\id NEH - GOOFA FULL BIBLE
\ide UTF-8
\h ናህመ ማፃፋ
\toc1 ናህመ ማፃፋ
\toc3 ናህ
\toc2 ናህመ
\mt ናህመ ማፃፋ
\imt ጋ ቆፋ
\ip ናህመ ማፃፋ፥ ሄ በሳን ሻክድ በአናዉ ዳንዳኤቴስ።
\ipi 1. ይሁዳ ቢታ አይሳና መላ፥ ፋርሰ ካዎይ ኪትዳ ናህመይ፥ ካለን፥ የሩሳላመ ድርሳ ግምበይ ኦራፅዳይሳ ኦድያ ታርከ።
\ipi 2. እዝር፥ ህገ ማፃፋ ናባብዳይሳነ አሳይ ባንታ ናጋራ ፓፅድይሳ ኦድያ ማፃፋ።
\ipi 3. ናህመይ ይሁዳ ቢታ አይስሸ ኦዳ ሀራ ኦሶታ ኦዴስ።
\ip ሀ ማፃፋን ዳሮ ቆንጭድ በንተይ ናህመይ ፆሳን አማነትዳይሳነ እ ዎስዳ ዎሳታ።
\ip እዝራነ ናህመ ማፃፋን ደእያ ዋና ቆፋት፥
\ipi 1. ይሁዳ ማዳናዉ ፆሳይ አላጋ ካዎታ ጎኤትስ
\ipi 2. ይሁዳ አሳይ አላጋ ቢታ አሳን ሱገትዶሶና
\ipi 3. ይሁድ ጌይድ ፆሳኮ ስማናዉ በሴስ።
\ip እዝራ ማፃፋይ ፆሳ ኬነ ያርሾ በሳ ቦላ ዱማይድ ኦዴስ፤ ናህመ ማፃፋይ የሩሳላመ ካታማ ግምበ ድርሳ ኬፆ ቦላ ጫድድ ኦዴስ።
\iot ማፃፋ አይፈ ቆፋታ
\io1 የሩሳላመ ካታማ ግምበ ድርሳ ኦሰተ (\ior 1:1—7:73\ior*)
\io2 ናህመይ የሩሳላመስ ዎስዳ ዎሳ (\ior 1:1—2:8\ior*)
\io2 ናህመይ አይሶ ኦሶስ የሩሳላመ ቡሳ (\ior 2:9-20\ior*)
\io2 ግምበ ድርሳ ኦሱዋ (\ior 3:1—7:4\ior*)
\io2 ናህመይ ድኦፐ ስምዳ አሳ ማዝጋብስ (\ior 7:5-53\ior*)
\io1 እዝራ ጋሶን አሳ አያና ደኦይ ላመትስ (\ior 8:1—10:39\ior*)
\io1 ናህመ ጋሶን ቢታ ቦላ ይዳ ላምያ (\ior 11:1—12:47\ior*)
\c 1
\s1 ናህመ ዎሳ
\p
\v 1 ሀካልያ ናኣ ናህመ ቃላይ ሀይሳ። አርፀክስስ ፋርሰ ቢታን ካዎትን ላታማን ላይን፥ ክስለ ጌተትያ አጌናን፥ ታኒ ናህመይ ዋና ካታማ ግድያ ሱሳን ደአይስ። 
\v 2 ታ እሻታፐ እሶይ፥ ሀናን፥ ሀራ አሳታራ እስፈ ይሁዳፐ ታኮ ይን፥ ታኒ የሩሳላመባነ ባብሎነ ድኤቶና አትዳ አይሁደታባ ኤንታ ኦይቻስ።
\p
\v 3 ኤንቲ ዛሪድ፥ “ባብሎነ ድኤቶና አትዳ አሳይነ ድኤትድ ስምዳ አይሁደት ግታ መቶንነ ካዉሻን ደኦሶና። የሩሳላመ ግምበ ድርሳይ ላለትስ ቃስ ግምብያ ፐንገት ታማን ፁገትዶሶና” ያግዶሶና።
\p
\v 4 ታ ሀይሳ ኡባ ስእዳ ዎደ ኡታዳ ዬካስ። ዳሮ ጋላስ አዛኖንነ ፆማን ሳሎ ፆሳ ሀይሳዳ ያጋዳ ዎሳስ።
\p
\v 5 “አቤት ጎዳዉ፥ ሳሎ ፆሳዉ፥ ግታዉ፥ ቦንቸትዳይሶ፥ ነና ዶሰይሳታስነ ነ ኪታ ናገይሳታስ ነ መርና ሲቆ ጫቁዋ ናጋሳ። 
\v 6 ታኒ ነ አይለይ፥ ነ አይለ ግድዳ እስራኤለ አሳ ግሾ ቃማነ ጋላስ ዎስያ ዎሳ ስአናዉ ነ ሀይይ ሀይዞ፤ ነ አይፈይ ታና ፄሎ። ኑ እስራኤለ አሳይ ኦዳ ናጋራ ኡባ ነዉ ፓፃይስ፤ ቱማ ታንነ ታ ማይዛት ነና ናቅዳ። 
\v 7 ኑኒ ነ ቦላ ዳሮ ኢታ ናጋራ ኦዳ፤ ኔኒ ነ አይልያ ሙሰ ባጋራ ኑስ እምዳ ኪታ፥ ዎጋነ ህግያ ናግቦኮ። 
\v 8 ነ አይልያ ሙሰስ ነ ኦድዳ ቃላ ሀያና ቆፓ፤ ኔኒ፥ ‘ህንተ ታዉ አማነቶና እፅኮ፥ ታኒ ህንተና አይሁደ ግዶና ቢታታን ላላና። 
\v 9 ሽን ህንተ ታኮ ስሚድ፥ ታ ኪታ ናግኮ፥ ህንተ ሀር አቶሽን ሳኣ ጋፃ ጋካናዉ ላለትኮካ፥ ታ ሱንይ ፄገታና መላ ዶርዳ በሳ ዛራዳ ኤሀና’ ግዳይሳ ቆፓ።
\p
\v 10 “ኔኒ ነ ግታ ዎልቃንነ ነ ምኖ ቀስያን ዎዛ ኤክዳ ነ አይለታነ ነ አሳታ። 
\v 11 አቤት ጎዳዉ፥ ታኒ ነ አይለይ ዎስያ ዎሳነ ነና ቦንቻናዉ ዶስያ፥ ነ አይለታ ዎሳ ነ ሀይይ ስኦ። ታ ነ አይለይ ሀች ኦናዉ ኮይዳባይ ታዉ ኡሻጫናዳ፥ ካዋ ስንን ታዉ ሳባ እማ” ያጋስ።
\p ታኒ ሄ ዎደ ካዋስ ዎይነ ኡሻ ትግያ አስ።
\c 2
\s1 ናህመይ የሩሳላመ ቡሳ
\p
\v 1 አርፀክስስ ካዎትዳ ላታማን ላይን፥ ንሳነ ጌተትያ አጌናን፥ እስ ጋላስ ካዋ ስንን ዎይነ ኡሻ ሺሻስ። ሄ ጋላሰፐ አትሽን፥ ካሰ ካዋ ስንን አዛና ኤርከ። 
\v 2 ሄሳ ግሾ፥ ካዎይ፥ “ነና ሳክያባይ ባዋ፥ ሽን ሀይሳ መላ አይስ አዛናዲ? ሄስ ነ ዎዛናይ እስባን አዛንዳይሳ በሴስ” ያግስ።
\p ያግን፥ ታኒ ዳሮ ያያዳ፥ ካዋኮ፥ 
\v 3 “ካዎይ መርናዉ ካዎቶ! ታ ማይዛት ሞገትዳ ካታማይ ላለትድ ይን፥ ቃስ ሄ ካታማ ድርሳ ፐንገት ታማን ፁገትን አይስ አዛንክና?” ያጋስ።
\p
\v 4 ካዎይ ዛሪድ፥ “ያትን፥ ሀእ ታ ነዉ አይ ኦና መላ ኮያይ?” ያግስ።
\p ታኒ ሳሎ ፆሳ ዎሳ ስማዳ፥ 
\v 5 ካዋኮ፥ “ካዋዉ፥ ታ ነ ስንን ሳባ ደምዳባ ግድኮነ ታ ኦይሻይ ኡፋይስያባ ግድኮ፥ ይሁዳ ቢታ፥ ታ ማይዛት ሞገትዳ ካታማ ባዳ ዛራ ኬፃና መላ ታና የዳርክ” ያጋስ።
\p
\v 6 ሄ ዎደ ካውያ፥ ካዋ አርፀክስሳ ማታን ኡትዳ ደእሽን፥ ካዎይ ዛሪድ፥ “ነ ኦገይ አይ መላ ዎደ ኤካኔ? ነ አዉደ ስማኔ?” ያግድ ታና ኦይችስ። ታኒ ታ ስማና ዎድያ እያዉ ኦድን፥ ካዎይ ኡፋይትድ ታና የድስ።
\p
\v 7 ቃስ፥ “ካዋ፥ ነና ኡፋይስያባ ግድኮ፥ ታ ይሁዳ ጋካናዉ ሄ ቢታራ ካንዳ አና መላ ኤፍራፂሳ ሻፋፐ ዉሎሀ ባጋራ ደእያ ቢታ ሃረይሳታስ ዳብዳበይ ፃፈቶ” ያጋዳ ካዋ ዎሳስ። 
\v 8 ሄሳዳካ፥ “ፆሳ ኬ ፐንግያ ጊግሳናዉ፥ ካታማ ግምበ ድርሳ ድራናዉነ ታ ዳና ኬ ኬፃናዉ ታዉ ም እማና መላ ካዎ ዎራ ናግያ አሳፋስ ዳብዳበይ ፃፈቶ” ያጋዳ ኦይቻስ። ፆሳ ሎኦ ኩሸይ ታራ ደእያ ግሾ ካዎይ ታኒ ኦይችዳባ ኡባ እሚስ።
\p
\v 9 ካዎይ ታራ ጉ ቶራ ሞጮናታነ ፓራ ቶገይሳታ የድስ። ታኒ ኤንታራ እስፈ ኤፍራፂሳ ሻፋፐ ዉሎሀ ባጋ ቢታ ጋካዳ ካዎይ የድዳ ዳብዳብያ ሄ ቢታ ሃረይሳታስ እማስ። 
\v 10 ሽን ሆሮና ካታማ አስ ግድዳ ሳንባላፅነ አሞነ ቢታ ሀላቃ ግድዳ ፆበይ፥ “እስራኤለ አሳስ ሎኦባ ኦያ አስ ይስ” ጌተትዳይሳ ስእዳ ዎደ ዳሮ ይሎትዶሶና።
\s1 ናህመይ የሩሳላመ ግምበ ድርሳ በእስ
\p
\v 11 ታኒ የሩሳላመ ጋካዳ ሄ ጋላስ ያን ጋምአስ። 
\v 12 የሩሳላመስ ታኒ ኦና መላ ፆሳይ ታ ዎዛናን ዎዳ ቆፋ ኦደስካ ኦዳብከ። ሄሳፈ ጉየ፥ ታራ ደእያ አሳፐ ጉታ ኤካዳ ቃማ ደንዳዳ ባስ። ሄ ዎደ ታኒ ቶግዳ መህያፐ ሀራ ቶጋ መሄይ ኑስ ባዋ። 
\v 13 ታኒ ብላሄ ደንዳዳ ዛንጋራ ፐንግያራ ካንዳ፥ ዳወ ፑልቶ ጌተትያ በሳራ አዳ፥ ፕቶ ፐንገ\f + \fr 2:13 \fr*\fq ፕቶ ፐንገ፦ \fq*\ft የሩሳላመ ካታማ ቡረን ኬ ፕቶ ኡባ የግያ በሲ ጉሱ።\ft*\f* ጌተትያ በሳ ጋካናዉ ባስ። ያራ አሸ ላለትዳ የሩሳላመ ግምብያነ ታማን ፁገትዳ ግምበ ፐንገታ በአስ። 
\v 14 ሄሳፈ ስማዳ ፑልቶ ፐንግያኮነ ካዋ ተቀ ሃይ ደእያ በሳ ባስ። ግዶሽን፥ ታ ቶግዳ መሄይ አያ ኦገ ደማብከ። 
\v 15 ሄሳ ግሾ፥ ቃማ ቀድሮና ዛንጋራ ግዶራ አዳ ግምብያ በአስ። ዉርሰን፥ ጉየ ስማዳ ዛንጋራ ፐንግያራ ካታማ ገላስ።
\p
\v 16 ያን ደእያ ሀላቃታፐ ኦንካ ታኒ አዉ ብዳኮ፥ ዎይኮ አይ ኦዳኮ ኤርቤና። አይስ ጊኮ፥ ታኒ አይሁደታስ፥ ካህነታስ፥ ቦንቸትዳ አሳታስ፥ ሀላቃታስነ ኦሱዋ ኦናዉ ደእያ አሳፐ ኦደስካ ታ ቆፋ ኦዳብከ። 
\v 17 ሄሰፈ ጉየ፥ ኤንታኮ፥ “ኑኒ አይ መላ መቶን ደእያኮ በኤታ፤ የሩሳላመ ካታማይ ላለትስ፤ ግምበ ፐንገት ታማን ፁገትዶሶና። ሀ ዪተ፥ የሩሳላመ ግምብያ ዛሪድ ግምቦስ፤ ኑና ጋክዳ ዬላ አነ ድጎስ” ያጋስ። 
\v 18 ቃስ ፆሳ ሎኦ ኩሸይ ታራ ደኤይሳነ ካዎይ ታዉ ኦድዳባ ኡባ ኤንታዉ ኦዳስ።
\p ኤንቲ ዛሪድ፥ “አነ ደንዶስ፤ ዛሪድ ግምቦስ” ያግድ ባንታ ኩሽያ ሎኦ ኦሶስ ምንዶሶና።
\p
\v 19 ሽን ሆሮና ካታማ አስ ግድዳ ሳንባላፅ፥ አሞነ ቢታ አስ ግድዳ ፆበይነ አራባ ቢታ አስ ግድዳ ጌሳመይ ሄሳ ስእዳ ዎደ፥ ኑ ቦላ ቀልቅስድ ሚጭዶሶና። “ሀይስ ህንተ ኦያባይ አይቤ? ዎይኮ ካዋ ቦላ ማካላናዉ ኮዬቲ?” ያግድ ኦይችዶሶና።
\p
\v 20 ታኒ ዛራዳ፥ “ሳሎ ፆሳይ ኑና ፖልሳና፤ ኑኒ እያ አይለት ደንድድ ኦና። ሽን የሩሳላመን ህንተዉ ግሾይ ዎይኮ ህንተና ጋያባይ ዎይኮ ህንተና ቆፍስያባይ ባዋ” ያጋስ።
\c 3
\s1 ግምበ ድርሳ ኦሳንቾታ
\p
\v 1 ካህነ ሀላቃይ ኤልያሴብነ ሀራ ካህነት ዶርሳ ፐንግያ ዛር ግምብድ ፆሳስ ዱማይዶሶና፤ ሳንቃ አዶሶና። ኤንቲ ፄታ ጌተትያ ግምበ ሻኩዋፈ ብድ ሀናንኤላ ጌተትያ ግምበ ሻኩዋ ጋካናዉ ግምብድ ፆሳስ ዱማይዶሶና።
\p
\v 2 ኤንታ ላንቀን ደእያ በሳ እያርኮ አሳይ ግምብን፥ ካልድ ደኤይሳ እምራ ናአይ ዛኩር ግምብስ።
\p
\v 3 ሀስናአ ናይት ሞሎ ፐንግያ ግምብዶሶና። ኤንቲ ጎባነ ኤስድ፥ ሳንቃ አዶሶና፤ ሳንቃ ጎርድያ ካሱዋነ ካሱዋ ገልስያ ሳጋዩዋ ጊግስዶሶና።
\p
\v 4 ኤንታ ካልድ ደእያ በሳ ሀቆፃ ናአ ግድዳ ኡራያ ናአይ ማረሞት ግምብስ።
\p እያፐ ካልድ ደእያ በሳ ማሰዛቤላ ናአ ባራካ ናአይ ማሱላም ግምብስ።
\p እያፐ ካልድ ደእያ በሳ ባአና ናአይ ሳዶቅ ግምብስ።
\p
\v 5 እያ ማታን ደእያ በሳ ታቆሀ ካታማ አሳት ግምብዶሶና። ሽን ሄ ካታማ ሀላቃት ባንታዉ እመትዳ ኦሱዋ ኦና እፅዶሶና።
\p
\v 6 ፓሰሀ ናአይ ዮዳሄይነ ባሶድያ ናአይ ማሱላም ጋልአ ፐንግያ ግምብዶሶና። ኤንቲ ጎባነ ኤስድ፥ ሳንቃ አዶሶና፤ ሳንቃ ጎርድያ ካሱዋነ ካሱዋ ገልስያ ሳጋዩዋ ጊግስዶሶና።
\p
\v 7 ኤንታ ላንቀን ደእያ በሳ ጋባኦና ካታማ አስ ግድዳ ማላፅነ መሮኖታ ካታማ አስ ግድዳ ያዶን ግምብዶሶና። ጋባኦናነ ምፅጳ ካታማ አሳይ ኤንታራ እስፈ ግድድ፥ ኤፍራፂሳ ሻፋፐ ዉሎሀ ባጋ ቢታ ሃረይስ ደእያ ኬ ጋካናዉ ደእያ በሳ ግምብዶሶና።
\p
\v 8 ዎርቃ ሼሽያ ሀርሀያ ናአይ ኡዝኤል ኤንታ ማታን ደእያ በሳ ግምብስ። ቃስ እያ ማታን ደእያ በሳ ሽቶ ኦያ ሀናን ግምብስ። ኤንቲ ናምአይ እስፈ የሩሳላመ ዳልጋ ግምብያ ጌተትያ በሳ ጋካናዉ ደእያ በሳ ግምብዶሶና።
\p
\v 9 ኤንታ ማታን ደእያ በሳ ሁራ ናአይ፥ የሩሳላመ ዎራዳስ ባጋ ሃርያ ራፋይ ግምብስ።
\p
\v 10 ሀሩማ ናአይ ያዳይ ባ ኬፈ ስን ባጋራ ደእያ በሳ ግምብስ።
\p እያ ማታን ደእያ በሳ አሰባና ናአይ ሀቱሽ ግምብስ።
\p
\v 11 ሀርማ ናአይ ማልከይነ ፓሀት-ሞአባ ናአይ ሀሹብ እያ ማታን ደእያ በሳነ እቶነ ሻኮ ግምብያ ግምብዶሶና።
\p
\v 12 ኤንታ ማታን ደእያ በሳ ሀሎሄሳ ናአይ፥ የሩሳላመ ዎራዳስ ናምአን ባጋ ሃርያ ሳሉምነ እያ ማጫ ናይት ግምብዶሶና።
\p
\v 13 ሀኑንነ ዛኖሀ ካታማን ደእያ አሳይ እስፈ ዛንጋራ ፐንግያ ግምብዶሶና። ኤንቲ ጎባነ ኤስድ፥ ሳንቃ አዶሶና፤ ሳንቃ ጎርድያ ምነ ም ገልስያ ሳጋዩዋ ጊግስዶሶና። ፕቶ ፐንግያ ጋካናዉ እስ ሙኩሉ ዋ አዱሳ ግምብያ ጉጅድ ግምብዶሶና።
\p
\v 14 ራካባ ናአይ፥ ቤት-ሀካሬማ ዎራዳ ሃርያ ማልከይ ፕቶ ፐንግያ ግምብስ። ኤንቲ ጎባነ ኤስድ፥ ሳንቃ አዶሶና፤ ሳንቃ ጎርድያ ካሱዋነ ካሱዋ ገልስያ ሳጋዩዋ ጊግስዶሶና።
\p
\v 15 ኮልሃዛ ናአይ፥ ምፅጳ ዎራዳ ሃርያ ሳሉም ፑልቶ ፐንግያ ዛሪድ ግምብስ። እ ፐንግያስ ካማ ጊግስድ ሳንቃ አስ፤ ሳንቃ ጎርድያ ካሱዋነ ካሱዋ ገልስያ ሳጋዩዋ ጊግስስ። ቃስ፥ ሰላሀ ተቀ ሃይ ደእያ ባጋራ ካዋ አታክልተ በሳፈ ዶምድ፥ ዳዊታ ካታማፐ ዱገ ዎስያ ደ ጋካናዉ ደእያ ግምብያ ግምብስ። 
\v 16 ቤት-ፁራ ዎራዳስ ባጋ ሃርያ አዝቡቀ ናአይ ናህመይ ግምብስ። እ ዳዊታ ዱፉዋፐ ስን ባጋራ ደእያ በሳ ጋካናዉ፥ አስ ኦዳ ተቀ ሃይ ደእያ በሳ ጋካናዉ፥ ኦላንቾታ ኬ ጋካናዉ ደእያ በሳ ግምብስ።
\p
\v 17 ሀይሳፈ ካለይሳ ባና ናኣ ረሁማ አዋተ ጋርሳን ደእያ ሌወት ግምብዶሶና።
\p ኤንታ ማታን ደእያ በሳ ቅኣላ ዎራዳስ ባጋ ሃርያ ሀሻብ ባ ዎራዳ ሱንን ግምብስ። 
\v 18 እያፐ ካልድ ሄናዳዳ ናአይ፥ ቅኣላ ዎራዳስ ናምአን ባጋ ሃርያ ባው ግምብዶሶና። 
\v 19 ኤንታ ማታን ደእያ በሳ እያሱ ናአይ፥ ምፅጳ ዎራዳ ሃርያ ኤዘር ግምብስ። እ ኦላ ሚሸ ዎያ ኬፈ ስን ባጋራ ግምብያ ማዛንያ ጋካናዉ ደእያ በሳ ግምብስ። 
\v 20 እያፐ ካለይሳ ዛባያ ናአይ ባሮክ፥ ግምብያ ማዛንያፐ ብድ፥ ካህነ ሀላቃ ኤልያሴባ ኬ ፐንግያ ጋካናዉ ደእያ በሳ ግምብስ። 
\v 21 እያፐ ካለይሳ ሀቆፃ ናኣ ግድዳ ኡራያ ናአይ ማረሞት ኤልያሴባ ኬ ፐንግያፈ ዶምድ፥ ዉርሰ ጋካናዉ ደእያ በሳ ግምብስ።
\p
\v 22 እያፐ ካልድ ደኤይሳ ሄራን ደእያ ካህነት ግምብዶሶና። 
\v 23 ኤንታፈ ካልድ ብንያመይነ ሀሹብ ባንታ ኬ ስንን ደእያ በሳ ግምብዶሶና።
\p ኤንታፈ ካልድ አናንያ ናአ ግድዳ ማእሰያ ናአይ አዛር ባ ኬ ስንን ደእያ በሳ ግምብስ። 
\v 24 እያፐ ካልድ አዛራ ኬፈ ብድ፥ ግምብያ ማዛንያ ጋካናዉ ደእያ በሳ ሄናዳዳ ናአይ በኑይ ግምብስ። 
\v 25 ኡዛያ ናአይ ፓላል ግምብያ ማዛንያፐ ዶምድ፥ እ ናገይሳታ ዳባባ ማታን ደእያ ቆሞ ባጋ ካዎ ጋ ናጎ ግምብያ ጋካናዉ ደእያ በሳ ግምብስ።
\p እያፐ ካልድ ደኤይሳ ፓኖሰ ናአይ ፓዳይነ 
\v 26 ኦፌላ ደርያ ቦላ ደእያ ፆሳ ኬ አይለት ግምብዶሶና። ኤንቲ ሃ ፐንግያ ማታን ዶሎሀ ባጋን ደእያ በሳነ ናጎ ግምብያ ጋካናዉ ደእያ በሳ ግምብዶሶና። 
\v 27 ኤንታፈ ካልድ ታቆሀ ካታማ አሳይ ግምብያ ስንን ደእያ በሳፈ ብድ፥ ኦፌላ ማታን ደእያ ግምብያ ጋካናዉ ደእያ በሳ ግምብዶሶና።
\p
\v 28 ፓራ ፐንግያፈ ቆሞ ባጋን፥ ባንታ ኬ ስንን ደእያ በሳ ካህነት ግምብዶሶና። 
\v 29 ኤንታፈ ካልድ እመራ ናአይ ሳዶቅ ባ ኬ ስንን ደእያ በሳ ግምብስ።
\p እያፐ ካልድ ዶሎሀ ፐንግያ ናግያ ሳካና ናአይ ሻማየይ ግምብስ። 
\v 30 እያፐ ካልድ ሳላማ ናአይ ሀናንነ ዛላፋ ኡሱፑን ናአ ግድዳ ሀኑኒራ ግምብዶሶና።
\p ኤንታፈ ካልድ ባራካ ናአይ ማሱላም ባ ክፍልያፐ ስንን ደእያ በሳ ግምብስ። 
\v 31 እያፐ ካልድ ፆሞሶ ፐንግያ ስንን ደእያ ፆሳ ኬ ኦሳንቾታነ ዛልአንቾታ ኬ ጋካናዉ ደእያ በሳ ዎርቃ ሼሽያ ማልከይ ግምብስ። ቃስ እ ግምበ ማዛንያስ ቦላ ባጋራ ደእያ በሳካ ግምብስ። 
\v 32 ማዛንያስ ቆሞ ባጋ ክፍልያፐነ ዶርሳ ፐንግያፈ ግዶን ደእያ በሳ ዎርቃ ሼሸይሳትነ ዛልአንቾት ግምብዶሶና።
\c 4
\s1 ሞርከይ መዳ ኤቀተ
\p
\v 1 ኑኒ ድርሳ ግምበ ኦሱዋ ዶምዳይሳ ሳንባላፅ ስእዳ ዎደ ይሎ ኤፅድ ኑና ለቅስ። 
\v 2 ባ ላገታነ ሳማረ ኦላንቾታ ስንን፥ “ሀ ፓና አይሁደት አይ ኦናዉ ቆፖና? ድርሳ ግምብያ ዛር ግምባናዉ ኮዮናዬ? ያርሾ ያርሻናዉ ኮዮናዬ? ኤንቲ እስ ጋላሳን ኦሱዋ ኦድ ዉርሳና ዳኒ? ኤንቲ ግምቤስ ሀንያ ሹቻታ ፁገትድ ዶረትዳይሳ ግዶፈ ከሳናዉ ዳንዳኦና?” ያግስ።
\p
\v 3 እያ ማታን ኤቅዳ አሞነ ቢታ አስ ግድዳ ፆበይ፥ “ኤንቲ ዋንዳ ግምበ ግምባናዉ ዳንዳኦና? ኤንቲ ግምብያ ቦላ ዎርካን ከያኮ ላለታና” ያግድ ለቅስ።
\p
\v 4 ታኒ ሀይሳዳ ያጋዳ ዎሳስ፤ “ኑ ፆሳዉ፥ ኤንቲ ኑና ዋት ለቅስያኮ፥ ሀይሳ በአ! ኤንቲ ኑና ጫይያ ጫሻይ ኤንታዉ ግዶ። ባንታ አቁዋ ቦንቀትድ አላጋ ቢታን ድኤትዳ አስ ግዶ። 
\v 5 ኤንቲ ግምበይሳታ ጫሻን ካዉሽዳ ግሾ፥ ኤንታ ናቆይ ጌሞፎ፤ ኤንታ ናጋራ ነ ስንፈ ቁቾፋ” ያጋስ።
\p
\v 6 ኑኒ ግምብያ ኦሱዋ ቃንፆና ኦዳ። አሳይ ኦሱዋ ምን ኦዳ ግሾ ግምብያ ኦሶይ ኤለስድ ባጋ ጋክስ።
\p
\v 7 ሳንባላፅ፥ ፆበይ፥ አራበ አሳይ፥ አሞነ አሳይነ አሽዶዳ አሳይ የሩሳላመ ግምበ ኦሶይ ሎኦ ኦሰትሸ ደኤይሳነ ዶያ በሳት ጎርደትዳይሳ ስእዳ ዎደ ዳሮ ይሎትዶሶና። 
\v 8 ሄሳ ግሾ ኤንቲ እስፈ የሩሳላመ ይድ ኑና ኦላናዉነ መቶ መናዉ ማቀትዶሶና። 
\v 9 ሽን ኑኒ ኑ ፆሳ ዎስዳ፤ ኤንታ ተቃናዉ ቃማነ ጋላስ ናገይሳታ ዎዳ።
\p
\v 10 ሄ ዎደ ይሁዳ አሳይ፥ “ቶሆይ ኑና ዳቡርስስ፤ ቡሮ ደንዳናዉ ኮሽያ ዶረትዳ ዳሮ ሹች ደኤስ፤ ያንያ ግሾ፥ ኑኒ ግምብያ ግምባናዉ ዳንዳኦኮ” ያግዶሶና።
\p
\v 11 ኑ ሞርከት፥ “ኤንቲ ኑ ኦያባ ኤራናፐነ በአናፐ ስን ኑ ኤንታ ግዶ ገልድ ኤንታ ዎና፤ ኤንታ ኦሱዋካ ኤሳና” ያግዶሶና።
\p
\v 12 ኑ ሞርከታ ሄራን ደእያ አይሁደት ታማ ስሚድ ኑ ሞርከት ኑና ኡባ ባጋራ ኦላናዉ ጊገቶይሳ ኑስ ኦድዶሶና።
\p
\v 13 ሄሳ ግሾ፥ ኑ አሳፐ ማሸ፥ ቶራነ ዶንገ ኦይክዳ አሳ ኤንታ ሶ አሳን አሳን ጊግሳዳ ኦሶይ ዉርቦና ሄራን ግምብያስ ጉየራ ጋርሳ ባጋን ናጋና መላ ኦስ። 
\v 14 አሳይ ዳጋምዳይሳ ታኒ በእዳ ዎደ ደንዳ ኤቃዳ፥ አሳኮ፥ ኤንታ ካለይሳታኮነ ሀላቃታኮ፥ “ኑ ሞርከታ ያዮፍተ! ግታነ ያሽያ ፆሳ ቆፕተ። ህንተ እሻታስ፥ ህንተ አደ ናይታስነ ማጫ ናይታስ፥ ህንተ ማቸታስነ ህንተ ኬስ ኦለትተ” ያጋስ።
\p
\v 15 ኑ ሞርከት ኑና ቆሀናዉ ማቀትዳይሳ ኑኒ ኤርዳይሳ ኤንቲ ስእዶሶና። ቃስ ፆሳይ ኤንታ ማቁዋ ሀዳ ከስዳይሳ አኬክዶሶና። ሄሳፈ ጉየ፥ ኑ ኡባይ ስሚድ፥ ግምበ ኦሱዋ ዶምዳ። 
\v 16 ሄ ዎደፐ ዶምድ ታ አሳፐ ባጋይ ኦሱዋ ኦያ ዎደ፥ ባጋይ ፁሩረ ማእድ፥ ቶራ፥ ጎንዳለነ ዶንገ ኦይክድ ናጋና መላ ኦስ። ቃስ ሀላቃት ይሁዳ አሳ ኡባፈ ጉየራ ኤቅድ ምንሶና፤ 
\v 17 ግምብያ ግምበይሳትነ ኮሽያባ ቶከይሳት እስ ኩሸን ኦላ ሚሸ ኦይክድ፥ እስ ኩሸን ኦሶ ኦሶና። 
\v 18 ግምብያ ኦያ እሶይ እሶይ ማሸ ባ ፄሳን ዳንጭድ ደኤስ። ሞይዘ ፑነይስ ኡባ ዎደ ታፐ ሻከትድ ኤረና።
\p
\v 19 ካለይሳታኮ፥ ሀላቃታኮነ አሳ ኡባኮ፥ “ግምብያ ኦሶይ ግታነ ዳልጋ ግድያ ግሾ ኑኒ እሶይ እሱዋፈ ሃክድ ደኦስ። 
\v 20 ሄሳ ግሾ፥ ህንተ ሞይዘ ፑኖ ስእያ ዎደ ሄ በሳ ታኮ ሃ ሺቅተ። ኑ ፆሳይ ኑ ግሾ ኦለታና” ያጋስ። 
\v 21 ሄሳ ግሾ፥ ዎንታ ጎንተይ ዞኦ ዋያ ዎደፐ ዶምድ ኦማርስ ፆልንቶይ ከያና ጋካናዉ ባጋይ ኦያ ዎደ ባጋይ ቶራ ኦይክድ ናጌስ።
\p
\v 22 ሄ ዎደ ታኒ አሳኮ፥ “ቃማ ኑና ናጋናዉነ ጋላስ ኦሱዋ ኦናዉ ህንተ ኡባይ ህንተና ማደይሳታራ የሩሳላመን አቅተ” ያጋስ። 
\v 23 ታና ግድን፥ ታ እሻታ ግድን፥ ታ አሳ ግድን፥ ዎይኮ ታና ናገይሳታ ግድን፥ ኑ ኡባይ ኑ ማኡዋ ከሶና አቆስ፤ ኑ ኦላ ሚሸይ ኑፐ ሻከተና።
\c 5
\s1 ናህመይ ማንቆታ ማድስ
\p
\v 1 እስ ዎደ አደትነ ኤንታ ማቸት ባንታ ኮቸ ግድዳ አይሁደታ ቦላ ዋስዶሶና። 
\v 2 ኤንታፈ እሶት እሶት፥ “ኑስ፥ ዳሮ አደ ናይትነ ማጫ ናይት ደእያ ግሾ ኑ ሸምፑዋ አሻናዉ ኑስ ካ ኮሼስ” ያግዶሶና።
\p
\v 3 ሀራት ቃስ፥ “ኑና ጋክዳ ኢታ ኮሻፐ ደንዶይሳን ካ ደማና ግድ፥ ኑ ጎሻ ጋድያ፥ ኑ ዎይነ ጋድያነ ኑ ኬ ኦይዳ” ያግዶሶና።
\p
\v 4 ቃስ አትዳይሳት፥ “ካዎ ጊራ ጊራናዉ ሚሸ ይድ ኑ ጎሻ ጋድያነ ኑ ዎይነ በሳ ኦይድ ሚሸ ታልእዳ። 
\v 5 አይሁደ ኮቻታራ ኑኒ እስ አሾነ እስ ሱ፤ ኑ ናይት ኤንታ ናይታ መላ። ሽን ኑኒ ኑ የልዳ ናይታ አይለተስ አድ እማናዉ ኡንኤትዳ፤ ኑ ማጫ ናይታፐ እሶት እሶት አይለተስ ባይዘትዶሶና። ኑ ጎሻነ ኑ ዎይነ ጋድያ ኑፐ ኤከትዳ ግሾ ኑ ዎልቃ ይዳ” ያግዶሶና።
\p
\v 6 ታኒ ኤንታ ዋሱዋነ ኦይሻ ስእዳ ዎደ ዳሮ ይሎታስ። 
\v 7 ታ ዎዛናን ኦናባ ቆፕዳፐ ጉየ፥ ካለይሳታነ ሀላቃታ ፄጋዳ፥ “ህንተ፥ ህንተ እሻታስ የሎራ ታልእሸ ኡንኤታ” ያጋዳ ኤንታ ካጫስ።
\p ሄ መቱዋባ ኤንታራ ኦደታናዉ ደርያ ሺሻዳ፥ 
\v 8 “አይሁደ ግዶናይሳታስ ባይዘትዳ አይሁደ ኮቸ ግድዳ ኑ እሻታ ዎዛናዉ ኑስ ዳንዳኤትዳባ ኡባ ኦዳ። ሽን ህንተ እሻ ግድዳ አይሁደት ባንታ ኮቸ ግድዳ ህንተዉ፥ ባንታና ባይዛና መላ ኦታ፤ ኑ ኤንታ ዛር ዎዛናዉ ኮሼስ” ያጋስ። ካለይሳት ዛራናባ ይድ ስእ ግዶሶና።
\p
\v 9 ታኒ ካላዳ፥ “ህንተ ኦያባይ ዎጋ ግደና፤ አይሁደ ግዶና ኑ ሞርከት ኑና ቀልቅሶና መላ ህንተ ኑ ፆሳስ ያያናዉነ ሱረባ ኦናዉ በሰኔ? 
\v 10 ታኒ፥ ታ እሻትነ ታ ኦሳንቾት አሳስ ሚሸነ ካ ታልእዳ፤ ግዶሽን፥ ኤንታፈ የሎ ኤከይስ አቶ። 
\v 11 ኤንታ ጎሻ፥ ዎይነነ ሻማሆ ዛይተ ጋድያነ ኬ ኡባ ኤንታዉ ዛርተ። ቃስ ሚሸፐ፥ ካፈ፥ ዎይነፐነ ዛይተፐ ህንተ ኤንታፈ ኤክዳ ፄታፐ እስ ኩሸ የሎ ኤክዳይሳ ኤለ ዛርተ” ያጋስ።
\p
\v 12 ኤንቲ ዛሪድ፥ “ኑኒ ኤክዳባ ኡባ ኤንታዉ ጉየ ዛራና፤ ኤንቲ ኑፐ ታልእዳይሳ ዛሮ ግድ አቾኮ፤ ነ ኑና ኪትዳይሳዳ ኦና” ያግዶሶና።
\p ታኒ ካህነታ ታኮ ፄጋዳ ካለይሳት ባንታ ግዳ ቃላ ፖላና መላ ጫቅሳናዳ ኦስ። 
\v 13 ታኒ ታ ማኡዋ ቃራዳ ቆቆፋሸ፥ “ህንተፈ ኦንካ ባ ግዳ ቃላ ፖሎና እፅኮ፥ ፆሳይ እያ፥ እያ ኬፈነ እያ አቁዋፐ ሀይሳዳ ቆቆፍድ መላ ኩሸ አሾ” ያጋስ።
\p ሺቅዳ አሳ ኡባይ እስ ቃላን፥ “አምንእ” ያግድ ጎዳ ጋላትዶሶና። አሳ ኡባይ ጫቅዳይሳዳ ኦዶሶና።
\p
\v 14 አርፀክስስ ካዎትዳ ላታማን ላይፈ ዶምድ ሀስታማነ ናምአን ላይ ጋካናዉ ታኒ ይሁዳ ቢታ ሃራስ። ሄ ታማነ ናምኡ ላይ ግዶን ታና ግድን ዎይኮ ታ እሻት ሹማስ በሲያ ካ ዳሞዘ ኤክቦኮ። 
\v 15 ሽን ታፐ ካሰ ሹመትዳይሳት አሳስ ዴፆ ቶሆ ግድድ፥ ጋላስ ጋላስ ካስነ ዎይነ ኡሻስ ኦይታሙ ብራ ቃንፅስዶሶና። ሀር አቶሽን ሹማታ አይለት አሳ ቦላ ጎዳ ግድድ ኡንኤድ ጋምእዶሶና። ሽን ታኒ ፆሳስ ያይዳ ግሾ፥ ሄሳዳ ኦብከ። 
\v 16 ታዉ ደእያ ዎልቃ ኡባ የሩሳላመ ግምበ ኦሱዋስ እማስ፤ ታ ኦሳንቾትካ ታራ እስፈ ሄ ኦሱዋ ቦላ ጋምእዶሶና፤ ኑ አይብ ቢታካ ሻምቦኮ። 
\v 17 ኑ ሄራን ደእያ ካዎተታፐ ይዳ አሳይ አትሽን፥ ጋላስ ጋላስ ታራ ምያ አይሁደትነ ካለይሳት ፄታነ እሻታማ። 
\v 18 ጋላስ ጋላስ እስ ቦር፥ ኡሱፑን ሞ ዶርሳታነ ዳሮ ኩቶታ ሹክድ አሳስ ሺሾሶና፤ ቃስ ታሙ ጋላሳፐ እስ ቶሆ ዳሮ ባ ዎይነ ኡሻ አጎሶና። ሽን አሳ ቦላ ደእያ ዴፆ ቶሁዋ ታ ኤርያ ግሾ ቢታ ሹማስ በሲያ ካ ዳሞዘ ኦይቻብከ።
\p
\v 19 ታ ፆሳዉ፥ ታ ሀ አሳስ ኦዳ ኬሀተ ኡባ ቆፓዳ ታዉ ኬሀ።
\c 6
\s1 ናህመ ቦላ መትዳ እፆ
\p
\v 1 ሳንባላፅ፥ ፆበይ፥ አራበ ቢታ አስ ግድዳ ጌሳመይነ ሀንኮ ኑ ሞርከት ኑኒ ግምብያ ኦድ ፖልዳይሳነ ዶያ በሲ ባይናይሳ ስእዶሶና። ግዶሽን፥ ታ ግምበ ፐንገታስ ሳንቃ አብከ። 
\v 2 ሳንባላፅነ ጌሳመይ፥ “ኦኖ ደምባን ደእያ ጉታታፐ እሱዋን ያዳ ኑራ ጋሄታ” ያግድ ኪታ የድዶሶና። ሄስ ኤንቲ ታና ቆሀናዉ ማቅዳ ማቆ።
\p
\v 3 ታኒ ኤንታዉ፥ “ታዉ ግታ ኦሶይ ደእያ ግሾ ሄሳ አጋዳ ህንተ ግዳ በሳ ባናዉ ዳንዳእከ። ታኒ ያ ብን፥ ኦሶይ አይስ በቲ?” ያጋዳ ዛራስ። 
\v 4 ሄ ኪታ ዛር ዛር ኦይዱ ቶሆ ኪትዶሶና፤ ሽን ታኒ እስ ቆሞ ዛሮ ኤንታዉ እማስ።
\p
\v 5 እቻሻን ሳንባላፅ ባ አይለታፐ እሱዋ ዶያ ደእያ ዳብዳበ ኦይድ ታኮ ኪትስ። ዳብዳበይ ሀይሳዳ ያግድ ፃፈትስ፤ 
\v 6 “ኔንነ ነ ኮቸ ግድዳ አይሁደት ማካላናዉ ቆፕዳይሳነ ሄሳ ጋሶን ግምብያ ግምበይሳ ሾሮ ቢታን ደእያ አሳ ኡባይ ኦደተይሳ ጌሳመይ ታዉ ኦድስ። ቃስ ኔኒ ነና ካዎ ከሳናዉ ኮየይሳነ 
\v 7 ኔኒ ይሁዳ ካዎ ግደይሳ የሩሳላመን አዋጃና መላ ናበ ዎዳይሳ ታዉ ኦድስ። ሀ ዎርያ ካዎይ ስአናይስ አተና። ሄሳ ግሾ፥ ታራ ጋሄታዳ ዞረታናዉ ሃያ” ያጌስ።
\p
\v 8 ታኒ፥ “ሀ ኔኒ ግያ ኦዳ ኡባይ ቱማ ግዶናባነ ነ ኔፐ መዳባ” ያጋዳ ዛራስ።
\p
\v 9 ኑ ኦያ ኦሶይ ፖለቶና መላ፥ “ኤንታ ኩሸይ አርጋጫና፤ ኦሶይካ ፖለቶና ኤቅ አታና” ያግድ ኑና ያሽሳናዉ ቆፕዶሶና።
\p ሽን ታኒ፥ “ፆሳዉ፥ ሀእ ታ ኩሽያ ምን” ያጋዳ ዎሳስ።
\p
\v 10 ታኒ እስ ጋላስ ሶፐ ከዮና መላ ጎርድ ዎዳ ማሄፃቤላ ናኣ ናኣ ዳላያ ናኣ ሻማያኮ ባስ። እ ታኮ፥ “ቃማ ይድ ኤንቲ ነና ዎናዉ ዳንዳእያ ግሾ ኔራ ታራ ፆሳ ኬ ገልድ፥ ፐንግያ ጎርድድ ቆሰታና” ያግስ።
\p
\v 11 ሽን ታኒ፥ “ታ መላ አስ ያይድ ቆሰቲ? ዎይኮ ታና ዳንያ አስ ባ ሸምፑዋ አሻናዉ ፆሳ ኬ ገሊ? ታ ሄሳ ሀንከ” ያጋስ። 
\v 12 ታ ቆፓ በእያ ዎደ ሻማየይ ፆሳይ ኪትዳ ናበ ግዶናሽን ፆበይነ ሳንባላፅ እያ ሚሸን ሻምድ የድን ታ ቦላ ዎርዶ ትንብተ ኦደይሳ አኬካስ። 
\v 13 እ ሚሸን ሻመትዳ ጋሶይ ታና ያሽሳናሳ፤ ታ ሄሳ ኦዳ ናጋራን ገላና መላነ ታና ቦርስያባ ደምድ ታና ካዉሻናሳ።
\p
\v 14 ታኒ፥ “ታ ፆሳዉ፥ ፆበይነ ሳንባላፅ ኦዳባ ኡባ በአ። ኖኣዶ ጌተትያ ማጫ ናብያነ ሀራ ዎርዶ ናበት ታና ያሽሳናዉ ኦዳባ ኡባ በአ” ያጋዳ ዎሳስ።
\p
\v 15 ግምበ ኦሶይ ዶመትን እሻታማነ ናምኡ ጋላሳፐ ጉየ ኤሉለ ጌተትያ አጌናን ላታማነ እቻሻን ጋላሳን ኦሶይ ፖለትስ። 
\v 16 ኑ ዩሹዋን ደእያ ካዎተታን ደእያ ኑ ሞርከት ሄሳ ስእዳ ዎደ ያይዶሶናነ ዬላትዶሶና። አይስ ጊኮ፥ ኦሶይ ኑ ፆሳ ማደን ፖለትዳይሳ አኬክዶሶና።
\p
\v 17 ሄ ዎደ ይሁዳ ሹማት ፆቢያስ ዳብዳበ ፃፍሸ ጋምእዶሶና፤ እካ ኤንታዉ ዛርሸ ጋምእስ። 
\v 18 ኤራ ናአይ ሳካን፥ ፆቢያ ቦሎ ግድያ ግሾነ እያ ናአይ ዮሃናን ባራካ ናኣ ማሱላማ ናእዉ ኤክዳ ግሾ፥ አይሁደታፐ ዳሮት እያራ ጫቅድ ደኦሶና። 
\v 19 ሄ አሳት ፆበይ ኦዳ ሎኦባ ኡባ ታ ስንን ናሽድ ሃሳዮሶና፤ ታኒ ግያባ እያዉ ኦዶሶና። ሄሳ ግሾ፥ ፆበይ ኡባ ዎደ ታና ያሽሳናዉ ዳብዳበ ፃፎ አግቤና።
\c 7
\p
\v 1 ግምብያ ኦሶይ ዉርን፥ ሳንቃይካ ገልስ፤ ፐንግያ ናገይሳት፥ ዛማረትነ ሌወት ባንታ ኦሱዋ ኦይክዶሶና። 
\v 2 ታኒ የሩሳላመ ካታማ አይስያ ማታ ታ እሻ ሀናነስነ ሚፃ ናገይሳታ ሀላቃ አናናስ እማስ። ሀናን ሀራታፐ አዳ ቱማንቾነ ፆሰ ያይያ አስ። 
\v 3 ታኒ ኤንታኮ፥ “ዎንታ አዋይ ከይድ ሆአና ጋካናዉ የሩሳላመ ግምበ ፐንገታ ዶዮፕተ። ቃስ ኦማርስ ናገይሳት ባንታ ኦሱዋ ኦንግድ ባናፐ ስን ፐንገታ ምን ጎርዳናዳ ኦተ። ሄሳዳካ፥ የሩሳላመን ደእያ አሳፐ ዶርድ ባጋት ባንታ ኦሶ በሳን፥ ሀራት ቃስ ባንታ ኬ ሄራን ናጋና መላ ኦተ” ያጋስ።
\s1 ድኦፐ ስምዳ አሳ ሱን
\p
\v 4 ሄ ዎደ የሩሳላመ ካታማይ ዳሮ ዳልጋነ ግታ፤ ሽን እያ ግዶን ደእያ አሳ ታይቦይ ዳሮ ጉ፤ ቃስ ዳሮ ኬት ቡሮ ኬፀትቤና። 
\v 5 ሄሳፈ ጉየ፥ አሳ ካለይሳታ፥ ሀላቃታነ አሳ ኡባ ሺሻዳ ኤንታ ሶ አሳን አሳን ማዝጋባና መላ ፆሳይ ታና ቆፍስስ። ድኤተፈ ስን ስምዳ አሳ ኤንታ ሶ አሳን አሳን ፃፈትዳ ማፃፋካ ደማስ፤ ሄ ማፃፋን ፃፈትዳይ ሀይሳ።
\p
\v 6 ባብሎነ ካዎይ ናቡካዳናፆር ድእድ፥ ባ ቢታ ኤፍዳ አሳፐ ጉየ ባንታ ካታማ የሩሳላመነ ይሁዳን ደእያ ባንታ ካታማታ ስምዳ አሳይ ሀይሳፈ ካልድ ደኤይሳታ። 
\v 7 ኤንታ ሀላቃት ዛሩባበላ፥ እያሱ፥ ናህመ፥ አዛራ፥ ራማ፥ ናሀማነ፥ ማርድክዮሳ፥ ብልሻና፥ ምስፐረታ፥ ብግዋያ፥ ናሁማነ ባና።
\p ድኦፐ ስምዳ እስራኤለ አሳ ታይቦይ ሀይሳ፤
\li1
\v 8 ፓሮሳ ያራት 2,172፤
\li1
\v 9 ሳፋፃ ያራት 372፤
\li1
\v 10 ኤራ ያራት 652፤
\li1
\v 11 እያሱነ እዮኣባ ኮቸ ግድዳ ፓሀት-ሞአባ ያራት 2,818፤
\li1
\v 12 ኤላማ ያራት 1,254፤
\li1
\v 13 ዛቱ ያራት 845፤
\li1
\v 14 ዛካያ ያራት 760፤
\li1
\v 15 ብኑያ ያራት 648፤
\li1
\v 16 በባያ ያራት 628፤
\li1
\v 17 አዝጋዳ ያራት 2,322፤
\li1
\v 18 አዶንቃማ ያራት 667፤
\li1
\v 19 ብግዋያ ያራት 2,067
\li1
\v 20 አድና ያራት 655፤
\li1
\v 21 ህዝቅያሳ ያራ ግድዳ አፄራ ያራት 98፤
\li1
\v 22 ሀሹማ ያራት 328፤
\li1
\v 23 በሳያ ያራት 324፤
\li1
\v 24 ሀርፋ ያራት 112፤
\li1
\v 25 ጋባኦና ያራት 95፤
\li1
\v 26 ቤተለመንነ ናፆፋን ደእያ አሳይ 188፤
\li1
\v 27 አናቶታ ካታማ አሳይ 128፤
\li1
\v 28 ቤት-አዝሞታን ደእያ አሳይ 42፤
\li1
\v 29 ቅርያት-አርማን፥ ካፍራንነ ባኤሮታን ደእያ አሳይ 743፤
\li1
\v 30 ራማነ ግብአን ደእያ አሳይ 621፤
\li1
\v 31 ምክማሳን ደእያ አሳይ 122፤
\li1
\v 32 ቤተለንነ ጋየን ደእያ አሳይ 123፤
\m
\v 33 ናምአን ናቦን ደእያ አሳይ 52፤
\li1
\v 34 ናምአን ኤላማ ያራት 1,254፤
\li1
\v 35 ሀርማን ደእያ አሳይ 320፤
\li1
\v 36 እያርኮን ደእያ አሳይ 345፤
\li1
\v 37 ሎዳን፥ ሀድዳንነ ኦኖን ደእያ አሳይ 721፤
\li1
\v 38 ሳናአን ደእያ አሳይ 3,930።
\p
\v 39 ሀይሳፈ ካልድ ደኤይሳት ድኤተፈ ስምዳ ካህነታ።
\p እያሱ ያራ ግድዳ ያዳያ ያራት 973፤
\li1
\v 40 እመራ ያራት 1,052፤
\li1
\v 41 ፓስኮራ ያራት 1,247፤
\li1
\v 42 ሀርማ ያራት 1,017.
\p
\v 43 ሀይሳፈ ካልድ ደኤይሳት ድኤተፈ ስምዳ ሌወታ፤
\li1 ሆዳዋ ያራ ግድያ እያሱነ ቃድምኤላ ያራት 74፤
\li1
\v 44 አሳፋ ያራ ግድዳ ዛማረት 148።
\li1
\v 45 ፐንግያ ናግያ
\q2 ሳሉማ፥ አፄራ፥ ታልሞና፥ አቁባ፥ ሀትታነ ሾባያ ያራት 138፤
\p
\v 46 ሀይሳፈ ካልድ ደኤይሳት ፆሳ ኬን ኦያ ኦሳንቾታ ያራታ፤
\m ፅሀ ያራታ፥ ሀሱፋ ያራታ፥ ፃባኦታ ያራታ፥ 
\v 47 ከሮሳ ያራታ፥ ሲአ ያራታ፥ ፓዶና ያራታ፥ 
\v 48 ልባና ያራታ፥ ሀጋባ ያራታ፥ ሳማላ ያራታ፥ 
\v 49 ሀናና ያራታ፥ ግደላ ያራታ፥ ጋሃራ ያራታ፥ 
\v 50 ራያ ያራታ፥ ራፅና ያራታ፥ ናቆዳ ያራታ፥ 
\v 51 ጋዛማ ያራታ፥ ኦዛ ያራታ፥ ፓሳ ያራታ፥ 
\v 52 በሳያ ያራታ፥ ማኡንማ ያራታ፥ ናፉሰስማ ያራታ፥ 
\v 53 ባቅቡቃ ያራታ፥ ሀቁፋ ያራታ፥ ሀርሁራ ያራታ፥ 
\v 54 ባስሎታ ያራታ፥ ማህዳ ያራታ፥ ሀርሻ ያራታ፥ 
\v 55 ባርቆሳ ያራታ፥ ስሳራ ያራታ፥ ቴማ ያራታ፥ 
\v 56 ናስያ ያራታነ ሀፅፋ ያራታ።
\p
\v 57 ሀይሳፈ ካልድ ደኤይሳት ሶሎሞነ አይለታ ያራታ፤
\m ሶፃያ ያራታ፥ ሶፌረታ ያራታ፥ ፓርዳ ያራታ፥ 
\v 58 ያእላ ያራታ፥ ዳርቆና ያራታ፥ ግደላ ያራታ፥ 
\v 59 ሳፋፃ ያራታ፥ ሀፅላ ያራታ፥ ፖከሬት-ሀፃባይማ ያራታነ አሞነ ያራታ።
\p
\v 60 ድኤተፈ ስምዳ ፆሳ ኬን ኦይሳትነ ሶሎሞነ አይለታ ታይቦይ 392.
\p
\v 61 ታልመላ፥ ተልሀርሻ፥ ካሩባ፥ አዳናነ እመራ ካታማታፐ የሩሳላመ ስምዶሶና። ሽን ኤንቲ ዎይኮ ኤንታ አዋት እስራኤለ ሼሽ ግደይሳ ኤርሳናዉ ዳንዳእቦኮና። 
\v 62 ኤንቲ ዳላያ፥ ፆቢያነ ናቆዳ ያራታ፤ ኤንታ ታይቦይ 642.
\p
\v 63 ካህነታፐ ሆባያ ያራት፥ ሀቆፃ ያራትነ ባርዝለ ያራት የሩሳላመ ስምዶሶና። ባርዝለ ገይስ ጋላዳ ቢታ አስ ግድዳ ባርዝለ ናእዉ ኤክድ፥ ባ ቦሉዋ ሱን ኤክስ። 
\v 64 ኤንቲ ባንታ የለታ ሱሳ ኤራናዉ የለታ ማፃፋን ኮይዶሶና፥ ሽን ደምቦኮና። ሄሳ ግሾ፥ ኤንቲ ቱናዳ ታይበትድ ካህነተን ኦና መላ ድገትዶሶና። 
\v 65 ኡሪመንነ ቱሚመን ሻክድ ፕርድያ ካህነይ ደንዳና ጋካናዉ ኤንቲ ጌሻ ካፈ ማናዉ ዳንዳኦናይሳ ይሁዳ ሃረይስ ኤንታዉ ኦድስ።
\p
\v 66-67 ድኤተፈ ይሁዳ ቢታ ስምዳ 7,337 አደነ ማጫ አይለታ ጉጆና ደእሽን፥ ኩመ አሳ ታይቦይ 42,360. ቃስ ኤንታራ 245 አደነ ማጫ ዛማረት ስምዶሶና። 
\v 68 ፓራታ ታይቦይ 736፤ ባቁሎታ ታይቦይ 245፤ 
\v 69 ግማለታ ታይቦይ 435፤ ሀረታ ታይቦይ 6,720.
\p
\v 70 ያራታ ሀላቃታፐ ጉት ኦሱዋስ እሞታ እምዶሶና። ቢታ ሃረይስ 8 ክሎ ግራመ ዎርቃ፥ 50 ድስተነ 530 ካህነ ማኦታ እሚስ። 
\v 71 ያራታ ሀላቃት 168 ክሎ ግራመ ዎርቃነ 1,250 ክሎ ግራመ ብራ እምዶሶና። 
\v 72 አትዳ አሳይ 168 ክሎ ግራመ ዎርቃ፥ 140 ክሎ ግራመ ብራነ 67 ካህነ ማኦታ እምዶሶና።
\p
\v 73 ሄሳፈ ጉየ ካህነት፥ ሌወት፥ ናገይሳት፥ ዛማረት፥ አሳፐ እሶት እሶት፥ ፆሳ ኬ ኦሳንቾትነ ሀራ እስራኤለ አሳይ ባንታ ካታማን ካታማን ኡትዶሶና።
\c 8
\s1 እዝር ህገ ማፃፋ ናባብስ
\p
\v 1 ላፑን አጌናይ ገልያ ዎደ እስራኤለ አሳይ ባንታ ካታማን ካታማን ኡትዶሶና። ሄ አጌናን ኤንቲ ኡባይ እስፈ ሃ ፐንገ ስንን ደእያ ዳባባን ሺቅዶሶና። ኤንቲ ጎዳይ ሙሰ ባጋራ እስራኤለ አሳስ እምዳ ህገ ማፃፋ ኤሀና መላ ፃፍያ እዝራ ኦይችዶሶና። 
\v 2 ያትን፥ ካህነይ እዝር፥ ላፑን አጌናን ኮይሮ ጋላሳን፥ አደይ፥ ማጭነ አኬካናዉ ዳንዳእያ አስ ኡባይ ሺቅዳ በሳ ህገ ማፃፋ ኤህስ። 
\v 3 ሃ ፐንገ ስንን ደእያ ዳባባን ኤቅድ፥ አደስ፥ ማጫስነ አኬካናዉ ዳንዳእያ አሰ ኡባስ ህገ ማፃፋ ዎንታፈ ጋላስ ጋካናዉ ናባብስ። አሳይካ ሀይዝድ ስእዶሶና።
\p
\v 4 ፃፈይ እዝር፥ ናባባናዉ ምፈ ኦሰትዳ ቃ በሳን ከይድ ኤቅስ። እያፐ ኡሻቻ ባጋራ ማትታ፥ ሻማያ፥ አናያ፥ ኡራያ፥ ካልቀነ ማእሰያ ጌተትያ አሳት ኤቅዶሶና። ሀድርሳ ባጋራ ፓዳያ፥ ምሳኤላ፥ ማልክያ፥ ሀሱማ፥ ሀሽባዳ፥ ዛካርያሳነ ማሱላማ ጌተትያ አሳት ኤቅዶሶና።
\p
\v 5 እዝር አሳ ኡባፈ ቅያ በሳን ኤቅያ ዎደ ኡባይ እያ ሎይድ ፄልሽን፥ ኤንታ ስንን ህገ ማፃፋ ዶይስ። እ ዶይያ ዎደ ኤንቲ ኡባይ ኡትዳ በሳፈ ደንድ ኤቅዶሶና። 
\v 6 እዝር ጎዳ፥ ግታ ፆሳ ጋላትስ። አሳ ኡባይ ባንታ ኩሽያ ደንድ፥ “አምንእ! አምንእ!” ያግዶሶና። ኤንታ ሶምኦይ ሳአ ቦቻና ጋካናዉ ጉፋንድ ጎዳ ጎይንዶሶና።
\p
\v 7 ኤንቲ ባንታ ኤቅዳ በሳን ደእሽን፥ ሌወት፥ እያሱይ፥ ባን፥ ሳራባ፥ ያምና፥ አቁባ፥ ሳባታ፥ ሆዳ፥ ማሰያ፥ ቃልፃ፥ አዛራ፥ ዮዛባታ፥ ሀናንነ ፓላህ ህግያ አሳይ አኬካናዳ ብርሸ ቆንጭስዶሶና። 
\v 8 ኤንቲ ፆሳ ህገ ማፃፋ ናባብዶሶና፤ ቃስ ናባበተይስ ዎይግያኮ አሳይ ኤራና መላ ብርሸ ቆንጭስዶሶና።
\p
\v 9 አሳይ ህገ ቃላ ስእዳ ዎደ ዬክዳ ግሾ፥ ቢታ ሃርያ ናህመይ፥ ካህነነ ፃፈ ግድዳ እዝርነ አሳስ ማፃፋ ብርሽያ ሌወት፥ “ሀ ጋላሳይ ጎዳስ፥ ህንተ ፆሳስ ጌሻ ጋላስ ግድያ ግሾ፥ ዬኮፍተ ዎይኮ አፉፆፍተ” ያግዶሶና።
\p
\v 10 ናህመይ፥ “ብድ ዶረትዳ ካ ሚተ፤ ማልእያ ኡሽ ኡይተ፤ ቃስ አይኮይ ባይናይሳታስ ህንተይሳፈ ሻክድ እምተ። ሀች ጋላሳይ ኑ ጎዳስ ጌሻ ጋላስ። ጎዳ ኡፋይሳይ ህንተዉ ዎልቃ ግድያ ግሾ አዛኖፕተ” ያግስ።
\p
\v 11 ሌወት፥ “ሀች ጋላሳይ ጌሻ ጋላስ ግድያ ግሾ፥ አዛኖፕተ፤ ስእ ጊተ” ያግድ አሳ ስእ ኦዶሶና። 
\v 12 ናበበትዳ ቃላ ብርሸይ ኤንታዉ ገልዳ ግሾ፥ አሳይ ኡፋይሳን ማናዉ፥ ኡያናዉነ አይኮይ ባይናይሳታስ ሻክድ እማናዉ ሶ ብዶሶና።
\p
\v 13 ሄ አጌና ናምአን ጋላሳን ኮቻታ ሀላቃት፥ ካህነትነ ሌወት ህገ ቃላ ኤንታዉ ብርሻና መላ እዝራኮ ይዶሶና። 
\v 14 ኤንቲ ታማርያ ዎደ ላፑን አጌናን ሻቃራ ባኣለ ቦንችያ ዎደ እስራኤለ አሳይ ሻቃራ ጋርሳን ኡትድ ቦንቻና መላ ፆሳይ ሙሰ ባጋራ ኪትዳይሳ ደምዶሶና። 
\v 15 ሻቃራ ባኣለ ቦንቻናዉ ካታማታንነ የሩሳላመን ሀይሳዳ ያግድ አዋጅዶሶና፤ “ሻቃራ ሻቃራናዉ ደረ ቦላ ከይድ ዛይተ ሻማሆ፥ ዎራ ሻማሆ፥ ባርሰኔተ ም፥ ዛምባ ሀይነ ም ኡባፈ ህገን ፃፈትዳይሳዳ ታሸ ኤህተ” ያግዶሶና።
\p
\v 16 ሄሳ ግሾ፥ አሳይ ብድ ም ታሸ ኤህድ ባንታ ፖቀ ኬ ቦላ ደእያ ደንባን፥ ባንታ ዛባን፥ ፆሳ ኬ ዳባባን፥ ሃ ፐንግያ ዳባባንነ ኤፍሬማ ፐንግያ ዳባባን ሻቃራ ሻቃርዶሶና። 
\v 17 ድኤተፈ ስምዳ አሳ ኡባይ ሻቃራ ሻቃርድ እያ ጋርሳን ኡትዶሶና። ናወ ናኣ እያሱ ዎደፐ ሃ ስምን ኤንቲ ሀይሳ መላ ባኣለ ቦንች ኤሮኮና። ሄሳ ግሾ፥ ኤንቲ ኡባይ ዳሮ ኡፋይትዶሶና። 
\v 18 ባለይ ዶመትድ ዉራና ጋካናዉ ጋላስ ጋላስ እዝር ፆሳ ህገ ማፃፋፐ አሳስ ናባቤስ። ባልያ ላፑን ጋላስ ቦንችዳፐ ጉየ ሆስፑን ጋላሳን ህገይ ኪተይሳዳ ጌሻ ዱላታ ኦዶሶና።
\c 9
\s1 አሳይ ባንታ ናጋራ ፓፅዶሶና
\p
\v 1 ሄ አጌናን ላታማነ ኦይዳን ጋላሳን እስራኤለ አሳይ እስፈ ሺቅድ፥ ካዮ ማኦ ማእድ፥ ባንታ ሁጰን ባና ቆልድ ፆምዶሶና። 
\v 2 ባንታና አላጋ ደረ አሳፐ ሻክዶሶና። ሄሰፈ ጉየ ደንድ ኤቅድ ኤንትነ ኤንታ አዋት ኦዳ ናጋራ ኡባ ፓፅዶሶና። 
\v 3 ኤንቲ ያን ኤቅድ ደእሽን ሄ ሳተ ኩመ ጎዳ ኤንታ ፆሳ ህገ ማፃፋይ ኤንታዉ ናባበትስ። ቃስ ሀራ ሄ ሳተ ባንታ ናጋራ ፓፅሸ ጎዳ ባንታ ፆሳ ጎይንዶሶና።
\p
\v 4 ሌወት፥ እያሱይ፥ ባን፥ ቃድምኤል፥ ሳባና፥ ቡን፥ ሳራባ፥ ባናን፥ ከናን ማድራከ ቦላ ከይድ ባንታ ቃላ ቁ ኦድ ጎዳ፥ ባንታ ፆሳ ዎስዶሶና። 
\v 5 ሌወት፥ እያሱይ፥ ቃድምኤል፥ ባን፥ አሳባን፥ ሳራብ ሆድ፥ ሳባንነ ፓታህ፥ “ደንድ ኤቅድ፥ መርናፐ መርና ጋካናዉ ደእያ ጎዳ ህንተ ፆሳ ጋላትተ!”
\b
\pi “እያ ቦንቾ ሱን አንጅተ፤ ጋላታፐነ አንጆፈ አያ እያ ሱን ሳቢተ።” 
\v 6 ፆሳዉ፥ ነ ፃላል ጎዳ! ኔኒ ሳሎታነ ቃ ሳሎታን ደእያ መተታ፥ ሳኣነ እያ ቦላ ደእያ መተታ፥ አባታነ ኤንታ ግዶን ደእያ መተታ ኡባ መዳሳ። ኡባስ ደኦ እማዳሳ፤ ሳሎ መተት ነዉ ጎይኖሶና።
\pi
\v 7 ጎዳዉ፥ ኔኒ ፆሰ! ኔኒ ካልዳወታ ቢታ ኡረፐ አብራመ ዶራዳ ከሳዳሳ። እያ ሱን ላማዳ አብራሃመ ጋዳ ሱንዳሳ። 
\v 8 እ ነዉ አማንያ አስ ግደይሳ በአዳ፥ ካናነታ፥ ህተታ፥ አሞረታ፥ ፓርዘታ፥ ያቡሰታነ ገርገሰታ ቢታ እያ ኮቻስ ላታ ቢታ ኦዳ እማናዉ እያዉ ጫቃዳሳ። ኔኒ ፅሎ ግድያ ግሾ ነ ግዳ ቃላ ፖላዳሳ።
\pi
\v 9 ኔኒ ኑ ማይዛታ ግብፀ ቢታን ጋክዳ ኡንኣ በአዳሳ፤ ቃስ ዞኦ አባ ማታን ደእሸ ኤንቲ ዋስዳ ዋሱዋ ስአዳሳ። 
\v 10 ግብፀ ካዎይ፥ እያ ሹማትነ ሄ ቢታ አሳ ኡባይ እስራኤለ አሳ ቦላ ኦቶርትዳ ግሾ ኤንታ ቦላ ማላታነ ማላልስያባታ ኦዳሳ። ሄሳ ኦዳ ሀች ጋካናዉ ነ ሱንይ ቦንቾን ፄገታናዳ ኦዳሳ። 
\v 11 አባ ሻካዳ ነ አሳ መላ ቢታራ ፕንዳሳ። ሽን ሹች ጪሞ ሃን ሆልን፥ ምተተይሳዳ ኤንታ ጎድያ ሞርከታ አባን ምትሳዳ ይሳዳሳ። 
\v 12 እስራኤለ አሳ ጋላስ ሻራ ቱሳን፥ ቃማ ታማ ቱሳን ኤንታ ኦግያ ፖእሳዳ ካለዳሳ።
\pi
\v 13 ኔኒ ሳሎፐ ዎዳ ነ አሳ ሲና ዙማ ቦላ ኦድሳዳሳ። ሱረ ፕርዳነ ቱማ ግድዳ ህግያ፥ ሎኦ ዎጋነ ኪታ ኤንታዉ እማዳሳ። 
\v 14 ጌሻ ነ ሳምባታ ኤንቲ ቦንቻና መላ ኤንታ ታማርሳዳሳ። ነ አይልያ ሙሰ ባጋራ ኤንታዉ ኪታ፥ ዎጋነ ህገ እማዳሳ። 
\v 15 ኤንቲ ኮሻትዳ ዎደ ሳሎፐ ካ እማዳሳ፤ ቃስ ኤንቲ ሳሞትዳ ዎደ ዛላፈ ሃ ፑልትሳዳሳ። ኔኒ ኤንታዉ እማና ጋዳ ጫቅዳ ቢታ ኤንቲ ገልድ ላታና መላ ኪታዳሳ።
\pi
\v 16 ሽን ኑ ማይዛት ኦቶርትዶሶና፤ ስኦና እፅድ ነዉ ኪተትቦኮና። 
\v 17 ኪተቶና እፅዶሶና፤ ኔኒ ኤንታዉ ኦዳ ማላልስያባ ኡባ ሀሳይቦኮና። ኤንቲ ስኦና አስ ግድዶሶና፤ ባንታ ጌላተን አይለተስ ግብፀ ቢታ ጉየ ካለና መላ ሀላቃ ባንታዉ ዶርዶሶና። ግዶሽን፥ ኔኒ አቶ ግያ ፆሲ፥ ኬሀነ ማርያ ፆሲ፤ ሲቆን ኩምዳይሳነ ሀንቆስ ኤለሶና ፆሲ ግድያ ግሾ ኤንታ አጋባካ።
\pi
\v 18 ኤንቲ ማራ ማላን ኤቃ መድ፥ “ህንተና ግብፀ ቢታፈ ከስዳ ህንተ ፆሳይ ሀይሳ” ያግድ ነና ግታ ጫሸ ጫይዶሶና። 
\v 19 ነ ዳሮ ማሮተን ኔኒ ኤንታ መላ ቢታን አጋባካ። ኤንቲ ብያ ኦግያ ፖእሳና መላ ጋላስ ሻራ ቱሳን፥ ቃማ ታማ ቱሳን ኤንታ ካለዳሳ። 
\v 20 ኤንታ ታማርሳና መላ ነ ሎኦ አያና ኤንታዉ እማዳሳ። ማናዉ ማና፥ ኡያናዉ ሃ ኤንታዉ እማዳሳ። 
\v 21 ኦይታሙ ላይ ኩመ መላ ቢታን ሄመትያ ዎደ ኤንታዉ ኮሽያባፐ እስባካ ፓጭሳባካ። ኤንታ ማኦይ ዉርቤና፤ ኤንታ ቶሆይ ክፅቤና።
\pi
\v 22 ነ ኤንታ ካዎተታነ ደረታ ሀር አቶሽን ሃሆን ደእያ ቢታታ ፆንድ ኦይካና መላ ኦዳሳ። ካዎይ ስሆነይ ሃርያ ሀሰቦና ቢታነ ካዎይ ኦገይ ሃርያ ባሳነ ቢታ ኤንታና ላትሳዳሳ። 
\v 23 ኤንታ ኮቻ ታይቡዋ ሳሎ ፆልንቶዳ ዳርሳዳሳ። ኤንታ ማይዛታስ እማና ጋዳ ጫቅዳ ቢታ ኤንታ ላትሳዳሳ። 
\v 24 ኤንታ ናይት ካናነ ቢታ ላትዶሶና። ሄ ቢታን ደእያ ካናነ አሳ ኤንታ ስንን ኔኒ ካዉሻዳሳ። ኤንቲ ካናነ አሳ ቦላ፥ ኤንታ ካዎታ ቦላነ ቢታን ደእያ አሳ ቦላ ዶስዳባ ኦና መላ ኤንታ ኩሸን አ እማዳሳ። 
\v 25 ኤንቲ ዩሾይ ግምበትዳ ካታማታነ አራዳ ቢታ ፆንድ ኤክዶሶና። ሎኦባ ኡባይ ኩምዳ ኬታ፥ ቦከትዳ ሃ ኦላታ፥ ዎይነ በሳታ፥ ሻማሆነ ሀራ አይፈ አይፍያ ዳሮ ምታ ላትዶሶና። እያፐ ምድ ካልድ ኦርድዶሶና፤ ነ ግታ ኬሀተን ኡፋይትዶሶና።
\pi
\v 26 ግዶሽን፥ ኤንቲ ኪተቶና እፅድ፥ ነ ቦላ ማካልዶሶና፤ ነ ህግያ ቦላ ዞኮ ዛርዶሶና። ኔኮ ስማናዳ ኤንታዉ ምንድ ኦድዳ ነ ናበታ ዎዶሶና። ዳሮ ኢታ ጫሽ ነና ጫይዶሶና። 
\v 27 ሄሳ ግሾ፥ ኤንታ ኡንኤያ ሞርከታ ኩሸን አ እምን፥ ሞርከት ኤንታ ኡንኤዳ ዎደ ኔኮ ዋስዶሶና። ኤንታ ዋሱዋ ሳሎን ግዳዳ ስአዳሳ፤ ነ ማሮተ ዳሩዋን ኤንታ፥ ኤንታ ሞርከታ ኩሸፐ አሽያ አሳታ ኪታዳሳ።
\pi
\v 28 ሽን ኤንቲ ሸምፖ ደም ስሚድ ዛሪድ ነ ስንን ናጋራ ኦዶሶና። ነ ዛራዳ ኤንታ ሞርከታ ኩሸን አዳ እምን፥ ኤንታ ሞርከት ኤንታ ሃርዶሶና። ሽን ሀእካ ኤንቲ ኔኮ ዋስን፥ ኤንታ ዋሱዋ ሳሎን ግዳዳ ስአዳሳ። ነ ማሮተን ኤንታ ዛራ ዛራዳካ አሻ ኤካዳሳ።
\pi
\v 29 ነ ህግያኮ ኤንቲ ስማና መላ ኤንታዉ ምንዳ ኦዳዳሳ፥ ሽን ኤንቲ ኦቶርትዶሶና፤ ነዉ ኪተቶና እፅዶሶና። አስ ኪተትድ ደኦ ደምያ ነ ህግያ መንዶሶና። ነዉ ዞኮ ዛሪድ ስኦና እፅዶሶና፤ ኪተቶና እፅዶሶና። 
\v 30 ግድኮካ ነ ኤንታ ዳሮ ላይ ዳንዳአዳሳ፤ ነ አያናን ናበታ ባጋራ ኤንታዉ ኦዳዳሳ፥ ሽን ኤንቲ ስእቦኮና። ሄሳ ግሾ፥ ሾሮ ካዎተት ኤንታ ሃራና መላ አ እማዳሳ። 
\v 31 ሽን ኔኒ ኬሀነ ማርያ ፆሲ ግድያ ግሾ፥ ነ ግታ ማሮተን ኤንታ አጋባካ፤ ቡርፆራ ይሳባካ።
\pi
\v 32 ህዛ ኑ ፆሳዉ፥ ግታዉ፥ ዎልቃማነ ያየትዳ ፆሳዉ፥ ነ መርና ሲቆ ጫቁዋ ናገይሶ፥ በን አሶረ ካዎተፈ ሀች ጋካናዉ ኑ ቦላ፥ ኑ ካዎታ ቦላ፥ ኑ ሀላቃታ ቦላ፥ ኑ ካህነታ ቦላ፥ ኑ ናበታ ቦላ፥ ኑ ማይዛታ ቦላነ ነ አሳ ኡባ ቦላ ጋክዳ መቶይ ነ ስንን ላፋባ ዳኖፖ። 
\v 33 ኑና ጋክዳባ ኡባን ኔኒ ፅሎ። ኑኒ ነና ናቅኮካ ነ አማነተ አጋባካ። 
\v 34 ኑ ካዎት፥ ኑ ሀላቃት፥ ኑ ካህነትነ ኑ ማይዛት ነ ህግያ ናግቦኮና። ቃስ ነ ኤንታዉ እምዳ ኪታነ ናግሱዋ ስእቦኮና። 
\v 35 ነ ኤንታ ካዎተን ኤንታዉ ግታ አንጁዋ እማዳሳ፤ ዳልጋነ አራዳ ቢታ ኤንታዉ እማዳሳ። ሽን ኤንቲ ነና ጎይንቦኮና፤ ባንታ ኢታ ኦሱዋፐ ስምቦኮና።
\pi
\v 36 “ህዛ፥ ሀች ኑኒ አይለ ግደይሳ በአ። ኑ ማይዛት ሄ ቢተ አይፍያነ እያ እምያ አንጁዋ ኡባ ማና መላ ነ እምዳ ቢታን ኑ ሀች አይለ ግድዳ። 
\v 37 ኑ ናጋራ ግሾ፥ ነ ኑ ቦላ ደንዳ ካዎት ቢታይ እምያ አይፍያ ኡባ ጎኤቶሶና። ኑ ቦላነ ኑ መህያ ቦላ ባንታ ኮይዳባ ኦሶና፤ ኑኒ ግታ መቶ ግዶን ደኦስ” ያግዶሶና።
\p
\v 38 ሀንዳባ ኡባ ግሾ፥ ኑኒ ሃሳይድ፥ ሄ ሃሳያ ፃፍድ ቆንጭሳናዉ ቆፋ ቃችዳ። ፃፈትዳ ፁፍያ ቦላ ኑ ሀላቃት፥ ኑ ሌወትነ ኑ ካህነት ባንታ ማታመ ዎዶሶና።
\c 10
\p
\v 1 ማታመ ዎዳ አሳ ሱንይ፥ ቢታ አይስያ ናህመይ፥ ሀካልያ ናአይ፥
\p ካህነታፐ፥ ሰደቅያሳ፥ 
\v 2 ሳራያ፥ አዛራ፥ ኤርምያሳ፥ 
\v 3 ፓስኮራ፥ አማረ፥ ማልካ፥ 
\v 4 ሀፁሳ፥ ሳባና፥ ማሉካ፥ 
\v 5 ሀርማ፥ ማረሞታ፥ ኦባዳ፥ 
\v 6 ዳነላ፥ ግነቶና፥ ባሮካ፥ 
\v 7 ማሱላማ፥ አብያ፥ ምያምና፥ 
\v 8 ማኣዛ፥ በልጋያነ ሻማያ።
\p
\v 9 ሌወታፐ፥ አዝናታ ናኣ እያሱ፥ ሄናዳዳ ኮች ግድዳ ብኑያ፥ ቃድምኤላነ 
\v 10 ኤንታራ ኦያ ሳባና፥ ሆድያ፥ ቃልፃ፥ ፓላያ፥ ሀናና፥ 
\v 11 ምካ፥ ራሆባ፥ ሀሳባያ፥ 
\v 12 ዛኩራ፥ ሳራባ፥ ሳባና፥ 
\v 13 ሆድያ፥ ባናነ ባንና።
\p
\v 14 ሀላቃታፐ፥ ፓሮሳ፥ ፓሀት-ሞአባ፥ ኤላማ፥ ዛታ፥ ባና፥ 
\v 15 ቡና፥ አዝጋዳ፥ በባያ፥ 
\v 16 አዶና፥ ብግዋያ፥ አድና፥ 
\v 17 አፄራ፥ ህዝቅያሳ፥ አዙራ፥ 
\v 18 ሆድያ፥ ሀሱማ፥ በሳያ፥ 
\v 19 ሀርፋ፥ አናቶታ፥ ነባያ፥ 
\v 20 ማግጳሳ፥ ማሱላማ፥ ኤዝራ፥ 
\v 21 ማሰዛቤላ፥ ሳዶቃ፥ ያዱአ፥ 
\v 22 ፓላፃ፥ ሀናና፥ አናያ፥ 
\v 23 ሆሰ፥ ሀናና፥ ሀሱባ፥ 
\v 24 ሀሎሄሳ፥ ፕልሀ፥ ሶበቃ፥ 
\v 25 ረሁማ፥ ሀሳብና፥ ማሰያ፥ 
\v 26 አክያ፥ ሀናና፥ አናና፥ 
\v 27 ማሉካ፥ ሀርማነ ባአና።
\p
\v 28 አትዳ አሳይ፥ ካህነት፥ ሌወት፥ ፐንግያ ናገይሳት፥ ዛማረት፥ ፆሳ ኬ ኦሳንቾት፥ ፆሳ ህግያስ ኪተታናዉ ባንታና አይሁደ ግዶና ደረታፐ ሻክዳ ኡባይ፥ ኤንታ ማቸት፥ አኬካናዉ ዳንዳእያ ኤንታ አደ ናይትነ ማጫ ናይት፥ 
\v 29 ባንታና ካለይሳታራ እስፈ ጫቅዶሶና። ኤንቲ ፆሳ አይልያ ሙሰ ባጋራ ፆሳይ እምዳ ኑ ጎዳ፥ ፆሳ ኪታ፥ ህግያነ ዎጋ ናጋናዉ ቃንገንነ ጫቆን ቃላ ገልዶሶና።
\p
\v 30 ኤንቲ ሀይሳዳ ያግድ ጫቅዶሶና፤ “ኑ ማጫ ናይታ አይሁደ ግዶና አደ ናይታስ እሞኮ፤ ኤንታ ማጫ ናይታ ኑ አደ ናይታስ ማቾ ኦድ ኤኮኮ።
\p
\v 31 “አይሁደ ግዶና አሳት ካ ግድን ዎይኮ ሀራባ ሳምባታ ጋላስ ዎይኮ ሀራ ባኣለ ጋላስ ባይዛናዉ ኤህኮ ኤንታፈ ሻሞኮ። ላፑን ላይ ጋክያ ዎደ ዎደ ኑ ቢታ ጎዮኮ፤ ኑኒ ታልእዳ አጩዋ አቾኮ።
\p
\v 32 “ፆሳ ኬ ኦሱዋስ ኦይዱ ግራመ ብራ ላይን ላይን ቃንፆና እማና። 
\v 33 ሄስካ፥ ጎዳ ስንን ዎያ ኡይስ፥ ጋላስ ጋላስ ያርሸትያ ካ ያርሹዋስ፥ ፁሳ ያርሹዋስ፥ ሳምባታ ጋላሳን፥ አጌና ፄሮን፥ ላይን ደእያ ሀራ ባለታን፥ ጌሻ ያርሾታስ፥ እስራኤለ አሳ ናጋራ አቶተስ ያርሸትያ ያርሹዋስነ ኑ ፆሳ ኬ ኦሱዋስ ኮሽያ ኡባ ኩንናሳ።
\p
\v 34 “ኑ፥ ካህነት፥ ሌወትነ ሀራ አሳ ኡባይ፥ ላይን ላይን ኦሰትያ ጋላሳን፥ ህግያን ፃፈትዳይሳዳ ጎዳ፥ ኑ ፆሳ ያርሾ በሳን ኤፅያ ም እስ እስ ኮቻይ አዉደ ኤሀናዉ በሲያኮ ኤራናዉ ሳማ የግዳ።
\p
\v 35 “ካ ኑ ሺሽያ ዎደነ ዱማ ዱማ ም አይፍያ ኑ ማፅያ ዎደ ባይራ ፆሳ ኬ ኤሀና።
\p
\v 36 “ህግያን ፃፈትዳይሳዳ ኑኒ ኮይሮ የለትያ ኑ አደ ናይታ፥ ቃስ ኑ ሚዛት፥ ኑ ዶርሳትነ ኑ ዴሻት የልያ ኮይሮ ማራታ ፆሳ ኬን ኦያ ካህነታኮ ኤህድ ፆሳስ ዱማያና።
\p
\v 37 “ኑኒ ኑ ቢታን ካፅዳ ካፈ ኮይሩዋ፥ ኑ ም ኡባ አይፍያ፥ ዎይንያነ ዛይትያ እሞታ ኦድ፥ ፆሳ ኬን ኦያ ካህነታኮ ኤሀና። ሌወት ኑ ደእያ ካታማታ ጎሻን አይፍያባፐ አስራታ ኤክያ ግሾ፥ ኑ ቢታይ አይፍያባፐ አስራታ ኤሀና። 
\v 38 ሌወት አስራታ ሺሽያ ዎደ፥ አሮና ያራ ግድዳ ካህነት ኤንታራ እስፈ ግዳናዉ በሴስ። ሌወት አስራታ ሺሽዳፐ ጉየ፥ አስራታፐ አስራታ ከስድ ኑ ፆሳ ኬ ኤህድ፥ ሚሸ ዎያ ክፍልያን ዎ። 
\v 39 እስራኤለ አሳይነ ሌወት ካ፥ ዎይንያነ ሻማሆ ዛይተ እሞታ ጌሻ ሚሸት ኡትያ በሳነ ካህነት፥ ፐንግያ ናገይሳትነ ዛማረት ሸምፕያ ክፍልያ ኤሆ።
\p “ኑኒ ፆሳ ኬ ኡባካ አጎኮ” ያግድ ጫቅዶሶና።
\c 11
\s1 የሩሳላመን ደእያ አሳ
\p
\v 1 አሳ ካለይሳት የሩሳላመን ደእዶሶና። ሀንኮ አሳይ ታማፈ እሶይ ጌሻ ካታማን የሩሳላመን ደአና መላ ሳማ የግድ ዶርዶሶና። ሽን ሀራ ኡዱፉን ኩሸ አሳይ ባንታ ካታማን ካታማን ደእዶሶና። 
\v 2 ባ ሸነን የሩሳላመን ደአናዉ ዶስዳ አሳ ኡባ አሳይ አንጅዶሶና።
\p
\v 3 ሀራ ካታማታን ደእያ እስራኤለ አሳይ፥ ካህነት፥ ሌወት፥ ፆሳ ኬ ኦሳንቾት፥ ሶሎሞነ አይለታ ሼሻት ኡባይ ባንታ ካታማን ካታማን ደእያ ጋድያ ኦይክድ ደእዶሶና።\x - \xo 11:3 \xo*\xt ናህ 7:73.\xt*\x* ሀይሳፈ ካልድ ፃፈትዳይሳት፥ የሩሳላመን ደአናዉ ይዳ ቢታ ሹማታ፤ 
\v 4 ይሁዳ ኮቻፈ ይዳ አሳይ ፓረሳ ያራ ግድዳ አታያነ ሴላ ያራ ግድዳ ማእሰያ። አታይ ኦዝያና ናአ፤ ኦዝያን ዛካርያሳ ናአ፤ ዛካርያስ አማረ ናአ፤ አማረይ ሳፋፃ ናአ፤ ሳፋፅ ማላልኤላ ናአ። 
\v 5 ማእሰይ ባሮካ ናአ፤ ባሮክ ኮልሆዛ ናአ፤ ኮልሆዝ ኦዛ ናአ፤ ኦዝ አዳያ ናአ፤ አዳይ ዮያርባ ናአ፤ ዮያርብ ዛካርያሳ ናአ። ሀይሳቲ ሴላ ኮቻታ። 
\v 6 ፓረሳ ያራፐ ዎልቃማ ግድዳ 468 አሳት የሩሳላመን ደእዶሶና።
\p
\v 7-8 ብንያመ ኮቻፈ ይዳ አሳይ ሳላ፥ ጋባያነ ሳላያ። ሳሉ ማሱላማ ናአ፤ ማሱላም ዮኤዳ ናአ፤ ዮኤድ ፓዳያ ናአ፤ ፓዳየይ ቆላያ ናአ፤ ቆላይ ማእሰያ ናአ፤ ማእሰይ እትኤላ ናአ፤ እትኤል የሻያ ናአ። ብንያመ ዛርያፐ 928 አሳይ የሩሳላመን ደእዶሶና። 
\v 9 ዝክራ ናአይ እዩኤል ኤንታ ሀላቃ፤ ቃስ ሀሳኑአ ናአይ ይሁድ ካታማን ናምአን ሀላቃ።
\p
\v 10 ካህነታፐ ይዳ አሳይ ዮያርባ ናኣ ያዳያ፥ ያክና ናኣ፤ 
\v 11 ሳራያ፤ ሳራይ ክልቅያ ናአ፤ ክልቀይ ማሱላማ ናአ፤ ማሱላም ሳዶቃ ናአ፤ ሳዶቅ ማራዮታ ናአ፤ ማራዮት ፆሳ ኬ ሀላቃ ግድዳ አህፁባ ናአ። 
\v 12 ኤንታራ እስፈ ፆሳ ኬን ኦያ ኦሳንቾት ኩመ 822. አዳይ ይሮሃማ ናአ፤ ይሮሃም ፓላላ ናአ፥ ፓላል አሞፀ ናአ፤ አሞፀይ ዛካርያሳ ናአ፤ ዛካርያስ ፓስኮራ ናአ፤ ፓስኮራ ማልክያ ናአ። 
\v 13 አዳያራ እስፈ ደእያ አሳይነ ኤንታ ሶ አሳ ሀላቃት ኩመ 242. አማሳሳይ አዛርኤላ ናአ፤ አዛርኤል አህዛያ ናአ፤ አህዛይ ማሽልሞታ ናአ፤ ማሽልሞት እመራ ናአ። 
\v 14 አማሳያራ እስፈ ደእያ ኦላንቾት ኩም 128. ሀግዶልማ ናአይ ዛብድኤል ካህነታ አይሰይሳ።
\p
\v 15 ሌወታፐ ይዳ አሳይ ሻማያ፤ ሻማየይ ሀሹባ ናአ፤ ሀሹብ አዝርቃማ ናአ፤ አዝርቃም ሀሳባያ ናአ፤ ሀሻበይ ቡና ናአ። 
\v 16 ሌወት ሳባትነ ዮዛባታ ፆሳ ኬፈ ካረራ ኦሰትያ ኦሱዋስ ሀላቃ። 
\v 17 ማታን ምካ ናአ፤ ምክ ዛብዳ ናአ፤ ዛብድ ጋላታ ዎሳ ካለያ አሳፋ ናአ፤ አሳፍ እያ ናምአን ሀላቃ ግድዳ ባቅቡቃ ናአ፤ ባቅቡቅ ሳሙሳ ናአ፤ ሳሙስ ጋላላ ናአ፤ ጋላል የዱቱና ናአ። 
\v 18 ሌወታፐ 284 አሳይ ጌሻ ካታማን የሩሳላመን ደእዶሶና።
\p
\v 19 ፐንግያ ናገይሳታፐ፥ አቁባ፥ ታልሞናነ ኤንታራ እስፈ ኦያ ኦሳንቾታ ታይቦይ 172.
\p
\v 20 አትዳ ካህነት፥ ሌወትነ እስራኤለ አሳ ኡባይ ባንታ ላታ ቢታን ይሁዳ ካታማታን ደእዶሶና። 
\v 21 ሽን ፆሳ ኬ ኦሳንቾት የሩሳላመ ካታማን ደእያ ኦፌላ ደርያ ቦላ ደእዶሶና። ስሀነ ግሽፓ ጌተትያ ናምኡ አሳት ኤንታ ሀላቃታ።
\p
\v 22 የሩሳላመን ደእያ ሌወታ ሀላቃይ ኦዛ። ኦዝ ባና ናአ፤ ባን ሀሳባያ ናአ፤ ሀሻበይ ማታና ናአ፤ ማታን ምካ ናአ። ኦዝ ፆሳ ኬ ዛማረታ ሀላቃ ግድዳ አሳፋ ናአ። 
\v 23 ዛማረት ጋላስ ጋላስ የፃና ማዝሙርያ ካዎይ ኤንታ ኪቴስ።
\p
\v 24 ይሁዳ ናኣ ዛራሀ ያራፐ የለትዳ ማሰዛቤላ ናኣ ፓታሀ እስራኤለ አሳስ ዶና ግድድ፥ ካዋ ማታን ደኤስ። 
\v 25 ይሁዳ አሳፐ ጉት ጎሻ ጋደታንነ ጉታታን፥ ቅርያት-አርባንነ እያ ጉታታን፥ ድቦናንነ እያ ጉታታን፥ ያቃብፅኤላንነ እያ ጉታታን ደእዶሶና። 
\v 26 ቃስ እያሱን፥ ሞላዳን፥ ቤት-ጳለፃን፥ 
\v 27 ሀፃር-ሹኣላንነ እያ ጉታታን፥ በርሳበንነ እያ ጉታታን፥ 
\v 28 ፅቅላጋን፥ ማኮናንነ ኤንታ ጉታታን፥ 
\v 29 ኤንርሞናን፥ ፆርአንነ ያርሙታን፥ 
\v 30 ዛኖሀን፥ አዱላማንነ ኤንታ ጉታታን፥ ላክሶንነ እያ ሄራን ደእያ ጎሻ ጋድያን፥ አዜቃንነ እያ ጉታታን ደእዶሶና። ሄሳዳ ሀንድ ይሁዳ አሳይ በርሳበፐ ብድ ህኖማ ዛንጋራ ጋካናዉ ደእያ በሳን ደእዶሶና።
\p
\v 31 ብንያመ ኮቻት ግብአን፥ ምክማሳን፥ አያን፥ ቤተለንነ ኤንታ ጉታታን፥ 
\v 32 አናቶታን፥ ኖባን፥ አናንያን፥ 
\v 33 ሀፆራን፥ ራማን፥ ግታማን፥ 
\v 34 ሀድዳን፥ ፃቦእማን፥ ናባላፃን 
\v 35 ሎዳን፥ ኦኖንነ ኩሸ ሂላታ ዛንጋራ ጌተትያ በሳን ደእዶሶና። 
\v 36 ይሁዳን ደእዳ ሌወታፐ ባጋት ብንያመ አሳራ ዳናዳ ኦሰትዶሶና።
\c 12
\s1 ካህነታነ ሌወታ
\p
\v 1 ሳላትያላ ናኣ ዛሩባበላራነ ካህነ ሀላቃ እያሱራ ድኦፔ ስምዳ ካህነትነ ሌወት ሀይሳታ፦
\p ሳራያ፥ ኤርምያሳ፥ እዝራ፥ 
\v 2 አማረ፥ ማሉካ፥ ሀፁሳ፥ 
\v 3 ሳካና፥ ረሁማ፥ ማረሞታ፥ 
\v 4 እዳ፥ ግነቶና፥ አብያ፥ 
\v 5 ምያምና፥ ማአዳ፥ በልጋ፥ 
\v 6 ሻማአ፥ ዮያርባ፥ ያዳያ፥ 
\v 7 ሳላ፥ አሞካ፥ ህልቅያነ ያዳያ። ሀይሳቲ እያሱ ላይን ካህነታስነ ያራታስ ሀላቃ ግድዳይሳታ።
\p
\v 8 ኤንታራ እስፈ ስምዳ ሌወት እያሱ፥ ብኑያ፥ ቃድምኤላ፥ ሳራባ፥ ይሁዳነ ጋላታ ማዝሙረ ዛማረይሳታ ሀላቃ ግድዳ ማታና። 
\v 9 ኤንታራ እስፈ ዛማርያ ባቅቡቀይነ ኡኖይ ኤንታፈ ስንራ ሃ ስም ኤቅድ የፆሶና።
\p
\v 10 እያሱይ ዮያቅማ የልስ፤ ዮያቅም ኤልያሴባ የልስ፤ ኤልያሴብ ዮያዳ የልስ፤ 
\v 11 ዮያድ ዮናታና የልስ፤ ዮናታን ያዱአ የልስ። 
\v 12 ዮያቅም ካህነ ሀላቃ ግድድ ደእያ ላይ፥ ሀይሳፈ ካልድ ፃፈትዳይሳት ካህነታ ያራታ ሀላቃታ።
\p ሳራያ ያራ ሀላቃይ ማራያ።
\p ኤርምያሳ ያራ ሀላቃይ ሀናንያ።
\p
\v 13 እዝራ ያራ ሀላቃይ ማሱላማ።
\p አማረ ያራ ሀላቃይ የሆሀናና።
\p
\v 14 ማሉካ ያራ ሀላቃይ ዮናታና።
\p ሳባና ያራ ሀላቃይ ዮሰፋ።
\p
\v 15 ሀርማ ያራ ሀላቃይ አድና።
\p ማራዮታ ያራ ሀላቃይ ህልቃያ።
\p
\v 16 እዶ ያራ ሀላቃይ ዛካርያሳ።
\p ግነቶና ያራ ሀላቃይ ማሱላማ።
\p
\v 17 አብያ ያራ ሀላቃይ ዝክራ።
\p ምንያምናነ ማአዳ ያራ ሀላቃይ ፕልፃያ።
\p
\v 18 ብልጋ ያራ ሀላቃይ ሳሙአ።
\p ሻማያ ያራ ሀላቃይ ዮናታና።
\p
\v 19 ዮያርባ ያራ ሀላቃይ ማታናያ።
\p ያዳያ ያራ ሀላቃይ ኦዛ።
\p
\v 20 ሳላያ ያራ ሀላቃይ ቃላያ።
\p አሞካ ያራ ሀላቃይ ኤቤራ።
\p
\v 21 ከልቀ ያራ ሀላቃይ ሀሳባያ።
\p ያዳያ ያራ ሀላቃይ ናትናኤላ።
\p
\v 22 ሌወታ ሀላቃት ኤልያሴብ፥ ዮያዳ፥ ዮሃንነ ያዱእ ካህነ ሀላቃ ግድዳ ዱማ ዱማ ላይን ኤንቲ ፃፈትዶሶና። ሄ ማዝጋበይ ጊግዳይ ፋርሰ ቢታ ካዋ ዳርዮሳ ላይና። 
\v 23 ግዶሽን፥ ሌወታ ያራታ ሀላቃት ማዝጋበን ፃፈትዳይ ኤልያሴባ ናኣ ናአ ግድዳ ዮሃን ሀይቃና ጋካናዉ ደእያ ዎደ ፃላላና።
\p
\v 24 ሌወታ ሀላቃት ሀሳባያ፥ ሳራባነ ቃድምኤላ ናኣ እያሱ። ኤንቲ ፆሳ አስ ግድዳ ካዎይ ዳዊቲ ኪትዳይሳዳ፥ ናምአን ሻከት ኤቅድ፥ ታራን ታራን ፆሳ ቦንቾሶናነ ጋላታ ማዝሙረ የፆሶና።
\p
\v 25 ፆሳ ኬ ግምበ ድርሳ ፐንግያ ማታን ኬፀትዳ ዱማ ዱማ ሚሸ ዎያ ኬ ናገይሳት ማታና፥ ባቅቡቃ፥ አብድዩ፥ ማሱላማ፥ ፃልሞናነ አቁባ። 
\v 26 ሀይሳቲ ዮፀደቃ ናኣ ናኣ ግዳዳ እያሱ ናኣ ዮያቅመይ፥ ቢታ አይስያ ናህመይነ ካህነነ ፃፈ ግድዳ እዝር ደእዳ ላይን ኦዶሶና።
\s1 የሩሳላመ ግምበ ድርሳ አንጅሶ ባኣለ
\p
\v 27 የሩሳላመ ግምበ ድርሳይ ግምበትድ ዉርዳ ባኣለ ቦንችያ ዎደ ሌወት ባንታ ደእያ በሳፈ ኮየትድ፥ ዳላን፥ ዲን፥ ማስንቆን፥ ጋላታ ማዝሙረ የፅሸ ኡፋይሳን ባኣለ ቦንቻናዉ የሩሳላመ ይዶሶና። 
\v 28 ሀ ባልያ ቦንቻናዉ ዛማረት የሩሳላመ ሄራን ደእያ ናፆፋታ ጉታታፐ፥ 
\v 29 ቤት-ገልጋላፐ፥ ግብአፐነ አዝማወታፐ ሺቅዶሶና። ኤንቲ የሩሳላመ ሄራን ባንታዉ ጉታታ ኬፅዶሶና። 
\v 30 ካህነትነ ሌወት ባንታና ዎጋዳ ጌሽዳፐ ጉየ አሳ፥ ፐንገታነ ግምበ ድርሳ ጌሽዶሶና።
\p
\v 31 ታኒ ይሁዳ ሀላቃታ ግምበ ድርሳ ቦላ ከሳስ። ናምኡ ግታ ማዝሙረ ኮይረታ ጋላታ ማዝሙረ የፃና መላ ኦስ። እስ ኮይረይ ግምብያ ሁጰሶራ ኡሻች ስሚድ፥ ፕቶ ፐንገ ባጋ ብስ። 
\v 32 ሆሻያነ ይሁዳ ሀላቃታፐ ባጋት ኤንታና ካልዶሶና። 
\v 33 ኤንታራ ደእያ ሀራት አዛራ፥ እዝራ፥ ማሱላማ፥ 
\v 34 ይሁዳ፥ ብንያመ፥ ሻማእያ፥ ኤርምያስነ 
\v 35 ሞይዘ ፑንያ ጉ ካህነት ካልዶሶና። ኤንታና ካልድ ይዳይ ዛካርያሳ፤ ዛካርያስ ዮናታና ናአ፤ ዮናታን ሻማአ ናአ፤ ሻማእ ማታና ናአ፤ ማታን ምካያ ናአ፤ ምካየይ ዛኩራ ናአ፤ ዛኩር አሳፋ ናአ። 
\v 36 ዛካርያሳ ያራ ግድዳ ሻማኤይ፥ አዛርኤል፥ ምላላ፥ ግላላይ፥ ማአየይ፥ ናትናኤል፥ ይሁድነ ሀናን ፆሳ አስ ግድዳ ዳዊቲ ዛማርያ ዎደ ጎኤትያ ማዝሙረ ሚሽያ ኡባ ኤክድ፥ ዛካርያሳ ካልዶሶና። ኤንታ ካለይ ፃፍያ እዝራ። 
\v 37 ፑልቶ ፐንግያ ጋክዳፐ ጉየ ዳዊታ ካታማኮ ስሚድ፥ ግምብያ ቦላ ከይድ፥ ዳዊታ ኬፈ ፑደ ባጋራ አድ፥ ዶሎሀ ባጋራ ደእያ ሃ ፐንግያኮ ብዶሶና።
\p
\v 38 ናምአን ኮይረይ ግምብያ ሁጵያ ኦይክድ ሀድርስ ስሚድ ብስ። ታኒ አሳፐ ባጋራ ግዳዳ ኤንታፈ ጉየራ ካላስ። እቶነ አዱሳ ግምብያ አድ፥ ዳልጋ ግምብያ በሳ ጋክዳ። 
\v 39 ያፐ ስሚድ፥ ኤፍሬማ ፐንግያ፥ የሻና ፐንግያ፥ ሞሎ ፐንግያ፥ ሀናንኤላ አዱሳ ግምብያነ ፄታታ አዱሳ ግምብያ ጋካናዉ ብዳ። ዉርሰን ዶርሳ ፐንግያ ማታራ አድ ናገይሳታ ፐንግያ ጋክድ ኤቅዳ።
\p
\v 40 ጋላታ ማዝሙረ የፅያ ናምኡ ኮይረት ፆሳ ኬን ባንታ በሰ በሰ ኦይክዶሶና። ቃስ ታካ ታራ ደእያ ሀላቃታራ ያ ጋካስ። 
\v 41 ሄሳዳካ፥ ካህነት ኤልያቄም፥ ማእሰይ፥ ምንያምን፥ ምካየይ፥ ኤልዮአን፥ ዛካርያስነ ሀናን ባንታ ሞይዝያ ኦይክድ፥ 
\v 42 ማእሰይ፥ ሻማየይ፥ አላዛር፥ ኡዝ፥ የሆሀናን፥ ማልክየይ፥ ኤላምነ ኤፀር ባንታ በሳ በሳ ኦይክዶሶና። ይዝራ ኤንታ ካለን ባንታ ቃላ ቁ ኦድ ማዝሙረ የፅዶሶና።
\p
\v 43 ሄ ጋላስ ዳሮ ያርሾ ያርሽዶሶና። ፆሳይ ኤንታዉ ግታ ኡፋይስ እምዳ ግሾ ዳሮ ኡፋይትዶሶና። ማጫሳይ ናይት ኡባይ ኡፋይትዶሶና። የሩሳላመን አሳይ ኡፋይትያ ኡፋይሳ ኮሽንቻይ ሃሆን ስኤቴስ።
\p
\v 44 ሄ ጋላስ አሳይ እምያ እሞታታ፥ አስራታነ ላይን ካፅያ ካ አይፍያፐ ኮይሩዋ ሺሽድ ዎያ ኬ ናግያ ሀላቃታ ዶርዶሶና። ሀ ዶረትዳ አሳት ዱማ ዱማ ካታማታን ደእያ ጎሻታፐ ህገይ ኪተይሳዳ ካህነታስነ ሌወታስ በሲያ ካ ሺሾሶና። አይስ ጊኮ፥ ይሁዳ አሳይ ካህነትነ ሌወት ኦያ ኦሱዋን ዳሮ ኡፋይትዶሶና። 
\v 45 ኤንቲ ፆሳይ ኪትዳይሳ ኦዶሶና፤ ጌሾ ዎጋ ፖልዶሶና። ኤንታ ፃላላ ግዶናሽን ዛማረትነ ናገይሳት ዳዊቲነ እያ ናኣ ሶሎሞነይ ኪትዳ ኦሱዋ ፖልዶሶና። 
\v 46 በን ዳዊታ ዎደነ አሳፋ ዎደ ዛማረትነ ፆሳስ ሺቅያ ጋላታ ማዝሙረታ ካለያ ሀላቃት ደኦሶና። 
\v 47 ዛሩባበላ ላይንነ ናህመ ላይን እስራኤለ አሳ ኡባይ ዛማረታስነ ናገይሳታስ በሲያ ካ ጋላስ ጋላስ እሞሶና። ሌወታስካ በሲያ ካ እሞሶና። ሌወት ቃስ አሮና ያራ ግድዳ ካህነታስ በሲያ ካ እሞሶና።
\c 13
\s1 ናህመይ ኤህዳ ላመ
\p
\v 1 ሄ ጋላስ አሳ ኡባይ ስእሽን፥ ሙሰ ማፃፋይ ናባበትስ፤ ሄ ዎደ ኤንቲ፥ “ሞአበ አሳይነ አሞነ አሳይ ፆሳ አሳራ መርናዉ ጋሄታናዉ በሰና” ግያ በሳ ማፃፋን ደምዶሶና። 
\v 2 አይስ ጊኮ፥ እስራኤለ አሳይ ግብፀፈ ከይድ፥ ካናነ ብያ ዎደ ሞአበነ አሞነ ቢታ አሳይ ኤንታዉ ካነ ሃ እምድ ሞካናይሳ አግድ፥ እስራኤለ አሳ ባዳና መላ ባላማስ ሚሸ እምድ ሻምዶሶና። ግዶሽን፥ ኑ ፆሳይ ባደ አንጆን ላምስ። 
\v 3 ሄ ህግያ እስራኤለ አሳይ ስእዳ ዎደ አላጋ አሳ ባንታ ግዶፈ ሻክዶሶና።
\p
\v 4 ሄሳፈ ካሰ ፆሳ ኬ ሚሸታ ዎያ ኬስ ሀላቃ ግድዳ ካህነይ፥ ኤልያሴብ ፆባራ ዳቦተ መስ። 
\v 5 ሄሳፈ ጋሶን ኤልያሴብ፥ ካ እሞታታ፥ እፃነ፥ ፆሳ ኬ ጌሻ ሚሸታ፥ ካ ዎይንያነ ዛይትያ፥ ሌወታስ፥ ዛማረታስነ ናገይሳታስ እምያ አስራታነ ካህነታስ እምያ ካ ዎያ ዎጋ ክፍልያን ፆበይ ዳና መላ እሚስ።
\p
\v 6 ሀ ኡባይ ሀንያ ዎደ ታ የሩሳላመን ደእከ። አርፀክስሰይ ባብሎነ ቢታን ካዎትዳ ሀስታማነ ናምአን ላይን ታኒ ስማዳ ባብሎነ ቢታ ካዋኮ ባስ። ግዶሽን፥ ጉ ዎደፐ ጉየ ካዋ ኦይቻዳ፥ 
\v 7 የሩሳላመ ስማዳ ያስ። ፆሳ ኬ ዛባን ኤልያሴብ ፆቢያስ ዳና ክፍለ ጊግስድ ዎዳ ኢታባ ስአስ። 
\v 8 ዳሮ ይሎታዳ፥ ፆቢያ ሶ ሚሸ ኡባ ክፍልያፐ ከሳዳ ካረ ሆላስ። 
\v 9 ክፍልያ ዎጋዳ ጌሻና መላ ኪታስ። ፆሳ ኬ ሚሸታ፥ ካ፥ እሞታታነ እፃንያ ዛራዳ ኬ ገልሳስ።
\p
\v 10 ቃስ አሳይ ሌወታስ በሲያ ካ እምቦና ግሾ ሌወትነ ዛማረት ባንታ ፆሳ ኬ ኦሱዋ አግድ ጎሻስ ጉየ ብዳይሳ በአስ። 
\v 11 ሄሳ ግሾ፥ ታኒ ሀላቃታኮ፥ “ፆሳ ኬ ኦሱዋ አይስ የግ አግደቲ?” ያጋዳ ሀንቀታስ። ሄሳፈ ጉየ፥ ሌወታ ፄጋዳ ኡባ ኤንታ ኦሱዋን ኦሱዋን ዛራስ። 
\v 12 ያትን ይሁዳ አሳይ ካፈ፥ ዎይንያፐ፥ ዛይትያፐ እምያ አስራታ ዎያ ኬ ዛሪድ ኤሆ ዶምስ። 
\v 13 ታኒ ካህንያ ሳላማ፥ ፃፍያ ሳዶቃነ ሌውያ ፓዳያ ሚሸ ዎያ ኬስ ሀላቃ ኦዳ ሹማስ። ቃስ ማታና ናኣ ናኣ ዛኩራ ናአይ ሀናን ኤንታ ማደይሳ። ሀይሳቲ ኡባይ ኮሽያባ ኡባ ባንታ እሻታስ ሻክ ሻክ እሞን አማነትዳይሳታ ግድዶሶና።
\p
\v 14 “ታ ፆሳዉ ታና ቆፓ፤ ቃስ ነ ኬ ኦሶይ ጊጋና መላ ታኒ ኦዳ ሎኦ ኦሱዋ ዶጎፓ” ያጋስ።
\p
\v 15 ሄ ዎደ ታኒ ይሁዳን ደእያ አሳይ ሳምባታ ጋላስ ዎይነ ጉምእሽን በአስ፤ ሀራት ካ፥ ዎይነ ኡሻ፥ ዎይነ አይፍያ፥ ባላሰ አይፍያነ ሀራባታ ባንታ ሀረን ጫንድ፥ ሳምባታ ጋላስ የሩሳላመ ኤህሽን በአስ። ሄሳ ግሾ፥ ኤንቲ ሳምባታ ጋላሳ ዛልኦናዳ ታኒ ኤንታዉ ምንዳ ኦዳስ። 
\v 16 ሄሳ ቦላ ቃስ የሩሳላመን ደእያ ፅሮሳ አሳይ ሞሎነ ሀራ እስ እስ ዛልኤ ሚሸታ ኤህድ ሳምባታ ጋላስ ይሁዳ አሳስነ የሩሳላመን ባይዞሶና። 
\v 17 ታኒ ይሁዳ ሀላቃታ፥ “ሀይሳ መላ ኢታ ኦሶ ኦድ ሳምባታ አይስ ቱንሴቲ? 
\v 18 ፆሳይ ኑ ቦላነ ኑ ካታማ ቦላ ሀይሳ መላ መቶ ኤህዳይ፥ ካሰ ህንተ አዋት ሄሳ መላ ኢታባ ኦዳ ግሾ ግደኔ? ሀእ ህንተ ሳምባታ ቱንስድ፥ እስራኤለ አሳ ቦላ ሀራ ሀንቆ ኤሀናዉ ሀኔታ” ያጋዳ ሀንቀታስ።
\p
\v 19 ሄሳፈ ጉየ፥ ሳምባት ገላናፐ ስን የሩሳላመ ግምብያ ፐንገት ጎርደታናዳነ ሳምባት አናሽን ዶየቶና መላ ኪታስ። ቃስ ሳምባታ ጋላሳን አይባ ቶሆይካ ገሎናዳ ናጋና መላ ታ ኦሳንቾታፐ እሶታ እሶታ ግምበ ፐንግያ ቦላ ኤሳስ። 
\v 20 ሄሳ ግሾ፥ ዱማ ዱማ ዛልኤ ሚሸታ ኤህያ ዛልአንቾት እስ ቶሆ ዎይኮ ናምኡ ቶሆ የሩሳላመ ግምብያፈ ካረ ባጋራ አቅዶሶና። 
\v 21 ሽን ታኒ ኤንታኮ፥ “ግምብያፈ ካረራ ዋናናዉ አቄቲ? ህንተ ናምአን ሀይሳዳ ኦኮ ታኒ ዎልቃን ህንተና ተቃና” ያጋዳ ሀንቀታስ። ሄ ጋላሳፐ ስምን ናምአን ሳምባታ ጋላስ ይቦኮና። 
\v 22 ታኒ ሌወት ባንታ ሁጵያ ጌሻና መላ፥ ፐንገታ ናጋና መላነ ሳምባታ ጋላሳ ጌሽ ኦና መላ ኪታስ።
\p “ታ ፆሳዉ፥ ሀ ኡባ ግሾ ታና ቆፓ፤ ነ መርና ሲቁዋ ግሾ ታዉ ቃታ” ያጋዳ ዎሳስ።
\p
\v 23 ሄ ዎደ ታኒ ይሁዳ አደ አሳፐ እሶት እሶት አሽዶዳ፥ አሞነነ ሞአበ ቢታፈ ማቾ ኤክዳይሳ በአስ። 
\v 24 ኤንታ ናይታፐ ባጋይ አሽዶዳ ቢታ ዎይኮ ሀራ ቢታ ዶና ሃሳዮሶና፤ ባንታ ቢታ፥ ይሁዳ ዶና ኦደታናዉ ዳንዳኦኮና። 
\v 25 ታኒ ኤንታራ ኦየታስ፤ ኤንታ ባዳስ፤ ኤንታፈ እሶታ እሶታ ደቻዳ፥ ኤንታ ሁጵያ ብናና ሾዳስ። ሄሳ ፃላላ ግዶናሽን፥ ኤንቲ ባንታ ማጫ ናይታ ኤንታ አደ ናይታስ እሞናዳ፥ ኤንታ ማጫ ናይታ ባንታዉነ ባንታ አደ ናይታስ ኤኮናዳ ፆሳ ሱንን ጫቅሳስ። 
\v 26 ቃስ ኤንታኮ፥ “ካዎይ ሶሎሞነይ ናጋራ ኦዳይ አላጋ ቢታ ማጫሳታ ኤኮይሳና ግደኔ? ሶሎሞነ መላ ካዎይ ሀራ ቢታ ካዎታ ግዶን ባዋ፤ ፆሳይ እያ ዶስዳ ግሾ፥ እስራኤለ አሳ ኡባ ቦላ ካዎይስ። ሽን፥ ሀራ አቶሽን እያካ አላጋ ቢታ ማጫሳት ሀይሳ መላ ናጋራ ኦስስዶሶና። 
\v 27 ያትን፥ ኑካ ህንተና ስእድ፥ አላጋ ማጫሳ ኤክድ ሄሳ መላ ኢታባ ኦድ ፆሳ ናቃነዬ?” ያጋስ።
\p
\v 28 ካህነ ሀላቃ ኤልያሴባ ናይታፐ እሶይ ዮያዳ። ሽን እያ ናይታፐ እሶይ ቤት-ሆሮና ካታማ አስ ግድዳ ሳንባላፃ ናእዉ ማቾ ኤክስ። ያትን፥ ታኒ ዮያዳ የሩሳላመ ካታማፐ ጎዳስ።
\p
\v 29 “ታ ፆሳዉ፥ ሀይሳቲ ካህነተ ዎጋነ ካህነታራነ ሌወታራ ጫቅዳ ጫቁዋ ዋት ቱንስዳኮ በአ” ያጋዳ ዎሳስ።
\p
\v 30 ኤንታ አላጋ ቢታ ቱናተፈ ጌሽዳፐ ጉየ ካህነታስነ ሌወታስ ኤንታ ኦሱዋ ኦሱዋ እማስ። 
\v 31 ያርሾስ ኤያ ምይ ዎደን ዎደን ያና መላነ አሳይ ባዉ አይፍዳባፐ ኮይሮ አይፍያ እሞታ ኦድ ኤሀና መላ ዎጋ ዎስ።
\p “ታ ፆሳዉ፥ ነ ኬሀተን ታና ቆፓ” ያጋዳ ዎሳስ።