\id MAL - GOFA FULL BIBLE
\ide UTF-8
\h ምልክያሳ ማፃፋ
\toc1 ምልክያሳ ማፃፋ
\toc3 ምልክ
\toc2 ምልክያሳ
\mt ምልክያሳ ማፃፋ
\imt ጋ ቆፋ
\ip ምልክያሳ ጌተትያ ሱን ብርሸይ “ኪተትዳይሳ” ጉሱ። ሀ ናበይ፥ ፆሳራ ጫቅዳ ጫቁዋ ምንድ ናግያ ናበ። ኤቃ ጎይኖይ ዳርዳ ዎደ ባና ናግዳ ናበ (\xt 2:10-12\xt*)፤ ማች አዝና ብለተ ካዎትዳ ዎደ ባ አማነተ ምንድ ኦይክዳ ናበ (\xt 2:13-16\xt*)፤ አሳይ አስራታነ እሞታ ካይሶትያ ዎደ ቦረትያ ኤንታ ኦሱዋን ዋላከቶና ባና ፆሳስ እምዳ አስ።
\ip ምልክያሳ ማፃፋን፥ ናበይ ምንድ ቆፍሰይ፥ ካህነታ ግድን አሳይ ፆሳራ ጫቅዳ ጫቁዋ ዛሪድ ኦራናዉ በሴስ ግድ ኦዴስ። ፆሳ ደረይ ባ ዱሳን ግድን ባ ጎይኑዋን የዳ ፓራ ግድድ፥ ጎዳ ኦገፐ ጋፃ ከይዶሶና። ካህነትነ ደረይ በሲያ ያርሾ እሞናነ ፆሳይ ኤንታዉ እምዳ ዎጋን ቦና እፅድ እያ ጭማናዉ ቆፕዶሶና። ሄሳ ግሾ፥ ፆሳይ ኦገ ጊግሳናዉነ ባ ጫቅዳ ጫቁዋ አዋጃናዉ ባ ኪታንቹዋ ኮይሮት ኪትድ፥ ባ አሳ ቦላ ፕርዳናዉነ ኤንታ ፅልሳናዉ ያና።
\ip ምልክያስ ባ ኪታ ፃፍዳ ዎደ ድኦፐ ስምዳ አይሁደ አሳይ አያና ዳቡራንነ ኢታ ኦገን ደኦሶና። አሳይ ፆሳ ሲቁዋነ ኡፋይሳ ቃላ ስድ፥ ፆሰ ኪተተ አይኮካ ማደና ግድ ቀልቅሶሶና። ኤንታ አማኖይ ዳቡርያ ዎደ ጎይኖ ዎጋን ቀል ግድ፥ ናጋራ ኡባ ኦዶሶና። ሄሳ ግሾ፥ ምልክያስ፥ ካህነታስነ አሳስ ካልያ ትንብተ ቃላ ኦድስ።
\ipi 1. ፆሳይ ፕርዳናዉ ያናፐ ስን ባንታ ናጋራፐ ስማና መላ ኤንታ አኬክሴስ
\ipi 2. ፆሳ ቦንቾይነ አንጆይ ኤንታ ቦላ ዮና መላ በ ግድዳ ኪተተ እፁዋ ድጋና መላ ኤንታዉ ኦዴስ
\ipi 3. ሱረ ዎዛናንነ ቱማተን ፆሳኮነ እያ ጫቆ ቃላኮ ስማና መላ ኦዴስ።
\iot ማፃፋ አይፈ ቆፋታ
\io1 ጎዳይ እስራኤለስ አሳ ዶስያ ዶሱዋ (\ior 1:1-5\ior*)
\io1 ፆሳ ፕርዳይ ካህነታ ቦላ ያና (\ior 1:6—2:9\ior*)
\io1 ጫቆ ቃላይ መቅስ (\ior 2:10-17\ior*)
\io1 ጎዳ ዩሳ (\ior 3:1-4\ior*)
\io1 ፆሰ ጭሞ ኮሸና (\ior 3:5-15\ior*)
\io1 አማነትያ አሳ ዎይቶነ ኢታ አሳ ሴሮ (\ior 3:16—4:6\ior*)
\c 1
\s1 ያይቆባ ዶሰተ፥ ኤሳዌ እፀተ
\p
\v 1 ጎዳይ ምልክያሳ ባጋራ እስራኤለ አሳስ ኦድዳ ትንብተ ቃላይ ሀይሳ።
\p
\v 2 ጎዳይ ባ አሳኮ፥ “ታ ህንተና ዶሳስ” ያጌስ።
\p ሽን ህንተ፥ “ነ ኑና አይብን ዶሳዲ?” ያጌታ።
\p ጎዳይ ዛሪድ፥ “ኤሳዌይ ያይቆባ እሻ ግደነዬ? ሽን ታኒ ያይቆባ ዶሳስ፤ 
\v 3 ኤሳዌ እፃስ። ታኒ ደረይ ዳርያ ኤሳዌ ቢታ ባይሳ ኦስ፤ እያ ላታ ዎርካናት ጉፕያ መላ ቢታ ኦስ” ያጌስ።
\p
\v 4 ኤሳዌ ኮቸ ግድዳ ኤዶመ አሳይ፥ “ኑ ካታማት ላለትኮካ፥ ኑ ኤንታ ዛሪድ ኬፃና” ያግኮካ፥
\p ኡባፈ ዎልቃማ ጎዳይ፥ “ኤንቲ ዛሪድ ኬፃና፥ ሽን ታኒ ላላና። አሳይ ኤንታ፥ ‘ሀ ቢታይ ኢታ ቢታ፤ ሀ አሳይካ ጎዳይ መርናዉ ሀንቀትዳ አሰ’ ያጋና” ያጌስ።
\p
\v 5 ሄሳ ህንተ፥ ህንተ አይፈን በእድ፥ “ሄኮ፥ ጎዳይ እስራኤለ ቢታፈ ካረንካ ዎልቃማ” ያጋና።
\s1 ቦረትዳ ያርሾ
\p
\v 6 ኡባፈ ዎልቃማ ጎዳይ ሀይሳዳ ያጌስ፦ “ህንተኖ፥ ታ ሱን ካዉሽያ ካህነቶ፥ ናእ ባ አዋ፥ አይለይ ባ ጎዳ ቦንቼስ። ያትን፥ ታኒ ህንተዉ አዋ ግድኮ፥ ህንተ ታና ቦንችያ ቦንቾይ አዉኔ? ታኒ ህንተዉ ጎዳ ግድኮ፥ ህንተ ታዉ ያይያ ያሻይ አዉኔ? ህንተ ታ ሱን ካዉሽደታ። ህንተ ዛሪድ፥ ‘ኑኒ ነ ሱን ዋትድ ካዉሽዶ?’ ያጌታ።
\p
\v 7 “ህንተ ታ ያርሾ በሳን ቱና ካ ዎታ። ቃስ፥ ‘ኑኒ ነና ዋትድ ቱንስዶ?’ ያጌታ። ህንተ፥ ‘ጎዳ ያርሾ በሳይ ካትዳባ’ ያግድ ታና ቱንስደታ። 
\v 8 ህንተ ቆቀ መሄ ያርሽያ ዎደ ሄስ ቆሆ ግደነዬ? ህንተ ሀርጋንቾ ዎይኮ ዎበ መሄ ያርሽያ ዎደ ሄስ ቆሆ ግደነዬ? ህንተ ሄሳ መላ መሄ ህንተ ሀላቃስ እምያኮ፥ እ ሄሳ ኤካናባነ እያን ኡፋይታናባ ህንተዉ ዳኒ? ያጌስ ኡባፈ ዎልቃማ ጎዳይ።
\p
\v 9 “ሀእ ፆሳይ ህንተዉ ቃታና መላ እያ ዎስተ። ዎና ህንተ ሄሳ መላ እሞታ እያዉ እምን፥ እ ህንተና ማዳኔ?” ያጌስ ኡባፈ ዎልቃማ ጎዳይ።
\p
\v 10 “ህንተ ታ ያርሾ በሳን ሀዳ ታማ ኤና መላ ፆሳ ኬ ፐንግያ ጎርድያ እስ አስ በንትዳ ግደረነሽን! ታ ህንተናን ኡፋይትከ፤ ህንተ እምያ እሞታካ ኤክከ” ያጌስ ኡባፈ ዎልቃማ ጎዳይ።
\p
\v 11 “አው ዶልያሶፐ ዉልያሶ ጋካናዉ ታ ሱንይ ካዎተታ ግዶን ዎልቃማ። ኡባ በሳን ታ ሱንስ እፃነ ጩይሳናነ ጌሻ ያርሾ ያርሻና፤ ታ ሱንይ ካዎተታ ግዶን ዎልቃማ” ያጌስ ኡባፈ ዎልቃማ ጎዳይ።
\p
\v 12 “ሽን ህንተ፥ ‘ጎዳ ያርሾ በሳይ ቱና፤ እያን ያርሸትያ ካካ ካትዳባ’ ያግድ እያ ካዉሽደታ። 
\v 13 ቃስ ህንተ፥ ‘ሀይስ ጮ ዳቡርስ’ ያግድ፥ ቅድ ጩትደታ።
\p “ህንተ ቦንቅድ ኤህዳባ ዎይኮ ዎበ ዎይኮ ሀርጋንቾ መሄ ያርሼታ፤ ያትን፥ ታኒ ሄሳ ህንተ ኩሸፐ ኤካናዉ በሲ? 
\v 14 ታኒ ግታ ካዎ፤ ታ ሱንይካ ካዎተታ ግዶን ቦንቸትዳይሳ ግድያ ግሾ፥ ፆሳስ እማና ግድ፥ ዶርዳ ማራዘይ እያ መህያ ግዶን ደእሽን፥ እያ አግድ፥ ቦረትዳ ማራዘ ያርሾ ሽሺያ አስነ ጭምያ አስ ባደትዳባ ግዶ” ያጌስ ጎዳይ።
\c 2
\p
\v 1 “ሀእካ ካህነቶ፥ ሀ ኪታይ እመትዳይ ህንተሳ። 
\v 2 ህንተ ስኦና እፅኮ፤ ታ ሱን ቦንቻናዉ ህንተ ዎዛናን ታ ቃላ ዎና እፅኮ፥ ታ ህንተ ቦላ ባደ የዳና፤ ህንተ አንጁዋ ታኒ ባደን ላማና። ህንተ ህንተ ዎዛና ታና ቦንቻናዉ ጊግስቦና ግሾ፥ ታ ህንተና ባዳስ” ያጌስ ኡባፈ ዎልቃማ ጎዳይ።
\p
\v 3 “ታኒ ህንተ ኮቻ ሴራና፤ ህንተ ያርሾ መሄ ኦሻ ህንተ ሶምኦን ላላና፤ ህንተካ እያራ እስፈ ሆለታና። 
\v 4 ሄ ዎደ ታ ሌወራ ጫቅዳ ጫቆይ፥ ምንድ ዳና መላ ሀ ኪታ ኪትዳይ ታና ግደይሳ ህንተ ኤራና” ያጌስ ኡባፈ ዎልቃማ ጎዳይ።
\p
\v 5 “ታ እያራ ጫቅዳ ጫቆይ ደኦነ ሳሮተ ጫቆ፤ እ ታዉ ያያና መላ ደኦነ ሳሮተ እያዉ እማስ፤ እካ ታዉ ያይስ፥ ታ ሱን ቦንችዳ መላ ደእስ። 
\v 6 ቱማ ትምርተይ እያ ዶናን ደእስ፤ እያ እንፃርሳንካ ዎርዶይ በንትቤና። እ ታራ ሳሮተንነ ሱረተን ሄመትስ፤ ቃስ ዳሮታ ናጋራፐ ዛርስ። 
\v 7 ካህነይ፥ ኡባፈ ዎልቃማ ጎዳይ ኪትዳይሳ ግድያ ግሾ፥ እያ መተርሻይ ኤራተ ናጋናዉ ኮሼስ፤ አሳይ ኤራተ እያ ዶናፐ ታማራናዉ በሴስ” ያጌስ ኡባፈ ዎልቃማ ጎዳይ።
\p
\v 8 “ሽን ህንተ ታ ኦግያፐ ጋፃ ከይደታ፤ ህንተ ትምርትያን ዳሮታ ብደታ፤ ታኒ ሌወራ ጫቅዳ ጫቁዋ መንደታ። 
\v 9 ሄሳ ግሾ፥ ህንተ ታ ኦግያን ቦና እፅድ፥ ህንተ ትምርትያን አሳ ግዶን ሻሄተ መያ ግሾ፥ ታ ህንተና አሳ ኡባ ስንን ካታናዳነ ካዉያናዳ ኦስ” ያጌስ ኡባፈ ዎልቃማ ጎዳይ።
\s1 ይሁድ ጫቆ ቃላ መንስ
\p
\v 10 ኑ ኡባስ እስ አው ደኤስ ግደኔ? ኑና እስ ፆሳይ መበነዬ? ያትን፥ ኑ እሶይ እሱዋስ አማነቶና እፅድ፥ ኑ ማይዛታ ጫቁዋ አይስ መንኔ? 
\v 11 ይሁድ ጭምስ፤ እስራኤለንነ የሩሳላመን ቱናባይ ኦሰትስ፤ ይሁድ አላጋ ፆሳ ማጫ ናይታ ኤክድ፥ ጎዳይ ዶስያ ፆሳ ኬ ቱንስስ። 
\v 12 ሄሳ ታማርሰይነ ካልያ ኦንካ፥ ኡባፈ ዎልቃማ ጎዳስ ያርሾ ኤህያኮካ፥ ጎዳይ እያ ያይቆባ ዱንካንያፐ ይሶ።
\p
\v 13 ቃስ ህንተ ኦያ ሀራባይ አይበ ጊኮ፥ ጎዳይ ህንተ ያርሹዋኮ ፄሎና ግሾ ዎይኮ ኡፋይሳን ኤኮና ግሾ ያርሾ በሳ አፉን፥ ዬሆንነ አዛኖን ኩንታ። 
\v 14 ህንተ፥ “እ ኑ ያርሹዋ አይስ ኤከኔ?” ያግድ ኦይቼታ። ሄስ ሀንዳይ፥ ህንተ፥ ህንተ ናአተ ማቸራ ጫቅዳ ጫቁዋ መንዳ ግሾነ ጭምዳ ግሾሳ፤ እያ ነ ምየነ ነ ጫቆ ማቾ ግድያ ግሾ ጎዳይ ማርካ። 
\v 15 ጎዳይ ህንተዉነ ህንተ ማቸታስ እስ አሳተነ እስ አያን ዳና መላ ኦቤኔ? ሄሳ አይስ ኦዴ? ፆሳ ያይያ ኮቸ ዳና መላ ኮይዳ ግሾሳ። ሄሳ ግሾ፥ ህንተ አያና ናግተ፤ ህንተ ናአተ ማቸታ ጭሞፍተ።
\p
\v 16 “ታኒ ጎዳይ፥ እስራኤለ ፆሳይ፥ አዝን ባ ማችዉ የዳናይሳ እይስ፤ ባ ማኡዋ ኢታ ኦሶን ካምያ ኦናካ ታ እፃይስ። ሄሳ ግሾ፥ ህንተ አያና ናግተ፤ ህንተ ናአተ ማቸታ ጭሞፍተ” ያጌስ ኡባፈ ዎልቃማ ጎዳይ።
\s1 ፕርዳ ጋላሳ
\p
\v 17 ህንተ፥ ህንተ ኦዳን ጎዳ ሳለደታ።
\p ህንተ ዛሪድ፥ “ኑኒ እያ ዋትድ ሳለዶ?” ያጌታ።
\p ህንተ እያ ሳለዳይ፥ “ኢታ ኦያ ኡባይ ጎዳ ስንን ሎኦ፤ እካ ኤንታን ኡፋይቴስ” ያጉሳና፤ ዎይኮ፥ “ፅሎ ፕርድያ ፆሳይ አዉን ደኢ?” ያጉሳና።
\c 3
\p
\v 1 “ሄኮ፥ ታ ስንን ኦገ ጊግሳና መላ ታ ኪታንቹዋ ካሰታዳ ኪታና። ህንተ ኮያ ጎዳይ ቆፖና ደእሽን ባ ኬ ያና። ህንተ ኡፋይሳን ናግያ፥ ጫቆ ኪታንቾይ ያና” ያጌስ ኡባፈ ዎልቃማ ጎዳይ።
\p
\v 2 ሽን እ ብራ ሴርስድ ጌሽያ ታማ መላነ ማኡዋ ሜጭያ ሳሙና መላ ግድያ ግሾ፥ እ ያ ጋላሳን ዳንዳእ ኤቃናይ ኦኔ? ቃስ እ ቆንጭያ ዎደ እያ ስንን ኤቃናዉ ዳንዳኤይ ኦኔ? 
\v 3 እ ብራ ሼሽያነ ጌሽያ አሳዳ ኡታና። እ ሌወ ኮቻታ ብራዳነ ዎርቃዳ ጌሻና። ሄ ዎደ ኤንቲ ጎዳስ ፅሎተን ያርሾ ያርሻና። 
\v 4 ሄ ዎደ ይሁዳነ የሩሳላመ ያርሾይ በን ዎደታነ አዳ ላይዳ ጎዳ ኡፋይስያባ ግዳና።
\p
\v 5 “ሄሳፈ ጉየ፥ ፕርዳስ ታኒ ህንተኮ ያዳ፥ ብታንቾታ፥ ላመይሳታ፥ ዎርዶን ጫቀይሳታ፥ ኦሳንቾታ ዳሞዘ ድገይሳታ፥ አምኤታነ ይኦታ ኡንኤይሳታ፥ በታንቾታስ ፕርዳ ድገይሳታነ ታዉ ያዮናይሳታ ቦላ ኤሶን ማርካታና” ያጌስ ኡባፈ ዎልቃማ ጎዳይ።
\s1 ፆሳባ ካይሶቶ
\p
\v 6 “ታኒ ጎዳይ ላመትከ፤ ሄሳ ግሾ፥ ህንተኖ ያይቆባ ኮቻቶ፥ ህንተ ይበከታ። 
\v 7 ህንተ ማይዛታ ዎደፐ ዶምድ፥ ታ ዎጋፐ ካረ ከይደታ፤ እያ ናግበከታ። ሀእ ታኮ ስምተ፤ ታንካ ህንተኮ ስማና” ያጌስ ኡባፈ ዎልቃማ ጎዳይ።
\p ሽን ህንተ፥ “ኑኒ አይ ኦገን ስምኖ?” ያግድ ኦይቼታ።
\p
\v 8 “አስ ፆሰ ካይሶቲ? ሽን ህንተ ታና ካይሶትደታ።”
\p ቃስካ ህንተ፥ “ኑኒ ነና ዋትድ ካይሶትዶ? ያጌታ።
\p “ህንተ አስራታንነ እሞታን ታና ካይስደታ። 
\v 9 እስራኤለ አሳ ኡባይ ታና ካይሶትዳ ግሾ፥ ህንተ ባደትዳይሳታ። 
\v 10 ታ ኬን ካ ዳና መላ አስራታ ኡባ ሻለን የግተ። ያትድ፥ ታኒ ሳሎ ማስኮትያ ዶያዳ አንጆ ህንተዉ ፓላህሳዳ እሞና እፅኮ ሄሳን ታና ፓጭተ” ያጌስ ኡባፈ ዎልቃማ ጎዳይ።
\p
\v 11 “ካ ሞና መላ ታኒ ህንተ ግሾ፥ ጎንዱዋ ሴራና፤ ጋደን ደእያ ዎይነ አይፈይካ ቆቆፈተና። 
\v 12 ህንተ ቢታይ ዳናዉ እንጀትያ ቢታ ግድያ ግሾ፥ ካዎተት ኡባይ ህንተና አንጀትዳይሳታ ያጋና” ያጌስ ኡባፈ ዎልቃማ ጎዳይ።
\p
\v 13 ጎዳይ ሀይሳዳ ያጌስ፦ “ህንተ ታ ቦላ ምኖ ቃላ ኦደትደታ። ያትድ ቃስ፥ ‘ኑኒ ነ ቦላ ዎይግድ ምኖ ቃላ ኦደትዶ?’ ያግድ ኦይቼታ።
\p
\v 14 “ህንተ፥ ‘ፆሳስ ኦይስ ሀዳ፤ እያ ኪታ ናግድ፥ ኡባፈ ዎልቃማ ጎዳ ስንን አዛንያ አሳዳ ስመረተ ኑና አይ ማድዴ? 
\v 15 ሀእካ ኑኒ ኦቶረይሳታ አንጀትዳይሳታ ጎስ፤ ኢታ ኦይሳት ዱረቶሶና፤ ሀር አቶሽን ኤንቲ ፆሳ ፓጭሸካ ከስ ኤኮሶና’ ያጌታ” ያጌስ ፆሳይ።
\p
\v 16 ሄ ዎደ ጎዳስ ያየይሳት እሶይ እሱዋራ ኦደትዶሶና፤ ጎዳይካ ሀይዝድ ስእስ። ጎዳስ ያየይሳትነ እያ ሱን ቦንቸይሳት ዶገቶና መላ ኤንታ ሀሳይስያ ማፃፋይ እያ ስንን ፃፈትስ። 
\v 17 “ኤንቲ ታባ ግዳና፤ ታኒ ኦያ ጋላስ ኤንቲ ታዉ ቡዞ ሚሸ ግዳና፤ አው ባዉ ኦያ ባ ናአ ማረይሳዳ ታኒ ኤንታ ማራና። 
\v 18 ሄ ዎደ ህንተ ስሚድ ፅሉዋነ ናጋራንቹዋ ግዶን፥ ፆሳስ ኪተተይሳነ ኪተቶናይሳ ግዶን ደእያ ዱማተ በአና” ያጌስ ኡባፈ ዎልቃማ ጎዳይ።
\c 4
\s1 ጎዳ ጋላሳ
\p
\v 1 “ሄኮ፥ ጮጨ ታማዳ ኤፅያ ጋላስ ያና፤ ኦቶራንቾትነ ኢታ ኦይሳት ኡባይ ቡረ መላ ግዳና። ሄ ያ ጋላሳይ ኤንታ ፁጋና፤ ኤንታዉ ፃጶነ ፄራ አሸና” ያጌስ ኡባፈ ዎልቃማ ጎዳይ።
\p
\v 2 ሽን “ህንተዉ፥ ታ ሱንስ ያየይሳታስ፥ ፅሎተ አው ባ ቀፈ ጋርሳን ፓፆተ ኤክድ ከያና። ህንተ ቃሾፐ የደትዳ ኮኦ ጋሎዳ ጉፓና። 
\v 3 ታኒ ኦያ ጋላስ፥ ናጋራንቾት ህንተ ቶሆፐ ጋርሳን ብድን ግዳና፤ ህንተ ኤንታ የና” ያጌስ ኡባፈ ዎልቃማ ጎዳይ።
\p
\v 4 “እስራኤለ አሳይ ኪተታና መላ ታኒ ኮሬባ ዙማ ቦላ ታ አይልያ ሙሰ ባጋራ እምዳ ህግያነ ኪታ አኬክተ።
\p
\v 5 “ሄኮ፥ ግታነ ያሽያ ጎዳ ጋላሳይ ያናፐ ካሰታዳ፥ ታኒ ህንተዉ ናብያ ኤልያሳ ኪታና። 
\v 6 ታኒ ያዳ ቢታ ባደን ይሶና መላ አዋታ ዎዛና ናይታኮ፥ ናይታ ዎዛና አዋታኮ ዛራና” ያጌስ።