዳ ጫቆይ ዎይኮ ቃንገትዳ ቃንገይ እዮ ጎመና። ሄሳ ጎዳይ እዉ አቶ ጋና።
\p
\v 9 “ሽን አምእያ ዎይኮ ሳዮ ማጫስ ጫቅዳ ጫቁዋ ዎይኮ ቃንግዳ ቃንገ ፖላናዉ በሴስ።
\p
\v 10 “አዝናራ ደእያ ማጫስ ጫቅኮ ዎይኮ እስባ ኦናዉ ቃንግኮ፥ 
\v 11 እ አዝናይ ሄሳ ስእድ እዮ ድጎና እፅኮ፥ እያ ጫቅዳ ጫቁዋነ ቃንገትዳ ቃንገ ፖሎ። 
\v 12 እ አዝናይ ሄሳ ስእዳ ጋላስ እዮ ድግኮ እ ጫቆይ ዎይኮ እያ ኦናዉ ቃንገትዳ ቃንገይ እዮ ጎመና። እ አዝናይ ድግዳ ግሾ ጎዳይ እዉ አቶ ጋና። 
\v 13 እ አዝናይ እያ ጫቅዳ ጫቁዋ ዎይኮ እያ ባና ካዉሻናዉ ቃንገትዳ ቃንገ ላላናዉ ዎይኮ ምንናዉ ዳንዳኤስ። 
\v 14 ሽን እ አዝናይ ሄ ጋላስ ዎይኮ ዎንተ ጋላስ አይኮካ ጎና እፅኮ፥ እ ጫቁዋ ዎይኮ እ ቃንገ ምንስ ጉሱ። እ ሄሳ ስእድ፥ ስእ ጊኮ እ ቆፋ ማእስ ጉሱ። 
\v 15 ሽን እ ሄሳ ስእ ጋምእድ ዛር ድግያባ ግድኮ ሄሳስ ኦይሸተይ እያ” ያግስ።
\p
\v 16 ህዛ ሀይስ አዝና ግዶንነ ማች ግዶን፥ ባ አዋራ ሶን ደእያ ጌላኦ ግዶንነ እ አዋ ግዶን ደእያ ጋሄተባ ጎዳይ ሙሰስ እምዳ ዎጋ።
\c 31
\s1 ምድያመ ቦላ ደንድዳ ኦላ
\p
\v 1 ጎዳይ ሙሰኮ፥ 
\v 2 “እስራኤለ አሳ ቆህዳ ግሾ ምድያመ አሳ ኦላዳ ሀሎ ከያ፤ ሄሳፈ ጉየ፥ ኔኒ ሀይቃዳ ነ ማይዛታ ጋካና” ያግስ።
\p
\v 3 ሄሳ ግሾ፥ ሙሰይ አሳኮ፥ “ምድያመ አሳ ኦልድ ጎዳ ሀሎ ከያና መላ ህንተ ግዶፈ ጉ አሳ ኦላስ ዳንጭስተ። 
\v 4 እስ እስ እስራኤለ ኮቻፈ እስ ሙኩሉ አደ አሳ ኦላስ የድተ” ያግስ።
\p
\v 5 ሄሳ ግሾ፥ እስ እስ እስራኤለ ኮቻፈ እስ እስ ሙኩሉ አሳይ ከይድ፥ ታማነ ናምኡ ሙኩሉ ኦላንቾት ኦላስ ጊግዶሶና። 
\v 6 ሙሰይ ካህንያ አላዛራ ናኣ ፕንሃሳ አዋተን፥ እስ እስ ኮቻፈ እስ እስ ሙኩሉ አስ ዶርድ ኦላስ የድስ፤ ፕንሃስ ብሸ ጌሻ ሚሸታነ ማላስ ፑንያ ዛየ ኤክድ ብስ። 
\v 7 ጎዳይ ሙሰ ኪትዳይሳዳ፥ ኤንቲ ምድያመ አሳ ኦልድ አደ ኡባ ዎዶሶና። 
\v 8 እቻሹ ምድያመ ካዎታ፥ ኤዋ፥ ረቄማ፥ ዙራ፥ ሁራነ ሬባ ጌተትያ አሳታ ዎዶሶና፤ ቃስ ብኦራ ናኣ ባላማካ ማሻን ዎዶሶና። 
\v 9 እስራኤለ አሳይ ምድያመ ማጫሳነ ናይታ ድእዶሶና፤ ኤንታ መህያ፥ ዶርሳነ ዴሻ ዉድያነ ኤንታ ሚሸ ኡባ ድእዶሶና። 
\v 10 ኤንቲ ደእያ ካታማታነ ኤንታ ጉታታ ኡባ ፁግዶሶና። 
\v 11 አሳ መህያነ ደእዳባ ኡባ ኤክድ ብዶሶና። 
\v 12 ኤንቲ ድእዳ አሳ፥ መህያነ ሻሎ ኡባ እያርኮፈ ሄፍንን፥ ዮርዳኖሰ ሻፋ ማታን ደእያ ሞአበ ደንባን ዱንካንዳ ሙሰኮ፥ ካህንያ አላዛራኮነ እስራኤለ ማባራኮ ኤህዶሶና።
\p
\v 13 ሙሰይ፥ ካህነያ አላዛርነ ማባራ ሀላቃት ኡባይ ዱንካንዳ ጉታፐ ጋፃ ከይድ ኤንታና ሞክዶሶና። 
\v 14 ሙሰይ ኦላፐ ስምዳ ቾራ ሞጮናታ፥ ሻላቃታነ ማቶ ሀላቃታ ቦላ ሀንቀትስ። 
\v 15 ሙሰይ ኤንታኮ፥ “ማጫሳ ኡባ አይስ ዎቤከቲ? 
\v 16 ኤንቲ ባላማ ዞርያ ስእድ፥ ፐኦራ ጌተትያ በሳን እስራኤለ አሳይ ጎዳ አግድ፥ ቦሻን ሀይቃናዳ ኦዳይ ማጫሳ ግደይሳ ዶግደቲ? 
\v 17 ሄሳ ግሾ፥ ሀእ አደ ናይታነ አደራ አቅዳ ማጫስ ኡባ ዎተ። 
\v 18 ሽን አደራ አቅቦና ማጫ ናይታ ኡባ ህንተዉ አሽተ። 
\v 19 ህንተ ግዶፈ አሰ ዎዳ አስ ዎይኮ አሀ ቦችዳ ኦንካ ጉታፐ ጋፃን ላፑን ጋላስ ኡቶ፤ ሄን ጋላሳንነ ላፑን ጋላሳን ህንተናነ ህንተ ድእዳ አሳ ጌሽተ። 
\v 20 ሄሳዳካ ማኦ ኡባ፥ ጋልባፈ፥ ዴሻ እክሰፐነ ምፈ ኦሰትዳባታ ኡባ ጌሽተ” ያግስ።
\p
\v 21 ካህነይ አላዛር ኦላፐ ስምዳ ኦላንቾታኮ፥ “ጎዳይ ሙሰስ እምዳ ህግያ ማራይ ሀይሳ፤ 
\v 22 ዎርቃ፥ ብራ፥ ናሰ፥ ብራታ፥ ቆርቆሮ፥ እርሳሰ፥ 
\v 23 ታማን ሜተቶናባት ኡባይ ታማን ጌያናዉ በሴስ። ሽን ታማን ሜተትያባት ጌሾ ሃን ጌያናዉ በሴስ። 
\v 24 ላፑን ጋላሳን ህንተ ማኡዋ ሜጭተ፤ ህንተና ጌሽተ። ሄሳፈ ጉየ፥ ጉታ ገልተ” ያግስ።
\s1 ድእዳባ ሻከትዶሶና
\p
\v 25 ጎዳይ ሙሰኮ፥ 
\v 26 “ኔራ፥ ካህንያ አላዛራራነ እስራኤለ ማባራ ሀላቃት ድኤትዳ አሳነ መህያ ታይብተ። 
\v 27 ኦላ ብዳይሳታስነ ቦናይሳታስ ናምኡ ከስድ ሻክተ። 
\v 28 ኦላ ብዳይሳታ ግሹዋፐ አሰ ግድን ሚዝ ግድን ሀረ ግድን ዶርሰ ዎይኮ ዴሸ ግድን እቻሹ ፄታፐ እስኖ ጎዳስ እምተ። 
\v 29 ኤንታ ግሹዋፐ ኤክዳ ጎዳ እሞታ ካህንያ አላዛራስ እምተ። 
\v 30 ሀንኮ እስራኤለታ ጋክዳ ግሹዋፐ፥ አሰ ግድን ሚዝ ግድን ሀረ ግድን ዶርሰ ዎይኮ ዴሸ ግድን እሻታማፈ እስኖ ኤክድ ጎዳ ዱንካንያ አዋተን አይስያ ሌወታስ እምተ” ያግስ። 
\v 31 ሙሰይነ ካህነይ አላዛር ጎዳይ ኪትዳይሳዳ ኦዶሶና።
\p
\v 32-35 ኦላንቾት ባንታዉ ኤክን አትዳ ድኦይ 675,000 ዶርሳታ፥ 72,000 ሚዛታ፥ 61,000 ሀረታነ 32,000 ጌላኦ ማጫ ናይታ። 
\v 36 ኦላ ብዳይሳታ ጋክዳ ግሾይ 337,500 ዶርሳታ፤ 
\v 37 ኤንታፈ ጎዳስ እመትዳይ 675. 
\v 38 ሚዛት 36,000፤ ኤንታፈ ጎዳስ እመትዳይ 72. 
\v 39 ሀረት 30,500፤ ኤንታፈ ጎዳስ እመትዳይ 61. 
\v 40 ማጫሳት 16,000፤ ኤንታፈ ጎዳስ እመትዳይ 32. 
\v 41 ጎዳይ ሙሰ ኪትዳይሳዳ ጎዳ እሞታ ካህንያ አላዛራስ እሚስ።
\p
\v 42-46 ኦላ ቦና እስራኤለ ማባራ ጋክዳ ግሾይ ኦላ ብዳ አሳ ግሹዋራ እስ ግና፤ እካ 337,500 ዶርሳታ፥ 36,000 ሚዛታ፥ 30,500 ሀረታነ 16,000 ጌላኦ ማጫ ናይታ። 
\v 47 እስራኤለ ማባራ ጋክዳ ግሹዋፐ እሻታሙ አሳፐነ መህያፐ እሶ እሶ ከስድ ጎዳይ እያ ኪትዳይሳዳ ጌሻ ዱንካንያ አዋተን አይስያ ሌወታስ እሚስ።
\p
\v 48 ሄሳፈ ጉየ፥ ቶራ ሞጮናት፥ ሻላቃትነ ማቶ ሀላቃት ሙሰኮ ሺቅድ፥ 
\v 49 “ኑኒ ነ አይለት ኑ አዋተ ጋርሳን ደእያ ኦላንቾታ ታይብን እሶይካ ፓጭቤና። 
\v 50 ጎዳይ ኑ ሸምፑዋ አሽዳ ግሾ፥ ኑ እሶይ እሶይ ኤክዳ ዎርቃ አሌቆታ፥ ሳጋዮታ፥ ቶሆ አልቦታ፥ ምግዶታ፥ ሀይ ዎርቃታነ ቆ ዎርቃታ ጎዳስ እማናዉ ኤክድ ይዳ” ያግዶሶና። 
\v 51 ሙሰይነ ካህነይ አላዛር ዎርቃ አሌቆታ ኡባ ኤንታፈ ኤክዶሶና። 
\v 52 ሻላቃትነ ማቶ ሀላቃት ጎዳስ እምዳ ዎርቃይ ናምኡ ፄቱ ክሎ ግራመ ግድስ። 
\v 53 ሀንኮ ኦላንቾት ኤህዳ ድኡዋ ባንታዉ ኤክዶሶና። 
\v 54 ሙሰይነ ካህነይ አላዛር ሻላቃታፐነ ማቶ ሀላቃታፐ ኤክዳ ዎርቃ ጎዳ ስንን እስራኤለ አሳ ሀሳይስያባ ኦድ ጌሻ ዱንካንያ ግዶ ኤህዶሶና።
\c 32
\s1 ዮርዳኖሰፐ ሄፍንን ኡትዳ ኮቻታ
\p
\v 1 ሮቤላነ ጋደ ኮቻስ ዳሮ መሄይ ደኤስ። ኤንቲ ያእዜራ ቢታይነ ጋላዳ ቢታይ መሄስ እንጀ ግደይሳ፥ 
\v 2 በእድ ሙሰኮ፥ ካህንያ አላዛራኮነ እስራኤለ ማባራ ሀላቃታኮ ይድ ሀይሳዳ ያግዶሶና። 
\v 3-4 “እስራኤለ አሳይ ላታና መላ ጎዳይ ማድዳ ቢታይ፥ አፃሮተይ፥ ድቦን፥ ያእዜር፥ ንምር፥ ሀሰቦን፥ ኤልያል፥ ሰባም፥ ናቦይነ ባኦን መሄስ እንጀ ቢታ፤ ኑስ ህንተ አይለታስ ዳሮ መሄይ ደኤስ። 
\v 5 ኑኒ ህንተ ስንን ሳባ ደምዳባ ግድኮ፥ ሄ ቢታ ኑስ ህንተ አይለታ ላታ ኦድ እምተ፤ ኑና ዮርዳኖሰ ሻፋፐ ሄፍን ፕንፍተ” ያግዶሶና።
\p
\v 6 ሙሰይ ጋደ ኮቻታኮነ ሮቤላ ኮቻታኮ፥ “ህንተ ባጋ ግድዳ እስራኤለ አሳይ ኦላስ ብያ ዎደ ህንተ ሀይሳን ኡታናዉ ኮዬቲ? 
\v 7 ጎዳይ ኤንታዉ እምዳ ቢታ ኤንቲ ፕኖና መላ ህንተ አይስ ኤንታ ዎዛና ሹግሴቲ? 
\v 8 ቃደሳ ባርነፈ ሀ ቢታ ዎቻና መላ ህንተ አዋታ ታ የድዳ ዎደ ኤንትካ ሀይሳዳ ኦዶሶና። 
\v 9 ኤንቲ ኤሽኮላ ዛንጋራ ጋካናዉ ብድ ሄ ቢታ በእ ስሚድ እስራኤለት ጎዳይ ኤንታዉ እምዳ ቢታ ገሎና መላ እስራኤለታ ዎዛና ሹግስዶሶና። 
\v 10 ጎዳይ ሄ ጋላስ ዳሮ ሀንቀትድ ሀይሳዳ ያግድ ጫቅስ፤ 
\v 11 ‘ባንታ ኩመ ዎዛናፐ ታና ካልቦና ግሾ፥ ግብፀ ቢታፈ ከይዳይሳታፐ ላይ ላታማነ እያፐ ቦላ ግድዳ አደ አሳፐ እሶይካ አብራሃመስ፥ ይሳቃስነ ያይቆባስ እማና ጋዳ ጫቅዳ ቢታ ገለኮና። 
\v 12 ባንታ ኩመ ዎዛናፐ ካልዳ ግሾ፥ ቀነዛ ዮፎና ናኣ ካለባፐነ ናወ ናኣ እያሱፐ አትሽን፥ ሀር ኦንካ ገለና’ ያግስ። 
\v 13 ጎዳ ሀንቆይ እስራኤለ አሳ ቦላ ኤፅዳ ግሾ ጎዳ ስንን ኢታ ኦዳ ሄ የለተ ኡባይ ያና ጋካናዉ መላ ቢታን ኦይታሙ ላይ ቶይላትዶሶና። 
\v 14 ህንተኖ፥ ናጋራንቾታ ናይቶ ህንተ አዋታ በሳን ኤቅድ ጎዳይ እስራኤለ አሳ ቦላ ጉጅድ ሀንቀታና መላ ኦታ። 
\v 15 ህንተ ጎዳ ካሎና እፅኮ፥ እ ቃስካ ባ ደርያ መላ ቢታን አጋና። ኤንታና ጋክያ ዩዋስ ህንተ ኦይሸታና” ያግስ።
\p
\v 16 ኤንቲ ሙሰኮ ሺቅድ፥ “ኑኒ ሀይሳን ኑ መህያስ ዳራ፥ ኑ ናይታስነ ኑ ማቸታስ ካታማ ኬፃናዉ ኮዮስ። 
\v 17 ሽን እስራኤለ አሳይ ባንታ በሳ ኤካና ጋካናዉ ኑኒ ኦላ ሚሸ ዳንጭድ ኤንታ ስንን ከይድ ኦለታናዉ ጊገትዳ። ሄ ዎደ ሄ ቢታን ደእያ አሳይ ኑ ናይታነ ኑ ማቸታ ቆሆና መላ ግምበትድ ኡትዳ ካታማታን ደኦና። 
\v 18 እስራኤለ አሳ ኡባይ ባንታ ላታ ላታ ኤካና ጋካናዉ፥ ኑኒ ኑ ሶ ስሞኮ። 
\v 19 ኑኒ ኑ ላታ ዮርዳኖሰ ሻፋፐ ሀፍንን ዶሎሀ ባጋን ላትዳ ግሾ፥ ዮርዳኖሰፐ ሄፍንን ዉሎሀ ባጋን ኤንታራ ላታ ኤኮኮ” ያግዶሶና።
\p
\v 20 ሙሰይ ኤንታኮ፥ “ህንተ ገይስ ቱማ ግድኮ ሀይሳን ጎዳ ስንን ኦላ ባናዉ ዳንጨትተ። 
\v 21 ጎዳይ ባ ሞርከታ ባ ስንፈ ጎዳና ጋካናዉ ህንተ ኦላ ሚሽያ ዳንጭድ፥ ዮርዳኖሰ ሻፋ ጎዳ ስንን ፕንኮ፥ 
\v 22 ሄ ቢታ ጎዳይ ፆንዳፐ ጉየ ህንተ ስማናዉ ዳንዳኤታ። ሄ ዎደ ህንተ ጎዳስነ እስራኤለ አሳስ ኦለትድ ፖልደታ ጉሱ። ቃስ ሄ ቢታይ ጎዳ ስንን ህንተዉ ላታ ግዳና።
\p
\v 23 “ህንተ ሄሳ ኦና እፅኮ ጎዳ ቦላ ናጋራ ኦታ፤ ህዛ፥ ህንተ ናጋራ ግሾ ህንተና ሴር ጋካናይሳ ሎይ ኤርተ። 
\v 24 ህንተ ህንተዉ ካታማታ፥ ህንተ መህያስ ዳራ ኬፅተ፥ ሽን ህንተ ገልዳ ቃላ ፖልተ” ያግስ።
\p
\v 25 ጋደ ኮቻይነ ሮቤላ፥ ኮቻይ ሙሰኮ፥ “ኑኒ ነ አይለት ነ ኪትዳይሳዳ ኦና። 
\v 26 ኑ ናይት፥ ኑ ማቸት፥ ኑ ዶርሳትነ ኑ መሄይ ሀይሳን ጋላዳ ካታማታን ደእሾና። 
\v 27 ሽን ኑኒ ነ አይለት፥ ኦላንቾት ኡባይ፥ ኔኒ ኑ ጎዳይ ግዳይሳዳ ኦለታናዉ ጎዳ ስንን ዮርዳኖሰ ሻፋ ፕናና” ያግዶሶና።
\p
\v 28 ሄሳ ግሾ፥ ሙሰይ ካህንያ አላዛራ፥ ናወ ናአ እያሱነ እስራኤለ ኮቻታ ሀላቃታ ኤንታባ ያግድ ኪትስ። 
\v 29 “ጋደ ኮቻይነ ሮቤላ ኮቻይ ኡባይ ኦላ ሚሽያ ዳንጭድ፥ ጎዳ ስንን ህንተራ ዮርዳኖሰ ሻፋ ፕንኮነ ህንተ ሄ ቢታ ፆንኮ፥ ሄሳፈ ጉየ፥ ጋላዳ ቢታ ህንተ ኤንታ ላትስተ። 
\v 30 ሽን ኤንቲ ኦላ ሚሽያ ዳንጭድ፥ ህንተራ ፕንድ ኦላስ ቦና እፅኮ፥ ህንተዳ ኤንታዉ ካናነ ቢታን ላት እመቶ” ያግስ።
\p
\v 31 ያትን። ጋደ ኮቻይነ ሮቤላ ኮቻይ ዛሪድ፥ “ኑኒ ነ አይለት ጎዳይ ግዳይሳ ኦና። 
\v 32 ኑኒ ኦላ ሚሽያ ዳንጭድ፥ ጎዳ ስንን ካናነ ቢታ ገላናዉ ፕናና፤ ሽን ኑኒ ላትያ ላታይ ዮርዳኖሰፐ ሀፍን ባጋ ግዶ” ያግዶሶና።
\p
\v 33 ሄሳ ግሾ፥ ሙሰይ ጋደ ኮቻስ፥ ሮቤላ ኮቻስነ ዮሰፋ ናኣ ምናሰ ኮቻፈ ባጋስ አሞረ ካዋ ስሆና ካዎተነ ባሳነ ካዋ ኦገ ካዎተ ኤንታ ዩሹዋን ደእያ ካታማታራ እሚስ። 
\v 34 ጋደ ኮቻይ ድቦና፥ አፃሮታ፥ አሮኤራ 
\v 35 አፅሮት-ሻፋና፥ ያእዜራ፥ ዮግባ፥ 
\v 36 ቤት-ንምራነ ቤት-ሀራና ጌተትያ ግምበን ድረትዳ ካታማታ ዛሪድ ኬፅዶሶና፤ ባንታ መህያስ ዳራ ኬፅዶሶና።
\p
\v 37 ሮቤላ፥ ኮቻይ ሀሰቦና፥ ኤልኣላ፥ ቅራታይማ፥ 
\v 38 ናባ፥ ባኣል-ማኦናነ ሰባማ ጌተትያ ካታማታ ዛረ ኬፅዶሶና፤ ሄ ካታማታ ሱን ላምዶሶና።
\p
\v 39 ምናሰ ናኣ ማክራ ኮቻት ጋላዳ ቢታ ኦል ኦይክድ ያን ደእያ አሞረታ ጎድዶሶና። 
\v 40 ሄሳ ግሾ፥ ምናሰ ናኣ ማክራ ኮቻስ ሙሰይ ጋላዳ ቢታ እምን ኤንቲ ያን ደእዶሶና። 
\v 41 ምናሰ ኮች ግድዳ ያእር ሄ ካታማታ ኦል ኦይክድ፥ “ያእራ ካታማታ” ያግድ ሱንስ። 
\v 42 ኖባ ቃናታ ካታማነ እያ ዩሹዋን ደእያ ጉታታ ኦላን ኦይክደ፥ ባ ሱንን “ኖባ” ግድ ሱንስ።
\c 33
\s1 ግብፀፈ ሞአበ ጋካናዉ
\p
\v 1 ሙሰይነ አሮን ካለን፥ እስራኤለ አሳይ፥ ባንታ ጩጋን ጩጋን ግብፀፈ ከይድ ሲራትዳ ጉታታ ኦድያ ታርከይ ሀይሳ። 
\v 2 ጎዳይ ኪትዳይሳ መላ ሙሰይ ኤንቲ ሲራትዳ በሳታ ሱን ኡባ ካል ካል ፃፍስ።
\p
\v 3 እስራኤለ አሳይ ኮይሮ አጌናን፥ ታማነ እቻሻን ጋላሳን፥ ፓስካ ቦንችያ ናምአን ጋላስ ደንድድ፥ ግብፀ አሳ ኡባይ በእሽን፥ ያዮና ራምሰፐ ከይዶሶና። 
\v 4 ሄ ዎደ ግብፀ አሳይ ጎዳ ጋዶን ሀይቅዳ ባንታ ባይራ ናይታ ሞጎሶና። ሄሳዳ ኦድ፥ ጎዳይ ኤንታ ፆሳታ ቦላ ፕርዳ ኤህስ።
\p
\v 5 እስራኤለ አሳይ ራምሰፐ ደንድድ ሱኮታ ጌተትያ በሳን ዱንካንዶሶና።
\p
\v 6 ሱኮታፐ ደንድድ መላ ቢታ ጋፃን ደእያ ኤታማን ዱንካንዶሶና።
\p
\v 7 ኤታማፐ ደንድድ ባአል-ፃፎናፐ ዶሎሀ ባጋን ደእያ ፕሀህሮታ ስሚድ ምግዶላ ማታን ዱንካንዶሶና።
\p
\v 8 ፕሀህሮታፐ ደንድድ፥ ዞኦ አባ ፕንድ፥ ሱዛ መላ ቢታ ብዶሶና። ኤታማ መላ ቢታን ሄ ጋላስ ሄመትድ ማራን ዱንካንዶሶና።
\p
\v 9 ማራፐ ደንድድ ታማነ ናምኡ ፑልቶትነ ላፑን ታሙ ዛምባት ደእያ ኤልማን ዱንካንዶሶና።
\p
\v 10 ኤልማፐ ደንድድ ዞኦ አባ ማታን ዱንካንዶሶና።
\p
\v 11 ዞኦ አባ ማታፐ ደንድድ ሲና መላ ቢታን ዱንካንዶሶና።
\p
\v 12 ሲና መላ ቢታፈ ደንድድ ራፋቃን ዱንካንዶሶና።
\p
\v 13 ራፋቃፐ ደንድድ ኤሉሳን ዱንካንዶሶና።
\p
\v 14 ኤሉሳፐ ደንድድ ሃ ባይና በሳን ራፍድማን ዱንካንዶሶና።
\p
\v 15 ራፍድማፐ ደንድድ ሲና መላ ቢታን ዱንካንዶሶና።
\p
\v 16 ሲና መላ ቢታፈ ደንድድ ክብሮት ሀትአዋን\f + \fr 33:16 \fr*\fk ክብሮት ሀትአዋን፦ \fk*\ft አሞ ዱፎ ጌተትያ በሲ\ft*\f* ዱንካንዶሶና።
\p
\v 17 ክብሮት ሀትአዋፐ ደንድድ ሀፀሮታን ዱንካንዶሶና።
\p
\v 18 ሀፀሮታፐ ደንድድ እርትማን ዱንካንዶሶና።
\p
\v 19 እርትማፐ ደንድድ እርሞን-ፓሬዛን ዱንካንዶሶና።
\p
\v 20 እርሞን-ፓሬዛፐ ደንድድ ልብናን ዱንካንዶሶና።
\p
\v 21 ልብናፐ ደንድድ እርሳን ዱንካንዶሶና።
\p
\v 22 እርሳፐ ደንድድ ቃሄላታን ዱንካንዶሶና።
\p
\v 23 ቃሄላታፐ ደንድድ ሸፋራ ዙማን ዱንካንዶሶና።
\p
\v 24 ሸፋራ ዙማፐ ደንድድ ሀራዳን ዱንካንዶሶና።
\p
\v 25 ሀራዳፐ ደንድድ ማቅሄሎታን ዱንካንዶሶና።
\p
\v 26 ማቅሄሎታፐ ደንድድ ታሀታን ዱንካንዶሶና።
\p
\v 27 ታሀታፐ ደንድድ ታራን ዱንካንዶሶና።
\p
\v 28 ታራፐ ደንድድ ምትቃን ዱንካንዶሶና።
\p
\v 29 ምትቃፐ ደንድድ ሀሽሞናን ዱንካንዶሶና።
\p
\v 30 ሀሽሞናፐ ደንድድ ሞሰሮታን ዱንካንዶሶና።
\p
\v 31 ሞሰሮታፐ ደንድድ በን-ያእቃናን ዱንካንዶሶና።
\p
\v 32 በን-ያእቃናፐ ደንድድ ሆር-ሀግድጋዳን ዱንካንዶሶና።
\p
\v 33 ሆር-ሀግድጋዳፐ ደንድድ ዮፅባታን ዱንካንዶሶና።
\p
\v 34 ዮፅባታፐ ደንድድ አብሮናን ዱንካንዶሶና።
\p
\v 35 አብሮናፐ ደንድድ ኤፅዮን-ጋብራን ዱንካንዶሶና።
\p
\v 36 ኤፅዮን-ጋብራፐ ደንድድ ሲና መላ ቢታን ቃደሳን ዱንካንዶሶና።
\p
\v 37 ቃደሳፐ ደንድድ ኤዶመ ቢታ ዛዋን ደእያ ሆራ ዙማን ዱንካንዶሶና። 
\v 38 ካህነይ አሮን ጎዳ ኪታን ሆራ ዙማ ቦላ ከይድ፥ እስራኤለ አሳይ ግብፀ ቢታፈ ከይዳ ኦይታማን ላይን፥ እቻሻን አጌናን፥ ኮይሮ ጋላሳን ያን ሀይቅስ። 
\v 39 አሮን ሆራ ዙማ ቦላ ሀይቅያ ዎደ እያዉ ላይ ፄታነ ላታማነ ሄ።
\p
\v 40 ነገበ መላ ቢታን ካናነን ደእያ አራዳ ካዎይ እስራኤለ አሳ ዩሳ ስእስ።
\p
\v 41 እስራኤለ አሳይ ሆራ ዙማፐ ደንድድ ፃልሞናን ዱንካንዶሶና።
\p
\v 42 ፃልሞናፐ ደንድድ ፑኖናን ዱንካንዶሶና።
\p
\v 43 ፑኖናፐ ደንድድ ኦቦታን ዱንካንዶሶና።
\p
\v 44 ኦቦታፐ ደንድድ ሞአበ ቢታ ዛዋን ደእያ አባሪማን ዱንካንዶሶና።
\p
\v 45 አባሪማፐ ደንድድ ድቦን-ጋዳን ዱንካንዶሶና።
\p
\v 46 ድቦን-ጋዳፐ ደንድድ አልሞን-ድብላታይማን ዱንካንዶሶና።
\p
\v 47 አልሞን-ድብላታይማፐ ደንድድ ናቦ ዙማ ስንን አባሪማ ዙማታ ቦላ ዱንካንዶሶና።
\p
\v 48 አባሪማ ዙማታፐ ደንድድ እያርኮፈ ሄፍንን፥ ዮርዳኖሰ ሻፋ ማታን ደእያ ሞአበ ደንባን ዱንካንዶሶና። 
\v 49 ዮርዳኖሰ ሻፋ ማታን ደእያ ሞአበ ደንባን፥ ቤት-ያሽሞታፐነ አቤል-ሳፅማ ዛንጋራፐ ግዶን ዱንካንዶሶና።
\p
\v 50 እያርኮፈ ሄፍንን፥ ዮርዳኖሰ ሻፋ ማታን ደእያ ሞአበ ደምባን ጎዳይ ሙሰኮ፥ 
\v 51 “እስራኤለ አሳስ ያጋዳ ኦዳ፤ ዮርዳኖሰ ሻፋ ፕንድ፥ ካናነ ቢታ ህንተ ገልያ ዎደ 
\v 52 ሄ ቢታን ደእያ አሳ ኡባ ህንተ ስንፈ የደተ። ሹቻፈ ማሰትድ ኦሰትዳ ምስለታነ ሼሽድ መዳ ኤቃታ ይስተ። ቃ ጎይኖ በሳታ ኡባ ላልተ። 
\v 53 ሄ ቢታ ታ ህንተዉ እምዳ ግሾ እያ ላትድ ያን ደእተ። 
\v 54 ህንተ ኮቻን ኮቻን ሳማ ከስድ ቢታ ሻከትተ። ታይቦን ዳርያ ኮቻታስ ዳልጋ ላታ እምተ፤ ታይቦን ጉፅያ ኮቻታስ ጉ ላታ እምተ። ሳማን ኤንታ ጋክዳ ቢታይ ኤንታባ ግዳና። ቢታ ህንተ ማይዛታ ኮቻን ኮቻን ሻክድ ኤክተ። 
\v 55 ሽን ሄ ቢታን ደእያ አሳ ህንተ የደና እፅኮ፥ ህንተ አሽዳይሳት ህንተ አይፍያስ ፕንጮ፥ ህንተ ምይያስ አጉን ግዳና፤ ህንተ ዳና ቢታን ኡባ ዎደ ኦላ ደንድ ህንተና ዋይሳና። 
\v 56 ህንተ ኤንታ የደና እፅኮ፥ ታ ኤንታ ቦላ ኦናዉ ሀልችዳባ ህንተ ቦላ ኦና ጋዳ ኦዳ” ያግስ።
\c 34
\s1 እስራኤለ ቢታ ዛዋ
\p
\v 1 ጎዳይ ሙሰኮ፥ 
\v 2 “እስራኤለ አሳስ ሀይሳዳ ጋዳ ኦዳ፤ ህንተ ካናነ ገልያ ዎደ ታ ህንተዉ ላታ ኦዳ እማና ቢታ ዛዋይ ሀይሳ። 
\v 3 ዱገሀ ባጋ ዛዋይ ሲና መላ ቢታፈ ደንድድ ኤዶመ ዛዋ ካንስ። ዶሎሀ ባጋራ ህንተ ዛዋይ ማፅነ አባፈ ዱገ ባጋራ ዶምድ፥ 
\v 4 አቅራብማ አያ በሳ ሻክድ ሲና ቢታ ባዙዋ ካንድ ዱገሀ ባጋራ ቃደስ-ባርነ ጋኬስ። ያፐ ሀዳር-አዳራ ካንድ አፅሞና ጋኬስ። 
\v 5 አፅሞናፐ ደንድድ ግብፀ ሻፋ ጉየ ስሚድ መደትራነ አባ ጋኬስ።
\p
\v 6 “ዉሎሀ ባጋ ዛዋይ መደትራነ አባ ጋፃ ግዳና።
\p
\v 7 “ፑደሀ ባጋ ዛዋይ መደትራነ አባ ካልድ ሆራ ዙማ ጋካናዉ ቤስ። 
\v 8 ሆራ ዙማፐ ሀማታ ገልያ በሳ ጋካናዉ ቤስ፤ ሄ ዛዋ ዉርሰይ ፃዳዳ። 
\v 9 ያፐ ደንድድ ዝፍሮና ጋክድ፥ ሀፃር-ኤናናን ኤቄስ፤ ፑደሀ ባጋ ዛዋይ ሀይሳ።
\p
\v 10 “ዶሎሀ ባጋ ዛዋይ ሀፃር-ኤናናፐ ሳፋማ ማላ ጋኬስ። 
\v 11 ሳፋማ ማላፈ ደንድድ አይናፐ ዶሎሀ ባጋራ እርብላ ዱገ ዎድ ከነሬታ አባፈ ዶሎሀ ባጋራ ደእያ ዙማታ ጋኬስ። 
\v 12 ሄሳፈ ህንተ ዛዋይ ዱገ ዮርዳኖሰ ሻፋ ዎ ዛዋይድ ማፅነ አባ ጋኬስ። ህንተ ቢታ ዩሾ ዛዋት ሀይሳታ” ያግስ።
\p
\v 13 ሙሰይ እስራኤለ አሳ ሀይሳዳ ያግድ ኪትስ፤ “ኡዱፉን ባጋ ኮቻስ ህንተ ሳማ የግድ ሻካና ላታ ቢታይ ሀይሳ። 
\v 14 ሮቤላ ኮቻይ፥ ጋደ ኮቻይነ ምናሰ ኮቻፈ ባጋይ፥ 
\v 15 ባንታ ላታ እያርኮፈ ሄፍንን፥ ዮርዳኖሰ ሻፋፐ ዶሎሀ ባጋን ኤክዶሶና” ያግስ።
\p
\v 16 ጎዳይ ሙሰኮ፥ 
\v 17 “ካህንያ አላዛራነ ናወ ናኣ እያሱይ ሄ ቢታ አሳስ ሻኮ። 
\v 18 ቃስ ቢታ ሻካናዉ ማዳና መላ እስ እስ ኮቻፈ እስ እስ ሀላቃ ዶርተ። 
\v 19 ኤንታ ሱንይ ሀይሳፈ ካልድ ደኤይሳ።
\li1 ይሁዳ ኮቻፈ ዮፎና ናኣ ካለባ፤
\li1
\v 20 ስሞና ኮቻፈ አምሁዳ ናኣ ሳላምኤላ፤
\li1
\v 21 ብንያመ ኮቻፈ ክስሎና ናኣ ኤልዳዳ፤
\li1
\v 22 ዳነ ኮቻፈ ዮግላ ናኣ ቡቃ፤
\li1
\v 23 ዮሰፋ ናኣ ምናሰ ኮቻፈ ሱፌዳ ናኣ ሀንኤላ፤
\li1
\v 24 ዮሰፋ ናኣ ኤፍሬማ ኮቻፈ ሽፍፃና ናኣ፤ ቃሙኤላ፤
\li1
\v 25 ዛብሎና ኮቻፈ ፋርናካ ናኣ ኤልሳፋና፤
\li1
\v 26 ይሳኮራ ኮቻፈ ሆዛ ናኣ ፓልፅኤላ፤
\li1
\v 27 አሴራ ኮቻፈ ሳሎማ ናኣ አሁዳ፤
\li1
\v 28 ንፍታለመ ኮቻፈ አምሁዳ ናኣ ፓዳህኤላ፤
\p
\v 29 ካናነ ቢታ እስራኤለ አሳስ ላታ ኦድ ሻክድ እማና መላ ጎዳይ ኪትዳ አሳት ሀይሳታ” ያግስ።
\c 35
\s1 ሌወታስ እመትዳ ካታማታ
\p
\v 1 እያርኮፈ ሄፍንን፥ ዮርዳኖሰ ሻፋ ማታን ደእያ ሞአበ ደንባን፥ ጎዳይ ሙሰኮ ሀይሳዳ ያግስ፤ 
\v 2 “እስራኤለት ባንታ ላታፐ ሌወት ዳና ካታማታነ ኤንታ ዩሹዋን ሄን ቢታ እማና መላ ኤንታዉ ኦዳ። 
\v 3 ሄ ካታማት ኤንታዉ ዱሳ በሲ ግዶ፤ ሄን ቢታት ኤንታ ሚዛስ፥ ኤንታ ዶርሳስነ ኤንታ ሀራ መሄታስ ግዶ። 
\v 4 ህንተ ኤንታዉ እምያ ሄን ቢታይ ኡባ ባጋራ ካታማ ግምበ ድርሳፈ እስ ሙኩሉ ዋ ግዶ። 
\v 5 ካታማ ግዶ ኦድ ዶሎሀ ባጋራ ናምኡ ሙኩሉ ዋ፥ ዱገሀ ባጋራ ናምኡ ሙኩሉ ዋ፥ ዉሎሀ ባጋራ ናምኡ ሙኩሉ ዋነ ፑደሀ ባጋራ ናምኡ ሙኩሉ ዋ ዋተ። ሌወት ሄ ሄራ ባንታ ካታማስ ሄን ቢታ ኦ።
\p
\v 6 “ሌወታስ ህንተ እምዳ ካታማት፥ አሰ ዎዳ ኡራይ ባቃትድ አትያ ኡሱፑን ካታማታ፤ ሄሳታ ቦላ ጉጅድካ፥ ኦይታማነ ናምኡ ሀራ ካታማታ ኤንታዉ እምተ። 
\v 7 ኦይታማነ ሆስፑን ካታማታ ኤንታ ሄን ቢታራ እስፈ ሌወታስ እምተ። 
\v 8 እስራኤለ አሳ ላታፐ ኤንታ ላታ መላ ዳሮ ኮቻፈ ዳሮ ካታማ፥ ጉ ኮቻፈ ጉ ካታማ ኤክድ ሌወታስ እምተ” ያግስ።
\s1 ባቃትድ አትያ ካታማታ
\r (ዛረ 19:1-13፤ እያ 20:1-9)
\p
\v 9 ጎዳይ ሙሰኮ፥ 
\v 10 “እስራኤለ አሳኮ ሀይሳዳ ያጋ፤ ዮርዳኖሰ ሻፋ ፕንድ፥ ካናነ ቢታ ህንተ ገልያ ዎደ፥ 
\v 11 እስ አስ ቆፖና አሰ ዎዳባ ግድኮ ሄ ኡራይ ባቃትድ አታና መላ ካታማታ ህንተዉ ዶርተ። 
\v 12 ያን ሱ ዛራናዉ ኮያ ሀይቅዳ ኡራ ዳቦታፐ እ አቴስ። ሸምፖ ዎዳ ደርያ ስንን ፕርዳስ ሺቆና ሀይቃናዉ በሰና። 
\v 13 ሀ ህንተ እምያ ኡሱፑን ካታማት ህንተ ባቃትድ አትያ ካታማ ግዶ። 
\v 14 ሄ ካታማት ዮርዳኖሰ ሻፋፐ ዶሎሀ ባጋን ግዶ፤ ቃስ አትዳ ሄት ካናነ ቢታን ግዶ። 
\v 15 ሀ ኡሱፑን ካታማት ኤሮና አሰ ዎዳ እስራኤለ አሳይ፥ በታንቾትነ ጉ ዎደስ ህንተ ግዶን ደእያ አሳት ባቃትድ አትያ በሲ ግዶ።
\p
\v 16 “እስ አስ ሀራ አስ ብራታ ሚሸን ሾጭድ ዎኮ ሄ ኡራይ ሸምፖ ዎስ፤ እ ሀይቆ። 
\v 17 እስ አስ ዎናዉ ዳንዳእያ ሹቻን ሀራ አስ ጫድድ ዎኮ ሄ ኡራይ ሸምፖ ዎስ፤ እ ሀይቆ። 
\v 18 እስ አስ ዎናዉ ዳንዳእያ ም ሚሸን ሀራ አስ ሾጭድ ዎኮ ሄ ኡራይ ሸምፖ ዎስ፤ እ ሀይቆ። 
\v 19 ሱ ዛርያ ማታ ዳቦይ ሄ ሸምፖ ዎዳይሳ ደምኮ ዎ።
\p
\v 20 “እስ አስ ሀራ አስ ባ ዎዛናን ሞርክድ ሱግ የግኮ ዎይኮ ሀይቆ ግድ እያ ቦላ እስባ ሆልን ሄ ኡራይ ሀይቅኮ፥ 
\v 21 ዎይኮ ሞርክድ ባ ኩሸ ጩጩምድ ደችን ሄ ኡራይ ሀይቅኮ፥ እ ሸምፖ ዎስ፤ እ ሀይቆ። ሱ ዛርያ ማታ ዳቦይ ሸምፖ ዎዳይሳ ደምኮ ዎ።
\p
\v 22 “ሽን ሞርከተ ባይናን፥ እስ አስ ሀራ አስ አኬኮና ሱግድ ዎይኮ ቆፖና እያ ቦላ እስባ ሆልኮ፥ 
\v 23 ዎይኮ ዎናዉ ዳንዳእያ ሹቹ እ በኦና እያ ቦላ ሆልን፥ ሄ ኡራይ ሀይቅኮ፥ ሄሳን ሞርከተ ባይና ግሾነ እያ ቆሀናዉ ቆፕድ ደንዶና ግሾ፥ 
\v 24 ዱላታይ እያ ግዶንነ እያ ሱ ዛራናዉ ኮያ ኡራ ግዶን ፕርድያ ዎጋይ ካልድ ደእያ ዎጋ ግዶ። 
\v 25 ኤሮና ዎዳይሳ ሱ ዛራናዉ ኮየይሳ ኩሸፐ ሄ ኡራ ዱላታይ አሽድ፥ እ ባቃትድ አትያ ካታማ ዛሮ። ሄ ዎደ ደእያ ዛይተን ትየትዳ ካህነ ሀላቃይ ሀይቃና ጋካናዉ እ ያን ደኦ።
\p
\v 26 “ሽን ኤሮና ዎዳይስ ባቃትድ አትያ ካታማ ዛዋፐ በትኮ፥ 
\v 27 ሀይቅዳ ኡራ ዳቦይ እያ ደምድ ዎኮ፥ ሸምፖ ዎን ኦይሸተና። 
\v 28 ሄ ዎደ ደእያ ካህነ ሀላቃይ ሀይቃና ጋካናዉ ሄ ኤሮና ዎዳ ኡራይ ባቃትድ አትያ ካታማን ኡቶ። ሽን ሄ ካህነ ሀላቃይ ሀይቅዳፐ ጉየ ኤሮና ዎዳ ኡራይ ባ ሶ ስማናዉ ዳንዳኤስ።
\p
\v 29 “ሀ ዎጋይነ ህገይ ህንተ ደእያ ቢታን ህንተዉነ ህንተ ዘረስ ኤቅድ ደእያ ዎጋ ግዶ።
\p
\v 30 “አሰ ዎዳ ኦንካ እ ሸምፖ ዎዳይሳ ናምኡ ዎይኮ ሄ ማርክ ማርካትኮ ሀይቆ፥ ሽን እስ አሳ ማርካተን ኦንካ ሀይቃናዉ በሰና። 
\v 31 ቃስ ሸምፖ ዎዳ አሳፐ አጫ ኤኮፍተ፤ እ ሀይቃናዉ በሴስ። 
\v 32 ባቃትድ አትያ ካታማ በትዳ ኦደፈካ ካህነ ሀላቃይ ሀይቃናፐ ስን ባ ሶ ስማና መላ አጫ እያፐ ኤኮፍተ። 
\v 33 ሱ ቢታ ቱንስያ ግሾ ሱ ጉሶፍተ። ሱ ጉስዳ ኡራ ሱፈ አትሽን፥ ሱ ጉክዳ ቢታ ሀራ ኦገራ ቱናተፈ ጌሽያ ዎግ ባዋ። 
\v 34 ታኒ፥ ጎዳይ እስራኤለ አሳ ግዶን ደእያ ግሾ፥ ህንተ ደእያ ቢታ፥ ታኒ አቅያ ቢታ ቱንሶፕተ” ያግስ።
\c 36
\s1 ሰሎጳዳ ማጫ ናይታ ላታ
\p
\v 1 ዮሰፋ ኮቻፈ፥ ምናሰ ናኣ ማክራ ናኣ ጋላዳ ኮቻ ሀላቃት ሙሰኮነ እስራኤለ ሀላቃታኮ ይድ 
\v 2 “ኑ ጎዳዉ፥ እስራኤለ አሳስ ላታ ቢታ ሳማን ሻካዳ እማና መላ ጎዳይ ነና ኪትስ፤ ቃስ ኑ እሻ ሰሎጳዳ ላታ እያ ማጫ ናይታስ እማና መላ ነና ኪትስ። 
\v 3 ኤንቲ ሀራ ኮቸ ግድዳ እስራኤለ አስ ገልኮ ኤንታ ላታይ ኑ አዋታ ላታፐ ኤከትድ ኤንታ ኤክያ ዘረስ ጉዠቴስ። ሄሳ ግሾ፥ ኑስ ሳማን እመትዳ ላታይ ጉፄስ። 
\v 4 እስራኤለ አሳስ እሻታማን ላይ ቦንችያ ባለይ ጋክያ ዎደ ኤንታ ላታይ ኤንታ ኤክዳ አሳ ኮቻስ ጉዠቴስ፤ ሄሳ ግድኮ ኤንታ ላታይ ኑ አዋታ ኮቻ ላታፐ ኤከታና” ያግዶሶና።
\p
\v 5 ሄሳ ግሾ፥ ሙሰይ ጎዳፐ ኤክዳ ኪታ እስራኤለ አሳስ ሀይሳዳ ያግድ ኦድስ፤ “ዮሰፋ ኮቻይ ግዳይስ ልከ። 
\v 6 ጎዳይ ሰሎጳዳ ማጫ ናይታባ ኪትዳይስ ሀይሳ፤ ኤንቲ ባንታዉ ዶስዳ አዝና ገላናዉ ዳንዳኦሶና፥ ሽን ኤንታ ኮቻፈ ግዳናዉ ኮሼስ። 
\v 7 እስራኤለ አሳ ላታይ እስ ኮቻፈ ሀራ ኮቻስ አፎ፤ እስራኤለ አሳይ ባንታ ኮቻ ላታ ቢታ ምንድ ናጎ። 
\v 8 እስራኤለ አሳ ግዶን ላታ ቢታ ኤክዳ ማጫስ ኦንካ ባ አዋ ኮቸ ግድዳ አዝና ገላናዉ ኮሼስ። ሄሳዳ ኦኮ ኤንታ ኮቻ ላታይ ኤንታ ኩሸን ጋምኤስ። 
\v 9 ያትኮ፥ ላታይ እስ ኮቻፈ ሀራ ኮቻኮ አና። እስ እስ ኮቻይ ባ ላታ ቢታ ኦይክዳ መላ ዳና” ያግስ።
\p
\v 10 ያትን፥ ሰሎጳዳ ማጫ ናይት ጎዳይ ሙሰ ኪትዳይሳዳ ኦዶሶና። 
\v 11 ሰሎጳዳ ማጫ ናይት፥ ማህሎ፥ ትርፆ፥ ሆግሎ፥ ምልኮነ ኖኦ ጌተተይሳት ባንታ አዋ እሻታ ናይታ ገልዶሶና። 
\v 12 ኤንቲ ዮሰፋ ናኣ ምናሰ ናይታ ኮቻፈ አዝና ገልዶሶና፤ ኤንታ ላታይ ኤንታ አዋ ኮቻስ ግድስ። 
\v 13 እያርኮፈ ሄፍንን፥ ዮርዳኖሰ ሻፋ ማታን፥ ደእያ ሞአበ ደንባን ሙሰ ባጋራ፥ ጎዳይ እስራኤለ አሳስ ኪትዳ ህገትነ ዎጋት ሀይሳታ።