\id MIC id MIC - GOOFA FULL BIBLE
\ide UTF-8
\h ምክያሳ ማፃፋ
\toc1 ምክያሳ ማፃፋ
\toc3 ምክ
\toc2 ምክያሳ
\mt ምክያሳ ማፃፋ
\imt ጋ ቆፋ
\ip ናበይ ምክያስ፥ ይሁዳ ቢታን ደእያ ሞረሴት-ጋተ ጌተትያ ጉታ አሰ (\xt 1:1\xt*)። እ እሳያስነ (\xt እሳ 1:1\xt*)፥ ሆሰይ (\xt ሆሰ 1:1\xt*) ደእዳ ዎደን ደእስ። እያ ኪታይ እሳያሳ ሸምፖ 1-39 ጋካናዉ ደእያ ክፍልያራ ቆፋን ማቴስ። እሳያሳዳ፥ ምክያስካ ሌምሶ ኦዳታ ዳሮ ጎኤትስ (\xt 1:1-5፤ 2:4፥ 6፥ 11፤ 3:2-3፤ 4:3-4፥ 12-13\xt*)።
\ip ምክያስ ክ.የ.ስ. 740-710 ላይ ጋካናዉ ደእያ ዎደታን፥ ሄስካ ይሁዳ ካዎታ እዮአታማ፥ አካዛነ ህዝቅያሳ ዎደን ትንብተ ኦድስ (ሸም 1:1)። እ፥ ሳማረይ ኩንዳናፐ ስን እስራኤለስነ ይሁዳስ፥ ናምኣስ ትንብተ ኦድስ (\xt 1:5-7\xt*)። ህዝቅያሳ ካዎተ ዎደ፥ አሶረይ፥ እስራኤለ ይስያ ዎደነ ጎዳይ የሩሳላመ ማላልስያ ኦገን አሽያ ዎደ ምክያስ ደኤስ (\xt 2 ካዎ 15—20፤ እሳ 36—39፤ 2 ታር 27—32\xt*)።
\ip ምክያስ፥ ፆሳ ኪታ አሳስ ኦዴስ (\xt 3:8\xt*)፤ ሳማረነ የሩሳላመ ኤንታ ናጋራ ግሾ ሞቴስ (\xt 1:2-7\xt*)። ሄ ናጋራት፥ ላይማተ (\xt 1:7፤ 5:12-14\xt*)፤ አሳ ቢታ ቦንቀ (\xt 2:2፥ 9\xt*)፤ ቢታ አይሰይሳት፥ ሀይማኖተ ካለይሳት፥ ናበትነ ዛልአንቾት፥ ፅሎተ ይስዶሶና፤ ዎፈ ኤኮሶና፤ አሳ ቆሆሶናነ፤ ዱማ ገነ ኦሶና (\xt 3:1-3፤ 7:3፥ 5-7፥ 11፤ 6:6-7፥ 10-12\xt*)።
\ip ሄሳ ግሾ፥ ፆሲ እስራኤለ አሳ ፕርዳናዉ አሶረነ ባብሎነ (\xt 4:10፤ 5:5-6\xt*) ደንናዉ ደኤይሳ ምክያስ ኦድስ። ዉርሰን ምክያስ ባ ቆፋ ኩይሸ፥ “አሳ ናኦ፥ ጎዳይ ነዉ ሎኦባ ኦድስ። ጎዳይ ኔፐ ኮየይ አይቤ? ኔኒ ሱረ ፕርዳና መላ፥ ማሮታ ዶሳና መላነ ነ ፆሳራ አሽከተን ዳና መላ ግደኔ?” (\xt 6:8\xt*) ያግድ አሳ ፆሳኮ ፄጌስ።
\iot ማፃፋ አይፈ ቆፋታ
\io1 እስራኤለነ ይሁዳ ቦላ ያና ፕርዳ (\ior 1:1—3:12\ior*)
\io1 ኦራ እስራኤለን ኦራ ፆሳ ኬ (\ior 4:1—5:15\ior*)
\io1 ፆሳይ እስራኤለራ ሞተቴስ (\ior 6:1—7:7\ior*)
\io1 ካዎተት ፆሳኮ ስሙዋ (\ior 7:8-20\ior*)
\c 1
\p
\v 1 እዮአታም አካዝነ ህዝቅያስ ካል ካልድ ይሁዳን ካዎትዳ ዎደ ሞረሴታ ካታማ አስ ግድዳ ምክያሳኮ ይዳ ጎዳ ቃላይ ሀይሳ፦ እ ሳማረባነ የሩሳላመባ ቆንጨ በእስ።
\q1
\v 2 ህንተ፥ አሳ ኡባይ ስእተ፤
\q2 ሳእነ እያ ደእያ ኡባይ ሀይሳ ሀይዝድ ስእተ።
\q1 ኡባ ሃርያ ጎዳይ፥
\q2 ባ ጌሻ ኬፈ ህንተ ቦላ ማርካቴስ።
\s1 የሩሳላመነ ሳማረ ዮ
\q1
\v 3 ሄኮ፥ ጎዳይ ባ ደእያ በሳፈ ዬስ፤
\q2 ቢታ ቃ በሳታ ቦላ ሄመቴስ።
\q1
\v 4 ሙቃድ ታማን ትልኤይሳዳ፥
\q2 ሃ ደረፐ ዱገ ጎገይሳዳ፥
\q2 ደረት እያ ቶሁዋፐ ጋርሳን ትልአና፤
\q2 ዛንጋራት ጳልቀታና።
\p
\v 5 ሄስ ኡባይ ሀንዳይ ያይቆባ ቆሁዋ ግሾነ እስራኤለ ናጋራ ግሾሳ። ያይቆብ ባለታና መላ ጋሶ ግድዳይ ኦኔ? ኤንታ ካታማ ሳማረ ግደነዬ? ይሁዳ አሳይ ኤቃ ጎይናና መላ ጋሶ ግድዳይ ኦኔ? የሩሳላመ ግደነዬ? 
\v 6 ሄሳ ግሾ፥ ጎዳይ፥ “ታኒ ሳማረ፥ ደንባን ኬለትዳ ሹችነ ዎይነይ ቶክያ በሳ መላ ኦና። ታኒ እያ ሹቻ ዛንጋራን ሆላና፤ እያ ባሱዋ ካሎያና። 
\v 7 እያ ኤቃ ምስለት ኡባይ ትንቸታና፤ እያ ኤቃ ኬን ኦያ ላይማታስ እመትዳ ጋተይ ኡባይ ፁገታና፤ ታኒ እያ ኤቃታ ኡባ ይሳና። ሄ ጋተ ኡባይ ላይማን ደምዳባ ግድያ ግሾ፥ እካ ስሚድ፥ ሀራ ላይማስ እመታና” ያጌስ።
\s1 ዋሶነ ዬሆ
\p
\v 8 ሄሳ ግሾ፥ ታኒ ዬካናነ ዋሳና፤ ፅረ ካሎነ መላ ቶሆን ሄመታና። ዎርካናዳ ዋሳና፤ ቃስ ያንቾዳ ዪ ጋና። 
\v 9 ሳማረ ማዱንይ ፓፃናዉ ዳንዳኤና። ሄ ዋየይ ይሁዳ ቢታ ጋክስ፤ ታ አሳይ ደእያ የሩሳላመ ካታማ ፐንግያኮ ጋክስ።
\p
\v 10 ጋተ ካታማን ደእያ ኑ ሞርከታስ ሄሳ ኦዶፕተ፤ ኤንታ ስንን ዬኮፍተ። ቤት-ኦፊራ ካታማን ባናን ጎንዶረትድ ዬክተ። 
\v 11 ህንተኖ፥ ሻፍራ ካታማን ደኤይሳቶ፥ ካሎ ዬላትሸ፥ ድኤትድ ቢተ። ፃናና ካታማን ደኤይሳት ያፐ ከያናዉ ፃሎኮና። ቤት-ኤፀላ ካታማይ ዬሆይ ደእያ በሲ ግድያ ግሾ፥ እ ህንተዉ አትያ በሲ ግዳናዉ ዳንዳኤና። 
\v 12 መቶይ ጎዳፐ የሩሳላመ ፐንገ ጋካናዉ ይዳ ግሾ፥ ማሮታን ደእያ አሳይ፥ “ሎኦባይ ያንዴሻ!” ግድ ናግሸ ዳቡርስ።
\p
\v 13 ፅዮነ አሳ ናጋራይ ኮይሮ ህንተ ቦላ በንትዳ ግሾነ የሩሳላመ አሳ ናጋራይ ህንተናን በንትዳ ግሾ፥ ህንተኖ፥ ላክሶ ካታማን ደኤይሳቶ፥ ጋረ ፓራታ ኮርተ። 
\v 14 ሄሳ ግሾ፥ ህንተኖ ይሁዳ አሳቶ፥ ህንተ ብድ፥ ሞረሴት-ጋተ ካታማ አሳስ እሞታ እማና። አክዚባ ካታማ አሳይ እስራኤለ ካዎታ ጭማና።
\p
\v 15 ህንተኖ፥ ማረሻ ካታማን ደኤይሳቶ፥ ጎዳይ ህንተና ኦልድ ኦይክያ ኦላንቾታ ህንተ ቦላ ኤሀና፤ ቦንቸትዳ እስራኤለ ሀላቃት አዱላማ ጎንጎሉዋን ቆሰታና። 
\v 16 ህንተኖ፥ ይሁዳ አሳቶ፥ ህንተ ዶስያ ናይት ህንተፈ ድኤትድ ባናዉ ደእያ ግሾ፥ ህንተ ሁጵያ ሜደትተ፤ ህንተ ሁጵያ ቆራሰ ሁጰዳ ቦሮቆ ኦተ።
\c 2
\s1 አሳ ቆፋነ ፆሳ ሀልቹዋ
\p
\v 1 ኢታባ ሀልቸይሳታ፥ ቃስ ባንታ ሂፃን ደእሸ፥ ገነ ዋት ኦነኮ ቆፐይሳታ አየ! ዎልቃይ ኤንታ ኩሸን ደእያ ግሾ፥ ሳእ ዎንትያ ዎደ ባንታ ቆፋ ፖሎሶና። 
\v 2 ኤንቲ ጎሻ ጋደ ኮይኮ፥ ዎልቃን ኤኮሶና፤ ኬ ኮይኮ ዎልቃን ኦይኮሶና። አሳ ማታ የድ፥ እያ ላታ ጮ ቦንቆሶና።
\p
\v 3 ሄሳ ግሾ፥ “ሄኮ፥ ታኒ ህንተ ቦላ ኢታባ ኤሀናዉ ቆፓስ፤ ህንተ ከስ ኤካናዉ ዳንዳኤከታ። እ ኢታ ዎደ ግድያ ግሾ፥ ህንተ ኦቶሮን ስመረታናዉ ዳንዳኤከታ።
\q1
\v 4 “ሄ ዎደ ኤንቲ ህንተ ቦላ ሌምሶን ቀልቅሳና፤
\q2 ቃስ ሀይሳዳ ያግድ ዘሌልሸ ህንተና ኦዳ ጫዳና።
\q1 ‘ኑኒ ኡባይ ቱማ ይዳ፤
\q2 ጎዳይ ኑ ቢታ ኤክድ፥
\q2 ኑና ድእዳይሳታስ ሻክድ እሚስ’ ” ያጌስ ጎዳይ።
\p
\v 5 ሄሳ ግሾ፥ ጋደይ ሳማን ሻከትያ ዎደ ጎዳ አሳ ግዶን ነ ሳማ ከስያ አስ ያና።
\s1 ዎርዶ ናበታ
\p
\v 6 አሳይ ታኮ፥ “ኑ ቦላ ትንብተ ኦዶፓ፤ ህንተ ቦላ ሀይሳ መላባይ ጋካና ጋዳ ኑ ቦላ ትንብተ ኦዶፓ። ሄሳ መላ ካዉሻባይ ኑና ጋከና” ያጎሶና።
\p
\v 7 ታኒ ኤንታኮ፥ “ያይቆባ ኮቻቶ፥ ጎዳ ዳንዳአይ ዉርደዬ? እ ሄሳ ማላባ ኦዬ? ሱረ ኦገን በይሳታስ ታ ቃላይ ሎኦባ ኦኔ? ያግድ ህንተ ኦይቻናዉ በሲ? ያጋስ። 
\v 8 ሽን ማታ ዎደፐ ዶምድ፥ ታ አሳይ ታ ቦላ ሞርከዳ ደንድስ። ህርግ ባይና ህንተ ግዶራ አያ ሳሮ አሳ ኦላፐ ቃረትድ ስምያ አሳዳ ኦደታ። 
\v 9 ታ አሳ ግዶን ደእያ ማጫሳታ ኤንታ ሎኦ ኬፈ ላግድ ከሴታ፤ ታ አንጁዋ ኤንታ ናይታፐ መርናዉ ኤክደታ። 
\v 10 ሀ በሳይ ቱናተ ጋሶን ኢትዳ ግሾ፥ ደንድድ ቢተ። ሀይስ ህንተዉ ሸምፖ በሲ ግደና። 
\v 11 እስ ጭምያ ዎርዳንቾይ ይድ፥ ‘ህንተ ስንፈ ዎይነ ኡሻንነ ማይያ ኡሻን ኡፋይታና’ ያግድ ዎርዶ ትንብተ ኦድኮ፥ እ ህንተዉ ናበ ግዳና።
\p
\v 12 “ያይቆባ ኮቻቶ፥ ታኒ ህንተና ኡባ ሺሻና፤ ታኒ እስራኤለ አሳፐ አትዳይሳታ ቱማ እስፈ ሺሻና። ዶርስ ግርበን ሺቀይሳዳነ ዉደይ ሄን በሳን ሺቀይሳዳ፥ ታኒ ኤንታ እስፈ ሺሻና። ሄ በሳይ ዳሮ አሳን ኩማና። 
\v 13 ኤንታዉ ኦገ ዶይድ ካለይስ ኤንታፈ ስንትድ ከያና፤ ኤንትካ ፐንግያ መንድ፥ ከያና። ጎዳይ፥ ኤንታ ካዎይ ባ ሁጰን ኤንታዉ ኤንታ ስን አድ ኤንታ ካለና” ያጌስ።
\c 3
\s1 ካለይሳትነ ናበት ቦረትዶሶና
\p
\v 1 ታኒ፥ “ያይቆባ ኮቻታ ሀላቃቶነ እስራኤለ አሳ ካለይሳቶ፥ ስእተ! ህንተ ሱረ ፕርዳ ኤራናዉ በሰነዬ? 
\v 2 ህንተ ሎኦ እፅድ፥ ኢታ ዶሴታ። ታ አሳ ጋልባ ቃረታ፤ ኤንታ አሹዋ ኤንታ መቀፈ ሻከታ። 
\v 3 ህንተ ታ አሳ አሹዋ ሜታ፤ ኤንታ ጋልባ ቃርድ፤ ኤንታ መቀ ቃንፀረታ፤ አሾ ድስተን የጋናዉ ሙፀይሳዳ ኤንታ አሹዋ ሙፀረታ። 
\v 4 ኤንቲ ኢታ ኦሶ ኦዳ ግሾ፥ ሄ ዎደ ኤንቲ ጎዳኮ ዋሳና፥ ሽን እ ኤንታዉ ዛረና፤ እ ባ ሶምኡዋ ሄ ዎደ ኤንታፈ ቆታና” ያጋስ።
\p
\v 5 ጎዳይ ዎርዶ ናበታኮ፥ “ህንተ ምያባ እምያ ዎደ፥ ‘ነዉ ሳእ ሳሮ’ ያጌታ፤ ሽን ህንተና ሙዞና እፅኮ እያ ቦላ ኦላ አዋጀታ። 
\v 6 ሄሳ ግሾ፥ ህንተዉ ጋላስ ቃማ ግዳና፤ ቆንጨ በኤከታ። ሳእ ህንተዉ ማና፤ ዛሪድ ሙሩነከታ፤ ናበታስ አዊ ዉላና፤ ጋላስ ማና። 
\v 7 ቆንጨ በኤይሳት ዬላታና፤ ሙሩነይሳት ካዉያና። ጎዳ ማታፐ ኤንታዉ ዛሮይ ባይና ግሾ፥ ኤንቲ ዬላትድ፥ ኡባይ ባንታ ዶና ኦይካና” ያጌስ።
\p
\v 8 ሽን ታኒ ያይቆባ ዘረስ ኤንታ ናጋራ፥ እስራኤለ አሳስ ኤንታ ናጋራ ኦዳና መላ ዎልቃን፥ ጎዳ አያናን፥ ሱረ ፕርዳንነ ምኖተን ኩማስ። 
\v 9 ህንተ ሱረ ፕርዳ እፀይሳትነ ሎኦባ ጌላይያ ያይቆባ ኮቻታ ሀላቃትነ እስራኤለ አሳ ካለይሳት ሀይሳ ስእተ። 
\v 10 ህንተ ፅዮነ ካታማ ሱ ጉስድ ኬፀታ፤ የሩሳላመ ካታማ ጌላተን ግምበታ። 
\v 11 እያ ሀላቃት ዎፈን ፕርዶሶና፤ ካህነት ሚሸን ታማርሶሶና፤ ናበት ሚሸይ ባይና ሙሩኖኮና። ሽን ሄ ኡባ ኦድ፥ “ጎዳይ ኑ ግዶን ደእያ ግሾ፥ ኑ ቦላ ኢታባይ ዬና” ያግድ እያ አማነቶሶና። 
\v 12 ሄሳ ግሾ፥ ህንተ ጋሶን ፅዮነ ካታማይ ጋደዳ ጎየታና፤ የሩሳላመ ካታማይ ላለ ዶረ ግዳና። ፆሳ ኬይ ኬፀትዳ ደረይ ዎራ ግዳና።
\c 4
\s1 ፆሳ ዙማ
\p
\v 1 ዉርሰ ጋላሳን ጎዳ ፆሳ ኬይ ኬፀትዳ ዙማይ፥ ዙማታ ኡባፈ ቁ ግድ በንታና። ደረ ኡባፈ ቁ ቁ ጋና። ካዎተት ኡባይ እያኮ ዎዳና። 
\v 2 ህገይ ፅዮነፐ፥ ጎዳ ቃላይ የሩሳላመፐ ከይያ ግሾ፥ ዳሮ ካዎተት ይድ፥ “አነ ሃይተ፤ ጎዳ ዙማኮ፥ ያይቆባ ፆሳ ኬኮ ከዮስ። ኑ እያ ሸንያ ኦና መላ እ ኑና ባ ኦግያ ታማርሳና” ያጋና። 
\v 3 እ ዳሮ አሳታ ግዶን ፕርዳና፤ ሃሆን ደእያ ምኖ ካዎተታ ፓላማ ድጋና። ኤንቲ ባንታ ማሻ ማራሻ፥ ባንታ ቶራ ባጫ ከሳናዉ ቆፃና። ካዎተይ ካዎተ ቦላ ኦላ ደንና፤ ህዛፐ ጉየ፥ ኤንቲ ኦላ ትምርተ ታማሮኮና። 
\v 4 ሽን አስ ኡባይ ባ ዎይነ ኩያንነ ባላሰ ኩያ ጋርሳን ዎፑ ግድ ኡታና፤ ህርግስያባይ አይብካ ባዋ። ኡባፈ ዎልቃማ ጎዳይ ሄሳ ኦድስ።
\p
\v 5 አሳ ኡባይ ባ ፆሳ ፆሳ ጎይናና። ሽን ኑኒ ጎዳ፥ ኑ ፆሳ ሱንን መርናዉ ሄመታና።
\s1 ፆሳ ሀልቹዋ
\p
\v 6 ጎዳይ፥ “ሄ ጋላስ ታኒ ዎበታነ ታኒ ዋዬስ አ እምን፥ ድኤትድ ሃሆ በሲ ብዳይሳታ ሺሻና። 
\v 7 ዎበት አትድ ዳና መላ ኦና፤ ድኤትድ ሃሆ በሲ ብዳይሳታ ምኖ ካዎተ ከሳና። ሄ ዎደፐ ዶማዳ መርናዉ ታኒ ጎዳይ፥ ፅዮነ ደርያን ኤንታ ቦላ ካዎታና” ያጌስ።
\p
\v 8 ነኖ፥ ጎዳ አሳ ዎችያ የሩሳላመ ቃ ግምብያዉ፥ ካሰ ነ ሃርያ ማታይነ የሩሳላመ ካዎተ ዛዋይ ኡባይ ነዉ ስማና።
\p
\v 9 ሀእ ኔኒ ነ ቃላ ቁ ኦዳ ዋሰይነ እቀ ኦይክዳ ማጫሳዳ ኡንኤተይ አይብሴ? ነዉ ካዎይ ባይና ግሾዬ? ዎይኮ ነና ዞርያ ይዳ ግሾሴ? 
\v 10 ፅዮነ አሳዉ፥ እቀ ኦይክዳ ማጫሳዳ ኦልሸ ዞከትተ። ህንተ ካታማፐ ከይድ ቃኤን ዳና፤ ያፐ ባብሎነ ባና። ግዶሽን፥ ያን ህንተ አታና፤ ጎዳይ ህንተና ህንተ ሞርከታ ኩሸፐ ዎዛና። 
\v 11 ሽን ሀእ ዳሮ ካዎተት ነ ቦላ ሺቅድ፥ “የሩሳላመይ ቱኖ፤ ኑ አይፈይ ፅዮነ በኦ” ያጎሶና። 
\v 12 ሽን ኤንቲ ጎዳ ቆፋ ኤሮኮና፤ እያ ሀልቹዋ አኬክቦኮና። ካ የታናዉ ዉዱማን ሺቀይሳዳ፥ ጎዳይ ኤንታ ሴራናዉ ሺሽስ።
\p
\v 13 ጎዳይ፥ “የሩሳላመ አሳዉ፥ ደንድድ፥ ህንተ ሞርከታ የተ። ታኒ ህንተዉ ብራታ ካጨ እማና፤ ታኒ ህንተዉ ናሰ ብራታ ቶሆ እማና። ህንተ ዳሮ ካዎተታ ትንቸረና፤ ኤንቲ ገነን ሺሽዳ ኡባ ህንተ ጎዳስ ዱማያና፤ ኤንታ ሻሉዋ ህንተ ሳአ ኡባ ጎዳስ እማና” ያጌስ።
\c 5
\s1 ካለይስ ቤተለመፐ ያና
\p
\v 1 ህንተኖ፥ የሩሳላመ አሳዉ፥ ህንተ ኦላንቾታ ሺሽተ! ኑ ሞርከት ኑና ተቅዶሶና፤ ኤንቲ እስራኤለ ካለይሳ ጋጩዋ ፃምአን ሾጫና ሀኖሶና። 
\v 2 ጎዳይ፥ “ኤፍራታን ደእያ ቤተለመ ካታማዉ፥ ኔኒ ይሁዳ ካታማታ ግዶን ጉ፤ ሽን እያዉ ደንዶይ በንፐ ዶምድ፥ መርናዉ ግድዳይስ፥ እስራኤለ ሃራናይስ ታዉ ኔፐ ከያና” ያጌስ።
\p
\v 3 ሄሳ ግሾ፥ እቀ ኦይክዳ ማጫስያ ናኣ የላና ጋካናዉ፥ ጎዳይ እስራኤለ ሞርከታስ አድ እማና። ሄሳፈ ጉየ፥ ድኤትድ ደእያ እያ እሻት ስሚድ፥ ባንታ አሳራ ዋላከታና። 
\v 4 እ ጎዳ ምኖተን ይድ፥ ጎዳ ባ ፆሳ ሱን ዎልቃን ባ አሳ ሄማና። እ ሳኣ ጋፃ ጋካናዉ ግታ ግድያ ግሾ፥ ኤንቲ ሳሮተን ዳና። 
\v 5 እ ኤንታዉ ሳሮተ ግዳና።
\p አሶረ ቢታ አሳት ኑ ቢታ ኦይክያ ዎደነ ኑ ሚፃታ የድ ገልያ ዎደ ኑኒ ላፑን ናገይሳታነ ሆስፑን ካለይሳታ ኤንታ ቦላ ደንና። 
\v 6 ኤንቲ ናምሩደይ ደእያ አሶረ ቢታ ኦላን ፆንድ ሃራና። አሶረ ቢታ አሳት ኑ ቢታ ኦልድ ኦይክያ ዎደነ ኑ ዛዋ የያ ዎደ እ ኑና ኤንታ ኩሸፐ አሻና። 
\v 7 አትዳ ያይቆባ ዛረት ዳሮ ደርያ ግዶን ጎዳይ ኪትዳ ፃሳ መላነ ማታ ቦላ ዎያ አካ መላ ግዳና። ኤንቲ አማነትድ ናገይ ጎዳፐ አትሽን፥ አሰ ግደና። 
\v 8 አትዳ ያይቆባ ዛረት ካዎተታ ግዶንነ ዳሮ አሳ ግዶን፥ ባዞን ዶአታ ግዶን ጋሞ መላነ ዶርሳ ዉደ ግዶን ጉፕ ዎያ ዎዳላ ጋሞ መላ ግዳና። እ ያራ አያ ዎደ የረስነ መንረስ፤ ኦንካ አሻናዉ ዳንዳኤና። 
\v 9 ህንተ ኩሸይ ህንተራ ኤቀተይሳታ ቦላ ደንዳና፤ ህንተ ሞርከት ኡባይ ያና።
\p
\v 10 ጎዳይ፥ “ሄ ጋላስ ታኒ ህንተ ፓራታ ህንተ ግዶፈ ይሳና፤ ህንተ ፓራ ጋረታ መንረና። 
\v 11 ታኒ ህንተ ቢታን ደእያ ካታማታ ይሳና፤ ህንተ ሚፃ ኡባ ላላና። 
\v 12 ህንተ ማሮታ ታኒ ይሳና፤ ህዛፐ ጉየ ሙሩነይሳት ህንተ ግዶን ዶኮና። 
\v 13 ታኒ ህንተ ኤቃ ምስለታነ ህንተ ጎይናናዉ ኤስዳ ሹቻታ ህንተ ግዶፈ ይሳና፤ ህዛፐ ጉየ ህንተ ህንተ ኩሸን መዳባ ጎይነከታ። 
\v 14 ታኒ አሼራ ኤቃ ፆሳታ ህንተ ግዶፈ ሾዳና፤ ህንተ ካታማታ ይሳና። 
\v 15 ታዉ ኪተትቦና ካዎተታ ቦላ ይሎንነ ሀንቆን ሀሎ ከያና” ያጌስ።
\c 6
\s1 ጎዳይ እስራኤለራ ሞተቴስ
\p
\v 1 ጎዳይ እስራኤለ አሳስ ኦደይሳ ስእተ።
\p አቤት ጎዳዉ፥ ደንዳዳ ቃ ደረታ ስንን ፕርደታ፤ ኔኒ ኦድያባ ዙማት ስኦ። 
\v 2 ህንተ ደረት፥ ህንተ ምኖ ሳኣ ባሶት፥ ጎዳይ ሞትያ ሞቱዋ ስእተ። ጎዳይ ባ አሳራ ሞተቴስ፤ እስራኤለ አሳራ ፓላሜስ።
\p
\v 3 ጎዳይ፥ “ታ አሳዉ፥ ታኒ ህንተና አይ ቆሀድና? ታኒ ህንተዉ ዋናዳ ቶሆ ግዳድና? አነ ታዉ ኦድተ! 
\v 4 ታኒ ህንተና ግብፀ ቢታፈ ከሳስ፤ ታ ህንተና አይለተ ቢታፈ ዎዛስ። ህንተና ካለና መላ ሙሰ፥ አሮናነ ማይራሞ ህንተዉ እማስ። 
\v 5 ታ አሳዉ፥ ሞአበ ካዋ ባላቅ ነዉ ቆፕዳባነ ብኦራ ናአይ ባላም እያዉ ዎይግድ ዛርዳኮ አኬክተ። ኔኒ ሴፅማፐ ጋልጋላ ብያ ዎደ፥ ኦገን ሀንዳባ አነ ቆፕተ። ሄሳ ህንተ ቆፕኮ ታኒ ጎዳይ ህንተና አሻናዉ ኦዳባ ኡባ ህንተ አኬካና” ያጌስ።
\p
\v 6 ጎዳ፥ ቃ በሳን ደእያ ፆሳ ስንን ጎይናናዉ ያሸ ታኒ አይ ኤካዳ ሺቆ? እያዉ ፁሳ ያርሾ ግዳና መላ እስ ላይ ዎፋኖ ኤካዳ ዮ? 
\v 7 ጎዳይ ሙኩሉ ዶርሳ ማራዘታን ዎይኮ ታሙ ሙኩሉ ሻፋን ደእያ ሃ መላ ሻማሆ ዛይተን ኡፋይታንዴ? ታ ናቁዋ ግሾ፥ ታ ባይራ ናኣ፥ ታ ሸምፑዋ ናጋራ ግሾ ታ የሉዋ እሞ?
\p
\v 8 አሳ ናኦ፥ ጎዳይ ነዉ ሎኦባ ኦድ ዎስ። ጎዳይ ኔፐ ኮየይ አይቤ? ኔኒ ሱረ ፕርዳና መላ፥ ማሮታ ዶሳና መላነ አሽከተን ነ ፆሳራ ዳና መላ ግደኔ?
\s1 እስራኤለ ናቆነ ፕርደተ
\p
\v 9 ጎዳይ፥ “የሩሳላመ ካታማ ፄግድ፥ ‘እያ ሱንስ ያሸተ ጭንጫተ’ ሴራ ፃምአነ እያ ጊግስዳይ ኦነኮ አኬክተ። 
\v 10 ናጋራንቾይ ገነን ባ ሶን ሺሽዳ ሻሉዋነ እፀትዳ ዎርዶ ማካ ሚሸታ ታኒ ዶጋነዬ? 
\v 11 ያትን፥ ታኒ ዎርዶ ምዛነን ዎርዶ ማካ ሚሸታ ዋታዳ አቶ ጎ? 
\v 12 ሄ ካታማ ዱረት ጌላተን ኩምዳይሳታ። እያን ደእያ አሳ ኡባይ ዎርዳንቾ፤ ኤንታ እንፃርሳይ ኢታ። 
\v 13 ሄሳ ግሾ፥ ታኒ ህንተ ናጋራ ግሾ ህንተና ይሳናዉ ደንዳስ። 
\v 14 ህንተ ማና፥ ሽን ካለከታ፤ ኮሽ ህንተፈ ዱፀና። ህንተ ቡርድ ሺሻና፥ ሽን ህንተዉ አደና፤ ህንተ ዳጋያባ ታኒ ማሻን ይሳና። 
\v 15 ህንተ ካ ዘራና፥ ሽን ጫከከታ፤ ሻማሆ ቴራ ጉምአና፥ ሽን ጎኤተከታ፤ ዎይነ ቴራ ጉምአና፥ ሽን እያ ኡየከታ። 
\v 16 ህንተ ካዋ ኦምራ ዎጋ፥ እያ ናኣ ካዋ አካባ ሶ ኢታ ኦሱዋነ ኤንታ ዞርያ ካልዳ ግሾ፥ ታኒ ህንተና ይሳና፤ ህንተና አስ ኡባይ ቦራና መላ ኦና። አሳይ ህንተና ጫይያ ጫሻ ህንተ ቶካና” ያጌስ።
\c 7
\s1 እስራኤለ አሳ ዋየ
\p
\v 1 ታና አየ! ታኒ ቴራ አይፈይ ማፀትድ ዉርን፥ ዎይንያፐነ ባላሰ ምፈ ባ አሞትዳይሳ ደማናዉ ዳንዳእቦና ኮሻትዳ ኡራ መላ ግዳስ። 
\v 2 ፆሳ አስ ቢታን ባዋ፤ አሳ ጋርሳን ሱረ አስ ይስ። አስ ኡባይ አሳ ሱ ጉሳናዉ ሆክድ ናጌስ፤ ኡባይ ባ እሻ ግተን ኦይካናዉ ካሌስ። 
\v 3 ኤንታ ናምኡ ኩሸት ኢታባ ኦናዉ ሎህዶሶና። ሀላቅነ ዳይን ዎፈ ኦይቾሶና፤ ዎልቃራ ደእያ አሳት ባንታ ኮይዳባ ዎልቃን ፖልሶሶና። ኤንቲ ኡባይ እስፈ ፕርዳ ምርቅድ ይሶሶና።
\q1
\v 4 ኤንታ ጋርሳን ኬሀ ጌተተይስ አጉን መላ፤
\q2 ሱረ ጌተተይስ ክንቾተ መላ።
\q1 ጎዳይ ናበታ ባጋራ ኦድዳይሳዳ
\q2 እ ባ አሳ ሴራና ጋላሳይ ጋክስ፤
\q2 ኤንቲ ያርካና ዎደይ ሀእ ማትስ።
\q1
\v 5 ነ ሾሩዋ አማኖፓ፤
\q2 ነ ላግያን አማነቶፋ።
\q1 ኔራ ደእያ ነ ማቸፈ ነ ዶና ናጋ።
\q1
\v 6 ሄ ዎደ ናአይ ባ አዋ ካስ፤
\q2 ናእያ ባ አየ ቦላ፥
\q2 ናኣ ማችያ ባ አዝና አየ ቦላ
\q2 ሞርከተን ደንዳና።
\q1 አሳስ እያ ሶ አሳይ ሞርከ ግዳና።
\q1
\v 7 ሽን ታኒ ኡፋይሳን ጎዳ ፄላና፤
\q2 ታና አሽያ ፆሳ ናጋና፤
\q2 ታ ፆሳይ ታና ስአና።
\s1 እስራኤለይ ደንዳና
\q1
\v 8 ታ ሞርክያዉ፥ ታ መቱዋን ኡፋይቶፋ፤
\q2 ታኒ ኩንድኮካ ደንዳና፤
\q2 ታ ማን ኡትኮካ ጎዳይ ታዉ ፖአና።
\q1
\v 9 ታኒ ጎዳ ናቃስ፤
\q2 እ ታዉ ሞተትድ፥ ታባ ፕርዳና ጋካናዉ፥
\q2 ታኒ እያ ሀንቁዋ ዳንዳአና።
\q1 እ ታና ፖኦን ከሳና፤
\q2 ታኒ እያ ፅሎ ፕርዳ በአና።
\q1
\v 10 ሄ ዎደ ታ ሞርከይ ሄሳ በአና፤
\q2 ታኮ፥ “ጎዳይ ነ ፆሳይ አዉን ደኢ?”
\q2 ያግድ ቀልቅስዳይ ዬላ ማአና።
\q1 እ ኦገን ደእያ ኡርቃዳ የትን፥
\q2 ታኒ ታ አይፈን በአና።
\p
\v 11 ህንተኖ፥ እስራኤለ አሳዉ፥ ህንተ ካታማ ግምበ ድርሳት ድረትያ ጋላሳይ ያና፤ ሄ ጋላስ ህንተ ዛዋይ አካና። 
\v 12 ሄ ጋላስ ህንተ አሳይ ህንተኮ ስማና። ኤንቲ አሶረፐ፥ ግብፀፈ፥ ኤፍራፂሳ ሻፋ ሄራን ደእያ ቢታታፐ፥ ሃሆ በሳን ደእያ አባ ጋፃፐነ ቃ ዙማታፐ ህንተኮ ስማና። 
\v 13 ሽን ቢታይ እያ ቦላ ደእያ አሳ ኢታተ ጋሶን አስ ባይና ባይሳ ግዳና።
\s1 ዎሳነ ጋላታ
\p
\v 14 ኔኒ ባዞን ባርካ ደእያ፥ ነ ላታ ደርያ ነ አራዳ ቢታን ነ አሳ ሄማ። ኤንቲ ካሰ ዎድያዳ ባሳነንነ ጋላዳን ሄመታና መላ ኦ።
\p
\v 15 ጎዳይ፥ “ህንተ ግብፀፐ ከይዳ ዎድያዳ ታኒ ህንተና ማላልስያባ በሳና” ያጌስ። 
\v 16 ኤንታ ዎልቃይ ግታ ግድኮካ፥ ካዎተት ኡባይ ሄሳ በእድ ዬላታና። ኤንቲ ዬላትድ፥ ባንታ ዶና ኦይካና፤ ኤንታ ሀይይ ቱላና። 
\v 17 ኤንቲ ሾሻዳነ ሳአራ ጎሸትያ መተታዳ ቢታ ላጫና። ኤንቲ ባንታ ሚፃፐ ኮኮርሸ ከይድ ግታ ዳጋማን ጎዳኮ፥ ኑ ፆሳኮ፥ ስማና፤ ኤንቲ ጎዳ ያይድ ዳና።
\p
\v 18 ናጋራ ኡባ አቶ ያገይ፥ አትዳ ባ አሳ ናቁዋ ታይቦናይ ነ መላ ፆሲ ኦኔ? ማሮተ ነና ኡፋይስያ ግሾ ነ ሀንቁዋን መርናዉ ጋምአ ኤራካ። 
\v 19 ኔኒ ዛራዳ ነ አሳስ ቃታሳ፤ ኑ ናቁዋ ነ ቶሁዋን የሳ፤ ኑ ናጋራ አባ ጪሞን ሆላሳ። 
\v 20 ኔኒ በን ኑ ማይዛታስ ጫቅዳ ጫቁዋዳ አብራሃመነ ያይቆባ ዛረ ግድዳ ነ አሳስ ነ አማነተነ ነ መርና ሲቁዋ በሳና።