\id MRK - GOOFA FULL BIBLE
\ide UTF-8
\h ማርቆሳ ዎንገላ
\toc1 ማርቆሳ ዎንገላ
\toc3 ማር
\toc2 ማርቆሳ
\mt1 ማርቆስ ፃፍዳ
\mt2 የሱስ ክርስቶሳ ዎንገላ
\imt ጋ ቆፋ
\ip ማርቆሳ ዎንገላይ ኮይሮ ዶምሸ፥ “ሀይስ ፆሳ ናኣ የሱስ ክርስቶሳ ዎንገላ ዶመ” ያጌስ። ሀ ዎንገላን የሱሲ ኦሶ አስነ ማታ አዋ ግድድ በንቴስ። እያ ማታይ፥ እያ ትምርትያን፥ ቱና አያና ቦላ ደእያ ዎልቃንነ አሰ ናጋራፐ ማሮን ቆንጭድ ኤረትስ። የሱሲ፥ “ታኒ፥ አሰ ናጋራ አይለተፈ ከሳናዉ ታ ሸምፑዋ አዳ እማናዉ ይዳ አሳ ናኣ” ያግድ ባ ዶናን ኦድስ።
\ip ማርቆስ የሱሳ ታርክያ ሱረነ ዎልቃራ ደእያ ኦገን ኦድስ። ማርቆስ የሱሳ ቃላነ ትምርትያ ግዶናሽን፥ እ ኦዳ ማላልስያ ኦሶታ ባይራይድ ኦዴስ። ማርቆስ ፃማቅያ ዮሃንሳ ታርክያ፥ የሱሳ ፅንቃትያ፥ እያ ፓጨተ፥ እያ ትምርትያነ እ አሰ ፓዳ ኦገታ ዳልግስድ ኦዴስ። አቅ አቅ ብሽን የሱሳ ታማረት፥ የሱሳ ጉጅድ ኤር ኤር ብዶሶና፥ ሽን የሱሳ እፀይሳት አድ እፅሸ ብዶሶና። ማፃፋ ዉርሰ ሸምፖት ዉርሰ ሳምንታን፥ የሱሳ ደኦን ፖለትዳ ኦሶታ፥ ሄሳትካ እያ ካቀተነ እያ ደንዱዋ ኦዶሶና።
\iot ማፃፋ አይፈ ቆፋታ
\io1 ዎንገላ ዶመ (\ior 1:1-13\ior*)
\io1 የሱሲ ባ ኦሱዋ ጋልላን ዶምስ (\ior 1:14—9:50\ior*)
\io1 የሱሲ የሩሳላመን ኦዳ ኦሱዋ (\ior 10:1-52\ior*)
\io1 የሩሳላመ ሄራን አዳ ዉርሰ ሳምንታ (\ior 11:1—15:47\ior*)
\io1 የሱሲ ሀይቆፐ ደንዱዋ (\ior 16:1-8\ior*)
\io1 ሀይቆፐ ደንድድ አሳስ በንቶነ ሳሎ ቡሱ (\ior 16:9-20\ior*)
\c 1
\s1 ፃማቅያ ዮሃንስ ኦገ ፕተ
\r (ማቶ 3:1-12፤ ሉቃ 3:1-18፤ ዮሀ 1:19-28)
\p
\v 1 ሀይስ ፆሳ ናአ የሱስ ክርስቶሳ ዎንገላ ዶመ። 
\v 2 ናብያ እሳያስ ፃፍዳ ማፃፋን ፆሳይ፥
\q1 “ሄኮ፥ ታኒ ታ ኪታንቹዋ
\q2 ታኒ ኔፐ ስን የዳና።
\q1 እ ነ ኦግያ ጊግሳና።\x - \xo 1:2 \xo*\xt ምልክ 3:1.\xt*\x*
\q1
\v 3 እሶይ መላ ቢታን ባ ቃላ ቁ ኦድ፥
\q2 ‘ጎዳ ኦግያ ጊግስተ፤
\q1 እ ሄመታና ሆሮጋ
\q2 እያዉ ሱርስተ ግስ’ ”
\m ያጌስ።\x - \xo 1:3 \xo*\xt እሳ 40:3.\xt*\x*
\p
\v 4 ፃማቅያ ዮሃንስ አሳ ፃማቅሸ፥ “ህንተ ናጋራፐ ስሚድ ፃማቀትተ፤ ፆሳይ ህንተ ናጋራ አቶ ጋና” ያግድ ቃላ ኦድሸ መላ ቢታፈ ይስ። 
\v 5 ይሁዳ ቢታን ደእያ አሳ ኡባይነ የሩሳላመ ካታማ አሳ ኡባይ ዮሃንሳኮ ዮሶና። ባንታ ናጋራ ፓፅን፥ ዮሃንስ ኤንታ ዮርዳኖሰ ሻፋን ፃማቄስ።
\p
\v 6 ዮሃንስ ግማለ እክሰፐ ዳደትዳ አፍላ ማኤስ። ባ ፄሳን ዳፎ ዳንጬስ፤ ቃስ ቦለነ ደገራ ኤስ ሜስ።\x - \xo 1:6 \xo*\xt 2 ካዎ 1:8.\xt*\x* 
\v 7 ዮሃንስ ቃላ ኦድሸ፥ “ታፐ ጉየራ ዳሮ ምነይስ ዬስ። ሀር አቶሽን፥ ታኒ እያ ጫማ ዎዶሩዋ ሆካዳ ብላናዉ በስከ። 
\v 8 ታኒ ህንተና ሃን ፃማቃይስ፥ ሽን እ ህንተና ጌሻ አያናን ፃማቃና” ያግስ።
\s1 የሱሳ ፃማቀተነ ፓጨተ
\r (ማቶ 3:13-17፤ 4:1-11፤ ሉቃ 3:21-22፤ 4:1-13)
\p
\v 9 የሱሲ ሄ ዎደ ጋልላ ቢታን ደእያ ናዝረተ ካታማፐ ይን፥ ዮሃንስ ዮርዳኖሰ ሻፋን እያ ፃማቅስ። 
\v 10 የሱሲ ሃፈ ከይያ ዎደ ሳሎይ ዶየትን፥ ጌሻ አያናይ ባ ቦላ ሆለዳ ዎሽን በእስ። 
\v 11 ቃስ ሳሎፐ፥ “ታኒ ዶስያ ታ ናአይ ነና፤ ታ ነናን ኡፋይታይስ” ግያ ቃላይ ይስ።\x - \xo 1:11 \xo*\xt መ 22:2፤ ማዝ 2:7፤ እሳ 42:1፤ ማቶ 3:17፤ 12:18፤ ማር 9:7፤ ሉቃ 3:22.\xt*\x*
\p
\v 12 ኢራ ጌሻ አያናይ የሱሳ መላ ቢታ ኤፍስ። 
\v 13 የሱሲ መላ ቢታን ፃላሄን ፓጨትሸ ኦይታሙ ጋላስ ጋምእስ። ዶአታራ ደእስ፥ ሽን ኪታንቾት ይድ እያ ማድዶሶና።
\s1 የሱሲ ፄግዳ ኮይሮ ታማረታ
\r (ማቶ 4:12-22፤ ሉቃ 4:14-15፤ 5:1-11)
\p
\v 14 ዮሃንስ ቃሸትዳፐ ጉየ፥ የሱሲ ፆሳ ካዎተ ዎንገላ ኦድሸ ጋልላ ቢታ ብስ። 
\v 15 ያን፥ “ዎደይ ጋክስ፤ ፆሳ ካዎተይ ማታትስ። ህንተ ናጋራፐ ስሚድ፥ ዎንገላን አማንተ” ያግስ።\x - \xo 1:15 \xo*\xt ማቶ 3:2.\xt*\x*
\p
\v 16 የሱሲ ጋልላ አባ ማታራ አሸ፥ ሞሎ ኦይክያ፥ ስሞናነ እያ እሻ እንድርያሳ፥ ባንታ ግትያ አባን የገይሳታ በእስ። 
\v 17 ኤንታኮ፥ “ታና ካልተ፤ ታኒ ህንተና አሰ ኦይ ታማርሳና” ያግስ። 
\v 18 ኤንቲ ኤለስድ ባንታ ግትያ የግ አግድ የሱሳ ካልዶሶና።
\p
\v 19 የሱሲ ጉ ስን ብድ፥ ናምኡ እሻታ ዛብድዮሳ ናይታ፥ ያይቆባነ ዮሃንሳ ዎጎሉዋ ግዶን ባንታ ግትያ ጊግሰይሳታ በእስ። 
\v 20 እ ኤንታ በእዳ መላ ፄግስ። ኤንቲ ባንታ አዋ ዛብድዮሳ፥ እያ ኦሳንቾታራ ዎጎሉዋ ግዶን የግ አግድ የሱሳ ካልድ ብዶሶና።
\s1 ቱና አያን ኦይክዳ ኡራ
\r (ሉቃ 4:31-37)
\p
\v 21 ኤንቲ ቅፍርናሆማ ካታማ ገልዶሶና። ሳምባት ገልዳ መላ የሱሲ ኤለስድ አይሁደ ዎሳ ኬ ገልድ ታማርሶ ኦይክስ። 
\v 22 ማታራ ደእያ አሳዳ ታማርሰስፐ አትሽን፥ ህገ አስታማረታ ታማርሶና ግሾ፥ አሳይ እያ ትምርትያን ማላለትዶሶና።\x - \xo 1:22 \xo*\xt ማቶ 7:28.\xt*\x*
\p
\v 23 ሄ ዎደ ቱና አያናይ ኦይክዳ እስ ኡራይ አይሁደ ዎሳ ኬ ገልድ ባ ቃላ ቁ ኦድ፥ 
\v 24 “ናዝረተ የሱሳ፥ ኔኒ ኑፐ አይ ኮያይ? ኑና ይሳናዉ ያዲ? ኔኒ ኦነኮ ታ ኤራይስ፤ ኔኒ ፆሳ ጌሻ ግድኪ?” ያግስ።
\p
\v 25 የሱሲ ሄ ቱና አያና፥ “ሀይዛ፥ ሀ አድያፈ ከያ” ግድ ኪትስ።
\p
\v 26 ቱና አያናይ ኡራ ዳፈረድ፥ ዋስድ እያፐ ከይስ። 
\v 27 አሳ ኡባይ ማላለትድ፥ “ሀይስ አይቤ? ሀ ኡራይ ባ ማታን ሀር አቶሽን ቱና አያናታካ ኪቴስ። ኤንቲ እያዉ ኪተቶሶና፤ ሀይስ አይብ ኦራ ትምርቴ?” ግድ፥ ባንታ ግዶን እሶይ እሱዋ ኦይችዶሶና።
\p
\v 28 የሱሳ ሱንይ ኤለስድ ጋልላ ቢታን ደእያ ሄራ ኡባን ከይስ።
\s1 ዳሮ ሀርጋንቾት ፓፅዶሶና
\r (ማቶ 8:14-17፤ ሉቃ 4:38-41)
\p
\v 29 የሱሲ አይሁደ ዎሳ ኬፈ ከይድ፥ ያይቆባራነ ዮሃንሳራ ስሞና ሶነ እንድርያሳ ሶ ብስ። 
\v 30 ስሞና ማቸ አይያ ቆፆ ምሻ ሀርጋዳ ዝንእዳሮ የሱሲ ያ ጋክያ ዎደ እያዉ ኦድዶሶና። 
\v 31 እ ኢኮ ሺቅድ፥ እ ኩሽያ ኦይክድ፥ እዮ ደንድ ኤስስ። ቆፆይነ ምሻይ አግን እያ ኤንታ ሞካሱ።
\p
\v 32 ሀርግዳ አሳ ኡባነ ቱና አያናት ኦይክዳ አሳ ኡባ ኦማርስ አዋይ ዉልዳፐ ጉየ፥ እያኮ ኤህዶሶና። 
\v 33 ካታማን ደእያ አሳ ኡባይ ሄ ኬ ካረ ሺቅዶሶና። 
\v 34 የሱሲ ዱማ ዱማ ሀርገን ኦይከትዳ ዳሮ አሳ ፓድ፥ ዳሮ ቱና አያናታ ከስስ። እ ኦነኮ ቱና አያናት ኤርዳ ግሾ፥ ኤንታ ኦድሶና ድግስ።
\s1 የሱሲ ጋልላን ታማርሶ ዶመ
\r (ሉቃ 4:42-44)
\p
\v 35 የሱሲ ዎንታ ጉራ ደንድድ፥ አስ ባይና በሲ ብድ፥ ያን ፆሳ ዎስስ። 
\v 36 ስሞንነ እያራ ደኤይሳት እያ ኮይሸ ብዶሶና። 
\v 37 ኤንቲ እያ ደምድ፥ “አሳ ኡባይ ነና ኮዬስ” ያግዶሶና።
\p
\v 38 የሱሲ ቃስ ኤንታ፥ “ሄ ሄራን ደእያ ሀራ ካታማታ የተ። ታኒ ይዳይ ዎንገላ ኦዳናዉ ግድያ ግሾ ያንካ ቃላ ኦዳናዉ በሴስ” ያግስ። 
\v 39 አይሁደ ዎሳ ኬታን ቃላ ኦድሸነ ቱና አያናታ ከስሸ፥ ጋልላ ቢታ ኡባን ዩይስ።\x - \xo 1:39 \xo*\xt ማቶ 4:23፤ 9:35.\xt*\x*
\s1 ባሮ ሀርጋንቹዋ
\r (ማቶ 8:1-4፤ ሉቃ 5:12-17)
\p
\v 40 ባሮይ ኦይክዳ እስ ኡራይ የሱሳኮ ይድ፥ እያ ስንን ጉልባትድ፥ “ኔኒ ኮይኮ ታና ጌሻናዉ ዳንዳኣሳ” ያግድ ዎስስ።
\p
\v 41 የሱሲ እያዉ ቃትድ፥ ባ ኩሽያ የድድ እያ ቦችድ፥ “ታኒ ኮያይስ፥ ጌይያ” ያግስ። 
\v 42 ኤለስድ ባሮይ ኡራ የድን ኡራይ ፓፅስ። 
\v 43 የሱሲ ኡራ ምን ናግስድ ከስ የድስ። 
\v 44 የሱሲ እያ፥ “ነና ኤራ፥ ሀይሳ ኦደስካ ኦዶፓ። ሽን ባዳ ነ አሳተ ካህነ በሳ። ኔኒ ሀእ ጌሽ ግድዳይሳ አሳ ኤርሳናዉ፥ ሙሰይ ኪትዳ ያርሹዋ ያርሻ” ያግስ።\x - \xo 1:44 \xo*\xt ሌወ 14:1.\xt*\x*
\p
\v 45 ሽን ኡራይ ብድ፥ ጉታ ኡባን አሳ ኡባስ ኦድስ። ሄሳ ግሾ፥ የሱሲ ቆንጨ ከይድ፥ ካታማ ገላናዉ ዳንዳእቤና። ሽን አስ ባይና በሳን ጋፃን ደእስ፤ ቃስ አሳይ ኡባ በሳፈ እያኮ ዮሶና።
\c 2
\s1 ጉንዳ ኡራ
\r (ማቶ 9:1-8፤ ሉቃ 5:17-26)
\p
\v 1 ጉ ጋላሳፐ ጉየ፥ የሱሲ ቅፍርናሆማ ስሚድ፥ ሶን ደኤስ ግያ ኦዳይ ስኤትስ። 
\v 2 አሳ ኬይ ኤኮና እፅን፥ ሀር አቶሽን ካረይካ ፁማና ጋካናዉ ዳሮ አሳይ ሺቅን፥ የሱሲ ቃላ ታማርስስ። 
\v 3 ኦይዱ አሳት እስ ጉንዳ ኡራ ቶክድ እያኮ ኤህዶሶና። 
\v 4 አሳይ ዳርዳ ግሾ፥ ኡራ የሱሳኮ ሺሻናዉ ኤንታዉ ዳንዳኤቶና እፅን፥ የሱሲ ደእያ ግናራ ኬ ቃርድ፥ ካራ ቃዉፅድ ኡራ እ ዝንእዳ አልጋራ ዱገ የድድ የሱሳ ስንን ዎስዶሶና። 
\v 5 የሱሲ ኤንታ አማኑዋ በእድ፥ ሄ ጉንዳ ኡራ፥ “ታ ናአዉ፥ ነ ናጋራይ አቶ ጌተትስ” ያግስ።
\p
\v 6 ህገ አስታማረታፐ ሄ በሳን ኡትዳ እሶት እሶት ባንታ ዎዛናን፥ 
\v 7 “ላ ሀ ኡራይ ሀይሳ መላ ኢታባ ፆሳ ቦላ አይስ ኦዴቲ? ፆሳ ፃላላፐ አትሽን፥ ሀር ኦን ናጋራ አቶ ጋናዉ ዳንዳኢ?” ግድ ቆፕዶሶና።
\p
\v 8 ኤንቲ ባንታ ዎዛናን ሄሳዳ ቆፕዳይሳ የሱሲ ኤለስድ ባ አያናን ኤርድ፥ ኤንታኮ፥ “ህንተ ህንተ ዎዛናን አይስ ሄሳዳ ቆፔቲ? 
\v 9 ጉንዳ ኡራ፥ ‘ነ ናጋራይ አቶ ጌተትስ’ ገይስ ማተዬ? ዎይኮ፥ ‘ደንዳ ኤቃዳ ነ አልጋ ቶካዳ ባ’ ገይስ ማቴ? 
\v 10 ሽን ታዉ፥ አሳ ናኣስ፥ ሳአ ቦላ ናጋራ አቶ ጋናዉ ማት ደኤይሳ ህንተ ኤራና መላ” ግድ ሄ ጉንዳ ኡራኮ፥ 
\v 11 “ነና ጋይስ፥ ደንዳ ኤቃዳ ነ አልጋ ቶካዳ ነ ሶ ባ” ያግስ።
\p
\v 12 ኡራይ ኤለስ ደንድ ኤቅድ፥ ባ አልጋ ቶክድ አሳ ኡባይ በእሽን ብስ። አሳ ኡባይ ማላለትድ፥ “ኑኒ ሀይሳ መላ ማላልስያባ በእ ኤሮኮ” ያግድ ፆሳ ጋላትዶሶና።
\s1 የሱሲ ሌወ ፄሳ
\r (ማቶ 9:9-13፤ ሉቃ 5:27-32)
\p
\v 13 የሱሲ ቃስ ጋልላ አባ ዶና ስም ብድ፥ ባኮ ይዳ አሳ ኡባ ታማርስስ። 
\v 14 ያራ አሸ፥ እልፍዮሳ ናኣ ሌወ ጌተተይስ ቃራፃ ቃንፅስያ በሳን ኡትዳይሳ በእድ፥ “ታና ካላ” ያግስ። ሌወይ ደንድ ኤቅድ እያ ካልስ።
\p
\v 15 የሱሲ ካ ማናዉ ሌወ ሶን ኡትስ። እያ ካልያ አሳይ ዳሮ ግድያ ግሾ፥ ቃራፃ ቃንፅስያ ዳሮ አሳይነ ናጋራንቾት እያራነ እያ ታማረታራ እስፈ ኡትዶሶና። 
\v 16 ህገ አስታማረ ግድዳ እስ እስ ፋርሳወት የሱሲ ናጋራንቾታራነ ቃራፃ ቃንፅሰይሳታራ ካ ምሽን በእድ፥ “እ አይስ ናጋራንቾታራነ ቃራፃ ቃንፅሰይሳታራ ካ ሚ?” ያግድ፥ እያ ታማረታ ኦይችዶሶና።
\p
\v 17 የሱሲ ኤንቲ ገይሳ ስእድ፥ “ሀርጋንቾታፐ አትሽን፥ ፓፃታስ አክመ ኮሸና። ታኒ ናጋራንቾታ ፄጋናዉ ያስፐ አትሽን፥ ፅሎታ ፄጋናዉ ያቢከ” ያግድ ኤንታዉ ዛርስ።
\s1 የሱሲ ፆማባ ኦይሸትስ
\r (ማቶ 9:14-17፤ ሉቃ 5:33-39)
\p
\v 18 ፃማቅያ ዮሃንሳ ታማረትነ ፋርሳወት ፆሞሶና። እስ እስ አሳት የሱሳኮ ይድ፥ “ዮሃንሳ ታማረትነ ፋርሳወታ ታማረት ፆሞሶና፥ ሽን ነ ታማረት አይስ ፆሞኮና?” ያግዶሶና።
\p
\v 19 የሱሲ ኤንታኮ፥ “ያጋኑዋ ይዳ አሳት ማችዉ ኤከይስ ኤንታራ ደእሽን፥ ፆማናዉ ዳንዳኦና? ማችዉ ኤከይስ ኤንታራ ደእሽን፥ ፆማናዉ ዳንዳኦኮና። 
\v 20 ሽን ማችዉ ኤከይስ ኤንታ ማታፐ ኤከታና ዎደይ ያና፥ ኤንቲ ሄ ዎደ ፆማና።
\p
\v 21 “ጋልአ ማኦ ቦላ ኦራ ጫርቀ ዎድ ስክያ አስ ባዋ። ዎድ ስክኮ፥ ኦራይ ጬጋ ማኡዋ ዳኬስ፤ ዳከይካ ካሰይሳፈ ዳሬስ። 
\v 22 ቃስ ማልአንቶ ዎይነ ጬጋ ኦጎሮን ቆልያ አስ ባዋ። ሽን ቆልኮ፥ ሄ ዎይነይ ኦጎሩዋ ዳኬስ፥ ባዉካ ጉኬስ፥ ኦጎሮይካ ኢቴስ። ሽን ማልአንቶ ዎይነይ ኦራ ኦጎሮን ቆለቴስ” ያግስ።
\s1 ሳምባታባ ቦንቻናዉ በሲ?
\r (ማቶ 12:1-8፤ ሉቃ 6:1-5)
\p
\v 23 የሱሲ እስ ሳምባታ ጋላስ ባንጋ ጋደ ግዶራ አሽን፥ እያ ታማረት እያራ ብሸ ባንጋ ትያ ሽርክድ ሞሶና።\x - \xo 2:23 \xo*\xt ዛረ 23:25.\xt*\x* 
\v 24 ፋርሳወት የሱሳኮ፥ “ሄኮ፥ ነ ታማረት ሳምባታ ጋላስ ዎጋ ግዶናባ አይስ ኦና?” ያግዶሶና።
\p
\v 25 የሱሲ ኤንታኮ፥ “ዳዊቲ ኮሻትድ፥ ምያባ ኮይዳ ዎደ፥ ባራ ደኤይሳታራ ኦዳይሳ ናባብበከቲ?\x - \xo 2:25 \xo*\xt 1 ሳሜ 21:1-6.\xt*\x* 
\v 26 አብያታር ካህነ ሀላቃ ግድድ ደእያ ዎደ ዳዊቲ ፆሳ ኬ ገልድ፥ ካህነታ ፃላል ማናፐ አትሽን፥ ኦንካ ማናዉ ዎጋ ግዶናይሳ ጎዳ ስንን ዎዳ ዳቡዋ ምስ፥ ባራ ደኤይስታስካ እሚስ” ያግስ።\x - \xo 2:26 \xo*\xt ሌወ 24:9.\xt*\x*
\p
\v 27 ቃስካ የሱሲ ኤንታኮ፥ “ሳምባት አሳ ናአ ጎአስ መትስፐ አትሽን፥ አስ ሳምባታስ መትቤና። 
\v 28 ሄሳ ግሾ፥ አሳ ናአይ፥ ሀር አቶሽን ሳምባታስካ ጎዳ” ያግስ።
\c 3
\s1 ኩሸይ ስልዳ ኡራ
\r (ማቶ 12:9-14፤ ሉቃ 6:6-11)
\p
\v 1 የሱሲ አይሁደ ዎሳ ኬ ስም ገልስ። ያን ኩሸይ ጉንድዳ እስ ኡራይ ደኤስ። 
\v 2 እስ እስ አሳይ የሱሳ ሞታናዉ ኮይድ፥ ኩሸይ ጉንድዳ ኡራ ሳምባታ ጋላስ እ ፓኮነ አግኮ በአናዉ ኮይድ ምንድ ናጎሶና። 
\v 3 የሱሲ ኩሸይ ጉንድዳ ኡራ፥ “ደንዳ ኤቃዳ ሃ ስን ያ” ያግስ። 
\v 4 ሄሳፈ ጉየ፥ አሳኮ፥ “ሳምባታ ጋላስ ሎኦባ ኦይስ ዎገየ ኢታባ ኦይስ ዎጌ? አሳ ሸምፖ አሾየ ዎይኮ ዎ?” ያግድ ኦይችስ።
\p ሽን አሳይ ስእ ግስ። 
\v 5 የሱሲ ሀንቀትድ፥ ኤንታ ዩሽ አ ፄልድ፥ ኤንቲ ኦድን ስኦናይሳታ ግድያ ግሾ፥ ኤንታ ቦላ ዳሮ አዛንስ። ሄ አድያኮ፥ “ነ ኩሽያ ፕድ ኦ” ያግስ። ኡራይ ፕድ ኦን እያ ኩሸይ ፓፅስ። 
\v 6 ኤለስድ ፋርሳወት አይሁደ ዎሳ ኬፈ ካረ ከይድ፥ የሱሳ ዋት ዎነኮ ማቀታናዉ ሄሮዲሳ ባጋታራ እስ ሶ ሺቅዶሶና።
\s1 ዳሮ አስ የሱሳ ካሌስ
\p
\v 7 የሱሲ ባ ታማረታራ ጋልላ አባኮ ብስ። ጋልላፐነ ይሁዳፐ ይዳ ዳሮ አሳይ እያ ካልዶሶና። 
\v 8 ቃስካ የሩሳላመፐ፥ ኤዶምያሳፐ፥ ዮርዳኖሰ ሻፋ ፕንፈ፥ ፅሮሳ ካታማፐነ ስዶና ካታማፐ የሱሲ ኦዳባ ስእድ፥ ዳሮ አሳይ እያኮ ይዶሶና። 
\v 9 አሳ ዳሮተፈ ደንዶይሳን እያ ኡንኤና መላ እያ ታማረት ዎጎሎ እያዉ ጊግሳና መላ ኪትስ።\x - \xo 3:9 \xo*\xt ማር 4:1፤ ሉቃ 5:1-3.\xt*\x* 
\v 10 ዳሮ አሳ እ ፓዳ ግሾ፥ ሀርግያ አሳ ኡባይ እያ ቦቻናዉ ሱገቶሶና። 
\v 11 ቱና አያናይ ኦይክዳ አሳት እያ በእዳ ዎደ እያ ስንን ኩንድድ፥ ባንታ ቃላ ቁ ኦድ፥ “ኔኒ ፆሳ ናኣ ግድኪ?” ያጎሶና።
\p
\v 12 ሄ ቱና አያናት እያ ኦናተ ኦደስካ ቆንጭሶና መላ ኤንታዉ ምንድ ኦድስ።
\s1 ታማነ ናምኡ ሀዋረታ
\r (ማቶ 10:1-4፤ ሉቃ 6:12-16)
\p
\v 13 የሱሲ ደርያ ቦላ ከይድ፥ ባ ኮይዳ አሳታ ባኮ ፄግስ፤ ኤንትካ እያኮ ብዶሶና። 
\v 14 ኤንቲ ባራ ዳና መላነ ቃላ ታማርሳና መላ ታማነ ናምአታ ዶርድ፥ ኤንታ፥ “ሀዋረታ”\f + \fr 3:14 \fr*\fq ሀዋረ፦ \fq*\ft ሀዋረ ጉሳይ ኪተትዳይሳ ጉሱ።\ft*\f* ግድ ሱንስ። 
\v 15 ቱና አያናታካ ከሳና መላ ኤንታዉ ማታ እሚስ።
\p
\v 16 እ ዶርዳ ታማነ ናምአት ሀይሳታ፦ ጰፅሮሳ ያግድ ሱንዳ ስሞና፥ 
\v 17 ቦአነርገስ (ዳዳ ናይታ) ያግድ ሱንዳይሳታ፥ ዛብድዮሳ ናይታ ያይቆባነ ያይቆባ እሻ ዮሃንሳ፥ 
\v 18 እንድርያሳ፥ ፍልጶሳ፥ ባርተለሞሳ፥ ማቶሳ፥ ቶማሳ፥ እልፍዮሳ ናአ ያይቆባ፥ ታድዮሳ፥ ባ ቢታስ ምሸትያ ስሞናነ፥ 
\v 19 የሱሳ አድ እምዳ አስቆሮታ ይሁዳ።
\s1 የሱሳነ ብኤል-ዘቡላ
\r (ማቶ 12:22-32፤ ሉቃ 11:14-23፤ 12:10)
\p
\v 20 ሄሳፈ ጉየ፥ የሱሲ ሶ ብስ። ቃስ ዳሮ አሳይ ሺቅን፥ እነ እያ ታማረት ሀር አቶሽን ካ ማናዉካ ዳንዳእቦኮና። 
\v 21 አሳይ እያ፥ “ጎዬስ” ግያ ግሾ፥ እያ ዳቦት ሄሳ ስእድ እያ ኤካናዉ ብዶሶና።
\p
\v 22 ህገ አስታማረታፐ እሶት እሶት የሩሳላመፐ ይድ፥ “እያ ቦላ ብኤል-ዘቡል ደኤስ”፥ እ፥ “ፃላሄይ ዎልቃን ቱና አያናታ ከሴስ” ያግድ ኦደትዶሶና።\x - \xo 3:22 \xo*\xt ማቶ 9:34፤ 10:25.\xt*\x*
\p
\v 23 የሱሲ አሳ ባኮ ፄግድ ሌምሶ ኦድስ። “ፃላሄይ ፃላሄ ዋት ከሳናዉ ዳንዳኢ? 
\v 24 እስ ካዎተይ ባ ግዶን ሻከትኮ ሄ ካዎተይ ኤቃናዉ ዳንዳኤና። 
\v 25 ሄሳዳካ፥ እስ ኬ አሳይ ባንታ ግዶን ሻከትኮ ያናፐ አትሽን፥ ዳናዉ ዳንዳኦኮና። 
\v 26 ህዛ፥ ፃላሄይ ባራ ካጨትድ ሻከትኮ ዮፐ አትሽን፥ ዳናዉ ዳንዳኤና።
\p
\v 27 “ሽን ኮይሮትድ ዎልቃማ ኡራ ቃቾና ደእሸ እያ ኬ ገልድ፥ እያ ሚሽያ ቦንቃናዉ ዳንዳእያ አስ ባዋ። ቃች ስሚድ እያ ኬ ቦንቃናዉ ዳንዳኤስ።
\p
\v 28 “ታኒ ህንተዉ ቱማ ኦዳይስ፤ ፆሳይ አሳ ናይታስ ናጋራ ኡባነ ኤንቲ ጫይያ ጫሸ ኡባ አቶ ጋና። 
\v 29 ሽን ጌሻ አያና ቦላ ኢታባ ኦደትያ ኦደስካ መርና ናጋራ ግዳናፐ አትሽን፥ ፆሳይ ኡባራካ እያ ማረና” ያግስ።\x - \xo 3:29 \xo*\xt ሉቃ 12:10.\xt*\x* 
\v 30 የሱሲ ሄሳ ግዳይ፥ እስ እስ አሳት፥ “እያ ቦላ ቱና አያናይ ደኤስ” ያግዳ ግሾሳ።
\s1 የሱሳ አይዉነ እያ እሻታ
\r (ማቶ 12:46-50፤ ሉቃ 8:19-21)
\p
\v 31 እያ አያነ እያ እሻት ይድ ካረን ኤቅድ፥ እያኮ አሰ ኪትድ እያ ፄግዶሶና። 
\v 32 እያ ማታን ኡትዳ ዳሮ አሳት፥ “ሄኮ፥ ነ አየራነ ነ እሻታራ ካረን ኤቅድ ነና ኮዮሶና” ያግዶሶና።
\p
\v 33 የሱሲ ዛሪድ፥ “ታ አይያ ኦኔ? ቃስ ታ እሻት ኦናንቴ?” ያግስ። 
\v 34 ባ ማታን ኡትዳ አሳ ዩሽ አ ፄልድ፥ “ሄኮ፥ ታ አያነ ታ እሻት ሀይሳታ። 
\v 35 ፆሳይ ሸንያ ኦያ ኡባይ ታ እሻ፥ ታ ምቾነ ታ አዮ” ያግስ።
\c 4
\s1 ዘረ ዘርያ ኡራ ሌምሶ
\r (ማቶ 13:1-9፤ ሉቃ 8:4-8)
\p
\v 1 የሱሲ ዛሪድ ጋልላ አባ ማታን ታማርሴስ። ዳሮ አሳይ እያ ማታን ዩሹዋን ሺቅን፥ አባን ደእያ ዎጎሉዋ ግዶ ገልድ ኡትስ፥ አሳ ኡባይ አባ ማታን ደኤስ።\x - \xo 4:1 \xo*\xt ሉቃ 5:1.\xt*\x* 
\v 2 እ ኤንታ ዳሮባ ሌምሶን ታማርስስ። ታማርስሸ ሀይሳዳ ያግስ፦
\p
\v 3 “ስእተ! እስ ኡራይ ዘረ ዘራናዉ ከይስ። 
\v 4 እ ዘርሽን፥ እስ እስ ዘረይ ኦገ ጋፃን ዎስ፤ ካፎት ይድ ምዶሶና። 
\v 5 እስ እስ ዘረይ ጋርሳን ሻሎይ ደእያ ቢታ ቦላ ዎስ። ዳሮ ቢት ባይና ግሾ፥ ሄ ዘረይ ኤለስድ ዶልስ። 
\v 6 ሽን አው ከይዳ ዎደ ሹልስ። ሎይድ ፃጶ የድቦና ግሾ፥ ኤለስ መልስ። 
\v 7 እስ እስ ዘረይ አጉን ግዶን ዎስ። ዶልዳይሳ አጉንይ ድጭድ ጩልዳ ግሾ አይፈ አይፎና አትስ። 
\v 8 እስ እስ ዘረይ አራዳ ቢታን ዎድ ዶልስ። ድጭድ እሶይ ሀስታማ፥ እሶይ ኡሱፑን ታማ እሶይ ፄታ አይፍስ” ያግስ። 
\v 9 “ስእያ ሀይ ደእያ ኦንካ ስኦ” ያግስ።
\p
\v 10 የሱሲ ኦድዳይሳ ስእዳ እስ እስ አሳትነ ታማነ ናምኡ ታማረት የሱሲ ባርካ ደእሽን፥ እያኮ ሺቅድ ሄ ሌምሱዋ ብርሸ ኦይችዶሶና። 
\v 11 የሱሲ ኤንታኮ ሀይሳዳ ያግስ፦ “ህንተዉ ፆሳ ካዎተ ፁራ ኤሮይ እመትስ። ሽን ሀራታስ ካዎተፈ ካረን ደኤይሳታስ ኡባባይ ሌምሶን ኦደቴስ። 
\v 12 ጋሶይካ፥
\q1 “ ‘ኤንቲ ፄሎሶና፥ ሽን ደሞኮና።
\q1 ስኦሶና፥ ሽን አኬኮኮና።
\q1 ኤንቲ ደምያኮነ አኬክያኮ፥
\q2 ፆሳኮ ስማና
\q2 እካ ኤንታ ማራናሽን’ ”\x - \xo 4:12 \xo*\xt እሳ 6:9.\xt*\x*
\m ያግስ። 
\v 13 የሱሲ ኤንታኮ፥ “ሀ ሌምሶይ ህንተዉ ገለኔ? ያትን፥ ሌምሶ ኡባ ህንተ ዋት አኬካኔ? 
\v 14 ዘረይስ ፆሳ ቃላ ዘሬስ። 
\v 15 ቃላይ ዘረትያ ዎደ ኦገ ጋፃን ዎዳይሳት ቃላ ስእዳይሳታ። ሽን ፃላሄይ ኤለስድ፥ ይድ ኤንታ ዎዛናን ዘረትዳ ቃላ ማፅ ድጌስ። 
\v 16 ሄሳዳካ፥ ጋርሳን ሻሎይ ደእያ ቢታን ዘረትዳይስ ቃላ ስእድ፥ ኤለስድ ኡፋይሳን ኤከይሳ። 
\v 17 ሽን እያዉ ምኖ ፃጶይ ባይና ግሾ ሀእሳፈ አትሽን፥ ጋምኦኮና። ጉ ዎደፐ ጉየ ቃላ ጋሶን ዋየይ ዎይኮ ጎድ ጋክያ ዎደ ኤለስድ በቶሶና። 
\v 18 አጉን ግዶን ዘረትዳይስ ቃላ ስኤይሳታ። 
\v 19 ሽን ሀ ሳአ ደኡዋስ ህርጎይ፥ ዱረተ ዶሶይነ ሀራባ አሞተይስ እያ ዎዛናን ገልድ ቃላ ጩልያ ግሾ አይፈ አይፎና አትስ። 
\v 20 ሽን አራዳ ቢታን ዘረትዳይሳት ቃላ ስእድ ኤከይሳታ። ኤንቲ እሶይ ሀስታማ፥ እሶይ ኡሱፑን ታማ እሶይ ፄታ አይፍስ” ያግስ።
\s1 ጌማን ደእያ ፆምፐ
\r (ሉቃ 8:16-18)
\p
\v 21 የሱሲ ጉጅድ፥ “ፆምፐ ኤክድ፥ ዳቾፈ ዎይኮ አልጋፈ ጋርሳን ዎያ አስ ደኢ? ቃ በሳን ዎነዬ?\x - \xo 4:21 \xo*\xt ማቶ 5:15፤ ሉቃ 11:33.\xt*\x* 
\v 22 ህዛ፥ ቆሰትዳባይ ኡባይ ቆንጨ ከያና፤ ጌምዳባይ ኡባይ ኤረቶና አተና።\x - \xo 4:22 \xo*\xt ማቶ 10:26፤ ሉቃ 12:2.\xt*\x* 
\v 23 ስእያ ሀይ ደእያ ኦንካ ስኦ” ያግስ።
\p
\v 24 ቃስ ኤንታኮ፥ “ህንተ ስእያባ አኬክድ ስእተ! ፆሳ ቃላ ህንተ ስኤይሳ መላ እ ህንተዉ አኬካ እማና። ኡባካ ህንተዉ ዳርስድ እማና። 
\v 25 እስባይ ደእያ ኡራስ ጉጅ እመታና፥ ባይናይሳፈ ሀር አቶሽን፥ እያዉ ደእያ ሄ ጉያካ ኤከታና” ያግስ።\x - \xo 4:25 \xo*\xt ማቶ 13:12፤ 25:29፤ ሉቃ 19:26.\xt*\x*
\s1 ድጭያ ዘረ ሌምሶ
\p
\v 26 የሱሲ ዛሪድ፥ “ፆሳ ካዎተይ ባ ጋደን ዘረ ዘርያ አሳ መላ። 
\v 27 ሄ ኡራይ ቃማ ስኬስ፤ ዎንታ ደንዴስ። እ ባ ሁጰን ዋንያኮ ኤሮና ደእሽን ሄ ዘረይ ዶሌስነ ድጬስ። 
\v 28 ቢታይ ካ ባርካ እሜስ። ኮይሮ ዶልድ ድጬስ፥ ካልድ አይፋናዉ ጋምቡፄስ፥ ዉርሰን ኩመ አይፈ አይፌስ። 
\v 29 ሽን ካይ ጋክያ ዎደ ኡራይ ኤለስድ ባጫራ ገል አጌስ” ያግስ።\x - \xo 4:29 \xo*\xt እዩ 3:13.\xt*\x*
\s1 አይፈ ጉ ም ሌምሶ
\r (ማቶ 13:31-34፤ ሉቃ 13:18-19)
\p
\v 30 የሱሲ፥ “ኑኒ ፆሳ ካዎተ አይ ዳኔስ ጋኔ? ዎይኮ አይብራ ሌምሳኔ? 
\v 31 ፆሳ ካዎተይ አይፈ ጉ ም ዳኔስ። ሄ ም አይፍያ ዘርያ ዎደ ሳአን ደእያ ም አይፈ ኡባፈ ጉፄስ። 
\v 32 ዘርን ዶልድ አታክልተ ኡባፈ ግታቴስ፤ ዳሮ ዳሽ ዳዬስ። ካፎት እያ ታሽያ ቦላ ኬፅድ ኡታና ጋካናዉ ዳዬስ” ያግስ።
\p
\v 33 የሱሲ ሀይሳ መላ ዳሮ ሌምሶን አሳይ አኬካናዉ ዳንዳኤይሳ መላ ቃላ ኦድስ። 
\v 34 አሳስ ሌምሶይ ባይና ኦደና። ሽን የሱሲ ባ ታማረታ ፃላላራ ደእያ ዎደ፥ ኤንታዉ ኡባባ ብርሽድ ኦድስ።
\s1 የሱሲ ሆቢያ ሴርስ
\r (ማቶ 8:23-27፤ ሉቃ 8:22-25)
\p
\v 35 ሄ ጋላስ ሳእ ኦማርስን፥ የሱሲ ባ ታማረታኮ፥ “አባፈ ሄፍን ፕኖስ” ያግስ። 
\v 36 እያ ታማረት ዳሮ አሳ የግ አግድ፥ የሱሲ ካሰ ገል ኡትዳ ዎጎሉዋን ገልድ የሱሳ ባንታራ ኤፍዶሶና። ሀራ ዎጎሎትካ ያን ደኦሶና። 
\v 37 ዎልቃማ ጎተይ ደንድድ፥ ሆበይ ዎጎሉዋ ሾጭን፥ ኩማና ጋካናዉ ዎጎሉዋ ግዶ ሃ ገልስ። 
\v 38 ሄ ዎደ የሱሲ ዎጎሉዋን ጉየ ባጋራ ቦርኮትድ ስክስ። እያ ታማረት እያ ደንድ፥ “አስታማርያዉ፥ ኑኒ ይያ ዎደ ነ ስእ ጋዳ ፄላይ?” ያግዶሶና።
\p
\v 39 ያትን፥ እ ባርክድ ጎትያ፥ “ስእ ጋ” ግድ፥ አባካ፥ “ዎፑ ጋ” ግስ። ጎተይካ ስእ ግን ኡባባይ ዎፑ ግስ። 
\v 40 የሱሲ ባ ታማረታኮ፥ “አይስ ሀይሳዳ ባበቲ? ህንተዉ አማኖይ ዋንድ ይዴ?” ያግስ።
\p
\v 41 ኤንቲ ዳሮ ባብድ ባንታ ግዶን፥ “ሀይስ ሀር አቶሽን፥ ጎተይነ አባይ ኪተተይስ ኦኔ?” ያግዶሶና።
\c 5
\s1 ቱና አያን ኦይክዳ ኡራ
\r (ማቶ 8:28-34፤ ሉቃ 8:26-39)
\p
\v 1 የሱስነ እያ ታማረት አባ ፕንድ፥ ገርገሶነ ቢታ ጋክዶሶና። 
\v 2 የሱሲ ዎጎሉዋፐ ዎያ ዎደ ቱና አያናይ ኦይክዳ እስ ኡራይ ዱፎፐ ከይድ እያራ ጋሄትስ። 
\v 3 ሄ ኡራይ አቅ ፔእድ ደኤይ ዱፎና። እያ ኦንካ ሳንላታን ቃቻናዉ ዳንዳኤና። 
\v 4 እ ዳሮ ቶሆ ዱንነ ሳንላታን ቃሸትድ ደኤስ። ሽን ሳንላታ ዱሰረስ፥ ዱ መንረስ። እያ ተቃናዉ ዳንዳእያ ኦንካ ባዋ። 
\v 5 እ ቃማነ ጋላስ ሄ ዱፉዋንነ ደረ ቦላ ዋሴስ፥ ባ አሳተ ሹቻን ጋሬስ።
\p
\v 6 የሱሳ ሃሆን በእዳ ዎደ ዎፅ ብድ እያ ስንን ጉልባትስ። 
\v 7 ሄ ኡራይ ባ ቃላ ቁ ኦድ፥ “ኡባፈ ቦላ ፆሳ ናአዉ የሱሳ፥ ነናነ ታና አይበ ጋይ? ታና ይሶና መላ ታኒ ነና ፆሳ ሱንን ዎሳይስ” ያግስ። 
\v 8 እ ሄሳ ግዳይ የሱሲ እያ፥ “ላ ሀ ቱና አያናዉ፥ ሀ አድያፈ ከያ” ያግዳ ግሾሳ።
\p
\v 9 የሱሲ እያኮ፥ “ነ ሱንይ ኦኔ?” ያግድ ኦይችስ።
\p እ፥ “ኑኒ ዳሮ ግድያ ግሾ፥ ታ ሱንይ ሌግዮና” ያግስ። 
\v 10 ቱና አያናት ባንታና ሄ ቢታፈ ከስ የዶና መላ የሱሳ ምንድ ዎስዶሶና።
\p
\v 11 ሄ ደርያ ቦላ ዳሮ ጉዱን ዉደይ ሄመቴስ። 
\v 12 ቱና አያናት የሱሳኮ፥ “ኑና ህን ጉዱን ዉድያኮ የዳርክ፥ ኤንታን ብድ ገሎስ” ያግድ ዎስዶሶና። 
\v 13 የሱሲ ኤንታኮ፥ “ቢተ” ያግስ። ያትን ቱና አያናት አድያፈ ከይድ ጉዱንታን ገልዶሶና። ናምኡ ሙኩሉ ግድያ ጉዱን ዉደይ አፎ ዶናራ ድርግድ ብድ አባን ገልድ ምተትዶሶና።
\p
\v 14 ጉዱን ዉድያ ሄመይሳት ባቃት ብድ ሀንዳባ ካታማንነ ጋፃርያን ኦድዶሶና። ያትን አሳይ ሀንዳባ በአናዉ ከይዶሶና። 
\v 15 አሳይ የሱሳኮ ያ ዎደ ቱና አያናን ኦይከትዳ ኡራ በእዶሶና። እ ባ ዎዛናኮ ስሚድ፥ ማኦ ማእድ፥ ያን ኡትዳይሳ በእዳ ዎደ ኡባይ ያይዶሶና። 
\v 16 ሄሳ በእዳ አሳት ቱና አያናት ኦይክዳ ኡራ ቦላነ ጉዱንታ ቦላ ሀንዳባ ኡባ አሳስ ኦድዶሶና። 
\v 17 ሄሳ ግሾ፥ አሳይ ባንታ ቢታፈ የሱሲ ባና መላ ዎስዶሶና።
\p
\v 18 የሱሲ ዎጎሉዋን ገልያ ዎደ ካሰ ቱና አያናይ ኦይክድ የድዳ ኡራይ፥ የሱሳ ካላናዉ እያ ዎስስ። 
\v 19 ሽን የሱሲ እፅድ እያኮ፥ “ነ ሶ ስማዳ፥ ጎዳይ ነዉ አይ መላ ግታባ ኦዳኮነ ነዉ አይ መላ ኬህዳኮ ነ ሶ አሳስ ኦዳ” ያግስ። 
\v 20 ኡራይ ብድ ታሙ ካታማ ጌተትያ በሳን ዩይድ፥ የሱሲ ባዉ አይ መላ ግታባ ኦዳኮ ኦድስ። እ ኦድዳይሳ ስእዳ አሳ ኡባይ ማላለትዶሶና።
\s1 ሀይቅዳ ናእዉነ ሀርገትያ ማጫስዉ
\r (ማቶ 9:18-26፤ ሉቃ 8:40-56)
\p
\v 21 የሱሲ ስሚድ፥ ዎጎሉዋን ገልድ፥ አባ ፕንዳፐ ጉየ ዳሮ አሳይ አባ ጋፃን እያ ዩሹዋን ሺቅዶሶና። 
\v 22 እያሮሳ ጌተትያ አይሁደ ዎሳ ኬ ሀላቃታፐ እሶይ፥ የሱሳ በእዳ ዎደ እያኮ ይድ እያ ቶሁዋ ቦላ 
\v 23 ኩንድድ፥ “ታ ናእያ ሀርጋዳ ሀይቃና ሀናዉሱ። እያ ፓፃዳ ደአና መላ ያዳ ነ ኩሽያ እ ቦላ ዎርክ” ያግድ የሱሳ ምንድ ዎስስ።
\p
\v 24 የሱሲ እያሮሳራ ብስ። እ ብሽን ዳሮ አሳይ እያ ካልድ ኡንኤዶሶና።
\p
\v 25 ታማነ ናምኡ ላይ እፔ ሱ ሂያ እስ ማጫስያ ደአዉሱ። 
\v 26 ዳሮ አክመት እዮ አክምዶሶና፥ ሽን እያ ፓፃ ካኤታሱ። እያ ባ ሚሽያ ኡባ ዉርስንካ እዉ ሃ ኢትስፐ አትሽን፥ አይኮካ ማድቤና። 
\v 27 ሄ ማጫስያ የሱሳባ ስአዳ፥ አሳ ካንዳ የሱሳ ጉየራ ያዳ እያ ማኡዋ ቦቻሱ። 
\v 28 እያ፥ “ታኒ ሀር አቶሽን እያ ማኡዋ ቦችያኮ ፓፃና” ጋዳ ቆፓሱ።
\p
\v 29 ኢፐ ጎግያ ሱይ ኢራካ ኤቅ አግስ። እያ ባ ዋያፐ ፓፅዳይሳ ባ አሳተን ኤራሱ። 
\v 30 የሱሲ ባፐ ዎልቅ ከይዳይሳ ባ ሁጰን ኤርድ፥ ኤለስድ ዳሮ አሳ ግዶን ጉየ ስሚድ፥ “ታ ማኡዋ ቦችዳይ ኦኔ?” ያግስ።
\p
\v 31 እያ ታማረት፥ “አሳይ ነና ሱገይሳ በአሸ፥ ‘ዎይጋዳ ታና ኦነ ቦችዳይ ያጋይ?’ ” ያግዶሶና።
\p
\v 32 የሱሲ ሄሳ ኦን ኦዳኮ በአናዉ ዩሽ አ ፄልስ። 
\v 33 ሽን ማጫስያ ባዉ ሀንዳባ ኤራዳ፥ ያሻን ኮኮራሸ ያዳ የሱሳ ስንን ጉፋናሱ፤ ቃስ ሀንዳባ ኡባ ቱማ እያዉ ኦዳሱ። 
\v 34 ያንን፥ የሱሲ ኢኮ፥ “ታ ናተ፥ ነና ነ አማኖይ ፓስ፥ ሳሮን ባ፥ ነ ዋያፐካ ፓፃ” ያግስ።
\p
\v 35 የሱሲ ቡሮ ሄሳ ኦድሽን፥ አይሁደ ዎሳ ኬ ሀላቃ ሶፐ ኪተትዳ አሳት ይድ፥ “ነ ናእያ ሀይቃሱ፥ አስታማርያ አይስ ዳቡርሳይ?” ያግዶሶና።
\p
\v 36 ሽን የሱሲ ኤንቲ ገይሳ ስእድ፥ አይሁደ ዎሳ ኬ ሀላቃኮ፥ “አማኖ ፃላላ አማናፐ አትሽን፥ ባቦፋ” ያግስ። 
\v 37 የሱሲ ጰፅሮሳፐ፥ ያይቆባፐነ ያይቆባ እሻ ዮሃንሳፐ ሀር ኦንካ ባና ካሎና መላ ድግስ። 
\v 38 ኤንቲ አይሁደ ዎሳ ኬ ሀላቃ ሶ ጋክያ ዎደ የሱሲ አሳይ ካሀ ይድ ዬከይሳነ ዘሌለይሳ በእስ። 
\v 39 ገልድ አሳኮ፥ “አይስ ካሀ ይድ ዬከቲ? ናእያ ስካሱፐ አትሽን፥ ሀይቃቡኩ” ያግስ።
\p
\v 40 አሳይ እያ ቦላ ሚጭስ። ሽን አሳ ኡባ ካረ ከስድ፥ ናኤ አዋ፥ አይዉነ ሄ ታማረታ ባራ ኤክድ ናእያ ደእያሱዋ ገልስ። 
\v 41 የሱሲ ናኤ ኩሽያ ኦይክድ፥ “ፃልታ፥ ቁም” (ጉ ናተ፥ ነና ጋይስ ደንዳ) ያግስ።
\p
\v 42 ናእያ ኤለሳ ደንዳ ኤቃዳ ሄመታሱ። እያ ታማነ ናምኡ ላይ ናአ። ሄሳን አሳይ ዳሮ ማላለትዶሶና። 
\v 43 የሱሲ ሄሳ ኤንቲ ኦደስካ ኦዶና መላ ኤንታ ምን ኪትስ። ኤንቲ እዉ ምያባ እማና መላ ኦድስ።
\c 6
\s1 የሱሲ ናዝረተን እፀትስ
\r (ማቶ 13:53-58፤ ሉቃ 4:16-30)
\p
\v 1 የሱሲ ያፐ ከይድ፥ ባ ታማረታ ካለድ፥ ባ ካታማ ናዝረተ ብስ። 
\v 2 ሳምባታ ጋላስ አይሁደ ዎሳ ኬን ታማርሶ ኦይክስ። እ ታማርሰይሳ ስእዳ ዳሮ አሳይ ማላለትድ፥ “ሀይስ ሀ ኡባ አዉፐ ደምዴ? ሀ ጭንጫተ እ አዉፐ ኤክዴ? ሀ ማላታታ ኦያ ማታ እ አዉፐ ደምዴ? \fig እስ አስ አይሁደ ዎሳ ኬን ናባብሽን|alt="Man reading inside synagogue" src="LB00244B.tif" size="span" ref="6:2"\fig* 
\v 3 ሀይስ አናፅያ ግደኔ? ማይራም ናአ፥ ያይቆባ፥ ዮሳ፥ ይሁዳነ ስሞና እሻ ግደነዬ? እያ ምቸት ኑራ ሀይሳን ደኦኮናዬ?” ያግድ፥ እ ግያባ ኤኮና እፅዶሶና።
\p
\v 4 የሱሲ ሄ አሳኮ፥ “ናበይ ባ ቢታን፥ ባ ዳቦታንነ ባ ሶ አሳን ቦንቸተናፈ አትሽን፥ ሀራታ ማታን ቦንቸቴስ” ያግስ።\x - \xo 6:4 \xo*\xt ዮሀ 4:43.\xt*\x* 
\v 5 እ ሄ በሳን ባ ኩሽያ ጉ አሳ ቦላ ዎድ ፓዳይሳፈ አትሽን፥ ሀራ ማላታታ ኦናዉ ዳንዳእቤና። 
\v 6 አሳይ አማንቦና ግሾ ዳሮ ማላለትስ።
\s1 ታማነ ናምኡ ሀዋረታ ኪተትዶሶና
\r (ማቶ 10:5-15፤ ሉቃ 9:1-6)
\p ሄሳፈ ጉየ፥ የሱሲ ሄ ሄራን ደእያ ጉታታን አሳ ታማርሴስ። 
\v 7 የሱሲ ታማነ ናምኡ ታማረታ ባኮ ፄግድ፥ ናምኣ ናምኣ ጋድ ኪትስ። ኤንታዉ ቱና አያናታ ከስያ ዎልቃ እሚስ። 
\v 8 ኤንታ፥ “ኦገ ፃምአፈ አትሽን፥ ካ፥ ካርፂታ፥ ህንተ ኪሰን ሚሸ አይብባካ ኦይኮፍተ።\x - \xo 6:8 \xo*\xt ሉቃ 10:4-11.\xt*\x* 
\v 9 ህንተ ቶሁዋን ጫማ አተ፥ ሽን ናምኡ አፍላ ኦይኮፍተ” ያግስ። 
\v 10 ቃስካ፥ “ህንተና አስ ሞክዳ ሶ አዉንካ ግድን ሄ በሳ የድድ ባና ጋካናዉ ሄ ኬን ጋምእተ። 
\v 11 ህንተና አስ ሞኮናሱዋ ዎይኮ ህንተ ኦድያባ ስኦናሱዋ አዉን ግድኮካ፥ ሄ ቢታን ደእያ አሳስ ማርካ ግዳና መላ ሄ በሳፈ ከይሸ፥ ህንተ ቶሁዋፐ ባና ፕትተ” ያግስ።\x - \xo 6:11 \xo*\xt ሀዋ 13:51.\xt*\x*
\p
\v 12 ታማነ ናምኡ ታማረት ብድ፥ አሳይ ባንታ ናጋራፐ ስማናዳ ቃላ ኦድዶሶና። 
\v 13 ኤንቲ አሳፐ ዳሮ ቱና አያናታ ከስዶሶና። ዳሮ ሀርጋንቾታ ዛይተ ትይድ ፓዶሶና።\x - \xo 6:13 \xo*\xt ያይ 5:14.\xt*\x*
\s1 ፃማቅያ ዮሃንሳ ሀይቁዋ
\r (ማቶ 14:1-12፤ ሉቃ 9:7-9)
\p
\v 14 የሱሳ ሱንይ ኡባ በሳን ከይዳ ግሾ፥ ካዎይ ሄሮዲስ እያባ ስእስ። እስ እስ አሳይ፥ “ፃማቅያ ዮሃንስ ሀይቆፐ ደንድስ፥ ሄሳ ግሾ ሀ ማላታታ ኦይ እያ” ያግዶሶና።\x - \xo 6:14 \xo*\xt ማቶ 16:14፤ ማር 8:28፤ ሉቃ 9:19.\xt*\x*
\p
\v 15 ባጋት፥ “ሀይስ ኤልያሳ ግደኔ?” ያግዶሶና።
\p ሀራት ቃስ፥ “ሀይስ በን ዎደ ናበታፐ እሱዋ ግዶና አገና” ያግዶሶና።
\p
\v 16 ሽን ሄሮዲስ ሄሳ ስእዳ ዎደ፥ “ሀይስ ታኒ ቆያ ቃንፅስዳ ፃማቅያ ዮሃንሳ ግደኔ? እ ሀይቆፐ ደንድስ” ያግስ።
\p
\v 17 ሄሮዲስ ባ እሻ ፍልጶሳ ማችዉ ሄሮድያዳ ኤክዳ ግሾ እ ጋሶን ዮሃንሳ ኦይድ ቃሽስስ። 
\v 18 ዮሃንስ ሄሮዲሳ፥ “ኔኒ ነ እሻ ማችዉ ኤካናዉ በሰና” ያግስ።\x - \xo 6:18 \xo*\xt ሉቃ 3:19-20.\xt*\x*
\p
\v 19 ሄሮድያዳ ዮሃንሳ ባ ኡሎን ሞርካዳ እያ ዎሳናዉ ኮያሱ፥ ሽን ዳንዳአቡኩ። 
\v 20 ዮሃንስ ፅሎነ ጌሻ አስ ግድዳይሳ ሄሮዲስ ኤርዳ ግሾ፥ እያዉ ባብድ ሎይ ናግሴስ። ሄሮዲስ ዮሃንስ ግያባ ስአናዉ ዶስኮካ እ ግያባ ስእያ ዎደ ዳሮ ዳጋሜስ።
\p
\v 21 ሄሮዲስ ባ የለትዳ ጋላሳ ቦንቻናዉ ደርያ ሃረይሳታስ፥ ሻላቃታስነ ጋልላን ደእያ ግታ አሳስ እማቶ ጊግስስ። ሄስ ሄሮድያዳስ እንጀ ጋላስ ግድስ። 
\v 22 ሄሮድያዳ ናእያ እማይ ሞከትያ በሳ ገላ ዱራዳ፥ ሄሮዲሳነ እያ እማታ ኡፋይሳሱ። ካዎይ ናእዉ፥ “ነ ኮያባ አይባ ግድኮካ ታና ኦይቻ፥ ታኒ ነዉ እማና” ያግስ። 
\v 23 ቃስ እዉ ጫቅድ፥ “ኔኒ ኦይችያባ አይባ ግድኮካ፥ ታኒ ነዉ እማና። ሀር አቶሽን፥ ታ ካዎተ ባጋ ግድኮካ ታኒ ነዉ እማና” ያግስ።
\p
\v 24 ናእያ ካረ ከያዳ ባ አየኮ፥ “አይ እማ ጎ?” ጋዳ ኦይቻሱ።
\p እ አይያ፥ “ፃማቅያ ዮሃንሳ ሁጵያ እማ ጋ” ያጋሱ።
\p
\v 25 ናእያ ኤለሳዳ ካዋኮ ባዳ፥ “ፃማቅያ ዮሃንሳ ሁጵያ ሳነን ዎዳ ሀእ ታዉ እማና መላ ኮያይስ” ያጋሱ።
\p
\v 26 ያንን፥ ካዎይ ዳሮ ቂሮትስ፥ ሽን ባ እማታ ግሾ እዉ ጫቅዳ ባ ጫቁዋ መንናዉ ኮይቤና። 
\v 27 ሄሳ ግሾ፥ ኤለስድ ናገይሳ ዮሃንሳ ሁጵያ ኤሀና መላ ኪትስ። ናገይስ ቃሾ ኬ ብድ ዮሃንሳ ቆያ ቃንፅስ። 
\v 28 ሄ ቃንፀትዳ ሁጵያ ሳነን ዎ ኤህድ ናኤስ እሚስ። ናእያ ቃስ ባ አየስ እማሱ። 
\v 29 ዮሃንሳ ታማረት ሄሳ ስእዳ ዎደ ብድ እያ አሀ ኤክ ኤፍድ ሞግዶሶና።
\s1 እቻሹ ሙኩሉ አሳ
\r (ማቶ 14:13-21፤ ሉቃ 9:10-17፤ ዮሀ 6:1-14)
\p
\v 30 ታማነ ናምኡ ሀዋረት ስም ይድ ኤንቲ ኦዳባነ ታማርስዳባ ኡባ የሱሳስ ኦድዶሶና። 
\v 31 ኤንታኮ ያ አሳይነ ብያ አሳይ ዳርዳ ግሾ፥ የሱሳራነ እያ ታማረታራ፥ ሀር አቶሽን ካ ማናዉካ ኤንታ ጋና እፅስ። ያንን፥ የሱሲ ኤንታኮ፥ “ኑርካ ጉ ሸምፕ ኤካናዉ አስ ባይና በሲ የተ” ያግስ። 
\v 32 ሄሳ ግሾ፥ ኤንቲ ባንታርካ ዎጎሎን ገልድ አስ ባይና በሲ ብዶሶና።
\p
\v 33 ኤንቲ ብሽን ዳሮ አሳይ ኤንታ በእድ ኤርዶሶና። ያትን፥ ካታማ ኡባፈ አሳይ ቶሆራ ዎፅ ብድ ኤንቲ ብያ በሳ ኤንታፈ ስን ጋክዶሶና። 
\v 34 የሱሲ ዎጎሉዋፐ ዎድ ዳሮ አሳ በእስ። አሳይ ሄምያ አስ ባይና ዶርሳ መላ ግድዳይሳ በእድ ኤንታዉ ቃትድ ኤንታ ዳሮባ ታማርስስ።\x - \xo 6:34 \xo*\xt ታይቦ 27:17፤ 1 ካዎ 22:17፤ ህዝ 34:5፤ ማቶ 9:36.\xt*\x*
\p
\v 35 ሳአይ ኦማርስያ ዎደ የሱሳ ታማረት እያኮ ይድ፥ “ሀይስ በሳይ አስ ባይና በሲ፤ ሀእ ሳእካ ቃምስ። 
\v 36 አሳይ ጉታታነ ካታማታ ብድ ባንታዉ ምያባ ሻማና መላ አሳ የዳ” ያግዶሶና።
\p
\v 37 ሽን የሱሲ ዛሪድ ኤንታኮ፥ “አሳስ ምያባ ህንተ እምተ” ያግስ።
\p ኤንቲ፥ “ኑኒ ብድ ናምኡ ፄቱ ድናረን ኡይ ሻምድ አሳ ሙዛና መላ ኮያይ?” ያግድ ኦይችዶሶና።
\p
\v 38 የሱሲ ኤንታኮ፥ “ህንተዉ አፑን ኡይ ደኢ? አነ ብድ በእተ” ያግስ።
\p ኤንቲ በእድ፥ “እቻሹ ኡይነ ናምኡ ሞሎ” ያግዶሶና።
\p
\v 39 የሱሲ ባ ታማረታ አሳ ኡባ ጩጋን ጩጋን ሻክድ ማታን ኡትሳና መላ ኪትስ። 
\v 40 አሳይ ፄቱ ጩጋንነ እሻታሙ ጩጋን ሻከት ሻከት ኡትዶሶና። 
\v 41 የሱሲ እቻሹ ኡይነ ናምኡ ሞሎታ ኤክድ፥ ፑደ ሳሎ ፄልድ ፆሳ ጋላትስ። ኡይ መንድ አሳስ ግሻና መላ ባ ታማረታስ እሚስ። ቃስ ናምኡ ሞሎታ ኤንታ ኡባስ ሻክስ። 
\v 42 አሳ ኡባይ ምድ ካልዶሶና። 
\v 43 አትዳ ኡይ ቲፍያነ ሞሎታ ቲፍያ፥ እያ ታማረት ታማነ ናምኡ ጋይታ ኩመ ደንዶሶና። 
\v 44 ኡይ ምዳ አደ አሳ ታይቦይ እቻሹ ሙኩሉ።
\s1 የሱሲ አባ ቦላራ ሄመትስ
\r (ማቶ 14:22-33፤ ዮሀ 6:15-21)
\p
\v 45 ኤለስድ የሱሲ ባ ታማረት ዎጎሉዋን ገልድ፥ አባፈ ሄፍንን ደእያ ቤተሳይዳ ባፐ ስንትድ ባና መላ ኪትስ። ሽን ባዉ አሳ ሞይዛናዉ ጉየ አትስ። 
\v 46 አሳ ሞይዝዳፐ ጉየ፥ ፆሳ ዎሳናዉ ዙማ ቦላ ከይስ።
\p
\v 47 ሳአይ ቃምያ ዎደ ዎጎሎይ አባ ግዶን ደኤስ፥ ሽን የሱሲ አባፈ ጋፃን ባርካ ደኤስ። 
\v 48 ጫርኮይ እያ ታማረታኮ ጫርክያ ግሾ፥ አባ ፕይ ዋይሰይሳ የሱሲ በእስ። ዎንትማ ሳእ ጌያና ሀንያ ዎደ እ አባ ቦላ ሄመትሸ ኤንታኮ ይድ፥ ኤንታ የግድ አናዉ ኮይስ። 
\v 49 ሽን እ አባ ቦላ ሄመትሽን፥ ኤንቲ በእድ፥ ኤንታዉ ሞይትለ ዳንን ዋስዶሶና። 
\v 50 ኤንቲ ኡባይ እያ በእድ፥ ያሻን ኮኮርዶሶና።
\p ሽን የሱሲ ኤለስድ ኤንታኮ፥ “ታና፥ አይኮይ ባዋ፤ ያዮፍተ” ያግስ። 
\v 51 የሱሲ ዎጎሉዋን ገልድ ኤንታራ እስፈ ኡትን ጫርኮይ ዎፑ ግስ። ኤንቲ ዳሮ ማላለትዶሶና። 
\v 52 ኤንታ ዎዛናይ ዘልኡምዳ ግሾ፥ ኤንቲ ኡይባ አኬክቦኮና።
\s1 ገንሳሬፀን ሀርጋንቾት ፓፅዶሶና
\r (ማቶ 14:34-36)
\p
\v 53 ኤንቲ አባ ፕንድ፥ ገንሳሬፀ ቢታ ጋክድ፥ ዎጎሉዋ ጋፃ ሺሽድ ቃችዶሶና። 
\v 54 ኤንቲ ዎጎሉዋፐ ዎያ ዎደ አሳይ ኤለስድ የሱሳ ኤርዶሶና። 
\v 55 ኤንቲ ሄራን ደእያ ቢታ ኡባን ዎፀረትድ ሀርጋንቾታ ሀላን ቶክድ፥ “የሱሲ ደኤስ” ግን ስእዳ በሳ ኤህዶሶና። 
\v 56 አሳይ እ ብዳ ሶ ኡባን፥ ጋፃርያን ግድን፥ ካታማን፥ ደእያ ሀርጋንቾታ ዳባባ ኤፎሶና። ሀርጋንቾት እያ አፍላ ማጫራ ግድኮካ ቦቻና መላ አሳይ እያ ዎስዶሶና። ቦችዳ ኡባይ ፓፅስ።
\c 7
\s1 ፋርሳወታ ዎጋ
\r (ማቶ 15:1-9)
\p
\v 1 የሩሳላመፐ ይዳ ጉ ፋርሳወትነ ህገ አስታማረት የሱሳ ማታን ሺቅዶሶና። 
\v 2 የሱሳ ታማረታፐ እሶት እሶት ጌዮና ኩሽያን፥ ሄስካ ኩሸ ሜጨቶና ካ መይሳታ በእዶሶና።
\p
\v 3 ፋርሳወትነ አይሁደ አሳ ኡባይ ባንታ አዋታ ዎጋ ባንታ ኩሽያ ሜጨቶና ሞኮና። 
\v 4 ሄሳዳካ፥ ኤንቲ ግያፐ ሻመትዳባ ሜጮና ደእሸ ሞኮና። ቃስ ኤንቲ ባንታ አዋታፐ ኤክዳ ሀራ ዳሮ ዎግ ደኤስ፦ ሄስካ ስነታ፥ ከረታ፥ ብራታ ሚሸታነ አርሳ ሜጭያ ዎጋ ናገይሳ።
\p
\v 5 ፋርሳወትነ ህገ አስታማረት የሱሳ፥ “ነ ታማረት አይስ አዋታ ዎጋ መንድ ባንታ ኩሽያ ሜጨቶና ካ ሞና?” ያግድ ኦይችዶሶና።
\p
\v 6 የሱሲ ኤንታኮ፥ “እሳያስ ህንተና ጩቦታ፥
\q1 “ ‘ሀይስ አሳይ ታና ባ እንፃርሳ ፃላላን ቦንቼስ፥
\q2 ሽን ኤንታ ዎዛናይ ታፐ ሃሆን ደኤስ።\x - \xo 7:6 \xo*\xt እሳ 29:13.\xt*\x*
\q1
\v 7 አስ መዳ ዎጋ ፆሳ ህገ ዳንስድ ታማርስያ ግሾ፥
\q2 ኤንቲ ታዉ መላ ጎይኖሶና’ ”
\m ግድ ፃፍዳይስ ቱማ።
\p
\v 8 “ህንተ ፆሳ ኪታ አግድ አሳ ዎጋ ምንድ ናገታ” ያግስ።
\p
\v 9 ቃስካ የሱሲ፥ “ህንተ ህንተ ዎጋ ናግድ ፆሳ ኪታ የግ አጋናዉ ሎኦ ኦገ ደምደታ። 
\v 10 ሙሰይ፥ ‘ነ አዋነ ነ አይዉ ቦንቻ’፥ ቃስ ‘ባ አዋነ ባ አይዉ ጫየይስ ሀይቃናዉ በሴስ’ ያግስ።\x - \xo 7:10 \xo*\xt ከሳ 20:12፤ ዛረ 5:16፤ ከሳ 21:17፤ ሌወ 20:9.\xt*\x* 
\v 11 ሽን እስ አስ ባ አዋ ዎይኮ ባ አይዉ ማዳናይሳ አግድ፥ ‘ሀይስ ታኒ ፆሳስ እምዳ ያርሾ’ ጊኮ፥ 
\v 12 እ ባ አዋ ዎይኮ ባ አይዉ ማዶና መላ ኦታ። 
\v 13 ሄሳዳካ፥ ህንተ ሀራታ ታማርስዳ ህንተ ዎጋን ፆሳ ቃላ ካደታ። ሄሳ መላ ሀራ ዳሮባ ኦታ” ያግስ።
\s1 አሰ ቱንስያባታ
\r (ማቶ 15:10-20)
\p
\v 14 የሱሲ ዳሮ አሳ ቃስካ ባኮ ፄግድ፥ “ኡባይ ታኒ ኦደይሳ ስእተነ አኬክተ። 
\v 15 አሳ ዎዛናፐ ከያባይ አሰ ቱንሴስፐ አትሽን፥ ካረፐ አሳ ኡሎ ገልድ አሰ ቱንስያባይ አይብካ ባዋ። 
\v 16 ስእያ ሀይ ደእያ ኦንካ ስኦ” ያግስ።
\p
\v 17 የሱሲ ዳሮ አሳ የግ አግድ ሶ ገልን እያ ታማረት ሄ ሌምሱዋባ እያ ኦይችዶሶና። 
\v 18 እ ኤንታኮ፥ “ህንተዉካ ቃስ ገልቤኔ? ካረፐ አሳን ገልያባይ አይብካ አሰ ቱንሳናዉ ዳንዳኦናይሳ አኬከቲ? 
\v 19 አይስ ጊኮ፥ ካ አሳ ኡሎ ግዶ ገልድ ካንድ አስፐ አትሽን፥ አሳ ዎዛና ግዶ ገለና” ያግስ። ሄሳን የሱሲ ካ ኡባይ ጌሽ ግደይሳ ኤርስስ።
\p
\v 20 ካልድካ፥ የሱሲ፥ “አሳ ቱንስያባይ አሳ ዎዛና ግዶፈ ከያባ። 
\v 21 አሳ ዎዛና ግዶፈ ከያባይ ኢታ ቆፋ፥ ላይማተ፥ ካይሶ፥ አሰ ዎ፥ ላመ፥ 
\v 22 ኢታ አሞ፥ ኢታተ፥ ገነ፥ ቃይፀ፥ ጭሞ፥ ቃናተ፥ ጫሸ፥ ኦቶሮነ ቦዛተ። 
\v 23 ሀ ኢታባይ ኡባይካ አሳ ዎዛና ግዶፈ ከይድ አሰ ቱንሴስ” ያግስ።
\s1 እስ ማጫሰ አማኖ
\r (ማቶ 15:21-28)
\p
\v 24 የሱሲ ያፐ ከይድ፥ ፅሮሳ ካታማ ማታን ደእያ ቢታ ብስ። እ እስ ኬ ገልድ ያን ደኤይሳ ኦንካ ኤራና መላ ኮይቤና። ሽን ቆሰትድ ጋምአናዉ ዳንዳእቤና። 
\v 25 ሽን እ ጉ ናእዉ ቱና አያናይ ኦይክዳ እስ ማጫስያ የሱሳባ ስአዳ ኤለሳ እያኮ ያዳ እያ ቶሁዋ ቦላ ኩንዳሱ። 
\v 26 እያ አይሁደ ማጫስ ግዱኩ፤ እያ የለትዳይ ስሮፍንቀ ቢታና። እያ፥ ባ ናኤፐ ቱና አያና ከሳና መላ የሱሳ ዎሳሱ።
\p
\v 27 ሽን የሱሲ ዛሪድ፥ “ናይት ኮይሮትድ ካ ካሎ፤ ናይታ ካ ኤክድ ካናታስ የገይስ ሎኦ ግደና” ያግስ።
\p
\v 28 ማጫስያ ዛራዳ፥ “ታ ጎዳዉ ሄስ ቱማ፥ ሽን ጋይታ ማታን ደእያ ካናት ናይታፐ ዎያ ቲፍያ ሞሶና” ያጋሱ።
\p
\v 29 የሱሲ ቃስ ኢኮ፥ “ሀ ነ ቃላ ግሾ፥ ነ ሶ ባ፤ ቱና አያናይ ነ ናኤፐ ከይስ” ያግስ።
\p
\v 30 ማጫስያ ባ ሶ ብያ ዎደ ቱና አያናይ ኢፐ ከይን ሂፃን ዝንእዳሮ ደማሱ።
\s1 ቱለነ ሙመ ኡራ
\p
\v 31 የሱሲ ፅሮሳ ካታማፐ ከይድ፥ ስዶናራነ ታሙ ካታማታ ጌተትያ ቢታራ ካንድ ጋልላ አባኮ ብስ። 
\v 32 አሳይ ቱለነ ዋይድ ኦደትያ አስ የሱሳኮ ኤህድ፥ ባ ኩሽያ እያ ቦላ ዎና መላ እያ ዎስዶሶና። 
\v 33 የሱሲ ባርካ ሄ ኡራ ዳሮ አሳፐ ጋፃ ከስድ፥ ባ ብራያ እያ ሀይን የድስ። ቃስ ጩቹ ጩትድ እያ እንፃርሳ ቦችስ። 
\v 34 ሳሎ ፑደ ፄልድ፥ ቶክ ሸምፕድ፥ “ኤፍታህ” ግስ። ብርሸይካ “ዶየታ” ጉሱ። 
\v 35 ኡራ ሀይይ ኤለስድ ዶየትስ፥ ቃሸትዳ እንፃርሳይካ ብርሸትስ፥ ኡራይ ጌሽድ ኦደትስ።
\p
\v 36 የሱሲ አሳኮ፥ “ሀይሳ ኦደስካ ኦዶፕተ” ያግስ። ሽን እ ዳሮ ምንድ ኦዶፕተ ግን፥ አሳይ ኦዳ ያ ዳርስስ። 
\v 37 ሄሳ ስእዳ አሳ ኡባይ ዳሮ ማላለትድ፥ “ኡባባ እ ሎይ ኦስ። ሀር አቶሽን፥ ቱልያ ስሴስ፥ ሙምያ ኦድሴስ” ያግዶሶና።
\c 8
\s1 ኦይዱ ሙኩሉ አሳ
\r (ማቶ 15:32-39)
\p
\v 1 ጉ ዎደፐ ጉየ፥ ዳሮ አሳይ የሱሳኮ ሺቅዶሶና። አሳስ ምያባይ ይን የሱሲ ባ ታማረታ ባኮ ፄግድ፥ 
\v 2 “ሀ አሳይ ታራ ሄ ጋላስ ጋካናዉ ጋምእድ፥ አይኮካ ምያባ ደምቦና ግሾ፥ ታና አሳይ ቃስ። 
\v 3 ታኒ አሳ ኮሻራ ሶ የድኮ አሳይ ብሸ ኦገን ዳቡርድ ኩንዳና፥ ባጋ አሳይ ሃሆሶፐ ይዶሶና” ያግስ።
\p
\v 4 የሱሳ ታማረት ዛሪድ፥ “ሀ መላ ቢታን ሀ አሳ ኡባ ሙዛናዉ ግድያ ካ ደማናዉ ዳንዳኤይ ኦኔ?” ያግዶሶና።
\p
\v 5 የሱሲ ኤንታኮ፥ “ህንተዉ አፑን ኡይ ደኢ?” ያግድ ኦይችስ።
\p ኤንቲ ዛሪድ፥ “ላፑን ኡይ ደኤስ” ያግዶሶና።
\p
\v 6 የሱሲ አሳይ ሳአን ኡታና መላ ኪትስ። ያትድ፥ ላፑን ኡይ ኤክድ ፆሳ ጋላት ስሚድ ሄ ኡይ መንድ፥ አሳስ ግሻና መላ ባ ታማረታስ እሚስ። እያ ታማረት አሳስ ግሽዶሶና። 
\v 7 ኤንታዉ ቃስ ጉ ላፋ ሞሎት ደኦሶና። የሱሲ ሄ ሞሎታ ግሾ ፆሳ ጋላትድ፥ አሳስ ግሻና መላ ባ ታማረታ ኪትስ። 
\v 8 አሳ ኡባይ ምድ ካልዶሶና። እያ ታማረት አትዳ ቲፍያ ላፑን ጋይታ ኩመ ደንዶሶና። 
\v 9 ካ ምዳ አሳ ታይቦይ ኦይዱ ሙኩሉ ግዳና። ሄሳፈ ጉየ፥ የሱሲ አሳ የድስ። 
\v 10 እ ቃስ ባ ታማረታራ ኤለስ ዎጎሎን ገልድ ዳልማኑታ ቢታ ብስ።
\s1 ማላታ በአናዉ ኦይችዳ ኦይሻ
\r (ማቶ 16:1-4)
\p
\v 11 ፋርሳወት ይድ የሱሳ ፓጫናዉ ኮይድ፥ ሳሎፐ ባንታና ማላታ በሳና መላ የሱሳራ ፓላማ ኦይክዶሶና።\x - \xo 8:11 \xo*\xt ማቶ 12:38፤ ሉቃ 11:16.\xt*\x*
\p
\v 12 የሱሲ ቶክ ሸምፕድ፥ “ሀ ዎድያ አሳይ አይስ ማላታ ኮዪ? ታኒ ህንተዉ ቱማ ኦዳይስ፤ ሀ ዎድያ አሳስ አይ ማላትካ እመተና” ያግስ።\x - \xo 8:12 \xo*\xt ማቶ 12:39፤ ሉቃ 11:29.\xt*\x* 
\v 13 እ ኤንታ ያን የግ አግድ ዛር ዎጎሎን ገልድ አባፈ ሄፍን ፕንስ።
\s1 ፋርሳወታነ ሄሮዲሳ እርሾ
\r (ማቶ 16:5-12)
\p
\v 14 እያ ታማረት ካ ኤፋናይሳ ዶግዶሶና፤ ኤንታዉ ዎጎሉዋ ግዶን እስ ኡይፈ ሀር ባዋ። 
\v 15 የሱሲ ኤንታኮ፥ “ህንተና ኤርተ። ፋርሳወታ እርሹዋፈነ ሄሮዲሳ እርሹዋፈ ናገትተ” ያግድ ኪትስ።\x - \xo 8:15 \xo*\xt ሉቃ 12:1.\xt*\x*
\p
\v 16 ኤንቲ ባንታ ግዶን፥ “እ ሀይሳ ገይ ኑስ ኡይ ባይና ግሾሳ” ያግዶሶና።
\p
\v 17 የሱሲ ኤንቲ ገይሳ ኤርድ ኤንታኮ፥ “ህንተዉ ኡይ ባይና ግሾ አይስ ኦደቴቲ? ሀእካ ኤረከቲ? ዎይኮ አኬከከቲ? ህንተ ዎዛናይ ዶጭዴ? 
\v 18 ህንተዉ አይፈይ ደእሽን በኤከቲ? ሀይ ደእሽን ስኤከቲ? ህንተ አኬከቲ?\x - \xo 8:18 \xo*\xt ኤርም 5:21፤ ህዝ 12:2፤ ማር 4:12.\xt*\x* 
\v 19 ታኒ እቻሹ ኡይ እቻሹ ሙኩሉ አሳስ ባዳ ዎደ አፑን ጋይታ ኩመ ቲፈ ደንደቲ?” ያግስ።
\p ኤንትካ፥ “ታማነ ናምኡ ጋይታ ኩመ” ያግዶሶና።
\p
\v 20 “ሄሳዳካ፥ ታኒ ላፑን ኡይ ኦይዱ ሙኩሉ አሳስ ባዳ ዎደ አፑን ጋይታ ኩመ ቲፈ ደንደቲ?” ያግስ።
\p ኤንቲ፥ “ላፑን ጋይታ ኩመ ደንዳ” ያግዶሶና።
\p
\v 21 ያትን፥ “ሀእካ አኬክበከቲ?” ያግስ።
\s1 ቤተሳይዳን ደእያ እስ ቆቀ
\p
\v 22 ኤንቲ ቤተሳይዳ ካታማ ብዶሶና። ጉ አሳት ቆቀ ኡራ የሱሳኮ ኤህድ ሄ ኡራ ቦቻና መላ እያ ዎስዶሶና። 
\v 23 የሱሲ ቆቀ ኡራ ኩሽያ ኦይክድ ካታማፐ ጋፃ ከስስ። እያ አይፍያን ጩትድ ባ ኩሽያ እያ ቦላ ዎድ፥ “ነዉ አይኮይ በንቲ?” ያግድ ኦይችስ።
\p
\v 24 ኡራይ ቁ ግድ ፄልድ፥ “ታዉ አሳይ በንቴስ፥ ሽን አሳይ ሄመትሸ ም ዳኔስ” ያግስ።
\p
\v 25 ሄሳፈ ጉየ፥ የሱሲ ዛሪድ፥ ኡራ አይፍያን ባ ኩሽያ ዎስ። ኡራይ ሎይ ፄልስ፥ እያ አይፈይ ፓፅስ፥ ኡባባ ጌሽድ በእስ። 
\v 26 የሱሲ አድያኮ፥ “ነ ሶ ባ፥ ሽን ጉታ ገሎፓ” ያግድ ኪትስ።
\s1 ጰፅሮሳ ማርካተ
\r (ማቶ 16:13-20፤ ሉቃ 9:18-21)
\p
\v 27 የሱሲ ባ ታማረታራ ቅሳረ ፍልጶሳ ማታን ደእያ ጉታ ብስ። ኤንቲ ብሽን ኦገ ቦላ የሱሲ፥ “ታና አሳይ ኦና ጎና?” ያግድ ባ ታማረታ ኦይችስ።
\p
\v 28 እያ ታማረት፥ “እስ እስ አሳይ ነና፥ ‘ፃማቅያ ዮሃንሳ’ ጎሶና፤ ሀራት፥ ‘ኤልያሳ ጎሶና’ ቃስ ሀራት፥ ‘ናበታፐ እሱዋ’ ጎሶና” ያግዶሶና።\x - \xo 8:28 \xo*\xt ማር 6:14.\xt*\x*
\p
\v 29 የሱሲ ኤንታኮ፥ “ያትን ህንተ ታና ኦና ጌቲ?” ያግድ ኦይችስ።
\p ጰፅሮስ፥ “ኔኒ ክርስቶሳ” ያግድ ዛርስ።
\p
\v 30 የሱሲ፥ “ታባ ኦደስካ ኦዶፕተ” ያግድ ኤንታ ኪትስ።
\s1 የሱሲ ባና ጋካና ዋያ ኦድስ
\r (ማቶ 16:21-28፤ ሉቃ 9:22-27)
\p
\v 31 የሱሲ ባ ታማረታኮ፥ “አሳ ናአይ፥ ዳሮ መቶ ኤካናዉ በሴስ፤ ጭማት፥ ካህነ ሀላቃትነ ህገ አስታማረት እያ እፃናዉ በሴስ። ኤንቲ እያ ዎናዉነ እ፥ ሄ ጋላሳፐ ጉየ፥ ሀይቆፐ ደንዳናዉ በሴስ” ያግድ ኤንታ ታማርስስ። 
\v 32 እ ሄሳ ኤንታዉ ጌሽድ ኦድስ። ጰፅሮስ እያ እስ ባጋ ዛሪድ ሀንቀትስ።
\p
\v 33 ሽን የሱሲ ጉየ ስሚድ፥ ባ ታማረታ ፄልድ፥ ጰፅሮሳ ሀንቀትድ፥ “ሀ ፃላሄይ፥ ታፐ ሃካ። ኔኒ አስ ዶስያባ ቆፓሳፐ አትሽን፥ ፆሳይ ዶስያባ ቆፓካ” ያግስ።
\s1 የሱሳ ካሎይ ጭግስያ ጋተ
\r (ማቶ 10:38-39፤ 16:24-28፤ ሉቃ 9:23-27፤ 14:26-27)
\p
\v 34 ቃስካ የሱሲ ዳሮ አሳነ ባ ታማረታ ባኮ ፄግድ፥ “ታና ካላናዉ ኮይያ ኦንካ ባና ካዶ፤ ባ ማስቃልያ ቶክድ ታና ካሎ።\x - \xo 8:34 \xo*\xt ማቶ 10:38፤ ሉቃ 14:27.\xt*\x* 
\v 35 ባ ሸምፑዋ አሻናዉ ኮይያ ኡራይ ይሳና። ሽን ታ ግሾነ ዎንገላ ግሾ ባ ሸምፑዋ ይስያ ኡራይ አሻና።\x - \xo 8:35 \xo*\xt ማቶ 10:39፤ ሉቃ 17:33፤ ዮሀ 12:25.\xt*\x* 
\v 36 እስ አስ ሳአን ደእያ ኡባባ ባዉ ሺሽድ፥ ባ ሸምፑዋ ይስኮ እያ አይ ማዳኔ? 
\v 37 እስ አስ ባ ሸምፑዋ ዎዛናዉ አይ እማናዉ ዳንዳኢ? 
\v 38 ፆሳ አማኖና ሀ ኢታ የለተን፥ እስ አስ ታናንነ ታ ቃላን ዬላትኮ፥ አሳ ናአይ፥ ቃስ ባ አዋ ቦንቾን ጌሻ ኪታንቾታራ ያ ዎደ እያን ዬላታና” ያግስ።
\c 9
\s1 የሱሳ ማላይ ላመትስ
\r (ማቶ 17:1-13፤ ሉቃ 9:28-36)
\p
\v 1 የሱሲ ኤንታኮ፥ “ታኒ ህንተዉ ቱማ ኦዳይስ፤ ፆሳ ካዎተይ ዎልቃራ የይሳ በኦና ሀይቆና እስ እስ አሳት ሀይሳን ደኦሶና” ያግስ።
\p
\v 2 የሱሲ ኡሱፑን ጋላሳፐ ጉየ፥ ባራ ጰፅሮሳ፥ ያይቆባነ ዮሃንሳ ኤክድ፥ ኤንታ ፃላላ ግታ ዙማ ቦላ ከስድ ኤንታ ስንን ላመትስ።\x - \xo 9:2 \xo*\xt 2 ጰፅ 1:17-18.\xt*\x* 
\v 3 እያ ማኦይካ ጶልስ፤ ሳአን ማኦ ሜጭያ ኦንካ ጌሻናዉ ዳንዳኦናይሳ መላ ዳሮ ቦፅስ። 
\v 4 ሄ ሄ ታማረት፥ ኤልያስነ ሙሰይ የሱሳራ ኦደትሽን በእዶሶና።
\p
\v 5 ጰፅሮስ የሱሳ፥ “አስታማርያዉ፥ ኑኒ ሀይሳን ደኤይስ ኑስ ሎኦ፤ ኑ ሄ ሻቃራታ እሱዋ ነዉ፥ እሱዋ ሙሰስ፥ ቃስ እሱዋ ኤልያሳስ ሻቃራና” ያግስ። 
\v 6 እያራነ ሀንኮታራ ዳሮ ያይዳ ግሾ እ አይ ግያኮካ ኤርቤና።
\p
\v 7 ሄሳፈ ጉየ፥ ሻራይ ይድ ኤንታ ካምን ሻራፐ፥ “ሀይስ ታ ዶስያ፥ ታ ናኣ፥ እ ገይሳ ስእተ” ግያ ቃላይ ይስ። 
\v 8 ኤለስድ ኤንቲ ዩሽ አድ ፄልያ ዎደ፥ የሱሳፐ አትሽን፥ ሀራ ኦናካ ባንታ ማታን በእቦኮና።\x - \xo 9:8 \xo*\xt ማቶ 3:17፤ ማር 1:11፤ ሉቃ 3:22.\xt*\x*
\p
\v 9 ኤንቲ ዙማ ቦላፈ ዎሽን፥ የሱሲ ኤንታኮ፥ “አሳ ናአይ፥ ሀይቆፐ ደንዳና ጋካናዉ፥ ህንተ በእዳባ ኦደስካ ኦዶፕተ” ያግድ ኪትስ።
\p
\v 10 እ ኪትዳይሳ ኤንቲ፥ “ኤሮ” ግድ፥ “ሀ ሀይቆፐ ደንዶ ጉሳይ ዎይጉሰ” ግድ፥ ባንታ ግዶን ኦደትዶሶና።
\p
\v 11 ኤንቲ ዛሪድ፥ “ህገ አስታማረት፥ ‘ኤልያስ ኮይሮትድ ያናዉ በሴስ’ አይስ ጎና?” ያግድ ኦይችዶሶና።\x - \xo 9:11 \xo*\xt ምልክ 4:5፤ ማቶ 11:14.\xt*\x*
\p
\v 12 የሱሲ ዛሪድ “ኤልያስ ኮይሮትድ ይድ፥ ኡባባ ጊግሴስ፤ ያትን፥ ጌሻ ማፃፋን፥ ‘አሳ ናእ ዳሮ ዋየታና፤ እፀታና’ ያግድ አይብስ ፃፈትዴ? 
\v 13 ሽን ታኒ ህንተዉ ኦዳይስ፤ ኤልያስ ይስ፤ ቃስ እያባይ ጌሻ ማፃፋን ፃፈትዳይሳዳ፥ አሳይ እያ ቦላ ባንታ ኮይዳባ ኦዶሶና” ያግስ።
\s1 ቱና አያን ኦይክዳ ናአ
\r (ማቶ 17:14-21፤ ሉቃ 9:37-43)
\p
\v 14 የሱሲ፥ ጰፅሮስ፥ ያይቆብነ ዮሃንስ ሀንኮ እያ ታማረታኮ ስሚድ ያ ዎደ፥ ዳሮ አሳይ ኤንታ ዩሹዋን ኤቅዳይሳታነ ህገ አስታማረ ግድዳ ጉ አሳት ኤንታራ ፓላመይሳ በእዶሶና። 
\v 15 ሄ ዳሮ አሳይ የሱሳ በእዳ ዎደ ማላለትድ፥ ኤለስድ እያኮ ዎፅ ይድ፥ እያ ሳሮዶሶና። 
\v 16 የሱሲ ባ ታማረታኮ፥ “ኤንታራ አይ ፓላሜቲ?” ያግድ ኦይችስ።
\p
\v 17 ሄ ዳሮ አሳ ግዶፈ እስ ኡራይ ዛሪድ፥ “አስታማርያዉ፥ ታ ናኣ ቦላ ኦደተ ድግያ ቱና አያናይ ደእያ ግሾ፥ እያ ኔኮ ኤካዳ ያስ። 
\v 18 ሀ ቱና አያናይ እያ ኦይክያ ዎደ ኡባን፥ እያ ሾጭ የጌስ፤ እያ ዶናራ ጎፖንቶይ ዬስ፤ ቃስ አቸ ጋርጭሴስ፤ አሳተይካ ምኔስ። እያፐ ሀ ቱና አያና ከሳና መላ፥ ነ ታማረታስ ኦዳስ፥ ሽን ከሳናዉ ዳንዳእቦኮና” ያግስ።
\p
\v 19 የሱሲ ዛሪድ ኤንታኮ፥ “አማኖና ሀ ዎድያ አሳዉ! ታኒ ህንተራ አዉደ ጋካናዉ ዳኔ? ቃስ ህንተና አዉደ ጋካናዉ ዳንዳአኔ? ናኣ ታኮ ሃ ኤክ ዪተ” ያግስ። 
\v 20 ኤንቲ ናኣ እያኮ ኤህዶሶና፤ ሄ ቱና አያናይ የሱሳ በእዳ መላ ናኣ ኮኮርስስ፤ ናአይ ሳአን ኩንድድ፥ ዶናራ ጎፖንቶይ ቶፉ ግሽን ጎንዶረትስ። 
\v 21 የሱሲ ሄ ናኣ አዋኮ፥ “ሀይስ ነ ናኣ ኦይኮሳፐ አይ መላ ዎደ ግዳኔ?” ያግድ ኦይችስ።
\p ናኣ አዋይ፥ “እ ጉን ደእሽን ኦይክስ። 
\v 22 እያ ዎናዉ ዳሮ ዎደ ታማንነ ሃን የጌስ፥ ሽን ነ ዳንዳእኮ፥ ኑስ ቃታርክ፥ ኑና ማዳርክ” ያግስ።
\p
\v 23 የሱሲ እያ፥ “ ‘ኔኒ ዳንዳእኮ ጋይ?’ አማንያ ኦደስካ ኡባባይ ዳንዳኤቴስ” ያግስ።
\p
\v 24 ኤለስድ ናኣ አዋይ ባ ቃላ ቁ ኦድ፥ “ታኒ አማናይስ፥ ሽን ጉጃ አማናናዳ ታና ማዳርክ” ያግስ።
\p
\v 25 የሱሲ አሳይ ዳር ዳር በይሳ በእድ፥ ቱና አያና፥ “ሀ ቱለነ ሙመ አያናዉ፥ ሀ ናኣፐ ከያ ጋዳ ነና ታ ኪታይስ፤ ቃስ ናምአን እያን ገሎፓ” ያግስ።
\p
\v 26 ሄ ቱና አያናይ ዋስድ፥ ናኣ ዳሮ ኮኮርስድ፥ እያፐ ከይስ። ናአይ ሀይቅዳ ዳንን፥ ዳሮ አሳይ፥ “ናአይ ሀይቅስ” ያግዶሶና። 
\v 27 ሽን የሱሲ ናኣ ኩሽያ ኦይክድ ደንን፥ ናአይ ደንድ ኤቅስ።
\p
\v 28 የሱሲ ሶ ገልዳይሳፈ ጉየ፥ እያ ታማረት፥ “ኑኒ ሄ ቱና አያና ከሳናዉ አይስ ዳንዳእቦኮ?” ያግድ የሱሳ ዱማ ኦይችዶሶና።
\p
\v 29 የሱሲ ዛሪድ፥ “ሄሳ መላይ ዎሳፐነ ፆማፐ አትሽን፥ ሀራባን ከያናዉ ዳንዳኤና” ያግስ።
\s1 የሱሲ ባ ሀይቁዋባ ዛሪድ ኦድስ
\r (ማቶ 17:22-23፤ ሉቃ 9:43-45)
\p
\v 30 ኤንቲ ሄ በሳፈ ደንድድ፥ ጋልላራ አድ ብዶሶና፤ የሱሲ ባ ደእያሱዋ ኦንካ ኤራና መላ ኮይቤና። 
\v 31 እ ባ ታማረታኮ፥ “አሳ ናኣ፥ አስ አሳስ አድ እማናነ ዎና፤ እ ሄ ጋላሳፐ ጉየ፥ ሀይቆፐ ደንዳና” ያግድ ታማርሴስ።
\p
\v 32 ሽን ኤንታዉ እ ገይስ ገልቤና፤ ቃስ እያ ኦይቻናዉካ ያይዶሶና።
\s1 ኡባፈ አይ ኦኔ?
\r (ማቶ 18:1-5፤ ሉቃ 9:46-48)
\p
\v 33 ኤንቲ ቅፍርናሆማ ካታማ ብድ ሶ ገልዳይሳፈ ጉየ፥ የሱሲ ኤንታኮ፥ “ኦገን አይ ኦደቴቲ?” ያግድ ኦይችስ። 
\v 34 ሽን ኤንቲ፥ “ኑ ግዶን ኡባፈ አናይ ኦኔ?” ያግድ ፓላምዳ ግሾ፥ ስእ ግዶሶና።\x - \xo 9:34 \xo*\xt ሉቃ 22:24.\xt*\x* 
\v 35 የሱሲ ኡትድ፥ ታማነ ናምኡ ታማረታ ፄግድ፥ “ኦንካ ስን አናዉ ኮይኮ፥ ኡባፈ ጉየ አድ፥ ኡባስ አይለ ግዳናዉ በሴስ” ያግስ።\x - \xo 9:35 \xo*\xt ማቶ 20:26.\xt*\x*
\p
\v 36 እስ ጉ ናኣ ኤክድ፥ ኤንታ ግዶን ኤስስ፤ ሄ ጉ ናኣ እድምድ ኤንታኮ፥ 
\v 37 “ሀይሳ መላ ጉ ናይታፐ እሱዋ ታ ሱንን ሞክያ ኦንካ ታና ሞኬስ፤ ቃስ ታና ሞክያ ኦንካ ታና ኪትዳይሳካ ሞኬስፐ አትሽን፥ ታ ፃላላ ሞከና” ያግስ።\x - \xo 9:37 \xo*\xt ማቶ 10:40፤ ሉቃ 10:16፤ ዮሀ 13:20.\xt*\x*
\s1 ኑና እፆናይ ኑ ባጋ
\r (ሉቃ 9:49-50)
\p
\v 38 ዮሃንስ፥ “አስታማርያዉ፥ እስ አስ ነ ሱንን ቱና አያናታ ከስሽን ኑኒ በእድ፥ ኑ ባጋ ግዶና ግሾ፥ እያ ድግዳ” ያግስ።
\p
\v 39 ሽን የሱሲ፥ “ኦንካ ታ ሱንን ፆሳይ ኦያ ማላታታ ኦድ፥ ኤለስድ ታ ቦላ ኢታባ ኦደታናዉ ዳንዳኤይ ባይና ግሾ ድጎፍተ። 
\v 40 ኑባ እፆና ኡራይ ኑ ባጋ።\x - \xo 9:40 \xo*\xt ማቶ 12:30፤ ሉቃ 11:23.\xt*\x* 
\v 41 ታኒ ህንተዉ ቱማ ኦዳይስ፤ ህንተ ታባ ግድያ ግሾ፥ ኦንካ ህንተዉ ታ ሱንን ሀሎ ሃ ኡያናዉ እምኮካ፥ ባ ዎይቱዋ ኤካና።\x - \xo 9:41 \xo*\xt ማቶ 10:42.\xt*\x*
\s1 ሀራ አሳስ በ ግዶፓ
\r (ማቶ 18:6-9፤ ሉቃ 17:1-2)
\p
\v 42 “ታና አማንያ ሀ ጉታፐ እሱዋ ባለያ ኦንካ፥ ጋቻ ዎጋ ዎፃ ባ ቆን ቃችድ፥ አባን ዉልያኮ እያዉ ሎኦ። 
\v 43-44 ነ ኩሸይ ነና ባለኮ፥ ቃንፃ ሆላ። ኔኒ ናምኡ ኩሸራ ቶኦና ጋናመ ታማን የገተይሳፈ፥ ዱፃ ኩሸራ ደኡዋ ገሎይ ነዉ ሎኦ።\x - \xo 9:43-44 \xo*\xt ማቶ 5:30.\xt*\x* 
\v 45-46 ነ ቶሆይ ነና ባለኮ፥ ቃንፃ ሆላ። ኔኒ ናምኡ ቶሁዋራ ጋናመ ታማን የገተይሳፈ፥ ዎበ ግዳዳ ደኡዋ ገለይስ ነዉ ሎኦ። 
\v 47 ነ አይፈይ ነና ባለኮ፥ ዎጫ ከሳ ሆላ። ኔኒ ናምኡ አይፍያራ ጋናመ ታማን የገተይሳፈ፥ እስ አይፍያራ ፆሳ ካዎተ ገለይስ ነዉ ሎኦ።\x - \xo 9:47 \xo*\xt ማቶ 5:29.\xt*\x* 
\v 48 ያን ኤንታ ምያ ጉፁነይ ሀይቀና፥ ታማይካ ቶኤና።\x - \xo 9:48 \xo*\xt እሳ 66:24.\xt*\x*
\p
\v 49 “ያርሾይ ማፅነን ጌየይሳ መላ አስ ኡባይ ታማን ሀርቀታና። 
\v 50 ማፅነይ ሎኦ፥ ሽን እ ማልኦና እፅኮ፥ ዛሪድ ዋት ማልኤኔ? ህንተናን ማፅነይ ደኦ። ያንድ፥ እሶይ እሱዋራ ሳሮተን ደእተ” ያግስ።\x - \xo 9:50 \xo*\xt ማቶ 5:13፤ ሉቃ 14:34.\xt*\x*
\c 10
\s1 ኤኮ ገሎ ትምርተ
\r (ማቶ 19:1-2፤ ሉቃ 16:18)
\p
\v 1 የሱሲ ሄሳፈ ደንድድ፥ ይሁዳ ቢታ ብድ ዮርዳኖሰ ሻፋ ፕንስ። ዳሮ አሳይ ዛሪድ እያኮ ሺቅን፥ ካሰይሳዳካ ሄ አሳ ታማርስስ።
\p
\v 2 እስ እስ ፋርሳወት ፓጫናዉ ኮይድ የሱሳ፥ “እስ አስ ባ ማችዉ የዳና መላ ሙሰ ህገይ ኪቲ?” ያግድ እያ ኦይችዶሶና።
\p
\v 3 እ ዛሪድ፥ “ሙሰይ ህንተና ዎይግድ ኪትዴ?” ያግስ።
\p
\v 4 ኤንቲ፥ “ሙሰይ፥ ‘እስ አስ ባ ማቼስ አንጆ ዎርቃተ እምድ የዶ’ ግስ” ያግዶሶና።\x - \xo 10:4 \xo*\xt ዛረ 24:1.\xt*\x*
\p
\v 5 የሱሲ ዛሪድ፥ ኤንታ “ህንተ ኦድን ስኦናይሳታ ግድያ ግሾ፥ ሙሰይ ሀ ኪታ ህንተዉ ፃፍስ። 
\v 6 ሽን ፆሳይ ኮይሮ መያ ዎደ፥ አደነ ማጫ ኦድ፥ ኤንታ መስ።\x - \xo 10:6 \xo*\xt መ 1:27፤ 5:1.\xt*\x* 
\v 7 ሄሳ ግሾ፥ እስ አስ ባ አዋነ ባ አይዉ አግድ፥ ባ ማቸራ እስፈ ደኤስ።\x - \xo 10:7 \xo*\xt መ 2:24.\xt*\x* 
\v 8 ኤንቲ ናምአይ እስ አሰ ግዶሶና፤ ህዛፐ፥ ኤንቲ እስ አሰ ግዶሶናፐ አትሽን፥ ናምኡ አስ ግዶኮና። 
\v 9 ሄሳ ግሾ፥ ፆሳይ እስፈ ቃችዳይሳ አስ ሻኮፎ” ያግስ።
\p
\v 10 ኤንቲ ሶ ስምዳ ዎደ፥ እያ ታማረት ሀ ኦዳባ የሱሳ ናምአን ኦይችዶሶና። 
\v 11 የሱሲ ኤንታኮ፥ “ባ ማችዉ የድድ ሀራ ኤክያ ኦንካ ላይማቴስ።\x - \xo 10:11 \xo*\xt ማቶ 5:32፤ 2 ቆሮ 7:10-11.\xt*\x* 
\v 12 ቃስ ማጫስያካ ባ አዝናፐ ከያዳ ሀራ አዝና ገልኮ ላይማታዉሱ” ያግስ።
\s1 የሱሲ ዮጋ ናይታ አንጅስ
\r (ማቶ 19:13-15፤ ሉቃ 18:15-17)
\p
\v 13 የሱሲ ጉ ናይታ ቦላ ባ ኩሽያ ዎና መላ፥ እስ እስ አሳይ ናይታ እያኮ ኤሆሶና፥ ሽን እያ ታማረት ሄ አሳ ሀንቀትዶሶና። 
\v 14 የሱሲ ሄሳ በእድ፥ ባ ታማረታ ሀንቀትድ፤ ኤንታኮ፥ “ጉ ናይት ታኮ የይሳ ድጎፍተ፤ ፆሳ ካዎተይ ሀይሳታ መላሳ። 
\v 15 ታኒ ህንተዉ ቱማ ኦዳይስ፤ ፆሳ ካዎተ ጉ ናአዳ ኤኮና ኡራይ ኦንካ ሄ ካዎተ ኡባራካ ገለና” ያግስ።\x - \xo 10:15 \xo*\xt ማቶ 18:3.\xt*\x* 
\v 16 ጉ ናይታ እድምድ፥ ባ ኩሽያ ኤንታ እሱዋ እሱዋ ቦላ ዎድ አንጅስ።
\s1 ዱረ ናአተ ኡራ
\r (ማቶ 19:16-30፤ ሉቃ 18:18-30)
\p
\v 17 የሱሲ ባናዉ ከይዳ ዎደ፥ እስ ኡራይ ዎፅ ይድ፥ እያ ስንን ጉልባትድ፥ “ኬሀ አስታማርያዉ፥ ታኒ መርና ደኦ ላታናዉ አይ ኦ?” ያግድ ኦይችስ።
\p
\v 18 የሱሲ፥ “አይስ ታና ኬሀዉ ጋዳ ፄጋይ? ፆሳ ፃላላፐ አትሽን፥ ሀር ኬህ ኦንካ ባዋ። 
\v 19 ፆሳ ኪታ፥ ዎፓ፤ ላይማቶፓ፤ ካይሶቶፓ፤ ዎርዶ ማርካቶፋ፤ እንፃርሳን ጭሞፋ፤ ነ አዋነ ነ አይዉ ቦንቻ ያገይሳ ኤራሳ” ያግስ።\x - \xo 10:19 \xo*\xt ከሳ 20:12-16፤ ዛረ 5:16-20.\xt*\x*
\p
\v 20 ኡራይ፥ “አስታማርያዉ፥ ታኒ ሄሳ ኡባ ናአተፈ ዶማዳ ሀእ ጋካናዉ ናጋይስ” ያግስ።
\p
\v 21 የሱሲ ኡራ ትሽ ኦ ፄልድ ዶስስ፤ “ነዉ እስባይ ፓጬስ፤ ባዳ ነዉ ደእያባ ኡባ ባይዛዳ፥ ሄ ሚሽያ ማንቆታስ እማ፤ ኔኒ ሳሎን ዱረ ግዳና። ያታ ስማዳ ታና ካላ” ያግስ። 
\v 22 ሽን ኡራይ ሄሳ ስእድ፥ እ ዳሮ ዱረ ግድያ ግሾ፥ ባ ሶምኡዋ ካሬስ፥ ኡፋይቶና አግድ ብስ።
\p
\v 23 የሱሲ ባ ታማረታ ዩሽ አ ፄልድ፥ “ዱረ አስ ፆሳ ካዎተ ገላናይስ ዋንድ መታንዴሻ!” ያግስ።
\p
\v 24 እያ ታማረት እያ ትምርትያ ስእድ ማላለትዶሶና። ሽን የሱሲ ቃስካ ኤንታኮ፥ “ናይቶ፥ ፆሳ ካዎተ ገላናይስ ዋንድ መታንዴሻ! 
\v 25 ዱረ አስ ፆሳ ካዎተ ገላናይሳፈ፥ ግማለይ ናርፐ ሉሆራ አይስ ካዉዬስ” ያግስ።
\p
\v 26 እያ ታማረት ማላለትድ፥ “ያትን፥ ኦን አታኔ?” ያግድ፥ እሶይ እሱዋ ኦይችዶሶና።
\p
\v 27 የሱሲ ኤንታ ትሽ ኦ ፄልድ፥ “ሀይስ ፆሳስ ዳንዳኤተስፐ አትሽን፥ አሳስ ዳንዳኤተና፤ ፆሳስ ኡባባይ ዳንዳኤቴስ” ያግስ።
\p
\v 28 ጰፅሮስ የሱሳኮ፥ “ሄኮ፤ ኑኒ ኑባ ኡባ አግድ፥ ነና ካልዳ” ያግስ።
\p
\v 29 የሱሲ “ታኒ ህንተዉ ቱማ ኦዳይስ፤ ታ ግሾነ ዎንገላ ግሾ፥ ኬ ዎይኮ እሻታ ዎይኮ ምቸታ ዎይኮ አዋ ዎይኮ አዮ ዎይኮ ማችዉ ዎይኮ ናይታ ዎይኮ ጋደ አግዳ ኦንካ፥ 
\v 30 ሀእ ሀ ዎድያን ፄቱ ኩሸ ኬ፥ እሻታ፥ ምቸታ፥ አየታ፥ ናይታ፥ ጋድያ፥ ጎደተራ እስፈ ኤካና። ስንፈ ያና ዎድያንካ መርና ደኡዋ ኤካና። 
\v 31 ሽን ዳሮት ሀእ ደን ስን ግድዳይሳት ጉየ ግዳና፥ ቃስ ዳሮት ሀእ ጉየ ግድዳይሳት ስን ግዳና” ያግስ።\x - \xo 10:31 \xo*\xt ማቶ 20:16፤ ሉቃ 13:30.\xt*\x*
\s1 የሱሲ ባ ሀይቁዋባ ሄን ኦድስ
\r (ማቶ 20:17-19፤ ሉቃ 18:31-34)
\p
\v 32 የሱሳራነ እያ ታማረታራ የሩሳላመ ብሽን፥ የሱሲ ባ ታማረታ ስንን ሄመቴስ። ኤንቲ ማላለትዶሶና። እያ ካለይሳትካ ያይዶሶና። ናምአን፥ ታማነ ናምኡ ታማረታ ጋፃ ከስድ፥ ባና ጋካናባ ዱማ ኤንታዉ ሀይሳዳ ያግድ ኦድስ። 
\v 33 “ሄኮ፥ ኑኒ የሩሳላመ ሀእ ከዮስ። ያን አሳ ናአይ፥ ካህነ ሀላቃታስነ ህገ አስታማረታስ አድ እመታና። ኤንቲ እያ ቦላ ሀይቆ ፕርዳ ፕርዳና፤ ቃስ አይሁደ ግዶና ደርያስ እያ አድ እማና። 
\v 34 አይሁደ ግዶና ደረይ እያ ቶቻና፥ እያ ቦላ ጩታና፥ ልሶን ጋራፋናነ ዎና። እ ሄ ጋላሳፐ ጉየ፥ ሀይቆፐ ደንዳና” ያግስ።
\s1 ያይቆባነ ዮሃንሳ ዎሳ
\r (ማቶ 20:20-28)
\p
\v 35 ዛብድዮሳ ናይት ያይቆብነ ዮሃንስ የሱሳኮ ይድ፥ “አስታማርያዉ፥ ኑኒ ነና ዎስያ እስባ ኑስ ኦርክ” ያግዶሶና።
\p
\v 36 የሱሲ ኤንታኮ፥ “ታኒ ህንተዉ አይ ኦ?” ያግስ።
\p
\v 37 ኤንቲ፥ “ኔኒ ነ ቦንቾ ካዎተን ኡትያ ዎደ፥ ኑፐ እሱዋ ኡሻቻ ባጋራ ቃስ እሱዋ ሀድርሳ ባጋራ ኡትሳርክ” ያግዶሶና።
\p
\v 38 ሽን የሱሲ ኤንታኮ፥ “ህንተ አይ ዎስያኮ ኤረከታ፥ ታ ኡያናዉ ደእያ ፁኣ ኡያናዉ ዳንዳኤቲ? ቃስ ታኒ ፃማቀታናዉ ደእያ ፅንቃትያ ፃማቀታናዉ ዳንዳኤቲ?” ያግስ።\x - \xo 10:38 \xo*\xt ሉቃ 12:50.\xt*\x*
\p
\v 39 ኤንቲ ዛሪድ፥ “ኤ ዳንዳኦስ” ያግዶሶና።
\p የሱሲ ቃስ፥ “ቱማካ ታ ኡያናዉ ደእያ ፁኣ ህንተ ኡያና፥ ታኒ ፃማቀታናዉ ደእያ ፅንቃትያ ህንተ ፃማቀታና። 
\v 40 ሽን ታፐ ኡሻቻ ባጋራነ ሀድርሳ ባጋራ ኡታናይሳታ ዶራናዉ ታዉ ማት ባዋ፥ ሽን ሄ በሳይ ፆሳይ እማናዉ ጊግስድ ዎዳይሳታሳ” ያግስ።
\p
\v 41 ሀንኮ ታሙ ታማረት ሄሳ ስእዳ ዎደ፥ ያይቆባነ ዮሃንሳ ቦላ ሀንቀትዶሶና። 
\v 42 የሱሲ ኤንታ ኡባ ባኮ ፄግድ፥ “አይሁደ ግዶና አሳ ሀላቃት ደርያ ሃረይሳታ ጌተትድ ፄገተይሳነ ሃረይሳታስ ደርያ ቦላ ማት ደኤይሳ ህንተ ኤሬታ።\x - \xo 10:42 \xo*\xt ሉቃ 22:25-26፤ ማቶ 23:11፤ ማር 9:35፤ ሉቃ 22:26.\xt*\x* 
\v 43 ሽን ህንተ ግዶን ሄሳ መላ ግደና፤ ህንተ ግዶን ግታታናዉ ኮየይ ኦንካ ህንተዉ አይለ ግዳናዉ በሴስ። 
\v 44 ቃስ ህንተ ግዶን ኡባፈ ቦላ ግዳናዉ ኮየይ ኦንካ ህንተ ኡባስ አይለ ግዳናዉ በሴስ። 
\v 45 ሀር አቶሽን፥ አሳ ናአይካ፥ አሳስ ኦናዉነ ዳሮታ ዎዛናዉ ባ ሸምፑዋ አድ እማናዉ ይስፐ አትሽን፥ አስ እያዉ ኦና መላ ይቤና” ያግስ።
\s1 ቆቅያ ባርፅሞሳ
\r (ማቶ 20:29-34፤ ሉቃ 18:35-43)
\p
\v 46 ኤንቲ እያርኮ ካታማ ብዶሶና። የሱሲ ባ ታማረታራነ ዳሮ አሳራ እያርኮፈ ከይሽን፥ ፅሞሳ ናአይ፥ ቆቀይ፥ ባርፅሞሳ ጌተተይስ፥ ኦገ ጋፃን ዎስሸ ኡትስ። 
\v 47 ባርፅሞስ፥ ያራ አይ ናዝረተ የሱሳ ግድዳይሳ ስእዳ ዎደ፥ ባ ቃላ ቁ ኦድ፥ “ዳዊታ ናኣ የሱሳ፥ ታና ማራርክ!” ያግድ ዋሶ ዶምስ።
\p
\v 48 ዳሮ አሳይ እያ፥ “ሀይዛ!” ግድ ሀንቀትዶሶና።
\p ሽን፥ እ ባ ቃላ ካሰይሳፈ ዳሮ ቁ ኦድ፥ “ዳዊታ ናአዉ፥ ታና ማራርክ!” ያግስ።
\p
\v 49 የሱሲ ኤቅድ፥ “እያ ሃ ፄግተ” ያግስ።
\p ኤንቲ ቆቅያኮ፥ “አይኮይ ባዋ፥ ደንዳ ኤቃ፥ ነና ፄጌስ” ያግዶሶና። 
\v 50 ቆቀይ ባ ማኡዋ ሆል የግድ፥ ጉፕ ደንድ ኤቅድ፥ የሱሳኮ ብስ።
\p
\v 51 የሱሲ፥ “ታኒ ነዉ አይ ኦና መላ ኮያይ?” ያግስ።
\p ቆቀይ፥ “አስታማርያዉ፥ ታ ፄላናዉ ኮያይስ” ያግስ።
\p
\v 52 የሱሲ፥ “ባ፥ ነ አማኖይ ነና ፓስ” ያግስ። ኢራካ እያ አይፈይ ፄልን፥ የሱሳ ካልስ።
\c 11
\s1 ግታ ቦንቾን የሩሳላመ ገሉዋ
\r (ማቶ 21:1-11፤ ሉቃ 19:28-40፤ ዮሀ 12:12-19)
\p
\v 1 ኤንቲ የሩሳላመ ማትሸ፥ ሻማሆ ዙማ ማታን ደእያ ቤተፋገነ ብታነ ካታማታ ጋክዶሶና። የሱሲ ባ ታማረታፐ ናምአታ ስን ኪትድ፥ 
\v 2 “ህንተፈ ስንን ደእያ ጉታ ቢተ፤ ያ ገልዳ መላ ኦንካ ቶግቦና ቃሾን ደእያ ሀረ ማር ህንተ ደማና፥ እያ ብልድ፥ ሃ ኤክ ዪተ። 
\v 3 ኦንካ ህንተና፥ ‘ሀይሳ አይስ ኦቲ?’ ያግድ ኦይችኮ፥ ‘ጎዳይ እያ ኮዬስ፥ ኤለስድ ሃ የዳና’ ያግተ” ያግስ።
\p
\v 4 ኤንቲ ብድ፥ ሀረ ማር ካረ ቦላ ኦገ ማታን ቃሸትድ ደኤይሳ ደምድ ብልዶሶና። 
\v 5 ሄ በሳን ኤቅዳ እስ እስ አሳት ኤንታኮ፥ “ሀረ ማራ ዋታናዉ ብሌቲ?” ያግድ ኦይችዶሶና። 
\v 6 እያ ታማረት የሱሲ ባንታና ኪትዳይሳ ኦድን፥ አሳት የድ አግዶሶና። 
\v 7 ኤንቲ ሀረ ማራ የሱሳኮ ኤህድ፥ ባንታ ማኡዋ እያ ዞኮን ሂፅን የሱሲ ሄ ሀረ ማራ ቶግስ። 
\v 8 ዳሮ አሳይ ባንታ ማኡዋ ኦግያን ሂፅዶሶና፤ ቃስ ሀራት ም ታሸ ታሽድ፥ ኦገን ሂፅዶሶና። 
\v 9 የሱሳፐ ስንራ ሄመትያ አሳይነ እያ ካልያ አሳይ ባንታ ቃላ ቁ ኦድ፥
\q1 “ሆሳና!\f + \fr 11:9 \fr*\fk ሆሳና፦ \fk*\ft ማቶ 21:9 በእተ።\ft*\f* ፆሳይ ጋላተቶ!
\q2 ጎዳ ሱንን የይስ አንጀትዳይሳ።\x - \xo 11:9 \xo*\xt ማዝ 118:25.\xt*\x*
\q1
\v 10 ጎዳ ሱንን ያ ኑ አዋ
\q2 ዳዊታ ካዎተይ አንጀትዳይሳ።
\q1 ኡባፈ ቦላ ሳሎን
\q2 ደእያ ፆሳይ ጋላተቶ”
\m ያግዶሶና።
\p
\v 11 የሱሲ የሩሳላመ ብድ፥ ፆሳ ኬ ገልስ። ቃስ ኡባባ ዩይ ፄልዳፐ ጉየ፥ ሳእ ቃምያ ግሾ፥ ታማነ ናምኡ ታማረታራ ብታነ ካታማ ብስ።
\s1 የሱሲ ባድዳ ባላሰ ምዉ
\r (ማቶ 21:18-19)
\p
\v 12 ዎንተ ጋላስ ኤንቲ ብታነፐ ከይድ ብሽን፥ የሱሲ ኮሻትስ። 
\v 13 ሃሆን እስ ባላሰ ምዉ ሀይ ፃላላ ማአ ኡትዳሮ በእድ፥ እ ቦላ አይፈይ በንትኮ ግድ፥ በአናዉ ኢኮ ብስ፥ ሽን ኢኮ እ ብያ ዎደ፥ ሀይ ፃላላፐ አትሽን፥ እስ አይፈካ ደምቤና፤ አይስ ጊኮ፥ ባላሰይ አይፍያ ዎደይ ጋክቤና። 
\v 14 የሱሲ ሄ ባላስዉ፥ “ህዛ፥ አስ ኔፐ መርናዉ አይፈ ሞፖ” ያግስ። እያ ታማረት እ ገይሳ ስእዶሶና።
\s1 ፆሳ ኬን ዛልኤይሳታ ከስስ
\r (ማቶ 21:12-17፤ ሉቃ 19:45-48፤ ዮሀ 2:13-22)
\p
\v 15 ኤንቲ የሩሳላመ ብዶሶና፤ የሱሲ ፆሳ ኬ ገልድ፥ ያን ባይዘይሳታነ ሻመይሳታ ካረ ጎዶ ኦይክስ፤ ቃስ ሚሸ ላመይሳታ ፃርጴዛነ ሆለ ባይዘይሳታ ኦይድያ ሽር የግድ፥ 
\v 16 አስ አይብባካ ቶክድ፥ ፆሳ ኬ ግዶራ አና መላ ድግስ። 
\v 17 የሱሲ አሳ ሀይሳዳ ያግድ ታማርስስ፦ “ጌሻ ማፃፋን፥ ‘ታ ኬይ አስ ኡባይ ፆሳ ዎስያ ኬ ግዳና’ ጌተትድ ፃፈትስ። ሽን ህንተ እያ ፓንጋት ቆሰትያ ጎንጎሎ ኦደታ” ያግስ።\x - \xo 11:17 \xo*\xt እሳ 56:7፤ ኤርም 7:11.\xt*\x*
\p
\v 18 ካህነ ሀላቃትነ ህገ አስታማረት ሄሳ ስእድ፥ እያ ዎናዉ ኦገ ኮይዶሶና። ሽን ዳሮ አሳይ እያ ትምርትያን ማላለትያ ግሾ፥ እያዉ ባብዶሶና።
\p
\v 19 ሳአይ ኦማርስያ ዎደ የሱሲነ እያ ታማረት ካታማፐ ጋፃ ከይዶሶና።
\s1 ባላሰ ምያ መላሱ
\r (ማቶ 21:20-22)
\p
\v 20 ኤንቲ ዎንተ ጋላስ ሄ ኦግያራ አሸ፥ ሄ ባላስያ ፃጶራ መልዳሮ በእዶሶና። 
\v 21 ጰፅሮስ አኬክድ፥ “አስታማርያዉ፥ ሄኮ፥ ኔኒ ባድዳ ባላስያ መላሱ” ያግስ።
\p
\v 22 የሱሲ ዛሪድ፥ “ፆሳ አማንተ። 
\v 23 ታኒ ህንተዉ ቱማ ኦዳይስ፤ ኦንካ ባ ዎዛናን ስና ግዳባይ ሀናናይሳ አማንድ፥ ሀ ዙማ፥ ‘ደንዳዳ አባን ኩንዳ’ ያግኮ እያዉ ሀናና።\x - \xo 11:23 \xo*\xt ማቶ 17:20፤ 2 ቆሮ 13:2.\xt*\x* 
\v 24 ሄሳ ግሾ፥ ታኒ ህንተዉ ኦዳይስ፤ ፆሳ ህንተ ዎስያባነ ኦይችያባ አይባ ግድኮካ ኤክዳዳ አማንተ፥ ህንተ ኤካና። 
\v 25 ፆሳ ዎሳናዉ ህንተ ኤቅያ ዎደ፥ ሳሎን ደእያ ህንተ አዋይ ህንተ ናጋራ አቶ ጋና መላ፥ ኦንካ ህንተና ናቅዳባይ ደእኮ፥ እያዉ አቶ ጊተ። 
\v 26 ሽን አሳ ናጋራ ህንተ አቶ ጎና እፅኮ፥ ሳሎን ደእያ ህንተ አዋይካ ህንተ ናጋራ ህንተዉ አቶ ጌና” ያግስ።
\s1 የሱሳ ማታይ ኦይሸትስ
\r (ማቶ 21:23-27፤ ሉቃ 20:1-8)
\p
\v 27 ኤንቲ ዛሪድ የሩሳላመ ብዶሶና። የሱሲ ፆሳ ኬን ሄመትሽን፥ ካህነ ሀላቃት፥ ህገ አስታማረትነ ጭማት እያኮ ይድ፥ 
\v 28 “ኔኒ ሀይሳ ኦናዉ ነዉ አይ ማት ደኢ? ዎይኮ ነዉ ሀ ማታ እምዳይ ኦኔ?” ያግዶሶና።
\p
\v 29 የሱሲ ዛሪድ፥ “ታ ህንተና እስባ ኦይቻና፥ ታዉ ኦድተ። ታ ቃስ ሀይሳ አይ ማታን ኦያኮ፥ ህንተዉ ኦዳና። 
\v 30 ዮሃንሳ ፅንቃተይ ፆሳፈየ ዎይኮ አሳፔ? ታዉ ኦድተ” ያግስ።
\p
\v 31 ኤንቲ ባንታ ግዶን ፓላማ ዶምድ፥ “ኑኒ፥ ‘ፆሳፈ’ ጊኮ፥ እ ኑኮ፥ ‘ያትን፥ ዮሃንስ ኦድዳይሳ አይስ አማንበከቲ?’ ያጋና። 
\v 32 ‘አሳፐ ጊኮ’ አሳ ኡባይ ዮሃንስ ናበ ግደይሳ ኤሮሶና።” ሄሳ ግሾ፥ አሳስ ያይዶሶና። 
\v 33 ሄሳ ግሾ፥ ኤንቲ የሱሳኮ፥ “ኑኒ ኤሮኮ” ያግድ ዛርዶሶና።
\p የሱሲ፥ “ታንካ ሀይሳ አይ ማታን ኦያኮ፥ ህንተዉ ኦድከ” ያግስ።
\c 12
\s1 ጎሻንቾታ ሌምሶ
\r (ማቶ 21:33-46፤ ሉቃ 20:9-19)
\p
\v 1 የሱሲ ኤንታዉ ሌምሶን ያግድ ኦድስ፦ “እስ ኡራይ ዎይነ ቶክድ፥ እያ ዩሾን ድርስ ድርስ። ቃስ ሄ ዎይነ ጉምእያ ኦላ ቦክስ። እያ ናጋናዉ አዱሳ ሻኮ ሻክስ። ሄሳፈ ጉየ፥ ኮ ኦያ አሳስ እምድ፥ ሀራ ቢታ ብስ።\x - \xo 12:1 \xo*\xt እሳ 5:1.\xt*\x* 
\v 2 ዎይነ አይፍያ ማፅያ ዎደይ ጋክን፥ ባና ጋክያ ግሹዋ ኤሀና መላ፥ እስ ባ አይልያ ኮ አዋታኮ የድስ። 
\v 3 ኮ አዋት እያ አይልያ ኦይክድ ዋድ፥ መላ ኩሸ የድዶሶና። 
\v 4 ናምአን ሀራ አይለ ኤንታኮ ኪትን፥ ኤንቲ ሄ አይልያ ሁጵያ ቆእድ ካዉሽድ የድዶሶና። 
\v 5 ዎይነ አታክልትያ ጎዳይ ቃስካ ሀራ አይለ ኪትስ። ሄ አይልያ ዎዶሶና፥ ቃስ ሀራ ዳሮታ ሄሳዳ ኦዶሶና፥ እሶታ እሶታ ዋድ፥ ሀራታ ዎዶሶና።
\p
\v 6 “ዎይነ አታክልትያ ጎዳስ ኪታናዉ ኡባፈ ዉርሰን እ ዳሮ ዶስያ ባ ናኣ ፃላል አትስ። እ፥ ‘ኤንቲ ታ ናኣ ቦንቾና አጎኮና’ ግድ፥ ባ ናኣ ኤንታኮ ኪትስ።
\p
\v 7 “ሽን ኮ አዋት ባንታ ግዶን፥ ‘ላታናይስ ሀይሳ፤ የተ እያ ዎኦስ፤ እያ ላታይ ኑባ ግዳና!’ ያግዶሶና። 
\v 8 ናኣ ኦይክድ ዎድ፥ እያ አሀ ዎይነ ጋድያ ግዶፈ ጋፃ ከስድ የግዶሶና።
\p
\v 9 “ህዛ፥ ዎይነ ጋድያ ጎዳይ ዋታኔ? ይድ ሄ ኮ አዋታ ዎ ኦንግድ፥ ዎይንያ ኮ ኦያ ሀራ አሳስ እማና።
\q1
\v 10-11 “ ‘ግምበይሳት ቦርድ እፅዳ ሹቻይ
\q2 ጎዳ ፃጱዋ ምንያ፥
\q2 ኡባፈ አያ ሹቹ ግድስ።
\q1 ሀይስ ጎዳይ ኦዳባ፤
\q2 ቃስ ኑ አይፍያስካ ማላልስያባ’
\m ያገይሳ ጌሻ ማፃፋፐ ናባብበከቲ?” ያግስ።\x - \xo 12:10-11 \xo*\xt ማዝ 118:22-23.\xt*\x*
\p
\v 12 ካህነ ሀላቃት፥ ህገ አስታማረትነ ጭማት የሱሲ ሄ ሌምሱዋ ባንታ ቦላ ሌምስዳይሳ ኤርዳ ግሾ፥ እያ ኦይካናዉ ኮይዶሶና፥ ሽን አሳስ ያይድ፥ አግድ ብዶሶና።
\s1 ጊራባ
\r (ማቶ 22:15-22፤ ሉቃ 20:20-26)
\p
\v 13 ቃስ እያ ኦዳፐ ባላ ደምድ፥ እያ ኦይካና መላ፥ ፋርሳወታፐነ ሄሮዲሳ ባጋታፐ ጉ አሳታ እያኮ ኪትዶሶና። 
\v 14 ኤንቲ እያኮ ይድ፥ “አስታማርያዉ፥ ኔኒ ቱማ ኦደተይሳነ አሳፐ አሰ ሻኮናይሳ ኑኒ ኤሮስ። ኔኒ አሰ ዱማያካ፤ ቃስ ፆሳ ኦግያ ቱማተን ታማርሳሳ። ኑኒ ሮመ ቢታ ካዋ ቄሳረስ ጊራ ጊረይስ ዎገየ ዎጋ ግደኔ? ጊራ ጊራነ አጋኔ?” ያግዶሶና።
\p
\v 15 ሽን የሱሲ ኤንታ ጩቦተ ኤርድ፥ “ታና አይስ ፓጨቲ? አነ እስ ሳንትመ ታና በስተ” ያግስ። 
\v 16 ኤንቲ እያዉ ኤህዶሶና፥ “ሀ ምስለይነ ሱንይ ኦደባዬ?” ያግድ ኤንታ ኦይችስ።
\p ኤንቲ፥ “ሮመ ካዋ ቄሳረይሳ” ያግዶሶና።
\p
\v 17 የሱሲ ዛሪድ፥ “ያትኮ፥ ቄሳረባ ቄሳረስ፥ ፆሳባ ፆሳስ እምተ” ያግን ኤንቲ እያባ ማላለትዶሶና።
\s1 ሀይቆፐ ደንዶባ
\r (ማቶ 22:23-33፤ ሉቃ 20:27-40)
\p
\v 18 ሀይቅዳ አስ ደንደና ግያ ሳዱቃወታፐ እስ እስ አሳት የሱሳኮ ይድ፥ ሀይሳዳ ያግድ፥ እያ ኦይችዶሶና።\x - \xo 12:18 \xo*\xt ሀዋ 23:8.\xt*\x* 
\v 19 “አስታማርያዉ፥ ሙሰይ ኑስ ህግያ ፃፍሸ፥ ‘ማቾ ኤክዳ አስ ናአ የሎና ሀይቅኮ፥ ሄ ሀይቅዳይሳ እሻይ እያ ማችዉ ኤክድ፥ ባ እሻስ ናአ የላናዉ በሴስ’ ያግስ።\x - \xo 12:19 \xo*\xt ዛረ 25:5.\xt*\x* 
\v 20 በን ዎደ ላፑን እሻት ደኤይሳታፐ ባይራይ ማቾ ኤክድ፥ ናአ የሎና ሀይቅስ። 
\v 21 ናምአንይ እዮ ኤክስ፥ እካ ናአ የሎና ሀይቅስ። ሄንይካ ሄሳዳ ሀንስ። 
\v 22 ላፑናትካ ሄሳ እዮ ኤክድ፥ ናአ የሎና ሀይቅዶሶና። ኡባፈ ጉየ፥ ቃስ ሄ ማጫስያ ሀይቃሱ። 
\v 23 ያትን፥ ላፑናት እዮ ኤክዳ ግሾ ሀይቅዳ አሳይ ሀይቆፐ ደንድያ ጋላስ፥ እያ ኤንታፈ አዉሳስ ማቾ ግዳኔ?” ያግዶሶና።
\p
\v 24 የሱሲ ዛሪድ፥ “ህንተ ባለተይ፥ ጌሻ ማፃፋታ ዎይኮ ፆሳ ዎልቃ ኤሮና ግሾሳ! 
\v 25 ሀይቅዳ አሳይ ሀይቆፐ ደንድያ ጋላስ፥ ሳሎን ደእያ ኪታንቾታ መላ ግዳናፐ አትሽን፥ ኤኮኮና፤ ገለኮና። 
\v 26 ሽን ሀይቅዳይሳታ ደንዱዋባ ግድኮ፥ ሙሰ ማፃፋን ፃፈትዳ ፁገትያ ቱሽያባ ኦድያ በሳን፥ ፆሳይ ሙሰኮ፥ ‘ታኒ፥ አብራሃመ ፆሳ፥ ይሳቃ ፆሳ፥ ያይቆባ ፆሳ’ ግዳይሳ ናባብበከቲ?\x - \xo 12:26 \xo*\xt ከሳ 3:6.\xt*\x* 
\v 27 ሄሳ ግሾ፥ እ፥ ፓፃ ደኤይሳታ ፆሳፈ አትሽን፥ ሀይቅዳይሳታ ፆሰ ግደና። ህንተ ዳሮ ባልደታ” ያግስ።
\s1 ኡባፈ ባይራ ኪታ
\r (ማቶ 22:34-40፤ ሉቃ 10:25-28)
\p
\v 28 ህገ አስታማረታፐ እሶይ ኤንቲ ፓላመይሳ ሺቅድ ስእስ። ቃስ የሱሲ ኤንታዉ ሎይ ዛርዳይሳ ስእድ፥ “ኪታ ኡባፈ አያ ኪታይ አዉሴ?” ያግድ የሱሳ ኦይችስ።\x - \xo 12:28 \xo*\xt ሉቃ 10:25-28.\xt*\x*
\p
\v 29 የሱሲ ዛሪድ፥ እያ ሀይሳዳ ያግስ፦ “ኪታ ኡባፈ አያ ኪታ ስእተ፤ ‘እስራኤለ አሳዉ፥ ጎዳይ ኑ ፆሳይ እስ ጎዳ።\x - \xo 12:29 \xo*\xt ዛረ 6:4-5.\xt*\x* 
\v 30 ነ ጎዳ ነ ፆሳ ነ ኩመ ዎዛናፐ፥ ነ ኩመ ሸምፑዋፈ፥ ነ ኩመ ቆፋፐ፥ ነ ኩመ ዎልቃፈ ዶሳ’ ያጌስ። 
\v 31 ቃስ ኪታ ኡባፈ አያ ናምአን ኪታይ ሀይሳ፤ ‘አሰ ኡባ ነ ሁጵያዳ ዶሳ’ ያገይሳ፤ ሀይሳታፐ አያ ሀራ ኪት ባዋ” ያግስ።\x - \xo 12:31 \xo*\xt ሌወ 19:18.\xt*\x*
\p
\v 32 ህገ አስታማረይ የሱሳኮ፥ “አስታማርያዉ፥ ቱማ ጋዳሳ፤ ኔኒ ‘ፆሳይ እስ ፆሳ ፃላላ። እያፐ አትሽን፥ ሀር ባዋ’ ግዳይስ ቱማ።\x - \xo 12:32 \xo*\xt ዛረ 4:35.\xt*\x* 
\v 33 ፆሳ ኩመ ዎዛናፐ፥ ኩመ ቆፋፐነ ኩመ ዎልቃፈ ዶሰይስነ ቃስ አሰ ኡባ ባ ሁጵያዳ ዶሰይስ፥ ፁሳ ያርሾፈነ ሀራ ያርሾ ኡባፈ አስ” ያግስ።\x - \xo 12:33 \xo*\xt ሆሰ 6:6.\xt*\x*
\p
\v 34 የሱሲ ህገ አስታማርያ ዛሮይ አዳ ኤራንቾ አሳ ዛሮ ግድዳይሳ በእድ፥ “ኔኒ ፆሳ ካዎተፈ ሃካባካ” ያግስ፤ ሄሳፈ ጉየ፥ የሱሳ ሀራባ ኦይቻናዉ ኦንካ ምንቤና።\x - \xo 12:34 \xo*\xt ሉቃ 10:25-28.\xt*\x*
\s1 ክርስቶስ ኦደ ናኤ?
\r (ማቶ 22:41-46፤ ሉቃ 20:41-46)
\p
\v 35 የሱሲ ፆሳ ኬን ታማርስሸ፥ ሀይሳዳ ያግስ፦ “ህገ አስታማረት ክርስቶሳ ዎይግድ ዳዊታ ናአ ጎና? 
\v 36 ዳዊቲ ጌሻ አያናን ኩምድ፥
\q1 “ ‘ጎዳይ፥ ታ ጎዳ፥ “ታኒ ነ ሞርከታ
\q2 ነ ቶሆይ የያሶ ኦና ጋካናዉ፥
\q2 ሀይሳን ታፐ ኡሻቻ ባጋራ ኡታ” ግስ’ ያግስ።\x - \xo 12:36 \xo*\xt ማዝ 110:1.\xt*\x*
\m
\v 37 ዳዊቲ ባ ሁጰን ክርስቶሳ፥ ‘ጎዳ’ ግድ ፄግኮ፥ ያትን፥ ክርስቶስ ዋንድ፥ ዳዊታ ናአ ግድ?” ያግስ።
\p ዳሮ አሳይ የሱሲ ገይሳ ኡፋይሳን ስእዶሶና።
\s1 ህገ አስታማረታነ ፋርሳወታ አየ!
\r (ማቶ 23:1-36፤ ሉቃ 20:45-47)
\p
\v 38 የሱሲ ታማርስሸ፥ ሀይሳዳ ያግስ፦ “ህገ አስታማረታፐ ናገትተ፤ ኤንቲ አዱሳ ማኦ ማእድ ዩየይሳነ ግያንካ አሳይ ኤንታ ቦንችድ ሳሮይሳ ዶሶሶና። 
\v 39 ኤንቲ አይሁደ ዎሳ ኬታን ዳሮ ሎእያ ኦይድያ ዶሶሶና፤ ቃስ አስ ባንታና ሞክያ በሳን ቦንቾ በሲ ዶሶሶና። 
\v 40 ኤንቲ አምኤታ ኬ ቦንቅድ፥ ባንታዉ ሎኦ ዳናናዉ ዎሳ አዱሶሶና፤ ኤንቲ ኡባፈ አያ ፕርዳ ኤካና” ያግስ።
\s1 አምኤ ሙፃታ
\r (ሉቃ 21:1-4)
\p
\v 41 የሱሲ ፆሳ ኬን ሙፃታ የግያ ሳፅንያ ማታን ኡትድ፥ አሳይ ባ ሚሽያ ሄ ሳፅንያን የገይሳ በእስ፤ ዳሮ ዱረ አሳይ ዳሮ ሚሽያ ሄ ሳፅንያን የጎሶና። 
\v 42 እስ ማንቆ አምእያ ያዳ፥ ናምኡ ባካና ሄ ሳፅንያን የጋሱ። 
\v 43 የሱሲ ባ ታማረታ ፄግድ፥ “ታኒ ህንተዉ ቱማ ኦዳይስ፤ ሙፃታ ሳፅንያን የግዳ አሳ ኡባፈ ሀ ማንቆ አምእያ ዳርሳዳ የጋሱ። 
\v 44 አይስ ጊኮ፥ ሀራት ኡባይ ባንታዉ ፓላህዳ ሚሽያፐ የግዶሶና። ሽን እያ ባ ፓጫፐ፥ ባዉ ደእያ አቁዋ ኩመ እማሱ” ያግስ።
\c 13
\s1 ፆሳ ኬይ ላለቶና አተና
\r (ማቶ 24:1-2፤ ሉቃ 21:5-6)
\p
\v 1 የሱሲ ፆሳ ኬፈ ከይሽን፥ እያ ታማረታፐ እሶይ፥ “አስታማርያዉ፥ ሀ ሎኦ ሹቻነ ሀ ሎኦ ሹቻ ኬ በአይ!” ያግስ።
\p
\v 2 የሱሲ ዛሪድ፥ “ሀ ግታ ሹቻ ኬ በአይ? ሀ ኬይ ሹች ሹቻ ቦላ ግምበትዳ መላ ላለቶና አተና፤ እስ ሹችካ አቶና ኡባይ ላለታና” ያግስ።
\s1 ዎደ ዉርሰ ማላታታ
\r (ማቶ 24:3-14፤ ሉቃ 21:7-19)
\p
\v 3 የሱሲ ፆሳ ኬፈ ህን ባጋራ ሻማሆ ዙማ ቦላ ኡትዳሽን፥ ጰፅሮስ፥ ያይቆብ፥ ዮሃንስነ እንድርያስ ባንታርካ እያኮ ይድ፥ 
\v 4 “ሀይስ አዉደ ሀናኔኮ፥ ኑስ ኦዳ፤ ሀ ኡባይ ፖለታና ዎድያ ኤርስያ ማላታይ አይቤ?” ያግድ ኦይችዶሶና።
\p
\v 5 የሱሲ ቃስ ኤንታኮ ሀይሳዳ ያግድ ኦድስ። “ህንተና ኦንካ ባለና መላ ናገትተ። 
\v 6 ዳሮ አሳት ታ ሱንን፥ ‘ታኒ ክርስቶሳ’ ያግድ ታማርስሸ ይድ፥ ዳሮ አሳ ባለና። 
\v 7 ማታን ደእያ ኦላነ ሃሆን ደእያ ኦላ ዎረ ህንተ ስእያ ዎደ ህርጎፍተ። ሄሳ መላባይ ሀናናዉ በሴስ፥ ሽን ዉርሰይ ቡሮና። 
\v 8 እስ ቢታ አሳይ ሀራ ቢታ አሳራ ኦለታና፤ ቃስ እስ ካዎተይ ሀራ ካዎተታራ ኦለታና፤ ቢታ ቃፆይ ኡባ በሳን ሀናና፤ ኮሻይ ዳና፥ ሽን ሄስ ኡባይ የሎ እቀስ ዞከ መላ።
\p
\v 9 “ሽን ህንተ፥ ህንተ ሁጰን ናገትተ። አይስ ጊኮ፥ አስ ህንተና ኦይክድ፥ ፕርዳ ኬስ አድ እማና፤ ቃስ አይሁደ ዎሳ ኬታንካ ህንተና ልሶን ጋራፋና፤ ደርያ ሃረይሳታ ስንንነ ካዎታ ስንን ታ ግሾ ህንተ ማርካታናዉ ኤቃና።\x - \xo 13:9 \xo*\xt ማቶ 10:17-20፤ ሉቃ 12:11-12.\xt*\x* 
\v 10 ዉርሰይ ጋካናፐ ስን ዎንገላይ ኮይሮ ደረ ኡባስ ኦደታናዉ በሴስ። 
\v 11 ኤንቲ ህንተና ፕርዳ ኬ ኤህያ ዎደነ አድ እምያ ዎደ፥ ዎይግድ ኦዳነኮ ኮይሮ ህርጎፍተ፤ ሄ ሳትያን ፆሳይ ህንተዉ እምያባ ኦድተ። ህንተናን ጌሻ አያናይ ኦደቴስፐ አትሽን፥ ህንተና ግደከታ።
\p
\v 12 “እሻይ ባ እሻ፥ አዋይ ባ ናኣ ዎሳና። ናይት ባንታና የልዳይሳታ ቦላ ደንድድ፥ ኤንታ ዎሳና። 
\v 13 አሳ ኡባይ ህንተና ታ ሱን ግሾ እፃና፥ ሽን ዉርሰ ጋካናዉ ምንዳይ አታና።\x - \xo 13:13 \xo*\xt ማቶ 10:22.\xt*\x*
\s1 ያና ኢታ መቱዋ
\r (ማቶ 24:15-28፤ ሉቃ 21:20-24)
\p
\v 14 “ሽን ዮ ቱናተይ ኤቃናዉ በሶና በሳን ኤቅዳሽን ህንተ በአና።” (አኬክሶ፦ ሄስ ዎይ ጉሰኮ ናባበይስ አኬኮ!) “ይሁዳ ቢታን ሄ ዎደ ደኤይሳት ደርያኮ ባቃቶ።\x - \xo 13:14 \xo*\xt ዛረ 9:27፤ 11:31፤ 12:11.\xt*\x* 
\v 15 ኬ ሁጰን ደእያ ኡራይካ እስባ ኤካናዉ ዱገ ዎድ፥ ባ ሶ ገሎፖ።\x - \xo 13:15 \xo*\xt ሉቃ 17:31.\xt*\x* 
\v 16 ጋደን ደኤይስ ባ ማኡዋ ኤካናዉ ጉየ ስሞፎ። 
\v 17 ሄ ዎደ ቃንትዳ ማጫሳታስነ ንያ ማጫሳታስ ዳሮ ኡንአ ግዳና። 
\v 18 ሽን ሀይስ ኡባይ ሀንያ ዎደይ ባልጎ ግዶና መላ፥ ፆሳ ዎስተ። 
\v 19 አይስ ጊኮ፥ ፆሳይ አላምያ መዳ ዎድያፐ ዶምድ፥ ሀእ ጋካናዉ ሀንቦና መቶይነ ስንፈካ ሀኖና መቶይ አሳ ቦላ ሄ ዎደ ሀናና።\x - \xo 13:19 \xo*\xt ዛረ 12:1፤ ቆን 7:14.\xt*\x* 
\v 20 ጎዳይ ሄ ጋላሳታ ታይቡዋ ጉናኮ፥ አሰ ግድዳይ ኦንካ አተና። ሽን እ ባ ዶርዳ አሳ ግሾ፥ ሄ ጋላሳታ ታይቡዋ ጉስ።
\p
\v 21 “ሄ ዎደ ኦንካ ህንተና፥ ‘ሄኮ፥ ክርስቶስ ሀይሳን ደኤስ ዎይኮ ክርስቶስ ህንን ደኤስ’ ያግኮ፥ ሄሳ አማኖፕተ። 
\v 22 ዎርዳንቾ ክርስቶሳትነ ዎርዶ ናበት ደንድድ ባንታዉ ዳንዳኤትኮ፥ ሀር አቶሽን ፆሳይ ዶርዳይሳታካ ባለናዉ ማላታታነ ማላልስያባታ በሳና። 
\v 23 ሽን ህንተ ናገትተ፤ ታኒ ህንተዉ ኡባባ ካሰታዳ ኦዳስ።
\s1 አሳ ናአ ናምአን ዩሳ
\r (ማቶ 24:29-31፤ ሉቃ 21:25-28)
\p
\v 24 “ሽን ሄ ዎደ ሄ ዋያፐ ጉየ፥
\q2 አዋይ ማና፤
\q2 አጌናይ ፖኡዋ አጋና።\x - \xo 13:24 \xo*\xt እሳ 13:10፤ ኤርም 2:10.\xt*\x*
\q1
\v 25 ፆልንቶት ሳሎፐ ኩንዳና፤
\q2 ቃስ ሳሎን ደእያ ዎልቃትካ ቃፃና።\x - \xo 13:25 \xo*\xt እሳ 34:4፤ ቆን 6:13፤ ኤርም 2:10.\xt*\x*
\m
\v 26 ሄ ዎደ አሳ ናአይ፥ ግታ ዎልቃራነ ቦንቹዋራ ሻራ ግዶራ ይሽን ኤንቲ በአና።\x - \xo 13:26 \xo*\xt ዛረ 7:13፤ ቆን 1:7.\xt*\x* 
\v 27 ሄ ዎደ ታኒ ኪታንቾታ ሳአ ኦይዱ ባጋ ኪታና፤ ሳአ ጋፃፐ ሳሎ ጋፃ ጋካናዉ፥ ፆሳይ ዶርዳ አሳ ሺሻና።
\s1 ባላሰ ምፈ ታማርተ
\r (ማቶ 24:32-35፤ ሉቃ 21:29-33)
\p
\v 28 “ሌምሱዋ ባላሰ ምፈ አኬክተ፤ ባላስያ አጭያ ዎደነ እ ሀይይ ጭልእያ ዎደ፥ ቶርቸይ ማታትዳይሳ ህንተ ኤሬታ። 
\v 29 ሄሳዳካ፥ ህንተ ሄ ኡባባይ ሀነይሳ በእያ ዎደ፥ እ ማትድ ፐንገ ጋክዳይሳ ኤርተ። 
\v 30 ታኒ ህንተዉ ቱማ ኦዳይስ፤ ሀ ኡባባይ ሀናና ጋካናዉ ሀይሳን ደእያ አሳ ኡባይ ሀይቀና። 
\v 31 ሳሎይነ ሳእ አና፥ ሽን ታ ቃላይ አና።
\s1 የሱሲ ያና ጋላሳይ ኤረተና
\r (ማቶ 24:36-44)
\p
\v 32 “ሽን ሄ ጋላሳነ ሄ ሳትያ አዋ ፃላላፐ አትሽን፥ ሀር አቶሽን ሳሎን ደእያ ኪታንቾታ ግድን ዎይኮ ናኣ ግድን ኦንካ ኤረይ ባዋ።\x - \xo 13:32 \xo*\xt ማቶ 24:36.\xt*\x* 
\v 33 ሄ ዎደይ አዉደ ግዳኔኮ፥ ህንተ ኤሮና ግሾ፥ ናገትተነ ምንተ። 
\v 34 ታ ዩሳይ፥ ባ ኬ አግድ፥ ኦገ ብያ አሳ መላ። ኡራይ ባ አይለታስ ሁጰን ሁጰን ኦሶ እምድ ኤንታ ባ ኦሱዋ ቦላ አዋ ኦስ፤ ቃስ ናገይስ ምንድ ናጋና መላ ኪትስ።\x - \xo 13:34 \xo*\xt ሉቃ 12:36.\xt*\x*
\p
\v 35 “ሄሳ ግሾ፥ ምንተ። አይስ ጊኮ፥ ጎዳይ ኦማርስ ግድን ዎይኮ ግድ ብላሄ ግድን ዎይኮ ኩቶ ዋሶ ግድን ዎይኮ ዎንት ማ ግድን አዉደ ያነኮ፥ ህንተ ኤረከታ። 
\v 36 ህንተ አኬኮና እ ይድ ህንተ ስክድ ደእሽን ደሞና መላ ምንተ። 
\v 37 ታኒ ህንተዉ ኦደይሳ አሳ ኡባስ ኦዳይስ፤ ምንተ” ያግስ።
\c 14
\s1 የሱሳ ቦላ ማቀትዶሶና
\r (ማቶ 26:1-5፤ ሉቃ 22:1-2፤ ዮሀ 11:45-53)
\p
\v 1 ፓስካ ባኣለ ቦንችያ ጋላስነ ኡይ ባኣለ ቦንችያ ጋላስ ጋካናዉ ናምኡ ጋላስ አትስ። ካህነ ሀላቃትነ ህገ አስታማረት አስ ኤሮና የሱሳ ኦይክድ ዎያ ኦገ ኮዮሶና።\x - \xo 14:1 \xo*\xt ከሳ 12:1.\xt*\x* 
\v 2 “አሳይ ኦሽ ከሶና መላ ፓስካ ቦንችያ ጋላሳን ሄሳ ኦኮ” ያግዶሶና።
\s1 የሱሳ ሽቶ ትይዳ ማጫስዉ
\r (ማቶ 26:6-13፤ ዮሀ 12:1-8)
\p
\v 3 የሱሲ ብታነ ካታማን ባሮ ሀርጋንቾ ግድዳ ስሞና ሶን ግብራ ቦላ ኡትዳሽን፥ እስ ማጫስያ አልባስፅሮሳ ሹቻፈ ኦሰትዳ ጵልቃፀ ኩመ ናርዶሰ ጌተትያ ዳሮ አልኦ ሽቶ ኤካዳ ያሱ። ሄ ጵልቃፀ መንዳ ሽቱዋ የሱሳ ሁጰን ትጋሱ።\x - \xo 14:3 \xo*\xt ሉቃ 7:37.\xt*\x* \fig አልባስፅሮሰ|alt="Alabaster jars" src="HK00142B.tif" size="col" ref="14:3"\fig* 
\v 4 ሄ በሳን ደእያ አሳፐ እሶት እሶት ሀንቀትድ፥ “ሀ ሽቶይ መላ ጮ ኢተይ አይብሴ? 
\v 5 ሀ ሽቱዋ ሄ ፄቱ ድናረን\f + \fr 14:5 \fr*\fk ሄ ፄቱ ድናረ፦ \fk*\ft እስ አሳስ ላይን ጭገትያ ሎኦ ዳሞዘፐ ቦላ ግድያ ሚሸ።\ft*\f* ባይዝድ፥ ሚሽያ ማንቆታስ እማናዉ ዳንዳኤቴስ” ያግድ ባንታ ግዶን ኦደትዶሶና። ያትድ፥ ሄ ማጫስዉ ዳሮ ቦርዶሶና።
\p
\v 6 ሽን የሱሲ “ሀ ማጫስዉ አይኮካ ጎፕተ፤ እዮ አይስ ዋይሰቲ? እያ ታዉ ሎኦባ ኦሱ። 
\v 7 ማንቆት ኡባ ዎደ ህንተራ ደኦሶና። ህንተ ኮይዳ ዎደ አዉደካ ህንተ ኤንታ ማዳናዉ ዳንዳኤታ፥ ሽን ታኒ ኡባ ዎደ ህንተራ ደእከ።\x - \xo 14:7 \xo*\xt ዛረ 15:11.\xt*\x* 
\v 8 እያ ባ ዳንዳእዳይሳ ኦሱ፤ ቃስ ታና ሞጎስ ጊግሳናዉ ካሰታዳ ሽቶ ትያሱ። 
\v 9 ታኒ ህንተዉ ቱማ ኦዳይስ፤ ሳአ ኡባን ዎንገላ ኦድያ በሳ አዉንካ፥ አሳይ እዮ አኬካና መላ ሀ እያ ኦዳይስ ኦደታና” ያግስ።
\s1 ይሁድ የሱሳ አድ እሙዋ
\r (ማቶ 26:14-16፤ ሉቃ 22:3-6)
\p
\v 10 ታማነ ናምኡ ታማረታፐ እሶይ አስቆሮታ ይሁዳ ጌተተይስ የሱሳ ካህነ ሀላቃታስ አድ እማናዉ ኤንታኮ ብስ። 
\v 11 ኤንቲ ሄሳ ስእዳ ዎደ ኡፋይትድ፥ “ኑኒ ነዉ ሚሸ እማና” ያግዶሶና፤ ይሁድ የሱሳ አድ እማናዉ እንጀ ዎደ ኮዬስ።
\s1 ጎዳ ካሁዋ
\r (ማቶ 26:26-30፤ ሉቃ 22:14-20፤ 2 ቆሮ 11:23-25)
\p
\v 12 ኡይ ምያ ጋላስ ቦንችያ ኮይሮ ጋላስ፥ ፓስካ ካ ማናዉ ማራዘ ሹክያ ዎደ፥ የሱሳ ታማረት እያኮ፥ “ፓስካ ቦንችያ ጋላስ ኔኒ ማና ካ ኑኒ አዉ ብድ ጊግስኖ?” ግድ ኦይችዶሶና።
\p
\v 13 የሱሲ ባ ታማረታፐ ናምአታ ሀይሳዳ ያግድ ኪትስ፦ “ካታማ ቢተ፤ ህንተ ብሽን፥ ኦቶራ ሃ ቶክዳ እስ ኡራይ ህንተራ ጋሄታና፤ እያ ካልተ። 
\v 14 እ ብድ ገልያ ኬ ጎዳ፥ ‘አስታማረይ ኔኮ፥ “ታኒ ታ ታማረታራ ፓስካ ማናዉ እማ ክፍለይ አዉኔ?” ያጌስ’ ያግተ። 
\v 15 ጎዳይ ህንተና ፖቅያ ቦላ ደእያ ጊግድ ኡትዳ ዳልጋ ክፍለ በሳና፤ ሄሳን ጊግስተ” ያግስ።\fig አይሁደ ኬ ካራ|alt="Two-story house with steps to roof" src="LB00235B.tif" size="col" ref="14:15"\fig*
\p
\v 16 ሄ ናምኡ ታማረት ከይድ፥ ካታማ ብዶሶና፤ የሱሲ ኤንታዉ ኦድዳይሳዳ ደምድ፥ ፓስካ ካ ጊግስዶሶና።
\p
\v 17 ሳአይ ኦማርስያ ዎደ የሱሲ ታማነ ናምኡ ታማረታራ ያ ብስ። 
\v 18 ኤንቲ ኡትድ ካ ምሽን፥ የሱሲ ኤንታኮ፥ “ታኒ ህንተዉ ቱማ ኦዳይስ፤ ህንተፈ እሶይ ታራ መይስ፥ ታና አድ እማና” ያግስ።\x - \xo 14:18 \xo*\xt ማዝ 41:9.\xt*\x*
\p
\v 19 እያ ታማረት ዳጋምድ፥ ባንታ ሁጰን ሁጰን፥ “ቱማ ታነሻ?” ያግድ እያ ኦይችዶሶና።
\p
\v 20 የሱሲ ዛሪድ፥ “ሄ ኡራይ፥ ህንተ ታማነ ናምአታፐ እሱዋ፤ እ ታራ እስፈ ቱሻናዉ ባ ኡይ ሻተን የደይሳ። 
\v 21 አሳ ናአይ፥ ጌሻ ማፃፋይ ሀይቃና ግዳይሳዳ ሀይቃና፥ ሽን አሳ ናአ፥ አድ እምያ ኡራ አየ! ሄ ኡራይ የለቶና አትዳኮ እያዉ ሎኦሽን” ያግስ።
\p
\v 22 ኤንቲ ምሽን፥ የሱሲ ኡይ ኤክድ፥ ፆሳ ጋላትስ፤ ሄ ኡይ መንድ፥ ባ ታማረታስ እምሸ፥ “ሄእተ፥ ሀይስ ታ አሹዋ” ያግስ።
\p
\v 23 ፁአ ኤክድ፥ ፆሳ ጋላትድ፥ ኤንታዉ እምን ኡባይካ ሄ ፁአፐ ኡይዶሶና። 
\v 24 የሱሲ፥ “ሀይስ ኦራ ጫቁዋን ዳሮ አሳ ግሾ ጉክያ ታ ሱ። 
\v 25 ታኒ ህንተዉ ቱማ ኦዳይስ፤ ታኒ ፆሳ ካዎተን ኦራ ዎይነ ኡያና ጋላስ ጋካናዉ ዛራዳ ሀ ዎይንያፐ ኡይከ” ያግስ።
\p
\v 26 ማዝሙረ የፅዳፐ ጉየ፥ ሻማሆ ዙማ ቦላ ብዶሶና።
\s1 ጰፅሮስ የሱሳ ካዳናይስ ኦደትስ
\r (ማቶ 26:31-35፤ ሉቃ 22:31-34፤ ዮሀ 13:36-38)
\p
\v 27 የሱሲ ኤንታኮ፥ “ህንተ ኡባይ ታና የግ አግድ ባቃታና፤ ጌሻ ማፃፋይ፥
\q1 “ ‘ፆሳይ ዉደ አዋ ሾጫና፥
\q2 ዶርሳት ኡባይ ላለታና’
\m ያጌስ።\x - \xo 14:27 \xo*\xt ዛካ 13:7.\xt*\x* 
\v 28 ሽን ታኒ ሀይቆፐ ደንድዳፐ ጉየ፥ ህንተፈ ስንታዳ ጋልላ ባና” ያግስ።\x - \xo 14:28 \xo*\xt ማቶ 28:16.\xt*\x*
\p
\v 29 ጰፅሮስ ዛሪድ፥ “ኤንቲ ኡባይ ነና የግ አግድ ባቃትኮካ፥ ታ ነና አግከ” ያግስ።
\p
\v 30 የሱሲ ጰፅሮሳኮ፥ “ታኒ ነዉ ቱማ ኦዳይስ፤ ሀች ቃማ ኩቶይ ናምኡ ቶሆ ዋሳናፐ ስን ኔኒ ታና ሄ ቶሆ ካዳና” ያግስ።
\p
\v 31 ሽን ጰፅሮስ ካሰይሳፈ ምንድ፥ “ታኒ ሀር አቶሽን፥ ኔራ እስፈ ሀይቅያኮካ፥ ነና ካድከ” ያግስ። ቃስ ሀራት ኡባትካ ሄሳዳ ግዶሶና።
\s1 የሱሲ ጌታሳማነን ዎስስ
\r (ማቶ 26:36-46፤ ሉቃ 22:39-46)
\p
\v 32 ጌታሰማነ ጌተትያ በሳ ብዶሶና፤ የሱሲ ባ ታማረታኮ፥ “ታኒ ፆሳ ዎሳዳ ስማና ጋካናዉ ህንተ ሀይሳን ኡትሽተ” ያግስ።
\p
\v 33 የሱሲ ጰፅሮሳ፥ ያይቆባነ ዮሃንሳ ባራ ኤክድ ብስ፤ ዳሮ ዋየትስነ ኡንኤትስ። 
\v 34 ቃስ ኤንታኮ፥ “ታኒ ሀይቃና ጋካናዉ አዛናስ፥ ሀይሳን ጋምእሽተ፤ ስኮፍተ” ያግስ።
\p
\v 35 ጉ ስን ሺቅድ፥ ሳአን ጉፋንድ፥ ዳንዳኤትያባ ግድኮ፥ ሄ ዋይያ ሳተይ ባፐ አና መላ፥ ፆሳ ዎስስ። 
\v 36 ቃስ፥ “አባ፥ ታ አዋዉ፥ ኡባባይ ነዉ ዳንዳኤቴስ፥ ሀ ዋየ ፁኣ ታፐ ድጋ። ሽን ነ ሸነይ ሀኖፐ አትሽን፥ ታ ሸነይ ሀኖፖ” ያግስ።
\p
\v 37 የሱሲ ባ ታማረታኮ ስም ይድ፥ ኤንቲ ስክዳሽን ደምድ፥ ጰፅሮሳኮ፥ “ስሞና፥ ስካዲ? ኔኒ እስ ሳተካ ባርካዳ ናጋናዉ ዳንዳአብኪ? 
\v 38 ፓጨን ህንተ ገሎና መላ ባርክድ ናግተነ ፆሳ ዎስተ። ህንተዉ ሎኦ አሞይ ደኤስ፥ ሽን ህንተ ዳቡራንቾ አስ” ያግስ።
\p
\v 39 ቃስካ ብድ ካሰይሳዳ ፆሳ ዎስስ። 
\v 40 ባ ታማረታኮ ጉየ ስሚድ ያ ዎደ፥ ስክዳሽን ደምስ። ኤንታ አይፍያ ስኮይ ጎዝ ዎዳ ግሾ፥ እያኮ አይ ኦደትያኮካ ኤሮኮና።
\p
\v 41 ሄን ኤንታኮ ይድ፥ “ሀእ ጋካናዉካ ስከትነ ሸምፐቲ? ህዛ፥ ግዳና፤ ሳተይ ጋክስ፤ በእተ! አሳ ናአይ፥ ናጋራንቾ አሳስ አድ እመታና ዎደይ ጋክስ። 
\v 42 ደንድድ የተ፤ በእተ፥ ታና አድ እማናይስ ጋክስ” ያግስ።
\s1 የሱሲ ኦይከተ
\r (ማቶ 26:47-56፤ ሉቃ 22:47-53፤ ዮሀ 18:3-12)
\p
\v 43 የሱሲ ሄሳ ቡሮ ኦድሽን፥ ታማነ ናምኡ እያ ታማረታፐ እሶይ፥ ይሁድ፥ ኤለስድ ጋክ ዎስ። ቃስ ካህነ ሀላቃት፥ ህገ አስታማረትነ ጭማት ኪትን፥ ማሻነ ፃምአ ኦይክዳ ዳሮ አሳይ እያራ እስፈ ይዶሶና። 
\v 44 የሱሳ አድ እማናይስ ሄ ዳሮ አሳስ፥ “ታኒ ዬርያ ኡራይ እያ፤ እያ ኦይክድ፥ ሎይ ናግድ ኤፍተ” ያግድ ማላ ኦድ ዎስ።
\p
\v 45 ይሁድ ጋክ ዎዳ መላ የሱሳኮ ሺቅድ፥ “አስታማርያዉ” ያግድ የሱሳ ዬር ኤክስ። 
\v 46 ሄ ዳሮ አሳይ የሱሳ ኦይክዶሶና። 
\v 47 ሽን ማታን ኤቅዳይሳታፐ እሶይ ባ ማሻ ሾድድ ካህነ ሀላቃ አይልያ ሾጭድ፥ እያ ሀይ ቃንፅድ ሆልስ።
\p
\v 48 የሱሲ ዛሪድ፥ ሄ ሺቅዳ ዳሮ አሳኮ፥ “ታና ፓንጋ ከስድ፥ ፓንጋ ኦይከይሳዳ ኦይካናዉ ማሸነ ፃምአ ኦይክድ ይደቲ? 
\v 49 ታኒ ፆሳ ኬን ታማርሳሸ፥ ጋላስ ጋላስ ህንተራ ደእያ ዎደ ታና ኦይክቤከታ፥ ሽን ጌሻ ማፃፋይ ግዳይስ ፖለታናዉ በሴስ” ያግስ።\x - \xo 14:49 \xo*\xt ሉቃ 19:47፤ 21:37.\xt*\x*
\p
\v 50 እያ ታማረት ኡባይ እያ የግ አግድ ባቃትዶሶና።
\p
\v 51 ላፃና ፃላላ ማእዳ እስ ናአተ ኡራይ የሱሳ ካለይሳ አሳይ ኦይክስ። 
\v 52 ሽን ሄ ኡራይ ላፃና የግ አግድ፥ ፅረ ካሎ ባቃትስ።
\s1 የሱሲ ፕርዳ ሻንጎ ስንን
\r (ማቶ 26:57-68፤ ሉቃ 22:54-55፥ 63-71፤ ዮሀ 18:13-14፥ 19-24)
\p
\v 53 አሳይ የሱሳ ካህነ ሀላቃ ሶ ኤፍዶሶና። ያን ካህነ ሀላቃት፥ ጭማትነ ህገ አስታማረት ሺቅድ ደኦሶና። 
\v 54 ጰፅሮስ ካህነ ሀላቃ ዛባ ጋካናዉ ሃሆን እያ ካል ብድ ያን ናገይሳታራ ኡትድ ታማ ካዬስ።
\p
\v 55 ካህነ ሀላቃትነ ሺቅዳ አሳ ኡባይ የሱሳ ዎናዉ እያ ቦላ ማርካ ኮይዶሶና፥ ሽን አይኮካ ደምቦኮና። 
\v 56 ዳሮ አሳት እያ ቦላ ዎርዶ ማርካትዶሶና፥ ሽን ኤንታ ማርካተይ እስኖ ግድቤና።
\p
\v 57-58 እስ እስ አሳት ደንድ ኤቅድ የሱሳ ቦላ፥ “እ፥ ‘ታኒ አስ ኬፅዳ ሀ ፆሳ ኬ ላላዳ፥ አሳ ኩሸን ኬፀትቦና ሀራ ፆሳ ኬ ሄ ጋላሳ ግዶን ኬፃና’ ግሽን ኑኒ ስእዳ” ያግድ ዎርዶ ማርካትዶሶና።\x - \xo 14:57-58 \xo*\xt ዮሀ 2:19.\xt*\x* 
\v 59 ግዶሽን፥ ኤንታ ማርካተይ ሄሳንካ እስኖ ግድቤና።
\p
\v 60 ካህነ ሀላቃይ አሳ ኡባ ስንን ደንድ ኤቅድ፥ “ሀይሳቲ ነና ሞትያ ሞቱዋስ ነ ዛርያባይ ባዌ?” ያግድ የሱሳ ኦይችስ። 
\v 61 ሽን የሱሲ ስእ ግስ፤ አይኮካ ዛርቤና። ካህነ ሀላቃይ፥ “አንጀትዳ ፆሳ ናአይ፥ ክርስቶስ ነነዬ?” ያግድ ዛር ኦይችስ።
\p
\v 62 የሱሲ ዛሪድ፥ “ኤ ታና፥ ህንተ አሳ ናአይ፥ ዎልቃማ ፆሳፈ ኡሻቻ ባጋራ ኡትዳሽን ቃስ ሳሉዋ ሻራራ ይሽን በአና” ያግስ።\x - \xo 14:62 \xo*\xt ዳነ 7:13.\xt*\x*
\p
\v 63 ካህነ ሀላቃይ ባ ማኡዋ ፔድ፥ “ኑና ሀራ ማርካ አይ ኮሺ? 
\v 64 ህንተ እያ ጫሻ ስእደታ፤ ህንተ ቆፋይ አይቤ?” ያግስ። ኤንቲ ኡባይ፥ “እ ሀይቃናዉ በሴስ” ያግድ እያ ቦላ ፕርድዶሶና።\x - \xo 14:64 \xo*\xt ሌወ 24:15.\xt*\x*
\p
\v 65 ኤንታፈ እሶት እሶት እያ ቦላ ጩተ ኦይክዶሶና። እያ አይፍያ ጎዝድ ባቅሸ፥ “ነና ደችዳይ ኦኔ? አነ ኑስ ኦዳ!” ያግዶሶና። ናገይሳት እያ ኤክ ኤፍድ ጋራፍዶሶና።
\s1 ጰፅሮስ የሱሳ ካድስ
\r (ማቶ 26:69-75፤ ሉቃ 22:56-62፤ ዮሀ 18:15-18፥ 25-27)
\p
\v 66 ጰፅሮስ ካህነ ሀላቃ ዛባን ጋርሳ ባጋራ ደእሽን፥ ካህነ ሀላቃ ጋንዶታፐ እስንያ ያ ያሱ። 
\v 67 ጰፅሮስ ታማ ካየይሳ ደማዳ፥ ትሽ ኦ ፄላዳ፥ “ነካ ናዝረተ የሱሳራ ደኣሳ” ያጋሱ።
\p
\v 68 ሽን ጰፅሮስ፥ “ነ ገይስ አይበኮ ታ ኤርከ፥ ታዉ አኬከተና” ያግድ ካድስ። ያግ ስሚድ፥ ዛጎ ከይያ ዎደ ኢራካ ኩቶይ ዋስስ።
\p
\v 69 ሄ ጋንድያ ጰፅሮሳ በአዳ፥ እያ ማታን ኤቅዳ አሳታኮ፥ “ሀ ኡራይካ ኤንታራ ደኤስ” ጋዳ ዛራ ኦዳሱ። 
\v 70 ሽን ጰፅሮስ ቃስካ ካድስ።
\p ጉ ጋምእሽን፥ ማታን ኤቅዳ አሳት ናምአን ጰፅሮሳኮ፥ “ኔኒ ጋልላ ቢታ አስ ግድያ ግሾ ቱማ ኤንታራ ደኣሳ” ያግዶሶና።
\p
\v 71 ሽን ጰፅሮስ፥ “ታኒ ህንተ ግያ ኡራ ኤርከ!” ያግድ ባና ባደነ ጫቆ ኦይክስ።
\p
\v 72 ኤለስድ ኩቶይ ናምአን ዋስ አግስ። ጰፅሮስ፥ የሱሲ እያኮ፥ “ኔኒ ኩቶይ ናምኡ ቶሆ ዋሳናፐ ስን ሄ ቶሆ ታና ካዳና” ግዳይሳ አኬክድ ዳሮ ዬክስ።
\c 15
\s1 የሱሲ ጵላፆሳ ስንን
\r (ማቶ 27:1-2፥ 11-14፤ ሉቃ 23:1-5፤ ዮሀ 18:28-38)
\p
\v 1 ዎንታ ጉራ ኤለስድ ካህነ ሀላቃት፥ ጭማት፥ ህገ አስታማረትነ አይሁደ ሻንጎት ኡባይ ሺቅድ ማቀትዶሶና። ኤንቲ የሱሳ ቃች ኤፍድ ጵላፆሳስ አድ እምዶሶና።
\p
\v 2 ጵላፆስ እያኮ፥ “ኔኒ አይሁደ ካዎ?” ያግድ ኦይችስ።
\p የሱሲ ዛሪድ፥ “ነ ጋዳሳ” ያግስ።
\p
\v 3 ካህነ ሀላቃት የሱሳ ዳሮባን ሞትዶሶና። 
\v 4 ሽን ጵላፆስ ዛሪድ የሱሳኮ፥ “ነዉ ዛርያባይ ባዌ? ኤንቲ ነ ቦላ አይ መላ ሞቱዋ ኤህያኮ በእኪ?” ያግስ።
\p
\v 5 ሽን የሱሲ ሀራባ ዛሮና እፅን፥ ጵላፆስ ማላለትስ።
\s1 የሱሲ ሀይቆ ፕርደትስ
\r (ማቶ 27:15-26፤ ሉቃ 23:13-25፤ ዮሀ 18:39-40፤ 19:1-16)
\p
\v 6 ጵላፆሳስ ፓስካ ባኣለ ቦንችያ ጋላሳን አሳይ ኮያ እስ አስ ቃሾፐ ብልያ ሜዘይ ደኤስ። 
\v 7 ሄ ዎደ እስ ባርባና ጌተትያ ኡራይ ኦሹ ከስድ ሸምፖ ዎዳ አሳራ እስፈ ቃሾ ኬን ደኤስ። 
\v 8 ሺቅዳ ዳሮ አሳይ ጵላፆስ ካሰይሳዳ ኦና መላ እያ ኦይችዶሶና። 
\v 9 ጵላፆስ አሳ ዛሪድ፥ “ታኒ ህንተዉ አይሁደታ ካዋ ብላናይሳ ኮዬቲ?” ያግድ ኦይችስ። 
\v 10 ሄሳ እ ግዳይ፥ ካህነ ሀላቃት የሱሳ ቃናትድ አድ እምዳይሳ ኤርያ ግሾሳ።
\p
\v 11 ሽን ካህነ ሀላቃት የሱሳ ግሾ ባርባና ብላናዳ፥ ሄ ሺቅዳ አሳይ ጵላፆሳ ዎሳና መላ አሳ ማቅዶሶና። 
\v 12 ጵላፆስ ዛሪድ፥ “ያትን፥ ሀ ህንተ አይሁደ ካዎ ገይሳ ዋቶ?” ያግስ።
\p
\v 13 አሳይ ጵላፆሳ ቦላ ዋስድ፥ “ማስቃለ ቦላ እያ ካቃ” ያግዶሶና።
\p
\v 14 ጵላፆስ፥ “አይስ? እ አይ ኢታባ ኦዴ?” ያግስ።
\p ሽን አሳይ ካሰይሳፈ ጉጅ ዋስድ፥ “ማስቃለ ቦላ እያ ካቃ” ያግዶሶና።
\p
\v 15 ጵላፆስ አሳ ኡፋይሳናዉ ኮይድ፥ ባርባና አሳስ ብልስ፤ ያትድ ልሶን የሱሳ ጋራፍድ፥ ማስቃልያ ቦላ ካቃና መላ ኤንታዉ አድ እሚስ።
\s1 የሱሲ ቶሸትስ
\r (ማቶ 27:27-31፤ ዮሀ 19:2-3)
\p
\v 16 ሄሳፈ ጉየ፥ ዎታዳረት የሱሳ ደርያ ሃረይሳ ኦሶ ኬ ኤፍድ፥ ሀራ ዎታዳረታ ኡባ እስፈ ፄግዶሶና። 
\v 17 ቃስ ዞኦ አፍላ እያ ማይዝዶሶና፤ አጉን ካላቻ ጊግስድ፥ እያ ሁጰን ዎዶሶና። 
\v 18 ሄሳፈ ጉየ፥ እያኮ፥ “አይሁደታ ካዋዉ መርናዉ ካዎታ” ያግድ፥ እያዉ ዝግዶሶና። 
\v 19 እያ ሁጵያ ፃምአን ሾጭዶሶና፤ ቃስ እያ ቦላ ጩትዶሶና፤ ጉልባትድ እያዉ ጎይንዶሶና። 
\v 20 እያ ቶችዳፐ ጉየ ዞኦ አፍላ እያፐ ቃር ኤክድ፥ እያ አፍላ እያ ማይዝድ ማስቃለ ቦላ እያ ካቃናዉ ኤፍዶሶና።
\s1 የሱሲ ካቀትስ
\r (ማቶ 27:32-44፤ ሉቃ 23:26-43፤ ዮሀ 19:17-27)
\p
\v 21 ኤንቲ ብሸ፥ እስክንድረነ ሩፎሳ አዋ፥ ስሞና ጌተትያ ቀሬና ቢታ አስ፥ ጋፃረፐ ካታማ የይሳራ ጋሄትድ፥ የሱሳ ማስቃልያ ዎልቃን ቶስዶሶና።\x - \xo 15:21 \xo*\xt ሮመ 16:13.\xt*\x* 
\v 22 ያትድ ጎልጎታ ጌተትያ በሳ የሱሳ ኤፍዶሶና። “ጎልጎታ” ጉሳይ “ሁጰ ጉገ” ጉሱ። 
\v 23 ሳኮይ ስኤቶና መላ ካርበራ ዋላከትዳ ዎይነ ኡዮ ግድ እያዉ እምዶሶና፤ ሽን እ ኡዮና እፅስ። 
\v 24 ኤንቲ ማስቃለ ቦላ እያ ካቅዶሶና። ኦና አይብ ጋካኔኮ ግድ እያ አፍላ ሻክድ ሳማ የግዶሶና።
\p
\v 25 ኤንቲ ማስቃለ ቦላ እያ ካቅያ ዎደ ዎንታፈ ሄ ሳተ። 
\v 26 ኤንቲ፥ “አይሁደ ካዋ” ያግድ እያ ሞትያ ፁፈ ፃፍድ ዎዶሶና። 
\v 27 የሱሳራ ናምኡ ፓንጋታ እሱዋ እያፐ ኡሻቻ ባጋራ ሀንኩዋ እያፐ ሀድርሳ ባጋራ ማስቃለ ቦላ ካቅዶሶና። 
\v 28 ጌሻ ማፃፋይ፥ “ኢታባ ኦዳ አሳታራ እ ፓይደትስ” ጌተትዳይስ ፖለትስ።\x - \xo 15:28 \xo*\xt እሳ 53:12.\xt*\x*
\p
\v 29 ኦገራ አያ አሳይ የሱሳ ካድ፥ ባንታ ሁጵያ ቃድ ጫይዶሶና፤ “ሄኮ! ፆሳ ኬ ላላዳ ሄ ጋላሳ ግዶን ኬፀይሶ፥ ነ ሁጵያ አሻ፤\x - \xo 15:29 \xo*\xt ማዝ 22:7፤ 109:25፤ ማር 14:58፤ ዮሀ 2:19.\xt*\x* 
\v 30 አነ ማስቃልያ ቦላፈ ዎ” ያግዶሶና።
\p
\v 31 ሄሳዳካ፥ ካህነ ሀላቃት ህግያ ታማርሰይሳታራ እስፈ የሱሳ ቶችድ፥ “ሀራታ አሽስ፥ ሽን ባና አሻናዉ ዳንዳኤና፤ 
\v 32 ኑኒ በእድ አማናና መላ ክርስቶስ፥ እስራኤለ ካዎይ፥ አነ ማስቃለ ቦላፈ ሀእ ዎ” ያግዶሶና። ቃስ ሀር አቶሽን፥ እያራ ማስቃለ ቦላ ካቀትዳይሳትካ እያ ቶችዶሶና።
\s1 የሱሳ ሀይቁዋ
\r (ማቶ 27:45-56፤ ሉቃ 23:44-49፤ ዮሀ 19:28-30)
\p
\v 33 ኡሱፑን ሳተፐ ዶምድ፥ ኡዱፉን ሳተ ጋካናዉ ቢታ ኡባይ ምስ። 
\v 34 ኡዱፉን ሳተን የሱሲ፥ “ኤሎሄ፥ ኤሎሄ፥ ላማ ሳባቅታኒ?” ያግድ ዋስስ። ሄሳ ጉሳይ፥ “ታ ፆሳዉ፥ ታ ፆሳዉ፥ ታና አይስ አጋዲ?” ጉሱ።\x - \xo 15:34 \xo*\xt ማዝ 22:1.\xt*\x*
\p
\v 35 ሄሳን ኤቅዳ አሳፐ እሶይ እሶይ ሄሳ ስእድ፥ “ሄኮ፥ ኤልያሳ ፄጌስ” ያግስ። 
\v 36 ሄ አሳፐ እሶይ ዎፅድ፥ እስፖንጀን ጫላ ዎይነ ኩንስ፤ ሄሳ ፃምአ ፄራን ዎድ፥ “ናግተ፤ ኤልያስ ማስቃለ ቦላፈ እያ ዎሳናዉ ያነኮ አነ በኦስ” ያግድ የሱሳ ዶናኮ ኡሻናዉ ሺሽስ።\x - \xo 15:36 \xo*\xt ማዝ 69:21.\xt*\x*
\p
\v 37 የሱሲ ባ ቃላ ቁ ኦ ዋስድ፥ ሀይቅስ።
\p
\v 38 ፆሳ ኬን ካቀትዳ ማጋራጆይ ቆሞፈ ዱገ ጋካናዉ፥ ናምኡ ከይድ ዳከት ዎስ።\x - \xo 15:38 \xo*\xt ከሳ 26:31.\xt*\x* 
\v 39 ማስቃልያፐ ስን ባጋራ ያን ኤቅዳ እስ ማቶ ሀላቃይ፥ የሱሲ ዋንድ ሀይቅዳኮ በእዳ ዎደ፥ “ሀ ኡራይ ቱማ ፆሳ ናአ” ያግስ።
\p
\v 40 ሄሳ ሃሆን ኤቅድ በእያ ጉ ማጫሳት ደኦሶና። ኤንታ ግዶን ማግደላ ማይራማ፥ ካሉዋ ያይቆባነ ዮሳ አይያ ማይራማነ ሳሎማ ደኦሶና። 
\v 41 ሄ ማጫሳት የሱሲ ጋልላን ደእያ ዎደ እያ ካልዳይሳታነ እያ ሞክዳይሳታ ቃስ የሱሳራ እስፈ የሩሳላመ ብዳ ሀራ ዳሮ ማጫሳት ያን ደኦሶና።\x - \xo 15:41 \xo*\xt ሉቃ 8:2-3.\xt*\x*
\s1 የሱሲ ሞገትስ
\r (ማቶ 27:57-61፤ ሉቃ 23:50-56፤ ዮሀ 19:38-42)
\p
\v 42-43 ሳእ ኦማርስዳ ዎደ፥ ሺቅዳ አሳን ቦንቸትዳ አይሁደ ሻንጎታፐ እሶይ፥ ዮሰፋ ጌተትያ ኡራይ፥ ፆሳ ካዎተይ ያናይሳ ናግሸ ደኤይስ፥ አርማተ ካታማ አስ ደኤይስ ይስ። ዎንተ ሳምባታስ ጊገትያ ጋላስ ግድዳ ግሾ፥ ዮሰፍ ምንድ ጵላፆሳኮ ብድ፥ የሱሳ አሀ ኤካናዉ ዎስስ። 
\v 44 ጵላፆስ፥ የሱሲ ሀይቅዳይሳ ስእዳ ዎደ ማላለትስ፤ ማቶ ሀላቃ ፄግድ፥ “እ ሀይቅድ ጋምእዴ?” ያግድ ኦይችስ። 
\v 45 ጵላፆስ፥ የሱሲ ሀይቅዳይሳ ማቶ ሀላቃፐ ስእድ እያ አሀ ዮሰፋስ እሚስ። 
\v 46 ዮሰፍ ሞጎ አፍላ ሻምስ፤ የሱሳ አሀ ማስቃልያፐ ዎድ፥ አፍላን ፃፅድ፥ ሹቻፈ ዎጨትዳ ዱፎን እያ አሀ ሞግስ። ቃስ ሄ ዱፉዋ ዶናን ግታ ሹቹ ጎንዶርስድ ዎስ። 
\v 47 ማግደላ ማይራማነ ዮሳ አይያ ማይራማ የሱሳ አሀ ኤንቲ አዉን ዎያኮ በኦሶና።
\c 16
\s1 የሱሳ ሀይቆፐ ደንዱዋ
\r (ማቶ 28:1-8፤ ሉቃ 24:1-12፤ ዮሀ 20:1-10)
\p
\v 1 ሳምባት አዳፐ ጉየ፥ ማግደላ ማይራማ፥ ያይቆባ አይያ ማይራማነ ሳሎማ ብድ፥ የሱሳ አሀ ትያናዉ ሽቶ ሻምዶሶና። 
\v 2 ዎጋ ዎደ ዎንታ ዳሮ ጉራ ፃልቀይ ጫርሽን፥ ዱፎ ብዶሶና። 
\v 3 ኤንቲ ባንታ ግዶን እሶይ እሱዋራ፥ “ዱፉዋ ዶናፐ ኑስ ሹቻ ኦኔ ጎንዶርስድ ድጋናይ?” ያግድ ኦደትዶሶና።
\p
\v 4 ኤንቲ ፄልያ ዎደ ሄ ዳሮ ግታ ሹቻይ ጎንዶረትድ ክችዳይሳ በእዶሶና። 
\v 5 የሱሲ ሞገትዳ ዱፉዋ ግዶ ገልያ ዎደ እስ ፓን አደይ ቦ ማኦ ማእድ፥ ኡሻቻ ባጋራ ኡትዳይሳ በእድ ዳጋምዶሶና።
\p
\v 6 ሽን እ ኤንታኮ፥ “ዳጋሞፍተ፤ ማስቃልያ ቦላ ካቀትዳ፥ ናዝረተ የሱሳ ህንተ ኮየይሳ ታኒ ኤራይስ። እ ሀይሳን ዴና፥ ሀይቆፐ ደንድስ። ኤንቲ እያ ሞግዳ በሳ ሀይሳ በእተ። 
\v 7 ሀእ ብድ የሱሳ ታማረታስነ ጰፅሮሳስ፥ ‘የሱሲ ህንተፈ ስንትድ ጋልላ ቤስ። እ፥ ህንተዉ ኦድዳይሳዳ ህንተ እያ ያን በአና’ ያግድ ኦድተ” ያግስ።\x - \xo 16:7 \xo*\xt ማቶ 26:32፤ ማር 14:28.\xt*\x*
\p
\v 8 ማጫሳት ያሻን ኮኮርሸ ዱፎፐ ከይድ ባቃትዶሶና። ቃስ ኤንቲ ያይዳ ግሾ፥ ሄሳ ኦደስካ አይኮካ ኦድቦኮና።\f + \fr 16:8 \fr*\ft እስ እስ በን ማፃፋት ማርቆሳ ዎንገላ ፓይዶ 8 ቦላ ኤሶሶና። ቃስ እስ እስ ማፃፋት ፓይዶ 9-20 ጋካናዉ ደእያ ቆፋ ጉጆኮና። ግዶሽን፥ ፓይዶ 8 ካልድ ደእያ ጉጆሶና። ሄስካ [ማጫሳት ብድ፥ ኪታንቾይ ኦድዳባ ኡባ ጰፅሮሳስነ እያራ ደኤይሳታስ ቃንን ኦድዶሶና። ሄሳፈ ጉየ፥ የሱሲ ባ ታማረታ ጌሽነ መርና አቶተ ዎንገላ ኪታ ዶሎሀፐ ዉሎሀ ጋካናዉ ኪትስ።]\ft*\f*
\s1 የሱሲ ማግደላ ማይራምስ ቆንጭስ
\r (ማቶ 28:9-10፤ ዮሀ 20:11-18)
\p
\v 9 የሱሲ ሀይቆፐ ደንድዳፐ ጉየ፥ ዎጋ ጋላስ ዎንታ፥ ላፑን ቱና አያናታ ከስዳ ማግደላ ማይራምስ ኮይሮትድ በንትስ። 
\v 10 እያ ባዳ ካሰ እያራ ደኤይሳታስ፥ ኤንቲ አዛንሸነ ዬክሸ ደእሽን ኦዳሱ። 
\v 11 ሽን የሱሲ ፓፃ ደኤይሳነ እዉ በንትዳይሳ ኤንቲ ስእዳ ዎደ እያ ገይሳ አማንቦኮና።
\s1 የሱሲ ናምኡ ታማረታስ ቆንጭስ
\r (ሉቃ 24:13-35)
\p
\v 12 ሄሳፈ ጉየ፥ ኤንታፈ ናምአት ካታማፐ ከይድ ብሽን፥ ኦገ ቦላ የሱሲ ካሰፐ ዱማትድ ኤንታዉ በንትስ። 
\v 13 ኤንቲ ጉየ ስሚድ፥ ሀራታስ ኦድዶሶና፥ ሽን ሀራትካ ኤንታ ኦዳ ቱማ ግቦኮና።
\s1 የሱሲ ታማነ እስ ታማረታስ ቆንጭስ
\r (ማቶ 28:16-20፤ ሉቃ 24:36-49፤ ዮሀ 20:19-23፤ ሀዋ 1:6-8)
\p
\v 14 ጉየፐ ታማነ እስ እያ ታማረት ካ ምሽን፥ የሱሲ ኤንታዉ በንትስ። ኤንታዉ አማኖይ ባይና ግሾነ ሀይቆፐ እ ደንድዳይሳ በእዳ አሳይ ኦድን፥ ኤንቲ አማኖና እፅዳ ግሾ እ ኤንታ ቦርስ።
\p
\v 15 እ ኤንታኮ፥ “ቢታ ኡባ ብድ አሳ ኡባስ ዎንገላ ኦድተ።\x - \xo 16:15 \xo*\xt ሀዋ 1:8.\xt*\x* 
\v 16 አማነይነ ፃማቀተይ አታና፥ ሽን አማኖናይ ፕርደታና። 
\v 17 አማነይሳታስ ሀ ማላታት እመታና። ኤንቲ ታ ሱንን ቱና አያናታ ከሳና፥ ኦራ ዶናን ኦደታና። 
\v 18 ኤንቲ ሾሹ ኦይክኮካ ዎይኮ ዎያባ ኡይኮካ ኤንታ ቆሄና። ቃስ ኤንቲ ባንታ ኩሽያ ሀርጋንቾታ ቦላ ዎድ ኤንታ ፓና” ያግስ።
\s1 የሱሲ ፑደ ሳሎ ብስ
\r (ሉቃ 24:50-53፤ ሀዋ 1:9-11)
\p
\v 19 ጎዳይ የሱሲ ታማረታራ ኦደትዳፐ ጉየ፥ ፑደ ሳሎ ከይስ፤ ፆሳፈ ኡሻቻ ባጋራ ኡትስ።\x - \xo 16:19 \xo*\xt ሀዋ 1:9.\xt*\x* 
\v 20 እያ ታማረት ብዳ በሳ ኡባን ቃላ ኦድዶሶና። ጎዳይካ ኤንታራ እስፈ ኦስ። ኤንቲ ኦድያ ቃላይ ቱማ ግድዳይሳ ፆሳይ ኤንታዉ እምያ ማላታታን ኤርስስ።