\id MAT - GOOFA FULL BIBLE
\ide UTF-8
\h ማቶሳ ዎንገላ
\toc1 ማቶሳ ዎንገላ
\toc3 ማቶ
\toc2 ማቶሳ
\mt1 ማቶስ ፃፍዳ
\mt2 የሱስ ክርስቶሳ ዎንገላ
\imt ጋ ቆፋ
\ip ማቶሳ ዎንገላይ፥ ያና ጌተትድ ኡፋይሳን ናገተይ አሽያ የሱሳ ግደይሳነ ፆሳይ ጋልአ ጫቁዋን ባ አሳስ እምዳ ኡፋይሳ ቃላ ፖልዳይ እያ ባጋራ ግደይሳ ኦድያ ዎንገላ። ሀ ዎንገላይ የሱሲ ኤንታ ግዶን የለትድ ድጭዳ አይሁደታ ፃላላስ ግዶናሽን፥ ኩመ አላምያሳ።
\ip ማቶስ ባ ማፃፋ የሱሳ የለተን ዶምድ፥ እያ ፃማቀተነ እያ ፓጨተ ኦዴስ። ካልድ፥ እ ጋልላን ሳባክዳባ፥ ታማርስዳባነ ሀርጋንቾታ ፓዳባ ኦዴስ። የሱሲ ጋልላፐ የሩሳላመ ብዳይሳነ ሳአ ቦላ ደእሸ ዉርሰ ሳምንታን ሀንዳባታ፥ ሄስካ፦ እያ ካቀተ፥ እያ ሀይቁዋነ እያ ደንዱዋ ቆንጭሴስ።
\ip ሀ ዎንገላይ፥ የሱሲ ፆሳ ህገ ብርሻናዉ ማት ደኤይሳነ ፆሳ ካዎተባ ታማርስያ ግታ አስታማረ ኦድ ኤኬስ። እያ ትምርተይ፥ ዱማ ዱማ ማራን ጊገትዳ እቻሹ ክፍለታን ሻከቴስ።
\ipi 1. ፆሳ ካዎተን ደእያ አሳ ሀኖታ፥ ማታነ ዉርሰ ቃዳ ኦድያ ዙማ ቦላ ትምርትያ (ሸም 5—7)።
\ipi 2. ታማነ ናምኡ ታማረት ዎንገላ ኦዳናዉ ብያ ዎደ ኤንታዉ እመትዳ ኪታ (ሸም 10)።
\ipi 3. ፆሳ ካዎተባ ታማርሳናዉ ሺቅዳ ዱማ ዱማ ሌምሶታ (ሸም 13)።
\ipi 4. የሱሳ ታማረ ገይሳስ ብርሸይ አይ ጉሰኮ ታማርስያ ትምርተ (ሸም 18)።
\ipi 5. ዎደ ዉርሰነ ፆሳ ካዎተ ዩሳባ ኦድያ ትምርተ (ሸም 24—25)።
\iot ማፃፋ አይፈ ቆፋታ
\io1 የሱስ ክርስቶሳ የለተነ እያ ሱሳ (\ior 1:1—2:23\ior*)
\io1 ፃማቅያ ዮሃንሳ ኦሱዋ (\ior 3:1-12\ior*)
\io1 የሱሳ ፅንቃተነ ፓጨተ (\ior 3:13—4:11\ior*)
\io1 የሱሲ ጋልላን ባ ኦሱዋ ኦይከ (\ior 4:12—18:35\ior*)
\io1 ጋልላፐ የሩሳላመ ጋካናዉ (\ior 19:1—20:34\ior*)
\io1 የሩሳላመ ሄራን አድ ዉርሰ ሳምንታ (\ior 21:1—27:66\ior*)
\io1 ጎዳ ሀይቆፐ ደንዱዋነ አሳስ ቆንጨ (\ior 28:1-20\ior*)
\c 1
\s1 የሱሳ የለታ ሱሳ
\r (ሉቃ 3:23-38)
\p
\v 1 ሀይሳፈ ካልድ ፃፈትዳይስ ዳዊታ ናአ አብራሃመ ናአ ግድዳ የሱስ ክርስቶሳ የለተ።
\p
\v 2 አብራሃመይ ይሳቃ የልስ፤
\q1 ይሳቅ ያይቆባ የልስ፤
\q1 ያይቆብ ይሁዳነ እያ እሻታ የልስ፤
\q1
\v 3 ይሁድ ትማርፐ ፋረሳነ ዛራ የልስ፤
\q1 ፋረስ አስሮመ የልስ፤
\q1 አስሮመይ ራመ የልስ፤
\q1
\v 4 ራመይ አምናዳበ የልስ፤
\q1 አምናዳበይ ናአሶና የልስ፤
\q1 ናአሶን ሳልሞና የልስ፤
\q1
\v 5 ሳልሞና ራብፐ ቦኤዛ የልስ፤
\q1 ቦኤዝ ኡሩትፐ እዮቤዳ የልስ፤
\q1 እዮቤድ እሰየ የልስ፤
\q1
\v 6 እሰየይ ካዋ ዳዊታ የልስ፤
\q1 ዳዊቲ ኮይሮ ኦርዮ ማቸፈ ሶሎሞነ የልስ፤
\q1
\v 7 ሶሎሞነይ ኦሮብኣማ የልስ፤
\q1 ኦሮብኣመይ አብያ የልስ፤
\q1 አብይ አሳፋ የልስ፤
\q1
\v 8 አሳፍ እዮሳፈፃ የልስ፤
\q1 እዮሳፈፅ እዮራማ የልስ፤
\q1 እዮራም ኦዝያና የልስ፤
\q1
\v 9 ኦዝያን እዮአታመ የልስ፤
\q1 እዮአታም አካዛ የልስ፤
\q1 አካዝ ህዝቅያሳ የልስ፤
\q1
\v 10 ህዝቅያስ ምናሰ የልስ፤
\q1 ምናሰይ አሞነ የልስ፤
\q1 አሞን እዮስያሳ የልስ፤
\q1
\v 11 እስራኤለ አሳይ ድኤትድ ባብሎነ ቢታ ብዳ ዎደ እዮስያስ እኮንያናነ እያ እሻታ የልስ።\x - \xo 1:11 \xo*\xt 2 ካዎ 24:14-15፤ 2 ታር 36:10፤ ኤርም 27:20.\xt*\x*
\q1
\v 12 ባብሎነ ቢታ እስራኤለ አሳይ ድኤትድ ብዳፐ ጉየ እኮንያን ሳላትያላ የልስ።
\q1 ሳላትያል ዛሩባበላ የልስ፤
\q1
\v 13 ዛሩባበል አብድዩ የልስ፤
\q1 አብድዩይ ኤልያቄመ የልስ፤
\q1 ኤልያቄም አዛራ የልስ፤
\q1
\v 14 አዛር ሳዶቃ የልስ፤
\q1 ሳዶቅ አክመ የልስ፤
\q1 አክመይ ኤልዩዳ የልስ፤
\q1
\v 15 ኤልዩድ አላዛራ የልስ፤
\q1 አላዛር ማታነ የልስ፤
\q1 ማታነይ ያይቆባ የልስ፤
\q1
\v 16 ያይቆብ ዮሰፋ የልስ፤
\q1 ዮሰፍ ክርስቶሳ ጌተትያ የሱሳ የልዳ ማይራም አዝና።
\p
\v 17 ህዛ፥ የለተይ አብራሃመፐ ዳዊታ ጋካናዉ ታማነ ኦይዳ። ዳዊታፐ ብድ ባብሎነ ድኡዋ ጋካናዉ ታማነ ኦይዳ። ባብሎነ ድኡዋፐ ብድ ክርስቶሳ ጋካናዉ ታማነ ኦይዱ የለተ ግዴስ።
\s1 የሱስ ክርስቶሳ የለተ
\r (ሉቃ 2:1-7)
\p
\v 18 የሱስ ክርስቶሳ የለተ ታርከይ ሀይሳፈ ካለይሳ። እያ አይያ ማይራማ ዮሰፋስ ኦይሸታ ደአሸ ዮሰፋራ ጋሄቶና ጌሻ አያናፐ ቃንታሱ።\x - \xo 1:18 \xo*\xt ሉቃ 1:27.\xt*\x* 
\v 19 ዮሰፍ ፅሎ አስ ግድዳ ግሾ እዮ አሳን ከሳናዉ ኮይቤና። ያንያ ግሾ ቆሳን እዮ አጋናዉ ቆፕስ። 
\v 20 እ ሄ ቆፋን ደእሽን ፆሳ ኪታንቾይ አሙሆን ቆንጭድ፥ “ዳዊታ ናአዉ፥ ዮሰፋ፥ ማይራማ ቃንትዳይ ጌሻ አያናፐ ግድያ ግሾ እዮ ኤካናዉ ያዮፋ” ያግስ። 
\v 21 እያ አደ ናአ የላና፥ እ ባ ደርያ ኤንታ ናጋራፐ አሽያ ግሾ እያ ሱን ነ የሱሳ ጋዳ ፄጋና።\x - \xo 1:21 \xo*\xt ሉቃ 1:31.\xt*\x*
\p
\v 22 ጎዳይ ናብያ እሳያሳ ዶናን፥ 
\v 23 “ሄኮ ጌላእያ ቃንታና፤ አደ ናአ የላና፤ እያ ሱንይ አማኑኤላ” ጌተታና ጎይስ ፖለታና መላ ሀ ኡባይ ሀንስ። አማኑኤላ ገይሳስ ብርሸይ “ፆሳይ ኑራ ደኤስ” ጉሱ።\x - \xo 1:23 \xo*\xt እሳ 7:14.\xt*\x*
\p
\v 24 ዮሰፍ ስኮፈ ባርክድ ጎዳ ኪታንቾይ ኪትዳይሳ መላ ማይራሞ ባ ሶ ኤፍስ። 
\v 25 ሽን ባ ባይራ ናአ የላና ጋካናዉ እዮ ቦችቤና፤\f + \fr 1:25 \fr*\fk እዮ ቦችቤና፦ \fk*\ft ማችራ አዝናራ አቀይሳዳ እስፈ አቅቦኮና ጉሱ።\ft*\f* የለትዳ ናአካ የሱሳ ግድ ፄግስ።\x - \xo 1:25 \xo*\xt ሉቃ 2:21.\xt*\x*
\c 2
\s1 ዶሎሀፐ ይዳ አሳታ
\p
\v 1 ካዋ ሄሮዲሳ ዎደን የሱሲ ይሁዳ ቢታን ቤተለመ ካታማን የለትዳፐ ጉየ ፆልንቶ ታይብያ አሳት ዶሎሀፐ የሩሳላመ ይድ፥ 
\v 2 “የለትዳ አይሁደ ካዎይ አዉን ደኢ? ኑኒ ዶሎሀ ባጋራ ከይዳ እያ ፆልንቱዋ በእድ እያዉ ጎይናናዉ ይዳ” ያግድ ኦይችዶሶና። 
\v 3 ካዎይ ሄሮዲስ ሄሳ ስእዳ ዎደ ዳጋምስ። የሩሳላመን ደእያ አሳ ኡባይካ ዳጋምዶሶና። 
\v 4 ሄሮዲስ ካህነ ሀላቃታነ ህገ አስታማረታ ባኮ ፄግድ፥ “ክርስቶስ አዉን የለታንደሻ?” ያግድ ኤንታ ኦይችስ።
\p
\v 5 ኤንትካ፥ “ይሁዳ ቤተለመና፤ ናበይ፥
\q1
\v 6 ‘ይሁዳን ደእያ ቤተለመ፥\x - \xo 2:6 \xo*\xt ምክ 5:2.\xt*\x*
\q2 ይሁዳን ደእያ ጎባ ካታማታፐ፥
\q2 ኔኒ አይብንካ ጉፃካ።
\q1 ታ ደርያ እስራኤለ አይሳናይስ፥
\q2 ኔፐ ከያና’ ግድ ፃፍስ”
\m ያግዶሶና።
\p
\v 7 ሄሳፈ ጉየ፥ ሄሮዲስ ዶሎሀፐ ይዳ አሳታ ጌማን ፄግድ፥ ፆልንቱዋ ኤንቲ በእዳ ዎድያ ኤንታፈ ጌሽድ ኤርስ። 
\v 8 እ ኤንታና ቤተለመ የድሸ፥ “ብድ የለትዳ ናኣ ምንድ ኮይተ፤ እያ ህንተ ደምዳ ዎደ ታካ ባዳ እያዉ ጎይናና መላ ስሚድ ይሸ ታዉ ኦድተ” ያግስ። 
\v 9 ኤንትካ ካዎይ ሄሮዲስ ግዳይሳ ስእድ ብዶሶና። ኤንቲ ዶሎሀ ባጋራ በእዳ ፆልንቶይ ኤንታና ካለሸ ናአይ ደእያሱዋ ጋካናዉ ኤፍስ። 
\v 10 ኤንቲ ሄ ፆልንቱዋ በእዳ ዎደ ግታ ኡፋይስ ኡፋይትዶሶና። 
\v 11 ሶ ገልድ ናኣ ባ አየ ማይራምራ ደኤይሳ በእዶሶና። እያዉ ጉልባትድ ጎይንዶሶና። ባንታ ሳፅንያ ዶይድ ዎርቃ፥ እፃነነ ካርበ እያዉ እምዶሶና። 
\v 12 ኤንቲ ሄሮዲሳኮ ጉየ ስሞና መላ ፆሳይ አሙሆን ኤንታዉ ኦድን፥ ሀራ ኦገራ ባንታ ቢታ ስምዶሶና።
\s1 ግብፀ ባቃቶ
\p
\v 13 ዶሎሀ ባጋፈ ይዳ አሳት ብዳፐ ጉየ፥ ጎዳ ኪታንቾይ ዮሰፋስ አሙሆን ቆንጭድ፥ “ሄሮዲስ ናኣ ዎናዉ ኮይያ ግሾ ደንዳ፤ ኤለሳዳ ናኣነ ናኣ አይዉ ኤካዳ ግብፀ ቢታ ባ። ነ ስማና ዎድያ ታ ነዉ ኦዳና ጋካናዉ ያን ጋምአ” ያግስ።
\p
\v 14 ሄሳ ግሾ፥ ዮሰፍ ሄ ቃማን ደንድድ፥ ናኣነ ናኣ አይዉ ኤክድ ግብፀ ብስ። 
\v 15 ናብያ ዶናን ፆሳይ፥ “ታኒ፥ ታ ናኣ፥ ግብፀ ቢታፈ ፄጋስ”\x - \xo 2:15 \xo*\xt ሆሰ 11:1.\xt*\x* ጌተትዳ ቃላይ ፖለታና መላ ሄሮዲስ ሀይቃና ጋካናዉ እ ያን ደእስ።
\p
\v 16 ሄሳፈ ጉየ፥ ዶሎሀ ባጋፈ ይዳ አሳት እያ ጭምዳይሳ ኤርዳ ዎደ ዳሮ ይሎትስ። እ ካሰ ኤንታፈ ስእዳይሳዳ ቤተለመንነ ሄ ሄራን ደእያ ናምኡ ላይ ኩምዳይሳታነ ናምኡ ላይፈ ጋርሳን ደእያ አደ ናይታ ኡባ ባ ዎታዳረታ የድድ ዎስስ።
\p
\v 17-18 ናብያ ኤርምያሳ ዶናን፥
\q1 “ዬሆይነ ዘለልስ፥
\q2 ራማ ካታማን ስኤትስ።
\q1 ራሄላ ባ ናይታስ ዬካዉሱ፤
\q2 ኤንቲ ሀይቅዳ ግሾ
\q2 ምነታናዉ ዳንዳአቡኩ”
\m ግድ ኦድዳይስ ፖለትስ።\x - \xo 2:17-18 \xo*\xt ኤርም 31:15.\xt*\x*
\s1 ናዝረተ ስሙዋ
\p
\v 19 ሄሮዲስ ሀይቅዳፐ ጉየ ግብፀን ጎዳ ኪታንቾይ ዮሰፋስ አሙሆን ቆንጭድ፥ 
\v 20 “ናኣ ዎናዉ ኮይያ አሳት ሀይቅዳ ግሾ፥ ደንዳዳ ናኣነ ናኣ አይዉ ኤካዳ እስራኤለ ቢታ ስማ” ያግስ።
\p
\v 21 ዮሰፍ ደንድድ ናኣነ ናኣ አይዉ ኤክድ እስራኤለ ቢታ ስምስ። 
\v 22 ሽን አርከልዮስ ይሁዳን ባ አዋ ሄሮዲሳ በሳን ካዎትዳይሳ ስእዳ ዎደ ያ ባናዉ ያይስ። ፆሳይ አሙሆን እያዉ ቆንጭስን ጋልላ ቢታ ብስ። 
\v 23 ናበታ ዶናን፥ “ናዝረተ አስ ጌተታና” ግድ ኦደትዳይስ ፖለታና መላ ናዝረተ ካታማ ብድ ያን ደእስ።\x - \xo 2:23 \xo*\xt ማር 1:24፤ ሉቃ 2:39፤ ዮሀ 1:45.\xt*\x*
\c 3
\s1 ፃማቅያ ዮሃንስ ኦገ ጊግሷ
\r (ማር 1:1-8፤ ሉቃ 3:1-17፤ ዮሀ 1:19-28)
\p
\v 1-2 ሄ ዎደ ፃማቅያ ዮሃንስ፥ “ፆሳ ካዎተይ ማታትዳ ግሾ ህንተ ናጋራፐ ስምተ” ያግድ ሳባክሸ ይሁዳ መላ ቢታ ብስ።\x - \xo 3:1-2 \xo*\xt ማቶ 4:17፤ ማር 1:15.\xt*\x* 
\v 3 ናብያ እሳያስ ዮሃንሳባ ኦድዳይሳ መላ፥
\q1 “መላ ቢታን፥
\q2 እሶይ ባ ቃላ ቁ ኦድ፥
\q1 ‘ጎዳ ኦግያ ጊግስተ።
\q1 እያ ሆሮጋ ፕድ ኦተ’ ግስ”\x - \xo 3:3 \xo*\xt እሳ 40:3.\xt*\x*
\m ያገትዳይ እያሳ ያግስ።
\p
\v 4 ዮሃንስ ግማለ እክሰፐ ኦሰትዳ አፍላ ማኤስ። ባ ፄሳን ዳፎ ዳንጬስ። እ ምያ ካይካ ቦለነ ደገራ ኤስ።\x - \xo 3:4 \xo*\xt 2 ካዎ 1:8.\xt*\x* 
\v 5 አሳይ ሄ ዎደ የሩሳላመ ካታማፐ፥ ይሁዳ ቢታ ኡባፈነ ዮርዳኖሰ ሻፋ ሄራፐ እያኮ ዮሶና። 
\v 6 ባንታ ናጋራ ፓፅድ ዮርዳኖሰ ሻፋን ዮሃንሳ ኩሸን ፃማቀቶሶና።
\p
\v 7 ዮሃንስ፥ ዳሮ ፋርሳወትነ ሳዱቃወት ፃማቀታናዉ ባኮ የይሳታ በእድ፥ ኤንታኮ፥ “ሀ ኢታ ሾሻቶ፥ ያና ፆሳ ሀንቁዋፈ ባቃታና መላ ህንተና ኦነ ዞርዳይ?\x - \xo 3:7 \xo*\xt ማቶ 12:34፤ 23:33.\xt*\x* 
\v 8 ህዛ፥ ህንተ፥ ህንተ ናጋራፐ ስምዳይሳ ኤርስያባ ኦተ። 
\v 9 ህንተ፥ ህንተ ዎዛናን፥ ‘አብራሃመይ፥ ኑ አዋይ ደኤስ’ ግድ ቆፖፍተ። ሎይ ስእተ! ፆሳይ ሀ ሹቻታፐ አብራሃመስ ናአ ከሳናዉ ዳንዳኤስ።\x - \xo 3:9 \xo*\xt ዮሀ 8:33.\xt*\x* 
\v 10 ቤፀይ ም ፃጶን ጊግድ ኡትስ፤ ሎኦ አይፈ አይፎና ም ኡባይ ቃንፀትድ ታማን የገታና።\x - \xo 3:10 \xo*\xt ማቶ 7:19.\xt*\x*
\p
\v 11 “ህንተ፥ ህንተ ናጋራፐ ስምዳይሳ ኤርሳናዉ ታኒ ህንተና ሃን ፃማቃይስ። ሽን ታፐ ጉየራ የይስ ህንተና ጌሻ አያናንነ ታማን ፃማቃና። እ ታፐ ዳሮ ዎልቃሜስ፤ ታኒ ሀር አቶሽን እያ ጫማ ቶካናዉካ በስከ። 
\v 12 ካ ጌሽያ ፕይ እያ ኩሸን ደኤስ። ካ ሎይ ጌሼስ፤ ግስትያ ባ ሻልያን ቆላና፥ ሽን ፑኑዋ ቶኦና ታማን ፁጋና” ያግስ።
\s1 የሱሳ ፃማቀተ
\r (ማር 1:9-11፤ ሉቃ 3:21-22)
\p
\v 13 ሄ ዎደ የሱሲ ዮሃንሳ ኩሸን ፃማቀታናዉ ጋልላፐ ዮርዳኖሰ ሻፋ ብስ። 
\v 14 ሽን ዮሃንስ እያ ድጋናዉ ኮይድ፥ “ታኒ ነናን ፃማቀታናዉ ኮሽሽን ኔኒ ታኮ ያይ?” ያግስ። 
\v 15 ሽን የሱሲ ዛሪድ፥ “ፆሳይ ኑፐ ኮያባ ኡባ ኑ ፖላናዉ በሲያ ግሾ፥ ሀእ ታዉ ኤሮ ጋ” ያግስ። ዮሃንስ እያዉ ኤሮ ግድ ኤክስ። 
\v 16 የሱሲ ፃማቀትዳ መላ ሃፈ ከይስ። ኢራካ ሳሎይ ዶየትን ፆሳ አያናይ ሆለዳ ይሽን ቃስ ባ ቦላ ዎልአምድ ዎሽን በእስ። 
\v 17 ሄ ዎደ፥ “ታ ዶስያ፥ እያን ታና ኡፋይስያ ታ ናአይ ሀይሳ” ግያ ቃላይ ሳሎፐ ይስ።\x - \xo 3:17 \xo*\xt ማቶ 12:18፤ 17:5፤ ማር 1:11፤ ሉቃ 9:35.\xt*\x*
\c 4
\s1 የሱሳ ፓጨተ
\r (ማር 1:12-13፤ ሉቃ 4:1-13)
\p
\v 1 ሄሳፈ ጉየ፥ ፃላሄይ የሱሳ ፓጫና መላ ጌሻ አያናይ የሱሳ መላ ቢታ ኤፍስ።\x - \xo 4:1 \xo*\xt እብራ 2:18፤ 4:15.\xt*\x* 
\v 2 ኦይታሙ ቃማነ ኦይታሙ ጋላስ ፆምዳፐ ጉየ ኮሻትስ። 
\v 3 ፃላሄይ የሱሳኮ ይድ “ኔኒ ፆሳ ናአ ግድኮ፥ አነ ሀ ሹቻት ኡይ ግዳና መላ ኪታ” ያግስ።
\p
\v 4 የሱሲ ዛሪድ፥ “ ‘አስ ፆሳ ዶናፐ ከይያ ቃላ ኡባን ደኤስፐ አትሽን፥ ኡይ ፃላላን ዴና’ ጌተትድ ፆሳ ቃላን ፃፈትስ”\x - \xo 4:4 \xo*\xt ዛረ 8:3.\xt*\x* ያግስ።
\p
\v 5 ካልድካ፥ ፃላሄይ የሱሳ ጌሻ ካታማ ኤፍድ፥ ፆሳ ኬ ሁጵያ ከስድ፥ 
\v 6 “ኔኒ ፆሳ ናአ ግድኮ፥ አነ ዱገ ሳአን ኩንዳ።\x - \xo 4:6 \xo*\xt ማዝ 91:11.\xt*\x*
\q1 “ ‘ነ ቶሆይ ሹቻን በቶና መላ፥
\q2 ባንታ ኩሽያን ነና ደንና መላ፥
\q2 ፆሳይ ባ ኪታንቾታ ነ ግሾ ኪታና’
\m ጌተትድ ፆሳ ቃላን ፃፈትስ” ያግስ።
\p
\v 7 የሱሲ እያኮ፥ “ቃስካ፥ ‘ፆሳ ቃላን ነ ጎዳ፥ ነ ፆሳ ፓጮፋ’ ያገትድ ፃፈትስ” ግድ ዛርስ።\x - \xo 4:7 \xo*\xt ዛረ 6:16.\xt*\x*
\p
\v 8 ዉርሰን ፃላሄይ የሱሳ እስ ዎልቃማ ዙማ ሁጰ ከስድ አላምያ ካዎተታ ኤንታ ቦንቹዋራ እስፈ በስድ፥ 
\v 9 “ነ ታዉ ኩንዳዳ ጎይንኮ ታ ነዉ ሀ ኡባ እማና” ያግስ።
\p
\v 10 የሱሲ ዛሪድ፥ “ሀ ፃላህያዉ፥ ታፐ ሃካ! ‘ነ ጎዳ፥ ነ ፆሳ ጎይና፥ እያ ፃላላ ሀጋዛ’ ጌተትድ ፆሳ ቃላን ፃፈትስ” ያግስ።\x - \xo 4:10 \xo*\xt ዛረ 6:13.\xt*\x*
\p
\v 11 ሄሳፈ ጉየ፥ ፃላሄይ አግድ ብስ፤ ኪታንቾት ይድ እያ ሀጋዝዶሶና።
\s1 የሱሳ ታማርሶ ዶመ
\r (ማር 1:14-15፤ ሉቃ 4:14-15)
\p
\v 12 የሱሲ፥ ዮሃንስ ቃሸቶይሳ ስእዳ ዎደ ጋልላ ቢታ ብስ።\x - \xo 4:12 \xo*\xt ማቶ 14:3፤ ማር 6:17፤ ሉቃ 3:19-20.\xt*\x* 
\v 13 ናዝረተ ካታማ አግድ ዛብሎናንነ ንፍታለመ ሄራን፥ አባ ማታን ደእያ ቅፍርናሆማ ካታማ ብድ ያን ደእስ።\x - \xo 4:13 \xo*\xt ዮሀ 2:12.\xt*\x* 
\v 14 ሄስ ሀንዳይ ናብያ እሳያሳ ዶናን፥
\q1
\v 15 “ዛብሎና ቢታን፥ ንፍታለመ ቢታን፥
\q2 ዮርዳኖሰ ሻፋፐ ሄፍንን፥
\q2 አባ ኦግያ ጋፃን ደእያ፥
\q2 አይሁደ ግዶና ደረይ ደእያ ጋልላን፥\x - \xo 4:15 \xo*\xt እሳ 9:1-2.\xt*\x*
\q2
\v 16 ማን ደእያ ደረይ፥
\q2 ዎልቃማ ፖኦ በእስ።
\q1 ሀይቆ ኩያ ቢታን፥
\q2 ደኤይሳታስ ፖኦይ ከይስ”
\m ያግድ ኦደትዳ ቃላይ ፖለታና መላሳ።
\p
\v 17 ሄ ዎደፐ ዶምድ የሱሲ፥ “ፆሳ ካዎተይ ማታትዳ ግሾ ህንተ ናጋራፐ ስምተ” ያግድ ቃላ ሳባኬስ።\x - \xo 4:17 \xo*\xt ማቶ 3:2.\xt*\x*
\s1 ኮይሮ ታማረታ ፄገ
\r (ማር 1:16-20፤ ሉቃ 5:1-11)
\p
\v 18 የሱሲ ጋልላ አባ ማታራ አሸ ናምኡ እሻታ፥ ጰፅሮሳ ጌተትያ ስሞናነ እያ እሻ እንድርያሳ በእስ። ኤንቲ ሞሎ ኦይከይሳታ ግድዳ ግሾ ባንታ ግትያ አባን የጎሶና። 
\v 19 የሱሲ ኤንታና፥ “ሃ ዪተ፤ ታና ካልተ፤ ታኒ ህንተና አሰ ኦይ ታማርሳና” ያግስ። 
\v 20 ኤንትካ፥ ኤለስድ ባንታ ግትያ የግ አግድ የሱሳ ካልዶሶና።
\p
\v 21 የሱሲ ያፐ ቡሮ ገደ ስን አሸ ሀራ ናምኡ እሻታ፥ ዛብድዮሳ ናይታ፥ ያይቆባነ ዮሃንሳ በእስ። ባንታ አዋ ዛብድዮሳራ እስፈ ዎጎሉዋ ግዶን ባንታ ግትያ ጊግሰይሳታ ፄግስ። 
\v 22 ኤንትካ፥ ኤለስድ ባንታ ዎጎሉዋነ ባንታ አዋ አግድ የሱሳ ካልዶሶና።
\s1 የሱሲ ሀርጋንቾታ ፓስ
\r (ሉቃ 6:17-19)
\p
\v 23 የሱሲ አይሁደ ዎሳ ኬታን ታማርስሸ፥ ሳሎ ካዎተ ዎንገላ ኦድሸነ ዱማ ዱማ ሀርግያፈ አሳ ፓሸ ጋልላ ቢታ ኡባን ዩይስ።\x - \xo 4:23 \xo*\xt ማቶ 9:35፤ ማር 1:39.\xt*\x*
\p
\v 24 ሄሳፈ ደንዶይሳን እያ ሱንይ ሶረ ቢታ ኡባን ከይስ። ዱማ ዱማ ሀርገን ኦይከትዳይሳታነ ዋየተይሳታ፥ ቱና አያናን ኦይከትዳይሳታ፥ ሾጭ የግያ ሀርገን ኦይከትዳይሳታነ፥ ጉንዳታ እያኮ ኤህዶሶና፤ እካ ኤንታና ፓስ።
\p
\v 25 አሳይ ጋልላፐ፥ ታሙ ካታማታፐ፥ የሩሳላመፐ፥ ይሁዳፐነ ዮርዳኖሰ ሻፋ ሄፍንን ደእያ ቢታፈ ይዳ ዳሮ አሳይ እያ ካልዶሶና።
\c 5
\s1 ደረ ቦላ ታማርስዳ ትምርተ
\p
\v 1 ዳሮ ደረይ ሺቅዳይሳ የሱሲ በእዳ ዎደ ዙማ ቦላ ከይድ ኡትስ። እያ ታማረት እያኮ ሺቅን፥ 
\v 2 ሀይሳዳ ያግድ ታማርስስ፦
\s1 ቱማ ኡፋይስ
\r (ሉቃ 6:2-23)
\q1
\v 3 “ባንታ አያናን ማንቆት አንጀትዳይሳታ፥
\q2 ሳሎ ካዎተይ ኤንታሳ።
\q1
\v 4 ዬከይሳት አንጀትዳይሳታ፥
\q2 ኤንቲ ምን ደማና።\x - \xo 5:4 \xo*\xt እሳ 61:2.\xt*\x*
\q1
\v 5 ባንታ ዎዛናን አሽከት አንጀትዳይሳታ፥
\q2 ኤንቲ ሳኣ ላታና።\x - \xo 5:5 \xo*\xt ማዝ 37:11.\xt*\x*
\q1
\v 6 ፅሎባ ኦናዉ ኮሻተይሳትነ ሳሞተይሳት አንጀትዳይሳታ፥
\q2 ኤንቲ ካላና።\x - \xo 5:6 \xo*\xt እሳ 55:1.\xt*\x*
\q1
\v 7 ማረይሳት አንጀትዳይሳታ፥
\q2 ኤንቲ ማሮተ ደማና።
\q1
\v 8 ዎዛና ጌሻት አንጀትዳይሳታ፥
\q2 ኤንቲ ፆሳ በአና።\x - \xo 5:8 \xo*\xt ማዝ 24:3.\xt*\x*
\q1
\v 9 ስገይሳት አንጀትዳይሳታ፥
\q2 ኤንቲ ፆሳ ናይታ ጌተትድ ፄገታና።
\q1
\v 10 ፅሎባ ኦያ ግሾ ግድ፥
\q2 ጎደተይሳት አንጀትዳይሳታ፥
\q2 ሳሎ ካዎተይ ኤንታሳ።\x - \xo 5:10 \xo*\xt 1 ጰፅ 3:14.\xt*\x*
\p
\v 11 “አሳይ ህንተና ታ ግሾ ግድ ጫይያ ዎደ፥ ጎድያ ዎደነ ህንተ ቦላ ኢታባ ኡባ ዎርዶን ኦድስያ ዎደ ህንተ አንጀትዳይሳታ።\x - \xo 5:11 \xo*\xt 1 ጰፅ 4:14.\xt*\x* 
\v 12 ህንተ ዎይቶይ ሳሎን ግታ ግድያ ግሾ ኡፋይትተ፥ ሀሹ ጊተ። ህንተፈ ካሰ ደእያ ናበታ ሄሳዳ ጎድዶሶና።\x - \xo 5:12 \xo*\xt 2 ታር 36:16፤ ሀዋ 7:52.\xt*\x*
\s1 ማፅነነ ፖኦ
\p
\v 13 “ህንተ ቢታስ ማፅነ፤ ማፅነይ ባ ማፅነተ አግኮ፥ ባ ማልኦተ ዋት ዛር ደማኔ? ካረ ሆልን አሳን የታናፐ አትሽን፥ አይብስካ ማደና።\x - \xo 5:13 \xo*\xt ማር 9:50፤ ሉቃ 14:34-35.\xt*\x*
\p
\v 14 “ህንተ ቢታስ ፖኦ፤ ዙማ ቦላ ደእያ ካታምያ ቆሰታናዉ ዳንዳኡኩ።\x - \xo 5:14 \xo*\xt ዮሀ 8:12፤ 9:5.\xt*\x* 
\v 15 ፆምፐ ኦይድ ሶን ደእያ አሳ ኡባስ ፖአና መላ ቃ ሶን ዎስፐ አትሽን፥ ዳሎ ግዶን ዎይ ባዋ።\x - \xo 5:15 \xo*\xt ማር 4:21፤ ሉቃ 8:16፤ 11:33.\xt*\x* 
\v 16 ሄሳ መላ አሳይ ህንተ ሎኦ ኦሱዋ በእድ፥ ሳሎን ደእያ ህንተ አዋ ቦንቻና መላ ህንተ ፖኦይ አሳ ስንን ፖኦ።\x - \xo 5:16 \xo*\xt 1 ጰፅ 2:12.\xt*\x*
\s1 ሙሰ ህገ
\p
\v 17 “ታኒ ሙሰ ህግያነ ናበታ ቃላ ሻራናዉ ይዳ ህንተዉ ዳኖፖ። ታኒ፥ ኤንቲ ኦድዳይስ ቱማ ግደይሳ ቆንጭሳናዉ ያስፐ አትሽን፥ ሻራናዉ ያቢከ። 
\v 18 ታ ህንተዉ ቱማ ኦዳይስ፤ ሳሎይነ ሳእ አና ጋካናዉ ህገ ኡባይ ፖለታናፐ አትሽን፥ ህግያፈ እስ ቃላይ ዎይኮ ፕዳለይ አና።\x - \xo 5:18 \xo*\xt ሉቃ 16:17.\xt*\x* 
\v 19 ሄሳ ግሾ፥ ሀ ኪታታፐ ጉፅያ እስ ኪታ መንያ ኦንካ ቃስ ሀራታ ሄሳ ኦና መላ ታማርሰይ ኦንካ ሳሎ ካዎተን ኡባፈ ጉ ግዳና። ሽን ሀ ኪታ ፖለይስነ ሀራታካ ፖላና መላ ታማርሰይ ሳሎ ካዎተን ግታ ግዳና። 
\v 20 ታ ህንተዉ ኦዳይስ፤ ህንተ ፅሎተይ ፋርሳወታ ፅሎተፈነ ህገ አስታማረታ ፅሎተፈ አና እፅኮ፥ ሳሎ ካዎተ ገለከታ።
\s1 ዎባ
\p
\v 21 “ህንተ ማይዛታስ፥ ‘ዎፕተ፤ ሸምፖ ዎዳ ኦንካ ፕርደታና’ ጌተቶይሳ ስእደታ።\x - \xo 5:21 \xo*\xt ከሳ 20:13፤ ዛረ 5:17.\xt*\x* 
\v 22 ሽን ታ ህንተዉ ኦዳይስ፤ ባ እሻ ቦላ ሀንቀትያ ኡባይ ፕርደታና። ባ እሻ ጫይያ ኦንካ ዳይና ስን ፕርዳስ ሺቃና። ባ እሻኮ፥ ‘ኤያይ’ ግያ ኦንካ ቃስ ጋናመ ታማን ፕርደታና።
\p
\v 23 “ሄሳ ግሾ፥ ኔኒ ነ ያርሹዋ ያርሽያ ዎደ፥ ነ እሻ ቆህዳባይ ነዉ አኬከትኮ፥ 
\v 24 ነ ያርሹዋ ሄ በሳን አጋዳ ባ፤ ኮይሮታ ባዳ ነ እሻራ ጊጋ፤ ያታ ስማዳ፥ ነ ያርሹዋ ፆሳስ ያርሻ።
\p
\v 25 “ነና ሞተይሳራ ፕርዳ ኬ ባሸ ኦገ ቦላ እያራ ጊጋ። ሄስ አቶ ጊኮ እ ነና ዳይና ስን ኤፋና። ዳይናይ ነና ቃቸይሳስ አድ እማና፤ እ ነና ዎይነን የጋና። 
\v 26 ታ ቱማ ኦዳይስ፤ ነ ቦላ ፕርደትዳ አጩዋ እስ ሳንትመይ አቶና ጭጋ ኦንጋና ጋካናዉ ቃሾ ኬፈ ከያካ።
\s1 ላይማተባ
\p
\v 27 “ሀይሳፈ ካሰ፥ ‘ላይማቶፕተ’ ጌተቶይሳ ስእደታ።\x - \xo 5:27 \xo*\xt ከሳ 20:14፤ ዛረ 5:18.\xt*\x* 
\v 28 ሽን ታ ህንተዉ ኦዳይስ፥ ማጫስ ፄልድ፥ አሞትዳ ኡባይ ባ ዎዛናን ኢራ ላይማቴስ። 
\v 29 ነ ኡሻቻ አይፈይ ነዉ ናጋራስ ጋሶ ግድኮ፥ ከሳ ሆላ። ነ አሳተይ ኩመ ጋናመ ታማን ዎናፐ ነ አሳተፈ እሶይ ይኮ ነዉ ሎኦ።\x - \xo 5:29 \xo*\xt ማቶ 18:9፤ ማር 9:47.\xt*\x* 
\v 30 ነ ኡሻቻ ኩሸይ ነዉ ናጋራስ ጋሶ ግድኮ፥ እያ ቃንፃ ሆላ። ነ አሳተይ ኩመ ጋናመ ታማን ዎናፐ ነ አሳተፈ እሶይ ይኮ፥ ነዉ ሎኦ።\x - \xo 5:30 \xo*\xt ማቶ 18:8፤ ማር 9:43.\xt*\x*
\s1 ማቾ አንጆባ
\r (ማቶ 19:9፤ ማር 10:11-12፤ ሉቃ 16:18)
\p
\v 31 “ ‘ባ ማቼስ አንጆ ዎርቃተ እሞ’ ጌተትስ።\x - \xo 5:31 \xo*\xt ማቶ 19:7፤ ማር 10:4.\xt*\x* 
\v 32 ሽን ታ ህንተዉ ኦዳይስ፤ ባ ማቹያ ላይማቶና ደእሽን ብልያ ኦንካ እያ ላይማታና መላ ኦስ። ሄሳዳካ፥ አንጀትዳ ማጫስዉ ኤክያ ኡባይ ላይማቴስ።\x - \xo 5:32 \xo*\xt ማቶ 19:9፤ ማር 10:11-12፤ ሉቃ 16:18፤ 2 ቆሮ 7:10-11.\xt*\x*
\s1 ጫቆባ
\p
\v 33 “ህንተ ማይዛታኮ፥ ‘ዎርዶን ጫቆፍተ፤ ህንተ ፆሳ ስንን ጫቅዳይሳ ፖልተ’ ጌተትዳይሳ ስእደታ።\x - \xo 5:33 \xo*\xt ሌወ 19:12፤ ታይቦ 30:2፤ ዛረ 23:21.\xt*\x* 
\v 34 ሽን ታ ህንተዉ ኦዳይስ፤ ኡባራካ ጫቆፍተ። ፆሳይ ኡትያ አራታ ግድያ ግሾ፥ ሳሎን ጫቆፍተ።\x - \xo 5:34 \xo*\xt ማቶ 23:22.\xt*\x* 
\v 35 እያ ቶሆይ የያ ሶ ግድያ ግሾ፥ ሳአንካ ጫቆፍተ። ግታ ካዋ ካታማ ግድያ ግሾ፥ የሩሳላመንካ ጫቆፍተ።\x - \xo 5:35 \xo*\xt እሳ 66:1፤ ማዝ 48:2.\xt*\x* 
\v 36 ህንተ ብናናፐ እሱዋካ ቦ ዎይኮ ካሬ ኦናዉ ዳንዳኦና ግሾ፥ ህንተ፥ ህንተ ሁጰንካ ጫቆፍተ። 
\v 37 ሄሳ ግሾ፥ ህንተ ቃላይ፥ ‘ኤ’ ዎይኮ ‘አካይ’ ግዶ። ሄሳፈ ካረ ከየይ ፃላሄፐ ዬስ።
\s1 ሀሎ ከዮፓ
\p
\v 38 “ ‘አይፈ ግሾ አይፈ፤ አቻ ግሾ አቸ’ ጌተትዳይሳ ስእደታ።\x - \xo 5:38 \xo*\xt ከሳ 21:24፤ ሌወ 24:20፤ ዛረ 19:19.\xt*\x* 
\v 39 ሽን ታ ህንተዉ ኦዳይስ፤ ህንተ ቦላ ኢታባ ኦያ ኡራራ ኤቀቶፍተ። ኦንካ ነ ኡሻቻ ሻካላ ባቅኮ ነ ሀድርሳ ሻካላ በሳ። 
\v 40 እስ አስ ነ ሻምዝያ ኤካናዉ ነና ሞትኮ፥ ነ ኮትያ ጉጃዳ እማ። 
\v 41 እስ አስ ነና ዎልቃን ባባ ቶስድ እስ ሳተ ኦገ ባራ ባና መላ ነና ኡንኤኮ፥ እያራ ናምኡ ሳተ ኦገ ባ። 
\v 42 ዎስያ ኦደስካ እማ፤ ኔፐ ታልአናዉ ኮይያ ኦናካ ድጎፋ።
\s1 ነ ሞርከታ ዶሳ
\r (ሉቃ 6:27-36)
\p
\v 43 “ ‘ነና ዶሰይሳ ዶሳ፤ ነና እፀይሳ እፃ’ ጌተቶይሳ ስእደታ። 
\v 44 ሽን ታ ህንተዉ ኦዳይስ፤ ህንተ ሞርከታ ዶስተ፤ ህንተና ቆሄይሳታስ ዎስተ። 
\v 45 ሄሳ ህንተ ኦኮ፥ ሳሎን ደእያ ህንተ አዋስ ህንተ ናይታ ግዳና። እ ኢታታስነ ሎኦታስ አዋ ከሴስ፤ ፅሎታስነ ናጋራንቾታስ ባ እራ ቡክሴስ። 
\v 46 ህንተና ዶስያ አሳ ፃላላ ህንተ ዶስኮ፥ ህንተዉ አይ ዎይቶይ ደኢ? ሀር አቶሽን፥ ቃራፃ ቃንፅሰይሳትካ ሄሳ ኦሶና። 
\v 47 ህንተ፥ ህንተ እሻታ ፃላላ ሳሮኮ፥ ሀራታፐ አይ ሀራ አያባ ኦደቲ? ሀር አቶሽን፥ ፆሳ አማኖና አሳይካ ሄሳ ኦሶና። 
\v 48 ህዛ፥ ሳሎን ደእያ ህንተ አዋይ ፖሎ ግዶይሳዳ ህንተካ ፖሎ ግድተ።”\x - \xo 5:48 \xo*\xt ሌወ 19:2፤ ዛረ 18:13.\xt*\x*
\c 6
\s1 ማንቆታስ እሞባ
\p
\v 1 “አስ በኦ ግድ ህንተ ሎኦ ኦሱዋ አሳ ስንን ኦናዳ ናገትተ። ሄሳ ሀኖና እፅኮ ሳሎን ደእያ ህንተ አዋፐ ዎይቶ ደመከታ።\x - \xo 6:1 \xo*\xt ማቶ 23:5.\xt*\x*
\p
\v 2 “ህንተ ማንቆታስ እምያ ዎደ አሳ ስንን ቦንቸታናዉ ግድ ጩቦት ኦግያ ዶናንነ አይሁደ ዎሳ ኬታን ኦይሳዳ አስ በኦ ግድ ኦፍተ። ታ ህንተዉ ቱማ ኦዳይስ፤ ኤንቲ ባንታ ኩመ ዎይቱዋ ኤክዶሶና። 
\v 3 ሽን ህንተ ማንቆታስ እምያ ዎደ ህንተ ኡሻቻ ኩሸይ ኦይሳ ህንተ ሀድርሳ ኩሸይ ኤሮፖ፤ 
\v 4 ህንተ እሞይ ጌማን ግዶ። ጌማን ኦይሳ በእያ ህንተ አዋይ ህንተዉ ዎይቱዋ ቆንጨን እማና።
\s1 ዎሳባ
\r (ሉቃ 11:2-4)
\p
\v 5 “ዎሳ ዎስሸ ጩቦታ ሀኖፕተ። ኤንቲ፥ ባንታና አስ በኦ ግድ አይሁደ ዎሳ ኬንነ ኦግያ ዶናን ኤቅድ ዎሰይሳ ዶሶሶና። ታ ህንተዉ ቱማ ኦዳይስ፤ ኤንቲ ባንታ ኩመ ዎይቱዋ ኤክዶሶና።\x - \xo 6:5 \xo*\xt ሉቃ 18:10-14.\xt*\x* 
\v 6 ሽን ኔኒ ዎስያ ዎደ፥ ነ ሶ ገላ፥ ዉላ ጎርዳዳ ጌማን ደእያ ነ አዋኮ ዎሳ፤ ጌማን ኦሰትዳይሳ በእያ ነ አዋይ ነዉ ዎይቱዋ እማና። 
\v 7 ህንተ ዎስያ ዎደ አማኖና አሳ ጮ ቃላ ዳርስድ ዎሶፍተ። ኤንቲ አዱስ ዎስን ፆሳይ ስኤስ ግድ ቆፖሶና። 
\v 8 ሄሳ ግሾ፥ ኤንታይሳዳ ሀኖፕተ። አይስ ጊኮ፥ ህንተ አዋይ ህንተዉ አይ ኮሽያኮ ህንተ ዎሳናፐ ስንትድ ኤሬስ።
\p
\v 9 “ህዛ፥ ህንተ ያግድ ዎስተ፦
\q1 “ ‘ሳሎን ደእያ ኑ አዋዉ፥
\q2 ነ ጌሻ ሱንይ አንጀቶ።
\q1
\v 10 ነ ካዎተይ ዮ፥
\q2 ነ ሸነይ ሳሎን ሀንዳይሳዳ
\q2 ሳአንካ ሀኖ።
\q1
\v 11 ጋላሳ ካ ሀች ሀች ኑስ እማ።
\q1
\v 12 ኑኒ ኑና ቆህዳይሳታ፥ አቶ ገይሳዳ፥
\q2 ኑስካ ኑ ቆሁዋ አቶ ጋ።
\q1
\v 13 ኑና ኢታፐ አሻፈ አትሽን፥
\q2 ፓጨን ገልሶፋ።
\q1 [ካዎተይ፥ ዎልቃይነ ቦንቾይ
\q2 መርናዉ ኔሳ፤ አምንእ።’]
\p
\v 14 “ህንተ ህንተና ቆህዳይሳታ አቶ ጊኮ፥ ሳሎን ደእያ ህንተ አዋይ ህንተ ቆሁዋካ አቶ ጋና።\x - \xo 6:14 \xo*\xt ማር 11:25-26.\xt*\x* 
\v 15 ሽን ህንተ ሀራ አሳ ናጋራ አቶ ጎና እፅኮ ህንተ አዋይ ህንተ ናጋራ አቶ ጌና።
\s1 ፆማባ
\p
\v 16 “ህንተ ፆምያ ዎደ ጩቦታ ካዮቶፍተ። አይስ ጊኮ፥ ኤንቲ ፆመይሳ አስ ኤራና መላ ባንታ ሶምኡዋ ቅታዮሶና። ታ ቱማ ኦዳይስ፤ ኤንቲ ባንታ ዎይቱዋ ኤክዶሶና።
\p
\v 17 “ሽን ኔኒ ፆምያ ዎደ ነ ሶምኡዋ ሜጫ፥ ነ ሁጵያ ትየታ። 
\v 18 ሄሳዳ ነ ኦኮ ነ ፆምያ ፆማይ አሳፐ ጌምዳይሳ፥ ሽን ጌማን ደእያ ነ አዋይ ኤርያ ፆማ ግዳና። ጌማን ኦሰትዳይሳ በእያ ነ አዋይ ነዉ ዎይቱዋ እማና።
\s1 ሳሎን ሻሎ ሺሾ
\p
\v 19 “ብል ምያ በሳን፥ ብራት ሽእያሶን፥ ካይሶይ ቦክድ ኤክያሶን፥ ሀ ሳአን፥ ህንተዉ ሻሎ ሺሾፕተ።\x - \xo 6:19 \xo*\xt ያይ 5:2.\xt*\x* 
\v 20 ሽን ብል ሞናሶን፥ ብራት ሽኦናሶን፥ ካይሶይ ቦክድ ኤኮናሶን ሳሎን ህንተዉ ሻሎ ሺሽተ። 
\v 21 ነ ሻሎይ ደእያሱዋን ነ ዎዛናይ ደአና።
\p
\v 22 “አይፈይ አሳተስ ፆምፐ። ሄሳ ግሾ፥ ነ አይፈይ ፓፃ ግድኮ ነ ኩመ አሳተይ ፖኦ ግዴስ። 
\v 23 ነ አይፈይ ሀርጋንቾ ግድኮ ነ ኩመ አሳተይ ማ ግዴስ። ህዛ፥ ነናን ደእያ ፖኦይ ማ ግድኮ፥ ማይ አይ መላ አድ ማንዴሻ!
\p
\v 24 “እስ አስ ናምኡ ጎዳስ ሃረታናዉ ዳንዳኤና። እሱዋ ዶስኮ ሀንኩዋ እፄስ፤ ዎይኮ እሱዋ ቦንችኮ ሀንኩዋ ካስ። ፆሳስነ ሚሸስ ሃረታናዉ ዳንዳኤከታ።
\s1 ኡንኤቶፍተ
\r (ሉቃ 12:22-31)
\p
\v 25 “ህዛ፥ ስእተ! ህንተ ደኦን ዳናዉ፥ ‘አይ ማኔ? አይ ኡያኔ? አይ ማአኔ?’ ግድ ኡንኤቶፍተ፤ ደኦይ ካፈ ዎይኮ አሳተ ማኦፐ አኔ? 
\v 26 ሳሎ ካፎታ ፄልተ፤ ኤንቲ ዘሮኮና፥ ቡጮኮና፥ ሻለን የጎኮና፥ ሽን ህንተ ሳሎ አዋይ ኤንታ ሙዜስ። ህንተ ኤንታፈ ዳሮ አከቲ? 
\v 27 ህንተ ግዶፈ ዳሮ ኡንኤትድ ባ ላይ ቦላ እስ ጋላስ ጉጃናዉ ዳንዳኤይ ደኢ?
\p
\v 28 “ቃስ ህንተ ማእያባስ አይስ ኡንኤተቲ? አነ ጪሻታ በእተ፥ ኦሶን ዳቡሮኮና ዎይኮ ሱቆኮና። 
\v 29 ስእተ! ሀር አቶሽን፥ ካዋ ሶሎሞነይ ባ ቦንቾ ኡባን ሀ ጪሻታፐ እሱዋ መላካ ማእቤና።\x - \xo 6:29 \xo*\xt 1 ካዎ 10:4-7፤ 2 ታር 9:3-6.\xt*\x* 
\v 30 ህንተኖ፥ አማኖይ ፓጭዳይሳቶ፥ ፆሳይ ሀች በንትድ ዎንቶ ታማን ዎናዉ ደእያ ማታ ያትድ ማይዝያባ ግድኮ፥ ህንተና ኤንታፈ አድ ዋት ማይዘኔ? 
\v 31 ሄሳ ግሾ፥ ‘አይ ማኔ? አይ ኡያኔ? አይ ማአኔ?’ ግድ ኡንኤቶፍተ። 
\v 32 ሄ ኡባ ፆሳ አማኖና አሳይ ዳርስድ ደማናዉ ኡንኤቶሶና። ህንተ ሳሎ አዋይ ሄ ኡባይ ህንተዉ ኮሸይሳ ኤሬስ። 
\v 33 ሽን ኡባፈ ስን ፆሳ ካዎተነ እያ ፅሎተ ኮይተ፤ ሄ ኡባይ ህንተዉ ጉጅ እመታና። 
\v 34 ሄሳ ግሾ፥ ዎንቶስ ቆፕሸ ኡንኤቶፍተ። ዎንቶይስ ዎንቶስ አቆ፤ እስ እስ ጋላሳይ ባዉ ግድያ መቶራ ደኤስ።
\c 7
\s1 አሳ ቦላ ፕርዶፋ
\r (ሉቃ 6:37-42)
\p
\v 1 “ህንተ ቦላ ፕርደቶና መላ ሀራታ ቦላ ፕርዶፍተ። 
\v 2 አይስ ጊኮ፥ ሀራታ ቦላ ህንተ ፕርደይሳዳ ህንተ ቦላ ፕርደታና፤ ህንተ ሀራታስ ማክዳባን ህንተዉ ዛር ማከታና።\x - \xo 7:2 \xo*\xt ማር 4:24.\xt*\x* 
\v 3 ነ አይፈን ደእያ ቱሱ ዳነይሳ በኦና ነ እሻ አይፈን ደእያ ቡርያ አይስ በአይ? 
\v 4 ነ አይፈን ቱስ ደእሽን ነ እሻ አይፈን ደእያ ቡርያ ከሶ ጋናዉ ዋና ዳንዳአይ? 
\v 5 ነኖ ጩቡዋዉ፥ ኮይሮታዳ ነ አይፈን ደእያ ቱስ ዳነይሳ ከሳ። እያፐ ጉየ፥ ነ እሻ አይፈን ደእያ ቡርያ ከሳናዉ ነ ጌሻ ፄላና።
\p
\v 6 “ጉየ ስሚድ ህንተና ሳፆና መላ ጌሻባ ካናታስ የጎፍተ። ባንታ ቶሁዋን የድ ኢሶና መላ ህንተ አልኦ እንቁዋ ጉዱንታ ስንን የጎፍተ።
\s1 ዎስተ ኮይተ ፄግተ
\r (ሉቃ 11:9-13)
\p
\v 7 “ዎስተ ህንተዉ እመታና፥ ኮይተ ህንተ ደማና፥ ካረ ይድ ፄግተ ህንተዉ ዶየታና። 
\v 8 ዎስያ ኦደስካ እመታና፥ ኮይያ ኦደስካ በንታና፥ ካረ ይድ ፄግያ ኦደስካ ዶየተና።
\p
\v 9 “ህንተ ግዶፈ ባ ናእ ኡይ ዎስኮ ሹች እመይ ኦኔ? 
\v 10 ዎይኮ ሞሎ ዎስኮ ሾሽ እመይ ደኢ? 
\v 11 ያትን ህንተ ኢታ ግድሸ ህንተ ናይታስ ሎኦባ እሞ ኤርኮ፥ ህንተ ሳሎ አዋይ ባና ዎሰይሳታስ ሎኦባ ዋት ዳርስድ እመኔ? 
\v 12 ሀራት ህንተዉ ኦና መላ ህንተ ኮያባ ኡባ ህንተካ ሀራታስ ኦተ። አይስ ጊኮ፥ ሙሰ ህገይነ ናበት ታማርሰይ ሀይሳ።\x - \xo 7:12 \xo*\xt ሉቃ 6:31.\xt*\x*
\p
\v 13 “ፁን ዉላራ ገልተ፤ አይስ ጊኮ፥ ዮስ ኤፍያ ኦገይ ዎጋ፥ ዉላይካ ዳልጋ። እያራ ገልያ አሳይካ ዳሮ። 
\v 14 ሽን ደኡዋኮ ኤፍያ ኦገይነ ዉላይ ፁን፤ ያ ገልያ አሳይካ ጉ።
\s1 ም ባ አይፈን ኤረቴስ
\r (ሉቃ 6:43-44)
\p
\v 15 “ቦላ ባጋራ ዶርሰ ዳንድ ባንታ ጋን ሱመ ግድድ ህንተ ግዶ ገልያ ዎርዳንቾ ናበታፐ ናገትተ። \fig ዶርሰነ ሱማ|alt="Sheep and wolves" src="LB00011B.tif" size="col" ref="7:15"\fig* 
\v 16 ህንተ ኤንታ፥ ኤንታ አይፍያፐ ኤራና፤ አጉንፈ ዎይነይ፥ ክንቾተፐ ላደይ ማፀተና። 
\v 17 ሄሳ መላ ሎኦ ም ኡባይ ሎኦ አይፈ አይፌስ፤ ኢታ ም ኢታ አይፈ አይፌስ። 
\v 18 ሎኦ ም ኢታ አይፈ አይፈና፥ ቃስ ኢታ ም ሎኦ አይፈ አይፋናዉ ዳንዳኤና። 
\v 19 ሎኦ አይፈ አይፎና ም ኡባይ ቃንፀትድ ታማን ፁገታና።\x - \xo 7:19 \xo*\xt ማቶ 3:10፤ ሉቃ 3:9.\xt*\x* 
\v 20 ሄሳ ግሾ፥ ህንተ ኤንታ፥ ኤንታ አይፍያን ኤራና።\x - \xo 7:20 \xo*\xt ማቶ 12:33.\xt*\x*
\p
\v 21 “ሳሎን ደእያ ታ አዋ ሸንያ ኦያ ኡራይ ሳሎ ካዎተ ገላናፐ አትሽን፥ ጮ ታና ‘ጎዳዉ፥ ጎዳዉ’ ግያ ኡባይ ሳሎ ካዎተ ገለና። 
\v 22 ፕርዳ ጋላስ ዳሮት፥ ‘ጎዳዉ፥ ጎዳዉ፥ ነ ሱንን ትንብተ ኦድቦኮ? ነ ሱንን ቱና አያናታ ከስቦኮ? ነ ሱንን ማላታታ ኦቦኮ?’ ያጋና። 
\v 23 ሄ ዎደ ታኒ፥ ‘ታ ህንተና ኡባራካ ኤርከ፥ ህንተ ኢታ ኦይሳት ታፐ ሃክተ’ ያጋና።\x - \xo 7:23 \xo*\xt ማዝ 6:8.\xt*\x*
\s1 ኬ ኬፅያ ናምኡ አሳታ
\p
\v 24 “ህዛ፥ ሀ ታ ቃላ ስእድ ኦያ ኦንካ ባ ኬ ሹቻ ቦላ ኬፅዳ ዎዛናማ አሳ መላ። 
\v 25 እራይ ቡክስ፥ ድኦይ ድእስ፥ ጫርኮይካ ጫርክድ ሄ ኬ ሱግስ። ሽን ኬይ ሹቻ ባሶ ቦላ ኬፀትዳ ግሾ ኩንድቤና። 
\v 26 ሀ ታ ቃላ ስእድ ኦና ኦንካ ባ ኬ ሻፈ ቦላ ኬፅዳ ኤያ ኡራ መላ። 
\v 27 እራይ ቡክድ፥ ድኦይ ድእድ፥ ጫርኮይካ ጫርክድ፥ ሄ ኬ ሱግን፥ ሄ ኬይ ኩንድስ፤ እያ ኩንደይካ ዎልቃማ” ያግስ።
\p
\v 28-29 የሱሲ ባ ኦዳ ኦንግዳ ዎደ እያ ትምርተይ ህገ አስታማረታ መላ ግዶናሽን፥ ማታራ ግድያ ግሾ አሳይ እያ ትምርትያን ማላለትዶሶና።\x - \xo 7:28-29 \xo*\xt ማር 1:22፤ ሉቃ 4:32.\xt*\x*
\c 8
\s1 ባሮ ሀርጋንቾይ ፓፅስ
\r (ማር 1:40-45፤ ሉቃ 5:12-16)
\p
\v 1 የሱሲ ዙማፐ ዎያ ዎደ ዳሮ አሳይ እያ ካልዶሶና። 
\v 2 ሄኮ እስ ባሮ ሀርጋንቾይ እያኮ ሺቅድ፥ እያ ስንን ጉልባትድ፥ “ጎዳዉ፥ ነ ሸነ ግድኮ ታና ጌሻዳ ፓናዉ ዳንዳኣሳ” ያግስ። 
\v 3 የሱሲ ባ ኩሽያ የድድ እያ ቦችድ፥ “ኤ፥ ታ ሸነ፥ ፓፃ” ያግስ። ኡራይ ኢራካ ጌይ አግስ። 
\v 4 የሱሲ እያኮ፥ “ነ ፓፁዋ ኦደስካ ኦዶፓ። ሽን ባዳ ነ ጌያዳ ፓፆይሳ ካህነ በሳ። ነ ፓፁዋስ ማርካ ግዳና መላ ባዳ ሙሰይ ኪትዳ ያርሹዋ ያርሻ” ያግስ።\x - \xo 8:4 \xo*\xt ሌወ 14:1.\xt*\x*
\s1 ማቶ ሀላቃ አማኖ
\p
\v 5 የሱሲ ቅፍርናሆማ ካታማ ጋክዳ ዎደ፥ እስ ማቶ ሀላቃይ እያኮ ሺቅድ፥ 
\v 6 “ጎዳዉ፥ ታ አይለይ አሳተይ ጉንድን ዳሮ ሀርገትድ፥ ሶን ዝንእድ ደኤስ” ያግድ ዎስስ።
\p
\v 7 የሱሲ ዛሪድ፥ “ታኒ ባዳ እያ ፓና” ያግስ።
\p
\v 8 ሽን ማቶ ሀላቃይ ዛሪድ፥ “ጎዳዉ፥ ነ ታ ሶ ገላናዉ በሲያ አስ ግድከ፥ ሽን ነ ሀን ኡታዳ ቃላ ፃላላ ኦዳ፥ ታ አይለይ ፓፃና። 
\v 9 አይስ ጊኮ፥ ታፐ ቦላራ ታና ኪትያ አሳት ደኦሶና፥ ቃስ ታፐ ጋርሳራ ታዉ ኪተተይሳት ደኦሶና። ኤንታፈ እሱዋ፥ ‘ባ’ ግያደ ቤስ፤ ሀንኩዋ ቃስ ‘ሃያ!’ ግያደ ዬስ። ታ አይልያ፥ ‘ሀይሳ ኦ’ ግያደ ኦስ” ያግስ።
\p
\v 10 የሱሲ ሄሳ ስእዳ ዎደ ማላለትድ፥ ባና ካልያ አሳኮ፥ “ታ ህንተዉ ቱማ ኦዳይስ፤ ታኒ ሀይሳ መላ አማኖ እስራኤለ አሳንካ በአብከ። 
\v 11 ታ ህንተዉ ኦዳይስ፤ ዳሮት ዶሎሀፐነ ዉሎሀፐ ይድ፥ ሳሎ ካዎተን አብራሃመራ፥ ይሳቃራነ ያይቆባራ እስፈ እማቶ ቦላ ኡታና።\x - \xo 8:11 \xo*\xt ሉቃ 13:29.\xt*\x* 
\v 12 ሽን ሳሎ ካዎተ ላታናዉ በስሽን አትዳይሳት ካረ ማን ሆለታና። ያን ኤንታዉ ዬሆነ አቻ ጋርጨ ግዳና” ያግስ።\x - \xo 8:12 \xo*\xt ማቶ 22:13፤ 25:30፤ ሉቃ 13:28.\xt*\x*
\p
\v 13 የሱሲ ማቶ ሀላቃኮ፥ “ነ ሶ ባ፥ ነ አማኑዋ ነዉ ሀኖ” ያግስ። እያ አይለይ ኢራካ ፓፅ አግስ።
\s1 የሱሲ ዳሮ ሀርጋንቾታ ፓስ
\r (ማር 1:29-34፤ ሉቃ 4:38-41)
\p
\v 14 የሱሲ ጰፅሮሳ ሶ ገልያ ዎደ፥ ጰፅሮሳ ማቸ አይያ ቆፆ ምሻ ሀርገን ሳከታዳ ዝንእዳሮ በእስ። 
\v 15 የሱሲ እ ኩሽያ ቦችዳ ዎደ ቆፆይነ ምሻይ አጋግስ። ፓፃ ደንዳዳ እያ ሞካሱ።
\p
\v 16 ሄ ዎደ ኦማርስ ቱና አያናን ኦይከትዳ ዳሮ አሳታ፥ አሳይ የሱሳኮ ኤህዶሶና። እካ ቱና አያናታ ባ ቃላን ከስስ፥ ሀርጋንቾታ ኡባ ፓስ። 
\v 17 ሄሳንካ ናብያ እሳያስ፥
\q1 “እ ኑ ሀርግያ ባዉ ኤክስ፥
\q2 ኑ ዳቡራ ቶክስ”
\m ግዳ ቃላይ ፖለትስ።\x - \xo 8:17 \xo*\xt እሳ 53:4.\xt*\x*
\s1 የሱሳ ካሎይ ጭግስያ ጋተ
\r (ሉቃ 9:57-62)
\p
\v 18 የሱሲ ዳሮ አሳይ እያ ዩሹዋን ኤቅዳይሳ በእድ፥ አባፈ ሄፍን ፕናና መላ ባ ታማረታ ኪትስ። 
\v 19 ህገ አስታማረታፐ እሶይ፥ “አስታማርያዉ፥ ነ ብያ በሳ ኡባ ታ ካላና” ያግስ።
\p
\v 20 የሱሲ እያኮ “ዎርካናታስ ኦል ደኤስ፥ ሳሎ ካፎታስ ኬ ደኤስ። ሽን አሳ ናኣስ ባ ሁጵያ ሸምፕስያ በሲ ባዋ” ያግስ።
\p
\v 21 የሱሳ ካልያ አሳታፐ እሶይ፥ “ጎዳዉ፥ ታኒ ስንታ ባዳ ታ አዋ ሞጋዳ ያና” ያግስ።
\p
\v 22 ሽን የሱሲ፥ “ሀይቅዳይሳት ባንታ ሀይቆታ ሞጎ፤ ኔኒ ታና ካላ” ያግስ።
\s1 የሱሲ ሆቢያ ሴርስ
\r (ማር 4:35-41፤ ሉቃ 8:22-25)
\p
\v 23 የሱሲ ባናዉ ዎጎሉዋን ገልዳ ዎደ፥ እያ ታማረትካ እያራ ባናዉ ገልዶሶና። 
\v 24 ኤንቲ ቆፖና ደእሽን፥ ዎልቃማ ሆበይ ሃ ቦላ ደንድን ዎጎሎይ ምተታናዉ ጋክስ። ሽን የሱሲ ስክስ። 
\v 25 እያ ታማረት እያኮ ሺቅድ እያ ባርከድ፥ “ጎዳዉ፥ ኑ ዮስ ኑና አሻርክ” ያግዶሶና።
\p
\v 26 የሱሲ ኤንታኮ፥ “ህንተኖ፥ አማኖይ ፓጭዳይሳቶ፥ አይስ ያየቲ?” ያግስ። ደንድድ፥ ሆቢያነ ጎትያ ኤስስ። ኤለስድ ኡባባይ ስእ ግስ።
\p
\v 27 እያ ታማረት ማላለትድ፥ “ሀይስ፥ ሀር አቶሽን፥ ሆበይነ ጎተይ ኪተተይስ ዋንዳ አሴ?” ያግዶሶና።
\s1 ቱና አያን ኦይክዳ ናምኡ አሳታ
\r (ማር 5:1-20፤ ሉቃ 8:26-39)
\p
\v 28 የሱሲ አባፈ ሄፍንን ደእያ ገርገሶነ ቢታ ጋክዳ ዎደ ቱና አያናይ ኦይክዳ ናምኡ አሳት ዱፎፐ ከይድ እያራ ጋሄትዶሶና። ኤንቲ ዳሮ ኢታነ ያሽያ አሳታ ግድያ ግሾ አስ ሄ በሳራ አናዉ ዳንዳኤና። 
\v 29 ኤንትካ፥ “ፆሳ ናአዉ፥ ኑናነ ነና አይበ ጋይ? ዎደይ ጋኮና ደእሽን ኑና ፕርዳናዉ ያዲ?” ግድ ዋስዶሶና።
\p
\v 30 ኤንታፈ ዳሮ ሃኮና ጉዱን ዉደይ ሄመቴስ። 
\v 31 ቱና አያናት የሱሳ፥ “ነ ኑና ከሳናባ ግድኮ፥ ህን ጉዱን ዉድያ ግዶ የዳርክ” ያግድ ዎስዶሶና።
\p
\v 32 የሱሲ፥ “ቢተ” ያግስ። ቱና አያናት አሳታፐ ከይድ ጉዱንታን ገልዶሶና። ጉዱንት ኡባይ አፎ ዶናራ ድርግድ ብድ አባን ምተትድ ሀይቅዶሶና።
\p
\v 33 ጉዱን ዉድያ ሄመይሳት ባቃትድ ካታማ ብድ፥ ሀንዳባነ ቱና አያናይ ኦይክዳ አሳታ ቦላ ኦሰትዳባ ኡባ ኦድዶሶና። 
\v 34 ያትን፥ ካታማን ደእያ አሳ ኡባይ የሱሳ በአናዉ ከይዶሶና። ኤንቲ የሱሳ በእዳ ዎደ ባንታ ቢታፈ ከይድ ባና መላ ዎስዶሶና።
\c 9
\s1 ጉንዳ ኡራ
\r (ማር 2:1-12፤ ሉቃ 5:17-26)
\p
\v 1 ሄሳፈ ጉየ፥ የሱሲ ዎጎሉዋን ገልድ፥ አባ ፕንድ ባ ካታማ ብስ። 
\v 2 ሀንዳ ጉ አሳት እስ ጉንዳ ኡራ አልጋራ ቶክድ የሱሳኮ ኤህዶሶና። የሱሲ ኤንታ አማኑዋ በእድ፥ ጉንዳ ኡራ፥ “ታ ናአዉ፥ ያዮፋ፤ ነ ናጋራይ አቶ ጌተትስ” ያግስ።
\p
\v 3 ሄ ሳትያን፥ አይሁደ ህገ አስታማረታፐ እሶት እሶት፥ “ሀይስ ፆሳ ጫሸ ግደነ” ያግድ ባንታ ዎዛናን ቆፕዶሶና።
\p
\v 4 የሱሲ ኤንታ ቆፋ ኤርድ፥ “ኢታባ ህንተ ዎዛናን አይስ ቆፔቲ? 
\v 5 ሀኖሽን፥ ‘ነ ናጋራይ አቶ ጌተትስ’ ገይሳፈነ ‘ደንዳ ኤቃዳ ባ’ ገይሳፈ አዉስ ካዉዪ? 
\v 6 ሽን ሳአ ቦላ ናጋራ አቶ ጋናዉ አሳ ናኣስ ማት ደኤይሳ ታ ህንተና ኤርሳና” ያግድ፥ ጉንዳ አድያኮ፥ “ደንዳ ኤቃ፥ ነ አልጋ ቶካዳ፥ ነ ሶ ባ” ያግስ።
\p
\v 7 ጉንዳ ኡራይ ደንድድ ባ ሶ ብስ። 
\v 8 ደረይ ሄሳ በእድ ማላለትዶሶና። ሄሳ መላ ማታ አሳስ እምዳ ፆሳ ጋላትዶሶና።
\s1 ማቶሳ ፄገተ
\r (ማር 2:13-17፤ ሉቃ 5:27-32)
\p
\v 9 የሱሲ ያፐ ደንድድ ብሸ ማቶሳ ገይሳ ቃራፃ ቃንፅስያ በሳን ኡትዳሽን በእድ፥ “ታና ካላ” ያግስ።
\p እካ ደንድድ ካልስ።
\p
\v 10 የሱሲ ማቶሳ ሶን ጋይታ ቦላ ኡትዳሽን፥ ቃራፃ ቃንፅስያ ዳሮ አሳትነ ናጋራንቾት ይድ እያራነ እያ ታማረታራ እስፈ ማናዉ ኡትዶሶና።\x - \xo 9:10 \xo*\xt ሉቃ 15:1-2.\xt*\x* 
\v 11 እስ እስ ፋርሳወት ሄሳ በእድ፥ የሱሳ ታማረታ፥ “ህንተ አስታማረይ ቃራፃ ቃንፅሰይሳታራነ ናጋራንቾታራ አይስ ሚ?” ያግዶሶና።
\p
\v 12 የሱሲ ሄሳ ስእድ፥ “ለ ኮሸይ ሀርጋንቾታሳፈ አትሽን፥ ፓፃታሳ ግደና። 
\v 13 ሽን ህንተ ብድ፥ ‘ታኒ ህንተ ያርሹዋ ግዶናሽን ህንተ ሀራታ ማራና መላ ኮያይስ’ ጌተትድ ፃፈትዳይስ አይ ጉሰኮ ኤርተ። አይስ ጊኮ፥ ታኒ ናጋራንቾታ ፄጋናዉ ያስፐ አትሽን፥ ፅሎታ ፄጋናዉ ያቢከ” ያግስ።\x - \xo 9:13 \xo*\xt ማቶ 12:7፤ ሆሰ 6:6.\xt*\x*
\s1 የሱሲ ፆማባ ኦይሸትስ
\r (ማር 2:18-22፤ ሉቃ 5:33-39)
\p
\v 14 ሄ ዎደ ዮሃንሳ ታማረት የሱሳኮ ሺቅድ፥ “ኑነ ፋርሳወት ፆሞስ፥ ሽን ነ ታማረት አይስ ፆሞኮና?” ያግድ ኦይችዶሶና።
\p
\v 15 የሱሲ ዛሪድ ኤንታኮ፥ “ማችዉ ኤከይስ ኤንታራ ደእሽን ፄገትድ ይዳ አሳይ ካዮታናዉ ዳንዳኦና? ሙሹራይ ኤንታ ማታፐ ኤከታና ዎደይ ያና፥ ኤንቲ ሄ ዎደ ፆማና።
\p
\v 16 “ኦራ ማኦፐ ፔድ ጋልአ ማኦ ቦላ ስከይ ኦንካ ባዋ። ሄሳ ኦኮ ኦራይ ጋልአ ፔስ። ፔይካ ጉጅ ዳልጌስ። 
\v 17 ኦራ ዎይነ ጋልአ ኦጎሮን ቆልያ ኦንካ ባዋ። ሄሳ ኦኮ ኦራ ዎይነይ ጋልአ ኦጎሩዋ ሴስ ዎይነይካ ጉኬስ፤ ኦጎሮይካ ናምአን ማዶናባ ግዴስ። ሽን ኦራ ዎይነይ ኦራ ኦጎሮን ቆለታናዉ በሴስ። ሄሳ ኦሰትኮ ናምአይካ ኢቶና ናገቶሶና” ያግስ።\fig ዎይነ ኦጎሮ|alt="Wineskin" src="LB00145B.tif" size="col" ref="9:17"\fig*
\s1 ሀይቅዳ ናእዉነ ሀርገትያ ማጫስዉ
\r (ማር 5:21-43፤ ሉቃ 8:40-56)
\p
\v 18 የሱሲ ሄሳ ኦዶ ቦላ ደእሽን፥ አይሁደ ሀላቃታፐ እሶይ እያኮ ይድ፥ እያ ስንን ጉልባትድ፥ “ታ ናእያ ሀእ ሀይቃሱ፥ ሽን እያ ፓፃና መላ ኔኒ ያዳ ነ ኩሽያ እ ቦላ ዎርክ” ግድ ዎስስ። 
\v 19 የሱሲ ደንድድ እያራ ብስ፤ እያ ታማረትካ ካልዶሶና።
\p
\v 20 እ ብሽን ታማነ ናምኡ ላይ ኩመ ሱ ጎግድ ዋይስያ እስ ማጫስያ ጉየራ ሺቃዳ የሱሳ አፍላ ማጫራ ቦቻሱ። 
\v 21 እያ ባ ዎዛናን፥ “ታ እያ አፍላ ማጫራ ፃላላ ቦችያኮ ፓፃና” ያጋዳ ቆፓሱ።
\p
\v 22 የሱሲ ጉየ ስም እዮ ፄልድ፥ “ታ ናተ፥ ያዮፋ! ነና ነ አማኖይ ፓስ” ያግስ። ማጫስያ ኤለሳዳ ፓፃ አጋሱ።
\p
\v 23 የሱሲ አይሁደ ሀላቃ ሶ ጋክያ ዎደ ዛየ ፑነይሳታነ ዬከይሳታ በእድ፥ 
\v 24 “አነ ክችተ፤ ጉ ናእያ ስካሱፐ አትሽን፥ ሀይቃቡኩ” ያግስ። ሽን አሳይ እያ ቦላ ሚጭዶሶና። 
\v 25 አሳ ካረ ከስዳፐ ጉየ ሶ ገልድ፥ ናኤ ኩሽያ ኦይክስ፥ ናእያ ደንዳ ኤቃሱ። 
\v 26 ሄ ዎረይ ሄ ቢታ ኡባ ጋክስ።
\s1 ናምኡ ቆቀ አሳታ
\p
\v 27 የሱሲ ያፐ ደንድድ ገደ ስን ብያ ዎደ ናምኡ ቆቀት ባንታ ቃላ ቁ ኦድ፥ “ዳዊታ ናአዉ፥ ኑና ማራርክ” ያግሸ እያ ካልዶሶና።
\p
\v 28 የሱሲ ሶ ገልዳ ዎደ ቆቀት እያ ካልድ ይዶሶና። የሱሲ ኤንታኮ፥ “ታኒ ሄሳ ኦናዉ ዳንዳኤይሳ ህንተ አማነቲ?” ያግስ።
\p ኤንትካ፥ “ኤ፥ ጎዳዉ” ያግድ ዛርዶሶና።
\p
\v 29 ሄሳፈ ጉየ፥ የሱሲ ኤንታ አይፍያ ቦችድ ኤንታኮ፥ “ህንተዉ፥ ህንተ አማኑዋ ሀኖ” ያግስ። 
\v 30 ኤንታ አይፈይካ ዶየትስ። የሱሲ ኤንታኮ፥ “ሀይሳ ኦደስካ ኦዶፕተ” ያግድ ምን ኦድስ። 
\v 31 ሽን አሳት ብድ የሱሳባ ሄ ቢታ ኡባን ኦድዶሶና።
\p
\v 32 ኤንቲ ያፐ ከይያ ዎደ አሳይ ቱና አያናይ ኦይክድ ሙምስዳ እስ አስ የሱሳኮ ኤህዶሶና። 
\v 33 ቱና አያናይ ከይዳፐ ጉየ ሙመ ኡራይ ኦደትስ። ደረይካ ማላለትድ፥ “ሀይሳ መላ ኦራባይ እስራኤለ ቢታን ሀንቤና” ያግዶሶና።
\p
\v 34 ሽን ፋርሳወት፥ “ቱና አያናታ ሀላቃን ቱና አያናታ ከሴስ” ያግዶሶና።\x - \xo 9:34 \xo*\xt ማቶ 10:25፤ 12:24፤ ማር 3:22፤ ሉቃ 11:15.\xt*\x*
\s1 ኦሳንቾት ጉ
\p
\v 35 የሱሲ አይሁደ ዎሳ ኬታን ታማርስሸ፥ ሳሎ ካዎተ ዎንገላ ሳባክሸ፥ አሳ ሀርገ ኡባፈ ፓሸ ካታማታንነ ጉታ ኡባን ዩይስ።\x - \xo 9:35 \xo*\xt ማቶ 4:23፤ ማር 1:39፤ ሉቃ 4:44.\xt*\x* 
\v 36 ዳሮ ደረይ፥ ሄምያ አስ ባይና ዶርሳዳ ኤንታና በእያ አስ ይን ኡንኤትድ ደኤይሳታ በእድ ኤንታዉ ቃትስ።\x - \xo 9:36 \xo*\xt ታይቦ 27:17፤ 1 ካዎ 22:17፤ 2 ታር 18:16፤ ህዝ 34:5፤ ማር 6:34.\xt*\x* 
\v 37 ባ ታማረታኮ፥ “ሺቃና ካይ ዳሮ፥ ሽን ካ ሺሽያ አሳይ ጉ።\x - \xo 9:37 \xo*\xt ሉቃ 10:2.\xt*\x* 
\v 38 ሄሳ ግሾ፥ ጎዳይ ካ ሺሽያ ኦሳንቾታ የዳና መላ ዎስተ” ያግስ።
\c 10
\s1 ታማነ ናምኡ ሀዋረታ
\r (ማር 3:13-19፤ ሉቃ 6:12-16)
\p
\v 1 የሱሲ ታማነ ናምኡ ታማረታ ባኮ ፄግድ፥ ቱና አያናታ ከሳና መላነ ሀርገ ኡባ ፓና መላ ኤንታዉ ማታ እሚስ።
\p
\v 2 የሱሲ ኪትዳ ታማነ ናምኡ ሀዋረታ ሱንይ፦ ኮይሮይ ጰፅሮሳ ጌተትያ ስሞናነ እያ እሻ እንድርያሳ፥ ዛብድዮሳ ናኣ ያይቆባነ እያ እሻ ዮሃንሳ፥ 
\v 3 ፍልጶሳነ ባርተለሞሳ፥ ቶማሳነ ቃራፃ ቃንፅስያ ማቶሳ፥ እልፍዮሳ ናኣ ያይቆባ፥ ታድዮሳ፥ 
\v 4 ባ ቢታስ ምሸትያ ስሞናነ የሱሳ አድ እምዳ አስቆሮታ ይሁዳ።
\p
\v 5 ሄ ታማነ ናምአታ የሱሲ ኪትድ የድሸ፥ “አይሁደ ግዶና ደርያኮ ቦፕተ፥ ቃስ ሳማረታ ካታማካ ገሎፕተ። 
\v 6 ሽን እስራኤለ ኬፈ ግድዳ ህን ይዳ ዶርሳታኮ ቢተ። 
\v 7 ያ ብድ፥ ‘ሳሎ ካዎተይ ማታትስ’ ግድ ኦድተ።\x - \xo 10:7 \xo*\xt ሉቃ 10:4-12.\xt*\x* 
\v 8 ሀርጋንቾታ ፓተ፥ ሀይቅዳይሳታ ሀይቆፐ ደንተ፥ ባሮ ሀርጋንቾታ ጌሽ ፓተ፥ ቱና አያናታ ከስተ። ህንተ ጮ ኤክዳይሳ ጮ እምተ። 
\v 9 ህንተ ኪሰን ዎርቃ፥ ዎይኮ ብራ ሳንትመ ኦይኮፍተ። 
\v 10 ህንተ ኦግያስ ካርፂቶ፥ ናምኡ አፍላ፥ ዎይኮ ጫማ ዎይኮ ፃምአ ኦይኮፍተ፤ ኦሳንቹዋስ ጋላሳ ካ ኮሼስ።\x - \xo 10:10 \xo*\xt 2 ቆሮ 9:14፤ 1 ፅሞ 5:18.\xt*\x*
\p
\v 11 “ህንተ እስ ካታማ ዎይኮ ጉታ ገልያ ዎደ ህንተና ሞክድ ኤካናዉ ኡፋይትያ ኡራ ኮይድ እያ ሶን ሸምፕተ፤ ህንተ ባና ጋካናዉ ያን ጋምእተ። 
\v 12 ቃስ ኦደ ሶካ ገልሸ ሳሮተ። 
\v 13 ሄ ኬይ ህንተና ሞክኮ ህንተ ሳሮዳ ሳሮይ ኤንታና ጋኮ፥ ሽን ኤንቲ ሞኮና እፅኮ ህንተ ሳሮዳ ሳሮይ ህንተዉ ጉየ ስሞ። 
\v 14 ኦንካ ህንተና ሞኮናነ ህንተ ኦድያባ ስኦና እፅኮ ሄ ኬፈ ዎይኮ ሄ ካታማፐ ከይሸ ህንተ ቶሁዋን ደእያ ባና ፕትድ ከይተ።\x - \xo 10:14 \xo*\xt ሀዋ 13:51.\xt*\x* 
\v 15 ታ ህንተዉ ቱማ ኦዳይስ፤ ፆሳ ፕርዳ ጋላሳን ሄ ካታማፐ ሶዶመስነ ጋሞራ ካታማታስ ፕርዳይ ካዉያና።\x - \xo 10:15 \xo*\xt ማቶ 11:24፤ መ 19:24.\xt*\x*
\p
\v 16 “ታ ህንተና ዶርሳታዳ ሱመታ ግዶ የዳና። ሄሳ ግሾ፥ ሾሻዳ ጭንጫታ፥ ሆለዳ አዳታ ግድተ።\x - \xo 10:16 \xo*\xt ሉቃ 10:3.\xt*\x* 
\v 17 አሳይ ህንተና ፕርዳ ዳይናታስ አድ እማና፥ ቃስ አይሁደ ዎሳ ኬን ህንተና ጋራፋና። ሄሳ ግሾ፥ ኤንታፈ ናገትተ።\x - \xo 10:17 \xo*\xt ማር 13:9-11፤ ሉቃ 12:11-12፤ 21:12-15.\xt*\x* 
\v 18 ታ ግሾ ግድ ህንተና ደርያ ሃረይሳታ ስንነ ካዎታ ስን ኤፋና። ኤንታ ስንንነ አይሁደ ግዶና ደርያ ስንን ኤቅድ ህንተ ታባ ማርካታና። 
\v 19 ሽን ህንተና ፕርዳስ አድ እምያ ዎደ፥ ዎይግድ ዛርኖ ግድ ኡንኤቶፍተ፤ ሄ ሳትያን ህንተ ጋናባ ፆሳይ ህንተዉ እማና። 
\v 20 አይስ ጊኮ፥ ህንተናን ኦደተይ ህንተ አዋ ጌሻ አያናፐ አትሽን፥ ህንተና ግደከታ።
\p
\v 21 “እሻይ ባ እሻ፥ አዋይ ባ ናአ፥ ሀይቆስ አድ እማና፥ ናይት ባንታና የልዳይሳታ ቦላ ደንድድ ኤንታ ዎሳና።\x - \xo 10:21 \xo*\xt ማር 13:12፤ ሉቃ 21:16.\xt*\x* 
\v 22 ታ ግሾ ግድ አሳ ኡባይ ህንተና እፃና፥ ሽን ዉርሰ ጋካናዉ ምንዳይ አታና።\x - \xo 10:22 \xo*\xt ማቶ 24:9፤ ማር 13:13፤ ሉቃ 21:17፤ ማቶ 24:13፤ ማር 13:13.\xt*\x* 
\v 23 እስ ሄራፐ ህንተና ኤንቲ ጎድኮ ሀራ ካታማ ባቃትተ። ታኒ ህንተዉ ቱማ ኦዳይስ፤ አሳ ናአይ ያና ጋካናዉ፥ ህንተ እስራኤለ ካታማ ኡባ ካንከታ።
\p
\v 24 “ታማረይ ባ አስታማርያፐ፥ አይለይ ባ ጎዳፐ አና።\x - \xo 10:24 \xo*\xt ሉቃ 6:40፤ ዮሀ 13:16፤ 15:20.\xt*\x* 
\v 25 ታማረይ ባ አስታማርያ፥ አይለይ ባ ጎዳ ዳንኮ እያዉ ግዳና። ኬ ጎዳ ብኤል-ዘቡላ ጊኮ እያ ሶ አሳ ዋትድ ኢስድ ፄገኔ?\x - \xo 10:25 \xo*\xt ማቶ 9:34፤ 12:24፤ ማር 3:22፤ ሉቃ 11:15.\xt*\x*
\p
\v 26 “ህዛ፥ አሳስ ያዮፍተ። ካመትዳባይ ቆንጮና፥ ቆሰትዳባይ ጌሽ ከዮና አተና።\x - \xo 10:26 \xo*\xt ማር 4:22፤ ሉቃ 8:17.\xt*\x* 
\v 27 ታኒ ህንተዉ ማን ኦድያባ ህንተ ፖኦን ኦድተ፤ ታ ህንተዉ ሀይን ካልካሽዳባ ዳባባን አዋጅተ። 
\v 28 አሾፐ አትሽን፥ ሸምፖ ዎናዉ ዳንዳኦናይሳታስ ያዮፍተ። ሽን ሸምፑዋነ አሹዋ ጋናመን ይሳናዉ ዳንዳእያ ፆሳስ ያይተ። 
\v 29 ናምኡ ቡበት እስ ሳንትመን ባይዘቶኮናዬ? ሀኖፐ አትሽን፥ ኤንታፈ እስናካ ህንተ ፆሳይ ጎና ደእሽን ሳአን ዎኩ። 
\v 30 ሀር አቶሽን፥ ህንተ ሁጰ ብናናይካ ፓይደትድ ደኤስ። 
\v 31 ህዛ፥ ዳሮ ቡበታፐ ህንተ አያ ግሾ ያዮፍተ።
\p
\v 32 “አሳ ስንን ታዉ ማርካትያ ኡባስ ታንካ ሳሎን ደእያ ታ አዋ ስንን ማርካታና። 
\v 33 ሽን አሳ ስንን ታና ካደይሳ ታንካ ሳሎን ደእያ ታ አዋ ስንን ካዳና።\x - \xo 10:33 \xo*\xt 2 ፅሞ 2:12.\xt*\x*
\p
\v 34 “ታኒ ሳአን ሳሮ ኤሀናዉ ይዳ ህንተዉ ዳኖፖ። ታኒ ቶራፐ አትሽን፥ ሳሮተ ኤሀናዉ ያቢከ። 
\v 35 ታኒ ይዳይ፥
\q1 “ ‘ናኣ አዋፐ
\q2 ማጫ ናእዉ አየፐ
\q2 ናኣ ማችዉ አዝና አየፐ ሻካናሳ።\x - \xo 10:35 \xo*\xt ምክ 7:6.\xt*\x*
\q2
\v 36 አሳስ ሞርከት እያ ሶ አሳታ ግዳና።’
\p
\v 37 “ታፐ አድ ባ አዋ ዎይኮ ባ አይዉ ዶሰይ፥ ታባ ግዳናዉ በሰና። ባ አደ ናአ ዎይኮ ባ ማጫ ናእዉ ታፐ አድ ዶሰይ፥ ታባ ግዳናዉ በሰና። 
\v 38 ባ ማስቃልያ ቶክድ ታና ካሎና ኦንካ ታባ ግዳናዉ በሰና።\x - \xo 10:38 \xo*\xt ማቶ 16:24፤ ማር 8:34፤ ሉቃ 9:23.\xt*\x* 
\v 39 ባ ሸምፑዋ አሻናዉ ኮየይ ይሳና፥ ሽን ባ ሸምፑዋ ታ ግሾ አድ እመይ አሻና።\x - \xo 10:39 \xo*\xt ማቶ 16:25፤ ማር 8:35፤ ሉቃ 9:24፤ 17:33፤ ዮሀ 12:25.\xt*\x*
\p
\v 40 “ህንተና ሞከይ ታና ሞኬስ፥ ታና ሞከይ ቃስ ታና ኪትዳይሳ ሞኬስ።\x - \xo 10:40 \xo*\xt ሉቃ 10:16፤ ዮሀ 13:20፤ ማር 9:37፤ ሉቃ 9:48.\xt*\x* 
\v 41 ናብያ ናበ ሱንን ሞከይ፥ ናብያ ዎይተታና፤ ቃስ ፅሉዋ ፅሎ ሱንን ሞከይ፥ ፅሉዋ ዎይተታና። 
\v 42 ታ ህንተዉ ቱማ ኦዳይስ፤ ሀ ታ ታማረታፐ ጉፅያ እሱዋስ ታና ካልያ ግሾ ሀር አቶሽን ጉ እርፃ ሃ እምኮ እያ ዎይቶይ የና” ያግስ።
\c 11
\s1 ፃማቅያ ዮሃንስ ኪትዳ አሳታ
\r (ሉቃ 7:18-35)
\p
\v 1 የሱሲ ታማነ ናምኡ ታማረታ ኪትዳፐ ጉየ ያፐ ደንድድ ታማርሳናዉነ ሳባካናዉ ጋልላ ካታማታ ብስ።
\p
\v 2 ዮሃንስ ቃሾ ኬን ደእሸ ክርስቶስ ኦያባታ ስእድ፥ ባ ታማረታፐ እያኮ ኪትድ፥ 
\v 3 “ያና ጌተትዳይ ነነዬ? ዎይኮ ኑኒ ሀራ ናግኖ?” ያግድ ኦይችስ።
\p
\v 4 የሱሲ ኤንታኮ ዛሪድ፥ “ብድ ህንተ ስእያባነ ህንተ በእያባ ዮሃንሳስ ኦድተ። 
\v 5 ቆቀት ፄሎሶና፥ ዎበት ሄመቶሶና፥ ባሮ ሀርጋንቾት ፓፆሶና፥ ቱለት ስኦሶና፥ ሀይቅዳይሳት ሀይቆፐ ደንዶሶና፤ ማንቆታስ ዎንገላይ ሳባከቴስ።\x - \xo 11:5 \xo*\xt እሳ 35:5.\xt*\x* 
\v 6 ታናን በቶናይ አንጀትዳይሳ” ያግስ።
\p
\v 7 ዮሃንሳ ታማረት ጉየ ስሚድ ብን፥ የሱሲ ደርያስ ዮሃንሳባ ኦድሸ፥ “ሀ መላ ቢታ አይ በአናዉ ከይደቲ? ጫርኮይ ቃያ ማይረ በአናዉ ይደትዬ? 
\v 8 ያትን፥ አይ በአናዉ ከይደቲ? ኮይሰ ማኦ ማእዳ አሰ በአናሰዬ? ኮይሰ ማኦ ማእዳ አሳት ካዎ ጋን ደኦሶና። 
\v 9 ያትን፥ አይ በአናዉ ከይደቲ? ናበ በአናሰዬ? ሄኮ፥ ህንተ ናበፐ አይሳ በኤታ።
\q1
\v 10 “ነ ኦግያ ነ ስንን ጊግስያ
\q2 ታ ኪታንቹዋ ኔፐ ስን ኪታና”
\m ጌተትድ ፃፈትዳይ እያሳ።\x - \xo 11:10 \xo*\xt ምልክ 3:1.\xt*\x*
\p
\v 11 ታ ህንተዉ ቱማ ኦዳይስ፤ ማጫሳፐ የለትዳይሳታ ግዶፈ ዮሃንሳፐ አይ ኦንካ ባዋ፤ ሳሎ ካዎተን ኡባፈ ጉፀይ እ፥ እያፐ አና። 
\v 12 ፃማቅያ ዮሃንሳ ዎድያፐ ዶምድ ሀች ጋካናዉ ሳሎ ካዎተይ ዳሮ ናቀቴስ፥ ምንዳ አሳት ዎልቃን ያ ገላና።\x - \xo 11:12 \xo*\xt ሉቃ 16:16.\xt*\x* 
\v 13 ናበት ኡባይነ ሙሰ ህገይ ዮሃንሳ ዎደ ጋካናዉ ሳሎ ካዎተባ ትንብተ ኦድዶሶና። 
\v 14 ህዛ፥ ህንተ ኤንታ ኪታ አማናና ግድኮ፥ ያና ጌተትዳ ኤልያስ፥ እ ዮሃንሳ።\x - \xo 11:14 \xo*\xt ምልክ 4:5፤ ማቶ 17:10.\xt*\x* 
\v 15 ህዛ፥ ስእያ ሀይ ደኤይ ስኦ።
\p
\v 16 “ህዛ፥ ሀ ዎድያ የለተ አይብራ ዳንሶ? ግያ ግዶን ኡትድ ዎል ፄግድ፥
\q1
\v 17 ‘ኑ ህንተዉ ሱሱልኤ ፑንን፤
\q2 ህንተ የፀከታ።
\q1 ኑ ሳቢድ ዘሌልን፤
\q2 ህንተ ዬከከታ’
\m ግያ ናይታ ዳኖሶና። 
\v 18 ፃማቅያ ዮሃንስ ሞናነ ኡዮና ይን፥ ‘ቱና አያን ደኤስ’ ያግደታ። 
\v 19 አሳ ናአይ ምሸነ ኡይሸ ይን፥ ‘ያራምባነ ኡሻንቾ፥ ቃራፃ ቃንፅሰይሳታነ ናጋራንቾታ ዳቦ’ ያግደታ። ህዛ፥ ጭንጫተ ቱማተይ እያ ኦሱዋን ቆንጬስ” ያግስ።
\s1 አማኖና እፅዳ ካታማታ
\r (ሉቃ 10:13-15)
\p
\v 20 ሄሳፈ ጉየ፥ የሱሲ ዳሮ ማላታታ ኦዳ ካታማታን ደእያ አሳት ባንታ ናጋራፐ ስሚድ ማሮታን ገሎና እፅዳ ግሾ ኤንታና፥ 
\v 21 “ኮራዝነ ካታማዉ ነና አየ! ቤተሳይዳ ካታማዉ ነና አየ! አይስ ጊኮ፥ ህንተ ግዶን ኦሰትዳ ማላታት ፅሮሳንነ ስዶናን ኦሰትዳ ግድያኮ፥ ኤንቲ በን ብዶ ትየትድ፥ ካዮ ማኦ ማእድ ባንታ ናጋራፐ ስም አጋና።\x - \xo 11:21 \xo*\xt እሳ 23:1-18፤ እዩ 3:4-8፤ አሞ 1:9-10፤ ዛካ 9:2-4.\xt*\x* 
\v 22 ሽን ታ ህንተዉ ኦዳይስ፤ ፕርዳ ጋላስ ህንተፈ አድ ፅሮሳስነ ስዶናስ ፕርዳይ ካዉያና። 
\v 23 ቃስ፥ ቅፍርናሆማ፥ ኔኒ ፑደ ሳሎ ከያናዉ ኮያይ? ሀነና! ኔኒ ስኦለን የገታና። አይስ ጊኮ፥ ነ ግዶን ኦሰትዳ ማላታት ሶዶመን ኦሰትዳባ ግድያኮ፥ ሶዶመይ ሀች ጋካናዉ ደአናሽን።\x - \xo 11:23 \xo*\xt እሳ 14:13.\xt*\x* 
\v 24 ሽን ታ ነዉ ኦዳይስ፤ ፕርዳ ጋላስ ኔፐ አድ ሶዶመስ ፕርዳይ ካዉያና” ያግድ ሀንቀትስ።\x - \xo 11:24 \xo*\xt ማቶ 10:15፤ ሉቃ 10:12.\xt*\x*
\s1 ክርስቶስ እምያ ሸምፖ
\r (ሉቃ 10:21-22)
\p
\v 25 ሄ ዎደ የሱሲ፥ “አዋዉ፥ ሳሉዋነ ሳኣ ጎዳዉ፥ ኔኒ ሀይሳ ኤራንቾታፐነ ጭንጫታፐ ገንዳ ናይታስ ቆንጭስዳ ግሾ፥ ነና ጋላታይስ። 
\v 26 ኤ፥ ታ አዋዉ፥ ሀይስ ነ ሎኦ ሸንያዳ ሀንስ።
\p
\v 27 “ኡባይ ታዉ ታ አዋፐ እመትስ። አዋፐ ሀር ናአ ኤረይ ባዋ፥ ናኣፐነ እ ኤንታዉ ቆንጭሳናዉ ኮየይሳታፐ ሀር አዋ ኤራናዉ ዳንዳኤይ ባዋ።\x - \xo 11:27 \xo*\xt ዮሀ 1:18፤ 3:35፤ 10:15.\xt*\x*
\p
\v 28 “ህንተኖ፥ ዳቡራንቾቶ፥ ቶሆይ ዴፅዳ ኡባይ ታኮ ሃ ዪተ፤ ታኒ ህንተና ሸምፕሳና። 
\v 29 ታኒ ታ ዎዛናን አሽከነ አዳ ግድያ ግሾ፥ ታ ቃምባራን ገልተ፥ ታፐ ታማርተ፤ ህንተ፥ ህንተ ሸምፑዋስ ሸምፖ ደማና።\x - \xo 11:29 \xo*\xt ኤርም 6:16.\xt*\x* 
\v 30 ታ ቃምባራይ ሊቆ፥ ቃስ ታ ቶሆይካ ካዉሸ” ያግስ።
\c 12
\s1 ሳምባታ ቦንቻናዉ በሲ?
\r (ማር 2:23-28፤ ሉቃ 6:1-5)
\p
\v 1 ሄሳፈ ጉየ፥ ሳምባታ ጋላስ፥ የሱሲ ጋደ ግዶራ አስ። የሱሳ ታማረት ኮሻትዳ ግሾ ትያ ባንጋ ሽርክድ ሞሶና።\x - \xo 12:1 \xo*\xt ዛረ 23:25.\xt*\x* 
\v 2 ሽን ፋርሳወት ሄሳ በእድ የሱሳኮ፥ “ሄኮ፥ ነ ታማረት ሳምባታ ጋላስ ኦናዉ በሶናባ ኦሶና” ያግዶሶና።
\p
\v 3 የሱሲ ዛሪድ፥ “ዳዊቲ ኮሻትዳ ዎደ እያራ ደኤይሳታራ አይ ኦዳኮ ናባብበከቲ?\x - \xo 12:3 \xo*\xt 1 ሳሜ 21:1-6.\xt*\x* 
\v 4 ዳዊቲ ፆሳ ኬ ገልድ ካህነታ ፃላላፐ አትሽን፥ እነ እያራ ደኤይሳታስ በሶና ጌሻ ዳቡዋ ምስ።\x - \xo 12:4 \xo*\xt ሌወ 24:9.\xt*\x* 
\v 5 ዎይኮ ካህነት ሳምባታ ዎጋ ሻርድ ፆሳ ኬን ሳምባታ ጋላስ ኦሶ ኦኮ ኤንታዉ ባላ ግዶናይሳ ሙሰ ህግያን ናባብበከቲ?\x - \xo 12:5 \xo*\xt ታይቦ 28:9-10.\xt*\x* 
\v 6 ሽን ስእተ! ፆሳ ኬፈ አይ ሀይሳን ደኤስ። 
\v 7 ‘ታኒ ህንተ ያርሹዋ ግዶናሽን ሀራታ ማራና መላ ኮያይስ’ ግያ ቃላይ ወይ ጉሰኮ ህንተ ኤርዳኮ፥ ፅሎ አሳ ቦላ ፕርደከታ።\x - \xo 12:7 \xo*\xt ማቶ 9:13፤ ሆሰ 6:6.\xt*\x* 
\v 8 አሳ ናአይ ሳምባታ ጎዳ” ያግስ።
\p
\v 9 የሱሲ ያፐ ብድ አይሁደ ዎሳ ኬ ገልስ። 
\v 10 ያን ኩሸይ ጉንድዳ እስ ኡራይ ደኤስ። የሱሳ ሞታናዉ ጋሶ ኮይያ አሳት፥ “ሳምባታ ጋላስ ፓናዉ በሲ በሰኔ?” ያግድ ኦይችዶሶና።
\p
\v 11 እ ኤንታኮ፥ “ህንተ ግዶፈ እሱዋስ ዶርስ ሳምባታ ጋላስ አፎን ዉልኮ፥ ጎችድ ከሶናይ ኦኔ?\x - \xo 12:11 \xo*\xt ሉቃ 14:5.\xt*\x* 
\v 12 ያትን አስ ዶርሳፈ ዋንድ ዳሮ አኔ? ሄሳ ግሾ፥ ሳምባታ ጋላስ ሎኦባ ኦሶይ በሴስ” ያግስ።
\p
\v 13 ሄሳፈ ጉየ፥ የሱሲ አድያኮ፥ “ነ ኩሽያ ፕድ ኦ” ያግን፥ ኡራይ ፕድ ኦስ። እያ ኩሸይ ፓፅድ ሀንኮ ኩሽያዳ ሀንስ። 
\v 14 ሽን ፋርሳወት ያፐ ካረ ከይድ፥ የሱሳ ዋት ዎነኮ ማቀትዶሶና።
\s1 ዶረትዳ ፆሳ አይልያ
\p
\v 15 የሱሲ ኤንታ ቆፋ ኤርድ ሄ በሳ አግድ ሀራ ሶ ብስ። ዳሮ አሳይ እያ ካልድ ብዶሶና፥ ሀርጋንቾታ ኡባ ፓስ። 
\v 16 የሱሲ፥ “ታባ ሀራ ኦደስካ ኦዶፕተ” ያግድ ምን ኦድስ። 
\v 17 ሄስካ ናብያ እሳያስ፥
\q1
\v 18 “ሄኮ ታ ዶርዳ አይለይ፥
\q2 ታ ዶሰይስ፥ ታና ኡፋይሰይስ፥
\q2 ታኒ ታ አያና፥ እያ ቦላ ሸምፕሳና፤\x - \xo 12:18 \xo*\xt እሳ 42:1-4.\xt*\x*
\q2 እ፥ አይሁደ ግዶና ደርያስ ሱረ ፕርዳባ አዋጃና።
\q1
\v 19 እ ፓላመና ዎይኮ ካጨና፤
\q2 ባ ቃላካ ደንባን ጮ ስሰና።
\q1
\v 20 ሱረ ፕርዳን ፆኖ ደማና ጋካናዉ፥
\q2 ድንጨትዳ ማይረ መንና፥
\q2 ጩይያ ሙቃዳ ቶይሰና።
\q1
\v 21 አይሁደ ግዶና ደረይ ኡባይ እያን ኡፋይስ ዎና”
\m ያግድ ፃፍዳይስ ፖለታና መላሳ።
\s1 የሱሳነ ብኤል-ዘቡላ
\r (ማር 3:20-30፤ ሉቃ 11:14-23)
\p
\v 22 ሄሳፈ ጉየ፥ ቱና አያናን ኦይከትዳ ቆቀነ ሙመ አሰ ደኤይሳ እያኮ ኤህዶሶና። የሱሲ ኡራ ፓን፥ ኡራይ ፄልስ፤ ኦደትስ። 
\v 23 አሳ ኡባይ ማላለትድ፥ “ሀይስ ዳዊታ ናኣ ግዳንደሻ?” ያግዶሶና።
\p
\v 24 ሽን ፋርሳወት ሄሳ ስእድ፥ “ሀ ኡራይ ቱና አያናታ ከሰይ ቱና አያናታ ሀላቃ ብኤል-ዘቡላ ዎልቃና” ያግዶሶና።\x - \xo 12:24 \xo*\xt ማቶ 9:34፤ 10:25.\xt*\x*
\p
\v 25 የሱሲ ኤንታ ቆፋ ኤርድ፥ “ዎል ግዶን ሻከትያ ካዎተ ኡባይ ኩንዳና፤ ቃስ ዎል ግዶን ሻከትያ ካታማይ ዎይኮ ኬይ ምንድ ኤቀና። 
\v 26 ፃላሄይ ፃላሄ ከስያባ ግድኮ ባ ግዶን ሻከትስ ጉሱ። ሄሳ ሀንያባ ግድኮ እያ ካዎተይ ዋንድ ምንድ ኤቃናዉ ዳንዳኢ? 
\v 27 ታኒ ቱና አያና ከሰይ ብኤል-ዘቡላ ዎልቃን ግድኮ ህንተና ካልያ አሳት ኦደ ዎልቃን ከሳኔ? ሄሳ ግሾ፥ ህንተና ካልያ አሳት ህንተና ፕርዳና። 
\v 28 ሽን ታኒ ቱና አያናታ ከሰይ ፆሳ አያናን ግድኮ፥ ፆሳ ካዎተይ ህንተኮ ይስ።
\p
\v 29 “ዎይኮ እስ አስ ዎልቃማ አሳ ሶ ገልድ እያ ሻሉዋ ቦንቃናዉ ኮይኮ ኮይሮትድ ሄ ኡራ ቃቾና እፅኮ ዋትድ ዳንዳኢ? ያትኮ እያ ሻሉዋ ቦንቃናዉ ዳንዳኤስ።
\p
\v 30 “ታራ ግዶናይ ኦንካ ታራ ኤቀቴስ፤ ቃስ ታራ እስፈ ሺሾና ኡባይ ላሌስ።\x - \xo 12:30 \xo*\xt ማር 9:40.\xt*\x* 
\v 31 ሄሳ ግሾ፥ ስእተ፤ አሳይ ኦያ አይ ናጋርነ ጫሻ ቃል ኡባይ አቶ ጌተታና፥ ሽን ጌሻ አያና ጫይያ ኦደስካ እያ ናጋራይ አቶ ጌተተና።\x - \xo 12:31 \xo*\xt ሉቃ 12:10.\xt*\x* 
\v 32 ኦንካ አሳ ናአ ቦላ ኢታባ ኦደትኮ እያዉ አቶ ጌተታና፥ ሽን ጌሻ አያና ቦላ ኢታባ ኦደትያ ኦደስካ ሀ ሳአን ግድን ያና አላምያን እያ ናጋራይ አቶ ጌተተና።\x - \xo 12:32 \xo*\xt ሉቃ 12:10.\xt*\x*
\p
\v 33 “ሎኦ ምይ ሎኦ አይፈ አይፌስ፤ ቃስ ኢታ ምይ ኢታ አይፌስ። ህዛ፥ ምይ ኤረተይ ባ አይፍያና። 
\v 34 ህንተኖ፥ ሾሻ ናይቶ፥ ህንተ ኢታ ግድሸ ዋንድ ሎኦባ ኦደታናዉ ዳንዳኤቲ? አስ ባ ዎዛናን ኩምዳባፐ ዶናን ኦደቴስ።\x - \xo 12:34 \xo*\xt ማቶ 3:7፤ 23:33፤ ሉቃ 3:7፤ ማቶ 15:18፤ ሉቃ 6:45.\xt*\x* 
\v 35 ሎኦ አስ ባ ዎዛናን ዎዳ ሎኦባፐ፥ ሎኦባ ከሴስ፤ ኢታ አስ ባ ዎዛናን ዎዳ ኢታባፐ፥ ኢታባ ከሴስ። 
\v 36 ሽን ስእተ፥ አሳይ ኦደትያ ጮ ኦዳ ኡባስ ፕርዳ ጋላስ ዛሮ እማና። 
\v 37 አይስ ጊኮ፥ ነ ኦደትያ ነ ቃላን ፅላና፤ ነ ኦደትያ ነ ቃላይ ነ ቦላ ፕርዳና” ያግስ።
\s1 ዮናሳ ማላታ
\r (ማር 8:11-12፤ ሉቃ 11:29-32)
\p
\v 38 ሄሳፈ ጉየ፥ እስ እስ ፋርሳወትነ ህገ አስታማረት የሱሳኮ፥ “አስታማርያዉ፥ ኔኒ ማላታ ኦዳ ኑና በሳ” ያግዶሶና።\x - \xo 12:38 \xo*\xt ማቶ 16:1፤ ማር 8:11፤ ሉቃ 11:16.\xt*\x*
\p
\v 39 ሽን የሱሲ ዛሪድ፥ “አማነቶናነ ኢታ የለተይ ማላታ ኮዬስ። ሽን ናብያ ዮናሳ ማላታፐ ሀራ ማላት እያዉ እመተና።\x - \xo 12:39 \xo*\xt ማቶ 16:4፤ ማር 8:12.\xt*\x* 
\v 40 ዮናስ ግታ ሞሎ ኡሎን ሄ ጋላስነ ሄ ቃማ ጋምእዳይሳ መላ አሳ ናአይ ሄ ጋላስነ ሄ ቃማ ቢታ ጋርሳን ጋምአና።\x - \xo 12:40 \xo*\xt ዮሀ 1:17.\xt*\x* 
\v 41 ናናወ አሳይ ፕርዳ ጋላስ ደንድድ ሀ የለተ ቦላ ፕርዳና፤ አይስ ጊኮ፥ ኤንቲ ዮናስ ሳባክን፥ ስእድ ባንታ ናጋራፐ ስምዶሶና። ሄኮ፥ ዮናሳፐ አይስ ሀይሳን ደኤስ።\x - \xo 12:41 \xo*\xt ዮሀ 3:5.\xt*\x* 
\v 42 ፕርዳ ጋላስ ዱገሀ ካውያ ደንዳዳ ሀ የለተ ቦላ ፕርዳና፤ አይስ ጊኮ፥ እያ ሶሎሞነ ጭንጫተ ስአናዉ ቢታ ጋፃፐ ያሱ። ሄኮ፥ ሶሎሞነፐ አይ ሀይሳን ደኤስ።\x - \xo 12:42 \xo*\xt 1 ካዎ 10:1-10፤ 2 ታር 9:1-12.\xt*\x*
\p
\v 43 “ቱና አያናይ አሳፐ ከይዳፐ ጉየ ባዉ ሸምፕያ በሲ ኮይድ ሃ ባይና መላ በሳን ዳቡሬስ፥ ሽን ባ ኮይያ ሸምፑዋ ደመና። 
\v 44 ያንን፥ ‘ታ አጋ ከይዳ ኬ ስማዳ ባና’ ያጌስ። እ ስምያ ዎደ ኬይ ካይስ ግደይሳነ ፕተትድ ጊግድ ኡትዳይሳ ደሜስ። 
\v 45 ህዛ፥ ስም ብድ፥ ባፐ ኢትያ ሀራ ላፑን ኢታ አያናታ ኤክድ ዬስ፤ ኤንትካ ኡራ ግዶ ገልድ ደኦሶና። ሄ ኡራስ ካሰይሳፈ ጉየይስ ዳሮ ኢቴስ። ሀ ኢታ የለተ ቦላ ሄሳ መላ ሀናና” ያግስ።
\s1 የሱሳ አይዉነ እያ እሻታ
\r (ማር 3:31-35፤ ሉቃ 8:19-21)
\p
\v 46 የሱሲ ደርያስ ኦዳ ቦላ ደእሽን እያ አያነ እያ እሻት እያ ኦድሳናዉ ኮይድ ካረን ኤቅዶሶና። 
\v 47 እስ አስ እያኮ፥ “ነ አያነ ነ እሻት ነና ኦድሳናዉ ኮይድ ካረን ኤቅዶሶና” ያግስ።
\p
\v 48 የሱሲ ዛሪድ፥ “ታ አይያ ኦኔ? ታ እሻትካ ኦናንቴ?” ያግስ። 
\v 49 ባ ኩሽያራ ታማረታ ማልሸ፥ “በእተ፥ ታ አያነ ታ እሻት ሀይሳታ። 
\v 50 ሳሎን ደእያ ታ አዋ ሸንያ ኦያ ኡባይ ታ እሻ፥ ታ ምቾነ ታ አዮ” ያግስ።
\c 13
\s1 ዘረ ዘርያ ኡራ ሌምሶ
\r (ማር 4:1-9፤ ሉቃ 8:4-8)
\p
\v 1 ሄ ጋላስ የሱሲ ሶፐ ከይድ አባ ጋፃን ኡትስ። 
\v 2 ዳሮ ደረይ እያ ዩሹዋን ሺቅን አሳ አባ ጋፃን አጋግድ ዎጎሎን ገልድ ኡትስ።\x - \xo 13:2 \xo*\xt ሉቃ 5:1.\xt*\x* 
\v 3 አሳስ ዳሮባ ሌምሶን ያግድ ኦድስ፦
\p “እስ ጎሻንቾይ ዘረ ዘራናዉ ከይስ። 
\v 4 እ ዘርያ ዎደ እስ እስ ዘረት ኦገ ጋፃን ዎዶሶና፤ ኤንታካ ካፎት ይድ ማፅ ምዶሶና። 
\v 5 እስ እስ ዘረት ጋርሳን ሻሎይ ደእያ ቢታ ቦላ ዎዶሶና። ዳሮ ቢት ባይና ግሾ ኤለስድ ዶልስ። 
\v 6 ሽን አዋይ ከይን ሹልስ፤ ፃጶይ ባይና ግሾ መልስ። 
\v 7 እስ እስ ዘረይ አጉን ግዶን ዎስ፤ አጉንይ ድጭድ ሄ ዶላ ጩልስ። 
\v 8 ሀራት ቃስ አራዳ ቢታ ቦላ ዎስ፤ ዶልድ አይፈ አይፍስ። እሶይ ፄታ፥ እሶይ ኡሱፑን ታማ፥ እሶይ ቃስ ሀስታማ አይፍስ። 
\v 9 ስእያ ሀይ ደእያ ኡራይ ስኦ” ያግስ።
\p
\v 10 የሱሳ ታማረት እያኮ ሺቅድ፥ “አይስ ኔኒ ደርያስ ሌምሶን ኦዳይ?” ያግድ ኦይችዶሶና።
\p
\v 11 እ ዛሪድ፥ “ህንተዉ ሳሎ ካዎተ ፁራ ኤራይ እመትስ፥ ሽን ኤንታዉ እመትቤና። 
\v 12 ደእያ ኡባስ ጉዠታና፥ እያዉ ዳራና፥ ሽን ባይናይሳፈ ሀር አቶሽን እያዉ ደእያራካ ኤከታና።\x - \xo 13:12 \xo*\xt ማቶ 25:29፤ ማር 4:25፤ ሉቃ 8:18፤ 19:26.\xt*\x* 
\v 13 ሄሳ ግሾ፥ ታኒ ኤንቲ፥ ፄልሸ ደሞና መላ፥ ስእሸ ስኦና መላ ዎይኮ አኬኮና መላ ኤንታዉ ሌምሶን ኦዳይስ።
\p
\v 14 “እሳያስ ባ ማፃፋን ኦድዳይስ ኤንታ ቦላ ፖለትስ። እ ኦድሸ፥
\q1 “ ‘ህንተ ስስ ስኤታ፥ ሽን አኬከከታ፤
\q2 ህንተ ፄለታ፥ ሽን በኤከታ።
\q1
\v 15 አይስ ጊኮ፥ ሀ አሳ ዎዛናይ ዘልኡምስ፤
\q2 ባንታ ሀይ ኤርሸ ቱልስዶሶና፥
\q2 ባንታ አይፍያ ጎዝዶሶና።
\q2 ሄስ ባይነኮ ኤንቲ ባንታ አይፍያን በእድ፥
\q2 ባንታ ሀይን ስእድ፥
\q2 ባንታ ዎዛናን አኬክድ፥
\q2 ታኮ ስማና፥
\q2 ታካ ኤንታ ፓናሽን’ ያግስ።
\p
\v 16 “ሽን ህንተ አይፈት በእያ ግሾነ ህንተ ሀይት ስእያ ግሾ ህንተ አንጀትዳይሳታ።\x - \xo 13:16 \xo*\xt ሉቃ 10:23-24.\xt*\x* 
\v 17 ታ ህንተዉ ቱማ ኦዳይስ፤ ዳሮ ናበትነ ፅሎት ህንተ በኤይሳ በአናዉነ ህንተ ስኤይሳ ስአናዉ አሞትዶሶና፥ ሽን ኤንታዉ ሀንቤና።
\p
\v 18 “ህዛ፥ ሀ ዘረ ዘርያ ኡራ ሌምሱዋ ስእተ። 
\v 19 ኦገ ጋፃን ዎዳ ዘረ ሌምሶይ ሀይሳ፦ ሳሎ ካዎተ ቃላ ስእድ አኬኮና ኡራ ዎዛናፐ ፃላሄይ ይድ እያ ዎዛናን ደእያ ዘረ ማፅ ድጌስ። 
\v 20 ሻሎይ ጋርሳን ደእያ ቢታ ቦላ ዘረትዳይስ ቃላ ስእድ ኤለስድ ኡፋይሳን ኤከይሳታ። 
\v 21 ሽን ፃጶ የዳናዉ ዳንዳኦና ግሾ ዳሮ ጋምኦኮና። ቃላ ጋሶን መቶይ ዎይኮ ጎደተ ያ ዎደ ኤለስ በቶሶና። 
\v 22 አጉን ጋን ዘረትዳይስ ቃላ ስእስ፥ ሽን ሀ አላምያ ዱሳ ህርጋይነ ዱረተ ቆፋይ ቃላ ጩልያ ግሾ አይፈ አይፎና አቴስ። 
\v 23 ሽን አራዳ ቢታን ዘረትዳ ዘረይ አኬካን ቃላ ስእያ ኡራ። እ አይፈ አይፌስ፤ እሶይ ፄታ፥ እሶይ ኡሱፑን ታማ እሶይ ቃስ ሀስታማ አይፌስ” ያግስ።
\s1 ሌሾ ሌምሶ
\p
\v 24 የሱሲ ኤንታዉ ሀራ ሌምሶ ኦድስ፥ “ፆሳ ካዎተይ ባ ጎሻን ሎኦ ዘረ ዘርዳ ኡራ ዳኔስ። 
\v 25 ሽን አስ ኡባይ ስክን እያ ሞርከይ ይድ ግስትያ ግዶን ሌሾ ዘርድ ብስ። 
\v 26 ግስተይ ድጭድ አይፍያ ዎደ ሌሾይ እያ ግዶን በንትስ።
\p
\v 27 “ጋድያ ጎዳ አይለት ጎዳኮ ብድ፥ ‘ጎዳዉ፥ ነ ጎሻን ነ ሎኦ ዘረ ዘራብክሾ? ያትን፥ ሌሾይ አዉፐ ይዴ?’ ያግዶሶና።
\p
\v 28 “እ ኤንታኮ፥ ‘ሄሳ ሞርከይ ኦስ’ ያግስ።
\p “አይለት ጎዳኮ፥ ‘ኑ ብድ ሌሹዋ ሾዳና መላ ኮያይ?’ ያግዶሶና።
\p
\v 29 “ሽን እ፥ ‘አቶ ቦቾፍተ፤ ህንተ ሌሹዋ ሾዳይስ ግሽን ግስተይ ሾደታና። 
\v 30 ቦቾፍተ፤ ጫካ ዎደይ ጋካናዉ እስፈ ድጮ። ሄ ዎደ ጫክያ አሳታ ሌሹዋ ስንትድ ማፅድ ታማን ፁጋናዉ ምርቀን ምርቀን ቃችተ። ሽን ግስትያ ሺሽድ ታ ሻልያን ቆልተ’ ያጋና” ያግስ።
\s1 አይፈ ጉ ም ሌምሶ
\r (ማር 4:30-32፤ ሉቃ 13:18-19)
\p
\v 31 ቃስ ሀራ ሌምሶ ያግድ ኦድስ፤ “ሳሎ ካዎተይ እስ አስ ባ ጎሻን ባክዳ ጉ ም አይፈ ዳኔስ። 
\v 32 ሄ ም አይፈይ ሀራ ም አይፈታፐ ጉ፥ ሽን እያ ዶላ ድጭዳ ሀራ ምታ ኡባፈ አዳ ግታታዉሱ። እ ታሽያን ካፎት ኬፅድ ኡታና ጋካናዉ ዎልቃማ ም ግዳዉሱ” ያግስ።
\s1 እርሾ ሌምሶ
\r (ሉቃ 13:20-21)
\p
\v 33 ካልድካ፥ የሱሲ ሀራ ሌምሶ ኦድስ፤ “ሳሎ ካዎተይ እስ ማጫስ ሄ ጋባተ ለ ኤካ ሙኑቃዳ፥ ሙኑቃይ ደንዳና መላ እያን ጉጅዳ እርሾ ዳኔስ” ያግስ።
\p
\v 34 የሱሲ ደርያስ ሄ ሌምሱዋ ኡባ ኦድስ። ሌምሶይ ባይና እስባካ ኦድቤና። 
\v 35 ናበይ ባ ማፃፋን፥
\q1 “ታኒ ታ ዶና፥ ሌምሶን ዶያና፤
\q2 ሳሎይነ ሳእ መቶሳፐ፥
\q2 ጌምዳይሳ ኦዳይስ”
\m ያግድ ኦድዳይስ ሄሳን ፖለትስ።\x - \xo 13:35 \xo*\xt ማዝ 78:2.\xt*\x*
\s1 ሌሾ ሌምሶ ብርሸ
\p
\v 36 የሱሲ ደርያ ሞይዝድ ሶ ገልስ። እያ ታማረት እያኮ ሺቅድ፥ “ጎሻን ደእያ ሌሹዋ ብርሸ ኑስ ኦዳ” ያግዶሶና።
\p
\v 37 እ ዛሪድ፥ “ሎኦ ዘረ ዘርዳይ አሳ ናአ። 
\v 38 ጎሻይ ሀ አላምያ። ሎኦ ዘረይ ሳሎ ካዎተ ናይታ። ሌሾይ ፃላሄ ናይታ። 
\v 39 ሌሹዋ ዘርዳይ ሞርክያ ፃላሄ። ጫካ ዎደይ፥ ዎደ ዉርሰ፤ ጫከይሳት ኪታንቾታ።
\p
\v 40 “ሌሾይ ማፀትድ ታማን ፁገተይሳ መላ ዎድያ ዉርሰን ሄሳዳ ሀናና። 
\v 41 አሳ ናአይ ባ ኪታንቾታ ኪታና። ኤንቲ ናጋራስ ጋሶ ግደይሳታነ ኢታ ኦያ ኡባ ማፅድ እያ ካዎተፈ ከሳና። 
\v 42 ማፅ ሺሽድ ዬሆይነ አቻ ጋርጨ ደእያ ቶኦና ታማን የጋና። 
\v 43 ሄ ዎደ ፅሎት ባንታ አዋ ካዎተን አዋዳ ፖአና። ስእያ ሀይ ደኤይ ስኦ!
\p
\v 44 “ፆሳ ካዎተይ ጎሻን ሞገትዳ ሚሸ ዳኔስ። እስ አስ ሄ ሚሽያ ደምድ ዛር ሞግስ። ዳሮ ኡፋይትድ ብድ ባዉ ደእያባ ኡባ ባይዝድ ሄ ጎሻ ጋድያ ሻምስ።
\p
\v 45 “ሄሳዳካ፥ ቃስ ሳሎ ካዎተይ እንቁ ጌተትያ አልኦ ሹቻታ ኮይያ ዛልአንቾ ዳኔስ። 
\v 46 ዳሮ አልኦ እንቁዋ ደምድ ብድ ባዉ ደእያባ ኡባ ባይዝድ እያ ሻምስ።
\s1 ሞሎ ኦይክያ ግተ ሌምሶ
\p
\v 47 “ቃስ ፆሳ ካዎተይ አባን የገትዳ ዱማ ዱማ ቆሞ ሞሎ ኦይክያ ግትያ ዳኔስ። 
\v 48 ሞሎ ኦይክያ አሳት ሞሎይ ግትያን ኩምን አባፈ ጋፃ ከስዶሶና። ያን ኡትድ ሎኡዋ ቆር ቆር ዳቾን የግዶሶና፥ ሽን ኢታ ሞሎታ ዎራ ሆልዶሶና። 
\v 49 ዎድያ ዉርሰን ሄሳ ሀናና። ኪታንቾት ይድ ናጋራንቾታ ፅሎታፐ ሻክድ፥ 
\v 50 ዬሆይነ አቻ ጋርጨ ደእያ ቶኦና ታማን የጋና።
\p
\v 51 “ሀ ኡባይ ህንተዉ ገልዴ?” ያግድ ኤንታ ኦይችስ።
\p ኤንቲ ዛሪድ፥ “ኤ” ያግዶሶና።
\p
\v 52 የሱሲ፥ “ህዛ፥ ሳሎ ካዎተ ኤራ ኤክድ ህግያ ታማርስያ ኡባይ፥ ባ ምንጅዳ ሻሉዋፐ ኦራነ ጋልአ ከስያ አሰ ዳኔስ” ያግስ።
\s1 የሱሲ ናዝረተን እፀትስ
\r (ማር 6:1-6፤ ሉቃ 4:16-30)
\p
\v 53 የሱሲ ሀ ሌምሱዋ ኦድ ዉርስዳፐ ጉየ ያፐ ደንድድ ብስ። 
\v 54 ባ የለትዳ ቢታ ብድ አይሁደ ዎሳ ኬን ደርያ ታማርስስ። ኤንቲ ማላለትድ፥ “ሀ ኡራይ ሀ ጭንጫተነ ሀ ማላታታ ኦያ ዎልቃ አዉፐ ኤክዴ? 
\v 55 ሀይስ አናፅያ ናኣ ግደነዬ? እያ አየ ሱንይ ማይራሞ ግደኔ? እያ እሻት ያይቆባ፥ ዮሰፋ፥ ስሞናነ ይሁዳ ግዶኮናዬ? 
\v 56 እያ ምቸት ኑራ ደኦሶና ግዶኮና? ያትን፥ ሀ ኡራይ ሀ ኡባ አዉፐ ኤክዴ?” ያግዶሶና። 
\v 57 ሄሳ ግሾ፥ እ ግያባ ኤኮና እፅዶሶና።\x - \xo 13:57 \xo*\xt ዮሀ 4:43.\xt*\x*
\p ሽን የሱሲ፥ “ናበይ ባ የለትዳ ቢታንነ ባ ሶ አሳ ማታን ቦንቸተና” ያግስ። 
\v 58 ኤንቲ አማኖና እፅዳ ግሾ ዳሮ ማላታታ ሄ በሳን ኦቤና።
\c 14
\s1 ፃማቅያ ዮሃንሳ ሀይቁዋ
\r (ማር 6:14-29፤ ሉቃ 9:7-9)
\p
\v 1 ሄ ዎደ ጋልላ አይስያ ሄሮዲስ\f + \fr 14:1 \fr*\fq ሄሮዲስ፦ \fq*\ft ሀይስ ካዋ ሄሮዲሳ አንትጳሳ። እ፥ ይሁዳነ ፔርያ ክርስቶስ የለታናፐ ስን 4-39 ምልክ ጋካናዉ ሃርስ። እ ካዋ ሄሮዲሳስ ናአ።\ft*\f* የሱሳባ ስእስ። 
\v 2 ባ አይለታኮ፥ “ሀይስ ፃማቅያ ዮሃንሳ፤ እ ሀይቆፐ ደንድስ። ያንዳ ግሾ፥ ሀ ኡባ ማላታታ እ ኦስ” ያግስ።
\p
\v 3 እ ሄሳ ግዳይ ሄሮዲስ ባ እሻ ፍልጶሳ ማቸ ሄሮድያድ ጋሶን ዮሃንሳ ቃሾ ኬ ገልስዳ ግሾሳ። 
\v 4 ዮሃንስ ሄሮዲሳ፥ “ነ እዮ ኤካናዉ ዎጋ ግደና” ያግስ።\x - \xo 14:4 \xo*\xt ሉቃ 3:19-20፤ ሌወ 18:16፤ 20:21.\xt*\x* 
\v 5 ሄሮዲስ ዮሃንሳ ዎናዉ ኮይስ፥ ሽን ደረይ ዮሃንሳ ናበ ኦድ በእያ ግሾ ያሸትስ።
\p
\v 6 ሄሮዲስ ባ የለትዳ ጋላሳ ቦንችያ ዎደ፥ ሄሮድያዳ ናእያ አሳ ስንን የን ዱራዳ እያ ኡፋይሳሱ። 
\v 7 ያትን፥ እ፥ “እያ ኮያባ ኡባ እማና ግድ” ጫቅስ። 
\v 8 ናእያ ባ አየ ዞርያ ስአዳ ሄሮዲሳኮ፥ “ፃማቅያ ዮሃንሳ ሁጵያ ከረን ዎዳ ታዉ እማ” ያጋሱ። 
\v 9 እያ ያግን ካዎይ ቂሮትስ፥ ሽን ባ ጫቁዋ ግሾነ ባራ ደእያ እማታ ግሾ ግድ እ ኦይሻይ ፖለታና መላ ኪትስ። 
\v 10 ካዎይ አሰ ኪትድ ዮሃንስ ቃሾ ኬን ደእሽን እያ ቆያ ጎራእስስ። 
\v 11 ሁጵያ ከረን ዎ ኤህድ ናኤስ እምዶሶና፤ ናእያካ ኤካዳ ባ አየስ ኤፋሱ። 
\v 12 ዮሃንሳ ታማረት ይድ እያ አሀ ኤፍድ ሞግዶሶና። እያፐ ጉየ ሀንዳባ ኡባ ብድ የሱሳስ ኦድዶሶና።
\s1 እቻሹ ሙኩሉ አሳ
\r (ማር 6:30-44፤ ሉቃ 9:10-17፤ ዮሀ 6:1-14)
\p
\v 13 የሱሲ ሀንዳባ ስእዳ ዎደ ዎጎሎን ገልድ ሄ በሳፈ እስ ጌምያ ሶ ባርካ ብስ። አሳይ ሄሳ ስእድ ካታማታፐ ደንድድ ቶሆን እያ ካልዶሶና። 
\v 14 የሱሲ ዎጎሉዋፐ ዎድ ዳሮ አሳ በእድ ኤንታዉ ቃትስ። ኤንታ ግዶን ደእያ ሀርጋንቾታ ፓስ።
\p
\v 15 ሳአይ ኦማርስሸ ብያ ዎደ የሱሳ ታማረት እያኮ ሺቅድ፥ “ሀ በሳይ አስ ባይና በሲ፥ ሳእካ ቃምስ። ያንያ ግሾ፥ ሄራን ደእያ ጉታታ ብድ ባንታዉ ሻምድ ማና መላ ደርያ የዳ” ያግዶሶና።
\p
\v 16 ሽን የሱሲ ኤንታኮ፥ “ደረይ ሞና ባናዉ ኮሸና፤ ኤንቲ ማናባ ህንተ እምተ” ያግስ።
\p
\v 17 ኤንቲ ዛሪድ፥ “ኑስ ሀይሳን እቻሹ ኡይፈነ ናምኡ ሞሎፐ ሀር ባዋ” ያግዶሶና።
\p
\v 18 እካ፥ “አነ ኤንታ ሃ ኤህተ” ያግስ። 
\v 19 ካልድካ፥ ደረይ ማታን ኡታና መላ ኦድስ። እቻሹ ኡይነ ናምኡ ሞሎታ ኤክድ፥ ሳሎ ፄልድ ጋላት ስሚድ፥ ኡይ መንድ ባ ታማረታስ እሚስ፤ ኤንቲ ቃስ ደርያስ እምዶሶና። 
\v 20 ኡባይ ምድ ካልዶሶና። የሱሳ ታማረት ምሽን አትዳይሳ ታማነ ናምኡ ጋይታ ደንዶሶና። 
\v 21 ካ ምዳ አሳይ ማጫሳይነ ናይት አትሽን፥ እቻሹ ሙኩሉ ግዴስ።
\s1 የሱሲ አባ ቦላራ ሄመትስ
\r (ማር 6:45-52፤ ዮሀ 6:15-21)
\p
\v 22 የሱሲ ባ ታማረት ዎጎሎን ገልድ ባፐ ስንትድ አባፈ ሄ ፕን ፕናና መላ ኪትድ ባዉ ደርያ ሞይዛናዉ ጉየ አትስ። 
\v 23 ደርያ ሞይዝ ስሚድ ባርካ ዎሳናዉ እስ ዙማ ቦላ ከይስ። ሳአይ ቃምንካ እ ባርካ ያን ጋምእስ። 
\v 24 ሄ ዎደ ዎጎሎይ አባ ቦላ ብሽን ስን ባጋራ ጫርኮይ ደንድን ሆበይ ዎጎሉዋ ኡንኤስ።
\p
\v 25 ዎንትማ ቦላ የሱሲ አባ ቦላ ሄመትሸ ባ ታማረታኮ ይስ። 
\v 26 እያ ታማረት፥ እ አባ ቦላ ሄመትሸ ባንታኮ የይሳ በእድ ያይዶሶና። ኤንትካ፥ “ሀይስ ሞይትለ” ግድ ያይድ ዋስዶሶና።
\p
\v 27 ሽን የሱሲ ኤለስድ፥ “አይኮይ ባዋ! ያዮፍተ! ታናባይ” ያግስ።
\p
\v 28 ጰፅሮስ እያኮ፥ “ጎዳዉ፥ ነና ግድኮ፥ ታኒ ሃ ቦላራ ሄመታዳ ኔኮ ባና መላ ታና ኪታ” ያግስ።
\p
\v 29 የሱሲ ጰፅሮሳኮ፥ “ሃያ” ያግስ።
\p ጰፅሮስ ዎጎሉዋፐ ዎድ ሃ ቦላራ ሄመትሸ የሱሳኮ ቡሱ ኦይክስ። 
\v 30 ሽን ዎልቃማ ጫርኩዋ በእድ ያይስ። ሃን ምተተ ኦይክዳ ዎደ፥ “ጎዳዉ! ታና አሻርክ!” ያግድ ዋስስ።
\p
\v 31 የሱሲ ኤለስድ ባ ኩሽያ የድ እያ ኦይክድ፥ “ነኖ፥ አማኖይ ፓጭዳይሶ አይስ ስይ” ያግስ።
\p
\v 32 የሱሳራነ ጰፅሮሳራ ዎጎሉዋን ገልዳ ዎደ ጫርኮይ ስእ ግስ። 
\v 33 ዎጎሉዋ ግዶን ደእያ እያ ታማረት፥ “ኔኒ ቱማካ ፆሳ ናአ” ግድ ጎይንዶሶና።
\p
\v 34 ኤንቲ አባ ፕንድ ገንሳሬፀ ቢታ ጋክዶሶና። 
\v 35 ሄ ቢታን ደእያ አሳይ የሱሳ ኤርዳ ዎደ ባንታ ሄራን ደእያ ጉታ ኡባ ኪታ የድዶሶና። አሳይ ሀርጋንቾታ ኡባ እያኮ ኤህዶሶና። 
\v 36 ሀርጋንቾት እያ አፍላ ማጫራ ፃላላ ቦቻና መላ ዎስዶሶና። ቦችዳ ኡባይካ ፓፅዶሶና።
\c 15
\s1 ፋርሳወታ ዎጋ
\r (ማር 7:1-13)
\p
\v 1 ሄሳፈ ጉየ፥ እስ እስ ፋርሳወትነ ህገ አስታማረት የሩሳላመፐ የሱሳኮ ይድ፥ 
\v 2 “ነ ታማረት አይስ ኑ አዋታ ዎጋ መንና? ኤንቲ ካ ማናፐ ስን ባንታ ኩሽያ ሜጨቶኮና” ያግድ ኦይችዶሶና።
\p
\v 3 የሱሲ ዛሪድ፥ “ህንተ፥ ህንተ ዎጋ ግሾ፥ ፆሳ ኪታ ፖለይሳ አይስ እፄቲ? 
\v 4 አይስ ጊኮ፥ ፆሳይ፥ ‘ነ አዋነ ነ አይዉ ቦንቻ። እ ባ አዋ ዎይኮ ባ አይዉ ጫየይስ ሀይቆ ግቤኔ?’ ያግስ።\x - \xo 15:4 \xo*\xt ከሳ 20:12፤ ዛረ 5:16፤ ከሳ 21:17፤ ሌወ 20:9.\xt*\x* 
\v 5 ሽን ህንተ፥ እስ አስ ባ አዋ ዎይኮ ባ አይዉ ማዳናባይ ደእሽን፥ ‘ሀይሳ ታ ፆሳስ ያርሻስ ጊኮ፥ 
\v 6 ባ አዋ ዎይኮ ባ አይዉ ቦንቻናዉ በሰና’ ያጌታ። ያትድ ህንተ፥ ህንተ ዎጋ ፖላናዉ ፆሳ ቃላ መንታ። 
\v 7 ህንተኖ፥ ጩቦቶ፥ እሳያስ ህንተባ ልከ ኦድስ፥
\q1
\v 8 “ ‘ሀ አሳይ ታና ባንታ ዶናን ቦንቼስ፥
\q2 ሽን ኤንታ ዎዛናይ ታፐ ሃሆን ደኤስ።
\q1
\v 9 አሳይ ታና ጮ ጎይኖሶና፤
\q2 ኤንቲ አስ መዳ ኪታ
\q2 ፆሳ ህገ ዳንስድ ታማርሶሶና’ ግስ” ያግስ።
\s1 አሰ ቱንስያባታ
\r (ማር 7:14-23)
\p
\v 10 የሱሲ ዳሮ አሳ ባኮ ፄግድ፥ “ስእተ! አኬክተ! 
\v 11 አሰ ቱንስያባይ ዶናራ ገልያባ ግዶናሽን ዶናፐ ከያባ” ያግስ።
\p
\v 12 ሄሳፈ ጉየ፥ የሱሳ ታማረት እያኮ ይድ፥ “ፋርሳወት ኔኒ ግዳይሳ ስእድ በትዳይሳ አኬካይ?” ያግዶሶና።
\p
\v 13 ሽን የሱሲ ዛሪድ፥ “ሳሎን ደእያ ታ አዋይ ቶክቦና ም ኡባይ ሾደታና። 
\v 14 ኤንታባ ህርጎፍተ፤ ኤንቲ ቆቀ ካለያ ቆቀታ። ቆቀይ ቆቀ ካለኮ፥ ናምአይካ ኦላን ኩንዳና” ያግስ።\x - \xo 15:14 \xo*\xt ሉቃ 6:39.\xt*\x*
\p
\v 15 ጰፅሮስ ዛሪድ፥ “ሀ ሌምሱዋ ብርሸ ኑስ ኦዳርኪ” ያግስ።
\p
\v 16 የሱሲ ኤንታኮ፥ “ህንተዉካ ሀእ ጋካናዉ ገልቤኔ? 
\v 17 ዶናራ ገልያባ ኡባይ ኡሎ ገልድ ካረ ከየይሳ ኤረከቲ? 
\v 18 ሽን ዶናራ ከያባይ ዎዛናፐ ከዬስ። አሰ ቱንስያባት ሄሳታ።\x - \xo 15:18 \xo*\xt ማቶ 12:34.\xt*\x* 
\v 19 ኤንትካ፦ አሳ ዎዛና ግዶፈ ከይያ ኢታ ቆፋ፥ ዎ፥ ላይማተ፥ ኢታ ኦሶ፥ ካይሶ፥ ዎርዶ ማርካተ፥ ጫሸ። 
\v 20 ሄሳ ዳንያባት አሰ ቱንሴስፐ አትሽን፥ ሜጨቶና ኩሸራ መይስ ቱንሰና” ያግስ።
\s1 እስ ማጫሰ አማኖ
\r (ማር 7:24-30)
\p
\v 21 ሄሳፈ ጉየ፥ የሱሲ ያፐ ከይድ ፅሮሳነ ስዶና ካታማት ደእያ ቢታ ብስ። 
\v 22 እስ ካናነ ቢታ ማጫስ የሱሳኮ ያዳ፥ ባ ቃላ ቁ ኦዳ፥ “ጎዳዉ፥ ዳዊታ ናአዉ፥ ታዉ ቃታርክ፤ ታ ናእዉ ቱና አያናይ ኦይክድ ኢታ ዋይሴስ” ያጋሱ።
\p
\v 23 ሽን የሱሲ እስ ቃላካ ዛሮና ስእ ግስ። የሱሳ ታማረት እያኮ ይድ፥ “ሀ ማጫስያ ኑ ጌዶ ካላ ካላዳ፥ ዎሳዉሱ። ሄሳ ግሾ፥ ኔኒ እዮ ሞይዛርክ” ያግድ ዎስዶሶና።
\p
\v 24 የሱሲ ዛሪድ፥ “ታኒ ዉደፐ ይዳ ዶርሳዳ እስራኤለ ኬፈ ይዳ አሳታ ፃላላስ ኪተታስ” ያግስ።
\p
\v 25 ሽን እያ፥ እያ ስንን ኩንዳዳ፥ “ጎዳዉ፥ ታና ማዳርኪ?” ያጋሱ።
\p
\v 26 እ ዛሪድ፥ “ናይታ ካ ኤክድ ካናታስ የገይስ ሎኦ ግደና” ያግስ።
\p
\v 27 ማጫስያካ፥ “ጎዳዉ፥ ሄስ ቱማ፥ ሽን ሀር አቶሽን ካናት ባንታ ጎዳት ምሽን፥ ጋይታፐ ዎያ ቲፍያ ሞሶና” ያጋሱ።
\p
\v 28 የሱሲ ዛሪድ፥ “ሀ ማጫሰተ፥ ነ አማኖይ ግታ፤ ነ ኮይዳይሳዳ ነዉ ሀኖ” ያግስ። እ ናእያ ኢራካ ፓፃ አጋሱ።
\s1 ዳሮ ሀርጋንቾት ፓፅዶሶና
\p
\v 29 የሱሲ ያፐ ደንድድ ጋልላ አባ ማት ብስ። እስ ዙማ ቦላ ከይድ፥ ያን ኡትስ። 
\v 30 ዳሮ አሳይ ባንታራ፥ ዎበታ፥ ቆቀታ፥ ኩናታ፥ ዶና ሙመታነ፥ ሀራ ዳሮ ሀርጋንቾታ ኤክድ፥ እያኮ ኤህድ እያ ስንን ዎዶሶና። የሱሲ ኤንታና ፓስ። 
\v 31 ሄሳ ግሾ፥ ሙመት ኦደትሽን፥ ኩናት ፕድ ግሽን፥ ዎበት ሄመትሽን፥ ቆቀት ፄልሽን አሳይ በእድ ማላለትድ፥ እስራኤለ ፆሳ ጋላትዶሶና።
\s1 ኦይዱ ሙኩሉ አሳ
\r (ማር 8:1-10)
\p
\v 32 የሱሲ ባ ታማረታ ባኮ ፄግድ፥ “ሀ ዳሮ አሳይ ታራ ሄ ጋላስ ጋምእዳ ግሾነ ኤንታዉ ሀእ ምያባይ ባይና ግሾ ታኒ ኤንታዉ ቃታይስ። ኤንቲ ኦገን ዳቡርድ ኩንዶና መላ አይኮ ሙዞና ኤንታ መላ የዳናዉ ኮይከ” ያግስ።
\p
\v 33 እያ ታማረት ዛሪድ፥ “ኑኒ ሀ ባዙዋን ሀይሳ ኬና አሳስ ግድያ ካ አዉፐ ደማኔ?” ያግዶሶና።
\p
\v 34 የሱሲ ኤንታኮ፥ “ህንተዉ አፑን ኡይ ደኢ?” ያግድ ኦይችስ።
\p ኤንቲ ዛሪድ፥ “ላፑን ኡይነ ላፋ ሞሎታፐ ጉ ደኤስ” ያግዶሶና።
\p
\v 35 የሱሲ ደርያ ሳአን ኡትተ ያግድ ኪትስ። 
\v 36 ሄሳፈ ጉየ፥ ሄ ላፑን ኡይነ ሞሉዋ ኤክድ ፆሳ ጋላትስ። መንድ ባ ታማረታስ እሚስ። እያ ታማረት ዳሮ አሳስ ግሽዶሶና።
\p
\v 37 አሳ ኡባይ ምድ ካልዶሶና። እያ ታማረት፥ ምሽን አትዳ ቲፍያ ላፑን ግታ ጋይታ ኩመ ደንዶሶና። 
\v 38 ምዳ አሳይ ማጫስነ ናአ ፓይዶና አደ ፃላል ኦይዱ ሙኩሉ። 
\v 39 የሱሲ ደርያ የድዳፐ ጉየ ዎጎሉዋን ገልድ ማገዶና ቢታ ብስ።
\c 16
\s1 ማላታ በአናዉ ኦይችዳ ኦይሻ
\r (ማር 8:11-13፤ ሉቃ 12:54-56)
\p
\v 1 ፋርሳወትነ ሳዱቃወት የሱሳኮ ይዶሶና። እያ ፓጫናዉ ኮይድ፥ ባንታና ሳሎፐ ማላታ በሶ ግድ ኦይችዶሶና።\x - \xo 16:1 \xo*\xt ማቶ 12:38፤ ሉቃ 11:16.\xt*\x* 
\v 2 ሽን እ ኤንታኮ፥ “ሳእ ኦማርስያ ዎደ፥ ‘ሳሎይ ዞእዳ ግሾ ዎንቶ ቦቃላና’ ያጌታ። 
\v 3 ዎንትያ ዎደ፥ ‘ሳሎይ ዞእድ ሻራትዳ ግሾ እሪ ቡካና’ ያጌታ። ያትን ህንተ ሳሎ ማላ በእድ ኤሬታ፥ ሽን ዎድያ ማላ ኤራናዉ ዳንዳእቤከታ። 
\v 4 ኢታነ አማኖና የለተይ ማላታ ኮዬስ። ሽን እያዉ ዮናሳ ማላታፐ ሀራ ማላት እመተና” ያግስ። ሄሳፈ ጉየ፥ ኤንታና ያን አግድ ሀራ ሶ ብስ።\x - \xo 16:4 \xo*\xt ማቶ 12:39፤ ሉቃ 11:29.\xt*\x*
\s1 ፋርሳወታነ ሳዱቃወታ እርሾ
\r (ማር 8:14-21)
\p
\v 5 ኤንቲ አባፈ ሄፍን ፕንዳ ዎደ ዳቦ ኤክድ ያናይሳ ዶግዶሶና። 
\v 6 የሱሲ ኤንታኮ፥ “ፋርሳወታፐነ ሳዱቃወታ እርሹዋፈ ናገትተ” ያግስ።\x - \xo 16:6 \xo*\xt ሉቃ 12:1.\xt*\x* 
\v 7 ኤንትካ ባንታ ጋርሳን፥ “እ ሄሳ ግዳይ ኑ ዳቦ ኤክድ ዮና ግሾሳ ግዳና” ያግዶሶና። 
\v 8 የሱሲ ኤንታ ቆፋ ኤርድ፥ “ህንተኖ፥ አማኖይ ፓጭዳይሳቶ! ዳቦ ኤኮና ይዳ ግሾ ዎል ግዶን አይስ ኦደቴቲ? 
\v 9 ሀእካ ህንተ አኬከቲ? እቻሹ ሙኩሉ አሳስ እቻሹ ኡይ ግሽዳይሳነ ኤንቲ ምድ ካልን ህንተ አፑን ጋይታ ኩመ ደንዳኮ ዶግደቲ?\x - \xo 16:9 \xo*\xt ማቶ 14:17.\xt*\x* 
\v 10 ሄሳዳካ፥ ላፑን ኡይ ኦይዱ ሙኩሉ አሳስ ግሽዳይሳነ ኤንቲ ምድ ካልን፥ ህንተ አፑን ግታ ጋይታ ኩመ ደንዳኮ አኬከከቲ?\x - \xo 16:10 \xo*\xt ማቶ 15:34.\xt*\x* 
\v 11 ህዛ፥ ታኒ ፋርሳወታነ ሳዱቃወታ እርሹዋፈ ናገትተ ጋዳ ኦደይስ ዳቦባ ግዶናይሳ አኬከከቲ?” ያግስ። 
\v 12 ያትን፥ እያ ታማረት የሱሲ ኦደይ ሙኑቃ ደንናዉ የገትያ እርሾባ ግዶናሽን ፋርሳወታነ ሳዱቃወታ ትምርትያፈ ናገታናይሳ ግደይሳ አኬክዶሶና።
\s1 ጰፅሮሳ ማርካተ
\r (ማር 8:27-30፤ ሉቃ 9:18-21)
\p
\v 13 የሱሲ ቅሳረ ፍልጶሳ ቢታ ጋክዳ ዎደ ባ ታማረታኮ፥ “አሳይ፥ አሳ ናኣ ኦና ጎና?” ያግድ ኦይችስ።
\p
\v 14 ኤንትካ፥ “እሶት እሶት ፃማቅያ ዮሃንሳ፥ ሀራት ኤልያሳ ቃስ ሀንኮት ኤርምያሳ ዎይኮ ናበታፐ እሱዋ ጎሶና” ያግዶሶና።\x - \xo 16:14 \xo*\xt ማቶ 14:1.\xt*\x*
\p
\v 15 የሱሲ ዛሪድ፥ “ያትን፥ ህንተ ታና ኦና ጌቲ?” ግድ ኤንታ ኦይችስ።
\p
\v 16 ስሞና ጰፅሮስ ዛሪድ፥ “ኔኒ ክርስቶሳ፥ ደኦ ፆሳ ናአ” ያግስ።\x - \xo 16:16 \xo*\xt ዮሀ 6:68.\xt*\x*
\p
\v 17 የሱሲ ጰፅሮሳኮ፥ “ዮና ናኣ ስሞና፥ ኔኒ አንጀትዳይሳ! ሀይሳ ነዉ ቆንጭስዳይ ሳሉዋን ደእያ ታ አዋፐ አትሽን፥ አሰ ግደና። 
\v 18 ታ ነዉ ኦዳይስ ጰፅሮሳ፥ ኔኒ ዛላ! ታኒ ሀ ዛላ ቦላ ታ ዎሳ ኬ ኬፃና። ሀይቆ ዎልቃትካ እዮ ፆኖኮና። 
\v 19 ሳሎ ካዎተ ቁልፐታ ታ ነዉ እማና። ሳአን ኔኒ ድግያባይ ኡባይ ሳሎን ፆሳ ማታን ድገትዳባ ግዳና። ሳአን ኔኒ ሀኖ ግያባይ ኡባይ ሳሎን ፆሳ ማታን ሀንዳባ ግዳና” ያግስ።\x - \xo 16:19 \xo*\xt ማቶ 18:18፤ ዮሀ 20:23.\xt*\x*
\p
\v 20 ሄሳፈ ጉየ፥ እ፥ ክርስቶሳ ግደይሳ ኦደስካ ኦዶና መላ ባ ታማረታ ምንድ ኪትስ።
\s1 የሱሲ ባና ጋካና ዋያ ኦድስ
\p
\v 21 ሄ ዎድያፐ ዶምድ የሱሲ ባ ታማረታስ፥ “ታኒ የሩሳላመ ባናዉ በሴስ። ያን ደርያ ጭማታን፥ ካህነ ሀላቃታነ ህገ አስታማረታ ኩሸን ዋየ ኤካናዉ በሴስ። ኤንቲ ታና ዎና፥ ሽን ታኒ ሄን ጋላስ ሀይቆፐ ደንዳና” ያግድ ቆንጭስስ።
\p
\v 22 ጰፅሮስ የሱሳ ጋፃ ከስድ፥ “ጎዳዉ፥ ሄስ ሀነና! ሄሳ መላባይ ነና ኡባራካ ጋኮፎ!” ያግድ ሀንቀትስ።
\p
\v 23 የሱሲ ጰፅሮሳኮ ጉየ ስሚድ፥ “ሀ ፃላህያዉ፥ ታፐ ሃካ! ኔኒ አሳ ቆፋ ቆፓሳፐ አትሽን፥ ፆሳ ቆፋ ቆፖና ግሾ ታዉ በ ግዳሳ” ያግስ።
\p
\v 24 ሄሳፈ ጉየ፥ የሱሲ ባ ታማረታኮ፥ “ኦንካ ታና ካላናዉ ኮያባ ግድኮ ባና ካዶ፥ ባ ማስቃልያ ቶክድ ታና ካሎ።\x - \xo 16:24 \xo*\xt ማቶ 10:38፤ ሉቃ 14:27.\xt*\x* 
\v 25 ባ ደኡዋ አሻናዉ ኮይያ ኡባይ ይሴስ። ሽን ባ ደኡዋ ታ ግሾ ግድ አድ እመይስ አሼስ።\x - \xo 16:25 \xo*\xt ማቶ 10:39፤ ሉቃ 17:33፤ ዮሀ 12:25.\xt*\x* 
\v 26 አስ አላመ ኩመ ባዉ ኦድ፥ ግዶሽን ባ ሸምፑዋ ይስኮ እያ አይ ማዲ? ዎይኮ አስ ባ ሸምፑዋ ላመ አይ እማናዉ ዳንዳኢ? 
\v 27 አሳ ናአይ ባ አዋ ቦንቹዋን ባ ኪታንቾታራ ያና። ሄ ዎደ እስ እስ ኡራስ እያ ኦሱዋዳ እማና።\x - \xo 16:27 \xo*\xt ማቶ 25:31፤ ማዝ 62:12፤ ሮመ 2:6.\xt*\x* 
\v 28 ታ ቱማ ኦዳይስ፤ ሀይሳን ኤቅዳ አሳታፐ አሳ ናአይ ካዎ ግድድ ስመይሳ በአና ጋካናዉ ሀይቆናይሳት ሀይሳን ደኦሶና” ያግስ።
\c 17
\s1 የሱሳ ማላይ ላመትስ
\r (ማር 9:2-13፤ ሉቃ 9:28-36)
\p
\v 1 ኡሱፑን ጋላሳፐ ጉየ የሱሲ፥ ጰፅሮሳ፥ ያይቆባነ እያ እሻ ዮሃንሳ ባራ ኤክድ ባንታርካ ግዳናዉ ዙማ ቦላ ከይስ።\x - \xo 17:1 \xo*\xt 2 ጰፅ 1:17-18.\xt*\x* 
\v 2 ያን ኤንታ ስንን የሱሳ ማላይ ኩመ ላመትስ፤ እያ ሶምኦይካ አዋዳ ፆልቅስ። እያ ማኦይካ ዳሮ ቦፅስ። 
\v 3 ሄኮ፥ ሙሰይነ ኤልያስ እያራ ኦደትሽን በእዶሶና። 
\v 4 ጰፅሮስ የሱሳኮ፥ “ኑኒ ሀይሳ ሀሹ ይዳ። ነ ኮይኮ እስኖ ነዉ፥ እስኖ ሙሰስ፥ እስኖ ኤልያሳስ ሀይሳን ሄ ሻቃራ ሻቃራና” ያግስ። 
\v 5 ጰፅሮስ ሄሳ ቡሮ ኦድሽን ቦ ሻራይ ኤንታና ካምስ። ሻራ ግዶራ፥ “ታና ኡፋይስያ፥ ታ ዶስያ ናአይ ሀይሳ፥ እያ ስእተ!” ግያ ቃላይ ይስ።\x - \xo 17:5 \xo*\xt መ 22:2፤ ማዝ 2:7፤ እሳ 42:1፤ ማቶ 3:17፤ 12:18፤ ማር 1:11፤ ሉቃ 3:22፤ ዛረ 18:15.\xt*\x* 
\v 6 የሱሳ ታማረት ሄሳ ስእዳ ዎደ ዳጋምድ ባንታ ሶምኡዋራ ሳአን ኩንድዶሶና። 
\v 7 ሽን የሱሲ ኤንታኮ ሺቅድ ኤንታ ቦችድ፥ “ደንድተ፥ ያዮፍተ!” ያግስ። 
\v 8 ኤንቲ ቁ ግድ በእያ ዎደ የሱሳፐ ሀራ ኦናካ በእቦኮና።
\p
\v 9 ኤንቲ ዙማ ቦላፈ ዎሽን የሱሲ ኤንታኮ፥ “አሳ ናአይ ሀይቆፐ ደንዳና ጋካናዉ ሀ ህንተ በእዳባ ኦደስካ ኦዶፕተ” ግድ ኪትስ። 
\v 10 የሱሳ ታማረት፥ “ያትን፥ ህገ አስታማረት ኤልያስ ክርስቶሳፐ ካሰትድ ያና ግዳይ አይብሴ?” ያግድ ኦይችዶሶና።\x - \xo 17:10 \xo*\xt ምልክ 4:5.\xt*\x*
\p
\v 11 የሱሲ ዛሪድ፥ “ኤ! ኤልያስ ካሰት ይድ ኡባባ ጊግሳና። 
\v 12 ሽን ታ ህንተዉ ቱማ ኦዳይስ፤ ኤልያስ ካሰትድ ይስ። ኤንትካ እያ ቦላ ኮይዳባ ኦዶሶናፐ አትሽን፥ እያ ሻክ ኤርቦኮና። ሄሳዳ አሳ ናአይ ኤንታ ኩሸን ዋየታና” ያግስ።\x - \xo 17:12 \xo*\xt ማቶ 11:14.\xt*\x*
\p
\v 13 ሄ ዎደ የሱሲ ግዳይ ፃማቅያ ዮሃንሳባ ግደይሳ አኬክዶሶና።
\s1 ቱና አያን ኦይክዳ ናአ
\r (ማር 9:14-29፤ ሉቃ 9:37-43)
\p
\v 14 ኤንቲ ደርያፐ አሳኮ ስምያ ዎደ እስ አስ የሱሳ ስንን ጉልባትድ፥ 
\v 15 “ጎዳዉ፥ ሀያና ታ ናኣስ ቃታርክ፤ እያ ሾጭድ የግያ ሀርገይ ዳሮ ኡንኤድ ታማንነ ሃን የጌስ። 
\v 16 ነ ታማረታኮ ኤሀስ፥ ሽን ኤንቲ ፓናዉ ዳንዳእቦኮና” ያግስ።
\p
\v 17 የሱሲ ዛሪድ፥ “ህንተኖ፥ አማኖና ጌላ የለተዉ አዉደ ጋካናዉ ታ ህንተራ ዳኔ? አዉደ ጋካናዉ ታ ህንተና ዳንዳአኔ? አነ ናኣ ሃ ኤክ ዪተ” ያግስ። 
\v 18 የሱሲ ቱና አያና ሀንቅን፥ ቱና አያናይ ናኣፐ ከይስ፤ ሄ ሳተንካ ናአይ ፓፅስ። 
\v 19 ሄሳፈ ጉየ፥ የሱሳ ታማረት ባንታርካ እያኮ ሺቅድ፥ “ኑኒ ቱና አያና ከሳናዉ ዳንዳእቦናይ አይብሴ?” ያግድ ኦይችዶሶና። 
\v 20 እ ኤንታኮ፥ “ህንተዉ አማኖይ ላፍዳ ግሾሳ። ታ ህንተዉ ቱማ ኦዳይስ፤ ጋሸ አይፈ መላ አማኖይ ህንተዉ ደእኮ ‘ሀ ዙማ ሀይሳፈ ደንዳዳ ገደ አ’ ጊኮ ህንተዉ ኪተታና። ህንተዉ ዳንዳኤቶናባይ ዴና። 
\v 21 [ሽን ሄሳ መላይ ዎሳፐነ ፆማፐ አትሽን፥ ሀራን ከየና”] ያግስ።\x - \xo 17:21 \xo*\xt ማቶ 21:21፤ ማር 11:23፤ 2 ቆሮ 13:2.\xt*\x*\f + \fr 17:21 \fr*\ft እስ እስ በን ማፃፋታን ፓይዶ 21 ዴና።\ft*\f*
\s1 የሱሲ ባ ሀይቁዋባ ዛሪድ ኦድስ
\r (ማር 9:30-32፤ ሉቃ 9:43-45)
\p
\v 22 የሱሳ ታማረት ጋልላን ሺቅድ ደእሽን የሱሲ ኤንታኮ፥ “አሳ ናእ አሳ ኩሸን አድ እመታና። 
\v 23 ኤንቲ እያ ዎና፥ ሽን እ ሄን ጋላስ ሀይቆፐ ደንዳና” ያግስ።
\p እያ ታማረትካ ዳሮ ቂሮትዶሶና።
\s1 ፆሳ ኬ ጊራ
\p
\v 24 የሱሳራነ እያ ታማረታራ ቅፍርናሆማ ካታማ ጋክዳ ዎደ ፆሳ ኬ ጊራ ቃንፅሰይሳት ጰፅሮሳኮ ይድ፥ “ህንተ አስታማረይ ፆሳ ኬ ጊራ ጊሪ?” ያግድ ኦይችዶሶና።\x - \xo 17:24 \xo*\xt ከሳ 30:13.\xt*\x*
\p
\v 25 ጰፅሮስ ዛሪድ፥ “ጊሬስ” ያግስ። ጰፅሮስ ሶ ገልያ ዎደ የሱሲ ካሰትድ፥ “ጰፅሮሳ፥ ነዉ አይ ዳኒ? ሀ ሳኣ ካዎተት ቃራፃነ ጊራ ኦፐ ኤኮና? ጋደ አሳፐየ ዎይኮ አሳ ጋደ አሳፔ?”\f + \fr 17:25 \fr*\fk ጋደ አሳፐየ ዎይኮ አሳ ጋደ አሳፔ \fk*\ft ሄ ዎደ ካዎተት ባንታ ጋደ አሳፐ ጊራ ኤኮኮና።\ft*\f* ያግድ ኦይችስ።
\p
\v 26 ጰፅሮስ “አሳ ጋደ አሳፐ” ግድ ዛርስ።
\p የሱሲ ዛሪድ፥ “ጋደ አሳይ ጊራ ጊሮኮና ጉሱ። 
\v 27 ሽን ኤንቲ በቶና መላ አባ ባዳ ሞሎ ኦይካናዉ ማንፃቆ የጋ። ኮይሮ ነ ኦይክያ ሞሉዋ ዶና ዶያዳ ጊራስ ግድያ ሚሸ ነ ግሾነ ታ ግሾ ኤፋዳ ጊራ” ያግስ።
\c 18
\s1 ኡባፈ አይ ኦኔ?
\r (ማር 9:33-37፤ ሉቃ 9:46-48)
\p
\v 1 ሄ ዎደ የሱሳ ታማረት ይድ፥ “ሳሎ ካዎተን ኡባፈ አይ ኦኔ?” ያግድ ኦይችዶሶና።\x - \xo 18:1 \xo*\xt ሉቃ 22:24.\xt*\x* 
\v 2 የሱሲ እስ ጉ ናአ ፄግድ ኤንታ ግዶን ኤስድ ሀይሳዳ ያግስ። 
\v 3 “ታኒ ህንተዉ ቱማ ኦዳይስ፤ ህንተ ላመቶናነ ጉ ናይታዳ ሀኖና እፅኮ ሳሎ ካዎተ ኡባራካ ገላናዉ ዳንዳኤከታ።\x - \xo 18:3 \xo*\xt ማር 10:15፤ ሉቃ 18:17.\xt*\x* 
\v 4 ህዛ፥ ሀ ጉ ናአዳ ባና ካዉሽያ ኦንካ ሳሎ ካዎተን ኡባፈ አይሳ ግዳና። 
\v 5 ሀይሳ መላ ናአ ታ ሱንን ሞክያ ኦንካ ታና ሞኬስ።
\p
\v 6 “ሽን ታናን አማንያ ሀ ጉታፐ እሱዋ ናጋራ ኦና መላ በ ግድያ ኦንካ ግታ ጋቻ ዎፃ ባ ቆን ቃችድ ጪሞ አባን ምተትኮ እያዉ ሎኦ። 
\v 7 አላመን አሳይ ናጋራ ኦና መላ ኦያባት ደእያ ግሾ አላምያ አየ! ሄሳ መላባት ዮና አተና፥ ሽን በይ እያ ጋሶን ያ ኡራ አየ!
\p
\v 8 “ነ ኩሸይ ዎይኮ ነ ቶሆይ ነና ባለኮ ኔፐ ቃንፃ የጋ። ኔኒ ናምኡ ኩሸራ ዎይኮ ናምኡ ቶሆራ መርና ታማን የገታናፐ ኩሸ ዎይኮ ቶሆ ዱፃ ግዳዳ መርና ደኦ ደመይስ ነዉ ሎኦ።\x - \xo 18:8 \xo*\xt ማቶ 5:30.\xt*\x* 
\v 9 ቃስ ነ አይፈይ ነና ባለኮ እዮ ዎጫ ከሳዳ ዎራ ሆላ። ኔኒ ናምኡ አይፈራ ጋናመ ታማን የገተይሳፈ እስ አይፈራ መርና ደኡዋ ገለይስ ነዉ ሎኦ።\x - \xo 18:9 \xo*\xt ማቶ 5:29.\xt*\x*
\p
\v 10 “ታ ህንተዉ ኦዳይስ፤ ሳሎን ደእያ ኤንታ ናግያ ኪታንቾት ኡባ ዎደ ሳሎን ደእያ ታ አዋ ስንን ደእያ ግሾ፥ ህንተ ሀ ጉታፐ እሱዋካ ካና መላ ናገትተ።\x - \xo 18:10 \xo*\xt ሉቃ 19:10.\xt*\x* 
\v 11 አሳ ናአይ ይዳይሳታ አሻናዉ ይስ”\f + \fr 18:11 \fr*\fq አሳ ናአይ ይዳይሳታ አሻናዉ ይስ፦ \fq*\ft እስ እስ በን ማፃፋት ፓይዶ 11 ጉጆሶና።\ft*\f* ያግስ።
\s1 ይዳ ዶርሳ ሌምሶ
\r (ሉቃ 15:3-7)
\p
\v 12 ቃስ የሱሲ፥ “ህንተዉ አይ ዳኒ? እስ ኡራስ ፄቱ ዶርሳት ደኤይሳታፐ እሶይ ይኮ ኡዱፉን ታማነ ኡዱፉናታ ደርያ ቦላ የግ አግድ ሄ ይዳይሳ ኮያናዉ ቤኔ? 
\v 13 ታ ቱማ ኦዳይስ፤ እ ደምዳ ዎደ ኡዱፉን ታማነ ኡዱፉናታፐ አድ ይድ በንትዳ እስ ዶርሳ ግሾ ኡፋይቴስ። 
\v 14 ሄሳዳካ፥ ሳሎን ደእያ ህንተ አዋይ ሀ ጉታፐ እሶይ ያና መላ ኮየና።
\s1 ቆህዳ አስ ዋታኔ?
\p
\v 15 “ነ እሻይ ነና ቆህኮ ነርካ እያኮ ባዳ እያ ቆሁዋ እያዉ ኦዳ። እ ነና ስእኮ እያ ነዉ እሻ ኦ።\x - \xo 18:15 \xo*\xt ሉቃ 17:3.\xt*\x* 
\v 16 ሽን እ ነና ስኦና እፅኮ፥ ናምኡ ዎይኮ ሄ አሳ ማርካን ሞቶይ ላሰትያ ግሾ፥ እስ ዎይኮ ናምኡ አስ ኤካዳ እያኮ ባ።\x - \xo 18:16 \xo*\xt ዛረ 19:15.\xt*\x* 
\v 17 እ ኤንታና ስኦና እፅኮ፥ ዎሳ ኬስ ኦዳ። ዎሳ ኬ ግያባ ስኦና እፅኮ አማኖና አሳዳ ዎይኮ ቃራፃ ቃንፅስያ አሳዳ እያ ፓይዳ።
\p
\v 18 “ታ ህንተዉ ቱማ ኦዳይስ፤ ሳአን ህንተ ድግያባት ኡባይ ሳሎን ፆሳ ማታን ድገትዳባ ግዳና። ሳአን ህንተ ሀኖ ግያባት ኡባይ ሳሎን ፆሳ ማታን ሀንዳባ ግዳና።\x - \xo 18:18 \xo*\xt ማቶ 16:19፤ ዮሀ 20:23.\xt*\x*
\p
\v 19 “ቃስካ ታ ህንተዉ ኦዳይስ፤ ሳአን ህንተፈ ናምአይ ባንታ ዎስያባስ እስ ዎዛናን ግድድ ፆሳ ዎስያባ ግድኮ ሳሎን ደእያ ታ አዋይ ህንተዉ ኦና። 
\v 20 ታና ካለይሳታፐ ናምአ ዎይኮ ሄ ግድድ ሺቅያ በሳን ታኒ ኤንታ ግዶን በንታና” ያግስ።
\s1 አቶ ጉሳባ
\p
\v 21 ሄ ዎደ ጰፅሮስ የሱሳኮ ይድ፥ “ጎዳዉ፥ ታ እሻይ ታና ቆህኮ አፑን ቶሆ ታኒ አቶ ጋናዉ በሲ? ላፑን ቶሆ ጋካናሰዬ?” ግድ ኦይችስ።\x - \xo 18:21 \xo*\xt ሉቃ 17:3-4.\xt*\x*
\p
\v 22 የሱሲ ዛሪድ፥ “ግደና፥ ላፑን ታሙ ቶሆ ላፑናፐ አትሽን፥ ላፑን ቶሆ ግደና።\x - \xo 18:22 \xo*\xt መ 4:24.\xt*\x*
\p
\v 23 “ሄሳ ግሾ፥ ፆሳ ካዎተይ ባ ኦሳንቾታራ ባ ሚሸይ ፓጭዳኮነ ፓላህዳኮ በአናዉ ቆፕዳ ካዋ ዳኔስ። 
\v 24 ሄ ካዎይ ሚሸይ ፓጭዳኮነ ፓላህዳኮ በእያ ዎደ ዳሮ ግንድግንዳ አጮይ ደእያ እስ ኡራ እያኮ ኤህዶሶና። 
\v 25 ሽን ሄ አይለይ አጩዋ ቃንፃናዉ ፆነትን እያራ፥ እያ ማቸራ፥ እያ ናይትነ እያዉ ደእያባይ ኡባይ ባይዘትድ አጮይ ጭገታና መላ እያ ጎዳይ ኪትስ። 
\v 26 ያትን አይለይ ባ ጎዳ ቶሁዋ ቦላ ጉልባትድ፥ ‘ታ ጎዳዉ፥ ሀያና ጉ ዎደ ታካርክ፥ ታ አጩዋ ኡባ ታ ጭጋና’ ያግድ ዎስስ። 
\v 27 ካዎይ እያዉ ቃትድ፥ የድ አግስ፤ እያ አጩዋ ማርስ።
\p
\v 28 “ሽን ሄ አይለይ ከይ ብድ ባ ላገ ኦሳንቾታፐ እሶይ ባፐ ዳሮ ጉ ሚሸ ታልእዳይሳ፥ ‘ነ ቦላ ደእያ ታ ሚሽያ ታዉ ጭጋ’ ግድ ቆ ኦይክስ።
\p
\v 29 “ሄ እያ ላገ አይሌይ እያ ስንን ጉልባትድ፥ ‘ሀያና ጉ ዎደ ታካርክ ታኒ ታ አጩዋ ኡባ ጭጋና’ ያግድ ዎስስ።
\p
\v 30 “ሽን እፅድ ኤክ ኤፍድ ባ ላገይ አጩዋ ቃንፃና ጋካናዉ ቃሾ ኬ ገልስስ። 
\v 31 ሄሳ ግሾ፥ ሀራ ላገ ኦሳንቾት ሄሳ በእዳ ዎደ ዳሮ ይሎትድ፥ ብድ ባንታ ጎዳስ እ ኦዳባ ኡባ ኦድዶሶና።
\p
\v 32 “ያትን ካዎይ ሄ አይልያ ፄግስድ፥ ‘ሀ ኢታ አይልያዉ፥ ኔኒ ታና ዎስዳ ግሾ፥ ታ ነ አጩዋ ኡባ ነዉ ማራስ። 
\v 33 ያትን፥ ታኒ ነ አጩዋ ማርዳይሳዳ ኔኒ ነ ላገ አይልያ አጩዋ ማራናዉ ነዉ በሰኔ?’ ያግስ። 
\v 34 ሄሳ ግሾ፥ ካዎይ ዳሮ ይሎትድ፥ እ ባ አጩዋ ኡባ ጭጋና ጋካናዉ ፓፃ ካኤታና መላ ቃሾ ኬን የግስ።
\p
\v 35 “ሄሳዳካ፥ ህንተ እሶይ እሶይ ህንተ እሻ ዎዛናፐ ማሮና እፅኮ ሳሎን ደእያ ታ አዋይ ህንተና ሄሳዳ ኦና” ያግስ።
\c 19
\s1 ኤኮ ገሎባ
\r (ማር 10:1-12)
\p
\v 1 የሱሲ ሄሳ ኦድ ኦንግዳፐ ጉየ፥ ጋልላፐ ደንድድ ዮርዳኖሰ ሻፋፐ ሄፍንን ደእያ ይሁዳ ቢታ ብስ። 
\v 2 ዳሮ አሳይ እያ ካልድ ብን ኤንታ ግዶፈ ሀርጋንቾታ ፓስ።
\p
\v 3 ፋርሳወት እያ ፓጫናዉ ኮይድ እያኮ ይድ፥ “እስ አስ አይ ጋሶንካ ባ ማችዉ የዳናዉ በሲ?” ያግድ ኦይችዶሶና።
\p
\v 4 የሱሲ ዛሪድ፥ “ፆሳይ ኮይሮ አደነ ማጫስ ኦ መዳይሳ ህንተ ናባብበከቲ?\x - \xo 19:4 \xo*\xt መ 1:27፤ 5:1.\xt*\x* 
\v 5 ‘ሄሳ ግሾ፥ እስ አስ ባ አዋነ ባ አይዉ አግድ ባ ማቸራ እስኖ ግዴስ፥ ናምአይካ እስ አሾ ግዶሶና።’\x - \xo 19:5 \xo*\xt መ 2:24.\xt*\x* 
\v 6 ሄሳ ግሾ፥ ኤንቲ እስ አስ ግዶሶናፐ አትሽን፥ ናምኡ አስ ግዶኮና። ህዛ፥ ፆሲ ቃችዳይሳ አስ ሻኮፎ” ያግስ።
\p
\v 7 ፋርሳወት፥ “ያትን፥ ሙሰይ እስ አስ አንጆ ዎርቃተ እምድ የዳና መላ አይስ ኪትዴ?” ያግድ ኦይችዶሶና።\x - \xo 19:7 \xo*\xt መ 24:1.\xt*\x*
\p
\v 8 የሱሲ ዛሪድ፥ “ህንተ፥ ህንተ ማቸታ የዳና መላ ሙሰይ ህንተና ኪትዳይ፥ ህንተ ዎዛና ምኖተ ግሾፐ አትሽን፥ ኮይሮፐ ሄሳ መላ ግደና። 
\v 9 ታ ህንተዉ ኦዳይስ፤ ባ ማችያ ላይማቶና ደእሽን የድድ ሀራ ኤክያ ኦንካ ላሜስ” ያግስ።\x - \xo 19:9 \xo*\xt ማቶ 5:32፤ 2 ቆሮ 7:10.\xt*\x*
\p
\v 10 እያ ታማረት እያኮ፥ “አዝናባይነ ማችባይ ሄሳ መላ ግድኮ ኤኮ ገሎይ አትኮ ሎኦ” ያግዶሶና።
\p
\v 11 የሱሲ ዛሪድ፥ “ሄሳ መላ ትምርተይ ፆሳይ ዳንዳአ እምዳይሳታሳፈ አትሽን፥ አሳ ኡባሳ ግደና። 
\v 12 ህዛ፥ የለትሸ ሹፋ ግድድ የለትዳይሳት ደኦሶና፥ ቃስ አስ ቃራትዳይሳት ደኦሶና፥ ቃስ ሳሎ ካዎተ ግሾ ግድ ባንታና ሹፋይዳይሳት ደኦሶና። ሄሳ ግሾ፥ ሀይሳ ኤካናዉ ዳንዳእያ ኦንካ ኤኮ” ያግስ።
\s1 የሱሲ ዮጋ ናይታ አንጅስ
\r (ማር 10:13-16፤ ሉቃ 18:15-17)
\p
\v 13 የሱሲ ባ ኩሽያ ጉ ናይታ ቦላ ዎድ ኤንታዉ ዎሳና መላ እስ እስ አሳይ ናይታ እያኮ ኤህዶሶና። ሽን እያ ታማረት አሳ ሀንቀትዶሶና። 
\v 14 ሽን የሱሲ፥ “ፆሳ ካዎተይ ሀይሳታ መላሳ ግድያ ግሾ፥ ጉ ናይት ታኮ የይሳ ድጎፍተ፤ ዮ ጊተ” ያግስ።
\p
\v 15 ባ ኩሽያ ኤንታ ቦላ ዎዳፐ ጉየ ሄ በሳፈ አግድ ብስ።
\s1 ዱረ ናአተ ኡራ
\r (ማር 10:17-31፤ ሉቃ 18:18-30)
\p
\v 16 እስ ጋላስ እስ ኡራይ የሱሳኮ ይድ፥ “አስታማርያዉ፥ ታኒ መርና ደኦ ደማናዉ አይ ሎኦባ ኦ?” ያግስ። 
\v 17 የሱሲ እያኮ፥ “ሎኦባ ነ ታና አይስ ኦይቻይ? እስ ፆሳፈ አትሽን፥ ሀር ሎኦይ ባዋ። ሽን ኔኒ መርና ደኡዋ ኤካናዉ ኮይኮ ኪታታ ናጋ” ያግስ።
\p
\v 18 ኡራይ ዛሪድ፥ “አዉሳ ኪታታ” ያግድ ኦይችስ።
\p የሱሲ ዛሪድ፥ “ዎፓ፥ ላይማቶፓ፥ ካይሶቶፓ፥ ዎርዶ ማርካቶፋ፥\x - \xo 19:18 \xo*\xt ከሳ 20:13-16፤ ዛረ 5:17-20.\xt*\x* 
\v 19 ነ አዋነ ነ አይዉ ቦንቻ፥ ነ ሾሩዋ ነ ሁጰዳ ዶሳ” ያግስ።\x - \xo 19:19 \xo*\xt ከሳ 20:12፤ ዛረ 5:16፤ ሌወ 19:18.\xt*\x*
\p
\v 20 ሄ ናአተይ፥ “ታኒ ሀይሳታ ኡባ ናአተፈ ዶማዳ ናጋስ። ያትን፥ ሀር ታዉ ፓጭያባይ አይቤ?” ያግድ ኦይችስ።
\p
\v 21 የሱሲ ዛሪድ፥ “ኔኒ ፖሎ ግዳናዉ ኮይኮ ባዳ ነዉ ደእያባ ባይዛዳ ማንቆታስ እማ፤ ኔኒ ሳሎን ዱረታና። ያታ ስማ ያዳ ታና ካላ” ያግስ።
\p
\v 22 ሽን ሄ ናአተ ኡራይ ዳሮ ዱረ ግድያ ግሾ፥ ሄሳ ስእዳ ዎደ አዛንሸ አግድ ብስ። 
\v 23 ሄሳፈ ጉየ፥ የሱሲ ባ ታማረታ፥ “ታኒ ህንተዉ ቱማ ኦዳይስ፤ ዱረይ ሳሎ ካዎተ ገላናይስ ዳሮ መቶ። 
\v 24 ዱረ አስ ፆሳ ካዎተ ገላናይሳፈ ግማለይ ናርፐ ሉሆራ አይስ ካዉዬስ” ያግስ።\fig ግማለ ጎችያ አስ|alt="Man leading unloaded camel" src="LB00039B.tif" size="span" ref="19:24"\fig*
\p
\v 25 የሱሳ ታማረት ሄሳ ስእድ ማላለትድ፥ “ያትን፥ ኦን አታናዉ ዳንዳኢ?” ያግድ ኦይችዶሶና።
\p
\v 26 የሱሲ ኤንታ ጫድ ፄልድ፥ “ሀይስ አሳስ ዳንዳኤተና፥ ሽን ፆሳስ ኡባይ ዳንዳኤቴስ” ያግስ።
\p
\v 27 ጰፅሮስ ዛሪድ፥ “ኑኒ ኡባባ አግድ ነና ካልዳ። ያትን፥ ኑኒ አይ ደማኔ?” ያግስ። 
\v 28 የሱሲ ኤንታኮ ሀይሳዳ ያግስ፦ “ታኒ ህንተዉ ቱማ ኦዳይስ፤ አሳ ናአይ ያና አላምያን ባ ቦንቾ አራታን ኡትያ ዎደ ህንተ ታማነ ናምአት፥ ታና ካልዳይሳት፥ ታማነ ናምኡ አራታን ኡትድ ታማነ ናምኡ እስራኤለ ዘረታ ቦላ ፕርዳና።\x - \xo 19:28 \xo*\xt ማቶ 25:31፤ ሉቃ 22:30.\xt*\x* 
\v 29 ታ ሱን ግሾ ኬ ዎይኮ እሻታ ዎይኮ ምቸታ ዎይኮ አዋ ዎይኮ አይዉ ዎይኮ ናይታ ዎይኮ ጋዴ አግዳይ ኦንካ ፄቱ ኩሸ ኤካና። ቃስ መርና ደኡዋካ ኤካና። 
\v 30 ሽን ዳሮት ሀእ ደን ስን ግድዳይሳት ጉየ ግዳና፥ ቃስ ጉየ ግድዳይሳት ስን ግዳና” ያግስ።\x - \xo 19:30 \xo*\xt ማቶ 20:16፤ ሉቃ 13:30.\xt*\x*
\c 20
\s1 ኡነ ኦያ አሳ ሌምሶ
\p
\v 1 “ፆሳ ካዎተይ ባ ዎይነ ጋደን ኡነ ኦያ አስ ኦስሳናዉ ዎንታ ጉራ ከይዳ ኡራ ዳኔስ። 
\v 2 እ ሄ ኡነ ኦያ አሳ ሀች ሀች እስ ድናረ\f + \fr 20:2 \fr*\fq እስ ድናረ፦ \fq*\ft እስ አስ እስ ጋላስ ኦ ፔእድ ኤክያ ሚሸ።\ft*\f* ቃንፃናዉ ኤንታራ ጊግድ፥ ኤንታ ባ ዎይነ ጋድያ ግዶ የድስ።
\p
\v 3 “ቃስ ዎንታፈ ሄ ሳተ ግድሽን ከይድ ኦሶ ይድ ግያ ቦላ ኤቅዳ ሀራ አሳታ ደምስ። 
\v 4 እ ኤንታኮ፥ ‘ህንተካ ታ ዎይነ ጋዴ ግዶ ብድ ኦተ፥ ታኒ ህንተዉ በሲያ ጋትያ ቃንፃና’ ያግስ። 
\v 5 ኤንትካ ብዶሶና። ቃስካ እ ኡሱፑን ሳተንነ ኡዱፉን ሳተን ከይድ ሄሳዳ ኦስ። 
\v 6 ታማነ እስ ሳተ ግድሽን እ ከይያ ዎደ ሀራት ያን ኤቅዳይሳታ ደምድ፥ ‘ህንተ ኦሶ ኦና ጋላስ ኩመ ሀይሳን አይስ ኤቅድ ፔእደቲ?’ ያግስ።
\p
\v 7 “ኤንቲ ዛሪድ፥ ‘ኑና ኡነ ኦስስያ አስ ይዳ ግሾሳ’ ያግዶሶና።
\p “እካ፥ ‘ህንተካ ታ ዎይነ ጋድያ ግዶ ብድ ኦተ’ ያግስ።
\p
\v 8 “ሳእ ኦማርስን፥ ዎይነ ጋድያ ጎዳይ ኦሳንቾታ ሀላቃኮ፥ ‘ኦሳንቾታ ፄጋዳ ዉርሰን ኦሶ ገልዳይሳታፐ ዶማዳ ኮይሮ ገልዳይሳታ ጋካናዉ ኤንታ ጋትያ ቃንፃ’ ያግስ።\x - \xo 20:8 \xo*\xt ሌወ 19:13፤ ዛረ 24:15.\xt*\x* 
\v 9 ታማነ እስ ሳተን ኦሶ ኦይክዳይሳት ይድ፥ ሁጰን ሁጰን እስ እስ ድናረ ኤክዶሶና። 
\v 10 ኮይሮ ኦሶ ኦይክዳይሳት ይድ፥ ባንታዉ ዳሮ እመታና ግድ ቆፕዶሶና። ሽን ኤንትካ ሁጰን ሁጰን እስ እስ ድናረ ኤክዶሶና። 
\v 11 ባንታ ሚሽያ ኤክ ስሚድ ጎዳ ቦላ ዙዙምዶሶና። 
\v 12 ‘ሀይሳቲ ጉየፐ ይድ እስ ሳተ ፃላላ ኦዶሶና። ሽን ጋላስ ኩመ አዋ ሱላን ዳቡርድ ፔእዳ ኑራ ኤንቲ ዋንድ እስኖ ግዶና’ ያግዶሶና።
\p
\v 13 “ዎይንያ ጎዳይ ኦሳንቾታፐ እሱዋኮ፥ ‘ታ እሻዉ፥ ታኒ ነና ቆሀብከ፤ ነ ታራ ጊግዳይ እስ ድናረሳ ግደኔ? 
\v 14 ነ ሚሽያ ኤካዳ ነ ሶ ባ። ታ ኦማርስ ይዳይሳስካ ነይሳ መላ እማናዉ ኮያይስ። 
\v 15 ታኒ ታ ሚሽያን ኮይዳባ ኦናዉ ታዉ ማት ባዌ? ዎይኮ ታኒ ኬሀ ግድዳ ግሾ ኔኒ ቃናታይ?’ ያግስ።
\p
\v 16 “ሄሳዳ ሀእ ደን ጉየ ግድዳይሳት ስንታና፥ ስንትዳይሳት ቃስ ጉየታና” ያግስ።\x - \xo 20:16 \xo*\xt ማቶ 19:30፤ ማር 10:31፤ ሉቃ 13:30.\xt*\x*
\s1 የሱሲ ባ ሀይቁዋባ ሄን ኦድስ
\r (ማር 10:32-34፤ ሉቃ 18:31-34)
\p
\v 17 የሱሲ የሩሳላመ ብሸ፥ ታማነ ናምኡ ታማረታ ዱማ ጋፃ ከስድ ኤንታኮ ያግስ፦ 
\v 18 “ሄኮ፥ ኑኒ ሀእ የሩሳላመ ቡሳ ቦላ ደኦስ። ያን አሳ ናአይ ካህነ ሀላቃታስነ ህገ አስታማረታስ አድ እመታና። ኤንቲ እያ ቦላ ሀይቆ ፕርዳ ፕርዳና። 
\v 19 እያ አይሁደ ግዶና ደርያስ አድ እማና። ኤንቲ እያ ካዉሻና፥ ጋራፋና፥ ያትድ እያ ማስቃልያ ቦላ ካቃና። ሽን እ ሄን ጋላስ ሀይቆፐ ደንዳና” ያግስ።
\s1 ዛብድዮሳ ናይታ አየ ዎሳ
\r (ማር 10:35-45)
\p
\v 20 ሄ ዎደ ዛብድዮሳ ማችያ ባ ናምኡ አደ ናይታራ የሱሳኮ ያዳ፥ እያ ስንን ጉልባታዳ እስባ እያ ዎሳሱ።
\p
\v 21 የሱሲ ኢኮ፥ “ነ አይ ኮያይ?” ያግስ።
\p እያ ዛራዳ፥ “ነ ካዎተን ሀ ታ ናምኡ ናይት እሶይ ነ ኡሻቻን እሶይ ነ ሀድርሳን ኡቶ ጋርክ!” ያጋሱ።
\p
\v 22 ሽን የሱሲ ናይታኮ ዛሪድ፥ “ህንተ አይ ዎስያኮ ኤረከታ፤ ታኒ ኡያናዉ ደእያ ዋየ ፁኣ ኡያናዉ ዳንዳኤቲ?” ያግስ።
\p ኤንትካ፥ “ኤ ዳንዳኦስ” ያግዶሶና።
\p
\v 23 የሱሲ፥ “ቱማካ ታኒ ኡያናዉ ደእያ ፁአፐ ህንተ ኡያና። ሽን ታ ኡሻቻንነ ሀድርሳን ኡታናይሳታ ዶረይ ታና ግድከ። ሄ በሳይ እመተይ፥ ታ አዋይ እማናዉ ጊግስዳ አሳታሳ” ያግስ።
\p
\v 24 አትዳ ታሙ እያ ታማረት ሄሳ ስእዳ ዎደ ናምኡ እሻታ ቦላ ሀንቀትዶሶና። 
\v 25 ሽን የሱሲ ኤንታ ኡባ ፄግድ ሀይሳዳ ያግስ። “አይሁደ ግዶና አሳ ሃረይሳት ባንታ አሳ ቦላ ጎዳተይሳነ ኤንታ ካለይሳት ዎልቃን ሃረይሳ ህንተ ኤሬታ። 
\v 26 ሽን ህንተ ግዶን ሄሳዳ ግዶፖ። ህንተፈ ግታታናዉ ኮይያ ኦንካ ህንተዉ አይለ ግዶ።\x - \xo 20:26 \xo*\xt ማቶ 23:11፤ ማር 9:35፤ ሉቃ 22:26.\xt*\x* 
\v 27 ህንተ ግዶን ኡባፈ ቦላ ግዳናዉ ኮይያ ኦንካ ህንተዉ አይለ ግዳናዉ በሴስ። 
\v 28 ሄሳዳካ፥ አሳ ናአይ አሰ ሀጋዛናዉነ ዳሮ አሳ ዎዛናዉ ባ ሸምፑዋ እማናዉ ይስፐ አትሽን፥ አሳን ሀጋዘታናዉ ይቤና” ያግስ።
\s1 ናምኡ ቆቀት ፓፅዶሶና
\r (ማር 10:46-52፤ ሉቃ 18:35-43)
\p
\v 29 ሄሳፈ ጉየ፥ የሱሲ ባ ታማረታራ እያርኮፈ ከይድ ብሽን፥ ዳሮ አሳይ ኤንታና ካልዶሶና። 
\v 30 ኦገ ጋፃን ኡትዳ ናምኡ ቆቀት የሱሲ ያራ አይሳ ስእድ፥ “ጎዳዉ፥ ዳዊታ ናአዉ፥ ኑስ ቃታርክ” ያግድ ዋስዶሶና። 
\v 31 ዳሮ አሳይ ኤንታና፥ “ሀይዝተ” ያግድ ካጭዶሶና። ሽን ኤንቲ፥ “ጎዳዉ፥ ዳዊታ ናአዉ፥ ኑስ ቃታርክ” ግድ ጉጅ ዋስዶሶና።
\p
\v 32 የሱሲ ኤቅድ፥ ኤንታ ፄግድ፥ “ታ ህንተዉ አይ ኦና መላ ኮዬቲ?” ያግድ ኦይችስ።
\p
\v 33 ኤንትካ፥ “ጎዳዉ፥ ኑ አይፈይ ፄላና መላ ኮዮስ” ያግዶሶና። 
\v 34 የሱሲ ኤንታዉ ቃትድ፥ ኤንታ አይፍያ ቦችስ። ኤለስድ ኤንታ አይፈይ ፄልስ፤ ኤንቲ እያ ካልድ ብዶሶና።
\c 21
\s1 ግታ ቦንቾን የሩሳላመ ገሉዋ
\r (ማር 11:1-11፤ ሉቃ 19:28-40፤ ዮሀ 12:12-19)
\p
\v 1 የሱሳራነ እያ ታማረታራ የሩሳላመ ማትድ፥ ሻማሆ ዙማ ቦላ ደእያ ቤተፋገ ጌተትያ ጉታ ጋክሸ፥ የሱሲ ባ ታማረታፐ ናምአታ ባፐ ስን ያግድ ኪትስ፦ 
\v 2 “ህንተፈ ስንን ደእያ ጉታ ቢተ። ያን እስ ሀረይ ቃሾን ደእያሮ እ ማራራ ህንተ ደማና። ኤንታ ብልድ ሃ ኤክ ዪተ። 
\v 3 ኦንካ ህንተና ኦይችኮ፥ ‘ጎዳይ ኤንታና ኮዬስ’ ያግተ። እ ኤንታና ኢራካ የድ አጋና” ያግስ።
\p
\v 4 ሄስካ ናበይ፥
\q1
\v 5 “ፅዮነ ካታማስ፥
\q2 ‘ሄኮ፥ ነ ካዎይ አሽከ ግድድ፥ ሀረ ቦላነ
\q2 ሀረ ማራ ቦላ ኡትድ፥ ኔኮ ዬስ’ ያግተ”
\m ያግድ ፃፍዳይስ ፖለታና መላ ሄስ ሀንስ።\x - \xo 21:5 \xo*\xt ዛካ 9:9.\xt*\x*
\p
\v 6 እያ ታማረት ብድ የሱሲ ኤንታ ኪትዳይሳዳ ኦዶሶና። 
\v 7 ሃሪውነ ሀረ ማራ ኤህድ ቦላራ ማእዳ ባንታ ማኡዋ ኤንታ ዞኮን የግዶሶና። የሱሲ ማኦታ ቦላ ኡትስ። 
\v 8 ዳሮ አሳይ ባንታ ማኡዋ ኦግያን ሂፅዶሶና። ሀራት ቦንጮ ታሽድ ኦገ ቦላ የግዶሶና። 
\v 9 የሱሳፐ ስንራ ሄመተይሳትነ እያፐ ጉየራ ካልያ ዳሮ አሳይ፥
\q1 “ሆሳና!\f + \fr 21:9 \fr*\fk ሆሳና፦ \fk*\ft እብራወ ዶናን ሆሳና ጉሳይ “ኑና አሻ” ጉሱ። ቃስ አሳይ ፆሳ ጋላታናዉ ጎኤትያ ቃላ።\ft*\f* ዳዊታ ናአይ ጋላተቶ!
\q2 ጎዳ ሱንን የይስ አንጀትዳይሳ!
\q1 ቦንቾይ ኡባፈ ቃ ሳሉዋን ፆሳስ ግዶ!”
\m ያግድ ዋስዶሶና።\x - \xo 21:9 \xo*\xt ማዝ 118:25.\xt*\x*
\p
\v 10 የሱሲ የሩሳላመ ካታማ ገልዳ ዎደ ሄ ካታማን ደእያ አሳ ኡባይ፥ “ሀይስ ኦኔ?” ያግድ ያርክዶሶና።
\p
\v 11 አሳይ፥ “ሀይስ ጋልላን ደእያ ናዝረተ ካታማፐ ይዳ ናብያ የሱሳ” ያግዶሶና።
\s1 ፆሳ ኬፈ ዛልኤይሳታ ከስስ
\r (ማር 11:15-19፤ ሉቃ 19:45-48፤ ዮሀ 2:13-22)
\p
\v 12 የሱሲ ፆሳ ኬ ገልድ፥ ያን ባይዘይሳታነ ሻመይሳታ ኡባ ካረ ጎድስ። ሚሸ ላመይሳታ ፃርጴዛታነ ሆለታ ባይዝያ ኦይደታ ሽር የግስ። 
\v 13 እካ ኤንታኮ፥ “ፆሳ ቃላን፥ ‘ታ ኬይ ፆሳ ዎስያ ኬ ጌተታና’ ጌተትድ ፃፈትስ። ሽን ህንተ ፓንጋት ቆሰትያ ጎንጎሎ ኦደታ” ያግስ።\x - \xo 21:13 \xo*\xt እሳ 56:7፤ ኤርም 7:11.\xt*\x*
\p
\v 14 የሱሲ ፆሳ ኬን ደእሽን ቆቀትነ ጉንዳት እያኮ ይን ኤንታ ፓስ። 
\v 15 ሽን ካህነ ሀላቃትነ ህገ አስታማረት የሱሲ ኦዳ ማላልስያባታ በእዳይሳስነ ጉ ናይት ፆሳ ኬን፥ “ዳዊታ ናአይ፥ ጋላተቶ” ያግድ ዋሰይሳ ስእድ ሀንቀትዶሶና። 
\v 16 ኤንቲ የሱሳኮ፥ “ሀይሳቲ ገይሳ ነ ስአይ?” ያግዶሶና።
\p የሱሲ፥ “ኤ ስአይስ፥ ፆሳ ቃላን፥ ‘ጉ ናይታ ዶናንነ ምያ ናይታ ዶናን ጋላታ ዎዳሳ’ ጌተትድ ፃፈትዳይሳ ህንተ ናባብበከቲ?” ያግስ። 
\v 17 ኤንታና ያን አግድ ብታነ ካታማ ብድ አቅስ።
\s1 የሱሲ ባድዳ ባላሰ ምዉ
\r (ማር 11:12-14፥ 20-24)
\p
\v 18 የሱሲ ዎንታ ጉራ ካታማ ስሚድ ይሸ ኮሻትስ። 
\v 19 ኦገ ጋፃን እስ ባላሰ ም በእድ ኢኮ ብስ። ሽን ሀይፈ አትሽን፥ ሀራ አይኮካ ደምቤና። ሄሳ ግሾ፥ እዮ፥ “ህዛፐ ናምአን አይፈ አይፎፓ!” ያግስ። ሄ ባላሰ ምያ ኤለሳዳ መላ አጋሱ።
\p
\v 20 እያ ታማረት ሄሳ በእድ፥ “ሀ ባላስያ ዋናዳ ኤለሳ መላዴ?” ያግድ ማላለትዶሶና።
\p
\v 21 የሱሲ ዛሪድ፥ “ታኒ ህንተዉ ቱማ ኦዳይስ፤ ህንተዉ አማኖይ ደእኮ፥ ቃስ ህንተ ስና እፅኮ ባላሰ ቦላ ታኒ ኦዳይሳ መላ ፃላላ ኦከታ፥ ሽን ‘ሀ ዙማ ሾደታዳ አባን ዎ’ ያግኮ ሀናና።\x - \xo 21:21 \xo*\xt ማቶ 17:20፤ 2 ቆሮ 13:2.\xt*\x* \fig ባላስ ም|alt="Fig tree" src="LB00085B.tif" size="col" ref="21:22"\fig* 
\v 22 አማንድ ህንተ ዎስያባ አይብባ ግድኮካ ህንተ ኤካና” ያግስ።
\s1 የሱሳ ማታይ ኦይሸተ
\r (ማር 11:27-33፤ ሉቃ 20:1-8)
\p
\v 23 የሱሲ ፆሳ ኬ ገልድ ታማርስሽን፥ ካህነ ሀላቃትነ አይሁደ ጭማት እያኮ ይድ፥ “ኔኒ ሀይሳ ኦና መላ ነዉ አይ ማት ደኢ? ነዉ ሀ ማታ እምዳይ ኦኔ?” ያግድ ኦይችዶሶና።
\p
\v 24 የሱሲ ኤንታኮ፥ “ታንካ ህንተና እስባ ኦይቻይስ፤ ህንተ ታዉ ሄሳ ዛርኮ፥ ታኒ አይ ማታን ኦያኮ ህንተዉ ኦዳና። 
\v 25 ዮሃንስ ፃማቃና መላ ማታይ አዉፐ እመትዴ? ፆሳፈየ አሳፔ?” ያግስ።
\p ኤንቲ ባንታ ግዶን ዞረትድ፥ “ኑኒ፥ ‘ፆሳፈ’ ጊኮ፥ እ ኑና፥ ‘ያትን አይስ አማንበከቲ?’ ያጋና። 
\v 26 ኑኒ፥ ‘አሳፐ’ ጊኮ፥ አሳ ኡባይ ዮሃንሳ ናበ ኦ ፄልያ ግሾ፥ አሳ ያዮስ” ያግዶሶና። 
\v 27 ሄሳ ግሾ፥ “ኑኒ ኤሮኮ” ያግድ ዛርዶሶና።
\p እካ፥ “ህዛ፥ ታንካ ሀይሳ አይ ማታን ኦያኮ ህንተዉ ኦድከ” ያግስ።
\s1 ናምኡ ናይታ ሌምሶ
\p
\v 28 “የሱሲ ካልድካ ሀይሳዳ ያግስ፦ ናምኡ አደ ናይት ደእያ እስ ኡራይ ደኤስ። ሄ ኡራይ ባይራ ናኣኮ ብድ፥ ‘ታ ናአዉ፥ ሀች ዎይነ ግዶ ባዳ ኦ’ ያግስ። 
\v 29 ናአይ ዛሪድ፥ ‘አቶ ቢከ’ ያግስ። ሽን ጉየፐ ባ ዎዛናን ቆፕ ኤክድ ኦናዉ ብስ። 
\v 30 አዋይ ባ ካሎ ናኣኮ ብድ፥ ባ ባይራ ናኣኮ ግዳይሳዳ ኪትስ። እካ፥ ‘ኤሮ፥ ታ አዋዉ’ ያግስ። ሽን ብቤና። 
\v 31 ሀ ናምኡ ናይታፐ ባ አዋስ ኪተትዳይስ አዉሴ?” ያግስ።
\p ኤንትካ፥ “ባይራ” ያግዶሶና።
\p የሱሲ ኤንታኮ፥ “ታ ህንተዉ ቱማ ኦዳይስ፤ ቃራፃ ቃንፅሰይሳትነ ላይማተይሳት ህንተፈ ስንትድ ፆሳ ካዎተ ገላና። 
\v 32 ፃማቅያ ዮሃንስ ሱረ ኦግያ ታማርስሸ ይን እ ገይሳ አማንበከታ። ሽን ቃራፃ ቃንፅሰይሳትነ ላይማተይሳት አማንዶሶና። ህንተ ሀር አቶሽን፥ ኤንታ በእድካ ህንተ ናጋራፐ ስሚድ አማንበከታ” ያግስ።\x - \xo 21:32 \xo*\xt ሉቃ 3:12፤ 7:29-30.\xt*\x*
\s1 ጎሻንቾታ ሌምሶ
\r (ማር 12:1-12፤ ሉቃ 20:9-19)
\p
\v 33 ቃስካ የሱሲ ሀይሳዳ ያግስ፤ “ሀራ ሌምሶ ስእተ፥ ዎይነ ቶክዳ እስ ኡራይ ደኤስ። ሄ ዎይንያ ዩሹዋ ድርስ። ዎይነ ጉምእያ ኦላ ቦክስ። ዎይንያ ናጋናዉ ሻኮ ሻክስ። ሄሳፈ ጉየ፥ ጋድያ ኮ እምድ ሀራ ቢታ ብስ።\x - \xo 21:33 \xo*\xt እሳ 5:1-2.\xt*\x* 
\v 34 ዎይነ አይፍያ ማፅያ ዎደይ ጋክን ባና ጋክያ ባጋ ኤክድ ያና መላ ባ አይለታ ኤንታኮ የድስ። 
\v 35 ኮ አዋት እያ አይለታ ኦይክድ እሱዋ ዋዶሶና፥ ሀንኩዋ ዎዶሶና ቃስ አትዳይሳ ሹቻን ጫድዶሶና። 
\v 36 ዎይነ አታክልትያ ጎዳይ ካሰይሳታፐ ዳርያ ሀራ አይለታ ኪትስ። ኮ አዋት ኤንታ ቦላካ ሀንኮይሳታ ቦላ ኦዳይሳዳ ኦዶሶና። 
\v 37 ዉርሰን እ፥ ‘ታ ናኣ ኤንቲ ቦንቻና!’ ያግድ ባ ናኣ ኤንታኮ ኪትስ።
\p
\v 38 “ሽን ኮ አዋት ናኣ በእድ ባንታ ግዶን ‘ጋድያ ላታናይስ ሀይሳ፥ እያ ዎድ ጋድያ ኑኒ ላቶስ!’ ያግዶሶና። 
\v 39 ናአ ኦይክድ ዎይነ ጋድያ ግዶፈ ጋፃ ከስድ ዎዶሶና።
\p
\v 40 “ህዛ፥ ዎይነ ጋድያ ጎዳይ ያ ዎደ ሄ ኮ አዋታ ዋታኔ?” ያግድ ኦይችስ።
\p
\v 41 ኤንቲ ዛሪድ፥ “እ ሄ ኢታ አሳታ ኢታ ዎ ዎድ፥ ዎይነይ አይፍያ ዎደ እያ ጋክያ ባጋ ዎደን ዎደን እምያ ሀራ ኮ አዋታስ እማና” ያግዶሶና።
\p
\v 42 የሱሲ ዛሪድ ኤንታኮ፥ ፆሳ ቃላን፥
\q1 “ ‘ግምበይሳት ቦርድ እፅዳ ሹቻይ፥
\q2 ጎዳ ፃጱዋ ምንያ፥ ኡባፈ አያ ሹቻ ግድስ።
\q1 ሀይስ ጎዳይ ኦዳባ፤
\q2 ኑ አይፍያስ ማላልስያባ’
\m ጌተትድ ፃፈትዳይሳ ናባብበከቲ?\x - \xo 21:42 \xo*\xt ማዝ 118:22.\xt*\x*
\p
\v 43 “ሄሳ ግሾ፥ ታኒ ህንተዉ ኦዳይስ፤ ፆሳ ካዎተይ ህንተፈ ኤከትድ ሎኦ አይፈ አይፍያ አሳታስ እመታና። 
\v 44 [ሀ ሹቻ ቦላ ኩንድያ ኦንካ መቀረታና። ቃስ ሀ ሹቻይ እያ ቦላ ዎያ ኡራይካ ጋጨታና”]\f + \fr 21:44 \fr*\ft እስ እስ በን ማፃፋት ፓይዶ 44 ጉጆሶና። (ሉቃ 20:18 ፄልተ)\ft*\f* ያግስ።
\p
\v 45 ካህነ ሀላቃትነ ፋርሳወት የሱሲ ኦድዳ ሌምሱዋን ባንታና ኦድዳይሳ ኤርዶሶና። 
\v 46 ኤንቲ የሱሳ ኦይካናዉ ኮይዶሶና፥ ሽን አሳይ የሱሳ ናበ ኦድ ፄልያ ግሾ፥ አሳስ ያይዶሶና።
\c 22
\s1 ያጋኖ ፄሳ ሌምሶ
\r (ሉቃ 14:15-24)
\p
\v 1 የሱሲ አሳስ ዛሪድ ሀይሳዳ ያግድ ሌምሶ ኦድስ። 
\v 2 “ፆሳ ካዎተይ ባ ናኣስ ያጋኖ ጊግስዳ ካዋ ዳኔስ። 
\v 3 ሄ ካዎይ ያጋኖ ያና መላ ኦድ ዎዳ አሳታ ፄጋናዉ ባ አይለታ ኪትስ። ሽን አሳት ያናዉ ኮይቦኮና። 
\v 4 ቃስ ሀራ አይለታ ፄግድ፥ ፄገትዳ አሳታኮ ብድ፥ ‘ታኒ ታ ሳንጋታነ ሞዳ ጋታርመንታ ሹካስ፤ ኡባባይ ጊግስ። ታ ያጋኑዋ ሃ ዪተ ያግተ’ ያግድ ኪትስ። 
\v 5 ሽን ፄገትዳይሳት ፄሳ እፅድ፥ ባንታ ኦሶስ ኦሶስ ብዶሶና። እሶይ ባ ጎሻስ፥ ሀንኮይ ባ ዛልእያስ ብስ። 
\v 6 ሀራት ቃስ ካዋ አይለታ ኦይክድ፥ ካዉሽ ዋድ ዎዶሶና።
\p
\v 7 “ካዎይ ዳሮ ይሎትድ፥ ባ ዎታዳረታ የድድ ሸምፖ ዎዳይሳታ ዎስስ፥ ኤንታ ካታማካ ፁግስ። 
\v 8 ሄሳፈ ጉየ፥ ባ አይለታኮ፥ ‘ያጋኖይ ጊግስ፥ ሽን ፄገትዳይሳት ያጋኑዋስ በሲያ አስ ግዶኮና። 
\v 9 ሄሳ ግሾ፥ ዎጋ ኦገታ ብድ፥ ደምዳ አስ ኡባ ያጋኑዋ ያና መላ ፄግተ’ ያግስ። 
\v 10 አይለት ኦግያ ቦላ ብድ ባንታ ደምዳ አስ ኡባ ሎኦታነ ኢታታ ኤህድ ያጋኖ ሻቃራ ገልስድ ኩንዶሶና።
\p
\v 11 “ሽን ካዎይ ካ ማናዉ ኡትዳ አሳ በአናዉ ገልዳ ዎደ ያጋኖ ማኦ ማእቦና እስ አስ ደምስ። 
\v 12 እያኮ፥ ‘ላ፥ ነ ያጋኖ ማኦ ማኦና ዋናዳ ሀይሳ ገላዲ?’ ያግስ። ሽን ኡራይ ስእ ግስ።
\p
\v 13 “ካዎይ ባ አይለታኮ፥ ‘ሀ ኡራ ኩሽያነ ቶሁዋ ቃችድ፥ ካረ ማ ከስ የግተ። ያን እያዉ ዬሆነ አቻ ጋርጨ ግዳና’ ያግስ።\x - \xo 22:13 \xo*\xt ማቶ 8:12፤ 25:30፤ ሉቃ 13:28.\xt*\x*
\p
\v 14 “ሄሳዳካ፥ ፆሳ ካዎተስ ፄገትዳይሳት ዳሮ ሽን ዶረትዳይሳት ጉ” ያግስ።
\s1 ጊራባ
\r (ማር 12:13-17፤ ሉቃ 20:20-26)
\p
\v 15 ሄሳፈ ጉየ፥ ፋርሳወት ብድ፥ የሱሳ ዋት ኦዳን ኦይካኔኮ ዞረትዶሶና። 
\v 16 ባንታ ታማረታነ ሄሮዲሳ ባጋታፐ እሶታ እሶታ ኪትዶሶና። ኤንትካ፥ “አስታማርያዉ፥ ነ ቱማ ኦደይሳ ኑ ኤሮስ። ኔኒ አሳፐ አሰ ሻካካ፥ አሳ ዎይጋንደስ ጋዳ አይኮካ ኦካ፥ ፆሳ ኦገ ቱማተን ታማርሳሳ። 
\v 17 አነ ኑስ ኦዳ፥ ኑኒ ሮመ ካዋስ ጊራ ጊራናዉ በሲ በሰኔ?” ያግዶሶና።
\p
\v 18 ሽን የሱሲ ኤንታ ኢታ ቆፋ ኤርድ፥ “ሀ ጩቦቶ፥ ታና አይስ ፓጨቲ? 
\v 19 ጊራ ጊርያ ሚሽያ ታና በስተ” ያግስ። ኤንትካ እያዉ ሳንትመ ኤህዶሶና። 
\v 20 እ፥ “ሀ ሱንይነ ምስለይ ኦደባዬ?” ያግስ።
\p
\v 21 ኤንቲ፥ “ሮመ ካዎይሳ” ያግዶሶና።
\p ያትን የሱሲ ኤንታኮ፥ “ህዛ፥ ካዋስ በሰይሳ ካዋስ፥ ፆሳስ በሰይሳ ፆሳስ እምተ” ያግስ።
\p
\v 22 ኤንቲ ሄሳ ስእዳ ዎደ ማላለትድ እያ ማታፐ አግድ ብዶሶና።
\s1 ሀይቆፐ ደንዶባ
\r (ማር 12:18-27፤ ሉቃ 20:27-40)
\p
\v 23 ሄ ጋላስ ሀይቆፐ ደንዶይ ባዋ ግያ ሳዱቃወት የሱሳኮ ይድ፥ ያግድ እያ ኦይችዶሶና።\x - \xo 22:23 \xo*\xt ሀዋ 23:8.\xt*\x* 
\v 24 “አስታማርያዉ፥ ‘ሙሰይ፥ እስ አስ ናአ የሎና ሀይቅኮ፥ ሄ ሀይቅዳይሳ እሻይ እያ ማችዉ ኤክድ፥ ባ እሻስ ናአ የሎ’ ያግድ ኪትስ።\x - \xo 22:24 \xo*\xt ዛረ 25:5.\xt*\x* 
\v 25 ኑ ኤርያ ላፑን እሻት ደኦሶና። ባይራይ ማቾ ኤክድ ናአ የሎና ሀይቅስ። እያ ማችዉ እያ ካሎ እሻይ ኤክስ። 
\v 26 ሄሳዳካ፥ ሄ ማጫስዉ ኤክዳ ናምአንይካ፥ ሄንይካ፥ ብድ ላፑናት ዉራና ጋካናዉ ኡባይ ሀይቅዶሶና። 
\v 27 ኡባፈ ጉየ ሄ ማጫስያ ሀይቃሱ። 
\v 28 ያትን፥ ላፑናት ኡባይ እዮ ኤክዳ ግሾ፥ ሀይቆፐ ደንድያ ጋላስ፥ ሄ ማጫስያ ላፑናታፐ አዉሳስ ማቾ ግዳኔ?” ያግዶሶና።
\p
\v 29 የሱሲ ዛሪድ፥ “ህንተ ፆሳ ቃላይ ታማርስያባ ዎይኮ እያ ዎልቃ ኤሮና ግሾ ባሌታ። 
\v 30 አሳይ ሀይቆፐ ደንድያ ዎደ ሳሎን ደእያ ኪታንቾታ መላ ግዳናፐ አትሽን፥ ኤኮኮና ገሎኮና። 
\v 31 ቃስ ሀይቅዳ አሳት ሀይቆፐ ደንዳናባ ፆሳይ ህንተዉ ኦድዳይሳ ናባብበከቲ? 
\v 32 ፆሳይ፥ ‘ታኒ አብራሃመ ፆሳ፥ ይሳቃ ፆሳ፥ ያይቆባ ፆሳ’ ያግስ። ሄሳ ግሾ፥ ፆሳይ ፓፃ ደኤይሳታ ፆሳፈ አትሽን፥ ሀይቅዳይሳታ ፆሳ ግደና”\f + \fr 22:32 \fr*\fq ፆሳይ ፓፃ ደኤይሳታ ፆሳፈ አትሽን፥ ሀይቅዳይሳታ ፆሳ ግደና፦ \fq*\ft የሱሲ ሀ በሳን ኦደይ ፆሳይ ሀ ሀይቅዳ ሄታስ ፆሰ ግድኮ ኤንቲ ደኦን ደኦሶና ያገይሳ።\ft*\f* ያግስ።\x - \xo 22:32 \xo*\xt ከሳ 3:6.\xt*\x*
\p
\v 33 ዳሮ አሳይ ሄሳ ስእድ፥ እያ ትምርትያን ማላለትዶሶና።
\s1 ኡባፈ ባይራ ኪታ
\r (ማር 12:28-34፤ ሉቃ 10:25-28)
\p
\v 34 የሱሲ ሳዱቃወታስ ጋናባ ይስዳይሳ ፋርሳወት ስእዳ ዎደ እስፈ ሺቅዶሶና። 
\v 35 ኤንታ ግዶፈ እስ ህገ አስታማረይ የሱሳ ፓጨ ኦይሾ ኦይችስ። 
\v 36 “አስታማርያዉ፥ ህገ ኡባፈ አይስ አዉሴ?” ያግድ ኦይችስ።
\p
\v 37 የሱሲ ዛሪድ፥ “ ‘ነ ጎዳ፥ ነ ፆሳ፥ ነ ኩመ ዎዛናፐ፥ ነ ኩመ ሸምፑዋፈ፥ ነ ኩመ ቆፋፐ ዶሳ።\x - \xo 22:37 \xo*\xt ዛረ 6:5.\xt*\x* 
\v 38 ኡባፈ አይስነ ባይራ ኪታይ ሀይሳ። 
\v 39 ናምአን ኡባፈ አያ ኪታይ፥ አሰ ኡባ ነ ሁጵያ ነ ዶሰይሳዳ ዶሳ’ ያገይሳ።\x - \xo 22:39 \xo*\xt ሌወ 19:18.\xt*\x* 
\v 40 ሙሰ ህገይነ ናበታ ትምርተይ ኡባይ ሀ ኪታታ ቦላ ካቶሶና” ያግስ።\x - \xo 22:40 \xo*\xt ሉቃ 10:25-28.\xt*\x*
\s1 ክርስቶስ ኦደ ናኤ?
\r (ማር 12:35-37፤ ሉቃ 20:41-44)
\p
\v 41 ፋርሳወት እስ ቦላ ሺቅድ ደእሽን፥ የሱሲ ኤንታና፥ 
\v 42 “ክርስቶሳባ ህንተ ዎይገቲ? እ ኦደ ናኤ?” ያግድ ኦይችስ።
\p ኤንቲ፥ “እ ካዋ ዳዊታ ናአ” ያግድ ዛርዶሶና።
\p
\v 43 የሱሲ ኤንታኮ፥ “ያትን፥ ዳዊቲ ጌሻ አያናን ግድድ ዋትድ ክርስቶሳ፥ ‘ጎዳ’ ግድ ፄጊ? ዳዊታ ግሸ፥
\q1
\v 44 “ ‘ጎዳ ፆሳይ፥ ታ ጎዳኮ፥\f + \fr 22:44 \fr*\fk ታ ጎዳኮ፦ \fk*\ft ሀ በሳን ዳዊቲ ታ ጎዳ ግድ ፄገይ ክርስቶሳ።\ft*\f*\x - \xo 22:44 \xo*\xt ማዝ 110:1.\xt*\x*
\q2 ነ ሞርከታ ነ ቶሆይ የያሶ ኦና ጋካናዉ፥
\q2 ሀይሳን ታፐ ኡሻቻ ባጋን\f + \fr 22:44 \fr*\fk ኡሻቻ ባጋን፦ \fk*\ft ማታነ ቦንቾ በሲ።\ft*\f* ኡታ’ ግስ።\x - \xo 22:44 \xo*\xt ማዝ 110:1.\xt*\x*
\q1
\v 45 ህዛ፥ ዳዊቲ ክርስቶሳ ጎዳ ግድ ፄግኮ፥ ዋንድ ክርስቶስ ዳዊታ ናአ ግዲ?”
\m ያግስ።
\p
\v 46 የሱሳስ እስ ቃላ ዛራናዉ ዳንዳእዳ አስ ኦንካ ባዋ። ቃስ ሄ ጋላሳፐ ዶምድ ሀራ ኦይሻ ኦይቻናዉ ኦንካ ዳንዳእቤና።
\c 23
\s1 ህገ አስታማረታነ ፋርሳወታ አየ!
\r (ማር 12:38-39፤ ሉቃ 11:43-46፤ 20:45-46)
\p
\v 1 ሄሳፈ ጉየ፥ የሱሲ ሺቅዳ አሳስነ ባ ታማረታስ ሀይሳዳ ያግስ። 
\v 2 “ህገ አስታማረትነ ፋርሳወት ሙሰ ህግያ ብላናዉ ማታራ ደኦሶና። 
\v 3 ሄሳ ግሾ፥ ኤንቲ ህንተና ኪትያ ኡባ ኦተነ ናግተ። ሽን ኤንቲ ኦይሳዳ ኦፍተ። አይስ ጊኮ፥ ኤንቲ ኦደይሳዳ ኦኮና። 
\v 4 ኤንቲ ቶካናዉ ዳንዳኤቶና ቶሆ ቃችድ አሳ ቶሶሶና። ሽን ባንታዉ ሀር አቶሽን፥ ሄ ቶሁዋ አሳይ ቶክያ ዎደ ብራ ፄራን ቦቻናዉ ኮዮኮና።
\p
\v 5 “ሽን ኤንቲ ባንታ ኦሶ ኡባ አስ በኦና መላ ኦሶና። ባንታ ሶምኦንነ ቀሰን ቃችያ ማፃፋ ፅቅሰይ ደእያ ክታፈ ዳልግሶሶና፥ ባንታ ማኡዋ ማጫራ አዱሶሶና።\f + \fr 23:5 \fr*\fq ሶምኦንነ ቀሰን ቃችያ ማፃፋ፥ ማኡዋ ማጫራ አዱሶሶና፦ \fq*\ft ሄሳ ኤንቲ ኦይ ታኒ ፆሳስ እመታስ ግያ ማላ በሳናሳ (ዛረ 15:37-41)።\ft*\f*\x - \xo 23:5 \xo*\xt ማቶ 6:1፤ ዛረ 6:8፤ ታይቦ 15:38.\xt*\x* 
\v 6 ሞከትያ በሳን ቦንቾ በስነ አይሁደ ዎሳ ኬታን ዳሮ ሎእያ ኦይደ ዶሶሶና። 
\v 7 አሳይ ግያን ኤንታና ቦንቾን ሳሮናይሳነ ‘አስታማርያዉ’ ግድ ፄጋናይሳ ኮዮሶና።
\p
\v 8 “ሽን ህንተ አስታማረይ እሱዋ ፃላላ ግድዳ ግሾነ ህንተ ኡባይ እሻታ ግድዳ ግሾ፥ ‘አስታማርያዉ’ ጌተትድ ፄገቶፍተ። 
\v 9 ህንተዉ ሳሎን እስ አዋ ፃላል ደእያ ግሾ፥ ሀ ሳአን ኦናካ ‘አዋዉ’ ግድ ፄጎፕተ። 
\v 10 ህንተዉ እስ ጎዳይ ክርስቶሳ ፃላል ደእያ ግሾ ‘ጎዳዉ’ ጌተትድ ፄገቶፍተ። 
\v 11 ህንተ ግዶን ባይራተይ ህንተ አይለ ግዶ።\x - \xo 23:11 \xo*\xt ማቶ 20:26.\xt*\x* 
\v 12 ባና ግታያ ኦንካ ካዉያና፤ ባና ካዉሽያ ኦንካ ግታታና።\x - \xo 23:12 \xo*\xt ሉቃ 14:11፤ 18:14.\xt*\x*
\s1 ህገ አስታማረትነ ፋርሳወት ቦረትዶሶና
\r (ማር 12:40፤ ሉቃ 11:39-42)
\p
\v 13 “ህንተኖ፥ ጩቦቶ፥ ህገ አስታማረቶነ ፋርሳወቶ፥ አሳ ስንን ሳሎ ካዎተ ጎርደይሳቶ ህንተና አየ! ህንተ፥ ህንተ ሁጰን ገለከታ ቃስ ሀራታካ ገልሰከታ።
\p
\v 14 [“ህንተኖ ጩቦቶ፥ ህገ አስታማረቶነ፥ ፋርሳወቶ፥ አምኤታ ኬ ህንተ ቦንቅሸ፥ አስ በኦ ግድ ዎሳ አዱሰታ። ሄሳ ግሾ፥ ህንተና አየ! ኡባፈ አያ ፕርዳይ ህንተና ናጌስ።]\f + \fr 23:14 \fr*\ft እስ እስ በን ማፃፋት ፓይዶ 14 ጉጆሶና።\ft*\f*
\p
\v 15 “ህንተኖ፥ ጩቦቶ፥ ህገ አስታማረቶነ ፋርሳወቶ፥ ህንተ እስ ኡራ አማንናዉ አባራነ ሳአራ ዩየታ። ሽን ህንተ እያ አማንዳ ዎደ ሄ ኡራ ህንተፈ አድ ጋናመስ ጊገትዳይሳ ኦያ ግሾ፥ ህንተና አየ!
\p
\v 16 “ኦንካ ፆሳ ኬን ጫቅኮ አይኮይካ ባዋ። ሽን ፆሳ ኬን ደእያ ዎርቃን ጫቅኮ፥ ሄ ጫቆይ እያ ጎማና ግያ ቆቀቶ፥ ህንተዉ ቆቅድ ሀራታ ካለይሳቶ፥ ህንተና አየ! 
\v 17 ህንተኖ፥ ኤያቶ፥ ቆቀቶ፥ ዎርቃይ አዬ? ዎርቅያ ፆሳስ ዱማያ ፆሳ ኬይ አ? 
\v 18 ቃስ ‘ኦንካ ያርሾ በሳን ጫቅኮ፥ አይኮይካ ባዋ። ሽን ኦንካ እያ ቦላ ደእያ ያርሹዋን ጫቅኮ፥ ሄ ጫቆይ እያ ጎማና’ ያግድ ታማርሴታ። 
\v 19 ህንተኖ፥ ቆቀቶ፥ ያርሾይ አዬ? ያርሹዋ ፆሳስ ዱማያ በሳይ አ? 
\v 20 ሄሳ ግሾ፥ ያርሾ በሳን ጫቅያ ኡራይ፥ ሄ ያርሾ በሳንነ እያ ቦላ ደእያ ኡባባን ጫቄስ። 
\v 21 ፆሳ ኬን ጫቅያ ኡራይ፥ ሄ ፆሳ ኬንነ እያን ደእያ ፆሳን ጫቄስ። 
\v 22 ሳሎን ጫቅያ ኡራይ ፆሳ አራታንነ ሄ አራታ ቦላ ኡትያ ፆሳን ጫቄስ።\x - \xo 23:22 \xo*\xt እሳ 66:1፤ ማቶ 5:34.\xt*\x*
\p
\v 23 “ህንተኖ፥ ጩቦቶ፥ ህገ አስታማረቶነ ፋርሳወቶ፥ ህንተና አየ! ህንተ ካሬ ሳዎፐ፥ ናትሮፐነ ኦካሸፐ አስራታ ከሴታ። ሽን ህገን ደእያ አድ ኮሸይሳታ አግደታ። ሄስካ፥ ሱረ ፕርዳ፥ ቃተነ ኡባባን አማነተ። ሀራታካ አጎናሽን ሀይሳታ ህንተ ኦናዉ በሴስ።\x - \xo 23:23 \xo*\xt ሌወ 27:30.\xt*\x* 
\v 24 ህንተዉ ቆቅድ ሀራ አስ ካለይሳቶ፥ ህንተ ኡሻፈ ኡዱንፀ ከስድ ግማለ ምቴታ።
\p
\v 25 “ህንተኖ፥ ጩቦቶ፥ ህገ አስታማረቶነ ፋርሳወቶ፥ ህንተና አየ! ህንተ ሻትያስነ ከርያስ ቦላ ባጋ ጌሼታ። ሽን ኤንታዉ ጋርሳን ቦንቀይነ ኡዘተ ኩም ኡትስ። 
\v 26 ነኖ ቆቀ ፋርሳውያዉ፥ ሻትያስነ ከርያስ ጋርሳ ካሰታዳ ጌሻ። ሄሳፈ ጉየ፥ ቦላ ባጋይካ ጌሽ ግዳና።
\p
\v 27 “ህንተኖ፥ ጩቦቶ፥ ህገ አስታማረቶነ ፋርሳወቶ፥ ህንተና አየ! ካረ ባጋራ ቃላመ ትየትድ ሎእድ፥ ግዶን መቀነ ዎቅዳባይ ኩምዳ ዱፎታ ዳነታ።\x - \xo 23:27 \xo*\xt ሀዋ 23:3.\xt*\x* 
\v 28 ሄሳዳካ፥ ቦላ ባጋራ አሳስ ሎኦ ዳነታ። ሽን ህንተ ጋርሳን ጩቦተነ ኢታተ ኩምስ።
\p
\v 29 “ህንተኖ፥ ጩቦቶ፥ ህገ አስታማረቶነ ፋርሳወቶ፥ ህንተና አየ! ህንተ ናበታስ ዱፎ ኬፀታ፥ ቃስ ፅሎታ ዱፉዋካ ሎይታ። 
\v 30 ቃስ ህንተ፥ ‘ኑኒ በን ኑ አዋታ ዎደ ደእዳባ ግድያኮ፥ ኤንታራ እስፈ ናበታ ሱ ጉሶኮሽን’ ያጌታ። 
\v 31 ሄሳ ግሾ፥ ህንተ ናበታ ዎዳ አሳ ናይታ ግደይሳ ህንተ ህንተ ሁጰን ማርካቴታ። 
\v 32 ህዛ፥ ህንተ አዋት ዶምዳይሳ ህንተ ፖልተ።
\p
\v 33 “ሀ ሾሻቶ፥ ሾሻ ናይቶ፥ ህንተ ጋናመ ፕርዳፈ ዋንድ አታኔ?\x - \xo 23:33 \xo*\xt ማቶ 3:7፤ 12:34፤ ሉቃ 3:7.\xt*\x* 
\v 34 ሄሳ ግሾ፥ ሄኮ፥ ታኒ ናበታ፥ ጭንጫ አሳታነ አስታማረታ ህንተኮ ኪታና። ኤንታፈ እሶታ እሶታ ህንተ ዎናነ ማስቃላ ቦላ ካቃና። ባጋታ አይሁደ ዎሳ ኬታን ልሶን ጋራፋናነ ካታማፐ ካታማ ጎዳና። 
\v 35 ሄሳ ግሾ፥ ፅሉዋ አበላ ዎዳ ዎደፐ ዶምድ፥ ፆሳ ኬስነ ያርሾ በሳፈ ግዶን ህንተ ዎዳ ባራካ ናአ ዛካርያሳ ዎደ ጋካናዉ ሀይቅዳ ፅሎ አሳ ኡባ ግሾ፥ ህንተ ሴረታና።\x - \xo 23:35 \xo*\xt መ 4:8፤ 2 ታር 24:20.\xt*\x* 
\v 36 ታኒ ህንተዉ ቱማ ኦዳይስ፤ ህንተነ ህንተ አዋት ኦዳ ናጋራስ ሀ ፕርዳ ኡባይ ሀ የለተ ቦላ ጋካና።
\s1 የሱሲ የሩሳላመስ ዬክስ
\r (ሉቃ 13:34-35)
\p
\v 37 “የሩሳላመ፥ የሩሳላመ፥ ናበታ ዎያረ! ፆሳይ ኔኮ ኪትዳይሳታ ሹቻን ጫድያረ! ኩቶይ ባ ናይታ ባ ቀፈን ሀጰይሳዳ ታኒ ነ አሳ ታ ቀስያን ገቻናዉ አፑን ቶሆ ኮያድና! ሽን ታና ድጋዳሳ። 
\v 38 ህዛ፥ ሄኮ፥ ህንተ ኬይ ካይስ ግዳና።\x - \xo 23:38 \xo*\xt ኤርም 22:5.\xt*\x* 
\v 39 ታኒ ህንተዉ ኦዳይስ፤ ‘ጎዳ ሱንን የይስ አንጀትዳይሳ’ ህንተ ጋና ጋካናዉ ናምአን ታና በኤከታ” ያግስ።\x - \xo 23:39 \xo*\xt ማዝ 118:26.\xt*\x*
\c 24
\s1 ፆሳ ኬይ ላለቶና አተና
\r (ማር 13:1-2፤ ሉቃ 21:5-6)
\p
\v 1 የሱሲ ፆሳ ኬፈ ከይድ ብሽን፥ እያ ታማረት እያኮ ይድ፥ ማላለትድ ፆሳ ኬ ግምብያ በስዶሶና። 
\v 2 የሱሲ ኤንታኮ ዛሪድ፥ “ኤ! ሀይሳ ኡባ በኤቲ? ታኒ ህንተዉ ቱማ ኦዳይስ፤ ሹች ሹቻ ቦላ ግምበትዳ መላ ላለቶና አተና” ያግስ።
\s1 ስንፈ ሀናናባታ
\r (ማር 13:3-13፤ ሉቃ 21:7-19)
\p
\v 3 የሱሲ ሻማሆ ዙማ ቦላ ኡትዳሽን፥ እያ ታማረት ባንታርካ እያኮ ይድ፥ “ሄስ አዉደ ሀናኔኮ ኑስ ኦዳ። ቃስ ነ ዩሳስነ ዎድያ ዉርሰስ ማላታይ አይቤ?” ያግድ ኦይችዶሶና።
\p
\v 4 የሱሲ ዛሪድ፥ “ህንተና ኦንካ ባለና መላ ናገትተ! 
\v 5 አይስ ጊኮ፥ ዳሮ አሳት ታ ሱንን፥ ‘ታኒ ክርስቶሳ፥ ፆሳይ አሳ አሻናዉ ኪትዳይሳ’ ያግሸ ይድ ዳሮ አሳ ባለና። 
\v 6 ማታን ደእያ ኦላ ግርሳ፥ ሃሆን ደእያ ኦላ ዎረ ስአናዉ ደኤታ። ሄሳ መላባይ ሀናናዉ በሲያ ግሾ ህርጎፍተ። ሽን ዉርሰይ ቡሮና። 
\v 7 ደረይ ደርያራ፥ እስ ካዎተይ ሀራ ካዎተራ ኦለታና። ኮሻይነ ቢታ ቃፆይ ኡባ በሳን ሀናና። 
\v 8 ሄስ ኡባይ የሎ እቀስ ዞከ መላ።
\p
\v 9 “ሄ ዎደ አሳይ ህንተና ዋዬስ አድ እማና፥ ቃቻናነ ዎና። ታ ሱን ግሾ አሳ ኡባይ ህንተና እፃና።\x - \xo 24:9 \xo*\xt ማቶ 10:22.\xt*\x* 
\v 10 ሄ ዎደ ዳሮት አማኖ አጋና። ባንታ ግዶን እሶይ እሱዋ አድ እማና፥ እሶይ እሱዋ እፃና። 
\v 11 ቃስ ዳሮ ዎርዶ ናበት ደንድድ ዳሮታ ባለና። 
\v 12 ጌላተ ዳርያ ግሾ፥ ዳሮ አሳ ሲቆይ እርፃና። 
\v 13 ሽን ዉርሰ ጋካናዉ ገንጭያ ኡራይ አታና።\x - \xo 24:13 \xo*\xt ማቶ 10:22.\xt*\x* 
\v 14 አሳ ኡባስ ማርካ ግዳና መላ ፆሳ ካዎተ ዎንገላይ ቢታ ኡባን ኦደታና። ሄሳፈ ጉየ፥ ዉርሰይ ያና።
\s1 ቱና ዮ
\r (ማር 13:14-23፤ ሉቃ 21:20-24)
\p
\v 15 “ሄሳ ግሾ፥ ናብያ ዳነል ኦድዳ ዮ ቱናተይ ጌሻ በሳን ኤቅዳይሳ ህንተ በአና።\x - \xo 24:15 \xo*\xt ዛረ 9:27፤ 11:31፤ 12:11.\xt*\x* (አኬክሶ፦ ሄስ ዎይ ጉሰኮ ናባበይስ አኬኮ!) 
\v 16 ሄ ዎደ ይሁዳ ቢታን ደኤይሳት ደርያኮ ባቃቶ። 
\v 17 ኬ ሁጰን ደእያ ኡራይ ባ ሶን ደእያባ ኤካናዉ ሶ ገሎና ባቃቶ።\x - \xo 24:17 \xo*\xt ሉቃ 17:31.\xt*\x* 
\v 18 ጋደን ደኤይስ ባ ማኡዋ ኤካናዉ ጉየ ስሞፎ። 
\v 19 ሄ ዎደ ቃን ማጫሳታስነ ንያ ማጫሳታስ ዳሮ ኡንአ ግዳና። 
\v 20 ባልጎን ዎይኮ ሳምባታን ህንተ ባቃቶይ ግዶና መላ ፆሳ ዎስተ። 
\v 21 አይስ ጊኮ፥ ሳእ መቶሳፐ ሀች ጋካናዉ ሀኖናባይ፥ ቃስ ስንፈካ ኡባራካ ሀኖና ዋየይ ሄ ዎደ ሀናና።\x - \xo 24:21 \xo*\xt መ 12:1፤ ቆን 7:14.\xt*\x* 
\v 22 ፆሳይ ሄ ጋላሳታ ታይቡዋ ጉናኮ አሰ ግድዳ ኦንካ አተና። ሽን እ ባ ዶርዳ አሳታ ግሾ፥ ሄ ጋላሳታ ታይቡዋ ጉና።
\p
\v 23 “ሄ ዎደ ኦንካ ህንተና፥ ‘ሄኮ፥ ክርስቶስ ሀይሳን’ ዎይኮ ‘ህንን ደኤስ’ ያግኮ አማኖፕተ። 
\v 24 አይስ ጊኮ፥ ዎርዶ ክርስቶሳትነ ዎርዶ ናበት ደንዳና። ኤንታዉ ዳንዳኤትኮ፥ ሀር አቶሽን ፆሳይ ዶርዳይሳታካ ባለናዉ ግታ ማላታታነ ማላልስያባታ ኦና። 
\v 25 አኬክተ፥ ታኒ ህንተዉ ሀይሳ ካሰታዳ ኦዳስ።
\p
\v 26 “ሄሳ ግሾ፥ አሳይ ህንተኮ፥ ‘ሄኮ፥ ክርስቶስ ባዞን ደኤስ’ ጊኮ፥ ያ ቦፕተ። ዎይኮ ህንተኮ፥ ‘ሄኮ፥ ቆልአን ደኤስ’ ጊኮ፥ ኤንታባ አማኖፕተ።\x - \xo 24:26 \xo*\xt ሉቃ 17:23-24.\xt*\x* 
\v 27 አይስ ጊኮ፥ ዎልአን ሳሎን ዎልአምድ፥ ዶሎሀፐ ዉሎሀ ጋካናዉ በንተይሳዳ፥ አሳ ናኣ ዩሳይ ሄሳዳ ሀናና።
\p
\v 28 “ባዉት ደእያሶን አንኮት ሺቃና።\x - \xo 24:28 \xo*\xt ሉቃ 17:37.\xt*\x*
\s1 ክርስቶስ ናምአን ያና
\r (ማር 13:24-27፤ ሉቃ 21:25-28)
\p
\v 29 “ሄ ዎደ ሄ ዋየ ጋላሳታፐ ጉየ፥
\q2 ኤለስድ አዋይ ማና፥
\q2 አጌናይ ባ ፖኡዋ ድጋና።\x - \xo 24:29 \xo*\xt እሳ 13:10፤ ኤርም 2:10.\xt*\x*
\q1 ፆልንቶት ሳሎፐ ዎና፥
\q2 ቃስ ሳሎን ደእያ ዎልቃት ቡቀታና።
\m
\v 30 ሄ ዎደ አሳ ናኣ ዩሳ ማላይ ሳሉዋ ቦላ በንታና። ሳአን ደእያ አስ ኡባይ ዬካና። ቃስ አሳ ናአይ፥ ዎልቃራነ ግታ ቦንቹዋራ ሳሉዋ ሻራ ግዶራ ይሽን ኤንቲ በአና።\x - \xo 24:30 \xo*\xt ዛረ 7:13፤ ዛካ 12:10.\xt*\x* 
\v 31 እ ባ ኪታንቾታ ግታ ሞይዘ ፑኖራ ኪታና። ኤንቲ ሳኣ ኦይዱ ባጋ ብድ፥ ሀ ጋፃፐ ያ ጋፃ ጋካናዉ ደእያ እያዉ ዶረትዳይሳታ ሺሻና።
\s1 ባላሰ ም ሌምሶ
\r (ማር 13:28-31፤ ሉቃ 21:29-33)
\p
\v 32 “ባላሰ ምፈ ታማርተ። እያ አጫዳ ሀይፅያ ዎደ ቶርቸይ ማታትዳይሳ ህንተ ኤሬታ። 
\v 33 ሄሳዳካ፥ ህንተ ሀ ኡባባ በእያ ዎደ የሱሲ ማትድ ፐንገን ደኤይሳ ኤርተ። 
\v 34 ታኒ ህንተዉ ቱማ ኦዳይስ፤ ሀ ኡባባይ ፖለታና ጋካናዉ፥ ሀ የለተይ አና። 
\v 35 ሳሎይነ ሳእ አና፥ ሽን ታ ቃላይ ኡባካ አና።\x - \xo 24:35 \xo*\xt መ 6:5.\xt*\x*
\s1 የሱሲ ያና ዎደ ኦንካ ኤረና
\r (ማር 13:32-37፤ ሉቃ 17:26-30፥ 34-36)
\p
\v 36 “ሄ ጋላሳነ ሄ ሳትያ ሳሎን ደእያ ታ አዋፐ አትሽን፥ ሀር ሳሎ ኪታንቾታ ግድን ዎይኮ ናኣ ግድን ኦንካ ኤረና። 
\v 37 አሳ ናኣ ዩሳይ፥ ኖሄ ዎደ ሀንዳይሳ መላ ግዳና።\x - \xo 24:37 \xo*\xt መ 6:5.\xt*\x* 
\v 38 ሄ ዎደ ዮ ሃይ ያናፐ ስን ኖሄይ ማርካብያን ገልዳ ጋላሳ ጋካናዉ፥ አሳይ ምሸነ ኡይሸ፥ ኤክሸነ ገልሸ ጋምእስ። 
\v 39 ዮ ሃይ ይድ፥ ኤንታ ኡባ ይሳና ጋካናዉ አኬክቦኮና። አሳ ናኣ ዩሳይካ ሄሳዳ ሀናና።
\p
\v 40 “ሄ ዎደ ናምኡ አሳት ጋደን ኦና። ኤንታፈ እሶይ ኤከታና፥ ሀንኮይ አታና። 
\v 41 ናምኡ ማጫሳት እስፈ ጋጫና። ኤንታፈ እስንያ ኤከታና ሀንክያ አታና።
\p
\v 42 “ህዛ፥ ህንተ ጎዳይ አይ ጋላስ ያነኮ ህንተ ኤሮና ግሾ፥ ምንድ ናግተ። 
\v 43 ሽን ካይሶይ ቃማፈ አይ ሳተን ያነኮ ጎዳይ ኤርያኮ፥ ባ ኬይ ቦከቶና መላ ባርክድ ናጋናሽን።\x - \xo 24:43 \xo*\xt ሉቃ 12:39-40.\xt*\x* 
\v 44 ሄሳዳካ፥ አሳ ናአይ ህንተ ቆፖና ሳተን ያና ግሾ፥ ህንተካ ጊግድ ደእተ።
\s1 ኢታነ ሎኦ አይለ ሌምሶ
\r (ሉቃ 12:41-48)
\p
\v 45 “ያትን፥ ባ ሶ አሳስ ካ ኮሽያ ዎድያን እማና መላ እያ ጎዳይ ዶርዳ አማንይስነ ዎዛናማ አይለይ ኦኔ? 
\v 46 እ ባ ጎዳይ ኪትዳይሳ ኦሽን እያ ጎዳይ ይድ ደምያ አይለይ አንጀትዳይሳ። 
\v 47 ታኒ ህንተዉ ቱማ ኦዳይስ፤ ጎዳይ ሄ አይልያ ባባ ኡባ ቦላ ሹማና። 
\v 48 ሽን ሄ አይለይ ኢታ ግድኮ፥ ‘ታ ጎዳይ ጋምእድ ያና’ ያግድ ባ ዎዛናን ቆፕድ፥ 
\v 49 ባ ላገ ኦሳንቾታ ዋ ዶምኮ፥ ማተይሳታራ ሚኮነ ኡይኮ፥ 
\v 50 ሄ አይልያ ጎዳይ እ ቆፖና ጋላስነ እ ኤሮና ሳተን፥ 
\v 51 ይድ እያ ቃንፀረና። እያ ቃዳ ጩቦታራ ኦና። ሄ በሳን እያዉ ዬሆነ አቸ ጋርጨ ግዳና።
\c 25
\s1 ታሙ ጌላኦታ ሌምሶ
\p
\v 1 “ሄ ዎደ ሳሎ ካዎተይ ባንታ ፆምፐ ኦይክድ፥ ማቾ ኤሀናዉ ብዳ አድያ ሞካናዉ ከይዳ ታሙ ጌላኦታ ዳኔስ።\x - \xo 25:1 \xo*\xt ሉቃ 12:35.\xt*\x* 
\v 2 ኤንታፈ እቻሻት ኤያ፥ ቃስ እቻሻት ጭንጫ። 
\v 3 ኤያት ፆምፐ ኦይክዶሶና፥ ሽን ጉዣ ዛይተ ኦይክቦኮና። 
\v 4 ሽን ጭንጫት ባንታ ፆምፐነ ሀራ ጉዣ ዛይተ ኦይክዶሶና። 
\v 5 ማችዉ ኤከይስ ጋምእን፥ ሄ ጌላኦት ባንታና ስኮይ ኦይክን ስክዶሶና።
\p
\v 6 “ግድ ብላሄ ግድያ ዎደ፥ ‘ሄኮ፥ ማችዉ ኤሄይስ ጋክስ፥ እያ ሞካናዉ ከይተ’ ግያ ግታ ጫቦይ ስኤትስ።
\p
\v 7 “ሄ ዎደ ሄ ጌላኦት ኡባይ ባርክድ፥ ባንታ ፆምፕያ ጊግስዶሶና። 
\v 8 ኤያት ጭንጫታኮ፥ ‘ኑ ፆምፐይ ቶአና ሀንያ ግሾ፥ ህንተ ዛይትያፐ ኑስ እመርከት’ ያግዶሶና።
\p
\v 9 “ሽን ጭንጫት ዛሪድ፥ ‘አካይ፥ ኑስነ ህንተዉ ግድያ ዛይተይ ባዋ። ሄሳ ግሾ፥ ብድ ህንተዉ ሻምድ ኤክተ’ ያግዶሶና። 
\v 10 ኤያ ጌላኦት ዛይተ ሻማናዉ ብን፥ ማችዉ ኤከይስ ፑቱ ግስ። ጊገት ኡትዳ እቻሹ ጌላኦት እያራ እስፈ ያጋኖ ኬ ገልዶሶና፤ ካረይካ ጎርደት አግስ።
\p
\v 11 “ጉየፐ ሀንኮ ጌላኦት ይድ፥ ‘ጎዳዉ፥ ጎዳዉ፥ ኑስ ዶያርክ’ ያግዶሶና።
\p
\v 12 “ሽን እ ዛሪድ፥ ‘ታኒ ህንተዉ ቱማ ኦዳይስ፤ ታ ህንተና ኤርከ!’
\p
\v 13 “ህዛ፥ አሳ ናአይ ያና ጋላሳ ዎይኮ ሳትያ ህንተ ኤሮና ግሾ ባርክድ ናግተ።
\s1 ሄ ኦሳንቾታ ሌምሶ
\r (ሉቃ 19:11-27)
\p
\v 14 “ፆሳ ካዎተይ ባ ኦሳንቾታ ፄግድ ባዉ ደእያባ ኤንታዉ ሼድ ኦገ ባናዉ ከይዳ ኡራ ዳኔስ።\x - \xo 25:14 \xo*\xt ሉቃ 19:11-27.\xt*\x* 
\v 15 ኤንታዉ ሁጰን ሁጰን ኤንታ ዎልቃ መላ እሱዋስ እቻሹ ካርፂተ ብራ፥ እሱዋስ ናምኡ ካርፂተ ብራ ቃስ እሱዋስ እስ ካርፂተ ብራ እምድ ባ ኦግያ ብስ። 
\v 16 እቻሹ ካርፂተ ብራ ኤክዳ አይለይ ኤለስ ብድ ዛልእድ፥ ሀራ እቻሹ ካርፂተ ብራ ዎስስ። 
\v 17 ሄሳዳካ፥ ቃስ ናምኡ ካርፂተ ብራ ኤክዳ አይለይ ሀራ ናምኡ ካርፂተ ብራ ዎስስ። 
\v 18 ሽን እስ ካርፂተ ብራ ኤክዳይስ ብድ፥ ኦላ ቦክድ፥ ባ ጎዳ ሚሽያ ሞግስ።
\p
\v 19 “ዳሮ ዎደፐ ጉየ ሄ አይለታ ጎዳይ ይድ፥ ባ ሚሽያ ኤንታራ ሳላእስ። 
\v 20 እቻሹ ካርፂተ ብራ ኤክዳ አይለይ ይድ፥ ሀራ እቻሹ ካርፂተ ብራ ኤህድ፥ ‘ታ ጎዳዉ፥ ኔኒ ታዉ እቻሹ ካርፂተ ብራ እማዳሳ። ሽን ታኒ ሀራ እቻሹ ካርፂተ ብራ ዎሳስ’ ያግስ። 
\v 21 እያ ጎዳይ፥ ‘ዛምቦይ! ኔኒ ሎኦነ አማንያ አይለ፤ ኔኒ ጉባን አማነታዳሳ። ታኒ ነና ዳሮባ ቦላ ሹማና፤ ሃ ገላዳ ነ ጎዳራ ኡፋይታ’ ያግስ።
\p
\v 22 “ቃስ ናምኡ ካርፂተ ብራ ኤክዳይስ ይድ፥ ‘ታ ጎዳዉ፥ ኔኒ ታዉ ናምኡ ካርፂተ ብራ እማዳሳ። ሽን ታኒ ሀራ ናምኡ ካርፂተ ብራ ዎሳስ’ ያግስ። 
\v 23 እያ ጎዳይ፥ ‘ዛምቦይ! ኔኒ ሎኦነ አማንያ አይለ፤ ኔኒ ጉባን አማነታዳሳ። ታኒ ነና ዳሮባ ቦላ ሹማና፤ ሃ ገላዳ ነ ጎዳራ ኡፋይታ’ ያግስ።
\p
\v 24 “ቃስ እስ ካርፂተ ብራ ኤክዳይስ ይድ፥ ‘ታ ጎዳዉ፥ ኔኒ ዘሮና በሳፈ ጫክያነ ርጮና በሳፈ ማፅያ ኢታ አስ ግደይሳ ታኒ ኤራይስ። 
\v 25 ሄሳ ግሾ፥ ያያዳ ነ ብራ ቢታን ሞጋስ። ነ ሚሸይ ሀይስሽ’ ያግስ።
\p
\v 26 “እያ ጎዳይ ዛሪድ፥ ‘ሀ ኢታ አዛላ አይልያዉ፥ ታኒ ዘሮና በሳፈ ጫከይሳነ ርጮና በሳፈ ማፅያ አስ ግደይሳ ኤራዳሳ። 
\v 27 ያትን፥ ኔኒ ታ ሚሽያ ባንከን ዎዳባ ግድያኮ፥ ታኒ ስምያ ዎደ ታ ሚሽያ ዎራ ኤካናይሳ ድጋዳሳ። 
\v 28 ሄሳ ግሾ፥ ሚሽያ እያፐ ኤክድ፥ ታሙ ካርፂተ ብር ደኤይሳስ እምተ። 
\v 29 አይስ ጊኮ፥ ደእያ ኡባስ ጉዠታናነ ዳራና። ሽን ባይናይሳፈ ሀር አቶሽን፥ ሄ እያዉ ደእያ ጉያካ ኤከታና።\x - \xo 25:29 \xo*\xt ማቶ 13:12፤ ማር 4:25፤ ሉቃ 8:18.\xt*\x* 
\v 30 ሀ ማዶና አይልያ ካረ ማ ከስ የግተ። ያን እያዉ ዬሆነ አቸ ጋርጨ ግዳና’ ያግስ።\x - \xo 25:30 \xo*\xt ማቶ 8:12፤ 22:13፤ ሉቃ 13:28.\xt*\x*
\s1 ዎደ ዉርሰ ፕርዳ
\p
\v 31 “አሳ ናአይ፥ ኪታንቾ ኡባታራ፥ ባ ቦንቹዋራ ያ ዎደ እ ባ ቦንቾ ካዎተ አራታ ቦላ ኡታና።\x - \xo 25:31 \xo*\xt ማቶ 16:27፤ ማቶ 19:28.\xt*\x* 
\v 32 ቢታን ደእያ አስ ኡባይ እያ ስን ሺቃና። ሄንንቾይ ዶርሳታ ዴሻታፐ ሻከይሳዳ እ ሄ አሳ ናምአን ሻካና። 
\v 33 ቃስ ዶርሳታ ኡሻቻ ባጋራ ዴሻታ ሀድርሳ ባጋራ ኤሳና።
\p
\v 34 “ሄሳፈ ጉየ፥ ካዎይ ኡሻቻ ባጋራ ደኤይሳታኮ ሀይሳዳ ያጋና፦ ‘ታ አዋይ አንጅዳይሳቶ፥ ሀ ይድ ሳእ መትያ ዎደፐ ዶምድ ህንተዉ ጊግዳ ካዎተ ላትተ። 
\v 35 አይስ ጊኮ፥ ታኒ ኮሻትን ሙዝደታ፥ ሳሞትን ኡሽደታ፥ ኤረቶና እማ አስ ግዳዳ ብን ሞክደታ፥ 
\v 36 ካሎትን ማይዝደታ፥ ሀርገትን ሀርግስደታ፥ ቃሸትን ታና ኦይችደታ’ ያጋና።
\p
\v 37 “ሄሳፈ ጉየ፥ ፅሎት ዛሪድ፥ ‘ጎዳዉ፥ ኔኒ ኮሻትን አዉደ በእድ ሙዝዶ? ዎይኮ ኔኒ ሳሞትን አዉደ በእድ ኡሽዶ? 
\v 38 ኔኒ እማ ግዳዳ ይን አዉደ በእድ ሞክዶ? ዎይኮ ኔኒ ካሎትን አዉደ ማይዝዶ? 
\v 39 ኔኒ ሀርግን ዎይኮ ቃሸትን ኔኮ ብድ ነና አዉደ ኦይችዶ?’ ያጋና። 
\v 40 ካዎይ ዛሪድ፥ ‘ታኒ ህንተዉ ቱማ ኦዳይስ፤ ህንተ ታና ካልያ ሀ ኡባፈ ጉፀይሳስ ኦዳይሳ ታዉ ኦደታ’ ያጋና።
\p
\v 41 “ሄ ዎደ ሀድርሳ ባጋራ ደኤይሳታኮ፥ ‘ሀ ባደትዳይሳቶ፥ ታ ማታፐ ሃክተ። ፃላሄስነ እያ ኪታንቾታስ ጊግዳ መርና ታማን ቢተ። 
\v 42 አይስ ጊኮ፥ ኮሻትን ታና ሙዝቤከታ፤ ሳሞትን ኡሽቤከታ። 
\v 43 ታኒ እማ ግዳዳ ብን ታና ሞክበከታ፥ ካሎትን ማይዝቤከታ፥ ሀርግንነ ቃሸትን ታና ኦይችቤከታ’ ያጋና።
\p
\v 44 “ሄ ዎደ ኤንቲ፥ ‘ጎዳዉ፥ ኔኒ ኮሻትን ዎይኮ ሳሞትን ዎይኮ እማ ግዳዳ ብን ዎይኮ ካሎትን ዎይኮ ሀርግን ዎይኮ ቃሸትን በእድ ነና አዉደ ማዶና እፅዶ?’ ያግድ ዛራና።
\p
\v 45 “ሄ ዎደ ካዎይ ዛሪድ ኤንታኮ፥ ‘ታኒ ህንተዉ ቱማ ኦዳይስ፤ ህንተ ታና ካልያ ሀ ኡባፈ ጉፀይሳ ማዶና እፅዳይስ፥ ታና ማዶና እፅዳይሳ’ ያጋና። 
\v 46 ሄሳ ግሾ፥ ሄ አሳት መርና ፕርዳስ ቃስ ፅሎት መርና ደኡዋስ ባና” ያግስ።\x - \xo 25:46 \xo*\xt ዳነ 12:2.\xt*\x*
\c 26
\s1 የሱሳ ቦላ ማቀትዶሶና
\r (ማር 14:1-2፤ ሉቃ 22:1-2፤ ዮሀ 11:45-53)
\p
\v 1 የሱሲ ሀ ትምርትያ ኡባ ዉርስዳ ዎደ ባ ታማረታኮ፥ 
\v 2 “ናምኡ ጋላሳፐ ጉየ፥ ፓስካ ባኣለ ቦንችያ ጋላስ ግደይሳ ኤሬታ። ሄ ጋላስ አሳ ናእ ማስቃለ ቦላ ካቀታናዉ አሳ ኩሸን አድ እመታና” ያግስ።\x - \xo 26:2 \xo*\xt ከሳ 12:1.\xt*\x*
\p
\v 3 ሄ ዎደ ካህነ ሀላቃትነ ጭማት፥ ቃያፋ ጌተትያ ካህነ ሀላቃ ኬን ሺቅድ፥ 
\v 4 አስ ኤሮና የሱሳ ኦይክድ፥ ዎናዉ ማቀትዶሶና። 
\v 5 ሽን ኤንቲ፥ “አሳይ ኦሽ ከሶና መላ ግድ፥ ፓስካ ቦንችያ ጋላስ ሄሳ ኦኮ” ያግዶሶና።
\s1 የሱሳ ሽቶ ትይዳ ማጫስዉ
\r (ማር 14:3-9፤ ዮሀ 12:1-8)
\p
\v 6 የሱሲ ብታነ ካታማን ባሮ ሀርግዳ ስሞና ሶን ደኤስ። 
\v 7 የሱሲ እማቱዋ ቦላ ደእሽን እስ ማጫስያ አልባስፅሮሳ ብልቃፀ ኩመ ዳሮ አልኦ ሽቶ ኤካ ያዳ የሱሳ ሁጰን ትጋሱ።\x - \xo 26:7 \xo*\xt ሉቃ 7:37.\xt*\x* 
\v 8 ሽን የሱሳ ታማረት ሄሳ በእድ ሀንቀትድ፥ “ሀ ሽቶይ ጮ ኢተይ አይብሴ? 
\v 9 ሀ ሽቶይ አልኦ ጋተን ባይዘትድ፥ ሚሸይ ማንቆታስ እመታናዉ ዳንዳኤቴስ” ያግዶሶና።
\p
\v 10 የሱሲ ኤንቲ ገይሳ ኤርድ፥ ኤንታኮ፥ “ሀ ማጫስዉ አይስ ዋይሰቲ? እያ ታዉ ሎኦባ ኦሱ። 
\v 11 ማንቆት ኡባ ዎደ ህንተራ ዳና። ሽን ታኒ ህንተራ ኡባ ዎደ ደእከ።\x - \xo 26:11 \xo*\xt ዛረ 15:11.\xt*\x* 
\v 12 እያ ሀ ሽቱዋ ታ ቦላ ትግዳይስ ታና ሞጋናዉ ጊግሳናሳ። 
\v 13 ታኒ ህንተዉ ቱማ ኦዳይስ፤ ቢታ ኡባን ሀ ዎንገላይ ሳባከትያ በሳን አዉንካ፥ አሳይ እዮ ሀሳያና መላ እያ ኦዳይስ ኦደታና” ያግስ።
\s1 ይሁድ የሱሳ አድ እሙዋ
\r (ማር 14:10-11፤ ሉቃ 22:3-6)
\p
\v 14 ሄ ዎደ ታማነ ናምኡ የሱሳ ታማረታፐ እሶይ፥ አስቆሮታ ይሁዳ ጌተተይስ ካህነ ሀላቃታኮ፥ 
\v 15 ብድ፥ “ታኒ ህንተዉ የሱሳ አ እምኮ፥ ህንተ ታዉ አይ እማኔ?” ያግድ ኤንታ ኦይችስ።\x - \xo 26:15 \xo*\xt ዛካ 11:12.\xt*\x* ኤንቲ ዞረትድ ሀስታሙ ብራ ሳንትመ\f + \fr 26:15 \fr*\fq ብራ ሳንትመ፦ \fq*\ft አይኮይካ ጉዠትቦና ጌሻ ብራ ሳንትመ ጉሱ።\ft*\f*\f + \fr 26:15 \fr*\fq ሀስታሙ ብራ ሳንትመ፦ \fq*\ft ሀስታሙ ብራ ሳንትመይ እስራኤለ ቢታን አይለይ ሻመትያነ ባይዘትያ ጋተ።\ft*\f* እምዶሶና። 
\v 16 ሄሳፈ ጉየ፥ ይሁድ የሱሳ አድ እማናዉ እንጀትያ ዎደ ዎቼስ።
\s1 ጎዳ ካሁዋ
\r (ማር 14:22-26፤ ሉቃ 22:15-20፤ 2 ቆሮ 11:23-25)
\p
\v 17 ኡይ ባኣለ ቦንችያ ኮይሮ ጋላስ፥ የሱሳ ታማረት እያኮ ይድ፥ “ፓስካ ቦንችያ ጋላስ ኔኒ ማና ካ ኑኒ አዉን ጊግስኖ?” ያግዶሶና።
\p
\v 18 የሱሲ ኤንታኮ፥ “ካታማን ደእያ አድያኮ ብድ፥ ‘አስታማረይ፥ ታዉ ዎደይ ጋክዳ ግሾ፥ ታ ታማረታራ ፓስካ ቦንችያ ጋላሳ ነ ሶን አና ያጌስ’ ያግተ” ያግስ።
\p
\v 19 እያ ታማረት የሱሲ ባንታና ኪትዳይሳዳ ኦድ፥ ፓስካ ባኣለ ጋላስ ማና ካ ጊግስዶሶና።
\p
\v 20 ሳአይ ኦማርስያ ዎደ፥ የሱሲ ታማነ ናምኡ ሀዋረታራ ካ ማናዉ ኡትስ። 
\v 21 ኤንቲ ምሽን፥ የሱሲ ኤንታኮ፥ “ታኒ ህንተዉ ቱማ ኦዳይስ፤ ህንተፈ እስ ኡራይ ታና አድ እማና” ያግስ።
\p
\v 22 ኤንቲ ዳሮ ዳጋምድ፥ እሶይ እሶይ፥ “ጎዳዉ፥ ቱማ ታነሻ?” ግድ እያ ኦይችዶሶና።
\p
\v 23 የሱሲ ዛሪድ፥ “ባ ኩሽያ ታራ እስፈ ሻትያን የደይስ እ ታና አድ እማና።\x - \xo 26:23 \xo*\xt ማዝ 41:9.\xt*\x* 
\v 24 አሳ ናአይ፥ ፆሳ ቃላን እያዉ ፃፈትዳይሳዳ ሀይቃና። ሽን አሳ ናኣ አድ እምያ ኡራ አየ! ሄ ኡራይ የለቶና አትዳኮ እያዉ ሎኦሽን” ያግስ።
\p
\v 25 እያ አድ እማናዉ ደእያ ይሁድ ዛሪድ፥ “አስታማርያዉ፥ ኔኒ ገይ ታነዬ?” ያግስ።
\p የሱሲ ዛሪድ፥ “ኔኒ ነ ሁጰን ጋዳሳ” ያግስ።
\p
\v 26 ኤንቲ ምሽን፥ የሱሲ ኡይ ኤክድ ፆሳ ጋላትስ። ሄ ኡይ መንድ ባ ታማረታስ እምድ፥ “ሄእተ፥ ሚተ፥ ሀይስ ታ አሹዋ” ያግስ።
\p
\v 27 ፁኣ ኤክድ፥ ፆሳ ጋላትስ። ኤንታዉ እምድ፥ “ኡባይ ሀይሳፈ ኡይተ። 
\v 28 ሀይስ ዳሮ አሳ ናጋራ አቶተስ መላ ጉክያ ታ ሱ። ሀ ሱይ ፆሳይ ህንተራ ገልያ ጫቁዋ ምንይሳ።\x - \xo 26:28 \xo*\xt ከሳ 24:8፤ ኤርም 31:31.\xt*\x* 
\v 29 ሽን ታኒ ህንተዉ ኦዳይስ፤ ታኒ ታ አዋ ካዎተን ኦራ ዎይነ ኡሻ ህንተራ ኡያና ጋላሳ ጋካናዉ ናምአን ሀ ዎይነ ኡሻ ኡይከ” ያግስ።
\p
\v 30 ጋላታ ማዝሙረ የፅዳፐ ጉየ፥ ሻማሆ ዙማ ብዶሶና።
\s1 ጰፅሮስ የሱሳ ካዳናይስ ኦደትስ
\r (ማር 14:27-31፤ ሉቃ 22:31-34፤ ዮሀ 13:36-38)
\p
\v 31 ሄ ዎደ የሱሲ ኤንታኮ፥
\q1 “ ‘ፆሳይ ሄንንቹዋ ሾጫና
\q2 ዶርሳትካ ላለታና’
\m ጌተትድ ፆሳ ቃላን ፃፈትዳይሳ መላ ሀች ቃማ ህንተ ኡባይ ታና አግድ ባቃታና።\x - \xo 26:31 \xo*\xt ዛካ 13:7.\xt*\x* 
\v 32 ሽን ታኒ ሀይቆፐ ደንድዳፐ ጉየ ህንተፈ ስንታዳ ጋልላ ባና” ያግስ።\x - \xo 26:32 \xo*\xt ማቶ 28:16.\xt*\x*
\p
\v 33 ጰፅሮስ ዛሪድ፥ “ኤንቲ ኡባይ ነና አግድ ባቃትኮካ፥ ታኒ ነና አግከ” ያግስ።
\p
\v 34 የሱሲ ጰፅሮሳኮ፥ “ታኒ ነዉ ቱማ ኦዳይስ፤ ሀች ቃማ ኩቶይ ዋሳናፐ ስን ኔኒ ታና ሄ ቶሆ ካዳና” ያግስ።
\p
\v 35 ጰፅሮስ ዛሪድ፥ “ታኒ ኔራ እስፈ ሀይቆፐ አትሽን፥ ነና ኡባካ ካድከ” ያግስ።
\p ሀንኮ እያ ታማረት ኡባይካ ሄሳዳ ግዶሶና።
\s1 የሱሲ ጌታሳማነን ዎስስ
\r (ማር 14:32-42፤ ሉቃ 22:39-46)
\p
\v 36 ያትድ፥ የሱሲ ባ ታማረታራ ጌታሰማነ ጌተትያ በሳ ብድ፥ ኤንታኮ፥ “ታኒ ህን ባዳ ፆሳ ዎሳሻና፥ ህንተ ሀይሳን ኡትተ” ያግስ። 
\v 37 ጰፅሮሳነ ዛብድዮሳ ናይታ ናምአታ ባራ ኤክ ብድ ዳሮ አዛኖነ ኡንኤተ ዶምስ። 
\v 38 ቃስካ ኤንታኮ፥ “ታኒ ሀይቆስ ጋያ ኡንአ ኡንኤታስ። ሀይሳን ታራ ጋምእተነ ምንድ ናግተ” ያግስ።
\p
\v 39 ጉ ስን ብድ ቢታን ጉፋንድ፥ “ታ አዋዉ፥ ዳንዳኤትያባ ግድኮ ሀ ዋየ ፁኣ ታፐ ድጋ። ሽን ነ ሸነይ ሀኖፐ አትሽን፥ ታ ሸነይ ሀኖፖ” ያግድ ፆሳ ዎስስ።
\p
\v 40 የሱሲ ባ ታማረታኮ ስም ይድ ኤንቲ ስክዳሽን ደምስ። ጰፅሮሳኮ፥ “ህንተ እስ ሳተኮካ ስኮና ታራ ምናናዉ ዳንዳእቤከቲ? 
\v 41 ፓጨን ህንተ ገሎና መላ ባርክድ ናግተነ ፆሳ ዎስተ። ህንተዉ ሎኦ አሞይ ደኤስ፥ ሽን ህንተ ዳቡራንቾ አስ” ያግስ።
\p
\v 42 የሱሲ ቃስ ናምአን ብድ፥ “ታ አዋዉ፥ ታኒ ሀ ዋየ ፁአፐ ኡዮና ደእሸ አናዉ ዳንዳኤቶናባ ግድኮ ነ ሸነይ ሀኖ” ያግድ ፆሳ ዎስስ። 
\v 43 ቃስካ ስም ያ ዎደ እያ ታማረታ አይፍያ ስኮይ ጎዝን፥ ዝንእዳሽን ደምስ።
\p
\v 44 ቃስካ ኤንታ አግድ፥ ብድ ካሰ ቃላ ዛር ሄን ዎስስ። 
\v 45 ሄሳፈ ጉየ፥ ባ ታማረታኮ ይድ፥ “ሀእ ጋካናዉ ስከትነ ሸምፐቲ? ሄኮ፥ አሳ ናእ፥ ናጋራንቾታ ኩሸን አድ እመትያ ሳተይ ጋክስ። 
\v 46 ደንድድ የተ፥ ታና አድ እመይስ ሀይስሽ ጋክስ” ያግስ።
\s1 የሱሲ ኦይከትስ
\r (ማር 14:43-50፤ ሉቃ 22:47-53፤ ዮሀ 18:3-12)
\p
\v 47 የሱሲ ቡሮ ሄሳ ሃሳይሽን፥ ታማነ ናምኡ ታማረታፐ እሶይ፥ ይሁድ ጋክ ዎስ። ካህነ ሀላቃትነ ደርያ ጭማት ኪትዳ ዳሮ አሳት ማሸነ ፃምአ ኦይክድ እያራ እስፈ ይዶሶና። 
\v 48 የሱሳ አድ እምያ ይሁድ ሄ ዳሮ አሳኮ፥ “ታኒ ዬረይስ ህንተ ኮየይስ እያ፥ እያ ኦይክተ” ያግድ ማላ እም ዎስ።
\p
\v 49 ኢራካ የሱሳኮ ሺቅድ፥ “አስታማርያዉ፥ ሳሮ ደአይ” ያግድ እያ ዬርስ።
\p
\v 50 የሱሲ እያኮ፥ “ታ ላግያዉ፥ ኔኒ ኦናባ ኦ አጋ”\f + \fr 26:50 \fr*\ft ታ ላግያዉ፥ ኔኒ ኦናባ ኦ አጋ፦ ዎይኮ ሀራ ብርሸይ ታ ላግያዉ፥ ነ ሀይሳን አይ ኦይ?\ft*\f* ያግስ።
\p ሄሳፈ ጉየ፥ ሺቅድ፥ የሱሳ ኦይክዶሶና። 
\v 51 የሱሳራ ደኤይሳታፐ እሶይ ባ ማሻ ሾድድ ካህነ ሀላቃ አይልያ ሾጭድ፥ እያ ሀይ ቃንፅድ የግስ። 
\v 52 ሽን የሱሲ፥ “ነ ማሻ ጉየ ሾሁዋን ዛራ። አይስ ጊኮ፥ ማሻ ሾድያ ኡባይ ማሻን ሀይቃና። 
\v 53 ታ፥ ታ አዋ ዎስያኮ ዳሮ ሙኩሉን ታይበትያ ኪታንቾታ የዳናዉ ዳንዳኦናባ ነዉ ዳኒ? 
\v 54 ያትን፥ ፆሳ ቃላን ሄሳዳ ሀናናዉ በሴስ ጌተትዳይስ ዋንድ ፖለታኔ?” ያግስ።
\p
\v 55 ሄ ሳትያን፥ የሱሲ ሄ ሺቅዳ ዳሮ አሳኮ፥ “ታና ፓንጋ ኦድ ኦይካናዉ ማሻነ ፃምአ ኦይክድ ይደቲ? ታኒ ፆሳ ኬን ጋላስ ጋላስ ታማርሳሸ ህንተራ ደእያ ዎደ ታና ኦይክቤከታ።\x - \xo 26:55 \xo*\xt ሉቃ 19:47፤ 21:37.\xt*\x* 
\v 56 ሽን ሀይስ ኡባይ ሀንዳይስ ናበት ፆሳ ቃላን ፃፍዳይስ ፖለታና መላሳ” ያግስ።
\p ሄ ዎደ እያ ታማረት ኡባይ እያ አግድ ባቃትዶሶና።
\s1 የሱሲ ፕርዳ ሻንጎ ስንን
\r (ማር 14:53-65፤ ሉቃ 22:54-55፥ 63-71፤ ዮሀ 18:13-14፥ 19-24)
\p
\v 57 የሱሳ ኦይክዳይሳት ካህነ ሀላቃ ቃያፋኮ እያ ኤፍዶሶና። ያን ህገ አስታማረትነ ቢታ ጭማት ሺቅድ ደኦሶና። 
\v 58 ሽን ጰፅሮስ ካህነ ሀላቃ ዛባ ጋካናዉ ሃሆን እያ ካልስ። እያ ዉርሰይ ሻከታና ጋካናዉ ዛባ ገልድ ናገይሳታራ ኡትስ።
\p
\v 59 ካህነ ሀላቃትነ ሺቅዳ አሳ ኡባይ የሱሳ ዎናዉ እያ ቦላ ዎርዶ ማርካ ኮይዶሶና። 
\v 60 ዳሮት ይድ እያ ቦላ ዎርዶ ማርካ ማርካትዶሶና፥ ሽን አይኮካ ደምቦኮና። ጉየፐ ናምኡ አሳት ይድ፥ 
\v 61 “ሀ ኡራይ፥ ‘ታኒ ፆሳ ኬ ላላዳ ሄ ጋላሳን ዛራ ኬፃናዉ ዳንዳአይስ’ ያግስ” ያግዶሶና።\x - \xo 26:61 \xo*\xt ዮሀ 2:19.\xt*\x*
\p
\v 62 ካህነታ ሀላቃይ ደንድ ኤቅድ የሱሳኮ፥ “ሀይሳቲ ነና ሞትያ ሞቱዋስ ኔኒ ዛርያባይ ባዌ?” ያግስ። 
\v 63 ሽን የሱሲ ስእ ግስ። ቃስካ ካህነ ሀላቃይ፥ “ታኒ ነና ደኦ ፆሳ ሱንን ኦይካይስ፤ ኔኒ ፆሳ ናኣ ክርስቶሳ ግድኮ ኑስ ኦዳ” ያግስ።
\p
\v 64 የሱሲ ዛሪድ፥ “ኔኒ ነ ሁጰንካ ጋዳሳ። ሽን ታኒ ህንተዉ ኦዳይስ፤ ህዛፐ ጉየ፥ አሳ ናአይ ዎልቃማ ፆሳ ኡሻቻ ባጋን ኡትዳሽን፥ ቃስ ሳሎ ሻራራ ይሽን ህንተ በአና” ያግስ።\x - \xo 26:64 \xo*\xt ዳነ 7:13.\xt*\x*
\p
\v 65 ሄ ዎደ ካህነ ሀላቃይ ዳሮ ይሎትድ ባ ማኡዋ ፔድ፥ “ሀይሳ በእተ ፆሳ ጫይስ! ኑና ሀራ ማርካ አይ ኮሺ? እ ሀእ ጫይዳይሳ ህንተ ስእደታ።\x - \xo 26:65 \xo*\xt ሌወ 24:15-16.\xt*\x* 
\v 66 ህንተ ቆፋይ አይቤ?” ያግስ።
\p ኤንትካ፥ “እያዉ ሀይቆ በሴስ” ያግድ ዛርዶሶና።
\p
\v 67 ያትን፥ ኤንቲ እያ ሶምኦን ጩትድ ደችዶሶና። ሀራት እያ ባቅድ፥\x - \xo 26:67 \xo*\xt እሳ 50:6.\xt*\x* 
\v 68 “ክርስቶሳ! ነና ደችዳይ ኦኔ? አነ ኑስ ኦዳ” ያግዶሶና።
\s1 ጰፅሮስ የሱሳ ካድስ
\r (ማር 14:66-72፤ ሉቃ 22:56-62፤ ዮሀ 18:15-18፥ 25-27)
\p
\v 69 ጰፅሮስ ዛባን ኡትዳሽን፥ እስ አይልያ እያኮ ያዳ፥ “ኔንካ ጋልላ የሱሳራ እስፈ ደኣሳ” ያጋሱ።
\p
\v 70 ሽን እ ኤንታ ኡባ ስንን ሄ አይለኮ፥ “ኔኒ ግያባይ አይበኮ ታኒ ኤርከ” ያግድ ካድስ።
\p
\v 71 ቃስ ብድ ድርሳ ፐንገኮ ጋክሽን ሀራ አይልያ እያ በአዳ፥ ያን ደእያ አሳኮ፥ “ሀ ኡራይ ናዝረተ የሱሳራ ደኤስ” ያጋሱ።
\p
\v 72 ጰፅሮስ ናምአን ጫቅድ፥ “ታኒ ሄ ኡራ ኤርከ!” ያግስ።
\p
\v 73 ጉ ጋምእሽን፥ ያን ኤቅዳ አሳት ጰፅሮሳኮ ይድ፥ “ነካ ቱማ ኤንታራ እስፈ ደኣሳ፤ ኔኒ ነ ኦዳን ኤረታሳ” ያግዶሶና።
\p
\v 74 ሄሳፈ ጉየ፥ ጰፅሮስ፥ “ታኒ ሄ ኡራ ኤርከ!” ያግድ፥ ባና ባደነ ጫቆ ዶምስ።
\p ሄ ዎደ ኢራካ ኩቶይ ዋስ አግስ። 
\v 75 የሱሲ እያኮ፥ “ኔኒ ኩቶይ ዋሳናፐ ስን ታና ሄ ቶሆ ካዳና” ግዳይሳ ጰፅሮስ አኬክድ፥ ካረ ከይድ ኢታ ዬሆ ዬክስ።
\c 27
\s1 ይሁድ ሱለትድ ሀይቅስ
\r (ማር 15:1፤ ሉቃ 23:1-3፤ ዮሀ 18:28-32)
\p
\v 1 ዎንታ ጉራ ካህነ ሀላቃትነ ቢታ ጭማት ኡባይ የሱሳ ዎሳናዉ ማቀትዶሶና። 
\v 2 ኤንቲ የሱሳ ቃች ኤፍድ ደርያ ሃርያ ጵላፆሳስ አድ እምዶሶና።
\p
\v 3 ሄ ዎደ የሱሳ ኦይዳ ይሁድ፥ ጵላፆስ የሱሳ ቦላ ፕርድዳይሳ በእድ፥ ቂሮትድ፥ ሄ ሀስታሙ ብራ ሳንትመ ካህነ ሀላቃታስነ ደርያ ጭማታስ ጉየ ዛርስ።\x - \xo 27:3 \xo*\xt ሀዋ 1:18-19.\xt*\x* 
\v 4 “ታኒ ፅሎ አስ ሀይቆስ አ እማዳ ናጋራ ኦስ” ያግስ።
\p ሽን ኤንቲ፥ “ሄስ ኑ መቶ ግደና ነ መቶ” ያግዶሶና።
\p
\v 5 ይሁድ ሚሽያ ፆሳ ኬን የግ አግድ ኤንታ ማታፐ ብድ፥ ሱለትድ ሀይቅስ።
\p
\v 6 ካህነ ሀላቃት ሚሽያ ኤክድ፥ “ሀ ሚሸይ ሱ ሚሸ ግድያ ግሾ፥ ኑኒ ፆሳ ኬ ሚሽያራ ጋይስ ዎጋ ግደና” ያግዶሶና። 
\v 7 ሄሳፈ ጉየ፥ እስፈ ዞረትድ፥ በተ አስ ሞጋናዉ ማና ቢታ ሻምዶሶና። 
\v 8 ሄሳ ግሾ፥ ሄ ጋደይ ሀች ጋካናዉ ሱ ቢታ ጌተትድ ፄገቴስ።
\p
\v 9 ናብያ ኤርምያስ፥ “እስራኤለ አሳይ እያዉ ቃንፃናዉ ጋማትዳ ሀስታሙ ብራ ሳንትመ ኤክዶሶና።\x - \xo 27:9 \xo*\xt ዛካ 11:12-13.\xt*\x* 
\v 10 ጎዳይ ታና ኪትዳይሳዳ ማና ቢታ ሻማናዉ እምዶሶና” ግዳይስ ሄ ዎደ ፖለትስ።
\s1 የሱሲ ጵላፆሳ ስንን
\r (ማር 15:2-5፤ ሉቃ 23:3-5፤ ዮሀ 18:33-38)
\p
\v 11 የሱሲ ደርያ ሃርያ ጵላፆሳ ስን ሺቅን፥ ጵላፆስ እያኮ፥ “ኔኒ አይሁደ ካዎ?” ያግድ ኦይችስ።
\p የሱሲ ዛሪድ፥ “ነ ጋዳሳ” ያግስ።
\p
\v 12 ካህነ ሀላቃትነ ቢታ ጭማት እያ ሞትያ ዎደ ኤንታዉ አይብ ዛሮካ እምቤና።
\p
\v 13 ሄ ዎደ ጵላፆስ የሱሳኮ፥ “ሀይሳቲ ነና ሞትያ ሞቱዋ ኡባ ስእኪ?” ያግስ።
\p
\v 14 የሱሲ ሀር አቶሽን፥ እስ ቃላካ ዛሮና እፅን፥ ደርያ ሃረይስ ዳሮ ማላለትስ።
\s1 የሱሲ ሀይቆ ፕርደትስ
\r (ማር 15:6-15፤ ሉቃ 23:13-25፤ ዮሀ 18:39-40፤ 19:1-16)
\p
\v 15 ደርያ ሃረይስ ላይን ላይን ፓስካ ባኣለ ቦንችያ ጋላሳን፥ አሳይ ኮይያ እስ አስ ቃሾፐ ብርሽያ ዎግ ደኤስ። 
\v 16 ሄ ዎደ እስ ባርባና የሱሳ ጌተትያ ዳሮ ኤረትዳ ኢታ አስ ቃሾ ኬን ደኤስ። 
\v 17 ሄሳ ግሾ፥ ዳሮ አሳይ ሺቅድ ደእሽን ጵላፆስ፥ “ታኒ ህንተዉ ባርባና ብሎየ ዎይኮ የሱሳ ጌተትያ ክርስቶሳ ብሎ?” ያግድ አሳ ኦይችስ። 
\v 18 እ ሄሳ ግዳይ ኤንቲ ቃናትድ የሱሳ ኦይዳይሳ ኤርያ ግሾሳ።
\p
\v 19 ጵላፆስ ፕርዳ ኬን ኡትዳሽን፥ እያ ማችያ፥ “ታኒ ሀች ቃማ አሙሆን እያባ ዳሮ ዋየታሸ አቅዳ ግሾ፥ ሄ ፅሎ ኡራ ቦላ አይብባካ ኦፋ” ያጋዳ ኪታሱ።
\p
\v 20 ሄ ዎደ ካህነ ሀላቃት፥ “ባርባን ብለቶ፥ የሱሲ ሀይቆ” ግድ ጵላፆሳ ዎሳና መላ አሳ ጭምዶሶና።
\p
\v 21 ጵላፆስ ዛሪድ፥ “ታኒ ኤንታ ናምኣፈ ህንተዉ ኦና ብላና መላ ኮዬቲ?” ያግድ ኦይችስ።
\p ኤንቲ፥ “ባርባና ብላና መላ ኮዮስ” ያግዶሶና።
\p
\v 22 ጵላፆስ፥ “ያትን፥ የሱሳ ጌተትያ ክርስቶሳ ዋቶ?” ያግድ ኤንታ ኦይችስ።
\p ኡባይ ዛሪድ፥ “ማስቃልያ ቦላ እያ ካቃ” ያግዶሶና።
\p
\v 23 ጵላፆስ አሳኮ፥ “አይስ? እ አይ ኢታባ ኦዴ?” ያግድ ኦይችስ።
\p ሽን አሳይ ካሰይሳፈ አድ፥ “ማስቃልያ ቦላ እያ ካቃ” ግድ ዋስዶሶና።
\p
\v 24 ኦሽ ደንፈ ሀራ አይብባካ ኦናዉ ዳንዳኤቶናይሳ ጵላፆስ በእድ፥ ሃ ኤክድ፥ “ሀ ኡራ ሀይቁዋን ታኒ ደእከ። ሄሳ ኦይ ህንተና” ያግድ አሳ ስንን ባ ኩሽያ ሜጨትስ።\x - \xo 27:24 \xo*\xt ዛረ 21:6.\xt*\x*
\p
\v 25 አሳ ኡባይ ዛሪድ፥ “እያ ሱ ጎመይ ኑናነ ኑ ናይታ ጋኮ” ያግዶሶና።
\p
\v 26 ያትን፥ ጵላፆስ ባርባና ኤንታዉ ብልድ፥ የሱሳ ልሶን ጋራፍድ፥ ማስቃልያ ቦላ ካቀትድ ሀይቃና መላ ኤንታዉ አድ እሚስ።
\s1 የሱሳ ቦላ ቀልቅስዶሶና
\r (ማር 15:16-20፤ ዮሀ 19:2-3)
\p
\v 27 ሄሳፈ ጉየ፥ ጵላፆሳ ዎታዳረት የሱሳ ደርያ ሃረይሳ ሶ ኤክ ኤፍን፥ ዎታዳረት ኡባይ እያ ዩሹዋን ኤቅዶሶና። 
\v 28 እያ አፍላ ቃር ኤክድ ዞኦ አፍላ\f + \fr 27:28 \fr*\fq ዞኦ አፍላ፦ \fq*\ft በን ዎደ ካዎት ቦላራ ማእያ አፍላ።\ft*\f* ማይዝዶሶና። 
\v 29 ቃስ አጉን ካላቻ ጊግስድ፥ እያ ሁጰን ዎዶሶና። እያ ኡሻቻ ኩሽያን ማይረ ፃምአ ኦይድ፥ እያ ስንን ጉልባትድ፥ “አይሁደ ካዋዉ፥ ሙኩሉ ላይ ካዎታ!” ያግድ፥ እያ ቦላ ቀልቅስዶሶና። 
\v 30 እያ ቦላ ጩትዶሶና። ሄ ማይረ ፃምኣ ኤክድ፥ እያ ሁጰን ሾጭዶሶና። 
\v 31 ኤንቲ እያ ቦላ ቀልቅስዳፐ ጉየ፥ ዞኦ አፍላ እያፐ ቃር ኤክድ፥ እያ አፍላ እያ ማይዝዶሶና። ማስቃልያ ቦላ እያ ካቃናዉ ኤክ ኤፍዶሶና።
\s1 የሱሲ ካቀትስ
\r (ማር 15:21-32፤ ሉቃ 23:25-43፤ ዮሀ 19:17-27)
\p
\v 32 ኤንቲ ካረ ከይድ፥ እስ ስሞና ጌተትያ ቀሬና ቢታ አስ ደምድ፥ የሱሳ ማስቃልያ ዎልቃን ቶስዶሶና። 
\v 33 ጎልጎታ ጌተትያ በሲ ጋክዶሶና። “ጎልጎታ” ጉሳይ “ጉገ በሲ” ጉሱ። 
\v 34 ሄሳን ኤንቲ ጪየ ዋላከትዳ ዎይነ ኡሻ ኡዮ ግድ እያዉ እምዶሶና። ሽን እ ሄሳ ጋንፅ ኤክድ፥ ኡዮና እፅስ።\x - \xo 27:34 \xo*\xt ማዝ 69:21.\xt*\x*
\p
\v 35 ኤንቲ ማስቃልያ ቦላ እያ ካቅዳይሳፈ ጉየ፥ እያ አፍላ ሻክድ፥ ሳማ የግድ ኤክዶሶና።\x - \xo 27:35 \xo*\xt ማዝ 22:18.\xt*\x* 
\v 36 ሄሳፈ ጉየ፥ ያን ኡትድ እያ ናግዶሶና። 
\v 37 ቃስ፥ “ሀይስ አይሁደ ካዋ የሱሳ” ግያ ሞቶ ፁፍያ እያ ሁጰ ሶን ዎዶሶና። 
\v 38 የሱሳራ ሄ ዎደ ናምኡ ፓንጋታ እሱዋ እያፐ ኡሻቻ ባጋን፥ ሀንኩዋ እያፐ ሀድርሳ ባጋራ፥ ማስቃልያ ቦላ ካቅዶሶና።
\p
\v 39 ኦግያራ አያ አሳይ የሱሳ ቦርድ፥ እያ ቦላ ጩትሸ፥\x - \xo 27:39 \xo*\xt ማዝ 22:7፤ 109:25.\xt*\x* 
\v 40 “ፆሳ ኬ ላላዳ ሄ ጋላሳ ግዶን ኬፀይሶ፥ ነና አሻ። ኔኒ ፆሳ ናአ ግድኮ፥ አነ ማስቃልያ ቦላፈ ዎ” ያግዶሶና።\x - \xo 27:40 \xo*\xt ማቶ 26:61፤ ዮሀ 2:19.\xt*\x*
\p
\v 41 ሄሳዳካ፥ ካህነ ሀላቃት፥ ህገ አስታማረትነ ቢታ ጭማት እስፈ የሱሳ ቦላ ቀልቅስዶሶና። ሀይሳዳ ያግዶሶና፦ 
\v 42 “ሀራታ አሽስ፥ ሽን ባና አሻናዉ ዳንዳእቤና። እ እስራኤለ ካዎ ግድኮ፥ አነ ማስቃልያ ቦላፈ ሀእ ዎ፥ ኑካ እያ አማናና። 
\v 43 ፆሳን እ አማነቴስ፥ ፆሳይ እያ አሻናዉ ኮይኮ አነ አሾ። አይስ ጊኮ፥ እ ባና፥ ‘ታኒ ፆሳ ናአ’ ጌስ” ያግዶሶና።\x - \xo 27:43 \xo*\xt ማዝ 22:8.\xt*\x*
\p
\v 44 ቃስ ሀር አቶሽን፥ እያራ ማስቃልያ ቦላ ካቀትዳ ፓንጋትካ ሄሳዳ ግድ እያ ቦላ ቀልቅስዶሶና።
\s1 የሱሳ ሀይቁዋ
\r (ማር 15:33-41፤ ሉቃ 23:44-49፤ ዮሀ 19:28-30)
\p
\v 45 ኡሱፑን ሳተፐ ብድ፥ ኡዱፉን ሳተ ጋካናዉ ቢታ ኡባይ ምስ። 
\v 46 ኡዱፉን ሳተ ግድያ ዎደ የሱሲ፥ “ኤሎሄ፥ ኤሎሄ፥ ላማ ሳባቅታኒ?” ግድ ግታ ዋሶ ዋስስ። “ኤሎሄ፥ ኤሎሄ፥ ላማ ሳባቅታኒ?” ገይሳ ብርሸይ “ታ ፆሳዉ፥ ታ ፆሳዉ፥ ታና አይስ አጋዲ?” ጉሱ።\x - \xo 27:46 \xo*\xt ማዝ 22:1.\xt*\x*
\p
\v 47 ሄሳን ኤቅዳ አሳፐ እሶት እሶት ሄሳ ስእድ፥ “ሀ ኡራይ ኤልያሳ ፄጌስ” ያግዶሶና። 
\v 48 ኢራ ኤንታፈ እሶይ ዎፅ ብድ፥ እስፖንጀ ኤክድ፥ ጫላ ዎይነ ኡሻ ኩንስ። ሄሳ ማይረ ፃምአ ፄራን ዎድ ኡሻናዉ እያ ዶናኮ ሺሽስ።\x - \xo 27:48 \xo*\xt ማዝ 69:21.\xt*\x* 
\v 49 ሽን ሀንኮት፥ “ናጋ፥ ኤልያስ እያ አሻናዉ ያነኮ አነ በኦስ” ያግዶሶና። 
\v 50 የሱሲ ናምአን ግታ ዋሶ ዋስድ፥ ሀይቅ አግስ።
\p
\v 51 ሄ ሳተን ፆሳ ኬን ካቀትዳ ማጋራጆይ ቆሞፈ ዱገ ጋካናዉ ናምኡ ከይድ፥ ፔት ዎስ። ቢታይ ቃፅስ፥ ዛላይካ ጳልቀትስ።\x - \xo 27:51 \xo*\xt ከሳ 26:31.\xt*\x* 
\v 52 ዱፎት ዶየትን ፆሳ አሳታፐ ዳሮት ሀይቆፐ ደንድዶሶና። 
\v 53 ኤንቲ ዱፎፐ ከይድ፥ የሱሲ ሀይቆፐ ደንድዳፐ ጉየ፥ ጌሻ ካታማ ብዶሶና፤ ያን ኤንቲ ዳሮ አሳስ በንትዶሶና።
\p
\v 54 ማቶ ሀላቃይነ እያራ የሱሳ ናግያ ዎታዳረት ቢታይ ቃፅዳይሳነ ሄሳን ሀንዳባ በእዳ ዎደ ዳሮ ያይድ “ቱማ ሀይስ ፆሳ ናኣ” ያግዶሶና።
\p
\v 55 ሄሳን ዳሮ ማጫሳት፥ ጋልላፐ ዶምድ የሱሳ ሀጋዝሸ ካልዳይሳት ሃሆን ኤቅድ ፄሎሶና።\x - \xo 27:55 \xo*\xt ሉቃ 8:2-3.\xt*\x* 
\v 56 ኤንታ ግዶን ማግደላ ማይራማ፥\f + \fr 27:56 \fr*\fqa ማግደላ ማይራሞ፦ \fqa*\ft ጉሳይ ማግደላ ካታማፐ ይዳ ማይራሞ ጉሱ።\ft*\f* ያይቆባነ ዮሰፋ አይያ ማይራማነ ዛብድዮሳ ማችያ ደኦሶና።
\s1 የሱሲ ሞገትስ
\r (ማር 15:42-47፤ ሉቃ 23:50-56፤ ዮሀ 19:38-42)
\p
\v 57 ሳአይ ኦማርስያ ዎደ ዮሰፋ ጌተትያ እስ ዱረ አደይ፥ አርማተ ካታማፐ ይስ። እ ባ ሁጰንካ የሱሳ ካልያ አስ። 
\v 58 ዮሰፍ ጵላፆሳኮ ብድ፥ የሱሳ አሀ ኤካናዉ ዎስስ። ጵላፆስ አሀይ ዮሰፋስ እመታና መላ ኪትስ። 
\v 59 የሱሳ አሀ ኤክድ፥ ጌሻ ሞጎ አፍላን ፃፅስ። 
\v 60 ባዉ ሞገታናዉ ሹቻፈ ዎጭዳ ኦራ ጎንጎሎን እያ አሀ ዎስ። ቃስ ሄ ጎንጎሉዋ ዶናን ግታ ሹቻ ጎንዶርስ ዎድ፥ አግድ ብስ። 
\v 61 ማግደላ ማይራማነ ሀንኮ ማይራማ ሄ ጎንጎሉዋኮ ስሚድ ኡትዶሶና።
\p
\v 62 ዎንተ ሳምባታ ጋላስ፥ ካህነ ሀላቃትነ ፋርሳወት ጵላፆሳኮ ይድ፥ ሀይሳዳ ያግዶሶና፦ 
\v 63 “ጎዳዉ፥ ሀ ዎርዳንቾይ ፓፃ ደእሸ፥ ‘ታኒ ሄ ጋላሳፐ ጉየ፥ ሀይቆፐ ደንዳና’ ያግዳይስ ኑስ ሀሳየትስ።\x - \xo 27:63 \xo*\xt ማቶ 16:21፤ 17:23፤ 20:19፤ ማር 8:31፤ 9:31፤ 10:33.\xt*\x* 
\v 64 ሄሳ ግሾ፥ እ ሞገትዳ ጎንጎሉዋ ሄ ጋላስ ጋካናዉ፥ ምን ናጋና መላ ኪታርክ። ሄስ ሀኖና እፅኮ፥ እያ ታማረት ብድ እያ አሀ ካይስ ይስድ፥ ‘ሀይቆፐ ደንድስ’ ያግድ አሳስ ኦድኮ ናምአን ባለሶይ ኮይሮይሳፈ ኡባ ሃ ኢታና” ያግዶሶና።
\p
\v 65 ጵላፆስ ኤንታኮ፥ “ህንተዉ ናገይሳት ደኦሶና፤ ብድ ህንተዉ ዳንዳኤትዳ መላ ናግስተ” ያግስ።
\p
\v 66 ሄሳ ግሾ፥ ኤንቲ ብድ ዱፎይ ቦሸቶና መላ ሹቻ ቦላ ማታመ ዎድ ዎታዳረታን ናግስዶሶና።
\c 28
\s1 የሱሲ ሀይቆፐ ደንዱዋ
\r (ማር 16:1-10፤ ሉቃ 24:1-12፤ ዮሀ 20:1-10)
\p
\v 1 ሳምባት አን፥ ዎጋ ዎደ ዎንታ ጉራ፥ ማግደላ ማይራማነ ሀንኮ ማይራማ የሱሲ ሞገትዳ ጎንጎሉዋ በአናዉ ብዶሶና። 
\v 2 ቆፖና ዎልቃማ ቢታ ቃፆይ ሀንስ። ጎዳ ኪታንቾይ ሳሎፐ ዎድ ዱፉዋ ዶናን ደእያ ሹቻ ጎንዶርስድ እያ ቦላ ኡትስ። 
\v 3 እያ ማላይ ዎልአን ዳኔስ። እያ ማኦይካ ሻቻዳ ቦ። 
\v 4 ናገይሳት ኪታንቹዋ በእድ፥ ያሻን ኮኮርድ፥ ሀይቅዳ አሳዳ ሀንዶሶና።
\p
\v 5 ኪታንቾይ ማጫሳታኮ፥ “ህንተ ማስቃልያ ቦላ ካቀትዳ የሱሳ ኮየይሳ ታኒ ኤርያ ግሾ፥ ያዮፍተ። 
\v 6 እ ካሰ ኦድዳይሳ መላ ሀይቆፐ ደንድስ፤ ሀይሳን ዴና። ሃ ይድ እያ ዝንእስዳ በሳ በእተ። 
\v 7 ህንተ ሀእ ኤለስ ብድ፥ እያ ታማረታስ፥ ‘የሱሲ ሀይቆፐ ደንድስ። ቃስ እ ህንተፈ ስንትድ ጋልላ ባና፤ ህንተ እያ ያን በአና’ ያግድ ኦድተ። ታኒ ህንተዉ ሀይሳ ኦዳናዉ ያስ” ያግስ።
\p
\v 8 ኤንቲ ያይሸነ ዳሮ ኡፋይትሸ፥ ዱፉዋ ማታፐ ኤለስድ ብድ፥ እያ ታማረታስ ኦዳናዉ ዎፅዶሶና።
\p
\v 9 ቆፖና የሱሲ ኤንታራ ጋሄትድ ኤንታኮ፥ “ሳሮይ ህንተዉ ግዶ” ያግስ። ኤንቲ እያኮ ሺቅድ፥ እያ ቶሁዋ ኦይክድ እያዉ ጎይንዶሶና። 
\v 10 ሄ ዎደ የሱሲ ኤንታኮ፥ “ያዮፍተ፤ ብድ ታ ታማረት ጋልላ ባና መላ ኤንታዉ ኦድተ። ኤንቲ ያን ታና በአና” ያግስ።
\p
\v 11 ሄ ማጫሳት ብሽን፥ ዱፉዋ ናግያ ዎታዳረታፐ ባጋት ካታማ ብድ፥ ሀንዳባ ኡባ ካህነ ሀላቃታስ ኦድዶሶና። 
\v 12 ካህነ ሀላቃትነ ጭማት ሺቅድ ዞረትድ፥ ዎታዳረታስ ዳሮ ሚሸ እምድ፥ 
\v 13 “ ‘ኑኒ ስክዳሽን እያ ታማረት ቃማ ይድ፥ እያ አሀ ካይስዶሶና’ ያግተ። 
\v 14 ሀ ኦዳ ደርያ ሃረይስ ስእኮ፥ ሄስ ህንተ ባላ ግዶናይሳ ኑኒ እያ ኦድ አማንና። ህንተና አይብካ ህርግሶፖ” ያግዶሶና።
\p
\v 15 ዎታዳረት ሚሽያ ኤክድ፥ ኪተትዳይሳዳ ኦዶሶና። ሀ ኦዳይ አይሁደ ማታን ሀች ጋካናዉ ኦደትሸ ደኤስ።
\s1 ግታ ኪታ
\r (ማር 16:14-18፤ ሉቃ 24:36-49፤ ዮሀ 20:19-23፤ ሀዋ 1:6-8)
\p
\v 16 ታማነ እስ እያ ታማረት የሱሲ ባንታና ቢተ ግዳ ጋልላ ዙማ ቦላ ከይዶሶና።\x - \xo 28:16 \xo*\xt ማቶ 26:32፤ ማር 14:28.\xt*\x* 
\v 17 ያን ኤንቲ እያ በእዳ ዎደ እያዉ ጎይንዶሶና፥ ሽን ኤንታፈ እሶት እሶት ስዶሶና።
\p
\v 18 የሱሲ ኤንታኮ ሺቅድ፥ “ሳሎንነ ሳአን ማት ኡባይ ታዉ እመትስ። 
\v 19 ህዛ፥ ህንተ ኡባ በሲ ብድ፥ አዋ፥ ናኣ፥ ጌሻ አያና ሱንን አሰ ኡባ ፃማቅድ ታና ካለይሳታ ኦተ።\x - \xo 28:19 \xo*\xt ሀዋ 1:8.\xt*\x* 
\v 20 ታኒ ህንተና ኪትዳባ ኡባ ኤንቲ ናጋና መላ ኤንታ ታማርስተ። ታኒ ዎድያ ዉርሰ ጋካናዉ ኡባ ዎደ ህንተራ ደአይስ” ያግስ።